يوميـــــــــــــأت مخطوووبـــه :: للبناات فقط ::×كــاملهـ×

[عين أبوي]

السلاااااااام عليكم
شلونكم شخبااركم

اليوم حبيت انقل لكم يومياات خطوبه بنت مثل كل البنااااااااات
وللعلم اليوميه لبنت كويتيه اسمها نوار واتمنى تعجبكم

ملاحظه : للبنااااااات فقط :bleh:


انا بحط اول جزء إذا عجبكم بكمل :shutup:

+++++++++++++++++++++++++++++++++++

http://www5.0zz0.com/2008/02/26/08/198355266.jpg




اليوم كنت متربعه على سريري اتفصح بهالمجلات ..
دخلت امي او سكرت الباب وراها ( تسكيرت الباب هذي عندنا يعني رحتي فيها لانه ماينصك إلا للمصايب ولا عادتاً تقول اللي تبيه والباب مفتوح) المهم من تصكر الباب انا على طول قلت:
(وجعلنا من بين ايديهم سداً ومن خلفهم سداً فأغشيناهم وهم لايبصرون)

المهم ياتني وقعدت عالسرير ..
انا ضحكت من الخوف قلت لها شصاير؟
قالت لي مابطولها او اهيا قصيره .. كلمتني فلانه بنت فلان ..اللي ريلها فلان
قلت في قلبي على طول! يمه هذي من متى تتصل في امي اكيد صايره مصيبه!! سبحان الله
ليش بالي على طول يروح بالشي اللي مو زين! وشنو بالضبط اللي خايفه منه!! مافي شي! بس امي نوعها تخرع شوي وايد قويه او شديده او ماتتفاهم بس للحين انا ماعندي شي اخاف منه
المهم الافكار راااااايحه بعيــــــــد ولا تقولي .. يبون اييون يتقدمون لج قلت لهم بشوف ابوها او بارد عليكم ..
بس طبعاً الراي الاول والاخير لج انتي ..

الريال الله فوقي ماعرفه ولاعمري شفته .. اسمع هالمره عندها ولد بس ماسمعت شي ثاني عنه ..
"انا امنيتي كانت اني اتزوج او اسافر مو شهر عسل ولا اني اتزوج واحد مو من نفس جنسيتي بس قصدي اني اسافر وياه يدرس او يشتغل بسفاره كان دايما خاطري بهالعيشه .. المهم ماعلينا من هالسالفه اللحين .."

قلت حق امي اهم شي انه يكون شايفني انا ماحب احد ايي البيت او يشوفني كأني بضاعه اعجبه او مااعجبه ..
او بعدين انا بعد اشوفه اول شي بعدين يصير خير ..!

"ادري انه الريال مايعيبه شكله او كلشي بس انا ابي قبل اشوف يناسبني ولا لا الصراحه ماقدر اقضي عمري مع واحد يخرع او استاثم بعيالي يطلعون جياكر على ابوهم حرام .. "
او بنفس الوقت مابيهم اييون البيت او بعدين اقول لهم مابيه ..

تناقشنا انا او امي او اقتنعت بوجهة نظري او قالت يومين او اكلمهم اسألهم اذا الولد شايفج او لا ..
طبعا قعدت مع ابوي او قالت له او ابوي ناداني ابوي نوعه وايد متفهم او متفتح .. قالي عجبتيني او حتى لو انا قايلين لي بيي يشوف البنت ماكنت راح ارضى ..

المهم بعد كل هالنقاش اللي خذ ساعتين تقريبا ..
قمنا نتغدى او الوضع عاااادي .. اختي يات من الجامعه وقعدت معانا المهم انا كنت قاعده بالنص بين مكاني على الطاوله او مكان اختي ..
جان تقولي قعدي بمكانج بقعد .. قلت لها دقيقه بس كنت انجب لي
تمت تقولي يالله يوعانه وصار مناحر الخوات اللي خبري خبركم .. جان تقول لها
دلعيها يمكن تروح عنا ..
قالت لها اختي شنو؟
قالت لها امي اليوم كلمتني مره تبي تخطبها ...
تمت اختي تحقق شسالفه او متى او من المره او شمسه اهوا او وين يشتغل .. من وين متخرج
قالت لها امي يمه منج اختي ماسألت هالكثر .. المهم قالت لها اسمه فلان ولد فلانه ..!
جان تقول اختي بصوت عالي بهالســــــــــــرعه!!!! قالت لها امي شنو
قالت حق امي انا مو اول امس سيارتي مختربه او وصلتني اهيا الجامعه .. وانا نازله من الجامعه
اخته نازله وراي من سيارتهم اخوها موصلها
تقول ماعرفها بس بالاسم مابينا حتى سلام ياتني او سلمت علي .. قالت لي هذي اختج قلت لها اي ..
تقول سيده بنفس اللحظه رجعت او كلمت اخوها بالسياره ..

ألتفتت علي اختي جان تقولي ماتذكرين يوم نزلتي الجمعيه طاحت نظارتج عند الباب او عطاج اياها واحد ..
قلت لها اذكر طاحت نظارتي او عطاني اياها بس مااااااااااااا اذكر ويها ابد .. كنت مفتشله لانه كان بيدوسها وقلت لااااااا لااااااا نظارتي ..
قالت لي هذا اهوا طلعو او صارو ورانا لي الجامعه ..

قلت لها انتي متأكده .. اذكر اول امس قمت من النوم سيارة اختي بالجراج .. قالت لي باخذ سيارتج قلت لها عندي مشوار الظهر او احتاج السياره .. قالت لي وصليني او لي خلصتي مشوارج اخذيني ..
المهم قمت حتى شعري مانسلته! كانت مستعيله او انا توني قاعده والله اذكر اني مانسلت شعري بذاك اليوم!!
.. او كانت علي فنيلة البجامه بس لبست لتريننق اللي لونه ماله دخل بالفنيله اللي تحت.. او نظاره كانها نظارة عايشه المرطه!! حتى قلت لو كاسرها عادي .. حالتها حالـــه

طلعت من البيت عطشاااااااااااااااااانه او قلت هالحزه مافي احد بنزل بسرعه باخذ لي ماي!! مادري ليش رحت هالجمعيه مارحت اي مكان ثاني بو هرن!!! شهالصدفه

المهم بس والله ماااا اذكر ويها أبداً انا نوعي مو مفهيه بس اهوا ناسيه ويها بالمره ..
المهم نطت اختي ترى اينن وااااايد حلو ..
او انا اختي هذي ما اوثق بذوقها .. كل الناس عندها حلويين!!! او كلش انا وياها عكس بالذوق نادر اللي نتفق. المهم
اهني بديت أول ول .. اللحين اهوا شايفني بس ماشافني عدل او يمكن يطلب يشوفني هالشوفه السخيفه مالت تحديد القرار .. او
مو بس اهوا يشوفني انا بعد ابي اشوف!! ..

قالت لي امي ماعليج خلها جم يوم .. او بكلمها بشوف شسالفه ..
اللحين انا يايتني حالة ازبهلاااال ..
لااحد يسألني عن معنى هالكلمه لاني ماعرف
طاقتني البوهه
مافكر في شي معين احس بالي مشغول بس مادري بشنو!!
مايندرى شييب باجر


******************************

http://www.brocadehome.com/brocade/images/product/bh_prod112242/bh_prod112242_mn.jpg


قعدت متأخر شوي الصبح .. وعلى طول قمت او جابلت المنظره .. او خذتني أفكاري بعيد ..
انا راضيه عن شكلي؟
انا متنانه وايد بالفتره الاخيره !.. او بشرتي تعبانه ..!
صار لي فتره .. ما أستخدم مرطب قبل الفاونديشن او ساعات ماركز على ازالة المكياج بالليل ..

اسناني .. يبيلهم تلميع اكثر .. باخذ موعد حق جلسة تبييض ..
ابي اكون واثقه من نفسي لو حصل شي ..
"انا الحمدلله اللي خطبوني من قبل كلهم شايفيني او عاجبتهم بس انا ماكنت افكر اللحين انا بالكورس الاخير بالجامعه وحسيت الوقت مناسب لانه ماباقي لي وايد عالتخرج .. وانشاءلله لي يه وقت الزواج اكيد بكون خلصت .. باذن الله"
بس انا اهم شي عندي اني اكون واثقه من نفسي عشان اكون مرتاحه .. الحمدلله احنا اهلي يعني ناس طيبين ويعرفون السنع وشلون يتعاملون مع الناس
او انا جميله مو ناقصني إلا اشيا انشاءلله اقدر عليها مثل وزني الزايد شوي .. بشرتي او هالسوالف ..

طولت لين حسيت ريلي عورتني من الوقفه جدام المنظره كأني معاقبه ..
بدلت او تعدلت هالمره وستأذنت امي باروح الجمعيه ..
ركبت السياره ولا اشتغل الراديو على طول عالاف ام او كانو حاطين أغنية

بلغ حبيبك وقله باخذك منه هذا هو الحل او مالي اي حل ثاني ..
مااقدر اقعد واشوفك بس واستنى .. كل يوم نك بعيد يزود جناني

مادري ليش مانسيتها .. استانست عليها وايد لاني وايد استطرب على انغامها .. تهزهزني
وصلت الجمعيه او مانزلت إلا لما خلصت الاغنيه .. المهم خذيت السلة او قعدت اتفرر ..

http://www1.istockphoto.com/file_thumbview_approve/3524910/2/istockphoto_3524910_grocery_shopping.jpg

رحت اول شي عند الـ
chocolate
خذيت لي جم جوكليت او مشيت وصلت على رفوف المعلبات .. خليتهم او رحت وراهم
صف كاتشب او مايونيز او لقيت كذا سوس خذيت منهم سيزر درسنق .. او ايتالين ..
او مشيت لي ورى تذكرت انا يزعم ابي اضعف ليش ماخذا Chocolate رديته او كملت .. لقيت رفوف لكريمات .. خذيت مزيل المكياج من جونسون اللي ايي قطن مدور فيه المنظف .. خذيت مناديل جونسون الورديه بعد ..
او وصلت لي نتروجينا خذيت مقشر الوجه .. او نسيت اسم الشركه خذيت منهم مسك علبته زرقه .. ينحط مرتين بالاسبوع او ينحط عليه بخار ..
ينظف او يفتح البشره ..
لفلفت .. جان ألقى الصيدليه دخلت لقيت اللي تبيع فليبينه .. على طول قلت لها ابي
غسول للمنطقة الحساسه نصحتني
للتنظيف"Feminine Wash"
من شركة
Vagisil

او خذيت فيتامين للشعر فقط .. علبتة رصاصيه او فيها ازرق..

طلعت من الصيدليه جان ادش محل العطورات اخذت عطر كارتير اللي على قلب الجديد
او خذيت عطري المفضل ستيلا ..
او كوكو شانيل

كلهم مخلصين وكل يوم كنت اقول باجر باروح اشتري ويطوف اليوم ..
المهم بعدين رحت لقسم الخضره شريت كذا شي منهم الخس الامريكي او الخس البنفسجي نسيت اسمه ..

طلعت من الجمعيه .. او رحت اتمشى ..
المهم مريت كذا مكان بس ماعجبني شي .. اخر شي دخلت القرشي او اخذت حجر المسك او مسك القرشي او مسك العروس او طلعت ..

ولا شي كان شاغل تفكيري .. هدوء غريب ..
نزلت البيت دخلت الاغراض .. او قلت حق امي اليوم بسويلكم سلطه .. قالت لي ها اشوفج تبيين تتدربين ..
كأنها طقتني على راسي .. سكت او مشيت عنها وصلت الغرفه او فليت اغراضي على السرير ..
شالسر؟ لا أعرف الريال .. او ابدا ماكان في بالي موضوع الزواج .. او يايه ماتم غسول ماخذته ومسك العروس!!! زين خذيتي مسك القرشي بس مسك العروس ليش!!
ضحكت على روحي او قعدت ارتب اغراضي اللي خذيتهم بالدار او رحت المطبخ .. غسلت الخس او قصصته او زهبت باقي لغراض او قليت الخبز او شويت الدياي .. طبعا كله باشراف حبيبتي
خادمتنا .. اهيا اللي كانت تساعدني .. لين خلصنا السلطه رحت سبحت .. او يا وقت الغدا ..
رد انفتح الموضوع مره ثانيه .. كلمه من امي او كلمه من اختي .. او اختي الثانيه توها تدري ..
المهم انا بالي بتدى ينشغل ..
ماقول صج وكلش كلش .. بس كنت اخيرا بتديت احس .. كرهت الشعور اللي ياني او قلت بس اتغدى بستخير ..
المهم قمت بعد صلاة العصر استخرت .. او
تمددت .. الساعه 5 العصر .. رن تلفون امي .. ولا رقم الحرمه ..
امي تدودهت .. ماتوقعت راح تتصل بهالسرعه مامر يومين كاملين .. مامر ..

المهم بعد مده رن وايد يعني .. شالته امي انا كنت بالصاله منسدحه يمها قاعدين نطالع التلفزيون ..
اسمعها هلت او رحبت .. او قالت حق المره
"اي قلت حق ابوها ...
لا والنعم فيكم
اي انشاءلله الله يسوي اللي فيه الخير ..
الله يسلمكم او احنا بعد ..
سكتت شوي ..
بعدين ردت انشاءلله اخر سنه لها هالسنه
اي لا اكيد مافي مشكله ..
لا انشاءلله حياكم الله ..
بس بشوف وياها متى يناسبها وانشاءلله باجر برد عليج
ضحكت امي او قالت لها خلاص صار ولا يهمج.."

سكرت التلفون وسكتت!
انا التفت عليها .. قلت لها شفيج قالت لي ..
تبي تيي تتعرف علينا .. تقول خلي سالفة الخطبه بصوب احنا اكيد ماننتظر منكم رد بيومين لكن ودنا نتعرف عليكم قبل .. او نقعد وياكم
قالت لها امي اوكي .. بس برد عليج انشاءلله عن الوقت .. قالت لي عاد نبي نشوفكم كلكم..
قلت لها بل .. يمه بيوهقونا
قالت لي ليش
قلت لها يعني بيون او بتصير السالفه صج .. عوده جنها مادري شلون
قالت لي ماقدرت اقول شي ..
سكتنا ثنتينا .. المهم ياتني فالليل قالت لي شارد على المره متى اقولها تيي
قلت لها على الاقل الخميس عندنا 4 ايام نستوعب ..
ضحكت امي او قالت لي اوكي ..
وانا سهرت على حلقة من مسلسل دسبرت هوس وايفز
لين نمت!

[s_M_s]

انا الصراحه ما لي دخل في القسم ولا في الموضوع

لكن حبيت بس اسدح اشكرك على الموضوع

ويعطيك الف عافية

لا عدمناك

ويللا يا بنات شاركوا خلوا في القسم تفاعل ^_^

[الخالدية]

مـشــكورا لكـ خيتوووووو على اليومياتـ ولكـ بنتظر التكملهـ

[عين أبوي]

سمس
لوووووووووول
الله يعافيك اخوووووي


من البشر

تسلمين حبيبتي وانشااء الله شوي وانزل الباجي

[عين أبوي]

قعدت الصبح إلا امي مخلصه من المره ..
اتفقت وياها على يوم الخميس بعد صلاة العشى ..
اول مادخلت عليها الصاله كانت تكلم يدتي .. قالت لها او قاعدين يتشاورون عالاكل اللي بيسوونه ..
قالت لي امي .. اخلي امي تسوي المحشي .. محشي طباخها احلى من محشينا ..
قلت لها كيفج انا مالي شغل بالاكل ..
قالت لي اتصلي طلبي الحلو ..
قلت لها مادري شتبون ..
قالت لي انتي تعرفين شنو زين طلبي .. بنسوي شي بالبيت او بنييب من برى.
دخلت اختي قلت لها تصرفي .. انا مادري شاطلب ..
يمه صكي التلفون او خل نسوي لسته او نشوف شنبي ..!! جذي شعرفني؟
انزين يا ام لسته .. يالله يمه مع السلامه " امي تقول ليدتي" يالله وين لستتج
اول شي المقبلات .. بنسوي سلطة البطاطا مع الذره
سلطة الفتوش
ورق عنب
امممم بعد شنو ..

قلت حق امي انا شيلوني من سالفة الاكل بليز

نطت اختي يمه العصير شتبون؟ انا ذقت عصير ببيت مريوم رفيجتي غريب وايد حلو اسألها
اي سأليها ..
ردت نطت انتي قومي حجزي صالون ..
قلت لها مااحتاج بستشور شعري بروحي ..
شنو بروحج سوي بالصالون او حطي مكياج ..
يمه مابي .. هذي تعارف بس لو صار نصيب يوم الخطبه يصير خير ..
عادي يمه بالمرتيين تمكيجي ..
لا ابي اصير عاديه عشان يعرفون انا مب متبرزه حق عروس هذي مب خطبتي!!
حتى ابوي للحين ماسأل عنه بس كلشي بسرعه بسرعه انا ماحب!! اصلا غلط..

المهم ,
قالت امي يمه عشاني سوي شعرج او خلي اختج تحط لج مكياج اذا ماتبين تتمكيجين برى ..
اختي يدها خفيفه بالمكياج او تحط حلو .. بس لازم بنشف ريجها مابي وايد ..
بتدت الاتصالات تهل .. طبعا يدتي ماتقدر تمسك نفسها على طول اتصلت بخالاتي كلهم تقولهم او اهما متصلين يباركون !!
انا صج عصبت .. قلت حق امي انا مارديت احس روحي قاعده ادش بالموضوع او انا للحين ماوافقت او مو حابه الطريقه
حركت العشا بكبرها مو عاجبتني واللحين قاعدين يباركون انا للحين ماوافقت او دخلت غرفتي وانا معصبه ..
لحقتني امي او قالت لي انا وعدج بدون رضاج مابيصير شي ... لو بيوم الملجه تقولين مابيه محد بيقول لج غصب تاخذينه ..
او انا قاعده اجهز لأنه مره غريبه بيتيينا اول مره .. مو عشان خطبتج .. بس دام عينهم عليج مافيها شي لو تكشخين شوي .. بدلاتج وايد لبسي اي بدله .. او انشاءلله لو وانا اقول لج لو صار نصيب .. بتحسيين انه شي غير عن هالمره .. يالله حبيبتي عشاني لاتضيقين خلقي انا بستانس فيكم ..
المهم انا عطيتها ابتسامه او باستني او طلعت ..
اتصلت حق رفيجتي او قلت لها ..السالفه ..
قلت لها شصار من اليومين اللي قبل واللي قاعد يصير .. قالت لي باييج او بنطلع ..
المهم لبست او اهيا وصلت البيت قلت لها كاني طالعه طلعت حق امي قلت لها باطلع ويا رفيجتي قالت لي اوكي ..
اول شي رحنا باسكن روبنز ..

http://www3.0zz0.com/2008/02/26/09/199456633.jpg


انا طلبت فانيلا وذ جوكليت جب
او اهيا طلبت رينبو
او بتدينا النقاش ..
رفيجتي هذي تفهمني وتعرف حق مزاجي .. تعرف شلون تفتح الموضوع وتخليني اتكلم بدون لا تستفزني او تقول شي ماله داعي
المهم تناقشنا او تكلمت او قلت اللي بخاطري كله ..
بعد ماكلمتها حسيت انه افكاري ترتبت ..
بصراحه كان قلبي بالبدايه مقبوضه من امه ..
لاني حسيتها عياره او انها تبي توهقنا بييتها بس رفيجتي .. قالت لي بالعكس ..
انتو ماتعرفونهم او اهما يبونكم او خافت تاخذون قرار مستعيل وانتو ماتعرفون بعض..
يمكن في بالها انه لو قعدنا وياهم او سولفنا بتكون عندنا فكره بسيطه عنهم ..
تقول يمكن سمعو انج تردين لما يخطبونج الناس فخافت
المهم قنعتني .. بعد ماتمشينا شوي رحنا سبا سوينا مانكير او باديكير
استانسنا طلعنا فرش او رديتني البيت ..
دخلت او انا مزاجي وايد احسن ..

مر اليوم عادي .. او كان عندي جامعه مسائي .. داومت ..
او رديت البيت
نمت او انا مرتاحه ..


يوم الثلاثاء .. قعدت من الصبح او فتحت الكبت..

http://www2.0zz0.com/2008/02/26/11/864306707.jpg

طلعت بدلة العيد اول شي .. تنورة طبقات دانتيل .. درجات البيج لي الذهبي ..
ومن فوق معاها نفس الكوت البيج مطرز بذهبي ..
الذهبي بدون لمعه طافي .. والكل عجبته البدله بالعيد .. لبستها قلت دام باضعف اخليها احسن ..
يبيلها جسم .. لانه الكوت اللي فوق مخصر يبيله عالاقل 4 كيلو عشان يطلع شكله مرتب ..

طلعت بدلة استقبال بنت خالتي .. فستان بنفسجي حواشيه مطرزه بأسود او له قصه من تحت الصدر ..
بس لدعته عوده .. مو حلوه اطلع صدري .. بالاستقبال كنت لابسه طقم كبير .. مغطي بس بالعزيمه ماباقدر البس هالطقم
Over
بدلة استقبال اختي .. استقريت عليها بس بعد باخذ راي امي .. لبستها
تنورة تحت الركبه سوده او قميصها في اسود او رصاصي .. حلو معاها اللولو ..
وبعدين فضفاضه شوي تخش الزوايد .. او غاليه عالاقل ألبسها احلل فلوسها ..
المهم لبستها او رحت لامي او وافقتني ..
قلت لها باروح اشترك بنادي رياضه .. ابتسمت او قالت لي زين تسوين ..
المهم بدلت ملابسي او رحت .. مريت رفيجتي او رحنا كذا نادي عجبنا اكثر شي الثالث يم الجامعه
او مافي ناس وايد .. اجهزتهم يديده او ساعت الاروبكس تناسب وقتنا .. او اهم شي انه رفيجتي وياي تشجعني
عشان مااستثقل الروحه ..

مرينا الصيدليه شرينا كريم جيلسرين .. بنات سحر لليدين والله .. فضيع او يغنيج عن كل شي ..
بعدين رحنا ايكيا كنت ابي اشياء للكبت .. علب او اشياء مالت الحفظ او هالسوالف .. طلعنا من ايكيا او رحنا فرايديز كلينا سلطه او سولفنا او رجعنا بعدين الجامعه ..

بعد الدوام رديت البيت او كانت خالتي عندنا
قعدنا نسولف .. خالتي هذي انا وايد ارتاح لها حبوبه .. او دايما تشيلنا او اهيا الاقرب لامي ..
المهم راجعنا سالفة الاكل .. او مكان القعده .. او وريتها بدلتي او اقنعتني بصالون بجربه او الله يستر ..
بالليل سهرت على مسلسلي دسبرت هوس وايفز .. لين نمت ..
او الحمدلله بالي مرتاح

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)





روووعـه الـيــومـيـااااات دودو

اخـتـيــــااااار رائـع صـــراحـه

ومـتـاااااابـعـه ان شـــــاءاللـه ^_^


يــلا ننـطـر الـتـكـمـلـه :shiny:


تـسـلـميـن يـ الـغــــلا
يـعـطيــــج الـعـافـيـــــه
لاخـــــلا ولاعـــدم





اس ام اس قـالـت لـ الـبنـااات فـقـــط :blow:








اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

يوم الاربعا ..
قعدت على صوت المنبه .. موعدي للحمام المغربي بعد نص ساعه ..
انا بأي مناسبه ..
لين متضايقه .. او فرحانه ..
لين متملله .. او حتى مشغوله ..
احب اريح روحي بالحمام المغربي .. احس اني اطلع فررررررررررش ..
اتمزلق .. او اللي اروح لها تينن فنانه او مكانها وايد نضيف ..
بس مواعيدها بالطق او لازم مايطوفني الموعد .. قمت ركضه ركضه زهبت هدوومي .. او طرت
البيت كان سهده محد فيه المهم طلعت او وصلت الصالون .. سويت سمكره
حمام مغربي او حلاوه
او سكراب او حمام زيت لشعري .. خذ لي 3 ساعات او اكثر ....
المهم ركبت السياره او قعدت اتمشى على سعتي ..
المهم .. كانت عندنا وحده من ربعنا ابوها متوفي .. العصر رحنا لهم انا او امي شوي
او بعدين رحنا المجمع نتمشى
http://www.mcmparchitects.com/img/photos/7OAK***phint.jpg

سوالف عادي
تسوقنا شوي .. شريت لي جوتي يديد للبدله باجر ..
مع انه عندي جوتي يناسبها بس امي لزمت على اخذه ..
ههههههههه تبي تحس انه في شي يديد الظاهر ..
المهم تفرفرنا بالمحلات ..
او بعدين رحنا قهوة Paul
انا اكلت سيزر سالد او امي شربة عصير برتقال .. كانت بتطلع بالليل تتعشى مع ابوي انا ماتغديت ..
المهم سولفنا شوي .. قالت لي السوالف اللي تعرفها عن المره .. او وين كانت تشوفها
بهالجم يوم احس امي مو على بعضها ..
خايفه تكلمني او اعصب او اقول لها لاتضغطين علي ..
ودها نتكلم بالموضوع بس ماودها اهيا تفتح الموضوع عشان ماتضايق ..
تعرفني اذا ضغطو علي تنقلب عناد ..
المهم انا حسيت فيها ففتحت الموضوع
قلت لها ترى يمه عادي .. انا اللحين خلاص جد قاعده افكر
او ماعندي مانع للزواج اذا الريال كان مناسب او الله كاتبه من نصيبي باخذه ..
او قوليلي اذا عندج شي ..
قالت لي انا ابي افرح . انا بزواج اختج ماكنت فرحانه كانت دايما تحسسنا انه احنا
ضاغطين عليها لكن شوفيها اللحين شلون مرتاحه مع زوجها ..
انا امج او لي نظره بالناس .. مابيج تاخذين بنظرتي بس انا
لكن خلي بالج مفتوح او تقبلي مني انتي بنتي او اكيد انا مابي لج غير الزين
قلت لها انشاءلله .. انتي استانسي عادي .. بنقعد او بنسولف ويا المره ..
تقول ابوج بهاليومين بدى يسأل .. رفيجه دايما يقعد بديوانية ابو الولد ..
ويمدحهم وايد يقول خوش ناس ..
او الولد متعلم بامريكا او مركزه وايد زين او له مستقبل ..
او عندهم خير بيعيشونج مثل ماانتي عايشه انشاءلله

او سأل بعد رفيجه معاه بنفس الوزاره .. او قاله الولد طموح
او مؤدب وبادارته الكل يحبه او مسؤوله وايد مرتاح منه .. او قاعدين يتهاوشون عليه يشتغل بضمير
او مايطوف الصلاه .. يقول دايما التقي وياه بالمصلى الظهر .. او اسولف وياه اسلوبه حلو او زين

انا مرتاحه او حتى لما استخرت نمت او حلمت كأنه يايتني مره او ماعطتني سله كله عود قطع كبار
او في بينهم ذهب .. او قالت لي هذي حق بنتج اللي اهيا انتي ..
قالت لي الراي الاول او الاخير لج .. احنا هذي مسؤوليتنا او انتي شوفي ..
قلت لها معليه باجر بنشوف شسصير او الله يكتب اللي فيه الخير ..
قالت لي انشاءلله ويفرحني فيج ويبلغني اشوف عيالج او عيال عيالج ..

يا ابوي اخذ امي من المجمع او انا رجعت ..
كنت تعبانه لويه من الصبح .. رحت البيت قعدت اعدل بكبتي ..
وقطيت اللي مابيه ..
او نمت

[عين أبوي]

اليوم يوم العشى ..
يوم التعارف ..
اليوم اللي محد عارف فينا شسالفته وشبيصير فيه ..
قعدت من النوم مبجر ..من السبع وانا اتقلب بالسرير طارت من عيني النومه ..
حاولت ارد انام ماقدرت .. لين الساعه 8 او نص استسلمت او قمت ..
طلعت من داري ولا البيت ضباب من العود ..
او امي مو موجوده ..
والخدم كل وحده بمكان .. منثرين عندهم يوم النظافه اللي يشوف يقول بيتنا ماتنظف من سنه ..
وخدام يدتي يساعدونهم!! .. امي بعد تحب تبالغ ههههه ماعندها سالفه بيتنا شحلاته مايحتاج هالخبه .. دقيت عليها
ولا اهيا بالصالون تحني شعرها ..
امي فيها كحه ماتتحمل العود .. ففرصتهم يبخرون ..
المهم دخلت المطبخ .. على الطاوله اطقم العزايم لماعيين او امي عندها طقم قفاش او سجاجين او شوك ماتطلعهم بأي مناسبه ..
حمام لضيوف يلق جنه عروووس! هههههههه

باروح الصالون ولا ماعندي فلوس .. مكتب ابوي قريب للصالون فقلت امر ابوي اخذ فلوس وبالمره اشوف مكتبه اليديد
المهم طلعت ولا الجو اينن مطر رذراذ
او غيم
ماكان ودي اوصل ..
عندي بسيدي اغنيه حق عبدالله رويشد احب اسمعها مع هالجو .. وقفت على جنب او طلعته ..
او قعدت اسمع ..
وانا ماسكه الخط السريع
..
http://www2.0zz0.com/2008/02/26/21/522949592.jpg

اذا طق المطر ورد .. عشب اخضر وسط حوشك
واذا صار الورد جوري
على غصونك تذكرني ..
اذا زاد الهوى ونشدت
احبالك على خيامك
تذكرني او خلني مرةٍ امر على بالك
تذكرني ..
اذا طق المطر ..

وشلون اسلى .. شلون اسلى
فرحي او نظر عيني كل ماطريت اسمك
كل ماطريت اسمك تغنى كل مافيني

تنكشف اسرار روحي ليمن طريت اسمك
ولا لي غرد على غصني غرد على غصني وزهر كل انتظاري
اغنيلك عصافير اتفنن في هواك ارجع ..
وانته صوتي وصوت الناس .. لي قلت بفرح ارجع
تذكرني وخلني مرةٍ امر على بالك

الله عليك شلون انا بديره او همسك مايجيني
الله عليك الخاطر المجروح ينطر ضوى جيتك وانا وحنيني ..

وصلت لابوي ..
ودخلت او قعدت معاه اول ماشافني ضحك
قالي شخبارج ويا لوية اليوم .. قلت له تمام ..
قعد يسولف وياي شوي .. بس ماطولت طلعت عشان ألحق عالصالون خلصت او رحت حق طبيب الاسنان .. سويت تبييض بالليزر
شنو عجيــــــــــــــــــــب يابنات والله بتصيرون نفس اللي بدعاية كرست بدون مبالغه ..واااااااااايد زين
المهم ..
وانا اهناك دقت علي خالتي .. قالت لي تبين نطلع نتغدى
قلت لهم تذبحني امي ..
قالت لي ماعليج انا باكلمها
المهم .. اتفقنا نتلاقى بلانوتر .. خلصت من الصالون او رحت لها
تغدينا او قعدنا نسولف ..
ماحسيت اني احتاج هالتغيير الى بعد ماحصلته .. خلينا سالفة اليوم على جنب او تمت خالتي تسولف لي باشياء ثانيه ..
حسيت اني مستانسه .. او راح الضغط .. طول اليوم قاعده افكر ..
لو لو لو ..
اعوذ بالله من الشيطان .. صج انه هالكلمه ماتييب إلا المغثه .. المهم بعد ماخلصنا قالت لي باروح انا الصالون
اتجهت للبيت ..
صليت العصر او قعدت بدار امي .. ويات اختي الهذاره ..
او امي داير راسها مع السواق يديد او غبي او مايدل كل مكان ..
المهم قلت حق امي انا ماعندي شي بطلع اييب كم غرض ..
المهم .. بعد مده اقناع وافقت او رحت .. مشوارين .. خلصتهم او رجعت .. او بتدت اختي بالمكياج ..
اول ماقعدت قالت لي لاتكلمين ولاتشوفين المنظره خليني اكمل او بعدين تحجي .. اذا ماعجبج شي نقدر نعدله ..
تحلطمت بس غصبتني او قعدت ..
وشوفها تييب بهالشدوات السوده .. كلهم سوود!! مادري ليش كل دقيقه خذت من علبه غير!! ماكنت اشوفهم يفرقون ..
المهم او تحط او اقولها بس .. تقولي سكتي ماعليج وتحط وتحط ..

المهم بعد مانكسرت رقبتي من القعده قمت ..
يمـــــــــــــــــه .. جنه طاقيني بوكسات ..
هالمكياج على عيونها حلو لانه عيونها طواليه وكبيره انا عيني مدوره او مايناسبني واايد اسود ..
المهم نادت امي او امي الحمدلله قالت اي لا غيريه ..
غسلة ويهي ..
او طردتها من الغرفه .. او قعدت على سعتي ..
رطبت بشرتي اول .. بعدين حطيت كونسيلر ..
او الفاونديشن .. مااستخدمت مال الحفلات خذيت مال كل يوم انا احبه مال ماكس فاكتور نفس لون بشرتي بالضبط
حطيته .. او بعدين خذيت بيس ابيض كريمي مال ماك او حطيته على عيني كامل ..
بعدين بعضمة الجفن مادري شيسمونها حطيت رصاصي خفيـــــــــــف من ماك بعد
او بعدين فوقه تحت الحاجب حطيت ابيض شوي اقوى او فيه لمعه خفيفه مال ميك اب فور افر البودره وااااايد حلو ..
بريشة كحل لانكم .. خطيت الكحل .. عرضته شوي .. او خليته شوي طويل .. طالع شوووي لي برى ..
بمسكرة لانكوم مشطة رموشي .. او تحت شوي .. او بقلم الكحل شوي سويت خط على منبة الرموش كلش خفيف ..
حطيت على شفايفي .. حمره طافيه ورديه فاتحه .. مع محددها مالت ماك اللي اسمها روز
او بخدودي بالعضمه حطيت بلاشر وردي شوي درجته غامجه من ماك او من جيرلان مشيت وردي فاتح على ويهي طقه خفيف ..
لبست بدلتي اللي قلت لكم عنها من قبل .. او تراجي لولو صغار او قلب ..
لبسة ساعه او اسواره مع الساعه او خاتم صغير ..
او رحت لامي ..
وااااااااايد استانست علي .. حتى اختي .. اللي مايطلع منها قالت لي لا صج بالمكياج اليوم غلبتيني .. بس عالعموم كل واحد يعرف حق ويهه
طيبتني امي بدهن العود او قرت علي .. او ياو خالاتي .. او يدتي ..
قالو لي لين ياو لاتقعدين دشي بعدين
انا مارضيت .. قلت لازم اكون قاعده لانه هالحركه تصير بالخطبه .. واليوم مو خطبه فلازم اقعد ..
قالو لي عادي روحي او اول مايدشون تعالي او انا عييت
ماكنت ابي المره تصيد علي نقطه ..
المهم احنا ماكنا ندري من بيي بالضبط
عالساعه 8 رن تلفوني رفيجتي تتطمن دخلت داري اتكلم ..
بالصدفه بهاللحظه ياو الحريم او دخلو ..
انا حتى الجرس ماسمعته .. المهم .. خلصت تلفوني او رديت .. دخلت ولا النسوان داشيين او كلهم واقفين يسلمون ..
انا رجعت على وره او طقتني البوهه شاسوي .. هذا اللي ماكنت ابيه ..
شلون ادخل او اهما يسلمون اسطف اخر شي او اسلم عليهم؟
صج توهقت المهم رديت دخلت .. توهم النسوان قاعدين ..
كانو 5
انا عيني جنه عليها ضباب .. ماقاعده اشوف ..
ابي اركز بالويوه اشوف منو الاكبر عشان اسلم عليها ماشوف ابد .. ماددري شصادني او تدودهت وقفت بنص الطريج يمكن نص دقيقه كامله او بعدين مشيت ..
جان توقف امي او تقول لهم هذي نوار
المهم وقفو او انا رحت حق اول وحده على يميني .. اخته اللي ويا اختي بالجامعه كانت .. بعدها امه او يمها امها ..
واختها او بنت اختها
المهم سلمت او امه ماشاءلله لسانها حلو ..
انحرجت من كلامها او قعدت بعيد يم خالتي اللي اهيا صديقتي .. جان تقولي امه تعالي قعدي يمي ..
واااايد بغيت اموت
وبتدت السوالف .. او امه كانت حاطه ايدها على ريلي او انا ارجف .. ابتسمت لي ..
واااايد ارتحت لها ..
قالت لي لولوه تسلم عليج كان ودها تيي ويانا لكن تدرس بدبي او ماعندها اجازه ..
قلت لها انشاءلله بالمرات اليايه ..
قالت لي جريب انشاءلله
المهم
انا كنت بالنص بين الام او اليده ..
ماكنت مرتاحه او فشله اقوم مناديتني
او عيون خالاتي علي او اهيا حيل جريبه ..
انا ماحب لما اكلم احد يكون قاعد بويهي ..
اللي حتى مسامات ويها اشوفها!!
ولا اقدر ادني محاصره!
يات الشغاله
بتصب الشاي جان انط
قلت لها روحي انا اصب
طبعا اهيا فرصه بس عشان اقوم ماقصد اتسينع ههههههههه
المهم صبيت الشاي او او وزعته او خليت اللقاح والنعناع
والشكر عطيتهم استكانات الشاي او طرت برى
كنت احس اني بس ابي اشرد من العيون اللي متركزه علي
او ابي اتنفس ..
قالولي انه خالتي بعدين قامت او رقعت الدمار اللي سويته
لحقتني بعدين او تمت تقولي ترى تيننين او من عينهم مبين شقد عاجبتهم او حدج على طبيعتج او رجعي قعدي يم بنت خالته محد يمها سولفي وياها..
دخلت او لقيت يمها مكان او قعدنا نسولف بالجامعه او هالسوالف




تعبت بكمل بعد شوي

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)





روووعـه الـيــومـيـااااات دودو

اخـتـيــــااااار رائـع صـــراحـه

ومـتـاااااابـعـه ان شـــــاءاللـه ^_^


يــلا ننـطـر الـتـكـمـلـه :shiny:


تـسـلـميـن يـ الـغــــلا
يـعـطيــــج الـعـافـيـــــه
لاخـــــلا ولاعـــدم





اس ام اس قـالـت لـ الـبنـااات فـقـــط :blow:








اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)




تسلمين حبيبتي
وفرحت يوم شفتج لوووووووول

ههههههههههههههههههههههههههه
بنوته انا ماقلت للبنات فقط إلا لان اليومياات فيها امووووووووور خاصه فينااا لووووووووول

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)



عـجـــــــــــيبـه دودو

حـيـل عـجـبتنـي

يـلا تـحـمـسـت لـووولـ

وعـن الـجـلسـرريـن صــااااجـه رهـــــييييب وايـد زيـن :icon35:



تسلمين حبيبتي
وفرحت يوم شفتج لوووووووول

ههههههههههههههههههههههههههه
بنوته انا ماقلت للبنات فقط إلا لان اليومياات فيها امووووووووور خاصه فينااا لووووووووول
لـووولـ اي عـيـل لاتـسـمـحيـن لـ احـد يـدش
إلـي بـ يـرد مـن الـشـبـاب بـ احـذف رردهـ :bleh:



نـاااطـرهـ التــكـملـه
لاخـلا ولاعـــدم



اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

توته

لوووووووووووووووول تسلمين حبيبتي والحمد لله اعجبتج ونطرىىى الي ياي احلى واحلى لووووووووول


وعلشاااااااااانج بحط لج جم يوميه لج تستاهليين قلبوو

[عين أبوي]

قعدنا نسولف .. بعدين النقاشات بتدت تصير جماعيه الكل يسولف ..
او بعدين قامو عالعشى ..
قعدنا كلنا عالطاوله .. او كلن يسولف .. ارتحنا حق بعض سبحان الله ..
اهما شرحيين او ماتملين منهم او امي او خالاتي نفس الشي فتوالمو بسرعه ..
المهم بعد الحلو الكل توزع اللي يغسل ايده واللي واقف يسولف او انا او امي كنا قاعدين ياتنا امه .. او قعدت يمي او قالت لأمي
ام عبدالله انا ترى مو يايه اضغط عليكم ..
انا من قالي ولدي او سألت عنكم والكل يمدح فيكم ..
مافي احد من الناس ياب كلمه وحده شينه والله شاهد ..
وانا بييتي هذي صج حبيت اتعرف عليكم او حتى لو ماصار نصيب .. نكون ربع انشاءلله ..
انا بانتظر ردكم وانا سعيده وايد انه ولدي عرف يختار .. وانشاءلله تكون بنيتج من نصيبه
قالت لها امي اهوا وين شايفها .. قالت لها
ماخبي عليج اهوا من فتره يشوفها او حاط عينه عليها او قال لي .. ماكان يعرف بنت من ..
كان كل يوم يسولف لي لكن ماعرفنا من اهيا عقب ماشاف انه بنيتج ويا بنتي بالجامعه
او عرفناكم ين من الوناسه ...
وصدقيني مهما يكون ردج لنا ياام عبدالله .. انشاءلله الوصل بينا مابينقطع وبتستمر الزيارات

المهم كسرت خاطري شقد كانت تبرر ييتهم او قالت حتى خواتي الباقي كان ودهم ايون بس انا قلت لهم انشاءلله اذا صار نصيب او وافقوا انروح كلنا نخطب رسمي او خفت ييتهم تضايقكم او تسبب لكم احراج
امي قالت لها بالعكس البيت بيتهم او لو ياايين العين اوسع لهم من المكان او من هالحجي
او ردينا قعدنا كلنا ونسولف او ماطلعو من بيتنا إلا عقب ال12 .. بس صج وايد استانسنا وياهم
سوالفهم او قعدتهم وايد حلوه ..
او ياتني بالطلعه سلمت علي او قالت لي يالله يخليج من نصيب وليدي ويسعدكم ..
وراحو ..
عقب امي انتبهت انه يايبين معاهم صنية حلو من اوبرا كبيــــــــــــــــره .. عاد محد شالها تمت عن الباب فشله واهما طالعين شافوها ..
الخدام نسو يشلونها ..
ردينا البيت او قعدو خالاتي يسولفون يقولون خوش ناس او انه قعدتهم حلوه او نغزات لي من تحت لي تحت ..
المهم راحو خالاتي انا كنت طول الوقت لاتعليق ..
رحت وقعدت ويا امي او ابوي
مو عوايده ابوي يسهر .. بس تم يسألنا او قلت لهم اني وايد ارتحت لامه
ويها بشوش او واضحه مادري ويها حيــــــــل مريح سبحان الله
ويدته تذبح من الضحك راعية نكته او تمينا نقول لبوي سوالفها ..
لين دخنا
انا رحت داري او صليت استخاره مره ثانيه .. مع اني كنت مرتاحه بس حسيت ابي اصلي .. او قريت اية الكرسي او نمت ..



قعدت الفجر ..
طاير من عيني النوم ..
كنت عطشانه شوي .. قمت عشان اخذ ماي ..
سمعت حس بدار امي او ابوي ..
طقيت الباب ودخلت ..
قايمين يصلون الصبح ..
اخترعت امي يوم شافتني .. شفيج؟ شصاير؟
قلت لها ماصاير شي عطشانه قايمه اشرب ماي ..
المهم رحت شربت الماي او رجعت مافيني نوووم .. وكنت اصلا نايمه عال2 .. بس مادري شفيني ..
فتحت الديفي دي او قعدت اشوف المسلسل ..
لي الساعه تقريبا 9 او نص نمت ..

قعدت عالساعه 3 .. او رحت الصاله ..
إلا تقولي امي الصبح كلمتني المره ..
قلت لها شفيها؟
قالت لي تشكرني .. او تقول استانسو ويانا او قالت لي باخر المكالمه احنا ناطرين ردكم
شقلتيلها؟
ماقلت لها شي قلت لها انشاءلله عطيني بس هالاسبوع او برد عليج ..

كملت امي .. انا ماقلت حق خوالج .. يمكن يعرفونهم
او عمج بعد ابوج ماكلمه ..
قلت لها اها .. او كنت بقوم ..
قالت لي انتي اللحين شلون .. اذا الريال زين او كلشي تمام خلاص نقربهم؟
رديت عليها! .. ابي اشوفه؟؟
شلون بتجوفينه جذي..؟ بتروحين له الدوام تسلمين عليه؟
يمه .. انا من البدايه قلت لج ابي اشوفه قبل.؟
اي انا ماقلت لا بس شلون؟
مادري ...
منو يدري عيل؟
يمه! ..
شوفي لين ياو لازم بيي معاهم او شوفيه ..
مابي جذي اذا ماعجبني بنتوهق فيه ؟!؟
يمه لاتيننيني مافي حل غير جذي..
اللحين انتوا شوفو او يصير خير ..

انزين انا باطلع!
اليوم المجمعه؟!؟
وي نسيت ..
اي نسيتي
والله نسيت عبالي السبت .. انا عادي استانس بيت امي سبيكه
انزين قومي
يمه توها 3 عالاقل عال5 بروح اسبح .. او ابدل او اكل لي شي ..
انزين ..

دخلت داري او سبحت ..
ابي احافظ على النعومه من بعد المغربي .. لطخت جسمي كله بيبي اويل ..
Baby oil
صج عجيــــــــــــــــــب ..
لبست او قعدت شوي على اللاب توب .. اتصفح ..
لين يات الساعه 5
سويت لي هوت جوكليت صج عجيب .. قاريه طريقته بمنتدى ..
على كي دي دي جوكلت او نيوتلا .. رووووووعه
او صج سد جبدي ..
بس يزعم مسويه رجيم او حاله ..
لكن ماقدرت اقاومه يوم قريت الطريقه بالنت ..

المهم
طلعنا انا او امي او اختي او رحنا بيت يدتي .. اليوم اليمعه كلهم هناك
من اول مادخلت استلموني خالاتي .. لاتطوفيهم شكلهم خوش ناس واللي تقولي ولدها يمدح واللي تقول ريلها يعرف ابوه او يقول خوش ناس
بس عندي خاله وحده .. حسوووده او وايد تغير من امي او من حياتنا بشكل عام
عمرنا مااخذنا شي إلاقطت فيه عيوب الدنيا ..
كل مكان انروح له ويع
او كل شي نسويه جيب..
او كلشي عندنا تقول ببلاش!! .. سياييرنا بيتنا كلشي
وايد تحتر وتغار او ودايما تبي تكون احسن شي
بس احنا نعرف لها او نعطيها على قد عقلها ..

المهم نطت اهيا بوسط السالفه .. إلا تقول مادري انا امس المره ماحبيتها وايد تتساسر ويا امها
قالت لها امي لا انا يمهم اهما صوتهم مو عالي انتي عبالج يتساسروون
قالت لا ويهم يبين
المهم خالاتي ماعطوها اهتمام او غيرو السالفه ..
خالتي قالت لي .. انا استانس على اللي دارس برى .. احسه شايف الدنيا او شبعان ..
وجهة نضرها عادي؟!؟
المهم نطت مره ثانيه إلا تقول بالعكس .. اللي دارس برى خربان؟! قالت له يعني شنو
قالت بعد مالها معنيين ..
امي نطت اهني قالت لها انتي سامعه شي؟
قالت لا انا مالي خص في احد ..

طبعاً امي ماهمها لكن كانت تبي تفشلها ..
انا طول الوقت ساكته او مستمعه .. مو عادتي بس بهالموضوع اثرت السكوت
المهم .. امي قالت لهم امي مسكينه كلمتني اليوم تشكرني او قالت لي ننتظر ردكم
ردت خالتي نطت .. بل .. صج حنانه ماتبيكم تفكرون ماقط شفنا ناس جذي؟
انا ضحكت بصراحه او وحده من خالاتي غمزت لي انه ماعليج منها .. قالت لها امي
اي يحنون ميتيين على بنتي شزينها وين بيلاقون مثلها اكيد بيحنون حتى لو انا بحن ...
والكل قال حق امي صاجه او اهيا عينهم تمت تتطاير , صج ضحكتني مسكينه انا تكسر خاطري
احس هالشي مرض

المهم استمرت النقاشات على هالمنوال او سوالف عاديه او جذي .. او بالليل ردينا البيت او كلمت رفيجتي قالت لي مابي اسمع بالتلفون بايي انام عندج
قلت لها حياج ..
http://www6.0zz0.com/2008/02/27/13/174251282.jpg

قعدنا طول الليل نسولف .. وتقول لي يالله عرسي ابي اصير رفيجة العروس
قلت لها غالي والطلب رخيص بعرس .. عاد مافي طلعات او روحات باتفرغ له او بهدج ..
ضحكت او سكتنا شوي إلا الخبله تبجي .! تقول صج انا مافكرت انج بتهديني
انتي من ادق لج الاقيج اللحين بتكونين على طول مشغوله او ماتنصادين
قلت لها شدعوووووه ..
اول شي انا وياج بكون كل يوم بجم الرياضه
ثاني شي احنا متفقين .. نقدم للوضايف بسي في واحد .. عشان ممنوع يفصلون لو يحطون بطاوله وحده ..
او بالجامعه وياج فلاتدلعين ماني رايحه مكان قاعده على قلبج ..
او بعدين من قال لج وافقت اخاف يطلع جيكر ولا دُب مااابيه!!!! ضحكت قالت لي عاد انتي الرشيقه تتشرطين
قلت لها والله انا باضعف اهوا شيضعفه ..
او سهرنا لين الفجر صلينا او نمنا

[بلاليطه]

دلووووعه اشلونج .....شخبارج ... تدرين من زمان ما دخلت هالاقسام ... فحبيت اسأل شنو سالفه هاليوميات ويش ما حطيتيها في قسم القصص

ويعطيج الف عافيه حبيبتي


:shiny::shiny::shiny:

[عين أبوي]

دلووووعه اشلونج .....شخبارج ... تدرين من زمان ما دخلت هالاقسام ... فحبيت اسأل شنو سالفه هاليوميات ويش ما حطيتيها في قسم القصص

ويعطيج الف عافيه حبيبتي


:shiny::shiny::shiny:

هلا وغلا بلاليطه شلون شخبارج وحشيتيني من زمااان عنج

لوووول ابد هذي يوميات بنت كويتيه تتحجي عن خطوبتها والاحداث إلي صارت
وانا اخترت القسم هذا لانها مو قصه :shutup: ومدري قلت احسن قسم يناسبها هذا
وبعد لانها مخصوووووووووصه للبناااات فقط :shiny:


والله يعافيج ويسعدني متابعتج

[بلاليطه]

اهاااااااااااااا حلو

اووكي ..... احاول اقراها وقت ثاني لمن افضى ..... شكلها خوش يوميات ......

( عندي ملاحظه ... الله يهداج ما لقيتي غير هالصوره اتحطينها في توقيعج .. صراحه كلش مو حلوه ) :no::no::no:

[عين أبوي]

الايام اللي عقب مرت عاديه ..
فمافيها شي اقوله يثري .. بنروح ليوم الرد ..
قعدت الصبح او قالت لي امي ..
باجر النسوان بيون؟!؟
قلت لها باجر؟
قالت لي اي .. بيون يخطبون رسمي .. او بيي معاهم عشان تشوفينه؟!؟
يمــه
شفيج ..
لا بس مادري قلبي يطق .. ماهقيت بهالسرعه ..
قالت لي المره انه ولدها بيسافر عقب باجر ..
او عشان يمديج تشوفينه .. ماكانت تبي تأجل ليما يرد ..
او بروحها مفتشله عن السالفه قالت باجر اشرح لكم؟!
شسالفته اللي مفتشله منها؟
انه بيسافر او ييت الرياييل يعني ..
اي عادي تو الناس .. الرياييل بعد الاتفاق او انا للحين ماشفته ..
كليتي قلبج .. الكل يقول عنه مزيون .. ماتذكرين شي لما شفتيه عند المجمعيه كلش؟
والله يايمه من محي من مخيلتي اذكر انه طوووويل .. او كانت الشمس بويهي مارفعت راسي خذيت النظاره او مشيت على طول ..
الله يسوي اللي فيه الخير ..

مشيت
تعالي وين رايحه "امي تقول" باروح الدار
مافكرنا بسالفة لهدوم بنلقالج بدله بيوم واحد ..
صج انا بعد مافكرت بسالفة البدله ..
انزين يالله لبسى خل نروح نشوف ..او خلي اختج تسويلج حجوزات الصالون ..
يمه بعد مكياج او خبه؟
حبيبتي عاد لازم .. عروس .. حطي شي خفيف بس مو بروحج عشان تغيير عن يوم العشا
زين .. بشوف شلون ..
كلمت اختي او وكلتها تحجز لي ..
امي خلصت من سالفة التقديم ..
او لبست او طلعنا ..
لاقتنا خالتي بالرايه اول شي .. قعدنا نتمشى .. او طلعنا رفيجتها مادحت لها وحده عندها مشغل بالبيت .. تقول شغلها ثقيل او حلو
رحنالها والصراحه كانت مضيعة وقت .. ألوان او اشكال او قماش غير او غير .. جنه لبس فريسه!! يفشل .. طلعنا او رحنا الصالحيه .. تمشينا برى اول او بعدين دخلنا
المجمع او الحمدلله بأول محل لقيت لي بدله مرتبه ..
او بعد محليين لقيت لي الله يعزكم الجوتي .. وصج ارتحنا ..
ومكافئه رحنا كلينا بلورنزو ..
سوالف .. او ضحك ..المهم دخلنا البيت على اذان المغرب ..

قعدنا مع ابوي شوي بعدين او بعد العشا يتني رفيجتي ..
رحنا اول شي الصالون حق السمكره الاسبوعيه للاظافر ..

http://farm3.static.flickr.com/2022/2099771071_2a609c1c5e.jpg

او بعدين رحنا تعشينا بماكي .. وردتني البيت
طبعا كنت متكسره اخر تكسير ..
خذيت لي شور .. او قعدت اراجع .. امتحانات لسبوع الياي ..
نمت او لكتاب بايدي ..

قعدت الصبح .. من وقت كلش ..
المطر كان يطق ..
والجو شحلاته .. وقفت عند الدريشه ..
وخذتني الافكار ..
اليوم بيون يعني خلاص صار الصج
.. شاسوي ..
خلاص بطلع من بيت ابوي ..
شلون باعيش مع واحد غريب ؟
ماعرفه يمكن مو زين .. يمكن اناني .. يمكن بخيل .. يمكن عصبي ..
ليش استبق الاحداث؟ .. فترة الخطوبه سووها لهالسبب .. والحمدلله انا اهلي متفهمين ..
عادي لو اشوفه او اقعد وياه وشوف اسلوبه ..
الحمدلله ..

انا مستعده؟؟ حياة يديده .. او عالم يديد ..
بس انا مرتاحه عند اهلي ..
كل شي ابيه يتم ..
بيتنا هادئ الحمدلله ماعندنا من هالمشاكل اللي عند الناس
امي او ابوي متفاهمين او يحبون بعض وايد ..
ابوي ماعنده شي اسمه لا .. كلشي نبيه حاضر او تم ..
عمره مارفع صوته علينا ..
او انا حساسه او دمعتي عند الباب ..
ماحس روحي مستعده اطلع على هالدنيا اليديده ..
باقدر أتأقلم معاهم؟ ..
وعيت على رنة التلفون ..
كانت خالتي .. تسولف تبي تتطمن وتشوف اخر الاخبار ..
سولفت وياها .. قلت لها جسمي يرجف مادري من شنو ..
ماحس اني مب مستعده وبنفس الوقت ماحس اني مستعده ..
قالت لي نصيحه اقري سورة البقره .. ساعه او اكثر بشوي ..
او بعدها استخيري .. وانشاءلله الله بيريح بالج ..
المهم بتديت القراءة اول ماصكرت التلفون ..

والله يابنات سبحان الله سورة البقره سحر ..
والله المفروض نقراها كل يوم ..
ماتتصورون شكثر ريحتني او حسيت بنشاط ..
استخرت او طلعت من الدار ..

رحت حق امي .. كانت تطلع هدومها ..
في جلابيه احبها عليها ..
تركواز او بيج او صايره 3 قطع بنطلون وتوب او فوقهم قطعه او فيها حزام او مشكوكه .. وايد حلوه ..
قالت بتلبسها ..
المهم راحت المطبخ تشوف الاستعدادات ..
رن الجرس .. ولا ابوي مسوي باقات ورد .. وحده حلوه تنحط بفازه عالطاوله عند المدخل ..
او باقه ثانيه لفازت المجلس .. او وحده حق الطاوله .. اللي ايون بالطووول شكلها ايهبل ..
اكثر شي متحسفه عليه اني ماصورتهم ..

بعد شوي وصل المالح ..
وخالتي يات كانت بتابع الخدم .. او قالت اخر شي باروح الصالون ..
المهم .. تغدينا او ريحنا .. وذقنا الحلو .. الحمدلله وايد حلو ..
بعدين رحنا الصالون انا راحت وياي اختي او خلت اعيالها عند اختي الثانيه بالبيت .. لين رجعنا كانت بتروح ..
المهم .. سويت ترمنج حق شعري ..
او سوته لي ويفي خفيف بالفير .. يعني كأنه طبيعي طبعا باشراف اختي ..
المهم اللي كنت حاجزه عندها بنفس الصالون .. مال الشعر .. قبلي كانت وحده .. طلعت وكانت وحده وراها او عقب دوري ..
اللي طلعت اول شي انا بغير لا اصرخ بويها .. والله بدون مبالغه تخرع ..
حاطه عدسه زرقه والشدو ازرق او برتقالي .. او اللي تيي الالوان مو بس فوق العين تحت بعد .. او جلتر .. او الحمره قلووووس تبرق وخدودها دوائر مارنيه .. والله لوشاوصف لكم تخرع!! ..
انقمت قلبي او كنت ببجي قالت لي اختي محد جابرنا .. اكيد مابخليها تحط لج بنروح ماك ..
كلمت وحده اهناك دايما تتعامل معاها او قالت لها تعالولي اللحين بربع ساعه
اشوه كنت مخلصه او بسرعه نطيت او قلت لهم اسفه يانا تلفون الناس مشغولين مابيون اليوم او لازم نمشي ..
اي شي بس عشان نشررررررررررد .. او رحنا ماك
والحمدلله وااااااااااااااااااااااااااااااااايد حلو حطت لي .. طلعت او انا فرحااااااااااانه
او خلصت من المكياج او رجعنا البيت ..
يدتي وصلت اهيا وخالتي لكبيره .. او خالتي الثانيه كانت تبخر ..
والكل شغال ..
الحمدلله وايد عجبهم المكياج او شعري .. بس انا كنت ابي اشوف بالبدله الشكل over all
فدخلت لبست او قلت عقب بوري امي او ابوي مره وحده ..
بدلتي كانت فستان له جموم .. ابيض او في سير سوارفسكي تحت الصدر او باخر اليدين.. تحت الركبه طوله .. مو قصير ..مكياجي كان بني فاتح او حمره ورديه .. لبست تاج فيه خط واحد سوارفسكي ..
او نعالتي الله يعزكم فلات .. خط عريض يبرق ..

طلعت او خالاتي كانو بالصاله .. كلهم قالو لي وااااااااااااااااااااااااااااو استااااااااااااااااااااانست كنت احتاجها ..
تعرفون هاليوم .. كأنه متحاااان او القلب يبرق او تبين تسمعين اي كلمة مدح ترد اعتبارج ..
المهم سمعوني كلمات من اللي يحبهم قلبكم .. او يات رفيجتي اندعست بالدار .. تقول فشله حاشرتها بين اهلج .. بس انا كنت احتاجها يمي .. وحبيبتي ماقصرت يات ..

المهم او بتدو اييون بنات خالاتي .. ومرت عمي .. او نسوان خوالي ..
رحت لامي او ابوي .. امي ماتقدر تطلع لانه فيها ضيجه وريحة البخور فماشافتني
من الصبح .. اول مادخلت عليهم ابوي لمني او قالي تيننين حبيبتي
او امي قعدت تبجي ..
او انا طلعت عنهم ..
رحت لرفيجتي ..
قعدت تبف بف شعري شوي ..
وياتني اختي تقولي انه النسوان وصلو ..
قالت لي بناديج بعدين ..
المهم
طلعت قالت لي رفيجتي يالله قومي سوي الفيمتو؟!؟ قلت لها فيمتو؟ّ!؟
قالت لي ماقالت لج امج؟
قلت لها لا .. امي يايبه عصير من برى ..
قالت لي ادري بس لازم الفمتو .. مايقولون نبي نخطب بنتكم إلا بعد الشربات اللي اهوا الفيمتو ..
او لازم تحطين صبعج بكل قلاص ..
انا طبعاً مخي مقفل ..
ماقاعده افكر .. فقاعده اصدق اللي تقوله .. اقول لها لازم اسويه تخيلي يدمر هدومي ... انا بروحها يدي ترقل
قالت لي ماعليج انتي قومي انا بساعدج ..
المهم رحنا المطبخ .. قلت حق الخدامه وين الفيمتو ؟!؟
قالت لي ماما مافي فيمتو؟
قلت لها هااااا!!!! مافي وين السايق
قالت لي راح يجيب اغراض؟
ألتفت عليها قلت لها شهالوهقه؟؟؟
قالت لي امبيه !! شنسوي تبين اروح بسرعه؟
ولا تضحك!!!!!! ولا خالتي داشه المطبخ إلا تقولي شتسووووووين انتي اهني ..
قلت لها خالتي مافي فيمتو!!!
قالت لي فيمتو؟
قلت لها ايي ماعندنا فالبيت ..
" انا مو نوعي اللي اصدق اي شي بسرعه بس والله ذاك اليوم كنت اتصرف بدون تفكير "
قالت لها رفيجتي السالفه او ماتت علي من الضحك
انا كان ودي ازنطها!!.. بطت جبدي .. قالت لي خالتي كلهم وصلو والميلس منترس
قلت لها من وياهم قعدت تعدد وانا مع كل عدد قلبي يسرع يطق بسررررررررعه
رحت الدار .. او انا معصبه على هالمتفرغه ..
قالت لي الحمدلله ملابسج قصيره او نعالتج فلات مابتتعرجبين ..
قلت لها فال الله ولا فالج انا اشلون قلت لج تعالي اليوم انتي اب بيتكم وايد احسن
طلعت كاميرتها او قعدنا نصور إلا اختي يات او قالت لي يالله امشي وياي
قلت لها شاسوي ..
قالت لي سلمي عادي انا جدامج ..
المهم دخلت .. ويوقفون .. مادري ليش يوقفون من اول ما ادخل وايد الطريج طووووويل احسه .. كأنه مجمع مو ميلسنا ..
او وقفتهم حسيت ياتني هيبه .. مادري شلون .. او مابي اسوي روحي الحياويه اللي تستحي بس والله ماقدرت ارفع راسي ..
ومن الاحراج قاعده اضحك ..
سلمت عليهم او وصلت لامه لمتني او قعدت تقول ماشاءلله لااله الا الله .. ريحتني كلمتها او مسكتي يدي او تمت تقولي هذي فلانه او هذي فلانه ..
ماشاءلله وايد من اهلهم يايين ..
او اخر شي قعدت يمها او امي على الصوب الثاني ..

طبعاً ماكنت اطالع احد ولا اسمع شي .. عيوني تتلفت بس باااااالي بمكان ثاني هدوء اشوفهم يتكلمون بس مااسمع شي .. كأني صمخت ..
ولا امي تحركني تقولي تكلمج المره ..
قلت لها هلا خالتي .. قالت لي ها ندخله؟
قالت لها امي اي بمجلس الرياييل ..
المهم انا ماقلت ولا كلمه .. بس طالعت امي قلت لها بدلتي قصيره مااقدر ادخل عليه جذي ..
ماكانت قصيره بس استحي من اول مره مطلعت له سيقاني ..
المهم قالت لي خلاص روحي ..
اول مادخلت الدار تحلطمت علي رفيجتي .. بدلتج شحلاتها
او بتخربين اللوك .. المهم لبست بنطلون جينز سكني غامج او توب ابيض ..
له رقبه شوي فيها دانتيل .. وجمومه طويله .. فيها زراراو صايره منفوشه ..
ماعرف اشرح ..
المهم او يات امي قالت لي يالله تعالي ..
قلت لها شلون اسلم؟
قالت لي كيفج اللي يريحج سويه ..
بس عاد مو تبوسينه ..
يزعم تتغشمر امي بعد بتلطف الجو .
المهم دخلت قلت السلام او قعدت .. ماشفت ويه احد ..
كان اهوا قاعد يساري .. بس بيني او بينه امه او امي مجابلتنا ..
المهم امه قامت سوت روحها بتاخذ كلينكس من الطاوله وقعدت يم امي ..
انا ماألتفت عليه بس كانت على الطاوله الدله .. او كنت اشوف انعكاسه فيها ..
وامي كانت تسولف وياه او اهوا يتكلم او يتحرك او خشمه بالدله يصير كبيييييييييييييييييير ويصغر او انا ماسكه الضحكه كنت بموت ..
وانا سرحانه بالدله جان يقولي انتي بأي سنه ..
رفعت راسي طالعت امي او بعدين امه .. مادري شلون صارت لحظة صمت بايخه او قلت له سنه اخره ..
كلهم بطوووها ضحك علي ..
ابي اقول سنه رابعه او بنفس الوقت سنه اخيره فطلعت مني سنه اخره
فضحكو او انا انقلبت طماااااطه ..
اهوا ماشاءلله مو مخلي احد يتكلم ..
يسولف ماسكت ..
بيغير الموضوع قال لامه قلتيلهم عن الماستر ..
قالت اي بس النوار لاتعليق ههههه الظاهر خافت! ..
وطبعا كانت تكلمني او انا يمها بالمجلس .. بس انا كنت خبر خير ماسمع شي بس خفت؟ ليش اخاف شصاير شبيقولون ياربي؟؟ ..
المهم فوجه كلامه لامي .. قالها عمتي انا ناوي اكمل ماستر او اذا قدرت مره وحده دكتوراه .. بامريكا
او ودي نتزوج ونروح على طول .. او اهيا بعد تقدر تكمل وياي اذا تبي ..
قالت له امي .. يمه تعرف جم سنه؟
قال لها يمكن 5 او 6 على حسب ..قالها وانا باشتغل اول ماخلص الماستر اهناك او بنفس الوقت بحظر للدكتوراه او هالشي انشاءلله
وايد بينفعنا بمستقبلنا ..
امي ابتسمت .. او قالي ها نوار شرايج ..
طالعت امه او ابتسمت ..
طبعا انا نفعتني الدله فكلش ماشفت ويها
بس لما يكون بزاويه صح .. ويها شحلاته .. لونه حلو .. ومسوي قفل ..وحطت غترته حلوه
او ريحته .. ممممممممم واصله لي عندي ..
او عينه حاده بس شكها حلو .. ههههههه والله جميل ماشاءلله
المهم .. بعدين انا قلت لهم استأذن ..
مادري ليش .. قمت او طلعت .. او استأذن هذي كله اسمعها بالمسلسلات هههههه
اهوا قالي بترجعين ..
حقرته مسكين او سمعت امي تقوله مستحيه
او قعدو شوي .. انا رحت الدار او لحقوني .. خالاتي ثنتين او خواتي .. قلت لهم فشلتوني اهله كلهم قاعدين ..
او اشكره يايين بتعرفون الخبر..
قالولي سكتي او قوليلنا .. قلت لهم وانا ماشيه .. جميــــــــــــــــــــــــــــــــــــــل
او قعدو يضحكون وامي ياتني عقب جم دقيقه .. قالت لي زين سويتي تعالي بس حق النسوان اللحين ..
المهم قعدت او بعد شوي قامو او يات امي قالت لي ها موافقه ..
قلت لها امي بتقولج ..
امي ابتسمت لامه او امه سلمت علي او لمتني .. او وقفت ويا امي شوي ..
سلمنا على النسوان الباقي ا راحو ..
وقعدو خالاتي او يدتي يسألون او قلت لهم بدون حيا .. اينن خلاص انا وافقت ..
امي طلعت عينها وضحكت علي .. تقول لي وين الحيا اللي نزل عليج مساعه طار ..
قلت لها اي طار ..او قلت لهم عند الدله ماتو من الضحك ..
المهم بعد ماراحو .. او رفيجتي راحت .. قعدنا نسولف ويا ابوي .. او امي قالت لي ترى خذ رقمج ..
قلت لها ها؟ قالت لي امه او اهيا طالعه شاورتني وقالت يصير يكلمها قلت لها اي او عطيتها رقمج ..
المهم اهوا بنفس اليوم الصبح .. مر على ابوي المكتب .. ابوي قالنا عقب ..
يقول ياني او سلم علي او قالي انه انت ماتعرفني او انا حبيت ايي اسلم عليك انا مسافر باجر .. دوره اسبوع .. او حبيت اشوفك قبل او قعدو يسولفون او ابوي وايد استانس عليه المهم
انا رديت الغرفه متأخر .. او طبعا ماياني نوم من التفكير لي الصبح ..

[عين أبوي]

قعدت الظهر ..
متأخره شوي ..
يووووووووعانه على غداي من امس ..
تسبحت عالسريع او طليت بتلفوني ولا 2 مسد كول ..
واحد من رفيجتي والثاني من رقم غريب ..
اخذت التلفون و نزلت اتغدى.. رن التلفون رقم غريب مره ثانيه
الساعه 2 الظهر! .. المهم شلته

الو
السلام عليكم
عليكم السلام من؟
انا يوسف
"اسمه يوسف اللي خاطبني"
تدودهت .. هلا
شلونج؟
بخير الحمدلله ..
اسف متصل بهالوقت .. بس لاني بالمطار او حبيت اسلم عليج قبل لااسافر ..
لا كله واحد ..
امي شافتني واقفه شايره بمكاني
يات او اهيا تضحك او جابلتني تسمع
اهوا .. عسى ماقعدج التلفون الصبح ..
لا سايلنت ماسمعته عشان جذي مارديت
شلونج .. وشلون الدراسه ..
الحمدلله تمام
زين الله يوفقج انشاءلله
الله يسلمك ..
انا رايح دورتي بالتشيك .. تامرين على شي من اهناك؟
لا سلامتك
انا اول مره اروح .. او ماعرف شعندهم انتي رايحه من قبل؟
لا والله مارحت ..
ولا سمعتي عنها؟
سمعت .. بس كل اللي يروحون علاج .. او سمعت انه مافيها شي..
الله يعيينا على هالاسبوع بروحي احس كلش مو وقته او ماكان ودي اروح
انشاءلله تستانس
مشكوره .. اعلنو عن الطياره .. عادي اكلمج اول مااوصل
براحتك ..
ماتامرين على شي؟
سلامتك
ديري بالج على نفسج
او سامحيني داير راسي او موعارف شاقول ..
ضحكت او قلت له لا بالعكس ..تروح بالسلامه ..
الله يسلمج .. لاتنسين ديري بالج على نفسج
انشاءلله
سلمي على عمي او عمتي
يوصل انشاءلله
باي

سيده تلقوني .. ها شقال شصار ..
قلت لهم باختصار ..
او رحت ابي اكل ماشتهيت مع اني كنت يوووعانه
بس مادري ليش انسدت نفسي .. كان خاطري اطلع اغير جو ..
قالت لي امي بنطلع العصر .. بنروح انتمشى او بنلعب عيال اختي شوي ..
قلت لها اوكي ..
قعدت مع الكمبيوتر لي العصر او طلعنا ..
رحنا غيرنا جو .. وايد استانسنا او مارجعنا البيت بعدين رحنا بيت يدتي ..
واحنا بالدرب دقت ام يوسف ..
بختصر لكم التفاصيل قالت لامي انه يوسف بيرجع الجمعه السبت بييونا الرياييل
اهوا ابوه متوفي فبيون عمامه او خواله ..
المهم او قالت لها امي حياهم الله
وكلمت ابوي قالت له يقول حق الرياييل
المهم .. رحنا بيت يدتي او بالليل ردينا البيت ..
وشاهدت التلفزيون شوي او نمت بعدين ..

واهوا اهناك كان كل يوم يتصل ..
يسولف .. يتصل باليوم 3 او ساعات 4 مرات ..
او ساعات يقولي عندهم المحل لفلاني .. ماتبين شي ..
المهم او سوالف عاديه عن الجامعه والشغل او عن دراسته او الدوره اللي قاعد ياخذها او هالحجي ..
-
الجمعه .. المفروض طيارته الصبح ..
او كعادته يتصل كل شوي .. المفروض بتوقيتنا الطياره الساعه 12 يعني 10 بيكون بالمطار ..
10 مادق ..
10 او نص مادق
11
11 او نص

فأنا ولأول مره اسويها دقيت له على موبايله ..
مغلق.
الساعه 1 هم مغلق
المهم قلت يمكن جدمو الطياره او قضيت يومي عادي ..
رحت بيت يدتي .. او بعدين البيت او شاهدت النت شوي .. او الدي في دي او سولفت ويا رفيجتي .. ونبهتني انه وينه!! لو الطياره مجدمه المفروض وصل اللحين؟
هالحجي صار الساعه 9 او نص ..
قعدت افكر وياها ونتناقش وتقول لي ليكون استثقل دمج او غيره رايه او قفل تلفونه! خصوصا اني وياه ثقيلت طينه بالدرجه الاولى ..
يعيز يسولف وياي او انا كله ارد على قد السؤال او بنفس احياناً ..
المهم سكرته من عندها او صادني ارق .. مادق او انا مانمت طوووول الليل ..

[عين أبوي]

كنت سهرانه لين اذن الفجر صليت او رجعت اتقلب بسريري ..
طلعت الشمس او دش النور من الستاره ..
وبتدت اصوات العصافير والسيارات بالشارع تدش بأذني كانه الصوت عااااااااااااالي مع انه بالكاد ينسمع
تعبت او انا افكر شسالفته .. دقيت مره ثانيه .. هم مغلق
على كثر ماانا قاعده احاتيه بس ماكنت اتمناه يرن ..
كنت خايفه انه يرن ويعرف اني احاتيه ويصدق عمره ..
نحيــــــــسه
الشيطان لعب بمخي لعب بهالليله اللي مو راضيه تعدي
فتحت اللاب توب او شغلت صورة البقره بصوت الشيخ مشاري العفاسي ..
وغمضت عيني ..
ونــــمــــت

قعدني تلفون رفيجتي بعد مانمت بساعتين بالضبط ..
تسأل شصار, قلت لها ولاشي ..
قالت لي بدق بسأل عن الطياره
قلت لها اوكي
وطبعا طارت النومه ..
دقت علي قالت لي طيارة امس تأجلت او في طياره ثانيه اليوم المفروض توصل بعد ساعه بس مو اكيد يكون عليها لانها خطوط غير الطياره اللي متأجله اللي على حسب الوقت اللي قال لي المفروض يكون مسافر عليها
المهم صكرته من رفيجتي وحاولت ارد انام ماكو فايده
تقلبت ساااااعه بالضبط .. او دقيت على الاستعلامات قالولي بعد ربع ساعه عن الطياره
المهم قمت غسلت بسرعه او رحت لامي
كانت للحين نايمه
جو البيت كان اييب النوم .. فرجعت ودقيت رقمه .. مغلق بعد
انسدحت او تلفوني جدامي .. او قاعده انتظر بس الشاشه تضوي
الظاهر حولت عيني ونمت ..
فزعت بعد 5 دقايق .. دقيت عالمطار قالولي الطياره نزلت ..
المهم انا تنرفزت .. صج قلت اذا مطنش يقهر ..
او غطت عيني مره ثانيه .. بس نمت نومه عميقه
طقت امي بعد دقايق الباب .. فتحت لها قالت لي شخبارج؟ قلت لها وكي قالت شلونه يوسف وصل؟
قلت لها السالفه
قالت الغايب عذره معاه ..وانشاءلله اللحين يتصل
والله ماكملت امي كلمتها إلا التلفون ران
انا كنت حاطت له رنه خاصه فماكانت رنته
المهم رحت ولا رقم غريب
رديت ولا يقول لي ألو
قلت له هلا
قالي شلونج؟
قلت له زينه
قالي شخبارج صوتج نايمه
قلت له لا قاعده ..حمدلله عالسلامه
قال لي الله يسلمج .. سكت كنت منتظره من اول مايدق يشرح لي اللي صار بط جبدي
قلت له شوي او اكلمك قالي اوكي
امي قالت لي شفيج جذي تتكلمين؟
قلت لها يمه بط جبدي حتى ماشرح ولا كانه صاير شي
قالت لي انتي بينتيله انج مهتمه عشان يشرح
قلت لها بدون مابين الفروض يقولي ..
قالت لي الله يعينه ..
تعوذي من الشيطان او كلميه او قوليله مو المفروض امي تيي شصار؟
يمه اخاف
من شنوووووووو تخافييين؟ عادي
قلت لها انزين بس خليني بروحي ماارتاح اتحجى جدام احد
قالت لي اوكي تعالي قوليلي شصارعاد
قلت لها اوكي ..

دقيت على موبايله اول مغلق
رجعت دقيت على الرقم اللي متصل منه
ردت علي الخدامه قلت لها يوسف موجود
قالت لي منو
قلت لها نوار
قالت لي اوكي .. ولا امه ماخذه التلفون
سلمت علي او قلت لها الحمدلله على سلامته
قالت لي الله يسلمج خرعنا .. قلت لها اي والله "بدون شعور" قلت لها ترقيعه قرت عينج
قالت لي حتى انتي كنت تحاتين ..
قلت لها اي .. تلفونه كله مغلق او ماتصل
قالت لي انا اتصل لي من اهناك قال لي ابي رقم نوار بسرعه قلت له متأخر الوقت مااقدر ادق اخذه ولاعندي الا رقم امها
قلت لها ليش اهوا عنده
قالت لي بالموبايل مو حافظه او طلعوه من الفندق على اساس طيارته التوقيت الاول .. او نسى الشاحن
حتى اللحين بالبيت متوهق تلفونه نوعيته غير عن موبايلاتنا او ماعنده شاحن يمشي وياه او انا اخذت رقمج من فطومه ماكنت ادري انه عندها كان بيكلمج
دش يسبح اول مايخلص بقوله يكلمج قلت لها مشكوره خالتي مع السلامه
قالت لي الله يسلمج وصكرته
رحت لامي او قلت لها السالفه اللي صارت وياه
او صج كنت دااااااااااااااااااااااايخه .. رديت االدار بنام إلا و اهو داق
او انا عيني بتغط مو قادره افتحها
قالي شفيج
قلت له بنام
قالي اللحين؟
قلت له طول الليل مانمت ادق عليك او عالمطار
قال لي يابعد عمري والله اسف ..
بط جبدي شكو يقولي بعد عمري .. للحين تو الناس على هالحجي
قلت له لا عادي
إلا يقول انا انتبهت انه رقمج حلو او ينحفظ بسرعه بس سيفته او كنت ادق بالاسم
قلت له شسمي .. داش السؤال عرض
قالي شسمج؟
قلت له اي بالتلفون شمسميني؟
قالي شطوله اسمج
قلت له شنو
قالي My wife to be
قلت له مو حلو ..
مادري شياني..قالي شاحط؟ My wife
خالي
قلت له لا حط
My fiance
يعني بتفلسف
قال لي اللـــــه اي بحطه اول ماافتح التلفون
قلت له انزين تعبت؟
قال لي لو ادري انج بالديره جذي تصيرين طيبه جان ماسافرت وكنسلت هالدوره اللي مالها سالفه
تعبت فالمطار بصراحه وايد لاني انقهرت ماعندي شاحن ولاحافظ رقمج
ودورت محل بالسوق الحره يبيع شاحن لقيت نوكيا بس سوني مالقيت
والله بقطه هالتلفون فاله شين علي
مع انه يديد
قلت له اي قطه انا ماحب سوني اركسون
انا لما اكون دايخه اقط بالويه
قلت له انزين انا وايد تعبانه بنام او بكلمك
او نمت لي الساعه 6 الا ربع بالضبط امي يت تقعدني
قالت لي بتطلعين؟
اهيا بتقعد بالبيت .. قلت لها اي باروح السوق ابي اشتري اغراض ..
او بعد لانه الرياييل بيوون او بنحكر .. قالت لي اوكي ..
دقيت اتفقت مع رفيجاتي .. من زمان ماشتفهم ..
او دخلت اسبح .. او طلعت بسعره
وانا بالطريج رايحه شفت بالتلفون مسج ..
إلا اهوا داز لي اول ماتقعدين كلميني ..
المهم كنت توني واصله بيت رفيجتي بس مادقيت لها عشان تطلع وقفت برى او كلمته ..
قال الو
قلت له هلا ..
قال لي هلا فيج .. شلونج
الحمدلله طيبه شلونك انت؟
بخير الحمدلله
توج قاعده .. لا من شوي بس طلعت بسرعه
مابتكونين بالبيت؟؟!!؟!؟
لا .. امي او اختي اهناك انا باطلع مع رفيجاتي
صمت ..
شفيك؟ مافيني شي .. اليوم خطبتي ..
ههههه صج مبروك
اي والله استاهل يقولون لي مبروك
انزين .. انا توني طالع من امي قالت بتكلم امج .. عمي بيتفق مع ابوج عن الملجه؟
انتي شرايج متى تبين نملج ..
مادري ..
يعني اقرب شي شنو عندج اللي ممكن ..
مادري.. يبيلنا اقل شي شهرين ..
اوكي
لا شهرين شوي ..
لييييييش .. بالعكس شهرين قليل ..
مانبي نرتب حق حفله اوشي ..
كلشي يستوي بشهرين
انزين .. مادري
لا قولي بنتفق مع الرياييل اليوم ..
عطني شوي نص ساعه اكلم امي
انزين انا يايب لج شي بسيط من التشيك سامحيني عاد مب شي مميز يعني .. بس تذكرتج ..
مشكور .. ماكان له داعي تكلف على نفسك ..
تستاهلين اكثر ..
انزين بكلم امي او بحاجيك
اوكي .. يالله سوقي بالعدال وايد تشاخطين
انا اشاخط
اييي!!!!
يمه انزين بسوق بالعدال
صج ديري بالج
انشاءلله
يالله باي
باي باي
دقيت على رفيجتي او قلت لها تطلع .. او بعدين دقيت على امي على طول كان عندها خط
المهم ركبت رفيجتي او رحنا .. وصلنا السوق او تلاقينا مع رفيجاتنا الباقي
http://farm3.static.flickr.com/2195/2146787595_c1a1b81f58.jpg

قعدنا بستاربكس
قلت لهم الخبر ..
او كلهم صرخو فضحونا ..
او قعدنا نسولف .. او سيده ماكثرو خبر او احنا قاعدين الظاهر دزو مسجات او بتدت المكالمات تهل
بعد ساعه او شوي دقت امي ..
قالت لي انها كانت مشغوله .. صكرت التلفون من ام يوسف او قعدت تشوف الخدم .. المهم
قلت لها او قالت لي شهرين اللحين بنقول .. او لو احتجتي وقت زياده عادي بنمدد .. بنأجل الملجه مو مشكله قلت لها اوكي
قالت لي اللحين قولي حق يوسف هالفكره ..
اهما اظن بالطريج يايين ..
اوكي خل اكلمه بسرعه ..
كلمته او قلت له قالي اوكي .. كان مستعيل خاله بيركب وياه بالسياره او صكرنا
او قضينا اليوم كله فالمجمع .. تسوووووقت او بعدين رحنا نتعشى او قطيت رفيجتي اللي معاي بالسياره بيتهم او قعدت برى ارد على مسجات البنات اللي يباركون .. لين دقت امي او قالت يالله تعالي.
لاني ماكنت اقدر ايي والرياييل بالبيت .. المجلس اللي قاعدين فيه على المدخل بيشوفوني فشله
دخلت البيت ولا جيس شكبره ..عند الباب .. اخذته او دخلت ..

[عين أبوي]

سيده قطيت الجيس بداري او حطيت تلفوني عالشاحن او
رحت ركض حق ابوي ..
اول مادخلت قالي حي الله العروس
نطيت عالسرير .. زين ماكسرته ..
او قلت له يالله سولف لي ..
امي قاعده عالكرسي .. تسمع
قالي والله خوش ناس .. وايد محترمين او الريال انا وايد مرتاح له
.. حتى عمامه .. عمه لكبير اللي كلمني وايد محترم ماشاءلله دكتور او عياله كلهم متعلمين او اهوا وايد يحب يوسف
من كلامه مبين عليه .. او قال اذا انتو او البنت عندها اي شرووط امرونا ..
قلت لهم احنا نشتري الرياييل والبنت بنتكم او ماعندنا شروطنا بس انه يتحمل فيها
امي سألته جم سؤال او قالها ابوي انه اتفقوا على الشهر لفلاني ..
المهم انا قلت حق ابوي .. انه انا ماعندي مانع بس لو لاسمح الله صار شي ممكن نأجل ..
قالي اكيد .. للحين انتي كلشي بيدج حبيبتي واللي تبينه بيصير ..
واحنا مب عيزانين عنج لو تعيشين عندنا العمر كله .. احنا بس نبيج تفرحين او تروحين بيت ريلج وانتي مستانسه او مرتاحه
المهم .. قعدت اسولف لهم وقولهم هلت المسجات كلن يبارك ..
قالي ابوي انا عزمته الاثنين عندنا عالغدا
قالت له امي زين سويت ..
قالت لي شفتي شيايب لج ..
قلت لها لا بالدار قالي بالتلفون يايب لي شي
اختج ماهياها سيده فتحت او شافت شيايب
شنو يايب؟
يايبلج محفظه تهبل لونها احمر ..
مسكين
اي ماقصر ..
انزين انا بقوم انام ..
اوكي حبيبتي .. نوم العوافي ..
رحت الدار او شفت الوالت .. او صورته

http://www6.0zz0.com/2008/03/01/13/391615003.jpg

كان خاطري فيه من زمااان حتى كنت حاطته بل
WishList ..

شفت التلفون ولا فيه 2 مسد كول منه
دقيت عليه ..
رد او على طول قالي وينج؟
قلت له كاني؟
قالي دقيت عليج ماتردين توج ييتي البيت؟
قلت له لا كنت ويا اهلي قاعده
قالي اها .. شلونكم؟
قلت له زينين .. مشكور عالهديه .. وايد حلوه ..
قالي صج عجبج؟
قلت له وايد .. اول شي انا احب هاللون
ثاني شي وايد عملي انا ماحب اللي تنصفط فيه لفلوس
ثالث شي كنت من زمان خاطري فيه
قالي اي قصي علي
قلت له والله انا حاطه بالنوت مالي نفس الوش لست يعني اللي اتمنى اشتريه
او كان بين الاشيا
قالي عليج بالعافيه بس راويني هذي الوش لست مالتج ابي اشوفها
قلت له لا ماوريها حق احد احتفظ باللي فيها حق نفسي ..
هههههه ياحلوج ..
"استحيت"
يقول ابوي بتيينا عقب باجر
اي انشاءلله باتغدى عندكم عاد انتي طبخي
قلت له انشاءلله
إلا يقول تدرين توقعت تقولين انا ماعرف اطبخ
قلت له انا ماعرف بس اتعلم انشاءلله
قال عشاني؟
قلت له انا احب الطبخ بس مايات فرصه قبل اجرب .. اللحين بنجرب فيك
قال مومشكله خل اصير حقل تجارب .. اهم شي اذوق طباخج
قلت له انشاءلله ..
سألته وراك دوام باجر؟
اي
اوكي عيل روح نام او باجر انشاءلله اكلمك
قالي خلنا شوي ..
قلت له بتتعب باجر دق علي الصبح
قالي اوكي .. تصبحين علي خير
وانته من اهله مشكور وايد عاللي يبته ..
بالعكس سامحيني .. تستاهلين اكثر هذا شي بسيط ..
بالعكس والله ماقصرت .. مع السالامه
باي ..

[عين أبوي]

قعدني الصبح .. الساعه 8 او ربع
رديت او انا كلش تعبانه
-الو ..
هلا .. صباح الخير
-صباح النور .. والله من الساعه 7 او انا ابي ادق او قلبي مب مطاوعني اقعدج كاسره خاطري
بس اللحين تغلبت على قلبي او دقيت
-لا, عادي
اكيد؟ ردي نامي عادي اذا تعبانه
"ادري بقلبه ماوده"
بس صج انا بعد ماقدرت كنت داااااااااايخه .. قلت له
-اوكي بكلمك اول ماقعد
قالي متى بتقعدين.. "يبي يطول المكالمه"
-ماادري ..
ماعندج شي؟ تبيني اقعدج بعدين؟
-قلت له تدري انته مو راضي تسكت بس طارت النومه
زفتني ..!!!
-هههههه لا والله ماقصد بس صج انا ادري اللحين لو اصكره من عندك مابنام فخلني قاعده
اللحين انا ضميري يأنبني؟
-شعقبه عقب ماقعدت
لااااااا والله عادي ردي نامي
-اتغشمر وياك بالعكس .. انا ابي اقوم
ليش شعندج؟
-خاطري اروح اشوف لي فستان حق الملجه
بصووت عالي صج؟
-اي ليش؟ مابنسوي حفله؟
اكيــــــــــد بنسوي احلى حفله بعد؟
-شفيك استغربت؟
بس ماتوقعت والله .. عاد انا قايل انه اذا ييتكم الاثنين اقول حق امج تيي ويانا العصر نروح عشان نختار الدبل؟ امي قالت احنا ناخذهم
بس قلت يمكن ودج تنقين او بخاطرج شي ..
-شوف انا مو بخاطري شي بس ودي تكون الدبله على ذوقك فعادي لو تروح مع امك بروحكم
اكيــد؟
-اي والله ..
شوفي انا ماعرف بسوالف الدبل بس ادري انه في كذا نوع انتي شتفضلين؟
-عادي والله .. اي شي مومشكله عندي
خلاص انا اخلص الشغل اللي بيدي او بشوف بالنت شنو اكثر شي البنات يحبونه او بسأل
-يوسف .. لأ ابي شي يكون Totally
-على ذوقك انت انا واثقه انه بيعجبني
انزين .. ترى انا ماعرف عنج شي سولفيلي ..
-عادي شقول؟
اول شي انتي شتحبين؟
-احب اصور , احب اقرى , احب اسافر , احب اتسوق , مااحب قعدت البيت وايد طبعا اذا عندي برنامج بالبيت مو لازم اطلع بس لي صار ماعندي شي ماحب اقعد بالبيت
-احب اشوف افلام , عادي بالبيت او بالسينما , رفيجاتي وخصوصا رفيجه وحده شي وايد مهم بحياتي ..
-احب اطلع وياهم او اكلمهم عادي
يعني شلون مافهمت؟
-يعني احب رفيجاتي ..
يعني شوفي انا بقولج مثال ..اذا انا ييت معاج بنطلع او يتج رفيجتج او قالت لج خل نطلع طلعت منو تفضلين
-اكيد ماراح افضل رفيجتي على زوجي ولا افرضها عليك ولا شي .. انت سألتني شتحبين او لو تسأل حتى امي او خواتي بيقولون لك ربعها عندها شي مقدس
-بس لاتظن اني ممكن احشرهم بحياتنا .. او اني افضلهم عليك بأي شكل بالعكس ..
-انت انشاءلله مع الايام راح تفهم قصدي ..
شوفي انا احب البنت يكون لها حياتها او مجتمعها .. ماتكون منغلقه احب الوحده الاجتماعيه او ماعندي مانع تخصصين يوم لربعج افضل يكون صبحيه او اذا اشتغلتو عصريه مو مشكله .. بس مايكون ويك اند
-هذي الكلام حلو او راح يريحني وايد او انشاءلله حتى لو بهاليوم اللي حق ربعي بتحتاجني راح اكون وياك .. اكيد
يابختي فيج
-عاد ماعليك .. لاتصدق وايد اقولك جذي اللحين دايما بالخطبه يقولون جذي بعدين مايصير فجهز نفسك
لأ انا ادري انج جذي..
-بالله شدراك
الكتاب مبين من عنوانه .. سنعه او ذربه او حبوبه
"سكت" .. دايما يعرف شيرد يسكتني! ..
-انت شبرنامجك اليوم
باطلع من الدوام او باروح البيت .. من رديت من السفر ماارتحت ودي انام لي باجر
-اوكي انا بقوم بعد ..
وين بتروحين
-بغسل او بلبس او بطلع بكلمك
اوكي لاتصيفين
-انشاءلله
باي
مع السلامه ..

قمت دخلت سبحت او لبست او طلعت امي كانت توها قاعده قلت لها ابي اروح اشوف فستان قالت لي يالله اختج بقولها
قلت لها اي او خالتي .. قالت لي كلميها
كلمت خالتي او قالت اوكي
تريقت عالسريع .. ودقيت عليه قلت له انا طالعه ويا امي او خالتي او اختي حق الفستان او امي قالت بنمر نشوف احد يسوي لنا مسرح صغير ويرتب سوالف الحفله
قالي خلي هالسالفه علي
قلت له ليش؟
قالي عندي رفيج بدبي .. يقدر يسوي لنا شي حلو او غريب او تدرين هذا خله حق العرس عشان يسوي لنا شي عدل
امي كانت واقفه يمي بهاللحظه قلت له انا مابي عرس
اهوا او امي مع بعض قالو ليش؟
قلت له خاطري بحفله عشى محفوفه عشى قبل لانروح المطار ..
بنسوي شي مرتب نفس العرس وصغير محفوف؟
-لا انا فبالي شي معين باجر بسولف لك عنه
اوكي
-يالله باي

قالت لي امي ليش ماتبين عرس؟ ماقط قلتي ماتبين
-بقول لج بالسياره ..
المهم لفلفنا شوي ماحصلنا شي .. او اتفقنا نروح دبي ليله وحده ناخذ بدله او نييب اشيا للحفله او نرجع
تغدينا برى او ردينا بيت يدتي
قعدنا وياها او يات اختي الثانيه يابت عيال اختي معاها
او يابو عيال خالتي او قعدنا لي صلاة العشا بعدين قررنا نطلع نلعب اليهال ونعشيهم ونرد
رجعنا بالليل او رحت داري شفت منه كذا مسد كول بس مارديت عليه وانا برى رجعت غسلت او بدلت او دقيت
"ما رديت عليه لكذا سبب يمكن مو الكل يوافقني عليه بس حبيت افهمكم وجهة نظري"
اولاً , احنا للحين مابينا شي رسمي فانا مو ملزومه اقوله والله انا اللحين رايحه هالمكان او مع فلانه او علانه
عندي امي معاي او ابوي اشاوره بس اهوا للحين
هذي نقطه النقطه الثانيه احنا فبداية تعارفنا .. اذا كلمته كل شوي او قلت له انا مسويه جذي انا رايحه اهني
مابيظل عندنا اشيا نتكلم فيها بالليل او بيصير الجو ملل او انا اكره لما نسكت فافضل اخلي مكالمه وحده عندنا سوالف فيها
طبعا اللحين للحين عندنا سوالف بس عشان يتعود مع الايام عرفتو ..
ثالث شي .. علشان يوله علي مايحصلني بكل وقت يبيه فيظل يفكر فيني يعني بختصار اتغلى

المهم دقيت عليه او استسمحت منه اني مارد قلت له كنت مع اهلي مشغوله ..
قالي انزين ممكن تقولين لي شسالفة العرس .. قلت له انا دايما اتمنى
-قبل مااسافر .. يكون الجو حلو ..
-ودي اسوي حفلة عشى مرتبه .. بخيمه كبيــره بيضه او مافيها اعمده .. تيي نفس خيمة السيرك .. بس طبعا اصغر
-او بيضه او فيها ثريه حلوه فوق ..

http://***.ivenue.com/tigerlilyflorist/images/beachpew.jpg

او اسوي فيها نفس القعدات او ازينها بورود ملونه .. او ممر ابيض ... انمر فيه او مسرح صغير كله ورود .. او كرسي نفس الحديقه نقعد او نتصور
-ألبس بدلة بيضه .. او بعدين نروح بسرعه ابدل او على طول عالمطار
-ابي اعزم اللي ابيهم مابي اعزم اللي يسوى واللي مايسوى واللي لو شنسوي مايعجبهم او بيذمون
-ابي الناس اللي صج مستانسين لي وبس
-او جذي محد بيجربني اعزم احد مابيه .. اسمها حفلة عشى او بين الاهل
قالي والله انا اللي تبينه ماعندي مانع ..او بالعكس فكرتج وايد عجبتني ..
لكن اهلج موافقين ..
-قلت لامي او خواتي قالو مو مشكله .. اللحين دورك تقول لامك اخاف اهيا تبي عرس...
قالي مو مشكله بقنعها
-قلت له يعني اهيا تبي ..
قال لي امي مو مشكله لاتحاتينها ..
-قلت له لا اول شي لازم تفهمها انه كل اللي تبيه راح ينعزم مو مشكله ..
-او راح يكون فيه فستان او اغاني او كلشي ..
-بس
شنو؟
-والله خفت اللحين يمكن امك تبي عرس عرس؟
لا ماعليج انتي لاتشغلين بالج
-انزين .. انا بنام .. بقعد مبجر اطبخ
اي انا بعد باتفق مع الاسعاف ايي ينطرني عند باب بيتكم حزة الغدا
-الله يسامحك خلاص ماباطبخ
اتغشمــــــــــر وياج!!! .. والله موقادر انطر باجر .. بجابلج عالغدا
-مابجابلك بقعد بعيد
موبكيفج
-هههه انزين يالله تصبح على خير
وانتي من اهله
-باي

[عين أبوي]

قعدت على انغام تلفون الاخ يوسف من صباح الله خير ..
اول ماقلت له ألو ..
قالي يالله ياكسوله قومي نقي العيش
قلت له شنقي بالعيش؟
قالي نقيه شيلي منه اللي موزين
قلت له ياقديم يامغبر .. ياشايب
قال بل ..
قلت له وين عايش من متى ينقون العيش خلاص اللحين العيش ايي متنقي ..
قالي شدراني .. بس قومي يالله نمتي وايد
قلت له انت بتشتغلي كل صبحيه حنه
قالي اشوفج وايد اخذتي علي؟
مت من الفشيله .. ! سكت ماعرفت شارد
إلا يقول نوارووووه صدقتي؟ اتغشمر وياج ..
انا ساكته
قال انا خلاص بصير ريلج عادي الحال واحد
وانا ساكته
قال يمه منج اللي يشوفج يوم الخطبه!!! .. ماتبين تلتفتييييين صوبي
ضحكت
إلا يقول اخيرا خرعتيني عبالي عصبتي ..
قلت له انزين بس برد انام والله تعبانه
قالي عاد قومي .. مابقى إلا 4 ساعات او انا عندكم
قلت له انزين شاسوي من اللحين
قالي قومي لاتنامين ..
قلت له انشاءلله بسبح او بدق عليك
قمت غسلت او طلعت لامي .. قلت لها انجديني شالبس؟
قالت لي عادي .. كبتج متروس
قلت لها مامنج فايده يمه مالي غير النسره بنتج
رحت او مت او انا اطق الباب .. ماقامت .. بسابع نومه
رحت المطبخ .. قلت حق الخدامه تجهز لي اغراض السلطه ..
مع اني مااحب الجرجير بس قررت اسويله سلطة الجرجير .. تناسب الاكل او سهله او سريعه والغالبيه يحبونها
غسلت الجرجير مع الخدامه او قصصته انه يصير اوراق خاليه ..
طلعت الحلومي .. او قلت لها الساعه 1 تشويه .. بس عشان ماننسى
او طلعت الطماط الناشف .. Sun dried tomato
يبيعونه بنينو وايد زين ..ويعطي نكه بالاكل

http://www6.0zz0.com/2008/03/02/00/893504750.jpg

حطيتها بقلاصات صغار يونسون او زينتها
بقطع جوكليت
..
اول ماخلصت .. سبحت او جففت شعري و رحت ولا اختي قاعده قلت لها تعالي ساعديني شلبس ..
طلعت كذا بدله او بعد ماوريت امي استقريت على توب وردي .. وسيع بس عند لجموم من تحت الكوع ضيج
او معاه بنطلون بيج قصته سيده
او لميت شعري .. مع بف خفيف ..
حطيت مسكره او كحل او قلوس وردي ..
او لبست تكرمون نعالتي وترجيه
وحطيت من عطري ستيلا .. او دهن عود شوي ..
او قعدت انطر طرى علي كريم جلسرين ..
ايي بأنبوبه لونها احمر او مكتوب عليه جلسرين بالابيض ..
بنات لايطوفكم .. سحر .. يخلي اليد كأنها قطن والله يابنات او ممكن ينخلط مع اي كريم
له ريحه او يعطي نفس المفعول .. رووعه شوي عليه ..
بس لازم تتأكدون انه يكون الاصلي .. انا مالقيت الاصلي إلا بالسعوديه ..

المهم ماطول عليكم ..
دق علي .. قالي عادي تطلعين برى؟
قلت له ليش؟
قالي عندي شي ابي اعطيج اياه
قلت له شنو؟
قالي وانا طالع من البيت شفته او تذكرتج .. تعالي لاتطولين السالفه
قلت له انزين دش عادي
قال لي لا يفشل جدام اهلج ..
المهم .. طلعت بالصاله ولا محد اهناك فرحت برى بسرعه ..
اول ماطلعت ولا ماسك بيده ورده جووري تهبل ..
كبيــــــــره ماشاءلله وايد وايد حلوه ..
بس انا من الحيا سكت ولا كلمه او ..
قالي شرايج فيها .. قلت له واااااااااااايد حلوه .. تينن
قالي وين حلوه انتي ماشفتي المنظره؟ طيحتي وردتي كاشخ فيها بس وينها ووينج ماتسوى شي يمج ..
قلت له مشكور والله وايد حلوه ..
قالي تعالي منتي مسلمه علي
ابتسمت او مشيت قلت له حياك ..
فتحت الباب او دخلته ..
او بسرعه مشيت رحت ناديت امي او ابوي ..
او رجعت ..
يات اختي او ريلها بعد 5 دقايق ..
او انا رحت ركض احط وردتي بقلاص او رجعت لهم

http://farm1.static.flickr.com/156/382556689_087f1cac4c.jpg

المهم ماجذب عليكم .. قلبي كان يدق بسرعه او كان كاشخ شحلاته .. ماودي اشيل عيني من عليه
انتظره بس يتكلم عشان اقعد اطالعه .. يزعم قاعده اسمع
او كل ماتصير عينه بعيني اموت من الفشيله
او من ارجع اطالعه اشوف في ويها ابتسامه انه ترى ادري انج قاعده تطالعيني ..
المهم .. فعشان مافشل عمري كنت كل شوي اقوم اروح المطبخ ..
او ابوي يطرش لي احد يناديني .. او مقعدني يمه يعني بويه يوسف ..
ماقدر افتح عيني او ابوي حاط ايده وراي .. او حدي ماكنت عارفه شلون اقعد ..
المهم لين يات امي او قالت حياكم ..
قعدنا ابوي على راس الطاوله .. ريل اختي يمينه او يوسف يساره او كان مكان يوسف بالعاده مكان امي .. فاختي قاعده يم ريلها .. او يمها ولدها او اختي الثانيه
او انا امي بصوت عالي قالت لي نواره قعدي
قلت لها لا انتي قعدي انا اقعد يمج ..
قالت لي لا .. قعدي او انا بجابل ابوج
قعدت او اخوي يمي ..
اول ماقعدنا .. كان جدامي او جدام اختي الاكل او جدامهم السلطات والمقبلات او هالسوالف .. فاذا بحط له من السلطه لازم ألزق فيه .. عشان اطول .. او صج ماكنت عارفه شاسوي ..
او اهوا بعد مايدني!!! ينني .. ايشوفني واقفه متوهقه او ساكت او قاعد بمكانه ..
المهم طالعت ابوي بنظره اني متوهقه . حبيبي قام حط له من السلطه او بعدين اهوا حط لي بصحني ..
انا مااكل سلطه! .. او ماحب الخضره كلها كلش .. فقعدت متوهقه بصحني اللي ترسه .. ريل اختي انتبه قالي صرتي تاكلين سلطه عادي
قلت له بصوت واطي لا
لف علي قالي ماتاكلين سلطه؟
قلت له لا ماحب السلطه
ليش او ماليش عاد هالسلطه شكلها حلو ..
قالت له امي من الصبح نوار مسويتها
قالي وايد حلوه تسلم يدج ..
المهم سوالف مني مناك .. انا طبعا ولا لقمه دشت اب بلعومي .. كنت انطر بس يخلصوني او ابي اقووووم ..
المهم بعدين يابو الحلو .. والكل هد كل شي او قعدو ياكلون اللي انا مسويته ..
يوسف يوم درى قالي والله انا ماحب الجوكليت وايد بس هذا حبيته خفيف او حلو والله مااجاملج
انحرجت جدام الكل او خواتي يطالعوني بابتسامة خبث كالعاده ..
وبعدين قعد يسولف لبوي عن الشغل ..
او يا طاري العرس .. او قعدنا نتكلم .. قاله ابوي انا الملجه بسويها حق بنتي وانتو العرس براحتكم
قلنا بنسوي حفلة ملجه .. صغيره فستان او الاهل او الربع لقراب او تصوير او كوشه صغنونه ..
قال خلاص انا العشى علي .. ابوي مارضى .. قال لازم يكون شي علي الدي جي؟
قاله ابوي لا
قال انزين عالاقل التصوير
المهم بعد حنه ورنه وافق ابوي .. او قلناله بنروح دبي على ايام لسبوع عن الزحمه
قال من بيروح قالت له امي انا او نواره او خالتها او مي
المهم .. قال حق ابوي يصير نطلع؟ قاله مو مشكله بس مع اختها
قال اوكي ..
لف على اختي قال لها امري تدللي وين تبين
ضحكت قالت له براحتكم
قال اليوم بالليل عندكم شي
قلت له اي اليوم مااقدر .. خله باجر
"ماعندي شي بس عشان مايحس اني مطفوقه عالطلعه"
قالي براحتج باجر عشى ماكي
قلت له اوكي
كلمته امه او قالت له تبي تكلمني او سلمت علي او قالت لي قولي لامج متى فاضيين نبيكم تيونا
قلت لها انشاءلله بخليها تكلمج ..
او بس قام او راح البيت ..
كنت تعبانه او عندي جامعه بعد ساعه مادري شلون قدرت استحمل او قمت رحت الجامعه
شوي ولا داق
قلت له الو
قالي شوفي يابنت الناس
انا هذي اخر مره اييكم
قلت له ليش؟ قال لي بس , حتى باليد ماسلمتي علي او لاتلبسين لي وردي مره ثانيه ..
قلت له مو حلو؟ قال اينن ذبحني افتشلت فاللي قاعدين مو قادر اشيل عيني من عليج
ضحكت او قلت له بركب السياره او بدق عليك قالي اوكي
كلمته اول ماطلعت من البيت قالي وين بتروحين قلت له الجامعه .. قالي باجر ماكي اوكي؟
قلت له اي خوش شي
انا بخليك متأخره او ابي اقول حق رفيجتي تطلع عشان ماتعطلني
قالي اوكي ديري بالج او سوقي بشوي شوي
قلت له انشاءلله
مع السلامه
حياج الله

رحنا الجامعه او رجعنا الصالون ..
خلصنا من الصالون او رحنا شوكليت بار البدع الجو كان باااااااااااارد
قعدنا نشرب هوت شوكليت وسولفنا شوي او ردينا البيت ..
دخلت داري وطلعت ثيابي .. شفت شعندي وشماعندي وشنو قاصرني ..
حطيت لسته .. احتاج جينز سكني .. عندي واحد او كديته كد
ابي بلرينا بنفسجي ..
او جاكيت ابيض .. او جم شي بعد ..
احتاج ملابس للرياضه
او عزكم اله جوتي

قعدت بالليل عالنت او لقيت كلشي ابيه ..
بس يبيله نطره فقلت باخذ لي بنطلونين من اهني اقزر فيهم لين توصل اغراضي ..
خلصت غسلت او صليت او دقيت على يوسف ..
سولفنا شوي او اتفقنا عن باجر .. كان يبي نطلع من وقت نتمشى او بعدين نتعشى
قلت له بس عشى او بنتلاقى وياه اهناك لأنه عندي جامعه
طبعا عندي ساعه بس جذي احسن ..
المهم .. بعد مااتفقنا نمنا ..

[ندووش]

ولك يسلموووو ع الموووضووع الختير
مشكورة ومرة اعجبني مووضووع

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)





دودو
يـعـطيـج الـف عـافـيـه

روووعـه صـراحـه

خـصـــوصـا اللـهـجـــــــــــه :icon26:

تــووونـس اليـوميــــات ومـاتـمـليـن وانتـي تـقــرريــن



نـاااااطـرييينـــــج يـ الـغــــلا
لاخـــــــلا ولاعـــدم





اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

ندوش

الله يسلمج حبوبه

واسعدني مرورج

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)





دودو
يـعـطيـج الـف عـافـيـه

روووعـه صـراحـه

خـصـــوصـا اللـهـجـــــــــــه :icon26:

تــووونـس اليـوميــــات ومـاتـمـليـن وانتـي تـقــرريــن



نـاااااطـرييينـــــج يـ الـغــــلا
لاخـــــــلا ولاعـــدم





اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)




لوووووووووول اهم شي اللهجه كويتيه من قلب خخخخخخخخ بس تعبت من كثر ما اتقول او او وا خخخخخخخخخخخ

والله يعافيج يالغلااا :icon26:
وانشاااااااء الله قريب احط التكمله :smoke1:

[عين أبوي]

يا صبايا يا حلوين

عذروني اليوم ما اقدر انزل شي مو مني لان إلي انقل منه مغلق ولا راضي يفتح معاي
اناا بحاااااول وانشاااااء الله اول ما يفتح بنزله لكم

السموحه

[عين أبوي]

قعدت الصبح .. مريت رفيجتي او رحنا المارينا .. شريت جم شي حق الرياضه ..
او رحنا الجم .. قعدنا تقريبا ساعتين .. دقيت على اختي قلت لها برنامجنا بالليل قالت لي اوكي ..
خلصنا من الرياضه .. سبحنا هناك مره وحده او رحنا الصالون .. سويت اضافري او شعري او رجعنا البيت ..
قعدت مع امي .. او سولفت وياها شوي او يا ابوي تغدينا او دخلت ريحت شوي ..
اليوم الجو وايد بارد ..
جهزت بدلتي اللي بطلع فيها بالليل قلت حق الخدامه تكويها او تبخرها او طلعت للجامعه ..
اول ماخلصت من الجامعه رجعت البيت .. او لبست ..
بدلتي كانت تشبه هالبدله

http://www2.victoriassecret.com/images/prodpri/V270463_CROP1.jpg


مع تنوره واكسسوارات ذهبيه
وحطيت كحل .. فوق عيني او مسكره او حمره حمرا
شعري كنت مسويته مكسر شوي بالفير ..
دق علي قلت له شوي او اطلع ..
كنا بنروح ماكي اللي بالمارينا ..
المهم رحت حق اختي جاهزه ..
او طلعنا .. المهم وصلنا المطعم ..
اهوا كان ناطرنا برى
نزلنا من السياره اهوا يا بنص الدري او مد يده لاختي اول شي .. سلم عليها او بعدين لي ..
اول مره يسلم علي ..
مسك يدي مده او حسيت اني حراااااااانه مع انه برودة البحر تطق فينا .. بس صج
مادري شلون كان المهم صعدنا او دخلنا المطبخ .. لا اختي وقفت تسلم على ربعها .. قالت روحو اييكم
المهم جدمنا او قعدنا بطاوله ..
من ويه ربع اختي حسيتها مواعدتهم .. تبي تخلينا على راحتنا
المهم يات قعدت شوي .. قالت انا باكل معاهم ..
اهوا قال لها مو مشكله ..
او قعدنا انا او اهوا بالطاوله بروحنا او اهيا ورانا بكذا طاوله ..
قالي واخيرا
قلت له شنو
قالي شفتج جذي ..
شحلوج بدلتج وايد حلوه ..
قلت له مشكور ..
قالي تعرفين شنو حلو عليج
قلت له شلون يعني مافهمت؟
قالي كله تلبسين الالوان اللي تناسبج
قلت له بالعكس انا وايد انوع .. ماعندي مشكله مع اي لون
قالي انا شفتج مره ابيض او مره وردي واللحين كريمي ..
قلت له بالصدفه ..
قالي انا متأكد كلشي حلو عليج ..
قلت له عيونك الحلوه
اهوا اول مره بعد اشوفه بدون غتره ..
كان لابس جينز او قميص اسود جمه طويل ..
او شعره حلوو ..

قالي وين خاطرج تسافرين شهر العسل؟
قلت له براحتك
وانا بقلبي خاطري بامريكا بس استحي اقول
قال لي شوفي .. انتي تدرين عن سالفة الدراسه او امريكا وايد حلوه .. او دراستي مايبيلها دوام على طول بعدين الولايه اللي بنسكن فيها وايد حلوه او كلشي يمها
فمن رايي .. نروح اوروبا انشوفها
سألته .. متى دراستك تبلش؟
بعد 6 اشهر انتي بتكونين خلصتي؟
لا بيكون باقيلي اخر كورس ..
نضبط نسافر بين الكورسيين .. بعدين نرجع انا اجدم ارتب لج او تييني اهناك
سكت
حلو؟
اي مو مشكله
شفيج؟
مافيني شي .. تصدق دايما كان ودي اتزوج واحد او اسافر معاه بس اللحين يوم صار الصج او الله رزقني خفت..
نوار ..
هلا
لاتحاتين شي وانا معاج والله ماباخليج تملين .. اللي تبينه بيصير تبين تدرسين او حتى تشتغلين .. انا مستعد باللي تبينه ..
انشاءلله الله يسوي لنا اللي فيه الخير ..
انزين .. متى اجازتج حق الزواج؟
بعد يبيلها وقت
شكثر يعني؟
شهرين بعد الملجه ..
انزين انتي ليش ماتبينا نملج بسرعه
يوسف .. السرعه مو زينه
اتحسين مابنتفق؟
مااحس بالعكس والله حاسه عكس هالشي .. لكن انت ماتعرفني ولا تعرف اطباعي .. شلون بس على طول نملج
لا احنا اهل ولاشي .. مانعرف حق بعض نهائياً ... صعبه .. او بعدين لو ملجنا بتصعب الامور اكثر
رد اهوا : انا ماراح اضغط عليج او انتي اللي يريحج تسوينه .. انا وايد مرتاح لج او احس من حياتكم او بيتكم او اهلج ..
او طريقة كلامج او تصرفاتج .. نفسنا ماتفرقون عنا بشي هالشي بيخلينا نتأقلم
انتي فكري .. او اذا تحاتين الحفله .. انا اقدر اوديج لين لندن لو مالقيتي فستان او تجهيزات الحفله مايبيلها وقت وايد
انت ريال ماتعرف بلوية هالسوالف
صدقيني هونيها وتهون ..
انزين .. احنا ماتناقشنا ولا مره بسالفة السكن ..
قلت له .. شفيه؟
قالي ماتبين تعرفين وين بنسكن؟
قلت له اللحين انت تقول بنسافر .. وين نسكن بعد؟
عندنا شهرين بالديره .. او بعدين مردنا بنرجع بالاجازات .. يبيلنا مكان نقعد فيه ..
انا شقتي جاهزة اب بيت ابوي .. بس للحين مااثثتها .
ابيج تأثثينها على ذوقج ..
انشاءلله ..
نواره خل نملج
يالحنان ..
ابيج والله ابيــــــج
بالعدال لايسمعونك الناس
خل يسمعون بسوي نفس الافلام بوقف او بقول ابيــــــــــــــــهــــــــــــــــــا
ياربي شكلك مايطيح عليه
شقصدج مايطيح عليه خفيف؟
هههههه لا ماقلت
امبله ادري انا بروحي مستغرب ماادري شصايدني .. وايد مرتاح او مستانس او اهلي كلهم مستانسين
ابتسمت
.. رد يسولف .. امي تبي تعزمج على المخيم
بسرعه خيمتو ..
اي امي تحب البر .. ولا تخيم إلا باخر الدنيا .. تقول عشان احس انه بعيد ..
هههههه يحليلها .. قالت بتكلم امج تبييكم يوم الخميس
انشاءلله
بس عاد بتضيعون انا بايي اخذكم
هههههه انشاءلله
عيل العزم اوروبا
وين باوروبا ودك؟
انا ودي بامريكا خاطري اوريج الاماكن اللي رحتها بس عشان نغير او بعدين نروح امريكا
مو مشكله ..
شرايج انتي وين تبين؟
انا احب جينيف ..
رايحه بالشتى؟
لا بالصيف ..
انا مارحت .. بس والله انتي لو تروحين امريكا صج بتستانسين عليها
رايحه امريكا الصيف اللي طاف
صج؟؟ وانا من مساعه حنه وين رحتو ..
رحنا فلوريدا ..
زين عيل هالمره كالفورنيا
بس لازم نروح ميامي لكروز
اختي راحت هالرحله بشهر العسل
اي واااااايد حلوه
انشاءلله اذا الله كتب .. نروح كروز ميامي .. او من كالفورنيا نروح هاواي
انشاءلله
انزين .. انتي تبين جينيف انا ابي لندن ..بعد؟
ايطاليا ماشفتها
ايطاليا تينن .. انشاءلله بنروح بعد؟
بس كفايه ..
ليش؟
نبي نقعد مع اهلنا قبل لنسافر
اي صح .. خلاص انشاءلله
انزين يالله تأخر الوقت .. الساعه 10
متى تبين نطلع حق الاثاث ..
بنتفق باجر
ليش باجر؟ الليله بالتلفون ..

انشاءلله ..
يالله مشينا
يالله ..
وصلنا عند السياره
او توصيات او مادري ليش مد ايده سلم علي هههههههه
ومشينا ..
واحنا بالدرب دق
بمشي وراكم للبيت الوقت متأخر
قلت له اوكي ..
او سكرته
وصلنا البيت .. قعدنا ويا امي .. او دخلت داري بدلت او غسلت او دقيت عليه
نواره ..
هلا
واااااااااااااااااااااااااااااااااااايد استانست وياج اليوم والله واااااايد
وانا بعد
صج استانستي
اي والله .. ماقصرت
بعد عمري .. شحلاتج كنتي ..
او استانس لما تتكلمين او ماتطالعيني .. مستحيه بعد عمري ..
هههههههههه لا عادي
اي انا هم اقول عادي ..
انزين يالله نام وراك دوام
بنام بس قوليلي قبل .. متى نأثث ؟
باجر بنتفق ..
تعبانه؟
اي والله تعبانه ..
خلاص كلميني الصبح اول ماتقعدين
انشاءلله .. تصبح على خير
وانتي من اهله ..
بااي ..

[عين أبوي]

ملااحظه :
بالكويت في عوايل كثيره عندهم عادي البنت تطلع مع خطيبها وتكلمه طبعاا مع علمهم واغلبيه العوايل جذي


++++++++++++++++++++++++++++++++++++++++++++++++

امس امي نست تقولي انه ام يوسف كانت بتيي لها الضحى تتريق عندها ..
قعدتني الساعه 8 .. كنت تعباااااااااانه .. قمت بالموت من السرير ..
ياحلو الدفوه ..

دخلت اتروش "ههههههههه عشان ادور راسكم وتقولون يدتي سعوديه" هههههه
اتغشمر سبحت او طلعت .. سشورت شعري .. او لبست فستان مثل الدراعه .. شاريته من البحرين ..
او حطيت بلاشر بخدودي ويهي كان اصفر .. او دقيت على يوسف
استغرب قعدتي من الصبح .. قلت له امك بتيينا بعد شوي .. قالي ماقالت لي ..
قلت له انا مادريت إلا الصبح
قالي بدور يايه او تبيها تتعرف عليهم ..
امي نادتني ..
قلت له يوسف شوي او اكلمك ..
رحت لامي ..
كانت مجهزه كلشي او بتوريني ..
ياتنا اختي او يدتي
او قعدنا بعد شوي يات خالتي مع بنتها الكبيره ..
اول مره انشوفها اهيا تدرس برى او مايات وياهم هذيج المره ..
قعدنا نسولف .. وتريقنا .. وشرينا الشاي ..
http://farm1.static.flickr.com/11/15134907_5241357c91.jpg

عزمتنا خالتي على المخيم الخميس .. يدتي او امي مواعدين خال امي مابيقدرون ..
فقالولي ايي وياهم او قلت لهم انشاءلله ..
سولفنا بالملجه والعرس .. او قلنالها شمخططين او اهيا عجبتها الافكار ..
قالت حق امي انها تبي تأثث شقتنا او تبينا ايي وياها اذا ماعندي شي اهيا او بدور .. او يوسف بيكون عند بريك من 1-3 بيينا ..
قالت لي شوفي اي محل تبينه ..
المهم .. امي وافقت اروح وياهم ..
قالت لها خالتي تعالي انتي بعد .. بس امي ماكانت تقدر
لازم تقعد ويا ابوي عالغدا ..
المهم .. الساعه 12 او نص اهما طلعو انا قلت لهم احتاج السياره فبلحقكم ..
قلت لها خالتي قلتي حق يوسف .. قالت لا اللحين اقوله
واهيا عند الباب قالت له .. قال لها تعالو انتو معاها بالسياره احسن
المهم فطلعنا كلنا .. واحنا بالدرب دق علي .. قالي وين تبين نشوف اول ..
انا منحرجه او ماعرف اهما شفي بالهم!! او الشقه حتى ماشفتها .. قالي اللحين عشان نكسب الوقت بنروح الاماكن الاساسيه ..
دور النوم مالت The one
حلوه تبين نروح نشوف؟
قلت له اي مو مشكله ..
المهم ..
تلاقينا اهناك .. او تفرفرنا .. كان منزلين اشيا تينن
بس المشكله اول شي انا منحرجه .. مو متعوده عليهم!! وبروحي او بعد انا موشايفه الشقه
او امه مسكينه ساكته على بو انه على راحتنا ..
قلت لها خالتي .. انا ماشفت انتي قوليلي شنو يصلح او هدينا التأثيث او قعدنا نسولف عن العرس والملجه
بدور تهبل .. اجتماعيه .. ماخذه الجو بطريقه حلوه
ماحسستني اني غريبه بسرعه دشت معاي بالمود
المهم يوسف كان مجابلني ..
او مبلم .. تعبان ماقاعد ينام بالليل عدل .. او قعدته من 7 يكسر الخاطر ..
فقلنا انه ييتنا هذي مامنها فايده .. لازم اشوف الشقه اول .. فرحنا عشان يوسف كان يبي ياكل احنا كنا متريقين او شبعانين ..
المهم بعد الاكل والسوالف صار لازم يروح الدوام ..
فانا قلت لهم بوصلكم عشان مايتأخر عن دوامه لانه الساعه كانت بالضبط 3
المهم .. وصلنا عند البيت قالولي دام واصله نزلي .. قلت لهم عندي جامعه انشاءلله مره ثانيه .. قالو لي تعالي عالسريع بنوريج بس الشقه بسرعه بسرعه
نزلت معاهم او شفتها ..
تقريبا الدور الثالث كامل .. فيه دارين او حمامين واحد كبير جنه دار والثاني صغير .. او فيه مطبخ او صاله وبلكونه مغطيه بزجاج.. تطل على حديقة البيت ..
مرتب يعني بس يبيله شغل .. تراس .. انا ماحب بعد البيت الخالي ..
قعدنا نفكر ونتذكر الاشيا اللي شفناها ..
او تأخر الوقت فرحت عالسريع مريت رفيجتي او رحنا الجامعه
وانا بالطريج دقيت لامي او سولفت وياها ..
وصلت قاعة المحاضره يوسف دق .. فدزيت له مسج .. انا توني داخله المحاضره .. نزلت البيت او الشقه وايد حلوه ..
رد علي .. انتي الحلوه يا مرتي الجميله .. لاتدلعين وايد او خلينا نملج ..
قلت له اخاف انت اللحين مسوي روحك طيب بس نملج تطلع انيابك
قالي افا صدتي خطتي !! شفتي شلون مناسبين حق بعض حتى تفكيرنا نفس الشي
قلت له انزين متى تبي تملج يعني؟
رد علي .. الخميس؟
قلت له معزومه بالبر! وحطيت له غمزه
قال لي اليمعه؟
قلت له يمعة بيت يدتي
قال السبت ..
قلت له اجازه ابي انام مالي خلق لويه
قالي الاحد؟
قلت له عندي اختبار
قالي الاثنين؟
قلت له عندنا ناس يوم الاثنين ..
قالي منو؟
قلت له خطيبي او ريل اختي يتغدون عندنا
قالي نوارو اخر كلام الثلاثا ..
قلت له على شرط .. أتأكد انه الحفله تستوي .. او انا موافقه الثلاثه ..
قالي باجر دبي؟
قلت له اذا لقيت لي انا او امي او خالتي او اختي حجز .. اي .. قالي والله بطلع لكم
المهم .. صار بريك طلعت بسرعه كلمت ابوي قلت له عادي نملج الثلاثا؟
ضحك قالي ليش شصاير؟
قلت له بس .. ماله داعي نمدد .. نملج والعرس بعدين ..
قالي اللي يريحج حبيبتي ..
قلت له ترد البيت نتناقش او اعتمد
قالي اللي تبينه! كيفج او شوفي امج
قلت له نقدر نروح دبي باجر؟
قالي وين تلاقين حجز حق دبي
قلت له يوسف قال بيشوف ..
قالي مدبره كل شي انتي او يايه تقولين لي " يصير نملج" يمه منج
ضحكت او قلت له خل اشوف امي
دقيت على يوسف اول .. قلت له ماتسأل عمك قبل؟
قالي ابوج؟
قلت له قلت انا حق ابوي ماعنده مانع انت اسأل اهلك مايصير على كيفنا قررنا
قالي ماعليج انتي تدرين انا ودي اليوم قبل باجر .. قلت الله انا بكلم امي اللحين انت كلم امك
قالي اوكي
قلت له يوسف
قالي هلا
قلت له مابيضحكون علينا؟ انه شفينا مره وحده قررنا جذي؟ احس فشله؟
قالي شنوووووو فشله قطي السالفه علي قولي اهوا بيسافر او يبي يرتب الفيزا او لازم عقد زواج او من هالسوالف
هههههههههه يمه منك ..
هاهاهاهاها مابقى شي واكشر عن انيابي على قولتج
يمـــــــه ..
يالله باي بكلم امي او انت بعد كلم امك
اوكي عمري باي

دار راسي .. قررت مااحضر السكشنات اللي باقيه .. شلت اغراضي او قمت .. لحقتني رفيجتي قلت لها ملجتي الثلاثا باروح اجهز!! قالت لي من صجج قلت لها اي والله توه مقررين
مشيت او رحت لامي البيت .. ابوي وصل معاي .. او قعدنا نتكلم .. امي قالت لي قومي استخيري .. او انشاءلله الله بيسر كل شي
انا ماجذب عليكم كنت فرحانه وايد
دش قلبي .. حنون او طيب او احب شلون يطالعني .. ويكلمني ..
صوته حلو وزوله احلى ..
المهم .. دق علي قالي لقيت حجز حق 3 بس
فكلمنا خالتي قالت ماكنت باقدر ايي باجر بنتها مصخنه او ريلها باجر دوام .. المهم فعزمنا نروح ..
المهم دقيت على خالتي او قلت لها وسالتهم اذا يبون شي من الامارات ..
او طرش ابوي واحد يقص التذاكر .. او قعدت ازهب شنطتي بسرعه بسرعه .. اشوف شحتاج وشقاصرني
ابوي اتفق مع فندق بخصوص الاكل او وكلت اختي لصغيره تروح تشوف لي احد للمسرح .. طبعا ملج فشي بسيط قلت لها باللي خاطري فيه
او الاوان اللي ابيها..
عشان على الاقل تقولي اذا حصلت او لا ..
كلمت الديجي .. والحمدلله الحمدلله لقيت اللي ابيه حق يوم الثلاثا
حجزت لي رفيجتي ميك اب او شعر
هذي رفيجتي مينونة ميك اب او ثقه فماكنت احاتيها كثر ماحاتيت المسرح .. بس توكلت على الله
المهم بعد ماخلصت اتصالاتي .. دخلت غسلت او بدلت هدومي او طحت عالسرير ..
دق يوسف كنت تعبااااااااانه وموقادره اتكلم او لازم اقعد 5 لانه طيارتنا الصبح
وصكرته منه او نمت

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)






ضـحكـني يـوسـف مـسـتـعيـل حـددهـ لـوولـ

وجـذي جـك بـم قـرروا يـجـدمـون

نـواار اللـه يـعـينـهـا حـسـيت بـ تـعـبهـا وانـا اقـرى لـوووولـ

كـلـشـي بـسـرعـه بـسـرعـه


والـ او طـفـرتنـي لـووولـ و احـسـن :1eye:


دودو
يـعـطيـج الـعـافـيـه قـلبـوو :icon26:

نـاطـرررريـن الـتـكـملــــــــــه








اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

قعدني المنبه الساعه 5
صليت او سبحت او طلعت جنطتي عشان يحطونها بالسياره ..
امي ماقعدها المنبه .. فانتظرتها شوي جهزت بسرعه بسرعه
ومرنا ريل اختي مع اختي او رحنا المطار
واحنا بالدرب دق يوسف .. توه قاعد من النوم ..
قالي طلعتو؟ قلت له اي .. قالي انزين بتوحشيني ..
قلت له انت بعد
قالي صج ولابس تقولين لي جذي ..
قلت له هالركضه اللي انا فيها كلها عشان منو؟
قالي بعد عمري ..
قلت له انزين .. بوصل المطار او بكلمك .. كنت مستحيه لانه اخر جمله قلتها او مانتبهت انه الكل سمعني او تفشلت ..
خصوصا انه السياره كانت هدوء ولا صوت ..
المهم .. صكرته منه او اول ماوصلنا المطار كان في وقت .. رحنا مع ريل اختي قعدنا بستاربكس شوي ..
شربت لي شي يفتح عيني صج كنت تعبانه او ادري انه مافي وقت نرتاح ركضه ركضه لانه قاعدين بس ليله وحده
المهم دخلت او اعلنو عن الطياره .. دقيت عليه او قلت له انا بدخل اللحين تامر على شي؟
قالي سلامتج ..تلفونج شغال؟
قلت له لا تلفوني مو دولي ..
قالي شاااااااااسوي!!! قلت له بكلمك من تلفون امي ..
قالي لا .. رفيجي بدبي .. اول ماتوصلين الفندق حق الشنط بخليه يدز لج رقم تستخدمينه
قلت له فشله يوسف يوم واحد امي معاها تلفونها
قالي مو فشله هذا رفيج عمر او اكثر من اخو .. او ماعليج ..
المهم قلت له يالله بدخل الطياره اذا تبون شي انت او خواتك دزولي على رقم امي موتنسون
قالي انشاءلله ..
قلت له مع السلامه ..



وصلنا دبي .. طبعا من المطار لي الفندق .. خذالنا ساعه إلا ربع !!! المسافه قصيره لكن الزحمه
شي مو طبيعي!! .. والاسواق بعيده عن بعض ! .. المهم اول ماوصلنا تفارقنا .. امي راحت تسوي جك ان للفندق .. او انا او اختي
على طول عالسوق .. عشان نكسب الوقت ..
تمشينا بالمول اللي بالفندق نفسه
او لقيت لي كم شغله ..
ولقيت فستان اختي قالت لي ينفع حق استقبال بس مو ملجه .. خذيته ..
او دقت علي امي او ياتنا
طبعا هالمجمع بروحه يبيله يوم كامل بس احنا اختصارا للوقت رحنا الاماكن اللي نعرف بنلاقي فيها ..
رفيج يوسف حط الرقم بالدار او كتب ورقه انه سواقي تحت ناطركم وين مابتروحون اهوا يدل ..او اذا احتجو شي هذا رقمي ..
المهم انا دقيت على يوسف .. او قلت له مانحتاج السياره تكاسي وايد فشله يمكن يحتاجها ..
قالي انتي ماعليج انا هم لين اهله ايون لكويت ماقصر .. اخذيها او روحو ...
قلت له اكلمه اشكره قالي اي .. باخر اليوم
قلت له اوكي ..
المهم طلعنا من المجمع او رحنا مكان ثاني ..
مالقينا شي .. خذيت بدله او الله يعزكم جواتي او طلعنا
رحنا اخر مكان بلستتنا .. انا بتدى يصيدني احباط
او حسيت اني ماراح القى شي .. او مافي وقت ادور بعد او اخيط ..
المهم الحمدلله امي كانت تدعي طول الطريج
او دخلت واحترت شاختار .. بس اخر فستان طلعت لي اياه اختي كان روعه ..
او لونه وااااااااااايد حلو

دزاينه يشبه فستان بينيلوبي كروز فالاوسكار العام ..
هذا صورته ..

http://gothamist.com/attachments/jen/2007_02_oscarhudcruz.jpg

شوي يختلف بس نفس الطريقه ونفس النفشه من تحت
واحنا طالعين
بعدين رحنا محل مال جوكليت .. لقينا علب حلوه او لونها جريب من لون فستاني ..
دقيت على اختي . تغيرت خطة الالوان مع لون الفستان اليديد ..كانت توها داشه محل المسارح
فقررنا على لون ثاني ..
المهم رجعنا فندقنا كانت الساعه 7 لما طلعنا من اهناك .. بس طبعا ماوصلنا إلا 7 او نص .. من الزحمه
رحنا ريحنا والساعه 9 طلعنا نتعشى .. واحنا نمشي امي لقت لها بدله ..
او لقينا لاختي بعد ..
او اختي اللي ويانا مالقت شي ..
رحنا تعشينا او كلمت يوسف
كنت مو مكلمته طول اليوم او عندي من 5 مكالمات
اول مادقيت قالي وييييييينج!
قلت له مشغوله انت تدري انه يايين بسرعه بسرعه او ماعندنا وقت
قالي انزين مافيها شي اذا كلمتيني .. دقيقه
قلت له اسفه بس صج كنت متضايقه لاني مالقيت فستان
قالي لي مالقيتي؟؟؟؟؟؟؟؟؟
قلت له بلى لقيت بس عقب .. اخر الوقت .. او من كثر ماقايست كنت وايد تعبانه ..
ريحنا واللحين رجعنا انكمل الاغراض
قالي .. اها
"ما أقنعه ليش مادقيت صوته متضايق"
قلت له شلونك انت؟
قالي بخير الحمدلله
كلمت عمي يوم شفتج ماتردين .. قالي ماكلمتوه ..
اي اقول لك ماعندنا وقت
سألته اذا يبي شي .. او بس صكرته
شفت امك او اختك؟ ترى عندي بكره الصبح اذا يبون شي..
والله قلت لهم او قالو مايبون شي .. مشكوره بعد عمري
العفو ..
كنت يوووووووعانه او الاكل ريحته بخمشي .. او موقادره اسكره ..
المهم فقعدت اكل او اهوا عالخط
قالي شوفي نوارووه بخليج تاكلين بس اول ماتخلصين تكلميني فاهمه قلت له انشاءلله
اكلت او قمنا نتمشى .. كانت المحلات قريب بتسكر
دقيت عليه
قالي شنو شريتي شلون شكله الفستان
قلت له طبعا ماراح اقولك .. مفاجأه
قالي عيل انا ماباقولج شلون بشتي
قلت له ارجوك ابي اعرف من كثر الوان البشت محتاره تصدق
قالي يمه نحيسه
قلت له اقولك الصج ماعندي انياب اطلعها بعدين طلعت كل انيابي من البدايه
وانا اتمشى واكلمه شفت محل عندهم تيجان ..
اللي مال اعراس دخلت او عجبني تاج .. قلت له بنادي امي او بكلمك اول مادش الغرفه والله ماني مطوله قالي اوكي
ناديت امي او وريتها تاج ناااااااااااااااعم
صاير 3 درجات ..سوارفسكي
خط اول واحد كبار او بعدين يصغرون او اخر صف اصغر ..
ناعم او احسه بيعطي لمعه حلوه ..
او انا كان ودي مع الفستان ارفع شعري نصه بس .. او الباقي مهدود ..
المهم عجبهم او اخذته ..
او رجعنا كلمته شي بس كنت هلكااااااااااااااااااااااااااااانه .. نمت



++++++++++++++++++++++++++++++

هذا اخر شي نزلته الكاتبه
انشااء الله اول ما اتنزل شي يديد انقله لكم اول بأول

قراءه ممتعه حبايبي :icon26:

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)






ضـحكـني يـوسـف مـسـتـعيـل حـددهـ لـوولـ

وجـذي جـك بـم قـرروا يـجـدمـون

نـواار اللـه يـعـينـهـا حـسـيت بـ تـعـبهـا وانـا اقـرى لـوووولـ

كـلـشـي بـسـرعـه بـسـرعـه


والـ او طـفـرتنـي لـووولـ و احـسـن :1eye:


دودو
يـعـطيـج الـعـافـيـه قـلبـوو :icon26:

نـاطـرررريـن الـتـكـملــــــــــه








اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)





لووووووووووووووووووول اي يحليلهم شكلهم تعلقوووو في بعض :in_love:

ووالله يعنيها نوااار يعني بتجهز للملجه ولا دراستها

الله يعافيج حبوبه :in_love:

وتوني نزلت اخر بارت نزل
وانشاااااء الله اول ما تنزل شي يديد احطه لكم

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)



لا هـذا آآآخـر شـي نـزلتـه :tears:

شـ يـصبــررنـي لـوووولـ

إلا اقـول دود تتـأخـر اهـي :sly: << مـتـحمـسـه لـووولـ


تـسـلـميـن يـ الـغـــــلا
نـاطـريـن الـيـاي
لاخــــــــلا ولاعـــدم




اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

لوووووووول

لا لا تخافين اهي يومياا اتنزل تقريباا باليوم اتنزل مرتين نزلت وااحد واعتقد بالليل اتنزل الثاني

العفوووووو قلبووو
وانشااء الله ما اتخر عليكم اول ما يوصل شي يديد نزلته

[@ النـــاعمة @]

وااااااااااااااااااااااااااااااااااااااااو يوميات رائعة ....

والله يعين نواره جامعة وملكة بالسرعة بصراااااااااااااااااحة ما الومه على التعب الي هي فيه ...


يعطيك الف عافية يالغلا ...

ننتظر على احر من جمر ...

[عين أبوي]

قعدتني امي الساعه 8 الصبح ..
او بسرعه سباق عالحمام اللي تحوشه قبل ..
سبحت او نزلت مع امي اتريق ..
اختي نزلت لنا بعدين او رحنا السوق ..
شريت حق يوسف عطر او بوك رجالي ..
او خذيت لهم علبة Chocolate
جورجي ارماني حق البيت كله ...
فشله مايبت لهم شي بس المفروض يعذروني ركضه ركضه ..
تمشينا بالسوق او مرينا على محل يبيع قمصان نوم من برى كان مبين يهبل بس استحيت ادخل
جدام امي او اختي على طول رايحه على قمصان النوم فشله
مع اني قبل لا انخطب كنت كله اتشرى من مال المتزوجات بس هالمره غير ..
وللحين بخاطري المحل ..
حتى قلت بقوله شهر العسل نطير عالاماراتيه عشان نمر دبي يوم او اتشرى من هالمحل شوقني ..
تمشينا او تغدينا او طيارتنا كانت ترجع العصر .. واحنا بالدرب رايحين المطار دقيت على رفيج يوسف ..
شكرته عالسياره او عالخط او قلت له بخليلك الخط مع السواق ..
المهم قبل لاندخل الطياره كلمت يوسف او قالي بييكم المطار ..
قلت له فشله خلها هالمره ابوي بيينه او انشاءلله يوم ثاني
اندقر شوي .. قال انزين بس اييكم لاتركبون وياي
قلت له لا مو حلوه .. بليز بشوفك لاحقين
وسكرته .. انا فبالي ماودي يشوفني لين يوم الملجه ..
كلها جم يوم عادي مو شهر!! .. المهم واحنا بالطياره قعدنا نكتب لستة المعازيم
او من وين بنطلب الاكل
او توزيع الصاله
او هالسوالف .. مر الوقت وايد بسرعه الحمدلله
وصلنا ..او كان ابوي ناطرنا رجعنا البيت او دقت علي خالتي تسلم علي او تسأل توفقتو انشاءلله قلت لها الحمدلله
سألتها عنهم قالت بدور كانت مجهزت لنا من قبل فكل شي جاهز ..
قلت لها خالتي تعرفين اللويه اللي صادتني مره وحده مع سالفة الملجه سامحيني مابقدر ايي البر يوم الخميس ..
قالت لي كله واحد حبيبتي انشاءلله اليايات اكثر ..
بعدين قالت لي حبيبتي انا ادري انكم تعبانين مع اللويه بس بمركم انا او يوسف المغرب شوي
انا اندقرت بصراحه .. صج ماكان ودي يشوفني ..قلت بتفرق .. بحط زيوت حق شعري او جسمي
او ابي احط خروع حق حواجبي على امل اقدر اغير شي حق يوم الحفله ..
قلت لها حياكم الله .. او سكرت التلفون ..
قلت حق امي او قالت اختي .. كلميه قبل قوليله انا وايد تعبانه او بنام او امي او ابوي بيكون موجوديين
امي مارضت قالت فشله
المهم فخليناها ..
وصلت البيت .. او بسرعه طلعت اغراضي .. او نفشت شعري او على التعب اللي فيني قايست الفستان .. لاني بالمحل كنت مستعيله بس اللحين وااااااااااااااايد عجبني ..
مع شعري نفشته .. وااااايد حلو
المهم رحت وريت ابوي او وايد عجبه اهوا او اختي ..
دقيت على خالتي قلت لها تيي .. او دخلت سبحت
ونشفت شعري ..
او ربطته
لبست جينز او توب عادي ملون.. او ماحطيت بويهي ولا شي غير بلش شوي او حمره لحميه ..
على امل اتغير عليهم ..
اظافري كان فيهم لون احمر شلته ..
او تعطرت ..
او حطيت الاغراض ملوتهم بجيس .
او قعدت انتظرهم ..
يات خالتي ويا يوسف او بدور
دخلو او سلمو
او ياني يوسف مبتسم ..
قالي ماي دبي يحلي؟
ويهي صار احمرررر امه سمعته قالت له من زمان حلوه
قال لها يمه كل يوم تحلو هالبنت
رحت انادي امي او خواتي او قعدنا
ابوي كان مو موجود
قالت له لااله الا الله ماشاءلله قول .. ..
يايبين المهر ..
بصندوق مبيت .. محفور عليه من داخل اسمي مع اسمه
او من برى نفس صناديق لول ...
او من داخل ملبس مخمل او رزم فلوس .. حوالينهم ورود
او صندوقين نفس الشي بس اصغر ..
فيهم شبكتين وحده على حجر اخضر .. حجر الامرلد مال شهر مايو اللي اهوا شهر ميلادي ..
او الشبكه الثانيه بيضه
او دبلتي انا سوليتير .. مع الترنتي رنج ( الخاتم الابدي) او حوالينهم كله ورود توليب.
المهم يابت الخادمه العصير .. قالت لنا خالتي بنشرب العصير ونروووح انتوا تعابه او احنا مانقدر نتأخر ورانا لويه بعد
انا كنت طاقه وراده فماقعدت ..
قالت لي خالتي قعدي شوي بنشوفج قبل لانمشي ..
فييت قعدت بينها او بين يوسف او امي من الصوب الثاني
قالت حق امي سامحينا عالقصور هذا مو قدرها ..
وانشاءلله الله يسعدهم مع بعض ويهنيهم من هالكلام
انا اطالع تحت او احس انه قاعد يطالعني
او فشلانه ويهي صاير شطوووله من التعب او حالتي حاله
المهم امي لزمت عليهم تقعد مارضت قالت لازم نمشي ..
المهم انا وايد حبيت فكرة الحجر الاخضر .. انه يايبينه لي نفس عيدميلادي ..
او قلت شهالصدفه الحلوه
بعد ماطلعو .. ورينا ابوي او دخلت داري اكلمه ..
قلت له واااااااااااااااايد حلوه الدبله .. يبيت عليها
قالي تستاهلين اكثر ..
قلت له بس اهم شي شوف الصدفه الاحجار اللي بالشبكه نفس شهر عيدميلادي
قالي حبيبتي ادري!! ..
قلت له شدراك ..
قالي اخطبج ماعرف شي عنج شدعوه!! .. اسرع شي يطلع عاد تاريخ الميلاد
سولفنا شوي .. او بعدين يات خالتي
مالحقت على ام يوسف بس شافت الفستان او الاغراض .. المهم او قعدنا سوالف .. لي الساعه 9 كنت هلكاااااااااااااااااااااااانه ..
قطيت راسي عالسرير كلمت يوسف قلت له بنام .. او نمت

المهم نيي حق يوم الملجه الصبح ..
قبل بيوم كنت مخلصه حمامات ما حمامات او كانت بتييني بالبيت وحده تسوي لي تنظيف بشره قبل المكياج او وحده تسوي اظافري ..
او رفيجتي ياتني الساعه 8 اهي قعدتني
بكمل لكم بعد شوي ..

[عين أبوي]

بنااااااااااااات سوري توني انتبه ان في بااااااااارت قبل هذا الباااااااااارت

سامحووني على الخطا في النقل بس والله من التعب ما ركزت

ثواني انزل الباارت إلي قبل هذاااااا

[عين أبوي]

احس اني اذا ماذكرت لكم الليله اللي قبل الملجه بكون مختصره وايد اشياء مفيده .. بنبدي من العصر ..
يوسف كان على اعصابه ينتظر نتيجة الفحص الطبي ..
او انا بالي بالمكان .. ودي يطلع شي مرتب .. نفس الصوره اللي فبالي ..
قعدو يشتغلون بالمسرح من الصبح ..
غطو صالة بيتنا .. بسجاده بيضه ..
او شالو الكراسي .. حطيناهم اب بيت جيرانه .. او يابو كراسي .. ملحفه بابيض .. او طاولات طوال ..
او باقات الورد كانت دائريه لونها درجات الوردي الفاتح لين البرتقالي ..
http://www4.0zz0.com/2008/03/05/12/641932363.jpg

المسرح كان نفس البوكس المربع منقوش او مصبوغ بلون الخوخ او معتق بذهبي شوي .. او نازل من السقف كور باقات ورد نفس اللي موزعه بالمكان ..
او كرسي ابيض ..
او عاليمين طاولتين مدورتين وحده رفيعه والثانيه انزل منها عليها صناديق الشبكه ..
غيرو التوليب اللي كان مزين الصناديق او حط من نفس الورد اللي بالمكان ..
بالليل يابو الطاولات مالت البوفيه .. او صحون الصخان .. صفوهم مع الصحون او كل شي ..
او اللي سوالي المسرح قالي بيحط لي باقات على بوفيه الاكل ..
رحت بالليل مع رفيجاتي سويت حلاوه .. او مساج او رجعت بالليل او كلمت يوسف قلت له تعبانه اهوا كان مشغول .. نمت .

الصبح يات رفيجتي تقعدني .. او دخلت اسبح .. يوسف اتصل مرتين وانا بالحمام ..
طلعت او كلمته .. بشرني بنتايج الفحص ..
او يا سواق خالتي يايب .. صواني جوكليت او كيك شكله وايد حلو ..

http://farm1.static.flickr.com/158/408907974_e0fff33847.jpg

او البنات كانو يبخرون البيت ..
وصلو اهلي من وقت ..
واللي تسوي الشعر من وحده لي الثانيه ...
رفيجتي كانت بس قاعده تصور الاحداث من البدايه لي النهايه ..

كانت داري مفتوحه .. او لويه .. او انا قاعده على السرير .. احس كل شي مخربط ..
او الاصوات او تلفوني كان يرن مايسكت ..
او بس اسمعهم يقولون .. يالله مافي وقت يالله مافي وقت !! .. احس الصوت مثل الصدي يرد بأذني ..
المهم انشغلت مع اللي تسويلي الحمام المغربي .. بعدين الفيشل او يات اللي بتحط اللي المكياج .. صليت المغرب او قعدت ..
تلفوني يمي .. فتحت واحد من المسجات اللي وصلتني ..
ولا وحده اعرفها ز. دازت لي مسج ..
صج انج ماعزمتيني بس انا بصير احسن منج او ببارك لج ..
هالبنت ماعرفها!!! .. كانت تصير وياي بصفوف بالجامعه .. بس عمري ماقعدت وياها قعده طويله ..
سلام عليكم السلام .. خذت رقمي عشان اذا تبي شي امتحانات تتصل بس تسألني .. درستي سويتي ..
او انا مو رفيجتي يعني!!! .. او بعدين نوعها اللي اذا ماتبي شي تسوي روحها ماتشوفني او ماتسلم ..
المهم رديت عليها قلت لها حفلتي بسيطه او حق المقربيين او انشاءلله بالعرس .. او الله يبارك فيج مشكوره ..
المهم ردت علي .. قالت لي ياللي ماتستحين انا مو مقربيين؟ يعني بتغشمر ..
المهم انا مافيني شدتها .. فحقرتها ..
طول الوقت كانو يطقون الباب بس انا حاقره .. قلت اذا في شي يدقون علي ..
المهم .. خلصت من المكياج او قعدت تعدل لي شعري او تحط لي التاج ..
المهم بعد ماخلصت .. او طلعو .. كلهم يو يطقون الباب يبون يشوفون النتيجه .. وانا حاقره
لبست الفستان او خلصت .. او دقيت على اختي تيي لانه المعازييم بتدو ايون ..
يوسف دز لي مسج .. بعد صلاة العشا
قالي ..كاتب .. واخيرا صرتي حلالي ..
ابوي دق علي بعده بشوي يبارك لي .. او ياو الرياييل بالميلس الخارجي ..
ياتني الخادمه ترتب الدار .. او امي يات تشوفني ..
او طبعا بتدى البجي ..
او انا حاطه الفوطه بعيني عشان مايسيح الكحل من لدموع ..
المهم قلت حق امي تنادي بدور ..
ياتني او واااااايد عجبها الفستان او قالت لي صايره تهبلين .. او الوقت يركض .. الساعه 10 او نص او يا وقت دخلتي ..
قالت لي تبين تدخلون مع بعض عشان يشوفج يوسف قبل او اييج لي دخلتي ..
قلت لها سأليه اهوا
دقت عليه قال بيي اللحين ..
او يانا اول مادخل الممر انا كنت واقفه عند باب داري .. وقف
تقوله تعال شفيك ..
اهوا ساكت او واقف مكانه
قالت له شفيك .. تعااااااال سلم على مرتك
اشوى انه محد كان موجود .. ياني او باسني على راسي او قالي .. شحلاتج بس بدون مكياج احلى ..
الصراحه اندقرت .. حسيت مو عاجبه شكلي
بدووور قالت له بالعكس واااايد حلو مكياجها قال لها لا حلووو .. بس قصدي حلو اللحين او قبل ..
لانه شاف ويهي اندقر ..
المهم رد لمني او باسني مره ثانيه قالي والله تهبلين .. انا مو مصدق
يات امي او شافتنا قالت بتدخلون مع بعض قلت لها اي ..
او مسك ايدي .. او راحت شغلو اغنية الزفه او دخلنا ..
طول الطريج قاعد يتكلم او يتغشمر .. او انا مابي اطلع ويهي واااايد شاقه الحلج بيقولون هذي ماصدقت ..
بس والله تعليقاته ذبحتني ..
المهم وصلنا او قعدنا شوي او بعدين لبسني الدبل والشبكه ..

http://farm3.static.flickr.com/2400/2144180719_2dcf09b03f.jpg

تصورنا او قعد شوي .. او طلع
http://farm1.static.flickr.com/193/522303299_e54f50fb06.jpg

كنت وايد فرحانه .. كل اللي احبهم حوالي او قعدت لي الساعه 2 بعدين بدور قالت لي يالله ريلج ناطرج..
رحت له المجلس اللي برى او قعدنا مع بعض شوي عالساعه 3 او نص طلع او انا ماصدقت كنت ابي ابدل ذبحني الفستان والوصلات اللي بشعري او التاج .. بدلت او شلت المكياج او قعدنا عالتلفون لي الفجر ..
صلينا او نمنا

[عين أبوي]

بنااااااااااات الحين انا عدلت الباارت إلي قبل الملجه حطيته قبل اوكي ادري عفستكم خخخخخخ بس شسوي والله من التعب ما ركزت عدل وكنت مستعيله بنزل لكم الباارت ولا اتاخر عليكم

[منار القمر]

دلوعه الفال لج إن شاء الله

اللهم يرزقك بزوج الصالح

يحليلها يومياتها تونس
:shiny::shiny:
كسر خاطري يوم علق على المكياج:tears:

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)




يـاااي الـيـوم الـمـرتـقـــــــــب :cupidarro لـوولـ

الـحمـدللـه كــان اوك :icon35:

ويـسـوووف مـاتـعـرف تـدقـر لـووولـ اي قـول حـلـوهـ بـ الـمـيـك اب وبـدونـه

مـو بـدون احـلـى :shutup: لـوولـ


تـسـلـميـن دودو
نـاطـررررريـن الـيـاي :shiny:
لاخــــــلا ولاعــــدم



اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)




لووووووووووووووووووووول اي والله حراااام دقرها خخخخخخخخخخ

بس بغيت انبهج تراني نسيت بارت قبل هذاا:nosweat:
وسويت تعديل نزلت هذااا وحطيت إلي قبل بداله خخخخخ <<< مو عارفه اشرح لووووول

[عين أبوي]

دلوعه الفال لج إن شاء الله

اللهم يرزقك بزوج الصالح

يحليلها يومياتها تونس
:shiny::shiny:
كسر خاطري يوم علق على المكياج:tears:

:in_love: تسلمين حبيبتي

لوووووووول اي حراام دقرها المسكينه:nosweat: خخخخخخخخخخخخ


ويسلمووو يالغلاا على مرورج

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)




يـاااي الـيـوم الـمـرتـقـــــــــب :cupidarro لـوولـ

الـحمـدللـه كــان اوك :icon35:

ويـسـوووف مـاتـعـرف تـدقـر لـووولـ اي قـول حـلـوهـ بـ الـمـيـك اب وبـدونـه

مـو بـدون احـلـى :shutup: لـوولـ


تـسـلـميـن دودو
نـاطـررررريـن الـيـاي :shiny:
لاخــــــلا ولاعــــدم


كـتبتـه مـرهـ ثـانيـه وحـذفـت الـقـديـم
دودو ـخخخخخخـ عـادي نـمـر وايـد بـ هـ الـحـالات لـووووولـ




اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

كنت حاطه تلفوني عالسايلنت .. او موصيه محد يقعدني إلا اذا صار زلزال ..
قعدت الساعه 12 او نص الظهر ..
فتحت عيني طليت بالتلفون .. ولا عندي 30 مسد كول او مسجات واااااااااااااااايد ..
يوسف مرتين او بدور مره او من بيتهم مره
او الباقي خالاتي او بناتهم او ربعي ..والمسجات من الناس اللي درو يباركون ..
ولا اشوف مسج من يوسف فتحته ..
لاتضحكون ريلي طلع مايعرف يكتب عربي ..
صج ضحكتني بدلياته كأنها بدلياتي لما ايي بكتب لكم وانا مستعيله ..
المسج "عسا عيني مابتجيج يالقاليه " احبج موت منار انتي اقلا شي في حياتي الله لايحرمني منج اموت فيج وايد فرحان او مرتاح او مستانس وانشاءلله كل وكت نكون مع بعض احبج " بالضبط كتبت لكم بالبدليات
المهم .. على طول دقيت عليه ..
شالـــه قالي مررررررررررررررررررتي ..
قلت له هلا .. قالي مرتي الجميله .. صباح الخير ..
قلت له صباح النور
عمري وايد نمتي كان ودي اطلعج نتريق ..
ههههههه انشاءلله باجر ..
انزين يالله بسرعه .. لبسي بنطلع
وين بنروح؟
براحتج ..
خل انتغدى بالبيت عندكم او نطلع العصر ..
ليش؟
بس ابي اشوفهم انسولف ونحش عن امس
براحتج حبيبتي امي وايد بتستانس ..
انزين يالله .. شكثر يبيلج؟
ساعه
عمريييي؟ شبتسوين ساعه؟؟
يوسف .. ساعه
هههههههه تخرعين .. انشاءلله
رحت حق امي .. قلت لها اول مره ادش بيتهم بودي بيدي شي شاودي ..
قالت لي امس بيت عمج يايبين كيكه من البحرين نسيناها .. شكلها وايد حلو .. غريبه من البحرين وديها ..
قلت لها اوكي ..
دخلت سبحت .. لبست نفنوف اسود ..مع اكسسوارات ذهبيه ..
بعدين طليت دبلتي مايناسبها ذهبي؟؟
جان افصخ او ألبس
توب حرير بنفسجي طويل ..
او لقنق
جوتي اسود .. او لبست تراجي ..
او حطيت شدو بنفسجي فاتح درجتين
حمره ورديه او قررت انه كوكو مودمزيل .. يكون عطر الملجه ..
فقلت بستخدمه بس اهوا عشان دايما يذكرى فيني ..
المهم او دقيت عليه قلت له انا جاهزه قالي 10 دقايق او طلعي ..
قعدت مع امي او ابوي شوي .. لين دق علي او طلعت ..
كان نازل من السياره ينطرني برى ..
او الخادمه كانت وياي دخلت الكيكه بالسياره ..
او اهوا سلم علي بالشارع او باسني .. تفشلت ..
المهم ركبت السياره .. او على طول عالتلفون .. قاعده ارد عالمسجات ..
جان يسحب ايدي ..
قالي خلي التلفون .. شفيج! ... قلت له سوري والله
ومسكت ايده او قعدنا نسولف .. وصلنا البيت .. ولا خالتي طالعه لنا برى
او سلمت علي او نزلو البنات او قعدنا نسولف ..
وبعدين تغدينا او رحنا نشوف الشقه ونفكر ..
ياب ورقه او قعدنا نقيس كل غرفه بشقتنا
او شفنا الدرايش ..
طولنا ماطلعنا إلا مأذن المغرب
قررنا نتمشى شوي بالسياره او بعدين نتعشى ..
ركبنا السياره او قالي وين تبين قلت له براحتك ..
قالي خل نتمشى بالسياره شوي .. او بعدين نروح نتعشى بالشيراتون ..
قلت له اوكي ..
وداني عند بيتهم قبل .. وراني مدرسته او الجمعيه او ذكرياته مع ابوه .. بجاني .. صج بجيت او عور قلبي .. المهم وصلنا المطعم وانا متكدره
زعل وايد او قعد يتعذر يقول صج مو وقتي ..
اسف او سامحيني ابي اونسج من اول يوم مبجيج .. اسف
كسر خاطري زياده بعدين بسرعه قلب الجو ..
قعد يحط علي .. اني اكل على سعتي ..
او طلعنا ورقة الشقه او قعدنا نفكر شنحتاج او شبنحط او طريقة الصاله شلون او من وين
قررنا باجر نروح الافنيوز .. نتمشى بايكيا او ناخذ الدار اللي عجبنتا ب
The One
المهم وصلنا بيتنا .. بس مانزلنا من السياره قعدنا لي الساعه 2 نسولف ..
دقيت بعدين على اختي تفتح لي الباب ..
وااااااااااااااااااااااااااااااااااااااااااااااااا اااااااااااااااايد استانست
كثر ما أنا مستانسه اللحين بردودكم الحلوه

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)





ـخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ ـ

بـطـنــــــيييييييييي

امـبـي مـوصـج

بـدليـــااااااااتـه خـطيــــــــرهـ

"عسا عيني مابتجيج يالقاليه " احبج موت منار انتي اقلا شي في حياتي الله لايحرمني منج اموت فيج وايد فرحان او مرتاح او مستانس وانشاءلله كل وكت نكون مع بعض احبج "


قـالـيـــه عـاد ـخخخخخخخخخخخخخخخخخخخخخخـ

مـنـار مـن اولـهـا مـلـخـبـط لـووولـ



حـلـوووو الـبـااااااااااااااارت

تـسـلـميـن دودو

نـاااطـررررريـن الـيـاااااااي

لاخــــــــــــــــلا ولاعـــــــــــــــدم









اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)





ـخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ ـ

بـطـنــــــيييييييييي

امـبـي مـوصـج

بـدليـــااااااااتـه خـطيــــــــرهـ




قـالـيـــه عـاد ـخخخخخخخخخخخخخخخخخخخخخخـ

مـنـار مـن اولـهـا مـلـخـبـط لـووولـ



حـلـوووو الـبـااااااااااااااارت

تـسـلـميـن دودو

نـاااطـررررريـن الـيـاااااااي

لاخــــــــــــــــلا ولاعـــــــــــــــدم









اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)




هههههههههههههههههههههههههههههههههههههههههههههههههه هههههه

لوووووووووول انا مت من الضحك على بدليااته خخخخخ الصراااحه خطييره خخخخخخخخخخخ

الله يسلمج حبوبه

وانشاااااء الله ما اتأخر عليكم

لان البارت نزل بس موراضي يفتح معااي :tears:


واول ما يفتح انقله لكم حتى قبل لا اقراااااه :bleh:

[عين أبوي]

بما أنكم بتديتو تملون ..
او عشان ماتطول السالفه ..
باختصر لكم ..
لين نوصل لي اليوم .. عشان ابتدي اقول لكم كلشي اول بأول ..

المهم ثاني يوم بعد ماطلعنا ندور اثاث .. انا كان داير راسي صج او مو عارفه اختار ..
قالي خل نروح البيت تريحين او نطلع نكمل .. قلت له اوكي
رحنا او اول مره ادش دورهم .. مرينا دار بدور .. كانت تحفه ماشاءلله وااااااااااايد حلوه
كأنها اللي نشوفهم بالافلام .. غرف البنات اللي فيها كل شي ..
انا احب هالستايل .. المهم قعدنا وياها شوي نسولف ..
قلت لها دار راسنا مع الاثاث تريقنا او على طول بدينا لين عقب الغدا او احنا ندور ..
كلشي حلو بس موقادره اركب مادري شفيني
قالت تبين اساعدكم؟
قلت لها اذا عندج وقت قالت عندي اكثر من 4 اشهر قاعده بس جذي .. او انا استانس بشغل نفسي
او بصراحه انا كنت ابيها من الله ..
او وثقت من ذوقها بيتهم اصلا بكبره يهبل .. حتى خالتي ذويقه بالاثاث ماشاءلله عليها
قالت لي خلاص انا بشوف وياكم
قلت لها اقولج شي
انا بقولج شاحب او شالاشيا اللي خاطري فيها او انتي تصرفي ..
انتي تعرفين احسن مني
بيني او بينكم ..
انا كنت احاتي ماعرف شنو ميزانيته او اهوا نوعه مايقولي ..
فماكنت ابي اشيله فوق طاقته ..
فكنت دايما عيني تروح عالسعر او مادري شلون متضايقه ..
ريحني اني هالحمل بينشال او بتفرغ حق جهازي والسفره والعرس
او اهيا كانت كل جم يوم تييب لنا اختيارات شرايكم بهاللون؟ او اي درجه احلى .. او هالسوالف .. خالتي بعد وايد ساعدتها .. ..
المهم خلولنا كلشي مفاجئه .. وقت الشغل ماشفنا ولاشي .. نشوف هنود طالعين داخلين او سيارات الاثاث فبقول لكم النتيجه .. شصار
اول شي .. شقتنا فيها دارين او صاله او مطبخ تجهيزات .. او حماميــن
الله يعزكم ببدي بالحمامات لاتسألوني ليش لاني مادري ههههههه..
حمام لضيوف اللي اهوا الحمام اللي برى صبغته بماروني او ذهبي خطوط ..
حطت منظره ذهبيه كبيره منقوشه ..
المغسله برخامه لونها غامق .. او من تحت نفس قماش الستاير بالكراكيش ..
او باب الحمام من داخل غامق مع بوردر ..
او في منظره كبيره بالطول ..

حمامنا احنا الله يعزكم شوي كبير غيرت الجبس من فوق .. خلت جاكوزي بزاويه او فوقه بالضبط قبه فيها ليتات صغااااااار .. بالظلام يصيرون نفس النجوم .. انصحكم فيهم رووووعه
الطوفه والبيبر سلفر او كحلي ..
فيها مربع كبير بالنص خالي فيه سجاده
او الاثاث ابيض منقوش .. او في وايد قطع كأنها شفافه ..

غرفتنا .. بيج مخطط.. السقف فيه مربع احمر .. او ثريه فيها كرستال او احجار حمره ..
السرير جلد احمر يشبه هالسرير

http://farm3.static.flickr.com/2349/2303456694_c2a8d11137.jpg

الكفر بيج او بني او احمر
في كرسي اللي يشيل ثنين .. او بالطوفه التلفزيون ..
او تحته طاوله نازله طويله .. ينحط فيها الرسيفر او فوقها صور او شغلات ..
بالطاولات اللي يم السرير مافي ابجورات .. بالطوفه الاضاءة .. او على طاوله صورة من الملجه او تحفه صغيره او شموع ..
او بالطاوله الثانيه صوره ليوسف واهوا صغير او صوره لي ..
بدور خذتها من امي بالخش مع صور وايد..
تحت باركيه او في قطعة موكيت اللي تيي خيوطها كبار .. حلوه حمره ..

بدار التبديل .. حطت بس الكومدينه او منظره كرسي .. او بالويه نفس الحديده مالت التعليق اللي بالكبت .. تتغطى بستاره
من نفس الوان اوراق الجدار

الصاله لونها فستقي .. مع كرسي على شكل حرف
L
بيج .. او كشنات ملونه ..
والستاره بيج او فيها خط كرستال عالطرف ملون الوان زاااهيه ماخذه منهم الوان المخدات اللي عالكرسي ..
جدام الكرسي .. التلفزيون واستيريو

http://farm1.static.flickr.com/7/8621874_8451763cfa.jpg

والثريه ملونه تهبل فيها كرستال او قماش الاكواب كلهم بيج او الكرستال ملون او لون الحديد اللي فيها فستقي ..
على زاويه منظرة فريمها وردي .. او منقوشه اطرافها نفس الدانتيل .. وايد عجبتني ..
او بزاويه طاوله .. كراسيها ملبسه بقماش او تشيل 4 اشخاص

الغرفه الزايده .. خلتها غرفة ملابس ... خذت من ايكيا كبتين زاويه .. او حطتهم او بينهم منظره كبيره طويله ..
او ورى كبت كبير للجواتي .. او من فوقه نفس المصندوق .. للملابس الشتويه ..
او عجبني حاطه علب .. شفافه من ايكيا خذتهم حق الجواتي اللي لازم ينحفضون بعلب ..
او حاطه ملابس الثقيله الشتويه والتيشرتات الشتويه اللي تيي صوف خفيف .. او التريننقات الثقيله .. كل كرتونه مكتوب عليها بشكل حلوووووو ..
والاضاءة قووووووووويه السقف كله ليتات او سبوت لايت ..
او في بين الكبتات مجابل المنظره .. نفس محلات الفساتين دائره مرتفعه شوي .. عشان يبين كلشي .. حبيت الحركه .. وااااااااااايد

المطبخ .. بيبانه حمره او حطت فيه ثلاجه من برى كلها ستانستيل
كان خاطري بس خفت اطلبها قلت يمكن غاليه .. لكن الحمدلله
او حطت مواعين اشكالهم كيوت ..صحون على اشكال او هالسوالف ..
او طقم مواعين حلو
او في بلكونه من جزاز .. ترستها ورد طبيعي .. او حطت فيها كرسي نفس المرجيحه ..
او اكوريم سمج يهبل ..

كل دار كان لها شكل او صج استانست بالنتيجه وايد ..
خصوصا انهم ترسو البيت صور او انا هذا احلى شي عندي ..
طلعو من عند امي صور انا ماتذكرها ..
او كبرتها او فطومه اشتغلت عليها بالفوتوشوب سوت بعضها ابيض اسود او حركات خطيره ..
ماجسنا ولا شي غير زدنا بعض الاكسسوارات .. بس ..

المره اليايه بكتب لكم .. جمعة عايلتهم ..
او شسوو فيني بنات عمه ..

[عين أبوي]

كان يوسف سهران عندنا او نمت متأخر .. دقت علي خالتي الساعه 10 الصبح
الو ..
هلا يمه
هلا خالتي
شلونج حبيبتي؟
الحمدلله بخير شلونج انتي خالتي ..
طيبه وبخير ..
نواره سامحيني قعدتج بس بيت حماي عازمينج ويانا اليوم او توهم قالولي او قلت اقولج بسرعه يمكن تبين تتجهزين
قلت لها انشاءلله خالتي مشكوره
بس اصحصح بكلمج ..
قالت لي اوكي حبيبتي ..
المهم دخلت غسلت او طلعت كلمتها
قالت لي مرت حماي اليوم بس كلمتني .. قالت لي خا ايوون يوسف او مرته وياكم عالغدا اليوم
قلت لها مو مشكله خالتي انشاءلله باجهز او بييكم ..
دقيت على يوسف قلت له
قال لي ليش يقولون بنفس اليوم
قلت له يمكن نسو .. توني يديده مو متعودين علي ..
قالي انزين انا بمرج بالبريك اوديج بيتنا قلت له اوكي .. باروح الصالون اللحين
قالي اوكي
المهم .. طلعت لامي كنت تعبانه او مالي خلق اروح الصالون ..
قالت لي امي ييبي اغراضج انا بسوي شعرج
او قعدت لها او سوته لي سيده
رفعته بوني تيل
او لبست توب ابيض يده 3 ارباع ..
او في خيط تحت الصدر
ومعاه لقنق
او لبست نعال ..
كنت حاطه بريلي فرنج منكير .. المهم
لبست ترجيه او دبلتي ..
او دقيت على يوسف قلت له انا جاهزه ..
عيني كانت حمره شوي كنت تعبانه ..
المهم عمه عنده ولدين او 4 بنات .. كلهم دارسين في مدارس امريكيا
او اصغر وحده اكبر مني بسنه .. او كلهم مو متزوجين
الثانيه كبر يوسف فرق بينهم يومين ..
المهم .. انا رحت بسرعه .. وانا بالسياره .. استوعبت اني لابسه كأني باروح الجامعه
ركبت السياره او مشى قلت له ملابسي تفشل
قالي شحلاتج
قلت له لا صج
قالي والله شحلوج ..
سكت او انا مو مرتاحه
المهم وصلنا خذينا خالتي والبنات ..
ورحنا ..
وصلنا كانت الساعه 2 او ربع ..
انا طول الوقت داير راسي
لا ملابسي عاجبتني و لا ييتي جذي عالسريع مادري شلون .. يدي خاليه
او كلشي شكله غلط
دخلنا عم يوسف كان واقف بروحه ينتظرنا
سلم علينا او سلامه وايد زين او قعد يمي انا او يوسف يسولف
الاولاد نزلو بعد او قعدو ..
بعد ربع ساعه او اكثر .. يات مرت العم ويا بنتين من بناتها
المهم وقفت سلمت عليهم او سلمو عادي او قعدو ..
المهم انا بروحي يايه مستنقصه من نفسي ولا وحده منهم قاعده وتطالعني من فوق لي تحت
وتسولف ويا يوسف ..
ومايتكلمون بالعربي كله بالانجليزي او يوسف يرد عليها بالعربي ..
انا صج مادرست بمدرسه امريكيه بس لغتي وايد زينه دايما اقرى او علمت نفسي بنفسي .. والجامعه بعد .. المهم انا كنت ساكته
يات قعدت يمي فطومه او قعدت تسولف وياي .. ..
..
المهم ..
قالو حياكم على الغدا .. سألت بدور عن البنات اللي باقي قالولهم بيون عقب الغدا
المهم قعدنا عالطاوله ..
انا كنت واقفه يم خالتي .. ناداني عم يوسف قالي تعالي قعدي يمي ..
فصرت على يمينه او يمي بدور او مجابلتني زوجته او يمها بنتها او خالتي يم بدور او يوسف مجابل عمه
قعد يسألني عن ابوي .. او يسولف لي .. او يوسف ولا حتى يات عينه علي ..
المهم بعد الغدا ياتني البنت اللي كانت تخزني او قالت لي بالانجليزي .. Do you want desert?
قلت لها
No thanks im full
قالت لي كيفج!! انا ابتسمت او بدور قعدت تطالعها
طبعا يوسف بعالم ثاني
وياهم سوالف او ضحك او نزلو البنات الباقي .. سلمو علي او قعدو بعيد صوب يوسف
خالتي كانت تسولف ويا مرت حماها
او عم يوسف راح يريح
فطومه قاعده يم يوسف ..
المهم بدور قامت او قعدت يمي
قالت شخبارج
قلت لها اوكي
او ويهي كلش عادي
انا موقادره اشرح بالضبط الوضع شلون كان .. بس اهما كانو قاعدين نفس الدائره او وحده منهم ماعطتني ظهرها
المهم بدور لاحظت او تمت قاعده يمي تسولف وياي
امي دقت علي قعدت اكلمها برى ..
قالت لي مستانسه قلت لها اي عادي
عاد اهيا عرفت حق صوتي
بيتهم مو بعيد من بيتنا قالت لي تبين نييج؟
قلت لها اي
قلت حق بدور خالتي عندها ناس او يبوني
دزيت مسج حق يوسف ..
قلت له "لاتبين اني ماقلت لك كأنه احنا متفقين انى بمشي .. امي اللحين بتيي تاخذني لانه خالتي تبيني عندها ناس بقولك اللحين انا ماشيه قولي اوكي" المهم قرى المسج او يا يمي
قالي شفيج
قلت له مافيني شي بس احسن كأني قايلت لك لأنه امي كلمتني تبيني او بتمرني اللحين
دقي عليها قوليلها انا بييبج اللحين
قلت له ماله داعي اهيا اللحين بالدرب
شلون بتدل؟
بيت رفيجتها يم بيتهم
عمري انا اوصلج بيت رفيجتج قوليلها
كلمها شوف بتقولك انها بالدرب
دق على امي قالت له امي انا برى
المهم سلمت عليهم او خالتي والبنات ياو يسلمون على امي
او اهما البنات حتى كلمة مجامله تو الناس قعدي ماقالو
بالضبط نفس ماقلت لكم .. غير اللي سألتني عن الحلاوه محد كلمني ..
المهم ياتني بدور عند الباب قالت لي نوار مافيج شي اكيد؟
قلت لها مافيني شي ..
قالت لي ترى انا ادري هذيلا ماعندهم سنع
قلت لها لا والله ماقصرو
او ركبت السياره مع امي او يوسف يطالعني او ساكت
امي قالت لي شفيج؟
قلت لها مافيني شي خل نروح بيت خالتي
قالت لي تحجي
قلت لها ملل قعدتهم
انزين مجامله قعدتي اكيد مابيطولون
تمللت يمه .. او تعبانه مانمت او قاعده متصلبه او ملابسي مو عاجبتني
قالت لي كبتج متروس
مافكرت يمه
يوسف دق طقيته سايلنت
او وصلنا بيت خالتي ..
دقت خالتي ..
رديت عليها ..
قالت لي يالله شوي قعدي عند خالتج او بنيي ناخذج
قلت لها لا خالتي والله تعبانه بقعد شوي عن خاطر خالتي او بروح البيت انام
ماكو نوم يالله .. ساعتين بالكثير او بنييج انا ويا يوسف او نروح جوكليت بار تشربين شي يصحصحج
ضحكت او قلت لها بكلمج خالتي
قعدت شوي تعدلت نفسيتي رجع يوسف دق ..
قالي انا ياييج بالطريج
قلت وين خالتي
قالي بنروح ناخذها بعدين
قلت له انا اييكم بعدين
قالي قلت لج انا جريب او سكر التلفون
المهم يه او دق الجرس طلعت له الخدامه دخلته
سلم على خالتي او قالي يالله بنتأخر
ركبت السياره وانا ساااااكته
قالي بقول لج شي
قلت له شنو؟
قالي حبيبتي والله انا اسف
كنت وايد غبي بس والله اهما يدرسون بنفس المكان اللي انا ادرس فيه
او يايين الحين عشان لكرسمس
اوقاعدين يقولون لي السوالف او شصار .. او مادري شلون اندمجت بالسوالف
كان المفروض ماهدج
انا غبي
انا سااااااااااااااااااااااااااااكته لا قلت له اي ولا لا
قالي عمري والله سامحيني مااقصد اني اتجاهلج او جذي اخليج بروحج
قلت له عادي او ابتسمت بدون ما اطالعه
سحبني او حط راسي على جتفه
قمت بسرعه او قلت له الناس
قالي تعالي سيارتي مغيمه
قلت له يوسف والله حدي دايخه .. ابي اروح انام
امي تنتظرنا
وقفنا عند بيتهم ييت بنزل سحب ايدي او قالي حبيبـــــــــــــــــــتي والله اسف والله
انا غبي!!!!!! مادري شصار فيني ..
قلت له لا والله اصلا السالفه انا نسيتها خلاص او انت عادي بنات عمك او حسبت خواتك او قاعد تسولف وياهم
ابتسم او ابتسمت او نزلت
كنت مخنوقه ..
اعتذر او كلشي بس انا انقمت خلاص ..
يات خالتي قلت لها خق نقعد بالبيت قالت لي لا انا ودي اطلع
انا عادتا ماارضى اقعد جدام وياها بس اليوم مارضت
انا مشيت قبلها او قعدت ورى قالت والله بقعد يمج او بيتم ولدي نفس السايق
يالله روحي قعدي يمه
قعدت يمه او فريت روحي او جابلتها اهيا قاعده وراه
او قعدنا نسولف ..
نزلنا جوكليت بار او اهوا ماسك ايدي طول الوقت ويطالعني , خالتي مايابت طاري السالفه بس ثعدت تسولف عن العرس او هالسوالف
قعدنا اهناك ساعتين يمكن
او بعدين واحنا بالدرب راجعين قلت لهم وصلوني
قالي بوصل امي او بعدين بوديج
قلت له اوكي
نزلت خالتي قالي يصير انزل عندكم؟
قلت له انا حياك
نزل او قعد ويا امي او ابوي شوي ..
شوي او مشى .. او انا دخلت داري او حطيت التلفون سايلنت او نمت

[عين أبوي]

خالتي ام يوسف عندها مع ربعها دوريه كل اسبوع عند وحده ..
عاد امس قالت لي انه يصير بينهم منافسه كل وحده تغلب الثانيه بالفناتق والاكل او هالسوالف ..
على فكره خالتي مو كبيره يوسف بجرها او اهوا مواليد 1979
او تزوجت صغيره .. فعايشه حياتها دايما تسافر مع ربعها او تلبس او شحلاتها ..
المهم ماطول عليكم .. امس قالت لي انه باجر دورها ..
قعدت الصبح .. بعد عزيمة بيت عم يوسف راسي يعووورني ..
سبحت او شفت التلفون في ميسد كولات من يوسف ..
كلمته قالي بمرج الظهر .. قلت له مااقدر .. ابي اجهز اشيا حق عزيمة خالتي اليوم ..
قالي مو مشكله مابنتأخر قلت له لا مااقدر تعال تغدى عندنا ..
قالي اوكي ..
المهم رحت حق امي .. او قلت لها عن عزيمة خالتي قالت لي غميضه وايد متأخر قلتي لي بس خل ادق اشوف ..
المهم في مره تسوي حلاوه على شكل بخور .. حتى اللي تحط فيه الحلاوه نفس مرطبان البخور .. او مزين بزيج او ينشال بملقط ..
او تسوي بعد نفسها حلاوه في مواعين ستيل صغاااااااااار
تحط فيها جيز كيك او حلاوه على منجا او ألبه او ساقو ..
شكلهم يونس صغاااار حيل .. او مغطيين ..
الحمدلله يوم كلمت امي المره كان عندها كميه .. طلبناها ..

بعدين كنت شايفه في بيت وحده من ربعي .. تبوله مقدمتها بشكل حلو .. اقول لكم شلون
برزنا التبوله العاديه مالت البيت او اخذنا الخس اللي ايي له كشه .. ماعرف شسمه مو الخس العادي .. اللي ايي ملفلف من تحت كانه ورقة قرنفل ..
ناخذ ورقه وحده او نحط فيها شوية تبوله او نلفها ببقل نربطها
وعندنا ملة خضره للسلطة نحطهم فيها شكلها واااااااايد حلو ..

بعدين سوت خادمتنا مجبوس .. عاد مجبوسنا احنا غير
وايد لذيذ .. خذنا من الجمعية فلفل اخضر كبار او احمر او كان في بنفسجي او برتقالي او اصفر ..
فضيناهم .. او حشيناهم بالمجبوس .. او كل وحده فيها قطعة دجاجه ..
او شكلهم كان حلوووووووو ..

المهم ..
دق يوسف .. او انا بالمطبخ قالي انا برى ..قلت حق اختي او دخلت اسبح لانه ريحتي مطــــــــــبــخ ..
المهم سبحت او نشفت شعري ولا كشتي شكبرها .. سويتها بالاستريتنر بسرعه ..
او لبست تريننق .. او طلعت ..



ولا يايب لي باقت ورد جوري مربوطه بريبون اخضر ..
او شكلها حلووووو ..
او معاها كارد ..
المهم اخذتها او دخلت الدار قريت الكارد .. ولا حبيبي كاتب لي سوري عن امس .. انا وايد تصرفت بغباء ماكنت منتبه المفروض امسك ايدج او ماهدها ..
كسر خاطري .. من كثر ماقال اسف او كل شوي يقول انا غبي انا طبعا ماارضى عليها ..
المهم حطيت الورد عالسرير او طلعت له
قعدت يمه او مسكت ايده .. قلت له حبيبي .. انا نسيت امس او اصلا انت عادي كنت لاهي انا مو زعلانه عليك ..
قالي احبج ... امي يات او قالت يالله غدى .. قمنا تغدينا او راح حبيبي .. قالي بمرج عشان اوديج بيت امي عقب صلاة العشا .. قلت له اوكي بروح من وقت اساعدهم قالي .. عيل 6 انا عندج ..
قعدت الف لف شعر بالفير ..
لبست توب كنت شاريته من زارا طويل .. ينلبس خالي ...لونه بني او كحلي او من تحت فيه صدفي ..
لبست قلب لولو قصير او ترجيه لولو ..
او جوتي فلات اسود ..
حطيت كحل طويل .. او مسكره او بيس بيج ..
او حمره حمره ..
وصل يوسف قلت حق الخدامه تحط الاكل بالسياره او ييت
ركبت مع يوسف قالي هالكثر مسويه ..
قلت له تستاهل خالتي .. قالي عاد انا قايلج 6 لانه نبي نتمشى .. قلت له لا لازم يحطون الفلفل فالصخان قالي انزل الاغراض او نطلع
نزلت ولا خالتي مسكينه عندها لويه مع البنات او خواتها افتشلت اني بطلع ..
المهم دخل الاكل من الباب اللي ورى .. او ناديت خالتي قلت لها كل شي .. او قلت لها ودي اساعدكم بس يوسف يبي يتمشى شوي ..
قالت لي حبيبتي .. روحو استانسو كلشي جاهز .. او كفايه اللي سويتيه .. اشكاااااااالهم تشوق ..
كل شي احلى من الثاني او باستني ..
او راحت تنادي خواتها توريهم انا طلعت من ورى او رحنا انا ويوسف
شرينا برد من باسكن روبنز .. او وقفنا بمكان قعدنا ناكل ونسولف .. لين صارت 8 رجعنا .. نزلني او راح
دخلت ولا اشوى للحين محد يه .. قعدت معاهم او قعد يقولون لي انهم وايد استانسو باللي يبته ويشوق او مادري شنو وانا استانست
او قعدنا او ياو صديقات خالتي ..
ماشاءلله كلهم من طقتها .. شحلاتهم كل وحده كاشخه ويهبلون ..
كانت بينهم وحده مرت سفير من ديره من الخليج .. قعدت يمي او اندمجنا بسرعه او قعدنا نسولف ..
القعده كان وااااااااااو .. مفيده او حلوه او كلها سوالف حلوه مافيها حش او قرض ..
يعني سوالف عامه او كانو يخططون حق سفره .. بيروحون سيري لانكا ..
بنفس الوقت اللي بسافر فيه حق شهر العسل ..
فكانت عندي خبره بالتذاكر او هالسوالف او قعدنا نتناقش لين وقت الاكل ..
طبعا خالتي كانت مفنتقه اشيا تهبل ..



او حطت لهم طاولة الاكل بالحديقه .. عليها شموع او ورد والجو برررررررررد ..
كانت حاطه عند الباب سله كلها شالات .. ملونه ..
او برى .. دفايه أجرتها من محل .. اللي تيي طويله مالت برى ..
القعده كلها كانت وايد حلوه .. على حمام السباحه كانت تارسه المكان شموع اللي يطفحون بالماي ..
روووووعه كان المنظر
الاكل .. كله فناتق ..
او حتى طريقة التقديم .. او الخدم او لباسهم ..
اهما قبل كانو كله يطلعون مطاعم هذا اول تجمع بالبيت او خالتي كانت 3 وحده تييها الدوريه .. اهما كلهم 15 وحده ..
المهم وااااااااااااااااااااااااااايد كان وناسه .. كلشي .. او ماطلعو الا الساعه 12 او نص .. او قعدنا بعدين نسولف لين يا يوسف او صعدنا الدار ..
الساعه 3 رجعني البيت ..
قعدت اتقلب بالسرير .. شاغلني موضوع الجامعه من ملجت او انا وايد مقصره او فاتني اختبار او ماعندي .. عذر طبي .. قلت باجر انشاءلله بروح اكلم الدكتور .. او تقلبت شوي لين نمت ..

[عين أبوي]

يوم اخر ..
بتديت احس انه برنامجنا صار واحد ..
خلصنا الاماكن كلها او بتدينا نكرر ..
كل يوم مطعم او كوفي شوب ..
كل الافلام نشوفها اول بأول ..
سوالفنا خلصت ..
لوية العرس صرنا نمل منها ..
فقعدت من النوم .. كنا مقررين نتغدى بالمرينا
امي او ابوي كانو بالشاليه او اخواني كل واحد بصوب ..
فالبيت فاضي
دقيت عليه قلت له مالي خلق نطلع تعال البيت محد موجود البيت لنا ..
عدلت داري او بخرتها .. او رحت الجمعيه شريت سناك ..
جبس او خرابيط ..
او سويت له عصير ميلك شيك فراوله .. مشروبه المفضل ..
او عدلت القلاصات ..
طلعت فيلمين .. واحد اسمه
If Only
رومانسي بس يعور القلب ..
او الفلم الثاني
Veer Zara
فيلمي الهندي المفضل ..
دنيت الكرسي جدام التلفزيون او راه حطيت طاوله رفيعه علها شموع
او من جدام طاوله قصيره .. عليها الاكل .. حطيت كل شي بصحون .. او رتبت المكان

"على فكره احنا شقتنا جاهزه بس مانقعد فيها , قلنا بنخليها حق عقب العرس عشان نحس بالتغيير "

المهم .. شريت بيتزا من دومينوز ..
او بونلس جيكن
او بيبسي ..
او لبست .. بيجاما .. بنطلون او قميص .. او سويت شعري بوني تيل .. او حطيت عطر الملجه
كوكو شنيل ..
او انتظرته
اول مره يشوفني ببجامه ..
ضحك علي شكلي .. يقول احسج اختي مو مرتي
صادني احباط ..
اول شي رحنا داري .. كنت مجهزت له ألبوم صور او احنا صغار ..
او صور من عرس امي او ابوي ..
صور عائليه مرتبه .. حطيتهم بألبوم يديد .. او قعدنا بالدار ..
نشوف الصور .. بعدين قلت له يالله نروح انتغدى .. قعدنا على الطاوله برى ناكل البيتزا .. بعدين
قلت له يالله السينما
قالي مالي خلق اطلع
قلت له ولا انا .. حياك
كنت مشغله الشموع قبل .. فدخل الجو عجيب .. او كان برد .. يبت كمبل .. او قعدنا عالكرسي ..
قالي انا ماقط شفت فلم هندي .. خل نشوف شتحبين فيهم
انا كنت متشجعه لاني ادري انه الفلم روعه .. او في حركه سياسيه .. بيعجبه ..
المهم او قعدنا نشووووووووووووووووف ..
والله يابنات استانسنا اكثر من اي طلعه طلعناها ..

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)



وااو عـجـيبيـــــــن

بـط جـبـدي يـسـوف يـوم بـ بيـت عـمـه

بـس زيـن حـس وتـعـدل

انـا مـكـانـهـا افـجـر فـيـه ـخخخخخخـ

تـسـلـميـن دودو
سـوري تـأخـرت تـونـي اشـوفـهـم لـولـ
نـاطـريـن الـبـاجـي
لاخـــــــلأا ولاعــــدم




اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)



وااو عـجـيبيـــــــن

بـط جـبـدي يـسـوف يـوم بـ بيـت عـمـه

بـس زيـن حـس وتـعـدل

انـا مـكـانـهـا افـجـر فـيـه ـخخخخخخـ

تـسـلـميـن دودو
سـوري تـأخـرت تـونـي اشـوفـهـم لـولـ
نـاطـريـن الـبـاجـي
لاخـــــــلأا ولاعــــدم




اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)




لووووووووول بس يحليله واايد اعتذرررررر شكله حييييل طيب
الله يخليه لهاااااااا ويوفقهااا


لوووول عادي معذووره حبيبتي

وانشاااااء الله ما اتاخر عليكم

حاليا الكاتبه عندها اشويه ضرووف واحتمال تتاخر يوم ولا يومين

[عين أبوي]

عدنــــــــا
بنبتدي اول شي بدعاء الاستفتاح
"اللهم باعد بيني وبين خطاياي كما باعدت بين المشرق والمغرب، اللهم نقني من خطاياي كما ينقى الثوب الأبيض من الدنس اللهم اغسلني من خطاياي بالماء والثلج والبرد"

"سبحانك اللهم وبحمد ك وتبارك اسمك وتعالي جدك، ولا إله غيرك”

"وجهت وجهي للذي فطر السموات والأرض حنيفاً وما أنا من المشركين، إن صلاتي ونُسُكي ومحياي ومماتي لله رب العالمين، لا شريك له وبذلك أمرت وأنا من المسلمين اللهم أنت الملك لا إله إلا أنت، أنت ربي وأنا عبدك، ظلمت نفسي، اعترفت بذنبي، فاغفر لي ذنوبي جميعاً، إنه لا يغفر الذنوب إلا أنت، واهدني لأحسن الأخلاق، لا يهدي لأحسنها إلا أنت، واصرف عني سيئها لا يصرف عني سيئها إلا أنت لبيك وسعديك والخير بين يديك، والشر ليس إليك، أنا بك وإليك، تباركت وتعاليت أستغفرك وأتوب إليك ”

دام عندي هالقد متابعات .. خل نستفيد او ناخذ كلنا اجر

قعدت الصبح ..
كان عندي امتحان الصبح ..
ماكنت نايمه عدل بالليل قاعده اراجع ..
داير راسي .. قلت حق الخدامه تسويلي شاي ..
او رحت سبحت ..
شرت الشاي او لبست او طلعت من البيت ..
وانا بالطريج دقيت على يوسف قالي اليوم عنده بارت تايم او مابنقدر نطلع بالبريك .. قلت له مو مشكله من زمان ماتغديت مع بيتنا
خلصت امتحاني .. او قعدت بكفتيريات الجامعه اسولف مع البنات شوي ..
في وايد بنات من زمان مو شايفتهم لانه دوامهم الصبح او انا اداوم العصر ..
قعدنا نسولف ..
ونتناقش وقلت لهم عيد ميلاد يوسف جريب او موعارفه شاسوي له ..
او كل وحده قعدت تفكر او تقولي ..
مريوم قالت لي ..
اخذيله فوجر مساج ..
او سارونه ردت .. لا حلاته شي يظل معاه يستخدمه او يستفيد منه .. في اقلام كارتير وايد حلوين وانصحج تاخذين له قلم خفيف .. او مو ريشه
صج انهم ارخص لكن عمليين او بيستفيد منهم اكثر ..
او تقدرين تاخذين له التلفون اليديد من ابل
iphone اسمها وايد حلو ..
ردت لطيفه قالت مرت اخوي بالفلنتاين يابت حق اخوي ..غطى حق سريره .. او طقم معاه فوط ..
قالت سارونه على طاري الفوط انا مره شفت محل .. يطرز على الفوط اللي تبين .. او الخط واااااااايد حلو .. يكتب لج اسمه او اسمج

سارونه عجبتني افكارها .. واقعيه او مايبيلها وقت ..
قلت لهم انزين اللحين الهديه مو مشكله بس شاسوي له برنامج حق اليوم؟
قالت لي تمي طول اليوم تعطينه هدايا ..
اخذي اشيا رخيصه او شي غالي .. او عطيه من الاقل لي الاغلى طول اليوم ..
طرشيله الصبح ورد عالدوام ..
او بعدين وديله الساعه 12 الظهر كيكه صغيرونه عالدوام ..
او بالبريك انتظريه برى .. او عزميه عالغدا .. او قبل وديلهم وحده من الهدايا يعطونه اياها ويا الاكل ..
او اغلى هديه خليها على سريره بالبيت لي رد بالليل يلقاها ..
عجبتني فكرتها وكل البنات بعد قالولي خوووووووش فكره ..
والحمدلله السيوله فالوقت الحالي موجوده ..
البنات كلهم كان عندهم محاضرات .. دقيت على وفوي رفيجتي او قالت لي بتلاقيني بالمجمع ..
اول شي رحت كارتير اخذت قلم ب60 دينار فضيــــــــــــــــــع .. لونه فضي او في خطط ذهبيه او نفس البراغي ..
نفس براغي الـLove collection
حبيت الفكره ..
فنانه سارو! ..

واحنا نتمشى .. شفت عند محل ميداليات رجاليه بأحرف ..
خذيت ثنتين حرفه او حرفي ..
او خليت لي حرفه
ثنتينهم ماكلفوني اكثر من 14 دينار

بعدين دخلنا محل شريت عطر .. قديم بس انا واااااااااايد احبه ..
او كله اعطر فيه داري .. او اخلصه عن ابوي قبل ..
اهما من جينيفشي اظن اسمه Space
او شي جذي ..
ريحته عذاااااااااب بس اهوا قديم ..

المهم قررنا نرجع البيت الوقت تأخر ..
رحت تغديت مع بيتنا ودخلت انام ..
كلمت يوسف شوي او نمت لي المغرب ..
قعدت .. او كانو متيمعين اب بيتنا خالاتي او يدتي .. او اختي يايه وعيالها او اسمع اللويه برى
المهم .. سبحت او كلمت يوسف ..
قلت له ماقدر اشوفك اليوم خالاتي عندنا
باقي اسبوع عن عيدميلاده
من ضمن خطتي اني اسوي نيولوك لاني ماله من لون شعري ..
او كنت بصبغه حق العرس ..
فاللحين خوش مناسبه ..
فقلت بحاول اتحجج بهالاسبوع
+ انا مسويه رجيم او قاعده اضعف او ماقاعد يلاحظ لانه يشوفني كل يوم
فماافرق عليه .. بهالاسبوع بزيد الجرعه شوي .. عشان اتغير
المهم .. طلعت حق خالاتي .. احب يمعتهم والسوالف ..
مليت من لوية الشوارع ..بصراحه ..
المهم .. قعدت اسولف وياهم عن استعداداتي قالولي لاتصبغين اللحين .. عشان ماتخلصين الافكار او بعد العرس تملين او يصير كلشي مسويته ..
خلي الصبغ قبل العرس عشان تتغيرين ..
اقتنعت بفكرتهم .. شجعوني بالرجيم .. او قالولي واصلي .. خوش فكره
قلت حق خالتي ابي فكره حق هديه رخيصه او مفيده
قالت لي غتره .. جيفينشي او دانهيل اسعارهم ماتزيد عن 20 دينار ..
بعدين تربعنا او قعدنا نفكر حق العرس ..
انا ابي حفلة عشى محفوفه ..
خالاتي قالولي كل افكار ممكن تسوينها بحفلة العشى سويتيها بالملجه ..
المهم او قعدنا نفكر ..
او عطوني افكار قلت بشوف ويا يوسف شلون ..
او طلعو من بيتنا متأخر بالليل .. او يوسف كان يدق او انا مااسمع التلفون او دز لي مسج قالي انا بنام
اول مره ينام قبل لااكلمه ..
اول مره يدز مسج من هالنوع العاده ينام او عادي انا اقعده بعدين
دزيت له مسج .." انا اسفه حبيب قلبي قاعدين نسولف عن عرسنا او لهيت مع الافكار او نسيت اكلمك نساك الموت انشاءلله .. اول ماتقعد كلمني وحشتني وايد"
..
او نمت ..

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)



حـلـوو
عـجـبتنـي افـكـار الـبنـات وايـد :icon35:

نـاطـريـن الـتـكمـلـه

تـسـلـميـن يـ الـغـلا
لاخــــلا ولاعـــدم




اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

.. عيد ميلاد يوسف ..
قعدت من النوم الساعه 11 او نص .. مافي ولامسد كول من يوسف .. عكس العاده ..
وانا اصلا ماكنت حاطته سايلنت كان يم راسي او ناطره يدق يقعدني ..
دقيت عليه
رد علي ..
قلت له وينك
قالي موجود
قلت له مادقيت
قالي انتي نايمه
قلت له انزين العاده تدق
قالي انشغلت
كان يتكلم ببرووووووود .. اول مره يسويها
بس انا تصرفت عادي .. قلت له بقولك عن البارحه انا اسفه
تلفوني مافي شحن او خليته بالدار قلت ارجع له او نسيت ..
قالي اها ..
قلت له .. شبرنامجك؟ قالي عندي بارت تايم اليوم بعد
قلت له الله يعطيك العافيه بقوم اغسل او بكلمك
انا عندي اجتماع بعد شوي " رد علي اهو" بكلمج انا اذا خلصت
قلت له خلاص اوكي ..
غسلت اوو طلعت قعدت مع امي نشوف التلفزيون ..
انسدحت جدام التلفزيون ..
سألتني امي شبتسوين اليوم؟
قلت لها ماعندي شي ..
قالت لي يوسف وين؟
قلت لها دوام
قالت لي تبين نطلع؟
قلت لها اوكي.. قالت لي نروح سوق الذهب .. قبل لاتطير فلوسج ..
قلت لها خلاص اخلص من الجامعه او امرج
قالت زين ..
يا ابوي او قعدنا نتغدى ..
كنت حاطت لي دفتر اجمع فيه طبخات .. عشان اطبخهم بعدين يبته او قعدت اكتب الطريقه من امي ..
الخادمه اهيا اللي تطبخ بس امي معلمتها او اكل امي مافي عليه ماشاءلله
المهم .. قعدنا او طار الوقت صار حزت الجامعه .. يوسف للحين مادق
ركبت السياره .. واهيا تسخن كتبت حق يوسف مسج
" الله يعطيك العافيه حبيبتي .. مابي ازعجك بس وحشتني او انتظر اتصالك لاتطول علي انا رايحه الجامعه اللحين بس بنتظر مكالمتك "
وانا بالمحاضره دق ..
دزيت له مسج قلت له انا بالصف باقي نص ساعه بكلمك اول مااطلع
طلعت او دقيت ..
ولا صوته كلش .. متنرفز ومعصب .. كنت بفتح الموضوع بس قلت خل اقصر الشر ..
قالي راده البيت؟
قلت له اي باخذ امي او بنروح السوق
قالي متى بترجعين؟
قلت له ماادري ويا امي يعني
قالي انزين انا تعبان بروح البيت ارتاح
قلت له اوكي حبيبي ..
دقت علي بدور تسولف .. تقول متملله .. قلت لها تعالي وياي انا او امي بنروح السوق قالت اوكي .
مريت امي .. او تلاقينا مع بدور عند سوق الذهب ..
تمشينا او تشريت اغراض .. او لقيت محل غتر خذيت حق يوسف ..
او قلت حق بدووور فكرتي حق عيدميلاد يوسف او عجبتها ..
رحنا بعدين نتعشى او ردينا البيت ..
دقيت على يوسف مارد ..
دزيت له مسج ..
"حبيبي اكيد نمت .. نوم العوافي .. بتوحشني لليلتين ماكلمتك .. اول ماتقعد حاجني .. بأي وقت عادي"
دق علي .. قالي انا مو نفسج مااهتم .. انا كنت اسبح او قلت بكلمج ..
قلت له عمري والله ادري غلطت سامحني ماكان في شحن او لهيت
قالي انا اليوم وايد كنت مضغوط او ادري زودتها .. كفايه مسجج .. ترى فرحني بس قلت بثقل ..
قلت له يالثقيل خرعتني تصدق
قالي اخيرااا خفتي مني ..
قلت له يمه .. انا احترمك ليش تبيني اخاف منك الاحترام كفايه ..
او سولفنا شوي او نام
قعدت عالنت .. او نمت بعدين انا بعد

[عين أبوي]

بنتقل لكم لين يوم عيدميلاد يوسف على طول ..
قبل بيوم كنت موصيه محل ورد يودون له بوكيه ..
اهوا يحب الورد الغريب .. النادر .. فخليتهم يسوون باقه كلها ورد غريب او ألوان ..
او حط لي عود صغير مكتوب عليه
happy Birthday

http://www.pickupflowers.com/images/puf/images/product/large/happy-birthday-flowers-basket.jpg

طبعا لازم اقول لكم قبل .. طبعا ماقدرت اتشرد منه اسبوع كامل .. فشافني ..
بس الحمدلله نطق .. قالي ضعفتي .. بس لاتضعفين اكثر مو حلو ..
اهوا له بالقطات اللي بالويه ..
المهم .. وصل البوكيه الساع 9 الصبح على مكتبه ..
اهوا اول شي تكون عنده جوله او عالساعه 10 يرجع المكتب كنت حابه يشوفه اول مايرجع ..
قعد يدق علي انا نايمه ..
بعدين دزيت له السايق بالكيك .. معاه هدية العطر ..
غلفت الهدايا كلها بورق كحلي او ربون ابيض ..
لونينه المفضلين ..
اول هديه العطر .. دق علي بعدين .. قالي شهالمفاجئات الحلوه ..
ونستيني حبيبتي .. او انا استانست ..
المهم قلت له بنطلع نتغدى
قال لي اي ..
رحت لبست جينز او توب ستان بيج او اسود.. او شال اسود الجو كان بااااارد ..
او لبست قلوب لولو ..
رحت اول شي بيتهم نزلت هدية الليل اللي اهيا القلم او نزلت الهديه الثانيه بالمطعم ..
بعدين وقفت سيارتي عند دوامه او طلعنا
..
رحنا لورانزو اللي يم الشيراتون .. عاد انا كنت رايحه من قبل او ماعطتهم الهديه مغلفه ..
خذت له جماغ او غتره .. من جيفينشي

http://farm1.static.flickr.com/1/867663_d81776444b.jpg

غلفتهم مع بعض ..
كنت باخذ بزمات .. بس انتبهت انه مايلبس .. فخذيت له مسباح كحلي من دماس ..
ماعرف شسم الحجر .. بس فيه لمعه او شكله وايد حلو او كركوشته فضه او رخيص كان مو غالي .. بس شكله ذرب وايد حلو ..
بعد ماخلصنا غدا وداني الجامعه او راح الدوام .. احنا نخلص مع بعض .. فرجع اخذني ..
كنت خاشه المسباح بجنطتي ..
ركبت السياره .. قلت له يالله البيت
او بالطريج عطيته المسباح ..
رفيجتي رساامه .. تعرف تطبع الويوه بالضبط ..
كنت ماعطتها صورت يوسف بالملجه او رسمت لي اياها عالسريع ..
كانت عاديه بس حلوه مبين انه اهوا ..
هذي خليته حق هدية من البيت ..
وصلنا امي ماقالت لي كانت مسويت له كيكه صغيره او معدلتها بروحها

http://farm1.static.flickr.com/48/169940086_3dade2d0ce.jpg

واااااااااااايد استانس عليها ..
يقولي دورتي راسي كل ماقول خلاص طلع لي شي يديد ..
وايد كلفتي على عمرج حبيبتي ..
المهم .. كنت مرتبه داري او مغيره فيها شوي ..
او موصيه الخدامه تحط الفواحه .. ريلي كلش مايحب البخور .. عاد انا ذبحتي ..
المهم فصرت عايشه عالفواحات والحمدلله مشو وياه ..
قعدنا بداري نطالع التلفزيون وقعد يفتح الهدايا او وايد عجبته الرسمه
او كلشي عاد اهوا لين يبي يرفعني يوصلني لي السما ... بعد عمري ..
او سهرنا لي الساعه 11 ..
قالي خلص عيدميلادي حسافه ..
كنت كل مامشي خطوه اتوقع منج شي يديد ..
المهم قلت له اي خلص بعد شستوي ..
طلع او راح البيت او شاف الهديه اللي ناطرته ..
بعد ودق علي ..

http://www5.0zz0.com/2008/03/09/20/513729577.jpg

نواروووووه يالساحره .. القلم فضيــــــــــــع وايد حلو او عندي نظاره نفسه تخيلي الطقم انتي بس ..
او تم يسولف لي الساعه 2 او نام ..
طبعا اهوا نومه اللي ساعتين باليوم تكفيه ماشاءلله عليه او انا العكس!!! امووووت عالنوم! .. الله يستر شبيسوي فيني لين سافرنا
انا النوم مااصادق عليه

[عين أبوي]

ماسولفت لكم عن "تجهيزي" "الجهاز" "الدزه" وكعادتي ..
بنبدء من طئطئ ..
اختي تنام عندنا بالويك اند ..
او صارت بالآونه الاخيره عندنا عاده "يديده".. مرت خالي .. او رفيجاتنا .. او بنات خالتي والمقربين
يتيمعون عندنا لي وقت متأخر بالليل .. او يروحون بيتهم
المهم ..
كان الجمعه او كنا متواعدين نروح انتريق ..
قررنا نروح لانوتر حق لبرانج مالهم وايد حلو ..
قالي لازم تقعدين الصبح .. عشان نخلص ماقدر اتأخر وراي صلاه قلت له مو مشكله
مع انها كانت اكبر مشكله .. لاني صج اكره قعدت الصبح .. بس شنسوي
عشان عين تكرم ألف عين " مادري شدخل" الله يعين الانتقادات اللي بتيي اللحين وتحليلهم للتناقضات بين المثل اللي طرحته والموقف اللي قاعده اتكلم عنه
عالعموم ..
قعدني الاخ من فير الله .. او قالي يالله عندج ساعه او انا يايج .. مافي تأخير ..
قلت له انشاءلله ..
قمت او انا فاتحه عين او صاكه عين من التعب ..
قمت من الدفوه .. للبرد اللي يسرسف
المهم سبحت او ماكان ودي اطلع من تحت الماي الحار ..
داااااااااااافي
المهم .. بعد عناء جهزت .. ماكان لي خلق احط ميك اب .. لبست نظاره ..كبيره
او جينز او توب ابيض او اسود او في شوي احمر ..
او رحنا تريقنا ..
طلعنا او تمشينا شوي .. لين وقت الصلاه نزلني عند رفيجتي ..
صج حسيت اني من انخطبت وايد قصرت بحقها .. مع انها ماتستاهل ..
من زماااااااان .. اول ماهبينا نروح كل فتره نسوي اضافرنا تواعدنا انا او اهيا .. انه مانسوي اضافرنا إلا ويا بعض .. عشان لو شغلتنا الدنيا ..
او طلينا باظافرنا او شفناهم عفسه .. نذكر بعض ونروح ..
لانه بهالنص ساعه اللي نقعدها .. صج نستانس .. او صار لنا برنامج مادري شلون .. سخيف بس حلو ..
عاد البارحه كانت دازه لي مسج تقولي .. ها النور شخبار اضافرج .. نقزه
المهم ..
ييتي كانت مفاجئه اشوى حصلتها .. قعدنا انا او اهيا او امها نسولف .. لين ياني يوسف ياخذني عقب الصلاه او تواعدت وياها انه باجر يكون لها او نرجع حق برنامجنا القبلي ..
رحت مع يوسف البيت ماكنا مشتهيين غدا بس قعدنا طقطقنا مع خالتي .. ضايق خلقها لانه بدور بتسافر .. او بتطول شوي .. شهر او زود ..
قلت لها انا عندج باي وقت .. وفطومه ماتقصر بعد ..
المهم .. شوي او ردني كان بيريح وراه ديوانية الليله ..

رحت البيت او نمت .. استعد حق سهرة الليله ..
تيمعو بعد صلاة العشا ..
حطينا عشانا او انا كنت يووووعانه كلينا او بتدت السوالف

قالت لي مرت خالي شسويتي بالمهر ..
قلت لها توني .. طقطقت فيه .. شريت شوية ذهب حق ليلة الحنا " يدتي ناذره تسويلي" او بالبحرين يسوون معرض مجوهرات
الاسعار خياليه .. قلت بخش له او اشتري اشيا استفيد منهم احسن .. امي خشت لي فلوسي ..
اما الجهاز نفسه .. ساعات لي شفت شي شريته ..
قالت لي لاتغلطين غلطتي .. انا قعدت اتشرى بدون عدال ..
او قامت الاشيا تتكود عندي .. او انا مااحتاج هالكثر.. او من اللويه انسى اني شريت بعض الاشيا فأرد اشتريها ..
وطارت فلوسي على خرابيط ..
حطيلج ورقه قلم .. او كتبي شتحتاجين او كل ماتشترين شي حطي يمه اشاره ..
او راجعي ورقتج كل فتره شناقصج ..
"هالفكره تناسبني وايد .. خصوصا اني دايما اتمشى والنوت بوك بجنطتي .. واحب اكتب او ارتب . بس بهالفتره كلشي قاعد يصير لي بسرعه بسرعه ..
وشاغله بالي فكرة اني بسافر او بلقى اشيا احلى من اللي خذيتها او بقط اللي شريته .. او بعد انا قاعده اضعف .. اللي بيقدني اليوم ماراح يقدني باجر! .. المهم نصحتني شاخذ اللحين ..
بما اني بسافر وايد بالفتره اليايه .. او انا قبل كنت معتمده على بيتنا بسالفة جناط السفر .. نصحتني اخذ طقم شنط قطعتين او 3 قطع على حاجتي .. شكلهم ذرب ..او نوعيه زينه

http://ecx.images-amazon.com/images/I/41-wF0yVzFL._AA280_.jpg

حطيت اب بالي باخذ ست من 3 او جنطه صغيره ..
بحط اهدومي بجنطتين او بحط جنطه داخل جنطه عشان اذا شريت شي .. احطه بالجنطه الثالثه .. او ماقعدر ادور او اشتريلي شنطه غيرها ..

المهم دخلو البنات بالنقاش او كل وحده تدلي بدلوها او انا اسجل ..
البنوتات قالو لي كثري من قمصان النوم .. اما المتزوجات قالولي لاتختبين على قمصان النوم مثلنا .. ترى بتمشين او بتلقين بالسفر الهوايل ..
اللي قالت لي اخذي 10 بس واللي قالت 30 .. واللي قالت لاتاخذين وايد ..
انا حددت بشتري 20 .. 5 من الغاليين البيض اللي ايون ستات بالروب , و الدانتيلات او هالسوالف ..
والباقي الخفاف الستان الملونين او فيهم حركات ..
او لي سافرت اتشرى اشيا غريبه احسن
حطيت اب بالي مكان بالصالحيه .. او طاهر او الباقي من نعومي او بطلب من فيكتوريا سيكرت .. او بشوف ومن سيكرت
او قلت بشوف محلات بالسعوديه ..
ومو رايح عن بالي المحل اللي شفته بدبي لما رحت اجهز للملجه اشياءه تينن او قلت لااااااااازم تكون لنا وقفه بدبي .. باول سفرة شهر العسل عشان اشتريلي منه ..
نصحوني بعد اخذ بجامات حلويين . قطن حق الشسمه .. اي هذا اهوا

وبعد قالولي كثري من البدلات الراقيه .. حق الاستقبالات او هالسوالف ..
لانه بعد العرس بتنعزمين وايد او الكل حاط عينه عالعروس اليديده .. او لاتخلين لوية البدله حق اللحظه الاخيره بتتوهقين او من اللويه مابتحصلين شي ..

او حق السفر .. انصحتني اختي اخذ تريننقات من فيكتوريا سيكرت او فيلا مودا الجوسي كتور واااااااايد حلوين او غريبين ..
شكلهم حلو حق التصوير .. او خفاف حق الحركه بالسفر .. او عمليين ..
او قالولي لاتكثرين جينزات اشكال او انواع .. مافيها شي اذا لبستي من اللي عندج .. او خذيتيلج 2 او 3 يداد ..
درجاتهم غريبه او اشكالهم حلوه ..
اكسسوارت وايد بالسفر ماتحتاجين
..
تراجي كبار الرياييل مايحبون .. او صج يوسف قالي هالشي مره .. يقول تضايقني لما اشوفها احس ثقيله او تعور او ماشوف بالترجيه العوده اي جمال ..
المهم قالولي اخذي اللولو اللي تيي لولوه وحده او لولوه معاها شي صغير ..
او اللي تيي فص كبير .. او هالشغلات اللي بس بالاذن تنحط ..

مرت خالي نصحتني احاول قد مااقدر اخذ اشيا تسوي تغيير بشعري ..
لكن اتأكد انه كهربة الديره اللي بروحها ينفع لها اللي شريته او لا ..
وايد بنات اعرفهم توهقو بالسشوار!! .. يوصلون او يغسلون شعرهم او اييون بيركبون الشسوار!! .. يفقع كهربتهم ماتستحمله او العكس .. او تتوهق البنت بشوشتها! فقالت شوفي بالنت او سألي ..

نصحوني اخذ جلابيات او انا ببالي محلين بالبحرين او محل بدبي ..
بالبحرين السعفه او يشمك او بدبي محل ماذكر اسمه بالبرجمان .. يبيع جلابيات شغلهم عااادي بس قطعه روعه .. او حلويين حق وقت الغدا لما اكون بالكويت

عندي رفيجه بالسعوديه تسوي توبات رووووووعه مستحيل تقولين خياط .. ماشاءلله عليها ذويقه او خياطها فنان
ذكرتني فيها بنت خالتي .. فقلت بكلمها عشان تسويلي كذا بدله ..
كريمات او عدة الله يعزكم الحمام .. طلبتها من وحده تييب من Bath and **** works
خذيت طقمين على التين والسكر.. اموت عليه او الخيار مع البطيخ روووووووعه
التين حق الليل .. والخيار والبطيخ حق النهار يعطي انتعاش غير طبيعي
انا احب العمبر بعد بس قلت بخليه لين انا اروح ..

بنت خالتي قالت لي اهم شي حق شهر العسل تاخذين لج كاميرا عدله واضحه
او تأكدي انه صورها بالليل حلوه .. بعضهم يحرووووون بالليل .. اهيا خبيره نصحتني بكانون
DOS 400
شي جذي مو متأكده ..

جواتي قالولي اشتري بس لاتودين معاج .. اهناك بتحصلين اشياء وايد .. اهم شي اخذي معاج اشيا مريحه او ألوان حياديه تنفعج مع كذا شغله ..
نصحوني اغلف العطورات او الكريمات عدل او اخذ جنط واتر بروف حق هالسوالف عشان مايصير بالملابس شي ..
لانه رفيجتنا مسكينه .. كانت حاطه دهن عود .. بين ملابسها او نكت او صارت اهدومها كلها صفره ..
ماتت من القهر وعليه .. قالت لي تحملي يصيدج ماصادني ..
فحطيت خطين تحت هالنقطه ..

قالت لي مرت خالي شغله مهمه اخذي معاج مكينة جونسون للمناطق الحساسه .. او اذا قدرتي حلاوه احسن ..
انا اهني تذكرت هالسالفه او عورني بطني
الله يستر...


كتبت بالورقه احزامات ..
جنطه اللي تيي فيها 3 جناط منها او فيها تنباع في ماركس سبنسر ..

http://www.the****shop.com/images/accessories/products/pd_hanging_wash_bag_open_26334.jpg

عشان اوزع المكياج صح وتشيل اغراضي ..
او يكوون فيها مكان للاكسسوارات البسيطه اللي "بشيلها" وياي
وشغلات وايد .. بس يوسف رجع البيت او قمت عنهم اكلمه .. او ماحسيت بروحي إلا وانا نايمه
فشله ماسلمت عليهم .. لكن اشوى خواتي وياهم ..

[عين أبوي]

قعدت تريقت مع امي او رحنا مرينا يدتي ..
صاير تشتت بالعايله يدتي او كلمن مسافر او مامريت يدتي من رجعت
فاقتنمت فرصة قعدتي او رحت مع امي .. قعدنا مع يدتي ..او بعدين استأذنت لاني مواعده رفيجتي
رحنا لسبا تسمكرنا
او تغدينا متأخر او سولفنا او عالمغرب رحت اخذت يوسف من الدوام سيارته بالسيرفز او رفيجه خذاه فردينا بيتهم ..
بدور هالاسبوع بتسافر ..
خالتي او يوسف والكل ضايق خلقه ..
ماخفي عليكم انا بعد .. هالبنت ماشاءلله عليها سنعه او ذربه او مأدبه
الله يرزقها الريل الصالح انشاءلله ..
ويفرحنا كلنا فيها ..
على تعليمها او ثقافتها متواضعه او حبوبه ..
اهيا الكبيره لكن مايمر يوم ماتسأل عني فيه ..
كل ماتيي فبالي او اقول بكلمها تسبقني ..
راعية واجب .. توجب لصغير قبل لكبير ..
تسمع الكل باهتمام .. او ماتدخل نفسها إلا بعد ماتقتنع انه احنا نبيها تتدخل ..
وجودها بالبيت حياه تسوي جو ماينمل من قعدتها ..

فكلنا صايدنا حالة كتئاب لانها بتسافر ..
فطومه بعد عمري طيبه او حبوبه بس بعالمها بروحها ..
مع ربعها او جوها .. كأنها اختي اللي اصغر مني .. زميلتها! مادري شلون ماصارو ربع

المهم .. قعدنا وياها .. قالت تبي تروح تشتري اغراض ..
اختي دقت علي .. قالت لي بالليل مريني او انتي راجعه البيت لانه ماعندي سياره ..
قلت لها اوكي ..
رحنا مع بدور تتشرى او شفت الشنط او لقيت ست عجبني ..
خذته او يوسف اخذ له نفسي بس وحده كبيره ..او جنطة سحاب صغيره او تنشال بنفس الوقت حلوه او عمليه حق السفرات السريعه

تمشينا مع بدور ..
او رجعنا ..
انا كان خاطري بشي فاست فود ..
فنزلتهم او كان الوقت متأخر قلت لهم بروح حق اختي او بعدين البيت ..
مريت اختي او رحنا ناخذ اكل او ردينا البيت .. او نمت من وقت ..

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)




تـــوووووونـس الـيـومـيـــــات

ويـاعـينـي يـاعـينـي عـلـى حـركـاات الـمـيـلااااد

حــرردهــم نــاايــس :cupidarro

وبــدور تـروح وتـرد بـ الـسـلامـه

بـس ســؤال نـوار مـاعـنـدهـا اخـوان ؟!

مـايـبينــــــون كـلـش :nosweat:



دودو
يـعـطيـج الـعـافـيـه
نـاطـرييـــن الـيـاي
لاخــــــلا ولاعـــدم





اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)




تـــوووووونـس الـيـومـيـــــات

ويـاعـينـي يـاعـينـي عـلـى حـركـاات الـمـيـلااااد

حــرردهــم نــاايــس :cupidarro

وبــدور تـروح وتـرد بـ الـسـلامـه

بـس ســؤال نـوار مـاعـنـدهـا اخـوان ؟!

مـايـبينــــــون كـلـش :nosweat:



دودو
يـعـطيـج الـعـافـيـه
نـاطـرييـــن الـيـاي
لاخــــــلا ولاعـــدم





اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)




لوووووووووول الله يهنيهم انشااء الله :in_love:

امبلااا عندها اخواان وخواات وادري اهي ما تتكلم عنهم كثير:shutup:
بس هذي يومياتها الخااصه يعني مو شرط اتحط اخوانها ضمنها صح ولا لا


ومشكووووره قلبوو على متابعتج :shiny:

[Sorrow_Dreams]

يوميات رائعة

مشكورة على النقل :)

[عين أبوي]

قعدت الخميس الفجر .. احس بطني بينفجر! ..
مو قادره امد ريلي ..من كثر الويع .. متكوره كأني ربيانه
الساعه مو قادره افتح عيني من الالم عشان اطل فيها
قعدت اون .. من التعب تغط عيني او ارد اقعد ..
احس بطني ينعصر عصار ..
امي او ابوي بالبر ..
او محد بالبيت .. غير الخدم او خواتي او عيال اختي
المهم قعدت على هالحال لين طلع النور ..
قعدت على حيلي عالسرير .. وانا ماسكه ريلي بيدي .. او من الالم بس دموع من عيني تنزل او اووووون
شلت التلفون .. او دقيت على يوسف مارد
رجعت دقيت على اختي ..
ماترد ..
دقيت عالخادمه .. ردت قلت لها تعالي داري ..
واقفه عند الباب انا وابي اقوم افتحه مو قادر ..
والله عمري ماحسيت جذيه ..
تحملت .. او قمت فتحت له باب الدار ..
تمت تطق وترد مو عارفه شتسوي .. قلت لها نادي السواق باروح وياه
رجعت دقيت على يوسف ورد ..
ابي اتكلم بس اون .. او ابجي
اهوا حبيبي مات من الخوف ..
يقولي شفيج قطيت السماعه على الخدامه قالت له نوووار وايد تعبان .. انا بوديها مع ابو بكر مستشفى اللحين ..
قال لها عطيني اكلمها
قالي ماتقدرين تنتظريني دقيقه بس بييكم
قلت له بامووت قالي جدمو او انا بلحقكم بالسياره ..
المهم .. رحت انا والخدامه او السايق ..
ماكنت اقدر امشي يابو لي ويل جير ..
او دخلت ..
اول شي قال الدكتور اللي بالطوارئ.. اقلب الظن هذي الدوده الزايده .. نفس مكانها بس لازم نتأكد
او عطاني مسكن للألم او وداني فوق ..
عشان يكشف علي دكتور باطنيه ..
المهم وصل يوسف
وانا بالطوارئ .. او ظل وياي او راحت الخدامه
انا عطوني ابرة اول شي ماسوت لي شي ..
تميت اون من الالم او اهوا مااااااااااات من الخوف! .. او عصب عليهم لانه الدكتور تأخر ..
فعطوني أبرة مورفين ..
هذي ريحتني بس حسيت اني ميته ..
ماشوف إلا ابيض جدامي ..
او مو حاسه بولا شي ..
قعدت الظهر .. عالساعه 12 او نص امي او ابوي او خالتي ام يوسف او خواتي او بدور هاديني انا او قاعدين يعابلونه ..
يقولون له مافيها شي هذا عادي او اهوا يقول لهم ماشفتوها الصبح شحالتها ..
المهم .. انا قعدت اشوى شوي او ابتسمت له ..
حبيبي .. يا وقعد يمي ..
يانا الطبيب وقال انه الدودة الزايده مافيها شي ولا ملتهبه حتى .. او خذو تحليل يبيله زراعه
المهم او انا كان الالم مايخف .. اون نفس الياهل
مااقدر اتكلم ولا اسوي شي ..
فقرر يسوي لي غسيل معده ..
سألني شماكله او جذي قلت له
قال اكيد تسمم
ظل يوسف ينام وياي بالمستشفى او امي تمسك شفت الصبح او الظهر اول مايقعد او يسبح ايي على طول ..
او انا فيني احباط من حالتي جدااااامه .. مأساه + ادري انه بهالفتره عنده وايد اشيا يسويها او مستليمه فيه
المهم ..
طلعت النتايج .. قالو تسمم .. بس اهما خافو من شي ثاني لكن النتايج كلها كانت اوكي الحمدلله او اني اقدر اطلع
عطاني مسكنات او ادويه او رخصني ..
كنت وايد تعبانه ومافي شي يبقى بمعدتي ..
فصار فيني خمول او دايما جسمي متكسر او مااقدر اتحرك
او ابي انام .. فنمت يوم اللي طلعت من المستشفى لين ثاني يوم
الضحى قعدت .. او كانت خالتي ام يوسف عندنا ..
قعدو معاي شوي او اكلت او بتديت اصير احسن الحمدلله
بس صج مرضه كريهه الله لايذوقها عزيز ..
كنت متملله او متضايقه .. قالي يوسف نطلع نتمشى بالسياره ..
قلت له مافيني حيل .. قالي لي تعبتي اردج ..
طلعنا او شرينا ميلك شيك او قعدنا نشرب ..
انا خفت اكثر .. او تقلب معدتي ..
بس تعبت او رجعنا البيت ..
بدور كانت بتنام عندي ..
اختي يابت لنا فلم او اكل او خرابيط ..
او يات سهرت ويانا نشوف الفلم ..
كان فلم عمر او سلمى .. احنا شايفينه بس بدور اول مره تشوفه او عجبها
بعدين قعدنا نسولف بالجهاز ..
قالت لي عن محل شافت عنده فستان روعه حق الصباحيه
او قالت لي المكياج وين تحبين .. قلت لها كل شي من مكان احب كحل السائل من ريميل او لانكوم
او احب الشدوات او الحمر من ماك او بيكسي
او الفاونديشن مكس فكتار قالت لي اشتري كل شي الا ماك .. عطتني سايت يبيعون المكياج نفسه بس ارخص
او انصحتني اشتري من ملابسهم او عندهم كلشي
او انا بامريكا شايفته هالمحل بس مادخلته ..الا مره على عيله او بعد ماخلصت تسوق
بس صج روعه اغراضه
Www.nordstrom.com
..
ا و سولفنا لين دخنا او نمنا

[عين أبوي]

قعدنا الظهر ..
كنت يوعااااااااااااااااااااااانه ..
سبحت او قعدت بدور او قررنا نروح لورانزو نتغدى ..
كان خاطري في السوب مالتهم اللي بالخبز ..

http://farm1.static.flickr.com/105/274988752_d69cce9c86.jpg

او يوسف قال بيينا اهناك ..
احنا وصلنا الساعه 1 او ربع اهوا يانا الساعه 2 ..
كان بيده علبه حمره طويله ..
او عطاني اياها ..
قلت له شنو هذا! قالي فتحي او شوفي ..
فتحته ولا داخله تذكره البحرين ..
ايام ماكنت بالمستشفى كنا نسولف او قلت له وااااااايد خاطري اروح البحرين ..
قصه تذكره تطير الصبح او ترجع بالليل ..
نفس اليوم ..
المهم انا استااااااااااانست بس خفت بيتنا مايرضون ..
اكل عالسريع او رجع الدوام .. انا وبدور كنا بنتمشى بالصالحيه او بنرجع البيت ..
دخلنا قعدنا بستار بكس ..
انا كنت شبعاااااااانه بدور كانت تبي كوفي ..
بهالوقت دقيت على امي قلت لها عن السفره قالت لي سألي ابوج ..
دقيت على ابوي .. قالي مو مشكله ..
استااااااااااااااااااااااااانست .. والله يعينا عالتعب ..
المهم وصلت بدور البيت او رحت ألبس عشان اروح الجامعه ..
رجعت من الجامعه .. او كلمت يوسف .. قالي انه حجز سياره من المطار
او خططنا برنامجنا شراح يكون ..
صج كنت فرحانه .. او انشاءلله نستانس ..
نام من وقت كان تعبان او انا سهرت مع امي او ابوي .. وبعدين نمت ..

[عين أبوي]

يوميات رائعة

مشكورة على النقل :)

الاروع مرورج قلبوووو


العفوووووو

[منار القمر]

تسلمين عروستنا على النقل الرائع

ماشاء الله على البنات ماخلو شي إلا انصحوها على فكره نصايحم كثير مفيده

بس حركات الهديا اعجبتني كثير حلو اتشوفين تعابير الفرح كل مره تقديمين له الهديه

[بحر الندى]

http://www.falntyna.com/img/data/media/11/tslalayadee.gif

يعطيــــــــــــــــكـ
الــــــــــــــــفـ
الــــــــــــــــــــــــفـ
الـــــــــــــــــــــــــــــفـ
عافيـــــــــــهـ
مشكورهـ
ربي يسعدكـ و يوفقكـ و يسر لكـ كل صعب
و يعطيكـ الصحهـ و العافيهـ
لاعدمناااكـ يارب
^__^

http://www.m5zn.com/uploads/a0991f7f4f.gif

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)




وي سـلامـتـهـا مـاتـشـــوف شـر

وتـروح وتـرد بـ الـســـــلامـه

اللـه يـوفـقـهــــــا إن شـاءاللـه ويـسـعـدهـــاا ويـا ريـلهـــا


دودو
تـسـلـميـن قـلبـوو
نـاطـريـن الـتـكملـه
لاخــــــلا ولاعـــدم





اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[وحيدة]

السلام عليكم

كيفك دلوعة باباتي؟؟

يعطيك العافية على هاليوميات المممممممممممتعة

من جد انبسط بقرائتها تشهيج بكل شي إن كان اكل ولا سوق من جد تحممممممممس :nosweat:

واللي يونس اكثر حماس BaNooTa Q8TeYa احسها من قلب عايشة مع اليوميات

يطعيك العافية مرة ثانية
:bye1:

[عين أبوي]

تسلمين عروستنا على النقل الرائع

ماشاء الله على البنات ماخلو شي إلا انصحوها على فكره نصايحم كثير مفيده

بس حركات الهديا اعجبتني كثير حلو اتشوفين تعابير الفرح كل مره تقديمين له الهديه

الله يسلمج ابله مناار :shiny:


لوووووووووول اي يحليلها فكرتهاا حلوه والهديه مو بقيمتها


يسلمووووو قلبووو على مرورج :cupidarro

[عين أبوي]

http://www.falntyna.com/img/data/media/11/tslalayadee.gif

يعطيــــــــــــــــكـ
الــــــــــــــــفـ
الــــــــــــــــــــــــفـ
الـــــــــــــــــــــــــــــفـ
عافيـــــــــــهـ
مشكورهـ
ربي يسعدكـ و يوفقكـ و يسر لكـ كل صعب
و يعطيكـ الصحهـ و العافيهـ
لاعدمناااكـ يارب
^__^

http://www.m5zn.com/uploads/a0991f7f4f.gif





تسلميييييين حبوبه :cupidarro
ويسلمووووووو على المرور

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)




وي سـلامـتـهـا مـاتـشـــوف شـر

وتـروح وتـرد بـ الـســـــلامـه

اللـه يـوفـقـهــــــا إن شـاءاللـه ويـسـعـدهـــاا ويـا ريـلهـــا


دودو
تـسـلـميـن قـلبـوو
نـاطـريـن الـتـكملـه
لاخــــــلا ولاعـــدم





اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)





يسلموووووووو قلبوووو على المرور :shiny:

[عين أبوي]

السلام عليكم

كيفك دلوعة باباتي؟؟

يعطيك العافية على هاليوميات المممممممممممتعة

من جد انبسط بقرائتها تشهيج بكل شي إن كان اكل ولا سوق من جد تحممممممممس :nosweat:

واللي يونس اكثر حماس BaNooTa Q8TeYa احسها من قلب عايشة مع اليوميات

يطعيك العافية مرة ثانية
:bye1:

هلا وغلا بوحيده

الله يعافيج حبيبتي
لووووووووووووووول اي والله وخصوصا المطاعم :nosweat:


لووووول يحليلها اي توته من اول المتابعين معااي اول باول :shiny:
ربي يعطيها الف عافيه



ويسلمووووووو قلبوو على مرورج

[عين أبوي]

سفرة البحرين باجر انشاءلله
واليوم زوارة بيت يدتي ..
يوسف مايه وياي ولا مره دايما تصيده ضروف بنفس اليوم .. لكن اليوم كان بيي ..
بعد ماكلمته الصبح سكرته او دقيت على رفيجتي البحرينيه
قلت لها بايي بس ماعندي وقت اشوفج لمت علي نكنسل السياره او تبي تعطينا سيارتها ..
من الصبح لدريول بيوقفها لكم فالمطار او المفتاح بالاستعلامات
عيزت معاها مني مناك مو راضيه ..
المهم قلت لها ..
ابيج تحجزين لي بمطعم مونسون حق العشى ..
او سألتها وين اروح الغدا مدحت لي ليلو .. انا رايحته من قبل بس فاتحين فرع يديد يم مجمع العالي ..
المهم .. سولفنا شوي او صكرته ..
قمت اجهز روحي حق بيت يدتي ..
يوسف من فتره كان طالع ويا بدور او خذالي نفنوف أزرق فاتح انا ماحب هاللون
فمالبسته ولا حتى قايسته .. مسكين حبيبي .. من شفت اللون صكيت الجيس او قطيتها بالكبت
دخلت علي اختي او انا بحوسة لهدوم او سحبت الجيس تشوف اشفيها او ينة عالنفنوف
وسيع او قصاته حلوه
قلت لها مو حلو لونه .. قالت لي لبسيه بتشوفينه باللبس وايد حلو ..
لبسته او صج ..
نااااااااااااااااعم وايد حلو ..
يابت لي تاج ضعيف نفس لونه .. قالت لي هدي شعرج او لبسي التاج بس ..
او لبست معاه نهال فلات او حطيت مكياج ازرق فاتح او او لمعه بيضه تحت حواجبي او كحل او مسكره او حمره بيج او لبست فوقه كوت طويل
انتظرت يوسف يمرني عشان اروح معاه ..
دق لي او طلعت له او احنا بالطريج فتحت الكوت او شاف النفنوف وااااااااااااااااااااااايد استانس اني لابسته .. يقولي عيزت وانا ناطرج تلبسينه كان خاطري اشوفه عليج من طالعته بالمحل.. بعد عمري
المهم
دخلنا بيت يدتي .. والحمدلله بسرعه اندمج مع الجو ..
اهوا ماشاءلله اجتماعي ماينخاف عليه
بس كنت دايما فبالي يوم نزور بيت عمه او شقد تضايقت او صرت ماحب اروح بيتهم لهالسبب ..
بس طبعا لازم اروووح .. عمه وايد محترم او يحب يوسف
او يوسف او خالتي يستاهلون مني ..
المهم ماطول عليكم
مشو الرياييل العصر او احنا نقعد لي الليل .. الساعه 9 يا خذاني .. باقي يومين على سفرة بدور .. او باجر بنروح البحرين او عقب باجر بتنشغل ..
فقلنا بنقعد وياها اليوم ...
خالتي كانت بالبر .. قعدنا مع بدور او فطومه بالبيت شوي.. او بعدين قلنا بنروح نييب خالتي من البر ..
او نتمشى بالمره
شرينا عى حق البنات .. او رحنا ..
وصلنا البر كانت الساعه 12 .. لزمو علينا ننزل رفيجات خالتي ..
قعدنا وياهم لي الساعه 2 او فبالي قعدت باجر من الساعه 5 احنا بالمطار لانه 7 تطير الطياره ..
او طبعا طول اليوم لويه فبنهلك ..
او يوسف عادي عنده .. ماشاءلله عليه النوم عنده شي ثانوي ..
المهم .. قلت حق خالتي اني احاتي السفره او قالت لي اسفه كلش نسيت وعليه .. او على طول قمنا ..
نزلوني بيتنا او راحو
طبعا انا على مابدلت او ييت بنام استوعبت انه خلاااااااص ماكو وقت ..
انا ماحب اشرب كوفي .. بس سويت لي او قعدت اتغصب اشربها عشان تصحيني او مااتعب ..
دقيت على يوسف ولا اهوا بعد قاعد ..
قلت له مرني برد اشرب لي كوفي بالمطار .. او وانته ياي يبيلي رد بول ..
ضحك علي .. قالي مع اللويه بتنسين النوم .. قلت له راسي بيعورني انا اعرف روحي .. حرام تخترب علي الروووحه
المهم .. خذيت لي
Handbag
اللي تنسحب حق الرده عشان احط فيها اللي شريته ..
او شلت اكبر جنطه عندي ..
لبست جينز او قميص في ألوان اخضر اللي على تركواز او بيج .. او لبست فوقه كوت سكري طويل ..
كان الجو بااااااااارد ..
او سمعت بالبحرين هم برد ..
المهم
وصل يوسف .. ربطت شعري او طلعت له ..
حطيت الجنطه قالي ليش جنطه قلت له السبب قالي والله تفكرين
او على طول قالي عطيني جوازج .. اشووووووووى انه قالي عطيني جوازج اول ماركبت السياره
لاني كنت ناسيته!!
قلت له لحظه بييبه قالي طلعتي كلش ماتفكرين عيل
المهم رحت ركض دار امي ..
من لعيه داشه بجوتيي فيه كعب او ططراااخ طريخ على راسهم مساكين نايمين ..
قعدت امي قالت لي ها ماشيين
قلت لها اي ..يوسف برى نسيت الجواز
قام ابوي بيعطيني فلوس ..
قلت له يبه خلاص عندي ريل اولا ثانيا مهري عندي ..
حبيبي ابوي .. دايما جذي .. يعطينا قبل لانطلبه ..
مخليني ساعات اذا نحتاج نستحي نقوله اندز امي ..
لانه مايقصر ..
المهم .. سلمت عليهم او رحت بسرعه السياره
قعدت اشرب بهالرد بول المر ..
صج ماحبه! ..
المهم .. رحنا قعدنا بستاربكس نتريق ..

http://farm3.static.flickr.com/2271/2166910962_358e365d44.jpg

او شربت كافي لاتيه مادري شسمه
او دخلنا او كنا متأخرين بسرعه بسرعه عالطياره


http://www6.0zz0.com/2008/03/11/21/462287623.jpg

الحمدلله ماكان في تأخير ..
انا دايما اسافر بس عمري ماخفت من الطياره الا بهالسفره ..وايد كان اكو مطبات

او مادري شلون اول سفره بروحي بعد ..
اهوا ماصدق اني خايفه إلا لما لمس يدي شافها شقد حاااااااااااره وترجف
قعد يعابلني او يقرى قران شوي او يرد يضحك علي بس ريحني

[عين أبوي]

وصلنا مطار البحرين ..
بعد مانزلنا استوعبت اني ماقلت حق يوسف عن السياره
قالي فشله او مادري شنو قلت له عبالك انت بس عندك واسطه فدبي انا عندي واسطه فالبحرين
قال شفتي نكمل بعض ..
المهم .. قال ياريتج لزمتي عليها ..قلت له والله عيزت راسها يابس
خلصنا من الجوازات او طلعنا على طول .. رحت الاستعلامات ولا هنديهم قاعد يقول حق الريال انه بيخلي المفتاح
او بتيي وحده اسمها نوار بتاخذه
قلت له انا نوار او اخذناه اودلنا على السياره ..
ومشينا
المهم .. رحنا اول شي مجمع السيف .. كنا شباعه او قلنا نتسوق
لفلفنا بالمحلات بعدين قررنا نروح مجمع اللي بفندق الشيراتون ..
دخلنا محل شريت لي بدلة سهره
او يوسف خذ نظاره او طلعنا ..
خلصنا بسرعه هالمجمع لانه اغلبيته محلات متشابهه
المهم طلعنا او ردينا يم مجمع السيف مطعم ليلو
او كوفي شوب اكثر من مطعم
فضيــــــــــــــع المكان والديكورات .. اي وحده تروح البحرين لازم تمره
انا طلبت ميني برقر مالهم وايد لذيذ طعمه غريب
بس يوسف اكله كان مسكت
دياي على طماط مجفف او روزيتا
او مايصير مانحلي انا اخذت كيكة على جوكليت او يوسف اخذ كنافه بالموز بس صج فضيــــعه
خلصنا غدانا او تمشينا بمجمع يم السيف اسمه العالي

http://farm2.static.flickr.com/1343/581694159_68f191e593.jpg

في محلات وايد اخذت لي جنطه او نعال
او يوسف اخذ جوتي او تي شرتات
او رحت جنيد شريت حق امي او خالتي عود
او بنفس هالمجمع كان في كشك يبيعون نفس الاجار او هالسوالف ..
امي دايما تشتري منهم .. خذيت لها او حق خالتي ..
خذيت حق امي عباه
او رحنا بعدين كوفي شوب اسمها
Galler
شكلها يوووووونس او الجوكليت مالهم معروف بفرنسا ..
خذيت حق بدور او فطومه
المغرب خلصنا من هالمجمع او رحنا السوق اللي عند بوابة البحرين
حق محل يبيع اثواب نشل ..
اسمه الزري ..
شريت منه ثوب حق ليلة الحنه .. كنت ابي اخضر بس يوسف لزم على الابيض ..
قالي طلعي بشي يديد او الابيض حلو او يناسب العروس
او التطريز مادري الزري اللي فيه وااااااااااايد حلو
شغله غريب ..
خلصنا منه او رحنا منطقة العدليه ..عشان نلحق عالمطعم



اسمه مونسون .. واااااااااايد حلو اكله جاينيز .. او عندهم ماكي وايد لذيذ .
وايد عجب يوسف ..
او قعدته حلووووووووه
المهم خلصنا العشا كان باقي على الطياره 3 ساعات .. الحمدلله وقتنا كان في بركه
رحنا المحرق او اخذنا الحلوه حااااااااااااره من شويطر اشوى لقينا مفتوح الساعه كانت جريب الـ11
بس يمكن لانه ويك اند
او ابوي كان خاطره بمتاي .. او كلشي كان يم بعض .. خلصنا او تمشينا بالسوق او رحنا المطار
لقيت محل عبايات فالمطار شغلهم وايد حلو .. خذيت منه لفات حق اختي
تذكرت رفيجتي .. الاسبوع الياي اهيا انشاءلله يايه لكويت .. دقيت عليها اشكرها ..
او ركبنا الطياره

http://www5.0zz0.com/2008/03/12/00/204793968.jpg

وانشغلت مع يوسف بالسوالف ولاحسيت بالطريج الحمدلله .. دقيقه إلا وصلنا ..
بس ركبت السياره!!!! طلع علي التعب.! فجأه حسيت ريلي خدرانه من المشي .. او رااااااااااسي عورني
قلت الحمدلله الله تمم علي السفره او خلاني استانس .. او دام يات عالنهايه اشوى ..
حبيبي كان تعبان بعد .. قلت له انزل بيتنا
كانت اول ليله يبات اب بيتنا يسهر لي الصبح بس ماقط عزمته عالمبيت هههههههههه
دخلنا امي او ابوي يبون يسولفون
انا كنت بس ابي اسبح
قعد معاهم او طلع لهم اغراضهم او انا سبحت او انسدحت ..
يوم شافني طولت يه .. بس كنت حدي دايخه شكرته لاني صج من قلب احتجتها هالسفره اولا او ثانيا وااااااااايد استانست او كان باله وايد طويل علي او انا من محل لي محل
.. او بس
نمنا

[عين أبوي]

ولازال العذاب مستمرا ..
طول الليل ماقدرت انام عدل لانه الاخ موجود اولاً ..
او ثانيا ادري انه ماراح يطول فالنوم
او ثالثا مابي يقعد قبلي ..
فكل شوي اطل عليه او ارجع انام ..
فقلت شلي بهالعذاب خل اقوم احسن لي ..
شلت اغراضي شوي شوي او رحت دار اختي ..
سبحت او لبست او تعدلت او قعدت ازهب له ريوق ..
سويت له بيضتنا المشهوره اللي تتقدم لازم بالطابي! .. . ..
او عدلت الصينيه .. او وديتها له الدار
اهوا كان الله يعزكم بالحمام .. طلع او قالي عبالي كسوله طلعتي نشيطه شبعتي نوم قبلي! قلت له صج؟ انت ماشبعت
قالي لا تعبان بس قلت دام قمتي اقوم
قلت اه على مخدتي ..
يابنات صج البساطه البساطه
يقول بفنادق العالم كلها ماذقت مثل هالريوق
طبعا خطيبته او بيجاملني
بس بيضنا مشهووور والكل يحبه .. نسميها بيضة الشاليه

http://farm1.static.flickr.com/77/163261831_68a589bfba.jpg


المهم .. واحنا بالبحرين سولفنا عن العرس .. او قررنا نسوي حفلة عرس صجيه
خالتي بخاطرها لانه ولدها الوحيد ..
او قال كلشي اهما يبون يسوونه .. انا ماكان ودي بالعرس كنت ابي حفله صغيره عشان مااضطر اعزم الكل
ابي افرح مع اللي يحبوني او بيستانسون لي ..
المهم .. قلت له خلاص اللي تبيه ..
رفيجه الاماراتي بيي باجر فقلنا بنروح نشوف القاعات او وين نلقى حجز يناسب وقتنا ..
او شنو اللي عندهم ..
خلصنا ريوقنا او طلعنا قلنا حق امي ..او قعدنا نتشاور معاها بخصوص القاعات ..
اهوا قالي المسرح تزيين القاعه على رفيجه .. بيسوي لنا شي غريب او يديد
طلعنا رحنا بيتهم عشان يبدل وخذينا خالتي معانا او رحنا كذا مكان او في قاعه وايد عجبتني بس كانت محجوزه لين سنه جدام ..
بعدين شفنا قاعه ثانيه او كانت مناسبه من ناحية الحجم او الموقع او التاريخ .. لانه مابقى شي على دراسته او مابيمدينا نروح شهر العسل اذا اخرنا شوي ..
المهم القاعه يعني مش بطاله او احنا اتفقنا نغيرها
خلصنا من القاعه او رجعنا البيت قعدنا مع بدور .. الليله بتسافر ..
حطينا لستت العرس...
اول شي بعد التفكير قررنا نسوي القاعه كلها بيضه ..
http://farm1.static.flickr.com/86/207853896_b55704d2f6.jpg

زل ابيض او نغطي الطوفه كامله بشيفون ابيض .. وراه اضاءه
او قلنا بنييب كل الحلويات اللي يدورون فيها على
White Chocolate

http://farm1.static.flickr.com/190/519133798_ee90b283d0.jpg

او مغطيبه بـWhite chocolate
اهم شي كلشي يكون لونه ابيض ..
او الورد ابيض .. او العصير ابيض ..
دخلنا النت او لقينا جم وصفه .. عصير بيذان ..
او عصير موز .. او نسيت الباقي ..
قلنا بنخليهم يسوون لنا العصير بالفندق نفسه بنعطيهم الطرق ..
قلنا وقت اللي بدخل بتتغير الاضاءه كامله .. بتكون طول الوقت بالحفل عاديه كشافات بس لما ادخل .. يصير الضوء كله نفس ضوء الشموع او سبوت لايت ...
المهم .. تأخر الوقت او احنا بسوالف العرس .. صار لازم نقوم نوصل بدور المطار
خالتي مسكينه وايد ضاق خلقها .. قالت روحو انا مابايي المطار .. سلكت عليها او طلعنا ..
كانت مابتيي إلا حق العرس اسبوع واحد .. لانها تاخذ مكثف تبي تخلص مسكينه لاعت جبدها ..
المهم طلعنا مرينا الرايه كان خاطرها ببرجر بوتيك قبل لاتروح اخذنالها Take away
او وديناها المطار ..
او سافرت بدور ..
رجعني يوسف البيت ..
سولفت حق امي او ابوي شوي .. عن العرس او دخلت كلمت يوسف او نمت

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)



السلام عليكم

كيفك دلوعة باباتي؟؟

يعطيك العافية على هاليوميات المممممممممممتعة

من جد انبسط بقرائتها تشهيج بكل شي إن كان اكل ولا سوق من جد تحممممممممس :nosweat:

واللي يونس اكثر حماس BaNooTa Q8TeYa احسها من قلب عايشة مع اليوميات

يطعيك العافية مرة ثانية
:bye1:

:in_love: احـم
تـسـلـميـن يـ الـغــلأا
جــد الـيـوميــــات هـذي تـونـس وتـحـــمممممـــــس




عـجـيبـه الـيـوميــات

واي مـسـكينـه شـلـون جـذي مـانـامـت عـذاب << دايـخـه حـاسـه فـيهـا ـخخخخـ

سـفـرة الـبـحـريـن حـلـوهـ وزيـن لـقـوا شـي حـلـو لـهـم

وبـدور اللـه يـوفقـهـا شـكلـهـا وايـد حـلـيــــوهـ

والـعـرس عــجـبتنـي الـفـكـرهـ :icon35:

بـعـد لازم عـرس مـســكينـه ولـدهـا الـوحيـد تبـي تـفـرح فـيـه



اللـه يـتـــــمم عـلـى خـيـر


تـسـلـميـن دودو :icon26:
نـاااطـرررريـن الـيـااااااي
لاخـــلا ولاعـــدم










اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)





:in_love: احـم
تـسـلـميـن يـ الـغــلأا
جــد الـيـوميــــات هـذي تـونـس وتـحـــمممممـــــس




عـجـيبـه الـيـوميــات

واي مـسـكينـه شـلـون جـذي مـانـامـت عـذاب << دايـخـه حـاسـه فـيهـا ـخخخخـ

سـفـرة الـبـحـريـن حـلـوهـ وزيـن لـقـوا شـي حـلـو لـهـم

وبـدور اللـه يـوفقـهـا شـكلـهـا وايـد حـلـيــــوهـ

والـعـرس عــجـبتنـي الـفـكـرهـ :icon35:

بـعـد لازم عـرس مـســكينـه ولـدهـا الـوحيـد تبـي تـفـرح فـيـه



اللـه يـتـــــمم عـلـى خـيـر


تـسـلـميـن دودو :icon26:
نـاااطـرررريـن الـيـااااااي
لاخـــلا ولاعـــدم










اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)




لوووووول اي والله هذا يوم بالعمر ولازم يتفرح فيه ومدام تقدر ليش تحرم نفسها


ويسلموو قلبوو على مرورج ومتابعتج العسل

[عين أبوي]

قوووووووة يا حلوات ..
سوري تأخرت عليكم وايد .. يومين مانزلت شي .. بس انا في لويه
مايعلم بيها إلا ربنا .. لكن الحمدلله
لويــة فرح عسى الله يجعل ايامكم كلها فرح ..
مشكوووووووورين على كلامكم كلكم ومشاركتكم
بسم الله نبدي ..

قعدت اليوم .. معزومين بيت عم يوسف ..
مرت عمه دقت علي تعزمني من اسبوع ..
ماعندي عذر مااروح ..

مااحب قعدتهم ياربي .. بس لازم اجامل شاسوي ..
من قعدت من النوم فيني اكتئاب .. قعدت مع امي ..
قلت لها اني مو حابه اروح .. قعدت تقولي .. عشانه او عشان خالتج
او من هالحجي .. قلت لها ادري لازم اروح .. لكن .. مادري الله يعيني والله
كشخي او لبسي او روحي .. او قعدي يم ريلج او ماعليج من احد ..
لو بدور اهني جان تشجعت اكثر .. لانه عادي اقولها قعدي يمي .. بس يوسف
مابي احسسه انهم هالقد زاعجيني ..
عادي اهوا اخر مره من طلعتج فهم الوضع او اكيد بروحه بيتصرف ..
يالله قومي الساعه 12 ماعندج وقت ..
شلبس؟
بايي وياج الدار وريني
طلعت كذا بدله ..
قالت لي لاتلبسين جينز .. لبسي نفنوف ..
استقريت على واحد يشبه هالنفنوف ..
انا اخذت هالموديل من النت او خيطت عليه

http://www.neimanmarcus.com/products/mp/NMT1FZH_mp.jpg

دق علي يوسف قالي انا برى .. انا جففت شعري او سويته بالستريتنر .. بس ماكملت ..
قلت له ادخل شوي او راحت امي تقعد معاه
سويت شعري من تحت بالفير لفلفته .. او حطيت مكياج رصاصي فاتح فيه لمعه خفيفه او كحل او حمره فوشيه
او تعطرت او طلعت ..قلت حق الخادم تييب لي فحم عشان اتبخر ..
او رحت لهم ..
قام لي يوسف قالي حبيبتي شحلاتج صايره ..
قلت له عيونك الحلوه ..
وكلشي كان تمام ..
المهم تبخرت عالسريع او مشينا ..
بالطريج كان معلي صوت المسجل فماصار بينا حوار .. وصلنا بيت عمه ..
خالتي او فطومه كانو موجودين .. دخلنا .. او هالمره كلهم
كانو قاعدين ..
سلمت على عمه او زوجته او بعدين رجعت اسلم على خالتي .. او رحت سلمت على البنات او خوانهم ...
طبعا سلاااااااااامهم بارد كأني الصبح متريقه وياهم! .. المهم سوت لي خالتي مكان بينها او بين فطومه
يوسف سيده دخل بالجو معاهم ..
مع انه سلامهم صار جدامه .. المهم خالتي كانت ماسكه يدي .. او قاعدين نسولف مع عمه او زوجته
بنتهم اللي كبر فطومه نادتها بتوريها شي فوق ..
او صرت انا او خالتي او عم يوسف او زوجته بصوب
ويوسف والباقي كلهم بصوب ..
قام ولد عمه او قعد صوبنا او الكل يسولف
يوسف وااااااااااااايد مستغربه موقفه! .. نسى ولا شيصير فيه بالضبط حواليهم ..
المهم انا ساكته او عادي بس الطامه الكبرى صارت وقت الغدا
حطو الغدا او قالولنا حياكم
اهما "لعيال" قالو تونا متريقين بنكمل سوالفنا او بناكل عقبكم .. يوسف قال خلاص انا وياهم قالت له خالتي تعال تغدى قالها بايي .. او مايه!
!!!
عيال عمه قعدو معانا عالطاوله .. انا من القهر من حركته ماقدرت اكل جبدي انسدت ..
قعدت اطقطق بالصحن ..
واهما يحنون علي اكلي اكلي .. المهم بعدين قمنا من الغدا طليت بتلفوني شفت مسج من بدور "أدري انج في بيت عمي, الله يعينج على ثقالة الدم .. لاجديد"
رديت عليها " رجعـــــــــــــــي لاعت جبدي ابي اروح بيتنا" ردت علي " الله يعينج , حاسه فيج" يعني الكل حاس
شفيه هذا وايد معجب بقعدتهم!! يقهر
المهم غسلو او صارت لويه انا رحت قعدت .. بمكاني! تخيلو او الاخ كان يسولف ولا انتبه حتى اني موجوده
قالت فطومه انا يوعانه ابي اتغدى قالو يالله
قام او شافني قاعده قالي ها حبيبتي كنتي يوعانه؟
قلت له اي .. قالي ماقعدتي ويانا قلت له مع خالتي..
او ياته سحبته بنت عمه يالله يعني!!! نص ساعه مامرت! صج قليلة ادب يعني من نص ساعه توها متريقه!
المهم
قعدت افكر .. اهوا ليش حواليهم يصير واحد ثاني ..
المهم شوي راح او رجع اهوا او خالتي .. قعد يمي قال مابي اتغدى بعدين بنروح السينما او باخذ لي وجبه
قلت له ليش؟
قالي بقعد ويا حبيبتي .. قلت له لا حلو غدامهم تغدى او تعال قعد ويا حبيبتك
قالي اكيد؟
قلت له شنو اكيد؟ اي روح خالتي كانت قاعده تشوفه او صارت فتره هدوء او قاعدين يطالعون بعض .. او راح
قالت لي خالتي .. شالاخبار
قلت لها تماااااااام .. قالت لي بتروحون السينما قلت لها اي ..
قالت لي متى؟ قلت لها كنا مقررين عرض الساعه 6
قالت لي هذا ولبكم بس يخلص اكل روحو .. قلت لها عادي في وقت يتأجل ..
قالت لي لا عشان تسهرون ويانا الليله ..
المهم اكتملت قعدتنا احنا .. او قعدنا ناكل الحلو ..
قام يوسف بسرعه من السفره او قعد ياكل ويانا
خالتي قالت له يالله بسرعه ماعندكم وقت
قال عمه ليش تو الناس
قالت له حاجزين حق السينما او بيروحون
قال عليكم بالعافيه اهم شي قعدنا وياكم
المهم او قمنا طلعنا
او اهواااااااا عاااادي .. لا كأنه مسوي شي ويسولف بسوالفهم .. انا كنت مقهوره منه
بس شاقول له؟ قلت من قبل او رجع سوى نفس الشي .. سكت
قالي شفيج اليوم .. ساااااااااااكته او قاعدين مستانسن نسولف او انتي ولا حتى قعدتي ويانا
طالعته بنظره! واقول بقلبي انت من صجك يعني؟
قالي شفيج؟ انا بس انزلت من عيني دمعه! اول مره جدامه
اهوا طلعت عينه او صفط على صوب او لف علي شفيـــــــــــج حبيبتي؟؟
قلت له وايد أذيتني .. او ياي تسألني شفيج اليوم ماقعدتي ويانا؟
لو تبيني جان ناديتني او مسكتني من ايدك او ماخليتني او انت تدري انا ماحب قعدتهم او ايي علشانك! حتى وقت الاكل
ماييت قعدت يمي .. ولد عمك حس او قعد يسولف وياي او انت ولا حسيت!!! اخر شي
ختمتها بالغدا لو مو يوعان تيي تقعد عشاني؟
لو بيت عمي جان ماهديتك او اهما لما تيي يحطونك على راسهم او انت يايني اللحين تقولي شفيج ماتقعدين ويانا؟
عمك والنعم فيه او يستاهل او مرت عمك ماسوت لي شي لكن بناته مايعرفون السنع! او انت مافيك احساس
مادري شهالمواضيع المهمه اللي قاعدين تتناقشون فيها تنسيك كل اللي حواليك
طبعا اتحجى او انا ابجي او اهوا قاعد يطالعني ..
حاول يقاطعني قلت له اسكت لين اكمل كلامي
قالي حبيبتي .. عادي مو بكل مكان لازم نقعد بحظن بعض
قلت له من قااااااااااااااااااال لك بقعد بحضنك!!! انت عينك ماحطيته بعيني!! .. عيب
انا يديده انا مو متعوده عليهم عشان تهدني جذي امك ماقصرت او حتى فطووووم حاسه او كل شوي ابتسمت لي لكن انت مافيك احساس
مادري ليش؟ اذا هالقد انت تندمج وياهم او ترتاحل لهم او بينكم سوالف ماتوقف ليش ماتزوجت وحده منهم؟
قعد يضحك او لمني قالي بس سكتي وايد تكلمتي ..
حبيبتي لو ابيهم اهما جداااااااااامي او جان خذيت وحده منهم
احنا ربينا مع بعض .. قبل بينا او بينهم باب داخلين طالعين .. او درسنا ويا بعض ..
او اهما مثل خواتي
قلت له مكرمين خواتك هذيلا قليلات ادب
قالي اللي تشوفينه بس لاتنزل دمعتج عشان سالفة هالقد تافهه .. او انا اسف حبيبتي .. عاد انتي لاتصيرين حساسه بزياده
قلت له مب حساسه ولاشي .. تصرفك غل او تحسسي منه شي عادي او الكل ملاحظ الوضع قريب بس اهما محد معلمهم السنع! مايستحون
قالي حبيبة قلبي خلاص لاتزعلين والله واذا ماتبينا نروح لهم مانروح والله
قلت له تحجى بالمعقول مو معقوله مانروح حق عمك او انا من صجي ابي حل
قالي انتو روحو او انا قولولهم مشغوول او عمي امر عليه
قلت له يعني تبي يفضيلك الجو او تقعد وياهم بروحك
حبيبتي؟؟؟؟ شاسوي
قلت له تتصرف عدل لما نروح قالي من عيوني..
قلت له او اسلوبك تعدله
قالي شلون؟
قلت له شنو تقولي تبينا بحظن بعض شهالكلام؟
قالي حبيبتي تعبير مجازي انا اسف
قلت له انزين .. ابي اشرب شي ريجي ناشف
قالي اي لازم ينشف من الزف اللي زفيتيني
قلت له عيدها او شوف الزف الصجي
قالي خلااااااااااااااص يبه حرمنا ..
رحنا السينما ..او طلعنا او رحنا بيت خالتي .. لين الـ12 .. رجعني البيت ..
قعدت عالنت او بعدين نمت ..

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)






وااااااااااي يـبـطــــــوووووووون الـجـبـد بنــــــــات عـمـه :thumbdown :thumbdown


قـلـــــــــــــة ادب صــراحـه شــ تبيـــن ريـال ومـرتـه خـليهـم عـلـى راحـتـهـم :icon34:


بـس زيـن ان نـــــوار قـالـت لـه عـشـان يـعـرف ان هـ الـشـي يـضـايـقهـا :shiny:



تـسـلـميـن دودو
نـاطـررريـن الـيـاي
لاخــــــلا ولاعـــدم





اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

قرب وقت العرس .. او بتدت الركضه ..
قعدت الصبح .. او حطيت لي ورقه او قلم ..
او قعدت اكتب شقاصرني ..
اجلت بروفة المكياج حق العرس مرتين او قلت لازم اروح ماعندي وقت ..
فحطيت المكياج رقم واحد ..
خالتي قالت لي كذا مره تبي تزور يدتي .. قلت باقعد معاهم او بالمره ناخذ افكار حق الحنه .. ابي جو الحنه يكون كله نفس عرس ايام لوّل

فحطيت يدتي رقم 2
الذهب حق الحنه .. اشوف من وين
دراريع ماعندي أبد .. قلت بسأل عن مشاغل او معارض ابي اشيا غريبه
wwww.myweddingfavors.com
هالموقع في اشياء وايد هدايا حق الاعراس واسعارهم ببلاش
.. عجبني منهم هالعلبتين
http://www.myweddingfavors.com/images/Product/RoseVineWrapperMWF-FAL.jpg

او هذي

http://www.myweddingfavors.com/images/Product/HH288-L.jp

بس البدله مو مناسبه ياريت في ثوب او غتره وعقال هههههههههههههههه
قلت بقعد مع خواتي و يوسف ونتشاور بعد

بغد شقاصرني؟ .. ثياب حق السفر مارحت تشريت ..
تذكرة لستتي اللي كتبتها بيمعة البنات او طلعتها .. او شفت شاللي باقي لي من اللي قالو البنات .. المهم او انا بنص اللويه دق علي يوسف قالي بطلع من الدوام باروح اشتري ملابس تعالي معاي
خل ناخذ مع بعض .. قلت له نتغدى ونروح قال انا مستأذن اطلع مابي لوية العصر .. الصبح افرغ لنا نتمشى بكيفنا او نتغدى برى ..
قلت له انزين يبيلي نص ساعه قالي اوكي ..
قمت بسرعه سبحت او لبست تريننق مرتب او جوتي رياضه عشان يساعدني على اللويه او كان اهوا واصل
طلعت له بسرعه .. من اول ماشافني قالي حسستيني بنروح الممشى
دقرني .. قلت له دقيقه ببدل لتريننق كان دافي او الجو كان يقرص شوي .. او مرتب يعني مو حده سبورتي .. المهم اندقرت .. قالي تعالي عادي .. قلت له لحظه بس ..
بسرعه لبست جينز او قميص اسود او جوتي فلات او طلعت له ..

قالي يمه شكثر حساسه كنت اتغشمر وياج .. قلت له عااااااادي صح كلامك انا مستعيله مافكرت
قالي انزين وين نروح اول شي .. قلت له شنو تبي تشتري
قال ابي شورتات او تي شرتات او فوط قلت له الافنيوز عيل ..
قالي اوكي بروحي مشتهي نودلز ناكل اهناك قلت له اوكي ..
تمشينا وايد لقيت صيفي مع اني كنت احااااااااتي بس بتدو ينزلون الصيفي الحمدلله .. لانه شفنا بموقع
weather.com
الفتره اللي بنروح بيكون ربيع .. يعني مو برد ..
ومن ندخل مكان .. وايد القى اشيا جمومها طويله او طويله او حلوووووووه .. تنلبس مع جينز و بنطرونات
المهم .. مادري ليش يات فبالي فكره
"انا ليش ماتحجب!! "
بس سكت قلت خلني افكر قبل ..
وانا اشتري ماقمت احس بنفسي .. كل ما ايي باخذ شي .. اشوفه طويل ولا لا .. جمومه اوكي .. او اذا شي ماله جموم او جمه قصير افكر شاسوي فيه عشان تطول جمومه او يناسب لو تحجبت ..
وسبحان الله .. قمت اشوف الملابس شكثرهاااااااااااا جدام عيني .. تناسب المتحجبات ..
وكل ماتيني الفكره احس باحساس غريب ..
كنت ساااكته او سرحانه او اذا وراني شي له .. ابتسم او اهز راسي ..
المهم بعدين قعدنا ناكل ..
قالي شفيج حبيبتي .. مو على بعضج
قلت له عادي .. يمكن يوعانه..
يابو الاكل او انا اطل بلجياس او اشوف شخذيت او شركب معاه ..
قالي شفيج يوعانه ماتاكلين
قلت له يوسف بقولك شي ..
قال لي شنو؟
قلت له بتحجب
طالعني قالي شنو؟؟
قلت له بتحجب؟
قالي من صجج؟
قلت له اي .. ليش؟ شفيك مستغرب .. قالي والله نواره والله اني اليوم الصبح قاعد افكر ..
بس طبعا ماكنت بقولج بس وانا اصلي دعيت
قلت له صج؟
قالي اي ..حبيبتي انا وايد مستانس .. بس انتي شطرى عليج؟
قلت له وانا افرفر بالمحلات .. اشوف وايد اشيا تناسب متحجبات او انا هالفكره فبالي من زمان .. اقول الله عطاني كل شي .. او انا وايد مقصره بحق ربي او هذا اقل شي ..
قالي حبيبتي .. اهم شي تقتنعين فيه
قلت له وايد مقتنعه او من مساعه من افكر بالموضوع احس اني ارتاح ..
قالي بعد عمري انا وايد فرحااااان .. قالي يالله بسرعه نخلص اكل او نروح نشوف لج هدوم ..
قلت له نفانيفي احبهم ..
قالي لبسيهم لي .. حق بيتكم .. لليمعات ..
اصلا انتي كلشي عليج حلو .. نفنوف او تنوره ام كسرات ..
قمنا كملنا تسوق .. ضحكني .. كل مايشوف شي جمومه طويله يقولي شرايج .. موديلات تعل القلب انا ادري مو من ذوقه بس يبي يوريني انه اكو وااااااااااااااايد شغلات
المهم .. او صج تشريت وااااااايد اشياء .. صارت طلعت السوق لي انا بداله ..
او رجعنا البيت قريب المغرب .. كان الوقت مزاحم يدوووب اقط اغراضي او اخذ سيارتي او ارووح بسرعه الجامعه ..
خلصت او رجعت البيت .. يوسف عنده ديوانيه اليوم ..
او انا فتحت كبتي كلعاده اشوف شعندي او شبحتاج له لو تحجبت باذن الله ..
دخلت علي اختي او قعدت اسولف وياها او فتحنا موضوع الحجاب .. او قامت تقلب وياي بالكبت او طلعنا اشيا واااااااااااايد
بعدين قعدت اتدهن .. شريت لي كريمات يداد ..قلت بجربهم خلصت ..
كلمت خالتي قلت لها باجر نروح حق يدتي ..
قالت لي اوكي .. مريني الضحى قلت لها خلاص
او قلت حق امي .. او رحت كلمت يوسف شوي او نمت

شكراااااااااااا لدعواتكم او نصايحكم .. انشاءلله راح اطبق اللي اقدر عليه ..
الله يبعد عنكم حرة القلب ويخليكم على طول مرتاحين او مستانسين انشاءلله
احبكم فالله

[عين أبوي]

طلعنا انا او امي الساعه 10 الصبح .. مرينا خالتي او رحنا بيت يدتي ..
خالاتي ثنتين او اختي يونا اهناك .. او قعدنا نتريق ..
يدتي كانت مسويه بلاليط .. او عصيده .. او امي مسويه خبيصه او خالتي يايبه معاها سندويشات او صارت سفرة ريوق مشكله ..
المهم او قعدنا نسولف .. يدتي وااااااااااايد خاطرها بحفلة الحنه .. او قعدنا نسولف وياها شبنسوي فيها ..
انا كان ودي اسوي نفس العرس القديم .. اب بيت يدتي .. صالتها نشيل منها الكراسي او نسوي قعده بالارض على كبر المكان ..
صالتها مربعه او كبيره ..
او نفس الدار مالت لول .. يكون المسرح .. اللي بقعد فيه ..
http://farm1.static.flickr.com/106/305795253_cd34515bb4.jpg

http://farm1.static.flickr.com/102/305795249_d43b06a88e.jpg

القعده بالارض بتكون على دواشق .. او بينهم بدال الطاولات صناديق مبيته .. نازله او عليها جزاز او عالجزاز سله من خوص فيها ورد جوري وردي اللي ايي ريحته حلووه او بينه مشموم
او يمهم نفس هالصحن
http://www6.0zz0.com/2008/03/15/23/726926600.jpg

فكرنا نسوي العشى كله اكلات قديمه بس بعدين خفنا لانه ماكو خيارات وايد يعني قبل عيش او لحم! او هريس او يريش ..
قلنا بس بوفيه العشى بيكون الاكل فيه عادي
http://farm1.static.flickr.com/53/108891127_2e265ce331.jpg

لكن على طول وقت الحفله .. بنخلي نسوان يلفون بصواني فيها درابيل .. رهش , لقيمات
متاي او حلوى سمبوسه حلوه

حنايات على صوب للي يبي يتحنى ..
الكل قال بتصير عفسه بس يدتي خاطرها

لكن انا خاطري اتحنى .. قلت بحط لي شي نااااعم
او سألت يوسف قال ماعنده مشكله مع ريحة الحنه ..الحمدلله
http://www6.0zz0.com/2008/03/15/23/574655646.jpg

بعد قررنا انه دلة القهوه والشاي كلهم ستايلهم قديم .. اللي ايي بيزهم نفس البغبغاء اذا حصلنا الذهبيين او اذا ماحصلنا يدتي عندهم مطارات جذي
http://farm1.static.flickr.com/186/483116632_bdd8aec296.jpg

خالتي تعرف وحده .. تقعد او تسوي خبز لرقاق او تعطي الناس حار على نكهات .. قلنا بنييبها حق وقت العشى وقالت لي الذهب عندي لاتشترين
المهم .. فكره من اهني او فكره من اهناك تصورت كلشي .. او انشاءلله يطلع على ماتخيلنا ..
عالساعه 1 تقريبا خالتي قالت يالله تأخر الوقت ..
او سلمنا او مشينا ..
وصلنا امي البيت او رحت مع خالتي كنت بتغدى عندهم ..
لانه العصر بنروح نخلص من الفيز والحجوزات ..
المهم خلص دوامه متأخر اليوم عالساعه 6 او نص يا البيت او كان بيريح تعبان ..
انا قعدت مع فطومه على الكمبيوتر ..
نام يوسف ساعه او قعد او طلعنا ..
خلصنا من الفيز او رجعنا بيتنا .. من زمان ماقعدت مع ابوي ..
فقعدنا او تعشينا ..بالليل مشى يوسف او انا رحت نمت ..

نزلت لكم 3 اجزاء بيوم واااااااااحد .. لاني غبيت عليكم وايد او يمكن اغب باجر بعد ..
باجر يوم مهم ادعولي ..
الله يوفقكم جميعا ويهنيكم او يسعد قلوبكم ..

[cute***]

يسلمووووووووووووووووو يقلبي اول ما تكتب القصة تنقليها اوكي عجبتني واااااااااااااااااااااااااايد

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)




حـلـووووو

زيـن فـكـرت بـ الـحجـــاب :icon35:

والـســوق مـتـرووس مــلابـس لـ الـمـحـجـبـات

وزيـن مـالـقـت مـعـارضـه مـن يـوسـف

فـي نـاس يـخـطـبـهـا مـومـحـجـبـه ولـي بـغـت تتـحـجـب مـارضـى :surrender


اللـه يتـــــمم عـليـهـا ويـوفـقـهـــا



تـسـلـميـن دودو ع الـنـقـل
نـاطــررررررريـن االـيــــاااي :clap:
لاخــــــلا ولاعـــدم






اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[Sorrow_Dreams]

الحمد لله فكرت في الحجاب والله يهديها ويهنيها ان شاء الله

يعطيك العافية على النقل

[بحر الندى]

:: .. ♥ .. ::
اـعـــــــــــــــلانـ هــــــــــــامـ بــخصوصـ القصصـ المهملهـ
:: .. ♥ .. ::
هنــــــــــــــــــــا (http://www.joroh.com/vb/showthread.php?t=36302)

[عين أبوي]

يسلمووووووووووووووووو يقلبي اول ما تكتب القصة تنقليها اوكي عجبتني واااااااااااااااااااااااااايد

العفوووو يالغلااا

انشاااااء الله حبوبه ما اتاخر علييكم وانزل اول باول

[عين أبوي]

http://www.q87r.com/up/uploads/5fecfccf7c.gif (http://www.q87r.com/up)




حـلـووووو

زيـن فـكـرت بـ الـحجـــاب :icon35:

والـســوق مـتـرووس مــلابـس لـ الـمـحـجـبـات

وزيـن مـالـقـت مـعـارضـه مـن يـوسـف

فـي نـاس يـخـطـبـهـا مـومـحـجـبـه ولـي بـغـت تتـحـجـب مـارضـى :surrender


اللـه يتـــــمم عـليـهـا ويـوفـقـهـــا



تـسـلـميـن دودو ع الـنـقـل
نـاطــررررررريـن االـيــــاااي :clap:
لاخــــــلا ولاعـــدم






اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)





اي والله وانا فرحت لها يوم تحجبت والله يتمم عليها ويوفقهاا

يسلموو قلبوو على مرورج

[عين أبوي]

الحمد لله فكرت في الحجاب والله يهديها ويهنيها ان شاء الله

يعطيك العافية على النقل

اميييييييييين

العفوو حبوبه ويسلموو على مرورج

[عين أبوي]

اليوم ليلة الحنه .. انا كنت مجهزه هالبارت او بكتب اللي صار قبل .. بس تحمست انزله لكم اليوم والسبب اني من باجر ببتدي بالبث المباشر انشاءلله ..

طلعت امي ثوبي من الصبح او حطته على المبخر ..
انا رحت الصالون .. سويت حمام مغربي ,والذي منه ..
او بعدين سويت باديكير او مانيكير .. او رجعت البيت اللي بتسوي شعري بيتييني فبيت يدتي .. فقلت اخذ اغراضي او اروح من اللحين
ناديت الخدامه اليديده .. تشيل جنطتي .. او اغراضي ..
واهيا ماشيه سحبت الثوب اللي بلبسه حق الحفله ..
كنت شاريته من البحرين ابيض او كله زري ..
من قوت سحبتها طاح المبخر او الجمر كله يه على الثوب ..
انا بس شفت المنظر .. حسيت راسي مره وحده عورني او بلعومي نشف ابي اتحجى! .. بعدين على طول قلت الحمدلله يات على جذي ..
ناديت امي او احترق قلبها او قعدت تصرخ عالخادمه انا ساكته او افكر
الحمدلله انها يات على جذي .. لو اسمالله علينا الله لايقول احد صايده شي بهاليوم .. جان بكره عرسي ولا بعرس بعد ..
قعدت عالكرسي حسيت ماعندي حل .. شلبس! دراعه معقوله؟؟!؟
امي كان دمها ثاير .. حسيت انا ماعندي وقت افكر .. خذت امي التفكير كله عني ..
قعدت ساااااااااااكته
دقت علي رفيجتي اهيا كانت بتوصلني بيت يدتي ..
قالت لي انا برى قلت لها نزلي شوي ..
يات او شافت اللويه ..وكلنا نفكر .. قالت لي شوفي .. امي عندها دراعه خضره وااااايد راقيه ماخذتها من المغرب .. واااااااااايد حلو .. .. بروح بسرعه بييبه او بايي .. مافي وقت حق تفكير ..
طبعا انا ساااااااااااااااااااااكته .. او امي بتدت تسوي تلفوناتها رفيجتي راحت ..
او الكل صار عنده لويه خالتي قالت ودوه الخياط يلاقي له حل ..
قلت لها صاير بنص القطعه بالظهر .. مايترقع يعني ..
المهم .. خالتي دقت علي بتشوف اذا نحتاج شي ... قلت لها السالفه او ماتت المسكينه! .. المهم
يدتي عندها ثوب نشل ملون ..
بس مادري شلون شكله الثوب التقليدي العادي ..
يمكن وحده تيي لابسه نفسي يعني عادي! ..
المهم
يات رفيجتي .. قالت حق امي شوفي خالتي انا ادري انه حلو بس لما تخيلته اللحين حق الحفله شكله روووعه
او حزامه يحدد القياس فمافي مشكله ..
طبعا انا كنت مسلمه امري لله .. قالت لي قومي الدار لبسي او وريهم
المهم دخل معاها لبستها او صج شكلها واااااااايد حلوه او فخمه حيل ..
طلعت او شافتني امي على طول ابتسمت او قالت الحمدلله
وقعدت تبوس برفيجتي ..
طبعا احنا بروحنا الوقت سرقنا ركبت وياها او رحنا بيت يدتي
بالدرب كلمة خالتي ام يوسف اطمنها او قالت بتدز لي الذهب مع السايق ..

وصلت بيت يدتي .. او كلهم في لويه قالولي شصار قلت لهم نحلت او شوفوني لي جهزت كامل احلى
قالت لي خالتي ابيض؟ قلت لها لا اخضر .. قالت يالله مو مشكله

المهم .. ياتني اللي تسوي الشعر .. سويت شعري سيده او ركبت وصله تطوله شووووووووي ..
او ياتني اللي تمكيج .. خلصت ..
لبست الذهب او طلعت لهم
http://farm3.static.flickr.com/2037/2127791956_9a7e93ebc2.jpg

نصحوني اخلي خاتم بس .. مالبسه كله صاير هالستايل يناسب مع الثوب بس مو مناسب الدراعه اللي لابستها
المهم .. لبست قلب او تاج او خاتم واحد او خليت الباجي ..
صارت الساعه 8 او الناس بدو ايون ..
يوسف كنت قايلت ايي عشان نصور بس ماكان طبعا بيدخل عالحريم
المهم وصل او دخلوه من الباب اللي ورى ..
شافني او وايد عجبه اللبس او كلشي او عوره قلبه لما قلت له عن ثوبي كان خاطره يشوفه علي بس قال هذا هم حلو .. او قعد يقرى علي او المصوره تنتظر ..
المهم .. قعدنا نصور شوي او صار وقت اللي اروح .. قالي بتطولين بنتظرج؟ قلت لي اي روح بالليل اكلمك تيي تاخذني قالي اوكي
المهم .. دخلت على النسوان .. او بتدى البرنامج
http://www4.0zz0.com/2008/03/16/23/712651741.jpg

الحفله كانت وااااااااايد مرتبه .. او مثل ماتخيلت ..
كأنج داشه بيت قديـــــــــم .. المناظر لملونه على الطوفه ..
والفرشه القديمه ..
والدوائر الملونه اللي يزينون فيها قبل ..
والاغاني كلها سامري او اغاني قديمه
الاجواء كلها مادري شلون حلوه.. او الكل الحمدلله ستانس
قعدت عندي الحنايه تحنيني والبنات يرقصون
http://www4.0zz0.com/2008/03/16/23/797513224.jpg

او يدتي او امي او خالتي ام يوسف او خالاتي ..
خالاته او اهله كلهم كانو مستانسين .. بنات عمه موجودين بس محد منهم يه سلم علي ههههههههه
المهم عادي .. استانست واااااايد

انا حسيت انه كلشي خلص بغمضة عين ..
صار الوقت متأخر .. او يدي نشفت تقريبا او صار لازم اقوم ..
نصحتني اللي حطت لي مااغسلها بس انا فاتتني صلاة العشا

فقلت احسن اغسلها لاني مابي بيدي حنة يوم عرسي جذي بتطير اسرع ..
احب الحنه بس مايناسب ستايل البدله ..
المهم .. بعد ماصورت مع اهلي او ربعي او استانست بالاجواء قمت غسلة اتصلت حق يوسف عشان ايي ياخذني ..
صليت او قعدت انتظره ..
وصل وطلعنا .. وصلني البيت او نزل قعدت اسولف له لي الصبح واطقطق بالنت.. راح او صليت الصبح او نمت ..
والحمدلله تمم علي فرحتي او عوضني عن ثوبي اللي راح ..

دعواتكم ..
وللي كانو يبوني ابشرهم .. انا تحجبت الحمدلله

[عين أبوي]

هذاا الباارت بث مبااشر من الكااتبه يعني بالوقت الحااالي

واللحين نبتدي ..

قعدت اليوم الظهر ..
عندي شغل واااااااايد .. اول شي لازم اصكك جناطي .. جنطة السفر او لجناط اللي بوديها شقتي
وكنت متواعده اتغدى مع رفيجتي ..
عرسي باقي عليه اسبوع او اتفقت مع يوسف من بعد الحنه مانشوف بعض لين ليلة العرس ..
كان ودي شهر مانشوف بعض .. بس كسر خاطري كان وايد مشتط حق ليلة الحنه ..
المهم اسبوع واااااايد الله يعيني :$
دقيت على رفيجتي .. قلت لها بنتغدى متأخر تعالي ساعديني ابي اخلص من هم لجناط
قالت لي اوكي .. اخلص محاضرتي او ايي قالت لي نروح بالليل الجم ..
قلت لها اي .. انا ضعفانه وايد بدون جم ولارجيم ولاشي .. من لمحاتاة جبدي مسدوده عن الاكل بس اهيا ذابحه روحها حق عرسي بدلتها ماخذتها سايز اصغر من سايزها عشان تضمن انها تضعف لها ههههههه ..
المهم
كان عندي الساعه 6 جلسة ليزر .. او عقبها باروح اشوف المسكه .. كنت معطه المحل فكره او قالت لي بتسويها توريني ..
اخذت شور عالسريع حطيت لي ماسك بويهي..او فرشت جناطي بالارض ..
كنت شاريه جناط صغار او علب احط فيهم اغراضي .. او اجياس اغلف فيهم العطورات او الكريمات او كل هذا يحتاج شغل طبعا
ياني ابوي يطل على بالدار ضحك على شكلي .. مع الماسك او روب الحمام او لوية لجناط شغلته معاي شوي .. يقلف العطورات او طلعت لها لمعات او مادري شنو مال جسم بس شكلهم يشوق او يسألني شنو هذا لووووووول .. اقوله كريم يبه كريم
شوي او يات رفيجتي راح ابوي .. كنت شايله هم الملابس .. ابخرهم من اليوم؟ بتطير الريحه؟
اذا اجلتهم بنضغط او بتعب .. لوية العرس بروحها كفايه!! .. المهم يات اختي قعدت ويانا ..
قمت عنهم شوي بدلت ملابسي او غسلة ويهي و
نبتدي بالترتيب .. انا شاريه جناط وايد .. اشكالهم حلوه مبطنين بنايلون واتر بروف يعني ..
ومقسمتهم على احجامهم كلشي حق شي ..
ببتدي معاكم اول شي
للشعر خذت
كريم Wet look
اهو جل يعطي الشعر تموجات لامعة وناعمة كأنه توه مبلول ممكن استخدامه بعد الحمام بدون عناء ويعطي شكل فريش وفي ماركات مختلفه من لوريال وغيرها
يفكني من عبالة الشسوار بالسفر ..
علبة سبراي برائحة الفواكه .. السبري الذهبي احسن سبري بس ريحته قويه .. اللي على فواكه اخف .. او يعطي نتيج حلوه حق استعمال يومي

مشط الشعر اول شي اللي تيي اسنانه كبار او متباعده هذا للحمام .. بعد ماحط الكوندشنر او اغسل شعري انسله بهالمشط ..او اقدر ألف شعري بالفوطه عقب او لما افتحه ماتطلعله الشوشه اللي خبري خبركم.
المشط الثاني العادي ..
ومشط الاستشوار ..
ستشوار للسفر واحد خفيف او الثقيل للبيت او ستريتنر

خذيت علبتين وحده كبيره حطيت فيها لفافات الشعر والاستيكات او المشابيص او كل الاكسسوارات .. او حطيت بالعلبه لصغيره اشياء خفيفه حق السفر .. احب التيجان والبندات بس ماكثرت لانه بالسفر دايما برى او علي احجابي
فخليتهم بعلبة البيت اكثر شي

كبسولات الشعر
علبة حمام زين صغيره مع انه اختي قالت لي ماله داعي .. بس انا مادري شلون بيصير شعري مع الحجاب ففضلة احط لي وحده ..
او طبعا اطقمي اللي شريتهم كلهم حطيتهم بسلال حق بيتي

بعدين بتدينا نجيس كريمات البشره .. ميلك تونيك احب مال كلنك او التونيك من كلارينس
مرطب للبشره صغير نفس ال**** butter
او لوشن عادي .. حجمهم صغير حق السفر اما اطقمي ماجيستهم قلت باجر اوديهم اصفهم
كريم النهار من كلارينس بعد

مقشر الوجه من كلينك او بدي اويل من بودي شوب على مسك
بودرة المسك او غسول المنطقه الحساسه
كريم لليدين صغير للجنطه او كريم لترطيب الريل
كريم سن بلوك
ديودرنت طبي من غير ريحه
ماحب اللي مع ريحه

المهم كيست اللي ابيهم للسفر واللي مابيهم حطيتهم بعلب عشان اوديهم شقتي

طلعة ماكينة الحفاف من علبتها او حطيتها بجنطتها حق السفر
مع اني شايله ليزر او قالولي يضمنون شهر مايطلع بس الاحتياط! مو وقته اجازف

جنطه صغيره فيها مستلزمات الاضافر الاساسيه .. حق السفر او حطيت لي 3 الوان شفاف او ابيض او بيج حق لفرنج او احمر من ماك واااااايد حلو
او مزيل اضافر ..

حطيت لي جنطه فيها سياده او بشار صلاه او مصحف او ساعة اذان عطتني اياها رفيجتي ..
بس ماعرف شلون اضبطها لما اسافر عندكم فكره؟

خذيت جنطه حطيت فيها ليفة حمام او ليفه طريه
ونايلون حق الشعر اذا مابيه يتبلل
حجر مال الرجل او علبه فيها الملح مال التنقع

حطيت لي شامبو او بلسم جيستهم ..
صابون بريحة الفانيلا ..

معطر الفم او فرشاة اسنان او معجون او خيط الاسنان او علج
كنت مسويه فوط وحده لي مطرز عليها اسمه او وحده له عليها اسمي .. حطيتهم حق بيتنا

رفيجتي ياعت .. او انا بعد يعت او اهم شي خلصنا من تجييس كميه كبيره من الكريمات ..
او كنت اكتب في ورقه كلشي احطه عشان مااضطر اطلع كل شي عشان أتأكد
خلينا النثره على مكانها او قلت حق الخادمه لاتعدلين داري .. ابي ارجع بالليل اكمل ..
الشغل

رحنا فرايديز .. من زمان مارحت له او خااااااطري باللستيك مالهم ..المهم
اكلنا او قعدنا نسولف .. لين صارت الساعه 4 او نص ..
طلعنا او رحنا نشوف المسكه ..
وايد عجبتني سوتها لي نفس الصوره .. او لقيت عندهم اللي ينحط فوق الكيك عجبني على سندريلا جان اخذه
قلت بوديه الفندق يحطونه لنا فوق الكيك

http://www.bismanweddings.com/UserFiles/%7B7AE7E843-F780-47F6-A094-C6A31F2EEEC3%7Dcaketopper.jpg

خلصنا او نزلتني العياده حق الليزر او راحت الجم ..
رجعت خذتني .. كنت ناسيه تلفوني بالسياره ..
ولا يوسف متصل كذا مره او مطرش مسج ..
بمووت وحشتيني .. ارجوج بس اسمع صوتج معقوله بتحرميني شوفتج او صوتج!؟
كسر خاطري لانه مو قصدي ماارد عليه
بس بنفس الوقت ياتني الفكره اني ماارد لين يوم العرس ..
رديت عليه قلت له حبيبي .. مو قصدي احقرك .. انا مشغوله او بطمنك بالمسجات ..
مافي تلفونات عشان نستانس مابقى شي
رد علي .. ماني قادر اصبر دقيقه بس قولي ألو او صكريه
قلت له يالعيار توني امس لي متى وياك!! .. يالله ماكو لاتحن
قالي انزين يالمجرمه احبج
انا بعد .
المهم
ردينا البيت حق لوية الاغراض .. يات امي او خواتي او رفيجتي معانا كل وحده تسوي شي ..
قعدنا نصنف الملابس اغلب الوقت .. شودي معاي او شنو ماراح احتاج .. مادخلنا شي بس حطينا كل شي بصوب ملابس السفر .. او الملابس اللي مااحتاجها ..
الجواتي عزكم الله .. ولجناط او اخر شي ملافعي
المهم .. يابت اختي سندويشات او قعدنا نتعشى او نشتغل ..
لين تأخر الوقت او كلهم راحو دزيت مسج حق يوسف تصبح على خير او نمت بوسط اللويه اللي بالدار

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)





لـوووووووووووووووووووووووووووووولـ

مـت ضـحـك عـلـى رفـيـجـتهـا خـطيـرهـ

عـيـل اصـغـر مـن سـايـــزهـا عـشـان تـضـمـن تـضـعـف :nosweat:

بـ اللـه مـاضـعـفـت :shutup: << مـاافـاول بـس لازم تـحـط كـل الاحـتـمـالات ـخخخـ



تـسـلـميـن يـ الـغــــــلا
لاخــــــــلا ولاعــــدم






اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[عين أبوي]

بدورة حبيبتي سوت لنا مفاجأه وردت اليووووم ..

حبيبتي .. صج ونستني .. من حاجيتكم يوم كنت باروح بيتهم توني راده البيت مع امي او اختي..

ودي اكتب لكم شصار بس والله هلكانه ..

اتوقع لين قعدت الصبح بيكون عندي مجال اكتب لكم شصار اليوم ..

مشكووووووووورين على نصايحكم ودعواتكم ..
او ترى والله قريت ردودكم رد رد .. او ودي اكتب لكم بس هلكااااااااانه

باجر جزئين وعد
وسمحولي مافيني حيل ارد عالخاص .. كله باجر باذن الله
وحشني يوسف ابي اكلمه .. حلفت خالتي مايشوفني اليوم وباخر اليوم تحسفت .. وحشني

تصبحون على خير

.....................

قعدت الصبح .. شربت لي بيالة شاي او قلت حق السايق يدخل الجيب عند الباب .. عشان نبتدي ننقل الاغراض ..
اول شي .. حطيت شنطتين الملابس ..
او كان عندي علبة كبيره ماخذتها من دايسو .. حطيت فيها الكريمات او العطور بعلبهم ..
علبة نفسها حطيت فيها .. الاغراض مالت الله يعزكم الحمام .. من فرشاة الاسنان لي حمام الزيت او صابونة المغرببي او هالسوالف كلها
حطيت شنطه السمسونايت اللي فيها الذهب او هالسوالف كنت بخليهم عند امي بس بعدين شفت انه يوسف ماخذ تجوري قلت اسهل لي ..
كنت شاريه علاليق من ايكيا حق الجينزات او التنانير او حق قمصان النوم او هالسوالف فخذيتهم كلهم ..
حطيت علب الجواتي الله يعزكم .. او بعدين كنت حاطه قمصان النوم الغاليين بجناط الفساتين اللي تنحط فيهم فساتين السهره ..
امي بطريقتها كانت تبخرهم او مادري شترشهم فيه او تعطيني ..

خذيت شوية صور ... خواتي او عيال اختي او صوري او امي ابوي .. هالبارت اكثر شي صيحني ..
طبعا من الصبح او انا اشيل او دموع .. بس تنقي لصور هذا اكثر شي ذبحني او امي تبجي معاي او نضحك ..
يالله الحمدلله على كل حال ..

المهم .. بعد ماحملنا مع الخدام كلشي بالسياره رحنا .. او يونا خواتي عقب
خالتي بالبدايه عيزنا معاها تقعد ويانا مارضت قالت خلكم على راحتكم ..
أكدت عليها اني مابي يوسف يشوفني ..
او بسطنا دخلت ملابسي الداخليه كلها اول شي .. او حطيت باليرار مال الملابس الداخليه كسرة حجر في ريحه يايبته لي خالتي من مكه .. فضيـــع
امي دقت على خالتي .. قالت لها ياام يوسف تعالي احنا نبي نستانس وياج .. عادي نواره تبيج بعد
المهم .. بعد حنه يات ... يابت لنا العصير والسندويشات .. رجعت فطومه من المدرسه او ياتنا او قعدو يساعدوني ..
ابوي كان مطرش لي اكسسوارات حق الشقه قعدت ارتبهم ..
او اختي استلمت الحمام ..
العصر كنا موقفين نريح ونتغدى .. اول مره نتغدى بشقتي .. ونااسه كان وانا اروح لهم مطبخي اييب لهم اشياء ..
طبعا خالتي كانت حاطه كلشي بالمطبخ من A-Z
المهم فجأه دخلت علينا بدور!!! .. انا سمعت صراخ ..او طلعت ولا بدور اهني ..
كانت قايله لنا انها يوم العرس بتيي الصبح .. او كانت لما تكلمني تقولي خايفه تتأخر الطياره او ايي متأخر .. او صج شغلت بالي كنت احاتي ..
المهم .. طبعا واااااااااااايد استانست
او قعدنا نكمل الترتيب ..
اهيا مصورة العايله .. فقعدت تصور ..
وخالتي تدور تبخر الشقه والكل يشتغل على قدم وساق ..
امي رتبت لي اغراض الصباحيه .. لانه ماعندنا وقت بنتغدى او على طول بنروح المطار ..
جناطي انا مسكرتهم ..
او كلشي كان جاهز .. خلصنا شغل مع المغرب .. او حطينا فيديو الملجه بصالتي او قعدنا نشوفه ..
او طلبنا عشى ..
تعشينا او خلصنا فيديو الملجه او حطينا فيديو الحنه ..
او سهرنا عليه .. بعد ماخلصنا رحنا البيت ..
هلكاااااااااااااااااااانين .. بس سبحت عن الغبره .. او نمت

[عين أبوي]

اليوم خالاتي كانو مسوين لي في بيت يدتي غدى ..
متيامعين لانه اخر فرصه قبل مااسافر
المهم انا قعدت الصبح عالعشر لانه 11 عندي موعد فيشل
سبحت عالسريع او لبست تريننق او رحت الصالون ..
سويت الفيشل او وطلعت عالساعه 12 او نص .
مريت رفيجتي كانت تبي توريني بدلتها او الاشيا اللي بتلبسها معاها
خلصت منها ..
مريت الجمعيه خذيت لي كم شغله حق
الليله اللي بنباتها بالفندق
رجعت البيت
.. بسرعه سويت شعري او كشخت بس طبعا ماحطيت ميك اب مو زين ورى الفيشل..
رحت بيت يدتي .. وكل وحده مسويه اكله في بيتها
او يايبين لي كيكه .. تونس
إلا خالتي النحيسه اللي قلت لكم من قبل عنها كانت مسويه هريس! وانا مااحب الهريس ههههههههههه
المهم .. قعدنا نسولف وقعدنا نوزع المهام على بنات خالتي .. وصيتهم على ربعي او اهلهم ..
واهلنا او ربعنا اللي بيون من برى .. ..
او حريم ربع يوسف ..
بنت خالتي خفيفه او كانت بتمكيج وياي .. فقلت لها تروح الصاله من الصبح تشوف شغل المسرح
او هالسوالف ..
او تمينا نتدرب عالمشيه بضحك .. واستانسنا ..
رديت البيت الساعه 8 مرتني بدور او رحنا نتمشى
يوسف دق عليها او ترجيتها تحطه سبيكر ابي اسمع صوته ..
حبيبـــــــــــــي .. يقول لها شلونها حبيبتي؟ طلعت مني همممممم بصوت عالي لووول او سمعني ..
المهم بعدين دز لي مسج قالي مووووووووو قاااااااااادر اصبر يالمجرمه
قلت له يالله 4 دايز لفت
المهم مرينا محل او خذيت بدله .. لي او بدله له حق المطار .. يشبهون بعض .. انا بنطرون او كوت خفيف بيج او تحته قميص طويل .. او عليه حركات ...
اهوا نفس الون بالضبط وتحت قميص ابيض نفس شي بس سادي ..
احنا انشاءلله اللحين بنروح اوروبا ..
اول شي دبي ليله وحده او بعدين بنروح جينيف او من جينيف فرنسا او بعدين ايطاليا او اخر شي لندن كل مكان اسبوع
انا كنت خايفه من شقلت لجناط بس اهوا قالي لاتحاتين تخصصي فقلت بنشوووف ..
المهم ..
بنروح رحلة ثلج بجينيف .. شريت لي بدله حق هالرحله .. تيي مع نظاره ماتوقعت احصلها بالكويت
ورجعنا بيتنا سهرت عندنا شوي او من شوي راحت او عقب شوي بناااااام

خالتي اول ماتحجبت وايد فرحت او يابت لي هديه امطات او ملافع ..
من كثرهم للحين البس فيهم مالبست اللي شريتهم لسه! .. او بدور درت من اول ماتحجبت او دقت لي تبارك لي او هم يابت لي سكارفات ماركات اللي تنحط مثل الامطه
واااااااااايد حلوين

بالنسبه حق شهر العسل بحاول اذا قدرت دش اطمنكم انشاءلله بس مااظن بقدر انزل جزء سوري
او مو اكيد فلاتنتظرووووني .. بحاول قد مااقدر ..
وصيت خالتي تحط لي سورة البقره بالشقه .. او انا قاعده احاول كل ليله اقراها كامله قبل ماانام .. معظم الاوقات انام قبل لااخلصها للاسف
احبكم .

[عين أبوي]

هاااااااي

شلونكم

سوري تاخرت عليكم بس كنت مساافره وهذااااا اخر شي اكتبته الكاتبه واليوم نزل
واتمنى لكم متابعه حلوه[/COLOR[COLOR="Gray"]]++++++++++++++++++++++++++++++++


السلااااااااااااااام عليكم ..

شلونكم او سامحوني تأخرت عليكم .. انا عرسي باجر ..
او ماكتبت او موقادره اكتب اهلنا يايين من البحرين او ومعانا على طول ..
فشله اخليهم او اجابل الكمبيوتر + كانت عندي مشكله مع الطرحه .. وااااااااااااااااااايد واااااااااااااايد طويله ..
او دزيتها يشلون منها مترين تخيلو!! شطولها ! ..

المهم كنت ميته خوف انها ماتوصل .. بس الحمدلله .. العصر استلمتها ..
قلبي يطق بشكل ماتتخيلونه .. مو قادره اكتب بارت لانه صج غير لوية العرس العاديه او لويت اهلنا ماكو شي ..
الصبح رحت مع بدور نشوف شغل المسرح بالورشه .. خيـــــــــــــــــــال ودي احط لكم صور بس بنكشف ههههههه

يمكن بعد فتره ادش بنك غير او احطهم عاد انتوا انتبهو ههههههههه
المهم ..
شاقول لكم بعد ..
شهيتي مسدووووووده .. حتى الستروبري ملك شيك اللي ادمنته ..
موقادره اشربه .. يعني مااحس غير اني مو يوعانه ..
يوسف حاقرته بالمسجات كأنه مينون من حقرته يطرش لي بالساعه 3 مسجات اقل شي!
صج الرياييل ماينفع معاهم إلا جذي ..
ونااااااااااسه لكن وحشني أوي أوي ..

لا وشي ثاني ..
اليوم كان عندنا رياييل عالغدا ..
عاد امي من الصبح احنا نايمين بالدار خذت قميص نومي ..
تبي تبخره من اليوم! ومعلقته بالصاله ..
او ابوي شافه .. فشلـــــــــــــه وصار بويهي ..! يعني امي مادري شلون تفكر ..
حتى ريل اختي كان موجود بهالقسم ! .. يمكن شافه بس من الفشله ماسألت حتى ..
مافي شي .. تخشلع يعني .. بس فشله ! اشكره يعني! ..

المهم .. انا مستانسه .. بس ماانام إلا على دوا الكحه ههههههههه ..
اذا ماشربته تبقى عيني مفتوحه .. وسهر البنات كلهم وياي ..
اظن بوقف الاجزاء
اتخيل وانا بالفندق بيصير عندي مجال اطل عليكم بيوم العرس ..
احبكم وبتوحشوووووووووني وايد وايد ..
والله وايد ..

مشكورين على نصايحكم او دعائكم وترى والله اقرى ردودكم رد رد .. واحتاجه دعائكم اكثر وقت اللحين .. بليز

تصبحون على خير ..

[Fragile]

ماشاء الله

قصه جميله وانا متابعها من زمان

صحيح فيها كلام كثير باخده بالشكل بس برضو رووووووووووووووووووووووعه

في انتظار البقيه

[عذايب العتيبي]

يعطيتس الف الف عافيه حبيبتي ..

ننتظر التكمله لاتتاخري علينا ...

ربي يسهل لتس امورتس وتاكدي اننا ندعي لتس ...

[بحر الندى]

http://www.gallery.7oob.net/data/media/20/jewelsfasel1_2.gif
يسلموووووووو على القصهـ اراائع ـــــــهـ
يسلمـ اياديكـ
ويعطيكـ الع ـــــافيهــ
ووتقبلـ خالصـ شكريـ وتقديريـ
http://www.gallery.7oob.net/data/media/20/jewelsfasel1_2.gif

[ام كايد]

احداث حلووووووووه
وننتظر الباقيه

[عين أبوي]

يسلموووووووووو حبايبي على مروركم
والكاتبه حالياا بشهر العسل
اول ما اتنزل انشاااء الله يكون عندكم

[Sweet Ducky]

مرحبا بنوتات.......
القصة وااااااااااايد حلوة.. :in_love:
...وشكلهم ثنائي رائع...:icon35:
الله يوفقها يا رب...و الفال لكم بنات...:clap:

[عين أبوي]

سلااااام

اليوم جيت و معاي البارت الاخير من القصه
اتمنى لكم متابعه ممتعه
:cupidarro







وحشتوني ..
وايد وايد وايد وحشتوني ومارحتو من بالي ..
تمنيتكم فالعرس .. وانا اتجهز ..
وانا نازله الصاله ..
ياريت كنت اقدر اعزمكم كلكم ..
وتيوني تسلمون علي عالمسرح مثل ماكانو ربعي او اهلي او كل اللي احبهم حوااالي
بذيج الليله ..
والله العظيم تذكرتكم وقلت ليتهم موجودين .. تيوني كل وحده ورى الثانيه تسلم علي او اتقولي منو اهيا ..
وتفرح وياي على فرحتي ..
نرد حق محور حديثنا .. من وين ابتدي ..
والله يابنات .. ييتو على بالي اغلبيتكم للامانه ..
متابعاتي اللي بتدو معاي او اختفوا مع عوامل التعريه اللي صارت على قصتي ..
ومتابعاتي اللي استمروا معاي من اول جزء
وكل حبيباتي اللي انظمو .. او عاشو معاي اللحظات لي اخرها او استانسو بفرحي او حزنو لحزني او دعولي او تابعولني او احيوني في غيابي ..
وفتحولي قلبهم او عطوني من وقتهم .. واللي يتابعوني جميعا
خليتو حق فترة خطبتي طعم خااااااااااااص .. والله العظيم .

ماكان بالسفر عندي جانس اكتب لكم .. بس كل فتره اختلي فيها مع روحي او تصير عندي فرصه احط بورقه رؤوس اقلام تذكرني عشان اتذكر الحدث اللي صار لي ييت بكتب لكم
تصدقون في اشيا وايد كتبت لها نقاط او اللحين اقراهم او مو ذاكره هههههه ..
بقول لكم بالبدايه ..

عرسي الحمدلله الحمدلله

http://farm1.static.flickr.com/17/21868093_1a6587bcf6.jpg

.الترتياب كلها كل شي احسن حتى من تخيلاتي .. انا قبل كان عندي حكمه فالحياه
اتوقع الاسوء عشان لين ياني شي عادي اقتنع فيه لكن والله كلشي فاق توقعاتي .. اللهم الطرحه ..
مادري شلون كانت .. ماعجبتني أدقرتني شوي لكن الحمدلله على كل شي .. ويات بالطرحه ولا شي ثاني
الكل قالي إنها حلوه بس أنا حسيتها عفسه! .. أو غطت على شعري مع انه تسريحتي كانت روووووووعه ..
لكن أحلى موقف لما دخل يوسف ..
صارت دزته كلها محارمي .. او بعدين دخلو الرياييل فشافني ضحكني واهوا داخل انا كنت واقفه او اهو رافع راسه او يصغر عيونه ..
شفتو لما شي بعيد او مو واضح عشان تشوفينه شوي انه تصغرين عيونج .. عشان يبين ..
اهوا جذي كان يطالعني او انا ابتسمت او اضحك من داخل شوي شوي .. من شكله
يوم يا عالمسرح ..واقف يطالعني ... وراه كلهم بيسلمون المهم أنا اشوفه أو أهوا يشوفني أو ساكت بعدين استوعب أو باس راسي ..
أو قالي حبيبتي؟ بنبرة سؤال
حقرته

المهم وراه ابوي فانا على طول لميت ابوي ..

او سلمت عليهم كلهم .. او دخلو الرياييل .. حبيبي ولا كلمه! .. وانا مستانسه عليه مسوي قفل او صج شكله اينن صاير
المهم دخلو الريايل بعدين .. او طلعو ..
لفيت عليه او قعد يقولي عمري اول ماشفتج ابي اتكلم مافي
نسيت الحجي
قلت له انت عيااااااااااااار
قالي والله عمري والله مادري شياني .. ضحكت عليه او لفيت عنه قالي ياشاقول لاتحقريني جذي طالعيني لايقولون يحاجيها او ماتعطيه ويه
طالعته قلت له يعني اجابلك او ماشوف عرسي
قالي بذمتج قادره تشوفين شي انتي .. انا ما شوف شي انا اشوف يمي بس نووور ماحي اللي جدامي كله
قلته له لاتسوي فيني جذي ترى استحي ..
وماسكت حبيبي ماشاءلله عليه او هالشي لاحظته بالصور والفيديو .. كل الصور قاعد يكلمني ..
لكن سألوني شيقول طول هالوقت وانا والله مااذكر ..
لما صار لازم نروح ماكان ودي اطلع ابي اشوف عرسي او اقعد مع رفيجاتي .. ماشبعت
فكل شوي يسألوني اقول لهم بعد شوي بعد شوي .. او اهوا يحن يالله يالله ..

المهم .. وانا بالمسرح احاتي شعري شيفجه ؟ عيزت وانا اقول لها ماحب سبري لاتحطين لي وايد او اهيا تقولي لاااا بتشوفين بتفتحينه ولا كانه فيه سبري ..
كانت وايد حلوه التسريحه لكن مبين كلها سبري ..
المهم .. بعد ماانزفينا ..
او كلشي كان تمااااام التمام ..

وصلنا الدار صورنا او خلصنا .. قلت له اذا تبي تنام ترى انا بطول بالحمام
عطاني نظره شيطانيه قالي هيه .. اي انا اقول بعد بنّام ..
قالي تعويض على الأسبوع اللي ما شفتج فيه اسبوع ماراح تنامين
قلت له يهون عليك؟ قالي عمري يالله لاتضيعين الوقت
قلت له لاتحن يالحنان .. قالي انشاءلله
يالله .. قلت له انزين
اخذت عدتي كلها او دخلت تكرمون الحمام .. اول شي مسحت المكياج كااااامل .. او نضفت ويهي او رطبته ..
غسلت أسناني .. وجابلت شعري قلت بفجج الماشات او بنسله مثل ماقالت
تكسرت ايدي او نط لي عرج وانا اشيل او ماخلصت ..
انا ماحب من اول يوم يجالبني يشيل ماشات من قمة راسي!!! مافي رومانسيه
فقلت بعتمد على روحي يمكن بدون مبالغه ساعه إلا رابع ..
واخر شي اشوف كل خصله بصووب!!!!
شصاير ؟؟؟ .. نسلته .. كأنه لوووح يابس ماكو فايده .. قلت مالي إلا اغسله ..
واقعد تحت الدش .. غسلت او سبحت او تيددت
او خليت شعري ينشف شوي . حطيت لي كونسيلر من السهر كان تحت عيني اسود او حطيت كحل خفيف او مسكره .. او حمره .. فركت شعري بمسك القرشي وجسمي ..
وهذي غلطه ماانصحكم فيها .. لانه طعمه مر .. بس طبعا ريحته .. خيال
المهم .. سشورت شعري ..
ورفعت نصه .. يمكن ساعه او نص بالحمام ..
طلعت له ولاطالب عشى الاخ .. ومانطرني .. يعني ماكمل بس بدى ..
المهم اول ماشافني قالي وااااااااااااااااااو .. افتشلت قالي يالساحره
قلت له ليش؟
قالي كلشي عليج حلو؟
قلت له طرحتي حارتني
قالي والله انتي مينونه تهبلين كأنج ملكه .. انا بس قعدت اقرى عليج خفت عليج
ابتسمت له .. قالي تعالي يمي
قلت له بصلي قبل ..
قالي اوكي ..
صليت او قعدت اكل معاه .. كان الشعور ماينوصف ..
كنت حاسه اني مرتاحه وبنفس الوقت حاسه كاني اول مره اقعد معاه
قالي اللي عليج يهبل .. قلت له مشكور
يوسف نوعه دقيق .. يعجبني فيه اذا عاجبه الشي يشرح التفاصيل .. يقولي شوفي قصته لونه حلو يقدر الشي او يفرح الواحد
صج عمري احس فوقج شي ابيض .. جنج ملاك
وكلني معاه او راح يسبح بسرعه قمت صكيت الاكل غطيته او دزيت الطاوله عند الباب
او فتحت المبخر لصغير اللي عالكهربا امي كانت حاطه لي عود .. بخرت بعدين ..طلع او صلى او ودى طاولة الاكل برى .. فتحت فواحه .. امي كانت مخليتها لي .. احبها
شريتها من كشك بالفنار ..
رووووووووووعه .. المهم حطيتها بعيد عنى ..
وبس :$

طبعا مانمنا الا الساعه 8 الصبح تقريبا
قبل لاانام حطيت لي تحت مخدتي علج .. هذي نصيحه قريتها بالمنتدى .. والله يابنات خوش نصيحه ..
المهم .. نمت او فتحت عيني طليت بالساعه كانت 12 قلت زين عندي بعد وقت ورجعت نمت ..
طبعا النومه كلها كانت مقطعه ..
كل شوي اجيك على روحي + المكان متغير
المهم غطيت بنومه عميقه .. مع اني كنت ناويه اقعد قبله بس اهوا صحاني من النوم
او هالشي طبيعي عند يوسف .. ياربي اول انسان اشوفه مايقدس النوم المهم ..
قعد يتكلم شووووي شوي بس انا نومي خفيف
قالي عمري
حقرته من التعب مو قادره اتكلم ابي انام
قالي حبيبتي ..
قلت له همممم "هذي مالت النايمين" قالي سوري عمري
والله ادري انج تعبانه
حدج كاسره خاطري بس ينتظرونه والمصوره بتيي وبنروح المطار .. ما تبين تقعدين مع أمج ..
أنا اهني سيده فتحت عيني تذكرت او قلبي عورني
عطيته ظهري او قعدت افتح العلج
اهوا يقول شتسوي هذي..
المهم كليته او التفت عليه قلت له يالله قوم انت قبلي
قالي جاهز انا
طلعت عيني لما شفته
قلت له زين .. شرايك عشان اخذ راحتي تنزل تحت تتريق على مااجهز انا
قالي عمري .. سمالله عليج اي ريوق هالحزه
قالي ماباطلع يالله قومي يالكسوله
قلت له انزين
قمت او غسلت جسمي كان خاطري اروح بيتنا او اسبح بحمامي
بتدى الهوم سك يشتغل
المهم خلصت شغلي كله فالحمام .. مع اني مو متعوده على قعدت الحمامات بس عبالي الرياييل مايحبون المره تتمكيج جدامهم
"العكس صحيح" يوسف طلع يستااااااااااااانس
مو عن انه يستانس على المكياج بس يحب يشوفني اتعدل .. مادري شالمتعه بالضبط بسأله هههههههه
المهم نزلت سويت شعري بالصالون اللي تحت أو دقيت عليه أهوا لما طلعت من الدار كان يصلي ..
نزلي .. أو رحنا بيتنا .. أمي كانت مسويه الغدا عشان لضيوف اللي عندنا أو خالتي أو البنات أو خالات يوسف كلهم يايين
وبنات عمه Miss World أو وصيفاتها
دخلت البيت كلهم كانو موجودين بالصاله .. بس فتحت الباب ولا اليبااااااااااااااب
وأنا واقفه مكاني ههههههههه ..المهم دخلت اسلم .. او عيوني تدور امي مو لاقيتها
سلمت على الكل وكلمن نغزه بصوب .. ضحكوني.. ولا امي داشه .. مادري من كانت واقفه لي مشيت عنها او رحت حق امي
وبلشت عيااااااااااااااااااااااااااط
او امي تعيط وانا اعيط
وخواتي يعيطو
او خالاتي يعيطو
وصارت المناحه
بدور ياتني تضحك .. او انا ابجي اقول لها شفيج يالمجرمه
إلا تقولي كلهم حزيننين بتطلعين بس انا فرحانه بتيين عندنا
قلت لها من قالج ودراسة اخوج
اهني استوعبت او دشت معانا بالعياط هههههههههههههههه
المهم ابوي كان برى مع الرياييل دقيت عليه قلت له ابي اشوفك
او ياني او لميته .. حبيبي ابوي .. الامان او كلشي ..
يوسف كان وياه او يضحك
او ابوي يبوسني او اهوا يطالعنا ويضحك
المهم تغدينا او تعرفت على خالة يوسف .. لولوه صغيره بيني او بينها 10 سنين بس ماشاءلله عليها تهبل .. اول مره اشوفها لانها عايشه بأبوظبي ... زوجها اماراتي يوسف كان وايد يسولف لي عنها او اول مره اشوفها لانه بفترة الملجه او الحنه كانت مسافره ويا ام ريلها تتعالج
المهم دخلت داري بعد الغدا وانسدحت عالسرير .. ياتني امي او نسينا الناس او قعدنا نسولف .. رفيجتي كانت مأجره سترج ليموزين حق المطار مفاجأه
فرحت انا او بيتنا بالليموزين فطومه يات معانا او بدور او خالتي مع يوسف ..
المهم قبل لانروح المطار بتدينا العياط .. ثيابي او اغراضي مالوت السفر كانو كلهم ببيت يوسف فجدم اييبهم
او كنا بنتلاقى بالمطار
..
لهيت بالسياره بس وصلنا المطار بتدى لبجي
او امي او رفيجتي او خواتي او خالتي
او فالمطار بدور عطتني هديه .. سيديات حطيتهم بجنطتي ..
او بس سلمنا عليهم او دخلنا ..
انتو اكيد كلكم سافرتو شهر العسل واللي ماسافر ابتعد عن اهله شوي او ذاق الشوق لهم واللهفه انه يرجع لهم ويسولف لهم والله يعلم انه شوقي لكم كان نفس الشي او اقول متى بلقى الوقت اللي بقدر اكتب لكم
فرحت بالموضوع اللي فتحتوه لي وسؤالكم ومحاتاتكم او دعواتكم او كل شي ..
احبكم ..
خلصت القصه ....

[Sorrow_Dreams]

الله يهنيهم ان شاء الله ويوفقهم في حياتهم :)

تسلمين اختي على النقل :)

[عين أبوي]

العفووو قلبووو

واسعدني متابعتج ومرورج

[BaNooTa Q8TeYa]

http://www.q87r.com/up/uploads/5fecfccf7c.gif (http://www.q87r.com/up)




:clap:

الـف مـبـرووك لـهـا

اللـه يـوفـقـهـا يـارب ويـسـعـدهـا ويـهـنيـهــااااا

ويـرزقـهـا درزن يـهـاااال :shiny:



نهـاااايـــه وايـد حـلـوهـ

رااااح نـفقـدهـاااا وااايــد :tears:


اللـه يـوفـقـهـــا يـارب





دودو :icon26:
يـعـطيـج الـعـافـيـه قـلبـوو
ع الـنـقـل الـممـيـــــــز
لاخــلا ولاعـــــدم







اخـتـكـم ..


http://www.q87r.com/up/uploads/a99d6db2f1.gif (http://www.q87r.com/up) BaNooTa Q8TeYa http://www.q87r.com/up/uploads/a99d6db2f1.gif (http://www.q87r.com/up)

[jonoon]

يسلمو على النقل
قصه روووعه

[سمو ذاتها]

مراحب عيونه

مشكووووووووووووووووره على هالقصه بصراااااااحه اعجبتني حيييييييييييييييييييييل
وتسلم اناملك على النقل

والله يسعدها وويوفقها مع يوسف>>اموووووووووووووووت على هالاسم

نهايه حلوه للقصه

[*مهاوي*]

يسلموو على النقل
مرره حلوه:icon35:
يعطيك العافيه:bye1:

[فلــونا]

يسلموووووووووووووووووووووووو

[بحر الندى]

يعطيكـ الع ـــــافيهــ
و ــج ـــــزاكـ الرــح ـــمن كلـ ـخ ـــير
وربي يسـع ــدكـ و يرضى ـع ــليكــ
و بتوفيق يـــــــارب
ووتقبلـ خالصـ شكريـ وتقديريـ

[بحر الندى]

السلام عليكم
ممكن اسم الكاتبه
وربي يسعدك و يرضى عليك

[قمر اهلها]

يسلموووو
ويعطيكـ العافيهـ
وجزاكـ الله كل خير
لاخلا و لا عدم