بين ثنايا الايام .. للكاتبة صاحبة الكلمة>> كاملهـ ^_^

[@ همس الغلا @]

مرحبا بكم .... اليوم جيت وجبتكلم قصة حلو ... أنا عن نفسي عجبتني .. :icon35:

أنشالله تعجبكم ...



بنزلكم اول بارت .... أذا عجبتكم ... قوليلي أكمل ... واذا ما عجبتكم قولليلي ..

القصة بعنوان ...

( بين ثنايا الأيام ) بقلم صاحبة الكلمة

تفضلوا ....:in_love:

[@ همس الغلا @]

السلام عليكم ورحمة الله وبركاته

ماذا تخفي لنا الأيام بين ثناياها

فرح .. حزن .. الم .. امل .. لقاء او ربما فراق .....

سأنثر لكم حروفي في قصتي الاولى


؛¤ّ,¸¸,ّ¤؛°`°؛¤ بيــن ثنــايــا الأيــام ¤؛°`°؛¤ّ,¸¸,ّ¤



...:::][ الجزء الاول ][:::...




اليوم حر .. الجو نار .. يوم مو طبيعي الله يعين ..
اكيد كلكم تسألون
من هذي اللي تتحرطم من الصبح .. انا رهف .. البيت يدلعوني برهوفه ..طبعاً انقهر.. واتنرفز لماً ينادوني برهيف .. ومحد يتجرأ ويناديني رهيف .. لان يدرون وش بيصير .. قليل اذا اكسر البيت فوق راسه .. لا تصدقون عاد مو البيت مره وحده .. وين نعيش بعدين في خيمه.. لا تحسبون يوم اقول لكم اكسر البيت اني قويه .. لا .. قويه في بعض المواقف ..وبعضها لا ..حنا عائلة ابو يوسف عائله متوسطة الحال ..... انا ماعندي اخوات ماعندي الا اخوان .. ثلاث اخوان يوسف , محمد , سعد .. بتتعرفون عليهم قريب .. ومو حاسه بالوحده عشان ماعندي اخوات .. لا بالعكس صديقتي وبنت جيرانا الريم .. مثل الاخت لي واكثر .. عمري 18 و بصراحه.. انا عصبيه بقـــوه .. اقل شي يعصبني .. مثل جو اليوم الحار ..لحظه جوالي يدق




~~)(~~ كـذا من ربي حبــيته بسـرعه يوم لا قيـــــته
ياناس اللي تمنيـــــته أخيـراً صـــار محبــوبي ~~)(~~



اغنية رابح صقر .. كانت نغمة جوالي

& رفيقة دربي & اوووه هذي الريم صديقتي ..

رديت عليها : هلا والله .. هلا هلا ريــوم

ردت علي : اهلين .. كيفك

قلت لها : تمام الحمد الله .. وانتي

قالت لي : رهووووفه .. موداخل مخي ان الاجازه انتهت .... وان حنا راح نبدا سنه دراسيه جديده

ضحكتني بصراحه نبرتها المتحطمه قلت لها : لا ومو اي سنه .. ثالث ثانوي .. يعني تحديد المصير ههههههههه

الريم : ياسلام ... وتضحك بعد

رديت عليها وانا اضحك : وش تبيني اسوي ابكي من الصبح يعني

الريم : لا افااا من الحمار اللي قال كذا

رديت عليها بسرعه : انتي ياحماره .. ههههههههههههه

قالت لي ومسويه معصبه : هين يارهووف انا اوريك .. المهم بمر عليك انا واخوي خالد .. بعد ربع ساعه .. عشان نروح المدرسه

قلت لها اوكي وقفلت من عندها .. وطبعاً بما انه اول يوم دراسي .. انا اصير متحمسه .. والحماس هذا مع الايام يتلاشا ويروح .. لبست العبايه وطلعت برا .. وقفت عند الباب اشوف الاولاد اللي بالابتدائي .. وهم رايحين مدارسهم .. وربي يهبلون .. بس الله يعينهم على هالجو .. جلست اناظرهم ربع ساعه .. وشوي الا وسيارة خالد اخو الريم واصله .. فتحت الباب .. وركبت .. وسلمت


لفت علي الريم اللي كانت جالسه قدام وقالت لي : وش فيك تنتظرينا عند الباب .. كل هذا حماس

اكتفيت بضحكه خفيفه بس .. لاني مستحيه من اخوها خالد .. خالد هذا وش اقول لكم عنه .. قليله عليه كلمة حلو .. يمكن احلى واحد شفته في حياتي ..وسيم مرره.. ..وشعره ناعم بني .. وجامعي ومثقف ..كنت سرحانه .. ماوعيت الا والريم تقول لي .. رهف .. رهف .. يللا وصلنا

........................


__________
بيت ابو يوسف .. الساعه 1:30 مساءً
__________



**رهف**


تو راجعه من المدرسه .. كان اليوم حلو تقريباً .. لان مادرسنا شي .. والجوع ذابحني .. اول مافتحت الباب صررخت : يـــــــــمــــــــــــــه وش طابـــــــخه لنــــــــــا غـــــــدا اليــــــوم .. الا وامي طالعه من المطبخ

وردت علي : الناس تسلم .. تسأل .. شي .. وانتي على طول الغدا

قلت لها : وربي الجوع ينسي الواحد كل شي .. المهم انا ببدل ملابسي الحين ..ماابي اجي الا والغدا
جاهز .. ترا بموت جوع ..

حتى ماسمعت رد امي علي رحت .. طيران بركب غرفتي .. الا والاسد معترض طريقي .. الاسد هذا اخوي محمد اللي عمره 24سنه هادي الملامح طويل القامه .. جسمه متوسط لا هو ضعيف ولا هو بدب .. شعره ناعم ويشبه لي مره

قلت له وبحده : نعم خيررررر .. وخر عن طريقي

محمد : نوو نوو نوو ... قولي وخر اخوي لو سمحت

قلت له : لا والله

قال لي : ايه والله

رديت عليه وانا معصبه : وخر احسن لك .. لا دعيت عليك الحين

قال لي وهو يضحك .. ويوخر : لا.. انا اللي بدعي عليك.. تاخذين واحد يسوي لك نفس هذي الحركات واعضم هههههههههههههه

قلت له بسرعه : فال الله ولا فالك .. مالت عليك.. لو انت داعي علي بالموت اهون ..

وشوي الا وتجي امي ..

وتقول : للحين انتي هنا .. مابدلتي .. يللا لا تغدينا عنك

قلت لها وانا راكبه بروح فوق : لا لا لا .. الحين بجي

................................


__________
غرفة رهف .. الساعه 2:00 مساءً
__________


** رهف **


فتحت باب غرفتي .. وانا بموت من التعب .. ماتوقعت اليوم الاول كذا بدلت ملابسي بسرعه .. وصليت الظهر .. بعد ماخلصت من الصلاة .. تذكرت شي .. الجدول .. ايه صح الجدول .. ولا حتى ناظرت فيه .. فتحت شنطتي .. بشوف جدولي ..الا وتطيح من الشنطه بطاقه صغيره .. اخذتها وانا مستغربه .. فيها قلوب حمرا .. من وين جات هذي .. اول مره اشوفها .. قلبتها قبل لا افتحها .. فيه مرسوم ورا قلب كبير مكتوب داخله

..............من خـــــالــــــد ......... الى ملكة قلبي رهـــــف .............

فتحتها بسرعه .. كان مكتوب فيها ...


^*^
/
\
/
\
/
\
/
\
/
^*^



حبيبي عطني لو كلمه منك تريح القلب ونبضه


حبيبي بس كلمه تعيد للحياه روحها


انت ماتعرف غلاك ولا ماكنت تتركني بعذاب


حبك عندي مثل الهوى والماي أحلى من النفس والنبض


غلاك بالروح والقلب واغلى من كل مافيني


ياحبيبي لا تظن هذا حبر وكلام


لا هذا من قلبي صادق الأحساس


ودي اعطيك فوق كلماتي حياتي وقلبي


وودي امشي بطريقك باقي عمري


يا أحلى زهر بأحلى أرض


ياأعذب نبع بأجمل حياه


ياكل الحياه ويابعد هالناس والله ياقلبي مايوفيك الكلام


بس كلمه أخيره اقولها لك أنا أحبك


وغير حبك ما أبي ياغالي وأغلى غالي

محبك(( خالد))


^*^
/
\
/
\
/
\
/
\
/
^*^

لحظه لحظه ... انا مو فاهمه شي .. اذا انتو فاهمين شي خبروني .. وريحوني ..معقوله هذا خالد ..ما اصدق ....

جلست على السرير .. وانا ماسكه البطاقه .. اقراها .. مره ... ومرتين ... وثلاثه ..

وعلى طول رحت .. فتحت دفتري .. اللي انا مسميته .. او كاتبه على غلافه ..( انا سفينه في البحر وانت المرسى )

مسكت القلم وكتبت


.
.
.
.

§ بطاقة خالد §

السبت - 15\7

اليوم مرت علي صديقتي الريم

مع اخوها خالد شكلي بروح معاها كل يوم

في المدرسه ماعطونا شي واليوم كان عادي

ومافيه احداث تذكر بس اهم حدث لليوم او

في حياتي كلها خالد اخو الريم عطاني بطاقه

تجنن وانا للحين مو مصدقه احس نفسي بحلم

كان كاتب لي في ............... وقفت لهنا لان فجأه دخل

الغرفه اخوي الصغير .. سعد ..عمره 7 سنوات

.. اليوم كان اول يوم يروح فيه المدرسه ..وجلس يناظرني

وقال لي : رهووف امي تقولك10 دقايق والغدا بيكون جاهز ..

قفلت دفتري اللي كنت اكتب فيه وقلت له : طيب .. تعال حبيبي

سعوودي .. خبرني كيف المدرسه ووش صار لك

طبعاً سعد ماقصر .. جلس يسولف لي .. ويقوم يمثل لي كيف يمشي الاستاذ حقهم .. ووش قال لهم المدير .. بس والله سوالفه تجنن .. ما امل منها .. سعد اكثر واحد يجلس يسولف معي في البيت .. يحبني مره .. وانا بعد احبه .. واموت فيه .. بس ما اخبي عليكم ان بالي كان منشغل .. افكر بخالد وبالبطاقه ...اللي مدري كيف وصلت لشنطتي ..

قطعت كلامه وانا اضحك : سعوودي حبيبي يللا نروح نتغدا الحين .. لا امي تقلب البيت فوق راسنا .. بعد الغدا تخبرني بكل اللي صار لك ..... على طول مسك يدي وقال لي يللا..



............................


___________
بيت الريم.. الساعه 4:00 مساءً
_________


** الريم **


انا الريم صديقة الطفوله لرهف ... اكيد خبرتكم عني ... ادري فيها تحب الكلام .. انا بعمرها و عندي اخت اكبر مني عمرها 27 اسمها نوره .. متزوجه .. وعندها بنت عمرها سنه .. وعندي اخت صغيره .. عمرها 6 سنوات اسمها ساره .. واخوي خالد .. عمره 21 سنه .. واخوي الكبير فارس عمره 24.. كنت طفشانه مره .. دقيت على رهوفه .. وقلت لها اني بجي لها بعد نص ساعه .. تلبست .. ورحت لها .. ماكنت احتاج احد يوصلني .. لان البيت قريب مره .. بس خبرت اخوي خالد يجيني الساعه 9 بالليل .. لاني اخاف امشي بالليل لحالي .. المهم اني طلعت من بيتنا .. وصلت بيت جيرانا رهف .. كنت بدق الباب .. الا واحد فاتحه .. قب ما ادقه .. اللي فتح الباب كان اخوها محمد


.............................


** محمد **

كانت بنت عند الباب واقفه ومنزله راسها .. ماعرفتها ..لانها حاطه الغطا على وجهها .. قلت اكيد هذي وحده من صديقات .. رهف ..... لالالا .. هذي الريم ... انا متأكد .. ايه ايه .. هذي الريم .. ريحة عطرها نفسها ... تكلمت وهي مستحيه ومنزله راسها

قالت لي : رهف موجوده

من تكلمت قلبي بدا يدق بقووه .. صوتها مره ناعم ..فديتك .. وفديت صوتك يا الريم

رديت عليها : ايه ايه .. تفضلي

كنت انا مسند يدي على الجدار .. وهي كانت واقفه قريب مني ..اناظرها وانا مبتسم ..وااشر لها عشان تدخل .. بس هي مادخلت .. الظاهر عجبتها الوقفه معي .. وتبي تطول .. يحظك ياحمود .. من قدك ..

.......................


** الريم **


غبي هذا .. او يستهبل .. وشلون يبيني ادخل وهو واقف بوجهي .. لا والمشكله مسند يده على الجدار ..لا ويتبسم لي .. مستانس الاخ .. الظاهر عاجبته الوقفه معي ..مافيه حل الا اني اتكلم .. لاني لو سكت وانتظرته يوخر .. بنجلس انا وهو على هالحاله لأخر الليل

تكلمت وقلت له : ممكن توخر عشان انا اتفضل

ضحك .. لا ماضحك الا مات ضحك .. وش فيه هذا .. انا قلت شي يضحك .. على باله انكت الحين
رد علي وهو ميت ضحك : ههههههه ايه بوخر .. رجع على ورا .. وقال لي تفضلي

دخلت بدون كلام .. وهو طلع من البيت .... شفت رهوف جايه وهي مستانسه باستني وقالت لي :

هلا ريوم .. وحشتيني

ضحكت عليها وقلت لها : يا النصابه وحشتك تو شايفتني .. الله يرجك

قالت لي وهي تتمايل ماسكه يدي تمشيني : بتوحشني...... .وانا وياك
وكل يوم بشوفه معاك بيوحشني

قلت لها وانا اضحك :وكل ثانيه مش وياك .......بتذبحني

لفت علي وقالت لي : افصخي عبايتك وخلينا نجلس هنا برا .. قبل لا يجي الليل .. احلى

انا طبعاً مارضيت .. وقلت لها ما ابي ..لو طلع واحد من اخوانك ..قالت لي :يوسف من الصبح طالع ماشفته نهائي ..واخوي محمد تو الحين طالع .. مستحيل يرجع الحين .. وابوي يشتغل .. باليت مافيه الا سعد وامي .. يللا عاد

قلت لها دام كذا عادي .. وفصخت عبايتي .. وجلسنا برا .. برا بيتهم ماكان كبير طبعاً ...بس عندهم شجره كبيراه ..نحب نجلس بجنبها انا ورهف ونسولف .. الحين جلسنا بجنبها .. وكل وحده تقول .. وش راح تصير لماً تتخرج

رهف : صح تعالي .. اختك نوره ليه ماكملت دراسه

رديت عليها : اختي نوره تزوجت وانشغلت .. وزوجها ماخلاها تكمل

ضحكت وقالت : هههههههه .. مجنوونه .. مستحيل انا ما اكمل دراسه لو مهما كان.. حتى لو اللي بتزوجه مايبيني اكمل .. برجع بيت اهلي ههههههههههه .. بتشوفيني بعدين احسن دكتورة اسنان بالشرقيه

قلت لها بسرعه : مو احسن من دكتورة الاسنان الريم ههههههههه

سالتني رهف : وش مواصفاة فارس احلامك

رديت عليها وانا افكر : امممممم انا مايهمني الشكل ولا العمر ولا الفلوس .. اهم شي يحبني ويقدرني و...

قاطعتني : لا انا يهمني الشكل .. ويهمني العمر.. بس الفلوس ماتهمني

ضحكت عليها وقلت لها وانا امزح : اجل ان شاء الله تاخذي واحد يخرع وعمره 30 او 40

قالت لي وهي لاويه فمها : هذي انتي اللي بتاخذيه

سالتني : وانتي وش مواصفاة فارس احلامك

............................


** رهف **

سؤالها حيرني .. فشله اقول لها .. الفارس اللي احلم فيه .. هو اخوك خالد .. يووه من قلت خالد تذكرت البطاقه .. ما ابي افكر فيها خلاص .. قاطعت تفكيري الريم

وقالت لي : طيب كم ولد وبنت تبين انتي

قلت لها : ولد واحد او بنت وحده .. تعرفين يعني انا بكون بهذاك الوقت دكتوره .. وهذا بيشغلني

قالت لي وهي تناظر في السما : عكسك انا ... تدرين اتمنى يصير عندي .. 5 بنات و5 اولاد

فاجأتني بصراحه قلت لها : ليه عاد هالكثر .. انتي بعدين بتصيرين دكتوره ما بتقدرين

قالت لي : حتى ولو انا احب اربي .. اوقات اقول لامي .. ليه ماجبتي اولاد وبنات كثير .. تقول

لي انتو الحمد الله كثير ..



كان اخوي سعد طالع .. يلعب بالمويه ..غرق الدنيا كلها مويه ودخل ..

وكانت الريم تتكلم عن الاولاد والبنات .. وهي موحاسه.. اخذت بيدي مويه من البحيره اللي سواها سعد وكبيته على وجهها ..عصبت مني ..واخذت هي بعد مويه وكبته على وجهي .. وجلسنا انا وهي نلعب بالمويه مثل البزاريين .. حسيت بالبرد لان ملابسي وشعري مبلل .. والريم نفس الحاله

قالت لي الريم وهي تتراجف من البرد وشكلها كان يضحك.. ملابسها مبلله ..وشعرها متلصق في وجهها: رهووف يا الدبه .. كله منك شكلي بمرض .. خلينا نبدل ملابسنا

انا كنت جالسه على الارض .. بردانه مو قادره اوقف .. وقفت وانا اضحك .. الاوصوت سياره

موقفه برا .. والباب ينفتح

^*^
/
\
/
\
/
\
/
\
/
^*^

***** نهاية الجزء الاول ******



كــل حــبي .. صــاحبـة الكلـمه





هاه وش رايكم ..اكمل ولا لا ..:shiny:

[@ همس الغلا @]

يسعد مساءكم ..
كيفيكم ... اليوم جبتلكم ... جزئييين


تفضلواااااا

[@ همس الغلا @]

...:::][ الجزء الثاني ][:::...


_________
بيت ابو يوسف .. الساعه5:00 مساءً
_________



** الريم **


كنت اناظر .. ابي اعرف.. من اللي فتح الباب ... لا ما اصدق .. يافشلتي .. بموت بمكاني
.. مــــحــــــــمــــــد .. يشوفني وانا هنا .. بهذا المنظر .. وبهذا الشكل .. وبهذا المكان
.. وبهذا الوقت .. ياويل حالي .. وش اقول لكم .. قلبي طاح في بطني .. مو قادره اتحرك ..
والمشكله يناظرني بنظرات مو فاهمتها .. بدون ما احس .. صرخت صرخه قووووووويه ..
ماحسيت الا ورهف ماسكه يدي .. واخذتني داخل .. وهي تركض .. دخلت وجلست في الصاله
بموت من الفشله .. وش اسوي .. وش بيقول عني محمد ..غطتني رهف بالعبايه ..
طبعاً العبايه ماكانت عبايتي .. لان عبايتي تبللت مع المويه .. اكيد كنت بنظرمحمد بنت عاقله وكبيره ..
والحين مايشوفني الا بزره غبيه ...غطيت وجهي بيدي وجلست ابكي ..
مدري ليه بكيت من الفشله.. او من وشو بالضبط .. مسكت يدي رهف .. وكانت تقول كلام ..
بس انا ماكنت معاها .. ولا ادري وش تقول




........................


_______
حديقة بيت ابو يوسف الساعه 5:15 مساءً
_______



** محمد **


كنت سرحان افكر بالريم .. وبالموقف اللي صار ..مسكينه اكيد تفشلت .. بصراحه الموقف يفشل
بس هي واختي خبول هذيلا يلعبون بالمويه .. لايكون يحسبون اعمارهم بنات الـ 6 سنوات .. امممم ماتوقعت الريم كذا شكلها .. توقعتها حلوه .. مثل صوتها .. لكن مو بهذا الحلا كله .. جمال الريم بصراحه ماينوصف .. خل ادخل اشوف وش صار عليهم داخل احسن

... دخلت الصاله ... اللي ماتوقعته .. الريم تبكي .. ليه عاد .. لهذي الدرجه الموقف احرجها .. الظاهر ما انتبهو لوجودي .. راحت رهف المطبخ .. مدري وش راحت تجيب .. تقربت منها.. وهي ماتدري اني موجود .. رفعت الريم وجهها .. وشافتني وكانها تفاجأة .. نزلت راسها على طول .. شفت وجهها من قريب .. وربي وربي تهبل ..قلت لازم اتكلم بما انها شافتني واقف

قلت لها : خلاص الريم .. لا تبكين ..ماصارت عاد .. ضحكت ضحكه خفيفه وقلت لها .. تحصل في احسن العائلات ..

مارفعت وجهها .. ولا تحركت .. ولا تكلمت .. شفت اختي جايبه لها مويه .. اخذت نفسي وركبت غرفتي


................................


________
بيت ابو يوسف .. الساعه :5:30 مساءً
________



** رهف **


بصراحه ما الوم الريم .. موقف لا تحسد عليه .. شكله اخوي يقول .. انا وصديقتي .. مجانين او متخلفين نلعب بالمويه هههههههههههه .. جلست اهدي في الريم .. واقول لها انه عادي .. بس هي جلست ماده لي فمها شبرين .. بدلت ملابسها وجا اخوها خالد اخذها .. صليت .. وتعشيت .. وركبت غرفتي الساعه 10 عشان انام .. انسدحت على سريري .. اتذكر الموقف واضحك .. تذكرت بطاقة خالد .. صح البطاقه وش اسوي فيها .. ما ابي خالد يقول اني تجاهلته .. اتجاهل خالد مستحيل .. طلعت بطاقه كبيره .. فتحتها وكتبت فيها

أشكي عليك الحال

يا عارف الحال

ولو ما بيدك شي

يكفي لك أشكي

يكفي تروح بكلمتك

ضيقة البال

ويكفي تحس بضيقتي

دون ما أحكي

أشكي عليك الحال

يا عارف الحال ..


ساعات أحس اني عن الناس في حال

ساعات أضحك من قسى وقتي وأبكي

كأني غريبٍ بين الأوطان جوّال

مهما ابتعد قلبي يحن لوطنكِ

أشكي ..


لو شفت في عمري هموم وغربال

فيك الحنان بصادق الحب يحكي

دنيا مشاكلها على كل موال

وكلٍ على همه من الوقت يشكي

أشكي .. .....

وكتبت تحت ....من رهف الى الغالي خالد

حطيتها في شنطتي

ورحت بنام .. رجعت مره ثانيه .. وفتحت الشنطه طلعتها .. لا لا مايصير اعطي خالد
بطاقه .. عيب .. وش بيقول عني .. لا اخاف يقول انا مطنشته .. ومو مهتمه فيه
ياالله .. وش اسوي .. خلاص بعطيها خالد .. واللي فيها فيها .. حطيتها في الشنطه .. ورحت انام
.
.
.
.
.
.
تصبحون على خير



........................


________
غرفة محمد .. الساعه 1:30 صباحاً
________


** محمد **


وش فيني مو قادر انام .. لهذي الدرجه... الريم ماخذه عقلي .. ماتوقعت كل هذا يصير اليوم .. بس لحظه .. اخاف الريم من بعد هذا الموقف .. ماتجي بيتنا .. لا عاد مو لهذي الدرجه .. اكيد راح تجي ماتستغني عن رهف هي .. بس .. ليه انا مهتم في الريم اكثر من الازم .. معقوله يا محمد انت تحب الريم .. بس هي ماتحبني .. يمكن تحبني .. ههههههه اضحك على نفسي .. جالس اعطي نفسي امال .. مافيه ولا شي يدل على ان الريم تحبني .. ما ابي اشغل بالي اكثر انام احسن لي

........................



____________
بيت ابو يوسف .. الساعه 6:00 صباحاً
____________


** رهف **

كنا كلنا جالسين نفطر .. وانا جالسه اسولف لهم عن ثالث ثانوي .. وإني مبسوطه عشان هذي اخر سنه .. وافتك من المدرسه وهمها .. بس فاجأني كلام ابوي

قال لي : نفرح فيك عروس قريب ان شاء الله

وش عروسه .. عمري 17سنه .. امممم يمكن ابوي قصده .. بعد سنوات قريبه .. المهم فطرت وخلصت الا واخوي يوسف .. ماتعرفون يوسف هذا اخوي الكبير عمره 27 عريض وطويل شعره مو ناعم بس ملامح وجهه حلوه مايشبه لنا انا ومحمد يشبه سعد اكثر .. عليه تحكمات غير طبيعيه .. لا قال كلمه خلاص .. مستحيل يغيرها .. قال لي : يللا انا بوديك المدرسه اليوم


لالا انا ما ابيه يوديني .. انا ابي الريم تمر علي .. ابي اشوف خالد .. لازم اعطيه البطاقه .. مدري ليه حسيت اني كرهت اخوي يوسف .. في ذيك اللحظه

قلت له : لا يوسف مايحتاج الريم تبي تمر علي

قال لي : قلت بوديك يعني خلاص

قلت له : ان شاء الله

وانا بداخلي ودي اخذ الصحن اللي بجنبي .. واكسر جبهته



المهم رحت المدرسه .. ومر اليوم علي عادي ..وقلبي يدق كل ما بدا الدوام ينتهي .. لاني راح ارجع مع الريم .. او بالاحره مع خالد ............ انتهى الدوام .. لقيت ريم تسولف مع وحده من البنات .. ياربي ريموووه ذا وقتك .. رحت لها .. وقلت : يللا يللا ريوم .. عجلي .. حر موت .. شمس .. بموت .. نبي نرجع البيت .. بسرعه بسرعه
ناظرتني مبتسمه : ايه .. ايه .. وش فيك انتي .. الحين بنروح

قلت لها : يللا ريووم عاد .. ما احب كذا تجلسين تسولفين لي .. عشر طعش ساعه

شوي وطلعنا من المدرسه .. وانا ادور سيارة خالد .. قالت لي ريم .. يللا رهوف هذي السياره .. ركب هي قدام .. وانا ورا





........................


_________
سيارة خالد .. الساعه 1:30 مساءً
_________


** خالد **


كنت اناظر في المرايه ابي اشوفها .. بس ما اشوف شي .. كانت حاطه الغطا على وجهها .. مع اني عارفها وحافظ شكلها .. مرات كثير اشوفها في البيت .. اصلاً هي ماكنت تغطي وجهها عني الا يوم .. دخلت هالثانويه الغبرا ..

لفت علي اختي الريم وقالت لي : نزلني المكتبه ابي اخذ لي شي

قلت لها : لاقولي لي وشهو وانا بنزل اخذه

ردت علي : ابي اخذ شي ماتعرف له انت

قلت لها : اوكي

انا صحيح احب رهف .. بس ما ابي اجلس معاها لحالنا في السياره .. المهم نزلت اختي....
انا في حلم ولا في علم .. اكيد انا احلم ..ماتدرون وش شفت .. بطاقه كبيره شوي بجنبي .. اخذتها وشميتها .. كانت ريحت عطر رهف فيها .. فتحتها .. قريت شوي ..لفيت البطاقه كان وراها فاضي .. طلعت قلم .. وكتبت
احــبــك
ولفيتها لها .. نزلت راسها مستحيه ..لا اكيد تحبني .. ياناس رهووفه تحبني ..طلعت قلم من شنطتها .. وكتبت بجنب كلمة احبك .. (((((( وانا بعد )))))))) يعني خلاص رهووفه تحبني .. معقوله تحبني ... لا ما اصدق بعد كل هالمده .. اكتشف ان رهف بعد تحبني.. لفيت عليها وقلت لها : احلفي
لفت راسها للدريشه وساكته عني .. وكانها تقول لي الريم جات .. دخلت الريم .. تمنيت لو الريم ما جات .. وهي تسولف لي وتوريني كتاب بيدها .. بس انا مدري وش تقول بالي مو معاها ... بالي مع اللي ملكة قلبي **رهــــــــف**

..........................



________
بيت ابو يوسف .. الساعه 1:45 مساءً
________


** رهف **


دخلت البيت وانا طايره من الوناسه .. مو مصدقه ان اللي صار اليوم صار .. من وين جاتني الجرأة .. خلاص خالد يحبني هو كتب لي ..وانا احبه


ظليت طول اليوم افكر بخالد .. واتوقع حتى هو يفكر فيني مثل ما انا افكر فيه .. عاد باليوم الثاني .. اول ماركبت السياره .. قبل ما اجلس .. شفت ورقه .. فتحتها وانا بالسياره .. بدون ماتحس لي الريم .. كاتب لي فيها كلام حلو .. ومر علينا 4 ايام .. وهو يكتب لي ورقه .. يحطها قبل ما اركب السياره .. وانا اخذها معي .. وقبل ما انزل .. احط له ورقه .. وكنت ما احس للايام من حلاتها ..

الحين انا راجعه من المدرسه .. اشم عبايتي .. ريحتها ريحة عطر خالد .. لاني تو نازله من سيارته


.. كنت رايحه ادور امي البيت هدوء .. سمعت امي تتكلم مع ابوي .. تقربت .. ماكنت ابي اسمع وش يقولون .. بس من سمعت اسمي وقفت وهذا اللي سمعته

امي : بس البنت صغيره .. وما بتفهم ان هذا الشي لمصلحتها

صرخ عليها ابوي : لا البنت مو صغيره .. انتي ماتدرين مشعل هذا من .. هذا من اغنى الناس في الشرقيه .. ابوه مو من زمان متوفي ورث عنه ملايين .. انتي ماشفتي الفله حقته .. انا مو مستوعب اصلاً ان مشعل ولد عبد العزيز جاي يخطب بنتنا .. للحين مو مصدق .. وعطيته موافقه .. حتى ولدك يوسف قال له .. انها موافقه وخلاص .. وهذا الموضوع انتهى

امي : ايه معليه يا ابو يوسف .. بس لازم تاخذ رايها .. يمكن .. دخلت عليهم

وقلت لهم : وش تقولون ومن مشعل ..
تتكلمون عني .. يمه فهميني ..

تقدم مني ابوي وقال لي : يللا هذا انتي سمعتي وجهزي نفسك ملكتك بعد اسبوع من مشعل ولد عبد العزيز اكيد قد سمعتي فيه

ماتتخيلون صدمتي .. معقوله اللي يصير .. ابوي يمكن كبر وخرف

صرخت عليه بصوت عالي : بس انااااااااااااااا مااااااا ابي مااااااااا ابي مو على كيفك .. تزوجني .. لهذي الدرجه تحب الفلوس

ماحسيت الا وابوي شاد شعري : لا تصارخين على ابوك .. ومشعل هذا بتاخذينه .. بتاخذينه .. رحتي جيتي بتاخذينه .. اصلاً من قدك هذا خاطبك .. انتي ماتستاهلين الا واحد منتف .. يربيك ..ويعلمك كيف ما ترفعين صوتك على ابوك

رماني على الارض وراح عني .. جلست ابكي .. وامي ماسكتني تقول لي : هذا نصيبك يابنتي خلاص
تركت امي وطلعت الصاله .. وانا ابكي .. شافني اخوي يوسف

وقال لي : هه افهم من هالصراخ وهالبكي انك عرفتي .. ان مشعل ولد عبد العزيز ابو الملايين خاطبك انتي .. وهو يأشر علي بصبعه من فوق لتحت وكاني ولا شي
مسكت يده بقوه .. مدري وش كنت بسوي .. الا وهو ماسك يدي
ويقولي : خير انسه رهف .. ليش الدموع على وشو معترضه .. صدق لا قالو بنات الفقر مايعرفون يحمدون ربهم لا جاهم خير .. اقول قولي الحمد الله .. وصلي لربك ركعتين شكر .. ان واحد مثل مشعل خاطبك انتي .. انا مستغرب عاد مادور الا انتي .. مافيه الا انتي بنت لا وبــ.. ماتحملت كلامه .. مديت يدي ابي اعطيه كف .. مسك يدي بسرعه ..و شد شعري بقووه .. وضربني بدال الكف كفين ..

عدو عاد كم مره بنطق اليوم والسبب هالمشعل .. قلت له اتركني .. اترك شعري .. توقعته ما يتركني .. بس تركني وقال لي : اخر زمن رهيف تحاول تمد يدها علي .. بس اسمعي عاد .. ان حاولتي .. مجرد محاوله .. تمدين يدك علي .. بكسرها لك .. فاهمه


نزلت راسي .. وانا مقهوره .. قلت له وانا ابكي : زين كم عمره

قال لي وهو يضحك : بدري على هالسؤال .. بعدين اجاوبك عليه .. وكان بيمشي

مسكته وقلت له : قول عاد

بعد يدي عنه وقال لي : زين زين دام انك مصره .. عمره 30 .. متزوج .. وعنده بنت


حسيت الدنيا تدور وكلها سواد و..................................... طحت مغمى علي


^*^
/
\
/
\
/
\
/
\
/
^*^

**** نهاية الجزء الثاني ****


- معقوله اهل رهف بيخلونها تتزوج واحد عمره 30 متزوج وعنده بنت ؟

- عرفنا راي ابوها وامها واخوها يوسف .. بس وش بيكون راي محمد ؟

كل هذا واكثر في الجزء الثالث

كل حبي .. صاحبة الكلمه

[@ همس الغلا @]

...:::][ الجزء الثالث ][:::...

__________
غرفة رهف .. الساعه 8:00 مساءً
__________

** رهف **


صحيت وجلست اناظر شوي .. عرفت اني في غرفتي .. شفت اخوي محمد .. جالس بجني .. كنت منسدحه .. قمت على طول ..

قال لي وهو يناظرني بنظرات ماعرفت تفسيرها : صحيتي

لا نمت مايشوفني صاحيه قدامه .. هزيت راسي .. بمعنى ايه

قال لي وهو رافع حاجب : زين ماقلتي لي .. من وين تعرفين مشعل

فتحت عيوني بقووه .. وش جالس يقول محمد .. لا هذي عائله مو صاحيه .. صدقوني مجانين

قلت له وانا احط يدي على راسي .. لان كان يعورني : ما اعرفه .. ولا عمري شفته .. اصلاً من هذا

سحب يدي بقووووه : العبي على غيري .. مستحيل واحد مثل مشعل .. يخطبك وهو لا يعرفنا ولا نعرفه

حاولت اسحب يدي منه بس ماقدرت .. قلت له وانا ابكي : والله العظيم ما اعرفه .. اصلاً ما ادري من وين طالع لي هالمشعل

قال لي : كذابه .. ايه كذابه .. سمعته وهو يقول لابوي .. لو تبي مهرها مليون بعطيها.. وبعيشها في احسن فله ..بعيشها ملكه في بيتي .. بس انت عطني اياها .. معقوله واحد مايعرفك ولا تعرفينه بيقول كذا .. العبي غيرها

ماقدرت ارد عليه وانا ابكي .. شد على يدي اكثر وهو يقولي .. تكلمي .. بس انا ماتكلمت .. مسك شعري بقوه وهو يصارخ : بتتكلمي ولا اذبحك .. موقلت لكم احسبوا كم مره بنطق اليوم .. عشان هالمشعل ..

مسكت يده وقلت له :محمد الله يخليك .. لا تعذبني اكثر .. قلت لك ما اعرفه .. ما اعرفه

توقعته يطقني اكثر .. بس لا .. تركني وطلع من الغرفه .. جلست ابكي على حظي .. وعلى حالي اللي انا فيه الحين

دخل علي اخوي سعد .. وجاني يسرع يقولي لي : رهوفه حبيبتي لا تصيحين .. قومي بجيب لك حلاوه

ضميته بقوووه وانا ابكي .. اكثر واحد يحس فيني اخوي سعد .. لو كان اخوي سعد كبير .. اكيد ما بيخليهم يطقوني

قال لي سعد : سمعت انك بتتزوجين.. وااو يعني بتجيبين لي عيال العب معاهم

من سمعت سيرة الزواج .. جلست ابكي اكثر ..وقلت له : سعد حبيبي اطلع الحين ابي انام ..

طلع سعد و دخلت علي امي .. وجلست على السرير مسكت يدي وقالت لي : رهووفه حبيبتي هذا نصيبك .. ولازم ترضين فيه .. وابوك اكثر واحد يحب مصلحتك .. وهذا مشعل رجال ولا كل الرجاجيل .. بيحافظ عليك

قلت لها :ايه هين ابوي يحب مصلحتي .. لو يحب مصلحتي مارماني على هالشايب

قالت لي وهي مبتسمه : من اللي ضحك عليك وقال لك شايب .. انا شفته بعيوني شباب .. كانه اخوك يوسف .. عاد الا عمره 30

جلست احللها بمخي .. 30 يا يمه حرام عليك ومعتبرته صغير .. خلونا نشوف الحين انا عمري 17 وهو عمره 30 .. اكبر منك يا رهوف بـ 13 سنه تقريباً وين اصرفها هذي .. الظاهر هو يبيني عشان يربيني .. مدري ليه جا على بالي .. ان يوسف قال لي انه متزوج وعنده بنت .. عشان يقهرني بس

سالت امي : زين هو متزوج .. وعنده بنت

سكتت امي شوي وبعدين ردت وهي مرتبكه : لا مو متزوج متزوج .. هو كان متزوج .. بس زوجته توفت قبل سنتين ..وماعنده الا بنت صغيره اصغر من اخوك سعد بسنه .. عمرها 6 سنوات

حطيت يدي على راسي .. والله ما اصدق .. وش رايكم انتو باللي يصير لي .. مو حرام .. والله حرااااااااااااام ..

باست راسي امي .. وطلعت .. حطيت راسي على المخده ونمت

شفت خالد جايني .. يقولي تعالي بيتنا نروح هناك .. اشر لي على بيت صغير .. وقال لي بنتنا تنتظرنا ..

تبينا نروح نلعب معاها .. مسكته ورحت معاه .. وانا لابسه فستان ابيض .. وهو لابس ملابس بيضا ..

وراكب فوق حصان ابيض .. ركبني معاه .. ركبت وانا مستانسه مع زوجي خالد .. فجأه جاني شايب يقول انا مشعل .. ضرب خالد

بالعصا وقتله .. واخذني عطاني فستان اسود .. وقال لي البسيه .. واخذني الى قصر كبير .. ورماني فيه .. وجاب بنت صغيره .. وقال لي يللا ربيها .. انا جايبك هنا مربيه لبنتي .. وجلس يضحك

صحيت من النوم .. وانا متخرعه .. اتعوذ من الشيطان .. وانا اتنفس بسرعه .. معقوله هذي حياتي مع مشعل .. ماااااا ابي .. ماااااااااابي .. مااااااااااااااابي

.
.

مرت ثلاث ايام وانا على هذا الحال .. لا اروح المدرسه .. ولا اكلم احد ..بالي منشغل .. ملكتي يوم الخميس .. واليوم الثلاثاء .. يعني ما باقي شي .. تذكرت جوالي .. وينه .. وين رميته انا .. شفته تحت سريري ..اخذته كان فيه 6 مسجات و 23 مكالمه لم يرد عليها

كان 4 مسجات من رفيقة دربي .. الريم ..و 2 من صديقاتي ديمه وعبير

^المسج الاول كان ^


^*^
/
\
/
\
/
\
/
\
/
^*^


هلا رهوف ردي على جوالك .. ابي اكلمك

^ثاني مسج^


^*^
/
\
/
\
/
\
/
\
/
^*^

سلامات رهوف وش فيك غايبه من المدرسه اليوم ماخبرتيني انك راح تغيبين يا الخاينه
لايكون مريضه او فيك شي طمنيني عليك اوكي

^المسج الثالث^


^*^
/
\
/
\
/
\
/
\
/
^*^

زودتيها انتي عاد يومين غايبه مو معقوله الله يخليك رهوفه
ردي علي لا تخليني في حيره كذا

^المسج الرابع^


^*^
/
\
/
\
/
\
/
\
/
^*^

مايصير 3 ايام غايبه بدون سبب ماتعودت عليك تغيبين كذا لا ومن بداية الدراسه
انتي ثالث يارهف لا تنسين وردي على اتصالاتي بموت من الخوف حرام عليك

والمسجين الثانيين ..كانوا يسالوني عبير وديمه ..ليه غايبه .. والله مالي نفس اروح المدرسه واشوف احد
.. الله يكون بعوني .. اقوم اصلي ..احسن لي


..........................

________
بيت الريم .. الساعه 1:30مساءً
________

** الريم **


رجعت من المدرسه .. رميت شنطتي على الارض .. ورحت اركض لجوالي .. اكيد رهوفه .. ارسلت لي شي .. مسكته ادور مافيه شي .. لا دقت .. ولا ارسلت .. جلست في الصاله بيأس .. ابي اعرف بس وش فيه رهف ..بموت من الخوف .. قلبي يقول لي ان فيها شي كبير .. جلست على الارض و سندت راسي على الجدار .. بدون ما احس طاحت دمعه من عيوني .. وينك يا رهف .. ماتدرين ان الدنيا بلاك ماتسوي .. والمدرسه مالها طعم من دونك ..لا تخليني لحالي .. مسحت دمعتي .. ومسكت التلفون .. قلت بدق على بيتهم .. مع اني دقيت مليون مره وامها تقولي لي نايمه .. رهف اعرفها اكثر منهم ماتنام لا بالظهر .. ولا العصر .. ليه يكذبون علي ليه .. دقيت الرقم ******* وانا ادعي ربي انهم مايقولون لي نايمه .. رد علي صوت رجولي قال لي : الو

قلت له : الوو .. السلام عليكم

رد علي : وعليكم السلام يا هلا

عرفت صوته .. هذا محمد .. قلت له : كيف حالك محمد

قال لي بسرعه : بخير دام الغاليين بخيرر .. وانتي

استحيت شوي يوم قال .. الغاليين .. جد محمد يعتبرني من الغاليين .. مافكرت كثير بكالمه .. لان اللي شاغل بالي .. في الوقت الحال .. رهف وبس

قلت له : انا بخير الحمد الله

قال لي بحماس وبصوت عالي : عسى دووووووووم يارب مو يووووووووم

قلت له : رهف موجوده

قال لي : ايه .. ايه ... لحظه

كنت ادعي ربي يارب .. يارب .. يارب .. تكلمني وتكون بخير يارب

......................


_________
غرفه رهف .. الساعه 2:00 مساءً
_________


** محمد **

فتحت باب غرفة رهف .. وانا مستانس .. يااربي.. سمعت صوت غلاتي الريم .. فديتها .. الله يخليها لي يارب

شفت رهف منسدحه على السرير .. قلت لها رهف رهف .. قومي كنت بقول لها تلفون بس من قلت .. تعالي تلفـ....

قاطعتني وقالت : نايمه نايمه

طلعت من الغرفه .. قفلت الباب ..ونزلت طيران للريم .. مسكت سماعة التلفون .. وقلت لها :الريم ..

قالت لي بسرعه ونبرتها فيها الخوف : نعم .. وين رهف .. وينها

قلت لها : نايمه ..

بس اللي استغربت منه .. انها ساكته ماقالت لي شي .. قلت لها الوو اكثر من مره بس هي ساكته ..


فجأه سمعت صوت بكي .. قلت لها وانا خايف عليها : الريم .. يا الغاليه .. تبكين

قالت لي وصوتها كله بحه : محمد ..لو صدق انا غاليه على قلبك .. بتخليني اكلم رهف .. تكفى محمد .. الله يخليك ..( وزادت في البكي ) .. ابي اكلمها .. لو ماكلمتها اليوم .. بمووت .. وربي خايفه عليها .. تكفى ..

بصراحه كسرت خاطري .. بيني وبينكم .. اصير مجنون .. وغبي .. لو ماخليت رهف تكلمها الحين ... لو اجيبها من شعرها عشان تكلمها .. ما اتحمل اسمع الريم تبكي ..

قلت لها : والله الحين اجيبها لك يا الريم .. بس انتي لا تبكين عشان خاطري

وش عشان خاطرك انت .. يا الثور .. يا الدرج .. يا الحطبه .. مسوي تمون على البنت انت ووجهك

قالت لي بصوتها الناعم : تسلم محمد .. يللا انا انتظرك

قلت لها ولأول مره احس نفسي حنون : انتي الحين روحي غسلي وجهك .. وارتاحي .. وانا بخليها تكلمك .. بعد شوي

ردت علي بسرعه : لا انا ابي اكلمها الحين

قلت لها : يللا عاد ريوم بلا عناد وروحي غسلي وجهك وارتاحي

عضيت على شفايفي ..لا بالله هالثور صدق نفسه ..وش فيني انا ..زودتها ..وطيحت ابو الميانه ..قالت لي كلام ماسمعته .. لاني ما كنت معاها

قلت لها : هااه .. نعم وش قلتي ضحكت علي وقالت : ولا شي .. ,, وكانها قالت بهمس اللي ماخذ عقلك يتهنابه .. اذا ماكنت غلطان عاد ,,

قلت لها الله معاك وقفلت وهي ماتدري .. انها هي اللي ماخذه عقلي .. بس حسيت الريم مرتاحه لي وهي تكلمني .. ان شاء الله اللي احسه صح .. والحين .. انطــــــــــــــــــلاق الى غرفة رهف .. اللي لو ماطاعت تجي بجيبها بالقووه .. تفدا الريم مية رهف

[@ همس الغلا @]

غرفة رهف الساعه 2:25 مساءً
_________


** رهف **

بسم الله الرحمن الرحيم .. وش فيه هذا .. فاتح علي الباب كذا .. هذا الشيطان بعينه .. صدقوني الشيطان
وقفت له وانا متخصره .. نعم وش عندك داخل علي كذا

قال لي وهو مبتسم ونازل على الارض مثل اللي راكع وماد لي يده : هيا بنا يا الاميره سندريلا ..
الى الملكه سنوايت انها تنتظرك في القفص الذهبي

بصراحه ضحكني مو بس ضحكني الا موتني ضحك شكله كان يضحك قلت له وانا اضحك : هههههههههه وش جالس تخربط

قال لي وبدا يصير جاد : تعالي كلمي الريم تبيك في التلفون

لفيت عنه وقلت له ما ابي اكلم احد ..لا تلوموني لاني ما ابي اكلم الريم .. بس وش اقول لها .. لا سالتني ليه غايبه وش اقول .. انا ماتعودت اخبي على الريم .. بس الا هالموضوع .. ما ابيها تعرف عنه شي

قال لي محمد ولأول مره يترجاني : يللا عاد رهف .. لا تصيرين كذا .. هذي صديقتك .. يللا يللا

مسك يدي وطلعني من الغرفه .. كان ينزل الدرج بسرعه .. وصلنا للتلفون .. دق لي رقم بيت الريم .. ناظرته وانا رافعه حاجب .. ما شاء الله .. حافظ الرقم بعد

ضحك علي وكانه تفشل .. طنشته .. من اول رنه .. ردت علي الريم .. قلت لها بصوت متقطع : ا ا ا ال الووووو

قالت لي : رهف .. رهووفه حبيبتي .. مو مصدقه اني اسمع صوتك .. فديتك وحشتيني .. وحشتيني موووووووت

ماتتصورين شكثر مشتاقه لك .. الوووو .. الووو رهوفه وينك .. معي

مدري ليه حسيت ان العبره خانقتني .. حسيت نفسي قاسيه .. ليه ماكلمت الريم من اوول .. قلت لها : وانتي بعد وحشتيني .. والله مدري وش فيني جلست ابكي .. مثل البزارين .. ابكي بصوت عالي .. والغريب ان الريم .. جلست تبكي معي .. انا وهي ليه جالسين نبكي الحين ؟؟ ابي افهم ليه ..!!؟؟

ناظرت اخوي محمد كان يناظرني وعيونه مفتوحه بقووه .. اخذ السماعه من عندي .. وسمع الريم تبكي .. بنفس الطريقه ..قال لي وهو مستغرب : رهف .. استخفيتي انتي وصديقتك .. الحمد الله والشكر .. ليه تبكون كذا ؟

ايه صح .. صادق حمود .. انا والريم ليه جالسين نبكي كذا .. حبيت اقطع سنفونية البكي هذي ..

وقلت لها : اخبار المدرسه ريوم

قالت لي وهي تبكي : ما تسوا شي من دونك يا الغاليه

قلت لها : تسلمين .. فديتك الريم .. والله وحشتيني

سالتني السؤال اللي كنت متوقعه ينطرح علي : ليه غايبه كل هالفتره

وش اقول وش اقول ياربي ايه قلت لها : سنوني كانو يعوروني .. عشان كذا ماكلمتك .. ماكنت اقدر اتكلم .. وطول الوقت منسدحه على ذاك السرير

قالت لي بحزن : انا اعرفك يا رهف اكثر من نفسك .. ان شاء بس ما يكون السبب قوي

كنت عارفه انها مابتصدقني .. صداقتنا مو من يوم ..او شهر ..او سنه .. صداقتنا من الطفوله ..ونفهم بعض .. بدون مانتكلم

جلست اكلمها تقريباً ساعتين ..غريب .. مو الغريب اني كلمتها ساعتين .. لان حنا نكلم بعض اكثر من ساعتين .. الغريب في الموضوع .. ان اخوي محمد طول هالساعتين وهو مقابلني .. اضحك ضحك معي .. انقهر ينقهر معي .. سلامات .. وش فيه هذا .. تو الاحظه تصدقون .. اقول لكم هالبيت كلهم مجانين ماصدقتوني

قفلت من عندها وناظرت اخوي محمد وانا رافع حاجب : محمد انت هنا ( مسويه نفسي تو انتبه له(

قال لي : جالس اشوف التلفزيون

ناظرت التفزيون كان حاط.. mbc3 .. او بالاحره اخوي سعد هو اللي حاطها .. الظاهر حطها وراح .. معقوله محمد يشوف افلام كرتون .. العب غيرها يا حبيبي .. مشيت عنه .. ماحبيت اسولف معه كثير .. اصلاً مفروض انا ما اكلم احد في هالبيت على السوات اللي سووها فيني

*
*
*
*
*
*
*


اليوم الخميس .. تذكرون قلت لكم يوم الخميس .. ملكتي .. اي وحده مفروض تكون فرحانه في هاليوم .. كنت احسب اني بقدر ارفض .. اقدر اسوي اي شي .. بس لازم ارضا بالامر الواقع .. غمضت عيوني


وفتحتها الا وانا

*
*
*
*
*
*
*

..............زوجة السيد مشعل ولد عبد العزيز


صار كل شي بسرعه .. والدمعه في عيوني .. قال لي اخوي محمد .. بيدخل مشعل الحين بيجلس معي شوي .. مارديت عليه وكنت جالسه .. بالمجلس


......................


__________
بيت ابو يوسف .. المجلس .. الساعه 9:00 مساءً
__________


** مشعل **


كنت انا في الصاله .. اسلم على ابو يوسف .. لاني بدخل المجلس بجلس معاها شوي وبطلع ..كنت اناظر في البيت .. احسه صغير .. كيف قادرين يعيشون فيه .. جداً بسيط وعادي .. مو اول مره اشوفه ..جيته كذا مره .. بس مادققت فيه .. اصلاً انا وش يهمني فيه .. من اخذ البنت من هنا .. ماراح اجيه ..دخلني محمد المجلس وراح .. قفلت الباب وراي .. وانا اناظر .. طاحت عيني عليها .. رفعت راسها .. ونزلته بسرعه .. مدري ليه ابتسمت .. معقوله هذي زوجتي ..توقعتها على الاقل اكبر شوي ..بس حلوه .. جمالها مو طبيعي .. خلوني اوصفها لكم .. بشرتها بيضا مره .. شعرها اسود طويل .. لو وقفت يوصل تقريباً .. امممم لنهاية ظهرها .. رشيقه .. لا او اقول لكم ضعيفه .. كم وزنها هذي لازم اسالها .. لابسه فستان وردي ناعم ..وحاطه ورده ورديه على شعرها .. وفاكته .. لحظه عيونها مدري كيف او وش لونهم .. تقربت منها .. وجلست

قلت لها : السلام عليكم

قالت لي شي بهمس ماسمعته .. امممم الظاهر ردت السلام .. شكلها مره تستحي .. ايه لون عيونها اسود ..وعيونها واسعه تجنن .. وجهها مو مثل جسمها ضعيف .. لا فيها خدود .. بصراحه هالبنت على ذوقي ..يجوز لو ما اخذتها انا .. ياخذها غيري وهي بهالعمر .. لان جمالها ماينوصف

حبيت اسولف ابي اسمع صوتها قلت لها : ان شاء الله اقدر اسعدك .. بحطك بعيوني .. وبعيشك في بيتي ملكه

ماردت علي .. يمكن ماعندها رد لكلامي

قلت لها : اخبار الدراسه معك

ماردت بعد ..وش فيها ماتتكلم .. لو جدار بجنبي تكلم

قلت لها وانا مبتسم : طبعاً انا ما ابي عرس .. باخذك على طول

انتظرتها ترد مافيه رد .. حطيت يدي على راسي .. مو عارف وش اسوي .... لا يكون بنتهم هذيلا ماتتكلم .. غشوني وما قالولي .. اصلاً هي حتى لو كانت ماتتكلم .. باخذها يعني باخذها

قلت لها : والدراسه مايحتاج تكمليها .. قبل حتى لا اكمل كلمة تكمليها

قالت لي وها فاتحه عيونها : لا دراستي انا ابي اكملها ..لو على موتي

ابتسمت .. عرفتك يا رهف من اي نوع انتي .. شي يخصك ماترضين عليه .. نزلت راسها مستحيه

قلت لها : زين وش تدرسين انتي

قالت لي وهي مستحيه بصوت خفيف اقرب الى الهمس : ثالث ثانوي

ماقدرت امسك ضحكتي انفجرت من الضحك .. ما اتخيل نفسي .. مشعل انت متزوج بنت اصغر منك بـ 12 او 13 سنه .. تصدقون تو احسبها جلست اضحك بدون توقف


.......................


** رهف **

قليله عليه كلمة وقح .. لا وقليل ادب بعد .. وش اللي يضحك .. اضحك على حالك انت .. اللي خاطب بنت اصغر منك بـ 13 سنه .. حمااااااااار .. ابي اعطيه كف .. قاهرني .. شوفوا وشلون يضحك .. كانه جالس مع واحد من الشباب مو خطيبته اللي اول مره يشوفها .. بالله الحق مع مين .. قولولي .. مو يستاهل كف ..

وقف ضحك وقال لي : سووري .. بس تذكرت شي ضحكني .. وضحكت

تذكرت شي .. هااه يا استاذ مشعل يا ولد عبد العزيز .. وين اصرفها ذي

لفيت عنه عطيته ظهري .. لفني وقال لي : زعلتي

هه مشكله عاد اللي يقطون الميانه من اول يوم .. هين .. انا اوريك يا مشعل بردها لك

وش رايكم اوصف لكم شكله .. طويل طويل طويل طويل .. بس ضعيف .. وربي ما اعطيه عمر 30 سنه لو ماقالولي يمكن مادريت .. شكله كانه بعمر اخوي يوسف يعني 27 سنه .. شعره بني .. عيونه لونها عسلي .. بس ماعجبني ابداً

وقف باس راسي .. وقال لي خلي بالك من نفسك .. وطلع .. جلست اناظره وهو يطلع .. وانا مو متخيله حياتي الجديده كيف راح تكون مع مشعل

^*^
/
\
/
\
/
\
/
\
/
^*^


***** نهاية الجزء الثالث *****

وانتوا كيف تتخيلون حياة رهف مع مشعل ؟؟

ووش ينتظر رهف في بيتها الجديد ؟؟

كيف راح تكون ردة فعل خالد والريم من هالزواج ؟؟

كل حبي .. صاحبة الكلمه

[@ همس الغلا @]

...:::][ الجزء الرابع ][:::...

__________
سيارة مشعل ..الساعه 9:00 مساءً
__________


** رهف **


كنت بسيارته .. ودعت بيت اهلي .. مدري ليه احس اني مودعته لمده طويله ..ماكنت ابي اجلس معاه قدام .. عشان كذا حمدت ربي .. ان ولد عمته كان معانا وجلس قدام .. حسيت برتياح اكثر وانا جالسه ورا .. المهم وصلنا ما اقدر اوصف لكم .. شكثر الفله كبيرررره .. كبيره بشكل مو طبيعي .. ما اتخيل نفسي عايشه هنا .. معقوله بعيش فيه بس هو وبنته
فتح لي الباب وقال لي تفضلي .. نزلت .. حديقته كبيره وتجنن .. دخلنا البيت .. جلست اناظر .. كان شكله فخم ويجنن .. سالني : وش رايك في البيت

قلت له : عادي

مدري ليه قلت له عادي .. مع انه مو عادي .. ماحبيت يقول اني احب هالاشياء .. وانا فعلاً .. هالاشياء ماتهمني

جات بنته تركض .. وحضنت ابوها .. البنت بصراحه تهبل ..بس غريبه .. الظاهر امها ماكنت سعوديه .. عيونها لونها زرق .. شعرها اشقر .. وبيضا مره .. بنفس درجة بياضي تقريباً .. بس حلوه البنت .. ناظرتني بنظرات حقد

وقالت : الحين هذي العروس الجديده .. وعععع .. امي احلا

قال لها بسرعه : رغد .. عيب .. روحي غرفتك

اسمها رغد يعني .. لسانها يبي له قص .. صدق قليلة ادب مثل ابوها

لف علي وكان منحرج : اسف رهف .. بس تعرفين بنت صغيــ.. قاطعته وقلت له : لا لا عادي .. ماتهموني

يووه كاني قلت شي غلط .. (( ماتهموني )) .. عدلتها وقلت له وانا مبتسمه : أأأ قصدي ماتهمني ..

لاني عارفه انها صغير وكذا

هز لي راسه وقال للشغاله تدلني غرفتي .. رحت الغرفه اللي دلتني عليها .. كانت حلوه وفخمه .. لونها تقريباً بني وبيج ..قلت للشغاله ترتب اغراضي في الدولاب .. اخذت جوالي ودقيت على الريم

ردت علي الريم وهي مقهووره : انا ما اكلمك وشوله داقه علي

قلت لها وانا اضحك : هههههههه ليه عاد

قالت لي : وش فيك على الغياب انتي .. كل يوم والثاني غايبت لنا .. ماكنتي كذا السنه اللي فاتت

قلت لها وانا ابلع ريقي : غبت اليوم لاني لاني تزوجت

........................

___________
بيت ريم .. الساعه 9:45 مساءً
___________


** خالد **


كنت جايب كتب للريم من المكتبه .. وانا راكب الدرج كنت ااتذكر رهف .. اللي وحشتني موووووووت

ماتدرون شكثر واحشتني هالبنت .. وادندن ..

علمني وشلون أنساك وأنام

وأنا اللي لك صاحي أيام وأيام

شاغلني في بالي شوقك ولا يروح

صاحي أنا ونايم ما يروح ما يروح

وصلت لغرفة الريم ..الا وهي تقول ..طيب رهف .. لا تقطعين .. مو عاد تنشغلين بحياتك الجديده .. وتهملين الدراسه

هههههههههه طيب .. اوكي ولا يهمك .. على خير ان شاء الله .. مع السلامه

لفت علي وهي تقول : والله هالدنيا غريبه .. من جد غريبه .. اجل رهف .. تتزوج زواج سريع وانا اخر من يعلم

لا مستحيل .. هذي وش جالسه تقول .. تبي تموتني .. تقدمت منها ومسكتها وانا اصرخ في وجهها : كذااااااااااااااااااابه .. انتي كذااااااااابه

قالت لي وهي مستغربه : خالد .. جنيت وش كذابته اتركني .. وليه عاد كل هالانفعال .. وش فيك

قلت لها : الريم .. ( واخذت نفس ) .. رحم الله والديك .. قولي لي وش السالفه .. لاني مو فاهم شي

ناظرتني شوي وقالت لي : زين اتركني .. وبقولك

ايه صح نسيت اني كنت ماسكها .. تركتها وقلت لها .. وانا امسح بشعري على ورا : طيب يللا قولي

قالت لي وهي تبتسم ابتسامة خوف : رهف صديقتي .. بنت جيرانا ابو يوسف .. تزوجت امس

حسيت اني ابي ابكي .. بس مابكيت .. كيف تتزوج وانا احبها وهي تحبني ومن هذا اللي ماخذها ... اخذت نفس طويل .. وقلت لها : لا .. اها .. ايه .. ومن هذا اللي تزوجته

قالت لي : صديق اخوها يوسف .. كل شي صار بسرعه .. وابوه متوفي .. وماسوت عرس .. وما مداها تقول لي .. مو مصدقه .. الظاهر انا بحلم .. معقوله رهف تزوجت ..

اذا انتي مو مصدقه .. اجل وشلون انا اصدق .. قولولي بس وشلون

كانت هي تتكلم .. مشيت وقفلت الباب .. الظاهر كانت تناديني .. بس مالفيت عليها .. رحت غرفتي .. دخلت وقفلت الباب بالمفتاح .. وانسدحت على سريري .. راحت مني رهف بهذي السهوله .. راحت ملكة القلب والاحساس كله .. وانا وين اروح .. وش اسوي .. احبها من يوم كان عمرها 15 .. كله منك يا خالد .. تنتظرها تخلص ثانويه عشان تخطبها .. كان خطبتها الحين .. طاحت دمعه من عيوني .. دمعه كلها حسره وقهر والم .. حطيت يدي تحت المخده .. طلعت البطاقه .. تذكرونها .. البطاقه اللي اعطتني اياها رهف ..في السياره .. وفتحتها .. جلست اقراها .. قفلتها .. وطلعت من غرفتي .. وطلعت من البيت مره وحده .. مدري وين اروح بصراحه .. بس اهم شي اطلع


...................................

_____________
بيت مشعل .. الساعه 7:30 صباحاً
_____________


** رهف **

صحيت من النوم .. ناظرت بجني .. كان مشعل مو موجود.. قمت من السرير .. دخلت الحمام ( اكرمكم الله ) .. شوي وطلعت .. لقيت مشعل مو موجود بالغرفه .. شفت الفطور على الطاوله .. وفيه مع الفطور ورقه .. اخذتها .. وفتحتها .. كان مكتوب فيه :

^*^
/
\
/
\
/
\
/
\
/
^*^

رهف .. انا عندي شغل .. ما راح افطر معك اليوم .. ان شاء الله اجي على الغدا

^*^

فتحت عيوني بقوه .... وحطيت يدي على خصري ... ياسلام .. يقول قسم .. اصلاً هو من متى يفطر معي .. من اول ماتزوجت للحين صار لي اسبوعين .. مافطر معي .. الا 3 مرات .. تركت الورقه .. ورحت صليت .. قريت قرآن شوي .. وبعدين قمت .. جلست على السرير .. وش اسوي ماعندي شي .. طفشانه .. البيت كبير وفاضي .. واليوم خميس .. مافيه مدرسه .. ولو طلعت اشوف التلفزيون .. بشوف رغد بنته .. وهي ماتدانيني .. الاحسن ما احتك فيها .. خليها بقلعتها .... الا وش اخبار خالد .. للحين يتذكرني .. مانساني ..وبعدين انا متزوجه وش يهمني فيه .. بدق بيت ريم يمكن هو اللي يرد على الاقل بسمع صوته .. مسكت التلفون .. ودقيت الرقم .. ******** .. وجلست انتظر احد يرد .. ردت علي اختها نوره : الوووو .. الووووو .. قفلت بسرعه .. صح اليوم الخميس .. تجيهم نوره من الصبح .. رحت فتحت الدريشه .. الهوا طير شعري على طول .. فكرت بحياتي مع مشعل .. حياة عاديه جداً ..ما اشوفه الا قليل .. دوم بشغله .. وكانه ماخذني غصب .. صدقوني ما يبيني .. مايواطني في عيشة الله .. قليل اذا سولف معي .. وماوداني بيت اهلي الا مرتين .. واذا رحت بيت اهلي اطفش بعد لان ابوي يلح فوق راسي .. خلي مشعل يكتب البيت بأسمك خليه يعطيك مزرعته هديه وخليه وخليه .. واخاف يروح يقول لمشعل هالكلام ويحرجني معه .. لان بيقول اني احب الفلوس وطمعانه فيه .. ان شاء الله .. يارب .. ماتستمر حياتي على هالحال .. ويطير الا انا فيه .. مثل مايطير الهوا شعري الحين .. الله .. الجو حلو .. بطلع بره الحديقه ..,, قفلت الدريشه .. وطلعت من غرفتي .. نزلت الحديقه .. الله الجو مره حلو اليوم .. تمشيت شوي

شفت رغد بنته .. تلعب كوره .. جلست اناظرها وهي تلعب وابتسم ..,, ..فجأه جات الكوره بالغط بجنبي .. نزلت لها ابي اخذها ..

صرخت علي : لاااااااااااا تمسكين كووووورتي

بسم الله الرحمن الرحيم .. وش فيها ذي .. ضليت على وضعيتي كذا .. وانا اناظرها .. تقدمت مني .. وهي عاقده حواجبها .. وقالت لي : اسمعي انتي .. اشياء تخصني ما ابيك تلمسيها .. وحتى الاشياء اللي ماتخصني .. لا تحسبين عمرك ملكة هالبيت .. تره هالبيت بيتي .. انا وابوي .. وانتي موقعك غلط هنا

اقول لكم وش فيها ذي .. بزارين اخر زمن من جد .. والله لو وحده غيري .. اخذت الكوره .. ورمتها فوق راسها .. بس انا مكبره عقلي ..وقفت و قلت لها : حبيبتي كنت بجيب لك الكوره

قالت لي : انتي اقوووول .. خذي نفسك .. وارجعي بيتكم .. بيت المنتفين .. احسن لك

قهرتني .. عصبتني .. من وين جايبه هالكلمه .. بيت المنتفين .. اصلاً هي بزره .. ماتدري انا بنت من .. ولا وين عايشه .. هذا اكيد مشعلوه قايل لها هالكلام .. لكن انا اوريك انتي وابوك ,, تقربت منها .. مسكت وجهها بيدي .. ورفعته بقووه ..صرخت عليها : اسمعي بلا قلة ادب ..هذي اخر مره .. اسمح لك تتكلمين معي بهذي الطريقه انا اكبر منك احترميني .. فااااااهمه


.......................

___________
بيت مشعل .. الساعه : 8:15 صباحاً
___________


** مشعل **


كنت جاي من الشغل .. اوووه سووري .. قصدي ماكان عندي شغل اصلاً .. كنت عند صديق لي .. صدق لا قالوا كذب وصدق كذبته .. كنت اتهرب من القعده معاها .. مدري ليه ما احب اجلس معاها .. اساساً ليه اجلس معاها .. انا مو مجبور على هالشي .. دخلت البيت ... سمعت صوت رهف تصارخ ... يا الله صباح الخير .. تقدمت اكثر .. لقيتها تصارخ على بنتي .. وماسكه وجهها بقوه .. من تحسب عمرها ذي .. الا بنتي محد يلمسها .. تقدمت منها .. سحبت يدها بقوه عن وجه بنتي . وقلت لها وانا معصب : ما يحق لك .. ولا شوي .. انك تصارخين على بنتي .. واعتقد .. دام انك عايشه في هالبيت .. احترمي اهله

..,, ناظرتني انا وبنتي نظرات غضب .. وجات تبي تمشي ..,, مسكتها وقلت لها : فيه كلام ثاني بالغرفه

لفيت لرغد وقلت لها : روحي حبيبتي داخل .. قالت لي :ان شاء الله .. ودخلت

سحبت رهف الى الغرفه .. وكانت تقول لي : اتركني .. اتركني .. ماتفهم انت .. اقول لك اتركني

كنت معصب مره .. اخر ما اتوقعه ان هالرهف تصارخ على بنتي .. دخلتها الغرفه .. وقفلت الباب

قلت لها وانا متكتف : ممكن افهم .. يارهف .. وش عندك تصارخين على بنتي .. او وشهو السبب اللي يخليك تصارخين عليها

سكتت .. ماتكلمت .. انتظرتها تتكلم .. بس مافيه رد

قلت لها وانا ابتسم بسخريه : ردي .. يللا ردي .. مو لسانك وش طوله مع بنتي .. يللا وريني طوالت لسانك

كان واضح على وجهها .. انها معصبه .. شوفوا عاد .. غلطانه وهي اللي تعصب .. مشكلة بنات هالزمن

قالت لي وهي مرتبكه : لانها .. ما تحترم الــ.. ,, قاطعتها : وش قصدك بنتي مو محترمه .. لا قولي كذا .. قولي بعد

قالت لي وهي منفعله : ايه مثل ماانت .. يا استاذ مشعل .. قايل للبنت .. ان بيتنا بيت منتفين

من جدها ذي .. صدق بزره .. ما الومها .. عمرها 17سنه .. بس من جدها بقول لبنتي هالكلام .. البايخ جلست اضحك .. ههههههههههههه .. ضحكتني بصراحه

قالت لي : اعتقد ماقلت نكته .. عشان تضحك

وقفت عن الضحك وقلت لها : كلامك يضحك .. اجل معقوله .. انا اقول لرغد هالكلام .. مايفكر بكذا الا الخبل


..........................

[@ همس الغلا @]

** رهف **


وش قصده يعني انا خبله .. مو بعيد ابدا.. ان البنت كذا قليلة ادب لان ابوها .. مثلها . قليل ادب .. وما يستحي .. ووقح .. و .. و.. مدري وش اقول .. بموت قهر .. اجل عشان بزره ماتستحي .. يسوي لي كل هالقصه .. على باله بجلس ابكي او شي .. لكن هيهات .. اطيح دمعه من عيوني .. عشان ناس وقحه وماتستحي .. للحظه تذكرت كلام امي .. يوم اقول لها اني ما ابي مشعل .. ولا ابي اعيش هالحياة .. قالت لي عسى ان تكرهو شيء وهو خير لكم .. بس ما اتوقع وجه الفقر هذا خير .. الصبر يارهف .. الصبر

قال لي : اشوف سكتي .. المهم انا تعبان .. وابي انام .. ومو فاضي لهالخرابيط

دام ان اللي يصير الحين خرابيط .. اجل ليه مسوي سالفه .. وماخذني الغرفه تكلمني .. حمار .. من جد حماار

كمل كلامه وهو يقول بتهديد : بس لو اشوفك مره ثانيه .. تصارخين على رغد .. بتشوفين شي عمرك ماشفتيه ,, وطلع

قطيعه .. روحه بلا رده .. ان شاء الله ,, اخذت .. تحفه من التحف الموجوده على الطاوله .. ورميتها بقوه .. على الباب ..,, انفتح الباب .. طل مشعل مع الباب وقال لي : لا تكسرين لنا اثاث الغرفه .. موناقصين .. تشااوو .. ,,.. وقفله مره ثانيه ..

وش رايكم .. قهر او مو قهر .. ياااربي .. بموت من القهر .. هذي حركات واحد .. عمره 30
سنه .. اشك والله .. لفيت اناظر في الغرفه وانا مقهوره .. رحت للباب .. اللي بغرفتنا .. فتحته
لقيته مفتوح .. غريبه .. ايه .. هالباب ماقلت لكم عنه .. اشوفه بغرفتنا .. بس ما ادري وش بداخل هالغرفه ..او وش ورا هالباب .. دوم اجرب افتحه .. بس القاه مقفل .. هالمره كان مفتوح .. دخلت كانت غرفه صغيره .. فيها مكتب ..جلست على كرسي المكتب .. غرفه عاديه .. مافيها شي .. تعبثت بالكتب .. والاوراق الموجوده على المكتب .. ورجعتها مكانها .. فتحت درج المكتب .. كانت فيه صوره .. اخذتها وناظرتها .. اكيد هذي زوجته الله يرحمها .. ماتشبه بنتها ابد ابد .. ,,,
رغد شعرها اشقر . هذي اسود .. رغد بيضا .. هذي سمرا .. رغد عيونها زرق .. هذي بني تقريباً .. اجل تشبه لمين هالبنت .. هذي عاديه .. مافيها مواصفات جمال .. مو مهم .. رجعت الصوره مكانها .. وطلعت من المكتب .. اخذت لي من الدولاب ملابس .. ورحت اتروش

.
.
.

............................


______________
بيت ابو يوسف .. الساعه 9:30 صباحاً
______________


** محمد **


كنت جالس بالصاله .. اشوف التلفزيون .. اشوف فيلم بـ mbc2 .. بس ماقدرت اشوفه مثل العالم والناس .. اخوي سعد .. اذاني .. طلع روحي .. ساعه يقولي ابي اروح المدرسه .. ليه تخلوني كل خميس اغيب غصب .. كل مافهمناه .. مافيه فايده .. وساعه يقول لي .. ابي رهف .. بس زين الحمد الله .. هذا هو جايب له دفاتر .. يرسم ويشخبط فيهم .. جاب لي دفتر صغير .. فتحه

وقال لي: أي واحد رقم تلفون بيتنا

ناظرت الدفتر .. تصفحته .. كله ارقام بنات .. الظاهر هالدفتر .. لرهف .. ركزت زين .. شفت رقم مكتوب بجنبه .. جوال الريم .. هذا رقم حبيبتي الريم فديتها .. مدري ليه طلعت جوالي .. وكتبت رقمها وحفظته .. حفظت رقمها بأسم & غلا روحي &

قلت لسعد : سعوود .. من وين جبت هالدفتر

قال لي : من غرفت رهف

قلت له : اوكي .. رقم تلفون بيتنا مو موجود .. بس ليه تبيه

قال لي : لاني بخلي هالدفتر عندي .. لو ضعت او شي .. ادق على بيتنا

هههههههههه صدق تفكير الصغار يضحك .. طلعت له ورقه .. وكتبت رقم بيتنا .. وعطيتها اياه .. شقيت الورقه .. اللي مكتوب فيها رقم جوال الريم .. ورميت الدفتر في الزباله .. واضح ان رهوف ماكانت تبيه .. لو كانت تبيه كان اخذته معها .. رحت غرفتي .. جلست على سريري .. وانا ماسك الجوال .. وش اسوي .. وش اسوي .. بكتب لها مسج .. عادي .. ماراح تعرف انا مين .. كتبت لها ..


^*^
/
\
/
\
/
\
/
\
/
^*^


تصدق اشتقت لك ..

أنااعترف بعدك حياتي تختلف

تايـــه وحـــيــد


أصيح باسمك وارتجف

في كل شي أتخيلــك..

ومهمــاتغيـب

عنــدي أمــل

بكــرة تــجي

وبكــل شـــوق

*اّّّ~س~ت~ق~ب~ل~ك*

,,M,,

___________
بيت الريم .. الساعه 10:00 صباحاً
___________


** الريم **


كنت جالسه مع اختي نوره .. نسولف عن رهف .. كانت هي اللي تتكلم .. جاني مسج .. اخذت جوالي شفته .. قريت المسج .. الرقم غريب .. طنشته

سالتني اختي : من مين المسج

قلت لها بدون اهتمام : الظاهر هذي وحده .. او واحد .. غلطان بالرقم .. المهم وش كنتي تقولين

كملنا سوالف .. لحد ما اذن الظهر .. رحت اصلي .. صليت .. ورجعت .. لقيت اختي نوره تسولف مع اخواني .. خالد وفارس .. رحت غرفتي .. قلت بدق على رهف .. الا ويجيني مسج .. من نفس الرقم .. فتحتها كان المسج ...


^*^
/
\
/
\
/
\
/
\
/
^*^

للزين عرش
صاحبته تلبس التاج
ومافيه غير
**الريم **
تستحقه
واللي لها بالفن خطه ومنهاج
واذا مشت تمشي على المسك والعاج
ومن هيبتها
تترك على الارض
عزه
,,M,,

^*^

ومافيه غير ....الــــــــــــريـــــم ؟؟؟

^*^
/
\
/
\
/
\
/
\
/
^*^

**** نهاية الجزء الرابع ****

[@ همس الغلا @]

...:::][ الجزء الخامس ][:::...


_____________
بيت الريم .. الساعه : 5:30
_____________


**الريم **

جالسه امشط شعري .. صار لي ساعه .. يااارربي .. مشبك كله في بعضه .. تعبني .. ياليت شعري مثل رهـف .. ناعم مره .. مايبيله هالقعده .. وهالوقت .. انا صحيح الحمد الله .. شعري مو خشن ..شعري ناعم ومموج .. بس انا افكه لا جيت انام .. وتبدا عملية تداخل الشعر مع بعضه البعض ..
اوكي .. شعري حلو الحين .. لميت شعري وكنت بنزل افطر .. وقبل ما اطلع من الغرفه .. رجعت .. وحطيت يدي تحت المخده .. اخذت جوالي وفتحت المسج اللي امس .. هذي رساله من شخص اعرفه .. ايه صح .. بنت خالتي بسمه .. قالت لي قبل امس .. انها راح ترسل لي رساله .. من رقمها الجديد .. اكيد ميه بالميه هذي هي .. راح عن بالي

يوم طريت بسمه غمضت عيوني ..اتذكر اللي صار قبل امس ..

.
.
.

شافتني سرحانه ومتضايقه

قالت لي : وش فيك

قلت لها: رهف

قالت لي بقهر : وش فيها رهف بعد

قلت لها .. والضيق يملا عيوني : صرنا الحين بعاد عن بعض .. مو مثل اول .. صحيح حنا قراب لبعض بالقلوب .. بس

قاطعتني : انتي مايملا حياتك الا رهف .. وحنا وين رحنا

.
.
.

فتحت عيوني .. صحيح مايملا حياتي الا رهف


كنت برجع الجوال .. تحت المخده .. بس جاني مسج من رقم غريب .. فتحته .. كان



^*^
/
\
/
\
/
\
/
\
/
^*^


ابعتذر باسم الشعر

والقــوافــــــي

ان كان في حقك عن

الوصل قصـرت

لوهي بكيفي الذي

مايشــــــافــي

لانقل لك الفرحه هوى

وين مارحـت

ولكن وعد مني اناانسان

وافـــــــــــي

تبقى اعز انسان

ان جيـت وان رحـت

( ريوم انا بسمه هذا رقمي الجديد o.k )



^*^
/
\
/
\
/
\
/
\
/
^*^


اوووه هذي بسمه .. اجل اللي قبل مين .. اصلاً مو مهم اعرف .. وحده من البنات .. خل ادق على رهووفه .. اشوفها راحت المدرسه اولا ..,,.. ماترد اكيد نايمه .. او راحت المدرسه بدري ..

حطيت الجوال تحت المخده .. واخذت شنطتي .. وخليت كتاب الفيزياء بيدي .. لان عندنا امتحان ..اجلس اذاكر اكثر بالسياره .. احسن من اجلس فاضيه اشوف من الدريشه اللي رايح واللي جاي

فتحت الباب امي .. حطت يدها على فمها ..وقالت لي :يوووه ريووووم .. بعدك هنا .. مارحتي المدرسه

قلت لها : ليه وش فيك .. الساعه كم الحين

قالت لي وهي تناظر للساعه اللي بيدها : الساعه سبع

قلت لها وانا خايفه : ليه ماجيتي شفتيني .. رحت المدرسه او لا .. ليه

قالت لي : مدري والله يابنتي .. اخوك فارس .. قال جا الغرفه .. وماشافك .. قال انك .. اكيد رحتي مع رهف اليوم .. وكان مستعجل لان

قلت لها : لان اكيد مستعجل .. يبي يطلع .. حطها على رهف .. وبعدين مو قلت لكم .. رهف تزوجت خلاص

قالت لي : والله يروح عن بالنا .. طيب روحي بسرعه .. شوفي اخوك خالد راح اولا ؟.. بدال الكلام الزايد

اخذت العبايه .. وطلعت من الغرفه بسرعه .. فتحت باب غرفة خالد .. ياربي مو هنا .. اكيد مابيجلس للحين بالبيت .. اصلاً خالد الغبي .. صار له اسبوع .. مايوديني المدرسه .. وشهو السبب مدري .. المهم طلعت من الغرفه .. ونزلت تحت .. لبست العبايه .. وكنت بطلع .. بس امي ماخلتني

وقفت عند الباب وقالت لي : وين بتروحين

قلت لها : يمه .. بروح المدرسه بعد وين

قالت لي : من بيوديك

قلت لها : ياربي .. بروح .. بمشي

قالت لي بخوف : لا وش تمشين .. مافيه .. المدرسه بعيده .. والشارع يخوف .. غيبي

قلت لها : ما ابي اغيب .. عندي امتحان فيزياء

ماخلتني اروح .. والوقت بيضيع .. اضطريت اكذب عليها كذبه بيضا .. بما انها بسرعه تصدق

قلت لها : يمه على بالك بروح لحالي .. لا فيه بنت معانا بالصف وبيتهم قريب من بيتنا .. دوم تتاخر .. الحين تروح المدرسه.. بمر عليها وبنروح مع بعض

قالت لي : متأكده .. روحي معاها .. لا تروحين بروحك .. فاهمه

قلت لها : فاهمه

وطلعت من البيت ..تصدقون .. الشارع .. لا كان يخوف ولا شي .. بالعكس .. اللي رايح دوامه .. واللي يغسل سيارته .. يعني الوضع عادي .. لفيت عند بيت ابو يوسف .. لقيت الباب مفتوح .. وسياره شغاله عند الباب.. وكان سعد .. عند السياره .. ماسك عصا .. يلعب فيها بالرمل ..غريبه سعد للحين بالبيت .. الظاهر ما بيروح المدرسه .. او متاخر ..شافني واقفه عند الباب ..جاني بسرعه

قال لي : كيف حالك الريم

نزلت .. عشان اصير بطوله .. قلت له تمام .. نحمد الله .. وانت

قال لي : زين

قلت له : ليه مارحت المدرسه للحين

قال لي وهو منزل راسه : بروح المستشفى .. عشان سنوني

مسحت على خده وقلت له : ليه وش فيها سنونك .. تعورك

قال لي : لا .. ماتعورني .. عندي موعد .. والحين مودي .. بيوديني .. اشتري كوره

قلت له : من مودي ؟

قال لي : اخوي محمد

اهااا .. يعني محمد اللي بيوديه .. شوي الا وطلع محمد ..وكان يتلفت هنا وهناك .. الظاهر يدور .. سعد .. جالس يناظرنا .. يعني شافه .. ركب سيارته .. وجا عندنا .. نزل الدريشه وقال لي : السلام عليكم .. صباح الخير

قلت له : وعليكم السلام .. صباح النور

قال : يللا سعود حبيبي .. تعال اركب

راح سعد وركب .. رفع الدريشه وحرك .. مشيت اناشوي .. لقيته يرجع السياره على ورا .. وقفها بجنبي .. ونزل الدريشه مره ثانيه

قال لي وهو عاقد حواجبه :وين بتروحين ..قصدي يعني .. ليه تمشين

ياربي ..محمد بيضيع علي الوقت اكثر .. قلت له وانا مستحيه : بروح المدرسه .. بمشي

قال لي : لا .. وش تمشين لحالك .. ماتخافين على عمرك انتي

سكت .. وش تبوني اقول له يعني

قال لي : اركبي .. بوصلك

مجنون هذا .. اركب معه لحالي قلت له : لا مشكور .. لا تتعب حالك

قال لي وهو مبتسم : لا تعب ولا شي .. وترا سعد معانا

قلت بدون ما احس : حتى ولو

قال لي : لا تخافين .. بركبك فوق السياره .. وانا وسعد بنصير تحت ههههههههه

قال سعد وهو ميت ضحك: تخيل محمد .. سيارتك طابقين

وجلسوا يضحكون .. لا اكيد فاضين هذيلا .. انا ابي اروح المدرسه

لف محمد على سعد ..وقال له : سعد انت رجال صح

ضرب سعد على صدره ..وقال : صحين

قال له : اجل يللا .. انزل وصل الريم للمدرسه .. وبعدين انا بجي اخذك من هناك

قال طيب .. ونزل مستانس .. انا ماقلت شي .. يمشي معي سعد .. احسن من امشي لحالي .. المهم مشينا انا وسعد .. وكان سعد يسولف .. ويسولف .. مايشبع كلام هذا .. بس تراه يضحك ههههههههه .. خلاص قربنا للمدرسه .. وانا امشي .. لقيت واحد يمشي معانا ..طنشته .. وكملت مشي بسرعه وانا خايفه .. لا قصدي مو خايفه .. الا بموت من الخوف .. لكن كله منك ياريموه الله ياخذك ولا يوفقك .. تستاهلين ماجاك .. اوف لو انا سامعه كلام امي وغبت .. وش جابني مشي .. وهذا لمتى بيلاحقنا

قال لي بتميلح : ليه الغزال مايعبرنا

ياربي وش اسوي .. لازم اهدا ما ابيه يلاحظ اني خايفه واتراجف

قال له سعد .. بصوت طفولي : اقول .. انت رح مناك .. مو فاضيين لك

طنش سعد .. وقرب مني .. طلع ورقه .. ومدها لي وقال : طيب وقعي لي

من جد فاضي هذا .. على باله انا نانسي عجرم .. عشان اوقع له

قال له سعد : انت رح .. يللا رح

قال لسعد : اسكت .. يا البزر انت

سمعت صوت احد موقف سيارته .. قريب منا ..جا ومسك رقبت اللي يلاحقنا ويقول له بصوته الرجولي : خيرر انت .. وش عندك تكلم اختي .. تبيني اذبحك

هذا مـــحــمــد ..حسيت بارتياح يوم جا .. الله جابه

قال له : مدري ان هي اختك ..اتركني .. خلاص بروح

قال له محمد : يللا انقلع .. الله يقلع وجهك .. صحيح ناس فاضيه .. وماتستحي على وجهها .. عندك خوات انت ؟ اكيد لا ... يللا طس

ما صدق على الله قال له محمد طس .. على طول راح وهو خايف

قال سعد لمحمد : وشلون عرفت ان حنا هنا .. وفي حالة خطر .. لا تكون سوبر مان

قال محمد : اسكت بس لا اطلع طرزان .. يالدب .. مصدق انت بخليك تمشي مع الريم .. لحالك .. كنت امشي وراكم .. بالسياره

لف علي محمد .. وقال بجديه : الريم .. هذي المدرسه قريبه .. يللا بسرعه روحي

رحت على طول .. وكنت افكر .. يعني محمد .. يخاف علي .. ماخلاني اجي لحالي ..لفيت ورا .. لقيته للحين واقف هو وسعد .. لفيت بسرعه .. وكملت طريقي .. ودخلت المدرسه .. طبعاً حصلت بعض الكلام الفاضي .. من المديره .. طلعت من الاداره .. ورحت الفصل ..دخلت .. وعطيت المدرسه ورقة اذن من المديره .. عشان تدخلني .. بما اني متاخره مره .. رحت وجلست على الكرسي .. الا ورهف تقول لي بمرح : اسفرت وانورت .. واستهلت وامطرت .. والمديره فحطت ههههههه

قلت لها .. وانا اعدل شنطتي .. واطلع كتب الماده : ايه المديره فحطت فيني قبل شوي

ضحكت بصوت خفيف وقالت : تصدقين .. جواهر .. قالت لي تبي تجي تجلس مكانك .. بجنبي .. بس انا قلت لها .. عندي احساس انك بتجين .. شفتي احس فيك

ابتسمت وقلت : الصداقه وماتسوي

قالت لي : وش فيك متأخره .. والله لو كنتي بتغيبين .. كان بيصير .. يوم الغياب العالمي ..اخوي محمد مابيروح الدوام .. وسعد غايب

قلت لها : ادري

قالت : وش دراك ؟

ضيعت الموضوع وقلت : الا ماقلتي لي اخبارك انتي .. وزوجك

قالت لي بدون لا تبتسم ولا شي : الحمد الله

قلت لها : مستانسه انتي بزواجك

قالت لي : اكيد .. لو ماكنت مستانسه .. بقول .. مابخبي عليك .. انتي صديقتي واختي

ما اتوقع ..تقولين ..مدري ليه ..رهف ماتحب تسولف لا لي .. ولا للبنات .. عن زوجها .. ولا عن زواجها .. صارت رهف غريبه

قلت لها : صح انتي .. كم قلتي لي عمر .. زوجك

سكتت شوي وقالت لي : 30

شهقت وقلت لها :والله جد .. كبير شوي

قالت لي بأندفاع وبقهر: وليه اصلاً اخذ واحد صغير .. مايفهم شي بالحياة .. لعاب ولا عنده تجارب ..ولا شهادات ولا شي .. على الاقل زوجي .. دارس ..فاهم ..عاقل .. مدير لأحسن شركه

وش فيها هذي انفعلت .. انا وش قلت لها الحين .. شوي وبتاكلني

كملت كلامها : وتجربته بالزواج قبل .. خلته اعقل واذكى ..مو واحد جاهل بالحياة .. مايدري وين الله حاطه

قلت لها وانا مو مصدقه : زوجك متزوج قبل .. لا تمزحين

قالت لي : ايه متزوج .. وزوجته ماتت .. وصارت من طي النسيان .. صحيح عنده بنت .. بس تحبني واحبها .. وانا مرتاحه بزواجي

لان صوت رهف كان عالي شوي .. صرخت علينا المدرسه وقالت لنا : من بداية الحصه .. وانتوا تتكلمون .. ماتبون تفهمون خلوا غيركم يفهم .. يللا اوقفي يا الريم مو كفايه انك متأخره .. وانتي بعد رهف اوقفي


طول ما انا واقفه .. افكر باللي قالته رهف .. انا صحيح ملقوفه .. دام انها مرتاحه بزواجها .. انا وش يخصني .. اكيد انقهرت مني .. ما كان لازم اقول لها زوجها كبير .. هو يمكن مو كبير .. بس بالنسبه لها .. لفيت اناظر فيها .. كانت منزله راسها .. وتلعب بشعرها .. فاكه شعرها .. ولامه منه شوي بشريط وردي .. وشعرها طويل وطايح على عيونها .. طالع مره يجنن .. وش فيني انا اليوم .. ادقق بالشعر .. بس والله حرام وحده بجمال وسن رهف .. تاخذ واحد اكبر منها بكثر لا وعنده بنت .. هي مو مجبوره .. لايكون احد اجبرها .. لان زواجها غريب والله غريب ..لفيت على المدرسه .. وهي تقول لنا في اي عالم انتوا : وحده سرحانه ..والثانيه تلعب بشعرها .. ماتبون الحصه اطلعوا بره .. هذا وشاطرات بعد .. وش خليتوا لباقي البنات


..........................

[@ همس الغلا @]

___________
بيت مشعل .. الساعه :1:00 مساءً
___________


**مشعل**

رجعت اليوم .. من الدوام .. الساعه 12 ونص..احس بملل .. صار لي نص ساعه جالس بالصالة .. ورهف مارجعت من المدرسه .. احس بجوع ..جاتني رغد .. اللي كانت تلعب بره

قالت لي : بابا متى جيت

قلت لها : توني من شوي

جات وجلست بجنبي .. قالت لي : ميته جوع

قلت لها : حتى انا

قالت لي : اجل وش نتتظر

قلت: رهف .. شوي وبتجي من المدرسه

انقهرت وقالت لي : في كل شي رهف .. في كل شي رهف .. اووووف

قلت لها : وش فيك

تكتفت وقالت لي : ما احبها

قلت لها : لا حبيبتي .. كذا مو صح .. وش السبب اللي يخليك ماتحبينها

قالت لي :لانها تسوي نفسها .. طيبه قدامك .. بس من وراك .. شي ثاني

ماكنت مستغرب ان رغد ماتحب رهف ..بالعكس الا متوقع هالشي

قلت لها : اسمعيني يابنتي .. انا ابيك تعتبرين رهف .. مثل .. مثل ..

صح تعتبرها مثل وشو .. امها مثلاً .. ما احس انها تجي ..رهف صغيره .. بس المنطق يقول كذا

فكملت كلامي : تعتبريها مثل امك

وقفت منقهره وقالت : وشلون امي كبري .. وتروح المدرسه

قلت لها : مو لازم امك .. خالتك .. اختك الكبيره .. اي شي

رمت اللعبه اللي كانت بيدها .. على الارض .. وصرخت علي : ماابي .. ماابي

كانت بتروح .. بس انا مسكتها ..وقلت لها : خلاص حبيبتي .. موغصب هو .. بس تعالي نتغدا .. هزت لي راسها .. يعني طيب .. بصراحه انا احس بالجوع .. ورغوده بعد تبي تتغدا .. ما اقدر انتظر رهف اكثر .. تروح لي هالمدارس وماترجع الا متأخر .. بدال ماتجلس في بيت زوجها ..مثل باقي الحريم

.
.
.

تغديت وخلصت .. قمت غسلت يدي .. وكنت بركب فوق .. سمعت صوت احد يفتح باب الصاله .. لفيت ولقيتها رهف

ابتسمت لي وقالت : السلام عليكم

قلت لها : وعليكم السلام .. كيف كان اليوم

قالت وهي تناظر فوق .. كانها تفكر : اممممم يوم عادي ..بركب بسرعه ببدل.. ثواني ونازله .. عشان نتغدا .. بموت من الجوع

اخذت الشنطه من عندها .. وقلت لها : حنا تغدينا ..تغدي انتي

اخذت الشنطه من عندي .. وقالت لي : طيب

اخذتها من عندها .. مره ثانيه : وقلت لها .. مابتتغدين

اخذتها من عندي .. بس بقوه هالمره .. وقالت وهي تركب الدرج : الا .. بروح ببدل ملابسي



...............................


___________
بيت مشعل .. الساعه :1:30 مساءً
___________


** رهف **

كنت اركب الدرج .. وانا مقهوره .. ومعصبه .. هالبيت مو معتبرين لي اي اعتبار ..ماعندهم ولا ذرة احترام .. معقوله فيه ناس كذا .. الظاهر نسوا ان فيه وحده .. عايشه بذا البيت .. اسمها رهف ..مالي اي قيمه عندهم .. يوم كنت في بيتنا .. لو اتاخر .. للساعه 2 .. ارجع وهم ينتظروني ..لكن هين يامشعل .. وصلت للغرفه .. دخلت وقفلت الباب .. مع اني اعرف ان مشعل وراي ..حطيت الشنطه على السرير ..دخل مشعل الغرفه .. وجلس على السرير .. طلعت لي ملابس من الدولاب .. ودخلت اتروش .. طلعت ولقيته للحين جالس .. مشطت شعري .. ولميته .. وصليت .. خلصت .. وانسدحت على السرير .. من انسدحت سألني : وش بتسوين

قلت له بدون ما اناظره : بنام

قال لي : مابتتغدين

قلت له : لا

مسوي فيها .. يهتم فيني تغديت اولا ..غطيت نفسي

سحب الغطا وقال لي : مافيه تنامين .. قومي تغدي

قلت له وانا ضاغطه على اسناني :ما ابي مشعل .. مو غصب

قال لي وهو ماسك الغطا .. عشان لا اسحبه منه : بس انتي قلتي قبل.. انك بتموتين من الجوع

قلت له .. وبدا صوتي يعلى : ايه هذا انت قلتها .. قلت لك قبل ..الحين ما احس بأي جوع..ابي انام

عطاني نظره .. مدري وش تقصد وطلع .. بصراحه انا ماكنت نعسانه .. ظليت منسدحه على السرير نص ساعه .. تذكرت ان الساعه 4 بيجون لي .. اهلي والريم وامها واختها نوره .. بقوم بتلبس .. وببخر البيت .. قمت وبدلت .. لبست بدله .. حلوه كانت قطعتين .. تنوره طويله .. مفتوحه للركب من الجهتين .. وفيها حزام طويل .. من الكرستال والخرز .. وبلوزه كمومها طايحه .. وفيها كرستال وخرز .. ولبست معاهم طقم ذهب .. وشعري فكيته وحطيت على راسي شريطه بنفس لون البدله .. الوردي والبنفسجي .. وحطيت لي مكياج بعد بنفس الالوان .. تعطرت .. ونزلت .. رحت ابخر المجلس .. دخل علي مشعل

وقال لي : الله تبخرين البيت

قلت له : ايه .. مشعل بيجون اليوم .. اهلي .. وبيت جيرانا

قال لي :الله يحييهم .. بس من زمان ماشميت ريحة بخور .. من راحت امي مع اختي نجود مصر

جلست وقلت له :ايه .. امك واختك متى بيرجعون .. ابي اشوفهم

جلس بجنبي وقال لي : والله مدري .. صار لهم شهرين هناك .. مايملون من مصر هذيلا

قلت له : واختك ماتدرس

قال لي : لا اختي تخرجت من الجامعه

سكتنا شوي .. كان يناظرني قال لي : حلوه عليك هالالوان .. على طول البسي بنفسجي ووردي

قلت له : بتمل

قال لي وهو يلعب بشعري : لا افاا .. وش هالكلام .. ما امل منك انا

قمت عنه على طول .. ايه قول لي كلام حلو .. عشان تنسيني انك تغديت عني ..قول وش عليك ..جات الخدام وقالت لي .. ان اهلي وصلوا .. رحت مبسوطه .. اخوي محمد ويوسف .. راحو مجلس الرجال .. وسعد معاهم طبعاً .. معتبر نفسه رجال هههههههه.. والريم وامها ونوره وبنتها وامي كانو معي بمجلس الحريم
.. جلسنا شوي .. بعدين وريتهم البيت.. طبعاً مافيه ولا كلمه حلوه ماقالوها لي عن البيت والريم تقول انها بحياتها ماشافت بحلا هالبيت .. وانا ما انكر اني انبسطت بمدحهم للبيت .. بعد ماوريتهم اياه رجعنا المجلس .. جلسنا نسولف ونضحك .. تصدقون .. امي تقول .. صارت تحسني حرمه كبيره ..وسالت عن رغد .. تبي تشوفها .. قلت لها نايمه .. لانها طول الوقت بغرفتها ماطلعت منها ... والريم طول ماهي جالسه .. جوالها ماوقف .. ولا الف مسج جاها ..لايكون لقت لها صديقه غيري ؟.. المهم ماطولوا.. من اذن المغرب .. راحوا.. حاولت فيهم عشان يجلسون .. يتعشون معي .. بس قالولي مره ثانيه ..الحين الساعه 9 وربع .. وانا جالسه بالغرفه لحالي .. فتح مشعل الباب ..وقال لي : البسي عبايتك

قلت له : ليه

قال لي : بنطلع نتعشا برا

يبي يصلح غلطته ويطلعني.. على طول سمعت الكلام .. ورحت لبست العبايه .. لاني كنت ابي اطلع .. وثاني شي بطني يوجعني من الجوع .. ماتغديت

طلعنا سوا من الغرفه نزلنا تحت .. لقيت رغد بالصاله .. لاوية لي فمها ..

قال لنا مشعل: يللا مشينا

المهم وحنا بالسياره .. سالني مشعل : اي مطعم تبين

قلت له : مدري كيفك

قالت رغد وهي تقلد صوتي : مدري كيفك .. وش عرفها هذي تسالها

لف عليها مشعل

وقال لها : رغــــــــــــــد .. وعطاها نظره

سكتت على طول .. ولفت تناظر بالدريشه

.
.

ايه احسن .. تستاهلين .. محد قال لك تطولين لسانك

.
.

ودانا مشعل مطعم على كيفه .. كان المطعم فخم وحلو .. جلسنا بأحد الطاولات اللي فيه .. كنا ساكتين ونناظر بالمنيو

تكلم مشعل وقال : هااه .. وش تبون تتعشون

قلت انا ورغد في نفس الوقت : لازانيا

لفت وناظرتني بحقد .. وقالت : لا لا .. ما ابي لازانيا .. بغير

قال لها مشعل بحده : وليه تغيرين .. رغد قلبي .. خلاص انتي تبين لازانيا

يالليل الليل ..قلت لمشعل : خلاص انا ابي ستيك .. وعصير برتقال

صرخت رغد : انا كنت بغير وبقول ستيك وعصير ليمون

نفخت خدودها .. وكتفت يدينها .. وقالت :اي شي ابيه .. هي تقول تبي مثلي .. اوووووف انا ما ابي اتعشا خلاص

الله يطولك ياروح ..هذي ليه اصلاً جات معانا .. تخرب العشا ولا وشو بالضبط

مسك يدها مشعل وقال لها : بابا لازم تتعشين ..ولا عاد كلنا ماراح نتعشا ..

هذا اللي بيموتني قهر .. بدال ماتطقها .. وتاخذ هالشوكه اللي قدامك .. وتبط عيونها ..تجلس تدلعها لي

قالت رغد : انا بتعشا بشرط .. تاخذ هي اللازانيا .. وانا ابي الستيك

من القهر قلت لها : لا من جد تعرفين تنكتين حبيبتي.. هو هذا اللي بيصير .. عاد تشرطتي اولا

ردت علي : لا هالشي مابيصير .. الا لاني قلت .. وغصب عنك .. انتي تاكلين وتشربين بفلوسنا

وقفت بسرعه .. ولفيت لمشعل .. قلت له : مشعل بروح الحمام ( يكرمكم الله ) خلصو طلب .. شوي وبجيكم

طلعت على طول .. ماسمعت رد مشعل .. قليلة الادب هذي ..مستحيل بجلس اتكلم .. وارد على بزره .. انا اعقل واكبر من كذا .. وما ابي اخرب طلعتنا .. فأسكت عنها احسن لها ولي

قبل ما ادخل الحمام .. مسك يدي مشعل اللي لحقني .. وقال لي : ماعليه رهووفه .. رغد صغيره .. ولا تاخذين بكلامها .. وانتي اكيد.........

قاطعته .. وقلت : لا لا .. حصل خير .. وبالنسبه لي انا عادي

سحبت يدي ودخلت .. هديت نفسي و طلعت .. ورجعت لطاولتنا اللي كنا فيها .. جلست .. ووصل الطلب

شوفوا الغبيه .. اخذت الستيك .. وعصير البرتقال .. وهي طالبه عصير ليمون ..قسم بالله عله .. انا ما احب عصير الليمون بس يللا

قال مشعل : لحظه .. رغد كانك قلتي .. تبين عصير ليمون

قلت انا : عادي .. مو مشكله

قال مشعل : بس رهف .. قلتيلي قبل انك ماتحبين عصير الليمون

انا سكت .. وهي شربت شوي من عصير البرتقال .. وقالت : حتى انا ما احبه

حط مشعل يده على راسه وقال : وليه ماقلتي من اول

قالت له : نسيت .. ولا هي تاخذ العصير اللي تحبه .. وانا اجلس كذا ما اشرب شي .. احسن مني هي يعني

صرخ عليها مشعل : رغـــد .. بلا عناد .. انتي تحبين عصير الليمون

حطت راسها على الطاوله .. وجلست تبكي .. ,, لا الوضع هذا ماينسكت عنه .. راسي يوجعني .. ما اكلت شي من الصبح ومالي خلق ,,

وقفت وقلت له : مشعل خلاص .. راسي يوجعني خلنا نرجع البيت

قال لي : لا رهف مايصير .. ماتعشــ

قاطعته : ميخالف .. مره ثانيه .. ابي ارجع البيت ..

قال لي بعد ماتنهد تنهيده طويله : طيب

لان مافيه حل ثاني .. هذيك تبكي .. وانا راسي يوجعني .. وهو مقهور



طــلعــنا مــن المــطــعــم ركبـــنــا الســيـــاره ورجـــعنـــا البـــيـــــت

^*^
/
\
/
\
/
\
/
\
/
^*^



**** نهاية الجزء الخامس ****

[@ همس الغلا @]

...:::][ الجزء السادس][:::...


___________
بيت مشعل .. الساعه :10:00 مساءً
__________


** مشعل **

دخلنا البيت ساكتين .. محد تكلم ..انا كنت حامل رغد .. لانها نامت في السياره ..راحت رهف غرفتنا .. وانا وديت رغد غرفتها .. حطيتها على السرير .. غطيتها وبستها .. طلعت من غرفتها .. ورحت على غرفتنا .. دخلت .. كانت رهف جالسه على نهاية السرير .. بنفس ملابسها ماغيرتهم .. وتلعب بصبوعها .. دخلت انا الحمام ( الله يكرمكم ) تروشت وطلعت ..لقيتها بنفس الوضعيه .. ابي اكلمها .. وفي نفس الوقت ماابي .. وش اقول لها يعني ..انسدحت وتغطيت .. كنت معطيها ظهري ..من حطيت راسي على المخده نمت ..


.
.
.


صحيت الساعه 4 الفجر .. عشان بصلي ..لفيت عليها .. لقيتها نايمه .. ماكانت مغطيه نفسها ..وبنفس ملابسها اللي امس .. الظاهر كانت جالسه تفكر ونامت .. كنت بغطيها ..بس من لمستها .. فتحت عيونها .. نومها خفيف .. قامت على طول

قالت لي : الساعه كم

قلت لها : الساعه 4 الفجر

قالت لي : زين صحيت .. عشان اقوم اصلي

طلعت انا عشان بروح المسجد .. صليت ورجعت .. لقيتها .. متلبسه للمدرسه .. وتمشط شعرها

وش فيها هذي .. ليكون بتروح المدرسه الحين .. قلت لها :ليه لابسه من الحين

قالت لي : بس

قلت لها : طيب جيبي المشط بمشط شعرك

ناظرتني وهي رافعه حاجب : لا والله

قلت لها : يللا عاد .. ترا انا كنت بصير حلاق

خافت وقالت لي : لا يكون بتحلق شعري

اخذت المشط من عندها .. وقلت لها : اما عاد .. جيبي بس .. الحين اوريك .. بعدين بتجيني كل يوم .. بتقولين لي .. مش مش .. مشط شعري

جلست تضحك وقالت لي : بنشوف

شعرها حلو وناعم ..انا امشطها .. وهي تقول لي ما خلصت .. عورتني .. لا تشد شعري بقوه .. خلك رقيق .. اااي قطعت شعري .. خل يدك خفيفه

تركت شعرها و قلت لها: لحظه بروح وبجي

قالت لي : يالليل مشعل

طلعت.. ورحت اخذت من شباصات رغد .. ورجعت الغرفه

قالت لي : وين رحت

طنشتها .. ورجعت امشط شعرها .. كانت هي تسولف لي عن اخوها محمد .. ومندمجه في السالفه

قلت لها : تيرا ترا .. خلصت .. شوفي نفسك في المرايا

لفت عشان تشوف نفسها بالمرايا .. شهقت بقوه .. وقالت : مــشــــعـــل .. مسوي لي جدايل

قلت لها : شكلك كذا حلو ههههههههههههههههههه.. روحي المدرسه كذا

قالت لي: من جدك انت .. تذكرت شكلي يوم كنت بالروضه ههههههههههههههه.. لا واحط لي وردتين من تحت


~~)(~~مشتاق انا مشتاق تلعب بي الاشواق
ماتدري كيف الشواق في غيبتك حرات~~)(~~


جوالي يدق .. ناظرت بالجوال .. ^ اختي نجود ^ يتصل بك

رديت عليها : الوووو .. هلا وغلا جودي

قالت لي : هلا بك زود .. اخبارك

قلت لها : تمام .. وانتوا .. وحشتوني .. انتي وامي

قالت لي : بخير والله .. وانت اكثر .. مشعل بكره حنا واصلين السعوديه

قلت لها : والله بتنوور الديره

قالت لي : طيب انا اخليك .. وسلملي على العروس .. وبوس لي رغد

قلت لها : يوصل

وقفلت

قالت لي رهف : اهلك

قلت لها : بكره بيجون

قالت لي وشكلها استانست : وناسه انا ابي اشوفهم .. يوصلون بالسلامه ان شاء الله

قلت لها : يللا ننزل نفطر

قالت لي : انزل انت .. انا بفك شعري .. بلمه بس وبجي

قلت لها : لا تتاخرين .. واليوم انا بوديك المدرسه .. وانا بجيبك


..............................

[@ همس الغلا @]

..............................


__________
بيت ابو يوسف .. الساعه : 6:00 صباحاً
__________


** محمد **

كنت منسدح على السرير .. والعب بالجوال اللي بيدي .. انا اللي ابي اعرفه الحين .. الريم تقرا مسجاتي .. او تطنشهم .. لا ما اتوقع تطنشهم .. طيب ليه هي بخيله لهذي الدرجه .. ماجاني منها .. ولامسج .. على الاقل واحد .. والله لويجيني مسج من الريم .. كان اكتبه بقلم عريض .. على لوحه فنيه .. واعلقه بغرفتي .. انا غبي .. مستحيل الريم بترسل لواحد ماتعرفه .. والله لو تدري ان اللي يرسل لها محمد .. كان جوالي .. ينفجر من كثر المسجات اللي بتجيني منها ..
خل ارسل لها مسج حلو بس

هذا المسج حلو


^*^
/
\
/
\
/
\
/
\
/
^*^


قــل للعيــون اللي شكت
بعد الاحباب


وقــل للدمــوع اللي
من الشوق هلت


وقــل للشعــور اللي
من الهم منصاب


وقــل للجــروح اللي
بالاحساس حلت


وقــل للخفــوق اللي
عجزعنه الاطباب


تــرى المشــاعر من البعد

{مــلـ،ـ،ــ،ــلـ،ــت }

,,M,,

^*^



** محمد **

الحين هي تقرا المسج ومبسوطه


** لريم **

وهذيلا ماعندهم سالفه غير المسجات اففف حتى بالليل يمسجون شكلي بقفل جوالي لا جيت انام .. اريح نفسي واوفر عليهم فلوس


** محمد **

بكتب لها مسج ثاني قبل ماتروح المدرسه

^*^
/
\
/
\
/
^*^

اقول .. انت الهوى

الغلا

الوفا

بأختصار ؟

انت وعيوني سوى


**الريم **

وانا اقول سوى ولا موبايلي

** محمد **

اكيد اعجبها المسج مره

** الريم **

وش هالمسج البايخ .. لا هذيلا الناس مو بس غثه الا ماعندهم ذوق بعد
بس ياترا من هذيلا ووش سالفة الام اللي رازينه لي بكل مسج.. عندي فكره عشان اعرفهم بدق عليهم وبسكت .. بسمع الصوت وبعرفهم

** محمد **

~~قول امين عساك تحبني وتموت فيني
قول امين عسا يدينك ماتفارق يديني ~~

اغنية عبد المجيد .. كانت نغمة جوالي

ماصدقت عيوني يوم شفت

& غلا روحي & يتصل بك ..

ارد ولالا .. ارد ولا لا

** الريم **

مايردون

** محمد **

امممم برد عليها بسمع صوتها الحلو وبسكت

**الريم **

اخيراً ردو ..بس وش فيهم ساكتين .. لايكون داقه عليهم عشان يسكتون

** محمد **

ليه ساكته ؟.. داقه عشان تسكت ؟

** الريم **

الحين بيتكلمون اولا .. ما الظاهر خل اقفل عنهم .. واقفل الجوال مره وحده

قفلت الجوال وحطيته تحت مخدتي .. واخذت شنطتي وطلعت من الغرفه

** محمد **

اووف خساره قفلت

بدق عليها انا هالمره

وبعد مقفله الجوال .. ليكون انا غثه

...........................................

[@ همس الغلا @]

_____________
المدرسه..الساعه 9:30صباحاً
_____________


** رهف **

كنت انا والريم .. تو راجعين من الفسحه .. وقفنا عند الباب ..

الا الريم تقول لي : مادريتي .. بأخر الاخبار

قلت لها بحماس : وشو

قالت لي : الليله ملكة هند

قلت لها : والله .. هند اللي معانا بالفصل ماغيرها

قالت لي : ايه

جلست ادور هند بعيوني .. لقيتها .. ابتسمت معاها .. جات لي على طول

قالت لي : رهووفه .. ماباركتيلي

قلت لها وانا اقلدها : ماباركتيلي .. انتي قلتيلي عاد

قالت لي : والله مامداني .. انتي تدرين حنا علمي .. حصه ورا حصه .. حتى انا قلت قبل الفسحه بقول لك .. بس انتي طلعتي مع الريم بسرعه

حضنتها وقلت لها : مبروووك

قالت لي : الله يبارك فيك .. شفتي لحقتك .. يللا عقبال الريم

قالت الريم : لا لا انا بخلص ثالث اول

قالت لها هند : انا ابي الفكه .. الحين خلاص لا تزوجت هالسنه .. ماراح اكمل مدرسه .. ياي وناسه

قهرتني بصراحه قلت لها : لا حرام .. دارسه كل هالسنين .. عشان بالنهايه ماتكملين

قالت الريم : هنوده والله حرام

قالت هند وهي تضحك : والله ماتدرون بمعاناتي .. اولاً اهلي خلوني ادخل علمي غصب .. ثانياً بكون متزوجه ومو فاضيه .. ثالثاً الليله لازم تجون والا بزعل

قلنا لها : ان شاء الله نجي

وراحت .. لفيت للريم وقلت لها :حرام صح

قالت لي : قهر .. تدرين .. حتى امل .. تزوجت السنه اللي راحت .. وتجي المدرسه عادي .. الحين ماراح تكمل هالسنه

خليت الريم ودخلت الفصل بسرعه .. رحت لها .. امل وحده معانا بالفصل .. احب اجلس معاها .. شاطره .. تزوجت .. ومستواها للحين ماتغير .. والحين بتترك المدرسه .. مو معقول

جلست على طاولتها

قالت لي : هههههههههههههه رهووف .. وجهك مايبشر بالخير .. ماتجلسين على الطاوله كذا .. الا اذا عندك موضوع يخوف

قلت لها : من جدك انتي بتتركين المدرسه

قالت لي : ههههههههههه مو قلت لك

قلت لها : لا جد .. ليــــــــــــــــه

قالت لي : الحين الوضع تغير .. والله لو ماحملت .. كان مابترك المدرسه .. بس لازم اتفرغ .. للولد اللي بجيبه

قلت لها : عادي .. لماً تولدين .. بيعطونك اجازه

قالت لي : لا تنسين التربيه

دفيت كتفها .. وقلت لها : يللا عاد اللي يشوفك يقول باقي لنا مية سنه .. كلها الا اشهر

ضحكت وقالت : وش اسوي بعد

قلت لها : براحتك .. بس مو تقولين بعدين .. رهوف مانصحكتني

قالت لي : تعالي اليوم الاربعاء؟

قلت لها : ايه

حسيتها تضايقت .. فسألتها: ليــه ؟

قالت لي : اليوم يجون اهل زوجي يتغدون معانا

قلت لها : وين المشكله

سكتت .. قلت لها : قولي لي عادي .. حنا صديقات

قالت لي : اهل زوجي مايحبوني .. بدون سبب .. ويبون المشاكل معي ومع زوجي .. الحين حملت على بالي .. بيحبوني .. لاني بجيب لهم ولد .. لكن نفس الشي

قلت لها : وزوجك

قالت لي : لا انا وزوجي سمنه على عسل .. تخيلي ولا وحده من اهل زوجي تحبني

خوفني هالشي.. عورني قلبي .. ليكون اهل مشعل مابيحبوني .. مو بعيد اذا رغد ماتحبني .. لا مافيه شخص .. يكره احد بدون سبب

قلت لها : متأكده بدون سبب

قالت لي : قسم بالله بدون سبب .. ينرفزوني ويقهروني .. ويفشلوني قدام الناس .. بدون سبب

قلت لها : طيب قولي لزوجك

قالت لي : مااحب .. يصير مشاكل بين امه وخواته

قلت لها : الله يعينك .. ودام زوجك يحبك ماعليك

دخلت المدرسه .. ورجعت انا مكاني .. امل خوفتني مره .. طول الحصه وانا افكر بكلامها .. المهم انتهى الدوام .. طلعت ابي اشوف جاني مشعل اولا .. لانه قال لي بيجيني اليوم .. ماجا .. شافتني الريم

وقالت لي : ماجا لك السواق

قلت لها : لا زوجي بيجيني اليوم

مرو خمس دقايق وماجا .. بس اللي جا هو خالد .. جا ياخذ الريم من المدرسه .. كنت احاول ما اناظر في خالد .. ما ابي اشوفه.. ما ابي اتذكر شي مستحيل وصار من الماضي .. انا حتى بالبيت احاول ما اذكره ..

قلت للريم : خلاص الريم .. انتي روحي .. اكيد عنده شغل بيتأخر شوي

قالت لي : اخاف مايجيك .. وتتورطين .. تعالي معي

مســـتـــحـــيـــل .. اركب في سيارة خالد ..

بس انا بصراحه خايفه تروح الريم .. واجلس لحالي .. ومحد يرجعني.. كله منك يامشعل .. احد ينسى زوجته .. قسم بالله مو حاله مع هالبيت .. مره يتغدا عني .. مره ينساني بالمدرسه
مرت نص ساعه .. والبنات راحو .. والمدرسه صارت فاضيه .. والريم واقفه .. تحاول معي عشان اروح معاها ..

قلت لها : خلاص ريوم .. بجي معك

رحت معاها .. وركبت هي قدام .. وركبت انا ورا

قالت الريم : خالد .. هذي رهف .. بنوصلها بيتهم

قال : وشو .أأ .. اهااا .. ايه .. طيب

لف علي وقال لي : عبايتك

كنت متوتره .. مسكت عبايتي بقوه .. وقلت له بخوف : هاااه .. وشو .. وش فيها عبايتي

قال لي : ابد قفلتي عليها باب السياره

ياربي انا غبيه .. فتحت الباب .. عدلت الوضع .. وقفلته

سالتني الريم : كيف وصف بيتكم

ماكنت اعرف .. ولا ادل بيتنا

فقلت لها : ودوني بيت اهلي




.......................


** الريم **

وصلنا بيت ابو يوسف .. اللي هم اهل رهف .. نزلت رهف .. جلست تدق الباب خمس دقايق .. محد فتح

قلت لها : يمكن اهلك طالعين

قالت لي : بس هذي هي سيارة اخوي محمد

قلت لها : اجل تعالي معنا البيت

وقفت شوي ساكته .. بعدين جات معي .. كنت مبسوطه ان رهوفه جايه معي .. من تزوجت ماجات لي

دخلنا البيت .. سلمت رهف على امي .. بعدين رحنا غرفتي

دخلت اختي الصغيره ساره الغرفه .. وحضنت رهف .. سارونه تحب رهف مره .. وكانت دوم تروح تلعب مع اخوها سعد .. المهم جلسنا نسولف شوي

بعدين قالت لي رهف : ريوم جيبي جوالك .. بدق على اخوي محمد .. لان سيارته بره .. اكيد بالبيت

عطيتها جوالي .. ودقت عليه .. مره .. ومرتين .. وثلاثه .. رد عليها .. قالت له يجيها عشان يرجعها البيت .. 10 دقايق وجاها .. باستني وطلعت .. مع اني كنت ابيها تجلس معي تتغدا .. بس قالت لي زوجها مايدري انها في بيتنا .. وتخاف راح لها الحين المدرسه .. ومالقهاها .

اخذت الجوال .. بشوف رقم محمد .. الفضول ومايسوي



........................


__________
بيت مشعل .. الساعه 7:00 مساءً
__________



** مشعل **


هذي رهف .. ماعندها غير هالسالفه .. من تعصب مني تروح تنام .. وانا اجلس مثل الخبل لحالي .. يعني الانسان ماينسى .. طفشت .. صار لي ساعتين .. جالس بالصاله على هالكنبه ..اكيد الحين صحت .. مو معقول للحين نايمه ..او يمكن القهر يخليها تنام كثر .. هالانسانه غريبه


.
.
.
.


ركبت فوق .. فتحت الغرفه .. لقيتها عند المرايا .. تحط لها مكياج .. اكيد حست انها غلطت .. يوم تطنشني وتركب تنام .. والحين تبي تراضيني ..عشان كذا تتعدل .. بس ما التفتت لي يوم دخلت .. كانت تحط لها مكياج ازرق فاتح ..مخليها مره ناعمه .. جات بتحط لها لون احمر كثيف .. مسكت يدها .. استغربت هي .. قلت لها وانا مبتسم : لا الالوان هذي انا ما احبها .. خليه ازرق بس


جلست تضحك .. تضحك .. وتضحك .. ما وقفت ضحك

انا تفشلت .. قلت لها : ادري ان الالوان هذي على الموضه .. بس انا ما احبها

زادت في الضحك .. فتحت الدولاب .. طلعت منه بدله .. باللون الازرق والاحمر .. كانت بتدخل الحمام ( الله يكرمكم )

بس لفت علي وقالت : مشعل انا متعدله الحين .. عشان بروح ملكة صديقتي .. وضحكت

قهرتني .. بايخه .. قلت لها : بالله .. وليه ماقلتي لي

قالت لي : كنت بقول لك .. بعد ما اخلص

قلت لها : ويمكن انا ما ارضى

طنشتني .. ودخلت الحمام ( الله يكرمكم ) .. شوي وطلعت .. كانت البدله .. مره تجنن .. وعليها احلى .. بس هي قهرتني .. وانا الحين بقهرها

قلت لها : على العموم .. روحي بدلي .. لاني مابخليك تروحي

وقفت متخصره لي وقالت : بس انا ابي اروح

قلت : وانا زوجك ومو راضي

قالت لي :بس انا بروح

وكانت بتطلع .. سحبت يدها .. وقلت لها : نـــــعــــم وين رايحه

قالت لي : بروح ملكة صديقتي .. اترك ايدي

قلت لها : ومن بيوديك

قالت : انت وش عليك .. او اقولك .. اللي تبيه

كانت لابسه عقد لولو .. سحبته بقوه بدون ماتفكه .. انقطع .. وطاحت حبات الولو على الارض

دخلت الغرفه .. وقفلت الباب بالمفتاح .. من جدها ذي .. تقفل الباب بوجهي كذا .. مافكرت انا وين بنام

لـــكـــن الصــبح يــصيــر خــيــر
^*^
/
\
/
\
/
\
/
\
/
^*^


***** نهاية الجزء السادس *****

[@ همس الغلا @]

...:::][ الجزء السابع][:::...


____________
بيت مشعل .. الساعه 8:10 صباحاً
____________




** مشعل **


كنت نايم بغرفة رغد .. في امان الله .. بس مو مرتاح .. احس شي يدغدغ خشمي .. فتحت عيوني .. لقيت رغد بوجهي .. تدغدغ خشمي بريشه .. وفاطسه ضحك .. مسحت على راسها .. باستني .. وقالت لي : صباح الخير

قلت لها : صباح النور حبيبتي .. الساعه كم الحين

ناظرت بالساعه ... اللي بيدها ... وقالت لي:امممم الساعه 2 الا 45 دقيقه

عدلت جلستي .. وقلت لها : 2 وشو الظهر .. نمت كثير .. تعالي بشوف

ضحكت عليها .. وقلت لها : ناظري الساعه .. متأكده 2 الا 45 دقيقه

ناظرت .. وقالت لي : لا لا صح .. العقرب هذا الساعات .. والثاني الطويل الدقايق

مسكت خدها وقلت لها : مايحتاج تلبسين ساعه

قالت لي : وش معنى رهف تلبس

ذكرتني برهف .. بروح لها .. بشوف وش صار عليها ذي .. قمت عن رغد .. بس هي لحقتني .. وقفت عند باب غرفتنا
انا ورهف

قلت لها : رغد وش فيك .. ابي ادخل

هزت راسها .. يعني لا

لا حول وهذا وقتك رغد .. قلت لها : رغد حبيبتي .. انا مابدخل بكلمها .. انا بدخل اتروش ياقلبي

قالت لي : وماتقدر تتروش الا هنا .. البيت كبير ما شاء الله

قلت لها : رغد بعدي خلاص .. لا تعصبين البابا

قالت لي : وش معنى هي ماتعصب عليها

ايه هين ما اعصب عليها .. وش دراك انتي بس

قلت لها : خلاص انا بروح مابدخل .. بس بزعل منك

مسكت يدي .. وقالت لي : لا لا .. خلاص

طاحت دموع من عيونها

.........................


** رهف **

وش هالازعاج اللي برا .. الواحد مايقدر ينام ابد .. هذا والبيت كبير ..صوت مشعل .. وبنته رغد ..بس هذا صوت صراخ.. ليكون بيحط حرته .. في هالصغيره.. قمت من السرير .. رحت عند الباب .. قربت اذني عشان اسمع وش يقولون

سمعتها تقول وصوتها عالي : انت صرت ماتحبني .. تحبها هي اكثر

لصقت بالباب اكثر .. ابي اسمعه وش يقول

قال لها : لا طبعاً .. انتي بنتي وقلبي وروحي وحبيبتي وبنت الغاليه .. مستحيل احب شخص
اكثر منك .. واليوم بتجي ماما فاطمه


حبتك القراده ان شاء الله .. يعني انا اللي بموت عليك الحين

قالت له : احلف بتجي .. هييه .. هييه

قال لها : والله .. يللا بعدي بابا .. عشان بجيب لك هديه اليوم

اللي قاهرني.. قليلة ادب ويدلعها .. بدال مايسنعها

قالت له : ابي الوان .. ولوحة رسم

مسويه فيها هالبزره .. مواهب الحين

قال لها : من عيوني .. يا احلى قمر .. عطيني بوسه

بعدت راسي عن الباب .. لانه حاول يفتحه .. بس مقفل .. فتحته بالمفتاح .. ورجعت على السرير بسرعه


............................



** مشعل **


كانت منسدحه على السرير .. بس ادري انها صاحيه .. اجل الجني اللي فتح الباب .. انا بروح بكلمها .. وكَأن شيءً لم يكُن .. بس عشان بيجون اهلي .. وما ابيهم يشوفون حالنا كذا .. ولا انا كنت بسحبها من شوشتها .. وبرميها مع الدريشه على حركاتها امس .. ههههههه امزح .. مو لهذي الدرجه .. حتى لو انا مااحبها .. مهما يكون هذي زوجتي .. رحت لعندها وجلست على حافت السرير .. كانت مغمضه عيونها بقوه .. يقالك نايمه الحين ..يللا بسايرها .. هزيت كتفها .. وقلت لها : رهـف .. رهــــوفــه .. رهـــوفـه قومي

ماقامت .. عاجبتها مسرحية النوم .. قلت لها : قومي اهلي بيجون .. مو حلوه يجون يشوفونك نايمه

فتحت عيونها على طول .. مسكت يدي .. قالت لي : والله مشعل .. بيجون اليوم

حسيتها استانست مره ..وهذا شي اسعدني .. هزيت راسي لها .. يعني ايه

قامت من السرير .. وقالت لي : الحين بجهزحالي .. وناسه مشعل .. من زمان انا ابي اشوفهم

قلت لها : اوكي .. انا الحين بروح السوق .. بجيب اغراض

قالت لي : ايه طيب ..,, ناظرت للساعه وقالت ,, هم الساعه كم بيجون

ناظرت انا بعد للساعه .. وقلت لها : تقريباً الساعه 1 الظهر


.............................

[@ همس الغلا @]

** رهــف **

قبل ما يطلع .. قال لي كلام ماتوقعته .. ولا حسبت له اي حساب

قال لي : بخري البيت

مو هنا المشكله .. المشكله كمل كلامه .. وقال لي : عاد رهـوف .. ملينا من اكل المطاعم .. وامي مستحيل بتجي من اول يوم .. وبتطبخ .. عشان كذا ابيك اليوم تطبخين لنا

قالها وطلع

.
.
.


. يـــــــــــاربــــــي .. ما اعرف اطبخ انا ..الا اذا كان يبي يغديهم .. اندومي وبيض .. فأنا مستعده .. جات الساعه 9 .. يا انزل اطبخ يا اشوف حل ..ههههههههههههههههههههههههههههههههه .. لا تقولون مجنونه اضحك لحالي .. بس تخيلت اهل زوجي .. يتغدون اندومي وبيض ..هههههههه .. اضحك على خيبتي والله .. جلست على الكرسي افكر .. وافكر .. لقيتها


.............................




______________
بيت مشعل .. الساعه 11:00 صباحاً
_______________


** مشعل **

رجعت من السوق .. ومعي كثير اغراض .. اول مادخلت من باب الصاله .. جاتني رغد تركض .. حطيت الاغراض على الارض .. وحملتها

حطيت يدي بالكيس .. وطلعت لها كيندر سروبريز اللي تحبه

باستني وقالت لي : احبك بابا

قلت لها : وانا بعد

طلعت لها الالوان ..ولوحة الرسم .. عطيتها اياهم .. ونزلتها

قلت لها :اكيد بترسميني

ضحكت .. وراحت تركض

المهم ركبت انا فوق ..لقيت باب الغرفه مفتوح .. دخلت .. الظاهر ماحست لي رهف

كانت ماسكه سماعة التلفون .. وتكلم .. كان هذا الكلام اللي تقوله : يمه انتي جهزي الاكل اللي قلت لك عليه ولا عليك .. لا عاد السلطه انا بسويها .. بخلي السواق يجي ياخذهم الساعه 12ونص .. ان شاء الله .. طيب .. طيب .. الله يحفظك .. مع السلامه

.
.
.
.
.


لفت وشافتني اناظرها ..وقفت وقالت : مــشــعــل

قلت لها : ياسلام ..تكلمين مين

قالت لي : مشعل عاد .. انت تدري

قلت لها .. وانا حاط يدي على خصري : وش ادري

قالت لي : اني اكلم امي بعد مين

سكت وجلست اناظرها .. قالت : مشعل لا تناظرني كذا .. كاني مسويه جريمه

قلت لها : كاني قلت لك .. انتي اللي تطبخين .. ماهو امك

قالت لي : ويعني مافيه فرق .. بيني وبين امي .. كله اكل

قلت لها : قولي ماتعرفين تطبخين

قالت لي : ايه ما اعرف اطبخ

ايه قولي من اول

قالت : انا كنت مشغوله بدراستي .. مو فاضيه اتعلم الطبخ .. والخياطه .. وهالشغلات

احد طلب منها مبرر؟


........................


___________
السياره على طريق الدمام ..الساعه :1:00 مساءً
___________


** نجود **

جديده عليكم صح ؟

لا تخافون .. من اليوم ورايح بغثكم ..يااه وحشتني الدمام .. فديتها وفديت ريحتها .. مشتاقه اشوف مشعل .. ورغوده حبيبة قلبي فديتها ..بس بصراحه متحمسه ابي اشوف .. زوجة اخوي رهـف .. شينه او حلوه .. رشيقه او دبه .. بيضا او سمرا ..احلى من ام رغد .. اولا .. لفيت على خالتي ام مشعل .. كانت تبكي وصوتها مسموع .. تضحكني خالتي .. كل مره نسافر .. تبكي قبل ما نوصل ونشوف الاهل .. حطيت يدي على يدها .. وقلت لها : خالتي .. وش فيك تبكين

قالت لي .. وهي تمسح دموعها : لا يابنتي .. هذي دموع الشوق ..للديره و البيت والاهل

شاعره خالتي فاطمه

قلت لها : ماعليه خالتي .. الحين بنوصل


.
.
.
.


وفعلاً وصلنا الى بيتنا .. كان السواق ينزل .. الشنط ..والاغراض .. دخلت انا البيت

صرخت بصوت عالي : انـــــــــــــــــــــــــا جـــــــــــــــــــــيـــــــــــــــــــــــــــ ــت


نزلت من الدرج بنت حلوه .. تهبل .. قطعه من القمر

جات لي وقالت : الحمد الله على السلامه .. هلا وغلا .. تو مانور البيت

سلمت علي .. وباستني .. وقالت لي : انا رهف زوجة مشعل

قلت بعفويه : الله زوجة اخوي تجنن .. خالــــتــــي .. تعالي شوفي العروس

جات خالتي ام مشعل .. وحضنت رهف بقووه .. وباستها ..قالت لها : الله يابنتي .. شحلاتك.. ماتوقعناك كذا ابد

نزلت راسها رهف مستحيه ’’ الظاهر هي من النوع اللي يستحي بسرعه ’’

قالت لنا : والله الحلا اخذناه من طيب اصلكم .. وش فيكم واقفين .. تفضلوا استريحوا

بصراحه حبيتها هالرهف من اول نظره ..جلسنا بالصاله

قالت خالتي ام مشعل : اقول بنتي وينه مشعل وحشنا مره

قالت رهف : يتروش .. شوي وبينزل

قالت ام مشعل : ومالقى يتروش الا يوم جينا

ضحكت رهف وقالت : مسكين ينتظركم من زمان .. بس لان راح يجيب اغر ....

قاطعتها وقلت : الله الله .. خالتي ترا الحين مشعل مو مثل اول .. لقى من يدافع عنه

نزلت رهف راسها بحيا وقالت : لا بس هذا الصدق

قالت ام مشعل : يوووه نجود اللي يسمعك تقولين لقى من يدافع عنه بيقول حنا دوم نتهجم على مشعل

قلت وانا اضحك : مو قصدي كذا

قالت رهف : بتسوونها سالفه ههههههههههه خلاص مابدافع عن احد

قلت لرهف وانا ابتسم : واخيراً بتصير عندي .. اخت بعمري

قالت لي : انا من زمان .. اقول لمشعل ابي اشوف اختك .. وامك

مثلي يعني .. حتى انا كنت ابي اشوفها

قالت خالتي ام مشعل : والله نجود هناك اذتني .. كل شوي تسالني .. تتوقعين زوجة مشعل كيف شكلها .. كيف اخلاقها .. بس طلعتي حلوه واخلاق .. وصغيره ههههههه .. تدخلين القلب على طول .. ولا تشرهين علينا ماجينا من بداية زواجك .. بس لان مشعل قال ماله داعي تقطعون سفرتكم بأولها وهو مافيه عرس ولا شي

قلت انا : ايه خالتي .. قلت لك مشعل ماراح ياخذ له عجيز وشينه

قالت خالتي : صدقتي والله .. خل اقوم اتصل في عماتك .. عشان يجون يتغدون معنا

يوم راحت خالتي .. فكيت شعري وقلت بمرح : وش رايك في شعري قصيته بمصر

عقدت حواجبها وقالت : بس شعرك طويل الحين وشلون قصيتيه

قلت وانا امسح على شعري : ترا كان اطول .. كان طول شعرك تقريباً

قلت : اهااا .. ماشاء الله .. بس حلو شعرك وحلوه قصتك

قلت لها بهمس : قصيته بمصر بدول ماتدري خالتي ام مشعل .. لانها ماترضى اقصه

قالت لي : ومالاحظت انه صار اقصر

قلت : لا وش عرفها هههههههههههه

قالت : بعلم عليك

مسكت يدها وقلت وانا اسوي حالي خايفه : بعطيك ريال ولا تعلمين

وضحكنا مع بعض

جلست اسولف مع رهف شوي .. سوالفها تجنن .. ارتحت لها .. والله وعرف مشعل يختار .. ركبت فوق .. فتحت باب غرفة رغد حبيبة قلبي .. لفت علي .. شافتني .. جات حضنتني على طول .. جلست تبكي .. الحين وش يسكتها ذي !


........................

[@ همس الغلا @]

** رهف **

كنت مره مبسوطه .. ماتوقعت اهل مشعل كذا .. حبيتهم .. وهم بعد حبوني .. نجود اخلاق وتجنن .. وام مشعل .. حسيتها بتصير لي مثل امي .. بس انا مستغربه من شي .. نجود ليه تنادي ام مشعل .. بخالتي .. هي مو امها؟.. لازم اسال مشعل بعدين


.
.
.
.


رحت انا اجهز الغدا بالمطبخ .. ومعي ام مشعل ..بعد ماسلمت على مشعل طبعاً .. سالتني انتي اللي طابخه

وش هالفشله .. قلت لها : لا مو انا .. امي

قالت لي : ليه تعبتيها .. كنتي خليتيني انا اللي اطبخ

قلت لها : لا تعب ولا شي

قالت لي : الحين بيجون عمات مشعل .. حنا نجتمع اول كل خميس .. وجمعتهم ترا حلوه وتونس القلب .. بس من سافرنا انا و نجود صارو مايجون

قلت لها : وليه ماجونا يوم تزوجت

قالت لي :ماحبوا يجون لك .. وانتي توك عروس .. فأنتظرونا نجي ..

قلت لها : مو مشكله

قالت لي : تعالي هذا هم وصلوا .. يللا عشان يشوفونك

رحنا لهم .. دخلتهم مجلس الحريم .. سلمو علي .. وباركولي على الزواج ..

اشكالهم غريبه .. بالذات البنات .. لا يكون ما استلطفوني

دخلت وحده حامله ولد .. شكلها لا هي كبيره .. ولا صغيره

اول مادخلت .. سلمت على خالتي ام مشعل .. وقالت وين نجودوه

قالت لها خالتي : مانزلت .. تتروش الحين بتنزل

لفت واشرت علي .. وهي مبتسمه .. قالت : اكيد هذي زوجة مشعل

وقفت اسلم عليها .. قالت لي : مبروك حبيبتي انا شجن


قلت لها : الله يبارك فيك .. هلا شجن

لفت على ام مشعل .. وقالت لها : عقبال نجود .. وباقي البنات

قالت لها ام مشعل : ان شاء الله .. الله يسمع منك .. عاد نجود تتدلع .. كل ماتقدم لها احد .. قالت ما ابي اعرس الحين

مسك ولدها شعري .. مسكته ماكانت قويه .. لانه صغير .. حتى ماشكله يمشي ويتكلم .. ضحكت وقالت لي : شكله حبك

ضحكت معاها .. واخذته من عندها .. قلت لها وش اسمه

جلست .. وجلست معاها .. قالت لي : ماجد

جلست العب معه .. لا هذي زينه .. بس الثنتين اللي يتهامسون هناك .. وش سالفتهم

دخل مشعل وقال : السلام عليكم

ردينا عليه السلام كلنا .. بس وش صاير .. وش السالفه مافيه ولا وحده من البنات تغطت حتى شجن ؟ .. يعني هم مايتغطون عن عيال عمتهم .. لهذي الدرجه متعودين مع بعض .. قهرني هالشي .. انا عيال عمتي حتى ما اعرف اشكالهم .. ولا معضم اساميهم ما اعرفها .. مو الا بعد ما اتغطى ..!!

مشعل كان يقول للهنوف : اجل الهنوف ثالث هالسنه .. يبيلك نسبه .. شدي حيلك عاد

وشجن تقول : لا الهنوف شاطره ما ينخاف عليها

ضحك مشعل وقال : ايه مثل رهف شاطره

وصار يدورني بعيونه وقال : فين مراتي ’’ يقلد المصريين ’’

قالت شجن وهي تأشر علي : هذي هي وراك .. بس لان ضعيفه مره ماتشوفها .. وش تاكل كل يوم ؟

لف علي وابتسم لي .. بعدين قال : ماتاكل شي

ابتسمت وقلت : لا عاد اصلاً 24 ساعه اكل

شهق مشعل وقال :وتكذبين بعد ؟ .. لحقتوا تعلمون زوجتي الكذب .. هي ماكانت تكذب .. انا مابخليها تجلس معكم دام هذي اولها

قالت ام مشعل : وبكيفك هي ماتخليها تجلس معنا .. رهف حبتنا وبتجلس معنا اكثر من ماتجس معك صح رهف

ناظرت في ام مشعل بعدين ناظرت في مشعل

قالت شجن وهي تضحك : خايفه تقول صح


وليه اخاف ؟؟؟


ابتسم مشعل وقال : اتحدها تقول .. على العموم يللا انا استأذن .. بروح مجلس الرجال مع عيال عمتي

طلع بس انا للحين مستغربه حلوه هذي مايتغطون عنه !!


........................



** حنان **


شينه .. صدقوني شينه هاللي اسمها رهف .. وش عجب مشعل فيها عشان ياخذها .. وع ولا تعرف تتكلم بعد .. من اول ماجلسنا للحين .. ماقالت شي مفيد .. شاقه لنا هالابتسامه .. عشان نقول عنها بشوشه

سحبت عباية اختي .. قلت لها بهمس : الهنوف .. الهنوف

قالت لي : هااه

قلت لها : وجع .. قولي نعم انا اختك الكبيره .. من الأحلى انا والاهي ؟

قالت لي : ما ادري

قلت : وش ماتدرين قولي بسرعه .. انا احلا منها بمليون مره

قالت : انتي احلا منها بمليون مره

هالغبيه تجلس تعيد لي كلامي

قالت بصوت شبه مسموع : القرد في عين امه غزال

انا سمعتها .. وطنشتها .. لان مالي خلق هواش هنا و لاني ادري اني حلوه .. واحلى منها

ياناس حسو فيني بموت قهر .. بقول لكم سالفتي وانتوا احكمواللي يصير عدل اولا


.
.
.
.



انا احب مشعل قبل ما يتزوج ام رغد .. كان عمره 24 سنه وانا عمري 16 سنه ..اعتبرني مراهقه و تزوج غيري .. وقلت خلاص ما صار من نصيبي .. بعدين توفت زوجته و صار عمري 20 وهو 28 صرت اتقرب من رغد .. عشان يحسني ام مناسبه لها .. ويتزوجني .. وبعد سنتين .. ياخذ لي هالشينه .. والله قهر انا بنت عمته.. انا اطول منها .. ارشق منها .. اكبر واعقل منها .. وبشرتي السمرا احلى من بشرتها .. بس فيه شي .. سر بيني وبينكم .. شعرها بس اللي احلى من شعري .. والجمال ماينقاس بالشعر .. وش شاف فيها

كملت كلامي بنفس الهمس وانا ادف الهنوف : الهنــوف الهــنوف

قالت لي : نعم

قلت لها : وش رايك .. تتوقعين اللي اتوقعه .. نصبت عليه .. وخلته يحبها .. عشان الفلوس

قالت لي :لا تحسبين كل الناس مثلك

ضربتها .. وقلت لها : وش قصدك

قالت لي : اللي تفهمينه افهميه

قلت لها : حتى لو احبه .. احب فلوسه .. نفس الشي احب شي فيه .. ومثل ماقلت لك .. ياويلك لو تكلمينها .. فــــا هـــمـــه

قالت بضيق : ماراح اكلمها .. ارتحتي

عدلت جلستي وقلت وانا ابتسم : ايه ارتحت


..........................

[@ همس الغلا @]

** رهف **

يتهامسون ويناظرون فيني .. يعني بالعربي نتكلم عليك .. بطنشهم عادي


.
.
.
.


دخلت نجود اول مادخلت قالت : حـــنــــونــــه

قامت وحده من اللي كانو يتهامسون .. وحضنتها بقوه ..الظاهر علاقة نجود فيها قويه .. شكلها من نفس عمرها .. وسلمت عليهم كلهم


جات نجود بجنبي .. وقالت لي : بعرفك على بنات العايله : اول شي حنونه عمرها 22سنه اكبر مني بسنه يعني .. خلصت دراسة الثانويه وجلست بالبيت

’’ ناظرت في حنان .. وابتسمت لها .. ما ردت لي الابتسامه .. معقوله ماتبتسم لي حتى ؟؟ ’’

كملت نجود كلامها : بعدين هذي .. ام ماجد .. شجن مايحتاج نقول عمرها .. لان ما اذكر هو 26 او 27 .. وهذا اخوها وليد حبيبي .. بعمر رغد ,, ابتسمت معي شجن ,, .. ونقدم لكم احلى بنات العايله .. الهـنـــوف عمرها 18 سنه اخت حنان .. بس الحين صارت لك منافسه في الجمال .. ’’ ناظرت فيني وغمزت ,,

قلت: لا عاد مو لهذي الدرجه .. ماشاء الله الهنوف حلوه

قالت الهنوف وهي تضحك : عادي رهف ملكة الجمال .. وانا الوصيفه الاولى .. بس من الثانيه

على طول اللي اسمها حنان .. دفت كتف الهنوف .. بيدها .. وانا لاحظت هالشي .. وسويت عمري ماشفت

قالت حنان : اثاري اختي طيبه .. وعندها تنازلات ،، وتناظر فيني ,,

وش فيها هذي علي ؟

المهم بقول لكم شي .. تراهم يبالغون .. انا مو حلوه لهذي الدرجه نهائي.. ما اتوقع احلى من الهنوف .. مثلاً بالمدرسه انا مو من احلى البنات .. يمكن حتى ما اعجب بعضهم .. انا وحده عاديه .. ومو ملفته للنظر .. بوصف لكم هالبنات .. وانتم احكموا اوكي


^*^
/
\
/
\
/
^*^

^ نجــود ^

ناعمه .. ملامحها هادئه .. عيونها لاهي ضيقه ولا هي واسعه .. لونها عسلي .. مثل لون عيون اخوها مشعل .. شعرها ذكرني بشعر الريم .. مموج وناعم .. لونه بني .. طويل .. جسمها امممم تعتبر ضعيفه .. وفيها طول .. بشرتها بين البياض والسمار ... وشخصيتها المرحه والعفويه .. تحليها


^*^
/
\
/
\
/
^*^



^ شجــن ^

شكلي اكثر وحده بجلس معاها .. كل خميس.. واحس انها بتساعدني في اشياء
كثيره .. بما انها متزوجه مثلي
شجن وحده عاديه وبسيطه .. في شكلها و لبسها و حركاتها ..ولدها ماجد يشبه لها مره


^*^
/
\
/
\
/
^*^

^الهنــوف ^

بصراحه حلوه .. ملامحها حلوه وبارزه .. عيونها مرسومه .. واسعه وسود
خشمها طويل .. جسمها مليان شوي.. فيها خدود .. احلى من جسمي وجسم نجود .. مو طويله انا اطول .. ودلوعه .. شعرها ناعم اسود بس مو طويل مره .. لنص ظهرها .. هذي اكثر وحده عجبتني


^*^
/
\
/
\
/
^*^

^حنـــان ^

هذي البنت مدري وش اقول لكم عنها .. ما اتكلم عن الجمال لا .. اخلاقها مدري كيف .. صحيح ما احكم عن الشخص .. من اول مره اشوفه فيها .. بس ما كلمتني ولا كلمه .. ولا ابتسمت معي حتى .. ويوم اختها كلمتني .. راحت دفتها عشان تسكت .. ماعلينا
شعرها لونه بني .. مثل لون عيونها الصغيره .. شعرها مو ناعم .. شكله خشن .. قصير لكتفها تقريباً .. بشرتها سمرا .. بس جسمها وااو .. بالطول والرشاقه محطمه على الكل

اشوى للحين محد غلبني في الشعر .. يللا الحمد الله .. يقولون الشعر تاج المرأءة .. هههههههه كاني صرت مغروره ........ خلونا من وصف البنات .. عشان نروح نتغدا


^*^
/
\
/
\
/
^*^

المهم خلصنا غدا .. وجات ام مشعل بالقهوه والشاي .. وجلسنا نسولف

سالتني ام حنان والهنوف : الا اقول رهف .. انتي كم عمرك وبأي سنه دراسيه

قلت لها وانا مبتسمه : بكمل الـ 18 سنه قريب .. وانا بثالث ثانوي

سمعتني ام مشعل وانا اقول بثالث ثانوي .. وقالت : غريبه .. اجل كيف مشعل يقول .. نجود صديقة رهف بالدراسه

من قالت ام مشعل هالكلمه .. قالت نجود : ايه خالتي .. تذكرين يوم ادرس بمعهد الانجليزي .. السنه اللي راحت .. رهف درست معي ..عشان كذا مشعل قال انها صديقتي بالدراسه

لحظه .. في شي غريب .. انا لا درست بمعاهد ..وما اعرف حتى انجليزي في المدرسه يالله امشي حالي.. ولا اعرف نجود قبل نهائي .. بس ليه نجود بتقول كذا .. معقوله انا فقدت الذاكره ؟ .. وربي شي غريب !!


........................................

_______________
بيت ابو يوسف .. الساعه 4:30 مساءً
_______________


** يوسـف **

كنت منسدح على السرير .. مو قادر اقوم .. احس نفسي للحين مانمت .. ناظرت للساعه .. معقوله نايم من الساعه 2 الفجر الى الساعه 4 العصر .. 14 ساعه .. خل اقوم احسن لي .. وهالخايسه هيفا ناشبتن لي في البلعوم ..ازعجتني .. كل دقيقه .. داقه علي


# احمدH # يتصل بك

~~)(~~خبروه اني على وصله حيت
وان تفارقنا ترى موتي دنا ~~)(~~


هذي هي دقت مره ثانيه .. شكلي بغير نغمة خالد عبد الرحمن .. كرهتني فيها .. او شكلي بمسحها من جهازي نهائي .. خل اشوفها وش تبي .. ولا بقهرها عشان تحل عني .. بسوي نفسي مو عارفها

رديت عليها : الووو .. مين ؟

قالت لي : انا هيفا انا من غيري انا

ماصخه وربي

قلت : على العموم انا ما اعرفك .. الظاهر غلطانه

قالت لي بدلع : يوسف حرام عليك .. انا وش سيت لك

هذي ماتفهم اني خلاص ما ابيها

قلت لها : الله يرحم والديك .. كم ادفع لك .. وتتركيني في حالي

قالت لي : انا احبك يوسف .. وانت تحبني .. مستحيل نترك بعض ببساطه

صحيح البنات ماعندهم كرامه

قلت بصراخ: رقمي .. خلاص انسيه .. ولا ترى بغيره .. لا تدقين ماراح ارد عليك


قفلت في وجهها



# سالمR # يتصل بك

~~)(~~خبروه اني على وصله حيت
وان تفارقنا ترى موتي دنا ~~)(~~


يا الله .. وهذي رنا دقت .. اقفل الجوال احسن .. ولا ماراح يسكت الحين

.
.
.
.

غسلت ونزلت تحت .. شافتني امي طالع

قالت لي : وانت هذي سالفتك كل يوم .. لا شغل ولا مشغله .. تنام تصحى تطلع .. تجي باخر الليل .. متى بتشتغل .. وبتتزوج

بسم الله .. الواحد ناقص .. يصحى من النوم .. وعلى طول قرقره

قلت لها : يمه لا تقرقرين .. فوق راسي من الصبح

قالت لي : أي صبح الله يهديك .. الساعه 4 العصر .. الواحد مايدري يقولك صباح الخير ولا مساء الزفت

ماعندي رد عليها .. مشيت فتحت الباب عشان بطلع

قالت : توك صاحي .. صليت ؟

قلت لها : اووووه يمه .. خلاص عاد .. وش قاهرك انتي .. بتحملين ذنبي

طلعت وخليتها .. لاني لو بقيت .. بتجلس تقرقر لليل .. اعرفهم الحريم .. مايشبعون قرقره

.
.
.

صديقي عنده شقه .. نجتمع فيها كل يوم .. نخطط فيها لسرقه جديده .. لا تخافون موسرقة بيوت محلات وخرابيط .. عادي يعني .. موشي خطير

دخلت سلمت .. وجلست ادخن

قال لنا عبد العزيز.. هذا واحد من الشباب : الليل راح ننظف محل جوالات

قلت انا : ننظف أي واحد فيهم ؟

قال عبد العزيز : الربيعي

قال حمد : بس الربيعي .. معروف .. يخوف شوي .. خلونا ننظف محل عادي

قلت له : وانت على طول جبان .. خلك مثل عزوز .. وياسر.. ماتبي تجي معانا .. خلك هنا .. ومالك نصيب في هالتنظيف

قال حمد بتردد : لا بنظف معاكم طبعاً

قلت انا :

يــــــــــــللا شبـــــــــــــاب مــشيـــنــــــا


^*^
/
\
/
\
/
\
/
\
/
^*^

***** نهاية الجزء السابع *****

[@ همس الغلا @]

...:::][ الجزء الثامن ][:::...


___________
بيت مشعل .. الساعه:4:30 مساءً
___________


** رهف **

طلعوا البنات الحديقه .. وانا جلست اسولف مع شجن

قالت لي : رهف

قلت لها : سمي

قالت : سم الله عدوينك .. بس ابي اسالك .. انتي تعرفين تطبخين

انا ما اعرف اطبخ نهائي .. بس استحيت اقول لها لا .. فقلت لها : يعني .. خفايف بس

قالت لي : تصدقين .. انا في بداية زواجي .. ما كنت اعرف اطبخ ابد .. حتى زوجي لاعت كبده من اكل المطاعم .. بس الحين .. صرت خيال بالطبخ

قلت لها : ما شاء الله .. شكلك الحين فنانه

قالت بأبتسامه : وش رايك اعلمك

قلت لها وكنت مستانسه : والله شجن يسعدني هالشي .. انا ابي اتعلم الطبخ

قالت : خلاص من عيوني .. متى ماحبيتي .. نبدا دروس الطبخ .. انا جاهزه

قلت لها : تسلمين .. ربي يخليك

قالت: الله يسلمك

جات نجود .. وقالت : رهف قومي اطلعي معانا

قلت لها : طيب

بعد ماقمت .. قالت نجود لشجن : تعالي انتي بعد معانا

قالت لها شجن : لا ابي اجلس .. برا فيه هوا قوي .. واخاف ماجد يمرض

قالت لها : خليه مع خالتي فاطمه

قالت : لا لا ادري فيه شيطون وبيتعبها .. لفت على وليد وقالت : ليه جالس هنا .. اطلع العب مع رغد

.
.
.
.

طلعنا الحديقه انا ونجود ووليد .. وكانوا عند البركه .. هنوف وحنان ورغد

قالت لي نجود : الجو يصير حلو بين العصر والمغرب

قلت بمرح : بين العصر والمغرب .. كملي الاغنيه

قالت لي : ايه والله ماناقص الا اغني بعد ههههههههههههههه

ضحكت معاها .. ورحنا جلسنا مع البنات الباقي

قالت حنان : اشوف تأخرتي .. ماصارت هذي تنادين على رهف .. حشى تسوين محشي

قالت نجود : يللا عاد كلها الا دقيقه

قالت الهنوف : ايه صحيح ما تأخرت

للمره الثانيه اشوف حنان تدف الهنوف اذا تكلمت .. انا مستغربه وشلون نجود ماتلاحظ

قالت لي حنان : انتي سنه ثالث ثانوي

قلت لها : ايه

قالت وهي تفكر : غريبه ليه متزوجه بدري


’’ وش دخلك ؟ تزوجت بدري .. ماتزوجت .. شي راجع لي ’’


قلت لها : تعرفين يعني ثانويه عامه وابي نسبه .. وماعندي احد يذاكر لي
عشان كذا تزوجت ,, ضحكت ضحكه مصتنعه ,,

الهنوف ونجود : ههههههههههههههههههههههههههههههه ومشعل هو اللي بيذاكر لك هههههههههههههههههههههه

قلت لهم : تتخيلون عاد مشعل مدرس خصوصي ههههههههههههههههههه

قالت حنان بضحكه بارده : هههه نجود تعرف تنكت زوجة اخوك

قالت لها نجود بمرح : ايه خفيفة دم رهــوفه طالعه علي

قالت حنان : مره

،، صح .. انا ابي اعرف .. ليه نجود قالت الكلام اللي قبل .. لخالتي فاطمه .. ابي اسالها .. بس مو قدام هذيلا ,,

شفت نجود تأشر بيدها وتقول لي : وين سرحانه

قلت لها : تعالي نجود ابيك شوي

قالت لي : اوكي

رحت معاها بعيد شوي .. مو عارفه وش اقول لها

قالت لي : وشو رهف .. فيه شي مضايقك

قلت لها : لا ابد

قالت : اجل

قلت لها بتردد : نجود انا متى درست معك بمعهد انجليزي ؟ ما اذكر

قالت لي وهي تضحك : اهاا ولا انا اذكر

’’ اجل وش السالفه ’’

قلت : بس انتي قلتي

قالت : ايه انا قلت .. هذا مشعل .. وصاني مية الف مره .. اني اقول انك صديقتي في الدراسه

تفاجأت ليه مشعل يخليها تقول كذا .. مافيه سبب .. غريبه ؟

قلت : وما سألتيه عن السبب

قالت : ما رضى يقول لي .. انتي اسأليه الليله

هزيت راسي بموافقه

قالت لي .. وهي تناظر يمين وشمال : بس رهف .. امممممم بسألك سؤال ملقوف شوي

قلت : اسألي

قالت وهي تحك راسها : هو مو ملقوف شوي .. الا مره

ياربي وش بتسأل نجود .. قلت لها : اسالي نجود خوفتيني

قالت : انتي من وين عرفتي مشعل


بالله عليكم مو مفروض انا اللي اسأل .. انا اللي اقول لها من وين مشعل عرفني .. وليه خطبني انا بالذات


شافتني ساكته .. قالت لي : خلاص حبيبتي براحتك

قلت لها : لا مو كــ

قاطعتني وقالت : لا عادي خلاص .. يللا نرجع


..........


** حنان **

مو اول قلت لكم .. 1- شينه .. 2- ماتعرف تتكلم .. اظيفوا عليهم صفه بعد 3- ماعندها اسلوب

الحين حنا مجتمعات .. وجالسات نسولف .. تاخذها وتروح ليه .. قسم بالله ماعندها اسلوب

قلت للهنوف : هنووفه .. وش رايك بالحركه

قالت لي .. وهي مشغوله تركب الالعاب اللي طلعو لرغد ووليد بكند سوربريز : اي حركه

قلت لها : غبيه انتي .. مالاحظتي انها مقهوره بلمتنا مع بعض .. وحبت تخرب علينا .. ماشفتيها قبل سرحانه تفكر بطريقه .. عشان تاخذ نجود منا .. هذي حاقده .. لازم مانسمح لها تفرقنا

ناظرتني وهي اقده حواجبها : حنان .. مو لهذي الدرجه .. وين جالسين حنا تفرقنا وتخرب لمتنا .. تبي تكلم اخت زوجها بموضوع .. هي حره

ضربتها على راسها .. وقلت لها : كم مره بفهم فيك .. كم مره بقول لك لا تصيرين خبله .. الله خلق لك عقل .. عشان تفكرين فيه .. بس وش اقول .. الغبي غبي مهما تفهم فيه

نزلت راسها وسكتت .. وش اسوي فيها ذي انا .. ابي مصلحتها .. القطو ياكل عشاها وهي ساكته

قلت لها : ردي علي .. انا اكلمك

قالت : رغــد ولــيد اقربوا ركبت الالعاب

حطيت يدي على ذقني .. وقلت بتفكير : من وين طالعه لنا هالرهف

قالت رغد : من اقرب زباله

استغربت جواب رغد .. فقلت لها : ليه قلتي كذا

قالت رغد : لانها منافقه .. تسوي طيبه قدام ،،، ماكملت كلامها لان الهنوف حطت يدها على فمها ،،،

وقالت لها : رغد عيب .. هذي زوجة ابوك واكبر منك .. وفي مقام امك

شلت يد الهنوف بقوه : روحــــــي منــــــــــاك زيــــن .. مابقى الا هذي تصير بمكان ... امها المرحومه.. رغوده ماعليك منها كملي

افففف جات رهف مع نجود .. انا اللي افهمه شي واحد .. رغد ماتحب رهف .. وهذا الشي لمصلحتي

قلت لهم : وين رحتو تأخرتوا

قالت نجود : لابس رهوف كانت تقول لي عن سالفه

طلعت ام مشعل وقالت لنا : يابنات اذن المغرب .. صلاة صلاة .. والرجاجيل بيصلون وبيطلعون الحديقه

ودخلنا البيت كلنا نصلي


...........................


___________
بيت مشعل .. الساعه 7:00 مساءً
___________

** نجـود **

واخيراً رحت عن البنات .. مستحيل اضيع فرصة اني اشوف فيصل .. اكيد تقولون اي فيصل .. الله يطول عمركم .. فيصل هذا ولد عمتي ..اخو حنان والهنوف.. بوصفه لكم امممم متوسط الطول وضعيف شوي .. بس ملامحه حلوه مره يعني وسيم وشعره ناعم بني عيونه لونها بني فاتح ومرسومه وخشمه طويل وحلو .. لاتقولون هذي ماتستحي حافظه مواصفات الرجال .. بس لان حنا مع بعض من يوم كنا صغار .. المهم اللي اعرفه ان الشباب طلعوا الحديقه .. ابي اشوف فيصل لو من بعيد .. تحجبت للضروره .. و طلعت من باب الصاله .. مالقيتهم .. الظاهر جالسين من الجهة الثانيه .. اذا طلعت من باب الصاله .. ولفيت عشان اروح الجهة الثانيه .. بيشوفوني .. وانا ابي مكان * اشوف وما انشاف * وين عاد .. ايه مجلس الرجال يطل على الحديقه .. بروح هناك .. بس ما ابي البنات يشوفوني .. لازم امشي بخفه وحذر .. ايه وصلت لباب للمجلس بأمان .. سمعت صوت خالتي فاطمه من وراي وش هالحظ

قالت لي : نجود حبيبتي .. عاد روحي قولي للخدمه .. تجي تنظف مجلس الحريم

وهذا وقته اروح واجي ؟

قلت لها : ان شاء الله خالتي

رحت وقلت لها .. ورجعت لمجلس الرجال .. بس هالمره دخلت على طول .. عشان لا احد يقول لي .. روحي وتعالي وودي وجيبي .. قفلت الباب وراي .. فتحت دريشة المجلس .. وينهم .. ما اشف شي .. ايه هذا هم .. بس ما اشوف الا نص وجييهم.. مافيه الا سلطان زوج شجن اشوف وجهه كله .. لانه نخله .. الاشجار اللي هنا تغطي علي .. فكره .. دام الاشجار يغطون علي .. فأكيد يغطون عليهم بعد .. بطلع من الدريشه مابيشوفوني .. بنزل وبطلطل عليهم .. واذا تورطت مره مره بدخل الحمام (( الله يكرمكم )) اللي بره ..عند باب المجلس الخارجي ..

فتحت الدريشه شوي شوي .. زين ماطلعت صوت .. وصرت الحين جالسه عليها .. اذا ظليت كذا .. بيشوفون نص وجهي .. نزلت راسي .. بس المسافه بعيده شوي من هنا للارض .. لفيت نفسي عشان انزل بالعكس .. كنت ماده رجلي على اخر شي .. احاول المس الارض .. ايه لمست الارض .. حطيت رجليني الثنتين .. وقفت على الارض .. وتنهدت براحه .. لفيت نفسي .. المصيبه .. لقيت فـــــيــــــــــصــل في جـــــهـــــي



.............................

[@ همس الغلا @]

_______________
بيت ابويوسف .. الساعه : 7:00 مساءً
_______________


** محمد **



كنت جالس بالصاله .. مع سعد .. اشوف التلفزيون .. افرفر بين القنوات .. وقفت على اغنية عادل محمود


.
.


اوعدني عني ماتغيب

تبقى هنا جنبي قريب

محتاج انا مثلك حبيبي

يفهم عيوني وضحكتي

****

فيك انت حلمي من زمان

وانت الهوى وادفى الحنان

تلقى معاك روحي الامان

ياحلى بشر في دنيتي

****
وحــدك أبيـك

والله أبيـك

بس تكفى طمني عليك

مابي احــد احد يشغــل عينيـك
وأمــــــوت أنا من غيرتي

.
.

كنت داخل جو مع الاغنيه .. بس تلفون البيت خرب علي هالجو .. رفعت سماعة التلفون .. كانت اختي رهف

قالت لي : السلام عليكم

قلت لها : وعليكم السلام ورحمة الله وبركاته .. هلا رهف

قالت : اخبارك محمد

قلت : تمام .. وانتي

قالت لي : مو بخير

قلت : افاااا وليه

قالت لي : ماتستحي على وجهك انت

وش فيها هذي بسم الله الرحمن الرحيم

قلت لها : وشو رهف

قالت وشكلها معصبه : قالولك ما ادري عنك .. الريم ماتبيك

اكيد عرفت رهف باللي بيني وبين الريم .. ريوم قالت لها بكل شي
لحظه مهبول انا .. هههههههه اصلاً وش اللي بيني وبين الريم

قالت : رد .. تكلم لو فيك خير .. فشلتني الله يفشل وجهك .. الحين وين اودي وجهي من الريم

قلت لها بكل براءه : ليـــــه .. ليـه كل هذا .. وش سويت انا

قالت وعلى صوتها شوي : اسال نفسك .. زاعج البنت اتصالات

اتصالات ؟ وش تخربط ذي : اي اتصالات

قالت لي : اسكت ولا كلمه .. متفشله مره مع الريم.. مو قادره احط وجهي بوجهها .. اكيد بتقول اخوي يغازل بنات .. الوووووووو .. الوووووو .. محمد رد .. وينك

قلت : مو انتي قلتي لي اسكت ولا كلمه

قالت : محمد اكلمك جد

قلت لها : وانا اكلمك جد .. وش قالت لك الريم

قالت لي : بقول لك بكل السالفه .. انا يوم ادق لك ذيك المره .. تذكر

قلت : اذكر .. ويعني .. ايــــــــــــــــــــه صـــــح .. لا تقوليلي دقيتي على من جوال الريم

قلت له : وشلون ماتدري .. مسوي رقم الريم مو عندك

’’ يوم تدق علي .. انا كنت نايم ..وماحطيت في بالي .. ماركزت’’


كملت : الريم حافظه اسمك في جوالها بــ المغثه

لا حطمت قلبي رهف .. معقوله طول هالفتره انا كنت غاث الريم .. انا على بالي مستانسه بالرسايل .. صحيح انا دلخ .. مستحيل وحده بتستانس برسايل ما تدري من اللي مرسلها

قالت : محمد قول لي وش السالفه

قلت لها بكل السالفه من طأ طأ .. للسلام عليكم

قالت لي : انت يعني الحين تحب الريم

قلت لها : اكيد ولا على بالك انا تبع بنات

قالت لي بكل جديه : طيب متى بتخطبها

الله اخطبها .. حلمي ان الريم تصير زوجتي .. قلت لها : ظنك توافق

قالت لي : ترا الريم يجونها خطاطيب من كل مكان .. بنت الكل يتمناها .. يعني لو ماخطبتها الحين .. بتروح عليك .. مو بعدين تجلس تتندم

قلت لها : طيب المهر غالي ؟ .................. وينها ذي وش فيها قالت باي وقفلت .. ليكون سؤالي فيه شي !!

ناظرت بجنبي .. شفت سعد جالس بجنبي .. ويناظرني بتركيز .. ويقول لي : متى بتخطب الريم !!!؟؟؟


...................................


____________
بيت مشعل .. الساعه:7:30 مساءً
____________


** فيـصل **


هذي بنت عمتي نجود .. وش فيها.. طار عقلها ؟.. شكلها وهي نازله بكل حذر .. يضحك .. انا مسكت ضحكتي ما حبيت افشلها

فقلت لها بجديه : وش تسوين هنا

كانت متوتره وخايف .. وتناظر يمين وشمال وورا وقدام .. وفي كل جهة

قلت لها : انا اسألك .. وش فيك

ناظرت تحت وسكتت .. انا مبتسم على اخر شي .. ماابي اضحك

عندي فكره دامها كذا.. تتراجف وحالتها حاله .. بخوفها .. سويت نفسي بروح .. ومستعجل

قلت لها : بروح بقول لاخوك مشعل

مسكت طرف كمي بقوه .. وقالت بأنفعال : لا لا لا الله يخليك .. انا انا انا بروح لحالي .. لا تقول لاخوي مشعل

انفجرت من الضحك ههههههههههههههههههههههههههههههههههههههههه نذل انا صح

اشرت لها بصبعي .. وقلت : ماراح اعلم عليك بشرط

تركت طرف كمي وقالت : وشهو

قلت لها : قولي لي .. وش تسوين هنا

قالت لي بتوتر وهي منزله راسهه : انا .. كـ كنت كنت بشوف اذا اخوي محتاج شي ولا لا

قلت لها : واللي يبي يشوف اخوه محتاج شي اولا .. يجي من الدريشه مثل الحراميه ,, اشرت على الدريشه ,,

لفت وجهها عني .. وقالت : ايه انا احب اجي من الدريشه

تكتفت وسندت نفسي على الجدار .. وقلت لها وانا مأشر على الدريشه : طيب وانا اقولك..مشعل مو محتاج شي .. يللا ارجعي من الدريشه يا القطوه يا الحراميه

قالت لي بعصبيه : انا مو قطوه ولا حراميه

قلت لها : والله مايدخلون من الدرايش الا القطاوه والحراميه ههههههههههههه

قالت : والله الحرامي هو اللي يتمشى في بيت مو بيتهم لحاله

شهقت وقلت لها : تطرديني

حطت يدها على فمها .. وفتحت عيونها بقوه وقالت : مو قصدي كذا

بضحك عليها .. وبلعب باعصابها مره ثانيه .. عقدت حواجبي .. وقلت لها : والله القصد واضح .. وانا اسف على الازعاج

قالت لي : لا فيصل

غمضت عيوني .. وقلت لها : مافيه داعي .. انا انهنت وفي بيت عمتي .. والانسان له احاسيس وكرامه

عطيتها ظهري .. وقلت وانا منزل راسي : انا بروح الحين .. بس بدون رجعه .. ومستحيل انسى
انك جرحتيني وطردتيني واهنتيني

ما اسمع صوت .. ليكون راحت .. وانا جالس اكلم حالي .. لفيت لقيتها منزله راسه ..وضامه يدينها مع بعض

حسيت اني خربتها .. قلت لها : نجود .. انا امزح

رفعت راسهه .. وكانت عيونها تلمع .. او يتخيل لي .. مدري بس المهم هي متأثره .. والله شكلي جبت العيد

قلت لها : قسم بالله امزح .. حتى شوفي ’’ ضحكت ضحكه بارده ،، هه هه هههه

طنشتني .. وفتحت باب المجلس وراحت تركض .. ناديتها بس مارجعت .. احس بالذنب .. اكيد تقولون اللي يسوي سواتك مايحس بالذنب .. بس صدقوني احس بالذنب .. حتى نسيت ليه انا جيت هنا .. ايه صح بدخل الحمام (( الله يكرمكم ))


.........................

____________
بيت مشعل.. الساعه 12:30 مساءً
____________



** مشعل **

ابي انام نعسان .. رهف مو مخليتني انام .. كل شوي تسألني سؤال .. بس الظاهر حبت اهلي .. حتى امي ماتت عليها .هزتني وقالت : مشعل مشعل .. لا تنام ..بسألك

قلت لها بملل : نعم

قالت لي : امك .. مو ام نجود

قلت لها : لا حنا ابونا واحد .. بس امهاتنا غير

قالت لي : ووين امها

قلت لها : ماتت

قالت : الله يرحمها

سكتت شوي .. بعدين قالت .. ايه صح مشعل .. ابي اسألك سؤال بعد

قلت لها : وشهو السؤال

قالت: انت ليه قلت لاهلك .. اني صديقة نجود بالدراسه

هذي من قال لها .. ماكنت ابيها تعرف اني قايل لاهلي كذا .. قلت : انا ماقلت

قالت : الا قلت .. حتى نجود قالت انك موصيها تقول هالكلام

قلت لها واسوي حالي مو مهتم .. لاني ما ابيها تعرف شي : انا ما اذكر اني قلت كذا


قالت : خلاص مو مشكله

زين انها ما اصرت .. غمضت عيوني .. غفيت شوي ..هزتني مر ثاني وقالت : مشعل انت زوجتك من سوريا

قلت لها : لا زوجتي سعوديه .. امها لبنانيه .. بس وش دراك .. رهف انا بقول لك شي اوكي .. قولي لي اوكي .... قولي .... وينك .... نمتي

لفيت عليها لقيتها نايمه .. غمضت عيوني .. حاولت انام وماقدرت .. كله من رهف .. تنام وماتخلي غيرها ينام .. قمت من السرير .. فتحت المكتب .. يااه هالمكتب مغبر .. من زمان مادخلته .. فتحت الدرج .. طلعت صورة ام رغد .. ما اتخيل اني في يوم بنساها .. او بحب غيرها .. بست الصوره ورجعتها


...................................


______________
السياره .. على طريق الدمام .. الساعه 1:30 مساءً
______________



** نايف **

رجعنا للحر والغبره .. الناس تحن لبلدها .. وانا العكس .. مو ماحنيت .. بس ماكنت ابي دراستي بأمريكا تخلص .. فتحت الباب ونزلت من السياره .. ناظرت للبيت .. كل شي مثل ماهو .. ماتغير علي شي .. كانت فيه سياره قدامنا واقفه .. نزلت منها بنت .. حامله شنطه .. شكلهه جايه من مدرسه

ناظرتني شوي .. وابتسمت

غريبه .. اول مره في حياتي احد يشوفني للمره الاولى ويبتسم .. وجهي ماهو بشوش .. ولا يستانس الواحد لا شافه .. اصلاً اللي يجلس معي كثير يمكن مايحبني .. لاني على طول جاد .. ولا ابتسم الا نادر


.................................................. ........

** رهف **


من هذا ؟ سواق ولا وشو .. مو قادره افتح عيوني واشوف زين من الشمس


** نايف **

للحين تنار فيني .. من هذي ؟ انا ما اعرفها .. لا يكون هذي رغد بنت مشعل .. لالا مايمدي هذي كبيره

** رهف **

حطيت يدي فوق وجهي ودققت فيه .. لالا هذا مو سواق يافشلتي
اغطي وجهي الحين .. اولابيصير موقفي يفشل..اذا فجأه اغطيه
جالس يناظر فيني .. خلاص بغطي وجهي

** نايف **

وش فيها غطت وجهها ’’ ابتسمت على حركتها ’’

** رهف **

يبتسم .. فشله اكيد قال انا غبيه

** نايف **

دخلت البيت .. وناظرت فيه من داخل .. كل شي مثل ماهوا ماتغير شي

ناظر في اول كنبه بالصاله .. وجلست عليها .. اذكر اني كنت احب اجلس على هذي الكنبه

** رهف **

وش فيه دخل البيت بدون لا احم ولا هلا

دخلت داخل بسرعه .. وشفته جالس على الكنبه وحاط رجل على رجل

وكان البيت بيت ابوه

** نايف **

ناظر لجهة الباب ولقيت البنت واقفه .. سالتها : من انتي ؟

** رهف **

قلت له : انا زوجة مشعل

** نايف **

وقفت بسرعه يوم قالت انا زوجة مشعل .. وش السالفه الناس تكبر مو تصغر .. وهذي صغيره

** رهف **

بركب اقول لمشعل ينزل بسرعه لان الوضع مايطن

^*^
/
\
/
\
/
\
/
\
/
^*^



**** نهاية الجزء الثامن ****

[@ همس الغلا @]

...:::][ الجزء التاسع ][:::...


___________
بيت ابو يوسف.. الساعه :1:30 مساءً
___________


** محمد **

كنت جالس بغرفتي .. اكتب اوراق حق الشغل .. ومعي سعد .. يلعب في جوالي ..تلاحظون اني اجلس مع سعد كثير ..احب الصغار .. لاجلست معهم ماتمل .. بس الحين انا مخليه يلعب في الغرفه لحاله .. لاني مشغول

سألني : محمد؟

قلت له وانا اكتب : نعم

قال : وش لون ترسلون بالجوال رساله

قلت له : يا النصاب .. انت تعرف .. اشوفك تكلم رهف بجوالي

قال : اعرف ادق .. بس ما اعرف ارسل رسايل

قلت له بملل : لا صار عندك جوال بعلمك

قال لي : ما ابي ما ابي .. اناابي الحين .. برسل لرهووف رساله

تركت القلم .. واخذت الجوال .. جلست اعلمه .. ذكي بسرعه يتعلم

قال لي : ليه اغلب الرسايل لغلا روحي

كذبت عليه .. وقلت له : غلا روحي هذا .. ولد جيراننا عبوود

عطيته الجوال .. ورجعت اكمل اوارق الشغل

قال لي : خلاص ارسلت

قلت له : ارسلت لرهوف

قال : لا ارسلت لعبوود

اخذت الجوال بسرعه .. وفتحت الرساله اللي ارسلها


^*^
/
\
/
\
/
^*^


*القلب ينبض بحبــــك *


*والعين ترمش لاجلـــك*


*والخشم يشم ريحتـــك *


(اف) اتسبح مالت عليك


^*^

شفت الرساله وانا فاتح عيوني على الاخر .. ومنصدم ... يــــــاربـــي .. وش مرسل للريم هذا .. حطيت الجوال على الارض .. وطقيته على راسه

وقلت له وانا معصب : ليه ترسل بدون ما تقول

فتح لي فمه وجلس يبكي .. قال لي : عادي كله الا عبودووه الغبي .. انا ما احبه .. اخوه اخذ كورتي اللي شريتها لي

قلت له وانا معصب : خلاص اطلع بره .. لا طقيتك بعد مره

طلع من الغرفه وهو يبكي

الحين وش بتقول الريم .. لو هو اول ماتدري انا من .. بس الحين تدري اني محمد
بكتب لها مسج حلو



......................

__________
بيت الريم .. الساعه : 1:40 مساءً
__________

**الريــم**


شوفوا هذا .. من زمان ماجاتني منه مسجات ..والحين كاتب لي مسج ريحتك خايسه وتسبحي ومدري وشو .. وش قصده يعني .. والله انه ما يستحي

هذا مسج ثاني بعد


^*^
/
\
/
\
/
^*^

دمـــعــه تســـيــل

وشــمعــه تــنــطــفــي

والعــمــر بــدونـــك

يـــخـتــــــفــــــــــي

ومـــــن دونـــــك قـلـــبـي

يــنــــتــهـــــي ...

,, M ,,


كتب مسج ثالث


^*^
/
\
/
\
/
^*^


منهو مثلك

من ســواك

داخل الخاطر

غــلاك

يلي حبك هو

حياتــي

كل احاسيسي

معــاك

,,M,,


^*^
/
\
/
\
/
^*^

ايه جالس يرقع .. حس ان مسجه الاولي يفشل ..انا بسوي نفسي مدري هو من .. بس رهف تدري اني حافظه رقم محمد في جوالي .. ’’بالغثه’’ .. ان شاء الله ماتقول له ’’ حطيت يدي على فمي ’’ لايكون رهف تحسب اني اكلم اخوها .. بدق عليها وبشوف

دقيت عليها وردت على طول : الووو هلا ريووم

قلت لها : هلا بك زود .. اخبارك

قالت : بخير الحمد الله .. وانتي

قلت : دووم .. انا بخير

قالت : يدوم عزك

قلت لها : رهووفه تعالي تغدي معي بكره

قالت : لا انا بكره بروح بيت اهلي .. وانتي تعالي تغدي معي

قلت لها وانا اسوي معصبه: انا اللي قلت اول

قالت :يللا عاد ريووم

قلت لها : لاني طيبه بتنازل

قالت : ههههههههه احلى يا الطيبه .. ريموه تدرين

قلت لها : لا ما ادري وشو

قالت لي بصوت خفيف : فيه واحد داخل بيتنا .. وجالس في الصاله .. بدون لا سلام ولا كلام .. مانعرفه

قلت : معقوله!! .. وصلت بالناس الوقاحه .. انهم يدخلون بيوت الناس .. بدون لا احم ولا هلا

قالت : ايه .. والحين انا بدخل الغرفه .. بقول لزوجي .. عشان يتفاهم معاه

قلت : ايه زين تسوين .. اجل روحي قولي له

قالت : طيب حبيبتي بخليك الحين

قلت : اوكي .. باي

............

[@ همس الغلا @]

__________
بيت مشعل .. الساعه 1:50 مساءً
__________


** رهف **


قفلت من عند الريم .. ودخلت الغرفه .. كان مشعل يمشط شعره عند المرايا .. يوم دخلت لف علي وقال : تأخرتي اليوم .. يللا عشان نتغدا

قلت له .. وانا ماسكه الباب : مشعل تعال بسرعه ..واحد مانعرفه .. دخل وجلس بالصاله .. كأن البيت بيت ابوه

قال لي : اتوقع حرامي يسرقنا بعز الظهر هههههههههههههههه

وهذا وقته ينكت .. رحت سحبته من يده : يللا عاد .. انزل شوف وش السالفه

طلعنا من الغرفه .. وكنا ننزل الدرج .. بس شفت شي غريب ..كانت خالتي ام مشعل .. حاضنه الرجال الغريب .. وتقول له الحمد الله على السلامه ووحشتنا ومن ذا الكلام .. انا مو فاهمه شي

وقف مشعل بنص الدرج .. وقال : نـــايـــف

اي نايف ؟

نزل .. وانا نزلت وراه .. سلم على اللي اسمه نايف .. بس كان سلامه بارد ..مو مثل امه ..لفيت شفت نجود تنزل الدرج بسرعه .. وهي مبسوطه

.. جات وحضنت نايف بقوه .. كانت تبكي و تقول : ما اصدق عيوني .. نايف رد الديره .. اكيد انا احلم

مافيه الا انا هنا مثل الاطرش بالزفه

قالت له ام مشعل : اجلس ارتاح

قال لها : لا بركب غرفتي .. تعالي نجود

ركب وركبت معه نجود ..قلت لمشعل : من هذا مشعل

طنشني وركب فوق .. ركبت وراه .. دخل الغرفه .. ودخلت وراه .. وقفلت الباب

قلت له : من هذا

قال لي : نايف اخو نجود

قلت : ومو اخوك يعني

قال لي : لا اخوي من ابوي

قلت : من زمان ماشفتوه يعني .. اشوف نجود وامك مستانسين بجيته

قال وهو يجلس على السرير : ايه ماشفناه من 4 سنين

قلت له : طيب انا ما احسك مره مستانس

قال لي : طبعاً بستانس اخوي جاي من السفر ليه ما استانس

اشر لي اجلس على السرير .. جلست .. قال لي : بقول لك السالفه

هزيت راسي يعني اسمعك

عدل جلسته وقال :

ابوي الله يرحمه كان يحب ام نجود ونايف .. بس جدي الله يرحمه ماخلاه يتزوجها .. وخلوه يتزوج بنت عمه غصب .. اللي هي امي .. ماكان يحبها ابد .. بعد ما مات جدي .. تزوج ام نايف اللي يحبها .. حتى كان يحب نايف ونجود اكثر مني .. مع اني اكبر من نايف بسبع سنين .. بعدين انا يوم كبرت ..تعرفت على ام رغد .. وحبيتها .. يوم قلت لابوي اني ابي اتزوجها .. مارضى .. وقال لي لو تاخذ بنت اللبنانيه .. لا انا ابوك ولا اعرفك ..ابوي كان يبيني اخذ شجن بنت عمتي .. انا قلت له .. مستحيل اخلي قصتك تنعاد .. ولو هو نايف كان خليته يتزوج اللي يبيها .. صارت هوشه كبيره ..ورغم كل هذا انا اخذت ام رغد .. و ابوي عشان يقهرني .. قبل لا يموت هو وام نايف في حادث .. كتب كل شي بأسم نايف .. كل شي حتى شركتنا .. اللي الحين انا مدير فيها .. مفروض نايف هو مديرها .. بس قبل 4 سنين توفى ابوي .. نايف ماقدر يجلس هنا .. وسافر يدرس بأمريكا .. الحين نايف رجع .. بياخذ ادارة الشركه .. وانا بصير موظف عادي

.
.

آآآخ لو يدرون اهلي .. كانوا بيموتون لو ما اتزوج هالمشعل ..اللي مره رافعينه فوق .. ابي اشوف اشكالهم ..وانا اقول لهم .. ان مشعل واحد عادي .. يشتغل في شركه .. حاله حال اخوي محمد

قلت له : عادي وين المشكله

سمعت صوت احد يطق الباب .. بعدين فتحه .. كانت ام مشعل .. قالت لنا : انزلوا عشان تتغدون ,, ناظرت فيني وقالت ,, : رهف بنتي تحجبي .. عشان نايف بيتغدا معنا

قال مشعل بجديه : من اليوم وطالع رهف .. لا تطلعين من الغرفه الا وانتي متحجبه .. طيب

هزيت راسي بأيه .. ونزلنا انا ومشعل عشان نتغدا .. وجلسنا .. ماجات لا نجود .. ولا اخوها نايف .. شوي وجات نجود قالت : تغدوو .. نايف ماراح ينزل .. يقول متغدي قبل ما يجي



................................


__________
بيت مشعل .. الساعه 2:30 مساءً
__________

** نايـف **

بموت من الجوع .. انا قلت لنجود تنزل تقول لهم اني تغديت .. لاني مو متعود على زوجة مشعل الجديده .. ماباخذ راحتي وانا اتغدا .. فتحت الشنطه اللي فيها ملابسي .. وجلست احطهم في الدولاب .. وقفت رحت عند الدريشه .. فتحتها .. وش هالجو ماينطَلع فيه .. رطوبه وحر .. متى يجي الشتا ..قفلت الدريشه .. ورحت جلست على السرير .. بطني يعورني من الجوع .. بدق على فيصل .. فيصل هذا ولد عمي .. وصديقي .. وحبيبي .. واخوي .. قريب لي مره .. حتى يوم كنت بامريكا هو الوحيد اللي كنت اكلمه كل يوم تقريباً .. المهم اخذت التلفون الثابت .. ما يشتغل .. يمكن المشكله من التلفون .. طلعت من درج المكتب تلفون ثاني .. وحطيته .. نفس الشي الظاهر مافيه خط .. طلعت بره الغرفه .. كانت هناك خدامه تنظف الصاله اللي فوق .. مو نفس الخدامه اللي يوم كنت بالبيت .. الظاهر غيروها .. ما اعرف اسمها .. قلت لها : ليه التلفون مافيه خط

ماردت علي .. فقلت لها : هي انتي

لفت علي وقالت : نعم

اشرت لها على التلفون .. قلت لها : التلفون مافيه خط .. ليه

قالت لي : ما اعرف وين مشكله .. بس مدام فاطمه كلم عامل يجي يشوف

هزيت راسي ودخلت الغرفه .. اخذت جوالي .. ودقيت على فيصل

رد علي : هلا وغلا .. هلا بالطش والرش .. الله حيه

قلت له : هلا بك زود فياصل .. كيف حالك

قال : بخير الحمد الله .. وانت

قلت : دووم .. انا تمام التمام

قال : يدوم عزك .. ولحمك ورزك

قلت له : اي لحم واي رز .. بموت من الجوع

قال لي مستغرب : ياخي روح اكل

قلت : ابي كبسة لحم .. و صحن سلطه .. وواحد ببسي

قال لي وهو يضحك : قالولك انا مطعم .. المهم انا بعد ماتغديت للحين .. بمر عليك ونطلع نتغدا سوا

قلت : لا تتاخر .. لانك لو تاخرت شوي .. يمكن تجي وتشوفني هيكل عظمي

قال : ههههههههههههههه اجل بتاخر .. ولا مره شفت هيكل عظمي حقيقي .. ودي اشوف

قلت : قل قسم

قال : قسم بالله

قلت له بصوت عالي : فيـصـلوه تعال الحين لا بارك الله فيك

قال لي : طرار ويتشرط بعد

قلت : ماالطرار الا انت .. ويللا لا يكثر .. بــاي

قفلت من عنده .. وبدلت ملابسي .. ونزلت انتظره بالصاله

[@ همس الغلا @]

____________
بيت العمه..الساعه 3:00 مساءً
____________


** حنان **


كانت امي تقول لنا سالفة مشعل .. والحاله اللي هو فيها الحين .. ختمت كلامها : وتخيلوا عاد .. الحين نايف جا من السفر .. بيكوش على كل شي

قلت انا بصوت عالي .. ورافعه يديني الثنتين : الحمد الله .. الحمد الله .. الحمد الله ..اشوى اني ماتزوجت مشعل .. ياربي مره مستانسه .. اول مره احس ان الحظ معي .. بطير من الوناسه .. اكيد الحين رهف تلعن اليوم اللي اخذت فيه مشعل ..هههههههههههههههههه ..ابي اشوف شكلها وهو يقول لها بالسالفه

قالت امي : تلقينها الحين بالعنايه المركزه

قلت لامي وانا اضحك : لا بمستشفى المجانين .. لان طار عقلها من الصدمه

قالت امي : ايه وانتي الصادقه هههههههههههههههههههه

تكلمت الخبله هنوف .. وقالت : حرام تتكلمون على بنت الناس من ورا ظهرها .. وش دراكم انها كذا

قالت امي : الا والله مبين من عيونها .. اللي تقول عيون ضفدع

قلت بعصبيه : اصلاً انتي وش مجلسك معنا .. انقلعي ذاكري

قامت بسرعه .. وطلعت برا

ماعلينا منها غبيه ذي ..تصدقون ..يوم عرفت بسالفة مشعل .. حسيت نفسي بمعركه مع رهف .. وانا اللي انتصرت .. ماتشوفوني مبتسمه .. ابتسامة النصر .. الحين مشعل خلاص .. بشيله من بالي .. مايناسبني وهو منتف ماعنده شي

لفيت على امي وقلت لها : طيب يمه .. وشلون اخلي نايف يتزوجني ؟

قالت : انتي حلوه وذكيه .. وهو ولد عمتك ..يعني مو صعبه عليك

قلت لها :يمه .. نفس الكلام قلتيه لي .. يوم كنت ابي مشعل يتزوجني

قالت : مشعل هذا خليه عنك .. ولا تجيبي طاريه .. زين انك ماتزوجته .. كبير وعنده بنت .. والحين ماعنده ولا فلس

قلت لها : ادري يمه .. ماراح اجيب طاريه اصلاً انا من اول قلت هالمشعل مامنه فايده .. بس انتي قلتيلي يوم كنت ابيه .. اني ذكيه وحلوه .. وعلى طول بيحبني وبيتزوجني .. وماصار

قالت : لان ماعنده نظر .. بس حطي في بالك ترا نايف ثقيل

قلت لها بقهر : اوووف اذا الخفيف ماطيحته .. وشلون اطيح الثقيل

قالت لي وهي تغمز : بس ظيفي على مقادير طبختنا الاولى .. جرعتين دلع .. حبة طيبه وحنيه .. ملعقه كبيره حب و سحر ورومنسيه .. ملعقه صغيره من التغلي .. رشتين عطر ..و صحن لصقه

قلت لها : وشو صحن لصقه .. تبيني الصق فيه ..عشان يقول عني نشبه

قالت : لا يا الذكيه .. انتي بتلصقين في قلبه وتفكيره .. خليه وين ماراح يشوفك .. مثل ظله

قلت : طيب يمه ..هذي مقادير الطبخه .. والطريقه ؟

قالت : الطريقه .. من بكره انتي في بيت خالك


..................................

____________
بيت مشعل ..الساعه 4:00 مساءً
____________


** فيصل **


تونا انا ونايف راجعين من المطعم ..بعد ماتغدينا نايف حلف علي الا ارجع معه البيت .. فرجعت معه .. دخلنا وجلسنا بالصاله

قلت لنايف : وين اهلك .. طالعين

قال : صحيح غبي .. وشلون بعرف اذا كانوا طالعين او موجودين .. وانا تو داخل معك البيت

قلت له : وانت ماعندك سالفه الا تفشل فيني

طلعت من المطبخ ام مشعل .. سلمت علي وجابت لنا القهوه .. وراحت

نزل مشعل من الدرج .. قال : السلام عليكم

قلنا : وعليكم السلام .. حي الله مشعل

قال : هلا والله فيصل .. يللا عن اذنكم

قال نايف : وين مشعل .. طالع ؟.. اجلس معنا شوي

قلت انا : ايه والله مالك داعي صراحه

قال : عندي شوية شغل بالشركه .. لازم اروح

قال نايف : ايه على طاري الشركه .. مشعل انا بكره بداوم .. وبستلم الاداره

قال مشعل : بس انت ماتعرف شي بالشغل

قال وهو يصب له قهوه : انت تعلمني

سكت شوي وقال : مو مشكله

فتح باب الصاله وطلع .. ناظرت لنايف وقلت له : من جد بتستلم الاداره

صب لي قهوه .. وقال : ايه

قلت وانا مستانس : احـــلـــى .. حركـــات

قال : كم ملعقة سكر احط لك .. بالقهوه

قلت : ملعقه بس ..ما احب كثرة السكر

قال بأستخفاف : شفت بعمرك احد يحط بالقهوه العربيه سكر ! هندي انت ؟ .. خذ بس

وهذا من الصبح طايح فيني تفشيل .. قلت له : الا نايف .. يرضيك حال ولد عمتك .. انت مدير .. وانا بالاتصالات

قال لي : من فشلتك تغير الموضوع

قلت : اوووه نيوف خلك بموضوعي

قال : لا طبعاً ما يرضيني .. لك الوظيفه اللي تبيها بالشركه

نطيت عليه سويت نفسي ببوسه ..قال لي : قم عني .. قطعت نفسي يا الخايس

قمت و قلت له : انا خايس بروح بيتنا خلاص

قال لي : واحد ماسكك ؟

قلت : بعد

قال : اجلس بس وش تروح

قلت : لا والله بس بروح ..للحين مانمت .. ابي اصلي المغرب وانام

قال لي وهو رافع حاجب : دجاجه تنام لي من المغرب

قلت له : قسم بالله .. من امس الساعه 1 بالليل للحين مانمت

قال : زين انك حلفت لاني ماكنت بصدقك .. طيب اجلس معي عادي نسهر سوا

قلت له وانا ابتسم بسخريه : غبي انت .. اقولك بنام تقول لي نسهر سوا .. والله حاله

قال : تفشلني فيصلوه .. انا اوريك ان مافشلتك بأول دوام لك بالشركه قدام الموظفين .. ما اكون انا نايف

قلت له : ادري فيك تحبني وماتسويها .. على العموم انا طالع تبي شي

طلعت ام مشعل من المطبخ .. شافتني واقف قالت : وين بتروح .. تو الناس .. اجلس تعشا مع نايف

قلت وانا ابتسم : مره ثانيه ان شاء الله

قالت : مسويه مكرونه بالبشميل .. لحظه بقول لنجود تحط لك منها .. ’’ قالت بصوت عالي ’’ نجـــــــــــــــــود .. حطي لولد عمتك من المكرونه بالبشميل

بعد 5 دقايق

جات نجود بالصحن ..قالت : السلام عليكم .. تفضل

قلت : وعليكم السلام .. زاد فضلك

عطتني اياه ورجعت المطبخ

قلت لنايف وام مشعل : يللا نشوفكم على خير .. والجايات اكثر

.
.
.


طلعت .. بس ماطلعت من البيت .. طلعت من باب الصاله .. ولفيت ورا البيت .. ,, بيت خالي واعرفه زين ,, وصلت لعند دريشة المطبخ .. ناظرت و لقيت نجود لحالها ’’ متحجبه طبعاً ’’ .. رحت وفتحت الباب بشويش

النكته كانت فاتحه باب الفرن .. وجالسه على الارض .. تاكل من صينية الماكرونه بالبشميل .. وتغني

/ ياطب طب وادلع يايقول انا تغيرت عليه ... انا ازعل اولع مهو كل همي ازي ارضيه /

هزيت راسي وقلت : اقول لك قطوه وحراميه .. ماصدقتيني

لفت راسها .. من شافتني تركت الملعقه و وقفت

قلت لها : لا لا كملي اكل يا القطوه .. بس حبيت اقول لك .. ان كنتي شايله بخاطرك على قبل امس يوم امزح معك .. فأنا مو قصدي

نزلت راسها وسكتت .. وهي تبلع الاكل

قلت : الظاهر مافيه رد .. بس بطلع الحين لا يجي اخوك .. ,, اشرت لها بيدي وقلت ,, بــــاي يا الحراميه

قفلت باب المطبخ .. وجلست اضحك عليها



..........................................



** نايف **


بعد ماطلع فيصل .. شغلت التلفزيون .. جلست افرفر .. مافيه شي حلو .. قفلت التلفزيون .. ورحت المطبخ .. دخلت شفت اختي نجود .. قلت لها : جودي .. حطي لي مكرونه بالبشميل

قالت : نعم ..هااه .. لا بس شبعانه

قلت لها وانا ااشر على نفسي : حطي لي انا .. انا اللي باكله

قالت : اهااا .. طيب

راحت اخذت كاس .. وش بتسوي ذي ؟ .. صبت لي مويه وجابتها لي .. وش فيها جودي خرفت

حطيت يدي .. على جبهتها وقلت : سلامات جودي .. فيك شي .. تعبانه ؟

هزت لي راسها يعني لا

قلت لها : طيب روحي الغرفه نامي .. شكلك نعسانه

حطت الكاس على الطاوله .. وطلعت .. اخذته وشربته .. واخذت الصحن حطيت لي .. واكلت .. بعد ماخلصت .. طلعت من المطبخ .. وركبت فوق ..كنت بدخل غرفتي .. بس سمعت صوت بالصاله .. ناظرت هنا وهناك .. لقيت زوجة اخوي جالسه على الارض وبجنبها عشرة تلفونات .. راقبتها بدون ما اتكلم .. لقيتها تجرب هذا وتحط هذاك .. الظاهر ماتدري ان فيه مشكله بخط التلفون .. ظليت اراقبها .. اخذت مقص وقربت سلك التلفون .. وش بتسوي هذي .. خل اروح اقول لها ان الخط خربان .. رحت قلت : احم احم

لفت شافتني .. وقفت وعدلت الحجاب .. قالت بتوتر : لو .. لو سمحت اخوي .. مافيه خط هنا .. ممكن تشوف لي المشكله

وش فيها هذي كانها تكلم موظف ؟

قلت : ايه ممكن .. هاتي اشوف

جلست اقصقص بسلك التلفون .. واخربط .. اسوي نفسي عارف.. وقفت وقلت لها : اهاااا عرفت المشكله ..فيه خلل بالخط خربان .. جيبوا اي واحد عنده خبره يعدله لكم .. انا لو ماكان الموضوع يبي له دقه .. كان سويته .. بس ياخذ وقت

قالت : لا مافيه داعي تسويه ..خلاص بكره نقول لواحد عنده خبره يسويه لنا

قلت : عادي اذا تبين التلفون ضروري اسويه الحين .. حتى لو الموضوع دقيق وياخذ ساعات .. ماعندي اي مشكله

قالت وهي مستحيه : ما ابيه ضروري .. لا تتعب نفسك .. ومشكور

قلت لها : العفوو ماسوينا شي .. عن اذنك

دخلت الغرفه .. ووقفت عند الباب ..,, صدقت .. والله محد قال لها هي اللي كلمتني وكاني عامل عنده خبره ,,

سمعت صوتها تتكلم .. ليكون تقول لخالتي ام مشعل .. بالخرابيط اللي قلتها لها .. قربت اذني عشان اسمع .. وهذا اللي سمعته

رهف : مشعل نسيت اقول لك .. انا بكرا بروح بيت اهلي

مشعل بصوت عالي : اوووه رهف لا تأذيني بخرابيطك .. انا راجع من الشغل تعبان ابي انام .. وانتي بروح بيت اهلي وبروح مدري وين .. روحي مكان اللي تبين .. من اليوم وطالع لا تقولين لي بروح وبروح .. خذي السواق وروحي معه .. مزاجي مايسمح لي اسمع كلام فاظي

.
.
.

هذا مايستحي يكلم زوجته بهذي الطريقه .. اتحداه كان يكلم زوجته الاوليه اللي قهر ابوي عشانها كذا .. لو غيره بهالعمر .. ومتزوج وحده مثل هذي .. باس يده وجه وظهر

^*^
/
\
/
\
/
\
/
\
/
^*^



***** نهاية الجزء التاسع *****

[@ همس الغلا @]

...:::][ الجزء العاشر][:::...


___________
بيت الريم .. الساعه : 2:00 مساءً
___________


** الريم **


رجعت من المدرسه بدلت ملابسي وصليت .. وعلى طول على بيت رهف ..وصلت البيت .. فتح لي سعد .. دخلت لقيت رهف وامها ومحمد .. جالسين بالصاله .. قلت : السلام عليكم

الكل قال : وعليكم السلام ورحمة الله وبركاته

من شافني محمد قال : يللا انا استأذن بروح الشغل

وطلع .. قالت لي رهف : اخبارك ريوم

قلت : تمام الحمد الله

قالت ام يوسف : تعالي يابنتي اجلسي .. كيف حال امك والاهل.. عساهم زينين

جلست وقلت : زينين يسألون عنك

قالت : تسأل عنهم العافيه .. يللا اجل انا بروح احط الغدا

جا سعد سلم علي وجلس بجنبي .. كان لاصق فيني .. كل شوي يلف علي ويبتسم

قالت له رهف : مافيه مكان بالصاله .. الا بجنب الريم

نزل راسه مستحي

قلت انا: خليه وش عليك

شغلت التلفزيون .. وحطت على mbc3 .. اشرت لسعد وقالت له : يللا شوف التلفزيون هذا توم وجيري انت تحبه

جلس يشوف التلفزيون .. شوي و قالت لي رهف : ريوم اممممم .. وش رايك باخوي محمد

مثل ماتوقعت رهف تحسب اني اكلم اخوها .. والحين تسويلي اختبار .. تبي توهقني

قلت لها : اما عاد .. وش دخلني في محمد عشان اقول رايي فيه

دخلت شعرها ورا اذنها وقالت : لا مو كذا .. مافهمتيني

قلت : اجل .. يللا قوليلي عشان افهمك

قالت : بصراحه امس اخوي قال لأمي .. انه يبي يخطبك .. بس بالاول قال اسألك عشان اعرف رايك .. قبل ما يروح مع اهلي

محمد يبي يخطبني ؟..يعني يحبني ويبيني !!.. لا يمكن مايحبني .. بيخطبني لاني بنت جيرانهم و صديقة اخته .. وحسني انسب وحده له

قالت : ماقلتي لي رايك

سكت ماقلت لها شي

قالت : يللا عاد لا تستحين

قلت لها : هااه .. رهف وش اقول لك .. مدري انا

قالت : مو مشكله فكري .. والله يعيني على حنة محمد اليوم

ابتسمت ونزلت راسي

قالت : ايه صح ترى المسج .. اللي جاك امس مو محمد اللي كتبه

قلت لها : اي مسج

قالت : اللي تسبح ومدري وشو .. سعد هو اللي ارسله

اها يعني محمد .. قال لها الصدق .. اني ما اكلمه .. وهو بس اللي يرسل لي مسجات

قال سعد بصوت عالي .. وهو منسدح بجنب التلفزيون : كذابه رهف .. انا ما ارسلت لك شي

قالت بصوت عالي : وانت قاط اذنك معانا وكملت بصوت هامس : ماعليك منه .. هو اللي ارسله

اشوى ان مو محمد اللي كتبه .. كنت بقول ماعنده ذوق ,,, شوي وجات ام يوسف بالغدا .. وقامت رهف تساعدها ,,,

.................................

** رهف **

رحت المطبخ عشان اساعد امي .. اخذت الصحون .. ولفيت عشان اطلع .. وقفتني امي

وقالت بهمس : انا حذتك يارهف ياويلك لو تقولين لأبوك بسالفة مشعل

ناظرتها وقلت بضيق : وليه بالله ما اقول ؟

قالت : حرام تزعلين ابوك

ضحكت وقلت : حرام ازعله ؟

قالت : ايه انتي ماتدرين ان ابوك زوجك مشعل لمصلحتك .. الحين ان عرف بـ....

قاطعتها وقلت : والله اللي يسمعك يقول .. انا مت اول صار فيني شي

قالت : بسم الله عليك يابنتي .. بس وش راح تستفيدين اذا قلتيله ؟

قلت : الا راح استفيد كثير .. لاني ادري ان ابوي زوجني مشعل عشان فلوسه مو عشان شي ثاني .. وانا ابيه يعرف ان الفلوس ماتدوم .. وانها مو اهم شي في الدنيا

قالت بحزن : ابوك عارف هالكلام

قلت : ما اتوقع

قالت بحزن : عشان خاطري يابنتي

قلت : يا الغاليه انتي على عيني وراسي .. وتامرين امر ماراح اقول لأبوي تدرين ليه ؟

قالت : ليه ؟

قلت : لاني ماراح استفيد شي هههههههه

ضحكت وقالت : ايه هذي بنتي اللي اعرفها .. يللا الغدا راح يبرد

قلت : ايه بس بودي الصحون

طلعت من المطبخ .. شافتني الريم

وقالت : وش فيك رحتي ونمتي ترا انا بموت جوع ههههههههه

قلت : هههههههههه شكلك ماتدرين ان الغدا عندنا بفلوس

قامت من مكانها وقالت بمرح : يووه بفلوس والله مادريت ؟ اجل باي باي بروح بيتنا

مسكت عبايتها وقلت : لا تخافين فيه تخفيض للاهلو المعارف والاصدقاء

ناظرت فوق وهي تفكر

قلت وانا ابتسم : خلاص بنخليه لك مجاني

حطت يدها على صدرها وقالت بأرتياح : ايه اشوا

قلت : بس مره ثانيه بفلوس

قالت : ماراح اجي مره ثانيه ههههههههه

قلت : اتحداك هههههههههههه

......................


___________
بيت مشعل .. الساعه :2:30 مساءً
___________


** نجود **

كنت جايه من برا ..ابشركم خلاص بشتغل .. بصير الاخصائيه الاجتماعيه نجود ..فتحت شنطتي .. جلست ادور فيها .. وين جوالي .. مو هنا .. تصدقون تو احس اني نسيت الجوال بغرفتي .. كنت افصخ العبايه .. طلعت خالتي فاطمه من المطبخ تقول : هاه يابنتي بشري

قلت لها وانا ابتسم : خلاص بشتغل

قالت لي :من متى بتداومين ؟

قلت : من بعد بكرا انا بداوم

قالت : بصير لحالي الصبح .. انتي ومشعل ونايف بالشغل .. ورهف بالمدرسه

قلت لها : وش نسوي بعد .. يللا معك رغد .. الا وين رهووف

قالت : راحت بيت اهلها

هزيت راسي .. ولفيت عشان بروح .. قالت لي : ايه صح .. كنت بنسى .. دقت عليك بنت عمتك حنان اليوم ثلاث مرات وقالت تبيك ضروري

قلت لها : يعني الحين التلفون شغال

قالت : ايه جا عامل صلحه لنا

هزيت راسي .. وركبت غرفتي .. دخلت .. كان جوالي فوق السرير .. اخذته وجلست على السرير .. كان فيه 10 مكالمات لم يرد عليها من حنونه

وثلاث مسجات

فتحت المسج الاول كان

^*^
/
\
/
\
/
\
/
\
/
^*^

جودي ردي على جوالك ابي اكلمك


.. والمسج الثاني ..

^*^
/
\
/
\
/
\
/
\
/
^*^

وينك انتي ؟ ابيك ضروري
كلميني اوكي


.. المسج الثالث ..


^*^
/
\
/
\
/
\
/
\
/
^*^

جودي دقيت على بيتكم قالت لي ام مشعل
انك طالعه لا رجعتي كلميني على طول
لا تنسين

^*^
/
\
/
\
/
\
/
\
/
^*^

غريبه ؟.. وش تبي حنان .. الظاهر فيه شي خطير .. الله يستر

[@ همس الغلا @]

جيت بدق عليها من جوالي .. لقيت الجوال مافيه شحن..حطيته يشحن .. بدلت ملابسي .طلعت من الغرفه للصاله ..جلست على الكنبه .. واخذت سماعة التلفون .. دقيت رقم بيت عمتي .. يووه هذا فيصل .. مافيه الا هو بالبيت عشان يرد ؟ ..انا مقهوره منه هالايام .. عشان كذا .. قلت له بجديه : الو السلام عليكم

قال : وعليكم السلام

قلت له : حنان موجوده

قال : ايه من نقول لها

ما ابيه يعرف ان هذي انا .. قلت : مشاعل

قال : طيب يامشاعل .. انا بقول لك سالفه

مايستحي فيصلوه .. يسولف مع اي بنت .. كل شي عنده عادي

قال : السالفه .. مره ناس مسويين لهم مكرونه بالباشميل .. بس ما كلوه مساكين ..قولي ليه ؟

هالغبي .. السخيف .. البايخ .. لو هو قدامي عطيته كف

كمل كلامه : المهم انا بقولك ليه .. لانهم مايقفلون دريشة المطبخ زين .. وتعرفين القطاوه مايدخلون الا من الدرايش .. دخلت عليهم قطوه من الدريشه .. وكلت المكرونه كله ههههههههههههههههههههههه

قلت له : بايخ .. ماتضحك

قال بعد ماوقف ضحك : وش فيك معصبه .. انا اقولك سالفة ناس مالك شغل فيهم

قلت له : فيصل ..ترى ....

قال : وش دراك ان اسمي فيصل ؟

جالس يستهبل علي .. طنشته وكملت كلامي : ترى كل شي له حدود

قال لي :حـبـك بـحـر مــالـه حــدود .. واسـمـك بـقلـبـي مـوجـود

هذا مايحس ..مايستحي .. قلت له : انصحك ماتغني مره ثانيه

قال : افااا ليه

قلت له : وين حنان

قال : تبين امي

قلت له : لا حنان

قال : تبين الهنوف

قلت : اووف لا حنــــان

قال : تبين فيصل

خلاص زودها ذا .. قلت له : خلاص فيصل

.
.
.

قفلت في وجهه ..احسن اجل جالس يستهل ويغني وينكت علي

رن التلفون .. ورفعته .. قلت : الووو

كان فيصل .. قال لي : مره ثانيه لا تقفلين السماعه بوجه الناس المحترمين اللي مثلي .. ,, قفل التلفون بوجهي ،،

معتبر حاله من الناس المحترمين !!

لكن كله مني يوم اقول بشوفه هذاك اليوم .. واطلع مع الدريشه .. مسكها علي القطوه والحراميه

.. المهم رجعت غرفتي .. اخذت الجوال .. دقيت على حنونه .. من اول رنه رفعت

قالت : وينك انتي من متى ادق عليك

قلت لها : وعليكم السلام

قالت : انتي تنسين الواحد حتى يسلم .. وين كنتي ؟

قلت : كنت طالعه

قالت : اهاااا .. جودي بما ان حناماعندنا شي .. وفاضيين قلت اجي انام معك اسبوع

قلت بفرح : والله بتنامين معي .. وناسه .. مو مصدقه

قالت : لا صدقي .. خلاص بجيك بعد المغرب .. اوكي

قلت لها : لا تعالي الحين .. والله طفشانه

قالت : لا الحين ما اقدر

قلت : اوكي براحتك

قالت : يللا اشوفك بعد المغرب

قلت : على خير ان شاء الله
.
.
.

انا بصراحه ماقلت لها اني بشتغل بعد بكرا .. لاني ادري فيها بتغير رايها .. لفيت لقيت نايف وراي يصارخ : بوووووووووه

حطيت يدي على قلبي .. وقلت : نيوف خرعتني .. لا تسويلي كذا مره ثانيه

قال : خرعتك ؟ .. خلاص مره ثانيه مابسويها

دققت في ملامح اخوي نايف زين .. اشتقت لوجود نايف في البيت

انا ما وصفت لكم اخوي

امممممم اخوي وسيم وشعره بني فاتح مره طويل شوي يوصل لذقنه تقريباً وكثيف وناعم بشكل مو طبيعي .. كل شوي يطيح على عيونه ويرفعه .. شكلي بقول له يحلقه .. وجسمه طويل وعريض معظل

عيونه عسليه مناسبه للون شعره وبشرته بين البياض والسمار وهذا الشي هو اللي مخلي لون الشعر والعيون تطلع حلوه .. ويهتم بنفسه يعنيي لبسه على طول كشخه

سمعته يقول : وين رحتي ؟

قلت : امممم من وين جاي ؟

قال : من الشغل

حطيت يدي على راسي وقلت : ايه صح نسيت انك بتداوم اليوم

قال : امحق دوام .. قسم بالله طفشت ..مليون شغله تعلمتها .. وشلون مشعل متحمل الدوام كل يوم

قلت له : نايف ترى ابوي الله يرحمه .. وصاك بالشركه .. مو بكره تقول ما ابي اشتغل

انسدح على السرير وقال وهو مغمض : لا تخافين بداوم

تكتفت وقلت : ياسلام منسدح على سريري ومتلحف بعد .. روح غرفتك

قال : غرفتي بعيده .. تعبان مو قادر اقوم

رحت لعنده وهزيته : قــــــوم قــــــــوم .. مافيه تنام بغرفتي .. بتجيني حنان اليوم

مافيه رد .. راح بسابع نومه ..شغلت التكيف .. وطفيت النور .. وطلعت من الغرفه


...........................


__________
بيت مشعل .. الساعه 5:30 مساءً
__________


** رهف **

رجعت من بيت اهلي .. اول مادخلت شفت خالتي ام مشعل ورغد جالسين بالصاله .. يشربون قهوه ويشوفون التلفزيون

قلت : السلام عليكم

قالت : وعليكم السلام .. تعالي اجلسي معنا نشرب قهوه

رحت على طول وجلست .. قلت لها : تسلمين خالتي .. وترى تسلم عليك امي

قالت : الله يسلمها من كل شر .. ليه امك ماتجينا البيت

قلت لها : جات بس انتي كنتي مسافره

قالت : والله ابي اشوفها امك

صبيت لي قهوه .. وقلت : ان شاء الله بقول لها تجي هالاسبوع .. الا وين نجود

قالت : والله مدري الظاهر نايمه .. رغد غيري القناة عاد .. كله كرتون كله كرتون .. طفشنا

قلت : ايه والله .. حطو لنا شي حلو

ناظرتني رغد وقالت : لا والله واللي احطه انامو حلو

انا اصلاً وش لي اتكلم .. قالت خالتي : والله يارغد بنتي مانبي كرتون

قالت رغد : هذا الكرتون احبه وابي اشوفه

قالت خالتي : خلاص اجل خليه

لفت علي رغد ومدت لي لسانها .. وكانها تقول لي حره .. موتي قهر .. تحسب اني مهتمه لها.. قالت خالتي : فـــوزيــــه .. روحي شوفي من عند الباب

قالت رغد وهي تضحك : ماما فاطمه مو اسمها فوزيه اسمها فريزيانا

قالت خالتي : وانا شدراني .. بلا فوزنيانا .. بلا فرننزلانا

انا على طول مت من الضحك .. ناظرتني رغد وقالت : وش دخلك تضحكين معانا

قالت خالتي : وش هالكلام رغد .. تبين تمسكين الناس عن الضحك بعد

زين تسوي فيها خالتي .. شوي وتدخل حنان بنت عمة مشعل .. سلمت وجلست بالصاله

قالت لي : كيف حالك رهف

قلت : تمام وانتي

قالت : تمام ... تعالي رغوده

جات رغد وجلست بجنبها .. مسحت حنان على شعرها وقالت : وانتي كيف حالك ياحلوه

قالت : زينه ... تقول نجود انك بتنامين معانا

قالت وهي تناظر فيني : صحيح

وش دخلني تناظرفيني ؟

قالت : الا وينها جودي

قالت رغد :مدري الظاهر نايمه

قلت انا : بروح بشوفها

قالت خالتي : اذا نايمه صحيها

قلت : ان شاء الله

.
.
.

ركبت فوق .. فتحت باب غرفة نجود .. كانت نايمه .. رحت لعندها قلت بصوت خفيف : نجود .. نجود .. قومي .. حنان تحت

بس ماصحت ولا تحركت .. الظاهر نومها ثقيل .. هزيتها .. وقلت : نجود بتقومين اولا .. ترى بشغل النور

ماشفت منها أي رد .. هزيت كتفها وقلت : نجود يللا عاد قومي

مافيه فايده .. قمت وشغلت النور .. ورحت اشوف عطوراتها .. تحركت شوي .. شكلها صحت .. قلت لها : بجي برش عليك عطر .. ’’ رشيت في الهوا ’’ .. وقلت : الله ريحته حلوه

رجعت لعندها .. 1.2.3 .. صرخت بصوت عالي : نــــــــــجــــــــــــــــــود

انرفع الغطا على طول .. بس الشخص اللي كان موجود مو نجود .. قلنا بصوت واحد : بسم الله الرحمن الرحيم

قلت بخوف : م م من نانا ...... نـ ـ ـ ـ ـايف

رجعت على ورا بسرعه .. و من الخرعه طلعت من الغرفه وقفلت الباب .. وش يسوي نايف اخو مشعل .. بغرفة نجود ياربي وش هالفشله .. وش اسوي .. كله مني يوم جيت اصحيها .. اووف لو انا مخليه خالتي او رغد .. كنت واقفه عند الباب وحاطه يدي على قلبي .. سمعت صوت نجود وراي تقول : لا .. لاتدخلين نايف نايم بغرفتي

كان وجهي احمر ومتوتره .. قالت لي : وش فيك .. لا يكون دخلتي

قلت لها : ايه ... لا لا مادخلت .. انتي وين كنتي

قالت : كنت اتروش .. حنان بنت عمتي بتجي بعد شوي

قلت لها : ايه جات وهي تحت

وكنت بروح غرفتي .. قالت لي : مابتنزلين تجلسين معنا

قلت لها : الا بنزل .. بعد شوي

قالت: اوكي لا تتاخرين


.........................

_____________
بيت مشعل .. الساعه 5:40 مساءً
_____________


** نايف **

هذي رهف زوجة مشعل .. الظاهر حسبتني نجود .. لانها يوم صرخت قالت اسمها .. بس قسم بالله خرعتني ..اجل هي وش اقول مسكينه اكيد تفشلت .. اخر مره انام بغرفة نجود اذا هالمواقف بتصير .. خل اقوم اتروش واصلي احسن لي ..’’ رحت غرفتي تروشت وصليت وطلعت منها ’’

.
.
.

نزلت تحت .. كنت واقف بنص الصاله .. مافيه احد .. وين راحوا الناس ..سمعت صوت احد طالع من الحمام ( الله يكرمكم ) ناظرت .. من هذي .. ايه الهنوف بنت عمتي .. ناظرت فيني وهي متفاجأه.. وقالت : ولد خالي يجي من امريكا ومحد يقول لنا ؟

عادي يعني لو ماقالو لكم .. انا مو شخصيه مهمه !!

قالت : كيف حالك نايف

قلت : هلا الهنوف انا بخير

قالت وهي تتدلع بس دلعها ماعجبني : انا حنان مو الهنوف .. ماتعرف بنات عمتك

قلت : اها ...... ،، كنت بمشي ،،

قالت : وين رغد .. راحت فوق ومانزلت

لفيت عليها وقلت بملل : ماشفتها

قالت وهي تبتسم : حسبتها معك

قلت : لا مو معي

ورحت المطبخ .. قبل لا تقول لي شي ثاني ..وانا ابي اكل مو فاضي ..فتحت الثلاجه .. الله مسويين كريم كراميل .. اخذت لي من الكراميل .. وجلست على الطاوله اكل .. سمعت صوت برا .. وقفت ورحت عند دريشة المطبخ .. كانت هناك رغد .. بس معطيتني ظهرها .. ماكنت شايف هي كانت تلعب بوشو وقفت .. شكلها جايه تبي تدخل المطبخ .. تخبيت ورا الباب ..فتحته ودخلت بهدوء وهي تناظر يمين وشمال .. جابت كرسي .. وقربته عند الثلاجه .. ركبت فوقه .. وفتحتها ..اخذت تفاحتين وموزه ..نزلت من الكرسي .. وقفلت الثلاجه .. لفت وشافتني

قالت بخوف : خالي نايف

قلت لها : وش تسويين

قالت :جايه ابي اكل تفاح

قلت لها : نصابه تكلمي بسرعه

قالت : قلت لك ابي اكل

قلت بصوت عالي : رغد بلا كذب وقولي الصدق

نزلت راسها وقالت : ما اكذب

قلت : بتقولين الحين والا لا

قالت : بقول لك بس ما تعلم احد

قلت لها : ما اعلم

قالت : احلف

رفعت يدي وقلت : اتعهد بأسمي نايف ولد عبد العزيز .. اني ما اخبر احد عن اللي بتقولينه لي

قالت لي : تعال وراي

طلعت وراها من باب المطبخ .. رحنا عند الشجر .. رفعت كرتون كبير هناك .. كانت تحته قطوه صغيره

قلت لها : يوووه عندك قطوه

قالت : لا تقول لبابا

قلت لها : من متى عندك

قالت : وليد ولدعمتي جابها لي يوم يجي لنا

قلت : وليـــــدووه ماغيره

نزلت امسح على القطوه .. لفيت على رغد وقلت لها :رغوده وش راح تأكلينها

قالت لي : تفاح وموز

ابتسمت وقلت لها : لا ماتاكل هذا ... قومي معي

ورحت مع رغوده .. نجيب للقطوه حليب لانها صغيره


..........................

[@ همس الغلا @]

____________
بيت ابو يوسف .. الساعه 7:00 مساءً
____________

** محمد **

رهفوه هذي ماوراها فايده بذبحها .. قسم بالله اذتني .. الحين الريم تبيني اولا .. اموت واعرف .. لكن بتشوف رهفوه اذا تبي مني شي ماراح اسويه لها .. خلاص طفشت .. بقول لامي تخطبها خلاص .. ما اتوقع الريم ماتبيني .. لانها لو ماتبيني .. كان سوت سالفه على المسجات .. وتضايقت

.
.
.

طلعت من الغرفه .. ورحت الصاله .. كانت هناك امي تكوي الملابس

قلت لها : يمه

قالت لي وهي تكوي : هلا محمد وش تبي

قلت لها وانا احك راسي : يمه انا خلاص ابي اتزوج

تركت الكوي وقالت : خلاص يعني بتتزوج الريم .. هذي الساعه المباركه

جا سعد من المطبخ وقال : شفتي يمه قلت لك

وهذا مايخبي شي .. لفيت عليه وقلت : يابخورالبيت

قالت امي : انا ماصدقت سعد يوم قال لي .. لو ماقالت لي رهف كان للحين انا مو مصدقه

لا واثاري الكل هنا عارف السالفه .. وانا اخر من يعلم .. اما اخر من يعلم وانا صاحب الشآن

قلت : ايه يمه خلاص اخطبيلي الريم

قالت امي : الله يوفقك يا ولدي .. والريم مافيه احسن منها .. وانا من بكرا بكلم امها


................................


___________
بيت مشعل .. الساعه 9:00 مساءً
___________


** حنان **


رحنا الصاله انا ونجود وام مشعل بعد ماكنا بالمجلس .. صار لي 4 ساعات من جيت للحين .. ولا سويت ولا شي مفيد .. ونايف من دخل هالمطبخ ماطلع .. اوف مو حاله .. وهذيك الشينه رهف .. من شافتني ركبت فوق بحجة انها بتصحي نجود ومانزلت .. محتره مني .. جا مشعل من برا .. وسلم علينا .. جالسه اناظر فيه بتمعن .. هذا وش كان عاجبني فيه ؟..مافيه ولا صفه من الصفات اللي انا احبها .. فرق بينه وبين نايف

قالت نجود : مشعل عاد لا ركبت شوف رهف .. دخلت غرفتها وماطلعت خلها تنزل

قال : طيب بشوفها .. خلاص هذي هي نزلت .. رهف تعالي

جلس على كنبه من الكنب .. وجلست بجنبه رهف

قال لها : وش فيك يقولون دخلتي غرفتك وماطلعتي

قالت وهي تحط يدها على راسها : لا بس تعبانه شوي

وماتعبتي الا يوم انا جيت .. اعرفهم هالنوع من الناس .. يخافون اسرق منهم الاضواء .. وعشان كذا يسوون اي شي يلفت اللي حواليهم .. قالت تعبانه قالت .. توها يوم جيت مافيها شي

قالوا مشعل ونجود وخلاتي : سلامتك

قالت : الله يسلمكم

حسيت نفسي بس انا اللي ساكته وماقلت شي .. عشان كذا قلت : ماتشوفين شر

ايه بعد لا تقول محتره منها

قالت : الشر مايجيك

من سمعت صوت باب المطبخ .. لفيت على طول .. واخيراً جا نايف .. من متى انتظر

ناظرنا وقال : اشوف كلكم متجمعين .. وماتعزمون .. انا ورغوده مانكلمكم .. صح رغد

قالت رغد : ايه صح

قالت خالتي : اصلاً انت ورغد ماندري عنكم وين رحتوا .. تعال بس اجلس

جا وجلس .. وراحت رغوده عند ابوها

ابي اتكلم .. ابي اقول شي يلفت نظر نايف

قالت ام مشعل : رهف اذا مره تعبانه .. خلي مشعل يوديك المستشفى

قالت بصوت خفيف تسوي نفسها رقيقه : لا خالتي مايحتاج

قال نايف : وش فيها زوجة مشعل

حتى نايف يسأل عنها .. لا هذي ملفته نظر الكل هنا

قال مشعل : مافيها شي .. تعب خفيف

قال : ماتشوف شر

قالت رهف : الشر مايجيك

وقف مشعل وقال : انا بركب ببدل ملابسي دقايق وجاي

قالت ام مشعل : وانا بروح المطبخ بجهز العشا

مابقينا الا انا ونايف ونجود .. والخبله رهف .. لو تروح بعد هي احسن

قال نايف لنجود : جودي وين فيلم ( .. )

فرصتي اتكلم .. قبل ما يروح .. قلت : الله احب هالفيلم ..قصته حلوه

قالت نجود : ايه والله يجنن

الحين انا قلت هالكلام عشان يرد علي نايف .. او انتي يا الملقوفه

قام نايف يدور الفيلم بالمكتبه .. لازم انا افشل رهف والفت الانتباه لي بأي طريقه ..كانت دلة القهوه بجنب رهف .. ايه عندي فكره

قلت لها : رهف عاد صبيلي قهوه

اخذت فنجان .. وصبت لي .. عطتني ايه .. سويت كانها ماعطتني اياه زين .. وانكب على عبايتي .. شهقت بقوه .. عشان نايف ونجود يشوفون .. وقلت بدلع : يوووه رهف .. وش سويتي .. كبيتيه على عبايتي .. ياربي حار

حطت رهف يدها على فمها وقالت : مدري .. مانتبهت

جات نجود عندي وقالت : وش صار فيك احترقتي .. توصخت عبايتك

قلت انا : لا لا عادي بس احترقت يدي شوي .. حصل خير .. رهف ماتدري

نايف ماعلق .. بس التفت وشاف اللي صار وهذا يكفيني ..الحين اكيد نجود ونايف يقولون عن رهف غبيه

قالت نجود : بركب فوق .. بجيب لك عبايه ثانيه .. رهف قولي للخدامه تجي تمسح القهوه

قالت رهف : ان شاء الله

لف نايف .. واخيراً بيتكلم وبيعلق على اللي صار .. قال : نجود عاد في طريقك شوفي الفيلم وين راح .. يمكن في غرفتك .. او غرفتي

قالت نجود : طيب

انا في الشرق وهذيلا في الغرب




........................

** نايف **

ماكنت مهتم باللي يصير .. اللي يهمني فيلم ( .. ) وين راح .. ليكون
جودي عطته وحده من صديقاتها .. وخايفه تقول

اخذت فنجان قهوه .. وصبيت لي ..شربت شوي .. وبعدته على طول .. القهوه بارده .. غريبه .. ناظرت في حنان .. وكانت تمسح عبايتها بالكلينكس .. مو هي قالت انها احترقت ؟ .. ناديت خالتي ام مشعل .. فتحت باب المطبخ .. بس طلعت راسها

قلت لها : خالتي القهوه هذي من متى

قالت : سويتها العصر شربناها انا ورهف ورغد .. ونسيت اشيلها

معقوله رهف ماحست ان القهوه بارده .. وانها نفسها اللي شربتها بالعصر

قلت بصوت عالي : ايه خالتي غيريها لانها بارده

قالت لي : ان شاء الله ،، ورجعت المطبخ ،،

قالت حنان متفاجأه : بارده ؟ .. توها من شوي حاره

قلت لها بنظره حاده : لان القهوه تبرد بسرعه

ابتسمت وقالت : ايه صح

جات الخدامه تمسح القهوه .. وكانت رهف واقفه منزله راسها مستحيه

راقبت رهف شوي .. بعدين وقفت .. و ركبت غرفتي


.......................


____________
بيت ابو يوسف .. الساعه :2:00 مساءً
____________

** محمد **

كنت جالس على الكرسي اللي بغرفتي .. صار لي ثلاث ايام من قالولي امي وابوي .. ننتظر ردهم .. احسهم 3 سنين .. متى يعني .. مايبيله الموضوع كل هالوقت .. بس بيسألون البنت ..موافقه ؟؟ بتقول ايه اولا .. وينتهي الموضوع


~~قول امين عساك تحبني وتموت فيني
قول امين عسا يدينك ماتفارق يديني ~~

&رهف & يتصل بك

رديت وقلت : الووو

قالت : الووو هلا محمد

قلت : هلا والله رهف

قالت : هاه بشر .. ماعطوكم رد

قلت وانا مقهور : لا ماعطونا شي

قالت وهي تضحك : وش فيك .. مصيرهم بيردون عليكم

قلت : تأخيرهم هذا يخوف

قالت : لا يخوف ولا شي .. طبيعي الموضوع

قلت : ان شاء الله خير

قالت : ان شاء الله .. يللا اجل اخليك محمد .. واذا قال لك ابوي او امي انهم موافقين .. على طول دق علي

قلت لها : ولا يهمك

قالت باي وقفلت ..رميت الجوال على السرير فتحت الباب امي ..على طول وقفت قلت لها : اكيد عطوكم رد

قالت لي : وش فيك اجلس اجلس

قلت : عطوكم اولا

ماكنت مستانسه .. شكلها يخوفني .. قلت لها : قولي لي

قالت : ياولدي البنات واجد ..والريم فيه مليون مثلها

قلت بصراخ : ويعني .. ملخص هالكلام وشو

كانت ساكته .. قلت لها : قوليلي يمه .. لا تحرقين اعصابي .. قوليها .. قوليها خلاص عادي

قالت امي : مــحــمــد مـــا صــار نــصــيــب

^*^
/
\
/
\
/
\
/
\
/
^*^

**** نهاية الجزء العاشر ****

[@ همس الغلا @]

قرأة ممتعه ....

إنشالله بكرة أكملكم باقي البارات ..


تحياتي لكم ...

أختكم .. @ همس الغلا @

[@ همس الغلا @]

...:::][ الجزء الحادي عشر ][:::...



____________
بيت ابو يوسف .. الساعه 3:00 مساءً
____________


** محمد **

امي تحسب اني بصدقها .. ادري فيها تمزح .. قلت لها : يمه تحسبين ما ادري انك تلعبي باعصابي

قالت بجديه : وهذا موضوع ينمزح فيه

قلت لها : اجل قولي الصدق

قالت : محمد الصدق ان البنت تبي تكمل دراستها .. خلاص هي مو من نصيبك .. انا بشوف لك بنت باخلاق وحلات الريم

امي ماتفهم اني ما ابي الا الريم .. ما ابي اتزوج غيرها ..ما اصدق ان الريم ماتبيني .. انا متأكد انها تبيني .. لاوالله الاصح اني كنت اقنع نفسي على طول انها تبيني

جلست على السرير وقلبي متحطم .. كل شي فيني متحطم .. ولا في حياتي حبيت .. او انعجبت في بنت .. حرام الايام تسوي فيني كذا

حطت امي يدها على كتفي وقالت : قوم ياولدي .. عادي مو نهاية الدنيا ..انا بخطب لك سماهر بنت عمك

قلت بصوت عالي : ما ابيها ما ابيها .. ماتفهمون انا ما ابي احد .. ابي الريم .. لازم توافق الحين ..كلميهم .. قولي لهم اني بخليها تكمل دراسه .. بخليها تسوي اللي تبيه

قالت : ما يصير هالكلام .. خلاص ماصار نصيب .. انا ما اقدر اسوي شي

دخل اخوي يوسف الغرفه ..فتح الدرج .. اخذ مفتاح سيارتي .. وجا بيطلع .. قلت له : هيه هيه انت .. وين سايبه الدنيا ولا سايبه

قال لي : وخر زين خلني اطلع

قلت له بعصبيه : طلعت روحك ..مضيع الغرفه انت .. تراك ماخذ مفتاح سيارتي كانك ماتدري

قال : ويعني .. سيارتي خربانه .. وانا ابي اطلع

قلت له : تحسب الناس فاظيه لك ..ماعندها شغله الا انت

قال ببرود : محمد رجاءً لا يكثر هرجك

في حالتي اللي كنت فيها .. ماحسيت بنفسي جلسنا نتهاوش .. وصلت هوشتنا للطق ..بس في النهايه يوسف اخذ مفتاح السياره وطلع .. وانا جلست بغرفتي بعذابي والمي وقهري


..................................


____________
بيت مشعل .. الساعه:2:30 مساءً
____________


** نايف **

جيت من الدوام تعبان .. دخلت المطبخ ابي اشرب مويه .. كانت هناك خالتي ام مشعل .. ورهف زوجة مشعل جالسه على الكرسي .. وكانت تسولف .. اول مادخلت انا سلمت .. ردت علي خالتي .. و وقفت رهف .. بتطلع

قالت لها خالتي :وين بتروحين ؟

قالت : بطلع بشوف نجود في الحديقه

قالت لها خالتي : بتطلعين بتشوفين نجود ولا عشان نايف دخل ؟ .. لا تستحين من نايف .. اعتبريه مثل اخوك يوسف او محمد

قالت وهي مستحيه: لا خالتي وش دعوه نايف مثل اخوي .. بس بطلع بشوف نجود .. يللا عن اذنكم

كنت اشرب المويه واناظر فيها وهي تطلع .. مو لهذي الدرجه .. تصدقون رهف اذا انا بالصاله ماتطلع من غرفتها .. واذا انا بالمطبخ ماتدخل .. او اذا انا برا ما تطلع .. تستحي مني مره .. وهالشي يقهرني مايخليني اخذ راحتي في البيت

قالت لي خالتي : نايف اخبار الشغل

قلت : امممم تمام .. اليوم فيصل داوم بالشركه

قالت : والله صدق

قلت لها : ايه .. تغديتوا ؟

قالت : ايه .. تبي احط لك غدا

قلت : ايه الله يطول لي عمرك

.
.
.

خلصت غدا ..وركبت غرفتي .. فتحت الدولاب .. طلعت لوح الرسم والالوان .. ماقلت لكم اني رسام ؟ .. الرسم من هواياتي غير الشعر بعد .. يوم كنت بالثانويه .. كانو يسموني شاعر الشله .. بنزل الحديقه برسم ..اخذت لوح الرسم وطلعت الحديقه .. كانت نجود جالسه مع رهف عند البركه يسولفون .. ناظرت لشكل البيت من برا .. كنت برسمه ..اخذت الالوان وتو ببدا بالرسم .. بس ناظرت لرهف وغيرت رايي .. ارسمها ؟ .. خلاص برسمها .. دققت في ملامحها ناعمه وحلوه ..المهم جلست ارسم وقربت اخلص .. اتوقع هالرسمه احلى رسمه رسمتها بحياتي .. بس مدري وش السبب اللي يخليني اقول كذا .. غيرت فيها شي واحد .. لون الحجاب .. كان ازرق ثقيل .. خليته وردي فاتح .. يناسبها هاللون

[@ همس الغلا @]

...:::][ الجزء الحادي عشر ][:::...



____________
بيت ابو يوسف .. الساعه 3:00 مساءً
____________


** محمد **

امي تحسب اني بصدقها .. ادري فيها تمزح .. قلت لها : يمه تحسبين ما ادري انك تلعبي باعصابي

قالت بجديه : وهذا موضوع ينمزح فيه

قلت لها : اجل قولي الصدق

قالت : محمد الصدق ان البنت تبي تكمل دراستها .. خلاص هي مو من نصيبك .. انا بشوف لك بنت باخلاق وحلات الريم

امي ماتفهم اني ما ابي الا الريم .. ما ابي اتزوج غيرها ..ما اصدق ان الريم ماتبيني .. انا متأكد انها تبيني .. لاوالله الاصح اني كنت اقنع نفسي على طول انها تبيني

جلست على السرير وقلبي متحطم .. كل شي فيني متحطم .. ولا في حياتي حبيت .. او انعجبت في بنت .. حرام الايام تسوي فيني كذا

حطت امي يدها على كتفي وقالت : قوم ياولدي .. عادي مو نهاية الدنيا ..انا بخطب لك سماهر بنت عمك

قلت بصوت عالي : ما ابيها ما ابيها .. ماتفهمون انا ما ابي احد .. ابي الريم .. لازم توافق الحين ..كلميهم .. قولي لهم اني بخليها تكمل دراسه .. بخليها تسوي اللي تبيه

قالت : ما يصير هالكلام .. خلاص ماصار نصيب .. انا ما اقدر اسوي شي

دخل اخوي يوسف الغرفه ..فتح الدرج .. اخذ مفتاح سيارتي .. وجا بيطلع .. قلت له : هيه هيه انت .. وين سايبه الدنيا ولا سايبه

قال لي : وخر زين خلني اطلع

قلت له بعصبيه : طلعت روحك ..مضيع الغرفه انت .. تراك ماخذ مفتاح سيارتي كانك ماتدري

قال : ويعني .. سيارتي خربانه .. وانا ابي اطلع

قلت له : تحسب الناس فاظيه لك ..ماعندها شغله الا انت

قال ببرود : محمد رجاءً لا يكثر هرجك

في حالتي اللي كنت فيها .. ماحسيت بنفسي جلسنا نتهاوش .. وصلت هوشتنا للطق ..بس في النهايه يوسف اخذ مفتاح السياره وطلع .. وانا جلست بغرفتي بعذابي والمي وقهري


..................................


____________
بيت مشعل .. الساعه:2:30 مساءً
____________


** نايف **

جيت من الدوام تعبان .. دخلت المطبخ ابي اشرب مويه .. كانت هناك خالتي ام مشعل .. ورهف زوجة مشعل جالسه على الكرسي .. وكانت تسولف .. اول مادخلت انا سلمت .. ردت علي خالتي .. و وقفت رهف .. بتطلع

قالت لها خالتي :وين بتروحين ؟

قالت : بطلع بشوف نجود في الحديقه

قالت لها خالتي : بتطلعين بتشوفين نجود ولا عشان نايف دخل ؟ .. لا تستحين من نايف .. اعتبريه مثل اخوك يوسف او محمد

قالت وهي مستحيه: لا خالتي وش دعوه نايف مثل اخوي .. بس بطلع بشوف نجود .. يللا عن اذنكم

كنت اشرب المويه واناظر فيها وهي تطلع .. مو لهذي الدرجه .. تصدقون رهف اذا انا بالصاله ماتطلع من غرفتها .. واذا انا بالمطبخ ماتدخل .. او اذا انا برا ما تطلع .. تستحي مني مره .. وهالشي يقهرني مايخليني اخذ راحتي في البيت

قالت لي خالتي : نايف اخبار الشغل

قلت : امممم تمام .. اليوم فيصل داوم بالشركه

قالت : والله صدق

قلت لها : ايه .. تغديتوا ؟

قالت : ايه .. تبي احط لك غدا

قلت : ايه الله يطول لي عمرك

.
.
.

خلصت غدا ..وركبت غرفتي .. فتحت الدولاب .. طلعت لوح الرسم والالوان .. ماقلت لكم اني رسام ؟ .. الرسم من هواياتي غير الشعر بعد .. يوم كنت بالثانويه .. كانو يسموني شاعر الشله .. بنزل الحديقه برسم ..اخذت لوح الرسم وطلعت الحديقه .. كانت نجود جالسه مع رهف عند البركه يسولفون .. ناظرت لشكل البيت من برا .. كنت برسمه ..اخذت الالوان وتو ببدا بالرسم .. بس ناظرت لرهف وغيرت رايي .. ارسمها ؟ .. خلاص برسمها .. دققت في ملامحها ناعمه وحلوه ..المهم جلست ارسم وقربت اخلص .. اتوقع هالرسمه احلى رسمه رسمتها بحياتي .. بس مدري وش السبب اللي يخليني اقول كذا .. غيرت فيها شي واحد .. لون الحجاب .. كان ازرق ثقيل .. خليته وردي فاتح .. يناسبها هاللون






** حنان **


كنت جالسه اكلم امي في الجوال : ايه ماسويت ولا شي .. ونايف مايلتفت لي ابد .. ولا كاني موجوده

قالت لي : اذا انتي ماتسولفين معه .. وشلون بيكلمك

قلت : حتى ولو ما ابيه يقول اني قاطه عمري عليه .. وبعدين اسولف معه في وشو ؟

قالت : شوفي اهتماماته وشهي

قلت بضيق: اوووف ما اعرف عنه شي .. ولا ادري وش اهتماماته .. يدخل ويطلع .. ولاكانه يشوفني

قالت : يشوفك بس بدون ماتحسين له .. حتى من وراك يقول عنك حلوه

قلت بانفعال : والله صدق يمه .. قال عني حلوه ؟

قالت : ايه

قلت لها : وش عرفك

قالت : احساس الام مايخيب

صفعت على وجهي بقوه .. حسبته قال صدق .. اثاريه احساس امي اللي مايخيب

قلت : تصدقين يمه .. هاللي اسمها رهف .. تحاول تلفت اللي هنا باي طريقه .. صغيرهم وكبيرهم

قالت : لازم ماتسمحي لها .. من هي عشان تلفت انتبها الكل ؟ خربي عليها على طول لانك احق منها

قلت : هذا اللي اسويه .. بس اللي هنا يحبونها .. مافيه الا رغد ماتحبها

قالت : على الاقل معك وحده ماتحبها

قلت بقهر : يمه بزره

قالت : وهذا احسن شي

ناظرت وراي وقلت : يمه بخليك قبل لا يجي احد

قالت : طيب يا بنتي .. بس فتحي عقلك قبل ماتفتحين عيونك

قلت : ولا يهمك يمه .. يللا باي

قفلت وطلعت من غرفة نجود .. نزلت تحت ماشفت احد .. الظاهر جالسين بالحديقه ..طلعت وشفتهم عند البركه.. بس شفت نايف جالس يرسم .. تذكرت كلام امي يوم تقول شوفي اهتماماته .. الرسم من اهتماماته ؟ .. يعني من اليوم وطالع لازم ما اسولف الا عن الرسم .. تقربت منه .. حطيت يدي على فمي عشان ما اشهق .. ما تتخيلون الصدمه

نــــــــايف يـــــــــرســــــــم رهـــــــــــــــف ليــــــــــه ؟؟؟؟؟؟؟؟؟

هذي الحقيره انا احقد عليها .. اكرهها .. وش معنى هي اللي يرسمها .. ليه مارسم اخته ..او رسمني انا وحتى رسم الشغاله اووووف اكرهها .. اكرهها .. اكرهها
من زينها عشان يرسمها

رجعت على ورا ودخلت البيت .. جلست بالصاله .. وانا في قمة القهر .. جاتني رغد .. وناظرت فيني .. قالت لي : وش فيك جالسه لحالك

قلت وانا احس وجهي حار من العصبيه : مـــــقــــهـــــوره

قالت لي : من وشو

قلت لها : هذي رهف تلفت انظار الكل هنا

جلست وقالت : صحيح كلامك.. انا ما احبها

قلت لها : انا اكره اليوم اللي شفتها فيه

قالت : اجل انا وش اقول اللي عايشه معها في بيت واحد .. انا اتمنى لو انتي اللي عايشه معنا .. لاني احبك

قلت بأبتسامه : وانا اموت فيك .. واقدر اعيش معك في نفس البيت

قالت لي مستغربه : كيف تعيشين معنا ؟

قلت لها : اذا تزوجت خالك نايف

قالت بصوت عالي : صدق خالي نايف بيتزوجك

حطيت يدي على فمها وقلت لها : نزلي صوتك لاحد يسمعك .. ما ابي احد يدري .. وانتي لازم تساعديني

قالت : ليه اساعدك .. نايف مايبيك ؟

قلت لها بصوت اقرب للهمس : الا يبيني ويحبني .. وهو قال لي بيتزوجني

قالت : اجل وين المشكله

قلت : المشكله اني ما راح اعيش في هالبيت ورهف فيه

ناظرت فيني وسكتت

مسكت يدها وقلت لها : لازم انا وانتي نطلعها من هالبيت

قالت : وشلون ؟!

قلت :انتي ماعليك الا تطيعيني

ناظرت شوي فوق بتفكير .. وبعدين قالت : اتفقنا


.....................................


_____________
بيت مشعل .. الساعه : 3:00 مساءً
_____________


** رهف **


كنت جالسه اسولف مع نجود بالحديقه .. كانت تقول لي : بكرا بروح لصديقتي .. تصدقين تبي تشوفك .. من كثر ما اسولف عنك

قلت وانا مبسوطه : والله !! وش تقولين عني ؟

قالت لي : اقول كلام كثير

قلت : مثل وشو

قالت : اقول لها انك صغيره وحلوه .. تدرين يوم قلت لها انك اصغر مني .. حسبتني اتكلم عن زوجة نايف ههههههههه.. قلت لها نايف مو متزوج

سكت .. ماعلقت على كلامها ..شوي وقلت لها : اخوك رسام

عقدت حواجبها وقالت : كيف عرفتي ؟

قلت : مو هذا هو اللي جالس يرسم وراك .. جالس يشيل اغرضه .. شكله خلص

لفت وناظرت فيه .. قالت بصوت عالي : نيوف وش جالس ترسم

قال لها بنفس الصوت العالي .. لان كان فيه مسافه : ارسم السمكه اللي في البركه

قالت له : هاهاهاي تعرف تنكت

قال لها وهو رايح :متعلم التنكيت منك

لفت علي بسرعه وقالت : الحين انا انكت ؟

ضحكت وهزيت راسي يعني لا

مسكت يدها وقلت لها : جودي خلينا ندخل داخل .. وابي بعد اكلم بيت اهلي اشوف وش صار على محمد

قالت : محمد اخوك .. وش فيه ؟

قلت لها : خطب صديقتي .. والحين ينتظرون رايها

قالت : ان شاء الله خير .. ولو كان اخوك مثلك اكيد بتوافق صديقتك عليه

ابتسمت بحيا وقلت : ان شاء الله .. يللا قومي

.
.
.

دخلنا الصاله .. كانوا جالسين فيها .. حنان ورغد .. قالت نجود : حنانوه اخيراً صحيتي من النوم .. مو نوم هذا اللي عليك

قالت لها : اصلاً انا صحيت من زمان .. بس جالسه بالصاله

رحت اكلم من تلفون المجلس .. لاني عارفه ان الصاله بتصير ازعاج وماراح اسمع زين .. دقيت على بيت اهلي .. ردت امي .. قلت لها : هلا يمه .. اخبارك

قالت : هلا بنتي انا الحمد الله .. وانتي .. عساك بخير

قلت لها : دووم .. انا بخير .. هاه يمه بشري وش صار على محمد

قالت امي بصوت كله حزن : ماصار نصيب

قلت : يمه عاد لا تمزحين

قالت : والله العظيم .. قال ابوها البنت تبي تكمل دراستها

عمري ما انصدمت كذا بحياتي كلها.. معقوله الريم ترفض اخوي محمد .. سمعت صوت امي تقول : الووو

قلت لها : يمه عطيني محمد

قالت : هو في غرفته ماطلع منها .. اكيد كان بيطلع بس يوسف اخذ مفتاح سيارته

قلت بقهر: وهذا يوسف الغبي متى بيتأدب عن حركاته الماصخه .. مأذي خلق الله

قالت : وش اسوي انا تعبانه معاه

قلت : زين يمه انا ابي محمد .. لازم اكلمه الحين .. والا اقولك بدق على جواله .. مع السلامه

قالت لي : الله يحفظك

قفلت ودقيت على جوال محمد .. مايرد علي .. بس ماراح اخليه .. لازم اكلمه .. جلست ادق وادق ...واخيراً رد علي

قلت له : هلا محمد اخوي فديتك .. كيف حالك

قال ومن صوته واضح انه متضايق مره : انتي تدرين كيف حالي

قلت بتأثر: بس الريم تبيك .. صدقني .. هذا اللي شفته في عيونها

قال : وش بيفيدني كلامك الحين

قلت : وش فيه صوتك كذا

قال : رهف بطلب منك طلب

قلت بسرعه: اطلب عشره

قال : كلمي الريم

قلت : اكلمها وش اقول

قال : هي صديقتك وانتي متعوده عليها .. اساليها ليه رفضتني

قلت له : ان شاء الله

قال : الحين كلميها .. وردي علي

قلت : اوكي ..باي

قفلت ودقيت على الريم .. شكلي اليوم بجلس كل الوقت على التلفون .. ردت وقالت بحماس : هلا وغلا رهوفه

قلت لها ببرود : هلا .. كيفك

قالت بروقان : ميه ميه ولا فراخ الجمعيه .. وانتي

قلت : الحمد الله .. ريوم انتي اكيد عارفه انا بوشو ابي اكلمك

قالت : اممممم .. ايه عارفه .. عشان اخوك محمد .. صح

قلت وانا اتنهد بضيق : ايه

قالت : انا خلاص فكرت

قلت : فكرتي ؟؟؟ وش فكرتي

قالت : بموضوع محمد .. انا ماراح اشوف احسن من اخو صديقة عمري .. ومحمد ماينعاب

وش تقول الريم .. انا مو فاهمه عليها شي ؟ انتوا فاهمين ؟!! .. قلت : وش قصدك

قالت : رهوف لا تستهبلين معي .. انتي عارفه ان قصدي موافقه

قلت لها : موافقه على وشو

قالت : رهف عاد

قلت : لا جد مو فاهمه عليك

قالت بحيا : موافقه على محمد

لا الظاهر انا بجن ..لعبه هي .. ساعه ماتوافق وساعه توافق .. قلت لها : اجل ليه يوم جوكم اهلي يخطبونك لمحمد ماوافقتي

قالت وشكلها متفاجأه : متى جونا اهلك .. انتي مو طبيعيه اليوم رهف

قلت لها : لا حبيبتي انتي اللي مو طبيعيه .. اهلي جوكم عشان يخطبونك لاخوي محمد ..وبعدين قالولنا البنت ماتبي تتزوج تبي تكمل دراسه

قالت : قسم بالله اني ماقلت هالكلام .. وربي مدري ان اهلك جونا

قلت : من جدك ماتدرين

قالت : وربي

قلت : يعني اهلك اللي مو موافقين .. مو انتي

قالت : ومو هم اللي يقررون عني

قلت وكاني ارتحت شوي :كلمي امك او ابوك وشوفي

قالت : استحي وش اقول لهم

قلت لها : مدري ريوم .. ولو ماصار نصيب عادي .. مابيغير شي من اللي بينا لا تخافين

قالت وكانت متضايقه : طيب

قلت لها : الحين بقفل .. عشان بدق بقول لمحمد

قالت : اوكي باي

قفلت .. ودقيت .. قلت لمحمد كل اللي قالته لي الريم .. كنت احسب ان هالشي بيخفف عليه .. ان مو الريم اللي رافضته اهلها .. بس ماغير شي .. قفلت ورجعت الصاله .. جلست على الكنبه

قالت حنان : شكلها زوجة اخوك من النوع اللي 24 ساعه ماسكه التلفون

،،وش دخلك .. انا جالسه في بيتي .. حره امسك التلفون او ما امسكه ،،

قالت نجود : بالعكس اصلاًً ولا مره شفتها ماسكه التلفون

قالت رغد : عاد مو لدرجة ولا مره

طفشت من هالحوار .. وقفت وقلت : بركب بشوف مشعل .. صحى اولا


...................................



** مشعل **

صحيت من النوم .. وناظرت للساعه .. اوف الساعه 4 العصر .. نمت كثير .. اليوم ماعندي دوام .. ومن بكرا بيقل وقت دوامي .. لاني خلاص بصير موظف عادي .. قمت من السرير وفتحت الباب رهف

قالت لي : صباح الليل

قلت لها : صباح الخير

جلست على الكرسي .. وقالت : وش فيك هالايام .. يانايم ياطالع يا ....

قاطعتها .. وقلت ببرود : وش تبيني اسوي يعني ؟

ناظرتني وقالت : لا تسوي شي

قلت : اجل ليه قلتي كلامك اللي تو

طنشتني ولفت تناظر بالمرايا .. اخذت علبة الخاتم اللي كانت بجنب المرايا فتحته وتلمست الخاتم .. ولفت علي مبتسمه .. قالت : الله يهبل .. مره مره حلو .. انت ماخذه لي ؟

قلت لها : لا طبعاً ليه اخذه لك .. وش المناسبه ؟ .. هذا من عند امي لك

رجعته مكانه وقالت : اها

حكيت راسي وقلت لها : رهف انزلي شوفي وش العشا اليوم

قالت لي : عشا هالوقت ؟

قلت : أأأ روحي شوفي نجود صحت اولا .. لان ابيها في سالفه

قلت : ايه صحت .. كانت معي قبل شوي

قلت لها : طيب حطيلي غدا .. بنزل اتغدا بعد شوي


...............................


** رهف **

والله واضح انه يبيني اطلع من الغرفه بأي طريقه .. بس وش السبب ؟؟؟ .. لازم اعرف .. نزلت تحت .. رحت المطبخ حطيت له الغدا على الطاوله ..ورجعت الغرفه .. فتحت الباب .. ماشفت مشعل .. سمعت صوت المويه بالحمام (( الله يكرمكم )) .. اكيد جالس يتروش .. لفيت شفت باب غرفة المكتب .. اللي قلت لكم عنه انه دايم مقفل .. الحين شفته مفتوح للمره الثانيه

رحت عند باب المكتب .. شفت درج المكتب الاخير مفتوح .. وبجنبه اوراق منثوره

بروح بشوف هالاوراق .. تو بقرب .. الا اسمع صوت باب الحمام ينفتح .. نقزت لعند الكرسي .. وجلست

قلت له : غداك جاهز

قال : اوكي .. اسبقيني .. انزلي قبلي

قلت له : وليه انزل ؟ .. تغديت

قال : اها

اقول لكم يبي يطلعني من الغرفه بأي طريقه

فتح الدولاب .. وعطاني قميص .. قال لي : اكويه لي .. ولا ماتعرفين بعد تكوين

قلت له : لا والله طبعاً اعرف

ناظرني .. كانه يقول يللا اطلعي .. ليه جالسه

فهمت .. وطلعت على طول .. هذا مايستحي .. يطردني من غرفتي بطريقه غير مباشره

كويت له القميص .. ورجعت الغرفه .. فتحت الباب .. لقيته طالع .. قال لي : بنزل اتغدا .. حطيه على السرير

قلت له : طيب

طلع من الغرفه .. ودخلت انا .. حطيت القميص على السرير .. ورحت لعند غرفة المكتب .. فتحت الباب .. الحمد الله ماقفله

رحت لعند الدرج الاخير .. اللي كان مفتوح قبل شوي .. ماكانت الاوراق حواليه .. و حاولت افتحه بس كان مقفل .. شفت مفتاح على المكتب .. اخذته وجربته .. بس مو مفتاحه .. اجل مفتاح وشو ذا .. جربته على كل ادراج المكتب .. فتح واحد منهم .. كان فاضي مافيه شي .. قفلته ورجعت المفتاح مكانه .. اووف مستحيل مشعل يخليلي المفتاح .. اكيد اخذه معه .. بس انا بفتحه .. يعني بفتحه

.
.
.

نزلت تحت .. دخلت المطبخ .. فتحت الدولاب .. واخذت لي سكين بهدوء .. سمعت صوت احد يفتح باب المطبخ الثاني .. اللي يطلعنا على برا .. ما ابي الف اشوف مين .. اخاف مشعل .. او خالتي فاطمه .. وش اقول لهم ..ايه بقول لهم اطبخ .. اطبخ وش اسوي وانا ما اعرف .. لفيت .. لقيت نايف ورغد .. ايه الحمد الله دامهم هذيلا

ناظرت رغد في السكين اللي بيدي وقالت : بسم الله الرحمن الرحيم .. نايف شوف هذي بتذبحنا

وش اذبحهم .. ليكون هذيلا على بالهم انا مجرمه .. لازم اتكلم واقول شي .. قلت .. وكنت متوتره : لا بقص لي قطعة قماش .. وماشفت مقص

قالت : انا عندي مقص .. ولا اقول لا ماعندي .. خليك قصي بسكين احسن

رن جوال نايف .. حط يده بجيبه .. واخذ الجوال .. قال : الوو .. هلا فيصل .. انت عند الباب .. اوكي الحين بطلع

اخذت نفسي .. وطلعت من المطبخ .. ركبت فوق .. دخلت غرفتنا .. فتحت المكتب .. ورحت لعند الدرج .. جلست على الارض .. كنت بفتح الدرج مثل مانفتحه بالمفتاح .. بس الفرق اني بفتحه بالسكين .. حاولت وحاولت مافتح .. غريبه انا اشوف بالافلام .. يسوون كذا .. يعني مافيه طريقه .. الا اني اكسر الدرج .. دخلت السكين من تحت .. وظغطت عليها بقوه .. عورتني يدي .. بس جبت نتيجه .. اهم شي الدرج انكسر .. فتحته .. وش هذا .. اوراق شغل وخرابيط مالها أي اهميه .. لو عارفه كذا .. مافتحت هالدرج .. شفت من بين الاوراق صوره .. اكيد صورة زوجته الاوليه .. بعدت الاوراق ورفعتها .. فتحت عيوني بأقوا ماعندي عشان اصدق اللي شفته


صــــــــــورة خــــــــــالــــــد ؟؟؟؟؟؟؟؟!!!!!!!!!!


.............................

_________________
بيت الريم .. الساعه : 5:00 مساءً
_________________

** الريم **

كنت جالسه بالصاله .. اراقب كل تصرفات امي .. ابيها تقول لي ان محمد جا خطبني .. لازم اكلمها بهذا الموضوع .. ما ابي محمد يشوف بنت غيري

قالت امي : ريوم

واخيراً .. قلت لها : هلا يمه .. امري

قالت : قومي طفي على قدر الشوربه .. نسيته على النار

وش هالحاله .. قمت طفيت عليه ورجعت جلست .. قلت لها : وبعد

قالت : وش وبعد

قلت : يعني ماتبين تكلميني بموضوع .. شي

قالت : لا ابد

لازم اتكلم .. ولا امي مستحيل تتكلم .. قلت لها : يمه اخو رهف جا خطبني ؟

قالت لي بتوتر : وش عرفك

قلت لها : رهف قالت لي .. انتو ليه ماقلتولي .. يمكن انا موافقه

قالت امي بحزن : والله يابنتي .. انا مره كنت مبسوطه يوم جا خطبك محمد .. لان ماراح نلقى احسن منه

قلت لها : طيب وبعدين .. ابوي ما وافق

قالت : لا .. تدرين .. قربي شوي بقول لك عشان ماحد يسمع

قربت .. وقلت : قولي

قالت بصوت خفيف : ابوك كان عادي .. مو قايل شي .. بس خالد وشوشه شوي .. قال له انه يعرف يوسف .. ويوسف هذا مو لهناك

قلت لها : وش دخلنا بيوسف .. هواللي خاطبني وانا مدري .. وبعدين لا يتكلم هالغبي عن اخو صديقتي

قالت : مدري .. وخالد قال لابوك .. انك تبين تكملين دراسه .. وان مايناسبك الا ولد عمك

اثاري كل شي من خالد .. هو اللي وشوش ابوي .. من جد ملقوف انا ما ابي ولد عمي .. حقدت على خالد مره

قالت لي امي : يعني انتي لو شاورناك كنتي بتوافقي ؟

قلت لها .. بتوتر : انا .. وشو .. لا طبعاً

ضحكت وقالت : والله انك نصابه .. اجل ليه مكلمتني

قلت لها : لان

قالت : بس بس .. عرفنا .. تدرين انا من زمان خاطري اشوفك عروس .. واشوف عيالك .. اذا تبيني اكلم ابوك .. بكلمه عادي .. لان ابوك ترى كان عادي بيشاورك ويمكن يوافق

قلت لها وانا مبتسمه: .. والله يمه بتكلمين ابوي

قالت امي وهي تضحك: موتو تقولين لا !!


....................................







___________________
بيت مشعل .. الساعه : 5:00 مساء
____________________


** رهف **

وش تسوي صورة خالد .. بدرج مكتب مشعل .. ياربي احس بخوف .. قلبي يدق بقوه ..راسي بدا يوجعني .. ما ابي افكر بشي .. وانا الخبله كسرت درج المكتب .. لو عرف مشعل .. وش بيسوي فيني .. هو بدون شي مو متحملني هالايام .. برتب الاوراق .. وبرجع الصوره مكانها .. ’’ رجعتهم بسرعه .. وقفلت الدرج .. مو واضح انه مكسور .. ان شاء الله مايلاحظ مشعل .. ان شاء الله يارب .. كنت بطلع .. تذكرت السكين .. بطلع غبيه لو نسيتها .. اخذتها .. وقفلت باب المكتب .. وطلعت من الغرفه اركض .. وصلت المطبخ بأمان ..محد شافني .. حطيت السكين مكانها .. ورجعت الغرفه .. انسدحت على السرير .. وغطيت نفسي .. فتح شخص الباب .. شوي وسمعت صوت مشعل يقول : رهف .. نايمه

من كلمني .. دقات قلبي زادت .. مدري ليه انا خايفه .. مو بس خايفه .. الا بموت من الخوف

مارديت عليه .. عشان يحسبني نايمه ويروح

كنت مغمضه عيوني بقوه .. سمعت صوت باب الغرفه يتقفل .. قمت على طول .. اشوه طلع .. اموت واعرف وش علاقة مشعل بخالد .. وليه مشعل قال لاهله اني صديقة نجود بالدراسه .. ياربي وش هالانسان الغامض


.............................


** حنان **

طفشت في هالبيت .. لانايف معبرني .. ولا حتى نجود راحت بيت صديقتها.. عشان تعلمها اشياء تخص الشغل .. لا المشكله تقول لي اجلسي مع امي ورهف على ما اجي هذا اللي ناقص اجلس معهم وحده غبيه ووحده عجيز وانا جالسه بالصاله .. مع هالبزره الغبيه .. وجعت راسي من السوالف .. وياليتني معاها .. ماسمعت الا اخر كلمتين قالتهم : واخذت السكين وطلعت

قلت لها بملل : مين اخذ مين

قالت : حنان صار لي ساعه اقول لك السالفه

قلت لها : معليه حبيبتي عيديها

قالت : انا ونايف كنا جايين من برا .. شفنا رهف ماخذه سكين .. صدقيني تبي تذبحنا

قلت لها : كان سألتوها وش بتسوي فيها

قالت : سالتها .. قالت بتقص قماش .. بس كانت خايفه وهي تقولها .. لان بالله عليك فيه وحده تقص قماش بسكين

قلت لها : ونايف وش قال

قالت : نايف ماقال شي .. لان دق عليه فيصل .. وعلى طول طلع

قلت لها : وهي وين راحت

قالت : شفتها راكبه فوق

قلت لها : يوم هي ركبت فوق .. نايف وين راح ؟

قالت : اووف حنان قلت لك طلع

ابتسمت ومسكتها .. قلت لها تعالي معي .. رحت المطبخ .. فتحت الدولاب .. قلت لها : أي وحده السكين اللي اخذتها

قالت لي : ما اشوف

رفعتها .. وقلت لها .. والحين

قالت : ما اعرفها

قلت لها : لازم تعرفيها

قالت : ايه ايه .. هذيك .. اكبر وحده

اخذت السكين .. وقلت لها امشي قبلي .. لاني ما بأي احد يشوفني

مشت رغد ومشيت وراها .. ركبت الدرج .. قلت لها بصوت هامس : فيه احد فوق

قالت لي : لا مافيه احد

واشرت لي عشان اجي .. دخلنا غرفة نايف .. وقفلنا الباب بالمفتاح

جلست على السرير وقالت لي : وش بنسوي

حطيت السكين بجنبها .. وقلت : الحين تشوفين

فتحت الادراج .. ماشفت شي .. نزلت اشوف تحت السرير .. ماشفت شي .. فتحت الدولاب جلست ادور بعد ماشفت شي .. رفعت القميص اللي بالدولاب .. شفتها .. اللوحه اللي رسمها نايف لرهف .. رحت لعند السرير .. حطيت اللوحده وحاولت اشقها بيدي عشان اتأكد .. وطبعاً هي سميكه و ما انشقت .. اخذت السكين .. وشقيت اللوحه

حطت رغد يدها على فمها وقالت : حنان شقيتي اللوحه

ابتسمت وقلت لها : لا مو انا اللي شقيتها .. رهــف اللــي شــقــتــهــا

^*^
/
\
/
\
/
\
/
\
/
^*^

**** نهاية الجزء الحادي عشر ****

[@ همس الغلا @]

...:::][ الجزء الثاني عشر ][:::...

____________
بيت مشعل ..الساعه :8:30 مساءً
____________

** مشعل **

كنت جالس بالمجلس .. ماعندي شي .. ورهف نايمه .. اكيد احد مضايقها .. ولا هي ماتنام بهالاوقات .. الا اذا كانت متضايقه .. شغلت التلفزيون .. وجلست اشوفه شوي .. قفلته وطلعت من المجلس .. شفت نجود فاتحه باب الصاله

قالت : السلام عليكم

قلت : وعليكم السلام .. هلا نجود .. وين كنتي ؟

قالت وهي تفصخ العبايه : كنت في بيت صديقتي .. وين البنات ؟

قلت لها : والله مدري انا كنت بالمجلس

قالت : رهوفه في بيت اهلها ؟

قلت لها : لا نايمه .. بركب بشوفها صحت اولا


.
.
.


فتحت الباب .. ودخلت الغرفه .. للحين رهف نايمه ؟ .. لفت ناظرتني .. ورجعت بسرعه .. قلت لها : صاحيه

ماردت علي .. رحت لعندها .. قلت : صاحيه

قالت : ايه

قلت لها : اجل قومي .. وش فيك طول الوقت منسدحه

قالت : بس كذا راسي يوجعني

قلت لها : والله كيفك ..المهم انا بطلع

ماردت علي .. اخذت القميص اللي كوته لي .. ولبسته .. وطلعت من الغرفه .. شفت رغد وحنان بنت عمتي .. يدخلون غرفة نجود .. قلت : رغوده تعالي

جاتني بسرعه .. نزلت لعندها و بستها .. قلت لها : كيف حال رغودتي اليوم

قالت لي : بخير

قلت لها : يللا حبيبتي .. قولي لماما فاطمه تبدل لك ملابسك .. عشان باخذك بنطلع ونتعشا سوا

قالت : ان شاء الله بابا

رجعت الغرفه عشان باخذ مفتاح السياره .. شفت رهف .. جالسه على السرير ومغطيه نفسها .. ناظرت فيها شوي ..واخذت المفتاح وطلعت

...............

** نايف **

فتحت .. باب الصاله .. ودخلت .. لقيت مشعل ورغد في وجهي

قلت لمشعل : طالعين ؟

قال : ايه

قلت : وجودي جات

قال : ايه

قلت : الظاهر فيه دوامات في الطلعه .. ناس تجي ناس تطلع

قال : ايه

ماعنده غير كلمة ايه ؟

قال : كنت مع فيصل

قلت له : ايه

قال : تعشيتوا

قلت : ايه

قال : يللا عن اذنك

قلت له : ايه

يللا دام كلمة ( ايه ) موضه .. بستخدمها على طول من اليوم وطالع .. المهم طلع مشعل مع بنته ..رحت المطبخ .. وحطيت كيس العشا اللي بيدي على طاولة المطبخ .. وطلعت من المطبخ ركبت فوق .. رحت لعند غرفة جودي .. وطقيت الباب ..ودخلت

قلت : السلام عليكم

ردت نجود السلام

سمعت صوت حنان تقول : كيف حالك نايف

تصدقون ما انتبهت لها .. قلت : نحمد الله .. المهم جبت لكم عشا من برا .. انزلوا تعشوا .. وشوفوا بعد رهف زوجة مشعل .. اذا تعشت اولا .. اوكي

قالت نجود : ان شاء الله

قالت حنان : تسلم على العشا

قلت وانا طالع : الله يسلمك

طلعت .. ورحت غرفتي .. فتحت الباب .. وانسدحت على طول على السرير .. نعسان شكلي بنام .. لا وش انام توها الساعه 9 .. بقوم ابدل ملابسي

قمت من السرير.. رحت لعند الدولاب .. حسيت لنفسي ادوس على شي .. نزلت راسي ..شفت لوحة رهف اللي رسمتها .. او بالأحرا اجزاء من اللوحه ..لانها كانت مشقوقه .. واحد شقها متعمد .. نزلت واخذت جزء من اللوحه .. وجلست افكر .. تتوقعون مشعل دخل غرفتي وشاف اللوحه وشقها ؟ .. مسكت السكين اللي على الارض .. السكين هذي انا شفتها قبل شوي في مكان .. وين ياربي .. صح تذكرت

^*^
/
\
/
\
/
^*^

*- بسم الله الرحمن الرحيم .. نايف شوف هذي بتذبحنا

- لا بقص لي قطعة قماش .. وماشفت مقص

*- انا عندي مقص .. ولا اقول لا ماعندي .. خليك قصي بالسكين احسن

^*^
/
\
/
\
/
^*^

رهف شقت اللوحه ؟؟؟؟؟ .. من غبائي لو كنت ادري هالشي بيصير .. كان مارسمتها ..اصلاً وش دخلني فيها ارسمها .. هي ماتركت السكين واللوحه كذا .. الا عشان تنبهني وتعطيني خبر اني ما احاول ارسمها مره ثانيه .. احس بالقهر يسري بدمي

من القهر ..اخذت السكين وجلست اشق في اللوحه اكثر


.....................

_____________
بيت الريم .. الساعه :11:00 مساءًً
_____________


** الريم **

كنت جالسه بغرفتي .. امشط شعري .. واسمع اغنية تامر حسني نور عيني

.
.

حبيبي تعالى .. بناديلك

تطمني

تريحني

ماتسيب ايدي من ايدك

***

ماتبعد عني ولا ثانيه

احضني نسيني الدنيا

واوعدني طول ما انت معاي

ماتسيب ايدي من ايدك
.
.

فتحت امي الباب .. طفيت الاغنيه على طول

قالت : ريوم كلمت ابوك

قلت لها : والله يمه .. وش قال

قالت : قال ماكنت متوقع ان الريم موافقه على محمد .. ولو هي موافقه انا بعد موافق

وقفت وقلت وانا مبسوطه : ما اصدق ابوي قال كذا

قالت : قلت لك انا .. ابوك عادي عنده ..لو ما خالد وشوشه

قلت : زين يمه .. والحين

قالت : والله مدري الرجال راح خلاص .. وتلقين شافوله وحده غيرك

ما اتوقع .. لان كلام رهف وضح لي .. ان محمد يبيني انا .. ولو كان يبي غيري .. ماكانت رهف كلمتني من اساس

قلت لامي : طيب يمه الحين انا بنام .. وان شاء الله مايصير الا الخير

قالت لي امي : تصبحين على خير

قلت لها : وانتي من اهله

طلعت .. وعلى طول على التلفون .. عشان اخبر رهف باللي صار


..................................




___________
بيت مشعل .. الساعه :9:00 مساءً
___________


** رهف **


قفلت من عند الريم .. ودقيت على اخوي محمد

رد علي .. قلت له : الووو.. هلا محمد .. اخبارك

قال : تمام .. اكيد عندك شي مهم

قلت له : طبعاً .. كم تدفع

قال : رهوف خلصينا

قلت له : عادي عندك تروح تخطب الريم مره ثانيه ؟

قال : لا طبعاً .. اذا هم مايبوني اروح ليه !

قلت له : ولو قلت لك ان الريم واهلها موافقين .. تروح او لا

قال بأندفاع : اروح مره ومرتين .. وثلاثه بعد

قلت: خلاص اجل مبروك من الحين

قال : وليه مستعجله .. والله ماتدرين وش تخبي لنا الايام

قلت : ان شاء الله ماتخبي لنا الايام الا الخير يااخوي .. يللا غلاي الحين انا بخليك

قال : اوكي وتسلمين يا احلى واغلى واعز اخت

قلت وانا اضحك : كل هذا عشان كلمت الريم

قال : لا يا الدبه من قال

قلت : انا قلت .. يللا باي

قفلت من عند محمد .. وانا للحين على السرير .. كنت بقوم بس سمعت صوت مشعل برا ..رجعت انسدحت .. شكلي بجلس طول يومي على السرير .. فتح الباب .. وقال : بل .. رهف للحين انتي منسدحه على السرير ما مليتي

سويت حالي نايمه .. ومارديت .. جا لعندي .. وقال : نصابه مو نايمه

قلت وانا مغمضه : مشعل خلني ابي انام

قال : طيب انتي وش فيك

قلت : مافيني شي

قال : بتقولين قولي .. مابتقولين خلاص .. ترى انا ما ادلع احد

قلت له : طيب وقلت لك مافيني شي

دخل الحمام (( الله يكرمكم )) .. و بعد ماطلع جا انسدح على السرير

امممممم الحمد الله انه انسدح .. خل ينام ويفكني .. شكله مابيقول لي عن خالد شي

قال : بقول لك رهف

لفيت عليه وقلت : لا .. لاتقول لي ما ابي اعرف

رفع حاجب وقال : وش اللي ماتبين تعرفينه ؟

ايه صحيح .. وش جالسه اخربط انا .. الحين اكيد يقول انا انهبلت .. لازم ارقع .. قلت له : قصدي كان فيه موضوع .. في بالي وحسبتك بتقول لي عنه .. وانا اعرفه .. يعني مايحتاج تقول

قال : طيب وش الموضوع اللي تعرفينه ؟

ياربي توهقت .. قسم بالله ولا كلمه قلتها تطلع من وحده صاحيه

قلت له : مو مهم .. مو مهم .. وش اللي كنت بتقوله

قال :انا كنت بس بقول تعشيتي اولا

قلت : لا ماتعشيت .. مالي نفس

قال : براحتك .. تصبحين على خير

قلت : وانت من اهله

مافيني نوم .. اصلاً ليه الخوف .. انا ماسويت شي .. انام احسن لي


____________
بيت ابو يوسف .. الساعه: 10:00 مساءً
____________


** محمد **

.
.

ثلاث ايام مرن في حياتي غير

ثلاث ايام عشت الحب واغليته

ثلاث ايام واتهجا كلام الطير

كلام اعذب من اعذب من تفديته

.
.

تدرون ليه اغني اغنية عبد المجيد ثلاث ايام ؟ .. باركولي .. باقي ثلاث ايام على ملكتي ..صدقت رهوف يوم تقول .. ان شاء الله مابتخبي لنا الايام الا الخير .. وهذا انا الخير اشوفه بعيوني .. الحمد الله ان الريم صارت من نصيبي .. هذا اسعد شي بيصير في حياتي كلها .. فتح باب غرفتي سعد .. وهو ماسك بيده بدلته .. حفظت كل شي فيها من كثر ما اشوفها .. حطها على السرير .. وقال : محمد هذي البدله اللي بلبسها في ملكتك .. حلوه ؟

قلت له : كم مره سألتني

قال : صحيح سالتك بس ماجاوبتني

قلت : الا جاوبتك .. وقلت لك ابيك تلبس ثوب وشماغ

قال : لا في عرسك بلبس ثوب وشماغ

قلت له : طيب

قال : ومتى انا بعرس

قلت له : وين انت باقيلك دهر .. بس لاتخاف .. مابتصير اخر من بيعرس في هالبيت .. لانك بتعرس قبل يوسف

قال : بل .. يوسف كبر ابوي .. واعرس انا قبله

اخذت جوالي .. ودقيت على رهف

ردت على طول : الووو هلا محمد

قلت : هلا رهوف .. وش هالازعاج اللي عندك

قالت بصوت عالي : محمد ما اسمعك

رفعت صوتي وقلت : اقولك وش هالازعاج اللي عندك

قالت : انا في السوق مع الريم .. ناخذ اغراض للملكه

قلت: سلمي عليها

قالت : يوصل

قلت : يللا اخليك .. باي

قفلت .. وناظرت في سعد .. لقيته يبكي .. قلت له : وش فيك سعودي تبكي ؟

قال : الحين رهف تزوجت وخلتني .. وانت بتتزوج وبتخليني .. انا ما ابي اجلس في البيت مع يوسفوه كله يطقني

مسحت على راسه وقلت : انت على بالك بملك وبعرس على طول .. لا حبيبي شارطين علي اخليها تخلص ثانويه .. يعني باقي وباقي

قال : احسن .. اجل انا بروح بوري امي بدلتي

مسكته وقلت : وشلون توريها .. وهي اللي اختارتها لك

قال : لا تلقاها الحين نست .. لان امي بسرعه تنسى

وهذا اللي بيموتني ضحك الحين


...........................

____________
بيت مشعل .. الساعه :10:30 مساءً
____________

** نايف **

طلعت من غرفتي .. وكنت بدخل غرفة نجود .. تذكرت ان ممنوع علي ادخل هالغرفه .. رهف صار لها كم يوم تنام فيها.. مدري وش السبب .. ماسألت .. اصلاً انا من سالفة اللوحه .. صرت اتجنب رهف اكثر من اول .. كنت بنزل الدرج .. بس شفت حنان تدف شنطه كبيره .. الظاهر بترجع بيتهم خلاص .. بصراحه زودتها .. من زمان وهي في بيتنا

قلت لي بدلع : هلا نايف .. مساء الخير

قلت : هلا بنت عمتي .. مساء النور

قالت : نايف ممكن تنزل لي الشنطه

عقدت حواجبها وكملت كلامها : لاني خلاص برجع البيت

اخذت الشنطه .. ونزلتها مع الدرج

وانا انزل كنت افكر .. من اول ماجات حنان بيتنا ماشفتها تجلس مع رهف لحالهم .. يمكن حتى رهف ماتستلطفها

مسكت حنان شنطتها وقالت : نايف

قلت بدون ما اناظرها : هلا رهف

يوم ماسمعت ردها .. لفيت عليها وقلت : امري ؟

قالت بعصبيه : انا بنزل الشنطه

رفعت كتوفي وقلت : براحتك

هي اللي طلبت مني انزلها مو انا اللي طلبت منها

مشت عني وقالت : اسمي حنان مو رهف

ادري ان اسمها حنان .. غريبه ليه تذكرني ؟

سلمت حنان على امي ونجود .. اللي كانوا جالسين بالصاله .. وطلعت

رحت انا جلست معاهم

كانت جودي تقول :رغد وحنان يقولون يمكن مجنونه

قالت خالتي : بسم الله عليها الرحمن الرحيم

قالت جودي :خالتي انا اقول .. يمكن هي فيها عقده نفسيه من يوم كانت صغيره ..صار لها موقف مع القطاوه ولا شي

قالت خالتي ام مشعل : لا غلطانه .. بنتي مافيها شي .. هذي احلام تجيها .. يقولون الاحلام اللي عن القطاوه مو زينه

قالت نجود : خالتي فيه وحده تحلم ثلاث ايام تقريباً نفس الحلم

قلت انا : احم احم انا هنا

قالت خالتي : هلا وغلا ولدي .. كيف حالك

قلت : تمام .. وش هالموضوع المهم .. اللي يخليكم ماتنتبهون لوجودي

قالت نجود : اهم واغرب موضوع صار في هالبيت

قلت انا : وش الموضوع

قالت خالتي : رهف زوجة مشعل .. صار لها ثلاث ايام .. تشوف في غرفتها قطوه .. وتخيل عاد .. لا رحنا حنا مانشوف شي .. تختفي هالقطوه .. والمشكله اذا مشعل كان معها ماتجي هالقطوه .. يعني معقوله مافيه الا هي تشوفها

كملت نجود :حتى خالتي قالت يمكن هالقطوه جني يطلع لرهف .. صارت رهف ماتقدر تجلس في الغرفه .. ماتطبها خير شر .. تخاف منها .. تجي تنام في غرفتي .. وهي نايمه تصحى فجأه .. وتقول لي قفلتي الدريشه عدل .. قفلتي الباب زين .. وماتحلم الا في القطاوه

من قالت كذا على طول وقفت .. وقلت بصوت عالي وبكل عصبيه: رغـــــــــــد .. رغـــــــــــد

نزلت رغد من فوق .. وقالت : نعم خالي

صفعتها كف ..وشديت شعرها .. صرخت عليها : تعالي معي

قالت خالتي : اترك رغد

قالت نجود : نايف مجنون

ماطاعت رغد تجي معي .. بس انا سحبتها من شعرها

سمعت صوت مشعل يقول بصوت عالي : شيــل يــدك عن بنــتي ^*^
/
\
/
\
/
\
/
\
/
^*^

**** نهاية الجزء الثاني عشر ****

[@ همس الغلا @]

...:::][ الجزء الثالث عشر ][:::...


____________
بيت مشعل .. الساعه :10:30 مساءً
____________



** نايف **


طنشت مشعل ولا كاني اسمعه .. جاني وسحب يدي .. بس انا ماتركت شعرها .. رهف جات على طول من سمعت الصوت وصارت هي ونجود وخالتي ملتمين حولي

قال مشعل : اذا انا ابوها ماطقيتها .. تجي انت تطقها

تركت رغد وجلست اصفق : حلو حلو .. مشعل لا تجلس الحين تعطيني الدروس المستفاده في الابوه .. شوف بنتك وش مسويه

قالت رغد وهي تبكي : انا ماسويت شي

قلت : لو فيك خير تكلمتي

مسكتني خالتي ام مشعل .. وقالت : استهدي بالله ياولدي

قالت نجود : تعوذ من الشيطان نايف ..وقول لنا وش فيك

مسكت رغد بسرعه .. ورحت للمطبخ اركض .. الكل كان يركض وراي .. طلعت من باب المطبخ الثاني .. ورحت لمكان القطوه اللي ورتني اياها رغد .. قلت .. وكنت اصارخ : رهف هذي القطوه اللي كنتي تشوفينها

هزت راسها يعني ايه .. حطت نجود يدها على فمها .. مسكت خالتي ام مشعل رغد .. وقالت : نايف لا تطقها خلاص

قال مشعل : عفيه .. يللا كلكم حيوه .. مسوي هالحركات قدام الكل .. عشان نقول عنه بطل .. وش دخل بنتي اذا القطوه راحت الغرفه.. ليكون تتحكم عنها بريموت كنترول

قلت انا : شيء عجيب .. رهف بس اللي تشوفها

قال : وش دخلك هذي بنتي وهذي زوجتي

قلت ببرود : على العموم هالقطوه ماتجلس في البيت

قال مشعل : بس هذي قطوة بنتي يعني تبيها

تكتفت وقلت : والله لو كنت ناسي ترا هالبيت بيتي .. وانا ما ابي فيه قطاوه .. وبنتك غلطانه واعترف بهالشي

سحبت رغد يدها من يد خالتي ام مشعل .. وقالت بصوت عالي : عمي نايف وعدتني ماتقول لاحد عن هالقطوه .. انت كـــــــذاب كـــــذاب

وراحت تركض .. اخذت نفسي انا بعد .. وركبت غرفتي لاني مره متضايق .. دخلت وقفلت الباب .. سندت ظهري عليه .. وجلست افكر .. انا ليه سويت كذا .. عشان الحق .. او لاني موراضي على رهف ؟؟!!



..............................


** رهف **


ركب مشعل ..وركبت وراه ..على بالي بيدخل الغرفه .. بس مادخل ..راح لرغد .. كنت انا عند الباب .. شفته يحضنها ويبوسها .. اول مره اشوف احد يراضي شخص غلطان !! ..زين يسوي فيها نايف .. الحين اكيد كل اللي في البيت شمتان فيها .. بس وحده بعمر رغد .. ماتخطط وتسوي اللي سوته لحالها .. اكيد معاها احد .. ومو بعيد هالاحد يكون حنان .. لاني سمعتها تقول لنجود اني مجنونه واتخيل قطاوه و نفس الكلام قالته رغد ..ما احبها انا هالحنان .. زين انها رجعت بيتهم .. طولت معانا

المهم رجعت غرفتي .. بدلت ملابسي وجلست على السرير .. دخل الغرفه مشعل .. وجلس هو بعد على السرير وكان معصب

كنت بقول له ..حصل خير ومافيه داعي لهالعصبيه

قلت : مشعل حــصـ...

قاطعني وقال : رهف رجاءً لا تكلميني .. مالي خلق اسمع صوتك .. اللي فيني كافيني

قلت له : الحين بتحط الحره فيني

صرخ في وجهي : اقولك اسكتي ما ابي اسمع صوتك .. ماتفهمين

قلت : لا ما افهم

حط يده على المخده .. وشالها .. مدري وش كان بيسوي .. بيرميها علي والا وشو بالضبط

قال : نامي .. لا تجلسين تناظريني كذا

لا هذا الظاهر بينيمني على كيفه .. وبيصحيني على كيفه

قلت : ما ابي انام

وقف وقال : ياتنامين .. ياتبلعين لسانك .. كلش مو فاضيلك

سكت عنه .. انسدح على السرير .. وكان يهز رجوله طول الوقت .. كل هذا من العصبيه .. انسدحت ونمت انا بعد


_____________
السياره .. الساعه 8:00 صباحاً
______________



** فيصل **


كنت رايح بيت نايف عشان نطلع نفطر سوا .. وصلت بيتهم .. ووقفت السياره برا في الحديقه ..دقيت على جواله

رد علي :الووو هلا فياصل

قلت : هلا نيوف .. انا برا

قال : دقايق وبجيك

قلت : طيب باي

طلع من البيت هو ونجود .. قال : فيصل انتظرني لحظه بجيب القطوه معي .. عشان نوديها مكان بعيد .. تعرف يعني القطوه لا تعودت على بيت ماتفارقه

قالت نجود : خلاص بتودوها القطوه .. حرام .. حتى لو رغد غلطانه بس هي تبيها

قلت انا : اي قطوه

قال نايف : هذي القطوه في البيت من زمان .. بعدين اقولك السالفه .. بروح بجيبها

راح نايف .. وكانت نجود واقفه

قلت لها : كيف حالك نجود .. عساك طيبه

قالت : طيبه الحمد الله .. وانت

قلت : دووم .. انا تمام

سكتت وجلست تشوف نايف وهو رايح

قلت لها :حرام .. اكيد انتي زعلانه .. بيطلعون خويتك من البيت

قالت لي : فيصل

قلت : هلا .. سمي

قالت : سم اللي يسم بطنك

قلت : افا تدعين علي

حطت يدها على راسها .. وقالت : اصلاً انا ليه اتكلم معك

قلت : واحد ضربك على يدك .. وقال لك كلميني

ماردت علي .. قلت : اقول نجود

مافيه رد .. ساكته .. قلت : هيه نجود اكلمك

لفت وجهها عني ..حطيت يدي على السياره وقلت: تتغلين

ساكته .. قلت : طيب بغني

قالت بسرعه : لا تكفى .. الله يرحم والديك لا تغني ..جالسين من صباح الله خير مانبي نسمع اصوات مرعبه

قلت وانا اضحك : شفتي كيف خليتك تتكلمين

حطت يدها على خصرها .. وكانت بتقول شي .. بس جا نايف .. حامل القطوه

عطاني اياها .. وقال : وععع وصخت ملابسي

قلت له وانا اتمايل : يااي

قال : امش بس .. عشان نوصل نجود الدوام بعد .. راح نايف عشان يركب قدام من الباب الثاني .. وفتحت نجود الباب اللي وراي .. عشان تركب ..قلت لها بصوت هامس .. وانا ااشر عليها وااشر على القطوه : تشبهون لبعض .. القطاوه على اشكالها تقع

طنشتني وركبت ..شكلها مقهوره مني مره .. ركبنا كلنا .. وحركت السياره .. شغلت اغنية حبك بحر .. وكنت بلف وبحرك لها حواجبي .. راح عن بالي ان نايف معنا .. اشوا ماسويت هالحركه .. كان رحت فيها

.
.

حبك بحر ماله حدود

واسمك بقلبي موجود

انتظرك طول العمر

واقضي عمري كله وعود

***

تعال انسى يللي فات

خلني اشوفك بس لحظه

صدقني مقدر انساك حبي لك لممات

.
.

غير الاغنيه نايف وحط اغنية جاني حبيبي وقال : اهداء مني لكم

.
.

جاني حبيبي من بعد غيبة سنين

يقول سامحني برد لمكاني

وانا وربي ماتشافيت للحين

للحين وانا من جروحه اعاني

.
.

شلتها على طول وقلت له : من صباح الله خير تبينا نسمع طقطقه

رجعت شغلت حبك بحر

قالت نجود : ممكن فيصل تشيل الاغاني راسي يوجعني

قال نايف : ايه والله .. لا تحط شي خلاص

قلت : لا والله هذي سيارتي .. احط اللي ابيه

لف نايف على اخته .. وقال : بيذلنا عشان راكبين في سيارته .. اللي تقول عربة حمير .. امشي بس ننزل نروح مشي

من جده هذا ينزل ويروح مشي .. قلت له : اتحداك تنزل

قال :والله لو ما معي اختي كان نزلت .. بس انا اختي بنت عبد العزيز ماتمشي بالشوارع

قلت : يعني انت ولد شوارع .. عادي عندك تمشي فيها بأي وقت

قال وهو يأشر قدام : فيصلوه .. اقول ناظر قدامك وبلا استهبال

ناظرت في المرايا .. كانت مغطيه وجهها .. وتناظر بالدريشه .. خساره


...............



________
المدرسه .. الساعه : 9:00 صباحاً
____________


** الريم **


من بداية الدوام للحين .. وانا ورهف مانسولف الا عن ملكتي .. ملكتي ليلة بكرا .. ماباركتولي ؟

كانت تقول لي رهف : حطي لك الورد الازرق .. اللي اخذناه في شعرك .. صدقيني حلو .. انا في ملكتي حطيت لي ورده ورديه .. بنفس لون فستاني .. الكل قال لي مره حلوه

قلت لها : امممم مدري بشوف

قالت : مافيه بشوف .. تحطيه يعني تحطيه .. غصب

ضحكت وقلت لها : طيب من عيوني

قالت : تسلم عيونك يامرة اخوي

قلت : طيب بسألك ..انتي الحين بتلبسين الفستان الاحمر .. او البدله البنيه

قالت : مدري انتي وش رايك

قلت لها وانا افكر : اتوقع الفستان الاحمر احلى

قالت : الفستان الاحمر حلو .. بس البدله البنيه افخم

حطيت راسي على الطاوله .. وقلت : والله مدري .. بس ما اوصيك .. لاتفشليني قدام محمد .. ترى والله استحي

ابتسمت بمكر وقالت : نشوف

شلت راسي .. ورفعت يدي انادي هند .. جاتني هند .. وقلت لها : باركيلي ليلة بكرا ملكتي

قالت بأنفعال : احلفي ما اصدق .. غرتي مني انا ورهوفه ههههههههههه .. بس مبروك تستاهلين حبيبة قلبي

قلت : الله يبارك فيك .. تعالي طيب

قالت .. وهي تناظر في رهف : ايه انتي بجيلك في كل المناسبات .. بس رهفوه الدبه ماراح اجيها

قالت رهف : افا ليه

قالت هند وهي تتخصر : لانك ماجيتي ملكتي

قالت رهف : اهم شي اجي عرسك

قالت هند : ان ماجيتي بذبحك

ناظرتني رهف .. وقالت : على طاري نجي ومانجي .. ريوم لاتجين بكرا المدرسه

قلت : لا تخافين ماراح اجي

قالت رهف : وانا بعد ماراح اجي

قالت هند : اكيد ملكة صديقتك

قالت رهف : واخوي

قالت : صدق يعني الريم بتصير مرة اخوك .. حلوحلو

ناظرت في رهف وابتسمت


..................

____________
بيت العمه .. الساعه :1:30 مساءً
____________

** حنان **

كنت جالسه على النت .. من اول مارجعت من بيت خالي .. وانا 24 ساعه على النت ..ماعندي لا شغله ولا مشغله .. الهنوف تروح المدرسه .. وفيصل يروح الدوام .. وانا اجلس بالبيت ..كنت داخله الشات بنك !ملح الحياة ! وكل اللي بالشات يعرفوني .. يعني معروفه فيه اول مادخلت قلت


÷÷÷÷÷÷÷÷÷÷÷÷÷÷÷÷÷÷÷


!ملح الحياة!:وخروا وخروا ملح الحياة جات

*مدلع البنات* : هلا وغلا ملح الحياة منوره الشات

سارووونه : ولكمو حبيبتي ملووحه منوره الشات

!ملح الحياة!:يسلمو سارونه منور بوجودك

!ملح الحياة!: ومدلع ماراح ارد عليه امس يهاوشني هو والمشتاق

^بنت نجد ^: ولكموووووو ملوحه منوره يا الغاليه

!ملح الحياة!: يسلمووو بنورك ياقلبي

& الساهر & : سارونه مارديتي علي ممكن نتعرف اولا

!ملح الحياة!: الساهر وخر عن سارونه انت قال نتعرف قال

سارووونه : ايه والله ملوحه شوفيه من الصبح ناشب لي

(امير المحبين ):السلام عليكم ورحمة الله وبركاته

!ملح الحياة!: وعليكم السلام ورحمة الله وبركاته

*مدلع البنات*: ملوحه افا ليه ماتردين علي ترا المشتاق هو اللي قال خلينا نهاوشها

^بنت نجد ^:وعليكم السلام ورحمة الله وبركاته ولكمووووو اميرووه منور غريبه توك داخل العاده تدخل بدري

!ملح الحياة!: ايه مدلع بيحطها على المشتاق الحين

&الساهر&: مالك شغل ملح الحياة انا كلمت سارونه

!ملح الحياة!: الساهر الا لي شغل ومليون شغل صح سارونه

سارووونه : صحين

(اميرالمحبين): يسلموووووو فديتكم

(اميرالمحبين): بنت نجد مادخلت بدري اليوم كان عندي شغل

!ملح الحياة!: <<< تقول غريبه امير عنده شغل

*مدلع البنات*: قسم بالله ملوحه

(امير المحبين) : ياحب ملح الحياة للشماته

+المشتاق+: باااااااااك << ابوه بلشه الا غصب يصلح السياره

& الساهر & : ولكمووووو المشتاق


÷÷÷÷÷÷÷÷÷÷÷÷÷÷÷÷÷÷


جلست اسولف بالشات شوي .. الا ويجيني المشتاق برايفت

+المشتاق+ : امس ترا مدلع البنات هو اللي بدا يهاوشك

!ملح الحياة!: هو يقول انت وانت تقول هو والله انكم يا الشباب نصابين

+المشتاق+: اكفش هههههههههههههههههههه

ّ!ملح الحياة!:ايه اضحك وش عليك

+المشتاق+ : عادي هذا شات والمزوح تجي وتروح

ّ!ملح الحياة!: ايه عادي انا موشايله على خاطري من احد

+المشتاق+: اعرفك انا ذووووووق

!ملح الحياة!: اوكي يا المشتاق الحين انا طالعه

+المشتاق+ : وين بتروحين ؟ بدري وتو الناس ياشمعة الجلاس

ّ!ملح الحياة!: بروح لايميلي من زمان ماسولفت فيه

+المشتاق+: بس انا ابي اسولف معك

!ملح الحياة!: طيب تعال ماسنجر

+المشتاق+: اوكي هذا ايميلي .....


÷÷÷÷÷÷÷÷÷÷÷÷÷÷÷÷

اظفته في ايميلي .. يسألني عن اسمي .. بقول له وعد .. مثل ماقلت لباقي اللي بالشات

ْْ~.؛~ الحياة ماتسوي شي بدوني ~.؛~ : اسمي وعد وانت ؟
ّّ
ّّّّ{1+4=8 وجهة نظر } : عاشت الاسامي انا اسمي احمد

ّّّّ{1+4=8 وجهة نظر } :تعالي انتي تعرفين احد في الشات من الشباب يعني معك رقمه ؟

ْْ~.؛~ الحياة ماتسوي شي بدوني ~.؛~ :لا طبعاً

ّّّّ{1+4=8 وجهة نظر } :نصابه مدلع البنات قال انك تكلمينه وامير المحبين بعد

ْْ~.؛~ الحياة ماتسوي شي بدوني ~.؛~ :مدلع كان معه رقمي ويكلمني بس انا تركته خلاص وامير المحبين قليل اذا كلمته

ّّّّ{1+4=8 وجهة نظر } :ايه قولي كذا من البدايه مو تقولين لا طبعاً


÷÷÷÷÷÷÷÷÷÷÷÷÷÷÷÷


جلست اسولف معه لليل .. وبعدين جاتني امي .. اضطريت اقول له اني بطلع .. وقفلت

قالت لي امي : امس جا خطبك واحد

قلت لها وانا اقوم من الكرسي : من هذا

قالت : واحد حافي منتف

قلت : مايستحي يجي يخطبني .. مايدري من هم بيت خالي

قالت : الظاهر جريء هذا .. المهم وش سويتي في موضوع نايف

جلست على السرير وقلت : اووف خطتنا حقة القطوه .. اللي قلت لك عنها يمه

قالت : ايه اذكرها

قلت : فشلة فشل موطبيعي .. واللي خربها هو نايف

قالت وهي متفاجأه : ما اصدق .. وانتي وش عرفك

قلت : رغد كلمتني وقالت لي .. بموت قهر .. اكيد الغبيه رهف شمتانه فينا

قالت : وش عرفها انك مع رغد ترا كل شي طاح على راس رغدوه

قلت بعصبيه : اكيد بتشك فيني .. بس قلعتها شكت او ماشكت

جات امي وجلست بجنبي وقالت : ماعليك يابنتي خيرها بغيرها ..وهذا وجهي ان ما اخذتي نايف ولد خالك

............................



مشعل .. الساعه 1:00 صباحاً
____________

** نايف **

جالس بسريري اتقلب .. ماجاني نوم .. مدري ليه .. طلعت من غرفتي ومعي دفتر اشعاري .. ونزلت تحت الحديقه .. الجو كان بارد .. قرب يجي الشتا .. متى يجي بس .. ملينا من هالصيف وهالحر ..جلست واخذت القلم وفتحت الدفتر.. كنت بكتب شعر .. بس لمحت شخص جالس من بعيد ..ليكون نجود ؟.. قربت اكثر .. شفتها لابسه حجاب يعني رهف مو نجود .. قلت برجع على ورا .. لاتشوفني .. ولاني كنت ارجع بسرعه شوي .. ماحسيت الا وانا طايح على ظهري

سمعت صوتها تقول : بسم الله .. من هنا ؟

ماقمت من مكاني قلت اكيد مابتحس لي .. ليل وظلمه

واللي توقعته صح .. ماشافتني .. اخذت نفسها ودخلت داخل .. وش تسوي رهف في الحديقه بهالوقت


.............


** رهف **

وش يسوي نايف في الحديقه وبهالوقت .. لا ومنسدح على ظهره وشكله يفكر بشي .. الحمد الله انه ماشافني ..وش اسوي ماجاني نوم .. دخلت المطبخ .. اخذت كاس .. صبيت لي مويه .. وشربتها .. جلست شوي بالمطبخ .. بعدين اخذت نفسي و ركبت فوق .. دخلت الغرفه .. وقفلت الباب بهدوء

صحى مشعل .. قال لي بصوت كله نوم : الساعه كم

قلت له : الساعه 1

قال : وش مصحيك

قلت : مو جايني نوم

قال : ليه طيب

قلت : مدري

جلس وقال لي بأبتسامه : قومي نطلع نتمشى بالسياره

قلت له : يللا

فتحت الدولاب وطلعت جاكيت : حطيته على السرير

قال لي : ليه صيف

قلت : ترا الجو بارد انت بعد البس لك شي

..............

____________
بيت الريم .. الساعه 9:30 مساءً
____________


** محمد **


حنا الحين في بيت الريم .. واخيراً مروا هالثلاث ايام .. ملكت وخلصت .. والحين الكل يبارك لي

باستني امي وقالت : مبرووك ياولدي

قالت لي رهف : مبروووك محمد

قلت لهم : الله يبارك فيكم

جا اخوها فارس .. واشر على المجلس .. قال : يللا ادخل .. حدك خمس دقايق

قلت : خمس دقايق مايمديني اقول السلام عليكم

قال : راح من الخمس دقايق دقيقتين .. تراني احسب

قلت : لا لاتحسب من الحين .. حرام عليك

قال : طيب ادخل

دخلني وقفل الباب ..شفتها جالسه على الكنبه .. بس ماتناظر فيني

قربت وقلت : السلام عليكم

قالت : وعليكم السلام

قلت لها : كيف حالك الريم

هزت راسها .. جلست بجنبها .. قسم بالله ودي اقوم ارقص من الوناسه

قلت لها : مو مصدق .. احس نفسي في حلم .. اصفعيني عشان اصدق ان اللي يصير حقيقه

ابتسمت بس .. جلست ادقق في ملامحها .. تذكرت الموقف اللي صار في بيتنا ..يوم تلعب هي واختي بالمويه .. كانت حلوه .. بس الحين هي احلى

قلت : اوعدك اني اسعدك .. وان شاء الله ماتمر لحظه في حياتنا فيها حزن .. الدرب اللي بمشيه انا وانتي كله سعاده وفرح

قالت وهي تعدل شعرها : ان شاء الله

قلت لها : عندك جوال .. عشان باخذ رقمك

رفعت راسها وناظرت فيني .. وش فيها تناظرني كذا .. كاني قلت شي غلط .. عادي هي زوجتي ولازم اخذ رقمها .. عضيت على شفايفي بسرعه .. تذكرت ان رقمها عندي وهي تدري .. راح عن بالي .. وش هالفشله بتقول عني استهبل من اولها

قلت لها : الورده اللي بشعرك بتطيح .. لحظه بعدلها

قمت عدلتها وانا مستانس .. ورجعت جلست .. دخل اخوها فارس وقال : خلصت الخمس دقايق .. يللا

ما ابي ما ابي .. ماراح اطلع .. ابي اجلس بعد

وقفت .. بست راسها .. وقلت : يللا عن اذنك يا الغاليه ..واي شي تحتاجينه انا حاظر

قال فارس : لاتجلس تزيد كلام عشان تطول المده

اووف هذا فارس انا حقدت عليه .. ناشب لي في البلعوم

^*^
/
\
/
\
/
\
/
\
/
^*^

**** نهاية الجزء الثالث عشر ****

[@ همس الغلا @]

...:::][ الجزء الرابع عشر ][:::...


____________
بيت الريم ..الساعه 12:00 مساءً
____________

** الريم **

^*^
/
\
/
\
/
\
/
\
/
^*^


ابيك تعرف!

ان لا يمكن إحساس قلبي يخليك

لو الشعور بداخل القلب

ماات ..

العمر يمضي!

ونصه يناديك

والنص الاخر يمسح

بدموع الآآآهات ..

مستحيل؛؛

اتخلى عنك واقول

ناسيك

،،انا،،

لاخريوم في عمري

باكون وياك ...!

^*^
/
\
/
\
/
\
/
\
/
^*^

هذا المسج جاني الحين من محمد
كتبت له مسج

^*^
/
\
/
\
/
\
/
\
/
^*^

مشتاق...

صدقني مشتاق لشوفك ولقياك

وكل العيون بلا عيونك

ممله ...

اسمك على لساني

وشوقي لملقاك

ورسمك ترى بوسط

قلبي محله ...

كلي امل تجمعني الايام

وياك

ياملك القلب والعقل

كله...

^*^
/
\
/
\
/
\
/
\
/
^*^

اول مارسلت المسج .. على طول محمد دق علي

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

اغنية راشد الماجد .. كانت نغمة جوالي

رديت .. قال لي : الووو.. هلا وغلا الريم

قلت : هلا فيك

قال : كيف حالك يا الغاليه

قلت : بخير الحمد الله

قال: ان شاء الله دوم مو يوم

قلت : يدوم غاليك ومغليك .. وانت كيف حالك

قال : بخير دام انا اسمع هالصوت

استحيت ومارديت عليه .. قال : ليه مانمتي

قلت : الحين بنام

قال: اجل اخليك تنامين .. تصبحين على خير

قلت : وانت من اهله

قفلت .. ورحت انسدحت على سريري وانا مبسوطه اني اكلم محمد

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

رديت : الوو

قال : هلا الريم .. نسيت اقولك اني بكره الظهر بمرك .. عشان نطلع نتغدا سوا

قلت : اممممم

قال وهو يضحك : اممممم وشو ؟

قلت : ان شاء الله

قال : انتبهي لنفسك الريم

قلت : طيب .. وانت بعد

قال : من عيوني .. يللا مع السلامه

قلت : يحفظك الرحمن

ناظرت في الساعه .. شفتها 1ونص .. خل انام احسن .. اخاف يجي الصبح وانا مانمت .. بعدين يمرني محمد الظهر وانا نايمه .. طفيت النور وتغطيت .. ونمت

....................

_____________
بيت مشعل ..الساعه :1:30 الظهر
_____________


** رهف **


اليوم الخميس .. كل اهل مشعل في بيتنا ..عشان بيتغدون معانا .. كنت جالسه اسولف مع الهنوف

قالت لي : انا مو مره شاطره في الرياضيات .. والامتحانات قربت .. عشان كذا خايفه

قلت لها : انتي سنه ثالثه صح

قالت : ايه

قلت : خلاص اجل .. في الامتحانات تعالي لي كل يوم .. نذاكر سوا

قالت وهي مبسوطه : والله جد .. تسلمين حبيبتي

قلت : الله يسلمك .. انا شاطره في كل المواد .. عدا الانجليزي اتوهق فيه

جات حنان .. وقالت : تعالي هنوفه .. ابيك شوي

قالت الهنوف : لحظه رهف .. شوي واجيك

قلت وانا ابتسم : مو مشكله خذي راحتك

راحت الهنوف مع حنان .. وصرت جالسه لحالي

بدق على الريم باخذ اخبارها الجديده

دقيت عليها

ردت : الوو هلا رهوف

قلت : هلا ريوم .. وينك

قالت : اتغدا مع محمد

قلت : بل عليكم من ثاني يوم طلعات .. وش بتسوون بعدين

ضحكت وقالت : حسدتنا هالدبه

قلت : شوف هذي مايمدي الواحد يمزح معها .. قالت حسدوني .. ويغارون مني .. عطيني محمد بس

قالت بضحكه : لحظه

اخذ السماعه محمد وقال : هاه رهوف .. وش تبين .. مو فاظيين لك حنا

قلت : مالت على اللي يدق عليكم يبي ياخذ اخباركم

قال : طيب طيب وش تبين .. بقفل انا

قلت : ما ابي شي .. يللا باي

قال : باي

قلت بسرعه : لحظه لحظه

قال وشكله عصب : يووه وش تبين بعد

قلت : خلاص خلاص .. يللا باي هههههههههه

قفلت .. و حطيت الجوال بجنبي

..................................



** نجود **

كنت نازله مع الدرج .. بروح اجلس مع بنات عمتي

وانا نازله سمعت وليد اخو شجن يناديني

قلت : هلا لودي .. وش بغيت ؟

قال : فيه بنت تبيك برا تقول انها صديقتك

عقدت حواجبي وقلت : وش اسمها

قال : اسمها جوري

جوري .. مااذكر اني اعرف بنت بهذا الاسم .. يمكن وحده من الشغل اكيد في شي مهم .. لان وحده ما اعرفها زين .. تجيني بهالوقت وبدون ماتعطيني خبر حتى

ناظرت في وليد شفته للحين واقف .. ابتسمت له وقلت : خلاص الحين بطلع

راح وليد المجلس .. وانا رحت عند باب الصاله .. كنت بطلع .. بس تذكرت ان اهلنا هنا .. ويمكن .. زوج عمتي .. او سلطان او أي احد اشوفه برا .. بخلي الخدامه تناديها .. اممممم لالا انا بطلع وبشوف وش السالفه

رجعت غرفتي .. واخذت العبايه والشيله .. لبستهم ونزلت اركض

فتحت باب الصاله وطلعت .. وقفت شوي اناظر يمين وشمال .. مافيه احد

لمحت فيصل .. يناظر فوق وساند ظهره على سيارته

بسأله يمكن شافها ..

رحت لعنده وانا اغطي وجهي بيدي .. من الشمس

قلت : السلام عليكم

عدل وقفته وقال : وعليكم السلام

قلت بدون ما اناظر في وجهه : كانت فيه بنت واقفه عند الباب .. شفتها

قال : هاه ؟

قلت : اقولك فيه بنت واقفه عند الباب شفتها

قال : وش تقولين انتي ؟

عضيت على شفايفي وقلت : ولا شي

قال : زين وشوله جايه تكلميني

قلت : انا مو جايه اكلمك

رفع حاجب وقال : اجل ليه طالعه برا ؟

رفعت راسي كاني افكر بعمق وقلت : طالعه اسقي الزرع

قال : اجل بنغير اسمك من نجود الى راجو هههههههههههههههههههههههه

لويت فمي وقلت : هاهاها بايخ

تغيرت ملامحه الى الجد بعد ماكان يضحك .. وقال : جد نجود انا بايخ ؟

اففففف الحين بيطلع لي بسالفه جديده

لفيت عنه وكنت بمشي .. يوم سمعته يقول اسمي

وقفت وقلت بنرفزه : نعم

قال : انا

لفيت عليه وقلت : انت وشو

حك راسه وقال : انا .. انا ..أأنا

حركت راسي يعني وش تقصد

ابتسم ابتسامه عريضه وقال : انا جوري

حطيت يدي على خصري وقلت : لا والله

حط يده على خصره مثلي وقال : ايه والله

قلت بصوت عالي شوي : فيصلوه .. وش تبي

قال : اصغر عيالك فيصلوه

قلت : استاذ فيصل وش تبي

قال : اريد ان احادثك قليلاً

حطيت يدي على فمي امنع ضحكتي

قال : هي انتي .. ترا انا كنت اخذ الاول في اللغه العربيه

قلت بمزح : يعني انت رحت المدرسه ؟

قال : لا بس اسمع فيها .. المهم طسي داخل لا يجي اخوك نايف ويسويلك سالفه .. صدق بنات هالزمن مايستحون

لفيت راسي اناظر ورا .. قلت يمكن الشغاله واقفه وراي .. رجعت اناظره وقلت: انا اللي ما استحي ؟

رفع ايدينه فوق وكانه يستسلم وقال : لالا مو انتي اللي ماتستحين انا اللي ما استحي .. ايه لا تاكليني بعد

هزيت راسي ومشيت .. ما ابي اطول الوقفه معه .. اصلاً هذا وش يبي .. من يشوفني يقهرني .. لكن اوريه

ضربت الارض برجلي من القهر .. لفيت وراي لقيته ميت ضحك .. وهذا اللي قهرني اكثر .. دخلت داخل بسرعه

ماكان فيه احد بالصاله .. فصخت العبايه .. وعطيتها الخدامه

دخلت المجلس سلمت عليهم .. ورحت جلست بجنب رهف لانها جالسه لحالها

قلت لها : وين هنوفه وحنونه

قالت : هنوفه كانت معي .. نادت عليها حنان ومدري وين راحت

ابتسمت لها وقلت : ماقلتي لي اخبار الريم صديقتك

................................


** حنان **


كنت اكلم الغبيه هنوفوه : مو قلت لك الف مره .. لا تتكلمين معاها .. هذي نسره ماتدرين هي صديقه او عدوه

قالت : حنان خلاص عاد .. لحد يسمعك

قلت : ايه ماعندك الا هالكلام ..يللا روحي اجلسي مع نجود وشجن

قالت : وانتي وين بتروحين

تخصرت وقلت : مالك شغل

راحت .. ورحت انا غرفة رغد .. دخلت .. وجلست

قالت لي : اخيراً جيتي

قلت : وش اسوي .. ما ابيهم يحسون انك رحتي .. وانا رحت وراك

قالت : والحين وش نسوي

قلت لها : لازم يصير عندنا جوال رهف

انسدحت رغد على السرير .. وقالت : انا اخاف .. ما ابي يصير لي مثل المره اللي راحت .. ويطقني عمي نايف قدام الاعداء

قلت : لا هالمره محد راح يدري .. وبعدين الكل نسى سالفتك

رفعت راسها .. وقالت : ايه هين ..عمي نايف شافني امس وماعطاني وجه

بزره هذي .. وش اسوي فيها .. قلت : طيب حبيبتي .. جوال رهف وينه

قالت : تلقينه عندها .. هو على طول بيدها

قلت : روحي الغرفه شوفيه

قامت وطلعت من الغرفه .. تأخرت شوي

بعدين جات وقالت : مو في الغرفه

قلت : اووف اجل قومي ننزل تحت

.
.
.

نزلنا.. وجلسنا مع باقي البنات ..شوي وقالت ام مشعل : يللا بقوم بجهز الغدا

قامت رهف عشان بتساعدها .. ايه طبعاً تسوي حالها قدام الكل ..البنت المطيعه والخدومه .. شفت الجوال مرمي على الارض مكان ما كانت جالسه .. قربت رغد مني

وقلت : روحي جيبيه

قالت : ما ابي اخاف

قلت : روحي اجلسي عليه .. ولا جيتي بتقومي .. خذيه معك

قلت : اخاف والله

دفيتها بيدي وقلت : روحي

قامت بخوف .. وجلست عليه .. شوي و قامت وطلعت برا المجلس .. ايه زين اخذته معاها .. قمت انا عشان بطلع

قالت لي نجود : وش فيك حنونه قايمه قاعده

قلت : لا بس بروح الحمام (( الله يكرمكم ))

طلعت .. شفت خالتي ام مشعل ..بالصاله .. مدري وش تسوي

دخلت الحمام .. وفتحت الباب شوي .. انتظرتها تروح .. وبعدين طلعت .. ركبت غرفة رغد اركض

فتحت الباب .. شفت رغد جالسه على السرير .. وبيدها الجوال

قلت لها : كفك اخذناه

قالت وهي تضحك : بس وش فايدته

مابجلس افهم فيها .. لانها ماراح تفهم .. جلست ادور في الاسماء .. قلت يمكن رهف ماخذه رقمي .. تبي تخرب سمعتي ولا شي .. مالقيته .. ايه اشوا .. لانها تسويها احسها حاقده علي .. وودها تنتقم مني بأي طريقه .. مع اني ماسويت لها شي .. والله بتغدا فيك يارهف قبل ماتتعشين فيني

ارسلت لنفسي مسجات من جوالها .. وارسلت لها انا مسجات .. ودقيت على نفسي من جوالها

وحفظت رقمي في جوالها .. بـ عبد الرحمن

وحفظت رقم مشعل في جوالي

قلت خلاص .. رغد رجعي الجوال .. بس هاه .. لحد يشوفك


÷÷÷÷÷÷÷÷

المهم مشى كل شي في بيت خالي .. مثل ماخططت له .. ولا رهف ولا غيرها حس باللي يصير ..

رجعت من بيت خالي وانا مبسوطه مره .. اكيد يحق لي .. دخلت النت .. فتحت ايميلي .. شفت المشتاق .. رحت سلمت عليه وكلمته .. بعدين قلت له


~.؛~ الحياة ماتسوي شي بدوني ~.؛~ : احمد ممكن اطلب منك طلب ؟
ّّ
ّّّّ{1+4=8 وجهة نظر } : امري وتدللي

ْْ~.؛~ الحياة ماتسوي شي بدوني ~.؛~ :ما يامر عليك عدو .. بعطيك رقم جوال واسم وحده ..دق عليه وقول للي يرفع هالوحده تكلم واحد اسمه عبد الرحمن .. ممكن ؟

ّّّّ{1+4=8 وجهة نظر } :يعني اني اخرب سمعة البنت .. لاطبعاً مستحيل ما اسويها لو وش مايصير .. لا تربيتي ولا اخلاقي تسمح لي اسوي هالشي

وهذا بيسوي حاله الحين ابو الاخلاق .. ومترح مره .. قال وش قال ما اسويها مستحيل ..انت ماتسويها مليون غيرك يسويها

ْْ~.؛~ الحياة ماتسوي شي بدوني ~.؛~ : خلاص اجل .. اعتبر اني ماقلت الكلام اللي تو

ّّّّ{1+4=8 وجهة نظر } : مو مشكله .. وينك اليوم مادخلتي بدري ؟

وكملنا سوالفنا بالمسن انا واحمد عادي


.............................




____________
بيت الريم ..الساعه:9:00 مساءً
____________


** محمد **

صار لي ساعه .. جالس بالمجلس .. انتظر الريم تخلص .. عشان نتطلع سوا.. واختها ساره وجعت لي راسي .. ماتسكت هذي .. اعضم من اخوي سعد .. الله يعين الريم عليها

هزتني .. وقالت : خلك معي .. ناظر فيني .. اخذت لي امي فستان .. عشان الملكه بس طلع ضيق
رجعناه .. واخذنا واحد ثاني .. بس مو حلو .. عطيته بنت خالتي .. وخليت الريم
تشتريلي فستان ثانيئ .. شرت لي فستان قصير لونه احمر .. حلو ..بعدين
سالت رهف اذا فستاني حلو اولا .. قالت حلو .. سالت امي اذا حلو اولا .. قالت حلو .. سالت ابوي .. قال حلو
سالت اخوي فارس .. قال حلو .. سالت اخوي خالد قال حلو .. الفستان هذا بخليه .. عشان البسه في المدرسه السنه الجايه .. واوريه مدرستنا.. تخيل لوكان الفستان ابيض
ماراح يكون حلو .. لان الفستان اللي بلبسه في العرس ابيض .. عشان اصير مثل العروس ..امممم لو وردي مثلاً او ازرق


ياربي .. بموت مخي بينفجر .. هذي ماتسكت ولا ثانيه .. قلت لها : الريم بتتاخر


قالت : الريم تتاخر .. تدري ليه .. لانها تتروش .. بعدين تمشط شعرها وتحط لها كريم ينعم الشعر مره حلو .. وريحته حلوه ..يشبه ريحة الورد .. خالتي شرته لنا .. حتى انا حاطه لي الحين منه .. قرب شم شعري .. المهم بعدين تحط لها
كريم في وجهها .. بعدين تحط كحله .. وبعدين تحط شي ما اعرف اسمه
لحظه لحظه بتذكر امممممم


فاضي لك تتذكرين وماتتذكرين .. قلت لها : انا ابي الريم .. الله يخليك روحي شوفيها .. عشان بنطلع نتعشا سوا


عدلت جلستها وقالت : الله بتروحون تتعشون .. مره رحنا تعشينا مع بيت عمي .. المطعم كان مره يجنن .. بس الريم ماعجبها .. مدري ليه .. بس امي عجبها .. كان يشبه البيوت القديمه ..
انا اكلت بيتزا .. انت تحب البيتزا ؟


وش تقول ذي .. وش تخربط علي .. عقدت حواجبي وقلت : خلاص ..ابوس يدك اسكتي


ناظرت في يدها وقالت : تخيل امس طاحت على يدي السكين .. وانجرحت .. قلت لامي .. وامي قالت لابوي .. وابوي وداني المستشفى .. خيطولي الجرح .. كان يعورني مره الحين يعورني بس مو مره


فتحت الريم الباب .. وقالت : تأخرت


واخيراً .. الله جابك .. خذي اختك وارميها برا بس .. قلت : لا عادي ماتأخرتي .. يللا نمشي

ناظرت الريم في ساره وقالت : سارونه حبيبتي مالبستي .. يللا روحي البسي

قلت مستغرب : وليه تلبس

ابتسمت وقالت : عشان باخذها معنا

قالت ساره : البس بدلتي ذيك البنيه .. اللي فيها شوي بيج مع عنابي ..وعند الخصر فيها ربطه .. اللي لبستها في ملكة صديقتك هند .. والكل قال حلوه .. حتى اخوي فارس هو اللي اختارها لي .. مره ذوقه يجنن .. او البس فستاني الاصفر .. اللي اخذناه من جده يوم نروح ذيك السنه


لا مستـــــحــــــيل اخذ هذي معي


_______________
بيت مشعل .. الساعه :9:30 مساءً
_______________



** مشعل **


كنت جالس بالصاله .. مع امي .. نشوف برنامج اليوم السابع على MBC1

~~)(~~مشتاق انا مشتاق تلعب بي الاشواق
ماتدري كيف الشواق في غيبتك حراق~~)(~~

اخذت جوالي .. وناظرت الرقم .. غريب

رديت قلت : الوو نعم

قال: الاخ مشعل

قلت : ايه مشعل معك .. من انت

قال : حبيت ابلغك .. ان زوجتك رهف .. تكلم واحد اسمه عبد الرحمن

قفلت الجوال بوجهه .. صدق مايستحي .. من وين طالع لي ذا بعد

رجع يدق .. ويدق .. ويدق

قالت امي : مشعل عاد شوف جوالك .. ازعجنا

اخذت الجوال .. ورحت عند باب الصاله .. ورديت

قلت بصوت عالي : خير انت .. وش تبي

قال : الحين انا اسوي فيك خير .. تجلس تصارخ علي

قلت : اي خير الله يلعن شكلك .. ماعندكم سالفه انتم .. وش تستفيد اذا خربت بيت الناس

قال : على العموم انا حذرتك .. زوجتك لعابه .. مافيه واحد ماكلمته .. واذا ماكنت مصدق روح شيك على جوالها

قفلت في وجهه مره ثانيه ..وركبت فوق .. دخلت الغرفه .. ماشفت رهف ..بس سمعت صوت المويه بالحمام (( الله يكرمكم )) .. اكيد تتروش .. انسدحت على السرير .. سمعت صوت نغمة المسج حق جوال رهف ..طنشته .. وغمضت عيوني .. سمعت النغمه مره ثانيه .. قمت واخذت الجوال .. فتحت المسج


^*^
/
\
/
\
/
\
/
\
/
^*^

__ عبد الرحمن __

رهف حبيبتي

اذا نام زوجك مشعل دقي علي

انتظرك اوكي

^*^
/
\
/
\
/
\
/
\
/
^*^

فتحت المسج الثاني

__ عبد الرحمن __

طولتي قلبي وانا ابي اطلع

خلاص اكلمك بكرا عند المدرسه

مثل كل يوم

^*^
/
\
/
\
/
\
/
\
/
^*^

بسرعه رحت للرسائل المرسله

وفتحت مسج من المسجات

^*^
/
\
/
\
/
\
/
\
/
^*^

هلا حبيبي عبد الرحمن

انا بخير بس هالمشعل نشبه مو راضي ينام

وما ابيه يشوفني اكلم بهالوقت ويشك

^*^
/
\
/
\
/
\
/
\
/
^*^
فتحت مسج ثاني هي كاتبته

^*^
/
\
/
\
/
\
/
\
/
^*^

مشكور عبد الرحمن على الهدايا اللي تجيبها لي
احسن من ها المشعل مايجيب لي شي

وبكرا طلعتي من المدرسه بعطيك هديه
شريتها لك

احبك


^*^


رميت الجوال على باب الحمام .. وتكسر.. رحت دست عليه .. ودقيت الباب بقوه

قالت رهف : مشعل وشو .. الحين بطلع

قلت : اطلعي الحين ابيك

كنت واقف عند الباب .. معصب مره ..انتظر هالخاينه تطلع من الحمام

ضربت الباب بقوه

طلعت وقالت : وش فيك مشـــ...

ماخليتها تكمل كلامها ..مسكت شعرها .. شديته وقلت لها : من عبد الرحمن

قالت : مشعل اترك شعري

شديته اكثر وقلت : أسألك انا ردي

قالت بصوت عالي : اي عبد الرحمن

عطيتها كف وقلت : لا تصارخين علي .. انا اللي المفروض اصارخ عليك

رميتها على السرير .. وقلت : بتتكلمين ولا اذبحك

حطت يدها على وجهها .. وجلست تبكي

رحت لعندها وبعدت يدها .. وقلت : لا تجلسين تبكين لي .. وتمثلين دور المسكينه المظلومه

قالت .. وهي تبكي : ما اعرف عن وشو تتكلم

قلت وانا ااشر على عيوني :اصدقك واكذب عيوني

ساكته .. ماقالت شي .. لان خلاص كل شي مكشوف

قلت لها : طلعي الهدايا

قالت : أي هدايا

جالسه تستهبل علي .. ماتدري اني عرفت كل شي .. لكن انا اوريك يارهف .. صرخت عليها وقلت : الحين جوال مافيه .. والمدرسه انسيها خلاص .. وياويلك لو اشوفك ماسكه التلفون
والا اقولك .....

فتحت الدرج .. وطلعت مقص

^*^
/
\
/
\
/
\
/
\
/
^*^

**** نهاية الجزء الرابع عشر ****

[@ همس الغلا @]

...:::][ الجزء الخامس عشر ][:::...


____________
بيت مشعل .. الساعه:9:30 مساءً
____________


** رهف **

طلع من الدرج مقص .. وراح قص سلك التلفون .. ورمى المقص على السرير .. وطلع من الغرفه وقفل الباب

اول ماطلع مشعل من الغرفه .. مسحت دموعي و رحت احاول افتح الباب .. ومقفل الباب بالمفتاح بعد .. يحسبني هالمجنون بسكت له ..يطقني واسكت .. بقول لابوي واخوي محمد .. قسم بالله ماراح اسكت .. بيشوف.. ماابي اجلس هنا ولا دقيقه .. هالبيت ما احبه .. اتمنى لوانا مادخلته

بعدت عن الباب .. ورحت جلست على السرير .. قمت من السرير .. ورحت عند الدريشه .. بعدت الستاره .. وفتحتها .. شفت نجود تركض ورا رغد في الحديقه .. راقبتهم شوي ..بعدين قفلت الدريشه .. اووف ماعندي شي اسويه .. ابي اطلع بروح بيت اهلي ..رحت عند الباب .. وجلست اطقه بقوه ..عشر دقايق وانا اطق .. يدي عورتني ..ومحد جا ..ورجعت اطق بقوه اكثر .. فتح مشعل الباب .. ودخل

عطاني نظره .. وقال : انهبلتي انتي انهبلتي .. غصب تبين امي تسمع الصوت وتجي

قلت : ايه انهبلت .. وان جلست في هالبيت بنهبل اكثر

جلس على الكرسي .. وحط رجل على رجل .. وقال : اجل اعطيك معلومه من الحين ..عشان تحسبين حسابك .. انك بتجلسين في هالبيت طول عمرك

رحت اركض عند الباب .. كنت بطلع .. قام من الكرسي .. وكان اسرع مني مسكني .. وقفل الباب

جلست امسح الدموع اللي على وجهي .. وقلت : ماابي اجلس .. غصب .. ابي ارجع بيت اهلي .. وش سويت لك انا

عقد حواجبه وقال : مسكينه .. للحين تمثلين .. اقولك عرفت كل شي ..واصلاً احمدي ربك .. انك تعيشين في هالبيت .. لو غيري طلقك على طول

قلت له : ما ابي اعيش في هالبيت .. طلقني خلاص

ضحك وقال : مجنون اطلقك

كنت بقول له .. ماعندك كرامه تجلس مع وحده ماتبيك .. بس ماقلتها ..خفت يطقني مره ثانيه

قلت : تجلس مع وحده ماتبيك

رجع جلس على الكرسي .. وقال : اجلس معها في حاله وحده

سكت شوي ..وكمل : اذا كنت انا بعد ما ابيها

وهذا اللي توقعته من زمان .. مشعل مايبيني ..قلت : اجل ليـ...

قاطعني وقال : بتقولين ليه متزوجك

قلت : ايه ليه متزوجني دام انك ماتبيني .. وانا لا اعرفك ولا انت تعرفني .. من اللي حذفك علي بس

ناظر فوق .. وجلس يفكر .. قال : خــالـد

غمضت عيوني من قال خالد .. خايفه من اللي بيقوله ..وصلنا لموضوع خالد .. لازم الحين يقول لي عن كل شي .. يريحني ويريح نفسه

رفع حاجب وقال : اشوف الاسم موغريب عليك

مااحب اسلوب مشعل هذا .. هو عارف احق المعرفه .. ان اسم خالد مو غريب علي

قال : انا ماكنت راح اقولك عن شي .. قلت البنت زينه معي ومحترمه .. بس على اللي سويتيه .. تستاهلين اقول لك باللي اخس والعن منه .. اجل انا مشعل ولد عبد العزيز وحده مثلك .. تضحك علي

سكت وجلست اناظر في الارض ..وش ضحكت عليه فيه .. قولولي

مدي يده و رفع راسي بقوه .. وقال : رهف اسمعيني زين .. ام رغد انا حبيتها حب موطبيعي .. حتى من حبي لها اخذتها غصب عن ابوي .. وخالد النذل الحقير .. اخذها مني بكل سهوله

خالد اخذ منه زوجته .. اي عقل اللي يصدق هالكلام ..يعني مثلاً خالد حبها واخذها من مشعل ..انا اللي اعرفه ان ام رغد يوم تموت في الحادث كانت زوجة مشعل .. وخالد كان صغير

كمل كلامه .. وقال : انتي تدرين ان ام رغد .. ماتت في حادث سياره

هزيت راسي بأيه .. قال : وتدرين من اللي كان يسوق السياره .. اللي دعمت ام رغد

كنت بقول له لا .. بس حطيت يدي على فمي .. وقلت بصدمه : خــالــد

لمعت عيونه وقال : ايه خالد .. مستحيل اسامحه .. ووعدت نفسي اني انتقم منه .. وانا الحين خلاص انتقمت منه .. مثل ماهو اخذ مني اعز شي عندي .. انا اخذت منه اعز شي عنده

طاحت دموع من عيوني .. هزيت راسي وقلت : مشعل انت غبي ..وعقليتك ماتتناسب مع عمرك .. لان مافيه احد يفكر بهالطريقه ..الا اللي تفكيره محدود مثلك

صرخ علي وقال : حطي نفسك في مكاني

قلت : فيه شي اسمه قانون

قال : الا مشعل ماعنده هالشي .. ياخذ اللي يبيه بأيده

رجعت شعري ورا اذني وقلت : مشعل لازم تفهم .. خالد ما اخذ منك شي ..استغفر ربك .. الاعمار بيد الله .. وكل شي مكتوب .. وام رغد هذا يومها .. وثاني شي خالد كان صغير

قال بعصبيه : دام انه صغير .. ليه يسوق سياره

قلت له : وش عرفك اني اعزشي عند خالد

اخذ نفس وقال : خالد درس مع صديقي وانا يوم عرفت انه يدرس مع صديقي .. اتفقت معه على انه يخبرني كل شي عنه .. وخالد يحبك من زمان .. وكان على طول يقول انه يحب بنت جيرانهم بنت ابو يوسف ..واذاخلصت ثانويه بيتزوجها ..ماكان صعب علي ابداً اني اطلعك .. واتزوجك لان ابو يوسف ماعنده الا بنت وحده .. ومحد من اهلي قال اني اخذت وحده غريبه مايعرفون عنها شي .. لاني قلت لهم انك صديقة نجود في الدراسه

قلت : مستحيل اجلس معك دقيقه وحده .. مشعل طلقني الله يخليك

قال : ولا يهمك بطلقك

حطيت يدي على قلبي .. وحسيت براحه شوي .. قلت له : متى

قال : اذا خالد تزوج .... والا انتي للحين تحبين خالد ؟

قلت بأنفعال : انت غبي .. ماتفهم .. فتح عقلك .. الحين خالد اكيد نساني ..وانا نسيته من زمان

ابتسم بسخريه .. وقال : لهذي الدرجه انا نسيتك خالد ..؟

حطيت راسي على السرير .. وجلست ابكي :مشعل انا وانت مانقدر نعيش مع بعض خلاص .. انا اكرهك

سمعت صوت احد يطق الباب .. بعدين دخل .. كانت خالتي ام مشعل .. قالت : وش فيها رهف تبكي

قال مشعل : هااه .. مدري يمه صار لي ساعه اسألها .. مو راضيه تقول

نزل لعندي .. مسح على راسي ..وقال : رهوفه تعبانه .. احد ضايقك

كذاب .. حقير يعرف يمثل .. بعدت يده الخايسه عني

قالت خالتي ام مشعل : قولي يابنتي وش فيك .. مايصير تبكين بدون سبب

رفعت راسي وقلت : ابي اجلس لحالي

قالت ام مشعل : اللي يريحك يابنتي .. مشعل يللا خلينا نطلع

قال مشعل : رهف .. اذا احتجتي اي شي .. انا تحت

طلعت خالتي ام مشعل .. وطلع مشعل وراها .. 5 دقايق .. وسمعت صوت الباب يتقفل بالمفتاح


....................................


____________
المطعم.. الساعه:10:00مساءً
____________


** محمد **


وصلنا المطعم .. نزلت من السياره .. ونزلت الريم ومعاها ساروه

مسكت يد الريم وحنا نمشي

لفت ناظتني .. ابتسمت لها ابتسامه حلوه

حسيت بأحد ماسك يدي الثانيه

لفيت ناظرت في يدي وناظرت في وجه ساره

شفتها تبتسم لي ابتسامه عريضه

اول مادخلنا وجلسنا

قلت : ريمي قلبي وش تبين تاكلين

قالت : مثلك

قالت ساره بدون ماسالها : انا ابي بيتزا .. مره رحنا مع بيت عمي مطعم حلو يشبه البيوت القدميه .. وانا طلبت بيتزا و...

قاطعتها بضحكه بارده : ههه ايه قلتي قبل .. اجل تبين بيتزا

قالت : ايه انا ابي بيتزا ..لاني احبها مره .. بس ما ابيها حاره .. بعدين ما اعرف اكلها .. ولاتجيب لي بيتزا كبيره .. ابي صغيره لاني بسرعه اشبع .. طالعه على الريم .. حنا في البيت ماناكل كثير .. اكثر واحد ياكل اخوي الدب خالد .. اما اخوي فارس مره ضعيف .. انا احب اخوي فارس لانه .....

قالت الريم وهي تضحك وشوي منحرجه: طيب ساره .. يعني خلاص بيتزا

زين سكتتها .. اليوم شكلي بطلع من المطعم للمستشفى على طول .. من وجع الراس

قلت : انا مشتهي اكل شي فيه دجاج امممم بس وش بالضبط مدري .. انتي وش رايك ريمي

قالت ساره : على فكره كبسة الدجاج اللي تسويها امي .. تهبل .. طعمها مدري كيف .. ريوم امي وش تحط فيها ..؟

الحين فيه احد جاب طاري كبسة الدجاج ؟

قالت الريم : ماعليه سارونه حبيبتي .. موهذا موضوعنا .. روحي العبي مع الصغار هناك

هزت راسها .. وقالت : لحظه اول بنشوف محمد وش يبي ياكل

ملقوفه ياناس .. وش سويت في حياتي .. عشان تجيني هالبزره تنكد علي طلعتي مع خطيبتي

قالت لها الريم :يللا سارونه روحي العبي .. واذا جا الطلب .. انا بناديك

قامت من الكرسي .. وراحت تلعب .. ناظرت في الريم .. وقلت لها : عجبك حبيبتي المطعم

قالت : ايه مره حلو

قلت : لان عيونك حلوه تشوف كل شي حلو

استحت .. وقالت : تسلم

قلت : الله يسلم قلبك فديتك

جات ساره تركض ..اخذت نفس وقالت : تخيلوا ..رحت بلعب مع باقي الصغار .. جا ولد دب .. مو دب الا فيل .. دفني وطيحني على الارض .. قسم بالله .. يوم جات امه .. قلت لها ولدك دفني .. الكذاب يقول قدام امه انه مادفني

ضحكت الريم .. وقالت : ياحليلها

الا قولي ياشينها ... صدقوني برتكب في هالبنت جريمه

جلست على الكرسي .. وضربت راسها بيدها .. وقالت : صح نسينا ما نسال محمد عن عمره

قلت لها : 24 سنه

هزت راسها وقالت : عمر مناسب .. وانتي ريوم كم عمرك اكيد عشر

قالت الريم : لا انا 18 سنه

قالت : وشلون تتزوجون وريوم اكبر من محمد بكثير

قلت انا على طول : عادي عادي الحين الكل يتزوج

عدلت ساره شعرها وقالت : اجل ليه للحين انا ماتزوجت

قالت الريم : اذا صرتي بعمري بنزوجك .. خلاص

شفت ريوم تناظر في الساعه .. قلت لها : تبين ترجعين بدري

ابتسمت وقالت : راح نتأخر اليوم اولا؟

قلت لها : لا ماراح نتأخر .. بنطلع من هنا .. وبنروح البيت بنزل شوية اغراض ،، اشرت على ساره من فوق عشان اوضح للريام ان الاغراض هي ساره ،، وبنروح نتمشى سوا

قالت ساره بسرعه : مايحتاج نمر ننزل الاغراض .. خليهم في السياره


............................


_____________
بيت مشعل .. الساعه:12:00 مساءً
_____________


** رهف **


ابي اطلع .. لازم اطلع من هنا بأي طريقه .. مو قادره اتنفس .. حابسني هنا كأني حيوان .. جلست على الارض .. مسكت سلك التلفون .. قصه ما اقدر الصقه مع بعض .. ايه عندي فكره .. رحت وجلست ادور في الادراج .. اخذت لصقه .. ولصقت سلك التلفون .. رفعت السماعه .. ماكان فيه خط .. حركت السلك شوي وجا الخط .. اقدر اكلم .. الحمد الله .. دقيت رقم بيت اهلي بسرعه .. قبل مايجي مشعل .. يللا احد يرد .. وينهم ..نايمين ولا وشو .. سمعت صوت احد يقول الوو

قلت : الووو الووو مين محمد

قال : لا انا يوسف

قلت : يوسف تعال بسرعه .. طلعني من بيت مشعل .. طقني وحبسني في الغرفه .. الوو يوسف وينك

قال بملل : ليكون تحسبيني فاضي لك .. لاتجلسين تسوين مثل الافلام .. برجع بيت اهلي .. وبروح لامي ..بلا دلع

قلت بصوت مبحوح من كثر البكي : يوسف الله يخليك انا اختك .. تعال طلعني .. او عطني محمد

قال بعصبيه : البنت السنعه هي اللي تجلس في بيت زوجها .. ولا تدقين البيت لان مافيه احد فاهمه .. بنات اخر زمن

قفل السماعه في وجهي .. ضميت سماعة التلفون وجلست ابكي .. شكلي ماراح اطلع من هنا طول عمري



.......................................

[@ همس الغلا @]

** مشعل **


دخلت الغرفه .. شفتها ماسكه السماعه .. رحت سحبتها من عندها بقوه .. قلت لها : كلمتي مين

قالت بخوف : ماكلمت احد

قلت : كذابه .. بسرعه قولي لا طقيتك

وقفت من الارض .. وقالت : ايه كلمت اخوي يوسف .. والحين بيجي ياخذني ..وش عندك

ضحكت على النكته اللي قالتها .. وقلت : لا دام انه اخوك يوسف الحرامي .. عادي

قالت : اخوي مو حرامي

ومدت يدها كانت بتصفعني .. بس انا مسكتها وقلت : ياويلك رهف لو تمدين يدك مره ثانيه

تركت يدها ..وكنت بطلع من الغرفه .. جات لعندي وقالت : زين بجلس هنا .. بس خلني اروح المدرسه

ابتسمت .. وقلت لها : لا تحلمين اخليك تروحين .. عشان تقابلين عبد الرحمن وغيره

قالت : قسم بالله ما اعرف واحد اسمه عبد الرحمن .. انت ظالمني .. قسم بالله ظالمني

قلت : بلا كلام فاضي .. ومدرسه مافيه

قالت : مشعل تكفى .. خلني اروح المدرسه .. حرام تقضي على مستقبلي

صرخت عليها .. وقلت : مافيه .. يللا قوليلي من بيوديك .. اذا انا مابوديك .. والسواق وصيته مايوديك

رجعت تبكي .. مالي خلق اسمع حنتها .. قلت لها : بخلي الباب مفتوح .. تقدرين تطلعين ..اذا حبيتي تتمشين في البيت .. بس طلعه برا البيت مافيه .. فاهمه

طلعت .. وقفلت الباب وراي

.
.
.

نزلت تحت .. شفت نجود وامي ..ونايف .. رحت سلمت وجلست

قالت امي : وش فيها رهف

قلت : مافيها شي .. شوية تعب

قالت امي : اجل خلها تغيب بكرا .. وخذها المستشفى

سكت شوي .. بعدين قلت : يمه رهف خلاص مابتكمل دراسه

لفت علي نجود وقالت : مشعل .. لاتمزح

قلت : والله زوجتي وانا حر .. ماابيها تكمل دراسه .. لانها كذا ولا كذا مصيرها بتخلص ثانوي .. وبخليها تجلس في البيت

قالت نجود بعصبيه : مشعل حرام عليك .. البنت شاطره وعندها طموح .. خليها تكمل

قلت : نجود .. لا تتدخلين في شي بيني وبين رهف

قالت امي بصوت هامس لنجود .. بس انا سمعتها : اسكتي .. مالك شغل فيه .. هو وزوجته احرار

الوحيد اللي ماعلق نايف .. قام من الكنبه .. وقال : تصبحون على خير

الكل قال : وانت من اهله


..............................

____________
بيت مشعل .. الساعه 6:30 صباحاً
____________


** نايف **


صحيت الصبح .. تروشت .. وبدلت ملابسي .. صليت .. ونزلت تحت .. دخلت المطبخ شفت نجود جالسه تفطر ..قلت : صباح الخير

قالت : صباح النور .. تعال نايف اجلس افطر معي

جلست معاها .. ماكان لي نفس الاكل .. فشربت حليب بس

قلت لها : وش فيك جالسه لحالك .. وين الناس

قالت : خالتي ام مشعل ورغد نايمين .. ومشعل راح الدوام

قلت لها : وبعد

ناظرتني .. وقالت : وبعد مين .... امممم رهف برا في الحديقه

سكت وشربت شوي من الحليب .. وقمت من مكاني .. طلعت من المطبخ .. ورحت الحديقه .. كنت بروح الدوام .. شفت رهف جالسه على كرسي بالحديقه ..قريب مني بس معطيتني ظهرها .. كانت تمسح دموعها ..شكلها اثر فيني اكيد تبي تروح المدرسه .. ولا وش مصحيها من الصبح .. دخلت داخل .. ورحت المطبخ .. جلست على الكرسي .. وقلت : نجود .. متى بتروحين الدوام

ناظرت للساعه اللي معلقه على جدار المطبخ .. وقالت : الساعه 8

قلت : قومي الحين

قالت : وليه اروح بدري

جلست افكر شوي .. وقلت لها : جودي ماتحسين رهف تكسر الخاطر

قالت : ومن وين طلعت لك هالمشاعر والاحاسيس المرهفه

قلت : لا جودي اكلمك جد

قالت : ايه والله نيوف .. هي تبي تروح المدرسه

قربت مني وقالت بصوت خفيف : لو شفتها يوم صحت الصبح .. قسم بالله كانت تبكي

قلت لها : قومي نجود ناخذها معانا

وهي تشرب الحليب ..هزت راسها يعني لا .. بعدت الحليب .. وقالت : ما اخاطر .. اخاف مشعل يذبحنا حنا الثلاثه

ضربت راسها وقلت : يا الخبله .. انا المدير .. ماراح اعطيه اذن انه يطلع من دوامه .. الا اذا رجعت رهف من المدرسه

مسكت يدي .. وقالت : بل عليك نيوف .. عليك افكار مو طبيعيه .. صحيح ولد عبد العزيز الله يرحمه

قلت : الله يرحمه .. يللا قومي البسي عشان تجين معانا .. وروحي قولي لها تلبس

قالت لي : بس تعال نيوف .. من بيرجعها من المدرسه

قلت : حنا بعد مين .. امر عليك اول واخذك .. بعدين نمر عليها وناخذها

قالت : مايحتاج تمر علي .. خذها على طول

قلت : ونصير انا وهي لحالنا

قالت : عادي اخو زوجها .. مافيها شي

قلت : لا مايصير .. يللا قومي

قالت : انا بروح ببدل .. وانت روح قول لها

قلت : لا انتي روحي

قالت : نايف ترا مافيه وقت

هزيت راسي ومشيت

وقفت وقالت : 1..2..3.. انـــــــطــــــــلاق



.
.
.

طلعت الحديقه .. ورحت لعندها

قلت : احم .. السلام عليكم

قالت بدون ماتناظر فيني .. وهي تلعب باصابعها : وعليكم السلام

قلت لها : رهف .. تبين نوديك المدرسه

لفت علي .. وقالت : انت توديني

ابتسمت وقلت : لا انا واختي جودي

قالت : لامشكور

قلت بصوت عالي : لــــــــيـــــــــــه

خفضت صوتي .. وقلت : قصدي ليه يعني

قالت : مشعل مايبـ ..

قاطعتها وقلت : بس انتي تبين .. ولا تخافين .. ماراح يعرف مشعل

كانت ساكته تفكر

قلت : يللا بسرعه مافيه وقت

وقفت .. وقالت : دقايق ببدل ملابسي .. وبجي .. انتظروني .. ماراح اتأخر


........................................

** رهف **


دخلت داخل بسرعه .. وكاني ماصدقت على الله .. واناراكبه الدرج .. نجود كانت نازله .. مسكت ايديني الثنتين .. وقالت : بسرعه بسرعه رهف روحي بدلي .. لا تتاخرين.. حنا تحت ننتظرك

قلت : اوكي ماراح اتاخر

تركتها .. ورحت الغرفه .. بدلت على السريع .. واخذت شنطتي والعبايه .. نزلت تحت .. شفت نايف ونجود .. واقفين عند باب الصاله .. يوم شافوني .. راحوا ركبوا السياره .. رحت وركبت ورا .. وحرك نايف

مو مصدقه اني رايحه المدرسه .. ان شاء الله مايعرف مشعل .. لاني بورط نفسي .. وبورط نايف ونوجود معي .. جلست اراقب كلام نايف ونجود طول الطريق
.
.

نجود : نيوف شوف الاشاره تشبه لك صح

نايف : ايه هو في الملامح تشبه لي .. بس الجسم مايشبه لي .. انا مو ضعيف .. بس انتي لو تشوفين الكوره تشبه لك في كل شي

نجود : وش قصدك انا دبه .. ان عضيتك لا تقول ماسويت شي

نايف : نجود لا تقربين لي .. ترا ان دعمتنا سياره .. بنروح فيها حنا الثلاثه .. ترا مالي خلق ادفع مصاريف مستشفيات

نجود : اما انا لو دعمتنا سياره .. ابي اموت على طول .. ما ابي ارجع البيت .. ويذبحني مشعل

نايف : اتحداه يلمس شعره منك .. تدرين انا لو دعمتنا سياره وش بسوي؟

نجود : صدق انا وانت دلوخ .. وش هالفال .. نتبلى على اعمارنا

نايف : ايه والله

نجود : بس انا نيوف ابي اموت قبلك

نايف : لا انتي عمرك طويل ان شاء الله .. انا ابي اموت قبلك

نجود : لا ما اقدر اعيش بدون اخوي .. ان شاء الله نموت جميع

نايف : الاعمار بيد الله

نجود : والنعم بالله ..... امممم نايف

نايف : هلا

نجود : وش هدفك في الحياة ؟

نايف : للأسف هدفي في الحياة طلع تسلل

نجود : هههههههههههههه من جدك

نايف : جدي الله يرحمه

نجود : هههههههههههههههههه نايف تنكت ؟

نايف : لا احاول

نجود : اجل ابشرك محاولاتك كلها فاشله هههههههههههههه

نايف : فاشله وانتي ميته ضحك .. ارحمي نفسك
.
.

اتمنى لو نجود اختي .. ونايف اخوي ..لو مشعل خذ شوي من نايف .. او شوي من نجود .. ماطلع عليهم ولا كانه اخوهم ؟.. نايف ونجود يحبون بعض .. ويحبون كل اللي حواليهم .. واحسهم يحبون مشعل بعد .. بس مشعل ثقيل دم وماينطاق مايحب احد .. مثل بنته رغد

^*^
/
\
/
\
/
\
/
\
/
^*^

**** نهاية الجزء الخامس عشر ****
__________________

[@ همس الغلا @]

...:::][ الجزء السادس عشر ][:::...


___________
المدرسه ..الساعه:7:00 صباحاً
___________


** الريم **


كنت جالسه ادور على رهف .. بين البنات بالطابور .. ماشفتها .. ليكون بتغيب .. العاده رهف ما تتاخر .. مسكت يدي صديقتي هند .. وقالت : وش جالسه تدورين

قلت لها : ولا شي

قالت : وش عندنا الحصه الاولى

لفيت ورا .. اناظر جات رهف اولا.. قالت : ريوم اكلمك انا

قلت : هاه .. ايه سمعتك .. عندنا رياضيات

قالت : اووف رياضيات من الصبح

قلت وانا اضحك : قولي الحمد الله مو فيزياء

ضربت كتفي .. وقالت : عاد في هذي صدقتي

شفت رهف حاطه شنطتها على الارض .. وتعدل شعرها ..على طول قلت لهند : لحظه هنوده بروح وبجي

رحت ودفيت رهف من ورا .. قلت لها : صباح الخير

ابتسمت .. وقالت لي : صباح الشين .. خرعتيني مالت عليك

سحبتها .. وقلت : يللا رهوف نروح نصف بالطابور

رحنا صفينا طابور ..انا اتكلم ورهف ساكته .. كنت اقول : تخيلي امس ساروه فشلتني ..طيحت وجهي قدام محمد .. فضحتني ماخلت شي عني الا وقالته ..اخر مره اخذها معنا مكان .. مع اني احس محمد حبها مره

هزيت رهف .. وقلت : رهوفه اكلمك

ناظرتني وقالت : ايه اسمعك

قلت لها : تخيلي مانمت شي .. نعسانه ودي ارجع البيت وانام

ساكته ماترد علي .. شكلها هي بعد نعسانه ..ناظرت قدام ..وشفت مدرستنا الفيزياء واقفه بجنب طابورنا

لفيت لرهف وقلت : شوفي شوفي .. وش تبي ذي واقفه بجنب طابورنا

اوف وش فيها رهوف ماترد علي ابد .. ولا كاني اكلمها .. كانت هند صافه قدامي .. مسكت كتفها وقربت منها

قلت : هنوده تشوفين مدرستنا الفيزياء

رفعت راسها .. وجلست تناظر هنا وهناك ..رجعت راسها على ورا .. وقالت : ايه ايه اشوفها .. ليكون بتاخذنا الحصه الاولى النشبه ذي

قلت : مانبيها .. قسم بالله غاثتنا .. حنا نبي رياضيات

قالت هند : على الاقل احياء

قلت لها : لا حصة الاحياء حلوه انا احبها

قالت : لا انتي اصلاً تحبين كل الحصص .. يادكتورة المستقبل .. انتي ورهف

قلت وانا ابتسم واحرك رموشي : طبعاً .. بكره ما بتسمعين الا اسامينا انا ورهوف .. الدكتوره الريم .. والدكتوره رهف ..على مستوى العالم .. نبي نصير بنفس المستشفى .. صح رهف

ناظرت في رهف ..ساكته .. قلت لها مره ثانيه : صح

قالت : ايه صح

قالت هند : يــــــاي

قلت : هنوده تعالي وين راحت مدرسة الفيزياء .. مو كانت واقفه هناك

قالت هند : ايه والله .. يمكن حست انها نشبه بزياده عن اللزوم .. واستحت وراحت

قلت : تهقين كذا

سمعت صوت صراخها بجنبي ..تقول : الريم وهند من بداية الطابور وانتوا تسولفون .. استمعوا للاذاعه

قالت هند بصوت خفيف : وليه نستمع للاذاعه .. ثقافه بالغصب هي

ضحكت انا .. بس ماتكلمت .. خفت تصارخ علينا مدرسة الفيزياء مره ثانيه .. وتفشلنا قدام البنات

.
.
.

رحنا فصلنا .. اول مادخلنا ..جلست رهف وحطت راسها على الطاوله

جلست .. وحطيت يدي على راسها .. قربت منها .. وقلت : رهوفه حبيبتي وش فيك اليوم

قالت بدون ماترفع راسها : مافيني شي

مستحيل مافيها شي .. من الصبح وهي مو طبيعيه .. انا اعرفها رهف .. اكثر من نفسها

قلت لها : الا فيك شي .. قولي لي رهف

رفعت راسها .. وقالت : تعبانه شوي

ادري فيها تكذب علي ..حسيتها يوم تقول تعبانه شوي .. قريب تبكي .. بس ان شاء الله خير


........................

_____________
بيت العمه .. الساعه:10:30 صباحاً
_____________


** حنان **


كنت جالسه بالصاله افكر بموضوع رهف .. وش صار عليها هالشينه .. اموت واعرف ..الحين اكيد مشعل طلقها .. وطاحت من عيون نايف ونجود .. وطبعاً دام انه طلقها بترجع بيت اهلها .. يعني هي تطلع وانا ادخل .. وبيحلى لي الجو انا ونايف .. ما اطلع انا حنان ان ماتزوجته .. سمعت صوت امي .. وهي تقول : وين سرحانه ..جالسه اكلمك ماتردين علي

قلت لها : من متى انتي هنا .. ماشفتك

جلست على الكنبه .. وقالت : في مين تفكرين

قلت لها وانا ابتسم : وبفكر في مين يعني غير نيوف

قالت : وش فيك مبسوطه كذا

حطيت رجل على رجل .. وقلت لها وانا العب بخصله من شعري : لان خلاص .. قربت اتزوج نايف

حضنتني وقالت : مبروك يابنتي

قلت لها : الله يبارك فيك

بعدت عني وقالت : وش اول شي بتسوينه .. اذا تزوجتي نايف

قلت لها على طول : طبعاً بخليه يكتب البيت بأسمي

قالت : وبعد

قلت : وشلة مشعل وامه ونجود ورغد .. هذيلا بخليه يشوف لهم صرفه .. ماابي اجلس معهم في بيت واحد .. ابي البيت لي لحالي .. وانتي معي طبعاً

قالت امي : عادي اكيد مشعل بيتزوج وبياخذ بنته وامه معه .. ونجود في هذاك الوقت بتكون متزوجه

حطيت يدي على صدري بقوه .. وقلت : فال الله ولا فالك ..تخيلي نجودوه تتزوج قبلي وانا اكبر منها .... وبعدين اي وقت اللي تتكلمين عنه .. نايف بيتزوجني قريب

قالت : ان شاء الله

جا ابوي وقال لامي تقوم تجهز الفطور ..قامت امي .. ورجعت انا افكر ..ناظرت للتلفون شوي ..ايه صح .. بدق على بيت خالي .. وبشوف اذا رهف في البيت اولا

دقيت .. وردت الخدامه .. قلت لها : وين نجود

قالت : مو موجود

ايه صح .. نجود في الدوام .. قلت لها : مدام رهف موجوده ؟

قالت : لا مو موجود

قفلت السماعه في وجهها ..وركبت غرفتي ..دخلت وجلست على كرسي الكمبيوتر ..ايه الحين الواحد يقدر يخش نت مرتاح .. دام ان رهف مو في البيت .. يعني اكيد مشعل طلقها ورجعها بيت اهلها


...............................


_____________
السياره..الساعه:1:30 مساءً
_____________

** نجود **

كنت مع نايف في السياره .. رايحين لرهف المدرسه ..ومن النعس كل شوي اغمض عيوني وانام .. سمعت صوت نايف يقول لي : جودي .. جودي .. وينك نمتي

فتحت عيوني .. وعدلت جلستي .. قلت : هلا .. لا

قال : جودي تهقين تأخرنا على رهف

قلت : لا .. وقتنا حلو

قال بتفكير : بس وشلون بيشوفونها البنات تركب معي .. بيقولون من هذا ؟؟

قلت بأبتسامه : لا مابيقولون ..بيشوفوني معكم .. بيدرون ان حنا اهلها

هز راسه .. وسكت .. احس نايف يعتبر رهف مثل اخته .. ويخاف عليها مثل مايخاف علي .. وهالشي حبيته .. لاني ما ابي رهف تحس نفسها غريبه بيننا

وقف السياره بجنب المدرسه .. وقال : يللا انزلي نادي عليها

سندت ظهري .. وقلت : هي تعرف السياره .. بتشوفها وبتجي اكيد

قال : ونخليها تدور السياره في هالشمس

تكتفت وقلت : اجل انا انزل ادورها بين البنات .. في هالشمس

عطاني نظره جاده وقال : نـجـود

فتحت الباب وقلت : زين زين .. وش نسوي بعد ..حكم القوي على الضعيف

قال : اي ضعيف الا دبه ..ياتسوين رجيم ياماتركبين سيارتي

لفيت عليه وكنت بتكلم .. بس قال على طول : انزلي بس لاتتاخرين عليها

نزلت من السياره .. ودخلت المدرسه .. كانت زحمه مره .. وقفت وجلست اناظر هنا وهناك ..الحين وين اشوف رهف بهالزحمه ..دفتني وحده بقوه ..وقالت لي بصوت عالي : عميه انتي .. ماتعرفين تمشين

راحت على طول .. مامداني اقول لها شي ..غبيه تقول لي ما اعرف امشي وانا اصلاً كنت واقفه .. اعوذ بالله من بنات هالعالم .. مشيت شوي ..وانا ادور على رهف بعيون .. ايه شفتها .. بروح لها .. الزحمه مو مخليتني اروح .. وانا بموت من الحر .. قلت بصوت عالي : رهـــــــــف

لفت وناظرتني : قالت نجود

قربت شوي .. ومدت يدها سحبتني .. قلت لها : ياربي وش هالزحمه

ضحكت وقالت :لان كل البنات طالعين على بيوتهم .. اكيد بيصير زحمه

لفت رهف للريم .. وقالت : ريوم هذي نجود .. اخت زوجي مشعل

سلمت علي .. وقالت وهي مبتسمه :انتي جيتي ملكتي صح

قلت لها : ايه وكنتي مره حلوه

قالت : رهف قالت لي انك جيتي .. قلت لها وشلون جات وانا ماشفتها

قلت لها : غريبه مع اني سلمت عليك وباركت لك

قالت : ماركزت في الناس

ضحكت وقلت لها : ما الومك

لبست رهف العبايه .. وجات بتحمل الشنطه .. اخذتها من عندها وقلت : هاتي احملها عنك .. حاملتها طول اليوم اكيد انكسر ظهرك

اخذتها من عندي وقالت : لا عادي اصلاً ماحملتها اليوم كثير .. تسلمين حبيبتي

قلت بمرح : والله انتي الخسرانه

ضحكت رهف وضحكنا انا والريم معاها .. جات لهم البنت اللي دفتني .. وقالت وهي مستعجله : رهوف ريوم .. اشوفكم بكرا .. وانتي رهوف لا تتاخرين مثل اليوم

على طول قلت لرهف : تعرفينها

قالت : هذي هند صديقتي

قلت بسرعه : هذي دفتني وقالت عني عميه

ابتسمت رهف وقالت : انا اوريك فيها

هذيك كانت ماشيه .. سحبتها رهف من شنطتها ..وقالت : هيه انتي ..ماتستحين تقولين عن نجود عميه

عدلت شنطتها وقالت : وشو اي نجود

ضربتها رهف ضربه خفيفه .. قالت : نجود هذي حبيبتي ما ارضى عليها

حسيت البنت تفشلت .. قالت : مادري انا ما انتبهت

قالت الريم : الا انتبهتي ومبين من عيونك

قالت البنت : يللا عاد هالثنتين يبون الزله مني عشان يهاوشوني ..قلنا لكم ماندري وموقصدنا

ضحكت انا .. وقلت : لاعادي .. ماصار شي .. بس مره ثانيه مو تدفين بنت واقفه .. ومن فشلته تقولين عنها ماتعرف تمشي

ضحكنا كلنا مع بعض .. بعدين قالت رهف : يللا نجود خلينا نروح .. الحين اكيد اخوك احترق في هالشمس .. اشوفكم بكرا بنات

[@ همس الغلا @]

طلعنا انا ورهف من المدرسه .. وركبنا السياره .. اول ماركبنا قلت لنايف : تأخرنا

حرك السياره .. وقال : لا اصلاً بسرعه طلعتوا

بعد مامشينا ..جلست اناظر بالدريشه ..مرينا على باسكن روبنز .. لفيت على نايف وقلت له برجاء : نيوف عاد خذ لنا من باسكن .. اشتهيت

قال : من عيوني

قلت : تسلم عيونك الغاليه

وقف السياره بجنب باسكن .. وقال : وش تبون

قلت : اناابي توفي

قال : طيب ورهف وش تبي

قالت بصوت ماينسمع .. قصدي ينسمع بس مو مره : ماابي شي .. مشكور

دفني نايف بيده .. واشر لي بعيونه على ورا .. قلت : يللا عاد رهوف .. ماابي اكل لحالي

قالت : والله ما ابي

قلت : ترا بزعل عليك ان ما اكلتي معي ايس كريم

قال نايف : لا تستحين ترا مو انا اللي بدفع .. نجود هي اللي بتدفع

قلت بسرعه .. وبصوت عالي : نعم نعم ..ليه عازمنا اذا كنا حنا اللي بندفع

قال بدهشه : انا عزمت احد ؟ .. ماجبتكم هنا ..الا يوم قلتي انتي تبين

قلت : عادي قول ماراح اجيبكم .. مو تجيبنا وتخلينا ندفع

قال : اجل خلاص بدال هالهوشه كلها .. نخلي رهف تدفع

قالت رهف بنفس الصوت اللي قبل شوي : ولا يهمكم

ضحك نايف وقال : اما عاد انتوا تدفعون وانا موجود

ضحكت انا وقلت : ايه على بالي بعد

نزل من السياره .. وقفل الباب

قالت لي رهف : جودي كيف دوامك

قلت : حلو .. وانتي كيف الدراسه

قالت : قربت الامتحانات

قلت لها : الله يوفقك

قالت : الجميع يارب

قلت لها وانا اضحك : صديقتكم هذيك مرجوجه

قالت : من ؟ هنوده

قلت : ايه

قالت : مره مرجوجه .. بس ان شاء الله اذا تزوجت تركد

لفيت عليها وقلت : لا تقولين انها مخطوبه ؟

قالت : ايه مو من زمان .. يللا عقبالك

مدري ليه يوم قالت عقبالك جا على بالي فيصل .. نزلت راسي مستحيه من اللي في بالي

رفعته بشويش وناظرت في الدريشه .. لمحت نايف جاي جهتنا .. وكان عاقد حواجبه واضح انه متضايق من الشمس


فتح باب السياره .. ودخل .. قال : قسم بالله هالجو ماعرفنا له .. يوم برد ويوم حر

شفتوا قلت لكم ....!!

قلت له : ايه متعود على جو امريكا

ناظرني وقال : لاجو امريكا خلاص باي باي .. نسيته

عطاني اثنين ايس كريم .. اشر لي على ورا .. يعني عطيه رهف .. عطيته رهف واحد وخليت عندي واحد

فتحت وجهي .. عشان ابي اكل.. قال نايف بهدوء : مو قلت لك الف مره .. لا تفتحين وجهك بالشارع

قلت بقهر : بس حنا مو بالشارع .. حنا بالسياره ومافيه احد .. والبيت قريب

قال : هذا انتي قلتيها البيت قريب .. لا وصلنا كليه .. يللا غطي وجهك

غطيت وجهي .. وانا اناظر في الايس كريم .. اوف بيذوب

.............................




____________
بيت ابو يوسف ..الساعه :3:30 مساءً
____________


** محمد **

كنت منسدح على السرير والعب بالهديه اللي شاريها للريم
ابي اوديها لها الحين

بدق عليها بشوفها صاحيه او نايمه

دقيت عليها وجوالها كان مقفل .. مت قهر .. عندي انها ماترد علي ولا انها تقفل جوالها .. ماتدري اني اخاف عليها .. صبرت ربع ساعه بعدين دقيت عليها

ردت علي بصوتها الناعم : هلا محمد

قلت بسرعه : ليه مقفله جوالك ؟

قالت : اخبارك

قلت وانا ماسك اعصابي : الريم .. انا سألتك جاوبيني

اخذت نفس وقالت : ساره لعبت في جوالي وقفلته

تنهدت براحه

وقلت بهدوء : زين حبيبي مره ثانيه تأكدي من جوالك اذا مقفل اولا .. توقعي اتصالي في أي دقيقه

قالت بهمس : ان شاء الله

قلت : فديتها عمري اللي تسمع الكلام

كانت ساكته ناديت عليها

قالت : لبيه

قلت : لبى قلبك .. مشتاق لك

قالت وواضح من صوتها انها استحت : وانا بعد

قلت بأستهبال : انتي وشو

قالت : اشتقت لك

ياربي شكثر احب هالبنت .. قلت : طيب ليه ماقلتي لي .. ليه ماتقولين انك مشتاقه لي .. لازم اطر عندك

قالت : لا فديتك

قلت : حبيبي ابي اشوفك .. بجيك الحين اوكي

قالت : حياك .. انتظرك

ابتسمت لها كانها تشوفني وقلت : 5 دقايق وانا عندك .. باي حبي

قالت : بايات

ناديت على سعد بصوت عالي .. لازم اقنعه انه يجي معي .. لاني مستحيل اجلس مع ساروه مره ثانيه .. خلاص توبه

جاني وفي يده كاتب .. وقال : نعم

قلت : حبيبي سعودي

نزلت لعنده وبسته

ناظرتي مستغرب وقال : وش تبي

قلت : تعال معي بيت ابو فارس

قال بصدمه مخلوطه بدهشه مع اشوية قرف : بيت ســــــــــــــــــــاروووووووه

قلت : وش فيها يعني

عطاني ظهره وقال : لالا ماابي اروح معك

مسكت يده وقلت : يللا عاد سعوودي

رفع حاجب وقال : ماتشوفني اذاكر

سحبت الكتاب من عنده ورميته على السرير

وقلت : لا تحطها على المذاكره

قال : امي مابترضى

قلت : انا بقنعها ’’ برجاء ’’ بس انت الله يخليك تعال معي

قال وهي يتأفأف : ما ابي .. ساروه الدبه ماتخليني اسوق السيكل

قلت : هي تحب تلعب معك

قال وهو يحرك صبعه : نو .. نو .. نو

قلت بأصرار : بتجي معي يعني بتجي

قال : وش تعطيني اذا رحت معك

قلت : بعطيك كف .. امش معي يللا

انسدح على الارض .. وقال : ماراح اجي

قومته من الارض .. وقلت : بشتريلك اللعبه اللي تبيها .. بس تعال معي

ضحك بصوت عالي وقال : ايه كذا الشغل ولا بلاش

طلعنا انا وسعد من البيت .. ومشينا لبيت الريم .. دقيت الباب .. فتحت ساره .. وقالت : واخيراً جا محمد حبيبي .. من زمان انتظرك

مسكت وجه سعد .. وقربته لها : سعد جا يلعب معك

صفقت بيدينها وقالت : الله وسعد بعد

سمعت صوت الريم .. تقول : ساره مين اللي عند الباب

قالت ساره بصوت عالي : محمد واخوه سعد

لمحت طيف الريم وهي جايه عندنا .. بمشيتها الهاديه .. وابتسامتها الرقيقه

على طول دق قلبي من شفتها .. وحشتني مره .. مع انها كانت معي امس .. بس هي غير عن كل الناس .. الريم توحشني كل دقيقه وكل ثانيه وحتى وهي معي توحشني

سلمت علي .. رديت عليها السلام

مسكت خد سعد وسحبته بشويش ابتسمت له وقالت : هلا سعودي .. كيفك

ابتسم لها وقال : زين

ناظرتني وقالت : ادخل محمد

مشت ومشيت وراها .. ورحنا المجلس ..جلست وانا مرتاح .. لان ساره النشبه مو معنا ..جلست هي بجنبي

قلت لها : اخبارك قلبي ..واخبار المدرسه

قالت بملل : ماشي الحال

قلت : وش فيك تقولينها كذا

قالت : خايفه من الامتحانات ’’ وملامحها كانت من جد تدل على انها خايفه ’’

سحبت يدها وضميتها بيديني الثنتين

قلت : وليه عاد الخوف.. انتي شاطره

ناظرت في يدها اللي بيدي يديني وقالت : بس هذا ثالث

قلت : طيب حياتي وش رايك اذاكر لك

ضحكت .. وقالت : اصلاً حنا مراح نشوف بعض في الامتحانات

فتحت عيوني وقلت : وليه مانشوف بعض

قالت : لان لا جلسنا مع بعض ..بنضيع الوقت .. وماراح اذاكر زين

قلت بأعتراض : بس انا ما اصبر عنك

سحبت يدها اللي كنت ماسكها .. قرصت خدي بشويش وقالت : في الامتحانات غصب عنك تصبر

قلت وانا لاوي فمي : وفي كل امتحانات ماراح نشوف بعض

هزت راسها بأيه .. قلت : ريمي ..اجل وش رايك نتزوج الحين في هالفتره

قالت : لا مستحيل نتزوج قبل ما اخلص ثالث

قالت هالكلام .. ووقفت .. قلت لها : وين بتروحين

قالت : ماتقهويت

مسكت يدها .. وخليتها تجلس .. عطيتها الكيس اللي فيه الهديه .. اخذته .. وقالت : وش هذا

ابتسمت .. وقلت لها : افتحيه

فتحت الكيس .. واخذت العلبه اللي فيها الساعه ..فتحتها وقالت : الله تجنن ..تسلم حبيبي .. الله يخليك لي

قلت لها : ويخليك لي حبيبي ولا يحرمني منك

مسكت الساعه .. ولبستها الريم .. رفعت يدها بستها وقلت : صارت احلى عليك

نزلت راسها بحيا .. وبعدت عني شوي

تركت يدها .. ومسكت الكيس الي كانت فيه الساعه فتحت.. وطلعت منه ورده رفعت حاجب وقلت : وش فيك بعدتي .. قربي

قربت بخجل .. مسكت شعرها .. وحطيت فيه الورده ..وقلت لها : شكلك كذا ذكرني بيوم الملكه .. لانك كنتي مره حلوه

قالت بدلع : كنت حلوه بيوم الملكه بس ..؟

قلت : لا فديتك في كل يوم تصيرين احلى واحلى ..بس تصدقين .. احلى مره شفتك فيها .. يوم كنتي في بيتنا

عقدت حواجبها .. وقالت : متى ؟

قلت : يوم تلعبين انتي ورهف بالمويه

لفت وجهها عني .. وقالت : محمد عاد لا تحرجني

ضحكت .. وقلت : امزح معك .. يللا انا الحين بروح

وقفت .. ووقفت هي بعد .. قالت : وين بتروح بدري .. توك جاي

قلت لها : ميخالف ياقلبي بكرا بجيكم

قالت : ماراح تجي الليله

قلت : لا الليله بطلع مع اخوياي

حركت شفايفها بقهر وقالت : طيب

حطيت ايدي .. على شعرها رجعته ورا اذنها وقلت : يعني تبيني اجي الليله

هزت راسها بأيه

قلت : بس انا ما اقدر اجي هههههههه

ضربت كتفي بشويش وقالت : خلاص بشوفك بكرا

وصلتني للباب .. ناظرت في سعد وهو يلعب بالسيكل مع ساره .. وقلت له : سعد .. يللا بنروح

جا يركض .. مسكت يده .. وقلت : يللا الريم خلي بالك من نفسك فديتك

قالت : ان شاء الله .. وانت بعد


......................


___________
بيت مشعل .. الساعه :4:00 مساءً
___________


** مشعل **

رجعت من الدوام .. معصب ..وين ايام اول .. ارجع وقت اللي يعجبني .. اكيد الحين الكل تغدا .. ركبت فوق على طول .. دخلت الغرفه .. شفت رهف فاتحه الدولاب .. وجالسه تطوي الملابس .. قفلت الباب . وقلت : ايه كذا شكلك حلو .. جالسه في بيت زوجك تطوين الملابس تشوفين لك شغله .. مو تروحين من الصبح هالمدارس

رمت القميص اللي بيدها .. وقالت : مشعل خلاص لا تكلمني .. انا بنسى وجودك .. وانت انسى وجودي

اخذت القميص اللي رمته .. وقلت : نونو .. كذا موصح ..خليني اعلمك الطريقه الصحيحه في طي الملابس

قفلت الدولاب .. وراحت جلست على السرير .. وتكتفت وهي تهز رجلها ..رحت جلست بجنبها .. وتكتفت وهزيت رجلي

لفت علي .. ناظرتني بستحقار وقالت : انت كم عمرك ؟

حطيت يدي على ذقني وقلت : 18 سنه

قالت : والله لو انا مكانك استحيت

انسدحت على السرير وقلت : طيب انا ما استحي

قامت من السرير .. وراحت عند الباب .. رفعت راسي ..قلت : وين بتروحين

قالت بملل : بطلع

قلت : من سمح لك تطلعين .. الحين انا اتكلم .. تقاطعيني وتطلعين .. هذا احترام الزوجه لزوجها

رجعت .. وجلست على الكرسي .. حطت يدها على خدها .. وقالت : جلسنا .. وش تبي تقول .. امر

تغطيت وغمضت عيوني قلت : طفي النور ابي انام

سمعت صوت باب الغرفه يتقفل بقوه

رفعت راسي وناظرت في الباب .. مجنونه هذي .. تبي تكسر لنا باب الغرفه !!.. حطيت راسي على المخده مره ثا

نيه ونمت

............................................








بيت العمه .. الساعه :7:00 مساءً
_______________

** فيصل **

كنت جالس بالصاله .. ارتب اوراق تخص الشغل .. الاوراق كانت متناثره بكل مكان .. لانها كثيره .. هنوفه اختي جالسه ترتبها معي .. واختي حنونه منسدحه على الكنبه تقرا مجله .. وامي تسولف بالتلفون

الهنوف : كم ورقه في يدك ..؟

قلت لها : 47 .. لا 48 .. ,, مسحت على شعري بقهر ,, مو مشكله بعد الاوراق مره ثانيه

قالت لي : فيصل انت مو مركز ابد

سمعت صوت حنا تقول ببرود : بدال ماتذاكرين

قهرتني .. صرخت بدون ما اناظرها : حنان عن اللقافه وانقلعي غرفتك .. ترا مره معصب

قالت بزعل : هذي جزاتي لاني ابي مصلحتها .. وابيها تجيب مجموع حلو

قلت بأستهزاء : تكفين عاد يللي جبتي مجموع حلو

وقفت وقالت : بسم الله علي اكلتوني ’’ وركبت غرفتها ’’

قلت وانا الم الاوراق : هنوفه خلاص .. ازعاج بالصاله ومو قادر اركز .. بروح غرفتي

مسكت يدي وقالت : لا فيصل بساعدك

ابتسمت لها ووقفت والاوراق بيدي .. وقلت : اذا توهقت فيها بنادي عليك

حركت راسها وقالت : ان شاء الله

من حطيت رجلي على الدرج .. سمعت صوت امي تقول : فـيـصل

لفيت عليها وقلت : نعم يمه

اشرت لي بيدها يعني انتظر .. وقالت للحرمه اللي تكلمها في التلفون : ماشاء الله خلصتي 10 في اسبوعين .. ايه اعرفه شغل ايدك حلو .. وحنان طالعه عليك .. شاطره في التفصيل مره .. تحب تخيط وتتفنن .. عندنا اشياء كثير في البيت شغل ايدها .. ايه والله.. ههههههه لا انا القماش حلو بس للحين مابديت اشتغل عليه .. ان شاء الله .. بخلي فيصل يجيبهم .. لا ربع ساعه .. يللا مع السـلامه

ناظرتني وقالت : فيصل ابيك تروح .. بيت خالك بتعطيك ام مشعل كيس .. جيبه لي

ضحكت بصوت عالي وقلت : يمه مااشوف شي في البيت من شغل ايد حنان ههههههههه

قالت امي : الا حنان تحب تشتغل وتخيط .. بس وقتها مايسمح لها

وش عندها ياحسره .. قلت : ان شاء الله يمه بخلص شغلي وبروح

تكتفت وقالت : يووه ماسمعتني اقول لها ربع ساعه وانت عندها .. تبيها تقول عني كذابه

ابتسمت وقلت : حاشاك يمه .. خلاص بروح الحين

.
.
.

وصلت بيت خالي .. وفتحت لي ام مشعل .. سلمت علي وقالت : تفظل يمه .. وش فيك واقف عند الباب

ابتسمت وقلت : تسلمين خالتي .. بس انا مستعجل

قالت وهي تدخل : ثواني .. بجيب لك الكيس

جلست انتظر كثير .. خالتي طولت

سمعت صوت خالتي ام مشعل تقول بصوت عالي : بنتي رهف ودي هالكيس لفيصل

شوي ولمحت زوجة مشعل جايه وعندها الكيس .. قالت : السلام عليكم

رديت السلام وانا اخذ الكيس .. رفعت شي داخل الكيس وقلت بسرعه وبعفويه : وش هذي مفارش ؟

ابتسمت وقالت : هذا شغل ايد خالتي .. ماتشوف الزخارف كيف مرتبه

قلت : وش عرفني انا

اخذت الكيس من عندي وقالت : لحظه فيصل .. خالتي حطتهم في الكيس بدون ماتطويهم .. بطويهم وبحطهم

قلت : مشكوره ماتقصرين

حطت الكيس على الارض .. وجلست تطوي اول مفرش

لو ام مشعل خلت الخدامه تجيب لي الكيس .. كان سألتها عن نجود

لاني كنت اتمنى اشوفها اليوم

فجأه فتح الباب نايف .. وقال بجديه : رهف ادخلي داخل الجو بارد

على طول رهف سمعت كلامه .. وطوتهم طوي سريع وحطتهم في الاكيس .. ودخلت

قلت بضحكه : أي برد نايف قول الا حر

ابتسم نايف وقال : كيف حالك فياصل

قلت : تمام الحمد الله

قال : ادخل تعشى معنا

قلت : ما احب عشاكم

سوى لي نايف حركه يعني مالت وقال : انت اصلاً صدقت اعزمك .. عشان تخلص عشانا

ضحكت بصوت عالي وقلت : احسك الحين تبي تبوس ايدي عشان ارضى واجلس اتعشى عندكم

دخل وكان بيسكر الباب وقال : اقول طس

مسكت الباب وانا مو قادر اوقف ضحك على شكل نايف .. قلت : امزح وش فيك انت ههههههههههههههه اللي يسمعك يقول انت اللي طابخه

لوى فمه وقال : يارجال مزحك شين

وقفت ضحك وقلت : مره ثانيه بجي اتعشى عندكم .. يللا فمان الله


ضرب كتفي وقال : الله معك

...................................

________________
بيت مشعل .. الساعه : 5:30 صباحاً
________________

** رهف **

صحيت على صوت المنبه .. لفيت وناظرت في مشعل وهو نايم

كانت ملامحه قمه في البراءه .. ماتدل على الشر اللي بداخله

حطيت يدي على كتفه وهزيته : مشــعل .. مشــعل قوم ..... مابتروح الدوام

طبعاً انا ما اصحيه عشان سواد عيونه .. اصحيه عشان يروح الدوام وانا اروح المدرسه

فتح عيونه بكسل .. وقال : كم الساعه

قلت وانا اقوم من السرير : خمس ونص

مد يده لجهتي وقال : تعبان .. قوميني

فتحت عيوني بدهشه .. قسم بالله سخيف .. اكسر ظهري عشانه .. والله لو الموت ماقومته

عطيته ظهري وكنت بدخل الحمام ’’ الله يكرمكم ’’ .. سمعته يضحك ويقول : انا اول .. انا اول

بعدت عن الحمام على طول .. وجلست على السرير يحسبني بضحك معه .. شفت جواله تحت المخده

على طول مديت يدي واخذته .. حطيت عيوني في عيونه .. وناظرته بخوف

غريبه .. ساكت توقعته يقول خلي الجوال .. قلت بصعوبه : أأأ بــ ... أبي اكــ.....لـــــم اهلي

قال ببرود : كلميهم

قلت : عادي ؟

هز راسه بأيه .. بصراحه خفت من بروده .. وخفت اكثر يوم جلس على السرير بجني

اشر على الجوال بيده وقال : دقي الرقم ؟

دقيت على الرقم بصعوبه .. ردت علي امي

...: هلا حبيبتي رهف .. شخبارك

ماقدرت اتكلم من نظرات مشعل .. قلت بتوتر : انا بـ..خــ..يــ.. ــر

سمعتها تقول : وش فيك يمه .. وش فيه صوتك كذا ؟؟ خوفتيني

دمعت عيوني .. وقلت : يمــه انــا

سحب مشعل الجوال من يدي .. حطه عند اذنه وقال : هلا عمتي شخبارك .. ادري ازعجناك .. لا تخافين مو صاير شي .. هههههه مدري عنها .. يمكن .. تقول مشتاقه لكم .. بجيبها هالاسبوع .. والله مو مني من الشغل .. السواق ؟ لالا مايحتاج انا بحاول اجيبها هالاسبوع .. ان شاء الله .. يللا فمان الله

قفل الجوال ورماه على السرير .. عطاني نظره مدري وش يقصد فيها .. ودخل الحمام ’’ الله يكرمكم ’’

اكرهه .. اكرهه .. اكرهه

.
.
.

بعد ماراح مشعل الدوام .. لبست بسرعه وخذت شنطتي .. وطلعت من الغرفه .. مريت على غرفة نجود .. طقيت الباب

سمعت صوتها تقول : تفظل

فتحت الباب شوي ودخلت راسي .. شفتها جالسه على الكرسي عند التسريحه تفك الشباصه اللي في شعرها المحتاس

قلت : صباح الخير

قالت وهي عاقده حواجبها : صباح النور .. آآآآآآي

قلت بخوف : وش فيك ؟

تركت الشباصه في شعرها .. وقالت بملل : مو قادره افكها .. افففف متشابكه مع شعري

ابتسمت على شكلها الطفولي .. حطيت شنطتي عند الباب ودخلت بسرعه

رحت لعندها .. ومسكت الشباصه .. كيف كذا متشابكه بطريقه معقده .. اشك انها بتقدر تفكها

طبعاً ماقلت لها .. يمكن تخاف .. قلت : انتي اللي ربطتيها

قالت وهي شوي وتبكي : أيــه

حاولت افكها بدون ما اعورها .. مع انها كانت تتعور .. وتقول لي شوي شوي

...: صـــــبـــــــــاح الخــــــــيـــــــــــر

لفينا انا ونجود مع بعض جهة نايف اللي واقف عند الباب وقلنا : صباح النور

فطس نايف ضحك وقال : من هذي الجنيه اللي قاعده ههههههههههههههههههه .. جودي شوفي كشتك في المرايا

حطيت يدي على فمي اكتم ضحكتي

ناظرتني من المرايه وقالت بقهر : حتى انتي رهوفه

شالت يدي من شعرها وسحبت الشباصه بقوه وصرخت من الالم .. مسكت شعرها وقلت : شوي شوي .. خليني افكها

قالت بزعل : ما ابي .. شوفي شكلي كيف صاير

تقدم نايف وقال : يعني الحين الشباصه مو راضيه تنفك ؟

قلت : ايه

قال : خلوني اشوف شغلي

تركت شعرها ووقفت بعيد شوي

ناظر في شعرها وقال : هاتي مقص

وقفت نجود بسرعه وقالت : نايف وش بتسوي

ابتسم وقال : بحلق شعرك

ضحكت وقلت : بيقص الشباصه

ناظرني وقال وهو يبتسم : ايه هذي الناس اللي تفهم مو انتي

وضرب راسها بشويش

يوم شفته يناظرني نزلت راسي بحيا

اشرت نجود على الدرج وقالت : طلعي منه مقص

فتحت الدرج .. وطلعت منه المقص .. عطيته نايف

اخذه نايف ورفع شعرها .. قال : بسم الله

غمضت نجود عيونها وقالت : نايف الله يخليك لا تقص شعري

قال نايف : الحمد الله على السلامه انفكت الشباصه

ضحكنا كلنا .. وضحكت اكثر يوم قال نايف : الحين من بيمشط هالشوشه

ضربت نجود نايف وقالت : يللا اسكت عن شعري .. ترا ما ارضى عليه

اخذت نفسي عشان اطلع .. وقبل ما اطلع قلت : انا تحت انتظركم اوكي

قال نايف : حتى انا .. بنزل اشغل السياره .. جودي لك 10 دقايق تخلصين فيها .. عشان ماتتأخر رهف على المدرسه

ماسمعت نجود وش قالت لاني نزلت تحت .. جلست شوي بالصاله .. ونزل نايف طلع برا على طول .. بعد ربع ساعه نزلت نجود تركض مع الدرج .. وقالت : يللا يللا رهوفه لانتأخر

وقفت وقلت : عجيب .. تتأخرين وتقولين لي يللا لا نتأخر

مسكت يدي وقالت : يللا نمشي

..........................................

** نايف **

السياره مو عاجبتني ابد .. ماكانها على طول تتغسل

رد علي سامي : بس انا في غسل سياره على طول

قلت بعصبيه : شوفها كيف مغبره

قال : خلاص انا غسل سياره الحين

هزيت راسي بالنفي .. فتحت باب السياره وقلت : خلاص سيارتي لا تغسلها .. انا بغسلها كل يوم

سمعت صوت نجود تضحك : معقوله الاستاذ نايف مدير شركة عبد العزيز اخو المكرمه نجود والسيد مشعل .. يغسل سيارات ؟

ركبت السياره وقلت : تكفين عاد يا المكرمه .. وش فيها يعني .. بعدين انا بغسل سيارتي بس .. سيارات هذي من وين جبتيها

قالت وهي تعدل نفسها بعد ماركبت : ياربيه .. وش اقول لصديقاتي بعدين .. من جد واخزياه

حركت السياره وقلت: نجودوه بلا حركات ماصخه .. نسيتي انك كنتي في بيتنا خدامه ولوما ابوي الله يرحمه عطف عليك ورقاك الى طباخه .. وضمك الى العائله

شهقت نجود وقالت : تتبرا مني يا السباك .. رهف شوفيه

قالت رهف : انا مالي شغل .. اخاف تطلعوني الحين خياطه

ضحكت على كلامها بصوت عالي

وقفت السياره وانا مازلت اضحك

قالت نجود : ليه وقفت هنا .. قرب شوي لبوابة المدرسه

ناظرتها وقلت : ماتشوفين زحمة السيارات

فجأه فتحت الباب رهف نزلت من السياره وراحت تركض لجهه.. غير جهة بوابة المدرسه

فتحت الباب بسرعه .. وركضت وراها ماناديت بأسمها عشان ما اسوي فضيحه

مسكت يدها بقوه وقلت وانا اتنفس بصعوبه من الركض : رهــــف وش فيك

نزلت راسها وماردت علي

تركت يدها وقلت بهدوء : يللا نرجع السياره عشان تاخذين شنطتك

هزت راسها بالرضا

خليتها تمشي قدامي عشان اتأكد انها مابتروح مكان

يوم وصلنا للسياره قلت : رهف

لفت علي بدون ماتتكلم

قلت بحنان : ليه سويتي كذا .. انتي ماتدرين انك امانه .. وطول ما انتي معي لازم اخاف عليك

قالت بصوت متكسر : مـح .. محــ .. مــد

نزلت راسي شوي لاني مو سامعها زين من صوت السيارات وقلت : وش فيه محمد

رفعت راسي بسرعه اناظر حواليني .. وكاني تذكرت ان حنا بجنب المدرسه .. واخاف احد يتكلم على رهف .. صحيح ان محد فاضي لاحد من الزحمه .. بس الاحتياط واجب

اشرت على السياره وقلت : اركبي

ركبت انا وركبت هي بعد .. قالت نجود بخوف : وش صاير

طنشتها ولفيت على رهف : شفتي محمد ؟

هزت راسها وقالت : ايه .. جايب خطيبته المدرسه

واضح من صوتها انها شوي وتبكي .. عورت قلبي بصراحه .. حسيتها ضايعه وحيده .. ومحتاجه احد من اهلها .. شكلها كسر خاطري

طلعت الجوال من جيبي .. مديته لها وقلت : تبين تكلمين محمد

هزت راسها بـ لا

قلت بعطف : امك ؟

هزت راسها بـ لا

اموت واعرف وش فيها بالضبط .. قلت: اوكي خلاص لا تروحين المدرسه انا بوديك الـ...

قاطعتني وقالت بأنفعال : لااا لااا .. بنزل خلاص

قربت السياره شوي من المدرسه .. ووقفت فتحت الباب .. كانت بتنزل

ابتسمت وقلت : شنطتك ماتبينها ؟

مدت يدها واخذت الشنطه وهي ساكته

قبل ماتقفل الباب قلت وانا اعدل شماغي: رهف خلي بالك من نفسك

قالت بهمس : ان شاء الله

انتظرتها تدخل المدرسه .. بعدين حركت السياره


.....................................






_______________
بيت ابو يوسف .. الساعه : 1:30 مساءً
________________

** نجود **


دخلنا البيت .. رهف على طول ركبت فوق .. وانا فصخت العبايه .. وجلست بالصاله .. اكل الايس كريم اللي اخذه لنا نايف .. وناسه شكله نايف كل يوم بياخذ لنا من باسكن

قال لي نايف وهو راكب الدرج : جودي انا في غرفتي ..لاصار الغدا جاهز .. تعالي ناديني

قلت : اوكي

وانا اكل الايس كريم .. سمعت صوت التلفون يرن .. كنت بطنشه وبكمل اكل

بس بعدين يوم شفته مو راضي يسكت .. قررت ارحم المتصل وارد : الووو

.... : هلا نجود .. اخبارك

قلت : هلا وغلا بك زود حنونه .. تمام .. انتي اخبارك

قالت : تمام .. وينكم امس دقيت عليكم محد في البيت

قلت : انا ونايف بالدوام .. بس رهف كانت بالبيت

قالت مستغربه : وشلون بالبيت والخدامه قالت لي انها مو فيه

قلت بدون ما احس : هالغبيه ..اللي ماتفهم ..ولا كاني موصيتها

قالت : غبيه ليه .. قولي لي نجود

قلت : ولا شي .. تعالي بسألك

بصراحه ماكان عندي سؤال ولا شي .. بس جالسه اصرف

سمعتها تقول : لا قولي وش صاير .. وليه عصبتي يوم قلت ان الخدامه قالت لي انها مو هنا

اقول لها اولا .. اقول لها اولا .. خلاص بقول لها : اسمعي ..مشعل اخوي .. مايبي رهف تكمل دراسه .. وانا ونايف .. اخذناها معنا اليوم .. وكل يوم بنسوي كذا.. بدون مايدري مشعل .. لان هي بصراحه ودها تكمل دراسه .. ووصيت الخدامه الغبيه مية مره .. ماتقول لاي احد يتصل ان رهف مو موجوده

قالت بتأثر : حرام مايخليها تكمل دراستها .. زين سويتي انتي ونايف

قلت : ايه .. وينها هنوفه حبيبتي من زمان ماكلمتها

قالت : الهنوف مارجعت من المدرسه

قلت : اها

قالت : اوكي نجود .. بخليك الحين .. بروح بتغدا

قلت : وشلون تتغدون والهنوف مارجعت من المدرسه .. لا تتغدون عنها .. انتظروها

قالت : خلاص ولا يهمك

قفلت من عندها .. وركبت غرفتي


...........................

** مشعل **

رجعت من الدوام .. وركبت فوق على طول .. فتحت باب غرفة رغد بهدوء

شفتها جالسه تمشط شعر لعبتها ( باربي ) اللي بيدها .. وكانت عاطيتني ظهرها


رحت غمضت عيونها .. وقلت وانا اغير صوتي : انا مين .. ياحلوه ؟

ضحكت وسوت نفسها تتوقع : اممم نايف ؟

قلت : لا

قالت : اجل نجود

قلت : لالا

صفقت بيدينها وقالت : بــــا بـــــا

فكيت يديني وحضنتها : جبت لك هديه حلوه مثلك

باستني وقالت : وش الهديه ؟

قلت : صديقة اللي كنتي ماسكتها

مديتها لها وانا ابتسم.. فرحت و قالت : واااو باربي .. فستانها حلو .. بابا ابي فستان مثلها

سحبت خشمها وقلت : من عيوني

قمت عنها ورحت الغرفه .. رهف مو هنا .. شكلها تحت مع امي

فتحت الدولاب اطلع لي ملابس عشان بتروش حطيت يدي بجيبي .. واخذت الجوال

.. بس سمعت صوت المسج من جوالي .. حطيت يدي بجيبي .. واخذت الجوال.. فتحت المسج كان


^*^
/
\
/
\
/
\
/
\
/
^*^


ماتوقعتك بهالغباء يامشعل

تروح الدوام ولا تدري زوجتك

وش تسوي من وراك


^*^
/
\
/
\
/
\
/
\
/
^*^


قمت من السرير بعصبيه .. ودقيت على الرقم

رد وقال : توقعت التصالك

قلت له بصوت عالي : وش تبي انت

قال : اقول ..انت تدري ..ان زوجتك راحت المدرسه اليوم ؟

قلت : كذاب .. زوجتي ماراحت المدرسه اليوم .. وثاني شي مايخصك فينا

قال : والله وهذا انا احلف لك بالله انها راحت .. ولا .. اللي موديها المدرسه نايف .. اخوك

وش يقول هذا .. مستحيل هالشي يصير .. قلت : على العموم روح اضحك على غيري

قال : يوم قلت لك عن عبد الرحمن .. كنت اضحك عليك ؟

قلت بصراخ : اقلب وجهك .. ولا عاد ترسل لي شي

قفلت بوجهه .. وجلست على السرير ..حطيك يدي على راسي .. بتجنني رهف هذي


...................
__________________






________
بيت مشعل .. الساعه:9:00 مساءً
___________


** رهف **

ركبت الغرفه عشان انام .. فتحت الباب .. شفت مشعل منسدح على السرير .. الحمد الله انه نايم .. دخلت الحمام (( الله يكرمكم )) بدلت ملابسي وطلعت .. رحت عند السرير .. قبل ما اجلس لف علي مشعل .. وقال : بتنامين ؟

خاب ظني وماكان نايم .. جلست وقلت : ايه بنام

قال : وليه تنامين بدري ؟ .. ماعندك مدرسه.. ماوراك جلسه الصبح ولا شي

بيجيب لي حاله نفسيه .. وش دخله انام ولا اصحى .. دام هو مايدانيني ولا يحبني .. اجل ليه يتدخل في الشي اللي بسويه .. ماكانت حياتنا كذا .. صحيح ماكانت حلوه .. بس اهون من الحاله اللي نعيشها الحين

فكيت شعري .. وانسدحت

هز كتفي بقوه وقال : ردي علي ليه بتنامين من الحين

احسن .. خلك كذا تكلم الجدار .. ماراح ارد عليك

سحبني من يدي وقال : مافيه نوم من الحين .. قومي

صرخت عليه : مشعل ترا قسم بالله بطلع انام برا

قال ببرود : كيفك انتي اللي كل البيت بيتكلمون عليك

طنشته .. وغمضت عيوني .. هزني مره ثانيه .. وقال : قلت لك مافيه نوم

مارديت عليه .. ولا حتى ناظرته .. يوم طنشته سكت عني

.
.
.

فتحت عيوني .. وناظرت الساعه اللي بيدي .. معقوله الساعه 6 ونص ..ماحسيت لنفسي اني نمت

ناظرت بجني .. مالقيت مشعل .. اكيد راح الدوام

احد يطق الباب .. سمعت صوت نجود تقول : ادخل

قلت : ادخلي نجود

دخلت وقالت : صباح الخير

قلت : صباح النور

قالت : يللا البسي .. انا ونايف لبسنا وخلصنا

قلت : ومشعل راح الدوام

قالت : ايه .. حنا تحت طيب ..انزلي لنا لا خلصتي


................

____________
الشركه .. الساعه :8:30 صباحاً
____________


** مشعل **

كنت جالس في مكتبي .. وبالي مشغول .. راسي وجعني من كثر ما افكر .. معقوله الكلام اللي قاله صحيح .. اكيد صحيح لانه ماكذب يوم قال عن عبد الرحمن .. وانا افكر قال لي زميل معي بالشغل : وش فيك مشعل .. مو على بعضك اليوم

ناظرته وانا ساكت .. اصلاً ليه نايف يودي رهف المدرسه .. ما اتوقع يسويها

الا يسويها .. لالا مايسويها وش غرضه من هالسالفه

مستحيل اجلس بالشغل اكثر من كذا .. لان راسي بينفجر .. قمت بسرعه وطلعت .. حتى ما اخذت اذن من احد

.
.
.

وصلت البيت .. نزلت من السياره .. من العجله ما قفلت الباب ولا طفيت السياره ..دخلت بسرعه .. شفت الشغاله

قلت لها : وين مدام رهف

قالت بخوف: ماادري

تركتها وركبت فوق .. فتحت باب الغرفه .. ماشفت احد .. صرخت بصوت عالي : رهـــــــــــــــــــــــــــف
^*^
/
\
/
\
/
\
/
\
/
^*^

***** نهاية الجزء السادس عشر ****

[@ همس الغلا @]

...:::][ الجزء السابع عشر][:::...


___________
بيت العمه..الساعه:8:30 صباحاً
___________


** حنان **


كنت بالصاله ماسكه الجوال .. وجالسه على اعصابي .. ابيه بس يدق

؛×أمير المحبين ؛× يتصل بك

~~)(~~انت بحري وانا اليم يقولون اللي يقولون انا بحبك متيم
خلي الحساد يموتون انت في قلبي غالي لو عنك يسالون ~~)(~~

اغنية يوسف العماني ( احلى اثنين ) كانت نغمة جوالي

فزيت من مكاني

ورديت على طول : الوو..هلا عبودي

قال : هلا قلبي

قلت : وينك انت

قال : انا مو جود

قلت : اجل ليه مادقيت علي .. وقلت لي وش سويت

قال : لا ابشرك .. قلت اللي وصيتيني عليه للي اسمه مشعل

يوم قال لي كذا ..نطيت فوق الكنبه .. وقلت بصوت عالي : يــــــــس .. يعني دخلنا البيت

قال مستغرب : اي بيت ؟

حسيت لنفسي .. وقلت : لا لا .. ولاشي بس مستانسه

قال: اقول وعد

قلت وانا ابتسم : عيون وعد

قال : انتي وش مصلحتك من السالفه اللي انا سويتها

اف فاضي هذا .. ناقصه انا يسويلي تحقيقات ..قلت له : بس وحده اكرهها وعايشه عيشه مفروض انا اللي اعيشها

قال : مافهمت ..؟؟

قلت : ومو مهم تفهم

قال : طيب وعد ..اليوم العصر نتقابل

اقول لكم فاضي .. وش اسوي فيه الحين . .ايه : شوف عبود ..انا ما اقدر اتقابل معك

قال بأنفعال : ولـــــــيه

قلت بقهر : بــس .. آآآف

قال : انتي وعدتيني

قلت : طيب وما اوفيت بوعدي .. باي

قال بعصبيه : هي انتي انا عبد الله ما ينضحك علي .. ولو ماشفتك اليوم العصر .. بدق على مشعل وبقول له ان وعد هي اللي خلتني اقول اللي قلته .. والسالفه كلها كذب في كذب

ضحكت .. الا مت ضحك على هالغبي

قال بتهديد : والله يا وعد اسويها

وانا اضحك .. قلت : لحظه موقادره اوقف ضحك

ماتكلم .. كملت كلامي .. وقلت : ولو اقول لك اسمي مو وعد .. يعني بأختصار ياعبد الله يللي ماينضحك عليك .. انا ضحكت عليك هههههههههههههه .. بايووو

قفلت في وجهه .. وقفلت الجوال مره وحده وفتحت التلفزيون ..فرفرت بسرعه .. شفت اغنية شفت موتي لراشد الماجد .. خليتها ورفعت على الصوت .. وجلست ارقص


شفت موتي وأنـا حي والسبب هم فرقـاك
إرفق بحالي شوي قلبي ماطاع يسـلاك

أطلبك دامني حي تحفظه لي ويفـداك
خلني ألمح الضي..ضي طلت محيـاك

شوقي لك ماهو شوي ياحبيبي ولا أنسـاك
شوفتك عندي الفي عمري ألقاه ويـاك

والعذر مابقى شي غير قولة تمنـاك
حبكم طني طي والسبب هم فرقـاك


طلعت امي من المطبخ .. حطت يدها على صدرها .. وقالت : وش صاير .. وش فيك

كملت رقص ومارديت عليها .. جات لعندي مسكتني .. وقالت : ردي علي

مسكت يدينها الثنتين .. وقلت لها : دخلـنـــا البـــــــيــت

ضغطت على يديني .. وقالت : دخلــنــاه خــلاص

قلت بصوت عالي : ايـــه خـــلاص

تركت يديني ..وقالت وهي رايحه : خلاص يعني اخذ اثاث غرفتي

سحبتها وقلت : وععع يمه .. تخيلي تاخذين هالاثاث الخايس .. نايف بياخذ لك غيره

قالت : والله .. عسى الله يخلي لنا نايف .. قولي آآآآمين

قلت : قول آمين عساك تحبني وتموت فيني .. قول آمين عسى يدينك يانايف ماتفارق يديني

حطيت يديني على كتفها من ورا .. وقلت : خلينا نرقص بس

جلسنا انا وامي ندور بالصاله .. ونغني مع راشد الماجد

فجأه وقفت الاغنيه .. وقفنا رقص. .لفيت و لقيت اخوي فيصل .... ساند نفسه على التلفزيون .. ويهز راسه .. يقول : الحمد الله والشكر

قالت امي : تحمد الله على حالك انت .. ليه مارحت الدوام

قال : انا الحين بروح .. بس خايف اروح .. نايف بيفشني لاني كل يوم تقريباً اتأخر .. يقول لي ماراح يعطيني راتب

ناظرت فيني امي .. وقالت : بكرا يافيصل بتستلم حتى الاداره

قلت انا : ايه والله

ضحك .. وقال وهو رايح : يالله لا تبلاانا

طلع فيصل من البيت ..ناظرت في امي وانا ابتسم من وناستي ..ردت لي لي امي الابتسامه وراحت المطبخ .. وركبت انا فوق

.
.

فتحت باب الغرفه .. شفت الهنوف جالسه على كرسي الكمبيوتر .. ولاصقه وجهها بالشاشه .. تخصرت وقلت : هيه انتي مارحتي المدرسه اليوم

لفت علي .. وهي تبكي الا ذابحه عمرها من البكي .. قالت : رهام ماتت

عقدت حواجبي .. وقلت : ان لله وان اليه راجعون .. اي رهام ؟

قالت وهي تمسح دموعها : بطلة قصتي .. اللي جالسه اقراها الحين

دفيت كتفها بقوه وقلت : ياشينك خرعتيني .. قومي بس قومي وبلا كلام فاضي

قالت : ماراح اقوم .. بكمل القصه

سحبت يدها .. وصرخت عليها : قومي بخش النت

قالت : حرام عليك حنانوه .. تكفين خليني ..انا غايبه عشان اكمل القصه

شفتوا بحياتكم وحده بهالغباء

سحبت يدها بقوه .. وقومتها .. جلست على طول .. وقلت : وه دبه كسرتي ظهري .. سوي ريجيم

ماردت علي .. وطلعت من الغرفه .. مالت عليها .. بدال ماتروح المدرسه .. جالسه تقرا لي قصه

خشيت النت .. وفتحت ايميلي ..اول مافتحته .. جاني مسج من احمد على طول

{1+4=8 وجهة نظر } : ولكم باك .. منوره وعد


.......................


___________
الشركه .. الساعه :9:00 صباحاً
___________



** نايف **


كنت طالع من مكتبي .. ابي اشوف اخرتها مع فيصلوه .. يحسب الدوام لعبه ..اول ماطلعت .. شفته يناظر في المرايا اللي عند الباب .. ويعدل الشماغ .. تقربت منه وقلت : ياسلام

قال : هلا وغلا .. حي الله المدير

قلت : الله لا يحيك .. فيصلوه .. ماتستحي على وجهك انت .. هذا دوام مو لعبه .. والله ان تأخرت مره ثـ....

مسك يدي .. وقال وهو يناظر هنا وهناك : نايف مو قدام الناس

شلت يدي من يده وقلت : روح زين

مشى ومشيت معه .. قال :اجل رقيني وما بتاخر

مسكت اذني وحركتها وقلت : نعم .. عيد اللي قلته لاني ما اسمع

قال : على الاقل عطني مكتب .. مع اخوك مشعل

ضحكت وقلت :انت قلتها ( اخوي )

قال : لا وانا مو مثل اخوك

قلت : انت مالك الا نحطك مع الحارس

قال بصوت عالي : تحطني انا مع الحارس ؟ .. حط خشمك

حطيت يدي على خشمي وضحكت

كملت مشي معه ..وحنا نمشي .. شفت مكتب مشعل فاضي .. ويــــــــن راح مـــــــــــشــــــــعـــــل ؟؟؟؟ تركت فيصل ودخلت بسرعه .. مسكت الباب وقلت : وين مشعل

وقف .. اللي معه بمكتب.. وقال : والله مدري طال عمرك

رحت لعنده .. وقلت بعصبيه : وشلون ماتدري .. متى طلع

بلع ريقه وقال بخوف : مـــ..ــو .. م م من زمان

اشرت له عشان يجلس .. وقلت : كمل شغلك

طلعت من المكتب .. شفت فيصل بعده واقف .. قال لي : وش فيك

ضربته على كتفه .. وقلت : لا ولا شي .. روح مكتبك

رجعت مكتبي .. دخلت وقفلت الباب.. كانت يدي على خصري ويدي الثانيه على راسي .. كنت اروح واجي في المكت افكر .. وش اللي يخلي مشعل يطلع من الشغل الحين ..لا وبدون اذن .. تتوقعون شك بالموضوع .. لا ما اتوقع وش اللي يخليه يشك .. يووه وش بيسوي اذا رجع وماشاف رهف .. بصراحه انا مو خايف من مشعل ابد .. لاني ما اخاف من احد بس خايف مره على رهف .. آآآه منك يارهف (( غمضت عيوني اتذكر شكلها وهي في غرفة نجود تضحك معي .. شكلها يصير احلى وهي تضحك .. ضحكتها حلوه .. هزيت راسي بقوه كاني اطرد هالافكار وارجع للموضوع الاساسي اللي كنت افكر فيه )) احسن حل ناخذها انا ونجود من المدرسه .. ونرجعها بيت اهلها (( جلست على كرسي المكتب وسندت راسي )) لا مالنا حق نرجعها بيت اهلها ..اجل وش اسوي ..ارجع البيت واتفاهم مع مشعل ؟ .. مابيرتاح لي بال وانا جالس هنا
.
.
.


جلست افكر للظهر .. وماكنت ابي الظهر يجي .. كنت اتمنى الزمن يوقف عشان رهف ماترجع البيت

اخذت نفسي وطلعت من المكتب .. مريت على نجود واخذتها

اول ماركبت نجود السياره .. قفلت الباب .. وقالت : اليوم مره حلو

حركت السياره .. بدون ما ارد عليها

قالت : نيوف قول لي .. ليه ؟

قلت بملل وانا اناظر الطريق : ليه ؟

قالت : جاتنا اخصائيه اجتماعيه مصريه مره تجنن .. صحيح هي كبيره في السن مره بس حبيتها .. احسها ذكيه مره .. حاولت استفيد من خبرتها قد ما اقدر .. تدري يوم شافتني وش قالت ؟

وقفت السياره على جنب .. وحطيت راسي على الدركسون

مسكت نجود كتفي وقربت مني .. قالت بخوف : وش فيك نيوف .. شي يعورك ؟

رفعت راسي .. اخذت نفس وقلت : مشعل عرف

فتحت عيونها وقالت : لاتمزح

قلت : قسم بالله ما امزح

حطت يدها على صدرها وقالت : يمه .. ياربي خايفه .. وش بنسوي

هزيت راسي .. يعني ما ادري

قالت : بيذبحنا مشعل

عقدت حواجبي .. وقلت : لا انتي مالك شغل في الموضوع ..انا بس المسؤول .. لو صار شي ياويلك ان تدخلتي .. طيب

قالت : بس حنا اللي سويناه صح .. والحق معانا

قلت لها : طبعاً صح .. ماعليك جودي .. ان شاء الله مابيصير الا الخير

قالت : الله يسمع منك يااخوي


...........................


__________
المدرسه ..الساعه:1:30 مساءً
__________

** رهـف **

كنت جالسه البس العبايه ..عشان اطلع قبل ماتجي نجود ..ماابيها تنزل لي كل يوم

قبل ما امشي مسكتني الريم .. قالت لي : وين

قلت : بطلع

نفخت خدودها وقالت : رهوفه .. قولي لاخوك محمد ..اني ما ابي نروح شهر العسل ابها

ناظرتها وضحك بصوت عالي

ضربت برجلها الارض وقالت : ما ابي .. ما ابي .. ما ابي

مسكتها وقالت : اركدي يا الخبله .. وش فيها ابها .. تجنن .. وانتي احسن من غيرك اللي ماراحوا مكان

ناظرت فوق بتفكير وقالت : ايه والله

قلت : وتقول ايه بعد .. من جدك تروحين ابها انتي .. بس ماعليك من هنا لذاك الوقت يمكن محمد يغير رايه .. ويوديك روما

رفعت يدينها .. وقالت : يــــــــــارب

.
.
.

طلعت من المدرسه .. وجلست ادور سيارة نايف .. ماشفتها .. الظاهر للحين ماجا .. وانا انتظر وقفت قريب مني سياره تشبه سيارته .. بس مو متأكده .. هذي هي اولا .. اخاف اروح وتطلع موهي واتفشل .. وقفت شوي .. شفت وحده تطلع من السياره .. ايه هذي نجود ..رحت لعند السياره .. لفت نجود لنايف .. قالت : هذي هي جات

ركبت السياره .. وتحرك نايف .. اليوم ساكتين .. مايتكلمون .. على غير العاده

مر نايف على باسكن روبنز ..قال : تبون شي اليوم من باسكن

لفت نجود تناظر للدريشه .. وقالت بقهر : والواحد له نفس ياكل

وش صاير ..شكلها نجود زعلانه من نايف .. ومالها نفس تاكل ..بس نجود ونايف مايتزاعلون !!!

يوم قربنا للبيت ..سمعت نايف يقول بصوت خفيف : جودي قولي لها ان زوجها بالبيت .. عشان على الاقل ماتتفاجأ

حطيت يدي على قلبي ..وقلت : مشعل بالبيت

لفت علي نجود .. وقالت بتوتر : بس لا تخافين انا ونايف معك

مااهتميت لدموع الخوف اللي طاحت من عيوني ..اللي يهمني وش اسوي الحين بهالمصيبه .. ياربي بيذبحني مشعل .. بخلي نايف يرجعني البيت

قلت : نايف رجعني البيت

قالت نجود بسرعه : لا نايف .. مالنا شغل

ولفت علي وقالت : وش بيسوي يعني مشعل ..ليه خايفه لهذي الدرجه

قلت ودموعي تطيح : الله يخليك نايف رجعني .. الموت اهون من اني اقابل مشعل الحين

كان نايف يحرك يده على الدركسون .. كانه يفكر

قالت نجود : خلونا نروح البيت .. يمكن مشعل موهناك اصلاً

قال نايف : متأكد انه هناك .. انتي نجود مثل ماقلت لك .. مالك شغل بالسالفه خير شر

وصلنا البيت .. وقف نايف السياره بالحديقه .. بس محد نزل

قال : وش فيكم جالسين

قالت نجود : ما ابي انزل اول وحده

قال : يعني وشلون بتجلسون بالسياره لليل

فتح الباب بينزل .. وفتحت الباب انا بعد .. حسيت ان نايف هو اللي بيوقف معي هالوقت .. عشان كذا قلت له : نايف خليك معاي

ناظر فيني .. ابتسم وهز راسه بأيه

نزلنا من السياره .. ودخلنا الصاله .. شفنت مشعل جالس على الكنبه .. اول ماشفته دقات قلبي زادت .. نزلت راسي .. ماابي حتى اناظر فيه .. رفعته مره ثانيه ..شفته يوقف ويناظر بالساعه .. ويقول : تأخرتوا..من زمان انتظركم

قال نايف بثقه : ابد الطريق كان زحمه

ابتسم مشعل .. وقرب مني .. مسك يدي وقال بهدوء : تعالي رهف بكلمك

مسكتني نجود من يدي الثانيه .. وقالت : لا رهف بتجلس معانا الحين

قال مشعل : نجود .. شيلي يدك عن زوجتي

مستحيل اروح مع مشعل .. ادري عنه بيذبحني .. قلت وصوتي كان يرجف : مشعل بجلس معاهم

عطاني نظره حاده .. قالت نجود : اتركها مشعل .. حنا ماسوينا جريمه

ناظر فينا كلنا وقال : بالنسبه لي اللي سويتوه اكبر جريمه

جلس نايف على الكنبه .. واشر على مشعل بصبعه .. وقال : بالنسبه لك انت بس

قال مشعل وشكله بدا يعصب : اصلاً انت وهذي اللي بجنبك .. وش دخلكم بزوجتي

قال نايف بهدوء : مشعل .. كلمنا زين لان حنا نكلمك زين .. اللي بجنبي .. اسمها اختك نجود

قال بصوت عالي : ادري انها اختي

سند نايف راسه على الكنبه وقال : زين انك تدري

حط يده بجيبه .. ورما الجوال على مشعل ..وقال بثقه : دق على اهل رهف .. وقول لهم بكل السالفه .. شوف مع من بيوقفون

انا مستغربه شي واحد .. ثقة نايف وبروده !!

مسك مشعل الجوال .. وصوته بدا يعلى اكثر : طبعاً معي انا .. لاني زوجها

ابتسم نايف وقال : انت الحين ليه تصارخ .. شايف احد غيرك هنا يصارخ ؟

ناظرفينا انا ونجود وحرك كتوفه وقال : والله مستغرب منه انا !!

كانت نجود كل شوي تضغط على يدي .. احسها تقول لي لا تخافين دام نايف معنا

ومشعل يناظر في الجوال بعصبيه

قال نايف : اقولك دق وش فيك واقف ..،،، اشر لنا ،،، تعالوا اجلسوا .. خلونا نسمع اهل رهف وش بيقولون .. يللا مشعل تعال سمعنا

المصيبه لو دق ورد اخوي يوسف .. ناظرت في مشعل .. ماكان يسوي شي .. فجأه رمى جوال نايف على الكنبه

رفع نايف حاجبه .. وقال : شفت ماتقدر .. يللا مو مشكله .. تصدق انا بموت جوع ،،،، صرخ ،،،، خــــــــالـــــــتي فـــاطـــــــمــه...خــــــــالـــــــتي فـــاطـــــــمــه

شوي و طلعت من المطبخ خالتي ام مشعل .. وقالت : نايف ناديتني ؟ .. ماسمعتك لاني برا عند باب المطبخ الخارجي

قال نايف : وش الغدا اليوم

قالت : كبسة لحم

تنهد وقال : الله من زمان خاطري فيها.. بروح بشوف

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

انا مره مستغربه من برود نايف .. لفيت على مشعل ..شفته يعض شفايفه .. اكيد من القهر

اشر لي اروح وراه المجلس.. شلت يدي من يد نجود .. قالت : بتروحين

هزيت راسي لها .. كاني اقول عادي .. اصلاً مشعل مايقدر يسوي شي ..نايف طيح وجهه قدامنا كلنا .. لو الحق معه كان دق على اهلي ماخاف


..........................................

__________
بيت الريم ..الساعه:2:30 مساءً
__________


** الريم **

جالسه اكلم محمد .. في التلفون .. نتكلم عن العرس وتجهيزاته

محمد : اتخيلك بتطلعين مره حلوه في العرس

حتى انا اتخيل نفسي بطلع مره حلوه.. قلت له : وانت احلى

قال : الا تعالي ريمي .. وش لونه فستانك في عرسنا

قلت له بتفكير : امممم للحين مدري وش اللون

سمعته يضحك .. ليه يضحك ؟؟؟؟.. يووه تو استوعب انه يسأل عن لون فستان العرس .. ياربي انا دلخه .. اكيد ابيض .. اجل وشو .. بقول له كنت احسبك تتكلم عن عرس ثاني .. لا بيدري اني ارقع لانه قال في عرسنا .. للحين يضحك : محمد فستان العرس له الوان مو بس ابيض .. يعني سكري .. او

قاطعني وقال : وش فيك ؟ لايكون تحسبيني اضحك عليك .. انا اضحك على اخوي سعد .. جالس يدغدغني

قلت بزعل : اووف حمودي لا تفشلني

ضحك بصوت عالي .. وقال : امزح معك .. يللا عاد .. مو لاني احبك تتدلعين علي

قلت وانا العب بشعري : الدلع مطلوب

قال : فديت الدلع .. وصاحب الدلع .. وفديتك ريومتي

قلت : فداك اللاش

قال : ريمي

قلت : عيونها

قال : تحبيني

قلت على طول : اكيد

قال : اكيد وشو

قلت بخجل : احبك

قال : وانا احبك واموت فيك و... لحظه

شكله حاط يده على السماعه .. ما اسمع شي .... تأخر

رجع وقال : الوو .. اووف روح عني .. اتركني .. شيل يدك عن السماعه .. ترا بطقك

قلت : محمد وش صاير .. مين اللي بجنبك

قال : هذا .. اووووووف انقلع اقولك اترك السماعه ماتفهم انت .. ايه قلبي هذا سعد الغبي .. يبي يكلمك .. خرب علي الجو الشاعري اللي كنت فيه

ضحكت وقلت : خليه يكلمني

قال : طيب .. بس لا تعطينه وجه .. ترا اشكال سعد .. ماتنعطى وجه

عطى سعد السماعه .. قال سعد بصوته الطفولي : الوو .. السلام عليكم

قلت : وعليكم السلام ورحمة الله وبركاته .. اخبارك سعودي

قال : زين

سمعت محمد يقول : خلاص هات السماعه

قلت لسعد : قول له يطلع من الغرفه .. عندنا مواضيع مهمه

قال له سعد : تقول لك الريم .. اطلع من الغرفه .. مانبيك .. عندنا اسرار ومواضيع مهمه

اخذ محمد السماعه وقال : حلوه ذي

جلست اضحك .. قال : لا تضحكين .. اليوم انا بصير مجرم .. بذبحك .. وبذبح هالكمخه اللي معي

شهقت وقلت : تذبح خطيبتك

قال : اذا خطيبتي تخوني مع اخوي .. اذبحها واذبح ابوها

قلت له : بص ياحماده دنا حقرقرك ( اجرجرك ) في المحاكم

قال بضحكه : ماتقرقريني ياختي

قلت : اه واللهي

قال بسرعه : ايه صح .. ريوم بنطلع اليوم

قلت : لا انا من اليوم ببدا اذاكر

شهق وقال : من اليوم بتحكمين علي بالاعدام

قلت : وش اعدامه هههههههههههه .. ماتبيني اجيب نسبه حلوه ؟

قال : الا ياعمري طبعاً ابيك

ابتسمت وقلت : اجل خلاص

قال بزعل : بس اليوم بنطلع

قلت : لا

قال : يللا عاد قلبي

قلت : لالا

قال : والله بس اليوم

قلت : محمد قلت لك ماراح اطلع

قال وشكله عصب : 5 دقايق وانا عندك

قلت : محمـــ..........

قاطعني وقال : يللا باي اشوفك بعد شوي

قلت : زين باي

قفت الجوال ورميته على طاولة الكمبيوتر وكتفت يديني .. يااربي محمد عنيد .. لكن انا اوريه
مابعطيه وجه لا جا

فتحت الدولاب وطلعت لي برمودا وردي مع سير ابيض وبلوزه بيضا وطلعت عقد وحلق لونهم وردي

والا عندي فكره احسن .. ماراح انزل له اذا جا

رميت الملابس اللي طلعتهم على السرير

واخذت كتاب الرياضيات وحطيته على الطاوله .. قربت الكرسي وجلست

فتحته على الصفحه الاولى .. وجلست اذاكر

نص ساعه .. وسمعت طق على الباب .. قلت : ادخل

فتح الباب اخوي خالد وقال : ريوم محمد تحت ينتظرك اوكي

قلت : اوكي الحين بنزل

راح اخوي خالد وانا كملت مذاكره

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

ناظرت في شاشة الجوال .. وطنشت محمد

بعانده مثل ماهو يعاندني

مثل ماتوقعت وصلني مسج من محمد

^*^
/
\
/
\
/
^*^

ريوم حياتي انا تحت اوكي

^*^
/
\
/
\
/
^*^

خلاص بنزل شكله بيعصب علي الحين

وصلني مسج ثاني

^*^
/
\
/
\
/
^*^

انا تحت يعني انزلي
يعني مليت وانا انتظر
يعني طفشت
يعني بتجين والا ارجع البيت

^*^
/
\
/
\
/
^*^

يعني يعني يعني .. بنزل الحين .. قلت لكم انه بيعصب

اخذت كتابي الرياضيات .. وطلعت من الغرفه ونزلت الدرج بسرعه

يوم وصلت الى نص الدرج لمحت محمد جالس على الكنب بالصاله ويناظر فوق

قبل ما انزل اكثر .. تذكرت اني بالبــــــيـــــــجــــــــامــــــــــه ( كانت بيجامه حرير لونها احمر ) .. وكشتي قايمه .. وحالتي حاله .. يافظيحتي .. والله لو يشوفني محمد مايفرق بيني وبين الشغاله

لفيت بهدوء ورفعت رجلي بشويش .. عشان ارجع فوق

غمضت عيوني بقوه يوم سمعت محمد يقول : ريــوم

والله في ذيك اللحظه عشت صراع بيني وبين نفسي .. هي ثلاث احتملات

اركب بسرعه ابدل وانزل ... او اني اطنشه واركب غرفتي وما انزل الى ان يروح
او انزل له بكشتي وبيجامتي

والله كله منك ياريموه .. وكله من عنادك .. وراسك اليابس .. لو اني لابسه الملابس اللي طلعتهم .. ومزينه شعري مو احسن

انا طلعتهم وش اللي خلاني اغير رايي .. من الدلاخه والله

اخر شي قررت امشي على الاحتمال الثالث .. وانزل لمحمد بكشتي وبيجامتي .. لان هو الاحتمال الصائب .. ان ركبت وطنشته بيزعل .. وان بدلت بسرعه ونزلت ماراح استفيد شي لانه شافني

لفيت ونزلت الدرج بشويش .. يوم طاحت عيوني بعيون محمد اللي كان واقف ابتسمت له ابتسامه بارده

رد لي محمد الابتسامه .. ناظرني شوي وقال : اخبارك

هزيت راسي .. وجلست على الكنبه وحطيت كتاب الرياضيات بجنبي

جلس معي وقال : وش فيك تأخرتي

ناظرت للجهه الثانيه ومارديت عليه لاني كنت متوتره مره .. طول ما حنا جالسين انا اعدل شعري .. ادخله ورا اثني .. وافكه والمه مرا ثانيه .. وامسح عليه بيدي .. بصراحه منحرجه منه مره .. احس اني شوي وابكي .. ماكنت ابي محمد يشوفني كذا

وانا امسح على شعري .. مسك يدي محمد وقال : زين خلي شعرك

يعني محمد ملاحظ اني كل شوي اعدله .. اكيد يضحك على شكلي

شوي وجات امي تقهوي محمد

ومحمد يقول لها : مايحتاج .. ليه تعبتي نفسك خالتي اصلاً انا والريم بنطلع الحين

قالت له امي : لا ياولدي لازم اقهويك .. ريوم صبي لمحــ .. ’’ وقفت عن الكلام شوي وقالت ’’

بتطلعون الحين والريم جالسه بالبيجامه

احرجتني امي مره .. واحرجني محمد اكثر يوم قال : مدري عنها .. مع اني كلمتها في التلفون وقلت لها ان حنا بنطلع

ماتكلمت لاني ان تكلمت ببكي

محمد : وين وصلتي

فتحت عيوني وقلت : هاه

وين راحت امي .. مو تو قبل شوي كانت هنا .. الظاهر سرحت

قال لي محمد : متى بنطلع

فتحت كتاب الرياضيات اللي كان بجنبي واخذت قلم من الطاوله

وكتب عليه : ماابي اطلع

رفع حاجب وقال : على كيفك

كتبت : طبعاً

قال : وش السالفه محرمه الكلام معي اليوم

كتبت له : ايه ماراح اتكلم

قال : طيب

وقام من مكانه .. من شفته وقف .. على طول وقفت وقلت له بخوف : وش بتسوي

ضحك بصوت عالي وقال : والله ماكنت بسوي شي

قلت بشك : اجل وشوله قايم

قال : كنت باخذ من يدك القلم بس هههههههههه

ضربته على صدره وقلت : لا تضحك زين

قال : اوكي مابضحك بس روحي بدلي ملابسك عشان نطلع

قلت له وانا رايحه : دقايق وراجعه


________________
بيت مشعل .. الساعه :2:30 مساءً
________________


** رهف **

دخل مشعل المجلس ودخلت وراه .. قفل الباب .. وجلس على الكنبه

اشر لي اجلس .. وجلست بعيد عنه .. ناظرني وقال : وش اسوي فيك انا الحين

ناظرت في الارض .. لاني مدري وش اقول له .. قال : اسمعيني رهف

رفعت راسي اشوفه .. قال : قولي سم

قلت على طول وبخوف : سم

قال : سم الله عدوينك اللي هم انا

ويعترف بعد ؟

عدل جلسته .. وكمل كلامه : بسوي معك اتفاق

هزيت راسي بأيه

قال : انا مستعد اسامحك على اللي سويته ..ومستعد اسامح نايف ونجود .. وامحي اللي صارمن حياتي

قلت :تسامحني على اللي سويته اليوم ؟

قال : واللي سويتيه قبل

قلت : وش اللي سويته قبل ؟

قال : علاقتك بعبد الرحمن

وهذا متى بيصدقني .. ما اعرف واحد اسمه عبد الرحمن والله العظيم ما اعرف .. بس لو انكرت الحين بعد مابيصدقني .. وبيهاوشني ويمكن يطقني بعد .. قلت : طيب ومن اللي قال لك عن عبد الرحمن

سند ظهره على الكنبه .. وقال : فاعل خير دق على جوالي وقال لي بكل شي .. واساساً شفت جوالك

جوالي ؟؟ قلت له : صح وينه جوالي .. ووش اللي شفته فيه ؟؟

قال : الجوال تكسر .. وهذا مو موضوعنا ..مثل ماقلت لك بنسى كل اللي صار .. وكل سواياك

بلعت ريقي وقلت : وبالمقابل ؟

قال بجديه : ماتروحين المدرسه

من جده هذا!!

وقفت على طول وقلت وصوتي كان شوي عالي : بس ما اقدر .. الشي اللي يهمني في الحياة اني اكمل دراسه .. مشعل الا هالشي

اشر لي وقال بهدوء : رهف اجلسي

سمعت كلامه وجلست

قال : وانا بس هالشي اللي ابيه .. انا اقدر اخليك ماتروحين غصب .. بس انا اللي ابيه قرار من داخلك انك خلاص ماتبين المدرسه

هزيت راسي .. وقلت بضيق : ما اقدر

قال : اجل خلاص اسم عبد الرحمن كل يوم بتسمعينه .. وطبعاً اللي صار اليوم ما بعديه لك

طاحت دموع من عيوني .. وقلت بهمس : والله العظيم ما اقدر .. ما اقدر اترك دراستي

رفع كتوفه .. كانه يقول لي كيفك انتي الخسرانه

وش اسوي .. عطوني حل ..انا اصلاً كذا ولا كذا مابروح المدرسه .. فأوافق على اللي قاله احسن لي .. على الاقل برتاح من سيرة عبد الرحمن .. وبينسى مشعل اللي صار اليوم

قال : هاه .. وش قلتي

قلت : خلاص طيب

قال : خلاص طيب وشو

نزلت راسي وقلت وانا ابكي : موافقه على اللي قلته

تقدم مني .. وباسني بين عيوني وقال : اجل قومي نتغدا

.................................................. ....

** نجود **

اوووه طفش هالبيت .. احس ان مشعل مابيسكت عن الموضوع وبيسوي لنا سالفه كبيره

وانا ليه متضايقه ؟ ماسويت شي غلط ومالي خص بالسالفه .. ومشعل اذا كان عاقل بيسكت .. وان كلمني بطنشه .. خل اطلع واستانس بس

بدق على حنونه بشوفها في البيت والا لا

دقيت عليها ردت علي : هلا نجودوه اخبارك يا الدبه ؟

قلت : بخير .. انتي اخبارك ؟

قالت : تمام .... ’’ بصوت واطي ’’ مايخصك .. فيصل خلاص عاد .. نجود بنتي خالي.. والله العظيم

قلت : نعم ؟

قالت : هاه .. لالا اكلم الهنوف

كنت ادري انها تكلم فيصل .. سمعتها تقول اسمه .. بصراحه وحشني فيصلوه .. من زمان ماشفته .. مدري ليه احس اليوم اللي اشوفه فيه غير عن كل الايام

قلت بصوت عالي .. كاني اطرد افكاري : حنونه يعني انتي بالبيت ؟


قالت : ايه

قلت : حلو .. بجيكم اليوم اوكي

قالت بوناسه : ايه تعالي حياك

ابتسمت وقلت : اوكي الحين بقفل

قالت : طيب ننتظرك .. باي

قلت : بايات

قفلت من عندها .. وبدلت ملابسي .. رحت لعند المرايا .. رسمت عيوني بالكحل وحطيت لي قلوس

زررت القميص الابيض اللي علي .. فصخت الشب شب (الله يكرمكم ) و لبست جزمه بيضا .. ورحت لعند دولاب الشنط والجزم .. وناظرت في الشنط بتمعن

الحين فيه 17 شنطه تقريباً لونهم ابيض .. امممممم اخذ أي شنطه بالضبط ؟

وبعدين ليه كثرة الشنط هذي .. وبالذات الشنط اللي لونهم وردي

كل مارحت سوق اخذت لي شنطه .. و المشكله بعضهم للحين ما استخدمتهم

شكلي بعطيهم كلهم الشغاله وبشتري لي شنط جديده .. هههههههه ما اتوب

وانا افكر في موضوع الشنط .. سمعت صوت طق على الباب

قلت بصوت عالي: ادخـــــــــــــــل

فتحت الباب الشغاله وقالت لي : مدام فاطمه تقول لك انزلي تغدي ؟

عطيتها ظهري .. واخذت شنطه بيضا .. قلت بعدم اهتمام وانا اقلب الشنطه : قولي لها ما ابي اتغدا

قالت : ان شاء الله

بعد تقريباً نص ساعه طلعت من الغرفه ( ضيعت الوقت وانا اختار الشنطه هههههههه)

رحت لغرفة نايف وفتحت الباب بسرعه وقلت بصوت عالي: هاي ,, يقال لي بخرعه ,,

بس كانت الغرفه ظلام والتكيف شغال .. ونايف نايم

قلت بهمس وانا مازلت عند الباب : نايف تسمعني

قال : امممم

قلت : انا بروح بيت عمتي اوكي ؟

قال : من بيوديك

قلت : يمكن مشعل

قال : اوكي روحي

كنت بقفل الباب بس نايف ناداني .. قلت له : نعم

قال : شوفي رهف اذا تبي تروح معك

قلت : ان شاء الله .. نوم العوافي

قفلت الباب ونزلت الدرج

وقفت يوم شفت مشعل مع رهف راكبين مع بعض .. الظاهر رضى باللي صار .. صحيح مشعل قلبه طيب ويرضى بسرعه

ابتسم لي وقال : ليه ماتغديتي

قلت وانا اناظرهم : اكلت كثير بالصبح

هز راسه وركب الدرج مع رهف

لفيت راسي وقلت : رهف تجين معي بيت عمتي ؟

قال مشعل : لا انا ورهف بنطلع الليله

يا مغير الاحوال .. بالظهر معصب وحالته حاله .. والحين هادي ورايق
سبحان الله

كنت بقول له يوديني بيت عمتي .. بس غيرت رايي لانه شافني لابسه العبايه .. وماسألني وين بتروحين

الله يخلي السواق بس

.
.
.
.
.

نزلت من السياره ورحت بطق الباب .. بس قبل ما امد يدي .. انفتح الباب بسرعه

................................



** فيصل **

من سمعت صوت سياره عند الباب .. على طول فتحت الباب .. لاني كنت داري ان نجود بتجي ’’ من اختي حنان ’’

من فتحت الباب .. شهقت ورجعت على ورا

قالت بصوت عالي : فـــــيـــــصــــل خرعتني

ابتسمت وقلت : ماسلمتي علي ؟

فتحت وجهها .. وناظرت للجهه الثانيه وقالت : السلام عليكم .. اخبارك ؟

لا شعورياً رحت للجهه اللي لفت وجهها عليها .. وتأملت عيونها الحلوه

ماكانت تناظر فيني .. نظراتها مشتته .. بس يوم حركت عيونها وناظرتني

نظرتها كانت كفيله بأنها تحرك كل الدم اللي في جسمي .. وتوقف كل شعره فيه

قلت وانا لازلت اناظرها : وينك انتي

قالت بصوت ناعم مايخلو من الغرابه : ويني ؟

قلت وانا اتأملها : ايه وينك عنا .. من زمان ماجيتينا .. غيابك عني اكد لي .. اكد لي وش كثر ...

’’ كنت بقول لها غيابك عني اكد لي وش كثير انا احــــبــــــك .. غيابك عني اكد لي المشاعر اللي كنت احس فيها يوم اشوفك وشهي .. غيابك عني اكد لي و شكثر انتي غاليه على قلبي اللي ماينبض الا عشانك .. و شكثر غاليه على عيوني اللي تتمنى بس تشوفك .. و شكثر غاليه على كل شي فيني .. وكل شي فيني يقول احبك ’’

نجود ووجهها صار احمر من نظراتي لها : فيصل اكد لك وشو ؟

قلت بسرعه : اكد لي وش كثر انتي خبله .. وماتستاهلين شي ؟

عقدت حواجبها وقالت : ما استاهل شي .. مثل وشو ؟

قلت : مثل ان الواحد يسأل عنك ؟

قالت وشكلها انبسطت : انت تسأل عني ؟

ضحكت وقلت : انا اسأل عنك ؟ سلامات .. انا اقصد الهنوف او حنان مثلاً

قالت بعصبيه : اصلاً من تكون انت عشان تسأل عن نجود عبد العزيز اخت نايف و.....

قاطعتها وقلت بلوعت كبد : من زينك انتي واخوك الخايس ’’ امزح معها طبعاً ’’

قالت : ما الخايس الا انت .. والله لا اعلم نايف عنك

قلت وانا اضحك عليها : لا انا اللي بعلمه ؟

كتفت ايدينها وقالت : جد جد انت ليه تحاول تقهرني وتنرفزني ؟

قلت بمرح : لاني احب اقهرك وانرفزك

هزت راسها ومشت عني .. مشيت انا بعد وسبقتها .. قلت بجديه : نجود انتي تزعلين اذا كلمتك وضحكت معك كذا ؟

ابتسمت ابتسامه حلوه وهي تمشي .. قالت : لا بالعكس .. لاني ادري انك تمزح

قلت بسرعه : ومن قال لك اني امزح ؟

وقفت عن المشي وقالت بصوت عالي : فيـــــصــــــــل

رفعت راسي وضحكت بصوت عالي


..............................................

__________________
سيارة محمد .. الساعه : 4:30 مساءً
__________________

** محمد **

كنت اسوق السياره بسرعه جنونيه .. وانا فاتح الدريشه اللي بجنبي واللي بجنب الريم .. والهوا يطير شماغي بس انا ماسكه

الريم وهي تصارخ وماسكه شيلتها : مــــــــــحــــــــــمـــــــد وقـــــــــــــف الله يخليك

قلت لها وانا ميت ضحك : مـــــاراح اوقف .. انا مستانس

طبعاًَ انا ما اسوي كذا الا عشان اخوف الريم .. لاني اعرفها تموت خوف يوم اسوق السياره بسرعه

قالت بصوت عالي لان صوت الهوا عالي مره : مــــحــــــمـــــد انـــــــــــــــــا اخــــــــــــــــــــاف وقــــــــــــــف .. تكــــــــــفى وقف عــــــــــــــاد

ناظرتها وانا اضحك : ريوم غطي وجهك .. غطيه شيلتك بتطير

قالت وهي شوي وتبكي : خفف السرعه عشان اغطي وجهي زين

قلت وانا الف السياره واضحك بصوت عالي : قلت لك ماراح اخفف ههههههههههههههه

مسكت يدي وقالت : قلبي والله لاعت كبدي .. بسك هبال .. ترا ان صار فينا شي انت السبب

غنيت بصوت عالي : الجو روعه كل شي صاير جنان

حطت الريم يدها على قلبها وقالت : آآآي محمد بموت .. قلبي يعورني .. بموت

وقفت السياره بسرعه .. مسكت كتف الريم .. وقلت بخوف : حبيبي وش فيك .. وش فيه قلبك ؟

عدلت شيلتها بس ماتغطت .. وقالت بضيق : قلبي يعورني لانه زعلان عليك ؟

ارتحت من كلامها .. خفت صار فيها شي من الخوف

قلت : افاااااااا .. وليه عاد ؟

لفت وجهها عني : كل هذا وتسأل ليه

مسكت وجهها ولفيته لي .. قلت بحنان : ريمي زوجك سواق محترف لا تخافين ؟

قالت بعصبيه : ولو .. محمد والله العظيم ان سقت بهذي الطريقه مره ثانيه .. مابطلع معك

قلت : لالا كله ولا هالشي .. خلاص حياتي مابسوق كذا مره ثانيه

قالت بشك : احلف ؟

قرصت خدها وقلت بضحكه : والله العظيم .. يللا غطي وجهك

&بيت رهف & يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

غطت وجهها وناظرت شاشة الجوال : هذي رهوف

سحبت الجوال من عندها وقلت : حبيبي كلميها بعدين

قالت : حمودي .. عطني بكلمها

حطيت الجوال في حضني وقلت : خلاص ريمي قلت لك كلميها بعدين

قالت : ان شاء الله

شوي ووصلنا عند البحر .. وقفت السياره

وقلت : يللا ننزل

قالت بوناسه : الله من زمان ماشفت البحر ههههههههه

ابتسمت لها ونزلت من السياره .. اول مانزلت سمعت صوت شي يتكسر

تلفت حاوليني وقلت : سمعتي ريوم

نزلت وقالت : وشو هذا

هزيت كتوفي .. تحركت ابي امشي .. بس حسيت نفسي ادوس على شي .. ناظرت تحتي

شفت جوال الريم مكـــــــســـــر .. يووه صح كان في حضني قبل ما انزل .. الحين وش يفكني في الريم

..........................................

_______________
بيت العمه .. الساعه 6:00 مساءً
_______________

** حنان **

كنا جالسين انا ونجود على الكمبيوتر .. اوريها القصايد اللي حافظتها بجهازي

نجود : وربي كلهم حلوين .. انا احب الشعر

قلت لها : نزليهم بجوالك

قالت : مايحتاج بنزلهم في جوالي بالبيت

قلت لها : طيب دام انك بتجلسين على الجهاز .. عشان تنزلين القصايد .. ليه ماتخشين نت معي الليله

سكتت شوي بعدين قالت : افكر

دفيتها وقلت : وش تفكرين .. يللا عاد .. ايميلك صار مهجور

قالت : لالا ماراح افتحه .. والله مالي خلق

قلعتها

قلت لها : كيفك

فتحت الباب امي .. وفي يدها العصير والكيك .. حطته على الطاوله

وقالت : تخيلي نجود .. الكيك والعصير مسويتهم حنان بيدها .. بس عشانك

من متى انا اسوي كيك وعصير ؟

قالت نجود بمرح : حنونه تتعلمين الطبخ من ورانا

ابتسمت وقلت : قالت لك امي بس عشانك

قالت لي : فديتك

قالت امي : لا حنان طباخه ماشاء الله .. لا يهني اللي بياخذها

قالت نجود : آآمين

نزلت راسي يقال لي مستحيه

ضحكت امي وهي طالعه وقالت : بسرعه تستحي هالبنت

بعد ماطلعت امي قالت نجود : هين انتي تستحين هههههههههههههههه

مشكلتها عارفتني

~~)(~~ ماقدرت اصبر ثواني في غيباك عن مكاني
انا عنك ماتصبر عودي يابسمة زماني ~~)(

كان جوال نجود يرن .. فتحت شنطتها نجود وطلعته .. قالت : هذا نايف

قلت بذهول : نـــــــــــــــــــايفـــــــ

ناظرتني نجود .. حسيت لنفسي ولفيت وجهي .. يووه الحين وش بتقول

ردت نجود على نايف : هلا غلاي نايف .. ايه .. بتجي تاخذني ؟

اشرت لها بصبعي يعني لالا مافيه روحه

قالت : نايف مايبوني اروح .. خذني بعدين .. ماتقدر .. طيب خلاص

هزيتها وقلت بهمس : مافيه روحه اجلسي

نزلت الجوال وقالت : مو راضي نايف وش فيك

سحبت الجوال من يدها وقلت : خليها تجلس معنا شوي

انا اصلاً عادي عندي راحت الحين والا بعدين .. بس اسوي كذا عشان اكلم نايف .. يوم سحبت الجوال من يدها وكلمت نايف .. ناظرتني نجود بغرابه وكانها ماتوقعت حركتي .. بس اكيد فهمت اني ابيها تجلس وعشان كذا كلمته

ردت علي نايف : الوو .. نعم

قلت واسوي نفسي مستحيه قدام نجود : انا حنان

قال : اها هلا بنت عمتي

كنت ابي اتكلم بس نايف على طول قال : قولي لنجود اني 5 دقايق وبمرها لان عندي شغل بالليل

قلت : أأأ ابـــ...

قاطعني وقال : يللا فمان الله

يوم قفل في وجهي .. وما انتظر حتى ردي عليه .. حسيت ان بقلبي بركان قهر بينفجر قريب .. حسيت ان وجهي احمر من العصبيه .. مع هذا ابتسمت عشان ماتلاحظ شي نجود

.................................................. ...
__________________


____________________
سيارة محمد .. الساعه : 7:30 مساءً
____________________

** محمد **

بعد ماتمشيت مع الريم عند البحر .. رحت معها السوق عشان اخذ لها جوال جديد

وقفت السياره .. وناظرت الريم وهي سانده ظهرها .. قلت : مابتنزلين

قالت بتعب : قلبي تعبانه .. مشينا كثير عند البحر

سويت نفسي اشغل السياره مره ثانيه وقلت : كيفك اليوم اخر يوم تشوفيني فيه لانك بتذاكرين صح .. وانا بمل ما اكلم احد ولا اشوف احد .. وعشان كذا في هالفتره بشوف لي بنت اكلمها

نقزت بسرعه وقالت بعصبيه : وش تشـــــــــــــــوف

ضحكت وقلت : لا يمكن هالبنت .. اختي رهف مثلاً

قالت : اقول يللا يللا ننزل

فديت اللي تغار علي

فتحت الباب ونزلت من السياره .. ناظرت بعيد لمحت اخوي يوسف يركب سياره .. او يمكن مو يوسف .. من وين له يوسف هالسياره الكشخه .. لا ومعه بنت بعد .. الا الا هذا يوسف

دقيت على يوسف بعد 3 محاولات رد علي : هلا محمد

قلت : يوسف وينك فيه

قال ببرود : مع اخوياي

قلت : مع اخوياك وين يعني ؟

قال : بمطعم

قلت : مو بالسوق يعني

قال : لا .. خير تبي شي

حكيت اذني وقلت : لا سلامتك

ايه انا قلت ان هذا مو هو

................................................

** يوسف **

وش عرف محمد اني كنت بالسوق .. لا يكون شافني مع هذي

لفيت اناظر في وجهها اللي فاتحته .. الله يلوع كبدك مثل مالوعتي كبدي

قسم بالله شينه وخايسه .. والمشكله فاتحه وجهها .. والله ودي اقول لها قفلي وجهك خرعتي العالم .. بقولها لها بس مو الحين .. بعدين اذا تركتها .. لا والأ قطع من كذا تقول اسمها حلا .. انتي حلا انتي .. من جد قرف هالبنت .. وكل البنات قرف مستحيل في يوم احب بنت

تكلمت حلا ’’ على قولتها ’’ .. بصوتها الناعم .. صوتها بصراحه مره مره ناعم .. وهذا الشي اللي ما اقدر انكره .. غرتني بصوتها هالدبه

قالت : يوسف وين راح نروح ؟

قلت وانا اناظر للجهه الثانيه لاني مو طايق اناظرها : حياتي انتي وين ودك نروح ؟

قالت : أي مكان رومنسي

لفيت اناظرها وقلت بهمس : المشكله شكلك ما يشجع على الرومنسيه

قالت : نعم

قلت بصوت عالي : اقولك فديت الرومنسيه

نزلت راسها بحيا وقالت : فديت قلبك

قلت : بوديك مكان بعيد مره .. وظلام .. بس مشكلته هالمكان انه مرعب ومافيه احد

قالت : الله مكان مافيه الا انا وانت

مالت عليها .. انا ابيها تخاف .. بس ما الظاهر هذي تخاف .. تدرون خل نتسلى مع ذي اليوم .. وبكره نطلع مع خويتها .. لان خويتها ماشاء الله حلوه


.................................................

___________________
بيت مشعل .. الساعه 10 : 00 مساءً
___________________

** رهف **

بعد ماتعشيت مع مشعل .. قصدي بعد ماجلست على الطاوله .. لاني ما اكلت شي .. ركبت فوق الصاله .. اخذت التلفون ودقين على الريم .. محتاجه اسمع صوتها

ردت قالت : هلا وغلا رهوفه

من سمعت صوتها .. جاتني الظيقه .. تذكرت ايامنا مع بعض بالمدرسه

قالت : اخبارك ............ سوري رهف اليوم دقيتي علي وكنت مع محمد وما ... الووووو انتي معي .. وينك رهف ............ الوو

قلت والدموع تطيح من عيوني : ريوم بموت

قالت بخوف : بسم الله عليك حبيبتي .. وش فيك رهف

قلت بصوت متقطع : مــا.ـر.. رر .. اح

قالت بنفاذ صبر : رهف تكلمي ماراح وشو ؟

قلت : ماراح اكمل دراسه

قالت بأنفعال :وش تقولين انتي .. احلفي .. من جدك

قلت : والله العظيم .. مشعل ما يبيني اكمل دراسه

قالت وصوتها باين عليه انها تبكي : وشلون اخر سنه لك .. حاولي فيه .. ما اقدر اكمل دراسه عنك

غمضت عيوني و قلت : ريوم اذا تحبيني .. بتكملين دراسه .. عني وعنك .. انا اذا شفتك متخرجه .. ودكتوره ناجحه .. بحس نفسي انا اللي متخرجه

ماردت علي جلست تبكي .. بعدين قالت : انا ما اصدق اللي اسمعه .. رهوفه حنا بندرس الطب مع بعض

يوم قالت الطب .. بعدت السماعه وجلست ابكي .. ما ابي الريم تسمع صوتي وانا ابكي كذا ..كل مامسحت دموع .. ترجع تطيح دموع جديده.. اخذت السماعه مره ثانيه ..قلت : الووو .. ريوم حبيبتي لا تبكين

قالت وصوتها مبحوح : ليه مايبيك تكملين

قلت لها : سالفه طويله .. اللي فهمته منها ان فيه واحد
قال له اني اعرف واحد اسمه عبد الرحمن.. من وين طلع لي هالواحد مدري

قالت : وكيف يصدق على طول

قلت : يقول شاف جوالي .. (( رجعت ابكي بصوت عالي )) ااخ بموت قهر يا الريم .. ماتدرين قلبي كيف يحترق

سمعت صوت احد يتحرك وراي .. قلت للريم : لحظه

لفيت ماشفت احد .. الظاهر يتهيأ لي


^*^
/
\
/
\
/
\
/
\
/
^*^


***** نهاية الجزء السابع عشر *****

ينتظر ابطالنا بين ثنايا ايامهم اشياء كثيره .. البعض منها حزين والبعض الاخر مفرح

تابعوني .. صاحبة الكلمه
__________________

[@ همس الغلا @]

...:::][ الجزء الثامن عشر ][:::...

___________
بيت الريم ..الساعه:1:00 مساءً
___________


** الريم **


كنت فاتحه البوم الصور .. اشوف صور تخرجي من الثانويه .. كل صديقاتي معي .. الا اهم صديقه ..اللي كان حلمي وحلمها ناخذ شهادة الثانويه ..وشهادة الطب مع بعض .. رهـــف .. يااه هالسنه اطول سنه دراسيه مرت علي ..اروح المدرسه والدمعه بعيوني .. ابي متى بس ارجع البيت وانزلها
فتحت رهف باب غرفتي .. وقالت : وانتي للحين جالسه هنا .. والمنشفه على راسك .. انزلي بسرعه سوي شعرك .. الكوافيره تنتظرك

مسحت الدموع اللي طاحت من عيوني .. وقلت لها : انتي ماراح تسوين شعرك

قربت مني .. وقالت : لا حبيبتي ..انتي تعرفيني ما اسوي في شعري شي .. راح افكه بس

قلت لها : ايه ناعم وش عليك

مسكت وجهي .. ولفته عليها .. قالت : تبكين وفي يوم عرسك ؟

اخذت المرايا ..وناظرت في وجهي .. قلت لها : واضح يعني اني كنت ابكي

قالت : طبعاً

قلت وانا اضحك : دموع الفرح على قولتهم

سحبتني .. وقالت : قومي بس .. لا يشوفك اخوي ويتخرع

تركتها وقلت : اما عاد يتخرع .. اللي يسمعك يقول بيشوفني الحين

مسحت على شعري وكملت كلامي بدلع : اول .. بسوي لي تسريحه .. بحط لي ميك اب .. بلبس فستاني الابيض .. وبغني اغنية ميامي

انا الليله انا وهو هنا وايدي بيدينا

والليله الحسد وهو الحسد سما علينا

انا والله ووصل قلبي وحصل اللي في بالي

الدنيا ضحكت وجمعت غالي بغالي

الليله غير الليالي .. كلولولولوليـــش

وجلست اضحك انا ورهف ..بعد ماوقفنا ضحك .. مسكت رهف الالبوم .. قفلته انا على طول عشان لا تشوفه .. قالت مستغربه : ليه قفلتي الالبوم ؟

انا قفلته بصراحه .. لاني ما ابي دموع في يوم عرسي .. بس انا ضيعت الموضوع وقلت : ماراح ننزل ؟

مسكت يدي .. وقالت : يللا ننزل يا عروسة ابها

قلت وانا اناظرها بقهر : وش قصدك بعروسة ابها .. لايكون تتشمتين علي ..؟

حطت يدها على فمها .. وكانها تحبس ضحكتها .. وقالت : لا ابد

قلت : وش فيها ابها يعني .. تجنن

قالت : هههههههه .. ماقلنا شي .. واصلاً انتي لو تجلسين في صحراء .. بتصير الصحراء حلوه لانك فيها

ابتسمت لها .. وطلعنا من الغرفه .. وحنا ننزل الدرج دق جوالها .. ردت وقالت : هلا محمد .. وش تبي بعد كل شوي داق ..تخيل اوصفها لك بتشوفها الليله .. اوووه محمد لا تأذيني .. ان شاء الله ..لا والله تبي ظهري يتكسر ... اما عاد اوصل لها قبلاتك واشواقك وين حنا فيه .. طيب باي

قفلت وجلست تضحك .. قلت لها : وش يبي محمد

قالت : يقول لي خلي بالك من الريم .. عاملوها اليوم معاملة اميره .. لا تخلونها تمشي على الارض لا يتعبون رجلينها .. احملوها على ظهوركم .. قلت له تبي ظهري يتكسر

تخصرت وقلت لها : وليه يتكسر ؟.. قالولك انا دبه

قالت : لا يكون تبيني احملك ؟

هزيت راسي .. قالت : انتي تحمليني ايه .. بس انا احملك لا

ناظرت في جسمي وكملت كلامها : صدقوني اللي قدامي فيل مو بشر

دفيتها بقوه .. وقلت : مالت عليك .. انا اضعف منك

حطت يدها مكان مادفيتها وقالت : آآآآي عورتيني

مسكتها وقلت :عورتك ؟ ..لا تقولين لأحد اني دفيتك .. لاتطلعين حامل وابتلش فيك

قالت : ايه لو اطلع حامل .. ويصير فيني شي من دفتك هذي .. كان يذبحك مشعل

قلدت صوتها : كان يذبحك مشعل .. يااي .. امشي بس .. قال يذبحني قال


..................


___________
بيت العمه ..الساعه :8:00 مساءً
___________

** حنان **

جالسه اتعدل من الساعه 6 المغرب .. وللحين ماخلصت .. اووف مو راضي يضبط الميك اب

دخلت الهنوف الغرفه .. وقالت : بل للحين ماخلصتي ؟

لفيت عليها وانا اعدل شعري .. قلت :ايه للحين ماخلصت

جات امي ..بعدت الهنوف من عند الباب .. وقالت : اوف منك .. وش دخلك .. خليها تتزين ان شاء الله تتزين للفجر .. اجل انتي حاطه مكياج ازرق فاتح وكحله .. وتبين تروحين العرس .. هذا شكل بالله عليك

سكتت الهنوف .. قلت انا : لازم اصير احلى من رهــفوه وصديقتها

قالت الهنوف: اي صديقه ؟

قلت : الريم بعد مين

ماتت ضحك وقالت : لا تضحكيني عاد .. هههههههههههههه تبين تصيرين احلى من العروس ؟

ناظرت في المرايا وقلت : ياما وياما رحت عرس .. طلعت فيه احلى من العروس

قالت امي : ماشاء الله بنتي حنان .. آيه من الجمال

كانت الهنوف بتطلع .. بس مسكها اخوي فيصل اللي كان جاي من غرفته .. وقال : هنوفه صايره حلوه فديتك

قلت انا بصوت عالي : لانك ماشفت الحلوه اللي داخل

طل فيصل مع الباب ..وقال : بسم الله الرحمن الرحيم .. وش هذا .. حنانوه حاطه علبة المكياج كلها بوجهك ههههههههههههههههههههههههههههه

تكتفت معصبه .. وقلت : اصلاً انت وش عرفك للحركات .. والموضه


~~)(~~وينك يادفى سنيني تعب قلبي الم وفراق
خريف البعد يطويني وتبكي حولي الاوراق ~~)(~~


اغنية بشار .. كانت نغمة جوال فيصل .. حط يده بجيبه.. طلع الجوال .. قربه عند اذنه .. وقال : هلا نايف .. ايه اكيد بجي معكم نزف محمد .. ولا يهمك .. مسافة الطريق وانا عندكم .. الله معك

رجع الجوال بجيبه .. وجا عند المرايا .. ناظر شوي وقال : شكلي بطلع احلى من المعرس

قالت امي للهنوف : شفتي فيصل طالع على حنان

قالت هنوفوه بصوت واطي : مستحيل فيصل يكون مثل حنان

رميت عليها الفرشه اللي بيدي .. وقلت : تحسبين ماسمعتك

اخذ فيصل الفرشه من الارض .. ورماها علي وقال : مره ثانيا لا ترميها على اختك

اووف بسكت عنه .. لا يرمي علي شي ثاني ويخرب الميك اب حقي .. غبي يسويها



..................





** الهنوف **


اخذنا فيصل للعرس .. وحنا بالسياره كل دقيقه جوال حنان يدق


~~)(~~انت بحري وانا اليم يقولون اللي يقولون انا بحبك متيم
خلي الحساد يموتون انت في قلبي غالي لو عنك يسالون ~~)(~~


ناظرت في حنان .. قلت لها : ردي عور راسنا جوالك

قالت :وانتي كل شي يعور راسك يا الملقوفه .. ما ابي ارد .. انا حره

قلت : كيفك

قال فيصل وهو يسوق : صحيح ليه ماتردين .. من اللي يدق عليك ؟

قالت وشكلها تلعثمت : أأأ.. وحده من البنات .. نشبه ما ابي ارد عليها

قالت امي : وش فيكم قمتوا عليها مسكينه .. ماتبي ترد خلاص

ايه هين هذي مسكينه .. كلنا مساكين الا هي .. مدري من وين طالعه ..ماتحبني ولا كاني اختها ..على طول تقول عني انانيه وحقوده.. وابي اخذ منها كل شي .. مع اني احبها واحاول ارضيها بأي طريقه .. ما اقول الا الله يهديها

مرينا على شارع مظلم .. وفاضي .. فتحت وجهي بعدل الشيله بسرعه .. قالت اختي حنان بصوت عالي : فيصل .. الهنوف فاتحه وجهها

قال فيصل بصراخ : هنــوفــه غطي وجهك

خفت من صرخة فيصل .. وغطيت وجهي على طول ....!!!!!!! هذي ليه تحب تقهرني ؟؟


.
.
.


وصلنا للعرس ..وقبل ما انزل .. قلت لفيصل : تعال لنا الساعه 12 مانبي نتأخر

قالت حنان : الا نبي نتأخر ولا تجمعين

قال فيصل : على العموم انا هنا ماراح ارجع البيت .. متى ماحبيتوا ترجعون دقوا علي .. اوكي


نزلنا من السياره .. واول مادخلت شفت رهف تكلم وحده من بعيد .. وكانت لابسه فستان فيه الوان كثير .. بنفسجي وعنابي واحمر .. فيه سلاسل طايحه عند الخصر وعند الكتوف ..قصير من قدام وطويل من ورا .. ومكياجها مره يجنن .. اشرت لها .. جاتني على طول سلمت علي .. وسلمت على امي واختي حنان .. وقالت : تو مانور العرس والله

امي وحنان كانوا ساكتين .. قلت انا : والله منور بوجودك

قالت وهي تضحك : بس اذا دخلت الريم ..محد بيصير منور غيرها

ضحكت وقلت لها : ايه وانتي الصادقه .. بس رهوفه صايره مره حلوه

مسكت يدي وقالت : وانتي احلى .. يللا وش فيكم واقفين

وقربت راسها من اذني : امشي عشان نرقص مع بعض

مسكتني حنان من يدي الثانيه .. وقالت وهي تبتسم ابتسامه بايخه : لا حنا بنروح الحمام (( الله يعزكم )) عشان نشيك على شكلنا

تفشلت من طريقة اختي في الكلام .. عشان كذا قلت : ايه صح بشوف شكلي .. تعرفين يعني لازم

هزت راسها ومشت

دخلت الحمام (( الله يعزكم )) ورى اختي حنان وامي .. ناظرت شكلي بالمرايا شوي .. وفصخت العبايه .. لفيت على اختي حنان .. شفتها تفصخ عبايتها .. ناظرت في تنورتها .. قصيره مره .. لو انا مكانها كان استحي امشي فيها قدام الناس .. وش بيقولون عني .. طبعاً لو اقول لها هالكلام بتهاوشني .. وبتسوي لي سالفه .. اسكت احسن ..صح ماقلت لكم انا وش لابسه .. ترا لبسي عادي .. تنوره بيضا للركبه .. فيها كسرات .. ولابسه بلوزه زرقا .. ولابسه حلق دائري كبير باللون الازرق .. وعقد بنفس اللون .. وفاكه شعري

المهم لفيت اناظر في المرايا مره ثانيه .. سمعت حنان تقول : يمه الميك اب حقي مثل ماهو صح ؟ .. اف شعري كان احسن في البيت .. التكيف في سيارة فيصل مره زفت

قالت امي : كل شي فيك حلو .. والله

مسكت حنان شعري من تحت .. شدته بقوه وقالت : هالشينه شعرها احلى من شعري .. مفروض انا اخذه .. لاني احلى منها

عدلت شعري وسكت عنها .. شفت امي تمسح على شعرها وتقول : بالعكس شعرك وش حلاته .. فيه ناس كثير تتمنى شعرها مثلك .. ولا وش رايك الهنوف

ناظرت في شعر اختي حنان .. يمكن فيه ناس تتمنى شعرها مثل شعرها ليه لا .. قلت : ايه صحيح

قالت حنان بثقه : اجل يللا خلونا نطلع

اخذت امي من شنطتها منديل ..ومسكت وجه حنان وقالت : لحظه حنونه .. بعدل لك الكحله .. تحت عيونك صاير اسود

سندت ظهري على الجدار .. انتظرهم يخلصون .. شوي وطلعنا .. رحنا جلسنا بنفس الطاوله اللي فيها ام مشعل وشجن طبعاًَ بعد ماسلمنا عليهم .. جاتنا نجود سلمت علينا وجلست .. قالت : وين رهف حسبتها معكم .. كانت معي ..بس ضاعت مني في الزحمه

ناظرت في اللي يرقصون .. شفت رهف ترقص معهم .. قلت وانا اضحك : مو كانها ذيك اللي ترقص

وقفت نجود وقالت : شوف هذي ..انا ادور عليها وهي جالسه ترقص

قالت حنان : ليه زوجة اخوك رقاصه ؟

ردت عليها نجود .. والظاهر ماعجبها الكلام : عرس صديقتها .. لا وعرس اخوها بعد.. وماتبينها ترقص وتستانس ..!!

تكلمت ام مشعل مع شجن في نفس الوقت : صادقه نجود

قالت حنان : نمزح عاد

جات رهف وسحبتني .. قمت وانا اقول لها : وين .. لا ما ابي ارقص

قالت : ترقصين غصب عنك

قلت : لا الله يخليك .. استحي ..ما ابي

تركتني وقالت : ترا بزعل منك

امري لله .. رقصت معها لاني ما اقدر على زعلها .. خلصنا رقص ورجعنا جلسنا على الطاوله .. اول ماجلست قربت مني حنان وقالت : اشكالكم تحفه وانتوا ترقصون

طنشتها كالعاده .. جات حرمه تقول وهي تأشر علي انا ورهف : انتوا خوات ؟

ناظرنا في بعض .. وقلنا : لا

قالت وهي تبتسم : ماشاء الله تشبهون لبعض .. اللي يشوفكم يقول خوات ،،،، ناظرت في رهف ،،،، انتي متزوجه ؟

قالت رهف : ايه متزوجه

قالت ام مشعل : هذي زوجة ولدي

قالت الحرمه : انتي ام مشعل ،، باستها ،، تصدقين ما انتبهت لك .. اخبارك .. واخبار الاهل

قالت ام مشعل : والله الحمد الله بخير

قالت الحرمه مستغربه : زوجة اي ولد .. نايف ؟

قالت ام مشعل : لا ولدي مشعل

هزت راسها واشرت علي : هذي بنت مين

قالت امي : بنتي

قالت الحرمه : ماشاء الله وش هالجمال .. كم عمرها ؟

نزلت راسي مستحيه .. تجاهلت امي السؤال .. وحطت يدها على ظهر حنان ..قالت : هذي اختها الكبيره حنان

لفت علي الحرمه وقالت : انتي تدرسين ؟

هزيت راسي .. قالت : اي سنه

قلت بخجل : تخرجت من الثانويه .. وبدرس طب ان شاء الله

فتحت عيونها الحرمه .. وقالت : ماشاء الله .. الله يوفقك يابنتي .. وش اسمك ؟

قلت : الهنوف

قالت : عاشت الاسامي .. يللا انا اخليكم الحين

راحت وعلى طول دفت كتفي شجن وقالت : انعجبت فيك الحرمه

مديت لساني وضحكت .. ناظرت رهف في الساعه .. ووقفت

قالت ام مشعل : رهف وين بتروحين ؟

قالت : خالتي بروح للريم .. الحين بتدخل

راحت وشوي الا والانوار تنطفي .. ودخلوا مجموعه من البنات صغار يعني بعمر رغد تقريباً .. لابسين لبس الفراشه .. على اغنية .. ’’ ابتدي ياحب ’’ .. للجسمي

ابتدي يا حب وارسم
في سما هاليله قلبين
اكتب الريم بالاول
واكتب الثاني لمحمد
او يجيلك راي وأكتب
ماله داعي ترسم اثنين
اكتب الاسمين لاكن
حطهم في قلب واحد....
يالفرح طرز مساهم
وانثر الاحسااس ما بين
حب وأشواق وتهاني
ود وأنغام وقصايد
دام هذا اليوم تاجه
عرس آل ذوق والزين
عرس نسل العز نسل
مجد والتاريخ شاهد....
يا ألاه الكون سلم
حبهم من شر كل عين
بالهنا طول عمرهم
واعمي عنهم كل حاسد
واحفظ منيره وخالد
مثل ماهم احلى رووحين
صوونهم بالخير واجعل
بيتهم بالعز شارك
وابتدي يا حب وارسم

الحركه كانت مره تجنن

بعدين دخل سعد اخو رهف .. يرقص لحاله على اغنية ’’ عيون كحال ’’

اخافك يا عيون اكحال
انا ما اقوى الولع فيني
عشقت الحل والترحال
وشفات الهمس تغريني
يعانق خاطر الجوال
نسى يوم ليل تسبيني
واشوف الليل مهما طال
بها الاشواق تغذيني
توجد خافقي وماقال
على منقفاه يسقيني
قنوع النفس انا والحال
عدله بموازيني
ضحت شمسك ولقيت اظلال
وانا لي ضل يحميني
انا عمري ابتدا رحال
سماحك لي تعذريني


قالت شجن : لا انا في عرسي محد سوالي حركات حلوه كذا .. دخلوني على طول

ضحكنا كلنا .. قالت ام مشعل : اسكتي بس عرسك قديم ومن زمان

قالت : لا والله عرسي مو قديم .. كان حلو .. بس ناقصه وليد يدخل يرقص على اغنية هلي لا تحرموني منه

قلت : ماتبي نفس الحركه .. الا ونفس الاغنيه بعد ههههههههههههههه

قالت شجن : بس بس .. اسكتوا دخلت العروس

لفيت شفت الريم وهي تدخل .. كانت كلها على بعضها تجنن .. فستانها وتسريحتها .. بس مكياجها مااشوفه زين لان بعيد .. بس باين عليه حلو .. دخلت على اغنية شيخة الزينات .. سمعت شجن وهي تقول : مالت علي .. لكن هنوفوه في عرسك مافيه تصيرين كذا

قلت : وليه ما اصير ان شاء الله

قالت حنان وهي لاويه فمها : انا اشوفها عاديه .. توقعتها احلى

شهقنا انا وشجن وقلنا مع بعض : اما عاد

قالت لي شجن بهمس : لفي بس عنها .. هذي ماعندها ذوق

قالت حنان : والله ذوقي احلى من ذوقك

عضت على شفايفها شجن وقالت : سمعتنا

هذي اذنها .. اذن ارنب .. وشلون ماتبينها تسمع

ناظرت في الريم وهي تجلس على الكوشه .. بصراحه رهيبه .. سمعت امي تقول : هلا ام سلمان .. شخبارك

لفيت عليها .. شفت الحرمه تسلم عليها وتقول : بخير الحمد الله .. بس ابي اسألك هذي بنتك ؟

اشرت امي على حنان وقالت وهي تبتسم : ايه هذي بنتي حنان

اشرت علي وقالت : لا اقصد هذي

اختفت الابتسامه من شفايف امي .. وقالت : اها .. ايه بنتي الهنوف


................................


** محمد **

كنت جالس برا مع فارس وخالد ونايف ومشعل وفيصل وابوي والرجاجيل يعني .. طفشت .. روحي بتطلع .. ابي ادخل اشوف الريم .. ورهف مو راضيه تعطيني اشاره عشان ادخل .. دقيت على جوالها .. ردت : الووو هاه محمد

قلت : متى بدخل

قالت :بعد ربع ساعه

اوف كثير ..قلت لها : طيب .. باي

قفلت ..وجلست اروح واجي .. وبعد عشر دقايق .. دقت علي مره ثانيه .. تقول : يللا محمد تعال عند الباب .. انا وامي ننتظرك

رحت بسرعه .. ماصدقت على الله .. دخلت .. و يوم وصلت للريم .. بست راسها .. ووقفت بجنبها عشان نصور .. ما اقدر اوصف لكم شكثر كانت حلوه ..تجنن .. ملكة جمال .. جلست معاها على الكوشه .. قلت لها : مبروك عليك

قالت : الله يبارك فيك .. مبروك عليك انت بعد

قلت لها : الله يبارك فيك .. ريمي .. انتي احلى عروس شفتها بحياتي

قالت : ليه كم عروس شايف ؟

ضحكت وقالت : ماشفت غير حبيبتي اللي واقفه قدامي

جات رهف عشان تصور معنا .. ومن بعدها امي وسعد صوروا معنا بعد .. شوي ودخل ابو الريم مع اخوها خالد وفارس .. صوروا معنا وباركوا لنا .. شوي و راح فارس مسك المايك والقى قصيده عشان الريم قصيده انا مستغرب من جراءته .. بس اعرفه فارس ماألقى القصيده .. الا عشان يتخبلون عليه البنات .. احسه مغرور بزياده .. عكس اخوه خالد متواضع .. الا صح وين اخوي يوسف ؟؟.. مو معتبر لعرسي اي اعتبار وش هالاخ الفاشل


..................................
__________________




** يوسف **


كنت راجع مع اخوياي الشقه .. بعد ماسرقنا اووه سوري قصدي نظفنا محل لأجهزه كهربائيه .. دخلنا وجلسنا .. قال ياسر : يللا شباب كل واحد ياخذ نصيبه من هالتنظيف

جلست ادخن بدون اي اهتمام ..قال عبد العزيز : مثل ما اتفقنا .. اكثر واحد يخاطر بنفسه .. ياخذ النصيب الاكبر من التنظيف

قال ياسر : يعني يوسف ياخذ النصيب الاكبر

قلت انا : طبعاً

بعد ما اتفقنا على كذا .. وقف حمد وقال : انا بعد خاطرت بنفسي .. يعني تعطوني مثل اللي عطيتوه ليوسف

ضحكت بسخريه وقلت : وش جالس تخربط .. استريح مكانك بس ياشيخ

قالوا ياسر وعبد العزيز : صحيح حمد انت تاخذ نفس اللي اخذناه حنا .. مو نفس اللي اخذه يوسف

قال بعصبيه وهو يصارخ ويأشر بصبعه : قسم بالله ان ماعطيتوني مثل اللي عطيتوه يوسف .. بعلم عليكم واحد واحد

وقفت وقلت : علم وتشوف شي عمرك ماشفته

قرب مني وحط يده على رقبتي ..بعدت يده .. وطلعت سكين من جيبي .. خاف وبعد عني على طول

قال ياسر : لا يوسف استهدي بالله مانبي مشاكل

قلت ببرود : خلوا هالكمخه .. يتقلع عن وجهي .. وانا مابسوي مشاكل

قال عبد العزيز .. وشكله خايف : عطوا حمد اللي يبيه وفكونا

دخلت السكين بجيبي .. قلت وانا اهز راسي : لا ماياخذ اللي يبيه .. على كيفه السالفه

وقف حمد يبي يطلع من الشقه .. سحبته ورميته على الارض .. وقلت : انثبر مكانك وبلا لعب بزارين

~~)(~~خبروه اني على وصله حيت
وان تفارقنا ترى موتي دنا ~~)(~~

سمعت نغمة جوالي ..ناظرت هنا وهناك .. شفت الجوال على الكنبه .. رحت اخذته عشان اشوف من اللي يتصل شفت ..%بسام N%يتصل بك ..اممم هذي نوال ..لازم ارد عليها .. لانها خويتي الجديده

لفيت على هالشله الزفته .. وقلت : المهم تفاهموا مع بعض .. وعطوا هالثور اللي يبيه .. اهم شي نصيبي مايتغير

دخلت الغرفه ..رديت عليها : هلا وغلا نونو حبيبتي .. اخبارك

قالت : بخير .. وانت

قلت : تبيني اسمع هالصوت .. وما اصير بخير ؟

ضحكت وقالت : ليه مارديت علي بسرعه

قلت لها بسرعه : لاني الحين في الشركه .. وابوي معي .. فمارديت على طول

قالت مستغربه : الشركه هالوقت ؟

وش تبي ذي بعد ماتصدق .. وش اقول لها .. قلت : لان اليوم عندنا شغل كثير

قالت : الله يوفقك

قلت : الجميع

سكتت شوي .. وقالت : يوسف انا ابي اسالك سؤال مهم

قلت : اسألي يابعد عمري

قالت : انت تعرف وحده اسمها مي ؟

مي ؟؟ مر علي هالاسم قبل .. بس وين ؟؟... وين ياربي .. ايه صح ميوه الدبه الخايسه .. اللي رقمتها في سوق الراشد .. بسوي حالي مو ذاكرها .. قلت : اي مي .. ما اعرف وحده بهالأسم !!

قالت : يوسف قول الصراحه .. لاني شفت رقمك في جوالها .. وحافظته بأسم (نور عيوني )

عمى بعيونك .. قال نور عيني قال ..قلت : ايه مي .. صح ذكرتها .. هذي هي اللي عطتني رقمها .. ولاصقه فيني .. ولا انا ما ابيها .. لان مافيه بقلبي الا انتي .. يالبى قلبك

قالت بوناسه : والله يوسف .. حتى انا مافيه بقلبي الا انت

كذا البنات .. تضحك عليهم بكلمتين


....................................ز...


** فيصل **

كنت انتظر امي وخواتي .. عشان نرجع البيت .. شفت نايف واقف عند سيارته .. حاط يده على خصره .. واليد الثانيه ماسك فيها الجوال .. وبجنبه وحده.. اكيد نجود .. رحت لعنده .. سمعته يقول وهو معصب : اوه مشعل جواله مقفل

قلت : نايف وش صاير

قال.. بعد مارجع الجوال بجيبه : مدري وش فيها سيارتي ماتشتغل .. ومشعل اخذ زوجته وامه وراح .. ومقفل جواله

قلت : افا عليك .. تعال معي .. انا الحين برجع امي وخواتي

ناظرني بنص عين .. وقال : انا بجي معك .. بس مو تجلس كل دقيقه والثانيه تقول لي .. انا وصلتك .. وانا وديتك .. مسوي فيها تمن علي

ضحكت وقلت : امش بس

المهم ركبنا السياره كلنا .. نجود وامي وحنان والهنوف ورا .. وانا ونايف قدام

كنت حاط اغنية نبيل شعيل ( مانسيتهم )

قالت حنان شي ماسمعته .. قلت : وشو حنان تكلميني

قالت بصوت هادي : اقولك غير الاغنيه .. ما احب الاغاني الرجه .. احب الاغاني الهاديه الرومنسيه

قلت : غريبه حنان تتكلم بهدوء .. مو على غير العاده

قالت : فيصل عاد

قالت الهنوف : خليها الاغنيه احبها

قلت : وانا اقول نايف على من طالع يحب هالاغاني .. اثاريه على اختي الهنوف .. على العموم بغير الاغنيه

قال نايف : اووه .. لا تحط لنا اغانيك البايخه .. خلاص خل هالاغنيه

خليتها .. وصلت بيتنا .. اول ماوقفت قال نايف : وش فيك نسيتنا ؟ .. ماراح توصلنا

قلت : ايه صح نسيت انكم معي.. بنزل الاهل اجل .. وبوديكم

هز نايف راسه وقال : مايعتمد عليك

المهم نزلت الاهل .. ورحت بيت نايف .. وقفت قلت لنايف : نايف الله لا يهينك جيب لي مويه

ناظرني وقال : من انت عشان اجيب لك مويه

قلت بملل : بدينا

قال : ماينمزح معك انت .. الحين انا بدخل بشرب مويه وبجيب لك معي ؟

نزل نايف.. ونزلت نجود وراه ..ناديتها : نجودوه .. نجودوه

قالت وواضح انها تعبانه ومالها خلق : اسمي نجود لو سمحت

قلت : زين نجود .. اخبارك ؟

قالت : الحين تناديني عشان تسأل عن اخباري ؟

قلت : وش فيها يعني .. وبعدين غريبه .. ليه مغطيه وجهك عني

قالت : اولاً حاطه في وجهي ميك اب .. ثانياً انا حره اغطي وجهي وقت مابغيت

قلت : اول مره اسمع ناس تحط لها في وجهها سفن اب

قالت : تستهبل

ايه جات في بالي فكرة نذاله .. بسوي حالي افتح وجهها .. بشوفها وش تسوي

قربت منها .. ومديت يدي بشويش .. مسكت الغطا .. صرخت صرخه قويه .. فقعت اذني .. بعدت عنها بسرعه

جا نايف يركض .. يقول : وش صاير .. وش فيها نجود

خفت من نايف يوم جا .. ماتوقعت ردت فعلها كذا .. قلت : شافت حشره ووووو .. ووووو

قال : علقت على حرف الواو ؟؟

كملت كلامي : ووو جلست تصارخ

قال نايف : جودي ادخلي داخل .. عشان ما تشوفين حشرات .. صحيتي النايمين الله يهديك

قالت بصوت واطي وهي تمشي : اوريك

لفيت وجهي .. عشان لايشوفني نايف وانا اضحك


.................................................


_______________
ابها .. الساعه : 2:30 مساءًُ
_______________


** الريم **


رجعنا من العرس امس انا ومحمد تعبانين .. مانمنا الا الساعه 6 الصبح .. وصحينا الساعه 9 .. عشان نجي لأبها .. مامداني حتى اروح لأهي .. كلمتهم في التلفون .. وكلمت رهف بعد .. اول ماوصلنا هنا محمد كمل نومه .. بس انا مو نعسانه .. جايبه لي كرسي جالسه عليه .. وفاتحه الدريشه .. الهوا هنا جنان .. ليت جونا كذا

سمعت صوت محمد يقول : ريمي قلبي قفلي الدريشه .. الشمس على عيوني

وقفت ورحت عند السرير .. وقلت : اي شمس .. مافيه شمس .. قوم عاد .. مو مخليني لحالي ونايم

غطى وجهه وقال : بس شوي

سحبت الغطا وقلت : حبيبي يللا عاد .. قوم .. نبي نروح نتغدا

ماطاع يقوم .. اخذت الجوال

فتح عيون وحده وقال : وش بتسوين

قلت : دام انت نايم وانا جالسه لحالي .. اكلم اهلي احسن

قام على طول .. سحب من عندي الجوال وقال : اي تكلمين اهلك .. الظاهر التنكيت صار من هواياتك

ضحكت وقلت : اجل يللا قوم

وقف وقال : طيب حبيبتي .. هذا انا قمت .. روحي تلبسي .. وانا بصلي وبلبس .. عشان نطلع ..لا تلبسين صيفي .. ترا الجو بارد

.
.
.

طلعنا من الشقه .. ورحنا مطعم تغدينا .. بعدين جلسنا نتمشى ونسولف .. شفنا ولد صغير يشرب عصير ..يجنن .. مسكه محمد .. ونزل نفسه عشان يصير بطوله .. قال له : وش اسمك ياقمر

قال الولد : محمد

قال محمد : حتى انا اسمي محمد .. اجل تقرب لي

وجلسنا نضحك .. انقهر منا الولد .. الظاهر حسبنا نضحك عليه .. كب العصير اللي بيده .. علي .. وراح يركض

وقف محمد .. وراح يركض وراه وهو يصارخ (( والله لوريـــك )) .. بدال ما اعصب .. جلست اضحك على شكل محمد وهو يركض ورا الولد .. مسكه محمد .. حمله وجابه لعندي .. والولد يرافس .. قال له : اعتذر منها

قال الولد : ما ابي

وانا ماوقفت ضحك .. قال محمد : غصب عنك تعتذر .. ولا شفت النافوره اللي هناك .. برميك فيها

قال الولد بخوف : لا الله يخليك لا ترميني .. برد

قلت : محمد خله عاد .. صغير مايدري

قال محمد : يللا اعتذر من زوجتي

قال الولد : انا اسف

حطه محمد على الارض .. وقال : يللا روح

من راح الولد .. لف علي محمد .. وقال : تبللتي كلك

قلت : لا .. بس العبايه راحت فيها

قال : حياتي بتبردين

مسكني وكمل كلامه : اجل بحملك وبنرجع الشقه

شلت يدي من يده بسرعه وقلت : حمودي وين تحملني .. ترانا في ابها .. مو في باريس

حك راسه وقال : مو هنا المشكله .. المشكله ان الجو مره بارد .. وبتمرضين ان جلستي كذا

فصخ الجاكيت اللي عليه .. وحطه على كتوفي .. مسك يدي وقال : امشي حبيبي .. بشتريلك عبايه جديده .. السوق قريب من هنا

هزيت راسي ومشيت معه .. وفرحت في نفسي لان محمد يهتم فيني ويحبني اكثر من نفسه .. مثل ما انا احبه واموت فيه


^*^
/
\
/
\
/
\
/
\
/
^*^


**** نهاية الجزء الثامن عشر ****

كل حبي .. صاحبة الكلمه
__________________

[@ همس الغلا @]

...:::][ الجزء التاسع عشر][:::...


____________
بيت العمه .. الساعه : 4:00 مساءً
____________


** حنان **


كنا كلنا متجمعين في الصاله .. الهنوف جالسه تلعب مع وليد بلاي ستيشن .. وانا جالسه اسولف مع امي عن عرس الريم .. سألت امي اذا شافتها حلوه اولا .. قالت عاديه .. انا اشوفها اقل من عاديه .. اممم اويمكن حلوه شوي .. لالا وش حلوه شوي وش جالسه اقول انا .. الا شينه وتفشل بعد ..طالعه على خويتها رهفوه

قالت امي : تدرين .. احس كل الحريم اللي في العرس .. يناظرون فيك ياحنان .. اشكالهم تقول من بنته هالمزيونه

لفيت وجهي .. وقلت بقهر : لا تضحكيني يمه .. لاناظروا فيني ولاشي .. كله من هذي الشينه هنوفوه .. لو ماجات معانا احسن .. انا قلت لك يمه مانبيها .. خربت علي ..تخيلي .. إلى طلعتنا من العرس .. والحريم يسألون عنها ويناظرونها .. ابي افهم وش شايفين فيها .. ودي اخذها وارميها بعيد .. اوف مقهوره منها مره .. موقادره حتى اناظر فيها

سمعتها تقول : وش دخلني انا

قلت بصوت عالي شوي : ولا كلمه .. ما ابي اسمع صوتك ..انتي اصلاً حقوده .. وتغارين مني .. وتبين بس تقهريني .. مدري على مين طالعه

قالت امي : حنان حبيبتي خلاص ..الهنوف صادقه وش دخلها .. ماسوت شي

من القهر لفيت على وليدوه .. وصرخت عليه : انت وش فيك مبسط في بيتنا من الظهر .. ماعندنا احد بعمرك عشان تجي

قالت الهنوف : حنان وش تقولين ..هذا بيت خالته يجيه بأي وقت ..وبعدين انا اللي قلت له يجي يلعب معي بلاي ستيشن

قلت : لانك بزره .. اجل وحده بعمرك تلعب بلاي ستيشن

قالت : اجازه وماعندنا شي

اقوم عن هالمجانين احسن لي .. قسم بالله متخلفين من كبيرهم لصغيرهم

قمت عنهم ورحت الصاله .. مسكت التلفون ودقيت رقم بيت خالي .. لعلى وعسى يرد علي نايف البارد

.. : الـــو نعـــم

ايه هذا نايف ..صدقوني نايف .. اعرف صوته .. لازم ادلع صوتي شوي

قلت بدلع : الــو .. السلام عليكم

قال : وعليكم السلام ورحمة الله وبركاته

بسوي حالي مو عارفته : كيف حالك مشعل

قال : والله بخير نحمد الله .. بس انا نايف مو مشعل

ضحكت ضحكه هاديه وقلت : اسفه والله اعذرني نايف .. تعرف يعني مانسمع اصوات بعض كثير بالتلفون .. فمانميز

توقعت بعد كلامي .. يسألني من انا .. بس طنش كلامي وقال : امري اختي ؟

ثقله هذا يقهرني .. ابيه يعرف ان اللي تكلمه حنونه بنت عمته .. قلت له : لحظه نايف

بعدت السماعه شوي عني .. وقلت بصوت كله طيبه وحنيه : وليد حبيبي مو قلت لك الف مره لا تركض .. حياتي اخاف عليك تطيح وتتعور .. وحنا ماعندنا غير لودي واحد

سكت شوي بعدين قلت : ايه وليد بشتري لك اليوم شوكولاته .. ولعبه مثل ماوعدتك

وقفت عن الكلام .. خفت يطب علي احد ويقول مجنونه اكلم حالي .. قلت : الووو

قال : الووو

قلت وانا اضحك بنعومه : هذا وليد .. ياحليله

قال : اهــــا .. شجن .. اخبارك ؟

يووه حسبني شجن .. قلت بسرعه : لا انا مو شجن .. انا حنان

قال : تبين نجود ؟

قلت : ايه

قال : راحت بيت صديقتها مع رهف .. تبيني اوصل لها شي

اوريك نجودوه .. تاخذين لي هالدبه رهفوه .. وتدورين معها من مكان لمكان .. وين ايام اول .. ماتطلعين الا معي ..قلت : سلامتك .. بس سلم لي على رغوده حبيبة قلبي

قال : ان شاء الله

قلت : مع السلامه

قال : الله معك

حسيته يبي بس يقفل .. بس انا وراك يانايف والزمن طويل .. ان ماخليتك تموت في الارض اللي امشي عليها .. ما اطلع حنان بنت مشاري


.
.
.


ركبت غرفتي .. خشيت النت .. فتحت ايميلي .. كان مره زحمه

÷÷÷÷÷÷÷÷÷÷÷÷÷÷÷÷

اّ اّ اّ العزه والثقه بذاتي ..وتاج الملك طموحي اّ اّ اّ : السلام عليكم

هذا احمد .. اللي كان نكه {1+4=8 وجهة نظر } .. ذكرتوه ؟

قلت .. ]¦[بزيني عرفوني]¦[** ومن دلعي حبوني ]¦[ : وعليكم السلام هلا وغلا احمد

اّ اّ اّ العزه والثقه بذاتي ..وتاج الملك طموحي اّ اّ اّ : هلا بك زود .. اشتقت لك

]¦[بزيني عرفوني]¦[** ومن دلعي حبوني ]¦[: وانا اكثر

بعد فتره من الصمت

اّ اّ اّ العزه والثقه بذاتي ..وتاج الملك طموحي اّ اّ اّ : وعد ممكن انصحك نصيحه ؟؟

]¦[بزيني عرفوني]¦[** ومن دلعي حبوني ]¦[: ممكنين

اّ اّ اّ العزه والثقه بذاتي ..وتاج الملك طموحي اّ اّ اّ : لو ما اعزك مانصحتك هالنصيحه

]¦[بزيني عرفوني]¦[** ومن دلعي حبوني ]¦[ : طيب وشهي النصيحه

اّ اّ اّ العزه والثقه بذاتي ..وتاج الملك طموحي اّ اّ اّ : وعد بصراحه انتي معروفه مره بالشات ..مافيه واحد ماعنده رقمك .. انا اقدر اصير مثلهم واخذ رقمك .. بس انا ما ابي .. ماتعجبني البنت اللي تكلمني وتكلم عشره غيري .. تعجبني البنت الثقيله .. اللي تكلمني بس انا

]¦[بزيني عرفوني]¦[** ومن دلعي حبوني ]¦[: وش قصدك يعني انا خفيفه ؟

اّ اّ اّ العزه والثقه بذاتي ..وتاج الملك طموحي اّ اّ اّ : ماقلت كذا .. وعد انتي بنت ولا كل البنات .. شخصيتك حلوه .. قويه مرحه حبوبه .. وربي تجننين .. بس لا تعطين رقمك اي واحد .. ماتخافين على نفسك .. صرتي معروفه .. كل الشباب يعرفونك

خل يولي هالغبي .. اصلاً هذا شات محد يعرف الثاني .. وش عرفهم انا مين .. بطنشه وبكلم غيره .. وربي قهرني .. انا بدون شي مقهوره من هنوفوه .. يجيني احمدوه بعد


÷÷÷÷÷÷÷÷÷÷÷÷÷÷÷÷

$$ دنـــ الــ،،ــوــلـــ ـ ـ ـ ـه ــيــــا $$ : ولــكــــمــوووو وعد المتغليه

]¦[بزيني عرفوني]¦[** ومن دلعي حبوني ]¦[: يسلمووووووو .. بس ليه انا متغليه

$$ دنـــ الــ،،ــوــلـــ ـ ـ ـ ـه ــيــــا $$ : ماتردين علي اذا دقيت على جوالك

]¦[بزيني عرفوني]¦[** ومن دلعي حبوني ]¦[: والله انا ما اعرف اتغلى .. لو اعرف تغليت .. بس مشغوله هالايام

$$ دنـــ الــ،،ــوــلـــ ـ ـ ـ ـه ــيــــا $$ : اهــــــا

ياربي طفشني .. صار له 5 دقايق ساكت .. برجع لاحمد بشوفه وش كاتب


÷÷÷÷÷÷÷÷÷÷÷÷÷÷÷÷


اّ اّ اّ العزه والثقه بذاتي ..وتاج الملك طموحي اّ اّ اّ : وينك

اّ اّ اّ العزه والثقه بذاتي ..وتاج الملك طموحي اّ اّ اّ : زعلتي ؟؟

اّ اّ اّ العزه والثقه بذاتي ..وتاج الملك طموحي اّ اّ اّ : خلاص اسحب نصيحتي

اّ اّ اّ العزه والثقه بذاتي ..وتاج الملك طموحي اّ اّ اّ : وعد ترا وربي بطيرك بلوك

الا البلوك .. احمد من الناس المميزين بأيميلي .. برد عليه لا يطيرني بلوك جد

]¦[بزيني عرفوني]¦[** ومن دلعي حبوني ]¦[: انا زعلانه

اّ اّ اّ العزه والثقه بذاتي ..وتاج الملك طموحي اّ اّ اّ : يؤيؤيؤ ..لبى الزعلانين .. وش اللي يرضيك

]¦[بزيني عرفوني]¦[** ومن دلعي حبوني ]¦[: انت شوف عاد

اّ اّ اّ العزه والثقه بذاتي ..وتاج الملك طموحي اّ اّ اّ : امممممم بوريك صورتي

يـــأي وناسه من زمان ابي اشوف صورة احمد

]¦[بزيني عرفوني]¦[** ومن دلعي حبوني ]¦[:يللا بشوف

ارسل لي الصوره .. وجالسه انتظرها توصل .........
ايه ايه هذي هي وصلت

فتحت الصوره .. وفتحت عيوني معها .. احمد يجنن .. ماتوقعته كذا .. ياربي وسيم .. لابس ثوب وشماغ وجالس على كرسي فخم .. مره حركات ,, قربت وجهي للشاشه .. ودققت في ملامحه .. فجأه انصدمت
انا هالاحمد شايفته قبل .. ومو من زمان بعد .. ياربي وين شفته .. وربي مو غريب علي

]¦[بزيني عرفوني]¦[** ومن دلعي حبوني ]¦[ : يا الله مملوح .. بس شكلك مو غريب علي

اّ اّ اّ العزه والثقه بذاتي ..وتاج الملك طموحي اّ اّ اّ : ايه طبعاً .. كل يوم تشوفيني

كل يوم اشوفه ؟؟ من جده هذا

]¦[بزيني عرفوني]¦[** ومن دلعي حبوني ]¦[ : وين تشوفني ..؟

اّ اّ اّ العزه والثقه بذاتي ..وتاج الملك طموحي اّ اّ اّ : انسي الموضوع

]¦[بزيني عرفوني]¦[** ومن دلعي حبوني ]¦[ : مستحيل انسى

اّ اّ اّ العزه والثقه بذاتي ..وتاج الملك طموحي اّ اّ اّ : وش فيك امزح معك

]¦[بزيني عرفوني]¦[** ومن دلعي حبوني ]¦[ : احلف انك تمزح ؟

اّ اّ اّ العزه والثقه بذاتي ..وتاج الملك طموحي اّ اّ اّ : صدقيني

]¦[بزيني عرفوني]¦[** ومن دلعي حبوني ]¦[ : ههههههههههه .. اوكي

مالت عليه وعلى مزحه

.........................

__________________
بيت صديقة نجود .. الساعه :5:00 مساءً
__________________

** رهف **

الجلسه في بيت صديقة نجود ماتنمل .. بصراحه صديقتها قمه في الاخلاق .. والاحترام والتواضع

كانت تقول لي : ترا انا من زمان اقول لنجود .. ابي اشوفك .. بس هي الظاهر تغار عليك .. وماتبي احد يشوفك

قالت نجود : طبعاً .. زوجة اخوي الكبير

ضحكت وقلت لها : حتى نجود تسولف عنك كثير

عدلت شعرها .. وقالت بدلع : قولي والله

ابتسمت لها وقلت : والله


~~)(~~ ماقدرت اصبر ثواني في غيباك عن مكاني
انا عنك ماتصبر عودي يابسمة زماني ~~)(~~

جوال نجود يرن .. فتحت شنطتها .. وطلعته .. قربته من اذنها .. وقالت : هلا نايف .. انت عند الباب .. اوكي الحين بنطلع .. باي

وقفت وقالت : يللا نشوفك على خير

قالت : على خير ان شاء الله.. نجود خلي رهف على طول تجي معك .. لا تقطعون

قالت نجود : ان شاء الله حبيبتي

قلنا : مع السلامه

قالت : في حفظ الرحمن

طلعنا من بيتهم .. شفنا نايف مسند ظهره على السياره من الجهة الثانيه ورافع راسه يناظر فوق .. يعني حنا نشوفه وهو مايشوفنا

قالت لي نجود : اسكتي بخرعه

قلت لها : حرام عليك

تقدمت له بشويش وقالت : بـــووه

ماتحرك .. ظل على نفس الوضعيه .. قال ببرود : خلصتوا

ضحكت نجود وقالت : خساره ماخرعتك

طنشها وماضحك معاها بس قال : رهف وينها

قالت : وراي

قال : اجل يللا

قربت منه نجود وقالت : نايف وش فيك

هز راسه .. وركب السياره

ركبت نجود قدام .. وركبت انا ورا

كان نايف طول الوقت ساكت .. على غير العاده

قلت انا : جودي صدق انك اخت مدري وش اقول عنها .. اسألي اخوك وش فيه

قالت بأندفاع : لا والله اجل انا وش سويت قبل شوي .. ماسمعتيني وانا اقول له ’’ بنبره حنونه ’’ نايف وش فيك

قلت انا قاصده نايف يسمعني : مايخالف اسأليه مره ومرتين وثلاثه

انا قصدي بالعربي نايف وش فيك لاني متأكده ان فيه شي .. صحيح انا الحين متعوده على نايف .. واعتبره مثل اخوي محمد .. لاني اشوفه 24 ساعه مو مثل قبل استحي حتى اكلمه .. بس مدري ليه مستحيه اسأله وش فيه واخته ماسألته الا مره

لفت علي نجود وقالت : اذا سألته مره ومرتين وثلاثه تهقين يستجيب ؟؟؟

قلت وانا اهز راسي : ايه اتوقع

مع هذا نايف ولا كانه يسمعنا .. مدري هو سرحان .. او قاصد يطنشنا

فجأه وقف السياره على جنب .. وحط راسه على الدركسون

مسكت كتفه نجود وقالت بخوف: وتقول مافيك شي

رفع راسه وطلع الجوال من جيبه .. واليد الثانيه كان حاطها على راسه

سمعته يقول : الووو هلا مشعل .. شخبارك .. ابد سلامتك بس انا الحين موقف السياره في الشارع .. تعبان شوي .. ومعي نجود ورهف .. ما أخاطر اسوق بهالحاله وهم معي .. ابيك تجي تاخذهم وترجعهم البيت .. وانا بروح المستشفى قريبه خطوتين وانا هناك .. هاه وش قلت ؟ ...,, بصوت عالي’’ .. ماتقدر؟؟ .. أي شغل اللي عندك هالوقت .. اسمعني مشعل زين .. انا يوم قلت ( هاه وش قلت) مو قصدي اخذ رايك ترضى اولا .. انت ملزوم تجي تاخذ نجود لانها اختك ورهف لانها زوجتك .. انا لو لحالي كان ماطلبت منك هالشي .. بس انــ .. اقولك ما اقدر اسوق السياره ..’’ بدا يعصب ’’ ,, وش اللي سوق ولا عليك وربك بيحفظكم .. انا الغلطان اني دقيت لك .. فمان الله

وشو يعني مشعل مو راضي يجي ياخذنا ؟؟ .. مو كفايه ماجابنا .. الا موراضي يرجعنا بعد ؟؟.. قسم بالله ماعنده مسؤوليه .. ما الوم نايف يوم عصب .. يقهر والله يقهر

شافت نجود اخوها كيف متضايق فقالت له : مايخالف نايف .. خلي السياره هنا .. وبنروح معك حنا المستشفى

قال : لالا مايصير .. المستشفى بعيده وما ابيكم تمشون

قلت بسرعه : اجل ليه تقول لمشعل المستشفى قريبه خطوتين وانت هناك ؟؟

قالت نجود : ايه والله اشوف غيرت كلامك .. وثانياً حنا نحب نتمشى .. ’’ بمزح ’’ .. لا تخاف مو عشانك .. عشان انفسنا لان انا ورهف .. كنا بنسوي ريجيم بس الحين غيرنا راينا .. من اليوم ورايح بنمشي عشان نضعف .. صح رهف

قلت : ايه صح انا قلت لك من اول المشي احسن من الريجيم ماطعتيني

فطس من الضحك وقال : المشكله ما اقدر عليكم لا صرتوا ثنتينكم علي .. من وين تجيبون الكلام مدري .. كل وحده اضعف من الثانيه .. قال يضعفون قال ههههههههههه .. يللا ننزل نتمشى لاني ابي ’’ غمض عيونه وشكله مره تعبان .. رجع ابتسم ’’ لاني ابي بعد اضعف معاكم

ضحكنا انا ونجود ونزلنا من السياره

مشينا شوي .. وفجأه......... وقف نايف .. مسك عمود الكهرباء اللي بالشارع .. وصرخ : آآآآآآآي

مسكته نجود وقالت : وش صايـــــر .. نايف رد علي

غمض عيونه وقال بصعوبه : نجــ ... نجــود .. بموت .. ما اقدر امشي

وقف قلبي يوم قال بموت .. وش فيه نايف .. مستحيل يكون تعب بسيط

هزته نجود وقالت : نايف وش اللي يعورك .. قول لي

جلس على الارض وحط يده على بطنه : تعبان مره .. كل شي فيني يعورني .. خلاص انا احس اني بموت .. ارجعوا السياره

طاحت دموع الخوف من عيوني غصب عني .. صرخت على نجود : خذي جوالك وكلمي احد بسرعه .. لا توقفين كذا

قالت نجود برتباك وهي ماسكته : اكلم مين يعني .. مشعل مابيجي .. رهف نايف بيموت علينا .. لا تبكين الحين لازم نتصرف .. شوفي حل الله يخليك


.........................................
__________________




_______________
ابها .. الساعه : 5:00 مساءًُ
_______________


** محمد **

دخلت مع الريم محل العبايات .. جلست تناظر ساعه .. بعدين قالت لي : يللا نمشي محمد

قلت : ليه ما اخذنا العبايه

قالت : اممم .. ماعجبني شي .. العبايات اللي هنا مو كشخه

قلت وانا رافع حاجب : اقول ريوم .. خذي لك عبايه

قالت : ما ابي من هنا .. خل نروح محل ثاني

سلامات .. وش اللي ماتبي

قلت بأصرار : ريوم قلت لك خذي عبايه

قالت بضيق : طيب

ولفت عني تناظر للعبي

مشكلتي ما احب اضايقها .. فقلت لها : حياتي خلاص امشي نروح محل ثاني

قالت : لاخلاص باخذ من هنا .. فيه عبايه عجبتني

قلت : اللي يريحك حبيبتي

.
.
.

طلعنا من المحل .. وعليها العبايه الجديده .. مشيت معاها على الرصيف وانا ماسك يدها .. واهز الكيس اللي بيدي ’’ فيه عبايتها القديمه ’’

كنا ساكتين قطعت ريوم السكوت بأغنية نانسي عجرم .. احساس جديد : انا ما بدي تألي كلام .. يدوب ألبي حنين وغرام .. بيكفيني تألي بحبك ...

قاطعتها .. وقلت وانا اناظر فيها : بحـــبـــك

ضحكت وكملت الاغنيه : هيدي الكلمه بتأتلني

ابتسمت وقلت : ريمي صوتك يجنن

قالت : احم .. تسلم حياتي .. طيب غنيلي انت

قلت : اما عاد .. لو اغني لك تندمين انك تزوجتيني

قالت : مو لهذي الدرجه ... يللا غني

ادري اني لو ماغنيت بتزعل علي .. خل اسوي نفسي زعلان عليها قبلها .. تركت يدها وقلت : ترا بزعل

ابتسمت وقالت : بأي مناسبه تزعل

تقدمت وصرت امشي على ورا .. يعني وجهي بوجه الريم

وقلت : مايخصني راضيني

ضحكت وقالت : حمودي .. امشي عدل يا الدلوع

قلت مثل البزارين : ما ابي ما ابي .. مو انا زوجك وحبيبك وعمرك و.....

قاطعتني وقالت : وقلبي وحياتي ودنيتي

قلت : اجل يللا راضيني

رفعت راسها تفكر .. نزلته وناظرت قدام .. فجأه صرخت : مــــحـــمـد وراك

مامداني الف اشوف وش صاير .. الا وانا احس نفسي اطيح على ورا

مسكت يدي الريم تحاول تسحبني ..بس مستحيل يد الريم تسحب جسمي .. فطحنا مع بعض

تبين لي ان الرصيف انتهى .. جلست اناظر في الناس وهي ميته ضحك ..صحيح كانوا شوي بس مهما كان ..الموقف محرج

ناظرنا انا والريم بوجه بعض في نفس الوقت .. ومتنا ضحك على انفسنا ههههههههههههههههههههههه

بس وقفت ضحك يوم شفت عبايتها اللي من فوقها لتحتها مويه .. لان ليلة امس كان عندهم مطر .. حطيت يدي على خدي وقلت : الفلوس اللي عندي بتروح كلها على العبايات .. يالله من فظلك ارحمني

.......................

___________
الشارع .. الساعه :5:30 مساءً
___________


** نايف **


’’ من جد جبانات وينضحك عليكم بسرعه هههههههههههههههههههههههههههههه ’’

هذي الجمله قلتها لرهف ونجود .. يوم شفتهم مصدقين كذبتي .. وبيموتون من الخوف .. بس وش رايكم فيني ممثل خطير صح

جاتني ضربه على كتفي بشنطة نجود .. وقالت لي : نيوف يا النصاب .. نهون عليك توقف قلوبنا كذا

مسحت على كتفي وقلت :ااي وش هالعنف .. انا قلت لكم من السياره تعب بسيط يعني ماكذبت .. بس الحين كنت اختبر غلاتي بقلوبكم

قالت لي نجود : امحق اختبار .. خرعتنا

اشرت على رهف وقالت بصوت خفيف : شوف سخافتك وش سوت .. خليت بنت الناس تبكي .. يرضيك كذا

سكت وانا اناظر في رهف .. ليه بكت .. لانها ماعرفت وش تسوي بهالموقف ؟ .. لا رهف تبكي لانها خايفه علي ؟؟ .. معقوله اخذت في الاختبار عشره على عشره !!!!!!

قلت : رهف انا اسف خرعتك .. بس ماتوقعتك حساسه لهذي الدرجه

قالت نجود : تحسبها مثلك ماحسيت فينا يوم تخرعنا .. بعدين ماتستحي تمثل علينا بالشارع ؟ .. صدق جراءه

قلت وانا للحين اناظر في رهف : هذا انتي قلتها حنا بالشارع .. يعني مايصير نوقف كثير .. يللا نمشي



قلت وانا للحين اناظر رهف : هذا انتي قلتها حنا بالشارع .. يعني مايصير نوقف كثير ..يللا نمشي

بعد كلامي هذا مشينا حنا الثلاثه للمستشفى ..كانت قريبه عشان كذا ماطولنا وحنا نمشي .. اول مادخلنا .. اشرت على كرسي وقلت : اجلسوا هنا انتظروني لا تتحركون ما بطول

رحت جبت لرهف مويه .. ورجعت .. مديته لها .. هزت راسها وقالت : لا موعطشانه

قلت : ميخالف اشربي

اخذت المويه من عندي وشربت شوي

قالت نجود : وانا يمكن عطشانه

قلت لها : ((( يمكن )))

ومشيت عنهم

.
.
.

طلعت من عند الدكتور وانا مبتسم .. الحمد الله مافيني شي خطير .. الدوخه اللي قبل شوي من ضعف الدم والارق .. صحيح انا ماصرت اكل وانام زين .. عكس اول .. هذا اكيد فيصلوه حسدني قبل ما احط اللقمه بحلقي .. يقول لي ’’ بل عليك تاكل تاكل وجسمك مايتغير ’’ لارجعت بوريه وجه البومه

رحت للمكان اللي خليت نجود ورهف يجلسون فيه .. شفت نجود بس هي اللي جالسه .. من وصلت وقفت و قالت : هاه نايف بشر وش طلع فيك

قلت لها بجديه : وين رهف

قالت : الحين انا اسألك وش فيك

قلت لها : وانا اسألك وين رهف

قالت : اول قول لي وش فيك

قلت بعصبيه : جودي لا ترفعين ظغطي وقولي لي وين راحت

جلست وقالت : مدري

قلت : وشو ماتدرين انا خليتها تجلس معك

اخذت جوالها.. قالت وهي تحوس فيه : ماشفتها الا فجأه تقوم ..وين راحت ؟ مدري

رحت عنها بسرعه .. وانا اناظر هنا وهناك .. وين راحت .. ماشفتوها وين راحت ؟ .. انا قايل لها تجلس ولا تتحرك .. ماتسمع الكلام .. كله من جودي .. مفروض تسألها وين رايحه على الاقل

جلست ادور في المستشفى .. وانا اتحرطم واهدد

لحظه .. كأنها هذي اللي واقفه مع واحد ؟؟ ايه هذي هي .. بس من هذا الحمار اللي واقفه معه .. اليوم هذي اكيد تبي تجنني .. رحت لعندها والشر يتطاير من عيوني .. كنت بذبحها وبذبحه وقفت .. وانا أأشر بصبعي عليه بدون أي مقدمات : من انت ؟

قال بسخريه : حلوه هذي من انت .. انت اللي من

قلت بتهديد : بتتكلم ولا قسم بالله موتك على ايدي اليوم

قال بملل : خير انت وش تبي

طنشته وناظرت في رهف .. اشرت عليه من فوق لتحت بصبعي .. وقلت : من هذا ؟

قالت رهف بصوتها الهادي : نايف هذا اخوي يوسف

وربي جاتني صدمه .. مو صدمه عشان موقفي المحرج .. لا .. صدمتي الكبيره ان واحد من هالاشكال يكون اخو رهف .. لا وفوق هذا اول مره اشوفه .. ’’ معقوله ’’

قلت ببرود وانا ابعد الخصلات اللي طاحت على وجهي : اها .. العذر والسموحه اخوي .. كيف حالك ؟

قال بغرور : الحمد الله

ناظرت لرهف وقلت : يللا رهف عشان نرجع البيت

هزت راسها وقالت : مع السلامه يوسف وسلم على امي وسعد

قال : يوصل

قلت : يللا بالأذن

مشينا عنه .. قالت لي : نايف وش فيك ؟

قلت : مافيني شي .. بس لان يوسف ما اعرفه ..وشفتك واقفه معه .. مهما كان انتي اختي وبخاف عليك ان شفتك تكلمين واحد ما اعرفه

سكتت شوي وشكلها كانت تضحك .. وش فيها ذي ؟ .. ليكون ماعجبها كلامي

قالت : انا اقصد وش فيك .. يعني وش طلع فيك .. وش قالك الدكتور

ياذي الفشله .. قلت لها : احم ..لا الحمد الله مافيني شي ..مثل ماقلت لكم تعب بسيط .. بس بروح بعد شوي بجيب الادويه

قالت : اها الحمد الله

شفت الكفتيريا اللي بالمستشفى .. اشرت عليها وقلت لها : تبين شي

قالت : لا شكراً شبعانه

قلت : انا اصلاً ليه اسألك .. وانا ادري انك بتقولين لا ما ابي

قالت : نايف انا مو كذا .. لو كنت ابي بقول

قلت وانا اقلدها : ،، لو كنت ابي بقول ،، ايه هين

سكتت شوي و قالت : الحين من بيرجعنا البيت ؟

ضربت راسي وقلت : صح .. نسيتيني حتى ادق على فيصل .. واقول له يجيني

قالت : وليه انا اللي نسيتك

كنت بقول مدري عنك انتي واخوك .. بس بعدين سكت وقلت لها : امشي بسرعه عشان لا نتأخر على نجود

قالت بهمس : ايه صرف وش عليك

ضحكت وقلت : ان شاء الله


رحنا لعند نجود وكانت تكلم جوال .. وتقول : ايه نايف تعبان .. قسم بالله .. وليه ماتصدقيني .. طيب بحط سبيكر عشان تسمعين صوت الازعاج بالمستشفى

سمعت البنت تقول : لا ما اصدق نايف في المستشفى .. وش فيه فديته .. قلبي عورني ..و

شالت نجود السبيكر

نفس الصوت اللي سمعته قبل ما اجيب نجود ورهف .. يعني هذي حنان بنت عمتي ؟

قالت نجود : لا اخوي مو منوم في المستشفى .. فال الله ولا فالك .. مافيه داعي تجين المستشفى .. اوكي يوصل .. طيب .. باي

قفلت وهي تضحك وتقول : ياحليلها خايفه على ولد عمتها .. تسلم عليك

هزيت راسي وماعلقت .. قلت : يللا نمشي الحين بيجي فيصل

قالت نجود : احلف فيصل

قلت : ادري ماتبونه حتى انا ما ابيه .. بس مافيه الا هو ههههههههههههه

ضحكت وقالت : وش فيك عليه انت ؟؟

قال : امشوا بس لا نتأخر

قالت رهف : ماتغير عاداتك

ناظرتها وقلت : أي عادات ؟

سكتت ومشت

ناديتها وقلت : رهف .. انا اسألك

ماردت علي .. فقلت : طيب وش اللي تبيني اغيره في عاداتي على قولتك

لفت علي وقالت : هذا

كانت تأشر على السلسله اللي كنت لابسها

كملت كلامها وقالت : تراك بالسعوديه مو بأمريكا

بصراحه انحرجت وظليت ساكت اناظر فيها ساعه

قطع سكوتي اغنية بشار من قال اللي كانت نغمة جوالي


~~)(~~ لا تخلط اوراق الهوا كلاً ترا له مستوا
كانك على غيري قدرت اصابعك ماهي سوا ~~)(~~

رديت : هااه جيت فيصلوه

قال : اذا ماسلمت برجع

نزلت الجوال وقلت لرهف ونجود : اقول لكم غثى ومسوي يمن علي

رجعت الجوال وقلت : هلا

قال : ليه تقول لهم اني غثى واحب امن عليك هاه .. الحين انا كذا

قلت : اخلص علينا

قال : انا برا 5 دقايق ان ماطلعتوا بمشي

قال : بنتأخر بس عشان اشوف تسويها وتمشي اولا

قال : طيب نشوف

قلت : زين باي

قفلت وقلت لهم : يللا نطلع

مشينا وطلعنا برا المستشفى .. واناطالع ناظرت في رهف .. ومسكت السلسله .. وش اللي خلاها تقول كذا ؟ .. من يوم عرفتني وانا البس سلاسل .. يعني اليوم بالذات لاحظت ؟

بس دام انها ماتحب لبس السلاسل .. ماراح البس .. مع اني تعودت من يوم رحت امريكا وانا البس سلاسل .. لحظه ....... اصلاً ليه اسوي الشي اللي هي تحبه ؟ .. اكيد طار عقلك يانايف

حركت راسي يمين وشمال بسرعه وكأني اطرد رهف من بالي .. وناظرت لقدام .. شفت فيصل موقف سيارته ويأشر لي

رحت لعنده وقلت:سلام

قال : وعليكم السلام

اول ماركبنا السياره

قال فيصل : كيف حالكم بنات عمي

قالوا مع بعض : تمام الحمد الله وانت

قال : انا بخير

لفيت عليه وقلت : نجود بس اللي بنت عمك

قال : صح .. ورهف اختي

قال : احلف انت بس

قال وهو يمد في الكلام : اصلاً انا ورهف عشرة عمر من زمان صح

اكتفت بضحكه ناعمه

قلت : من متى تقريباً

قال : مايخصك .. رهف بكرا بجي لكم وبجيب وليد معي .. هو يلعب مع رغد بلاي ستيشن .. وانا العب معك كوره في الحديقه

ضحكت مره ثانيه وقالت : ننتظرك

ناظرت فيصل بحده .. ماخذ راحته مع رهف .. مدري ليه هالشي قهرني

رجعت راسي على ورا وسندته .. جلست اضربه بيدي .. ابي رهف تطلع من راسي

رهف اطلعي من راسي .. اطلعي من راسي الله يخليك .. خلاص تعبتيني

..................................

_________________
المستشفى .. الساعه : 7:00 مساءً
_________________

** يوسف **

ابتسمت بسخريه .. وانا اشوف الاخ ’’ نايف ’’ يبتعد بالسياره عن المستشفى

قال ايش قال موتك على ايدي اليوم

بنشوف يا اخو مشعل .. من راح يهدد الثاني بعدين .. والله يا ان امك داعيه عليك اليوم

اجل انا يوسف .. اللي الكل يهابني يجي هالعنز يهددني ويصارخ علي
مهما عليت يا ولد عبد العزيز .. ما تعلى على يوسف

’’ حطيت اصبعي على راسي وكاني اكلمه ’’ : والله ودخلت هالراس يانايف

سمعت اصوات ناعمه قريبه مني : اسوم شوفي هالرجال يهبل .. قــمــــر

... : ايه ماشاء الله .. تتوقعين في وشو يفكر

.. : يمكن يحب ؟

.. : ياحظ اللي يحبها

انا هنا عطست لاني مريض .. سمعت نفس الاصوات الناعمه : حرام مريض مايستاهل

لفيت على البنات شفتهم .. العبايات مخصره والمكياج مصبغهم كلهم .. سلامات مو جايات مستشفى هههههههه ابتسمت ولوحت لهم بيدي .. كاني اقول لهم باي

ما لوحولي ولا تحركوا .. بس عرفت من كلامهم بصوت عالي قبل شوي .. انهم يبوني اسمعهم

’’ اعرف حركات البنات ’’

قربت منهم وقلت : السلام عليكم

من سلمت عليهم .. جلسوا يضحكون ويدفون بعض .. انا هنا مت ضحك

عجبتني شلة البنات هذي .. قلت : من فيكم اسوم ؟

قالت وحده بسرعه : انــــــا .. قصدي لالا مو انا
فطسوا البنات الثانيات ضحك عليها .. ماشاء الله راعيات ضحك

حطيت يدي بجيبي .. عرفت البنت اني برقمها .. قالت بسرعه : انت كم بنت تعرف ؟

ابتسمت وقلت : عشر ’’ غمزت ’’ ولعيونك عشرين

جلست اسولف معهم شوي وفي النهايه اخذت الرقم وحده منهم .. بس مو اسوم

يللا اسوم والا نسوم .. المهم وحده جديده نكلمها الليلى ونغير جو


...........................................
__________________




__________________
بيت العمه .. الساعه : 8:00 مساءً
__________________

** فيصل **

كنت واقف عند مراية غرفتي .. اظبط حالي .. بعد مارتبت شعري لبست الشماغ .. وتعطرت

’’ واااو شكلي صاير رهيب ’’

الله يطول عمركم انا الليله بقابل وحده .. واحس بجسمي يرجف لاني اول مره اتقابل

بس لازم اقابلها واعترف لها بكل شي ..... لمتى

عدلت الكرسي .. واخذت اللي بقابلها

يووه انا ماقلت لكم ان اللي بقابلها اليوم هي مخدتي ؟؟؟؟؟

السالفه ومافيها .. اني قررت اعترف لنجود اني احبها

’’ خطير انا ’’ وبسوي تجارب واختبارات قبل ما اعترف لها

تعرفون لازم اجهز كلام حلو ومرتب .. لاتقول هذا خبل ومايعرف يتكلم

وما ابي اعترف لها في التلفون .. لاتقول هذا مستحي

المهم يللا نبدا .. انتوا احكموا علي طيب

اخذت المخده وحطيتها على الكرسي

قلت بصوت ناعم : فيصل وش تبي تقول لي ؟

عدلت صوتي : نجود انتي من زمان داخله .....

لالا وشو يعني اقول لها من زمان .. وين الثقل

بشوف اسلوب ثاني

نزلت راسي وقلت وانا احكه : نجود انتي وش شعورك تجاهي ؟

ما احسها حلوه اني اسألها .. انا ابي اعترف لها مو احقق معها

ومفروض ابتسم عشان ترتاح .. وتعترف لي هي بعد بحبها
ههههههههههههههههههههههه مشكلة الثقه

لازم ابتدي كلامي بكلمه

’’ اقول ’’
لا اقول هذي كاني اكلم نيوف

’’ تصدقين ’’
كاني اكلم اختي

’’ اسمعيني يانجود ’’
لا رسمي بزياده

’’ حبيت اوضح لك شغله ’’
كاني في الشغل

’’ تدرين جودي ’’
لا مافيه جديه

’’ ياحبيبتي ’’
قطيت الميانه

اووووووف اجل بوشو ابتدي ؟ والله احترت

رفعت راسي ادور كلام اقوله لنجود ’’ المخده ’’

ليه ما اقول لها بيت شعر .. ابين فيه حبي لها .. وهي طبعاً بتفهم

جلست حوالي ساعتين ادور في كتب الشعر وفي المجلات وفي جوالي عن كلام حلو اقوله لنجود

مالقيت شي يعبر عن كل اللي في بالي

بعد هذا كله جات في بالي فكره مجنونه .. ليه ما اغني لها
اكيد بتقولون انا خبل لان هي تنقرف من صوتي اذا غنيت
بس مافيها شي لو تدربت على الاغنيه وعدلت صوتي

انطلقت إلى درجي وطلعت السيديات .. وجلست اسمع اغنيه ورا الثانيه .. إلى فنانيين وفنانات مختلفين .. اخر شي رسيت على اغنيه حلوه لراشد الماجد .. صحيح لحنها صعب بس نحاول

طبعاً بغنيها بعد ما امسي عليها : يسعد مساك يلي دايم عالبال وكل لحظة تمر احسك مثل النبض
والدم

بعدين اغني لها اغنية راشد الماجد ’’ مــــســغــــربــــه ’’

مستغربه تسألني وش غير عليك
لمه الوداع ارخى الستار
عيونك شتا والنار في رعشة ايديك
وصمتك بحر ماله قرار
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه

ما اوعدك الا بـ وفاء
وقلبٍ مراده يسعدك
ما اوهبك الا حياتي
وروحها اللي بيدك
مهما الليالي احرمتنا ودها
وايامك لغيرك تناهى شهدها
انتي المحبة كلها لا قبلها لا بعدها
ما يقدر النسيان عني يبعدك

مسافر انا كلي رجاء
لا تجرحين منهو التجاء
بعيونك الحلوه من الدنيا وجاء
كلي رجا كل رجاء
معنى حياته في كلمتين
حب ووفاء منك على مر السنين
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه

طبعاً الاغنيه طويله وانا مو حافظ منها شي .. وماسمعتها قبل الا مرتين

وما اكذب عليكم لا قلت لكم اني سهرت للصبح وانا افكر في حبيبتي نجود واحفظ الاغنيه
..........................................

________________
بيت مشعل .. الساعه : 9:30 مساءً
___________________

** مشعل **

راسي بينفجر .. تعرفون يعني وشو راسي بينفجر .. هالرهف من اول مارجعت وهي تقرقر فوق راسي

قالت بكل عصبيه : على ما اعتقد انا اكلمك

قلت بهدوء : وانا جالس ارد عليك

حطت يدها على راسها وقالت بقهر : لا تتصنع الهدوء

رفعت حاجب : اتصنع ؟

صرخت : أيــــــــه .. لاني ادري انك مقهور الحين

قلت ببرود : ومن وشو انقهر

قالت : مشعل لا تستهبل

قلت : رهف وش تبيني اسوي ان عصبت عليك زعلتي .. وان كلمتك بهدوء عصبتي .. عطيني حل وسط

لفت وجهها عني وقالت: انت ماعندك اسلوب في التعامل ابد

فتحت الدولاب .. وقلت وانا مشغول في الملابس : وانتي صايره لي مثل حريم اول .. اللي مايسكتون

قالت : جاوب على اسألتي وبسكت .. انا قلت لك ان موقفك مع نايف اليوم يـ........

قاطعتها وقلت : ان شاء الله رهف .. مابعيدها مره ثانيه .. يللا روحي نامي

انا خلاص تعبتني رهف .. صرت اسايرها كثير .. مهما كان هي بزره

قالت بصوت شوي عالي : لا تكلمـــــنـــي كذا كم مره اقول لك

امممم دولابي صاير زحمه .. مدري رهف اللي ترتبه او الشغاله .. بكره بستقعد لهالدولاب .. وبرتب ملابسي بنفسي .. احس كل شي في مكان .. ما ادل ملابسي

وانا افكر فجأه تقفل على يدي باب الدولاب بقوه
رفعت راسي شفت رهف واقفه تقول لي : رد علي مو تطنشني

حسيت بالدم تجمع كله في راسي من العصبيه

شلت يدي بهدوء .. ووقفت انظرها .. رجعت على ورا شوي من الخوف

مسكت كتوفها بــــــقــــوه وقلت وانا اضغط على اسناني : بتنامين والا لا ؟

حاولت تتحرك عشان تخلص نفسها .. بس مسكتي لها كانت قويه .. مستحيل تقدر تتحرك

هزيتها بعنف وقلت بصوت عالي : بتنامين والا لا

قالت بخوف وهي تهز راسها : بـ ـ ـ ــنام .. بنام

اشرت على السرير بعيوني و قلت : يللا روحي نامي

مامرت ثواني الا وهي منسدحه على السرير ومغطيه كل جسمها

اخذت نفس .. ومسحت على يدي اللي قفلت عليها باب الدولاب

عورتــــنــــي هالمتوحشه .. زين سويت فيها وخليتها تنام غصب عنها


^*^
/
\
/
\
/
\
/
\
/
^*^


**** نهاية الجزء التاسع عشر ****

[@ همس الغلا @]

...:::][ الجزء العشرون ][:::...


___________
ابها..الساعه 8:00 مساءً
___________

** الريم **

فتحت دولاب الملابس .. وطلعت بدله ورديه .. رميتها على السرير .. ودخلت الحمام (( الله يكرمكم )) عشان اتروش .. صارلنا 4 ايام تقريباً في ابها .. ما ابي ايامنا في ابها تنتهي لانها احلى ايام حياتي .. او بالأصح محمد هو احلى شي في حياتي

المهم طلعت من الحمام بعد ماتروشت .. جلست على كرسي التسريحه وانا حاطه المنشفه على كتفي .. شفت ورقه على التسريحه .. وفوقها ورده حمرا.. رفعت حاجب وانا ابتسم .. مسكت الورده وبعدتها عن الورقه .. واخذت الورقه شميتها .. الله هذي ريحت محمد اللي احبها .. بفتحها بشوف وش كاتب لي


^*^
/
\
/
\
/
\
/
\
/
^*^


السلام عليكم ورحمة الله وبركاته

بسم الله الرحمن الرحيم

وبعد ..

تسرني دعوتك اميرتي الى العشاء الليله

في تمام الساعه التاسعه مساءً

ملاحظه :

1)يرجى عدم ارتداء فستان او بدله باللون الوردي

2)اتمنى ان تقبلي وردتي الحمراء المعبره عن حبي واشواقي لكِ

من حبيبك اللذي تموتين فيه وفي التراب اللي يمشي عليه ×محمد× .. الى اميرتي الريم


^*^
/
\
/
\
/
\
/
\
/
^*^

فطست من الضحك عليه .. ياربي ويلوموني فيه .. بس تدرون اكثر شي ضحكني .. هي الملاحظه الاولى (يرجى عدم ارتداء فستان او بدله باللون الوردي ) .. بصراحه انا مصختها .. ما البس الا وردي ..محمد يقول لي طلعت روحي من هاللون .. الا صح انا وش لون البدله اللي طلعتها ؟

لفيت اناظر السرير .. يووه وردي بعد .. برجعها بسرعه قبل مايجي

فتحت الدولاب وجلست اشوف البدل والفستاين .. طاحت يدي على بدله لونها ازرق وكحلي .. عباره عن تنوره قصيره زرقا ومخططه بكحلي .. وبلوزه كحليه وفيها شوي ازرق و فتحتها كبيره عند الصدر .. مره رهيبه اكيد بتعجب محمد

لبستها .. ولبست معاها طقم ذهب .. حطيت لي ميك اب ثقيل مو مثل العاده خفيف بنفس الوان البدله .. فكيت شعري المموج وتعطرت .. جلست على كرسي التسريحه مره ثانيه وانا اشم الورده

دخل محمد الغرفه .. لفيت عليه وانا ابتسم .. كان كاشخ مره وريحة عطره لعندي واصله

قال : مساء الحب

قلت : مساء الخير

قرب مني باس خدي .. وبعد شعري على ورا وقال : قمر وربي قمر

نزلت راسي مستحيه .. قال : يللا نمشي

قلت واسوي حالي مو فاهمه شي : على وين

عقد حواجبه وقال : ماقريتي ال ال ال ال

قلت واسوي حالي تذكرت : اهاااااااااااااااا

ابتسم وقال : اجل يللا

لفيت عنه وتكتفت : من قال لك اني قبلت الدعوه

مسكني ولفني عليه : انا اقول .. وغصب عنك تقبلين

ضحكت بسخريه وقلت : وش هالدعوه اللي غصب

قال وهو يحرك حواجبه : اجل ليه نفذتي الملاحظات .. مالبستي وردي .. ويوم جيت شفتك ماسكه الورده يعني قبلتيها

قلت : ما شاء الله .. وفيه شي ثاني ترا الورقه فيها اغلاط

قال وهو يحك راسه : ايه اذكر اني سنه من السنين رسبت في الاملاء

حطيت يدي على فمي وانا اضحك .. قلت : مو هذي الاغلاط .. لحظه بوريك

اخذت الورقه وفتحتها .. اشرت على جملة ((من حبيبك الذي تموتين فيه وفي التراب اللي يمشي عليه ×محمد×))

فتح عيونه وقال مستغرب : مافيه بالجمله غلط

بعدت عنه وقلت : الا غلط ومليون غلط .. مو انا اللي احبك ’’ اشرت عليه بدلع وانا احرك صبعي ’’ انت اللي تحبني وتموت فيني

انسدح على السرير .. وقال : وش دراك اني احبك .. ماقلت لك

جلست على السرير بجنبه وقلت : الا قلت لي .. وعلى طول تقول لي

حط ايدينه ورا راسه وقال : كنت اضحك عليك .. وانتي صدقتي

مسكت طرف قميصه وقلت بصوت عالي : اتحداك

حط ايدينه على ايديني وقال بهمس : بموت جوع

شلت يدي .. قلت وانا الف راسي عنه : شوف لك هنديه تروح معك

وقف وراح عند الباب .. قلت بسرعه : وين رايح

قال : يالليل الليل .. بروح اشوف لي هنديه تتعشى معي

وقفت وقلت بعصبيه : قسم بالله يامحمد ان تعديت الباب شوف اللي تدخلك الليله

قال ببرود : عادي عندي مفتاح

جلست على السرير وقلت : مـــحـــمـــد

قال : يالبيه

قلت : بروح معك

جا ومسك يدي .. قومني من السرير وقال : ايه هذي ريومي اللي احبها

ضحكت وقلت : شفت انك انت اللي تحبني

ضرب راسه وجلس يضحك

............................

____________
بيت مشعل.. الساعه 9:00 مساءً
____________

** نجود **

كنت جالسه بالصاله اعدل اظافري ونايف يرسم رغد

قلت : تصدق نيوف .. حنان بنت عمتي ذبحتني .. من قلت لها هذاك اليوم انك بالمستشفى .. وهي كل دقيقه تسأل عنك

قال وهو داخل جو بالرسم : وش تبي ذي بعد .. كان لا قلتي لها

قلت بقهر : حرام عليك وش اللي وش تبي .. هذا جزاها تسأل عنك

تأفأف و قال : لحول .. رغد مو كل شوي تغيرين جلستك .. لا تقهريني

قالت : طيب طيب .. اخر مره لا تاكلني

الحين انا اكلمه وهو مطنشني ؟

سمعت صوت باب الصاله ينفتح .. لفيت بشوف من اللي جاي .. كان اخوي مشعل .. دخل وركب على طول فوق

فتحت عيوني وقلت وانا ااشر على الدرج : وليه هذا بعد مايسلم علينا

قال نايف : عادي يمكن ماشافنا

قلت : وش دعوه نمل حنا عشان مايشوفنا

قالت رغد والظاهر ما عجبها كلامي : لا تتكلمين على بابا .. وخاصه وانا موجوده

ناظرتها وقلت ببراءه : الحين من تكلم عليه .. انا بس قلت ماسلم علينا

قال نايف : وانا اشهد

قالت : حسبت بعد

قلت : مره ثانيه لا تحسبين

مسك نايف لوح الرسم وقال :خلونا نطلع برا .. الجو حلو

قلت : مالي نفس اطلع برا بجلس بالصاله

قال نايف : يللا جودي قلبو تعالي معنا

قلت : والله نايف ما ابي

حرك كتوفه وطلع مع رغد ..الا ومشعل نازل مره ثانيه .. هذا مره صاير هالايام وجوده مثل عدمه .. مايسلم علينا وفوق هذا مايودينا مكان ..عندي فكره .. بسويله اختبار وبشوف يودينا اذا طلبنا منه اولا .. وقفت وقلت : كيف حالك مشعل

قال : هلا نجود .. تمام وانتي ؟

قلت : تمام .. الا مشعل ابي منك طلب

قال وهو يمشي ماوقف : امري

قلت : وديني المريخ

قال : ما اقدر مو على طريقي

وفتح باب الصاله وطلع

شفتوا .. قلت لكم والله ما يودينا مكان .. تحركت من مكاني .. بس وقفت يوم سمعت صوت باب الصاله ينفتح

لفيت .. شفت مشعل واقف يقول لي : تستغفليني ؟

بلعت ريقي ..هذا وش رجعه بعد .. قلت : لا

قال : لوين تبين توصلين ؟

قلت : الله يعين رهف عليك

لوا فمه وقال : من جاب طاري رهف الحين

سكت عنه .. قال : رهف زوجتي مالك دخل فيها

هزيت راسي ..وطلع عني .. شفت رهف طالعه من المجلس تبتسم لي

قلت لها : وين كنتي

قالت : ماشفتيني طالعه من المجلس

قلت : قصدي وش كنتي تسوين

قالت وهي تجلس على الكنبه : اكلم الريم صديقتي .. هههههههههههه محمد مو راضي اكلمها
.. يقول لي لا تغثينا بشهر العسل

ضحكت وقلت لها : يحق له

قالت : ما اقدر ما اتطمن على ريوم

قلت : واخوك

قالت : لا هذاك اسد ما ينخاف عليه .... الا وين باقي الناس

قلت : ام مشعل بالمطبخ .. ونايف ورغد برا

قالت : خلينا نطلع لهم

بعد تفكير .. هزيت راسي وطلعت .. دام كلهم بيطلعون وش يجلسني هنا

سمعت صوت تلفون البيت يرن

رحت و رديت : الوو

فز قلبي يوم سمع صوت فيصل وهو يغني اغنية عبد القادر الهدهود : الوو قوه مساء الخير شخبارك عسى متعبت قلبك بتصالي فيك ياالغالي

قلت : اخلص تبي نايف ؟

قال بنبرة تعجب : اي نايف ؟ ماتستحين على وجهك تدخلين رجال غريب البيت ؟؟

قلت : بلا استهبال .. وثاني شي لوكنت تبي نايف بتدق على جواله .. باي

قال بسرعه : لحظه انا ما ابي نايف

قلت : اجل

قال بصوت رومنسي : ابيك انتي

فتحت عيوني وانا احس بدقات قلبي زادت : نعم نعم عيد ماسمعت

قال بنفس الصوت : اللي سمعتيه يا قمر الليالي وزهور البساتين

ضحكت بصوت عالي عشان اقهره : الحين اللي قلته هذا وشهو ؟

قال : بيت شعر

قلت وانا للحين اضحك : تسمي الزباله اللي قلتها بيت شعر

قال : اشوف يابنت العمه طلع لك لسان في التلفون .. ما اشوف قدامي تقولين لي زباله ومازباله

قلت بتحدي : اقدر اقول هالكلام قدامك ووراك بعد

قال : قويه تعجبيني .. يللا بجي بيتكم الحين .. وخلينا نتهاوش في المطبخ .. ونكسر الصحون والقدور .. وش قلتي

قلت : انا الحين بقولك وش قلت

قال وشكله مستانس : يللا قولي

قلت بصوت عالي : 1.....2.....3

قفلت السماعه .. وفطست من الضحك .. يستاهل فيصلوه

بس سمعت التلفون يرن مره ثانيه .. قبل مايكمل الرنه الاولى .. رفعته وقلت وانا ميته ضحك : تستاهل يا وجه البطه والجايات اكثر هاهاهاااااي

..: هههههههههههههههههه وجه البطه مره وحده

وقفت كل شعره في جسمي .. تيبست مكاني .. صوت رجال بس مو فيصل .. من هذا ؟؟ ياربي وش هالفشله

..: وش فيك سكتي .. لهذي الدرجه صوتي يخرع

ان شاء الله مايطلع صديق نايف .. لان نايف ان درى باللي سويته بيزرعني في حديقة بيتنا .. وش ارد عليه هذا

..: طيب من انتي ؟

انت اللي مين مو انا .. لازم انطق واسأله .. قلت بتوتر وصوت يرجف : أأ .. أن.. أنت مين ؟

ضحك وقال : وش فيك تتكلمين كذا .. قسم بالله انا مو عندك عشان اكلك

ثقيل دم مره .. عدلت صوتي وقلت : احم انت تبي مين ؟

قال : انا كنت ابي نايف بس الحين غيرت رايي .. دام عندي القمر مالي ومال النجوم

من قال نايف خفت زياده اللي توقعته صحيح .. وطلع الرجال صديق نايف .. وش بيقول عني نايف لا درى .. اصلاً وش ابرر له اذا سألني وقال ليه رفعتي السماعه وانتي تضحكين وتسبين .. اقول له كنت اقصد فيصل .. هذا الاعضم والاعضم .. احس وجهي صار حار مدري من الحيا ولا من الخوف .. قفلت السماعه في وجهه .. دام انه غير رايه ومايبي نايف .. اجل ليه اكلمه بعد .. وجلس التلفون يرن ويرن وانا مطنشه وحاطه يدي على قلبي .. يالله عدي هالليله على خير

..............................
__________________


______________
بيت العمه .. الساعه :9:15 مساءً
______________

** فيصل **

ضغطت على السماعه بعصبيه .. واحس اني اتنفس بصعوبه من القهر .. مو بس تقفل في جهي .. الا وتشغل الخط بعد .. انا متاكد انها ماتكلم احد .. بس تبي تقهرني اكثر عشان كذا شاغله الخط .. والحين ادق وما ترد بعد .. ياربي وش اسوي فيها نجود هذي .. ماخلت لي فرصه حتى اتنفس .. جاني صوت من بعيد يقول لي ’’ والله انت اللي قمت تتريق عليها .. لو انك تكلمت بجديه كان عطتك فرصه تعترف ’’

هزيت راسي بسرعه .. اصلاًَ غلط اني اعترف على التلفون .. انا ابي اعترف لها قدامها .. وجهاًَ لوجه .. ههههههههههههههه حلوه ذي وجهاً لوجه .. بس والله تعبت .. اذا ما اعترفت لها اليوم انا متأكد اني ما بعتررف بعدين

..: هـــــــــــــنـــــــــــوفـــه .. هــــــــــــــــنـــــــــــــــــــوفـــه

طلعت الهنوف من المطبخ وقالت : ااي طبلة اذني تفجرت .. تصارخ وانا عندك بالمطبخ

ضحكت وقلت : مدري انك في المطبخ .. المهم بتروحون بيت خالي الله يرحمه يوم الخميس صح

ابتسمت وقالت : طبعاً .. ليــه ؟

سرحت شوي .. لا تسألوني سرحت في مين انتوا تدرون

لفيت وجهي وكنت بصعد الدرج

اللي وقفني صوت الهنوف وهي تقول : ههههههههههه لا نجود 98 اهون من 96 .. ايه عندي 96 في الكيمياء

يعني انا تشغل الخط وتطنشني .. والهنوف ترد عليها

بدون ما احس لنفسي .. سحبت السماعه من عند الهنوف وصرخت : وجــــــــــــع .. وجــــــــــع ياسلام سوالف وضحك بعد .. وانا تطنشيني ولا مهتمه فيني .. هين يانجود كل شي بحســـــــابـــــــه

قالت وواضح جداً انها خافت مني : وش سويت انا .. الهنوف هي اللي دقت

قلت : ايه ووش معنى الهنوف تردين عليها .. انا مومهم تردين علي او لا هـــاه

قالت بصوت عالي : هي داقه من رقم بيتكم من نفس الرقم اللي انت تدق منه يعني .. وانا شفت الرقم ورديت وش عرفني اذا كنت انت او الهنوف .. او حنان اللي داقيين ؟

يووه صحيح وش هالغباء اللي علي .. صدق صدق ماعندي سالفه

قلت : طيب

تركت السماعه وركبت غرفتي .. حتى ما اعتذرت لها .. صدق انت غبي يافيصل صعبت عليك الموضوع اكثر .. وثاني شي وش بتقول الهنوف الحين .. ان شاء الله ماتدقق

____________
ابها.. الساعه : 9:30 مساءً
____________

** محمد **

دخلنا انا والريم المطعم .. وكان راقي وفخم .. فتحت للريم الكرسي وقلت : تفضلي بالجلوس ياحظرة الاميره

جلست وقالت : شكراً لك ايها الفارس النبيل

مسكت يدها وبستها وجلست .. قلت لها : ماذا تودين ان تأكلي ؟

قالت بتفكير : امممم اود ان اكل مثلك

قلت بسرعه : لالا غلط .. مفروض تطلبين على طول .. بنعيد المشهد

جلست تضحك وقالت : حمودي اسكت بس لحد يسمعنا

ضحكت وقلت : من عيوني بسكت خلاص

المهم طلبنا .. ووصل الطلب .. اول ماحطوه على الطاوله .. مسكت يدي اليمين وقلت : ااي يدي تعورني

قالت الريم وهي تناظر في يدي : يدك تعورك هااه .. قالولك ما اعرف حركاتك .. قول اكليني وفك عمرك

وش دراها ان هذا قصدي .. قلت : لا ومن قال جد يدي تعورني

قالت : وماعورتك الا يوم وصل الطلب ياسبحان الله

قلت واسوي حالي معصب : خلاص خلاص

مسكت الشوكه وسويت نفسي اطيحها .. غمضت عيوني بقوه وقلت وانا امسح على يدي : اااي اااي تعورني

حطت الريم يدها على فمها عشان تحبس ضحكتها .. واخذت الشوكه .. تبي تأكلني .. بس قلت انا بدلع : ما ابي

قالت : حبيبي تردني ؟؟

قلت وانا اناظر فوق : انا بخليك تأكليني من يدك .. بس لاني ما اقدر اردك

وفتحت فمي على طول .. اكلتني وابتسمت

قلت لها : وش فيك قلبي ؟

قالت : تذكرت اختي ساره يوم كانت تاكل من يدي

وربي سدت نفسي الريم .. وش جاب طاري النشبه ساروه

بس تصدقون وحشتني سوالفها ههههههههههههه

.
.
.

طلعنا من المطعم .. وجلسنا نتمشى الجو كان رهيب .. فغنيت للريم : الجو روعه كل شي صاير جنان وانا معك ياصاحبي اروع اثنين

فغنت لي هي بعد : اخذني معك بالجو الحلو .. خليني معك اسرح ياحلو

تركت يدها اللي كنت ماسكها .. وقلت : ريوم حياتي لحظه .. غمضي عيونك

مسكت يدي مره ثانيه وقالت : قلبي وين بتروح ؟

قلت : انتي غمضي عيونك

هزت راسها وغمضت عيونها .. كنت اشوف انها مغمضه لانها لابسه برقع ومنزله الشيله ( الشفافه ) عليه

بعدت عنها بشويش .. وتخبيت ورا بيت من البيوت .. بس كنت اراقبها

شفتها تتلفت يمين وشمال .. اكيد تدورني ههههههههههه

كتبت لها مسج في الجوال

^*^
/
\
/
\
/
\
/
\
/
^*^

انا جمعت اغراضي وفي طريقي للدمام

وبخليك هنا دبري عمرك

لاني خلاص ماعاد ابيك

اتمنى لك التوفيق

^*^
/
\
/
\
/
\
/
\
/
^*^

وش فيها ساعه تقرا المسج .. اكيد مو مصدقه .. يووه للحين تقرا المسج .. جلست على الرصيف تبكي .. خل اروح اشوفها بس

رحت شفتها جالسه وحاطه يدينها على وجهها وتبكي .. جلست وراها وهزيت كتفها : ريمي ريمي

شالت يدينها ولفت ناظرتني ورجعتهم .. وهي تقول : ما ابيك يللا روح

قلت وانا اضحك : حبيبتي وين اروح بدونك

ماردت علي .. مسكت يدينها وشلتهم .. قالت بصوت عالي : قلت لك ما ابيك

قلت : زين حياتي قومي

هزت راسها يعني لا .. حاولت اسحبها ماطاعت خفت تفشلني قدام الناس

قلت بجديه : الريم .. قومي فيه ناس

قامت ومشت بسرعه .. مشيت وراها .. وقلت : وقفي بكلمك

قالت : ما ابي اوقف .. ولا تكلمني

حطيت يدي على كتفها .. شالتها بقوه

قلت بضيق : والله حبيبتي امزح

قالت : مزحك ماله داعي ولا يضحك

كنت بمسك يدها بس هي بعدتها

قلت : حرام عليك كذا تسوين فيني

قالت : انا اللي حرام اللي اسويه ولا انت ؟

قلت : ماتبي توقفين ولا تسمعيني طيب

لفيت ومشيت بسرعه بعكس الطريق اللي هي تمشي فيه .. سمعت صوتها تقول وهي تتنفس بسرعه من المشي : محمد وقف

ابتسمت وما وقفت بالعكس جلست اسرع اكثر واكثر .. بعدين حسيت نفسي زودتها .. لفيت وقلت لها : تتوبين

قالت وصوتها يقطع القلب : أيــ ـ ـ ــــه

ضحكت بصوت عالي وقلت : يا الخبله كنتي متوقعه اني اخليك .. قالولك غبي اخلي حبيبتي واروح

سكتت عني وهي تشاهق

قربت منها .. كنت بلمها بس تذكرت ان حنا بالشارع .. مسكت يدها بقوه عشان تحس بالامان ومشيت معها

..........................



____________
بيت مشعل .. الساعه :10:00 مساءً
____________


** رهف **

كنت جالسه مع نايف ورغد بالحديقه .. والمفروض نايف يكمل رسم رغد
.. بس غير من الرسم الى درس في مزج الالوان .. لاني بس سألته عن لون كيف طلعه .. قال لي نمزج ذا اللون مع ذا اللون .. وجلس يوريني اذا دمج ذا واذا وش يطلع .. والدرس كان حلو ومشوق .. قطع التشويق كلام رغد : اوووه خالي .. الحين بترسمني ولا كيف

قال نايف : ولاكيف

قالت : لا جد تراني طفشت

قال وهو يمزج اللونين مع بعض : ايه شوفي كيف طلع هذا اللون .. لا هو فضي ولا هو بأيض .. جربي انتي ادمجيهم

مديت يدي اخذت الفرشه عشان ادمجهم .. وكنت احس ان وجهي احمر ويحرقني لان نايف قريب مني مره .. جلست ادمج اللونين مع بعض ونايف يشوفني بتركيز

ورغد تقول : نايف يللا ... اففف ماخلصت .. ترا طفشت

قال وشكله عصب : انتظري بس بوري خالتك رهف هاللونين وش يطلعون

قالت رغد : اما خالتي

قال : بما انها ماتجي امك .. انسب شي خالتك .. وابلعي لسانك على ما اخلص

قلت : خلاص نايف كمل رسم .. وانا بشوف نجود وين راحت .. لانها كانت بتجي

قال : براحتك .. بس بعدين نكمل الدرس

ضحكت وقلت : طيب

قمت من مكاني ومشيت .. بس احس نفسي موقادره اكمل مشي .. الدنيا تدور .. كل شي حولي يدور
ياربي وش فيني .. احس الدنيا ظلام
حطيت يدي على راسي .. وحاولت اوازن نفسي واصير طبيعيه .. مشيت شوي وخلاص ما اقدر اكمل .. مديت يدي احاول اسند نفسي على أي شي قدامي


.................................


** نايف **

تركت فرشة الرسم من يدي .. وقمت بسرعه مسكت رهف .. وجلستها على الارض .. قلت بخوف وانا اضرب وجهها بشويش : رهف .. رهف .. قومي وش فيك

بس لا حياة لمن تنادي .. وقلبي كان يدق بسرعه .. صرخت بصوت عالي : نــــــجــــــــــــود .. جيبي مويه

قالت رغد بدون اهتمام : تلقاها الحين تمثل .. عشان تلفت انظار الكل

عضيت على شفايفي وضربت راسها بقوه .. وقلت : قومي عن وجهي لا ذبحتك

بعدت عني وراحت تركض داخل

نزلت راسي اشوف رهف وفي نفس الوقت حطيت يدي على قلبي
احس انه يعورني من كثر ما دق
رهف قومي الله يخليك .. وش فيك

شفت نجود طالعه تسرع .. وفي يدها كاسة المويه

اول ماشافت رهف على الارض .. حطت يدها على خدها وقالت : وش فيها رهف

قلت : نجود تعالي اغسلي وجه رهف يمكن تصحى

قربت نجود جلست بجنب رهف وغسلت وجهها .. وفعلاً فتحت عيونها رهف بصعوبه

وقالت بتعب :انــ ـ ـ ـا راسي يعورني

قلت بأهتمام: ايه طحتي علينا

طلعت ام مشعل من باب الصاله .. وجات بجنبنا .. ناظرت في رهف وقالت بخوف : وش فيك حبيبتي

قالت رهف وهي ماسكه راسها : مدري

مسحت ام مشعل على راسها وقالت : ان شاء الله مافيك الا الخير يابنتي

سمعت صوت جوال نجود يرن .. ردت بسرعه وقالت : الووو .. بخير .. حنان انا بخليك الحين لان رهف تعبانه .. وموفاضيه اكلم جوال .. طيب حبيبتي .. باي

يوم قفلت .. قلت : بدق على مشعل بقول له

قالت رهف بتعب واضح : مايحتاج

قالت نجود : نايف خلنا اول ندخلها داخل

هزيت راسي وقلت : ايه صح

مالحقت قلت كلمتي هذي .. الا وسيارة مشعل جايه

وقفها ونزل منها.. كان بيدخل داخل

بس نجود نادت عليه بصوت عالي : مشـــعــل تــعــال

ناظرت في يدي وتذكرت اني للحين ماسك رهف .. تركتها بسرعه قبل مايجي مشعل ويسوي سالفه

.................................


** مشعل **

وش فيها ذي تصارخ بعد .. خل اروح اشوف وش السالفه

تقربت منهم .. شفت رهف جالسه وحاطه يدها على راسها

اشرت عليها وقلت : وش فيها

قال نايف : طاحت علينا .. شكلها تعبانه مره

قالت امي : مشعل وديها المستشفى

ياربي اكره شي في حياتي .. اني ارجع من بره تعبان .. وتصير هالمواقف .. اعرفهم هالبيت ياحبهم لتعضيم الامور .. تلقون راسها يعورها شوي .. سووها طاحت وبتموت

جلست على الارض وقلت : رهف وش فيك

قالت : مافيني شي بس راسي يعورني شوي

شفتوا قلت لكم مافيها شي

تكلمت وانا اناظر في نايف : ليه مادقيتوا وقلتوالي

قال نايف بعصبيه : الحين وش اللي قلتوا وماقلتوا .. ودي بنت الناس المستشفى

ايه سوي نفسك معصب وش عليك .. ادري عنه يصرف الموضوع لانه ماكان يبي يدق علي .. انا مدري وش اللي يبيه بالضبط

سمعت رهف تقول : لا ماابي اروح المستشفى .. قلت لكم مافيني شي .. مشكور نايف

على وشو تشكره؟؟ .. هو اصلاً سوا شي

مسكتها وقلت : يللا رهوفه نروح المستشفى

مسكتها امي معي تبي تقومها .. بس هي ماطاعت .. وقالت : والله مافيني شي .. ما ابي اروح

قومتها وقلت : براحتك خلاص .. يللا نروح الغرفه

قال نايف وكانه مو راضي : لا لازم تروح المستشفى

قلت على طول : ماتبي تروح .. ’’ مسكتها بقوه وكملت كلامي ’’ هي زوجتي وانا حر

انا نفسي استغربت من كلامي .. وش اللي خلاني اقول كذا .. كلامي ماله منطق

ناظرني نايف بعصبيه .. وراح ركب سيارته ومشى

وش علي منه .. مسكت رهف ودخلت معاها داخل .. وكانت امي ونجود وراي
اول مادخلت شفت رغد جالسه على الارض وحاطه راسها على الكنبه تبكي

تركت رهف .. ورحت لرغد بسرعه .. رفعت راسها وقلت : وش فيك حبيبتي .. ليه تبكين

ماردت علي .. مسحت دموعها .. وبست راسها .. قلت : فيه احد زعلك

قالت وشكلها يكسر الخاطر : خالي نايف طقني .. عشان رهف

ضغطت على يدي بعصبيه .. وضربت الارض .. كم مره قلت له لايمد يده على بنتي

قالت : رهف تعبانه .. راح حط الحره فيني

لكن انا بوريه .. وقفت وحملت رغد .. قلت لها وانا ابتسم : خلاص ماعليك لا رجع انا بكلمه وبحط له حد .. انتي روحي نامي الحين .. زين حبيبتي

هزت راسها وباستني وهي تبتسم

....................................



______________
بيت ابو يوسف .. الساعه :12:00 مساءً
______________

** يوسف **

بموت نعس .. بس والله ما بنام الا اذا ردت علي البنت ام وجه البطه .. ههههههههههههههه قسم بالله صوتها رهيب .. دلعها عفوي.. مومثل البنات اللي اكلمهم .. يتميعون ويتميلحون مدري على وشو .. حتى نستني انا ليه كنت داق .. ايه كنت بعلم هاللي اسمه نايف وشلون يصارخ على عمه يوسف وهو مريض .. بس خل نايف يولي الحين .. فاضي له انا .. بدق مره ثانيه

..: الووو

اوووف هالشغاله .. مستقعده لي عند التلفون .. بنتظر شوي بعدين بجرب

جلست اجرب مره ومرتين وثلاثه وعشره .. ماترد علي الا الشغاله .. ووحده الظاهر عجيز

ياربي قهــــــر .. صح انا دلخ .. ليه ما اسأل الشغاله عنها .. بما ان مافيه امل ترد هي

دقيت وكالعاده ردت الشغاله

قلت : الووو كيف حالك ياجميل

قالت : كويس

قلت : الله وش هالصوت الزين

الله على هذا زمن اللي يخليني اغازل شغاله

قلت بجديه : وين هذي الحرمه

قالت : ام مشعل ؟

لا مو ام مشعل .. اذا مشعل كبير اجل كيف امه ؟ .. قلت : لا الحرمه الثانيه

قالت : نجود

يجوز نجود ويجوز لا .. قلت : لا حرمه ثانيه

قالت : مين!! .. رهف

رهف اختي واعرف صوتها يعني موهي

قلت : لا لا موهذي ثانيه

قالت : خلاص مافيه في بيت حرمه ثانيه غير اللي انا قلتهم

يعني هي نجود ماغيرها .. يازين الاسم زيناه

قلت : ثانكس .. كل يوم تعالي .. عاشوا سرا ورا على قلبي ههههههههههههههه

وقفلت السماعه في وجهها

الله عليك يانجود .. اذا صوتك حلو واسمك حلو اجل كيف شكلك ..؟

لازم اشوفك

.................................................

_________________
بيت مشعل .. الساعه : 12:30 مساءً
_________________


** رهـف **

فتحت باب الغرفه .. وانا احس راسي شوي وينفجر .. انسدحت على السرير وانا حاطه يدي على راسي .. اضغط عليه يمكن يخف الالم

دخلت مشعل الغرفه وقفل الباب .. جلس بجنبي على السرير .. وكان ساكت وشكله يفكر بعمق .. احس انه يبي يقول شي .. بعد فتره من التفكير

قال بملل : تعشيتي ؟

هذا اللي طلع معك ؟

قلت : لا

تصدقون اكتشفت ان التعب هذا لاني ماتعشيت .. تو اتذكر اني ماتعشيت .. لازم من اليوم وطالع اكل زين .. عشان ماتجيني هالدوخه مره ثانيه

قال : جوعانه ؟

قلت : لا

قال : وليه مو جوعانه ؟

قلت : بس

عدل جلسته وقال : الحين تحسين نفسك احسن ؟

قلت : شوي

قال : بتنامين

قلت : يمكن

حط يده على راسي وقال : متى تعبتي بالضبط ؟

قلت : مدري

صرخ بعصبيه : اوووووووه .. وش هالاجابات المختصره .. ماتبين تردين علي قولي

شلت يده اللي على راسي وقلت : لا تجلس تصارخ في هالليل .. ترا راسي يعورني ومو فـــ...

وقفت كلامي يوم شفت نظراته لي .. بصراحه تخوف

قال بعصبيه : ومو وشو ؟

لفيت وجهي وقلت : ولا شي

قال : يللا قولي .. كملي كلامك ؟

والحين وش اقول له .. اقول له كنت بقول مو فاضيه لك .. والله بيشرب من دمي دراكولا هذا

قلت واحاول اوزن صوتي : مــ .. ــا بقول .. شي

صرخ علي : بتقولين وغصب عنك بعد

صرخت ومسكت راسي : آآآآي يعــورني

مسك يدي وقال بأهتمام : رهوفه .. وش صار .. زاد عليك الالم ؟

هزيت راسي بأيه

مسح على راسي وقال : لازم تاكلين شي

قلت : أن شاء الله .. الحين بنزل المطبخ وباكل لي شي

ابتسم لي وقال : انا بروح اتروش

طلع له ملابس ودخل الحمام ’’ الله يكرمكم ’’

تبون الصراحه .. انا كنت امثل ومازاد علي الالم ولا شي .. بس خفت من مشعل لا تلوموني

....................................

** نايف **

اخذت لي كم دوره بالسياره على حينا .. وتذكرت ان رهف تعبانه ( بصراحه انا جالس اكذب على نفسي لان تعب رهف ماغاب عن بالي ) وتذكرت انها ماتعشت معنا .. واكيد هالدوخه من قلة الاكل .. فقبل ما ارجع البيت مريت على ’’ هرفي ’’ واخذت لها وجبه

دخلت البيت وكان الوقت متأخر .. وش اسوي ؟ كيف اعطيها العشا .. ادق باب غرفتها والا ؟
.. لا مو حلوه.. بشوف جودي نامت او للحين .. صعدت اركض مع الدرج .. وطقيت باب غرفة نجود بهدوء .. يوم ماسمعت ردها عرفت انها نايمه .. كنت بنزل الدرج وبخلي الاكل في المطبخ .. بس سمعت باب غرفة رهف ينفتح

لفيت .. واول ماشفت رهف قلت بسرعه وبصوت عالي كاني ماصدقت اشوفها : رهـــــــــــف هـــــــــــذا عشــــــــــــا

حطت يدها عند صدرها وقالت : بسم الله الرحمن الرحيم

ابتسمت وقلت : المعذره خوفتك

نزلت راسها وقالت : لا عادي

قربت اكثر وقلت : خذي هذا ’’ حكيت راسي ’’ هذا عشا انا جايبه لك .. لانك لانك ’’ مدري وش اقول ’’

ابتسمت وقالت : مشكور نايف وماتقصر

مديت يدي وقلت : طيب خذيه

ضحكت بحياء واخذت الكيس .. وكانت خدودها حمر .. ليه مستحيه مني هالكثر!!

قلت : رهف انا اعتبرك مثل اختي نجود

وشوله هالكلام الحين ؟

قالت ببراءه : وانا بعد اعتبرك مثل اخوي محمد بس مو مثل اخوي يوسف هههههههههه لانك غير عنه

قلت : ههههههههه وليه عاد ماتحبينه ؟

قالت بتفكير : اممممم الا احبه واموت فيه مهما كان هو اخوي .. بس محمد قريب لقلبي اكثر

قلت لها تصبحين على خير ورحت غرفتي وانا قريب اتشقق من الوناسه

جملتها الاخيره اثرت فيني مره .. يعني انا قريب لقلبها .. يعني انا مهم بالنسبه لها .. شكلي ماراح انام الليله ههههههههههههههه

.............................
__________________



____________
الدمام .. شقة محمد الساعه : 3:30 مساءً
____________

** الريم **

اتخيل عيونكم كيف صايره وانتوا تقرون ( الدمام ) وين ابها ؟..ايه هذي الايام الحلوه بسرعه تمشي .. كملنا امس 10 ايام واليوم رجعنا من ابها

والحين جالسه اخبر محمد اني بروح لرهف

محمد : وش تروحين لرهف .. مو انتي اللي راجعه من السفر وتوك متزوجه .. مفروض هي اللي تجيك

قلت له : بس هي تعبانه صار لها 4 ايام .. لازم اروح واشوفها

قال : بعدين بتصير زينه وبتجيك

قلت : عيب انتظرها تجيني .. وبعدين انا دقيت قلت لها اني بجيها .. حمود حياتي قلبي عمري يللا عاد هذي صديقتي واختي لازم اشوفها

قال : بس انا تعبان .. تو راجع ابي ارتاح

بصراحه شكله مره تعبان .. عشان كذا رحمته وقلت له : الحين بدق على اخوي فارس بخليه يجي يوديني

قال : طيب خليه يوديك .. بس لا تتاخرين .. واذا طلعتي من عند رهف مو تروحين بيت اهلك .. ارجعي على طول الشقه

ابتسمت وقلت : اوامر ثانيه عمي

قال : سلامتك حبيبتي .. وخلي بالك من نفسك

.
.
.

ماتأخر علي اخوي فارس .. بسرعه جاني ووداني بيت رهف

قبل ما انزل قال لي : دقي علي لاخلصتي .. طيب

قلت : ان شاء الله .. مع السلامه

قال : الله معك

نزلت واستقبلتني نجود وام مشعل .. سلموا علي وجلسوني بالصاله

قالت لي نجود : ثواني بروح انادي رهف

قلت : لا لا مايحتاج انا بروح لها .. هي وين ؟

ابتسمت وقالت لي : تعالي وراي

رحت وراها .. وركبنا فوق .. فتحت نجود باب غرفه من الغرف

وقالت : رهوفه .. الريم جات ’’ وطلعت ’’

دخلت الغرفه وشفت رهف جالسه على السرير وامها بجنبها .. وقفت يوم شافتني .. رحت لها وضميتها بقوه

وكنت مره مبسوطه بشوفتها .. سلمت على عمتي ام يوسف

ولفيت على رهف وقلت : وحشتيني موت يا الدبه

قالت : وانتي اكثر وربي .. ماتدرين شكثر مشتاقه لك

قلت وانا الوي فمي : ايه واضح من اتصالاتك الزايده لي وانا في ابها

قالت : تبيني ازعج المعاريس .. كان انتي اللي اتصلتي

قلت وانا اضحك : محمد مايخليني اتصل

ضحكت معي وقالت : وتلومني بعد

قالت ام يوسف : ايه بعد مايصير نزعج المعاريس .. حتى ابو يوسف مايرضى ادق على محمد

ابتسمت لعمتي وناظرت في رهف

مسكت يدي وجلستني معها على السرير .. حطيت يدي على خدها وقلت : لهذي الدرجه تعبانه .. اشوفك على السرير

قالت : قسم بالله توني قبل ماتجين بدقايق جالسه على السرير .. والا انا مافيني شي

قلت : زين وش فيك .. مارحتي المستشفى

قالت : وليه اروح وانا مافيني شي .. ريوم انتي اكثر وحده تدرين اني ما احب المستشفيات

رفعت حواجبي وقلت : الله يستر

ضربت يدي وقالت : لا تكبرين الموضوع

ضحكت وقلت : من عيوني

عدلت جلستها وقالت : عطينا المفيد .. وش سويتوا في ابها

غطيت وجهي وقلت بحيا : ماسوينا شي

رفعت حاجب وقالت : شوف الخبله .. انا قصدي وين رحتوا ووين جيتوا .. ماقصدت شي ثاني

قلت : آآآه .. مافيه مكان بأبها مارحنا له انا ومحمد

قالت : وناسه .. طيب ابها حلوه ؟

قلت : تجنن

دخلت نجود الغرفه وقالت : يللا انزلوا تحت .. عماتي وبناتها هنا

نزلنا مع بعض انا ورهف ونجود وام يوسف

وكانوا في الصاله حريم كثير

بعد ماسلمنا وجلسنا .. قالت وحده من الحريم : من هالبنت اللي نزلت مع رهف

قالت ام مشعل : هذي الريم .. اللي رحنا عرسها قبل اسبوعين تقريباً .. مرة ولد ام يوسف

قالت الحرمه : اهاا .... مبروك

ابتسمت وقلت : الله يبارك فيك

قالت نفس الحرمه وهي تناظر في رهف : ام مشعل .. وش فيها مرة ولدك 24 ساعه متخبيه في هالغرف

قالت ام مشعل : فديت قلبها .. تعبانه

قالت الحرمه : هذا انا اشوفها مافيها الا العافيه

وش هالحرمه الثقيلة الدم .. ضربت رهف بيدي .. وقلت بصوت خفيف : رهوفه من هالحرمه

قالت رهف : هذي عمة زوجي .. ام هالبنتين اللي هناك .. اسكتي اسكتي جوا لنا

قالت وحده من البنات وكانت حلوه وناعمه : سلامتك رهوف

قالت رهف : الله يسلمك هنوفه

قالت الثانيه والظاهر تتكلم من خشمها : ماتشوفين شر

قالت رهف : الشر مايجيك حنان

وطول ما انا جالسه مع رهف .. هالبنت اللي اسمها حنان غاثتنا .. احسها مو طايقه تجلس مع رهف .. عكس الهنوف اللي حسيتها قمه في الاخلاق .. وسوالفها تجنن .. مع هذا تمنيت لوكنت جالسه مع رهف لحالنا .. ما اخذت راحتي في السوالف .. شفت الساعه كانت 6 .. دقيت على اخوي فارس عشان يجيني .. قال لي انه برا

قالت لي رهف : بتروحين

قلت لها : ايه اخوي فارس جا

قالت : اجلسي معي شوي

قلت : معليه مره ثانيه

سلمت عليهم .. وانا طالعه سمعت وحده من الحريم تقول : هنوفه اطلعي برا .. نادي وليد خليه يدخل داخل

مسكينه هالنوف يامقومين يامجلسين فيها

.................................................

** نجود **

تفاجأت يوم قال لي وليد ان فيصل يبيني ورا البيت .. وش يبي فيني .. اكيد يستهبل ويتريق كالعاده

رحت ورا البيت ووقفت اناظر فيصل وهو يروح ويجي .. شكله متضايق او فيه شي
يوم شافني ابتسم لي واشر لي اتقرب .. ايه زين طلع مو متضايق

اول ماتقربت قال لي : كيف نجود ؟

هزيت راسي وقلت : تمام

ماسألته عن اخباره عشان ما اطول معه .. احس شكلنا شوي غلط .. وشكل فيصل الجاد مخوفني .. العاده هو مو كذا

** فيصل **

الحين بوشو ابدا .. ههههههههه شكلي توهقت .. ساعدوني الله يخليكم
عقدت حواجبها وقالت : وش صاير فيصل ؟

تحمحمت وانا حاط فمي على يدي .. قصدي يدي على فمي لاتلوموني اتراجف مو عارف اوصف لكم حالتي

قلت : مـسـتـغربــه تـا تــ أأ .....

وش الباقي .. نسيت كلمات الاغنيه .. لا الاغنيه كلها تبخرت ولا كاني جلست ساعات احفظها .. عز الله رحت فيها يافيصل

تكتفت وقالت : بصراحه ايه مستغربه .. مدري وش فيك فيصل قول اللي بقلبك

ايه زين مالاحظت اني كنت بغني وهالشي لصالحي

** نجود **

فيصل يبي يوقف قلبي اكيد .. انا بدون شي خايفه .. وتردده في الكلام يزيد خوفي

سمعته ياخذ نفس ويقول بسرعه وبأندفاع : نجود بأختصار وبدون أي لف ودوران
انــا احبــك .. ايه احبك .. وانا ماقلت هالكلمه الا لاني متأكد منها .. ادري فاجأتك بس انا احبك من زمان مو من يوم او يومين .. وانا اعترف اني متسرع في بعض الامور .. بس الا هالشي ماتسرعت فيه .. نجود انتي ماتدرين اني احسك مثل ظلي .. لاني طول اليوم افكر فيك .. طول اليوم اشوفك قدامي .. ساكنه بقلبي ومتربعه فيه .. مستحيل في يوم وحده غيرك تسكنه بداله ..
انا اخترتك انتي وما ابي غيرك .. حتى لو ماكنتي تبادليني نفس الشعور .. مستحيل تكونين لغيري .. ولوفكرتي مجرد تفكير انك تحبين شخص غيري .. بذبحك وبشرب من دمك

طول مافيصل يتكلم وقلبي يدق بقوه .. كنت منزله راسي ما ابي فيصل يشوف تعابير الفرحه في وجهي فيصل يحبني ؟ ماتوقعت هالشي .. ايه ليه ما اتوقع ؟ وش ناقصني عشان فيصل مايحبني .. بس بصراحه فاجأني فيصل .. حتى اني ماعرفت بوشو ارد عليه

** فيصل **

انا قلت هالكلام ؟؟؟ ما اصدق .. مستحيل هالكلام يطلع مني .. ما اصدق ما اصدق .. انتوا تصدقون ؟ .. ماتوقعت اني جريء لهذي الدرجه .. بس ارتحت على الاقل اعترفت .. هم وانزاح .. وهي طيب ليه ماتقول انها تحبني بعد .. ليــــــــــه

سمعتها تقول : فيصل طولنا في الوقفه لحالنا .. انا لازم ادخل داخل

ضايقني هالشي مره .. كنت ابيها على الاقل تقول كلمه .. كلمه بس مو كذا ولا كاني قلت شي .. ماتدري ان هالشي متعبني وكل يوم افكر فيه .. لحظه لحظه انا ليه متأكد انها تحبها اصلاً .. لو كانت تحبني ماكانت بتسكت الحين .. بس الظاهر يافيصل انك بتجرب حياة العنا .. بتفقد النوم وبتسامر النجوم


.....................................


** فارس **


كنت في سيارتي انتظر الريم تطلع .. واسمع اغنية تعبك راحه لـ أصيل ابو بكر


*************

تعبك راحه واحبك مهما تتعبني
شفت الغلا كيف سوى من التعب راحه

عذب ومنهو يردك لاتعذبني
البال مرتاح والاعصاب مرتاحه

لاينكسر خاطرك كيفي وعاجبني
اجرح ترى صاحبك مبسوط بجراحه

انا اللي كسبان مدام انت غالبني
ماظن خسران مثلي يحسب ارباحه

صوبني من وين ماودك تصوبني
مذبوح ومسلم ٍ روحه لذابحه

غصب ٍ علي كل ماسويت يعجبني
قلبي قفلته عليك وضاع مفتاحه


*************

طلعت الريم وركبت السياره .. قالت : سلام

قلت : وعليكم السلام .. تأخرتي 5 دقايق .. يللا انزلي

قالت : فارس عاد بلا مصاخه

كنت ابيها تحاول تفتح الباب .. عشان ارجع على ورا بسرعه .. واخرعها .. بس ماصار .. بحاول مره ثانيه

قلت : جد يللا انزلي .. خلي زوج صديقتك يرجعك .. عقاب لانك تأخرتي

قالت : فارس

قلت : الريم

قالت : والله بسويها وبنزل

قلت : يللا سويها

كانت بتفتح الباب .. بس انا حركت السياره على ورا بسرعه .. حطت يدها على قلبها وقالت : بسم الله خرعتني

جلست اضحك وقلت : محد قال لك

قالت : فارس سمعت صوت ورا .. ليكون دعمت احد

قلت وانا اناظر ورا : فال الله ولا فــ....

شوفتي لبنت واقفه ورا السياره .. خلتني ما اكمل جملتي .. يالله سترك

نزلنا انا والريم من السياره بسرعه .. والخوف مسيطر على قلوبنا


^*^
/
\
/
\
/
\
/
\
/
^*^

***** نهاية الجزء العشرون ******

كل حبي .. صاحبة الكلمه
__________________

[@ همس الغلا @]

...:::][ الجزء الواحد والعشرون ][:::...


______________
بيت مشعل .. الساعه :6:00 مساءً
______________


** فارس **


بعد مانزلنا انا والريم من السياره .. رحت لعند البنت .. ماكانت مغطيه وجهها .. عشان كذا من شفتها لفيت وجهي

ودفيت الريم بيدي .. يعني كلميها وشوفي وش صار فيها .. لاني اسمعها تبكي

فتحت الريم وجهها .. وقربت منها .. سمعتها تقول بصوت عالي: الـــهـــنــوف

الاسم غريب .. يووه الحين مو مهم غريب او قريب .. الاهم هي وش صار فيها

هذا الكلام اللي سمعته من الريم : الهنوف تعورتي .. ردي علي .. على الاقل هزي راسك لا تسكتين ............. وشلون تهزين راسك بلا وانا اشوف بيدك دم

من قالت دم لفيت راسي .. وقلت بخوف : الريم خلينا نوديها المستشفى

قالت الريم : بدخل بقول لأهلها

قلت انا : لحظه هي خليها تتكلم اول
ابي اعرف بس هذي تتكلم اولسانها انقص فجأه .. وين عورها بالضبط

غطت وجهها وجلست تبكي بصوت مسموع

قلت للريم وانا ااشر عليها بأستخفاف : بترد هي يعني ولا شلون

عضت الريم على شفايفها وكانها تقول اسكت

لاحول ولا قوة الا بالله .. وربي هالبنت تطفش .. وان وقفت معاها اكثر من كذا بجن

مسكت الريم من يدها وقلت : امشي بس امشي

بعدت الريم يدها عني وقالت : فارس عاد .. تخيل نخلي البنت كذا ونمشي

قلت بصراخ : وش تبيني اسوي لها ارقص مثلاًً .. اعتذار وماراح نعتذر .. لان حنا ماغلطنا وبعـ.. لحظه اساساً هي مفروض تعتذر مني لاني كنت ابي ارجع السياره على ورا وهي ماخلتني .. اعترضت طريقي بكل غباء .. قسم بالله بنات مدري وين عقلهم

بست يدي وجه والظهر وقلت : الحمد الله والشكر بس

صدقوني لو اكلم جماد تحرك .. ماتحس هذي .. صخر .. عطلتنا الليل جا وحنا للحين مارجعنا البيت

قالت الريم : فارس حرام عليك البنت تعورت

غمضت عيوني وقلت بنفاذ صبر وانا ااشر على السياره : الريم اركبي

قالت الريم للبنت : الهنوف انا بدخل داخل بكلم امـ

ماخليتها تكمل كلامها .. وسحبتها من يدها .. وفتحت باب السياره ودخلتها

وركبت انا بعدها .. اول ماحركت السياره

تكتفت الريم وقالت بعصبيه : وش هالاسلوب وش بتقول الهنوف عنا

رفعت حاجب وقلت : وهي من عشان نهتم للكلام اللي بتقوله عنا

قالت بجديه : فارس البنت اعرفها

قلت : مبروك .. ومن وين تعرفينها ؟

قالت بتفكير : بنت عمة مشعل زوج صديقتي رهف

قلت : بل بل قويه ذي .. وش قلتي ؟ جدة عم خال ولد جيران ناصر زوج اخت صديقتك !!

قالت بقهر : اووف انا ما انكت .. وانت غلطت على البنت و...

وحطت يدها على فمها وقالت : تخيل صار فيها شي

قلت وانا اسوي نفسي متاثر : يمه تخيلي يصير فيها شي .. آآآآه قلبي يعورني .. مابقدر لا انام ولا اكل .. وااي ماقدر .. بعيش حياتي كلها قلق

’’ حركت يدي يمين وشمال ’’ لا وبيودونا السجن .. بيضيع شبابنا ومستقبلنا .. الا جد ريوم .. هي تتكلم اولا

قالت وهي تدف كتفي : طبعاً تتكلم

قلت بسرعه : شفتي هذا دليل ان ماصار فيها شي .. لان لوصار فيها شي بتتكلم ماراح تسكت .. واصلاً لو ناس غيرنا طنشوها ومشوا .. بس حنا عطيناها وجه ونزلنا لها .. وهذا الشي اللي خلاها تتدلع

قالت : تتدلع ؟ هههههههههه .. تراك مصختها .. ولو منت بأخوي .. كنت بقول ’’ بمياعه ’’ ماعندك ذوق

قلت : انا اللي الحين برميك من السياره

وعلى طول وقفت السياره

قالت وهي بتموت من الخوف : فارس .. ترمي اختك ؟

فطست من الضحك وقلت : اقول .. انزلي وصلتي شقتكم

لفت وناظرت في البنايه والظاهر توها تستوعب : هااه .. ايه صحيح .. يللا مع السلامه .. وسلم على امي وابوي واخواتي وخويلد

قلت : والخدامه ماتبيني اسلم عليها بعد .. ترا مره مشتاقه لك

قالت بسخريه وهي تطول بالكلام : شــكـــــراً .. بــــــــاااي

نزلتها وحركت السياره وكنت بروح اصلي بالمسجد .. لان عندي الليله ( دوران ) .. دوران في وشو ؟ ... في الاسواق انا واخوياي طبعاً

فزيت يوم سمعت صوت جوال يرن .. وانا من ركبت معي الريم قفلت جوالي

خرعني جوال ريوم .. صوته عالي

لازم اعطيها خبر انها ناسيه جوالها بسيراتي

فتحت جوالي .. ودقيت على بيتنا

... الووو انا ساره وهذا بيت ابو فارس وش تبون ؟

قلت بصوت عالي عشان اخوف اختي ساره : مو كم مره قايل لك لا تردي على التلفون بهذي الطريقه

قالت لي بقهر : انا ارد بالطريقه اللي ابيها .. كيفي .. حره .. مايخصك .. انت على طول تصارخ علي .. على طول تبي تفشلني .. خالد مو مثلك .. خالد يدلعني ويشتري لي حلاوه .. واليوم وداني .............

قلت بسرعه : بس بس .. لا تجلسين تعلميني قصة حياتك كلها .. انا اعرفك لو ما اسكتك تواصلين الكلام للفجر

قالت : اووووف .. وش فيها الاخلاص واقفه

قلت بملل : الاخلاص واقفه والا الاخلاق قافله ؟

قالت بمرح : ايه هذي هي

قلت : متى بتتعلمين الكلام انتي

قالت : انا اتعلم الكلام .. واتعلم الكتابه والقراءة .. واتعلم كل شي تتعلمه .. مثلك بالضبط .. حتى امي تقول اني اشطر وحده فيكم .. تخيل اليوم قبل مايجي بابا من الدوام .. طلعت انتظره بره .. بدال ماينبسط صرخ علي وقال لي ادخلي داخل ولا تطلعين بره بالضهر .. هذا جزاتي ؟

قلت : سارونتي ابوي يخاف عليك .. ولا تعيدينها مره ثانيه .. المهم ضيعتي وقتي .. وين ريوم

قالت : ريوم اليوم ماجات لنا .. لان رهف بنت جيراننا اللي تزوجت من زمان .. مريضه وقالت تبي تــ ....

ضربت راسي بيدي وقاطعتها وقلت : ايه صح نسيت

وش هالغباء اللي علي تو منزلها شقتها .. لحقت تنسى يافارس

قلت لساره : خلاص بدق على شقتها .. يللا فمان الله

قالت بسرعه : لا والله انت قلت لي بتوديني معك السوق وبتعشيني .. يعني تضحك علي وماتبي توديني مكان ( تبكي ) كلكم ماتحبوني

لحول .. الله ياخذني على هالغلطه .. لو اني داق على شقة ريوم ماكان صار هذا كله

قلت : خلاص حبيبتي البسي وبروح المسجد اصلي وبعدها بمر عليك

قالت بوناسه : يـــس .. انتظرك ترا انا .. لا تنساني .. ترى بلبس بسرعه وبروح انتظر عند الباب .. واذا ماجيت ما باكلمك إلى الابد .. وما بحبك .. ومــــا ومــــا ومــــا .. وما وشو ؟ امممم نسيت

ابتسمت وقلت : لا ماراح انساك

..................................


** الهنوف **


كنت واقفه بمكاني للحين .. >> مصدومه << .. قلبي يعورني .. صحيح متعوده على المعامله الزفته من امي واختي .. بس معامله قاسيه وجارحه لهذي الدرجه ؟؟ ما اتوقع بشوف.. الدموع كانت متجمعه في عيوني .. لالا موفي عيوني لاني احس فيها تمشي على خدي .. اخاف امسحها وتحرق يدي .. لانها جالسه تحرق خدي

احس بشيلتي تطيح من على راسي .. كنت ابي ارفع يدي اليمين عشان اعدلها .. بس ماقدرت .. تعورني مره .. جلست على الارض وطاحت الشيله على كتوفي .. ودموعي طاحت على الارض

مسكت طرف شيلتي .. وجلست امسح دموعي اللي طاحت على الارض .. جلست امسح وامسح .. ماابي دموعي تصير على الارض

موعشان الارض وصخه لا.. دموعي هي الوصخه .. لانها تطيح عشان واحد ماعنده احساس

تذكرت اني مو في بيتنا .. وقفت بسرعه .. ما ابي احد يشوفني ويسألني وش صاير .. لاني لو كنت في البيت محد بيسألني .. لأول مره اتمنى لو انا الحين في بيتنا .. وما اطلع منه ابد

لفيت شيلتي بيدي اليسار ومشيت .. وانا امشي كل شوي الف وراي .. احس انه بيرجع وبيكمل كلامه .. لايارب ما ابيه يرجع

سرعت في مشيتي .. حتى حسيت نفسي بطيح .. مايهمني اطيح اولا .. اهم شي مايرجع ويشوفني

رحت لحمام المجلس ’’ الله يكرمكم ’’ .. وغسلت وجهي .. ناظرت شكلي في المرايا .. رجعت على ورا بسرعه لان شكلي كان يخوف من كثر مابكيت .. الكحله كلها على خدي .. وعيوني حمرا .. مو بس عيوني الا وجهي كله احمر

مديت يدي اليسار ولمست وجهي .. وبتسمت لاني حسيت انه ماقال كلامه الجارح الا يوم لف وشاف وجهي .. ووجهي كان يخرع من البكي والكحله .. ولا هو لوشاف وجهي بوقت ثاني .. ماكان قال لي شي

اختفت ابتسامتي على طول .. حاولت ارجع ابتسم ماقدرت .. ليه مو قادره ابتسم .. اكيد لان احساسي كله غلط .. واني جالسه اقنع نفسي بس

ورجعت الدموع تطيح مره ثانيه .. وانا اغسل وجهي مره ومرتين وثلاثه احاول ابعد الدموع عن وجهي .. بس مافيه فايده

لفيت اناظر للمجلس من الدريشه .. عرفت ان مافيه احد .. لانه كان ظلام

فتحت الباب .. دخلت وجلست في اقرب كنبه .. ودموعي طبعاً تتجدد

بعد يمكن نص ساعه .. سمعت صوت احد يفتح الباب ويشغل الانوار

...: بسم الله الرحمن الرحيم .. هنوفه وش تسوين هنا

التفت لمصدر الصوت .. وكان اللي واقف نايف .. مدري ليه يوم شفته بكيت اكثر .. يمكن لان جسمه يشبه شوي جسم اخو الريم

قرب مني وجلس بجنبي .. قال لي بحنان : هنوفه ليه تبكين ؟ احد زعلك؟ .. اختي نجود زعلتك؟ .. والله لو تزعلك اعلقها من كشتها فوق السطح .. كم الهنوف عندنا

ماكنت اقدر ارد عليه .. وش بقول له يعني ؟

قال بتهديد : ترا والله لو ماتتكلمين بناديهم وبجمعهم كلهم هنا

قلت بسرعه وصوتي متكسر من البكي : لا تكفى

ضحك وقال : شفتي كيف خليتك تتكلمين .. انا نايف ولد عبد العزيز من علي

اكتفيت بأبتسامه غصب عني

قال : يعني مابتقولين ليه تبكين

مسكت يدي اليمين وقلت : بس كنت طالعه انادي وليد .. وانزلقت بالمويه وطحت وتعورت يدي

قال وهي يبتسم : والله انك دلوعه .. كل هالبكي .. عشان طحتي

قلت : تعورني

قال : اعترفي انتي تبكين عشان يدك تعورت .. ولا عشان طحتي ووليدوه ضحك عليك

قلت : والله العظيم وليدوه ماشفته اصلاً

ضحك واشر على يدي : اقول هاتي بس اعالج يدك

بعدت عنه شوي وقلت : مجنونه اسلمك يدي

قال : تصدقين كنت بصير دكتور

قلت بأندهاش : احلف

قال : لا امزح .. بس كنت ابي اصير أي شي غير اللي انا فيه

قلت : ووش فيه اللي انت فيه ؟

قال : تصدقين لو ماكنت انا المدير من زمان طردوني .... طبعاً مو مثل اول بديت اشتغل ..بس فيه بعض الكره تجاهها .. لانها مسأوليه كبيره .. تخيلي لو انا الحين موظف وقدامي المدير وش بيصير

هزيت راسي

قال : انا اقول لك

فجأه وقف .. خشن صوته وقال : نايف انت مطرود

راح الجهه الثانيه ..قال بصوته الطبيعي : بس طال عمرك انا احتاج للشغل خليني ’’ ضم يدينه مع بعض ’’ الله يخليك

رجع للجه الاولى وخشن صوته : اقول انقلع الله يقلع نص وجهك

راح للجهه الثانيه : والله ماطلع من هنا لو على قص رقبتي

وهذي كانت سوالف نايف بالمجلس .. وانا بس كنت اضحك .. ماتوقعت شخصية نايف كذا .. صحيح ان حنا في الاشهر اللي راحت كانت علاقتنا مع بعض حلوه .. لان صرنا نروح ونجي مع بعض .. بس الحين وضحت لي اكثر شخصية نايف .. اجل مالومك ياحنان اذا انتي مسويه المستحيل عشان تطيحينه .. مع انها ماتبي تطيحه الا عشان فلوسه .. بس هيهات تقدر عليه .. اعرفه نايف مو خفيف .. مشعل وهو مشعل ماطيحته .. الله يهديها بس

.
.
.

رجعنا البيت وكنت طبيعيه .. اول مادخلت غرفتي وانسدحت على السرير .. تذكرت كل اللي صار .. وبدون ما احس طاحت دموعي .. وجلست افكر .. ليه عاملني بهالقسوه مع انه مايعرفني .. وفوق هذا هو الغلطان .. ياربي ليه انا افكر بهالسالفه كثير ومو قادره انساها .. ليه مااعتبره موقف حاله حال أي موقف عادي

غمضت عيوني وكنت بنام .. بس طلعت لي صورته وهو يوبس يده ويتحمد ربه بأستهزاء

فتحت عيوني على طول .. و دام اني بشوفه اذا غمضتها قررت اني ما انام

..............................



_______________
شقة محمد .. الساعه :8:30 مساءً
________________


** الريم **

ياربي وين راح محمد ..مخليني في هالشقه لحالي .. دام انه بيطلع ليه ماخلاني اروح بيت اهلي .. ولاالقهر ناسيه جوالي عند فارس

اخذت التلفون ودقيت على بيت رهوف بما ان ماعندها جوال يقولون ’’ الصديق وقت الضيق ’’

ردت وقالت : الووو

قلت : يسلملي هالصوت

قالت بمرح : هلا وغلا ريوم

رديت بنفس المرح : هلا فيك اكثر .. اخبارك

قالت : اخباري عرفتيها قبل شوي ههههههههههه

قلت : وما المانع ان نعرف المزيد والمزيد من اخباركم.. من طلب العلى سهر الليالي


قالت : وش تخربطين انتي .. اشك انك تتابعين مسلسل ثقافي

ضحكت وقلت : ما اتابع الا القراده

قالت : القراده مره وحده .. ليه وينه اخونا عنك ؟

قلت بملل : جيت ومالقيته

قالت : دقي على جواله

قلت : عادي اكيد شوي ويرجع

قالت بجديه : لا مو عادي .. احس خلاص كل شي انكشف .. ولازم اعترف لك

فتحت عيوني وقلت مستغربه : وش اعترافاته ووش انكشافاته .. فهميني ؟؟

قالت بحزن : الريم انتي صديقتك ومو قادره اخبي عليك

وقفت قلبي نبرتها .. قلت : خوفتيني بسرعه تكلمي ؟

قالت : محمد كان ’’ سكتت شوي ’’ متزوج وحده قبلك

عدلت جلستي وقلت بتهديد : رهفوه اسمعيني زين .. لاتمزحي معي هالمزح لاني بسرعه اصدق

فطست ضحك وقالت : تخيلي ريوم عاد لو اللي قلته صدق .. وشوي الا وتشوفين محمد داخل عليك ومعه عجيز اللي هي زوجته الاولى .. وش بتكون ردة فعلك ؟

قلت : تدرين وش ردة فعلي

قالت بحماس : وشهي ..!!

صرخت صرخه قويه فقعت الشقه

قالت : بس بس فقعتي اذني .. وش زئير الاسد اللي سمعته ههههههههه

قلت : زئير اسد بعينك

قالت : لابس جد مو هذا الاعتراف اللي كنت بقوله لك

قلت : اجل

قالت : الريم .. محمد ماكان يحبك .. وتزوجك عشان يضحك عليك .. ونفذ خطته بالاتفاق معي

ضحكت وقلت : صرتوا عصابة مجرمين .. مو صديقتي وزوجي

قالت : وانتي ليه ماتصدقين

قلت : لاني احبك

قالت : وانا بعد احبك .. بس وش علاقة هذا بالحب الحين ؟

قلت : الحب له علاقه في كل شي

قلت : الله الله ايه دا

قلت : الا صحيح تعالي .. رحتي المستشفى

قالت : ايه

قلت : وش طلع فيك

قالت :انفلونزا الطيور

قلت : بلا طيور بلا سمك قولي الجد

قالت : الدكتوره قالت تعبت من تقلبات الجو

قلت : اهااا ماتشوفين شر .. راحوا بنات عمتك ؟

قالت بسرعه : ريوم ريوم .. بقفل الحين مشعل جا ولازم احط له العشا

قلت مستغربه : وليه لازم .. مو عندكم خدم وامه موجوده

قالت : لا حبيبتي الحال تغير .. الحين لازم احط له بنفسي العشا في الغرفه .. ولا مايتعشى
ويعصب علي .. يللا بتأخر باي

قلت : بايات

قفلت السماعه .. وشغلت التلفزيون .. خليت على فيلم هندي وجلست اتابعه .. بعد نص ساعه سمعت الباب ينفتح .. واخيراً وصل محمد

قال : السلام عليكم

قلت : وعليكم السلام .. وين كنت ؟

فصخ الشماغ .. وحطه على الكنبه وجلس .. قال ببرود : جا الليل وانتي ماجيتي البيت .. فرحت اتعشى برا

قلت : بس انا رجعت البيت من زمان .. قبل مايجي وقت العشا

قال : العشا ماله اوقات

محمد اكيد يبي يعصبني اليوم .. ناظرت في يدينه لقيتهم فاضيين .. قلت وانا متخصره : طيب وتروح تتعشى وتخليني .. افرض اني جوعانه الحين .. حتى مافكرت تجيب لي معك عشا من برا

وقف بسرعه واشر على الطاوله وقال : ماتشوفين اني جايب لك معي عشا .. انتي الظاهر حاطه في بالك تتهاوشين اليوم .. وبسالفه او بدون سالفه تطلعين لك سبب للهوشه

فتحت عيوني وقلت وانا ااشر على نفسي : الحين انا ابي اتهاوش معك ؟

قال بعصبيه وبصوت عالي : اووه الريم .. خلاص عاد .. الليله بالذات لاتكلمين ولا اكلمك .. انتهى الموضوع

من قال كلمته هذي رحت الغرفه اركض .. قفلت الباب .. واول ماجلست على السرير طاحت الدموع من عيوني

...............................................

______________
بيت مشعل .. الساعه :9:00 مساءً
______________


** رهف **

اول ماقفلت من عند الريم .. نزلت تحت جهزت لمشعل العشا .. وعطيته الشغاله تحمله .. ويوم وصلت الغرفه فتحت الباب واخذت من عندها العشا .. دخلت الغرفه وكان مشعل منسدح على السرير .. حطيت العشا على الطاوله وقفلت الباب .. بس هو ماقام .. وش ينتظر ؟

تكلمت : احم مشعل قوم العشا جاهز

مارد علي .. جلست على الكرسي انتظره .. افف وش هالحاله
يايجي يتعشا او يقول أي شي .. أي كلمه .. مو كذا جالس لي كانه صنم

بعد دقايق قلت : مشعل العشا راح يبرد

اخيراً تكلم وياليته ماتكلم .. قال : انتي لمتى بتتعلمين النظام

أي نظام ؟ جالسين بمدرسه ! قلت : مو فاهمه عليك

قال : طبعاً كالعاده بتستهبلين

قلت : أي عاده الحين انا استهبل انــ...

قاطعني وقال : ليه ماتحطين العشا قبل مااجي ..لازم تشوفيني داخل بعدين تحطين العشا

قلت : وليه احطه قبل عشان يبرد ؟ ولو انت لك وقت محدد كان مابقول شي بحط لك اياه قبل ماتجي بخمس دقايق .. بس انت كل يوم لك وقت

قال والظاهر انه بدا يعصب : نعم عيدي ماسمعت ( ما باقول شي ) مو بكيفك تقولين او ماتقولين غصب عنك تحطين لي العشا والغدا والفطور .. والا انتي زوجه بالاسم بس ..... ايه فاضيه بس تقرقر لي في هالتلفونات

شفتوا كيف يتبلى علي .. الحين انا اقرقر في هالتلفونات .. اقرقر مع من ياحسره .. ماصدق على الله شافني ماسكه التلفون اكلم الريم يبي يمسكها علي .. والحين ان رديت عليه بيعصب وان سكت بيعصب .. فأحسن شي اقول له : ان شاء الله

قال بصوت عالي : وش ان شاء الله كأنك تسكتيني .. تكلمين بزر انتي ؟ .. اسمعيني يارهف .. انا ما احب هالاسلوب .. فلا تضطريني اسوي اشياء ماتحبينها

قلت بسخريه : ماخبري يقولون ان شاء الله للبزاريين .. لازم تصحح معلوماتك قبل ما تكلمني

قرب مني ومسك يدي بقوه .. وقال وشكله منقرف : ومن انتي عشان اصحح معلوماتي قبل ما اكلمك

قلت بفخر : انا رهف بنت ابو يوسف

ترك يدي ودفني عنه بعيد .. ورجع جلس على السرير

من دفته لي كنت بطيح بس زين مسكت نفسي .. هالحقير الغبي التافه اصلاً ليه انا معطيته وجه واجيب له العشا والغدا والفطور الغرفه ..مفروض اطنشه واحمض ماعنده ياكله .. اشكاله
ماياكلون الا التبن

سمعت صوته يقول بتأفأف : شيلي العشا ما ابيه

جلست على الكرسي .. ومسكت الملعقه وقلت : وليه اشيله .. انت ماتبي تتعشى بس انا ابي

وقف وقال : لاما احب كذا .. ياكلنا ناكل ياخلاص

رميت الملعقه على الصحن بقوه .. وقفت وقلت بصراخ : انت واحد اناني وماتحب الا نفسك

قال ببرود : والله هذا بيتي وانا حر ودك تجلسين .. اجلسي .. ماودك انتي حره

حبيت اقهره فقلت وانا ابتسم بتحدي : هذا مو بيتك .. هذا بيت نايف

ماحسيت الا بكف قوي .. خلى شعري كله يجي على وجهي

مسكت شعري بيدي وبعدته عن وجهي .. ماناظرت في وجهه ولا دقيقه

مااهتميت للكف اللي حرق خدي .. اللي همني بس اني اطلع من هنا

رحت اخذت شنطه كبيره .. فتحت الدولاب وجلست ارمي ملابسي فيها والقهر يملا قلبي والدموع متجمعه في عيوني

اخذ الشنطه ورماها بعيد .. وقال لي : وين بتروحين

سكت عنه .. وكنت بروح للشنطه .. قال : هيه اسألك انا .. جاوبيني

قلت : مو انت قلت ودك تجلسين اجلسي ماودك انتي حره .. خلاص انا حره وابي اروح بيت اهلي

راح لعند الشنطه وجلس يرمي الملابس اللي فيها على السرير

وربي اوقات احس انه مجنون .. واليوم تأكدت ان احساسي في محله

في هالوقت تحجبت .. وسحبت الشنطه وفتحت الباب .. سحب الشنطه من عندي .. وهي ماكانت مقفله .. الملابس تطيح على الارض وهو يسحبها

قلت : اتركها مابجلس هنا

قال : وعلى كيفك هي .. جيبي الشنطه .. اكيد حظرتك تبيني اطلقك وارجعك البيت عشان تتزوجين خالد

يا الحقير .. يا الغبي .. اخر ما افكر فيه هو خالد .. ياليتني ماعرفته في يوم .. ماجاب لي الا المصايب

فكرت ان مافيه فايده من سحب الشنطه .. وانا مو محتاجتها اصلاً .. فلهذا تركتها ورحت اركض بالصاله اللي فوق

ترك الشنطه هو الثاني وركض وراي ومسكني

قلت بقهر : اتركني غصب اجلس هنا .. ما احبك .. اكرهك .. ما ادانيك

قال : تدرين احسن حل اقتلك وافك عمري منك .. بنصير انا وخالد متعادلين في المصير

معقوله هالمجنون يقتلني؟ .. وعشان مين .. عشان خالد !! يالله كل هذا حب في ام رغد .. ماهمه الا خالد .. كل شوي وقال لي خالد

ناظرت في يده اللي ارتفعت وشكلي خلاص بتشهد على نفسي

....: اتركها ياحمار لا وربي بدق على اخوها محمد الحين

................................



_________________
شقة محمد.. الساعه :9:00 مساءً
_________________

** محمد **

كنت جالس بالصاله .. واحس بالذنب على الطريقه الي عاملت فيها الريم .. انا احبها وما اقدر على زعلها .. بس هي قهرتني .. انا محذرها انها ترجع الشقه بدري وما تتاخر .. كانها تكسر كلامي .. للساعه 7 وانا بالبيت ماشفت احد جا .. والحين وش اسوي اخاف ماترضى علي .. لا ريمي قلبها طيب وبتعطف على المساكين اللي يحبونها امثالي

رحت لعند الغرفه وفتحت الباب بهدوء .. قربت من السرير وكانت منسدحه على بطنها وللحين تبكي

جلست على السرير وقلت : ريمي بسك عاد ماتعبتي

طبعاًَ مابترد علي .. قلت : خلاص حبيبتي حقك علي .. بس انتي عصبتيني

شالت راسها ووقفت .. حسبتها بتسامحني .. لا اثاريها رايحه لعند الحمام ’’ الله يكرمكم ’’

رحت بسرعه ووقفت مقابلها وقلت : اكيد طفشتي من البكي هنا وقررتي تغيرين الاجواء

على بالي ظريف واعرف انكت .. حسبتها بتضحك ماضحكت .. ولا حتى ابتسمت

جات تبي تغطي وجهها بيدينها مره ثانيه عشان تبكي .. مسكتهم وقلت : ليه تغطين وجهك وانتي تبكين .. ابكي كذا على الهواء مباشره

قالت وصوتها رايح من البكي : فيه احد قبل قال لك انك ماتعرف

كملت عنها : تــنكت ... ايه ادري اني ما اعرف انكت .. تصدقين تو اقول مع نفسي هالكلام

مسكت راسها وبسته بس هي لفت عني تناظر الجهه الثانيه .. رحت ووقفت مقابلها مره ثانيه .. وكل مالفت جهه رحت وقفت قبالها

قالت : محمد ما العب معك

كنت بمسكها مره ثانيه .. بس هي ضربت يدي .. وراحت عند السرير .. مسكت المخده ورمتها علي .. وقالت بصوت عالي : اطــلــع بــره انــا مــاابــيــك

حطيت يدي عند وجهي لاني خفت ترمي علي مخده ثانيه .. وقلت : بل بل عليك متوحشه .. اهلك غشوني وقالولي ناعمه .. رجعوا فلوسي وتوكلوا على الله

مسحت دموعها بكمها كانها بزره وقالت مستغربه : أي فلوس ؟

قلت بجديه : الفلوس اقصد المهر .. عشان بتزوج وحده ناعمه غيرك .. تعرفيني فقير من وين لي اجمع مهر ثاني

اخذت مخده ثانيه ورمتها علي مثل ماتوقعت

قلت : بس بس والله العظيم امزح .. بس قلبك هذا متى بيحن علي ويسامحني ..
حبيبتي يرضيك انام وانا مظلوم

عقدت حواجبها وقالت : الحين من المظلوم انا ولا انت

قلت : انا طبعاً .. لانك رحتي وخليتيني انتظرك

قالت بضيق : وانت بعد طلعت وخليتني انتظرك

قلت وانا شاق الابتسامه : طلعنا متعادلين اجل خلاص ماله داعي الزعل وهالبكي .. ترى دموعك غاليه على قلبي

تكتفت وقالت : على الاقل انا ماصرخت عليك

قلت : ايه اتحداك تصارخين علي حتى اذبحك

جلست على السرير وقالت : شفت كيف

جلست بجنبها على السرير .. ومسكت يدها وادري انها بتعصب من مسكتي ليدها لانها في هاللحظه ماتبيني حتى المسها .. اعرفها لا زعلت .. بس ان شاء الله ماتقول شي .. قلت بحنان : ماسك والله ماسك

قالت : اوف ادري انك ماسك يدي اتركها بسرعه

هزيت راسي بسرعه وقلت : قصدي.. ابي اقول اسف والله اسف شفتي كيف انتي تظيعين علومي هههههههههههههه

لفت ريوم الجهه الثانيه وفطست من الضحك .. واخيراً ضحكت يعني رضت ’’احبها ياناس’’

......................................

______________
مارينا مول .. الساعه : 9:00 مساءً
______________

** ساره **

قهرر .. قهرر .. قهرر .. فارس ماياخذ لي الاشياء اللي احبها .. ولا يسمع كلامي .. ويمشي في المكان اللي هو يبيه .. انا الغلطانه اللي جيت معه

قلت له بصوت عالي : يعني بنجلس نمشي و نمشي إلى الابد .. مافيه فايده من هالدوران .. راسي عورني .. يانشتري شي يانروح نلعب .. ياناكل .. يانسوي أي شي أي شي

قال : انا اللي راسي عورني منك .. ممكن تسكتين 10 ثواني بس .. ماتتعبين من الكلام انتي

سحبت يدي من يده وتكتفت : بصراحه انت ماتسمع الكلام .. تخليني غصب اعيد وازيد .. يعني وش معنى اذا جيت مع بابا مايصير كذا .. بابا مايجلس يدور بلا هدف

ضحك وقال : من وين جبتيها بلا هدف هذي ؟

انقهرت اكثر يوم شفت واحد دب لابس قميص مخصر قريب يتقطع من كثر ماهو مشدود على جسمه .. وحاط علبة كريم الشعر كلها في شعره .. جا جهتي وسحب خدي اليمين بيده الدبه بكل خشونه

وقال وهو لاصق وجهه المقرف بوجهي : وش اسمك يا قمر

خفت .. ورجعت على ورا ومسكت يد اخوي فارس بقوه

قال فارس : هلا وغلا مشاري .. متى جيت

قال وهو يقرب مني : قبل شوي .. هذي اختك ؟

قلت بهمس : لا اخت الجيران

فتح فمه الكبير وضحك ضحكه مرعبه

قال فارس : ايه هذي سارونه .. يللا سارونه مدي يدك .. وسلمي على مشاري

صرخت بصوت عالي : والله لو الموت ماسلمت على هالدب الخايس الــ..... وتجمعت الدموع في عيوني وجلست اناشق

مسح على راسي الدب وقال وهو يبتسم : فارس انا تحت اوكي

اول مامشى الدب من عندنا صرخ علي اخوي فارس : انتي ماتستحين .. فشلتيني مع الرجال .. الحين بيقول اخت فارس مو مؤدبه ولا تعلمت الاحترام

نفخت خدودي وقلت : خله يولي .. وع عليه

حط يده على فمي بقوه وقال : ياويلك لو سمعت لك نفس

خفت يطقني .. وعشان كذا ماتكلمت ولا كلمه ومشيت معه .. وراح جلس مع مجموعه من الشباب .. ومن بينهم الدب اللي شفناه قبل شوي

سلم عليهم فارس وجلس يسولف معهم .. وكل شوي واحد منهم يبتسم لي او يلعب بشعري او يسحب خدي .. على بالهم انبسط .. وانا متنرفزه مره من هالحركات .. بس ما اتكلم لان فارس مانعني من الكلام

قال واحد من الشباب : فارس .. اختك ساره هاديه ماتتكلم ولا كلمه

قال فارس : ايه اختي هاديه وخجوله وماتتكلم لو وش مايصير

قال نفس الشخص : اوكي .. ممكن اخذها دقيقتين اشتري لها آيس كريم

قال فارس : لا ماتاكل ايس كريم

قلت بسرعه : لا اكل ايس كريم

قال فارس : طيب انا بعدين باخذ لها ايس كريم

قال له صديقه : وش دعوه كله الا ايس كريم باخذه لها وبرجعها

بعد تفكير قال فارس : يللا مو مشكله .. خلي بالك منها

مسك يدي صديقه وقال : اكيد مابطول دقيقتين وراجع

ابتسمت له بسعاده .. وانا مبسوطه مره

اول ما ابتعدنا عن فارس قلت له : انت تحب أي نوع من الايس كريم ؟ انا احب الشوكولاته .. بس مره رحت مع امي السوق واخذت لي آيس كريم مدري من وين .. ومدري وش طعمه .. لونه اصفر واحمر واخضر وازرق وبني وابيض وبنفسجي ووردي

ضحك وقال : كل الالوان ؟

قلت : والله .. واذا مو مصدق اسأل امي .. طعمه يــــجــــــــنـن .. حتى اكلت الايس كريم حقي .. وحق امي .. لان امي ما تاكل ايس كريم كثير .. حتى خالد .. بس الريم وانا وفارس نموت في الايس كريم .. انا اتمنى لو فارس يبيع آيس كريم كان كل الناس تحبه .. وانت ماتبي تبيع آيس كريم ؟

الظاهر انا اكلم نفسي .. لان هالادمي اللي معي سرحان .. ويمشي بسرعه وكانه يدوي شي

قلت له : مابنروح نشتري آيس كريم ؟ .. انت كذاب بصراحه تقول لاخوي فارس دقيقتين .. وصار لنا وحنا نمشي اكثر من عشرين ساعه .. انت شكلك مثل فارس تحب تدور بلا هدف .. مايعورك راسك .. شكلك ماتدل المكان اللي يبيع الايس كريم .. بس خلاص ولا يهمك انا بدلك اترك يدي .. خليني امشي وانت امشي وراي طيب .. لان فيه اكثر من مكان يبيع آيس كريم .. اممممم افهم من سكوتك انك ماتبيني ادلك .. زين اسأل أي احد يمشي .. اكيد يدلون .. اييييييه هذا البزر اللي يمشي لحاله ياكل آيس كريم اسأله من وين جابه .. اسأله ؟ هييه انت اكلمك .. لحووول .. يعني مابترد علي .. رد ..رد .. رد .. وجع .. انت .. اكلم نفسي .. طيب براحتك لا ترد .. انت اللي بيعورك راسك وانت تدور مكان الايس كريم .. ماتبي تطيعني ؟ .......... ماتبي تسمع كلامي ؟ .. والله انت الخسران .. انا اللي علي قلت لك .. انت بتاخذ لك آيس كريم او بس انا الي باخذ ؟ بتاخذ اولا ؟ لحوول مابترد يعني .. طيب صير كريم وخذ لأخوي فارس بعد .. وخذ لهذاك الدب الخايس اللي معكم عشره آيس كريم .. لان مايكفيه واحد

ناظرت له وشفته يكلم جوال ولا هو بمعي

.. : ايه وين بتوقفين بالضبط ؟ .. لازم اشوفك بقول لك كلام .. طيب .. باي

مشينا شوي وفجأه وقف

سمعته يقول : ايه واخيراً لقيتها ؟

حطيت يدي على قلبي واخذت نفس : واخيراً راح نشتري الايس كريم .. بدال المشي اللي مشيناه مفروض تشتري لي اثنين .. بس لحظه ما اشوف مكان يبيع آيس كريم هنا ؟

وقف عند بنت لابسه عبايه مخططه بذهبي وفضي وحاطه اللثمه .. وانواع القرف وش هالعطر اللي تستخدمه ؟ وعععع

قال لها : السلام عليكم

قالت : عليكم السلام

وش ذا .. فاضيه له انا ولتسليماته .. ابي آيس كريم طفشت

قال لها : انا كنت متوقع انك هنا .. وعشان كذا دقيت عليك .. انا بصراحه ابي انهي اللي بيننا ووضحت لك قبل اني متزوج و....

قاطعته وقالت وشكلها قريب تبكي : انا ادري انك مو متزوج .. موتقول انك تحبني .. ليه تبي تبتعد عني .. ليه تألف هالقصه ؟

قال : انا احبك ما قلت ما احبك .. بس ما ابي اخون زوجتي اكثر من كذا

قالت : لا تكذب انت مو متزوج

قال : الا متزوج .. وهذي بنتي ؟

ناظرتني البنت بدهشه .. الظاهر تو تنتبه لوجودي

بس طنشت نظراتها لي .. ولفيت اناظر وراي .. معقوله بنته كانت معنا طول الوقت وانا ما شفتها ؟

قالت البنت بعصبيه : وليه ماقلت لي من اول ماعرفتني انك متزوج وعندك بنت .. ليه خليتني احبك .. لــــيــــــــه ؟

اووف طفش .. الحين اكيد بيتهاوش مع هالبنت .. وبينسى موضوع الآيس كريم

قال : المهم هذي بنتي شفتيها ’’ وحط يده على ظهري ’’ وانا الحين استأذن

يووووه فهمت الحين .. يقصدني انا يوم قال بنتي .. والله انه نصاب

تخصرت وقلت بصوت عالي : من بنتك لا تكون انا ؟ لا ياماما لا تجلس تنصب على البنت .. انا مو بنتك واول مره اشوفك .. ايه الكذاب يروح النار .. كبر جدي وتكذب والله عيب عليك

سحبني من يدي وقال : يللا نمشي

تركت يده وقلت : مابمشي معك .. اول قول لها اني اخت صديقك وانك جالس تكذب

قالت البنت بعصبيه وبكل قهر : اوكي انا بقطع علاقتي معك مثل ماتبي .. واشكرك على المسرحيه اللي الفتها .. مع السلامه

رحت اركض ولفيت راسي له وقلت بدون ما اوقف : انا برجع لأخوي لحالي .. ماابي امشي مع كذابين .. والآيس كريم ما ابيه

خفت يوم شفت يد تسحبني .. وتوقفني

بس ارتحت يوم عرفت انه اخوي فارس

قال لي وهو عاقد حواجبه : وش فيكم تأخرتوا ؟

اخذت نفس عشان ابي اقول لفارس السالفه كلها

بس قبل ما اتكلم قال : طيب قولي لي السالفه وحنا نتعشى .. الحين بنروح نتعشى وباخذ لك آيس كريم

صفقت بيديني وقلت : ايه ترا انا ميته جوع

باس خدي وقال : وباخذ لك لعبه بعد يللا امسكي يدي عشان ماتضيعين مني انا بعد

قلت بسرعه : ترا انا ماضعت من صديقك هذاك

قال : اجل

وطول ماحنا نمشي إلى ان تعشينا وانا اقول لفارس السالفه




______________
بيت مشعل .. الساعه :10:00 مساءً
______________


** نجود **

كنت جالسه بمجلس الحريم وحاطه السماعات بأذني .. اسمع اغنية (احبك واستحي منك ) للفنان حسين الاحمد ..وتفكيري كله في فيصل وكلامه او بالاخص ’’ اعترافه ’’

احبك واستحي منك ولا ادري ايش اسوي بك ..
اخاف اصارحك تزعل واخاف اسكت تعذبني ..
.::.
احبك واعشق اطباعك احبك ايه انا احبك ..
قليل اللي انخلق مثلك وكل مافيك ذوبني..
.::.
احبك كان ترضى بي من العام وانا راضي بك
لاني حيل انا حبك ياعمري لا تجنني..
.::.
ياقلبي ياعمري ياروحي والله احبك .. ياعمري
.::.

وداخله جو معها للاخر .. وبما ان باب المجلس مقفل .. اخذت راحتي وجلست ارقص .. لو يشوفني احد ضحك علي .. صحيح ان رقصي يقولون حلو .. بس حتى ولو مافيه الا انا اسمع الاغنيه .. وانك تشوف شخص يرقص بدون اغاني شي يضحك

طفيت الاغنيه عشان بغيرها .. الا واسمع صوت التلفون يرن .. شلت السماعات من اذني ورديت : الوووو

...: هلا وغلا بالطش والرش .. هلا بقمر الشرقيه .. هلا بأعذب صوت سمعته .. هلا بنور هالدنيا

من هذا اللي قاط الميانه ؟ الظاهر غلطان .. برد عليه : اخوي بغيت مين ؟

قال بتميلح : بغيت نجود وبس والباقي كلهم كش

يعرف اسمي .. لايكون هذا فيصل ومغير صوته يستهبل علي

سمعته يقول بنفس التميلح : ماعرفتيني ياوجه البطه

حطيت يدي على قلبي من الخوف .. الا الا عرفته هذا صديق نايف اللي هذاك اليوم .. يمه يعرف اسمي واكيد يعرف كل شي عني .. وش اسوي .. نايف بيذبحني

قال : وش فيك سكتي

قلت بصوت يرجف : من وين عرفت اسمي

قال وشكله مستانس : انا يوسف ولو ابي شي وهالشي تحت الارض اطلعه .. فما بالك اسم اللي بكل سهوله اطلعه واطلع جده بعد

كلامه هذا خلى كل شي في جسمي يرجف .. قلت بضيق : وش تبي مني

قال : ما ابي الا سلامتك

قلت : اجل ليه داق .. تكفى .. الله يخليك .. الله يطول عمرك .. لا تدق البيت مره ثانيه

قال : خلاص اللي تبينه بيصير

ارتاح قلبي شوي .. احسه تعاطف معي .. بس فاجأني يوم قال : كــم

قلت : وش اللي كم ؟

قال : رقم جوالك .. مو تقولين ماتبيني ادق البيت .. اجل وين ادق ؟

قلت بسرعه : لا تدق على شي

قال : لا كذا ما ينفع

قفلت السماعه في وجهه على طول .. دام ماينفع ليه اكلمه اجل

جلس يدق ويدق .. التلفون ماسكت ولا دقيقه .. اخاف خالتي ام مشعل او رهف يجون يردون .. واروح فيها .. بروح بقول للخدامه تجي ترد .. لا اخاف تكشفني وتعلم نايف علي .. اعرفها ماتسكت هذي .. اكيد انتوا مو حاسين بحالة الرعب اللي اعيشها الحين بعد ماعرفت انه يعرف اسمي ..بس هو وش يبي مني بالضبط .. فيه بنات كثير بالشرقيه .. يروح يغازل له أي وحده.. ياربي مو راضي يسكت التلفون

رفعت السماعه وقلت : نعم

قال : نعم الله عليك .. حرام عليك يانونو تعامليني هالمعامله .. وش سويت لك

قلت وانا ضاغطه على اسناني : انا اللي وش سويتي في دنيتي عشان الله يبلاني فيك

قال : الحين انا بلوه

سكت عنه لاني ما ابي اتكلم معه كثير .. اخاف يسجل محادثاتي .. ايه يسويها ليه لا

قال : صدقيني انا وسيم ولو تشوفيني اعجبك .. وانتي عاجبتني بشكل مو طبيعي .. وربي احلم فيك

نصاب ماشافني ويقول عاجبته ويحلم فيني

سمعت صوت صراخ برا ..حطيت يدي على فمي .. لايكون سمعوا شي من اللي قلته .. بروح بشوف والله يستر

قفلت في وجهه .. وطلعت من المجلس .. ورحت وقفت عند الدرج اتسمع وش يصير فوق .. والحمد الله السالفه طلعت مالها علاقه فيني

................................

__________________
بيت العمه .. الساعه : 10:00 مساءً
__________________

** فيصل **

ابي اعرف بوشو تفكر نجود الحين .. طنشت كلامي او جالسه تفكر فيه ؟ معقوله نامت طبيعي ولا كانه صاير شي ؟
ياربي راسي عورني من التفكير .. لازم بكره اروح بيت خالي واكلمها مره ثانيه .. بس ما ابي الح عليها .. انا اللي ابي اعرفه بس وش رايها فيني .. وش انا بالنسبه لها .. تحبني مثل ما انا احبها واموت فيها ؟

قطع تفكيري صوت الباب اللي انفتح

... : اوووووه والله طفش

وش فيها حنان بعد .. قلت لها : خير حنونه وش صاير

قالت لي وهي ميته قهر : مو راضي يفتح معي شي حتى ايميلي مايفتح بعد

قلت : مين اللي مايفتح ؟

قالت : النت بعد وشو

قلت بملل : وانا وش عرفني حتى ايميلي صار لي قرن مافتحته

قالت : والحين انا طفشانه وش اجلس اسوي ؟

انسدحت على السرير وتغطيت : مدري حنونه عاد خليني انام

جات لعندي وقالت : يمكن جهازي فيه شي خلي واحد من اخوياك يشوف له حل

قمت من مكاني على طول .. تذكرت ان زميلي بالشغل يعرف لهذي السوالف
اخذت حنونه ورحنا غرفتها .. ودقيت على زميلي بالشغل وجلسنا ساعه نضبط الجهاز

قالت حنان : هذي اكيد هنوفوه خربته .. انا قلت لها لا تعبثين في شي ماتعرفين له بس وين اللي يفهم ؟

اشرت لها بيدي عشان تسكت : مشكور وماتقصر .. يللا فمان الله

قفلت من عنده وقلت لها : يللا جربي

قالت وهي شاقه الابتسامه : ايه ضبط هذي هي الصفحات تفتح

قلت لها : جربي ايميلك طيب

قالت : بعدين بجرب

قلت : وليه ماتجربين الحين ؟ مو بعدين اذا مافتح تجين تناديني

هزت راسها .. وفتحت ايميلها

الحمد الله فتح

اول مافتح الايميل على طول كلمتها وحده : هلا وغلا .. توقعتك ماتدخلين اليوم ؟

ابتسمت وقلت لها : احلى يا المهمه

بس فـــــتــحــــت عـــيونـــــي ووقـــفــــت عـــلى طــــول يـــــوم شـــفــــــت الايـــميـــل

........................................


** نايف **

يوم هددته اني بقول لأخوها محمد .. لف علي وقال بلامبالاه : وش دخلك انت .. هذي زوجتي وخلني اتفاهم معها

من كثر ماكنت معصب احس بالشرار يتطاير من عيوني .. وفي أي لحظه ممكن اخذ أي شي قدامي و افجر فيه راس مشعل ...... يوم قال اتفاهم معها .. قلت بسخريه : الله يازين هالتفاهم .. علمني بس بطريقة تفاهمك مع زوجتك عشان بعدين لاتزوجت .. استفيد من خبرتك

قال : نايف ادخل داخل وخلصني

قلت : اترك رهف اول

قال : واذا ماتركتها

قلت : مابيحصل طيب .. هو تركتها او ماتركتها في احالتين مابيحصل طيب .. لانك فكرت تمد يدك عليها

رفع حاجب وقال : وش بتسوي يعني ..!!

خلاص فقدت اعصابي .. قلت له بصوت عالي : انا بوريك وش بسوي

رحت وسحبته من ورا ورميته على الارض بقوه .. قام من الارض وتقدم مني مسك يدي .. فكيت يدي منه وعطيته ضربه على راسه .. كان بيرد لي الضربه بس انا بعدت راسي وجلسنا نتضارب وماحسيت باللي حولي لاني اسمع صراخ نجود تبيني ابعد عنه .. بس مستحيل ابعد عنه قبل ما اشوه وجهه واكسر عضامه .. وبما اني اقوى وبنيتي اضخم منه ماقدر علي طبعاً

الشي الوحيد اللي وقفني ......................... رهف يوم جات مسكت يدي وقالت والدموع على خدها : الله يخليك نايف اتركه .... بتذبح اخوك

مدري ليه تركته على طول وانا اناظر فيها .. اخذت نفسي ورحت غرفتي بدون ما احس

قفلت الباب وجلست على السرير .. حطيت يدي على راسي وغمضت عيوني .. هالشي اللي صار الليله اثبت لي اني احب رهف .. وهالحب اكبر مصيبه ممكن تصير لي في حياتي


^*^
/
\
/
\
/
\
/
\
/
^*^

***** نهاية الجزء الواحد و العشرون ******




__________________

[@ همس الغلا @]

...:::][ الجزء الثاني والعشرون ][:::...


__________________
بيت العمه .. الساعه : 10:00 مساءً
__________________

** حنان **

خفت يوم وقف فيصل فجأه .. سألته على طول : فــيصل .. وش فيك ؟

قال لي : من اللي كلمك الحين ؟

قلت بتوتر : صــ..ــد يـ..ـــقتي

قال بصوت عالي : صديقتك ايميلها الامير ؟

ياربي .. رحتي فيها يا حنان .. وش اقول له الحين

بلعت ريقي وقلت : صديقتي ماعندها ايميل .. وو

عقد حواجبه وقال : ووشو

قلت : وتكلمني من ايميل اخوها

طق الشاشه بطرف اصبعه وقال : احذفيه .. يمكن يفتحه ويكلمك

قلت له : هو مايدري انا من .. ولو صارت وكلمني بحذفه

قال بأصرار : تحذفين الايميل الحين .. وقدامي

قلت بسرعه عشان مايعصب اكثر : ايه ايه زين

عطيته بلوك .. وقلت : خلاص .. حلو كذا

قال : ايه كذا زين

تأفأفت وقلت : غصب تضيقون خلق الواحد

كان بيطلع بس رجع وقال : نعم وش قلتي ؟ ترا ماسمعت

وش فيه هذا قلب علي .. وصار يلوع الكبد توه قبل شوي وش زينه
سبحان مغير الاحوال

قلت بخوف : لالا ولا شي

هز راسه .. طلع من الغرفه وقفل الباب

تنهدت براحه .. اووف زين انه راح .. بس مره ثانيه لازم احذر منه

جلست على الكرسي وفكيت البلوك عن احمد وكتبت له : هــــــــــاي

_________________
بيت مشعل .. الساعه : 2:30 صباحاً
_________________


** مشعل **

كنت منسدح على السرير وبيدي المرايا .. جالس ادقق في وجهي اللي صار بنفسجي واخضر واحمر وجميع الالوان من طق نايف .. انا ابي افهم بس وش اللي يبيه هالملقوف بالضبط .. من صار شي جا وتلقف .. بس مو منه مني انا الغبي اللي سكت عن الموضوع ولا كانه شي صار .. انا صحيح من بعد اللي صار ماطقيت رهف ولا كلمتها .. مولاني خايف من نايف .. بس لاني ما ابيها تطلع من هالبيت .. خاصه والحين يوم عرفت ان فيه رجال واقف معاها .. لازم احذر منك يانايف .. والله ماسويت هالشي من فراغ

ناظرت في رهف اللي كانت تتحرك بكثره .. اكيد مو نايمه ولا شكلها ناويه تنام .. والله يارهف العيشه معك صعبه .. وليه ما اكون انا الصعب

قطع تفكيري الطق الخفيف اللي على الباب .. قمت من مكاني وفتحت الباب

كانت بنتي رغد واقفه عند الباب .. وتناظرني بتمعن وعلى وجهها علامة (؟)

مسحت على راسها وقلت بحنان : وش تبين حبيبتي

قالت بضيق : صحيح ان خالي نايف طقك ؟

وش عرفها رغد .. لايكون بس كانت موجوده

قلت لها : قلبي من اللي قال لك ؟

ناظرت لأثر الطق وقالت : سمعت الخدم يتكلمون عن هالسالفه

ااخ يا القهر .. اخر عمري خدم يتشمتون فيني .. لكن كله منك يانايف

قلت لها وانا اضحك : كنت العب انا مع عمك نايف

قالت : اللي بعمرك مايلعبون ’’ سكتت بعدين وقالت بتردد ’’ عشان رهف

نسيت ان عقل هالبنت قد هالبيت اللي حنا فيه .. نزلت لمستوها وقلت : وش مصحيك يابعد عمري بهالوقت ’’ تغيير للموضوع ’’

مسحت على خدي وابتسمت .. قالت : ماجاني نوم .. عشانك

قلت بأبتسامه كبيره : اجي انام معك

نطت بفرح وقالت : يـــــس

حطيت يدي على فمها وقلت وانا اضحك : بس بس صحيتي العالم

هزت راسها وهي تبتسم

فديتها بنتي الله يخليها لي ولا يحرمني منها .. شوفتها بس ترد لي الروح .. والله لو احطها على الجرح يبره


...........................................

[@ همس الغلا @]

_________________
بيت العمه الساعه :3:00 صباحاً
_________________


** الهنوف **

’’ تصادموا سياراتهم مع بعض نزل من سيارته وهو معصب وهي نفس الشي نزلت من سيارتها معصبه كل واحد كان ناوي شر على الثاني بس من التقت عينه في عينها ماقدر يتكلم حس انه حب هالبنت من النظره الاولى وهي بعد نفس الشي ابتسم هو لها وابتسمت هي له ولا كانه شي صار ’’

هذا كان جزء من القصه اللي اقراها في الكمبيوتر .. بس من قريت هالجزء سرحت وقلت ليه ماصار لي مع فارس .. مثل اللي مع بطل وبطلة القصه ؟ خســــاره

.
.
.

قفلت الكمبيوتر ونزلت تحت .. دخلت المطبخ مالقيت احد .. اكيد نايمين الساعه 3 .. بس سمعت دق قوي على الباب .. رحت اركض برا .. ووقف عند الباب .. قلت بصوت خفيف : ميــن

محد رد علي .. رجعت قلت : ميــن ؟

مافيه رد .. اكيد هذا اخوي فيصل رجع وماعنده مفتاح .. فتحت الباب بشويش .. الا واشوفه يندفع بقوه

فتحت عيوني يوم شفت اللي واقف قدامي ....... فــــــارس

ما اصدق .. معقوله هذا فارس .. وش يبي مني .. ماكفاه اللي سواه

قلت له بصوت عالي : وش تبي جاي بيتنا

تقدم مني وهو ساكت .. رجعت على ورا ورحت اركض داخل البيت .. وركض وراي .. كنت وين ما اروح يركض وراي .. الى ان وصلت غرفتي .. دخلت وقفلت الباب .. جلس يطق الباب بقوه ويقول بصراخ : ان مافتحتيه بكسره

قلت : مستحيل افتح لك الباب .. والحين اخوي فيصل بيجيك

طنشني وزاد قوة الطق

.
.
.

فتحت عيوني وجلست على السرير .. وانا حاطه يدي على قلبي واقول : بسم الله الرحمن الرحيم .. اشوى انه حلم

بس الطق القوي للحين مستمر .. سمعت صوت اختي حنان وهي تقول : اووه يعني بتفتحين ولا كيف

غريبه حنان متعلمه الاحترام وجالسه تطق الباب .. العاده تدخل على طول

قمت من سرير .. ورحت ابي افتح الباب .. بس كان مقفل بالمفتاح .. تذكرت اني قفلته اول مادخلت الغرفه

فتحته .. وشفتها واقفه تناظرني مستغربه وتقول : انتي وش فيك اليوم

قلت بتوتر : هاه .. انا .. مافيني شي

قالت : مقفله الباب بالمفتاح وجالسه تبكين .. على وشو هذا كله

انا بكيت .. متى ؟ .. مو مهم متى .. بس هي سمعتني يعني !!

قالت : على العموم ماتهميني .. ابي السي دي حق الاغاني

عقدت حواجبي وقلت لها : مو عندي

قالت : الا فيصل قال انه حطه في غرفتك

قلت : ايه ايه صح .. لحظه

رحت فتحت الدولاب واخذت السي دي .. اعطيتها اياه وطلعت على طول

قفلت الباب ورجعت انسدحت على السرير .. وش هالحلم الغريب .. ليه تمنيت فيه يصير لي مع فارس نفس اللي صار مع بطل وبطلة القصه .. لهذي الدرجه عاجبني ؟؟؟
بس انا متهمني هالاشياء !!!!!!


.................................................. .....

_________________
بيت مشعل .. الساعه : 5:00 صباحاً
_________________


** نايف **

كنت جالس على طاولة المطبخ وفنجان القهوه قدامي .. صارت القهوه بارده وانا للحين ماشربتها .. كل شوي اناظر للساعه ابيها تصير 6 عشان اروح للدوام .. انا ليه لابس وجاهز بدري للدوام .. لهذي الدرجه ماعندي شي اسويه .. او اني ابي بس اطلع من هالبيت واشغل نفسي عشان ما افكر .. والله يارهف مو قادر اشيلك من بالي ولا دقيقه

وانا افكر حطيت يدي على شعري وتلمسته .. شعري صار طويل لازم احلقه

مشكلته يطول بسرعه .. انا صحيح احب شعري يكون طويل لانه ناعم .. بس مو لدرجة هذا الطول ماباقي شي ويوصل لكتفي

شوي وشفت ام مشعل داخله المطبخ

قلت لها بأبتسامه : صباح الخير خالتي

قالت : هلا يمه نايف

ناظرتني بغرابه وكملت كلامها : وش فيك لابس من الحين .. لا يكون ياولدي بتروح الشركه بدون فطور

قلت لها : لا خالتي شربت قهوه

قالت : والقهوه تسميها فطور .. ليه مستعجل توها الساعه 5 وربع

قلت : بس

قالت : لا بس ولا بسين .. والله ماتطلع من هنا الا وانت فاطر

ابتسمت وقلت : خلاص دام انك حلفتي بفطر

قالت : عفيه على الشاطر

حطت المويه تغلي على النار .. وقالت بصوت عالي : فـــوزيـــه .. فـــوزيـــه

لفيت عليها مستغرب وقلت : أي فوزيه ؟ ماخبري عندنا احد بهالاسم

قالت وهي تأشر بيدها : ذيك فونزينزانا

فطست من الضحك .. وقلت : لايكون هههههههههههههههه تقصدين هههههههههههههههههههه خدامتنا فريزيانا

قالت : وانا وش عرفني .. ماتجيبون لنا خدامات الا واساميهم طويله .. خلوني اسميهم على كيفي

طلعت خالتي من المطبخ .. وانا للحين اضحك .. بس وقفت عن الضحك يوم سمعتها تقول : هلا رهف حبيبتي .. صباح الخيرات والله اذا شفتك نازله احس الصاله تنور

وقفت على طول .. اتلفت يمين وشمال .. ابي اطلع من المطبخ .. ما ابي اشوفها .. اكيد عرفت اني احبها ومتضايقه مني الحين .. لان مافيه مبرر لحركتي البارح

قررت ا طلع من باب المطبخ الثاني .. وقفت واول مالفيت

سمعت صوتها الناعم وهي تقول : السلام عليكم .. صباح الخير

لويت فمي .. وقلت بدون ما الف : وعليكم السلام .. صباح النور .. يللا استأذن

قبل ما اطلع تذكرت .. اني قلت لخالي ام مشعل بجلس افطر .. عشان كذا لفيت ورجعت جلست على الكرسي

ناظرت في رهف اللي كانت تناظرني بغرابه

اكيد الحين تقول وش فيه هذا الغبي مو عارف يطلع او يجلس .. بس يحق لها تقول عني غبي .. لاني من جد كنت غبي يوم حبيتك .. قلن البنات ؟؟؟؟؟؟؟

مو مرتاح ابد بالجلسه هنا ساكت .. ابي اطلع .. بس مشكله لو وقفت وطلعت مره ثانيه .. اسمع صوت المويه وهي تصبها في الكاس .. اوووه وانا وش علي منها صبت او ماصبت

حسيت براحه يوم جات ام مشعل .. جلست تسوي الفطور ورهف تساعدها .. كنت اراقب رهف كيف تساعد ام مشعل .. شكلها شاطره بس ماتعرف تطبخ .. يمكن لان محد علمها .. ولا هي ودها

فجأه سمعت ام مشعل تقول بصوت عالي : نايف اناديك وين وسرحت

قلت بسرعه : هاااه .. لا بس كنت افكر بالشغل .. وش كنتي تبين خالتي

قالت : وش رايك هالاسبوع .. نروح مزرعتك نجلس فيها كم يوم .. حنا والاهل .. لان الدراسه خلاص ماباقي شي وتبدا

قلت بأندفاع : لا مو مزرعتي .. هذي مزرعة ابوي

قالت : بس هي مكتوبه بأسمك

قلت : ولوو .. ما ابيكم تقولون مزرعة نايف .. ابيكم تقولون مزرعة ابو مشعل الله يرحمه

قالت : الله يرحمه .. خلاص ولا تزعل مزرعة ابو مشعل .. الحين عجبتكم الفكره اولا

قلت انا : خلاص تم ... انتي وش رايك رهف ؟

قالت بصوت خفيف : اللي تشوفونه


...........................................

** نجود **

صحيت من النوم .. تروشت .. وصليت وتلبست .. حطيت لي مكياج خفيف .. واخذت جوالي وحطيه بشنطتي .. وطلعت من الغرفه .. وانا نازله الدرج سمعت الخدامه تقول في التلفون : نجود بعد شويه روح دوام .. لا مايعرف وين يشتغل

قلت : ماريا مين على التلفون ؟

نزلت السماعه وقالت : مايعرف
اخذت السماعه وقلت لها روحي خلاص .. اول ماراحت قلت : الووو

...: صباحك سكر

ياربي .. هذا وراي صبح ومسا .. مايطفش وش يبي مني

قلت بجديه : نعم اخوي من بغيت

سمعت صوت ضحكه فقعت اذاني .. وقال : لا تسوين فيها رسميه .. فليها بس

قسم بالله يقهر .. احر ماعندي ابرد ماعنده

قال : نونو .. الساعه كم بتطلعين من البيت

قلت : مالك شغل .. ويللا انقلع

قفلت السماعه وناديت ماريا .. يوم جات قلت لها : اسمعي اذا اتصل هذا الشخص .. لا تعطيه معلومات عني .. ويفضل تقفلين السماعه في وجهه .. فاهمه

قالت : مفهوم

.
.
.
.

طلعت من البيت مع السواق .. في الطريق كنت احوس في الجوال .. الا واسمع السواق يقول لي : مدام نجود .. فيه واحد يلحق سياره

قلت بخوف : يلحق سيارتنا .. يمكن غلطان

قال : لا مدام مافيه غلطان .. وين مايروح هذا يلحق

قلت بسم الله .. ولفيت ورا .. فعلاً كانت فيه سياره تلحقنا .. يوم وقفنا عند الاشاره .. وقف اللي كان يلحقنا بجنبنا .. وفتح دريشته واشر لي .. لفيت وجهي عنه على طول .. والله شباب هالزمن زودوها .. حتى من صباح الله خير يغازلون

المهم رحت دوامي .. ومرت الساعات بسرعه .. وانتهى الدوام .. وانا في السياره قال لي السواق : مدام نجود .. نفس اللي يلحق صبح يلحق الحين

مو معقوله ؟؟ ... اذا هو نفسه بشوفه عند الاشاره اكيد .. وفعلاً وقفنا عند الاشاره .. ووقف هو بجنبنا .. فتح دريشة سيارته .. ورفع لي لافته مكتوب عليها (( وجه البطه )) .. وجلس يضحك

انا هنا خلاص شوي ويغمى علي .. دقات قلبي بدت تزيد .. لاهذا اكيد يبي شي .. مو بس ناشب لي في التلفون .. الا حتى في الشارع ؟؟؟؟؟؟؟ كله من نايف .. مايعرف يخاوي .. اجل هذي اشكال يتعرف عليها !!

.
.
.

دخلت البيت .. وقلت بصوت عالي : الســـلام عليـكم

سمعت صوت رهف وخالتي ام مشعل يقولون : وعليكم السلام

والصوت جاي من المطبخ .. ركبت فوق بدلت ملابسي .. ونزلت

رحت الصاله .. وشغلت التلفزيون الا وام مشعل تناديني .. رحت وقلت لها : هلا خالتي .. امري ؟

قالت : مايامر عليك عدو حبيبتي .. بس عاد ودي سلة الفاكهه لنايف .. وبعدين تعالي خذي الشاهي والقهوهه

اخذت السله من عند خالتي وقلت لها : وين اوديها ؟

قالت : روحي نايف عند مجلس الرجال نايف ينتظرك بسرعه

هزيت راسي ورحت اركض .. لقيت نايف تو طالع من المجلس

مديت له السله .. و قلت له وانا ااشر على المجلس : وش صاير ؟

قال : خويي جاي يتغدا معي

رجعت على ورا وحطيت يدي على قلبي .. وطاحت السله على الارض مع الفواكه

فتحت عيوني وقلت له : احـــــلــــف

ناظرني مستغرب وقال : وش السالفه نجود .. شوفي وش سويتي

معقوله جاي يخبره .. انا ماسويت شي .. هو اللي ناشب فيني .. بقول لنايف السالفه قبل ماهو يقولها .. ويمكن يزيد فيها اشياء ماصارت

نزلت بلم الفواكه اللي طاحت على الارض

بس نايف مسك يدي وقال : خليه انا بلمه .. جودي قلبي وش فيك ؟

ابتسمت وقلت : ولا شي .. بخلي فريزيانا ترتب لك سله ثانيه .. انا بركب غرفتي .. بصلي .. ماصليت

انا صليت .. بس ابي اتهرب من نايف

قال : طيب .. تقبل الله


.......................................
__________________

[@ همس الغلا @]

_________________
بيت مشعل .. الساعه : 5:00 مساءً
_________________


** رهف **

انا الحين في السياره بروح المستشفى .. لا تخافون مافيني شي خطير ..هههههههه صرت دكتوره اعرف اللي فيني قبل ما اروح المستشفى .. بس دوار الراس مو راضي يروح عني .. واليوم وحنا متجمعين في الصاله .. جاتني دوره مو طبيعيه .. ورحت الحمام( الله يكرمكم) رجعت كل اللي اكلته بالغدا .. عشان كذا خالتي ام مشعل اصرت اني اروح المستشفى .. وطبعاً اللي معي الحين نجود ونايف كالعاده .. وصلنا المستشفى .. فتحت الباب ابي انزل .. سمعت نايف يقول لنجود : روحي ساعديها

قلت : لالا مافيني شي .. اقدر امشي

قال : براحتك

المهم دخلت المستشفى وسويت التحاليل .. وقالوانتيجة التحاليل بعد 40 دقيقه .. فجلسنا برا انا ونجود ونايف نسولف

الا والمح فارس اخو الريم جالس يسولف مع وحده ويضحك .. ركزت في الوحده اللي يسولف معاها .. كانت الريم .. ايه هذي الريم مستحيل اكون غلطانه .. قلت لنجود ونايف : لحظه

ووقفت .. بس من وقفت جاتني الريم .. قلت لها : وش تسويين في المستشفى

قالت : مابتسلمين علي يعني

قلت بعصبيه : لا طبعاً ماتستاهلين السلام .. اجل تجين بدون ماتقولين لي .. وش فيك ؟

قالت وهي تضحك : يعني انتي اللي قلتي لي ؟

قلت : المهم وش فيك

قالت : انا حامل هييه

قلت بفرح وحماس : احلفي

قالت : امزح هههههههههههه

ضربت يدها وقلت : مالت عليك

قالت : يمكن حامل ويمكن لا .. جايه بس كذا اسوي تحاليل

قلت : خبله انتي .. على وشو مستعجله

قالت : عادي ... وانتي ليه جايه

قلت لها : تعبانه شوي

قالت : سلامتك

سمعت صوت نايف يسلم ويرحب .. لفيت وراي .. لقيت فيصل يسلم على نايف
ونجود تسلم على حنان والهنوف

ناظرني فيصل .. وقال : من هذي رهووفه .. هلا والله هلا وغلا

قلت : اهلين فيصل

قال نايف بجديه : اسمها رهف مو رهوفه

قال : وش عليك انا ومشعل نتفاهم بعدين

جا فارس وسلم على نايف وفيصل

قلت انا للريم : يوم التجمع العالمي هههههههههههه


..........................................

** حنان **

اشوى الحمد الله اني رضيت اجي مع هنوفوه المستشفى بدال امي .. فرصتي اكلم نايف .. حظي حلووو

حاولت ادلع وانعم صوتي قد ما اقدر وقلت : كيف حالك نايف ؟

كان يسولف مع فيصل ومطنشني .. الظاهر نعمت صوتي بزياده عن اللزوم

عليت صوتي شوي وقلت : كيف حالك نايف

قال : هلا حنان .. انا بخير وانتي

قلت : تمام ... نايف وش فيك في المستشفى خوفتنا .. عسى مافيك شي

قال : لا بس رهووفه تعبانه .. وجبناها المستشفى

رهوفه بعد ؟؟ هذا اسم يتدلع .. مالت عليها هالشينه .. انا متأكده تبي شي من نايف

جلسنا انا والشينه وصديقتها الاشين وهنوفوه ونجوده مع بعض .. ونيوفي وفيصل واخو صديقة الشينه مع بعض

كنت اراقب كل تصرفات نايف .. شفته قايم بيروح يشرب مويه .. قمت بسرعه ورحت بسوي نفسي بعد بشرب مويه .. مد يده بياخذ كاس الورق .. مديت يدي قبله .. وصارت يده على يدي .. شال يده بسرعه وقال : أأأ .. أسف

سويت نفسي مو قادره من الحيه .. ورجعت بسرعه بدون ما اشرب المويه .. وكنت شاقه الابتسامه ’’ ماكان احد يشوف ابتسامتي لاني مغطيه وجهي’’


.............................................


** فارس **

جالس اسولف واضحك مع الشباب .. وقفت يوم شفت الريم واقفه تأشر لي .. رحت لعندها

وقلت : نعم الريم .. وش صاير

خفضت صوتها وقالت : شفت وش سويت

نزلت راسي شوي وقلت بنفس صوتها المنخفض : وش سويت ؟

قالت : تذكر الهنوف ؟

قلت وانا افكر واكرر الاسم : الهنوف الهنوف ؟؟؟ لا ما اذكرها من ذي

قالت : البنت اللي دعمتها في بيت رهف

ضحكت وقلت : بل .. دعمتها عاد .. اقولك تتدلع وحنا عطيناها وجـه

قالت بأستهزاء : ايه ايه تتدلع وعطيناها وجه واشكالها مفروض نطنشهم صح

قلت : طبعاً

قالت وهي ضاغطه على اسنانها : هذي هي البنت هنا بالمستشفى .. كسرت ايدها الله يكسر سيارتك .. وين اودي وجهي الحين

كنت بتكلم بس الريم ماسمعتني واشرت لي بيدها انها رايحه

وقفت في مكان اناظر في الريم وهي رايحه .. المستشفى ازعاج ابي اركز مو قادر .. رحت جلست على كرسي شوي بعيد عنهم .. غمضت عيوني اتذكر كلامي اللي قلته

.
.

وش تبيني اسوي لها ارقص مثلاًً .. اعتذار وماراح نعتذر .. لان حنا ماغلطنا.. لحظه اساساً هي مفروض تعتذر مني لاني كنت ابي ارجع السياره على ورا وهي ماخلتني .. اعترضت طريقي بكل غباء .. قسم بالله بنات مدري وين عقلهم

الحمد الله والشكر بس

.
.

وكيف انها كنت طول الوقت ساكته

فتحت عيوني وعضيت على شفايفي .. مدري الاحساس اللي احسه الحين .. احساس بالاحراج او الندم

ناظرت في البنات اللي جالسه معهم الريم .. أي وحده هي ؟ ابي اعرفها ؟ .. لازم اكلمها اليوم

وقفت ورحت مع الشباب

سمعت فيصل يقول : وش فيك رحت جلست لحالك

قلت : لا كنت بكلم جوال .. بس شفت المستشفى ازعاج غيرت رايي

بعدين كلنا تفرقنا .. كل واحد راح مع اهله يشوف شغله .. والريم راحت مع رهف لانهم جايين لنفس الغرض .. بعد ساعتين شفت بنتين وحده منهم يدها ملفوفه ومجبسه .. يمكن هذي الهنوف بس وش الدليل مو بس هي يدها مكسوره .. مشيت شوي بروح بشوف الريم وش صار عليها .. بس وقفت يوم شفت نايف نسيب رهف جالس يكلم البنت اللي معها .. يعني هذي هي الهنوف

شفتها تبتعد عن البنت اللي معها ونايف .. فرصتي اكلمها .. بس بيشوفني نايف واذا ماشافني نايف يمكن يشوفني فيصل .. خساره


بس هي للحين تمشي وين رايحه .. بعدت كثير عنهم .. بروح لها قبل ما اضيعها
مشيت بخطوات سريعه ووصلت لها

وقلت : احم .. الهنــوف

لفت وقالت : نعـــــ.....

ماكملتها يوم شافتني .. هذا اكد لي انها للحين ذاكرتني .. والظاهر مو طايقتني .. بس صوتها حلو .. اخيراً سمعناه

ابتسمت وقلت لها : كيف حال يدك

نزلت راسها تناظر لكوب الشاهي اللي بيدها

ماعندي شي اقوله .. فقلت : وش قال لك الدكتور

حسيت نفسي سخيف لانها ماترد علي .. ياربي لهذي الدرجه تستحي ؟

’’ مالك شغل ’’

هي تكلمت او يتخيل لي ؟ .. مالي شغل ؟ والله وفشلوك يافارس

قلت بصوت كسير : والله يا الهنـوف انا ندمان على كل شي صار .. واتمنى

رفعت راسها الظاهر تناظرني .. لاني ماكنت اشوف وجهها

كملت كلامي : اتمنى تقبلين اسفي

اول مره في حياتي اتأسف من بنت .. بس لو في كلمه غير الاسف تخلي هالبنت تسامحني .. بقولها

لفت عني ومشت .. ولا كاني اكلمها .. ولا كاني سويت شي عضيم هو اني ’’ تأسفت ’’ .. عصبت مره ولحقتها .. قلت بصراخ : وش سويت لك انا الحين .. هذا جزاي اعتذر

لفت علي .. واخذت نفس عميق كانها بتقول كلام طويل .. بعدين قالت : ما قبلت اعتذارك

عقدت حواجبي وقلت بضيق : طيب ليه ؟

قالت : وخر عن طريقي بمشي

قلت وانا مستانس : واذا ما وخرت

من قلت كذا .. كبت كوب الشاهي اللي بيدها على وجهي .. غمضت عيوني .. ومسحت وجهي

بعدين فطست من الضحك وقلت : مثل العسل من يدك ههههههههههههه

طبعاًً ماردت علي .. قلت لها وانا ماشي : اللي علي سويته .. وياحظك فارس بسموه الكريم
يعتذر منك .. هههههههه سلام


....................................

[@ همس الغلا @]

** حنان **

باركولي .. نايف جاي يكلمني .. انا في تقدم مستمر واحسن شي صار ان الهنوف عرفت انها لو ماراحت عنا .. كنت برجع البيت وبذبحها

كان يقول لي : اسمحيلي بنت عمتي على اللي صار .. ماكنت اقصد

سويت نفسي مستحيه ونزلت راسي .. قلت بنعومه : لا عادي .. وانا اصلاً عارفه ان موقصدك .. الا انت يانايف مستحيل افهمك غلط

قال : مشكوره ربي يخليك

قلت بسرعه : مشكوره على وشو ماسويت شي انا .. انت عزيز وغالــ..

قال بصوت عالي : هــــــذا دكتـــــور رهـــوفـه
.. يللا يللا حنان انا ماشي .. والسموحه

راح بدون مايسمع ردي .. كله منك يارهف يا الشينه ياقليلة الادب اللي ماشفتي خير .. اووووف اكرهك اكرهك

......................................

** نايف **

رحت لدكتور رهف اركض .. قلت له : وش طلع فيها رهف

قال : اهلاً .. انت زوجها

قلت : لاانــ..

حسيت اني بطولها اذا قلت اخو زوجها .. بيسأل وين زوجها .. وكلام فاضي .. انا بس ابي اعرف الزبده وش فيها

فغيرت رايي وقلت : ايه زوجها .. وش فيها

ابتسم ابتسامه كبيره وقال : مبرووك .. زوجتك حامـــل

غمضت عيوني بقوه .. وكان الدكتور صفعني كف قوي على وجهي

فتحت عيوني يوم سمعت شهقت رهف وراي .. لفيت بسرعه .. شفتها حاطه يدينها على فمها وفاتحه عيونها

...............................................


** رهـف **

من سمعت كلام الدكتور شهقت .. وحطيت يديني على فمي

وقلت بصوت عالي : ياربي مو مصدقه .. مستـــحيــل .. الحمد الله .. الحمد الله .. الحمد الله احس نفسي ابي ارقص من الوناسه .... ريووم تعالي .. انا حـــــــامــــل

مسكت يديني الريم وقالت : احلفي .. رهفووه بتصيرين ام .. مبروك

قلت : ايه تتخيلين

بدون ما احس طاحت دموع من عيوني .. مسحتها وانا اضحك

جات نجود تركض تقول : وش صاير .. وش طلع فيك

قلت : بتصيرين عمه للمره الثانيه

نطت من الفرح وقالت : مبروك .. الف مبروك .. نيوف بتصير عم من جديد
وانا معك من قدنا

قلت : هاتي جوالك ابي ادق على خالتي ام مشعل بقول لها

قالت نجود : لا انا اللي بقول لها .. عشان اخذ الحلاوه ههههههههههههههههه

ضحكت معاها انا وريوم .. قالت الريم للدكتور : وش معنى انا نتيجة تحليلي بعد ربع ساعه .. وهي الحين

قال الدكتور ومسوي فيها يعرف ينكت : الأرزاق بيد الله .. وكل واحد ومتى حلل يااختي

[@ همس الغلا @]

...:::][ الجزء الثالث والعشرون ][:::...

_________________
بيت مشعل .. الساعه : 8:00 مساءً
_________________


** رهـف **

كنت مركزه على وجه مشعل .. ابيه ينطق .. يقول أي شي .. بس ظل يناظرني كثير .. شفت الابتسامه ترتسم على وجهه وجا حضني بقوه.. وقال وهو يضحك : مبروك يا ام عبد العزيز

ابتسمت وقلت : وش عرفك انه عبد العزيز

بعد عني وهو ماسك يديني .. وقال : انا متأكد

ناظرت في عيون مشعل .. كانت الدموع متجمعه فيها .. اول مره اشوف مشعل مستانس لهذي الدرجه

مسح عيونه وصرخ : رغــــــــوده .. رغــــــــوده

نزلت رغد من الدرج .. وناظرت فيه كيف ماسك يديني .. قالت بقهر : نعم بابا

قال لها : رهف حامل .. بيصير عندك اخو

قالت بصوت عالي : والـــــــــــلــــــــــــه

جات لعند ابوها تركض وحضنته بقوه .. وكانت مره مبسوطه

تركته ولفت علي .. قالت لي : انزلي بقول لك شي في اذنك

اول مانزلت قربت مني وطبعت بوسه على خدي

يوم شفت رغد ومشعل كيف مبسوطين .. غصب عني طاحت الدموع على خدي

مد مشعل يده ومسح دموعي وابتسم

ورديت له الابتسامه على طول

.................................................. ..

** نـايف **

ركبت غرفتي بدون محد يحس لي .. دخلت وجلست على السرير .. الا ونجود فاتحه الباب

قالت لي : نايف ماباركت لر.......

قاطعتها وقلت بصراخ : ما ابي ابارك لحد .. لحد يكلمني .. لا تكلموني .. اطلعي برا .. ولا عاد تجين

طلعت بسرعه من الغرفه .. رحت لعند الباب وقفلته بالمفتاح .. جلست على الارض مهموم .. احس ان قلبي يتقطع مليون قطعه .. وش سويت انا عشان اتعاقب بهالطريقه .. مو ذنبي اني حبيتها

وقفت ورحت عند الدولاب ..طلعت الرسمه اللي رسمتها لها من زمان .. بس كان كل جزء من اللوحه لحاله .. اخذت الجزء اللي فيه عيونها .. وجلست مره ثانيه على الارض اتأمل عيونها وانا احاول اني ما ابكي .. انا مفروض اللي اكون زوجها .. لاني انا اللي احبها من كل قلبي .. وانا اللي ابي اتقرب منها بأي طريقه .. اوديها واجيبها .. بس عشان تكون قريبه مني .. مشعل وش سوا عشانها ؟ حرمها من الدراسه ويطقها وفوق هذا مهملها ومو معتبر لها وجود .. انا اولى اني اتزوجها .. غمضت عيوني بقوه .. تخيلت مشعل قدامي .. ضميت يديني مع بعض ..
وقلت بصوت عالي : مشعل تكفى طلقها بعطيك البيت والشركه وكل الورث اللي اخذته من ابوي .. بس طلقها ما ابي اكثر من كذا .. انت ماتحبها وما تبيها .. طلقها وخليني اتزوجها .. انا احبها وابيها .. فتحت عيوني .. وبعدت هالافكار من راسي .. حبي لرهف صح او غلط .. طبعاً صح لان الحب مو حرام وقلبي حبها غصب عني .. لالا حبي لها اكبر غلط .. فيه واحد عاقل يحب زوجة اخوه .. حرام علي احبها .. احس نفسي اخون اخوي لازم انساها .. او على الاقل اتجنبها في البيت .. وليه اتجنبها اصلاً .. اخذ اغراضي واطلع احسن لي .. ما اقدر ما اقدر .. مستحيل اترك البيت وهي فيه.. ااخ راسي وجعني الافكار توديني وتجيبني وش اسوي ياربي

ناظرت للساعه لقيتها الساعه 4 الفجر .. معقــــولـــــــه ؟؟؟؟ طول هالوقت انا جالس افكر .. قمت من الارض .. ورحت توضيت وصليت .. ودعيت ربي اني انساها وما افكر فيها مره ثانيه .. اخذت دفتر اشعاري ونزلت تحت الحديقه

اول ماجلست .. اخذت الدفتر اللي كان كبير يجي تقريباً 200 صفحه .. ومكتوب فيه 130 قصيده .. فتحت على الصفحه الاخيره للدفتر .. وقررت اكتب قصيدتي في هذي الصفحه .. لاني مهما كتبت من قصايد هذي ابيها تكون قصيدتي الاخيره

مسكت القلم وكتبت عنوان القصيده

.
.
.

؛¤ّ,¸¸,ّ¤؛°`°؛¤ بـــــيــــن ثــــنــــايــــا الايـــــــــــــام ¤؛°`°؛¤ّ,¸¸,ّ¤

على جــــراح الامس خطتكي عيوني بدموعــــاً كـــالاقـــلام
ورسمتكِ قصة عــاشقاً مجنون سحرتــه تــلـــك العينـــــــان
قبلكِ مشيت على دربـــاً طويل لـــم يعرف العذاب ولا الالام
ووعدت نفسي بحياتــــاً جميـــل تَُزينهــــا اجمل الالــــــــوان
وماان عرفتـــك حتى عرفت انكِ مايخفى بين ثنايـــا الايـــــام
وعرفت ان القدر يخفي الكثيـــر وان الحياه ليست كالجنــــان
رأيتك قبــل عدت سنوات شيء جميـــلاً تخفيــه الاحــــــــلام
بسمتاً جميله ارتسمت على وجهي واطلقتني للعنـــــــــــــــان
وفجأه ضاعت الاحلام ماان وجدت كيف تخفيك الايــــــــــــام
فطلبت منه ان ينسيني حبكِ وحده الحنــــــــــان المنـــــــــــان
قلبي احبكِ وعقلي ادرك ان حبكِ مجموعاً من الاوهــــــــــــام
لاينفع فيه جمعاً بالارقام فمهما جمعت مصيره هوالنقصـــــــان
امسكتكِ يادموعي فلا تبكي ياعيوني وتتركِ جروحك كالاوشام
سأقف بكل قوه وعزم لانساكِ ولأتحداك انت ايها الزمــــــــان

بقلم : صاحبة الكلمه
...................................


™±§•£‡ بعد مرور 3 اشهر من الاحداث السابقه ¦‡£•§±™


** الهنوف **

كنت جالسه بغرفتي .. اتجهز عشان بروح الجامعه

سمعت صوت المسج .. رحت على طول فتحته

كان

^*^
/
\
/
\
/
^*^

صباح الخير يا المغروره ياللي شايفه نفسك علي

اجل امس تنامين بدون ماتكتبين لي مسج

وشلون يجيك نوم بس .. انا شكلي بشوف لي يوم
بجي بيتكم وبذبحك

^*^
/
\
/
\
/
^*^

ضحكت على خبال فارس .. وكتبت له هذا المسج

^*^
/
\
/
\
/
^*^

فيه احد يذبح حبيبته ؟؟


^*^
/
\
/
\
/
^*^

رد علي بهذا المسج

^*^
/
\
/
\
/
^*^

لا تكتبين لي شي

ما ابي منك ولا مسج

انا زعلان وما راح يرضيني الا شي واحد

^*^
/
\
/
\
/
^*^

كتبت له

^*^
/
\
/
\
/
^*^

مابيرضيك الا شي واحد ؟

اقول قلبي لا تجلس تلمح

مستحيل يصير اللي في بالك

لو ما احبك كان حتى مسجات ماشفت مني


^*^
/
\
/
\
/
^*^

رد علي

^*^
/
\
/
\
/
^*^

اصلاً صوتك سمعته في المستشفى تذكرين ؟

^*^
/
\
/
\
/
^*^

رديت عليه

^*^
/
\
/
\
/
^*^

طيب وبعدين يعني مابروح الجامعه

^*^
/
\
/
\
/
^*^

رد علي

^*^
/
\
/
\
/
^*^

لا حبيبتي روحي الجامعه .. بس قوليلي متى اخطبك

والله هنوفه طفشتيني .. كل يوم تقولين لي بعدين بعدين

صرت شايب وانتي للحين بعدين بعدين

حرام عليك

^*^
/
\
/
\
/
^*^

رديت عليه


^*^
/
\
/
\
/
^*^

فارس بعدين نتكلم في هالموضوع

انا تأخرت لازم اروح .. o.k

^*^
/
\
/
\
/
^*^

اخذت شنطتي والعبايه .. الا واسمع صوت المسج

^*^
/
\
/
\
/
^*^

عادي مسافة الطريق طويله شوي

وانتي في السياره اكتبيلي مسجات

انا صاحي من الصبح عشان اسولف معك

مو عشان تطنشيني وتروحين

ترا مابخليك تروحين الجامعه

^*^
/
\
/
\
/
^*^

بأختصار هذا اللي صار لي في الثلاث الاشهر اللي راحت

ريوم طلعت بالصدفه تدرس الطب معي .. وفارس خلاها تصير صديقتي .. يعني صداقه بالغصب ههههههههههههه .. صرنا انا وريوم نكلم بعض في التلفون .. وفارس اخذ رقم جوالي من عندها بدون ماتدري .. وصار يدق علي بس انا ما ارد عليه .. بعدين صار يكتب لي مسجات يقول لي فيها انه فارس .. مارديت الا على مسج واحد .. ومن بعدها حسيت اني ما اقدر ماارد عليه .. وهذا اول مسج ارد عليه ... لحظه ادوره وين راح المسج ايه هذا هو

^*^
/
\
/
\
/
^*^

السلام عليكم

اخبارك ؟ ان شاء الله بخير

الهنوف انا ابيك في موضوع ضروري

يخصنا حنا الاثنين

لازم تردين علي .. طيب


^*^
/
\
/
\
/
^*^

وانا رديت عليه وقلت له وش الموضوع .. طلع مافيه موضوع ولاشي .. كان يبيني بس ارد عليه .. الحين حنا متواصلين بالمسجات ومانكلم بعض .. ولا افكر بهذا الشي

صحيح فارس ماحبني الا يوم شافني بالمستشفى .. بس انا حبيته من اول يوم شفته فيه


................................


** رهــف **

كنت في محل لملابس الاطفال .. اخذ ملابس للبيبي اللي بيجي في الطريق

مشعل : ناخذ الابيض ولا البيج

قلت : مشعل بس اخذنا كثير والله ماراح يلبسهم .. امي قالت لي لا اخذ ملابس كثير لان البيبي يكبر بسرعه

قال وهو يشوف الملابس بتركيز : لالا ماعليك ولدنا مابيكبر بسرعه

قلت : بسم الله عليه وعلى عمره

ضحك وقال لي : عادي قلبي اول مولود ومن حقنا ندلعه

تخصرت رغد وقالت : نعم .. وانا وين رحت

مسكت يد رغد وقلت : رغوده حبيبتي امشي بس ناخذ لنا ايس كريم .. ابوك بيطفشنا

قالت : ايه والله .. يللا نروح

قال : وين بتروحون وتخلوني .. بروح معكم

رفعت يدي وقلت : كفك رغوده خليناه يجي غصب

ضحكت رغد وقالت : ايه اصلاً كلامنا هو اللي يمشي

مسك اصبع يدي وقربه من فمه

قلت له بخوف : لالا مشعل لا تعض اصبعي حرام عليك

قال : وليه حرام ؟

قلت : يضر بصحة البيبي

قالت رغوده : ايه صحيح بيضر بصحة اخوي

ضحك مشعل وقال : آآخ منكم يا بنات حواء .. عليكم نصب مو طبيعي على اقل شي قالت لي صحة البيبي وصحة البيبي ههههههههههه .. فديتك انتي والبيبي .. بس عقاب لك بعضك

عضني بقووه .. وجلست اصارخ واضحك في نفس الوقت


........... هذي التطورات اللي صارت في حياتي في الثلاث الاشهر .......

............................................






** نجود **

’’ يوسف قلت لك الف مره الا مكان شغلي لا تجيه .. ماتفهم انت ’’

يوسف : لا ما افهم فهميني

قلت : الله يخليك يوسف روح .. ما ابي العالم تتكلم علي

قال لي : بس انا احبك

قلت : وانا اكرهك

قال بجديه : والله العظيم احبك .. وانا صايم ماراح اكذب

ناظرت في الساعه وقلت : اعتقد رمضان خلص

قال : وانا ما اعتقد ان الناس تعرف اذا رمضان خلص اولا من الساعه هههههههههه

صدق انا غبيه وشوله اناظر في الساعه ؟؟

جيت برقع فقلت : انا قصدي اذا رمــــ.......

قاطعني وقال : يعني مايصير نصوم تطوع وتقرب الى الله

قلت : الحمد الله .. اول مره اشوف واحد مثلك يصوم تطوع

مرت وحده من زميلاتي في الشغل وقالت : هلا نجود وش فيك واقفه برا

يمه منها وشلون عرفتني وانا مغطيه وجهي

قلت : هلا والله .. بس بعطي اخوي شي وبدخل

قالت بصوت خفيف : هذا اخوك نايف

على طول قلت : ايه

لفت عليه وقالت : السلام عليكم

قال بأبتسامه : وعليكم السلام

بعد ماسلمت راحت .. ناظرت في يوسف من تحت لفوق وقلت : والله زمن هالاشكال تتقارن بأخوي الغالي نايف

ورحت اركض داخل

يوسف اخو رهف صار له اكثر من ثلاث اشهر يركض وراي .. وش يبي مني ؟ مدري .. اكيد تقولون وش فيها هذي تسولف معه وعادي .. وش اسويله اذا هو مثل القرد وين ما اروح اشوفه .. واصلاً مل من صوتي ياكثر مايسمعه .. يدق على بيتنا بسالفه وبدون سالفه .. كله مني عطيته وجه من البدايه لو انا مطنشته ازين لي

اول كنت احسبه صديق نايف .. بس مره رهف راحت بيت اهلها .. ودقيت عليها هناك وهو اللي ردعلي .. وقال لي انه اخوها .. ماتوقعت اخو رهف كذا .. احس اخوها محمد زوج الريم غير .. واذا كان مثله فألله يعين الريم


...........................................

** فيصل **

انا الحين صرت شي كبير بالشركه .. واحس جا الوقت اللي اتزوج فيه واستقر
والبنت اللي اخترتها


^*^
/
\
/
\
/
\
/
\
/
^*^

نجود طبعاً فيه غيرها ههههههههه

بس شكلي بنتظر نايف يخطب .. عشان اخاويه في العرس

.................................


** حنان **

انا في الشاطي مول مع مريم صديقتي

قالت لي : اوف تعبت ندور ندور وما اخذنا شي

مسكت يدها وقلت لها : شوفي شوفي اللي لابس قميص ازرق .. ياربي يهبل

قالت : برقمه

لفيت عليها وناظرتها بنص عيون .. وقلت : يابنت .. اثقلي شوي

ضحكت وقالت : صدقتي .. انا ياحبيبتي اترقم مو ارقم

قلت : من حلاتك عاد .. ماتبينين قدامي

قالت : حنانوه عن ثقالة الدم

قلت وانا امشي بدلع عشان الفت الانظار : خليني اشوف البلوتوث

فتحت البلوتوث والنكات ياكثرها

على طول شدني نك {1+4=8 وجهة نظر }

قلت : مرايم

قالت : هلا

قلت : شوفي النك

مديت لها الجوال .. قالت : أي واحد

اشرت عليه وقلت : هذا

قالت وهي رافعه حاجب : وش فيه

قلت لها : هذا المشتاق

قالت : أي المشتاق ؟

قلت : اللي معنا بالشات

قالت بصوت عالي : احــــلــفـــي

قلت : والله .. برسل له بلوتوث بقول له اني هنا

قالت : وش عرفك انه هو

قلت : هو قال لي ان هذا نكه في الماسنجر وفي البلوتوث .. وعادي انا بكتب له انا وعد .. اذا ارسل لي من وعد يعني مو هو وبنطنشه .. اذا عرفني يعني هوا

قالت : والله انك ذكيه

ارسلت له ملاحظه مكتوب فيها

.
.
.

هلا حمود اخبارك انا وعد عرفتني
تقول لي بروح اساعد الوالد بالشغل وانت هنا تدور في هالاسواق

.
.
.

جلسنا ندور 10 دقايق محد رد علينا

قالت مريم : لو هو بيرد عليك على طول

وقفت وقلت : شوفيه شووووفيه

قالت : مين

قلت : المشتاق .. هذا هو اللي يحوس في الجوال

قالت : وينه ما اشــ... ايه ايه شفته .. الــــلــــه وربي يخبل

مسكتها وقلت : امشي بس لا يشوفنا

مشينا شوي بعدين لفينا

قلت : وين راح

قالت مريم : تخيلي يعرف اسمك حنان هههههههه

ضربتها وقلت : اسمي وعد واسكتي لا تفضحينا

سمعت صوت من وراي : هلا والله حنان

لفينا انا وصديقتي بسرعه .. قلنا مع بعض : الــمــشــتــاق

ضحك وقال : اسمي احمد مو المشتاق

سويت نفسي استحي وقلت : احمد لا تجلس تسولف معي قدام الناس انا بمشي

ومشيت بدون ما اسمع رده

وقفت مريم عند محل وقالت : حنونه خلينا ندخل .. في بدله عاجبتني مره ابي اخذها

قلت : لالا الا هالمحل صاحب المحل مره كريه .. يغثني ما احب ادخله ..انتي ادخلي خذي البدله .. وانا انتظرك برا

هزت راسها وقالت : براحتك .. ماراح اتأخر عليك .. اوكي

قلت : اوكي

اول مادخلت .. ارسلت للمشتاق بلوتوث كتبت له .. انت وين

كان قريب من المحل فرحت له

قال : توقعت انك بتجيني

قلت : ماشاء الله .. الاخ واثق

قال : يانصابه ليه تقولين لي اسمك وعد

قلت : ويانصاب ليه تقول لي بروح اساعد الوالد

ضحك وقال : تعادلنا

قلت : انت كيف عرفتنا

قال : من جدك .. مفروض تستحين من هالسؤال .. جالسه انتي وصديقتك تناظروني بتمعن .. والجوال بيدكم .. ولا يوم غيرت المكان اللي انا فيه جلستوا تدورون علي ههههههههههه

كله من مريموه فضحتني

قلت : والله زمن .. نعرف بعض من زمان .. وماعندي حتى رقمك

قال : اذا تبين رقمي قولي ..عادي لا تستحين

قلت : لا والله

قال : المهم خزني في جوالك

وفعلاً خزنت الرقم في جوالي

بعدين من سمع نغمة المسج فز على طول .. وقال لحظه حنان

قلت : لا اصلاً انا بروح اكيد صديقتي الحين تدور علي

قال : طيب باي

..............................
__________________



** فارس **

ماسمعت ردها هاللي اسمها وعد مدري حنان .. فتحت المسج على طول .. كان من بعد عمري هنوفتي

كاتبه لي

^*^
/
\
/
\
/
^*^

هلا فارس

رحت السوق ؟

مثل ماوصيتك لا تجلس تناظر هناوهناك

............

اليوم مره طفش امي راحت بيت جيرانا واخوي طلع مع ولد عمتي واختي راحت بيت صديقتها

وربي بموت من الطفش

^*^
/
\
/
\
/
^*^

رديت عليها

^*^
/
\
/
\
/
^*^

هلا وغلا هنوفتي

لا افا عليك وش اناظر له دام عندي القمر مالي ومال النجوم

..............

فديت الطفشانه انا

وش رايك امرك الحين ونطلع نتمشى في السوق مع بعض

^*^
/
\
/
\
/
^*^

ردت علي

^*^
/
\
/
\
/
^*^

اما تمرني .. قول والله عاد

فارس انت ماتنعطى وجه يللا باي

^*^
/
\
/
\
/
^*^

مت من الضحك يوم شفت ردها .. جيت برد عليها

بس سمعت وحده تقول لي على الطاير : باي احمد

تذكرت اني بالسوق .. والله الهنوف نستني الدنيا

اجل بذمتكم احد يجي السوق ويجلس يكتب مسجات ؟؟؟؟؟


...................................

** نايف **

من يوم حملت رهف .. صارت حياتي كلها عذاب .. وكلها شغل

صرت اشتغل كثير .. واحاول اتجنبها .. بس ما اقدر لازم اسولف معها لو شوي

يللا هالاسبوع بودي الاهل المزرعه عشان نغير جو


.....................................
__________________



** مشعل **

حياتي تغيرت .. صرت احس ان رهف قريبه مني مـــــــــره .. احسها خلاص سكنت قلبي

فرحتي انا ورغد بحملها كانت كبيره .. والحين احاول انسيها كل اللي راح .. لان شي من الماضي لازم ينتسى

................................

** محمد **


انا والريم .. علاقتنا الزوجه مستقره وهاديه بدون مشاكل .. حالنا حال أي متزوجين .. والحين انا ماخذ الريم المستشفى عشان تسوي تحليل .. ههههههههههه مو مستعجل على العيال عادي .. هي اللي مره عندها هوس مو طبيعي .. كل يوم تقول لي لو وحده غيري كان الحين تربي ولدها .. مع ان حنا مو من زمان متزوجين ...................... وصلنا المستشفى

المهم نزلنا وسوت تحاليل وقالوا لنا بعد 40 دقيقه تطلع النتيجه

طلعنا انا وهي نمشي بالمستسفى .. مرينا عند الكافتيريه .. لفت علي وقالت : محمد احس بالجوع

قلت : انا قايل لك في البيت لازم تفطرين .. وانتي ’’ قلدت صوتها ’’ لا شبعانه .. مالي نفس .. يااي

دفتني وقالت : خلاص ما ابي شي شبعت

مسكت يدها وقلت : لا تكفين .. امشي بس ناخذ لنا شي ناكله

قالت مستغربه : ناخذ ؟ انت فطرت وش تبي بعد

قلت : طيب انا دب وابي افطر مرتين

ناظرت في جسمي وقالت : دب ؟ ايه واظح

تركت يدها وقلت بزعل : هذا جزاي ماابيك تاكلين لحالك .. خلاص ما ابي شي شبعت

قالت : حمود يللا عاد عن الدلع .. ترا حنا في المستشفى مو في البيت

ضحكت وقلت : يللا

جلسنا الوقت كله على الطاوله نسولف وناكل

بعدين قمت امشي معاها .. شوي وقلت : يللا نروح ناخذ النتيجه .. لو طلعتي حامل وش بتسوين

قالت بتفكير عميق : امممم بسوي حفله

قلت : لا الحين في المستشفى

قالت : بجمع الناس علي وبجلس ارقص

ضحكت عليها .. ومشينا

أخذنا النتيجه وكان مافيه حمل قالت الريم بزعل : كل البنات اللي مكاني الحين يربون ماابي ابي اشوف دكتور نسائي

قلت : عادي ريومي حنا ماصار لنا شي متزوجين الموضوع عادي

قالت : لا لا ماابي ابي اشوف دكتور

رحت اخذت لها دور مع الدكتور وبعد ما دخلت على الدكتور وفحصها جلسنا ننتظر برا وفجأه

طلع الدكتور وقال : استاز محمد انا عايز احكي معك شويا .. خلي المدام تستريح هنا

اشرت للريم عشان تجلس ودخلت معه

قلت : هاه يادكتور بشر

قال : يامحمد دي ارادة ربنا

قلت : كيف !

قال : انا مش عارف أأولك ايه .. بس المدام مش حتأدر تجيب عيال

فتحت عيوني وقلت : لا مستحيل .. بروح معاها مستشفى ثاني

قال : واللهي يا استاز محمد كل المستشفيات حيأولولك الشي نفسومراتك عندها عيب خلقي في الرحم ودا يمنعها من الحمل .. انا مش عايز اخليك تفأد الأمل .. بس من واجبي كطبيب اني أاولك .. أوي البك .. ودي ارادة ربنا سبحانه وتعالى

^*^
/
\
/
\
/
\
/
\
/
^*^

***** نهاية الجزء الثالث و العشرون ******

[@ همس الغلا @]

...:::][ الجزء الرابع والعشرون ][:::...


________________
بيت مشعل .. الساعه : 7:30 صباحاً
_________________


** رهف **

اليوم وناسه بنروح مزرعة نايف .. جهزت كل اغراضي واغراض رغد .. ومشعل جهز اغراضه بنفسه .. حنا ماراح نجلس الا كم يوم .. بس متحمسه للروحه مره .. احساسي يقول ان كل شي بيصير في المزرعه حلو

نزلت نجود مع الدرج والخدامه حامله شنطتها .. ناظرتني وقالت : وااااااااو .. اول وحده جهزتي

ضحكت وقلت لها : من الحماس

قالت : تصدقين انا اللي رحتها كثير متحمسه هههههههههه ....’’ صرخت ’’ نـــــــا يـــــف نــــــــا يــــف

جا من برا .. وقال : هــلا .. ناديتيني ؟

قلت انا : كل هالصراخ وتسأل بعد اذا نادتك اولا

قال : ايه والله

قالت نجود : زين متى بنروح

قال : الحين .. بس ننتظر فيصل بيجي مع عمتي وبناتها .. وننتظر سلطان واخوه بندر ولد عمتي مع عمتي وبنت عمتي شجن ووليد

قالت نجود : يللا ترا رهف متحمسه مره مو قادره تصبر اكثر .. لا يروح الحماس بس

قال : وش رايكم نروح حنا الثلاثه قبل الكل

رفعت نجود يدها وقالت : انطلاق

ضحك وقال : شوف هذي صدقت .. اثاري اختي خاينه

قالت نجود : شوف النذاله .. تضحك علي يانايف

لف نايف وقال : اسمع صوت سيارة فيصل

بعدين جات خالتي ام مشعل .. ومافيه اكله الا وطابختها

وكل الاشياء اللي بتلزمنا ماخذتها

.
.
.

كنا برا واقفين عند السيارات .. صار لهم ساعه يرتبونا ويحسبون كم عددنا عشان يوزعونا في السيارات

وطبعاً متنا من الطفش .. شوي الا وحنان لا فه علي وتقول بأستغراب : رهف .. هلا اخبارك .. تصدقين تو اشوفك

والله يا انك نصابه واقفين صار لنا ساعه .. وتقولين تو تشوفيني .. قلت لها : هلا فيك انا بخير وانتي

سمعتها تقول : الجو حلو صح

قلت : ايه حلو بس يفكونا من هالعد والترتيب

قالت : هههههههههه انا اكلم الهنوف

قلت بأحراج : آآه حسبتك تكلميني

حتى لو كانت ماتكلمني .. على الاقل ماتحرجني كذا .. صدق انها ماتعرف الذوق

وقف فيصل بالنص وقال : جاكم اللي بيرتبكم .. وبيحل لكم ازمة العد والترتيب

قال مشعل وهو يحك راسه : الله يسلمك اسعفنا

قال فيصل وهو يأشر : الحريم كلهم في سياره .. والرجاجيل في سياره .. والله هذا احسن حل

قال نايف وهو يغطي عيونه من الشمس : خذ لك .. وفي سيارة الحريم من اللي يسوق ؟

ضحكنا كلنا .. قال مشعل : امي تسوق هههههههههههههههههههههه

قال فيصل : ايه صح راح عن بالي ان الحريم مايسوقون

قال نايف : خلاص بنروح بثلاث سيارات .. عددنا مو كبير مره .. سلطان وبندر وابوه وزوجته شجن مع ولدها وامه ووليد في سياره

ومشعل وام مشعل وزوجته رهف ورغد في سياره

وانا وفيصل واختي واخواته وامه في سياره

سلطان وفيصل ومشعل : تــــم

قبل ما امشي لسيارة مشعل .. مسكت يدي نجود وقالت : مشعل عاد خلي رهف تجي معنا في سيارتنا

قال مشعل : لالا .. خليها معي

قالت برجاء : ابيها في موضوع مهم .. ماراح تطير هي .. مسافة الطريق بس معنا وفي المزرعه معك

بعد تفكير قال : اوكي خلاص خليها معكم

قالت خالتي ام مشعل : وانا من يونسني في الطريق

قال مشعل : ولا يهمك يمه .. بنسوي تبادل .. احد من سيارة نايف يجي معنا

قالت ام فيصل : انا والله بجي بجلس مع الغاليه ام مشعل

قبل مانمشي سمعت مشعل ينادي رهف بهمس .. لفيت شفته يغمز لها ويقول : بشتاق لك
ضحكت رهف بحيا ومشت معي

ركبنا معهم اول ماحرك نايف السياره

قلت بهمس لنجود : وش الموضوع اللي تبيني فيه

قالت : اسكتي بس لا موضوع ولا شي .. بس ابيك تجلسين معي بالسياره .. الطريق طويل واخاف امل

قالت حنان : وش دعوه تملين وحنا هنا

بسم الله .. قاطه اذنها ذي

اكتفت نجود بضحكه بارده

قال نايف : مسافة الطريق طويله .. خلونا نسوي شي يضيع الوقت

قالت نجود بمرح : خلونا نلعب لعبه

قال فيصل : انا عندي لعبه .. بنتخيل ان حنا بسوبرماركت .. وكل شخص يقول للثاني حرف والثاني يقول شي موجود بالسوبرماركت .. فهمتوا

قالت الهنوف : كيف يعني مافهمت

قلت : ولا انا مافهمت

قالت حنان وهي تتميلح : لانكم اغبياء

قلت : طيب دام حنا اغبياء اجل فهمينا اللي فهمتيه .. يافهيمه

عدلت جلستها وقالت : فيصل قصد بلعبته ان حنا نخصص رئيس يختص بالاحرف مثلاً الرئيس نايف .. هو يقول لنا الحروف وحنا نقول له اسماء الاشياء الموجوده في السوبر ماركت .. والاسرع يستمر

فطسوا فيصل ونايف من الضحك .. الا ماتوا ضحك .. وعلى طول انا ونجود والهنوف فطسنا ضحك معهم

قالت حنان : يللا مناك تجيبون لنا العاب صعبه وتبونا نفهم

قلت : توك تقولين فهمتي ؟

سكتت عني لانها كانت منحرجه من ضحكات فيصل ونايف العاليه

قال فيصل : انا بقول لكم كيف اللعبه هههههههههههههههههههه الله يرجك حنان هههههههههههه موتيني ضحك .. اللعبه هي هههههههههههه

قال نايف : هههههههههههه .. ياخي قول وخلصنا هههههههههههههههه

قال : هههههههههههههه احم طيب .. مثلاً انا اقول سنركس واختار حرف ب .. وبعدي نايف يقول بيبسي ويختار حرف ش بعده هنوفه تقول شيبس وتختار حرف وكذا .. فهمتوا

كلنا قلنا : أيـــــه

بدا فيصل وقال : جالكسي اللي بعدي حرف ج

قال نايف : جزر اللي بعدي حرف الـ خ

قلت : خيار .. اللي بعدي حرف ب

قالت نجود : بصل .. اللي بعدي حرف ط

قالت حنان : طماطم

قال فيصل : لحظه لحظه وش جزر وخيار وبصل وطماطم ماصارت سوبر ماركت قلبتوها سوق الخضره .. غيروا اللعبه بس

كلنا : هههههههههههههههههههههههههههههههههه

قالت نجود : خلونا بالدور .. كل واحد يقول نكته

قال نايف على طول : فيه دجاجه باضت بيضه من غير قشره ليه ؟؟

كلنا : ليــــه ؟؟

نايف : الدجاجه تستخدم هيد اند شولدرز ضد القشره

كلنا : ههههههههههههههههههههههههههههههههه

قالت الهنوف : هندي لقى المصباح السحري قاله : ابغي بيت .. رد عليه المارد :تنكت انت ووجهك ...... رووووح جيب شاهي بسرعه

كلنا : هههههههههههههههههههههههههههههه

قالت حنان بدلع مايليق لها : دلوع تزوج دلوعه جابو ولد سموه : يآآآآآي

انا عن نفسي ماضحكت الا مجامله .. هي قاصده تقول هالنكته عشان تتميلح .. ابي افهم ليه تتميلح علينا ؟

وقتنا كان كذا في السياره كله وناسه وضحك وفله

..................................................

** الهنوف **

نغمة المسج ماتسكت عندي .. خفت يحسون بشي .. وانا لاجيت اكتب ابعد الجوال .. اكيد بيحسون .. خل اقول لفارس اني بكلمه بعدين

^*^
/
\
/
\
/
^*^

فارس انا الحين في السياره

لا تكتب لي مسجات طيب

^*^
/
\
/
\
/
^*^

شوي الا واسمع نغمة المسج .. ياربي فارس بيفضحني

فتحت المسج

^*^
/
\
/
\
/
^*^

ويعني .. ولو كنتي في السياره

خلي عنك التصريفات اللي مالها داعي

وقولي لي .. اخبارها يدك اللي انكسرت


^*^
/
\
/
\
/
^*^

رديت عليه

^*^
/
\
/
\
/
^*^


يووه وانت كل يوم تسال عن يدي

قلت لك الحين هي ميه ميه ما كانها انكسرت

^*^
/
\
/
\
/
^*^

رد علي

^*^
/
\
/
\
/
^*^

هذا انتم يا البنات ان ماسألنا عنكم قلتوا محد يسأل

وان دلعناكم وصرنا نسأل بزياده قلتوا يووه

وش اسوي انا انتحر ؟

^*^
/
\
/
\
/
^*^

رديت عليه

^*^
/
\
/
\
/
^*^

بسم الله عليك

خلاص انت انتحر وانا بنتحر بعدك على طول

^*^
/
\
/
\
/
^*^


رد علي

^*^
/
\
/
\
/
^*^

ياربي فديتها ويلوموني في حبها

^*^
/
\
/
\
/
^*^

رديت

^*^
/
\
/
\
/
^*^

فارس خلاص يللا جد .. لا تكتب لي مسجات

انا اول ما اوصل المزرعه

بكتب لك مسج والله

^*^
/
\
/
\
/
^*^
رد

^*^
/
\
/
\
/
^*^
انا حر بكتب مسجات

عاد رديتي ولا مارديتي كيفك

بس انا بكتب يعني بكتب

^*^
/
\
/
\
/
^*^

لاحووول .. الحين حنانوه بتصفقني ادري فيها

كتبت له

^*^
/
\
/
\
/
^*^

طيب اكتب ومحد بيرد عليك

^*^
/
\
/
\
/
^*^
رد

^*^
/
\
/
\
/
^*^
انا احبك

انتي تحبيني ؟

^*^
/
\
/
\
/
^*^

شفت المسج ومارديت عليه

كتب لي

^*^
/
\
/
\
/
^*^

هذا سؤال يعني لازم له جواب

^*^
/
\
/
\
/
^*^

طنشته .. كتب
^*^
/
\
/
\
/
^*^

هنوفتي ردي

^*^
/
\
/
\
/
^*^
كتب مسج ثاني

^*^
/
\
/
\
/
^*^

افاا انا فارس اتطنش كذا .. طيب

^*^
/
\
/
\
/
^*^
ومسج ثالث

^*^
/
\
/
\
/
^*^
خلاص بنام وانا زعلان

وروحي انتي المزرعه وكلمي الجني

لو تكتبين لي 100 مسج ماراح ارد عليك

^*^
/
\
/
\
/
^*^

على طول كتبت له

^*^
/
\
/
\
/
^*^

فارس حرام عليك

والله في السياره وضعي صاير يفشل

بيقولون من هذي اللي تكتب لي كل هالمسجات

^*^
/
\
/
\
/
^*^
كتب لي

^*^
/
\
/
\
/
^*^

طيب ردي على سؤال وبطس

^*^
/
\
/
\
/
^*^

وش اقول له الحين .. خل استهبل

كتبت له

^*^
/
\
/
\
/
^*^

أي سؤال ؟؟؟؟؟

^*^
/
\
/
\
/
^*^

كتب لي

^*^
/
\
/
\
/
^*^

طيب طيب يا الهنوف

اول ماتوصلين المزرعه اكتبيلي مسج

وياويلك لو ماكتبتي على طول

والله بروح لك المزرعه وبذبحك

وطبعاً بخلي اختي الريم تسأل رهف

عن الوقت اللي وصلتوا فيه

o.k

^*^
/
\
/
\
/
^*^

شوف هذا يهددني

كتبت
^*^
/
\
/
\
/
^*^

o.k

^*^
/
\
/
\
/
^*^

سمعت فيصل يقول : يللا هنوفه دورك

قلت : هااه طماط

الكل : ههههههههههههههههههههههههههههه وش طماطه هاللعبه راحت عليها .. نايمه انتي


.......................................

** حنان **

اول ماوصلنا المزرعه .. نزلت من السياره .. كانت سابقتنا سيارة مشعل .. نزل هو ورغد من السياره .. وجا معاها لعند سيارتنا .. يوم نزلت رهف .. سلموا عليها وقالوا : هلا وغلا الحمد الله على السلامه .. طولتوا الغيبه

قالت رهف وهي تسلم : وش اسوي بعد تعرفون من فرنسا الى الهند ومن الهند لروما .. ويعني لفينا العالم

ضحكوا مشعل ورغد .. كأن الحين كلامها يضحك .. وبعدين وش فيها رغد مره حابتها .. والله الكل معاها هالشينه

كنت اناظر في نايف وهو ينزل الاغراض من السياره .. كان مره يجنن وهو يبعد الشعر اللي يطيح على عيونه .. ولبسه كان كشخه مره .. والله انه فارس احلامي

لفيت من الجهه الثاني .. اللي تصير جهة نايف .. عشان بمر بجنبه وبسوي اني تعثرت بحجر وبطيح نفسي .. بيضطر نايف يمسكني عشان ما اطيح

وفعلاً مريت بجنبه .. وسويت نفسي اتعثر بالحجر .. كنت بطيح بس هو لف علي ومسكني بسرعه

وقال : بسم الله عليك .. انتبهي كنتي بتـ...

قاطعته وقلت وانا امثل الضيق والقهر : نايف اتركني .. حركتك هذي مو حلوه .. تمسكني كذا لو شافك اخوي فيصل .. وش بيقول عنا

ورحت اركض مع الباقي وانا اضحك .. ,, بس بدون مايشوفني طبعاً ,,

شفنا المزرعه .. وجلسنا نتمشى فيها .. ونجود طول الوقت جالسه مع رهف ومشعل

شفت رغد راكبه السيكل مع وليد .. رحت قلت لها : تعالي رغوده ابيك

هزت راسها وتركت السيكل .. وجات معي

قلت لها : اشوفك تضحكين مع رهف وعادي

قالت : رهف بتجيب لي اخو

قلت لها : والله وطلعتي غبيه يارغد .. انتي ماتدرين ان هالولد بيخرب عليك

قالت مستغربه : يخرب علي

قلت لها : ايه ابوك بيحبه اكثر .. ورهف بتستغل هالشي وبتخلي ابوك يعطيه كل شي الفلوس والالعاب .. وكل شي لك بيصير له .. بياخذ مكانتك .. حتى نجود وام مشعل بيحبونه اكثر

قالت رغد : حنونه .. ترا رهف مو مثل ماكنا نفكر .. ماتبي منا لا فلوس ولا شي والله العظيم

قلت لها : اكيد بتمثل عليك .. عشان تحبينها انتي وابوك .. وبعدين تاخذ منكم كل شي

قالت رغد : انتي غلطانه .. والافكار اللي في راسك كلها مو صحيحه .. وانا رهف احبها .. لانها تحسسني انها امي .. تخيلي حتى يوم رحت المدرسه .. في التمهيدي راحت معاي .. الكل يقول لي امك حلوه وحنونه

قلت : وععع لا تقولين عن هالشينه حلوه .. رغد ماتوقعت ان حتى انتي الذكيه ينضحك عليك

قالت رغد : حنان لا توجعيلي راسي .. انا بروح بلعب مع وليد

راحت عني وخلتني .. مغروره هالبزره اكيد ابوها مشعل وخالها نايف .. وعايشه بأحسن فيله مستحيل ماتنغر .. بس عقلها كبير الله ياخذها

............................................

____________________
شقة محمد .. الساعه : 9:00 صباحاً
____________________

** الريم **

كنت منسدحه على الكنبه بالصاله .. وجالسه لحالي مو مشغله التلفزيون ولا اسوي شي .. محمد في الشغل .. كل شوي امسح وجهي من الدموع .. من كثر ما ابكي صرت ما احس للدموع وهي تنزل .. انتظر محمد اذا نام او راح الشغل .. واجلس ابكي .. ما ابيه يشوفني وانا ابكي .. كفايه اللي هو فيه .. محمد يموت في الاطفال .. وبدليل جلسته الزايده مع سعد قبل ما ياخذني ..كان محمد يقول لي المستشفى يغلطون احياناً وخلي عندك امل .. بس معقوله كل المستشفيات اللي رحنالها بالشرقيه غلطانين ؟ ماخلينا مستشفى .. وكل مستشفى تحطمنا اكثر عن اللي قبلها
امنية حياتي كانت اني اصير ام .. واجيب عيال كثير

غمضت عيوني .. وتذكرت كلام دار بيني وبين رهف من زمان .. يوم كنا بنات

.
.
.

قلت لها : كم ولد وبنت تبين انتي

قالت لي : ولد واحد او بنت وحده .. تعرفين يعني انا بكون بهذاك الوقت دكتوره .. وهذا بيشغلني

قلت لها وانا اناظر في السما : عكسك انا ... تدرين اتمنى يصير عندي 5 بنات و5 اولاد

قالت : ليه عاد هالكثر .. انتي بعدين بتصيرين دكتوره ما بتقدرين

قلت لها : حتى ولو انا احب اربي .. اوقات اقول لامي .. ليه ماجبتي اولاد وبنات كثير .. تقول

لي انتو الحمد الله كثير ..

.
.
.

فتحت عيوني .. وجلست ابكي بمراره .. وقلبي يحترق ويتقطع .. غمضت عيوني مره ثانيه اتذكر كلام قلته لمحمد

.
.
.

قلت له : محمد الشقه احسها صغيره شوي

قال : عادي حنا بس اثنين

قلت له : بس لاتنسى العيال اللي بيجون في الطريق .. وما بتكفي الشقه

قال بأبتسامه : في هذاك الوقت انا باخذ لك احلى بيت .. وبنملى البيت عيال وبنات

.
.
.

وانا مغمضه تخيلت محمد راجع من الدوام .. وفي يده ولدنا وهو يقول : يااه ولدك اليوم وديته لأمي قبل ما ارجع البيت .. تعبني مرجوج ولسانه طويل

وانا اقول له بعصبيه : لا والله ولدي لسانه مو طويل ولا مرجوج .. اذا الحين ومتعبك اجل وش بتسوي .. في بنتنا رهف اللي جايه في الطريق


فتحت عيوني وقمت بسرعه من الكنبه .. وانا ابعد هالاحلام من راسي .. لانها بتعذبني اكثر

جلست اتمشى في الشقه .. وانا مكتفه يديني .. والشقه مافيها حياه .. اصلاً المكان مايصير فيه حياه الا بوجود الاطفال .. رحت غرفتنا وجلست على السرير .. طلعت البوم صوري يوم كنت صغيره .. ابتسمت بوسط دموعي .. ودققت في ملامح وجهي .. امي كانت تقول لي اني بجيب بنت تشبه لي مثلي حلوه

انسدحت على السرير وحظنت الالبوم .. وجلست ابكي بصوت مسموع


حسيت بأحد يهز كتفي .. لفيت لقيت محمد .. عدلت نفسي وقلت وانا افرك عيوني : محمد .. متى جيت الساعه كم

قال : الساعه 1 الظهر

قلت : معقوله ماحسيت اني نمت

ناظرني بضيق وقال : ريمي كنتي تبكين ؟

ابتسمت وقلت : لا .. وليه ابكي

قال : الا مبين من عيونك

قلت : انا ماكنت ابــ...

ماقدرت اكمل كلامي .. حضنت محمد وبكيت بمراره

مسح على شعري بحنان وقال : حبيبتي ما ابيك تبكين

زدت في البكى .. كانه يقول لي ابيك تبكين

قال : فطرتي اليوم ............... طبعاً لا .. وامس ماتعشيتي .. مو زين اللي تسويه في نفسك

قلت وصوتي متكسر : مستحيل يجيني نفس بعد الــ ’’ وجلست ابكي ’’

قال : ياقلبي .. اصلاً العيال شي مو مهم .. دام انا احبك وانتي تحبيني وش نبي اكثر من كذا
اصلاً وجودك يملا علي البيت .. انا من بعدك ما ابي شي

بعدت عنه وهزيت راسي

مسح دموعي وقال : يللا حبيبي .. قومي نتغدا

قلت : جبت غدا ؟

قال : لا .. بنطبخ انا وانتي

ناظرت في الساعه وقلت : على كذا ما بنتغدا الا الساعه 5

قال : عادي لو نتغدا 10 .. قومي نضيع وقت بالمطبخ

ابتسمت وقلت : وش بنسوي ؟

قال : الكبسه بطريقة امي .. انا بعلمك الطريقه

وقف بسرعه وطلع من الغرفه .. ورجع وهو لابس مريلة الطبخ وماسك الملاس بيده

تخصر وقال : وش رايك بالشيف محمد

قلت : يهبل هههههههههههههههه

قال : يللا دلوعتي قومي لا تضيعين الوقت

مسك يدي وسحبني وهو يركض للمطبخ

.............................................



__________________
المزرعه .. الساعه 1:30 مساءً
__________________

** نايف **

بعد ماخلصنا غدا .. تقهوينا وطلعنا برا .. كنت ادور نجود ورهف بعيوني .. بعدين لقيتهم

رحت لهم وقلت : وينها وينها المتحمسه

ضحكت رهف على طول

قلت : وش رايك بالمزرعه ؟

قالت : وربي تجنن .. كشخه

قالت نجود : قبل شوي تقول لي مزرعة نايف حركات مانبي نرجع

قلت : قلت لكم هذي مزرعة ابوي الله يرحمه

قالت نجود : ايه صح الله يرحمه

قلت وانا احرك حواجبي : بعدين بنروح نسبح في المسبح وانتوا بتناظرونا بحسره

قالت لي نجود : مايخصني ابي اسبح .. وانتي رهف ؟

قالت رهف : انا مستحيـــــــــل

قلت : اجل بنرميك انا ونجود في المسبح

ضحكت هي ونجود .. ضحكت معاهم .. بعدين تركتهم

.
.
.

رحت لغرفتي .. وقفلت الباب .. اخذت شنطتي عشان بطلع لي بدله .. وملابس سباحه ومنشفه

جلست على ركبي وفتحتها .. ناظرت في الملابس مستغرب .. اخذت البنطلون .. ووقفت حطيته علي .. هههههههههههه نصي .. كم مقاسه هالبنطلون ؟؟ اصغر حجم بس كشخه .. تركته رفعت بلوزه ورديه وتركتها وناظرت في باقي الملابس .. كانوا ملابس بنات

اكيد هذي شنطة نجود اورهف .. لان حنا الثلاثه نفس الشنطه .. بوديها لهم عشان يشوفون شنطة من هذي

بس يوم ارفع البلوزه الورديه سويت حوسه في البلوزه اللي قبلها .. عشان كذا طويت البنطلون وحطيته .. وطويت البلوزه الورده وحطيتها على جنب واخذت البلوزه اللي بعدها عشان اطويها

بس شفت تحت البلوزه الثانيه دفتر .. لونه ازرق سماوي مع بنفسجي .. ومقفل بشريطه .. رفعت الدفتر وقريت الجمله المكتوبه على غلافه .. كانت

( انا سفينه في البحر وانت المرسى )

عجبتني العباره مره .. وذبحني الفضول ... الظاهر هذا دفتر لنجود او رهف .. يكتبون فيه الشعر

فكيت الشريطه وفتحته

كان مكتوب في اول صفحه

الاسم : رهـف ’’ اهااااا يعني هذي شنطة رهف ’’

العمر: 12 سنه .. 13 سنه .. 14 سنه .. 15 سنه .. 16 سنه .. 17 سنه .. 18 سنه .. 19 سنه

كانت مشخبطه على كل الاعمار الا عمر الـ 19 سنه

فهمت على طول ان هالدفتر عندها من عمرها 12 وفي كل عيد ميلاد لها تشطب على العمر اللي قبله وتكتب العمر الجديد

وكان مكتوب بعد تاريخ الميلاد .. 22 / 11

يعني باقي على عيد ميلادها شهر بس

.................................................

** رهف **

هذي مو شنطتي .. الملابس اللي فيها رجاليه .. أيــــــه يعني شنطة نيف
كان فيه دفتر فوق الملابس .. اخذته
وشو هذا ؟
اكيد دفتر نايف حق الشعر
الله من زمان ابي اقرا شعر نايف .. بس استحي اقول له
والحين طاح الدفتر في يدي .. برجع الشنطه .. وبخلي الدفتر معي
برجعه بعدين
اذا سألني ليه مارجعتي الدفتر على طول
بقول له طاح
هههههههههههههه من الغبي اللي بيصدق

يللا بعدين يصير خير

بروح ارجع الشنطه

.................................................

** نايف **

والحين افتح الدفتر او لا ؟
افتحه اولا .. افتحه اولا .. خلاص بفتحه
ادري هذي خصوصيه بس شيس يخص رهف وفي يدي مستحيل اخليه

بس بعدين كيف ارجعه ؟؟ اذا رجعته لحاله بتقول هذا اكيد فتش الشنطه

يللا بعدين يحلها الف حلال

خل اروح ارجع الشنطه بس

.................................................. ..

** رهف **

طلعت من الغرفه وانا حامله الشنطه .. وكانت ثقيله مره
اكيد نايف حاط فيها اثقال
موطبيعي ثقلها

هذا والدكتور وصاني ما احمل شي ثقيل
حطيت الشنطه على الارض اريح يديني




** نايف **

طلعت من الغرفه وانا ادف الشنطه
شفتها واقفه قريب من غرفتها وكانت تمسح على يدينها الظاهر توهقت بالشنطه
لهذي الدرجه ثقيله ؟

حطيت يدي على فمي : احــــــم احــــــــــم

على طول عدلت وقفتها

قلت بأستهبال رهف هذي شنطتك ؟
او شنطة نجود ؟

قالت : مدري بس شنطتك عندي

رفعت حاجب وقلت : وش عرفك انها شنطتي ؟

وش هالسؤال البايخ اللي طلع مني

...............................................

** رهف **

الظاهر يبي يحرجني ....!!

اكيد فتحتها وعرفت .. اجل انت كيف عرفت ان الشنطه اللي معك مو شنطتك

ابتسمت وقلت : لان فتحتها

قال : طيب تعالي شوفي هذي شنطتك اولا

نزلت راسي مستحيه وقلت : بشوفها في الغرفه

............................................

** نايف **

فديتها ماتدري اني عارف انها شنطتها

اخذت شنطتي ومشيت

رحت الغرفه فتحتها واخذت اللي ابيه .. قفلتها وطلعت

........................................

** رهف **

اخذت الشنطه ودخلت الغرفه

على طول فتحتها

الحمد الله طلعت شنطتي

لانها لو كانت شنطة نجود

مستحيل برجعها ظهري تكسر

.................................................. ..................................................


** فيصل **

’’ بروح احط لي واقي من الشمس .. وين الحمامات الله يكرمكم ’’

سمعت هالعباره من وحده وانا مار عند المسبح .. وهالوحده صوتها مألوف عندي مره .. اللي هو صوت حبيبتي نجود .. فرحت اركض جهت الحمام .. وتخبيت

جات نجود تدندن بأغنية .. اكبر من الشوق فيني حياتي انت و سنيني ولي غابت الشمس عني احس نورك يدفيني

اول مادخلت الحمام ’’ الله يعزكم ’’

رحت طفيت الانوار لانها تنطفي من برا .. جلست تصرخ بقووه .. وجات تحاول تفتح الباب .. بس انا ماسكه بقوه

سمعتها تقول بصوت عالي : افتحولي الله يخليكم .. نــــــــــــــا يــف .. مــــــــــشـــــعــل

خفت احد يسمعها ففتحت الباب .. وانا فاطس من الضحك

ناظرتني بحده .. ونظراتها ماتبشر بالخير .. احس الشرار يتطيار من عيونها

قالت بصوت عالي : فـــيـــصـــل يــــــــاحــــــمـــار

قلت : اروح حمار لعيونك و بقره بعد اذا تبين

نزلت على الارض واخذت حجر .. وناظرتني بنذاله

رفعت يديني بأستسلام وقلت : لا الله يخليك

قالت : بسامحك بشرط

قلت : شبيك لبيك فيصل العبد الفقير بين ايديك

قالت : تنزل الحين وتبوس رجولي

قلت : ما بقى الا هي

ورحت اركض .. لفيت وراي لقيتها تركض وراي

وتقول وكلامها كان بتقطع من الركض : فيصل والله برميها

وقفت عند شجره وجلست اناظرها بتأمل

وقفت بجنبي وناظرت للشجره وقالت : وشو هذا ؟

لفيت عليها وقلت : شجرة ليمون .. ماتشوفين الليمون

قالت : الله احب الليمون

ابتسمت وقلت : حتى انا ... وش رايك تسوين لنا عصير ليمون اليوم

هزت راسها وقالت : اوكي .. بسوي

مديت يدي .. وقطفت ليمونه ومديتها لها

اخذتها وهي تبتسم

قلت لها : طعمها مر .. مثلك

قالت : بس الليمون حامض مو مر يعني وش اطلع انا ؟

قلت على طول : لا انتي حلوه

وسحبت الحجر من يدها ورحت اركض

وانا اركض اسمعها تقول بصوت عالي : ميخالف فيصل اوريك

...........................................


** حنان **

كنا جالسين نشوف الشباب وهم يسبحون .. نايف كان مره مره مره يهبل .. شكله خطير اول مره اعجب بنايف بهذي الطريقه .. واحسن واحد في اللي يسبحون

لفت رهف على نجود وقالت : نايف سباح

والله اني كافشتك يارهف .. تلفين على نايف .. بس هيهات يلتفت لك .. والله لو تبلطين البحر ما اعطاك وجه

قالت لي نجود : الا وين هنوفه

قلت : جالسه تكتب في هالجوال .. تخاف رصيدها يخلص .. فتكتب مسجات اوفرمن المكالمات

قالت : جد والله يعني الهنوف تسوي توفير ؟

قلت : امزح معك هههههههههههه

لفيت على رهف وقلت لها : رهف .. انتي تعرفين السباحه

قالت : لا ما اعرف

قلت : فيه احد في هالزمن مايعرف السباحه

قالت : والله السباحه مو شي مهم .. عشان تتفاجأين منه لهذي الدرجه

والله يابنت الفقر .. ان مارميتك في البركه وطيحت وجهك .. ما اكون انا حنان

شوي وتجي رغد .. وتقول : رهـف .. خليني اسبح الله يخليك

قالت رهف : حبيبتي قلت لك لا .. الاسبوع اللي فات كانت حرارتك مرتفعه شوي .. ويالله خفت .. تبينها ترتفع مره ثانيه

قالت رغد : تكفين .. الله يخليك بس شوي

قالت رهف : اذا خليتك تسبحين .. ابوك بيزعل مني وبيقول لي مرضتي رغد

قالت رغد : اووف زين خلاص

قلت انا : خلي البنت تسبح وتستناس .. مو لان انتي ماتحبين السباحه ماتخلين غيرك يسبح .. روحي رغد اسبحي

ناظرتني وقالت : انا ادرى بمصلحتها

قلت وانا لا ويه فمي : احلى يا دكتورة المستقبل

قالت : عادي كنت بصير دكتوره

قلت : حتى شهادة ثانوي ما اخذتيها ههههههههههههه

قالت بتكبر : على الاقل انا لو ماتزوجت وانشغلت .. كنت بكمل دراستي وبصير احسن دكتوره احسن من غيري اللي جالسين في بيتهم لا شغله ولا مشغله

قلت بصوت عالي : وش قصدك بهالكلام

قالت نجود : خلاص عاد وش فيكم .. حنا جايين نتونس مو جايين نتهاوش

قامت رهف على طول ومسكت يد رغد .. وراحت معاها تمشي بجنب المسبح

الله ياخذها .. ان شاء الله الحين تنزلق بالمويه .. وتطيح في المسبح عشان تغرق وتموت .. وتفكنا من شرها


كنت ارقبها .. وهي تضحك مع رغد .. ومشعل يكب عليهم المويه ويضحك .. وهي تغطي رغد بعبايتها .. وتقول : حرام عليك بتمرض البنت

وهو ماسك يد رغد يسحبها .. وهي مو راضيه تخليها .. بعدين يجي نايف ويسحب يد رغد مع مشعل .. ورغد فاطسه ضحك ورهف تقول : نايف اترك يد رغد انت الثاني
ويضحكون كلهم

والله زمن .. الشينه تعيش حياتها سعيده .. وانا المزيونه اعاني

.......................................



__________________
بيت ابو يوسف .. الساعه :4:00 مساءً
__________________


** يوسف **

~~)(~~خبروه اني على وصله حيت
وان تفارقنا ترى موتي دنا ~~)(~~


صحيت على نغمة جوالي ..وانا ياالله افتح عيوني من التعب .. امس سرقنا قصدي نظفنا سوبر ماركت
تعبنا عليه وياليت جاب لنا شي .. الفلوس هذي ماتجيب هديه محترمه لنجود .. بس هالنجود عله
مدري ليه مو عاجبها .. ماينقصني شي .. بس والله لو حطيت في بالي فكرة اني اتزوجها
والله اخذها رضت ولا انرضت

بس والله دنيا انت يا يوسف .. يجي في بالك طاري الزواج .. مع انك ماكنت تفكر حتى فيه الاول

خل اشوف بس من اللي يدق علي

# طلال R # يتصل بك

هذي رحاب .. برد عليها : الووو

رحاب : هلا والله يوسف .. مابغيت ترد علي

قلت بملل : هلا

قالت : اخبارك اليوم

قلت : تمام

سكتنا شوي

بعدين قالت : مابتسأل عن اخباري يعني ؟

قلت : رحاب انا مشغول اكلمك بعدين

قالت : بعدين متى

قلت : رحاب اقولك مشغول خلاص باي

قالت : باي

مدري ليه ما ابي اكلمها .. يمكن لان نجود شاغله بالي

ابي اكلمها .. اليوم الصبح دقيت على بيتهم كثير محد يرد

بجرب الحين ...................... نفس الشي محد يرد

بنزل بسحب الكلام من امي

.
.
.

نزلت تحت لقيت امي تذاكر لسعد

قلت لها : اقول يمه

قالت : انت غسلت وجهك يوم صحيت من النوم ؟

قلت : يمه خلينا من ذا الحين

قالت : وش عندك

قلت لها : ابي رهف في سالفه وبيتهم محد يرد .. ليه؟

صفحت كتاب سعد وقالت : رهف راحت مزرعة اهل زوجها

فهمت الحين .. يعني محد في البيت

قالت : طيب كلمها على الجوال

دورت على رقمها في الجوال بعدين قلت لأمي : رقمها *********

قالت : لا هذا رقمها القديم مشعل طلع لها رقم جديد قبل شهرين

المهم عطتني الرقم .. وركبت غرفتي طلعت جوالي الثاني .. اللي حق المسخره والضحك .. ليه رقمي الاول حق وشو ؟ ههههههههه يللا مو مشكله .. دقيت على رهـف

ردت وقالت : الووو

قلدت صوت البنات وانا ماهر في هالشي لاني كنت اضحك على الشباب اللي اعرفهم قبل

وقلت : الووو انتي رهف

قالت : ايه معك رهف من انتي ؟

قلت : انا خوية نجود .. ممكن تعطينها جوالك ابي اكلمها دقيقه

قالت رهف : وليه ماتدقين على جوالها

توهقت .. فكرت شوي بعدين قلت لها : لان هي قالت ماراح تحمل جوالها المزرعه .. وعطتني رقمك عشان لو بغيت شي ضروري

قالت : اوكي ثواني بس

.................................................


** نجود **

سمعت صوت رهف تناديني .. ماكنت بعيده عنها لان حنا كنا جالسين داخل في المجلس نشوف التلفزيون .. فلفيت عليها وقلت : هلا رهف

قالت : خويتك تبيك على التلفون

قلت مستغربه : أي خويه

قالت : مدري ما سالتها

تقربت منها واخذت الجوال

قلت : الووو

قالت البنت : هلا نجود .. اخبارك

قلت : والله بخير .. بس ماعرفتك

سمعت فجأه صوت يوسف : ماعرفتيني هههههههههههه .. وش رايك فيني

قلت بدون ما احس : بسم الله الرحمن الرحيم

وبلعت ريقي .. وانا خايفه مره مو عارفه اتكلم ولا عارفه اقفل .. لو قفلت بتستغرب رهف

فأضطريت اقول : انا بخير .. وانتي احلام اخبارك

ضحك وقال : مايليق علي اسم احلام .. ابي اسم ثاني

قلت بتوتر : الله يرجك هههه

قال : وش فيك خايفه كذا.. خذي نفس

قلت بصوت عالي قاصده رهف تسمعني : احلام ما اسمعك زين هنا ازعاج دقايق بس بطلع بره

قال : خذي راحتك ياقلبي

طلعت بره وبعدت عنهم .. وعلى طول قلت بعصبيه : ليه داق .. وش تبي غثيتني .. وين ما اروح وراي

قال : ما راح تتخلصين مني الا بطريقه وحده

قلت : اسعفنا بالطريقه لاني مره مو قادره اتحملك

قال : عطيني رقم جوالك

قلت بسخريه : في الحلم اعطيك رقمي

قال بتهديد : لعلمك انا لو ابي رقمك اخذته من زمان .. وكنت اقدر قبل شوي اخلي رهف تعطيني رقمك .. بحجة انه ضاع او شي

قلت : وين كرامتك تطرد ورا بنت ماتبيك

قال بصراخ : نجود كلميني زين .. لا وربي جيت الحين ودفنتك في المزرعه

بصراحه خفت من صراخه عشان كذا سكت

اخذ نفس يهدي نفسه وبعدين قال بهدوء : انتي ليه كذا .. شايفه نفسك علي لاني احبك

قلت : رجع وقال احبك

قال : ايه احبك وغصب عنك

قررت انهي المكالمه فقلت : زين يوسف وبعدين ماخـ.....

ماحسيت الا واحد ساحب الجوال من يدي بقوه

لفيت بسرعه .. ومن شفت اللي واقف قدامي وهو ميت قهر .. طاح قلبي في بطني

قلت بصدمه : فــــــــــيــــــــصــــــــــل


^*^
/
\
/
\
/
\
/
\
/
^*^
***** نهاية الجزء الرابع و العشرون ******

[@ همس الغلا @]

...:::][ الجزء الخامس والعشرون ][:::...


____________________
المزرعه .. الساعه :4:30 مساءً
____________________


** فيـصل **

انا من شفتها لحالها .. جيت وراها ابي اخرعها واضحك عليها كالعاده .. بس من سمعتها تقول احبك ويوسف ومدري وشو .. سحبت الجوال من يدها على طول

لفت علي وناظرتني مصدومه .. وانا على طول حطيت الجوال عند اذني وقلت : الــــــوووو الـــــووووو .. بس اللي كانت تكلمه قفل

قلت بكل غيض وانا ضاغط على اسناني : مـــن كنـــتــي تــكـــلــمــيــن

سكتت عني وهي خايفه وترجف

قلت وانا ماسك اعصابي : قـــولــي مـيـــن

قالت بتوتر : أأ .. صد .. صديقتي

صرخت في وجهها : كــــذابــــه

على طول طاحت دموعها وقالت : فيصل انا مــ ....

قاطعتها وصوتي بدا يعلى اكثر : لا تنطقين اسمي على لسانك

ناظرتها من تحت لفوق بشمأزاز .. نجود ؟ هذي نجود ؟ نجود اللي حبيتها من كل قلبي .. لالا ما اصدث .. قلت بسخريه : ما اصدق ان هذي بنت خالي نجود .. مسويه نفسك المحترمه المؤدبه قدامنا .. ومن ورانا ..

قالت بصوت عالي ودموعها تطيح : اسكت ما اسمح لك

انا جالس اتعوذ من الشيطان .. عشان ما اضربها .. لاني ودي اذبحها الحين

مسكت جوالها تبي تاخذه بس انا سحبته من عندها .. وصارت هي تسحب وانا اسحب

قالت : فيصل مالك خص فيني .. هات الجوال

قلت وانا اسحبه : لو تموتين ماعطيتك اياه .. عشان تكلمين لي اللي يسوا واللي مايسوا

وسحبته بقوه لانها مستحيل بتقدر تسحبه مني

قالت بضيق وشكلها يعور القلب : قسم بالله انت فاهمني غلط .. انا ما اكلمه

ضحكت بكل الم : لا تضحكيني ترا ما ودي اضحك .. قالولك غبي .. ماسمعتك يعني .. احمدي ربك ان اللي سمعك انا مو اخوك نايف .. ولا ماكان بيرحمك

مسحت دموعها وقالت : هذي حياتي وانا حره فيها .. وانت لا اخوي ولا ابوي عشان تتدخل

كلامها هذا خلاني اعصب مره .. قلت وانا ااشر علي : الا انا ولد عمتك ولي خص فيك ’’ واشرت عليها ’’ فـــــــــــاهــــــمـــــه

قالت : هات الجوال .. مو جوالي جوال رهف

قلت : العبي غيرها

قالت : والله العظيم جوالها

هزيت راسي بأسف وانا اناظرها بأحتقار

قالت بهدوء : طيب اسمعني بس

صرخت عليها مره ثانيه وقلبي يتقطع : ما ابي اسمع منك ولا حرف لانك وحده نـــ...

ماكملت كلامي لان احد سحب كتفي ولفني عليه

.................................................. .


___________________
بيت ابو يوسف .. الساعه : 4:30 مساءً
___________________

** يوسف **

انا على طول من قطعت كلامها قفلت الجوال .. احساسي يقول ان فيه شي قوي يصير لنجود
اخاف احد سمعها .. ان شاء الله مو اخوها هذا اللي شفته مع رهف في المستشفى .. لانه اكيد بيذبحها .. ياربي ابي اطمن قلبي بس مستحيل ادق .. يمكن ازيد الطين بله .. لا نجود ذكيه وبتدبرها .. وهي مو تبع هالحركات بدليل صدها لي .. الجوال اللي كلمته منها جوال رهف .. ان شاء الله يارب تطيح السالفه كلها على رهف .. عشان تطلع حبيبتي نجود منها

~~)(~~خبروه اني على وصله حيت
وان تفارقنا ترى موتي دنا ~~)(~~

%% عبد الرحمن %% يتصل بك

رديت على طول : هلا والله دحووم

قال : هلا بك زود .. بس حبيت اذكرك .. اليوم لا تروح الشقه .. روح على طول عند المحل حق الساعات عشان ننظفه

قلت : انا اليوم تعبان مابقدر اجي

قال : افااا وش فيك ياخوي

ماجا على بالي شي اقوله .. فطنشت سؤاله وقلت : خلاص خلوا محل الساعات لبكره .. ونظفوا اليوم سوبر ماركت ثاني

قال : لا ماراح ننظف سوبر ماركت مره ثاني .. ماجاب لنا شي في المره الاولى .. المهم حنا راح ننظف محل الساعات .. ومالك نصيب في هالسرقه

قلت : اوكي خلاص .. بالتوفيق

قال : ان شاء الله .. فمان الله

قلت : فمان الكريم

مستحيل اروح اسرق وبالي منشغل على حبيبتي .. لاني اكيد بخرب عليهم السرقه .. ان شاء الله مافيها الا الخير .. والتوقعات اللي توقعتها كلها خطأ

فتحت الباب .. وطلعت من الغرفه .. نزلت الصاله شفت امي جالسه وعلامات الحزن في وجهها

لويت فمي وقلت : وش صاير بعد

قال سعد على طول وكاني سالته : محمد والريم مابيصير عندهم عيال .. المستشفى قالوا للريم كذا

توقعت سالفه عدله الحين .. اشرت بيدي وانا طالع : ويعني .. البنات كثير والشرع حلل اربع

...........................................

[@ همس الغلا @]

...:::][ الجزء الخامس والعشرون ][:::...


____________________
المزرعه .. الساعه :4:30 مساءً
____________________


** فيـصل **

انا من شفتها لحالها .. جيت وراها ابي اخرعها واضحك عليها كالعاده .. بس من سمعتها تقول احبك ويوسف ومدري وشو .. سحبت الجوال من يدها على طول

لفت علي وناظرتني مصدومه .. وانا على طول حطيت الجوال عند اذني وقلت : الــــــوووو الـــــووووو .. بس اللي كانت تكلمه قفل

قلت بكل غيض وانا ضاغط على اسناني : مـــن كنـــتــي تــكـــلــمــيــن

سكتت عني وهي خايفه وترجف

قلت وانا ماسك اعصابي : قـــولــي مـيـــن

قالت بتوتر : أأ .. صد .. صديقتي

صرخت في وجهها : كــــذابــــه

على طول طاحت دموعها وقالت : فيصل انا مــ ....

قاطعتها وصوتي بدا يعلى اكثر : لا تنطقين اسمي على لسانك

ناظرتها من تحت لفوق بشمأزاز .. نجود ؟ هذي نجود ؟ نجود اللي حبيتها من كل قلبي .. لالا ما اصدث .. قلت بسخريه : ما اصدق ان هذي بنت خالي نجود .. مسويه نفسك المحترمه المؤدبه قدامنا .. ومن ورانا ..

قالت بصوت عالي ودموعها تطيح : اسكت ما اسمح لك

انا جالس اتعوذ من الشيطان .. عشان ما اضربها .. لاني ودي اذبحها الحين

مسكت جوالها تبي تاخذه بس انا سحبته من عندها .. وصارت هي تسحب وانا اسحب

قالت : فيصل مالك خص فيني .. هات الجوال

قلت وانا اسحبه : لو تموتين ماعطيتك اياه .. عشان تكلمين لي اللي يسوا واللي مايسوا

وسحبته بقوه لانها مستحيل بتقدر تسحبه مني

قالت بضيق وشكلها يعور القلب : قسم بالله انت فاهمني غلط .. انا ما اكلمه

ضحكت بكل الم : لا تضحكيني ترا ما ودي اضحك .. قالولك غبي .. ماسمعتك يعني .. احمدي ربك ان اللي سمعك انا مو اخوك نايف .. ولا ماكان بيرحمك

مسحت دموعها وقالت : هذي حياتي وانا حره فيها .. وانت لا اخوي ولا ابوي عشان تتدخل

كلامها هذا خلاني اعصب مره .. قلت وانا ااشر علي : الا انا ولد عمتك ولي خص فيك ’’ واشرت عليها ’’ فـــــــــــاهــــــمـــــه

قالت : هات الجوال .. مو جوالي جوال رهف

قلت : العبي غيرها

قالت : والله العظيم جوالها

هزيت راسي بأسف وانا اناظرها بأحتقار

قالت بهدوء : طيب اسمعني بس

صرخت عليها مره ثانيه وقلبي يتقطع : ما ابي اسمع منك ولا حرف لانك وحده نـــ...

ماكملت كلامي لان احد سحب كتفي ولفني عليه

.................................................. .


___________________
بيت ابو يوسف .. الساعه : 4:30 مساءً
___________________

** يوسف **

انا على طول من قطعت كلامها قفلت الجوال .. احساسي يقول ان فيه شي قوي يصير لنجود
اخاف احد سمعها .. ان شاء الله مو اخوها هذا اللي شفته مع رهف في المستشفى .. لانه اكيد بيذبحها .. ياربي ابي اطمن قلبي بس مستحيل ادق .. يمكن ازيد الطين بله .. لا نجود ذكيه وبتدبرها .. وهي مو تبع هالحركات بدليل صدها لي .. الجوال اللي كلمته منها جوال رهف .. ان شاء الله يارب تطيح السالفه كلها على رهف .. عشان تطلع حبيبتي نجود منها

~~)(~~خبروه اني على وصله حيت
وان تفارقنا ترى موتي دنا ~~)(~~

%% عبد الرحمن %% يتصل بك

رديت على طول : هلا والله دحووم

قال : هلا بك زود .. بس حبيت اذكرك .. اليوم لا تروح الشقه .. روح على طول عند المحل حق الساعات عشان ننظفه

قلت : انا اليوم تعبان مابقدر اجي

قال : افااا وش فيك ياخوي

ماجا على بالي شي اقوله .. فطنشت سؤاله وقلت : خلاص خلوا محل الساعات لبكره .. ونظفوا اليوم سوبر ماركت ثاني

قال : لا ماراح ننظف سوبر ماركت مره ثاني .. ماجاب لنا شي في المره الاولى .. المهم حنا راح ننظف محل الساعات .. ومالك نصيب في هالسرقه

قلت : اوكي خلاص .. بالتوفيق

قال : ان شاء الله .. فمان الله

قلت : فمان الكريم

مستحيل اروح اسرق وبالي منشغل على حبيبتي .. لاني اكيد بخرب عليهم السرقه .. ان شاء الله مافيها الا الخير .. والتوقعات اللي توقعتها كلها خطأ

فتحت الباب .. وطلعت من الغرفه .. نزلت الصاله شفت امي جالسه وعلامات الحزن في وجهها

لويت فمي وقلت : وش صاير بعد

قال سعد على طول وكاني سالته : محمد والريم مابيصير عندهم عيال .. المستشفى قالوا للريم كذا

توقعت سالفه عدله الحين .. اشرت بيدي وانا طالع : ويعني .. البنات كثير والشرع حلل اربع

...........................................





_________________
المزرعه .. الساعه 5:00 مساءً
_________________

** نجود **

جا ولد عمتي بندر وسحب فيصل من كتفه .. وقال له مستغرب : وش فيك انت تصارخ على نجود انخبلت

قال فيصل : مالك شغل

قال بندر : لا لي شغل ونص .. اجل جالس تصارخ على بنت خالي كذا .. استحي على وجهك

قال فيصل وهو رافع يده : اسكت عني بندروه اللي فيني كافيني

قال بندر : اللي فيك مالنا شغل فيه .. بس بنت خالي ماارضى تصارخ عليها

قال فيصل : ومن انت عشان ماترضى عليها .. اقول ....

ماسمعت باقي الكلام لاني مشيت عنهم .. ورحت بسرعه غرفتي عشان لا يشوفني احد وانا ابكي

اخر ماكنت اتوقعه .. ان فيصل يناظرني بنظرات الاستحقار اللي ناظرني فيها .. وانا كنت مثل الغبيه ما دافعت عن نفسي بولا شي .. هو ماعطاني فرصه .. وحتى لو عطاني فرصه .. وش كنت بقول .. ماعندي تبرير مقنع .. ااخ يا القهر .. كله منك يا يوسف .. الله لا يوفقك .. ماجبت لي الا المشاكل .. وكله مني انا لاني عطيتك وجه من البدايه .. والله اني اتمنى الموت .. ولا اللي صارلي اليوم .. فيصل ؟؟ ليه هو بالذات اللي يسمعني ياربي ليــــه .. معقوله حبه لي اللي بقلبه يختفي في دقايق .. ويغطي عليه الكره والحقد .. لالا اللي يحب مايكره .. هه يما قالوها ناس وقالوها .. بس فيصل قلبه طيب .. ماابي افقدك يافيصل والله العظيم ما ابي

بعد ساعتين تقريباً من قعدتي في الغرفه افكر .. سمعت طق على الباب

قلت : نــعــم .. ادخل

دخلت رهف وقالت : وش فيك جودي جالسه لحالك

قلت وانا منزله راسي : ابد مافيني شي

قالت : طيب تعالي حبيبتي اطلعي معنا برا .. جالسين نشوي وحركات

قلت : من اللي يشوي

قالت : الشباب كلهم .. الا فيصل

قلت بسرعه : ليــــه ؟

قالت : وش اللي ليه ؟

قلت : ليه فيصل مايشوي مع باقي الشباب

قالت : يقول عنده شغله ضروريه بيخلصها في غرفته .. بعدين بيجي

اشوا انها قالت لي .. لاني كنت بتعذر لها وبجلس في غرفتي .. ولو جلست انا وهو في غرفنا وما طلعنا مع الباقي .. بيشكون في الموضوع

قمت وقلت : يللا

قالت رهف بتردد : أأ جودي وين جوالي .. لاني ابي اكلم ريوم واخوي

وقفت وقلت بخوف : أي اخو ؟

ابتسمت وقالت : اخوي محمد بعد من

الحين كيف اجيب الجوال لها .. وفيصل قال لو اموت ما بيعطيني اياه

جاتني فكره .. قلت : رهوفه جوالك عند فيصل

عقدت حواجبها وقالت : وش يسوي عند فيصل

سويت نفسي مستحيه وقلت : لان جواله ضايع .. وانا نسيت حسبت اللي عندي جوالي .. فقلت له دق على جوالك من جوالي .. اخذه من عندي .. ونسيت ما اخذه من عنده بعدين

قالت : لا عادي جودي .. انا بعدين اذا شفت فيصل بقول له يجيب الجوال

يووه نسيت شي مهم .. اخاف رهف ماتشوف رقم فيصل في جوالها .. وتكفشني .. لالا رهف ماتدقق


.
.
.

طلعنا برا .. وجلسنا مع الباقي .. وكان الكل متجمع برا مافيه احد داخل .. والجو كان يجنن .. والجلسه حلوه .. الكل مبسوط ويضحك الا انا .. مستحيل اضحك بعد المصيبه اللي صارت لي اليوم .. حسبي الله عليك يا يوسف

بعدين سالتني رهف : تعالي وش هذا اللي معلق على الجدار

قلت : وشهو ؟

قالت : الاوراق هذي

قلت : علمي علمك .. خلينا نشوف

قالت : يللا

اول ماقمنا قالت حنان : وين بتروحون .. نجودوه عاد يا الدبه .. من اول ما جينا المزرعه ما جلستي معي ولا دقيقه

قلت بأبتسامه : بنروح نشوف الاوراق هذي اللي لا صقينها على الجدار وشهي

قالت : اهاا .. هذي مسابقة الشعر

انا ورهف مع بعض : مـــســـابـــقـــة الـــشــــعـــر !!!!!!!!!!!

قالت : ايه .. اللي يبي يشارك يحط اسمه في الصندوق .. انا والهنوف حطينا اسامينا

قالت رهف : خلينا نروح نشوف بسرعه .. اكيد اللي مسوي المسابقه نايف .. لانه يموت في الشعر

قالت حنان : وش عرفك ان نايف يموت في الشعر ؟؟

قلت انا : لانها عايشه معنا في البيت .. ونايف ورهف اخوان يعني مافيه وحده ماتدري وش يحب اخوها

قالت رهف : صح

مسكت يد رهف ومشيت معها

شافنا نايف وحنا ماشيين .. غمز لنا وقال : سجل اسمك ياحلو

ضحكنا .. ورحنا لعند وحده من الورق وقرينا اللي فيها

كــــان

^*^
/
\
/
\
/
^*^

السلام عليكم ورحمة الله وبركاته

اعلان هـــام .. لكل من يملك موهبة الشعر وكتابة الخواطر

سوف تتم مسابقه عن افضل قصيده وافضل خاطره

والفائز سوف ينال

- الاستحسان والثناء

جائزه واحده ( فقط ) من كل متسابق - واللي ماعنده فلوس يشتري هديه للفائز لا يشارك - )

والمسابقه غداً في تمام الساعه الـ 10 ليللاً

-- بعد العشا تعالوا لحد ينام --

مع تحياتنا ادارة المزرعه -- الزعيم ( نايف ) المساعد ( مشـعل – فيصل)

^*^
/
\
/
\
/
^*^


ضحكنا انا ورهف مع بعض وقلنا : حـــركـــات

قالت رهف : لا يفوتك مع تحياتنا ادارة المزرعه هههههههههههه .. قريتيه ؟

قلت : ايه الله يرجهم .. مسوين فيها فعاليات

قالت : بتشاركين في المسابقه ؟

قلت : مدري وانتي

قالت بحماس : انا بشارك

قلت : اجل حتى انا .. وينه الصندوق

قالت : هذاهو هنا

مسكته وحركته وقالت : شوفي نقدر نفتحه

قلت : اجل خلينا نفتحه ونشوف من اللي بيشارك ههههههههههههه

قالت : لا غش يمكن مايبونا نعرف

مسكته وقلت : ياشيخه خلي عنك بس

فتحناه من تحت .. وشفنا اسماء – فيصل – نايف – حنان – الهنوف – مشعل – رغد

قلت : شوفي حتى رغد هههههههههههههههههه

قالت : ايه فديتها يللا نكتب اسامينا


......................................



** نايف **

ضربت يد سلطان وقلت له : خلصت اللحم من كثر ماتذوق .. ماصارت عاد

سمعتني شجن وقالت : وش عليك خله يذوق .. انت اصلاً تغار منه لان نفسه مفتوحه للاكل على طول

رفعت يديني بأستسلام وقلت : يمه يمه اكلتني .. ماترضى على زوجها

قال سلطان : ايه حاسب لا تقول لي كلمه هنا ولا هناك

سويت له مالت وقلت : كلك على بعضك كوره .. سوي رياضه يا اخوي

سلطان صحيح كان دب شوي .. بس مو لدرجة كوره هههههههههههههه

اخذ ولده ماجد وقال له : مجودي شوف هالقرد اللي قدامي يقول عني كوره .. ترضا على بابا

بس ماجد ماكان يفهم .. كان فاتح عيونه ويناظرنا بس

قلت انا : لالا كذا ما اقدر صرتوا ثلاثه علي .. اهرب احسن لي

وقفت بمشي .. قال مشعل وهو مشغول بالشوي : من جدك بتهرب .. لا تخاف عندك مدافعين

قلت : لا بروح بجيب الدجاج من المطبخ عشان نشويه

قال مشعل : اجلس خلي الشغاله تروح

قال سلطان : ايه والله

قلت : حرام عليكم من اول مابدينا نشوي راحت وجات مليون مره .. شوفوها كيف جالسه تسولف مع شغالة بيت عمتي وداخله جو .. ما ابي اقطعه عليهم

بندر وهو جاي مع وليد سمع كلامي وقال : يااي ما اقدر .. نايف اعترف .. تحب الشغاله ؟

لفيت على سلطان ومشعل وقلت : اصفقه ؟

ضحكت ومشيت عنهم رحت المطبخ بجيب الدجاج .. اول ماشفته شميته .. الله ريحته حلوه من اللي تبله .. اكيد فيصل .. لان كل مره نروح فيها البحر او البر ونشوي هو اللي يتبله لنا .. سمعت صوت وراي لفيت .. ولقيت حنان واقفه

قالت لي : نايف ممكن اكلمك

هزيت راسي وتنهدت

قالت : لهذي الدرجه ماتبي تكلمني ؟

قلت : ليه ؟ انا قلت شي الحين

قالت : بس تنهيدتك هذي تدل على انك متملل مني

لحوول .. قلت : لا افا يابنت عمتي مو القصد كذا .. امري وش تبين

جلست تلعب بصبوعها وهي متردده

وش تبي هذي ؟ .. اهااااااا الحين فهمت .. تبي نتكلم عن اللي صار اليوم .. الظاهر تبيني اعتذر لها .. وهذا شي لازم اسويه

قلت : ايه حنان بخصوص اللي صار اليوم انا اعتذر وماكان قصدي

قالت : لا لا نايف .. لا تعتذر .. هو لو كان احد غيرك ماكنت بسامحه .. بس انت غير

عقدت حواجبي مستغرب وقلت : انا غيـــر ؟

عطتني ظهرها وقالت : اكيد

وش تقصد !!

لفت علي ونزلت راسها مستحيه وقالت بصعوبه : يعني للحين ماتدري

قلت : ادري بوشو .. حنان انا ما احب هالاسلوب يا تتكلمين ياخلاص

قالت : انت ليه ماتحس فيني

سكت انتظرها تكمل .. فاجأتني يوم قالت : نـــايف انا احبك

وش تحبيني يابنت الناس هذا اللي كان ناقصني .. حاسبت كلامي قبل ما اقوله .. لاني ما ابي اجرحها .. مهما كان هذي بنت عمتي .. قلت : حنان بقول لك شي وافهميني زين

قالت بسرعه : كل الكلام اللي تقوله يانايف افهمه على طول بدون ماتقول لي .. لان كل حرف تنطقه .. يسوا عندي الدنيا كلها

قلت : حنان انا رجال مااحب هالسوالف .. فلازم تشيليني من بالك .. لان مابتوصلين لشي معاي .. وانتي في سن زواج ..فأن شاء الله تتزوجين وتحبين زوجك وهو يحبك .. وانتي بنت حلوه وطيبه تستاهلين كل خير

دمعت عيونها وقالت : لا نايف انا مستحيل احب واتزوج غيرك .. انا ما احبك من سنه ولا سنتين .. انا من اول مافتحت عيوني على الدنيا احبك

معقوله حنان تحبني من زمان .. وانااقول وش سالفة هالتلصق

قلت بجديه : حنان الله يخليك .. لا عاد تجيبين لي طاري هالموضوع .. ومثل ماقلت لك شيليني من بالك .. وهذا اخر كلام عندي

حطت يدينها على وجهها وجلست تبكي وتقول : نايف ماتوقعتك عديم احساس كذا .. انا اقولك احبك من زمان .. وانت تقول لي شيليني من بالك

ياليتك ماقلتيلي .. قلت لها بحنان : ما احب اشوف احد يبكي .. لا تبكين

قالت وهي تبكي بمراره : ايه ماتبيني ابكي لانك ماتحب تشوف احد يبكي مو لان دموعي غاليه

قلت : الا دموعك غاليه

رفعت وجهها وقالت بابتسامه كبيره : صدق

قلت : لانك بنت عمتي .. ومثل اختي

قالت بأنفعال وبصراخ : لا تـــــــــــقـــــــــــوووول اخـــــتــــــي لا تـــــــقــــولـــــهــــا

انا مستعجل بودي الدجاج .. يللا عن اذنك بمشي كملت كلامي ببرود :

ومشيت بسرعه لا توقفني .. هذا اللي باقي .. ما ابي بنات يحبوني انا احب بنت ايه بس بنت تحبني لا .. وجع راس ومتاعب

’’ ساعه تجيب الدجاج والله لو مخلي الشغاله ابرك ’’

ضحكت بصوت عالي على كلام مشعل وقلت : انا مو من النوع اللي اروح واجي .. يا اروح يا اجي .. وانا رحت وما كنت بجي بس خفت اورطكم

.................................................. .



** مشعل **

ضحكت على كلام نايف ولفيت وراي .. ادور رهف بعيوني .. لقيتها تسولف مع نجود
اشرت لها بيدي ماشافتني .. ناديت على وليد

جاني بسرعه : نعم ؟

قلت : نعم الله عليك .. قل آمر .. قل سم .. وشو نعم ؟

قال : ان شاء الله

اشرت بيدي وقلت : المهم .. رح قل لزوجتي رهف تجيني عند المطبخ

هز راسه وراح جهتها

رحت وقفت عند المطبخ انتظرها .. شفتها تتجه ناحيتي وهي مبتسمه ابتسامتها الحلوه

بصراحه .. احس ابتسامتها تسحرني .. معقوله ماكنت الاحظ ان ابتسامتها حلوه هالكثر ؟

وقفت بجنبي وقالت : نعم ؟

عقدت حواجبي : وشو نعم بعد انتي الثانيه !!

فتحت عيونها وقالت : انا الثانيه ؟

قلت : لا ولا شي

قالت بعناد : الا فيه شي قول

قلت : ماراح اقول

قالت : لا راح تقول

قلت وانا فيني الضحكه بس ماابي اضحك : رهـف وش فيك ؟

تكتفت وقالت : انا زعلانه ؟

قلت لها : جد جد انتي زعلانه ؟

قالت : ايه زعلانه

قلت لها : ادخلي المطبخ

قالت مستغربه : وش دخل المطبخ الحين ؟

اشرت لها بيدي .. يعني ادخلي

دخلت وهي للحين مستغربه ومو فاهمه شي

قلت لها : كم جدار تشوفين ؟

قالت وهي على نياتها : 4

قلت وانا متوقع انها تعصب وتنفعل : اختاري واحد وطقي راسك فيه

حطت يدها على راسها وقالت بتفكير : محتاره بصراحه .. مشعل .. ساعدني في الاختيار

قلت : اما اساعدك ههههههههههههههههههههههههههههه

دفتني وقالت : الشرهه علي انا اللي خليت البنات وجيتك

مسكت ذقنها ولفيت وجهها علي .. قلت لها بصوت هادي : زعلانه قلبي ؟

انصبغ وجهها باللون الاحمر .. رجعت قلت لها : زعلانه ؟

هزت راسهها بأيه

طبعت بوسه على خدها وقلت لها : فديتك لا تزعلين امزح معك

بعد فتره طويله .. قالت لي وهي منزله راسها : لا ما .. ايه .. هههه .. عادي

بعدت عنها وفطست ضحك .. قلت لها : وش فيك رهوفتي قمتي تخربطين

قالت وهي طالعه : ولا شي بروح لنجود خليتها لحالها

وراحت تركض قلت بصوت عالي : رهــــــوفــــــــه تــــــعالـــــي عـــــــــاد

بس مثل ماتوقعت ههههههههههههههههههه طنشتني

___________________
شقة محمد .. الساعه 11:00 مساءً
___________________


** محمد **

جالس في المطبخ اشرب كابتشينو .. ماكنت اشربه بس احرك الملعقه فيه

ريوم نامت وانا ماجاني نوم .. احس ايامنا الجايه انا والريم كلها نفس بعض .. مابيصير فيها شي جديد .. هذا انا مثل يوم كنت في بيت ابوي .. اصحى الصبح اروح الدوام ارجع اتغدا اشوف التلفزيون اطلع مع اخوياي وانام .. احس تفكيري متناقض .. يوم اقول حياتي كلها صارت غير مع الريم .. ويوم اقول حياتي نفسها .. والله ماخلاني اناقض افكاري الا سالفة العيال .. كنت ناوي اذا صار عندنا عيال اطلع من الشقه واخذ بيت .. بس الحين ليه اخذ بيت ؟ .. الشقه مكفيتنا انا والريم .. كثير اشياء في بالي كنت بسويها .. والحين ما اقدر .. كنت في البيت بسوي غرفة الولد كانها بحر جدرانها كلها سمك وقواقع واللون الازرق لانه اكيد بيطلع على ابوه يحب البحر .. والبنت بتطلع على امها تحب اللون الوردي والورود والفراشات وهالحركات يعني نخلي غرفتها كلها ورديه .. ويتهاوشون ولدي يقول لبنتي غرفتك اكبر وبنتي تقول له غرفتك احلى .. والريم تقول لي شوف ولدك يهاوش بنتي .. ما اقدر عليه

وانا اقول لها بنتك هي اللي بدت .. والبيت يصير كله حركه .. او ارجع من الدوام وانا حامل معي العاب وحلاوه لهم

او اقول للريم خلينا نطلع نتغدا برا .. وهي تقول لي لا ماعندي وقت بلبس الولد وبأكله خليها مره ثانيه

ابي احس ان فيه شي يشغلنا في هالبيت .. مو هالحياه الميته .. كأنا في ابها شهر العسل .. نروح نتعشا ونتمشا ونرجع ننام وهذي حالتنا

...........................................


____________________
غرفة فارس .. الساعه :1:00 صباحاً
___________________

** فارس **

كنت حاط راسي على المخده بنام .. بس مااقدر انام بدون ما اكتب لهنوفتي شي .. تتوقعون صاحيه ؟

كتبت لها

^*^
/
\
/
\
/
^*^

اكتبني في حياتك محب
مجنون مامل اشتياقه..
ماعرف وشلون يقرأ
الحب اويكتب غرامه.
أرسمني صورة الولهان
بالوان الطفوله ..
تجرحه كلمه وتجيبه
ابتسامه..
مغرم فيك لورفض
يبدي غرامه.
تفضحه نظره
ومقصدها
اهتمامه ..
-- احبــــك مــــوت --


^*^
/
\
/
\
/
^*^

شوي واسمع صوت المسج .. من سمعته ابتسمت وفتحته

^*^
/
\
/
\
/
^*^


بكره بدخل المستشفى
بسوي عمليه
في صدري



بس لا يدري احد

o.k


^*^
/
\
/
\
/
^*^

عدلت جلستي .. وقريت المسج اكثر من مره .. بدون ما احس دقيت عليها .. بس على طول الغيت الاتصال .. الحين كيف بيجيني نوم والهنوف بتسوي عمليه بكرا .. وليه ماقالت لي الا اليوم .. عمليه عاد .. كذا فجأه

كتبت لها مسج

^*^
/
\
/
\
/
^*^

هنوفتي وقفتي قلبي وش فيك ؟

عملية وشو بالضبط

قولي لي خوفتيني عليك


^*^
/
\
/
\
/
^*^

انتظرت شوي بس مالقيت رد

فكتبت مسج ثاني

^*^
/
\
/
\
/
^*^

هنوفتي ردي علي

انا جالس على اعصابي

^*^
/
\
/
\
/
^*^

يوم ما وصلني مسج منها كنت بكسر الجوال

وكتبت مسج ثالث

^*^
/
\
/
\
/
^*^

بسرعه ردي

حتى لو انتي مو بخير الحين

اكتبيلي كلمه

قلبي تكفين .. الله يخليك طمنيني

^*^
/
\
/
\
/
^*^

من كتبت المسج وانا جالس على السرير واحرك رجلي بعصبيه

سمعت صوت المسج .. جيت ابي افتحه .. من شدة التوتر طاح الجوال من عندي .. اخذته

وفتحت المسج

^*^
/
\
/
\
/
^*^

ههههههههه يابعد هالكون كمل المسج

^*^
/
\
/
\
/
^*^

عقدت حواجبي .. ورجعت للمسج اللي كتبته قبل شوي

^*^
/
\
/
\
/
^*^


بكره بدخل المستشفى
بسوي عمليه
في صدري



بس لا يدري احد

o.k

















ابي اوسع قلبي ..لان

حبك يزيد وقلبي ماعاد

يتحمل .. احبك

^*^
/
\
/
\
/
^*^
__________________



شوف البايخه .. والله ماراح اعديها لها .. وقفت قلبي

كتبت وانا اضغط بقوه على الاحرف من العصبيه

^*^
/
\
/
\
/
^*^

عاجبك الحين اللي سويتيه فيني ؟

كاتبه لي مسج مثل وجهك بأخر الليل

لكن والله غبي اللي يكلمك

باي

^*^
/
\
/
\
/
^*^

كتبت لي

^*^
/
\
/
\
/
^*^

بايات فارس

وتصبح على خير

^*^
/
\
/
\
/
^*^


خلاص فقدت اعصابي لو هي قدامي قتلتها .. وش سالفتها هنوفوه .. توقف قلبي وتعصبني وتقهرني

كتبت لها

^*^
/
\
/
\
/
^*^

وش تصبح على خير

هنوفوه انا زعلان .. يعني مفروض

تجلسين تراضيني للصبح

^*^
/
\
/
\
/
^*^

كتبت

^*^
/
\
/
\
/
^*^

مو انت تقول باي

اجل وشوله كاتب مسج الحين ؟؟


وش اسوي في نفسي الناس ميته علي وانا ثقل و ما اعطي وجه ياربي


^*^
/
\
/
\
/
^*^

انا اوريك الحين

كتبت لها

^*^
/
\
/
\
/
^*^

طيب دام هذا كلامك

يللا الحين جد باي

ولو تبوسين يدي مارضيت

^*^
/
\
/
\
/
^*^

كتبت لي

^*^
/
\
/
\
/
^*^
هههههههههههههههههه

فروسي عاد

يعني ما امزح معك

^*^
/
\
/
\
/
^*^

طنشتها .. مع ان يدي تحكني ابي اكتب

جاني مسج ثاني من عندها

^*^
/
\
/
\
/
^*^

يعني انام ؟

مابترد علي

ترا مره نعسانه

^*^
/
\
/
\
/
^*^

خل اكتب شي بسرعه قبل ما تنام

^*^
/
\
/
\
/
^*^

لا تنامين اجلسي معي

^*^
/
\
/
\
/
^*^

كتبت لي

^*^
/
\
/
\
/
^*^

اذا صحيت بكتب لك مسج

اوكي حبيبي

بس للحين زعلان ؟

اذا للحين زعلان ماراح انام

^*^
/
\
/
\
/
^*^

كتبت

^*^
/
\
/
\
/
^*^

لا نامي

تصبحين على خير

واول ماتصحين اكتبيلي مسج

وانا مو زعلان

لاني ما ازعل من حياتي وعمري وقلبي وعيوني اللي اشوف فيها

^*^
/
\
/
\
/
^*^


من كتبت هالمسج سكت جوالي .. الظاهر نامت يللا بنام انا بعد

حطيت راسي مره ثانيه على المخده .. الا واسمع صوت المسج الظاهر مانامت

فتحته

^*^
/
\
/
\
/
^*^

قليلون هم الذين

يمتلكون في قلبي

معزه .. احترما .. ودا

حبا .. وخلود !!

( ثق انك منهم )

^*^
/
\
/
\
/
^*^

هذي اختي ريوم .. وش مصحيها هالوقت

دقيت عليها على طول

ردت علي : الوو .. هلا فارس

قلت : هلا ريوم .. اخبارك ؟

قالت : بخير الحمد الله وانت

قلت : دوم .. انا بخير دامك بخير

قالت : يدوم عزك يارب .. واخبار امي وابوي

قلت : تمام يسلمون عليك

قالت : الله يسلمهم من كل شر .. وخلودي وحشني اخر مره جيت ماشفته

قلت : ايه يطلع كثير خالد

قالت : ماشاء الله عليك يللي ماتطلع

قلت : وش مصحيك هالوقت ؟ ضحكت و

قالت : مدري يمكن لان نمت الساعه عشر .. ومو متعوده انام بدري فصحيت .. وانت ؟

قلت : والله انا كنت بنام

قالت : ماعندك بكره دوام ؟

قلت : بكرا الخميس

قالت : ايه صح

قلت : وانتي كيف دوامك

قالت : انا دوامي مو مع محمد

قلت : ايه انتي ام الطب .. دراستك 24 ساعه

قالت : مو لهذي الدرجه .. بس دراسة الطب صعبه وتشيب الشعر .. بس احبها .. والحين نفسيتي تعبانه عشـ....

قاطعتها على طول لاني ما ابيها تتكلم عن موضوع العيال وقلت : اجل محمد نام وخلاك ههههههههههه

ضحكت وقالت : لا الحين بروح انام

قلت : اوكي

قالت : تصبح على خير .. وبكرا ان شاء الله بجيكم لا تطلعون .. ودق على اختي نوره خلها تجي

قلت : هي تجي كل خميس مايحتاج .. بس بدق و بكلمها الصبح

قالت : يللا خلي بالك من نفسك .. مع السلامه

قلت : لا توصين حريص .. الله معك

ومن قفلت و حطيت راسي على المخده رحت في سابعها نومه

...........................................


_________________
المزرعه ..الساعه :1:00 صباحاً
_________________

** نايف **

كنت جالس في غرفتي على المكتب .. وماسك دفتر رهف بيدي .. كل اللي في المزرعه نايمين .. المكان مره هدوء ولاني مو مشغل جميع الانوار .. جالس على نور الابجوره بس

فتحت الدفتر بدون تردد مثل قبل .. الا متحمس

ثاني صفحه اللي بعد الاسم والعمر كانت كاتبه فيها

( انا سفينه في البحر وانت المرسى )

السلام عليكم ورحمة الله وبركاته

بسم الله الرحمن الرحيم

أبعرف يا بحر وش اللي بس سويته
!
أنا لا عمري جرحت أنسان ولا عمري بكيته

أبسكت يا بحر وأمشي وأخلي ضيقتي فيني

أبسكت وأبتعد عنك وأدور من يواسيني

تصدق يا بحر إني توقعتك تشيل الهـــــم ولكني

انصدمت بدفتري هذا ينجيني وسط زحام

وسط امواج ومصاعب

هذا بالنسبه لي مرسى بيضل كل العمر مخلص ووفاي ...


ملاحظه : الدفتر هذا ليس للقراءة .. فأتمنى عدم فتحه

.
.

فتحت الصفحه الثانيه ههههههههه وكانها تقول الدفتر هذا للقراءة فأتمنى فتحه

كانت كلها خرابيط حتى الخط مو مفهوم .. اللي فهمته انها جالسه تكتب عن الناس اللي تحبهم

صديقتها الريم .. اخوانها محمد ويوسف امها وابوها و

ومدرساتها العلوم والعربي

وكاتبه بعد

ها انا اودع مدرستي الحبيبه منتقله الى مرحلة جديده

كم كانت ايامي فيها سعيده لكنها اياماً ذهبت ولم تعد

مر العمر بنا سريعاً ....................

ومن هذا الكلام

فتحت الصفحه اللي بعدها

.
.

18\6 السبت -

يومي في المتوسطه § §

انا متحمسه للمدرسه مو لان اول يوم لاني صرت كبيره طالبه في المتوسطه
واخيراً طلعت من الابتدائي مع اني قضيت فيها احلى سنوات عمري بس كنت
صغيره والحين بصير كبيره وبتتغير فيني اشياء كثير بس صار اليوم شي
خرب علي فرحتي بهاليوم تهاوش اخوي الكبير يوسف مع اخوي محمد
اوقات احس ان اخوي يوسف عقله صغير مخلص مدرسه ويطق محمدو
ينكد عليه تصرفاته ماتعجبني ومافيه احد بيقول له لا تسوي كذا ولا تطق
اخوك لان ابوي كان مودي امي المستشفى اليوم بتجينا اخت جديده بتنضم
الى عائلتنا المتواضعه انا مدري بنت او ولد بس احساسي يقول لي بنت
ابوي قال لي اذا امك جابت بنت بخليك تسمينها وان شاء الله بسميها
شوق لاني احب هالاسم بس اخوي محمد وابوي يتوقعون ولد واذا ولد
بيسمونه سعد مريت على صديقتي الريم ورحنا سوا لان المدرسه قريبه
من بيتنا ..................................
.



جلست 3 ساعات تقريباً وانا اقرا كل ايامها في المتوسطه
كنت اضحك مع المواقف الحلوه اللي تصير لها واتضايق في المواقف المره

بصراحه ماكنت اتوقع رهف كذا .. متفاجأ ان وحده كانت بعمرها تكتب بهذي الطريقه

بس اللي قهرني انها تتكلم عن ولد جيرانهم خالد اخو الريم بزياده

مثل هذا الموقف كانت في ثالث متوسط
.
.

الاثنين – 5\9

اليوم خامس ايام رمضان الكريم صحيت بدري عشان اساعد امي في الطبخ
صحيح انا مثل ماقلت لكم مااعرف اطبخ بس أي شي تبيه امي اجيبه لها
واسوي العصير يعني اجلس مع امي بالمطبخ
قالت لي امي اصحي اخوي محمد عشان يودي لبيت جيرانا من الكيكه اللي سوتها
بس انا قلت لها ماله داعي بوديها انا واخذت الصحن ووديته
طلعت وما كنت مغطيه وجهي لان الشارع فاضي ومافيه الا كم هندي و بزارين يلعبون
شافني خالد اخو الريم وقال لي ليه مو متغطيه
قلت له عادي مافيه الا كم هندي
قال والهندي ماتتغطين عنه
قلت له ولو سافرت للهند بغطي وجهي ؟ .........
.
.

واضح انها متعوده عليه مره

قريت في دفترها كثير اشياء .. وعرفت عن رهف امور كثيره ماكنت اعرفها .. حتى اني عرفت هي وش تحب ووش تكره


المهم خلونا نكمل

§ بطاقة خالد §

السبت - 15\7

اليوم مرت علي صديقتي الريم

مع اخوها خالد شكلي بروح معاها كل يوم

في المدرسه ماعطونا شي واليوم كان عادي

ومافيه احداث تذكر بس اهم حدث لليوم او

في حياتي كلها خالد اخو الريم عطاني بطاقه

تجنن وانا للحين مو مصدقه احس نفسي بحلم

كان كاتب لي في نهاية البطاقه محبك(( خالد ))

قريت بطاقته وانا مو مصدقه عمري ماكنت اتوقع

ان خالد يحبني في نفس اليوم جات الريم بيتنا

وجلسنا نسولف مع بعض وسالتني عن فارس احلامي

فارس احلامي هو خالد اخوها بس انا ماقلت لها

يوم راحت جلست في الليل افكر

ما ابي خالد يقول اني تجاهلته اتجاهل خالد مستحيل طلعت بطاقه كبيره فتحتها وكتبت فيها

أشكي عليك الحال

يا عارف الحال

ولو ما بيدك شي

ضيقة البال

ويكفي تحس بضيقتي

دون ما أحكي

أشكي عليك الحال

يا عارف الحال ..


ساعات أحس اني عن الناس في حال


ساعات أضحك من قسى وقتي وأبكي

كأني غريبٍ بين الأوطان جوّال

مهما ابتعد قلبي يحن لوطنكِ

أشكي ..


لو شفت في عمري هموم وغربال

فيك الحنان بصادق الحب يحكي

دنيا مشاكلها على كل موال

وكلٍ على همه من الوقت يشكي

أشكي .. .....

وكتبت تحت ....من رهف الى الغالي خالد

حطيتها في شنطتي

ورحت انام ....................



.
.

من القهر مزعت الورقه وشقيتها .. رهف تحب ؟؟

انا ادري ان رهف ماتحب مشعل بس ماكنت ادري انها ماتحبه لانها تحب غيره

الكلام اللي كتبته رهف الحين عن خالد بداية سنتها في ثالث ثانوي ومشعل تزوجها بداية ثالث بعد

ليــه وافقة على مشعل دام انها تحب هالزفت خالد

رجعت اكمل ...وقريت الباقي وفهمت ان رهف مغصوبه على مشعل وانها ماكانت تبيه .. وان مشعل مايعاملها زين .. والشي اللي اسعدني ان رهف نست خالد وصارت ماتجيب طاريه .. وانها كتبت ان حبها لخالد ماكان اصلاً حب .. بس كانت مبسوطه لان اول شخص يهتم فيها ويكتب لها بطاقه ..... قفلت الدفتر ورحت توضيت وصليت .. ودعيت لرهف في صلاتي
__________________


تصفحت الصفحات اللي كانت عناوينها بعد ماخلصت اخذت الدفتر و

§لقائي بأختي نجود § - § حبي لأم مشعل § - §عدم ارتياحي لحنان §

وصفحت الصفحه اللي بعدهم كان مكتوب § صفحه في دفتري مالقيت لها عنوان §

28\7 الثلاثاء

تفاجأت لان كل الصفحات كان مكتوب فيها عنواين

قريت الكلام اللي بعد العنوان

1

سيدي الفرح

صباح الحزن
الحزن الذي لم تتذوقه يوماًولم تعرف شفتاك طعمه
الحزن الذي لم تتذوق انيابه طعمك يوماً.. ولم تطاردك وحوشه
الحزن الذي لم تغرق في بحوره ..ولم تسرق من احلامك امواجه
الحزن الذي لم يتوقف يوماً قي محطاتك .. ولم يتوقف عمرك في محطاته
الحزن الذي لم يتسلل كالنار الى عروقك .. ولم يسجنك يوماًًً في عروقه ..
الحزن الذي لم يضاعف سنواتك .. ولم يزرع بساتين المرارة في عمرك
الحزن الذي لم يتجرأ عليك .. ولم يهاجمك في غمرة فرحك ..

2

سيدي الفرح

وحدك لا تعرف مفهوم الحزن الذي احدثك عنه
فوحدك الذي لم تلتق ِ به
ووحدك الذي لم تصافحه
ووحدك الذي لم تتعرف اليه
ووحدك الذي لم تتضخم به يوماً
فالحزن ياسيدي الفرح
شيء يكتب ..ولا يِِكتب
شي يقرأ ..ولا يقرأ
شيء يرء .. ولايُرء
شيء يوصف .. ولا يوصف
شيء يأخذك الى البعيد البعيد ..
الذي لا يأخذك إلى شيء ولا يعيدك إلى شيء

3

سيدي الفرح

يلتصق بنا الحزن أكثر .. أكثر من التصاقنا بك
فنحن لا نجدك حين نحتاج إليك ونجده كلما احتاج إلينا
فالحزن ياسيدي الفرح
يأتـي بلا عودة .. ويتسلل إالينا بلا استئذان
وحين يأتي
آآآآآآآآآآآآه منه حين يأتي ..
يتسلل إلى أعماقنا
يتسلل الى أحلامنا
يتسلل الى قلوبنا
يتسلل الى اعيننا
يتسلل الى صحتنا
يتسلل الى سنواتنا
ويترك كل الاشياء خلفه مُنهكَة مُرهَفة
ويترك كل المساحات خلفه موشومة بالألم

4

هل تعلم ياسيدي الفرح
احياناً ..اكرهك
حين احتاج اليك ولا تأتي .. اكرهك
وحين اناديك ولا تجيبني .. اكرهك
وحين ابحث عنك ولا اجدك .. اكرهك
وكثيراً ماخذلتني ايها الفرح وكثيراً ماتركتني فريسه للحزن ..
أواجه أنيابه وحدي ..
وأُبحر في طوفان دموعي وحدي ..
وألمحك من بعيد تتوارى عني
كالسراب في أمس لحظات حاجتي إلى وجودك

5

وأعترف اليك سيدي الفرح
بأنني لك فقدت ثقتي بك منذ زمن بعيد
ولم يعد حضورك يساعدني
ولم تعد وعودك تمنحني الأمان
فأنت لا تكاد تأتي لترحل ..
بل اصبح قدومك يرعبني ..
يُـــدخـــلـــني فـــي حـــاله مــن الاســتــفــهام والتــرقُــب
وكثيراً ما أتساءل حين تفاجئني بحضورك :
ترى ..ماذا يخبئ هذا الفرح من الحزن خلفه ؟

6

ومع الوقت ..
أصبحت أخاف أن أفرح
وأصبحت أخاف أن أضحك
وأصبحت أخاف أن أحلم
ومع الوقت ..
اعتدت غيابك ..
واعتدت حزني

7

عفواً سيدي الفرح
هل أنت غاضب مني الأن ؟
لا تغضب ..
فمثلك لايجب أن يغضب
ومثلك لايجب أن يغادر بساتينه الخضراء
ومثلك لا يجب أن يُلامس أرض الألم
ومثلك لايجب أن يتذوق طعم الحزن
فالحزن أيها الفرح ليس لك
فالحزن لي وحدي
الحزن لي وحدي

فاكس عاجل إلى ..الفرح

الآن لم أعد أنتظرك
فقدت شهية انتظارك منذ زمن
فالآن لم يعد قدومك يعنيني
فلم يعد لدي مايستحق أن أغسله بماء الفرح

صفحتي الغريبه هذي اللي مالقيت لها عنوان هي صفحة سيدي الفرح نايف ........

^*^
/
\
/
\
/
\
/
\
/
^*^
***** نهاية الجزء الخامس و العشرون ******

انتظروني .. ( في البارت السادس والعشرون مع احداث مشوقه )

[@ همس الغلا @]

...:::][ الجزء السادس والعشرون ][:::...


_________________
المزرعه .. الساعه :5:00 صباحاً
_________________

** نايف **

لالا ما اصدق انا صفحه مميزه في دفتر رهوفه .. يعني انا مو أي شي في حياتها ..لا وسيد الفرح بعد .. اخذت الدفتر وجلست ادور في الغرفه واطامر فوق السرير وانا اضحك .. شفت الورقه حقة خالد اللي شقيتها .. اخذتها ورميتها في الزباله .. بس تندمت شوي الدفتر مو دفتري مايحق لي امزع منه شي .. خل يولي اصلاً دام انها نسته .. مفروض تمزع صفحته من ومان

جلست على السرير وفتحت الدفتر بحماس اكثر من حماسي الاولي

وكملت اقرا صفحتي

.
.

صفحتي الغريبه هذي اللي مالقيت لها عنوان هي صفحة سيدي الفرح نايف
قلت عن الصفحه انها غريبه لان هو غريب
غريب من اول ظهور له في حياتي والى وقتنا الحالي


لاني اول مره شفته ابتسمت على طول ذكرني بممثل هندي كنت احبه انا وصديقتي ريوم (هههههههههههههههههه انا هندي يالهنديه ؟) )

وماكنت مغطيه وجهي لان شكله ما اوحى لي انه سعودي يمكن سواق وسيم ومتكشخ ( سواق بعد )

واستحيت اغطي وجهي فجأه فجلست ساعه محتاره اغطيه اولا ( على طول تذكرتها يوم تغطي وجهها واقول وش فيها غطت وجهها )

شفته دخل الصاله وجلس وكان البيت بيت ابوه على طول ركبت فوق قلت لمشعل حسبته حرامي ( ههههههههههههههههههه خافت مني )

حتى قبل ما اقول لمشعل قلت للريم في التلفون ( زين مادقت على الشرطه وعلمت علي .. عشان يشوتوني من البيت )

الكل كان يسلم عليه الا انا مثل الاطرش في الزفه

بس نايف كامل الاوصاف وفارس احلام كثير من البنات

مو بس الشكل لا اتكلم عن الشخصيه قويه ماتنهز مايهاب احد جاد

مواصفات الشكل: وسيم شعره طويل جسمه حلوه رياضي وطويل

يعني مو مثل مشعل ضعيف مره وطويل

عيونه عسليه مناسبه للون شعره لون بشرته اسمر

مو اسمر بين السمار والبياض لون البشره هذي انا احبها


( استحيت وشكلي مابكمل اقرا الباقي )

بس عيبه يلبس سلاسل يحسب نفسه في امريكا

( خلاص ماعدت البس )

.
.

قريت كل المواقف اللي صارت بيني وبين رهف وكنت افطس ضحك

صحيح المواقف اعرفها ومو جديده علي بس اللي يضحك انها تكتب اللي تحس فيه

مثل موقفها يوم جات تصحيني تحسب اني نجود ههههههههههههههه

كنت اقرا صفحاتي وانا مره مبسوط لان رهف ولا في صفحه ذمتني

او قالت عني كلمه مو حلوه

اخر صفحه عني كان مكتوب فيها

ماراح انسى وقفات نايف معي اللي كان اكثر من الاخ بالنسبه لي

لان وقفاته معي واللي سواه عشاني مايسويه الاخ لاخته

مافيه احد يوقف ضد اخوه عشان وحده غريبه

هذا يأكد لي اني غاليه على قلب نايف مثل ماهو غالي على قلبي

.
.

انا غالي على قلب رهف ؟

وهي اغلى مافي قلبي

الله يخليها لي

تصفحت الصفحات اللي بعدها لان كانت كلها عن الريم وعن نجود

بس اوقف اذا شفت شي يخصني

اخر صفحه كاتبتها كانت اليوم اللي قبل مانجي المزرعه

بس فيه شي غريب تذكرون الرسمه اللي رسمتها لرهف

مو هي اللي شقتها لو هي كان كتبت .. اجل مين ؟

لازم اعرف .. والله لو اعرف من اللي شق اللوحه

اشق وجهه بيدي .. قسم بالله مابعديها على خير

قفلت الدفتر وربطت الشريطه .. بسته وحطيته بالدولاب .. وقفلت الدولاب بالمفتاح اخاف يشقونه بعد مثل ماشقوا اللوحه

سمعت صوت ضحكات برا .. غريبه من اللي صاحي ؟

فتحت الباب بشويش .. وطلعت من الغرفه .. تبعت الصوت اللي كان في المطبخ

دخلت وشفت نجود ورهف فاطسين ضحك

لفت علي نجود .. وقالت مبسوطه : نايــف اخوي وحبيبي متى صحيت ؟

قلت : صباح الخير .. انا مانمت

قالت رهف وهي للحين تضحك : صباح النور

يوم ناظرت في وجهها تذكرت المواصفات اللي وصفتني فيها .. نزلت راسي وابتسمت

قالت نجود : الحمد الله والشكر

قلت : هاااه ؟ ايه وش فيكم تضحكون

قالت رهف : كنا نبي هههههههههههههه

قلت : وشو

قالت نجود : كنا نبي نشوف المزرعه كلها مشينا كثير .. بعدين قلت لرهف اني اخاف نروح بعيد وماادل زين .. ونضيع .. قالت لي رهف عادي وكملنا .. شفنا هندي يخوف رجعنا بسرعه .. شوف ’’ رفعت عبايتها ’’ خلاني اشق عبايتي الغبي .. ورهوفه تضحك علي ...

من اللي شق اللوحه .. محد شافني وانا ارسمها

حطيت يدي على ذقني بتفكير .. صفقت نجود وقالت : وينك

هزيت راسي وقلت : من اللي تضحك عليك .. رهــــــــيـــف


فتحت عيونها رهف وقالت بعصبيه : اسمي رهف .. واذا بتمون رهوفه .. رهيف هذي العجيز انا ما اعرفها زين

كتمت ضحكتي .. عرفت من دفترها انها تعصب اذا حد قال لها رهيف .. خبل انا بجلس اجيب لها اشياء من الدفتر كذا بخليها تشك

قلت لهم بحماس : تبون اوريكم المزرعه

قالت رهف : أيــــــــه

قالت نجود : حفظتها المزرعه جيتها قبل كثير .. حنا قصدنا المكانات البعيده .. لان المزرعه كبيره مره

قلت : ايه بوديكم هناك .. لان حتى انا مارحت هناك ولا مره

قالت رهف بخوف : اجل كيف بتودينا

شكلها خافت وبتغير رايها .. خل ارقعها

قلت : لالا قصدي رحت بس زمان مع ابوي الله يرحمه

قالت نجود : ببدل العبايه وبجي

.........................................






** رهـف **

وحنا ننتظر نجود تجي .. اخذت سكين وقلت لنايف : باخذها معي

قال : ليه بنروح نحارب

قلت : صدقني الهندي يخوف

قال : تخافين وانا معك

ابتسمت ولفيت اناظر الجهه الثانيه .. شوي وجات نجود

قال نايف : يللا صفوا وراي طابور

صفت نجود وراه وصفيت وراها وقلنا مع بعض : انطــــــلاق

طلعنا برا .. نايف ونجود كانوا يركضون كنت بركض بس نجود قالت لي .. لا اركض

نسيت اني حامل

المهم جلسنا نمشي ونمشي .. مشينا كثير ونايف يقول لنا قصايد

بعدين وقف نايف وناظر في المكان بغرابه

وقال : نمشي يمين او شمال

قالت نجود : انت ادرى

قلت : ايه صح حنا وش عرفنا

جلس يناظر هنا وهناك ويقول بتفكير : اتوقع والله اعلم .. ان حنا طلعنا من حدود المزرعه

قلنا انا ونجود مع بعض : وشـــــــو

قال : امزح عااد .. بس خايف اقول لكم الصراحه

قالت نجود : الله يخليك قول وفكنا

رفع كتوفه وقال : الصراحه الصراحه

هزينا روسنا مع بعض

كمل : بصراحه مدري حنا وين الحين هههههههههههههههه

قلت بخوف : انت قلت انك تدل وجيت قبل

قال : فاضي اجي هنا .. ما اشوف حتى هندي .. انا اجي المزرعه هناك عند المسبح عند الملعب .. اجلس انبسط ما اجي هنا كله شجر وخرابيط

قالت نجود : يعني ضعنا

هز راسه وقال : تقريباً

قلت : خلونا نرجع

قال نايف : يللا .. من أي جهة جينا

قالت نجود : من هذي الجهة

ضربت يدها وقلت : بلا خبال .. حنا جينا من الجهة الثانيه مكان المويه .. ماتذكرين انك رفعتي عبايتك

قالت نجود : الا جينا من جهة الشجر يوم يقول نايف الشجر غطا علينا الشمس

قلت : انا مركزه صدقيني من جهة المويه

اشر نايف بيدينه وقال : بس بس .. لا بنرجع لا من هنا ولا من هناك .. بنرجع من هنا

واشر على جهه غير اللي قلتها وقالتها نجود .. قلت : تصدقون يمكن صحيح من هذي الجهة ..
ماتذكرين جودي يوم نشوف الهندي جينا من هذا الطريق صح

قالت نجود : ايه وانتي الصادقه .. يللا نمشي

...............................................

_________________
شقة محمد .. الساعه :7:00 صباحاً
_________________

** الريم **

صحيت من النوم وتلفتت حولي .. مالقيت محمد .. عدلت جلستي وانا مستغربه
اليوم الخميس ؟ وين راح

اخذت جوالي ودقيت عليه .. جواله كان مغلق .. واليوم انا بروح بيت اهلي من بيوديني !!

قمت تروشت وصليت .. وبدلت ملابسي .. جلست في الصاله انتظر وانتظر مارجع محمد

دقيت عليه مره ثانيه .. بس هالمره ماكان مقفل

شوي ورد محمد بملل : هلا ريوم

قلت : هلا قلبي .. وينك ؟

قال : طالع

ادري انه طالع اجل ليه داقه عليه ؟

قلت : وين طالع من الصبح

قال : ابد متملل من جو البيت .. فطلعت

كلام محمد ضايقني مره .. متملل من جو البيت يعني متملل مني .. لان مافيه في البيت الا انا

قلت وحاولت قد ما اقدر ما ابين ضيقي : طيب

قال : تبين شي

قلت : لا

قال : طيب حبيبتي باي

....................................



** محمد **

قفلت من عند الريم وانا اناظر في البحر بحزن .. طفشت مره من البيت .. شكلي بشوف لي شغله ثانيه .. اشتغلها في ايام الاجازه .. اضيع وقت

حتى بيت ابوي ماعدت احب اروح .. من اروح ابوي يسألني هي مابتجيب نهائي ولا فيه امل
اذا قلت له فيه امل يقول لي اصبر واذا قلت له مافيه امل يقول لي تزوج عليها .. مع ان الريم خلاص مافيه امل .. بس انا اقول لابوي فيه امل .. عشان لا يحن على راسي .. وانا اللي فيني كافيني ..

وانا افكر طاحت على راسي كوره .. مسكت الكوره ولفيت اناظر في الولد الصغير اللي ماد يده ويقول : ممكن الكوره

مسكت يده وقربته مني وقلت : وش اسمك

قال : بسام

قلت وانا ابتسم : حلو اسمك

قال مستغرب : طيب ليه عيونك تدمع

قلت وانا للحين مبتسم : لان اسمك على اسم ولدي

قال : واذا اسمي على اسم ولدك تبكي

قلت : لا .. لان ولدي مات

جات بنت صغيره شكلها اصغر منه وقالت : بثام ثاعه تجيب الكوره

قلت لها : وانتي وش اسمك ياحلوه

قالت : اثمي جنا

ابتسمت وقلت : على اسم بنتي

سمعت الولد يقول للبنت بصوت خفيف : هذا شكله مجنون كل الاسامي يقول عنها اسماء عياله .. يللا نشرد

سحب الكوره وراح يركض مع البنت

تنهدت وقمت من على الصخره اللي جالس عليها .. حطيت شماغي على كتفي .. ونظفت ثوبي بيدي ومشيت للسياره

.
.
.

فتحت باب الشقه .. اول مادخلت لقيت الريم جالسه بالصاله .. والظاهر فيها شي بس مدري وشهو

قلت : السلام عليكم

قالت بدون ماترفع راسها : وعليكم السلام

رحت جلست بجنبها ومسكت يدها .. قلت : تبين تروحين بيت اهلك

لفت ناظرتني وقالت : وين كنت

قلت : اتمشى

قالت : لهذي الدرجه مليت مني ؟

قلت : افااا انا امل من حبيبتي وحياتي وعمري وكلي ريوم .. من قال ؟

وقفت وقالت : انا اقول .. تصرفاتك تدل على كذا .. ’’ دمعت عيونها ’’ يعني لاني مابجيب لك عيــ....

قاطعتها وقلت : اوووه ريوم .. لا تطفشيني من الصبح .. في كل سالفه جبتي طاري العيال .. كل شي اسويه .. قلتي لاني مابجيب لك عيال .. وش دخل هذا في هذا الحين

قالت : الا دخل .. انت قلت متملل من جو البيت

تكتفت وقلت : واذا قلت كذا يعني

مشت عني .. مسكتها وقلت بحنان : ماتروحين بيت اهلك

لفت وناظرتني .. بعدين قالت : لا

وراحت الغرفه وقفلت الباب .. لاحول ولا قوة الا بالله

..........................................


______________
المزرعه .. الساعه :8:00 صباحاً
__________________

** حنان **

’’ ايه احمد ..لازم اشوفك وحشتني ’’

قال لي احمد : افتحي جهازك وشوفي صورتي

قلت بدلع : احمد اتكلم جد

قال : خلاص ماطلبتي شي .. اختاري مكان وانا بشوفك فيه .. بس مو نفس المكان اللي شفتي فيه خوينا جاسم

وش عرفه هذا اني التقيت بجاسم الاسبوع اللي راح .. قلت واسوي نفسي متفاجأه : أي جاسم

قال : حنان انا اعرفك واعرف مقادير عجينتك .. فلا تستهبلين علي .. بس تدرين انا ليه ما ابي التقي معك في نفس المكان اللي التقيتي فيه مع جاسم

قلت : ليه ؟

قال : لانك معروفه عند اخوياي كلهم وهم يتواجدون هناك بكثره .. فتخيلي يشوفوني معك .. مابيعجبهم اختياري صح ولا لا

قلت بعصبيه : عجبهم او ماعجبهم بالطقاق

قال : وترا اسمك انتشر .. لاتحسبين ان وعد ماشي على الكل .. لا مامشى الا على الخبول ..مو انتي اسمك حنان عبد الله .. واسم عايلتكم بعد اقدر اطلعه كل اخوياي يعرفونه .. بس انا وش علي منك هذي حياتك وانتي حره فيها

قلت : اوف احمد هالكلام انا ما احبه .. ولا تسمعني اياه مره ثانيه .. ولا قسم بالله ماراح اكلمك

قال : لا الا كذا حنا عشرة عمر من زمان

شفت الهنوف جايه .. فقلت : يللا عمري انا بقفل الحين

قال : اوكي قلبي .. باي

قفلت وقلت : هاه خير وش عندك

قالت : ماتدرين وين رهف ونجود ونايف

قلت بأندفاع : لا طبعاً .. ويـــنــهــم

هزت راسها وقالت : ماندري جالسين ندور عليهم

ما احتملت فكرة ان رهف جالسه مع نايف في مكان ماندري عنه

وطلعت برا .. شفت فيصل ومشعل وبندر وسلطان مسويين حوسه يدورون عليهم

وام مشعل تحاتي

ضربت الارض برجلي .. وانا معصبه مره الله ياخذها .. وين راحت مع نيوف.. اكيد حاطه عيونها عليها من زمان .. واستغلت الفرصه الحين .. لكن انا بوريها اذا رجعت

شافتني الهنوف وانا واقفه ومعصبه قالت : الحين انتي خايفه عليهم ولا ميته حره ؟

لفيت عليها وقلت بصراخ : انقلعي عن وجهي هنوفوه لاني مو ناقصتك

قالت : انا بروح بدور عليهم مع اخوي فيصل .. بتجين معنا ؟

قلت بقرف : مستحيل اروح بعيد في المزرعه .. هناك زباله وحشرات هالمكان ماتروح له الا رهف واشكالها

قالت الهنوف : يعني نايف من اشكال رهف .. لانه راح هناك

تلفتت ادور أي شي قدامي عشان اصفقها به .. بس وقفت يوم شفت ام مشعل جايه جهتنا

على طول مسكت الهنوف وقلت : هنوفه لا تكذبين .. نايف ورهف ونجود مختفيين .. وماشفتوهم ما اصدق .. قولي انك تمزحين .. لايكون صار لهم شي .. انا لازم اروح ادور عليهم

مثلت اني ابكي .. قالت لي ام مشعل وهي تضرب على كتفي بشويش : لا تخافين يابنتي وين بيروحون يعني

طلعت امي وجات جهتي وحضنتني .. وقالت : لا تبكين يابنتي ولد خالك مافيه الا الخير

جا فيصل وقال بعصبيه : يمه مالقيناهم

قالت امي : وين بيروحون

قال : مدري مدري .. انشقت الارض وبلعتهم

قالت الهنوف : صح حنا ليه مادقينا على جوالاتهم

قال فيصل وهو يأشر بيده : دقيت على جوال نايف طلع في الغرفه .. ونجود جوالها مو عندها

قلت انا : وش عرفك انه مو عندها

قال : هاااه .. لان لو عندها كان ردت عليه

قالت ام مشعل : دقيت على جوالات الكل لما عجزت

جلس فيصل على الارض وكل هموم الدنيا على راسه .. لهذي الدرجه يحب نايف ؟؟

................................................



** نجود **

’’ أحمد – اميره – ارز – ارنب – امريكا ...... حرف ب ’’

قال نايف : بدر – بدريه – بصل – بطه – البحرين ......... هـ

قالت رهف : قلناه

قال : ت

قلت : قلناه بعد

قال : ق

قالت : قلناه

ضحك وقال : ما بقى حرف

انسدحت على ظهري وغنيت اغنية نانسي عجرم اشتكي منو : وانا بين اديك واصاد عينيك مش حاسه غرام مع انو كان بيأول كلام مش أي كلام

قال نايف : اشتكي منو طب ابعد عنو لكاني ولا ماني ماخلصت انا

احن لو تاني اسمعو لو جاني درستو حفظتو فهمتو انا قالت رهف :

كان فيه علبة فاضيه .. يستخدمونها المزارعين في الزراعه

اخذها نايف وجلس يدق عليها

الله الله عايز يرجع لي تاني الله الله عايز من البي ايه كملت انا الاغنيه :

نايف ورهف مع بعض بصوت عالي : الله الله مش ال انو حينساني الله الله بيحن تاني ليه

انا اشتكي منو طب ابعد عنو لكاني ولا ماني ماخلصت انا

قال نايف : امسكي انتي دقي وانا بغني

قالت رهف : نبي اغنيه حافظينها

.............................................

** مشعل **

وين معقول يروحون .. دورنا المزرعه كلها .. اصلاً متى طلعوا اللي اذكره اني انا ورهف نمنا بدري .. اوووف بجن ان ماطلعوا الحين

جاني بندر يركض .. قلت : بشر .........؟؟؟؟

قال : مشعل نايف واختك وزوجتك مو في المزرعه

قلت بصراخ : الا في المزرعه وبيطلعون الحين

قال سلطان : مشعل هدي .. المزرعه كبيره مره .. مابيطلعون منها انا متأكد انهم فيها .. انت بس طول بالك .. اصلاً دام نايف معهم تطمن .. نايف عن مليون رجال مابيصير فيهم شي

هو مايدري اني بموت من الغيره اكثر من اني بموت من الخوف




** فيصل **

كنت ماسك يد اختي الهنوف بقوه .. وامشي معاها في المزرعه ونصارخ : نــــايـــف .. نــــجــــود .. رهــــــــف

جلست الهنوف على مطبه من الرمل

قلت : وش فيك

قالت : تعبت فيصل .. ماراح نشوفهم

جلست بجنبها وقلت : حتى انا تعبت .. بس مابرتاح الا اذا شفتهم

قالت : بس نايف معاهم

قلت : انا اللي خايف منه ان نايف مو مع نجود ورهف .. او تكون نجود لحالها في هالوقت .. او العكس او مدري مدري

حطت يدها على قلبها وقالت : لا الله يخليك لا تقول كذا

قلت : ما ابي اخوفك .. بس وش اللي يخلي نايف يطلع مع نجود ورهف

سرحت اناظر في السما .. وين رحتي نجود .. الله يخليك ارجعي .. ترا قلبي شوي ويوقف

..........................................

____________
شقة محمد .. الساعه :9:30 صباحاً
____________

** محمد **

فتحت باب الشقه ودخلت .. اكيد تقولون وش عنده هذا طالع داخل .. بس رحت محل الورد .. اخذت للريم باقة ورد حلوه لاني براضيها وبروح معاها بيت اهلها .. احبها ومايهون علي زعلها

رحت طقيت باب غرفتنا .. وقلت : ادخل

قالت : ادخل محمد

دخلت وشفتها معطيتني ظهرها .. يعني جالسه على طرف السرير .. رحت وغمضت عيونها

قالت : ادري انك محمد وشوله تغمض عيوني

ضحكت وقلت : حركات

قالت : اسمع صوت وش جايب

فتحت عيونها ولفت علي وهي تبتسم

خبيت باقة الورد ورا ظهري وقلت : يعني مو زعلانه ؟

هزت راسها بلا وقالت : وليه ازعل ؟

قلت : انا جاي اراضيك .. اجل خلاص مافيه ورد

قالت بفرحه : حمودي جايب لي باقة ورد

حطيت يدي على فمي باليد اللي فيها باقة الورد .. انتبهت وشلتها بيدي الثانيه وخبيتها ورا ظهري مره ثانيه وقلت : من قال ؟

قالت : شفتها

ضحكت .. وطلعتها من ورا ظهري .. عطيتها اياها وبست راسها.. قالت : تسلم حبيبي .. تهبل الباقه

قلت : انتي اللي تهبلين .. يللا قومي بوديك بيت اهلك

قالت : خلاص ما ابي اروح والله جد

جلست على السرير وقلت : ترا الحين انا اللي بزعل .. ومحد بيوديك تاخذين لي باقه

ضحكت وقالت : خلاص حياتي انا لابسه .. وانت ماراح تلبس ؟

قلت : بتروش وببدل بسرعه وجاي .. انتظريني في الصاله ماراح اتأخر

هزت راسها وطلعت وهي ماسكه الباقه في يدها

.................................................. .........

_______________
المزرعه .. الساعه : 10:00 صباحاً
___________________

** نايف **

كنا بعاد شوي عن بعض .. لان كل واحد فينا جالس يرسم رسمه على الرمل

قالت رهف وهي تتحرطم : انا ما ابي الظهر يجي وحنا هنا بتحرقنا الشمس

قالت نجود وهي مركزه في رسمتها : وش نسوي مشينا لما عجزنا .. اصلاً انا احس ان حنا نبعد مانقرب

قلت : لا ان شاء الله بنرجع قبل الظهر

قالت رهف : اشوا جودي ان نايف معنا .. كان الحين نتراجف من الخوف

ابتسمت يوم حسيت اني مصدر امان بالنسبه لرهف .. على الاقل في الوقت الحالي

قالت نجود : ايه والله .. يووه نسينا شي مهم .. الليله المسابقه انا ابي ارجع واشارك فيها .. ابي افوز

قلت : فال الله ولا فالك .. وش يجلسنا هنا لليل

فجأه صرخت رهف ووقفت

وقفت معها نجود وقالت : يمـــــه الهــــــنـــدي

راحوا يركضون .. انا من شفتهم يركضون .. ركضت وراهم ابيهم يوقفون عشان مانضيع من بعض .. لفيت وراي شفت الهندي يلاحقنا وحامل بيده المجرفه .. لا بالله رحنا فيها اكيد حسبني حرامي انا واللي معي

صرخت : رهـــــــــــف .. نجــــــــود اوقـــــــــــــفـــــــــو

لا حياة لمن تنادي

صرخت مره ثانيه : لحـــــظــــــــــــه شـــــــــــوي .. جــــــــــودي .. رهــــــــــوفــــــــه

والعامل يركض ورانا .. انا محتار اوقف اقول له انا نايف مو حرامي .. او اركض ورا رهف ونجود عشان مايضيعون

قلت بصوت عالي : رهــــــف انـــتي حـــــامل لا تـــركـضيـــن

وقفت ولفت علي تقول : اصلاً حنا ليه نركض !!

شفت نجود وهي تركض وفاتحه ايدينها وكانها تطير .. وتقول بصوت عالي : ونــــــــــــــــاســــــه كمــلــوااا ركض .. عـــــاشووو

ضحكنا انا ورهف وقلنا : ارجعي يا المهبوله

وصل العامل لعندنا ناظر في وجهي وقال : بابا نايف

قلت : وش عندك تطارد ورانا .. يللا روح

ناظرنا بغباء بعدين قال : ان شاء الله بابا

كان بيروح بس مسكته وقلت : تعال تعال .. نبي نرجع للبيت والمسبح كيف

قال الهندي : بيت ومسبح بعيد .. انت كيف يجي هنا

ماجابنا الا الخبال قلت : يللا رجعنا

جات نجود تركض جهتنا .. قالت رهف : ماشبعتي ركض

قالت : لا وناسه مافيه حواجز تمنعك من الركض .. هاه تصالحتوا مع الهندي

قلت : ايه خلاص صار صديقنا .. وصرنا نمون عليه وبيرجعنا البيت بعد

قالت نجود وهي تتأفأف : اوف بسرعه بنرجع .. مو قلتوا بنرجع الظهر

قلت : والله ما عرفنا لكم .. امشي بس جالسين في رحله

...........................................



** مشعل **

سمعت صوت رغد تقول : رجـــــعــــــو رجـــــــــعــــو

لفيت على طول ادورهم .. لقيتهم جايين

لا ونايف يقول لهم سالفه وهم داخلين جو .. رحت لعندهم

سمعت نايف يقول : وطلعت من الجامعه اركض .. والبنت تلحقني وتقول طيحت اوراقك

قالو نجود ورهف مع بعض : طلعت عربيه هههههههههههههههه

قال نايف : ايه عربــ ... اووه مشعل الله حيه

كانت حنان قريبه مني سمعتها تقول : اووف منها وراحت داخل

وش عندها ذي الثانيه .. قلت بجديه : وين كنتوا ؟؟

قال نايف : رحنا نشوف المزرعه

قالت رهف : خساره ماجيت معنا

صرخت في وجهها : وشلون تطلعين بدون ماتقوليـــن لي

صرخ نايف : و ش فيك انت الحين .. ليه العصبيه .. حنا ماطلعنا من المزرعه

هديت شوي وحسيت ان ماله داعي صراخي .. فقلت : معليه نايف .. بس خوفتونا عليكم

قال : وليه تخافون انا رجال وماينخاف علي .. ورهف ونجود معي .. يعني مابيصير فيهم شي

جا فيصل وقال : وين لقيتوهم ؟

قالت رهف : حنا اللي جينا

طلعوا كل اللي داخل .. والفرحه مو سايعتهم برجعة رهف ونجود ونايف

مع ان نايف ونجود ورهف عادي عندهم

قلت لرهف : تعالي معي المطبخ ابيك

....................................

** نايف **

دخلت غرفتي وانسدحت على السرير .. لايكون راجعين من سفر وانا مدري .. الكل مبسوط بشوفتنا

تذكرت دفتر رهف .. لازم ارجعه

قمت من مكاني وفتحت الدولاب .. اخذت الدفتر .. وطلعت من غرفتي .. يللا مشعل اخذ رهف للمطبخ .. يعني غرفتهم فاضيه .. بدخل وبحطه فوق التسريحه وبطلع

وفعلاً دخلت وجيت بحط دفترها فوق التسريحه .. بس شدني عنوان الورقه اللي فوقها

ناظرت في الورقه .. وكان مكتوب عليها

الاسم : رهف .. قصيدة المسابقه

قريت العنوان كان (( الم ))

اخذت الورقه معي وطلعت من الغرفه

دخلت غرفتي .. وقفلت الباب ورحت جلست على السرير

وقريتها
.
.

"°o.Oالــــــم O.o°"

اغمضت عيناي لأبحر في بحر ذكرياتي فرتسمت بسمه على وجهي تذكرت
احلى الاماني واجمل الحلم

فختفت البسمه فور تذكري تلك الاماني والاحلام لان لاشيء منها
تحقق وكانت مجرد وهم

تلك الذكريات بعد ماكانت اماني وحلم جميل اصبحت حزن
ومعاناة يكسوها الالم

فتحت عيناي لأرى ما انا عليه الان فسقطت منها دمعة
يملؤها الحسرة والندم

كنت كطفل صغير حلمه ان يرفرف في السماء
صامداً مثل العلم

اصبحت اسير في طريقي يائسه بلا هدف ولا طموح ولا امل فقلبي
وكل مابداخلي قد انهدم

لا فائده من بقائي أو رحيلي حضوري يشبه غيابي
فحياتي كلها كالعدم

هذه انا وهذه حياتي كتاب حزن كتب عليه عذاب
وغلف بغلاف الالم


بقلم : صاحبة الكلمه


.

.

حلوه بس يبي لها شوية تعديل

خليتها على جنب .. ورحت فتحت شنطتي ابي اطلع دفتر اشعاري

دورت عليه ومالقيته .. اوف هذا وقته انساه .. فيه قصيدتي اللي بشارك فيها

بس صح انا كتبت القصيده في ورقه وحطيت الورقه في كتاب اقراه

ان شاء الله يطلع الكتاب في شنطتي


................................................
** رهـف **

دخلت المطبخ .. وانا مدري اساساً ليه مشعل يبيني

قلت له وانا ابتسم : خير مشعل ؟

عطاني نظره وقال وهو يكتف ايدينه : أي خير اللي بيجيني منك

بلعت ريقي وقلت : مافهمت

وش فيه مشعل .. ابي افهم جايبني هنا عشان يسكت

قلت : مشعل انا سويت شي

شفته يتقدم مني .. انا بصراحه خفت لانه كان معصب .. والمشكله معصب بدون سبب

رجعت على ورا .. بس هو تقرب مني بسرعه وطوق رقبتي بيدينه

وقال وهو ضاغط على اسنانه : اذبحك

مسكت ايدينه اللي مطوقه رقبتي وقلت وانا ميته خوف : مشـ مشعل انا وش سويت

قال بجديه : تتوبين ؟

طاحت دموعي وانا احاول افك ايدينه

قال بصوت عالي شوي : تتوبــيـــــــــن ؟

قلت وانا اناظر في عيونه : عن ؟

جلس يمكن خمس دقايق يتأمل وجهي
شكله هدى

فك يده عني ورفعها مسح دمعتي وقال : ليه تبكين ؟

نزلت عيوني وقلت : مدري

باس عيوني وقال لي بحنان : خلاص حياتي روحي الغرفه

ماصدقت على الله قال لي روحي .. على طول رحت بسرعة البرق

.................................................

** الهنوف **

جاتني رساله وانا جالسه اتغدا

بعد ماخلصت رحت فتحتها


^*^
/
\
/
\
/
^*^

هلا الهنوف .. انا الحين في المستشفى

سويت حادث وكل شي في جسمي تكسر

ووجهي تشوه ورجلي انقصت ومااقدر اتنفس

ودمي خلص والدكتور قال اني يمكن اموت
















الا قلبي ماصار فيه شي لان حبك مسوي له حمايه


^*^
/
\
/
\
/
^*^

يستهبل علي فارس وقف قلبي اخر شي يقول حمايه ومدري وشو

لكن انا اوريه

^*^
/
\
/
\
/
^*^

فارس وش هالمسج البايخ ؟؟

^*^
/
\
/
\
/
^*^
رد علي ببرود

^*^
/
\
/
\
/
^*^

والله مثل ما انتي تكبين لي مسجات بايخه

انا بكتب لك مسجات ابيخ

^*^
/
\
/
\
/
^*^

شوف هذا .. يردها لي يعني ؟؟؟؟

..................................................





المزرعه .. الساعه : 10:00 مساءً
_________________


** مشعل **

قلت لرهف : يللا رهوفه نطلع .. جهزتي قصيدتك

هزت راسها بأيه .. احسها زعلانه لاني صرخت عليها اليوم .. وهاوشتها في المطبخ

يللا رهف ترضا بسرعه اعرفها طيبه .. قالت : وانت جهزت قصيدتك

قلت : ايه

قالت : اجل يللا

طلعنا من الغرفه ورحنا الصاله وكان الكل موجود

قال فيصل : بدري

قلت وانا ابتسم : بدري من عمرك

جلسنا وقال نايف : يللا راح نبدا من حنان لانها اقرب وحده لي


..........................................

** حنان **

انا اقرب وحده لك يا نايف .. اجل ليه تكابر .. وماتعترف لي

قال فيصل : صحيح اقرب وحده لنا هي حنان فلهذا راح نبدا منها

والله يافيصل مافهمت قصد نايف .. قصد نايف اني اقرب وحده له بالقلب .. واضح من عيونه .. اكيد طلعت منه بدون مايحس .. يعني يمكن انا ونايف نتبادل نفس الشعور

قال نايف : يللا حنان

مسكت الورقه وقريت العنوان

"°o.O احبك انت O.o°"

.
.

احبـــك انــــت ** وانـــت بالـــحــب تـــكــفــينــي

احبـــك انــــت ** وانـــت بالــدمـــع تــــروينــــي

احبـــك انــــت ** وانـــت بالـقــلــب تــخــلــينــي

احبـــك انــــت ** وانـــت بالــعيـــن تــحــمــينــي

احبـــك انــــت ** وانـــت بالامــــس تــكـــوينــي

احبـــك انــــت ** وانـــت بالـــــــدم تــفــدينــــي

احبـــك انــــت ** وانـــت بالــحلــــم تـــلاقيـنـــي

احبـــك انــــت ** وانـــت بالهــمــس تــنــاديـنــي


بقلم : صاحبة الكلمه

.
.

اول ماخلصتها كنت اناظر في نايف ابي اشوف تاعبير وجهه

كان الكل يقول وحتى نايف : ماشاء الله حلوه

قال فيصل : حنونه خلاص اضمني تصويتي لك


.........................................

** فيصل **

بعد ماخلصت حنان قصيدتها .. قال نايف : يللا دورك فياصل

قلت : وليه انا ؟

قال نايف : بنخلي مره الجنس الناعم ومره الجنس الخشن

قلت : طيب

كحيت وناظرت في نجود .. من ناظرت فيها نزلت راسها

المهم بديت اقرا القصيده

.
.

"°o.O الحلـــم O.o°"

بوقت من البطا،وبليل تتراقص iiشياطينه ii
بعد شفت الضيا ينزع من ثياب المسا iiثلثين

تحايلت المنام اللي مثل بيتك iiتمرينه ii
وانا اللي من تفارقنا وأنا ماغمضت لي iiعين

غريبة!!كل حلم يمر برقادي تزورينه ii
والاغرب كيف أحلم الحلم،وارجع واحلمه iiبعدين؟

قبل يومين،شفتك بالمنام..وقمت من iiحينه! i
ونمت أمس،ورجع نفس المنام اللي قبل يومين

أنا اللي قبل اسافر شلت قلبي من iiشرايينه ii
تركته في يدك الأمانه ،واحفظيها iiزين

ترى حفظ الأمانه دين..مجبورة iiتردينه ii
أجل ، مافيه أحد قال لك(حفظ الأمانة iiدين)؟!

مرد المقفي بيلفي..ويستوفي ،وتوفينه ii
بعد ليله ،ثلاثه،أربعه،عشره،شهر، iiشهرين

إذا انتي ،ماانتي بقد الكلام اللي iiتقولينه ii
حرام..استامنك حاجة،وإذا جيت اطلبك iiتنسين

تخونين،وتبين أرضى.!وأحد يرضى iiتخونينه! ii
أنا لاجيت أخونك، مع حبيبة iiثانيه،ترضين.؟

من أول مارجعت من السفر ماشفت لك iiبينه؟ ii
وأنا اللي كنت أحسبك قبل ادوس ارض المطار..تجين

تكونين أنتي أول شخص عيني تحتضن iiعينه ii
وكنت أتخيلك من زود فرحة iiرجعتي..تبكين

وأشوف بدمعتك حكيك..وأعرفه قبل iiتحكينه ii
واجيب أحلى من اللي بتحكينه،وأتركك iiتحكين

تقولين:الوطن نور..وأقول iiبنورمضوينه ii
تقولي لي:غديت أحلى،وأقول:عيونك الحلوين

كلام نام بشفاهك..وخفتي iiلاتصحينه ii
ذخرتيه لغرام للي ينام...ويترك تصحين

تغانمتي غيابي..لين رجحتي iiموازينه ii
تعلم من يدك لمس الكفوف وعلمك iiتجفين

وليتك لاقيه به شي..فيني iiماتلاقينه! ii
مهو بغرور..لكن خابرك مالك أمل iiتلقين

تغافلك بغلا..والإ الحلا مهو بمن iiزينه!! ii
تزينه الصور ..بس الصحيح ابن الحلال iiزوين

وأنا ماني بنقاص عنه يوم أنك iiتبدينه ii
نصيبي..هو نصيبي لو يسددها من iiالصوبين

قنوع بمظهري ،والسم مايذبح iiثعابينه ii
على قول المثل ماني حلو..لكني ماني iiشين

إذا أهداك الزهر مره،فأنا اهديتك iiبساتينه ii
وإذا ألهاك بفرح ليله، فانا تهت لبكاك سنين

وإذا استضعفتك أملاكه...وشتتك iiملايينه ii
أنا حتى فتات الخبزة أقسمها معك iiنصين

طموحي ،بس أجي وأظفر بشي iiتستحقينه ii
تدينته ،تسلفته،سرقته ،مومهم iiمنين؟

كأني من كثر ماارضى بكل اللي تمنينه ii
لو انك تطلبين الله ..يعنيني، بقول iiآمين

أنا ماالعب على الحبلين،وقت الطيش iiوسنينه ii
تبين الحين يوم أني كبرت العب على iiالحبلين؟

ترى عند البدو بالذات عيب اللي iiتسوينه ii
حلاتك لاعشقتي..تعشقيني ليوم iiالدين

غرامٍ نسكن ضلوعه..حشيمه من iiمجانينه ii
جفا،يجمع معزتنا...ولاعشق يذل iiأثنين

كثار اللي تحدوني وقالولي ii:تحبينه ii
امانه ...لاتخليني صغير بعينهم iiتكفين

لاني كل iiماقالوا(تخون)..اقول:مسكينه ii
عليك الله وأمانه..علميهم منهو iiالمسكين

أنا خايف لياطاح الجمل تكثر iiسكاكينه ii
وأنا ماعاد بضلوعي مكان لطعنة iiالسكين

مثل ماقالواالمكتوب واضح من iiعناوينه
لو ارحل منك للغربه بسافر من ظلامك iiوين؟

كفايه..كل حلم يمر برقادي iiتزورينه ii
كفاية..من تفارقنا..وأنا ماغمضت لي عين

قبل يومين شفتك بالمنام وقمت من iiحينه ii
ونمت أمس،ورجع نفس المنام اللي قبل يومين

للشاعر : حامد زيد


يوم خلصت قلت : سلامتكم

قال نايف : الله لا يسلمك ..اقول استريح مسوي فيها فيصل زيد

قلت مستغرب : افااا .. من انا ؟

قال مشعل : تجيب لنا قصيدة حامد زيد وتقول افاا ؟ اقول تقلع بس

الكل فطس ضحك علي .. وانا طبعاً وجهي طايح منحرج اكثر شي من نجود .. تخيل تنحرج كذا قدام بنت تحبها .. احراج صح ؟ .. اووف ماتوقعت انكشف

اخذ نايف القلم وشطب على اسمي وقال : ماشفت الا حامد زيد ؟ كان كتبت على الاقل لشاعر مو معروف

قلت برجاء : حرام لا تشطب اسمي ابي افوز

..........................................

** نجود **

كنت ماسكه نفسي ما ابي اضحك .. هذا وهو من الاداره

سمعت نايف يقول : يللا اختي ابدي

قلت بدلع : الظاهر استحي .. لحد يناظر فيني

ضحك مشعل وقال : خلاص ماراح نناظر فيك

قلت بصوتي الجهور : "°o.O دقيت بابه O.o°"


وقفـت مـــره على باب ودقيته
وقلت يامرحبا انا جاي اطلب الحب من اهله

رد علي شــــاب حلو الملامح
حلــو ويــازينـــه بقـــــولـت هــــــــــلا

حكيه حلـــو وعـيونـه فتانه
بســمتــــه ينــقـال الشـــــعر فيــــــهـــا

قلـت انـا ماجيت ادور الحـب
انـــــا جيت لــــجــــــل اقــولك احبـــك

حبيت اشبع عيوني مـن شوفتك
وادفــــي قلبـــــــي لاجيـــت اكلـــــمــك

قفــل البــاب بوجهــي وقـــال
والله بـــــنــــات اخـــــــر زمــــــــــن

جيـتــه بعـد يومين ودقيت بابه
قلت له يـاخي احبـك وغصـب عنـك اودك

ماقــدر اشـوف ذا الحسن كله
واوقــف ما اقـــول كلـمة غزل في حقـــه

قال روحـي وانتي باقي العمر
والشـــوق يــــذكــرك يــا احــلـى قــمـــر

بقلم : صاحبة الكلمه

.
.

عجبهم اللي كتبته مره .. حتى انهم كانو يرددون وراي اخر كلمه اقولها في كل بيت .. وهالشي اسعدني .. بس فيصل اللي ماكن معطيني أي وجه .. مع اني مااعرف اكتب لا خواطر ولا شعر بس كتبت هذي له



** مشعل **

من خلصت على طول قلت : انا بعدها

قالوا : تفضل

قلت العنوان "°o.O مكانك هنا O.o°"


لايهمك حبيبي شِف مكانك هنا .. بين ضلعين قلبي يا حبيب العيون

كل ما قلت أحبك قال قلبه وأنا .. انتخاشر غلاك اللي ذبحنا بهـون

آخذك من خيالي في خيالي سنه .. تاخذ الحـب أو عشانــك تهـــون

منهو مثلك ومثلي من مثــل حبنـا .. انت يا أحلى حكايه وانت يا أحلى جنون

هات يـــدك بيــدي خلنـا وحدنـا .. خلها حب وانسى من تكون وأكون

كل قصة حب تبتــدي باسمنــــا .. يبتــدون بـمحبـتنـــا ولا ينتـهــون


.
.

قالت نجود : كاني سامعه كلمات قصيدتك في اغنيه لعبد المجيد عبد الله ؟؟

قلت : أأ .. هااه طبعاً لان قصايدي انشهرت .. وصاروا المطربين يغنونهم .. بعد مايلحنونهم الملحنين طبعاً

قال فيصل : رح زين كاتب اغنية مكانك هنا حقة عبد المجيد يللي ماتستحي ههههههههههههههه

رحت سدحته على الارض وقلت : انت اخر من يتكلم كاتب قصيدة حامد زيد

جا نايف وثبت يدينه وقال : طقه وانا اخوك .. يستاهل الطق

وطحنا فيه انا ونايف طق .. والبنات يضحكون عدا الهنوف اللي مو راضيه عليه

......................................

[@ همس الغلا @]

** رهـف **

شطب نايف على اسم مشعل ولف ناظرني ابتسم وقال : يللا رهف

وش سر هالابتسامه !!

فتحت ورقتي اللي كنت طاويتها

وجيت بقرا العنوان : الـ أ أ أ مــ أأ لــ مــ ...

بلعت ريقي وناظرت في الكل .. ابتسمت وقلت : مدري وش فيني مو عارفه اقرا العنوان

قالت حنان : ذي اولها ؟

كملت عليها نجود : الله يستر من تاليها هههههههههههه

نجود اعرفها كانت تمزح .. بس حنان ما اتوقع لانها تبي فرصه تفشلني

قال نايف : رهـف اقري العنوان مثل ماهوا موجود

اكيد بقراه مثل ماهو موجود اجل

قريت العنوان "°o.O امـــــل O.o°"


امشي في طريق الأمل بعيد عن ديـــــار اليائسيــن
مــــو تــكبــــر لكـن الثـقـــــه بالنـــفــس عنــدي شي اساسي

ولولا الثقه والقوه والعزيمه كنت انا من الخاسرين
اللي قــضــــــا علـــيهــــــم الالـــم والهــم في زمنــا القـاســي

صحيح ما انــكر انـي ذرفت بدال الدمعه دمعتيــن
والـــــمـــــر والـســـم والقــــهــر كـــان والله كـلـه بكاســــي

اشربــه ليل او نــــهار وأوقــات فــي الاثنيـــن
كـــانــــت حيــــاتــــي كـــــلــهــا حــزن وظــلــــم ومآســــي

بس كل هذا ماهمني ولا هزمني حتى شعرتـيـــن
بعـــد مــاكـنـــت فقيره صـرت مـــلكــه وحـــولـــي حراســـي

هذا بفضل ايماني بالله سبحانـه رب العالمــيـن
لــم مـــن حولــي احبــــابــي واعـــز واغــــلــى اجنــــاســـي

وجــود من احــب حولي بنـى بلقبـي بيــتـيـــن
بيت من ذهـب وهو الحـب وبيـت الأمــل وهـو من الالــمـاســـي

لو تخيلت الامل طريق بكون من أول الواصليـن
ولـــو تخـــيلـتــــه بــــــحـــــر بـــكــــون انـــا الــراســــي

ابـد ما ايـــأس وانــا مـن اول المتــفائـــلـيـــن
واتمنى يا الامل ماتكون لي ناسي لأنك تحتويني من راسي لساسـي


بقلم : صاحبة الكلمه

.
.

في نص ماكنت اقرا وقفت
دموعي اللي طاحت ماخلتني اشوف باقي الكلام .. معقوله في احد يحبني لهذي الدرجه ؟؟
القصيده اللي انا كتبتها عن الالم مو عن الامل !!!!
لأول مره احس ان لي اهميه كبيره في قلب شخص

سمعت اصوات من حولي يقولون : كملي رهف .. رهف وش فيك .. رهف تعبانه ؟

بس كملت القصيده لأخر شي .. وانا مو مستوعبه اللي اقراه .. الكل يقول لي حلوه .. كنت مبسوطه مع اني ما كتبت القصيده ولا اعرف كاتبها

.................................................. ...



** نايف **

ماتوقعت رهف تتأثر لهذي الدرجه .. بس ابتسامتها تدل على ان القصيده اعجبتها .. و
ماتضايقت اني بدلت القصايد وهذا اهم شي .. وهي ماتعرف من اللي مسوي كذا وماراح تعرف

قال لي فيصل : نايف دورك

عدلت جلستي والقيت القصيده

.
.


"°o.O بــيــن ثــنــا يــا الأيـــــام O.o°"


على جــــراح الامس خطتكي عيوني بدموعــــاً كـــالاقـــلام
ورسمتكِ قصة عــاشقاً مجنون سحرتــه تــلـــك العينـــــــان
قبلكِ مشيت على دربـــاً طويل لـــم يعرف العذاب ولا الالام
ووعدت نفسي بحياتــــاً جميـــل تَُزينهــــا اجمل الالــــــــوان
وماان عرفتـــك حتى عرفت انكِ مايخفى بين ثنايـــا الايـــــام
وعرفت ان القدر يخفي الكثيـــر وان الحياه ليست كالجنــــان
رأيتك قبــل عدت سنوات شيء جميـــلاً تخفيــه الاحــــــــلام
بسمتاً جميله ارتسمت على وجهي واطلقتني للعنـــــــــــــــان
وفجأه ضاعت الاحلام ماان وجدت كيف تخفيك الايــــــــــــام
فطلبت منه ان ينسيني حبكِ وحده الحنــــــــــان المنـــــــــــان
قلبي احبكِ وعقلي ادرك ان حبكِ مجموعاً من الاوهــــــــــــام
لاينفع فيه جمعاً بالارقام فمهما جمعت مصيره هوالنقصـــــــان
امسكتكِ يادموعي فلا تبكي ياعيوني وتتركِ جروحك كالاوشام
سأقف بكل قوه وعزم لانساكِ ولأتحداك انت ايها الزمــــــــان

بقلم : صاحبة الكلمه
.
.


خلصت والكل قال ان القصيده روعه

ونجود بالذات اللي قالت : اخوي من الحين صوتي لك

.................................................. ..........

** الهنوف **

كان الدور علي الحين

قلت العنوان (( بين ضواحي البلدان ))

مديت لساني وقلت : ابي اقلد نايف مو عارفه هههههههههه

ضحك الكل علي .. وقال نايف : بس عجبتني ضواحي ذي هههههههه يللا قولي قصيدتك

.
.

"°o.O مره O.o°"


مرتن من المراري ** ركبنا في الفراري

ورحنـــا للبراري ** تــرن ترن تراري


غطيت وجهي وقلت .. بصراحه ماكتبت شي .. ما اعرف اكتب شعر ولا خواطر

ماشفت الا فيصل ونايف ومشعل متسدحين من الضحك

وفيصل يبي يكلمني بس مو قادر فاطس ضحك

قال لي : الله يرجك اختي وش هالقصيده اللي قلتيها هههههههههههههههههههه

والبنات ماسكتوا ضحك .. وجهي حمر وتمنيت لو اني ساكته احسن لي

قال نايف بعد ماوقف ضحك : باقي رغد وينها ؟؟

قال مشعل : صح بنتي سجلت اسمها في المسابقه

قال : ايه

نادها مشعل بصوت عالي .. جات وقالت : نــعم بابا

قال نايف : رغد وين قصيدتك حقة المسابقه

حطت يدها على فمها وقالت : يووه نسيت

قال نايف : يعني بنشطب اسمك

قال مشعل : مسكينه البنت ناسيه .. والنسيان نعمه من نعم الله و

قال نايف : وش تطلسم انت

دفه بيده وقال : ياخي فوزها

شطب اسمها نايف وقال : ياسلام اسمك انت وبنتك مشطوبين

قالت رهف : حبيبتي رغوده ليه مانمتي للحين

جات رغد وحطت راسها على رجول رهف وقالت : اممم مدري

مسحت رهف على شعرها .. وعلى طول نامت شكلها نعسانه


** نايف **

قلت بصوت عالي : وصلـــــنا للتصويت

يللا كل واحد يصوت

رهـــف >>>>> انا اصوت لنايف

مشعل >>>>> انا اصوت لرهوفتي اكيد

حنان >>>>> بلا شك اصوت لنايف الرائع في الكلمات والالقاء

الهنوف >>>>> اصوت لرهف

فيصل >>>>> اصوت لحبيبي نيوف

نجود >>>>> اصوت لأخوي نايف

وانا اصوت >>>>>> لرهف

يعني النتيجه : 4 اصوات لي و3 اصوات لرهف

الف الف مبروك رهف

قالت رهف : الله يبارك فيك ... بس مفروض انا اللي ابارك لك لانك انت الفايز

قلت بجديه : لا انتي الفايزه .. الحين فيصل بيغير وبيصوت لك

قال فيصل : وش هالتصويت اللي غصب هههههههههه

ضحكت رهف وقالت : ايه والله ههههههههههههه

وطبعاً فيصل ماغير التصويت .. والكل بارك لي وهناني على الفوز

وقالولي هداياك نعطيك اياها اذا رجعنا بيوتنا

وكملنا سهرتنا بالحلى اللي مسويته ام مشعل وعمتي

وعصير الليمون اللي مسويته نجود

............................................

** رهــف **

بعد يوم حلو رجعنا كلنا غرفنا .. مشعل الظاهر نام .. وانا ماجاني نوم .. مع اني صاحيه من الصبح .. كنت اناظر في وجه مشعل .. ابي اتأكد اذا نام اولا

قلت بصوت خفيف : مشعل

مارد علي

قلت مره ثانيه : مشعل

مارد علي .. خلاص اكيد نام

فتحت الدولاب وطلعت دفتر اشعار نايف

جلست على الكرسي .. وفتحت الصفحه الاولى

الاسم : شاعر ويحكمني قصيدي

فتحته وجلست اقرا القصايد اللي كاتبها .. بصراحه قليله عليها كلمة روعه

كلماته حلوه وعذبه .. احاسيسه فنانه

بس الصفحات الاخيره من الاشعار اللي كاتبها .. كانت كلها عن الحب

تتوقعون نايف يحب !! توه يحب يعني ؟

تركت الدفتر .. وغمضت عيوني ورجعت فتحتها من جديد .. احاول استوعب

(•´¯`•.•÷× رهف اللي انا اهواها ×÷•.•´¯`•)

بلعت ريقي وقريت القصيده


شفــتـهــا كنــهـــاالـ{قمر} والـدلــع زود حلاهـــا
عمرهـا بعمر الزهور و{العطر} اصــــــلـــــــه نـــــداهـــــــا

غــيــرهــا ميــت {قهر} يتمنى يمشي بخطـاهـــا
حكيها رقه وسحر بـ {الظهر} وحـــتـــــى بـــمــســــاهــــــا

اداريــها كــل الـ{عمر} اشكر الله اللي خلاهـا
وانـتـظرها مــهـــمـــــا {يـمـر} الزمن ماراح انسى ذكراهـــا

بطاريـها يهل الـ{مطر} يســلم لي مـن طرهـــا
ريـحــتـــهـا مــســـك و{زهر} وانــا اتــنـــفــس شـــذاهــــا

بســمتــها اول {سحر} شــفتـه يـمـر بـمـحياهــا
وانــا وربــي الـلــي {العمر} عطاني ما اقدر اعيش بلاها

بقلم : صاحبة الكلمه

فتحت صفحه ثانيه ويدي ترجف

°*¤©§][... مالقيت الا رهف ...][§©¤*°

الحمد لله والشكر يوم اني من المجانين
أجل من بين كل البنات ماعشقتها الا هي

أعوذ بالله ليه عيني شافتها احلى المزايين
بري منك ياعيني يوم انك ماتشوفين الا هي

قلة بنات يانيوف ماتعشق شفهم مساكين
لاتصير نذل وتعشق من قالو لك الا ذي

حط عقلك براسك ولاتصير مثل البزارين
بزر من عشق مرت اخوه وقال قلبي يبي ذي

ترى الرجال مهوبشنبه الرجال اللي هو من العاقلين
واللي يعرف يفرق بين حلال وحرام وذيك وذي

البنات مثل النحل ماتخلى منهم مواطين
وكلهم يشوفونك حلو ومزيون مو بس هي

اركد ياولد محمد وخلك عاقل وكن من الصابرين
ولاتنتظر وتحلم وتقول متى هالبنت تصير لي

لاينخدع قلبك وتهزك بنت محد يسألها وش تبين
وانت عالي وكل بنت تتمنى متى تأشر وتقول ابي ذي

خلك يانايف ولد الرجال اللي لهم اثقل موازين
ترى ياولد الناس صدقني ماتنفعك اعشقهم كلهم الا ذي

بقلم : ملاك قلبه



^*^
/
\
/
\
/
\
/
\
/
^*^

***** نهاية الجزء السادس و العشرون ******

[@ همس الغلا @]

...:::][ الجزء السابع والعشرون ][:::...


________________
المزرعه .. الساعه : 7:30 صباحاً
________________

** نجود **

رتبنا كل اغراضنا عشان بنرجع البيت .. لو حنا بأجازه كان جلسنا اكثر في المزرعه .. بس عندنا دوامات مانقدر نجلس للسبت .. كانت الشغاله حامله شنطتي توديها وانا وراها امشي
شفت عند السياره فيصل واقف ويحط الشنط .. نزلت راسي بحزن اتذكر اللي صار لي .. واتذكر الكلام اللي قاله لي فيصل .. اللي ماعمري توقعت فيصل يقوله لي .. بس ما الومه .. انا غلطانه .. والله غلطانه .. وابي استرد ثقة فيصل فيني .. ما ابي اخسره .. مسكت شنطتي ورفعت راسي .. وقلت للشغاله تروح .. مشيت لعند فيصل .. وقلت بصوت هادي : السلام عليكم

سكت عني ومسوي نفسه مشغول بالشنط .. آآه يا الزمن فيصل يطنشني كذا !!

قلت بضيق : رد السلام واجب

قال بدون نفس : وعليكم السلام

لف عشان يمشي .. على طول ناديته : فيصل

قال بدون مايناظرني : نعم

قلت : فيصل لازم تسمعني

قال بنرفزه : ماتشوفيني مشغول

قلت : بس انا ابي اتكلم معك

قال وهو يناظر للساعه اللي بيده : اوكي .. نعم وش بغيتي ؟ بسرعه لان ماعندي وقت

قلت : تكلمني بهالاسلوب وتبيني اتكلم ؟

قال : هذا اسلوبي

قلت : اخذت رهف جوالها

هز راسه بأيه .. قلت : شفت اني ما اكذب

قال بملل : طيب هذا اللي كنتي تبي تقولينه ؟

تنهدت ومديت له ليمونه .. عقد حواجبه وقال متفاجأ : ليمونه ؟

هزيت راسي وقلت : ارجع البيت وتذوقها .. طعم الليمون حامض بس يمكن هذي تكون مره وماتقدر على طعمها .. ويمكن حلوه لانها مني .. وانت قلت اني حلوه

...........................................

** فيصل **

كانت الدموع متجمعه في عيونها وهي تتكلم .. وهالشي عور قلبي

مديت يدي واخذت الليمونه

من اخذتها راحت على طول .. كنت بوقفها وبقول لها : اكيد بيكون طعمها حلو

بس ما اقدر انسى خيانتها لي ........ خيانتها ؟؟؟؟؟

وليه توخنك اصلاً !! انت وش بالنسبه لها عشان تعتبر اللي سوته خيانه لك
اللي يحب لازم يسامح صح .. وانا احبــ... .. صعبه والله صعبه

.. : يللا فيصل نادي على اخواتك عشان بنرجع

لفيت على نايف وقلت : طيب يللا

المهم ركبنا كلنا في السيارات الا نجود .. اللي كانت تحاول في رهف تركب معنا .. بس رهف مارضت

طريقنا للرجعه كان ممل .. لان اغلبهم كانوا نايمين .. حتى نايف كان نعسان وخلاني انا اللي اسوق .. كانت سيارة مشعل سابقتنا شفته وقف عند سوبر ماركت .. فوقفت وراه

وقلت بصوت عالي عشان النايم يصحى : من يبي ينزل السوبر ماركت

فتح نايف الباب وقال : انا بنزل .. جودي تبين تنزلين ؟

قالت نجود : لا

قال نايف : بجيب لك مثلي .. اوكي

قالت : اوكي

قال نايف : والباقي ؟

فتحت حنان الباب وقالت : بنزل

........................................


* نايف **

نزلت من السياره .. ودخلت السوبر ماركت

شفت مشعل واقف عند المكان اللي فيه الكور والالعاب

ياحليله مشعل .. من ينزل مكان مايفكر بنفسه .. على طول ياخذ شي لرغد

رحت لعنده ومسكت وحده من الكور عليها رسمات ورد وقلوب وقلت : وش رايك مشعل ناخذ ذي تناسبنا صح ؟

قال : ايه ناخذها ونلعب كوره في الحديقه هههههههههههههههه كفك

ضحكت ومشيت عنهم .. شفت رهف تاخذ لها جالكسي

رحت بجنبها واخذت جالكسي

اخذت لها سنكرس .. ورحت اخذت لي سنكرس

اخذت شيبس واخذت لي شيبس

كنت اشوفها تناظرني على جنب .. بس ماتكلمت معي

اخذت كندر .. ومديته لها

هزت راسها بلا وبعدت عني شوي

قلت بمرح : خذيها هديه من عندي

وش فيها مو معبرتني .. قلت : عند البطون تعمى العيون

اعرفها رهف ماتقدر تمسك نفسها اذا شي ضحكها .. فحطت يدها على فمها عشان لا تضحك

...........................................

** حنان **

جالسه ادور في السوبر ماركت على نايف .. شفت مشعل حامل رغد على كتفه .. غريبه مو معاهم .. مشيت شوي .. وشفت الشينه واقفه مع نايف .. للحين تطرد وراه ماتعبت ..على بالها نايف من اشكال مشعل بتطيحه بسهوله .. شفتها تلف عن نايف وتمشي .. ونايف يمشي وراها ويقول : خذيها هديه مني .. مابدفعك فلوس وربي هههههههههههه .. يللا عاد

بس هي ماتكلمت ومشت .. من راحت قربت لنايف وقلت : بتاخذ كندر حق البزارين ؟

قال وهو يناظر في الجهه اللي راحت فيها رهف : لا باخذه لها

قلت : وليه رهف بزره تاخذ لها كندر

ناظرني وحرك راسه .. كانه تو يستوعب انه يتكلم معي وقال : شوي عن اذنك

ومشى وخلاني واقفه .. مت من القهر وكنت بطلع من السوبر ماركت .. بس وشلون اطلع بدون ما اخذ شي .. اخذت لي عصير ومارس وطلعت

........................................

** رهـف **

وصلنا للبيت .. ركبت غرفتي ودورت على دفتري في كل مكان .. وين راح ؟ وين اختفى ؟ معقوله طاح من عندي في المزرعه اول مافتحت شنطتي .. لالا لو طاح بشوفه .. سويت حوسه في الغرفه .. دخل علي مشعل وناظر في المكان .. قال : وش تسوين

لفيت بخوف وقلت : هااه . ولا شي

قال : وش تدورين

قلت : انـــا ....

سمعت صوت احد يطق الباب .. قال مشعل : تفضل

فتحت الباب الخدامه وقالت : مدام رهف .. تلفون

قلت : برد من غرفتي

هزت راسها وطلعت

الحمد الله جاني شي يغير الموضوع

ناظرت في مشعل وابتسمت

رد لي الابتسامه وقال : حياتي ردي على التلفون وبعدين نامي .. شكلك مانمتي زين امس

هزيت راسي وقلت : ان شاء الله

رفعت السماعه وقلت : الوو

..: هلا وغلا

الله ريوم حبيبتي .. والله مشتاقه لها ومشتاقه لـ هالصوت : اخبارك ريوم حبيبتي ؟ ان شاء الله بخير

قالت الريم : بخير الحمد الله وانتي

قلت : بخير .. وحــــــشـــــــــــتــــــــــيــــــــنــــــــي

قالت : وانتي وحشتيني موت موت موت

قلت : وينك ماتردين على جوالك

قالت : شفت مكالمات من عندك امس .. ودقيت اليوم

شفت مشعل يرتب الفوضه اللي انا سويتها .. فحطيت يدي على السماعه وقلت : مشعل خليهم برتبهم

قال : لا انا برتبهم

قلت : زين خلي الخدامه

قال : عادي قلبي برتبهم كله واحد

رجعت للريم .. كانت تسألني : في الشهر الـ 3 صرتي

قلت : لا دخلت الشهر الـ 4

قالت : الله ابي اشوفك تغيرتي اولا

قلت : والله ماتغير فيني شي .. ماكاني حامل جسمي ماتغير

ضحكت وقالت : بيتغير قريب

قلت : يللا عقبالك ان شاء الله .. وبنشوف تتغيرين اولا

سكتت فتره .. قلت : الوووو .. ريوم .. معي ؟

قالت : ماقال لك محمد ؟

قلت : عن وشو ؟

.
.

صارت الساعه 6 المغرب .. وانا للحين جالسه على السرير ابكي

طلع مشعل من الحمام وقال : للحين تبكي .. خلاص عاد رهوفه

وانا ما اسمعه .. جالسه ابكي من كل قلبي .. ماكنت اتخيل ان اختي وصديقتي وحبيبتي تتحطم احلامها وامانيها كذا .. لازم اروح لها بكره

جلس مشعل بجني وقال : هذي ارادت ربك .. مايصير كذا .. انا متأكد ان صديقتك مابكت مثلك

قلت وانا ابكي واناشق : ما اقدر مشعل ما اقدر

انسدحت على المخده وجلست ابكي بصوت عالي .. ومشعل مو عارف وش يسوي


...........................................

________________
بيت مشعل .. الساعه :4:00 مساءً
_________________

** نايف **

رجعت من الدوام لقيت هدايا كثيره على طاولة الصاله .. قلت بصوت عالي : نــــــجـــــود

جات نجود من المجلس وقالت : هـــــلا

قلت : عيد ميلاد مين اليوم ؟

قالت : عيد ميلادك

قلت : بلا تنكيت

قالت : نسيت انك الفايز في مسابقة الشعر العالميه ؟

ابتسمت وقلت : اهــــــا .. زين روحي

قربت للطاوله .. ودورت بين الهدايا وانا اشوف الكروت المكتوبه .. مسكت الهديه اللي مكتوب على كرتها ( رهـف ) واخذتها

ناديت على الشغاله .. يوم جات خليت هدية رهف بيدي واشر على الهدايا الباقي و قلت لها : وديهم غرفتي

سمعت صوت نجود وراي تقول : ماعجبتك الا هدية رهف

من الخرعه كانت الهديه بتطيح من يدي .. قلت : بسم الله انتي هنا

قالت : لا هناك

قلت : حسبتك رحتي .. وبعدين وش عرفني انها هدية رهف انا اخذت هديه على الطاير

قالت : اجل ليه كنت تقرا الكروت ؟

ماعرفت ارقع فقلت وانا اسوي فيها معصب : نجودوه رحوي مناك

ركبت غرفتي على طول

وحطيت الهديه على السرير .. اللي كانت عباره عن صندوق داخله قرآن .. عجبتني مره بصراحه

فتحت الكرت كان مكتوب عليه : نـايف اتمنى لك الفوز في كل حياتك .. والله ينور دربك بالخير في كل خطوه تخطيها

ابتسمت وحطيتها على جنب .. اخذت الهدايا الباقي اللي حطتهم الخدامه نفس الشي على السرير .. فيه علبه مغلفه بغلاف يضحك ..والشكل كان مستطيل .. فتحت الغلاف .. وشفت علبه نصها شفافه والنص الثاني ورق ... سياره ام ريموت ؟؟؟؟؟

قلبتها مكتوب وراها : من فيصل الى حبيبي نايف .. العب فيها وقت الفراغ

شوف الغبي محتر لاني فزت في المسابقه

بس بصراحه ضحكتني الهديه .. حطيتها واخذت هديه ثانيه .. كانت مخده ورديه على شكل قلب مكتوب في النص باللون الاحمر ( ilove u ) ومعلق عليها كرت .. لفيته

مكتوب .. من حنان الى الغالي على قلبي نايف .. مبروك الفوز إللي كان متوقع من الكل .. ماراح انساك لو يمر العمر وتذبل اوراقه .. حــنان ..

وش هالهديه .. بنت انا تجيب لي مخده ورديه .. يللا بنام عليها اذا ضاعت مخدتي .. هههههههههه

حطيتها وفتحت هديه ثانيه .. كانت عطر .. ملصوق فيه كرت مكتوب عليه .. مبروك الفوز نايف .. الهنوف ..

وهديه ثانيه كانت عباره عن قلم فخم .. عرفت انه من مشعل .. مع ان مو مكتوب عليه شي

وبطاقه كبيره .. فتحتها .. مكتوب عليها ..(( مبروك ربحت دعوه لشخصين في مطعم من اختيارك .. اختك نجود .. ))

سمعت صوت احد يطق الباب .. قلت مين .. محد رد علي .. قلت تفضل .. سمعت صوت رغد تقول بصوت عالي : نايف تعال افتح الباب

قمت وفتحت الباب .. لقيتها واقفه ووراها دبدوب كبير طولها .. لونه ابيض

قلت بمرح وبصوت عالي : الله هــــــذا لــــــــي

قالت : ايه مبروك الفوز في المسابقه .. مع اني لو شاركت كنت بفوز عليك

مسكت خدها وقلت : شي اكيد

...............................



_____________________
الجامعه .. الساعه :9:00 صباحاً
_____________________

** الريم **

مر شهر وحياتي مع محمد من اسوء الى اسوء .. مانشوف بعض الا قليل .. ومانجتمع الا على وجبه وحده في اليوم .. طبعاً هذا كله بحجة انه اخذ ترقيه في شغله .. وصار يشتغل كثير .. وانا ادرس طب ودراستي بعد يبي لها من الوقت كثير .. بس صار حتى في الليل اذا اجتمعنا ابي اسولف معه ابي اضحك معه شي مايعطيني فرصه ينام على طول .. صرت اشكي لأمي ورهف .. يقولون عادي وهالفتره تجي لأي متزوجين .. قلت لأمي ان شكل احد مسوي له عمل .. قالت لي شيلي هالافكار من راسك .. صرت ضعيفه مره من قلة الاكل .. وش اسوي ياربي

شافتني صديقتي اسرار .. هذي اسرار بنت محترمه ومؤدبه وخلوقه وعلى نياتها .. اقرب وحده لي من الطالبات اللي ادرس معهم

قالت لي : وش فيك كذا متضايقه

قلت : ابد مشاكل في البيت

قالت : انتي وزوجك ؟

هزيت راسي .. قالت لي : وش المشكله يمكن احلها لك

ماحبيت ادخل احد في مشاكلي وحياتي الخاصه قلت لها : آآه مشكلتي مالها حل

قالت لي : طولي بالك .. وهذا زوجك هو الباقي لك بهالدنيا .. وانتي قلتي ان زوجك طيب ويحبك وكل يوم يطلعك .. والحين رقوه في الشغل .. اكيد يسوي كل هذا عشانك .. حرام تهدمين بيتك عشان مشاكل عاديه .. تصير لأي متزوجين

قلت لها : بس انا وزوجي كنا غير في بداية زواجنا

قالت : اكيد الوضع يتغير .. مافيه شي يدوم .. ياقلبي عودي نفسك على كذا

مسكت يدي وقالت بحنان : تعالي نفطر سوا

ابتسمت ومشيت معها


...................................
__________________


_____________________
غرفة فارس .. الساعه 40 : 4 مساءً
______________________

** فارس **

رجعت من بيت الهنوف انا وابوي وعمي .. باركولي خلاص خطبتها

بس ماقلت لها بفاجأها .. لانها طفشتني .. كل ما اجيب لها طاري الزواج تتهرب

كتبت لها مسج

^*^
/
\
/
\
/
^*^

هنوفتي حبي

اليوم رحت بيتكم مع ابوي وعمي وخطبتك

وقالوا بيشاورونك

اكيد موافقه ؟؟ صح

^*^
/
\
/
\
/
^*^

جاني مسج منها

^*^
/
\
/
\
/
^*^

حبيبي ليه مستعجل انا قلت لك انتظر شوي

^*^
/
\
/
\
/
^*^
كتبت لها

^*^
/
\
/
\
/
^*^

والله ياقلبي تعبت وياكثر ما انتظرت

انتي قوليلي بسرعه موافقه ؟

^*^
/
\
/
\
/
^*^

كتبت لي بعد ساعه

^*^
/
\
/
\
/
^*^

أي بنت بتتمنى تاخذ اللي تحبه

صح ولا لا ؟

^*^
/
\
/
\
/
^*^

ابتسمت وكتبت لها

^*^
/
\
/
\
/
^*^

يعني موافقه يا الغاليه ؟

^*^
/
\
/
\
/
^*^

كتبت

^*^
/
\
/
\
/
^*^

فارس عاد افهم

ترا بقفل الجوال

^*^
/
\
/
\
/
^*^

هيييه بصير معرس قريب

خلاص بتصير البنت اللي حبيتها وتمنيتها من نصيبي

الحمد الله

........................................

__________________
بيت مشعل .. الساعه :8:00 مساءً
___________________

** مشعل **

كنت جالس مع رهف في المجلس نشوف التلفزيون .. وكانت تكلم جوال

’’ والله .. مبرووك .. اخوك خالد خطب .. وفارس بعد .. فارس للحين ماعطوهم رد .. بيعرسون جميع يعني .. خالد من اخذ .. بنت خالتك .. اهااا .. وفارس .. هنووفه ؟؟ لا تمزحين .. انتي اخترتيها له .. اهاا امك .. والله هنوفه تستاهل كل خير ومابيلقى احسن منها .. يللا الف الف مبروك .. ان شاء الله .. وانتي بعد .. على خير .. باي’’

خالد خطب ؟ احسن فكنا منه .. عساه مايتوفق ان شاء الله

اول ماقفلت رهف لفت علي وقالت : خالد خطب

ماكملت اخر حرف .. بسرعه سحبت يدها بعصبيه وقلت : واذا خطب ؟

قالت : انا .. اقولك يعني

قلت بصراخ وانا اشد على يدها : والله انتي وراك شي من هالكلام

سكتت عني وهي ميته خوف .. هزيتها وقلت : قولي يللا

قالت : مشعل تعورني

قلت : قــــــــولــــي

قالت : قسم بالله ماوراي شي

قلت بصوت عالي : ياحبيبتي انا فاهم قصدك عدل .. اذا قصدك يعني طلقني .. لو تموتين ماطلقتك .. ولو تصعدين للسما وتنزلين ماطلعتي من هالبيت

تركتها وطلعت من المجلس وانا في قمة العصبيه

طلعت وراي وقالت بصوت عالي : مشعل انت ليه تفهم على كيفك

قلت وانا ااشر على راسي : والله انا حر وافهم اللي ابيه واخلي اللي ما ابيه

قالت : اصلاً الموضوع اللي في بالك انا نسيته

صرخت عليها : لو نسيتيه كان ماجيتي قلتيلي الحين

سكت يوم شفت نايف نازل مع الدرج .. ورهف ركبت فوق على طول

قال نايف : للحين تتهاوشون ؟

سندت نفسي على سور الدرج وقلت : ما احب احد يتدخل في اموري مع زوجتي

ناظرني وقال بجديه : مشعل ماتبيها طلقها

ومر بجنبي بيروح .. مسكت يده وقلت : وليه اطلقها ؟ عشان انت تتزوجها !!

.........................................


** نايف **

وش يقول مشعل ؟ اكيد انا ماسمعته زين
بلعت ريقي وسكت .. اخاف اذا تكلمت يبين من صوتي اني اكذب

سمعته يقول : اشوفك ساكت

ابتسمت وقلت : مشعل الله يهديك .. وش هالكلام اللي قلته تو

ضرب كتفي وقال : اقول .. انسى

قلت : يللا عن اذنك

قال : وين بتروح

قلت : عزيمة ابراهيم .. اللي معنا بالشركه

قال : حتى انا بروح .. مابتنتظرني

قلت : انتظرك في السياره

.
.

طول ماكنت في العزيمه .. افكر بكلام مشعل .. ليه قال لي كذا .. وش عرفه اني احب رهف .. اكيد يبي يختبرني .. وانا الحين بسرحاني اخربها .. حاولت قد ما اقدر ما اسرح ولا افكر .. عشان مايلاحظ مشعل هالشي

........................................

** رهف **

ماكنت قاصده اتهاوش مع مشعل او ازعله .. بس احس نفسي غلطانه .. ليه رحت قلت له عن خالد .. وش دخلنا فيه ؟

والحين وش اسوي ؟ اكيد الحين طلع متضايق وزعلان ولا ادري وين راح .. ومشعل غالي على قلبي مهما كان هذا ابو اللي في بطني

ايه جاتني فكره .. بفاجأه وبطبخ له .. ماعمري طبخت له شي

مسكت التلفون ودقيت على شجن بنت عمة مشعل

رد علي زوجها سلطان .. قلت : الوو السلام عليكم

قال : وعليكم السلام .. نجود ؟

قلت : لا انا رهف زوجة مشعل

قال : هلا وغلا .. لان رقمكم طالع عندي .. كيف حالكم ؟

قلت : بخير الحمد الله .. وينها شجن

قال : لحظه

شوي وجات شجن .. قالت بفرحه : هلا وغلا قلبي

قلت : هلا فيك .. اخبارك

قالت : وحشتيني .. ماتدرين وش كثر فرحني اتصالك

قلت : تسلمين يا الغاليه .. اقول شجن .. ابي تعلميني طبخه بالدجاج .. وحلى

قالت : وش طاري عليك .. قررتي تبدين في دروس الطبخ

ضحكت وقلت : يعني

قالت امسكي ورقه وقلم واكتبي

.
.

بعد ماسويت حوسه في المطبخ .. وخلصت كل شي .. رحت تلبست وانتظرت مشعل في الصاله

بعد ساعه من الانتظار دخل

وقفت وقلت : مساء الخير

قال : مساء النور

كان بيركب فوق ناديته .. لف وقال : امري ؟

قلت وانا ابتسم : انا طبخت عشا .. ماتبي تـــ..

حط يده على بطنه وقال : لا انا ونايف جايين من عزيمه .. شبعان مره .. يللا تصبحين على خير

ركب وخلاني في حالة ذهول وصدمه .. الظاهر نسى اني اول مره اطبخ ؟
وش سويت انا عشان يعاملني بهذي المعامله .. مايبي اوكي .. بس كان يقدر يقول لي بطريقه احسن من كذا

رحت المطبخ وحطيت لي من الحلا اللي سويته .. وجلست على الطاوله .. العب في الصحن بالشوكه .. وانا احس هم الدنيا كله على راسي .. والسبب مشعل .. وشوله طابخه انا ؟

دخل نايف المطبخ .. وقال : السلام عليكم

ماناظرت فيه .. اصلاً انا من قريت في دفتر اشعاره انه يحبني .. صرت ما اقدر احط عيوني في عيونه وينكتم نفسي اذا شفته .. استحي منه مره .. يا انا اطلع من هالبيت ياهو يطلع

قلت بهمس : وعليكم السلام

قال : من اللي مسوي الحلا ؟

قلت : انا .. انا اللي سويت العشا اليوم

قال بأندفاع وبصوت عالي : انتــــــي ؟؟؟

................................................


** نايف **

تفاجأت مره ان رهف طابخه .. اول مره تطبخ

مستحيل افوت فرصة اني اكل من يدها .. بس بطني مليان اكلت كثير في العزيمه

لو ادري ما اكلت .. اخاف اكل الحين ومن كثر الاكل ارجعه .. وبتفهم ان طبخها ماعجبني

اخذت صحن وقلت بحماس : حطيلي

ابتسمت وقالت : ماتعشيت ؟

قلت : لا

وقفت وقالت : هات الصحن

عطيتها الصحن وحطت لي .. قلت : حطيلي اكثر شكله يجنن

جلست على الطاوله .. واكلت اول ملعقه .. مدري بصراحه هو طباخها حلو او انا لاني احبها اذوقه حلو .. لان يقولون اللي تطبخ اول مره طبخها مايطلع حلو

اكلت اللي بالصحن بسرعه .. اسوي نفسي ميت جوع .. وانا مو قادر بطني بينفجر .. برجع الاكل

وهي تناظرني متفاجأه .. خلصت ومديت لها الصحن .. وقلت : حطيلي بعد

قالت : عجبك ؟

هزيت راسي وقلت : مررره مررره .. دام انك تطبخين كذا .. ليه ماطبختي من اول
وربي لك مستقبل في الطبخ .. ماشاء الله عليك

ابتسمت بقوه وقالت : جد والله طبخي حلو

قلت : والله العظيم

حطت لي مره ثانيه وعطتني الصحن .. ناظرت في الصحن وبلعت ريقي .. وشلون راح اكل هذا كله .. لالا مااقدر برجعه .. والله انك خبل يانايف .. ليه تسوي هالحركات البايخه .. منت بمشتهي تاكل لا تاكل

حطيت الصحن على الطاوله .. واكلته كله

يوم خلصت قلت : الحمد الله .. خلاص شبعت مره .. تسلم يدك رهف

قالت : الله يسلمك

قلت : يللا حطيلي حلا

اخذت صحن ثاني وحطت لي

اكلت ملعقه وحده .. وخلاص مااقدر اكمل .. مستحيل اتحمل هالاكل كله .. بطني يعورني بينفجر

اكلت الملعقه الثانيه والثالثه .. وقمت

قالت : الظاهر ما عجبك الحلا

قلت بأنفعال وكان كلامي سريع : لا قسم بالله عجبني .. بس لان شبعت .. والا هو احلى من الحلو بعد .. ولا تخلصونه عني .. لاني بنزل بعدين وباكل .. مره مره عجبني وحتى انـ....

حسيت لنفسي اني زودتها .. هي بس قالت كلمه وانا قلت عشر

دخلت نجود وقالت : سلاموو

قلنا : وعليكم السلام

قلت : وينك مو مبينه اليوم

حطت يدها ورا ظهرها .. وقالت : اسكت بس عندي بحث .. وجالسه اسويه ’’ فتحت عيونها ’’ الله من اللي مسوي الحلا

قلت : رهوفه

سوت نفسها بتطيح وقالت : لا ما اصدق بيغمى علي .. رهف تطبخ

ضحكت وطلعت من المطبخ .. ركبت فوق وكان فيصل داق علي .. كلمته في الصاله اللي فوق تقريباً ثلث ساعه .. بعدين قفلت وشفت رهف راكبه

قالت لي : نايف نسيت محفظتك تحت .. على الطاوله

ودخلت غرفتها على طول .. حطيت يدي بجيبي كانت المحفظه موجوده

وش السالفه ؟ .. بنزل اشوف

نزلت ودخلت المطبخ .. ناظرت في الطاوله كانت عليها ورقه

عقدت حواجبي ورحت فتحتها .. كان مكتوب عليها بقلم عريض

.
.

نــــــــــا يــــــــف انــــا ادري انـــــــــك كـــــــنــــــت فـــي عــــزيـــــمــــه
وتـــــــعــــــشــــيـــــت صــح فــرحـتــنـــي ورفــــعـــــت مــــــعنـــــويــــاتي لان حـــتـــى نـــــــجــــود مــــا مــدحـــــــت طبــــــخــــــي مثـــــــــلـــــك بـــــس مـــــو زيـــــــن تــــتـــــعــــشى مرتــــــــيــــن

.
.

عضيت شفايفي وغطيت وجهي بالورقه

ياربي فشله اثاريها كافشتني

.................................................. ..


بيت العمه .. الساعه : 11:00 مساءً
_________________

** الهنوف **

’’ والله ماتتزوج الهنوف قبل حنان وانا عايشه ’’

وانا نازله من الدرج .. سمعت كلمة امي هذي

بدون ما احس قلت : وشو ؟

قالت امي : مثل ما سمعتي .. مابتتزوجين قبل اختك الكبيره .. وش فيك احسن منها عشان تتزوجين قبلها

وقفت حنان وقالت لي : يعني يا الهنوف مابتتزوجين الا اذا انا اخذت نايف

هزيت راسي وقلت : اهااا يعني انا مابتزوج طول عمري

حطت يدينها على خصرها وقالت : وليه بالله

قلت وانا ااشر على الارض : لانك لو تبوسين الارض اللي يمشي عليها قدامه .. ما اخذك

مسكت شعري بقوه وقالت : نايف بياخذني وبيكسرعيونك .. لانه قال لي انه يحبني ويموت فيني

ضحكت وقلت : في الحلم قالك .. ياحبيبتي نايف يحب .. ودام انه يحب بياخذ اللي بيحبها

قلت هالكلام ورحت اركض فوق .. انا قلت كذا عشان اقهرها .. مثل ماهي قهرتني وحرقت قلبي على فارس .. يعني خلاص مابتزوج فارس .. بأي حكم ؟ وش هالبيت الظالم

مسكت الجوال و كتبت رساله لفارس اخبره فيها ان اهلي ما وافقوا .. وكتبت له الاسباب

طبعاً حالته كانت اعضم من حالتي .. وطول الليل مانمنا .. نكتب مسجات نواسي بعضنا


.................................................. ....

** حنان **

صحيت الصبح موعد روحة نايف الدوام .. وانا مقرره اكلمه .. لازم اكلمه واريح نفسي
انتوا عطوني رايكم .. نايف يحب او لا ؟


اخذت التلفون لغرفتي .. دقيت بسرعه على بيتهم

ردت علي الخدامه

قلت لها : نادي لي نايف بسرعه

قالت : ان شاء الله

بعد 5 دقايق جا نايف قال : الوو نعم

قلت بصوت كله حزن وهم : نايف انا حنان

قال متفاجأ : حنان .. تبين نجود ؟

قلت : لا ابي اكلمك

قال : تكلميني بوشو .. اعتقد مابينا كلام .. لان كلامي اخر مره كان واضح

سويت نفسي ابكي وقلت : بس جاوب على سؤالي

قال : اسألي لان مره مشغول

قلت : تحبها ؟

سكت شوي بعدين قال : وش عرفك ؟

قلت : جاوب على سؤالي

قال : مو مجبور اجاوب على شي

قلت : جاوب الله يخليك .. نايف تبيني اترجاك بترجاك

قال بجديه : بجاوب .. بس توعديني اذا جاوبت .. تتركيني في حالي .. وتشوفين طريقك في مكان ثاني ؟

قلت على طول : اوعدك

قال : ايه احبها

انا سؤالي هذا كان اختبار اذا كان يحب اولا .. طلع يحب غيري ؟ .. الحين ابي اعرف هو من يحب

قلت بضيق : ومن متى

قال : من اول يوم شفتها فيه بالبيت

قلت مستغربه : بالبيت ؟؟

قال : ايه مو رهف تعيش معنا بالبيت

قلت بصوت عالي واشمأزاز : رهــــــــــف ؟

قال : ايه موانا اللي احبها هي رهف زوجة اخوي مشعل

قلت بصراخ : هذي الحقيره ماتناسبك .. انا اللي اناسبك .. انا اللي من مستواك

قال : رهف احسن مني ومنك

قلت : لالا اكيد انا احلم .. اكيد انت تمزح .. ماشفت الا ’’ بقرف ’’ رهف .. والله الشغاله ابرك منها .. ان شاء الله تموت .. ان شاء الله ماتتوفق لا في دنيا ولا في اخره .. جعلها الـ

قاطعني وقال بحده : لا تدعين عليها .. لانك تدعين علي

قلت بصوت عالي وبديت ابكي من جد : انت وشلون ترضى على نفسك تحب زوجة اخوك .. ماتحبك ولا بتتزوجها

قال : انا ادري مابتزوجها ولا بتحبني .. بس انا ما ابي وحده بعدها .. يكفيني انها ساكنه قلبي .. يللا فمان الله

قفل في وجهي وانا للحين اصرخ : الله ياخذها .. اكرهها .. حقيره .. وش معنى هي .. انا احلى واحسن منها ’’ وبكيت بصوت عالي كأني طفله ’’

جات امي لي تركض وتقول : وش فيك يابنتي تبكين وتصارخين

قلت بأنفعال والدموع تطيح على وجهي : لحد يكلمني .. رحوا عني .. ’’ شديت شعري ’’
ما ابي اشوف احد .. بذبحها

.................................................. .


_________________
السياره .. الساعه 8:00 صباحاً
_________________

** نايف **

انا ادري انها ماتدري عن شي .. وجالسه تختبرني .. لاني ماقلت لأحد عن حبي لرهف .. ولا بينت لأحد .. بس اعترفت لها .. عشان احط لها حد .. وانهي اللي بيني وبينها .. وش بيني وبينها اصلاً .. هي اللي خربت على نفسها .. انا من اول يوم شفتها فيه .. يوم تسوي انها احترقت من الشاهي .. والشاهي اساساً كان بارد ما حبيتها .. حسيت انها خبيثه .. عكس الهنوف طيبه وعلى نياتها .. احسها تشبه لرهف في اشياء كثير .. انا مدري كيف نجود تحب حنان .. وتجلس معها
انا حتى وجهها ما احب اشوفه

وصلت الشركه نزلت من السياره ودخلت .. رحت لعند المكاتب شفت فيصل طالع من مكتب .. وفي يده اوراق كثير .. قلت : فيصل .. فيصل

قال : هلا نايف صباح الخير

قلت : صباح النور .. تعال بقولك

قال وهو يمشي ويأشر بيده : بعدين نايف .. انا مشغول

قلت له : بتروح معنا البحر اولا

قال : يمكن اروح .. بتطلعون بدري من الدوام

قلت له : ايه

قال : طيب افكر من الحين لبعدين .. يللا بمشي

من يصدق ان هذا اللي كان يجي متأخر ويعدل شماغه عند الباب بكل روقان .. صحيح الزمن يتغير .. كل ماكبرنا حسينا بالمسأوليه اكثر

...................................


_______________
بيت مشعل .. الساعه : 1:00 مساءً
________________

** ام مشعل **

’’ حياكم الله تفضلوا .. تو مانور البيت ’’

كانت ام فيصل وبناتها جاين لنا .. والغريب ان العاده يجون لنا يوم الخميس .. صحيح ان حنان تجي لنا اوقات لحالها .. على العموم انا فرحت بجيتهم

جلسنا كلنا في مجلس الحريم .. بس نجود اخذت الهنوف وركبت معاها فوق الغرفه .. شوي وقالت حنان بتروح لهم

يوم بقينا انا وام فيصل لحالنا في المجلس

قالت لي : قربي ام مشعل بنشدك بشي

قلت : سمي يا الغاليه

قالت وهي تاشر بيدها يمين وشمال : رهف زوجة ولدك مشعل .. عليها حركات

قلت : حركات مثل وشو ؟

قالت : ماتحسين انها تتلصق شوي بنايف

قلت بجديه : شوفي يا ام فيصل .. انا ما ارضى على رهف مثلها مثل نجود .. هي حسبت بنتي

قالت : لا يا ام مشعل فتحي عقلك ..مافيه بنت ما تبي المال وشباب .. وهي لقت هالشي في نايف .. ولاحظت انها تدور عليه .. من واجبي اخبرك

قلت بهدوء مع ان الموضوع مو عاجبني : ولدي مشعل عنده المال والشباب .. واحسن رجال في الديره كلها .. ورهف مره عاقله وتفهم في الاصول .. انتي يا ام فيصل تزعليني بكلامك

من قلت كذا سكتت .. حسبي الله عليك يا ام فيصل .. الحين رهف الهاديه العاقله .. تلف على نايف ؟؟


................................................



** الهنوف **

كانت نجود تقول لي كل اللي صار بينها وبين فيصل .. وانها تبي احد يوقف معاها

قلت لها : واخو رهف من متى يطرد وراك

قالت : من زمان

قلت لها : بس تصدقين .. كله منك

قالت : هنوفه لا تزيديني .. اللي فيني كافيني

قلت : وش معنى انا اللي قلتي لي بالسالفه ؟

قالت : رهف مستحيل اقول لها لانه اخوها .. وحنان...


سكتت .. قلت لها : كملي

قالت بتفكير : مدري بس مو مرتاحه لها هالايام .. انتي غير قلبك مفتوح للكل

قلت : طيب .. انتي تحبين فيصل ؟

قالت بسرعه : لا طبعاً .. بس ترضين ان بندر او نايف او سلطان او أي واحد في العايله .. انه ياخذ فكره غلط عنك ؟

قلت : اهااا .. فهمتك

مسكت يدي وقالت وهي عاقده حواجبها : هنوفه وش اسوي الحين

قلت لها : انا عندي حل بس يمكن ماتوافقين

قالت : بوافق على كل شي .. بس انتي قولي

قلت : تعالي معي البيت

اشرت بيدها وقالت : لالا .. مستحيل اروح .. هو الغلطان مفروض يجي يعتذر مني في بيتي .. لانه صرخ علي واهاني .. مو انا اروح له

قلت : اجل خلك في بيتكم .. ومابيجي لك مستحيل .. يا الخبله فيصل يحسبك تكلمين شباب

سكتت وناظرت في صبوعها اللي جالسه تلعب فيهم .. بعدين قالت : خلاص اذا بغيتوا ترجعون برجع معكم .. بس ان شاء الله يسمعني وما انزل نفسي له على الفاضي

_________________
االجامعه .. الساعه :1:00 مساءً
_________________

** الريم **

طلعت من القسم ..ورحت جلست على طاوله من الطاولات .. حطيت راسي على الطاوله
وانا افكر بحياتي مع محمد .. ماحسيت الا بيد على كتفي .. رفعت راسي لقيت اسرار .. والله انك جيتي بوقتك يا اسرار .. محتاجه اسولف مع احد

جلست وقالت لي : وش فيك ريوم حبيبتي

قلت لها : آآه وش اللي مافيني

قالت : متهاوشه مع زوجك

قلت : ياليت اتهاوش معه .. على الاقل بنسولف مع بعض .. بس لا هو يكلمني ولا انا اكلمه .. خلاص مل مني

قالت : لا تقولين كذا .. انتي اكسبيه مره ثانيه .. سوي اشياء جديده في البيت .. اقترحي عليه انكم تطلعون مع بعض .. جربي اطبخي مثلاًً

قلت : بس انا اطبخ

قالت : لا اطبخي له شي يحبه .. سولفي له عن دراستك للطب .. لان الطب شي جديد عليه .. بيجلس يسمع لك .. اسأليه عن احواله في الشغل

قلت : من اساله عن شي يقول لي الحمد الله

قالت : ولو .. حسسيه انك مهتمه فيه

حطيت يدي على يدها وقلت : ان شاء الله .. ومشكوره على كل شي ســ......

قاطعتني وقالت : لا تشكريني على شي .. الاخت مالها الا اختها .. صح ولا انا غلطانه

قلت لها : لا مو غلطانه

قالت : يللا نطلع سوا .....

.
.

رجعت البيت وطبخت الغدا .. جهزت كل شي وسويت لمحمد اشياء يحبها

على الساعه 3 تقريباً وصل

فتح الباب .. وسلم .. رديت السلام وقلت له : كيف حال الشغل اليوم

قال : الحمد الله

ودخل الغرفه يبدل .. سمعته يناديني .. رحت على طول وقلت : هلا حبيبي امر

قال : الغدا جاهز ؟

قلت : ايه جاهز

طلعنا مع بعض .. وجلسنا على الطاوله نتغدا .. خلص وقال : الحمد الله

قلت : اعجبك ؟

قال : ايه

ضايقني بروده .. وانقهرت اني لازم اسولف معه ولا هو مايسولف .. قلت له : محمد مايصير كذا

وقف عند باب الغرفه وقال : وش اللي مايصير ؟

قلت : من اول ماتغدينا للحين ماقلت لي ولا كلمه

قال : وش تبيني اقولك يعني

قلت بضيق : أي شي

قال : الريم .. انتي تبيني طول الوقت اقولك ياحياتي احبك واموت فيك .. وانا رجال مشغول ماعندي وقت لهالسوالف والخرابيط

قلت : لا انا ماقلت

قال : خلاص اجل .. انا تعبان بدخل انام

دخل الغرفه وقفل الباب بقوه
ارتجف جسمي مع تقفيلة الباب
رحت لعند الطاوله وشلت الصحون ودموعي تطيح على خدي

..................................................
__________________



_________________
بيت مشعل .. الساعه : 1:30 مساءً
__________________

** حنان **

كنت جالسه مع رغد على الدرجه .. احاول اقنعها تجي بصفي ضد رهف لكنها ماطاعت .. موراضيه ابد .. غسلت مخها رهف

من شفت رهف تنزل من الدرج .. تذكرت كل الكلام اللي قاله لي نايف .. هذي الشينه اللي يحبها نايف .. وش فيها زود عني .. والله لو كانت وحده ثانيه ارحم لي .. كل شي تبيه تاخذه .. ايه تتلصق فيه 24 ساعه وشلون ماتبيه يحبها .. صدق ماعندها كرامه

وقفت وقلت : والله انك مصدقه نفسك اميرة هالبيت .. نازله من الدرج تتمخطرين

لفت راسها تناظر وراها بعدين لفت علي وقالت : تكلميني ؟

قلت : ايه .. مع اني مااتشرف اكلم وحده مثلك

قالت : هيه انتي انهبلتي ؟

قالت رغد : حنان اسكتي خلاص

لفيت عليها وقلت : رغد ما ابيك تتكلمين

ولفيت عليها مره ثانيه وقلت : ايه انهبلت .. وشلون ما انهبل وانا اشوفك.. عايشه حياة ماتناسبك .. انتي جايه من بيت فقر .. وشلون قدرتي تلفين راس مشعل عليك .. مو منك منه هو اللي ماعرف يختار .. ودخل بيوتنا وحده مثلك

قالت : ما اسمح لك تكلميني بهالطريقه في بيتي

قلت : وش بتسويين يعني

قالت : اقدر اطردك في أي وقت

قلت : والله حبيبتي انا مرغوبه في هالبيت اكثر منك .. ولا صار البيت بيتك تعالي تكلمي

ابتسمت بسخريه وقالت : بيت زوجي يعني بيتي

تسندت على السور وقلت لها : لا يا الحقيره ياللي ماشفتي خير .. هذا بيت نايف مو بيت زوجك

تسندت مثلي وقالت وهي ترمش بعيونها : واقدر اخلي نايف يكتب البيت بأسمي الحين لو بغيت

اول ما سمعت عبارتها هذي .. تجمع الدم كله في راسي .. من العصبيه ما مسكت نفسي .. رحت وسحبتها بقوه من يدها وقلت : ايه لفيتي على الكبير يوم ماعجبك لفيتي على الصغير

حاولت تسحب يدها من يدي وقالت : ما يخصك انتي

قلت : نايف يحبني وانا احبه .. وانتي اللي خربتي بينا

وانا اقول كلامي كنت اهزها من يدها وهي تحاول تفك يدي .. قالت لي كلمه خلتني افقد السيطره على نفسي .. قالت : مو ذنبي اذا نايف حبني

دفيتها بقوه من الدرج .. اللي كنت اسمعه صراخ رغد .. واللي كنت اشوفه رهف واهي طايحها على الارض بجنب اخر درجه .. والدم ينزف من راسها

^*^
/
\
/
\
/
\
/
\
/
^*^

***** نهاية الجزء السابع و العشرون ******

[@ همس الغلا @]

...:::][ الجزء الثامن والعشرون ][:::...


___________________
بيت مشعل .. الساعه : 1:30 مساءً
___________________

** حنــان **

نزلت اركض مع الدرج ورحت لعندها .. هزيتها وقلت : رهـف رهــف

طلعت ام مشعل من المجلس .. وجات تركض وهي تصارخ : وش فيها رهف .. رهف بنتي قومي .. قومي رهف

نزلت نجود والهنوف من فوق .. وتجمعوا عليها كلهم مع الخدم

جلست اصرخ واقول : مدري مدري انا كنت مع رغد برا .. وجينا شفناها كذا

قالت ام مشعل : خلونا نوديها المستشفى

قالت نجود ووجها احمر من كثر البكي : مافيه رجال في البيت مشعل ونايف وفيصل كلهم في البحر

حملوها عشان ياخذوها للسياره .. كلهم راحوا .. مسكت رغد وقلت لها بهمس وكنت متوتره مره : انتي ماتدرين عن شي .. ماشفتي شي .. زين

هزت راسها .. وراحت تركض عشان تروح معهم المستشفى

سندت نفسي على الدرج وانا ضامه يديني بخوف .. ياربي ليه سويت كذا .. الحين اذا عرف نايف مستحيل يتزوجني لو وش ماصار

ان شاء الله تموت عشان مايدري احد .. ان شاء الله .. ان شاء الله

.................................................. ......

** نجود **

كنت سانده نفسي على الجدار .. ادعي لها وابكي .. مو بس انا اللي ابكي كلنا ننتظر عند الغرفه اللي دخلوها فيها وحنا نبكي

و معنا زوج عمتي وولده سلطان

جاتني الهنوف وقالت : خلاص لا تبكين نجود بتصير بخير

هزيت راسي وانا ساكته .. قالت لي : دقيتي على مشعل

قلت لها : ايه مايرد

قالت بصوت عالي : ونايف وفيصل

قلت بقهر : مايردون بعد


بعد ساعه من الانتظار .. طلع الدكتور من الغرفه

وقفنا كلنا والتمينا حوله .. نساله عن رهف .. قال : هدوء ياجماعه
المدام حالتها خطيره .. بننقلها الى غرفه ثانيه


من قال كذا وقلبي يدق بقوه .. اخاف نفقد رهف في أي لحظه


..................................


__________________
شقة محمد .. الساعه :2:30 مساءً
__________________

** الريم **

كنت جالسه انظف المطبخ .. سمعت صوت محمد وهو يقول لي بصوت عالي : الريم البسي عبايتك

قلت له : وين بنروح ؟

جاني المطبخ وملامح وجهه ماتبشر بالخير .. قال لي : يللا بسرعه رهف طاحت من الدرج وحالتها خطيره .. باخذ امي وبنروح المستشفى

رحت بسرعه اخذت عبايتي وطلعت مع محمد وقلبي يدق بقوه من الخوف

طول ماكنت في السياره جالسه ابكي .. قال لي محمد : اقري لها شي بدل هالبكي .. ماراح تفيدينها ولا تفيدين نفسك

.
.

نزلنا من السياره ودخلنا ندورعليهم في المستشفى .. اول ماشفناهم رحت لنجود .. وقلت لها : وش صار على رهف

قالت لي وهي تبكي : ان شاء الله بتصير بخير

قلت لها : وين زوجها

قالت لي : في البحر .. مايردون علينا

وقف محمد مع اللي ينسب لهم ..و ام مشعل جالسه على كرسي وتقرا قرآن راحت ام محمد جلست بجنبها وهي تقرا قرآن وتبكي بصمت .. مسكت نجود ورحت جلست معهم بجنب ام مشعل

قلت لنجود : من جا معكم

قالت : الهنوف وحنان ورغد .. وشجن وزوجها جو قبل شوي .. ريوم لا تبكين بتصير بخير

قلت وانا امسح دموعي : ان شاء الله

بعد وقت طويل .. جا الدكتور .. وقفنا كلنا .. اشر لنا محمد عشان نسكت

وقال : هاه يادكتور بشر

قال : المدام بخير

الحمد الله يارب الحمد الله يارب .. مامدانا نبتسم الا وقال لنا : بس للأسف ماقدرنا ننقذ الجنين
اللي في بطنها

حطيت يدي على فمي وهزيت راسي بعدم تصديق .. باقي على ولادتها اقل من 4 اشهر حرام يموت

سمعت صوت ام محمد وهي تقول : لا حول ولا قوة الا بالله .. الحين نقدر ندخل نشوفها

قال الدكتور : هي تعبانه مره .. وتحت تأثير المخدر .. زوجها فين ؟

قالت له ام مشعل : بعدين بيجي

قالت ام محمد : دخلني انا امها

قال الدكتور : تفضلي معايا

مسكت يد ام محمد ومشيت معها

قال الدكتور : لا وحده اللي تخش

قالت ام محمد : خليها هذي اختها

وطبعاً الدكتور ما بيقدر على ام محمد

اول مادخلنا شفتها .. كانت ضعيفه وتحت عيونها سواد مبين عليها التعب

راحت امها لها .. وحضنتها وباست راسها

رحت ومسكت يدها واحاول قد ما اقدر ما ابكي .. لان امها تأشر لي لا تبكين

فتحت عيونها رهف شوي شوي .. ابتسمت وقلت : الحمد الله على السلامه يا الغاليه

حركت راسها بصعوبه وقالت بصوت خفيف لانها ماكنت تقدر تتكلم : يمه .. مات ولدي

قالت ام محمد : اهم شي انتي يابنتي .. بتجيبين غيره 10

قالت رهف والدموع تطيح من عيونها الى المخده : بس انا ابيه .. جيبوه لي الحين .. الملابس اللي في البيت من اللي يلبسها .. ما ابي غيره .. ابيه هو .. ’’ بصوت عالي ’’ مــــــــــابيـــــــه يـــــــــمــــــــــوت

طلعت من الغرفه على طول .. لاني بنهار ان جلست اكثر .. شافوني ام مشعل ونجود وانا طالعه كذا .. دخلو لها الغرفه على طول وهم خايفين


.............................................

___________________
البحر .. الساعه :5:30 مساءً
___________________

** مشعل **

ماكنت مصدق اتصال نجود .. مو مصدق الكلام .. مستحيل اصدق حرف من اللي قالته .. ولدي مات ؟؟ الولد اللي كنت احلم فيه مات .. الولد اللي حبيته قبل مايجي .. ولدي هذا كان بيكون مصدر سعاده بالنسبه لي .. وكيف لا وهو اللي خلاني احب رهف .. كان بيحمل اسمي كنت بسميه على اسم ابوي .. لالا مــــــــــامــــــــــــــات.. ورهف ؟ رهف كيف حالها .. لازم اكلمها .. لازم اشوفها .. ابي اروح المستشفى

اول ماوقفت من مكاني .. قال لي نايف بملل : وين بتروح

قلت بضيق : برجع

قال نايف : وشلون ترجع والمركب تعطل .. مايشتغل

قلت بأنفعال : مايخصني برجع الحين

قال بخوف : وش قالت لك نجود

قلت : ماقالت لي شي .. ابي ارجع

قال فيصل : العطل بسيط بصلحه بسرعه مابياخذ ساعه

فتحت عيوني وقلت : ساعه ؟ مستحيل اجلس هنا اكثر من كذا
وين المركب اللي فيه بندر واخوياه

قال نايف : هذا هو قريب

قلت : اجل خلونا نرجع معهم

قال : مايكفي

قال فيصل : ههههههههه لو يكفي كان رحنا معهم من زمان

دقيت على بندر خليته يجي لنا

يوم جا قلت لها : بندر بروح معكم

قال بندر : اووه .. قلت لكم مايكفي ماتفهمون انتم

قلت له : طيب انزل انت وخليني انا ارجع معهم

قال بندر : ياسلام

قال نايف : خلاص بندر تعال معنا انت .. ترا ساعه وبنمشي .. وحالة الغثيان عند مشعل كل مالها وتزيد

قال بندر : يللا

تبدلنا انا وبندر .. ورحت مع اخوياه دقيت على نجود

ردت علي : الووو

قلت : جودي .. عطيني رهف

قالت : تعبانه ماتقدر تكلمك

قلت : حطي السماعه في اذنها وانا بتكلم

شوي وسمعت صوت رهف تقول : مشعل ولدنا مات

صوتها قطع قلبي حتى اني حسيت بالدموع تتجمع في عيوني .. ثاني مره في حياتي احس اني خسرت شي احبه وابيه من كل قلبي

قلت لها بحنان : رهوفه حبيبتي .. اهم شي انتي باقيه

قالت : بســ...

قلت : لا بس ولا شي .. رهـف ولدنا اللي راح .. بيجي غيره صدقيني

قالت بصوت متكسر : بس انت ورغد حبيتوني من هالولد

قلت : اهم شي انــا احبك .. سواء كان الولد موجود اولا .. ورغد نفس الشيء
.. صدقيني
بنجيب غيره وغيره وغيره .. الكل بيحسدنا على العائله اللي بنكونها بعدين

سمعت صوتها تبكي بمراره .. قلت : رهف اذا انا غالي على قلبك ماراح تبكين

قالت : متى بتجي

قلت لها : اقل من ربع ساعه وانا عندك

قالت : طيب يا الغالي لا تتأخر .. انا انتظرك .. محتاجتك

قلت : اكيد حبيبتي ماراح اتأخر .. بس انتي لا تبكين .. مع السلامه

قالت : الله معك

قفلت من عندها .. وغمضت عيوني وبكيت من كل قلبي
.. عشان فقدت ولدي وعشان صوت رهـف اللي عور قلبي اكثر من ماهو متعور

........................................
__________________
\\



__________________
المستشفى .. الساعه :6:00 مساءً
__________________

** الهـنوف **

اخر وحده دخلت الغرفه انا .. لاني ماكنت ابي ادخل بدموعي .. كل شوي تطلع لي نجود وتقول لي .. رهف تسأل عنك .. وانا اقول لها شوي وبدخل

بس تأخيري جاب نتيجه لاني دخلت لها بوجه مبتسم .. وقلت لها : الحمد الله على السلامه

قالت لي بدون ماتبتسم : الله يسلمك

رحت جلست بجنبها وقلت : رغد واقفه عند الباب .. مو راضيه تدخل مادري ليه

قالت رهف بصوت عالي : رغـــــــــــد .. رغـــــــــــــد

دخلت رغد ووقفت عند الباب وهي مغطيه وجهها .. قالت رهف : رغوده حبيبتي تعالي هنا ابيك

جات رغد لرهف وجلست على السرير

دخلت رهف شعر رغد ورا اذنها وقالت وهي تمسح على شعرها : ليه تبكين حبيبتي

رغد منزله راسها وماردت عليها

حضنتها رهف وقالت لها : لا تبكين ياقلبي

قمت انا ورحت عند الدريشه .. كتبت لفارس مسج


^*^
/
\
/
\
/
^*^

فارس اسفه لاني مارديت عليك

بس انا في المستشفى

رهف طاحت من الدرج وهي حامل .. ومات الولد اللي في بطنها

وحالتها صعبه الحين

^*^
/
\
/
\
/
^*^

رد علي بسرعه

^*^
/
\
/
\
/
^*^
لا حول ولا قوة الا بالله

الله يعينها

حبيبتي اذا رجعتي البيت

اكتبيلي مسج .. طيب

^*^
/
\
/
\
/
^*^

قفلت الجوال وحطيته في شنطتي


........................................


________________
بيت مشعل .. الساعه : 8:00 مساءً
________________

** نايـف **

رجعت البيت .. وجسمي مكسر .. لو ادري ان المركب بيتعطل ماكنت رحت البحر

البيت فاضي وهدوء .. دخلت المطبخ شربت مويه وطلعت

شفت الشغاله تنظف الصاله .. قلت لها : وين نجود ؟

قالت : في مستشفى

قلت بخوف : ليه ؟

قالت : رهف طيح من درج ومدام نجود روح معاها

تركتها وطلعت من البيت بسرعه .. دقيت على مشعل مارد علي .. دقيت على نجود بعد ماردت علي

ركبت السياره وحركتها على طول .. شوي ودقت علي نجود

رديت عليها وقلت : الووو .. وش صار فيها رهف

قالت : هي ماصار فيها شي .. بس ولدها مات

قلت : لاااا حرام.. لاحول ولا قوة الا بالله .. لا حول ولا قوة الا بالله .. في أي مستشفى انتم

قالت : ليه ماقال لك مشعل

قلت : لا بسرعه قولي

.
.

وصلت المستشفى ونزلت وانا اركض .. كل دقيقه ادف احد واتأسف .. وصلت لهم ودقيت باب الغرفه اللي فيها رهـف وقلت : يالله .. ادخل

سمعت صوت ام مشعل تقول : لحظه .. رهـف تحجبي نايف بيدخل

دخلت .. وكانوا كلهم متجمعين ..بس عيوني كانت عليها وشكلها خلى كل شي في جسمي يرجف .. ماكنت ابي اشوف قلبي رهف كذا .. قلت : الحمد الله على سلامتك رهـف

قالت بهدوء : الله يسلمك

قالت ام مشعل : دق على مشعل شوفه متى بيجي

قلت متفاجأ : مشعل ما جا

قالت ام مشعل : لا

من قالت لا جوالي دق

الرقم غريب ؟

رديت وقلت : الو نعم

قال : الاخ نايــف عبد العزيز

قلت : أيــه معك نايف

قال : مشعل وش يقرب لك

قلت : اخوي

قال : عظم الله اجرك اخوي .. مشعل عطاك عمره

قلت له بصوت عالي : مـــــــشـــعــــــــــل مــــــــــــات

صرخت رهف بصوت عالي : لاااااااااا

قفلت الجوال في وجهه .. وطلعت من الغرفه بعدم تصديق
جلست على الارض وحطيت يدي على راسي
كانت الدموع مغرقه عيوني
فما قدرت امنع نزولها على خدي

.......................................




** رهــف **

قمت من السرير ابي الحق نايف .. واتأكد من اللي سمعته .. بس طحت على الارض لان مافيني قوه .. كنت اسمع صراخ ام مشعل ونجود حولي .. وامي تهديني صرخت بصوت عالي : مشعل ما مات .. هو قال لي انه بيجي ... آآه يــمـه قومي شوفي نايف

هزيتها بقوه وانا ابكي بصوت عالي مثل الجنونه : قومي شوفيه .. اكيد يكذبون عليه .. كذابين كذابين

مسكتني نجود وهي تبكي وقالت لي بصراخ : رهف ارجعي على السرير

شلت يدي من يدها وقلت : اتركيني لحد يلمسني .. ابي اشوف مشعل .. ابي ولدي .. ما ابي اجلس هنا .. ما ابي

اللي خلاني اسكت .. صراخ الهنوف : ام مشـــعل قومــــي رغـــــــد اغـــــمــــى عليهــــا


^*^
/
\
/
\
/
\
/
\
/
^*^



**** نهاية الجزء الثامن والعشرون ****

احداث كثيره راح تصير في الاجزاء القادمه
وراح تغير حياة كل بطل من ابطال قصتنا

انتظرونــــي .. صاحبة الكلمه

[@ همس الغلا @]

...:::][ الجزء التاسع والعشرون ][:::...

™¤§°§¤ ماقبل الاخير ¤§°§¤™



____________________
بيت مشعل .. الساعه : 2:00 مساءً
____________________

** رهـف **

كانت رغد نايمه على السرير .. وانا جالسه على الكرسي بجنبها .. امسح على راسها بيد .. وامسح دموعي بيدي الثانيه

وام مشعل ونجود والباقي مدري عنهم .. اللي اعرفه ان مشعل غرق في البحر مع اللي كان معهم .. وما قدروا ينقذون حياة الا اثنين من اللي كانوا معه .. والباقي كلهم ماتوا ومشعل معاهم .. ليه يامشعل مابقيت مع نايف .. ليـه .. ما اصدق انك مت .. مااصـــــدق .. وشلون تخليني لالا وشلون تخلي رغد بنتك اللي تحبها وحيده .. قلبي يعورني من الحسره والالم .. صحيح ماتعرف قيمة الشي الا اذا فقدته .. انا كنت ابكي على الولد اللي اذا راح بيجي عشره غيره .. الحين مات ابوه .. وش بقى لي انا


فتحت رغد عيونها .. وناظرت في المكان بتمعن قامت .. وجلست تبكي وتصرخ تنادي مشعل .. مسكتها ابي اجلسها .. بس ماقدرت عليها .. مسكت طرف الثوب حقها وقلت وصوتي رايح من البكي : رغــد ارجعي مكانك الله يخليك

بس كانت اقوا مني .. سحبت نفسها بقوه وطلعت تركض في المستشفى .. حاولت اركض وراها بس ماقدرت .. حطيت يدي على الجدار وسندت نفسي بتعب .. ودموعي ماوقفت ولا دقيقه

شفت محمد جاي يركض لجهتي .. مسكني وسندني عليه .. قال لي : رهف انتي تعبانه ارجعي الغرفه

قلت : ورغد اخليها لحالها

قال : وين راحت ؟

قلت : مدري روح شوفها .. مدري عن احد

تركني وراح يركض

.
.
.

مرت ايام العزا اللي حملت بين ثناياها حزن وهم وحسره والم كبير .. اللي فقدوا مشعل كثار .. انا فقدت زوجي .. ام مشعل فقدت ولدها الوحيد .. نايف ونجود فقدوا اخوهم الكبير .. رغد فقدت ابوها بعد مافقدت امها

الكل بكى على مشعل بحسره

كنت جالسه على سرير غرفتنا انا ومشعل اتأمل الغرفه .. كان كل ركن فيها يفتقد مشعل

صحيح حياتي مع مشعل مافيها لحظات حلوه الا قليل بس .. " هزيت راسي قمت من السرير" .. وفتحت الدولاب .. الم اغراضي عشان برجع بيت اهلي .. كان مشعل الله يرحمه دوم يقول لي مابتطلعين من هالبيت .. انا الحين اطلع من البيت غصب عني

جمعت كل اغراضي وحطيتهم بالشنطه .. شفت اغراض ولدنا انا ومشعل .. مسكت قطعه منهم وضميتها .. بس رجعتها على طول .. بخليهم هنا لاني ماراح احتاجهم .. بجيب لنفسي الالم .. وبجدد الحزن بقلبي اذا ظليت اشوفهم في كل وقت .. عدلت نفسي ومسحت دموعي .. اخذت المشط بمشط شعري .. وغمضت عيوني

.
.


قال لي مشعل : ليه لابسه من الحين

قلت له : بس

قال لي : طيب جيبي المشط بمشط شعرك

ناظرته ورفعت حاجب : لا والله

قال لي : يللا عاد .. ترا انا كنت بصير حلاق

خفت وقلت : لا يكون بتحلق شعري

اخذ المشط من عندي.. وقال لي : اما عاد .. جيبي بس .. الحين اوريك .. بعدين بتجيني كل يوم .. بتقولين لي .. مش مش .. مشط شعري

جلست اضحك وقلت : بنشوف

مشط شعري وانا اقول له .. عورتني .. لا تشد شعري بقوه .. خلك رقيق .. اي قطعت شعري .. خل يدك خفيفه

ترك شعري :لحظه بروح وبجي

طلع ورجع

قلت له : وين رحت

طنشني ومشط شعري

قال : ترا ترا .. خلصت .. شوفي نفسك في المرايا

لفيت شفت نفسي في المرايا .. شهقت بقوه .. وقلت : مــشــــعـــل .. مسوي لي جدايل

قال لي : شكلك كذا حلو ههههههههههههههههههه.. روحي المدرسه كذا

قلت له : من جدك انت .. تذكرت شكلي يوم كنت بالروضه ههههههههههههههه.. لا واحط لي وردتين من تحت

.
.
.

حطيت المشط على التسريحه .. اخذت للغرفه نظره سريعه وطلعت .. مشيت شوي وشفت نايف جالس على الدرج وساند راسه على السور

اول مره اشوف نايف من بعد ماقال لنا عن موت مشعل .. او يمكن شفته بس ماحطيت بالي

قلت بصوت خفيف : عظم الله احــم

حسيت ان صوتي رايح .. فعدت كلامي : عظم الله اجرك نــا يــف

قال بدون مايلف علي او يغير وضعيته : اجرنا واجرك .. خلاص بتروحين

قلت : أيــــه .. ليه اجلس ماعندي شيــ...

بكيت بصمت عشان مايسمعني نايف

لف علي ناظرني شوي .. بعدي رجع لوضعيته الاوليه

قلت : مع السلامه

نزلت اركض من الدرج .. وقلت للخدمه تجيب شنطتي

شفت رغد جالسه فوق الكنبه وضامه رجلينها مع بعض

رحت لها وبست راسها

رفعت راسها وكانت عيونها حمر من البكي .. قالت لي : بتروحين ؟

هزيت راسي .. مسكت يدي وقالت : لا تروحي وتخليني لحالي

ضميتها و قلت لها : بجي لك كل يوم .. وانتي خلي نايف يجيبك بيتنا .. يللا حبيبتي انتبهي لنفسك

ودعت الكل و طلعت لقيت اخوي يـوسـف ينتظرني في السياره


.................................................. .



__________________
بيت ابو يوسف .. الساعه :4:00 مساءً
__________________

** الريم **

كنت جالسه مع رهـف في بيتهم .. صرت اروح لها كثير من رجعت بيت اهلها .. موت مشعل الله يرحمه صار له شهرين .. صحيح هي تضحك معي وكذا .. بس احس الحزن للحين بعيونها

قالت لي : ريوم كيف دراسة الطب .. صعبه مره

قلت لها : مره مره مره .. اشوا انك مادرستيها

ضربت يدي وقالت : لا انتي تقولين كذا عشان ماتحسريني

قلت : لا اكلمك جد .. بس تجنن الدراسه

فتحت ام محمد الباب وقالت : رهوفه رغد تبيك برا

وقفت رهف وقالت لي : لحظه ريوم

راحت وبعد ربع ساعه رجعت وهي ماسكه يد رغد

اول ماجلسوا قالت رهف : رغوده غريبه واقفه عند الباب .. العاده تدخلين على طول

قالت رغد : بقولك سر

قلت لها : قولي

قالت : هذا نايف قال لي لا تدخلين خليها تجي عند الباب بسلم عليها

هزت رهف راسها وقالت : المهم كيف حالهم ام مشعل ونجود .. وحشوني مره

.
.
.

من صارت الساعه 5 .. استأذنت وطلعت .. لان صديقتي اسرار قالت بتمرني وبروح معاها محل الهدايا .. بشتري لمحمد هديه عشان عيد زواجنا

مرتني ورحت معاها .. وجلسنا ساعه في المحل نختار هديه

قلت لها : وش رايك بهذا الصندوق فيه داخل ورد مجفف وحركات

قالت : ليه ماتاخذين له ساعه وخاتم

قلت : اخذت له في عيد ميلاده كذا

قالت : اجل خلاص خذي الصندوق .. وش رايك تاخذين له بعد ورده حمره

قلت : ايه راح اخذ

اخذت اسرار ورقه ملمسها حلو وسميكه .. وقالت لي : ليه ماتخاذين هالورقه وتكتبين فيها اغنيه رومنسيه

قلت لها : خلاص اختاري ورقه وانا بختار صندوق حلو

.
.
.

دخلت معاها شقتي اللي كانت نظيفه ومرتبه .. لاني ما احب اخليها غير كذا

جلسنا في المجلس

فتحت جوالها وقالت لي : في رساله في جوالي تجنن .. ليـه ماتكتبينها في الورقه

قلت : يللا اكتبيها

قالت : يا الذكيه اكتبيها بخطك

قلت : يللا هاتي

اخذت القلم وتمليت الكلمات .. يوم خلصنا .. اخذت اسرار الورقه ولفتها في الورده

قالت لي : قومي بسرعه جيبي شريط لاصق

قمت ورحت غرفتنا بسرعه .. وجبت لها شريط لاصق

طلع شكل الورده والهديه مره يهبـلون

قالت لي اسرار : يللا ريومه انا الحين لازم امشي

قلت لها : لا خليك معي بعد شوي

قالت : لا ما اقدر

دقت على اخوها وخلته يجي لها

وفي الليل جهزت العشا .. ولبست فستان احمر قصير مع شريط احمر على راسي .. وحطيت مكياج بنفس لون الثوب .. جا محمد.. وفتح الباب .. اول مادخل قلت له : مساء الخير

قال وهو يناظر فيني وفي العشا اللي على الطاوله .. مساء النور

قلت له : كل عام وانت الحب

قال : هــاه .. وش السالفه ؟

مديت له الهديه وقلت .. ان شاء الله تعجبك .. قال متفاجأ : تسلمين

قلت : محمد اليوم عيد زواجنا

قال وكانه استوعب : اهــــــــــــا .. صح اليوم تزوجنا

كنت اليوم ما ابي لا زعل ولا هواش .. عشان كذا مازعلت على محمد انه نسى عيد زواجنا .. مع اني متضايقه في داخلي

قلت له : افتح الورقه اللي على الورده

قتحها وجلس يقرا الكلام .. بعدين قال بطريقه مافهمتها : أأ أيـه تسلمين


............................................


____________________
بيت العمه .. الساعه : 9:00 مساءً
____________________

** نـجـود **

’’ هنوفه متى بيجي فيصل .. باقي نص ساعه ويجي نايف ’’

قالت لي : مدري بس هو المفروض الحين في البيت

قلت لها : لحوول ترا ان ماكلمته اليوم .. ماراح اكلمه يوم ثاني .. وبقلعته

قالت : قولي قسم انتي بس .. ليه رغوده ماجات معكم

قلت : راحت لرهف

قالت : صارت كل يوم تقريباً تروح لرهف

قلت : ايه تحبها

نطت الهنوف علي وقالت : بس بس جا فيصل .. تسمعين صوته

وقفت وقلت : ايه ايه

قالت : اجلسي بس .. بناديه

قلت : بتجيبينه يجلس معنا هنا .. بغرفتك

قالت : عادي وش فيها هو بيوقف عند الباب .. لحظه

سمعتها تقول : فيـــصل .. تعال هنا نجود تبي تكلمك

ما اتفقنا على كذا.. انا اوريك هنوفوه .. فشلتيني

دخل وهو يتحمحم .. وقال : هاه نجود امري

قلت بسرعه : لا بس ابي اسأل عن اخبارك

قالت الهنوف : بلا نصب انتي تبي تكلمينه عن اللي صار في المزرعه

بلعت ريقي وقلت : أي مزرعه ؟

وقالت الهنوف كل اللي قلته لها .. بعد ماخلصت قال فيصل ببرود : كم رقمه ؟

قلت : ما اعرفه .. هو يدق من تلفون البيت

قال بنفس البرود : وماتدرين من هو

قلت : لا

هز راسه وقال : يللا عن اذنكم

طلع من الغرفه وخلاني بقمة قهري قلت : شفتي هنوفوه وش سوا .. حتى لو ماكان مصدق كلامنا .. على الاقل قدر ان نجود بنت عبد العزيز تنزلت وجات تكلمك

قالت الهنوف : مدري وش اقول لك .. خلاص اللي عليك سويتيه

وقفت وقلت بقهر .. وانا شوي وابكي : خلينا ننزل تحت معاهم .. فيصل ضيق خلقي

.........................................

[@ همس الغلا @]

** حنان **

كنت جالسه مع امي وام مشعل في المجلس .. اصب لأم مشعل القهوه واذا خلص اقول لها تبين بعد خالتي .. وامد لها صحن التمر .. عشان تقول عني بنت سنعه

شوي ونزلوا نجود والهنوف وجلسوا معنا

قالت ام مشعل : الهنوف كل ماكبرت صارت احلى .. ماشاء الله

الحين انا يا العجيز المكسره جالسه معك طول الوقت مامدحتيني .. وهالقرده تو جايه على طول مدحتيها ؟؟

كملت كلامها وقالت بهمس : تصدقين يا ام فيصل .. انا نفسي في الهنوف لنايف من زمان

انصدمت بصراحه .. ومت من القهر على كلامها هذا .. واللي موتني قهر اكثر الهنوف اللي استحت .. مصدقه عمرها تتزوج نايف هذي


؛×المشتاقه ؛× يتصل بك

~~)(~~انت بحري وانا اليم يقولون اللي يقولون انا بحبك متيم
خلي الحساد يموتون انت في قلبي غالي لو عنك يسالون ~~)(~~

عطيته مشغول وقفلت الجوال .. هذا وقته احمد يدق علي

طلعت من المجلس ولبست عبايتي .. ورحت برا انتظر نايف .. بيتزوجني يعني بيتزوجني .. فوضه هي يعلقني كذا .. يا يتزوجني يا يقول ما ابيك

بس ربع ساعه سمعت صوت احد يطق الباب .. رحت بسرعه وفتحته

من شفت نايف ابتسمت .. قال : السلام عليكم

قلت بدلع زايد : وعليكم السلام .. شخبارك نايف

قال : بخير وانتي

ناظرت الارض وقلت : نايف حالتي ماتسر لا عدو ولا صديق

لف يناظر الجهه الثانيه بعدين قال بملل : ليه

قلت : انا احبك وانت مو معبرني

قال : اظن ماله داعي اجرحك واعيد كلامي

قلت وانا عاقده حواجبي بحزن : وش عاجبك في رهـف

قال وكل حرف لحالها : أ ح ب هـ ـا

غمضت عيوني وقلت : انت ماتدري شكثر جالس تقطع قلبي

قال : طيب ادخلي داخل مو حلوه يجي فيصل ويشوفك واقفه معي .. اذا انتي ترضيها لنفسك .. انا ما ارضاها لنفسي

قلت : انا قابله فيك حتى لو ماتحبني

حط يده على فمه .. وانا ادري انه جالس يضحك

قال : قابله فيني ؟ فهميني كيف

وهو يقول كلامه هذا كان يحوس في جواله

قلت : قابله فيك يعني ....

اشر لي عشان اسكت وقال : هلا خالتي اطلعوا تراني برا .. مايخالف مره ثانيه ادخل واسلم مستعجل .. اوكي .. يللا

قفل وقال بعدم اهتمام : أيـه وش كنتي تقولين

لفيت وكنت بمشي .. قال : حنان انا اسف بس هذا اسلوبي وما اقدر اغيره

قلت : اسلوبك انك تكون قاسي وجاف مع البنت اللي تحبك

ورحت اركض داخل


........................................




** الهـنـوف **

بعد ماطلعوا بيت خالي .. رحت غرفتي وانسدحت على السرير .. كتبت لفارس مسج

^*^
/
\
/
\
/
^*^

وينك ؟
نايم ؟

^*^
/
\
/
\
/
^*^

جاني مسج منه

^*^
/
\
/
\
/
^*^

لا ياقلبي صاحي
اسمع اغنية خليك ليـا
حقة نوال الزغبي

^*^
/
\
/
\
/
^*^

كتبت له

^*^
/
\
/
\
/
^*^

خليك ليا ؟
ما اعرفها

^*^
/
\
/
\
/
^*^

كتب لي

^*^
/
\
/
\
/
^*^
تبين تسمعينها .. ثواني

^*^
/
\
/
\
/
^*^

كتبت له
^*^
/
\
/
\
/
^*^

اسمعها ؟ وين وكيف

^*^
/
\
/
\
/
^*^

ما كتب لي شي .. وبعد ربع ساعه .. كتب لي

^*^
/
\
/
\
/
^*^

افتحي الدريشه

^*^
/
\
/
\
/
^*^

اكيد خرف فارس .. وش بيسوي هالمجنون .. رحت فتحت الدريشه

شفت سيارة فارس تدور على بيتنا .. ورافع الصوت اعلى شي

.
.

خلــيك ليا مشغول بيا نسيني كل حياتي معاك ياحبيبي نسيني
خليك جنبي خذ روحوي خذ قلبي
ياحبيبي لحظه شوق في هواك في الدنيا وسنيني

.
.

كتبت له بسرعه

^*^
/
\
/
\
/
^*^

فارس مجنون انت .. روح بسرعه قبل مايكسرون سيارتك الجيران


^*^
/
\
/
\
/
^*^

كتب لي

^*^
/
\
/
\
/
^*^

ايه مجنون بحبك ياقلبي

طيب الحين بروح .. بس وش رايك فيها

تراها اهداء مني لك

^*^
/
\
/
\
/
^*^

كتبت له

^*^
/
\
/
\
/
^*^

ياروحي وربي تجنن

فارس اعــشـقـــك

.................................................. .......



_________________
السياره .. الساعه : 1:30 مساءً
_________________

** نــا يـف **

كنت في السياره مع رغد .. بوديها بيت رهف تتغدا معهم .. احس اني صرت اهتم في رغد كثير .. انا اللي اوديها المدرسه واجيبها ما اخلي السواق يوديها .. واشتري لها العاب وهدايا .. مثل ماكان مشعل يشتري لها .. ما ابي احسسها بالنقص

ناظرت في التنوره اللي لابستها رغد .. كانت فوق الركب بكثير قصيره مره مره

وهي تجلس مع سعد .. مهما كان سعد ولد .. ماكنت ابي اقول لها لا تلبسين كذا قدامه وكأني اتأمر عليها

فقلت لها : تلعبين مع سعد كثير

قالت : ايه احب العب مع سعد

قلت لها : وش تلعبون

قالت : نلعب كوره ونرسم .. ويركبني فوق السيكل و..

قلت لها : وشلون تركبين السيكل وانتي لابسه تنوره ؟

ناظرت في التنوره وقالت : أيـــه صح نسيت .. يعني اليوم مابركب .. خساره

قلت لها : خلاص حبيبتي بكره لا تلبسين تنوره عشان تسوقين السيكل

قالت بأبتسامه : ايه ماراح البس

.
.
.

وصلنا بيت رهـف نزلنا وقبل ما نطق الباب

فتح سعد الباب .. وقال : جيتوا من زمان ننتظركم

قلت : بل عليك وش عرفك ان حنا جينا

قال : سمعت صوت السياره .. يللا ادخلي رغوده

قلت : رغد اذا دخلتي نادي على رهف ’’ ناظرت في سعد ’’ عشان بسلم عليها

قالت : ان شاء الله

ودخلت مع سعد .. انتظرت شوي .. وانا ادعي اني اشوفها .. ما ابي اكلمها من ورا الباب مثل المره اللي راحت

سمعت صوت الباب ينفتح اكثر لفيت وشفت رهف متحجبه .. زين دعائي مستجاب .. قلت بأبتسامه : السلام عليكم

قالت بخجل : وعليكم السلام

قلت : شخبارك يا الغاليه

قالت : بخير وانت

قلت : بخير بشوفت .. شوفتكم

قالت : دوم يارب

قلت : يدوم لك الخير .. هاه محتاجه شي تبين شي .. ترانا اهلك لا تنسين

قالت وهي تناظر الارض : لا الحمد الله

حطيت يدي في جيبي .. ومديت لها ورقه

قالت متفاجأه : وش هذا

قلت بتردد : هـ هـ هذي هديه مني ..... ومن نجود

’’ طبعاً الهديه مني بس ’’

عقدت حواجبها وقالت : هديـه وش الهديه

قلت : كتبت او يعني كتبنا المزرعه بأسمك .. لانك حبيتيها

اشرت لي بيدينها وقالت : لالا مستحيل اخذ مزرعتك نايف

قلت بجديه : وش فيها يعني .. وهي مو مزرعتي .. مزرعة ابوي الله يرحمه

لفت تناظر الجهه الثانيه وقالت : ما اقدر اخذها .. اسمح لي نايف

قلت : بتزعل نجود

قالت : والله ما اقدر اخذها .. لو ان الهديه بسيطه اخذتها لانكم غاليين على قلبي

قلت : والله حنا غالين ؟

يا الخبل حنا وين وانت وين .. قلت بسرعه : والله هذي الهديه بسيطه .. وانتي تستاهلين اكثر من كذا

سكتت شوي بعدين قالت : نايف معليه بس ما اقدر اطول معك عند الباب

قلت بمرح : خذيها ولا مابتحرك

قالت : نايف حلفت اني ما راح اخذها

قلت : صومي 3 ايام وخذيها

قالت : نــــا يـف

قلت : طيب خلاص ترديني .. مع السلامه

قالت : مو قصدي اردك بس صعبه اخذها .. وربي صعبه

حطيت الورقه بجيبي وقلت بأبتسامه : المهم ترا المزرعه صارت مزرعتك .. وانا بمشي خلي بالك من نفسك .. وبعدين بجي اخذ رغد اطلعي سلمي علي

شفت ملامحها تغيرت .. قلت : امزح خلاص .. حلى هي اسلم عليك كل دقيقه .. ابي اسألك قبل ما اروح

قالت : سم

قلت : سم الله عدوينك وكل من يمشي حواليك

قالت : انت تمشي حواليني ؟

وانتي تمشين داخل قلبي .. قلت : لا قصدي يمشي حواليك بنيه شينه

قالت : اهاا .. آآمين

قلت : تقول رغد انك بتجين بيتنا بكرا ؟

هزت راسها وقالت : ايه بجي وحشني البيت .. ’’ نزلت راسها ’’ بس اكيد ماله لون من بعد مشعل الله يرحمه

بحركه لا اراديه مديت يدي ورفعت راسها وقلت : لا رهف خلي راسك دوم مرفوع

يوم شفتها تناظرني شلت يدي وقلت : بكرا اذا جيتي بكلمك في موضوع

قالت : بخصوص وشو

قلت : بكرا اقول لك .. يللا مع السلامه

قالت : الله معك



.................................................. ....





____________________
شقة محمد .. الساعه : 3:00 مساءً
____________________

** الريـم **

كان محمد يرتب شنطته عشان بيسافر .. وانا كنت جالسه على السرير اشوفه والدمعه بعيونه

قلت له : الا وين بتسافر

قال وهو مشغول بترتيب الاغراض : مدري ماقالوا لنا

قلت : طيب كم يوم بتسافر

قال : مدري ماحددوا لنا

قلت : طيب ومن اللي بيسافر معك

قال : للحين مادريت

محمد مو راضي يجاوب على أي سؤال من اسألتي .. اول مره يسافر ويخليني عشان كذا كنت متضايقه

شوي وقال : يللا الريم البسي عبايتك وخذي اغراضك عشان بوديك بيت اهلك

وقفت وقلت : ليه توديني ؟

قال : لان بطول في السفر ومو حلوه اخليك في الشقه لحالك

قلت : مو تو تقول انهم ماحددوا لكم ؟

قال : ايه ماحددوا لنا بس انا ادري اني بطول

قلت : طيب باخذ معي شوية ملابس .. لان عندي ملابس واغراض في بيت اهلي

.
.
.

وصلنا لبيت اهلي .. لفيت وقلت له : محمد بشتاق لك

ابتسم وقال لي : خلي بالك من نفسك

قلت : من عيوني .. وانت بعد

هز راسه وقال : لا توصين

فتحت الباب ونزلت من السياره .. قفلت الباب وتحرك محمد وهو يناظر فيني

..............................................

___________________
بيت مشعل .. الساعه : 4:00 مساءً
___________________

** نجود **

كنت جالسه في الصاله مع ام مشعل ورغد كانت في بيت رهف .. جالسه اقرا كتاب وام مشعل تشوف التلفزيون

فتح نايف باب مجلس الرجال وطلع

جا لعندنا وناظرني وهو مبتسم وقال : كيف حالك نجود

قلت : تمام .. اول مره تشوفني ؟

قال : هاه .. لا

نزلت راسي قريت شوي في الكتاب .. بعدين رفعت راسي لقيت نايف يأشر لأم مشعل بيده مدري وش يقول .. يوم شافني اناظره وقف

قمت من مكاني ورحت المطبخ .. ولصقت اذني عند الباب ابي اعرف وش السالفه

سمعت نايف يقول لأم مشعل : اللي كانـوا بالمجلس زوج عمتي وفيصل

قالت ام مشعل : اهــا

قال نايف : جايين يخطبون نجود لفيصل

من سمعته يقول كذا .. حطيت يدي على فمي بعدم تصديق .. وابتسامتي كانت شاقه الوجه

الفرحه هذي مو بس لان فيصل خطبني لا .. ماخطبني الا لانه صدقنا انا والهنوف في الكلام اللي قلناه .. وهذا اهم شي

بس تضايقت يوم سمعت كلام ام مشعل .. قالت : بس نايف .. امم يعني ..ايه بس فيصل شوي هاه

قال نايف : كيف يعني شوي هااه

قالت : صحيح انه ولد عمتها .. بس نجود تستاهل واحد مستواه اعلى من فيصل .. يعني انا ما ابي نجود تاخذ واحد اقل منها مستوا .. ويمكن حتى لو نجود اخذت رايها .. مابتوافق

قال نايف : لا والله بتوافق .. ودام فيصل يبي نجود وشاريها .. بياخذها دام راسي يشم الهوا

رد نايف برد قلبي طلعت من المطبخ .. لاني ما ابي اسمع شي من بعد كلامه


..............................................
__________________




__________________
بيت ابو يوسف .. الساعه :6:30 مساءً
__________________

** رهـف **

كنت جالسه اسولف مع امي عن سالفة خطبة نجود .. لان ام مشعل من طلعت من بيتهم صارت دوم تتصل لنا وتكلم امي .. فقالت لها انها متضايقه شوي من سالفة هالخطبه وتبي راي امي و تقول ان نجود تستاهل واحد اعلى واكبر مستوى من فيصل

قلت لأمي :انتي وش قلتي لها

قالت امي : انا قلت لها ان القريب اولى من الغريب

قلت : ايه والله .. وترا فيصل يمه انسان محترم وخفيف دم وخلوق.. وبفرح مره ان تم هالموضوع على خير

قالت امي : بس فيصل أي واحد فيهم ما اعرفه .. اخو شجن

قلت : لا اخو الهنوف

قالت : اهاا ما اعرفه

قلت : بس ترا نجود موافقه

قالت امي : وش عرفك ؟

قلت : ادري عنها و احس فيصل انسب واحد لنجود

سمعت صوت يوسف وراي : أي فيصل

لفيت شفته يلعب بمفتاح السياره .. الظاهر بيطلع .. قلت : وش فيك خاش علينا عرض

قال : لا ابد .. بس الاسم غريب علي

قال كلامه هذا وطلع برا .. سمعت صوت التلفون

قمت ورديت عليه : الووو

قلت : انا بقوم بشوف رغد

قالت امي : هي وينها

قت : تلعب بلاي ستيشن فوق مع سعد

قالت امي : سعد يحبها مره مايسولف الا عنها

قلت : ايه امس شاف بنت اجنبيه في mbc4 على طول قال تشبه رغد مثلها حلوه ههههههههههه

قمت عن امي وركبت فوق

دخلت غرفة سعد

لفت علي رغد وقالت : فزت علــيــه .. تعالي شوفي

قلت : والله .. غريبه فزتي عليه هذا محد يغلبه

قال سعد : لا رغد تعرف تلعب مو مثلك

قلت : هات وبوريك من اللي يفوز عليكم انتوا الاثنين

............................................




__________________
السياره .. الساعه : 9:00 مساءً
__________________

** نجود **

انا في السياره مع نايف .. كان عازمني على العشا .. والحين تعشينا وخلصنا .. ورايحين ناخذ رغد من بيت رهف

قال لي نايف : جودي بقولك عن شي

قلت : هلا قول

قال بجديه : فيصل ولد عمتي

من قال اسم فيصل مدري ليه خفت وقلبي دق

كمل كلامه وقال : طلب يدك اليوم .. وش رايك

قلت : رايي في وشو

قال : بختصار موافقه عليه اولا

كنت مستحيه واحس وجهي يعورني من الحيا .. قلت : انا مدري

قال : لازم تدرين عشان ارد عليه

قلت بتوتر : الراي رايك انت اخوي الكبير

ناظرت في وجهه وهو يسوق

ابتسم وقال : مابتلقين احسن من فيصل

وقف السياره عند بيت رهف .. فتحت الباب وقلت : بنزل اسلم عليها ماراح اطول

قال : لا عادي خذي راحتك .. انا انتظركم في السياره

طلعت .. ورحت طقيت الباب

سمعت احد يقول : من عند الباب

قلت بصوت عالي : انــا نجــود ابي رهــف

فتحولي الباب .. دخلت وقلت : السـلاام علـ ....

ماكملت كلامي لان احد سحب يدي

نظرت في اللي سحب يدي .. كان يـوسف ومعصب مره

مت من الخوف قلت وانا ارتجف : يوسف ارتـــ..

حط يده على فمي .. ومسك يديني الثنتين وسحبني بقوه .. وانا كنت احاول افك يديني واصرخ ماقدرت .. حتى الشيله اللي على راسي طاحت وتناثر شعري .. جلست ابكي بس يوسف مايحس ومستحيل يحس .. شد شعري بقوه وهو يمشي فيني .. ياربي مدري وين بياخذني اكيد الليله نهايتي على يد يوسف

^*^
/
\
/
\
/
\
/
\
/
^*^

**** نهاية الجزء التاسع والعشرون ****


تـــوقعــــاتــــكم .. وانتظروني في البارت الاخير

كل حبي .. صاحبة الكلمه

[@ همس الغلا @]

...:::][ الجزء الثلاثون ][:::...

™¤§°§¤ الأخير ¤§°§¤™

الفصل الأول


_________________
بيت ابو يوسف .. الساعه : 9:10 مساءً
__________________

** يوسف **

كنت اسحبها لورا بيتنا .. وانا ماسك ايدينها الثنتين بيد .. واليد الثانيه حاطها على فمها .. وانا امشي فيها بسرعه .. ارخيت يدي اللي على فمها شوي كنت بعدلها .. فستغلت هي الفرصه وكانت تبي تصرخ .. رجعت قفلت فمها بقوه وانا معصب .. وربي كنت بمد يدي عليها وبصفعها كف .. بس مسكت نفسي .. وصلت لورا البيت ورميتها بقوه على الجدار

وصرخت عليها : مـــــــن فــــــيــــــصـــــل هــــــاهـ

كانت خايفه مره هزت راسها وقالت : أأ أأ .. مـــا اعرفه

قلت لها : كذابــــه

قالت وهي تبكي من الخوف .. بس تسوي انها مو خايفه : ايه كذابه ومابقول لك

فتحت عيوني .. مستغرب منها .. بنت في موقفها هذا مفروض ماتتكلم لي ولا كلمه .. مو الا ترد علي بهذي الطريقه

قربت منها .. ومسكت شعرها : غصب عنك بتقولين .. لا وربي ذبحتك ودفنتك هنا

قالت بصوت متكسر : اتـ ... تـ ـ ـ .. اترك شعري

شديته اكثر وقلت : مو تاركه .. يللا تكلمي

قالت وهي تحاول تبعد عني : ولد عمتي

قلت : ياسلام .. وليه يبي يخطبك ؟ يحبك !!

قالت على طول : لالا مايحبني

حاولت تهرب بس انا مسكتها بقوه وهزيتها : قولي يحبك .. او لا ؟

انا مقهور .. وبنفجر من العصبيه .. وهي بسكوتها هذا تزيد عصبيتي .. والله ان ماردت علي الحين بطقها طق عمرها ماشافته في حياتها .. ومو تاركها الى ان تتكلم

عطيتها نظره .. وانا ضاغط بأسناني على شفايفي

قالت بسرعه : مدري

قلت لها : بتوافقين ؟

قالت وهي ترتجف وطبعاً ما وقفت بكي : ان قلت لا بتقول لي كذابه وان قلت ايه بتذبحني

قلت وانا ماسك نفسي : لا مابذبحك يللا قولي .. ولا تختبرين صبري يانجود لانك بتندمين

هزت راسها بأيه

قلت لها وانا اخفض صوتي عشان محد يسمع : اسمعيني زيـن .. انتي ارفضيه وانا بتقدم لك على طول

بلعت ريقها وقالت : بس انا ما ابيك

قلت وانا اناظر عيونها بتركيز : انا مو جالس اخذ رايك .. وان وافقتي على فيصل والله لأوريكم انتي وفيصل نجوم الليل بعز الظهر

ناظرتها من فوق لتحت .. ودفيتها عني بقوه ومشيت

.................................................. ....

** نجود **

كنت مسنده نفسي على الجدار وحاطه يدي على قلبي واتنفس بقوه .. تحسست جسمي وانا منقرفه .. مسكت يوسف لي سببت لي اشمأزاز .. ياربي مو مصدقه شي من اللي صار .. معقوله يوسف مجنون لهذي الدرجه .. ما خاف احد يشوفه .. لا انسان مثل يوسف .. بايع الدنيا ومو فارقه معه .. مستحيل اتخيل حياتي معاه

تذكرت نايف اللي ينتظرني بره .. مشيت بسرعه له .. يمكن يوسف يرجع في أي لحظه .. رجعت لعند الباب بعد ماحطيت على راسي الشيله وتغطيت

سمعت صوت رغد وراي تقول : خالتي نجود

لفيت وقلت لها وانا للحين خايفه : من اللي ناداك

قالت لي : يوسف ’’ وبصوت خفيف ’’ المجرم

لا تكون رغد شافت وش سوى يوسف قبل شوي

سألتها وانا عاقده حواجبي : ليه تقولين عن يوسف مجرم ؟

هزت كتوفها وقالت بملل : اممم احسه مجرم
ايه هو مجرم من قال غير كذا ؟ .. قلت : وانا بعد نفس احساسك

مسكت يدها وطلعنا برا .. ركبنا السياره ونايف حرك على طول .. اكيد ماراح يسالني ليه تاخرتي .. لانه يحسبني كنت اسلم على رهف

انا خايفه مره ان يوسف يضر فيصل .. هذا مجنون ويسوي أي شي

.................................................. .




___________________
بيت العمه .. الساعه : 9:30 مساءً
___________________

** حنان **

كنت جالسه في الصاله ومتضايقه مره من نفسي ومن نايف .. مو مصدقه اني انا حنان بجمالي وبذكائي ماقدرت اطيح نايف .. ورهف الخبله خلته يحبها .. اصلاً ما اتوقع هو يحبها .. قال لي كذا عشان يقهرني .. بس ليه يقهرني دام انه مايحبني .. معقوله يحبني بس يكابر ؟

قمت من مكاني ومسكت سماعة التلفون .. ودقيت على بيت خالي

ردت الشغاله : هالووو

قلت : هالوو اللي ياخذك .. نايف موجود ؟

قالت : لحظه مدام

بعد 10 دقايق جاتني وقالت : يقول نايم

قلت : وش يقول نايم ؟ هو نايم اولا

قالت : نايم

قلت : اجل ليه تقولين يقول نايم .. قصدك انتي شفتيه نايم

قالت : ايه مدام

قلت : اوووه يللا انقلعي يا الخايسه

قفلت السماعه في وجهها وانا معصبه .. ماتعرف تتكلم هالشغاله .. خبله قسم بالله

قمت من مكاني ورحت الغرفه .. اول ماجلست على كرسي الكمبيوتر .. سمعت صوت نغمة المسج .. ناظرت بجنب شاشة الكمبيوتر لقيت جوال الهنوف

لحول هنوفوه ماعندها الا هالمسجات .. ابي اعرف من هذي اللي طول الوقت تكتب لها مسجات

مسكت جوالها وفتحت المسج

كان المسج


^*^
/
\
/
\
/
^*^

هلا حبيبتي هنوفه

سوري حياتي ما ردتيت عليك قبل شوي

لاني كنت جالس مع اخوي

احبك


^*^
/
\
/
\
/
^*^

من هذي اللي تكتب لهنوفوه حبيبتي وحياتي واحبك .. شي غريب

ليكون هنوفوه تكلم واحد ؟؟ لالا ما اتوقع الخبله هنوفوه ماتسويها

كتبت لنفس الشخص مسج

^*^
/
\
/
\
/
^*^

مالت عليك وعلى اخوك فوقك

وانا ما احبك واكرهك

^*^
/
\
/
\
/
^*^

جاني مسج بسرعه

^*^
/
\
/
\
/
^*^

ههههههههههههههههههههه

افاا ماتصدقين فارس

قسم بالله اني كنت مع اخوي

معقوله انا اطنشك يا بعد عمري

^*^
/
\
/
\
/
^*^

رفعت حاجب وانا ابتسم بسخريه .. ياما تحت السواهي دواهي

هنوفوه اللي القطو ياكل عشاها تطلع منها هالسوالف

اشوا مسكت عليها شي .. لاني ادري عنها حاقده علي و منى حياتها انها تمسك علي شي وتعلم علي

بس سبقتك يا الهنوف

اخذت الجوال وحطيته بالدولاب .. شوي وجات الهنوف تناظر هنا وهناك

شوي وقلت لها بملل وانا اسوي ان الوضع عادي : اممم وش تدورين ؟

قالت : حنان ماشفتي جوالي

قلت : لا ماشفته

بعد مادورت عليه ومالقته طلعت من الغرفه

بــــرا .. الله ياخذك على سواياك وسواد وجهك

..............................................


_________________
بيت مشعل .. الساعه : 2:00 مساءً
_________________

** رهـف **

انا جالسه مع نجود ورغد بالصاله ماصار لي ربع ساعه من وصلت .. طبعاً انا ونجود سالفه ورا سالفه .. لان من زمان ماشفنا بعض

قلت لها : صح وش صار عليك انتي وفيصل

نزلت راسها وقالت : مدري متردده

قلت لها : متردده في وشو

قالت : كنت موافقه .. بس شكلي بغير رايي .. مو مستعده للزواج انا

قـــهــــرتــــــني مره على هالرد .. فيصل رجال مايتعوض .. قلت لها بعصبيه : بس فيصل مايتفوت والله احسه رجال بمعنى الكلمه

قالت وواضح انها تغير الموضوع : بروح بشوف وش الغدا .. تدرين تدرين تدرين اني مدري .. بس اكيد خالتي ام مشعل سوت طبخه انتي تحبينها .. لانها تدري انك تدرين .. و هههه بروح اشوف

رفعت حاجب وقلت بهدوء : وش تخربطين انتي ؟

ابتسمت وقالت : ولا شي

هزيت راسي .. وش فيها نجود خرفت

سمعت صوت احد يفتح باب الصاله .. لفيت وشفت نايف داخل ويبتسم في وجهي

ابتسمت له وسلم علي ورديت السلام

قال : رهوفه كيف حالك

قلت : الحمد الله على كل حال .. وانت ؟

قال : انا بخير .. بشوفتك

قالت رغد : عمي نايف .. باقي ساعه ونبدا في الدرس

قلت مستغربه : نايف يذاكر لك ؟

ضحك وقال : اما عاد انا اذاكر لرغد ههههههه عشان ترسب

قلت : اجل

قالت رغد : يعلمني الرسم .. واول رسمه برسمها لك ولبابا الله يرحمه

قال نايف : الله يرحمه .. يللا حبيبتي روحي جهزي الألوان

قالت رغد : ان شاء الله

يوم شفتها قامت وصرنا لحالنا .. قلت : نايف

قال : لبيه

قلت : لبيت في منى ان شاء الله .. بس وش الموضوع اللي تبيني فيه

قال والظاهر انه مايبي يتكلم في الموضوع الحين : امممم بعدين اقول لك .. يللا بروح ابدل ملابسي

.
.
.

بعد ماتغدينا .. طلعت برا اتمشا مع نجود

وحنا نتمشى قالت لي : الا تعالي

قلت : هلا

قالت : أأ أخوك يوسف يدرس ؟

قلت : لا

قالت : يشتغل يعني ؟

احرجني سؤالها لان يوسف لا يدرس ولا يشتغل .. شوي وقلت : هو اكيد يبي يشتغل بس في هالزمن وين الواحد يحصل وظيفه .. الوظيفه ماتجي الا بطلعة الروح

سكتت شوي بعدين قالت : ههههه ايه وانتي الصادقه

قلت : بس ليه تسألين ؟

قالت : هـاه .. لا بس كاني سمعت نايف يقول واحد يشتغل عندهم في الشركه اسمه يوسف .. حسبته اخوك

قلت : اهـا لا مو يوسف اخوي

وقفت عن المشي يوم شفت نايف ورغد جالسين يرسمون

قلت لنجود : وش رايك نروح نجلس معهم

هزت راسها ورحنا لهم

قلت بأبتسامه : وش ترسمون

قال نايف : ورده هههههههه تعرفين في دروسنا الاولى

قالت نجود : هاتي رغوده فرشاة الرسم بكمل الرسمه عنك

قالت رغد وهي نافخه خدودها : ما ابي

قالت نجود بجديه : هاتيها

قالت رغد : اذا صدتيني

وراحت تركض ونجود تركض وراها وتصارخ : بصيدك يــــــا الدبــــــه

وانا ونايف نضحك

وانا اضحك تذكرت موضوع نايف .. وقفت ضحك وقلت له : ما راح تقول لي وش الموضوع ؟

حك نايف راسه وقال بصوت خفيف : الموضوع .. ايه صح الموضوع

ولف يناظر في لوح الرسم بتفكير مدري حسيته منحرج .. لانه حاس الرسمه بالالوان .. ماخلا لون بنفسجي ولا برتقالي ولا ازرق الا حطه في ذيك اللوحه وهو يفكر .. وانا انتظر

بعدين قال : اسمعيني يارهف .. انتي الحين رجعتي بيت اهلك .. وتحتاجين من يستر علـ..

قاطعته وقلت : وبعد هالكلام كله

لف يناظرني وقال : رهف ابوك مابيضل لك .. الله يطول بعمره .. واخوك محمد متزوج ويوسف بعد مصيره بيتزوج وماعندك اولاد

قلت : وش قصدك

قال بسرعه : قصدي ابي ابي

قلت : تبي ؟؟

قال : ابي اتزوجك عشان اكون لك سند وظهر

دق قلبي بقوه يوم جاب نايف سيرة الزواج .. الا هالشي ماتوقعته انصدمت مره من الكلام اللي قاله نايف .. حتى اني سكت وجلست اناظر فيه بغرابه وبعدم تصديق ياليته ماقال لي

قلت : من جدك نايف

قال : ايه من جدي .. وش فيها ؟

ناظرت الارض وهزيت راسي وقلت : مستحيل هالشي يصير مستحيل

قال بصوت شوي عالي : ليه مستحيل مو عشاني .. عشان رغد .. انا بصير ابوها وانتي امها

قلت : نايف انسى .. وهالموضوع وربي ماراح اتكلم فيه مره ثانيه

قال : حرام عليك .. انا ......

خفت يقول لي انا احبك .. فقلت بسرعه : نايف انا حلفت اني مابتكلم في هالموضوع

سمعت صوت ضحكات نجود ورغد وهم راجعين من باب الصاله يركضون

ناظرت في وجه نايف اللي تغير من العبوس الى الابتسامه العريضه وهو يقول بصوت عالي مره : من اللي فاز

رفعت نجود يدها وهي تتنفس بصعوبه وقالت : انا طبعاً ههههههههههههه


.........................................
__________________



__________________
بيت العمه .. الساعه :3:00 مساءً
__________________

** الهنوف**

رجعت من الجامعه متأخر اليوم .. لان علينا محاضرات كثير وتعبت مره

اول مادخلت الصاله شفت امي جالسه على الكنبه واختي حنان واقفه بجنبها

قلت : السلام عليكم

قالت امي : لا سلم الله فيك ولا عظمه

قالت اختي حنان وهي ترفع يدها : آآمين

قلت : وش صاير

مدت امي جوالي في وجهي وقالت : مو هذا جوالك

من طاحت عيوني على جوالي بيدها .. قلبي دق بقوه من الخوف

قالت حنان بصراخ : ردي يا الداشره

قلت : أأيـ ـ ـه

قالت امي : حسبي الله عليك .. الله لا يبارك فيك ولا يوفقك لا دنيا ولا اخره

قالت حنان : سودتي وجهنا الله يسود وجهك .. مافكرتي في فيصل مافكرتي فيني انا اختك .. قسم بالله انك انانيه .. تكلمين شباب يللي ماتستحين

قلت بأنفعال : وربي ما اكلمه

وقفت امي وقالت : الجوال خلاص انسي موضوعه و .... " بعصبيه زايده " انقلعي عن وجهي خلاص مو متحمله اشوفك

كنت واقفه مكاني ماتحركت .. كل الدم اللي في جسمي نشف من الخوف

ومالي عين اقول لأمي هاتي الجوال او شي .. كنت خايفه ومنحرجه .. ما توقعت هالشي يصير.. من راحت امي على طول طاحت دموعي

قالت حنان : تسوين سواتك وتبكين بعد .. صدق خبله .. بروح اخبر عليك فيصل وابوي

مسكتها بسرعه وقلت لها برجاء : لا حنان الله يخليك .. الا فيصل

سحبت يدها وقالت : لا بقول .. اتركي يدي

قلت : تكفين حنان

قالت : طيب انا بسوي معك اتفاق .. انا بسكت وما بعلم فيصل وابوي .. وانتي ان خطبك نايف ترفضين على طول فاهمه

انا ويــــــــــــــــــــــــــــــــــــن وهــــي ويــــــــــــــــــــــــــــــــــــــــن

قلت : ومن قال لك ان نايف بيخطبني

قالت : مو بعيده دام ام مشعل حاطتك في بالها .. وفيصل مستحيل يرفض لنايف طلب .. وابوي مابيصدق على الله نايف يخطب وحده من بناته بيوافقون على طول .. بس اذا انتي رفضتي ونايف عرف انك رافضته .. مستحيل ياخذك .. لان نايف عنده عزة نفس وكرامه

قلت : خلاص اللي تبينه بيصر

طبعاً انا قلت كلامي هذا اسايرها بس والا انا عارفه ان نايف ماراح يخطبني
وماصدقت على الله تسوي معي اتفاق .. لاني لو وش ماكان اتفاقها بوافق عليه .. كله ولا تقول لفيصل وابوي

مشت عني حنان وهي تغني : والله وتحقق منايا شوفوا حبيبي معايا .....

ركبت غرفتي وجلست على السرير ابكي .. الحين اكيد فارس كاتب لي مسجات كثير .. خايف علي .. مستحيل اقطع علاقتي بفارس .. انا احبه وهو يحبني .. ليه يفرقونا

................................................

___________________
المطعم .. الساعه 3:30 مساءًَ
___________________

** فارس **

..: انت يــــا الغبي ماتشوف .. عقلك وين وانت تمشي .. ناظر قدامك يا الثور

..: اسف يا الاخو ماشفتك

رديت عليه : امشي عني مو ناقصك انا

يوم مشى عني الرجال .. جلست افكر في اللي صار .. وش فيني صاير اتنرفز بسرعه
واقل شي يعصبني .. الحين عشان الرجال دف كتفي بالغلط .. سويت له سالفه وجلست اصارخ

بس وربي الهنوف معصبتني .. زعلانه وماتكلمني عشان اني كنت جالس مع اخوي ومارديت على المسج حقها .. وانا مو اول مره اسويها واتأخر شوي بالرد على مسجاتها .. والحين كتبت لها مسجات كثير ماردت على ولا واحد فيهم .. والله ياالهنوف انا احبك واموت فيك .. ومستحيل اطنشك .. بس انتي متعبتني بزعلك هذا

بس تدرون .. يمكن فيها شي ؟ مريضه او تعبانه .. لا صح .. هي ردت علي بمسج

طلعت جوالي من جيبي .. وفتحت المسج مره ثانيه

^*^
/
\
/
\
/
^*^

مالت عليك وعلى اخوك فوقك

وانا ما احبك واكرهك

^*^
/
\
/
\
/
^*^

ردها يدل على انها زعلانه ومعصبه علي .. جد انا كنت غلطان .. حتى لو كان اخوي معي مفروض ارد عليها .. لو بكلمه وحده

نزلت راسي ادخل الجوال بجيبي واكمل مشي .. وانا امشي حسيت اني دفيت شي

رفعت راسي شفت بنت في وجهي

صرخت علي بصوت عالي : اوووف اعوذ بالله من شباب هالعالم يمشون ويدفون في البنات يسوون حالهم مايدرون .. حركاتك قديمه يا قليل الادب
يوم صدمت في البنت .. غمضت عيوني و ابتسمت تذكرت اول موقف صار لي مع الهنوف .. تذكرون يوم ارجع على ورا بالسياره واصدم فيها .. يـــــاربي انا كنت نذل .. قلت لها كلام جارح
بس هالشي اللي صار .. خلى علاقة حب حلوه تصير بيننا .. يالله لا تفرقنــا
فتحت عيوني وانا اتنهد بصوت عالي

سمعت صوت البنت تقول : الحمد الله والشكر

وكملت مشي وانا اناظر فيها مستغرب .. استوعبت اللي صار .. ياربي احـــــــراج .. اكيد الرجال اللي قبل شوي دعى علي اطيح بنفس الموقف


___________________
بيت مشعل .. الساعه : 7:00 صباحاً
___________________



** نجود **

نزلت مع الدرج بسرعه عشان ما اتأخر على نايف .. انبسطت يوم ماشفته بالصاله .. يعني انا مو متأخره ..

جلست على الكنب انتظره .. سمعت صوت التلفون .. فزيت بسرعه .. اكيد هذا يوسف .. لالا مو يوسف .. يا الله هاليوسف مسبب لي رعب في حياتي .. يارب يارب يارب تبعده عن طريقي .. انا وش سويت بدنيتي عشان الله يبليني بواحد مثل هاليوسف

جات الشغاله .. وردت على التلفون ..: نجود لحظه

اشرت لي .. قلت لها بصوت خفيف : نايمه انا

رجعت لسماعة التلفون وقالت : نايمه

اشرت لي وقالت : سمع كلامك

اشرت لها على نفسي بدون صوت

قالت الشغاله : ايه انتي

وش هالغباء حتى لو ماسمع بيسمعها الحين

اخذت سماعة التلفون واشرت لها عشان تروح

وقلت : الــــو

سمعت صوت يوسف الرايق يقول برومانسيه : صباح الورد

لاحول ولا قوة الا بالله .. قفلت في وجهه على طول

رجع يدق ويدق .. خفت منه بصراحه .. فرفعت السماعه

و قلت برجاء : يوسف الله يخليك .. خلاص خليني في حالي

قال : انا مو يوسف

بلعت ريقي وانا خايفه .. من هذا ؟

سمعت ضحكت يوسف ترن في اذني وقال : بسرعه تصدقين .. وبسرعه تخافين
يللا ما اطول عليك .. بس حبيت اسألك رفضتي فيصل والا للحين

قلت وانا ودي اسبه من هنا لسنه قدام : لا للحين

قال : مو مشكله قلبي .. بس لا تطولين لاني انتظرك .. واعرفي ان انا احبك وربي .. مع السلامه

قفلت بسرعه .. وانا اراقب نايف وهو ينزل الدرج

اول ما نزل نايف قال لي : صباح الخير

قلت : صباح النور

قال : يللا عشان اوديك

قلت : نايف اذا مسألة انك توديني وتجيبني من شغلي تتعبك او تضايقك .. عادي بخلي السواق يوديني مثل اول

قال نايف : الحين انا قلت انك تتعبيني وتضايقيني بالعكس انا بسوي اللي يريحك .. مع اني مستغرب من شي .. فجأه كذا قلتي ما ابي السواق يوديني وتبيني انا .. قوليلي السواق عليه حركات او شي ؟

قلت : لالا السواق زين .. بس انا ما ابيه

قال : على طاري ابيه وما ابيه .. عطيني رايك النهائي موافقه على فيصل اولا

نزلت راسي وانا افكر .. ان وافقت ماراح تكون حياتي سعيده مع فيصل .. يوسف بكل بساطه يقدر يخربها .. وان ما وافقت بندم طول عمري لاني احب فيصل

قال نايف : جودي .. انا ماراح اضغط عليك .. بس الرجال يبي رايك طيب

هزيت راسي وقلت : يللا مشينا

ابتسم وقال : يللا

.
.
.

وانا في السياره فكرت كثير بالموضوع
قررت اخاطر واجازف .. لأول مره

قراري هذا صعب اكيد .. وراح يخليني افقد
شي مهم في حياتي
والله يعينك يافيصل و يعينني انا معك
و والله يسامحك يايوسف .. الله يسامحك

.................................................. .......



___________________
بيت العمه .. الساعه 7:30 صباحاً
___________________

** الهنـوف **

لازم اشوف طريقه اطمن فيها فارس علي واطمن قلبي عليه .. مو متعوده يمر يومين بدون ما اكتب له شي .. وش اسوي ياربي .. الريـــم .. لا انا صحيح قليل ان شفت الريم في الجامعه .. بس معقوله اروح اقول لها قولي لفارس انا بخير .. يعني مافيه ولا طريقه

أيـــــــــــــــه لقيتها .. بكتب له مسج من جوال حنانوه وبعدين امسحه .. انا كيف ماجاتني هالفكره من زمان

بس كيف اخذه ؟؟

عادي اكيد الحين هي نايمه باخذه دقيقتين بكتب المسج وبرجعه .. ان شاء الله ماتحس

رحت لعند غرفتها وفتحت الباب بشويش .. مشيت على اطراف اصابعي .. وصلت لعند سريرها.. مديت يدي تحت المخده ادور الجوال .. الى ان مسكته .. سحبته شوي شوي .. وطلعت من الغرفه مثل مادخلتها

بسرعه كتبت لفارس مسج

^*^
/
\
/
\
/
^*^

هلا فارس حبيبي

اخبارك ؟ ان شاء الله بخير

المهم انا الهنوف وهذا جوال اختي حنان

لان شافوا مسجاتك وصارت لي مشكله في البيت واخذوا جوالي

وتراني الحين بخير لا تخاف علي ولا ترد على المسج

احبك

^*^
/
\
/
\
/
^*^

ارسلته وحذفت الرساله .. دخلت الغرفه ورجعت الجوال مكانه وطلعت .. الحمد الله ماحست لي ولا كان رحت فيها


.................................................. .........



_____________________
بيت العمه .. الساعه : 8:00 صباحاً
_____________________

** فيصل **

طلعت من البيت وركبت السياره .. شغلتها ومشيت .. ناظرت في الساعه
تأخرت كثير الساعه 8 .. اجل متى بوصل الشركه

والله نجود سهرتني ماخلتني انام .. ودي اعرف بس ليـــــه التأخير
مو كانت مفروض من البدايه تقول موافقه .. ونملك وينتهي الموضوع ؟

كذا انا ماراح ارتاح .. مدري هو تغلي منها والا ثقل

بس هالبنت بالذات محد راح ياخذها غير
لسببين .. الاول لاني احبها ..والثاني لانها تحبني

فجأه السيــــاره اللي بجنبي وقفت .. وانا كنت مسرع .. حاولت اوقفها بس ماقدرت
بحركه عفويه حطيت ايديني على اذني .. وطلع صوت قوي .. ناتج عن صدم سيارتي لسيارته

فتحت باب السياره .. ونزلت اشوف وش صار في سيارتي من قدام

لقيت الرجال اللي كان بالسياره الاولى وراي .. قال لي : آسف والله آسف يا الاخو .. بس سيارتي وقفت و ...

اشرت له وانا مبتسم : مو مشكله اخوي حصل خير .. عسى ماشر وش فيها سيارتك ؟

قال : يبي لها دف

قلت له : يللا بدفها معك
__________________


_____________________
بيت الريم .. الساعه : 3:00 مساءً
____________________

** الريم **


صحيت من النوم من زمان .. بس ماطلعت من الغرفه .. احس بأكتآب وبفراغ كبير من بعد سفر محمد .. افتقده مره وكل شي فيني يفتقده .. المشكله مادق علي ولا سأل عني .. وجواله دوم مقفل اكتب له مسجات بس مدري اذا يشوفها اولا .. اكيد مشغول مره .. بس وحشني موت موت موت .. ودي اكلمه لو دقيقه .. او حتى ثانيه .. بس ابي اعرف هو بخير او لا ياكل زين ينام مرتاح كيف عايش .. اكيد يفتقدني كثير مثل ما انا افتقده .. تتوقعون يفكر فيني بهاللحظه ؟

قطعت تفكيري ساره اللي فتحت باب غرفتي بقوه

لفيت عليها وقلت : بسم الله الرحمن الرحيم

قالت بخوف : ريوم انا جالسه في الصاله اشوف .. يووه وش كنت اشوف .. وش اسمها هذي .. نسيت .. ايه تذكرت .. mbc3 وفجأه دخلت امي الصاله .. وكانت عيونها حمرا .. وشكلها مره زعلانه .. وطبعاً كانت تبكي .. رحت سألتها : وش فيك ..........

ماسمعت باقي كلامها قمت من سريري ونزلت بسرعه تحت .. شفت امي في الصاله جالسه على الارض وتبكي .. رحت لعندها وحضنتها وانا خايفه مره

قلت لها : يمه وش فيك

بس هي ماردت علي وكانت تبكي بقوه .. قلت : قوليلي وش فيك


قالت بصوت متقطع من البكي : ريــوم بــــــــنــــــتـــــــي مـــحـــــمــــــد طلـــلـــقـــك

^*^
/
\
/
\
/
\
/
\
/
^*^

***** نهاية الفصل الاول من الجزء الاخير ******

انتظروني بعد ايام قليله مع الفصل الثاني

احـــــــبـــــــــكــــــــم

صاحبة الكلمه

[@ همس الغلا @]

...:::][ الجزء الثلاثون ][:::...

™¤§°§¤ الأخير ¤§°§¤™

الفصل الثاني

_____________________
بيت ابو يوسف .. الساعه : 4:00 مساءً
____________________

** رهـف **

كنت جالسه مع سعد في الصاله اذاكر له .. فاضيه وماعندي شي .. رجعتي لبيت اهلي خلتني اذاكر لسعد .. واتعلم الطبخ .. واغسل ملابسي بنفسي واغسل ملابس غيري بعد .. واسعاد امي كثير في شغل البيت وو .... كثير اشياء

وانا اذاكر له .. مسك الكتاب وقال لي : عادي اجيب المقص واقص صورة النمر

قلت له : لا طبعاً .. تبي الاستاذ يفشلك قدام الطلاب

قال : صوره وحده ما تأثر

قلت له بنضرات حاده : سعد

قال بزعل : خلاص خلاص

سمعت صوت التلفون يرن .. على طول رد سعد وقال : وعليكم السلام .. رهف ؟ .. لحظه

مد لي السماعه وقال : ام فارس تبيك

اخذت السماعه وقلت : هلا ام فارس

قالت بصوت مبحوح : اهلين بنتي .. تعالي البيت الحين الريم تعبانه وتبيك

استغربت من عجلة ام فارس في الكلام .. ما سألت عن اخباري وما سألت عن شي اكيد الريم فيها شي قوي .. ياربي عورني قلبي .. الله يستر

قلت بخوف : الحين بلبس عبايتي وجايتكم .. مع السلامه

قفلت ورحت لبست عبايتي ورجعت

قال سعد وهو مره مبسوط : هيــــه اليوم مافيه مذاكره هيـــه .. ونـــــــاســــه

قلت بعصبيه : سعد تعال وصلني لبيت الريم .. وارجع اقرا الدرس وراجعه بعدين اسمع لك

قام بسرعه عشان يوصلني .. وطلعنا من البيت دقيقتين الا وحنا واصلين

طقيت الباب بقوه من خوفي على الريم

فتحت الباب امها .. على طول قلت لها : وين الريم

قالت : في غرفتها

رحت اركض قبل امها .. لاني ادل كل مكان بهالبيت

يوم وصلت غرفة الريم .. فتحت الباب وتفاجأت من المنظر اللي شفته .. ريوم جالسه على السرير وتبكي بصوت عالي .. وشعرها متناثر بطريقه غريبه كان احد طاقها او شي
تقطع قلبي من منظرها

رحت لعندها بسرعه وضميتها بقوه

كنت ابي ابعدها عني عشان اعرف اتكلم معها .. بس هي ماخلتني .. فقلت لها وانا ضامتها : ريوم حبيبتي وش فيك ؟

ماردت علي كانت بس تبكي .. وش فيها بالضبط ؟ ؟ ؟ ؟ ؟

مسحت على شعرها وقلت لها : ريمي قلبي قوليلي وش فيك .. لا تبكين

بعدت عني وكانت عيونها حمرا من البكي قالت بصعوبه : مـ ـ ـ حــ ـ مـ ــــد " وسالت الدموع بمجرد ماغمضت عيونها بألم "

من قالت محمد قلبي بدا يدق .. ياربي وش فيه اخوي .. ان شاء الله مافيه الا الخير .. أي خير وانا اشوف الريم بهذي الحاله .. مسكتها وهزيتها بقوه : وش فيه محمد

قالت ودموعها ماوقفت : طلقني

حطيت يدي على فمي وفتحت عيوني مصدومه .. وقلت على طول : الريم محمد مستحيل يطلقك .. انا ما اصدق اللي تقولينه .. اكيد انتي تعبانه وفيك شي وجالسه تقولين كلام مو حاسه فيه

من شفت امها داخله الغرفه والدموع تملى عيونها .. وقفت وقلت لها : صحيح انـ محمد

هزت راسها بأيه

محمد .. أي محمد ؟ محمد اخوي ؟؟ اخوي انا .. ليه محمد يطلق الريم .. هو يحبها .. وانا اشهد على هالحب .. اذا محمد " اخــــــــــــــــوي " طلق الريم اجل يحق لي اصرخ واقول الدنيا مافيه خـــــيـــــر

جلست وضميت الريم مره ثانيه .. بس ضميتها بقوه هالمره .. ضميتها وانا اعرف وش اللي فيه .. ضميتها وانا حاسه بكل المها .. ضميتها وانا اسمع صرخة اوجاعها في اعماقها .. وبكيت بصمت .. ما اعرف اوصف لكم كيف قلبي يعورني على حال اختي اللي ما جابتها امي

سمعتها تقول بهمس : بس محمد يحبني

لا محمد اناني وحقيرما يحب احد .. لو كان يحبك ماطلقك مهما كانت الأسباب

كملت كلامها بصوت متكسر : هو طلقني لانه يبي عيال .. ومافيه رجال ما يبي يصير ابو ويصير عنده عيال .. صح .. مسكين محمد فارقني بدون ما احقق له آمنيته انه يصير ابو

مديت يدي ومسحت دموع الريم .. محمد مايستاهل تبكين عليه

مسكت يدي وبعدتها عن وجهها وقالت : انا كنت بوافق انه يتزوج علي .. والله العظيم كنت بوافق بس انه يطلقني ....



وجلست تبكي من كل قلبها .. يوم شفتها تبكي كذا .. تذكرت مشعل

فجلست ابكي معها .. ابكي على حالي وحال صديقتي .. تزوجنا في نفس الفتره وردينا بيت اهلنا في نفس الفتره

.
.
.

في هذاك اليوم نمت في بيت الريم .. وكل ما اصحى القى الريم تبكي انام مره ثانيه وارجع اصحى الاقيها تبكي .. حاولت اهديها واهون عليها بس ماقدرت .. الريم تحب محمد من كل قلبها بس للأسف محمد مايستاهل هاالحب

.................................................. ...



_____________________
بيت مشعل .. الساعه : 9:00 مساءً
____________________

** نجود **

اليوم ملكتي انا وفيصل .. اكيد انتوا مبسوطين الحين .. بس انا لا لسببين .. السبب الاول ان رهف ماراح تكون معي في هذا اليوم لان صديقتها الريم مو من زمان تطلقت .. ويوم كلمتها عشان تجي اليوم قالت : ما اقدر افرح معك وصديقتي للحين مجروحه وتعاني

عذرتها لان الريم اكثر من الاخت لها .. حتى انا تأثرت بطلاقها لانها طيبه وماتستاهل
بس يللا هذي الدنيا .. يوم لك ويوم عليك

والسبب الثاني .. اني خايفه .. خايفه مره من موافقتي .. يوسف مسبب لي رعب مو طبيعي
وحتى لو مابخاف على نفسي .. بخاف على فيصل .. احبه وما ابي يصير له أي شي يضره
وبموافقتي على فيصل بفقد اهم شي في حياتي .. " الآمان " ما ابي اعيش طول عمري الباقي
وظل يوسف يلاحقني

الحين ما اقدر اتراجع .. ان تراجعت عن الملكه في هاليوم .. بكسر قلب فيصل اللي مايستاهل

كان الفستان اللي راح البسه
احمر وابيض ناعم مره .. وشعري مجعدته وجايبته على كتفي
و الحين انا جالسه على كرسي التسريحه .. والكوافيره تسويلي اظافري

فتح الباب نايف وقال : جودي ماخلصتي .. يللا لا تتاخرين علينا

وقفت وقلت له : الا خلصت

قال بأ بتسامه : الله الله اختي مره تهبل

دخلت خالتي ام مشعل وهي تزغرت وترمي علي ورد .. وانا اضحك

قالت : يللا ياعروستنا انزلي

نزلوني تحت ولبست عبايتي .. ودخلت المجلس مع نايف

................................................

** فيصل **

كانوا برا
بسألونها اذا موافقه اولا نايف قال لي دقيقه تقول للشيخ موافقه وتوقع .. بس الدقيقه صارت ساعه

وش السالفه .. ليكون بتطلع من هنا يافيصل مثل مادخلت .. كنت اهز رجولي
بقوه من التوتر وانا احس العرق يتصبب مني .. واناظر في التكيف اذا يشتغل اولا .. يللا نجود

قولي انك موافقه ووقعي

.
.
.

ارتباطي في حب حياتي نجود .. هواسعد شي صار في حياتي .. وهذي اللحظه اللي انا فيها الحين .. هي احلى لحظه
كنا جالسين مع بعض في المجلس وساكتين .. يا انا اكلمها او هي ماتتكلم .. اعذرها اكيد مستحيه

قلت لها بحب: طالعه مره قمر

قالت وهي تمسح على شعرها : من ذوقك

قلت : الذوق تعلمته منك

لفت بعيونها تتفحص المجلس .. قلت بأبتسامه : اول مره تشوفين مجلس بيتكم

لفت ناظرتني وضحكت .. قالت : ما ادخله كثير

قلت : امممم .. بتدقين علي الليله

هزت راسها بـ " لا "

ياذا التحطيم .. قلت : ليـــــــه ؟

قالت بدلع : نعسانه بنام

قلت : ايه صح .. دقي علي بكره الصبح

قالت : بكره الصبح عندي دوام

قلت : اوكي غلاتي .. اول ماترجعين البيت دقي علي

قالت مستغربه : اول ما ارجع على طول ؟ والصلاة

ابتسمت وقلت : بعد الصلاة

قالت : لا سوري بعد الصلاة اتغدا

قلت بطولة بال : بعد ماتتغدين

قالت : الجو حار .. يعني شي طبيعي بعد ما اتغدا بتروش

قلت : اووه نجود خلاص لا تدقين

قالت : ان شاء الله مابدق

مسكت يدها وقلت بأبتسامه : لا تجننيني

ناظرت وجهي شوي بعدين فطست ضحك

تركت يدها وجلست اضحك معاها

فتح الباب نايف تخصر وقال : ماشاء الله ضحك وسوالف

لفيت وجهي وقلت : اوووف جا هالنشبه

قال محتج : لا نجود اختي

رفعت حاجب وقلت : احد سألك وش تقرب لك نجود ؟

قال وهو يتقرب لنا : لا بس اذكرك بهالشي .. يعني لا تحسب انك تقدر تنفرد فيها لحالك
اول ماوصل لنا نايف وواضح انه بيجلس .. وقفت بسرعه ورحت له .. وانا ابتسم لنجود ببرود

سحبت يده بدون ماتلاحظ نجود وقلت له بهمس : نايف الله يخليك لا تخرب جوي

عقد حواجبه نايف وقال : أي جو ؟

قلت : جوي انا ونجود

قال بأبتسامه عريضه : انا جاي هنا عشان اعيشكم جو حلو

طلع جواله من جيبه وحط اغنية " الدنيا حلوه " وجلس يغني معاها ويرقص

الدنيا حلوه واحلى سنين بنعيشها واحنا ياناس عاشأين ننسى اللي فاتنا ونعيش حياتنا عـ الحب متواعدين
كل الاحبه اتنين اتنين متجمعين في الهوى دايبين على ايه تكشر وليه تفكر دا العمر كلو يومين

لفيت اشوف نجود .. لقيت الابتسامه شاقه وجهها وواضح ان الوضع معجبها

مسك كتفي نايف وقال لي " مع الاغنيه طبعاً "
انسى اللي راح على طول على طول ماتسبش زعلك مره يطول افرح شوي واضحك شوي كدا خلي روحك عاليه وهاي وياألبي غني كمان وكمان وصل غنايا لكل مكان وانا لو علي دلوأتي جاي على شان أقول يازعل باي باي

ماتحملت امسك نفسي اكثر من كذا .. مسكته مع يده وقلت له بصوت عالي : ياخي انت اللي باي باي .. اطلع خلاص غثيتنا

ضحك وقال : هذا جزاي اللي جاي اونسكم .. على العموم يللا " باي باي "

طلع وقفل الباب .. لفيت وكملت لنجود الاغنيه وهي تضحك : الحب غير معنى الكون خلالو شكل وطعم ولون سكر زياده لا مش بعاد دنا حاس اني هطير احنا اللي بالحب صالحنا ايامنا وارتاحت روحنا فوت وعدي على شان تعدي وارتاح من التفكير

.............................................



__________________
بيت مشعل .. الساعه : 2:00 مساءً
__________________

** رغد **

كنت جالسه في الحديقه .. حاطه صورة بابا الله يرحمه على الطاوله .. وارسمها .. طبعاًًً الرسمه مو بالمستوى المطلوب .. بس تمشي الحال ههههههههه

اذا خلصت من صورة بابا برسم رهف واذا خلصت من رهف برسم سعد وبعدين جدتي وبعدين نايف ونجود لان هذيلا الناس اللي احبهم وعشان ماتزعل نجود برسم فيصل خطيبها

سمعت صوت سياره لفيت وراي شفت سيارة نايف .. وقفها ونزل من السياره .. تركت الرسم .. ورحت اركض لنايف

يوم وصلت له قلت : عمي نايف

لف علي ابتسم ومسح على راسي مد لي كندر وقال : جبت لك كندر ودباب حق اطفال .. اذا رحت البر هالمره باخذك معاي اوكي

ابتسمت وقلت : ثانكس

قال : ولكم

ودخل الصاله وكان بيصعد الدرج
بس انا لحقته وناديت عليه بتردد : أأ عمي نايف

لف وقال : رغوده عمري تبين شي ؟

قلت : انا ابي اقول لك شي مو مخليني انام

عقد حواجبه وقال : مو مخليك تنامين .. احد مزعلك ؟

قلت بصوت عالي : لااااااااا

قال : اجل

قلت : تذكر قبل مايموت بابا .. رهف طاحت من الدرج صح

قال مستغرب : ايه

بلعت ريقي وقلت : رهف ماطاحت

جلس على الدرجه وجلسني معه .. وقال وهو يناظر في وجهي بتركيز : الا طاحت اجل كيف مات اللي في بطنها ؟

اخذت نفس عميق و قلت : حنان بنت عمتي هي اللي دفتها

............................................

_____________________
بيت العمه .. الساعه : 3:30 مساءً
_____________________

** حنان **

كنت في غرفتي ارقص على اغنية (( الحب انت ))


الحب أنت وأنا أنت شمسي أنت ظلي أنت ومثلك أنت لي هواه قلبي وتمناه
نبض قلبي وسط قلبك هام دربي لأجل دربك مثل ما تحبني أحبك يا حبيبي وأتمناك
كل عام وأنت بحياتي حبيبي لا حد مثلك ولا حد سواك
تسكن بقلبي ونبضاته قريب يا أغلى ناسي ويا أحلى ملاك
عيد حبك شي ثاني دام قلبك مانساني أنت في كوني وغيرك ما أتمناه
ورده حمراء رمز ذاتك ذابت في أحمر شفاتك كلها تشبه صفاتك وأتمناك
كل عام وأنت بحياتي حبيبي لا حد مثلك ولا حد سواك
تسكن بقلبي ومن فؤادي قريب يا أغلى ناسي ويا أحلى ملاك
أنا منك وأنت مني جيتني أو رحت عني كلي أحلام وتمني وأتمناك
الحب أنت وأنا أنت شمسي أنت ظلي أنت ومثلك أنت لي هواه قلبي وتمناه
كل عام وأنت بحياتي حبيبي لا حد مثلك ولا حد سواك
تسكن بقلبي ونبضاته قريب يا أغلى ناسي ويا أحلى ملاك


وداخله جو مع الاغنيه .. قطعت جوي هنوفوه كالعاده .. محد غيرها يخرب جوي .. فتحت الباب وقالت : حنـــــــان

قلت بملل : نعم

قالت : تبيك رغد على التلفون

اوف وش تبي ذي البزره بعد

طلعت من الغرفه ورحت للتلفون .. رفعت السماعه وقلت بقهر : هــــــاه

..: هلا حنان

فزيت على طول من سمعت صوت نايف .. ركزوا معي ياناس .. نايف داق علي .. مو انا اللي داقه عليه .. ابتسمت وقلت بدلع : نـــايف ؟

قال : ايه نايف .. اخبارك حنان

قلت : بخير دام اني اسمع صوتك

قال : تسلمين .. حنان انا قررت

وش قراره يــــــاربي .. ان شاء الله هالقرار متعلق بالزواج .. يارب مايضيع تعبي اللي تعبته وانا احاول اطيح نايف .. يــــــارب يارب يارب

قالت : وش قررت ؟

قال : الواحد ياخذ بنت تحبه احسن من ياخذ بنت مايعرفها وينصدم فيها صح والا لا ؟

غمضت عيوني .. و قلت بسرعه : وش تقصد بهذا الكلام !!

قال : انا ابي اتزوجك

بعدت السماعه .. وجلست اضرب في اذني .. ما اصدق اللي اسمعه .. واخيراً بتتحقق كل احلامي
انا قلت لكم .. حنان مافيه شي تبيه .. ماتوصل له .. انا مو سهله ابد

قربت السماعه .. و قلت واسوي حالي مستحيه : صدق يانايف

قال وصوته مايعطي أي انطباع " كالعاده " : ايه صدق .. بس انا ابي اشوفك بتكلم معك

قلت بحماس : وين تشوفني حدد المكان وبجيك

قال : بخلي السواق يمرك ويجيبك بيتنا

قلت : اوكي .. متى بيجي ؟

قال : الحين بقول له .. يللا باي

قلت : بايات

قمت من مكاني وانا في قمة سعادتي .. اللي يبي الشي يتعب عليه .. ومحد يقدر ينكر اني تعبت حتى اوصل لنايف .. بالله استاهله اولا ؟ .. ركبت بسرعه غرفتي حطيت لي مكياج احمر على السريع ولبست عبايتي تعطرت .. و لبست شنطه و جزمه " الله يعزكم " حمرا وطلعت من الغرفه

شافتني الهنوف وقالت لي : وين رايحه ؟

دفيتها وانا ماشيه وقلت : مو شغلك

طلعت برا لقيت سواق بيت خالي واقف ينتظرني .. ركبت بسرعه وحرك السياره

كنت وانا في السياره اعد الدقايق واعد الثواني .. يالله متى نوصل
ان شاء الله نايف يحدد يوم الملكه من اليوم ونملك ونتزوج بأسرع وقت ونفتك من هالسالفه .. ولازم اوصيه انه مايخبر احد بهالموضوع الا بعد الملكه .. اخاف تصكنا عين انا ونايف ومايصير شي .. ياحسره عيون الناس ماترحم

تعطرت مره ثانيه قبل ما انزل وطلعت المرايا من شنطتي .. اشيك على شكلي .. قـمــر والله اطيح الطير من السما

نزلت وشفت الشغاله واقفه عند الباب .. تقول لي : تفضلي مدام

واخيراً بعيش العيشه اللي كنت اتمناها سواق وخدم وزوج عنده فلوس

دخلت الصاله كان نايف جالس على الكنبه يوم شافني .. وقف وابتسم

نزلت راسي وقلت : السلام عليكم

قال : وعليكم السلام .. نورتي

قلت : بنورك

سكت شوي بعدين قال : وشوله حاطه مكياج .. بتعجبيني يعني كذا ؟

عقدت حواجبي .. مافهمت عليه ؟

قال بغرور : اسمعيني .. انا جبتك هنا عشان بقولك كلمتين لا اكثر ولا اقل .. لاني نايف ولد عبد العزيز اشكالك يجوني لعند البيت مو انا اللي اروح لهم

قلت : اشكالي !! تراني بصير زوجتك قريب

ضحك بصوت عالي وقال : انا اتزوجك انتي هههههههههههههههه

قلت : وش اللي يضحك .. وبعدين هذا الكلام قلته لي في التلفون

رفع حاجب وقال : وانتي ماصدقتي خبر ؟

اشر علي من فوق لتحت وكمل : انا اخذ وحده مثلك .. اخذ وحده ماعندها لا ذمه ولا ضمير
" بصوت عالي " تحسبين مدري انك طيحتي رهف من الدرج

تصدقون اول مره قلبي يخفق بهذي الطريقه .. هذا وشلون عرف .. لازم انكر وما ابين له الحقيقه يمكن جالس يختبرني

قلت : حرام عليك .. انا اطيحها ليه ؟

قال : وتكذبين بعد ؟

قلت : ما سويت شي

قال بكل غضب الكون : ابي اعرف بس من عبد الرحمن اللي خلى رهف ماتكمل دراسه ؟

من علمه بسالفة عبد الرحمن بعد .. ياويلي نايف معصب مره خايفه في أي لحظه يضربني

قال : انا سمعت رهف تقول السالفه لصديقتها في التلفون .. قوليلي من عبد الرحمن .. تكلمين شباب ؟؟ مافيه الا هالتفسير

قلت بعصبيه : ما اسمح لك تــ

قاطعني وقال : انطمي ما ابي اسمع صوتك يقرفني .. انتي بكبرك تقرفيني .. يوم اشوفك اشمأز وكأني شايف حشره .. لانك مو بشر .. شي ثاني غير البشر .. انا مستغرب من شي واحد ماخفتي رهف تموت يوم دفيتيها ؟

قلت بأنفعال : احسن خلها تموت ونفتك منها ومن شرها .. واقفه في طريقي انا وانت .. نايف خلنا نتزوج وننسى هذا كله

رفع صوته و قال : انا وربي اللي خلقني .. ما راح اتزوج غير رهف .. وان كانت ماتبيني بجلس بدون زواج لنهاية عمري .. ولو تصعدين للسما وتنزلين ما تزوجتك .. ومن الحين اقول لك لا انتي بنت عمتي ولا اعرفك .. اطلعي برا ولا عاد تجين

تقدمت منه وقلت : نايف الله يخليك لا .. انت في التلفون قلت بتتزوجني مايصير تغير كلامك

صرخ في وجهي : انقلعي برا .. ياويلك لو اشوفك في بيتي مره ثانيه .. حتى عرس اختي نجود ما ابيك تجينه .. ولا تكلمين لا اختي ولا خالتي ام مشعل ولا حتى رغد .. انا اللي اعرفهم فيصل والهنوف وبس .. انتي مانتشرف فيك

قلت برجاء : نايف تكفى لا تطردني

قال بعصبيه : بتطلعين ولا اطلعك بالقوه

ونادى بسرعه وبصوت عالي على الخدم

جوه على طول وقال لهم : طلعوا هذي الحقيره من البيت

مسكوني وصرخت بصوت عالي : اتركوني ما ابي اطلع .. كله من رهف الحقيره ماخلتني اتزوج نايف .. اصلاً هو يحبني ويبيني .. اتركوني .. لا تلمسوني

.............................................




____________________
بيت العمه .. الساعه 4:00 مساءً
___________________

** الهنوف **

انا الحين في غرفة حنان .. وين مخبيه جوالي هذي .. دورت عليه في كل مكان ماشفته
لاتكون بس كسرته وتخلصت منه .. عشان حتى لو لقيته مااقدر اكلم فيه .. تسويها هذي أي شي مو بعيد عنها

فتحت الدولاب مره ثانيه ودورت بين ملابسها .. ايه الحمد الله لقيته .. اخذته وانا الارض مو شايلتني من الفرح .. اخيراً بطمن قلبي على فارس .. طلعت من غرفتها ورحت غرفتي .. كتبت بسرعه لفارس مسج

^*^
/
\
/
\
/
^*^

هلا فارس اخبارك ؟

وحشتني وحشتني وحشتني مــــــــــــوت

لا تنبسط كثير الجوال مارجع لي
طمني عليك ؟ بسرعه

^*^
/
\
/
\
/
^*^

انتظرت وانتظرت وماجاني مسج منه .. كتبت مسج ثاني

^*^
/
\
/
\
/
^*^

شكلك نايم

نوم العوافي

^*^
/
\
/
\
/
^*^

دام انه نايم خل ارجع الجوال مكانه .. لا ترجع حنان وتسويلي سالفه

قبل ما اطلع من غرفتي سمعت نغمة المسج .. فتحته وانا مبتسمه .. اشوا اني مارجعته


^*^
/
\
/
\
/
^*^


هلا انا بخير

انا اسف اني سببت لك مشكله

بس مدري وش اقول لك

انا يا الهنوف ما اقدر اكمل معك

كثير اسباب تمنعني

اتمنى تنسيني وتعيشين حياتك سعيده

ولا تعتقدين اني كنت اضحك عليك

لا انا فعلاً كنت احبك واموت في الارض اللي تمشين عليها
والله .. وهذا انا احلف لك بالله ومافيه احسن من الله

بس الواحد الزم ماعليه سمعته وسمعت خواته

انا صدري ضايق وان جلست في المملكه بتعب ومابقدر انساك

فقررت اكمل دراستي اللي قطعتها هنا برا والايام كفيله بأنها تنسيني حبك

مع السلامه

^*^
/
\
/
\
/
^*^

ماكنت مستوعبه كلمه من اللي كاتبه فارس .. قريت المسج اكثر من مره .. اوقف عند كلمة الواحد الزم ماعليه سمعته وسمعت خواته ؟ لازم يفهمني فارس معنى كلامه

طبعاً لا الكلام ولا الوقت يسمح لي اكتب شي في هاللحظه .. فدقيت عليه بسرعه ......

رد علي وقال : الووو هنوفه ؟

قلت بسرعه وبخوف : فارس وش كاتب لي

تنهد وقال : انا ما اقدر اغير شي الليله بسافر

قلت بعد مادمعت عيوني : لـــيــه بتسافر ؟

قال بتردد : هنوفه مو لازم الحب ينتصر في هالدنيا .. ومو أي علاقة حب تستمر وتنتهي بالزواج

قلت : طيب فهمني

سكت شوي بعدين قال : انتبهي لنفسك من اختك حنان .. تراها مره معروفه .. ومشهوره بين الشباب
حتى انا كنت اعرفها واكلمها

قلت : لالا اللي تتكلم عنها مو اختي حنان صدقني .. فارس انا احبك ما اقدر اكمل حياتي بدونك

قال : لا انا متأكد انتي دقيتي علي من جوالها و....

قلت : الووو فارس وينك

فارس يبكي ؟ مستحيل .. قلت : فارس لا تبكي .. دام انا احبك وانت تحبني وش اللي يمنع

قال بصوت متكسر .. بصوت يعور قلب أي احد يسمعه .. بصوت يحمل مليون آه .. ماتمنيت في حياتي اشوف فارس متعذب ومتألم كذا : ما اقدر اكمل معاك يا الهنوف .. خلي بالك من نفسك تكفين .. ترا انتي يا الهنوف .. بنت أي واحد يتمناها .. انتي انسانه مو عاديه .. انتي انسانه طيبه وشفافه وحنونه وقلبها كبير تقدر تسعد أي احد يعيش معاها .. " احذري من اختك حنان " ولا تنسين كلمتي هذي وخليها حلقه في اذنك الله يخليك لا تخليها تضرك .. ربي يسعدك مع غيري .. مع السلامه

قفل على طول .. قلت بصوت عالي : الوووو .. فارس لاااا .. فارس ارجع لي .. مابعيش حياتي بدونك .. انا احبك وانت تحبني .. فــــــــــــــــارس

رميت الجوال على الجدار يوم ماتكسر اخذته ورميته مره ثانيه بقوه .. حتى صارت كل قطعه من الجوال في مكان .. اخذت كل شي في غرفتي وكسرته .. كنت اكسر كل شي تطيح عليه يدي .. فـــــارس ارجع لي .. الله يخليك .. لا تسااااافر .. تكفى ارجع لي .. جلست على الارض وكل شي حولي كان مكسر صرخت بصوت عالي : فـــــــــــــــــــــــاااااااااااااااررررررررس

قمت من مكاني وطلعت من الغرفه نزلت تحت الصاله مدري وين كنت بروح بس كنت اركض .. تعثرت بشي وطحت على الارض ضميت يديني بقوه وجلست ابكي .. فارس تركني ؟ لا ماتركني .. لا .. لا .. لا .. لالالالالالا لااااااااااا

فتح اخوي فيصل الباب وجاني يركض .. جلس على الارض وحط يده على كتفي .. كان يكلمني بس مخي مو راضي يستوعب هو وش جالس يقول .. ركزت شوي يوم هز كتفي وقال : ليه تبكين

اشرت على قلبي .. و قلت : هنا يحترق يافيصل
ضمني بقوه وقال : عسى ماشر .. هنوفتي وش فيك ؟

اول ماشفت حنان فاتحه باب الصاله .. بعدت عن فيصل ورحت لها وانا اركض
سحبتها من شعرها بكل وحشيه وانا اصرخ : كله منك .. انتي السبب .. اكرهك .. انتي مو اختي

وهي ماسكه يدي وتقول لي : اتركيني يا المجنونه .. فيصل الحق علي بتذبحني آآآآآآآآآي فيصل

كنت اضرب فيها بدون رحمه في هذاك الوقت مدري من وين جاتني هالقوه اللي خلت حتى فيصل مايقدر يبعدني عن حنان .. تركتها يوم شفت الدم في وجهها من اظافري

مسكني فيصل وعطاني كف " ماحسيت فيه " وقال بصراخ : الهنوف وش فيك وين عقلك

طحت على الارض منهاره .. حطيت راسي على الكنبه وغطيت وجهي كنت ابكي من كل قلبي ودموعي كانت حاره من القهر .. آآآآه يا القهر آآآآآآه ياقلبي .. محد بيحس باللي انا فيني الا فارس .. بس وينه فارس

.................................................. .....


___________________
الطائره .. الساعه : 9:00 مساءً
___________________

** فارس **

كنت في الطائره وساند راسي على الدريشه متألم لحالتي وحالتها .. يمكن اكون ظلمت الهنوف .. بس لو غيري كان سوا كذا .. الحب مو كل شي في هالدنيا .. وحبي للهنوف مابيخليني ادوس على اهلي .. لاني فعلاً بزواجي بالهنوف بدوس على اهلي .. ان عرفوا خالد وابوي .. اني ابي اتزوج اخت حنان ماراح يوافقون بمجرد اجيب طاري اسم حنان وعايلتها .. ولو كان واحد من اخوياي يبي يتزوج اختي بيغير رايه ان ناسبت هالعائلة .. والسمعه اهم من الحب .. وانا واحد اخاف على اخواتي واهلي وما ابي اظرهم بشي .. ان شاء الله تستقيم هالبنت " المعروفه بين الشباب " والله سبحانه يصلح حالها .. صحيح الهنوف طيبه وتستاهل واحد احسن مني .. بس انا ما راح اسعدها .. اتمنى تلقى رجال يحبها يسعدها ويعيشها الحياة اللي تستاهلها وانا بحاول انساها .. وهي اكيد بتنساني مع الايام

.................................................. ....

____________________
الجامعه .. الساعه : 8:30 صباحاً
____________________

** الريم **

طبعاً انا خلصت ايام العده من زمان بس للحين وجهي شاحب وعيوني حمر من كثر البكي .. كل ماذكرت محمد بكيت .. اسأل رهف عن محمد .. تقول لي ماتدري عنه شي .. اهله كلهم مايدرون عنه شي .. وين مختفي يا محمد .. ان شاء الله خير

وانا امشي اسمع كلام البنات يتهامسون : طلقها واخذ صديقتها

لا حولا ولاقوة الا بالله .. كل يوم نسمع خبر اسوء من الثاني .. وش صاير في الدنيا .. مانسمع الا اخبار تحزن

الى ان دخلت الكلاس وانا اسمع البنات يتهامسون : والله دنيا طلقها واخذ صديقتها وهي احلى واحسن من صديقتها بمليون مره

حطيت كتبي وعدلت شعري .. شفت البنات اللي اعرفهم متجمعات .. فتحت اذني معهم ابي اسمع وش يقولون .. سمعتهم يقولون : ايه زوج الريم طلقها واخذ اسراروه اللي تدرس معنا

وقفت بروح لهم بس حسيت الدنيا كلها سودا ماقدرت اكمل .... طحت مغمى علي

...........................................


__________________
شقة محمد .. الساعه :8:30 مساءً
__________________

** محمد **

’’ الريم بسرعه بوديك بيت اهلك مو انتي تخافين تجلسين بالشقه بروحك.. يللا بسرعه عاد انا بروح الدوام تأخرت ’’

قالت لي : قلت لك الف مره اسمي اسرار مو الريم

قلت ببرود : زين البسي عبايتك .. لا والله طلعت وخليتك

قالت بدلع : ماتسويها .. تترك زوجتك وهي حامل .. لو احتاجت شي ؟

قلت وانا أأشر بيدي : خلك هنا بقلعتك

طلعت وقفلت الباب بقوه وانا معصب .. كاره العيشه مع هالأنسانه مره .. بس اكيد بعد ماتجيب لي الولد او البنت بتتغير حياتي معها

والريم اخبارها ؟ وش مسويه بدوني .. اكيد تتعذب .. لالا .. خلاص انا طلقتها وما ابي افكر فيها .. كفايه ان حياتي معها كانت عذاب

ليه ما امر بيت ابوي .. اموت واعرف اخبارهم .. بمرهم لاني متأخر على الدوام كذا ولا كذا

.
.
.

وصلت بيت ابوي اخذت نفس وطقيت الباب .. حسيت بأاحد يفتح الباب

دفيت الباب بشويش ودخلت .. طاحت عيوني على رهف اللي فتحت لي الباب

يوم شافتني لفت نفسها عني وراحت تركض داخل .. لا حول انا طلقت صديقتها او طلقتها هي ؟

دخلت داخل .. شفت امي جالسه بالصاله .. قامت وسلمت علي بحراره .. لانها مشتاقه لي من زمان ماشافتني .. شي طبيعي انا ولدها

بعد ماسلمت عليها قالت لي : بس قلبي شايل بخاطره عليك مره

قلت بحزن : افا يا الغاليه تشيلين بقلبك على ولدك

قالت : اللي سويته في بنت الناس مو قليل

دق قلبي يوم سمعت طاريها .. قلت : وش اسوي انا ابي عيال .. والريم ماتقدر تجيب لي .. وان خليتها على ذمتي وتزوجت عليها ما بقدر اعدل بينهم .. انا رجال على قد حالي

قالت لي : فطرت ؟

هزيت راسي بلا

ناظرت في وجهي وقالت : انت مو مرتاح في حياتك

نزلت راسي وقلت : ايه ومابذوق طعم الراحه .. انا تعبان مره

قالت لي : اجلس ياولدي بحط لك الفطور

قلت : تسلمين يمه بس ما اقدر مره ثانيه .. رهف ماراح تنزل يعني ؟

قالت : ما اعتقد

تنهدت بتعب وقلت : طيب يللا يمه سلمي عليها وعلى سعد ويوسف .. فمان الله

قالت : الله معاك .. انتبه لنفسك والله يوفقك

.................................................

** رهف **

كنت في غرفتي جالسه على طرف السرير .. ما ابي اشوف محمد .. مره مو طايقته اللي سواه مو شوي .. والمشكله ماعنده مبرر .. والله زمن بعد ماكان يموت عشان يتزوج الريم يطلقها ؟

مدري ليه يوم جا في بالي طاري الزواج فكرت في نايف .. وفي الموضوع اللي كلمني فيه
امممم يمكن يكون صادق في شي .. ابوي كبر في السن وماراح يتحملني كثير .. خاصه اني كنت متزوجه .. وتعود على انه مايصرف علي .. ويوسف وجوده والعدم واحد .. ومحمد ما ابي منه شي حتى لو كان موجود .. وسعد صغير .. عادي الصغير مصيره بيكبر .. بس بعد متى .. اوف وش اسوي ياربي ما ابي اعيش وحيده .. ولا كبرت في السن ما بيصير معي احد .. رهف لا تضيعين عليك فرصة الزواج من نايف .. انتي تتمنين واحد مثله .. وكل البنات يتمنون نصه
وهو يحبني وانا ادري ووقف معي كثير مايستاهل اني ارده .. ورغد محتاجتني مره .. خاصه انها صارت يتيمه .. مستحيل اخلي وحده غريبه تربيها .. وربي محتاره وش اسوي

...............................................



__________________
بيت مشعل .. الساعه : 9:00 صباحاً
__________________

** نجود **

اوف ابي اروح اليوم الشغل .. عشان اوقع اوراق واخذ اجازه .. لازم اجهز لزواجي ماعندي وقت .. فيصل يبينا نتزوج بسرعه وانا مزحومه مره

نايف وفيصل بالشغل .. مافيه الا السواق مستحيل اروح معاه

بجرب ادق على نايف جوال يمكن فاضي

دقيت عليه ورد بسرعه : الوو هلا جودي

قلت : هلا .. نايف تقدر تجي البيت تاخذني للشغل بس بوقع اوراق عشان اخذ اجازه وبطلع على طول

قال : جودي انا مشغول عندي اجتماع الحين بس فيصل ماعنده شي .. بقول له يجي يوديك اوكي .. يللا انا مستعجل باي

قلت : اوكي باي

بعد ربع ساعه دق على جوالي فيصل .. رديت : الوو هلا فيصل

قال : هلا قلبي .. اخبارك ؟

قلت : بخير وانت

قال : عــــــــــســـــــى دوم مــــــــــــو يـــــــــــــوم

قلت : يدوم عـز .........

قال بسرعه : وعزك ياالغاليه .. يللا اطلعي انا برا

قلت : اوكي .. باي

قفلت من عنده ولبست عبايتي بسرعه .. وطلعت

ركبت السياره وقلت: السلام عليكم

قال : وعليكم السلام .. اخبارك ؟

ابتسمت وقلت : اخباري عرفتها قبل شوي

قال : اممم مو مشكله حياتي انا ابي اعرف اخبارك كل دقيقه

قلت : طيب

كنت انتظره يحرك السياره .. بس مرة 10 دقايق وماحركها

ناظرته وقلت : يللا نمشي

ناظرني بغرابه وقال : ليه ؟

قلت : انت عارف ليه

قال : انت عارف ليه بحبك ليه وحبك ليه بيحلالي ليه بسهر ليه وادوب في عينيك

قلت بقهر : ليكون تسمع لهذي ؟

قال : ومالوو

لويت فمي وغطيت وجهي وقلت : اوكي

قال وهو يضحك : هااه بدينا نغار

استحيت ولفيت اناظر الجهه الثانيه وقلت : فيصل عاد

قال : زين بمشي على قولة اخوانا الكويتيين .. اتغشمر وياج

قلت وانا اضحك : اونك عاد .. بس اذا جيه عادي .. انا بعد ارمسك اماراتي

قال : هيه .. يللا نسير

وفي الطريق كل شوي يحط لي اغنيه .. يغني مع المغني ويقول اهداء لك

قلت : ماشبعت اهداءات

قال : لا .. لا يكون مليتي .. ما مداك تملين مني .. انا قايل يمكن اتزوج وحده ثانيه .. بس الحين اكيد بسويها

شهقت وحطيت يدي على صدري وقلت : تتزوج على نجود بنت عبد العزيز ؟

قال : الشرع حلل

اشر لي بصبوعه الاربعه وهو يحرك حواجبه

قلت وانا امثل عدم الاهتمام : ايه احسن .. بتجيني وحده تفكني منك

دخل يده من تحت الشيله مسك شعري وقال : متأكده

قلت : ايه

شد شعري بشويش وقال مره ثانيه وهو يناظر للطريق قدامه : متأكده

قلت : لالا امزح .. والله امزح

قطع شعره من شعري وقال : حسبت بعد

لف شعرتي على اصبعه وقال : حبيبي انزلي وصلنا

لفيت انا وقلت بأندهاش : ما اصدق وصلنا بهالسرعه

قال : شفتي اذا كنتي مع حبيبك ماتحسين للوقت

ضحكت وفتحت الباب

قال : انتبهي لنفسك

قلت : نلتقي لاحقاً

قال : ان شاء الله

نزلت من السياره وقفلت الباب .. لفيت اناظره شفته يطبع بوسه على كف يده ويطيرها جهتي في الهوا

ضحكت عليه وكملت طريقي

دخلت وقعت وخلصت كل شي بسرعه عشان ما اتأخر عليه

طلعت برا وانا اتلفت ادور سيارة فيصل بعيوني .. رحت لعند الشارع وانا اناظر بقهر .. وين راح فيصل .. لهذي الدرجه تأخرت ؟

بدق بشوفه .. فتحت الشنطه بملل وطلعت الجوال منها .. بس تركت الجوال لان احد مسك يدي

بدون ما ارفع راسي قلت وانا ادخل الجوال واقفل الشنطه : فيصل خرعتني حسبتك مشيت عنـ.....

لاحظت ان الملابس اللي عليه غير .. رفعت عيوني شوي شوي بخوف .. يـــوســـف

سحبت يدي بقوه وبعدت عنه على طول .. فتحت الشنطه ابي اطلع الجوال

بس هو سحب شنطتي بسرعه .. قلت وانا للحين ماسكه الشنطه : يوسف الله يخليك روح

قال بهمس : انتي ماتسمعين الكلام

خايفه فيصل يجي في أي لحظه .. عشان كذا كنت متوتره و ارجف بشكل مو طبيعي

حس برجفتي وقال : دام انك خايفه مني لهذي الدرجه .. ليه تعانديني

قلت وانا قريب ابكي : ماعاندتك

قال : مو قلت لك لا توافقين على فيصل .. لان انا ابيك ؟

قلت بخوف كبير : فيصل ماله ذنب اهله غصبوه عشان ياخذني

عصب يوم قلت كذا .. و قال بصوت شوي عالي : رجال اهله يغصبوه وين حنا فيه ؟ خايفه عليه .. تحبينه صح ؟

هزيت راسي بلا

قال وهو يسحبني من الشنطه : زين امشي معاي

من سحبني بكيت على طول وقلت : وين امشي معاك

قال : امشي سيارتي انا ابيك .. مستحيل اخليك مع فيصل

قلت برجاء : لا تنكفى يوسف انا ما ابي

قال وهو ضاغط على اسنانه : امشي سيارتي وبلا فضايح ترا الكلام بيجيك انتي ان شافوني معاك

قلت بفرح وانا احط يدي على فمي : فيـــصــــــل

تركني يوسف بسرعه وراح يركض سيارته .. وتحرك على طول

اخذت نفس بقوه .. ارتحت يوم تحرك .. طبعاً انا ماشفت فيصل كل هذا كان تمثيل مني عشان يتركني يوسف

دقيت على فيصل اول ماراح وقلت : هلا هلا هلا هلا الو الو الو

قال : علق الشريط ههههههههههه

مو وقت مزح ابد .. قلت : فيصل ليه مشيت ؟

قال : وليه اوقف ؟

قلت : عشان ترجعني البيت

قال : ماخلصتي دوامك وشلون ترجعين

قلت : ماقال لك نايف اني بس بوقع اوراق وباخذ اجازه

قال : اهـــــــــــــا لالا ماقال لي .. انتي وين الحين

قلت : برا عند الباب

قال : ادخلي داخل وانا لا وصلت بدق عليك .. بجيك طيران مابتأخر

قلت : زين لا تسرع

قال : اوكي .. باي

..................................................





____________________
السياره .. الساعه 11:00 مساءً
____________________

** الريم **

كنت في سيارة خالد .. تعبانه مره .. تمنيت لو اني مارحت الدوام اليوم .. بموت من القهر احس بقلبي يحترق .. ابي اتأكد من اللي سمعته بنفسي من اسرار او من محمد .. مستحيل يسوونها فيني

لفيت على خالد وقلت له : نزلني بيت رهف

قال : لا بوديك المستشفى

قلت بأنفعال وانا ابكي : ما ابي ما ابي .. بروح بيت رهف

قال : انتي تعبانه مايصير كذا

قلت بعصبيه : ترا بفتح باب السياره وبنزل .. انا بدون شي عفت العيشه

قال بأستسلام : خلاص بوديك بس لا تقولين كذا

.
.
.

كنت حاضنه رهف عند الباب وابكي .. خلاص تعودت على البكي .. الدموع من يوم ماطلقني محمد ماتفارق عيوني .. الهم صار يلازمني في كل وقت

قالت لي رهف : خلاص يا الريم مو زين اللي تسويينه .. محمد مايستاهل

قلت وانا منهاره من البكي : ايه لانك ماتدرين وش صار بعد

مسكتني من كتوفي وقالت : زين ادخلي اول

دخلت معاها ورحنا غرفتنا .. قلت لها بكل السالفه

قالت : هالحقيره اللي ماتستحي سراقة الرجال

قلت ودموعي تكمل مسارها على خدي : الله يخليك دقي وتأكدي .. بعطيك الرقم

قالت : طيب بس انتي اهدي

عطيتها الرقم ودقت عليه

................................................

** رهف **

ردت علي بنت .. قلت : الوو اسرار ؟

قالت : ايه نعم من انتي ؟

قلت بتردد : انتي زوجة محمد !!

يوم سمعتها تقول ايه غمضت عيوني بقوه .. ما ابي اشوف الريم

قلت : انا اخته رهف

قالت بفرحه : والله انتي رهف .. هــــــــــلا وغــــــــــلا

قلت بقرف : غلا في قلبك نار ان شاء الله .. الله ياخذك ولا يوفقك لا دنيا ولا اخره .. يا الحقيره ياللي ماتستحين .. سرقتي زوج الريم وهي طيبه وماتستاهل

قالت : ما اسمح لك تتهجمين علي بهذي الطريقه

قلت : ابلعي لسانك انتي اخر من يتكلم

قالت : والله انا مالي ذنب هي اللي ماعرفت تحافظ على زوجها بغبائها

قلت : والله على نياتها البنت مادرت ان فيه ناس في قمة النذاله مثلك .. ايه وش عليك ( خاويني واخوايك اخذ زوجك واخليك )

قالت : ماخليت احد هي اللي خبله .. تبين تعرفين دليل خبالتها .. كتبت لزوجها كلام حلو في ورقه .. وعطتني الورقه عشان الصقها في الورده .. غيرت الورقه بورقه ثانيه كاتبه فيها رقمي وكلام اوصف فيه حبي واعجابي بمحمد ولصقتها في الورده وهي ولا حست ولا عرفت للحين خبله او مو خبله

قلت : مفتخره بللي سويتيه .. ابي افهم وش معنى محمد الرجال كثار

قالت : هي دوم تسولف عنه عجبني .. وبعدين من يوم عرفت انها ماراح تجيب عيال قلت فرصتي .. وايه صح ابشركم انا الحين حامل

انقرفت منها مره .. ماقدرت اكمل معاها .. قفلت في وجهها وحبست دموعي .. ابي اصير اقوه من الريم

مسكت يدها وقلت لها : ريوم لا تبكين خلاص عشاني

قالت وهي حاطه يدها على راسها : ابي ارجع البيت

قلت: اجلسي معي شوي بعد

تفاجأة يوم شفتها تضحك

قالت وهي تضحك بيأس : شفتي الايام وش سوت فينا .. رجعنا مثل اول انا في بيت اهلي وانتي في بيت اهلك .. ماحققنا ولا شي من اللي كنا نحلم فيه

قلت : انتي بتصيرين احسن دكتوره في المستقبل صدقيني

قالت : لا مابصير شي .. انا خلاص مستحيل اقدر اكمل شي .. تعبت مره

قلت : لا لازم تكملين هذا شي من احلامنا

قلت : دام ماتحققت كل الاحلام وش الفايده من تحقيق حلم واحد

بكيت وقلت : خسرنا الحلوه والمره .. وربحنا الآآه والحسره

وقفت وقالت : يللا بمشي

مسكت يدها ووصلت معها لعند الباب

قالت لي : يللا مع السلامه

قلت : الله معك

كنت اتبع خطاها وانا عند الباب

وهي تمشي لفت علي وقالت : سلمي على محمد

صرخت بصوت عالي : الـــــــــــــــــريـــــــــــــــم سيـــــــــــــــاره قــــــــدامـــــــــك

.................................................. ......



____________________
الشركه .. الساعه :12:00 مساءًُ
____________________

** يوسف **

اكيد مستغربين وجودي في الشركه .. بس ما اقدر اصبر اكثر .. قررت اجي اهدد فيصل واخليه يترك نجود .. والله لو يوصل الموضوع للذبح .. ما اخليه الا وهو تارك نجود
زين اني ماتهورت وكلمته قدام نجود قبل شوي .. ولا كان كرهتني اكثر هي بدون شي كارهتني .. بس اذا تزوجتها بتحبني .. مسألة وقت بس

دخلت الشركه .. وماكنت عارف وين اروح

سألت شخص شكله يشتغل في الشركه : وين مكتب فيصل عبد الله

قال : مكتب الاستاذ فيصل عبد الله في الطابق الرابع .. روح فوق واسأل

قلت : مشكور

بما ان المصعد يدوخ راسي .. رحت ركبت مع الدرج يوم وصلت الطابق الرابع وانا راكب اواخر الدرج جا واحد نازل بسرعه .. دفني بقوه وهو يركض طحت وضربت رجلي طرف الدرجه
.. وراح يمشي ولا كأنه مسوي شي .. بس فيه واحد كان وراه جاني يسرع

مد لي يده وقال : اخوي قوم شكلك تعورت

مسكت يده بيدي وقمت .. ويده الثانيه حاطها على ظهري

قال الرجال : والله هالموظف ماعنده اسلوب .. انا اعرف المدير في هذي الشركه .. بكلمه عن هالموظف .. وعن اسلوبه

ابتسمت وقلت : مافيه داعي يا الطيب ... آآآآخ رجلي

قال وهو يتفحص رجلي بيده : شكلها رجلك تعورت مره .. لازم تروح المستشفى يمكن فيه كسر ولا شي لا سمح الله .. لا تسكت عن نفسك

قلت بملل : زين

قال : شكلك تقول وش عنده ذا مسوي فيها دكتور هههههههههههه

قلت : ههه .. يللا مشكور عن اذنك .. أأ على فكره وين مكتب فيصل عبد الله

ابتسم وقال : فيصل عبد الله معاك .. امر اخوي

انصدمت .. ماتوقعت ان اللي اكلمه فيصل .. على طول تداركت الموقف وقلت : قصدي فيصل عبد الرحمن

ثبت ذراعي على كتفه وقال : تعال معاي بوصلك للمكتب

مدري وش اللي خلاني اغير رايي واقول اسم ثاني .. ولحسن حظي كان الاسم اللي آلفته .. اسم موظف موجود عندهم

وقف عند باب مكتب وقال : هذا مكتب الاستاذ فيصل عبد الرحمن .. تبيني اوصلك لداخل ؟

مديت يدي وقلت : لا مشكور اخوي ماتقصر

صافحني وقال : العفو ماسويت الا الواجب .. حياك

مشى عني وانا الاحقه بأنظاري .. يوم اختفى .. مشيت عن باب المكتب .. هذا هو فيصل خطيب نجود .. معاملته معي كانت عكس تماماً للمعامله اللي كنت بعامله فيها لو ماصار اللي صار .. مدري وش احس فيه بالضبط .. لأول مره في حياتي كلها احس بالذنب

طلعت من باب الشركه .. ودق علي ياسر

رديت عليه : الوو هلا يسور

قال : هلا يسوف .. لا تنسى الليله بنسرق محل الفساتين

قلت : بس الفساتين ماتجيب شي

قال : لا هالمحل ارخص فستان عنده بألفين .. يعني بنحصل على شي وشويات

قلت : اوكي تم


............................................

___________________
المستشفى .. الساعه : 12:30 مساءً
____________________

** رهف **

كنت في المستشفى عند السرير اللي فيه الريم .. تقول انها تبي تشوفني قبل ماتموت .. وهذا الشي اللي خلاني ابكي

كانت كلها دم في وجهها وفي جسمها .. وانا ماسكه يدها .. مو مصدقه اللي صار

قالت لي بصعوبه وهي مو قادره تتكلم : رهـ ـ ـ ـ ف انا ابي منك طلب اخيــ ـ ـ يـر قبل ما اموت

قلت وانا امسح على شعرها ودموعي تطيح : بسم الله عليك .. عمرك طويل .. مابتموتين صدقيني

بلعت ريقها وقالت : قولي لمحمد انـ ـ ـي احبه ......... ومسامحته على كل شي .. وع وعاذرته لانه ماغلط .. حلمه انه يصير ابو .. وانا ما حققت له هذا الشي ..و لو لو عشت مستحيل انساه انا حافظه اسمه في جوالي مستحيل انساك وهالكلمه محفوره في قلبي بعد .. قوليله هذا الكلام رهف ..أأأ مانه

حطيت يدي على فمها وقلت : لالا لاتتعبين نفسك حبيبتي .. انتي بتعيشين

قالت : خليني اكمل .. انتي بعد سامحي محمد عشاني ولا تقسون عليه .. وابيك تكملين دراسة الطب عنك ............ وعني .. هالحلم بالذات لازم يتحقق وما ابيك تبكين على موتي.. لاني ان مت برتاح .. لاني ما بقدر اكمل حياتي بدون محمد .. واذا تذكرتي ايام الدراسه وايامنا مع بعض .. ما ابيك تبكين بعد ..لانها ذكريات حلوه مانبكي عليها .. انا صحيح انحرمت من العيال ومن زوجي ومن كل شي احبه .. بس ما انحرمت من صديقتي واختي .. اللي لأخر لحظه في حياتي واقفه معاي

من شفتها وقفت عن الحركه ونفسها انقطع .. ناديت على الدكتوره وانا اصرخ بصوت عالي

جات لعندي حاولت تبعدني وماقدرت .. جات ممرضه ووراها ممرضه ثانيه مسكوني وبعدوني

غطت الدكتوره وجه الريم بالغطا الابيض .. صرخت على طول : لاااا الريم مابتموت مابتخليني لحالي .. ريوم قومي .. تكفين

طلعوني برا مكان ماكانوا موجودين امها اللي ماقدرت تدخل لها .. واخوها خالد .. من طلعت طحت على الارض ماقدرت اوقف مسكتني امها وقالت : رهف قومي قوليلي وش فيها الريم

قلت وصوتي متقطع من البكي : الريم خلاص .. تركتنا وراحت .. تركتني صديقتي واختي الوحيده .. من لي غيرها بهالدنيا .. ابي اشوفهــا .. ما ابيها تموت

ودخلت في نوبة بكي متواصل .. الى ان غبت عن الوعي

................................................


_________________
شقة محمد .. الساعه 1:30 مساءً
_________________

** محمد **

رجعت من الدوام تعبان .. شفت اسرار في وجهي

قلت وانا لاف عنها : السلام عليكم

قالت : وعليكم السلام

قلت : جوعان

قالت : انت تدري اني ما اعرف اطبخ

قلت : ومتى بتتعلمين ان شالله .. والا اقول وخري وخري بروح انام ابرك لي

وقفت وقالت : انت تبي حجه عشان تنام

قلت : ايه ابي حجه ما ابي اشوف وجهك

قالت : محمد اليوم عرفت ان اللي في بطني بنت

قلت : مبروك

قالت : ما اشوفك مستانس

قلت : مو قادر اعرف وش يعني وناسه معاك

قالت بيأس : اجل طلقني

قلت بعصبيه : ايه بطلقك وبرجع للريم .. وبربي بنتي معاها

قالت وهي تهز راسها : مو كل شي بالدنيا يمشي على كيفك يا محمد

قلت : الا على كيفي ومثل ماطلقتها على كيفي برجعها فـــــــاهــــمـــــه .. ويللا روحي عن وجهي ما ابي اشوفك

قالت : ابي افهم ليه تزوجتني

قلت ببرود : لاني كذا ولا كذا بتزوج وحده غير الريم وبطلقها بما ان وضعي المادي مايسمح لي اصرف على ثنتين .. اخذ وحده تحبني وفوق هذا عارفه بقصتي مع الريم وماراح تسأل عن اهلي .. او تقول عرفني عليهم .. وبعدين يا الذكيه من وين بجيب وحده غيرك .. بقول لأهلي شوفولي بنت اتزوجها ؟ ماراح يوافقون لان الريم بنتهم .. او ارقم واشوف البنت اللي تناسبني ؟ .. انتي سهلتيها علي ورقمتيني

قالت : محمد حرام اللي تســ...

اشرت لها عشان تسكت يوم سمعت نغمة جوالي .. ناظرت في الشاشه & رهـف & يتصل بك

رديت وانا متفاجأ اتصالها : الوو هلا رهف

قالت وهي تبكي وصوتها مبحوح : محمد الريم ماتت .. ’’ وبكت بصوت يقطع القلب ’’ ماتت وهي تتكلم عنك

رميت الجوال على الكنب وطلعت من البيت اركض .. جلست اركض في الشوارع اركض واركض .. وصلت للبحر وطيحت نفسي على بطني وبكيت بصوت عالي .. انا ابيها .. انا احبها .. ليه ماتت وخلتني .. كنت برجع لها .. لاااااااا اكيد انا بحلم

.
.
.

رجعت الشقه بالليل وانا تعبان .. وكنت حافي وشماغي مو على راسي .. فتحت الباب لقيت اسرار في وجهي .. مسكتها بقوه وطلعتها برا الشقه ورميت وراها عبايتها .. وانا اصرخ : انقلعي برا وما ابي اشوف وجهك

رحت للمطبخ ورحت للغرفه ورحت للصاله .. وانا اتخيل الريم في كل مكان .. ليه طلقتها بموت من الحسره والندم .. وش بيفيدني هذا كله الحين .. ماتت وانا السبب .. قتلتها

كان شريط حياتي مع الريم يمر قدام عيوني .. يوم اشوفها اول مره

.
.

كانت بنت عند الباب واقفه ومنزله راسها .. ماعرفتها ..لانها حاطه الغطا على وجهها .. قلت اكيد هذي وحده من صديقات رهف ..... لالالا .. هذي الريم ... انا متأكد .. ايه ايه .. هذي الريم .. ريحة عطرها نفسها ... تكلمت وهي مستحيه ومنزله راسها

قالت لي : رهف موجوده

من تكلمت قلبي بدا يدق بقووه .. صوتها مره ناعم ..فديتك .. وفديت صوتك يا الريم

رديت عليها : ايه ايه .. تفضلي

كنت انا مسند يدي على الجدار .. وهي كانت واقفه قريب مني ..اناظرها وانا مبتسم ..وااشر لها عشان تدخل .. بس هي مادخلت .. الظاهر عجبتها الوقفه معي .. وتبي تطول .. يحظك ياحمود .. من قدك

.
.

آآآآآآآه ماتوقعت الايام تاخذها مني .. مو الايام اللي اخذتها .. انت الحقير النذل اللي طلقتها وتركتها ......... ارجعيلي يا الريم وبعوضك .. ارجـــــــــــــــــــعـــــــــيـــــــــــــلـــ ـــــــــــــي


...............................................

_____________________
محل الفساتين .. الساعه 11:00 مساءً
______________________

** يوسف **

وقفنا برا عند المحل .. كان فيه رجال واحد بس يبيع وحنا ما حسبنا حساب ان فيه رجال واحد بس .. هالشي بيسهل علينا المهمه يعني .. وبنتين يشوفون الملابس .. انتظرنا هالبنتين يطلعون .. ودخلنا بعدهم .. هددت انا اللي يبيع بالسكين .. وياسر ودحوم قفلوا المحل .. اخذوا الفلوس اللي في المحل و بعدها اخذو كيس كبير .. وصاروا ياخذون الملابس ويحطونها بالكيس .. ضربت انا الرجال على رجله بالسكين .. عشان مايقدر يمشي .. حطيت السكين بجيبي .. ورحت اجمع معاهم .. وانا اجمع لمحت الرجال زحف للتلفون .. وكان بيدق رقم .. عرفت اني مابلحق عليه واكيد دق على الشرطه وبيوصلون .. تركت اللي بيدي بصمت ورحت لعند الدريشه اللي بالمحل .. كسرتها من الاطراف .. وطلعت منها .. بس اخوياي ماقدروا يطلعون والشرطه لحقوا عليهم .. مشيت بسرعه وكنت بركض .. بس لفيت وراي ناظرت للمحل وفكرت شوي .. حطيت يدي بجيبي وطلعت السكين وجوالي ومحفظتي وحطيتهم عند الدريشه اللي هربت منها .. ابتسمت بحزن ومشيت ’’ خسارة حريتي مو اعضم من خسارتي لأول حب في حياتي .. نجود ’’

.............................................

[@ همس الغلا @]

____________________
بيت ابو يوسف .. الساعه :8:00 مساءً
____________________

** رهف **

كنت جالسه في غرفتي اقرا قرآن للريم الله يرحمها .. وانا في قمة الحزن .. محمد حالته حاله .. ويوسف بالسجن .. وانا طول الوقت ابكي .. خسرت كثير ناس احبهم واعزهم .. مابقى لي غير الذكرى

فتح الباب اخوي سعد وقال لي : رهـــف فيه بنت تبيك عند الباب

حطيت القرآن .. وطلعت من الغرفه .. نزلت تحت وفتحت للبنت

ناظرت فيها شوي متفاجأه .. من هالبنت

بعدين قالت : السلام عليكم

قلت : وعليكم السلام

قالت : انتي رهف

قلت : ايه

قالت بأرتباك : ممكن ادخل

فتحت الباب وقلت : أأيه .. ت ت تفضلي

دخلتها وكانت امي جالسه بالصاله .. سلمت عليها وجلست

قالت : اكيد ماعرفتوني

قلنا : لا

قالت بخوف : انا اسرار .. محمد طلقني .. وبنتي للحين بدون اسم .. ابيه يسميها .. وشلـ ..

قمت من مكاني وقلت بعصبيه : وجعله مايسميها .. وش جابك بيتنا

قالت : الله يخليك رهف حاولي تفهميني

رحت ومسكتها بقوه من يدها وصرخت : انـــــقـــــلعـــي برا بيتنا .. ولا عاد تجين .. يــــللا برا

بس هي مو راضيه تطلع .. مسكتها امي من يدها الثانيه وقالت : اطلعي بالطيب يابنتي والله يستر عليك .. لان مالك جلسه في هالبيت

قالت وهي تبكي : مو ذنبي

قلت : الا ذنبك ويللا انقلعي برا

مسكتها من شعرها وسحبتها لبرا البيت .. جا سعد يركض وفتح الباب .. دفيتها برا .. وقلت : بعد اللي سويتيه في الريم لك عين تجينا .. ياويلك لو تجين مره ثانيه

وصفقت الباب بقوه

........................................



™±§•£‡ بعد مرور 10 سنوات من الاحداث السابقه ¦‡£•§±™

_____________________
بيت نايف .. الساعه : 1:00 صباحاً
_____________________

** نايف **

كنت نايم ورهف تصحي فيني .. وانا معطيها ظهري واقول : رهوفه خلاص خليني انام

سحبت الغطا عني وقالت : حلوه هذي تنام وانا اجلس لحالي .. واذا صحيت بكرا تصحيني

قلت وانا مغمض عيوني : نامي وش اللي يمنع

قالت بقهر : اللي يمنع ولدك مشعل مو راضي يسكت

قلت : اجل ارميه من الدريشه

قالت بدهشه : ارمي ولدي ؟؟؟؟؟؟

قلت : عندنا بناتنا شهد ورغد مالنا حاجه فيه

وش فيها سكتت وين راحت لا يكون نامت .. سمعت صوت الدريشه تنفتح .. نطيت من السرير .. ولفيت عليها شفتها فاتحه الدريشه وتاخذ مشعل بترميه

رحت لها اركض .. سحبت الولد وقلت لها : هيييه تخبلتي هاتي ولدي .. بسته وحطيته على سريره

ضحكت بصوت عالي وقالت : شفت كيف صحيتك

تخصرت وقلت : تنصبين علي يعني

تخصرت مثلي وقالت وهي تقلد صوتي : تنصبين علي يعني .. اكيد انصب عليك

سحبت يدها وبستها .. وقلت : لا تقلديني

قالت : كيفي

قلت : لا مو كيفك

قالت بتحدي : الا كيفي

قلت : رهف

قالت : نايف

قلت : ترا بعضك

قالت وهي تضحك : عادي

دفيتها على السرير .. وطاحت على ظهرها .. وصرت ادغدغها واقول : هاه تتأدبين عن حركاتك

وهي ميته ضحك ومو قادره تتكلم .. بعدين قالت : خلاص نايف الله يخليك بتأدب ههههههههههههههه .. نايف لا تدغدغني ما احب هههههههههههههه والله ما احب ههههههههههه

قلت : قولي احبك يانايف وبوقف

قالت : وقف الله يخليك هههههههههههههههههههه نايف خلاص عاد

قلت : قولي اول

قالت وهي تحاول تبعدني : بس عاد ههههههههه بتصحي مشعل يالله نام هههههههههه

قلت وانا للحين ادغدغها : يعني مابتقولين ؟

قالت : احـــــــــــــبــــــــــــك

قلت : كملي .. قولي احبك يانايف .. ولا ترا مابوقف

ضحكت وقالت : احبك يانايف ههههههههه امــــوت فــــيــك

تركتها وقلت : ياقلب وعمر وحياة وروح نايف .. وانا اعشقك يادنيتي مو بس احبك

قالت : الله يخليك لي ولـ رغد وشهد ومشعل

انسدحت بجنبها على ظهري وقلت : ويخليك لنا حبيبتي .. رغد متى نامت ؟

قالت : نامت الساعه 10 .. انا غصبتها تنام .. هي مو راضيه تنام .. تحاتي حق ليلة بكرا .. ما الومها حالة أي عروس

قلت : بنفتقد بنتنا رغد كثير اذا تزوجت

قالت : ايه صح

قلت : مو متعود تنام برا البيت

قالت : لا تخاف عليها سعد رجال ويحبها ويخاف عليها

بست عيونها اليمين وقلت : ايه والنعم فيه .. طالع على اخته " وبست عيونها الشمال "

ابتسمت وقالت : الايام بسرعه تمشي .. احس عرسي انا وانت كأنه الامس .. وبكرا عرس رغد وسعد اخوي .. والله دنيا

قلت : ايه والله

~~)(~~ كـذا من ربي حبــيته بسـرعه يوم لا قيـــــته
ياناس اللي تمنيـــــته أخيـراً صـــار محبــوبي ~~)(

سمعت نغمة جوال رهف وقلت : وش هالاغنيه المغبره .. وااااااااي قديمه

ابتسمت وقالت : بس لها ذكريات

ردت على الجوال وقالت : الووو هلا ام نايف .. ايه نامت .. طيب .. الساعه 8 .. عارفه .. الله يخليك .. بكرا تعالي بدري مانبي نتأخر .. العروس نامت من زمان .. طيب .. الله معك

قلت : وش تبي نجود

قالت : تسأل عن أمل بنتها

قلت : يالليل أمل بنت نجود وفيصل .. انا خلاص اعتبرها فرد من افراد عائلتنا .. كل يوم تنام معنا

قالت : تحب شهد .. وماترضى تطلع من البيت اذا جابتها امها وش تسويلها

قلت : مشعل سكت شكله نام

قالت : انا بعد بنام .. يللا تصبح على خير

قلت بأعتراض : لا والله تطيرين النوم من عيوني..بعدين تنامين وتخليني .. مافيه تجلسين معي الى ان انام

ضحكت وقالت : شكلنا بكرا راح ننام في العرس

.................................................. ....

__________________
بيت ابو يوسف .. الساعه : 1:30 مساءً
__________________

** محمد **

’’ يــــــــمــــــــــه .. ما خلصت الـــــــــريــــــــم ’’

سمعت صوت امي تقول : جالسه امشط شعرها

طلعت من غرفتي للصاله .. شفت امي جالسه تمشط شعر بنتي الريم .. والريم تبتسم لي وهي لابسه فستانها الاحمر

قلت : يللا بسرعه يمه

كنت انتظر امي تخلص منها .. عشان باخذها .. بطلع معها وبلعبها مثل ماوعدتها .. بنتي الريم اغلى شي بحياتي .. احبها مره .. سميتها الريم عشان اتذكر الريم الله يرحمها كل ماشفتها وناديتها .. انا الحين في بيت ابوي .. طبعاً امي تحبها وتدلعها ومو مقصره معاها كأنها امها .. وامها اسرار من يوم ما اخذتها منها ما سألت عنها .. عمري الحين 37 .. وماتزوجت بعد اسرار .. تقدمت الى ساره اخت الريم الله يرحمها .. لانها من كلام امي ورهف صارت مره تشبه للريم بشكل مو طبيعي نسخه منها .. بس رفضتني رفض قاطع .. وما الومها

كنت اعتقد ان العيال اهم شي " عشان اعيش سعيد " بس اكتشفت انك لازم تحب " ام العيال " عشان تعيش سعيد .. ولو ما الله كتب انه يرزقك انت وزوجتك عيال اكتفي بـ " حبها واخلاصها لك " والسعاده ماعرفت طعمها الا بوجود " الريم " بجنبي ...

والحين انا عايش مع بنتي احلى حياة ومع هذا افتقد فيها الريم الله يرحمها

..............................................


_________________
بيت فيصل .. الساعه : 2:00 مساءً
_________________

** نجود **

اوف معصبه مره .. فيصل ساعه يتروش وساعه يتلبس و ساعه يضبط الشماغ .. وانا لابسه عبايتي ومقهوره

قلت وانا سانده نفسي على باب الغرفه : فيصل وش رايك تحط لك ميك اب

قال : ما اعرف .. لو اعرف حطيت

قلت : حبيبي والله بيزعلون مني رهف ورغد ان تأخرت اكثر من كذا

قال ببرود : وش اسويلك صاحيه من الصبح .. كان خليتيني اوديك لهم .. بدال القرقره اللي تقرقرينها في هالتلفونات

شهقت وقلت : حرام عليك أي تلفونات .. بس كلمت عمتي ابارك لها عشان وليد تخرج من الثانويه بنسبه ترفع الراس

قال : اهاا قولي كذا .. كم نسبته وليد

قلت : قول ماشاء الله اول اخاف تصكه عين .. ’’ وبسرعه قلت قبل ماينطق بشي ’’ امزح معك .. نسبته 98 %

قال : ماشاء الله .. توقعت وليد يجيب هالنسبه ماشاء الله متفوق من يوم كان صغير

ناظرت في الساعه وقلت بقهر : خلاص الحين بيخلوني اتعدل اخر وحده

قال : احسن تتعدلين اخر وحده .. يصير شكلك مبهر وتتفنن فيك الكوفيره بحكم ان مافيه وحده بتتعدل بعدك .. ومابيخترب الميك اب بسرعه

ضحكت وقلت : هين بتتفنن فيني .. اصلاً بتكون طفشانه وتعبانه وتبي تخلص .. فبتخربط لي أي شي

تقدم مني وباس خدي وقال : حياتي اصلاً انتي حلوه بدون مكياج وبدون شي

ابتسمت مسكت يده وقلت : اتحداك تقول غير كذا .. يللا يللا تأخرنا

.................................................

___________________
بيت العمه .. الساعه : 4:00 مساءً
___________________

** حنان **

كنت منسدحه على بطني في الصاله .. وماسكه الجوال بيدي

واقول بقهر : اوف الشايب الغبي عنده كل هالملايين ليه سافر وماتزوجني

قالت امي : ماعليك يابنتي انتي حلوه وجميله .. ومليون واحد يتمناك .. صدقيني بتلقين واحد اغنى واحسن منه

ابتسمت بفرح وقلت : صدق يمه

قالت : ايه .. بس اخو صديقتك مريم كان بيخطبك ليه مابغيتيه

قلت وانا أأشر بيدي : خليه يولي هذا ماعنده ولا فلس .. وحده مثلي تستاهل واحد احسن من كذا

قالت : ايه وانتي الصادقه .. بتروحين اليوم عرس رغد

قلت : لا مو مرحب فيني هناك

قالت : بروح انا والهنوف

لفيت اناظر في الدريشه وانا افكر .. امي خلاص صارت عجيز مره .. بتموت قريب .. ان ماتت مابيضل لي احد في هالدنيا .. الهنوف ماتدانيني من هذاك اليوم .. يوم تطقني في الصاله وما اعرف السبب .. وابوي " مات الله يرحمه " وفيصل من عرف اني اكلم شباب تبرا مني وصار مايجي البيت ويقول اللي يبيه يروح له بيته هو ونجود .. وامي والهنوف يروحون له على طول بس انا ما اروح مالي وجه .. والبنات اللي اعرفهم كلهم تزوجوا .. حتى الشباب اللي كنت اعرفهم تزوجوا .. وكنت ابي اشتغل في شركة نايف .. لانهم شغلوا بنات هناك .. ويوم وديت ورقة تقديم الوظيفه .. شقها نايف في وجهي وقال لي مثل ماشقيتي اللوحه .. وللحين مدري أي لوحه اللي يتكلم عنها .. ابي اتزوج وش اسوي .. ابي الرجال اللي في بالي ويحق لي ما اخذ الا غني وعنده ملايين انا بنت حلوه ذكيه واهبل باقي 6 سنوات وادخل الـ 40 توه عمري 34 يعني صغيره يحق لي اتشرط ؟

..................................................



_______________________
صالة الافراح .. الساعه : 11:30 مساءً
______________________

** رهف **

الليله فرحتي ماتنوصف .. كنت احلم اشوف رغد عروس والحين شفتها .. واخذت سعد اللي يحبها وتحبه من يوم كانوا صغار .. حياتي تبدلت من حزن الى فرح .. زوج يحبني ويقدرني ومايقصر علي بشي وانا ابادله نفس الشي بالحب والاحترام .. عيالي مشعل اللي عمره 4 اشهر ورغد اللي عمرها 18 سنه وشهد اللي عمرها 8 سنوات الله يخليهم لي .. وابشركم حققت حلمي وحلم الريم الله يرحمها و خلصت دراستي .. وانا الحين طبيبة اسنان .. عسى الله يديم الفرح علي وعليكم .. قولوا امين

.
.

الحين انا ونجود نتمشى ونسلم على المعازيم .. كان العرس زحمه .. وكل الناس اللي نحبهم معنا .. بأستثناء اختي الريم الله يرحمها اللي افقدها في كل مناسبه سعيده

دخلت الهنوف وامها .. جات الهنوف لعندنا تركض سلمت علينا وهي مبسوطه

وقالت : الله تهبلون

قلت : مافيه وحده تهبل هنا غيرك

قالت : ايه هين .. ابي اشوف رغد متى بتدخل

قلت بأبتسامه : شوي وراح تدخل

ضحكت وقالت : زين انا بروح ارقص هههههه

ضحكت معاها الى ان راحت .. صح ماقلت لكم عرس الهنوف بعد شهرين بتاخذ بندر ولد عمتها .. ادعولها بالتوفيق

سحبت يدي نجود وقالت بهمس : شفتي الدنيا كيف بالمقلوب

قلت : كيف مافهمت

قالت : اجل وحده حلوه مثل الهنوف تتزوج وعمرها في الـ 30 غيرها مفروض تتزوج وعمرها على الاقل 22 .. ولا وفوق هذا بندر اخذها مع انه متزوج قبل .. يعني بتصير الزوجه الثانيه

قلت : ايه والله .. بس يللا اهم شي تزوجت

قالت : ترا تقدموا لها كثير قبل بندر بس هي ماتوافق .. كانت حالتها النفسيه مره تعبانه .. الله ينتقم من اللي كان السبب

قلت : آمــــيــــــــن

شوي وجاتني بنتي شهد ماسكه صديقتها راما

مدت لي يدها تسلم علي .. سلمت عليها وقلت بحنان : كيف حالك راما حبيبتي

قالت : زينه

مسكت شهد ونزلت لمستوها .. قلت وانا انظف فستانها بيدي : شهوده حياتي شوفي كيف وصختي فستانك بالبسكوت

قالت بصوتها الطفولي : جدتي ام مشعل هي اللي اعطتني اياه

وقفت وقلت لها بأبتسامه : اوكي حبيبتي يللا روحي ارقصي مع صديقتك راما

ابتسمت وراحت تركض ووراها صديقتها

على فكره صديقتها راما هذي تصير بنت خالد اخو الريم الله يرحمها .. معاها بالفصل .. والله الحياه صدف

لفيت على نجود وقلت لها : يللا انا بروح بدخل رغد مع نايف

رحت لرغد الغرفه اللي هي فيها .. مسكتني وقالت بخوف : الحين بدخل

قلت : ايه

هزت راسها وقالت : ما ابي .. استحي .. اخاف .. شكلي حلو ؟

قلت : قمر وربي قمر

قالت : يعني تهقين بعجب سعد !!

قلت وانا اضحك : الا بيموت عليك .. انتي وهالعيون الزرق

نزلت راسها بحيا .. ودخل نايف قال بعجله : الحين بندخل رغد ؟

قلنا مع بعض : ايه

مسك نايف يدها اليمين ومسكت يدها الشمال

كانت واقفه ماتمشي

لفيت عليها وقلت : وش فيك رغد

من قلت وش فيك على طول طاحت دموع من عيونها

قالت وهي تبتسم : صحيح انا فقدت امي وابوي الله يرحمهم .. بس الله عوضني بأم وأبو مافيه منهم

عيوني لمعت وكنت ببكي .. ضميتها وقلت : تدرين يابنتي احساس الفرح ماحسيت فيه الا مرتين في حياتي .. مره يوم اتزوج ابوك نايف .. والمره الثانيه اليوم .. والفرح مابيفارقني دام انتي وابوك واخوانك معي

قال نايف بمرح : يعني ليلتنا بتصير فلم هندي الحين ؟

ضحكنا انا ورغد .. وضحك معانا نايف

ودخلناها والكل انبهر بجمال رغد وحلاها .. قال نايف بهمس : ياربي استحيت الكل يناظر فينا

قلت : الكل يناظر معليه بس انت تناظر ممنوع

قال : معي رهف واناظر لغيرها معقوله ؟

قلت وانا ابتسم للناس : طيب يانايف

قال : ااصلاً هو فيه احلى من رهف اللي اخترتها بين كل هالبنات

قلت بحيا : تسلم يابعد عمري الله يخليك لي

قالت رغد : لا تخلوني اضحك الحين .. هذا وقتكم تتغزلون في بعض

ابتسمنا انا ونايف .. وحنا نحاول نكتم ضحكتنا .. وانا اتخيل الناس تموت وتعرف حنا في وشو نسولف

.
.
.

خلص العرس ورجعنا انا ونايف بيتنا

ما كان احد صاحي في السياره غيري انا ونايف .. شهد من اول ماركبنا السياره ماقاومت النعاس ونامت .. ومشعل نايم في حضني .. وانا اسولف مع نايف تذكرت شي .. وقلت له على طول : حبيبي نزلني بيت اهلي ابي اخذ شي

وبطبيعة نايف اللي مايرفض لي طلب قال : من عيوني

وصلت بيت اهلي نزلت وفتحت الباب لان عندي مفتاح لبيت اهلي .. ركبت غرفتي فتحت الصندوق حقي .. وطلعت دفتر نايف حق الشعر تذكرونه ؟

ونزلت تحت بسرعه .. قفلت الباب وركبت السياره

يوم دخلت قلت : هات مشعل ’’ لاني اعطيته مشعل قبل ما انزل بيت اهلي ’’

قال وهو يعطيني مشعل بحذر عشان مايصحيه : وش اخذتي ؟

مديت له الدفتر وقلت : هذا

عقد حواجبه وجلس يدقق فيه بعدين قال بصوت عالي فقع السياره : دفــــتــــــــــراشــــعــــــاري

هزيت راسي وضحكت : ايه

فطس ضحك .. وماسكت

قلت له : وش فيك

مارد علي لانه ميت ضحك

هزيت كتفه وقلت : نايف قول لي

قال : متى اخذتي هالدفتر ؟

قلت : من زمان قبل حتى ما اتزوجك .. تذكر يوم نتبادل بدون قصد بالشنط في المزرعه .. الفضول خلاني اخــ .....

حط يده على فمه وضحك .. قال لي : دفترك حق ذكرياتك عندي

قلت : احلف يا الحرامي وانـــ...

وقفت عن الكلام يوم استوعبت ان كل واحد اخذ شي للثاني وفي نفس اليوم

جلسنا نضحك انا ونايف

بعدين فتح الصفحه الاخيره وقال : قريتي هذي

هزيت راسي وقلت : لا

قال : هذي القصيده هي اللي فوزتني بمسابقة الشعر .. وانا كتبتها لك

قلت بدهشه مخلوطه بالفرح : والله كتبتها لي

قال : ايه لاني مثل ماقلت لك اول ايام خطوبتنا .. اني احبك من زمان من يوم شفتك بالبيت اول مره

قلت : ايه مكتوب في دفتر الشعر

ابتسم وقال : القصيده عنوانها "°o.O بــيــن ثــنــا يــا الأيـــــام O.o°"
وانتي احلى شي شفته بين ثنايا ايامي .. والله احبك موت يارهف

رديت له الابتسامه وقلت : وانا بعد احبك .. صحيح شفت في ايامي اشياء كثير حزينه وماتوقعتها بس الشي السعيد بين ثنايا هالايام هو زوجاي منك

تحمحم وقال : يللا حياتي بلقي عليك قصيده الحين .. وان شاء الله اقدر اعبر فيها شوي
من حبي لك

"°o.O هذي رهفO.o°"

بعيني شفتها وصورتها لي اميــــره
كامله والكامل الله ومحد يوصل غلاها

عرفتها وعرفت ان حبها ماهوبحقيقه
محروماً علي ولازم انسى حـــــــلاها

مهيب سهله القلب عقبهابحاله غريبه
هذي رهف والقلب يفز لاشاف خطاويها

اموت انا واخلي دمعتي بعيني حبيسه
هذي سواتك ياقليبي مالقيت غيرها تغليها

النار بقلبي حسيتها وحسبتهاوالله قليله
اثاري القلب ميتاً فيها يغليها و يبيهـــــــا

حتى يدي تحبها وتكتب لها الف قصيده
والعين في كل لحظه تشوفها تشتريهـــا

ياقوة الله عليها شوفتها ماهيب بسيطه
وانا واعوذ بالله منها اعشق مواطيهـــا
نستني حتى بـــــــرد الغرب وخريفه
بقلم : صاحبة الكلمه

كان نايف يلقي قصيدته لي بحب وانا سانده راسي واسمع له .. حرك السياره وناظرت لبيت الريم .. طاحت دمعه من عيوني .. مسحتها بسرعه وابتسمت



^*^
/
\
/
\
/
\
/
\
/
^*^


***** النــهــاية ******



تمت كتابة اول حرف في هذه القصه يوم الثلاثاء تاريخ 9 شوال 1427 هـ
31 أكتوبر 2006 م

وتمت كتابة اخر حرف في هذه القصه يوم السبت تاريخ 7 رجب 1428 هـ
لسبت 21 يوليو 2007 م


«««(•´¯`•.•÷× الى كل من تابع قصتي واحبها ×÷•.•´¯`•)»

كلمات قصتي هذه محفوره في قلبي .. فأتمنى ان تكون محفوره في قلوبكم ايضاً .. وعلموا جيداً ان القصه لم تكتمل الا بتشجيعكم لي .. قد تبحر سفينة افكاري باحثه عن رواية جديده .. و تعود لترسي في قلوبكم .. تذكروني دائماً .. صاحبة الكلمه

[@ همس الغلا @]

مساء الخير حبايبي ...:in_love:


كيفيكم ... كنت معاكم .. مع قصة بين ثنايا الايام ...:shiny: بقلم صاحبة الكلمة ..


أتمنى إنها تعجبكم .. وسامحوني اذا ثقلت عليكم ...




نلاقكم على خير ...

تحياتي لكم ...

أختكم .. @ همس الغلا @:bye1:

[May be baby]

يسلمووووووووووووووووووووووو على النقل .............

[@ همس الغلا @]

يسلمووووووووووووووووووووووو على النقل .............



مرااااحب خيتو ...


يــســـــــــــلم غاليــــــــــــــك ...

شاكرة لك مرورك ..

تحياتي لك:cupidarro

[قمر اهلها]

http://www.dream4two.de/images/SigTagseite/Tags/Thank%20you.gif

شـكــ وباركـ الله فيكـ ـــرا لكـ...
وجزيتي كلـ الخير
ودمتيـ مبدعهـ و متالقهـ
ووفقكـ الله الى كلـ ما فيهـ خير و صلاحـ
لك مني أجمل تحية .

http://www.nawafithna.com/up/files/260/thanks.gif

[@ همس الغلا @]

http://www.dream4two.de/images/SigTagseite/Tags/Thank%20you.gif

شـكــ وباركـ الله فيكـ ـــرا لكـ...
وجزيتي كلـ الخير
ودمتيـ مبدعهـ و متالقهـ
ووفقكـ الله الى كلـ ما فيهـ خير و صلاحـ
لك مني أجمل تحية .

http://www.nawafithna.com/up/files/260/thanks.gif



ياهلا وغلا بقمر وأهلها ... نورتي ..

تسلمين على المرور وعلى كلماتك العطرة


لك ِ مني اجمل التحايا:cupidarro

[بحر الندى]

http://img120.imageshack.us/img120/1048/30066662dt9.gif


http://www.arabsys.net/pic/thanx/18.gif

http://www.shazly.net/hst5x1/pgifk3tq_10.gif

و بحفظ الله و رعايته
^_^

[jonoon]

تسلم ايدِك على النقل

[*مهاوي*]

قصه روووعه:icon35:
يعطيك الف عافيه

[الوان السما]

يسلموووووووووووووووو قصة حلوة

[jomana]

يسلموو قلبوو
قصه مرررره حلووووه