خفـــــــــــــــايــــــا شــــــــــــــوق<>كــــاملــــهـ;<>

[خيال عابر]

مدخل
سرد قصتي على لسان البطلة لكي تكون المشاعرنا باتجاه واحد معها


تنويه
الاجزاء الثلاث الاولى بدايه امل ومابعد الثالث بدايه لكن


تنبيه
جميع مواقف القصه واقعيه ولكن الخيال قي تصوير الاحداث تفرض الحياة اشياء غير معقولة



اعتذار قبل البدايه
عندما تفقدون حلقه فاعلموا انها لم تسقط سهوا وانما انها في جعبتي! وتنبهكم لظهورها في وقت ما ؟



لكن......


دروب الارض .. لـكـــــــــــــــــــــــــــن
انـا احــــس السفــــــــــر ســــــــــــاكن
دروب الارض .. مابـيـن الامـــــــــــاكن
ولغـيـر الارض وين بنروح .. نسافـــــر
كأن الصــــوت .. يرجــــع للحـناجــــــر
كأن الدمـــــــع .. يرجــــع للمحاجـــــــر
كأن الجـــــرح .. يرجــــع للخـناجـــــــر
مـثـل كـل الطـــــــيـور اللي تهاجــــــــر
وتـرجــــــــــــــــع كـل مـــــــــــــــــــره
تعـب هاالبحـر لايجـتاز جدران السواحل
تعــــــب هاالبــــــر لايـــرقى الجـــــــبل
تعــــــب هاالقـلــب لايصـبـح امــــــــــل
وانــــــا لي سـنـيـن واحــــــــــــــــــــل
حـملــت الطــــين كله .. لكـل الطــــــين
تخــــيـل ياانــــا المســـــــكـيـن كــم لك
هـــــــذا الانـــــا .. مصلـــــــــوب على
دروب الارض .. لـكـــــــــــــــــــــــــــن
ما للارض لو تبغى الهـــــروب .. دروب


قصيده للأمير/بدر بن عبد المحسن
رائعة تلك القصيدةتحمل أمل وألم كما هي حكايتي تجمع فيها بطلتي أمل لليأس وتشاؤم وتفاءل الم معاناة و دمعه ندم وابتسامه فرح وقهر الجبروت وعناد للاشيء والكثير من المتناقضات
أردت ان تحمل قصتي أفكاري وأرائي في الكثير من القضايا التي تحيط بمجتمع االاسري الصغير بعيدا عن تعقيدات المجتمع الخارجي الذي يأبى إلا الظهور لتكون قريبه منكم
جمعت فيها المراه بتناقضاتها ومترادفاتها والفعل وردت الفعل أردت تصوير المراءاة بكل أشكالها
المراءه بسلبيتها وايجابياتها
المسؤولة
المتمردة
المقهورة
المغامرة
الكتومة
المذنبة
المظلومة
الخائنة
التي تجمع
إغراء الأنثى كاملة وبرائه طفله وحكمه سنوات المسنه
واقعية قصة حقيقية صورتها بخيال قلم خجول



(امل لكن!>>> حبيت اسميها >> خفايا شوق )


رابط الروايه بدون ردود

http://www.joroh.com/vb/showthread.php?t=68133


http://www.3zf.cc/albums/userpics/10001/normal_53%20%284%29.jpg

[خيال عابر]

http://i461.photobucket.com/albums/qq337/n11n11n/heart-1-1.gif


(1)
كنت مسنده راسي لنافذة السيارة وأفكاري تروح وتجي اليوم الأربعاء برجع لا هلي في المزرعة اللي في احد المحافظات القريبة من الرياض تركت العيشة فيها بعد ماتوفت أمي الله يرحمها بسنتين ودخلت الكلية رحت وسكنت عند اخوي محسن وزوجته موضي هربت من اجمل واسوى ذكرياتي في هذاك المكان اللى طلعت منه ام تسع طعش سنه خريجه ثانوي يتيمه الام وبعدها بسنه مطلقه


وصوت تصادم وقوته هزتني هز رجعني للواقع عدلت جلستي

"ياااااااالله سترك.. عيالي منصور بيان مساعد "

هذا كان صوت موضي زوجه اخوي علشان تاكد لي ان اللى صار من ثواني حقيقه
ضميت بيونه على صدري بقوة وقلبي بيطلع من مكانه من الروعه ورديت اطمن موضي
"الحمد لله ما فينا شي انتو تعورتوا "
"منصور يمه يوجعك شي "كانت تهز كتفه وهويرجف
والغبرة مغطيه الرويه الامايه لانه انحرف من الطريق وطلع على جنب في التراب
"لا الحمد لله على السلامه "
فترة صمت واحنا قدرنا هالشي خليه ياخذ نفس ويوازن نفسه لكنه
بعد مدة كمل يمزح " اخواني الركاب معكم الكابتن منصور بن محسن يهنيكم ويتحمد لكم بالسلامه ويقول تعيشون وتاكلون غيرها خخخخخخخخ"
تدرون وش كان ودي اسوي حزتها امنيتي ان معي شي اضربه في راسه بس موضي ما قصرت فيه
و انحاش ونزل من السيارة يشوف وش صار ويتفاهم مع الرجال اللى صدمناه
وسمعة جوالي رفعته لقيت
مساعد>> يتصل بك

"هلا مساعد وينك "

"انتوا اللى وينكم ما شوفكم وراي "

تلعثمت وما عرفت ارد عليه مساعد عصبي واذا عصب ما يشوف قدامه رجعني صوته
"امل ..فيكم شي "
"مساعد اممممممم حناا اممم صدمنا في سيارة قدامنا "
جاني صوته المرعب
"أيـش؟؟"
رديت بسرعه "الحمد لله كلنا سالمين مافينا شي والصدمه بسيطه "
بصراخ فجر اذني "وينكم فيه "

بعد دقايق الا مساعد موجود وجت مرته صيته وكانت خايفه وتطمنت علينا وكان معها في السيارة خدامتها وخدامة موضي ورغود وزياد عيال موضي كانوا راكبين معهم علشان يلعبون مع منصور ولد مساعد وسيارة مساعد جيب فكس ار وحنا كنا على كامري منصور المربوش
في النهايه طلع الهندي الغبي اللى صدمنا فيه نور سيارته من وراء خربان والدنيا ظلام وما شافه منصور وصدم فيه والامر تم بسهوله وانحل الموضوع لان الصدمه بسيطه
المهم اننا وصلنا للمزرعه طيبين بدون اصابات الساعه ثمان العشاء سلمت على ابوي وخذ العيال للمجلس
ومنصور تلقى وعده من ابوي (جده) يستاهل يحب السرعه
يوووووووووه لومحسن موجود كان جلس يضحك وكان شي لم يكن يااااااه اشتقت لـــــ خوي محسن ياناس طيبه العالم فيه قلبه ابيض من الحليب كان قانص مع اخوياه لسودان
ودخلت داخل الفيلا ولقيت عمتي حصه (مرة ابوي ,عمتي) وخواتي نوف وهدى وهاجر واخوني وحمد وثامر>>الغير اشقاء
وجلسنا نسولف ونتقهوى داخل في الصاله طلع منصور بن محسن من عند ابوي افراج وسلم على عمتي حصه وجلس يستهبل على خواتي اللي هم عماته ويخترع اشياء ما صارت وانه مسك الهندي وضربه لين عاف الدنيا (ضربه ضرب مبرح)ومدري ايش؟؟ السالفه كلها نصب
"اقول اقضب ارضك ولا تهايط وانت ماعندك ما عند جدتي " كان هذا صوت حمد اخوي
"الا يا الاخو وش قالك ابوي ويومنا طلعنا "ثامر يسال منصور
حك منصور راسه وجهه احمر من الاحراج "يقول بكرة الفجر تجز الغنم مع العمال والعصر تلقح النخل موكني المفروض جاي فترة استجمام علشان تنفتح نفسي لدراسه انتوا ناسين اني ثانويه عامه وما كثر الله الا العمال عنده "

ردت هدى "الله يالدراسه ذابح عمرك من زين النسبه انت وحمد كل واحد نسبته اخس من الثاني "

حمد رد عليها ياحبهم للمهاوش "نشوفك السنه الجايه وش بتجيبين "



و كنت متوقعه ان ابوي بيعاقبه بس مثل ما قلت لكم يستاهل هاذي ثالث مرة يصدم بها الكامري الضعيفه وكلها في اربع شهور احسها تشتكي منه

طلعت مع الباب الخارجي على قسم الحريم دكه وبيت شعرومطبخ خارجي لذبايح

لقيت موضي وصيته جالسات برى

"امل تعالي وش فيك قاعده لحالك "

رديت على صيته "معليه بروح اتمشى شوي " واشرت جهه قريبه منهم ورحت وانا مدري هن ردن علي و لاا لا

جلست على مرجيحه وكان الجو دافي بداية صيف مع ان جو المزرعه العادة يصير بارد شوي وكانت قمرا>> القمر كامل
واسمع صوت الجندب واشوف انوار البيت والدكه وحماس عمتى وحريم خواني في السوالف وشغالة صيته وهي تاكل منصور ابو سنه يالله يمشي ويطيح وشغاله موضي وهي تلعب مع بيونه ام سنه سبع شهور و انا بالمرجيحه جلست العب فيها واتذكر ايام مكان هذا بيتي وكيف طلعت منه
توفت امي وانا في ثاني ثانوي كان مساعد توه متزوج صيته بنت عمي ناصر وهي اللي شجعتني اني اكمل وان وفاة امي ماهي عقبه توقف في طريقي كملت الثانويه بعد ماتركت الدراسه سنه واجتهدت وجبت نسبه وطلبت من ابوي اني ادرس في الرياض عند محسن وافق ابوي بعد تدخلات من محسن وواسطات من عمي ناصر و بعد سنه اولى كليه تملكت ولدعمي اخو صيته (سعد)في اجازه الصيف جلست في ذمته ست اشهر كان المفروض في الاجازه الكبيرة عرسي كنت في ثاني كليه وطلقني وبعدها صارت هوشه كبيرة بين مساعد وصيته طلق مساعد صيته والاخ سعد ارسل ورقتي بعد طلاق اخته بشهرشي يضحك يبكي مساعد رجع صيته لانها حامل وانا حملت لقب مطلقه الى اليوم مسالتهم ليه زوجوني من غير شوري وتطلقت بدون ذنب موحلو دور الضحيه والمظلومه صح

اكذب لوقلت اني ما حبيت سعد بالرغم من اني ما اكلمه ولا قابلته بحكم اني خطيبته والشغلات هذي ما هي موجوده في عايلتنا ابد الرجال ما يشوف حرمته ولا يكلمها الا بعد العرس
بس حبيته

قولوا مجنونه خبله أي صفه تبعد عني العقل انا راضيه
سعد كان جذاب يسحر


مو انا اللى معجبه فيه له جمور بين بنات الجماعه حتى خالات خواتي معجبات فيه

سعد غلط في حق نفسه وفي حقي وحق اهلنا كلهم
لكن مثل ما برروا له طيش شباب انا ادفعه بطلاقي !


سنتين وانا ادور له عذر ما لقيت طول هالمدة ما احد خسر شي الا انا خسرت ثقتي في نفسي



كلما اردت النسيان رايتك تحاصرني
حبك
حصار ×حصار
وانا حبيسه لاشواقي وحنيني لك
لكن
لن يدوم الحصار

بس من هاللحظه ماراح افكر فيه خلاص سعد صفحه طويتها من حياتي وما بي ارجع لها لاتصدقوني دايم اقول هالكلام لكن اول ما اسمع طاريه قلبي ينقبض وجسمي يرتعش وتزورني احاسيس غريبه ياثر على وهو بعيد وكل ما حاولت اشعل نفسي بشي القى نفسي افكر فيه اكثر

"اموله ..امل ..امل "
"نوف تعالي انا هنا"
قربت وضربتني على راسي دفشه ما تعرف تتعامل الا باليدين "وينك فيك انبح صوتي وانا اناديك "(انبح من البحه)

"اسمعك تنابحين من اليوم "
ضربتني بكل قوتها على ظهري
"اكح كح كح حسبي الله عليك مو ادين ذي "
"اجل انا تقولين عني انابح يعني قصدك اني كلب"
"عادي اختك الكبيرة وتمزح معك "

وصلنا صوت عمتى حصة"نوف يمه وينتس فيه "
ردت"طيب يمه جايه "
وسحبتني معها "يالله قدامي اللحين متجمعين وانتي جالسه هنا لحالك وش تسوين "

"جالسه "
"ادري انك جالسه الحمد لله والشكر "

"خير شايفتني مجنونه تحمدين الله "

قالت لي بنفخه وهي ترفع كتوفها"ايه!! ولا فيه احد عنده اختن مثلي ويقد بالحاله "
هذي نوف ما تغير نفس حركاتها مع اني اكبرمنها بثلاث سنوات لكن احس انها من عمري تعطونها اكبر من عمرها خصوصا انها اطول مني *_-










بعد العشاء جالسنا نسولف ومساعد وصيته مشوا لرياض لان مساعد عنده دوام اما انا وموضي وعيالها نمنا عند ابوي في بيته بس قبل ما انام صدع راسي من سواليف هدىونوف واسالتهم عن بنات الكليه وعن كل شي فيها وش سويت في الشهر اللي غبته عنهم لاني متعوده كل اسبوعين اجيهم بس الشهر اللي راح كان كله انا وعيال محسن عندنا اختبارات فما قدرنا نجي وخصوصا اننا في الترم الاول ومنصور توجيهي (ثانويه عامه)ويبي يجيب نسبه وبعد ما طلعت نتيجته زرناهم>>قبل التراكمي >.<

بعدها نمت نومه ولااحلى وناموا عندي خواتي في غرفتي ولا طلعو لغرفتهم الدبه نويف حاشرتني على السرير اما هدى نامت على الارض قمت الفجر صحيتهم نصلي صلوا وناموا اما انا ما جاني النوم بعد الصلاة جالست احوس في البيت اللين طلعت الشمس وقاموا العيال شفت مساعد بن محسن وثامر اخوي جالسين يقهون ابوي برى لبست جلال ورحت اسلم على ابوي


"صبحه بالخير " وسلمت على راسه ويده

"يصبحتس بالرضا والعافيه يابنتي "

وجلست ابوي ضرب ثامر بالعصا مع فخذه" شفيك ما صبحت على اختك قم قامت عصبك وانت سلم على عمتك "

حاولت اكتم ضحكتي لما نزل ثامر يحب راسي اما مساعد يمه منه عيااااار قال لابوي انه مصبح علي قبل لا اطلع كذاااب ما شفت اكذب منه بس مشيتها اصلا مو متعوده ! ..زين اذا متهاوشنا كل صبح>-<

سالت ابوي عن منصور قال انه راح مع حمد والعمال للغنم عرفت ان ابوي نفذ عقوبته استاذنت منه ورحت اتمشى لكن ابوي قال "ليه ماتلبسين شي يستر وجهتس "


"يبه انا لابسه جلال ماله داعي البس "

"لا الله يرضى عليس المزرعه مليانه عمال روحي البسي شي "

صح المفروض اسوي اللي قاله ابوي لكني دخل الفيلا ولا عاد طلعت جالست في الصاله وفتحت التلفزيون

جاء في بالي امي الله يرحمها اول لما اكون عند التلفزيون ورافعه الصوت


"امل قصر الصوت الماخوذ الي عندك راسي يوجعني ..بعدين وين الدراسه روحي لدروستس احسن من مقابل ذا المهابيل">>فديت جدتك ياخيال *_*
"يووووه يمه دايم كل ما شفتيني بجلس قلتي دروس شوي وروح"
"شوي!! من العصر وانتي مقابلته ما توجعتس عيونس قومي يالله روحي دوري شي ينفع شوفي نوف ماسكه كتابها ما قالت بجلس عنده "
"يمه انا ما احب الدراسه اكرهها ما احب الكتب تراني ادرس علشانك والا انا فاشله انجح بالدف وروحه اوسع صدري فيها "
اذكرها وهي تمسك راسها خايفه لا احد يسمعني "اشش بس لا يسمع ابوس والله ان يطلعس من المدرسه تراه ما خلاس تكملين الا عقب حب خشوم ولا نسيتي ويوم انس خلصتي متوسط قال موب لازم الثنويه ..وبصوتها الدافي الحنون ... يمه المرة ذا الايام ما ينفعها الا شهادتها وظيقتها معاد به رجل يتكل عليه عيال ذا الايام اللهم لك الحمد الله يهديهم .."

"من متى وانتي صاحيه "
على صوت موضي رفعت كفوفي امسح دموعي دموع الشوق والحنين لايام ولحضن دافي وكلمه حنونه ولهفه قلب رحيم امسح دموعي وامسح الحزن اللي صاحبني بعدها بدال الفرحه والحيويه والبهجه اللي راحت معها
"بعد الفجر ما جاني نوم وصحيت "
"شفتي مساعد ما لقيته "
كنت واقفه بروح للمطبخ "ايه شفته عند ابوي مع ثامر "
"وانتي وين بتروحين "
"بروح ازين قهوه وفطور من زمان مادخلت المطبخ "
ابتسمت لي موضي بوجهها السمح وملامحها الهاديه وروحها الطيبه وسكينه نفسها تاثر على اللي حولها "الله الله بالفطور السنع مشتاقين لقهوتك "
"ابشر يا ام منصور بالقهوه السنعه ...كم ام منصور عندنا هي وحده وغاثينها "
" اثرك داريه انك غثيثه يالله استعجلي بالقهوه وانا بروح امر خالتي ام حمد تقهوى معنا "



قامت عمتي وموضي وتقهوينا لكن انا ما كان لي نفس رحت وصلحت لي بلاك كوفي وجلست معهن وهن مشاء الله مخلن احد الا وحشن فيه موضي تسال وعمتي تجاوب



"سعد بيتزوج قريب "

حاولت ابين ان الموضوع عادي وما همني وانا اسمع موضي تقول

"من هي اللي بياخذها"
"الظاهر انها مها "

"مها مشاء الله وليه ما خذى الجازي اكبر منها "

"لا الجازي خاطبها عامر لصالح ولده ويبيها تكمل الكليه وياخذها "


"مشاء الله عليهن وكلهن بعرسن في يوم واحد "

"مدري اظاهرالا ان كان سعد اجل شوي لان الظاهر بيعود يسافر لديرته بس ابوه مستعجل"



"بيرجع وش يبي "

"يقول ما بعد خلص عادهم يبونه هناك وشكله بياخذها معه ..تبين الصدز (الصدق) مدري عنهم انتي عارفتهم ما يحبون يعلمون احد بشي بس لهم مدة عندهم شي ومخبينه "

ماحسيت بنوف اللي جالست جنبي وخذت الكوب من يدي والتفت عليها كان تبتسم في وجهي رديت الابتسامه وانا قلبي يبكي دم .....سعد و مها ليه؟؟


وانا ؟؟



انا ؟؟



انا؟؟
vvvvvvvvvvvvvv
انا تراب
او هواء
اوماء
أي شي
ولا اكون ضعيفه امام حب يجرفني الى الهاويه وفقدان هويه الكرامه والكبرياء
انا انثى عزيزه ولدي كبريائي
لكن
بقلب مجروح وجسد بلا روح
Vvvvvvvvvvvvvvvvvvvvvvvvvvvv


دق التلفون ورديت عليه وحاولت اكون طبيعيه قد ما اقدر ولا انا منتهيه


"الو السلام عليكم "

"هلا وعليكم السلام ورحمة الله وبركاته "


"ام حمد موجوده "

"لحظه شوي ...عمه وحد ة تبيك "

وصلت التلفون لها وسمعت عمتي تهلي فيها وترحب


طلعت اختها جايه من الشرقيه وبتزورها تسلم عليها لان اهل رجلها عندنا في الديرة وهي عندهم وبتمرنا المغرب




رحت لغرفتي لقيتها مرتبه قفلت الباب وجلست فيها اشتقت لها لكل ركن فيها لسريري دولابي درج اوارقي ومجلاتي نافذتها اللى على النخل وغرفتي في الدور الثاني كنت من نافذتها اشوف كل شي واهم شي البوابه ما كانت في واجهت البيت لا على الجهه اليمنه(اليمين) وقفت عندها شفت منصور يمشي قرفان من نفسه ويسب ويلعن


وقف مع سيارة سودا ونزل راعي السيارة يسلم على منصور ........ ياليته مانزل .. ياليت ..اه اه هو ما غيره سعد!! ....كنت اداري دمعتي العبرة خانقتني وانا اشوفه قدامي نزلت دمعتي على خذي وامسح ويزيد الدمع ما وقف وقلبي احس فيه نار ..نار شابه ودي اصرخ واقول اكرهك اكرهك يا سعد ..ياسبب تعاستي .... يا قهرني ياللي ذليتني ... راح منصور من عنده لكن هو رفع راسه وشفته يطالع نافذتي يطالعني بعدت عنها وطحت على السرير وانا ابكي وشهقاتي تزيد واه اه اه وكل اه نار تسعر في صدري ودي اعرف وش ذنبي وش جابه يكفي اني احاول اتماسك لكنه دايم يخليني انهار نمت وانا ابكي ........
vvvvvvvvvvvvvvv

عذبتني بالوصل
وكلما اشتقت لك زاد الجفا
انتظرت فلم تاتي
وهاانت هنا
لكن
انا اين؟؟
وانت لماذا هنا
وجودك يهزني من الاعماق
فا اصرخ بصمت ابتعد
فالبعد ارحم من وصلك لي بعد جفا

اvvvvvvvvvvvvvvvvvvvvvvvvvv

اذان الظهر سمعت دق على باب غرفتي لكن اختفى الصوت قمت من النوم ورفعت راسي كان مصدع ورحت للمرايه اشوف وجهي كانت عيوني منتفخه رحت للحمام وغسلت وجهي وحطيت كريم واقي من الشمس سمعت صوت طق موب صاحي شوي وينكسر الباب كانت تضرب الباب برجليها ويديها


"امل ياالدبه قومي يالخيشه "

ابتسمت هذي نوف ما فيه غيره دفش حتى العيال انعم منها وفتحت الباب وصرخت في وجهها

"نعم خير وش تبين "
فتحت عيونها على الاخير شكلها ارتاعت المسكينه



"بسم الله علي خوفتيني "

"انا اللي خوفتك ولا انتي وش هالاسلوب "

"طيب يالرقيقه صلي بعدين انزلي تغدي "

"مالي نفس في الغداء بصلي وانزل "

"ترى مشاري موب هنيا تدلعين عليه يروح يشتريلك من المطاعم اخلصي انزلي تغدي معنا "

اول ما جبت سيرته دمعة عيوني مشاااري اخوي شقيقي الثالث اكبر مني بسنتين اشتقتله وربي اسبوعين ما شفته

يدرس في الكليه الحربيه وتاخر عليهم وحجزوه اسبوعين عقاب اخر سنه له في الكليه

"شفيك اموله ؟؟"


"اشتقت لمشاري لي اسبوعين ما شفته "

"انا عارفه مشتاقه للطلعات معه مو له خص نص الله يخلف عليه " غمزة بعينها

عندها قدره عجيبه على قلب المزاج 180 درجه ضحكت معها وصليت ونزلت وجلست معهم


سوسو >>يتصل بك

اول ماشفت الشاشه نقزت
كنت فرحانه"هلا والله وغلا بام تركي "

"ايه اضحكي علي "

اعتذرت منها"ليه حرام عليك والله انك في بالي بس انتي عارفه تونا جايين وامس اتصلت عليك وارسلت لك "

"اتغلى عليك ما يحق لي "

ايتسمت على دلعها"انتي الغلا كله ياحبيبتي "

"وش عنك اليوم صايره رومنسيه بزياده "


لويت فمي "الله عاد لو تدرين ان النفسيه عدم اليوم "


"ليه عسى ما شر وش صاير "


رديت عليها بصوت هادي"ابد لي يومين ما سمعت صوتك ياعمري "

"لاااااااا انتي فيك شي اليوم "

ضحكت عليها "هههههه طيب متى بتجين "

"يمكن العصر بيجيكم احد "
تذكرت"ايه اخت عمتي بتجي يمكن المغرب "(عمتي = زوجه ابوي)

"اوكي اشوى انك قلتيلي تدرين عمتك وخواتها يشخلون الوحده من راسها لرجليها "

"هههه طيب انتظرك "

"الظاهر انك استخفيتي كل ما قلت شي ضحكتي "

تنهدت "اه اه ياسارة انا تعبانه " وبعدها بكيت

"امل ليه تبكين "

مسكت عمري لا اصيح زياده ورديت بعد فترة"كذا ما تعرفيني نكد "

" اهاا طيب مع السلامه يا مسز نكد"

سكرت منها وانا عارفتها انها ما قتنعت بكلامي
سارة ام تركي عمرة سنتين بنت عمي عامر وبنت خالتي واصغر مني بشهرين ماخذه اخو سعد عبد العزيزاللي اصغر منه
شفت في جوالي رساله من رقم غريب شكلها من زمان في جوالي فتحتها
(احس الجرح مايبرا كبير وحطم امالي..خذلني واحدن غالي رخصني يوم اغليته)

قلت اكيد ان واحد غلطان شفت انها مرسله الساعه 10 الصبح الظاهر يوم كنت نايمه









العصر جت سارة وجلسنا مع خواتي سوالف وضحك وجت خالتهن وبناتها ثنتين وحده بعمري والثانيه اصغر



بعد صلاة المغرب جلست مع سارة في مكان صاد عن الناس وجلسنا نسولف

"وش صار بالسيارة صلحتوها "

"مدري عن منصور وحمد اكيد خذوها للورشه يصلحونها واعتقد ما فيها شي يستاهل "


"وانتي وش مضيق خلقك "

نزلت راسي مدري وش اقولها اقولها شفته ولا اقولها دريت انه بيتزوج ولا وش اقول

"سعد صح ؟؟"
هزيت راسي بمعنى ايه صرخت فيني
"انسيه انتي ما تفهمين طلقك انتي محرمه عليه خلاص طلقك "

طالعه فيها كانت معصبه بكيت من القهر
"امل تراك جننتيني فيه شي بينكم انا ماعرفه "

شهقت وقلت بسرعه"لا والله ما بينا شي "

ابتسمت لي وقالت "اجل خلاص سعد ميستاهلك شيليه من قلبك وعيشي حياتك "

قلت لها وانا ابكي "دريتي انه بيتزوج "

ببرود"وخير يا طير خليه يعرس "


رفعت راسي وطالعتها مقهوره من برودها

"لاتطالعيني كذا انتي ما كنتي متوقع انه بيتزوج يوم من الايام "

سكت لاني كنت دايم اكذب نفسي واقول لا سعد لي

"وانتي بعد لازم تزوجين وتشوفين حياتك "

"وشو؟؟"

"ايه تزوجين ليه ناويه تعنسين ولا بتقطعين نصيبك علشانه "

كنت برد عليها بس قطع علينا صوت الجوال طالعت الشاشه كان رقم غريب

"ردي شفيك"
"رقم غريب ما اعرفه "

"امممممم "

سكت الجوال وحنا ساكتين رجع يتصل وكان مصر الا ان احد يرد مثل المرة الاوله

خذت مني سارة الجوال وطالعت الرقم وبعدين رجعت تطالعني



http://www.wtv-zone.com/nevr2l82/bars10/BLKROSE.gif

[أصعب جرح]

(( الســـلامـ عليكــــمـ ورحمـــة اللـــهـ وبركــــاتهـ ))


بدايه حلووووووووووووووووووه...

مسكينه كاسره خااطري امووله..

وحبيت شخصية نووف وااايد...

بالتوفيق يالغلا في هالروااايه..


وان شاء الله اكون من المتابعين الدائمين للروايه ..

في انتظار البارت القادم ان شاء الله...

[خيال عابر]

(( الســـلامـ عليكــــمـ ورحمـــة اللـــهـ وبركــــاتهـ ))
وعليكم السلام ورحمة الله :bye1:

بدايه حلووووووووووووووووووه...
تسلمين من كثر الووووووووووووووووواو حسيتها اعجبتك :msn-wink:
مسكينه كاسره خااطري امووله..>>:tears:

وحبيت شخصية نووف وااايد...>>:shiny:

بالتوفيق يالغلا في هالروااايه..>> خلينا نقول حكاية علشان تكون اقرب لكم :icon35:


وان شاء الله اكون من المتابعين الدائمين للروايه ..

ياهلا وان شاء الله الاحداث الجاية اقوى:nosweat:

في انتظار البارت القادم ان شاء الله...

نورتي اصعب جرح :icon26: لك احترامي يالغلا

[مذهلة الخليج]

تسلمين والله ياخيال من اول سطر حسيت بنجذب
الاسلوب مرره سلاس وحلو الفكر بعد مره حلوه
ماشاء الله عليج صراحة
امل ضحية عرفنا امل بس بااقي نسمع مبرر سعد لي طلقها يمكن في احد ضغط عليه >>طيب مساعد رجع لي زوجته
ليه هم مافي احد حول يرجعهم >>>احس في سر مو معروف
المتصل اكيد سعد بس وش يبغي من امل من خلل كلام الرساله باين انه سعد
وناااطرين باااقي القصة بكل شوق اتمنى تكملينها عشااان نعرف الشخصيااات ونفهم القصة اكثر تسلمين على القصة
مذهلة

[كشه منفوشه]

السلام عليكم ورحمه الله وبركاته
انا بصراحه حبيت القصه ,,,,,,وبذات شخصيه امل ,,,,,ونوف
وانا اتوقع المتصل ,,,,,,,,,,,,,, سعد ويالله انا وكشتي ونتظار البارات الجديد
ان شاء الله يكون في اقراب وقت
تقبلي مرور كشتي

[صوغة]

بدايه حلوه ومشوقه بس وقفتي بمكان اخ بس يالله ننتظرك لا طولين

[الراكده]

:icon35:بداية موفقة،،،:icon35:

وأسلوب رائع،،،

وتسلم أناملك الذهبية التي أبدعت في كتابة القصة ،،،

ننتظرك ،،،،


:icon26: :icon26: :icon26: مع خالص حبي :icon26: :icon26: :icon26:


الراكده

[شمعة الدار]

بداية موفقة ننتظر شرح بعض الاحداث التكملة للحكم


سلمت يداك

قوووووووووو هييييييييييييد

[خيال عابر]

تسلمين والله ياخيال من اول سطر حسيت بنجذب
الاسلوب مرره سلاس وحلو الفكر بعد مره حلوه
ماشاء الله عليج صراحة
:nosweat: الله يسلمك ياقلبي من ذوقكـ
امل ضحية عرفنا امل بس بااقي نسمع مبرر سعد لي طلقها يمكن في احد ضغط عليه >>طيب مساعد رجع لي زوجته
امل تقول لكم بالجاي كل الحكاية:msn-wink:
ليه هم مافي احد حول يرجعهم >>>احس في سر مو معروف
:no:
المتصل اكيد سعد بس وش يبغي من امل من خلل كلام الرساله باين انه سعد
:in_love: ياحبي لذكي انا
وناااطرين باااقي القصة بكل شوق اتمنى تكملينها عشااان نعرف الشخصيااات ونفهم القصة اكثر تسلمين على القصة
مذهلة>>كاني قاريه اسمكـ في مشاهدي خفايا شوق في المنتدى الاول :bye1:



نورررررررتي الحكاية وانتظري البقيه اتمنى تكون مرضيه


السلام عليكم ورحمه الله وبركاته
وعليكم السلام ورحمة الله يا احلى كشه في العالم:clap:
انا بصراحه حبيت القصه ,,,,,,وبذات شخصيه امل ,,,,,ونوف
تحبكـ العافية ان شاء الله يا قلبي :in_love:
وانا اتوقع المتصل ,,,,,,,,,,,,,, سعد ويالله انا وكشتي ونتظار البارات الجديد
نشوف في البارت الجاي وامل تنتظر : وكشتكـ قبلك :bye1:
ان شاء الله يكون في اقراب وقت
تقبلي مرور كشتي

كشة منفوشه نوووووورتي يالغلا:icon26:

[خيال عابر]

بدايه حلوه ومشوقه بس وقفتي بمكان اخ بس يالله ننتظرك لا طولين
:nosweat: معليه لااااازم حماااااس :bleh:


ياهلافيك صوغة نوووووورتي:icon26:

[خيال عابر]

:icon35:بداية موفقة،،،:icon35:
>>:in_love:
وأسلوب رائع،،،
>>:in_love:
وتسلم أناملك الذهبية التي أبدعت في كتابة القصة ،،،
>>:in_love:
ننتظرك ،،،،
:shutup:ماخليتي لي كلام اقوله تشكرات على كلامكـ العسل وانا انتظركـ:icon26:

:icon26: :icon26: :icon26: مع خالص حبي :icon26: :icon26: :icon26:


الراكده

نووووووووووورتي حبيبتي:clap:

[خيال عابر]

بداية موفقة ننتظر شرح بعض الاحداث التكملة للحكم

:nosweat: موفقة بدعمكم يالغلا والاحداث عند امل هي بتقول لكم :tears:
سلمت يداك
الله يسلمكـ
قوووووووووو هييييييييييييد

نوووووووورتي شمعة الدار :msn-wink:

[خيال عابر]

http://i461.photobucket.com/albums/qq337/n11n11n/heart-1-1.gif
..لا تــشــكــو للـناس جرحـا أنت صـاحـبـه لا يألـم الجـرح الا مـن بـه ألم..
(2)

"ردي شفيك"
"رقم غريب ما اعرفه "

"امممممم "

سكت الجوال وحنا ساكتين رجع يتصل وكان مصر الا ان احد يرد مثل المرة الاوله

خذت مني سارة الجوال وطالعت الرقم وبعدين رجعت تطالعني



قفلت سارة الجوال على الصامت وكانت معصبه وصارخت علي

"تكلمينه؟؟"
"من؟"
"من غيره سعد!!"
"لا "
استغربت تصرفاتها وجلست تقلب في الجوال وانا كني في تحقيق متوترة وافكر شفيها ذي
" قد جتك رساله غير هذي "
"لا"
"اللي يتصل قبل شوي هو؟؟"
"هااه" كنت مصدومه انجنيت "شيبي يتصل علي "
وضربت خدي "لايكون الرساله منه بعد"
كنت اردد الكلام ورى بعض



vvvvvvvvvvvvvvvvvvvvv









راحت سارة بعد ما حرصتني ما احد يدري وهي بتتصرف
انا بحالة صدمه شيبي سعد ورسالته اللي حفظتها من كثر ما قريتها

"خذلني غالي يومني اغليته "
"الجرح كبير وحطم امالي "
"ليه شـ سويت انا "
كنت في حالة صدمه اردد كلام في عقلي..الي نبضات قلبي معه تردد كلامه ..

وافكر واراجع نفسي ما لقيت شي
الساعه 12الليل فتحت جوالي لقيت فيه رساله واتصالين من نفس الرقم
"ودي قبل موتي ارد اعتباري اخاف اموت وخاطري منك مكسور "


في البداية حسيت بنشوة فرح قلت زين اني اشغل لو جزء من تفكيره بعد اللي سواه
بعدين انكمشت بعد تفكيري شيبي مني وهو بيتزوج معقوله انه يحبني
خلاااااااااص بس خل تفكيري يوقف هنا
ما ابيه يتطور الى شي ثاني يخرب علي ههههههههههه >> صدق حنا يالبنات ناقصين عقل ^_^


وما وقفت تفكير لحد ماوصلت هنا
ارسله ولا اكلمه لا اااااااااااا هنا وstop انا مسويتها وانا على ذمته اسويها اللحين >.<


كان احساسي مبعثر مثل افكاري مرة
بالم لانه رجع لي ذكرى انا احاول انساها
بفرحة ناقصة لانه حتى لو كان اللي افكر فيه صح مستحيل ارجع له
واللي متاكدة منه اني احس بضياع

/:/:/:/:/:/::/:/://




مرت الايام والسالفه في بالي ما نسيتها

اجازه نص السنه كم يوم قصيتها بضحكه ومزحه مع خواتي وحب وحنان عمتى حصه ومع شقاوة العيال
ومابقى الا اسبوع على الدراسه
في يوم كان الجو ربيعي والهواء منعش وصوت العصافير كنها تناديني اطلعي تمشى وشوفي الجو الحلو اللي حنا مستمتعين فيه
طلعت اتمشى في النخل انا وموضي كانت تستغفر وانا امشى معها بصمت اتامل النخله كيف اذا كبرت انحنت مثل الانسان اذاكبر في العمر وانحنى عوده
وقفت عند نخله طويله وخطرت في بالي فكرة مجنونه وقفت موضي مستفسره
"وش رايك اتسلقها؟"
"منتي بصاحيه واذا طحتي وش اسوي انا "
"صدقتي عاد اني بطلع عليها "
" خلينا من النخله ابي اقولك شي لكني مستحيه منك "
"مستحيه !!!؟؟" وانفجت ضحك
ضربتني على كتفي "مالت الشرهه علي انا ولا انتي ما عليك شرهه"
وراحت وخلتني لحقتها وتمسكت في ذراعها وقلت لها بدلع وانا اقلد رغد والف وجها علي "ماما حبيبتي اسفه اخر مرة "

التفتت لي وطالعتني وهي تضحك "كل ما قلت انك كبرتي وعقلتي اكتشف انك كل يوم اخبل من الثاني "
سبلت بعيوني لها وقلت امثل الزعل"انا خبله الله يسامحك ...مقبوله"
بعدين سائلتها بسرعه "طيب وش كنت تبين تقولين قبل شوي؟؟ "
"صراحه ابيك تسالين حنان عن شي "
استغربت "حنان ؟!"
"ايه بصراحه سمعت ان علي متقدم لها وحنا نبيها لفهد "
"وبدور اقصد انها بنت عمها يعني!!"
"بنت عم قفى ">> يعني >> بنت عم ابوها خخخخخخخ
"وحتى!.. قرايب تخيلي تطلقون وحده وتاخذون بنت عمها "
"طيب عادي هذا سعد بياخذ مها وهي بنت عمكـ"
طلعت عيوني مترين ابتسمت لي
"لا تزعلين!! بغيت اعرف شـ موقفكـ وهو بياخذ بنت عمكـ ......"
عصبت عليها " مافيه داعي للف والدوران وانتي عارف اني كتاب مفتوح قدامكـ كان سالتيني مباشرة" ولفيت عنها بروح لا كنها وقفتني
"امل ..
وقابلتني بنظراتها وقال بجدية وهي معصبه حيل
اصحي لنفسكـ واحد مثله المفروض ما يشغل ولا جزء من تفكيركـ .. وصدقيني ماراح توافق عليه لا مها ولا أي وحدة تعرفه زين ... هذا انسانـ "
وقاطعتها مابيها تسبه قدامي حتى ولو مانسيت انه ولدعمي
"موضي خلاص اللي فيني مكفيني.. قفلي على لموضوع رجاءً "
سكتنا مدة وانا مزاجي زفت ادري انها تحبني وانا بعد احبها
اعتبرها اكثر من اخت
قالت لي "امل اتكلم جد .. اسالي حنان ؟"
"اسالها شــ قول حنان فيه احد متكلم عليكـ"



بصراحه رفضت طلب موضي احسها صعبه حتى لو اني امون عليها تخيلتوا اتصل على البنت واسالها انخطبتي ولا لا فشلـــــــــــــــــــــــــــه
موضي قدرت موقفي اللي شرحته لها وتفهمته وانتهى اليوم باتصال من سارة غريب نوعا ما
"امل هو سوال ورد غطاه صدق ولا لا "
"لا مو صحيح هالكلام من وين سمعتيه "
" سمعته وخلاص بس ذاك اليوم ماشالت عينها "
"يعني كل وحده تطالعني اليوم الثاني تخطبني لولدها "
"يعني اتطمن ان ام عبد الرحمن ما خطبتك لولدها "
استغربت منها " سارة ليه كل هالاسئله؟؟ وش يهمك ؟؟"
ردت بموجه اسئله ثانيه "يعني عمتك ما قالت لك ؟ ما لمحت؟ ولا قالت ان اختي قالت شي ؟"
نرفزتني باسلوبها "لااااااااا ما قالت افففففف طفشتيني "
"طيب يالله مع السلامه اشوفك بكرة " سكرت قبل ما اقول شي
نغزني قلبي مدري ليه؟


الصبح قمت نشيطه
لبست جلال وطلعت اتمشى معي زياد بن محسن في ثاني ابتدائي
راح زياد لابوي في المجلس ولحقته وكنت خلاص نعسانه بس بسلم على ابوي وبطلع انام جلس زياد مع ابوي وانا طلعت بروح انام


"امل"
لفيت اشوف من ؟؟..لمحه زول رجال.. لفيت عنه وانحشت داخل البيت ..ودخلت غرفتي وسكرت الباب وقلبي يخفق بقوة وادعي ربي ان محد شافه




بعد ساعتين من التوتر سمعت صوت

رحت لنافذه وشفت سيارته السودا اللى امس طالعه من البوابه
جلست على السرير وانا اضم ايدي لعل هالرجفه تخف ونبرة صوته للحين باذني انسدحت وغطيت راسي بالمخدة واظغط على راسي ..استغفر الله شـ انا مسويه علشان أتوتر كذا
جلست افكر فيه مدري على ايش احبه؟ الكل يذمه.. صدق الحب اعمى!!
واستغربت زيراته لابوي هالايام علما ان ابوي زعلان عليه كثير
وازيدكم ابوي اللي طالب منه يطلقني لاتقولون ليه؟؟
لانه مايستاهل! امممممم بعدين اقول لكم!! >> *_^

تو عيني تغمض والا صوت الباب
كانت موضي فتحت لها
كانت مبسوطه ووجهها منور

"صباح الخير"
"صباح النور "وابتسمت لها اكيد عندها شي
"امل انا برجع مع العيال لرياض محسن بيرجع بكرة او بعده"
انبسطت وجلست اناقز موكني قبل شوي تعبانه وصرخت فيها
"احلففففففففففففففففففففففي"
ردت علي وهي تضحك"والله ليه شايفتني بزر قدامك تكذبيني"
" ايه !اشوف الوجه منور "وغمزة لها
ياحليلها صارت طماطه "ايه هذا ابومنصور الغالي ليه ما انبسط "
"ياعيني على الحب حتى الشيبان حبيبه " هذا كان صوت منصور جاي واقف على الباب
وجلس يعلق على امه الولد ذا جرئ بشكل ماتتصورون
"يالله يمه بعد الصلاة بنمشي تجهزي "
قلت "يوه سارة بتجي بعد الصلاة بتصل عليها وبقولها اني بروح "
رد منصور علي "لا منتي برايحه معنا جدي يقول لاتروح عمتك معكم "

"ليييييييييييييييه بتبداء الدوامات الاسبوع الجاي"
هز كتوفه "مدري بس انا اعرف جدي اذا عنده شي تلمع عيونه لمحه شيطانيه خخخخ "
ضربته امه "ايا قليل الادب جدك شيطان "
ضحك "لا مهوب هو لمعة عيونه بعدين لاتعصبين خليس ريلاكس"
سالته وانا خايفه
"منصور بالله ماتدري ابوي شـــــ يبي؟ "
"لا والله مدري بس وراه شي بس انتي قوي قلبتس "
ردت موضي"اكيد مابه الاالخير لا تشيلين هم وبعدين تعرفين هالمطفوق يحب يكبر الامور"
توترت من كلام منصور "يارب خير"
"يالله ..انا بروح اشوف شغلي "وطلعت موضي ومنصور منسدح على سريري
"هيه انت خير قم ما احب احد ينوم على سريري "
تعدل وجلس على طرف السرير بهدوء" امل ......امممممم ولا خلاص بعدين "كان يبي يقول شي بس متردد
وقف وطلع من الغرفه بسرعه كنت متاكدة ان منصور عارف شي
ما سالته خايفه مرعوبه مدري ليه ؟؟
احساسي يقول فيه شي راح يصير!!



///////////////////////////////////


صحيت على نوف تهز كتفي "امل قومي خلاص يكفي نوم "
كنت تعبانه انا حاسه اني مانمت الادقيقه من كثر ما كنت افكر
"نوف خليني تعبانه مانمت الا الصبح "
"طيب سارة تحت وش اقولها "
رفعت جسمي وناظرت نوف كانت هاديه غريبه وين راحت دفاشتها
"شفيك تطالعيني تراني صادقه سارة تحت في المجلس تسال "
"افففففف خلاص دريت بنزل اللحين "
"صلي ترى الساعه وحدة ونص "
رحت اصلي وطلعت لي ملابس لبست تنورة رمادي ميد وبلوزه بيضاءواسعه من فوق وماسكه من الخصر ومشطت شعري طويل يعني لاخر الظهر ومن قدام مدرجه غرتي شوي واكرهه ناعم بزياده حتى في الكليه مدري وش اسوي فيه لميته ورفعته بشباصه اتمنى اني اقصه لو شوي لنص ظهري بس ابوي حالف يمين ما اقصه كملت لبسي وتعطرت وما حطيت ابد مكياج حتى الكحل








نزلت لصاله لقيت الخدامات يحطن السفرة ابوي مثل عادته كل جمعه بعد الصلاة الغداء عندنا (تجمع العائله بس مو اجباري ) ورحت اسلم على سارة بس المفاجاءة انها ما كانت لحالها كانت معها ام سعد مرة عمي ناصر و بنتهاصيته مرة اخوي مساعد وسلمت عليهم وكانت مرة عمي ترحب فيني بحرارة واستاذنت وطلعت وانا توتري زاد غريبه وش جايبها
ومرة عمي ما تطيق عمتي حصه وش جابها ماتجي الا اذا عمتي نورة هنا ولا مرة عمي عامر
>>يعني اذا احلافها موجودين
رحت اشرف على الخدامات وانا اهوجس دخلت المطبخ وجلست ارتب الصحون السلطه واغلفها ومعي نوف وهدى ودخلوا الرجال يتغدون على الساعه ثنتين ونص
سالة هدى "وش الطاري على ام سعد جاية اليوم"
ردت علي "مدري بس اسمعها تقول انها تعبانه وماودها تجي بس ابوي ملزم عليهم يجون "
غريبة دائما عزيمة الجمعه لرجال يعني الحريم مايجن
نوف ساكته ما تكلمت ابد استغربت سكوتها وجلسنا نساعد الشغلات واذن العصر وصليناورجعنا نكمل حتى انه ما لقيت وقت اجلس مع سارة اللي راحت بدري لان ولدها تعبان
العزيمه كانت كبيرة لانه فيه ناس ابوي عازمهم ما كنت مثل دايم عائلية والوقت راح بسرعة
بعد المغرب كنت بالصالة مع خواتي
دخل علينا حمد وهو يبتسم ويطالع فينا
"السلام "
ردينا عليه السلام وكان يناظر نوف نظرات غامضه وانا مستغربه
"هاه ما قالت لكنّ نوف "
هدى "وش تقول لنا "
"يعني تبون تفهموني انها ما قلت لكنّ شي"
رديت عليه"عندك شي قله ما عندك شي اطلع وخلينا هادين "
كنت ماني رايقة لمشاكلهم عاد هم مثل الزيت والنار قال وهو يضحك
"افا يا نوف للحين ساكته ماعلمتيهنّ غريبه "
انفجرت نوف فيه وهي تبكي "خير وش تبي انقلع ودفته وطلعت "
وقفت انا وهدى مصدومين من اللي صار وكل وحده تطالع الثانيه
دخل مساعد " السلام ...امل تعالي "
رحت معه دخلت المجلس الداخلي لقيت دفتر
عطاني قلم وقالي وقعي

http://www.wtv-zone.com/nevr2l82/bars10/BLKROSE.gif

[شمعة الدار]

لالالالالالالا ليش عند هالنقطة وقفتي بلييييييييييييييييز كملي بليييييييز

اما البارت شي

سلمت يداك

قووووووووووو هييييييييييييييييد

[مذهلة الخليج]

هلا بيج والله يعني مررررره ثااانية امل بينكتب له زوج اجبااااري
ولا على كيفها مجبوره توقع معنها اكيد سعد هو المقصود

بس ليه الكل يذمه؟؟>>>يمكن يتصرف بتسرع غبي اتوقع
ونوف ليه انفجرة في البكي كذا ؟؟؟>>>يمكن ماتبغي امل تاخذ سعد

ونننتظر الجاااااااااي بكل شوق يعطيج العافية خيااال
مذهلة



خخخخخخخخخ على سلفة اسمي شفته والله مادريت عنها القصة غير الان بس انتي عرفتيني وين >>يعطيج العافية على التغشيش خخخخخخخخخخخخخخ

[خيال عابر]

لالالالالالالا ليش عند هالنقطة وقفتي بلييييييييييييييييز كملي بليييييييز
بكرة لعيونك فيه بارت:icon35:
اما البارت شي
:in_love: خجلتيني
سلمت يداك

قووووووووووو هييييييييييييييييد
يسلمكـ ربي من كل شر :icon26:

[خيال عابر]

هلا بيج والله يعني مررررره ثااانية امل بينكتب له زوج اجبااااري
:no::tears::no::tears: >>تكسر الخاطر
ولا على كيفها مجبوره توقع معنها اكيد سعد هو المقصود
:nosweat: انتظري امل تقولكـ
بس ليه الكل يذمه؟؟>>>يمكن يتصرف بتسرع غبي اتوقع
:icon34: مدري بتشوفين :icon6:مع الاحداث
ونوف ليه انفجرة في البكي كذا ؟؟؟>>>يمكن ماتبغي امل تاخذ سعد
:no: يمكن
ونننتظر الجاااااااااي بكل شوق يعطيج العافية خيااال
مذهلة>>ربي يعافيك يالغلا وانا بعد انتظر بشوق مثلكم :shiny:



خخخخخخخخخ على سلفة اسمي شفته والله مادريت عنها القصة غير الان بس انتي عرفتيني وين >>يعطيج العافية على التغشيش خخخخخخخخخخخخخخ

ياحليلكـ >>مذهلة الخليج طلعتوا ثنتين
بس ذيك شفتها وما ردت ابد :sly:
اكيـــــــــــــــد مو انتي :msn-wink:

انتظركـ>> في القادم
دمتيـ بخيــــــــــــــــــــــــــــر :icon26:

[مذهلة الخليج]

خخخخخخخخخخخخخخخخخخخخ ياااقلبي ياخفيا ان هي نفسه
هنا وهناااك بس تصدقين ماذكر اني قراتها من قبل >>>كنت نايمه يومني ادخل هههههههههههههه

[خيال عابر]

خخخخخخخخخخخخخخخخخخخخ ياااقلبي ياخفيا ان هي نفسه
هنا وهناااك بس تصدقين ماذكر اني قراتها من قبل >>>كنت نايمه يومني ادخل هههههههههههههه

شكلك كنتي نايمة يا مذهلة :msn-wink:

الموهيم

انا جايه هنا ما ابي احد يجاملني :shiny:
وانتي خليك سكتم بكتم :shutup:

[خيال عابر]

http://i461.photobucket.com/albums/qq337/n11n11n/heart-1-1.gif
..... ما بقالي قـلب يشفع لك خطيّه...

(3)
عطاني قلم وقال وقعي
رديت بهدوء عكس البراكين اللي تفجر داخلي "بس انا مابعد وافقت"
"وقعي وانتي ساكته "
رفعت حاجبي وقلت بتحدي" واذا ما وقعــ........
ما كملت كلامي لانه عطاني كف احس بعده جاني غمام على عيوني
"وقعي موب لعب بزران هو "قالها بصراخ هو دايم كذا حتى لو يقول جيبي كاس موية
لكن هذا يبيني اوقع علـ......
كنت ماني مستوعبه وش يصير ؟؟ تو عمتى مكلمتني من اسبوع على ان الموضوع بيننا
لكن ماتوقعت ان الموضوع رسمي وتكون ملكتي اليوم
مسكني من كتفي ووجهه فيه حزن غريب وعيونه فيها شبه دمعه " وقعي ياامل "
صرخت فيه بكل صوتي "لااااا.. مانيب موقعه .. اوقع على وش ؟؟"
وبدت عيني تخوني ودمعي ينزل وانا امسح فيه
قال "لا تفشلينا وقعي واخلصي الرجال في المجلس ينتظرون "

مساعد نا ظرني برجاء ورد على جواله"جاي اللحين ... طيب يبه ...ابشر ..مع السلامه"
صرخت بكل قهر "ماابـــــــــيه ؟؟ ماابي اتزوج غصب"
يناظرني وعيونه تقدح شرار "ايه غصب .. اخلصي علي "

ناظرت عيون مساعد وهمست له بضعف" ماابي"
قال وهومسكر عيونه ويشد على حروف كلمته "تكفي شري بالله ياامل؟"
قلت له "خلي ابوي يوقع بدالي ما نيب موقعه سواها مرة موب عاجز يسويها ثاني مرة"
"يقول انتي اللى توقعين اخلصي "
دريت اني مهما حاولت ماراح اقدر عليه"لييييييييييييه؟؟" وجلست عند رجوله ابكي "ليه حرااااااااام عليكم حرااااااااام"
نزل عند راسي وقال "صدقيني ما راح تندمين وقعي "
طالعت فيه مساعد يترجاني انا ؟؟ عقلي وقلبي كلهم يقولون لا


























" ياامل لاتفضحينا ..لا تفضحينا "



هزتني هالكلمه وقعت بلا شعور باللي حولي ثامر وحمد مصدومين مني عطى مساعد حمد الدفتر طحت عقبها منهاره ضمني مساعد وانا اشاهق ما عاد اقدر اتنفس انقطع الهواء ابي اتكلم ابي اتحرك مقدر خلاااااااااص ما حسيت الا مويه بارده على وجهي وقفني مساعد وانا للحين مصدومه ودخلني جناحه الخاص اللى بالدور اللي تحت وفتح المويه ودخلني بملابسي تحتها وسمعته ينادي هدى ونوف سمعت صوت هدىومدري وش قال لها جلست تحت المويه ابكي ودموعي نار قهر وظلم وايديني ترجف وحطتها على قلبي اللي بيوقف من الم اللي يعصره رجعت هدى ودخلت علي وهي تبكي وعطتني منشفه وملابس وسكرت باب الحمام وانا قفلت الباب وجلست وراه ابكي وابكي على القسوة مالي راي مافيه امل افرح مثل أي بنت ليه وش ناقصني ابكي ضعفي وسلبيتي نزلت ملابس وطلعت وانا لامعه شعري بالمنشفه ولابسه جلابيه عنابيه لقيت مساعد منزل راسه بين يديه ويفرك جبهته وشماغه جنبه ورفع راسه وشافني
قالي "لا تطلعين اللحين "
رحت وجلست على الكنب وانا افكر اللي صار حلم ولا علم
"انا بطلع اللحين وبرجع بعد نص ساعه "
ما رديت عليه وما طالعت في وجهه بعد حوالي ربع ساعه ما كنت مع العالم مخي موقف ما يفكر تخيلوا اني قاعده اتامل نقشات الزوليه والكنب والستاير



Vvvvvvvvvvvvvvvvvvvvvvvv



مشاعري لا توصف فاقت
الخيال
ليس لها معيار
لكن
بماذا اشعر ؟؟
VvvvvvvvvvV







طلعت من جناح مساعد اللى هو مقابلني وكان يبتسم لي وانا احس الدنيا تدور فيني تعبانه و ميته قهر
" تقول نوف ما تغديتي ؟؟"
اكيد انه يستهبل ما رديت عليه ونزلت راسي رفع راسي وناظرني بنظرة جديه
وقال "لاعاد توطين راسك......"
ارفع راسي وانت توك ضاربني كف على وجهي قلت له "طيب ليه تغصبوني ليه ؟؟.."
قالي "روحي ارتاحي وكلي شي !!على فكرة أبوي سال وقلت له تعبانه ونايمه "
طالعت فيه وعيني في عينه قلت له بالغه الي ما تحتاج ترجمه اكل واشرب وارتاح قلي كيف وقلبي ينزف
"تراه غصب عني"
ما رديت عليه مدري وش اللي غصب الكف والا الزواج ولا الحنان اللي اول مره اشوفه فيه









رحت لغرفتي لقيت عمتي حصه فيها شكلها تنتظرني اول ما دخلت ضمتني بحنان بس انا كنت ادور أي احد انفجر فيه"معليه يمه كل وحده ما تخذ الا نصيبها "
كانت القنبله اللي قالته صرخت فيها "نصيبي وش ذا النصيب اللي ......
ما كملت كلامي لانها سكرت فمي بيدها " لاتعترضين على حكم الله "وعسى ان تكرهوا شي وهو خير لكم ""
قلت لها وانا بصوت " ياعمه ترضينها لهدى ولا لنوف ترضين "
ضمتني " انتي بنتي بعد وماني براضية لكن هو ادرى بمصلحتس " بعدت عنها ونفضت يدها عني
"خلاص......... بسسسسسسسس مليت ابوي ..مساعد وانا اااااا مالي راي ليه لاتقولين مصلحتي ولانصيبي لا تسمونها على كيفكم هذي ذبحه ذبحتوني اه اه "
جلست على طرف السرير وضمتني عمتي في حضنها
وانا ابكي وعمتي حصه تقرى علي "قومي يابنتي صلي واطلبي الله "
ولبست روب قطني لونه سماوي لنص الساق صليت العشاء وغفيت شوي حسيت بيد مساعد تمسح شعري وعمتي جالسه معه يسولفون بصوت واطي عندي

"امل ..امل "
اسمع صوته بس متكسرة مقدر راسي يوجعني "هممممممم "
"تعبانه نروح المستشفى "
عدلت جلستي وهزيت راسي بلا






دخلت نوف ومعها عصير برتقال واكل مانظرتها نزلت الصينيه اشرت بيدي شيليها كنت برجع ما قدر اشم ريحة الاكل ركضت للحمام
طلعت ولقيت نوف معها عبايتي تقول " مساعد تحت في السيارة "
اخذت عباتي وحطيتها بحظني وجلست " نوف ابوي فيه ؟"
" لا معزوم ......
ما كملت كلامها رفعت راسي وابتسمت لها " عمي ناصر هااه؟"
ضمتني وجلست تبكي بمراره وانا اقول في خاطري وش فيها لهدرجه اكسر الخاطر
"نوف حبيبتي خلاص يكفي .."
"والله يا امل ما كنت ادري .. لكني سمعتهم يتكلمون تحليل و ما كنت ادري انه عن تحليل زواج بعد ماقال لي حمد الظهر"
صح ؟! كيف وانا ما رحت وكانها تقرى افكاري ردت علي
" عايض مدير الصحية =المستوصف "
كنت اضحك داخلي تزوير
" تدرين اخاف بكرة يسون فيني مثلك "
ناظرتها وانا خايفه من كلامها
مساعد >>يتصل بك
"هلا مساعد" "السلام وين؟ انتظر في السياره"
"وعليكم السلام "
" يالله انزلي نروح المستشفى"
"الحمد انا مافيني شي وما ابي اروح مكان "
بصوت حنون حيل"اكيد ؟"
"اكيد!! "
"طيب تعالي خلينا نتمشى "
"مساعد الله يخليك اتركني براحتي انا ما ابي شي ابي اجلس لحالي شوي "
"عندي سالفه"
"وانا ما ابي احكي معكـ لا اليوم و لاغيره "
شكله زعل "طيب على راحتس "وسكر في وجهي
لفيت لقيت نوف طلعت من الغرفه وانا اكلم مساعد
بعدها قفلت باب غرفتي وجلست فيها افكر باللي صار اليوم واحاول استوعب
اول شي جاء في بالي سوير اكيد انها كانت تدري لانها سالتني عنه
وابوي اللى من سته شهور رافض فكرت اني اتزوج لما خطبني ولد صديق محسن
وعمتي لية ماقلت لي ان اليوم الملكة ؟!

مساعد القوي القاسي وش هالحنيه اللى نزلت عليه
وقفت كل افكاري عند مشاعري انا
كانت مزيج من الاحاسيس
خوف من اللي جاي
قهر من طريقتهم
و احساس غريب ما عرفته؟


vvvvvvvvvvvv
الضياع
عندما تعلم من ؟اين ؟كيف؟
انت!!!!!!!
ولكن
عندما تسال لماذا ؟
فلا تجد اجابه انه
الضيااااااااع
vvvvvvvvvvvvvvvv




طول الليل وانا اتقلب يمين ويسار
وقررت اني اتنظر ابوي الصبح واتكلم معه
ماتوقعت ابد انه يسويها ويزوجني غصب عني ثاني مرة

الصبح الساعة 7 رحت للمطبخ وسويت لي توست بالجبن وحليب وجلست اكل ولما خلصت طلعت لصاله مافيه احد الكل نايم الا انا
لكن سمعت صوت غرفة ابوي ينفتح بابها وطلع بهيبته وقسوته وحنيته وحكمته
سلمت عليه وانا خايفه من المواجهه مع اني كنت انتظره"السلام عليكم "
التفت علي ورد بابتسامته "وعليكم السلام صباح الخيــــــــــــّـر " وشد الياء
قربت من راسه " صباح النور "
وجلست يطالع فيني وانا كنت مستحيه من نظراته لي ونزلت راسي وكنت بمشي لان كل الكلام اللي ناويه اقوله تبخر من نظرة وحده منه وقفني صوته
"اسمعي يامل محسن بيجي اليوم اذا بغيتي تروحين معه روحي واذا ما بغيتي بكيفتس"
رفعت راسي له هاللحين هذا الكلام اللي كنت بتقوله ياناس بيجنني ما جاب سيرة للي صار عادي عنده
طلعت عمتي من المطبخ معها قهوته
وجلس على كنب الصاله واشر لي جنبه ورحت وجلست
لحظة صمت ثواني

"اسمعي وانا ابوس عبد الرحمن رجااااال وشاريتس ولواني احس انه موب يستاهل كان مزوجتس ياه "
حسيت بخجل ونزلت دموعي غصب عني

"لاتبكين ..انا اعرف مصلحتس واذا تقصدين اللى صار قبل كانت غلطة قلت ولد عمها وأولى فيها لكنه مهوب كفو طلع خايب و ردي وعبد الرحمن من يوم ما تطلقتي وهو يجيني وانا ارده ولو ماانت بغالية عنده ما عاد رجع يجيني على كثر ما كنت ارده "

ناظرته اللحين وين يعرفني هذا يخطبني وميت في دباديبي خخخخخخ على مين تلعبها يا ابو محسن
*اضحك ولا ابكي ؟؟:(

نقلت نظراتي لعمتي لقيتها تناظر تحت
نزلت راسي وسكتت
"واللحين ما بقى على نهايه الدراسه الا كمن شهر والعرس بالصيف "

متفاجائه بعد كم شهر ؟؟ واسمعها صدى كلمة في راسي مثل الطبول
"تبين تقولين شي ؟؟"

هزيت راسي بلا شــ بقول؟
" يالله اجل اروح اشوف حلالي وترى محسن بيجي الظهر"

وطلع ابوي وفهمت من كلامه انه يبيني اروح مع محسن اذا جاء

طالعت عمتي وبادلتني النظرة مالها لاحول ولاقوة ادري
وبدات تنصحني وتمدح عريس الغفله







جهزت اغراضي وتمددت على سريري مصدعه من قل النوم وذبحني التفكير
ماني مصدقه
ابي راسي يوقف ما ابي افكر خلااااااااااااااص
سوسو>>تتصل بك
طنشتها خليها تعرف تستغفلني شكلها عارفة بالسالفة
كانت اتصالاتها متواصله وانا مطنشه
وسمعت صوت مسج فتحته
" امل ضروري تردين "
هههههه ضحكت على طريقتها على بالها اللحين برد لو تموت ماراح ارد عليها

قفلت جوالي ارتاح احسن لي
قفلت الجوال وانفتحت على سيل من الافكار



///////////////////////////////




رجعت مع محسن اللى شكله كان ضايق لانهم ما انتظروه وزوجوني بدون علمه بس هو بطبعه كتوم وما ينفعل بسرعه وما يبين انفعاله
وما فتح معي الموضوع ابد
وطول الطريق مشغل قصيد ومشغل نفسه فيه
لمدة نص ساعه
بعدها التفت لي "امل ..استخرتي "
" محسن ... انا ااا" وما كملت خنقتني العبرة
خيم عليه حزن عميق مثل حزن مساعد ولمعه اللى في عيونه دمعه حايره
مسك يدي بيده اليمين وشد عليها " اذا ما تبينه علميني "
بسرعه بلاشعور "لااااااااااااا"
ابتسم لي "وشو اللي لا ...يعني ما تبينه "
حسيت ان احد كب على ماء مغلي من الفشيله وعرقي يصب وما عرفت اتكلم اصلا انا نفسي ما عرف وش؟( لا )ابيه ولا خايفه من الطلاق مرة ثانية ولا وشو على قولته نزلت راسي
سمعته يكلم " ايه ....مدري يمكن ... ايه بيتعشى عندي رجال ... منصور وينه ... كلميه خليه يجي بدري ...يالله مع السلامه "
بعدها رجع يناقشني
"اسمعي ياامل .. ابوي صح انه متحجر ومتزمت شوي .. وابتسم لانه يدري انه كثير مو شوي
.. لكنه حكيم .. هو غلط لما زوج سعد وهو مهوب كفو وطلـعـ ..
قاطعته بقهر "سعد ماهمني طلاقي منه قد ماهمني ان ابوي ماعبرني زوجني مرتين ولامرة اخذ رايي فيها بعدين وش دراكم انه هذا بعد مايطلع مثل ولد عمكـ "

سكت مدة .. احسه تضايق لاني قاطعته
"اعذرني ياخوي انا مقهوره .. المشكله اني عنده بالبيت ولا سالني.. مو المفروض يسالني ولاالحرمة مالها راي عنده ابد مو مهم رايي يعطيني خبر "
"عسى ان تكرهوا شي وهو خير لكم .." وكان رده مثل اللي قبله






وصلت البيت ودخلت قابلني زياد وسلم علي ودخلت على موضي في المطبخ لقيتها تحوس فيه سلمت عليها
"امل الله يعافيه تعالي ساعديني اخوك عازم خوياه "

"طيب بروح اغير ملابسي وجايه "
دخلت غرفتي وغيرت ملابسي ولبست جلابيه خفيفه ورديه فيها نقش بسيط ورفعت شعري ببنسه وطلعت لها في المطبخ لقيتها مبتلشة مع خدامتها

وسويت سلطة >> خخخخخخخ هذا اللي انت فالحه فيه ياخيال:)

ودخل منصور "هلا والله تومانور البيت هلا بعميمتي الحبيبه " وقرب يحب راسي وجلس ينغزني وانا اشتغل وانا ابعد عنه ما احب حركاته يقهر وحركت السكين في وجهه وانا اهدده
"ابعد احسن لك مو رايقه لك ابد "
"افااا وش في الاخلاق قافله اليوم "

تاففت منه "اففففففف منك "

موضي كانت متضايقه منه "منصور خذ الدله وروح لابوك "

"على طاري ابوي طول الوقت يهوجس مدري شفيه لايكون يمه بيعرس " :( >>ياثقل دمه

ضربته امه ودفته برى المطبخ وانا عرفت وش يهوجس فيه محسن
وموضي بعد ما اعجبني شكلها ابد كانت متضايقه حتى انها ماكانت تكلم معي كثير
الشغاله عطتها جوالها وطلعت تكلم برى وتاكدت ان عندها مشكله

ودخل منصور "يالله جهزوا السفره العشاء في الطريق "

"كل شي جاهز "

رحت اشوف السفره وارتبها وموضي ماجات ابد بعد ما قلطوا الرجال
طلعت من المطبخ ورحت لصاله لقيتها جالسه ووجهها احمر وخشمها وعيونها شكلها تبكي
"عسى ماشر "

"منار تطلقت ...طلقها الـ...ابن الـ..."

انصدمت منار تطلقت
" ليـــــــــــــش؟ "

نزلت راسها وسندته بكفها اللي على جبهتها شكله تاثير المصيبه
"طلقها باللى ما يرده بس بنتها ليه ياخذها ويحرق قلبها "

انتقهرت منه وجلس ادعي عليه بخاطري ما ابي موضي تتضايق وجلست اهديها واذكرها ان الله على الظالم
صح ان منار مغرورة وشايفه نفسها ودايم تستفزني بس انا ما اكرهها ورحمتها مسكينه بنتها ما كملت ثلاث سنوات ما اخذها منها وش هالجبروت واللى اعرفه انها حامل وما بقى على ولادتها شي
مساعد دخل علينا لقى امه تبكي وجلس جنبها وجلس يسالها وش فيها يالله حنوووووون هالولد مدري على من طالع صح ان محسن كذا بس الولد هذا حساس وعقله وتصرفاته اكبر من سنه ويحب امه بجنووووووووون>> و<< يحب يتمشكل معي !>.<

.. سمعت صوت رغوده تصارخ اكيد بدت حربها مع زياد... قامت لها موضي تشوفها ارحمها هالبنت بين ثلاث عيال كل واحد من جهه وهي دلوعه ابوها وما تحب احد يدوس لها على طرف ومع زياد يعني القطو والفارالله يعين موضي اللي فيها كافيها اشتقت لبيونه ورحت لها لقيتها نايمه وطلعت لغرفتي بعد ما رحت للمطبخ اشوف وش صار وقابلت موضي على الدرج
"بتنامين اللحين"

"مدري بس بروح اشوف اغراضي وارتب غرفتي "

" تعشي بعدين اطلعي لغرفتك"

"لا ما لي نفس "

"امل انتي فيك شي تعبانه "

"لا ابد مافيه شي ..تنهدت ونزلت دمعتي غصب عني ..انا ......"
سالتني"امل شفيك تكلمي وش مضايقك "

صرت امسح دموعي وابي اتكلم بس العبرة تخنقني كل ماجيت اتكلم ضمتني موضي ودخلت غرفتي

"اذكري الله "

قلت "لا اله الا الله"

"قولي وش مضايقك "

"موضي انا ......... انا ....... امس ..."

ما قدرت اتكلم ما عرفت اكمل

"وشو"

" ملكتي!!"

شفت الصدمه في وجهها
" امس وانا اخر من يعلم؟ ..على من ؟؟"

رديت بجواب واحد
"عبد الرحمن بن راشد"

تلعثمت وهي تتكلم "وانت ... اقصد شـ رايك ؟"

" مو مهم .. تنهدة وقلت لها ..مدررررررري"

حسيت انها متفاجائه مررررررة
"امل انتي متاكده انه عبد الرحمن؟؟ "

"موضي ..شفيك انتي تعرفين شي "

تجاهلت سوالي " طيب انتيييييي .. قصديييي .. يعنييييي"

ياربي شفيها المرة اختبصت كذا "موضي " شكلها سرحت في شي
"هاا "

"وش سرحتي فيه "

"لا ابد سلامتك بس ما قلتيلي محسن وش سوى لما عرف "

"مدري ما كنت موجوده بس شكله متضايق "

"علشان كذا مقفله جوالك "

رديت عليها وانا معصبه "لا علشان سوير ما ابي اكلمها "

تنهدت وهي تبتسم لي بحب "الله يوفقك ويكتب اللى فيه الخير .. ولا تخلين شي ياثر على دراستكـ خلاص مابقى الا هالترم وتتخرجين"

قطع علينا سوالفنا بنوته تجنن ياناس (دانه) بنت فهد اخو موضي امها(بدور) طلقها فهد بعد ماجابت دانه يعني قبل ثلاث سنوات و تزوجت العام الماضي وسافرت مع زوجها وتركت دانه عمرها (3)سنوات و(محمد)عمره (4)سنوات وعايشين مع ابوهم وجدتهم في الشرقيه مقر عمل ابوهم



كانت دندونه واقفه على الباب وقربت مني
بستها بقوه وجلسها بحضني وهي تلعب بشعري
دخل علينا حمودي وباسني على خدي

(هلا حمودي وش خبارك ؟؟ طيب ؟؟)

هز راسه بنعم خجول- _ *أي هين بعد شوي تطلع شياطينه
(ما تصدقين من العصر وهم يسالون عنك ؟؟)

(ياحبي لهم حتى انا اشتقت لهم )

(بيروحون يوم الاربعاء الجاي )

(ليه طيب مو يقولون بيجلسون بالرياض وش يرجعهم لشرقيه )
(والله يامل مدري فهد متقلب كل يوم له راي شوي بيخليهم عند اهلي وفجائه يغير رايه وياخذ امي معه وأنتي عارفه امي كبيره وتعبانه)

(طيب ليه مايتزوج ويفك عمره )

جلست تناظرني مدة ( خايف على عياله )

(بصراحه فهد معقد بيجلس طول عمره كذا بعدين يدور وحده تخاف الله .. واللي يخاف الله ماينخاف منه )
(والله قلت له بس ما رضى ... حتى امي شارت عليه بس هو الله يهديه ما...) وسكتت بعدها رددت
(الله يعينه ) شكلها خافت تقول شي

(ااااااااامين يارب ) ما بغيت احرجها
(يالله انا بروح أكيد طلعوا الرجال وانتي نامي وانتوا ياعيال يالله قدامي )
كانوا عند مرايتي يسون حركات ورغد تفتح الدروج الكمدينه ياااارب على هالبنت ملقووووووووفه محمد طلع مع عمته موضي
ودانه ياعمري لصقت فيني خدودها حمرا هي بيضاء وشعرها كيرلي اسود وعيونها صغار برمش كثيف ودبدوبه ولابسه تنوره جينز قصيره وتيشرت اصفر بدون اكمام وشراب فيه رسومات قصير ومنزله جزمتها دايم تضحك على أي شي بشوشه
وحمودي حكايه ذكي داهيه شعره ناعم غير عن اخته ومخففه واسمر شويه بس عليه عيون ما شاء الله تجنن ونظرة قويه بعض الاحيان احسه ا كبر عن عمره
ورغدبنت محسن سوسه ما فيه شي ما تخربه في اولى ابتدائي قاهرتني
طلعت موضي وخلتهم عندي (رررررررررغد شتسوين )
حطت يدها على خصرها وهزته (العب )
( يالله اشوف روحي لغرفتك نامي الساعه احد عش وانتي ما نمتي )
(لااااااماابي اروح بجلس معكم )وتناظر دانه اللي واقفه على سريري تنطط التفت
(دانه عيب اجلسي حبيبتي)اجلست تسوي نفسها مؤدبه
(يالله رغد روحي نامي ترى امك بتزعل عليك )
(ماابي اول تطلعين دانه بعدين اطلع )
صبراً جميل والله المستعان ياشين الدلع ( دندونه حبيبتي روحي مع رغد بغير ملابسي وانزل لكم خلااااص)
ردت على بهز راسها مواقفه
(شفتي الناس المؤدبين موب انتي يالله هذي دانه بتطلع ورينا مقفاك )
طلعت تركض على الدرج ودانه وقفت بالسيب(الممر) كسرت خاطري ما ودي اسكر الباب بوجهها
(دانه حبيبي انزلي بجي اللحين )
هزت راسها بلا وعيونها على الدرج
رغد الغوله مسويه لها رعب ما عليها شرهه عايشه مع عيال
ابتسمت لها(طيب بالبس واطلع )
ابتسمت لي

دايم يجون عندنا علشان فهد اهله ماعندهم احد قدهم ويرسلهم عند موضي
او بالاصح عندي لاني امووووووووووت عليهم وهم بعد :)












نزلت من الدرج (هلا والله بالحامل والمحمول هلا بدانه قلبي ) استلمها منصور تبويس وهي تبكي بين ايديه
اخذتها منه (ارحمها حرام عليك وش ذا عمرك ما شفت بزارين )
( وش اسوي بيونه نايمه )
قلت له (عندك رغود تهبل رح بوسها )
(رغوده حبيبتي وحضنها وجلس يدور فيها ....قصر حسه وقرب مني وقال ..... عظم وجلد )
ضحكت عليه
"امل عمي مساعد ينتظر في المجلس للحين ما راح "
كشرت من سيرته
حط يده على خدي "هو اللي ضاربتس" شكله شاف حمار خفيف من كف اللي اخذته
طالعت في منصور شفته مقهور اجل لو يدري اني تزوجت
سكت ونزلت راسي ورحت للمجلس
علاقتي في منصور قويه عوضني عن بعد مشاري
بس محد يقدر ياخذ مكانته في قلبي


كنت اسمعه وانا ساكته يسالني وما ارد ادري اني استفزه بس خلاص كل شي له حد ومساعد مو مسوؤل عني وماله دخل في حياتي عندي ابوي واخوي اكبر منه

"انا جالس اتكلم ليه ماتردين علي كله زعل "
قال له محسن "هذي سوات تمد يدكـ عليها "
طالعت فيه نظرت عتب على اللي سواه بدال مايكون لي سند صار ضدي
" انا ابي مصلحتها تبيها ترفض اللي يتقدمون لها علشان الــــــ ........."

"مســــــاعد" كان محسن مايبيه يكمل


وقفت وقاطعته " لاتبرر ولا تعتذر اللي صار صار وانا ماعاد لي قلب يشفع لك خطيه "
وطلعت منه وهو يناديني

ورحت انام بعد ما جاء فهد واخذ عياله بعد جلسه مغلقه كانت بينه وبين موضي
اللي طلعت من عنده متنكده على اختها









حلقة مفقودة سقطت عمداً>>لنبداء لـــــــــكـــــــــــــن



"وين رحتي قمت ما لقيتكـ؟ "
كانت موضي تسالني "رحت مع السواق ورجعت دانه ماصحت للحين" رديت رد دبلماسي
"ادري انك رحتي مع السواق بس وين رحتي؟ "
ياربيه لازم تعرف حاولت اشغل نفسي ادور في شنطتي كاني ما سمعتها
"امل !!!" رفعت راسي لها عيونها مستفسره وتنتظر اجابه بس مقدر اقول
"رحت لصيدلية " ومريت بروح اتطمن على العيال فوق
مسكت ذراعي وقالت لي "انتي حامل"
http://www.wtv-zone.com/nevr2l82/bars10/BLKROSE.gif

[شمعة الدار]

بليز خيال ممكن طلب صغنون
تعرضين لنا كل اسم انذكر وعلاقته مع امل احس مخي تلخبط

وسؤال ثاني يعني ايش قصد بحلقة مفقودة يعني فيه موقف صار وراح يذكر بعدين

وسؤال ثالث هو ممكن تحددين الوقت احسه الموضوع صار ملخط عندي شوي اذا ممكن بعد اذنك

البارت ما فهمت منه شي غير زواج امل من شخص اسمه عبدالرحمن ودانه وحمودي عيال فهد ومضاوي اخته هي زوجة محسن وام منصور ومحد يدري عن زواج امل غير اخوانها وعمتها مضاوي زوجة اخوها

هذا كل اللي فهمته من البارت

بانتظار الرد

سلمت يداك

[خيال عابر]

بليز خيال ممكن طلب صغنون
تامرين:smoke1:
تعرضين لنا كل اسم انذكر وعلاقته مع امل احس مخي تلخبط

مو مهم و الاسماء الاهم دورهم في حياتها وهي تكلمت بوضوح
وانا باسلوبي ما احب اكتب الشخصيات بداية القصة وارصهم لكن راح اوضح لك
امل لها ثلاث اشقاء
محسن >>زوج موضي وولده منصور وغيرة من الابناء مساعد وزياد ورغد وبيان
مساعد >>زوج صيته اخت سعد
مشاري >>اصغر الاشقاء لامل
اخوانها الغير الاشقاء بترتيب الاعمار
نوف
حمد
هدى
ثامر
دانه+محمد>> عيال اخو موضي اسمه فهد

وسؤال ثاني يعني ايش قصد بحلقة مفقودة يعني فيه موقف صار وراح يذكر بعدين
ارجعي للمقدمة مو انا قلت اذا فقدت حلقه لم تسقط فانها في جعبتي تنبهكم لظهورها:bleh:
وسؤال ثالث هو ممكن تحددين الوقت احسه الموضوع صار ملخط عندي شوي اذا ممكن بعد اذنك
اوكي كل يوم فيه بارت :shiny:

البارت ما فهمت منه شي غير زواج امل من شخص اسمه عبدالرحمن

انتي ماشيه صح :clap:
ودانه وحمودي عيال فهد ومضاوي اخته هي زوجة محسن وام منصور
صح :msn-wink:

ومحد يدري عن زواج امل غير اخوانها وعمتها
اخوانها الصغار ومساعد وابوها وعمتها بس :nosweat:

مضاوي زوجة اخوها
لا ماتدري :no:

هذا كل اللي فهمته من البارت
البارت حبيت اوضح فيه امور الخطبه وكتمانها كيف ما علمت امل لا زوجت اخوها ولا بنت عمها صديقتها الصدوق عن الخبر
وهذا من خلال سوال سارة ما علمتها :no:
وموضي مع ان علاقتهم قويه بعد ما قالت لها :no:
وموقفها من سوال سارة وموقفها من طلب موضي >ويوضح انها تفضل كتمان امور الخطبه وانها امووووور خاصة جدا
بانتظار الرد
يارب يكون وافي ومفهوم
سلمت يداك
يسلم لي قلبك شرفتيني بـ مروركـ ولا تستعجلين الاحداث والقصة ما بقى الا البارت الاخير :clap:وكتب منها سبعه اجزاء :icon35:
احاول اخلصها قبل الامتحانات علشان الطلبه :icon6:
لكن لي عتب على الاعضاء اللي اشوفهم معي ولا اشوف ردودهم :shutup:
لهدرجه القصة مو حلوة :tears:

[خيال عابر]

اعزائي القراء جميعا
مافيه حدث كتبته قبل في الاجزاء الثلاثة الا وهو اساس الاجزاء الجاي اللي معه رح تبداء امل حكايتها الحقيقية واللي قرائتوه قبل كان بداية امل فقط وانا قلت هالشي قبل ما انزل اي جزء

[خيال عابر]

http://i461.photobucket.com/albums/qq337/n11n11n/heart-1-1.gif
(4)
انجنيت هذي شتقول فال الله ولا فالها رديت بسرعه "لااااااااااااااااا"
"شفيك عصبتي عادي ترى اذا دريت انا اختك ولا ما تعتبريني اختك "
مسكت راسي يارب هذا اللي انا خايفه منه "وانت وش اللي يخليك تقولين هالكلام "
" السبب هذا؟" كان معها كرت طبيبة نساء وولادة
جلست بكل ثقلي على الكنب ونزلت راسي جلست جنبي "امل ليش صرتي تخبين علي انا اختك ولا نسيتي"
كنت مقهوره من كل شي حولي لمتى مقدر اعتمد على نفسي انا ابي اكون حرة محد له دخل فيني لكني في لحظه الحريه الاقي نفسي في اشد حالات الضعف ومحتاجه احد جنبي
" وترتيني فيك شي حاسه بشي "
الموضوع بسيط بس انا ما ابي احد يعرف "لا مافي شي"
ناظرتني بعتب "افااا ياامل اجل ماعتبرتيني اخت "
قلت لها بدون مقدمات" ابي الموضوع بيني وبينك "
تحمست شكلها تحسبني حامل "اوعدك محد يدري تكلمي؟؟ "
قلت لها ليش رحت الطبيبة قالت لي مصدومه من تصرفي "ليه طيب ؟؟ليه ماتبين عيال منتي مرتاحه معه "
تنهدت من قلب والعبره فيني "مرتاحه او مو مرتاحه ماله دخل "
ردت علي بعصبيه "الا له دخل مافيه وحده ماتبي تجيب عيال وتستقر في حياتها ........وسكتت شوي وقالت......... الا اذا كانت ماتبي تربط نفسها بزوجها وتبي الانفصال "
" موضي لا تفلسفين على راسي هذي حياتي وانا حرة فيها"
"وفهد يدري ؟"




"شفيكم عسى ماشر "
رفت راسي على صوت ابوي ايه ابوي محسن طالعته بابتسامه ومسحت دموعي ماابي انكد عليه
ونزلت راسي جلس جنبي " افااااااا تبكين وانا موجود .. ترى ماتهون علي هالدموع "


" عساكـ سالم يابو منصور ..ما فيني شي.. بس تذكرت امي! "
قلت امي بعبره وبكيت احس اني كبت داخلي مده وانفجرت مرة وحده وغطيت وجهي بيديني وانا ابكي بصوت عالي كني بزر يمكن ابليس وزني كان امي توها ميت بكيتها بكيت حنانها بكيت اهتمامها احتاجها والله احتاجها ابي اقول يمه انا احبك واشم ريحتها وقول اشتقت لك ياكل الدنيا احضنها ونام بحضنها وابوس يدها وتعلب بشعري وتهاوشني وتزعل علي واراضيها وما تكلمني واسايرها واتدلع عليها واشكيلها الـــــ اّاه اّأّه وقول لها انا تعبااااااااااااااانه

ابكي امل المنحوسة الي مالقت من اسمها غير اضداده من الياس والتشائم
وكل ما بغيت افرح تفر السعادة عني

سمعت موضي تكلم

"هلا فهد ... امل ؟"
اشرت لها مقدر اكلمه وانا ناسية انه قايل لي كلميني العصر
" فوق مع العيال.. ان شاء الله بخليها تكلمكـ .. ماتشوف شر .. في امان الله"
سالني محسن لما هديت
" فيه شي بينكم ؟"
هزيت راسي بــــ لا
حسيته متضايق وموضي طلعت وخلتنا لحالنا
"متاكده يا امل انكـ مبسوطه ومرتاحه "
رديت علية وانا مستحية " الحمد الله يا اخوي مرتاحه بس يمكن لاني بفقدكم .. وانا ماتعودت ابعدعنكم "
دخل علينا منصور وهو يضحك "امل اول مرة ادري ان خالي فهد غثيث مدري كيف تحملتيه "
سكت لان الوضع مايتحمل مزح والاخ شكله داخل علينا مبسوط
رن جواله
ورد بهدوء ممزوج باستغراب بعد ماشاف شكلي وابوه متضايق
"امل خالي فهد " وعطاني الجوال
خذيته وطلعت اكلمه بعيد عنهم
"الو السلام عليكم ."
"وعليكم السلام .. هلا امل ليه ماتصلتي؟؟ "
" مشغوله شوي "
"صوتك متغير فيه شي؟ "
"لا سلامتك .. "
وشكله مقتنع ابد من صوته
"خير ان شاء الله نص ساعه وانا عندكم خليكم جاهزين"





:::::::::::::::::::::::::::::::::::::::::::::::::: :



رحت اطلع اغراضي واضفهم وجلست جنبي دانه تسالني" بابا بيجي؟"
هزيت لها راسي وان ارتب الملابس ومشغوله والخدامه تلبس حمودي بعد ما لبست دانه قبله
وانا انبهها انها ماتنسى شي جات دانه وجلست بحضني بعد ما سكرت الشنطه
"اذا رحنا البيت بتنامين عندي "
مشطت شعرها وحطيته ثنين وربطته وهي تسولف كانت معترضه ماتبيني انام بغرفتي تبي تنام معي او انام معها مثل هاليومين اللي قضيناها عندمحسن
جلست اسايرها قلت "دندونه حبيبتي بنام عندك بس روحي بسرعه خليني البس علشان بابا بيجي اللحين بعدين بيزعل علينا "
دخل محمد مسرع وبعده المطفوقه رغد وهم يلهثون من بيقولي الاول ان فهد وصل قلت لهم طيب انزلوا وانا جايه طبعا كلهم انزلوا الا دانه وجلست ارتب نفسي واثقل الكحل والروج واحاول اغير شكلي بعد الصياح لاننا بنمر نسلم على خالتي (ام نايف )>> ام فهد
كنت لابسة فستان كتان خفيف لاننا بنسافر بسياره والطريق اربع ساعات اخذت عباتي وطلعت لهم


دخلت المجلس على صوت منصور

"اكشخ عمه في العالم "وصفرررررر
منصور صدق ابو طبيع ما يخلي طبعه احراج خاصه ان محسن موجود وانا استحي منه
دفيته بكوعي بقوه "السلام عليكم "
بصوته القوي الواثق "هلا وعليكم السلام !شلونك ؟" وكانت ابتسامته تتسع
"بخير الله يسلمك "
"بخير الله يسلمك.." منصور الدب يقلدني
ضحكوا علي من طريقه تقليده لي وانا مستحيه مررررررة حسبي الله على بليسه من لما نزلت ما رفعت راسي وهو كملها
تقهوى فهد وسولف مع محسن وندمت اني جلست معهم لان منصور مايفوته شي وخاله يوزع ابتسامات ونظرات
بعد الوادع طلعنا من عندهم بعد ماوصتني موضي وماخلت شي ما قالت اشياء تنقال واشياء ماتنسمع اصلا كلها تدور في فلك المراءه السنعه


عند باب الحوش كنت اناومحسن ايدينا في ايدين بعض ومنصور وفهد ورانا
"شفت والله اني قايلك وناصحك بس النصيحه ماعاد تنفع بذا الزمان" التفت لهم

ابتسم له فهد كمل منصور "قايلك ازين ما فيها اسمها وانت انخدعت تحسب ان كل وحده اسمها زين هي بعد مزيزنه"
قال محسن "انت متى بتعقل "
رد عليه فهد "زوجه وهويعقل "

نقز يحب راسه "هذا الخال ولا بلاش ......فديت خالي "

دفه فهد يزين شماغه " الله يعين بنت الناس عليك "

"لا تحمد ربها انها بتاخذني زين و رزه وطول وجسم "
رديت عليه "والعقل وينه"
ضحكوا عليه وانا طلعت مني الكلمه عفويه انحرجت من فهد يوم قرب مني مسك يدي اليسار ويدي اليمين مع محسن
"لا اوصيك يابومحمد على بنتي تراها امانه حطها في عيونك وراعيها تراها غاليه وانت تدري؟ "
شد على يدي فهد"مايحتاج وصاه وغاليه عندنا بعد "










رحنا لاهله وسلمنا عليهم حاولت في خالتي ام نايف تروح معنا لكنها رفضت تقول ماقلت على الله ارتاح عند عيالي وفي بيتي واطمن على فهد وعياله وسلمت على ام صقر ارملة نايف الله يرحمه اخو فهد الكبير قمه صراحه مرة طيب واخلاق وحاطه ام نايف في عيونها كانها امها
طلعت لجناح فهد اللي عندهم واخذت اغراضه وعطيتها الخدامه تنزلها وصليت المغرب ونزلت قابلته في راس الدرج " ليش نزلتي تعالي "
طلعت معه وانا مستحيه خصوصا ان عبير طالعه من غرفتها فوق وشافتني بدخل وذرعه على كتفي
همست له "بروح اسلم على عبير " وبعدت عنه

وخذتني السوالف معها

"صراحه زعلت لمن رجع عمي من هزيمة اهلك لحاله قال انك بتنامين في بيت اخوك "

قلت في خاطري لو تدرين انه عقب حب خشوم فكني
" رحت لاهلي وسلمت على ابوي واخواني ورجعت مع محسن وعمتك موضي ونمت عندهم واليوم اللي بعده عمك كان مشغول وانا بصراحه كنت مشتاقه لاهلي قلت بجلس عندهم كلها يومين واليوم عندكم "

كشرت في وجهي "يازين العذر يعني مالنا في الطيب نصيب انبسطت يوم لقيت احد اسولف معه وهذا انتي بتروحين بعد شوي "
"كلها كم شهر وان شاء الله بنرجع الرياض وهذا فهد يحاول انهم ينقلونه "

اعتذرت منها ادري انها وحيده في البيت مع جدتها وامها والباقي عيال لكن الظروف ما تسمح


:::::::::::::::::::::::::::::::::::::::

دخلت لقيته خلاص ما خذ الاوراق اللي يبيها ويسكر الدرج بالمفتاح
"احم السلام "
التفت علي كان منزل شماغه
" وعليكم السلام .. طلعت ادوركـ طولتي " وبدا يرتب الاوراق
"ايه كنت عند عبير في غرفتها وخذتنا السوالف"
"اعرف هذرتها يا حبها لسوالف !" نزل الاوراق اللي في يده
ابتسمت له "حرام عليك"
"عسى ما حشيتوا فيني بس"


دخلت ونزلت طرحتي على كتوفي ونزلت شنطتي على السرير
"لا ما جبنا سيرتكـ اصلا " وجلست على طرفه
"اشتقت لكـ"
ناظرته ونزلت عيوني وش اقول ماعندي شي اقوله
جلس جنبي رفع راسي بطرف اصابعه ورفعت راسي له وما طلعت فيه" خلينا ننزل لاتنسى ورنا سفر "
تنهد من قلب واحسه تضايق من صوته "للحين زعلانه "
"شــــ يزعلني ؟"قلتها ببرود متعمده
رفع حواجبة " اهاه! زين يعني كبيرتي عقلك .. "
"كبرت عقلي !!" استغربت رده لي
رفع ايدينه " لااااا تكفين هدنه لين نوصل وابدي حربكـ الضروس "
قهررررررررررررررني
"حربي؟؟ يعني انا معيشتكـ في حرب "
وقف ياخذ شماغه"خلاص يابنت الحلال ماتسوى علينا هالكلمه "
سكتت مابي افتح الباب مرة ثانيه للمشاكل على قولته كبرت عقلي >.<
وقفت اخذ شنطتي مسكـ يدي وناظرته
قال لي " امل لاتخلين شي ياثر على حياتنا انا انسان تعبت وابي ارتاح ماعندي وقت للمشاكل "
غمضت عيوني وصديت عنه اتمالك نفسي رجع يقول مشاكل
"انا ما اقول هالكلام علشان نبداء في مشكله جديدة "
مارديت عليه خليته يكمل لاني لو تكلمت شكلي بافقد اعصابي
قال لي بهمس ناعم " اتفقنا "
رفعت عيوني له وماقدرت احبس دموعي اللي تفجاء منها
قلت له "اتفقنا " ومسحت عيوني بسرعه ونزلت وخليته وراي

انا انسانه حساسه أي كلمه تاثر فيني كلامه عادي لكن عندي لا موب عادي
انا محد عاش اللي عشته المفروض يقويني اللي مر علي لاكنه بالعكس خلاني اضعف اكثر من اول
انا انسانه مسالمة من اول لاكني اللحين اكثر خضوع وخنوع


/////////////////////////////////////////////////



اكيد تقولون وين كنا وكيف وصلنا هنا ؟؟>>^_^
تزوجت فهد بعد سنه من وفاة عبد الرحمن اللي مات بعد ملكتي بشهر في حادث سيارة
اقدار ربي ماكتب لي نصيب معه ولا كتب له انه يعيش بها الدنيا بكبرها كثر معاش

الســيـــارات
ماخلت احد حتى انه في احدى الاحصائيات وصلوا ضحايا حوادث السيارات فـ عام 1992
لرقم مساوي لضحايا حرب لبنان في نفس السنه 1992



مالكم في الطويله
الحياة كذا تاخذ وتعطي بعد سنه تزوجت فهد اخو موضي و هالمرة بارادتي وبموافقتي انا ورفض اخواني كلهم بالاجماع يقولون انه مو مناسب مطلق يعني لو ارمل يمكن احسن في نظرهم
هذا عيبه الوحيد وغيره مايشفون عليه شي بالعكس الا يحبونه ويقدرونه
الفرق بينا يمكن عشر سنوات اذا انا خمس وعشرين وهو اتوقع انه بحدود مابعد الثلاثين
و أذا مطلق انا راضيه فيه مدام انا اعرف سبب طلاقه ومقتنعه فيه
وهذا كان قرار ابوي اذا كنت موافقه محد له دخل
سبحان اللي يغير ولا يتغير










طول الطريق وهو ساكت وانا اسولف مع العيال اصلا هو كذا دايم ساكت ما يتكلم
وانا معه الان ماكملت الشهر يمكن ثلاث اسابيع
"دانه حبيبتي اجلسي عيب ياماما "
"تيب وتنامين معي "
"طيب وانام معك "
على طول نط حمودي"وانا بعد نامي معي "
"الله كان الغرفه مهي وحده خلاص حبيبي بنام عندكم "
طلعت عصير وعطيته الخدامه تعطيه دانه وعطيت حمودي
التفت فهد علي وقالي "وانا؟؟"
فتحت الكيس قلت "تبي منجا ولا حليب فروله "وضحكت تخيلته يشرب حليب فروله
ماتكلم بغيت اعطيه كف على وجهه خير يطنش طيب من الذوق على الاقل قل ما ابي شي فشلني مالت عليه
>>من ثوارتك


المووووووهيم
كان حاط ابو نورة اصلا ما في سيارته غير محمد عبده
وغفيت من الملل






صوت الجوال صحاني فتحت عيوني احس رقبتي بتنكسر نايمه وانا جالسه

"وعليكم السلام ورحمه الله وبركاته ...لا تونا في الطريق...انشاء الله ...انشاء الله...ابشري... نامي اذا وصلت اتصلت ..في امان الكريم "
كان على وجهه ابتسامه حلو تزيده وسامته لي مده ماشفتها او يمكن اشتقت لها
تذكرت اول اسبوعين
تبون تعرفون احممممممم استحي اقول لكن بقولكم الزبدة
كل الكلام اللي يقولونه عن شهر العسل صح لكن انا عشته في اسبوعين لكن مو مثل الروايات كلها غزل يعني من اللحين اقولكم لاتنصدمون :(
ومن الاسبوع الثالث بدات اول مشكله اللي انا زعلانه اللحين عشانها تبون تعرفون ؟؟ ^_^

حسيت بيده على ايديني اللي عاقدتها على صدري
"لاتنامين اخاف انام وانا اسوق "
خوفني لاني كنت مستمعه بالسرد لكم لكن هو اللي قطع السالفه >.<
"نايمه"
"لا صاحية "

"ابشركـ كلها اربع شهور وبنرجع الرياض مرة وحدة "
كان يسولف ابي اشاركه وش اقول ؟؟
"زين الحمد الله"
هذا اللي الله قدرني عليه وقلته
وبدا يشرح لي عن طبيعه عمله وكيف جاء لشرقيه وانا مستمعه ومستمتعه
والله انه طيب ويدخل القلب بسرعه بس انا مدري شفيني ._.

وقف عند محطه وبعدها راح لسوبر ماركت يشتري للعيال

:(








وصلنا الساعة12الليل ونزلنا شال فهد محمد والخدامه شالت دانه
ودخلنا الشقه رحت للغرفه اشوف العيال نزلت جزمه دانه وشرابها ونيمتها زين بعد مانزلت ملابسها بهدوء علشان ماتصحى ومحمد عنيد كان يبكي بصحي دانه علشان كذا خليته ينام بملابسه وطلعت للخدامه لقيتها تدخل الشنط وقالت ان فهد رااااااح
فتحت جوالي واتصلت عليه
"السلام "
"وعليكم السلام هلا امل فيه شي"
انقهرت منه ليه يقول للخدامه وانااا
"لا بس طلعت ما لقيتك وين"
"معليه طالبيني في الشغل ورحت لهم "
"بس توك واصل "
"هم ينتظرون وصولي من ساعة..كلها نص ساعه وراجع ! "
"طيب الله معك مع السلامه " وسكرت قبل لايقول شي
رحت لغرفتي وخذت لي دش وغيرت ملابسي وانتظرته


وقفت عند المراية اسال نفسي اللحين بدور احلى مني ؟
عمري ماشفتها ولا قابلتها
بس اللي اعرف انها جميلة وقد شفت خواتها حلوات
بديت اشك في نفسي واتامل ملامحي الناعمة
غمضت عيوني وابتسمت
على غيرتي اللحين اغار من وحدة متزوجه
ومطلقها من ثلاث سنين مو كم شهر
وحسيت بكتئاب لما تذكرت سبب طلاقها .. سحر بينهم حتى عيالها ماتبي تشوفهم
شــ ذنب هالصغار اللي اكيد يبون يشفونها هم كانوا يزورونها قبل ماتتزوج بس كانت تتعب لما تشوفهم
وعالجت بالقران وطلع العمل قوي شاربته مو معقود في مكان
واللي ساحرها يجدده حسبي الله عليه سواء حرمه ولارجال




دخلت فراشي وكنت قلقانه اللحين مابقى على الفجر شي وهو يقول نص ساعه وجاي
اتصل عليه كل ساعه بس مقفل جواله


نمت من التعب
وكان صوت الاذان لفيت في الغرفه ما لقيته غريبه معقول للحين ما رجع صح هو بعض الاحيان مايجي الا الصبح بس اليوم لانه راجع من سفرة له اربع ساعات في الطريق وتعبان غريبه
توضيت وصليت الفجر
لقيت حمودي قايم وهو في فراشه شكله متضايق من ملابسه طلعت له بيجامه ولبسته


رجعت غرفتي لقيته ينزل ثوبه وشكله تعبان ودخل الحمام و وطلع
ماكلمني ولا نص كلمه وجلس على طرف السرير يمسد رقبته من وراء
"اجيب لك بندول "
ردعلي "لا توني اخذت لي حبه "
"نام اللحين اذا صحيت بتحس نفسك احسن "
طالع فيني وابتسم " مانمتي "
"لانمت بس قلقت شوي وانت ليه مقفل جوالك"
تنهد"ماقفلته كسرته"
"ليه ؟"
"اجلوا نقلي صار بعد ستة شهور .. وحطيت الحره في الجوال احسن ما احطها في احد ثاني " وابتسم
"الله يعين ان شاء الله تنحل واللي صبرك سنين يصبرك كم شهر والسته ماتفرق عن الاربعه"

اكتشفت ان زوجي يحب يفضفض مو من النوع الكتوم ^_^






صحيت على صوت باب الغرفه دق خفيف رفعت راسي ابي اشوف مين لقيت نفسي بحضنه رفعت يده بروح لها قال لي وهونايم "مين عند الباب "
" أكيد ..دانه"
"نامي خليها تدق وترجع تنام "
خييييييييييييييييييييير يبيني اسفهها على باب هذا اللي ناقص بعدت عنه وطلعت لها قالتها شوي وجاية
طلعت لي ملابس دخلت الحمام
لما طلعت لقيته بوجهي
"خربتيها بالدلع الزايد "
"والله اذا انت مو فاضي لهم انا ماعندي الاهم "
"قصدكـ اني مقصر معهم "
"انا ماقلت شي انت اللي قلت "
"بس انا مشغول "
"وانا اعوضهم في حالة تواجدكـ وغيابكـ"

مارد علي
ووطلعت سكرت الباب بعدي واخذت دانه وكانت زعلانه مني لاني مانمت معها وجلستها على طاولة المطبخ الساعه كانت عشر الصبح وسويت لها فطور والخدامه كانت تغسل ملابس ولقيت السواق جايب خبز ومقاضي للبيت معطيته الخدامه اكيد لانه دايم يجي الساعه 8الصباح

جلسنا نفطر وطلع علينا محمد وافطر معنا بعد ساعتين طلع ابوهم كان لابس رسمي مر من عندنا حتى السلام مافيه شكله معصب > <




بعد الظهر الساعه 2مليت خلصت اغراضي ورتبتها في غرفتي وكل شي سويته والعيال يلعبون
قلبت التفزيون ممل مسلسلات بايخه واغاني فاصخه واخبار تجيب الهم
دقيت على زوجي العزيز عطاني مشغول


دقيت على مشاري مشتاقه له لي شهر ما شفته "هلا والله بالصوت وراعيته "
ضحكت عليه "توني من كذبك حاكيه معك "
"ياهلا بالغاليه ياهلا والله هلاياقلبي ياكلي يابعدهم والله "
ضحكت زياده من اسلوبه "طيب لاخلصت قلي علشان اتكلم "
"اه بس ودي ياعمري بس انتي تدرين خويي لزقه واخاف تشوفينه يجيك اكتئاب وانا اخاف عليك من النسمه .......خخخخخخخخخخخخ "
عرفت انه يلعب على خويه يبي يقهره يعني اني اغازل والبنات ميتين علي " مشاري يالدب ترى اذا ماتكلمت زين والله لااسكر في وجهك "
ما حولي احد "وخر بس انت وجهك ....من زينك انت ..خخخخخخخ"وجلس يتكلم هو وخويه وانا معه على الخط " مع السلامه" وسكرت


اتصل علي بعد خمس دقايق



رديت عليه وانا ضايقه منه "خير وش تبي "
"افاا شفي الحلو علينا .. بعدين ماعرفت الرقم "
"لاااااا وانا قبل شوي اتكلم وانت قاعد تهايط على خوياك"
" يابنت الحلال مهبل كل ما دقت علي عمتي ولا البنات ولا انتي جلسوا يدقون علي
قلت خلي توقعاتهم تصدق ولو مرة"
ضحكت عليه وكمل"بعدين وش هو له داقه علي توني مكلمك امس العصر ما مر 24ساعه "
"مالت على وجهك بعد داقه عليك لك الشرف اني اكلمك بعدين ابي اكشخ في رقمي الجديد ارسلتك رساله ولا رديت علي "
" كنت مشغول ..هاا ماقلتي وش اخبار الشرقيه وجوها"
"الحمد لله كل شي تمام ونسلم عليك "
"اقول الجو انا... على العموم سلمي عليه "
ضحكت "صدق انك عيار تمسك على الوحده ..المهم متى اشوفك اشتقت لك "
"انت اللي مانتظرتي الاسبوع الجاي كله اجازة كان اجلتي جيتك للاسبوع الجاي"
"عاد وش اسوي هي جت كذا فهد عنده شغل في الرياض ورحنا معه "
" دايم يشتغل .. ما فيه اجازات حتى من اسبوع عرسه مداوم "
"علشان تدري ان رجلي مهم ..ما علينا متى بتجي تراك مواعدني "
"مدري صراحه اذا ماجازلي الوضع عند ابوي جيتكم "
كنت بطير من الفرحه "امانه تعال والله اني طفشانه لحالي "
تغير صوته وحسيته تنكد"لحالك ليه رجلك وينه؟؟"
صدق اني غبيه اللحين بيشيل همي " وينه فيه ؟؟اكيد عندنا بس ابي احمسك وتجي ههه "

"امل انتي مرتاحه "
غبيه ورب البيت غبيه "شفيك مشاري منت بصاحي كل ماكلمتني سالت مرتاحه ...ايه ياخوي مرتاحه ومستانسه وماعلي قصور "
تنهد بضيقه "مدري ياامل احس استعجلتي ؟"
انقهرت من عمري اللحين ابيه يوسع صدري اضيق خلقه "لا استعجلت ولاشي بعدين هذا النصيب ... واممممممممم اذا منت متاكد اني ماني مرتاحه تعال شف بعيونك ولا تسوي مهتم مني وانت ما فكرت تجيني "
"بجي يا امل بجي ولو ان احساسي مايخيب ابد انتي عارفه اني احس فيك انتي توائم روحي "
"احم احم احلى توائم روحي اخس يالحركات تطورت وقمت تقول كلام حلو لاتكون تغازل صدق ولا فيه واحد يقول لاخته توائم روحي "
ضحكت ودمعتي طفرت من عيني وانا اسمع خويه ردعليه "اقول ضف وجهك بس خلني اكلم حبيبتي "
"ايه حبيبتك مواختي اطلع من هالالبواب يا بكاش "
كلمني مشاري وصوته يضحك" يالله ما تشوفين شر بروح اعدل هالصيع اللي عندي .....ورفع صوته عيال اخر زمن "

سكرت منه وانا مشتاقه له اكثر


بعد صلاة العصر


دخلت المطبخ سويت قهوة وطلعت لصاله
>>تحلم خيال انها تصير حرمتن سنعه








لبست تنورة ميد ابيض مع وردي وبلوزة لونها ابيض سادة
وفكيت شعري اللي بعد زواجي قصيته طبقات اطولها نص ظهري بلونه الكستنائي ولمعته
كنت ادور اشوف شعري بالمرايه لفيت لقيته واقف يطالعني على باب الغرفه
"السلام "
"وعليكم السلام"
سالته متجاهلة نظراته لي "تغديت ؟؟"
قال لي "لا.. مالي نفس "
ولميت شعري بمساكه لكن مع يدي كان فيه يد ثانيه *_^


،،،،،،،،،،،،،،،،،،،،،،،،،،،،،






ومرت الايام ما اقول ان حياتي ممله لكن بعض الاحيان احسه بارد وكاني ماني موجوده
قلت لازم اغير في حياتي شوي واحسسه اني اهتم فيه اكثر خصوصا انه اخر الايام يطلع من البيت من الضيقه مو لشغل وانا اعترف بـ تقصيري شوي
وفي يوم من الايام



محمد يلعب سوني ودانه تعلب مع شهودة بنت الجيران اللي بالشقه اللي قبالنا
دخلت المطبخ وجلست اسوي العشاء سبشل غير عن كل مرة ما حسيت بالوقت الساعه تسع طلعت وغيرت ملابسي ولبست لبس مريح وهادي وتعطرت
حسيت نفسي مقصرة وكل وقتي للعيال خصوصا ان محمد دخل اولى ابتدائي وبداء اول اسبوع له
اتصلت عليه
:السلام عليكم
رد علي بهدوء: عليكم السلام
سكتت مدري شـ قول تعال تعشى ولا بتتعشى هينا
تغير صوته شكله يحسبني ما اسمعه:الو ...امل
:نعم
همس :فيه شي
حسيت نفسي سخيفة: لا بس بغيت اعرف بتتعشى هنا
:انا جاي في الطريق اللحين
:اوكي مع السلامه
:مع السلامة
مريت العيال لقيت حمودي في المطبخ عند الخدامه ودانه عند باب الشقه مع بنت الجيران
"حمودي حبيبي روح دخل دانه "
"ما ابي " وجلس يهز راسه اليابس
"سيما اتركي اللي بيدك وروحي جيبيها "
سمعت صوت ازعاج برى وصراخ دانه بصوت عالي ركضت لقيت فهد يهاوش الخدامه ومعصب
لاخر حد اول مرة اشوفه كذا


يتبع>>
http://www.wtv-zone.com/nevr2l82/bars10/BLKROSE.gif

[شمعة الدار]

والله اني كنت متوقعه انو امل بتتزوج فهد انو هو اللي راح يثبت لها معنى اسمها الامل ومافيه شي بالدنيا اسمه ياس

اتوقع انو فهد عصب لانو شاف دانة تجرها الخدامة للداخل وعصب فهد عليها

امل راح يصيبها هدوء مع خوف من عصبية فهد

هذي توقعاتي بانتظار التكمله

سلمت يداك وربي يرعاك

قووووووووووو هييييييييييييييد

[خيال عابر]

والله اني كنت متوقعه انو امل بتتزوج فهد انو هو اللي راح يثبت لها معنى اسمها الامل ومافيه شي بالدنيا اسمه ياس
:no: يمكن
اتوقع انو فهد عصب لانو شاف دانة تجرها الخدامة للداخل وعصب فهد عليها
نزلت بارت لعيونكـ شوفي ليه عصب :nosweat:
امل راح يصيبها هدوء مع خوف من عصبية فهد
:shiny:
هذي توقعاتي بانتظار التكمله
:msn-wink:
سلمت يداك وربي يرعاك

قووووووووووو هييييييييييييييد
تسلمين يالغلا محد جابر خاطري الا انتي :tears::no: وفيكـ البركة
بس مدري هل القصة ما اعجبتهم :nosweat:
ام انه معجبتهم ومكسلين في الردود
عدد الزيارات كثير والردود قليلة :in_love:

:strongsad

[خيال عابر]

http://i461.photobucket.com/albums/qq337/n11n11n/heart-1-1.gif

(5)

##اعاصير زوجيه مدمره ##



جلست لحالي في الصاله محمد يلعب سوني ودانه تعلب مع شهودة بنت الجيران اللي بالشقه اللي قبالنا دخلت المطبخ وجلست اسوي العشاء من الطفش ما خليت شي ما سويته من المقبلات الى الحلى كاني بعشي قبيله ما حسيت بالوقت الساعه تسع طلعت وغيرت ملابسي ولبست لبس مريح وهادي وتعطرت
قلت اراضيه لانه صدق حسيت نفسي مقصرة
اتصلت عليه
:السلام عليكم
رد علي بهدوء: عليكم السلام
سكتت مدري شـ قول تعال تعشى ولا بتتعشى هينا
تغير صوته شكله يحسبني ما اسمعه:الو ...امل
:نعم
همس :فيه شي
حسيت نفسي سخيفة: لا بس بغيت اعرف بتتعشى هنا
:انا جاي في الطريق اللحين
:اوكي مع السلامه
:مع السلامة
مريت العيال لقيت حمودي في المطبخ عند الخدامه ودانه عند باب الشقه مع بنت الجيران
"حمودي حبيبي روح دخل دانه "
"ما ابي " وجلس يهز راسه اليابس
"سيما اتركي اللي بيدك وروحي جيبيها "
سمعت صوت ازعاج برى وبكى دانه بصوت عالي ركضت لقيت فهد يهاوش الخدامه ومعصب لا خر حد اول مرة اشوفه كذا شايل دانه وجهها احمر وفيه مخوش وشعرها منكوش نا ظرني بنظرة كلها شر لو تكلمت اكلني وقفت مكاني ما ادري شسوي
"لا بارك الله فيكم روحي جيبي مسحه وبلستر " يناظر بوجه بنته وهويتكلم ما ادري يكلمني ولا يكلم الخدامه
دخل لصاله

دخلت وراه ووقفت على المدخل كانت هدوء بعد عاصفه ودانه نايمه في حضنه ومحمد جالس جنبه من عقدت حواجبه وهو يتامل اللي بوجهها ويزفر بضيق شكله للحين معصب ومحمد مربطم ناظرني وابتسمت له وناديته وطلعت من غير لا يحس ابوه
وجلس يتكلم بحماس "دانه فيها دم في رجلها وراسها اخضر " وكان ياشر على جبهته وركبته
حسيت بشعور بالذنب انا المسئوله لكن من اللي ضاربها
"حمودي تعال احط لك عشاء مو انت قبل اشوي تقول جوعان تعشى علشان تنام "
اشر جهت الصاله " وابوي اروح اقوله تعشى "

كنت برد عليه الا اسمع صوته"سيما جيبي ملابس لدانه "
خفت لقيت نفسي قدامه اساله "ليه وش فيه " واناظر دانه تدفن راسها في كتفه تبي تنام بعد البكي
طنشني وجلس يكلم بنته وكاني مو موجوده " ماما دانه شوفني يالله بلا دلع ترى بروح انا ومحمد ونخليك "
وجلس يحايلها تقوم واخذ عياله وطلع ...........

لما سالت الخدامة قالت انه شهد بنت الجيران دفتها من الدرج اعوذ بالله من هالبنت عدوانيه بشكل
مع ان ابوها طبيب وامها انسانه متعلمة لكن وين دورهم في تربيتها
حتى اذا جت عندنا البيت لازم تكسر ولا تخرب شي
بس تكسر خاطري ما عند امها وابوها الا هي
والمشكلة مو عارفين يربونها


رجعوا بعد ساعتين وانا عايشه في قلق وتوتر .....
ودخل لغرفته وانا رحت اشوف دانه و خدها مورم لقيته على باب الغرفه .....
"اطلعي خليها تنام " صوته زعلان
"بنام عندهم " جاوبته وانا امسح دموعي ما ابيه يشوفها
" الظاهر انا قاعد احكي اطلعي خلي العيال ينامون " كانه يقول اطلعي دام النفس عليك طيبه
طلعت بس ما نمت جلست بالصاله وجلس معي
" انا ماقلت لايطلعون العيال من الباب "
مارديت عليه
"لازم تصير مشكلة علشان كلامي يمشي "
صح ان هذي مو اول مرة تصير وصارت قبل مانمشي لرياض بساعات وهذي هي اول مشكلة
يومها كان طول الطريق مكتم وزعلان وانا اصلا ماتعودت اراضي احد ومازعلته بالاساس
"ليش ماتردين "
" اذا قصدكـ نتفاهم هذا مو اسلوب انت قاعد تحملني المسولية كامله ."
"من اللي كان عندهم انا ولا انتي "
"اذا انت ماتجلس معهم ابد ولا يطلعون لا تمنعهم يلعبون مع الجيران كم لنا من لما رجعنا من الرياض اسبوعين متى اخر مرة طلعوا فيها .."
"بس انا قايل لايلعبون معهم ومحذركـ "
"شوف اذا بنجلس نعيد ونزيد في القصة ما راح نخلص لكن اذا عطيت اوامر طال عمركـ وتبيهم يلتزمون فيها نفد وعودكـ بعد لهم .. وعلى فكرة انا مادريت انها طالعه لو ادري ماخليتها تلعب بالدرج دخلتهم عندي ولا خليتها تروح عندهم لانه مستحيل احبسهم في البيت "
وقمت وتركته لحاله






واكتشفت بعد ان زوجي العزيز زعله شين ولا يرضى بسهوله :(
ومر يومين
رجعني من هواجيسي صوت الجرس وسمعت صوت حرمه ورحت اشوف مين لقيت منال هي وبنتها وولدها الصغير وفهد معها كنت متوقعه زيارتها من يومين مكلمتني وهي ساكنه بالخبر
"هلا والله بمنال حياك "
"المهلي ما يولي وشخبارك اموله ان شاء الله بخير " اخذت ولدها منها
"الحمد الله بخير "
ودخلت اغراضها في الغرفه اللي جنب غر فه العيال ورتبتها لها لان شكلها بتطول من اغراضها
ودخلت المطبخ احضر القهوة والشاي واسوي حلا سريع ورحت لغرفتي اغير ملابسي ولما جيت بطلع لقيته بوجهي ........
"منال بتجلس عندي يومين ابيك تحطينها بعيونك فاهمه "
نزلت راسي وسكت ليه يكلمني بها الاسلوب وش سويت
"سمعتي ؟؟"
ناظرته

لقيته مكشر ابتسمت له "ان شاء الله "
وطلعت للمطبخ وكانت دمعتي بتنزل لكني كنت احاول قد ماقدر انها ما تطلع واستغفر في سري واتعوذ من الشيطان وانفخ بقوه هواء من صدري ابي العبرة تروح لما ضبطت روحي طلعت بالقهوة لمنال نزله الصينيه من هناالا وتبدى انتقادتها ..........
" القهوة ماش......... والشاي ما صخ....... والحلا ما ضبط .........والصاله مكتومه......... والعيال نحفانين......... واخوها شاين ....... "وانا ارد با بتسامات مجامله لحد ما شافت وجه دانه ومسكتني "كيف طاحت وانا ويني عنها ومن هالاسئله " وتكفل محمد ودانه بالرد عليها وابوهم بارسال نظراته
لما اذن المغرب استاذنت منها بروح المطبخ ابدا ما رضت الا انها تدخل معي وخصوصا ان اخوها طلع وهات يا تعليقات على راسي وانا اشتغل .....
لحد ما خلص العشاء وحظرته و جلست معهم مجامله ولا انا مالي نفس
بعد العشاء دخلت منال تشوف عيالها وانا رحت لغرفتي لقيته يلبس عنده دوام
رحت لدولاب اطلع لي ملابس وتفجائة بيدينه على خصري
وهمس باذني "زعلانه "
قابلته رديت بابتسامه "لامو زعلانه "
باس جبيني "فديت مرتي "
سحبت يدينه وصرت العب باصابعه وقلت له " لكنك اذا عصبت ماتدري شـ تقول "
" كلنا حتى انتي "
نفضت يده بعصبيه مصطنعه "وقلت اذا بنبدا بـ اناوانتي ماخلصنا يا الله ما تشوف شر " ودفيته بخفيف على ظهره

لف انحرجت من نظراته وقرص خدي بقوة وطلع وانا على طول رحت للمرايه جلدي حساس وناظرت مكان القرصة واتحسسها بس بعدين ابتسمت على حركته عفوية مررررررة




12ودخلت فراشي بنام بعد ما غيرت ملا بسي






الفجر قمت وصليت وطويت سجادتي وفتحت الباب بطلع لصاله الا اسمع منال وفهد
"معجبتني ابد بعدين صغيرة وما تناسبك"

سمعت صوته يضحك "هذا انتي يامنال ما يعجبك شي "

"لا تنكر حتى انت منت بمرتاح واضح عليك"
"أي والله حتى ما اجلس في البيت من الضيق "
"من لما اخذتها وانا اقول لك ما تصلح "
"وش رايك اتركها واخذ غيرها "



رجعت للغرفه وسكرت الباب وحطيت يدي على فمي امنع شهقاتي دخلت الحمام وغسلت وجهي مرة ثنتين ثلاث ودموعي تنزل
ليييييييييييييييييييييه ؟؟
طلعت لقيت بيرجع ينام وعلى وجهه ابتسامه وشكله مبسوط دخلت فراشي وعطيته ظهري ما ابي اشوف وجهه .........
لكن تفاجات بيدينه على خصري يقربني له ويهمس في اذني
"امول ادري انكـ صاحية "
كنت احاول اتماسك ما ابي ابكي ابعد عنه لكنه قربني اكثر "اشتقت لك "
ومع هالكلمه خلاص بكيت بصوت عالي وبكيت لفني عليه يناظرني والصدمه على وجهه .......
بعدت عنه وغطيت وجهي بالمخده اكتم صوتي اللي بدى يعلى بشكل قوي
" تعوذي من بليس وش صاير علشان هالدموع ؟؟"
لما هديت رفعت المخده عن وجهي وانا اشاهق وابي اروح اغسل وجهي لفيت عنه لكنه مسكني
"وين ؟؟" خايف اني اطلع وشكلي كذا
ناظرته وعيوني دموع وفكيت يده من ساعدي
سالني مستفسر "امل ..؟؟ شفيك ؟؟"
رفعت اصبعي ابي اتكلم وانا في قمت غضبي
"اسكت لا تتكلم "
هذا اللي الله قدرني وقلته وبعدها حطيت ايديني على اذوني ونزلت راسي
فترة صمت
كنت على طرف السرير جالسه وهو في الطرف الثاني
تنهيده طلعت منه
"امل؟؟"
ما رديت عليه
بعدها قال "مايصير كذا ردي علي خلينا نتفاهم "
تافففف وتعوذ من الشيطان وانا اسمعه همهمته وهمسه بينه وبين نفسه
جلس جنبي ويحاول يرفع يديني عن اذوني
"امل تراك منتي بزر تسوين هالحركات .........روحي غسلي وجهك وتعالي نتكلم "
عطيته ظهري وبديت امسح اثار دموعي وارفع خصل من شعري عن وجهي
"امل؟؟"
كانت بصيغة تهديد بس ما اهتميت ابد
"امل بتردين علي ولا شلون "
عرفت اني اغايضه بسكوتي فاستمريت فيه لكني تفجاة لما قالي
"طيب على راحتك "
ورجع ينام
.......................................

صحيت متاخر الظهر وحاولت اشغل نفسي عن الجلسة مع منال
بعد الغداء
سويت شاهي وجلست معها اللي كانت طول الوقت تكلم في الجوال
وبعدها نزلنا السوق ورحنا للملاهي علشان العيال
بعد العشاء

"اقول امل ؟؟وين فهد مو كنه تاخر "
" انتي تعرفين طبيعة شغله "
" ايه والله ...الله يعينه "

كانت حوارنا طول اليوم كئيب وممل ومتوتر احيانا وكنت احاول اني اكون طبيعيه قد ما اقدر
.........................................
الساعه 10الليل
وفهد ما وصل ولا اتصل كالعاده
دخلت منال تكلم في الجوال شكلها كانت مكالمه مع زوجها وقالت لي بروح انام
رحت لغرفتي غيرت ملابسي وانسدحت في فراشي انفتح باب الغرفه سويت نفسي نايمه
حسيت بيد على اللحاف ترفعه فتحت عيوني لقيت دانه
"دانه ليه مانمتي "
صارت تحك عيونها تمنع دموعها من النزول
"ابي بابا .."
سحبتها في حضني ونومتها معي وجلست امسح على راسها
"بيجي اللحين بس انتي نامي "
"كل يوم مايجي يروح ومايجي "
جات في بالي فكرة ابي اعرف وينه ؟
"تبين تكلمين بابا ؟؟"
شقت حلقها بضحكة ونقزت تجيب الجوال من الكمدينه
كلمته وانا حاطة على السبيكر بس يعطي مشغول على باله زعلان
قلت لها اغير الموضوع "اقولك قصه "
قالت "لا ابي مكانير <<مناكير "
ضحتك على كلمتها
"طيب تبين احمر "
هزت راسها حسيته بيطيح من الحماس
"ولوج <<روج "
قلت "اليوم مكانير على قولتك ولوج بكرة خلاص "
خذت نفس قوي حماسي وقالت "تيب"
جلست انا وهي على الارض متربعات وحطيت لها وكل ما احط في اضفر تسحبه تنفخ عليه وتبستم بشقاوة وترجع يدها لي الون الاظفر اللي بعده
"لا تسحبين يدك دن دون خليني اكملها بعدين انفخي على كيفك "
طالعت فيني ببرائه "ما سبحتها >>سحبتها "

"اشوف خلصنا " قلته وانا اسكر العلبه وارجعها مكانها
كانت جلستها تجنن متربعه ويدينها على ركبها وتنفخ عليها بنعومه وتطالعني وتبتسم
"ابي مويه "
رجعت ومعي كاس مويه وانا على باب الغرفه سمعت صوته؟ ودانه تضحك
دخلت بهدوء خايفه من المواجهه بعد اللي اليوم
كان يلعب معها وهي مبسوطه بعدها رفعها فوق
" لا ماابي ما ابي بتيح "
كانت تترجاه ينزلها وهي خايفه تطيح وهو يضحك على شكلها صدق لئيم
ناظرتني وقالت لي "بنزل هئ هئ "وبدت تبكي
نزلها لما التفت وشافني تغير وجهه 180 درجه
وانا ودانه طلعنا لصاله بعد ما شفته ناوي ياخذ له دش ويغير ملابسه
شغلنا التلفزيون وجلسنا عنده
"مانمتي "
كانت هذي منال لكن وجهها متغير احمر وعيونها متنفخه شكلها تبكي
ارتعت من شكلها
"عسى ماشر شفيك ؟"
جلست وكانها تفكر قربت منها وحطيت يدي على كتفها
"منال شفيك تعبانه "
قالت لي "لا "
وبعدها ضمتني تبكي خفت بعدتها
" سلطان فيه شي؟؟"
هزت راسها بنفي
وقالت لي السالفه زعلانه لانه قال اجلسي يومين وانه مسافر جدة عنده شغل بيخلصه وبيجي
"ليش يكذب علي "
" مو هو اللي قايلك انه كان رايح جدة "
"الا "
"خلص الرجال عنده شغل "
" انا مقهورة ومحد داري عني "
"نامت دانه بروح ادخلها غرفتها "
كنت ابي اغير الموضوع المفروض ما اتعاطف معها وهي توها اليوم الفجر تحرش رجلي يطلقني
رجعت لقيتها تفكر وبالها مو معي
صراحه ما ابي اجلس معها ولا ابي ادخل عند اخوها
والشقه صغيره كلها اربع غرف و مطبخ وصالة صح انها في عمارة حلوة وتصميمها راقي بس ما تصلح يجيك ضيوف لا ويسكنون معك
"ليه حظي كذا ...؟ "
التفت لها توقعت انها تفكر بصوت عالي لكنها كانت تطالع فيني يعني تنتظر اجابه
زفرت بضحكة من بين دموعها
"تصدقين يا امل اني احسدكـ .. صح انكـ تزوجتي ولد عمكـ وما طلع كفوا وتطلقتي .. وترملتي وانتي ما تزوجتي .. لكن ربي عوضكـ في فهد .. "
حسيتها تطعني بكلامها في صدري الم فضيع حسيت فيه
" فهد على الاقل يخاف ربه مو هالظالم اللي انا ماخذته .. مسوي فيها قدامكم شريف مكة "
حسيتها تبي تفضفض لي وكانها مخنوقه من شي
ابتسمت ابتسامه صفراء تحمل الم " احمدي ربكـ اللي ما خذيتي سعد اللي خانكـ قبل لاتدخلين بيته كان انتي اللحين مثلي "
حاولت استوعب ايش تبي توصل له ناظرتها وانا متفاجئه
"قلت لكـ مسوي شريف مكة "
سالتها وانا مو مصدقه "يعني سلطان راعي حريم و ....
قاطعتني " على بالكـ اني مصدقه ان عنده شغل ..... لكن غصب بسوي نفسي مصدقه "
ناظرتها وهي تبكي بحرقه تخيلت نفسي مكانها
"تخيلي يا امل تعيشين مع واحد كلـــ ......."
وما قدرت تكمل وانا ما بغيت اسمع ما ابي اتخيل ؟! كنت راح اكون مثلها يوم من الايام
سعد !!.. فضحة ربي ونزل روسنا الارض بسواد وجهه وخسر كل شي ويومها ابوي طلقني منه وهو ماعاد رجع جلس في الشمال سنه محد شاف وجهه واكتشفت بعد سنين ان حبي له وهم وماكان له كان حب لحلمي كاي بنت مابقى على زواجها الااقل من شهرين يعني احلامي كانت منحصرة فيه
لكن الحد على سلطان غير عن سعد لو ينفضح الله يهديه

لكن معقوله فيه وحدة تتكلم عن خيانه زوجها ولا تبي تقول اننا مرينا بنفس التجربة
"ضيقت خلقكـ لكن انتي الوحيده اللي تفهميني "
"قصدك اني عشت نفس التجربة "
"لا بس على الاقل حسيتي بالحرقة اللي حاسه فيها لكن انا غير عنكـ انا عايشه معه ومتحمله"
"الله يهديه "
"مالي الا الصبر والدعاء"

حاولت اغير الموضوع صعبة على الوحدة تتكلم في هالموضوع

وجلسنا نسولف ومن سالفه لسالفة لحد ماقلت لي
"شقتكم صغيرة من لما اخذها فهد وانا اقوله ماتصلح لك صغيرة ......
عضيت على شفايفي لااااا مستحيل يكون يقصـــــد الـ ـشـ ـــ ــ ـقـ ــ ـة >.<
http://www.wtv-zone.com/nevr2l82/bars10/BLKROSE.gif

[شمعة الدار]

سلمت يمناك على البارت الجميل

احس امل بدات ترسي حياتها بين الامل والفرح واعتقد ان هناك بعض النور الساطع وسط الظلام
يمكن تطلع صح مثل كلام مضاوي اخت فهد وتكون حامل

واحلى ما في القصة الكتاكيت الصغار دانه وحمود

ليش ما يبتي طاري منصور والاكشن تبعه عجيب هالولد

[بحر الندى]

خيــــــــــــــــال
ربي يسلم الايادي
ويسعد قلبك
ويملها فرح وامل
قصه حلوة
والافكار جميله
والاسلوب سلسل وحلوو وومتع
اقراء وانا واري دوام بعد ساعتين
ومقادره اترك القصه لين اكملهاا
مشكوووووووووووووره ياقمر
وتسجيل متابعه
وبتوفيق يارب

[خيال عابر]

سلمت يمناك على البارت الجميل
الله يسلمك حبيبتي :in_love:
احس امل بدات ترسي حياتها بين الامل والفرح واعتقد ان هناك بعض النور الساطع وسط الظلام
يمكن :shutup:

يمكن تطلع صح مثل كلام مضاوي اخت فهد وتكون حامل
يمكن :shutup:
واحلى ما في القصة الكتاكيت الصغار دانه وحمود
يسلمون عليك شمعه الدار:clap:
ليش ما يبتي طاري منصور والاكشن تبعه عجيب هالولد
االحكاية عن امل وهي اللي ما جابت طاريه :msn-wink:


مشكوووووووووور يالغلا على ردكـ المشجع :icon35:

[خيال عابر]

خيــــــــــــــــال
ربي يسلم الايادي
ويسعد قلبك
ويملها فرح وامل
يعافيك ربي ويسلمك يا بحر الابداع
قصه حلوة
والافكار جميله
والاسلوب سلسل وحلوو وومتع
خجلتيني :in_love:
اقراء وانا واري دوام بعد ساعتين
ومقادره اترك القصه لين اكملهاا
الله يسعدكـ يالغلا:nosweat:
مشكوووووووووووووره ياقمر
وتسجيل متابعه
وبتوفيق يارب


تواجدك ومشاركتك هنا دعم لي
احترامي لك بحر الندى :icon26:

[خيال عابر]

http://i461.photobucket.com/albums/qq337/n11n11n/heart-1-1.gif


(6)
وجلسنا نسولف ومن سالفه لسالفة لحد ماقلت لي
"شقتكم صغيرة من لما اخذها فهد وانا اقوله ماتصلح لك صغيرة ......
عضيت على شفايفي لااااا مستحيل يكون يقصـــــد الشــــــ قـــ ـة >.<
"امل.. وين رحتي اكلمك"
قلت لها بشرود "هاه لا معكـ"
"لا منتي بـ معي ابد .. فهد ما اتصل "
"نايم في غرفته "
رد علي صوت من وراي"لا ماني بنايم ...... سلام " وجلس جنبي
قالت له منال " متى جيت ما حسيت فيك !"
قالها وهو يمدد نفسه على الكنب وراسه على رجولي "من نص ساعه "
قالت منال بضحكه "الله يهديك البنت احترقت "

رفع عيونه لي وقال لي "اقوم حياتي ولا مرتاحه "
خذيت نفس ورديت "لاعادي "
اخذ يدي وباسها وقال "شفتي مرتي مريحتني فديتها " وغمز لي وانا فهمت قصده>> يقصدالعكس:(

منال انحرجت وقالت تغير الموضوع "عندك شي بكرة "
" لا عندي اجازة اسبوع!.. ليش تسالين ؟"
"بغيتكـ ترجعني بكرة الخبر"
"ليه سلطان رجع "
"لا بيجي بعد بكرة ...."
رفض فهد لانه مستحيل تجلس لحالها بالبيت وما عندها رجال فرضا صار لها شي لاسمح الله

قالت له اقتراح انها ترجع ونروح معها نغير جو خصوصا ان الخبر سياحيه اكثر من الدمام
ردعليها رد غريب بالنسبه لي " شوفي اذا امل موافقه انا ماعندي مانع "
طالعت فيه كانت عيونه على منال اللي قالت له "امل موافقه لاتعذر فيها صح امووووله"
احرجتني فما كان عندي خيار غير اني اوافق واستغربت زوجي العزيز ابو الاوامر العسكرية صاير ديمقراطي وياخذ رايي
"تصبحون على خير "
وطلعت منال تنام وهو تعدل وجلس التفت عليه ابي اعتذر عن اللي صار الصبح لكن شكله مايشجع ابد
كان حط يدينه على راسه ومسنده ويطالع فوق ويفكر وشكله متضايق مررررة
ادري اني زودتها حبتين لكن هو جاف وقاسي احيانا
ماكان فيه مجال لازم اقول شي وابرر سخافتي اليوم ما امداني افكر الاوهو موقف بيدخل غرفته
ترددت كثير اناديه وتراجعت قلت خليه بالغرفه احسن
جلست ثواني افكر شـــــــ قول له
سميت بالله وقفت عند مرايه المدخل اشوف شكلي
بيجامتي لونها ليموني فاتح تترو وشبشب فرو احمر
ضحكت لانه متعمده البسها مايحب فهد شكلي كذا
يقول كنها ملابس ممرضه خخخخخخخخ
فتحت الباب بهدوء لقيت الغرفة ظلام معقوله نايم مايمدي فتحت الابجورة وناديته بصوت واطي
ومارد علي حاولت ارفع صوتي اكثر وكان معطيني ظهره
"احممممممم فهد ..نايم "
"نعم .."
لما رد علي ضاع كل الكلام اللي بقوله
"فيه شي "التفت لي وانا جلست بطرف السرير
نزلت راسي وماعاد تكلمت ولما رفعت راسي له كان جالس وساند ظهره على السرير وينتظرني اتكلم
صرت افرك ايديني متوترة قلت له "انا اسفه "
وناظرته رفع حاجبه وسالني "ليه شــــ سويتي ؟"
ماعندي جواب وهو ماسهل علي الطريق بالعكس
اكره استجوابه و الطريقه العسكريه اللي يتعامل فيها
"مارديتي ؟!"
"قلت لك اسفه .. .. ادري اني غلطانه لكن كنت فاهمه الموضوع غلط "
عقد حواجبه وسالني متعجب"أي موضوع "
كل مرة اكتشف اني غبيه ولساني يبيله فرامل كنت ناويه ما اجيب له سيرة اني سمعته هو ومنال بيقول اني اتصنت عليهم :(
زميت شفايفي بقهر وقلت له "بقولك على شرط ما تفهمني غلط ؟!"
وقلت له السالفه والعبرة خانقتني وهو ما قاطعني طول الوقت ساكت
ولما خلصت ناظرته كان يبتسم واشرلي بيده "تعالي "
قربت وانا امسح دموعي لمني وعض يدي بقوة
"ااااااي ...
قالي "علشان ثاني مرة ماتظنين فيني الشينة .. "

*_^
////////////////////////////////////////////////////////

وصلنا الخبر بسلام واخذنا شالية حلو وقضينا اربع ايام ورجعنا علشان الدراسة لان حمودي يدرس يكفي يوم الثلاثاء والاربعاء ماراح والجمعه رجعنا فيه

كانت ايام حلوه انبسطت فيها كثير .. اكتشفت اشياء كثيره .. اولها ان حلمي تحقق وصار عندي اللي اتمناه عيال احبهم وزوج وصديق وحبيب حتى مع عيوبه
احــــــــــــبه ^_^

تاملته وهو يسوق كان ساند راسه على يده اللي متكيه على نافذة السيارة
مدري متى ولا كيف المهم انه هالانسان صار اهم واحد في حياتي واحتل مكانه في قلبي
لكن الي يشغل بالي رقم غريب يتصل علي ويرسل لي
اكيــــــــــــــــــــد عرفتوه ؟!... سعيدان
احسه صار عنده هوس مريض هالانسان مو بطبيعي اللحين انا على ذمة رجال شـ يبي فيني

من اول اتصال له قلت لــــــ سارة تقول لرجلها يعقله ويخليني في حالي
لانه رجلها مع انه اصغر منه الا انه اعقل وملتزم مو مثله اســـــــــــــتغفر الله

ما ابي الموضوع يكبر ولا قلت لــــــ فهد



:::::::::::::::::::::::::::::::::::::::::::::::::: ::::::::
ومرت شهور حوالي اربعه شهور

وفي ليله من الليالي كنت نايمة مستغرقه في النوم حسيت بفهد يهزني ويصحيني بعنف
"امل .. اصحي "
فتحت عيوني ووجهي مليان دموع وانا اشاهق ابكي مدري كيف ولا ليه والاكيد واني كنت احلم
مسحت وجهي وخذيت نفس عميق اضبط انفاسي وغمضت عيوني اتذكر شـ احلمت فيه ما تذكرت شي
ناظرت فهد لقيه مستلقي على ظهر ويناظر السقف ويفكر ومد يده بيطفي النور
"فهد .. شـــــ صار ؟؟"
رد علي بعصبيه وهو يصارخ " تساليني ... انا اللي المفروضـــــ ... " سكت صار يتمتم "استغفر الله .. استغفر الله .. اعوذ بالله من بليس " وطلع من الغرفه
استغربت ردت فعله كل هذا علشان صحيته من النوم لا السالفه اكبر خفت وزادت نبضات قلبي قمت بسرعه ولبست روب وطلعت دورته لقيته بالحوش
نسيت اقولكم انه قبل ثلاث شهور استاجرنا فيلا صغيره لصديق فهد ولا ما فيه احد ياجر الا سنوي ما فيه بالشهور الفيلا خذنا بس الدور الارضي علشان العيال يلعبون في الحوش اللي اخرة في حديقه صغيرة فيها طاوله وكراسي لقيت فهد جالس على وحده منها ومنزل راسه بين ايديه الدنيا كانت برد لميت نفسي ورحت له جلست قباله على الارض ويديني على ركبه وما رفع راسه لي
"ادخل برد عليك "
تنهد بحرارة وقالي " خليني لحالي شوي "
قالت " لا رجلي على رجلك ماني بداخله الا وانت معي "
رفع راسه وابتسمت له واختفت ابتسامتي من ملامحه ابد ماتطمن
وقالي كلام عمره ما قاله ولا توقعت يوم من الايام يقوله " للحين تفكير بــــ سعد !!!..
http://www.wtv-zone.com/nevr2l82/bars10/BLKROSE.gif

[أصعب جرح]

روووووووووووووعه البارتات...

وسوري لاني ما ارد أول بأول...

امممممم
احب اقوول ان اسلووبك رووووعه في السرد ومشوق مررره..


في انتظار البارت الجاااي

[شمعة الدار]

يووووووه ياحرام امل تلاقيها من وين بالله عليك ياخيال بجد انصدمت هالكثر اثر فيها سعيدان ومضايقها اتمنى يتفهمها فهود ولا يفهمها غلط

ممكن سؤال وين بقية الشباب الربع مشاري ومحسن ومنصور ومساعد مع اني ما احبه بس فجاة اختفوا وش صار عليهم ؟


تحياتي لك بارت رائع مثل صاحبته

[خيال عابر]

روووووووووووووعه البارتات...

وسوري لاني ما ارد أول بأول...
:nosweat: معذورة يالغلا

امممممم
احب اقوول ان اسلووبك رووووعه في السرد ومشوق مررره..
:in_love: خجلتيني الله يسلمك


في انتظار البارت الجاااي

وانا بعد انتظركـ :msn-wink:

[خيال عابر]

يووووووه ياحرام امل تلاقيها من وين بالله عليك
:no::tears::no:
ياخيال بجد انصدمت هالكثر اثر فيها سعيدان ومضايقها اتمنى يتفهمها فهود ولا يفهمها غلط
:nosweat: حتى انا بعد
ممكن سؤال وين بقية الشباب الربع مشاري ومحسن ومنصور ومساعد مع اني ما احبه بس فجاة اختفوا وش صار عليهم ؟
هم بعيد عنها كيف تقولكم عنهم :nosweat:
تحياتي لك بارت رائع مثل صاحبته

فديتك يا شمعة الدار :icon26: حبي لك

[خيال عابر]

http://i461.photobucket.com/albums/qq337/n11n11n/heart-1-1.gif

(7)وقالي كلام عمره ما قاله ولا توقعت يوم من الايام يقوله " للحين تفكيرين بــــ سعد !!!..؟؟

ســــــــعــــــــد !!!..!!!
ناظرته وانا مصدومه من سؤاله مستحيل اكيد انا للحين احلم اختفى الاكسجين
لما جيت بتكلم وقف الكلام بحلقي
وهزيت راسي بلا
نفض ايديني بقرف وقف راسي كانه مضروب بشي ثقيل من الصدمه
لازم اقول شي لازم اتكلم انا ما افكر الا فيه انا ما احب الاهو
وعمري ما فكرت اني بحب احد مثله

تكلمت وانفاسي تتابع " لاأأأأ ما افكر فيه ولا يطير على بالي ......
قاطعني بحدة ووهو يوقفني اقابله من حرارة انفاسه احسه بركان ثاير

" لا تكذبين .. الى متى تمثلين ؟؟ ما تعبتي "
قلت له بصراخ " انا ما اكذب ولا امثل انت ماتدري شــــ كثر اكره شـــــ سوى سعد علشان احبه ولا افكر فيه
عطاني كف على وجهي اول مرة يضربني بس مو اول مرة انضرب
رديت عليه بصوت اعلى " اضربني سوي اللي تبي لكن لاتظلمني "
قالي والشرار يتطاير من عيونه "اظلمك وانتي نايمه بحضني وتبكين وترددين اسمه ؟؟"
لاآآآآآآآآآآآآ مستحيل اسويها مستحيل
"ردي علي ؟؟ " غمض عيونه واخذ نفس لان صوت الاذان قطع كلامنا ودخل وانا واقفه مكاني
حلم يا ناااااااااااااس فيه احد يحاسب على حلم حتى مايذكره
ردت مع الاذان ودعيت ربي دعوة مظلوم ان ربي يرده لي رد جميل ويهديه
ماابي شي من الدنيا الاهو

////////////////////////////////////////////////////////////
مرضت صابتني حمى قويه وفهد بعد الفجر طلع من البيت ولا رجع الااخر الليل ونام ما كلمني
اخذت لي فراش ونمت بغرفة ثانية في اليوم الثاني والحمى كل مالها تزود وصرت استفرغ >>وانتم بكرامة
ولا اكل شي ابد حتى الصلاة لما اصلي احس انه بيغمى علي واقل مجهود يتعبني جسديا زياده على نفسيتي العدم حتى العيال ما جلست معهم واخر الليل زاد التعب علي وتحملت الى الصبح ورحت لغرفتي قلت اكيد طلع لقيه صاحي بيروح الدوام طلعت لي ملابس كنت ناويه اروح للمستشفى مع السواق
دخلت الحمام وطلعت لقيته ما طلع جالس على كرسي التسريحة وظهره للمراية شكله ينتظرني
صرت انشف شعري وكانه مو موجود ومريت من عنده اخذ فرشات شعري من الدرج غصب ناظرته
اشتقت له وبعدت عيوني بسرعه لانه كان يناظرني
سالني "تعبانه ؟"
صرت امسح خشمي ودموعي حتى صوته اشتقت له حيل
صديت عنه لكنه قال لي
"انتظركـ في السيارة لا طولين؟"
حتى حنيته اللي يغلفها بقسوة كلامه احبها
كملت لبسي وطلعت قلت يمكن خيره واقدر بعيد عن جو البيت نتفاهم
////////////////////////////////////////////////////////////////////////

لما وصلنا دخلت عند الطبيبة وسوتلي فحوصات تقيس الضغط والحرارة
وسالتني "انتي حامل "
قلت لها "لا"
قالت سوي تحليل دم استغربت ورحت مع الممرضة والله الدجة في هالدكتورة اللحين حمى وتقول سوي تحليل دم ولا شفط فلوس على الفاضي
يوم طلعت من التحليل مريت لقيته واقف
قلت له رح وانا برجع مع السواق سفهني وسالني ليش تحليل قلت له مدري اصر يدخل معي عند الطبيبه وانا ماودي لان عليها اسئله محرجة سالتني ايها قبل لا احلل واخاف تسال عن شي وهو موجود :(

:::::::::::::::::::::::::::::::::::::::::::::::::: :::::::::
استغربت لما شافته لكنها سكتت ياليتها طردته
سالتني سوال مال امه داعي جعلها اللي مانيب قليله توها سالتني مايمديها تنسى
وشفت شبه ابتسامه على وجهه مستانس الاخ على وقحتها
"انت حامل "
هذا اللي سمعته وقلت لها بصوت عالي "لاآآآآآآآ مستحيل "
قالت لي "ليه انت مش متزوجة "
قلت لها "لابســـــ ........" قطعت كلامي ماابي اقول قدامه وانا تو قايله لها يومنها سالتني
لكنه رد عليها "تستخدم موانع حمل "
لا موقف لا احسد عليه كيف عرف ؟
"ما انا عارفه .." وبدت تشرح وتفلسف وانا ماني معها
خـــــــــــــــــــــــــــــــــــايفة
:::::::::::::::::::::::::::::::::::::::::::::::::: :::::::
طول الطريقة وانا دموعي اربع اربع :(
خايفة تخيلوا فجاء يصير لكم اللي صار لي كائن حي داخلي خخخخخخخ قمت اخبص ضحكت والظاهر ان ضحكتي وصلت لفهد التفت لي
قالي بنفخه وهو معصب "انكتمي "
ادري انها سبه بس فجاءة جلست اضحك بدون وعي
"الحمد الله .. شوي تبكين وشوي تضحكين انهبلتي انتي"
قلت له بعناد وانا اشاهق بعد الصياح "ايه بكيفي "
صار يهز راسه وهو ساكت الخوف اللي فيني مو منه قد ماهو من الجاي والتغير اللي صار لي
خوف مع فرحة مدري كيف اوصفه هالشعور غريب
دخلت البيت وهو شخط بالسيارة بداء عقلي يستوعب اللي يصير
كنت ناويه احل مشكله صرت بثنتين غيرت ملابسي ونمت
::::::::::::::::::::::::::::::::::::

صحيت على صوت حمودي داخل ومعه ورقه تقيمه وفرحان
اخذتها حضنته وصرت ابكي وبعدت عنه لقيته منزل راسه
وبسته وقلت "فديت ولدي الشاطر اليوم العصر اخذك تشتري اللي تبي "
قالي "نشتري بلاشتيشن محمول "
قلت له "ولا يهمك نشتريه كم حمودي عندنا "
ونزل من السرير وقالي " لا تقولين لدانه ؟"
"ليه ؟"
"ما ابيها تروح معنا " غيوووووور هالولد
"نخليها لحالها حراااااااام"
"ايه نروح وهي نايمة "
ضحكت على افكاره صدق شيطاني
قلت بجديه " انا زعلانه عليك رح مع ابوك .. اللي مايحب اخته انا زعلانه عليه "
قالي وهو مكشر "خلاص بخليها تروح معنا "
تعجبني ثقته في نفسه مع انه صغير لاحظوا ما امرني لا اصدر قرار ياحليله يحب يكبر نفسه ويقلد ابوه *_^

/////////////////////////////////////////////////////////////////////
رجعت من السوق وحيلي مهدود وانتفض من الحمى
الطلعه مع الصغار تعب كيف والانسان تعبان خلقه
ماصدقت ارجع اخذت حمام دافي ولبست بيجامه ودخلت فراشي والنفضه زادت وضاق نفسي
وصرت انام اذا حسيت بالدفى واصحى من البرد مع ان التكيف شغال
فتحت عيوني على صوت فهد " قومي اشربي "
كان مع عصير ليمون دافي مع نعناع شربت شوي وحسيت اني برجع بعدت ورحت للحمام >>وانتم بكرامه
وطلعت منه وانا ارجف ولما وصلت فراشي
قالي "خذي حمام علشان الحرارة تخف "
هزيت راسي ودخلت فراشي وغمضتها حسيت بيده على جبيني يقراء ونمت
////////////////////////////////////////////////////
الصبح حسيت نفسي احسن ومافيه حرارة رحت اصلي الفجر اللي فاتني
ورجعت انام لفيت عليه وتاملت ملامحه وهو نايم قربت منه وبعدت يده ودخلت بحضنه
حس فيني وفتح عيونه وانا سويت عمري نايمة وتحسس جبيني وباسه
تطمنت قلبه كبير و بيسامحني مهما سويت ودمعت عيوني >> مزاج وحام لا تشرهون عليها
مسح دموعي ورفعت راسي وناظرته وقلت له " انا ....... شــــــ قوله ؟؟اللحين
قالي بهمس "تكلمي لاتسكتين " شكله يبي يرتاح مثلي
قلت له اني كنت خايفه احمل وخبيت عنه لاني متاكده انه بيرفض وصفت له مشاعري للي حسيت فيها يوم دريت اني حامل ابتسم اكيد بيقول غبيه لكن تعودت اقوله كل شي وما اخبي مشاعري
سكتنا مدة سالني لما ناظرته وعيونه بعيوني "وسعد؟!"

http://www.wtv-zone.com/nevr2l82/bars10/BLKROSE.gif

[أصعب جرح]

رووووعه البارت مع انه قصير ومافي احداث واااايد..



الشي اللي ما حبيته انه فهد مد ايده على أمل..



وغير كذا

v
v
v
v
v
v
v
v
v
v
v
v


أنتـــــي أحســــن وأروع كـــــاتبه والله ياليت الكاتبات كلهم نفسك وكل يوم ينزلون بارت:cupidarro

ما شاء الله ..ما شاءالله << عشان ما نحسدك:bleh:


في انتظار البارت القادم على أحر من الجمر


والله يعطيج العاافيه حبوبه

[بحر الندى]

خيــــــــــال
ربي يسلم الايادي
امل هذه امم مسكينه
ليس لها من اسمها نصيب *_*
من حفره لدحديره مثل ما يقول المثل
بس لازم تقول لفهد كل شي ولا تخبي نقطه صغيرة و خليهم ارجال يتفاهمون مو مسوليتها كأمراة تحل المشكله
تعرفي الاسلام لمن قال صوت المراة عورة ما قال شي عبث ..
ولمن المراة تكلم رجل بتليفون لو مجرد سلام او عتب او هواش تفتح عليها ابواب مسكره
الافضل انها قالت لفهد سالفه من اول مسج ومكالمه وخلت الحكي بين الرجال وطلعت منها هي ..
وطلعت جوال جديد احسن واريح
وحتى مرات اخو سعد تخفف من علاقتها معها (الباب اللي يجي منه ريح سده و ستريح)
...
ااممم وقصه مرت فهد بدور وسحر ... انا خايفه منهاا
من الشخص اللي ممكن يسحر حرمه و يخليها تكره بيتها وزوجها و عيالهااااا!!!
اخاف احد يبي فهد وله رغبه فيه فيقلب سالفه على امل ..الله يستر ..
و ربي يسلمك ويسعد قلبك
ويوفقك
لاخلا ولا عدم
وننتظرك بشووووق
اختكـ
ندوووش
^_^

[خيال عابر]

رووووعه البارت مع انه قصير ومافي احداث واااايد..

:no: الخير جاي
الشي اللي ما حبيته انه فهد مد ايده على أمل..

عصبي مو اكيد مو :bleh:
وغير كذا

:sly:
v
v
v
v
v
v
v
v
v
v
v
v


أنتـــــي أحســــن وأروع كـــــاتبه والله ياليت الكاتبات كلهم نفسك وكل يوم ينزلون بارت:cupidarro
:shutup: موكل يوم لاتصيرين طماعه خلصت البارتات الجاهزة وراح تبدون مع المنتدى الاصلي انزل فيه وانتوا بعد بيومين :msn-wink:

ما شاء الله ..ما شاءالله << عشان ما نحسدك:bleh:
:nosweat:

في انتظار البارت القادم على أحر من الجمر

:msn-wink: قريب ان شاء الله
والله يعطيج العاافيه حبوبه

يعافيك ويسلمك ربي :icon26:

[خيال عابر]

خيــــــــــال
ربي يسلم الايادي
امل هذه امم مسكينه
ليس لها من اسمها نصيب *_*
من حفره لدحديره مثل ما يقول المثل >>>>:tears:
بس لازم تقول لفهد كل شي ولا تخبي نقطه صغيرة و خليهم ارجال يتفاهمون مو مسوليتها كأمراة تحل المشكله >>> :shutup:
تعرفي الاسلام لمن قال صوت المراة عورة ما قال شي عبث ..
ولمن المراة تكلم رجل بتليفون لو مجرد سلام او عتب او هواش تفتح عليها ابواب مسكره >>ماكلمته ندوووووشه:no:
الافضل انها قالت لفهد سالفه من اول مسج ومكالمه وخلت الحكي بين الرجال وطلعت منها هي ..:nosweat:
وطلعت جوال جديد احسن واريح :shiny: طلعت لما تزوجت ذكرت ذلك في مكالمة مع مشاري:nosweat:
وحتى مرات اخو سعد تخفف من علاقتها معها (الباب اللي يجي منه ريح سده و ستريح)
...:msn-wink: صديقتها
ااممم وقصه مرت فهد بدور وسحر ... انا خايفه منهاا
من الشخص اللي ممكن يسحر حرمه و يخليها تكره بيتها وزوجها و عيالهااااا!!!
اخاف احد يبي فهد وله رغبه فيه فيقلب سالفه على امل ..الله يستر ..>>يمكن يبيها :msn-wink:
و ربي يسلمك ويسعد قلبك
ويوفقك
لاخلا ولا عدم
وننتظرك بشووووق
اختكـ
ندوووش
^_^

ربي يسلمك ويخليك يالغلا
سعيدة بتواجدك للمرة الثانيه وردك المشجع :clap: فديتك بحر الابداع >>:nosweat:

[$$$الحااالم$$$]

يعطييييييييييييك العاافيه بداايه موفقه


تقبلي مروري

[شمعة الدار]

لالالالالالالالالالالالالالالالالالالالا ينزل بارت وما ادري عنه

كيييييييييف كذا يا خيال افا يا ذا العلم <<< لاتشرهين مسخنه كنت

اما بارت عجيييييييييييييييب خخخخخخخخخخخخخخخ توقعتتها تكون حامل يارب يكون وجه السعد عليها


سلمت يمناك



قققققققووووووووووووووووووهييييييييييييد

[خيال عابر]

يعطييييييييييييك العاافيه بداايه موفقه


تقبلي مروري
ياهلا اخوي
تشرفت بزيارتك :in_love:

[خيال عابر]

لالالالالالالالالالالالالالالالالالالالا ينزل بارت وما ادري عنه
افااااااااااااااااااااااااااااا حتى انا مادريت انك ما دريتي :nosweat:
كيييييييييف كذا يا خيال افا يا ذا العلم <<< لاتشرهين مسخنه كنت
حياك حبيبتي اي وقت :msn-wink:

اما بارت عجيييييييييييييييب خخخخخخخخخخخخخخخ توقعتتها تكون حامل يارب يكون وجه السعد عليها
يــــــــــــــــــــــــــــارب:shutup:

سلمت يمناك



قققققققووووووووووووووووووهييييييييييييد

ياهلا شمعة الدار نووووووووووورتي :in_love:

[خيال عابر]

(8)

سكتنا مدة سالني لما ناظرته وعيونه بعيوني "وسعد؟!"

جاوبته بصدق " مافكر فيه .." ما عرفت اعبر!!
ملامحه بدت تقسى وكملت مو مهم اني اعبر صح المهم اقول اللي داخلي هذا كلامه و يا خوفي منه

قلت له ان سعد يتصل ويرسل لي ومن اسبوعين و قلت لمشاري يتفاهم معه
وما جبت سيرة لا سارة ولا رجلها
بعد عني وجلس وقالي بقهر" شــــ يبي يتصل عليتس " خفت لايضربني من انفعاله
"مدري عنه ؟؟"
"كيف ماتدرين؟؟ "
"ما ادري ؟؟" قالتها وانا اهز راسي "وربي مدري عنه "
"وانا ليه ماقلتي لي "
"خفت "
"خفتـــــــــــــــــــــــــــــي " قالها متعجب
"خفت تعصب وما ابيك تدخل وتكبر المشكله وما ابي عمي ياخذ منك موقف و هو مايستاهل اللي يحسه .. وهذا انسان مريض ما يستاهل الا الحقران " يحسه =يزعله
"مريض هاه .. انا اعرف اعالجه "قالها بعصبيه ونفض الفراش بيطلع لحقته
" فهد الله يخليك اسمعني مشاري تفاهم معه وعرفه قدره لا تكبر المشكله "
"انتي شعره وجهي عرضي "
عطيت يدي على صدره اهديه لانه صار نار
"تعوذ من بليس .. انت اللحين منفعل اذكر الله "
راح يغسل وجهه وانا راسي يدور فيني يارب ستركـ

بعد دقايق طلع وصد عني ومسح وجهه ودخل فراشه
صار يهوجس خفت من ردت فعله
ناديته بهمس"فهد"

ناظرني بنظرة المسائله مو سهله مثل ماتوقعت
"ماابي اسمع صوتك سالفه الموانع الحمل مشيتها بمزاجي لكن تخبين شي مثل كذا هذي كبيرة "
وعطاني ظهره ونام او تظاهر بالنوم وانا لزمت الصمت تقلب في الفراش دقايق وقام وغير ملابسه وطلع

فهد ماخذ موقف من سعد من لما خطبني وسعد وقف له وقال بنت عمي ما احد ياخذها الا انا ويمكن انا ما اصريت اخذ فهد في البدايه الا ابي اقهر سعيدان
لا تقولون وينه يوم ملكت على عبدالرحمن لان هذي قصة ثانيه
ذيك الايام ابوي رضى عليه وعشمه انه يردني اذا انا وافقت وصار يرسل رسايله اللي قلت لكم عن بعضها
وابوي مكان جاد لا كانت حركة منه يبي يقهره والدليل انه حطه قدام الامر الواقع بملكتي المفاجئه حتى لي
وانا ماكنت ادري عن شي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ


بعد الظهر
بدوا العيال يزنون علي يبوني اتصل عليه لانه مواعدهم ياخذهم الملاهي
لانه اليوم فاضي وهو واعد محمد يوديه والناس عطله يوم خميس


اتصلت وعطاني مشغول >>عادته اذا كان زعلان >.<

اتصل علي العصر
:السلام
:هلا وعليكم السلام
سالني:كيفكـ اللحين
:الحمد الله طيبة
قال لي بهدوء:جهزي العيال بمر اخذهم
قلت له بدلع وانا داريه انه زعلان :بس العيال
سكت مارد
:حبيبي مارديت علي يعني ماتبيني معهم
قالي :لا اجلسي في البيت انتي تعبانه
نرفزني :ماني بتعبانه
قالي بضحكه :شوفي كيف تكلمين مع خشمكـ
انقهرت منه : طيب
:شـــــ اللي طيب
قلت له :مالك شغل
وجاني اتصال : معي مكالمة مع السلامه وسكرت ورديت
كانت المكالمه من خالتي ام نايف>> ام فهد
تبارك لي بالحمل وانا مستحيه اكيد فهيدان مبشرها





××××××××××××××××××××××××××××××××
مــــــــــــــــــــــــاعاد جاب طاري لموضوع سعد
اسبوعين والامور مستقرة مع شوي تقلبات في مزاجي ومزاج زوجي العزيز
اللي ما بقى على نقله الا شهرين ويحاول يضغط على نفسه ويتحمل
وهذا اللي مخليه عصبي أي كلمه تخليه يشب نار
وانا اسايره كنه بزر اقول بكرة يروق ويرجع زي اول



ومثل العادة اذا مستلم ما يجي الا الفجر
الساعه 1 الليل
اخذت جوالي اتصل على مشاري لا لا شـ بيقول الوقت متاخر
مخنوووووووووووقه وطفشاااااااانه بتصل عليه
واتصلت رنه .. رنه .. والثالثه ولا رد سكرته احسن اشوى انه مارد
لويت فمي زهقانه
نزلت جوالي ورحت للمطبخ

كل ما فكرت اكل شي اشمه اهم شي الريحه قبل الاكل كاني قطو في الاخير قلت مافيه غيركـ ادمنت عليه
عصير طماط >> وحااااااااام لتذكير:)

لما رجعت لصاله جلست اتفرج على التلفزيون وانا طفشانه لا جيران لا اقارب ما ازور احد الا من اسبوع كانت منال عندنا هي ورجلها
حتى مشاري اللي وعدني يجي قبل اربعه شهور جاني من شهرين سلم علي وجلس من العصر للمغرب وراح
وحنا مارجعنا الرياض الا قبل شهر جلسنا اربعاء وخميس والجمعه رجعنا
ما امداني اقعد مع اهلي .. ..
خذيت نفس عميق وانا احس نفسي مكتومة
"السلام .."
رديت عليه "هلا وعليكم السلام
"ليه سهرانه "اخذ مني كاس العصير وشرب منه وكشر
"وععععععع وش ذا "
رديت عليه وقلبي يدق بقوة ونفسي ضيق "عصير طماط "
قلدني وهو يمط الكلام "طماط .. "
مالي خلق لمزحه تعديته مسك يدي "شـ فيك تعبانه "
"لا .. مخنوقه .. "
"تكفين الله يعافيك لاتصيحين "
سحبت يدي ورجع سحبها بقوة"فهد الله يخليك ما لي مزاج لمزحك الثقيل "
شهق بتمثيل "انا مزحي ثقيل "
ابتسمت "احيانا "
عطاني ظهر رايح داخل وهويقول " زعلت كنت ناوي اقولك خبر لكن اللحين مافيه "
قلت له ببرود "عـــــــــــادي "
التفت علي "ماتبين تعرفين "
"لا " قلتها وقلبت عيوني ورحت وتركته
وانا ابي اعرف شــــــ الخبر اللي مخلي مزاجه توب خخخخخخخخ
رن جوالي ورديت كان مشاري المتصل
:الســـــــــــــلام
توقعت انه نايم وماراح يشوف الرقم بس صوته مصحصح وعنده ازعاج: وعليكم السلام هلا مشاري شخبارك؟

سالني شكله مستعجل : الحمد الله طيب انتي متصله علي
ارتعت صوته موب طبيعي : ايه اتصلت بعدين هونت قلت يمكن نايم .. شــ الازعاج اللي عندك؟
ضحكـ: اختك الرجه في المستشفى
قاطعته :لاااااااااا نوف ولدت
:تو للحين من الساعه 9 وانا اطلع من المستشفى وارجع لعمتي جالسه عندها
ياعمري يا نوف :امانه يا مشاري اذا ولدت علمني
: ابشري اقول اموله لو تشوفين حمد تقولين مرته اللي تولد مستعجل يصير خال خخخخخخخ
ضحكت : ياااااااااعمري عليكم
سكرت منه يا حياتي يانوف الله يقومها بالسلامه
"من تكلمين ؟؟"
مسحت دموعي "مشاري !! "
جلس جنبي ولمني بذراعه من كتفي "اثنين يا انا ياهم!! منصور ومشاري .. بس منصور فيه شي يشفع له عندي "
"علشانه ولد اختكـ"
"لا علشانكـ عمته "
ضحكت "ههههههه زين تعرف تمزح طيب مشاري اخوي اقرب "
"لا منصور غير "وحركـ حواجبه
"شــــــ معنى ؟؟"
"ســــــــر مقدر اقوله "
كل شي غير.. متغيره نفسيه مرة وحتى شكله الخارج مايدل على توتر او ضغظ مثل الايام اللي راحت
"شفيكـ تبحلقين فيني ؟؟"
سبلت بعيوني" معجبه "
ضحك بصوت عالي "مصالح بس ماني قايلك "
رن جوالي فزيت من مكاني :الووووووووو
بدون مقدمات قالي مشاري:ابشركـ جابت بنت
:الله يبشرك بالخير ..
وسالته عن نوف وطمني وسكرت منه والتفت على فهد
"نوف جابت بنت "
"الله يصلحها "
رجعت مكاني "شكلك تحب العيال اكثر من البنات "
"لا عادي كلهم واحد بس الولد يشيل الاسم ..ماينقطع ذكرك اذا عندك ولد"
"شفت تحب العيال اكثر ... "
////////////////////////////////////////////
عرفت الخبريه بنرجع الرياض مابقى على نهاية السمستر الا اسبوعين و ماراح يدرس محمد السمستر الثاني هنا وينقل صعبه شوي فننقل يبداء الدراسه في الرياض احسن وابوهم يجلس شهر اللي بقى له لحاله
واجلت زيارتي لاهلي اسبوعين علشان مرة وحده مانروح ونرجع والله مشتاقه اشوف بنت نوف
ياحليله منصور يقول قرعا مافيها شعر خخخخخ وارسلوا لي صورتها
نوف تزوجت فبل ما اتزوج فهد بثمان شهور تزوجت ولد عمي اخو سارة


::::::::::::::::::::::::::::::::::::


سكنت مع اهل فهد وزياراتي لاهلي مختصرة وقصيرة لان محمد يدرس طول الاسبوع
وفهد يجي نهاية الاسبوع فما فيه فرصه اني اطول عندهم
فقدت فهد حيل حتى هو يقولي انه يشتاق لي
صرنا نجلس على التلفون اكثر من ثلاث ساعات في المكالمه الوحدة اللي اليوم اكيد يكون في اكثر من مكالمه
ومرت الايام بالاشواق طول الاسبوع والوصل اخره
وكل اللي يشوفني يدري اني فاقده غالي مالي نفس في شي ابد
يمكن وحم لكن بعض الحريم يتوحمون على رجالهم ويكرهونهم وانا بالعكس

في يوم خميس طلع فهد من البيت ونزلت عن خالتي ام نايف ومرت نايف مثل كل مرة وقت الضحى
وكانت سوالف عاديه لحد ما وصلت عبير وجلست معها
قالت لي :ترى اليوم عندنا عزيمه
:ايه قالي فهد
:قالك منهم
:ايه يقول قرايبكم
:ما قالك انهم اهل ام عيون شعل
استغربت كلامها :ام عيون شعل شـ تطلع ذي
ضحكت :قالت هذولي عندهم بنت تقول للقمر قم واجلس مكانك عيونها سبحان الله بحر شعل يعني لونها يعطي على عسلي ورمشها طويل واشقر .. واستدركت كلامها وقالت ... ترها مهي بنت بنت مطلقه و في اخر الثلاثين بس تقولين ام خمس طعش .. وهذي الله يسلمك عمي فهد يقولون انه كان يبيها ويقول لجدي الله يرحمه انا ماني متزوج الا ام عيون شعل ... بس تزوجت ياحرام وراحت عليه ... .. وهو تزوج بدور .. وحطت يدها على فمها .. اووووووب ما اقصد ... عادي صح>>تقصد انها جابت سيرة بدور
ابتسمت :ايه عادي شدعوى اللحين تقولين لي قصة عمك الغراميه وقفت على بدور ..

ونادتها امها وراحت تركض ورجعت طايره
:امل امانه لا تزعلين ترى عادي قصة قديمة
:عادي حبيبتي مافيها شي
:لاشكلك زعلتي واضح عليك وانتي تقولين قصة عمك الغرامــــــ "لبيه يمه جايه " بروح لامي بس وسعي صدرك انتي املح منها وغمزت لي وراحت
ضحكت على رجتها والسالفه ما اثرت علي ورحت اتمدد في غرفتي لاني احس بشويت تعب
لكن طول الوقت اتقلب وانا اعيد كلام عبير في راسي ..

،،،،،،،،،،،،،،،،،،،،،،،،،،،،،،،،،،،،،،،،،،،،،


استقبلت الضيوف وعيوني تدور ام عيون شعل ما شفتها مالقيت احد مميز كل الحريم عاديات
طلعت ولقيت عبير ناديتها
"اقول عبير ماشفت ام عيون شعل على قولتك "
حزنت وبان على وجهها "ماشفتيها اللي متحجبه بطرحتها وجالسه جنب جدتي "
استرجعت الحضور في ذهني
"متاكدة "
ابتسمت "شكلك تحسبينها على وصفي اليوم ... "
استغرب كلامها وكملت " امي اليوم الله يهديها قطعت علينا السالفه ... شوفي هي اول كانت مزيونه .. بس اللحين بعد المرض تغيرت لها سنه بامريكا ...تعالج عندها ورم بالراس .. .. سبحان الله توني شايفتها قبل سنه مافيها شي .. في سنه بس شوفي شكلها كيف تغير من الكيماوي "
"الله يشفيها "
"غريبه عمتي موضي ماجات ؟!"
"حتى انا مستغربه ... وماترد لاهي ولا منصور .. واستحيت اتصل على محسن "
قطع كلامنا ام صقر تنادي عبير "يالله امي تناديني "
"بجي معكـ " ورحت معها مع اعتراضاتها اني حامل وبتعب من الشغل اصلا ماكان فيه شي يستاهل والخدامة موجودة لكن من باب المشاركة عيب اتفرج عليهم وهم يشتغلون >>روحي مناك *_^
"امل عمي فهد يبي بطارية جوالك "
فتحت جوالي وعطيته البطاريه لعبير تعطيه لان صقر موجود
////////////////////////////////////////////


راحوا الضيوف وطلعت لغرفتي انتظرت فهد لكنه تاخر
رجع وانا نايمه على حسيت بيده يمسح على راسي فتحت عيوني
وعدلت جلستي سالته "متى جيت "
"قبل شوي .."
وجهه مسود ابتسامته صفراء مصطنعه
"فيك شي ؟؟"
مسح وجه وهويقول "لا مافيه شي ..
...نومك صاير خفيف " حسيته يصرف وما حبيت اضغط عليه
والنوم سلطان رجعت وكملت نومتي يوم شفته غمض عيونه ونام

الصبح
قمت على همس في اذني "قومي يانوامه حشى كل ذا نوم "
ابتسمت ومافتحت عيوني وغطيت وجهي باللحاف
"يالله ياقلبي اصحي ... هذا جزاي صاير رومنسي وجاي اصحيكـ "
ضحكت عليه ابوك يالرومنسيه انت في ديرة وهي بديره ثانيه قلت له "الا مزعج ماتخلي احد يتهنى بنومته " وقمت ودخلت الحمام
مالقيته لما طلعت غيرت ملابسي تنوره زيتي غجريه وبلوزه لونها ليموني >>البرازيل ههه
ورحت للمرايه اشوف وجهي متغير مع الحمل كثير
انا على كثر ما اكل جسمي ماتغير الا يمكن نحفانه مع اني بدخل الثلاث >>يعني الشهر الثالث والله لوانكم هنود
سمعت الباب يدق فتحت لقيت محمد
يناديني افطر معهم تحت مايناديني فهد الا اذا صقر نايم
صقر اخو عبير عيال اخو فهد ميت من ايام الازمه >>حرب الخليج
كانت ام صقر حامل بعبير وصقر ابو ثلاث سنين وبعد ماترملت عاشت عندهم هي وعيالها
ومالها اهل يتيمه الا عمها ابو نايف

نزلتالصاله لقيت فهد ودانه بحضنه ومحمد جالس جنب جدته ومتكي بيده على فخذها يفطرون جلست معهم
بعدها جلسنا في المجلس فهد يطالع التفزيون ومو معه اعرفه زين عيونه فيها كلام
وشكله امس مايطمن بس كنت تعبانه ومالي خلق اسئله
طلع لغرفته وجلست مع خالتي وانا ودي الحقه اشوف شفيه ومستحية
قالت خالتي "روحي يمه جيبي سجادتي بتسنن لصلاة الضحى "
"ان شاء الله " ورحت لغرفة خالتي وعطيتها سجادتها وطلعت لفهد
لقيته متمدد بثوبه ويده على عيونه نزلت الشرشف اللي علي ورتبت شعري قدام المراية
جلس وناداني قربت وقلبي منقبض جلست وانا اشوفه متوتر وباين انه يشد على اسنانه
تجمدت اطرافي ومسكت يده وصوتي يالله يطلع " شــ فيك؟!.."
ابتسم وضمني " تدرين اني احبك..!! "
اول مرة يقولها والله اول مرة يقول احبك نزلت دموعي وبعدت عنه وناظرته
ورجع راسي على صدره "تحبيني ياامل ؟؟ "
ضميته وقلت له "ايه احبك والله احبك "
سمعت تنهيدته وضم راسي وباس جبيني وناظر وجهي وقال لي
" مدري من وين ابداء ...
"قل خوفتني ..
http://www.wtv-zone.com/nevr2l82/bars10/BLKROSE.gif

[شمعة الدار]

اهلين خيال كيفك وش هالغيبة


اما بارت بالنسبة لي انا اعتبره غامض اتوقع انو فهد مش راح ينقل للرياض

هالبارت هذا انا اعتبره هاااااااااادي


سلمت وغنمت

قوووووووووووو هيييييييييييييييد

[$$$الحااالم$$$]

يعطييييييييييييييييييييييييك العاافيه


نااطرينك علي ناااار

[بحر الندى]

سلام ياجميل
ربي يسعدك يابنت
و يجعل قلمك نبراس لكل حق وجميل
يارب
البارت مره حلو
والحلو انها حكت عن سعيدان و قالت كل شي
بس
وش المصيبه اللي جايبه فهد ؟!!!
عندي كذا توقع
1- يا ان فهد بينقل لها خبر شين عن اهلها >> ابوها مرت ابوها احد من اخوانها
بس كلمته هذه خوفتين اكثر

جلس وناداني قربت وقلبي منقبض جلست وانا اشوفه متوتر وباين انه يشد على اسنانه
تجمدت اطرافي ومسكت يده وصوتي يالله يطلع " شــ فيك؟!.."
ابتسم وضمني " تدرين اني احبك..!! "
اول مرة يقولها والله اول مرة يقول احبك نزلت دموعي وبعدت عنه وناظرته
ورجع راسي على صدره "تحبيني ياامل ؟؟ "
ضميته وقلت له "ايه احبك والله احبك "
سمعت تنهيدته وضم راسي وباس جبيني وناظر وجهي وقال لي
" مدري من وين ابداء ...
"قل خوفتني ..

وش دخل اعترافه بحبها بشي يخص اهلها او وظيفته ؟؟
لازم يكون شي يخص هو وهي وبس
يا ان ام العيال تطلقت و تبي ترجع له >>كثير تصير وخصوصا اذا مات الشخص الي سحرها اوتاب ..
>> يا ان هو مريض ولا فيه شيء..
>> مجرد مزجه ثقيله ههههههههههه

ويسلموو ياقمر
وانتظرك بشووووق
لاعدمناك يارب

[hanawi781]

انا اتوقع ان فهد بيتزوج بس مين ما اقدر احدد-
اوو نسيت لشكرك على قصتك

[بسمات الثغر]

قصتك روووعه
أعتقد فهد زعلان لأنه شاف محبوبه تعبانه
اللي هي أم عيون شهل

بإنتظار البارت (بارتين) تعويض عن بارت أمس

[خيال عابر]

اهلين خيال كيفك وش هالغيبة
ماطولت يومين بس:nosweat:
اما بارت بالنسبة لي انا اعتبره غامض اتوقع انو فهد مش راح ينقل للرياض
:no:

هالبارت هذا انا اعتبره هاااااااااادي

:surrender
سلمت وغنمت
:icon26: تشكرات خيتو
قوووووووووووو هيييييييييييييييد
تسلمين على دعمك لي >>وه بس >>فديتك :in_love:

يعطييييييييييييييييييييييييك العاافيه


نااطرينك علي ناااار
الله يعافيك ويسلمك اخوي
وانا بعد انتظركم والبارت قريب

[خيال عابر]

سلام ياجميل
ربي يسعدك يابنت
و يجعل قلمك نبراس لكل حق وجميل
يارب
اميييييييييييييييييييييين ويسعدك يابحر الندى
البارت مره حلو
والحلو انها حكت عن سعيدان و قالت كل شي
علشان خاطرك خليتها تحكي :bleh:
بس
وش المصيبه اللي جايبه فهد ؟!!!>>:tears:
عندي كذا توقع
1- يا ان فهد بينقل لها خبر شين عن اهلها >> ابوها مرت ابوها احد من اخوانها
بس كلمته هذه خوفتين اكثر
:shutup:

وش دخل اعترافه بحبها بشي يخص اهلها او وظيفته ؟؟
لازم يكون شي يخص هو وهي وبس:sly:
يا ان ام العيال تطلقت و تبي ترجع له >>كثير تصير وخصوصا اذا مات الشخص الي سحرها اوتاب ..:cupidarro
>> يا ان هو مريض ولا فيه شيء..:icon34: ياويلك منها>> مجرد مزجه ثقيله ههههههههههه

ويسلموو ياقمر
وانتظرك بشووووق
لاعدمناك يارب



احترامي لك>> وما ابي اكتب شي ويقولون تمصلح معها :msn-wink:

:clap: انتظركـ في القادم

[خيال عابر]

انا اتوقع ان فهد بيتزوج بس مين ما اقدر احدد-
اوو نسيت لشكرك على قصتك

يتزوج علــــــــــــــــــــــــــــــيها :shiny:


:crazy: افااااااااااااااااااااااااااا
نسيتي تشكريني :crazy:>>>امزح
تواجدك بس يكفيني يالغلا :bye1:

[خيال عابر]

قصتك روووعه
أعتقد فهد زعلان لأنه شاف محبوبه تعبانه
اللي هي أم عيون شهل>>>يمكن :nosweat:

بإنتظار البارت (بارتين) تعويض عن بارت أمس

اي امس واي بارت تقصدين :msn-wink:


:clap: انتظرك يالغلا

[خيال عابر]

(9)
مايدري من وين يبداء ؟؟!! ..
والنهاية لي ثلاث ايام وانا ازور مشاري .!!.. ولا يدري باللي حوله صارله حادث وهو في غيبوبه
ومتكسر وحالته خطيرة... .. فهد مارجع لشغله ذاك اليوم مع انه كان يوم جمعه ولازم يرجع كلمهم واخذ اجازة اسبوع ..!! والحادث صاير من ليله العزيمه لما كان قلبي قارصني وحاسه ان فيه شي ... !! واخذ مني بطاريه الجوال علشان محد يتصل علي. ..
"ياالله حبيبتي اطلعي النيرس بتدخل "
ومثل كل مرة مايخلوني اجلس عنده ... اخوي ياناس .. حتى لو مايدري بجلس عنده .. قربت منه وبسته وانا اغمض عيوني شكله مدد لاحول ولا قوة ... يقطع القلب طلعت مني شهقه.. وسحبني فهد وطلعت معه
قابلت محسن وضميته وبكيت ...

وطلعت معه هو وفهد ومساعد كل ليله يجلس عنده ويقراء عليه رحنا لبيت محسن وهناك كان ابوي فيه وشكله متاثر حيل مشاري له معزة خاصة عنده عن الكل ... .. ورجعت مع فهد لي ثلاث ايام انام عند محسن .. ..

سلمت على خالتي وعبير وامها وسالوني عن مشاري والجواب لاجديد
طلعت لغرفتي وخالتي تدعي له
مانمت لماجاء ثلث الليل
فرشت سجادتي وصليت بخشوع
في وقت يكون ربي قريب
]وإذا سألك عبادى عنى فإنى قريب.. أجيب دعوة الداعى إذا دعان[
"اللهم إنى عبدك وابن عبدك وابن أمتك ناصيتى بيدك ماضٍ فى حكمك عدل فى قضائك أسألك بكل إسم هو لك سميت به نفسك، أو أنزلته فى كتابك، أو علَّمته أحداً من خلقك، أو استأثرت به فى علم الغيب عندك أن تجعل القرآن ربيع قلبى ونور صدرى وجلاء غمى وذهاب حزنى وهمى ..يا رب تشفيه يارب الناس تذهب عنه الباس ...ياارحم الراحمين ترحمه برحمتك ..يـــــ ــــــــ ارب .... .. ما اعترض على حكمك ..يارب تخليه لي يارب ....."
ما قدرت اتخيل ان في يوم راح افقده .. وما عاد اشوفه ..يمر على بالي شكله وهو مافيه الا العافية..وشكله اللحين .. صوته ..ضحكته..صراخه.. حركاته .. ماتهنى في شبابه.. استغفر الله .. استغفر الله .. استفغر الله ..



وتذكرت ان دائما فيه صراع بين الدعاء و البلاء:
قال ابن قيَّم الجوزية في كتابه القيم( الداء و الدواء) أو ( الجواب الكافي لمن سأل عن الدواء الشافي):
للدعاء مع البلاء مقامات:
أحدها: أن يكون أقوى من البلاء فيدفعه.
الثاني: أن يكون أضعف من البلاء فيقوى عليه البلاء ، فيصاب به العبد ولكن قد يخففه و إن كان ضعيفاً.
الثالث: أن يتقاوما و يمنع كل واحد منهما صاحبه.
وقد روى الحاكم في صحيحه من حديث عائشة رضي الله عنها قالت:
قال لي رسول الله صلى الله عليه وسلم : لا يغني حذر من قدر. والدعاء ينفع مما نزل و ما لم ينزل وإن البلاء لينزل فيلقاه الدعاء فيعتلجان إلى يوم القيامة.
و فيه أيضاً من حديث ابن عمر رضي الله عنه عن النبي صلى الله عليه وسلم قال : الدعاء ينفع مما نزل و مما لم ينزل، فعليكم عباد الله بالدعاء.
وفيه أيضاً من حديث ثوبان عن النبي صلى الله عليه وسلم: لايردالقدر إلا الدعاء
اذن الفجر ورددت مع المؤذن ورحت لفهد اصحيه لصلاة قربت منه لقيته صاحي
يمكن من منبه جواله راح يتوضاء خفت احد متصل عليه ومصحيه يعني قايل له شي عن مشاري ..
تعوذت من بليس شــــــــ هالافكار الشينه ؟؟.. طلع وانا اتفحص ملامحه كان طبيعي مافيه شي ..
رحت اصلي الفجر وجلست على سجادتي اقراء قران وحسيت بتعب من السهر والحمل .. نزلت مصحفي التفت لصوت الباب كان فهد جاي من الصلاة .. وجلس جنبي على سجادتي و ابتسم لي وانا امسح دموعي "توكلي على الله .. اللي ربي كاتبه بيصير "
قربت منه وقلت له "ضمني .."
محتاجته اكثر من أي وقت ابيه قريب مني .. قريب احس نبضه .. انفاسه .. ريحته
فكرة اني افقد غالي مسيطرة علي .. ماحسيت بنفسي وانا اشده اكثر الا بهمسه في اذني
"خلاص .. ذبحتي عمركـ بالبكي .. مامنه فايده اللي انتي تسوينه .. تعذبين نفسك وبس .."
رفعت راسي له "بيروح ماعاد اشوفه .. خلاص يا فهد.. ماعاد اشوفه "
شفت لمعه دموع في عيونه "اذكري الله .. ان شاء الله انه طيب .. وكثير زيه وربي نجاهم .."
"انا اشوفه ميت ..مــــــــيـــتـــ .. مافيه روح "
"تعوذي من بليس .. "
بعدت صدق ان بليس لعب في راسي "اعوذبالله من الشيطان ..استفغر الله "
رفعت راسي وناظرته مسح دموعي " قومي ارتاحي .."
قمت معه ونزلت شرشف الصلاة وطويت سجادتي وغسلت وجهي وانا اردد الحمد الله .. الحمد الله على كل حال
دخلت فراشي وفي بالي شي واحد ان ربي قادر على كل شي مافي غيره
ونمت على فهد يمسح على راسي ويقراء لاني كم يوم مانمت
مانسى وقفته معي ولا مع خواني الايام اللي راحت كان يزورني ويتصل علي حتى رجعتي معه امس بكيفي ماضغط علي ..

.........................................

العصر رحت ازور مشاري مع فهد وعند باب غرفته في العنايه شفت رجال كثار شديت على يد فهد
وقابلني مساعد استغربت انه موجود مايجي الا العشاء لانه يجلس الليل هنا شكله تعبان حيل
سلم على فهد
"بشر .." سلم علي وهو يرد على فهد
"الحمد الله اليوم احسن .. " ناظرته وهز راسه وابتسم
ساله فهد "قلت لدكتور ؟؟ "
"ايه شافه اليوم "
احس اني بينهم مثلل الكوره مرة يمين ومرة شمال
"فهموني شـ صاير "
اخذني مساعد وقالي "انا اقولتس تعالي..انا باخذ امل "
قلت له " مابعد شفت مشاري "
"اليوم عنده رجال اذا رجعت الليل رجعتس معي "
سحبت يدي "امل لاتعبيني ..
وابتسم ... بعدين عندي بشارة "
قاله فهد "يابن الحلال خلها انا اخليها تدخل عنده رح انت ريح "
تركنا مساعد وانا انتظر فهد يفهمني "لا تناظريني كذا..بقولك "
وقالي انه مشاري يحرك اطرافه من امس لكن الدكتور قايلهم لاتعلمون احد لانه ممكن تنكس حالته وماهي مستقرة
حمدت ربي في سري "يارب لك الحمد والشكر يارب تمم نعمتك عليه "
دخلت لمشاري كان نايم يعطونه منوم وشكله احسن من امس بكثير
وفي السيارة سالت فهد "ليه ماقلت لي ؟؟"
"قلت لك الدكتور يقول لا تعلمون احد .. لحد ما تستقر حالته ..مادريت الا الصبح وانتي نايمه اتصل علي مساعد يبي يبشركـ .. بس قلت له خلها تشوف بعيونها احسن "
" حرام عليك قلبي يتقطع وانت داري ما علمتني ؟؟"
سحب يدي وباسها وغمزلي "يالبى قلبتس "
سحبت يدي وقلت له "شف الطريق احسن لك ... من رومانسياتك اللي وقتها دايم غلط "
برطم وقال لي "تبيني رومانسي ويوم صرت ما عاد اعجب "
ضحكت عليه و شكل مشاري يطمن خلى عندي امل انه بيتعفى

//////////////////////////////////////////////
اخر الاسبوع رجع فهد ومشاري تحسنت حالته لكن مايتكلم كثير وتنفسه صناعي وعنده فقرتين في الظهر مكسورة وقرروا له عمليه بعد اسبوع
ومر الاسبوع وراه اسبوع وكمل الشهر وحالته تتحس الحمد الله لكن للحين في المستشفى
وانا متشتته بين المستشفى والبيت والعيال ودخلت الخامس وبديت اتعب زياده
وفي نهاية الاسبوع اتصلت على فهد اتاكد متى موعد وصوله مثل العاده لكنه قالي بيجي يوم الخميس
كلمة احبك اللي قالها كل يوم يمريثبت لي انه يحبني بتصرفاته باسلوبه في التعامل معي
تغير ماعاد فهد البارد ولا العصبي صار يفهمني بدون ما اتكلم
ويمكن قرار استقراره في العمل ماثر على نفسيته ومخليه مرتاح
ان شاء الله ما بقى شي ويستقر هنا
لكن ؟!

في يوم الاربعاء العصر مثل العاده رحت لمشاري ومعي منصور وجايب له جرايد ويقراء عليه
سمعنا صوت الباب تغطيت ووقفت على جنب اكيد احد بيزور مشاري
"السلام عليكم .."
التفت لصوت كان سعد .. رحب فيه مشاري وانا طلعت وانتظرت منصور علشان ارجع البيت
وقفت انتظره وشفت الزول اللي مقبل كان مساعد
"شــــ فيتس واقفه هنا "
"انتظر منصور برجع البيت "
"فيه احد داخل "
هزيت راسي بـ ايه ما ابي اقول اسمه
طلع منصور "شفيك كنك مقروصه الرجال يسلم مارديتي عليه "
"ماابي ارد كيفي "
ومشيت وخليته وراي لحقني "خالي فهد بيجي اليوم ؟"
شقهت "ابوك يالكذب توني مكلمته يقول بيجي بكرة "
" بسم الله ..اسال انا ؟... كلن على همه سرى .. وخذي جوالس ولا تنسينه في المستشفيات خخخخخخخخ "
اخذت جوالي وانا متفشله جعله العافيه يحب يحرج الواحد عاد غلطه مطبعيه بس سبحانه ربي في هالولد مايفوته شي
ركبت معه السيارة وفتحت رساله في جوالي طلع مقطع صوت من فهد (بحبك وحشتيني )
سكرته بسرعه من هالمربوش يمسكها على بس مايفوته شي شفته يتبوسم
"خيــــــــــــــــــــــر شــــــ طاري تضحكـ ؟"
قال لي "تذكرت واحد جايته الرومنسيه على كبر .. يزرف رسايل من جولات خلق الله "
يزرف=يسرق =يلطش
دقه على فهد قلت له وانا اضحك "منصور حبيبي "
"امري يا احلى عمه في العالم "
يحسبني بطلبه شي "كووووووووووووووول تبن "
"افاااااااااااااااااااا"
يستاهل قسم بالله يقهر وملقوف وحشري وانا ما احب اللي كذا >>بس كلها فيك خخخخخخخ
...............................................

طلع مشاري من المستشفى بس نفسيته زفت الا الزفت ازين مدري كيف صاير انطوائي ومزاجي يزعل بسرعه
وينافخ وماياكل ويفكر تغير مررررررة مع ان جو المزرعه حلو والعيال ما يتركونه وعبد العزيز رجل سارة كل يوم جايه وهو صديقه انسان يدخل القلب خفيف دم ملتزم ربي منور قلبه بالايمان وبعد كل مغرب يقراء عليه و مافيه فايده ينقلب حاله في ثانيه ..
وكل ماقل ابوي بعزم الجماعه علشان سلامتك رفض مايبي يشوف احد .. ومافيه احد يمشي كلمته على ابو محسن عزم الرجال
وفي يوم العزيمه
وجلس مشاري عندهم نص ساعه ودخل غرفته اصلا حتى صحته ماتساعد انه يجلس كثير
اخر الليل اتصل فهد يبينا نمشي والعيال كانوا عند اهله ما جو معي طلعت له واتصلت عليه يقرب السيارة مارد
لقيت حمد وسوالف انا وياه وسمعت صوت احد من بعيد ينادي حمد
"هذا سعد يبي سيارتي بروح له "
سالته"شيبي فيها؟؟ "
"بيصور معها.. شـدخلك ">>ياشين العيال
وراح له حمد وقربت سيارة فهد وركبت ومع نور السيارة طلع سعد وحمد
لانه باب الحريم على الجهه الثانيه من المزرعه على شارع صغير ومع زحمة المزارع يصير ظلام مو مثل بوابة المزرعه الرئيسيه على شارع كبير وواجهت المزرعه اكيد منورة اكثر فما بين وما توقعت يكون قريب كذا
"هــــــــذا شـــــــ يبي واقف عند الباب؟! "
جاوبته ببرائه "يبي سيارة حمد !"
صارخ بعصبيه "واللي يبي سيارة يجي عند الباب يروح له حمد .. ولا لازم يمر "
انقهرت شدخلني انا ينافخ علي طنشته قلت ينافخ شوي ويسكت
" ردي علي ؟"
مستفز لاخر درجه " تسالني انا ارجع اسائله ؟؟"
" انتي عارفه انه من زمان ودي اسائله ؟؟ "
كانه يلمح لشي "شف اذا في راسك شي قله مافي داعي تلف ودور "
"موب انا اللي الف وادور ورب البيت يا امل لا عاد اشوفك في مكان هو فيه ما راح يكفيني الا ذبحه "
انهبل رسمي انجن الرجال يشك فيني ولا شـ قصده " رجعني يافهد .. رجعني بيت اهلي ما بعدابعدنا "
" تهددين ؟؟"
ويرجع وينزلني عند الباب وهذا اخر شي كنت اتوقعه ؟!!..

http://www.wtv-zone.com/nevr2l82/bars10/BLKROSE.gif

[شمعة الدار]

يوووووووووه الرجال منخرش قلبه بجد طلع غيوووور ليه بس تونا نمدح بك افا بس

مشاري وه وه وه بس ياقلبي علية تكفين لا يصير له شي ولا تغييرين من شخصيته ياحبني له كيوووت الولد اجر وعافية ان شا الله علية


سلمت وغنمت

قوووووووووووو هييييييييييييييييييييد

[بسمات الثغر]

يالله الغيررررررة تعمي الواحد
مشاري ضغط نفسي ممكن اللي فيه
مشكوررة بإنتظار بارت بكرة على نار

قصدي أمس أنتظرت ما في بارت
و كان بودي تنزلي بارتين لأمس و اليوم

و دمتـــــي غاليتي ...

[hanawi781]

لاالظاهر فهود هذا جن اكيد
كل هذي غيرة = ياخي خف شوي
ترى انت بتخسر

[أحس أني ماأحس]

ننتظرك يا حلووووووه

الراوايه من شكلها حلوه بس ما نيب قاريتها لين تكتمل
تراي متحمسه بقووووووووووووووه

[بحر الندى]

:icon26:خيـــــــال:icon26:
مدري هالمره وش اقول:shutup::shutup:
حادث مشاري >>اللي ابد ما توقعته ..و تغيرات اللي صارت له عبارة عن ازمه نفسيه وتعدي باذن الله :tears::tears::tears:
ردود فعل فهد المتقلبه >>ما بين الحنيه و الخوف و الحب :in_love:و شك و الغيرة المجنونه:crazy:
عودة سعد الى ساحه :icon34:

تصرف فهد ممكن يتصنف ظمن التصرفات النموذجيه لاي رجال عنده كرامه او جالس يدور على خطء ..
بصراحه مستفز هالتصرف ..و المشكله كثير نشوفه ..
وبلاخير يقول انا ما سويت شي انتي اللي طلبتي ..جزاي اني نفذت الطلب..
بس
عسى هالزوبعه تمر بخير
والشيء اللي ممكن يساعده ان العيال يقلبون على فهد و يخربون عليه دنياه :sly:عشان يرجعها لهم :msn-wink:
و موفقه يااااارب
وننتظرك بشووووووووووووووووووووووووووووووووق

[خيال عابر]

يوووووووووه الرجال منخرش قلبه بجد طلع غيوووور ليه بس تونا نمدح بك افا بس
:nosweat:

مشاري وه وه وه بس ياقلبي علية تكفين لا يصير له شي ولا تغييرين من شخصيته ياحبني له كيوووت الولد اجر وعافية ان شا الله علية
:tears::no::tears:

سلمت وغنمت

قوووووووووووو هييييييييييييييييييييد


احترامي لك

[خيال عابر]

يالله الغيررررررة تعمي الواحد:no:
مشاري ضغط نفسي ممكن اللي فيه:icon35:
مشكوررة بإنتظار بارت بكرة على نار:shutup:

قصدي أمس أنتظرت ما في بارت >>مو كل يوم :msn-wink:
و كان بودي تنزلي بارتين لأمس و اليوم

و دمتـــــي غاليتي ...

:icon26: احترامي لك

[خيال عابر]

لاالظاهر فهود هذا جن اكيد
:crazy:
كل هذي غيرة = ياخي خف شوي :sly:
ترى انت بتخسر:icon34:

احترامي لك :icon26:

[خيال عابر]

ننتظرك يا حلووووووه :in_love:

الراوايه من شكلها حلوه بس ما نيب قاريتها لين تكتمل :icon34: افااااااااا
تراي متحمسه بقووووووووووووووه

:icon26: حبي لك

[خيال عابر]

:icon26:خيـــــــال:icon26:
مدري هالمره وش اقول:shutup::shutup:
حادث مشاري >>اللي ابد ما توقعته ..و تغيرات اللي صارت له عبارة عن ازمه نفسيه وتعدي باذن الله :tears::tears::tears:
ردود فعل فهد المتقلبه >>ما بين الحنيه و الخوف و الحب :in_love:و شك و الغيرة المجنونه:crazy:
عودة سعد الى ساحه :icon34:

تصرف فهد ممكن يتصنف ظمن التصرفات النموذجيه لاي رجال عنده كرامه او جالس يدور على خطء ..
بصراحه مستفز هالتصرف ..و المشكله كثير نشوفه ..
وبلاخير يقول انا ما سويت شي انتي اللي طلبتي ..جزاي اني نفذت الطلب..
بس
عسى هالزوبعه تمر بخير
والشيء اللي ممكن يساعده ان العيال يقلبون على فهد و يخربون عليه دنياه :sly:عشان يرجعها لهم :msn-wink:
و موفقه يااااارب
وننتظرك بشووووووووووووووووووووووووووووووووق


بحر الندى احترامي لك :icon26:

[خيال عابر]

اشكر كل اللي دعمني وكتب رده وكل الزوار اللي ما ردوا بعد لهم مني تحيه وما رديت عليكم لاني ما ابي احرق الاحداث اولا

ثانيا القصة واقعيه جدا وصايرة يعني الخيال بس صورها لكم

واخيرا

النـــــــــــــــــــــــــــــــــــــــهاية
soon

[خيال عابر]

(10)
اخر شي كنت اتوقعه اني رخيصه عنده لهدرجه؟!
جلست ابحلق فيه دقايق حسيته متحسف بس ماتركت له مجال نزلت وسكرت الباب بقوة من القهر اللي فيني
هذي اخرتها .. اللحين عرفت قدري عندك يافهيد انا اوريك لميت نفسي وقمت وكل عظم فيني يرجف قهر ..وصلت المدخل لقيت وحده من الخدامات ناديتها

"نور تعالي ">>من قبل مسلسل نور وهي عندنا خخخخ

قربت مني وانا احس بالم قوي في ظهر تسندت عليها ودخلت غرفة هدى لانها اقرب غرفه لي
"تعبان مدام "

هزيت راسي وانا ابكي ..

"روحي نادي هدى "

طلعت مني وانسدحت بعباتي ما نزلتها والم قوي بظهري مقدر انام عليه وزاد صياحي >> دلوعه
خفت على اللي بطني انه صار له شي

"بسم الله عليك !! امل شــــ فيك؟؟ مارحتي ؟؟؟"

تمسكت في هدى بقوة وانا ابكي "آه ياهدى تعبانه ..
توهقت الضعيفة" طيب بروح انادي امي .."

وراحت وانا ادري ان عمتي اللحين عند ابوي اكيد راحوا الرجال ودخل ينام
دخلت هدى على صوت جوالي وانا ماني في حاله تعبانه

اشرت لها "سكريه "

"امل هذا مساعد.. "

مساعد ... غريبه .. شـــــــ عنده ؟؟

"ارد عليه ؟؟"

"ردي عليه .. سوي اللي تبين ؟؟.."حالتي ماتسمح الالم مسيطر علي
دخلت عمتي خايفه علي
"بسم الله عليتس يمه شفيتس"
وجلست عمتي تسالني عن الم ومكانه وشـــ احس فيه وتمسد على ظهر
وارتحت شوي
"قومي يمه خلينا نروح المستشفى نتطمن"
"لا مافيه داعي .. احس نفسي احسن"
رجعت هدى من برى "امل رجلك برى بياخذك المستشفى "
"رجلي ؟!" استغربت
"ايه مساعد متصل يبيك تجين تسهرين معهم في المجلس برى .. قلت له انك تعبانه .."
ما استوعبت"معهم ؟؟ من هم "
"رجلك ومساعد "
"فهد هنا!!!!!!!"
"ايه .. شكل مساعد قال له انك تعبانه ... وبياخذك المستشفى.. الا مو انتي من شوي كنت طالعه بتروحين "
"الا .. واللحين ماابي اروح معه "
ناظرتني عمتي
"ماابي اروح معه لا لمستشفى ولاغيره.. "
جلست بتعب وانا اعض على شفايفي من الم وهدوء عم المكان شكلهم يستوعبون الكلام اللي قلته
سالتني هدى "متهاوشين؟؟ "
مارديت على سوالها
"بنام هنا في غرفتك مافيني شده اطلع فوق لغرفتي "
"يعني متهاوشين ؟"
قاطعتها عمتى "هدى!! روحي جيبي مفرش جديد حطيه على سرير نوف "
طلعت هدى ولحقتها عمتي شكلها حست ان اللي يتصل فهد
لان الجوال ما سكت
رديت عليه :نعم
سالني على طول:تعبانه ؟؟
حاولت اخنق عبرتي واتكلم ماقدرت
: كنت معصب وانتي تدرين اني مااحسب كلامي اذا انفعلت ؟؟.. سكت ..ماقدرت ارجع وانتي مو معي
مارديت عليه
تنهد:حياتي ردي علي
:انا تعبانه مالي خلق اتكلم !..
:تعبانه ولا زعلانه
:تعبانه وزعلانه وقرفانه ..
: اففففففففففف كل ذا!!.. لاتكبرين المساله .. تعوذي من بليس .. انا انتظرك برى
:ماابي اروح معك
: طيب على راحتك اجلسي الليله وبكرة اجي اخذك
قلت له :لاتجي بكرة ولاغيره خلاص
:شـــــ اللي خلاص
: خلاص مقدر اتحمل اكثر .. تعبت .. عجزت افهمك .. كل يوم شكل .. وبكيت ماقدرت امسك نفسي اكثر
طال السكوت هو يسمع وانا ابكي لحد ماقلت له
:مع السلامة
وسكرت من غير ما اسمع رده وقفلت جوالي
احسه مس كرامتي .. جرحني خيب ظنوني فيه
حتى لو اعتذر مع ان اللي قاله ماهو اعتذار قد ماهو تبرير .. كل هذا مايشفع له عندي ..
اصبرت عليه .. وتغاضيت عنه .. ولكل شي حد وانا وصلت حدي


رحت للمجلس مع عمتي وهدى والخدامه يرتبون الغرفه
وعلمتها بكل اللي صار
"الله يصلحكم .. وانتي على طول بيت اهلي !!.. ماتعرفين تفاهمين معه بهدوء"
"اتفاهم مع واحد .. يشك فيني؟؟ .. ولا شـ قصده بالحركه اللي سواها "
" الرجال معميته الغيره .."
"يغار .. من سعيدان ؟؟"
"ليه وسعيدان موب رجال ؟؟"
"اصلا السبب مو سعد بس .. اشياء كثيرة ..انا تحملته بمافيه الكفايه "
"الله يهديتس .. مانتي بعنيده ولا شريه مدري شقلبتس "
سكت وانا اقول بخاطري هذا اللي مخليني كذا لو اني شريه وعنيده كان حسب لي الف حساب
مو بكل جرائه يتصل ويقول ارجعي وهو منزلني عند الباب وما يبيني
بس انا اعلمك قدرك يافيهد>>اخص يالقويه ^_^

^^^^^^^^^^^^^^^^^^^^^^^^^^^^^^^^^^^^^^^^^^

قمت الصبح وانا نشيطه مع اني مانمت طول الليل متغير علي المكان
رحت اغسل وجهي ورجعت
"ههههههههه شكلك تحفه انتي وكرشتك "
ضحكت معها شكل القميص قصير لنص الساق وضيق يضحك "ههههه الله ياخذ بليسك .. هذا اوسع واحد"
ناظرت جوالي وفتحته لقيت اتصالين من فهد >>خدمه موجود
ماامداني انزل جهازي
"هاه اتصل عليك "
رفعت حاجبي "وانتي شدخلك ؟؟"
"والله اللي يجلس في غرفتي ويقتحم خصوصياتي لازم يشاركني خصوصياته "
ماعطيتها وجه
"اقول اموووووول والله رجلك داخل مزاجي بقوة .."
طيرت عيوني فيها
"ههههههههههه لا تاكليني بعيونك .. ليت عنده اخو "
"الله يرزقك بواحد مثله يطين عيشتك "
"اذا يشبهه ماعندي مانع "
"اهم شي الاخلاق مو الشكلـ ... ماكملت كلامي
ورفعت جوالي اشوف من المتصل طلع فهد ابتسمت صدق جبنا سيرة القط
>>لوانك راضيه عليه قلتي الطيب عن طاريه
"احلى ابتسامات ياخطيرة "
ناظرتها وانا للحين مبتسمه
"طيب!! ضفي وجهك "
طلعت وسكرت جهازي ماابي ارد عليه
^^^^^^^^^^^^^^^^^^^^^^^^^^^^^^^^^^^^^^^

مر اليوم وانا احاول اشغل نفسي وما افكر في الموضوع جلوسي عند اهلي مو معناتها اني ماعاد ابي ارجع او ابي الطلاق لا ابيه يعرف قيمتي واشوف مكانتي عنده
العصر وصلت نويف هي وبنتها ولو تجيب درزن بزارين ماتغيرت للحين رجه على قولت مشاري

وبعد العشاء
جلسنا جميع انا واخواني فقدت جلستنا مع بعض وسواليفنا وخاصه ان سدومه بنت نوف كانت المحور وكل واحد يحاول يثير نوف من جهه اللي يعلق على عيونها ولا راسها ولا خشمها
ونوف تدخن من القهر في الاخير شالت بنتها وانحاشت لبيتها

كنت جالسه جنب مشاري ولما هدت الجلسه وسالني بهمس
" شـ صاير بينكـ انتي ورجلك ؟؟"
ناظرت هدى ودي اخنقها ملقوفه اكيد هي اللي قايله له
رديت عليه بانفعال "بيني انا ورجلي يعني محد له دخل " وطلعت وتركته
ومر يومين وانا احاول ما اجلس معه حتى ابوي يوم سالني
قلت له ماني بزعلانه بجلس يومين وارجع

فتحت جوالي مالقيت منه اتصال ولا رساله
انقهرت زياده لانه مطنشني
سمعت طق على الباب "مين ؟؟"
"انا مشاري !!.. "
"تعبانه بنام "
"تنامين العشاءيالدجاجه "
فتحت الباب له "ادخل "
قالي "لا تعالي خلينا نطلع الجو زين برى "
"طيب بجيب شرشف وبطلع "
طلعنا نسولف
قال لي"بسافر بعد شهرين "
"وين؟؟"
"بروح المانيا اسوي فحوصات ؟؟ واشوف العمليه اللي سويتها هنا زينه يعني ناجحه ولا لا ؟؟"
" والله انك موسوس .. تعوذ من بليس "
"والله هذي عمليه ظهر موب لعب .. وانا ابي عيال واخاف انها تاثر علي "
احترق وجهي
"ههههههه اقصد يعني تاثر على الانجاب "
صرفته "ايه معلينا .. ماقلت لي بتروح لحالك "
"لا بيروح معي عبد العزيز "
"الله يوفقكـ "
" وانتي شـــــــ سالفت زعلتس؟؟"
صديت عنه دريت انه بيفتح السالفه
"امل .. بس ابي اعرف شـــــــ مسوي علشان اعرف من الغلطان .. سمعت منه باقي انتي "
"انتي اللي كلمته ولا هو اللي متصل "
"لا هو يقول ماتردين ؟؟ توقع تعبانه !! قلت له لاتتصل عليها .. انا بتفاهم معها "
"وانت من سمح لك تدخل بينا؟ !! هذا الموضوع يخصني لحالي وما ابي احد يتدخل فيه "
عصب علي "لا يخصنا .. وسعيدان سترت عليه بما فيه الكفايه .. "
"شــــــ دخل سعد في الموضوع ولا حاطه فهيد له شماعه .."
"انتي اللي ماتدرين وين الله حاطتس فيه .. يا انتس غبيه او تستغبين "
"لاغبيه فهمني "
"المشكله موب غبيه بس الا لوح "
"لاتسب "
"بكسر هالراس بعد " واشر باصابعه لراسي
صارخت عليه "مشااااري !!"
"لاترفعين صوتك علي "
كتمت انفاسي اللي اضطربت من القهر
وسكت لفيت برجع


"انتظري ما بعد كملنا كلامنا "
"اعتبر اننا ماتكلمنا "

وطلع منه انين بسيط "تعالي... تعبت من الوقفه "
ورحت معه للمجلس الخارجي شغل الانوار
وتمدد على الكنب شكله صدق تعب
طلع جواله
وحطه على السبيكر
:هلا ابو محمد
:هلا مشاري كيف الحال ؟؟
:الحمد الله بخير شلونك انت ؟؟
:الحمدالله ... وبضحكه ساله .. شــــ خبار مدامتي ؟؟
ناظرني مشاري وهو يرفع حاجبه ويضحك مجامله : ههه كل شي تمام معليها طيبه ..
:اتصلت عليك اقولك ان اوراقك جهازه ارسلها لمساعد
:لا ترسلها معه سير علينا وجب العيال معك
: جعلك سالم لكن عندنا شوي ظروف وحده من الجماعه متوفيه اليوم المغرب وبكرة بنصلي عليها
:الله يرحمها ان شاء الله
:يالله يالغالي توصي على شي
:سلامتك
وسكر منه وانا قلبي يخفق بقوة من صوتك اشتقت له
تخيلت شكله وهو يكلم مشاري
شكل صوته متاثر حيل على اللي متوفيه ماعنده خالات ولا عمات بتصل على موضي تعلمني
"ها وين وصلتي "
تنهدت بعمق "ولاشي "
غمزلي مشاري "ولاشي هاه!! "
فشلني وسحبها ضحكه
ضحكت معه "خير تضحك قايله نكته "
"انتي نكته بكبرك .. روحي ياماما الله يصلحك افتحي جوالك ولا تكابرين "
" خلك من جوالي وقل لي شــــ سالفه سعد ؟؟"
وقالي انه يتصل على فهد له كمن يوم وهو موب طبيعي ويقوله كلام ماله داعي وفهد شاك فيه وما تاكد الا يوم العزيمه ومسجل مكالمه له وسمعها مشاري
سالت مشاري بقهر "وانا شدخلني .. طيب في السالفه "
"انتي .. مالك دخل بس تشبين النار وانتي ماتدرين "
"انــــــــــــــــا؟؟"
^^^^^^^^^^^^^^^^^^^^^^^^^^^^^^^^^^^^^^^^

رساله من فهد
وصلتني الساعه 12 الليل
(ودي افض فض لك واقول :اشتقت لك والله العظيم
اشتقت اسولف لك كثير شلي يصير.. وما يصير بغيبتك
واتذكر شسوى المصير؟
احس الوحدة جحيم !!
تدري وين انا ؟؟
بنفس المكان اللي جلسنا به زمان ..
عطرك بقايا ضحتك لي حنين..
اشتقت لك والله العظيم ..)
ناظرت هدى لقيتها نايمه طلعت برى الغرفه ومشيت للمطبخ وجلست على درجه اللي على الحوش
واتصلت عليه حتى انا مشتاقه لمتى بكابر على قولت مشاري وسكرت قبل لايتصل
خلني اثقل شوي بعدين هو الغلطان مو انا
رفعت راسي لسماء شفت النجوم قليله
في الشتاء تكون اقل من الصيف
مو يقولون اذا واحد غثيث وفقدوه>> (ماطاح من نجوم القيظ اخف لسماء )
ارتجفت من صوت الجوال
امل عمري >>يتصل بك
انت امل عمري اخاف ارد عليك وتلعب علي بكلمتين مثل كل مرة واصدقك
انت امل عمري واخاف اذا ابعدت عني مرة ثانيه مايصير لي امل
انت امل عمري تخوف بعصبيتك وانفعالك الزايد بتقتل هالامل
انت امل عمري واحبك واخاف منك وعليك
سكت الجوال و حسيت بهواء بارد
رجعت انام
ودخلت الفراش
>>امـــــــــــــوله
"هممممممم"
>>نايــــمه
"لا"
>>تصيحين
"لا"
>>اجل اذا ماتصيحين ولا نايمه شتسوين^_^
"ولاشي .. ليه تسالين ؟؟"
>>غريبه انتي طول الاجزاء اللي راحت يا تبكين يانايمه ..شعندك متغيره *_^
"خيال ياسخفك وربي انك سخيفه مررررررررة .. خليني انام احسن لي من سوالفك البايخه "
>>اشهدوا هي اللي تكلمت علي وتبيني ارجعها لفهد معصي ><
"خيال انكتمي خليني انام "
>>هس هس تطورت قامت تنافخ علينا
^^^^^^^^^^^^^^^^^^^^^^^^^^^^^^^^^^


كلمت موضي وقالت لي ان اللي توفت ام عيون شعل تذكرونها
وحسيت ان موضي ماتدري ان بيني انا وفهد شي شكله ماقال لاحد احسن انا بعد ما ابي احد يعرف واحل الموضوع بينا ومحد يتدخل اصلا حتى ابوي واخواني يحسبوني جالسه لاني تعبانه
إلا مشاري اللي دخل نفسه غصب او دخله فهد لانه يعرف قدره عندي
ومشاري عقله اكبر من مساعد اللي عصبي ويثور بسرعه
ومحسن اكيد مادخله علشان اخته راح يكون فيه حاسسيه
انا حللت الموقف كذا وهذا اقرب شي للمنطق

وصلتني رساله العصر من فهد
( انا والعيال بنزوركم اليوم بعد العشاء.. احبك )
ابتسمت تطورت يافهيدان
بعد ربع ساعه جت رساله
(نسيت اقولك .. احبك)
لا استخف الرجال دخلت المطبخ لقيت عمتي قلت لها
"بيجي فهد والعيال العشاء "
زفرت براحه "الله يهدي سركم ويصلح شانكم ويغيب شيطانكم "
"يعني ارجع معه "
"والله يابنيتي انا احس انه شاريتس وحاس بغلطه عاد لا تزودينها .. والحياة كذا يوم لك ويوم عليك .. وبعدين محد مرتاح .. ودامه رجال عارفن ربه .. وقايمن بحقتس .. وتغلينه .. تحمليه "
حبيت راسها لو امي عايشه كان مازادت على كلامها شي "ان شاء الله "
^^^^^^^^^^^^^^^^^^^^^^^^^^^^^^^^^^^^^^^^


المغرب دخلت اللبس لبست جلابيه مخمل (قطيفي) لونه اسود وفيه كلفه ذهبي تحت الصدر الي الجوانب وتنتهي بخيوط مجدله تربط تطلع الخصر
مسكت شعري ببنسه سوداء وزينت وجهي بكحل اسود غامق وروج بيج
ناظرت نفسي وقلت" شكلي اوفر بمسح شوي "
"لاااااااااااااا كذا حلو.. بعدين وش اوفر هذا رجلك بتكملين سنه معه"
"استحي .. بيقول متزينه وهي زعلانه "
"امل بتجلطيني ..زعلانه واستحي .. ترى اذا ماتعدلتي وصرتي حرمه اوريك الشغل "
" احلى يا نووووووويف صرتي حرمه وتعرفين الحركات " ضحكت على هدى جابتها على الجرح
"ليه ما مليت عينك "ردت عليها نوف وهي منقهره منها
"لا والله للاسف ما مليتي عيني وكل يوم ادعي لرجلك الضعيف"
ورمت عليها نوف علبت الفاين "اخ يالقهر خفيفه "
ضحكت على رجتهم بفقدهم حيل بفقدهم حتى لو اني بالرياض وما بينا شي
بس طلوع البنت من بيت اهلها بحد ذاته شي كبير في حياتها تحس بشي ناقصها
^^^^^^^^^^^^^^^^^^^^^

دخلوا علي العيال وانبسطت عليهم وسولفت معهم وجايبين ورد حركات يافهيد
>>مو تصدفون وكل وحده تبي رجلها يجيب لها ورد تروح تزعل عند اهلها ههههههه
تعشوا اخواني وابوي مع فهد
وبعد العشاء ناداني حمد للمجلس الداخلي
ورحت لقيت فهد وقف لما اقبلت عليه وراه مشاري كان يهز راسه ومضيق عيونه كنه يقول كيدهن عظيم
وطلع وتركنا انا والعيال معه
كنت مستحيه وما عرفت امثل الزعل اصلا يوم شفته نسيت اني زعلانه
انا كذا طبيعتي شفافه ما اعرف اكذب ولا امثل واللي بقلبي على لساني
تنحنح "حححححححم السلام "
ابتسمت ادري ما يعرف يراضي احد تو راد السلام ويومني دخلت
رفعت عيوني له وشفته يبتسم وهو يلف فمه على جنب "كاشفتني ما اعرف وش اقول ؟؟ "
"لاتقول شي .. انا فاهمه "
فاهمتك وعارفه عيوبك قبل حسناتك ومع كذا تسوى كل رجال الارض بعيوني
بدت دموعي تنزل
"انا فاهمتك لكن انت ..
قرب مني وقال "بابا محمد خذ دانه ورح شف مشاري وين؟؟"
طلعوا العيال وانا مسحت دموعي
" انا فاهمك بس لازم يصير بين أي اثنين سوء تفاهم واذا وقفنا على الوحد ما وصلنا .. اعترف اني عصبي وكل انسان له طاقه وانا ما عاد اتحمل اشوف خلقتـــــ ..
قاطعته "اذا لي خاطر عندك انساه ولا تخليه يخرب حياتنا انت اللي صرت تدور وراه ولا هو تاركنا في حالنا "
"انا هذا اللي قاهرني تدافعين عنه .."
"انا ما ادافع عنه انا خايفه على حياتنا تبيني ازايدك كان انت اللحين مبتلي فيه .. "
"خفايا شوق كنت احس بها لما تزوجنا هي اللي معذبتني "
"خفايا شوق لشي وتحقق انا وانت وعيالك و هذا اللي داخلي "




^الـنهــــــــــــــــــــــــــــايــــــــة^



http://www.wtv-zone.com/nevr2l82/bars10/BLKROSE.gif

[شمعة الدار]

يسسسسسسسسسسسسسسلموا فديتك والله كفيتي ووفيتي


بارك الله فيك احسنتي احسنتي


سلمت يمناك


قوووووووو هييييييييييييد

[الجوري ليال]

وووووووووووووووووووووووووه بس
لقصــــــــــــــــــــــــه شوي عليها كلمة روووووووووووووووعه
يعافيك ربي
وننتظر الجديد

[بحر الندى]

خيــــــــــــــــــال
اسم على مسمى
عن جد خيااااال
ربي يسلم الايادي
قصه جميله جدا
اسلوب رائع وحلو وبسيط يدخل القلب
اكثر شي اعجبني لهجة العمل مرررره حلوة و متمكنه كثير منها
واخر شي اقول ربي يوفقك ويسعد قلبك
ويزيد تميزك وابداعك و نجاحك يارب
و نتمنى نشوف لك جديد قريبا جدأ
لاعدمناك
^_^

[أنهار]

السلام عليكم

قصة روووووووووووووووووعة تسلم أناملك على هالإبداع خيال


بصراحة استمتعت بقراءتها صحيح بأولها تهت شوي لكن مع الأحداث ركزت وانجذبت لها وما قدرت أتركها إلا لما كملتها



يعطيك العافية وننتظر جديدك

[@نبـــراس@]

قصة روعة
يسلمووو

[خيال عابر]

مابعد النهايه
اعلم اني كنت استعجل الاحداث
واعلم اني طرحت الكثير من القضايا ولم اتعمق بها
واعلم بانها قصيرة جدا ولوكانت اطول وادق تفاصيل لكان افضل

السبب هو
انا لست كاتبه كما الاقلام المبدعه هنا
وما انا الا خيال عابر لقلم خجول soon >> يتمنى ان يكون قريب منكم

لم استطع التعمق وحل مشكلات لست من اهل الاختصاص بها ولا التجربة
ولكن قصص واقعيه جمعتها لكم في خفايا شوق
حدثت امامنا او لنا
الموهيييييييييييييم >>اذا ماتبتها ما اطله سوون /خيال هههههههه
انها حدثت ولم يختلق خيالي في خفايا شوق الا المواقف اما الا حداث فقد وقعت على ارض الواقع

اما عن عنواني
(خفايا شوق)
لكلن منا انا وانتِ وانتَ
شوق ومع الايام تظهر الخفايا
حلم كل فتاة بـ الامومه العائله
شوق خفي ربما تخفيه او يختفي ولكنه سيظهر يوما ما

واخيرا
لكل من دعمني وتواجد في حكايتي برد او مرور له مني كل الحب والاحترام

خيال عابر / soon
http://www.3zf.cc/albums/userpics/10001/normal_3zf.cc5038%20%286%29.jpg
>>اهندس في قصتي الجديده يمكن ههههههههههه

[خيال عابر]

شمعه الدار
يسسسسسسسسسسسسسسلموا فديتك والله كفيتي ووفيتي


بارك الله فيك احسنتي احسنتي


سلمت يمناك


قوووووووو هييييييييييييد
ربي يسلمك ويخليك ياقلبي
اشكرك على تشجيعك لي من اول جزء حتى النهاية
احترامي لك يالغلا :icon26:




وووووووووووووووووووووووووه بس
لقصــــــــــــــــــــــــه شوي عليها كلمة روووووووووووووووعه
يعافيك ربي
وننتظر الجديد

مشكووووووور الجوري ليال
تشرفت بتواجدك يالغلا :icon26:

خيــــــــــــــــــال
اسم على مسمى
عن جد خيااااال
ربي يسلم الايادي
قصه جميله جدا
اسلوب رائع وحلو وبسيط يدخل القلب
اكثر شي اعجبني لهجة العمل مرررره حلوة و متمكنه كثير منها
واخر شي اقول ربي يوفقك ويسعد قلبك
ويزيد تميزك وابداعك و نجاحك يارب
و نتمنى نشوف لك جديد قريبا جدأ
لاعدمناك
^_^
بحر الندى
غاليتي
مافكرت بعد روايتي في مكان انزل فيه حكايتي الا جروح لانك فيه:msn-wink:
اشكرك على تشجيعك لي
احترامي وتقديري لك :icon26:

السلام عليكم

قصة روووووووووووووووووعة تسلم أناملك على هالإبداع خيال


بصراحة استمتعت بقراءتها صحيح بأولها تهت شوي لكن مع الأحداث ركزت وانجذبت لها وما قدرت أتركها إلا لما كملتها



يعطيك العافية وننتظر جديدك
انهار
ياهلافيك
تهتي في البدايه لاني اخذت الصورة من بعيد بعدين ضيقتها وحصرتها في شخصيتين
>>ههههههههههه:shiny:

والحمد الله انها عجبتك
احترامي لك

قصة روعة
يسلمووو
ياهلا نبراس الله يسلمك

[غادة]

مشاء الله تبارك الله ،،،،،،،،،، قصة جميلة جداً جداً جداً
صحيح الأحداث مافصلتيها كثير بناءً على ما وضحتي ((لم استطع التعمق وحل مشكلات لست من اهل الاختصاص بها ولا التجربة )) ولكنها قوية وجميلة وتدل على خيال يبشر بكتابات أكثر أبداع ...........
وهندسي على مهلك بقصتك الجديدة علشان نقراها بأسرع وقت
تمنياتي لك بالتوفيق ،،،،،

[الوان السما]

يسلمووووووووووو خيال قصة رائعة

[\ غبار الورد\]

خيال عابر
يعطيك العافيه عزيزتي على القصه الجميله والشيقه فيها حماس بس شتتي فكري شوي في البدايه

[أمل المستقبل]

شكرا يالغلا على القصة الاكثر من رائعة
وانتي انطبق عليك القول المختصر المفيد
وان شاء الله من نجاح الى نجاح اكبر
والله يوفقك بقصتك الجديدة وحنا بانتظارك

[ظبيةالشرقية]

السلااام عليكم..

خيال من متى ناازله هالقصه اوول مرره اشووفها امس.؟؟. واكيد هذا من تقصيري لاني مو دااائما ادخل المنتدى..بس على طوووول من شفتها دخلت لاني سبق قريت لتس قصه قبل هذي واعجبتني مرره..
وتبين الصراحه هذي تهبل.. وكنت بقوول انتس خلصتيهاا بسرعه واحس ان في نهايتها شي ناقص بس لما شفت التعقيب اللي كاتبته قلت ( البنت شكلها مو واااثقه بقدراتها؟؟) يمكن تزعلين من كلامي.؟. لكن فعلا هذاا اللي حسيته.. خيال والله تقدرين تسووين قصه طويله وتكسر الدنياا. تدرين ان عندتس اهم شي من مقومات الكاتب وهوو انتس تصوورين الموقف وكانه موقف حقيقي وكاننا نشووفه.. على الاقل انا حسيت كذا. حسيت اني اشووف القصه من اوولها لاخرها.. تدرين خيال والله احس انتس تظلمين نفستس بعدم هالثقه.. صدقيني لو تكتبين قصه وتااصلين فيهاا لـ 15 جزء وتكون بنفس مستوى هالقصص القصيره بتكون قمه... وانا قصدي التصوير نفسه.. الوصف قليل فيها بس اذا وصفتي ابدعتي.. وحتى سبحان الله بدون ماتااصفين احس ان اسلووبتس يخليني اشووف الموقف.. زي لما خذت أمل جلالها وراحت تمشى بالمزرعه.. والله حسيت اني اشووفها.. يعجبني انتس طبيعيه بكلامتس .. بدااية القصه كانت شووي مربكه بس عشر دقايق الا انا مااشيه مضبوط. اكثر شخصيه اعجبتني فهد.. ومنصوور .. يهبل هالولد العياار لوو كان اكبر من سنه شووي كان صاادرته ..هخهخهخه.. اكثر موضوع دارت حووله القصه الزواج بالغصب ونتاايجه وان كانت هالنتاايج مو واضحه مرره بس كموضوع حلوو انتس تطرقتي له.. وخصووصا زواجها من ولد عمهاا ابوو اخلاق فااسده.. لمجرد انه ولد عم..
وبالنسبه للشخصيات..
امل : متردده كثير وشخصيتها باوول القصه احسهاا ضعيفه ومالها قيمه.. واعتقد ان وفاة امهاا كان لها دووور كبير بهالشخصيه المتردده.. بس باخر القصه حسيتها بدت تستقر شووي ويكون لها شخصيه واضحه شووي.. بس اكثر شي رحمتها فيه انها وصلت لعمر 25 وكانت متزوجه ثلاث مرات.. مرتين ملكه بس وتطلقت بالاولى وترملت بالثاانيه.. والثالثه هي الحيااة الحقيقيه لها.. اعجبني فيهاا حناانها الكبير على عيال فهد.. حبيت شعورها تجاه هالعيال.. وقهرتني في بعض تصرفاتها مع فهد..
موضي : حبيت شخصيتها مرره حسيتها فعلاا ام لامل مو بس اخت..
مشاري: يووه ياا انا خفت لما صار له الحدث ودخل غيبووبه ..والله خفت يموت ... مرات هالكاتباات عشان يسوون جووو في قصتهم يمووتون واحد من الحبووبين في القصه.. بس انتي اشووى طلعتي عاقله وماا موتي مشااري ابوو دم خفيف هوو اصدقاائه اللي معه بالمعسكر..
فــهــد : من قبل ماا اشووفه ومن يووم كان يحط عياله عند اخته .. كان يعجبني مررره.. كذا بس اعجبني بالطاري..هخهخه.. بس لما شفته شخصيااا.. والله دخل قلبي على طوووووووول .. حبيت اهتمامه وطوولة باله على امل وتطنيشه لبعض حركاتها.. كان واحد عاااقل بكل معنى الكلمه.. وماا اثرت غيرته على شخصيته بالعكس زاادتها حلااوه.. حسيت فهد شخصيه حقيقيه جداا جداا.. وحبيت هالشخصيه..
وبالنسبه للحوااار يااسوون كان صرااحه من عوامل الجذب بالقصه.. حبيت الراجه الكبيره اللي في حوارتهم كانت وااقعيه وبعيد عن التكلف و السماجه اللي مرات نقراها بالقصص..
وتعليقاتس الشخصيه على بعض المقاطع.. ظحكتني ومااا حسيت انها اخلت بالاندماج بالقصه..

تسلم ايدك خياال.. واتمنى المره الجاايه اقرأ اوول قصه طويله لتس.. صدقيني يبي لتس بس الثقه بقدرارتس وانتس تعزمين على هالامر...

بحفظ الله..

[أم ربى]

السلام عليكم و رحمة الله و بركاته ..ابنتي خيال عابر ...
جميلة قصتك جداً بالرغم من قصرها لكن مثلت حياة أمل بكل ما فيها بموجز عرفنا عنها كل شيء وحلوة الحركات التي تبعد بأحداث وتقرّب بأخرى ...المثالية والطيبة في الابطال والاخوة والعمة وزوجات الأخوة طبيعية ومريحة ...نعم هناك الكثير من فيهم الطيبة والقليل من مرضى النفوس ...
مريحة قصتك وفقك الله وإلى إبداع آخر بإذن الله أتركك في حفظه و رعايته....

[خيال عابر]

مشاء الله تبارك الله ،،،،،،،،،، قصة جميلة جداً جداً جداً
صحيح الأحداث مافصلتيها كثير بناءً على ما وضحتي ((لم استطع التعمق وحل مشكلات لست من اهل الاختصاص بها ولا التجربة )) ولكنها قوية وجميلة وتدل على خيال يبشر بكتابات أكثر أبداع ...........
وهندسي على مهلك بقصتك الجديدة علشان نقراها بأسرع وقت
تمنياتي لك بالتوفيق ،،،،،

غــــــــــــــــــــــــــــادة
خجلتيني بردك والحمد الله انها عجبتك واستمتعتي في قرائتها :in_love:
امور كثيرة كانت تمنعني من التعمق اكثر في التفاصيل ... الوقت ومشاغلي وكذلك السبب اللي وضحته انه ينقصني التجربة :shutup:
احترامي لك غاليتي
يسلمووووووووووو خيال قصة رائعة
الوان السماء
مشكوووووووووور على مرورك الرائع وانتظرك لو كان هناك جديد :msn-wink:

خيال عابر
يعطيك العافيه عزيزتي على القصه الجميله والشيقه فيها حماس بس شتتي فكري شوي في البدايه
الله يعافيك ويسلمك غبار الورد تشرفت بردك واسفة على تشتيت الفكر ولكن كان هدف اقصد منه شد الانتباه لما بعد وبعدين كنت معكم في البداية نشاهد بوجه عام حياة امل ثم بائت بحصر الصورة على حياتها الخاصة جدا :msn-wink:



شكرا يالغلا على القصة الاكثر من رائعة
وانتي انطبق عليك القول المختصر المفيد
وان شاء الله من نجاح الى نجاح اكبر
والله يوفقك بقصتك الجديدة وحنا بانتظارك
العفو ربي يسلمك ياقلبي
وانا احب احتصر كل شي ما احب الحوارات الممله اللي اعتبرها حشو واغلبنا يمكن يتجاوزها في الكثير من الروايات :no:
فما حبيت ان احد يتجاوز شي من خفايا شوق:icon26:
وحطيت الزبدة بدون اي اضافات
احترامي لك يالغلا

[خيال عابر]

السلااام عليكم..

خيال من متى ناازله هالقصه اوول مرره اشووفها امس.؟؟. واكيد هذا من تقصيري لاني مو دااائما ادخل المنتدى..بس على طوووول من شفتها دخلت لاني سبق قريت لتس قصه قبل هذي واعجبتني مرره..
وتبين الصراحه هذي تهبل.. وكنت بقوول انتس خلصتيهاا بسرعه واحس ان في نهايتها شي ناقص بس لما شفت التعقيب اللي كاتبته قلت ( البنت شكلها مو واااثقه بقدراتها؟؟) يمكن تزعلين من كلامي.؟. لكن فعلا هذاا اللي حسيته.. خيال والله تقدرين تسووين قصه طويله وتكسر الدنياا. تدرين ان عندتس اهم شي من مقومات الكاتب وهوو انتس تصوورين الموقف وكانه موقف حقيقي وكاننا نشووفه.. على الاقل انا حسيت كذا. حسيت اني اشووف القصه من اوولها لاخرها.. تدرين خيال والله احس انتس تظلمين نفستس بعدم هالثقه.. صدقيني لو تكتبين قصه وتااصلين فيهاا لـ 15 جزء وتكون بنفس مستوى هالقصص القصيره بتكون قمه... وانا قصدي التصوير نفسه.. الوصف قليل فيها بس اذا وصفتي ابدعتي.. وحتى سبحان الله بدون ماتااصفين احس ان اسلووبتس يخليني اشووف الموقف.. زي لما خذت أمل جلالها وراحت تمشى بالمزرعه.. والله حسيت اني اشووفها.. يعجبني انتس طبيعيه بكلامتس .. بدااية القصه كانت شووي مربكه بس عشر دقايق الا انا مااشيه مضبوط. اكثر شخصيه اعجبتني فهد.. ومنصوور .. يهبل هالولد العياار لوو كان اكبر من سنه شووي كان صاادرته ..هخهخهخه.. اكثر موضوع دارت حووله القصه الزواج بالغصب ونتاايجه وان كانت هالنتاايج مو واضحه مرره بس كموضوع حلوو انتس تطرقتي له.. وخصووصا زواجها من ولد عمهاا ابوو اخلاق فااسده.. لمجرد انه ولد عم..
وبالنسبه للشخصيات..
امل : متردده كثير وشخصيتها باوول القصه احسهاا ضعيفه ومالها قيمه.. واعتقد ان وفاة امهاا كان لها دووور كبير بهالشخصيه المتردده.. بس باخر القصه حسيتها بدت تستقر شووي ويكون لها شخصيه واضحه شووي.. بس اكثر شي رحمتها فيه انها وصلت لعمر 25 وكانت متزوجه ثلاث مرات.. مرتين ملكه بس وتطلقت بالاولى وترملت بالثاانيه.. والثالثه هي الحيااة الحقيقيه لها.. اعجبني فيهاا حناانها الكبير على عيال فهد.. حبيت شعورها تجاه هالعيال.. وقهرتني في بعض تصرفاتها مع فهد..
موضي : حبيت شخصيتها مرره حسيتها فعلاا ام لامل مو بس اخت..
مشاري: يووه ياا انا خفت لما صار له الحدث ودخل غيبووبه ..والله خفت يموت ... مرات هالكاتباات عشان يسوون جووو في قصتهم يمووتون واحد من الحبووبين في القصه.. بس انتي اشووى طلعتي عاقله وماا موتي مشااري ابوو دم خفيف هوو اصدقاائه اللي معه بالمعسكر..
فــهــد : من قبل ماا اشووفه ومن يووم كان يحط عياله عند اخته .. كان يعجبني مررره.. كذا بس اعجبني بالطاري..هخهخه.. بس لما شفته شخصيااا.. والله دخل قلبي على طوووووووول .. حبيت اهتمامه وطوولة باله على امل وتطنيشه لبعض حركاتها.. كان واحد عاااقل بكل معنى الكلمه.. وماا اثرت غيرته على شخصيته بالعكس زاادتها حلااوه.. حسيت فهد شخصيه حقيقيه جداا جداا.. وحبيت هالشخصيه..
وبالنسبه للحوااار يااسوون كان صرااحه من عوامل الجذب بالقصه.. حبيت الراجه الكبيره اللي في حوارتهم كانت وااقعيه وبعيد عن التكلف و السماجه اللي مرات نقراها بالقصص..
وتعليقاتس الشخصيه على بعض المقاطع.. ظحكتني ومااا حسيت انها اخلت بالاندماج بالقصه..

تسلم ايدك خياال.. واتمنى المره الجاايه اقرأ اوول قصه طويله لتس.. صدقيني يبي لتس بس الثقه بقدرارتس وانتس تعزمين على هالامر...

بحفظ الله


ظبية الشرقية>> زارا^_^
تشرفت بردك واقولك(ان تاتي متاخراً خيرا من ان لا تاتي ابدا ) هههههههههههههه
وردك انا معك فيه لكن لو عرفتي اللي وراء الكواليس انا متاكده انك راح تعذريني
لانه فعلا الحكاية ماتوقعت اخلصها على كذا بس كان في بالي انها عشر اجزاء
لكن بشكل مختلف المفروض اني فصلت في بعض المواقف لكن قدر الله ومشاء فعل
لكن النهاية كانت كذا من قبل ما اكتب البداية

والهدف منها انه احنا في الحياة مسيرين مو مخيرين
السبب اللي ماخلاني اتعمق اكثر ان الحكاية حقيقية كثير جدا مرة اوي خالص >>>ماابي اخورها
والشخصيات واقعيه اعرفها وقريبه مني >>فليت السبحة ههههههههههههههه

مشكور ظبية لو فية جديد راح يكون مثل خفايا شوق واقعية بكل شي شي عشته او شفته وراح اصورة بخيالي العابرمن هنا


السلام عليكم و رحمة الله و بركاته ..ابنتي خيال عابر ...
جميلة قصتك جداً بالرغم من قصرها لكن مثلت حياة أمل بكل ما فيها بموجز عرفنا عنها كل شيء وحلوة الحركات التي تبعد بأحداث وتقرّب بأخرى ...المثالية والطيبة في الابطال والاخوة والعمة وزوجات الأخوة طبيعية ومريحة ...نعم هناك الكثير من فيهم الطيبة والقليل من مرضى النفوس ...
مريحة قصتك وفقك الله وإلى إبداع آخر بإذن الله أتركك في حفظه و رعايته....
كلامك تغلغل الى داخلي ووصل الى روحي بصدقة وشفافيته غاليتي
اشكر لك اطرائك وان شاء الله لوفيه جديد راح يكون بواقعية خفايا شوق ^_^
حفظ الله ربى ووفقك لما يحب ويرضى

[غادة]

والله تستاهلين كل خير ،،، وكلامنا قليل في حقك ،،،،،،،،،،،،،،،،،،،،،،،، موفقة دوم عزيزتي

[خيال عابر]

تسلمين غادة
ربي يخليك ويسعدك
ويوفقك لما يحب ويرضى
>>>كثرت دعاويها ههههههههههه
احترامي يالغلا

[كل"الحلا"]

يسلمو عالقصة الحلوه
يعطيك العافيه

[خيال عابر]

الله يسلمك
تشرفت بتواجدك يالغلا

[واحة السعودية]

السلام عليكم
باختصر كلامي بجملة واحدة
راااااائعة شوي في حقك
الى الامام دائمأ حبيبتي

[الحساسة]

روووووووووووووووووووووووووووووووووووووووووووووووعة
الله يوفقك

[خيال عابر]

واحة السعودية
لا تفي الابجديات في شكرك
دمتي بخير من الرحمن

الحساسه
ربي يسلمك ويعافيك يالغلا

[قمر اهلها]

يسلموووو
ويعطيكـ العافيهـ
وجزاكـ الله كل خير
لاخلا و لا عدم

[السارية]

تجنننننننننننننننننننن يارب يسعدكـ

واااااااااااااااااااااااااااي خطيرة خطيرة

الله يعطيك الف عافية..

[شجون الليل]

الله يعطيك العافية

حبيت انبهك لكلمة (امانه) لاتجوز

[روعة]

قصة رائعة
يسلموووووووووووووووو