... (( لو تفرقنا الاقدار تجمعنا))×كامله×

[موج الشوق]

http://www.joroh.com/vb/attachment.php?attachmentid=17012&d=1272215475



السلام عليكم جميعاً
أنا كاتبه مبتدئه أقبلوني معكم وهذه أول قصه لي وأردت أن أقدمها لكم ...قد تربطون بينها وبين قصص آخرى وأنا بصراحه بعد أن كتبتها قرأت قصه مشابها لها في بعض الأفكار صحيح تختلف في أشياء كثيره
كنت أفكر بتمزيق القصه ولكن دفعني أخواتي وصديقاتي حتى إنزلها أتمنى أن تنال إعجابكم صديقتكم longing ...........!!!













... (( لو تفرقنا الاقدار تجمعنا))...
الجزء الأول
أنا أسكن بيت خالتي الوحيدة مع أمي من بعد ما طلقها أبوي من تسع سنوات لأن أمي زوجته الثانيه وزوجته الأولى بنت عمه وصارت مشاكل بين أبوي وأهله علشان كذا أضطر أبوي يطلق أمي على قولت أمي ما أدري بس ماأحب أذكر هالشي ............كنت أحب أبوي على قد ماأكرهه الحين لأنه طلق أمي وتركنا أنا وأخوي فيصل الصغيرعمره تسع سنوات لأن أمي لما تطلقت كانت حامل به وأنا عمري الحين 18 سنه
خالتي شريفه طيبه حيل وعندها بنت وحدة وأسمها ياسمين وعمرها سبع سنوات بس وزوجها اللي أعتبره عمي سامي طيوب حيل وأنا أحبه كأنه أبوي أدري أنه زوج خالتي غريب علي بس أهو تقريبا اللي رباني فـأن أحبه عالأقل ما تركني مثل أبوي
أووووه ه نسيتوني اليوم بيجي أخو عمي سامي محمد مع عياله فارس وفاطمة ونادية وزوجته أم فارس أحبهم وأفرح بجيتهم فاطمة صديقتي وأقرب لي بالعمر صحيح أكبر مني بسنه بس ماكو فرق وأنا وياها كأن نفس العمر أما ناديه فهي أصغر مني بربع سنوات يعني عمرها 14 سنه مراهقة بس حبوبه وفارس آآآآه ه ه يا فارس حب عمري
أنا فرحانه حيل <<<<<<<< حسبتوا كم مره قلت حيل خخخخخخخخ



قمت علشان أتجهز لبست تنورة فيها كسرات على جنب وبلوزة زيتية ناعمة ورشيت من عطري المفضل وحطيت ميك آب ناعم
نزلت تحت بيت خالتي اللي هو بيتنا طبعا كان عادي صغير على قدنا
أنا وياسمين الحلوه ننام مع بعض وأمي في غرفة لوحدها وفيصل في غرفة لوحده لأن ولد حصل غرفة خاصة له منقهره منه
رحت المطبخ وشفت أمي وخالتي مشغولين وحالتهم حالة
أم فيصل : قموور وينش ما تجين تساعدينا أنا وخالتك
أنتفضت بالصراحة أمي رعبتني تخوف لما تعصب : يوووه يمه أنا ما أعرف أسوي شي وأنتي تدرين
أم فيصل : يا بنيتي أنتي كبرتي وبكرة بيجون يخطبونك وزوجك يبيك تتطبخين له ويش بتقولين له مأعرف
قمر: ذيك الساعة يجيب بدال الخدامة ثنتين مو كفايه القمر بعمره وافق يتزوجه
أم فيصل: الله يهديك بس
قمر: خالتي حبيبتي بعد قلبي أنتي
أم ياسمين:إختصري إختصري قموور أيش تبين
قمر: أبي شيبسات وشوكلاتات وأغراض بنات تدرين ............ممكن تقولين العمي
أم فيصل: ويش لزومه بعد ؟
قمر: لزوم السوالف ما تكمل الا بها
أم فيصل: بس ولا كلمة روحي يالله وما في الخرابيط اللي تبينه
بوزت: يمه................ خالتي كلميها
أم ياسمين : موزة يا حبيبتي عادي شفيك بعدين أهي فرحانه بالبنات روحي خلاص حبيبتي وأنا راح أقوله
أستانست: مشكورة خالتي أمووووووووووه
رحت صعدت فوق وأنا فرحانة دخلت غرفتي وأخذت عباية الكتف والشيلة للأحتياط لأن فارس وعمي متعوديين يدخلون البيت عادي ورحت غرفة الجلوس الفوقية لأن إحنا البنات متعوديين نقعد فيها جلست أففففف تأخروا ما صارت زهقت
نادية :تارتتا نادية حضرت إلى المنزل
:ناديوووه روعتيني
نادية بنص عين :في شنو سرحانه
دخلت فاطمة
ابتسمت: هلا والله بعد قلبي أخيرا وصلتي . قلت كلمتي الأخيرة وأنا أطالع في نادية بنص عين
ناديه: يا سلام إشمعنى فطيم رحبتي فيها وأنا من دخلت وأنتي تهاوشيني.
فاطمة ضربت نادية على راسها بالخفيف: فطيم في عينك قومي قومي يلا طلعي ما نستقبل مراهقات .
نادية تأشر علينا أنا وفاطمة وهي رافعة خشمها: وأنتوا الحين تعتقدون أنكم راشدين أنتو مراهقين مثلي بس الفرق كم سنة.
طالعتها باستهزاء:وأنتي أيش دراك ؟
نادية وهي تعدل ياقة قميصها: أحم أحم قريته في كتاب.
:ما شاء الله قمتي تقريين كتب
فاطمة بطنازه: من دخلت المراهقة وهي تقرا في هالكتب اللي عنهم.
بعدين طالعت في ناديه بحده:أنا خلصت المراهقة وهاذي أخر سنة لي فيها ويلا فارقينا.
فاطمة سحبت نادية وطلعتها وسكرت الباب ونادية تدق الباب
نادية:إفتحي إفتحي يا فطيم أحسن لك لا أعلم أبوي الحين
قلت لفطوم:فطوم أيش فيكي عليها خليها تدخل.
فاطمة: ما عليك منها أجل أنا فاطمة على سن ورمح تسميني فطيم
ضحكت :هههه يا الخبلة من وين جايبه على سن ورمح .
فاطمة : من مسلسل بس راح أكتبها من مقولاتي اليومية
نادية من ورى الباب: فطيم فتحي الباب أحسن لك
فاطمة :لا والله تسميني فطيم وأفتح لك وكملت وهي تمدها:سوري ماني فاتحةالباب.
ظلت تدق وبعدين أختفى الصوت
:فطوم شكلها مشت ما أحد يدق الباب .
حركت فطوم أيدها: خليها تولي خل نفتك من صدعتها.
:يلا شنو الأخبار عندكم؟
طالعتني وغمزت بعينها: لا والله شنهو الأخبار عندنا سئلي مباشره ماله داعي تلفين وتدورين أعرفك خبز إيدي .
ضحكت على تعبيرها:هههههههه شنو خبز إيدي يا العجوز
فاطمه وهي مطلعة عيونها :أنا عجوز! خلاص ما راح أقولك شي
: بكفيك أقدر أسحب كل شي من ناديه
توها فاطمة بترد الا ندق الباب فجأه وجا صوت من ورى الباب
.......: فطوم وقمر فتحوا الباب يلا بسرعة .
فاطمةبقهر:ويه راحت قالت حق فارس شنو يفكني منه الحين قومي تغطي خلني أفتح الباب.
لبست عباية الكتف وليفت الشيلة وغطيت وجهي
راحت فاطمة فتحت الباب وإنفتح بقوة وكان فارس واقف على فتحة الباب وحاط يدينه عالحواف أنا أول ما شفته أنهبلت عليه كان لابس جينز أسود مع تيشرت رمادي وكاب يهبل يناس فديته
فارس: فطوم ليش طارده نادية من الغرفة
فاطمة وهي تأشر على نادية ورى فارس :أول قول لها ما تناديني بفطيم.
فارس وهو رافع حاجب: الحين طاردتنها علشان نادتك فطيم طيب خلاص من الحين انتي فطيم.
فاطمة بعصبية: والله العظيم إذا سماني أحد فطيم براويه نجوم الظهر
فارس يمثل: يمه خفت منك رجع يقول :لا حبيبتي موخايف سوي الي تبين.
ظلو يتهاوشون وأنا مو سامعة شي كل نظراتي كانت منصبه على فارس شعره ناعم ومطلعه من تحت الكاب بطريقة حلوة وجسمه العريض وطوله ياربي الله يخليه لي ضحكت على نفسي كنه خطبني عاد أو أفتكر فيني يا ربي أحس دقات قلبي بتوقف بس يا بنت عيب اطالعين أشوى أنه ما يشوف عيوني من الغطى التفت على آخر كلمة قالتها فاطمة
:خلاص راح نخليها تدخل بس أنا بصوب وهي بصوب بس لأن أحنا مو في بيتنا
فارس دفع نادية:يلا دخلي ما عليك من أحد.
لف فارس بيمشي بس سمعت صوت فاطمة تنادية أستغربت وتفاجئت لمن قالت:فارس جاي تهاوش ولا سلمت على قمر
غصت في هدومي من كثر الخجل والله بذبحها يعني لازم تحرجني التفت صوبي نزلت راسي وأنا أحس ان جسمي كله ينتفض وقلبي يدق بقوة .
فارس بهدوء:السلام عليكم شخبارك قمر؟
شلون أرد ليه الحين أحس لساني لاصق مو راضي يتحرك أستحي الله يأخذك يا فطوم أرويك قلت بصوت بالغصب طلع مني أحس صوتي مو راضي يطلع مأدري سمعني أو لا:الحمد الله أنت شخبارك؟
فارس: الحمد الله....تبين شيء؟
تفاجئت:ها.
سمعت صوته زي اللي بيضحك علي: ماأكلمك أكلم نادية.
حسيت بأحراج العالم كله فيني ليش ياربي انحطيت في هالموقف وأنا خبله أرد عليه
ناديه :لاthanks
فاطمة:يلا فارقنا.
سمعته يقول: من زينكم علشان أقعد معاكم.
مشى عنا أرتحت وزفرت بقوه وسمعتها وهي تضحك لفيت على فطوم وأنا منقهره حدي وركضت ناحيتها وضربتها بقوه :يا الدبه فشلتني شلون تحطيني بهالموقف
طالعتني فاطمة بستهبال :أي موقف؟
:أي موقف ها . وبدأت أقلدها:جاي تهاوش وما سلمت على قمر. وضربتها مره ثانيه من القهر:دبه
وتكلمت وهي ميته ضحك:شوفي وجهك شلون صاير أحمرههههههههه وكله كوم ولمن سأل كوم ثاني هههههههههه تبين شي؟ههههههههه وانتي تقولين ها هههههههههههههههههههههههههههههههه
ناديةكملت معها وهي تضحك:ههههههههههههه والأخت في عالم ثاني ولا تدري عن الدنيا هههههههههههه.
عصبت عليهم :تضحكون يعل ضروسكم الكسر أنشاء الله.
ظلينا سوالف وضحك وبعدين تغدينا وظلو شوي وروحو
رحت غرفتي وانسدحت حطيت يدي على خدي للحين أحس أني مستحيه من اللي صار ليش أحس أنه بارد المشاعر اففففففف لو ظليت أفكر ما راح أرتاح خلني أقوم أحسن لي.
نزلت تحت وشفت فيصل يلعب بلستيشن
:فيصلو شنو قاعد تلعب؟
رد علي وهو مندمج بلعبة :سباق سيارات
رحت وجلست جمبه : حط الشخصين بلعب معاك.
بدأنا من جديد أنا وياه وغلبت فيصل في الجوله الأولى
صرخت بوناسه:عاشت قمر تربح ويخسر فيصلوه الخراط.
عصب فيصل: لعبي لعبي الحين وأنا بفوز عليك
ضحكت عليه:أنا خلاص ألعب مرة وحده بس
: أصلا انتي خايفة تخسرين فما تبين تلعبين
دخل علينا عمي سامي: السلام عليكم
ردينا السلام : وعليكم السلام
عمي سامي: ما راح تسلمون علي؟
راح فيصل وحب راسه ورحت أنا وراه وحبيت راسه وجلست جنبه
عمي سامي:ها قمر ما قررتي إيش بتدخلين
ابتسمت له:ما أدري قاعده أفكر
قالي:شرايك بالطب
استناست :صدق والله أنا كنت خايفة أنك ترفض
ابتسم لي: هذا مستقبلك وأنتي جايبة نسبه ممتازه ولازم تختاري اللي يريحك واللي تحبينه
حطيت أيدي على قلبي والفرحة غامرتني: مشكورعمي مأدري شاقول
دخلت علينا خالتي: لا تقولي شي إثبتي جدراتك وصيري أكبر دكتورة
وقفت ورفعت إبهامي لها:أكيد وراح أصير أكبر دكتورة بروح أبشر أمي الا هي وينهي؟
قالت أم ياسمين :راحت غرفتها
كنت فرحانه وقعدت أناقز على الدرج ولمن وصلت غرفة أمي دقيت الباب بس ماحد رد علي فتحت الباب وطليت وشفت أمي تصلي سكرت الباب بهدوء وانا أفكر الحين مو وقت صلاة جلست بهدوء أنتظرها تخلص بس طولت وهي ساجدة حتى لو شيخ قام أخذت نفس وحسيت كني الوحيدة اللي تتنفس بالغرفة قمت وجلست يم أمي وحطيت أيدي على كتفها أقشعر بدني حسيتها بارده وجسمها ساكن زي التمثال تخلل الخوف قلبي وطلعت صوت مخنوق: يمه يمه . هزيتها بقوه علشان تحس فيني لكن تفاجئت يوم طاحت على جنب طلعت عيوني وصرخت صرخه هزة البيت كله .



أرجو أن البارت يعجبكم وأتمنى ردودكم وتشجيعكم على تكملتها وأكيد أنتقاداتكم و أرائكم
............ موووج


رابط القصه بدون ردود

http://www.joroh.com/vb/showthread.php?t=68126

[بنوتة الرياض]

موج الشوق

أهلين أختي .. للحين ما قرئت الرواية لكن سجليني من متابعيها ( F )

باين أنها حلوة

[موج الشوق]

تسلمين يالغلا لمرورك
وراح انزل بارت عن قريب ان شاء الله
موووج

[شمعة الدار]

يسلموووووووووووا بداية موفقه


ننتظر التكمله للحكم عالقصة


قوووووووووو هييييييييييييييد

[موج الشوق]

تسلمين حبوبة
وهذا انا بنزلة البارت الجديد
وان شاء الله تعجبك
موووج

[موج الشوق]

هذا البارت الجديد أتمنى أن ينال إعجابكم......


..((الجزء الثــــــــــاني))..


مرت الثلاث الأيام بسرعة ما كنت أتكلم إلا قليل حتى لما ماتت أمي ما صحت ليش ما أدري أحس مو مصدقه اللي صار يمكن حلم آآآه ه يا ليت حلم أطالع في الحريم يوم العزا كلهم يناظروني نظرة شفقه ما أحب هاذي النظره تحرقني فيصل ! أيه فيصل أحس من زمان ما شفته يمكن هالفتره ما كنت أحس بشي محتاجه أشوفه التفت على أم فارس الي كانت قاعده يمي وقلت بصوت مخنوق : خالتي أخوي فيصل وين؟
ردت علي: في العزا مع الرجاجيل ليش؟
:أبي أشوفه الله يخليكي ناديه
قامت عني أم فارس تخلي أحد ينادي فيصل ورجعت وقالت لي :حبيبتي قمر قومي أهو يستناك في ذيك الغرفه
قمت ودخلت الغرفة وشفت فيصل قرب مني والدموع في عيونه : قمر ليش يقولون عني مسكين
قلت:ليش أنت ما تدري أن أمي......... أختنق صوتي أكثر ما اقدر أقولها
قال: ماتت أدري بس ........... سكت وهو يمسح دموعه
ما قدرت أتحمل من شفته و أنا ماسكه نفسي عن الصياح وكل اللي كتمته انفجر ضميته في صدري مو قادرة أكتم أكثر وبدأت أصيح بصوت عالي جات خالتي شريفه وسحبت فيصل مني بقوة وأنا للحين أصيح و طلعته بره وطالعت فيني وضمتني وأنا ضميتها
وقلت بصوت مبحوح وصياح : خالتي يعني أمي ما راح أشوفها ما راح تهاوشني ماراح أنام بحضنها
هزيت خالتي من كتوفها : تكلمي قولي لي لا راح تشوفينها كل يوم وتسمعين صوتها وتدعي لك .
خالتي شريفه وهي تصيح معاي: خلاص حبيبتي هذا مقدر ومكتوب أستهدي بالله وصلي ركعتين وأدعي لها بالرحمه.
جلست على الارض مو قادره اتحمل وأستوعب اللي صار : أبي أموت أبي أروح لها آآآآآآآآآآه .
جلست خالتي يمي: بس ياقمر عن هالكلام حرام عليكي وفيصل من له .
ترددت الكلمه في راسي فيصل فيصل ليش تركتيني يا يمه ليش قمت ورحت غرفتي بسرعة وسكرت الباب وبدأت دوامة صياح إلين غمضت عيني ونمت وما حسيت بنفسي
الباب ينطق قمت بتثاقل وطالعت الساعة كانت ثمان الليل تفاجئت من الصباح لين الحين وأنا نايمه رحت فتحت الباب كانت خالتي شريفه
قالت :حبيبتي بقولك شي ضروري
رديت بخوف: تفضلي قولي
نظراتها ما عجبتني خايفة من شي أو متوهقه أحس مو قادرة تبدأ الموضوع ظلينا ساكتين فتره حتى قررت خالتي تتكلم:قمر بصراحه أبوك تحت جاي يأخذك أنتي وأخوك فيصل.
أبوي اللي نساني تسع سنوات جاي اللحين حسيت بالدم يجري فيني بسرعة قويه : يأخذنا وين يأخذنا.
قالت خالتي:بيته.
عصبت :بس أنا ما راح أروح معاه ولا فيصل بعد.
قالت لي: بس اهو مو راضي جاي مع عمك ويقول راح يأخذك.
:موعلى كيفهم.
دخل علينا عمي سامي وطالعني :قمر عمك وأبوك ينتظرونك
قلت له: عمي سامي مأبي أروح معاهم .
ابتسم لي: قمر أنزلي وتفاهمي مع أبوك وصدقيني راح يستمع لك
طالعته حسيته واثق من اللي يقوله سكت وقلت : أنشاء الله .
ونزلت وأنا قلبي يرقع وقفت يم باب المجلس رتبت شكلي وحاولت أبين أني واثقه ودخلت شفت شخصين كبار وعلى ما سمعت واحد أبوي والثاني عمي قلت : السلام عليكم
ردو السلام ما عرفت شسوي قعدت بداية المجلس وقررت أبدأ الكلام
فقلت: مع أحترامي لك يا أبوي بس أنا ما أبي أروح بظل هنا مكان ما تربيت.
قلت هالكلمة علشان أحسسه إنه ماله مكان هنا وأن هذا بيتنا وقف واحد منهم وتوقع أنه أبوي وابتسم إنحرجت أني حاطه عيني بعينه ونزلت عيوني وقال:أنا جاي أكلمك وصدقيني ما راح أغصبك على شي
وقف عمي وكلمه بهدوء وهذا كلة تحت نظري:شنو ما تغصبها أنت داري شكلها غلط وهي جالسه هنا.
عصبت قلت وأنا أطالع عمي: إنشاء الله بس أرجو أن يكون الكلام بيني وبينك بس.
طالعت في أبوي بترجي وسمعت عمي وهو يقول: خوش خوش هذي تربيت أمك
أحس كل الشياطين ظهرت قدامي يذكر أمي قدامي وهي ميته قلت وأنا أحاول أضبط أعصابي : عمي أرجو ان يكون بينا احترام هاذي أمي أحسن وأشرف وحده.
حسيت بعصبية عمي لمن قال:لا والله تعالي ضربيني بعد.
حاولت أضغط على نفسي وما أتكلم إحتراما لهم لأن أنا متربيه وسمعت صوت أبوي يقول: إستهدي بالله يا عبد الرحمن
قلت بهدوء:أتوقع أنكم مو ناوين تتفاهمون فأفضل أني أطلع .
أنا قلتها من قهري لكن ما شفت الا عمي يقرب مني خفت وإنكمشت على نفسي وغمضت عيوني مستعده للضرب لكن عم هدوء خلاني أفتح عيوني ببطء وتفاجئت بأبوي ماسك يد عمي : استهدي بالله يا أخوي أحنا ما جينا علشان نضرب
قاله عمي:ما تشوف بنتك ربيها بالأول .
طالع فيني أبوي بعدين أخذ نفس وقال: البنت ما غلطت و التفاهم أحسن شيء قمر ممكن نجلس.
ناداني بإسمي رحت وجلست وجا أبوي وجلس جمبي لكن عمي جلس مكانه بعيد شوي عنا
قال أبوي بهدوء:أنا عارف إني قصرت عليك إنتي وفيصل بس صدقيني كنت أجيكم و أتمنى أشوفكم لكن أمك كانت ما ترضى تخليني أشوفكم حاولت و حاولت وبعدين يأست وهذا أنا أول ما دريت أن الله أخذ بأمانتها الله يرحمها جيت لكم أبي أشوفكم
طالعت في أبوي أي أحد يشوفه غصب عنه يرتاح له قلت له:ما راح أمنعك تشوفنا لكن تأخذنا مستحيل.
انتبهت لعمي يضحك ضحكت إستهزاء ورجعت طالعت فأبوي حسيته عصب شوي فقلت: مو كفايه اللي صار لنا بسبب أنك تركت أمي وطلقتها و رميتنا أنا وفيصل عند الغريب يربينا
لأول مره أبوي: عن قلة الأدب وكلمينا بإحترام وأنا قلت لك إني دايم أسأل عنكم أو كنتي تبيني أجي وأخذكم غصب عنها.
سكت أنا وسكت بعد أبوي أحترم أمي يعني ما أقدر أنكر هالشي لكن صعب والله صعب ليش مايفهمون
قطع تفكيري أبوي : أنا فاهمك وأدري أنه صعب.
طالعت فأبوي بغرابه وتخيلت أنه قاعد يقرا أفكاري لكنه كمل
:أنتي فكري بعقل مهما كان سامي غريب عنك وإنتي صرتي عروس يعني تتوقعين ما راح تتغير نظرته تجاهك
قلت بعصبيه مندفعه: مستحيل هذا مثل أبوي
حسيت ان أبوي عوره قلبه على هالكلمه لكنه قال عشان يمتص غضبي: حتى لو ما فكر أنتي نظرتك له تحسسك بخجل أنزين كلام الناس أنك مع واحد غريب وما صار بينكم شي وغيره وغيره يعني حاولي تفكري فيها من كل الجهات.
بس بس يا ليت أبوي يوقف عن الكلام بس ما أقدر أستحمل يعني الأشياء اللي ما فكرت فيها راح أفكر فيها اللحين ليكون يسوي كذا علشان يخليني أفكر وأوافق أروح معاه يارب راسي بينفجر إنتبهت لشي ينمد لي كان كرت: هذا كرتي بخليك تفكرين و أرجو أنك ما طولي.
أخذت الكرت كردة فعل ما توقع أني راح أتصل قال أبوي يغير الموضوع
: وين فيصل ما شفته؟
قلت له : نايم
قام أبوي وعمي أستغرب منه لكن ما تكلم باس راسي وطلع ومعاه عمي أحس على عصبية عمي الواضحه لكن بس يقوله أبوي كلمه يسكت يعني تقدرون تقولون إن أبوي له هيبه من حيث هدوءه ورزانته في الكلام وطيبته اللي كتشفتها فيه وبنفس الوقت تفاجئت إن أمي كانت رافضه أنه يقابلنا مع إنه أحترمها وإحترم مشاعرها .... إستغفر الله الميت لا تجوز عليه الا الرحمه الله يرحمها يارب قمت وطلعت كنت متجها للصاله لكن تفاجئت يوم شفت عمي سامي محاوط خالتي بيده وضامها وهو يسولف معها و اتوقع انها كانت حزنانه و خايفه أن نروح عنها إنحرجت و إبتعدت ورحت للدرج صعدت و أنا أفكر عمي و خالتي كانو يحترمون وجودنا فكرت في كلام أبوي حسيت أن أحنا هم على خالتي و عمي يعني كل واحد يستحمل عيالـــه و هم مو ملزومين بنا شفت فيصل طالع من غرفته و شكله ناوي ينزل بس مستحيل أخليه و رحت له و دخلته
فيصل : شفيك جوعان بنزل أكل.
طالعت فيه : فيصل أبيك بموضوع .
رد علي بملل:خير.
كنت ألعب بيدني و أنا أحاول أشوف إيش راح يسوي:فيصل أبوي جا اليوم .
تفأجئت يوم فرح بشده:صدق ليه ما جلستني علشان أشوفه.
قلت بعصبيه و أنا أطالعه:يبي يأخذنا معاه نسكن تخيل.
قال: ومتى راح نروح.
أنفجعت:أنت شلون تفكر كذا اهو متى فكر فينا.
:بس أمي دايم تمدحه وتقول طيب وبعدين واحد من أصدقائي قال لي إنه أبوي غني وعنده شركة تعتبر من أكبر الشركات في المملكه يعني راح نعيش بنعيم.
قلتله: لفلوس مو كل شي وما فكرت في عمي سامي وخالتي شريفه.
قال بعدم مبلاه أنتبهتها منه:إحنا أولى نعيش بفلوس أبوي وإذا على خالتي وعمي فأتوقع راح يفتكون من همنا.
أخوي عمره 9 سنوات ويفكر هالتفكير مستحيل خالتي تستغني عنا مستحيل وليه لا يا قمر لازم يعيشون حياتهم وأنتم مضايقين عليهم وأبوك حتى لو تضايق أهو ملزوم فيكم رحت غرفتي وأنا مقهورة من تفكيري ومن كل شي أخذت جوالي وأتصلت على فاطمه ما ترد أنقهرت أكثر ليه يا يمه تركتينا مو عارفه إيش أسوي إنطق الباب
:تفضل.
دخلت خالتي وحسيتها حزنانه لأن راح نفارقها و ما تبينا نروح بس لازم تحس بهالشعور لأنها تعودت علينا جلست جمبي وقالت:أدري إن مو من حقي أتدخل بس بسألك إيش صار مع أبوك؟
طالعت فيها أحبها ما ودي أتركها هاذي خالتي و من ريحة أمي بس خلاص اللي كانت تجمع بينا راحت إستحملت دموعي لا تنزل وقلت لها:قال إنه بيجي بكره يأخذنا.
إنقلب وجه خالتي حسيتها تفاجئت ودها تمنعني لكن ما تقدر ولا أنا أقدر لازم تعيش حياتها أبوي طيب واللي يطالع فيه يرتاح غصبا عنه ضميت خالتي ونزلو دموعي وصحنا وصحنا بس ولا وحده فينا تكلمت قامت خالتي وطلعت من غرفتي وأنا طالعت كرت أبوي وطالعت في الساعة 10:15 الساعة عشر كل شي إنقلب في ساعتين أخذت التليفون وكنت أدق الرقم و أحس قلبي بيوقف خلصت دق صدى صوت أبوي :ألو.
ما عرفت شنو أقول قلبي يرقع بقوه غمضت عيوني و أنا أسمعه يرد الكلمه مره ثانيه :ألو من معي؟
قلت بعد جهد جهيد:هلا
سكت أبوي وحسيته شك:قمر؟
تأكدت أنه شاك:إيه .
حسيت بصوته الفرحان :هلا قمر هلا ببنيتي تبين شي ناقصك شي.
قلت له بصوت مخنوق :تقدر تجي تأخذنا بكره .
سمعته يقول:من سمعت صوتك وأنا أتمنى تقولين هالكلام بس ما توقعت إنك تردين علي بسرعة وصدقي إني فرحان و أتمنى أسعدك وما قصر عنك بشي وعوضك عن الأيام اللي عشتيها بدوني.
حاولت أعدل صوتي وقلت له :ok أخليك مع السلامه .
رد أبوي: الله يسلمك.
أول ما سمعته قال هالكلمه سكرت السماعه ورحت أنسدحت على السرير أفكر بالأيام الجايه وإيش مخبيه لي لين راحت علي نومه.
جلست وطالعت الساعة كانت ست الصباح أحس جسمي يألمني من كثر النوم جال نظري على غرفتي لين طاحت على ياسمين النايمه أبتسمت بحزن هذا أخر يوم أجلس وأشوف هالغرفه قمت من سريري وأخذت شاور وطلعت طالعت في غرفتي ومريت عليها ببطء وأنا ألمس كل جزء فيها بعدين طلعت منها ورحت غرفة الضيوف اللي في الدور الثاني وأنا أطالع في كل جزء في هالبيت وأحاول أحفظه كل ذكرياتي كانت هنا نزلت وبعد فتره سمعت صوت من وراي لفيت كان عمي سامي وبعدين لحقته خالتي شريفه وهي مصحيه فيصل وياسمين وجلسنا كلنا على الفطور كنت أطالع فيهم كانو مبتسمين ويسالفون معنا ويضحكون ابتسمت .
مر الوقت بسرعه ووضبنا أغراضنا ونزل عمي الشنط والساعة ثلاث العصر جلسنا كلنا نسولف لكن حسيت بحزن في جلستنا رن جوال عمي طالعنا فيه و حسيت أن وجهه إنقلب وعرفت أن المتصل أبوي رد عليه وطلع له رحت يم خالتي وضميتها بقوه وأنا أحاول أني ما أصيح وضميت ياسمين و أنا أضحك في وجهها وتوادعنا ويا كره هالوداع طلعت وطالعت في السياره الواقفه يم الباب وحسيت بخوف شديد من العالم الجديد اللي راح أعيشه وبدأت ساعة الصفر..



أتمنى يعجبكم البارت وبحاول أنزل الجزء الي بعده بسرعه وأتمنى ردودكم longing


............. موووج

[:: همس الشوق ::]

يسلموووو يااااlonging

الى الامااااام :icon35:

حنا في أنتضاار باارت جديد:icon35:
تحيااتي
:: همس الشوق :::clap:

[موج الشوق]

تسلمين حبوبة لمرورك
وان شاء الله يكون قريب
موووج

[موج الشوق]

تقدرون تقولون قصتنا توها بدت وأخليكم مع البارت....
..((الجزء الثالث ))..
ركبت السيارة كنت جالسه يم فيصل وأبوي يمه من الجهه الثانيه وعمي قدامي وجنبه شخص كان توه شباب سمعته يكلم أبوي
.........:عمي خلاص خلصتوا.
رد عليه أبوي : إيه.
فجأة لف علينا أنا إخترعت منه كان لابس نظارات سودا طالع في أخوي فيصل وأبتسم له ومد يده يسلم عليه:شخبارك يا أبو عدنان.
سلم عليه فيصل : أنا أبو عدنان.
رد أبوي: أكيد.
ولف علي أنا إنتفضت ولصقت في الباب:شخبارك يابنت عمي.
قلت بصوت واطي:الحمد الله.
ردعلي:محسوبك جواد ولد عمك وأي شيء يقصر عليك عمي فيه كلميني.
دزه أبوي:أكرمنا بسكاتك وسوق.
مشينا وكان أبوي يلاعب فيصل ويضحك معاه وأنا ساكته وأطالع تكلم جواد ولد عمي وهو يطالع في أبوي ويبتسم بخبث :أقول عمي بنتك حلوه؟
إنحرجت من هالسؤال وحسيت بحراره في جسمي شكله عادي مع أبوي اللي يقوله هالسؤال ببساطه لفيت على أبوي وهو يقول: أقول مالك دخل وماني مزوجها لك لو تنطبق السماعلى الأرض.
إبتسم جواد إبتسامه هاديه وهو يريح على الكرسي:مو مهم.
ولفيت على أبوي شفته بعد مبتسم وهو يطالع في جواد ما أهتميت ورجعت أطالع في الطريق إبتعدنا عن البيت كثير سمعت عمي يسأل عن الشغل وأبوي يرد عليه وهو حاظن فيصل حسيته شيء طبيعي لأني سمعت أن أبوي مامعه ولد خلفه كلهم بنات ..رجعت أطالع في الطريق دخلنا حي راقي بيوته فخمه كل بيت أحلى من الثاني أو على مايسمونهم فيلا .وقفنا يم بوابه كبيره إنفتحت ودخلت السياره طالعت كانت موجوده حديقه مو كبيره حيل بس جميله واللي يقعد فيها يروق وقفنا يم باب كبير أتوقع الرئيسي.
.......:يلا قمر نزلي.
طالعت في أبوي أحس قلبي بدا يرقع بقوه وحسيت أن مافي هوا نزلت أنتبهت أن أبوي عطا جواد فيصل وراحوا عمي وجواد جهه ثانيه لف علي أبوي وحط أيده على كتفي وفتح الباب ودخلنا أخذت نفس أحس ماني قادره أتنفس ماخلصت إلا ثلاث بنات في وجهي إخترعت.
..........:جدو هذي خالتي.
الثانيه.....:واو تهبل.
الثالثه......: بصراحه غطيتي علينا بس بما أنك خالتنا مسموح لك.
قال أبوي: حشى كتمتوأ البنت شوي شوي عليها.
مسكتني وحده منهم من يدي وأخذتني يمها: ماعليك جدي أنت روح المجلس وحنا بنتولاها.
رد أبوي: والله ما أضمنها عندكم.
..........:آفا يا جدي .....بس ماعليه.
بدأ ينادي أبوي:نوره ......يانوره.
دخلت علينا وحده كبيره شوي يعني أعطيها في الخمسين.
نوره: هلا يبه.
أبوي: هذي قمر أختك.
لفت علي و أبتسمت وجت سلمت علي وضمتني : يا حلاتك ما دريت أن إختي حلوه.
أبتسمت لها: تسلمين.
مشى أبوي عنا مسكتني نوره بتأخذني ألا وقفوها البنات الثلاث .
..........: مامي أحنا عرفناها بس هي ما عرفتنا .
نوره: من ساعه واقفين معها شتسون .
.........: قلنا لك نتعرف عليها .
مدو يدينهم لي بطريقه طفوليه مع بعض سلمت عليهم تكلمت وحده منهم.
............: أعرفك بنفسي ملاك وتقدري تدلعيني ملوكه وهذي روان بنت خالتي نوره اللي جنبك واحنا بنفس العمر 17سنه وهذي جنى بنت خالتي لولوه وعمرها 15سنه ووووو بس.
إبتسمت لها : أنا قمر عمري 18سنه.
قالت روان لي :أوووو يعني أكبر منا بسنه.
ردت نوره عليهم: بس خلاص خلني أوديها داخل يتعرفون عليها.
أخذتني نوره معها ودخلنا صاله كلها حريم وإزعاج وكل أشخاص يتكلمون لحالهم ..صفقت أختي نوره علشان ينتبهون عليها و شفتهم سكتوا وكلهم يطالعون فيني أنحرجت وحسيت بحراره في جسمي تكلمت أختي نوره: هذي قمر أختي.
أبتسمت لهم لفت علي نوره: أحين أعرفك عليهم.
وبدينا نتعارف أول البدايه عرفتني على هند زوجة عدنان ولدها وجالسه جنبها بنتها ريم وبعدين شفت حريم كبار وعلى ما فهمت من نوره أختي لولوه وبنت عمي مريم وبعدهم بنتين كانو يطالعوني بغرور بس ما أبي أظن السوء فيهم كانت وحده روئ بنت أختي ساره اللي توفت وأخت ملاك واللي جنبها سمر بنت عمي ..جلست نوره وجلست أنا جنبها وكنت أطالع فيهم وهم يسالفون إنتبهت لملاك وروان وجنى واقفين على الباب جات ملاك جمبي وقربت مني وهمست: قومي جلسي معنا بره شتبين بهم هذولي.
طالعت فيها وإبتسمت ومسكتني من أيدي وطلعتني ورحنا صاله مختلفه .
قالت جنى: وأخيراً ..ما أحد يستحمل سوالف الحريم.
ملاك : يلا خلنا نجلس.
شفتهم يجلسون على الأرض ويكونون دائره لأربع أشخاص و يطالعون فيني .
روان : شفيك ما تجلسين .
إبتسمت ورحت جلست ..ظلينا ساكتين وهم يطالعون فيني و الأبتسامه ما فارقتهم.
أبتسمت لهم : شفيكم؟
جنى اللي كانت جنبي ضمتني على جنب : واه فديتها خالتي تهبل.
وباستني على خدي إنحرجت أنا و علقت ملاك: ترى خالتي مو جواد .
إنتبهت لجنى اللي أنقلب وجهها أحمر وقالت: مالك دخل.
ردت روان : تعال ياجواد وشوف .
وقفت جنى معصبه : مالت عليكم . وراحت ممر على ما أظن لفيت عليهم : مو كأنها صغيره على هالكلام.
ردت ملاك بحالميه وهي تحط إيدينها على صدرها : ياليت عندي واحد زي جواد كان مسكته بأسناني ...وكشرت وهي تكمل: بس مالت علينا .
وكشت على نفسها وعلى روان وعلي أنا شهقت وفتحت عيوني وضحكوا علي .
ردت روان وهي طالعني : إنتي ما شفتيه يوم أعترف لها بس أنا وملاك وسمر اللي شفنا وهو مايدري عنا وفضحناه في العيله كلها
قلت لهم : وكيف يعني أعترف لها؟
عدلوا جلساتهم وهم متحمسين يقولون لي قالت ملاك: أنا بقولك.
ردت عليها روان : لا أنا.
ردت ملاك عليها وهي أطالعها من تحت لتحت : خلاص رحمتك قولي .
لفت روان علي : الله يسلمك العام اللي فات أخيراً قررت جنى تتغطى عن شباب العيله وحددت يوم تودعهم فيه ويوم رحنا بيت عمي سلمت عليهم كلهم وبقى جواد اللي متعوده دايماً معاه وراحت بتصعد الدرج إلا هو نازل إحنا اتخبينا وأخته سمر كانت فوق جنب الدرج ............ أخذت نفس وكملت : وبعدين الله يسلمك قالت له جنى وهي فرحانه أنها راح تتغطى طالعها بحزن : صدق قالت إيه ظل فتره يطالعها وبعدين باس جبينها احنا إستنكرنا الحركه وحتى هي إنحرجت وقال لها: أربع سنين بالكثير خمس سنين وما راح تتغطين عني مره ثانيه وراح تكونين لي كلك..... الله لايراويك انصبغت جنى بلون الأحمر وظل يطالعها فتره تقدرين تقولين طويله اشوي وجنوو عاجبها الوضع الأخت ما تحركت بس بعدين طلع .
كملت ملاك عنها وهي طالعني : بعدين حفلنا فيهم في العيله كلها وعصب جواد على تدخلنا بس استانس لأن خالتي قالت له أنها راح تخليها وماراح تزوجها أحد غيره .
ردت روان بأستنكار : علشان فلوسه .
ملاك بطريقه غير مباليه : ما يهمنا المهم جنوو.
إبتسمت وتذكرت إبتسامته في السياره علشان كذا لفيت على ملاك وهي تقول : قوموا خلنا نشوفها .
قمنا ومشينا مكان ما راحت ودخلنا كان المطبخ تفاجأت صراحه المطبخ كبير غير الخدامات اللي على جنب يشتغلون وكانت جنى فاتحه الثلاجه و أطالع فيها.
نادتها ملاك : جنوو.........جنوو.
روان:شفيك ما راح تردين.
جلسنا على الطاوله نادتها روان مره ثانيه:جنوو ووجع.
كان باين على جنى أنها تتجاهلنا فتحت الفريزر
وصرخت:و اااااااااااااااا
ولفت علينا : بنات أيسكريم.
ردت عليها ملاك: صدق .
وقاموا يركضون يطلون في الثلاجه وخذوا الكيس اللي فيه
الايس كريم وحطوه على الطاوله ...
قالت جنى :شكله لشباب.
روان بدأت اطلعه من الكيس وتعده : هذا لراشد وهذا لمحمد
وهذا لخالد وهذا لجواد وهذا لفهد .
صفقت ملاك بحماس :أشرايكم نأكله.
طالعتهم:حرام عليكم نفسهم فيه.
طالعوني ثلاثتهم بتريقه وجلسوا وجلسوني غصب معاهم وبدأو يأكلون الآيس كريم وغصبوني أفتح واحد وأكله وأحنا نسولف سولفنا عن أشياء كثيره وخلص الآيس كريم بس سوالفنا ماخلصت إلا لمن سمعنا صوت جاي المطبخ..
وقفنا وأنا أطالع فيهم قالت روان وهي تحط إيدها على قلبها :راشد جا هروب.
ومسكتني من أيدي وركضوا سريع...
ووصلنا الصاله وحنا نلهث من الركض ..
قالت ملاك وهي خايفه :أحين بيحفل فينا.
طالعناها بتوتر وبعدين ضحكوا جنى وروان وملاك وأنا ضحكت شوي ماقول لكم يمكن من التوتر وبعدين أخذنا نفس وجلسنا على الكنبات اللي منسدحه واللي مريحه وكل وحده حركه وحنا ساكتين نريح من الضحك والركض ..سمعنا أحد يتنحنح لفينا كلنا كان أبوي..طالع فينا أبوي: وش مسوين في الشباب .
شفت البنات انقلب وجههم قالت روان وهي فاتحه عيونها على الآخر:احنا سوينا شي.
كملت ملاك عليها:اصلاً احنا ما تحركنا من الصاله.
ردت جنى:صح .
قال أبوي وهو يطالعهم بشك:أصلا أنا ما أثق فيكم.
ردت روان عليه:هاذي ثاني مره تغلط علينا وحنا ساكتين.
رد أبوي:إي هين ...........ولف علي:قمر ما راح تقولي .
طالعت أبوي وبعدين طالعتهم وهم يترجوني بعيونهم قلت لهم:ما أعرف أكذب.
ضحكت عليهم وهم يشهقون مع بعض وحتى أبوي ضحك عليهم وقال:المهم ملوك وجنوو دخلوا داخل راشد وعدنان بيدخلوا.
نطت روان معهم:مستحيل أظل تبون راشد يستوحد فيني.
أنا توترت من سمعت أنهم بيدخلون
سمعت أصوات جايه ودخل واحد أعطيه من العمر في الثلاثينات
نزلت راسي بسرعه جا وباس راسي:شخبارك يا خاله.
رديت بخجل:الحمدلله.
شفت ولدين وأنا أطالع في الأرض قبالي وطالعت في الرجال أبتسم وقال:هذا ولدي نواف وكان يأشر على الصغيربعدين حط أيده على راس الكبير:وهذا نايف وأنا أبو نايف.
أشرت عليه:عدنان زوج هند.
ضحك وقال:أيوه.
قال اللي وراه:وخر بس خلني أسلم.
مشى عدنان وهو يقول:يلا أخليكم.
وطلع واحد من وراه أكيد هذا راشد أول ما شافني شهق وهو مفتح عيونه على الآخر أنا اخترعت وأشر علي :أنتِ خالتي !
سمعت أبوي يقول له:راشد خرعت البنت.
قال راشد:جدي ما قلت لنا ان عندك بنت بهالجمال .
وقرب مني وحط يده على كتفي انحرجت منه : اقول يا خاله عندك أخت من أمك تزوجيني إياها . وغمز لي بصراحه أنحرجت كمل:إيه هذولا الخالات الحلوين .
أنتبهت لأبوي يأشر له وأبتعد عني علشان لا يحرجني أكثر
دخلت روان وجت يمي:ها رشود شرايك بخالتي .
:أحلى منك.
شفت روان ترد عليه بتعالي:مع أنه غلط واضح بس ما عليه لأنها بس خالتو.
طالع راشد بوجه روان بعصبيه وصرخ:إلا تعالي شلون تاخذون آيس كريمنا ها.
شفت روان تغمض عيونها من الصراخ وبعدين فتحت وحده منهم:بس عاد صميت أذني.
:علشان تتأدبون مره ثانيه.
طالعتني روان ورفعت صبعها وأشرت علي:هاذي قالت لنا.
شهقت ورديت وأنا منفعله:يا الكذابه متى قلت .
:بل طلع لك لسان الحين.
لف عليها راشد :أنا أدري أن بسبتك أنتِ وملاكوو وجنوو.
سمعت أعتراضات البنات من ورى الباب ليه أيناديهم كذا
هزئهم راشد :أسكتوا صدقوني راح أأدبكم على حركتكم .
سمعت ملاك تقول :أتحداك .
أستغربت ايش هاللسان عليها بس راشد ماسكت لهم :أتحدي وتشوفين .
سمعت جنى ترد عليه :أصلاً ماتقدر تسوي شئ .
:أنتِ أستني إن ماشكيت جواد عليك .
ضحكنا وقالت له روان : عرفت تسكتها صراحه.
لف علي وابتسم: سي يوو خاله قمر .
ابتسمت له وطلع ودخلوا ملاك وجنى كملنا سوالف ومر الوقت وبدأو يمشون لين ماظل أحد غير ملاك وروئ وقبل مايمشوا صعدتني ملاك غرفتي ترويني اياها لانه هي وجنى وروان أختاروا الاثاث وقفت قبل ماتفتح الباب :شنو اللون اللي تحبين .
: مدرجات الازرق.
بوزت وقالت :يووه حسافه ما أخذنا أزرق .
:عادي إذا كان حلو .
فتحت ملاك الباب ودخلت تفاجئت صراحه كان ذوق رفيع لون الغرفه بيج على أحمر الديكور متناسق بطريقه حلوه
:حلوه؟
:بجد روعه .
:يلا أخليك مع غرفتك تتعرفين عليها .
سلمت علي ومشت طالعت في الغرفه صدق كنت أتمنى غرفه لحالي بس أحس بفراق كبير فيها يمكن لانها كبيره و ماتوقعت أحصل غرفه مثلها تذكرت فيصل من نزلنا ما شفته بس كنت تعبانه رميت نفسي على السرير ماطولت في التفكير ونمت بسرعه
.............
جلست من النوم أخذت شاور الحلو في الغرفه أن الحمام خاص
طلعت وجففت شعري ولبست قررت أروح لفيصل طلعت وشفت غرف كثيره وين أدور فيصل الحين أكيد في أحد هالغرف ...
فتحت أول غرفه وشفت مكتب كانت فيه أغراض دكتور وكتب أستغربت مين من أهل أبوي دكتور يمكن راشد أو عدنان ما أهتميت طلعت ...رحت لغرفه ثانيه وحاولت أفتحها لقيتها مقفله ...
رحت غرفه جنبها فتحتها لقيتها مظلمه وبارده أحد نايم فيها بس ما أشوف شي قلت أكيد هذا فيصل رحت يم اللمبات بشغلهم بس الشخص النايم كان أسرع مني وشغل الابجوره رجال فشله ويش أسوي طالع فيني للحظه بعدين صرخ: مين أنتِ .

ما قدرت أتنفس خفت ما أدري أيش أسوي و ما تحركت
الرجال بصراخ أقوى : هييي أنتِ............




أتمنى البارت يعجبكم وانتظر ردودكم longing

موووج

[شمعة الدار]

سلمت يمناك

القصة باين عليها مشوقه رغم انها فيها بعض الافكار والمواقف المكرر الا انها حلى القصة وجملتها


بارك الله فيك سلمت يمناك


قووووووووووو هييييييد

[موج الشوق]

تسلمين حبوبه لمرورك
يعطيك العافية
موووج

[موج الشوق]

والحين أخليكم مع البارت الرابع...

ما قدرت أتنفس خفت ما أدري أيش أسوي و ما تحركت
الرجال بصراخ أقوى : هييي أنتِ..
بسرعه طلعت وأنا أغطي وجهي وصدمت بأبوي قدام الباب
أبوي:شنو تسوين هني .
تلعثمت وقمت أتنافض وشفايفي تتنافض وجمعت قوتي
قلت:كنت أدور فيصل.
أبوي أشر لي على غرفتي ورحت غرفتي ...
دخلت غرفتي حسيت بحراره وخوف وقلبي يرقع بقوه الموقف محرج وقفت يم الباب وسمعت أصوات ...
الرجال:مين اللي دخلت غرفتي.
أبوي:الله يهديك يا فهد ما كانت تقصد.
فهد:عمي شنو ما كنت تقصد تدخل غرفه رجال ما تعرفه .
أبوي:بس توها جديده على البيت وما كانت تدري أنك ساكن فيه.
فهد:عمي مره ثانيه قول حق بنتك أن غرفتي ماحد يدخلها.
أبوي:خلاص صار.
وسمعت باب يتسكر...خفت ايش راح يسوي فيني أبوي أنطق الباب و ما تكلمت.. إنفتح الباب كان أبوي دخل وسكر الباب وراه و ناظرني ..
أول ما شفت أبوي يناظرني نزلوا دموعي لاشعوريا من الخوف
جا أبوي وضمني وهو يهدي فيني.
أبوي : ماعليه يا بنتي صار اللي صار و ما كنتِ تقصدين.
رفع وجهي وهو يمسح دموعي ويضحك :خلاص أنتي ما تدرين أنه موجود .
جلسني وجلس جمبي و أخذت منديل و حاولت أهدى لين هديت طالعت في أبوي وهو بعده مبتسم.
: يبه أنا اللي أعرفه أن ما عندك أولاد منهو هذا ؟
أبوي: هذا فهد.
طالعت أبوي بإستغراب وقال:أكيد بتسألين منهو فهد ؟
أخذ نفس وكمل : هذا فهد يصير لبنت عمي وزوجتي ولد خالتها
و لانه مقطوع من شجره بعد وفاة أمها و خالتها أخذته زوجتي وربته و يوم وصل عمره 18سنه ماتت زوجتي وقرر يطلع من البيت بس أنا رفضت لاني أحسه مثل ولدي و أنا ما عندي أولاد
و ما كنت أدري عن حمل أمك بفيصل لاني طلقتها وهي حامل وأنا ما أدري.
طالعت أبوي وعلامه إستفهام كبيره على وجهي وسألته: يبه ليش طلقت أمي ؟
حسيت وجه أبوي بهت يمكن ما توقع مني هالسؤال على الاقل الحين طالع في عيوني و ظليت مثبته عيوني في عيونه وبعدين تكلم : صدقيني أمك معزتها غير في قلبي و كانت أحلى لحظات حياتي مع أمك لكن أهلي كانوا رافضين ها لزواج لاني تزوجتها على بنت عمي المهم فجأه أمك طلبت مني الطلاق لكني رفضت
و عصبت أمك و راحت عند خالتك وقالت لي أنها ماتبيني و طلقتها ما كنت أبي هالشي يصير لكن تدرين أني رجال و مستحيل أعيش مع وحده ما تبيني و اكتشفت بعد الطلاق إن عمامي هددو أمك إذا ما طلبت الطلاق راح يأخذونك من عندها و تحسفت قد شعر راسي أني طلقت أمك لكنها رفضت ترجعلي أو تخليني أشوفك .
سكت أبوي و أنا نزلت راسي بعدين سمعت أبوي يتكلم: أنا جبت ولد من بنت عمي لكنه مات .
انصدمت طالعت أبوي ابتسم بحزن وكمل : حادث سياره بشع وهو عمره 13سنه و لو عاش كان الحين عمره 20سنه لكن صبرت نفسي بقوله (( وعسى أن تكرهوا شيئاً وهو خيرلكم)).
وقام وفرك عيونه بتعب ولف علي :أخليك.
وطلع ما قدرت أمنعه أو أقول أبي أروح لفيصل الصدمه الجمتني أبوي كان عنده ولد ومات ياه أبوي تعب في حياته كثير
رجعت راسي و أنا أفكر مين الصح ومين الغلط ما أني عارفه أمي ما غلطت يوم طلبت الطلاق لانها كانت خايفه يأخذوني منها و أبوي شنو ذنبه لانه تزوج زوجه ثانيه ؟ هذا موذنب لأن الشخص اللي يشوف نقص في زوجته أهو اللي يدور غيرها ....
آه ه ه يا يمه ليه ما فكرتي في أبوي شلون بعيش حطيت أيدي على جبهتي استغفر الله بعد أمي خافت....
قطع حبل أفكاري طق الباب
: مين.
....: أنا فيصل .
فرحت رحت و فتحت الباب و دخلته وضميته بقوه : إشتقت لك
يا الدب.
تحرك فيصل في حظني و ابتعدت عنه وقال : ما أحب أحد يحظني.
ضحكت عليه ولف يطالع غرفتي: واو حلوه غرفتك.
لف علي: حتى أنا حلوه غرفتي بتنجنين عليها و فيها تلفزيون بعد.
طالعت فيصل بنظرات : فيصل إنت مستانس.
رد بحماس : وأحد يعيش فها البيت وما يستانس .
ليه قلبي قابضني و حاسه أني ما راح أعيش سعيده طالعت فيصل وهو يتكلم: يا لله ننزل نفطر.
:يالله .
تذكرت في شخص هنا لفيت على فيصل
: فيصل أبوي معاه أحد تحت ؟
رد علي: إذا قصدك فهد توه طالع راح شغله.
تطمنت و نزلت تحت مع فيصل وشفت أبوي جالس على طاولة الطعام جلسنا أنا وفيصل معاه وفيصل يسولف له و أبوي يستمع
و أنا أطالعهم شنو نهايه ها لعيشه اللي قاعدين نعيشها ....
سمعنا صوت الباب ولفينا على الباب الرئيسي دخلت أختي نوره
و معاها روان استانست على الأقل عندي أحد أقعد معاه جلسو معنا بما أن طاوله الطعام كبيره و بعدين انفتح الباب الرئيسي مره ثانيه طالعناه دخل راشد و هو حامل أغراض و حطهم على طاوله الجلوس و قال : مره ثانيه ما راح أحمل لكم شي حشى ما ظل شي ما جبتوه .
جا وجلس وهو يتنفس بسرعه من التعب و أشر لي علشان أصب له مويه ..صبيت له و عطيته وبعد ما خلص لف على أبوي : أخبارك يا جدو ؟
أختي نوره اللي كانت جمبه طقته على كتفه : يلي ما تستحي قوم سلم على جدك عدل وبوس راسه.
: آآي... يمه عادي جدي مثل صديقي.
رد عليه أبوي بصرامه: طل بعينك صديقك شايفني أصغر عيالك.
ابتسمت و روان تأشر عليه وتضحك: خخخخخخخ يوه فشلوه لقط لقط .
: أنتي مالك خص.
ولف علي: أخبارك يا خالتي العزيزه.
: تمام الحمد الله أسأل عنك.
رد علي: موجود موجود يا بعد عمري تسأل عنك العافيه.
:الله يعافيك.
قام وأشرلي: لحظه.
وراح جمب الكنبه اللي حط عليها كيس وأخذ الكيس وجا وحطه قبالي بعد ما شال صحني وبعده ..طالعت فيه وقال: هذي هديه متواضعه مني لأحلى خاله .
إنحرجت صراحه طلعت اللي في الكيس كان كرتون جوال لفيت على روان وهي تشهق: واو ياحظك أنا نفسي في هالجوال .
طالعت راشد : مره شكراً راشد ماتصدق شكثر فرحتني الهديه .
راشد: ولــــــو.
صدق أنا فرحانه مو لأن آخر موديل .........الهديه مو بقيمتها الماديه بقيمتها المعنويه.
لفيت على نوره اللي قالت لي: قمر جهزي نفسك اليوم العصر راح نروح السوق.
:ليه تكلفين على نفسك ما أحتاج شي.
قالت روان: أنا قلت لها أنا شفت شنطتك إستغربت ملابسك حلوه بس مره قليله وتحتاجين ميك آب أكثر وإكسسوارات ..إنت خالة روان بنت عبدالله.
طالعتهم وأنا فرحانه كثير حسيت شكثر هالأشخاص فرحانين فيني ومو عارفين شيسون علشان يسعدوني.
طلع أبوي مع راشد لأشغالهم مع أنهم تأخروا عن الشغل وأختي نوره راحت تشرف على الخدم في ترتيب البيت وعلشان يأخذون لأغراض اللي جابها راشد اللي ما رضا يدخلها من باب المطبخ وأنا وروان صعدنا غرفتي وجلست روان تعلمني عالجوال وخزنت لي أرقام البنات وأتصلت على ملاك وحطت سبيكر ردت ملاك: الو
روان: الو ملاكووه.
:روان ...رقم منو هذا؟
:هذا رقم خالتي قمر وأنا معها.
تكلمت أنا: ألو أخبارك ملاكو؟
:هلا خالتو ..تمام أنتي أخبارك؟
رديت عليها : كويسه.
:وليه مجتمعين وما نادتوني؟
قالت روان:ماكو أمي جت وقررت أجي معها نتغدى هنا.
ملاك: آهــــا.
روان:المهم راح نروح السوق اليوم بتروحين ؟
ردت ملاك بحماس: أكيـــد وراح أقول لجنى بعد.
روان: أوكــــــــي باي.
:بــــــــــأي.
وجا وقت الغدى وتغدينا وبعد ساعه رحت أنا ونوره وروان السوق بعد ما مرينا على ملاك وجنى ما قدرت تجي معنا لأن أمها رفضت ...رحنا مجمع كبير مره أنا تفاجئت صراحه أول مره أدخل هالأماكن و صرنا ندخل من محل لمحل و ملاك و روان ما ظل شيء ما أخذوه كل شي يعجبهم أخذوه و أنا أقول لهم خلاص أخذنا كثير بس ما كانوا يهتمون لي 6 ساعات وإحنا نمشي في المجمع تعبت ما أقدر أمشي أكثر بعدين رحموني وطلعنا وأخيرا رحنا تعشينا في مطعم راقي بعدين وصلوني البيت وراحوا دخلت وشفت وحده من الخدامات تنظف في الصالة تنظف وأنا عندي أكياس كثيره يلا شلتها وأنا ما أعرف أسم الخدامه : لو سمحتي.
لفت الخدامه وأول ما شافتني جات وأخذت الأغراض اللي في أيدي : I will take this to your room(سأخذ هذا إلى غرفتك)
هزيت راسي بتعب بمعنى خلاص أوكى وصعدت قبلي شلت الغطى وفتحت شعري أحس بتعب البنات ونورة ما قصرو لفو السوق كله حطيت شعري على جنب وصرت أدلك فروة شعري بيدي وأنا أصعد الدرج اليوم توطدت علاقتي مع روان وملاك شوي وحسيت كني أعرفهم من زمان تذكرت فاطمة من زمان ما كلمتها وفارس ياني مشتاقه له آآآآه حسيت بتنهيدتي وهي تطلع و شفت الغرفة اللي لافه وجهي قبالها و أنا أدلك شعري تنفتح وطلع أخوي فيصل وهو حامل ليز حجم كبير و قواطي بيبسي إتفاجأ فيصل أول ما شافني :قمر؟!
استغربت منه :وليه متفاجأ؟
شفت عيونه وهو يطالع وراي في شي لفيت لا شعوري وما قولكم تفاجئت إلا أنفجعت رجال جالس هنا لا يكون هذا فهد كان يطالع فيني بس أول ما لفيت وطاحت عيني في عينه نزل عيونه وحط إيده عليهم.
أنا من متى هنا ولهدرجة تفكيري ما خلاني انتبه لصوت التلفزيون
ما حسيت إلا بفيصل يسحبني ويدخلني غرفته ويسكر الباب : شفيك واقفه؟
سألته: فيصل هذا هو فهد؟
:إي
ياربي لا ليه هالصدف تجمعني معه ... الحين شنو راح يقول عني أكيد بيقول إني أطلع يمه علشان يشوفني لا أنا ما قصدت كذا .
اختنقت من تفكيري ورحت فتحت أول نافذه شفتها وأنا أتنفس أحاول أهدي من توتري و الحراره اللي أحس فيها و أكثر شي الأحراج أنا لازم أكلم أبوي ما يصلح نعيش كذا أهو غريب عني يا ربي وصرت أهف في وجهي و الوقح كان يطالعني وما نزل عيونه ........ قمر أكيد راح يطالعك مو يحسبك قاطه نفسك عليه ....
قطع تفكيري مره ثانيه فيصل: قمر شفيك؟
لفيت عليه: ما فيني شي روح شوف هذا فهد بعده هنا؟
طل فيصل من الباب ولف علي: ما حد شكله راح غرفته
لفيت غطوتي إحتياط ورحت غرفتي بسرعه وسكرت الباب شفت الأكياس على السريررحت يم السرير و أتصلت على بيت عمي بو فارس أحس نفسي ودي أكلم فطوم من زمان عنها المره الجايه إذا شفتها راح أخذ رقم جوالها
سمعت صوت من زمان عنه :ألو نعم
أول ما سمعت صوته حسيت دقات قلبي بتوقف من الفرحه و الخجل يالله يا ني مشتاقه له سمعته يتكلم مره ثانيه:ألو من معي ............ألو؟
رديت بسرعه: ألو...السلام عليكم.
رد فارس: وعليكم السلام نعم؟
: لو سمحت أبغى فاطمة.
فارس: ومين أقول لها؟
سكتت ما عرفت شنو أقول أسمي أو ما يهمك لأن صدق ما يهمه لو أنا مو قمر وحده ثانيه من صديقاتها ما راح ترضى.... سمعته يقول:ما راح أعطيك إياها إلا لما تقولي من إنتي.
رديت عليه:أنا قمر.
فارس بهدوء:هلا شخبارك يقولون رجعتي لأبوك.
توترت شكله بيطول السالفه وأنا حدي منحرجه:إيه أمس ممكن تعطيني فاطمه؟
:طيب.
وأخيراً سمعته يناديها أحس بشعور حلو كل ما أسمع صوته ودقات قلبي مو راضيه توقف............
:يا هو يا عالم نحن هنا.
سمعت صوت فاطمه وضحكت ما أدري من متى وأنا سرحانه نسيتها:إي سمعتك.
فاطمه:ما أدري عنك من مساعه أسلم ولا تردين.
:خلاص هذا أنا أسمعك.
سألتني:شلون الوضع في بيت أبوك.
:حلو يعني أحس عالم جديد وشعور جديد وبنات خواتي يهبلون وابوي بعد ما في مثله أحس لو أقعد أسولف ما راح أخلص أنا لازم أشوفك وأقولك كل شي.
فاطمه:خلاص تعالي بكره.
:لا ما أقدر توني واصله أمس شوفي بحاول بعد بكره أجيكم أوكي.
فاطمه:أوكي خلاص إنزين شلون نفسيتك بعد وفاة أمك؟
استغربت سؤالها صراحه وسكتت ما عرفت ايش أقول نقلي لبيت أبوي وألتقائي بأشخاص جدد نساني أن أمي ما أخذت أسبوع من ماتت نزلت دموعي لا شعوري.
فاطمه: قمر سوري إذا ذكرتك.
:لا بس..........ما قدرت أكمل أنا نسيت أمي فاطمه صادقه شلون أمي تعبت علي وما رضت تستغني عني وأنا رايحه السوق قبل ما تكمل أمي أسبوع..
سمعت صوت فاطمه تناديني أخذت السماعه وقلت بصوت مخنوق:فاطمه أكلمك مره ثانيه.
:أوكي.
قالت هالكلمه وأنا سكرت السماعه بسرعه بدون ما أقول مع السلامه ورميت الأكياس كلها عالأرض وأنا زعلانه من نفسي وجلست على السرير وأنا أصيح لين غفت عيوني ونمت
---------------
سمعت صوت أحد يناديني فتحت عيوني بشويش شفت روان في وجهي :وأخيراً صحيتي كل ذا نوم لا يكون نايمه من رجعنا من السوق البارح.
طالت الساعه اللي جنبي كانت 11الضحى اسغربت من نفسي كل ذا نوم لفيت على روان وهي تسألني :قمر شفيها عيونك حمرا بعدين ليه الأكياس مرميه على الأرض كذا؟
:غريبه جايه اليوم بعد.
ابتسمت:إي أبوي مسافر جده شغل وامي استغلت هالفرصه هاليومين وكل يوم عندكم والله ومليتي منا ست قمر.
ضحكت:لا والله بس مستغربه.
ردت علي وهي اطالعني:لهدرجه تعبانه ؟
طالعت في نفسي أنا من جيت وما فسخت عباية الكتف وشكلي نمت بها بس منهو غطاني بالمفرش لا يكون أبوي دخل علي وغطاني واااه فشله أكيد شاف هالعفسه.
قومتني روان غصب:يلا قومي تروشي وصلي علشان ننزل .
قمت وتروشت وصليت ونزلت مع روان اللي تستعجلني في كل شي حتى في صلاتي أستغفر الله: حشى شفيك مستعجله؟
روان: ما كو كذا نذاله.
شفت أختي نورة في الصالة وسلمت عليها وبست راسها قالت: اللي يشوفك مو كأنك معنا البارح.
:أجمع حسنات
قالت لروان: تعلمي من خالتك.
روان: أقول لا يكثر.
: أكيد راح تتعلمين مني أنا قدوى لك لأني خالتك.
ورحت المطبخ وروان تلحقني وهي تصارخ ليش أقول لها أنا خالتك سويت لي كوفي وجلست على الطاولة اللي في المطبخ أشرب وروان تسولف على راسي وأنا ملانه منها رن جوالي ورديت:هلا ملاك.
ملاك: هلا قمور.
: ملاك ما تقدرين تجين ؟
سألتني: ليه في شي.
:لا بس روانو جننتني وعورت راسي.
روان:لا والله وهذا جزاتي جايه أسليك علشان لا تستوحشين.
حبيت أقهرها:أقول لا يكثر.
عصبت وأخذت الجوال غصب من إيدي: ملاك لحقي قمر كشرت عن أنيابها.
أخذت جوالي : ما عليك منها ها راح تجين؟
ردت ملاك: يلا مسافة الطريق.
قمنا نصلي الظهر وبعدين جلسنا في الصالة وإحنا نقلب في القنوات وصلت ملاك وجلست معنا
تغدينا وصعدنا غرفتي وجلسنا
ملاك: روان كلمي خالتي لولوه إهي تحبك وترضى لك خلي جنى تجي.
سألت ملاك: وليه إنتي ما تكلمينها؟
ردت ملاك:لأنها تعتبرني دائما مو متربيه بما أن أمي ماتت في مراهقتي و تحسبني أحرض جنى عليها.
: أها ... مسكينه ملاك مو حلو أقربائك ينظرون فيك هالنظره
أخذت روان التلفون و إتصلت وأقنعت أختي لولوه لين وافقت بالغصب و بعد ما سكرت عنها قالت بعفويه: تصدقون قاعده تنصحني تقول إنتبهي عليها من خالتك ما نعرف أطباعها.
أشرت لها ملاك تسكت أما أنا صدقوني ما أهتميت وشفتهم وهم يطالعوني: عادي لازم تخاف على بنتها مهما كان أنتو ماتعرفوني من قبل.
قالت ملاك: مهما كان غلط كلامها إنتي إختها لو هي يمي كان رديت عليها .
: وبدل ما تصيرين المدافعه ينقلب عليكي الموضوع وتصيرين قليلة أدب لأنك طولتي لسانك عليها.
سكتنا بعدين قالت ملاك علشان تغير الموضوع :دريتوا إن فهد تعيين رسمي.
ردت عليها روان: واو حركات.
كرهت إنهم يسلفون عنه كرهته لا تسألون ليش أنا نفسي ماأدري بس أحسه عقبه بحياتي وفي بيتي
سألت كفضول لا أكثر: ليه هو أيش يشتغل؟
ملاك بحماس : دكتور كان قبل تحت المراقبه لكن الحين تعين رسمي.
:أها... يعني المكتب اللي شفته كان له سمعت ملاك ولفيت عليها:يا ليت يخطبني واحد مثل فهد.
ضحكت عليها: وأنتي كل يوم تبين مثل واحد مره جواد والحين فهد على مين الدور المره الجايه..
روان: لا بس فهد غير جمال ومال ودكتور كامل والكامل الله.
ملاك بهيام : يا ليت يشوفني بالغلط ويموت علي ويزوجني.
تذكرت أمس غصب عني يوم شافني وقلت: ماأدري شتبين فيه أنا أحسه واحد مغرور.
صرخوا ثنتينهم مستنكرين كلامي وطالعت ملاك في عيوني لكني ضيعت السالفه ووقفت : قوموا خلنا ننزل ننتظر جنى تحت .
ملاك وهي طالعني بنص عين:لحظه وليه حكمتي عليه إنه مغرور؟
صح أنا ما أعرف عنه شي ليه حكمت عليه ....
مسكت ملاك وجهي قبال وجها بس ما قدرت أحط عيني بعينها
ملاك: قمر؟
حسيت بحراره وإحراج وخدودي أحسها مولعه
قالت ملاك: شنو صار؟
: ما صار شي.
ردت: وليه وجهك أحمر؟
شلت إيدها وفتحت الباب أمشي بسرعة أو أهرب عن أسئلتهم وسمعت صوت خطوات سريعه وراي لفيت شفتهم جايين يبون يمسكوني
روان:لازم تقولين.
ركضت وأنا أضحك عليهم وهم يركضون وراي وأنا أنزل الدرج إنفتح الباب الرئيسي حاولت أوقف لا يكون فهد لكن ما قدرت أوقف فأنزلقت وطحت في 4 العتبات الأخيره سمعت أصوات صراخ ورفعت راسي شفت راشد يمي وروان معاه أما ملاك أتوقع أنها صعدت فوق أول ما شافت راشد
سألني راشد بخوف:إنتي بخير؟
حسيت بألم قوي في رجلي و أتوقع إنها نلوت يوم طحت مسكتها:آآآآآآآه.
مسك راشد رجلي: تألمك؟
هزيت راسي بإيه وأنا مغمضه عيوني من الألم وقفني وساعدني لين إنسدحت على الكنبه الطويله وحطت روان وسادات ورى ظهري ووحده تحت رجلي وإبتعد راشد وهو ماسك الجوال يتصل وشفت وحده داخله بعبايتها كانت جنى توها واصله وجت جنبنا :قمر إيش فيك؟
:ما فيني شي بس لوي بسيط ويخف .
وشفت وحده ثانيه داخله بعبايتها:سوري قمر والله مو قصدي.
ضحكت مع ألمي :شفيكم عادي بس لوي وراح يخف بعد يومين .
روان وملاك متلموين لأنهم كانو يركضون وراي
جا راشد و ابتعدوا جنى وملاك شوي:خلاص قمر إتصلت على فهد و الحين جاي.
طالعت فيه بإستغراب: وليه يجي؟
راشد:لازم يجي يكشف على رجلك.
أكيد راشد يمزح معي شفته وهو يلف على روان ويطلب منها تجيب عباتي وغطوتي ضحكت وأنا مو مصدقه:هه مستحيل راشد شفيك من صدقك!
طالعني راشد:قمر شفيك لزما نطمن على رجلك شلون تركضين كذا شوفي إيش صار لك.
:راشد أهو لوي وراح يطيب بعد يومين إنشاء الله.
راشد بدون إقتناع : لازم يمكن كسر و إنتي ما تدرين.
راشد مو راضي يفهم أتخيل نفسي و فهد يكشف على
رجلي مستـــــــــحيل..........


أتمنى لكم قراءة ممتعه و مسليه ...
مع أطيب تحياتي: longing

موووج

[صعب المراام]

يــــــــــــــــــــــــــــــــــله يــــــــــــــــــله كملي
بسرعه تحمــــــــــــــــــــــست

[صعب المراام]

مـــــــــــــــــــــــوج يـــــــــــــــــــــــــله كــــــــــــــــــملي ترا تحمست

[صعب المراام]

مــــــــــــــــــــوج بلـــــــــــــيز لا تتأخرييين علينا

[موج الشوق]

يسلموووووووووووووو يالغلا لمرورك
والبارت الحين بنزله
موووج

[موج الشوق]

آسفه لتأخري في تنزيل البارت بس ظروفي ماسمحت أنزله بسرعه و انشاء الله أقدر أنزل البارت اللي بعده بسرعه والحين أخليكم مع البارت ............

ما قدرت أتناقش مع راشد أكثر جابت روان عباتي ولبستها و لفيت الغطوه : راشد ليه ما نروح المستشفى .
تو راشد بيتكلم إلا بدخلت فهد : السلام عليكم.
رد عليه راشد: و عليكم السلام.
وراح يمه : فهد قمر طاحت من على الدرج ورجلها تألمها وتقول إنه لوي بس ما أدري فكرت تتأكد بنفسك.
قربت أنا من روان اللي جالسه يمي : روان نادي راشد .
صرخت روان: راشـــــد تعال قمر تبيك.
هالغبيه أنا قلت لها ناديه مو زلزلي البيت علشانه جا راشد
:بليز راشد افهمني فهد يعرفني فغلط يكشف علي.
راشد:بس ياقمر.
أعصابي فلتت:بس ايش..أخذت نفس: أرجوك راشد أفهمني...
ما كملت كلامي إلا فهد يقرب منا : ممكن أشوف رجلك .
توترت والدم تجمع فيني و وقفت: لا ما يحتاج يا أخ فهد.
طحت من الالم على الكنب مره ثانيه ....
أستغربوا من جرأتي لكن لو تنطبق السما على الارض فهد ما يفحصني شخص يعرفني مستـــــحيل ..
شفت فهد وهو فاتح عيونه وقال بعصبيه: أنتِ مجنونه توقفين على رجلك يمكن فيها كسر.
أنا مجنونه الاخ ماخذ راحته عصبت ولفيت على راشد:أنا أبغى أروح المستشفى ..وطالعت في فهد وأنا أكمل: وما أتوقع أحد له دخل فيني .
وقلتها بصوت عالي علشان فهد يسمعني ...لاتسألوني شلون جتني الجرأه أنا عن نفسي ما أدري شفت ملامح فهد تبين أنه معصب توه بيرد إلا أبوي دخل علينا وهو مستغرب: شفيكم متجمعين كذا ؟
أنا كنت أطالع في فهد كل شوي والقهر أنه ما شال عيونه من علي و حسيت كأن الشرار اللي طالع من عيونه بيحرقني رد راشد على أبوي : لا ما كو قمر رجلها تألمها و أفضل نوديها المستشفى .
جا أبوي يسرع و جلس يمي : قمور حبيبتي تألمك؟
: يعني .
وقف أبوي وهو يبي يوقفني علشان يوديني المستشفى لكن قال فهد وعيونه علينا كلنا وفيها علامات الحقد والعصبيه والغضب وهو يتكلم بهدوء: قمر ما أحد يفحصها غيري..
سكتنا كلنا من كلمته يمكن هم ما توقعوا منه هالكلمه هذا مجنون الحين شنو بيقولون أكيد بيقولوا أن بينا شي أكـــــــــيد...............................

**************************

وصلني راشد ودخلنا وشافوني البنات وساعدوني علشان أوصل المصعد و دخلوني غرفتي وجلساني على السرير ...
طالعت جنى اللي قالت :أخبار رجلك؟
: الحمد الله مجرد لوي وراح يخف قلت لكم ما سمعتوني.
سكتنا شوي و أنا أطالع فيهم عارفه فضولهم بيذبحهم ..
تكلمت ملاك: سامحيني يمكن تقولين فضول لكن في شيء بينك وبين فهد؟
ضحكت وشفتهم مستغربين مني :أصلا شلون تفكرون كذا أنا ما أعرفه و ما أخذت 4 أيام من جيت...........وربي صدقوني.
أبعدوا عيونهم عني وأهم يتنفسون وفجأ لفينا أنا وجنى على ملاك وروان واللي انفجروا ضحك وروان حاولت تثبت ملامح وجهها وهي تقول بصوت ثقيل :قمر ما أحد يفحصها غيري.
وضحكت مره ثانيه وضحكت معهم وكملت ملاك:وما شفتوا شكله يوم انتبه إن احنا نناظره انقلب وطلع بسرعه من المكان .
سكتنا يوم سمعنا جنى تقول:لحظه ..
وما كانت تضحك معنا وقالت:تتوقعون إن فهد قالها من فراغ؟
سكتنا طالعتهم شتقصد جنى بكلامها ما سألنا لأنها كملت وهي توقف:فهد قالها وهو ما يحس بنفسه.
وسرحت زي اللي تذكر:أنا أعرف هالنظرات اللي شفتها بعيون فهد..وطالعتنا :فهد فيه شي يمكن قالها دون شعور بس صدقوني إذا طلع من الشخص شي دون شعور فإنه هذا هو شعوره الحقيقي بس مو راضي يرضى فيه.
طالعتها تقصد إن فهد يفكر فيني:تقصدين إن فهد يفكر فيني؟
جنى: أنا ما قلت كذا بس إصراره على أنه يكشف عليك بحجه أنه يغار عليك من الرجال ليش أهو مو رجال غريب ومو محرم عليك.
إيش اللي قاعده أفكر فيه شفت ملاك تقرب وتجلس جنبي:ما عليك جنى ما تقصد تدرين أهي صغيره ورومانسيه زياده عن اللزوم.
ابتسمت لها وحاولنا نغير الموضوع وكملنا يومنا مشوا البنات بعد العشاء على طول وما عرفت شنو أسوي صح قررت أتصل على خالتي شريفه
اتصلت ورن و رن و بعدين وصلني صوت رجال غريب مو عمي سامي.........
........:ألو.
رديت:ألو السلام عليكم.
........:وعليكم السلام.
قلت بتشكك:مو هذا بيت سامي الــ..........
........:آها تقصدين اللي كان ساكن قبل لا باع بيته .
تفاجئت متى نقلوا وليه خالتي ما قالت لي:مع السلامه.
وسكرت السماعه متى تركوا البيت وليه على الأقل اتصلت علي وقالت لي دقيت بسرعه على بيت بو فارس ردوا
:ألو.
:ألو هلا ناديه.
ناديه:هلا قمر أخبارك من زمان عنك ولا تسألين عني المهم فطيم وبس يا الله لنا الله.
:حشى أكلتيني حتى القشور خلصتيهم إنتي أخبارك؟
ردت:زين سألتي.
:ناديوه أنا ما أخذت في بيت أبوي أسبوع المهم سمعت إن خالتي شريفه وعمي سامي نقلوا.
إنتبهت أنها سكتت شوي وبعدين قالت:إيه أخذها معاه مكان شغله تدرين أن بعيد شوي وسكنوا هناك.
:إنزين تعرفين رقمها عطتكم إياه؟
ناديه:ها.....لا ما بعد تتصل علينا راح أنادي لك فطوم.
إستغربت منها ليه توترت باين من صوتها ما فكرت أكثر لأن فطوم ردت علي: ألو هلا قمر.
:هلا فيك أخبارك؟
فاطمه:تمام غريبه متصله ما راح تجين بكر؟
:فطوم سامحيني ما أقدر أجي.
فاطمه:أنا قلت إن أبوك ما راح يخليك؟
:لا والله مو كذا بس رجلي لوت وما أقدر أمشي عليها.
قالت: صحيح سوري ما دريت و أخبار رجلك الحين؟
:لا الحمد الله أحسن بس تقدرين تجيني إنتي.
فاطمه:أخاف أمي ما ترضى.
:إذا تبيني أكلمها.
قالت لي :لحظه. وسمعت أصوات جنبها وأتوقع انها تسأل أمها بعدين رجعت لي:خلاص قمور راح أجي بكره العصر.
فرحت كثير اشتقت لفطوم: أوكى خلاص أشوفك بكره تصبحين على خير.
فاطمه: وأنتِ من أهله.
وسكرت منها لعبت في الجوال شوي وطفي وما عرفت أشغله ورميته ونمت على طول ما فكرت كثير فرحانه إن فطوم بتجيني بكره........
*******************
جلست الصباح و حاولت أضغط على رجلي السليمه وامشي تروشت بصعوبه وبس خلصت لبس وجلست على السرير إلا انطق الباب....
:تفضل.
دخل أبوي و ابتسم أول ماشافني وكانت وراه الخدامه جايبه فطور وحطته على الطاوله كان لثلاث اشخاص ...
أبوي أول ما دخل باسني على راسي:صباح الخير.
وجلس يمي وهو محاوطني بإيده رديت عليه:صباح النور.
قال لي وهو يمسح على شعري:أخبارك يا حلوه؟
:تمام الحمد الله.
طالع رجلي:وأخبار رجلك؟
:تدري لازم ألم أول بدايه تالي راح يخف .......للهدرجه خايف علي؟
حط أبوي راسي على صدره وضمني حسيت إنه يبي يدخلني بين أضلاعه ويحافظ علي من أي شي حتى نسمه الهوا وقال:إذا ما خفت عليكي أخاف على من.
قلت له و أنا أحس بإختناق بسيط :يبا إختنقت.
بعدني وهو يضحك علي:يلا قومي خلنا نفطر.
تصدقون إني حاسده نفسي على أبوي حسيت أن أبوي غير عن كل الأباهات.
جلسنا نفطر أبوي يسألني كل شوي......
أبوي: شنو راح تسجلين ما بقى اسبوع الجاي التسجيل.
طالعت أبوي:يبا أنا بصير دكتوره.
ابتسم أبوي بفرح: فديت بنتي الدكتوره أنا.
استانست أبوي مو معارض هالشي:يبا صديقتي راح تجيني اليوم العصر عادي؟
رد علي أبوي:أكيد عادي هذا بيتك وتدخلين اللي تبين.
كملنا فطورنا وطلع أبوي ومشى الوقت بملل حسيته طويل ما عندي شي أسويه غير التلفزيون وأنا ما أحب أقعد عليه كثير وأختي نوره ما جت اليوم مع روانوه شفيك ياقمر بعد هم لهم أشغالهم وأخيرا صار العصر كنت انتظر وصولها انطق الباب........
:مين في الباب.
الخدامه ردت: your friend come (جاءت صديقتك)
Come in:
فتحت الخدامه الباب ودخلت فطوم وقفت وأنا فرحانه وسلمنا على بعض قالت فطوم:شها العز اللي أنتي عايشه فيه .
سكت على تعليقها.......
بعدين قلت: قومي فصخي عباتك و عليقها على الشماعه اللي ورى الباب.
فاطمه: لاوالله أخاف أحد من عيال خواتك يجي.
:حتى لو جوا يطقوا الباب ما يدخلون.
قامت فطوم فسخت عباتها وجلست جنبي.
فاطمه:قمر أبغى أشوف جوالك.
: هذا هو على الكومدينه خذيه.
فاطمه:الله وايد حلو أخر موضة بس ليش مقفلته.
:ما أدري البارح كنت ألعب فيه وضغطت لين قفل.
فاطمه:صدق أنك دعله ما تعرفين للجولات خذيه فتحيه.
:ما أعرف ما علمتني روان لاجت بقول لها تفتحه.
فاطمه: قومي بس جيبي أوراقك أفتحه لك.
:طيب بس مو ألحين قومي أول وديني الحمام(وأنتو بكرامه).
فاطمه:روحي ما أحد مسكك.
:لاوالله وشلون أمشي على رجلي قومي سانديني يالله.
قامت فاطمه ساعدتني لين وصلت باب الحمام......
:آسفه فطوم تعبتك لاتتضايقين مني.
فاطمه: صدق أنك خبله دخلي و أذا تبيني أساعدك داخل أنا في الخدمه.
قلت بخجل:شفيك أنتي جينتي روحي بس روحي.
خلصت و بدأت أنادي فطوم بصراخ :فــــــطـوم فـــــــطوم تعالي يالله خلصت فطوم وصمخه ماتسمعين تعالي.
راشد:أنتِ هنا و أنا أدورك.
:راشد شلون دخلت.
راشد: شلون بعد من السقف أكيد من الباب أخبارك؟
:تمام راشد ما شفت أحد في الغرفه.
راشد:لادقيت و ما رديتي دخلت وقعدت أدورك إلين سمعت صوتك .
:أجل فطوم وين راحت.
راشد: مين فطوم؟
:صديقتي جايه تزورني لايكون راحت.
راشد:يمكن تعالي أساندك.
ساندني راشد ودخلت الغرفه صحيح الحمام في نفس الغرفه بس كان فيه مكان فاصل بين الغرفه و الحمام فلما دخلت الغرفه بدأت أدور فطوم وينها دخلني راشد وقعدني على السرير وقال:قمري جايب لك شي تحفه.
:شنو جايب؟
راشد:جبت صورتي وصور أخوي وعياله وعيال أختي ريم عشان تحطيهم بالجوال صورتهم أمس بجوالي.
:ياي يالله حطهم بجوالي.
راشد:وين جوالك.
:ما أدري وين حطيته.
تذكرت كان في أيد فطوم لما دخلت الحمام وبدأ راشد يدور..
راشد:هذا هو على الطاوله قمري هذا مسكر.
:ايه سكرته وأنا ما أقصد.
راشد:أوكي قولي لي الرقم اللي يفتحه.
:بس أنا مو حافظته.
راشد: ياسلام عليك وين أوراق الجوال مكتوب فيه.
أشرت على الدولاب:في الدرج اللي في دولاب الملابس.
راشد:و أنتي ليش حاطته في دولاب ملابسك؟
:بس كذا.
راشد:ما أدري ليه حاطتهم هناك.
:خلاص عاد راشد شوف الاوراق في الدرج.
قام راشد ويتكلم كنه عن مباراة ...
راشد:يقوم راشد إلى الهدف ينظر إليه نظرة تحدي يمسك المقبضين يعد بشكل سريع ويفتح الباب بكل قوته و..........
سكت وصار وجهه ألوان قوس قزح يناظر الدولاب كنه مفهي شفيه هذا جمد مكانه وماتحرك ويش شايف في الدولاب........
:راشد شفيك؟
كنه أنتبه من اللي هو فيه على صوتي وسكر باب الدولاب بسرعه وحط ايديه ورى ظهره على الدولاب وتسند براسه على الدولاب وغمض عيونه شفيه الظاهر سرح مره ثانيه قلت:راشد ليش ما طلعت الاوراق.
كنه انتبه لي مره ثانيه..
راشد بارتباك: ها لابس مممـ نسيت شي تحت بروح أجيبه.
وأتجه للباب وقبل ما يطلع قال: قمر أنا آسف.
: على شنو.
مارد علي وسكر الباب وراح استغربت اشفيه ويش شاف في الدولاب وخلاه يتلون كذا سمعت صوت في الدولاب كل ماله ويعلى خفت شنو في الدولاب الله يلعن إبليسك يا راشد ليش ما قلت شنو في الدولاب فجأه فتح باب الدولاب بقوه سكرت عيوني من الخوف مو قادره أطالع ......
سمعت صوتها : يالدبه ليه ما قلتي ان رجال راح يجيك.
فتحت عيوني بإستغراب: فطوم وين كنتِ.
فاطمه بعصبيه:شرايك وين كنت.
شفيها ويش صار لها لحظه لحظه بدأت أرجع من الأول أختفاء فطوم ظهور راشد تغير وجه راشد لما فتح الدولاب ولما راح انفتح الدولاب وطلعت فطوم
:ههههههههههههه مو قادرة ههههههههههه.
فاطمه بعصبيه : تضحكي علي أنتِ ووجهك و أنا فشلانه.
:هههههه بس أنتِ مو قاصدة ههههههه و أنا أقول اشفيها اختفت وشفيه راشد هههههههه.
كانت فاطمه معصبه وتروح وتجي في الغرفه وأنا أضحك مو قادره وبعد ما هدئنا رن جوال فاطمه: ألو- ايه نعم – خلاص أنا جايه.
: ها خلاص راح تمشين.
فاطمه بحزن: ايه راح أمشي.
:إخذيني معاك تحت.
فاطمه:ومين اللي راح يصعدك.
: ما عليكي أنتِ نزليني وراح يصعدوني... وفجأه ضحكت
فاطمه:شفيك تضحكين انجنيتي.
:ههههه لابس كل ههههه ما أتذكر اللي صار لك هههههه أنتي و راشد ما أقدر ههههه.
فاطمه وهي متنرفزه:الله يخليك لاتذكريني ....وبعصبيه قالت:ومره ثانيه قولي حق اعيال خواتك إذا صار عندك أحد.
وصلنا تحت و أنا ماسكه روحي كل ما اتذكر الي صار اضحك مو قادره سلمت على فطوم وراحت وظليت قاعده في الصاله و أخذت التلفون ودقيت على راشد .....
بضحك بس بالغصب ماسكة ضحكتي:راشد وينك؟
راشد: أنا في المجلس في شي.
: تعال أنا قاعده في الصاله.
راشد:انزين امممـ طيب اممممـ.
:شفيك.
راشد:ها بس كنت بقول.....
فهمت عليه :لالا ماكو ضيوف كلهم راحو.
راشد:خلاص أنا جاي.
جاء بعد شوي راشد ولما شفته ما قدرت أمسك نفسي ضحكت كان وجه ما تغير وبعده متلون...
راشد بعصبيه : شفيك تضحكين في شيء يضحك فيني.
: لالا ههههه بس شوف ههههههه شوف وجهك في المرايه.
راشد باستغراب: إيش فيه وجهي.
قلت بجديه : راشد قول الصدق شفت شيء.
راشد باستهبال: ويش شفت.
: أقصد الدولاب.
راشد: بس أنتِ شفتيني ما دورت عن الاوراق.
: راشد أنا ما أقصد الاوراق أنت فاهمني.
راشد: شفيك قمري حبيبتي مصخنه ويش فاهمني بعد.
: راشد لاتلف ودور قول الصدق.
راشد: أنا مو قاعد ألف وأدور هذا أنا قاعد بجنبك.
ارتفع ضغطي: راشد أووف منك صعب.
راشد بضحك: أنا صعب كان ذاكرتيني زين ههههه.
: اهيء اهيء بايخه مثل وجهك بتقولي والله اشلون .
راشد: شنو أقولك.
: ياربي منك ترفع الضغط بس والله والله أنك بتجي يوم بتقولي كل شي وقول قمر قالت.
راشد: قمري حبيبتي أحد مخربط لك شي.
:قوم بس قوم نادلي الخدامه تساعدني.
راشد: آفا وأنا ماني موجود أساعدك.
:ما أبيك تساعدني روح ناد الخدامه.
قام راشد وهو يضحك أثريه مو سهل يرفع الضغط آووف منك يا راشد أخرتها راح تقول لي وتشوف.....
جات الخدامه و ساعدتني وصعدت غرفتي...

**************************

مرو يومين مملين علي أو تقدرون تقولون روتين بارد حتى روان ما جات صرت ملانه قررت اليوم اتصل على روان التواجد في بيت ما فيه حريم مو حلو اتصلت على جوالها وما ردت إستغربت ملاك إتصلت علي أمس أما هي من شفتها ذاك اليوم ما شفتها مره ثانيه ولا اتصلت غريبه طالعت رقم بيتهم و اتصلت ردت علي أختي نوره:ألو.
:هلا أخبارك يا أم عدنان؟
أختي نوره: تمام إنتي أخبارك يا قمر؟
:الحمد الله إلا روان وين ماترد على جوالها.
ردت علي :ممكن قمر تجين أبيك بسالفه.
إستغربت: لـــــيه شصاير؟
قالت لي: إنتي تعالي وبعدين تعرفي.
: أوكى جايه.
سكرت من نوره شنو تبي مني ماني عارفه رحت حق فيصل وخليته يجي معي وصلنا السواق بيت إختي نوره سلمت عليها وجلست معها :شفيك شصاير روان فيها شي؟
ضحكت علي إختي نوره :شفيكي مرعوبه.
:ما أدري بس خوفتيني.
تحولت ملامحها لجديه:قمر روان تقدم لها واحد.
سكتت و بعدين فرحت:مبروك وليه ما قالت لنا.
نوره طالعتني : لكن في مشكله.
إستغربت:شنو؟
قالت:الرجال متزوج و أبوه صديق عبدالله الروح بالروح وعبدالله مو راضي يرفضه يبيها تفكر عدل.
شلون أبوها يفضل صديقه على حياة بنته ووين عدنان وراشد توني بتكلم لكن نوره قاطعتني :أفضل إنك تتكلمين معها و تعرفين كل شي.
كل شي؟ ليه شنو بقى ما أعرفه قمت مع نوره ووصلتني لغرفه روان طقيت الباب ردت علي:مــين؟
:أنا قمر.
انتظرت شوي بعدين سمعت مفتاح الباب وفتحته دخلت طالعتها:أخبارك؟
جلست وسندت راسها وهي تلعب بإيديها: ماني عارفه خايفه يقول أبوي إن الولد يبيني بس متزوج.
:إنزين تقدرين ترفضيه.
طالعتني: زوجته مريضه بسرطان وما تقدر تجيب له عيال.
انقلب وجهي :لاحول ولاقوة إلا بالله اللهم إرحمنا.
قالت روان:اللهم أمين......وراشد وعدنان يمدحون فيه حتى راشد قال إنه يعرف الرجال وما في منه ولو واحد غيره خطبني وهو متزوج كان وقف في وجه أهلي عشاني لكن هذا غير.
سكتت وقلت بعدين:شنو راح تسوين؟
سرحت عيونها لبعيد : ما أدري ما أدري.
:روان... لفت علي : هذا أنا أقولك هاذي حياتك وإنتي حره فيها فكري عدل ولا تقولي إذا رفضت يمكن أندم و العكس لأن اللي كاتبه ربي لك بصير وإنشاء الله يكون خير عليكِ.
هزت راسها وقفت أنا عقدت حواجبها : وين ؟
:أخليك تفكرين على رواق وأنا بروح أبغيك تفكرين عدل.
ابتسمت : إنشاء الله.
طلعت عقب ما سلمت عليها وأنا نازله الدرج إنفتح الباب الرئيسي ودخل راشد وأول ماشافني :هلا والله.
:هلا فيك أخبارك؟
ضحك :تمام وإنتي؟
: الحمد لله .
نزل عيونه يلعب بالنظاره الشمسيه وطالعني : قمر ممكن أكلمك بموضوع.
طالعته بنص عين وضحكت : أوكى .
رحنا وجلسنا وقلت له :ها شنو شعورك يوم شفت صديقتي؟
ضحك:وإنتي شدراكِ أني بكلمك عنها.
رفعت إيدي وأنا أحسب :أولا ما في موضوع بيني وبينك غير هالموضوع ثانيا حركاتك من أول ما شفتك حتى الغبي يفهمها وهي طايره .
قال لي: فاهمتني.
: مو قلت لك راح تجي بنفسك وتقولي .
راشد: شكلي بهون .
ضحكت: خلاص خلاص قول.
ابتسم: ماكو شفتها وجذبتني وحسيت إنها البنت اللي ممكن أعيش حياتي معها يمكن بعد ما إنرفضت من العيله قررت أجرب وحده من بره.
استغربت ورددت:إنرفضت من العيله!؟
راشد:أبيك تقيسين نبضها وإذا في أحد بحياتها.
:أنا مع فطوم كثير وما مره قالت لي إن أحد في حياتها يعني ما توقع بس لحظه منهي اللي رفضتك ؟
وقف وقال وهو يقرص خدي: إنسي لا تفكرين كثير.
وراح توه بيطلع ناديته: راشد تقدر توصلني؟
حط نظارته قريب من فمه وهو يفكر: إمممممم بشرط.
طالعته وأنا رافعه حاجب: وشنو شرطك؟
راشد: ما تسأليني ولا سؤال.
حطيت إيدي على خصري لهدرجه إحنا الحريم مفهومين:حابكها عدل .
راشد: ما علي هذا شرطي.
قلت له وأنا ألف غطوتي:خلاص ما راح أسألك.
ركبت معاه وأنا منقهره منهي من عيلتنا أو من عيلة أبوه منهي اللي رفضته راح يذبحني الفضول ما عليه أسأل ملاك أو روان أو جنى عنها وصلت البيت وصعدت وتوني بفتح غرفتي إلا رن جوالي كانت فاطمه رديت عليها وأنا أدخل الغرفه :ألو هلا.
فاطمه: هلا فيك أنتي أخبارك؟
:تمام وأنتي أخبارك؟
ردت علي : الحمد لله .
:أخبار ناديوه معك؟
فاطمه: زينه .
:أوووه تصالحتوا .
فاطمه: لازم أصالحها الحين .
قلت بأستغراب: ليش علميني؟
فاطمه: علشان لما أروح تذكرني بخير.
ضحكت : ليش بتموتين.!
فاطمه: بسم الله علي لا تفاولين.
:شنو أجل وين راح تروحين ؟
قالت: ممم بقولك بس لا تزعلي إني ما قلت لك من البدايه .
:شنو تكلمي؟
فاطمه: إنخطبت من يومين .
تفاجأت وسكتت جا في بالي راشد قلت:مبروك ومن سعيد الحظ.
فاطمه:أكيد سعيد الحظ مو بياخذ فطوم.
ابتسمت بحزن: إنزين علميني منهو ؟
فاطمه: حسن.
: لا يكون ولد خالك جابر؟
ردت: عليكِ لمبه مولعه .
:ألف ألف مبروك حبيبتي إلا هو إيش يشتغل ؟
فاطمه: ضابط.
عورني قلبي على راشد: حلو .
ردت بحماس: يهبل يهبل يا قمر على إسمك قمر.
إنعصر قلبي وأنا أسمعها: شوقتيني أشوفه.
فاطمه: راح تشوفينه في ملكتي إنشاءالله .
: متى ؟ حددتوها؟
فاطمه: لا ما بعد توني عطيتهم الموافقه.
: مع إني زعلانه منك ليه ما قلتي لي من البدايه.
فاطمه: والله كنت بقولك بس أمي مانعتني أقول لأحد.
قلت لها وأنا مضايقه:يلا أجل مع السلامه.
قالت: شفيك تو الناس.
: أذن بروح أصلي أكلمك مره ثانيه.
ردت:إيه صح يلا باي .
سكرت من فطوم وأنا متضايقة بهسرعه إنخطبت وأنا اللي كنت أبغاها لراشد إستغفر الله الزواج قسمه ونصيب الله يوفقها أنا فرحانه لها بس كنت أتمناها لراشد قمت توضيت وصليت ولما سلمت طق الباب ودخلت ملاك قمت وسلمت عليها وجلسنا قالت لي ملاك: ترى بكره بيجون خالاتي .
عقدت حواجبي: ليه شنو فيه بكره؟
قالت:بكره تجمع العيله يعني خالاتي وبناتهم يجون.
:أها.
سكتنا ما في سوالف جا السؤال في بالي:ملاك
قالت بملل:همممم
:تعرفين البنت اللي خطبها راشد ورفضته؟
طالعتني ملاك : ومنهو قالك؟
: إهو لمح لي شوي .
طالعت في السقف: هاذي الله يسلمك سمر بنت عمي .
إستغربت سمر إهي اللي كانت عاجبته مع إني شفتها هي صح جميله وما فيها شي بس الغرور والتكبر اللي فيها ما عجبني وهي ما تناسب راشد
كملت ملاك: ما أدري إيش شايف فيها أطباعها مثل وجهها .
:ملاك لا تنكرين البنت جمالها حلو.
قالت: خل جمالها لها أقول بس قومي خلنا نروح ال فيصل نغير روتين.
وسحبتني معها مر اليوم بارد جداًًًًً عندي وجا اليوم الثاني يوم تجمع العيله حتى عمي راح يجي لكن زوجته وبناته يروحون لأهل زوجته تروشت ولبست ونزلت تحت راح يجون الساعه عشر والحين سبع رحت وفطرت مر الوقت وجو خواتي وبناتهم لاحظت إن إختي لولوه مو طايقتني ورؤى بعد بس ما أهتميت تغدينا وجلسنا في الصاله بدأت ألعب مع نوار بنت ريم بنت أختي ياحلاتها تهبل هالبنت جات ريم وهي تبتسم لي :عطيني إياها بيأخذها أبوها .
أبتسمت وبست نوار:باي حبيبتي.
أشرت لي:باي
جت ملاك:قومي نصعد غرفتك ملينا.
قمت أنا وملاك وجنى أما روان كانت مشغوله شوي سولفنا شوي وإخترعنا لان دخلت علينا روان بدفاشه وهي تركض :بنات بنات
جنى:شفيك شصاير ؟
قالت وهي تاخذ نفس:وأنا رايحه المطبخ سمعت صراخ من مجلس الرجال.
قالت ملاك: وبعدين .
جلست وهي تهدي نفسها: جاني فضول ورحت تسمعت وعلى ما فهمت كانت بين عمي عبد الرحمن وفهد وصوت جدي يهدي فيهم وأتوقع إنه ما كان موجود غيرهم في المجلس يعني جلسه سريه .
ملاك بتفكير :غريبه من زمان ما صار كذا.
شنو اللي راح يكون بين عمي عبد الرحمن وفهد والله شكلها مشكله كبيره الله يعين بس قررنا ننزل يمكن نسمع شي وإحنا نازلين مسكت روان وحاكيتها : ها شنو قررتي.
نزلت راسها وهي تلعب بيدينها: وافقت.
فرحت لها وضميتها: مبروك حبيبتي .
ابتسمت لي: الله يبارك فيك.
نزلنا ومر الوقت بسرعه وما طولو بعد العشا مشو وفضى البيت رحت المطبخ أشرب مويه وسمعت صوت جاي من المجلس الصغير قربت من الباب وحطيت إذني عليه.
......:راشد أنا صح كنت أبغى هالشي بس مو كذا مو بهالطريقه.
********************

س ياترى إيش الموضوع اللي بين العم وفهد؟؟؟
س وإيش بيسوي راشد إذا درى إن فاطمه انخطبت؟؟؟
....... وإيش راح يصير البطلتنا قمر في الأيام الجايه........

انتظــــــــر ردودكم........تحياتي...longing
مووووج

[شمعة الدار]

ياترى إيش الموضوع اللي بين العم وفهد؟؟؟
اتوقع الموضوع له صله بقمر

وإيش بيسوي راشد إذا درى إن فاطمه انخطبت؟؟؟
قمر راح تقوله انه هي متكلمين عليها ناس بس للحين ما عطت الموافقه وهو راح يستنى ردها وراح يكون بنتظارها لانه حبها ودخلت باله وقلبه

وإيش راح يصير البطلتنا قمر في الأيام الجايه
راح يخطبها فهد وهي راح ترفض لانه مو في بالها الزواج لكن الجد والالعم ولاب راح يجبرونهم عالزواج


سلمت يداك ووفقك ربي


قوووووو هييييييييد

[موج الشوق]

تسلمين حبووووبه لمرورك ولإرائك
يعطيك العافية
موووج

[عبق الزهور]

السلام عليكم ورحمة الله وبركاته

أخبارك؟؟

روااااااايتك جد رووووعهـ عجبتني موووووت..
وزين أنك سمعتي لكلام اخواتك وصديقاتك..ولاحرمتينا منها..
صراحه تمنيت انها كامله..ألا صح هي كاملهـ؟؟
ولا شخصياتها مرررهـ حلوهـ..ولا الأحداث خياااااااال..
تعجبني القصص اللي زي كذا تتغير حياتها وتواجهها صعوبات..
تابعي وأحنا بأذن الله معاااااااكـ..وأعتبيرني من متتبعيكـ..

آآممم الشخصيات..

اكثر شخصيه حبيتها هي قمر..وحيل كسرة خاطري حياتها صعبه..يعني أمها وأبوها متطلقين وعاشت طول حياتها مع ناس حبتهم..بس فجأه كل شي تغير..بداية بموت امها وهذا بحد ذاته صعب..وبعدها تودعي الناس اللي عشتي معهم وتقبلي على حياة جديده عليك وناس لأول مره بتقابليهم..ولا بيعت خالتها لبيتهم ونقلتهم بدون علمها ولاخبروها بحاجه حسستني أنوا في شي بس أيش ماأعرف..بس الحمدلله أنوا أبوها عسل وطيب وزين انوا بنات خواتها ملاك وروان وجنى عسل معها وماحسسوها بشي أو انها غريبه..ولافهد قصه ثانيهـ..صراحه حبيتهـ..واحسه يناسب لها أكثر من فارس..وأحس فهد هو كمان يمكن يميل لقمر شوي..

فهد..؟؟؟؟؟؟؟أيش اللي حصل وليش تهاوش مع عم قمر معقوله لقمر يد في السبب؟؟وأيش الكلام اللي قاله لراشد؟؟جد كل هذا اتمنى اعرفه بالقريب العاجل لان مافيني صبر..

روان..ملاك..جنى..حيـــــل حبيتهن..

راشد..عور قلبي الصراحه يعني بالبداية رفضته سمر..واللحين فاطمة انخطبت..الله يعينه على الصدمه..بس ليش أحس يمكن بيكون بينه وبين ملاك شي..

جواد..صراحه بالبداية توقعت بيصير بينه وبين قمر شي..بس مع الأحداث عرفت انوا يحب جنى..بس جنى تبادلوا الشعور؟؟

أخت قمر أم جنى وكمان رؤى وبعد سمر..أبدا ماحبيتهن مغرورات..

بأنتظار البارت الجاي..

بس قلبي سؤال الرواية كامله عندك..هذا اللي فهمته..
وبليز ياقلبي تنزلي البارت الجاي بسرعه حدي متحمسه لهـ..

دمتي بحفظ الله..

[موج الشوق]

مشكووووورة يالغلا لكلامك الحلو والتشجيعي
تقريبا كامله بس اذا ارائكم بتكون لها دور في اني اغيرها بالعكس اكتشف اشياء كثيره واتعلمها منكم
يسلموووو لمرورك
موووج

[موج الشوق]

والحين أخليكم مع البارت و أتمنى ينال راضكم.............

البارت السادس
......:راشد أنا صح كنت أبغى هالشي بس مو كذا مو بهالطريقه.
رد عليه راشد:يمكن هالشي خيره لك فكر عدل.
فهد: عمي أبو خالد غلطان الحين أنا عايش معكم و أنتم مربيني شلون يفكر هالتفكير أنت شفتني سويت شي غلط مره هذا و أنا واحد من عيالكم أجل لو واحد ما تعرفوني شسويتو.
راشد: هدي يافهد ما صار إلا الخير.
ابتعدت أخاف يطلعون أو شي بس ما فهمت شنو الموضوع إلي بين عمي وفهد وخلاهم يعصبون كذا شربت مويه وصعدت غرفتي ما راح أفكر كثير يا خبر بفلوس بكره يصير ببلاش ونمت...........

**********************************
مرو أسبوعين وبدأ التسجيل سجلت و أنا مستانسه أما ملاك فدخلت رياضيات وروان ما سجلت تقول ماتبي تكمل بما أنها راح تتزوج صح ما قلت لكم روان راح تكون الملكه مع الزواج في نفس الليله وزواجها راح يكون عائلي لأن زوجها يقول مايبي يجرح مشاعر زوجته الأولى والمسكينه روان وافقت بس ما بعد يتحدد الزواج وبعد بكره ملكه فاطمه على ولد خالتها ساعدوني البنات في اختيار الفستان و راشد من سألني ذيك المره ما كلمني مره ثانيه لانو مافي فرصه إذا شفته يكون بجنبنا أحد وأنا مابي تجي هالفرصه
بس لازم يعرف اتصلت عليه....قلت له يجي وحسيت صوته متغير ما أدري شفيه نزلت تحت وجلست في الصاله انتظره وأنا مو عارفه شلون أفاتحه بالموضوع أنفتح الباب الرئيسي ودخل راشد وسلم وجلس إستغربت حسيته متغير:راشد شفيك؟
سند راشد راسه على الكنبه وقال بصوت منكتم:ماكو أحس بصداع و حراره في جسمي وماني قادر أفتح عيوني.
:ليه داومت بما أنك تعبان.
طالعني:لا عادي الحين برجع البيت وبرتاح أوكي شنو كنتي تبين؟أكيد عن فاطمه.
ما عرفت إيش أقول:راشد ما أدري ايش اقول.
طالع في عيوني:عادي إذا رفضتني قولي هذا حقها.
قلت بسرعه:لا هي ما رفضتك بس........أكتشفت........ .
راشد:شنو.
:إنها مخطوبه.
سكت راشد وابتسم بحزن:خلاص انتهى الموضوع.
وقف وقال:يلا عن إذنك.
:راشد إهي ما تدري بالموضوع ما...........
ما كملت لأنه رفع إيده وقاطعني وشد على راسه:صدقيني عادي قمر...يلا باي.
ومشى وأنا كنت أطالع فيه من ورى وأنا حزنانه عليه وما حسيت إلا وراشد على الأرض رحت يمه بسرعه:راشــد راشــــــــد.
ضربته على وجهه ولا حياه لمن تنادي ما عرفت شنو أسوي ناديت الخدامه وجت لي وكلمتها:بسرعه سوي أي شي. وأنا جالسه يم راشد وأحاول أصحية راحت الخدامه بسرعه واتصلت وجت لي: Ms. Fahd his coming (السيد فهد قادم).
قمت أدور عباتي ولبستها ولفيت الغطوه ورجعت يم راشد وطلبت من الخدامه مويه وعطر جابتهم لي وحاولت بس ماكو فايده وصل فهد وتغطيت .
طالع راشد:إيش صاير؟
قلت بخوف:ما أدري كان تعبان وفجأه طاح علي وحاولت أصحيه.........
ما كملت كلامي لأنه جا وحمل راشد وحطه على الكنبه وبدأ يكلمه:راشـد راشد ..تسمعني؟
شفته وهو يمسك أيد راشد راح بسرعه فوق قربت من راشد وأنا أصيح وحطيت إيدي على راسه وتفاجئت حرارته مرتفعه حيل أنتبهت لفهد اللي كان ينزل بسرعه من الدرج وعنده شنطه جلس يم راشد وهو يكلمني:كمادات مويه بارده بسرعه.
رحت بسرعه أسوي الكمادات ورجعت وأنا حامله مويه بارده فيها ثلج و حطيتها على الطاوله:شلونه الحين؟
لف علي بدون ما يطالعني:روحي جيبي عصير ويا حبذا أنك تسوين أكله سريعه ياكلها.
رحت المطبخ علشان أسوي اللي قالي عليه وبعد نص ساعه رجعت أنا والخدامة حامله الأكل وشفت راشد فاتح عيونه شوي وفهد جالس يمه يسوي له الكمادات ويسولف معه ابتسم راشد أول ماشافني وفهد لف يشوف شنو راشد يبتسم علشانه إنحرجت إني قطعت حديثهم قام فهد وأخذ الأكل من الخدامه وقرب طاوله صغيره وحط عليها الأكل وهو يكلم راشد :إنت لازم تاكل علشان أعطيك بندول يخفف الصداع.
وقام فهد يجمع عدته ويحطها في الشنطه وصعد فوق أنا بسرعه لفيت على راشد وإبتسمت وأنا أفتح وجهي:ألحين أحسن؟؟
قال وهو يجلس:الحمدلله أحسن.
قربت الطاوله اللي فيها الأكل يمه وبدا ياكل وأنا أطالعه.
قلت له:إنت ما خليتني أكمل كلامي.
قالي وهو ياكل: ما يحتاج.
طالعته:إنزين ليه ما تاخذ ملاك.
طالعني بإستغراب:قمر الحين انتي المسخنه ولا انا؟
:وليه لا إيش فيها ملاك.
قال بعد ما شرب العصير:ملاك مثل أختي الصغيره ومستحيل أفكر بشي ثاني غيره.
عطيته حبتين بندول وشرب وراهم العصير وطالعني:قمر خفتي علي.
ابتسمت:إذا ما خفت عليك أخاف على منهو.
قال:يعني لو مت بتحزنين علي.
قلت بسرعه:بسم الله عليك لا تفاول.
راشد:إذا مات أحد من العيله بتحزنين عليه؟
:ليه تقول كذا صدقني أنا ما أخذت شهر من جيت بس أحس إني أعرفكم من دهر وما أبي أبتعد عنكم.
ابتسم راشد وهو يطالع وراي ويسند على الكنب استغربت ابتسامته وسمعت صوت الباب الرئيسي ينفتح لفيت شفته تسكر وما حد دخل:راشد مين........
ما كملت كلامي ضحك وقال:ما حد ويلا أنا ماشي.
وقف ووقفت معاه وأنا أنصحه:روح البيت وارتاح.
راشد:انزين.
:وإذا حسيت بتعب روح المستشفى بسرعه.
قال لي:انشاء لله.
:وإذا جلست من النوم اتصل علي طمني أوكي؟
راشد:خلاص قمر زاد الصداع.
ضحكت وقلت:فمان الله....
توه بيطلع.........قلت:إيه صح راشد لا تسرع لأنك تعبان.
لف علي:قمر مع السلامه.
:الله يسلمك.
****************
يوم الخميس يوم ملكة فطوم صحيت من الصبح ورتبت أغراضي وطلعت للسايق عشان يوديني بيت أم فارس لمن وصلت دخلت كنت فرحانه ....
أم فارس:هلا والله بقمر من زمان ما شفناك.
: أنا بعد مشتاقه لك .
سلمت عليها:أجل وين فطوم؟
أم فارس:فوق في غرفتها إصعدي لها.
صعدت وأنا فرحانه أني جايه في البيت اللي ساكن فيه فارس وأنا أمشي لمحت غرفة فارس مشغله أنوارها يعني اهو موجود كنت بروح غرفه فطوم بس فيني فضول أعرف ايش أخباره قربيت من الغرفه و أنا قلبي يرقع خايفه بس لازم اشوفه بس انصدمت باللي أسمعه حيل........
فارس:يابعد قلبي أنتِ.........ما أقدر اليوم.......اليوم ملكة أختي.........أكيد أبي أشوفك.........أحبك أحبك صدقيني يامها........أنتِ كل شي بحياتي ما أحب أحد غيرك.
ابتعدت ما استوعبت اللي اسمعه معقوله فارس معقوله....؟؟
أحس كل جسمي ينتفض ياريت مافكرت أني أجي جنب غرفته ...دخلت غرفة فطوم وأنا بعدني منصدمه هذا فارس اللي أحبه هدم كل أحلامي بكلمة أحبك بس ماكانت لي كانت لوحده غيري دمر حبي كله.
فاطمه: هلا قمر حبيبتي مشتاقه لك.
إبتسمت لفطوم وأنا داخلي بركان هايج على اللي سمعته
فاطمه: ايش فيك قمر؟
رديت:لا بس موقادره أتخيل أنك عروس وعاقل.
قالت:لا حبيتي طبعاً أناعاقله مو خطيبي حسن.
قلت وأنا مبتسمة:فطوم تحبيه وما قلتي لي .
فاطمه :وين أحبه الله يخليك أنا ما عرفه يعني أشوفه أحياناً بس أكيد بعد الزواج بحبه مو زوجي.
:ماجات الكوفيره تأخرت .
فاطمه:قالت لي ألحين بتجي ماراح تطول أنتي أكيد معاي قلت لها.
حاولت أشغل روحي بالكلام مع فطوم وأنا قلبي يدق بسرعه ومو قادره أبغى أروح البيت .
جات خالتي شريفه شفتها على الألم اللي في قلبي فرحت كثير لأني شفتها هاذي خالتي عشرة عمر رحت بسرعه علشان أسلم عليها لكن ........آآه ه ه خالتي شافتني وما أخفتني ابتسامتها الباردة وسلامها العادي علي توقعتها تأخذني بالأحضان من طلعت مع أبوي من بيتها ما شفتها وكل ما سألت عنها ماألقى جواب يرضيني ..طالعت فيها خالتي طالعيني أنا تعبانه محتاجتك شصار ليه هالبرود ليتني ماجيت ملكة فطوم كلها هموم أبي أصيح أبي أصرخ خالتي اللي عشت معها نص عمري سلمت علي كني غريبه عنها وفارس اللي حبيته طلع يحب وحده غيري يعني مايبني غمضت عيوني بألم وضميت نفسي أبي ينتهي اليوم بسرعه
......بعد فترة جات الكوفيره وبدأت فيني حطت لي مكياج سماوي ناعم يناسب مع الفستان اللي راح البسه مع أني ما كان لي نفس أحط مكياج بعد ما خلصت طالعت روحي كنت حلوه بس كانت هالحلاوه ناقصه لأني مو فرحانه أكيد فرحانه حق فطوم صديقتي بس أنا زعلانه على خالتي وعلى حبي اللي فقدته وهو بعده ما تكون بيني وبينه أبغى أصيح أبغى أفضفض اللي فيني بس ما أقدر ويمي فطوم راح تشك وأنا ما أبغى صورة أخوها تهتز بعينها توقعت خالتي تاخذني بالأحضان وفرغ كل شي فيني بس شكلي من طلعت من بيتهم طلعت من حياتهم مره وحده.آ آه ه يا رب.
فاطمه:شرايك قمر طالعه حلوه.
:زي أسمي قمر يا فطوم بيموت حسن الليله.
فاطمه بخجل:بس عاد قمر أنا أستحي.
:وأنا أحبك يا الخجول.
كنت أبي الوقت يمر بسرعه .....طق الباب...
فاطمه بخوف:أكيد جابوا الدفتر أنا خايفه.
:يا بعد قلبي لا تخافين أنا معاك.
فاطمه بتوتر:قمر شفيك روحي افتحي الباب أكيد هذي أمي.
:يووه عاد فطوم ما دريت أنك مستعجله.
فتحت الباب وأنا أضحك على فطوم الخبله تستحي ويا ريت ما فتحته شفت عيونه عذاب ملامح وجهه تناظرني بإستغراب تداركت الموقف وسكرت الباب بقوه..
فاطمه:بسم الله قمر شفيش مين.
قلت بإرتباك:هذا.....هذا........
تلعثمت ما أبي أذكر أسمه يا ريت ما فتحت الباب يا ريت.
فاطمه:قمر شفيك ردي منو.
سكتت وطق الباب مره ثانيه...
فارس:قمر بحط الدفتر عند الباب وعطيه فاطمه توقع.
شلون عرف أني قمر.....
ناظرت فطوم وكانت تناظرني بمكر كنه فهمت اللي صار وغمزت:حركات شفتوا الحبيب.
ما رديت عليها فتحت الباب وأخذت الدفتر وقلت لها وقعي ..
فاطمه بخوف:لا أخاف ما أبي.
:فطوم بلا خبال زايد وقعي.
فاطمه:قمر أنا خايفه.
:ليش.
فاطمه:ما أدري بس شوفي.
ناظرت لها كانت ترتعش:فطوم عادي كل وحده يوم ملكتها أو زواجها يصير لها كذا ....يالله وقعي.
وقعت فطوم وهي ترتعش بصراحه تفاجئت من نفسي كنت راح أقول لها لا توقعي بخطبك لراشد بس ما قدرت شكلها كثير فرحانه بحسن الله يوفقها.....طق الباب..
فارس:يالله ما خلصتوا تأخرت.
تغطيت عدل بعد اللي سمعته لازم أنسى فارس فتحت الباب وحطيت الدفتر وسكرته بسرعه كان يبي يتكلم بس ما عطيته مجال علشان يسحرني وأنسى اللي سمعته مستحيل سكرت الباب وأنا أتنفس بقوه طالعتني فطوم:قمر شفيك.
:ليش.
فاطمه:لابس حاسه تصرفاتك غريبه.
:لا بس فرحانه لك مو قادره أعبر.
فاطمه بنظرة تشكك:آها يمكن.
خفت أن فطوم تلاحظ ما أقدر أقول لها شي مر الوقت ونزلت فطوم على صوت الموسيقى للكوشه البسيطه وجاو أهل المعرس وأهلها وباركوا لها وجيت أنا:مبروك فطوم يا بعد قلبي .
فاطمه:الله يبارك فيك.
وجات ناديه كانت طالعه كيوت تنوره قصيره وبدي أحمر كان طالع جنان وكانت طالعه نعومه بعمرها ولبسها.
ناديه:مبروك فطيم وعقبالي.
فاطمه:ناديوه يا الدبه ما أبي أتهاوش معاك ألحين إحسابي معاك بعدين .
ناديه:ويه خرعتيني أصلاً حسن ما راح يخليك تطلعين إلا الفجر.
فاطمه بخجل:ناديوه وخري عن وجهي أحسن لك.
أم فارس:يالله يافاطمه قومي حسن جاي.
فاطمه: قمر لاتروحي خليك قريبه مني.
:ماني رايحه راح اتغطى وهذا أنا بجنبك.
دخلوا حسن كان حلو بس بالنسبه لي راشودي أحلى بكثير كان منزل راسه وي يستحي أحب الرجال اللي يستحون اقترب من فاطمه وباسها على راسها وهي ابتعدت وانحرجت بقوه رحت وكلمتها:فطوم هدي بعدين ألحين بالبسك شنو راح تسوين.
فاطمه:قمر قولي لهم ما أبي ألبس الطقم.
:خبله أنتي سكتي واللي يهديك.
صار شي ماكنت أتوقعه قطع كلامي أنا وفطوم.....
فارس: فاطمه اعقلي.
ماودي أطالع فيه بس غصب عني رفعت عيني إيش هالاهتمام إبتسم لي نزلت راسي بسرعة ما أقدر ودي أقوله ليش يافارس ليش ما حبيتني قطع تفكيري.......
فاطمه: قمر فارس يسلم عليك يكلمك.
:هــــــــا.
رفعت عيني له مره ثانيه.......
فارس:شخبارك قمر؟
:الحمد الله مشكور أنت شخبارك؟
فارس:أحسن منك أسلم عليك.
استغربت منه قبل ما أحس له نفس يكلمني و ألحين يتكلم وفي عيونه النظره الحلوه اللي كنت أتمناها لالا يمكن لانه ألحين عرفت أنه يحب وحده أو أنه فرحان بملكه فطوم مشى وأنا نظري عليه مستغربه منه.......
فاطمه:بسك ما شبعتي منه.
: فطوم عن هالحركات وطالعي رجلك احسلك.
حسن لبس فاطمه العقد وكل مالها ودرجه حرارتها ترتفع ويه فطوم مستحيه حاولت في هالفتره اتناسا فارس خلصوا كل شي وصورو وغنوا ورقصوا كنت أحب الرقص بس مو مشتهيه ارقص اليوم أتعس أيام حياتي وبعد قاموا المعاريس ودخلوهم........
أبي أرجع البيت بس في مين أدق ألحين أشوف أبوي لالا راح أدق عالبيت إذا كان قاعد راح اقوله دقيتِ رن و رن و رن وبعدين ردوا......
الخدامه:ألو يس مدام.
:أبوي قاعد أو قصدي بابا عدنان قاعد.
الخدامه:بابا عدنان نايم.
:يعني ماحد قاعد.
الخدامه:بابا فيصل his here.(بابا فيصل هنا).
قلت بفرح:عطيني إياه.
فيصل:ألو نعم مين؟
:فيصل أنا قمر أبي أرجع البيت.
فيصل:توك بتردين.
: يالله عاد فيصل تعال مع السواق أخذني.
فيصل :طيب طيب جاي.
سكرت من فيصل .........
يالله أبي أرجع البيت تعبت من هالبيت فارس وخالتي في كل مكان ظليت انتظر فيصل في الصاله .....
رن الموبايل:ألو.
فيصل:يالله تعالي أنا بره.
قلت بسرعه:يالله يالله جايه.
طلعت أخيراً راح افتك بس وقفت شفته واقف في الحديقه يتكلم بالجوال......
فارس:ايه ياحياتي أكيد.....لاحبيبتي قريب....يوم الخميس شرايك ........أحبك.
كل ما يقول هالكلمه كنه السكاكين تدخل قلبي وتذبحه لايا فارس ليش تسوي فيني كذا تركته شكله ماحس فيني شفت فيصل ركبت ورى وأنا منزله راسي أبي أصيح من مساعه كاتمه مو قادره بس ما راح أخلي فيصل يحس أسمع أصوات جنبي بس مو حاسه بشي أبي أرجع البيت أفرغ اللي تجمع في قلبي من الصبح آه آه يافارس......
قطع علي التفكير صوت فيصل.....
فيصل: قمر قمر أشفيك؟
:هــــا لا و لاشي تبغي شي.
فيصل:من مساعه أناديك وماتسمعيني.
:كنت أفكر بصديقتي اشوي شنو كنت تبي؟
فيصل:فهد بينزل يشتري من البوفيه تبين شي.
ما أنتبهت للكلام الباقي بس انذكر فهد ناظرت قدام كان هو اللي يسوق..................

انتظر ردودكم ..........تحياتي longing
موووج

[عبق الزهور]

السلام عليكم ورحمة الله وبركاته

رهيــــــــب البارت..
بس مو كأنهـ قصير..:sly:

قمر..ياقلبي كسرة خاطري..يعني صدمتين مرهـ وحدهـ..فارس وخالتها..:tears:

ولافارس أنصدمت منهـ..ماتوقعته راعي سوالف:thumbdown..بس معقوله يحب قمر..هذا اللي فسرته من نظرتهـ..

خالتها..ليش كذا..وش صار؟؟:icon34:

راشد..جد جد كسر خاطري..ينرحم وبقوهـ:tears:..وصراحه خفت يعني بما انهـ تعبان يسوق ويسوي حادث..ياويلك لو موتيهـ:icon34:..جد مانبغى موت بالقصهـ..:no:

فهد..أيش سالفته..معقوله عم قمر شاك فيهـ؟؟

ملاحظهـ..قلبي يعني أحسك لو تتكلمي عن كذا شخصيه أحلى..يعني مو بس قمر..تسلطي الضوء على شخصيات ثانيهـ..
كمان أعجبني البنات يوم يأكلن الأيسكريم حق العيال..يعني لو فيه مواقف هبال وهسترهـ واكشن..يكون احلى..

وأتمنى جد ماتتضايقي من ملاحظتي..:no:

بانتظار البارت الجاي..

دمتي بحفظ الله..

[شمعة الدار]

احللللللللللللللللللللللى ياحركات يافطوم


الله يكون بعون قمري مسكييييينه شعور حيل صعب



سلمت يداك


قوووووووو هيييييييييييد

[لجلك ياصعب]

يــــــــــــــــــــاا الله حتى انا مستغربه لش خالتها تغيرت
مووج عااد لا تطوليين علينا بسرعه ترا انا( صعب المراام ) < اللي ازعجتك بالصفحه الاولى مدري الثانيه
ســــــــــــــلملمـــــــــــ
$ لجلك ياصعب $

[jonoon]

يعطيك العافيه

[موج الشوق]

تسلموووت لردودك
بجد مررره تساعدني في أني اتقدم
ومشكوووورين لإنتقداتكم
وبالنسبه لعبق الزهور مو حلوه اني اغير مجرى القصة في النص ان شاء الله بالقصة الجديد اللي بكتبها بتبع نفس اللي قلتي
ومشكووورين لجلك يا صعب وشمعة الدار jonoon
والبارت السابع وصل
موووج

[موج الشوق]

البارت السابع ..........

فيصل:فهد بينزل يشتري عشا تبين شي.
ما أنتبهت للكلام الباقي بس انذكر فهد ناظرت قدام كان هو اللي يسوق شلون ما حسيت ما أهتميت بهشيء : شنو تقول؟
فيصل :أقولك راح نشتري عشا تبين شي؟
سندت نفسي وأنا أطالع بره :لا ما أبغى مو مشتهيه .
سمعت فهد وهو يكلم فيصل : فيصل إنت قوم إشتري اللي نبغاه ممكن؟
فتحت عيوني عالأخر وأنا أطالع فيه وأسمع فيصل يقول :حاضر.
:شلون تخلي فيصل ينزل ؟
شفته يأشر ال فيصل يعني إنزل ما عليك ومو مهتم بكلامي
نزل فيصل :إنت تدري إن فيصل محرم لي شلون تنزله .
طالعني من المرايه:ليه تصيحين.
شدراه إني أصيح أنا صح كانت دموعي تنزل بس بصمت كنت أطالع في عيونه اللي بالمرايه وحسها مثبته علي نزل عيونه وهو يطالع قدام لكن حسيته يفكر بشي ثاني إندقت نافذة فهد وكان فيصل فتحها: شفيك؟
فيصل: يقول ما عندهم هالطلب .
رد عليه فهد: خلاص اطلب على ذوقك.
عم الهدوء ما بينا وتكلم فهد :صدقيني اللي صار غصب عني.
عقدت حواجبي غصب عنه!شنو قاعد يقول شيقصد سألته :شنو تقصد؟
بس سألت هالسؤال رفع وجهه وطالع في المرايه فتره طويله شوي وبعدين قال بعد ما أنتبه: لا ولا شي .,كمل بهدوء:ولا شي.
كنت أبي أسئله بس فيصل جا وأنا نفسيتي تعبانه ومو مشتهيه حتى أتكلم رديت أطالع في النافذه شنو يقصد فهد بكلامه تعبانه وما أبي أفكر بشي ناداني فيصل : قمر .
:هلا.
فيصل:خذي هذا لك.
مد لي سندوتش : لا فيصل قلت لك مو مشتهيه.
سمعت فهد يقول بعصبيه:خلاص فيصل ما يحتاج تغصبها مو فاضيه لك الحين.
شفيه هذا من شوي يتكلم معي بهدوء والحين معصب شهالانقلاب.
وصلنا البيت ونزل فيصل فتحت الباب بنزل سمعت فهد يكلمني بإستهزاء:كل هذا حزن.
رقع قلبي بقوه هذا شيقصد:شتقصد؟
رد علي :أكيد هو اللي مزعلك ولا متهاوشين وكمل وهو يمثل بطريقه مسرحيه سخيفه :لا يكون إنتي اللي مزعلته حرام عليكِ مسكين .
فار دمي اللي فيني يكفيني وهذا يخربط على كيفه ويتكلم عن سمعتي:إنت وقح وحقير ووكلب.
نزلت من السياره وأنا حاقده عليه وكارهته سكرت باب السياره بقوه ومشيت وأنا معصبه وسمعت شخط بقوه من وراي دعيت عليه أنا إذا كرهت أحد أكره من قلب دخلت البيت وأنا تعبانه شنو الشي اللي كلمني عنه فهد ولمن عرف إني ما أعرف قِلب علي فجأه وليه خالتي تعاملني بهالطريقه دخلت غرفتي وأول ما سكرت الباب إنهرت عرفت إن عندي قوه كبيره اللي خلتني ماا أنهار من البدايه وما أدري أصيح على شنو ولا شنو أصيح على فارس اللي انطعنت بسبته ولا خالتي وبرودها معي وتجاهلها لي وفهد هذا اللي زادها علي يطعني بشرفي آآآآآه تعبت والله تعبت .
قمت وأنا مقرره ما أفكر كثير ونمت بسرعه من التعب .
.............................................
جلست وأخذت شاور وصليت وبعدين جلست قدام المرايه أطالع في وجهي حطيت راسي بين إيديني أحس نفسيتي قافله اليوم ومو مشتهيه أسوي شي انطق الباب منهو جاي هالوقت: مين؟
سمعت صوت أبوي يقول:أنا يابنتي.
إستغربت ما راح الشركه قمت وفتحت الباب وكالعاده دخل علي بإبتسامته الحنونه :صباح الورد.
رديت عليه:صباح النور.
حط إيده على كتفي :أخبارملكة صديقتك البارح؟
:حلوه.
جا أبوي وقف قبالي وهو يطالعني بخوف : قمر فيك شي؟
إبتسمت له إبتسامه باهته وأنا أتحاشى إني أطالعه :لا ما فيني شي.
جلس وجلسني يمه :متأكده؟
حطيت راسي على صدر أبوي ونزلو دموعي لا شعوري وأنا أقوله:أبوي الله يخليك لا تتركني لا تخليني مثل أمي.
ضمني أبوي:لازم يجي يوم وتروحين لزوجك يا بنتي.
سكتت ودموعي تنزل وانا على صدره كنت أبي أقوله يبه ما أبي شي ما أبي زواج ما أبي هالدنيا أنا عايشه عشانك إنت وفيصل وبس عفت كل شي.
ظل أبوي يمسح على راسي لين هديت ورفعني :يا بنيتي ما في شي يستاهل دموعك .
مسحت آخر دموع واقفه على طرف عيوني وأنا أبتسم لأبوي وقوله: الله لا يحرمني منك يبه.
قال أبوي : يعني أقدر أفاتحك بالموضوع الحين.
عقدت حواجبي:أي موضوع ؟
رد علي :قمرإنتي بنت كبيره وفاهمه وتعرفين نهاية كل بنت وين.
سكت وأنا أستنى أبوي يكمل كلامه :بصراحه جا واحد وخطبك مني.
واحد خطبني أنا مين ما أعرف أحد يعني أكيد شخص من بره: يبه منهو؟
طالع أبوي في عيوني :فهد.
قلت :فهد!
سألت بسرعه لأني مشككه:أي فهد ؟
قال أبوي :أي فهد بعد إللي ساكن معنا .
لحظه لحظه يمكن أنا مو مستوعبه إلا أكيد منو ....فهد خطبني لا لا شكلي بحلم .
طالعت أبوي :يبه إنت متأكد هذا فهد بوعيه لمن خطبني .
أبوي :شنو هالكلام ؟
تذكرت اللي صار البارح كان يحسبني أصيح لأنه خطبني بس إذا خطبني برضاه ليه قال اللي صار غصب عنه:يبه أنا مستحيل أتزوج هذا الشخص مستحيل .
أبوي:ليش مستعجله فكري وشوفي بعدين .
ضحكت وأنا للحين مو مستوعبه :ههه أفكر! أصلا بدون ما أفكر ما راح أتزوجه.
أبوي وهوعاقد حواجبه: ليش إيش السبب؟
رديت عليه بسرعه: لا لا هذا الشخص ما يناسبني وأرجوك يبه لا تسألني ليش ما أبيه .
تنهد أبوي:على راحتك ما راح أغصبك على شي .
طلع أبوي من عندي و أنا للحين مستغربه ومو مصدقه اللي صار معقوله فهد خطبني الله يعين إيش ورى هالموضوع لأن البارح وضح لي إنه ما يبيني لا يكون مغصوب على هالشي ومن غصبه...........فتحت عيوني على الاخر كانت في مشاده بين عمي عبد الرحمن وفهد في الأونه الأخيره بس عمي ماله دخل مسكت راسي تعبت من التفكير وليه أفكر خلاص أنا رفضته وأنتهى الموضوع .
طلعت من غرفتي أشغل نفسي.
...........................................
مرو يومين مملين بنسبه لي كنت جالسه في المطبخ أشرب كوفي وأنا ملانه رن جوالي طالعته كانت فطوم رديت عليها وأنا فرحانه
:هلاوالله بالعروس.
فاطمه:هلا فيك.
:مبروك شلون معنوياتك.
فاطمه :تمام الحمد لله.
:أثاري حسن مهو هين.
فاطمه:يهبل صح.
:آوه آوه على الحب.
فاطمه:قمر ليش مانمتي معاي ذيك الليله.
:لاوالله بذمتك متى طلعتي من جنب حسن .
فاطمه:أمممممممم الفجر.
:وتبيني أنتظرك بعد.
فاطمه:المهم عندي لك خبر بمليون لا مومليون ملايين الدنيا.
:إطريبني ياأنسه قصدي يا مدام حسن.
فاطمه:ياربيه خلاص قمور.
:إنزين يالله قولي.
فاطمه:فارس راح يتزوج.
ليش ذكرتيه يافاطمه غمضت عيوني بألم:مبروك مين سعيدة الحظ
فاطمه: شنوفيك قمر منهي بعد أنتِ.
فتحت عيوني عالأخر أنا معقوله ليش واللي كان يكلمها ...يمكن يبي يتزوجني علشان يرضي أهله وبعد كذا يتزوج اللي يحبها ..مستحيل أقبل أتزوجه..أنتبهت لفاطمه..
فاطمه: قمر أنتِ معاي .
:معاك فطوم حبيبتي .
فاطمه : تصدقي لما قالت لي أمي ما صدقت طرت من الفرحه.
:موأهو اللي قالك.
فاطمه: أصلاً أنا ما شفته.
توقعاتي صحيحه يبي يتزوجني علشان يرضي أهله.
فاطمه: اتصلت علشان أسألك متى نجيكم.
:أنا أسفه فطوم بس أنا.......أنا............
فاطمه: أنتِ شنو.
:أنا مخطوبه ووافقت على خطيبي.
فاطمه: متى ما قلتي لي .
:كنتِ مشغوله بملكتك.
فاطمه: يعني خلاص ماكو نصيب.
:للأسف إيه.
فاطمه : ومنهو هذا سعيد الحظ.
:فهد ولد أخت أم زوجة أبوي.
فاطمه:فهد ما غيره.
:ايوه.
فاطمه: إنتي موافقه أوأبوك غصبك عليه.
رديت بسرعه: لالا ماأحد غصبني وما أحد يقدر يغصبني أنا وافقت برغبتي .
فاطمه: مبروك والله يوفقك.
: الله يبارك فيكِ....سامحيني فطوم بس أنا أكتشفت أن فهد يناسبني.
فاطمه : لاعادي خيرها في غيرها مع السلامه.
: الله يسلمك.
ماأدري شلون طلعت مني هالكلمات وافقت على فهد غمضت عيوني فارس غصبوه أهله وفهد بعد قال إنه ما يبني لهدرجه أنا ما أناسب أحد بس أناحطيت نفسي في موقف ألحين لازم أوافق على فهد علشان ما تقول فاطمه أني كذبت عليها آآه ه ليش حظي كذا ........بس ياقمر فهد ما يبيك وأنا شنو يهمني هو ليش يخطبني .
دخل علي أبوي هالوقت : أخبارالحلوين؟
ابتسمت له: بخير.
جلس أبوي قبالي وحسيته يبقى يقول لي شي قلت: يبه في شي.
طالعني: إمممممم قمر أنتي متأكده إنك ماتبين فهد؟
طالعت أبوي الفرصه قدامي يا أوافق يا أرفض إذا وافقت راح تعرف فاطمه إني صادقه بس أكون قضيت على نفسي وإذا رفضت ....................ماأدري شنو راح يصير.
قطع تفكيري أبوي:قمر صدقيني ماراح أغصبك على شي .
نزلت أعيوني وأنا أطالع في الكوب: يبه أنا.........أنا موافقه.
طالعني بتشكك: يعني خلاص أقول أنك موافقه.
هزيت راسي بإيه وأنا أحس بألم قوي يعصر قلبي .
قام أبوي ووقفت معه وجا ضمني بفرح:ألف ألف مبروك يابعد عمري.
غمضت عيوني وأنا في حظنه: الله يبارك فيك.
كان أبوي فرحان كثير الظاهر إنه يحب فهد يلا إذا كنت أنا مو فرحانه عالأقل يكون في أحد فرحان لهالزواج ...طلع أبوي وقعدت مره ثانيه وأنا أفكر شلون راح تكون حياتي بعد هالموافقه.
بعد فتره دخل علي راشد : سلاماً عليكم.
ابتسمت: وعليكم السلام.
جا وقرص خدي:أخبارك؟
وجلس إقبالي حطيت يدي على خدي:راشد كل ما شفتني قرصت خدي ترى يألم.
تقدم وقرص خديني الثنين وهو يقول: خليني .
ورجع جلس وهو يكمل : بعدين غيري ماراح يرضى لي أقرصك .
إنحرجت طالعني راشد بتشكك : قمر صحيح اللي سمعته.
:شنو سمعت.
راشد: إنك وافقتي على فهد.
نزلت راسي وأنا ألعب بإيديني : إيه.
قرب وقال: وإنتي مقتنعه بهالشي .
طالعته: راشد إنت ما تبيني أتزوج فهد.
راشد: لامو كذا بس..............
طالعته بخوف وهو يكمل : قمر فهد يحب.
إنعصر قلبي بقوه : يحب؟
غمضت عيوني بألم وفتحتهم كان راشد يطالعني ينتظر مني شي سألته:من هي؟
ضحك راشد لمن شفته ارتحت كان يلعب علي قلت:تلعب بأعصابي حضرتك.
اشر علي وحاول يوقف ضحك وقال:قمر صدق فهد يحب.
طالعته بعصبيه:ليه تضحك أنا قلت شي يضحك.
طالعني وهو مبتسم:لابس........ماتوقع فهد يهمك.
توترت:ومن قالك يهمني أنا من باب الفضول بس.
ضيق عيونه فيني وأنا خفت من نظراته.....
دخلت روان وهي فاتحه يدينها:ياقلبي ياقمر ألف ألف مبروك.
قمت أسلم عليها وأنا مرتاحه بدخلتها أنقذتني :الله يبارك فيك.
عقب ماسلمت علي ضربتني على كتفي:من متى ها؟
عقدت حواجبي:شنو؟
طالعتني:يعني بتقنعيني إنه خطبك لله بدون شي .
ماتدرين يا روان إنه مافكر فيني حتى ويحب وحده ثانيه وتزوج من دون رضاه يالله بعد الزواج راح أخليه ياخذ اللي يبيها صحيح أنا أكرهه وهو شوه سمعتي وألف على كيفه بس في النهايه هو ماله ذنب باللي قاعد يصير لي.....
روان:أقول تعالي عندي سوالف كثيره لك.
رحت معها وفي الصاله شافتني أختي نوره وجت وهي مبتسمه لي:ألف ألف مبروك يابعد عمري.
سلمت عليها:الله يبارك فيك.
وبعدين صعدنا أنا و روان غرفتي طالعتني روان:أكيد ملاك بتعصب لأنها ما درت.
واتصلت عليها وقالت لها تجي في شي ضروري وسكرت عنها
:روان ليه ما تخطبون ملاك لراشد.
طالعتني بإستغراب بعدين رفعت راسها تفكر:ما جا على بالنا مره حتى راشد ما يبغاها وملاك ماتوقع أحسهم إخوان.
ليه يقولون هالكلمه إخوان إخوان بكيفهم ضلينا سوالف شوي وجت ملاك ومعها جنى وباركوا لي...
ملاك:والله إنتو عقارب إنتي وجنو أخذتوا أحسن إثنين بالعيله أنا شبقالي بالله.
جنى:راح أرحمك وأعطيك حماي خالد.
ملاك وهي تكش بيدها:وع وع مابقيت إلا هذا لو يظل أخر رجال بالعالم ما أخذه.
طالعتهم:شفيه خالد؟
ضحكت روان:الله يسلمك هذا خالد راعي بنات وأشك إنه يشرب بعد.
ملاك:وعمي مخليه على راحته ولايكلمه.
جنى:خلنا نغير السالفه.
ضحكت:ما ترضين على أخو الحبيب.
شفت ثلاثتهم متجمعين ويطالعوني قالت ملاك:شلون شافك؟
:ومنهو قالكم إنه شافني؟
طالعتني جنى:يعني بتقنعينا إنه ما شافك وخطبك لله.
قمت وأنا أتجاهل أطالع في عيونهم :قوموا ننزل الحديقه.
ملاك:بيجي يوم وتقولي لنا.
قمنا وطلعنا كنت أحاول أشغل نفسي علشان لاأفكر في المستقبل.. نزلنا تحت وشفت أبوي ونوره جالسين في الصاله....
نوره:وين رايحين؟
ملاك:ماكو بنجلس بالحديقه شوي.
أبوي بجديه:قمر إجلسي أبيك شوي.
جلست ولا ملاك و روان و جنى وراي ضحكنا عليهم وقال أبوي:قلت قمر مو كلكم.
ملاك:أحنا جسد واحد ما نتفرق إللي بتقوله لها قوله لنا.
طالعني أبوي:قمر عمة فهد راح تجي هالاسبوع.
جنى:آها تقصد أم ناصر.
هز راسه أبوي بإيه:أهي الوحيده اللي تسأل عن فهد من أهل أبوه.
عرفت إن أبوي كان يقصدني بالكلام ....
روان:غريبه إهي ماتجي إلا مره بالسنه وتوها زيارتنا من ستة أشهر.
أبوي:هي جايه تشوف عروست فهد.
نزلت راسي أول مره أحد يقول لي عروس سمعت أبوي يقول: والملكه إن شاء الله الأسبوع الجاي.
فتحت عيوني ورفعت وجهي أطالع أبوي وسط إعتراضات البنات إنه ما يمدي الوقت كان أبوي يطالعني وخايف من ردة فعلي قالت ملاك: مايصير متى يمدي قمر تجهز.
أبوي:أنتوا تدرون إن أم ناصر ماتجي كثير وهو يبيها حاضره في الملكه.
قلت:يبه أنا ماأبي يصير شي إلا لما أخلص دراستي.
أبوي:قمر يابنتي الرجال ماراح ينتظرك.
:بينتظر ولا يدور وحده ثانيه غيري.
إنفجعو من كلامي.......
ملاك: جدي ماعليك منها صدقني يمديها.
نوره:مو توكم معترفين تقولون ما يمديها.
روان:لا لا يمديها وش هو حجز ونشتري فستان عالسريع وينتهي الموضوع.
سحبوني البنات للحديقه وأنا أحاول أفك نفسي رحنا الحديقه:إنتو شلون ماتخلوني أكلم أبوي.
ملاك :إنتي مجنونه تتخلين عن فهد لو وحده ثانيه غيرك كان مسكته بيدينها و أسنانها.
:خليته لك مسكيه بأسنانك.
جنى:قمر شفيك إنتِ طولتيها ولا قصرتيها فهد راح يأخذك.
جلست على كرسي وأنا أحط يديني على راسي :أدري ياجنى أدري.
ملاك: قمر فيك شي؟
رفعت راسي: لابس متوتره شوي.
روان:المهم لازم من بكره ننزل السوق ندور فستان يادوب يمدينا.
شهالحظ الي علي قلت بأجل الموضوع بس ما أدري من وين طلعت لي عمته...
مشوا البنات وصعدت غرفتي أكيد تقولون كل قاعده بغرفتها بس شسوي بما إن أنا البنت الوحيده في هالبيت أفضل أجلس في غرفتي المهم شسوي بنات ساعدوني الملكه بعد إسبوع والتوتر لابسني من الحين ما أمداني أوافق إلا تحددت الملكه وما يندرى متى راح يسوي العرس.......؟؟

*********************

قبل الملكه بيوم...........
تخيلو مر الاسبوع بسرعه اليوم راح تجي عمة فهد خايفه من الصبح وأنا واقفه قبال دولابي مو عارفه شنو ألبس ولا إيش أسوي كل وحده في هالايام تكون أمها واقفه وياها تساعدها وتفهمها شنو تسوي وأنا حتى خالتي ما أقدر أقول لها اتصلت عليها وقلت لها تجي الملكه بس إعتذرت مني تعرفون شكثر الألم اللي في قلبي حاسه بضيقه قويه فارس ما قصر وخالتي كملتها علي وفهد اللي أنهى حياتي بالمره راح أتزوج شخص ما يبيني يحب وحده ثانيه آآآآآآه يا محلى الحياه من بعدك يا يمه بس راح أحاول ما أصيح إيش فايدة الدموع ما راح تغير شي ليه أصيح ((وعسى أن تكرهوا شيئا وهو خير لكم)) لبست ونزلت إستقبلتني نورة على الدرج :يلا قمر عمة فهد في المجلس .
مشيت مع نوره للمجلس دخلت وأخذتني نوره يم وحده كبيره :قمر هاذي أم ناصر.
قامت أم ناصر وسلمت علي:أثر ولد أخوي عرف يختار .
إنحرجت منها وأنا أبتسم في وجهها: تسلمين.
عرفتني على بناتها صفيه متزوجه وحامل وضحى بعمري تقريبا نظراتها ما عجبتني كنها كارهتني وياسمين أعطيها 13أو 14 سنه جلست يم نوره اللي جالسه قبال أم ناصر.
نوره:ها يا أم ناصر شرايك في قمر؟
أم ناصر:تهبل يا أم عدنان الله يجعلها خير على فهد إن شاء الله.
قامت نوره تشوف الخدم إنحرجت وأنا جالسه وأنقذني دخول ملاك وجنى وروان سلموا على الضيوف وجو جلسوا جنبي وهم يبتسمون روان: والله حلو التصنع والمجامله.
جنى :أنا ما أحب أجامل مو مثلك يا المصرقعه.
روان : انا مصرقعه يا قزم بابا نويل .
جنى : ماني راده عليكِ.
روان :أصلا زوجي منهبل علي .
ملاك: روان صحيح عرسك بعد إسبوعين؟
روان بعدم مبالاه : إيه وما يهمني عادي هو زواج عائلي .
طالعت روان مافي وحده ما تبي يصير زواجها مثالي وأكيد روان داخلها بركان هايج مثلي بس بطريقه ثانيه أنا وبنت إختي حظنا يكسر الصخر.
قمنا للعشا وتعشوا الضيوف قمت غسلت يديني ولفيت برجع إلا شفت ضحى في وجهي إبتسمت لها لكنها طالعتني بإحتقار وقربت مني : شوفي لا تفرحين كثير لأن فهد كان راح يخطبني بس إنتي طلعتي في وجهنا بس والله إني أرجعه لي.
ومشت عني وأنا منصدمه .........لا يكون إهي اللي يحبها فهد تضايقت كثير من كلامها حتى لو ما أحبه مهما كان على الأقل تحترم مشاعري إني بملك عليه بكره لو أقدر كان قلت لها ما أبيه إشبعي فيه غيرت طريقي للدرج وصعدت وأول ما وصلت فوق شفت فيصل طالع من غرفته ولابس ثوب وشماغ وعقال إبتسم في وجهي: شرايك؟
أبتسمت وأنا قلبي يعورني : الله يحفظك من كل شر.
قرب مني: وأخيرا راح يصير عندنا عرس .
ضميته بقوه أدري إن فيصل يتضايق بس ما أقدر سمعت صوت من وراي لفيت شفت جنى مبتسمه:خنقتي خالو خليه لحاله.
إبتعدت عن فيصل وجت جنى :يلا فيصل إنزل .
نزل فيصل مستانس طالعتني جنى :شفيك قمر ليه صعدتي؟
:ما فيني شي بس مو مشتهيه أجلس معهم.
جنى : تصدقين حتى أنا.................. قمر؟
طالعتها وهي توقف يم النافذه اطالع بره :أنتي راضيه في فهد؟
:عادي .
جنى وهي تلف علي: فهد ما في منه وأنا متأكده إنك راح تعيشين معاه حياه سعيده.
ما توقع يا جنى:حتى إنتي ضامنه يعني جواد على ما أسمع ما في منه بعد.
سرحت جنى بعيد وقالت: قمرأحس إن أنا وجواد مو مكتوبين لبعض عشان كذا ما أحب أحد يتكلم في هالموضوع.
رحت يمها وضميتها: إن شاء الله جواد راح يكون لك وعلى ما شفته شكله طاير فيك.
إبتسمت جنى بخجل طقيتها على كتفها: الحين إنتي بدال ما تغيرين الموضوع وتسليني تذكريني ببكره.
ضحكت جنى ولفينا على صراخ :يـــا الدبــــب.
سديت أذوني :إنتي ماتعرفين إلا تصارخين.
روان وهي تقرب منا:أجل مخلينا تحت ملطوعين نجامل وإنتو مرتاحين هنا هم أهل زوجي ولا زوجك؟
قلت :الحين إنتو بدال ما تنسوني تذكروني الله عادكم لي بنات خوات ليه.
روان : خلاص راح نسكت.
: شوفوا مو بكيفكم وغصبا عنكم ناموا معي الليله .
جنى : أكيد لأن بعد الملكه ما راح نشوفك.
إبتعدت عنهم بنزل: يا ربــــــــي.

نهاية البارت وأتمنى ينال كامل أعجباكم ولاتبخلوا علي بردودكم أختكمlonging
موووووج

[شمعة الدار]

يسلمووووووووووووووا يالغلا

بارت حلوة باين من كلام ضحى انها شخصية شر وانانية الله يعيييين قمر

فهوود يا ترى ايش اللي غصب عنه


سلمت يمناك

قووووووووهييييييييييد

[لجلك ياصعب]

بــــــــصـــراحه رووعه يعطيك العافيه
بس يـــالــيت لو يكـون البارت الجاي اطول من كـذا
مشـــكــورهـ يالغلا واصلي واحنا معاكـ
اخــتكـ : $ لجلك ياصعب $

[الجوري ليال]

البارتات روووووووووووووووووعه
صراحه
يسلموووووووووووووو الغلا يعافيك ربي
جد بارتات حلوه
واحجزي لي مكان بالقصه
واعذريني هلمره ماراح ارد المره الجايه برد رد طويل

[jonoon]

يعطيك العافيه

[عبق الزهور]

تسلموووت لردودك
بجد مررره تساعدني في أني اتقدم
ومشكوووورين لإنتقداتكم
وبالنسبه لعبق الزهور مو حلوه اني اغير مجرى القصة في النص ان شاء الله بالقصة الجديد اللي بكتبها بتبع نفس اللي قلتي..

السلام عليكم ورحمة الله وبركاته

معك حق..:in_love:صراحه مافكرت فيها:cupidarro
وان شاءالله أعتبريني من متابعيك بقصتك الجديدهـ..

دمتي بحفظ الله..

[عبق الزهور]

السلام عليكم ورحمة الله وبركاته

البارت حدهـ روووووووعهـ..
يسلموووو..

قمر..يعني هي ناقصها فهد يكمل اللي عليها..أحسها مستحيل تنسى ذيك الليلهـ..

ولافهد قصة ثانيه للحين محيرني هو جد مغصوب عليها؟؟ولا يحبها؟؟وهذا اللي حسيته من كلام راشد معها يعني لو جد يحب غيرها كان راشد ماأخذ الموضوع ضحك كان تكلم معها بجد..ولا تصرفات وكلام فهد مع قمر بالسيارة ش يحير صراحه وش قصده من كلامهـ؟؟

ولا وضحى جد تخوف..شكلها ناويه نية شر عليهم..بس جد كلامها عن فهد؟؟

جنى وجواد..جد خوفتيني حسستيني انوا ماحيكونوا لبعض بيصير شي..بليز مانبغى حزن بالروايهـ..

بأنتظار البارت الجاي..

دمتي بحفظ الله..

[لجلك ياصعب]

يـــــــــله ياااموج بصراحه حنا متشوقين للبارت الجاي
بليز لاطووولي عليا

[موج الشوق]

يسلمووووو
لجلك الصعب
الجوري ليال
jonoon
عبق الزهور
بجد فرحتوني
يعكيكم العافية لردودكم
واليوم راح انزل البارت الجديد
ان شاء الله يعجبكم
موووج

[موج الشوق]

والآن أخليكم مع البارت الثامن.......وأتمنى ينــــــــــــــال فائق إعجابكم.........

البارت الثامن


مر الوقت ومشت عمة فهد للفندق رفضت تجلس عندنا .......
أنا والبنات رحنا غرفتي....
جنى:تصدقون سمعت جدي يقول إن حتى فهد راح يروح معاهم للفندق.
ملاك:كذا الرجال ولا بلاش.
للهدرجه يحبها يعني لاحقها للفندق حسيت بضيقه قويه وإذا ظليت إزياده يمكن انفجر قلت لهم:يلا خلنا ننام بكره ورانا قعده.
طالعوني وماعلقوا أدري إن إحنا مانجتمع كثير وخاصة إن جنى هنا بس ياليت أقدر أقول لهم.....وليه ما أقول يمكن يساعدوني في حمل هالهم.....
مرت ساعه ساعتين والهدوء عام الغرفه وأنا مو جايني النوم جلست وطالعتهم كانت جنى نايمه جنبي على السرير و روان وملاك نايمين على الارض بمفارشهم جنب بعض قمت وقفت يم النافذه......الهدوء عام المكان .........
ماحسيت إلا بدموعي إللي تنزل على خدي حاولت ماطلع صوت تعبت خلاص ما أقدر ليه ياربي أنا بنت توني صغيره .......إستغفر الله.......إستغفر الله.......
حسيت بوحدة تحط إيدها على كتفي : قمر.
لفيت كانت روان أول ما شافتني شهقت وقربت مني وهي تمسح دموعي :قمر ليه تصيحين ؟
ضميتها وأنا أصيح بقوه جلستني وهي ترفع وجهي وتعطيني مناديل :تعبت يا روان.
جلست جنبي وهي تمسح على ظهري: خلاص قمور هدي.


رفعت راسي وطالعتها وأنا منهارة :تخيلي روان إنك تشوفين أمك طايحه جنبك بدون نفس فجأه أنا أنا شفت أمي وآ آ آ ه على ذاك اليوم اللي صار لي صدمه.......
صارت دموعي تغطي عيوني لدرجه إني ما أشوف ...
: روان تخيلي إن خالتي اللي عشت إياها أيام فجأه أعرف إني بفارقها و المفاجأه الأكبر إنها ماتبيني بارده معاي تتجاهل وجودي وفارس كنت أستنى اليوم اللي نجتمع فيه وأنا وفاطمه كنا نخطط لها اليوم لكن.....فارس ما يحبني ما يبيني علشان كذا وافقت على فهد...فهد اللي ما يحبني بعد وكل شي صار غصب عنه.
طالعت في عيون روان والصوره مو واضحه من الدموع: عرفتي الحياه اللي أنا عايشتها عرفتي الحياه اللي عايشتها خالتك.
عطتني مناديل وأخذتهم وأنا أحاول أوقف شلال الدموع أنا أدري إني قلت ماراح أصيح بس عارفه إني خلاص بكره راح أملك وأعتبر متزوجه أحس بخوف ورهبه وألم .....شنو شعور البنت إذا عرفت إنها راح تتزوج واحد مايبيها مسحت دموعي فتحت عيوني شفت ملاك وجنى و روان وهم يمسحون دموعهم....
روان: قمر تصدقين إني أحسدك على فهد.
قلت بإستهزاء: على شنو تحسديني على واحد ما يحبني ولاحق حبيبته لو وين موجوده.
طالعوني بإستغراب وقالت ملاك: مين تقصدين؟ لايكون ضحى.
: ليه إيش فيها ضحى.
ضحكت روان وملاك أما جنى إكتفت بإبتسامه هذا طبعها ناعمه وهاديه......
عصبت : ليه الضحك أنا قلت شي غلط.
جنى:لابس ضحى ماتوقع.
طالعتها :و ليه ما تتوقعين البنت جميله وتنحب.
ملاك وهي تجي تجلس جنبي وتضمني: يا قلبي عليك ياخالتو.
دزيتها : طفله أنا عندك.
جنى: قمور مو كذا بس السنه الماضيه يوم جت عمة فهد تكلموا في الموضوع وفهد قال إنه ما يبيها وهي مثل إخته.

كملت ملاك: وليه ما تقولين إنك جميله وحلوه وتنحبين.
: أنا ما أقول لكم إني مو جميله أنا راضيه عن نفسي لكن كل بنت ولها ميزه تجملها مافي وحده أحلى من وحده وأنا شفت عيون ضحى والله اللي يشوفهم ينهبل عليهم.
روان: والحين عرفتي إن فهد ما يحبها و.....
ما كملت روان كلامها لأني قطعتها : حتى لو ما يحبها أكيد يحب وحده ثانيه غيرها.
ملاك: أنا عندي طريقه تخلينا نعرف.........
حتى ملاك ماكملت كلامها بس مو أنا اللي قطعتها كان الأذان لصلاة الفجر......
جنى: شكل طريقتك ما راح تكمل نفسها قوموا نصلي.
سكتنا إستمعنا الأذان و أنا أكبر و استغفر بداخلي وقمنا صلينا وبعد ماخلصنا قلت لهم: أوكى يلا ننام.
ملاك : لاوالله وخطتي.
جنى: إستوت خطه.
روان وهي تسحبني: ما في نوم خلاص ما حد قالك تصحينا.
وقفنا يم باب غرفتي وقربت منا ملاك وهي تأشر على غرفته
ملاك: هذي غرفة الأسرار اللي راح تكشف لنا كل شي.
جنى: إنتِ مجنونه .
ملاك:خليت الذكاء لك.
مسكتني ملاك من إيدي: يلا.
: ما أبغى مجنونه إنتي ما راح أدخل غرفته.
روان: وليه هو مو موجود.
قلت لهم: ما يهمني ما راح أدخل.
مسكوني ملاك و روان وهم يسحبوني و أنا رافضه وجنى تضحك عليهم خبال ذولا ندخل غرفة الرجال وهو مو موجود فتحوا الغرفه بهدوء و روان وهي مستانسه: حركات كنا في أكشن.
و أول ما سكرت ملاك الباب تنفست براحه: خلاص يلا أبحثو عن الحبيبه المفقوده .
طالعت الغرفه كانت كلاسيكه إرتحت و أنا أطالعها أما روان وملاك فكانت كل وحده تفتش في مكان و أنا وجنى انطالعهم...
روان وهي تدور : بدل ما تساعدينا واقفه هو راح يصير زوجك الليله يعني عادي إذا دورتي.
: أنا ما علي منكم ومســــتحيل أدور في أغراضه.
رحت يم سريره وشفت صورته يم الابجوره رفعتها هذي أول مره أشوفه يعني أقدر أطالع فيه وهو ما يحس فيني كان ماخذ الجديه في الصوره جت جنى من وراي:يهبل صح؟
ابتسمت لها وأنا بعدي أطالع في الصوره...
قربت ملاك منا:وهذا بعد ما شافت غمزته والله يا قمر عنده غمزه إذا ابتسم بس يخليكِ غصب تبتسمين.
رجعت الصوره مكانها بعد ما ألقيت عليها نظره:هذا الشخص مو لي لحبيبته.
روان بعصبيه:والله إنتي زوجته مو ذيك اللي ما نعرف جنسيتها.
ومشت عني وهي تفتح دولاب ملابسه طلعت ثوب من أثوابه:إيش رايكم؟
شهقت وملاك تضحك عليها:روان رجعي ثوبه مكانه.
قالت لي وهي تطالعني بمكر:ليه ما ترضين لحد يمسك ملابسه غيرك.
ورمت الثوب علي مسكته عن لا يطيح وإنتشرت ريحة عطره القويه حسيت كني أنا اللي راشتها مو من ثوب معلق من فتره...
ملاك وهي تطالعني:والله زوجك رزه طول وعرض اكتاف وجسم حلو.
مشيت علشان أرجع الثوب مكانه وأنا أقول:كل هذا مو مهم المهم الشخص اللي داخله.
روان وهي تطلع شي من الدولاب:شوفوا هذا؟
كان صندوق وسط.... قربت ملاك وجنى منا و أحنا نطالع في الصندوق حسيناه شي سري جلسنا على الأرض وفتحت روان الصندوق كان فيه أوراق كثيره صرنا نطالعها كانت أشياء عاديه


شفنا دفتر صغير جذبنا شكله أخذته ملاك وطلعت ورقه لحالها فيه وفتحت الدفتر:هذا كله أشعار.
جنى:لايكون شاعر.
ملاك:لا لا هذولا مقتبسهم من شعراء بعضهم قريتهم من قبل.
روان: يعني يحب يقرا شعر.
قلت أنا: وشنو الورقه هذي.
فتحت ملاك الورقه : سمعوا.......أمي الحبيبه أنا لم أعرفك لكن أعلم إنك تفهميني ولهذا اكتب لك كالسابق لكن يبدو إنها آخر ورقه أكتبها لك لأني يا أمي وجدت فتاة أحلامي لم يهمني شكلها مع أنها جميله لكن عينيها جذبتني لقد كانت براقه ذات لون رائع.
وقفت ملاك قراءة وهي اطالع في عيوني وجنى و روان بعد...
قلت لهم : لون عيوني عادي يعني مو أنا.
جنى: بس لون عيونك فاتح و حلو.
: ملاك كملي.
رجعت ملاك إطالع في الورقه: إدعي لي يا أمي أنا تكون من نصيبي.
نزلت راسي وحطت جنى إيدها على كتفي: عادي شفيكم أكيد راح يتمناها مو هي حبيبته بس أنا حزنانه عليه لأنه ما راح يأخذها.
جذبني شي في الصندوق وسحبته كانت صوره بنت قديمه لكن البنت كانت جميله قربت مني ملاك و روان وهم يطالعون في الصوره...
ملاك: يارب هالبنت عليها جمال مو طبيعي أكيد راح تجيب بنات يهبلون.
روان: معك حق جميله حيل ما ألوم فهد أنه حبها.
جنى: ما عليكِ منهم هذي جدتي.
ضحكوا روان و ملاك وأنا عصبت: شايفني طفله تلعبون علي.
سحبت جنى صوره ثانيه موجوده في الصندوق: شوفوا هذا الرجال.
طالعوا فيه وقالت ملاك: أتوقع إنه أبو فهد.
جنى: أنا سمعت إنه مسجون من سنتين بقضيه مخدرات.

روان: وأنا بعد وراح له فهد و قال له أنا ولدك لكن أبوه طرده وقال له لو تبي فلوس ما عندي.
ملاك : صدق إنه......إستغفرالله يعني ولده يبي يشوفه يقوله ما عندي فلوس.
حزني حال فهد وسكتنا كلنا وقلبنا معورنا عليه جمعت جنى الأغراض ورجعتهم في الصندوق وسكرته: قوموا خلنا نفطر.
قمنا ورجعنا كل شي مكانه وطلعنا ونزلنا تحت وطلبنا الخدامه تجهز فطور جهزته وجلسنا نفطر نزل أبوي وشافنا...
أبوي: صباح الخير.
ردينا:صباح النور.
جلس معنا على الطاوله : شنو مجلسكم من الصباح.
ملاك:ماكو يا جدو بس مسكينه قمر ما نامت تحاتي الليله.
:لا والله ما قلت لكم بنام وسحبوتني بس لو طلعت الليله أفشل بقول بسبتكم يا ليت ما قلت لكم تنامون عندي.
روان: إذا تزوجتي فهد وصرتي في بيتك اطردينا بس هذا البيت بيتنا وقاعدين على قلبك.
خفت ابتعد عن أبوي وفيصل مستحـــــيل أنا راح أظل هنا لكن ما أمداني أتكلم إلا أبوي قال : أصلاً هذا بيت فهد و راح يعيشون هنا معي.
إرتحت صعدنا فوق علشان ننام شوي......
*******************

مر الوقت وجا العصر جلسنا وصلينا وتروشنا وجات الكوفيره وبدأت فيني أما البنات حطو لهم بنفسهم بما أنها عائليه وصغيره....خلصتني طالعت روحي في المرايه الله يهبل الميك آب وشعري مستشورته ومسويته مرفوع بطريقه حلوه......ظليت فتره قاعده في الغرفه ...بعد نصف ساعه سمعت صوت الاذان قمت صليت ورجعت قعدت .......بعد ساعه طق الباب :تفضل.
دخل راشد....
راشد:السلام عليكم مبروك خالتي.
إبتسمت بخجل....
راشد: هذا الدفتر يالله وقعي.
قمر:إنشاء الله.
مسكت القلم وأنا أرتجف هالتوقيع راح يغير حياتي كلها راح أكون حق فهد وبحمل اسم فهد أحس أني أنتفض وبردانه سميت بسم الله وقعت ايه وقعت علشان أبوي لاني أحبه ......
طلع راشد وأنا بعدي أنتفض طق الباب ....
: ميــــــن؟
........: أنا.
هالصوت مو غريب علي ألتفت على الباب شفت فطوم ما أصدق قمت وضميتها بقوه: شخبارك فطوم اشتقت لك.
فاطمه: هذاني جيت على طول....الله ويش هالحلا كله فهد اليوم ما راح يتركك.
: صحيح ذكرتيني شخبار حسن.
فاطمه:قمور.
: وحده بوحده هههههه.
جات أختي نوره الغرفه:يالله قمر احنا راح نطلع أنا وفاطمه أنتِ لبسي الفستان.
لبست الفستان وطالعت روحي بالمرايه مره ثانيه طالعه جنان بس للاسف ما راح أتزوج اللي أحبه وأكون الليله سعيده معه.
طق الباب.....
جنى:ها قمري خلصتي أبغى أشوفك.
إبتسمت وفتحت الباب......
جنى و ملاك و روان : واوووو
روان: تجنني تهبلي هاذي هي قمر ما أصدق.
جنى:أنتِ راح تقضين على فهد كله.
ضحكت بصمت فهد يكرهني ومستحيل أعجبه وليه مستحيل أنا واثقه من نفسي بس أنا اللي ما أحبه و أكرهه وهو خليه حق حبيبته...
ملاك: يلا قمر إمشي تحت يبون يشفونك
: لا لا أستحي.
روان : ياعيني على اللي يستحون إمشي بس إمشي.
نزلت تحت وأنا قلبي يدق بقوه وكانوا مشغلين إغنيه بس أنا مومنتبهه لها لأني خايفه ومتوتره وموقادره أمشي حتى وصلت سلمت عليي أم ناصر :مبروك يابنيتي وعقبال العرس إن شاء الله.
رديت بخجل:الله يبارك فيك ...حبيتها على راسها.
سلمت عليهم كلهم بس ماعجبني سلام أختي لولوه ولارؤى ولاضحى ولاسمر بس ماعطيت هالشي أهميه جلست واللي يلولش واللي يرقص وأنا مو معهم أحس أني خايفه حسيت بوخز في أيدي :آي فطوم شنو تسوين.
فاطمه:إبيك تسمعيني وأنا أكلمك أكيد تفكرين في فهد.
:سكتي لا أصفعك أحسن لك فطوم.
فاطمه:لهدرجه مستحيه.......... أمممممممم قمر.
:نعم.
فاطمه: بصراحه فارس يسلم عليكِ ويبارك لك.
أنقبض قلبي: الله يبارك فيه وعقباله.
فاطمه:ما أظن.
:ليش؟؟؟
فاطمه:أنتِ ماشفتي حالته لما درى أنك إنخطبتي وراح تتزوجي.
شنو اللي سمعته ألحين بس فارس مايحبني موفاهمه شي قمر أعقلي أنتي ألحين تعتبرين متزوجه:فطوم شنو هالكلام أنا متزوجه وزوجي فهد.
فاطمه:أنا أسفه ياقمر بس أخوي كسر خاطري.
:الله يوفقه مع وحده ثانيه.
إبتسمت لها وهي قايمه وأنا داخلي بركان ليش يصير معاي كذا ليش وفارس والبنت اللي يكلمها والكلام اللي قالته فطوم هل هو يحبني أو لا آآه ه ه ياربي ساعدني وشيله من بالي ........شفت ضحى تقرب مني وتهمس في أذني أكملت وقالت: لا تفرحي فهد مايحبك يحبني أنا وبس فهمتي وراح أرده لي ويطلقك ويتزوجني. هذي المره الثانيه ليش يصير معاي كذا يعني ناقصني تزيد علي
راح أتزوج وأتطلق و إيش يهمني أنا أكره فهد أصلاً خليها تتهنى فيه أوووف ياريت يرجع الزمن وأرفض فهد أستغفر الله بعد إيش ألحين بصير مطلقه وفارس اللي موقادره أنساه آآه ه ه آآه ه وفهد وضحى وبعدين ويش فيها زود عني عاديه ملامحها عاديه يمكن المميز فيها عيونها والله أنا أحلى منها ليش فهد حبها ...وأنتي شنو يهمك فهد يحب على راحته أصلاً أنتي تكريهه أيه أكرهه أكرهه ويش فيني صرت أخربط.
ملاك: قمر حبيتي شنو قالت لك السوسه ضحى.
:ها ما قالت شي.
ملاك: لا تصدقي كلامها.
:ما قالت شي صدقيني.
ملاك : أممم طيب ليش أحسك مو طبيعيه.
:مستحيه بس لا تخافي.
ملاك: لا بس أقولك لا تصدقي أي شي تقوله.
ماأدري ليش حسيت براحه وإبتسمت:حاضر يا أنسه ملاك.
جات روان طقت ملاك على راسها بخفيف: وينك أنتي أدورك.
ملاك:كاني جنب قمر أطلعها من جو الخجل شوي.
روان: آه عليكِ ياقمر خجلك يهبل.
ملاك: أنا أذا إنخطبت ماراح أستحي لأن عادي عندي وراح أكون فرحانه وبقوم بعد أرقص أول بروحي بعدين بخليه يرقص معاي.
جنى وهي واقفه يمنا: يالي ماتستحين.
ضحكت وقلت: هههههه مستحيل ماراح تسوين كذا أبداً.
ملاك: راح تشوفين وتقولي ملوكه قالت كذا.
:هههههه ملوكه عن الهبال ما أصدق.
جنى :هههههه حتى أنا ما أصدق.
ملاك ترفع يدها وتكش علينا: مالت راح تقولون بتشوفون.
نوره: ويش هالضحك شنو عندكم.
:ههههههه ههههههههه.
شفت ملاك وهي معصبه مني : سكتي الله يخليك.
جنى: قمر أنتي عروس سكتي.
:ههههههههه ما أقدر هههههههه.
أحس جاتني هستيريه من التوتر قمت أضحك مثل المجنونه حسيت بخجل من نفسي ووقفت ضحك بس كأنه نوره قالت شي وما سمعتها :شنو تقولين؟؟
نوره: أقولك راح نوديك لفهد .
الدم تجمع في وجهي وأنتفض جسمي وصارت دقات قلبي سريعه
موقادره أضبط نفسي قاعده أرتعش مو مثبته شي كيف راح أدخل عليه راح أعجبه شنو هالكلام أعجبه والا كيفه وقفت وأنا أشوف نوره جايه تأخذني تدخلني على فهد:يالله قمر قومي.
روان:يمه أنا أبغى أدخل أشوف.
نوره:عتبي باب الغرفه والله ليذبحك راشد.
روان: ويه راح يكون موجود .
نوره: ايه أنتِ تعرفيه مايرضى أحد يدخل.
روان:أوووووف.
مشيت مع نوره وأم ناصر ولولوه أحس بطني يألمني الموقف صعب سميت بسم الله ودخلت وشفته جالس مع راشد وشكلهم ما أنتبهوا لوجودي بس نوره نبهتهم وهي تقول: ألف الصلاة والسلام عليك يا رسول الله محمد كلولولوش.
شفته رفع نظره علي نزلت راسي بسرعه ما أبيه يصدق أني أطالع فيه بس ياه لابس ثوب أبيض وشماغ كنت أبي أتمعن فيه أكثر بس من دون ما يحس جسمي ينتفض ومو قادره أقرب سحبتني نوره علشان أدخل بس فجأتني باللي سوته وقفت بالنص ونادت فهد: فهد تعال خذ عروستك علشان إنصورك وأنت مأخذها.
قمت أرتعش ولا قادره أضبط نفسي ما أحتمل فكرة إقترابه مني قرب فهد وأنا كل جسمي يزيد رعشه عن قبل....وقف ما رفعت نظري عليه بدأت أختي نوره تصور وهي تقول: يلا فهد سلم على جبينها .
لالالالا ما أبيه يقرب مني يمه أنا خايفه إقترب مني أكثر وحسيت كني أسمع أنفاسه ورفع إيده وقربها من ذقني ورفع وجهي



وألتقت ناظراتي مع نظراته لاشعورياً بدأت أطالع في عيونه نزلت عيوني بسرعه لما تكلمت نوره:يلا فهد.
اقترب أكثر وكل ماله أنفاسه تقرب مني شلتني حركته باسني على خدي وبعدين على جبيني احس ان جسمي صار حار دوروني ما راح تلقوني تتخيلون الصغار وهم يضيعون بملابس الكبار انا ضعت في ملابسي.......
فهد:ها نوره شرايك؟
نوره:بل عليك ما تصبر.
ضحك تصدقون في أيش كنت أفكر أبغى أشوف غمزته هههههه ضحكت على نفسي صدق اني فاضيه.. انتفضت مره ثانيه مسك ايدي وسحبني ووقفني جنبه وجات أم ناصر..
أم ناصر:لحظه أجيب الطقم علشان تلبسها يا فهد جعلها خير لك.
لا لا مستحيل ما أبي أحس بنفس هالمشاعر كفايه الحركه اللي سواها واللي احرجني فيها.....
لفيت على صيغه بعدل الفستان وشفت نص وجه فهد وقلت بهمس:فهد لو سمحت لا تلبسني مو لازم.
إبتسم فهد:أنا قلت قبلك بس عمتي ما رضت ترى هي اللي شرت الطقم وتبيني أنا ألبسك إياه.
قلت بسرعه:بس انا ماأبي ألبسه.
أخذ نفس وقال:ما يهمني قولي لهم بنفسك.
قلت:بس أنا ما أبيك تلبسني ما تفهم.
لف علي ومسك إيدي وقربني منه وهو معصب:إسكتي انتي لا أحد يسمعك مصدقه نفسك أنا كاره الجلسه معك.
طالعت في أم ناصر ونوره اللي مشغولين بطقم يحاولون يفتحونه لأنه معقد شوي أشوى إنهم ما أنتبهوا..
رجعت لفيت عليه ضروري أكلمه:فهد لو سمحت أنا مستحيل اعتبرك زوجي وأنا ما........ما...
فهد:أتوقع إنك زوجتي و أنا حر اعتبرك مثل ما أبي.
:إنت شلون ترضى تعيش مع وحده ما تحبك إيـه ما أحبك.
مسكني مره ثانيه من إيدي لكن بقوه أكثر حسيت أن إيدي إنخلعت من مكانها و صارت في إيده:شوفي يا بنت الناس أنا بعد ما أبيك بس علشان أبوك ولا أحد يتكلم علينا.
لفيت وجهي بعد ما ترك إيدي لهالدرجه ما يبيني بس يا قمر حتى إنتي غلطتي أجل في وحده تقول لزوجها ليلة الملكه خلي زواجنا على ورق وأنا ما احبك...جت نوره أختي وقالت:أصبروا شوي لمن نطلع بعدين تساسروا مع بعض.
سمعت فهد يقول:بغيت أبارك لعروستي فيها شي.
عطوه الطقم ولبسني إياه و أنا ما طالعت فيه أبد صح خجلانه بس قررت اتجاهله بعد ما خلص الطقم أخذ الدبله ولبسني و عطتني أم ناصر دبلته دخلتها لكن علقت في نص صبعه حاولت ادخلها ومسكت صبعه ودخلتها ما امداني ابعد ايدي مسكها وباسها استغربت رفعت عيوني طالعته كان مبتسم ويطالعني حتى ما انتبه للي قالته نوره:أووه أووه حركات يافهد.
ظليت اطالع في عيونه وغمزته اللي بينت من ابتسامته حسيت عيونه تعتذر مني وهو بعده ماسك إيدي....
......:إحم إحم.
إنتبه لأختي نوره وأم ناصر وضحك وأنا نزلت عيوني بسرعه يالفشله طالعته وما نزلت عيوني...
إستأذنوا وطلعوا وما ظل غيري أنا وهو جلس فهد ينتظرني اجلس جنبه لكني إبتعدت وجلست في نهايه الكنبه صار هو في طرف شفته وهو يقوم و يقرب مني وجلس جنبي حسيت بحراره وخوف مسك إيدي وباسها مره ثانيه:مبروك.
قلت بهدوء:الله يبارك فيك.
سكت إستغربت رفعت راسي شفته يطالعني نزلت راسي بسرعه حسيت بضغطه على يدي وقال:قمر من هو اللي تحبيه؟
سكتت ليش يسأل هالسؤال الحين صار قلبي يرقع بقوه رفعت نظري طالعت في عيونه...
تسند على الكنبه وهو يطالع في عيوني بثبات كنه يقول لي أنا أدري إنك تحبي قلت: إنت ليش خطبتني؟
إستغربت شلون طلع هالسؤال مني ما أدري....
شفته ضحك وهو يشيل إيده من إيدي ويحطها على عيونه وهو يتنهد وبعدين نزل إيده وقال:سؤال بسؤال؟
: أظن مو من حقك تحكم علي وتقول إني أحب.
طالعني بغضب ومسك فكي بيده وهو يضغط على خدودي بأصابعه ألمني كثير قال من بين أسنانه : لاتقولي إنك مسكينه أنتي تحبي واحد من أهلك وودك فيه لكن أنا جيت في وقت غلط.
شال إيده ورجع تسند وأنا أطالع في الطاوله بحقد وكمل: وأدري لو أن عمي ما أخذك كان كملتي غارميات ويا.....
ما كمل كلامه تدرون ليه ما حسيت بنفسي وأنا أخذ كاس العصير في وجهه على طول............


أتمنى ان يعجبكم
تتوقعون شنو راح تكون ردة فعل فهد؟
وأيش مخططه عليه ضحى ؟
أنتظر ردودكم وتعليقاتكم تحياتيlonging
مووووج

[jonoon]

يعطيك العافيه

[شمعة الدار]

هههههههههههههههههههههه اجل العصير بوجه فهوووووود ياوييييلك ياسواد ليلك يا قمور


هههههههههههههههههههه والله تخيلت عروس عريس بالكوشه ويكبو على بعض العصير خخخخخ توووووحفه



سلمت يمناك


قوووووووو هيييييييييييييييد

[توتا]

بليزززززززززززززززززززززز
كملي الرواية
نزليها بسرعة

[موج الشوق]

يسلموووو لردودكم الحلوه
واليوم راح انزل بارتين
وعذروني للتأخر بسبب ضروفي
موووج

[موج الشوق]

البارت التاسع



شال إيده ورجع تسند وأنا أطالع في الطاوله بحقد وكمل: وأدري لو أن عمي ما أخذك كان كملتي غارميات ويا.....
ما كمل كلامه تدرون ليه ما حسيت بنفسي وأنا أخذ كاس العصير في وجهه على طول....
إنتفضت وأنا أطالع فيه أنا شسويت رجعت الكأس وأنا خايفه..رفع وجهه وطالعني شفت عيونه حسيتها بتطلع من مكانها من كثر ماهو معصب قلت بتوتر:إنت اللي حديتني ..على...هالشي.
قال من بين أسنانه: أنا هــــــــا؟
قرب مني ومسك كتفي ورماني بقوه على الكنبه ألمني كثير وقرب وحاصرني بيديه على الكنبه أنا خفت وغمضت عيوني لاشعوري أول ما شال يدينه لكن سمعت طق باب فتحت عيوني وفهد إبتعد ووقف وقال: تفضل.
دخل أخوي فيصل إستانست ربي أرسله لي الحمد الله ابتسمت لفيصل لكن فيصل ضحك وهو يأشر على فهد..
فيصل:هههههههههه شنو هذا؟
طالعت فهد أبي أعرف فيصل على شنو يضحك كان مبلل من فوق ويضّحك حطيت أيدي على فمي أمنع ضحكه تطلع مني لكن فهد خزني خزه أول ما ابتسمت خلتني ابتر ابتسامتي وأنزل راسي..
سمعت فيصل يبارك لفهد وبعدين جا يمي ضميته وبارك لي..
فيصل: مبروك قمر.
: الله يبارك فيك حبيبي.
فيصل:قمر شنومسويه في فهد.
طلعت مني ضحكه خفيفه وأنا أتذكر الموقف شلون كبيت العصير في وجهه ما أدري بس سمعت صوته معصب:لا تضحكي إنتي السبب.

سكت خفت منه وقال فيصل: خلاص أنا بطلع.
دق قلبي بقوه ومسكت فيصل مستحيل أخليه يطلع علشان فهد يستوحد فيني : لا لا إنت ظل أنا بطلع خلاص.
فيصل: ليش تطلعين ؟
سمعنا فهد يقول: خلها أنا طالع أصلا.
طلعت وأنا معصبه لهدرجه مايبي يقعد معاي أصلا حتى أنا ما أبي... فكرت أروح من المصعد علشان لاأحد يشوفني ركبت قهر حتى ما قال روحي غيري وتعالي أبي أجلس معاك بس ما عليه يا فهد أنا بعد ما يهمني لــيـــــه أفكر تذكرت موقف العصير أنا إذا شفت هالمواقف ماوقف ضحك ما دريت إني بسويها مره بس هو إستفزني دخلت غرفتي وسكرت الباب وإنفجرت ضحك حسيت إني أشفيت غليلي وفي نفس الوقت ما قدر يسوي شي نمت بسرعه لأني تعبانه مو جسدياً نفسياً من التفكير الحين عرفت ليش كل عروس تضعف إذا عرفت موعد زواجها أو ملكتها من الخوف اللي يمتلكها إنها بتقابل شخص جديد ما تعرفه..........

*************************

جلست من النوم وطالعت الساعه 11 شنوهالنوم اللي علي حشى مو نوم قمت و تروشت وصليت لبست جلابيه ناعمه ومرتبه أخاف أشوف فهد لزماً أخذ احتياطي ....وحطيت كريم أساس وكحل وروج على شفايفي طلعت وطليت من فوق للصاله اللي تحت وياحسرتي كان فهد جالس بالصاله ببجامته يعني ما أخذ إجازه اليوم لا ويقرأ جريده وهو رافع رجوله على الطاوله ويشرب قهوه آففف ماني نازله لفيت راجعه وأنا معصبه شنوهالحظ توني بفتح باب غرفتي.....
..........:قمر.
لفيت كان أبوي ابتسمت : يبا ما رحت الشغل؟
قرب مني: لا ماخذ أجازه شفيكِ ما نزلتي؟
توترت: لا بس هونت.
مسكني أبوي و مشاني معاه : تعالي معاي.
نزلنا وأنا توتري يزيد وصلنا الصاله....
أبوي: صباح الخير.
فهد وهو يطالعني بطرف عينه بعدين لف على أبوي: أي صباح خير قول مساء الخير.
وقفت وأنا أتأففف بملل وأحاول ما أطالع فيه سمعته يقول:عمي إذا تبي تفطر قوم.
أبوي: ما بقى شي عالغدا استنى عادي (وطالعني أبوي): قمر إذا تبين تفطرين روحي.
رحت بسرعه أنا مو مشتهيه بس ما راح أقعد وفهد هناك جلست وطلبت من الخدامه كوفي....صدق ملل.....انقذني رن الجوال كانت ملوكه: هلا والله.
ملاك: هلا فيك أخبارك بعد البارح.
: تمام .
ملاك: ها خبريني شنو صار؟
ضحكت عليها : ما صار شي يعني شنو بيصير.
ملاك بخيبه أمل: والله توقعت إنه ما يتركك أمس.
: لا يكثر بس.
ملاك بحماس: المهم بكره جاهزه للسوق.
: سوق؟
ملاك: شفيك ما بقى إلا إسبوعين لزواج روان ولزماً نساعدها.
تذكرت : آهـــــا خلاص أوكى ليش لا.
حطت الخدامه الكوب قدامي حسيت بشي يطالعني وخاصه إن الخدامات طلعوا رفعت راسي شفت فهد مبتسم إبتسامه جانبيه قرب من الطاوله أنا خفت وملاك تكلمني في الجهه الثانيه وأنا مو سامعه شي إلا لمن صرخت في إذني : قــــــمــــــــــر ؟
قلت بتوتر: هلا.
شفت إيده تنمد خفت بس إرتحت يوم أخذ كوب الكوفي من قدامي وبدأ يشربه نزلت راسي وأنا أكلم ملاك بهدوء: أوكى ملاك أكلمك بعدين.


ملاك: وين أنا ما خلصت كلامي.
: ملاك باي.
سكرت منها بسرعه ووقفت لفيت بمشي لكن وقفني....
فهد: لحظه.
رجعت طالعته: خير.
قرب الكوفي مني: ما تبين حقك.
قلت وأنا مستقرفه: ما أبغى.
ابتسم وهو يأخذ رشفه ثانيه: تستقرفين مني.
سكتت شنوهالسؤال أكيد بستقرف منه ولا يحسبني ميته عليه قرب مني وأنا ابتعدت وصار هو يقرب وأنا أبعد لين صارت الثلاجه وراي وهو قدامي تسند على الثلاجه بإيد وإيده الثانيه فيها الكوفي توترت قربه يوترني قرب الكوفي مني وقال : شوفي؟
طليت في الكوفي ليه يقول لي شوفي ما فيه شي بس كمل: تخيلي شعرك ووجهك بالكوفي.
شهقت لايكون يسويها حرك إيده وأنا حطيت إيدي على وجهي مستعده لكن ما حسيت بشي فتحت عيوني ما شفته طلع غريبه إشفيه هذا .....
طلعت بسرعه من المطبخ وأنا ماره بالصاله نادني أبوي وقفت وأنا متوتره: هلا.
أبوي: جلسي بكلمك.
جلست ورفعت عيني لأبوي أستناه يفاتحني بالموضوع.....
قام أبوي وجا جلس جنبي: قمر.
: يبا شفيك؟
طالعني أبوي: فهد يبغى الزواج بعد شهر.
سكتت شنوهالسرعه بس وافقت عليه ملكت بعد إسبوع وبعده بيوم تحدد زواجي بعد شهر..
أبوي : قمر؟
: هــــا.
أبوي يطالع ردة فعلي: شرايك؟
: خلاص يبه اللي تشوفونه.
وقمت هالشي صار وانتهى وحياتي مع فهد مافي شي بيوقفها.......
ومر أسبوع وأنا كل يوم في السوق مع البنات نقضى لروان ولي أما عن فهد فكنت ما أشوفه إلا وقت العشا وأحاول أتجاهله قد ما أقدر وأما عن نفسيتي قافله وأحاول أشغل نفسي بأي شي علشان لاأفكر لأن لو كل واحد صار له اللي صار لي وظل معقد الأمور كان ما شفت أحد عايش تقدرون تقولون شعاري اللي كونته ((بسط الأمور تنبسط لك الحياه)).
اليوم راح أروح السوق بعد أحس صرت أسكن في السوق أكثر من البيت إتصلت علي ملاك تستعجلني : يلا نازله نازله حشى أكلتيني .............هذا أنا آآفففففف.
سكرت عنها ورحت المصعد في نفس الوقت سمعت صوت: أوكي خلاص لقيته جاي ألحين.
شفته في وجهي لويت بوزي بطفش ركب المصعد معاي وهو بعده يكلم جوال : هلا والله هلا بهلي وطوايفي............... مشتاقين ......... هههههههه يا عيني عليكي.
تجمع الدم في وجهي وبدأ يغلي مين يكلم يعني يحب قلنا أوكي بس ما توقعته من هذا النوع ......... في هالوقت سكر تلفونه ووصلنا تحت طلعت من المصعد وأنا ضاغطه على شنطتي بقوه هذا اللي يمدوحون فيه يجون يشفونه ....يكلم بنات ..... بنات يا فهد ما توقعت منك ........ ركبت السياره وسكرت الباب بكل قوتي.
ملاك: شوي شوي لا ينكسر الباب.
ما رديت عليها أنا مو فاضيه لها كفايه اللي فيني والقهر إن كلهم شايفينه أمير ما يغلط مافي أحسن منه.
سألتني روان : قمر فيكِ شي؟
قلت بقهر: لا.
ملاك: كل هذا وما فيكِ شي أجل لو فيك شنو سويتي.
عصبت: بلـــــيز خلوني في حالي لأني لو إنفجرت فيكم ماراح تشوفون اللي يسركم.
روان : خلاص خلاص بكيفك.
سكتنا طول الطريق حتى لما وصلنا السوق ما كنت أعطيهم رأيي بأي شي كنت بس أمشي ساكته ألحين إيش أسوي أقول لأبوي وأفتك من فهد بس أخاف يكذبوني مهما كان فهد معهم من وهو صغير وأنا ما كملت الشهرين من جيت والله عقلي بيوقف من التفكير ليه ما أواجه فهد ........ هذا اللي ناقص بعد يولي ................. راشد راشد هو اللي بيساعدني لازم أكلمه وأشوفه بس شلون لفيت على ملاك وروان: شرايكم نأجل طلعت السوق لمره ثانيه .
طالعوني من ورى البرقع بإستغراب وقالت روان: ليه؟
إيش أقول لهم :أيه تذكرت كم شغله لازم أسويهم.
ملاك : أوكى حتى انا مو مشتهيه خلاص نأجل السوق لبكره.
ماصدقت انهم قالو كذا وطلعنا ورجعنا البيت أول ما دخلت طلعت جوالي وإتصلت على راشد.
راشد:هلا والله هلا بالقمر كله .
: هلا فيك أخبارك؟
راشد:من سمعت صوتك الحمد لله .
:تسلم لي راشد أبغى أشوفك ممكن؟
راشد: ليه لهدرجه إشتقتي لي.
:ههههه يلا عاد رشود أبغاك بموضوع.
راشد: متى؟
: يا ليت الحين تقدر ؟
راشد: آفا عليك لو أنا في أمريكا أجيك دقايق بس.
:الله يخليك لي أنتظرك.
سكرت منه متى يجي الدقايق اللي مرت حسيتها ساعات دخل راشد وشافني في الصاله أنا وقفت أول ما شفته قرب مني وسلم علي: خير قمور شفيك؟
جلست وجلس جنبي أبغى أتكلم بس ماني عارفه شلون أسأله ........قمر هذا راشد قبالك تكلمي سمعته يناديني :قمر؟
:ها .
طالعني: شفيك؟
طالعت إيديني وأنا أحاول أرتب الكلام :...بسألك شي بس ماتسألني ليش؟
ابتسم : أوكى.
:راشد.......... فهد يكلم .............. يعني ....
حرك راشد إيده :إي كملي؟
:أنا سمعت فهد ....يكلم ...........بنت على التلفون.
سكتت وأنا أطالعه أنتظر ردة فعله تسند راشد وهو مبتسم : قمر إنتي .............
ما كمل كلامه لأني قطعته : لا تسأل .
ضحك علي وقال: ما باقول إنك تغارين .
قرب مني ومسك إيدي علشان يطمني وهو يكمل: لكن لوشفت فهد بعيوني بكذبها وبصدق فهد اللي أعرفه اللي مافي منه.
رن جوال راشد وطلعه :هذا جواد توني تاركنه ألو .....هلا خير......لا ما أبغي أشوفك ............. يا أخي إنت لزقه .............. خلاص جاي باي ..........أقول بس باي.
سكر منه ووقف وباس راسي :قمور لا تفكري كثير وصدقيني لو شفت شي في فهد أنا بوقف معاك ضده.
ابتسمت له وأنا مو عارفه ارتاح من كلام راشد وأتجاهل الموضوع بس حتى لو قلت لأبوي السبب إذا راشد ما صدق كلامي أجل أبوي اللي ربى فهد بيصدقني قمت وصعدت وأنا مقرره أتجاهل الموضوع ملانه إيش أسوي تعودت أصير مشغوله صح فطوم أخذ لي فتره ما كلمتها اتصلت على جوالها مغلق غريبه إتصلت على بيتهم :ألو
:ألو السلام عليكم أخبارك ناديوه؟
ناديه:قمور تمامو أنتي أخبارك والله إشتقنا لك .
ضحكت عليها : الحمدلله إلا تعالي فطوم إشفيها ماترد على جوالها
ناديه: وأنا اللي قلت إنك متصله علشاني بس ما عليه الله لنا.
:أقول بس.
ناديه: والله ماأدري عنها هالأسبوع ماأدري شفيها كل معصبه وما تكلم أحد وحابسه روحها في غرفتها.
إستغربت :أوكى خلاص أخليكِ.
ناديه: قمور؟
:هلا.
ناديه:فارس جنبي ويسلم عليكِ.
توترت من أنذكر إسمه يسلم علي من متى مو قبل كنت أتصل ولا يعطيني وجه قلت بهدوء :سلمي لي عليه.
وسكرت منها فارس ماضي ولازم ينتهي من حياتي بس فاطمه غريبه إيش فيها أنا لازم أروح لها بس ما عندي وقت هالأسبوع عرس روان ولازم نخلص كفايه اليوم ما خليتهم يكملون.
مر الأسبوع بطيء يمكن لأن أشغالنا ما تخلص بصراحه شغله يعني العروس آخر إسبوع ما تقدر تحك راسها صرنا أنا وملاك كلَ في بيت أختي نساعد روان.حتى العشا صرت ما أتعشى في البيت حدي أنام فيه وفي اليوم الثاني أطلع وليلة الحنا نمنا مع روان أنا ما تحنيت بما إن عرسي ما بقى عليه أقل من شهر.
اليوم العرس نمنا مره ثانيه مع روان ومعنا جنى جلست من النوم وشفت جنى وملاك اللي نامو جنب بعض ومبين إن جنى متضايقه من ملاك اللي تأخذ راحتها بزياده أما روان فما كانت نايمه أتوقع التفكير ما خلاها تنام مهما كان راح تروح مع واحد ما تعرفه دوريتها ولقيتها في البلكونه جالسه عالأرض رحت وجلست جنبها :روانو شفيك؟
ضمت نفسها وهي تقول:ماأدري خايفه متوتره شعور يخلي بطني يألمني وقلبي يدق بقوه.
ابتسمت لها:لازم حبيبتي.
مسكت إيدي وحطتها على قلبها:تسمعين؟
هزيت راسي بإي وأنا مبتسمه: عادي وبعدين إنتي تدرين إن عرسي ما بقى عليه شي يعني حاسه بشعورك .
رجعت مكانها وهي إطالع في الفراغ: مو متخيله إني بترك بيتنا أبوي وأمي وراشد وأبو نايف ونايف ونواف راح أشتاق لهم كلهم.
ما عرفت شنو أقول لها ففضلت إني أسكت
مر الوقت وجت الكوفيره علشان روان أما أنا لبست شي ناعم وحطيت ميك أب ناعم بعد وخليت شعري سايح ما حبيت أتكلف كثير إنزفت روان مبين إن أهل المعرس فرحانين بها وطيبين الله يوفقها دخل زوجها والله إن شكله حلو وطيب يا جعله خير عليها راحت روان مع زوجها جلست أهدي في إختي نوره اللي ما وقفت دموعها من طلعت روان وما طلعت من البيت الا لمن تأكدت إن الخدامات خلصو تنظيف البيت بعدين خليت راشد يرجعني وأنا تعبانه الحين حصاد الأسبوع اللي ما نمته والله العرس تعب نمت بسرعه بعد صلاة الفجر.
........................
قمت من النوم على الساعه 3 العصر تروشت وصليت ونزلت ما شفت أحد في الصاله والبيت هادئ رحت المطبخ سويت كوفي وطلعت شفت مكتب أبوي مفتوح أكيد هو هنا أنا ولا مره شفت مكتبه رحت هناك ودخلت انبهرت من تصميم المكتب الرايق طالعت أبوي:مساء الخير.
رفع راسه وطالعني من ورى نظارته الطبيه:مساء النور وأخيرا جلستي.
جلست قباله:والله العرس تعب.
رن جوال أبوي ورفعه:هلا فهد...........إي كنت أبغاك تعرف الملف حق البيت الثاني اللي بنبيعه وينه هو عندك..............أي...........أي خلاص مع السلامه.
سكر منه وطالعني:قمر تقدرين تروحين غرفة فهد؟؟
:يبا بس........
أبوي:قمر عادي شفيك هو مو موجود دوري عن ملف أحمر روحي.
سكتت وطلعت من المكتب وأنا أفكر أروح ليه ما خلي وحده من الخدامات تروح........ليه ما أروح أهو مو موجود عادي صعدت ودخلت اتذكرت يوم دخلت ذيك المره مع البنات طالعت الغرفه مشيت ورحت جنب السرير أخذت صورته الموجوده ظليت فتره أطالعها مررت أصابعي فيها وأنا أتنهد الله يعيني عليك يا فهد
رجعت الصوره مكانها وطالعت الغرفه أدور بعيوني شفت ملفات موجوده على طاوله جنب الكنبه رحت وجلست وصرت أدور لقيت ملفين حمر أي واحد فيهم................
خلني أخذهم إثنينهم ويأخذ أبوي اللي يبغى و أرجع الثاني قمت مشيت حطيت إيدي على المقبض لكن سمعت صوت بره أنا اللي أسمعه صدق ولا أتخيل فهد مستـــحيل صار قلبي يرقع بقوه إيش أسوي طالعت الغرفه و شفت دولابه رحت بسرعه وفتحته.....قمر أكيد أول ما يدخل راح يفتح الدولاب شفت فروه (أهي تشبه البشت ويلبسوها في الشتاء ويستخدمها البدو أكثر) سحبتها بدون تفكير ورحت رميت نفسي جنب السرير بحيث إنه ما يشوفني وغطيت نفسي بالفروه وفي نفس الوقت انفتح الباب طليت من جنب السرير شفته يروح لدولاب ....أشوى أني ما دخلت الدولاب كان انفضحت طلع بجامه وي وي شكله مو ناوي يرجع الشغل انتبهت له يفسخ ثوبه فكرت إيش أسوي رفعت راسي مره ثانيه خلص ومتجه للكنبه يأخذ الملفات أكيد الحين بيشوفني إنكمشت بالفروه وأنا خايفه وأحس بحراره مسكني من إيديني ورماني على السرير وحط رجله علي وهو يخنقني من رقبتي وسمعته يقول: من أنت؟
مسكت إيده من تحت الفروه وأنا أحس بإختناق بموت... ضغط على رقبتي بقوه خلتني أمسك يدينه بقوه أحاول أشيلها مني....صرخ: قــــــــول مـــــــن أنـــــــــــت؟

[موج الشوق]

البــــــــــــارت العاشر.........
مسكت إيده من تحت الفروه وأنا أحس بإختناق بموت... ضغط على رقبتي بقوه خلتني أمسك يدينه بقوه أحاول أشيلها مني....صرخ: قــــــــول مـــــــن أنـــــــــــت؟
ما أقدر أبغى أتنفس ضغطت على إيده بأقوى ما عندي
خلاص بموت شفت الانوار اللي في الغرفه أول ما شال إيده وهو يقول: قمر؟
أنا مسكت رقبتي على طول أبغى أتنفس وبعد ما ارتحت قمت وشفته جالس جنبي على السرير قال لي: ارتحتي؟
وقفت بسرعه وأنا منحرجه من الموقف اللي صار وهزيت راسي بإي ومشيت شوي إلا ناداني :قمر؟
وقفت وأنا عطتنه ظهري....
فهد: قمر أنا آسف.
قلت بهمس خافت ما أدري إذا سمعه : عادي.
توني بكمل طريقي نادني مره ثانيه ياربي هذا ما راح يعديها على خير وجودي هنا بس يحسسني بخوف أحس الغرفه كلها حاره وأنا النار اللي خلتها تصير كذا مو حاسه بشي فيني أبغى أطلع وبس لفيت عليه أسمعه إيش يقول : قمر إنتي ليش جايه غرفتي؟
كنت حاطه عيوني عالأرض وانتبهت للملفين اللي كنت راح أخذهم رحت يمهم وشلتهم وأشرت له ومشيت: قمر؟
ياربي هذا كل شوي نادني سمعت خطواته وقف يمي ما أقدر أخذ الملفات وقعد يطالعهم شسوي قررت أبعد شوي بما أنه مشغول بالملفات لكن أول ما تحركت مسكني من إيدي ورجعني طالعته بخوف مد لي واحد من الملفات: هذا اللي يبغيه عمي.
أخذت الملف ومشيت بسرعه علشان مايناديني أول ماطلعت صرت أهف على وجهي نزلت عند أبوي وأنا بعدني متوتره أخذت نفس علشان أهدي نفسي قد ماأقدر ودخلت وعطيت أبوي الملف وجلست قباله وأنا ساكته وهو يشتغل رفع راسه وهو يقول: إي صح فهد جا ومر علي ونسيت أقوله إن أنتي فوق لأنه راح بسرعه.
قلت وأنا منحرجه: لا عادي شافني وعطاني الملف.
هز أبوي راسه ورجع يكمل شغله قمت وطلعت علشان لاأشغله ولاني مليت بصراحه قررت اتصل على روان أشوف إيش صار عليها أتصلت وردت علي: هلا والله بالعروس.
روان بهدوء: هلا فيك.
استغربت : زوجك جنبك.
سمعت ضحكتها : لا راح بيسوي شغله.
: اجل ليه هالهدوء اللي فيك.
روان : ما أدري منحرجه اشوي حتى أمي يوم كلمتني استغربت هدوئي وقالت لي زوجك عقلك.
ضحكت:هههههه المهم إيش صارأخبار زوجك معك.
روان : ما أدري عادي.
: يعني ما في شي يميزه أو طيب و حلو مثل كلام العروس العاديه.
روان: ليه أنا عروس فوق العاده.
: ما أدري عنك.
روان: إذا بتحسبي ما تكلمنا إلا كلمات بسيطه طيب وحلو بس ما أقدر أحكم عليه وأنا ما أعرفه.

قلت بتشكك: يعني ما صار شي.
روان: مثل إيش؟
: روان أنا أقصد......إنتي فاهمه قصدي.
روان: شوفي عاد بتسأليني مثل هالأسئله بتشوفين شي ما شفتيه كفايه أمي أحرجتني بأسألتها.
ضحكت عليها: خلاص ما صار سؤال.
قالت بعصبيه: صـــار صـــــــــار إرتحتي.
وفجأه قالت بهدوء: قمر أكلمك بعدين.
عرفت إن زوجها جا وسكرت وأنا أضحك عليها فضحت روحها ما تعرف تمسك نفسها بسرعه تنفعل يلا خله يشوف كل جوانبها من أول يوم.
اتصلت على فطوم ما أدري شفيها يا مغلق يا يرن ومحد يرد وكل ما أقول بروح لها ما أدري ما أبغى أخاف أشوف فارس وأنا ما أبغى هالشي رن ورن وردت وأخيراً: ألو هلا فطوم.
قالت بهدوء: هلا قمر.
إستغربت شفيها: فطوم.
فاطمه: شفيكٍ.
: لابس أحس صوتك متغير.
ضحكت: شكله مجرد إحساس.
: يمكن أخبارك؟
فاطمه: تمام أنتي أخبارك؟
: تمام الحمد الله بس خفت عليك إسبوعين ما كلمتيني.
فاطمه: لابس كنت مو مشتهيه شي.
قلت بمكر:حتى حسن؟
فاطمه: وليه ما تجين بيتنا ولا صرنا مو قد المقام
إستغربت أولا إن فاطمه تفكر هالتفكير وثانيا إنها غيرت موضوع حسن وتجاهلت ذكري لأسمه: لابس مشغوله تدرين أنا المره الوحيده في البيت ولزماً اهتم فيه.
ما أدري من وين جبت هالعذر بس حسيته مقنع جلست أتكلم معها شوي وسكرت.
************
مر الاسبوعين ما أدري أقول بسرعه ولا ببطء لأني ما حسيت فيهم وفي نفس الوقت عشتهم وكل ما قضى يوم حسيت بقرب العرس وتوتري كان يزيد أما فهد فسافر هالأسبوعين على قولته علشان أخذ راحتي.......
************
اليوم قبل العرس بيوم راح يرجع فهد ومعاي ملاك بس جنى أمها مو راضيه و روان متزوجه....
ما سويت شي جالسه في غرفتي و ما أبغى أكل و منسدحه على بطني و أنا أفكر ببكره وملاك جالسه جنبي تسولف مسكينه تبي إطلعني من جوي بس التوتر ماخذ معاي إيش راح يسوي بكره فهد معاي ودي أنسى لكن كل دقيقه تمر ما يروح هالشي عن بالي انتبهت لملاك تصرخ: إنتي مو معي.
قلت لها : معك ملوكه.
ملاك وهي أطالعني بقهر: يلا قولي إيش قلت.
سكتت ابتسمت لها بأسف وقالت:قمر شفيك ما صارت.
ضغطت على بطني بقوه وأنا أقول لها: لاتقولين لي شي.
عدلت نفسي وأنا على السرير وأنا أقول: خايفه.
ملاك وهي واقفه قبالي: لو وحده غيرك كان سوت عيد وطني لأنها بتأخذ فهد.

صحت بطريقه طفوليه وصرت أمسح دموعي بظاهر كفي وقلت وأنا أشاهق: ما أبغاه ........ما أبغاه..... ما أبغى فهد.
راحت ملاك بسرعه وسكرت الباب اللي كان مفتوح شوي وقالت: إنتي مجنونه لو مر أحد وسمعك الحين.
ما أدري ليه صحت فجأه يمكن حبيت أخفف توتري بس تمنيت لو أحد سمعني ووقف هالزواج...
دخلت علينا روان هالوقت: السلام عليكم.
صرخنا أنا وملاك من تزوجت ما شفناها يعني تلفونات بس قمنا وضميناها وحده وحده وجلسنا أنا وملاك........
ما سكتنا أنا وملاك وأحنا نتكلم على راسها لكن الشي اللي شفناه أنها هاديه وتبتسم لنا بس قالت ملاك: إنتي روان ولا بدلك زوجك.
قالت روان وهي منزله راسها: يقولون عقلني.
سكتنا في شي قمت وجلست جنب روان وأنا أضمها على جنب: روان إيش فيك؟
شفت عيونها المهدده بالدموع وهي تقول: عادي ما فيني شي.
قالت ملاك: روان.
روان من سمعت أسمها نزلوا دموعها إستغربنا وضميتها علشان تهدى لكن زاد صياحها وهي تقول: ما يجيني إلا ساعه علشان شرع الله وباقي الوقت مع زوجته الاولى جابها بعد يومين من زواجنا قلت في البدايه يمكن لأنها مريضه......لكن ماله حق يتجاهلني للهدرجه بس أشوفه ساعه كل يومين وباقي الوقت معها أهي تعاملني أحسن منه نزلت مره مقرره أجلس معهم لكنه تضايق من وجودي
وصعدني فوق وقال لي لاتنزلي علشان لاتجرحينها لأنها مريضه ....أنا عادي عنده أنجرح بس هي ما يرضى عليها.
سكتنا شنقول الكتاب واضح من عنوانه أهو يحب زوجته الاولى ولأنها مريضه غصبوه أهله يتزوج عليها وهذي النتيجه.......تسيخ
+فت نفسي لأني صحت من شوي على شي ما يستاهل و روان مسكينه مو قادره تستحمل حياتها حاولنا أنا وملاك نطلعها من الحزن اللي هي فيه بس ما أدري حسيتها مو مندمجه معنا دايما تفكر وسرحانه وبعدين إستأذنت لأنها بتمشي.........
مر الوقت ومانمنا أنا وملاك ألا الفجربعد الصلاه ............. ظليت طول الوقت أتقلب على السرير موقادره أنام هالشهر مر بسرعه كل أفكر بليله العرس طالعت الساعه تسع الصبح قررت أني أقوم خلاص الأفكار توديني وتجيبني أحسن شي أصلي ركعتين لربي يمكن أهدى وأرتاح قمت توضيت وصليت وقريت قرآن حسيت بالراحه شوي ..قمت جهزت أغراضي علشان الكوفيره بتجي هنا الظهر قلت بطلع أشوف من اللي جالس بس هونت أخاف أصادف فهد ماأبغى أشوفه.......طق الباب:منو؟
نوره:أنا.
قمت فتحت الباب وأبتسمت نوره وهي تقول: صباح الخير والورد ياأحلى عروس.
رديت لها الابتسامه:صباح النور.
نوره: أنا جبت لك الفطور قلت ماراح تنزلي... وين ملاك؟
:نايمه....... مشكوره.
نوره: إكلي ياقمر علشان ماراح تأكلين بعدين.
:أحاول.

نوره: خلاص أخليك.
طلعت نوره وبدأت أطالع الأكل مومشتهيه هالشهر مر علي مثل البرق كنت كل بالسوق مع روان وملاك وجنى وأحيانا نوره وريم ..وراشد كل ماأشوفه أسأله عن اللي يحبها فهد بس موراضي يقول لي قهر....بس اللي فرحني أبوي وفيصل حسيت الفرحه بعيونهم ماتنوصف وهذا اللي مصبرني.........مرت ساعه وبعدها ساعه حتى جات الكوفيره كانت معي ملاك لكنها مشت بسرعه علشان بتروح المشغل..بدأت فيني وأنا أحس كل ماله والتوتر يزيد عندي بعد فتره ما بعد أخلص بس ملاك وجنى خلصوا وجاوا.
جنى وملاك: السلام عليكم قمر.
ألتفت عليهم :واوو تهبلون.
ملاك: قمر منو أحلى أنا ولا الشينه اللي جنبي.
جنى: شينه في عينك أنا طبعا أحلى.
ضحكت عليهم:هههههه شفيكم؟
ملاك: الله يخليك قمر قولي لها أنا أحلى.
جنى: لاأنا أحلى.
:أمممممم بصراحه.
جنى وملاك: أي.
: ثنتينكم تفشلون.
ملاك: شنو أرويك.
: لالا ماأبي راح تخربين مكياجي.
ملاك: والله لأرويك.
قربت ملاك وأناخفت شنو راح تسوي قربت حطت إيدينها في خصري وواو
:ههههههه حرام والله بصيح ههه ملوكه خلاص هههه والله خلاص هههه بعلم نوره عليكي ههههه

ملاك: خلاص إفراج هالمره لأن الليله عرسك ماأبي أخرب عليكي......
وفجأه ما نشوف ألا الكوفيره تصارخ بلغتها وحنا نطالع ومو فاهمين شي بعدين قامت تأشر علشان جنى وملاك يطلعون
ضحكت: شوفوها شكلها تبيكم تطلعون.
ملاك: ويه شنو هذا هذي تتحرطم بلغتها أخاف سبتني وأنا ماأدري ولاشي خلني أطلع.
جنى: إنتظري أخذني معاك.
طلعوا من عندي وأنا أضحك عليهم في الفتره اللي دخلوا خف التوتر عني إشوي .... كملت الكوفيره شغلها جات ريم وقالت أنها بتمشي الصاله مع جنى وملاك وراح تروح نوره بعد وهي راح تجي مع راشد أذا خلصت طلعت........ ومر الوقت حتى إنتهت مني الكوفيره ومشت طالعت روحي بالمنظره حلو عجبني ... قمت لبست عباتي وجهزت أغراضي ودقيت على ريم علشان تجي بعد فتره دقت ريم تقول أنها وصلت خليت الخدامه تساعدني حتى وصلت السياره كنت راح أركب ورى فتحت الباب .
ريم: قمر روحي قدام أنتي عروس.
سكرته ورحت ركبت قدام: السلام عليكم شخبارك راشد.
رد وهو مبتسم: بخير وأسلم عليكي........قمر.
:نعم.
راشد:ممكن طلب قبل لا نتحرك.
:مع أني زعلانه عليك بس إطلب.
راشد: ممكن أشوفك.
خجلت من هالطلب : ليش؟
راشد: أبغى أشوف شلون العروس تصير.
فتحت شليتي وشفت وجهه وشلون تفاجأوقال:أنتي قمر متأكده.
:ليه.
راشد: لا هذي أنتي شنو مسويين لك إمبدلينك.
:راشد خلاص أستحي.
راشد: أنا قررت أتزوج أذا كذا.
ردت ريم: يلا أشر وأنت تامر.
راشد: أبيها مثل هذي.
ومد المرايه علي قلت وأنا خجلانه: راشد.
ريم : مافيه فايده منك.
تغطيت ومشينا إلى الصاله وكل مانقرب التوتر يزيد علي وصلنا وأنا بدأت أرتعش وأنتفض ومشينا أناوريم داخل دخلت غرفه كبيره خاصه فيني ولبست الفستان...
ريم: واو طالعه جنان.
قلت بخجل: شكراً.
مشت ريم وجات جنى وملاك...
ملاك: السلام عليـ...واوو منهي هذي قمر.
قمر: أجل منو يعني.
ملاك: طالعه تهبلين ما أبي ما أبي.
جنى: شنو.
ملاك: قمر غطت علي.
جنى: أكيد مو عروس.
قالت روان وهي تدخل: هي أنا اللي غطت عليي.
ملاك: لا حبيبتي أنا أحلى منك.
روان : لا أنا أحلى.
: بس بس شنو هذا أنا غطيت عليكم ثنتنيكم.
جنى: لش الحق.

: ملاك فطوم جات.
ملاك: ايه شفتها تحت ليش.
: قولي لها تجي لي.
ملاك: لا لا خالتي نوره ما ترضى.
: ليش؟
ملاك: ما أدري عنها هي أفكارها كذا.
: ملاك حبيبتي الله يخليك أبغى أشوفها.
ملاك: خلاص بصعدها علشانك بدون علم خالتي نوره أو ريم.
راحت جنى وملاك و روان ...
كان مبين على روان أنها تحاول تبتسم وتفرحني الله يخليها لي و لايحرمني منها ويهدي زوجها...
دخلت ملاك ومعاها فطوم ..
ملاك: هذا أنا جبتها لك بالخش والدس إلين روان شغلت خالتي نوره.
طلعت ملاك وفاطمه بعدها متغطيه
: فطوم إشفيش.
فاطمه: طالعه قمر.
: إنزين تعالي جنبي فتشي أبغا أشوفك.
نزلت فاطمه الشيله والعباية وجات جنبي كانت طالعه جنان شفت عيونها حمر وتحاول تبتسم لي
: فطوم إشفيكِ.
فاطمه: ما فيني شي أنتِ شخبار النفسيه حق الليله.
: فاطمه لا تغيرين الموضوع شنو فيك وليش صار لك فترة ما تردين علي.
فاطمه: إشفيك قمر ما فيني شي كنت مشغوله بعدين يمكن حاسدتنك لانك تزوجتي قبلي وأنا اللي مخطوبه قبلك.
: قولي من الاول أنها عمايل حسن... شافك؟
إنتبهت إنها خلاص بتصيح بس تداركت الأمر وقالت: لا مايقدر مشغول.
: لو شافك كان إنجن.
فاطمه با ستهزاء: إيه إنجن.
قلت بخوف: فطوم أنا أعرفك شنو صاير قولي لي.
فاطمه: ما فيه شي.
قلت بتهديد: فطوم إذا ما قلتي صدقيني ما راح أنزف.
فاطمه : ليش يا قمر ليش.
: شنو .
فاطمه ماسكه دموعها: حسن ياقمر حسن.
قلت بخوف: إشفيه.
فاطمه: متغير علي في الايام الاخيره.
: يعني شلون.
فاطمه: ما أدري أحسه ينفر مني ويبتعد عني.
: ما عرفتي ليش؟
فاطمه: حاولت بس ما كو فايده سألته ما جاوبني حاولت وحاولت ماكو فايده.
: خلاص فطوم هدي أعصابك وأنشاء الله خير.
فاطمه : بس هذا زوجي وأنا أحبه.
فجأه.....
.....: تراررار مفاجأه.
شفت إبتسامته الكبيره أختفت وطلع بسرعه وفطوم تركض وتلبس عبايتها وطلعت وأنا مستغربة الموقف أكيد فطوم انحرجت مني وطلعت بس اهو غير شلون راح يفكر ظليت فتره أفكر فيهم ودخلت بعد اشوي أختي نوره: يالله قمر ألحين راح ننزلك.
: ناديتي أبوي وفيصل.
نوره: راح يدخلون مع المعرس.
أخذيت نفس ونزلت ودوني غرفه ثانيه بعد فتره إنفتحت الغرفه وحطوا موسيقي حلوة طلعت وكانت كل الاضواء عليي قمت أنتفض كل ماله والوقت يقترب...وصلت الكوشه وجلست على الكرسي وأنا كل ذره فيني ترتعش بدأ الطق والرقص وقامت المصوره تصورني أنا تعبانه حدي مو قادره اليوم ما كلت شي ظليت يمكن ساعتين أو أكثر ما أدري جا بعد اشوي الكل يبارك لي عمة فهد أم ناصر وبناتها ولمن جا دور ضحى قالت : ماراح أبارك لك لانك راح تتطلقين منه وراح يرجع لي.
كرهتها شلون تقول لي كذا في ليلة عرسي بس في نفس الوقت ماهمني وسفهتها لأني عارفه مو إهي اللي يحبها فهد جات فطوم تبارك لي وقلت لها:بكلمك مره ثانيه .
وبعدين جت ناديه وخالتي أم فارس وأختي نوره وريم وملاك وروان وجنى ورؤى طبعابدون نفس ولولوه
مرت فتره ماهي طويله وجات نوره قالت لي:قمر فهد الحين راح يدخل.
صرت أنتفض بشده حاسه إني مو قادره أركز أعلنو عن دخول المعرس ودخل عرفته لأنه كان لابس بشت أسود كان جنبه راشد على اليمين وعلى اليسار أبوي وفيصل وعدنان كان وراهم ومعاه نايف ونواف كانو يهبلون أطفال وبثوب وغتره حلوين لما حسيت إنهم قربوا مني أكثر نزلت راسي لتحت ما أبيه يظن أن ما صدقت أشوفه و اقتربوا أكثر وقلبي يرقع بقوه وخايفه تقرب مني ومسكني إنتفضت حب راسي وإبتعد مني وجلس يمي قاموا يرقصون راشد و
فيصل و نواف حتى نايف كانوا يهبلون وأنا مندمجه في رقصهم قرب مني فهد وقال : شرايك في ذوقي ؟
قلت بإستغراب:في شنو؟
فهد:ديكور الكوشه.
: الحين إنت مسوي هذي الكوشه.
فهد:إي أكيد عجبتك.
: وأنا أقول شفيها مو حلوه.
فهد: أتوقع إن من الذوق إنك تجاملين على الأقل بما إن إحنا جالسين فيها.
قلت وأنا أطالعه بكره: مو من طبعي المجامله.
سكت وأنا بعد سكتت قرب منا أبوي : مبروك قمور خلاص طولنا عندكم.
:تو الناس يبه .
سلم علي وحب راسي وبارك لي:أنا لازم أطلع هذولا معاي.
وراح وسحب عدنان وراشد:يالله بسرعه سلموا بنطلع.
جا عدنان وبارك لي وبارك لفهد وجا بعده راشد وبارك لي وقلت له:راشد بكلمك بس مو الحين .
راشد: في شنو؟
: يعني ماتدري بس راح أطلع منك الكلام هالمره.
راح راشد يم فهد يبارك له ووقفوا يتهامسون ودي اسمع شنو يقولون بس صوتهم خفيف وسمعت صوت راشد يضحك وناداني:قمر؟
لفيت عليه وهو كمل: تبقين تعرفين منو اللي فهد يحبها.
فهد:راشد.
بينت لهم إني ماني مهتمه لكن للحظه توقعت إنه يحبني ..........الوقت راح يثبت لي هالشي إذا يحبني أولا وقلت:عادي يحب اللي يحب .
طالعني فهد وقال:ترى إهي موجوده اليوم في العرس.
طالعته: قلت لك عادي ما يهمني .
حبيت أثبت له إن ما يهمني ضحك راشد وقال:هههه ما أقدر ههههه لالالا لازم أطلع .
حسيت إن راشد يأكد لي ش**** طلع راشد وأنا حيرانه حسيت إن صدق ما أدري شأقول وأنا شيهمني
جابوا الكيك والعصير عطتني نوره السكين وحط إيده علي وأنا متوتره وقصينا الكيكه إبعدت إيدي اللي ترتعش بسرعه قطع لي وقطعت له رفعت الشوكه لفمه ورفع الشوكه لفمي أكلته وأكلني وحنا نصور وجا دور العصير شربته وشربني في نفس الوقت وقمنا مسك إيدي وباركوا له ومشينا على المنصه طاح قلبي في بطني كل ماله والوقت يمر بسرعه ركبنا السياره كنت وأنا وهو فيها بس وكانت ورانا سيارة أبوي وراشد وعدنان وأزواج خواتي وعيال عمي مشينا للبيت صعدنا الدور الثالث كان أبوي مخليه لفهد إذا تزوج دخلت الجناح كان هادي ورايق وريحة العطور والعود والبخور دخلت ورفعت شيلتي ظلينا واقفين وساكتين عم هدوء وقطعه فهد:دخلي الغرفه وأنا بأخذ بجامتي .
دخل وأخذها وطلع الصاله وأنا ظليت في الغرفه فكيت شعري ومسحت اللي بوجهي ولبست بجامه سبورت أختي نوره قالت لي شنو ألبس بس فشله مستحيل أسويها بعد فتره إنطق الباب ودخل فهد: خلصتي ؟
سكتت يعني شنو يشوف وهو فهم سكوتي وقال: العشا جاهز.
أنا منحرجه ماأقدر أكل معاه:مشكور بس مالي نفس.
مع إني ميته جوع بس ماراح تأثر الليله تدرون يومين ما أكلت.
فهد :شلون يعني؟
: كل بروحك مو مشتهيه.
سكت فهد وبعدين قال:بكيفك.
وطلع من الغرفه حتى مالزم علي أو قال لي جلسي معي على الأقل..هذا يحبني ! جلست على الكرسي وأنا ملانه ماأقدر أنام قبل ما يجي الأخ وأعرف منه شنو راح يصير مرت نص ساعه ودخل فهد وأنا وقفت أول ما دخل طالعني حسيت بنظراته وأنا منزله راسي...



إن شاء الله يعجبكم البارت ويمكن أتأخر في تنزيل البارت الجاي سامحوني............... longing

موووووج

[لجلك ياصعب]

الله تـــــــــــسلم يديييينك الباااارت مرررررررررهــ روووعه

الله يـــــــــوفق قمر واتوقع انه فهد يحبها هي

عاااااافاااك ربي ولاتحرمييننا من طلتك

حــــنــــا في انتظااارك

انا عن نفسي بنتظرك على احر من الجمرررر لاني اندمجت مع الروايه وتحمست معاهم

ان شااء الله ترجعييين لنا بأسرع وقت

اختك : لجلك ياصعب

[موج الشوق]

تسلمين حبوبه
واليوم بنزل البارت ما توقعت انه بيتصلح جهازي بالسرعه ذي
و ان شاء الله يعجبكم
موووج

[موج الشوق]

والحين أخليكم مع البارت الحادي عشر......

البارت الحادي عشر
جلست على الكرسي ملانه ما أقدر أنام قبل ما يجي الأخ و أعرف منه شنو راح يصير.. مرت نصف ساعه ودخل فهد بعدين وأنا وقفت أول ما دخل طالعني حسيت بنظراته و أنا منزله راسي لف وجهه ومشى ناحية السرير وإنسدح عليه بعد ما طفى الأنوار يا فشيلتي يا ليتني نمت وما انتظرته رحت وانسدحت في الجهه الثانيه و أنا منقهره منه لأنه أحرجني على الأقل كلمني هذا ما يعرف يتعامل مع الحريم أبد إنسدحت أبغى أنام بس ما أتوقع يجيني النوم في مكان غير مكاني أنا يوم جيت هنا أول مره بالغصب تعودت أنام في غرفتي و الحين لازم أتعود على هذي الغرفه وبعد جهد جهيد غمضت عيني...

**********************

تحركت ولفيت لجهة فهد وفتحت طرف عيوني ما كان موجود فتحت عيوني هذا وين راح طالعت الساعه كانت عشر تذكرت اليوم صباحيتي وأبوي مسوي غدا للعيله قمت وأنا فرحانه أقولكم ليش كنت فرحانه لأني مره وأنا مع البنات في السوق شفت فستان أحمر انهبلت عليه كان تصميمه روعه وأصريت أخذه وقررت ألبسه يوم صباحيتي خخخخخ طلعته من الدولاب يهبل لفيته من ورى أوو صح فتحت الظهر واسعه شوي بس والله الفستان حلو علقت الفستان ودخلت الحمام أخذت لي شور طلعت من الحمام جففت شعري إستشورته و طلعت الفستان ولبسته شفت نفسي في المرايه المكياج راح يطلعه أكثر حطيت ميك آب ولبست الإكسوارات دخل فهد في هالوقت و أنا كنت أعدل الخصل اللي على وجهي لفيت بسرعه أول ما انفتح الباب وشفته ابتسمت له شكلي قاعده أجرب الابتسامه بروج الأحمر خخخخ أما فهد فطالعني للحظه ولف عيونه وهو يقول: أااا...إيه راشد وعمي ينتظروك تحت علشان يباركوا لك.
لفيت و أنا أعدل الخصل مره ثانيه وقلت: أنا خالصه إنت إذا ما خلصت........
ما كملت كلامي لأنه قال وهو يأشر علي: بتنزلي كذا.
طالعت نفسي والله إني أهبل: وإيش فيها ؟
فهد بنبره صارمه: غيري الفستان.
طالعته بإستغراب: وليه أغيره بالعكس حلو.
قال بسخريه: وفتحات التهويه اللي فيه.
يتمسخر حظرته قلت وأنا رافعه حاجب: والله أنا عاجبني وإنت مالك دخل بهالشي.
فهد: أنا زوجك غصباً عنك وبسرعه غيريه لأن راسي مصدع ومو مشتهي أتهاوش معك.
عصبت: ماني مغيرته وبطلع.
رحت للباب علشان أطلع لكنه سبقني وحط إيده على الباب وقال: ما في طلعه لين تغيرين الفستان.
قلت له و أنا أشدد على الحروف: ما تقدر تمنعني.
هز راسه وقال: ما أقدر أمنعك ها... خلاص.
شال المفتاح من الباب وطلع وقفل الباب وراه رحت بسرعه أحاول أفتح الباب بس قفله صدق سخيف حتى لو أكيد بيسألو عني والبنات بيصعدون لي رحت صليت الظهر وجلست أنتظر ماراح أغير الفستان والله حلو وطالع كنه مفصل علي ومطلعني غير .... مرت ساعه ساعتين وماحد سأل عني مستحيل الحين وقت الغدا يعني مافكر يمكن أكون جوعانه أو شي ...مرت ساعه بعد لهدرجه ما هميته حتى مارحمني سمعت خروشه بره أكيد جا بيطلعني وإستسلم وقفت وأنا فرحانه سمعت القفل على الباب ودخل فهد وأول ما شافني بالفستان قال: يعني ما غيرتي رايك.
قلت بعصبيه: يا أخي الفستان عاجبني وبكيفي ألبس اللي ألبسه.
قال وإبتسامته على جنب: شكلك تبين تظلين في الغرفه اليوم.
: مايهمني أكيد اللي تحت راح يسألون عني ويجون يطلعوني.
قال: على فكره بنسبه للي تحت إنتي مريضه و مسخنه وتحتاجين تنامين وحلفت عليهم ما يصعدون لك.
طلع وسكر الباب مكذب عليهم وأنا أقول ليه ماسألو عني لحد ألحين .... قمت وقفت يم المرايه يعني ما راح أفرح بالفستان طالعته بحزن كنت فرحانه فيه كني طفله لكن فهد موت كل الفرحه اللي فيني .. مرت فتره ماأدري كم ساعه ساعتين ماهمني بس كنت جالسه قبال المرايه وأطالع في الفستان سمعت صوت الباب دخل فهد وشافني:يعني ماراح تغيريه.
ولف بيطلع بس قلت بأستسلام :خلاص راح أغيره.
شفت إبتسامته من المرايه: خلاص أنتظرك في الصاله.
طلع وسكر الباب رحت الدولاب وطلعت فستان مثل ما يبغى فهد لبسته حلو لكن ما يعلى على الأحمر مسحت المكياج وبدأت أحط لي من جديد خلصت وطلعت من الغرفه وشفته جالس: خلصت.
وقف ومشيت للباب وهو وراي لكني منقهره ولازم أطلع اللي داخلي لفيت عليه وقلت بهدؤء:يمكن ماأحد قالك إنه يكرهك لكن صدقني مافي أحد يكرهك ........... أكثر مني.
ولفيت وأنا أكمل طريقي وطلعت وركبت المصعد دخل بعدي وضغط إنتبهت له وهو يقول من دون مايطالعني: فردي وجهك علشان يبين أنك عروس.
شفته مبين على وجهه العصبيه فحبيت أنرفزه:باين فارد وجهك.
لف علي بعصبيه: سمعي مالك دخل فيني وتسمعين الكلام وبس.
:أشوف أنا لك دخل فيني بس إنت ما يصير أقول لك شي.
رد علي بعصبيه أكثر حسيته بينفجر: إيه كل شي أقول لك عليه تسويه وأول شي لاتستفزيني لأني مابرحمك ..وكمل بصراخ: سامعه؟؟
سكتت الخوف إمتلكني حركات إيدينه وشكل وجهه خوفني إنفتح باب المصعد و طلع بسرعه لمجلس الرجال زفرت براحه أول ماطلع إتجهت لمجلس الحريم قبل ماأدخل نادتني ريم وكانت طالعه من المطبخ وقفت وجات باركت لي وقالت: أخبارك ألحين خفت الحراره.
:الحمد لله أحسن من قبل.
ريم: الحمد لله يلا خلنا ندخل.
دخلنا وقالت ريم: ألف الصلاة والسلام عليك ياحبيب الله محمد.
وقفوا أغلبهم شفت في وجهي ملاك وهي تضمني:مبروك مبروك حبيبتي.
:الله يبارك فيك وعقبالك.
ملاك وهي ترفع يدينها: إن شاء الله.
طقتها أختي نوره من ورى: إستحي يابنت.
قالت ملاك وهي تفرك إيدها: يعني حرام هذا شرع الله.
قالت نوره وهي تبارك لي:ألف مبروك... والله إذا كل وحده قالت شرع الله ماظل حياة في الدين.
قالت روان وهي إطالع ملاك:وإنتي صادقه يمه.
وجت تبارك لي عصبت ملاك: سكتي إنتي بس سكتي.
كملوا الباقي يباركوا لي وجلسنا جلسوا البنات يسالفوا على راسي وسمعت نوره تناديني: هلا.
نوره:قومي الرجال يبغوا يباركو لك.
قمت مع نوره ويوم طلعنا من مجلس الحريم وقفتني إختي نوره: قمر إيش صار معك....... ها كل شي الحمد لله.
إنحرجت من سؤالها هزيت راسي بإيه بدون ماأقول ولا كلمه فقالت نوره: أكــــــــيد؟
قلت: نوره الرجال ينتظرونا.
ضمتني نوره على جنب: الله يسعدك يا حبيبتي.
إبتسمت لها وإحنا نكمل طريقنا للمجلس الصغير راحت نوره عني ودخلت المجلس لوحدي سمعت تصفير من وراي وأنا أسكر الباب لفيت شفت راشد فاتح يدينه وهوجايني بيضمني : ألف الف الف مبروك ياأحلى خاله في الدنيا.
ضحكت عليه يوم وقف قبالي بدون ما يضمني وباس راسي: الله يبارك فيك.
قال وهو يحاكيني وحط إيده على جنب فمه: والله كنت بضمك بس خفت زوجك يزعل وهو ما بعد يشبع منك.
انحرجت وشفت عدنان يقرب منا: وش قلت للبنت شف لون وجهها.
بارك لي عدنان وباس راسي وبعدين رحت أنا لأبوي وبسته على راسه وضميته ما أدري كم ظليت وأنا ضامته وابتعدت لمن راشد قال: خلاص يا جدي مو جنب فهد من وراه شوفه شلون يطالعك.
سمعت ضحكت فهد: أنا يا الكذاب.
شفت فيصل واقف يم أبوي ضميته فقال: قمر لاتضميني ما أحب.
ابتعدت عنه وهو يعدل نفسه وقال: مبروك عليك فهد.
: الله يبارك فيك.
لفيت شفت راشد يأشر لي طالعت في شنو يأشر شفت فهد منزل راسه وهو يشرب القهوه اضطريت أروح وأجلس جنبه لأنه ما في مكان قريب غير جنبه و علشان لا يشكو إنه في شي بينا تصدقون تحسفت إني قلت له أكرهك ما أدري اعتذر له أو لا...قمر شنو تعتذرين هو اللي غلط مو أنتي ...لاماني معتذره أهو اللي يعتذر مني و أنا قلت الكلمه من قهري....ليه إنتي ما تكرهينه صدق أنا أكره فهد و لا ما أكرهه طالعت في فهد وهو يسولف محتاره أممممم يمكن ما أكرهه بس ما أحبه لا أنا أكرهه مو أهو غلط علي كم مره....
قطع تفكيري راشد وهو يناديني: قمور وين وصلتي ؟
طالعته: خير.
راشد: لا بس أقول إنك مو معنا وين وصلتي......لا يكون مع فهد.
تضايقت وقمت: عن إذنكم.
لفيت بمشي بس نادني أبوي: قمر.
طالعته: هلا يبه.
أبوي: فيك شي ؟
طالعت فهد اللي كان يطالع في فنجانه ويدوره بيده ابتسمت لأبوي وقلت: لا ما فيني شي بروح أجلس مع البنات.
كانت عيوني على فهد و أول ما قلت ما فيني شي شرب القهوه الباقيه في فنجانه مشيت و طلعت أكيد راح يخاف إني أقول لأبوي علشان يطلقني منه بس ليه خايف أصلاً ما سوى لي شي علشان أطلب الطلاق منه رن جوالي رفعته شفت فطوم رديت عليها: هلا فطوم.
سمعت صياحها وهي تقول : قمر لحقي علي.
قلت بخوف: فطوم شفيك...شصاير...؟
فاطمه بصياح: طلقني طلقني ياقمر.
حطيت إيدي على صدري و أنا أتسند على الجدار: طلقك ؟
فاطمه: حسن الحقير النذل السافل.
قلت و أنا الدموع متجمعه في عيوني: شلون ؟؟
سمعت تسكير الخط إستغربت و إتصلت عليها بس ما كو رد اتصلت و اتصلت ونفس الشي خفت عليها لا يكون تسوي في نفسها شي اتصلت على بيتهم و سمعت صوت ناديه: ألو.
: ألو هلا ناديه وين فاطمه.
ناديه: في غرفتها مع أمي طلعت روحها من الصياح تصوري حسن جا بنفسه و رمى عليها ورقة الطلاق .
: ناديه جلسي معها ولا تخلينها.
ناديه: إن شاء الله.
سكرت منها الله يعينك يا فطوم ياريت أقدر أروح لك صدق طلع قليل أصل حتى ما حط حساب أنها بنت عمته وها لشي بيأثر على علاقة أبوه بعمته آآآآه ه ه الله يصبر قلب فطوم الحمد الله خالتي أم فارس معها أروح أجلس مع البنات .......
قمت و أنا راجعه شفت ضحى تنزل من فوق إستغربت ليه صاعده فوق طالعتني بتكبر ومشت ما أهتميت ورحت المجلس ... مر الوقت وصارت الساعه تسع وحان وقت سفرة أم ناصر طالعتني أم ناصر: حبيبتي قومي نادي فهد خلني أسلم عليه.
قمت ورحت الصاله إيش أسوي ناديت الخدامه خليتها تشوف مجلس الرجال إذا فهد فيه رجعت الخدامه وقالت لي إنه مو موجود في المجلس وين راح صعدت الغرفه وأنا داخله شفته وهو بيطلع: فهد؟؟؟؟
طالعني: خالتي أم ناصر تقولك إنزل راح يمشون.
هز راسه: إوكي.
وطلع غريبه حسيته يفكر بشي توني بطلع لكن شفت على الطاوله ورقه شدني الفضول ورحت فتحتها وما جذبني غير التوقيع اللي في آخر الورقه (حبيبتك ضحى) جلست على الكرسي منصدمه بدأت أقرا اللي في الورقه إنفجعت من الكلام المكتوب في الورقه حتى الزوجه ماتكتبه لزوجها عورني قلبي يعني هالبنت بايعه نفسها وفهد عاطنها وجه زياده... ماأدري كم أخذ لي وأنا جالسه وقفت بطلع إلا بدخلة فهد طالعني وشاف الورقه بيدي: قريتي الورقه؟
قلت بقهر: شرايك يعني.
حط إيده على عيونه وجلس على السرير وقال: خلاص قمر سكري الموضوع.
قلت وأنا صوتي منكتم: ما توقعت توصل لهدرجه هاذي مو متربيه بنت ال................
قطع فهد كلامي: قمر خلاص ما أسمح لك تغلطي عليها هذي بنت عمتي وإذا هي غلطت أنا لازم أصلح غلطها وما أفضحها وأنا ما بغيتك تعرفي بس.
لفيت وجهي على النافذه وأنا معصبه يدافع عنها بعد الكلام اللي كتبته ودي بس لو آووووف سمعت خطواته وإنتبهت له من طرف عيني وقف جنبي وقال بهدوء وبهمس غريب: قمر؟؟
حسيت دقات قلبي بتوقف ..لفني قباله وقال: قمر أنا أسف....... ................... أسف على اللي صار اليوم.
تفاجأت ألحين أنا الغلطانه أو هو ماأدري بس اللي أعرفه إني أفرح إذا إعتذر لي أحد أحس أني مهمه له وأنا عجبني موقفه مع بنت عمته صحيح ضايقني بس عرفت أن فهد يفكر قبل ما يسوي شي,
فهد: قمر؟؟؟
:هــــا.
ضحك على ردي وقال: ما فيك نوم........... شرايك ننام علشان السفر بكره.
تذكرت البنات تحت: لكن أهلي تحت ما طلعوا.
مشى فهد وقال وهو يفتح دولابه: بكيفك بس أنا بنام.
طلع بجامه وقرب مني: لا تطولين علشان بكره سفرتنا العصر إوكي.
هزيت راسي بإيه ومسح على شعر وباس راسي: تصبحين على خير.
طلعت من الغرفه فهد يعاملني مثل ما طلبت منه أخت وبس يلا أخت ولا عدوه.
********************
جلست من النوم وشفت فهد يمشط شعره طالعني وقال: صباح الخير.
:صباح النور.
قمت بروح الحمام وإنتو بالكرامه لكن رن جوالي أخذته كانت ملاك رديت عليها: ألو.
ملاك: ألو صباح الخير يا عروس.
: والله إنك فاضيه أحد يتصل هالوقت.
ملاك: أقول يلا نزلي أنا وجنى في غرفتك القديمه وماراح نتركك إلا وقت السفر ولا تقولي أحد يزور أحد هالوقت بيتنا وما لك دخل.
وسكرت في وجهي ضحكت عليها قال فهد وهو يرش عطر: مين متصل........... إذا يعني ما تسميه تدخل.
لهدرجه أنا أتحسس من كل شي حتى فهد يأخذ حذره معي قلت علشان أكسر الحواجز: لاهذي ملاك والله هالبنت تحفه تصدق تمنيت راشد يأخذها.
فهد وهو يلف علي: يمكن هو يشوفها غير.
:إيه هو قال إنها مثل أخته.
فهد و هو يقرب مني شوي: خلاص و.....أفضل إنك ما تتدخلين في ها لأشياء هذي حياته و بكيفه.
هزيت راسي لكن: أوووه.
تذكرت فطوم ما كلمتها...
فهد: شفيك ؟
قلت بسرعه: لا و لا شي.
و رحت الحمام و دخلت و سكرت الباب راح أكلمها قبل ما نسافر الظهر أو العصر لازم أعرف ليه حسن طلقها تروشت وطلعت و ما كان فهد في الغرفه لبست و صليت ونزلت الدور الثاني شفت ملاك في غرفتي تأشر لي ضحكت عليها دخلت الغرفه....
قالت ملاك: حشـــى من متى أنا متصله عليكِ و توك نازله.
تجاهلتها و لفيت على جنى: غريبه جنوو أمك خلتك تجين.
ملاك: هذا بعد ما اتصلت خالتي نوره وترجي الله لا يراويك.
: أففف حتى ما تخلين البنت تتكلم أنا سألتك أو سألتها.
ملاك: أنا محاميتها أرد عليها في كل شي.
جنى: ما بغيت أمشي حافيه في الشارع و لا أخليك محاميه لي.
: المهم أخبار روان أمس ما جلست معها.
جنى: و لا أنا.
طالعنا ملاك: حتى أنا لا أطالعوني.
أخذت الجوال و أنا أقول لها: أصلاً إنتي لك فايده.
ملاك: ما راح أرد عليك.
اتصلت على روان : ألو هلا.
روان بهدوء: هلا فيك.
: أخبارك و أخبار زوجك.
روان: الحمد الله.
: يعني ما صار زين و لا ما أتغير.
ملاك بتريقه: لا موبايلي.
خزيتها وسمعت روان: على حطة إيدك بس ساره زوجته دخلت المستشفى وهو معها.
: و أنتي لا يكون بالبيت لحالك.
روان: لا هالمره رحمني وحطني بيت أهله على الأقل أحس إني عايشه مع أحد.
: أشوه أنهم يحبونك.
روان: شا لفايده يا قمر إذا ما صار هو يستلطفني بس أصبر إيش أسوي.
: إنزين ما تقدرين تجين ملاك و جنى عندي.
روان: لا ما أقدر عمتي مسويه عزيمه لصديقاتها و تبيني أكون موجوده.
: أوكى خلاص أخليك.
روان: باي و سلمي لي على البنات.
: إن شاء الله باي.
جنى: أخبارها.
: على حطت إيدك.
ملاك: و إنتي متجهزه للسفره.
: مو مشتهيه صراحه ما أبغى أروح مكان.
فتحت ملاك عيونها: لا يكون قلتي لفهد.
: أكيد ما قلت له.
جلسنا نسولف و بعد فتره جت أختي نوره نزلنا و جلسنا معها مر الوقت بسرعه ما حسينا فيه وجا وقت السفر وقفت أسلم عليهم.....
نوره: مع السلامه قمر انتبهي لنفسك و لفهد.
جنى: مع السلامه قمر في حفظ الله.
ملاك: مع السلامه قمري راح أشتاق لك.
سلمت على الكل و أنا ما أبي أسافر طلعت شفت عدنان و راشد و فيصل و أبوي واقفين جنب السياره سلمت عليهم و سلمت على فصولي حبيبي راح اشتاق له ركبت السياره و تحرك راشد و دقيت على فاطمه بس ما في رد...
سألتهم : وين راح نسافر؟
راشد: ليــه فهد ما قال لك ؟
فهد و هو يطالع راشد: ليه يعني من كثر ما أجلس معها.
راشد : يعني بتقنعني إنك جالس معها خطوبه شهر و ما جلستو مع بعض.
فهد وهو يطالع الشارع: هذا هي وراك إسألها كم مره جلسنا مع بعض.
قلت لهم: خلاص ما صار سؤال سألته.
فهد : ليه ما تبين يدري عن فضايحك في الخطوبه.
شهقت: أنـــــا ؟
فهد بتريقه : لا أنا.
لفيت على النافذه و أنا معصبه هذا على كيفه يألف متى قعدنا مع بعض علشان يصير عندي فضايح....
........: باريس.
لفيت على فهد اللي قالها و كمل : راح نروح باريس.
ابتسمت من ورى الغطى تصدقون إن فهد ما يقدر على زعلي و عصبيتي يعني بس يعرف إني متنرفزه يحاول يصلح غلطه حتى لو هو مو غلطان يوم قال لي باريس حسيته يقول لي أنا أسف بس أمزح.......
وصلنا المطار و نزلنا راح فهد يكمل الإجراءات و جلست أنا و راشد الإ رن جوالي كانت فطوم نسيت أتصل عليها رديت عليها: هلا و الله زين دقيتي.
فاطمه: هلا أخبارك؟
: الحمد الله إنتِ أخبارك ؟ أحسن ؟
فاطمه: الحمد الله.
: عرفتي السبب؟
فاطمه: لا بس ما يهمني اللي ما يبيني ما أبيه.
: إيه خليك كذا و راح تلقي أحسن منه.
فاطمه: أوكى أقول صوت إزعاج جنبك.
: إيه أنا في المطار.
فاطمه: راح تسافرين.
: إيه.
فاطمه: أوكى أخليك توصلين بالسلامه.
: الله يسلمك باي.
فاطمه: باي.
سكرت منها و راشد يطالعني قلت له: إيه هذي فاطمه.
راشد: شفيها ؟
: تطلقت.
فتح راشد عيونه: إشلون؟
: طلقها فجأه بدون سبب مسكينه ما تستاهل اللي جاها.
سكتت أنتظرراشد يتكلم لكنه ما نطق وبولا كلمه طالعته كان سرحان حطيت إيدي على كتفه: راشد.
لف علي راشد: هلا.
: شفيك؟
راشد: ما فيني شي إنتِ شفيكِ.

**********************

إنتظر ردودكم مع أطيب تحيات longing

مووووج

[jonoon]

يعطيك العافيه

[شمعة الدار]

تسلم اياديك يالغلا

بارت رهيب حزنتني فطوم متستاهل الله يكون بعونها يارب

فهد خطيييير مسخنة من اول يوم وهي صاحبة الشرف خخخخخ اما موقف


قمر يعني الاخت مصممة على الفستان الاحمر بخاطري اشوفه من جد


ربي يوفقك ويسهل عليك امورك


قوووووووووووووووووو هييييييييييييييد

[لجلك ياصعب]

الــــــــــــباااااارت مرررهـ حلو بس تمنييت انه اطول من كذا

لاا تــــــطولييين علييينا

[موج الشوق]

تسلموووون لردودكم الحلوه
و اتركم مع البارت
موووج

[موج الشوق]

Longing تخليكم مع البارت الثاني عشر..............

سكتت أنتظرراشد يتكلم لكنه ما نطق وبولا كلمه طالعته كان سرحان حطيت إيدي على كتفه: راشد.
لف علي راشد: هلا.
: شفيك؟
راشد: ما فيني شي إنتِ شفيكِ.
توني برد عليه إلا بجيت فهد: يلا قمر بنمشي.
وقفت أنا و راشد وسلمت عليه و راح سلم على فهد.. راشد: ما وصيك على قمر يا فهد.
فهد : آفا يا راشد توصيني عليها وصها هي علي.
راشد: راح أشتاق لكم لاتتأخرون إذا تأخرتوا أول طياره أنا جايكم.
سلموا على بعض سلام حار علاقتهم قويه الله يخليهم لبعض
فهد: يلا مع السلامه.
راشد : في إمان الكريم.
مشينا أنا و فهد للبوابه ودخلنا الطائره كان كرسيي جنب النافذه و بعدين جنبي بنت و في الكرسي القريب منا فهد جلسنا و أقلعت الطائره ......
متملله ما أحد يتكلم معاي خلني أجرب أتكلم مع اللي جنبي
: عفواً أختي.
البنت: نعم.
: أنتي مع من جايه؟
البنت بغرور: مع أخوي و أنتي؟
: أنا مع زوجي.
البنت : والله وينه؟
أشرت عليه....
البنت: الله يهبل زوجك.
: مشكورة.
شفتها ظلت إطالع فيه بإعجاب كل مني فهد كان يقرأ مجله و ذيك البنت ما تستحي إطالع فيه إنزين ما تخاف يشوفها أخوها
: صحيح ما قلتي لي وين أخوك؟
أشرت على مقعد شفته شكله واحد عادي كرهت أني كلمتها يعني لازم ألقى أحد يكلمني غمضت عيوني و أنا مقتاضة بعد فتره جلست شفت البنت قامت وين راحت وشفت فهد نايم و مبين عليه التعب بعد فتره شفت بنت تتمايع بمشيتها لابسه جينز و قميص علاق ضبط على جسمها وشعرها المفتوح صدق قلة أدب جات جلست جنبي لا يكون هذي الي جنبي صدق ما تستحي و شفتها بعدها عيونها على فهد يارب خلصني من هالهم شفت فهد قام وطالع فيني و أشر لي قمت ورحت معاه قريب من الحمامات
فهد: جبت لك ملابس ساتره و شتويه خذي لبسيها و إفصخي العباه
: لا لا مستحيل ما راح أفسخ عباتي.
فهد: لعلمك حتى أنا مو راضي بس احنا رايحين بلاد كافره و إذا شافوا لبسك راح يصعبون المسأله.
: بس يا فهد.
فهد: قمر شنو قلت.
كلامه صحيح بس أنا ما أحب أحد يطالع فيني بس شنو أسوي بدلت وطلعت من الحمام و الانظار كلها علي ياربي أستحي مشيت و أنا منزله راسي وصلت و جلست شفت البنت تناظرني بأشمئزاز المفروض أنا اللي اطالعها هالنظره مو هي اعلنوا عن وصول الرحله نزلت أنا و فهد وكانت البنت تناظرنا من بعيد بقهر
طلعنا من المطار و ارتحت ركبنا تاكسي ووصلنا الفندق صعدنا المصعد إلى جناحنا فتح فهد الباب و دخلت و هو يحاسب الموظف دخلت شفت جناح كبير دخل فهد غرفه وطلع ودخل غرفه ثانيه وطلع ....
فهد: أنا لي هذي الغرفه و إنتي الغرفه الثانيه.
: ليه طيب.
مارد علي دخلت الغرفه اللي أختارها لي حلوه ما فيها شي ليه ما يبغاها و طلعت و دخلت الغرفه اللي أختارها كان ديكورها كلاسيكي إستنتجت إن فهد يحب الديكور الكلاسيك دخل فهد غرفته ودخل الحمام يأخذ شاور و قال قبل ما يدخل
فهد: طلعي لي ملابس.
ودخل و لاخلاني أجاوبه رحت فتحت الشناط طلعت له بجامه خفيفه و بعدين أخذت شناطي الغرفه الثانيه و فتحتها و رتبتها في الدولاب شفت شنطه صغيره و قالوا لي هذولي الملابس اللي شراهم فهد لي فتحت الشنطه شفت ملابس حق الطلعه ساتره أخذت بجامه رماديه و دخلت الحمام أتحمم
طلعت من الحمام مشطت شعري و رفعته با همال و طلعت بره الغرفه شفت فهد في الصاله رحت و جلست في كنبه جنبه
فهد: تبين عشا ؟
هذا يسأل أكيد جوعانه تونا جايين من السفر: عادي.
أخذ فهد التلفون وطلب لنا
ملل ملل إيش هذا ياربي سولف قول إي شي مو تفتح عيونك قدام التلفزيون تذكرت فطوم ياربي مسكينه ايش سوى فيها هالدب غبي ليه طلقها الحين إيش راح تسوي أبد ما عنده إحساس آ آ آه أكيد ألحين ذابحه روحها من الصياح انتبهت لصوت ..
فهد بصوت عالي شوي : قــــــــمـــــــر.
: هــــا.
فهد: هههه في شنو سرحانه.
ابتسمت أنا إذا شفت أحد فيه غمزه وضحك أبتسم لا شعوري مني كنت أقول لفطوم إني أبي عيالي فيهم غمزات ما توقعت زوجي بيصير عنده و سرحت في وجهه فهد شخص غامض وأتوقع إنه حاط حدود للكل .
فهد: قمر.
: همممممم.
شفته ابتسم في وجهي نزلت راسي بسرعه إيش كنت اسوي عادي هو زوجي و اسرح فيه متى ما بقيت لا لا نسيتي هو أخوك طيب هو وسيم و يخلي الواحد غصب يتأمل فيه سمعت رن الجرس و قال فهد: أكيد العشا و صل.
قام و فتح الباب و دخل الاكل قمت ساعدته فحطيناه على الطاوله و جلسنا نتعشى سألني فهد و حنا نأكل : إيش رايك بالاكل.
: حلو اصلاً أنا أفضل أكل البيت على المطاعم.
فهد: خلاص بعد ما نرجع راح أشتري لك عزبه وتبدين تطبخين في جناحنا.....إنتي تعرفي تطبخي ؟
تذكرت أمي و ابتسمت بحزن: لما كنا في بيت خالتي كنت إساعد أمي بس مو لدرجه إني أطبخ لوحدي.
فهد: كان زوج خالتك عايش معكم؟
: ايوه أصلاً أنا أعتبره مثل أبوي.
فهد: طيب أنا ما شفته في زواجنا إنتي ما عزمتيه.
تذكرت خالتي و حسيت بدموعي تتجمع في عيوني: الحمد الله.
قمت بسرعه و رحت للغرفه سمعت صوته يناديني : قمر قمر.
سكرت الباب و رميت روحي على السرير و بدأت بنوبه بكاء.....حسيت بفهد وهو يدخل الغرفه سألني : قمر إيش فيك؟
مسحت دموعي بسرعه وأنا أقول: ما في شي بس إشتقت لهم .
قرب وجلس قبالي وطالعني وأنا منزله راسي رفع راسي بإيده وقال:ما تقدرين تكذبي على أحد يا قمر الحزن باين في عيونك وأنا مقدر إنك ما تبي تقولي لي بس.... متى ما فكرتي تقولي لأحد أنا موجود.
كمل وهو يوقف :الحين أخليك ترتاحين أكيد تعبانه من السفر أوكى.
هزيت راسي بإيه قرب مني وباس راسي : تصبحين على خير.
وطلع...... حنون يا ناس وربي حنون وقفت يم النافذه الحزن اللي في عيوني شافه فهد لكن الحزن اللي في عيونه ما أحد شافه شلون يقدر يخفي ماأدري.
*****************
جلست من النوم آآآآه راسي حيل يعورني قمت بتثاقل دخلت الحمام شفت وجهي في المرايه شكله تعب السفر طلع علي الحين..
توضيت و صليت دخلت الحمام مره ثانيه اتحمم وطلعت ولبست لي جينز وبلوزه صفره ومشطت شعري و خليته مفلول على طبيعته الغجريه و حطيت لي بنسه صفره وتعطرت و طلعت وشفت فهد جالس ابتسم لي : صباح الخير كيفك ألحين؟
: صباح النور الحمد الله........فهد إبغى بندول.
فهد: أول فطري بعدين أعطيك.
: مو مشتهيه.
فهد: ما راح أعطيك إلا لمن تفطري.
رحت وجلست اقباله وكلت نص ساندويش شربت شوي من الكوفي و قلت: ألحين وين البندول؟
فهد: في غرفتي في الدرج الثاني من الكومدينه.
رحت و أخذت حبتين و رجعت أخذت الكوفي بلعت الحبتين و وراهم الكوفي وقلت: شكراً.
فهد: العفو ما سويت شي.
قام غسل و رجع فتح التلفزيون وجلس جلست في كنبه قريبه منه فجأه قال: قمر إيش رايك نطلع؟
فرحت حيل : صدق!
فهد: إيه يلا قومي اتجهزي على ما أتجهز أنا بعد.
ابتسمت بفرح : طيب.
قمت و لبست تنوره جينز لين الركبه وبوت أحمر لين الركبه بعد علشان يغطي رجولي لبست بلوزه حمره وفوقها جاكيت جلد لونه أسود ولبست حجاب أبيض و فوقه شيله حمره مزخرفه و أخذت شنطتي و ما حطيت شي في وجهي لاني راح أطلع طلعت شفته بجينز أسود مع بلوزه رصاصيه و جاكيت مقلم بالاسود و الرصاصي و ماسك موبايله بيده ولابس كاب : ييي صح نسيت أجيب كاميرا .
فهد: أنا جبت وحده روحي جيبيها .
رحت بسرعه أخذت الكاميرا و رجعت له و طلعنا ..مد يده علشان أمسكها ترددت في البدايه لكن بعدين مسكتها وبدينا نمشي وبدأ يسولف لي عن سفراته و سفرته للدراسه في بريطانيا كنت فرحانه بسوالفه لي مدري ليه ؟ سألني: أنتِ مره سافرتي ؟
هزيت راسي بلا: ولا مره سافرت .
سكتنا بعدين قال: إيش رايك أوديك حديقه قريبه من هنا تجنن.
تحمست و قلت: يلا.
مشينا شوي بعدين دخلنا حديقه روعه فيها ورد وبألوان كثيره كان نفسي أخذ من كل لون ورده قطع فهد ورده بيضاء وقدمها لي: اللون الأبيض لون الصفاء وأنا أحسك صافيه من داخلك وهذا شي حلو يعني هذي الورده تشبهك بصفائها وجمالها.
ابتسمت بخجل و شميتها بسعاده و أنا أحس إني طايره هذي أول مره يمدحني فيها فهد وهذا شي أعتز فيه صرت أحب كل شي يسويه فهد هو طيب حيل لفيت وجهي و شفت عربة آيس كريم الله من زمان ما كلته ترددت ولا مره طلبت فهد: فهد .........ممكن إمممممم .
أشرت على الآيس كريم من دون ما تكلم رد علي: بس الجو بارد راح تمرضين .
: أصلاً الآيس كريم أحلى في الشتاء( وكملت وأنا أطالعه بترجي طفولي) الله يخليك فهد..بليز بليز بليز.
ضحك علي : طيب.
استانست و رحنا جنب العربه وشرى لي واحد بالشوكلاته وهو بالفنيلا و الشوكلاته و عطاني حقي وقلت لهً: thanks.
ابتسم لي و رجعنا نتمشى و نسولف سوالف عاديه..
صار وقت الظهر رجعنا الفندق و صلينا و طلعنا مره ثانيه نتغدى بره و وداني مطعم رايق حيل جلسنا على طاوله و إخترنا راح الويتر و ظلينا ساكتين بعدين قال: إيش رايك بالطلعه؟
: تجنن شكراً فهد.
ابتسم لي: لا عادي و إذا قلت لك إن كل يوم راح نطلع مثل هالطلعه .
رديت بفرح باين علي: صدق؟
فهد: إيه احنا ليه جايين .
: يااه ما تدري قد إيش أحب التمشيه و اكتشف كل شي أكون فيه.
فهد: يعني ألحين تبغين تعرفين كل شي بباريس؟
ضحكت : لا مو كل شي المهمه بس.
وصل الويتر وحط الأكل و بدأنا نأكل وكان الأكل حده لذيذ
:أكلهم حده حلو والمكان بعد مره رايق يا ليت نجي كل يوم هنا.
ابتسم لي فهد:لا إذا على المكان راح تشوفي أماكن أحلى ومطاعم أحلى وما أظن إنك تملين أبد.
:صديقاتي اللي جو باريس كانو دايما يمدحونها بس ما توقعتها حلوه كذا الحين أقول إنهم كانو صادقين بكلامهم.
فهد:هذا وإنتي ما شفتي شي توك أول يوم.
:بكيفك إذا رويتني شي أحلى يمكن أقرر أسكن هنا.
فهد:عادي أخليك هنا وأرجع.
قلت بحماس: أصلا إنت ما تقدر.....
حطيت إيدي على فمي أنا شقلت طالعني فهد وغطيت وجهي بيديني سمعت صوته:قمر شيلي يدينك وطالعيني .
شلت يديني وأنا منزله راسي فهد بإصرار:قمر طالعيني .
رفعت راسي وطالعته قال بهدوء :تتوقعين إني راح أفتقدك؟
حسيت بحراره في جسمي وإني مهدده بصياح هزيت راسي بلا وقلت :آسفه شكلي إنفعلت شوي و....
قطع فهد كلامي لمن وقف :قومي خلنا نطلع.
قمت شكل فهد إنتبه لصوتي اللي تغير طلعنا مشينا شوي وإحنا ساكتين قال لي فهد علشان يقطع التوتر اللي صار بينا : طيب ألحين وين ودك تروحين ؟
:عادي أي مكان.
مسك إيدي وهو يقول : شرايك ببرج إيفل.
قلت بهدوء: أنا دايم أسمع و أشوف في التلفزيون برج إيفل وأكيد ودي أشوفه على الطبيعه .
رد علي: طيب.
حسيت فهد سكر الكلام لأنه إنتبه لهدوئي أنا غبيه كان صرت عاديه الموضوع إنتهى وخلاص قررت أغير تعاملي إذا وصلنا البرج ركبنا التاكسي و ودانا إلى هناك نزلنا كان الجو جداً بارد و إستانست كثير وبدأت أصور كل شي قال فهد: خلاص راح يخلص الفلم .
:بس شوي والله المكان حلو.
لفيت عليه: فهد خلنا نصعد.
فهد: ما تخافين؟
: بالعكس أنا أحب الاماكن المرتفعه .
قال: أول مره أشوف بنت تحب المرتفعات دايم يقولون البنات رقيقات و يخافون من الاماكن المرتفعه .
: بالعكس تحس أنك تحلق في الجو.
ضحك على تعليقي و بدأنا نصعد وكل ما صعدنا أكثر صرت أخاف وقلت: خلاص خلنا نرجع.
حس بخوفي وقال: يلا.
نزلنا و قلت له: يلا خلني أصورك.
فهد: لا أنا ما أحب الصور.
: يلا عاد خلها للذكرى.
وقف وبديت أصوره وبعدين صورني وخلينا واحد يصورنا مع بعض......
رجعنا الفندق وكنت منهلكه حدي دخلت غرفتي و تروشت وصليت و بعدين طلعت أشرب ماي و شفت فهد سألني : تبغين عشاء؟
: لا راح أروح أنام .
فهد: و أنا بعد يلا تصبحين على خير.
: و أنت من أهله.
رحت شربت ماي و رجعت غرفتي و تذكرت اليوم كله كان جداً رائع ونمت و أنا أسبح بعالم أفكاري.....
*************
جلست الصبح وكنت حيل نشيطه رحت الحمام وأنتوا بكرامة وتروشت طلعت لبست جينز برموده وبلوزه pink أستشورت شعري ورفعته بشباصهpink بعد وكحل ومرطب بلون الزهر ولبست صندل كعب(و أنتوا بكرامه) أبيض وفيه ربطه ورديه من قدام وطلعت ما شفت فهد بس سمعت خربشه في المطبخ الصغير رحت شفت فهد لابس المريله ويطبخ ضحكت عليه بصوت عالي ولف علي وقلت له:فهد.
فهد:همممممممم.
ابتسمت وقلت :إيش تسوي؟
رد:أبد كان لي نفس آكل أكل بيت فقررت أطبخ....إيش رايك تساعديني.
: إذا تبغى المكان يحترق عادي .
فهد: لا أجل طالعي بس.
:طيب.
وظليت أناظره بعدين قلت:تصدق فهد يبغالك صوره.
ورحت جبت الكاميرا ورجعت وبدأت أصوره وهو أول ما شافني أصور عصب وأنا أضحك عليه:قمر إذا ما وقفتي تصوير بخليك تندمين إنك دخلتي المطبخ.
نزلت الكاميرا:لا لا خلاص ماني مصوره ...... شلون تعلمت الطبخ؟
فهد وهو يقلب في الأكل:تدرين عشت كم سنه في بريطانيا وكان لازم أتعلم الطبخ يعني الأشياء السهله بس.
رفع لي الملعقه: ذوقي.
طالعتها:إيش هذا؟
فهد :صديقي كان لبناني وعلمني على هلأكله نسيت إسمها بس طعمها حلو ما راح تندمي.
ذقتها:إممم حلو يعني ينوكل.
فهد وهو يحط الأكل: إذا ما تبين بكيفك
:شسوي بعد أمري لله مافي غيره وأنا جوعانه.
طالعني فهد وقال :هذا وأنتي ما تعرفي تطبخي أجل لو تعرفي كان شسويتي.
ضحكت:إحمد ربك إني ما أعرف.
جلسنا على الطاوله:ما في بنت ما تبي تطبخ ولو شي بسيط.
قلت بفخر:ياكثر خدامات بابا الله يخليه لي.
هز فهد راسه بقلت حيله وأنا مبتسمه له قام وقال :وين تبي تروحي اليوم؟
:أبغى رقم علشان أتصل.
نزل راسه لمستواي:قمر إنتي فهمتي سؤالي؟
:بس أنا عندي شغله ولازم أخلصها.حطيت إيديني بترجي :بليز بليز بليز بليز بليز بليز.
حط إيده على ذقنه وهو يفكر:إممم بشرط
قلت بحماس:موافقه.
ضحك علي :إنتي عرفي الشرط بالأول.
:شنو؟
أشر على المطبخ:تغسلين الصحون وتنظفين المطبخ عدل.
قلت بزعل:ما أبغى .
راح وجلس قدام التلفزيون :هذا شرطي تنظفين من جهه تستلمين الرقم .
دخلت المطبخ وأنا متملله لازم أكلم فاطمه وأسأل عنها وروان غير البنات وأختي نوره أفففف لا والأخ قالب الدنيا فوق تحت غسلت أول صحنين وبس ما أحب أنا ماكنت حابه أخسره بس شكله حاب الخساره أكلمهم من جوالي وبكيفه رحت غرفتي وأنا أمشي بهدوء علشان ما يسمع سكرت الباب وأخذت جوالي وإتصلت على فاطمه ردت:ألو هلا فاطمه.
فاطمه:هلا فيك أخبارك وأخبار السفر؟
:تمام وإنتو أخباركم؟
فاطمه: الحمد لله.
:إيش صار معك ؟
فاطمه :ولا شي يقولون إنه كان ما يبغاني بس أخذني عناد ولما إكتشف غلطته طلقني.
حزنت على فطوم:ما عليه راح تلاقين اللي أحسن منه
فاطمه: وين ياقمر ومين يبي مطلقه.
تذكرت راشد فهاللحظه: موجود موجود يا فاطمه بس إنتي صبري.
:قمر ...قمر.
ويه فهد يناديني قلت بسرعه لفطوم: أوكى فطوم أخليك باي باي.
وسكرت قبل ما أسمع كلمه منها وفي نفس الوقت دخل فهد شاف التلفون بيدي:إتصلتي!
إبتسمت له وأنا خايفه من ردت فعله فتح الباب كله وأشر لي علشان أطلع طلعت وجلست في الصاله وجلس قبالي: شرايك بلي سويتيه؟
قررت أستخدم الدفاع:أنا قلت لك إني محتاجه ضروري وأنا أكره أسوي شي في البيت .
فهد:بس أتوقع إنك تجين تقولي لي وأنا ما بغصبك على شي.
:إذا ما تبغى تشتري لي أنا أشتري لنفسي بس لا تقولي طبخي أو نظفي ما أعرف وما أحب.
قال لي بهدوء:إنتي مره متزوجه ولازم تتعلمي هالأشياء.
:أنا مو متزوجه.
فتحت عيوني على اللي قلته أنا شسويت لو أقدر أقص لساني كان قصيته أما فهد طالعني متفاجأ من كلامي وقف من دون ما يقول ولا كلمه ودخل غرفته ثانيه وطلع وفي إيده جاكيت وطلع و ضرب الباب بقوه وراه يا ربي مهما كان في النهايه هو زوجي ومن زواجنا وهو يعاملني بطيبه .
انطق الباب ورحت سألت:مين.
: your husband send me for clean.(أرسلني زوجك للتنظيف).
فتحت الباب ودخلتها على المطبخ خلصت وطلعت وقعدت لحالي أنتظر فهد لين صار الليل خفت الحين الساعه 8 ولا جا لايكون صار له شي بدإت أدور في الصاله والشيطان يلعب علي ما بقى شي شين ما فكرت فيه أول ماسمعت صوت المفتاح في الباب رحت جنب الباب دخل فهد وبيده أكياس قلت :وين كنت؟
ضحك علي:الناس يقولو قوه مساء الخير مو وين كنت.
نزلو دموعي بسرعه طقيته على كتفه : من الصبح لحد الحين يعني ما تسأل عني يمكن صار فيني شي وأنا لحالي هنا.
قرب مني :قمر.......
ابتعدت :لا تقرب مني.
رحت وجلست على الكنبه وأنا أصيح وهو واقف مكانه ما تحرك حاولت أهدي في نفسي مسحت دموعي
فهد:هديتي الحين جبت عشا وجبت لك بعد رقم مد لي البطاقه قمت وأخذتها وأنا بعدي مبوزه ولفيت بروح غرفتي فقال: ما تبين عشا؟
: ماأبغى مو جوعانه .
دخلت غرفتي وبس سكرت الباب نزلو دموعي بصمت خفت لا يكون صار فيه شي وأنا لحالي هنا يعني حتى ما فكر يتصل قررت أنام أحسن لي
***********************
مر إسبوع عادي يعني نطلع إذا بغينا وفهد تجاهل ذاك اليوم أما اليوم فهد قال لي بيوديني مكان نتغدى فيه يقول إنه حلو ..
طلعنا و رحنا المطعم كان تصميمه جداً روعه طلبنا الغدا وراح الويتر......انتبهنا لشخصين جالسين يتهاوشون بلغتهم قمت أضحك على نفسي لاني ما فهمت شي..
فهد: إيش فيك تضحكين ضحكيني معك.
: لا بس أضحك عليهم هم يتهاوشون و أنا مو فاهمه شي.
فهد: هذا هم الغرب دايم يتقربون من بعض وإذا مل الرجال منها يتركها ..أشوى إن أحنا مو مثلهم..كان على الدنيا السلام.....
ما كمل كلامه لان تلفوني رن كانت ملاك رديت: ألو هلا ملاك....أخبارك.......أنا تمام و أخبار الأهل.......هههههه صدق إنك هبله......شنو؟........صدق ...مشكورة حبيبتي ....ماني مصدقه......أشوى إني مو جنبك.....ههه يلا باي......
سكرت عنها وسألني فهد: شنو صاير؟
: تصدق فهد وأخيراً قبلوني بالكلية .
فهد: حــلو أي تخصص؟
: طــــب.
فهد :إيش طب!!!!!!!!!
: إيه إيش فيها.
فهد:ليه اخترتي طب بالذات؟
: طموحي أني أكون دكتورة.
فهد:يا حبذا أنك تغيريين التخصص.
:ليـــه؟؟؟
**************************
تحياتي longing...
مووووج

[لجلك ياصعب]

الله مااااشاااء الله عليييييييييييييك البااارت مرررررهــ روووعه

انــــاا بإنـــــــــتــــــــظــــــــــــارك

[شمعة الدار]

حلو البات ورائع


تسلم اياديك يالغلا



الى الامام سيري


قوووووووووهييييييييييييد

[موج الشوق]

تسلموووون لردودكم الحلو
وراح انزل البارت الجاي
موووج

[موج الشوق]

البـــــــــــــــــــارت الثالث عشر..........

فهد:ليه اخترتي طب بالذات؟
: طموحي أني أكون دكتورة.
فهد:لو تقدري تغيريين التخصص.
:شنو؟؟؟
فهد:مدري شنو أقولك بس أفضل أنك ماتدخلين.
: ههه أكيد تمزح لأن هذا مستقبلي وطموحي.
تنهد وطالعني وقال: صارت حادثه في المستشفى اللي أشتغل فيه لدكتوره عندنا وأنا خايف عليك.
:شنو صار؟؟
سرح وما تكلم هذا حلم حياتي ناديته علشان ينتبه : فهد.
صحى على صوتي: نعم.
:مارديت علي.
تنهد مره ثانيه وقال: الموضوع كان صعب وما ينقال.
: ما أتوقع إن صعوبته تخليني ما أدرس اللي أبيه.
فهد: راح أقولك بشكل مختصر ... في دكتور أعتدا على دكتوره في المستشفى.
تفاجأت ماتوقعت إن في مستشفياتنا مثل هالأشخاص:....... طيب مو ضروري اللي صار لها يصير لغيرها يعني مثلاً أنا..............
ماكملت كلامي لان فهد قال: أنا معك بس ممكن أنه يصير لك بعد علشان كذا الأفضل تختاري شي خاص بالحريم.
:فهد إنت بذات ما تفكر هالتفكير إنت دارس ومتفتح وتعرف معنى طموح وإنك تحس إنك محقق شي ولك دور.
قال منهي النقاش:أنا قررت وإنتهى الموضوع تقدرين تدخلي أي تخصص ثاني والحين تبينا نروح مكان؟
كان حلم حياتي أكون دكتوره والحين فهد وبكل بساطه يحرمني من هالشي بأي حق.......بحق إنه زوجك يا قمر هذا حياة المتزوجه إنها تعيش تحت إمرة زوجها بكل شي حتى بطموحها لو كنت بعدني بنت كان حققت كل أحلامي:قمر
إنتبهت لفهد ينادني ووقفت :أبغى أرجع الفندق .
طالعني فهد للحظه ووقف:يلا
ركبنا تاكسي وإحنا ساكتين فكرت يمكن فهد منعني لأنه خايف علي أكيد خايف علي ..........لحظه لحظه... أنا شنو بنسبه لفهد علشان يخاف علي طالعته حبيت أسئله (فهد أنا شنو دوري في داخلك)
لف علي وإبتسم فلفيت وجهي بسرعه لنافذه مستحيل أسأله هالسؤال وأنا أعرف جوابه فهد قال لي قبل الملكه إنه مغصوب علي وما بنسى حبيبته الغامضه اللي يشوف فهد ما يصدق إنه يحب
وصلنا الفندق ودخلنا جناحنا إتجهت لغرفتي وأنا أفتح الحجاب:قمر.
لفيت على فهد اللي ناداني : زعلانه ؟
قلت وأنا أحاول ما أطالع في عيونه:لا ليه أزعل أنا أدري إنك خايف علي .
قرب مني ووقف قبالي : يعني ما راح تعانديني مثل ما سويتي بالجوال؟
قلت وأنا أأشر على نفسي:تتوقع إني أسوي هالشي.
خلاني أتسند على الجدار وسند إيده وهو واقف قبالي وأشر على قلبي:.........أنا شنو بنسبه لقمر ؟؟
إستغربت سؤاله أنا ولا مره فكرت فيه فهد شنو بنسبه لي بس الشي المضحك إن كنت أفكر نفس سؤال فهد نزلت راسي وأنا عاقده حواجبي توقعت الموقف مضحك بسبب تشابه الأفكار بيني وبين فهد بس مو قادره حتى أبتسم حرك شعري وحطه ورى إذني وقال بهمس :قمر أنا بطلع واحد من أصدقائي هنا وعازمني على العشا أوكى.
هزيت راسي بإيه وأول ما طلع تنفست براحه وأنا أجلس على الأرض وبدأت بموجة تفكير بسؤال فهد قمر فهد شنو بنسبه لك أنا أنا أنا .........أنا ماأكره فهد إيه أنا أحبه بس حبي له كحبي لأي شخص يعاملني بلطف ..... ما قول لكم إني فرحت بشي اللي وصلت له وقررت أنتظر فهد وأتكلم معه.
**************
طالعت الساعه صارت عشر وما جا مع إنه ما تأخر بما إنه ماشاف صديقه من زمان بس لأني متحمسه وفي نفس الوقت متوتره من ردة فعله فهد شخص تتمنى أي بنت تحصل عليه فليه ما أعيش حياتي مثل أي وحده ماني قادره أستنى هل هو بيفرح ولى لا من طلع وأنا أروح وأجي في الصاله سمعت صوت المفتاح إبتسمت وصل أخذت نفس شلون راح أقوله متوتره حدي حطيت إيدي على صدري سمعت صوته وهو يدندن لين شفته قبالي ... ويا ليتـــني ما شفته كان.... كان ... سكران!!!!!!!!! فتحت عيوني فهد يشرب شلون؟!! طالعني وهو يلعب بالمفتاح ومو قادر يوقف مشى وهو يترنح جلس على طرف الكنبه وهو يحاول يوازن نفسه وأشر علي بإبتسامه: إنتي زوجتـــي .....صح؟.
عقدت حواجبي وأنا أحس بخوف العالم متجمع فيني طالعني بنظرات خلتني أرجع لورى لا شعوري قلبي يدق بسرعه خوف قوي إمتلكني وقف وهو يترنح وقرب مني حسيت إني أختنق طالعت يميني لازم أتحرك ركضت بسرعه مبتعده وكانت غرفته في وجهي دخلتها بسرعه و سكرت الباب و حطيت إيدي على المفتاح بقفله لكن...........ما في مفتاح ضربت الباب إيش أسوي الحين سمعت خطواته ورى الباب إبتعدت عن الباب و أنا حاطه إيدي على فمي و دموعي واقفه في جفني إنفتح الباب و دخل يمكن تقولون ليش ما أخذت شي و سديت فيه الباب لكن في ها لوقت تفكيري منشل و مو عارفه إيش أسوي نزلو دموعي أول ما شفته يطالعني بنفس النظرات: الله يخليك فهد....إنت أكيد تعبان إرتاح.
طالعته بترجي: الله يخليـــك.
قال وهو يترنح: شفيكِ حبيبي.......عادي هدي و راح يصير كل شي بسرعه.
ما عرفت إيش أسوي طالعت يميني يساري ما شفت شي طالعت في الارض و أنا أفكر صدق ما يفي بالغرض بس ما عندي غيره أخذت صندلي و أنتو بكرامه ورميته على فهد اللي جت على صدره وهو يتألم أخذت الثانيه بسرعه و رميتها وجت على جبهته وطاح على الارض من كثر ما هو يترنح ضليت فتره أطالعه قلت بهمس: فهد.....فـــــهــــد.....فهد.....فهد فهد.
خفت لايكون صار فيه شي قربت منه طليت شكله فاقد وعيه نزلت لمستواه شفت دم على جبهته شكلي جرحته إيش لازم أسوي أول شي أحطه على سريره مسكته كان ثقيل ما قدر أحمله فسحبته لين طرف السرير و رفعته نص نص رحت جبت شنطة الإسعافات الاوليه و جلست قباله ...أنا لحد الحين مستغربه فهد يشرب؟ أكيد صار شي لأن هذا مو طبعه......اللي يسمعني عايشه معه من
سنين ما صار غير إسبوع حطيت اللزقه بعد ما طهرت الجرح و غطيته و طلعت .......حظ يكسر الصخر يوم جيت بعدل كل شي بيني و بين فهد رجع لي يشرب أجل لو حبيته من كل قلبي أكيد بيشرب مخدرات..........آآه كنت أتمنى يكون صاحي معي ........يمكن هاذي إشاره علشان لاقول لفهد......إستغفر الله.....إستغفر الله....كل تأخيره و فيها خيره إنشاء الله.
رحت غرفتي وقررت ما أفكر كثير ورحت نمت.
*********************
سمعت صوته من بعيد يناديني:قمر قمـــــر.
فتحت عيوني شفته قدامي نغزت بسرعه وقمت: فهد.
إبتسم على خفيف: ليه خفتي ماراح أكلك.
رديت وأنا أتجاهل أناظره: لا بس.......
شفت علامات الأستغراب في وجهه وقال: شنو؟
:يعني ما تذكر شنو صار البارح.
عقد حواجبه وهو يقول: ليه شنو صار؟؟
قلت وأنا أطالعه بنظرات :يا دكتور جاي وانت .......
سكتت أنا مو متقبله اللي صار شلون أقوله أمممم ........ قطع تفكيري لما شفت إيده على كتفي وقال: قمر ليه ساكته كملي وأنا إيش؟
نزلت راسي وأنا قلبي يدق بقوه قربه موترني ألحين أكثر من قبل يمكن علشان الي كنت بقوله له رفع راسي وهو يقول: قمر تكلمي؟
: جاي وانت س..كر...ان.
فتح عيونه بقوه وقال: إيش..... . وكمل وهو يضرب إيده على رجله: إبن الــ....... هذا كله منه قال أنه عصير ما حسيت وأنا أشرب لأني ولا مره جربته.
غمض عيونه وسكت وفتح عيونه مره ثانيه وقال: قمر؟
قلت بهدوء: نعم.
حست بتردده وهو يقول: يعني ما سويت شي كذا أو كذا أنتي فاهمه .
إبتسمت وأشرت على الجرح اللي في راسه لمس جرحه وتغير وجهه وراح بسرعه غرفته دقايق إلا شفته طالع قلت له:فهد وين رايح؟
فهد: رايح أذبح عمر ولد الــ...... إستغفر الله بروح أتفاهم معاه وراجع.
مسكته وقلت: لا يا فهد إقطع علاقتك فيه أحسن بدون ما تروح له.
فهد: بس أنا أبغى أأدبه.
: الله يخليك فهد لاتروح.
طالعت فيه بترجي كنت خايفه عليه من هذا الشخص وهالاشكال يطلع منهم إي شي.
فهد: إوكي مثل ما تبين........ .قال وهو يطالع في عيوني: قمر أنا أسف .
: خلاص خلينا ننسى اللي صار.
جلسنا وحنا ساكتين قررت في هاللحظه إني أقوله بس متردده تشجعت وقلت: فهد في شي أبغى أقوله لك؟
لف علي وقال: شنو؟؟
: إنت سألتني سؤال قبل ما تطلع وأنا بصراحه كنت أبغى أسألك نفس السؤال . حاولت أستجمع قواي:فهد أنا شنو في حياتك.
نزلت راسي وأنا أنتظر رده طول وما رد طالعت فيه وهو ساكت لف فجأه علي نزلت راسي بسرعه وقال: بس كنت أتوقع ما يهمك هالشي.
قلت وبعمق وأنا منزله راسي:يمكن كان قبل لكن الحين حتى لو أنت مفروض علي ولازم أتقبلك ما راح أنكر إنك صرت شي مهم في حياتي.
ما توقعت إني أعترف هالإعتراف الخطير قدامه بس لازم أوزن حياتي قام ووقف قبال النافذه وقال: بس إنتي تدري إني أحب وأتوقع راشد قالك.
ما عرفت إيش أقوله وقفت وأنا أقول: الله يهنيها فيك شكلك تحبها كثير عن .......... .
قطع كلامي:أحبها؟ .... قولي أعشقها ..هي كل حياتي ..ماأتوقع مر على أحد أو حب أحد مثل حبي لها أنا ما كنت أؤمن بالحب وصدقيني كنت أضحك على أصدقائي إذا قالوا يحبوا كنت أقول لهم سخافه وفراغ عاطفي وما في حب قبل الزواج لين شفتها ما أقولك حبيتها من أول نظره لكنها جذبتني وبعدين صرت أكتشف فيها أشياء خلتني أحبها غصباً عني صرت أقنع نفسي إن هذا شعور سخيف وراح يختفي مع الوقت لكنه صار يزيد .
لف علي وطالع في عيوني : وأعيد لك لو تلفي العالم كله ما راح تلقي مثل حبي لها.
نزلت عيوني وأنا منقهره من اللي يحبها وقلت :الله يحفظها لك .
عم هدوء بسيط رفعت عيوني أشوفه إبتسم في وجهي رديت له الإبتسامه من ورى قلبي ولفيت وجهي عنه قرب مني ومسك إيدي إستغربت وتفاجأت لمن قال بهمس: أحبك .....أيه أحبك من كل قلبي .
.................................................. ...........فهد يحبني!! يمكن فكرت بهالشي مره لكنه راح من بالي بسرعه سكتت كل الكلام الرومانسي اللي قاله لي.... ما توقعت إني أشوف أحد يحبني هالحب طالعت في عيونه ما أدري كم ظلينا وحنا نطالع في بعض بس كنت أدور الحب في عيونه وصدقوني شفته
قطع الهدوء اللي بالغرفه صوت جوال فهد لكن فهد كان يتجاهله فنبهته:إحم ... فهد جوالك.
قال وهو بعده يطالعني: أدري بس ماني راد يمكن إنتي ما تعرفي شكثر كنت منتظر هاللحظه .
سكتت وأنا منزله راسي من الإحراج اللي حاسه فيه والحراره اللي صابتني بس جواله ما وقف رن تأفف وهو يرد:ألو ..........هاي .......yes ........ what happen ?........... ok.... I will come.. ok bye bye.
قال وهو يسكر الجوال : هذا وقته .
لف علي : هذا الدكتور اللي درسني يوم كنت هنا في إجازه مره وأنا قلت له من قبل إني هنا والحين يحتاجني أو قولي إنه يبغى يشوف خبرتي شوفي أول ما أخلص راح أجي أوكى .
ومشى وطلع بدون ما يسمع مني رد ماأدري يمكن حاس بالإحراج اللي حاسه فيه بس حتى لو إستنى مني رد ما راح أرد عليه
فهد كان يحبني من البدايه وأنا ما إنتبهت أحس برجفه في كل جسمي وقلبي طايح في بطني ماني عارفه إيش أسوي إذا شفته مره ثانيه ............... أحسن شي أروح أنام وأريح نفسي شوي
قمت وإنسدحت على السرير وماجاني نوم فكرة إن فهد يحبني ماكانت وارد في بالي أبد بس الحين صارت حقيقه يعني راشد كان يعرف ودخلني في هالمتاهه كلها ظليت أتغلب ما أدري كم مر من الوقت لين نمت
*****************
جلست من النوم وأنا أحاول أفتح عيوني نور قوي في الغرفه شكلي نسيت أسكر الستاير البارح لفيت وفتحت عيوني أنا نمت في النهار يعني الحين ليل وأنا أذكر إني طفيت الأنوار قبل ما أنام ....شكلي ما طفيتهم طالعت الساعه كانت9 شنوهالنوم تمنيت أنام أكثر بعد علشان لا أواجه فهد أبغى أتهرب بالنوم لأن مافي شي غيره حسيت بشي يلامس شعري خفت لا تكون حشره لفيت بسرعه وأنا أنفض شعري :هأأأ!
شفت فهد وهو ماد إيده وأول ما شافني شهقت ضحك علي :آسف شكلي أزعجتك .
ما رديت عليه وأنا منزله راسي قال: توقعتك تنتظريني بس شكلي مو مهم عندك.
ما قول لكم عن الإحراج اللي صابني والحراره اللي تجيني دائما
قام وهو يقول:أنا أنتظرك على العشا.
وطلع قمت وأخذت شاور وصليت اللي فاتني ووقفت على الباب وأنا أحاول أفتحه بس إيديني ما تساعدني أخذت نفس وفتحت الباب قبل لا غير رايي كان جالس جنب التلفزيون بس لف علي أول ما فتحت الباب وإبتسم في وجهي وقف وقال وهومتجه لطاولة الطعام : جبت لك أكل راح تاكلي أصابيعك وراه .
جلس على الطاوله وهو يفتح الأكل ورحت جلست قباله وبدأ ياكل حاولت أكل بالغصب دخلت لقمه في فمي : قمر شفيك؟؟
طالعته وأنا منحرجه:لا .....ما فين..ي شي.
يا ربي مو قادره أقول كلمتين على بعض قبل كنت عادي لكن من عرفت إنه يحبني أحس إن الكلام ما يطلع مني والتوتر اللي يصيبني كل ما شفته :قمور ليش ما تاكلي ؟
قلت وأنا أرجع شعري ورى إذني:أكلت.... الحمد لله.
وقف ومد لي إيده ترددت قبل لا أمسك إيده بس بعدين مسكتها قمت معاه ورحنا غرفته أول ما دخلنا ما فاتني الترتيب اللي في الغرفه أما هو إتجه لسريره وأخذ ورده حمرا كانت محطوطه عليه وقرب مني وعطاني ياها : هاذي لك .
أخذتها وأنا أحاول ما أطالع فيه إبتعد وراح ورجع ومعه شي مده لين مستوى عيوني كان طقم ذهب ناعم:ما عرفت شنو أهديك هذا شي بسيط مني لك.
أخذ السلسال ولف وراي ولبسني ورجع وقف قبالي :قمر هذا أنا قبالك وأبغاكِ من كل قلبي بس ما راح أغصبك على شي إذا ما تبغيني صدقيني أول ما نرجع راح أتركك...... .
سكتت أنا مو عارفه شنو أبغى صرت محتاره قال فهد : قمر تبغين تظلي معي؟
طالعته وإبتسمت وهزيت راسي بالخفيف أما هو أول ما إبتسمت تنفس براحه وقرب مني وضمني بقوه : كنت أبغى أضمك وأدخلك بين ضلوعي من زمان .

تصدق كلمه أحبك و أحبك حيل ما تكفي
أنا ودي بكلمه ما لفظها بالبشر غيري
تعبر لك عن احساسي تبين لك غلاك اللي ما يكيفه تعبيري
دخليك شق صدري شف وش داخل ضلوعي
وربي بتدمع عيونك بحب عنه ماتدري

**********************
مروا أحلى إسبوعين في حياتي وفي شهر عسلي إكتشفت فيها إني أحب فهد إيه أحبه فهد شخص يخليك غصبا عنك تحبه وما أقول لكم طريقة تعامله معي خلتني أحبه وكل يوم حبه يزيد بقلبي بس ما أقدر أقولها له يمكن تقولون حبيته بسرعه ما أدري هو حب أو طيش أو شعور لفتره ويروح وما أبغى أعرف الي أعرفه إني أحب فهد وبس اليوم رجعنا من شهر العسل واللي إستقبلنا في المطار راشد :يا حي الله أهل الشرقيه نورت فيكم اليوم وكل يوم .
قرب منه فهد وسلم عليه :مشكور منور فيك.
راشد:الحمد لله على السلامه.
فهد: الله يسلمك أخباركم وأخبار السعوديه؟
قرب مني يسلم علي بس ضربته على كتفه بالخفيف: ليه أدق عليك وما ترد ها؟
راشد:ههههه وحده وحده قمر خليني أسلم عليكِ بالأول.
قرب مني وباس راسي: الحمد لله على السلامه .
:الله يسلمك ومره ثانيه رد على إتصالاتي .
راشد بغياض لفهد:إن شاء الله ياعمري وقلبي وروحي وحياتي بعد.
فهد:خلاص خلاص ما صارت.
راشد :أففف يا شين اللي يدخلوا إنت شدخلك حبيب ومشتاق لحبيبته.
فهد: شنو تقول.
راشد:ما قلنا شي عشيق ومشتاق لعشيقته.
ضحكت عليه:يعني عدلتها
فهد: وتضحكي معه بعد.
راشد وهو يحط إيده على راسه:أوه أوه قمور شسويتي بفهد هذا صار يكره الرجال اللي يقربوا منك وأولهم أنا .
فهد :ما بغيت الا أغار منك إنت.
راشد:أقول بس لا يكثر.
والله إنهم يضحكوا قلت لراشد:حرام عليك إهو يحبك بس عنده عقده نفسيه منك إنت بالذات .
راشد: وصلت لهدرجه.
فهد: ترى أنا يمكم خلاص ورانا سلامات.
راشد: يالله مشينا.
ركبنا السياره وأول ما ركبنا جلست ورى بالوسط ودخلت راسي بين الكرسين: الحين ما قلت لي ليش ما ترد علي إذا إتصلت ؟
راشد وهو يسوق: لأني مسوي لك مفاجأه إنما إيه تحفه.
:صدق ياي أحب المفاجأت الحين تقولي إيش هي؟
راشد:ما أدري . لف على فهد: فهد شرايك أقول لها؟
إبتسم فهد كأنه عارف المفاجأه:والله ما توقع قمر تخليك بدون ما تقول لها.
: فهد إنت تعرف وما تقول لي.
راشد وهو يأشر بأصابعه: من إسبوعين.
:يا ســــلام طيب أرويك يا فهد.
فهد: يا الملعون الحين مو إنت قايل لي لا تقول لها لأنك تبي تشوف ردة فعلها .
راشد: بس نذاله .
:أقول بس بلا كثرة حكي وقول شنو المفاجأه؟
راشد:والله ما أدري أقولك ولا ما أقول.
: راشـــــد.
فهد: ترى ما يسوى عليها هالخبر حرام عليك ولا أنا بقول لها.
راشد:أفا بس أنا الغلطان اللي شاد الظهر فيك ما عرفت إنها ركبت فوقك.
فهد:تخسي.
عصبت: نــــعم!
فهد بسرعه: ها لا أقصد تخسي ما تعلم قمر حبيبتي.
: إيه حسبالي بعد .
راشد:ههههههههه ما إنتي بسهله يا بنت عدنان.
: راشد خلص شنو المفاجأه؟
راشد:أنا ......أنا ....إستعدي قمور...أنا......أنا...
: فهمت أنا وأنا كمل شنو؟
راشد :أنا وبعد إجتماعات كثيره مع العيله وتحاور ومناقشات وإعتراضات وأفكار ومسابقات وتحليلات وبعد إسبوع من هذا اليوم إن شاء الله سيتم وبعون الله ....أحم نشف ريقي.
: راشد ووجعه شنو هذا شهالمقدمه عطني الملخص لهذا كله.
راشد:أنا خطبت .
سكتت خطب؟؟! :يا بعد عمري ألف ألف مبروك ما بغيت ومن هي سعيدة الحظ؟
راشد:إحزري .
:إممممم ملوكه.
راشد:لا
:روئ.
راشد:توتوتوتو.
فهد: ماعليك منه صديقتك صاحبة الدولاب .
راشد: يا دب ليش تقول ما يصلح هاذي مفاجأتي.
إستغربت فطوم أنا دايما أكلمها ولا مره قالت لي : كذاب.......صدق؟بس هي ما قالت لي.
راشد:أنا قلت لهم يقولوا لها ما تقول لك.
: يا ربي ماني مصدقه ألف ألف مبروك يا أحلى راشد بالدنيا.
فهد:أحم أحم.
: بعد قلبي إنت أحلى منه.
راشد:والله حاله.
رجعت لورى وأنا مو مهتمه بمناقر راشد وفهد حدي فرحانه كل شي كنت أتمناه صار في حياتي ما أبغى أكثر الحمد لله الله لا يغير علينا وصلنا البيت نزلت بسرعه مشتاقه لهم أبوي وفيصل والبنات كلهم أول ما دخلت الحديقه كان هناك أبوي ينتظرني مع فيصل رحت بسرعه لأبوي وضميته :شلونك يبه زين .
بعدني أبوي وباس راسي : الحمد لله على السلامه يا بنيتي.
ورجع ضمني وهو يقول: والله البيت من غيرك ما يسوى إنتي أخبارك وأخبار السفر عندك؟
إبتعدت عنه: حلو بس ناقص وجودكم.
رحت لفيصل وضميته :أخبارك فصول.
قال بضيق من ضمتي : تمام الحمد لله على السلامه .
إبتعدت عنه : الله يسلمك.
دخل فهد وراشد فهالوقت راشد: شوي شوي على نفسك والله يا جدي ما أمداني أوقف السياره إلا هي نازله يعني لو طايحه على وجهك يمكن تتعلمي.
أبوي:بسم الله على بنتي .
راح فهد يسلم عليهم وأنا بسرعه دخلت داخل كانوا كلهم جالسين بالصاله ما حسيت بنفسي إلا وحده ضامتني :إشتقتلك إشتقتلك .
ضحكت عليها: وأنا بعد إشتقتلكم كلكم.
ملاك وهي تبتعد عني:الحمد لله على السلامه أخبارك وأخبار فهد معك والسفره حلوه ولا لا؟
: خليني أسلم عليهم بالأول .
جت إختي نوره : الحمد لله على السلامه
: الله يسلمك.
روان وهي فاتحه يدينه لي:الحمد لله على السلامه يا عروس .
ضمتني : الله يسلمك حبيبتي إنتي أخبارك ؟
قالت وهي تبتعد عني:الحمد لله إنتي شلون السفر معك؟
: تمام .
جنى:وأنا ما سلمتي علي.
:إنتي الكل بالكل.
جنى وهي تسلم علي:الحمد الله على السلامه .
:الله يسلمك .
أما عن رؤى وإختي لولوه فإضطريت أروح واسلم عليهم بنفسي وكان سلام بارد جداً رجعت وجلست مع البنات
ملاك : يلا قولي لي بتفصيل الممل كل شي صار في باريس.
جنى : شنو بيصير يعني تمشيات وطلعات ليش حارقه بصلتك.
ملاك وهي تأشر على راسها:كيفي إنتي ما لك خص .
لفيت على روان:روان أخبارك وأخبار زوجك معك؟
روان: زوجته الأولى ماتت الله يرحمها.
حطيت إيدي على صدري متفاجأه:متى ؟
روان بحزن : من إسبوعين تقريبا وهو مو راضي يطلع من حزنه عليها .
قلت وأنا أحط إيدي على إيدها: بس هالفتره وراح ينساها بسرعه.
روان :إن شاء الله إدعيلي؟
: الله يوفقك.
مر الوقت سوالف مع البنات وجا المغرب صعدت جناحي علشان أصلي دخلت الجناح أحسه غريب علي لان ما عشت فيه غير يوم سمعت صوت الباب من وراي ولفيت إلا بدخلت فهدإبتسم في وجهي ورديت له الإبتسامه تنهد وهو يقول:إشتقت لك تعبت من مقابلهم أقول بس شرايك نطنشهم وما ننزل.
قربت منه وأنا أعدل ياقة ثوبه:ما عليه حبيبي إستحمل شوي .
فهد وهو يلعب بشعري: قمر..... مستانسه؟
قلت وأنا ابتعد عنه : حدي ما صدقت أشوفهم ما أدري إنت شلون إستحملت الغربه في دراستك .
فهد: بس أنا ما كان عندي عايله.
حزنني فهد مهما كان إذا ما كان عندك عايله بإسمك ومن دمك تحس بشي ناقص قربت منه:أنا عائلتك وكل شي وإذا سافرت علشان شغل أو شي راح أكون معك.
فهد وهو يضمني: أصلاً غصباً عنك تجين مو بكيفك .
ظلينا فتره وهو ضامني: فهد لازم انزل للبنات.
فهد وهو يبتعد عني: يا ذي البلشه من الحين بدينا بأخذ لي شاور أحسن لي.
باسني على خدي وقال: شوفي عاد حدك الساعه11 وتصعدي وإذا تأخرتي دقيقه يا ويلك.
:إن شاء الله .
دخل الحمام وأنتوا بكرامه وأنا صليت ونزلت
*******************

تحياتيLonging.....................
موووج

[لجلك ياصعب]

الــــــــــبــــــــــــــــــــــــــــاااااارت مررررررررررررهـ روووووووعه

صـــــــــراااحه مـتحـــــمسه بليز كمليييه بسرعه

وااااصلي واخنا معاااك وانا بإنتظاارك

[لجلك ياصعب]

يــــــــــله يــــــا مــــــوج كمليهـا ادري انك ماتأخرتي بس انا متحمسه ومن زود الحماس اللي بي جالسه اعيدها من البدااايه ..

انـــــــا بإنتظااااااارك على احررر من الجمرررر

[عبق الزهور]

السلام عليكم ورحمة الله وبركاته

سوري ادري طولت بس مرت علي ظروف أخرتني..

والبارتات عن جد رهيبــــــهـ,,خيـــــال,,جنــــان,,رووووعهـ,,قليل بحقهن..
أبدعتي فيهن ماشاءالله عليكـ..

واحلى شي الثنائي الخقق فهودي وقمورهـ..مررررهـ فرحت يوم أعترف فهد..وزانت علاقتهم وأن شاءالله مايتفرقوا..بس للحيني خايفهـ من هذيكـ الدوبهـ<<نسيت أسمها^_^

ولارشود وفطوم..واخيرا خطبها..ولاخطيبها الأول عن جد حيوان..بس زين طلقها وصارت من نصيب رشود..بس صراحه توقعت قمر تتهاوش مع رشود من شان لعبوا عليها انوا فهود يحب وحدهـ..

روان..ياقلبي تكسر الخاطر..وأن شاءالله عاد زوجها يحس فيها ويعوضها..

بس امنيتي أعرف أيش سالفة خالتها وزوجها وأيش اللي خلاهم يقلبوا عليها؟؟

بأنتظار البارت الجاي غلاتي..

دمتي بحفظ الله..

[شمعة الدار]

تسلمين يالغلا لاهنتي


بارك الله بك بارت رائع فيه بداية حماس


قووووووووو هييييييييييييد

[لجلك ياصعب]

مــــــــــــوووووووووج الشووق

ترا انا عدت الباارتين الاخيرات مرتين

وانا متــــــــشوقه لتكملتهـــا يله يااامووج انا بإنتظاارك

[لجلك ياصعب]

مــــوج الـشوووووووووووووووووووووووق

تـــــــرا

زاااااااااااااااااد الـــــشـووووووووووووووووق




اخـــــــــــتــــك: لجـــــلك يـاصعب

[لجلك ياصعب]

عســـا مـــــاشـــــــر ..

ان شاء الله يكــون المانع خـــير

طـــمنيينا علـــيك يالغلا

تحــياتي و أشـــوااقـي

[موج الشوق]

لجلك الصعب
شمعة الدار
عبق الزهور
تسلموووووون لطلتكم الحلوه
واسفه لتأخري بابارت بس صارت شوي ضروف منعتني انزله مبكر
اعذروني يالغلا
موووج

[موج الشوق]

البارت الرابع عشر من Longing..........





دخل الحمام وأنتوا بكرامه وأنا صليت ونزلت
جلست مع البنات وتعشينا
جنى:شرايكم نصعد غرفة قمر القديمه.
:ليه إيش تبغون فيها.
جنى:لا بس شفت لكم فيلم راح يعرضونه الحين حلو ورومانسي .
ملاك:عاد إنتي ويا الأفلام الرومانسيه الله يعين جواد عليك.
جنى :أقول بس بتقوموا ولا لا.
قمت معها:إحنا ما ورانا شي ليه مانشوفه.
روان:أنا ما أقدر بعد شوي بمشي .
ملاك: يعني ما عندي غير أصعد معكم.
سلمنا على روان وصعدناملاك بهدوء:ما تحسون إن روان تغيرت وصارت هاديه كثير أكثر من قبل .
لفيت عليها وأنا أرفع يديني لفوق: عقبالك يا رب.
ملاك بعصبيه: بسم الله علي.
: يا سلام يعني ما تبين تعقلي .
ملاك بدلع : يا حلوني كذا فرفوشه وأهبل .
دخلنا الغرفه وراحت جنى تشغل التلفزيون جلسنا نتابع الفلم بهدوء إندمجنا فيه لين إنتهى
جنى :شرايكم بالفيلم؟
ملاك:أول مره أدري إن ذوقك حلو.
جنى بتريقه:لا إنتي اللي ذوقك حلو.
ملاك :أقول بس لا تتريقي ترى أنا ذوقي أحلى منكم كلكم.
تكلمت علشان أقطع الهواش: شرايكم بفستانها ليلة الحفله حلو وناعم.
جنى بتأيد: حتى أنا عجبني حسيته رايق.
ملاك : ما في شي علشان تقولو حلو وإنتي الحين رايحه باريس عالم الأزياء وما عجبك غير هذا.
: اللي يسمعك يقول ما ظل شي ما شريته حدي الهدايا حتى إستحيت أخذ شي لنفسي ما غير إهو إذا بغى يشتري لي شي ولا أنا قلبي ما يطاوعني بس ما بعد أتعود عليه لدرجة أشتري كل شي أبغاه.
جنى: وكم تأخذين من الوقت لين تتعودين عليه؟
: ما أدري بس يبغي لي وقت شوي بعد أنا دايما أسمع إن السنه الأولى بين المتزوجين تكون صعبه لأنهم ما بعد يعرفو بعض أكثر.
تثاوبت ملاك: جاني النوم.
إستغربت : ليه الحين الساعه كم؟
جنى :الساعه وحده إلا ربع الفلم طويل شوي .
قمت بسرعه متفاجأه : شلون الله يعيني على فهد مادريت إن فلمكم طويل لهدرجه .
رحت بسرعه على جناحنا دخلت الغرفه وشفته في وجهي واقف قبال الباب تخرعت بس ما بينت له أكيد معصب طالعني وقال: تو الناس أشوف ل11 صارت وحده.
طالعته بوجه مسكين :آسفه بس ............. ما حسيت بالوقت .
قال بعصبيه: وجوالك من متى وأنا أدق عليه.
: ما أدري والله وين حطيته.
عطاني ظهره وهو يقول: لوبنروح السوق ولا مكان كان ما نسيتي الساعه بس يوم قلت لك أبغاك الساعه 11 ما إهتميتي .
قربت منه وصرت أعدل البجامه أحاول أمتص غضبه عيبه إنه يعصب بسرعه:سوري حبيبي وربي وربي ماراح أعيدها مره ثانيه .
قال بهدوء: هالمره هاذي بسامحك شوفي شلون تضايقت وأنا بشوف المره الثانيه.
قلت له بدلع: آسفه ما راح أعيدها.
إبتسم لي: خلاص سامحتك القهر إني ما أقدر عليك.
فرحت : تدري أنا قمر موحي الله.
قرص خدي: يا ربي على دلعك طيرتي النوم من عيوني .
قلت: تبغى بندول؟
قال بهمس :أبغى عسل.
قلت ببراءه :خلاص بروح أجيبلك.
تحركت بمشي بس فهد مسكني: لا والله.
ضحكت عليه الحمد لله إن السالفه عدت على خير .
***********************
مروا يومين وأنا مشغوله عاد راشد ما بغى ملكته إلا بعد جيتي بإسبوع حتى ما عندي وقت وفهد ما يخليني أسوي شي يبغاني جنبه فكرت أروح ال فاطمه أشوف وش ناقصها خلاص اليوم لازم أروح كنت جالسه في الغرفه دخل فهد وما إنتبهت له إلا لمن حط إيده على عيوني : بشنو تفكر حبيبتي .
إبتسمت :ولا شي.
فهد بعد ما جلس جنبي:شرايك نطلع اليوم نتمشى.
قلت وأنا ألعب بيديني:مو مشتهيه.
فهد وهو يمسح على شعري: ليه قمر شفيك .
: ما فيني شي بس....... .
فهد بمرح: لا بس ولا شي أنا أعرف شفيك .
:بس أنا ما فيني شي .
فهد :أوكى غمضي عيونك.
:ليش.
فهد:أقول بس غمضي وإنتي ساكته.
:هههههه هذا أنا غمضت.
مسك إيدي وأنا مغمضه عيوني وحسيت بشي في إيدي
فهد:الحين فتحي.
فتحت عيوني على إيدي وشفت فيها إسواره عجبتني :واو تهبل تجنن.
فهد: هاذي علشانك ما أبغاك تفسخينها كني معك علشان تذكريني.
ضميت إيدي لصدري :مشكور حبيبي كثير حلوه.
طالعت فهد نظره حلوه بس فيها ترجي
فهد:شنو هالنظره أكيد تبين شي قولي بسرعه.
: يا عيني على اللي فاهمني.
فهد بملل:إختصري بلا مديح .
:أبغى أروح لصديقتي.
فهد:ليش؟
: تدري ما بغى على الملكه وبروح أسلم عليها وأشوف إذا ناقصها شي علشان أساعدها.
فهد:آها فاطمه خطيبة راشد؟
:إي.
فهد:بما إنها خطيبة راشد فأمري لله .
: مشكور فهد حبيبي.
نقزت بسرعه أبدل ملابسي ياني مشتاقه لفطوم من زمان ما شفتها من عرسي تقريبا تجهزت ونزلت وطلعت ركبت السياره تحرك فهد
وقال: شوفي بوقت لك الساعه.
:فهد ما يحتاج ما راح أتأخر.
فهد بإصرار: لا حبيبتي إنتي ما تعقلي إلا لما أسوي كذا.
قلت بتأفف:طيب.
فهد:إممممم شرايك الساعه ثمان.
: فهد الله يهديك ما يكفي.
فهد وهو يطالع في الساعه: الحين الساعه أربع ونص.
:إحسب ربع ساعه الحين وحنا في الطريق ونص ساعه سلامات ولازم اجلس أسولف معهم زيدها شوي.
فهد: والله أنا أشوفها تكفي.
قلت بترجي: فهد حبيبي إنت شوي بس .
فهد:أوكى الساعه تسع وما في زياده ولا تكلمي.
: خلاص أمري لله تسع تسع .
وصلنا بيت أبو فارس لفيت عليه: فهد إنت ما تعرف أبو فارس.
فهد : إمبلى اعرفه بس راح أسلم عليه إذا جيت أخذك.
:أوكى باي.
فهد: باي إنتبهي على نفسك.
:إن شاء الله.
نزلت ودقيت الباب دخلت وشفت أم فارس أما هي أول ما شافتني إستغربت:قمور ؟
ضحكت عليها:وليش متفاجئه أخبارك؟
جت تسلم علي: تمام إنتي أخبارك بعد العرس ؟
: والله تمام بس مشتاقه لكم.
جلست معها:إلا وين البنات عنك.
أم فارس:هذا هم كل فوق ما ينزلون إلا بالغلط .
:ما عليكِ منهم .
بهالوقت نزلت ناديه وتفاجأت لمن شافتني: قمور عندنا. كملت وهي تنزل بسرعه : متى جيتي وليه ما قلتوا لي .
أم فارس: مو إنتي كل فوق متى نزلتي.
جت بسرعه وضمتني :من زمان عنك يا الدبه متى رديتي من السفر ولا أقولك مو مهم المهم إنك رجعتي الحمد لله على السلامه.
:الله يسلمك إنتي أخبارك؟
ناديه:تمام نسأل عنك.
: باين ما قدرتي عن بعدي دايما تسألي عني.
ناديه بكذب :أنا أسأل عنك بس ما يقولوا لك. وسكتت وهي إطلع لسانها
أم فارس : أخبار زوجك معك؟
: الحمد لله ما في منه.
أم فارس: الحمد لله .
:إلا وين عروسنا.
ناديه: فوق في غرفتها كل شوي ترجع تشوف كن شي ناقص.
وقفت : اقوم أشوفها وأنزلها معي.
أم فارس:البيت بيتك حبيبتي.
قمت وصعدت فوق مع ناديه ورحنا غرفة فطوم أول ما دخلت شفتها واقفه قدام لمرايه وأطالع في نفسها بهدوء قربت منها و...: بوووه.
فاطمه : بسم الله .
: ههههه رعبتك .
فاطمه وهي متلعثمه: قمر إنتي هنا من متى.
إستغربت حتى ما سلمت علي: من شوي بس .
إبتسمت لها: المهم إنتي أخبارك .
طالعتني بشك لحظه بس بعدين سلمت علي : الحمد لله على السلامه.
إستغربت هدوئها : الله يسلمك فاطمه شفيك؟
قالت بسرعه وهي تبتسم: ما فيني شي بس فاجأتيني ما قلتي لي إنك بتجين .....و تدرين بعد التوتر ماخذ دوره.
: الله يعينك أنا مجربه قبلك بس لا تخافين أضمن لك راشد.
فاطمه:من يشهد للمعرس خالته.
قلت لها بجديه: صدقيني ما أقول هالشي لأنه ولد أختي . وكملت بغشمره :لا تخافين أنا دارسه كل شي في حياته المهم جهزتي كل شي لملكتك.
فاطمه:إيه بس أخاف أكون ناسيه شي ولا أتذكره إلا يوم الملكه.
: ما راح تنسين شي لا تخافي.
دخلت ناديه علينا : فطوم فارس يبغاكِ ضروري.
بس سمعت إسمه حسيت بألم ما أقولكم أنا ما أحبه بس بما إنه كان له مكانه في قلبي من قبل لازم أحس بهالشعور قامت فاطمه: عن إذنك قمور.
: إذنك معك.
وقبل ما تطلع لفت علي : قمور إنتي متى راح تروحي .
إستغربت سؤالها: عالتسع يمكن.
هزت راسها وطلعت ما أدري بس جا على بالي فهد الحمد لله إني تزوجته بس لو أبوي ما طلع في حياتي كان ما عرفت فهد بس هل كنت تزوجت فارس ما أدري لأنه خطبني يمكن من نفسه أو مشى على راي أهله ما يهمني اللي الحين يهمني فهد وبس الله يخليه لي.
دخلت فاطمه هالوقت وإبتسمت في وجهي رديت لها الإبتسامه جت وجلست جنبي : يلا قولي لي عن سفرتك لباريس بتفصيل .
قلت لها بحماس: تمنيتك معي والله تهبل .
فاطمه : لا حبيبتي إحنا حدنا الدول العربيه ولا بره ما توقع على الأقل إنتي أخذتي مليونير.
ضحكت عليها : يا حسوده هذا إنتي بتأخذين راشد بس إبشري راح أقوله يأخذك شهر عسل هناك.
فاطمه : على قولتك على الأقل بطلع من هالفقر .
: فاطمه ترى لفلوس مو كل شي .
فاطمه: ليه تكذبين على نفسك يا قمر لفلوس الحين كل شي صدقيني لو عندي فلوس كان شفتي صديقاتي ما أقدر أعدهم من كثرهم بس يا حسرتي ما عندي غيرك.
: هههه ومن قالك إن لفلوس تجيب الصديقات المعامله الحسنه والمسايرات و المجاملات .
فاطمه: هذا إنتي قلتي المسايره والمجامله يعني كذب في كذب.
:أقول بس غيري الموضوع صرت ناصحه بسببك تصدقين خوات راشد متشوقين يتعرفون عليكِ أكثر.
فاطمه : علشان الحش والهذره علي.
: فطوم لا تنسين إنهم بنات إختي .
فاطمه : سوري ما قصدت بس والله هذا اللي أعرفه حتى أمه الله يعيني عليها .
: صدقيني أختي نوره ما في أطيب منها.
فاطمه: طيبه ولا شينه كلهم كذا يغارون على عيالهم وخاصه الأولاد تقول أمي إن جدتي روتها الويل في زمنها بس إنتي مو مجربه.. حظك رجال يتيم ووحيد ما عندك أحد يغثك.
:أبي أعرف إنتي بس تعرفين تحسدين الناس فكري بيوم ملكتك أحسن لك.
ضربتني وهي تقول: لا تذكريني .
: والله إنتي اللي ذكرتيني بإيام ملكتي .
فاطمه : قمور ليه ما تجين تنامين عندي قبل الملكه بليله.
:إسكتي بس تبين فهد يذبحني الحين جابني وهو يقول لأنها
خطيبة راشد على قولته.
فاطمه :تحبينه؟
: أيه أحبه ودي لو نعيش لحالنا حياة رومنسيه هاديه .
فاطمه : الزواج ما يخلى من المشاكل .
:أدري بس أنا ما أعتبرها مشاكل هاذي موالح وراح تعدي بسرعه علينا.
فاطمه : تتوقعين نكون مثلك إنتي وفهد .
: حبيبتي ماحد يشبه أحد أنا وفهد إبتدينا غير وأنتو غير .
قعدنا نتكلم في أشياء كثيره كنت مشتاقه لها تعشيت هناك وأخذنا الوقت بالسوالف طالعت الساعه وفي نفس الوقت رن الجوال كانت تسع وكان فهد المتصل رديت عليه :هلا
فهد: هلا فيك يلا إنتهى الوقت .
: خلاص الحين طالعه .
سكرت منه وقالت ناديه : تو الناس بتمشين الحين .
: شسوي زين منه خلاني لهالوقت يلا أشوفكم مره ثانيه .
فاطمه: وعد تجين من الصباح يوم الملكه وتساعديني .
:إن شاء الله مع السلامه .
ناديه وفاطمه: الله يسلمك .
ناديه : عيديها.
: على خير.
طلعت وأنا مرتاحه وقفت أتغطى وأحط جوالي بشنطه : قمر مبروك .
مستحيل هذا صوته أنا من زمان ما سمعته بس ما ضعت عنه فارس ..... شفيك قمر لازم تنهين الكلام: الله يبارك فيك عن إذنك.
وقفني بكلامه: شلون زوجك معك؟
أحس كل جسمي ينتفض : تمام.
سكتت ما عرفت شنو أقول زياده أبغى أمشي لكنه تكلم:ما سألتي عن حالي .
: لا بس ........ .
ما كملت كلامي لأنه قال: قمر أنا تعبان .
رفعت راسي مستغربه وكمل : إيه تعبان أموت من دونك .
قلت :فارس شنو هالكلام أنا متزوجه .
قال وهو يقرب مني شوي : بس أنا أعرف إنك تحبيني أنا ما تحبي زوجك .
قلت وأنا معصبه من كلامه : منو قالك هالكلام أنا أحب زوجي وما أحب غيره .
قال بهدوء: يعني إنتي ما تحبيني ؟
تلعثمت ما عرفت إيش أقول بس بعدين قلت :أنا أحبك كأخو لي وبس .
نزل راسه وهو يقول : خلاص حبيني مثل ما تبي وأتمنى لك حياه سعيده بس.......ممـــكن طلب ولا ترديني إذا كنت صدق مثل أخوك.
سكتت ما عرفت شنو أقول إيش هو الطلب ما أدري وفارس فهم سكوتي على إنه موافقه طلع ورده حمرا ومدها لي : ممكن تقبلي مني هالورده تعبير عن حبي لك وإنت قلتي إنك تحبيني وراح يظل حبك مزروع في قلبي وبستناك لين يتركك فهد زوجك .
ما عرفت شسوي وما فهمت معنى كلامه وليه فهد يتركني قطع تفكيري فارس:قمر شفيك إخذي الورده .
ما بقولكم عن التوتر والتشتت اللي صايره فيه هاللحظه :بس مو من......... .
قطعني: خايفه زوجك يشوفها أممممم قولي له إنها من أخوك فيصل .
ترددت في شي غلط في اللي قاله مو مقتنعه بس ما أدري شلون مديت إيدي أخذت الورده مع إن قلبي وعقلي رافضين بس فاجأني صوت تصفيق من جنبي لفيت إلا شفته يقترب وهو يصفق وقال : شفتو أحلى من هالشي مسرحيه حقيقيه حب لا مثيل له برى البيت وفي الحديقه وورده حمرا وكلام حلو وعشق وغرام وما حد معكم .
: فــهد.
قال:إيه فهد ولا نسيتي إني كنت أنتظرك بره بس شكلك نسيتني معاه أووووه سوري قطعت عليكم جووكم الرومانسي سامحوني .
طالعت فارس لمن تكلم وما فاتتني ضحكت الخبث اللي في وجهه:إيش تبي تقول؟
فهد بنظرات كره لفارس : ما أبي أقول شي بس أبي أعرف الصح.
فارس وهو يقرب منه ويحط عيونه في عيون فهد :إيه أحبها وهي بعد تحبني ولا إنت ولا غيرك تقدروا تفرقونا عن بعض.
هذا شنو يخربط طالعت فهد: فهد ما عليك منه لا تصدقه هذا يكذب.
قطع كلامي وهو يكلم فارس بدون ما يشيل عيونه من عيون فارس:إتهنى فيها .
ومشى رحت له بسرعه ومسكت إيده: فهد فهد لحظه إسمعني .
*******************



سامحوني ماقدرت إلا على هذا البارت البسيط بس بحاول أنزل في أقرب فرصه وأتمنى البارت يعجبكم تحيات............... Longing

مووووج

[$$$الحااالم$$$]

حماااااااااااااااااااااااااااااااااااااااااااااااا ااااااااااااااااااااس

صرااحه


نااطرينك

تقبلي مروري

[لجلك ياصعب]

البـــاااااااااااارت مررهـ حمااااااس والله قهرني الكلب فااارس
بس يااارب فهد يعطي قمر فرصه توضحله اللي صااار وياالييت ترجعله مثل اول

موووج تحياااتي لك واتمنى الباااارت الجاي ينزل بسرعه لانو خلااص الاعصاب مشدودهـ

لاااتطولي علييينا مااعاااد فييينا صبر

تحــــــيــــــــــاتي وأشواقـــــي : لــجلك يـــا صعب

[لجلك ياصعب]

مــــوج الـــشووق مــن كل قلـــبي اقوولك الله يوفقك وبصرااحه هالروايه احسهاا شييي بس
اتــمنى تكـــون نهــــايتها سعـــيدهـ ,, لأنـــي ما احــب النهايه الحزينه
اتمنى انـــــك عـــند النهـــايه تنهييين هذا الابدااع بنهايه حلوهـ يعني مفرحه
لانوو هــــذا الـــباارت نهاايته قــاهرتني ويااالييت فهد يتفهم السالفه ويعطي قمر فرصتها
الله يخــــليك انـــا احتمااال الاحد ما ادخل بــس اتمنى اذا دخلت لاثنين القى البارت موجوود
<< يعني فـــضلا ولييس امــــرا <<<
اقـــــــــــدملكــ اعــــتذاااري اذا ازعجتكــ بكــثـُرهـ كــــلاااامـــــــي
تحـــياااااتـــي وأشــوااااقي ,, اخــــتـــكــ : لـــجلك يـــا صعب

[شمعة الدار]

يسلموا خيتو يالغلا البارت حده حمااااااس


والله طلع خيبث الحمار هالفارس حراااام ابي ابكي ليه يصير كذا لقمر فهد مشكله الانسان اللي يعصب بسرعه



بارت رائع

قووووووووهيييييييييييييييييييد

[موج الشوق]

تسلمووووووون
الحالم
لجلك الصعب
شمعة الدار
واليوم راح انزل البارت قبل الاثنين
مووووج

[موج الشوق]

البــــــــارت الخـــامس عـــــشر ............


فارس وهو يقرب منه وحط عيونه من عيون فهد :إيه أحبها وهي بعد تحبني ولا إنت ولا غيرك تقدروا تفرقونا عن بعض.
هذا شنو يخربط طالعت فهد: فهد ما عليك منه لا تصدقه هذا يكذب.
قطع كلامي وهو يكلم فارس بدون ما يشيل عيونه من عيون فارس:إتهنى فيها .
ومشى رحت له بسرعه ومسكت إيده: فهد فهد لحظه إسمعني .
فك إيده من إيدي بقوه وقال:إسمعي إنتي ورقة طلاقك توصلك في أقرب فرصه أنا ما أبي أعيش مع وحده مثلك خلي هذا ينفعك.
قالها وهو يأشر على فارس وطلع طلع وخلاني نزلوا دموعي يا ربي ليش يصير فيني كذا شذنبي
:ههههههههههههههههههه شرايك ريحتك منه باي يا حلوه .
طالعت فارس اللي قال هالكلام حقدت عليه بقوه : يا حقير يا نذل أنا شسويت لك علشان تسوي فيني كذا شسويت لك حرام عليك .
جلست على الدرج ودموعي ما وقفت طلعت جوالي وأنا أحاول أهدي نفسي وفارس مشى وخلاني مو مهتم هاذي مو حياته ما توقعت فارس كذا هذا الشخص اللي حبيته إتصلت على البيت وخليت فيصل يجيني مع السواق بحجة إن فهد مشغول أنا لازم أكلم فهد وأفهمه اللي صار يا ليتني ما وقفت معاه وكلمته يا ليتني ما شفته ما توقعته بهالحقاره أنا شلون صدقته وصل فيصل ورحت معه للبيت وأنا مستعجله وصلت ونزلت بسرعه أول ما دخلت شفت الخدامه وسألتها: Is mr- fahd come ?
الخدامه: No .
جلست على الكنبه بتعب ليش يصير معي كذا أخذت الجوال وإتصلت على فهد مره مرتين ثلاث وقفل الجوال حتى ما رد علي قمت علشان أروح جناحي آآآآه ما توقعت فارس كذا بس ليش وإيش مقصده لا يكون لأني رفضته حرام عليه خرب حياتي ........... راشد أنا لازم أكلمه يمكن يكون معه أخذت جوالي وإتصلت عليه
راشد:ألو
: هلا راشد بسألك فهد معك.
راشد : ها ..أي إحنا تحت بس..... .
كمل بهمس: قمر أفضل ما تنزلين لأن فهد نفسيته زفت.
:بس أنا لازم أفهمه اللي صار .
راشد: بعدين مو الحين .
سكرت من راشد وأنا مو مهتمه بكلامه أهو مو فاهم شي نزلت بسرعه وشفته جالس في الصاله وراسه بين يدينه شافني راشد وأشر لي بعصبيه علشان أصعد بس ما أهتميت لتأشيراته قربت من فهد وأنا متوتره:فهد .................... .
أول ما سمع إسمه رفع راسه وطالعني بنظرات تمنيت إني مو قباله ما فاتني الإحتقار اللي كان في عيونه قام بسرعه بيطلع بس مسكت إيده: إفهمني لحظه عطني فرصه وربي إنت فاهم غلط .
قال وهو يكلم راشد بصراخ: راشد أنا شقلت .
: فهد بس إسمعني ما أبغى شي ثاني وإنت أحكم بعدين .
طالعني وقال بعصبيه :شأسمع شأحكم وعلى إيش على حقارتك وسفالتك هذا وأنا معاملك أحسن معامله.
قلت ودموعي على خدي : بس أفهم الموضوع والله إنت فاهم غلط.
فهد: ماأبغى أفهم شي أنا شفت كل شي بعيوني ما حد قال لي .
وطلع بسرعه وقفت في مكاني حيرانه طالعت راشد: راشد شصار أمس او اليوم كنا أسعد إثنين شصار.
راشد وفي عيونه نفس نظرات فهد: إنتي يا قمر اللي خربتي كل شي .
: حتى إنت يا راشد.
راشد:أنا توقعت إذا فهد تزوجك راح يكون سعيد قمر إنتي دمرتيه أنا أول مره أشوف فهد بهالحاله.
: بس..... .
راشد:بس شنو يا قمر خلاص كل شي إنتهى .
وطلع بعد فهد ليش ما يفهمون مالي ذنب صعدت غرفتي وأنا منهاره دخلت غرفتي وسكرت الباب وجلست على الأرض وصحت وصحت حرام اللي يصيرحسافه الحب اللي حبيتك والأوقات اللي قضيتها أتحلم فيك يا فارس ما توقعته بهالحقاره الحين شلون أفهم فهد وهو مو راضي يسمعني وأبوي شبيقول إذا درى .
ما حسيت بروحي يوم نمت جنب الباب .
***********************
سمعت صوت دق فتحت عيوني : قمر فتحي الباب.
حسيت بألم في كل جسمي قعدت طالعت المكان تذكرت البارح قمت وأنا أعدل نفسي رحت الحمام وغسلت وجهي ورجعت فتحت الباب كانت جنى : قمر من ساعه وأنا أطق عليك الباب ..................... قمر شفيه وجهك وعيونك متنفخه تعبانه؟
حاولت أعدل صوتي اللي راح من الصياح وأبتسم في وجه جنى: لا ما فيني شي بس كنت تعبانه .
جنى :أوكى بس ليش نايمه هنا مو في جناحك ؟
:لا بس جيت أريح هنا وشكلي نسيت نفسي ونمت بس منو قالك إني نايمه هنا.
جنى وهي تدخل وتسكر الباب : ماكو خالتي نوره كلمت راشد وقال إن فهد مو في الجناح صعدت هناك وطقيت عليك ما رديتي دخلت وما شفتك فجيت هنا المهم لازم نلقى شي يخفف عيونك قبل ما تنزلين ترى العيله مجتمعه علشان شنو بيسون في ملكة راشد وما يصير يشوفونك كذا إنسدحي وغمضي عيونك وأنا بجيب بعض الأغراض .
إنسدحت وغمضت عيوني وأنا أفكر بكل اللي صار البارح دلكت جنى عيوني وقمت تروشت ولبست صليت وطالعت وجهي في المرايه قررت أحط ميك آب خفيف أخفي التعب اللي بوجهي حطيت ونزلت مع جنى : قمر مو غريبه فهد ما سأل عنك مع إنك ذيك المره بس تأخرتي ساعه رحتي ركض علشان لا يزعل عليك وهالمره نايمه لحالك .
ما عرفت شرد عليها : لا بس ...كان ..... كان مشغول وما حبيت أزعجه .
هزت راسها نزلنا ورحنا مجلس الحريم كنا نسمع أصوات خفيفه دخلنا عم السكوت في المجلس طالعتهم كانو كلهم يطالعوني ومبين من نظراتهم لي إنهم يعرفون شي قامت ملاك وطلعت وهي معصبه خفت أكيد إنهم دروا كنت راح أصيح بس قاومت دموعي ورحت أسلم عليهم البعض كان يطالعني بإستغراب وبعضهم ما فاتني الإستهزاء اللي في وجههم جلست وقررت أتكلم مع إن صوتي ما يساعدني و الرجفه اللي أحس فيها خلت صوتي يرتجف وأتوقع ما فاتهم هالشي : ها شنو راح تسوون للملكه؟
ما حد تكلم حسيت بحراره في جسمي من الإحراج دخلت جنى اللي طلعت مع ملاك من شوي :قمر ملاك تبغاك.
لولوه: جنى جلسي ولا تروحي مكان.
جنى: يمه بروح أشوف ملاك.
لولوه: ما يحتاج تروحي. وشددت وهي تقول: ما أبيك تتأثرين بإحد.
رؤى : والله إنتي صادقه يا خالتي.
قمت وأنا ساكته وطلعت رحت لملاك اللي واقفه على جنب ..
:ملاك.. ملاك كلكم فاهمين غلط خليني.........
........:قولي فاهمين صح فهد شاف بعينه أيش سويتي صدق ما تستاهليه وبكل قواة عين جايه وحاطه مكياج المفروض تنطقين في غرفتك لين يطلقك فهد...
أيش يطلقني بس أنا أبغاه أحبه..
ملاك:رؤى سكتي أحسن لك.
رؤى:مين أنتي علشان تسكتيني والمفروض هذي ما تجلسين معها راح تخرب أفكارك وتصيرين..........
قلت بصراخ:هي أنتي أنا ما أسمحلك تغلطين علي.
رؤى:أي طلعي على حقيقتك أكيد كل حب يطلع على بذره.
ما تحملت أكثر ورحت أركض للدرج وشفته :شفت وش صار تحت وكله لأنك فاهمني غلط.
فهد:ويش بتكذبي فيه بعد أنا شفتك ومستحيل أصدقك وأكذب عيوني...ربي كشفك لي على حقيقتك..
رجعت خطوتين إلى ورى هذا مو فهد مو فهد صرخت فيه:مو أنت اللي ما تبغيني أنا اللي ما أبغا............ما كملت كلامي لأن..طحت!
سمعت صراخ .
****************************
أنا وين ..في المستشفى!!!!!!!!! أيش أسوي فجأه تذكرت فهد ومن ذكرته ذكرت كل شي وعيوني أمتلت دموع ..
ملاك بلهفه:قمر أنتي بخير؟
:ملاك راسي يألمني حيل.
ملاك:أي حبيبتي لمن طحتي الضربه جات على راسك وانجرح وهم لافينه لك كم يوم ويندمل وترجعي على طبيعتك.
:آآآآه كل من فهد أكرهه .
دخل راشد وتغطت ملاك سلم علي ببرود :الحمدلله على السلامه.
:الله يسلمك راشد لو سمحت إذا أنت مو واثق فيني لا تجيني ما أبغاك.
راشد:قمر أنتي خالتي وواجب علي أحترمك.
بدأت أبكي:ماأبغاك ماأبغاكم كلكم أكرهكم تكذبوني ولا راضيين حتى تسمعوا مني.
راشد:طيب قولي الحين راح أسمعك.
:مستحــــيل خلاص أنا عرفت الحين أنا ما في أحد منكم يحبني ليه أتعب نفسي وأنتو أساساً مو واثقين فيني.
راشد:عن أذنك. وطلع
بكيت أي بكيت حظي العاثر وملاك حضنتني وبكت معي وظليت أبكي فهد اللي ما صدقني أبكي راشد اللي مو راضي يتقبل مني أي شي أبكي خواتي اللي على طول احتقروني أبكي كل شي.أيش راح يعاملني أبوي بعدين لا مستحيل الا أبوي أهو أهم حاجه في حياتي أهو وفيصل الباقين ما يهموني.
*****************
بعد فتره جلست شفت ملاك ابتسمت في وجهي ورديت لها ابتسامه حزينه قمت وساعدتني وصلتني الحمام وأنتو بكرامه رجعت وجلست على سريري صار المكان هدوء شفتها تطالعني بنظرات ترجي ابتسمت وبدأت أحكي لها كل شي وما حذفت شي عاتبتني بأشياء وأنا كنت معها بس في ذاك الوقت كان تفكيري منشل سكتنا من جديد بعدين قلت لها:شكراً ملاك.
ملاك:ما سويت شي أنا أول ما سمعت ما صدقتهم قلت مستحيل قمر تسوي كذا أكيد كذابين وعصبت يوم بدوا يطلعوا كلام عليك وطلعت من الغرفه بسرعه.
دخلت وحده الغرفه وجت اتجاهي بسرعه وفتحت عن وجهها كانت روان عيونها تشع ألم وحقد:ليه تسوي كذا هذا جزاتنا زوجناك وعيشناك في بيت ما في مثله وتردين المعروف بكذا لو أنا مخلينك في بيت خالتك كان ظليتي غراميات مع اللي ما يتسمى ...
ملاك:روان.
روان:آه الله يخليك لا يكون مصدقتها ما تذكرين ماتذكرين يوم كانت تبكي وتقول انها تحبه ...ما كملت كلامها لأن ملاك عطتها كف قوي:أنتي كيف تتكلمي عن خالتك كذا فين الأحترام.
كنت مثل الأطرش في الزفه أطالع روان اللي حاطه يدها على خدها وملاك اللي تتنفس بقوه :روان ما راح أقول الا مثل ما قلت لأخوك طلعي بره.
فجأه شفت نفسي في حضنها كانت تبكي:قمر ليه سويتي كذا؟؟
:خلاص تعبت بسكم تلوم فيني ليه يا ربي تسوي فيني كذا ليه آآآه
ملاك وهي تبكي معنا:حرام عليك روان مو ذنبها هي ما سوت شي فهد فهم غلط.
روان:بس يقول شافك وأنتي تاخذي منه ورده وكلام حب أيش معنى هذا.
:أنا ما فهمت كلامه كنت مدودهه ومرتبكه من كلامه لي.
سكتنا بعدين قلت:لو أحد غيرك كان مستحيل أشرحله الموضوع بس أنا عارفه أنك غير عنهم.
ضحكت في وجهي وقالت وهي تضمني وتبوسني على خدي:آسفه ...وبعدين ملاكووه ليه تضربيني ها؟
ضحكت ملاك:قهرتيني خبله فكري بعقل بعدين تعالي.
روان:ما كنت مصدقه أمي أخذت سواقنا وجيت لها ركض طيب تـأسفي على الأقل.
ملاك:ماني متأسفه على شي جا في وقته الصحيح لو أني غلطت كان تأسفت.
:ههههههههههه.
روان:شر البلية ما يضحك.
:تصدقين ودي بشي يمحي ذاكرتي وانسى كل اللي صار.
روان بضحكه شريره:أيش رايك نجيب خمر ونسكر على كيف كيفنا ونلعن أبو الرجال.
ملاك:يمه تخوفين صدق خبله.
:شكرا بنات ونستوني شوي.
روان:هذا المطلوب.ما قال متى بتطلعين؟
:ما دري.بنات شلون أرجع وفهد في نفس البيت؟
ملاك:هو بيتكم مو بيته.
:شنو هالكلام أحنا عارفين أنا هذا بيت فهد بعد وأنا ما صار لي فتره في البيت.
روان:خلاص سكروا الموضوع يلا بنات تأخرت برجع بيتنا.
:إي صح أيش صار معك.
روان: خليك في همك وراك هموم كثيره بااي.
أنا وملاك:بااي.
*********************
مرت ثلاثة أيام كانت ملاك ما تتركني فيها الله يخليها لي اليوم بطلع لبست عباتي أنا وملاك طلعنا من المستشفى وركبنا السياره اللي كان فيها راشد مع أن ما كان ودي أركب معه مشى راشد:الحمدلله على السلامه قمر.
:الله يسلمك.عم الهدوء في السياره وصلنا البيت دخلت وتذكرت كل شي بالبطيء وبديت عيوني تدمع لكني مسحتها وقلت في نفسي اللي ما يبيني أنا ما أبيه دخلت شفت فيصل سلمت عليه وبعدين أبوي ضمني بقوه وبحنان قال:الحمدلله على السلامه حبيبتي.
:الله يسلمك.
صعدت غرفتي مع ملاك بعدين قالت:طيب أتركك قمر علشان ما تملين مني.
:ولو كل شي ولا أحلى ملاك.
ملاك:شكراً أخجلتي تواضعي...باايوو.
:باي. طلعت أخذت ملابس ورحت أتروش وبعدين رجعت ونمت على السرير بسرعه كنت تعبانه حيل.
***********************
جلست الظهر يييي نمت كثير قمت ودخلت الحمام وأنتو بكرامه تحممت ولبست أسود كنت راح أطلع بس فهد أكيد هنا وأنا ماأبغى أتقابل معه نهائي هونت مسكت السماعه ودقيت على الخدم طلبت لي كوفي وحبت راس.
بعد فتره أنطق الباب ودخل أبوي ومعه صينيه فيها أكل وعصير وحبه محطوطه في صحن.
جا وجلس جنبي :شفت ماري بتصعدلك الحبه مع كوفي قلت أجيبلك أنا أكل وتاكلينه وبعدين أعطيك الحبه.
:يبا مو مشتهيه.
أبوي:راح تاكليه كله يلا أشوف.
حاولت أتغصب كم لقمه بعدين أخذت الحبه وبلعتها مع العصير.
بد يمسح على شعري بحنان.
قلت بتردد:يبا تصدقهم.
أبوي:أنا مستحيل أكذب هالوجه السموح وما يهمني فهد ولا غيره أنتي بنتي وأنا واثق فيك مو كفايه أنك بنت أم قمر الله يرحمها.
ضميته بقوه: أحبك يبا.
ضحك وقال:وأنا بعد.
بقى شوي معي بعدين طلع أفف أيش أسوي أخذت لابتوبي من زمان ما فتحته وحركته فتحت على المنتديات اقرا مواضيع ظليت فتره طويله طالعت الساعه يااه ثلاث ساعات وأنا جالسه عليه سكرته شلته ودخلته في الدرج الا بدخلت ملاك....
ملاك:أهلين خالتووو أخبارك؟
:بخير وأنتي؟
ملاك:الحمدلله.
ظلينا نسولف بسوالف عاديه بعدين قالت ملاك:أنا قررت أجي أنام معك.
:وأختك؟
ملاك:آفا ما تبغيني.
:بالعكس بس أختك ما يصلح تظل لحالها.
ملاك:لا هي بتروح بيت خالتي لولوه فقررت أجي معك.
: أحسن من هالملل اللي عايشته.
ملاك:ألحين بس يوم وقلتي ملل شلون بعدين.
:إلا شصار على ملكة راشد.
ابتعدت عني وقالت بعصبيه : ما أدري وما يهمني .
إستغربت : شفيك ما قلت شي خلني بس أتصل على روان أسألها احسن منك.
أخذت الجوال وإتصلت طالعت في ملاك كانت واقفه يم الشباك وإطالع بره ومبين إنها سرحانه ردت روان:هلا قمور .
بعدت عيوني عن ملاك: هلا فيك أقول روان شصار على ملكة راشد.
روان : ماشي أجلها بما إنك كنتي في المستشفى والحين ما تكلم بالموضوع.
: روان أفضل إنك تكلميه وتخلوها أسبوع الجاي .
روان :بس ..... .
:بس شنو؟
روان : قمر راشد يقول إن فهد مصمم يطلقك ويمكن هالأسبوع.
حسيت بألم في قلبي ليش تذكرين الموضوع يا روان حاولت أضبط نفسي: حتى لو خليه يسويها هالأسبوع هو كان ينتظر من زمان وأنا ما يحتاج أروح أظن ماحد راح يفرح بوجودي.
روان: قمر متأكده.
:إي يلا باي .
روان :باي.
سكرت منها وجلست على السرير وأنا منصدمه لهدرجه مستعجل يبي يتركني :قمر شفيك؟
طالعت ملاك اللي سألتني حاولت أهدي بنفسي وقلت وأنا أقاوم دموعي:ما فيني شي بس ......بس .....
نزلو دموعي وأنا أهز برجلي جت ملاك وضمتني :خلاص قمر هدي إنتي قلتي ما تبينه أثبتي في داخلك هالشي.
: ماأقدر لهدرجه ما يبيني .
حاولت أتنفس بهدوء علشان أهدي نفسي وقفت ومسحت دموعي :خلاص ليش أصيح إذا هو يبغي هالشي بكيفه.
إنطق الباب في هالوقت:مين؟
....:أنا.
طالعت في ملاك: تفضل.
دخل إبوي وكان وجهه مخطوف وفي إيده ورقه أول ما شفت الورقه مسكت إيد ملاك وطالعتها بخوف حاولت إطمني بعيونها
تكلم إبوي: قمر ممكن نظل لحالنا .
تمسكت بكتف ملاك : لا يبه ملاك تعرف كل شي .
ملاك وهي تحاول تفك يدها مني : قمر أفضل إني أطلع.
طالعتها : لا راح تظلين معي.
أشر أبوي على ملاك : ما عليه ملاك ظلي.
طالع في الورقه اللي بإيده : قمر هاذي ........
كملت : ورقة الطلاق صح.
سكت أبوي وهو يطالعني وأنا ضاغطه على إيد ملاك بقوه عم هدوء بسيط لين قال :ما توقعت فهد يستعجل بالموضوع و...
قطعت كلامه : ما عليه يبه إذا هو يبغى هالشي أنا راضيه .
إبتسمت في وجه أبوي علشان أبين له إنه عادي فتحت الدرج اللي جنبي وأخذت قلم وفتحته بإيد وحده من دون ما أحرك الثانيه اللي ماسكه يد ملاك :يلا يبه عطني الورقه .
أخذتها وفتحتها بنفس الأيد ومسكت القلم ووقعت إيه وقعت آخر لحظات كنت زوجة فهد فيها.



وأنتظر ردودكم مع تحياتي ............Longing


موووووج

[لجلك ياصعب]

لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااا

قهـــــر ليييش يطلقها هالكلب والله انه غبي ليييش مااعطاااهــا فـــرصه من جـــــد قهر

يااالييت لوو يرجعووووون لبعض طييب ليش ابو قمر مافهم فهد الموضوع مو معقوله كذا
اففففففففف الله ياااخذ هالحقـــــير فـــارس
يعااافييك ربي ياااموووج الباارت مرهـ حماس بس زعـــلنـــــــي
انـــا في انتظااارك وزي ماقلت الاحد مااراااح ادخل بس اتمنى الاثنين ادخل والقى البارت

الله يـــوفــــــقــــــــــــــك


:tears: :tears: :tears: :tears:
:no: :no: :no:

[عبق الزهور]

السلام عليكم ورحمة الله وبركاته

أخبارك؟؟

يسلموو ع البارتات الحزينهـ..:tears:

وربي تقطع قلبي على قمور..وربي مايستاهلها الدب فهيد..واللحين هذا هو يحبها طوالي طلقها كيف لو كان يكرهها..ولا الحيوان فارس مخطط لكل شي يعني معقوله بس عشانها أرفضتهـ قسم شي يقهر..ولا كل هذا بصوب ورشدوهـ بصوب معقوله يصدق بخالتهـ قسم قهرني..ولارؤى حيوانهـ لقتها فرصهـ عشان تتشمت..ولاروان صراحه انصدمت يوم صدقت فيها بس زين عرفت انها مظلومهـ..ولاملوكـ وهـ بس عليها هاذي المرهـ السنعهـ..

بليز غلاتي لاتطولي بالبارت الجاي حدي متحمسهـ..

دمتي بحفظ الله..

[توتا]

حراااااااااااااااااااااااااااااااااام
بس انا عندي احساس انة قمر حطلع حامل ويرجعها فهد

[شمعة الدار]

قههههههههههههررررررررررررررر ياربي عالناس العجوله

هذا وهو دكتور ومتفهم وواعي انه لازم في حالة النقاش يسمع من جميع الاطراف مو من طرف واحد

وهالفارس الله يشيله ان شالله ويفكنا منه


بارت يقهرر

قوووووووهييييييييييد

[موج الشوق]

تسلموووووووووووون لردودكم
وان شاء الله تكون نهاية سعيده
ولعيونك يا لجلك الصعب راح انزل البارت
ان شاء الله يعجبكم
مووووج

[موج الشوق]

البارت السادس عشر....

أخذتها وفتحتها بنفس الأيد ومسكت القلم ووقعت إيه وقعت آخر لحظات كنت زوجة فهد فيها.
طلع أبوي ورميت نفسي على السرير بقوه وغطيت وجهي أمسك دموعي ماراح أصيح أبدا أنا ماني غلطانه
ملاك: قمر .....قمر.............. ردي علي.
رفعت راسي وأنا أحاول ما أبين قهري وحزني : نعم.
ملاك: صدقيني ما أحد يستاهل إدموعك الغاليه.
قلت وعيوني تلمع: يعني أنتي ما بكيت على أحد قبل؟
إبتسمت إبتسامه جانبيه وقالت: لما ماتت أمي ولما ...............
: ليه سكتي كملي ولما شنو.
ملاك: أوه أنا فيني النوم ما تبين تنامي.
: ملاك قولي.
ملاك: ما أقدر أقولك.
: ملوكه حبيتي لا تخبي علي قولي.
ملاك: مو قايله ويش بتسوين ؟
: إمممممممم بطردك من غرفتي.
ملاك: عادي أروح أنام في غرفه ثانيه.
:إوكي خلاص زعلت منك ما راح أكلمك .
ومثلت عليها أني حزينه وأنا أقول: ماحد يحبني في هالبيت.
ملاك: خلاص راح أقولك.
إبتسمت وقالت ملاك: يا نصابه من شوي بتصحين.
بوزت وقلت: ملوكه.
ملاك: طيب صحت لما .... لما ..... ماتت صديقتي المفضله في المدرسه.
حزنت على ملاك : الله يرحمها أنا أسفه ما كان قصدي.
ضحكت ملاك وأنا إستغربت يعني ما قلت شي يضحك.
ملاك: هههه ماأقدر أنتي فظيعه يا قمر.
عصبت ليه تضحك: ملاكوه لا يكون مكذبه علي.
ملاك: لالا بس أنتي بسرعه تتفاعلي مع الموضوع .
قلت بتشكك: يعني ما كذبت علي.
قالت وهي تناظر فوق:لا.
: لا والله ليه ما تناظري في عيوني.
ملاك: صدعتي راسي ما بتنامي أبغى أنام.
: ملاك تو الناس على النوم بعدين أنا ما فيني النوم.
ملاك : كيفك أنا بنام.
: ملاك .
ما ردت علي وراحت بتنام طيب يا ملاك أرويك إلا ما أعرف شنو مخبيه علي رحت وقفت جنب الشباك وأنا أناظر تحت وأفكر بأشياء كثيره إنتبهت لسيارته ليه لازم أتذكر ليه لازم أشوفه شفته وهو ينزل من السياره وكان يطالع الأرض دق قلبي بقوه من شفته ليه يا فهد ما سمعتني ماسألتني طلقتني بكل بساطه وبكل برود هذا الحب اللي كنت تقول عنه وينه بكل سهوله إنتهى حسيت بحرارة الدمعه وهي تنزل على خدي مسحتها بسرعه لا تبكي يا قمر لاتضعفي نزلت نظري مكان ما كان موجود أختفى وإنتهت حياتي معاك يافهد.........
رحت و انسدحت جنب ملاك وحاولت أنام لكن النوم جافني ظليت مغمضه عيوني لين نمت......
****************
حسيت بأحد يناديني فتحت عيوني شفت ملاك فوق راسي تناديني : قمر قمــــربسك نوم قومي.
: كم الساعه الحين؟
ملاك: تسع.
: آوه تو الناس خلينا أنام بعد .
ملاك: لا ياعيوني قومي أنا جوعانه وأبغى أنزل أفطر.
: نزلي حد ماسكك.
ملاك: هذا إكرامك لضيفتك تنزل تفطر لوحدها.
: طيب بقوم آف.
نزلنا أنا و ملاك تحت ودخلنا المطبخ وطلبنا من الخدامه تحط لنا الفطور بدأنا نفطر.....
ملاك: قمر إيش رايك بعد ما نفطر نطلع الحديقه نجلس هناك الجو حلو اليوم.
: لا مستحيل .
ملاك:ليه طيب.
: فرضي أنو فهد يجي فجأه هناك وأنا مطلقه منه مايجوز و لايجي أحد مو حابه أشوفه.
ملاك: مثل منو؟
تجمعوا الدموع في عيوني: كل الي صدقوا فهد و كذبوني.
حسيت بيد ملاك على كتفي: لا يهموك و دموعك ما يستاهلونها.
: المشكله حتى راشد اللي كنت إعتبره مثل أخوي فيصل معهم.
ملاك: قمر إنتي أقوى من كذا أنسي .
: معك حق أنا أقوى من كذا.
مسحت دموعي و ابتسمت ولفيت على ملاك
ملاك: ايوه هذي قمر الي أعرفها.
فطرنا و صعدنا فوق
: ملاك.
ملاك: همممم.
: أبغا أصعد الجناح.
طالعت فيني ملاك با ستغراب : أبغا ألم أغراضي أنا مستحيل أرجع لفهد بعد الي صار أنا عارفه إنه ما يبيني ( إختنق صوتي) بس إذا عرف إني بريئه ما أبيه يفكر لو لثانيه إني برجع له.
ملاك: طيب يلا نصعد.
: ملاك أبي أصعد لوحدي ممكن.
هزت ملاك رأسه: بظل هنا في الصاله و إذا تبين شي ناديني.
صعدت فوق فتحت الباب ...دخلت غرفت النوم....تذكرت كل شي ...كل ضحكه... كل فرحه... كل دمعه...كل بسمه....هناك زعلت من فهد و راضني فهد ما يرضا على زعلي ....ما يرضا ...شفت صورته على الكمودينه ...رحت مسكتها كان مبتسم في الصوره ..
إبتسمت بحزن هالشخص إنتهى من حياتي ولازم أنساه رجعت الصوره مكانها

مجبوره أنا أعيش من بعد فرقاك....
و أخفي جروحي بين نفسي و ذاتي...
بدأت أشغل نفسي علشان ما أفكر لميت أغراضي في شنط و اتصلت على الخدامه تجي تنزل الاغراض غرفتي و نزلت شفت ملاك بوجهي فاتحه إيديها الثنتين لي ابتسمت في وجهها...
: ليه فاتحه إيديك.
ملاك: لا بس فكرتك بتنزلي تبكي بس طلعتي أقوى من كذا تعجبيني .
: هههه قلت لك أنا أقوى من كذا.
رحنا غرفتي وشوي جت الخدامه بالاغراض رتبنا أنا و ملاك الاغراض بالدولاب
ملاك: خلصنا و أخيراً.
: الله يعطيك العافيه.
ملاك: الله يعافيك يلا طلعي بقشيش.
: أي بقشيش.
ملاك:بقشيش مساعدتي لك.
:أنا خالتك تأخذين مني بقشيش آفا بس آفا أقول وخري بس وين جوالي؟
ملاك: ليه على من بدقي؟
:ألحين تشوفي وين جوالي؟
ملاك:هذا هو على الكوميدينه الي مأخذ عقلك.
أخذته ودقيت على روان...
: ألو .....هلا روان ...أخبارك؟.......و أخبار زوجك؟...... ها بشريني إيش صار على ملكه راشد......صحيح ألف مبروك....أنا الحمد الله....أبد البارح جت ورقه طلاقي.......لا لا تخافي أنا بخير.....ملوكه معاي.....ويه فديتك بنت أختي....الله يخليك لي.....دقي علي كل يوم وقولي لي التجهيزات للملكه أول بأول.....طيب مع السلامه.
ملاك: بيسون الملكه.
قلت و أنا مبتسمه: إيه هالاسبوع .
شفت ملامح ملاك تغيرت
: ملوكه إيش فيك؟
ملاك: ليه ماراح يستنونك لين تطلعين من العده.
: بصراحه حرام يستنو ثلاث شهور و شوي و راشد من زمان ينتظر هاللحظه مستحيل أخليه يأجلها.
ابتسمت ملاك: تعرفي أنك أحلى خاله في الدنيا و راشد يحب إيده ظهر و بطن لانك خالته.
قلت بغرور: مشكوره .
ملاك: أقول لا تنغري علينا.
: يحق لي الغرور.
ملاك: لا يكثر.
مسكت الجوال مره ثانيه
ملاك: على منو بدقي بعد.
: على فطوم أشوف تجهيزاتها للملكه.
: ألو هلا فطوم.......أخبارك .....ها شنو تجهيزاتك للملكه بخير.....بس......مع السلامه.
صوتها ما عجبني فيها شي مو هذي صوت فطوم اللي أعرفها قطع سرحاني صوت ملاك: إيش فيك سكرتي بسرعه منها.
: هي اللي سكرت تقول مشغوله.
ملاك: هممممم.
أذن الظهر وقمنا صلينا....
: ملاك أبغى أكل.
ملاك:ما بغى شي على الغدا .
: خلينا نتغدا هنا يمكن فهد تحت.
ملاك: خلاص أدق على الخدامه تصعد لنا الغدا.
دقت ملاك على الخدامه ومرت فتره وجابت لنا الخدامه الغدا و تغدينا ..........
**********************
اليوم ملكة راشد على قد ما كنت فرحانه لهم على قد ما كنت حزنانه لأني ما بحضر ملكتهم أنا من تطلقت ما كلمت فطوم راح أخلي راشد الليله يخليني أكلمها أحس إني مخنوقه من الغرفه أكثر وقتي أقضيه فيها بسبب ظروفي غير إني مطلقه وجود فهد معاي في نفس البيت مع إن الخدامه يوم سألتها قالت لي إن فهد ما يجي إلا وقت النوم ومتأخر بعد ويطلع مبكر بس مابي أقابله أو أسمع صوته أبد كفايه إنه ظلمني قبل ما يسمع مني شي أما راشد فتغير معي ميه وثمانين درجه كلهم تغيروا معي إلا البنات وجنى امها مانعتها تشوفني وروان متزوجه وما عندها وقت ما عندي غير ملاك ولو عندها أم كان منعتها عني الله لا يسامحك يا فارس اللي قلبت حياتي فوق تحت
: سبرايس.
لفيت على الباب : ملاك! ليش جايه ؟
قالت وهي تحط إيدها على خصرها: بتطرديني يعني .
قلت بإستغراب: لا بس توقعت إنك تتجهزين حق ملكة راشد ترى ما في وقت الحين العصر وما بتلحقين .
قالت ببرود: ماني برايحه .
فتحت عيوني: ليش ؟ إنتي تدرين إن روان تبغاك معاها.
قالت ببتسامه ويسعه: هذا جزاتي جايه أونسك بدال ما تقعدي بروحك . وكملت وهي تفسخ عباتها : وإذا على روان لا تخافين ما راح تحتاجني وما بتسأل عني بعد بتصير مشغوله بملكة أخوها وتتعرف على أهل العروس.
: ملاك حتى لو على الاقل كوني معاهم .
ملاك : سكري الموضوع ها وش بسوين الحين .
مسكتها وجلستها على السرير : الحين بطلع لك فستان ناعم وراح تروحين غصبا عنك.
ملاك وهي تسترخي على السرير : لا تعبين نفسك ماني برايحه .
ما إهتميت لكلامها وطلعت لها فستان من فساتين عرسي رايق وحلو : شرايك بهذا .
طالعتني بإستغراب : قمر هذا فستان من فساتين عرسك.
إبتسمت في وجهها :أدري يعني بخليهم معلقين لازم أستخدمهم يلا من حظك بتلبسين هالفستان مو إنتي أخترتيه لي .
قالت وهي توقف: لا تعبين نفسك ما بروح خليني أشوف فصولي شيسوي .
وقفت لها على الباب قبل ما تطلع : مافي راح تروحين يعني لا أنا ولا إنتي مع روان بتمل لحالها .
ملاك بضيق: قمر يلا عاد خلي هاليوم يمر على خير .
عصبت : ملاكو ترى عليتي كبدي صار المغرب وإنتي ما سويتي شي متى راح تسوين شعرك وتحطين ميك آب .
ملاك:أففففف مابي .
قربت منها ومسحت على شعرها : ملوكه حبيبتي يلا عاد بس شوي ساعه بين نفسك قدام روان ونوره وتعالي .
لفت ملاك وجهها بملل : بس ساعه علشان خاطرك .
:إي هاذي ملاك اللي أحبها .
قعدت مع ملاك بدأت تسوي شعرها وأنا جالسه أطالعها مر الوقت تعشينا في غرفتي وبس صارت الساعه تسع قلت لملاك تقوم تروح مشت ملاك وظليت لحالي أطالع سقف غرفتي وأنا ملانه فكرت أتصل في راشد أخذت جوالي وإتصلت :ألو
: ألو هلا راشد .
قال برسميه :هلا هلا .
: ها ملكتوا ؟
راشد:إي.
:ألف ألف مبروك عقبال الزواج .
راشد :الله يبارك فيك.
ضحكت على كلامه قالها كنه يكلم رجّال: إذا دخلت على فاطمه إتصل علي خلني أكلمها .
راشد :إن شاء الله.
:أوكى أخليك باي .
راشد : مع السلامه .
سكرت منه مو عارفه شسوي مرت نص ساعه وأنا جالسه لحالي غفت عيني من الزهق نقزت لما إنفتح الباب وشفتها وقفه يم الباب وصافه أسنانها بضحكتها رجعت راسي على المخده : ليش رجعتي ؟
قالت وهي تسكر الباب : بس زهقت .
قمت وأنا معصبه : ملاك حرام عليك أمداك تزهقين نص ساعه اللي غبتيها نص ساعه .
ملاك وهي تجلس جنبي : عادي تكفي .
: تكفي! ربع ساعه طريق الروحه وخمس دقايق جلستي مثلا وربع ساعه رجعه وتقولي زهقتي .
قامت وهي ترمي عباتها : قمر خلاص رحت زي ما بغيتي وإنتهى الموضوع .
وقفت يم النافذه وهي إطالع الحديقه قمت وأنا أقول : لا ما إنتهى الموضوع . وقفت يمها :إنتي فيكِ شي ولازم أعرفه .
قالت بهمس وهي تمرر إيدها على النافذه : ما فيني شي ....بس .......... مكتوب لي أعيش تعيسه مثلك .
ما فهمت شي من اللي قالته : وليه تعيشين تعيسه .
قالت وهي تبتعد عن النافذه : ولاشي لا تصدقي خرابيطي .
مسكت كتفها : لحظه .
صرت أربط كلامها بهالليله تفاجئت باللي توصلت له وقلت بشك : ملاك إنتي تحبين راشد ؟
بعدت إيدي بدون ما إطالع عيوني : ما عليك من خرابيطي .
حطيت إيدي على صدري : ...........بس ..............بٍس .....................إنتي ما قلتي لنا من قبل .
حطيت إيدينها على راسها وهي مغطيه عيونها وقالت بصوت مخنوق : شأقول لكم إني أحب واحد ما يبغاني ولا فكر فيني .
رحت وجلست جنبها وحطيت إيدي على كتفها بدون ما تكلم ولا كلمه السكوت هو الحل الأنسب في هالوقت رن جوالي طالعته كان راشد ما عرفت أرد عليه أو لا قمت إبتعدت عن ملاك ورديت عليه :ألو .
راشد : هلا هاذي فاطمه معك .
قلت وأنا أطالع ملاك :أوكى .
فاطمه : هلا قمر .
قلت بهدوء :هلا فيك أخبارك .
فاطمه : بخير .
: ألف مبروك .
فاطمه : الله يبارك فيك .
ظليت ساكته فتره أنتظرها تكلم بس ما تكلمت : يلا فطوم أخليك .
فاطمه : باي .
وسكرت إستغربت شكلها مستحيه من راشد رجعت جلست يم ملاك أول ما جلست رفعت ملاك راسها وهي توقف وقالت : قمور يلا قومي خلنا نروح غرفة فيصل نغير جو كل هنا .
: يلا .
************************
مروا الثلاث الشهور كاملين ما صار فيهم شي يذكر ملاك تجيني كل بين فتره وفتره وساعات تصير معها جنى وروان إذا لقت وقت جت وما قطعت لإتصال على فكره حياة روان صارت أحسن وزوجها صار أحسن معها إن شاء الله يحبها ويسعدها بس...... فاطمه من كلمتها ليلة الملكه ما كلمتها مره ثانيه وإذا إتصلت على جوالها ما ترد علي أما راشد أحيانا يزورني صار غير عن قبل ما يمزح معي ولا شي ويمكن يجي علشان أبوي ويمر علي .
الحين أقدر أطلع من غرفتي وأبدل ملابسي وأسوي كل شي أبيه إتفقت مع ملاك وجنى وروان نطلع ونروح مطعم نتغدى بما إنها أول مره راح أطلع فيها رن جوالي كانت جنى :ألو هلا جنو.
جنى : هلا فيك جاهزه ؟
:إي بس أنتظركم وين إنتو .
جنى :إحنا تحت يلا نزلي .
:يلا نازله .
سكرت منها حطيت جوالي بشنطه ونزلت أول ما طلعت إنفتح الباب الكبير للبيت ودخلت سيارة فهد توترت أول ما شفتها حاولت أهدي من نفسي ورحت لسيارة السواق ركبتها كانو البنات فيها وروان قالت بتشوفنا بالمطعم لفت ملاك اللي كانت إطالع في النافذه علينا : شفتوه ؟...أتحداكم إذا ما كان يطالع في سيارتنا .
جنى : ليش ما تسكتي أحسن .
سكتنا لمن طق أحد النافذه اللي على جهتي طالعت كان راشد فتحت شوي منها : هلا راشد .
راش: هلا وين رايحين .
قالت ملاك بهمس مسموع : يا شين اللقافه .
شفت عيون راشد اللي خزتها بدون ما يتكلم وحبيت أسكر الموضوع : بنروح نتغدى في مطعم .
طالعني : أوكى لا تتأخروا .
:إن شاء الله .
إبتعد وسكرت النافذه وحرك السواق لفيت على ملاك : إنتي ما تعرفي تمسكي لسانك .
جنى : طلبتي الشي المستحيل .
ملاك : ما لكم خص فيي وأصلا ماله دخل وين رايحين .
: بس هو ما غلط شافنا طالعين وسأل .
ملاك :أقول بس غيروا الموضوع ولا تبون تخربوا هالطلعه .
وصلنا المطعم وجلسنا :أحس بإحساس غريب لأن من زمان ماطلعت .
جنى: لازم والله ما توقع إني أنحبس ثلاث شهور في البيت .
قلت بدون شعور وأنا أطالع في النافذه :و أنا بعد ما توقعت إني أطلق بسرعه وأعيش ثلاث شهور كذا يمكن حسبت إني راح أعيش حياه سعيده بعد ما عرفت فهد لكن...... كل شي إنقلب في يوم وليله وهذا أنا عشت عدتي وخلصتها ورجعت حياتي العاديه .
ملاك :أنا سمعت إنه راح يخطب .
جنى : مـــــــلاك .
: الله يهنيه .
جنى : قمر ليه ما تحاولي تكملي دراستك.
:ما أبي أحس نفسيتي زفت ومومستعده وإنتهى وقت التسجيل ما بقى على الدراسه إلا إسبوعين .
ملاك : مو كأن روان تأخرت .
جنى :إتصلي عليها .
طلعت ملاك جوالها وإتصلت :ألو هلا ........... وينك ؟............... أوكى باي... تقول خمس دقايق وتوصل .
: ما قالو لكم متى حددو عرس راشد.
ملاك : تقول ما بعد بس يمكن بعد شهرين زياده .
دخلت وفتحت الغطا روان: هاي بنات تأخرت عليكم.
ملاك: كنا راح نمشي من شوي أنتي ووجهك.
روان بفرح: مستانسه حدي.
: أوووه فرحينا معك.
روان: أنا......... أنا........ أحس أني مو قادره أنطقها.
ملاك: يلا عاد عن الملاقه وقولي.
روان: باركوا لي .
:على شنو؟
روان: أنا حامل.. حامل.
فرحت لها كثير: مبروك .
ملاك: الله وناسه بتصير عندنا ملاك جديده.
روان: ويه ما بغيت ألا أسمي بنتي عليك وبعدين يمكن يكون ولد.
ملاك: طيب أذا كان ولد سميه ........ أممممممم ملك إيه ملك.
روان: يا قلبي مو أنا اللي راح أسميهم أكيد زوجي.
:صحيح ويش صار لما قلتي له.
سكتت بعدين قالت : ما قلت له.
: ليه هو المفروض أول واحد يعرف.
روان: كنت خايفه.
: من شنو خايفه.
روان: مدري خايفه وبس.
ملاك: ياي أحنا أول ناس ندري.
إبتسمت روان وأنا خزيت ملاك : ملاك .
ملاك: لا تطالعني كذا إهي اللي ما قالت.
: روان لازم تقولي لزوجك.
روان : راح أقوله في أقرب فرصه.
طبعا طلبنا وتغدينا كنت فرحانه حدي أحس كني ما شفت الدنيا من سنه رجعنا لبيوتنا وصلنا جنى بعدين روان اللي قلت لها قبل ما تمشي.
: روان ما وصيك خبري زوجك.
روان: إن شاء الله.
ظلينا أنا وملاك بس : ملاك حاولتي تنسي راشد.
ملاك: أووووف لو سمحتي سكري الموضوع.
:لا أنتي لازم تنسيه علشان مصلحتك لازم تشوفي حياتك.
ملاك: لا تخافي علي أنا بنساه وبمحيه نهائي.
: أتمنى كذا.
وصلنا ونزلت ملاك وبقيت أنا بعد كم دقيقه وصلت البيت نزلت حسيت بالتعب دخلت شفت فيصل موجود: هلا فيصل.
فيصل: هلا وين كنتي؟؟
: الله يسلمك رحت أتغدى مع البنات .
فيصل: بس أنتي المفروض ما تطلعين.
:شفيك خلصت العده .
فيصل :أها .
قمت وصعدت فوق علشان أشيل عباتي وفي نفس الوقت إنفتحت غرفة فهد خفت ما أبغى أشوفه ......

أتمنى أشوف ردودكم اللي تفرحني ............... Longing

مووووووووووج

[لجلك ياصعب]

تسلموووووووووووون لردودكم
وان شاء الله تكون نهاية سعيده
ولعيونك يا لجلك الصعب راح انزل البارت
ان شاء الله يعجبكم
مووووج

تـــــــــــــــســـلملـــــين يـــــــــــابـــــــعدهم انتي ...


البــــارت مررررهـ حلو وننتظركـ ع احر من الجمر ..

وااااااااصلي يــــــاموووج واحنــا معاك

اخـتك لجلك يــــــــــاصعب ....

:icon26:

[شمعة الدار]

بارت رائع وجميل
والاحلى انها تحاول تكون قويه ما عملت مثل البنات اللي يومهم ينقلب لبكاء ودعاوي على الطليق حاولت تخلي من حزنها انها تكون قويه وتبدا حياتها من جديد بسسسسس اللي اتوقعه انو راح يصير شي يخلي قمر ترجع لفهد بالغصب


ملاك صدددددمه ياحرام تحب والقهر انه مو دار عنها اعب انواع الحب من طرف وحد


تسليم اياديك الغلا


قووووووهيييييييييييد

[موج الشوق]

تسلمووووووووووووووووووووووون لردودكم
واليوم البارت مشوق كثير
اتمنى لكم قراءة ممتعه
مووووج

[موج الشوق]

البارت السابع عشر.....


قمت وصعدت فوق علشان أشيل عباتي وفي نفس الوقت إنفتحت غرفة فهد خفت ما أبغى أشوفه ......
طلع من الغرفه راشد : هلا قمر .
تنفست براحه:أهلين.
راشد:رجعتوا؟؟
:لا بعدنا هناك.
راشد:هيهيهي بايخه.
:ما قلت نكته..عن أذنك.
راشد:أذنك معك.
رحت غرفتي ورميت نفسي على السرير وبدأت أفكر لو فهد هو اللي طلع إيش راح أسوي الحمدلله أنه مو هو أففف أيش أسوي الحين ملل ليه ما بقيت أسولف مع راشد نسيتي نسيتي أنه منهم وصار يكلمك برسميه آآه مهما حاولت ما أفكر في الموضوع يتطرق لي علشان يكدرني قمر حاولي تنسي أو على الأقل تتناسي أبي شي يشغلني أي صح ليه ماأقول لأبوي أني أبغى أدرس طيب ايش أدرس؟؟ نسبتي حلوه وراح تدخلني أي مجال أبغاه راح أدخل طب بس نسيتي أن فهد مو راضي أي فهد فهد طلقني وخلاص رجعت لحريتي وراح أدخل طب وما علي من فهد ....فهد فهد فهد متى أنسى هالأسم وأخليه من ماضيي ما لي الا اللابتوب فتحته وحاولت اشغل نفسي فيه لين صار المغرب قمت صليت وتحممت ولبست وفكرت أنام بس سمعت طق الباب:ميــــــن ؟
......:أنا ابوك ممكن أدخل.
:حياك يبا.
دخل وجا جلس جنبي وباس راسي:أخبار بنتي؟
:بخير أنت يبا كيفك؟
أبوي:أنا بخير ما دام أنتي بخير...قمر أنا أدري إنك تعبانه من طلاقك من فهد وإن هالشي مأثر على نفسيتك بس إنتي بنتي وهو ولدي وأنا محتار بينكم مع إني مصدقكم إثنينكم.
:يبه من حقك إنك تشك فيني أنا ما ألومك بهالشي بس بليز ما تزعل مني ..بس إنت ما سألتني عن الحقيقه حتى .
أبوي: سامحني بس إنتي ما تعرفين شعوري أنا ما أبي أسألك ولا سؤال يمكن تعتبريني أب ما يهتم لحياة بنته بس ما أبي أغلط وأوقف معك والعكس كذالك هاذي حياته وهو حر ما تدرين يمكن يندم بعدين .
اقتنعت من وجهة نظر أبوي:إلا أكيد.
أبوي:طيب أيش رايك تكملين دراسه؟؟
:ما أدري أحس إني مو مستعده .
أبوي:بالعكس هذا بيساعدك على نسيان فهد .
:بس....
أبوي:لا بس ولا شي إنتي تحاولي تقنعي نفسك بهالشي لكن من داخلك تبين تكملي دراستك.
:طيب........... أبغى أدرس طب.
أبوي: ليه طب بالذات.
:بس أنا من زمان نفسي أكون دكتورة وأعالج وأحس أني أسوي شي للمجتمع.
أبوي:هههه حلووه تسوين شي للمجتمع.
:عارفه بس ما كان عندي تعبير غير هذا فلزقته.
أبوي:ما تبين عشا؟
:لا شبعانة أبغى أنام.
أبوي:يعني طرده.
:لا يبا حاشاك.
أبوي:طيب أنا أستأذن وبكره الصبح أبغى أوراقك علشان أخلي راشد يسجلك.
:ان شاء الله.
أبوي:تصبحين على خير.
:وأنت من أهله.
طلع أبوي وطفى النور شغلت الأباجوره وجلست أفكر كعادتي تذكرت كل شي لأن لازم أتجرع شويت مراره قبل ما أنام تطرق تفكيري إلى فطوم من زمان ما شفتها فقررت بكره أروح لها ونمت.
*****************
جلست الصباح وتروشت تذكرت أوراقي قمت أدور لها وثبتتها في ملف وقبل ما أنزل طالعت الساعه أتأكد أن فهد راح للمستشفى طلعت التفت ناحية غرفته وتنهدت نزلت تحت دخلت المطبخ قلت للخدامة أبغى كوفي طلعت ورحت مكتب أبوي طقيت الباب تذكرت أن أبوي الحين في الشغل يعني ما في أحد بالبيت غيري لأن فيصل نايم هالوقت وما يجلس إلا متأخر دخلت المكتب حطيت الملف وطلعت بدأت أتمشى في البيت عطتني الخدامه الكوفي وكملت تمشيه من تطلقت وأنا ما أطلع من غرفتي الا نادر طلعت الحديقه وبدأت أشم شوي هوا أخذت ورده على لون لبسي اللي كان بنفسجي وبست الورده رجعت داخل رحت المسبح وبدأت أتمشى على أطرافه وأنا أطالع في الورده فجأه شفت نفسي داخل المسبح في البدايه كنت بغرق لكن بعدين استوعبت وبدأت أسبح بس رفعت راسي بصراخ:يا حماره تخيلي ما أعرف أسبح كنت غرقت ما عندك أسلوب أبد .
ملاك وهي ميته ضحك: آسفه هههه بس كان نفسي أخرعك وما جت في بالي الا ههههه هالفكره آآه تحفه .
طلعت من المسبح وأنا معصبه وما عطيتها وجه وهي تلحقني :آسفه قمر والله ما كان قصدي بس أنا دفشه أيش أسوي عن جد آس.....قطع كلامها عطستي فما قدرت وانفجرت ضحك.وصلت غرفتي وأنا معصبه عليها قطعت علي أفكاري دخلت الحمام تروشت بماي دافي وطلعت ولبست ونزلت وهي تلحقني وتتأسف :خلاص ملاك عورتي راسي.
ملاك: طيب سامحتيني.
:إيه سامحتك شبعتي.
ملاك:إي الحمدلله أكلت كثير.
:ملاك فيكي شي؟؟ شربتي حاجه لمن فطرتي؟؟
ملاك:لا بس أسلي نفسي ههههههههه.
:ايش فيك صدق انهبلتي.
ملاك:تذكرت يوم أرميك في المسبح حسافه ما صورتك ههههه.
عطست وضحكت ملاك:ههههههههه.
:لا تضحكين كله بسبتك. جلسنا في الصاله أخذت علبة المناديل:كل منك زكمت يا ذي البلشه ...عطست.
وبدأنا نسولف وكل شوي أعطس وملاك بدأت تخاف إني مرضت.
:ملاك خلاص قلت لك أنا بخير.
ملاك:أكيد؟
:أكيدين وعطست.
ملاك:لا شكلك جد زكمتي راح أجيب لك بندول أحسن.
:إي الله يعافيك.
راحت ملاك ركض وجابت لي بندول وما أخذتهم وهي تطالعني بخوف:إيش فيك عادي زكام وبيروح.
ملاك:آسفه أنا بس كنت أمزح ما توقعت أنك قابله للأمراض.
:ههههه إيش قابله للأمراض هذي.
ورجعنا نسولف وأنا استعمل منديل وأرمي الثاني وعطس..
ملاك: إي صح في مين كنتي سرحانه أنا دخلت المسبح وشفتك ماسكه ورده وما انتبهتيلي؟
:أبد كنت أتمنى للحظه أكون ورده.
ملاك بسخريه: إي عادي أنا بهتم فيك وبجي كل يوم أسقيك.
:يا حماره تتطنزين.
ملاك:ما دري عنك قال ورده قال .
:فين الرومانسيه؟
ملاك:الحين الرومانسيه أنك تصيري ورده يلعن أبو الرومانسيه إذا بتحولني لشجره.
:ههههههههه إيش شجره يا هبله.
ملاك:إنتي قلتي كذا.
:أنا قلت ورده الشجرة لك ولأمثالك.
ملاك:هـي إنتي من مساعه تسبي فيني وأنا ساكته لك. وقامت راح تضربني.
:أنا خالتك.
ملاك:ما يهمني وراح تنضربين.
وقمت أركض وهي وراي وندور في البيت كله وضحكنا واصل لآخر غرفه ....وصلنا لغرفتي ورمينا بأنفسنا على السرير وحنا نلهث من التعب :آآه تعبت.
ملاك:آآه وأنا بعد خلاص قومي نصلي الظهر.
:يلا.
خلصنا ورجعنا نسولف وأحنا منسدحين على السرير جنب بعض ..
:تصدقين قلت لأبوي أني بكمل دراسه بدل الملل ومقابل وجهك.
ملاك:صدق ناس ما تنعطى وجه .
:أمزح.
ملاك:طيب أيش راح تدرسين؟
:طب أيش رايك تدرسين معي.
ملاك: لا ما أحب أشوف دم ولا أي حاجه تخص الأطباء.
:أيش راح تتخصصي ؟
ملاك:مدري أتوقع English .بس يمكن أجلس في البيت لأن أنا والدراسة تضاد.
:هههههههههه حلووه تضاد.
ملاك:يلا طلبي لنا غدا.
:أوكي.مسكت السماعه وقلت للخدامة تجيب لنا غدا.
ملاك:لما طلعتي من العده نزلتي مره تغديتي أو تعشيتي؟
:إيش فيك أنتي مستحيل أنزل وفهد فيه.
ملاك:سمعت أبوي يقول أن فهد قال خلوني أطلع بس جدي رفض لأن جدتي وصته به وخلته يوعدها أن ما يتركه وأصلا هو يعتبره مثل ولده.
:إيش فيك عادي ما يهمني أن كنا في نفس البيت.
ملاك:أكيد.
:أيوه أكيد.
:راح أخليك تقولي الجواب الصحيح وظلت تدغدغني :ههههههههه حراـــ هههههههههه م هه عليك هه خلاص ههه
انطق الباب دخلت الخدامه وحطت الأكل وطلعت ورحنا ناكل ونسولف وبعدين مشت الساعه ثلاث ونص أكيد فهد في العمل نزلت ورحت مكتب أبوي وطقيت الباب :تفضل.
دخلت: يبا ممكن شوي.
أبوي:حياك حبيبتي.
:يبا أبغى أشوف صديقتي فاطمه بنت أم فارس من زمان ما شفتها.
أبوي:عادي حبيبتي روحي مع فيصل والسواق.
رديت بفرح:شكرا يبا. حبيت راسه وطلعت. ويوم بطلع شفت راشد داخل البيت :هلا راشد..أخبارك؟
راشد:أنا بخير وأنتي؟
:الحمدلله.
راشد:على وين؟
:بروح لفطوم من زمان ما شفتها ..إممممم . غمزت له :شرايك توصلني؟
راشد:بما أني فاضي يلا .
:دقيقه البس عباتي.
راشد:أنا في السياره.
طلعت وركبت السياره جنب راشد ما تكلمنا كان هدوء لين وصلنا:بتنزل؟
راشد:بوقف السياره وراح ألحقك.
دخلت البيت كان هادئ أنتبهت لفطوم في الصاله مندمجة مع مجله جيت قربت منها وقلت بصوت عالي شوي :إشتقتلك.
رفعت راسها وطالعتني بأشمئزاز:هلا هلا.
ورجعت نزلت راسها هاذي مو فاطمه مستحيل قلت والدموع متجمعه في عيوني:لا يكون صدقتي الكلام اللي أنقال عني أنا.......
فاطمه: مين أنتي أساسا علشان أهتم بأي كلام عنك أنتي وحده تبي الناس تحبك وبس سلبتي الأنظار لك علشان الكل يمدحك وبس علشان تكوني المميزة بس ولعلمك أنا أكرهك ولا عمري حبيتك وأنا اللي قلت لخالتك أم ياسمين أنك تلفين حول عمي واقترحت عليها انها تبعد عنك ولعلمك بعد أنا اللي اتفقت مع فارس من البدايه وطبعا راح أبعدك عن كل شخص لعبتي عليه وخليتيه يحبك أبوك وزوجك وراشد وكلهم الين تظلي وحيده ولعلمك طلاقك من زوجك كله من خططي أنا وفارس .
مين هذي؟؟ هذي مو فاطمه ؟ غمضت عيوني سمعت صوت فتحت عيوني شفت راشد يده ممدودة ويتنفس بقوه وفاطمه مرميه على الكنبه ويدها على خدها راشد : ما توقعت إني أتزوج وحده بهالحقاره بس كل اللي بقوله كلمه وحده ......إنتي .... طالـــق.
سحبني لحضنه وركبني السياره وطول الطريق وأنا مو قادره أستوعب مين البنت اللي كانت قبل شوي هذي مو فاطمه هذي وحده ثانيه فاطمه هي روحي الثاني إسراري عندها وإسرارها عندي فاطمه سمعت صوت الباب ينفتح وينزلني راشد وأنا مو حاسه بشي دخلني وجلسني على الكنبه في الصاله وسمعته يصرخ بالخدامة تجيب مويه راشد:قمر تسمعيني؟
رش علي شويت ماي كنت أبغى أقوله أنا بخير بس مو قادره أتكلم للحين كلام فاطمه يدور ببالي راشد:قمر ردي علي.
هزيت راسي له يعني أنا بخير مو قادره أتكلم صوتي ما يطلع
قام ساعدني وصلني للغرفه سدحني على السرير وغطاني وباس راسي وطلع بسرعه وتركني أفكر وأفكر تذكرت يوم
(قمر:ما أدري.
فاطمه:ويش ما تدري أنا أكيده أنك تحبيه مثل ما أهو يحبك.
:بس أنا ما أحس بمشاعر اتجاهه.
فاطمه:بلى تحبيه بس مو قادره تعبري.)
كانت تقنعني بحب فارس لي ....
تذكرت يوم المشكله يوم
(دخلت ناديه علينا : فطوم فارس يبغاكِ ضروري
فطوم:عن إذنك قمور.
: إذنك معك.
وقبل ما تطلع لفت علي : قمور إنتي متى راح تروحي .
إستغربت سؤالها: عالتسع يمكن.)
***
آآآه وأنا اللي ما ركزت بشي من غبائي آآآه تذكرت كلامها يوم قالت
( مين أنتي أساسا علشان أهتم بأي كلام عنك أنتي وحده تبي الناس تحبك وبس سلبتي الأنظار لك علشان الكل يمدحك وبس علشان تكوني المميزة بس ولعلمك أنا أكرهك ولا عمري حبيتك)
أنا كذا !!!! أي صح كلامها أنا خربت عليها وعلى خالتي وعلى فهد وعلى راشد أنا أنسانه المفروض ما تكون موجوده ليه كذا يا ربي آآآآآه وظليت أبكي شذنبي أنا أكون السبب في تدمير حياة الغير دائما ليش الحياه كذا يا ناس .....إستغفر الله آآآآه تعبت .
إنطق الباب هالوقت : قمر فتحي الباب .
رحت فتحت الباب ودخلت روان مسكت وجهي وأنا ذابحه روحي من الصياح : قمر هدي راشد قال لي كل شي وخلاني أجيك على طول .
:انا عاله عليكم من جيت دمرت حياتكم أنا نحس عليكم كلكم .
زاد صياحي وأنا أقول هالكلمات عصبت علي روان : قمر هذا وإنتي مؤمنه أجل لو كنتي ضعيفة إيمان شسويتي .
: مو ذنبي يا روان صدقيني مو ذنبي .
ضمتني روان وهي تمسح على راسي : حرام عليك قمور ....أصلا حياتنا ما صارلها طعم إلا بوجودك هدي هدي حبيبتي .
ظليت بحظنها إنتي ما تعرفين شنو فاطمه بنسبه لي والحين أكتشف كل حياتي معها كذب بكذب سدحتني وهي تمسح على راسي وتقرا آيات من القرآن.
*****************************
جلست من النوم ما أدري متى نمت ومتى مشت روان بس نفسيتي تعبانه اللي صار لي مو شويه طالعت الساعه كانت ست قمت وقفت قدام النافذه فتحتها وأخذت نفس أحس أني مخنوقه صليت و جلست أقرا آيات من القرآن الكريم أهدي البركان اللي داخلي بذكر الله ما أدري كم مر من الوقت وأنا أقرا قرآن بس ما أقدر أوصف الراحة اللي حسيت بها قطع علي صوت طق الباب سكرت القرآن : مين ؟
:أنا.
قمت فتحت الباب وإبتسمت :هلا يبه .
بادلني ببتسامه أوسع : صباح الورد والفل أخبارك حبيبتي ؟
سكتت ما عرفت شقول أقوله إني كنت جدبه أكثر وحده حبيتها انخدعت فيها .
أبوي :أنا أدري إنك زعلانه بس فكري إن الحقيقه بانت ترى راشد جمعنا كلنا وقال لنا الخبر.
راشد ما أدري شصار عليه : يبه شخبار راشد ؟
أبوي : هو صح متضايق شوي بس يقول الحمدلله اللي كشفها على حقيقتها قبل لا يصير بينهم شي.
أكيد راشد منصدم وصعبه إنه ينسى بسرعه وأنا السبب في حالته
أبوي: يلا انا بروح االشركه.
هزيت راسي بس أبوي وقف :قمر ما سألتيني إيش سوى فهد.
نزلت راسي وقلت بهدوء : ما يهمني .
مسح على راسي:مع السلامه.
وطلع ........فهد آخر همي أفكر فيه أهو اللي تركني بدون ما يعرف الحقيقه شلون أثق فيه وهو مو واثق فيي أصلاً إنفتح الباب بقوه :ألف ألف مبروك .
وجت ضمتني ماكو غيرها ملاك الدفشه دخلت وراها جنى وهي تضحك عليها إبتعدت عني : وأخيرا ظهر الحق وكلن عرف إنك مظلومه هم ما قالوا لنا شلون بالضبط بس المهم إنك مظلومه .
جنى : من البارح وهي زاعجتني تبغى تجي لك وهذا إحنا من أصبحنا هنا على طول .
ملاك:أكيد أنا لازم أول وحده أبارك لك.
: تباركين لي على شنو على صديقه ما كانت تحبيني إلا تكرهني وتحقد علي من الصغر .
ملاك بعصبيه : وليش تفكرين بهالطريقه مثلا فكري على إن ربك خلصك من هالاشكال وإرتحتي منهم .
عورني قلبي من كلامها :الحين إنتي يوم ماتت صديقتك زعلت وصحتي عليها ما تبيني أزعل على أعز صديقه عندي.
قالت والدمعه واقفه في جفنها :أنا كانت صديقتي وأكثر تعرفين شلون صديقتي مو وحده تكرهني من البدايه وتمثل إنها تحبني .
لفت وجهها عني ما تبي تبين حزنها قبالنا قلت وأنا منزله راسي :أنا كنت أعتبرها أعز صديقه لي .
جت ملاك قبالي :قمر بدال ما تفرحين وتحمدي الله على كشفه لحقيقتها تحزنين عليها! قمر أصحي هي خربت حياتك .
قربت جنى يمها: قمر ملاك صادقه عيشي حياتك وإنسيها هي ما أهتمت بمشاعرك وإنتي تحزني عليها .
سكتت معهم حق لازم أنساها بس مستحيل عشت طفولتي كلها معها على طاري هالموضوع معقوله خالتي صدقت إني ألف حول زوجها هذا وهي مربيتني وينك يا يما شوفي بنتك وش صار فيها
جنى: قمر وبعدين ماراح تنسي.
: ما أقدر حتى خالتي صدقتها.
جنى: خالتك ما لها ذنب.
: وأنا بعد ما لي ذنب .
جنى:..........
:خالتي تخلت عني وصدقت كلام فاضي هذا وهي اللي مربتني معقوله للهدرجه ما حد يثق فيني.
جنى: اشرايك تروحين لخالتك وتسأليها.
: خالتي مثل فهد صدقوا كلام ونسوا مين أنا... نسوا أخلاقي وهم أكثر ناس لهم معرفه بهالشي.
جنى: مهما كان هاذي خالتك يعني أنا إذا غلطت ما بتكلميني ؟
لفيت على ملاك: ملاك جيبي جوالي.
عطتني ملاك الجوال و اتصلت على أبوي و إستأذنت منه أروح لخالتي و وافق لبست عباتي.
ملاك: بروح معك.
: يلا السواق بيودينا بس ماعرف عنوان بيتهم الجديد امممممم والله فكره.
اتصلت على ناديه ..
: هلا ناديه....أخبارك....ناديه شنو عنوان خالتي الجديد...بليز...لا ماراح أقول...ايه ..ايه...مشكوره ....مع السلامه...يلا ملاك مشينا.
وصلنا بيت خالتي الجديد دقينا الجرس جت لنا الخدامه
الخدامه: yes؟
: ماما أم ياسمين موجوده.
الخدامه: .yes
: I want seeing her.(أريد رؤيتها)
الخدامه: !come in ,please(أرجوك تفضلي)
دخلنا المجلس وجلسنا..
دخلت خالتي و وقفنا أنا و ملاك
أم ياسمين: السلام عليكم.
ردينا: وعليكم السلام.
جلسنا و جت خالتي جلست
أم ياسمين: أخبارك قمر.
: بخير أنت أخبارك و أخبار ياسمين و أخبار عمي سامي.( شفت عيونها ضاقت)
أم ياسمين: بخير.
: الحمد الله ما سألتيني عن أخباري.
أم ياسمين: هذا انتِ ما فيك شي بصحه متنعمه بخير أبوك صحيح يقولون تطلقتي بس ياحسافة تربية اختي فيك تخوني زوجك معقوله ياقمر معقوله ( جت ملاك بترد عليها بس أنا سكتيتها) طيب واللي كنت أقوله لك عن الزوج و المفروض إنك تراعيه وينه بخرتيه تربيتي وتربيت أختي راحت.
: وصلتي للي أبيه تربيتك خالتي اللي يربي يعرف هو وش ربى عليه إنتِ و أمي الله يرحمها ربيتوني على القيم والاخلاق معقوله أسوي هالشي المفروض إنتِ أول وحده ما تصدقي هالكلام بس للاسف.
أم ياسمين: اثبتي لي برائتك.
**********************


وهذا البارت وسامحوني لأن يمكن أطول على ما أنزل البارت الجاي ..................longing

مووووج

[لجلك ياصعب]

الـــــــــــــــــــبــــــــــــــــاااارت مررررهـ جـــــــــنـــــــــاااااان

ننتــــــــــتظرك .. والله يوفقك يااااحبيبتي

[شمعة الدار]

يا ربي لك الحمد ملاك طلعت برائة

وجع يوجع العدو واصحابه فطوم تستاهل اكثر من طراق وكف احسن شي سواه راشد انه طلقها


بارت يخق خخخ تعلمت الكلمه توه خخخ


قووووهيييييييييد

[عبق الزهور]

السلام عليكم ورحمة الله وبركاته

أخباركـ؟؟

يسلموو ع البارتين التوووحفهـ..

جد جد جد أنصدمت بفاطموهـ حيوانهـ يالله معقولهـ لهالدرجه الحقد..
ولا قمور جد كسرت خاطري ع اللي يصير لها..وصراحهـ منتظرهـ جد لما تقدم على الطب شنو بيكون رد فعل فهد..
ولا فهد شنو كان موقفه يوم عرف أنها مظلومهـ..
ولا راشد زين سمعها بأذنهـ..
ولا ملوكـ وووهـ بس عليها..وربي شكيت من البدايهـ أنها تحبهـ..وبيصير بينهم شي..

بليــــــــز غناتي لاتطولين علينا كثير ونبغى بااااااااااارت حدهـ طوووويل..

دمتي بحفظ الله..

[لجلك ياصعب]

يله يــــا موووج ادري قلتي بتطوليين بس ماافيينا نتحمل اكثر

اتمنى ادخل بكرى والقااااااك منزله باارتيين مو واااحد...

اشـــــــــــــــــتـــــــــــــقــــــــــــــــ نــــــــــــالـــــــــــــــــكـ ......

[موج الشوق]

تسلمووسون لردودكم
كيف حالكم <<< خلي السلام بعدين
اسسسسفه لتأخري <<< ياكثر ما تتأخرين
المهم اليوم بمناسبة الاجازه الا صدق مبروك بالاجازه <<هع تبي تتخانك ههههه
اليوم راح انزل بارتين << اخيرا
موووج

[موج الشوق]

البارت الثامن عشر.....


أم ياسمين: اثبتي لي برائتك.
ملاك:أصلا قمر ما...........
:ملاك..أنا مو محتاجه أبرر لها وأخبرها بس خالتي أنا متأكدة أن ضميرك يأنبك بس مو قادره خايفه تكون فاطمه صادقه بس ياليت تستفسري مره ثانيه عند فاطمه وتسأليها يكون أحسن وكوني أكيده أن ما عمري كرهتك وأني أنتظر حضنك بفارق الصبر...مع السلامه.
شفت خالتي تمتلئ عيونها دموع بس قالت:مع السلامه.
طلعت أنا وملاك وأنا أحاول ما أبكي ركبنا السياره ورجعنا البيت صعدت غرفتي بسرعه ورميت بنفسي على السرير .
جنى:قمور أيش فيك؟
قلت وبصوت فيه بكى:حسيت أنها مو مصدقه أكيد كلام فاطمه أثر فيها .
ملاك وهي تضمني:هي محتاره بين عقلها اللي يقول لا تصدقيها وقلبها الولهان اللي وده يضمك بكل حنان.
جنى:صدقيني راح ترجع لك من جديد وراح تندم على الساعه اللي صدقت فيها فاطمه.
مرت فترة هدوء بعدين تكلمت جنى:هيي ليه طولتوا مليت وأنا لوحدي والحين أكيد أمي راح تدق.
رن جوالها مسكته وقالت:ذكرنا القط جانا ينط.
طقتها ملاك على راسها:يقولون الطيب عند ذكره.
ردت عليها:هلا يمه.............يمه خليني ساعه...دقيقه....ثانيه.....ما في أمل طيب أنتظر السواق..باي
كملت:كل منكم ما لقيتوا تطلعون الا الحين وأنا ما أشوفكم ألا بالقطاره .
ملاك:كل من قمير.
:يا الدبه كنت محتاجه أشوفها.
ملاك:مين الدبه ها؟؟
جنى:اللي على راسه بطحه يتحسسها.
:صادقه بنت أختي.
ملاك:يا حلوه جسمي يجنن.
رن جوال جنى:هلا يمه.......يما ما أبغى أروح .....طيب نازله.
ملاك:أيش تبغى.
جنى:تبغاني أروح معها المشغل لأنها بتقص شعرها وبتصبغه.
:وليه ما تبغي تروحي؟
جنى:ملل.
رن جوالها :أقوم قبل ما تطب علينا..مع السلامه.
أنا وملاك:مع السلامه.
طلعت رجع الملل سكتنا وظلينا نطالع بعض كان في سؤال يتردد ببالي......
قلت بتردد:ملاك أيش سوى فهد يوم عرف الحقيقه.
ملاك:وأنا أيش دراني راشد خبر الرجال لحال وروان خبرتنا مع الحريم .
سكتت أنا خبله ليه أسأل أبتسمت ملاك:ها أشوف بدينا نهتم لموضوعه بعد ما عرف.
قلت بسرعه:هييي أنتي لا تطلعين علي حكي أنا بس بغيته يعرف أني مظلومه.
سولفنا شوي دق أبوها على جوالها:هلا يبه....... طيب الحين جايه....مع السلامه.
:أيش يبغى.
ملاك:ما دري يقول يبغاني ضروري..بااي.
:بااي.
طلعت وظليت لوحدي أفف أيش أسوي بروح غرفة أخوي من زمان ما شفته خذيت غطوتي إحتياط وحطيتها على كتفي طلعت رحت لغرفته دقيت الباب ودخلت :فصول أخبا...
أنتبهت للشخص اللي كان موجود معاه تذكرت كل شي ناظرته باحتقار ومشيت رجعت الغرفه بسرعه رميت روحي وأنا أقول ما راح أبكي ما راح أبكي وكنت أهف على عيوني .
************************
في اليوم الثاني العصر كنت جالسه على اللاب توب أنفتح الباب شفت ملاك تدخل:هلا.
:أهلين.
جات وجلست جنبي وهي ساكته سكرت اللاب توب وظلينا ساكتين حسيت أن فيها شي بس ما راح أكلمها لأنها ما تتكلم ببساطه.....
ملاك وبرود:بتزوج.
:إإإإإإإإإإإإيش قلتي!!!!!!!!!!!.
ملاك:اللي سمعتيه.
:شلون ؟؟
ملاك:أبوي بيزوجني.
:بس كذا أبوي بيزوجني ما أشوف أي علامه على وجهك.
ملاك:مثلا.
: خوف ارتباك تعصيب ألم فرح شي زي كذا.
ملاك:ليه كل هذا.
:طيب أيش ردك.
ملاك:وافقت.
:أيش.
ملاك:اللي سمعتيه.
:ملاك أبوك توه مخبرك على الأقل تظلين أسبوع تفكرين.
ملاك:أنا عاجبني ووافقت ماله حاجه التفكير.
:بس أنا ما أحسك فرحانه.
ملاك:عادي.
:أيش أسمه؟ ..كم عمره؟.. من وين؟..أيش عائلته؟...كل هذا ما سألتي عنه.
ملاك:أبوي يقول عمره 54 مطلق غني واتوقع أن لأبوي مصلحه عنده وأنا ما كسرت بخاطر أبوي بتزوجه والعب عليه وأخذ افلوسه ومع السلامه.
:ملاك هذا تفكيرك.
ملاك :هذا كلام أبوي وأنا أقتنعت فيه.. أنا راضيه بقدري .
:ملوكه هذا كبر أبوك.
ملاك:عادي يغنيني عن أبوي اللي كل مسافر.
:أنا متأكده أنك وافقتي غصب عنك.
ملاك:صدقيني برضا عني.
:ما راح أصدقك.
سكتت وهي بعد شقول بعد اللي قالته أنا متفاجئه منها
ملاك:بنام معك.
:حياك.
ظلينا لين الليل مره نسولف ومره نكت علشان نروح عن أنفسنا بعدين نمنا
***********************
الصبح جلست شفت ملاك جنب النافذه
:نمتي؟؟
ملاك:أيه.
:ما توقع طالعي عيونك مبين أنك سهرانه.
ملاك:كيفك صدقتي ولا لا..ننزل نفطر في الحديقه شكل الجو يجنن.
:طيب نزلي وأنا وراك.
ملاك:أنتظرك.
نزلت ملاك وأنا بدلت ملابسي و نزلت ورحت المطبخ بطلع من هناك على الحديقه سمعت صوت طالع من المجلس لفيت على الباب شفت ملاك حاطه أذونها على الباب
: ملاك ايش تسوين.
اشرت لي رحت حطيت أذوني معاها على الباب وسمعت طراطيش كلام لأنهم يصرخوا
......: مالك حق علي.
......: لا والله تبغى تضيع البنت.
.......:أنا حر يا أخي حر.
.......:صدقني ما راح اسمح لك.
حسيت أنهم يتكلموا عن ملاك هذا صوت أبوي و الثاني شكله صوت أبوها لفيت على ملاك شفتها تتنافض سحبتها و مشينا في الحديقه..
:ملاك...
قاطعتني:قمر بليز خليني أنسى سالفة هالزواج.
سكتت ما عندي شي أقوله أصلاً خلاص الفاس طاح في الراس.
ملاك: قمور سمعتي آخر نكته.
ابتسمت هذي ملاك دايم تخفي ألمها: أطربيني.
ملاك: في سوداني زوجته ولدت له ولد ابيض قال رديه لسى ما استوى.
: هههههههه الله يقطع شرك يا ملاك هههههه.
ملاك: حلوه.
:حيــــــــــل عندك وحده ثانيه.
ملاك: استني علي كم يوم و أجيب لك وحده ثانيه.
: خلاص أستنى .
ملاك: قمر زهق شرايك نطلع اليوم.
: طيب وين نروح.
ملاك:اممممممم فكره نتصل على روان ونخليها تعزمنا بيتهم الليله عشا ونقول لجنى وأمها بترضى لان روان اللي بتعزمها مو أنا.
: أنا ماشفت بيتها أوكي بس نعزم روحنا والله فشله.
ملاك: هذي روان اشفيك عادي.
: لا مو عليها هي على زوجها فشله.
ملاك:عادي يروح بيت أهله الليله يتعشا.
: طيب دقي إنتِ عليها وعزمينا على بيتها هههه حلوه عزمينا.
دقت ملاك عليها: ألو هلا روان أخبارك......حبيبتي عندك شي الليله.....ايه أنا و قمر طفشانين وقلنا تعزمينا و معانا جنى الليله عندك عشا و قمر ماشافت بيتك و طردي زوجك بيت أهله الليله نبي البيت لنا ويلا بنتظرك تتصلي تعزمينا ترى أحنا ماندري باي.
: ههههه دجيتي الكلام دج مسكينه روان.
ملاك: علشان ما عطيها مجال ترفض و الحين بتتصل تعزمنا.
رن الجوال
ملاك: شفتي اتصلت...ألو هلا روان أخبارك و أخبار زوجك....الحمد الله أنا بخير( ضحكت عليها ولا كأنها توها مكلمتها) خير انشاءالله ....طيب بشوف قمر ونشوف كنا نجي أو لا...على خير انشاء الله..مع السلامه.
: هههه والله إنكِ هبله.
ملاك: هههه يلا نفطر جوعانه.
فطرنا و صعدنا فوق
: شنو نسوي الحين.
ملاك فتحت التلفزيون وبدأت تقلب بالقنوات
: شنو بتشوفين يعني.
ملاك: أي شي.
قعدنا نقلب بالقنوات وملاك تحط على شي و إذا اندمجت مع اللي تحطه تفر القناه زهقت منها وشوي إذن الظهر قمنا صلينا وملاك انسدحت على السرير
: بتنامين.
ملاك: ايوه .
: ما راح تتغدين معاي.
ملاك: لا مالي نفس.
: أتغدى لوحدي يعني.
ملاك: آف نزلي تغدي مع جدي.
: طيب.
ملاك: جلسيني الساعه ثلاث ونص علشان أربع وشوي بنروح لروان.
: طيب.
ما عرفت شنو أسوي لبست شيله وعباية الكتف ونزلت شفت أبوي و راشد في الصاله رحت وجلست
: هلا راشد أخبارك.
راشد: هلا والله أنا الحمد الله بخير و أنتِ أخبارك.
: بخير بشوفتك.
أبوي: أجل وين ملاك عنك.
: تعبانه شوي ونامت يبا بستأذنك اليوم أنا وملاك بنروح لروان العصر و بنتعشا عندها الليله.
أبوي: خلاص روحوا.
: يبا شنو صار على سالفه ملاك.
راشد: أنتِ تدرين.
: ملاك ماتخبي علي شي.
أبوي: العصر أنا و راشد بنكلم أبوها مره ثانيه.
:طيب شلون بتقنعوه.
أبوي: خلي العصريه تعدي على خير وبعدين تعرفي .
: خلاص .
جت الخدامه نادتنا على الغدا
أبوي: يلا قمر غدا.
: لا أنا بصعد غرفتي خلي الخدامه تجيب لي الغدا فوق.
أبوي: تعالي تغدي معانا.
: لا أنا....
قاطعني راشد: لا تخافين فهد مو هنا.
:طيب يلا.
تغديت أنا وأبوي و راشد وفيصل استانست من زمان ماتغديت معاهم بس لاحظت إنو راشد كان يسرح فترات وبعدين يرجع لطبيعته حسيت إنو شي وراه خلصنا غدا ورجعنا الصاله جلسنا أبوي إستأذن وراح ينام و فيصل جلس يتابع التلفزيون و أنا و راشد جلسنا نسولف...
راشد: قمر بسألك سؤال.
: إسأل.
راشد: ملاك لمن عرفت عن خطيبها شنو سوت.
: ملاك آآه ياملاك ياريت تقدر تصارحني باللي تحس فيه بس هي دايم تخفي اللي في قلبها و لاتقول لحد علشان ماتزعج أحد..... اي صح أنت ليه تسأل؟.
راشد: مجرد فضول .
: يالغشاش سحبت الكلام مني سحب.
راشد: قمر بقول لك شي.
: شنو.
راشد:قمر فهد...
قاطعته و قمت: بروح غرفتي برتاح.
وقفت و أنا صاعده سمعت باب البيت يتسكربقوه لفيت ما شفت أحد يمكن راشد طلع صعدت فوق ودخلت غرفتي وجلست على الكنبه أفكر شنو كان بيقول لي راشد عن فهد آه يافهد ليه سويت كذا نهيت كل شي بينا روعني صوتها: قمر اشفيك؟
: يمه روعتيني.
ملاك: هههه المهم اشفيك؟
: ما فيني شي ليه.
ملاك: لا بس أشوفك سرحانه.
: سرحانه فيك.
ملاك: أقول سكتي أحسن.
وقامت راحت الحمام( وانتوا بكرامه)شوي وطلعت
ملاك: كم الساعه الحين؟
طالعت في ساعتي: ثنتين وربع.
ملاك: تو الناس.
: ملاك بسألك سؤال و لاتزعلين.
ملاك: ياربي قمر.
:سؤال صغير بليز.
ملاك: يلا لانك خالتي بس سألي.
: ليه أبوك فكر فيك و لافكر في روئ أختك مع أنها أكبر منك.
ملاك:ليه أنتِ ما تدرين إن روئ مخطوبه.
:لا والله ما أدري ماقلتي لي.
ملاك: شكلي نسيت يلا هذا أنتِ دريتي... قمر.
:شنو.
ملاك بصراخ: جوعــــــــــانه.
: لا تصارخين.
ملاك: جوعانه.
: أحد قال لك لا تتغدين.
ملاك: أمشي نزلي معاي المطبخ نخلي الخدامه تسوي لي شي أكله.
: طيب.
نزلنا وسوت الخدامه لملاك شي خفيف و قعدت تأكل في المطبخ
: ملاك بروح الصاله شوي.
طلعت وقربت من باب الصاله أشوف منو هناك يمكن يكون هناك فهد و أنا مو لابسه غطوه أو عبايه طليت من الباب شفت أبوي وفيصل يتكلمون قعدت أتسمع عليهم
أبوي: وراشد وين راح.
فيصل: لمن طلعت قمر شفنا أنا و راشد فهد يم الباب الرئيسي وطلع وسكر الباب بقوه و طلع وراه راشد.
أبوي: وقبل وين كانت قمر.
فيصل: لا تخاف مايشوفها فهد كانت في الكنبه اللي قدام الباب ولمن قامت الغطوه على راسها وعباية الكتف.
مشيت راجعه المطبخ يعني الي سكر الباب بقوه فهد أحسن علشان ما يفكر إني برجع له دخلت المطبخ
: خلصتي.
ملاك: ايوه يلا نصعد نجهز لانوا بنمر جنى... استأذنتي من جدي.
: ايه يلا.
صعدنا ودخلنا الغرفه ما شفت الا ملاك تركض: أنا بأخذ شور أول.
ودخلت الحمام( وانتوا بكرامه) أما أنا انتظرتها لين طلعت وبعدين دخلت طلعت و شفتها لبست وتجهزت
ملاك: اشرايك بلبسي.
: حلو.
رحت و طلعت لي ملابس : ملاك.
ملاك: بطلع و إذا خلصتي ناديني.
طلعت بدلت وناديتها دخلت استشورت شعري وحطيت لي اكسسوار وحطيت لي مكياج خفيف : خلصت.
ملاك: غريبه من زمان ما حطيتي مكياج.
: تغيير و بعدين ماراح أحرم روحي لاني مطلقه الطلاق مو نهايه العالم.
ملاك: ايه ابغاك دايم كذا ياخالتي يلا لبسي عباتك بنمشي.
لبست عبايتي وركبنا السياره ومشينا مرينا على جنى و شوي وصلنا بيت روان.......
: الله حلو بيتها الله يخلي لها زوجها و يرزقها با لورعان الصالحين الي يملون عليها هالبيت.
جنى: آمين.
نزلنا و فتحت الخدامه لنا الباب
سلمنا على روان وفسخنا عبينا و جلسنا في الصاله
ملاك: بصراحه أنا و قمر مشغولين يعني لو ما أصريت علينا كان ماجينا.
:هههه ايه معها حق لو معزتك واصرارك علينا كان ماجينا.
روان:ههههه ملوكه ماعليه سامحيني عطلتك عن شغلك أنتِ وقمر بس شنو أسوي طفشانه.
ملاك: ما عليه العمر يخلص و الشغل ما يخلص.
الكل:هههههههههه.
ملاك: روان بسألك سؤال.
روان: شنو؟
ملاك:راشد ما قال لك شنو سوى فهد لمن درى إن قمر مظلومه.
روان: يهمك تعرفين.
ملاك: لا بس في بعض الناس بعض الناس ها يبون يعرفون.
روان: وهالناس ما فيهم لسان يسألون.
ملاك: يستحون ...المهم ما جاوبتي عن سؤال بعض الناس.
قمت وقفت: روان قومي رويني بيتك أنا أول مره أجي هنا.
جنى: لا لا أول جاوبي على سؤال ملاك.
: أنا بروح الحمام. مشيت للحمام و أنا أسمع ضحكهم يتطنزون علي كل من ملاك شوي و رجعت لهم شفتهم يطالعوني ويبتسمون : يلا روان قومي رويني بيتك.
وقفوا البنات
ملاك: يلا جوله استطالعيه.
مشينا و درنا البيت كله و رجعنا الصاله جلسنا
جنى: نرجع لموضوعنا.
:أي موضوع.
جنى: اشفيك سؤال ملاك.
روان: راشد أخوي يقول إنوا فهد كان طوال الجلسه مغطي وجهه بيدينه ومسندهم على رجوله وبس خلص راشد الكلام إنسحب من المجلس و طلع وطلع وراه راشد.
ملاك: ايه وبعدين.
روان بوزت: مارضا راشد يقول شوقني و لا قال.
ملاك: مالت عليه.
قمر+روان: ملاك.
ملاك: اشفيكم.
: لا تغلطين على راشد.
روان: احنا ما نسمح لك.
ملاك: ايش هذا أكلتوني بقشوري خلاص بسكت.
جابت الخدامه لنا عصير وحلويات
روان: تفضلوا.
بدأنا نأكل
: روان أخبار زوجك معاك.
روان: بعد ما حملت تحسنت علاقتي معاه و كل مالها وتزيد.
جنى: روان تحبينه؟
روان: إذا عاشرتي شخص أكثر من شهر وعشتي معاه على الحلوه و المره غصباً عنك تحبيه خصوصاً إنه طيب حبوب متفهم حنون خلوق مايقصر علي بشي شنو أبي أكثر من كذا علشان ما أحبه ايه أحبه و أموت فيه.
جنى بحالميه: ناقصك حب رومانسيه تصحي على كلمة أحبك و تنامي على كلمة بشتاق لك.
طقتها ملاك على كتفها: شنو دخل بشتاق لك وهم بينامون مع بعض.
جنى:إذا ناموا ماراح يشوفون بعض.
ملاك: هم بيحلموا ببعض يعني ما راح يشتاقوا لبعض.
جنى وبدت تطق الطاوله اللي جنبها وتغني:مشتاقه.. حبيبتي...مشتاقه..
:والله أنك فراغه.
روان: صدقيني جنى أهم شي إنه يعاملني بلطف أما الحب فما الحب الا للحبيب الأولي.
: مو شرط في ناس كانوا يحبون بس لمن يأسوا يتزوج اللي يحبوا اختاروا أحد ثاني وبعد فتره وجيزه حبوا اللي اختاروا.
جنى: هذا يعتمد على الحبيب الجديد و إنتِ لا تيأسي ولأنه مشتاق للولد أول ما تجيبه بيزيد يوم عن يوم حبه لك.
ملاك: أشوه أنوا جواد رومانسي والله مدري شصار فيك.
أذن المغرب سكتنا و قمنا صلينا و رجعنا الصاله......


إنتظروا التكمله تحياتيlonging........

موووووج

[موج الشوق]

البارت التاسع عشر

أذن المغرب سكتنا و قمنا صلينا و رجعنا الصاله......
روان: بنات شنو تبون تتعشون من المطعم.
: ليه مو مسويه عشا.
روان: لا زوجي ما يرضى أطبخ يخاف علي.
ملاك: يخاف على البيبي مو عليك.
أنا وجنى ضربنا ملاك على كتفها
جنى: وخايف عليك بعد.
: أكيد إذا ما خاف عليك يخاف على منو.
روان ابتسمت: المهم هو دق علي يقول شنو تبون عشا.
ملاك: امممممممم أبغى امممممممم شورما دجاج ولحم وبيتزا جميع الانواع و معجنات.
جنى: بل كل ذا إنتِ جايه من مجاعه.
ملاك:هي قالت طلبوا اللي تبون و أنا مشتهيه كل هالأشياء.
روان: خليها يا جنى تطلب اللي تبي أبيها تدلل الليله و إنتم شنو تبون.
: أبي بيتزا خضار.
ملاك: واجد عليك كل ذا رجيم.
: شنو أسوي سمنانه شوي أبي أسوي رجيم.
ملاك: من متى انشاء الله تسوين ما أشوفك الا تاكلين الأخضر و اليابس.
: يالدبه أنا أكل الأخضر و اليابس هذا انتِ مو أنا.
روان: قمر طلبي شي ثاني هذا عشا بالله بيتزا خضار هذا مو عشا.
: طيب أبي معجنات جبن وسبانخ.
جنى: قمر صرتي نباتيه و أنا ما أدري.
: لا مو كذا بس مو مشتهيه لحوم الليله.
روان: على كيفك وإنتِ جنى شنو تبين.
جنى: أبغا شورما دجاج وبيتزا خضار.
روان: طيب بروح إتصل عليه.
ملاك: روان لا تنسي المقبلات.
تو روان بتمشي الا قالت ملاك:روان لا تروحين تعالي حطي سبيكر أبغى أسمع صوته.
:مــلاك ....
جنى:أي نبغى نسمع صوته بليز سمعت أن صوته حلو.
روان:طيب بس هدوء علشان لا يحس.
دقت روان وجنى وملاك لاصقين فيها وأنا جالسه جنبهم.
.......:هلا.
روان:أهلين بس بغيت أقولك أيش أبغاك تجيب
......:أيش تبغي.
كان يتكلم بتعصيب مدري ليه حتى أحس أن روان أنحرجت.
روان :أبغى 3 بيتزا خضار ووحده لحم ووحده دجاج.
.......:وأيش بعد.
روان: وشاورما بالدجاج و اللحم.ووو
ملاك تأشر :أبغى فطيرة جبن ساخنه.
روان:أيش؟؟
......:أهوووو خلاص خلاص راح أجيب أي شي وسكر
طالعنا في بعض ابتسمت روان وقامت قمت لحقتها إلى المطبخ كانت واقفه تعض شفافيها بقوه ودموعها تهل شافتني:أول مره يعصب علي صحيح ما يحبني بس عمره ما عصب علي او سكر بوجهي
:عذريه أكيد معصب من شي مسحي دموعك وتعالي قبل لا يجوا البنات .
رجعنا وجلسنا حاولت أغير الجو شوي بعدين المطعم جاب العشا مو زوجها مدري ليه.... عطت خدامتها فلوس عطته إياه بدينا ناكل ونسولف.
ملاك:بنات بقول نكته.
جنى:بدينا مع نكتها.
:لا خليها تغير من هالجو.
ملاك:محشش يفتر بالبيت دعم امه قالت له: عمى ماشفتنى قال: شايفج بس وين مو متذكر.
أنا وروان ضحكنا أما جنى:سخافه.
:لا حلوه النكته.
روان:جنى ما تحب النكت ثقيلة دم.
جنى:هييي كنك غلطتي عليي.
ملاك:عطينا موقف يبين أنك خفيفة دم.
روان:أكيد ما في.
جنى:بلى في...
ملاك:خبرينا.
جنى:..................المهم في.
ملاك:ههه هذا دليل أنك ثقيله .
ضحكت على جنى لأن ما عندها رد :خلنا نغير السالفه .
روان : ما دريتوا عن جواد.
ملاك وهي إطالع جنى : وش فيه .
روان :أنا ما فهمت السالفه عدل بس كان طالع مع ربعه يتمشى وما أدري إيش صار خلى الضغط يرتفع عنده.
ملاك وهي تحط إيدها على صدرها : يا قلبي عليه .
: ليش هو عنده الضغط ؟
جنى بخوف : والحين شخباره ؟
روان وهي تطمن جنى : لا الحين أحسن حتى راشد هزاءه علشان يهتم بحاله أكثر .
ملاك وهي تكلمني : المسكين توه صغير وعنده الضغط .
كملنا العشا وبعدين دخلت مع روان نجهز القهوه والحلويات روان: قمر ما بترجعي ال فهد .
:أرجوك روان قفلي الموضوع .
روان :قمر فكري عدل راشد يقول إنه نادم قد الدنيا ويبيع نفسه علشان لحظه معك .
ضحكت بإستهزاء: الحين توه نادم يعني لو ما أكتشف الحقيقه كان ما حس ولا بذرة ندم .
روان : قمر ما تقدرين تحكمين وبس إنتي ما تدرين شلون تعذب بعد ما طلقك .
قلت بحرقه: روان بسألك سؤال لو ما عرفنا شي ولا إكتشفوا الحقيقه تتوقعين إنو راح يفكر مجرد تفكير إنه يرجعني ؟........لا مو صح .
روان وهي تعطيني ظهرها : قمر يا ليت عندي واحد يحبني كثر ما يحبك فهد كان ما همني شي ولا الماضي المهم أعيش مع الحاضر و المستقبل بسعاده .
قلت وأنا أشيل صينية الحلويات : شفايدة الحب بدون ثقه ترى الحب ما عمره بنى حياه سعيده .
طلعت علشان ما أسمع زياده مو مستعده أتكلم في الموضوع تعبت هم ما يدرون إن بكلامهم قاعدين يزيدو تعذيبي كملنا سوالفنا ومشينا بعد فتره من فاتحتني روان بالموضوع وأنا راسي ما وقف تفكير الله يقطع شرّك يا روان حطيتي الكلام براسي أول ما وصلت البيت نمت على طول .
********************
جلست على رنت جوالي طالعت الساعه كانت ثمان الصبح طالعت الجوال شفت إسمها ما في غيرها يتصل علي هالوقت رديت بملل: ألو هلا.
ملاك بصراخ : قمور لحقي علي .
نقزت من السرير: شوي شوي ملاك وفهميني شصاير .
ملاك بصراخ شق طبلة إذني : الحين تجين بسرعه .
قلت علشان أهديها وأنا متوتره : خلاص خلاص مسافة الطريق وأنا عندك إنتي هدي .
سكرت في وجهي بدون ما تقول ولا كلمه مو عارفه شسوي خايفه ما أدري شفيها قمت وأنا متدودهه سويت أشغالي بسرعه ولبست عباتي ورحت مع السواق بيت أبو رؤى دخلت وصعدت بسرعه غرفة ملاك دخلت تفاجئت باللي شفته كانت ملاك تحوم بغرفتها ومبين التوتر عليها ناديتها بخوف : ملاك .
لفت علي وأول ما شافتني : الحقير النذل التافه السخيف ......
مسكت يدينها علشان أهديها : أووو هدي هدي وفهميني شصاير .
محاولت تهدئتها بائت سدى لأنها صرخت : ولد إختك الحقير .
عصبت عليها : ملاك إحترمي ألفاظك .
ملاك بعصبيه : شتبيني أقول لو أعرف كلمه أكثر كان قلتها وما توفي بعد .
:إفففف ملاك إذا ما فهمتيني الموضوع بطلع جايبتني علشان تسبي .
جلست ملاك على السرير وهي ماسكه راسها إتصلت بالتلفون على الخدم اللي تحت وطلبت ماي ظليت ساكته لين تهدى وصلت الخدامه أخذت الماي منها ورحت بعد ما سكرت الباب جنب ملاك وناديتها بهدوء أمتص غضبها : ملوكه حبيبتي .
طالعتني وفي عيونها إنكسار : راشد خطبني .
قلت وأنا متفاجئه والفرحه باينه على وجهي : صدق!
خزتني ملاك وعدلت ملامحي كملت : تخيلي ليش خاطبني ؟
طالعتها بمعنى ليش وقالت : علشان ما أتزوج الرجال اللي جابه أبوي لي .
قلت بتمثيل : بصراحه ما معه حق .
ملاك : شفتي شلون لا وأبوي وافق لهدرجه أنا عله على قلبه .
:..........بس ملاك مو إنتي تحبي راشد .
قالت بعصبيه وهي توقف : لا ما أحبه ويا ليت ما قلت لك .
: يعني مو هذا اللي تتمنينه ؟
ملاك :أنا أتمنى شخص يحبني ويبيني من نفسه مو راشد .
: مــــــــلاك .
ملاك : آسفه قمر بس إنتي تدرين إن أنا آخر وحده يفكر فيها راشد .
سكتت كلامها صح وراشد إعترف لي بهالشي ظليت فتره ساكته :وبعدين .
ملاك : شنو ؟
: ما أقدر أظل هنا لازم أرجع البيت .
ملاك بعصبيه: يا ســـــلام يعني عادي عندك أظل لوحدي ما همك تواسيني .
فكرت :إنزين ليش ما تجين معي ؟
حطت صبعها على خدها بتفكير وقالت : والله فكره .
خفت من تفكيرها : إيش هي الفكره .
قالت وهي إطلع عبايتها : أكيد راشد بيزوركم .
:إي وبعدين .
ملاك وهي إطالعني : أنا لازم أمنعه من هالزواج .
:شــــــــنو !
لبست عباتها وهي تقول : اللي سمعتيه ولا تحاولي ما بغير رايي .
توترت ملاك لسانها طويل وراشد ما بيسكت عنها : أقول ما يحتاج تجين معي ظلي هنا علشان أبوك إذا سأل عنك .
ملاك وهي إطالعني بشك : قمر إنتي تدرين إن أبوي نادر ما يسأل عني هذا إذا كان موجود في البيت إعترفي إنك ما تبيني أروح علشان ما تهاوش مع راشد.
:إذا تبين الحقيقه إي إنتي لسانك متبري منك .
ملاك : لا تخافي بحاول أتفاهم معه بطيب .
طلعنا من بيتهم ورحنا البيت جلسنا في الغرفه بعد ما فسخنا عباياتنا ملاك: بتصل على خدامتنا تجيب لي بعض الأغراض إتصلت على خدامتهم وبعد ما سكرت السماعه : عندك شي تسوينه .
:لا
ملاك : أجل شرايك نروح نجلس مع فيصل.
وافقتها الرأي ورحنا لفيصل وجلسنا نلعب معه بلستيشن ما حسينا بالوقت لفت علي ملاك :الساعه كم؟
طالعت الساعه اللي في إيدي :12 يووه ما صلينا قومي نصلي .
ملاك :وأنا ليش سألتك .
قمنا وصلينا وقفت ملاك: الحين إيش نسوي .
مسكت مجله من على الطاوله :ولا شي .
ملاك :إممممم شرايك نطبخ الغدى.
ضحكت : ومنهي فينا تعرف تطبخ .
ملاك :أنا أعرف أسوي سباغتي .
إستغربت : تعرفين توني أدري .
ملاك : لا بس مره وإحنا طالعين كم يوم للبحر علمتني خالتي نوره.
وقفت :أجل قومي رويني أبغى أذوقها .
قالت بتفاخر :بتشوفي راح تاكلي أصابيعك وراها .
نزلنا للمطبخ وطردنا الخدامات: يلا إشتغلي بس لا تسممين أبوي معك .
قالت وهي تدور لأغراض :أقول بس ترى هو جدي بعد .
طلعت كل لأغراض اللي تحتاجها وبدت تشتغل : بصراحه ما تخيلتك مره تطبخين .
لفت علي وقالت :أنا بالعكس تصدقين يوم قالو إن خالتي بتجي تخيلت إن ما في طبخه ما تعرفيها أثرك طلعتي مدلعه .
قلت : من حقي أتدلع .
ملاك وهي تشتغل :شلون جدي مستحملك ما أدري .
سولفنا في أشياء كثيره وسخيفه حاولت ما أذكر راشد قبالها ....... وأخيراً خلصت لسباغتي : يلا حطي لي بسرعه .
بدأت تحط في الصحون لها ولي طالعت الساعه:مع إني ماحسيت بالوقت بس حدك بطيئه من بعد الصلاه لين الساعه 2 ما صار سباغتي .
حطت الصحن قبالي وهي تقول :أقول بس لا تعيبي إكلي وإنتي ساكته .
أكلت أول ملعقه :أمممم لذيذ والله إنك ضبطتي لسباغتي عدل .
توها ملاك بترد بس سمعنا صوت : ها ها .
قامت ملاك بسرعه تلبس عباتها وغطوتها إحنا ما نستغني عن العبايات في البيت دخل راشد وهو يشم : ريحه حلوه حدي جوعان.
جا بسرعه على الطاوله وجلس مكان ملاك وبدأ ياكل وقال :أخبارك قمور ؟
إبتسمت : تمام إنت أخبارك أشوف قلة زياراتك .
قال بعد ما خلص الأكل اللي في فمه :ماكو أشغال يا خاله والله ودي أزوركم كل وقت وسألي جدي بعد إنتي شفتيه مشغول .
هزيت راسي بإيه قطع علينا صوت ملاك : راشد .
خفت ملاك ما بتعديها على خير .
راشد وهو يطالع في صحنه : خير ملاك هنا .
ملاك :لا هناك .
راشد: تعرفي تنكتي بعد .
ملاك : ليش خطبتني .
راشد:ههه شنو هالسؤال بدال ما تشكريني إني بنقذك .
ملاك بعصبيه : مشكور ما أبغى منك شي راضيه بنصيبي .
راشد بعدم مبالاه : إنتي ما تعرفي وين مصلحتك رجال ما أدري كم مره متزوج قبلك وما بقى شي وينتهي وتبغيه .
طالعني وكمل : شفتي قمر هذا هي بنت إختك المتربيه .
شهقت وملاك عصبت أكثرفقلت : راشد مالك حق ملاك متربيه أحسن تربيه .
ملاك :أنا متربيه أحسن منك ويا أخي أنا حره مالك حق علي أخذ اللي أبي .
وقف راشد وهو يطالع في ملاك : لا مانتي حره أنا المجنون إذا خليتك تاخذينه بس حامض على بوزك تتزوجينه حتى لو حجت البقر على قرونها .
ملاك : مو على كيفك وراح أرفضك .
راشد :إنتي عارفه إن أبوك راح يغصبك علي ولا كان ما جيتيني .
سكتت ملاك وما عرفت ترد عليه حسيتها عارفه إن أبوها ما بيرفضه تكلم راشد : ها ما قلتي شي .
ملاك وبصوت مبين عليه الحزن والحقد : إنت حقير .
قررت أتدخل هالوقت : ملاك .
ظل راشد فتره يطالع ملاك وبعدين قال :عن إذنكم .
وطلع جلست ملاك ونزلوا دموعها : حقير حقير .
: ملاك ترى هو ولد إختي.
ملاك : سمعتيه يدري إني ما أبغاه ويعاند الرجال إذا قالت له وحده ما أبغاك ينسحب بكرامته وهذا مو هامه .
مسحت على راسها : شرايك تقومي ترتاحي في الغرفه .
هزت راسها وقامت صعدت رحت أدور راشد وشفت المكتب مفتوح طليت شفت راشد متسند على الكنبه وفي عالم ثاني طقيت الباب رفع راسه وطالع : هلا قمر.
:إيش اللي صار في المطبخ .
راشد : اللي شفتيه بنت أختك ما تعرف مصلحتها وين .
: راشد إنت بعد غلطان .
راشد : شتبيني أسوي يعني أخليها تتزوجه .
إبتسمت في وجهه : بالعكس بس التفاهم ما يجي كذا .
راشد : قولي لها هالشي .
: راشد ملاك لسانها متبري منها بس إنت عاقل حاول تتفاهم معها بهدوء .
راشد : ما أدري يا قمر أحسها تستفزني دائما ولا مره إجتمعنا وما تهاوشنا .
قلت بمزح : شريط حياتكم يمر قدامي من الحين .
راشد:أكيد كل مشاكل في مشاكل .
: والله أنا مستغربه حظك ويا الحريم .
راشد: أول سمر اللي رفضتني بكل رحابة صدر وبعدين فاطمه اللي نخدعنا فيها وكملت بملاك .
:ههههههههه شر البلية ما يضحك .
إبتسم راشد لمن شافني أضحك : رايك إني ما تسرعت .
هزيت راسي بلا :أشوى إنك أنقذت الموقف ولا ملاك كان دفنت نفسها وهي حيه .
راشد: بس تصدقي عورت قلبي من شوي.
: ليش.
راشد : ما أدري حسيت ناقصها شي بداخلها بس هي ما تعرف إيش هو .
: لا تخاف راح تعرف مصلحتها وين بعدين.
راشد :أنا أشك إن بنت إختك مو مجنونه .
: يلا عاد عطيتك وجه زياده .
راشد :ههههههه أقول بس خلينا في المهم .
: ليش حياتك إنت وملاك مو شي مهم .
راشد : أنا عارف نهايتها فليش أحسب البدايتها .
: راشد ليش تيأس ترى ملاك قلبها أبيض وطيبه من داخل فكر تحسن حياتك معها .
رد وهو يطالع عيوني : قبل ما فكر أحسن حياتي لازم أفكر بحياتك.
إبتسمت في وجهه وأنا خايفه من اللي بيقوله : وش فيها حياتي هذا هي حلوه .
راشد : وفهد ....... حياتك إنتي وفهد.
وقفت :عن إذنك .
مسك إيدي :قمر ممكن نتكلم .
جلست وأنا ساكته وقال : صدقيني هو ندمان على اللي صار ومتمني رضاك أرجوك قمر فكري بالموضوع قبل ما تردي .
قلت بصوت مخنوق :إن شاء الله راح أفكر بس ما أقدر أوعدك .
قال بمزح :بس أنا أوعدك يرجع لك وهو منكس راسه .
وقام وضمني من جنب : هاذي قمر اللي أعرفها الله يخليك لنا .
قمت وطلعت وصعدت فوق ما أدري خايفه أرجع له ويتركني مره ثانيه وأنا ما أقدر أتحمل دخلت الغرفه وشفت ملاك وقفت أول ما دخلت وتكلمت بس ما سمعت إيش قالت طالعتها : ها شنو قلتي .
ملاك :أقولك وافق .
إستغربت :على شنو ؟
ملاك :أففففف على إيش بعد إنه يفسخ الخطبه .
عقدت حواجبي :أي خطبه ...... تقصدين خطبتكم .
طالعتني : شكل حتى الموضوع ما ذكرتوه .
: إمبلى ذكرناه بس ما أقدر أخليه يفسخها علشان تزوجين الشايب حقك .
ملاك :هذا وأنا معتمده عليك .
قلت وأنا أعطيها ظهري : لا تعتمدي.
************************


تحياتيLonging...............

موووووووووج

[لجلك ياصعب]

الله الـــــــــبارت حلووو اقصد الباارتيين مرره نايس
بس بالبارت الجاي نبي اكثر حمااااااااس

[موج الشوق]

تسلمين حبوبه لردك
والبارت الجاي حلووو << مدري من وين
وراح انزله اليوم
موووج

[موج الشوق]

البارت العشرون................Longing
ملاك :هذا وأنا معتمده عليك .
قلت وأنا أعطيها ظهري : لا تعتمدي.
دق جوال ملاك
ملاك: هلا جنى.....ايه بخير... هذا هي يمي....امممم... مالت عليك و فرحانه حضرتك.....يلا بس بلا كثرة حكي...مع السلامه.
: اشفيك على البنت.
ملاك: الاخت فرحانه وجالسه تبارك لي على الخطوبه من الزفت.
: ههههه وأنا أقول اشفيها ملاك عصبت.
ملاك: وتضحكين إنتِ بعد مالت بس...صحيح جنى تقول تتصل على جوالك و لاتردي.
: جوالي يوه نسيته في المكتب بنزل أجيبه.
نزلت المكتب دخلت أخذت الجوال و كنت بطلع بس سمعت حس أحد جاي ما عرفت شنو أسوي هذا مو صوت أبوي و لا راشد اتخبيت في دولاب فاضي و سكرته بصعوبه دخل سمعت صوت فتح أدراج و أنا قلبي يدق بقوه أخاف يكون رجال غريب يا فضيحتي لا انشاء الله...هـــا..رن جوالي سكرته بسرعه و أنا قلبي يدق طبول...سمعت خطوات كان راح يفتح الدولاب بس سمعت حس ثاني و خطوات وشكله طلع واحد والثاني اقترب للدولاب وفتحه وبعصبيه
.........: أنتي شلون داخله هنا.
:............... ك..نت با...خذ جوالي نسيته... هنا. رفعت راسي وعصبت: طيب نزل عيونك عني أنا مو محرمه عليك.
قال بتردد: إنتِ اللي جايه هنا مو أنا و إنت تدرين إن عيال عمك يجون هنا دايم و مره ثانيه خلي راشد يجيبه لك لو فتح جواد الدولاب شنو كان صار.
سمع صوت وراه و سكر باب الدولاب بوجهي بقوه وهالمره سمعت الصوت بوضوح
جواد: فهد اشفيك ايش في الدولاب.
فهد: ها و لاشي جوال راشد نساه هنا.
جواد بسخريه: أخاف ينسى روحه مره ثانيه هاته أعطيه إياه.
فهد : لا ما يحتاج أنا بعطيه إياه.
جواد: براحتك طيب ما راح تجي.
فهد: جاي وراك.
سمعت صوت تسكير الباب
بعد فتره فتح فهد الدولاب وسحبني بقوه
: اتركني .
فهد: سكتي ولا كلمه.
مسك يدي بيده وكان شاد عليها حيل و صعدني جنب غرفتي وقبل ما يروح قرب مني
فهد: مره ثانيه ما اشوفك في المكتب( قال بصراخ) فاهمه.
ما رديت عليه بس ابي اشيل ايدي من ايده
فهد: فاهمه.
:فك ايدي تعورني.
مرة لحظة صمت وبعدين قال بهمس : متى راح ترحميني .
طالعت فيه كان يتأمل وجهي ما عرفت شقول إنلجم لساني ما أدري شنو الغلط إني واقفه معه وأنا مطلقه أو إني أقوله شكثر .......... شكثر .....أحبه إي أحبه من كل قلبي .
فهد :قمــر.
أحاسيس إنفجرت داخلي بعد ما نادى إسمي غير إرتفاع الحراره وتنمل جسمي .
فهد بهدوء :إنتظر ردك من راشد على أحر من الجمر.
طالعني للحظه أخيره و فتح باب غرفتي و دخلني فيها وسكر الباب و أنا قلبي يدق بقوه وضامه يدي اللي كان ماسكها على قلبي بيدي الثانيه..
ملاك:قمر أيش فيك وليه يدك على قلبك صاير شي؟
ارتبكت وشلت يدي: ولا شي بس رحت أجيب جوالي.
ملاك: طيب وينه ما أشوفه بيدك.
:ها يوووه نسيته في الدولاب.
ملاك:أي دولاب.
:الدولاب اللي تخ.......ها هذا الدولاب اللي شفته فيه.
ملاك: شنو دخل جوالك في الدولاب.
: و أنا ايش يدريني.
ملاك: اشفيها ايديك ترتجف.
: ما فيها شي بس سمعت حس فهد فجيت أركض.
ملاك: اها...سمعتي آخر الاخبار التعيسه.
قلت بخوف: إيش صاير.
ملاك: ولد إختك طلع من هنا وراح لأبوي حدد الملكه.
: صحيح ألف ألف مبروك كللللللوووووليييششششش.
ملاك: أقول لك علشان تواسيني تفرحين مالت عليك.
: ههههه سوري بس خبر حلو على ايش اواسيك ...إلا متى الملكه.
ملاك: آخر الاسبوع.
والله منت هين يا رشود لا وحددها بعد إسبوع بتمام: يعني الخميس واووووو ماعندنا وقت من بكره نروح السوق نختار فستان لك للملكه.
ملاك: مالت على حظي اللي عطاني خاله مثلك بروح بيتنا أحسن.
: حتى لو رحتي بيتكم بتروحي معي السوق بكرا بتروحي.
طلعت ملاك و أنا اتصلت على روان
: هلا روان أخبارك؟
روان: الحمد الله و إنتِ.
: بخير.
روان: شخبار عروستنا.
:ايش رايك يعني.
روان: ما خلت كلمه ما قالتها على أخوي.
: ههههههه و الله صادقه الله يعين أخوك عليها....إلا روان ما سألتي زوجك ايش فيه معصب البارح؟
: آه يا قمر بعد ما طلعتوا بشوي رسلت له مسج إنكم طلعتم و جاء البيت كنت فوق دخل وصعد وسلم أنا ما رديت عليه قرب مني و جلس على ركبته قدامي وقال: آسف ما كان قصدي أعصب عليك بس كنت متضايق شوي وقدم لي سواره لبسني إياها وقال هذي رضاوه ووعدني إنه مايعيدها .
: واو حركات طلعت رومنسيته إنزين إنتي شسويتي .
روان : صابني توتر ما عرفت شسوي فبتسمت له .
: وإيش شعورك والله أحسه بدأ يحبك .
روان : إيش شعوري ما أدري حسيت بأشياء غريبه بس من ناحية الحب ما أقولك حتى أنا حسيت إنه بدأ يحبني .
: يالله الله يهنيكم .
روان :وإنتي معنا ... قمور أخليك شكله جا باي باي.
ضحكت عليها سكرت قبل ما أقول لها باي
***************************
مر الاسبوع بسرعه بس جننتني ملاك بالغصب رضت تروح السوق وكل ما اختار لها شي أنا و روان ما يعجبها قلنا لها أختاري فستان حلو علشان الناس و راشد ما راح يشوفك اطمئنت و أخيراً أختارت لها فستان....
ليلة الملكه....
لبست ملاك فستان ذهبي طويل شكله روعه و طالعه جنان مع المكياج..
: ملاك طالعه جنان.
ملاك: ايه ايه.
دخلت جنى
جنى: وااااي اتصدقين ملاك أول مره تتطلعين حلوه كذا شكل الذهبي عامل عمايله معاك.
: ههههه شكله.
دخلت روان ومعها الدفتر: تفضلي ياست الحسن و الجمال وقعي.
ملاك: اوووف و ليش إنتِ اللي جابوك.
روان: جدي شافني صاعده عطاني الدفتر اخليك توقعي و انزله له.
و قعت ملاك و هي ترتجف و طالعتني و إبتسمت لها أخيراً وقعت ملاك و انتهى الموضوع على خير
بعد فتره نزلنا وزفينا ملاك وجلست وبدأت الناس تبارك لها
حسيت ان ملاك متضايقه اقتربت منها
: ملاك اشفيك.
ملاك: ما دري أحس إني متضايقه و ابغى أقوم.
: طيب.
حاولت أقنعهم بقومتها بصعوبه و قومتها ومعاي جنى و روان
دخلنا غرفتي
روان: ملاك أخوي مو للهدرجه شين.
ملاك: أنا مو متضايقه علشان أخوك أنا خلاص تقبلت الوضع بس..
ضمت جنى ملاك تهدي فيها وملاك بدأت تصيح
ملاك: تخيلت أمي موجوده و فرحانه و ترحب بالضيوف وفرحانه بي و طايره و توصيني على زوجي......وأختي اللي ما حضرت و مافرحت لي.... إيش أقول أمي و أختي مو موجودين معي ألحين
وبدأوا ثنتينهم صياح و أنا و روان دمعوا عيونا
جنى: خلاص يا ملاك شوفيني أنا عايشه جحيم مع أمي مع أنها عايشه أحيانا أتمنى أنها مو موجودة.... استغفر الله ياربي.
روان: ملاك شوفي قمرعايشه بدون أمها بعد ما عاشت معاها 18 سنه.
جنى : أثاري قمر طلعت أقوى منك.
إبتسمت ما دري ليه يمكن لاني أحس أني أبداً مو قويه
قامت ملاك و حضنتني
روان: على الاقل أحمدي ربك إن إ حنا جنبك و ما تركناك.
بعد نوبت الصياح راح الكل و أنسدحنا أنا و ملاك ونمنا.
*************************
جلست على رنت جوال طالعت الساعه كانت ست لفيت كان جوال ملاك من داق هالوقت: ملاك شوفي جوالك .
ملاك: اوووف من اللي فاضي داق هالوقت.
رفعت الجوال
ملاك:ألو نعم....خير ايش تبين....ايــــــــش.......لا لا أكيد أنتي غلطانه....مستـــــــــــحيل مـــــــــــستحيل.
وسكرت الجوال و ناظرتني بعيونها و الدموع تحرقها : ملاك إشفيك؟
ملاك: ما....ما....ماتــ...
حطيت إيدي على قلبي بخوف: منو اللي مات؟
أغمى على ملاك فجأه وما قالت لي منو اللي مات ما عرفت ايش أسوي أحس قلبي يرقع و أعصابي تلفانه و أفكار توديني و تجيبني منو اللي مات حاولت أجلس ملاك رشيت ماي على وجهها و رشيت عطر على إيدي و قربته من خشمها بس ما كو إستجابه طلعت من غرفتي أدور أي أحد رحت غرفه أبوي وفيصل و ماشفت أحد لا زم نودي ملاك المستشفى و أبغى أعرف منو اللي مات نزلت أدور تحت محد في البيت صعدت فوق مره ثانيه وكنت راح أدخل غرفتي لمن سمعت صوته
........: قمر شفيك.
أحس أني متوتره و خايفه تكلمت بصوت مرتجف: ملاك مغمى عليها مدري ايش أسوي.
فهد:عسى ما شر.
:اتصلوا عليها و قالوا لها ان أحد مات وأنا خايفه و ما أعرف منو الميت و ايش صار.
فهد: رشيتي على وجهها ماي.
: ايه وخليتها تشم عطر بعد.
فهد:خلاص لبسي عباتك و جيبها معك.
:شلون وهي مغمى عليها.
فهد:امممم لحظه اعتقد معانا كرسي متحرك في البيت.
راح و أنا دخلت غرفتي لبست عباتي و لبست ملاك عباتها سمعت دق الباب و فتحت و أخذت الكرسي و جلست ملاك عليه بعد مشقه و تعب نزلنا و صعدتها أنا والخدامه في السياره ورى وركبت
فهد: مالقيت أحد بالبيت لا أبوك و لا حتى فيصل.
: حتى أنا دورتهم و ما لقيتهم.
انقبض قلبي أخاف أبوي مات لا لا انشاء الله و فيصل لا ياربي احفظهم كنت طولت الطريق متوتره و مو عارفه اللي بصير معانا إنتبهت ان فهد يدق جوال
فهد: اوووف ماحد يرد لا راشد و لافيصل ولا خالد ولا جواد ولا واحد منهم و لا عمي حتى.
حسيت بقلق فهد و توتره من اللي قاعد يصير وصلنا المستشفى وكل ماله التوتر يزيد نزلنا ودخلنا الطوارئ بعد فتره طلع الدكتور من عند ملاك .
فهد:هلا دكتور جاسم طمني.
الدكتور جاسم:هلا فيك الحمدلله بس صارت لها صدمه وما قدرت تستوعبها .
فهد:وأيش تأثير الصدمه عليها.
الدكتور جاسم:هو مو تأثير قوي بس راح تمر بفترة على ما تستوعب اللي صار لها .
فهد:أهم شي هي بخير.
الدكتور جاسم:أي الحمدلله وان شاء الله فتره وتعدي .
:أقدر أشوفها؟
الدكتور:بعد ما يطلعوا الممرضات من عندها تقدرين تدخلين.
فهد:شكراً دكتور .
الدكتور:العفو هذا واجب علي خلنا نشوفك دكتور فهد.
فهد:على خير أن شاء الله.
جلسنا بره ننتظر وأنا حدي متوتره منو اللي مات يا ربي سهل الأمور مر هدوء الا رن جوال فهد.......
فهد:هلا خالد.................أيش صاير؟منو مات؟.................لا حول ولا قوة الا بالله..... عظم الله أجرك....جنبك راشد ......... عطني إياه....ألو هلا راشد.......عظم الله أجرك....أنا في المستشفى مع قمر وملاك......ملاك أغمى عليها....لا الحمد الله الدكتور يقول فتره لين تتقبل الصدمه وتصير بخير......شوف قسم الطوارئ الباب الثاني الدور الاول.....مستشفى الـــــــــــ....الله يسلمك.
قمت بسرعه لفهد : فهد منو مات؟
فهد:..........
:فهد منــــــو؟
فهد: ......أنا بروح عندي شغله وراجع .
مشى وتركني بحيرتي مو عارفه شي يا ربي حسيت بقشعريره في جسمي دخلت الغرفه اللي فيها ملاك طالعتها لا يكون أبو ملاك بس لو هو كان قال لي فهد وقفت قبال النافذه كان أتصل على روان وأعرف منهو بس جوالتنا خليتها في البيت أخذت تلفون المستشفى وإتصلت على بيت روان بس ماحد رد سكرت خلني أتصل على جنى إتصلت بس بعد ما حد يرد الحين شلون أعرف وقفت قبال النافذه شفت سياره داخله شكيت إنها سيارة راشد
بدأت أدور في الغرفة أنتظر وصول راشد إنتظرت وإنتظرت شكلها مو سيارته أو يمكن راح لفهد قبل ما يجي هنا سكتت يوم سمعت أصوات بره وواحد منهم يشبه صوت راشد رحت بسرعه وفتحت الباب كان راشد وواقف جنبه فهد طالعني فهد وطالع راشد
وراشد نفس الشي خفت : ..ر..اش.د منو....اللي .... اللي مات .
رحت جنب راشد ومسكت إيده : راشد قول لي .
نزل راشد راسه وإبتعد فهد وهي يمسك راسه بإيده قلت ودموعي نزلت وأنا مو عارفه مين : لا تقول أبوي .
رفع راشد راسه وهزه بلا :أجل مين ريحوني حرام عليكم .
راشد :.............



يا ترى مين اللي مات ؟ وإيش اح يصير مع قمر وأبطال الروايه أتمنى توقعاتكم ..................longing .

مووووج

[شمعة الدار]

لالالالالالا انا اتوقع انو فيصل دعمته سياره

واااااااااااي ياقلبي عليج ياقمور اللله يكون بعونج


تسلمين ياقلبو شوقتينا للبارت الجاي


قووووووهييييييد

[لجلك ياصعب]

الــــــــــــبــــــــــارت حمااااااااااسي وحتى سرييع يعني قصييير خلصته بسرعه

يووووهـ حرااام علييهم الحيين ليش مااا يعلموون قمر ويرحيونها

انوقع اللي مااات ابو ملااك اة لا لا مدري يمكن ولا شكله فيييصل

تسلميين ياموووج على هالبارت الروعه وننتظرك لا تطوليين عليينا

[انسى العالم]

بصرررررررررررررررراحه اول مررره ارد عليك وانشاء الله راح اكون من المتابعين لك
والباررررررررررررت جوووووووووووووونان ويعطيك الف عافيه
واتوقع اللى مات او صار له الحادث ابو ملاك
ياقلبى ع قمورررررره >>>> خلاص اموووووووون ادلع اللى ابي
ننتظرررررررررررررررررررررررك ع نارررررررررر
انسى العالم

[قمر اهلها]

يسلموووو
ويعطيكـ العافيهـ
وجزاكـ الله كل خير
لاخلا و لا عدم

[لجلك ياصعب]

يـــــــــــــــــله يـــــــــــــــــاااااامــــــوووووووووج

تراااااني مـــــــتـــحمسه لااا تطوليين علينا بللليييز

[عبق الزهور]

السلام عليكم ورحمة الله وبركاته

أخباركـ؟؟

يسلموو ع البارتات الحلوهـ..

بس حراااام عليكـ وقفتي عند موقف أعصاب منو اللي مات..؟
أتوقع أبو ملاك ولا ليش أغمى عليها..!
بالبداية توقعتهـ راشد وبعدين أرتحت^^

ولا قمور وهـ عليها صراحهـ بحيرهـ توافق ترجع لفهد ولا لا..بس لو مكانها ماأرجع إلا بعد ماأحرق قلبهـ زي ماحرق قلبها<<نذلهـ^^
ولا فهد جد جد رحمتهـ شكلهـ عن جد حيـــــــــــــل ندمان..هذا اللي يجي من وراء التسرع..

أوكي غناتي بأنتظاركـ..لاتطولين علينا حدنا متحمسين^^

ملاحظه:حوبي كلمة أن شاءالله كذا تكتب^^

دمتي بحفظ الله..

[لجلك ياصعب]

مووووووووج..... يـــــــــــله يـــــــــــله تراااانـــا مرررهـ متحمســـين
طـــــــــلبتك لااااتتأخــــــــريين ...

[لجلك ياصعب]

موووووووووووج .... يــــله ترا انــا كل يووم ادخل المنتدى عشان اشووف كملتيه ولا لا

ادخــل اليوووووم الظهر القاااكــ كااتبته هاااا ؟

ع العــموم انــا بإنتظاااااركـ ...

[موج الشوق]

اسفه على تآخري بس مو مني من الكاتبه نفسها على حسب انشغاله <<< طيب لا تصيحين اهئ اهئ ههههههههه
واليوم جبت البارت
اتمنى يعجبكم <<< انا عجبني *_^
وحسيته كثير مشوق للبارت الجاي <<< حرقتيه علينا البارت
مشكوره عبق على ملاحظتك
اتركم مع البارت
موووووووووووج

[موج الشوق]

البارت الواحد والعشرون..........



رحت جنب راشد ومسكت إيده : راشد قول لي .
نزل راشد راسه وإبتعد فهد وهي يمسك راسه بإيده قلت ودموعي نزلت وأنا مو عارفه مين : لا تقول أبوي .
رفع راشد راسه وهزه بلا :أجل مين ريحوني حرام عليكم .
راشد :.............جنى .
************************
مد لي راشد الماي وأنا كنت منكبه على الكرسي جنى راحت جنى ليش توها بعمر صغير ما تهنت بشبابها وشلون... توها البارح ما فيها شي آآآه على شبابك يا جنى
راشد: قومي شربي ماي ما يصير تسوي في روحك كذا .
قلت بصوت عالي وباكي: شلون راحت توها البارح ما فيها شي.
راشد وهو منزل راسه يفكر أو يتذكر: حادث سياره وهي راجعه البارح مع أخوها ونزلت السوبر ماركت وصاراللي صار.
قلت بعصبيه : بس توها صغيره مستحيل .
عصب راشد : قمر شهالكلام هذا يومها والموت ما يعرف صغير من كبير بدال ما تترحمين عليها ترى هي محتاجه هالشي .
قمت بسرعه ودخلت الغرفه اللي فيها ملاك طالعتها قربت كرسي من سريرها وجلست حطيت راسي بين يديني ودموعي ما وقفت ليش يا ربي الطيبين يرحون بسرعه وما يخلوا غير ذكرياتهم والله صادقه ملاك لمن ما تقبلت هالصدمه ما أدري كم مر من الوقت وأنا بهالحال بس سمعت صوت ملاك رفعت راسي وشفتها وهي تفتح عيونها دارت عيونها في الغرفه بعدين طالعتني وقالت بهمس : قمر....... أنا وين ؟
وقفت وأنا أمسح دموعي وقربت منها :إنتي بالمستشفى تعبتي شوي وجبناك.
ملاك بنفس الهدوء:و... وجنى وين هي .
تفاجأت من سؤالها : ها!؟
قالت وهي تعدل راسها على الوساده: تخيلي حلمت بجنى إن أحد قال لي إنها ماتت .
ما عرفت شقول لها طالعتني : قمر شفيك إتصلي على جنى خليها تجيني أكيد أول ما تسمع إني تعبانه راح تجي ركض .
تجمعوا الدموع في عيوني وقلت بصوت مكتوم : ملاك جنى ما تقدر تجي .
عصبت ملاك : شلون ما تقدر تجي إذا على أمها خلي خالتي نوره تكلمها أبيها الحين الحين .
: ......بس ..
ملاك بصراخ : قمر خليها تجي الحين .
إنفتح الباب على صراخها ودخل راشد : قمر شصاير ؟
أشرت على ملاك وأنا خايفه منها طالعها راشد شرد للحظه وهو يطالعها ونبهته من شروده بعد ما رمت عليه قرشة الماي اللي كانت جنبها وهي تصرخ : هيي إنت روح جيب جنى أبغى جنى .
طالعني راشد ورجع طالع ملاك وقرب منها : هدي الحين بروح أجيبها .
ملاك :أجل ليش واقف يلا روح.
مسك يدينها وقال بهدوء وهو يطالع بعيون ملاك : شرايك نستنى شوي الحين جنى نايمه شوفي الساعه كم بعد شوي راح أجيبها لك.
هدئت ملاك :أكيد؟
راشد وهو يبتسم لها : مره قلت لك شي وما سويته .
غمضت عيونها للحظه ورفعت راسها طالعت راشد بشك فقال لها :صدقيني .
رجعت غمضت عيونها بتعب أشر لي راشد علشان أطلع طلعت شفت فهد قال: ها شخبارها الحين .
قلت وأنا أسكر الباب: أحسن .
إبتعد وأنا ضليت واقفه مرت نص ساعه وطلع راشد من الغرفه قربت منه : ما سألت مره ثانيه .
راشد: لا الحمد لله نامت وإنتي ما بتروحي العزا .
:إمبلى بس كنت أنتظرك.
مشى فهد وراشد كان يطالعه بعدين قال: يلا بوصلك وبرجع .
طلعنا من المستشفى وركبنا السياره وكنا طول الوقت ساكتين وصلني بيت إختي لولوه نزلت عالطول ودخلت كان البيت كئيب موحش وصوت صياح الحريم مالي المكان....كنت أناظرهم و أدور بينهم أختي لولوه و ينها...؟؟
شفت وحده تقدمت لي.
روان: قمر....
مسكتني و ضمتني وصحنا مع بعض بقوه ........بعد فتره...
: لولوه وينها.
روان: في غرفتها.
: أبغى أشوفها.
روان: تعالي معي.
أخذتني روان لغرفه لولوه ومشت.... اسمع صوت انين....دقيت الباب ماحد رد....دقيته مره ثانيه و دخلت شفتها على سريرها و تصيح بشهقات و بقوه اقتربت منها و ضميتها و صحت معاها
: خلاص لولوه أنتي لازم تدعي لها.
لولوه :أنا...اللي..موتتها....أنا...اللي غص..بت..ها...ت...ط...لع..
آه..ياجنى...
: لولوه لاتقولين كذا هذا مقدر ومكتوب.
لولوه بشهقات: أنا ماريحتها...بحياتها..دائم أهاوشها.... و أصرخ عليها....ولا أخليها...تسوي اللي تبي ...آه راحت.......راحت..و لا قلت لها...أنا آسفه..على كل..اللي سويته لها...راحت...و لا قلت لها....أحبك.........
انكسر قلبي على لولوه ما قدرت أستحمل أشوفها كذا طلعت...نزلت تحت رحت لروان..وأخذتها معاي و صعدنا فوق..
: روان....وين...غرفتها؟
روان مشت و أنا وراها وفتحت الغرفه.....دخلنا ثنتينا....كانت معفوسه فوق تحت السرير...والتسريحه كل شي فيها مرمي....والدولاب معفوس ...وفي فستاين مرميه على السرير...
وفي مجلات مرميه على الارض رفعتها روان شفنا مأشر على فستان زفاف و مكتوب عليه فستان ملاك ليله عرسها
روان بشهقات: شوفي قمر...كانت تختار للملكه.. شوفي حتى للزواج...قمر جنى....راحت...راحت ياقمر...ولاعاد نشوفها مره ثانيه.
رمت روان المجله و طلعت من الغرفه...
مشيت في الغرفه حسيت بشيء تحتي ...لقيت دفتر رمادي بورود زهريه...مبين عليه دفتر مذكرات رفعته من الأرض...ترددت في فتحه...بس آخر شيء فتحته بعشوائيه و اخترت صفحه...] اليوم....الساعه....
اليوم عيد ميلادي وماحد تذكره لا أمي ولا أبوي كنت متضايقه طول اليوم بس ملاك و روان فجأوني بحفله صغيره بيني و بينهم....و جواد بعد أرسل لي هديه عن طريق أخته سمر روعه حيـــــــل...حسيت بالفرحه أنا مو وحيده في أشخاص يحبوني الله يخليهم لي اشكرهم من كل قلبي...وصار هذا اليوم أسعد أيام حياتي [
نزلوا دموعي ....فتحت صفحه ثانيه] اليوم...الصفحه...اليوم شفت جواد وهو غمز لي أول ما لمحني...أحبه أحبه بس خايفه أحس إني ماراح أكمل معه للنهايه..ياربي أجمعني معه ولاتفرقنا[
يابعد عمري ياجنى كنتي حاسه الله يعينك ياجواد و فتحت صفحه أخرى]اليوم...الساعه...اليوم تهاوشت مع أمي علشان خالتي الجديده قمر أنا دخلت قلبي عالطول بس أمي مدري ليه مو مقتنعه فيها أكيد من بنت خالتي روئ اللي توز في راسها أمي طيبه حيل اتمنى يوم من الايام تصحى أمي و ماتكلم روئ عالعموم أنا فرحت بخالتي قمر وحسيت إنها بتصير صديقه لنا احنا الثلاثه[
آه آه ياجنى..فتحت آخر صفحه أبغى أعرف شنو آخر شي كتبته
] اليوم...الساعه...اليوم ملكه ملاك و أخيراً راح تتزوج أتمنى لك السعاده يا ملاك...اليوم تهاوشت مع أمي و عفست الغرفه فوق تحت و أكيد أمي شافتها و عصبت علي بس أنا اليوم طايره من الفرحه و ما أبغى أعكر مزاجي...ياترى كيف راح تكون ملكتي مع جواد..؟؟؟ [ كانت هذي آخر كلماتها ملكتها مع جواد...ياترى كيف حال جواد ألحين الله يعينك يا جواد مسحت دموعي و طلعت و حملت الدفتر معاي...نزلت للمطبخ و اتصلت على راشد
: راشد وينك؟....أبي أرجع بيتنا...كيف حالها ألحين...خلاص أتصل على سواقنا.
اتصلت على السواق...وجا ركبت معاه ومشا...وصلت بيتنا و نزلت و صعدت غرفتي على طول...فسخت عباتي وجلست أناظر الدفتر..شنو أسوي فيه هذي مذكرات و لازم تكون سريه...فكرت و فكرت......لقيتها أكثر شخص يستاهل تكون معاه...جواد..يمكن يخفف من ألامه شوي و أكيد جنى راح تكون مرتاحه إذا عطيته جواد.....خبيته بعدين أشوف طريقه أوصله له..وانسدحت على السرير كنت تعبانه حيل فنمت بسرعه............
*********************
جلست من النوم طالعت الساعه كانت سبع...بل كل ذا نوم قمت دخلت الحمام اخذت شور وصليت اللي فاتني.....
نزلت تحت شفت أبوي في الصاله...
: السلام عليكم.
أبوي: وعليكم السلام.
: عظم الله أجرك يبا.
أبوي: أجرنا و أجرك.
: يبا أبغى أروح لملاك المستشفى.
أبوي: فيصل في غرفته روحي معاه مع السواق.
: أوكيه.
رحت لبست عباتي وقلت لفيصل ...وركبت السياره ورحت المستشفى ...
رحت غرفه ملاك و فتحت الباب شفتها نايمه و راشد جالس بجنبها
: أنا آسفه راشد نسيتك.
راشد: لا عادي أنا ما كنت بروح.
:ما كنت بتروح العزا.
راشد: واترك ملاك لحالها.
ناظرت ملاك نظرات حنيه و تذكرت جنى
: راشد.
راشد:هممممم.
: اليوم...ماشفت جواد.
راشد: كان معانا في المستشفى أول ما عرفنا إنها سوت حادث بس لمن طلع الدكتور و بلغنا وفاتها ماشفته.
:ماتدري عنه.
راشد: دقيت على خالد من شوي وقال مايدري عنه ويتصل عليه مايرفع.
: ما اتصل على ربعه.
راشد: مايدرون عنه.
: وين راح.
راشد: الله يستر و مايسوي في روحه شي حبه لجنى جنوني.
دمعوا عيوني آه يا جنى وينك الكل فاقدك شوفي جواد من غيرك أكيد ذابح روحه من البكا حسيت براشد وهو يحط إيده على كتفي
راشد: أدعي لها بالرحمه ياقمر.
ضميت راشد وبدأت أصيح هذي جنى ...جنى ...ياراشد تذكرت آخر شي قالته قبل ماتطلع قالت أني قويه جنى أنا مو قويه من غيرك أنا ضعيفه أرجعي و أصير أقوى و أقوى..........
ابتعدت عن حضن راشد و مسحت دموعي
: آسفه مليت ثوبك .
راشد: لا عادي.
: خلاص أنت روح و أنا بظل عندها الليله.
راشد: إذا تبين أي شي اتصلي علي .
: أن شاء الله.
طلع راشد و أنا ظليت جالسه على الكرسي أراقب ملاك
******************
سمعت صوت انين فتحت عيوني شفت ملاك تأن قربت منها نايمه شكلها تحلم بجنى....رحت جنب النافذه...وطالعت السماء جنى الحين فوق ...جنى اشتقنا لك...شوفي حالنا من بعدك...شوفي حال ملاك....شوفي حال جواد الحين... شوفي حال أمك...أمك مصدومه من تركك لها....و أنا من دخلت حياتكم ماتوقعت إنك تتركينا....
رجعت جلست على الكرسي...جواد لازم يرجع و يكمل حياته و أول ما يرجع راح أودي الدفتر له هو أكثر واحد يحب جنى و أكيد إذا عرف بمشاعرها و مراحل حياتها و مذكراتها بيرتاح أكثر.....يا ترى فهد إذا صار لي شي ايش راح يعمل...يحبني كثر حب جواد لجنى أو أكثر...شكله أقل لانه ما وثق فيني..
تعبت من التفكير لفيت و طالعت ملاك نايمه بهدوء...ظليت فتره أراقبها إلا سمعت صوت الاذان قمت صليت و رجعت جلست إلا رن جوالي كان راشد......: هلا راشد...الحمد الله...لا ما صحيت....
الصباح أنا أروح وبعدها بروح بيتنا أغير ملابسي وبرجع المستشفى العصر.....إنت تعال الصباح ودني و أجلس معها أوكيه.....الله يسلمك.
جلست مره ثانيه على الكنب وغمضت عيوني ونمت
****************************
........: قمر.....قمر.
حسيت بأحد يصحيني فتحت عيوني شفت راشد
راشد: صباح الخير.
: صباح النور.
قمت غسلت وجهي و رجعت
: أخبار أمك.
راشد: أمي ما رجعت من بيت خالتي.
: اممممم وجواد رجع.
راشد: لا ما رجع.
: الله يهديه ويرجع.
راشد: الله كريم قمر جبت لك فطور أكيد من أمس ما كلتي شي.
: مشكور.
طوال أمس ما حسيت بالجوع مع إني ما كلت يمكن من اللي صار جلسنا أنا و راشد نفطر.........وبعدها وداني العزا...
مرت الثلاث الايام و جواد مو مبين وملاك حالتها تتحسن و أنا الصباح في العزا والعصر لين يوم ثاني عند ملاك.........
اليوم آخر يوم في العزا.....ظليت للعصر في بيت أختي لولوه ولا رحت لملاك......بعد صلاة المغرب دقيت على راشد يجي يوصلني جا ورحت معه المستشفى .....لمن وصلنا غرفتها راشد ما رضى يدخل معاي دخلت شفتها و اقفه كانت لابسه عباتها شافتني و جات ركض ضمتني وقامت تصيح: راحت...راحت...راحت جنى ياقمر....راحت...كنت حاسه أنه أحد بيفارقني بس ما توقعت تكون جنى ......جنى أختي الصغيره.....راحت.
: خلاص يا ملاك حرام عليك.
هدأت ملاك: أبغى أروح العزا.
: بس.......
ملاك: أبي أعزي خالتي هذا اللي تبيه صار ارتاحت من جنى و جنى ارتاحت منها.
: حرام عليك لولوه نادمه قد شعر راسها.
ملاك: مستحيل تندم بعد إيش بعد ما حولت حياة جنى لجحيم و موتتها.....خلاص ما ينفع الندم.
: مــــــلاك.
ملاك: يلا اللي جابك يوصلني العزا.
: بس....العزا خلص.
امتلت عيون ملاك دموع: يعني ما حضرت حتى عزاها.
: طيب امشي معاي أوديك تعزي لولوه أوكيه.
هزت ملاك راسها ....
........: الحمد الله على السلامه.
لفينا أنا و ملاك على الصوت كان راشد ملاك بسرعه تغطت
راشد: ليه تتغطين أنا زوجك مو غريب.
مسكتني ملاك من إيدي بقوه: أبغى أمشي.
لف راشد علي: بروح للدكتور علشان يكتب لها خروج.
طلع راشد و ملاك ما فتشت رفعت الغطوه عن وجهها شفتها تصيح
: ملوكه ليه تبكين.
ملاك: لا و لاشي.
طق الباب راشد و قال لنا يلا طلعنا و ركبنا السياره وودانا بيت أختي لولوه دخلنا ما كان هناك أحد رحنا غرفه أختي لولوه دقينا الباب و دخلنا كانت منسدحه على السرير أول ما شافتنا جلست و ظلت تطالع في ملاك و ملاك تطالع فيها
لولوه: ملاك.....جنى....راحت جنى ياملاك.......راحت.
امتلت عيون ملاك دموع و ركضت لحضن لولوه وبدأوا ثنتينهم يصيحون.........تقطع قلبي من شكلهم.....طلعت من الغرفه..ظليت فوق الساعه في الصاله الفوقيه.....شفت ملاك تطلع وتقرب مني وعيونها ماليانه دموع......
ملاك: قمر....
: نعم.
ملاك: اللي شفتها خالتي لولوه صدق أو كذب.
: لولوه تغيرت بعد موت جنى.
قالت وهي تصيح: خالتي قويه....هذي مو خالتي...خالتي لولوه مو ضعيفه....هذي مو خالتي....أبي خالتي القديمه.....أبيها.....وأبي جنى........جنى وينـــــــــك.
ضميتها : ملاك أدعي لها بالرحمه.
أخذتها وطلعنا و ركبنا السياره وركبت معاها ورى وأنا ضامتها وهي تصيح...و راشد ساكت......وصلنا بيتنا و نزلنا و رحنا غرفتي......وانسدحت ملاك وهي تبكي على السرير و نامت...و أنا بعد أخذت شور وانسدحت بجنبها و نمت........
*******************
بعد مرور أيام عرفت أن جواد رجع بيتهم وظل في غرفته ولا يطلع منها رحت بيتهم وشفت سمر أخذتني إلى غرفتها.....
سمر: هذا احنا في غرفتي خبريني ايش الموضوع ترى اقلقتيني.
: شخبار جواد.
سمر وتكلمني بغرور: هذا هو في غرفته و لا يطلع منها .
: سمر ابي اتكلم معاه.
سمر بخبث: شبعتي من فهد ولمن ماتت جنى لفيتي على جواد بس على فكره ترى هو مو من هالنوع.
ما تمنيت أكون بهالموقف ألمني كلامها بس حبيت أقصر الشر: ابي مساعدتك في امانه من عند جنى لازم أوصلها له بس مابي أحد يدري.
سمر: جنى!
: ايه جنى ممكن.
قالت بعدم مبالاه : إذا فيها تخفيف عنه ما عليه. وكملت بنفس الخبث: عطيني إياها وأنا أوصلها له.
:أفضل أعطيها إياه بنفسي .
سمر :أوووه تبيني أخليك تدخلين جناحه.
ما عجبتني نبرتها :أنا أبغاك تدخلين معاي .
قالت بدلع:أوكى بس...... عادي عندك تدخلين غرفة غريب ولا ليش أستغرب مو إنتي سويتها في فهد من قبل .
مشت قدامي ودخلنا الجناح وقفت ورى باب غرفته و سمر فتحت الباب شوي...
سمر وإبتساماتها كل شوي ما فاتتني : جواد....خالة جنى قمروأقولك ركز على إسم قمر ..جايبه أمانه من عند جنى لك.
سمعت صوته وهو يقول بلهفه: صحيح وينها.
سمر: عند الباب .
ما شفته إلا طالع من الغرفه وواقف قبالي إبتعدت وهو بعد إبتعد إحتراما لي :أخبارك جواد.
جواد :تمام إنتي أخبارك .
حبيت أختصر الموضوع : جواد جنى ماتت الله يرحمها وهي تتمنالك كل خير.....هي كانت حاسه قالت لي أنا حاسه أني ماراح أتزوج جواد مع أنه يحبني و أنا أحبه بس ما كانت تعرف السبب( دمعوا عيوني) .....بس الحين عرفناه.....جنى تحبك يا جواد...أنا لقيت دفتر مذكراتها و حبيت أعطيك إياه بس توعدني تحافظ عليه.
جواد بحزن: هذا من ريحة جنى معقوله ما أحافظ عليه.
حطيت الدفتر جنب الباب و طلعت من الجناح و نزلت تحت وطلعت مع السواق و صلني بيتنا نزلت و دخلت البيت وصعدت غرفتي وبكيت.......بكيت أمي... بكيت جنى.......بكيت ملاك......بكيت فهد........بكيت كل شخص عاش مع جنى وحبها...
************************
مشت الايام من دون جنى وأنا اللي توقعت إن الحياه وقفت من دونها مرت الايـــام والاشــهر........ملاك ما تجيني كثر قبل وروان بطنها برز وهي في الشهر السادس و أبوي كل فتره يكلمني عن فهد وأنا أرفض ما أقدر أرجع لواحد ما وثق فيني من أول زله.....وملاك و راشد ما يتقابلون.......لبست عباية كتف و شيله و نزلت تحت ما فيه أحد جلست في الصاله و شغلت التلفزيون الا رن تلفون الصاله رديت....: ألو....وعليكم السلام.....قوه عمي...أبوي لحظه..
بعدت السماعه عن اذني وقمت أدور عن أبوي: يبا يبا.
........:ايش تبين فيه.
: يمـــــــه... روعتني .
راشد: هههه تستاهلين يلا ايش تبين بجدي.
: عمي أبو خالد يبغاه على التلفون.
راشد: صحيح.
راح راشد و رفع السماعه
راشد: قوه عمي...أخبارك....ايش صاير........
اشـــــــــــــــلـــــــون.....طيب أنا جاي ومعاي جدي.
سكر السماعه
: إيش صاير.
راشد بسرعه : بعدين بعدين.
و مشى عني خوفني ايش صاير....الله يستر.....الله يستر.......
*******************


تحياتي Longing........
موووووج

[عبق الزهور]

السلام عليكم ورحمة الله وبركاته

أخباركـ؟؟

لا ليش كذا حرااام عليكـ أنتي ناويه علينا كلهـ توقفين عند مواقف صعبهـ..

ولا جنى جد ماتوقعتها حرام عليك ليش الحزن كان خليتي على الأقل سمر ولا رؤى مو جنى ولا جواد كسر خاطري<<فيس يصيح

بأنتظار البارت وبليز مانبغى حزن..

دمتي بحفظ الله..

[لجلك ياصعب]

بــــإنــــــتـــظااااااااااااار الــــــــــــبـــــــارب ع احـــر من الجـــمر ....

[انسى العالم]

بجد صدمه ماتوقعت جنى حررررام جواد كسر خاطري الله يصبره
والبارررررررررررررررررررت حزين ننتظر بارررررررررت
احلى واحداث كثيره يعطيك العافيه
بس وش تتوقعون وش صار عند بيت ابو خالد

[لجلك ياصعب]

يـــــــــــــــــــــــــــله يــــــــــــــــااامـــــــــوووووووووووووووج

تراا بيــــــــطق بي عـــــــــرق خلاااااااااص مــا اقدر اصبر اكثر.. ,,ارحمينا ياموج

على فـــــــــكــرهـ ترا ماايكفيينا بااارت وااحد نبي 2 ولا 3

انـــــــــا بإنـــتــظــاااااركـ

[شمعة الدار]

مووووووووووج

وش هالقفلات اللي عليك ترا مخي تركن من القفلات والتفكير ارررررحميييييييناااا ياختي يعني لزوم الاكشن القفلات


ياربي هالمره مدري منو جاي عليه الدور الله يستر من افكارك



تسلمين يالغلا ولو انه بارت حزين بس هذا حال الدنيا ولازم تستمر


بارك الله فيك

قوووووووهيييييييييد

[موج الشوق]

يسلموووووووو لردودكم الحلوه
والله لو بكيفي من عيوني <<^_^
مووووج

[موج الشوق]

البـــــــــــــارت الثاني والعشرون........

سكر السماعه
: إيش صاير.
راشد بسرعه : بعدين بعدين.
و مشى عني خوفني ايش صاير....الله يستر.....الله يستر.......
مشيت بصعد غرفتي إيش صاير في بيت عمي خلاه يتصل في أبوي ..سمعت صوت مسج لجوالي فتحت جوالي .....الرساله من فهد....فتحتها على طول.....
((وش يرضيك؟
إذا قلت إني أترجاك....و أسترجيك
إذا قمت احلف اني....مو أحبك بس أنا و الله ميت فيك
وش يرضيك؟))
فهد صار في الأونه الاخيره دايم يرسلي وتعودت على مسجاته يمكن توقع إن المسجات تأثر فيني والحقيقه إنها أثرت فيني وحن .. حن قلبي له سمعت صوت مسج ثاني....من فهد بعد......فتحته.....
((لاتلوميني حبيبتي لو مره قسيت عليك
و أفهمي شعوري وإعرفي إني أموت فيك))
إبتسمت و أنا أحبك و أموت فيك خلاص قررت.... أتوقع الفتره اللي كنت فيها بعيده عن فهد كافيه لي وله ....رن جوالي فكرته هو طلعت ملاك صار كل تفكيري فيه....
: هلا ملاك.
ملاك بصراخ : قــــــــــــمر.
بعدت السماعه عن اذني : شهالصراخ؟
ملاك: تعالي الحين بيتنا.
: ليه؟
ملاك بعصبيه و صراخ: بسرعه تعالي .
: ان شاء الله لاتعصبي.
سكرت منها ذكرتني بيوم ملكتها شكله تحدد زواجها.. كلمت السواق يوصلني ...اف شلون أركب معه لوحدي....وين هالفيصل....صعدت فوق دورت فيصل ما لقيته.....الحين شلون أروح....كلمت راشد ما يرفع......انفتح باب الصاله و دخلت روان..استغربت ظليت أطالع فيها مستغربه....
روان: أخبارك قمر؟
: الحمد الله إنتِ أخبارك و أخبار الحمل معك.
روان: بخير....ليه تطالعيني كذا.
:لا بس غريبه جايه.
روان: أسير على خالتي اشتقت لها....إنتِ لابسه عباتك و ين رايحه؟
: تذكرت....الله جابك ملاك متصله علي تبيني أروح لها ضروري و مافيه أحد أروح معاه.
روان: والسواق.
: هنا بس فيصل مو هنا و ما أقدر أركب معه لوحدي.
روان: يعني بتقنعيني إنك و لامره طلعتي مع السواق لوحدك.
: ههههه يعني مره مرتين..... بعد للضروره أحكام.
روان: طيب ايش فيها ملاك؟
: مدري يلا نمشي.
روان: يلا.
ركبنا مع السواق و وصلنا بيت أبو روئ شفت سياره راشد .... إيش صاير؟ في بيت أبو رؤى
نزلنا و صعدنا فوق لملاك على طول دخلنا غرفتها شفناها تروح و تجي...
قلت بخوف: ملاك إيش صاير؟؟
روان: بيتكم يخرع.
ملاك:............
: ملاك إيش فيه......أبوك مات( هزت راسها بلا) أجل إيش فيه.
قالت وهي تصيح: روئ.
روان بخوف: اشفيها.
ملاك بعصبيه: فضيحه يا روان فضيحه......روئ الحيوانه الحماره حامل.
روان : شلـــــون!.
ملاك بصراخ: الحيوانه حامل من واحد....و خطيبها تحت و أهله.
:معقوله روئ سوت كذا......
روان: حقيـــــــــــــر ه زبالــــــــــــــه .......شلون سوت كذا.
ملاك وهي تتحرك بعصبيه ودموعها ما وقفت: لا والأخت.... و لا همها لا أبوي و.....و لا سمعتنا ولا شي.
روان باشمئزاز: الحيوانه من منو حامل.
ملاك: القهر إنها مو راضيه تقول.
روان بصراخ:إيش .
دار راسي من الكلام اللي نقال لهدرجه وصلت الدنائه فيها .....أخذت نفس أهدي نفسي في هاذي الأمور ما تفيد العصبيه لازم نفكر بعقلانيه كملوا روان وملاك كل وحده تسب من جهه: خلاص صميتوا رأسي كل السبات قلتوها هدأو وكل شي بالهدوء ينحل.
ملاك: مع هذي ما فيه هدوء .
: بس...
روان: تقولك مو راضيه تقول منو....أنا بروح أطلع أسمه غصب.
مسكتها: روان ...ما يصير الشي بالعصبيه هدي ولكل حادث حديث. فكرت شوي : خليني أنا أروح.... يمكن تقول لي.
ملاك: اشلون بتقول لك و هي ما أطيقك.
: يعني بتقولك إنتي ولا روان .
سكتت ملاك وأنا كملت :خلني أحاول ما بخسر شي.
رحت لها وأنا خايفه بتستقبلني أو بتطردني بتقول لي أو لا ......اشلون سويتي كذا يا روئ فضحتينا ودمرت حياتك وحياة اختك......وصلت لغرفتها طقيت الباب....
روئ: منو؟
:أنا.
روئ: مين إنتِ؟
: خالتك قمر.
روئ باستهزاء: خالتي قمر.
فتحت الباب و كملت بسخريه: أهلاً أهلاً ياخاله.....أخبارك؟
على عملتها بعد قوة عينها ما حبيت أكبر الموضوع: الحمد الله إنتِ أخبارك؟
رؤئ: أخباري.....تعريفنها( وحطت إيدها على بطنها) بطني يحمل طفل......إيش تبين أخباري.
:روئ مين أبوه؟ .
روئ:.........
حسيتها مخنوقه وودها تصيح ودمعتها المعلقه بعينها ما فاتتني: نعرفه؟
روئ بصوت مخنوق : إنتِ أكثر وحده منا تعريفنه.
: أعرفه! من هو؟
روئ ودموعها نزلوا لا شعوري منها وبعصبيه: واحد تعريفنه عدل بعد.
: روئ مين حيرتيني.......واحد من العيله؟
قالت بإشمئزاز: عيالتنا مو من هالاشكال.....هو واحد من خوياك عرفتيني عليه.
قلت بإنكار وعصبيه: أنا عرفتك عليه؟ و واحد من أخوياي؟ إنتي إيش تقولي.
قامت تشاهق من الصياح وحطت راسها بين يدينها:إنتي يا قمر إنتي ضيعتيني.
أشرت على نفسي وعيوني تدمع :أنا ضيعتك ؟...أنا متى جلست معك أصلا.
طالعتني رؤى بحقد وعيونها سيلان : إيه إنتي ضيعتيني وبضيعين إختي ملاك والبنات كلهم .أشرت علي وهي تكمل :إنتي اللي خليتي فارس يدخل حياتي .
(إنتي اللي خليتي فارس يدخل حياتي ) ( فارس يدخل حياتي )
فــــــــارس!!!!!!!!!!!!!!!!!!!!!!!!!!!!!!!!!!!!!! !!!!!!!!
روئ: إيه فارس أخو فاطمه اللي خنتي فهد معه.
ما استحملت كلامها و عطيتها كف بأقوى ماعندي ولفيت عنها وأنا ماسكه راسي ........فارس ؟؟؟؟ فارس طلعت من الغرفه أحس إني مخنوقه ليش يصير معي كذا توقعت إني إرتحت منهم اثنينهم يطلع لي فارس مره ثانيه ... جلست عالدرج وأنا منلجمه تجمعت كل الأفكار براسي مو عارفه إيش أسوي حسيت بدموعي
وهي تنزل على خدودي يا ربي كل ما قررت أعدل حياتي تطلع لي مشكله أعظم من قبلها صحت بصوت عالي ما حسيت بنفسي وما همني أحد : قمر شفيك ؟
شفت روان اللي جت قبالي بسرعه ومسكت وجهي : قمر حياتي هدي.
: ليش ليش يا روان حياتي كذا .
روان وهي تحاول تهدني : شفيك قمر إنتي أقوى من كذا .
دزيت إيدينها بقوه وأنا أصرخ : لا أنا مو قويه مو قـــويه . وقفت وأنا أكمل : أنا يوم ماتت أمي كتمت ويوم صدتني خالتي كتمت ..وصارت مشكلتي مع فهد وبرضوا كتمت حتى يوم ماتت جنى حاولت أكون أقوى وحده بينكم وكتمت وفي النهايه أكون أنا دايما الملامه ....ما أدري يمكن المشاكل تحبني وتلحقني في كل مكان ....بس مو ذنبي أنا ما أبي أصير قويه . صرخت بكل صوتي : ما أبــــــــــي.
نزلت من عالدرج بسرعه وفهالوقت دخل راشد وسمعت صوت ملاك من وراي شفت راشد قبالي قال كلام ما سمعته وشفت الدنيا تحوس فيني وصار كل شي ظلام.
***************************
فتحت عيوني وأنا مستغربه أنا وين وإيش صار طالعت المكان شفت روان وملاك قربت روان مني ووراها ملاك :أخبارك الحين؟
:أن..ا وي..ن .
روان : في المستشفى .
عقدت حواجبي بإستغراب : ..... وليش.
روان : تعبتي شوي .
ملاك بدفاشتها: إنهيار عصبي.
سكتت إنهيار عصبي؟ وش صار لفيت على ملاك بعد ما قالت : بس ودي أعرف شنو قالت لك الزفته رؤى علشان تنهارين.
تذكرت فارس لفيت وجهي عنهم ودموعي تنزل فارس اللي حطم حياتي وحياة كل من يعرفني هو وإخته لأني بس كنت طيبه معهم وحبيتهم ...........
قمر ما يفيد الحزن الحين لازم أصلح غلط رؤى مسحت دموعي ولفيت على البنات : من اللي جابني هنا.
روان: راشد.
: وينه ؟
ملاك بطريقه مو حلوه : راح يشوف الدكتور.
روان بعصبيه : ملاك ترى أنا هنا أذا طلعت سوي اللي تبين هو أخوي وما أرضى عليه.
ملاك : عساك ما رضيتي .
: ملاك أنا مو فاضيه لملاقتك راسي يعورني .
ملاك: قولي لها هي تحسبني ما أقدر أقول لأخوها ما أبغاك.
...........: و أنا بعد ما أبيكِ.
عطت ملاك راشد ظهرها وحسيت منها إنها إنحرجت حتى راشد تجاهلها : الحمد الله على السلامه.
:الله يسلمك.
راشد:قمر يقول الدكتور لازما تظلي يوم بعد علشان ترتاحي .
: لا أبي أطلع برتاح في البيت أكثر .
راشد: بس ....
: لا بس ولا شي خلاص راشد خلني أطلع .
هز راشد راسه بأوكى وتوه بيطلع نادته ملاك : راشد .
حسيت بتعب صوتها وخفت من اللي بتقوله كملت ملاك: عندي كلام بقوله لك وودي تكون روان وقمر هنا معنا .
طالعها راشد للحظه وقال: تفضلي .
ملاك: قبل كنت أفكر ليش خطبتني حتى لو بتزوج واحد شايب ما توقع إنك تحس إني أستاهل تضحيتك بحياتك علشان تعيش معاي وإنت عارف نهاية حياتنا إذا تزوجنا .... يعني مشاكل في مشاكل ويمكن بعد ما خطبتني تحسفت وأنا ما ألومك .أخذت نفس وهي تكمل : والحين فرصتك جت لعندك....
قطعها راشد : لحظه .
طالعته ملاك بإستغراب وأنا وروان مستغربين ومو عارفين شيصير قبالنا قرب راشد من ملاك و بعدت عنه بسرعه وهي تقول بصوت مخنوق :إنت إسمعني من حقك تتركني بعد ما عرفت عن إختي وماحد بيقولك شي.. ههه شحقه تناسب عايله بنتهم ........
سكتت ما قدرت تكمل وأنا منصدمه هالمره طلبها بقناعه وراضيه فيه كنت أنتظر ردت فعل راشد اللي كان يطالعها ما ادري إذا كان منصدم مثلي مو بس على اللي قالته وعلى طريقة كلامها تصدقون مع إني ما أبي راشد يتركها بس كبرت ملاك فعيني هي عارفه إن إختها غلطت وما تبي راشد يدخل في الموضوع ويتكلمون عليه لفينا على راشد لمن قال: بروح أقدم لقمر ترخيص وأنتظركم في السياره.
وطلع من الغرفه طالعنا ملاك اللي مسحت دموعها بدون ما تقول ولا كلمه وأحنا أحترمنا سكوتها قمت ولبست عباتي ونزلنا و صلني بيتنا...
روان: راشد وصلني بيتي.
ملاك: وأنا أبغى أروح بيتنا.
روان: مع السلامه قمر و أهتمي بروحك.
:الله يسلمك.
ملاك: ودي أجلس معك بس....المهم أي شي تبينه ألو و أنا عندك.
: ان شاء الله.
نزلت و دخلت بيتنا شفت أبوي و فيصل في الصاله.....جا أبوي بسرعه وضمني :أخبارك الحين حبيبتي
: تمام الحمد لله.
أبوي وهو يطالع في وجهي: سامحني ما قدرت أكلمك توني داخل من الباب وإتصلت على جوالك ما رديتي.
:يوو نسيته في غرفة ملاك .....خلا ص يبه بصعد غرفتي برتاح .
أبوي: خليني أوصلك

: لا يبه ما يحتاج ما فيني شي .
أبوي : لا لازم أوصلك .
: يبه قلت لك ما يحتاج .
إبتسم : أوكى بكيفك.
فيصل: الحمد الله على السلامه قمر. .
ابتسمت: الله يسلمك حبيبي...عن اذنكم .
صعدت....لمحت فهد واقف قريب من باب غرفتي...مشيت و لا كانه موجود.....بس قبل مادخل قال: الحمد الله على السلامه.
تلعثمت ما عرفت شقول....عادها علي: الحمد الله على السلامه قمر.
: الـــ...لــ..ه...يســــ....لـ....مـــ...ك.
ودخلت الغرفه على طول...نزلوا دموعي لا شعورياً......اشتقت له.......

أنا ما بي من الدنيا سوي لحظة لقى وحده
أبي أطيح من طولي على صدرك وتحضني!!
تعبت أشد بك حبل الشوق وأمده..
أبي أشكي على صدرك عطش هالحب!!
أرويني ..دخيلك لا تخليني ترى صبري وصل حده..
أهيم بعالمك طفل أمانه لا تخليني؟؟!
"أحبك"

مسحت دموعي وجلست على السرير أحس إني تعبت اليوم تعبت من كل شي رن تلفون غرفتي رفعته:الو.
ملاك :أهلين يا حلوه مو كأنك نسيتي شي عندي .
:أدري.. شنطتي جيبيها لي بكره .
ملاك : بكلمك بمواضيع كثيره والحين لأني ما أقدر اصبر لبكره .
إستغربت شهالمواضيع: شنو؟
ملاك :أولا بعد ما نزلتي تتوقعين شسوى راشد .
: ملاك ماني فاضيه لتوقعاتك .
ملاك :اوكى بقولك تخيلي وصل روان قبلي عشان يستفرد فيني .
ضحكت على ملاك بس ما بينت لها وقلت بتمثيل : صحيح !
ملاك : بس أعجبك أنا ما خليته .
خفت منها : شسويتي.
ملاك : ماشي بس تمسكت في روان وحلفت عليها ما تنزل لين توصلني بيتنا.
: حرام عليك يمكن كان يبغيك بموضوع أو يفهمك شي .
ملاك : ما أبغيه يفهمني شي حياتنا مستحيله ولازم يطلقني أقول سكري الموضوع وخلنا ندخل بثاني .
قلت بملل : وش هو الثاني .
ملاك: تصدقين إنك سخيفه ؟
: وليش إن شاء الله .
ملاك : أجل من متى فهد يرسل لك.
عصبت: ملاكو ليه تفتشين في شنطتي .
ملاك : لقافه وبعدين ليش ما قلتي لي هذا وأنا أقولك كل شي يصير لي .
: ملاك ما يصلح كل شي يصير أجي اقولك .
ملاك : يعني أنا غلطانه يوم أقولك كل شي .
: لا مو غلطانه بس أنا غير وأنتي غير .
ملاك: وفي أيش غير إن شاء الله ؟
:أقول عطيني الموضوع اللي بعده .
ملاك :أخخ بس لو أنا يمك كان عرفت ويش أسويلك بس بكره يصير خير والموضوع الأخير والأهم روان مو معنا صح؟
:صح.
ملاك: قمر أبغى أعرف إيش قالت لك رؤى وطلعت منهاره من عندها .
توترت من سؤالها :ها..... إيش بتقول لي يعني ما قالت شي.
ملاك: قمر أنا دخلت عليها اليوم وقالت لي إنك تعرفي كل شي.
طالعت يديني اللي ترجف : ما في شي تتوقعين إنها بتقول لي .
ملاك بقتناع:حتى أنا قلت كذا هي من البدايه تكرهك .
:أوكى ملاك تعبانه وبنام تصبحين على خير.
ملاك : وإنتي من أهله.
أنا لازم أروح لفارس و أكلمه لازم يتزوج روئ وبأسرع وقت ممكن مع إن الفضيحه صارت بس أصلح شوي منها خلاص بكرا أروح ...
****************************
من الصبح وأنا أفكر إيش بسوي وهذا الحين العصر مسكت التلفون أنا لازم أطلع قبل ما تجي ملاك وتوهق إتصلت على الرقم اللي كنت قبل كل يوم لازم أتصل عليه والحين أتصل وأنا كارهه هالشي ردت ناديه :ألو.
:ألو هلا ندوي .
ناديه بشك: هلا من معي ؟
: بسرعه نسيتيني يا الدبه .
ناديه:قمر؟
: بصوتها وأذنوها .
ناديه : هلا والله أخبارك يا الخبله .
:أقول بس لا يكثر أنتو أخباركم كلكم وأخبار خالتي أم فارس .
ناديه: تمام تسأل عنك.
قلت بالغصب: وفاطمه.
ناديه: ليش ما دريتي ؟
أنا أعرف ناديه سؤال وتقول كل شي :ليش شصار .
ناديه : لا بس بعد ما تركها اللي من معارفك عصب أبوي وزوجها أول واحد تقدم لها وسافرت معه على طول لأنه درس بره ويمكن ما ترجع إلا بعد ثمان سنوات تقريبا.
: كل هذا صار لها .
ناديه :إي .
قلت :و أخبار أخوك فارس.
ناديه : عادي هذا هو يطلع وما يرجع إلا وقت النوم لا لا .
: شفيك؟
ناديه : هاليومين ما أدري شفيه حابس روحه في غرفته وإذا جلس معنا يرن جواله.
: وبعدين.
ناديه : يظل يرن ويرن ولا يرد عليه ودايم سرحان .
:أها يعني هو بالبيت الحين .
ناديه : لا خلته أمي يروح السوبر ماركت بالغصب علشان يجيب لنا أغرض .
:أوكى خلاص أخليك .
سكرت منها على ما روح لهم أكيد يكون رجع لبست عباتي ونزلت لسواق فكرت أخذ فيصل بس ما أبي أحد يدري عن روحتي فقررت أروح لحالي بما إن أحنا في العصر طلعت وركبت السياره وأنا قلبي يدق طبول وخايفه من الي بيصير ومن فارس.............................................. ........................


أنتظروا التكمله ................ Longing
مووووووج

[شمعة الدار]

بصراحه لي تعليق واحد بس


انا لو مكان قمر ما اشوف رقعت وجه فارس حتى لو انصلح حاله نهائيا مو ارجع له واصلح اخطائه تصرف غبي من قمر


يسلموا عالجزء الرائع


قووووووووووووهييييييييييييييييد

[الجوري ليال]

لاااااااااااااااااااااااااااااا
لييييييييييييييش
مفروووض ماتروح
الي سواه فارس لها مو سهل
ودامه سوا شي واذاها مره يقدر اذيها مره واثنين واربع وعشر ماراح يوقفه شي
بس جد اهنيك ع هيك قصه
الاحداث كل مالها تحلووو
وتزيد حلاوه وحمااااااااااااااس
صراحه انا قريتها ووقفت حصلت لي ظروف
بس ماتوقعت تتغير مسار القصه كذا
ملاك وراشد ياقلبي ياملوكه
ماكان ودي انها يصير لها الي صار
وتنصدم بالي حولها
وراشد اتمنى انه يتمسك فيها اكثر واكثر
لانها بتعوضه عن الي صار
وكل الي مر فيه

روان
هالبنت حبيتها من كل قلبي
وحلو الي صار لها
زين ان زوجها عرف قدرها

جنى
ياقلبي ياهي
حبيتها من كل قلبي
وعجبني حبها واخلاصها لجواد
وعجبني جواد وتمسكه فيها
بس حزني الي صار له بعد وفاتها

رؤى
هالبنت كارهتها من البدايه
بس ماتوقعت انه تروح لفارس ويصير الي صار

فهد
ماتوقعت انه راح يتخلى عنها بسهوله
ولا يصدق فيها شي
بس صدمني انه صدق
بس زين انه
فهم ووعى وعرف حرمته واخلاقها

جد جد صارت القصه واااااااو
وحماس
يسلمو الغلا يعافيك ربي

[كلتم الاهات]

هذي ماتتوب هالخبله قمر وش راح تستفيد من ورى طيبتها غير المصائب بالطقاق الي يطقفارس وروى الكلبه تستاهل لاتخليهم يسوو مشكله لقمر

[عبق الزهور]

السلام عليكم ورحمة الله وبركاته

أخباركـ؟؟

يسلموو ع البارت الحلو..

قمر جد جد غبيهـ هاذي ماتتوب على اللي صار لها جد قهرتني..ليش شاكهـ بيشوفها فهد وبتصير مشكلهـ لها من روحتها لفارس..ولا رؤى الحيوانهـ أصلا باين انها راعية سوالف بس مع فارس..ولا فاطمهـ ازين تستاهل ماجاها وأن شاءالله زوجها محسر فيها..ولا ملاك جد قهرتني وهذا هي تحب راشد تسوي كذا كيف لو كانت تكرههـ..

بأنتظار البارت^^

دمتي بحفظ الله..

[لجلك ياصعب]

اووووووووهـ .. لـــيش قمر تروووح لبيتهم لا ولحاااالها بعد لو اخذت فيصل كان احسن

عواافي ع البارت الرووعه وننتظر التكمله بأسرع وقت

[الجوري ليال]

يتم تثبيت القصه لمدة اسبوع لتميزها

مبروك التثبيت يالغلا ^_^

[انسى العالم]

اولا مبررررررررررررررررروك ع التثبت وتستاهلين خيتو

البارت الاحداث كثيرره الحين رؤى صدق حامل وكمان من فارس الله ياخذه
ووووووه وقمررر ماتفهم بجد ترفع الضغط بحركتها
والانسه ملاك وش الحركات هذى بجد مجنوووونه عندها راشد وتقول اذا تبى تتركنى عادى
وفهد الحين صحى بدررري <<<<< مرتفع ضغطى من قمررر وملاك وفهد خخخخ
بصررراحه الله يعطيك العافيه وننتظر البارت الجديد ع ناررررر
بس بجد وش تتوقعون بنات راح يصير مع قمروفارس ؟وفهد لودرى راح يصدقها اولا؟؟
ننتظرررررر ونشووووووووووووف

[لجلك ياصعب]

الــــــف الــــــــف ملــــــــــيييون مـــــــــبـــــــرررررررررروكـ

تبييين الصراحه اول مادخلت ع هالقسم جلست ادور روايتك اقوول مو معقووله وين راحت ؟؟
امس كانت بأول الصفحه والحييين ماافييي كلش << صدق اني غبييه ..,,,
بعــدين رجعت من جديييد ع اول صفحه ولقييته مثبت << هنااا استااانست مرررهـ
قـــــلت الحمدلله ثــبتووها لان من اول مااقرييته وانا اقول تستحق التثبييت
بس شكـــــــــلي قبــل شوي وانا ادووور ع الرواييه تحـــــفه ادور ويين وهي بأول شي ..

مبروووووووووووووووووووك مرره ثـــــــــــاااانيــــــــــه ع التثبيييت ..
وبالمــــنااسبه هذي نبغى منـــــــــــك اقل شي باارتييين لا شوي 2 نبغى3
... نــــــــــنـــتـــــــــــــــــظـــــركـــ ع احر من الجمررررر ..

[شمعة الدار]

http://www.7rkt.at/uploader/uploads/64dcf42ae5.gif


تستاهلين كل الخير




قوووووووووووهيييييييييييييييد

[عبق الزهور]

مبــــــرووووكـ غناتي التثبيت من جد تستحقين^^

وأنا أضم صوتي لغلاتي لجلك ياصعب نبغى أكثر من بارت^^

[miss moon04]

رائعه قصتك اخيه وضحة قمت المعانه لفتاه نقدر نقول انها على نيتها تمشي في هذه الدنيا لم تعلمه امه الكره والحقد تقابل الناس ببشاشة وجه ورحابة صدر لم تعلم معنى الغدر الحقد الكره يدور به الزمن وامواج البحر تتلقفها موجه تلو الموجه موت ام هجر الحبيب غدر الصديقه عداوت اقارب ولكن تصمد وتعالج مشاكلها بعقلانيه ملاك لاتكابريء هذا راشد هو من اردتيه قمر يجب ان تعلم فهد درس حتى لايشك فيها خطوته جد خاطئه ننتظر التكمله بشوق

[ملاك المملكة]

رووواية رووعة

واسلوب رائـــــع وخيال

بانتظار البارت القادم

والف الف مبروك التثبيت

تحياتى

[لجلك ياصعب]

موووووووووج ... يللله تراا اعصااابي بتفلت من كثر الانتظااار
وللمـــــــــرهـ المليووون مبروووك ع التثبييت
أنـــــــــــتـــظرررركــ

[موج الشوق]

تسلمون على ردودكم وسوري على التأخير الدائم بس كنت أحاول قد ما أقدر إني ما أتاخر عليكم والله يبارك فيكم وهذا الجزء ما قبل الأخير كنت بنزل جزئين بس إنتظروا الأخير هاليومين
................... مووووووووووووج

[موج الشوق]

البارت الثالث والعشرون...( ما قبل الأخير)
ونزلت لسواق فكرت أخذ فيصل بس ما أبي أحد يدري عن روحتي فقررت أروح لحالي بما إن أحنا في العصر طلعت وركبت السياره وأنا قلبي يدق طبول وخايفه من الي بيصير ومن فارس وصلنا بيت أبو فارس ترددت أنزل أو لا ......نزلت بدون ولا كلمه ومريت على الحديقه ورجولي ما تشيلني تنفست أريح نفسي ودقيت الباب فتحت لي ناديه: هلا والله هلا قمور شلون جيتي وأنت توك مكلمتني على التلفون .
إبتسمت ببرود وسلمت عليها :أخبارك.
ناديه: تمام مع انك توك سألتني .
دخلت وأنا أطالع بيتهم حاسه إني مخنوقه .
ناديه : شفيك قمور تفضلي أجلسي.
دخلت وجلست :إلا وين امك؟
ناديه : طلعت من شوي انتي ما قلتي انك بتجين.
ارتحت نسبيا لازم ماحد يسمع كلامي انا وفارس وناديه مقدور عليها.
جلست ساكته أفكر وهي تتطالعني : قمر ويش فيك؟
طالعتها : لا ما فيني شي ........ مطوله امك لين تجي .
ناديه : ما ادري.
سمعنا صوت احد يصفر لفت علي ناديه : هذا فارس بينزل .
تغطيت وأنا دقات قلبي بتوقف .
فارس بعد ما شافني :ما دريت إن أحد عندنا .
ناديه : شفيك هاذي قمر.
فارس :أها.
لفيت عليه وقال : هلا قمر أخبارك.
مد يده بيسلم علي بس طالعته بحقد بدون ما رد عليه إبتعد وضحكته الجانبيه ما فاتتني وجلس على الكنبه وهو رافع رجله ويطالعني .
قلت :ممكن تصلح الغلط اللي سويته .
قدم راسه وهو بعده مبتسم وعيونه ما شالها من علي : ناديه روحي سوي شاي لضيوفنا .
تحركت ناديه للمطبخ وهي إطالعنا بستغراب ومو فاهمه شي كنت بوقفها بس لساني مربوط لفيت عليه وقلت :والحين؟
فارس : بصراحه كنت أنتظرك كل هاليومين لاني عارف إنك بتجين لان طبيتك مسويتك غبيه أجل في وحده تجي برجولها للموت علشان أدافع عن وحده ما أهتمت لها إلا فضحتها بين أهلها.
تفاجئت من كلامه : شنـــــــــــــو؟
فارس وإبتسامته الكريها: إي انا قلت لها وهي ما قصرت.
وأنا اللي حسبت فهد فضحني طلعت رؤى نبهني فارس من دوامة أفكاري : قمر . وقف وهو يكمل كلامه : حلو تمثيل الطيبه بس مو من طبعي . قرب مني وهو يكمل : أنا شاب ولي طموح .
وصل ونزل راسه لي وهو يحط يدينه على الكنبه اللي انا جالسه عليها وأنا لصقت في الكنبه أحاول أبتعد عنه : تعرفين إيش طموحي ...... طموحي أخرب حياتك أخليك تعيسه .
جلس على الطاوله اللي قبالي : بتقولين وليش ...إمممممممم بس كذا كنت بتزوجك وبعذبك بس بعدين فهد أنقذني .. مو صح اسمه فهد المهم عرفت من فاطمه إن حياتك صارت حلوه معاه وبدات الخطه الثانيه والحين بصراحه قفلت وما أبي شي وموضوعنا اللي انتي جايه عشانه وهو زواجي من رؤى فهو بشروط ثلاثه.
: شنو؟
فارس :أولا فلوس تنزل على حسابي ما راح احدد لك المبلغ وإيدك وما تعطي بس .. لازم يكون يستاهل إني أضحي وأتزوج رؤى..
ثاني شي رجوعك لفهد ما يصير ومن سابع المستحيلات وثالثا حتى لو ما تزوجتي فارس ما تزوجين غيره على الاقل أنطريني لين أطلق رؤى وأخذك أتسلى فيك شوي لين ألاقي غيرك .
: مو من حقك تتحكم في حياتي .
فارس وهو واقف وطلع شي من وراه ورواني إياه : شرايك؟
طالعت اللي في إيده وبلعت ريقي وقال: طلقه وحده من هذا المسدس تموت فهد لا تخافين حياتك غاليه علي تعبت علشان أخليك تعيسه وتبيني أنهيها ما يصير بس فهد ولا أقولك يمكن راشد أممممممم إختاري أي واحد من عليتكم وأنا جاهز.
نزلوا دموعي وأنا أطالع المسدس وقفت :إنت أحقر واحد شفته .
مد إيده اللي فيها المسدس وهو يسدد في الفراغ: بووووم... شرايك أعرف أصوب صح أنا ما أطلقتها بس لو حددت هدفي ما أغلط.
قلت ودموعي ما وقفوا :الله بينتقم لي منك صدقني وهذا انا اقولها.
طلعت من بيتهم وقبل ما أطلع من الباب سمعته يناديني :قمور .
وقفت وأنا عاطتنه ظهري سمعت خطواته وهو يقرب ومد لي ....
كرت : هذا رقمي لا تقطعي لأتصال ولا تخافي رقمك عندي.
أخذت الكرت وطلعت بسرعه ركبت السياره قال أخاف قال حقير كلب خايفه خايفه على راشد وفهد خايفه عليهم كلهم وصلت البيت ما حسيت بطريق وأفكاري توديني وتجيبني دخلت وجلست في الصاله وأنا أفتح الشيله وحطها على كتوفي ضربت راسي بيديني وأنا أصيح تعبت خلاص الله ينتقم منك يا فارس :قمـــر !
رفعت صوتي لصوت هو فهد قرب مني وأنا مو حاسه بنفسي دموعي تنزل لا شعوري مو راضيه توقف.
فهد بخوف : قمر شفيك صاير شي؟
حطيت يديني على وجهي علشان لا يشوف دموعي ما شفته إلا ساحب يديني عن وجهي : قمر كلميني.
دزيت يدينه عن يديني وأنا أوقف : مالك دخل فيني مالك دخل .
صعدت فوق بسرعه ورحت غرفتي دخلت وسكرت الباب وأنا متفاجأه من اللي سويته : قمر؟ روعتيني .
طالعت ملاك وهي تكمل : بعدين وين رحتي بدون ما تقولي لي .
مسحت دموعي وأنا أقول : ولا مكان .
مسكتني ملاك: قمر أنتي تصيحين.
ضحكت : لا بس ما أدري وش دخل في عيني .
ملاك : هاذي خدعه قديمه إلعبي غيرها .
: مــلاك ترى صدق ما فيني شي .
ملاك وهي تجلسني على السرير : الحين تقولي لي شفيك ولا والله والله ماني مكلمتك مره ثانيه.
: ليش كذا .
ملاك:أنا حلفت.
:................................................. ..........انا أعرف أبو ولد رؤى.
ملاك:شلــــــون؟
قلت وأنا ما أطالع فيها : اللي سمعتيه.
ملاك:بس انتي قلتي ما تعرفيه .
: عرفته وخلاص .
ملاك: إنزين منهو؟
:........فارس.
ملاك : فارس؟ منو فارس؟
:أخو... .
قاطعتني ملاك : لا يكون هذا فارس اخو فاطمه اللي..
:إي اللي كانت خطيبة راشد قبل .
ملاك بعصبيه: وذا من نسلم من شره لا هو ولا إخته .
:ملاك ساعديني مو عارفه شسوي.
ملاك : لا تسوين شي قلعته هو ورؤوه الدبه .
:بس أنا ما سوي كذا علشانها علشاننا كلنا ولا راضيه يتكلمون علينا .
ملاك:اللي يبي يتكلم يتكلم بطقاق.
: ملاك لا تفكرين بنفسك فكري بخالاتك وروان وغيرهم.
ملاك :إنزين والحل .
: أنا رحت اليوم وتفاهمت معه .
ملاك :وشنو قال .
: وافق بشروط .
ملاك : وإيش شروطه بعد.
:ما يحتاج تعرفينهم .
مسكتني من إيدي وهي تسحبني للباب : هذا لازم يعرف حدوده قولي لاحد من الرجال يواجهه.
حركت إيدي أحاول أوقفها وطالعتني : ما أقدر أقول لأحد.
ملاك: شفيك هذا يلعب عليك وإنتي مصدقته .
: ما عندي غير هالحل .
ملاك : بكيفك بس صدقيني إنتي اللي بتندمين .
إتجهت للباب بتفتحه وهي تقول : خل ننزل تحت .....
ذاب كلامها الباقي اللي كانت بتقوله بعد ما شفنا راشد واقف على الباب اللحظه اللي ظلوا يطالعو في بعض ما دامت لان ملاك تداركت نفسها وهي تسكر الباب بس راشد وقفها بيده وفتح الباب بقوه ودخل وسكره سند إيده
ملاك: إذا ما طلعت انا بطلع
راشد بدون ما يكلم قفل الباب وأخذ المفتاح حطه في جيبه.
ملاك: و بعدين .
راشد بهدوء :إحنا لازم نتكلم ولا نسيتي اللي قلتيه بالمستشفى.
ملاك بعصبيه : لا ما نسيت وأنا واثقه من كلامي.
راشد: ملاك.................. .
نبرة راشد في مناداة خلت ملاك ما تقدر تنطق ولا كلمه
راشد: شكرا ملاك ما تدرين شقد فرحت باللي قلتيه يمكن تستغربين لكن هالشي يدل على طيبة قلبك .
ملاك بتوتر : لا ... ومنهو قال ......أنا ..أنا ماكنت ...أقصد هالشي بس ...أخذتها حجه إي حجه.
راشد بهدوء وتنهيده:آآآآآه يا ملاك بعدك تكذبين...إنتي تحبيني ومن كل قلبك بعد.
بققنا أنا وملاك عيونا شدراه طالعتني ملاك بشك وهزيت راسي بلا راشد وهي يقدم لناحية ملاك : إي أدري ومن زمان بعد .
ملاك وصوتها باين فيه الخوف: من كذب..... عليك
صارت ملاك ترجع ورى وراشد يقدم لناحيتها لين لصقت في الجدار وصار هو قبالها: من قبل ما تجي قمر لحياتنا كنت أدري وفكرت فيك قبل كل بنت خطبتها بس ... كنت أشوف إن إحنا ما نصلح البعض لأن الحب مو كل شي يا ملاك في التفاهم والإحترام وغيره وغيره أشياء كثيره تجمع بين الزوجين ومو ضروري يكون الحب ........ يوم ماتت جنى الله يرحمها كانت أول مره أشوفك فيها إنصعقت من نعومتك كل شي فيك ناعم من راسك لأخر ظفر برجولك حتى ملامح وجهك الناعمه لها سحر خاص ومن شفتك وانا أفكر بحياتنا كل ليله شلون بنعيش وحنا ما قعدنا في مكان إلا وتهاوشنا فيه ........ بس أخر مره يوم كلمتيني عن الطلاق حسيت بشعور مفرح موعشان الطلاق لا.......عشان حسيت بنبرة صوتك شقد الحب اللي تحبيني ................. .
أخذ نفس وأنا شفت شي ينمد لي ورى ظهر راشد ههههه كان المفتاح رحت وأخذته وكمل : بتقولين مو اول مره أطلب فيها الطلاق بقولك أنا أفهمك على طول وكان باين من نبرة صوتك إنك تقوليها من ورى قلبك ....
طلعت وخليتهم إن شاء الله تتفهم ملاك راشد وما تعاند
جلست في الصاله الفوقيه إيش أسوي لازم ألقى حل ..........ما أدري أقول لأبوي بس أخاف يسوي له شي رحمتك يارب ساعدني
جت الخدامه ووقفت .....
قمر: what ؟
الخدامه: inside woman living room she want you.(إمرأة في غرفة الجلوس تريدك )
قمر: (أنا قادمه) .I will come
وحده جايه؟ لو وحده من الاهل كان صعدت فوق على طول ياترى مين؟؟دخلت المجلس و كانت الصدمه.........
.............خالتي!!!!!!!!!؟؟؟؟
ما عرفت ايش اقول أو ايش أسوي ظليت أطالع فيها و هي بعد وكانوا عيونها ماليانه دموع...
فتحت ذراعيها لي و دموعه تسقط: قمر ما اشتقتي لحظني.
ظليت أطالع فيها .....أنا محتاجه حضنها بقوه ركضت لها و حضنتها و أنا أصيح: خالتي......اشتقت لك.
مادري كم مر علي أنا و هي وحنا حضانين بعض ونصيح أشتقت لها ولحظنها كنت محتاجته هالوقت حبيت أقول لها كل شي في حياتي وعن العذاب اللي قاعده أمر فيه بس............. رفعت خالتي راسي بيدها و مسحت دموعي بكفيها: امسحي دموعك يا قمر أحب أشوفك قويه دايم ما يهزك أحد و لاجنس مخلوق مهما كان.
هزيت راسي ما حبيت أقول لها إني تعبت وإنهرت شوفتها عندي بالدنيا مو قادره أتكلم جلست وجلست أنا جنبها وأنا ضامتنها ومغمضه عيوني ما أبي أفتحهم ما أبي أقوم سمعت خالتي تقول: قمر سامحيني على اللي صار ..........
سديت فمها بيدي :أرجوك خالتي ما ابي شي بس خليني بحضنك .
ضمتني أكثر وهي تقول :ما أقدر على بعد قمر حبيبتي .
:و أنا أرجوك خالتي لا تبتعدي عني مره ثانيه .
ظلينا ساكتين بس ما أدري حسيت إن إحنا نتكلم من دون ما نحرك شفايفنا كنت اشكي لها على اللي صار لي وهي تصبرني وبنفس الوقت تشكي لي على اللي صار لها من بعد ما فارقتني رفعتني عنها : قمر شلونك تمام مرتاحه مو مريضه.
قلت وأنا أصيح :أنا بخير ما تدرين شقد مشتاقه لك .
خالتي : وأنا بعد قمر تعبت وأنا أأدب نفسي لأني ظلمتك .
: خالتي ما يهمني شي قبل إحنا عيال اليوم وخلاص خلنا نعيش زي قبل بدون حساسيات .
ظليت أسولف مع خالتي وما خليتها لين تتعشى معي بعدين أعتذرت مني إنها تأخرت على عمي سامي طلعت وأنا حدي طايره وأخيرا خالتي جتني صعدت فوق وآنا أسرع ما أدري ليش بس سمعت صرخه : قــــمر.
وقفت وراحت الإبتسامه من وجهي لفيت : راشد خرعتني شفيك؟
راشد وهي يقرب بسرعه وبعصبيه : إنتي شلون تروحي حق اللي إسمه فارس.
شدراه..:...أ أ أ أ أنا كنت.
راشد: كنت ولا صرتي مالك حق تروحي كان جيتي وقلتي لنا وأحنا تفاهمنا.
شفت ملاك وراه وساكته : راشد أنا ما أبي أسوي مشاكل.
راشد بعد ما هدى نفسه شوي : حتى لو تخيلي إنه أذاك أو سوالك شي إنتي ما تضمنين هالأشكال .
: خلاص أنا رحت ولي صار صار .
مسكني راشد وجلسني على الكنب معه : وشنو صار؟
:ها.. ما صار شي .
مسكني من زندي بقوه : أبيك تقولين لي كل شي بتفصيل ولا والله ما تلومين إلا نفسك..... أحترمك على إنك خالتي على عيني وراسي بس تغلطين لا إلا الغلط سامعه وبتقولي لي كل شي وبتفصيل .
وقفت وأنا أقول :إرحمني إنت ومرتك .
قربت ملاك وقالت : هذا بدال ما تشكريني لأني أساعدك .
: ما أبي مساعدتك .
توني بمشي ما حسيت إلا وهو يسحبني ويصرخ : قمر تكلمي أحسن لك .
خفت من راشد أول مره أشوفه كذا جلسني وهو واقف فوق راسي : تكلمي .
قلت له كل اللي صار وأنا مخندسه راسي وقلت له في النهايه:أنا خايفه يا راشد شفت المسدس بعيوني يمكن يقتل أي واحد فيكم.
راشد وهو يفكر: لا تخافي إحنا وين عايشين لا يكون بأمريكا خلي الموضوع علي ولا تتدخلي.
نزل راشد وأنا خايفه عليه فارس ما يهمه شي طالعت ملاك:إنتي ليش تقولي له .
ملاك: هذا جزاتي بساعدك.
:أنا أول مره أشوف وحده في نفس اليوم اللي تراضيه تخر كل شي .
ملاك:أنا خفت عليك تواجهينه لحالك .
: خلاص انا قلت له بس أنا خايفه عليه .
ملاك : يعني تحسبيني مو خايفه .
.....:السلام عليكم .
ملاك: جدو هلا من زمان ما شفتك.
راحت جنبه وضمته وهو يقول : يا العياره توني من يومين شايفك.
رحت وحبيت راسه: ما عليك منها يبه عياره.
ملاك : عياره في عينك.
:أقول بس لا يكثر.
مشيت عنها ورحت الغرفه وهي لحقتني أول ما دخلنا سكرت الباب ومدت يدها لي : شوفي .
طالعت يدها :أوووه حلوه السواره من وين لك.
قالت وهي تضمها لصدرها زي ممتلكاتها : من راشد الله يخليه لي.
رفعت حاجب : ومن متى هالكلام.
ملاك بحالميه: من اليوم وكل يوم ما تدرين يا قمر شكثر أحبه .
: شهالأنقلاب .
ملاك وهي تغمض عيونها : شقد حلمت بهاليوم وأخيرا جا
:أتمنى لك السعاده من كل قلبي .
ملاك:وإنتي معاي يا عمري يلا أنا ماشيه .
سلمت علي وطلع رحت وبدلت ملابسي علشان أنام إنسدحت اليوم صارت أحداث كثير وما أبي أتذكر أسوأها بس حاسه براحه كبيره إني شفت خالتي وإن راشد شال عني شوي من العبء وتراضى بعد مع ملاك رن جوالي طالعته كان رقم غريب فما اهتميت رن مرتين ثلاث إستغربت الإلحاح بعدين جا صوت رساله أخذته وفتحتها ((أنا فارس ردي علي ))
خفت أرد أو لا بس إذا ما رديت بسوي مشكله رن الجوال ورديت عليه:الو.
فارس : هلا قمور أخبار نفسيتك حياتي.
إنحرجت من كلامه رجال غريب ويكلمني بهالطريقه: بخير.
كان يكلمني وأنا مو معه كنت أفكر بخطه لازم يصير لفارس شي أو يغلط : أأأ فارس .
فارس : يا بعد روح فارس .
إنحرجت من كلامه لكني كملت : تقدر تجي بكره العصر عالساعه أربع علشان أعطيك فلوسك ولا تخاف ماحد راح يكون في البيت .
فارس :اجيك وأنا على راسي.... صوتك وإنتي تقولي إسمي له رنه حلوه .
:فارس أقدر أسكر الحين لأني بنام.
فارس :أفا يا عمري وأنا مشتاق لك بس يلا علشان تكوني مصحصحه معي بكره باي يا قلبي .
: باي.
سكرت منه وأنا حاسه بحماس مسكت الجوال وإتصلت على راشد بسرعه أول مره عطاني مشغول بس ما يأست إتصلت مره ثانيه لكن هالمره رد : هلا قمور .
: هلا فيك راشد بقولك شي يساعدك على فارس .
راشد : شنو؟
: كلمني من شوي ولا تسأل ليش خفت يشك إذا ما رديت عليه.
راشد : سماح هالمره.
: المهم إتفقت معه إن نلتقي بكره العصر في بيتنا على صيغه ما راح يكون أحد موجود.
راشد: حلو وأكيد راح يجيب المسدس معه للأحتياط .
: الباقي عليك.
راشد :لا تخافي أنا عندي صديق في الشرطه راح اتصل عليه وأطلب مساعدته إنتظري إتصالي .
: مو كأن الوقت متأخر .
راشد : ما أتوقع إنه نايم.
: اوكى أنتظر إتصالك .
سكرت من راشد ووقفت في الغرفه أروح وأجي وأنا أفكر شنو راح يصير مرت الدقايق عندي كأنها ساعات وأنا أنتظر مكالمة راشد لين رن جوالي ركضت وانا أرد عليه : هلا راشد.
راشد : كلمته وقالي إنه راح يمسكونه بتهمة حيازة مسدس غير مشروع وتهديدك بفلوس.
: راشد لا يكون قلت لهم عن رؤى .
راشد: لا مجنون أفضح العيله قلت له إن يهددك علشان الفلوس بس .
: ورؤى إيش مصيرها .
راشد : مصيرها تقعد بيت أبوها بعد ما نسفرها ونسوي لها عملية إجهاض هذا اللي أقدر عليه وهي اللي جابت ال نفسها .
صادق راشد هي اللي جابت لنفسها وما فكرت قبل ما تغلط كمل راشد: المهم شوفي أول ما يجي بكره خلي المجلس مفتوح وقولي له يدخل طبعا راح نخليه يحس إن ما في أحد بالبيت بعدين كلميه خليه يعترف إنه بياخذ من عندك فلوس بس بدون ما يذكر رؤى فاهمه .
:أحاول .
راشد:أوكى أخليك ترتاحين علشان بكره باي .
: باي.
سكرت منه على قد ما كنت فرحانه إني بنتقم من فارس على قد ما كنت خايفه من اللي راح يصير بكره إنسدحت على السرير في محاوله مني إني أنام بس التوتر راعبني حاولت وحاولت لين نمت
******************************
جلست اليوم من الصبح زين مني إني نمت قمت ونزلت تحت طلبت كوفي من الخدامه جابته لي وجلست أشرب وأنا أفكر باللي راح يصير اليوم حاسه إن الوقت بطيء وسريع في نفس الوقت دق جوالي كانت ملاك رديت عليها : هلا ملاكوه صباح الخير.
ملاك : صباح النور والسرور أخبار نفسيتك .
: تمام بس متوتره شوي لا تقولي ما تدرين .
ملاك : راشد قالي وانا أتصلت عليك علشان أتأكد إنك جالسه وأجيلك أونسك عن التوتر.
: حياك أنتظرك .
ملاك :أوكى دقايق وأنا عندك .
سكرت عنها وأنا متوتره ما أدري كم مر من الوقت لين رن الجرس راحت الخدامه تفتح الباب دخلت ملاك وروان معها
ملاك: ها شلون النفسيه.
:إن شاء الله خير .
جلسو البنات معي يونسوني لين صارت الساعه ثلاث وبدأ التوتر عندي................



إيش راح يصير لقمر ننتظر البارت الأخير وإن شاء الله ما أطول عليكم..................

[الجوري ليال]

واااااااااااااااااااااااااااااااو
بارت روعه
ومحمس
بس مااظمن شو بيصير
خصوصا انه البارت الاخير
يعني مابعد عرفنا شو بتكون النهايه
يسلمو الغلا
ويعافيك ربي

[ملاك المملكة]

بارت روعة

وان شالله مايصير شى لقمر

بانتظار البارت الاخير

تحياتى

[لجلك ياصعب]

بــــــــــــارت مررررهـ روووعه وخطيييير وحماااااااااااااس واكشن
قمـــر .. يـــارب تنجح خطــتها مع رااااشد
البـــــــــارت حماااااااسي انتظر الباارت الجاي بحماس اكبر
عواااااااااااااااافي ياااامووووووووج

[انسى العالم]

يعطيك العافيه ع الباررررررررررررررررررررررررررت
وانتظررررر النهايه ع ناررررررررررر
ومدري فارس وش راح يسوي ف قمرررر؟؟؟

[السارية]

حمآآآآآآآآآس ياربي ودي ينزل البارت بسرعة

الله يعطيك العافية

[شمعة الدار]

بارت رائع

بس للحين انا مستغربه انه كل هالاحداث تدور في بيت ابو ملاك وابوها وفهد مو عارفين على الاقل لازم يحسوون انه فيه شي يصير


وفهد ليش ما اهتم بقمر لمن شافها تصيح وخاف عليها ليه ما حاول يعرف السبب

بارت اكشن وحلو


بارك الله فيك

قوووووووووووهيييييييييييييييييد

[لجلك ياصعب]

حــــــــــنــــــــــــا بإنــــــتــــــــظــــــــــــــااركـــ يالغــــــــــــــــــلا

دمتي بحفظ الله ورعايته ..

[انسى العالم]

امممممم تتوقعون فارس يسوي شى لقمر
مدري عندى احساس فهد بيصير له شى>>> اوخص عندها احساس اقول انكتمى
خيتووووووو احنا بنتظاررررررك وبصراحه تعبت اتوقع احسن انتظر الاحداث<<<من زمان نقولك ماعندك وماعند جدتك خخخ..................... انسى العالم

[لجلك ياصعب]

لا لا لا .. انــا مــا اتوقع يسويلها شي ...
واتوقع بعد .. انه قمر ترجع لفهد ...
وان شاء الله تكون النهايه سعيده ...
بس تراااااي تحمسسسسست بقوووه ..
ارحمييييييييينا يامووج ونزلي الباارت ...

[انسى العالم]

واله انا تحمسسسسسسسسسسسسسسسسست بزياده
انتظرررررر النهايه وان شاء الله تكون سعيده............ انسى العالم

[لجلك ياصعب]

مووووووج ... ان شاااء الله اليوووم نبغى البارت ينزل اذا ماعليك امر.
تراااانــي بمــــــــــوت من الحماس .. بليز لاتطولين علينا.

[عبق الزهور]

السلام عليكم ورحمة الله وبركاته

أخباركـ؟؟

يسلموو ع البارت بس مو كأنهـ قصير^^

فارس..عن جد حيوان توقعته يحبها او شي وطلع بس كذا بيعذبها..ولا تهديدهـ شي ثااااني..وأن شاءالله مايقدر ينفذ تهديدهـ..

فهد..غريبهـ يعني هم انا توقعتهـ بيهتم ويشوف ليش قمر تبكي مو يطنش..

راشد وملاك..زين تصالحوا مابغوا^^

قمور..شنو بيصير لها..وبيشك فارس بالأمر؟؟

انسى العالم حرااااااااام عليكـ شنو هالأحساس أن شاءالله مو صح ومايصير بفهد شي^^

بليـــــــــــز قلبي لاتطولين علينا حدنا متحمسين وبليــــــز نبغى نهاية سعيدهـ^^

دمتي بحفظ الله..

[أمل عباس]

الرواية مرة روعة جدا
وننتظر البارت الاخير

[تتعبني الذكرى]

مره مبدعه
ننتضر بشوق

[لجلك ياصعب]

مووووووووووووج الشوووووق طـــــــال وزاد الــــشــــوووووق

نبغـــى بـــــــــــــــــارت يســــــكــــتـــنا عن الحـــــــنـــــــه ..

يــــــــله ياموووج يله يله يااحبييتي يــله ...
أنــــــــــــــــــــــــــــــــــــتـــــــــــ ــــــــــــــتظـــــــــــــــــــــركــــــــــ ..
عـــــ
أحــــــــــــــــــــــــــــــــــــــــــــــــ ــــــــــــــــــــــــــــر....
مـــــنــــ ..
الـــــــــــــــــــــــــــــــــجــــــــــــــ ـــــــمــــــــــــــــرررر...

[الجوري ليال]

اي رد بعد ردي يكون فيه ننتظر او غيرها
بضطر اقفل القصه اسبوع
وماظن انكم ماتقدرون تصبرون كم يوم لين موج تنزل البارت

[جوارح]

أختي موج

السلام عليكم ورحمة الله وبركاته

تابعت القصة متأخرا ، لكن ذلك لا يمنع من إبداء رأيي فيها

فأقول بداية آني أحب هذا النوع من الروايات الذي يكون البطل يروي سيرته

آلرواية رائعة بكل ما تعنيه الكلمة

هناك بعض الملحوظات وهي قليلة جدا منها وهي ملحوظات شرعية أولها فترة عدة المطلقة ، ذكرت بارك الله فيك آن المطلقة لا تخرج في عدتها وأيضا تحتجب عن طليقها وهذا غير صحيح فالمعتدة الغير بائن ، بمعنى أنها طلقت دون الثلاث طلقات تعتد في بيت زوجها ويمكنه أن يراها حتى بزينتها وآيضا يمكنها الخروج ويكنه مراجعتها أثناء العدة بالقول أو الفعل كآن يقول أرجعتك آو بالفعل كآن يطأها 0

أمر أخر يتعلق بحمل السفاح، فذكرت أن آهل رؤى سوف يذهبون بها إلى الخارج كي تعمل عملية اجهاض وهذا مخالف للشرع وفيه إزهاق نفس، ويتبعه ترقيع للبكارة وهذا أيضا لا يجوز لأن هذا فيه ذريعة للزنا وتسهيله للناس، أرجو منك آخيتي أولا أن يتسع صدرك للحق فهو أحق أن يتبع، وثانيا تبيين الخطأ إذا فعل كما عهدتك في إنكار تأخير الصلاة عن وقتها وتضييعها من قبل البطلة

أخوك جوارح

[موج الشوق]

أخي جوارح مشكور على الرد.........
بالنسبه لفترة العده فهد كان رافضها و ما أتأكد من براءتها الا بعد انتهاء فتره العده.
أما بالنسبه لرؤى لم يتعدى حملها اربعة اشهر
........................................مووج

[موج الشوق]

سوري سوري على التأخير......بس ظروفي منعتني.....
البارت الرابع والعشرون والاخير


جلسو البنات معي يونسوني لين صارت الساعه ثلاث وبدأ التوتر عندي................
صرت أحوس في الغرفه حتى وترت ملاك وروان
ملاك: خلاص قمر ماصارت كل شي راح يصير أوكى .
: الخوف شي لابد منه يعني أحد بموقفي ما راح يخاف.
روان : بصراحه ما ألومك .
نزلنا تحت وجا راشد :أوكى قمور جاهزه؟
هزيت راسي بإي وكمل : لازم تبيني قويه قباله علشان ما يشك.
:بس....
راشد : بس شنو ؟
:لا خلاص
دق جوالي وأنتفضت طالعته كان فارس رديت بتوتر:الو.
فارس بسرعه وصراخ: يا الحقيره يا بنت الكلب والله بتندمين قد شعر راسك تحسبيني ما أدري عنك بس إن ما خليتك تتمنين إنك ما تكلمتي ما أكون فارس وتشوفين يا بنت أبوك .
إيدي وصرت أنتفض جلست وأنا مو قادره أوقف جلس راشد قبالي : قمر شفيك تنتفضي ؟
هزيت راسي بلا وأنا صوتي ما يطلع أخذ جوالي وطالعني :شنو كان يبي منك .
فتحت فمي بتكلم بس ما طلع صوتي حطيت يديني في وجهي وأنا أصيح الخوف إمتلكني راشد: قمر تكلمي .
رفعت يديني : ما ادري ما ادري ................. هددني .
راشد:إيــــــــش.
جت ملاك وضمتني : قمور ما عليك منه ما يقدر يسوي شي .
راشد: شلون عرف؟
: ما أدري خايفه يا راشد شكله معصب .
راشد: الموت أقرب له إذا قرب لك.
ما تدري يا راشد انا مو خايفه على نفسي خايفه عليكم كلكم ومو عارفه إيش بيسوي هذا مجنون ويمكن يسوي الي يبي علشان يوصل لهدفه وصل صوت فهد من ورى الباب : راشد ويش صار؟
قام راشد وطلع له فهد هذا اللي أنا خايفه منه فارس متوعد في فهد أكثر شي حسيت برشعه وأنا أتخيل فهد يختفي من حياتنا كلنا قمت بسرعه وناديته : فهد.
فهد: هلا.
ما عرفت شأقول بعد كلمته بس حاولت أضبط نفسي: إنتبه فارس ما راح يخليك.
فهد: إذا يبي موته على إيدي يقرب .
: بس هو حامل مسدس .
فهد :أفا يا قمر ما تثقين فيني لو حامل متفجره زي الأرهابين ما يقدر يقرب مني ومنك بإذن الله.
ما قولكم ريحني كلامه بس مهما كان الخوف بعده في قلبي إذا صار في فهد شي أموت صعدت غرفتي ما أدري ايش أسوي ....الله يخلي أهلي كلهم لي كانوا روان و ملاك يتكلمون و أنا مو فاهمه شي من اللي يقولوا خايفه حيل الله يستر طلعواوأنا مو معهم حتى هم حسوا بي فطلعوا بعد صلاة المغرب على طول وخلوني لوحدي انسدحت على السرير غمضت عيوني
.........................
مروا يومين وأنا كل ما رن جوالي أو دق جرس الباب أنتفض الخوف مالكني انتفضت مع رنت جوالي....جلست خفت أشوف مين المتصل أخاف فارس بس ظل يرن مسكت الجوال و أنا أرتعش مو قادره أشوف المتصل بس تشجعت وطليت كان راشد آآآآآه الحمدلله رديت
: هلا.
راشد :هلا قمور أخبارك؟
: تمام الحمدلله
راشد: لا تحاتي ما بيصير شي انسي الموضوع وعيشي .
قلت من ورى قلبي : هذا أنا عايشه .


راشد: أنزين قمور أبيك تساعديني في موضوع
: قول أسمعك .
راشد:أبيك تكلمين ملاك عن الزواج
: وليش ما تكلمها أنت .
راشد: أخاف تستحي وما تقول الصدق.
:امممم.
راشد: ها شقلتي .
:خلاص بكلمها وبشوف .
راشد : ها قمور حاولي تقنعيها يكون بعد شهرين.
: وأنت ليش مستعجل.
راشد: بعد اللي مريت فيه تبيني أنتظر بعد زين مني عطيتها وقت .
:ههههههه أوكى خلاص .
راشد :أضمنك .
:خلاص.
راشد :أوكى باي الحين كلميها وأنتظرك.
: عاد عطها وقت تفكر .
راشد :قمـــــر ما يبيلها .
:ههههه إنزين باي .
سكرت منه والله راشد يضحك الله يوفقهم إتصلت على ملاك : هلا وغلا هلا بقمور.
:هلا فيك أخبارك.
ملاك : تمام وأنتي .
:الحمد الله .
ملاك : وما صار شي من طرف فارس هذا.
: لا.... المهم عندي موضوع لك.
ملاك :شنو؟
:راشد.
ملاك: شفيه .
: يبغى يحدد موعد الزواج.
ملاك : وبعدين عادي يحدده .
: يبغى بعد شهرين .
ملاك:................................... هههههههههههههههههههههه هههههههههههههههه أكيد تمزحين ههههه.
: بل كل هذا ضحك أنا قلت شي يضحك.
ملاك:إي كلامك.
:ملاك أنا ما أمزح.
ملاك بعد فترة صمت :إنتي من جدك مو زواج هذا بسرعه ما يمدي.
: الله يخلف علي في عرسي شهر بس ورضيتي .
ملاك :أنتي غير وأنا غير.
: ومن متى .
ملاك :طيب هو قالك .
:إي الله يخليك ملاك وافقي إحنا ما صدقنا إنكم تراضيتو .
ملاك : ......... خليني أفكر .
وسكرت التلفون بدون ما تكلم مع إنهم تصالحو بس الحساسيه اللي بينهم مو عاجبتني رن جوالي وكان راشد : هلا
راشد :ها شنو صار ؟
: بتفكر .
راشد :قمــــر .
: والله ما أمزح هي قالت وبصراحه ما أضمن لك إنها ما زعلت.
راشد: وليش تزعل .
: يعني أنتو تكلموا بعض وبدال ما تقول لها تخليني مرسال ولو أنا مكانها كان زعلت.
راشد: هذا جزاتي ما أبي أحرجها .
: هي ما فهمتها كذا.
راشد : والحين؟
: روح البيت وشوف وسألها بعد حلوه تجي منك .
راشد:أوكى بشوف....... باي .
: باي .
سكرت منه مو عارفين شلون يتفاهموا يلا مع الوقت يتعودوا على بعض لازم أول سنه أما أنا وفهد ما أتوقع إن راح نرجع لبعض إنتهى كل شي بينا في هالوقت رن جوالي رنت مسج

أسألك بالله وش سويت فيني؟
وش سر هالشوق اللي يجيني؟
قلبي طول وقته معك ما يبيني؟
أسألك بالله يالقلب الحنون؟
كانك تعرف سر هالشوق؟....أنك تقول؟
هو غرام أو إحترام أو مرحله حب أو جنون؟

إبتسمت أول ما قريت المسج اللي كان من فهد من فتره ما رسلي بس شفايدة الرسايل بدأت أدور رساله أرد عليه فيها

أصبحت أنا تمثال لهموم إنسان
كل الوجيه تشابهت حد ضني
ما عاد أميز بين صادق و خوان
يا صاحبي لا تنشد الجرح عني
كل السوالف كذب صمت و حرمان

غمضت عيوني وأنا أحس بألم فارس مختفي وإذا ما طلع ما أقدر أوافق على فهد لأني مابي يصير لأحد شي بسببي رن جوالي رنت مسج مره ثانيه

أبيك تدري صوتك العذب لاغاب
أحس نفسي تنكسر في غيابه
كذا غيابك يفتح للحزن أبواب
غصب علي البس شتاه وثيابه
باختصار....
أدمنت صوتك ..وأن تثيقلت كذاب
من يعشقك لا غبت ....... يفقد صوابه

قفلت الجوال بسرعه مابي أقرا مسجاته وقمت قررت انزل أشغل نفسي علشان أنسى .....
**********************
مروا الأيام بسرعه فارس اختفى نسيت الموضوع بالمره وأتوقع إنه كان تهديد وبس اما فهد ما وقف مسجات بس كان يطلب مني اوافق على رجعونا لبعض أنا فضلت أنتظر شوي علشان أتاكد إن فارس اختفى خلاص ورؤى سافرت ويا أبوها وسوت عملية إجهاض ورجعت وما شفناها من ذاك الوقت أما عن ملاك فوافقت على الزواج واليوم قبل العرس بيوم تعبت معها في التسوق ولحد الحين خايفه يكون ناقصها شي
ملاك: قمر متأكده.
: آفففف ملاك زهقتيني قلت لك كل شي تمام ما في شي ناقص .
ملاك:إنزين خلاص بس بغيت أتاكد.
: كم مره تأكدتي .
ملاك:إتصلتي على روان .
: ليش ؟
ملاك: تأكدي عليها ما تنسى المسكه .
: أوكى بعد شوي أخبار حناك .
ملاك: مع إنه ما صبغ مثلك بس يلا .
: والفستان أخباره .
ملاك: الحين خالتي نوره بتروح وبتجيبه من الخياط .
:أنتي المهم جهزتي كل شي علشان لا تضيعين شي بكره.
ملاك:لا الحمد الله إن شاء الله يعدي بكره على خير.
:ان شاء الله.
ملاك: تعالي الليله نامي عندي.
:لا ماأقدر أبوك موجود.
ملاك: ابوي مو كثير يجلس في البيت يالله أبغاك معي الليله.
قلت بضيق: ملاك إفهميني.
ردت ملاك بسرعه: لا تقولي لي رؤى هي اصلا في بيت عمامي.
ترددت شنو أقول ما ودي بس ملاك حبيبتي ما أقدر أرد لها طلب : أوكي خلاص بنام معك.
باستني بقوه: مشكوررره خالتي قمر.
إبتسمت لها أخذت جوالي واتصلت على روان :هلا
:هلا فيك تقول ملاك لا تنسي المسكه بكره لأن ما في أحد بذكرك.
روان : يا ذا المسكه قولي لها ما بنساها من كثر ما حنت علي
:هههه أوكى باي.
روان : باي
سكرت منها إلا دخلت علينا الخدامه :
ملاك وقفت :أكيد جابت الفستان يلا قمور قومي لبسي عباتك علشان نروح بيتنا .
قمنا ونزلنا تحت بعباياتنا نوره وهي تشوفنا على الدرج: هلا فيكم.
رحت وسلمت عليها :أخبارك؟
نوره : تمام . لفت على ملاك :أخبار عروستنا ؟
ملاك بإحراج: بخير الحمد الله .
نوره: والله راشد مشططني من الظهر بويديني الخياط أجيب فستانك لا وبغى يشوفه بعد بس لا تخافين ما خليته .
ضحكت على ملاك اللي إستوى وجهها ألوان وهربت المطبخ : حرام عليك نوره أحرجتيها .
نوره : وأنا صادقه .
رن الجرس وراحت الخدامه فتحت الباب ودخل راشد : هلا بخالتي حبيبتي .
: ومن متى الحب .
راشد : ليش إنتي ما تدرين عن حبي لك ... إلا وين ملاك سمعت إنها هنا .
: لا والله من قال.
راشد : اقول بس أبغاها بسالفه .
:مافي سالفه أجلها لبكره .
راشد وهو يغمز لي : إلا قمور علمتيها على اللي خبري خبرك .
إنقلب وجهي أحمر وأخذت الوساده اللي جنبي ورميتها عليه : يا قليل الأدب .
نوره :إنت ما تستحي .
راشد : الحين إذا قلت الحقيقه أكون قليل أدب ....... المهم وينها أوديها بيتها .
: لا والله تحلم نزل الفستان وأحنا بنروح مع السواق .
راشد : ترى لو أمي ما حلفت علي كان شفت الفستان .
: اقول بس ما أدري ليش مستعجل يعني بكره بتأخذ ملاك وفستانها .
راشد بهيام : متى يجي بكره .
نوره : يا ربي على هالولد ما صدق يتزوج أنا اللي فتكيت .
ملاك اللي ما كانت تدري إن راشد هنا دخلت علينا وهي تقول : يلا قمور علشا ........ .
ما كملت كلامها بعد ما شافت راشد توها بترجع بس ركض راشد ومسكها من عضدها :هلا وغلا بقلبي .
أما ملاك غاصت في هدومها وأنا طالعت نوره وإبتسمت بقلة حيله وراشد يقول : أهون عليك يا حياتي تخليني شهر بدون مكالمات ولا أشوفك بعد .
كان رد ملاك الصمت وهي منزله راسها بصراحه ضحكت لأن جا من يسكت ملاك رحت لهم يوم شفت ملاك قلب وجهها خفت يمكن يغمى عليها شلت يدها من إيد راشد : خلاص راشد شوف البنت بتموت من الأحراج روح بكره هي لك .
تلها راشد من إيدي وحط إيده على كتوفها وهو ضامها على جنب أما ملاك إحنا نحركها كنها لعبه : والله هاذي زوجتي وما لكم دخل.
وقف قبالها وقال وهو يمسك وجهها : ملوكه قلبي ما أشتقتي لي .
اما ملاك فكان رد فعلها إن دموعها نزلوا وصارت تصيح بصمت ضحك عليها راشد :هههههههههه يا قلبي إنتي .
ضمها لفتره وحب راسها ولف بيطلع أول ما لف جت ملاك لي وضمتني وهي تصيح وأنا أضحك عليها : شهالحساسيه يا بنت .
راشد : أنا طالع لان شكلكم ما تبوني .
نوره : عقب ويش لمن صيحت البنت الله يقطع شرك .
راشد :أنا الود ودي أخذها الليله بما أن الزواج بكره بس دموعها رحمتها .
نوره : أقول بس إطلع شكلك بدأت تقط خيط وخيط .
راشد : أفا يمه تطرديني بس ما عليه .
وطلع وهو يتحلطم اما أنا طول هالوقت وأنا أحاول أهدي في ملاك البنت ماتت من الاحراج توني أدري إن ملاك حساسه لهدرجه رفعت وجهها : بس ملوكه ما صارت يلا عطيني ضحكت العروس.
إبتسمت ملاك وهي تمسح عيونها ونوره قالت :الله يقطع شره من ولد .
قربت من ملاك : ما عليه حبيبتي إستحمليه شوي يلا أنا ماشيه مع السلامه .
: الله يسلمك .
طلعت نوره وطالعت ملاك بنظرات وبعدين رحت جلست على الكنبه وأنا أحط الوساده على رجولي : من حظك يا ملاكو حماه زي العسل ورجال يموت بدباديبك .
ما شفتها إلا ناطه علي بوساده ثانيه وهي تقول : بذبحك .
وضلت فتره وهي حاطه الوساده لين رفعتها بالغصب وأنا أضحك وأهف على وجهي : صدق دبدوبه خنقتيني .
شهقت ملاك وهي ترفع الوساده وقفتها وأنا أقول : خلاص خلاص توبه إنتي رشيقه .
سكتنا شوي وبعدين كملت : ويموت في رشاقتك.
قمت أركض بسرعه وهي تلحقني.......... بعد الركض والتعب لبسنا عباياتنا ورحنا بيت أبو ملاك وصلنا وصعدنا غرفه ملاك أول ما دخلنا انسدحت على السرير
ملاك: بتنامين؟
: تعبانه و بعدين بكرا ورانا قعده من الصباح لازم نرتاح.
ملاك: بس أنا مافيني نوم.
: أنا بنام وأنتي انسدحي وبتنامي.
ملاك: أقول لك ما فيني نوم.
مسكت جوالي: خلاص بتصل على راشد وتكلمون بعض لين يجيك النوم.
ملاك: لا لا خلاص فيني النوم بنام.
ضحكت عليها هالايام ما يجيبها الا راشد انسدحت ونمت على طول
***********************
حسيت فيها وهي تجلسني
ملاك: قمر.....قمر
: هممممم.
ملاك: قومي يلا صلي.
قمت صليت و رجعت بنام
ملاك: وين تنامين خلينا ننزل نفطر.
: تو الناس على الفطور.
ملاك: بس أنا جوعانه.
: الساعه ثمان ننزل نفطر.
ملاك: أنتي جايه معي علشان تنامي.
: إي.
ملاك: قمــــر.
:آفففف خلاص يلا ننزل .
قمت معها ونزلنا نفطر البيت مره موحش كن ملاك بس هي العايشه فيه رؤى وما تجي إلا نادرا وأبوها اللي ولا مره شفته أتوقع إنه عايش عالمه الخاص .
فطرنا وصعدت فوق مره ثانيه وانا على الدرج مسكتني ملاك
ملاك: وين بتروحي.
: فيني النوم بصعد انام.
ملاك: لا عيوني بتجلسي معاي.
: ملوكه بس ساعه فيني النوم.
ملاك: همممممم ساعه بس.
ركضت بسرعه فوق و دخلت الغرفه وانسدحت على السرير ونمت
*****************
جلست على صوتها: قمر قمــــــر قمــــر.
: نعم.
ملاك: قومي الساعه عشر طولتي وانتي نايمه.
: متى بنروح المشغل؟
ملاك: بعد صلاة الظهر.
: طيب يلا بقوم.
قمت وأخذت شور ودقيت على الخدم يصعدو لنا أكل قبل مانروح المشغل أكلنا وهي بالغصب خليتها تاكل
اذن وصلينا و رحنا المشغل .......
دخلت غرفه العرايس وانا دخلت غرفه ثانيه بدأو فيني ....
خلصت و اخيرا تعبت رحت أشوف ملاك كنها خلصت بس شفتها ما خلصت جلست انتظرها ......
الساعه خمس المغرب خلصت ملاك طلعت كانت جنان...روعه
: الليله بيموت راشد من جمالك.
ملاك بخجل:عاد مو لها الدرجه.
: روحي طالعي في المرايه يابنت.
ملاك بخجل: قمر.
:اوه اوه ماقدر على اللي يستحوا أنا.
رن جوالي وشفته عدنان رفعته....
:هلا.
عدنان:هلا بك زود.
:أخبار المعرس؟
عدنان وهو يضحك:ههههه شاطط بعمره واذاني وهو يقول قوم جيبها قوم جيبها.
:ههههههههههههههههه طيب ننتظرك.
عدنان:اوكي انا جااي..بااي.
:بااااااااااي.
جلست جنب ملاك وانا اضحك على راشد..
ملاك:ليش تضحكي؟
:ابد يقولون راشد خايف ما توصلين القاعه وقاعد يحن على عدنان يجيبك.
نزلت راسها توقعت انها خجلت بس اكتشفت ان دموعها على وشوك النزول...
:لا لا الله يخليك (اخذت منديل وبدأت انشف دموعها) حرااام راح يخرب المكياج وراح يخترع راشد(قلتها وانا ابغيها تضحك بس محاولتي باءت بالفشل) طيب خلاص ياعمري خلاص...يلا ابتسمي يلا.
ابتسمت ملاك وهي تحاول توقف دموعها.
:أي هذي ملوووكه حبيبتي عيشي يومك وحاولي تتناسي الماضي تبين تاكلي شي؟ جوعانه؟
ملاك:لا خلاص انا بخير.
رن جوالي :هلا عدنان يلا حنا خارجين.
وقفت ولبستها عبايتها واخذت عباتي ولبستها مسكت اغراضنا ومسكت يدها بيدي الثانيه طلعنا وركبنا.........
(أي صح ملاك كانت عن جد روعه بفستانها اللي يعتبر غريب شوي من ناحية الشكل بحيث يكون مزخرف بأشكال غريبه لونها وردي مع عنابي على لون المسكه وكان شوي من ظهرها يبين ومن قدام كان الفستان من جزئين التنوره ماسكه على الخصر والجزء الفوقي اللي كان مشغول بالزخارف واي شي بتتوقعينه بيكون موجود هههه بس عن جد كانت روعه مع الميك آب)
(اما عن فستاني فقررت البسه في القاعه لاني ما راح اعرف اتحرك وقلت لروان تجيبه معها طبعا انا وروان فصلناه مع بعض كان فستانها نعوومي و مآسك من عآلرقبة يعني شلون أوضحه المهم هي اللي تربطه على رقبتهآ.. .. وو بيكون من فوق شوي مآسك وبعدين يتدرج على الوسع.. وماكان وآآسع حيل لونه احمر وفيه زركشه من فوق وطالع حلوو مع بطنها البارز شوي)
جلست ورى جنب ملاك وهي ماسكه يدي بشده وترتجف
دقت روان في هالوقت
جوالي...
:هلا.
روان:وينكم؟
:الحين بنوصل.
روان:قمر تراني نسيت فستانك ماجبته معي.
:يووووه ليه عاد.
روان:طيب خلي عدنان يوصلك هناك لاني تركته بغرفتك يوم طلعت.
:اوكي.
وصلنا وقبل ما ننزل قلت له:عدنان ابقى مكانك راح ادخل ملاك القاعه وراجعه.
عدنان:اوكي لا تطولين.
نزلت ودخلت القاعه دخلتها سلمتها لروان اللي كانت تنطر عند الباب وطلعت بسرعه ركبت السياره ومشى عدنان وصلنا نزلت وانا احاول اسرع دخلت غرفتي لبسته ورحت جنب المرايه كان لونه وردي زاهي مع فضي وكان جدا ضيق ووسيع من تحت شوي ومع الميك آب طالعه جنان مو غرور بس ثقه بنفسي)
لبست العبايه ونزلت ركبت السياره .....
:يلا.
مشى عدنان وهو يدندن مع الشريط اللي حاطه وانا كنت جالسه وافكر بفهد مدري ليه بس كان نفسي يشوفني بس يالله الخيره فيما اختارها الله...وصلنا للقاعه :مشكوور تعبناك معنا.
عدنان:ولــــــــو.
نزلت دخلت القاعه وعلى طول على غرفة العروس فسخت عباتي ورحت جنب المرايه الوجوده وانا ارتب في نفسي واطالع في ملاك وانا مبتسمه وكانت جالسه وجنبها روان ....
روان:الله قموور طالع جنان.
رديت بترفع :اكيد مو انا قمر.
روان:بدى الغرور .
:يحقلي.
رن جوال روان...
روان:هلا عدنان....جنبي......(ابتسمت بعدين قالت) احلف...طيب راح اخليها تجي...اوكي...بااي.
وكملت:قمر عدنان يبغاك في الغرفه الثانيه اللي تحت جنب الباب.
:ايش يبغى؟
روان:مدري روحي شوفي.
:اوكي .. نزلت ورحت الغرفه اللي قالت عنها روان دخلت كان عدنان وابوي استغربت..
بتوتر:في شي؟
قرب ابوي مني وقال بحنان:طالعه حلوه تشبهيلي.
ضحك عدنان:لا بدى الجد يغتر علينا.
ضحك وباس راسي:قمر حبيبتي اليوم فهد كلمني بخصوصكم هو يبغى يرجع لك انا من ناحيتي موافق قمر حبيبتي فهد شاريك ويبيك وانا ابغى اطمن عليك قبل لا موت..
:لا تقول كذا الله يطول بعمرك.
كمل:ها ايش رايك؟
افكار كثيره تلخبطت معي فهد خطبني في ليلة زواج بنت اختي ايش اقول ؟؟؟ ومن جهه ثانيه قمر فهد خطبك وافقي قبل ما تضيع الفرصه منك قلت بسرعه علشان اتمسك باخر حبل تركه لي فهد: ...............موافقه .. بعدين نزلت راسي بخجل..
ابتسم ابوي وقال: خير البر عاجله ترى فهد جايب المملك ....
عدنان وهو يضحك:واثق الاخ من الموافقه.
استحيت وانا متفاجئه اللــــــــيله!
كمل ابوي:يلا بروح اكمل اجراءت الملكه وجاي.
طلع وتركني مع عدنان جلست وانا مستحيه حدي كل ما اطالع في عدنان اشوفه مبتسم ويطالعني.
دخل ابوي اول ما شفته زادت دقات قلبي قرب مني ومد لي الدفتر:يلا حبيبتي وقعي.
مسكت القلم وانا ارتجف وقعت بعدين اتنهدت واخيرا ضمني ابوي وهو يبارك لي........
جا عدنان وبارك لي وطلعوا صعدت فوق وانا فرحانه حيل خلاص رجعت صرت بأسم فهد دخلت غرفة العروسه وضمتني روان على طول :الف الف مبروك.
:الله يبارك فيك.
روان:واخيرا ما بغينا .
رحت لملاك اللي كانت مبتسمه ضميتها (صحيح كانت فرحانه انها بتصير ملك راشد الليله بس كانت فرحتها ناقصه اختها الوحيده ما حضرت)ابتعدت عنها ولا ينطق الباب ودخلت..........رؤى!!
جات بسرعه وضمتها وهي تصيح:ملاك سامحيني حبيبتي .
ملاك وهي بتصيح.......
:لا لا ملوكه الا الصياح لا يخترب شكلك.
وبدأنا انا وروان نهف عليها علشان ما تبكي وبعدين ضمينا رؤى وملاك مبتسمه بس لما دخلت نوره:يلا خلوها تطلع.
رجع الخوف لملاك وقفناها وعطيناها المسكه ورتبنا الفستان طلعناها ووقفناها عند باب الدخول طفوا الانوار وحطوا موسيقى كلاسيك ........دخلت ملاك وهي تمشي على اميال الموسيقى صعدت الطريق الطويل(الجسر) ومشت لين وصلت المنصه وجلست على الكرسي المخصص لها وبدت الاغاني والرقص رن جوالي وهو بيدي....... فــــــــــــــــهد!!!!!!!!!!!
نزلت بسرعه وطلعت بره وقف بعدين رن مره ثانيه اخذت نفس ورديت...
:...................
فهد بهمس:..............اشتقت لك.
:.................
فهد بصوت جدا رايق وهادي:.هلا بحياتي هلا بعمري هلا بدنيتي...ما اشتقتي لي...
كان ودي اقول له بصوت عالي وبموت من الشوق بس ما جاوبه الا دموعي وشهقاتي...............
فهد:ليه ليه الا الدموع حياتي..
وما كان ردي الا اني اكمل صياحي..
فهد:حبيبتي لبسي عبايتك وطلعي انتظرك في السياره.
هزيت راسي بس بعدين تذكرت انه ما يشوفني ورديت:وين؟
فهد:ياااه فديت هالصوت وراعيته.
ابتسمت بخجل ..كمل:بنروح نقضي ليلة عرسنا ولا ما يحق لنا.
سكر رحت ولبست عباتي ونزلت شفت سيارته جنب الباب ركبت قدام :السلام عليكم.
فهد:وعليكم السلام ..ومسك يدي وباسها..الف مبروك حياتي.
رديت بخجل:الله يبارك فيك.
ظل ماسك يدي ومشى بالسياره ظل يسولف لي بسوالف عده وانا كنت استمع له بانصات اشتقت له ولسواليفه وكنت اطالع فيه..سكت فجأه وطالع في المرايه الاماميه وعقد حواجبه.
سألته:أيش فيك؟
فهد:مدري في واحد يلاحق فيني من مساعه.
وظل يطالع فيه وفي الطريق:لا ذا مصخها خليني انزله.
مسكت يده:فهد لا تنزل خله يولي.
فهد:لا جالس يزمر لي.. وقف على جنب ونزل وعيوني عليه نزل اللي بالسياره الثانيه شفته انصدمت مــــــــــــــستحــيل مستحيل يكون هو...........فاررررررررس!!؟؟؟!
نزلت بسرعه من السياره وطالعت فيهم............
فهد بعصبيه:والحين ايش تبغى؟
فارس:ولا شي بس كأنك أخذت شي من ممتلكاتي.
فهد:احترم نفسك هذي زوجتي ولا اتوقع انها طاوله ولا كرسي علشان تكون من ممتلكاتك.
لف علي فارس وقال:يعني تهديدي ما فاااد؟
فهد:كلمني انا.
خفت الا فهد الا فهد انا ايش سويت ياااربــــــــ .
فارس:لا تحسبيني العب انا اذا قلت شي اسويه ......
راح لسيارته وانا مرعوبه كثير دخل ثواني وطلع وبيـــــــــــده.................................. ................................................مس دس..
ركضت بسرعه قدام فهد وبصياح:فارس الا فهد انا اللي قلت له يتزوجني اقتلني انا.
فارس:انا حلفت ادمر حياتك مو اريحك.
فهد وهو يرجعني وراه وهو ماسكني من عضدي:ويعني الحين بتخليني اصدق ان فيه طلقات.
رفع فارس المسدس فوق وطلق طلقه كانت روحي بتطلع معها وبعدين رجع صوب المسدس جهت فهد..
انا وين انا مو بالسعوديه فجأه سمعنا صوت الدوريات خااف فارس وركض للسياره بس كانت الدوريه اسرع منه ومسكته كنت مخبيه راسي في ظهر فهد سمعت صوت طلقه خلاص انتهيت ما عدت اتحمل..............
***************************
جلست انا وين لفيت شفت فهد جنبي وهو يطالع فيني بخوف
ولما شافني صحيت ابتسم وقام قرب مني وجلس على السرير
:فهد انت بخير ما مت فارس ما قتلك؟؟؟
فهد حضني بقوه لصدره :لا حبيبتي كاني جنبك مستحيل اخلي احد يبعدني عنك مره ثانيه.
رفعني عن حضنه ولمست خده بيدي كأني اتأكد انه موجود مسك يدي وباسها ورجع حضني وهمس في اذني:أحــــــــــــــبك

أبي أغيض برد الشتاء وأنا بحضنك
لامعطف يدفيني ولا نار ولا حطب
أبي أتنفس الحب بخشوع..وأبي أعلمه بعد
ياليت فصله يطول ويطول ويطول ..لجل
أبغى في حضنك طول الفصول
**********************
بعد فتره قال فهد:تصدقين اليوم الفجر ولدت بنت أختك..الحمدلله على سلامتها.
روان ولدت:واااااووو مني مصدقه الله يسلمك ايش جابت؟
فهد:ولد وسموه عبدالله.
وقرب مني اكثر وقال:عقبال ما نسمي ولدنا يا أم عدنان.
استحيت وقلت بسرعه :ابغى اروح لروان.
فهد:طيب اصلا اليوم انتي بتطلعي لبسي عباتك على ما أكتب لك خروج. طلع رحت لبست عباتي وخلصت الا بدخلت فهد:يلا حبيبتي.
طلعنا وركبنا المصعد للدور الثالث وصلني لغرفه واشرلي :انتظر اتصالك انا تحت بالكوفي انتظرك اوكي.
:اوكي. مشى وانا دخلت الغرفه :السلام عليكم.
الجميع:وعليكم السلام.
كان زوجها موجود واهله واختي نوره......
قام حب راسها وحاكاها شفتها ابتسمت وطلع سلمت على الجميع باركت لهم وباركولي وصلت لروان ضميتها :الحمدلله على السلامه.
روان:الله يسلمك عقبالك.
جلست جنبها والكل التهى بالسوالف غمزت لها:شنو قالك ؟؟
ابتسمت بحرج وضربتني على خفيف:مالك دخل.
:هههههه ..فرحت لها كثير الله يهنيها.
جلست شوي وبعدين رن جوالي رديت:هلا.
فهد:هلا بك.موكأنك طولتي علي.
:آسفه هذا انا جايه.
نزلت لفهد ومشينا واحنا بالطريق خطر على بالي سؤال:فهد ايش صار لفارس؟
سكت فهد وطالع فيني بعدين :ادعي له بالرحمه.
:مـــــــــات كيف؟؟؟؟
فهد:وهي بيطلق علي جات عليه يوم مسكته الشرطه.
سكتت بس بعدين:فهد ودني بيت ام فارس.
فهد:بس.
:لا بس ولا شي انا ابغى اعزي ام فارس هذا مهما كان تراه وحيدها وابغى اعزي فاطمه وناديه.
فهد:أوكي بس ما تطولين لان عندي لك مفاجأه.
:طيب.
وصلني نزلت دخلت البيت وشفت حريم كثار شفت خالتي ام ياسمين رحت عزيتها وضمتني وكانت جنبها خالتي ام فارس رحت لها وعزيتها..........
شفت ناديه من بعيد ورحت لها ضميتها
:عظم الله اجرك.
ناديه:أجرنا واجرك.
:وين فاطمه؟؟
ناديه:في غرفتها.
صعدت فوق وانا حافظه كل جزئيه بهالبيت وصلت لغرفة فارس ناظرتها بألم كنت دايم اجي واحاول ولو اشوف وجهه الله يرحمه رحت غرفة فاطمه طقيت الباب ودخلت........
رحت لها وضميتها:عظم الله أجرك.
دزتني وهي تقول:أيش تبغي جايه تشمتين فيني خلاص ارتاحي انا تطلقت واخوي مات ايش تبغي اكثر من كذا ها؟؟
بكيت بألم:انا مستحيل اتشمت في اعز صديقه لي اللي كانت دوم جنبي حتى لو كان قصدها شي ثاني.
فاطمه:طلعي بره .........بــــــــــره.
نزلت وغطيت وجهي وطلعت ركبت السياره وانا امسك دموعي خلاص فاطمه راحت ........
فهد:حياتي انتي بخير؟
:بخير خلينا نمشي.
مشى وبعدين قال:طيب ما سألتيني عن المفاجأه.
:أيش هي ؟؟
فهد:أممممممممم واللي يقولك ان احنا بنسافر جزر المالديف.
سكتت وبعدين قلت :أحبــــــــــــــــــــك.
فهد:آآخ لو بس حنا مو بالسياره.
:ههههههههه.
************************
تمت ولله الحمد.
ما بعد النهايه..............................
لينا:اهيء اهيء ماما توفي ادنان(ماما شوفي عدنان)
قمر:فهد حبيبي بعد لينا عن عدنان.
فهد:عدنان ووجعه انا مو قلت لك دافع عنها زي عدنان اللي بالرسوم.
عدنان:مو كيفها ليه ما تخليني العب معها.
فهد:خلاص امك حاامل وبتجيب لك اخو يلعب معك.
عدنان:طيب وحتسميه عفسي.
قمر:وعع هذا اللي ناقص.
فهد:ههههههه طالع تفكيره على امه.
:والله يقولون هذا الشبل..........كمل.
فهد:يا قلبي عليك انا مجنون فيك وبس.
وجا وباسني على خدي
:فهد العيال.
فهد:ياالله اف هيي عدنان خذ اختك واطلع بره.
عدنان:طيب احنا عارفين انك راح تجلس جنب الماما.
فهد:قوم بس ..حمله بيد وباليد الثانيه حمل لينا..
لينا بصراخ:مااااااما مااااما.
طلعهم وسكر الباب ولف علي: واستفردت فيك ياحلوه.
ضحكت دايم كذا.....
................
راشد وملاك جابوا جنى وحياتهم جد رومنسيه.
روان وزوجها جابوا عبوود ونوره.
فيصل راح الثانويه وصار يعيش مراهقته بحب ياسمين.
*****************************

بدايه اشكر خواتي اللي ساعدوني في كتابة الروايه وكان لهم دور كبير في هاذي الروايه وهلي اللي شجعوني على الكتابه ...........
اشكر كل من نقل الروايه لكم ....
وأشكر كل من رد على روايتي وقراها وحبها وشجعني على تكملتها..................
وسوري على أي تأخير بدر مني واعذروني .

تحياتي أختكم ..................longing

[جروح قلبي]

بسم الله الرحمن الرحيم

أختي موج الشوق في حاجة أنا مافهمتها اللي هيا
طلاق قمر من فهد ورجوعها له عشان يكون كلامي واضح ركزي معي
هنا لما فهد طلق قمر (دخل إبوي وكان وجهه مخطوف وفي إيده ورقه أول
ما شفت الورقه مسكت إيد ملاك وطالعتها بخوف حاولت إطمني بعيونها
تكلم إبوي: قمر ممكن نظل لحالنا .
تمسكت بكتف ملاك : لا يبه ملاك تعرف كل شي .
ملاك وهي تحاول تفك يدها مني : قمر أفضل إني أطلع.
طالعتها : لا راح تظلين معي.
أشر أبوي على ملاك : ما عليه ملاك ظلي.
طالع في الورقه اللي بإيده : قمر هاذي ........
كملت : ورقة الطلاق صح.
سكت أبوي وهو يطالعني وأنا ضاغطه على إيد ملاك بقوه عم هدوء بسيط
لين قال :ما توقعت فهد يستعجل بالموضوع و...
قطعت كلامه : ما عليه يبه إذا هو يبغى هالشي أنا راضيه .
إبتسمت في وجه أبوي علشان أبين له إنه عادي فتحت الدرج اللي جنبي
وأخذت قلم وفتحته بإيد وحده من دون ما أحرك الثانيه
اللي ماسكه يد ملاك :يلا يبه عطني الورقه .
أخذتها وفتحتها بنفس الأيد ومسكت القلم ووقعت إيه وقعت آخر لحظات كنت زوجة فهد فيها)
وهنا لما فهد رجع قمر (قرب ابوي مني وقال بحنان:طالعه حلوه تشبهيلي.
ضحك عدنان:لا بدى الجد يغتر علينا.
ضحك وباس راسي:قمر حبيبتي اليوم فهد كلمني بخصوصكم هو يبغى يرجع لك انا من ناحيتي
موافق قمر حبيبتي فهد شاريك ويبيك وانا ابغى اطمن عليك قبل لا موت..
:لا تقول كذا الله يطول بعمرك.
كمل:ها ايش رايك؟
افكار كثيره تلخبطت معي فهد خطبني في ليلة زواج بنت اختي ايش اقول ؟؟؟
ومن جهه ثانيه قمر فهد خطبك وافقي قبل ما تضيع الفرصه منك قلت بسرعه علشان
اتمسك باخر حبل تركه لي فهد: ...............موافقه .. بعدين نزلت راسي بخجل..
ابتسم ابوي وقال: خير البر عاجله ترى فهد جايب المملك ....
عدنان وهو يضحك:واثق الاخ من الموافقه.
استحيت وانا متفاجئه اللــــــــيله!
كمل ابوي:يلا بروح اكمل اجراءت الملكه وجاي.
طلع وتركني مع عدنان جلست وانا مستحيه حدي كل ما اطالع في عدنان اشوفه مبتسم ويطالعني.
دخل ابوي اول ما شفته زادت دقات قلبي قرب مني ومد لي الدفتر:يلا حبيبتي وقعي.
مسكت القلم وانا ارتجف وقعت بعدين اتنهدت واخيرا ضمني ابوي وهو يبارك لي........
جا عدنان وبارك لي وطلعوا صعدت فوق وانا فرحانه حيل خلاص رجعت صرت بأسم فهد)
اللي فهمته إن فهد طلق قمر طلاق بائن يعني الموضوع فيه محكمة وورقة طلاق يعني قمرمعاد تحل لفهد .
اللي مافهمته كيف فهد يطلقها وبعد ماخلصت عدتها بفترة يرجع يتزوجها ثاني
ياليت توضحين لي الموضوع لأن هذا كلام في الشرع

[جوارح]

أختاي موج وجروح

السلام عليكم ورحمة الله وبركاته

بالنسبة لطلاق فهد ما فهمته أنه طلاق غير بائن والدليل أنه أحب رجوعها إليه، أما الطلاق فلا يحتاج إلى ورقة من المحكمة يوقع عليها كل من الزوج وطليقته ، وإنما يكفيه أن يتلفظ بالطلاق ، ولكن من المستحسن تسجيله في المحكمة حتى يكون واضحا لا لبس فيه ، ويمكنه مراجعتها خلال العدة وينبغي على المطلقة البقاء في بيت زوجها ويمكنها مجالسته وأيضا التزين له وهذا من حكمة الشارع فقد يكون طلقها غير راغب في طلاقها بحكم الغضب والعجلة ، فبهذه الوسيلة يجعل كل من الزوجين مراجعة موقفهما وتذكر الأيام الجميلة التي جمعتهما، فيراجعها بالقول أو الفعل كما أسلفت في مداخلة سابقة. ويرجع في ذلك لأول آية في سورة الطلاق، حيث أنه من الخطأ بعد الطلاق أن تذهب المطلقة إلى بيت أهلها، فليراجع ذلك.

أخيتي موج، إنتهت الرواية وأهنئك على هذه النهاية السعيدة لكن لا زلت غير مقتنع بقضية الأجهاض، قد يكون هذا ما تم فعله، لكن على الكاتب أن يبين الحكم الصحيح في ذلك، وقد أبنت أن ذلك كان قبل مدة الأربعة شهور، واهي فترة النفخ في الروح. أخيتي أنا أستميحك عذرا بأن أرفق هذه الفتوى والتي تبين بجلاء حرمة هذه الفعل لما فيه من المفاسد التي قد تخفى على البعض، فأرجو المعذرة.

الإجهاض الناتج عن علاقة زنا
هل يجوز للمرأة إذا وقعت في الفاحشة أن تسقط الجنين ؟.


الحمد لله
لقد تركزت جهود الفقهاء واجتهاداتهم حول الإجهاض بصفة عامة وحكمه وما يترتب عليه ولم يهتموا بالدخول في تفاصيل ما إذا كان الحمل ناشئاً من سفاح ، ذلك ربما يكون لأنهم اعتبروه مشاركاً أو تابعاً لحكم الإجهاض الناشئ من نكاح صحيح ، فإذا كان إجهاض الحمل الناشئ من نكاح صحيح محرماً في الحالة العادية ، فإنه من باب أولى يكون أشد تحريماً في حالة نشوء الحمل من سفاح ، لأن في إباحة الإجهاض من سفاح تشجيعاً للرذيلة ولنشر الفاحشة ، ومن قواعد الإسلام أنه يحرم الفاحشة وكل الطرق التي تؤدي إليها ، كحرمة التبرج والاختلاط .

بالإضافة إلى أنه لا يضحى بجنين برئ لا ذنب له من أجل ذنب اقترفه غيره ، وقد قال الله تعالى : ( ولا تزر وازرة وزر أخرى ) الإسراء/15 .

ومن المعلوم أن الرسول صلى الله عليه وسلم قد رد الغامدية وهي حامل من زنى حتى تلد ثم بعد الولادة حتى ترضعه وتفطمه ، وقد عادت بالصبي ومعه كسرة خبز ، فدفع النبي صلى الله عليه وسلم الصبي إلى رجل من المسلمين ، ثم أمر بها فحفر لها إلى صدرها ، وأمر الناس فرجموها ، وقد قال الإمام النووي في هذا الحديث : ( لا ترجم الحبلى حتى تضع سواء كان حملها من زنى أو غيره ، وهذا مجمع عليه لئلا يقتل جنينها ، وكذا لو كان حدها الجلد وهي حامل لم تجلد بالإجماع حتى تضع ) صحيح مسلم بشرح النووي 11/202 .

فهذه الواقعة تبين لنا مدى اهتمام الشريعة بذلك الجنين ولو كان من زنى ، حيث أخر النبي صلى الله عليه وسلم إقامة الحد على أمه حفاظاً على حياته .

فهل يتصور أن يبيح الشارع قتل الأجنة بالإجهاض في سبيل تحقيق رغبات أهل الأهواء والشهوات ؟.

بالإضافة إلى أن الذين قالوا بإباحة الإجهاض في حالة الحمل الصحيح خلال الأربعين يوماً الأولى من الحمل قد أخذوا برخصة مشروعة أفضى إليه اجتهادهم ، مثل الفطر في رمضان لأصحاب الأعذار ، وقصر الصلاة الرباعية في السفر ، إلا أنه من المقرر شرعاً أن الرخص لا تناط بالمعاصي .

يقول الإمام القرافي : " فأما المعاصي فلا تكون أسباباً للرخص ، ولذلك العاصي بسفره لا يقصر ولا يفطر ، لأن سبب هذين السفر ، وهو في هذه الصورة معصية ، فلا يناسب الرخصة ، لأن ترتيب الترخيص على المعصية سعى في تكثير تلك المعصية بالتوسعة على المكلف بسببها " الفروق 2/33 .

وهكذا فإن قواعد الشريعة الإسلامية لا ترخص للحامل من زنى بما تجعله رخصة للحامل من نكاح صحيح حتى لا تعان على معصيتها ، ولا تيسر لها سبل الخلاص من فعلتها الشنيعة هذه .

بالإضافة إلى أن الجنين في هذه الحالة يكون فاقداً لولاية الوالدين ، لأن الأب في الشرع لا يطلق إلا على من استولد امرأة من نكاح صحيح ، وذلك جزء من معنى قوله صلى الله عليه وسلم : ( الولد للفراش ، وللعاهر الحجر ) رواه البخاري ومسلم ، ويكون ولي الجنين في هذه الحالة هو السلطان - ولي الأمر - فهو ولي من لا ولي له ، وتصرف السلطان منوط بالمصلحة ، ولا مصلحة في إزهاق روح الجنين في سبيل المحافظة على مصلحة الأم ، لما في ذلك من تشجيع لها ولغيرها على ممارسة هذه الفعلة الشنيعة .

ويمكن اللجوء إلى إسقاط الجنين للزانية التي وقعت في هذه الفعلة الشنيعة ، وأرادت التوبة الصادقة ، مع الخوف الشديد وهي قاعدة كبرى من قواعد الشريعة الغراء ، شريطة أن يتم ذلك في الأيام الأولى من الحمل ما استطاعت إلى ذلك ، وأن تعطى الفتوى لكل حالة على حدة لا أن تكون الفتوى عامة حتى لا تستغل هذه الرخصة في جوانب متسعة مما يؤدي إلى إشاعة الرذيلة في المجتمع المسلم . والله أعلم .



من كتاب أحكام الجنين في الفقه الإسلامي لعمر بن محمد بن إبراهيم غانم .

من موقع الإسلام سؤال وجواب للشيخ محمد صالح المنجد

أخوك جوارح

[جروح قلبي]

مشكور أخوي جوارح على هذا الشرح الرائع والكافي
جزاك الله كل خير

[ملاك المملكة]

نهاية روووعة وخطيرررة


يسلموووو

[ظماالوجدان]

يسلموووو ع الروايه الاكثر من رووووووووعه

[لجلك ياصعب]

نهـــــــــايه مرررررررهــ رووووووووووعه وخطـــــيـــــرهـ ..

وعقبااال كتـــــــااابتكــ لرواايه ثانيه ..
الله يوفــــــــــــــقـــــــــــك ولا تحرمــــــينا من جـــــــديييييييدكـ ...
اخــتك : لجـــلــــك ياصعب .

[أمل عباس]

نهاية روعة كثييييييييير وخطيرة مرة

[موج الشوق]

أخوي جروح وجوراح......
تناقشت مع الكتابه longing بخصوص ما كتبتوه وقد ابتدت اهتمام كبير....
وردت بانها لم تنتبه لذلك......:tears:
فعذروها لانها أول قصه لها وتعدكم بان تنتبه في القصص القادمه...
وتقدم لكم خالص اعتذارها دمتم بود......
..............مووج

[موج الشوق]

يسلمووووووووووو
على ردودكم الحلوه
و لتشجيعكم الحار للقصة
وحسن متابعتكم
.........................مووج