قصيدة خالد عبدالرحمن في { رجال الهيئة }

[جروح الوقت]

مقطع من قصيدة الهيئة بصوت خالد عبدالرحمن
رسالة إلى رجال الأمر بالمعروف والنهي عن المنكر


اهل الأذكار تدعي والظلام انتحى =والدعاوي تهز مشيدات القصور
والخطاوي تعثر بين خوف وسحا =والفتن تشتعل.. وانتم سواة البدور
يا قصار الثياب ويا طوال اللحى =لا تفيض العيون ولا تضيق الصدور
دارت الأرض بالعالم ودار الرحا =وانتم الشامخين وما تبقى يدور
كل ما المح شموس وجيهكم في الضحى =احمد اللي بعيني زود النور نور
في الجباه السمار اللي ظهر ما انمحى =ابشروا به وهو يشفع بيوم النشور
السنتكم عطاها الله حديث فصحا =وافئدتكم من الإيمان تنضح سرور
قصر المسك يا حمالته واستحى =يوم جاء يعطي اعطيتموه طيب وطهور
يا تلاميذ عقد الصفوه اللي نحى =يا حبايب صلاة الفجر واهل السحور
يا رجال على يديكم صحى من صحى =سعد روح تغذت من بصيرة غيور
انتم لمعشر السالين خير نصحا =وانتم لنصرة الدين اصدق اللي يثور
ان دخل صفكم وجه كذب والتحى =رده اللي يرد الكيد وسط النحور
وان هرج زيد لعبيد بسوالف جحا =لا لحقكم شكوك ولا لحقنا نفور
واللي انزل تبارك والقلم والضحى =انكم هدينا عن محدثات الأمور
واصلوا يا بركتنا دون خوف وسحا =ردوا نفوسنا اللوامه من القصور

للإستماع الى القصيده بصوت الشاعر
http://www.3zazi.com/forum/uploaded/rsealh-alamar.rm

[.•° تـذكـار°•.]

يا قصار الثياب ويـا طـوال اللحـى
لا تفيض العيون ولا تضيق الصـدور
دارت الأرض بالعالـم ودار الـرحـا
وانتم الشامخيـن ومـا تبقـى يـدور



صح لساااان ناصر القحطاني

وأكيد حلاها صوت خالد

تسلم أخوي جروح على الموضوع الرائع

تقبل مني أرق تحيه

[ابو احمد]

صح السان كاتبها وناقلها وقائلها

مشكور اخوي جروح على هالذوق الرائع

تقبل تحياتي

[¶جريح¶¶نجــد¶]

صح لسان الشاعر

جروح الوقــــــــــــت

تسلم يا قلبي على النقله المميزة من إنسان مميز


دمت لنا نبراساً يضئ منتديات جروح الحب والعطاء

وعســـــــــــــاك على القوة

( ربي يسعدك ويحلي أيـــــــامك يا غالي )

تقبل خالص إمتناني وتقديري لشخصكم الكريم


جريح نجد

[المهاجر]

صح لسان الشاعر ولله ..
أنا سمعتها من الشاعر ..
ولا أحب أسمعها من خالد عبد الرحمن ..
لأني ما أحبه بصراحه ..

سلمت ياجروح الوقت .. فعلاً قصيده تستحق الطرح ..
دمت ودام عزك يابعدي

[قيثارة الشوق]

جروح الوقت
مشكور على النقل

ههههههههههههههههههههههههه
بس غريبه مانقلتها الا بصوت خالد عبدالرحمن .... المعنى في بطن الشاعر

تحياتي

[الوطني]

صح لسان الشاعر ويسلم بنانك اخوي

على هذه المصافحه الرائعه بروعة مبدعها . .

دمت بهذا التميز وهذا الحضور الملفت للأنظار . . .

سجلي اعجابي ومتابعتي . . . .

[مهاااوي]

تسلم والله جرووووووووووووح ,,

صح الساان شااعرها ,,

عز الله أبدع ,, ويستااهلون أكثر ,,

الله يديمهم لنا صون ,, والحفظ بيد الله ,

مشكوور الغالي ,,