][$][قلبي تقطع][$][

[ملاك الشرقية]

السلام عليكم
هذه قصيدة رائعى لشاعر إماراتي اسمه/ سعيد محمد بن غماض الراشدي.
أقروها وعطوني رايكم
أنا بصراحة عجبتني كلماتها ..
-------------------------------------
قالوا سلامه قلت وين السلامه
لا جيتها قلبي تقطع من العين

وإن جيت باكتب من وصوف الرحامه
لقيت كل أوصافها ياعرب زين

الصاحب اللي شل قلبي كلامه
حلو اللسان وكلمته بالملايين

والعود مالي وياحلاوة مقامه
ومفقرٍ معزول يسوى بلادين

والجادل اللي فوق ردفه ظلامه
كالمسك والعنبر مع النسمه يبين

والموت والله تحت ذيك اللثامه
بموت ولاّ من حساب المجانين

ياسعد عيني لانظرت ابتسامه
أذوب أنا والله وحلفت بيمين

يا الصاحب اللي حط فيني علامه
ونسّاني اللي كان عندي محبين

بنت الرجال معرّبين الشهامه
أنا أشهد إن معرّبه كل جدين

وحالي تعذب كل يوم بسقامه
ربعي دعولي بالشفا يالمصلين

ربحان ولاّ وين درب السلامه
إن كان ماصرنا على الود قلبين
-------------------------------------
والسلام عليكم
أخوكم/ أحمد