انتي اعظم ذنوبه....!

[احاسيس طفله]

جلست بضيقتي وحدي افكر في بداياتي
على شاطي البحر جالس وكان اليوم بغروبه
على الشاطي جلست احسب جروحي وكل خساراتي
وكان الوقت حزتها مطر وقلوب مرعوبه
وكانت طفله صغيره بجنبي تقرأ حسراتي
كأن الضيقه في وجهي وهي بالروح مكتوبه
تذكرت الحبيبه يوم خلتني بأهاتي
بعد ماجتني تشكيلي تقول اليوم مخطوبه
وعرسي في شهر تسعه وضاعت كل شيلاتي
وامي عزمت ناسي وعرسي جهزوا ثوبه
تقول ارجوك ابي تحرق صوري مع رسالاتي
فراقك ماهو بكيفي انا والله مغصوبه
وقالت خذ وعد من دمعي القهور بسكاتي
اموت بحبك الغالي وارد احيا على دروبه
وقالت مدري وش قالت انا ميت بلحظاتي
خنقني الهم والدنيا غدت في عيني مقلوبه
ابي استوعب ولاني قادر استوعب نهاياتي
ابي ذرة فرح لكن لقيت الفرحه مسلوبه
تساوت دنيتي بعيني تساوى الماضي بالأتي
مادام ان العيوب اليوم ترفع ناس معيوبه
رجعت لغرفتي مقابل اثاثي وبين شمعاتي
اناظر كل رسايلها وقلت ان كان لي حوبه
ياعل اللي خذاها ياخذه ربي من دعاتي
يشوف اللي انا شفته ويصير الهم مشروبه
بكيت ايه بكيت وما لقيت اللي يواسيني بدمعاتي
وشكيت الجرح للدنيا ولا منهو لفت صوبه
ما غير امي تحاول بس تخفف لي معاناتي
بكت شافت حياة وليدها للموت مطلوبه
يادنيا بس خليني ابي ارتاح في ذاتي
انا كني على الدنيا خلقني ربي عقوبه
ابي انسى واطوي الذكرى وابي ادفن كل حكاياتي
ابي امشي وما ابي احد وهي توبه بعد توبه
ابقطع سيرتك واطلب من المولى بركعاتي
يصبرني على غيابك واعيش بدنيا محجوبه
انا قلبي ياعمري تاب وعزم يجمع شتاتي
واذا قلبي طلع مذنب ترا انتي اعظم ذنوبه

[القيصر]

جلست على شط البحر أسترجع ذكرياتي
ويمر بي شريط الذكرى بذيك المحبوبه

هي في بالي كل لحظه وفي كل أوقاتي
كنت أحلم إنه أنا وهي في أيام الخطوبه

مر الزمن وصارت هي سبب عبراتي
عرفت إن هذا هو الحب وهذه هي دربه



تقبلي هذه المشاركه القصيره ..
ومن الكيبورد مباشرة ..
والله يعطيك العافيه على هذه الابيات الجميله ..
وصح لسانك ..

[قمر مطيحه غتر]

صح السانك اختي احاسيس ..

يسلمو على القصيدة ..

تقبلي مروري ...

[احاسيس طفله]

جاسر
الاجمل هو وجودك الجميل

هلا منوره يالغلا
اسعدني مرورك اللطيف