قـصــيــدة فــي جــمــيــع قــبــائــل الــســعــوديــة

[ابو احمد]

احبتي بعد عودة المنتدى للوضع الصحيح حبيت اشارك فى منتدى الشعر
بهذه القصيده التى اعجبتني ولطشتها لكم امل ان تحوز على استحسانكم


يالله ياخالق اراضين وابحار = الواحد المعبود رازق عبيده

الخـالـق الغـفـار عــلام الاســرار = وفــرق شـعـوب الارض فــي كــل يـــده

وابــدي واسـولـف مــن عذيـبـات الاشـعـار = ابـيـات شـعـر والمعـانـي وكـيـده

اشـري وابيـع واعـرف كـيـف بخـتـار = واخـتـار مــن جــزل البـيـوت الفـريـده

وذ كـرتـراث وعــز وامـجـاد وافـخـار = قـبـائـل تـومــن بـديــن وعـقـيـده

وصلـت حضارتـنـا عـلـى سـطـح الاقـمـار = ابـنـا الجـزيـر والجـزيـره مجـيـده

فــي ظــل حـكـام لـهـم فـعـل واشــوار = ال السـعـود الـلـي تـفـك الضهـيـده

نـسـل الزعـيـم الحـاكـم الـعـادل الـبـار = مـجـدد امـجـاد الـجـزيـره بـجـيـده

حتـى اصبحـت حـره وحنـا لـه انصـار = فـي ظـل اخــو نــوره هـنـوف سعـيـده

وصـارت لابــو تـركـي بطـولـه وتـذكـار = والفـخـر والامـجـاد تبـقـى شهـيـده

وخلـف لـنـا امـلـوك لـهـم فـعـل واخـبـار = الشـعـب واحــد والقـيـاده رشـيـده

والامـن بانينـه عـلـى ســاس وجــدار = وقــرو عـلـى العـابـث عقـوبـه شـديـده

وحنـا حمـاة الــدار مــن كــل غــدار = ومــا همـنـا بطـشـه وخبـثـه وكـيـده

قبـائـل مالحقنـاهـم اوعـــار = وعـشـنـا بـهــذي الـــدار عـيـشـه رغـيــده

والحـمـد لله نحـمـده ســر واجـهـار = شـعـب تكـاتـف مــن سـنـيـن مـديــده

ودون الوطـن جـيـش عـلـى كــل معـبـار = لارفــرف البـيـرق ونــادى عقـيـده

بـشـرق الـبـلاد وغربـهـا دوم حـضـار = وارض الشـمـال الـلـي نـفـوده مـديــده

وارض الجـنـوب الـلـي تخيـضـر بالاشـجـار = جـزيـرة فيـهـا القبـايـل عـديــده

ارض بـهـا قحـطـان وافـيـن الاشـبـار = ويـاعــز مـنـهـم بالـشـدايـد بـسـيـده

واذكــر عتيـبـه يــوم للطـيـب مـغـوار = لا ثــارت الهيـجـا وقــرب ضـديــده

وشمـر هـل الطـولات والجـود مـقـدار = اهــل الـكـرم واهــل الفـعـول الحمـيـده

وقـوم اعنـزه مـرويـن الاخـصـام الامــرار = اولاد وايــل مــن عـصـور عهـيـده

ومطيـر قـوم تـكـرم الضـيـف لا زرار = ويـاويـل خـصـم فــي حـراهـم وعـيـده

واذكــر قبيـلـة حــرب يانـعـم الاخـيـار = وتاريخـهـم يحـكـي سـطـور مجـيـده

وسبيـع نعـم القـوم ووجيـه الاسـفـار = زبــن الدخـيـل لـيـا زبــن مــن طـريـده

واذكــر قبيـلـة يــام والطـيـب يـنـدار = اهــل الـعـلـوم الـوافـيـه والـرشـيـده

ثــم الـدواسـر تجـعـل الخـصـم منـهـار = عـيـال زايــد عــز منـهـم سنـيـده

ثـم السهـول اللـي لهـا الطيـب مــدرار = وعــن منـهـج الـعـادات مـاهـي محـيـده

ثــم اذكــر العجـمـان حمـايـة الـجـار = والمرجـلـه والـجــاه فـيـهـم عـتـيـده

واذكــر بـنـي مــره طويلـيـن الاعـمـار = مــا ينـقـد الـمـري ولا لــه نقـيـده

ثــم الهـواجـر لابــة تـقـدح الـنـار = اهــل الـركـاب الـلـي خطـاهـا بـعـيـده

واذكـر بنـي خالـد قبيـلـة وامــار = قــوم لـهـم فــي المـجـد قــول ورصـيـده

وبنـي تميـم الـلـي لـهـا الطـيـب مـصـدار = بـنـي تمـيـم وكــل فـعـل تجـيـده

ثـم الزعـوب اللـي بـهـا الخـصـم يحـتـار = شجـعـان ماتـرضـى ســوا ماتـريـده

العازمـي وافـي وفـي الطيـب بيـطـار = روحــه عـلـى كــل المصـاعـب صمـيـده

ثـم الظفـيـري فــي المصاعـيـب جـبـار = والطـيـب والامــداح باصـلـه وطـيـده

ثـم اذكــر الاشــراف بـجـلال واكـبـار = اهــل الحـجـاز الـلـي تـفـك الزهـيـده

ثـم الهذيلـي لــه مـواقـف ومـنـدار = راعــي الفـخـر راعــي العـلـوم السـديـده

ثـم البقـوم اللـي لـهـم جـيـش وامـهـار = ريــف الضـيـوف لـيـا لفـاهـم ولـيـده

واذكـر ثقيـف اللـي لـهـم مـجـد وآثــار = ومهـمـا حسبـنـا مــن كــلام نعـيـده

وبلـحـارث اهــل الـعـز بشـهـود واقــرار = ا لحـارثـي ياطـيـب فعـلـه وجـيـده

والمالكـي معـروف لا صـار مـا صـار = فـي موقـف اهـل الطـيـب يـبـذل جهـيـده

واثـنـي تحيـاتـي عــدد وبــل الامـطـار = عـلـى سلـيـم وكــل خـصـم تكـيـده

واذكـر جهيـنـه هــل مواقـيـف وادوار = تلـقـى الجهيـنـي راســم الطـيـب بـيـده

واذكــر بـلـي والمجـدلـه فـعـل واظـهـار = وتاريخـهـم يحـكـي فـعـول فـريـده

وبـنـي عطـيـه فــي المواجـيـب حـضـار = قــوم بـوقـت الـجـد قــوم عنـيـده

ثــم الحويـطـي والكـرامـه لــه اشـعـار = ثــم الـشـراري لــه فـعـول مفـيـده

ثـم الرشيـدي فــي الصعيـبـات صـبـار = عـلـى عـلـوم الطـيـب فعـلـه يـزيـده

وباقـي جـنـوب الــدار والـقـاف مــادار = بـاقـي عـلـى قلـبـي كــلام واشـيـده

زهـران نعـم القـوم فـي وقـت الاضـرار = والخـصـم عيـنـه مــن لقـاهـا سهـيـده

والغامـدي معـروف لــه عــزم واصــرار = راعــي المـراجـل والعـلـوم المفـيـده

وشـمـران قــوم والجمـايـل لـهـا اطــوار = وبلـقـرن ســم للـقـلـوب النـكـيـده

والاكلـبـي والمحلـفـي مابـعـد بـــار = والـحـارثـي طـيـبـه وفـعـلـه يـشـيـده

وبنـي شهـر وبنـي عمـر سـيـف بـتـار = قــوم عـلـى الاخـصـام نــار وقـيـده
والاسـمـري والاحـمـري صيتـهـم ســار = بـيـن القبـايـل والـمـواقـف شـهـيـده

واذكـر عسـيـر الـهـول ذربـيـن الاذكــار = وابـهـا احتمـوهـا فالسنـيـن الشـديـده

وادهـم والصيعـر علـى حـد الاقطـار = يحـمـون حــد الــدار مــن الـلـي يـريـده

وامـشـي مــع السـاحـل مــع جمـلـه افـكـار = رسمتـهـا والطـيـر زان اتغـريـده

وانــزل عـلـى جـيـزان تـاريـخ واديــار = ورجــال فيـفـا والقبـايـل عـديــده

وارجـوا العـذر واهـل المواجيـب عــذار = الــي نسيـتـه مانـذكـر فــي القصـيـده

الواهـبـي عــدد ابيـوتـه بــالادوار = مــن شـاعــر مـاشــل قـلـبـه حـقـيـده

شهـران ربعـي هـم هـل المـدح والكـار = واهـل الكـنـد واهــل السـيـوف الجـديـده

يــوم البـلـد مايـامـن الـزنـد لاثــار = زيزومـنـا ابــن مشـيـط نـعـم الـولـيـده

فالجـهـل شجـعـان وفــي السـلـم تـجـار = مــن بـطـن بيـشـه للتـهـم لارفـيـده

حبـيـت ابـيـن موقـفـي بـيـن شـعـار = وارجــوا سموحتـكـم عـلـى ذا النشـيـده

ماحـب انـافـق واتعنـصـر تعنـصـار = ولا نــي باطـيـع اهــل العـقـول البلـيـده

مـا كـل مـن طـب البحـر قيـل بحـار = ومـا كـل مـن شـل الفشـق جــاب صـيـده

فالشـعـر بسـتـان بـــه ورد وازهـــار = والـلــي تـعـداهـا بـيـوتـه فـقـيـده

واقولهـا فـي الشـعـر تـكـرار وامــرار = ضــرف بــلا عـنـوان يلـغـى بـريـده

وبعـض السوالـف لـه مـواقـف ومحـضـار= وشـعـر بــلا معـنـى لــزوم نبـيـده

وصلوا على المرسول شفاع الابرار= محمد الهادي وقدوة عبيده
م ن ق و ل

تحيااااااااتي

[الوطني]

صح لسان الشاعر وصح بدنك وسلم بنانك

سعدت بكوني اول متصفح لرائعتك

شكرا لك

[¶جريح¶¶نجــد¶]

ابو احمد يا غالي


تسلم لنا وصح لسانك الشاعر


قصيده رائعــــــــــة من روعتك يا قلبي


دمـــــــــت بخير وسعادة


تقبل ودي وتقديري


جريح نجد

[ابو احمد]

صح بدنك اخوي الوطني

سعدت كثيراً بوجودك يالغالي

وشرفني حضورك

تقبل مني ارق تحيه

[ابو احمد]

جريح نجد

الاروع وجود وشرف لي كبير
باشادتك يالغالي تسلم

وتقبل مني ارق تحيه

[قيثارة الشوق]

ابو احمد من الجوف

مشكور على على القصيده اللي شملت كل القبائل

تحياتي

[مهاااوي]

رهيبه مرررررررررره ,, الله يعطيك العافيه ,,

ومشكوور أبو أحمد ,,

[ابو احمد]

قيثارة الشوق

مهاااوي


اشكركم جزيل الشكر على مروركم واشادتكم

نورتوا مشاركتي

تقبلوا تحياتي

[أوطه مغمضه *-*]

أبو احمد
مشكووووووووووووووووور
الله يعطيكـ العافيهـ يارب


أختكـ/ أوطه مغمضه

[الــكــايـــــد]

قصيده رائعه يعطيك العافيه ابواحمد

[عاشق مخدوع]

http://up107.arabsh.com/s/r5orxtjgzs.gif (http://up107.arabsh.com/)
http://up107.arabsh.com/s/8nwek3lx03.gif (http://up107.arabsh.com/)
http://up107.arabsh.com/s/t6a9zz8le9.gif (http://up107.arabsh.com/) عاشق مخدوع http://up107.arabsh.com/s/t6a9zz8le9.gif (http://up107.arabsh.com/)

[حياتي طموحي]

يعطيك العافــــــــــــــــــــــــية اخوي ابو احمد على هالقصيدة اللي بقمة الروعة تقبل مروري