دق لي بالغلط

[مريومة الامارات]

البارحة كنت ملان
رحت افتح موبايلي
جاني مس كول من فلان
وياي كيف صوته شبابي ؟
حسيت من الرقم إنه غلطان
قلت بشو الله بلاني.؟
موقفي صار بين شتان
ابند الخط وإلا أعاني
قالي . هذا تلفون سلطان؟
قتله . لا وعذرك جاني
قالي : شو بلاج صوتج غرقان ؟
خايفة أقولج إنج كياني !
قتله : ياصاحبي وش فيك سكران ؟
أنا ماني مثلهم أنا صنف ثاني .
قالي : وأنا اتشوفيني خبلان ؟
أنا أحب اللي صنفهم ثاني ؟!
قتله : بلا قلة أدب يا فلان .
وإلا إنت بتصرفك جاني
قالي . خلاص إنتي شكلج تعبان
وإلا إنتي ويه انصير أنا وإنتي ثنائي ؟
قتله : مشكور وادعيلك بالأمان
مو قاصر إلا أرمس بآخر زماني
بندت الخط في ويه ها التعبان
على باله يقدر يقص علي بثواني
بقوة عين اتصل أون زعلان
يقولي حرام اتكسرين بخاطري ثاني
قتله إش فيك إنت خبلان ؟
أنا ما أرمس انسان يعاني
قالي حرام عليج قلبي تعبان
قلبي يبيج من أول ثواني
قتله بند واكف شر الشيطان
اغلق تلفونك وانساني
قالي وإذا طلبتج على سنة الرحمن
تقبلين أكون وياج وفي قلبج غالي ؟
قتله الحين أنا بين شتان
أبند الخط وإلا أركض أنادي إخواني
قالي ليش وافقتي علي كإنسان ؟
وإلا تبين تحددين موعد زفافي ؟
قتله . لالا بذمتك إنت انسن صاحي
قال: عيل ليش بتنادين الإخوان
قتله علشان يعلمونك الأدب من ثاني
قالي : أفااا أنا الحين صدق زعلان
يعني للحين قلبج ما يباني
قتله . نعم . ومن دون حقران
لا تتصل على رقمي ثاني ؟
قالي إنتي اليوم فكرج تعبان
بتصل لج بوفت ثاني
بس والله ما أبعد والأزمان
تثبت لج صدق إحساسي
بأمانة الله يا أحلى من الغزلان
إنتي شكله حبج ثاني
على فكرة أنا ماني خسران
يكفي سمعت صوتج ثواني
قتله . ترى فكري عليك غضبان
بند الخط وانساني
وإلا أقولك أنا ببدا بالحقران
باااي ياللي رحت بأحلامك عالم ثاني


وبندت الخط

أبغي رايكم بشعري بصراحة . أنا أشوفه إنه خبل