فوق الجروح اللي بقلبي من سنين!يكفي دخيل الله لاتجرحوني!للكاتبه:الهودج..كامله [الأرشيف]

طموحي عالي

02 - 07 - 2009, 07:02 PM

الله يسلمك عزيزتي واهلا وسهلا بك في رحاب منقولتي
اليك البارت الثاني
بعد يومين

عند ضحى في المستشفى كانت زايرتها جارتها ام فارس

ام عهد برجا:ام فارس ابي اطلب منك طلب

ام فارس :امري ياختي وش طلبك وان شالله ماقصر

ام عهد بضيق: ابيج تفتحين موضوع رفع الدعوى على عم عهد مع فارس ولدج كونه محامي ويفهم بهالامور و
ابي اشوف وش ممكن يصير اذا طالبت بحق بنتي منهم

كملت بحزن: لاني حاسه اني مراح اديم لها فابي اتطمن عليها قبل اموت

ام فارس بضيق:اي بس انتي عارفه بأن اهل زوجج متبرين منه فماعتقد بيكون له ورث عندهم

ام عهدبحزن وانكسار: عارفه بكل هذا وانا ماطالبت بهالشي ألا عشان يضطرون يعيشونها عندهم بعد عيني
لان المحكمه بتاخذ لها حقها غصب وبالتالي بتعيش عندهم

عند عهد

خلصت شغل وجت تجلس عند امها
كانت تدفع نص حساب المستشفى بس على علاج امها لان مدير المستشفى عارف بحالها وماكلف عليها بالعكس كان بيعالجها بالمجان بس عهد رفضت هالشي

دق تيلفونها وردت بهدوء لان امها نايمه :هلا سحر

سحر:

عهدبضيق:لا اسمحي لي ماقدر

سحر:

عهد بأصرار:قلت لج ماقدر امي تعبانه ولا اقدر اخليها

بعد ماخلصت سكرت من سحر الي كانت تلح عليها تجي معها لحفلة ملكة بنت خالتها وعشان تختار معها زوجه لفارس كانت تحس بخناجر تغرس بقلبها لهدرجه مستهينه فيني

كل هذا عشان ابوي طيب الرجال مات وشبع موت وش يبون

حست بقهر من سحر مع انهم رفيقات من عمر بس سالفة خطبة فارس وترتهاكانت متخيله فارس لها وانه هو فتى احلامها

فماتبي تروح عشان حتى وان راحت محد بيلتفت لها وان حصل والتفتوا لها صدوا عنها بمجرد ذكر اسم ابوها

في بيت حصه عمة عهد

كانت جالسه مع عيالها يتقهوون
هي فارضه شخصيتها على عيالها بقوه وهم يحترمونها وينفذون كل طلباتها حتى لوكانت بدون رضاهم لان هي اعرف بمصلحتهم

حصه بهدوء:حمد مو ناوي تزوج ماصارت لك سنه خاطب بنت عمك ولا حددت العرس

صح انهاتدخل بكل شي ألا بسالفة زواجهم لا كانت معطيتهم حرية الأختيار كونه شي خاص لهم
وسوالها لحمد كان بقصد التاكيد هل هو يبي البنت او انه مايبيها وبياخذها عشان عاداتهم بنت العم لولد عمها

حمد بتنهد:ودي يالغاليه اتزوج اليوم قبل بكره بس خايف البنت ترفض كونهاتدرس بالجامعه

حصه براحه من كلامه: وانت وش عرفك برفضها توكل على الله وكلم عمك وشف رايها يمكن توافق
وماعندها اي مشكله

كملت وهي تلف يم سند الي سرحان بجريدته على عيونهم بس فكره كان بعيد كان بحبه سعاد
تذكر من كلام امه لأخوه وزواجه من سهام الي يعزها حيل كونها اخت الغاليه

حصه:وش رايك ياسند بالي قلته

سند بتأييد:رايك سليم يالغاليه ومن الافضل لحمد يتزوج

حصه بنفسها عقبال ماشوفك انت الثاني متزوج لك بنت الحلال الي تعوضك عن حرمانك لسعاد

بعد فتره ادخلت عليهم شهد ومعها فجر الي طارت ركض لسند بتحضنه

سند لف صوبها وفتح ذراعه عشان يحتويها
فجربفرح:بابا سند
وحضنته وسند حوطها بقوه وقال :ياروح بابا سند

ضل حاضنها بحنان ولفتره بسيطه وقطع عليه صوت امه الي قالت ببتسامه:اشوف السلام بس لسند وانا يافجوره مالي حضن وبوسه مثل بابا سند

سند تركها وهي راحت لجدتها وحمد تسلم عليهم وسند سلم على شهد

بعد اسبوع

ضحى كلمها فارس بخصوص الدعوى وطمنها ان عهد راح تكون بولية عمها غصبا عنه لين ماتزوج وهالشي ريحها

حيل ولو انها بداخلها خوف على بنتها وعيشتها مع ناس هي بنفسها ماتعرفهم ولا خالطتهم

دخلت عليها عهد بعد ماخلصت شغلها
ماكانت قايله لعهد عن الي هي ناويته بس وصت فارس ان اول مالله ياخذ امانته منها يرسل على عم عهد يستلمها

عهد ببتسامه:سلام عليكم

امها بحب: وعليكم السلام

عهد كانت مضغوطه بالشغل ومهدود حيلها بعد
حتى نفسيتها صايره زفت لان فارس خطب وسحر قالت لها تبشرها ماتدري انها تجرحها بهالخبر مو تسعدها

اجلست وقالت بتنهد:هاه يالغاليه اشلونج اليوم ان شالله احسن

امها بتصنع وهي بداخلها تصارع المرض:لا الحمدالله احسن بفضل الله

عهد بخوف:بس الدكتور خوفني عليج اليوم لما سألته

امها بتنهد:ماعليج من كلام الدكتور انا المريضه واعرف بحالتي زين

امها بنفسها وعيونها على عهد الي استلقت على الكنبه بتنام كانت على وشك الصياح وكانت ادموعها بتفضحها قدام عهد بس اقدرت تسيطر على اعصابها ونسدحت بتنام وهي تدعي ربها يحفظ عهد من كل شر ويحرسها بعينه الي ماتنام

عكس عينها الي غشاها النوم ولاهي عارفه بترد تقوم مره ثانيه ولا بتفارق الحياه

بعد ساعه صحت على صوت الجهاز

راحت لأمها ركض مثل المجنونه بعد فتره دخلوا عليها الدكتور والممرضات ركض

كانت عيونها تراقب كل تحركات الدكتور
بخوف ورهبه من الي بيصير

كلها ثواني ألا والدكتور ينظرلها نظرة حزن ويأس

ماستوعبت نظرته ابد بس اول ماشافت الممرضه جايه صوبها تواسيها استوعبت وماحست ألا ودنيا ظلام بعيونها بسبة الأغماء

الي جاها من قوة الصدمه بفقدان اغلى الحبايب والقلب الحنون امها

ماتخيل حياتها بدون ام اشلون بتعيش وين بتروح بعد امها هي حتى بيت ملك مثل الناس ماعندها لانهم ماجرين طول هالسنين

بعد انتهاء ايام العزا

حابسه نفسها بغرفه عند بيت جارتهم ام فارس طول ايام العزا ماطلعت من هالغرفه ابد ولا طب فمها لقمه
بس على الماي كانوا يغصبونها سحروامها بس ماقدروا لها

حاسه ان الدنيا سودت بوجهها
عقب مافقدت امها كانت طول الوقت تصيح بدال الدموع دم حست انها ضايعه في هالعالم

عند ام فارس

كانت جالسه مع سحر الي ماتركت عهد ولا لحظه من وفاة امها كانت قاعده عند اهلها ليما تهدأ نفس عهد

ام فارس بحزن:ياعمري ياعهد الله يصبرها على فقدان امها

سحربحزن :امين
كملت بتنهد: يمه صج الي سمعته من فارس انه طرش رساله لعم عهد عشان يستلمها بنا على طلب المرحومه امها

ام فارس بضيق:اي يامي صج وهذي وصية ضحى قبل التموت

سحربقهر:اي ليش هي موعارفه بقطع العلاقه بين ابوعهد واهله اشلون ترضى تسلمهم بنتها

امهابياس:هذا قرارها كانت تبي ترجع عهدلأهل ابوها تقول هم بيكنون احرص عليها كونها بنتهم

سحربضيق:احرص عليها وهم مافكروا فيها ولاسألوا عنها طول هالسنين

في استراليا

كان جالس بمكتبه ويحوس بشغله
هذا حاله شغل بالشركه وشغل بالبيت مايرتاح ابد

بعد فتره ادخلت عليه ندى
طالع فيها وابتسم يحبها ويعشقها بس غيرتها الزايده تقهره

ندى بعد ماناموا عيالها حبت تسوي لفواز لليله رومانسيه عشان تكسرالروتين الي هم فيه بسبب ضغوط الشغل والدراسه

قربت عنده وحضنت كتفه من ورا قالت بدلع وهي تحط راسها على كتفه:حبيبي مامليت من كثر الشغل

فواز وهو يبوس يدها بحب:ألا والله طقت جبدي موبس مليت

ندى بحب:شرايك تترك هالشغل وتجي معاي نسهر لنا على فلم

بعدت عن كتفه وهو لف صوبها قال بتأييد:من غير لاتقولين تاركه وقف وحوط كتفها ومشا هووياها طالعين واول ماطلع سمع صوت فاكسه
ينبه بوجود رساله بس هو طنش وطلع توقعها من الشغل

اليوم الي بعده

مر على ناس هاليوم عادي وايضا مر على ناس بسعاده بس عهد مر عليها بضيق وحرمان ومشاعر كلهااحزان

اقدرت سحرتغصبها وتاكل اكلت لها لقمه عشان خاطر سحر بس

كانت جالسه بالغرفه ماكانت تطلع منها ابد عشان فارس ياخذ راحته

ولا ينزعج من وجودها عندهم الي مراح يطول كلها ايام ويجي عمها ياخذها مثل ماقالت لها ام فارس

الي علمتها بكل شي وان هذي وصية المرحومه امج

سرحت بفكرها اشلون بتعيش عند ناس ماتعرفهم ولا حتى شافتهم

من وعت على الدنياوابوها وحيد ومات وحيد

هل بيرحبون فيها ولابيحقرونها بعد

تنهدت بضيق ماضني بعيش سعيده عقبج يالغاليه

شالت الأفكارمن راسها وراحت بتروح تاخذ لها شاور
تغسل فيه بعض اهمومها

عند فواز

اخذ له فوق الساعه وهو يعيد قرائة الفاكس ويرد يعيده مو مستوعب الي يقراءه

المحكمه طالبته عشان يستلم بنت سالم اخوه
عصب وجنت جنونه اكيد مرته الحقيره طمعانه وجايه تطالب بعد مامات اخوي
بس حامض على بوزها تفرح بفلس حمر هي وبنتها الي الله عالم هي لسالم او لا

رفع سماعة تيلفون المكتب واتصل على سند

يخبره بهالمصيبه الي حصلت له

عند حصه

استغربت من كلام سند وصوته العالي وهو يكلم حست ان فيه إن بالموضوع

انتبهت له وهو يسكر تيلفونه قالت بسرعه:شالسالفه ومن الي يكلمك

سندبزفره غضب:خالي فواز

شافها بقت اعيونها وكمل: السالفه ومافيها ان فواز مرفوع عليه دعوى من مرت اخوك سالم تأمره بتكفل رعاية بنتها

حصه بغضب:احنا ماعندنا اخو اسمه سالم ولا حنا مكفولين بعياله حتى

كملت بغضب:دق لي على فواز بكلمه بسرعه

سند بقهر:لاتعبين نفسك فواز بيجي على اقرب طياره للبلد عشان يتصرف مع هالأشكال

حصه بنرفزه:قبل لايسوي شي خل يمر علي لايروح وتسحره هالحقيره مثل ماسحرت سالم قبله

عند عهد

ادخلت عليها سحر بصينية فطاير وعصير
كانت الساعه ثنعش بالليل
وسحر حابه تسهر مع عهد وتونسها شوي

سحرببتسامه:احلى فطاير لأحلى عهد ونزلت الصينيه
وجلست

عهدبضيق:ليش متعبه نفسج

سحربرحابة صدر:لاتعب ولاهو يحزنون وبعدين انا حابه اسهر معج ياشيخه

عهد بتنهد:حياج انا من غير شي سهرانه

بعد فتره طويله انقضت بالأكل وماتبادلوها بالكلام ابد
قالت سحر :عهد

عهد ببرود:نعم

سحربحنان:انتي راضيه انج تعيشي عند اهل ابوج

عهد بحزن:دام هذي وصية الغاليه لازم انفذها وارضا فيها بعد

سحر بخوف:بس انتي ماتعرفينهم ولاهم سألوا عنكم وقت مامات ابوج

عهد بتنهد وهي تقوم وتروح بتغسل:سحر مابي اتكلم بهالموضوع وبعدين غصبا علي بسكن عند اهل ابوي ولا وين تبيني اعيش

سحربحب:عندنا انتي ما

قاطعتهابضيق:انا مابي اجرحج بس انا لايمكن ارضا اسكن عندكم لان انتم مهما كان بالنسبه لي غرب

ماكانت تبي تقول هالكلام بس الحاح سحر قهرها هم متى عبروها اصلا

راحت ركض ودخلت الحمام سكرت الباب
ووقفت تفكر بكل الي قالته ليش ليش ياعهد خليتي قلبج يقسى على سحر بس لان فارس خطب وتركج

حاولت تهدي نفسها ووعدت نفسها انها تتسلح بقناع البرود والجمود قدام اهل ابوها عشان مايستغلون ضعفها ويتمها

وقنعت نفسها حتى لو ماحبوها بتحمل عشان وصية امها مع انها عارفه بكل القصه بين ابوها واهله ألا انها بتحمل

في المطار

الساعه وحده بالليل هذا اقرب حجز حصله

كان في استقباله سند عشان ياخذه
هو جا عشان يحل الموضوع ويرجع لزوجته وعياله

سند بهدوء:حمدالله على السلامه ياخال

فواز بأرق:الله يسلمك
اخذ سند الشنطه عنه ومشوا لسيارة سند

في السياره

من ركبوا وهم يتكلمون عن سالفة بنت سالم الي مايدرون من وين طلعت لهم

فواز بنرفزه:توقع ان كلام امك صج وان الزفت مرته تبي لها كم فلس

سند بجفاف:والله علمي علمك بكره روح وشوف شالسالفه

مايحب يكثر النقاشات مع احد وفواز سكت من القهر

اليوم الثاني

صحت مبجر لان المحكمه دقت تستدعيها
تحضر جهزت نفسها وألبست عباتها

طلعت عشان ماتتأخرعلى ام فارس الي بتروح معها

ماخذت شناطها ولاشي لانها كانت حاطه بالها ان هالمقابله بس لتعارف وبعدين تجهزوتروح معهم

كان وجهها شاحب من قلة الأكل والحزن على امها

الوضع مايسمح لهابالتزين في اول مقابله لها مع اهل ابوها

عند فواز

واقف ينتظر وقت دخوله وكانت حصه جايه معه اصرت ألا تروح بقصد انهاتوقف مرت سالم عند حدها

كانوا جالسين على اعصابهم كل واحد محضر له شتايم بيقولها

وهم جالسين يفكرون مرت من عندهم ام فارس وعهد

محد يعرف الثاني اصلا بس فواز حز بخاطره شكل البنت وشوفة الحزن الي بعيونها ماكان تمثيل كان نابع عن صدق مشاعرها

توقع انها جايه لقضية طلاق او ماشابه سب اهلها الي سببوا لها هالحزن

اول ماغابت عن عيونه ودخلت نادوا بأسمه ودخل وراها مباشرة

*مهاوي*

02 - 07 - 2009, 10:12 PM

بداية القصه رووووووعه
لاتطولي علينا
يسلموو

طموحي عالي

05 - 07 - 2009, 09:37 PM

اهلين وسهلين بك يا * مهاوي* باذن الله لن اتأخر عليكن
تفضلي البارت لعيونك
البارت الثالث

هلت عباير قلبي آلخافي المكنون

ورسيت بحر دمعي على جال ونآتي

ذكرت آيام الهنا والرخاء من دون

ذيك الآحزان إلي هدمت ذآتي

شعرت بلذة الهوى من غير طعون

واليوم الهوى صار رمح طعنآتي

تكفلت علاج طعنات الهوى بفنون

وبيمنآي مسحت من صدري معانآتي

آصبحت آنا النفساني وآنا المجنون

وآنا الآعمى وآنا إلي آتبع خطوآتي

حياتي آشبه بغارقآ وميتآ مدفون

تمشيني الدنيا على عكس وجهآتي

هاذي حياتي بلا هدف ومضمون

والناس ماتفهم سبب دمع نظرآتي

حاسه بحزن وخوف يسري بكل اطرافها وهالشي بان عليها من شدة ضغطها على اصابعها

حست بيد ام فارس الي ضغطت على يدها عشان تهدي شوي من توترها ابتسمت لها

ياكثر حبي لها هي بمكانة امي الحين وقفتها معي هي وعيالها ماتنسي بس هذا مايسمح لي اني احملهم همي دام ان عندي اهل

ابتسمت بتنهد وانا اطالع في الي قبالي والي هم اهلي والي مانطقوا ولا حرف من دخلنا بس فالحين بالخز فيني لو طالبه منهم يرسموني كان ابدعوا في رسمي

اما فواز وحصه

كل واحد فيهم منصدم من الي قاله القاضي قبل يطلع ويترك لهم المجال

مادروا بموت مرت اخوهم اصلا
لكن هالشي مانقص في كرههم لها ولبنتها حتى بعد ماشافوها وشافوا الحزن بعيونها

فوازبعد صمت طويل قال وعيونه على عهد قال بجفاف وهو يخفي مافي داخله من رحمه لحال عهد:الحين وش الي يضمن لي انك بنت سالم اخونا

عهد بنفسها صج لي قالوا سكت دهرا ونطقا كفرا بكل هدوء فتحت شنطتها وطلعت شهاده ميلادها وعطتها له
مافتحت فمها بحرف كانت تطالع لهم وهي حاسه بالخوف بس متجلده بالقوه وماتبي تضعف قدامهم ابد
خاصة وان نظراتهم لها ماتبشر بخير

حصه كانت تغلي بداخلهامن شوفتها لعهد كانت نفس الملامح نفس العيون لا مستحيل اذا بتعيش عندنا بنقهر كل ماشفتها لان هي وامها السبب في ضياع اخوي سالم

فواز برود بعد ماقرا الأوراق وتاكد من كون عهد بنت سالم: وش المطلوب منا
حست من كلامه بالتكبر والغرور قالت ام فارس بطفره من اسلوبهم الماصخ:المطلوب تاخذون بنتكم عندكم

وكملت بحنان:وترا ماني بعايفتها عشان اطلب منكم هالشي لا انا بس حبيت انفذ وصية ضحى الله يرحمها

حصه بقهر وبدون لاتحس: الله لا يرحمها الي ضيعت حياة اخوي ه

ماحست ألا وعهد منهده عليها وخانقتها بيدينها وتصرخ:جاااااب ياكلبه

كانت تصيح من تكون عشان تسب امها الي بعد مانشفت تربتها
ما حست ألا بالي جرها من شيلتها بقوه وحذفها بالأرض

طالعت كان عمها الي قال:احترمي نفسك يازفته شكلك مانتي بسهله طالعه على امك

عهد بنظرات كره وقهر اوقفت بمساعدة ام فارس الي راحت لها اول مادزها عمها كانت بتحميها لاتعور

حصه بغضب:اوريك فيها ان ماربيتها ماكون حصه ولا من تكون تمد يدها علي بنت ابليس لابارك الله فيها

عهد بصراخ :ماسمح لك يا
سكتها طراق من حصه وكانت بتعطيها الثاني بس ام فارس دزتها وقالت بغضب:لا لي هنا وبس شكلكم ماتبونها فأفضل لها تجلس عندي وكثر الله خيركم

وسحبت عهد بتطلعها بس
وقفها فواز بغضب: لا والله ومن قال لك بنتركها تهيت عندك هذي عرضنا وبنقعدها عندنا لين ماتذلف بنصيبها

كمل بسخريه:هذا اذا جا لها نصيب اصلا

ألتفت لحصه قال:مشينا يام سند واشر لعهد قال بقهر:امشي انتي الثانيه قدامي دام امك وصت بهالشي فلازم نوفي بوصيتها

عهد بقهروغضب:مابي اروح معاك بجلس عن خالتي ام فارس
وحضنت ام فارس
فواز بغضب:اقول امشي لا ارتكب فيك جريمه في هالمحكمه

وطلع وقال للقاضي انهم تفاهموا على كل شي وفرح له القاضي الي مادرا بالخافي كونه طلع وترك لهم المكان

طلعوا كانت بتهرب وتروح مع ام فارس بس فواز جرهامن يدها مثل الرهينه وبعيون غرقانه دموع وركبها سيارته غصب وحرك بسرعه جنونيه وام فارس اركبت مع ولدها وهي تصيح حزن على عهد
قالت لفارس عن الي صار وعصب وجن جنونه بس ماكان بيده شي يسويه

في قصر حصه
من دخلوا وحصه على طول سحبت عهد ودخلتها بغرفه وسكرت عليها
بدون رحمه ولا رأفه فيها كونها يتيمه ومكسورة جناح

عهد الي جلست تصيح بدال دموع دم
حضنت ركبها وهي جالسه وصاحت على حالها السيء الي حطها عند أهل ابو جذي

قالت بقهروشهاق:اي وانا قول ابوي ليش ظالم اثاري الظلم عندهم وراثه
بس هين ان ماجننتكم ماكون عهد واذا فيهم خير يتحملوني
بس في نفسها عارفه انها ماتقدر تسوي شي ابد وعشان جذي
ردت صاحت وهي تقول:ليش ليش يالغاليه وصيتي على عيشتي معهم ليش كان تركتيني ادبر نفسي افضل من عيشتي عند هالوحوش

عند حصه

بعد مارمت عهد بغرفه وسكرة عليها راحت عند فواز

كانوا يتناقشون موضوع سكنها وين والكل رافض عيشتها عنده

فواز بقهر:حصه انا مرتبط بشغلي ودايم برا البلاد فما اقدر اسكنها عندي
لكن انتي لاشغل ولامشغله فعيشتها معك افضل

حصه بعصبيه:بس انا عندي شباب وماقدر اسكن عندي بنت

تحاول تبرر لها اي عذر
كانت خايفه لي دروا صديقاتها صاحبات المقام العالي مثلهاعن بنت اخوها وش ممكن تكون ردت فعلهم وهي ماقالت لهم عن هالاخو اساسا

فوازبقهر:حصه شهالخرابيط واي شباب الي تقصدين قصدج شياب وبعدين لاتحاتين حمد خاطب ولاهو ملتفت لها خير شر وسند ميئوس منه بالمره انه يلتفت لحرمه عقب سعاد

حصه بقهر:بس ألسانها طويل وانا ماتحمل بسرعه اعصب

فواز بتنهد عقب حس ان حصه ارضخت شوي:عصبي وكوفنيها بعد بس انها ماترفع السانها عليك بنت سويلم

حصه رضت غصبا عليها بس توعدت انها لتربيها من جد وجديد

بعد فتره دخل عليهم سند كان جاي من شغله
سلم وجلس
شاف الوضع متوتر بينهم فماحب يسأل او يستفسر ابد بس كان حاس ان السبب عن اهل خاله سالم مافكر يسال عن القضيه خير شر والتزم بالصمت

عند ام فارس
حاسه بالذنب اتجاه عهد ودها تاخذها تسكن عندها لو بالغصب بس انها ماتعذب عند ناس يكرهونها

انتبهت لسحر الي قالت بغضب من كل الي سمعته عن عهد ومعاملة أهل ابوها لها:يمه حنا لازم نتصرف عهد لايمكن تتم عايشه عند هالظلام

ام فاسر بيأس:وش ممكن نسوي عشان ترد تعيش عندنا

سحرباندفاع:اي شي

الساعه حدعش بالليل

عند عهد

شافت الخدامه تشيل صينية الأكل الي ماطبت يدها فيه خير شر
تنهدت بقهر اوف لمتى بتم جذي حابسيني كأني مجرمه لا وماخذين تيلفوني بعد مايبوني اتصل باي احد يجي يفكني من شرهم

وقفت وراحت صوب الباب بتطلع

قبل لاتوصل له انصدمت من عمتها الي فتحته بقوه لدرجة ان عهد رجعت من الخرعه

حصه بغضب كونها ماكلت ولان مايمشي عندها دلع البنات قالت:شوفي حبيبتي سوا أكلتي او ماأكلتي هالشي مايهمني ابد ولاتفكرين اني بجي اترجاج عشان تاكلين
ان شالله عمرج ماكلتي بس الي ابيه منج تتركي حركات الدلع عنج وتعرفين انتي وين عايشه فاهمه الي اقوله

عهد تمت اتخزها بدون لاتنطق ولا حرف وكأنها عارفه ان هالنظرات تقهر عمتها حيل

حصه فسرت نظراتها على عدم الرضا قالت بغضب:شكله مو عاجبج كلامي يابنت سويلم

عهد صدت عنها وقالت برودوسخريه بنفس الوقت: اتوقع اسويلم الي تقولينه اخوج ولا انا غلطانه

حصه قهرها اسلوبها ماحست ألا وهي جاره يدها ولافتها صوبها بقوه وقالت بغضب دامي: لا مو اخوي سالم اخوي مات من قبل لايعرف امج وابوها

عهدحست بخوف عمرها ماشافت مثله بس كانت تكابر
وحصه من زود غضبها دزتها بقوه بس الله ستر وعهد تمسكت بالكنبه لاتطيح

حصه كانت متأثره حيل بسالم اخوها كانت حسبت ام له بس الي صار له ابعده عنها كل البعد وخلاه ينسى حبها وتعلقها فيه
وعشان جذي اكرهت ام عهد وابوها الانهم هم الي ابعدوه عنها

عهد عدلت وضعها ووقفت وهي للحين بصدمتها من هجوم عمتها

حصه بعد فتره اقدرت تمسك اعصابهاالي على وشك الانفلات ولو استمرت لقتلت عهد بعد قالت: اذا بتعيشين عندي غصبا عليج تنفذين الي اطلبه منج
وطلعت بسرعه وسكرت الباب بقوه وعهد اجلست على الكنبه مخترعه

بتموت بتنفجر ماحد حاس بالي هي تحس فيه شوفتها لعهد رجعت لها ذكرى تمرد سالم وطلعته من البيت كان بنفس العمر حست بهالشي ان الله ابعد سالم بهالعمر ورجع لهم بنته بنفس العمر

nice flower

07 - 07 - 2009, 02:56 PM

وااااو
البدايه مررررره خوقاقيه
ننتظرك ياحلوه

طموحي عالي

08 - 07 - 2009, 04:42 AM

اهلا بك ياعزيزتي في رحاب منقولتي
تفضلي هذا البارت لعيونك
البارت الرابع
عند حصه
طلعت منها وبعدها بغضبها راحت للمجلس شافت سند وحمد
جالسين جت وجلست قالت بنرفزه :ماتعلموني خالكم وينه فيه يجي يشوف لي حل مع هالبلوه

سند ماكلف على عمره ولا رد وحمد قال بأحترام: راح لبيته بيريح وراه سفر باجر من بدري

حصه بقهر هين يافواز يعني ناوي تبلاني بنت اخوك وتهج قامت وراحت عنهم

حمد بهمس:شكل الوالده مقفله بالمره بسبة بنت خالنا

سند طالع فيه بنظره وقال:بنت خالنا كمل بقرف:عشتوا بنت سويلم على قولة امك يطلع لها ألسان

حمد بنرفزه من كلام اخوه مهما كان سالم خاله وبيظل خاله واخو امه:والله اذا انت وامك رافضين ان سالم من العايله فالحقيقه تثبتها ومافيه مفر ابدا
وقام وتركه وسند رد يتسند على الكنب بهدوء وبرود واندمج بالتلفزيون بدون احساس عكس حمد الي حاز بخاطره من بنت خاله من درا بموت امهاوهي كاسره خاطره بقوه مهما كان بتظل بنتهم ومالها احد غيرهم

حمد طلع بيروح لغرفته مر من عند غرفة الضيوف وشده صوت شهاق عهد الي تفجرت صياح بعد ماتركتها حصه
حز بخاطره وكره عمره لانه عاجز عن التصرف قدام امه
صعد وهو يحاول يبعد صوت اشهاقها عن مسامعه
طلع بيروح لجناحه ركض بس وقفه صوت امه

عند عهد

بعد نوبة بكا طالت لفتره حست بالدوخه وعوار ببطنها من شدة الجوع
صار لها فتره ماتاكل شي وهالشي اثر عليها حيل وجهها شاحب وحيل ضعفانه

وقفت بتروح تشرب لها ماي او اي شي يبلل ريقها ويسد جوعها
حطت على كتفها ملفع في حالة وجود احد غريب هي اصلا ماتدري اذا عمتها عندها عيال او لا
بس احتياط

كانت الساعه ثنتين بالليل
طلعت تمشي بشويش لحد يشوفها ارعبها كبر البيت وحجمه الضخم كانت الغرفه الوحده فيه بكبر بيتهم كله

حاست بالدور التحتي تدور المطبخ

بعد جهد جهيد حصلته وكان مطبخ تحضيري فقط ودخلت

ادخلت بهدوء سحرها جمال المطبخ بس استغربت صغر حجمه على جحم البيت
قالت بسخريه :شكل العمه ماهي من اهل المطابخ بعدها

عهد شربت لها ماي وأكلت لها من صحن الفاكهه الموجود بس عشان يسد جوعها
بعد ماخلصت اطلعت تسحب وترجع لمكان ماكانت

اما عند سند
الي قطع عليه اندماجه بالأخبار صوت المشي
ألتفت توقع انه حمد رجع بس شافها انصدم بجمالها وانوثتها الطاغيه بس ماعبر هالشي
وظل مراقب لها مو حبا او انبهار بجمالها لا خاف انها تكون ناويه تهرب او اي شي
شافها راحت للممر صوب المطبخ ورتاح ورد بيتابع اخباره بس ماقدر
لان طلعت عهد وشوفته لها وشوشت عقله تمنى تمت تحوس ولا لقت المطبخ عشان يمتع عينه بشوفتها بس انكر هالامنيه بسرعه وكأنه مراقب من قبل ضميره الي عايش على ذكرى المرحومه
قام وطفى الجهاز وراح بينام افضل له

عند حمد بغرفته
حصه كانت تقوله عن قرارها بأنها بتحدد عرسه بالصيف يعني بعد ثلاث اشهر بس
حمد بتوتر:يمه اخاف سهام تعترض على هالشي
امه باهتمام:لا ان شالله ماهي معترضه وانا راح اكلم امها واقولها وان شالله بتوافق بس انت وافق وابدأ بتجهيزات جناحك من الحين
حمد بفرحه ماتوصف:ان شالله وقام وباس راس امه وحصه حست بسعاده كانت تبي تزوج حمد بسرعه لانها خايفه من جلسة بنت اخوها عندهم ان حمد تبدل مشاعره ويغير رايه بسهام ويلتفت لعهد كونها احلى من سهام واي رجال بيغريه جمالها الأسطوري

بعد اسبوع
الاحداث
عهد عايشه بجحيم عند عمتها حصه كل يوم تطربها بصراخ ومرات توصل فيها الجراءه وتضربها
بدون رحمه وعطف كونها بنت اخوها ويتيمه ومالها حد كان كل خوف عمتها ان احد يشوفها حتى شهد بنتها امنعتها من شوفتها
وكانت عازلتها عن اعيالها وبناتها الي عهد ماتعرف كم بنت وكم ولد بس تسمع اصواتهم وضحكهم كل شي يوصل لعندها من اكل ومشرب حتى الملابس جابت لها عمتها انواع الملابس من ثاني يوم عشان مايكون لعهد عذر انها تكلم ام فارس وتاخذ اغراضها
بس عهد مصره تجيب اغراضها لان في اشياء ماتقدر تتركهم وبتشوف لها وسيله توصل فيها لسحر

وكان قاهرها عمها فواز الي من استلمها حذفها عند حصه عمتها وطار ماتدري وين اراضيه وسألت حصه كذا مره انها ماتبي تقعد عندها بتروح عند عمها وانها لازم ترجع لدوامها او بيفصلونها بس عمتها حصه طنشتها ولا ردت عليها ابد وكأن شغل عهد مومهم بالنسبه لها هي ماتعرف وش وظيفتها ولو اعرفت اكيد بتذبحها لان هالشغله ماتليق بمستواها الاجتماعي كونها بنت اخو حصه بس عهد مصره ماترضخ لها ولرغباتها وبترجع تشتغل وتصرف على عمرها ماتبي منهم شي
وعشان كذا قررت تطلع من هالبيت دون رجعه

عند فواز
كان طالع مع زوجته وعياله لحديقه عشان يونس اعياله عقب ضغط الأمتحانات
سرح اشوي يفكر بعهد وش ممكن صار لها عند حصه اخته كذا مره يكلم حصه وبس تدخل بسالفة عهد كان يستعجلها ويسكر كأنه مايبي يسمع اي شي عنها
بعد فتره بسرعه ابعد هالتفكير وراح يلاعب بنته بالديرفه
مايبي يشغل باله في شي مايسوى عنده شي

انتبه لندى الي ابتسمت له من بعيد وكأنها ابتسامة رضى لأهتمامه فيها وفي اعيالهم ترك بنته بعد ماتدفها ورد بيجلس مع ندى
ندى بحب بعد ماوصل لها:حبيبي ليش تركتها تقصد بنتهم
فواز وهو يجلس جنبها قال بحب:ابي اجلس معك ولا عندك اعتراض
ندى وهي تمسك يده وتضغط عليها بقوه:اعترض الله لا يقوله
تمو يسولفون بالغزل وايام حبهم الي بدت من اول زواجهم وتركوا اعيالهم يمرحون بالألعاب

إن طالت الفرقـا تـرى دمعتـي دم

بأبكي عليك ولـو ماأنتـه بـداري

وإن طالت الفرقا ترى عيشتـي سـم

بأصبر على سمي وبالجوع ضـاري

عند عهد
كانت جالسه بغرفتها او بسجنها مثل ماسمتها كانت تفكر اشلون توصل لتيلفون بدون محد يحس فيها فكرت انها بتنطر لين ماالكل ينام وتنفذ رغبتها اسمعت صوت طفله وهالصوت مرات تسمعه ودها تعرف من هالطفله
لانها حيل تحب الأطفال فودها تجلس معها عشان تنسيها مر الحياة وعذابها
راحت صوب الباب وافتحته بشويش وطلت براسها تشوف
ولا شافت طفله حلوه بكل معنى الكلمه وجالسه تلعب بعروستها كانت مندمجه وتغني لعروستها
حست عهد بحبها لهالبنت ماكانت تعرف هي من بنته او وش صلتها بعمتها لان مو معقوله بتكون بنت عمتها لان صغيره حيل
افتحت الباب كله واطلعت لها ووقفت عند راسها
وشهد اول ماحست فيها ارفعت راسها حست بخوف اول مره تشوفها
بس عهد لحقت على الموقف وقالت بحنان وهي تجلس قبالها:لا تخافي ياقلبي انا حابه العب معج عشان جذي جيت
شهد براحه بس بعده الخوف مسيطرها:بس انتي من ومن متى هنيه
عهد بتنهد وهي تستريح بجلستها:انا اسمي عهد وجيت من كم يوم بس ولا مره شفتيني
شهد ببراءه:ليش وين كنتي منخشه وكملت:امي العوده تدري انج هنيه
عهد بحنان:ماكنت منخشه كنت هنيه واشرت لغرفته الضيوف الي هي فيها وكملت بضيق:وامج تدري اني هنيه
مدت يدها لشهد وقالت بحب:اقدر ألعب معاج يا وكملت ببتسامه:اي صج ماقلتي لي شنو اسمج ومن بنته
شهد بحب قالت لها عن كل المعلومات الي تخصها وتموا يلعبون مع بعض بكل سعاده وفرح من قبل الطرفين

أعاهدك باللى خلقنى وسواك

وبعاهدك قلب أذا غبت صانـك

والله ما أرخصك ولا افكر انساك

ومفقود قلبى كأنه بيوم هانك

لا ضاق صدرك وأزعجك جور دنياك

بتلقانى اوفى من عرفت بزمانـك

عند سحر
دخلت على امها وهي ثايره وغاضبه كل الغضب على الي يصير لعهد من جهة اهل ابوها حاولت تدق على عهد كذا مره بس كان جهازها مغلق من راحت لهم وهو مغلق وهالشي زاد من خوفهم عليها حتى الدوام ماداومت وتعبت وهي تعتذر لها عند المدير بالاول قدر ظروفها بس الحين ماعنده صبر

سحر بغضب:يمه ليمتى بنتم جذي ماندري عن البنت وش صار لها مع هالوحوش

ام فارس بقلة حيله:ماعندي شي اسويه

سحر بنفاذ صبر:انا لازم اسأل واعرف عنوان اهلها واروح ازورها وتطمن عليها ماقدر اتم جذي

وكملت بحزن:انتم ماتدرون عهد وشهي بالنسبه لي عهد اختي الي ماجابتيها يايمه

امها بتاييد:ادري ياعمري والله العالم ان عهد بنتي مثل ماانتي بنتي

التوقعات
*وش ينتظر عهد من احداث
*وشهد بتركونها مع عهد بعد ماتعلقوا بعض او بيمنعونها
*سحر و عهد هل بيلتقون فعلا او لا

nice flower

08 - 07 - 2009, 04:25 PM

البارت روووعه
يسلموو

طموحي عالي

11 - 07 - 2009, 04:37 AM

البارت الخامس
فــي خـــاطري هــم" ولا ودي
أبــــوح ...
أحــاول أســلى والحــزن عــاش فـــيني ...
إلــى متــى وأنــا مــن الوقــت
مجـــروح ...
أشـــوف حلـــمي يمــوت قـــدام
عيـــني ...
أنـــا بقـــايا إنســـان عنـــا
ومذبـــوح ...
أحمـــل مآســي هــم وسنيـــني فيــــني ...
تـجمــح بــي الآهـــات في صـــدري جمــــوح ...
وأنــا أنتـــظر طيــــف" تعـــدا
يجيــــني ...

_____
عند عهد
اخذها الوقت ولا حست فيه مع لعبها مع فجر الي تعلقت عهد فيها حيل وحبتها
حبت تاخذ من فجر معلومات عن اهل البيت
عهد بنفسها والله هالبنت تهبل بس انا مادري من بنته بالضبط قالت بحب:فجوره حبيبتي انتي من بنته من عيال عمتي حصه
كانت كارهه تناديها بعمه بس عشان فجر لازم تسايرها
فجر بعدم فهم قالت براءه:انا بنتهم كلهم حصه امي العوده وشهد امي الي جابتني وسند ابوي الي احبه حيل وحمد بعد احبه حتى ابوي خالد الي بيتنا اموت فيه
كملت بنفس الأسلوب:انتي وين امج وابوج
كأنج ضغطتي على الجرح وانتي ماتدرين هذا الي دار بفكر عهد
قالت بضيق وهي تخفي احزانها وتلهي نفسها بالمسح على عروسة فجر:امي وابوي عند الله فوق
فجر براءه:عند الله يعني مثل سعاد مرت ابوي سند هم هي فوق عند الله وكملت بضيق: ياحرام وسند يموت عليها حيل
فجر قامت تسولف لعهد عن الي تعرفه عن سند وعهد كانت ماهي يمها فكرها راح بعيد حيل يم الغاليه امها

غريبة الليالي خذت مني غالي ،.، تباعد وعيني رثت منه حالي
أنا ما نسيتك ولو بإيدي جيتكـ ،.، وطيفكـ ترى ما يفارق خيالي

اه يايمه وينج تجين تشوفين بنتج وش صار لها
من بعد موتج اه يايمه هذاني عند اهل ابوي الي وصيتيهم علي وكملت بسخريه وهي تمسح شعر عروسة فجر: وهذاهم مكفين وموفين بالوصيه

فجر براءه وهي تأشرعلى امها الي جايه تدورها:هذي هي ماما شهد

عهد لفت تشوفها بس صدمها طريقتها اشلون جايه مندفعه وبكل سرعه اسحبت فجر الي جالسه وجرتها معها وهي تقول بغضب:انا كم مره بقول لج لاتجلسين مع الأغراب

فجر براءه:ماما هذي اسمها عهد مو
قاطعتهابغضب: فجررر بسس

عهد الي الصدمه اخرستها عن الكلام والمنظر الي جتها فيه شهد ارعبها خاصة وان هذي اول لقاء لها فيها
ابلعت ريقها بتكرار ووقفت بعد ماشافت شهد تبتعد عنها وهي جاره فجر الي معارضه على تركها

عهد انا اذا بتم عايشه عند هالبشر بموت فخل اهرب لخالتي ام فارس ابرك لي من السجن هذا
واذا فيهم خير يرجعوني لهالبيت انا مو قاصر عشان يتحكمون فيني وعمي الي انا بولية مدري وين اراضيه
اوف سدت نفسي بعد ماحسيت بشوي راحه مع هالطفله فجوره ياحبي لها تسحر بدلعها وكلامها
راحت لغرفتها بعد ماتشائمت من تصرف شهد الفضيع

عند شهد
بعد مااختفت عن انظار عهد قالت لفجر بغضب: ليش قاعده معها وش كانت تقولج
فجربراءه وخوف:ماقالت لي شي بس تسأل عن اسمي وقالت لي اسمها بعد
شهد بنرفزه:مره ثانيه لااشوفج قاعده معها فاهمه
فجربصياح :ليش وش فيها ان جلست معها
شهد بتنهد وهي تحضنها :مافيها شي بس انا خايفه عليج منها
فجربشهاق وهي تمسح سيل الدموع:خلاص مراح اجلس عندها ابد
باست شهد خشمها الأحمر وقالت ببتسامه:عفيه على بنتي الشاطره الي تسمع كلام امها
على هالكلمه دخل سند وضيقه شكل فجر الي باين انها تبجي
وهذا يعتبر شي عظيم عند سند ان فجر تبجي راح لهم طيران قال بغضب لشهد:اشفيها فجر وليش تبجي

فجر كلام سند زاد عندها من عيار الصياح وشهد قالت بخوف من نظرات سند:مافيها شي بس دلع بنات وكملت وهي تخز فجر بعيونها:صح فجور
سند بقهر:فجر قولي لي وش فيك ولاتخافي
شهد بقهروغضب من ابتزاز سند لها قالت: سند اشفيك وبعدين شي خاص بيني وبين بنتي انت شكو لاتقوم تكبر الموضوع

سند طالعها بنظرات خوفتها وبعده شال فجر وطلع فيها وترك لها المكان بكبره

عند عهد
بعد الموقف الي صار لها مع شهد زاد حقدها واصرارها على الهروب هي حتى ماتدري هي من تكون بس توقعت انها ام فجر

اوقفت عند الدريشه تطل علي الحديقه وتمتع بمناظر المزارع الي ايقنت انهم مايستاهلونها ابد

ركزت على المنظر الي شدها بقوه وتمنت انها تذبح كل من في هالبيت

عهد بغضب:ماتسوى على هالمسكينه يوم قعدت معها الكل هاوشها شبح وجه
وسكرت البرده لان نفسها انسدت
اضربت بنفسها على الكنبه وهي حاسه بغصه ودها تصيح من هالعيشه الي عايشتها

Freesia

11 - 07 - 2009, 03:49 PM

البدايه مررره روووعه
ننتظرك ياقلبي

طموحي عالي

12 - 07 - 2009, 08:36 PM

البارت السادس
ليه احس اني وانا اشوفك حزين

وقلبي الليله بهمي متلي

كنها الفرقى طلبتك حاجتين

لا تعلمني ولا تكذب علي

_____

في الحديقه

بعد ماابعد فجر عن امها واختلى فيها بروحه يبيها تقوله عن مافي خاطرها بس للأسف طلع شي تافهه لما قالت له عن السبب

سند وهو مجلس فجر بحضنه ويمسح راسها قال بعد ماهدت فجر شوي: الحلوه ماودها بلعبه كبيره كان يتكلم وهو يأشر بيده

فجر الي نست زعلها تعلقت برقبته وقالت :ألا بابا وين اللعلبه قول

كان واعدها يشتري لها عروسه كبيره شافتها بالتلفزيون واصرت تبي مثلها فجابها لها على طول

سند بحب وهو يوقف وفجر مازال شايلها :امشي معاي اللعبه بغرفتي امس شريتها وكنت ناطرك تجين عشان اعطيك

راح فيها وهو حاس بسعاده ماتوصف لانه قدر يدخل الفرحه بقلب فجر وينسيها زعلها مع امها

الساعه تسع في بيت حصه
كانت قاعده تعشا هي وعيالها
حصه قالت بأهتمام :حمد شصار على المقاول كلمته عشان يبدأ بتجهيز جناحك
حمد بسعاده:اي كلمته وعدني يبدأ من باجر ان شالله
حصه بنفسها الله يتمم لك ياوليدي والتفت لسند الي ملتهي يسولف مع فجر وكملت وعقبال اخوك الي شاب ولافكر يتزوج ويجيب له ولد يحمل اسمه
شهد الي ماخذه على خاطرها من سند بسبب هواشه لها قالت وهي تقوم:ياللاه يافجور بروح بيتنا
امهابرجا:ليش ماتنامين من زمان مانمتي وب
شهد قاطعتها بأسف:اعذريني يالغاليه ماقدر واسحبت يد فجر وطلعت وهي تطالع لسند بنظرات عتب
سند عرف انها زعلانه ولاحب يجادلها خاصة قدام امه وقال بنفسه مصيرها ترضى ماله داعي تكبر السالفه
استأذن وطلع هو الثاني بيروح لربعه يسهر معهم

الساعه حدعش

عند عهد بعد ماتعشت طبعا بروحها كأنها منبوذه قامت عشان تستغل الفرصه وتكلم سحر على الثابت لان نقالها اخذوه

تسحبت بشويش هي متأكده ان هالوقت مايكون في احد خاصة وان عمتها من بعد التسع ماتطلع من غرفتها والباقي ماعمرها شافتهم ابد وفجر من جت لهالبيت بعمرها ماشافتها نايمه هنيه كانوا يروحون مبجر

ارفعت السماعه ودقت رقم سحر بيديها الي ترجف من الخوف والربكه

عند سحر

انتظر موعد عيونك

مشتهي معك الكلام

منتهي قلبي بدوونك

عيشتي بعدك ظلام

في بيتها
كانت مسويه لزوجها خالد لليله رومانسيه كانت مجهزه المكان بالكامل من شموع وبالون
حتى عيالها منومتهم من وقت عشان تتفضى له

خالد الي ذايب من سحر ومفاجأتها له حتى وهم صارلهم سبع سنين متزوجين كل يوم تثبت له انه مستحيل يستغنى عنها لو بعد مية سنه هو لما تزوجها عمره خمس وعشرين وهي سبع تعش سنه فكانت صغيره ومع ذلك متفتحه ومتثقفه وماتنقص بواجباتها سوا كانت زوجه او ام او ممرضه

خالد بحب وهو يحضن سحر الي جالسه جنبه على الكنب:شرايج انكمل سهرتنا داخل اخاف ان هالخدم حاطين علينا اجهزة تجسس

سحر ببتسامه:ليش وش بيستفيدون واحد وزوجته هم شكو

خالد بهيام وهو يبوس يدها الي تمسح على وجهه:مادري بس يمكن يبون يتعلمون فن الغزل عندنا ياهل الخليج

سحر ماتت ضحك وقالت: لا عاد كلش ألا غزل اهل الخليج بديع و

ماكملت كلمتها لان خالد شالها وراح فيها للغرفه

بعد فتره بسيطه
ازعجها صوت تيلفونها الي مو راضي يوقف خاصة وان خالد ازعجه بعد وبان انه عصب

خالد بقهر: روحي شوفي من الي داق عليج ازعجني بصوته

سحر بخجل :ان شالله وقامت اخذت تيلفونها سبت نفسها الي ماحطت جهازها سايلنت

شافت الرقم وكان رقم غريب زاد قهرها وتمنت لو تلعن خير الي داق اخذت جهازها وطلعت ترد برا الغرفه

ردت بغضب:الو
كانت محضره للي داق كل انواع الشتايم والسب

عهد ارعبها ردها وحست بالعبره تخنقها وايقنت انها تصرفت خطأ هي من تكون عشان تدق على سحر وتطلب منها المساعده هي حي الله زميله لا اكثر ولا أقل زاد اشهاقها وماقدرت تكلم او تنطق اي حرف كل الي سوته سدت الخط بسرعه وهي تشهق بالصياح وتركض لغرفتها

ظلمني الوقت يا امي وانا دايم قوي ايمان

وطحت من دون لا اسمي ومات بداخلي انسان

كان داخل هالوقت وشاف المنظر وهي ماانتبهت له من الصياح بس هو تفاجأ بشكلها بجمالها بشعرها الي يجذب ويفتن حس بضربات بقلبه وانه على وشك الجنون من شافها

منو الي شاف عهد؟
عهد هل بترد تتصل بسحر ولا بتتم عايشه بذل عند عمتها؟

nice flower

13 - 07 - 2009, 02:42 PM

بارت رووعه
مشكوره طموحي عالي

كلي حب

14 - 07 - 2009, 02:03 AM

دائما رائعة في اختيارك للقصص التي تنقلينها اتمنى لك التوفيق ولنا الاستمتاع معك يا طموحه وعندي لك اقتراح هناك قصه رائعه عن مجموعة توائم في منتدى آخر هل يضايقك ان تنقليها لنا لاني احب اقرا اكثر شي في هذا المنتدى

طموحي عالي

14 - 07 - 2009, 02:45 AM

مشكورة عزيزتي على الاطراء
بالنسبة للقصة التي ذكرتي لااعرفها
اتمنى أن تنقليها لنا
ومرحبا بك غاليتي في رحاب منقولاتي
تستاهلين انتي ومتابعاتي هذا البارت لعيونكن
البارت السابع

سحر بقهر:سد الله باب رزقك صج ناس فاضيه وماتعرف لذوق

اغلقت تيلفونها وحذفته بالصاله وراحت لزوجها

خالد الي طفش من دقت تيلفون سحر وبهالوقت بالذات شافها داخله قال وهو يخفي غضبه :من الي داق

سحر ببتسامه دوخت خالد ونسته كل العصبيه قالت وهي تطفي الليت:واحد شكله غلطان لانه سد الخط بسرعه
وراحت له

دخل جناحه وهو في حالة سرحان ودوخه عقب الي شافها
حس انها اسحبت قلبه معاها وهي تركض

تنهد :معقوله هذي عهد
اكيد هي لان من فيه غيرها وبعدين انا بعمري ماشفتها لان من جت وامي حابستها وعازلتها عنا كلنا حتى عن شهد اختي

قام بيطل على غرفته عقب جهزوها العمال شافها ابتسم
برضى:ماشالله والله ان الوالده ذوق

كانت امه الي تروح معه لما بيشتري أثاث لان هو مو خبره بهالأمور

راح صوب شناطه الي نقلهم بس بعده مارتبهم فتح وحده منهم واخذ فوطته وراح بيتحمم
قبل ينام

أفآ يآجرح لآتبكي ترى كل الجروح تطيـب

ترى كل البشر يخطـون ونتحمـل خطآيآهـمـ

بكينآ واندفن فينآ حزن أصدق مـن التكذيـب

بكينـآ بكـل مآفينـآ وفيـنـآ والـعـذر منـهـمـ !!!

لقينآ نآس فيهمـ قلـب ونـآس فنونهـآ التعذيـب

ولـكـن مآنـقـول:الآهـ ولآنتـعـب مسآمعـهـمـ

وسآفرنـآ فـرآق الهـمـ لقينـآ الهـمـ فينـآعـيـب

ووآصلـنـآ مسيرتـنـآ وكـــل قلـوبـنـآ مـعـهـمـ

نخبي أجمـل الآهـآت ولآنرتـب لهـآ ترتيـب

وتآخذنـآ سنيـن العـمـر ونتحـمـل خطآيـآهـمـ

كذآ يآجرح هالدنيآ سهولتهـآ مـن التصعيـب

حلآوتهـآ فـي قسآوتهـآ ولكـن عيـب نعلمهـمـ

تآنبنـآ ضمآيرنـآ ولآ نلقـى ســوى التأنـيـب

مصيري آو مصيراللي بيخطي لو يجآملهمـ

صحيح قلوبنـآ تعبـت ولكـن أجمـل التعذيـب

عذآب أغلى البشر لآصرت تتعذب لرآحتهمـ

عند عهد

تمت تصيح بعد ماحست أن الأبواب تسكرت بوجهها وأن مصيرها محتوم في هالعالم

عدلت نفسها وقالت بشهاق وهي تمسح دموعها:لاياعهد لاتستسلمين سوي اي شي

اوقفت وكملت بأصرار:ومن هالحضه بعد

راحت وغسلت وجهها وطلعت مندفعه بكل سرعتهابعد ماقررت تواجهه عمتها

في انها تبي تسكن عند عمها

صعدت فوق وهي موعارفه اي صوب غرفة عمتها اصلا
لانها ماتعدت غرفتها ابد وقررت تطق اول باب لعله يطلع هو باب عمتها

اخذت فتره تطق بس محد رد كانت بتروح تطق لها باب ثاني بس فجأه انفتح الباب وحست كأن انكب عليها ماي بارد عقب الي شافته

حمد الي كان توه طالع من الحمام وبالفوطه سمع طق الباب اخذ سروال بجامته بسرعه ولبسه كان متوقع انه امه او سند

جايين يشوفون تجهيزاته لجناحه بس اول مافتح صابه كهرباء وحس بلخبطه في مشاعره هالبنت لخبطت اموره كلها وهو ماصارله ساعه من شافها بس

حس بحرج من شكله وهي بعد كانت محرجه اكثر منه قال بهدوء وهو يخفي توتره:خير اختي بغيتي شي

عهد ياويلي وش هالأحراج ومن هذا ياقردي وش بيقول عني الي داقه عليه بهالوقت

يوووووه

حطت يدها على راسها ماكانت مغطيته

حمد بتنهد:يابنت تكلمي وش تبين

عهد بخوف:ع مت ي
وين

حمد الي فهم الموضوع ولو ان سكوتها شككه في الموضوع شوي اشر لها على غرفة امه ودخل وسكر الباب مايبي يحرجها اكثر من كذا
ولا يبي امه تعرف بوقفة معها خاصة بهالوقت وبهالشكل

عهد الي اربكها هالشخص بنظراته وبوسامة خاصة وهو طالع بعد حمام وتفوح منه ريحة الشامبو

راحت للغرفه الي اشر لها عليها وطقت الباب بعد ماهدت شوي من توترها

انتظر موعد عيونك

مشتهي معك الكلام

منتهي قلبي بدوونك

عيشتي بعدك ظلام

عند حمد

يالله وش جاك ياحمد تعوذ من الشيطان وواذبح مشاعرك الي حركتها هالبنت ولاتنسى سهام زوجتك الي كلها شهر وتجي تعيش عندك
ضرب بنفسه على السرير وهو يسرح بشكلها بعيونها الي ذابله من الصياح وخشمها الأحمر على صغر حجمه
وشفايفها يوووه شفايفها قصه ثانيه ولا شفايف هيفاء اه
وش الي قردني وخلاني احب هالبنت بعد ماارتبطت بغيرها
ياليتني شايفك قبل لااخطب سهام والله ماتركتك ياعهد

قعد يهوجس ويحاول ينام بس النوم بعيد عنه هالليله

عند حصه
وقفت مصدومه وش جابها وش عندها جايه هالوقت قالت بنرفزه:خير وش عندج

عهد بربكه: ابي اتكلم معك بموضوع وابيج تسمعيني

حصه بغرور: وش هالموضوع عهد: عمي فواز وينه انا ابي اروح اسكن عنده

حصه بقهر:عمت عينك ان شالله ومالك طلعه من هالبيت ألا على قبرج

عهد بغضب:احترمي نفسج وقولي لي وين هالفواز هو المسؤل عني ماهو انتي
مدري رداة الحظ ولا المقاسيم

بس الاكيد ان طعون قلبي عظيمه

بعد الجمله الي قالتهاماحست ألابطراق حار على خدها
حصه وهي تدزها وبتسكر الباب بوجههاقالت:كم مره بقول لج لاترفعين صوتج علي يابنت سويلم

عهد صدت وراحت قبل لاتسكر الباب كانت حاطه يدها على خدها الي ولع جمر
مرت من باب غرفة الشخص الي صادفته مشت بسرعه قبل يطلع ويحس فيها

بعد يومين

عند فواز

سكر من حصه وهو منقهر منها كل مره تشتكي له من هالبلوه عهد

قال بغضب:مادري متى بفتك منها ومن شرها

رفع شنطتة وحط كل اوراقه المهمه وطلع بعد ماقفل مكتبه وطلع بيروح لبيته

عند ندى

جهزت غدا فواز لانه على وصول
راحت لبست لها ثوب فوشي قصير وعلاق ودلعة الصدر واسعه حيل
وهي تحط صينية الدجاج اسمعت تسكيرة الباب اعرفت انه فواز راحت له ركض تستقبله مثل مايحب
اول ماشافته ألقى السلام عليها
ندى ردت عليه بهمس ومشت صوبه وهي تلفت عشان تأكد ان عيالها موفي وانهم بغرفهم بعد ماتأكدت راحت احضنته وباسته
فواز الي استقبلها بحب قال بعد مابعدت عنه: أحبج موت
ندى بهمس:انا اكثر امسكت يده وسحبته معها وكملت ببتسامه:تعال شوف وش انا طابخه لك مسويه لك أكلتك المفضله
فواز بخبث:انتي أكلتي المفضله
ندى بخجل:ألحق ترا الغدأ بيبرد
اسرعي يا نفس موتي واهلكي

صرتي همي بالدنيا يوم شقيت

عند عهد

من اخر موقف ماطلعت ولا تلاقت بحصه ابد حتى الأكل ترفض تاكل وتمت مقفله عليها يومين بس عايشه على الماي

عزمت امرها وقررت تهرب بأخر الليل حتى لو هالشي غلط فيه ضرر لسمعتها بس دام محد معبرها ابد

بتسوي الي براسها

ألبست عباتها وحجابها وطلعت بشويش عشان محد يحس فيهأ من الخدم كانت الساعه 12 بالليل

افتحت البوابه وطلعت قبل لايحس فيها احد

وقفت لها تاكسي واركبت بعد ماعطته عنوان بيت ام فارس بتجلس عندها لين ماتدبر لها سكن
جا الساعه وحده بعد ماخلص سهرته
شاف الباب حق الفيلا فاتح وستغرب هالشي نادى السايق الي غاط بنومه وهاوشه
راجو:والله بابا انا سكر باب بس مايشوف منو يفتح

سند بغضب:من اهمالك بس اياني اشوف هالشي متكرر وقفل الباب مره ثانيه فاهم ومشى وخلاه

دخل وصعد لجناحه بس قبل يدخل قرر يروح يدردش مع حمد شوي ويشوف اخباره هو حاس ان حمد فيه شي هاليومين بس يسرح
معقوله يحاتي العرس او انه مضغوط من الشغل

طق الباب ودخل بعد ماحصل الأذن من حمد

حمد ببتسامه وهو يعدل جلسته كان منسدح على الكنب يقرأ شعر
من شاف عهد وهو متعلق بالشعر وكلام الشعراء عن الحب والغزل

سند بثقل:سلام عليكم
حمد ببتسامه:وعليكم السلام حياك بو فهد تفضل

سند دخل وجلس قال بنفس الركاده والهدوء:زاد فضلك ياخوي

ألتفت وطالع بجمال الجناح وفخامة أثاثه قال ببتسامه:الله يهنيك ياحمد انت وسهام

حمد الي ماحس بسعاده من دعوة سند مع انه قبل كان يطير من الفرحه بس يجي طاري سهام

رد برود:الله يجزاك خير ياخوي
وده يقول عقبالك بس خاف يضيق خاطر سند ويترك المكان

لو كان الحب بالقوه ماكان الغريق تعذب فيه *** الحب احساس من جوه حتى المحبين رسبوا فيه

سند الي قرأ هالكلام في عيون اخوه بس ماوضح قال بحب وهو يقوم بيطلع: يالله تصبح على خير

حمد برجا:ليش توالناس تعال اسهر معي شوي
سند بأصرار:لا ياخوك كافي لي هالوقت وراي دوام من تسع لازم اروح انام

حمد رضخ لرغبة وتركه يروح ورد هو لكتابه وقعد يقرأ
قول شاعر في وصف حبيبة وجمالها وتخيل لو انه هو وعهد
هي حبيبة الي وصفها بشعره
عند عهد

وصلت لبيت ام فارس ووقفت عند الباب

لفت لايرادي لباب بيتهم الي قبل امتلت عيونها دموع وهي تشوف ان البيت اسكنوه ناس بدالهم وان ذكرا هالبيت انطوت وبخرها الزمن

تمت تأمله وبعد ماحست انها طولت طقت باب ام فارس وهي تحاول تمسك اعصابها المتضاربه

خوف ورهبه وضياع
عند فارس

كان بداره يكلم هدى خطيبة ويتبادلون الغزل

فارس بحب :تدرين ياقلبي وش اتمنى هالوقت
هدى بخجل:شنو
فارس بتمني:اتمنى ان الثلاث شهور تخلص واشوفج عندي وجنبي بهالسرير
كان منسدح بسريره هدى الي غاصت خجل وحمر وجهها قالت بحيا:فارس سوري مضطره اسكر لاني تاخرت وباجر عندي دوام
فارس قدر خجلها وقال بضحكه:أشرايك تطنشين دوام باجر كان وده يعزمها على غدا
هدى بأصرار:لا ماقدر امتحاناتي قربت ومابي يكثر غيابي
قطع عليه صوت الجرس قال بأهتمام وهو يوقف ويطل مع شباكه ويشوف من: أجل يالله تصبحين على خير وكمل بضحكه :وشدي حيلج نبي نسبه ترفع الراس

هدى بفخر:ناسي انك تكلم هدى دافورة العايله
فارس:لا مانسيت

هدى بجراءه:يالله ياقلبي قود نايت
فارس بذوبان: وانتي من اهله وسكروراح يشوف من الي جايهم هالحزه
لان ماقدر يركز كون معه ضعف نظر ولان الظلام مايساعد

اول مانزل شاف امه سابقته وفاتحه الباب وشافها حاضنه لها وحده
ويصيحون كل طاري طرا باله كل وسواس جا في باله بعد
خاف لا تكون سحر وان حاصل لها مكروه

فارس بخوف:يمه شصاير
عهد الي استحت وبعدت عن ام فارس وقعدت تمسح دموعها

ام فارس بشهاق:مافيه شي ياعمري بس هذي عهد جايه لنا

فارس بتعجب:عهد

كمل:عسى ماشر وش فيها

ام فارس بضيق وهي ترد تحضن عهد: مابعد سألتها بس اعيونها تدل على الحزن

كملت بحزن:تعالي يمه تعالي ارتاحي وادخلت هي وعهد

عهد راحت معها كانت موقادره تنطق من الصياح وفوق هذا خجل من وجود فارس
(( هيهات لو تدري عن القلب هيهات قلبي جريح وضحكتي مستعاره))

اليوم الثاني
الساعه عشر صحت على صوت ام فارس الحنون ولمساتها الحانيه على شعرها عهد ببتسامه: صباح الخير

ام فارس بحب:ياصباح النور والسرور كملت وهي تمسح على شعر عهد:قومي يمه قومي تفطري جهزت لج ذاك الفطور الي يحبه قلبج

عهد بحب:ان شالله بس عطيني دقايق عشان اتسبح وابدل واجي

ام فارس ببتسامه :بس عجلي قبل تجي سحر لان مااظمنها حتى لو داهمتج وانتي بالحمام من كثر ماهي مشتاقه لج

عهد تذكرت اتصالها بسحر اخر مره وحست بضيق بس قطع عليها كلام ام فارس: تخيلي اول ماقلت لها بجيتج لنا سدت الخط وبدون استاذان وقالت انا جايه جايه

ضحكت مع ام فارس مجامله وهي بداخلها شايله على سحر ليش نفرتها بأسلوبها ذاك اليوم

طلعت ام فارس وعهد ادخلت الحمام تروش

نزلت ملابسها ووقفت تحت الماي البارد وهي ودها انه يطفي النار الي بجوفها من عمتها

هي ماخبت شي عن ام فارس علمتها بكل الي سوته معها عمتها وعلمتها بسفر عمها وتركها عند عمتها مع انه هو ولي امرها والمسوؤل عنهابس

عند حصه
مرت من عند غرفة عهد شافت الخدامه راجعه بصينية الفطور لان عهد مافتحت
لها راحت وهي ناويه تهزئها وتزفها بس بداخلها تبي تطمن عليها وتشوف وجهها وجهه سالم حبيبها

طقت الباب محد رد وقررت تفتحه بالمفتاح الخارجي افتحته ودخلت

شافت الغرفه فاضيه توقعتها بالحمام وراحت له بس ماسمعت اي صوت يدل على وجودها وافتحته وصدمها انه بعد فاضي

طلعت بسرعه مثل المجنونه وهي تصرخ على الخدم

في بيت ام فارس

كانت مندمجه مع سحر وسوالفها وحاولت تنسى الي صار واعذرتها لانها ماعرفت الرقم فماحبت تفتح معها عن هالموضوع ابد

سحر بقهر من الأحداث الي صارت لعهد بيت عمتها:اه يالقهر صج انها ماتخاف ربها بنت أبليس

ام فارس عطتها نظره سحر بأسف :سوري عهد ماقصدت بس الي سمعته خلاني اعصب غصب

عهد بتنهد:لا عادي وكملت بحزن وهي تذكر عذاب عمتها لها وزفها لها بكل وقت:انا ماتشرف ان وحده مثل حصه تكون عمتي كنت ألوم ابوي يوم تركهم بس طلع ماله حيله اهله صعب انه ينعاش عندهم

سحر بدون قصد:الله يرحمه عاد من زين الي عاش عنده كان راعي حبوب وخ
امهابغضب:سحر
سحر بخجل:اسفه مدري اشفيني ألساني مايسكت
امها بنرفزه: قومي شوفي الغدا اذا خلص خل الخدم يحطونه لان جعنا
كانت بتصرفها باي شكل لان كلمتها اجرحت عهد حيل وجمعت الدموع بعينها

ام فارس وهي تضغط على يد عهد قالت بحنان: عهد حبيبتي لاتواخذينها انتي ادرا فيها هي خبله وألسانها منفلت بس قلبها ابيض وتحبج حيل

عهد وهي تمسح دموعها قالت ببتسامه حزن: ادري وانا مو زعلانه بس لاني ذكرت امي

بيت حصه

صارلهم ساعتين محتاسين يدورونها ماخلوا مكان مافتشوه حتى غرف الخدم والسواق

حصه الي تدور وتزفر من الغضب:حسبي الله عليج من بنت وين ذلفت وين

سند الي جالس بعد ماطفش من الدواره قال بغضب:حنا لازم نتصرف ونقول لفواز عشان لايعصب

حصه :لا لاتقوله بيزفني بيقول انتي السبب

حمد الي كان جالس بجسمه بس لان فكره وعقله بعهد وين راحت وليش تهرب وتشوه صورتها عندنا
قال بضيق:يمه انتي ماتعرفين عنوان بيتهم الي قبل يمكن راحت له

امه :لاماعرفه وبعدين هم كانوا مأجرين ماعندهم بيت
كملت بغضب:هين ياعهد خل بس اصيدج ماراح يفكج مني غير الموت بتفضحنا بنت أبليس بعد ماعرفوا بجيتها عندنا
هذا الي هامه كانت مسويه كذبه كبيره لرفيقاتها عشان لي سألوا عن عهد كانت
بتقول بنت اخوي وهو عايش برا ولما توفى جاب بنته عندي

بس عهد انحاشت قبل تكمل كذبتها

حمد بخوف:الله يستر عليها من اعيال الحرام ويردها سالمه

امه بشك من كلام حمد:عبالك بسكت لها حتى وان جت سالمه ذابحتها ذابحتها

حمد برجا:يمه الحين خل نلقاها وبعدين فكري وش بتسوين لها

سند بغضب:انا طالع اكمل دواره لهالعله وبدق على فواز اقوله عن هالمصيبه
وطلع بدون لايرد على احد حتى على اعتراض امه

كل لعن حظه ليا خاب مره

وش حيلة اللي عاش عمر بليا حظ

عند عهد
كانت تصارع الخوف الي بداخلها حاسه ان عمتها مراح تسكت وراح تلقاها حتى لو انحاشت للمريخ

سمعت فتح الباب وعدلت ملفعها كانت متوقعه انه فارس
وفعلا طلع فارس

فارس سلم واستاذن وراح داخل مايبي يحسس عهد بالأحراج

ام فارس بحب:فارس يمه انجب لك غداك
فارس :ايه يالغاليه

وراح عهد الي لفت على ام فارس قالت بخجل : احس اني مثقله عليكم بجلستي ه

قاطعتها بعطف:عهد وش هالكلام انتي بحسبة سحر بنتي وفارس لو ماهو معتبرج اخت له جان شفتيه مادخل البيت بالمره

عهد بتنهد:مادري اشلون اشكرج ياخالتي على وقفتج معاي

ام فارس :بزعل منج ان قلتي هالكلام مره ثانيه

الساعه خمس العصر
دقت على سحر وأوعدتها تروح معها للمستشفى وتشرح لمدير ظروفها عشان يرجعها لشغلها عنده مره ثانيه

كانت مقرره بس تحسن ظروفها وترد تشتغل بتسكن بروحها لو تأجر غرفه بس ماتكون عاله على احد ولاترجع لنارحصه وعذابها
خلصت لبس العباه وطلعت لان سحر تدق هرن برا

سحر في السياره
اول ماركبت عهد مشت بسرعه هي حاسه بحالة عهد ومقدرتها بعد بس الي مخوفها تغير عهد عليها فجأه حطت السبب على الظروف واعذرتها

سحر ببتسامه بعد ماردت السلام على عهد: اقول شرايج بعد مانخلص شغلنا نطلع انا عازمتج على غدا برا

عهد بضيق:اعذريني سحر ماقدر خليه وقت ثاني

سحر حست بضيق من رفضها بس ماعبرت واسكتت

عند حصه

مل صبرها واطفشت وبالأخير رضت يقولون لفواز عشان يتصرف
لانها موعارفه تصرف وحاسه بضياع

فجر الي حاسه بالوضع بس ماتدري شنو سبب هروب عهد مثل ماقالوا قالت براءه: يمكن اهربت لان امي شهد ماتخليني العب معها

شهد بقهر:فجر اسكتي

فجربصياح: ألا انتي الي خليتيها تهرب لان محد يلعب معها

شهد زاد قهرها خاصة وان الكل طالع لها فمسكت فجر بذراعها ودزتها قالت بغضب: تبين اطقك

سند بغضب:شهد اتركي البنت ومسك فجر وابعدها عن شهد كمل :لاتحطي عقلك عقل جاهل مايدري شيقول

شهد ازفرت بغضب: هين يافجور اوريك
حصه بقهر:شهد تعوذي من أبليس خوفتي بنتج

شهد شافت فجر الي ترجف مثل الورقه في حضن سند من الخوف قالت بتنهد: راح اتصرف معها بعدين الحين خلني اشوف هالمصيبه

كنت الوم اللي يضيق ان غاب خله

لين جربت المحبه والفراق وقلت توبه

حمد في هالحضه دخل قال بلهفه:هاه مافي اخبار عن عهد

الكل لاحظ لهفة وردت امه بقرف:لا عساها الموت وافتك منها ومن بلاويها

حمد بخوف:استغفري يا يمه مهما كان هذي بنت اخوج ومالها احد غيرج

امه بقهر:وانت شعليك مشتغل لها مدافع

فعلا تصرف حمد خلا الأنظار تلتفت له

سند بقهر:كلام امي صح اهي اشلون تجرأت وطلعت يعلها ماترجع

شهدبقلة صبر:بدال ماتقعدون تحلطمون روحوا وبلغوا عنها ابرك

حصه بغضب:شنو يبلغ انتي بتفضحينا
سند برود:والله اذا مر على غيابها اكثر من اربع وعشرين ساعه لازم نبلغ أفضل لنا لاتطيحنا بمشاكل مالها اول

حصه بقهر:حسبي الله عليج ياعهد جانج فضحتينا بين الناس

الساعه وحده

جا على اقرب طياره جا عشان يحل هالمصيبه
الي طاح فيها وهي هروب بنت اخوه

سند جالس ينطره واول ماشافه اشر له

شاف شكل فواز الي باين عليه التعب النفسي قبل الجسدي

سلموا على بعض وشال سند شنطة خاله ومشوا

في السياره
فواز بغضب:وينكم عنها واشلون اهربت
سند برود قهر فواز: والله ماني بحارس عشان احرس لك بنت اخوك واذا انت خايف عليها هالكثر جان اخذتها معك بدال عيشتها عند اختك الي نحشتها من البيت

فواز بنرفزه:انا لي ظروفي ولو عندي مكان ثاني احطها فيه جان حطيتها بس مافيه ألا بيت اختي

سند بنفس الأسلوب:اجل دوروها وبس تلقونها كثفوا الحراسه عليها

وألتزم الصمت لان فواز فار دمه حيل

ياليل خبرني عن امر المعاناة

هي من صميم القلب ولا اجنبيه

هي هاجس يسهر عيوني ولا بات

او خفقه تجمع بقلبي عصيه

بعد يومين
أرجعت تشتغل بالمستشفى وحاسه ان نفسيتها هدت شوي في بيت ام فارس بالرغم من خجلها من فارس الي تحس انها مثقله عليه ألا انه افضل عندها مية مره من بيت عمتها

كانت خايفه من عمتها وعمها ليدرا شبيسوون فيها عقب هربت تالي الليل مثل الحراميه

ابتسمت بفخر وقالت:مايقدرون يجبروني على شي انا خلاص تعديت السن القانوني واعرف مصلحتي عدل

تجهزت وألبست وطلعت تنطر سحر تمرها عشان تروح معها لدوام

دق تيلفونها الي طلعته بدال الي اخذوه منها وكانت سحر وطلعت

في الدوام
كانوا رفيقاتها مسوين لها حفلة بمناسبة رجعتها لهم

حنان بسعاده: ماتدرين اشكثر فرحت برجعتج لنا كنت متضايقه من تركج لدوام عندنا

رفيقاتها مايدرون عن شي من الي صار لعهد وعهد ماتبي تقول ونبهت على اهل ام فارس بأن مايقولون لأحد لان مهما كان ماتبي تفضح اهل ابوها

عند الأغراب عهد ببتسامه: ياحياتي لو بدور مراح القى احسن من هالمستشفى ولا احسن من هالرفيقات بعد

ساره رفيقتها قالت بحب: والله ياعهد انج غاليه عندنا والكل فقدج حيل

هي تدري وعارفه بحب رفيقاتها لها بس الي مضايقها صدهم عنها في امور الخطب كونها بنت فاشل
بس الي ماتعرفه هو ان ساره حاسه بسعاده الدنيا برجعتها لانها ناويه تخطبها لأخوها الي مطلق

عند فواز
ماخلو مكان مادوروا فيه لين يأسو وقرر فواز يروح للمحكمه وياخذ عنوان الناس الي كانت عندهم لعلها تكون عندهم

اخذ العنوان وراح بيمر سند وياخذه معاه لبيت اهل فارس

في الشركه
بعد ماستأذن له سند بالدخول دخل لان عند سند النظام واجب الألتزام فيه

سند بثقل:هلا حياك ياخال تفضل

فواز بضجر:تدري كنت بطنش السكرتير ودرعم عليك بس خفت تذبحني

سند برود:زين انك عارف وش بيصير لك

فواز بقهر:اخس هيه انت ترا انا خالك فأحترمني احسن لك

سند بنفس الأسلوب:ماعتقد اني قللت من قدرك بس النظام نظام كمل بحماس: تفضل شنو الموضوع الي جاي لي عشانه

فواز بضيق:هو في غيرها

سند وهو يوقف ويضيف خاله عصير قال بغضب:ياهالعهد الي ابلشتنا ياخي ترا انت واختك مصدقين عمركم حيل دام كل واحد منكم مايبيها ليش تعبون نفسكم وتدورونها

وعطى فواز العصير وجلس جنبه فواز بغضب وقهر من بروده اعصابه: صج انك ماتستحي اشلون تبينا نسكت عن بنتنا ونتركها داشره بهالشوارع

سند بستهزاء:والله ان ادشرت مو بعيده عنها ابوها قبلها داشر

فواز نزل العصير وقف قال بعصبيه: اشره موعليك على الي جاي لك تساعده بس طلعت مو كفو وطلع قبل يسمع اي اعتراض من سند

سند بغرور :هه اساعده يبيني الف الشوارع ادور بنت اخوه بيبطي مادورتها

فواز الي طلع من عند سند مفول من الغضب ركب سيارته بيحرك ولا يوقفه صوت وألتفت يشوف وكان حمد

حمد بأحترام:سلام ياخال اشلونك

فواز بتنهد :هلا حمد انا بخير انت اشلونك
حمد:نحمد الله بخير كمل بستفسار:وين اشوفك مشرفنا بالشركه شعندك لايكون تدور شغل

فواز :لا ان شالله عساني مااشتغل عند اخوك هالمعقد كمل بضيق:اركب اركب ابيك تروح معي مشوار

حمد عرف ان فواز متهاوش مع سند او ان سند قاثه كالعاده وماحب يدقق بالموضوع قال: وين

فواز :بروح ادور بنت خالك هالعله عند الناس الي كانت عندهم او بسأل عنها اذا يدرون عنها

حمد برحابة صدر: ان شالله وركب كأنه ينتظر هالحظه من زمان

*مهاوي*

14 - 07 - 2009, 03:04 PM

يعطيك العافيه طموحي عالي
رووووووعه البارت

طموحي عالي

15 - 07 - 2009, 03:02 AM

البارت التاسع

أفآ يآجرح لآتبكي ترى كل الجروح تطيـب

ترى كل البشر يخطـون ونتحمـل خطآيآهـمـ

بكينآ واندفن فينآ حزن أصدق مـن التكذيـب

بكينـآ بكـل مآفينـآ وفيـنـآ والـعـذر منـهـمـ !!!

لقينآ نآس فيهمـ قلـب ونـآس فنونهـآ التعذيـب
عند عهد
حاسه بالوحده في هالدنيا وكأنها شخص غير مرغوب فيه حتى لو ام فارس وسحر جاملوها هي من نفسها تحس بالوحده وعدم الاستغرار

كانت محتاسه بشغلها اليوم محملها الدكتور فوق طاقتها لاعنه لان المدير واقف معاها ومساندها

ورجعها لشغل واستغنى عن الشخص الي بمكانها والي كان من طرف هالدكتور

دخلت عليها ساره في هالحضه ساره عمرها 30وتشتغل في قسم التحاليل المختبريه

ساره ببتسامه: سلام
عهد الي لفت عليها ردت ببتسامه :وعليكم السلام هلا ساره حياج
ساره بفشله: جيت ابي ادردش معاج بس شكلج مشغوله وكملت :اجيج وقت ثاني

عهد بأصرار:لا والله خلصت بس تعالي هي صج خلصت

جابت الكرسي وقربته عند عهد وجلست بعد اصرار عهد

عليها وهي بعد ماصدقت عشان بتفاتحها بالخطبه دامهم بروحهم

بعد فتره من الوقت وساره مندمجه بالقهوه الي جابتها عهد قالت

ساره بخجل: عهد ممكن افاتحج بموضوع

عهد بستغراب:تفضلي حياتي

ساره بنفس الاسلوب: ودي اخطبج لأخوي سامي وابي اعرف رايج قبل لانجي رسمي ونخطبج من عمج

عهد أصدمتهاساره في الي قالته ردت بحيابعد مااستوعبت الخاطب وأنه سامي وهي خابره انه متزوج وهي رايحه لعرسه: سامي مو متزوج

ساره :اي كان متزوج بس طلق من فتره

عهد بعد سكوت دام فتره طويله هي كانت تفكر معقوله ساره مافكرت فيني ألا بعد ماطلق
بس ياترا بتم على قرارها ولا بتهون بعد ماتدري اني هاربه من بيت عمتي وجالسه عند ناس اغراب بالنسبه لي

قالت بهدوء:عهد فكري لاتستعجلين وحتى ان رفضتي مراح ازعل منج وبنتم رفايق وقامت كملت ببتسامه:استأذن خلص وقت بريكي وطلعت وعهد اسرحت في الكلام الي قالته

لها ساره عهد بتنهد:معقوله جاني الفرج وبفتك من هالعذاب انا مستحيل ارفض حتى لو مطلق

ابتسمت بسخريه:بشوف اشلون ردت فعل عمي وعمتي لي دروا اكيد بيطيرون من الفرحه وبيوافقون بدون اي نقاشات

عند فواز
وصل لبيت اهل فارس ونزل هو وحمد الي كان احساسه مضطرب وخايف انه مايلقاها ويزيدعذابه عذاب

طقوا الباب وفتح لهم شاب في العشرينات توقعوا انه فارس
فواز بهدوء:هذا بيت فارس عادل

فارس:وصلت خير امر اخوي

فواز بأهتمام: ممكن اقابل الوالده

كان حاس انهم من طرف عهد وانهم جايين يدورونها
فارس بشك :ممكن اعرف وش تبي بالضبط

فواز بنرفزه:ابي اسألها عن حاجه

فارس الي خاف لايتورط بتستر امه على عهد وهروبها من بيت عمها قال بتنهد: عن بنت اخوك

حمد الي حاس بالغيره قال بقهر: ممكن تنادي الوالده بدون ماتدخل

فواز سكت حمد الي استغربوا من غضبه المفاجئ فواز بتنهد: اي
وكمل بهدوء: واحب انك تنبهه الوالده وتقولها انها بتضرر بتسترها على بنت اخوي فياليت تخلينا ناخذ بنتنا بدون فضايح

فارس بقهر:واحنا شكو بنتكم هي الي جت هاربه لنا واذا تبيها روح لها بشغلها في مستشفى ال-
ولاتبلشونا في مشاكلكم ودخل وسكر الباب

حمد ضرب الباب بيده قال بغضب الغيره: صج ثور

فواز بنرفزه:خلك من هالكلام وامش نلحق على المستشفى قبل يقولون لها وتهرب من جديد

عند حصه
وصل لها خبر انهم لقو عهد وفرحت حيل مو حبا فيها لا بس حبا في الأنتقام منها على الي سوته

شافت سند نازل من فوق بيطلع قالت بسعاده:ابشرك لقينا الي ماتتسمى بنت خالك

سند بسخريه وهو يعدل شماغه:زين اجل ماوصيك في الحبل عشان تربطونها لاتنحاش مره ثان

قاطعته بقهر:سند
سند برود: وش تبين فيها دامك ماتواطنينها

امه بقهر:شرايك يعني نرمي بنتنا بالشوارع

سند بنفس الأسلوب: احسن لها من هالعيشه وطلع بعد ماقهر امه بكلامه

عند عهد

درت بالي صار وحاسه بخوف فضيع من مواجهتهم كانت عندها سحر الي خايفه عليها اكثر

وخايفه بعد على امها بعد التهديد الي قاله عم عهد
سحر بدون احساس:عهد امشي عندي بيتي مراح يدلونه وانا مستعده اتحمل كل شي

عهد بتوتر:لا مستحيل وكملت بخوف وخجل: وبعدين لاتخافي انا جاني خطيب وبوافق عليه عشان ارتاح منهم قريب

سحر الي طارت من الفرحه ونست زعلها قالت بصوت عالي: صج مبروك وراحت وضمتها
وهي حاسه بدموعها بتطلع من كثر فرحتها

قطع عليهم صوت رجولي : على شنو تباركين لها

فواز جاء هو وحمد وسألوا عن عهد ودلوهم على مكانها وراحوا لها

اول مادخلوا تفاجئوا بالموقف كانت عهد تحضنها وحده وتبارك لها بس مايدرون على شنو وحمد حس بالغيره وسأل بدون مقدمات

معقوله سوتها وتزوجت بدون لاندري هذا الي دار في بال حمد

عهد وسحر الي انصدموا من الصوت وزاد صدمت عهد لما شافته عمها ولد عمتها الي ماتعرف اسمه بس متذكره موقفها معه
لما كانت عندهم فواز بسخريه: اخير قدرنا نصيدج يابنت سالم قرب لها وهي اختبت ورا سحر تستنجد فيها من شكل عمها الي معصب

فوازحس براحه يوم شافها بس مامنعته راحته من انه يعصب عليها قال بقهر وبصوت واطي:امشي قدامي الحين بدون اي شوشره لان هذا موبصالحج ابد

_______
لا تهمّك . .
عيني لو يوم : إغرقت
لأني كلّي - قبل لا أعرفك . . . . ( غريق ) !

كان فيني " روح " كااان وفارقت

الحزن مثل : الحَطَب . . . وآنا الحريق !

كل ما شفت السما فيني إبرقت
تمطر عيوني . . . . و إحساسي رقيق !

إنت وإلا الناس عندي ما إفرقت
وقت أحزاني . . . محد غيري [ يضيق ] !

كانت الفرحه { هنا } وين إزرقت ؟
في طريق أمشي وهي تمشي بـ طريق !

الطعون ضيوف ويوم إنْهَا إطرقت
باب قلبي أفتحه . . . . و ألقى صديق !!

الصداقه شمس ولكن ما إشرقت !
كل ما أبني " رفيق " . . أهدم : رفيق !

ناس ماتسوى على أكتافي رقت . .
وإنت غااالي . . مرقبك : قمة طويق !

إيد غيرك ياما من فرحي إسرقت . . . .
وإنت عااادي . . شف لإيدك وش يليق !!

منت آخر شخص . .
وراااسك :
ما إفرقت !
ومنت أول . . من جرحني ,
لا تضيق !

عهد صدمها باسلوبه هذا بدال مايسال عن سبب هروبي من بيت اخته قالت بخوف:بروح معاك بس بشرط

وكملت بغصه خاصة وانه زاد غضبه لما شرطت:ماارجع اسكن عند اختك حصه ماقالت عمه وهالشي قهر حمد اكثر من فواز
فواز بعصبيه:لايكثر كلامك وامشي وحسابك في البيت وجا بياخذها وقفته سحر الي طول الفتره محترمه رجولته وكونها ماتحب تجادل الرجال ابد
سحر بقهر:اول وافق على شرطها وبعدين تروح معك

فواز بسخريه: خليك بنفسك ولاتدخلي ومسك عهد بيدها وجرها معه وهي يادوب لحقت تاخذ شنطتها وتطلع بعد ماطلعوا فك يدها عشان لايسبب له مشاكل واهي احراجات

حمد طلع معهم كان يفكر بعهد ليش مانطقت امه اوقالت عمه ليش قالت لفواز اختك وكأنها ماتعني لها شي ابد

قطع عليه فواز الي قال بعد مااركبوا السياره فواز بغضب وهو لاف عليها وجهه مقارب لوجها لدرجة انها تحس بحرارة انفاسه على بشرتها

قال: والله لولا الخوف من رب العباد كان مافكك مني غير الموت على عملتك السوده

عهد قامت تصيح بكبت وكمل بنرفزه: بس انا اعرف اشلون اتصرف واوقفك عند حدك
وحرك سيارته ومشى بسرعه جنونيه لدرجة ان حمد خاف والتزم الصمت وهو حاس بالضيق من صوت شهاق عهد الي قطع قلبه

عهد الي تشهق من الظلم والقهر ودها توقف عمها عند حده وتعلمه بالي خطبها وانها بتفكه منها في اقرب وقت ممكن
بس استحت وخافت في نفس الوقت بس لازم تقوله وماتسكت
عند سند

كان طفشان وده يطلع لشاليهه ليومين وحب يقول فواز يروح معه

دق عليه وجاه صوت فواز الي معصب
اول مارد قال
سند برواقه وبرود: دامك لقيتها وش له هالعصبيه ماتقولي

فواز بقهر:سند وش عندك ترا مو فاضي لسخافتك
سند بغضب: لا شكلك كلش مايساعد على اني اطلب منك طلب فمان الله وسكر قبل لايسمع شي من فواز

سند تندم انه دق على فواز وراح بيشوف رفيقه ابرك له

عند ام فارس

حاسه بالحزن جت لها سحر وقالت لها عن الي صار وزاد حزنها حزن بس فرحها خطبة اخو ساره لعهد ودعت الله يوفقها ويفكها من هالظلم

فارس دخل شاف امه هو حاس بالذنب انه قال لعمها وماقدر يخبي كونه خايف لايتورط بشي بسببها

فارس:سلام يالغاليه اشلونك
امه بحب مهما سوا ماتقدر تلومه هو صادق بالي سواه ردت:هلا يافيك وانا بخير بفضل الله

فارس :الحمد لله وكمل بفرح :يمه انا ودي احدد عرسي شرايك كان بيدخل السعاده بقلبها باي شي

امه بفرح :ابركها من ساعه وشوف الوقت الي يناسبك وانا اقول للجماعه

فرحتها بخطبة عهد وتحديد عرس فارس اسعدتها ونستها شوي من الي هي فيه
اليوم الي بعده
0

من جت ادخلت الغرفه الي كانت فيها بس هالمره شددت عمتها عليها الحراسه

وصارت الخدامه ماتفارق غرفتها وحتى النوم تنام عندها

بعد مااطربتها امس بانواع الشتايم والسب ولولا الله ثم حمد كان اكفختها بس هو منعها وفواز كان متفرج بس ولا عارض بشي

كان يحاتي شنو كان يبي منه سند وليش مارد اتصل او علأقل يرد علي لايتركني كذا احاتي

بالأخير سأل عنه امه وقالت له انه بالشاليهات وقرر يروح له الليله ويبات عنده عشان بكره بيرد لأهله

وكان في باله قرار وده يوافق له سند عليه لان لو وافق بتنحل كل مشاكلهم

عند حصه

جالسه مع شهد يتناقشون في امور عرس حمد الي مابقى عليه ألا اسابيع

حصه كانت محتاره في تغير حمد وعدم أهتمامه في تجهيزات عرسه حتى سهام ماقام يتكلم عنها او انه ينشد اذا انذكر اسمها وهو قاعد معهم

حست انها ماتعني له شي وخاصة هالأيام

شهد الي كانت مندمجه مع فجر وتلاعبها انتبهت لسرحان امها قالت بأهتمام:يمه فيج شي

امها بحزن:وش الي مو فيني ياشهد

شهد بضيق: عشان سالفة عهد
حصه بتنهد: غير هم عهد هم حمد وسند

شهد حاسه فيج يايمه يابعد عمري فوق همها جا لها هم بنت اخوها هي فيها شده على شي اصلا

شافت فجر راحت لأمها واندمجوا مع بعض وكأن فجر نستها شوي من الي هي فيه تسندت على ظهرها وسرحت في عهد

كان ودها تجلس مع عهد حاسه بالذنب اتجاهامن انها ماتطلع ولا تجلس مع احد وكله محبوسه بين اربع جدران بس مستحيل تجرأ وتجلس معها ابد لانها خايفه من امها

طموحي عالي

17 - 07 - 2009, 05:34 AM

البارت العاشر

عند سند في الشاليهات

وصل له فواز على المغرب وبعد ماقام سند بواجبه في ضايفة خاله هو وربعه

حب انه يختلي بخاله شوي خاصة وانه حاس ان في خاطره شي وده يقوله

توقع ان فواز ماخذ بخاطره من عقب الكلام الي دار بينهم فحب انه يوسع خاطره شوي قال ببتسامه كاذبه وهو يخفي مافي نفسه: حمدالله على سلامت بنت اخوك اخير حصلتوها

حس من طريقة كلامه بالسخريه وهالشي ماطاف على
فواز الي كان جاي بيفضي وبيشكي همه لسند الي يعتبره صديق له مو ولد اخت كان مقرر يصرح لسند بكل الي بخاطره بس يختلون ويوم صار تفاجأ بكلام سند له

فواز وهو يتأمل البحر وسكون الموج بهالليله عكس اعصابه الثايره والمتوتره قال بطفش:الله يسلمك رد سكت واخذ له حجر ورماه بالبحر ماحب سكونه يبيه يكون مثله ثاير ومتضارب

حس بهم كبير اشلون يقدر يتصرف مع بنت اخوه اشلون بيفتك منها تمنى لو احد يخطبها جان على طول وافق عقب الي فهمه من طريقة سند

سند الي قلد فواز بحركة ورما هو بعد حجر بس كانت ابعد واقوى من رميت فواز لدرجة ان الماي تناثروتطشر من حذفته
قال: بتاخذها معك ولا بتجلسها هنا

فواز بنرفزه:وين اخذها انت من صجك هذا وانت تعرف طبع زوجتي وغيرتها

سند الي قاهره سلبية فواز بتعامله مع زوجته كل هذا حب معقوله لدرجه انه يترك كل شي على كيفها ومزاجها قال بقهر:وش تغار منه اتوقع ان هذي بنت اخوك ماهي حبيبه او عشيقه لك

كمل جملته الأخيره بسخريه

فواز بضيق:مايمشي مع ندى هالكلام هي حتى امك الي هي اختي تغار منها اذا كلمتها بأسلوب حلو

سند بقهر:وقفها عند حدها لاتسكت لها

فواز انا وين وانت وين تبيني بعد هالعشره وهالعمر اهدم حياتي وشرد اعيالي مستحيل هالشي يحصل
وقف وقال بخيبة امل من انه يتناقش مع سند: توصي على شي انا راجع للبيت

رد سند بتنهد: سلامتك بس ليش ماتنام
فواز مستحيل انام عقب الي سمعته حاول يقنع سند بعذر كاذب هو ان عنده اشغال لازم يخلصها قبل السفر
واستأذن من سند وراح بعد ماطفش من الجلسه معاه ولان وراه سفر حس انه مراح يجيب فايده من ورا سند فحتفظ بالقرار بنفسه ولا قاله لسند

وحيده عشت في دربٍ حزينٍ مظلم مهجور

وحيده عشتها الدنيا أقاسي لوعة سنيني

تجرعت المرار أمرار وقاسيت العنا والجور

أجامل وابتسم واضحك وحزني ساكنٍ عيني!
جفت ادموعها من كثر البجي وحست أن الصياح ماهو نافعها ابد

اه ياحضي الردي وش بينفع صياحي هذا هم من جيت وهم محد سأل عني بس هالخدامه الي حاطينها حارس لي وتشوف طلباتي وقفت وقلت بهدوء احاول امسك اعصابي :روما

الخدامه:يس مدام

قلت بنفس الاسلوب:ابي اطلع ابي اكلم مدام حصه

الخدامه دقت جرس المناداه ودخلت عليها خدامه ثانيه وارسلتها تنادي حصه
كل هذا وعهد مندمجه
قالت بنفسها بل كل هذا حرص والله لو كنت مجرم ماشددوا علي بهالشكل

بعد ربع ساعه دخلت حصه مع ان عهد ايأست من جيتها اصلا
لكن صدمها دخولها وهي معصبه قالت
حصه بغضب:خير وش عندج طالبتني
عهد بتوتر:ابي اكلم عمي فواز بموضوع مهم
حصه بقهر خاصة وان عندها ضيوف من صديقاتها جايين يهنونها بعرس حمد الي قرب قالت: عبالي عندج سالفه وبعدين فواز سافر وين اجيبه
عهد بقهر:ابي اكلمه لو بالتيلفون والحين
حصه بنرفزه :اقول انثبري بس وطلعت وعهد الحقتها بس الخدامه قدرت تقفل الباب قبل تلحق حصه
عهد ضربت الباب بقوه لدرجة ان يدها تأذت وجلست على الأرض بس ماصاحت ولا تبي تصيح خلاص زمن الصياح راح
رفعت عينها للخدامه الي قربت لها بترفعها بس هي دفتها وقامت وراحت اجلست على كنبتها او سريرها من دخلت هالقصر

بعد يومين
عند سحر بالشغل
سحر بحزن:والله مادري شقول لج ياساره انتي تدرين عهد تمر بظروف صعبه مع اهل ابوها واكيد يبي لها وقت على ماتناقشهم بالموضوع
ساره بأهتمام:الله يسهل ان شالله بس انا استغربت طولت واخوي مستعجل
سحر :خلاص انا بدق عليها اليوم وقول لها
ساره بسعاده:فيج الخير والله
وجلسوا يسولفون شوي وبعدين كل وحده راحت لشغلها بس سحر قبل تروح دقت على عهد

عهد الي من جت وجهازها سايلنت واذا بغت تكلم تنخش بالحمام تخاف ياخذونه مثل الي قبل
شافت شاشة نقالها تأشر تسحبت ودخلت الحمام وقفلت الباب وفتحت الدش عشان الصوت
سحر بحب بعد ماوصلت لعهد كل الي انقال بينها وبين ساره :عهد حاولي تصرفين لاتضيع هالفرصه من يدج خاصه وان الولد زين وفارس يمدح فيه بعد
عهد هو بكيفي ياسحر لو كيفي واعوذ بالله من لو جان ماتأخرت لحظه وافقت عليه بس الخطبه الي ماجت ألا هالوقت بعد ماصار
شوري بيدهم قبل لايكون بيدي
قالت بحزن: ان شالله بس خل ألقى لي فرصه اكلم فيها عمي
ورد لج خبر
خذت وقت وهي تسولف مع سحر ماحست ألا وباب الحمام يطق
عهد بخوف:يالاه سحر اخليج مع السلامه
وسكرت وخشت النقال في صندوق المناديل وفتحت الباب بعد مااسحبت الفوطه وحطتها على شعرها تبين لهم انها متروشه
اول مافتحت كانت ترجف خوف بس ارتاحت طلع الخدامه تناديها على العشا
كان ودي اكفخها لانها خرعتني بس خفت تستلعن علي وتكرهني وانا مو ناقصه ابد

دخل القصر الساعه وحده نزل من سيارته ومشى متوجهه لباب الفيلا بس شدة شكل الظل الي طل من غرفة الضيوف توقع انها عهد مافي غيرها
بس اقهره طلتها مع الشباك كأنها حارس تشوف الداخل والطالع
طنش ودخل
اول مادخل شاف امه وحمد وشكلهم في جلسه خاصه من طريقة ارتباك حمد وتوتره لما دخل
سند ببتسامه:سلام عليكم ودنق باس راس امه
الكل:هلا وعليكم السلام
جلس وقال بأهتمام:غريبه شعندكم سهرانين لهالوقت
امه كانت تناقش حمد في زواجه من سهام وصدمها يوم ابدأ رايه بانه مايكن لها اي مشاعر وانه بيتزوجها كونها بنت عمه ومحجوزه له فقط
هي حاسه بتغيره ودها تفهم السبب الي قلبه راسأ على عقب بعد ماكان متحمس على الزواج بس خافت يزيد صدمتها صدمه وفضلت السكوت ابرك على ان حمد اذا اخذ سهام ممكن تقدر تغير رايه ويحبها
امه بهدوء:ابد كل خير بس اسأله عن حجز الخدمه اكد عليه او لا
حمد فهم على امه وانها ماتبي سند يعرف بس هو ماهمه كل هذا الي هامه وذابحه عهد الي تمركز حبها بقلبه وقف وقال بتنهد: تصبحون على خير وطلع
امه بحب:وانت من اهله يمه
بعد ماطلع حمد مر صوب غرفة عهد شاف الليت مبطل قرب منها وده يتطمن عليها
كانت منسدحه وسرحانه شافت روما الي غطت بسبات عميق ابتسمت افضل مافي هالخدامه هذاي
انها اذا نامت ماتحس بالي حولها غلطانه عمتي يوم حطتها حارسه لي بعد فتره
عهد الي انتبهت لصوت والحركه عند الباب توقعته عمتها اوقفت
بسرعه وراحت له
قالت برجا بعد ماوصلت لباب: عمه ارجوك سمعيني عدل
حمد انصدم ماعرف شيقول او يرد ماحس بنفسه ألا وهو قايل بأرتباك:انا حمد موعمتك
عهد بخوف: حمد من
حمد بتوتر وهو يتلفت خايف احد يصيده:مو مهم حمد من المهم بشنو اقدر اساعدك
ماحس بالي يقوله هل هو صح او خطا اهم شي انه يساعدها وبس
عهد بأرتباك وهي مو مستوعبه هالشخص هل صادق او انه كاذب قالت: ابي اكلم عمي فواز ضروري ارجوك ساعدني ابي رقمه اذا كان صج مسافر برا
حمد بتنهد:ان شالله سجلي الرقم عندك
عهد برتباك:لحظه بس وراحت تجيب لها ورقه وقلم
جت وقالت:تفضل قول اسمعك وحمد نقلها الرقم وهو حاس برتباك لاحد يمر يشوفه
واول ماخلص استاذن وراح قبل لاحد يجي وهو حاس بالرضى من الشي الي سواه مع انه ماحس انه سوا لها شي

عهد حست بسعاده وضاق خاطرها انها مااشكرت هالي اسمه حمد ودها تشوف شكله ياترا هو نفسه الي قابلته قبل لما طقت باب غرفته

رجعت تنام وطفت الليت بعد ماخشت رقم عمها وقررت تكلمه باجر

آخذت عهدن علي آني ماآخليك

وآن طال الزمن هجرك مانويته

شفت طاري الزعل آنه مخاويك

ومقصد الهجرآن بعينك قريته

خذيت حزني مع ذكرى تناديك

وتركت لك دمعه مع ضحكن نسيته

عند حمد
وصل لغرفته وهو حاس بسعادة الدنيا من انه سمع صوتهاماانتبه ألا وصوت سند الي قال:حمد انت بعدك مانمت واحنا الي توقعناك بسابع نومه
حمد بخجل وحمد ربه انه وصل لباب غرفته قبل لا يشوفه سند ويسأله من وين جاي قال:لا دق خويي واخذتنا السوالف ولا حسيت بالوقت
وكمل ببتسامه وهو يدخل غرفته :تصبح على خير
سند بضحكه:كم مره قلتها ولا نمت اخاف من كثر ماتقولها يطير عنك النوم
حمد بنفسه والله النوم ان طار فهو من الي في بالي اه بس اه كل ماتذكر شكلها طولها شعرها قلت ببتسامه:والله اتوقع هذا الي بيصير
وأستاذن سند وراح لجناحه وسند بعد دخل جناحه

ياهل ترى قلبآ من الآحزان لايكتفي

ياهل ترى قلبآ على صبر الزمآن يغتذي

كم من حبيبآ غادر العين والعين تذرفي

وكم من رحيلآ آسهر العين والحال يأتذي

ويلآه يا قلبن على مر الزمآن يضعفي

والعمر يفنى ومن درس الزمآن نحتذي
عند سند اول مادخل جناحه بدل ملابسه وانسدح على سريره الي يحس انه مازال محتفظ بقايا ريحة عطرها التفت للجهه الثانيه وراح بخياله وفكره معاها
مع الي ماحد قدر من جنس حواء انه يدخل قلبه عقبها
هي كانت الهواء الي يتنفسه هي كانت كل شي بحياته حتى عقب ماتت حرم نفسه من انه يرتبط باي وحده عقبها
تامل الغرفه الي جمعته فيها وياما صار لهم مواقف فيهاهو رفض انه يغير اي شي بجناحه مع ان امه لحت عليه اكثر من مره بس هو رفض هالشي حتى ولوانه حاس ان اهله يتشامؤن من دخول جناحه او المرور من عنده
بس هالشي ماشفع لهم عند سند هو كان محتفظ حتى باشياءها الخاصه من ملابس وقمصان كان مخبي هالاشياء عن اهله واهل سعاد لما جو واخذوا كل مالها يودونه لصدقات قدر سند انه يحتفظ بشي ولو انه بسيط
نام وهو في وسط افكاره الي دايم توديه لها لحبيبة قلبة وروحه سعـــــــــاد

*مهاوي*

17 - 07 - 2009, 05:11 PM

يسلموو على البارت الحلو

طموحي عالي

18 - 07 - 2009, 02:23 AM

الحادي عشر

اليوم الثاني
عند حصه
كانت في حفلة استقبال عند احد صديقاتها
كان الكبر والغرور مسيطرها ولا تنظر لأحد وكأنها ملكة زمانها
خاصة مع كشختها ولبسها الي ماتسويه ألا عند اشهر المصممين
ألتفت لشهد بنتها الي جايبتها معها غصب مع ان شهد تركه هالجمعات ولاتحب تروح لهم
قالت بنرفزه وهي تشوف شهد الي ماده بوزها وكأنها بعزا مو بحفلة ملجه:ابتسمي فضحتينا عند الناس الكل عرف انج جايه غصب
شهد بخجل:هاه لا مو قصدي بس احاتي فجوره تدرين خليتها وهي تعبانه
امهابتنهد:مافيهاألا العافيه وبعدين سند عندها من عرف انها مسخنه وهو تارك شغله ومقابلها
شهد بحب:فديت عمره وعساني اشوف اعياله قولي امين
امها برجا:امين وكملت بأنفعال: عسى يجي هاليوم ونذرا علي لسوي عزيمه ماصارت ولا استوت بس اشوف ضنا سند

بعد فتره جت لهم صديقة ام سند ومعها وحده في بداية الثلاثينات ماتعرفها ام سند وأول مره تشوفها

اضغطت على اتصال وهي حاسه برجفه تسري بكل جسمها اشلون بتكلم عمها وتشرح له موضوع خطبتها حاسه بخوف وخجل في نفس الوقت بس لازم تصرف عشان تخلص من هالحبس
عهد جاها الرد بسرعه
فواز شاف الرقم دولي رد بسرعه :الو
عهد بتوتر:سلام عليكم
فواز استغرب الصوت
وخاف لاتسمعه ندى وتسوي له سالفه قام وطلع ورد عليها:هلا وعليكم السلام كمل بهدوء:من معي
عهد الي ترجف وزاد عليها اسلوب عمها الجاف قالت: معك عهد وكملت برجفه:بنت اخوك سالم
فواز بدهشه:عهد
وكمل بدون نفس:خير ياعهد وش عندك داقه
عهد ودها تسده بوجهه على هالاسلوب الزفت قالت بنفسها صج انك انت وأختك من طينه وحده والعياذ بالله
طولت ماردت وقال فواز بسخريه :لايكون منحاشه بعد وداقه تهددين
عهد بضيق:لا داقه ابيك في موضوع وياليت تسمع مني
قال بطفش:قولي وش عندك
عهد بتوتر:جا لي خطاب ويبون يقابلونك ضروري
فواز صح فرح بهالشي بس مابين فرحته قال بنفس الأسلوب:يصير خير عطيهم رقمي وانا بتفاهم معهم
استبشرت من رده خير وقالت بحيا:ان شالله
انهت المكالمه من عمها منيه وراحت تدق على سحر بسرعه وتقولها

منصدمه من الي سمعته وقاعده مركزه في كل حرف تقوله هالحرمه من مدح لبنت اخوها عهد حست بالغيره خاصة وان كل الي بالمجلس ركزوا معها في مدح جمال واخلاق عهد
ولاموها لانها ماعرفتهم عليها
قالت بفخر:تسلمين حياتي بس ماعرفتيني انتي من بنته
ساره ببتسامه:انا ساره بنت جاسم ال
حصه بسعاده :تشرفنا
وكملت بفخر:وين عرفتي عهد
حست بسعاده خاصة وان هالعايله مستواها عالي جدا بس للأسف مايمديها تفرح ألا ونصدمت من قول ساره
ساره بسعاده: تشغل ممرضه عندنا بمستشفى عمي وتعرفنا على بعض مع اني مو بقسمها بس ونعم المعرفه والله
حصه ودها الأرض تنشق وتبلعها ولا انها درت ان عهد تشتغل ممرضه حست بالخجل عقب ماكانت مغتره بكل المدح
ساره ببتسامه: ممكن توصلين لها سلامي وتقولين لها تستعجل بالرد علينا لان اخوي مستعجل
حست بغيمه سودا اجتاحتها من شدة الصدمه مو قادره
تستوعب انهم ممكن يناسبون هالعايله عن طريق عهد
ابتسمت وقعدت تشوف ساره الي راحت عنها

سمع صوت باب جناحه يطق قال :تفضل لبس قميص بجامته وطلع من غرفته يشوف من
سند ببتسامه لما شاف انه حمد:هلا حمد حياك ياخوي
حمد ببتسامه: هلا فيك ياخي قلت اجي اشوفك من الصبح وانت مرابط عند هالفجوره ولاحد شافك
سند بحب:فديتها تو نامت وقلت اجي اخذ لي حمام خفت تنتقل لي العدوه
حمدبضحكه:انت الي جايبه لنفسك وش حادك على الشقا ومقابل البزران
سند بقهر:انت تعرف فجر وش تعني لي
حمد ببتسامه:اعرف واحس انك حتى اذا جالك اعيال وكمل وهو يرفع يده لسما:ان شالله مراح تحبهم كثر حبك لفجر
سند الي ماحب هالطاري قال: خلنا من هالطاري وقلي شعندك جاي لي
كان حاس ان حمد عنده شي ويبي يقوله
حمد بتنهد: مادري شقول لك ياسند بس ابيك اتجاوبني بكل صراحه
سند بأهتمام:تفضل وانا مستعد اجاوبك
حمد بضيق:لما تزوجت المرحومه هل كنت تحبها قبل الزواج ولا لما تزوجتها حبيتها
ليش ليش ياحمد تفتح جروحي الي ماضنتي تسكر ابد جاي تسألني عن حبي لسعاد حبي لسعاد مااقدر اوصفه بالكلام لانه صعب جدا وصفه
حمد بضيق لحال سند الي سرح بفكره ونسى يجاوبه:سند انا اسف واع
قاطعه بهدوء: لا لا ياحمد انت ماقلت شي وانا مستعد اجاوبك مثل ماوعدتك
كمل بحب: انا اخذت سعاد وماكان يربطني فيها اي حب حتى هي نفس الشي بس بعد الزواج والعشره عشقنا بعض وكمل ببتسامه:غير هالسوال عندك شي
حس ان حمد متورط انه اشلون بياخذ وحده مايكن لها اي مشاعر بقلبه وماعمره قعد معها ألا بعد الملكه بس
حمد ارتاح اشوي وتمنى ان سهام تقدر تنسيه عهد قال بخجل:ابد سلامتك ومشكور الي جاوبتني واستاذن وطلع لانه حس ان سند تعبان من وقفته مع فجر من الصبح وزاد تعبه ذكر طاري سعاد حبيبته

شهد بضيق:يمه وش فيج البنت ماسوت شي
حصه بقهر:انطرها لين تسوي ان شالله وبعدين ليش ماقالت لنا عن سالفة الخطبه لايكون كانت ناويه تنحاش وتاخذه بدون علمنا اي تسويها
شهد بيأس:يمه هدي وفكري بالموضوع عدل وزين منا عرفنا من الجماعه قبل لاترد عليهم
حصه بنرفزه:هين ياعهد خاشه عني خطبة ولد جاسم لج هين ان ماوقفت هالزواج ماكون بنت ابوي لانج ماتستاهلين تاخذين هالعايله
شهد بضيق من كلام امها:يمه
حصه بغضب:وصمه قولي امين وراحت وهي في قمة عصبيتها من خطبة عهد

اسمعت صوت اصراخ عمتها وحست بالصوت كل ماله ويقرب لين ماانتبهت لفتح الباب بقوه وكان شكل حصه يخوف من كثر ماهي معصبه
جت لها بسرعه وجرتها من شعرها بقوه وقالت بصراخ:يالي ماتستحين ولا تنتخيين متواعده مع ناس يخطبونج ومن ورانا بعد
عهد الي ماستوعبت وكانت تحاول تفك نفسها من يدين عمتها قالت:هديني شسويت لج عشان تطقيني
حصه دزتها بقوه لدرجه ان عهد تأذت من الطيحه بس عمر حصه ماحست قالت بغضب: سويتي الي ماينتسوى يابنت سالم اشلون تخشين عنا موضوع خطبتج
عهدبصياح من القهر قبل لايكون من العوار الي تحس فيه بسبب الطيحه: والله ماخشيت عنج بس انتي ماعطيتيني فرصه عشان اقولج كل ماج
قاطعتها بغضب:بس مابي اسمع اي عذر بس الي ابيه انج تدقين على رفيقتج وتقولين لها انج رافضه
عهد بصراخ:بس انا موافقه عليه ومستحيل ارفضه
حصه قربت ومسكت كتفها بقوه قالت بقهر:مو بكيفج وانا الي اقرر
عهد دزتها ووقفت مواجهه لها قالت بصراخ:لا موبكيفج وانا قلت لعمي وراح اخذه غصبا عنكم
ماحست ألا بطراق حار بوجهها قالت حصه بنرفزه:وريني اشلون تاخذينه ياعهد وطلعت
وعهد جلست على الارض تصيح كانت متفاءله خير بس الظاهر عمتها مو ناويه تعتقها لوجه الله وبتم مستعبدتها طول عمرها
شهد كانت واقفه عند الباب وسمعت كل الكلام شافت امها يوم طلعت وهي معصبه وصعدت بدون لاتلتفت لها
شدها صوت عهد الي تشهق وسحبوها رجولها للغرفه عشان تطمن على عهد
بس اول مادخلت فاجأها صراخ عهد بوجهها:اطلعي بررررا وكملت بشهاق وهي تدفن وجهها بين ركبها: اعتقوني حرام عليكم والله حرام
شهد الي اجرحتها هالكلمه ماقدرت تحمل وطلعت وهي تخفي دموعها الي ذرفت
صعدت لغرفتها ركض ماخطر في بالها انها بتسمع هالكلام من عهد حست بعظم الذنب الي اقترفوه بحق هاليتيمه ماحست ألا وهي صادمه سند
الي كان نازل بيسهر مع ربعه وخرعه شكل شهد قال بخوف وكل طاري يطري عليه:شهد اشفيك فجر فيها شي
شهد بأرتباك :لا اسم الله عليها
قال بستفسار:زين ليش هالصياح
شهد بدون نفس بس بتصرف سند قالت وهي تدخل غرفتها:متضايقه شوي لاتحاتي وسكرت الباب وسند ماحب يتدخل خاصة وان نفسيتها الحين زفت ولاتساعد

اليوم الثاني
دقت على فواز تعلمه وتفاجأت ان عنده خبر وماعنده اي مشكله وحست انه فرحان وفرح اكثر لما عرف الجماعه بس حصه لايمكن تتركهها تهنى مثل ماأمها احرمتها من اخوها جا الوقت الي بتنتقم فيه واتحرم بنتها من السعاده طول عمرها
حصه بغضب:بس انا مو موافقه
فواز بدهشه: ليش ان شالله بدال ماتفرحين لانها بتفارقك ترفضين
حصه بأرتباك وكذب:اي انا تعودت عليها ومابيها تغيب عن عيني
كملت بخداع:جيتها عندي عوضتني عن ابوها الي انحرمنا منه
فواز حس بمشاعر اخته هو عارف بمدى تعلق حصه بسالم و حب سند لفجر هالحين يذكره بحصه وحبهاسالم قال :بس البنت مصيرها تزوج وهذا هو نصيبها جا مانقدر نرده
حصه الي مخططه لك شي قالت بتنهد: نصيبها مو ولد جاسم نصيبها هو سند ولدي
فواز بصدمه:سند انتي من صجج
حصه:اي من صجي وبتشوف بس انت اذا كلمت الجماعه ارفض مفهوم
وانهت المكالمه وخلت فواز في صدمته
بهالقرار الي ناويه عليه وهو عارف اخته اذا حطت شي براسها تنفذه بدون نقاش

صحت على صوت تيلفونها الي يهتز بجيبها شافت الساعه كانت عشر الصبح هي ماتدري متى نامت من عقب معركة امس شالت تيلفونها كانت سحر
عهد بتعب:الو
سحر :هلا عهد اشلونج
عهد بضيق ودموعها تجمعت: مو بخير طول ماانا عندهم ماني بخير
سحر بخوف:عهد حبيبتي شفيج صار لج شي
عهد ماحبت تطول خافت لحد يجي ويشوف تيلفونها قالت تنهي النقاش وعشان بتروح تصلي الفجر لان راحت عليها نومه : لا مثل العاده حاسه بطفش من هالعيشه
كملت:سحر اكلمج بعدين بروح اصلي الفجر طافني
سحر :اوكي مع سلامه

سند بصراخ: يمه انتي شتقولين انا لايمكن اتزوج عقب سعاد
امه بغضب:سند ترا صبرت عليك بما فيه الكفايه وجا الوقت الي بغصبك فيه على الزواج
سند بنرفزه:والله اذا كنت بزر عندك اغصبيني
امه بغضب:سند
سند بغضب: زواج عقب سعاد انسي ياخي انا مستانس جذي انتم شعليكم
حصه بأصرار:كلمه ورد غطاها زواجك من بنت خالك بيتم
سند بغضب:لا والله وحددتي العروس بعد
حصه بغضب:وحددت العرس بعد بيكون مع حمد بعد اسبوعين
سند اكره ماعليه المعاند مايحب ينغصب على شي خاصة في حياته الخاصه طنش كلام امه وطلع وهو يسب نفسه على هالحاله

حاس بضيقه في صدره ولاهو قادر يتنفس عقب الي سمعه ان اخوه وعضيده بياخذ حبيبته الي مانبض قلبه ألا لها
قال بضيق لشهد الي بثت له الخبر:وسند وافق
شهد بتنهد: امي مصره ألا يتزوج وهو كالعاده معند
كملت بحزن:احس ان امي راح تظلم عهد ان زوجتها سند وهي عارفه رايه بسالفة الزواج
حمد ماحس بعمره ألا وهو طالع من الغرفه احتار وين يروح يبي هوا يحس انسد نفسه بالأخير قرر يطلع من القصر كله
اه ياقلبي اشلون بتحمل اشوفها عند سند اشلون بقدر اتقبل هالشي بدون ماانجرح لا لا ياحمد قو قلبك واذبح حبك قبل لاينفضح امرك بين اهلك ويوصل لسهام انسى عهد ياحمد لانها مو لك ومستحيل تكون لك وانت عندك غيرها الثاني عشر

جاها خبر خطبتها لولد عمتها مثل الصاعقه حست بحراره تسري بكل اطرافها ماقدرت تحمل وجلست على الكرسي اول ماشافت عمتها طلعت بعد مابثت لها الخبر
وهي بدون نقاش وافقت
عهد موعارفه تحدد مشاعرها هل هي فرح لخطبتها ولانها بتزوج بعد هالعمر اوانه فرح لان ولدعمتها فكر فيها وبياخذها عن الغريب
معقوله هو نفسه الي صادفته كذا مره معقوله حبني وعارض على زواجي من اخو ساره وقال انا اولى فيها
ابتسمت لأفكارها وسرحت في خيال حمد الي حتى اسمه ماتتذكره بس تذكرت مواقفه المشرفه معها اشلون عطاها رقم عمها وساعدها في انها تكلمه
همست بقلبها بحب :الله يقدرني على اني اسعدك ياولد عمتي اضحكت وكملت: نسيت اسأل عمتي عن اسمه من الفرحه انخرست وماقدرت اسألها عن شي
يووه هو قاله بس ماكنت منتبهه ذاك الوقت

ابتسمت ووقفت قالت:خل اكلم سحر وابشرها
راحت تبي تكلم سحر وهي جاهله عن كل حياتها الي بتواجهها مع سند الي ماعمرها شافته او ألتقت فيه بس حطت في بالها على طول حمد انه هو الي خطبها لانها حست من نظراته لها وطريقة كلامه انه يكن لها مشاعر

انصدمت توقعتها تعارض او تصارخ وترفض بس طلع العكس انها ماعارضت وسكتت وهذا يدل على الرضا وصدمها اكثر نظرة السعاده الي حستها في عيونها وهي تبث لها الخبر
معقوله موافقه وانا الي قلت بتعذب بغصبها على الزواج من سند طلعت علي اهون من سند نفسه
اي خل ادق على سند واقوله عشان يجهز نفسه عرسه مع عرس حمد اخوه

دقت وعلى طول جاها الرد
سند برود:الو
امه بركاده:هلا سند اقول متى بتجي
سند وعينه على اوراقه :بعد ساعه ليش في شي
امه بسعاده:لا سلامتك بس ابيك تجي بدري عشان نرتب امورنا لعرسك
سند بتأفف هذا والله البلشه قال بغضب:يمه مثل ماغصبتيني على بنت اخوك تحملي كل الي يجيك انا تجهيز مراح اتجهز ومهر مراح ادفع لها فلس حمر لاني وبساطه مابي اتزوج ولاابي ارتبط بأحد بعد سعاد
امه بنفاذ صبر من سند وعناده لها قالت:شوف ياسند انا سكت عنك بما فيه الكفايه وزواج بتزوج وغصبن عليك واذا على سالفة المهر لاتحاتي انا باخذها واجهزها من فلوسي وسدته بوجهه وهو من القهر حذف السماعه بكل قوته

بعد ماسكرت من سند او بالأصح سدته بوجهه دقت على فواز وقالت له عن موافقة عهد على سند وقالت له يجي عشان الملكه الي بتكون قبل العرس بيوم
فواز استغرب هالشي وكان بيفاتحها بخطبة سامي الي حدد معهم موعد بس خبر خطبه سند وموافقة عهد لخبطت الأمور عنده وقرر يدق على سامي ويعتذر منه

كان مثل الأسد الثاير الي يرفض الحبس ويبي يرجع للبراري حس انه اذا تزوج بينسجن او ينحبس
من كثر ماهو غاضب حذف كل الأوراق والملفات حتى المهمه ماهو قادر يستوعب الي يصير معقوله ياخذ عقب سعاد حرمه معقوله يخونها لا لا مستحيل انا مستحيل ألمس وحده بعد سعاد

صرخ بأعلى صوته: حمووود

السكرتير جاله ركض قال بخوف:سم طال عمرك

سند بنرفزه:رتب الحوسه واقفل المكتب واشر بأصبعه علامة تهديد:ياويلك تضيع منك اي ورقه لمهم عدل فاهم

حمود بغصه:فاهم
وتنفس عقب طلع سند وقال بسخريه: والله حاله يعصبون ويحطون حرتهم فينا وقعد يلم الاوراق بتركيز

دخلت شهد ومعها فجر الي راحت ركض لحضن جدتها تبوسها وتحضنها
ام سند بحب:هلا بقلبي باست خدها
شهدبغيره:وانا مراح تسلمي علي ولا اشوفج انتي وعيالج بس همكم فجوره

امهابحب وهي تأشر لها تجي تسلم:حرام عليج وباست شهد وشهد باست راسها
وجلست جنبها وكملت
ام سند بحب:وبعدين ماغلى من الولد ألا ولد الولد وفجر بغلاتج عندي

فجر براءه:ماما وين بابا س
ماكملت جملتها ألا وخرعهم صوت الباب الي صفق صفقه قويه هزت كل البيب
وكان سند مر من عندهم بدون لا يسلم حتى وصعد لجناحه وهو يغلي من الغضب

فجر جت بتلحقه بس ام سند وقفتها خاصة وان سند ماانتبه لها ولا مستحيل يخلي فجر تشوف غضبه

شهدبخوف:سكنهم مساكنهم اشفيه تقول داخل على يهود حتى سلام ماسلم

امها بتنهد:خليه بكره بيحس ويعرف ان كل الي اسويه من صالحه وراح يشكرني بعد

شهد بشك:بخصوص زواجه من عهد
امهابنرفزه:اي وابشرج وافقت وكملت بفخر: وين بتحصل احسن من سند مال وجمال واخلاق اسم الله عليه

شهد برجا:وافقت من غير اي ضغوط قولي الصج يمه ارجوج
امهابتاكيد:والله ماضغط عليها هي الي رضت اناما انكر اني كنت راح اضغط عليها لي رفضت بس زين الي وافقت بدون اي مشاكل او ضغوطات ووقفت ومعها فجر الي تحن تبي سند وجدتها مانعتها
قالت بتنهد:اي ابيج تاخذي عهد لسوق وتساعديها بالتجهيز شوفي ابي تجهزها فخم وجخ والكل يتكلم عنه وراحت مع فجر وتركت شهد تصارع اهمومها هم زواج سند من عهد

عند عهد

سكرت من سحر بعد مابشرتها بخطبتها كانت سحر فرحانه لانها بتزوج بس كان في شي مخوفها خاصة وان الي خاطبها ولد عمتها
بس عهد ابعدت هالخوف وقالت الشخص الي شفته مايحمل بقلبه ألا الطيبه والحنان واحس ان الله عوضني خير كل مااتذكر شكله

انتبهت لطق الباب الي تركوه مفتوح عقب مارضت تزوج ولد عمتها لان ماله داعي تخطط وتهرب و قالت :اتفضل

شهد بضيق:سلام عليكم كانت خايفه تطردها اوتصرخ عليها عقب اخر مره

عهد بحيا:وعليكم السلام حست بخجل لانها تذكرت اخر موقف صار لها مع هالبنت الي ناسيه حتى اسمها
ابعدت هالأفكار قالت:حياج تفضلي
شهد ببتسامه:مشكوره وجلست
كملت بنفس الأسلوب:ودي اشرب معاج قهوه وادردش شوي اذا ماعندج مانع
عهدبسعاده:بالعكس حياج ودقت على المطبخ تطلب قهوه

وشهد قعدت تأمل شكلها وتخزها خز ابتسمت بنفسها صاجه امي بكره بيشكرها سند على هالحوريه لانه مستحيل بيتركها خاصة وان جمالها يكسر الصخر

قطع عليها صوت عهد
عهد بأسف: اسفه على الي صار قبل صدقيني ماكان قصدي اطردج بس ا

شهد بحب:لا انا الي اسفه كان المفروض مااتدخل

عهد بضيق: لا عادي كملت ببتسامه اسحرت شهد فيها ولو كانت ولد لداخت منها:ألا انتي شنو اسمج ترا ماعرفه

شهد بحب:شهد وعندي بنت اسمها فجوره كملت بضيق: يمكن سبق وشفتيها

عهد ببتسامه لان شهد تذكرت وقت ماهاوشت فجر ومنعتها تجلس معها ومن ذاك اليوم والبنت منفذه اوامر امها:اي الله يخليها لج
تموا فتره ساكتين ويشغلون انفسهم بالحلو والقهوه0الي وصل لهم

بعد فتره تشجعت شهد وقالت: عهد انتي موافقه على سند اخوي صح

عهد اخير عرفت اسمه طلع اسمه سند ياحلو اسمه وعساه ان شالله يكون سندلي في هالدنيا بخجل:اي موافقه

شهد براحه كانت خايفه تكون امها تكذب وان البنت مغصوبه:
اجل مبروك وجهزي حالج من باجر بنحوس بالأسواق عشان تجهيزج ياعروس

عهدبستغراب:بهالسرعه تو الناس وبعدين مامر على وفاة امي سنه مابي اتزوج واسوي طقطقه

شهد بحب :ياقلبي سند بيتزوج بنفس تحديد حمد اخوي هذا قرار الوالده تبي تفرح فيهم مع بعض

عهد شدها اسم حمد وكأنها تذكرت شي بس ماركزت وقالت بضيق:ومتى تحديد حمد

شهد وهي تأشربصابعها:بعد اسبوعين

عهدبصدمه: لا مستحيل ماقدر
وكملت بحزن :مابي اتزوج وامي مامرعليها سنه

شهد بحزن:عهد انا مقدره ظروفج وحاسه فيج بس هذا غصب عني وعنج
وكملت بضيق:وبعدين حمد شذنبه هو وزوجته تنحرمهم من الطقطقه والسعاده

عهد بأصرار:خلاص موافقه على العرس بس يكون بعلمكم
مراح ادخل صاله ولا ابي اي طقطقه انزف على طول بدون شي

شهد بنفسها يكون احسن لان من بيقنع سند يدخل الصاله خاصة عقب الأعصار الي سواه من عرف بموافقتج قالت:على راحتج

قبل العرس بيوم

عهد حايسه بتجهيزها مع شهد حست بحب اتجاه هالبنت وعرفت انها ظلمتها حيل لان شهد بينت لها عكس الي متخيلته كانت متوقعه ان كل عيال عمتها نسخه منها بس الي شافته عكس
والدليل فارس احلامها الي تنتظره والي ماعارض قرارها بأنها ماتبي زفه وطقطقه بالعكس وافق بدون اي نقاش ودها تشكره اول ماتشوفه لانه قدر ظروفها

ادخلت غرفتها وحذفت الأكياس ورمت نفسها على الكنبه وقالت بتعب بعد مافصخت حجابها: مراح اطب السوق منيه لي سنه

شهد بضحكه وهي تجلس:ليش هذا وانتي اول مره تطبي هالأماكن

عهد بضيق توقعت ان شهد تعايرها بفقرها:صح اول مره لان ماقدر اشتري من هالأماكن بس مو هذا قصدي الي اقصده ان هالملابس بتلبسني سنه مابقى شي ماشريته لي وكملت بضيق:احس ان اخوج بيسب نفسه لانه عطاج بطاقته وقال لج جهزيها

شهد مسكينه مصدقه انها بطاقه سند ماتدري انه مادفع شي و انه ماسوى شي حتى جناحه بيسكنها على اثاث المرحومه والله ظلمناج ياعهد وألا انتي ماتستاهلين سند لانه معقد

شهد ببتسامه:مايغلى عليج ولو خلصتي هالبطاقه بشتري لج من بطاقتي وعلى حسابي ابي الكل يشوفج احلى عروس بالدنيا

عهد بدون ماتحس رمت نفسها بحضن شهد وساحت دموعها لان كلام شهد ذكرها بالغاليه امها الي اخذها الله قبل لاتفرح بزواج بنتها وحيدتها

شهد حضنتها بحنان وهي تدعي ان الله يسخرلها سند وانه مايظلمها بزواجه منها

قطع عليهم صوت فجر
فجر بدلع : ماما وين ثوبي حق العرس بوريه بابا سند مو قلتي بتروحي تطلعيه

شهد بعد مابعدت عنها عهد وشافت عهد تمسح ادموعها قالت بضحكه وهي تعطي فجر كيس ثوبها عشان تغير الجو: خذي وري بابا سند وقولي لنا شنو رايه فيه

راحت فجر بسرعه وكملت شهد ببتسامه:مرات احس بالغيره من هالسند لان بنتي تحبه اكثر مني انا وابوها حتى

عهد براحه : ماودج نشوف حنا بعد اثيابنا

شهدبخبث:ألا والله بس نبي سند يقولنا عن رايه بعد مو بس فجر
عهد غصت من الخجل ولا ردت وشهد ماتت ضحك عليها

الساعه ثمان بالليل
تمت ملكة على بنت خاله الي كارهاوكاره شوفتها كونها انفرضت عليه فرض وهو الي كان رافض فكرة الزواج بعد حبيبة سعاد
لانه حاس انه ماهب لاقي احن واطيب منها وحاس انها شي نادر مستحيل يصير منه اثنين

قطع عليه فواز الي توه واصل اليوم هو واهله عشان العرس فواز ببتسامه:مبروك ياسند منك

ماكمل لان سند قال وبسخريه:الله يبارك فيك وترك المكان وراح يوصل الشيخ برا

فواز شالسالفه هذا وجهه واحد بيعرس كمل بسخريه: اخاف امه غاصبته اختي واعرفها داهيه اذا بغت شي غصب يصير تنهد وقال:عموما مغصوب او مومغصوب اهم شي اخذ بنت سالم وريحني من همها وهذا الي ابيه صار

حمد كان داخل البيب ومعاه اغراض لجناحه صادف سند واقف برا ويدخن بشراسه
تاكد انه تمت ملكته على عهد بعد ماشاف شكل اخوه الغاضب
ماحب يكون موجود وقت الملكه اعتذر بأشغاله بس عشانه مايقدر يواجهه ملكة عهد على اخوه خاف انه يتهور ويوقف كل شي وينفضح امره فحب يبعد افضل له

حمد ببتسامه كاذبه تخفي مافي داخله من حزن قال وهو مار من عند سند:مبروك ياخوي

سند فار دمه كره هالجمله كأنها تذكره بيوم موت سعاد وقت ماعزوه قال بصراخ: مبروك مبروك بس عاد ترا لاعت جبدي وحذف سجارته وراح داخل بيختلي بجناحه الي اجمعه بسعاد بيروح يدور بأغراضها على ريحتها الي محتفظ فيها للحين في جناحه

طموحي عالي

19 - 07 - 2009, 08:14 PM

الثالث عشر

عند عهد
ارتسمت على شفايفها اعذب ابتسامه بعد ماسمعت يباب عمتها الي وصل لي غرفتها اعرفت بعده ان الملكه تمت
حست بالتوتر الي خالطه قليل من الخوف اوهمت نفسها ان الخوف الي تحس فيه ما هو ألا لان حالها حال اي بنت بتزوج وبتعيش مع شخص غريب تحت سقف واحد

شافت الباب انفتح اوقفت وهي تخفي توترها عشان تشوف من الي جاي لها و كانت عمتها

حصه الي طايره من السعاده مو لان سند بيتزوج بعد هالعمر لا لانها بتقدر تنتقم من عهد بزواجها من سند لانها عارفه وضامنه حب سند لسعاد وانه مستحيل ياخذ بعدها او يحب حرمه ثانيه

حصه اخير ياعهد باخذ ثاري من اهلج الي احرموني من اخوي وضيعوه وشمتوا فينا الناس عقب ماكان الكل يطمع فينا صرنا علج بألسان الي يسوى والي مايسوى خاصة اهل زوجي الي ذبحوني بكثر مايعيروني بأخوي وانهم خايفين اعيالي يسوون مثله فحرموني من اهلي لين ماتبرأ ابوي من اخوي سالم وطرده بس الحين قدرت اخذ حقي منج قالت ببتسامه ساخره :مبروك

عهد خوفتها نظرة السخريه الي شافتها وتوقعت انها رافضه هالزواج وان ولدها هو الي مصر ياخذهاقالت بأرتباك:الله يبارك فيج

تموا فتره كل وحده تنظر لثانيه وتحاول تعرف شيدور في بالها حصه كان يدور في بالها اشلون بتكون حياة عهد مع سند خاصة وان سند رافضها ابتسمت بخبث وقالت بنفسها :ودي على مااخرب فرحتها وبث لها خبر رفض سند لها واعلمها بكل شي حتى سالفة المهروان سند مادفع لها شي
بس احسن شي اخليه بكره قبل لا ازفها لسند ابشرها بكل شي وافهمها عشان لا تستغرب اي تصرف يتصرفه معها سند

اما عهد الي كان يدور في بالها كان عكس عمتها تماما
كانت متوقعه رفض عمتها لزواجها من ولدها خاصة بعد ماشافت نظرات السخريه والحقد عليها

ابتسمت وقالت بنفسهاوهي حاسه بنصر:بتندمين ياعمتي العزيزه على كرهج لي وعلى معاملتج الزفت معي ان ماخذت ولدج وغيرته عليج وكملت بخبث :اول شي بسويه بطلعه من هالبيت وثاني شي ماراح اسمح له يزورج ألا بالأسبوع مره وتقب عليج بعد

قطع عليهم صراخ شهد الي جت ركض بتحضن عهد وهي تقول:مبروك ياقلبي مبروك

امها انقهرت خاصة وان شهد تعلقت بعهد حيل خلال هالأسبوع الي قضوه بالتجهيزات
عهد بحب وهي حاضنه شهد:الله يبارك فيج
وكملت ببتسامه:عقبال ماتفرحين بفجوره

شهد برجا:امين عسى الله يطول بعمري وألحق ذاك اليوم

عهد بحزن لان امها ماعاشت ليوم زواجها:امين

شهد حست بالي دار بخاطر عهد وقالت بخبث بتغير الموضوع:اتوقع بينهبل سند لي شافج

عهد حمرت من الخجل وحست بسعاده من كلام شهد لها وقطع عليها فرحتها عمتها الي قالت بنرفزه: شهد
شهد بستغراب:خير يمه
امها وهي طالعه:تعالي ابيج بسالفه وطلعت

عهد الله يستر علي من هالعجوز الحسود حاسدتني على جمالي حتى بس هين ياحصيصه هين

شهد بخجل من اسلوب امها: عن أذنج عهد بشوف الوالده شتبي
وراحت
وعهد لفت وراحت اوقفت عند المنظره تأمل شكلها هي صح حلوه والكل يشهد بذلك بس كان الي حارمها من الزواج افعال ابوها
قالت بتنهد:الله يرحمك ويغفر لك
هذا الي اقدر عليه يابوي العزيز اني ادعي لك لانك بأشد الحاجه لدعاء
انترست اعيونها بالدموع وهي تذكر امها كان هذا كلامها دايما
تقول ادعي لأبوج هومحتاج لج الحين لاتدعين عليه
كاني انا مثلج اوألعن منج لان ابوي زوجني بواحد مثله بالضبط ورفض يزوجني لولد اخوه الي كلن يشهد بأخلاقه ورجولته

تنهدت عهد بضيق:الله يرحمج يالغاليه وعساج من اهل جنات النعيم على الصبر الي صبرتيه في دنيتج

تذكرت سحر لازم تدق عليها وتلزم عليها عشان تجي بكره هي وامها لانها تعتبرهم اهلهاوحضورهم واجب راحت تدق عليهم
وهي في قمة سعادتها بهالزواج الي ماتدري عن مايخفيه من معارك وصراعات

عند شهد
شهد بنرفزه من كلام امها عن عهد:يمه
امها بقهر: اي ادري انج طاقتها صحبه مع هالهانم
شهد بضيق:يمه ارجوج اتخفين عن عهد وكافي انج خادعتها وخاشه عنها سر سند ورايه بالزواج
امها بقهر:تحمد ربها من بيفكر فيها بنت سالم الفاشل
شهد بضيق:يمه
حصه بقهر وهي تكش على شهد:يمه ويمه مااقول الا مالت عليج
وراحت وتركت شهد متضايقه من كلام امها

عن عهد كانت تحس بحزن آتجاها وبعدحاسه بالذنب لانها ماصرحت لها عن ماضي سند فعهد ماتدري حتى
انه كان متزوج ولاتعرف عنه سوى انه ولد عمتها الي خطبها

عند فواز
بعد مالكل راح حب انه يشوف عهد ويبارك لها استأذن من حمد الي كان قاعد معاه ودخل داخل
اول ماوصل عندها طق الباب وسمع صوتها ودخل
عهد الي اول ماشافته فزت وقالت بتوتر:هلا عمي حياك
كان هذا اول لقاء لها معه عقب سالفة هروبها وهي حاسه بأرتباك منه بعمره ماحسسها بألامان الي هي فاقدته كان المفروض هو الي يوفره لها بس للأسف مالقت عنده هالأمان وتمنت تلقاه مع سند
بعد ماتاخذه
فواز الي كان يشوف ملامحها فيها حيل من سالم خاصة عيونها الناعسه بس الي يختلف فيها بياضها ودويرة وجهها الفتان

فواز بهدوء: مبروك يا وسكت فتره كان بيقول بنت اخوي بس حس ان فيها نوع من السخريه لانه مايعترف بأخوة سالم له وكمل:عهد

عهد عشتوه حتى هذا يقولها من غير نفس ردت بتنهد:الله يبارك فيك

جا وجلس على الكنبه المنفرده وقال بنفس الأسلوب:اتمنى انك تعيشين بسعاده مع سند
وكمل بأرتباك حست فيه عهد:وترا سند مهما سوا مستحيل يأذيك او يذلك لانك بالأخير بنت خاله ومن لحمه ودمه

عهد ألتمست توتر عمها وطريقة كلامه واشلون قاعد يشرح لها عن تعامل سند

انتبهت له وهو يوقف بيستأذن بس قبل يطلع قرب لها وباس راسها ونزل ظرف فيه هدية زواجها

عهد الي وقفت اول ماوصل لها حست براحه من بوسته لها ولو انها اول مره ويمكن تكون اخر مره بس بعد اسعدتها وحسستها ان الله عوضها عقب حرمان هالسنين
قالت بخجل:مشكور عمي وماله داعي تقصد الهدية
عمها بود:ماسويت شي واعتبريه من ندى زوجتي ماقدرت تجي اليوم بنتي تعبانه وقالت بكره بتجي للعرس

عهد بحب:الله يشفيها
استأذن وطلع وعهد ابتسمت وللمره الثانيه تحس بالندم على التسرع في الحكم على الناس بالأول شهد وطلعت نعم الأخت والصديقه والحين فواز نفس الشي طلع فيه حنان وطيبه كان مخفيها

بعد ساعه ادخلت عليها شهد ومعها اربع صالونات
عهد بصدمه هي تدري وشهد قايله لها عن البرنامج حق العروس بس مو كل هذولا يستلمونها
قالت :شنو هذولا
شهد ببتسامه:هذولا ياقلبي الي بيخلون جمالج يزيد جمالا
واشرت لها توقف وسحبتها عشان الصالونات يشوفون شغلهم
من حف وصبغ ومنكير وبدكير وحوايس ثانيه ماتخلص

بعد اربع ساعات اخلصوا الصالونات وطلعوا وعهد اضربت بنفسها على كنبتها الي تنام عليها من التعب والأرهاق خاصة ان الساعه بتجي ثنتين بالليل وهي مانامت وقاعده من وقت
قالت شهد بضحكه:لاتنامين بتجي النقاشه الحين
عهد بصراخ كانت مصدقتها: لاوالله احلمي انقش وخل ترجع ابرك لها وغطت نفسها بالحاف وهي في قمة النعاس قالت بهدوء:طفي النور معاج وغلبها النوم كانت مثل الحوريه الي ابهرت شهد بجمالها خاصة مع صبغتها الغامجه الي زادت من بياض بشرتها

ابتسمت بحب:الله يسعدج ياعهد ويحقق كل مطالبج وطفت النور وطلعت عنها

عند سند
من دخل جناحه وهو سرحان بهمومه الي من ثقلها ماهو قادر يتحملها يحسها مثل الجبال
كان يفكر اشلون بتصرف مع هالانسانه اشلون بشرح لها موقفي واني مابي ارتبط بأحد عقب سعاد
زاد من حضنه لقميص سعاد وهو يحس انه يحضنها هي
قال بحزن:مستحيل اخونك يالغاليه مستحيل لو اتم طول عمري ارمل
بعده نام وهو في معمعة افكاره

فزت من نومها مرعوبه وهي تذكر حلمها تعوذت من الشيطان وحاولت تنام بس وين تنام عقب هالحلم
لفت وشافت شهد الي نايمه وبحضنها فجر
تنهدت وش هالكابوس اول مره احلم بسالم وش جابه لي قامت ودخلت الحمام توضت وصلت وطلعت تجلس بالصاله على مايأذن الفجر

اول ماطلعت حست برغبه كبيره بشوفة عهد ماتدري ليش يمكن بعد هالحلم
راحت وفتحت بابها0ودخلت شافتها كانت غاطه بسبات عميق وراسمه على شفايفها ابتسامه عذبه
حست بالغيره هي تحلم بكوابيس وعهد بحلام حلوه قالت بقهر:يمكن لان واقعها كوابيس فالله راحمها بأحلام حلوه
ماحبت اتطول خافت تحس عليها عهد وتصحى وطلعت

اليوم الثاني
رغم ماهو محافظ على مظهره دايم امام الناس ألا انه هالمره وده يكون قبيح بنظرهم خاصة هالعهد يتمنى انها تخرع منه وتطلب الطلاق من اول لليله بس ماقدر ألا يكشخ عشان الناس لاتنقد

طالع بحمد الي يستقبل المهنين ببتسامه ساحره ماكان يدري ان هالأبتسامه تمثيل لانه هو مايعرف يمثل وجدي بكل حاجه
تنهد يابختك ياحمد متزوج عن رضاك ماهو بالغصب مثل اخوك
تم يشغل نفسه عن التفكير بالرد على الضيوف الي جايه تبارك
حمد وعينه على سند قال بنفسه متضايق ياسند متضايق وانت بتجتمع لك مع قمر ومو اي ألا احلى من القمر بواجد
بس الله يهنيك فيها ياخوي
شافوا فواز جاي جهتهم وهو بقمة كشخته ورزته مع البشت الي يشوفه يقول هذا المعرس الثالث

حمد ببتسامه:صكيت علينا ياخال
فوازبعبط:اصلا انا احلى منكم والكل شاهد

سند ماحب يستعبط لانه حده مو وقته وطنش سوالفهم وضحكهم وصد عنهم لجهه الثانيه وهو يدعي ربها يفرجها

عند سهام
كانت قمة بالفخامه والشياكه ادخلت على انغام موسيقى وكأنها الملكة بلقيس وهي تصعد عرشها اقصد كوشتها
ابتسمت لمرة عمها وشهد الي رحبوا فيها وباركوا لها بحب كانت تحس بالسعاده لان حلم طفولتها تحقق وبتجتمع مع حبيبها حمد الي ياما عدت الايام والليالي بس عشان تجتمع فيه تحت سقف واحد

انتبهت لشهد تطلب من الحريم يتغطوا عشان حمد بيدخل زاد ارتباكها ودقات قلبها حطمت الرقم القياسي
اخير ياسهام اخير صرتي زوجة حمد بتعيشين عنده

اه ياقلبي احس اني احلم قعدت تسرح وتمرح بخيالها الطفولي وماحست بدخول حمد ألا وقت ماشافته واقف قدامها وانحنى لها وباس راسهاحست برعشه وقتها وماقدرت تفتح عيونها من الخجل

طموحي عالي

22 - 07 - 2009, 06:01 AM

القصة ماعجبتكم
خاب توقعي ظننتها ستعجبكن افكارها جديدة وغير مستهلكة
راح انزل بارتين وان لم أجد تفاعل فلن ازعجكن بها

الرابع عشر

اما حمد كان خايف من احساسه بالبرود والجفاف اتجاه سهام وكان خايف انها تكشفه فوعد نفسه انه بيحاول قدر المستطاع انها ماتحس بشي لان مهما كان بتظل زوجته وبنت عمه
بعد ماسلم عليها جلس يمها بالكوشه كان منبهر بكشختها هو ماينكر انها حلوه بس بعد ماشاف جمال عهد طلعت عنده ولاشي مع عهد
تمنى تكون عهد هي عروسته بهالليله بس طرد هالفكره من راسه لان عهد زوجة اخوه وعيب يفكر فيها
ظلت عيونها تحت مستحيه ترفعهم مع انها ميته وتشوفه بس ماقدرت الحيا مانعها
حست بيده تمسك يدها ومن مسكته اهتز كل جسمها لفت تشوفه بعد هالحركه بس زاد أهتزازها وتلخبطت امورها بعد ماشافته يهمس لها ببتسامه توقعت انها اعذب ابتسامه بالوجود وقال: مبروك
ضغط بيده عليها عشان يخفف من توترها
سهام بحب فديته وفديت كشخته ولو انه مو مزيون بس في عيوني ازين منه مافي
ردت بهمس:الله يبارك فيك
تموا يصورون وسهام كل شوي تسرق نظرها وتخز حمد بدون لا يحس
تأمل حب طفولتها كانت متعلقه فيه من وهي طفله من قبل لاتزوج سعاد اختها سند وبعد زواج سعاد كانت تفرح اذا راحت لسعاد عشان بس تشوف حمد لو من بعيد
بعد ماخلصوا من التصوير ألتفت على شهد الي قالت:ماودك تاخذ مرتك ياحمد وتمشي لان احنا بعد بنروح انسلم على مرت سند
حمد بحب وعينه على سهام الي زاد أرتباكها من كلام شهد: ألا ميت اخذها وطلع بس شوفي لنا درب بس

عند عهد
كانت بعالم ثاني عالم خاص فيها مايجتمع معها فيه غير سند الي بعدها ماشافته ولا جاها درت انه بيتأخر عشانه بينطر امه واخته على مايجون
حاسه بسعاده عظمى اخيرا بتزوج وبيكون لها اسره حالها حال رفيقاتها كلهم متزوجات وعندهم عيال ألا هي
مع ان عمرها مو كبير حيل ألا انها كانت متشفقه تزوج ويكون لها عيال
ابتسمت لسحر الي فالتها بالرقص وام فارس تصفق لها هي كانت رافضه اي طقطقه واغاني بس سحر اصرت ترقص بعرسها وتقول انها ناذره هالشي وجابت معها ستيريوا واشرطه ومارقص معها غير خطيبة فارس الي جت معهم
بعد فتره اسمعوا يباب شهد الي دخلت عليهم والفرحه تشع منها سلمت على عهد
ونبهت بدخول سند وقعدت تعدل عهدوتعدل طرحتها كان ذوق شهد حيل راقي وفخم وهم عهد اعجبها ذوق شهد بكل حاجه وعشان جذي ماشالت هم تجهيزها دام شهد معاها
كانت كلمة روعه قليله بحقها كانت قمه بالجمال والكل شهد لها
تفننت الصالونه بتزيينها بدون لاتخفي ملامح وجهها الساحر
انتبهت لدخول سند او زوجها ماقدرت ألا انها تلمح بشته اول مادخل
شافته وهو يرمي السلام عليها من بعيد ويجلس جنبها مادققت بهالشي وتوقعت انه مستحي من تواجد الحريم بس صدمها رفعت يده للمصوره الي كانت بتاخذ لهم صوره
سند الي من دخل وهو حاس كأنه مقيد وده لو ينهي كل هالمهزله الي تصير ماألتفت على عهد ولا عطاها وجهه حذف عليها السلام ومن غير نفس بعد وجلس بس اقهره المصوره الي تبسم وتبي تصورهم حس بالغضب وقال:لو سمحتي لاتصوري واشر لشهد قال: صرفيها برا مالي خلقها
الكل اندهش وانصدم حتى سحر وامها
ألا حصه الي ابتسمت بمكر وقالت بسخريه:شهد ماتسمعين اخوج شيقول نفذي الي قاله
شهد ودها الأرض تنشق وتبلعها من الفشله ماقدرت تسوي شي بس سحر أشرت للمصوره وطلعت هي وياها
ودها تشكر سحر على هالانجاز الي سوته خاصة وانها ماتبي تترك عهد بروحها بتم معها لين ماينزفون لجناحهم خافت ان امها او اخوها يتهورون ويصدمون هالمسكينه
هذا اذا للحين مانصدمت شافت سحر رجعت بعد ماتفاهمت مع المصوره
سحر الي قهرها اسلوب سند قالت بنفسها هذا اولها الله يستر شكله نسخه من امه بس عهد ماتدري
او انه قاص عليها لانها تمدح فيه وفي طيبته والله ماظنتي ورا هالوجه طيبه
راحت لأمها ومرت اخوها عشان تستعجلهم يسلمون على عهد ويمشون قبل ينطردون هم بعد

عند حمد
جلس على العشا وماطب حلقه لقمه كان ينطر سهام تجي صارلها فوق الساعه داخل تبدل
تركها تاخذ راحتها بس اخذت فوق المتوقع
تنهد بطفش:أووف ماصا
ماكمل جملته ألا وسمع باب الغرفه يتبطل وتطلع سهام
سهام الي من خوفها وخجلها تمت ساعه تفكر اشلون بطلع له بهالشكل لا ماقدر استحي
مع ان قميصهاالستان سكري وحوافه دانتيل وكان طويل وفوقه روب بعد
بس هي خجوله حيل
سمت وطلعت له وشافت نظراته الساحره لها حمد كان منبهر في شكلها وزاد عليه خجلها الزايد
بعد ماجلست قال بضحكه:لو داري انك بتأخرين جان وصيت لنا على سحور موعشاء
غاصت بهدومها من الخجل وزاد خجلها بعد ماكمل حمد بخبث:بس ترا ماورانا صيام
ضحك عليها وتموا يتعشون بهدوء
بعد ماخلص قام وقال ببتسامه: اخذي راحتك وتعشي ادري انك مستحيه وماكلتي شي وانا بروح اتروش وبدل
هو مابدل وتم بثوبه لانه مايبي يزعج سهام وقت ماهي بالغرفه
سهام فديته ويلوموني فيه اذا حبيته كله طيبه وذوق
شافته لين دخل وقامت عن الأكل هي أصلا مو مشتهيه شي بس عشانه كلت
راحت وشغلت التيلفزيون وجلست عنده وهي اصلا مو يمه بس عشان تكسر حاجز التوتر عندها

حاسه انها بترجع وانها مو قادره تنفس من عقب الي اسمعته والي انقال لها بعد مادخلت جناحها مع زوجها المنتظر
هي كانت حاسه ان ورى عمتها شي خاصة بعد ماصرفت سند داخل بس كل ماتذكرت كلام عمتها ودها لو تموت ابرك لها من هالعيشه التعيسه الي بتجمعها مع واحد رافضها بتاتا
كانت متخيلته انه نفس الشخص الي تقابلت معه اكثر من مره بس احساسها خاب وطلع هذاك اسمه حمد مو سند

تمت جالسه على كنبه بالصاله وهي تندب حظها الي ماعمره صفا لها تعوذت من ابليس وماحست بنفسها ألا وهي تسلقي راسها بحافة الكنبه كانت حاسه بتعب نفسي اكثر ماهو تعب جسدي

تنهدت بحزن:وش بتسوين ياعهد بهالمصيبه الي حطيتي نفسك فيها لاتنسين انج انتي السبب لانج بسرعه وبدون تفكير وافقتي

حست بدموعها انزلت وكملت: اي وافقت لان محد قالي وكلهم غشوا علي حتى شهد اشتركت معهم بالجريمه
انتبهت لوقفته عند راسها وعدلت جلستها وامسحت ادموعها بسرعه لايشوفهم ماتبي تحسسه بضعفها
سند الي اول مادخل راح لغرفة وترك عهد مع امه بالصاله استغرب من طلب امه هذا بس نفذ وتركهم بروحهم
بعد ماخلص تبديل جلس لين ماسمع الباب حق الجناح يتسكر عرف ان امه طلعت وقرر يطلب لهم عشا مو عشانه ولهان ياكل معها لا لانها كاسره خاطره اكيد جوعانه وماكلت شي
خاصة بعد ماركز بشكلها حس انها صغيره حيل ماصدق انها25 الي يشوفها يقول ماتعدى ال17
عهد بعد ماتعدلت ارفعت عينها له وطالعت فيه بدون خجل او حيا بس كان في نظراتها له شي هو مافهمه وتوقعه جراءه منها سند بقهر بنفسه صج قوية عين اشلون تخز ماكأنها عروس ومفروض تستحي
قال: ادخلي بدلي هالمكنفش قبل يجي العشا
عهد اخ ودي اسطره وقطعه بسنوني على اسلوبه الزفت وعلى الي سوته امه فيني وقفت بصعوبه وقالت برود: مابي عشا
سند ابركها من ساعه تبيني ادلعها واغصبها تاكل معصي مارد وجلس على الكنبه بعد ماهي قامت وراحت
عهد يبيني اتعشى اصلا البركه بامك الي افتحت نفسي بعد ما قامت بواجبها كعمه وأهدتني هدية زواجي
عمري ماشفت انسان احقر وانذل منها لا واشلون تكلم وكأنها تمسخروتشمت فيني لانها قدرت تسيطر علي وتتركني تحت رحمتها حتى ولو كان على حساب ولدها الي رافض فكرة الزواج
اه اه ياما حذرتني سحر وقالت لي لاتسرعين بقرارج بس انا غبيه ماصدقت انخطب على طول وافقت قال ايش بفرح وستانس حالي حالهن امحق سعاده وانا ماخذه لي واحد رافضني

دخلت الحمام بعد مانزلت ملابسها وافتحت عليها الماي البارد تبي تطفي النار الي بجوفها تمت مده تحت الماي عشان بس تنسى او عشان توقف سيل ادموعها الي ماقدرت توقفه

سند تعشا وجا بيدخل ينام بس تذكرها فقرر ينام على كنبته الي جالس عليها مد رجوله وهو حاس برهاق وتعب بس استغرب ان في شي ضايقه وهو داعس عليه رفع راسه يشوفه وانصدم انها مسكة عهد الي نستها او مااخذتها بالأساس مسكها بيده وضحك على افكار هالبنات ومسكاتهم
ونزلها على الطاوله ورجع ينام

اما عهد بعد مالبست لها بجامه ساتره راحت قفلت على نفسها الغرفه وراحت بتنام لان خلاص كل طاقتها نفذت هاليوم

اليوم الثاني
صحت مبجر او بالأصح ماقدرت تنام من هالكابوس الي دايم يجيها
راحت تصحي الخدم يجهزون فطور المعاريس
خاصة وان حمد رحلة الساعه عشر فلازم يكون هناك من وقت
اجلست تشرب قهوتها وشافت فجوره جايه صوبها
ابتسمت بحب:هلا والله بحبيبتي
فجوره براءه: ماما وين بابا سند ليش ماقام
كانت متعوده عليه دايم يقعد مبجر حتى قبل امه
حصة:حبيبتي سند نايم الحين
ألتهت حصه بالخدامه الي نادتها ومانتبهت لفجر الي ماعجبها كلام جدتها وراحت تشوف سند
سمعت طق الباب وصحت عليه شافت الساعه ثمان وهي بعدها ماصلت حتى فزت بسرعه وفتحت الغرفة تشوف من الي جاي
بس تفاجأة ان سند صحى قبلها وفتح الباب وكانت فجرابتسمت عهد لها وهي تشوفها حاضنه سند وهو مانتبهه لوجودها
ألا بعد ماقالت فجر براءه وكأنها تذكر احداث امس:بابا سند ليش ماخليتنا نصور مع عهد انا وماما اشرت لها براءه:والله هو الي طردها
سند ألتفت يشوف فجر شتأشر عليه بس انصدم كانت عهد وافقه وكان شكلها يفتن ويسحر خاصة مع البجامه العسلي والشعر المحتاس من النوم
حس انه ارتبك وتوتر وماقدر يتحمل فبعد عينه عنها وألتفت على فجر قال بأمر: روحي عند ماما حصه على ماألبس واجي
عهد نست نفسها وابتسمت على براءة فجر وبعد ماشافت فجر طلعت راحت تدخل توضى وتصلي
اول ماطلعت فجر سكر الباب وراح داخل للغرفه
راح صوب الكبت يطلع له ملابس وانتبه لطلعتها من الحمام مالف عليها وحاول انه يسيطر على نفسه ولايشوفها خايف انها تسيطر عليه وتخليه يخون سعاد
عهد الي توضت وجت بتصلي صدمها وجوده بالغرفه بس ماعلقت وراحت صوب سجادتها بتصلي بس قبل لا تكبر قال لها:بتنزلين معي تحت انطرك مايدري ليش قال هالشي وسب نفسه مليون مره
عهد برود:لا وكبرت تصلي وهو
انقهر منها كل شي يطلبه منها ترفض امس عشاواليوم نزولهم لأهله
طلع ولافكر حتى يسألها عن سبب الرفض

عهد بعد ماسلمت ودعت ربها يفرج همها
حست بالجوع بيقطع احشاءها هي من امس ماطب حلقها شي كانت تحس بدوخه وبالموت مشت لين وصلت للمطبخ افتحت الثلاجه وصبت لها عصير وخذت لها توست فاضي وقعدت تاكله بس يسد جوعها
ويبعد عنها الدوخه تأملت الجناح من شباك المطبخ كان حلو بس شكل الأثاث قديم حيل
حتى غرفة النوم شكلها قديمه والدليل ان الكبت كله مليان بأغراض سند ومقفل وانا اغراضي مازالوا بالشناط بالغرفه مادري وين بحطهم
معقوله بتم جذي عايشه مع رجل رافضني اوف كل ماتذكر هالكلمه احس بخنجرينغرس بقلبي انا شفيني عشان الناس ترفضني

عند حمد
صحى على صوت التيلفون كانت امه تقومه قبل تطوف رحلتهم
قام وراح للحمام وهو عارف ان سهام صحت بعد بس من الخجل موقادره تطل بعينه
ابتسم هو يتذكر شكلها حس انه يتعامل مع طفله مو بنت بالعشرين
سهام انطرت لين دخل الحمام وقامت بسرعه اخذت لها ملابس وراحت للحمام الي برا
متخوفه تشوف حمد عقب مانشفت ريقه امس
في الصاله
كان جالس هو وامه يتفطرون ومعهم فجوره الي جالسه كالعاده بحضن سند ويأكلها
حصه كانت متوقعه ان عهد مراح تنزل وانها بتظل طول عمرها محبوسه بهالجناح وهالشي اسعدها حيل قالت بسخريه:مرتك ماهي جايه تفطر معنا لان انا يوم شفتك نازل ماصعدت لكم فطور فوق
سند برود:لا بس خليهم يصعدون لها فطور
حصه بنفسها معصي خل تموت جوع
سند بعد ماافطر استأذن بيروح لفواز الي يبيه بشغل
هم عارفين ان سند ماعنده سفر

عند حمد
خلصوا فطورهم وهم ينظرون بعض نظرات حب وشوق حمد نسا اوتناسا عهد بعد ماكرس حياته لسهام وايقن انه مع مرور الوقت راح يحب سهام
حمد بحب: قومي خل نمشي عشان بنسلم على امي قبل
سهام :ان شالله البست ملفعها وطلعت معه بعد ماهو شال شناطهم

عند حصه
كانت منقهره من شهد الي زعلانه عشان خاطر عهد حصه بنرفزه:خلي نصايحج لنفسج فاهمه وانا مستحيل برضى على بنت سالم
شهد بضيق:والله موكاسر خاطري ألا عهد الي ابتلشت في اهل مثلكم
وقامت وأشرت لفجر قالت:فجوره يمه يالله خل نمشي
حصه :وين اجلسي تو الناس
شهد بحزن: لا بروح ماقدر اجلس
حصه :كيفج
وراحت شهد بس قبل تطلع وعلى ماتضف الخدامه اغراضهم قالت بتروح تطل على عهد وتطمن عليها

عهد الي حست ان الدوخه خفت شوي بس للحين تحس فيها قعدت على التلفزيون عشان تكسر حاجزالملل الي تحس فيه هي ودها تكلم سحر بس خايفه تحس بشي وهي ماتبي احد يدري تبي تواجهه همها بروحهاوتوقف عمتها عند حدها مراح تسكت لها
كملت بتنهد وهالزوج الي ابلشتني فيه اشلون بتصرف معه معقوله اطلب الطلاق لا مستحيل اطلب هالشي لو اقعد طول عمري معه بس مايطلق علي لقب مطلقه انا على سواة ابوي ماارحموني هالمره بيصدقوني اذا قلت البلا منه
انتبهت لطق الباب وقامت له
اول مافتحته شافت شهد الي استقبلتها بحب وحراره:مبروك ياعروسه مبروك
ماصدق ياشهد انج عارفه بكل شي وساكته معقوله انخدعت فيج
عهد ردت برود ارعب شهد :مبروك على ايش ياحظي على نجاح خطتكم انتي وامج
شهد بصدمه ماتعرف عهد شتقصد: خطه
عهد بغضب وهي تجلس على الكنبه :اي خطه خطه زواجي من اخوج هالمريض ولا شلي مانعه من الزواج طول هالسنين
شهد بنفاذ صبر:عهد مااسمح لك وسند ماهب مريض وبعدين اناسألتج وانتي ذاكره هالشي ورديتي علي بالموافقه
عهد بقهر:بس ماقلتي لي انه رافض فكره الزواج كملت بضيق :ليش ياشهد خدعتيني انا ماكنت مستغربه هالشي من امج لكن انتي صعب اصدقه

شهد اه ياعهد انا في موقف صعب بينج وبين امي الله يهداها قلت بحزن: عموما انا قلت لج وانتي اخترتي وترا سند مافيه شي من الي بالج كل الي فيه انه مايبي يخون المرحومه مرته
صدمه ثانيه توها تعرفهاان سند ارمل قالت :ليش هو كان متزوج
كانت متوقعه انه ماتزوج ابد لان اسلوبه معها يدل على انه ماعمره اجتمع بحرمه
شهد بحزن:اي كان متزوج بنت عمي وتوفت بالخبيث الله يبعده عنا
كملت بتنهد:يالله انا طالعه توصي على شي
عهد بضيق:سلامتج بس ابي منج انج تسامحيني على الي قلته
شهد ببتسامه:مسامحتج من غير لاتطلبين وقربت لعهد وباست خد ها وقالت:مع السلامه
وطلعت وتركت عهد في صدمتها سند ارمل ياحرام وانا الي ضنيت فيه ضن السو اثاري الرجال وافي لذكرى زوجته اخ احس اني احسد هالزوجه الي عشانها سند رافض الزواج
بس انا لازم اعرف كل شي عنه من شهد

الساعه وحده الظهر
دخل لجناحه وهو حاس بكتمه بصدره اشلون بيتقبل وجود شخص غريب في مملكته هو وسعاد
انتبه لعهد الي وقفت اول مادخل قال برود:سلام عليكم
عهد الي كانت مندمجه بمجله اول مادخل اتركت مجلتها ووقفت احتراما له شخصية سند ورزته وجبروته تفرض عليها الأحترام والخضوع له
ردت بحيا:وعليكم السلام
قال بستفسار:تغديتي
عهد الي ميته جوع حتى فطور محد جاب لها شي والخدم محد مر عليها عشان تقدر تطلب أكل قالت بخجل:لا
سند كان قايل لأمه انه مايبي غدا بس لما شاف عهد ماأكلت قال :تبين اوصيهم يجيبون لك غدا هنيه
عهد بنفس الأسلوب ولان مافيها تحمل الجوع:براحتك
سند راح لغرفته بيدق ويقول لأمه تجيب غدا لعهد وعهد اول ماراح عنها اجلست
عهد اووه ياربي احس كأني واقفه عند قاضي وانطر الحكم هيبة تربكني بس فديته على حنيته حس فيني اني جوعانه وماأكلت شي
من امس

وصى لعهد على غدا واخذ له شاور ولبس ملابسه وراح بينام حاس بتعب من نومة البارح على الكنبه
حط راسه على المخده فحس انها متشربه بعطر نسائي مركز من قوته ارتعش كل جسمه ماحس بنفسه ألا وهو حاذف المخده ونام بدون شي خاف تكون كل المخدات متشربه بريحتهاخاصة وان الفراش فيه اثر للعطر بس ماقدر يقاوم تعبه وبرودة التكيف في ترك الفراش

عهد الي طفشت من كثر ماهي ناطره الغدا وصوت بطنها ازعجها من الجوع
اوف والله ماصارت غدا الساعه بتجي ثلاث وهم للحين ماجابوا شي
حست باليأس وان مراح يجي لها غدا فراحت للمطبخ صبت لها عصيرواخذت توست وهالمره حشته بجبن وقعدت تاكل

عند حصه
بقهر:هذا اولها ياسند توصي لست الحسن أكل يجيها لي فوق بس حريمتها دامك انت ماتبي غدا هي بالطقاق ان شالله تموت جوع ماهمني
بس الحين خايفه اذا سألني سند شقول له
نسيت او ان الخدم مافهموا
اقول الي اقوله ولا اني اخلي الخدم تصعد لعهد أكل فوق
وكملت بمكر :ولاليش انطر سند لين يقوم خل اطلع استانس بدال هالوحده الي تخنق وذا سألني سند ذيك الساعه برقع له بأي شي
وراحت تجهز لطلعه

-------------------------------------------------------------------------

الخاااااااااااامس عشششر>>

تحملت اكون غلطان وانا الي معاي الحق***
تحملت اكون الي ظلم نفسه وهو ساكت***

الساعه ست المغرب
قعد من النوم بسرعه حس بضيق راحت عليه نومه وهو ماصلى العصر والحين المغرب أذن بعد
قام بسرعه وراح للحمام يتوضى عشان يصلي
بعد ماصلى وخلص لبس وتكشخ كالعاده عشان بيطلع بيروح لأي مكان اهم شي مايجلس بالبيت مع هالأنسانه
طلع بعد ماغرق ثوبه والغرفه من عطره المركز عشان يخفي ريحته عطرها
عهد الي سدت جوعها بكم لقمه من التوست والعصير ارخت جسمها على الكنبه بتاخذ لها غفوه قبل الصلاه بس طالت هي الثانيه غفوتها وغطت بسبات عميق
كان شكلها رهيب وساحر بنومتها خاصة وان شعرها طايح على عيونها ومغطيهم ومو باين غير شفايفها الصغيره
حس انه تكهرب من شوفته لها بهالشكل وانه موقادر يسيطر على نفسه في مقاومة جمالها خاصة وانه رجل ومايشكي من اي مرض ويحس بأنجذابه لجنس النساء
سند بتوتر: تركد ياسند واياك تفكر تخون حبيبتك سعاد مهما كان مافي انسانه تسوى اظفر من اظافر سعاد
ماحب يتركها بدون لايصحيها تصلي او علأقل تغير من نومتها الي فتنته فيها
سند وهو متسلح بالبرود عكس ارتباكه الداخلي: هيه يابنت قومي صلي
عهد الي خوفها صوته فزت بسرعه وطالعت فيه برعب وهي تحاول تستوعب شيصير
سند بدون لايحس سمى عليها لان فزتها ضيقت خلقه
قال بتوتر:الصلاه
عهد بخوف:ان شالله وقامت
مشت من قدامه وهو مانزل عينه منها لين مااختفت عنه جلس وهو يسب نفسه على هالمشاعر الي بتخليه يخون حبيبته
حس بالجوع وراح دخل المطبخ بيشوف اي شي ياكله او يشربه

عهد حست بالقهر من معاملته
اوف جني خدامه عنده اشلون يقومني بهالطريقه ادري انك ماتبيني وانك رافضني بس عاملني بأحترام احترم الدم الي يربطنا
هذا اذا في دم اتوقع ان امه اهدرت كل هالدم بمعاملتها لي

توضيت وصليت وزاد علي عوار بطني احس بموت جوع
مدري ليش احس ان عمتي لها صله في ان الخدم ماجابوا لي شي من الصبح بس ماراح اطر منها وان شالله اموت جوع ولا انذل لها

بدلت بجامتي ولبست تنوره بيج وبدي بني كانت الدلعه واسعه شوي مع انها ساتره حيل
تعطرت وطلعت بس حسيت اول مادخلت الغرفه بريحة عطر سند وحيل اعجبني ذوقه

مالقيته بالصاله توقعته طلع رحت بكمل باقي التوست الي عندي من كثر ماكلته بكرهه
ماقول ألا حسبي الله على الظالم

دخلت المطبخ وانصدمت من وجوده
سند الي جهز له توست بجبن على السريع مع كوب كابتشينو
كان قاعد ياكل استغرب ان المطبخ مافيه اي صحون تدل على ان جا غدا
جلس ياكل واستغرب من جيتها للمطبخ
عهد بيأس لا خلص التوست يالله الشكوى لله
قربت لثلاجه وصبت لها عصير
جت وجلست قباله وهي تشرب قال برود:انزلي تحت ليمتى بتمين منحبسه هنيه
حست انها ودها تخنقه من القهر قالت بحيا:ان شالله
كمل بأرتباك وهو يقوم عقب خلص:قومي الحين معاي دامي بنزل
عهد بتوتروهي تقوم:زين بس بجيب ملفعي
وقفها سند بصوته:ترا مافيه احد حمد ومسافر امشي قبل اتأخر
ونزل وهي اضطرت تلحقه

عند سحر
حاسه بخوف على عهد وحياتها مع هالأنسان جت بتدق بعدين استحت خاصة وان امها مانعتها من هالشي ماتبي تزعج عهد
بعد تفكير قررت ترسل مسج وكتبت فيه*بشريني عنج تراني من امس احاتيج*
بعد ثواني جاها رد*انا بخير ومستانسه حدي *
طمنها رد عهد وراحت طيران تبشر امها
الي كانت هي الثانيه تحاتي وقارصها قلبها من نظرات ام سند لعهد حست انهاماتبشر بخير وانها مو ناويه تخلي هاليتيمه بروحها

آحب وصلك وآتشوق لطاريك

والعنا درب العنا لأجلك خطيته

في عز ظرفي كنت شاريك

مابعت وصلك وحبك مانسيته

آتعبت قلبي وهو يسهر يداريك

والعطا قلبي إلي عطيتك نسيته

تحملت الجرآح ومعها آجاريك

جرح الزمن نزف دمه خفيته

بكيت حزني وبالبكي آبكيك

لهيب الصدر بدموعي طفيته

آخذت عهدن علي آني ماآخليك

وآن طال الزمن هجرك مانويته

شفت طاري الزعل آنه مخاويك

ومقصد الهجرآن بعينك قريته

خذيت حزني مع ذكرى تناديك

وتركت لك دمعه مع ضحكن نسيته

عند عهد
نزلت معه واجلست بالصاله ترد على مسج سحر اضطرت تكذب بس عشان ماتحملهم همها كافي الي جاهم بسبتها وشافت سند جا لها بعد مالف القصر يدور امه بس ماحصلها سأل الخدم قالوا طلعت

عهد لفت عليه اول مارجع وشافت في عيونه نوع من الخجل قال:الوالده طالعه وانا بعد مضطر اطلع فالبيت بيتك اخذي راحتك

عهد ابركها من ساعه اجلس بروحي ابرك من مقابل وجه امك
ردت بحيا:اوكي مومشكله

طلع وهو حاس بالفشيله اشلون يخلونها بروحها حتى شهد مو فيه ولا كان تطمن عليها

بعد ساعه وهي جالسه بروحها ومندمجه بالمسجات مع سحر
كانت تألف على سحر أكاذيب ماتبي تشغلها بهمها
دخلت عمتها شافتها جالسه والأبتسامه ماتفارق وجها حست بالغيره وحقد عليها

قالت بسخريه:ماشالله اشوف بنت اسويلم اخذت راحتها واحتلت المكان والبيت بعد
عهد اوقفت ولاردت بكلمه بس ارعبها غضب حصه الي قالت :ماتكلمين لايكون انطرمتي

عهد لا هذي مصختها قالت بنرفزه وهي تأشربأصبعها: عفوا احترمي نفسج ولاترفعين صوتج علي فاهمه

حصه بغضب قربت لها وجرتها من يدها قالت:عيدي ماسمعت اشوف طلع لك ألسان وقمتي ترادديني
عهد اسحبت يدها قالت:انا لي ألسان غ
ماحست ألا الطراق بخدها من حرارته دمعت عيون عهد بدون لاتحس
حصه بتوتر من شوفتها لمنظر عهد الكسير قالت:اطلعي فوق ولاشوفج نازله فاهمه اطلعي
عهد طلعت بس مو عشان طلب عمتها اطلعت لانها مو قادره تحمل عقب هالكف الي حصلته في اول ايام زواجها
حصه رمت نفسها على الكنبه وهي تحس بخنقه مو قادره تنفس عقب الي سوته وعقب نظرات عهد

اما عند سند
سهر مع ربعه في الشاليه لين ماصارت الساعه ثلاث فقرر يرجع لبيت
لانه متوقع نومتها هالوقت مايبي يلتقي فيها ويضعف قدام انوثتها الطاغيه
دخل وشاف النور مطفى وتوقع نومها بالغرفه فقرر ياخذ له ملابس ويطلع بس اول مادخل انصدم انها موفيه وان الفراش مرتب وماعليه احد
حس بفضول انه يعرف وينها فيه
راح طل على المجلس لقاها مسويه لها فراش على الكنب ونايمه كأنها بتفكه من هالمشكلة الي هو يحاتيها
كره نفسه وحس بالحزن اتجاه هالبنت الي ماعاشت حياتها الطبيعيه وابتلت بواحد مثله
تنهد ودخل الغرفه وبدل وانسدح بينام

صحت على الصلاه كانت موقته منبه لها عشان لاتطوفها الصلاه
توضت بالحمام الي برا وصلت
بعد ماخلصت جلست فتره على سجادتها تسترجع الي صار لها مع عمتها هي ليش تكرها وتحب اتشوفها متعذبه شنو السبب الي يدفعها لهذا كله وانا مستعده جان عندي الحل اني لسويه بس تتركني بحالي
تنهدت بضيق كافي ياعمتي كافي ماجا منج من أهانات وذل واخر مابه زوجتيني من ولدج غصب وهو رافض الزواج
امسحت دموعها الي نزلت هي متى وقفت اصلا
جفت دموعها من اصعدت امس عقب الي صار مع حصه وهي فارشه لها بالمجلس فراش ودافنه روحها فيه تصيح خافت يجي سند ويكشفها مع ان هذا مستحيل يصير
حست انها شبعت صياح فحاولت تهدي نفسها وتمسح اثر الدموع
قامت بتروح تشرب ماي
بس صدمها طلعت سند بوجهها كان توه جاي من الصلاه فكان ناوي يقومها بس انصدم انها قايمه وان اعيونها منفخه وجهها احمر
قال بخوف:اشفيك صايحه
كان قريب منها وهي ردت للمجلس ولفت عنه
عهد وألي هذا شيصرفه الحين قلت برتباك: لا بس كنت ادعي لأهلي ودمعت
مالقت ألاهالعذر مع انه ماهب مصدقه بس مستحيل تبين له لانه اكيد بيوقف مع امه ضدها فهي على امه موقادره تحمل ضربها فشلون اذا هو بعد رفع يده عليها
سند بشك: بس هذا مو دموع هذا صياح
وانتبه لحمرار خدها جا من غير قصد بيلمسه كان منصدم وهالشي زاده بعد قال :من
عهد بتوتر وهي تصد عنه: مافيني شي وياليت مادخل نفسك بشي مالك فيه
سند بقهر:شقصدك بهالكلام
عهد ماعرفت وش تقول او تخربط قالت: اقصد حياتي ماتدخل فيها وكملت: انا ادري انك ماتبيني وان امك هي الي غاصبتك علي وانك كرهتني لأني وافقت فالي ابيه انك ترضى اني اعيش عندك كأخت وانا مستعده اني ماضايقك بشي
حس بضيق وكأن خنجر يخترق جسمه عقب الي قالته يعني هي عارفه برفضي وساكته
قال بأهتمام وهو حاس ان حمل وانشال عن صدره لانها عارفه بكل شي: بس هذا مايمنعني اني اعرف سبب هالصياح والكف الي معلم بوجهك حتى لأخو من حقه يعرف صح ولا انا غلطان
عهد بأصرار:اسمح لي ماقدر اقول
سند بقهر:يعني السالفه سالفة عناد وبس
عهد بخوف:اعتبرها مثل ماتبي وراحت وجلست على فراشها وكأنها بهالحركه طنشت سند الي فار غضب قال: كيفك ياعهد بس انا مصيري بعرف
وطلع
وعهد رمت نفسها تنام وهي مطنشته

اليوم الثاني
بعد ماسكرت من حمد وهي حاسه بالفرح لسعادة ولدها الي بان عليه السعاده من كلامه معها
انتبهت لنزول سند وجيته صوبها
حصه كانت متوتره هي تخاف من سند خاصة اذا عصب فخافت تكون عهد جارته صوبها ومحرضته عليهم مع ان هذا من سابع المستحيلات يصير
سند الي سلم وجلس عندها وهي ردت
حصه ببتسامه:وعليكم السلام
قالت بشك:وين مرتك هم اليوم ماهي متغديه معنا
سند بجفاف:مادري ولاسألتها
حصه استبشرت خير من رده وان عهد ماقالت له شي عن الي صار امس
قالت :اي ترا حمد يسلم عليك توه كلمني فديته طاير من الفرحه الله يتمم عليهم
سند بحب:امين
حصه استأذنت بتشوف الخدم يحطون الغدا بدون لاتسأل عن عهد هل بتجي او لا
بعد فتره دخلت شهد الي جايه هي فجوره عشان امها عازمتها سند فز قلبه وفتح ذراعه لفجر وهي جت له ركض
بعد ماسلم على شهد وجلس وفجر مازالت بحضنه قالت له شهد ببتسامه:وين مرتك ماشوفها
سند برود:فوق
شهد :ليش ماهي متغديه معنا
سند:مادري
شهد بنرفزه من بروده: اشلون ماتدري ابي افهم
سند خزها بنظره خوفتها: مالك حق تفهمين حياتي وانا حر فيها
شهد بخوف:اي ماقلت شي بس
سند رحم خوفها:لاتبسبسين وكمل برود:وعشانج ام هالمزيونه وباس فجر الي موفاهمه شي وتلعب بتيلفون سند بروح اشوفها
وقف ونزل فجر واستأذن يشوف عهد

اما عهد الي من قعدت وهي شاغله نفسها بالمجلات او تلفزيون بس عشان تنسى همها
دق تيلفونها وكانت سحر
حست بسعاده وقعدت تكلمها وتكلم ام فارس وتطمنهم عليها

ماحست بالوقت وهي تكلم ألا بعد ماشافت سند واقف عند باب مجلسهم استأذنت وسكرت من سحر

سند داخ من اسلوبها من ابتسامتها للي تكلمه وحس بغيره من الي تكلمه تسند على باب المجلس وتركها تاخذ راحتها في الكلام
او بالأصح هو ياخذ راحته في تأملها
ماحس ألا بعد ماقالت بحيا من نظراته:بغيت شي

سند حس انه ابله ونسى هو ليش جاي اصلا قال بركاده تخفي توتره :اي شهد تحت
صج اني ثور وبعدين معك ياسند من تشوف هالبنت تضيع علومك
عهد بأرتباك ماتبي تنزل وتواجهه حصه عقب امس خاصة وانها محذرتها من النزول :واذا
سند:تبي تشوفك فتعالي تغدي معنا بدال أكلك بروحك
عهد كأني اكلت شي ابتسمت بمكر وهالأبتسامه حركت بجسم سند مية عضله قام يهتز هز قال وهو صاد عنها :كيفك اذا ماتبين ماله داعي تجين بس عشان شهد ماتبلشني وجا بيروح قالت بخجل: لا بجي بس انطرني ببدل
كانت ناويه تقهر حصه وتواجهها ولا تخليها تشمت فيها على انها سمعت كلامها ومانزلت لانها خايفه منها
قررت تعاملها بهالطريقه قدام عيالها بتحترمها وبعيد عنهم بتقهرها قهر
ألبست لها دراعه فخمه في اقل من ربع ساعه جهزت وطلعت له وهو كان متوتر حده وهالشي ماخفى عن عهد بس ماحبت تسأل
وفضلت انها ماتدخل في حياته
نزلوا مع بعض وشافت نظرات حصه الي مافارقتهم من اول مانزلوا لين ماوصلوا لهم وسلموا وجلسوا
عهد احتارت وين تجلس بين سند وامه مستحيل بس فجر ارحمتها وقامت من عند امها وراحت بتجلس عند سند وهالشي فرحها وتمنت تبوس فجر على هالمساعده العظيمه
اجلست مكان فجر ولفت لشهد الي قالت بضحكه:الله يعينج على فجر انالو مكانح اعتبرها ضره لي
عهد اضحكت بحيا وسند حاول مايبين ارتباكه واشغل نفسه بفجر وسوالفها
اماحصه من شافتها جت وهي مفوله من الغضب
اخ ماكفاها تهديدي الي امس ناطه لي اليوم بعد ونازله
كانت تخزها بنظرات وعهد تسوي نفسها مومهتمه وحست انها غلبت حصه بشيين كونها طنشت كلامها امس وانها حصلت لها وجبه غدا دسمه

بعد المغرب
كانت جالسه بيتها حاسه بطفشه ودوخه موراضيه تهدها ابد
كانت مقرره تستأذن من خالد عشان تزور عهد بيت زوجها
بعد مده دخل عليها خالد وبتسامته سلم وجلس جنبها
قال بحب:شعنده الحلو ماد البوز
كمل بخبث:يمكن يبي بوسه وقرب شفايفه لها بس سحر ردته وقالت بقرف: لا خالد عفيه بعد عني
استغرب منها وقال بجفاف:ياليت يامدام انك مادخلين امور زعلك في حياتنا كزوجين
سحر بضيق:خالد انا اسفه ماقصدت بس
خالد بقهر:بس شنو ياسحر ترا مليت طقت جبدي كل مره جايه لي محاتات بهالعهد
والله لو انا بمكانها ماحصلت الي هي محصلته
وقام وتركها ودخل غرفته وهي حست بضيق هي ماتقصر معه بشي وكل شي يبيه توفره له بس خالد يدور اي زله عشان تترك شغلها وتجلس له ولعياله بالبيت وهي ماتبي هالشي وموسالفة حاجه للفلوس لالان خالد مغرقها بفلوسه ومايخليهاتصرف من عندها شي بس هي مقسمه امورها بين شغلهاوبيتها وماقصرت
بس هالاسبوع جايها مثل الارهاق وكارهه قرب خالد وتحس بالقرف وهو ماعبرها ياخذ الي يبي غصب كأن السالفه عناد وبس
اوقفت وراحت لغرفتها بعد ماسكرت الجناح الي يفصل بينها وبين غرفة اعيالها
ادخلت شافت خالد نايم على بطنه وحست ان تصرفاته تدل على انه طفل ويبي من يدلعه ويهتم فيه خاصة ان خالد فقد امه من هوصغير فزواجه من سحر عوضه عن حرمانه مع ان العمر بينه وبينها اكثر من ثمان
جت وجلست عند رجوله وقعدت تمسح له ظهره قالت برقه:خلود حبيبي
خالد اه ياسحر مشكلتي ماقدر على اسلوبك من كلمه يذوب كل الي في قلبي اتجاهك
انا مابيك تشغلين نفسك بأمور غيرنا انتي لي ولعيالي وبس وغير هالشي مابي
قال بجفاف:ماله داعي تجين تمصلحين عندي عقب الي صار خلاص طابت نفسي
سحر بخوف لا وش قصده طابت نفسه لايكون عافني لا والله اموت قهر قالت وهي ترمي نفسه عليه وتحضن ظهره :خالد حرام عليك والله مو قصدي بس انا حاسه بتعب وشاكه اني حامل
هي شاكه بهالشي خاصة وان الأعراض باديه عليها من اسبوع بس ماحللت
خالد انبه ضميره وعدل نفسه وقال وهو ماسك كتوفها :حامل
سحروعيونها تدمع:اي
خالد بسعاده وهو يحضنها:اخيرا تركتي الحبوب مابغيتي
خاصة وان عيالك ثيران شكبرهم
سحر دفته بصدره قالت بدلع: لاتقول لعيالي ثيران وبعدين فديتهم توهم فصول- اولى بتدائي وعبود اربع سنوات والله صغار
خالد بخبث:لا ماهب صغار وبعدين طقت جبدي ابي بنت
سحربخجل:هذا بيد الله لابيدك ولا بيدي كانت بنت او ولد
خالد بحب:ونعم بالله وكمل بتوسل: طلبتك ياسحر قولي تم
سحر بالأول توقعت شي ثاني بس شافت ان نظرته ماتدل على الي بالها:قول وان شالله اقدر
خالد:ألا تقدرين بأذن الله شغلك اتركيه
سحر كانت حاسه مهما كان مستحيل يسكت بيضل يزن عليها وهي طفشت وخافت تخسر بيتها على شي تافهه وخاصة ان الي مونستها بالدوام والي تشتغل سحر عشانها طلعت وتركت الشغل فقررت توافق منها ترتاح ومنها تطيب خاطر خالد من هالموال
قالت:خلاص من باجر بروح اقدم استقالتي
ماحست ألا وخالد ضامها ويبوس فيها
سحر بطفش بعد مافكت نفسها منه: مستانس على هالشي
خالد بذوبان:بشكل ماتصورينه لان شغلك مختلط وانا مابي احد يشوف ملكي لانك لي وبس وقرب لها بس سحر اسبقته وهربت وهالشي قهر خالد مو عشان الي باله لا عشانها نست حملها
قال بقهر:هيه شوي شوي نسيتي حملك
سحر بدلع ويدها على خصرها: لا مانسيت ومافيني شي وجت بتطلع لفت صوبه وقالت برجا:بما اني وافقت على طلبك فياليت انت بعد توافق على طلبي وتخليني ازور عهد باجر
خالد ببتسامه:من عيوني وانا الي اوديك بعد
سحر بحب:تسلم لي عيونك
هي عارفه ان خالد مايكره عهد وماعنده شي بالي قاله بس غيرته من شغلها تخليه يتصرف بهالشكل

عند عهد بجناح سند
كانت هي وشهد جالسين وكانت تسمع من شهد عن قصة سند مع سعاد وحبه لها حست بالغيره كون سند موراضي ياخذ بعد سعاد احد
شهد بحب:يالله استأذن الحين يجي سند ويشحتني برا
كانت الساعه عشر عهد بضيق: لاعفيه اجلسي وبعدين سند مايجي الحين دايم يتأخر
شهد بأصرار:لاحبيبتي بروح بوفجر جاي بالطريق وطلعت وتمت عهد تذكر كل كلمه قالتها شهد
ياحظك ياسعاد الي حصلتي واحد يحبك برجولة سند وجاذبيته
راحت للغرفه بترتب اغراضها دام سند ماهب هنيه
ادخلت غرفة الملابس شافت كلها كبتات وكان في ثنين فاضين لها والباقي بعضه مقفل ماتدري وش يخفي من اسرار وبعضه فيه اغراض لسند
وقفت عند الي لها وفتحت شناطها وقامت ترتب داخل الكبت
ماحست بالوقت وهي مندمجه بالشغل وحست بالحر وفصخت بلوزة بجامتها وخلت عليها العلاق بس
اليوم مل من السهر فحب يرجع بدري اول مادخل شاف امه جالسه بروحها وجلس معها شوي وسأل عن شهد اذا هنيه او راحت
حصه بحيله بس عشان تبرد حرتها:لا راحت تصدق انها من طلعت انت بعد الغدا ماشفتها صعدتها مرتك معها فوق وتركوني بروحي بين اربع طوف
سند بقهر:وليش مانادوك او على الأقل رحتي لهم
حصه بمكر:مرتك تقول مابي يجلس معنا عجايز
سند بغضب:شنو
بدموع تماسيح:الله يسامحها هذا وهي بنت اخوي
ماشافت ألاغبرة سند وهو صاعد لعهد يتوعد لها
ارعبها صفقت الباب ودورت بديها بسرعه وألبسته بس بدون لاتسكر ازاريره
ماحست ألا وسند داخل عليها وعيونه يتطاير منها الغضب
عهد ايقنت ان امه بالسالفه ومانتبهت ألا وهو جارها من زنودها وقال بغضب: شقايله عن امي هاه
عهد كنت حاسه عقرب الرمل حاولت تفك نفسها منه خاصة وان بديها انفصخ وانكشف كل صدرها وكتوفها
قالت بنرفزه: ماقلت شي
سند الي لخبطه شكلها قال بقهر:ألا قايله وألا ليش تاركينها بروحها تحت وانتي وشهد هنيه
عهد بطفش:مافيها شي بنات وجالسين مع بعض
وفكت نفسها منه وعدلت بديها وهي مدنقه تسوي بديهاوتسكر الزرار الي فوق ماحست ألا بكف حار بخدها منه ارفعت راسها تشوفه بس هو بسرعة البرق طلع عنها لانه بعد الي قالته اكدت له كلام امه ان عهد سابتها وقايله عنها عجوز
ماكان قادر يتحمل شكلها وحس انه بأخر لحظه بيتهور بس ماقدر ألا انه يسيطر على رغبة فيها بهالكف عشان هي من نفسها تبعده عنهاوماتحاول تقرب منه او تناقشه بشي
اما عهد فمن هول الصدمه اجلست على البلاط ويدها على خدها وست ببرودته السراميك على رجولها بس ماهتمت لان الي حارقها الكف الي عطاه لها سند
مانزلت اي دمعه وحاولت تمسك نفسها غصب وهي توعد لحصه بالأنتقام وانها بتستمر بعنادها لحصه اما سند مراح ترد عليه وبتخلي انتقامها منه عقب ماتخلص من امه
ماتدري كم من الوقت فات وهي على جلستها هاذي بالأخير قررت تروح تنام
سند حس بضيقه بصدره ومن قهره تمنى ان يده انشلت ولا ضربتها
كان جالس بالمجلس وجنب فراشها
ماحس ألا وهو ضارب يده بالطاوله من القهر الي فيه
عهد الي جت وألقته بالمجلس وهي ماتبي تشوفه عقب الي سواه
ادخلت وقالت بغضب:ممكن تطلع برا
مافهم هي وش تقصد من برا هل هو برا الجناح او برا المجلس قال بضيق:عهد
قالت بصراخ:لاتنطق اسمي واطلع برا احسن لك
سند ازعجه اصراخها خاف يتطور الأمر وتصيح وذيك الحظه هو بيضعف كل الضعف قدامها فترك لها الجناح بكبره وطلع
خذ لها شنطه صغيره وحط فيها كم لبسه وطلع قرر يقعد بالشاليه بروحه لين مايشوف له حل مع هالأنسانه الي بدخولها لحياته دمرت كل مشاعره وخلته مثل المقيد الي مو قادر يتصرف
عهد اول ماطلع سكرت باب المجلس ورجعت بتنام ولان ماخطر بالها انه ممكن يطلع برا الجناح ألا بعد ماسمعت صوت الباب
بس طنشت وقالت خل يولي هالمعقد ونامت

فلفله

22 - 07 - 2009, 12:23 PM

مشكوره اختى على النقل وتسلم ايدج الصراحه اج ذوق حلو فى اختيار الروايات

ننتظرج

طموحي عالي

23 - 07 - 2009, 04:49 AM

مشكورة عزيزتي فلفله على المتابعة اتمنى أن أكون عند حسن ظنك
تفضلي هذا البارت لعيونك
السادس عشر
اليوم الثاني
دقت على عهد وتفقت معاها انها تجيها على الساعه ست
مثل ماوعدها خالد انه هو يوديها
قالت لأمها عشان تجي معاها بس امها اعتذرت ورفضت تروح
سحر وهي في غرفتها تجهز لطلعتها كانت مندمجه برسم الكحل
فجأه دخل خالد الي زاد انبهاره بشوفتها بهالزينه
خالد ياقلبي ماتحتاجين زينه لان زينج طاغي قال بضحكه:ملزمه تروحين لرفيقتك
سحر بنرفزه لانها فهمت عليه:اي ملزمه وسحبت عباتها وملفعها وقالت ببتسامه خبث وهي تمر صوبه :انا جاهزه انطرك تحت
خالد بعياره مسك يدها: لا لا ماتروحين ألا اذا بستيني
خالد قعد يتودد لها وهو ماسك يدها
سحر اوف والله ان عليك حركات تبط الجبد ياخالد قالت بخبث:غالي والطلب رخيص وكملت بعياره: بس غمض عيونك استحي ابوسك وانت تشوفني
خالد صدق وغمض عيونه وقرب لها وهو يحس بأنفاسها قريبه له وكان على وشك الفوز بقبله تروي عطشه وتطفي نار شوقه بس الي ماتوقعه انها بدال لاتكون بوسه صارت قرصه قويه وعلى خده
خالد فتح عيونه وحط يده على خده قال بقهر وهو يشوف سحر الي نحاشت وهي ميته ضحك:هين يام فيصل مردي باخذ حقي
أخذ شماغه وطلع

ياقلب جيتـك وافهـم العلـم ياقلـب

اللي تحبه يموت في حـب غيـرك !!

عند عهد
بعد الي صار امس ماشافت سند ولاتدري عنه حتى مافكرت تسأل عنه
هي من قامت مالقت له اثر وعرفت انه مارجع عقب طلعته امس ولانام في الجناح
استغلت عدم وجوده وقامت تنبش بكل شي في الجناح وتشوف وشافت صور تجمع سند بسعاد في بعض الدروج حزنت لسند حيل وكسر خاطرها حتى لو كان قاهرها
بس سالفة انه فقد له غالي عصبه حيل خاصة وانها جربت هالشي بموت امها

بعد ماخلصت امور بحثها الي بعده ماانتهى في انها تكتشف سند ومايحمله من غموض قررت تجهز وتنزل تستقبل سحر قبل تجي وستانست حيل لانها بتجي فقررت تلزم على شهد تجي عشان تحميها من حصووه قبل تطرد سحر
ماستبعدت هالشي عن حصه بعد الي شافته منها

بعد ماكلمت شهد ووعدتها تجي بعد نص ساعه
انزلت وسيده راحت للمطبخ وصت على الضيافه من قهوى وحلى
وراحت اجلست بالمجلس تمنت لو عمتها طالعه بس عشان لاتفشلها عند سحر
وهي الي تحاول قدر الأمكان ماتبين لسحر شي عند معاناتها

بعد ساعه
كانت مستمتعه بالجلسه مع سحر وحاسه انها نستها لو شي بسيط من همومها
وزادت سعادتها بوجود شهد الي تعلقوا بعض من اول مره واندمجوا بالسوالف عن ازواجهم واعيالهم
سحر بأهتمام::ألا اقول شهد موناوين تجيبون لفجر اخت او اخو
شهد وكأن سحر تفتح جروحها قالت بضيق:الله كريم
حست ان شهد تضايقت لسوالها
سحر سبت نفسها على الزله وقالت ترقع:أي عهد نسيت اقولج قدمت استقالتي وبجلس بالبيت حالي حالج
عهد ببتسامه:اخير قدر عليج خالد وتركتي الشغل
سحر بتنهد:اي والله لاعت جبدي من كثر مايزن وقررت اترك ولاني بعد ماحملت
احس اني اتعب بسرعه واحتاج لراحه فوافقت على طول

تبي الصراحه مالك ومـال هالقـرب

ماهو كفو شـرواه يصبـح عشيـرك

انا ادري انه تـرف وصغيـر وذرب

لكن مصيره يختلف عـن مصيرك
عند سند
بعد ماجلس بروحه واختلى بحاله قعد يفكر هو ليش ضربها بدون لايسمع اي تبرير منها
امي اصلا تكرها وتبي تعذبها بأي شي وانا عارف بهالشي بس
قال بقهر:اي بتعذبها بكيفها بس بعيد عني
انا ماني متحمل اجلس معها دقيقه احس اني بأي لحظه بضعف وبتبع ماتطلبه مني غريزتي

قرر يرجع للبيت بعد ماكلمته امه تحاتيه ولان وراه اشغال بس وعد نفسه انه مايحتك بعهد ابد وانه يناقشها بأمور حياتها وعيشتها عنده

دق تيلفونه وشافه حمد ورد بسرعه سند بشوق:هلا والله

حمد بحب:هلا فيك

وتم كل واحد يسأل عن اخبار الثاني

بعد ماراحت سحر،، وتموا
عهد وشهد بروحهم
شهد حست ان جو البيت متكهرب من جت وشافت عصبية امها ونظرات الخوف الي بعهد بس مابينت شي قدام سحر
وقررت تعرف بالسالفه بعد ماتطلع ضيفتهم

شهد بأهتمام:ألاسند وينه ماشوفه
عهد بتوتر:هاه مادري يمكن بالشغل
سبت نفسها على هالزله لان اليوم جمعه وسند ماعنده دوام الجمعه ولان شهد انصدمت من ردها بعدين قالت
شهد بعدماتأكدت من شافت توترها ان بينهم شي قالت :عهد حبيبتي اعتبريني مثل اختج واذا صاير بينكم شي قولي لي يمكن اقدر اساعدج
عهد شاقول ياشهد وش اخلي انا اذا الله فكني من امج بكون بخير قالت بضيق:صار بينا خلاف بسيط وهو من امس ماجا البيت
شهد بخوف:من امس ماجا وتقولين بسيط
عهد تفشلت وشهد كملت بضيق:خلاص حبيبتي لاتحاتين انا بتصرف
عهد بحزن:مشكوره ياشهد وانا مابي من سند شي بس خليه يرجع لبيته واهله
شهد بغضب:عهد شهالكلام وسند زوجج
عهد ماردت عليها وفضلت الصمت وشهد كانت بتناقشها بس انتبهت لجية امها واسكتت كانت متوقعه ان المشكله خاصه بعهد وسند ماتدري ان امها هي سبب هالمشكله
حصه الي منقهره من شهد بنتها صايره ماتعبرها ولاتسمع كلامها وطاقتها صحبه مع عهد ورفيقاتها
دخلت وهي تمشي مشيتها المعتاده كلهاكبر وغرور وهذا ماتتركه ابد
اجلست بعد ماسلمت وقالت بسخريه: من الي كان هنا
شهد ببراءه:هذي رفيقة عهد سحر الي جت بالعرس
حصه بنفس الاسلوب:اي ذكرتها جان زين دريت عنها قبل تطلع كنت ناويه اعطيها جم فلس دفعت بلا عني وعن عيالي
كانت بتقهر عهد وهالشي فعلا قهرها ألا ولع بقلبها نار وكان ودها تذبحها بس حاولت تضغط على اعصابها
وسمعت شهد الي قامت تعاتب امها على هالكلام وتحاول تعتذر من عهد
عهد ماردت او تكلمت كل الي سوته قامت وطلعت وهي تسمع حصه تقول: شوفي ياعهد هالأشكال لاعاد تدخل بيتي وان حصل وجوا راح اطردهم فاهمه
عهد امسكت نفسها لاتصيح وطلعت لجناحها بسرعه وسكرت على نفسها ماتبي تبين ضعفها لأحد
وضاق صدرها من اسلوب عمتها حتى سحر بتحرمني منها
انامادري اشلون بتصرف اذا بتزورنا مره ثانيه
دخلت الغرفه ورمت نفسها على السرير وتمت تفكر وعيونها تأمل السقف وبعد كل الأفكار الي ماجابت لها نتيجه قررت تقوم تبدل وتنام افضل لها
وقررت ماتنزل حتى شهد مو مستعده تجلس معها خايفه من تطور المشاكل بين شهد وامها بسببها
ففضلت العزله عنهم

عند شهد
كانت بقمة غضبها من تصرفات امها وزاد قهرها ان امها مصره على رايها وانها بتم تذل عهد على طول
شهد اطفشت وطلعت من عند امها بعد ماشتد الصراخ بينهم وجت بتروح وهي مقرره تدق على سند عشان تحل موضوعه مع عهد
حصه بغضب :اذا بتمين واقفه مع بنت الي ماتسمى ضحى فياليت ماتجين لنا وبيتي يتعذرج
شهد بصدمه لا مستحيل وقالت بضيق: مشكوره يالغاليه على الطرده
وطلعت من البيت ودموعها تذرف ذراف بعد ماسمعت هالكلام من امها
تمنت الموت ولا ان امها تطردها من بيتها
اركبت سيارتها ولاقدرت تدق على سند من الصياح بس عشانها وعدت عهد اكتبت له رساله(مرحبا سند ياليت تسامح عهد وترجع للبيت ترا ها تحاتيك) هذا الي قدرت عليه بعد مااخذت فتره تفكر وش تكتب بعد ماتضايقت من كلام امها حست ان حتى الكلام مو قادره تكلم
اول ماوصلت استقبلتها فجر الي جت لها ركض
شهد حضنتها وباستها وهي تحاول ماتبين لفجر وابوها شي
فجر بزعل:ليش مااخذتيني معاج
شهد ماقدرت تنطق وفهد زوجها حس فيها قال لفجر: فجر بابا روحي كملي رسمتك عشان اشوفها
شهد حست ان فهد ماطاف عليه ضيقتها وكان ودها تشكره على تصريفته لفجر الي رجعت ترسم
فهد بأهتمام:شهد اشفيك اهلك فيهم شي
شهد بشهاق:لا بس انا متضايقه شوي ومشت من عنده بتروح لغرفتها
وهو ماسكت راح ولحقها
اول مادخلت نزلت عباتها
جت بتنسدح على السرير ولا تشوف فهد داخل
فهد بخوف:شهد شصاير خوفتيني عليك
جا وجلس جنبها وشهد بعد الي قاله زاد صياحها ورمت نفسها بحضنه وهو حاوطها
قالت بصياح: صار بيني انا وامي خلاف وسمعتني كلام يجرح
فهد بتنهد: ماعليه مهما كان هذي امك واكيد ماتقصد وبس تهدأ بتجي تعتذر منك
تمت بحضن فهد وهو قعد يهديها ويحاول يطلعها من الي هي فيه

عند سند دخل لجناحه بعد مامر على امه الي ماقصرت شحنته شحن على عهد وخلته يتوعد لها كان جاي مندفع بيزفها خاصة بعد ماشكت لشهد اخته ودخلتها بموضوعهم
توقعها تكون بغرفة المجلس ودخل بس ماحصلها وراح لغرفه النوم اول مادخل
وشاف شكلها اختلت كل موازينه وحس انه عاجز عن الحركه قدام هالبراءه الي تحتلها هالعهد
كانت نايمه ومن ارهاقها ماحست بدخوله كان شكلها بالبجامه الفوشي العلاق والبارزه لكل مفاتنها يفتن الي ماينفتن
سند بلع ريقه وقرر الهروب بسرعه طلع وسكر الباب
راح للمجلس وقعد وهو يصارع توتراته الي اجتاحته من شافها
حس ان جسمه احتر وعرقه قام يكت كت كأن حرارته اربعين

عهد الي وعت على صوت الباب وحست بخوف فضيع من الي ممكن يدخل جناحهم سند ومو موجود
معقوله تكون حصووه توصل فيها المواصيل تجسس علي وانا نايمه
اي وش عندها وش تبي كافي العذاب الي معيشتني فيه حسبي الله عليها
قامت وراحت تمشي بأطراف اصابعها وهي ترجف خوف وفتحت الباب وطلعت شافت الصاله فاضيه لفت انتباها
باب المجلس الي كان مفتوح وهي متأكده انها مسكرته
لان من راح سند صارت اتنام بسريره عن الكنب
راحت صوبه بشويش وطلت براسها تشوف من يكون
بس انصدمت كان سند ومانتبه لها اصلا كان معطيها ظهره وجالس ويدينه على راسه وقاعد يضغط عليه
حست ان الخوف الي جتاحها راح بمجرد ماشافته ووقفت عند الباب وطقته طقه تنبه فيها سند انها بتدخل
وقالت:سند
سند لف وشافها ماتوقع انها بتلحقه وهو اصلا منحاش منها
قال برود:خير وش عندك
عهد امحق رد قالت بتنهد: ماعندي شي بس كان ودها تشرح له انها ماتكرهه ولاتبي تضره
بس الكلام عجز يطلع منها

سند بنرفزه لانه مو قادر يصبر على هالحاله: اجل انا الي عندي وقف وجا صوبها
وعهد لاإرادي رجعت خطوه خافت يضربها وهالشي ازعج سند وخلاه يكره نفسه قال: شوفي يابنت الناس دامك عارفه برايي بالزواج فأتمنى منك انك تبعدي عني وماتقربين مني باي شكل ممكن
وكمل:وثانيا امي ماتقربين صوبها واعرفي اني بوقف بصفها سوا كانت هي صح او خطا
وشهد ياليت مادخلينها بأمورنا لان ياعهد عيب اسرارنا تطلع برا
اتوقع فاهمه وش اقصد
اللي تحبـه صعبـه شـوي ينحـب

قلـه يـروح وكـثـر الله خـيـرك

عهد كل كلمه قالها تحسها مثل السياط الي يجلدها فيه

قالت بحزن قاهر:ان شالله وطالعت فيه بنظرات وكملت: غيره في شي
سند تكهرب من نظرتها قال بقهر: لا وطلع من عندها ودخل غرفه وصفق الباب بقوه عليه
وهي اخذت ساعه واقفه مكانها ماتحركت وحست ان نفسها ضاع بالمجلس وان ريحة عطر سند تزيد من انخناقها
بعدفتره جلست على الكنب وهي تدعي ربها ينقذها من هالعذاب
عذاب عمتها حصه وعذاب سند

بعد اسبوع
حياة عهد مثل ماهي او العن كلها ظلم وقهر من عمتها وهي اتواجهه كل هذولا بالكبت والسكوت خاصة انها ماقامت تنزل حيل طول هالأسبوع بس وقت الغدا بس هالشي مامنع حصه من مخانقتها خاصة انها محملتها ذنب زعل شهد عليها
نست هي وش قالت او وش سوت
عشان بنتها تزعل وماقامت تجي لهم بعد ذاك اليوم حتى سند ماطاف عليه غياب شهد وقام يسأل خاصة انه اشتاق لفجر حيل بس امه حطت السبب على عهد وانها هي الي فرقت بينها وبين بنتها
وهالشي قهر سند وخلاه يكره عهد ويعاملها بكل جفاف

عند عهد
كانت جالسه على التلفزيون بجناحها هو ونيسها الوحيد حست من كثر ماهي تقابله طول الوقت انها حفظت كل القنوات وكل البرامج
شافت سند طالع من غرفته وكاشخ كأنه بيطلع استغربت طلعة حزه الغدا
بس مستحيل تجرأ تسأل لكن هي
ودها انه مايطلع عشانها ماتبي تقابل وجه النحس عمتها على الغدا بروحها
ودامه طلع مستحيل تنزل وبتاكل بجناحها
سند الي مر من عندها شافها كالعاده عند تلفزيونها شك بأنها شافت تلفزبون قبل من كثر ماهي ماتفارقه
سند والله تعرف دبر عمرها مستحيل اتمل او تطفش لانها هي بالأساس تطفش الواحد طفشت شهد واخاف الدور علي
كمل بنرفزه:ومن قال ماطفشتك نسيت اول عرسك يوم هجيت لشاليه
قال بجفاف وهو يتامل نظراتها الي تنتظر كلامه:انا طالع ويمكن اتأخر بعد
وده يقولها تحتاجين شي او تبين قولي قبل اطلع
بس عجز ينطقها وحس ان مو ناقصها شي

عهد بخيبة امل تبيه يجلس بالبيت لان وجوده يخلي حصه ماتقرب منها وبس يخلى لها الجو ماتقصر فيها :اوكي

لف بيطلع بس وقفه صوتها الناعم:سند

كانت تبي تستأذن منه عشان تزور ام فارس اشتاقت لها حيل وهي حسبة امها
سند :خير
عهد بتوتر: ممكن ازور خالتي ام فارس
سند بسخريه: لا مو ممكن وقطعي علاقتك بهالأشكال مثل ماامي تقول
وكمل بقهر:ولا انتي تحبين تعصين كلامها
عهد مالت عليك وعلى امك معك ورجعت تجلس وتفرفر بالرموت وطنشت سواله
حس انها بحركتها هذي تقهره وترفع ضغطه ماحس ألا وهو رايح لها وساحبها من عجفة شعرها الطويل
قال بقهر وهومن البدايه دايخ منها ومن جمالها كان متوتر من قربها وريحة عطرها الي اجتاح خشمه: ماجاوبتي علي ليش تحبين تعصين امي
عهد بخوف:ماعصيتها
سند وحرارة انفاسه تحرك خدود عهد الي التهب :ومعاندك لها بالطالعه والنازله عبالك مادري عن فعايلك معها وقت مااطلع
عهد بجرأه: تجذب هي ال قاطعها سند
وسكر فمها بيده وهو يزيد من شده عليها: مايجذب غيرك يابنت السكران
ودفها عنه بقوه وطاحت على الكنبه
حست بالطعن عقب هالكلمه مع انه ماجذب هي صح ابوها سكير بس على الأقل يحترم مشاعرها
قامت تعدل شعرها الي حاسه وطالعت فيه شافت في عيونه نظرات ناريه بعدها ماطفت ماحست بنفسها ألا وهي تسحب نفسها وتبعد لأخر الكنبه وهي تسب وتلعن نفسها على الي قالته جان اسكتت وماقالت عن امه جذابه قدامه
عهد بخوف صج ثوره عبالي لي صرحت له بيسمع لي ماقول ألا لي الله
سند ودمه يفور غضب من كلامها ماحس بنفسه أشلون تجرأ وعورها اي ليش ياسند صايره يدك ماتوقف عن الضرب انت من متى تضرب خاصة الحريم كنت انتقد كل واحد يرفع يده على مره واقول عنه مو رجال
بتنهد والله وطلعت انت الي مو رجال انتبه لتسحبها وطريقه خوفها منه حس كأنه وحش عقب شاف نظراتها له
سب نفسه وجلس على نفس الكنبه ألتفت لها بيتكلم ويعتذر عن فعله بس هي كانت اسبق منه وتركت له المكان

ادخلت مجلسها وهي تمنع غصتها وتقول بأنكسار عشان نفسها تهدأ: انتي غلطتي ليش تبجين وزين منه ماقتلج انتي ترضين يقولون عن امج جذابه
كانت توهم نفسها بهالكلام حتى لو انه مو صحيح بس عشان تهدأ
رمت نفسها بفراشها وكملت بدموع ماعرفت اشلون تمنعهن بس ماتدري كل هذا عشانه جرحهاوماحترم ابوها الميت ولا عشان انها تذكرت امها وانها محتاجه لها حيل:اكيد مارضى والي يقول عنها جذي بقطعه بسنوني
كانت تعض على مخدتها وتمت على هالحاله

سند ماقدر يطلع بعد الي سواه حس انه جبان اذا كل ماطقها اهرب برا البيت
قرب عند باب غرفتها شافه مقفل حاول يقرب من الباب اكثر بيسمع اذا هي تصيح او لا بيعوره قلبه لو انها تصيح ويمكن يفقد كل حواسه بمجرد شوفة لدموعها
ندم على كل الي سواه بس مايقدر يسوي شي غير انه ينطرها تطلع ويكلمها ويطيب خاطرها
مرات تكسر خاطره ويحس انها مالها حد غيره
بس افعالها مع امي خاصة انها فرقت بين امي وشهد
تخليني اتصرف معها جذي
نزل شماغه بعد ماهون عن الطلعه ونزل تحت يصلي ويتغدا مع امه

عند حصه
حاسه بضيقه من غياب شهد ماتوقعتها قاسيه لهدرجه وانها مازارتني او دقت علي اسبوع كامل
هي لايمكن تدق او تعتذر مع انه المفروض بس هي تبي شهد الي تجي وتعتذر
شافت سند جاي بروحه وحست من طريقة وجه انه متضايق من شي
حصه عساها الماحي جننت ولدي
قالت بسخريه:وين ست الحسن ماشرفت اليوم
سند ياربي انا ألاقيها من عهد ولا من امي صج غثا قال: خلي يصعدون لها غدا ماتبي تنزل
حصه بغضب:عشتو ماتبي تنزل اجل خل تنطق ماكو غدا بيصعد لها
سند بنفاذ صبر قام: خلاص لاتعبي حالك انا بجيب لها غدا من برا
وكمل بضيق :يمه رضاي عليك حركات الحريم العوجا هذي اتركيها عنك وسالفة انك تحرمي البنت من الأكل في كل مره اقول لك ودي لها ترا ماطافت علي وانامنطم وساكت لانك امي ومابي اجرحك
حصه ودها الارض تنشق وتبلعها قالت بنرفزه: خلاص خلاص اجلس وبودي لها غدا اوعدك
رد جلس عشان خاطرها بس ولا الغدا ماله نفس كل مايتذكر نظرات عهدوخوفها يهتز قلبه ويتضايق

شهد
طول هالفتره وهي حاسه بوحده فضيعه كانت بين كل فتره تدق على عهد وتسأل عن اخبار امها
بس ضايقها حال عهد حست انها تعاني حيل من امهاوساكته
دقت على عهد كانت تبيها تقول لسند عشان تزورها
بس طولت على ماردت وجاها صوت عهد الذايب من الصياح:هلا شهد
كانت تحاول تمسك نفسها عشان شهد ماتحس بشي
بس خاب ضنها وكشفتها شهد بخوف:عهد اشفيج
عهد :ابد سلامتج كنت نايمه
شهد بتاكيد:بس هذا موصوت وحده نايمه هذا صوت وحده صايحه
عهد دمعت عيونها وماقدرت ألا انها تألف وقالت بشهاق: تذكرت امي حيل مشتاقه لها
شهد بصدمه قالت:الله يرحمها وكملت بضيق:شلي ذكرج فيها
خافت ان امها لها صله بالسالفه
عهدبحزن: مدري جذي حسيت اني مشتاقه لها ودي لو اموت واروح لها
شهد كلام عهد احزنها حيل قالت بدموع:عهد تعوذي من ابليس واذا هديتي دقي علي
وسكرت منها وقعدت تصيح على عهد ماتمنت الموت ألا لان امي معذبتها الله يسامحج يايمه الله يسامحج

كان واقف عند الباب وسمع كل حرف وكل كلمه حس انه مخنوق موقادر يتنفس
وان كل كلمه قالتها تعنيه بأنها تموت وتفتك من العيشه معه
صرخ لا ليش كل الي يعيشون معي يموتون لا انا مراح اخليها تذبح نفسها وتروح وارد اعيش بروحي لا لا
ماحس بنفسه ألا وهو يضرب الباب بكل قوته
عهد الي تخرعت وقامت وقفت عند الباب وقالت برجفه:من
سند بتوتر:انا افتحي
عهد بسعاده جاج الفرج ياعهد افتحي له وخليه يريحج من هالعالم اكيد جاي بيطقني اكيد امه اشحنته بعد مانزل
مومهم اهم شي ارتاح من هالحياه وفتحت الباب وهي تطالع بنظرات سند كانت غريبه عليها هالنظره كان فيها شي من الحنان
وهي كانت منتظره منه اي طراق او اي ذبحه تنهي حياتها
قالت بنفاذ صبر عقب شافته طول: نعم
ماكملت جملتها ألا وهو ماسك يدها وساحبهامعه
وقفها عند الحمام قال :غسلي وتعالي تغدي
عهد هذا الناقص انزل تكمل علي امه قالت بخوف :مابي ولاني نازله اصلا
كانت واقفه عند باب الحمام تحاول تصمد قدامه ولاتضعف فكانت تمسح ادموعها الي اطعنت سند بظلوعه عقب شافهن
سند قرب لها وقال بحنان: ماله داعي تنزلين غداك بالصاله هنيه
عهد بعدت وهي موقادره تحدد مشاعرها اتجاه سند مرات تحس انه طيب وحبوب مرات حقير ونذل على امه
قالت بأرتباك خافت يغصبها وهي مو متحمله شي:حتى بهذا بتحكمون
كملت بحزن:متى مابغيتوني أكل اكلت ومتى مابغيتوا حرمتوني من الأكل
سند تضايق وقال عشان يبرر موقفه: محد بيغصبك بس كنت بقول لك ان غداك جابوه الخدم فوق وانتي براحتك بتاكلين او لا
وطلع وكان حده متضايق من كلامهالدرجة انه ماقدر يواجهها

*مهاوي*

23 - 07 - 2009, 04:59 AM

القصه مررره روووعه
كمليها

jomana

24 - 07 - 2009, 02:40 AM

القصه روووووعه
والبارت سوووو نااااايس

طموحي عالي

24 - 07 - 2009, 05:19 AM

ابشروا ياغالياتي بالبارتات
ومشكورات على المتابعة
تستاهلن بارتين لكل منكن بارت
هذا البارت اهداء الى * مهاوي*
اليك البارت عزيزتي
السابع عشر

ياقلب جيتـك وافهـم العلـم ياقلـب

اللي تحبه يموت في حـب غيـرك !!

كم قلت لك ياقلـب خلـه علـى جنـب

يمكن مسيره مايستوي مع مسيـرك

عهد تمت تطالع فيه لين طلع واختفا عن نظرها قالت بحزن: مادري وشهي مشاعرك اتجاهي ياسند هل هي مجرد شفقه او غيره مع انه من سابع المستحيلات انك تحبني
حست بالجوع وقررت تاكل دامها بروحها وعشان خاطر سند الي تعنى وجاب لها الغدا فوق حست من فعلته هذي انه بيعتذر عن الي صار وانه حاس بالذنب

جلست تاكل براحه وهي حاسه انها اول مره تاكل عدل لانها كل ماجلست على الغدا عند عمتها انسدت نفسها بنظرات النقد الي من عمتها وبعض الكلام الي يقهر
بعد ماخلصت نادت الخدامه وجت واخذت الصحون وهي راحت تسبح وتنام لها شوي
***************************
بعد ماطلع من بيتهم قرر يزور شهد ويتطمن عليها ويسأل عن سبب غيابها
كان حاس بضيق وده يوسع خاطره مع فجر الي تنسيه كل اهمومه كالعاده
فتحت له الخدامه وقال لها تنادي شهد
سند بتنهد بعد ماجلس: اه عمري ماكنت بهالضعف اتجاه احد
مرات من كثر ماأنا كارهها ودي اذبحها واذلها وبس اشوف عيونها كل هذا يختفي مادري متى بفتك منها انا لازم احل هالمشكله مستحيل اقعد على هالحال
قطع عليه شوفة فجوره الي جايه له ركض وهو قام لها وحضنها بكل شوق وحب

بعد شهر
الحال مثل ماهو عند عهد إلا ان جية حمد وسهام وقعدتهم معها في البيت مفرحتها حيل خاصة ان سهام حبوبه
ودايم تجلس معها وتكسر حاجز الطفش عندها
كانت تسولف لها عن سعاد اختها لان عهد تبي تعرف سبب تعلق سند فيها لهدرجه فعشان جذي ودها تعرف عن تفاصيل سعاد
وهي طبعا مستحيل تطلع او تروح مكان وطول وقتها بجناحها

وسند ماتشوفه مايجي ألا اخر الليل بعد ماتنام ويقعد الصبح ويطلع

ودها تروح لسحر حيل اشتاقت لها ولأم فارس بس كل ماجابت هالسيره عند سند سكتها

كانت جالسه هي وسهام بالحديقه بعد ماتأكدت من طلعت حصه وكانوا مندمجات بالسوالف كانت سهام تقولها عن رحلتهم 0

سهام بحب: كنت متمنيه انج انتي وسند رحتوا معانا جان استانسنا
وطلعت الرحله امتع بعد

سهام حبت عهد وحست انها طيبه وعلى نياتها وكاسر خاطرها معاملة خالتها حصه السيئه لعهد الي عكس معاملتها معها هي تماما
خاصة وانها بنت اخوها وكانت متوقعه انها بتكون غير مع بنت اخوها

عهد ببتسامه:تسلمين حياتي

عند سند في الشغل

وابتسم وحس ان جاه الفرج بعد الضيق
وان
وصلت له دورة عمل لمدة سنة بفرنسا
سند بسعاده:فرصه اسافر وابعد عن هالعهد وخلها تجلس عند امي
مراح اخذها معي حتى لو مددو الدوره لعشر سنين قدام لاني بصراحه ابي فرقاها
اخذ اوراقه وارسل بالبريد للشركه الي عارضه عليه العمل موافقته

عند حصه
بعد مايأست في ان شهد تزورها قررت تروح هي لها وتاخذ بخاطرها مهما قاومت هي ام موقادره على فراق بنتها
مرت محل الالعاب واخذت لفجور كذا لعبه
اول ماوصلت وفتحت لها الخدامه
شافت شهد توها نازله هي ماقالت لها عن هالزياره
بس حبت تسويها مفاجأه لان كسر خاطرها حال بنتها يوم قعد سند يوصفه لها
لما جاها قال انها ضعفانه وعيونها ذايبه من الأرهاق
شهد وقفت منصدمه ماكانت متوقعه انها بتنزل وتجي لانها تعرف كبرياء امها
حست ان الصيحه جتها ودموعها انزلت لانها حيل مشتاقه لأمها ولان هي الوحيده فكانت دلوعتها فهي ماتحمل من امها اي كلمة
فحست ان طردتها لها كانها انهاء لحياتها في هالعالم
من غير لاتكلم حطت يدها على فمها تمنع شهقاتها

حصه بشوق وحنان مهما كان هي ام وصعب عليها تنحرم من ضناها خاصة وان كانت بنتها الوحيده قالت وهي فاتحه يدينها لشهد عشان تحضنها : ماقدرت على بعدج عني وجيت لج

شهد راحت لها ركض وحضنتها وماقدرت تكلم من الشهاق

بعد ماهدت الأمور شوي بين شهد وامها

شهد بزعل: ماتوقعت منج هالشي واني رخيصه عندج

امها بأسف:لا ياقلبي من قال انج رخيصه والي صار كان في لحظة غضب
واتمنى انج تسامحيني وباست خدها
حست براحه عقب راضت شهد وجبرت بخاطرها عقب الي صار بس الي تحاتيه هو اشلون بتبعد شهد عن عهد
وتقطع علاقتهم بعض
تمت تفكر وهي تمنى تلقى لها حل

عند عهد
صعدت لجناحها قبل تجي عمتها
وراحت تشغل نفسها بالتفتيش بأغراض سند
لقت عند سند اشياء ماتوقعتها ولا خطرت بالها كان محتفظ ببعض قمصان سعاد وعطوراتها وحتى اكسسواراتها ماتدري هو شنو هدفه من الاحتفاظ بهالأشيا لانها بتعذبه زياده
بس وجودهم وشوفتها لهم حسستها بالغيره من سعاد حتى لو انها ميته
سمعت طق الباب ورجعت كل شي بسرعه وبمثل وضعيته تماما عشان لايشك سند وراحت تفتح

كانت سهام
جايه تبي تاخذ عهد معها للسوق
عهد بعد مافتحت قالت ببتسامه: هلا سهام حياج

سهام باستعجال:لا ياحبيبتي ماني بداخله بس انتي تجهزي بنروح لمجمع ( )منزلين موديلات جديده خل نلحق

عهد حست بحزن لانها ماتقدر تروح اولا سند مراح يرضى وثانيا من وين لها فلوس تروح تشتري
هي ماعطاها سند شي من تزوجوا وهي ماطلبت مو لانها مو محتاجه لا لانها ماتبي منه شي عقب ماعرفت انه حتى المهر مادفعه
وهي عندها كم فلس بالبنك بس بطاقتها منتهيه ويبي لها تجديد

قالت بضيق:ماقدر ياعمري سند داق وبيجي الحين وفشله اطلع وخليه

سهام بخيبة امل: خلاص خيرها بغيرها وراحت
تدق على حمد تستأذن منه عشان تروح
شافت خالتها جايه وقاعده بالصاله

سهام بحب جت وسلمت وجلست قالت:خالتي شرايج تروحين معاي بروح لسوق وماحب اروح بروحي وقلت لعهد واعتذرت لان سند بيجي وماتقدر تخليه

حصه ماعجبها تصرف سهام في انها تاخذ عهد معها بس ارتاحت لرفض عهد واعرفت انها مارفضت الروحه عشان جية سند لان هذا مستحيل لكن لانها ماتملك شي وهي كان ودها تعرف اذا سند يصرف عليها او لا لان في بالها خطه وتبي تنفذها قالت بحنان:خلاص ياقلبي بروح معاج

سهام استانست وراحت تجهز

عهد
صار لها ساعه من راحت عنها سهام حست بقهر ليش انها ماراحت ولو اتضطر تبيع طقم عرسهاوتصرف منه لانه يحسسها بالقرف من تشوفه تمنت لوراحت حتى لو بدون علم سند لانه مايقدر يقول شي اذا كنت طالعه مع اخت الحبيبه سعاد
حاولت تنفض هالأفكار من راسها وراحت تدق على سحر

سحر من اول دقه ردت:هلا بالقاطعه
عهد اه ياسحر لو تدرين بس كان مالمتيني جان زين انج مثل امج الي احسها حاسه فيني وفي عذابي بس مابينت لي قالت بتنهد:هلا فيج
وتمن ويسولفون اكثر من ساعتين

ماانتبهت ألا على دخلة سند
سند دخل وشافها تكلم ماحب يزعجها وراح للغرفه
هو جا مبجر عشان بيفاتحها بموضوع سفره

عهد استأذنت من سحر وسكرت وراحت لسند شافت باب الغرفه مسكر طقته

سند الي كان بيفصخ بس سمع طقها رجع لبس ثوبه قال برود:ادخل

شافها دخلت وكان وده يمنع عيونه من البحلقه فيها بس غصبا عنه مو قادر حس انه بخلال هالشهر الي قعدها معاها حفظ كل تفاصيل وجهها وجسمها من كثر مايدقق بكل شي تلبسه واي شي تقوله
كان متوقعها بترجع تفتح معه سالفة روحتها لسحر
قال بنرفزه:اذا جايه عشان سالفة رفيقتك ارجعي مكان ماجيتي

تمنى تكون جايه لنفس الموضوع عشان تطلع لانه مو قادر على شوفتها قدامه خاصة بلبسها هذا
كانت لابسه ثوب سترج لاصق عليها لصق كان قصير شوي لي تحت الركبه بس فيه فتحه من جنب لي الفخذ

كان كمه حاير وصدره واسع وهذ الي دوخ سند من دخل هو كان ممكن يقعد عندها بالصاله لين ماتخلص عشان يكلمها بس ماقدر وفضل الهروب وقال يكلمها وقت النوم لانه لاحظ انها تلبس بجايم ساتره كل مره عشان التكييف بارد

عهد ماقدرت ترد كلامه اربكها راحت له وهي تحاول تنطق
شافها ماطلعت بالعكس قربت له وهو حس بغصه من جيتها وده لو يرفع على التكييف عشان تطلع قال بقهر:خير وش عندك

عهد ماقدرت تقول الي بخاطرها وقالت ترقع: لا بس كنت اسألك تبي اسوي لك شي قبل انام

طالع بالساعه كانت تسع وانقهر من جيتها عشان هالشي التافه هو متى طلب منها شي قال بقهر:ليش منتي نازله تعشين كالعاده

عهد وهي تلف بتطلع لان مهمتها فشلت ولا راح تقدر تقوله عن بطاقتها:لا ماشتهي
طلعت وهو يخزها خز من قمة راسها لي قدم رجولها ولا حس بالراحه إلا بعد ماطلعت

حس بحراره وفصخ ثوبه وفنيلته وحذف نفسه على السرير جلس يفكر

فيها وده بقربها بس مايبي يخون سعاد بقبرها بعد كل الحب الي كان بينهم

حصه دخلت بعد روحتها مع سهام ثلاث ساعات فرفره بالسوق حست ان سهام تعشق التسوق بس عجبها ذوقها في كل شي
نزلت عباتها والأكياس الي معها وقعدت تفكر اشلون بتحط ذهبها عند عهد عشان تكرهه الكل فيها وتبين لهم انها جاحدة لنعمه الي هي فيها
قطع عليها صوت الباب قالت بهدوء:ادخل
دخل وكان سند ابتسمت له بحب يعجبها شكل سند ورجولته يذكرها بأبوه في شبابه
سند باس راسها وجلس يمها قال برود: قلت اجي اجلس معك قبل تنامين لاني ماشفتك اليوم كله طالعه
امه بتنهد:لا تلومني رحت لشهد اختك اخذ بخاطرها عقب مافرقت بينا بنت ابليس مرتك
شافت نظرات القهر بعيونه كملت بسخريه:ادري بتقول اختيارج بس شاسوي انغشيت فيها طلعت نسخه من امها عقرب رمل

سند بنرفزه: لاتضحكين علي بكم كلمه انتي من الأساس ماتحبين عهد بس مدري شالي قردك وخلاك تغصبيني اخذها

جت بترد بس سند سكتها وقال بتنهد:اتركينا من هالسالفه انا جاي اقول لك ان عندي دوره سنه بفرنسا وسفري بعد ثلاث ايام

امه بضيق:وكم مدتها
سند بتهد:سنه
امه بصدمه:سنه
سند قال بأهتمام:اي بس اوعدك راح اجي كل ماحصل لي فرصه

حصه حست بضيق ليش حظها جذي كل الي تحبهم يبعدون عنها اولهم سالم وبعده فواز واقامته برا والحين سند قالت:عهد ب

سند عرف وش تقصد: لا بتجلس عندك وكمل ببتسامه: وسوي فيها الي تبين بس ديري بالك لاتهرب

كمل بسخريه:لاني ماني براجع مثل فواز عشان ادورها بقول قلعتها خل تذلف

حصه اضحكت على تعليق سند وجلسوا يسولفون مع بعض

عند حمد
جا بيفتح باب جناحه وصادف باب جناح سند يتسكر حس انها عهد كانت بتطلع بس استحت عقب شافته
دخل وابتسم كانت سهام مستقبلته والابتسامه تشع منها
كانت تارسه الشقه بالونات واقفه بوسطهم وهي لابسه قميص ذهبي نص الفخذ ورقبه ومضبطه شعرها القصير برغوه
حمد شات البالون برجوله وراح لها ومسكها بقوه قال بهمس وهو يحاول يبوسها بس سهام تبعده:اموت على الرومانسيه انا
سهام بدلع وعقب ماقدرت تفلت منه قالت وحمد مازال حاضن خصرها:حمود حبيبي ابي منك تبط كل هالبالون وبعد ماتقرأ كل الي فيه تجيني انا انطرك بالغرفه سحبت نفسها غصب ومدت عليه دبوس قالت بدلع انوثي دوخ حمد:تفضل حبيبي واتمنى انك تخلص قبل الوقت الي حاطته عشان اقدر اكافئك وغمزت له وراحت لغرفه بس حمد حذف الدبوس و لحقها وهي قفلت الباب قالت بحب:حمود ترا ضبطت الوقت استعجل
وضحكت وحمد انقهر وراح يدور الدبوس بسرعه

عهد بعد مادخل حمد راحت خذت ملفع وألبست لها بنطلون واسع وبلوزه نص الفخذ طويله كمومها مرت من جناحهم واستغربت اصوات البالون الي ينبط ابتسمت بحزن ودعت ان الله يهنيهم
كانت جوعانه وبتروح تاكل تحت بعد مالكل نام
بس صدمها شوفة سند كان صاعد توقعته نام بس طلع برا
سند انصدم من نزولها خاف لا تكون صج بتنحاش
قال بنرفزه:وين نازله بهالوقت
عهد بخجل:المطبخ
حست بالفشيله الحين شبيقول عنها كل مره تقول ماتبي وهي تجذب وتروح تسلل مثل الحراميه وتاكل
سند لقاها فرصه يقول لها عن سفرته خاصة وانها متستره قال بجفاف: اجل بجي معاك حتى انا ماتعشيت
عهد اسكت غصب عنها ورضت ودخلوا المطبخ
احتارت وش تسوي هي ماتعرف سند وش يحب وش مايحب
بالأخير قررت تسوي بيتزا شي خفيف وماظنتي في احد مايحبه
كان جالس ويشوفها وهي تحضر الأكل هومو مشتهي بس يبي يكلمها
قال بتردد:عهد

آسف في حبي لك تسرعت ظنيت الاقي فيك شيٍ فقدته كنت احسبك مجروح مثلي تولعت جربت فرقى شخص قلبك وهبته كنت احسبك من مر جرحك تجرعت حبيت فيك احساس طفلٍ لمحته
لوقلت آآآه بوسط روحي توجعـت ولو شفت دمعاتك شعوري سكبته ولو تطلب اعيوني ابد ما تمنعت واعطيك قلبي لو بعد ماطلبتـه وصلت بك اعلى مكان وتربعت وفي قلب غيري ياالغضي ماوصلته واصبر على صدك واشوفك تدلعت واعطيك ود وما اظنك حسبته اذهلتني بطباعك اللي تطبعت... حتى قصيدي فيك ابد مافهمتـه لو كان غاياتك حروفي فانا بعت وافرح بجرح الشاعر الي جرحته وأرجوك من صدك تراني تشبعت خلك مع اللي عاجبك او عجبته
يكفي قهر في جيتي لك تواضعت تركت غيرك لجل عينك وبعته ياليتني عن حب مثلك..ترفعت ياليت قلبي قبل اعرفك دفنته لكن اببعد دامني بك توهقت الله يرحم حبنا اللي ذبحته انا شريت الود والحين انا بعت وانا عطيتك قلبي اللي قهرته
(في يوم جيتك اطلبك ود واقنعت نفسي بانك شخص عادي عرفته..!)
لفت جهته اول مره ينطق اسمها بهالهدوء دايم ياصراخ او هواش
ردت بهدوء:نعم
سند بأهتمام :انا يمكن اسافر بعد اسبوع لفرنسا عندي شغل هناك
واحتمال اطول بعد
عهد حست ان سند يبي يتهرب منها وبس كل افعاله تدل على هالشي قالت وهي تحاول تشغل نفسها بالبيتزا:تروح وترجع بالسلامه
تم يطالع فيها وهي مابينت له اذا كانت فرحانه او متضايقه على فراقه
وهذا قهر سند وخلاه يقول :وين عشاك ماصارت

عهد طلعت البيتزا من الفرن وحطته بصحن قبال سند ولفت بتجيب لهم شي يشربونه
كانت تحاول تمسك عبرتها سفر سند وقعدتها هنيه عند حصه بروحها تعني لها موت مهما كان وجوده عندها يحسسها بالأمان لو انه مايوقف معها

تموا ياكلون وكل واحد يتحاشى يطالع بالثاني هي خايفه قلبها يتعلق بسراب وهو خايف يضعف قدام نظراتها

بعد يومين
باقي على سفر سند ثلاث ايام وهو منشغل بأمور حجوزاته عن عهد
اما عهد اخطرت بالها فكره وقررت تنفذها قالت لسهام تستأذن لها من عمتهاوتلح عليها عشان يطلعون يتمشون
وفعلا رضت عمتها تطلع مع سهام فعهد حست بسعاده لانها كانت تبي تجدد بطاقتها السحب وموقادره
بس الي مانحسب حسابه ان حصه كانت تبي تفضي البيت عشان تقدر تنفذ خطتها بتهمة عهد بالسرقه

سهام بفرحه وهم بالسياره :شرايج نمر شهد تروح معانا
عهد بسعاده:جان زين
وقالوا للسايق يروح لبيت شهد

حصه حطت طقمها في غرفة المجلس لانها تعرف ان عهد تنام فيها وان سند ماقرب صوبها خير شر
من تزوجوا بعد ماخشته بمكان أمن طلعت من جناح سند بهدوء

اخذوا شهد ومروا البنك واخذت عهد بطاقتها الجديده وراحن لستار بوكس بيجلسون فيه شوي

عهد وعينها تجول بكل مكان عمرها ماجت بهالأماكن حتى مع سحر بس هي تسمع من رفيقاتها عن هالمنتزهات

تمت تطالع بفجوره الي راحت تلعب مع اطفال بعمرها تمنت لو هي بعمرهم وعايشه مثل عيشتهم ولا تعيش هالعيشه

سهام ببتسامه:قوموا خل ندخل نعومي منزل اشياء جديده

عهد توهقت مستحيل تبين لهم شي وهي ماتبي تشتري لان الي عندها حق عرسها بكراتينهم مافتحتهم خير شر

شهد بخوف:فجوره ماقدر اخليها

عهد لقتها عذر:روحي انا بجلس انطركم واحرص لفجوره

شهد بفشله:لا اخاف انتي تحتاجي شي

عهد بأصرار:لا ياقلبي ماحتاج وتوي شاريه (اضطرت تجذب) بس انتي روحي

وراحن وهي تنفست براحه اوه محلاني داخله على سند بكيس نعومي ولله لغير يقطع لحمي

عند سند
دخل وشاف امه تهاوش وتصارخ على الخدم وهم يصايحون ويرجفون خوف
قال بستفسار:شسالفه
امه بغضب:ذهبي مسروق واكيد ان حدى هالخدم بايقه
سند بحزن:لاتظلمينهم ودوري عدل
امه :مالقيته حتى عندهم ماله أثر
سند:وش بتسوين الحين
امه بقهر:مادري بس خل امسك الي ماخذه اني ماخليه
سند :ولا يهمك وانا بساعدك وراح ادبق الي سارقه
بس انتي هدي يالغاليه

بعد فتره ادخلت سهام وعهد عقب ماقطوا شهد بيتها
عهد كانت ترجف هي ماستأذنت من سند لانها حست ان ماله اهميه الأمر الناهي هي امه
سند بستغراب:وين كنتوا
سهام بخجل:السوق
عهد ماردت وفضلت الصمت خاصة عقب شافت شكل عمتها المعصبه
سهام استأذنت وطلعت وجت بتلحقها عهد بس وقفتها حصه قالت بنرفزه وعينها على اكياس عهد الي شرتهم:من وين لك هالفلوس الي تخليك تشترين كل هالأشيا

هي عارفه ان سند مايعطيها وهالشي قهر عهد تموت جوع ولا تمنن احد هي ملابس تجهيزها تحس بالقرف كل مالبستهم لانها عرفت ان حصه هي الي دافعه حسابهم وعشان جذي قررت تشري لها ملابس من حسابها وتفتك من ملابس حصه
قالت ببرود:الخير واجد

سند حس ان امه تقصد شي قال بغضب:اعترفي من عطاك فلوس
عهد بغضب:محد عطاني ومشت وطنشتهم بتروح فوق

حصه بمكر:مادري اشلون اتصرف مع هالبنت عرفت الحين ذهبي وين ماقول الا حسبي الله على اهلها الي علموها السرقه
سند حس بفور بدمه وماهو قادر يستوعب الي انقال معقوله وصلت فيها الحقاره وصارت تسرق عمتها الي ماقصرت فيها
ماحس ألا وهو طاير لاحقها
فتح الباب بقوه وسكره ودخل غرفة الجلوس
شافها تقايس ملابسها
الجديده ماهتم لشكلها حتى وان كانت بدون ملابس

عهد انفجعت بدخلته عليها كانت تقايس بنطلونها ودخل وهي بعدها ماضبطته ماتدري اشلون سوته بسرعه واخذت البلوزه والبستها بسرعه قالت بغضب:
ليش داخل علي بدون استئذان
ماحست ألا وهو جارها من شعرها قال بغضب:وين ذهب امي الي سرقتيه
عهد بصدمه:والله ماسرقته ولا قط شفته اصلا
سند بصراخ:ماسرقتي هاه وترك شعرها وقعد يفتش بالمجلس وعهد واقفه مثل الي محكوم عليه بالأعدام وينطر الشنق
حس بضيق اي ليش جان قالت لي انها محتاجه والله لأعطيها بس انها تسرق امي لا هالشي ماارضاه طلع العلبه وحطها عند وجهها وقال بسخريه:وهذا اشلون جا هنيه
عهد بصدمه :لا لا
سند نزل العلبه ومسكها وقال بغضب:الحين بعلمك اشلون تمدين يدك على الي مهب لك
قعد يطقها ماخلا في جسمها عرق ينبض
وهي لا لها حول ولا قوه

حصه حست ان سند طول مانزل خافت ايكون صار لها شي
كانت قاعده وعينها على الدرج تنتظر
نزول سند بتعرف ردة فعله ان عرف ان عهد هي الي سارقه ذهبها
ماانتبهت ألا على صوت سهام
سهام بدهشه:خالتي اشفيج سرحانه
حصه بتوتر:ها لا مافيني شي

شافت سند جاي ومعاه الذهب نزل الذهب قبالها وقال بضيق: يمه لحد يدري بالي صار
امه بارتباك وعينها على سهام الي متشوقه تعرف:لا يمك لاتحاتي
بعد ماطلع سند سهام بلقافه:خاله شسالفه
حصه بطفش:مو شي بس سند يواجهه مشاكل بالشغل وراحت عنها مالها خلق اسأله ثانيه

تمنيت ارحل لعالم عليه الفاتحه تقرا
...
ورفض موتي يواجهني بوجه القادم المخفي
...
ياترى شفتو جسد ميت ورفض يستقبله قبره
...
انا هذي معاناتي واظن اللي مضى يكفي..!

تركها بقايا رماد ماترك فيها حيل طقها طق عمرها ماانطقت بمثله حتى على ايام ابوها
عهد بالموت ارفعت راسها عقب ماهي متكوره على نفسها من العوار
شافت الغرفه الي احتاست واغراضها الي قطعها سند صاحت بشهاق ورجعت تكورت على نفسها
كرهت سند ودها لو تذبحه عقب الي سواه اثبت لها انه حقير وجبان ونذل ولايمكن انها تسكت له
وبتشن عليه الحرب هو وامه وبتعلن التمرد عليهم بعد فتره اقدرت تقوم وراحت ادخلت الحمام وجت بتغسل وجهها بس خرعها شكل وجهها المورم من الضرب لدرجه ان عينها اليسار انتفخت وصار لونها ازرق فتحت الماي وغسلت وجهها وهي تحس بعوار لان الماي يزيد عوارها بعد ماخلصت ادخلت الغرفة وقفلت الباب عليها ماتبي تشوف رقعة وجهه ولا راح تطلع لين مايذلف يسافر وحصه بتغير معاملتها معها من بكره وبتقهرها مثل ماهي قاهرتها

سند ماعرف وين يروح مالقا نفسه إلا وهو جالس عند البحر حاس بضيق وحس انه على وشك البجي
ليش ياعهد وين اودي وجهي من امي الحين
اكيد بتقول ماسرقت إلا لأن سند بخيل ولا يعطيها شي
بس انا كنت ناوي اعطيها من هالشهر ومن غير لاهي تطلب لاني مسؤول عنها حتى وان ماقربتها مكفول اني اصرف عليها
تم يندب حظه العاثر الي اجمعه مع عهد البنت الي مالقت من يربيها الابو سكير وحرامي والام الله اعلم وش شغلتها

طموحي عالي

24 - 07 - 2009, 05:40 AM

هذ البارت اهداء للاخت جومانا
تفضلي البارت غاليتي
الثامن عشر
الساعه ست الفجر
دخل جناحه بعد ماتعب من الفرفره بهالشوارع من غير هدف بالأخير قرر يرجع يرتاح
حس ان الجناح كئيب ومظلم
مشى بشويش ومر من غرفتها وده يتطمن عليها لانه حس انه بالغ في ضربها مايدري هو كان ضاربها عشان تهمة سرقه او عشان شي ثاني هو جاهل فيه وقف عند باب المجلس
شاف الباب مسكرحركه و لقاه مقفل
تركه وراح لغرفته لانه يأس من شوفتها كان يحاتيها حيل ويحس ان روحه بتطلع عقب تذكر شكلها يوم ضربها ابعد عنه هالافكاروراح اخذ له ملابسه ودخل يتسبح
ويزيل عنه بعض من التعب قبل ينام

اليوم الثاني
لو سمحت ابيك بكلمة هي ما هي كلمة بصراحة هو قرار كل شي بيني وبينك انتهى باختصار انتهينا >>>

عهد حركت راسها بصعوبه من ألم كانت طايحه على الارض
قامت وهي حاسه بعوار براسها من كثر الصياح وعوار بطنها قعدت تلوى وتصيح بألم ويدها على بطنها تضغط عليه وحست انها بترجع فقامت ركض للحمام عند المغسله
واستفرغت دم كان متجمع بفمها
عهد بألم:ووووااااااااااع
عهد بوجع حسبي الله عليك ياحقير افتحت الماي وقعدت تغسل فمها ووجهها
ارفعت راسها عن المغسله وانصدمت من وقفة سند جنبها وكان ماسك كتوفها ماحست فيه متى جا واشلون دخل
سند الي صحاه صوت ترجيعها جا لها طاير حتى بدون لا يلبس كان من شدة تعبه امس نام بالروب ومن غير شعور قرب لها ومسك كتوفها حس بخوف من صوتها تمنى موته قبل لايسمع وناتها بسبته
كان ماسك كتوفها بيسندها عليه بعد مارفعت راسها
بس عهد اول مااعتدلت بعدت يدينه بقوه عنها
كانت اتطالعه بقرف وحقد
وهو حس بالضيق من شكلها كان يقطع القلب تم فتره يتأمل فيها حس انه نذل وحقير لانه تعمد يشوه وجهها الساحر بيدينه لانه ماقدر على مقاومته من ناحية الجمال

عهد بحقد وهي تدف يدينه عنها :فارق عن وجهي
كانت تمنى لو عندها القوه الي تخليها تضربه وتذوقه من الي هي ذاقته

سند بضيق:خل اوديك الطبيب

عهد زاد قهرها لاوالله عشان فضيحتي تطلع على كل لسان ماعرفت شتقول له او ترد عليه غير انها تدفه بكل قوتها الي قدرت عليها وتبعده عن دربها وتمر من قدامه بغضب

سند كان على وشك الطيحه بس مسك الباب ماعلق على تصرفها لانه يستاهل اكثر بس هو منقهر من سالفة ذهب امه قال بقهر:اعتقد انك تستاهلي الي جاك بسبب سرقتك

عهد بصراخ وايدها تأشر على سند:الله على الظالم

سند بغضب:انا ماظلمتك وشفت الذهب بعيوني عندك

عهد بعصبيه: اكيد حاطه احد عندي
والي حاطه عارفته عدل

سند بقهر :شقصدك من الي ممكن يبتليك بالسرقه

عهد بنرفزه: مراح اقول وانت مصيرك بتعرفه
لان الي مسوي هالخطه عارف بكل تفاصيل حياتنا ولا شلي خلاه يحط الذهب بالمجلس معناه عارف اني انام هناك

سند طارت اعيونه من الدهشه والصدمه وهو ماخطر باله هالشي وجا بيرد عليها بس عهد سكته قالت بغضب وبصوت عالي:لاتقول شي لان مراح اسمعك وحقي باخذه منك ومن الي ظلمني
وكملت بنفس الأسلوب:واتمنى انك ماتوريني رقعة وجهك الزفر
بعد
ودخلت غرفتها وسكرت الباب وسند تم واقف ومتنح ويفكر بكلامها سبته واشتمته وهالشي اول مره يصير معه بس الي قالته عن انها مظلومه ومو هي الي سرقت
اصدمه من الي له صله يظلمها
حس ان وقفته طالت ومن غير هدف ورجع لغرفة وهو حاس بالذنب لشكلها وقعد يسب نفسه على همجيته

على الغدا
حصه جالسه على الغدا ومااكلت شي وعيونها بس تجول بين صحنها الي تحركه بالملعقه وبين سند الي ياكل بهدوء ماسألت عن عهد ماتجرأت تسأل وبعد خافت بس هي ودها تطمن اذا البنت بعدها حيه او ميته لان وجهه سند امس بعد ماجا من عندها كان يخرع حيل

سند خلص أكله وقام بيروح وقال برود: لحد يصعد لجناحي حتى الخدم
حصه بتوتر:زين وغدا مرتك من بيوصله
سند بتنهد:انا باخذه واوديه لها قبل اطلع
راح ياخذ غدا عهد وصعد لجناحه

وحصه اشغلها دقة شهد بنتها وقعدت تسولف معها ووتحاول تنسى سالفة عهد
بس ماقدرت لدرجة ان شهد بنتها حست فيها
شهد بشك:يمه شفيج
حصه بتوتر:هاه لا مافيني شي
شهد ماحبت تدقق بس هي حاسه ان ورا امها سالفه وسالفه كبيره بعد

سكرت من امها وهي مقرره تزورهم اليوم عشان سند يشوف فجرقبل يسافر

الساعه خمس العصر

جيت ابنساك من بعد الفراق..نازعتني فيك الأشواق..حاولت النسيان لقيت نفسي اشتاق واشتاق..
حاولت واشتقت..
حاولت واشتقت..
حاولت ونسيت..انا فعلا نسيت..
نسي اهلي..نسيت ربعي..لكن نسيت أنساك

صعد لجناحه بعد ماجلس مع شهد وامه شوي بس ماقدر يطول لانه حاس بهم وضيقه وموقادر يشوف احد حتى فجر الي كانت تعني له الكثير صارت ولاشي عقب عهد وارتباطه بعهد كان خايف من مشاعره اتجاها قبل توقعها مشاعر رغبه لا اكثر بس الي يشوفه الحين ان السالفه طالت وصارت اكبر مما يتخيل لدرجة ان سعاد ماقام يفكر فيها نهائيا حس انه خاين فعلا لانه انكر عشرته مع حبيبته سعاد
حس ان شهد ماطافها ارتباكه وتوتره هو وامه
الي شككته عهد فيها بس مو مستوعب هالشي لان وش مصلحتها بهالشي

مر المجلس شاف صينية الأكل مثل ماهي راح طق الباب وقال بخوف:عهد
محد رد وتم يطق
لين مايأس وقال بنرفزه:كل الي تسوينه ماهو فايدك بشي واذا متأكده من براءتك اطلعي واجهيني وقولي لي من وين جبتي الفلوس

عهد قهرها كلامه وقامت بسرعه وطلعت بطاقة سحبها وفتحت الباب ووقفت قباله وقالت بقهر وهي تأشر بالبطاقه بوجهه: من فلوسي الي بحسابي
وكملت بسخريه:شكلك ناسي اني كنت موظفه

سند بدهشه عمره محد ناقشه بهالاسلوب ولا نقص من قدره حتى امه دايم تخاف اذا تناقشت معاه بس عهد سوت الي محد قدر عليه لدرجة انها اليوم دزته والحين تسخر منه قال: لا مانسيت وكمل برود: أكلي الحين وبعد ماتاكلين نتفاهم

عهد بحقد:على شنو اتفاهم معاك مابي منك شي غير انك تفكني منك
كملت بغضب:متى بتذلف تسافر

سند لا لي هنا وبس جا بيعطيها طراق بس عهد تصدت له وقالت بقهر: لا توقع اذا سكت لك على الي قبل فراح اسكت لك دايم
لا مستحيل
ونزلت يده بقرف كانت ماسكته بيدينها الثنتين من قوة يد سند
وجت بتدخل غرفتها قالت بغضب: لاعاد تدخل فيني لا انت ولاامك

ودخلت وطبعت الباب بوجهه بقوه وهو من القهر والعصبيه شات الصينيه برجوله وده يذبحها كلامها يقهره ويقلل من قدره
لان بنت بعمرها تواجهه وتصرخ بوجهه هذا شي عظيم عند سند

عند شهد
جالسه هي وسهام يتقهون بعد مااطفشوا من كثر مايدقون على عهد وهي ماترد عليهم
شافت سند جاي جهتم وعدلت سهام حجابها
سند بعد ماسلم وجلس قال برود: وين فجور كان بجلس معها يبي ينسى هم عهد
شهد باستغراب لان اول ماجوا سند ماهتم لوجود فجر وهالشي زعل فجر واصرت على ابوها يجي يوديها الملاهي:راحت مع ابوها الألعاب
سهام كان ودها تسأل عن عهد بس شكل سند مايساعد انها تجرأ وتسأل واشرت لشهد تسأل عنها
سند بطفش نزل الا ستكانة الي كان يشربها
وقام بيطلع بس وقفته شهد: سند بغيت اسألك عهد وين من جيت مانزلت وادق عليها ماترد

سند بارتباك: عهد نايمه

شاف نظرات الاستغراب وكمل :هي تعبانه حايشها العنقز وخايفه تعديكم وعشان جذي مانزلت

سهام وشهد صدقوا خاصة شهد الي قالت بخوف:فديتها ماتشوف شر ومن متى فيها

سند بوهقه:صار لها يومين والطبيب يقول لاتشوف احد منيه لي اسبوع عشان العدوى

سهام :ماتستاهل والله يعينك دير بالك انت بعد لاتعديك

سند ابتسم وحمد ربه ان الكذبه مشت عليهم خاصة شهد الي قررت ماتجي لين تشفى عهد خايفه على فجر تنعدي

بعد مااستأذن وطلع وهو فرحان بهاالإنجاز قابل امه كانت داخله من مشاويرها الي ماتخلص حصه ماطاف عليها ابتسامة سند وقالت بشك:اشوفك فرحان فرحنا معاك
خافت لايكون كشف جذبتها وعرف ان عهد ماسرقت

سند بتنهد وضيق لان امه عكرت مزاجه:ابد يالغاليه بس تذكرت سالفه وضحكت

حصه ماناقشته وراحت داخل وهو طلع

في المجلس عند حصه وشهد وسهام
شهد باهتمام:يمه وصي الخدم بين فتره والثانيه يطلون على عهد ويشوفون طلباتها

حصه بخوف وارتباك ماتبي شهد تعرف لان مراح تمر عليها السالفه مثل سند وهي هدفها بس تخلي سند يكره عهد

قالت بنرفزه: ليش ان شالله

شهد بنفاذ صبر:يمه البنت تعبانه وتحتاج رعايه
وكملت بتنهد:على الأقل تحمليها لين ماتشفى ان شالله

حصه بتنهد:يصير خير كانت تطالع بسهام الي مانطقت وجالسه تشوف نقاشهم الحار ومستغربه منه

ليش حصه تعامل بنت اخوها بهالأسلوب الجاف

حصه بتغير السالفه قالت:سهام يمه حمد وينه

سهام ببرود:طلع عنده شغل

حصه ببتسامه:صاير ماينشاف كله لاهي بهالشغل

سهام بتوتر:اي الله يعينه

اليوم الثاني
اطلعت من غرفتها عقب خف العوار وبدأ الأثر الي بوجهها يخف شوي

غسلت وجهها بماي بارد وحطت معقم على الجرح الي عند فمها

كانت مندمجه ولا انتبهت للي متسمر صارله ساعه عند باب الحمام ويشوفها

حست بألم بعد ماحطت المطهر وعقدت حواجبها كان مركز بكل حركاتها سند بحقد يسب نفسه صج انك ثور مستقوي على هالبزر وفارد عليها عضلاتك

حس بنجذابه لها ولكل حركة تطلع منها يدقق فيها بتركيز ماحس بنفسه
واظهر تنهيده عميقه من قلبه

عهد انتبهت له من صوت تنهيدته ولفت تشوفه

طالعت فيه فتره بأستحقار وبعده لفت تمسح وجهها

عهد بحقد ودي اسطره على هالخز
الي يشوفه يقول ميت علي او حاس فيني كأنثى
هذا اذا كان رجال وعنده احساس مثل باقي الرجال سبت نفسها على هالتفكير عهد بقهر انا وين وهالافكار وين
شافها ماتكلمت وحب انه يبدأ قال برود:ترا اكلك بيطلع لك كل يوم انا وصيت الخدم
هذا الي هامه بس اني ماموت جوع
عهد بقهر وهي تمر من عنده :مابي منكم شي غير طلاقي
سند بتنهد وهذا الي ابيه حتى انا ياعهد ابي افتك منك لانك اتعبتي مشاعري وخليتيها تمشي عكس مسارها قال بنفس الأسلوب:هالموضوع اجليه لين ماارجع من السفر
وكمل بضيق:وراح احله
عهد بنفاذ صبر:وانا شيصبرني لذاك الوقت طلقني الحين وسافر
سند بأهتمام:خلي عنك هالكلام وروحي أكلي صارلك يومين ماكلتي
كان حاس فيها وجهها شاحب وصايرأصفر
عهد بقهر:اكل او ماكل شي يخصني مايخصك وحطني على بالك عدل ترا من باجر بدور لي على شغل وراح اشتغل
سند لاهذي زودتها حيل قال بنرفزه: مانتي محتاجه لشغل كم تبين وراح ادفع لك
عهد بغضب:لا محتاجه وبشتغل واصرف على نفسي ولا ابي منك ومن امك شي
سند بقهر: يعني السالفه عناد
عهد بأصرار:سمها على كيفك ولا توقع اني قلت لك عشان استأذنك لا انا قلت لك عشان يكون عندك خبر
مشت وتركته وهو واقف يزفر من الغضب حس انه يطلع من خشمه دخان من شده العصبيه
حس انها بتعاقبه على فعلته بهالاسلوب واخذ يهدي نفسه شوي
عشان لاتفلت اعصابه ويصير شي ويندم عليه بعدين
اما هي فدخلت المجلس وهي حاسه بنشوة الانتصار
حست انها اقدرت تقهر سند مثل ماقهرها وتنتقم منه
فقررت تشتغل غصب عنه وتعيش نفسها بنفسها بدون لا تحس انها محتاجه لمنة سند
كانت ناويه تدق على سحر وتقولها تدور لها على شغل بس بعدين هونت وقررت تروح هي بنفسها وتدور

في جناح حمد
جالس ينطر سهام تجيب له العصير حاس ان سهام اقدرت تملك قلبه وتنسيه حبه لعهد
شافها جت بالصينيه قال بحب صادق وهو يأشرلها يمه:هلا والله بحبيبتي
سهام بدلع نزلت الصينيه وجلست يمه واخذت العصير وقالت وهي تقربه من شفايف حمد:اشرب ياحبي يعله بالعافيه
حمد شرب شوي وبعد العصير وقال بشوق: حبيبتي قومي خل انام على قعدتي من فجر الله
سهام ودها بالسهر بس حرام كسر خاطرها كان صج تعبان ونعسان كافي انه من قعدته الصبح لدوامه
قالت بتنهد:اوكي اسبقني للغرفه
بس اودي هالاغراض واجيك
حمد بضيق لا قال بشتياق بعد ماقام ونزل العصير من يد سهام وشالها بين يدينه : لا تروحين معي الحين
ودخل فيها للغرفه
عند سند
سافرت ناوى اترك الضيق لحظات لقيت طيفك با لسفر محترينى حاولت ابعد عن خيالك مسافات الله حسيبك وين مارحت فينى غيرك نسيته ماطرى كل حزات>>>>>> دايم بالدقايق تجينى

جهز كل اغراضه بالشناط ونادى الخدامه تنزلهم
تحت على ماينزل هو
بس قبل ينزل مر على عهد
سند طق الباب
عهد الي كانت منسدحه عدلت جلستها وراحت تفتح
افتحت وكان سند لفت عنه وعطته ظهرها وقالت برود:خير اذا جاي عشان الشغل انسى اني
قاطعها بأهتمام:لا جاي اودعك لاني ماشي بسافر
عهد ودها تقوله روحه بلا رجعه بس ماتقدر قلبها مايطاوعها
قالت بسخريه وهي مكتفه يدينها: والمطلوب كملت بنفس الاسلوب :تبيني ان شاء الله اودعك بالأحضان ولا بالقبلات الحاره
ماتدري اشلون جتها هالجراءه وقالت هالكلام
بس اندمت حيل لانها قالته خاصة عقب شافت نظرات سند الي عجزت تفسرها
سند انقهرمنها وعناد فيها سحبها يمه وحوطها بكتوفها وهي ترجف رجف
وغمضت عيونها تنطره يسطرها طراقات مثل العاده بس الي ماتوقعته ولا حسبت له احساب ان بدال لاتكون طراقات صارت قبلات حاره توزعت على وجهها
حست برجفتها زادت وقعدت تدف سند عنها بس قوتها ماتساعدها مع قوة ورجولة سند ماتبي بوساته وانفاسه الي ألهبتها لهب لانها كارهته عقب الي سواه

*شنو الاحداث الي بتواجه بطلتنا عهد بعد مايسافر سند

*وسند هل بيقدر على فراق عهد

*حصه وش وبيصير لها عقب تغيير عهد وقوتها

كلي ذوق

24 - 07 - 2009, 12:06 PM

رواااايه جنان
يعطيكي االف عافيه

طموحي عالي

25 - 07 - 2009, 08:24 PM

ربي يعافيك يا غاليتي كلي ذوق
تستاهلين هذا البارت لعيونك
التاسع عشر
لاجيتك ابكي .. أرفعي هامتك فوق
!
قولي قدرت أذل .. من كان (غالي) ....

ماقدرت تبعده كان شاد عليها حيل وهي على وشك الأستسلام له ماحست بنفسها غير وهي تدعس على اصابع رجله بقوة عشان بس يتركها

سند الي قادته مشاعره المكبوته لها ولاحس بعمره وانجرف مع تيار عواطفه الجياشه ماتركها إلا بعد ماداست رجله وحس عواره

عهد بعد ماابعدته قامت تعدل نفسها وشعرها وقالت بغضب وهي تخفي ارتباكها: لاتوقع بسامحك على افعالك

شافها تعدل نفسها وشاف اخدودها شابه ضو من الخجل عقب الي صار

سند بسخريه وهو يخفي توتره:ماجيت اطلب سماحك اصلا

وكمل برود وهو طالع من عندها: انتبهي لنفسك واي شي تبينه دقي علي جهازي تراه دولي

عهد ماتبي تنذل له بس شتسوي كانت محتاجه لأحد يوديها لمشاويرها الهامه قالت برود بعد ماهدت مشاعرها الي وترها سند:قبل لاتسافر ابيك اتوفر لي سايق يوديني ويجيبني لين مااتدرب واسوق

سند بنظره غضب:السايق موجود واي مكان يوصلك له وسياقه انسي تسوقين
عهد بحقد: مابي سواق امك بكره بتذلني فيه

وكملت بنرفزه:احط لي سايق ابرك لي

سند هذي شفيها صايره غير عن اول شكل الضرب افقدها عقلها
سند بقهر وطفش من اسلوبها قال وهو صاد عنها:انتي الكلام معك ضايع خل اروح الحق على طيارتي احسن لي من مقابل وجهك

قال بنفسه يازينه من وجه بلاك منت قادر عليه وتحس بالضعف قدامه ياسند

عهد بغضب:شعور متبادل ترا حتى انا اكره مقابل وجهك

سند طلع وتركها وهي اجلست على الكنب تحس بحراره تلسع جسمها لسع كل ماتذكرت بوسات سند الحاره لها

تمت تهدي نفسها اول مره تحس بهالأحساس الغريب حطت يدها على قلبها الي في حالة دقات سريعه

حست انه بيطلع من شده الدقات عمرها ماجربت هالإحساس قرب سند منها حرك فيها مشاعر كانت مكبوته وحركها هو
في هاللحظه قبل يسافر ويتركها

بعد اسبوع من سفر سند

حاول قدر المستطاع انه يلهي نفسه بالشغل عن التفكير بعهد
وأوهم نفسه بأنه قادر على هالشي

بس كل مره يسرح فيها وفي اخر لقاء له معه وقت ماحضنها
غصبا عنه وعنها
هو كاره الي سواه وحس انه غبي وساذج وقت ماحضنها وباسها
بس الي صار خارج عن إرادته

سند الي كان جالس في الكافي حق الفندق الي مقيم فيه يشرب له قهوه قبل يروح لشغله

كان قاعد يشيك على اوراق يحتاجها بالشغل ومندمج فيهن بعد فتره قطع عليه صوت نقاله

كان خاله فواز ابتسم ورد
سند :الو
فواز ببتسامه:هلا بولد اختي
سند ببتسامه:هلا فيك
فواز بتنهد:ياخي مختفي بهالغربه لاتدق ولاتسأل
كمل بضحكه:اخاف بخلان على الفاتوره ترا مستعد ادفعها لك

سند برودته الي الكل متعود عليها: غير هالكلام عندك شي ياخال ترا وراي شغل ومو فاضي لحنتك
كمل بسخريه:اثاريك طالع على اختك
فواز الي متعود على هالاسلوب من سند واكثر من كذا بعد قال بقهر:اقول مع السلامه الشرهه علي الي داق اتطمن عليك

سند برود:فيك الخير ياخال وسلم على الأهل
مارد عليه فوازوسكره بوجهه
سند ببتسامه : مشكلتك انك ماتقدر تطول بزعلك ومن باجر بتدق وتعتذر
ضحك بسخريه:مسكين ياخال مالك هيبه وهالشي ساعد زوجتك وخلاها تحكم فيك

فواز بغضب هين ياسند الزفت تمسخرني انا وتقول عني كثير الحن
بس هين ان ماقهرتك

دخلت عليه ندى شافته مطنقر قالت بخوف:شسالفه اشفيك معصب
فواز بقهر:مو شغلك وقام بيطلع وندى تخرعت ولا قدرت ترد عليه

عند حصه
حالتها حاله مع عهد حاسه انها ماعاد تقدر توقفها عند حدها
وكلمت سند اكثر من مره بس تحس انه يتهرب منها او انه مايبي يضايقهم كلهم

قاهرها سكوته عنها كونها تبي ترجع تشتغل
وكل يوم تراجع تدور على شغل
قامت تدعي ربها انها ماتقبل ولا تشتغل

حصه جالسه بالمجلس تشرب قهوه وبعد فتره شافت حمد و سهام جايين لها

بعد ماسلموا وجلسوا
وقفت سهام وقالت ببتسامه: بروح اوصي لنا على حلى التوفي

ومشت من عندهم
حمد فديتج انتي ياحلى دنياي شاف امه مسرحه قال بحب: يمه عسى ماشر اشفيك سرحانه

حصه بأرتباك:هاه لا سلامتك بس كنت افكر بأخوك اليوم مادق

حمد يبي يريحها:لاتحاتين يالغاليه واذا ودك ادق لك عليه الحين تكلمينه
وتطمنين عليه بعد

حصه بحب:لا فديتك اكيد انه مشغول وبس يفضي بيدق

بعد فتره جت لهم سهام

وحصه حبت تغير موضوع سند قالت ببتسامه:ألا حمد مافيه شي بالطريق
كانت تطالع بسهام الي توها دخلت ولاسمعت شي

حمد ببتسامه:الله كريم يالغاليه وبعدين تونا خل نستانس شوي لاحقين على عوار الراس

سهام افهمت الموضوع وحست بخجل ومافتحت فمها بحرف وجلست بعيد عنهم

وحمد وامه ابتسموا على خجلها
وماحبوا يزيدون في السالفه احتراما لها

عهد
حاسه بسعاده اخيرا لقت لها شغل وراح تبدأ تداوم من باجر
عندهم

بعد ماتقابل المدير حق المستشفى استغربت طلب المدير لمقابلتها وبعد ماوافق على شغلها بدون حتى لايشوفها وقال بكره تبدا
بالشغل عندنا بس قبله خل تمر علي ضروري

كانت خايفه وماتدري شتسوي بس لازم تقابله وهم بعد بتغير معاملتها مع الكل ولاراح تكون عهد الضعيفه المظلومه دايما

ادخلت مطبخها وقامت تسوي لها عشا من سافر سند وهي تاكل بروحها وفرت لنفسها كل شي وصارت تطبخ بجناحها بس عشان ماتقابل وجه النحس حصه

ابتسمت وهي تذكر صدمة حصه فيها من ذاك اليوم بعد ماسافر سند
كأنها انهبلت وهي تشوف عهد ثانيه غير عن الأوليه
كانت قويه وجاده بكل شي تسويه ولاتناقش احد وحصه انجنت من تطنيشها وقالت لسند الي هو الثاني طنشها

كأنه حس انه مصخها في وقفته مع امه ضد عهد ولام امه انها هي السبب في قعدتها عندهم وتزويجه منها غصب ولا كان تزوجت غيره وافتكينا منها

بعد ماتعشت وخلصت جت بتغسل صحنها بس سمعت باب جناحها وراحت تشوف من

عهد افتحت كانت متوقعه انه سهام وفعلا كانت هي
عهد بترحاب:هلا سهوم حياج
سهام بحب:هلا فيج
كملت بضيق:طفشت ابروحي قلت اجي اسهر معاج
حمد ومايجي غير فوق الوحده وخالتي من تسع0نايمه

عهد بنفسها عساه نومة اهل الكهف قالت بحب:حياج الله في اي وقت
وانا تدرين مانام إلا متأخر

جلست سهام وعهد راحت تجيب لهم شي يشربونه
سهام اندمجت بأوراق عهد حقات القبول وافرحت قالت بصوت عالي:عهد ياخايسه انقبلتي ولا بشرتيني

كانت تسمعها لان مطبخها مفتوح على الصاله قالت ببتسامه: اعذريني والله موقصدي وكنت بقول لج بس شفتج جالسه مع عمتي وحمد واستحيت اقول قدامهم

سهام حاسه بكراهية حصه لعهد وكل شي واضح قدامها بعد بس هي ودها تعرف السبب ومستحيه تسأل خالتها وعهد عمرها ماسبت او ذمت عمتها قدامها ولا كان اسألتها بدون تردد عن سبب القطاعه هذي

شافت عهد جت ومعها باسكن وصحن شبس

سهام وعينها بالصينيه قالت بقهر: لا باسكن حرام عليج ناويه علي تبيني امتن ويمصخرني حمد

عهد بضحكه: حلات الوحده مليانه مو عصاقل وترا هذا الي يعجب الرجال

سهام بقهر:ألا حمد مايعجبه ألا الضعيفه
كملت بخوف:تخيلي يقول ياويلج ان زاد وزنج وترا كل شهر بوزنج وتأكد
عهد ماتت ضحك وماحست إلا سهام حاذفتها بالكلينكس
قالت سهام بغضب:اي شعليج ضامنه سند انه ماراح يلتفت لغيرج سوا كنتي متينه او ضعيفه

عهد حست بضيق ودها تقول سند ماراح يلتفت لي نهائي لان قلبه وعقله مو لي لسعاد اختج
تمنت لو انه يعاملها مثل اي زوج حتى لو كارهها بس انه يتركها عنده جذي هذا الي ماتبيه ولا تحلم فيه اي وحده

كانت تحس بالخجل وقت مايجيبون سهام وشهد طاري ازواجهم والمواقف الي تواجهم لان هي ماعمرها جربت كل هذا
ألا قبل لايسافر ترك لها بصمه من طريقة قربه وراح
بس كان حيل قاسيه لانها جت في وقت غير مناسب

سهام بخوف من سرحان عهد:ياهووه وين رحتي
كملت بضيق:كل هذا لاني جبت لج طاري سند

عهد بتنهد وعشان ماتشكك سهام:اي اشتقت له

سهام بحب:الله يرجعه بالسلامه وتشبعين منه
عهد بقلبها آمين

اجلسن يسولفن وقالت عهد لسهام عن سالفة المدير واصرت عليها سهام تشوفه
وتقولها عن كل شي

اليوم الثاني

صحت مبجر وتجهزت عشان تروح لشغل ماقالت لحصه ولا استأذنتها حتى
ماحطت مكياج بس مسكره وقلوز
ألبست عبايتها وعدلت ملفعها وطلعت

اول مانزلت الساعه ثمان شافت عمتها قاعده هي متعوده على القعده الصبح
عهد بنرفزه اوف شيفكني منها الحين
مرت من عندها وهي ناويه تسفها وتروح بس
اوقفت اول ماسمعت صوتها

حصه الي حاسه بنار بقلبها من تغير عهد وكبر راسها
اكرهت ذيك الساعه الي اتهمت فيها عهد بالسرقه لان من ذاك اليوم وهي منقلبه ميه وثمانين درجه

هي تبي سند يكرهها وفعلا هو كارههاومسافر مايبي يقابل وجهها بس الي طاح براسها هو تمردها عليها هي

شافتها جايه قاهرها سالفة الشغل الي هي مصره عليه قالت بغضب:وين على الله طالعه هالصبح

عهد وهي صاده ومعطيه حصه ظهرها قالت برود:لدوام

حصه:اي داوم ان شالله ومن متى اشتغلتي

عهد بنفس الاسلوب:اعتقد انج عارفه شهادتي شنو ومن اليوم راح ابدأ دوامي بمستشفى ال لاني انقبلت هناك ومشت وكملت طريقها وطلعت وحصه قامت تغلي غليان
وقعدت تسب وتشتم بس عهد سوت نفسها ماتسمع وطلعت تعودت على هالكلام دايم بس تخانق مع عمتها تقوم تسب امها وابوها

اركبت السياره وعطت السايق العنوان وراح

حصه بقهر هين يابنت ابليس ان ماذليتج وخليتج تبوسين رجولي و ان مارجعتج لحبسج ماكون حصه

كانت منقهره تحس ان عهد استقوت ومعاد هي منذله لها مثل قبل

قامت تدق على سند احرقت جهازه بس هو مارد كأنه حاس انها بتكلمه بعهد بس الي ماانتبهت له أنه نايم هالحزه لفرق التوقيت عنده
سكرت السماعه وقامت تسب نفسها

عند فواز
حاس بطفش وضيقة خلق وحس انه معاد هو طايق الغربه وده يرجع لبلاده وبين اهله افضل له من هالغربه

كان يتمشى بالحديقه وعينه على اعياله الي يلعبون بسعاده

ماانتبه إلا للي ضغط على يده وكأنه يقول له وش تفكر فيه او ممنوع عليك التفكير حتى إلا فيني انا وبس

ندى حاسه ان فيه شي كله طفشان وبسرعه يعصب ويصرخ قالت بحب:شكلك تعبان ماودك نرجع للبيت افضل
فواز وده بس خايف يكسر خاطر اعياله كون اليوم إجازتهم قال:ماقدر بعدين يزعلون اعيالنا
ندى بتفهم:لاتخاف ماراح يزعلون وراحت تنادي عيالها وهي خايفه من تغير حال فواز كل ماحاولت تناقشه كب عليها هواش وصراخ
لين ماطفشت وخلته

شافها جات ومعها اعيالها الي بان عليهم الزعل بس ندى كانت تناقشهم باسلوب حلو ورضوا ابتسم بحب:ياكثرحبي لها مادري اشلون اعيش بدونها

قربوا عنده وشال بنته الي جت له ركض وباسها مشوا وهو شايلها بيد وماسك ندى بيده الثانيه

في المستشفى
كانت تنطر يستأذن لها المدير عشان تدخل

بعد فتره امر بدخولها ودخلت

اول ماشافته تمت واقفه لين يسمح لها بالجلوس
كان رجل بالأربعينات من عمره بس كان له هيبه ورزه ذكرتها بسند

ناصر 47 مديرالمستشفى دكتور جراحة وفاتح له مستشفى كان شاده اسم عهد اول ماشاف اوراق المقدمين على الوظيفه

وعلى طول قبلها لان لها معزه خاصه في قلبه كونها بنت ضحى حبه الأولي وبنت خاله
كانوا محجوزين لبعض بس طمع ابوها وجشعه خلاه يزوجها لواحد فاشل وداشر بس لانه ولد عز

طولت عهد بوقفتها وعورتها رجولها ودها تكلم بس خايفه والي خوفها اكثر تأمل هالشخص لها بدون كلام حتى
بالأخير قالت: سلام عليكم
ناصر نفس الشكل بكل شي ماعدا العيون قال:وعليكم السلام حياك ياانسه عهد تفضلي

عهد بخوف اجلست وقالت: انا قدمت على هالمستشفى وانقبلت

وكملت :وحابه اعرف وين بتحطوني وفي اي قسم

ناصر بحنان:ادري بكل هذا وانا الي قبلتك وراح احطك بالقسم الي يناسبك بعد

عهد ياحظي لايكون ناوي علي هالشايب صج انج منحوسه ياعهد وين ماتطقينها عوجه قلت بأرتباك: مشكور ماقصرت وانا بدق على زوجي استشيره وقولك
تعمدت تقول جذي عشان ينتبه لهالشي

ناصر بأهتمام:خلاص ماله داعي تدقي روحي لبيت واخذي راحتك في الموضوع وباجر ان شالله تداومي اذا اخترتي مكانك

عهد ياربي معقوله الي يصير لي قلت بتوتر وانا بطلع:خلاص يعطيك العافيه وراحت

طلعت وهي حاسه بخوف من هالإنسان بس في شي يقولها انه مو قاصد شي وانه حاب يساعدها بس

دقت على السايق ورد عليها
عهد:وينك فهيم

السايق بأسف:انا روح مع ماما كبير وهي يقول لايروح مكان

عهد بقهر :خلاص انا ادبر عمري وسكرت منه
كنت حاسه مراح تسكت إلا ماتقهرني
اوف قايله للثور مابي سايق امك اعرفها بتقهرني فيه بس مايحس
هو وين والأحساس وين هذه بس مجسم رجل اذا حتى مشاعر ماعنده شكل احاسيسه ومشاعره ماتت مع حبيبته سعاد

قررت تدق على سحر ترسل لها سايقهاعشان تروح لها اشتاقت لها حيل ولأم فارس

ومراح تقول لحصه

عند حصه

كانت رايحه لوحده من صديقاتها ولزمت على السواق يقعد برا
ماهمها عهد وبتشوفها اشلون بتصرف

ادخلت البيت الساعه ثنعش لقت شهد عندهم
شهد بتنهد:اخيرا جيتي صارلي ساعه انطر احد يجي لي

البيت كله فاضي الي نايم والي مداوم
حصه جت وجلست بعد ماسلمت على شهد قالت:والي بالدوام مارجعوا للحزه

شهد بتنهد:لا

كانت منقهره وين بتكون كل هالوقت هي من عشر داقه على السايق ياخذها

اكيد دبرت لها مكان ثاني وذلفت له
ماقول إلا الشره موعليها على الي مكيف بالغربه وتارك مرته تلعب هنيه بذيلها

شهد بطفش من سرحان امها: يمه اكلمج

حصه بحب:امري حبيبتي شبغيتي

شهد بضيق:اكلمج في موضوع سفرنا انا وفهد عشان بنتعالج

حصه بحزن:ليش ماتشوفون الأطباء هنيه والله انهم احسن لكم من الغربه

شهد بأسف:يمه موبكيفنا وبعدين حنا بروح لنفس الدكتور الي تعالجنا عنده يوم نجيب فجر

حصه رضت غصبا عنها ولا هي كارهه سفرهم وتغربهم بس شالفايده كل مره واحد مهاجر وتاركهها

عند عهد
كانت بقمة السعاده بالقعده مع سحر وامها الي نسوها همومها

ام فارس بعد ماشافت سحر راحت تشوف الغدأ لفت على عهد وقالت بحنان:بشري عن حياتج مع زوجج ان شالله احسن من اول
عهد بتنهد ماتبي تفضح حالها بس الي تشوفه ان الكل كاشفها حتى لو بتظل مخبيه هالشي

قالت:ماشي الحال

ام فارس بأهتمام:شوفي يامي الزوج مثل الطفل بسرعه تقدرين تكسبينه بالمعامله الزينه والحنان

عهد بنفسها إلا سند لانه يامي ميت بدون مشاعر
قلت ببتسامه:ادري يالغاليه

كانت خايفه ان ام فارس تعمق بالأسأله بس الله رحمها بدخول سحر تناديهم للغدآ

ماتبي نقاش بهالأشيا ودها تنسى

بعد فتره وهم على الغدأ علق جهازها وكان
رقم سند هو حجزه بتيلفونها قبل يسافر
ماكانت تبي ترد بس ماتقدر تطنشه قدام سحر وامها
استأذنت منهم وراحت ترد بعيد عنهم

سند الي قهرته امه قالت له ان مرتك من الصبح طالعه ولا رجعت
كان وده يطنش ولا يسأل بس في شي منعه خاف لا يكون صار لها شي
قالت برود:الو
سند بنرفزه:اقدر اعرف وينك فيه من الصبح

عهد بنفس الأسلوب كانت عارفه ان امه ورا كل هذا ولا من متى سند يحس فيها:عند خالتي ام فارس

سند الي ارتاح شوي بس مايدري ليش قال بنرفزه:انا كم مره حذرتك من روحتك لهم الظاهر مافيك فايده

عهد الي انقهرت كانت ماسكه اعصابها لاتزفه من اول مادق وسوت المستحيل بس عشانه والحين جاي يتحكم هو وجهه
قالت بغضب:اي مافيني فايده وبروح لهم كل يوم
وماحست إلا والتيلفون ينطبع بوجهها
ماتدري هو سمعها او لا عهد بقهر وهي تضغط على جهازها حقير

شافت سحر جايه صوبها وارسمت على شفايفها ابتسامه كذابه بس عشان تبعد الشبهة

صديت عنك ودي اعرف عندك غلاتي

واثرك تدورها من الله وصديت

اما هو فضل ماسك بالجهاز وهو يتخيل شكلها حس براحه لانه تطمن عليها

بس استغرب امه قالت انها اشتغلت وانها رايحه لشغلها وهي الحين عند ام فارس

مااشغل نفسه بالتفكير اكثر فيها وراح يشوف له شي ياكله بدال افكاره بعهد الي ماتنتهي

بسألك ليه الهوى منك وفيك

ليه المشاعر ما تعيش إلا بساعة شوفتك

ليه المحبة والوفا وأبيات شعري تحتويك

ليه أنت وبس اللي أموت ببسمتك

تدري لو مرة أقول إني كرهتك ما أبيك

يرجع علي صوت الصدا يقول

الله ما أكبر كذبتك

عند حمد

كان طالع مع سهام يتمشون برا
حمد بحب وعينه على سهام الي مركزه بكل حرف وحركه يسويها قال:تدرين وش اتمنى

سهام بحب:وش

حمد ببتسامه:اتمنى يجي لنا بنت او ولد عشان بشوف تغير معاملتك لي بعد العيال او بتمين تعامليني بدلع جذي

سهام بتنهد وهي تخيل طفلها الي بيربطها بحمد اكثر قالت وهي تركز بعيونه الي ساحرتها: مستحيل اغير تعاملي مع حبيبي حمود
مهما جانا من العيال

حمد بعشق وهو يضغط على يد سهام الي تحتضن يده:احبك موت

سهام بهمس:انا اكثر

حمد بخبث :مشكلتنا انا بمكان عام ولا عبرت لك عن حبي

سهام غاصت بهدومها ولا نطقت بحرف
بس تمت تطالع بحبيبها الي ماندمت بيوم لانها حبته من صغرها

اليوم الثاني
حاولت في قلبي أقول بنساك

وأعيش دنيا في حياتي جديدة

أثر الغلا ما تعجبة غير دنياك

والقلب غيرك ما سكن في وريده

أشتقت لعيونك وصوتك ونجواك

أشتقت لظروفك لو هي عنيدة

حبك شربتة كيف ما أقدر أظماك

حبك عرفتة كيف ما حتاج أعيده

قعدت كالعاده عشان تداوم ادخلت تاخذ لها شاور

بعد فتره اطلعت بالروب بس وقامت تختار لها لبس

تأملت قسم سند كان فيه شويه من ملابسه الرسميه لان معظم البناطيل والقمصان ماخذهم
راحت بعينها على القسم الي مقفل

كل ماترسل رساله صاحبك يرتاح باله يدري انك مانسيته يابعد روحه وحاله

ابتسمت بسخريه مدري لمتى بتم محتفظ بهالذكريات ياسند

خذت لها لبس وألبست وبعد ماتجهزت سمعت باب جناحها يطق استغربت من بيجي هالحزه

راحت تفتح خافت لاتكون حصه مالها خلقها ابد عقب سالفة امس

قالت بأرتباك:منو

شهد بحب:انا شهد فتحي

ابتسمت وفتحت لها قالت بحب: هلا والله

شهد بضيق:هلا فيج شفتج ماسألتي عني وانا من امس هنيه قلت خل اجيها قبل تطلع اليوم بعد

عهد بأسف: اسمحي لي والله مادريت انج جايه محد قالي

شهد بحب:خلاص سامحتج انتبهت لبسها قالت :مبروك الدوام اشوفج لابسه بتروحين له
عهد وهي داخله المطبخ تجهز فطور لهم:الله يبارك فيج واي بروح

شهد ببتسامه وهي جالسه على كراسي المطبخ:الله يوفقج ان شالله

عهد بحب:تسلمين ياعمري وكملت :ألا وين فجور ماجت معج مشتاقه لها

شهد ببتسامه :نايمه فديتها

جلسن يسولفن وقعدت شهد تقول لعهد عن سفرتها للعلاج

عهد بحب:توكلي على الله وروحوا

شهد :وهذا الي بيصير ان شالله بس انا احاتي امي رافضه سفرنا تقول تعالجي هني

عهد بقهر بنفسها حتى بهذا متدخله عجوز النار قالت ببتسامه:انتي وزوجج شوفوا الي يريحكم وسووه طالعت بساعتها وقالت بخجل:سوري ياعمري ودي اقعد معج اكثر بس الشغل لازم اروح

وقامت تبي تلبس شهد بحب:لا ياعمري انا داريه بشغلج وقلت اجي اشوفج قبل تروحين لان احتمال انا بعد بروح بيتي قبل تطلعين من دوامج
قامت وباست خد عهد وراحت وعهد راحت تلبس عباتها وتلحق على الشغل

jonoon

26 - 07 - 2009, 08:59 PM

روووووووعه

بحر الندى

26 - 07 - 2009, 09:49 PM

...................مشكوره ......................... .....................مشكوره............
.................مشكوره... ......مشكوره.............. .........مشكوره......مشكوره.....
...............مشكوره..... ..........مشكوره.......... .....مشكوره............. مشكوره.....
...............مشكوره..... ........................مشكوره .........................مشكوره.....
.................مشكوره... ......................... ......................... .....مشكوره.......
...................مشكوره. ......................... ......................... ...مشكوره.....
......................مشكوره...................... . ......................... مشكوره.......
......................... مشكوره.................... ....................مشكوره......
......................... ...مشكوره................. ................مشكوره........
......................... ......مشكوره.............. ............مشكوره........
......................... .........مشكوره........... .......مشكوره...........
......................... ............مشكوره....... مشكوره................
......................... ....................مشكورة .......................

وربي يسلمـ الايادي
وبتوفيق يارب
ودمت بخير

طموحي عالي

27 - 07 - 2009, 06:57 AM

اشرقت الأنوار باطلالتك على منقولتي يابحر الندى حياك ربي

تستاهلين هذا البارت لعيونك

البارت العشرون

صعب جدا تلاقيني

أنا جوهر بحر مكنون

أنا لوتقلب الدنيا

صعب جدا تلاقيني

جمالي من حلا روحي

وكل الزين من زيني

تصدق عاد يا خلي

أنا كلي

بكل وصفي

بكل زيني

عجزت أوصل

ربع زينك

طلعت ودقت على سايق عشان يوديها بس صدمها كلامه
فهيم بأسف:مدام انا شنو سوي ماما كبير سوي مشكله اذا انا ودي انتي
كمل بحزن:مدام لايزعل
كسر خاطرها كان فعلا مغلوب على امره وان حصه ورا كل هذا
عهد بتنهد:خلاص فهيم مافي مشكله انا موزعلانه
تلفتت يمين ويسار كانت بتشوف لها احد يوديها وفعلا شافت حمد طالع كان بيروح لدوامه
عهد يافشلي والله عيب كل مره مدخلته بمشاكلي كانت تقصد يوم تأخذ منه رقم عمها
الخجل منعها انها تروح تقوله بس حمد الي انتبه لها وجا

حمد استغرب قعدتها برا بهالوقت وقفتها مع السايق جا بيستفسر
حمد برود:سلام عليك
عهد بخجل:وعليكم السلام
حمد بتنهد:عسى ماشر يامرت اخوي شالي مطلعك بهالصبح

تعمد يقول مرت اخوي عشان يذكر نفسه انها موحلال عليه عشان يتأمل جمال وجهها
تمنى لو ان سند نقبها غصب صح ان مرته ماتنقب وشهد ماتنقبت إلا بعد الزواج بس كان المفروض سند يغطي وجه مرته لانه فتنه ويفتن الي ماينفتن

عهد بارتباك:سلامتك بس كنت طالعه بروح لدوام واطلعت السياره خربانه كانت تطالع بالسايق
ماتبي تقول لحمد ان امك مانعه علي الروحه بسايقها حمد دوام من متى قال بخجل :خلاص تعالي اوصلك
عهد جاج الفرج ياعهد قالت بخجل:لا مابي اكلف عليك
حمد باصرار:لا كلف ولاشي امشي قبل تتأخرين

ابتسمت وراحت معه وهو حاول قدر المستطاع مايلتفت لأبتسامتها لانها شلت تفكيره ولخبطت موازينه
في المستشفى

جت عند السكرتير وقالت بارتباك :سلام عليكم

سكرتير من غير لايلتفت لها قال وعينه على شغله:وعليكم السلام آمري

عهد بأرتباك:انا الممرضه الجديده وجايه اسأل وين بداوم

السكرتير رفع راسه وشافها قال بترحاب: انتي عهد صح

عهد بصدمه:اي
قال باهتمام: عمي ناصر وصاني انقلك للمكان الي تبينه

عهد قررت تختار قسم الأسنان لانه اخف بشغله قالت بارتباك: قسم الأسنان اذا تقدر

السكرتير:اقدر ليش ماقدر دام عمي ناصر موصي عليك

عهد ياربي شسالفة هالناصر وليش مهتم فيني بهالشكل
ودي اعرف
مشت مع السكرتير عشان يدلها على شغلها

كانت في حالة خوف وارتباك تحس ان تصرف هالمدير مخوفها
كانت متوقعه انه خفيف وراعي بنات بس لما جابت طاري زوجها ماخاف او ارتبك ظل يعاملها بنفس الطريقه
ادخلت عند الدكتوره حقت الأسنان
كانت في الثلاثينات وحست بالراحه من شافتها لانها حسستها بالاهتمام والحب

عهد ببتسامه بعد مااخذت فتره وهي تناقش مع نور دكتورة الأسنان : عمرج واجهتي ضغط بالشغل هنيه

نور:مو دايما تقدري تقولي مرات
وكملت بحب:لاتحاتي ترا مدير مستشفتنا طيب وابن حلال

عهد بأستفسار:انتي من متى تشتغلي بهالمستشفى
نور:من اول ماتعينت قبل سبع سنين

عهد بنفس الأسلوب:طيب لج معرفه بمدير هالمستشفى

نور بستغراب:لا بس ليش

عهد برتباك :لا بس كنت بسألج عنه وقلت تقرب له

ماطاف على نور ارتباكها وتوترها

وبعد فتره طق الباب وقالت نور بهدوء:تفضل
انفتح الباب وكانت عينها وعين نور على الي داخل
كانوا متوقعينه مراجع بس انصدموا وماتوقعوا الي جاي لهم ابد

عند حصه

انقهرت لأن عهد للمره الألف تقدر تضبط عمرها وتسوي الي براسها زاد قهر لان السايق قال لها ان حمد هو الي وصلها
ودها تذبحها اشلون تجرأ وتقول لحمد يوصلها

حصه اخ ياعهد الزفت خل تجين ان ماوريتج انجوم الظهر يابنت اسويلم ماكون حصه
ادخلت عليها شهد كانت متجهزه بتروح وجت تودعها

بس شافت امها مومعها ابد وانقهرت امها هاليومين صايره ممله بسرعه تعصب ودايما تسرح وتفكر
حاسه ان ورا امها شي وشي عظيم بعد خاصة وان هواشها الي مع عهد خاف هالأيام وامها ماقامت تشتم عهد قدامها وهذا فرح شهد حيل واسعدها

سلمت على امها وراحت ماحبت تناقش امها بشي دام هي ماشكت ودام عهد بخير

حصه بحب :يمه شهد لاتخليني احاتيج وكل يوم دقي علي
وكملت بتنهد:ولاتحاتي فجوره بتكون بعيوني

شهد بحزن:ان شالله يمه اوعدج كل يوم بدق
ودعت بنتها بحراره بعد ماانتبهت لها وانها بتسافر عنها

عند عهد
استغربت وزاد عليها دهشه نور بعد لانها اكدت لها انه اول مره يصير وان المدير يجي بنفسه عشان يتطمن على موظف جديد
عهد من البدايه مربكها هالمدير ونظراته لها
كانت قاعده تفكر شيبي مني والله اني خايفه لا يبلشني بمصيبه باجر
عاد يافرحتج ياحصه بهالشي هو انتي تدوريها من الله
انا لازم اكلمه ووقفه عند حده انا مره متزوجه وزوجي مايرضا بهالشي ابتسمت بسخريه مايرضا ياعهد هذا اذا درآ عن هوا دارج
الشيخ من سافر مادق ألا ذاك اليوم عشان يزف وبس
لان الوالده اشحنته كالعاده

نور خلصت شغلها وكانت مندمجه بعهد الي تساعدها وهي سرحانه بوادي
قالت بعد ماطلع المراجع وكان هذا اخر واحد لان الدوام انتهى نور بحب:شفيج شتفكري فيه

عهد بتنهد:ابد سلامتج الا ماقلتي لي توقعين المدير من النوع العصبي
كانت بتأكد عشانها قررت تبعده عن طريقها

نور بطتها ضحك وقالت:والله على حسب وانا بعد الي شفته اليوم ماتوقع انه بيعصب عليج

عهد بقهر :انا حاسه انه وراه شي اسلوبه معاي مايطمن وانا بصراحه متزوجه واخاف زوجي يحس

نور بسعاده:صج انتي متزوجه ماشالله عاد عندج اطفال

عهد بغصه:اي متزوجه وتوي ماصار لي شهرين

نورببتسامه:ماشالله الي يشوفج يقول صغيره
وكملت بدهشه:صج دامج متزوجه وش يبي منج الدكتور ناصر
هذا وهو رجال وفاهم

عهد بخوف:مادري
وكملت بحب:ألا انتي ماقلتي لي متزوجه عندج عيال
توقعتها متزوجه وعندها عيال بعد

نور بحزن حاولت انه مايظهر لعهد: لا مومتزوجه
وكملت بتنهد:ولا افكر بالزواج اصلا

عهد بصدمه من ردها كانت متوقعتها متزوجه بس الي صدمها اكثر رفضها لفكرة الزواج من الأساس

كان ودها تقول لها حتى انا كرهت الزواج وطاري الزواج من ارتبطت بسند
حست ان نور عندها كلام واجد بتقوله بس الوقت مايساعد ابد

عهد بضيق:مافي احد يرفض الزواج الا اذا كان فيه عله
والي اشوفه فيج ماشالله كامله والكامل وجهه

كانت نور حلوه ومافيها اي عله نور بتنهد:سالفتي طويله ومافي وقت اقولها بس اوعدج بقولها لج بس افضا

عهد استانست وهانت عليها مشكلتها لان حست ان نور بعد تعاني مو بس هي

انهن شغلهن وطلعن

عهد وقفت عند الباب نست تشوف احد يجيبها ومستحيل تطلب من حمد او انها تطلب من سايق سحر
قامت تلفت بتشوف لها اجره بس صدمها
الصوت الي جاها ولفت له تأكد

وفعلا كانت هي نور كانت بتركب سيارتها تمشي بس وقفها شكل عهد الي تلفت تدور احد

نور :عهد ناطره احد

عهد بخجل:هاه اي

نور :زوجج

عهد ياحظي على هالزوج والله لو ماتزوجت هالزفت سند كان ضبط عمري مع هالمدير حتى لو كان بعمر ابوي بس اهم شي يدلعني قلت:لا زوجي مسافر
وكملت بكذب:وشكل السايق مشغول وماقدر يجي

نور بحب:خلاص امشي خليني اوصلك

عهد بنفسها حسبي الله عليك ياسند لانك سبب الي انا فيه بس انا لازم اكلمه وقوله اني بسوق غصبا عنه حتى دام ماعندي احد يوديني
استسلمت لنور وخليتها توصلني
وانا حاسه بخجل

بعد اسبوع

عهد حاسه بسعاده موطبيعيه لان حياتها بدت تستقر شوي ولو ان عمتها ماتخليها كالعاده بس هي تعامل معها بالتطنيش وهذا مجنن حصه
ماخلت شي ماسوته عشان تقهر عهد وتذلها حتى سند ماقام يسمع لها وساكت عن عهد

فحصه تدور لها حيله وطريقه تعذب فيها عهد وتخلي سند يحرمها من الدوام

عهد كانت فرحانه بصحبة نور وحست ان بينهن اشيا واجد مرتبطه
بعد ماسمعت قصة نور حست ان قصتها ولا شي بعد مأساة نور
الي رافض ولد عمها يفك حجرتها له ومانع كل من يجي يخطبها
بقصد انه ولد عمها وأولى فيها من الغريب مع انه تزوج كذا مره وجرب حياته بس كان ماتمر سنه ألا وهو مطلق بسبب عصبيته الزايده وهوشته مع زوجاته بسبب حجزه لبنت عمه واصراره على انه ياخذها طال الزمان او قصر وعنده ولد عمره 19وهو عمره 45 واسمه غانم

عند عهد
خلصت شغل هي ونور وتواعدن يتغدن مع بعض بأي مطعم
عهد ببتسامه وهي ترتب اوراق المراجعين عشان تشيلهم: اليوم الشغل حيل ضغط

نوربحب:ماهو كثر الضغط الي تبع الصحه المدرسيه
كملت بضيق وهي تعدل ملفعها :بس تصدقين استانس وانا اشتغل مع الأطفال

عهد بقلبها تدعي الله يفرج هم نور ويبعث لها طفل
قالت بتنهد:الله يسعدج يانور و عساني اشوف ضناج
عاجلا غير اجل

نور بحب:الله كريم ان شالله

عهد بتفائل:احلى كلمه سمعتها منج خلي ايمانج بالله قوي
وكملت بضيق:مو مثل كلامج الأولي خلاص مافكربالزواج ومن بياخذني عقب هالعمر

نور ابتسمت لعهد بحب حست انها حافظه كل كلمه قالتها لها

عهد بدلع وهي تخصر:لايكون موعاجبج كلامي

نور بضحكه وعشان تماشي عهد لاتعصب وهي بداخلها اجروح عمرها ماتنطفي كافي ان شبابها ضاع وذبل بسبب عادات وتقاليد متحجره:لا عاجبني وعلى عيني وراسي كلامج بس امشي خل نروح تراي ميته جوع
وطلعوا مع بعض

ما يصير أنساك لالا ما يصير

وفي خفوقي لك معزة وأحترام

قبلك الدنيا مثل حلم صغير

وعقبك الدنيا غرام في غرام

أنت مثل النور في عين الضرير

لا لمحتك ما بقى حولي ظلام

فيك عمري ..فيك روحي والمصير

فيك كل أيام عمري والسلام

عند سند

كان يكلم امه وانغث من كلام امه عن عهد تقول له انها تلعب بذيلها من وراك وكل يوم طالعه وقليل ماتجلس بالبيت
طول المكالمه بس سب وشتم لعهد لين ماانهى المكالمه لانه طفش
وحس بقهر0لو كلام امه صج وان عهد فعلا هايته عقب خلاها وسافر

سند قام يتمشى بالشارع وهو يفكر بكلام امه في عهد وده يواجهها ويتأكد من صحة الكلام الي انقال عنها لانه مايقدر يسكت ابد

انتبه لبنت صغيره كانت تلعب وراح قعد يتأملها ذكرته بفجر اشتاق لها حيل مايدري اذا هي راحت مع امها او عند امه

انتبهت له البنت وأشر لها تجي يمه وجت بشويش وكان بعيونها خوف
بس سند طمنها وابتسم لها قرب لها ومسح على شعرها
قال بحب:شسم الحلوه
حس انها من اصل عربي فخاطبها بالعربيه
البنت بدون فهم ابتسمت له وعرف سند انها ماتعرف عربي فجا بيكلمها بالأنقليزي بس قطع عليه صوت ابوها الي يناديها بصوت عالي

في فيلا حصه

شافت عهد داخله كانت توها جايه من طلعتها مع نور بعد ماحست بسعادة في قعدتها معها ودها ماترجع لبيت حصه بس غصب عنها دام الي مهاجر وتاركها يصير زوجها ولد حصه

كانت مبتسمه اول مادخلت بس من شافت حصه اختفت بسمتها

عهد اوف شيفكني من هذي الحين
قلت برود:سلام عليكم

حصه الي مفوله حدها وتنطر بس شراره من عهد عشان تنهد عليها
قالت بغضب:الله لايسلمج زين وكملت وهي مندفعه لعهد وتهزها من كتفها الي مسكته بقوه:وين كنتي يالي ماتستحين هايته من الصبح
لاحسيب ولارقيب وين انطقي كانت تصرخ بوجهها

عهد بألم:هديني مالج شغل فيني

حصه زادت من ضغطها وغرست اظافرها بزنود عهد قالت بعصبيه:لاتحسبيني بخليج تسرحين وتمرحين براحتج دام ولدي غايب
انا المسؤله عنج

عهد دفتها بقوه عنها وكانت تحس بألم خاصة وان حدة اظافر حصه اجرحتها وطلع منها دم
قالت بقهر:لا موبكيفج لا انتي ولا حتى ولدج له دخل فيني

حصه بقهر :اشوف طلع لج لسان يابنت ضحوه

عهد بنفس الاسلوب:لي ألسان قبل لااعرفج واعرف ولدج المريض

ماحست ألا وحصه تصفقها طراق هي ماتدري اشلون تجرأت وقالت عن سند مريض هل لانه ماعبرها كزوجه من اول زواجهم
ولا لانها صج تحس ان سند مريض ولازم يتعالج

ماردت على حصه ومشت تصعد لجناحها الي هو ملجأها الوحيد عقب الله

حصه جنت اشلون تصف سند بالمرض وقدامها قالت بقهر والله ماسكت لج ياعهد وراح اثبت لج رجولة ولدي وان مايشتكي من شي
اذا هذا الي هامج بس

صادفت سهام بطريقها سهام بخوف من شكل عهد:عهد اشفيك

عهد وهي تحبس دموعها:مافيني شي

سهام بخوف:عهد قولي لي انا مثل اختج

عهد احضنتهاوقعدت تصيح مو لان حصه ضربتها لا لانها حاسه بالقهر والحقد على الكلام الي قالته لحصه لان سند اذا سمعه ماراح يسكت لها وبيذبحها ذبح لانها اطعنت برجولته

سهام مشتها لين دخلوا جناح سند وجلست هي وعهد على اول كنبه وقالت بحنان وهي تمسح على ظهر عهد وراسها:عهد حبيبتي متى ماارتحتي فضي لي الي بقلبج لان انا حاسه ان فيه شي بينج وبين خالتي وشي عظيم بعد

عهد قعدت تصيح وتشهق حاسه بالضياع وماعندها من يساعدها

بعد ماذبحته الوساويس في التفكير بعهد وانها ممكن تخونه قرر يحجز على اول طياره ويروح يجلس له كم يوم عندهم خاصة وان امه مشتاقه له وهو الشوق اذبحه لشوفة عهد كان يبي يتطمن على شغلها وين
استأذن من شغله اسبوع وحجز بيسافر لهم
كانت طيارة ثمان بالليل فضطر يخلص موضوع الهدايا لأهله

عشان يلحق قبل الموعد

بعد فتره وبعد ماخلص هدية امه وحمد وزوجته كان شاري لأمه ساعة ألماس ماركه واخذ طقم لحمدوسهام
حس بضيق وش ياخذ لعهد لان مستحيل ياخذ لهم طقم ساعات
مثل اخوه
والعطور حس انها بتزيد من ضعفه قدامها خاصة وان ريحة عطرها للحين محتفظ فيه بعقله

قعد يحوس من غير هدف والوقت بيخلص وهو مالقا لها شي

وبعده شد انتباهه نفنوف سهره لونه تركواز وعليه حبات لولو من عند الصدر كان ربط رقبه والظهر طالع
صح انه عاري والمفروض ماياخذه بس اخذه عشان تستانس فيه باي حفله تروح لها
ولو كان لسعاد جان رفض انها تلبسه قدام احد بس عهد مايهمه اهم شي مايشوفه عليها
حس براحه انه اخذ لها شي وطلع من السوق عشان يلحق يروح لفندقه وياخذ اغراضه ويسافر

لا تلمس الجرح خل الجرح وأسبابه

الله يخليك ما فيني يكفيني

حتى حبيبي زمان الحب ما جابه

كان آخر إنسان متصور يجافيني

يكفيني إنه ترك لي شي أشقا به

دفتر قصيد وقلم مسجون بيديني

عند عهد

انصدمت سهام من كل كلمه قالتها عهد وكل حرف حكت لها عن قصتها من اول مادخلت هالبيت لي يومها هذا

عهد بشهاق وهي تمسح دموع الذل:تعبت ياسهام ماني قادره اتحمل
وصاحت وهي تكمل:كل ماقول انحلت مشكلتي اطيح بمشكله اكبر من الي قبلها

سهام بحزن وهي تحضنها: بس ياعمري قطعتي قلبي والله

عهد حاولت تهدآ وقالت وهي تبعد عن حضن سهام الي احتواها بعد الله
بضيق:سامحيني نكدت عليج بسالفتي
واخاف انج تكرهين تنهدت ماتحب تنطق اسمها حتى

سهام افهمت عليها وقالت :لا تحاتين وخالتي لازم من يوقفها عند حدها
كملت بقهر:ماهو حق الي تسويه فيج وعشان شنو عشان تاخذ ثأرها من اهلج
والله عيب هذا وهم ميتين ومابقا لج غير هالعمه
وألا العم ماعليه شرهه سكانه مرته من يومه

عهد ابتسمت على كلام سهام وانفعالها قالت بحزن:ماني محتاجه لهم هم بس لو يعتقوني من هالزواج الي تدبست فيه جان ارتحت وطلعت من هنيه وماخليهم يشوفون رقعة وجهي

سهام بغضب:انتي من صجج بدال لا تحاولين تقربين من سند وتحتمين فيه من امه لان خالتي اعرفها قدام سند ولدها ماتهمس خوفا منه وهذا من ايام سعاد الله يرحمها كانت تقول لنا

عهد بضيق:بس سند يسمع لها دايم وانتي تعرفين

سهام بتفآئل:حاولي مره ثنتين ثلاث بس لاتيأسين

عهد بيأس:سهام افهميني سند مستحيل يسمع مني لانه مايلتفت لي بالأساس من تزوجنا وهو حتى الجلوس معي رافضه ومانع نفسه عني

سهام بحزن:هذا عاد مادري شنو حلها وصدمني بصراحه كلامج عن سند
ماتوقعت يطلع منه كل هذا

عهد بتنهد:من سند توقعي الغير متوقع انا صراحه ماكنت اعرفه ولابعمري شفته ألا بلليلة عرسي
وكملت بحزن:المشؤمه

سهام حزنت على حالة عهد حيل وحست انها حاقده على خالتها بسبب معاملتها

في بلجيكا
عند شهد وفهد زوجها كانوا توهم جايين من موعدهم مع الطبيب وتقرر موعد تسوية الأنابيب بعد اسبوعين

شهد برهاق وهي تحذف عمرها على السرير من التعب: اهاه صج تعب

فهد بأهتمام وهو ينسدح جنبها :الله لايخسرنا بعد هالتعب

شهد الي لفت يمه وتسندت على يدها قالت برجا:امين

ردت انسدحت وقالت وهي تأمل السقف الي مليان بالثريات:فهد اشتقت لفجور حيل

فهد بحب:والله انا اكثر فديتها

شهد بحزن يوم تذكرت صوت فجر بنتها كانت تصيح تبيهم
قالت:فديتها احس قلبي تقطع يوم كلمتها
وكملت بشهاق:ليتنا اخذناها معانا

فهد حضنهاوقال:شهد حبيبتي فجر ان شالله بأمان وبعدين انتي تعرفين بنتك دلوعه وبتأذينا
وكمل بقهر وهو يمسح ادموع شهد:ترا اغار جالس جنبك وتكلمين عن شوقك لفجر وانا ماشتقتي لي قالها وهو يحضنها

بعض المواقف تجي وتروح ما تبقى

وبعض المواقف صداها بالعمر باقي

يا صاحبي لا معي تتعب ولا تشقى

ما يتبدل الوقت وأخلاقي هي أخلاقي

إن جيت أرحب وإن ما جيتني تبقى

أنت أكثر إنسان عزيته من أعماقي

الساعه ثلاث الفجر
دخل جناحه في وقت متأخر وقعد يمشي بشويش خايف يزعج عهد سكر الباب بخفيف وراح لغرفته بعد ماترك اشناطه بالصاله ولا فكر يشيلهم
دخل الغرفه وهو ماهو متوقع انها بتكون فيها بس انصدم كانت فيها والصدمه الاكبر انها قاعده ولاهي نايمه تدووده ماعرف شيقول او نسى السلام الي مفروض يقوله لها

عهد الي كانت في حاله اصعب من سند بغى يوقف قلبها من دخلة الرجال مانتبهت ولا توقعت واحد بالمئه انه بيجي هالوقت وقفت من الرعب
ماتدري هل هو انس ولا جان

سند رحم حالها قال :سلام عليكم

عهد بخوف ويدها على قلبها:وعليكم السلام تمت تطالع فيه طرأ عليها كلامها مع عمتها الي اليوم خافت لاتكون قالت لسند وانه جاي بيلعن خيرها على الكلام الي انقال عنه

سند بأهتمام:اشفيك سمي لا يطلع قلبك

عهد سمت وقامت بتطلع من الغرفه عشان ينام هو فيها

سند بتنهد :وين منتي متحمده لي بالسلامه ولا موعاجبك جيتي اصلا

عهد سبت نفسها وحست بالفشله قالت:حمدالله على سلامتك وكملت بخجل:سامحني من ربكتي نسيت

سند ببتسامه وهو يجلس ويتمدد على الكرسي :لا مسموحه وكمل بنفس لاسلوب:اشلون الاهل عساهم بخير واشلونك انتي بعد

ضاق خلقها لانه ماسأل عنها هي اول قالت ببرود:الكل بخير وجت بتطلع لان لو بتجلس معه بتضعف اكثر لان نظراته لها ذكرتها بالي صار قبل يسافر

اما سند فكان يتأملها لانه فعلا اشتاق لها بس الي ضيقه شوفة الكدمات الي بكتوفها خاف لا يكون منه هو بس الي واضح له ان هالكدمات جديده وبعدها تنزف جا بيسأل بس هي اطلعت عنه بسرعه ولا عطته مجال تنهد وراح بياخذ له شاور يزيل تعب السفر عنه وعشان يلحق يصلي بالمسجد قام وهو حاط باله انه بيسألها عن سبب هالكدمات

فلفله

28 - 07 - 2009, 01:02 AM

مشكوره على النقل وننتظج عن قريب

غريقة السراب

28 - 07 - 2009, 09:13 AM

يعطيك العافيه
ونحن بالانتظاااااار
لك اجمل التحايا :clap::clap:

طموحي عالي

28 - 07 - 2009, 10:47 PM

حياكن الله يامتابعاتي المحبوبات لدي
تفضلن هذا البارت لعيونكن
الواحد والعشرون

مرات ((تجرح جرح )) وتسألني ؟؟

إشفيك
.،،،،،
وإنت بسؤالك
!
جبت لي جرح ثاني" إرحم ترآي أكتب عذابي انا فيك ،، واشكي لقصيدي ما منك قد جاني
.،،،،،
المشكله لانويت اجرحك

أداريك !! ولامن نويت اقسى ازيد بحناني

طلعت من عنده وهي حاسه بتوتروربكه من نظراته لها كانت ماخذه راحتها في البس من راح سند وكانت لابسه قميص ابيض علاق لي نص الساق
وهالشي الي خلا سند ينتبه للكدمات الي بكتوفها
افتحت المجلس وراحت تطلع فراشها عشان بترد تنام فيه طول ماسند هنيه

عهد قامت تفكر شنو سبب رجعة سند معقوله خلص شغله بأقل من شهر غاصت بفكارها وهي تنسدح على فراشها لان النوم داهمها
وقعد يلاعب جفونها

الساعه تسع
قعدت على صوت تيلفونها وردت
عهد بنعاس:الو

نور الي قامت تحاتيها خاصة انها ماقالت لهم انها بتغيب ولا حتى قدمت عذر

قالت بتنهد:هلا عهد

عهد الي فزت وكأنها تذكرت شي من سمعت صوت نور قالت:هلا
وطالعت بساعتها وضاق خلقها

نور بأهتمام:شعندج ماجيتي

عهد بأسف:اعذريني راحت علي نومه مانمت ألا بعد الصلاه

نور بتفهم:لاتحاتين يالغاليه
بس انتي ارتاحي واذا كنتي تعبانه اخذي اجازه

نور كانت تحس ان عهد مومرتاحه بحياتها وكانت مستغربه اشلون سافر زوجها وتركها وهم مالهم ألا اشهر

عهد بخجل:لاحياتي ماتقصرين بس اخذي لي طبيه حق اليوم وباجر ان شالله بداوم

بعد ماسكرت من نور قامت بتروح اتشوف سند اذا طالع او هنيه لانها بتاخذ لها ملابس

اول مادخلت شافت الفراش مرتب وعرفت انه قام وطلع

دخلت غرفة التبديل اختارت لها تنوره جنيز وبدي اصفر صارخ

اطلعت بتروح لحمام الي جنب غرفتها المجلس

بس صدمها دخلت سند ومعاه اشناط

يامصعب الموقف وعيني تحاكيك

كيف تهدم كل شي بنيته

دامه غلا غيري خذاك ولعب فيك

ليه مانطقته كان حبك محيته

وشلون كنت تقول والله أغليك

وشلون تحلفلي وقلبك عميته

سند الي قعد الساعه تسع وراح بيتفطر مع امه بس سمع انها طالعه الجمعيه
فضطر يرجع لجناحه ويفطر هناك بس بعد مااخذ شناطه الي نساهم وقت ماجا الفجر بالصاله تحت

سند حس بسعاده لانها قامت بس خاف لاتكون قايمه عشان الشغل قال:سلام عليكم

عهد بأرتباك:وعليكم السلام

ومشت من عنده بتطلع وقفها صوته الجوهري:جهزي لي فطور قبل تروحين لشغلك

كان بيتأكد اذا عندها شغل او لا

عهدبتوتروهي طالعه:ان شالله

سند مانسى سالفة الكدمات قال يوقفها قبل تطلع:شلي مجرحك بكتوفك

عهد لفت عليه انصقعت من كلامه الي يسمعه يقول يخاف علي مو جنه جاني منه الي اعظم من هالشمخات البسيطه قلت بخوف:محد وطلعت بسرعه

سند انقهر ماعطته جواب وراحت
فقرر يسفها كيفها ماتبي تقول بلعنتها عساها تقتل ماهمتني

بالجناح الي جنبهم

حمد الي قام واخذ له شاور ولبس ملابسه وقعد يتضبط ويتكشخ على ماتجهز له سهام الفطور
كان مندمج يغني ودخلت عليه سهام بتناديه بس نست وقعدت تضحك من شكله

قالت بضحكه:اثاري زوجي فنان وانا مادري

حمد ألتفت لها قال بغرور:اشرايك حلو صوتي

سهام بحب:هو بس صوتك الحلو انت كل شي فيك حلو

حمد بشوق:فديتك وكمل بخبث:تعالي بعطيك بوسة الصباح

سهام ببتسامه:لا مشكور وصلت بوستك لي بس امش الفطور برد

حمد بقهر:لاحقين على الفطور وكان بيكمل بس شاف سهام طنشته وراحت وانقهر ولحقها

ماعلموك وش كثر بعدك
يضاايقني؟!
[وش حاجتي] بالعمر لاعشت من دونك؟!

بعد دقايق معدوده اضطر يودع سهام ويطلع لان وراه شغل

حمد بحب:مع السلامه ودنق عليها وباس خدها

سهام:الله يحفظك ياحبيبي

مشت معاه لين باب الجناح وودعته بشوق وحب والكل منهم يتمنى رجعته لثاني بقرب وقت

حمد وهو نازل صادف وجود امه بالصاله وراح يسلم عليها

حصه بعد سلام ولدها عليها قالت بحب:ماشفت اخوك وانت نازل

حمد بستغراب:اخوي من

حصه بصدمه:اجل كم اخو عندك

حمد بخجل:لايالغاليه بس الي اعرفه سند مسافر

حصه بتنهد:اي بس اليوم رجع انا شفت شناطه يوم قمت اصلي واكد لي السايق بعد انه جا بس غريبه مانزل بدري كالعاده

حمد ببتسامه:اجل اكيد نايم لا تحاتين

حصه ماردت عليه وحمد استأذن وطلع وبعد ثواني جتها فجوره كانت تبتسم لها بحب

حصه ابتسمت مو على طلت فجوره عليها لا ابتسمت لانها لقت لها طريقة تخرب فيها خلوة سند وعهد قررت تقول لفجر عن جيت سند وهي اكيد بتروح له حتى لو رفضوا

حصه بحب وهي تحضن فجر :هلا بنور عيني

فجر بدلع:ماما متى تجي ماما شهد وبابا فهد

حصه بضيق لان شهد كل يوم على هالاصطوانه متعلقه بأهلها بقوه
قالت:قريب ان شالله وكملت بحنان:مو انتي ودج يكون عندج اخو او اخت صغير

فجر براءه: اي

حصه بحب:ان شالله قريب بيصير عندج اخو او اخت

فجر موفاهمه شي وحصه قالت تغير الموضوع عليها: فجوره ماودج تشوفين باباسند

فجر بشوق:ألا وهم بابا سند سافر بيجيب لي اخو بعد

حصه اضحكت على برأءتها وقالت:لا هو وصل وكاهو بداره فوق

فجر ماصدقت سمعت ان سند موجود وطارت بتروح له فوق

أحضن سرااابك لاغدا صعب لقياك
¤
وأصرخ على دنياي صوبه {خذيني}

اما عند سند
جهزت له الفطور وقعد يفطر بروحه كان مخلص بس قاعد ينطرها تطلع عشان هو بيوصلها لدوامها اليوم بس شافها طولت وساعه عشر وهي مافكرت تروح
خاف لايكون طالعه وقت ماهو يفطر بس هو متأكد ماطلعت من المجلس من دخلته حس انه مل من جلسته وحب انه يشوفها ويعرف سبب غيابها
مع ان بداخله فرحان ويتمنى تترك الشغل بس دام هذي رغبتها خلها تولي خاصة واني عارض عليها مصروف دبل معاشها بس هي معانده وحتى فلوسي رافضتهن

طق الباب بخفيف

عهد الي بعد ماخلصت فطور سند ادخلت اخذت لها حمام دافي وألبست ملابسها داخل الحمام وجلست بغرفتها تفرفر بتيلفونها كانت تشوف الرسايل الي من سحر كانت تشكي عليها تعب الوحام طول هالفتره الي نقطعت عنها
وتلوم عهد الي مافكرت تزورها

عهد بتنهد:والله ان معها حق انا لازم اروح لها

كانت منسدحه على الكنبه وتاركه شعرها مفتوح لانه بعده رطب

اسمعت طق الباب وعدلت نفسها ومايمديها ترد ألا سند داخل

عهد بطفش اوف شعنده كانت تطالع فيه

سند الي انسحر من شكلها وسب نفسه على دخلته عندها
سند شالي قردني وخلاني ادخل واتطمن عليها هو من المحبه الزايده لها
حس ان ألسانه انربط ولا قدر يبرر جيته لها
وشاف بعيونها الملل والطفش من الأنتظار

بس انقذ الموقف صوت باب الجناح الي يطق بقوه
سند راح يفتح وعهد الحقته تشوف من جاي لهم خافت لاتكون سهام وماتدري بجية سند

قالت بتنهد وهي توقف سند: خلني اشوف منو اخاف سهام وهي ماتعرف انك جيت

سند سمع كلامها وقف وهي راحت وافتحته

بس صدمها دخلة فجر بندفاعيه واشلون تعدتها وراحت لسند الي واقف وراها

لفت وشافت سند اشلون حاضن فجر ويبوسها وهي تلومه وتبجي بدلع وبراءة طفله ماتدري ليش حست بالغيره لان هالحضن المفروض يحتويها هي لانها الاولى فيه

سند بعد جهد وبالموت رضت عليه فجر رفع راسه وانصدم ان عهد بعدها على نفس وقفتها وعند الباب بس انها سكرت الباب كانت تأملهم
حس ان عيونها فيها كلام من طريقة نظراتها له

قال بتنهد:بغيت اسألك اليوم ماعندك دوام

كان يتكلم وهو ماسك بيد فجر ومجلسها معه على الكرسي

عهد تنهدت وابعدت افكارها وقررت تترك سند مستحيل تجلس معاه على هالحاله

قالت وهي تمشي صوب طاولة الأكل عشان بتشيل الفطور:كان عندي بس اخذت مرضيه

سند بخوف نساه سوالف فجر عليه:ليش حاسه بشي يعورك

عهد بقهر لا ياحنون قلت: لا
وشالت صينية الفطور وحطتها بالمطبخ ورجعت تاخذ صينية الشاي والحليب
بس صدمها كلام فجر وحست بمغص قطعها

فجر الي مانست سالفة ان كل من يسافر رايح يجيب لهابيبي تستانس فيه

فجر بدلع:ومتى بتجيب البيبي

سند قعد يناقشها بس هي معنده وغصب تبي طفل

سند بنرفزه لأول مره على فجر:وبعدين معاك انتي وش هالكلام وماني بجايب لك بيبي روحي لأهلك هم الي يجيبونه لك

فجر بعدت عنه وطلعت من جناح سند وهي تصيح

عهد الي ماكان عاجبها سالفة فجر بس هم حرام على سند انه يهاوشها ويصرخ عليها

قالت بنرفزه: حرام عليك تصرخ عليها وهي الي فرحانه بجيتك

سند بغضب مايعرف سببه:والله كيفي ولا انتي فرحانه بالكلام الي تقوله ودك يكون صدق

عهد بقهر:من تكون عشان اتمنى يكون لي طفل منك اقصاك واحد م

قبل لاتكمل قرب لها سند ومسك حنكها بقوه لدرجه انها ماقدرت تكلم حتى
قال بقهر يخالطه غرور:انا الي مايشرفني اجيب من وحده مثلك ابوها راعي خرابيط وامها ماكمل لان عهد شمخته وهو تركها

مسح بيده على خده وشاف دم ألتفت لها وقال بصراخ:تضربيني ياحقيره
كان بيمسكها بس عهد اسبقته وادخلت الغرفه وقفلت على نفسها

سند وهو يضرب الباب بقوه :هين يازفت ان مادفعتك ثمن الي سويتيه ماكون ولد ابوي

عهد كانت متسنده على الباب وتدفه مع انه مقفل بس خافت يكسره عليها

عهد ياويلي وش بيصير لي قلت بخوف: عشان تعرف تسب امي كم مره بقول لك

سند بغضب: طز فيك وفي امك بس دواك عندي

عهد بصياح:طلقني وفكني منك
وكملت وهي ترمي نفسها وتجلس:والله ماخليكم تشوفون رقعة وجهي ولا راح احاسبك بس طلقني
كملت بشهاق والم دفين:تكفئ ارحمني

سند حس بضيقه من كلامها وخاصة خوفها لام نفسه على تهوره وحمد ربه انها قدرت تفلت منه لانه هو ساعه الغضب ينسى نفسه حتى ضرب الباب برجله بقوه وراح والضربه افزعت عهد وخلتها تزحف وتنطوي بزاويه غرفتها وهي تصيح
لان حست ان ساعة موتها وصلت
دخل حمام غرفة شاف الجرح كان بخده الايمن حط مطهر وبوستر عليه وطلع بينزل عند امه صارت حدعش وهو ماشافها
وبيحل سالفة فجر وزعلها

عند فواز

حاس بسعاده اخير بيرجع لديرته
وافقوا له الشركه ونقل شغله بالبلاد احسن له من هالغربه

ندى صح ماعجبها لان عيالهم بيتعقدون من تغير المدارس والمناهج بس عندها راحت فواز اهم شي فقامت تجهز كل اغراضهم لان باقي على رجعتهم اسبوع

فواز دخل ومعاه اكياس كان كل يوم يشتري هدايا لأهلهم

نادى:ندى

ندى جت له كانت بالمطبخ:هلا حبيبي

فواز قال وهو يجلس :تعالي شوفي شنو جبت هدايا

ندى بغيره:لمنو اهلك ولااهلي

فواز بنرفزه:لأثنين واتركي عنك شغل الجهال وتعالي عطيني رايك

ندى بدلع:فواز لاتقول عني جاهل ترا ازعل

فواز بطفش:وانتي متى رضيتي علي كل يوم زعلانه

ندى اوف والله انك صاير غثيث قلت:اذا بتقعد تشعم فيني خل اروح اشوف غدانا افضل لي وجت بتروح

بس هو مسك يدها وقعدها فوق رجوله

قال بحب وهو يبوس خدها:والله مامصبرني على غيرتك ودلعك الي ماطيقه ألا حبي لك

ندى بحب وهي تلف صوبه: والله حتى انا مو بس احبك انا اموت فيك يافواز ولاتلومني اذا غرت عليك

فواز اطرب قلبه كلامها وباسها

بعد فتره من الانسجام والحب
شموا ريحة حراق ندى بوهقه وهي تبعد عن فواز:الغدا احترق كله منك نسيته
وراحت تركض وفواز مات ضحك عليها ماتطول ألا تعصب وتزعل لو على اتفه الأسباب

رفع الأكياس الي نسوا امرهم ودخل يبدل ملابسه قبل يحطون الغدا

عند حصه

الساعه اربع العصر

طول هالوقت ماقدرت تدخل مع سند بالسالفه لان شكل سند مخوفها وحست ان وراه شي وخناقه عظيمه مع عهد
كانت تأمل شكله كان مندمج يلعب مع فجر بالألعاب الي شراهم لها
ونست زعلها مع سند فيهن

انتبهت لحمد كان جاي من شغله

حمد بعد ماسلم وجلس قال ببتسامه: اشوفك ماطولت ورجعت وكمل بخبث:قايل لك اخذها معك احسن لك

حصه بقت عيونها تسكته بس حمد فالها فله وسند ماتحمل وقام بيروح لجناحه

حمد :وين ماقعدنا معاك

سند ياربي حاس بضيقه قلت:اعذرني بروح ارتاح على قعدتي من الصبح
وراح

وقالت حصه بقهر:انت شفيك ماتستحي على وجهك قاضب اخوك بأمورك البطاله وهو متضايق من بنت ابليس

حمد يابلشت عهد فيك انتي وولدك ماقول ألا الله يعينها

سهام طقت الباب لين ماتعبت واحرقت جهاز عهد وبعد ماردت كانت خايفه خاصة وان سند وصل خافت لايكون خالتها وصلت كلام عهد لسند وسند ذبح عهد

خرعها صوت سند الي وراها سند شافها وعرف انها تحاتي عهد :خير يامرت اخوي اقدر اساعدك

كان يتأمل فيها مافيها شي من سعاد كانت سهام لها جمال وسعاد لها جمال ثاني
ماكأنهم خوات

سهام بخوف خاصة من البوستر الي بخده:هاه اي ابي اسأل عهد وين ليش ماترد

ياحسرتي ذبحها اكيد كانت تحلطم بنفسها

سند بتنهد:اتوقع نايمه وبس تصحى اخليها تكلمك

سهام بتوتر:مشكور وراحت عنه

وهو دخل جناحه كان على حطة يده حتى صينية الحليب الي مالحقت تشيلها موجوده ماتحركت معناه انها ماطلعت من راح
انصدم صار لها فوق الخمس ساعات محبوسه

وقف عند الباب وطقه بخفيف بس هي ارتجفت وقالت :منو

تمنت تكون سهام عشان تستنجد فيها هي وحمد حتى لو بينقدعليها
مالها عقب الله ألا هو سند برود:انا افتحي

عهد بخوف:شتبي ومراح افتح لك

سند حس انه يتعامل مع جاهل قال بتنهد:عهد اوعدك ماطقك بس افتحي خلينا انتفاهم

عهد بصياح:مابينا تفاهم وانا ابيك اتطلقني

سند بقهر:طلاق انسي وخيسي بغرفتك ماهمني

وراح لغرفة اقهرته حاول يراضيها بس اطلعت مو كفوا وقامت تغلط عليه
كان فعلا حاس بنعاس ماخذ كفاية من النوم بدل ملابسه ونام

اما عهد قهرها كلامه وقامت
قالت بنفسها الحين بيفكر اني صج خايفه منه وبتنهد اي خايفه لان الطق الي جاني منه مو شويه وانا مااسمح له يطقني مره ثانيه

قررت تطلع وتروح اي مكان بس بعيد عن هالبيت

دقت على سهام وقالت لها عشان تطلع معاها
مابدلت ملابسها بس ألبست عباتها واخذت شنطتها وطلعت

عند سحر
كانت بالشهر الرابع وتحس ان وحامها خف شوي

سحر وهي قاعده تشوف كتالوجات المواليد

كان اكثر شي يشدها لبس البنات وتمنت مولودها هذا يكون بنت

خالد دخل وشافها مندمجه باس راسها وجلس جنبها

سحر بحب وهي تأشرله يشوف:خالد شوف اشرايك بهالطقم اذا كان الجنين بنت بطلبه

خالد بتنهد:الي يجي من الله حياه الله من بنت ولد

سحر :ونعم بالله بس قول يارب بنت باجر السونار وبعرف نوع الجنين

خالد بطفش:سحر
سحر اسكتت لان خالد يعصب عليها كل ماجابت هالطاري

عند البحر
صار لهم فوق الساعه وهم هنيه ومحد تكلم بس كانت تأمل عهد الي بين فتره وثانيه تظهر شهقه مكبوته

سهام حبت تخليها تصيح على راحتها ولا تناقشها بشي لانها حست انها محتاجه تفضي مافي قلبها

عهد ارفعت راسها كانت حاضنه ركبها قالت بشهاق:سامحيني تعبتج معاي ب

سهام وهي تمسك يدينها:ترا ازعل منج ان قلتي هالكلام
وكملت بتوتر: ضربج كالعاده

عهد وهي تمسح دموعها وكان وجهها احمر من الصياح :لا قدرت افلت منه

سهام سبت سند وقالت بشك: شقصدج بأنج قدرتي تفلتي منه يعني كان ناوي ضرب او غيره
زاد شكوكوها وجود الجرح بخد سند

عهد بغصه:لا كان بيضربني طبعا بس انا انحشت عقب ماشوهت وجهه الكريهه

سهام بضحك:من جهت شوهتي فأنتي فعلا شوهتيه لو تشوفين وجهه يكسر الخاطر صاير خريطه

عهد ابتسمت على تعليقها وقالت بتنهد:يستاهل

حست سهام انها ارتاحت شوي فقالت:قومي عندي لج ذاك المطعم عليه أكلات لاصارت ولا استوت

عهد بضيق:ماشتهي

سهام بأصرار:قومي لاازعل ترا حدي ميته جوع مادري شفيني ماحب اكل البيت

عهد بضيق لانها تذكرت سالفتها مع سند:يمكن حامل

سهام بصدمه:مادري ولا فكرت احلل حتى
حست بسعاده لان قدرت تنسي عهد ضيقتها

عهد:ليش على الاقل سوي التحليل المنزلي

سهام اوقفت:خلاص بسويه بس قومي خل نلحق نحجز لنا طاوله قبل الزحمه
وسحبت عهد معها وراحن

الساعه ثمان
قعد على صوت تيلفون ازعجه وقطع عليه راحته ماهو عارف مصدر الصوت بس متأكد انه في جناحه
سند بقهر اوف هذي وينها عن تيلفونها ليش ماتشيله
توقع انه لعهد اكيد طالع بساعته وفز بسرعه يستغفر لانه ماصلى المغرب والعشا دخل الحمام وتوضا
وطلع وصلى والتيلفون ماوقف من الدق

انقهر وراح بيدخله عليها اكيد ناسيته بالصاله وهي بالمجلس ماتسمعه

طلع لصاله ولقاه على طاولة الأكل
شاف المكالمات كانو فوق العشر اربع من سحر والباقي من نور

استغرب اسم نور عمره ماسمع هالأسم عند عهد ولا حتى عند امه الي تعرف كل صغيره وكبيره عن رفيقات عهد

أخذه وراح فيه للمجلس بيعطيها ترد بس انصدم كان المجلس مفتوح والغرفه فاضيه
كل طاري قام يطري عليه توقع انها هربت عقب الي صار

سند بغضب وين ذلفت حسبي الله عليك ياعهد الي انا اخر عمري اطرد وراك ودورك
حذف جهازها كان وده يرد على الي دقت بس خاف لايكون ماتعرف بسبب مشاكل عهد وينفضحون

بدل ملابسه ولبس له دشداشه بدون شماغ كان مستعجل حيل وبيلحق يدورها
طلع من غرفته وهو يسكر ازارير ثوبه وكان بقمة غضبه ومستعجل يبي يعرف وينها فيه بس وقفه دخلتها
كانت لابسه عبايتها معناه طالعه بس وين مايدري كان يخزها بقهروقال :من وين جايه يامدام

عهد الي صدمها وقفته في وجهها اول ماتدخلت وكان بقمة غضبه وهالشي زاد من خوفها وربكتها قالت:طلعت اشم هواء مع سهام
كانت مستسلمه له حتى لو ضربها معاد يفرق عندها شي

سند بقهر من طلعتها بدون اذن قال وهو مكتف ايدينه:اشوفك تعودتي على الطلعات بدون اذن وكمل بتهديد :هالمره بسكت لك لكن مره ثانيه ماتلومي ألا نفسك ان عدتيها

عهد طالعت فيه بنظرات سخريه وبدون لاترد عليه جت بتمر من عنده بس هو سد عليها بذراعه وقال بغضب من حقرانها له :كأن كلامي مو عاجبك

كان مستمتع بقربه منها خاصة وان ريحة عطرها اجتاحت خشمه عهد بنرفزه وهي تبعد يده بكل قوتها:لا موعاجبني ومتى بتطلقني

سند مسك كتوفها يهزها وقال وهو يقربها منه بس عشان يروي عطشه:متى ماطرت علي طلقتك بدون لا اخذ رايك حتى ودفها بقرف عنه

وراح عنها وتركها تصارع قهرها الي سببه لها كان ودها تسطره بس عقب الي صار اليوم تابت تمد يدها عليه مره ثانيه كافي هالمره اسلمت منه

jomana

30 - 07 - 2009, 10:58 PM

يسلموو على البارت الروووووووووووووووعه

حبى اسطورة

01 - 08 - 2009, 04:48 AM

اختنا الطموحه طموحى عالى
نقل رائع احداث مشوقه تكسر الخاطر عهد وتعاطفنا مع نور
فى انتظارك

طموحي عالي

01 - 08 - 2009, 04:28 PM

اهلا بمتابعاتي الغاليات
تفضلن هذا البارت لعيونكن

الثاني والعشرون

قلي من اللي يحمل الهم عني؟؟لاغبت لحظة عن عيوني واقفيت

ليه الصدود وليه كل التجني؟؟اشهد انك في عذابي تماديت

!!
ان كان قصدك بالغلا تمتحني انت الوحيد بداخل القلب ( لك بيت )

اليوم الثاني الساعه سبع

قامت مبجر عشان تروح دوامها ماتبي تغيب اليوم وهي حاسه بخجل من نور عقب سالفة اتصالاتها امس بعد ماشافتهن يوم جت اضطرت تدق عليها وتطمنهاهي كانت عارفه انها تحاتيها وشايله همها فوق الأهموم الي عندها

خذت حمام دافي على هالصبح وحست برد خاصة وان الشتا على الأبواب والجو بارد
حطت لها مكياج بس مابالغت فيه كله شوية بودر وبلشر وكحل ومسكره وحطت بس قلوز ملمع لشفايفها
ألبست لها بنطلون بني وفوقه بلوزه بيج بنقش بني لي فخوذها ماتحب تجرأ بالبس وألبست عباتها المفتوحه وعدلت ملفعها وحطت الي تحتاجه من اشيا بشنطتها وطلعت
سند الي قعد لانه شبع نوم وكان مقرر ينزل عند امه بدون لايبدل بجامته حتى غسل وجهه وفرش اسنانه وطلع من غرفة
و شاف عهد طالعه هي بعد وكانت متجهزه عرف انها بتداوم وانقهر ليش ماقالت او علأقل تستأذنه
قال بقهر:يالله صباح خير وين ناويه هالمره بعد
لاتقولين مع سهام وبشم هوا ترا مايمشي عندي

عهد هي ناويه بالأساس تستأذنه لانها خافت من تحذيره لها قالت:بروح الدوام وكنت ناويه اقول لك
سند اي واضح لو ماكشفتك جان رايحه وراجعه بدون لاادري

قلت برود:انطري انا الي بوصلك لا تروحي مع السايق
عهد اي سايق ومن قال اني اروح بسايق امك قلت:بس الي يوصلني دايم مو السايق
سند بغيره وهو باق عيونه كان يتأملها ويتأمل جمالها الي بارز بكشختها وهذا الي خلاه يرفض روحتها مع السايق بهالشكل :اجل منو
عهد بربكه:رفيقتي وانا قاعده اتدرب منها لاني افكر اسوق
سند بسخريه:صج بتسوقين ومتى ان شالله
عهد بقهر:قريب ان شالله لي طلقتني طبعا
حست انها اقهرته بحق وحقيق
سند رجع يبدل عشان يوصلها حتى بدون لايفطر سدت نفسه عهد
عهد ابتسمت لانها قدرت عليه اخذت تيلفونها ودقت على نور تقولها لاتجي لان زوجها بيوصلها

ما كل عين تذرف الدمع بأحزان

وما كل من يضحك يعيش بسعادة

كم واحد دمعة على الخد هتان

من زود همه يذرف الدمع عاده

يحاول انه يبتسم قدر الإمكان

ويضحك ونار الحزن تحرق فؤاده
عند نور

سكرت من عهد وتنهدت بضيق انتبهت لأخوها الي جا صوبها

ماجد اخوها العود وحسبة ابوها كان مربيها مع عياله من توفى ابوه لان نور ماتذكر ابوها وقت ماتوفى وهي عمرها سنتين

فصار لها ماجد الأبو والأخو بنفس الوقت
نور اوقفت احتراما له وراحت تسلم عليه وتبوس راسه

قالت بحب:اشلونك يالغالي
ماجد بحنان:بخير ياعمري
التفت وقال :وين ام ماجد بعدها نايمه ماهي بعادتها

نور :لا فديتك بس امي قاعده مع الأذان الأول بس تلاقيها راحت ترتاح شوي بعد ماتأكدت اني فطرت قبل اداوم
ابتسم وقال بضحكه:لمتى بدلع فيك امي بكره لي تزوجتي بيدعي علينا زوجك

حست بضيق ودها تقول بالعيد ياخوي دام هالي مايتسمى حاجر علي

قالت ببتسامه:ليش مايدعي لنا لان امي هم هو بتدلعه دامه زوج القعده
ضحك:ياواثقه ابتسمت له وباست خده واستأذنت منه وطلعت لدوامها وماجد بقلبه يدعي لها

تزوج لان عمرها راح وغانم مو راضي يهون عنها وهي معنده ماتبيه

بتدخل الأربع وثلاثين وهي بعدها ماتزوجت خاصة وان خطابها قلو عقب عرفوا الناس بسالفة غانم وانه يبيها

كان يتمنها انها ترضى بغانم وتاخذه وتجيب منه ضنى يغنيها عن كل شي

هو صح قاهره غانم وياما تهاوش معه وزفه بس ماكو فايده كل ماسمع ان جايهم خطاب طب عليهم وخرب كل شي

عند نور بسيارتها

كانت تحس ان في سياره وراها من طلعت من بيتهم وهي لاحقتها
شافت بالمنظره وكشرت لانها عرفت من

اسفطت على جنب وهي مقرره توقفه عند حده لو تطلب له الشرطه بس تشفي غليلها منه

أنا تعلمت الهوى تحت يمناك
..
درست معنى العشق حسب اختياري
..
مبغاك تعشقني ولكني أبغاك
..
لاضاقت الدنيا تصير داري
..
وأبيك لامني تزاعلت وياك

ترضي غروري قبل أجيب اعتذاري
..
وأبيك تدري لو أحاول بفرقاك

إني بحاول قبلها بانتحاري..!

غانم الي كان جاي ومقرر يحاول فيهم للمره الألف بدون توقف حتى لو رفضت هالسنه بيروح يتزوج لان مايقدر يقعد بدون زواج وراح يترك نور لين ماتطخ بس انهاماتكون لغيره لا والف لا

شافها طلعت وعرف انها بتداوم فقرر يتبعها شوي قبل يرجع ويناقش ماجد وخالته وده يشوفها لومن بعيد

كان حاس ان كلام عمه معاه وقت ماكان صغير للحين يدور بعقله وحب انه يحقق امنية عمه الي ماحسسه بيوم انه يتيم كان يعامله احسن معامله كان له الابو وكانت مرته ام له بعد

كانوا اعيال عمه يحسدونه على هالدلع الي هو عايش فيه وحاس انهم للحين حاسدينه لانهم رافضين زواجه من نور

الي كانت قعدة عمه وجت بعد خمس عيال كانوا فرحانين فيها حيل خاصة ان البيت مافيه البنات فكانت هي الوحيده بين ست عيال اخوانها خمس وغانم السادس

سماها عمه نور لان وقت ماولدت كان عمه من المرض فقد انظره وماقام يشوف وقال هي النور الي اشوف فيه

كان غانم دايم يحب يجلس مع عمه اكثر من اعياله حتى ويسمع سوالفه ومره وهو عنده وكانت نور بحضن ابوها تلعب كان عمرها ماكمل سنتين قاله بضحكه:غانم ياولدي شرايك بنتي عساها مزيونه

غانم براءه كان عمره ثلاث تعش وهو يقرب لنور بياخذها من عمه ويبوسها:ييوه ياعمي لو تشوفها تجنن وقعد يبوسها
عمه ضحك وقال بضحكه:زين ريحتني اجل شرايك ازوجكيها

كان يقولها بقصد الضحكه لان فرق العمر بينهم كبير وماتوقع ان غانم بينطرها لين تكبر لكن غانم فسرها بطفولة انها امنيه ولازم تتحقق خاصة ان المرض مشتد على عمه حيل
وبعد مامات عمه وايام العزا كان في حاله سيئه جدا وبس جالس بالحديقة ولا ياكل وعيال عمه كانوا خوالهم مو مقصرين ودايم معهم وماجد بعد كان عمره عشرين فكان يعتمد عليه ألا هو لان ماله صله فيهم فالكل نساه ماعدا خالته مرت عمه بس ماقدرت توصل له لانها بالعده

وفي ثالث ايام العزا وهو جالس بنفس مكانه بالحديقه شاف نور طالعه وماكان احد معاها عرف انه محد درا عنها من اخوانها ولا ماكان خلو طفله تمشي برا بروحها

وقف وراح لها وهي اول ماشافة ابتسمت ورفعت يدينها له كان معودها دايم يشيلها ويدور فيها
وفعلا شالها وحضنها بقوه كأنه يشتم فيها ريحة الغالي عمه قعد يدور ويدور ونور تضحك براءه كان للحين يتخيل صوت ضحكتها بعقله
ولا شلي خلاه يجلس ينطرها طول هالسنين ألا لانه بعده يحبها ويبيها لانها بنت الغالي ومحد راح يكون احن عليها كثره

صحاه من افكاره صوت الهرنات
ألتفت شاف سيارة نور سافطه وهي نازله تأشر له

غانم سفط جنبها وفتح دريشته وقال بغيره:سلام وكمل :شلي وقفك بالشارع ماعندك دوام

نور ياكرهي لك ياعديم النخوه يالي ماتخاف ربك عقب مارباك ابوي وامي وعاملوك احسن من عيالهم حتى رحت كافأتهم بفعالك الشينه قلت بنرفزه: ناطره الشرطه تشوف لي حل معك
غانم نزل وقال وهو يركز بكل ملامحها:اركبي سيارتك وبلاش فضايح
نور بحقد:لا مراح اتحرك بشوف وش بتسوي كانت اول مره تهدده وكانت خايفه لان الي سمعته عن غانم من اخوانهاومن جماعتهم ماهو شوي خاصة مع تعامله مع زوجاته كانوا يقولون عصبي وحار
بس هي تستغرب تصرفه معها ومع امها خاصة كان غير كأنه عكس غانم الي تسمع عنه

هو دايم عندهم يزور امها ومرات يجيب ولده معه كان مسميه سعود على اسم ابوها فكان دايم يجي مع غانم لين ماكبر حس بالخجل وماقام يجي بس مرات يجيبه غانم غصب يسلم على مرت عمه

امها هي الوحيده الي ساكته ولاناقشت غانم في حجرته لبنتها وكذا مره تحن عليها تخذه بس هي معانده واخوانها واقفين معها
0
غانم برود وهو يركب سيارته: اجل انا ماشي برجع لبيت بس كنت حاب اشوف وجهك

نور بحقد:ليش قالوا لك لوحه فنيه
غانم يبي يقهرها:لا بس قالوا لي انك عجزتي وطلعت لك تجاعيد وحرك سيارته ومشى وهو ميت ضحك قدر يقهرها وهي اضربت الارض برجلها من القهر وقامت تدعي عليهخذني جريح شعور يعشق وصالك

ينزف جروح العشق وأيامه شهود

خذني غريق أحلام عانق خيالك

يرجي سحاب أيديك والشوق موقود

خذني بقايا إنسان كلي حلالك

اسكن عروق القلب والشوق موجود

وقف عند باب المستشفى ألتفت لها وقال قبل تنزل:الساعه كم تطلعي

عهد الي رضت انه يجيبها وكان طول الطريق صمت عكس روحتها مع نور
قالت برود:ثنعش وكملت:لاتعب عمرك بخلي نور توصلني

سند قال:انتي وش سالفتك مع نور هذي ومن متى هالمعرفه والميانه الزايده

عهد بقهر:مو شغلك ولا حتى رفيقتي هذي بتمنعني منها
سند بسخريه: ونعم الرفيقات اتلقينها فراشه ولا انتي من بيرافقك غير هالفئه
عهد انزلت وسكرت الباب بقوه بقا ينكسر ومشت بتدخل

وهو تم واقف يشوفها مايدري ليش صاير يحب يهاوشها هل لانه حاس بالأنهزام قدامها او شنو السبب مو عارف

شافها اختفت عن انظاره وحرك مشى وهو يتنهد حاس بالذنب بس ماهو قادر يحدد
حتى الثوب الي جابه لها هديه ماقدر يقدمه لها او ماعرف اشلون بيقدمه لها عطى الكل هداياهم من ثاني يوم وهي لا واليوم الثالث وهو بعده ماعطاها
في العياده

كل وحده حالتها حاله وبس ماسكين نفسهن لاينفضحون قدام المرضى

بعد ماطلع اخر مريض تنهدت نور بقوه وتسندت على الكرسي تسترخي عقب التعب
الي جاها
عهد الي ماكانت أقل من نور بالتعب

نور تذكرت كلام غانم حست انه جرحها حيل
ماحست بنفسها كانت ماسكه منظرتها وتأمل وجهها هل فعلا فيه تجاعيد
ألمعت بعيونها دمعه وانتبهت لها عهد
عهد حاسه ان نور فيها شي من جت بس تفكر وسرحانه
قالت بحب وهي تخفي مافي داخلها من جروح وهموم:نور اشفيج شكلج موعاجبني اليوم

نور ماتحملت وحذفت منظرتها وغطت راسها بالطاوله وقعدت تصيح

عهد خافت وراحت لها ارفعت راسها قالت وهي تمسح على وجهها:نور قولي لي اشفيج ترا الي فيني كافيني

نور بشهاق:الزفت غانم شفته اليوم وقال لي كلام يجرح
عهد بصدمه:شفتيه وين
نوربنفس الاسلوب وهي تمسح دموعها: بالطريق كان لاحقني من طلعت من بيتنا

عهد بتنهد وجابت كرسي وجلست يمها:قولي وش الي صار لج بالضبط يمكن اقدر اساعدج
0وقعدت نور تسرد لها السالفه بالتفصيل

حست من كلام نور ان غانم يحبها ألا يموت فيها ولا جان ماحرم عليها الزواج بغيره
عهد بضيق وهي تسند على كرسيها: الواضح انه يحبج ولا ماكان تصرف هالتصرف
نور بحقد:حبه برص وانا ماواطنه بعيشة الله ناكر الجميل

عهد بتنهد:على الأقل اذا صار واخذتيه وقتها بتكونين برغبة واختياره هو ومو مثلي الي مغصوب علي ويكره حتى الطله بوجهي

نور بصدمه :انتي من صجج تكلمين

عهد بحزن دفين:اي من صجي وحياتي صايره من سيئ ألا اسوء مع سند دايم هواش وصراخ
لدرجة انه صار عادي عنده يضربني

دمعت عيونها ونور بدال لا عهد تواسيها صار المفروض هي تواسي عهد
قالت بشهاق: مشكلتي ان مالي حد وحتى عمي الي مفروض احس بالأمان معه رماني عليه وسافر واتوقع كان عارف برفض سند لي
بس انا مالوم لاعمي ولا سند لان السبب في كل الي انا فيه هي حصوه

نور :ومن حصوه هذي
عهد بحقد وقهر:ام سند وعمتي اخت ابوي
نوربصدمه:عمتج
عهد بغضب:عمت عينها
وازفرت تنهد ونور اوضحت لها نظرة الحزن الي تشوفها بعيون عهد دائما

وحزنت لان من شاف مصيبة غيره هانت عليه مصيبته
عند بيت ماجد اخو نور

غانم كان جايهم بنفس الموضوع الي دايم يزورهم عشانه
كان ينطر الأجابه من خالته وماجد لانه يحترمهم

اما اخوانها الباقي كان معطيهم طاف
خاصة سعد كان كبر غانم وحاقد عليه من قلب من طفولتهم
اما يحيى وزياد فكانوا معارضين زواجه بس كلام ماجد اخوهم هو المسموع لانه اخوهم العود
اما غانم مايهمهم بشي لانهم اكبر منه يحيى اكبر منه بثلاث سنوات وزياد اكبر منه بسنتين

وصلاح اخوهم الخامس كان مع سعد وزاد حقده على غانم حيل
مع انه كان يحبه ويعتبره اخوه
بس سالفة مع نور اقلبت الحب الى كراهيه

غانم بأصرار: نور مراح تكون لغيري وغير هالكلام ماعندي

سعد جا بيرد بس وقفه ماجد الي قال:افهم من كلامك انك جاي تهدد
غانم بصدق:لا طال عمرك ماهددك بس كل الي ابيه انك تضغط على اختك وتخلينا تزوج
سعد بغضب:انت صاحي ياخي البنت تعوذك منك ماتبيك
غانم طنشه وألتفت لخالته قال بدلع وعياره:يمه ماكان يقولها ألا يمه
يرضيك الحاله هذي الي انا فيها بنتك معلقتني بشباك حبها من هي مولوده ولي يومك ارتجيها
كان عنده فن بالعياره خاصة مع خالته كل ماشالت عليه وزعلت جا لها وبكلمه او ثنتين تنفتح كل اشباكها وترضى عليه

ام ماجد طالعت بماجد وقالت: خلاص ياغانم هالمره بوقف معك وأضغط على نور تاخذك بس ياويلك ياسواد لليلك ان جت تشتكي منك والله لاتبرأ منك ذيك الساعه

ماجد ماعارض كلام امه خاصة وان نور اكبرت حيل وكان لازم غاصبها تزوج غانم من زمان بس هم دايم معها ومايبون يزعلونها بس جا الوقت الي لازم تطخ فيه وخل ترزق الله لو بطفل قبل توقف عن الأنجاب

سعد وصلاح:يمه
ماجد سكتهم وقال بحزم :امي ادر بمصلحت بنتها مني ومنكم فلا تدخلون رجاء ولاتشوشرون لنور بأفكاركم الباطله
كلن يهتم بنفسه وبيته وعياله
غانم بفرحه اغمرت قلبه اخير عقب رجا دام عشرين سنه بيتحقق طلبي احمدك يارب احمدك وقام وباس راس خالته ويدها قال وهو جالس عند رجولها:والله لحطها بعيوني ولحافظ عليها من نسمة الهواء اذا تبين
ام ماجد عارفه بمعدن غانم لانه تربيتها هي والمرحوم جا عندها وعمره سبع سنوات وربتة مع عيالها بدون تفريق

قالت ببتسامه:انشوف
الساعه حدعش
تجهز ولبس عشان يروح يجيب عهد من الدوام
مايدري ليش طرا في باله وكشخ هو دايم كشخه ورزه بس هالمره زاد بالعيار لبس ساعه جديده وماركه وضبط شماغه وتغرق بالعطر وطلع بعد ماجلس ساعه ينسف شماغه

قبل يطلع اخذ الكيس الي فيه ثوب عهد وحطه بالمجلس وكتب عليه(هذي هديتك مني)

حس انه رسمي حيل بهالعباره بس هذا الي طلع منه

عند نور وعهد

صارلها ساعه تلح عليها توصلها بس عهد ارفضت وقالت ان سند محذرني
شافت الدكتور ناصر جاي صوبهم وحست عهد بأرتباك

ناصر الي كان بأجازه وعشان جذي ماقدر يمر على عهد او يتطمن عليها

بس كان موصي الكل عليها وكان جاي اليوم عشان يتطمن عليها لانه عرف انها امس ماداومت
ناصر بحنان:سلام عليكم
عهدونور وعيونهن بعض:وعليكم السلام
ألتفت لعهد وقال:اشلونك مع الشغل عساك مرتاحه وكمل بجديه :اخاف دكتوره نور تعبك
نور بقت عيونها لان كلامه صدمها شقصده هذا وجت بترد بس عهد اسبقتها وقالت: لا والدكتوره نور ماتقصر جان زين كل الدكاتره مثلها

نور حز بخاطرها كلامه وقالت:دكتور ناصر انت سامع شي
ناصر بأسف:لا والله بس انا من خوفي على عهد حبيت اتطمن ماعرف اشلون نطقها وهن انصدمن والكل منهن تطالع الثانيه

عهد بقهر:دكتور ناصر اشكر اهتمامك الزايد فيني بس ترا ماله داعي وانا مره متزوجه واخاف يوصل لزوجي كلام
نور برود:لا تزيد عليها بفعالك ترا الي فيها كافيها
ناصر انجن وده يفهمها بس المكان ماهو مناسب وده يوصل لها انه يهتم فيها لانها بنت اعز انسانه على قلبه
قال بأسف:انا اسف اذا ازعجتك بس مصيرك بتعرفي سر اهتمامي فيك
وكمل بجديه:وتأكدي ان قصدي شريف وماهو بالي يدور في بالك وبال دكتوره نور
انا رجال ومتزوج وعندي بنات بعمرك حتى فمستحيل اضر بنت من عمر بناتي
ابتسم لها بحنان وراح وعهد ونور تمو منصدمات
عهد بصدمه:فهمتي شي من الي قاله
نور بصدمه اكبر:اذا فهمتي علميني

قطع عليهم سند بصوته
كان جاي وشاف الرجال الي طول هو جالس يسولف معهن وكانت عيونه اكثر شي على عهد وكأنه يترجاها بشي
حس بغيرة تسري بقلبه من هذا وش يبي فيها
سند :سلام عليكم

لفو وشافت عهد انه سند وخافت وارتبكت ونور ماعرفته عهد برتباك صدم نور:وعليكم السلام
نور بنرفزه:خير اخوي وش بغيت انت الثاني
سند ثبت شكه في محله معناه ان هالي مايتسمى جاي وعنده حاجه بس للحين مايعرف حاجة عند من فيهن
قال بأستحقار:جاي اخذ زوجتي واشر على عهد وكمل بقهر:ولا عندك مانع
نور بصدمه حست انها بدال لاتكحلها عمتها وحقدت على نفسها لان عهد تبلمت ولا قدرت تنطق بحرف عند هالزفت سند
حسبي الله عليه جنن البنت

نور بتنهد وهي تحاول تبرر موقفها:سامحني اخوي ماعرفتك واستأذنت منهم وراحت وقالت قبل تمشي:عهد راح يكون بينا اتصال

وراحت وعهد تمت واقفه وعيونها بخيال نور الي راح ماحست ألا والي يمسك يدها بتملك ويمشي فيها
كانت تدري انه شاف ناصر وانه غار من تواجده معها بس في خاطرها فرحت لان هالشي اشغل مشاعره المكبوته ناحيتها
وصلت لسياره وحررت يدها منه قالت بنرفزه وعشان تزيد من قهره لان كلامه معها الصبح للحين تذكره:ابعد عني ماسمح لك تمسكني بهالطريقه
سند بغضب وزفره:شغلك بالبيت اركبي بلاش فضايح بالشارع
عهد بقهر وهي تركب:يعني بخاف منك لي هددتني عادي حتى لو تقتلني راح اكون شاكره لك
سند بصراخ وهو يحرك:اسكتي لا اقتلك صدق
ومشى بسرعه جنونيه لدرجه ان عهد قامت تشهد

وصل بأقل وقت ممكن وعهد انزلت ومشت قبله بتروح لجناحها
اما هو فكان مايبي يلحقها عشان لايطين عيشتها اكثر فحاول يضغط على نفسه ويروح يجلس مع امه

ادخلت نزلت عباتها وفتحت ازارير قميصها بدون لاتنزله كان داخله بدي علاق كانت حاسه بحر وزاد عليها هوشتها مع سند
جت بترمي نفسها على الكنبه ولا تنتبه للكيس استغربت وجوده خافت لاتكون عمتها باليتها فيه بعد مثل سالفة الذهب

مافتحته ولا قربت صوبه وراحت تشوف سند عشان يشوف لمن

شافته ماجا وقررت تروح تسوي لها غدا وتاكله لين مايجي

سند كالعاده لقى امه طالعه وماخذه فجر لبيت اهل ابوها فقرر يصعد وفي باله مايلتقي فيها سيده لغرفته

اول مادخل عرف انها بالمطبخ حس بجوع هو ماتغدى ومايشتهي ياكل بروحه
راح لها كان يبرر لنفسه اي شي بس يشوفها

شافها تقلي بطاط كانت رافعه شعرها بطريقة عشوائيه وجهها كان خالي من اي مكياج عكس اليوم الصبح مايدري ان مكياج اليوم اختفى عقب ماقعدت تقول لنور عن حياتها
حست فيه وألتفت له شافت انه مانزل عينه عنها قالت وهي تطنش نظراته لها:زين الي جيت
حس بسعاده من كلامها وكان بيتشقق بس صدمه لماكملت: فيه كيس بغرفتي ماهو لي واخاف ان سالفة الذهب تنعاد ثاني فرجاء خذه برا عن غرفتي0

سند ضاق خلقه لانها مستحيل تنسى هالسالفه ولام نفسه لانه ماتصرف صح قال بتنهد وهو يجلس ويحاول يبعد عيونه عنها ماكانت منتبه لازاريرها الفاتحه والي جننت سند:الكيس انا الي حاطه

ماقال غير هالجمله وعهد قالت وهي تحط الصحن على الطاوله وكان سند مركز في كل حركاتها وقاعد يبلع ريقه من شدة التوتر اخذ كلينكس وقعد يمسح عرقه الي قام يصب
عهد بقهر وهي تضرب الطاوله بيدها :لاوالله خلصت من ذهب امك جيت في اغراضك انت
وكملت بنرفزه وسند حاس بسعاده مرات يعشق السانها الطويل:لايكون بس بتبلاني بسرقة اثيابك

سند بخبث:يمكن ليش لا علأقل استر لك من هالمزلط
وعضت شفايفها ولفت بديها عليها بشده
وقالت بحقد:سخيف
سند برود وركاده:احترمي نفسك واقضبي ألسانك احسن لك
وكمل وهو ياكل لما تذكر الي صار اليوم:ولاتفكري بسكت عن هالمهزله الي اليوم
عهد بقهر: لاتسكت ومن قالك اني مسويه شي غلط عشان اخاف
سند بغضب:وقفتك مع الرجل الغريب وش تسمينه ولا عادي عندك يابنت سويلم

عهد بتخصر وهي ودها تكفخه على استهزاءه فيها وفي شرفها قالت:اي عادي على الأقل اضمن مستقبلي لي انفصلت عنك
سند وقف وحذف صينية الغدا وقال بصراخ: لا تجبريني على شي مايعجبك ولا تحديني على شي انا مابيه

عهد خافت وردت ورا وكانت منقهره لانه حذف الأكل قبل لاتأكل قالت بخوف وهي تغطي اذونها: انا اسفه وانت الي حديتني ليش تتهمني بشي انا ماسوية
سند بقهر صار لازم يعرف من هالرجال قال:والرجال الي اخذ فوق الساعه يكلمك من

عهد بخوف :هذا مدير المستشفى جا يكلمني عن النقل لقسم ثاني بس انا رفضت لاني ابي عند نور اضطرت تكذب بس عشان تسكته لان سند ماعنده تفاهم

سند بتنهد بعد ماارتاح من ردها وهو يرجع يجلس:هذي نور الي شفتها معك
اخيرا شاف الأنسانه الي تعلقت فيها عهد في اقل من اسبوع

كان حاسدها وحاقد عليها قالت عهد بتهد:اي
سند برود: دكتوره
عهد بتنهد :اي وادري انه ماهو من مقامي اصادق هالفئه
وكملت بضيق وهي تتسند على الثلاجه:بس المحبه من الله

سند بضيق: اعذريني ماكنت اقصد وهالكلام طلع بساعة غضب
عهد بسخريه وعينها عليه كانت تأمله مرات تحس انه طيب وحنون ومرات حقود ونذل
قالت:ودي افهم ليش تبرر اخطائك وغيرك مستحيل وممنوع يبرر

سند بنظره حانيه قال: اتركي عنك هالكلام وقولي لي وش اجيب لك غدا
كان يطالع بغداها الي رماه
عهد طالعت بالصينيه وقالت وهي تروح بتضف الأكل:مشكور مابي منك شي

دنقت بترفعه بس هو مسكها وجرها له قال بتنهد: عهد
عهد بنرفزه وهي تدفه عنها: اتركني كم مره بحذرك لاتقرب لي

سند بأصرار: انا رايح اجيب لك شي تاكلينه ومشى وخلاها وهي اجلست على الأرض تصيح
قاهرها بمعاملته لها لاهو الي مريحها في العيشه معه ولاهو الي عاتقها
طلع وهو كارهه نفسه لمتى بيتم جذي خلاص مليت بس ارجع بطلقها وبخليها تشوف حياتها بعيد عني

حرام الي اسويه فيها لايرضي الله ولارسوله

خلاص عزمت والله يستر عليها مع واحد غيري لاني انا ماستاهلها لان قلبي مات مع سعاد ومستحيل ارتبط بغيرها

وقف عند اقرب مطعم بياخذ لها غدا

عند فواز

وصلوا بيتهم وكان موصي حمد يجيب عمال ينظفونه

دخل وجلس على الكنبه وقال بتنهد:ياحلو الديره وياني اشتقت لهالبيت حيل

ندى اجلست جنبه وقالت بحب: صاج مافي احلى من الديره واهل الديره

فواز حط راسه على كتف ندى وقال وهو يلتفت :وين اعيالنا
ندى بتنهد:تلاقيهم في الحديقه ماشفتهم اشلون راحوا لها ركض

فواز بخبث:يعني امان
ندى فهمت وبعدت عنه وطاح راس فواز
وقعدت تضحك وفوزا انقهر اخذ الكوشيه بيحذفها عليها بس ندى مسكتها
في جناح حمد

دخل وافزعه صوت الترجيع الي جاي من جهة غرفة وراح ركض ألتفت يدورها وقلبه يرقع خايف مايدري شنو الي صابها

راح سيده للحمام وشافها ترجع وكانت تحس بغثيان حاد حمد سندها وقال :حبيبتي اشفيك

سهام الي حاسه بحملها من البدايه واكد لها تحليل المنزلي الي سوته بعد ماطلبت منها عهد بس مشكلة عهد امنعتها لا تقول لأهل حمد حتى لحمد براسه كانت حزنانه على حالة عهد وزاد عليها طلعتهم مع بعض امس لانها اسمعت منها مايمنع فرحتها بحملها

قالت بتعب وهي تمسح بالمناديل:تعبانه شوي

حمد بخوف :امشي اوديك الطبيب

سهام اطلعت من الحمام وجلست على السرير وحمد لحقها وقال باصرار :سهام امشي بتطمن عليك

كل طاري جا في باله خاف لا ياخذها المرض مثل مااخذ سعاد عن سند

سهام بتنهد:حبيبي تطمن مافيني شي وكملت بخجل:هذا من فعايل الحمل

حمد انصدم وماستوعب وبعد مااستوعب نط مثل المجنون وراح وجلس عند رجولها قال بفرحه:سهام صج الي قلتيه ولا تضحكين علي

سهام ببتسامه :لا صج واليوم تاكدت وكنت بسويلك مفاجأه بس للأسف كشفتني
حمد وقف وقفها معاه وحضنها بقوه وهو يدعي ربي ويشكره على هالنعمه الي هو فيها

وسهام زادت من حضنه وهي بداخلها اهموم واحزان على حالة عهد

حمد بعدها عنه وشاف بعيونها دمعه كانت بتنزل قال بحب:حبيبي ليش هالدموع

سهام بتنهد وهي تمسح دموعها قالت :لا هذي ادموع الفرح ياقلبي لا تحاتي

حمد صدقها وجلس وقعدها بحضنه واخذتهم السوالف مع بعض وسهام حاولت قدر لأمكان تنسى عهد بس في بالها انها لازم تقول لحمد عشان يوقف اخوه عند حده
عند غانم دخل بيته وكان طربان ويغني بكل اندماجيه انتبه له اولده سعود الي جالس يذاكر امتحانه هو في الجامعه طب تخصص جراحه قلب

سعود بضحكه:فرحنا معاك

كان اول مره يشوف ابوه بالسعاده غانم بحب وهو يجلس على الكنبه المنفرده قال:اخيرا باخذها يابوك

سعود الي عارف بكل القصه وكان قاهرينه اعيال عم ابوه ليش مايغصبون اختهم على ابوه دامه يعشقها كل هالعشق قال باستغراب:متاكد وافقت

غانم بعشق وهو هايم يتخيلها:وافقت او ارفضت مايهمني دامي انا الي ابيها باخذها

وكمل ببتسامه:وبعدين ابشرك امي وعدتني توقف معي وانا اعرف نور ماترفض لأمها طلب

سعود بحب :الله يبشرك بالخير وعساها تسعدك هالنور الي ذبحتنا فيها

غانم بتنهد:اللهم امين يابوك مو مصدق عمري

سعود بدلع:لا صدق كلها ايام وتنشغل بعروستك عن ولدك الوحيد الله يستر لاتكون نفس الي طافن يحطن حرتهن فيني

كان يقصد زوجاته الاثنتين قبل امه لان امه كانت اول وحده وجابت سعود وتطلقت بسبب المشاكل بينهم

وعمر سعود سنه جلس عند امه لين ماصار عمره اربع سنوات هي تزوجت ورفض زوجها وجود ولدها وتنازلت لغانم عنه

غانم ببتسامه:دام الي باخذها نور فأضمن انها مراح تلعوزك

سعود الي نسا دراسته نزل كتابه وقال بتنهد :شدراك

غانم بحالميه :نور حمل وديع لايمكن يضر احد نور وكمل بعجز:شي ماقدر اوصفه لك كافي انها بنت عمي سعود فأكيد انها نسخه منه الله يرحمه

سعود كان متعود على هالمدح من ابوه لنور وكان حاقد على نور لانها رافضته قال بعبط:مو جنك مصختها بمدح نور ترا بتخليني اغار من زواجك منها

غانم وهو يقوم بيروح ينام ويكمل احلامه بروحه قال:خلك بدروسك ابرك لك من سالفة الغيره

ومشى بيصعد وقفه صوت سعود الي قال بضحكه:اي الدراسه اهم مابي بكره تجي الدكتوره نور وتعايرني لاني مانجحت

غانم ابتسم له وكمل طريقه لغرفته فوق وكان معزم يتمم زواجه باقرب وقت ممكن
عند سند

دخل ومعاه الغدا راح للمطبخ مالقاها فيه فقرر يروح لها بغرفتها حاس بضيق من قراره بس لازم ينفذة خاصة وان فواز استقر هنيه يعني راح يتطمن عليها عنده طق الباب وماسمع رد وايقن انها مستحيل ترد

ففتح الباب ودخل بدون اذن حتى

عهد الي بعد ماافرغت سيل ادموعها ادخلت غرفتها بدون حتى لا تاكل لان سند سد نفسها قبل لا يكت غداها كانت منسدحه ومغطيه راسها

سمعت الباب وكانت عارفه انه هو وماردت بس صدمها انه عاندها ودخل

ارفت راسها وقالت برود:وش تبي

سند قلبه ينعصر عصر عليها مو قادر حتى يتخيل انها ممكن تبتعد عنه وانه ماهو شايفها بعد اليوم

قال وهو ينزل الغداء عندها على الطاوله :جايب لك غدا

عهد بتمرد:مابي

سند وهو يجلس جنبها وعهد من التوتر بعدت عنه قال بحزن:اذا تبين طلاقك تغدي

عهد بصدمه :قول والله كانت تبي الطلاق لان جلستها مع سند جابت لها الضيقة والضعف كل ماتذكر ان سند مستحيل يكون لها زاد قهرها

هي انجذبت له وحبته ماتنكر هالشي بس هو عمره ماعبرها لو حتى بكلمه طيبه

سند بضيق :ومن الحين اذا ودك

عهد برجا وكانت بتبوس يدينه قالت:اي الله يخليك طلقني والحين بعد

وقعدت تبجي بقوة ماتدري هل لان الي تبيه تحقق ولا لانها بتبعد عن سند لابد

اما هو فأصر عليها اول تاكل وبعد مانفذت له طلبه وقف وعيونه على وشك انها تدمع كان يتمنى انها ترفض عرضه بس للأسف طلعت متحمسه اكثر منه على فراقها

عهد بعد مااكلت شوي بس عشان خاطره طالعت فيه تنطره ينطقها ماتدري جاها احساس خلاها تمنى انه يقول لها الغيت العرض او هونت بخليك عندي معلقه

بس فعلا نطقها وكانت مثل الخناجر الي تنغرس بقلبها من قوتها على مسامعها

سند بغضب وزفره بالموت قدر ينطقها:عهد انت ي طااا اااالق

وكمل بقهر :ارتحتي الحين وجا بيطلع بس وقفة صوتها الحزين

عهد بضيق:مشكور ياسند مشكور على كل شي جاني منك سوا كان شين او زين

وكملت بتنهد:واعرف اني مسامحتك على كل شي

سند كانت عيونه حمرا ولا قدر يلتفت لها حاس بضيقه قال لها قبل يطلع :ماقصرتي وترا الكيس الي تسألين عنه هديه مني لك وطلع بسرعه من البيت كله

أبرحل بس لا تنسى هوانا لو تمر دهور

وتذكر إنك البادي على جرحي و هجراني

*وش الاحداث الي بتواجهه ابطالنا

*سندوعهد*

*حمدوسهام*

*سحروخالد*

*ندى وفواز*

*فهدوشهد*

والابطال الجدد
*غانم ونور*

حبى اسطورة

01 - 08 - 2009, 05:16 PM

فى انتظار البارت الجديد
والف سلامه من الزاكام

حبى اسطورة

01 - 08 - 2009, 10:20 PM

الغاليه الطموحه طموحى عالى
ممكن تنزلى اكثر من بارت القصه مشوقه فعلا

غريقة السراب

01 - 08 - 2009, 10:55 PM

يعطيك العافيه

واذا كانت كامله عندك نزليها

ومشكوووووره

طموحي عالي

02 - 08 - 2009, 02:43 AM

غالياتي القصة ماهي مكتملة
لازالت الكاتبة تنزل مزيدا من البارتات
لعيونكن راح انزل بارت مايطاوعني قلبي اردكن ياغاليات على قلبي

الثاااالث عشر

أحضن سرااابك لاغدا صعب لقياك

¤
وأصرخ على دنياي صوبه {خذيني}

طلع من القصر كله وقرر يروح يجلس بالشاليه لين مايفاتح فواز بموضوع طلاقه وعشان يلقى لعهد مكان تسكن فيه بعيد عنه كون فواز استقر هنيه فشي اكيد بتعيش عنده

دخل الشاليه وارسل على عهد رساله عشان لاتحاتيه
)انا بالشاليه بقعد فيه كم يوم لين ماألقى فرصه وقولهم عن طلاقنا(

بعد فتره جاه ردها(ان شالله)

دخل جناحه الي بالشاليه والي كان يحمل له بعض الذكريات مع سعاد
انسدح على السرير كان وده ينام
بس واشلون تغفى عينه وباله مشغول بعهد اشلون بيقول لأهله انه طلقها وش راح يكون عذره
عند شهد وحمد اخوانه لانهم حيل يعزون عهد حتى سهام اخت سعاد تموت بعهد ولا حست بالغيرة اتجاها كونها خذت مكان اختها

اما امه وفواز فما حسب لهم حساب فامه لان اقل شي بيقوله لانك تكرهينها فأنا بعد اكرهها
وفواز عارف برفضي لزواج من البدايه وماعارض بالعكس شجع امي بقرارها

قطع عليه افكاره صوت مسج وتوقع انه عهد وجاه فضول يفتح الرساله بسرعه ويعرف وش تبي
بس للأسف طلع من حمد كان يبشره بحمل سهام
)ابشرك بصير ابو عقبالك (
سند فرح للخبر وارسل يبارك له وبعد فتره قال بسخريه بعد ماركز بالكلام الي بالرساله عدل:عقبالي كأنك مو حاس بالي فيني ياحمد اشلون بصير ابو وانا حتى النظر لزوجتي اتحاشاه بس عشان لا اضعف واخون سعاد

فأشلون بصير ابو
ضغط على راسه وهو يبعد افكار يحسها غلط ولازم يتخلص منها هي ان سعاد خلاص انساها وعيش حياتك مع عهد
وراح تحس بالسعاده من جديد وتقدر تنسى سعاد
اليوم الثاني

عند نور كانت بحاله يرثى لها عقب اعرفت بقرار امها واخوانها

كانت تمنى العنوسه ولاتاخذ غانم هالمعقد بنظرها
تمت تندب حظها الزفت واحبست نفسها بغرفتها تصيح لعل وعسى تحن قلوب اهلها ويوقفون هالزواج

انتبهت لتيلفونها الي علق يدق وكانت عهد حست انها تحاتي لانها امس قالت بتكلمها بس عقب الي قالوه اهلهايوم رجعت انسدت
نفسها

ومادقت وهالشي ارهقها وخلاها تدق

نور بحزن:هلا عهد

عهد بخوف من صوتها:هلا فيج وكملت:نور اشفي صوتج
نور بتنهد وضيقه مكبوته: وش فيني غير هالهم غانم الي ناشب لي
عهد بحزن:صاير شي
نور بقهر:اي الأخ قدر يسيطر على امي ويخليها توافق وتوقف ضدي انا بنتها
ودي اذبح عمري بس مااخذه
عهد بضيق:نور خليني اشوفج

نور بتنهد:خلاص بمرج ونطلع اي مكان حاسه بضيق حتى دوام مالي خلقه افكر اخذ اجازه

عهد :خلاص دقايق واكون جاهزه
سكرت من عهد وقامت بتاخذ شاور وتجهز عشان تطلع تحس بضيق ومحتاجه تشم هواء

عهد كانت محتاره هي وين ومشكلة نور وين كانت تبي من يخفف عنها ومالقت ألا نور الي همها اكبر من هم عهد

بس هي ارتاحت الحين خلاص انتهت حياتها وعذابها مع سند وقدرت تخليه يطلق سراحها من كثر مازنت فوق راسه

ادخلت غرفتهم واخذت لها بدله عشان تجهز لطلعه مع نور كانت غرفتها فوضه لانها امس بعد مارمى عليها يمين الطلاق راحت وفضت كل اغراضها وجهزتهم بشناط بس خلتهم بالغرفه

انتبهت لكيس هدية سند كان ودها تقيسه لانه عاجبها حيل بفخامة وخاصة انه من سند
بس اضطرت تروح اتجهز افضل لها
بعد ساعه انزلت وهي بكامل كشختها
عشان تطلع
التقت بعمتها وكانت عندها فجر الي جت لها ركض

عهد بحب وهي تحضن فجر:هلا بفجوره
فجر براءه:وين بابا سند بعده نايم
عهد بلخبطه:هاه لا ياعمري بابا سند طلع لدوامه بدري

كانت عيونها على حصه الي ماطافها توتر عهد

حصه بشك:مو من عوايده يطلع قبل لايمر علي او يفطر معي علأقل

عهد اوف يالوهقه:مادري عنه واستأذنت بتطلع بس وقفها صوت حصه الي قالت بقهر: ألا اذا كنتي مغيرته علي

عهد بنفسها لاغيرته ولا شي ولدج بيرجع لج مثل ماخذته
ابتسمت ولا رديت عليها وكانت تزفر من القهر وهالشي مفرحني
بس كنت خايفه لا تطقني لاني تميت فتره وانا ساكته والحمدلله دقت نور وطلعت بسرعه وخليتها شابه ضو

بعد ساعه
جالها فواز وعياله وحصه طايره من الفرحه بسماع قراره انه بيسكن هنيه على طول كانت جالسه وحاضنه عيال فواز بيدينها
حصه بحب حاولت تنسى عهد شوي عشان خاطر فواز الي ماذكر عهد ولاحتى سأل عنها: ماتدري ياخوي شكثر سعادتي فشوفتك
فواز بحب:انا اكثر يالغاليه وكمل بضحكه:وراح اخليك تملين من مقابل وجهي كل يوم وانا طاب عليك
حصه :بالعكس بستانس اكثر
وضحكوا
حصة بأهتمام قالت :ألا مرتك وين ليش ماجت
فواز بخجل لان ندى اصرت تروح لأهلها اول:عند اهلها وتقول راح تجيك ان شالله

حصة عارفه ان ندى ماتحب تجي عندهم بس ساكته قالت :ان شالله

فواز بغيرالموضوع:ألا شخبار شهد ماكلمتيها
حصه :ألا امس كلمتها وهي بالطبيب مانعها من الحركه

فواز:الله يرزقهم وكمل بفرح:ألا وين حمد ببارك له

حصه بسعاده:طلع هو مرته عند اهلها
تذكر سند ومرته:ألا وين سند ماشوفه
حصه بضيق:والله مادري طالع من الصبح ولاشفته وادق عليه مايرد
وكملت بقهر:وسألت وجه النحس الي عنده قالت مادري انا مادري هي وش فايدتها اذا زوجها ماتدري عنه

عند سحر

ادخلت بيتها وكانت حاسه بحزن في قلبها ودها ان الله رازقها بجنين بنت لكن هي ماتعترض على حكمة ورضت بقسمة ربها

خالد الي كان عارف بأمنيتها للبنت بس هالشي مو بيدهم بيد رب العالمين
وكان منقهر لان سحر تصرف تصرفات تقهره مرات مع اعيالهم فخاف انها تكون تفرق بين البنت والعيال بالمستقبل اذا الله رزقها قال بنرفزه:جهزي لنا غدا على بال مااخذ لي شاور

سحر بتعب لانها فعلا حاسه بثقل الحمال قالت:بقول لخدامه تجهزه انا تعبانه وبنام

وقامت بتمشي بس وقفها صوته
خالد زاد قهره وتوقع نومتها هروب من الواقع قال بنرفزه:انتي وش صارلك كل هذا عشان سالفة الجنين

سحر انصدمت منه هي مو لهدرجه ساذجه وغبيه عشان تزعل من هالشي

كمل بقهر:ترا بأسلوبك هذا تبينين لي انك سخيفه

سحر بغضب لان خالد تمادا وقعد يزفها بدون سبب قالت: انت الي اشفيك علي
خالد بغضب:اسألي نفسك داخله ماده البوز انتي ناويه تعترضين على حكمة الله

سحر ماقدرت تحمل اسلوبه معاها وراحت لغرفتها تصيح

خالد مسك نفسه بالغصب وجلس يحاول يهدي عصبيته

سحر رمت نفسها على السرير تصيح هي موفاهمه سبب عصبيت خالد وليش يكلمها بهالأسلوب الزفت

شافت عبود ولدها داخل عليها كان يبي اشرطة الدي في دي
عبود:ماما
سحر اقعدت وحاولت انها تخليه ماينتبهه لها
ماتبي اعيالها يحسون باي شي بينها هي وابوهم

عطت عبود الأشرطه وقالت بحنان:عبود حبيبي قول لجولي تجهز لك انت واخوك شنطه بروح بيت امك العوده

عبود بسعاده:زين وطلع وكان على طلعته داخل خالد وسمع الي قالته

خالد صج جاهل وبزر مدري متى بتكبر هالحرمه قال بجفاف: خلي العيال لاتاخذينهم

سحر بقهر:ماقدر اخلي عيالي ورجاآ متى ماحسيت ان نفسيتك وعصبيتك هذي هدت دق علي عشان اعرف اتفاهم معاك لان انا الحين مو مستعده لأي نقاش

وطلعت وخلته وهو كتم غضبه بنا على طلبها

عند حصه
بعد ماراح فواز طرت عليها عهد و
كانت شابه ضو صار لها ساعه تدق على سند بس مارد عليها كانت مصممه تقول لسند عن كل الي قالته عهد واشلون اتهمته بالمرض وانه ماهو رجال كانت مستعده تألف من عندها بس تشوف عهد متضرره

بعد مايأست في انه يرد عليها وقفت الدق وهي حاطه في بالها ماتوقف تستمر بالي هي ناويه عليه

بعد فتره وهي جالسه تأمل فجر الي تلعب عندها
تنهدت بضيق قلبها أكلها مشتاقه لشهد حيل

خاصة وان صار لها اسبوع من دخلت المستشفى وسوت الأنابيب كانوا مانعينها من الحركه لمدة اسبوع

ضاق خلقها بتموت على شوفتها وهي مطوله بالخارج فكان فهد زوج شهد يلح عليها تجي هي وفجر لو اسبوع لان قعدتهم مطوله

وقال لحمد هالكلام بس حمد ماناقشها لانه انشغل بحمل زوجة
الي فرحت حصه حيل بسماع هالخبر

لكن حصه فعلا كانت ناوية تروح لشهد لانها اشتاقت لها وتبي تطمن عليها

اشتاقت تسمع صوتها وقررت تدق عليها

عند عهد

كانت مع نور بالكافي قالت لها نور عن كل الي صار وقالت لها ان امها مصره على رايها وراح تغصبها
على غانم

عهد حست بضيق لسماع سالفة نور
قالت :خلاص يانور وكلي امرج لربج وارضي بغانم واخذيه

نوربقهر:اخذه الله وفكني منه

عهد بتنهد:استغفري لاتدعين على الرجال
مايجوز
نور بضيق:والله من كثر مانا منقهره قمت ادعي اخاف الدعوه ترجع لي
عهد بنفس الاسلوب:وش بيفيدج اهلج وقالوا لج ان زواجج من غانم بيتم لو بالغصب

نور بيأس:هذا الي قاهرني وكملت بغضب: بس خل يزوجوني له غصب راح اجننه
لين مايطلقني

عهد بدون لاتحس:وان صير شلة مطلقات

نور انصدمت عهد ماقالت لها شي لان هي ماعطتها مجال تفضي استلمتها بسالفة غانم وخافت لاتكون هي السبب عقب امس:ليش تطلقتي

عهد بحزن:اي
نور بنرفزه:اي ليش وش صار
عهد بتنهدوهي تسند على الكرسي: ماصار شي بس حنا من البدايه زواجنا غلط
وكملت بضيق:هو مايبي الزواج من الاساس وحس انه تورط فيني
قام يحط حرته وقهره كله فيني بس عشان ينفرني منه وانا نافره منه من اول ماعرفت انه مغصوب علي من قبل لاهو يصرح لي بشي

نور بضيق:ياقلبي والله ان الي مايتسمى سند هذا مايستاهلك

عهدتبي تنسى هالسالفة ماصدقت تفتك من سند بأهتمام:نور حبيبتي انتي لاتحكمين على غانم ألا بعد العشره لان كل الي نقال والي سمعتيه يمكن موصحيح

نور بقهر: اي عشره واي بطيخ انتي من صجج تبيني اخذ غانم هالمعقد
من غير لااسمع من احد انا عارفه بطباع غنوم

عهد التزمت الصمت ماكان بكيفها كان غصب عنها لانها ماتقدر تبرر لنور شي

قالت تغير الموضوع :ماودج تروحين الدوام على الأقل ناخذ اذن

نور بضيق :خلاص قومي قبل لاينتهي الدوام

عند سند

فز من نومة بسرعه عقب شاف الساعه مومصدق انه كان نايم كل هالوقت

حس بالضيق خاصة ان طافه صلوات الفجروالظهروالحين على وشك العصر

دخل الحمام يتسبح عشان يصلي

بعد ماصلى صلواته الي طافوا اخذ تيلفونه وشاف 6مكالمات من امه
استغرب وتوقع انها تحاتيه وان عهد ماقالت لها انه بالشاليه فقرر يدق عليها

من اول اتصال جاه الرد بسرعه
حصه بخوف:الو

سند بهدوء:هلا يمه

حصه :سند وينك يمه ليش ماترد
سند بخجل:اعذريني يالغاليه كنت نايم ولاحسيت فيه
حصه بصدمه:نايم وين ماكانت تدري انه بالشاليه
سند :بالشاليه يالغاليه وكمل بأهتمام::عهد ماقالت لك

حصه بقهر:لا ماقالت حسبي الله عليها تدري عنك وتشوفني احاتي وساكته
سند برود:حصل خير
حصه بقهر:اي خير يجي من ورا بنت ضحوه
وانت ليش رايح وتاركها تسرح وتمرح لاحسيب ولارقيب
سند بنفاذ صبر:يمه وش الي تبينه منها خلاص عهد انا طلقتها وراح اتروح بحال سبيلها

حصه بصدمه:متى وليش
سند :امس وانا جالس بالشاليه على ماقول لأخوك فواز يجي وياخذها
حصه بقهر:لا ماتروح لفواز وبتم تحت سيطرتي حتى لو طلقتها

سند بغضب:مو بكيفك ولاتنسين هي تجاوزت السن القانوني يعني مالك حق عليها
حصه جنت جنونها خاصة وان سند صرخ بوجهها عشان عهد

وسند ماحس بنفسه لما دافع عنها

كأن الضمير عنده صحى بس للأسف متأخر

عند فواز

كان مشغول في ترتيبات بيته ويجيب الناقص لان صار لهم سنين ماسكنوا فيه بس يجونه اسبوع ويسافرون

كان واقف مع العمال الي يعدلون الزرع
انتبه للي جاه وكان سند
فواز بشوق راح له لان صار لهم فتره ماشافوا بعض

بعد السلام قاموا ياخذون اخبار بعض
فواز بخبث:شكلك قطعت الدوره الي بالخارج وجيت تجلس عند مرتك
سند بضيق:وانت الصادق جيت عشان اطلقها وارجع
فواز بقهر:تطلقها اي ليش وش هي مسويه بنت ابليس وانا مستعد أدبها لك
سند برود:ماسوت شي بس انا مابي الزواج من اساسه
فواز بغضب:انت صاحي ياسند في احد يسوي الي انت تسويه
انت انسان مريض ولازم تعالج
سند عصب وقال وهو ماسك غولت فواز ويهزه:انا مااسمح لك تقول عني مريض انا اخبر بنفسي منك ومن عشره من امثالك وتركه بقرف وكمل وهو طالع: بنت اخوك معاد لها قعده عندي فبرسلها لك من الليله

وطلع وفواز جلس على الكرسي يتنفس بصعوبه كان على وشك الموت بيدين سند بسبب زلة اللسان ندم عليها

عند ام ماجد

قالهم غانم عن قراره يبي العرس بأقرب وقت ممكن
فكانت تحاتي اشلون بتقول لنور هي على موضوع الخطبه شنت حرب عليهم فشلون لو درت بالعرس

الي بعد اسبوعين استغربت من غانم من عطته الموافقه وهو جايب المهر وحاجز كل شي كأنه مقرر هالشي من زمان

حتى جناحه قال لهم اني مجهزه وخالص وكان يلح على خالته تجي تشوفه واذا في شي ناقص يحطه

بس هي الحين معقدتها نور ورفض نور

شافت نور داخله عليها وكانت بتروح سيده لغرفتها
ام ماجد بجفاف اول مره تستخدمه معها:لاتوقعين انج بفعايلج هذي بخليني اوقف العرس لايانور يكون بعلمج راح يزيد اصراري لاني اكتشفت اني دلعتج حيل ومحد راح يتحملج مثل غانم

نور الي حاسه بقهر طول عمرها دلوعة الكل والحين امها تعايرها قالت:خلاص بشوف اذا هالغنوم تحمل او لا
امه براحه حست انها تقبلت الموضوع شوي:صدقيني يانور غانم مافي منه وبتشوفين

نور اي باين قالت بقهر:الي يسمعج يقول تشاوريني مو كأنج مقرره كل شي وخالصه معه
امها بنفاذصبر:لاوزيدج من الشعر بيت جهزي عمرك عرسك بعد اسبوعين الرجال مستعجل وانتي مأنتي صغيره عشان ينطر
نور بصدمه:يمه
قاطعتها:ولا كلمه ملكتج باجر ومهرج كاهو جابه لي غانم تو فحاولي تخلصي الاشياءالضروريه

نور ماتحملت وطلعت لغرفتها تصيح

اما امها فمسكت نفسها عشان هي تبي مصلحتها

عند عهد
كانت بالشغل وحطوها عند دكتور ثاني اخذ مكان نور لانها بتاخذ اجازه

بعد ماخلصت شغل وكان عندها بريك ساعه جت بتروح لكافي حق المستشفى بتشرب قهوه ولاتصادف الدكتور ناصر ماتبي تقابله لانها حاسه انه حيل مصخها بالأهتمام فيها

عهد بتنهد: وانا متزوجه كان حيل مهتم فيني عاد لي عرف بطلاقي شبيسوي
مرت من عنده بتروح بس ناصر وقفها
كان في جوله طبيه وشافها بروحها وهو عارف انه نور خذت اجازه فحب انه يصارحها بالي يخفيه عنها والي هي فسرته غلط

قال بأهتمام:ممكن تجين لمكتبي ابيك بموضوع
ومشى قبل لاتعطيه رد
عهد بخوف لايكون عرف بطلاقي لا مستحيل وقررت تروح وتشوف اخرتها مع هالأنسان هي اكرهت الدوام والشغل بسبة اهتمامه الزايد

مرات تحس انها منحوسه ايام ماكانت بشغلها قبل كان دكتورها مأذيها بالشغل والمدير ماكان عارف بشي طبعا لانه ماهو فاضي لمشاكل الموظفين عنده فكانت تمنى لو انه يحس ويعرف انها مظلومه
لان ماكانت عندها الجراءه انها تدافع عن نفسها كونها خايفه من تشويه سمعتها وانها ماتزوج اما الحين عقب جربت الزواج واكرهت الساعه الي تزوجت فيها بسبب سند وماجاها منه
فصارت تقدر تدافع عن نفسها ومعاد يهمها شي لان الي جاها كافيها فلازم توقف ناصر عند حده حتى لو طردها ماهمها
حتى لو قالوا عنها اي شي اهم شي تكون هي راضيه

عند غانم

كان جالس بجناحه ويتخيل نور معاه بنفس المكان وبنفس السرير بكل شي راح تشاركه فيه
قطع عليه دخلت سعود ولده
سعود كان جاي يناديه على العشا وشافه سرحان قال ببتسامه:وينك يانور تجي تشوفي وش انتي مسويه بأبو سعود خليته يسرح ويفكر بس فيك
غانم بيقهر ولده قال:كيفه فكري حلال لها وحتى عقلي
هم بعد حلال لها

سعود بضحكه:هين ياغنوم ان ماقعدت على جبدك انت ونور حقتك هذي وماخليتكم تخذون راحتكم ماكون سعود

غانم قام بيخنقه وقال بنرفزه:أيا هالهيس الآربد حاسدني على حلمي الي ماصدقت تحقق

سعود انحاش قبل لايمسكه ابوه وقال وهو ميت ضحك: بتشوف ياغنوم ان ماجننتك

عند عهد
كانت في مكتب الدكتور ناصر وتسمع كل كلامه الي قاله
حاسه بالخجل ولامت نفسها حيل مو معقول الي تسمعه
مومصدقه كل الي انقال حاسه انها بحلم وباي لحضه بتصحى

عهد ماعندها اي كلمه تقولها
ناصربحنان:عهد اعتبريني مثل ابوك واي شي تحتاجينه انا جاهز وكمل بحزن:المرحومه امك كانت غاليه عندنا

عهد هي عادفه بقصة امها مع ولد خالها الي خطبها وكانوا يحبون بعض بس ابوها رفض بعد ماجاه ابوعهد وطمع بأملاكه كونه ولد غني لكنه طاح بجبده فأهله تبروا منه وطردوه
عهد بحزن لسماع ذكر امها:ماتقصر يادكتور والله اني حاسه بالخجل من تصرفي معاك وكملت بضيق:ماكنت اعرف سبب هالأهتمام وكنت خايفه لايكون هم ثاني لان الدنيا ماقصرت معي

حس انها تعيسه بحياتهاوتعاني قال بحنان:عهد سبق وقلت لك اعتبريني ابو لك فاذا كنتي تواجهي مشاكل قولي لي يمكن اقدر اساعدك
عهد بخجل وهي توقف بتطلع:ماتقصر واستأذنت وطلعت
مهما كان ماتبي تنكد عليه بمشاكلها من اول معرفه لها فيه وانه من ريحة الغاليه امها

كانت ادموعها تذرف بدون توقف لان كلامه وحنية ذكرتها بأمها

اركبت مع الأجره عشان ترد لبيت
ماحست بنفسها ألا وهي تضغط على رقم ام فارس اشتاقت لها حيل كل مااخذها الحنين لأمها لجت لها لانها كانت اخت لها

كانت بس تبي تسمع صوتها جاها الرد
ام فارس اعرفت الرقم وبسرعه ردت لانها صارلها فتره ماشافت عهد من اشتغلت وهي ماقامت تجي لهم
ابد

قالت بشوق:الو
عهد تضغط على شفايفها وتشهق ماقدرت حتى تنطق بحرف
ام فارس بخوف:عهد يمه اشفيج ردي علي
عهد بشهاق:مشتاقه لها حيل ياخالتي
ام فارس عرفت وقالت:اطلبي لها الرحمه يالغاليه وكملت بحنان:انتي وينج الحين
عهد بشهاق:واصله البيت وكملت :يمه تعالي لي ضروري سند طلقني وانا مستحيل اعيش عندهم بعد
ام فارس بصدمه:طلقج
عهد :اي
ام فارس صح كانت منصدمه بس في نفسها ارتاحت لان عهد مومرتاحه معه من البدايه بس كانت تخفي هالشي عنهم لكن هي حاسه وساكته احتراما لرغبتها قالت بنرفزه:ابرك لج لان هالسند انا مارتحت له من البدايه احسه حقير مثل امه

عهد بحزن:يمه انطرج لاتنسين تجين
ام فارس :ان شالله يمه جايتج
وسكرت من ام فارس وانزلت كان لها فتره واصله بس كانت اتكلم فمانزلت
وبعد مانزلت وحاسبت التاكسي ادخلت
واجهت سهام الي جت لها بشوق

سهام كانت مشتاقه لشوفتها بتبشرها بحملها بنفسها
مع ان عهد كانت حاسه وهي الي نصحتها تحلل

سهام بحب:وينج يالظالمه من امس وانا ماشفتج وكملت بلوم:تصدقين كارهه شغلج الي بعدج عني وصرت قليل ماشوفج

عهد بحب صادق وهي تحضن سهام :وهذاني عندج وش كنتي تبين كانت متضايقه لانها بطلاقها راح تفقد سهام وحمد وبعد شهد انزلت منها دمعة شوق لشهد من زمان عنها حتى رقمها ماقدرت تاخذه لامن سند ولا من امه
سهام بعدتها وكانت بتكلم بس انصدمت بدموع عهد وقالت بخوف:عهد اشفيج وكملت بقهر :لا الي قاعد يصير ماينسكت عنه ابد

وكملت بقهر:انتي لازم توقفينه هو امه عند حدهم و
قطع عليها صوته:من الي بتوقفينهم عند حدهم ياسهام

التفت عهد وسهام وانصدموا كان حمد وزادت صدمتهم ان امه وراه بعد وقالت بقهر:ردي ليش ساكته قولي لزوجك من الي بوقفينهم عند حدهم

سهام بدون خوف:انتي ولدج بالي تسوونه بهال

ماحست ألا والكف الحار بوجهها عهد بعدته عنها وحضنت سهام الي قالت بقهروعينها على حمد وامه :لاتوقعون اني بكون مثل هالمسكينه الي شافت الويل منكم وساكته لا ياحمد انا هالكف راح اخذ حقه مضاعف منك ومن امك وانا رايحه لبيت ابوي وألتفت على عهد وقالت بحب وهي تضغط على كتوف عهد:عهد اتمنى انج تسمعين كلامي وجت بتروح بس عهد قالت بخوف
وتوتر:سهام تعوذي من ابليس واجلسي لاتهدمي بيتج بسبتي

كانت مستحيه من حمد ماتبي تضره وهو عمره ماضرها بشي وكملت برجفه:وانا ماسكت عن سند والدليل طلاقنا

الكل انصدم ألا حصه الي عارفه وقالت بقهر:كل الي يصير بسببج يابنت ابليس انتي وجهج نحس من دخلتي هالبيت والمشاكل كثرانه فيه

عهد بضيق:ابشرج يا حاسه بصعب الكلمه ماتقدر تنطقها وكملت بضيق:ام سند راح اطلع من هالبيت ومن اليوم بعد

سهام بضيق بس كانت سعيده لان عمايل سند مع عهد قاهرتها قالت:خلاص امشي عندنا بيت أهلي و

حمد بقهر سهام مومعبرته لا هو ولا اهله خير شر قال بقهر:سهام طلعه من هالبيت مافيه وكمل :وانتي ياعهد وش الي صار بنك وبين سند عشان يطلقك

سهام بقهر:وش الي ماسواه اخ

حمد بغضب:سهام وعهد امسكتها تسكتها ماتبيها تشد مع حمد

حصه بغضب:ماهي طالعه من هالبيت ولا تفكري بطلاقج من سند انج بتعيشي بعيد عني وكملت بقهر مكبوت وغامض الكل انصدم منه ألا عهد لانه ماهو غريب عليها بس ودها تعرف السبب:بتمين تحت رحمتي يابنت سويلم لين مااشفي غليلي منج

حمد وسهام انصدموا وعهد قالت بهدوء ومن داخلها تغلي من القهر:بشوف وش ممكن تسوين ومشت من عندها

حصه بصراخ:بوريك ياعهد الزفت

حمد بقهر:يمه
التفتت له وقالت:وصمه وكملت بغضب اول مره تشوفه سهام من سكنت عندهم:واذا فيك خير سنع مرتك هالي طال ألسانها بعد ماحملت

سهام انقهرت وطلعت لجناحها كانت مقرره ماتقعد عقب الي صار لها

وحمد قال:انا الي ابي افهمه شي واحد بس انتي وش الي مستفيدته من عذاب هالمسكينه عهد ألا اذا كان قصدك تاخذين بثأرك من خالي

حصه بقهر وهي تجلس وتنفس بسرعه حاسه بضيق:محد راح يفهمني كانت تحاول تهدي نفسها

حمد خاف عليها قال :يمه هدي الحين وبعدين انتفاهم

امه بقهر:ماني بهاديه وروح شوف لي سند وينه

عند ام فارس

كانت ناويه تروح هي وسحر الي جت عندهم كانت حاسه ان في شي صاير لسحر بس توقعته من اثر الوحام

وانها جايه ترتاح عندهم سحر بقهر:الي مايستحي على وجهه طلقها ولد امه

ام فارس براحه:افضل لها انا قلبي مو متطمن على عهد من اخذت هالزفت سند

سحر:كل الرجال نفس الشي بس همهم راحتهم والحرمه بالطقاق

ام فارس بستغراب:اشقصدج

سحر بتنهد:ماقصدت شي وكملت :يالله خل نمشي لانتاخر على عهد

وطلعوا

عند سند دخل القصر كان رايح يأكد على حجزه بيرجع بعد بكره

وازعجه حمد بكثر الدق يقول امي تبيك ضروري هو عارف وش تبي شاف ام فارس وبنتها داخلين القصر قبله انقهر اكيد عهد قالت لهن بس مستحيل تسكن عن الغرب وعمها موجود اخ ماقاهرني ألا هالعم وبرودته

دخل البيت وكانت امه واقفه مع ام فارس وسحر وشاف عهد نازله لهم بسرعه حس بحزن يوم شافها وكانه مايبي يفقدها

ام سند بنرفزه:هذ هو سند جا وكملت بحقاره:وراح يقول لكم انه ماطلق ولا هو مطلق بنت خاله

بس كان يسكتها لان عهد شايفه لها شوفه وتبي الطلاق

عهد بقهر:جب ولا كلمه وبعدين ماهو انا الي ينقال عني هالكلام
سند جا بيرد وسكته عهد :وانت لاتوقع اني برجع لك احنا انفصلنا خلاص فقول لامك تتركني بحالي افضل لها

وقال بنرفزه:ومن قال اني ابي اردك اصلا وكمل بقهر:بس وين ناويه تروحي مع هالناس
سحر بقهر:احترم نفس وحنا اهلها

سند بسخريه:اهلها

عهد بقهر:اي اهلي ولا انتم مانتم اهلي ولا اتشرف ب

سند قرب بيطقها بس هي قالت بسخريه وزادت من قهر حصه الي تبيها تنطق:عيب ياسند انا ماني بمحرم لك تلمسني وتطقني

سند انقهر وقال بغضب:اشوف طال ألسانك ياعهد وشكلي بندم اني طلقتك

حصه بغضب:انا من اول اقول لك بس انت مو مصدقني

وكملت بخباثه:انا عارفه ليش تبي الطلاق اكيد لاقيه لها واحد

عهد ودها تذبحها لان ذبحها حلال بس ماتقدر
ام فارس بغضب :الزمي حدودج يام سند وعهد بنتي وانا ماسمح لج تمسينها بشي وكملت وعينها على سند:وعتقد ان الي بينك وبين عهد انتهى وعهد بتروح معي لين ماتوصلها ورقتها

مسكت كتفها وقالت بحنان:امشي يمه معاد لج قعده عندهم

سند بنرفزه صح ان كلام امه قهره ودخل في قلبه الغيره والشك بس مابين وحصه بيغمى عليها من برودت اعصابه تبيه يرجعها باي شكل كان:صح ان ماله قعده هنيه بس بتعيش بيت فواز عمها
مو عنك يالغريبه

عهد بقهر:هذي امي ماهي غريبه
سند بعناد ولعانه:امك ماتت يعني بح بح كان يطالع بعيونها الي دمعت ماحس بنفسه ألا وهو صاد عنها وطالع فوق لانه تذكر سعاد حتى هي ماتت وكل من مات ماله رجعه بس عهد البزر افضل مني لانها لقت لها البديل عن فقدان امها وعوضت نفسها فيه اما انا فمازلت رافض البديل

عهد اطلعت من البيت وهي تصيح وكانت ام فارس وسحر يهدونها
عهد بحقد:اكرهه اكرهه عساه الموت

سحر برجا:امين

امها بغضب:استغفرو لاتدعون عليه بالموت يرجع عليكم

عهد بشهاق:ابرك لي من هالعيشه وصاحت وحضنتها ام فارس تهدي فيها وتقرأعليها

عند حمد

كان يحاول فيها وهي معانده ألا تروح لبيت اهلها حمد بتوسل :سهام يا

سهام بغضب:اذا منت موديني تراني اسوق واقدر اروح بروحي

هو كان مانعها من السياقه من حملت

حمد بتنهد :بوديك بس اليوم وباجر بجي اخذك واتمنى انك ماتدخلنا بمشاكل غيرنا
سهام بصياح :بس انت مديت يدك علي وقدام امك حمد قرب لها وحضنها وهي كانت جالسه بس قعدت تطق صدره

وتحاول تبعده بس هو حضنها بقوه وقال بحب:اسف ياقلبي بس انتي تماديتي بأسلوبك مع امي

سهام كانت قاهرها كل الي صار وقهرتها حصه بقوه وحست انها بدت تكرها مثل عهد تمت بحضن حمد تبجي وهو قعد يحضنها ويبوسها عشان بس تهدأ

اسيرة قلبه

04 - 08 - 2009, 03:52 PM

يعطييييييييييييييييييييك العافية

و بلييز لا تطولي علينا (:

شموخ طفله

14 - 08 - 2009, 11:10 PM

يــســلـمـوا قلبوو على النقل والقصة مرررررة نــااايس بليز لاتطولي علينا
تحياتـــي ..
شموخ طفله

طموحي عالي

16 - 08 - 2009, 02:55 AM

الرابع عشر

دخل جناحه وكان يبي بس يختفي عن الكل ويختلي بنفسه كان حيل متضايق موعارف ليش هذا الي يبيه فراقها ليش يتضايق المفروض يفرح
شاف الخدمات طالعات وكان معاهن شناط عهد حس بضيق بيرجع يعيش وحيد بهالمكان الي نبض بالحياة بوجودهاو الي حس انه بيصير موحش عقب ماتركته
بس الي مريحه انه هو بعد بيسافر وماهب جالس هنيه
لين مايتعود ويحس انه تقبل موضوع طلاقها

بعد ماطلعن الخدم سكرالباب وقفله ماله خلق احد خاصة امه حاس انها بتجي وتكمل عليه بسالفة عهد

وفعلا قبل لايدخل غرفة انطق الباب بشكل متكرر
سند بغضب:من
توقع امه او الخدم ناسين شي بس انصدم طلع حمد
حمد بنرفزه:انا افتح
كان جاي بيفهم السالفه من سند نفسه ليش طلق عهد وليش يعاملها بجفاف سمع من سهام عجب العجاب وحس بالخجل من تصرفاته هوعارف برفضه لزواج لكن مولهدرجه انه يحرم نفسه من زوجته ويعذبها عشانه مغصوب عليها

سند بدون نفس فتح الباب ولف بيروح لغرفة
حمد شافه صاد وقال بعد مادخل
حمد بنرفزه:تقدر تفهمني انت ليش طلقت مرتك
سند كان متضايق ماهم فاهمينه بس قاعدين يلومونه قال:ماكنا متفقين من البدايه وكله نتهاوش
حمد بقهر:وين بتلقى الي تتفق معك وانت على هالحاله
سند بق عيونه دلاله على غضبه وكان ممكن في اي لحضه يموت حمد بس حمد لحق الموقف وقال برجا يخالطه خوف:سند ياخوي انت لازم تنسى المرحومه سعاد وصدقني انك تقدر اذا عطيت نفسك فرصه مع عهد
وكمل بتنهد عقب شاف سند استكان وقام يزفر بقوه عشان يبعد الغضب عنه:عهد بنت حلال واكيد بتساعدك

سند بقهر:عندك شي غير هالكلام
حمدبرجا:سند ا
قاطعه بغضب وهو رايح لغرفة :اذا ماعندك شي فرجاآ انا دايخ وبنام وطنش حمد ودخل مايبي ينجذب لكلامه يخاف يضعف ويرجع عهد

وهو حاس انها سعيده اكثرمنه بسالفة الطلاق
تنهد معقوله كلام امي صج انها هي شايفه لها شوفه
استغفر ربه لان الوساويس قامت تلعب براسه

وراح داخل بينام

وحمد عرف ان مامن قعدته فايده وان سند لايمكن يسمع له فطلع من جناحه وسكر باب جناحه مثل ماطلب منه

بعد اسبوع

عهد بالموت رضى عمها تجلس عند ام فارس هالاسبوع بس وكان ناوي يجيها وياخذها تسكن عنده
لان سند ازعجه من كثر الزن انه يجيبها غصب ومايتركها عند الغرب

وهي ماكانت راضيه بس حكم القوي على الضعيف اخلصت من عمتها وبطشها وطاحت بعمها
شكلها بتم طول حياتها تدفع ثمن غلطة ابوها

بس حاسه ان فواز ارحم من حصه لانه سمح لها بالقعده عند ام فارس هالاسبوع لان هي كانت بحاله سيئه حتى الدوام اخذت اجازه اسبوع

كلمت ناصر الي اعتبرته ابو لها وعطاها وقال متى ماتبين تداومي تعالي ومعاشك ماشي سوا داومتي او لا

ماتدري شالي فيها زواجها من سند وطلاقها منه

خلاها تحس انها ولاشي وانها ناقصه سند بالاشهر الي طافوا وعيشتها معاه خلاها تحبه وتعلق فيه وفي شخصيته حتى جبروته وعصبيته كانت تعشقها
تحس بالغيره والحسد حتى من زوجة سعاد الميته لانه صان عشرتها ومااخذ وحده ثانيه عقبها مرات تمنى لو هي سعاد

كانت بغرفة سحر وتجهز باقي اشناطها بعد فتره جت لها سحر

سحر بتعب اجلست وقالت: خلاص معند عمج ألا تعيشين عنده
عهد بود:اي وكملت بحب:وبعدين انتم ماقصرتوا لي متى بتحملوني
سحربغضب:لاتقولين هالكلام عهد حنا خوات وامي معتبرتج بنت لها وانتي عارفه

عهد بحزن:والله اني عارفه هالشي والشاهدالله اني ماعتبركم ألا اهلي حتى أهلي الصج ماوصلوا لغلاكم عندي

سحربحنان: خلاص دام جذي اجل لاتقاطعي وخلينا انشوفج علأقل كل نهاية اسبوع

عهد بتنهد:ان شالله بحاول
سحربأهتمام:ألا صج شخبار الدكتور ناصر وكملت بسعاده :ماتدرين شكثر بفرحت لما طلع من اهل امج
عهد برود:ماعليه وماقصر بسالفة الأجازه وقال متى ماتبين داومي
سحر بسعاده:الله يوفقه وكملت بخبث:متزوج
عهد افهمت تلميحاتها وكانت حاسه بالضيق مستحيل ترتبط بأحد عقب سند عقبه عافت كل الرجال الزين منهم والشين
قالت بقهر:مادري عنه وبعدين الرجال كبرابوي ومعتبرني بنت له مافكر بالي في بالج
سحربحب:ماقلت شي بس بسأل وعرف
وكملت بسرحان:يمكن بعده يحب المرحومه امج وماتزوج ولما شافج قرر ياخذج لانج نسخه منها
عهد بغضب:سحر شكله خالد معه حق لما زعلج انتي صايره مغثه مع هالحمل
سحربقهر وهي بتطلع:هين ياعهد بشوف واشلون بتحملين فراقي
عهد برجا:لاتكفين اضحك ماقصدت
سحر عارفه بس هي حز بخاطرها طاري خالد صارلها اسبوع مادق ولاشي مع انه كل يوم جاي يأخذ عياله ويشوفهم

بس ماكان حتى يطلب يشوفها
وامها حاسه وساكته وهي قالت بس لعهد عن سالفتها
قطع عليها عهد بحزن:سحر عفيه لاتزعلين وال
قاطعتها عهد حساسه بشكل ماتحب احد يزعل منها حتى لو هو الي غلطان قالت :مازعلت وعجلي ترا مابقى على جية عمج شي

عهد براحه:ان شالله

عند سند

رجع لشغله برا وحس انه بدأ يتأقلم شوي على سالفة الطلاق مع ان جلسة عهد عند ام فارس قاهرته خاصة وان عندها ولد للحين ماتزوج

كل مره يلح على فواز يجرها لو بالغصب بس قاهره انه متفق معها تجلس بس اسبوع
لانهاقايله له انهامتأزمه من طلاقها
حاس بالقهر اشلون اقدرت تضحك عليه بهالسالفه هي الي كانت تبي الطلاق اكثر مني بس مشت على فواز هالجذبه لانه عارف برفضي لزواج

اخ احسها اقهرتني وكل مازادت افعالها الي تقهر زاد تعقلي فيها اكثر واكثر

متى بنساها او اشلون وانا مابقى احد مالآمني على طلاقي اخواني وفواز من صوب امي من صوب بس امي انا عارف ليش تبي عشان تتم تحت رحمتها وتفنن بتعذيبها لانها بنت ضحى الي خلت ابوها يتبرأ من سالم احس ان الوالده تخيلها هي ضحى نفسها لانها يمكن تشابها لان تصرفاتها مو طبيعيه صارلها اسبوع زعلانه علي وماتكلمني حتى وهي مسافره عند شهد الحين ترفض النقاش معي بس مايهم انا اعرف بمصلحتي
تنهد وهو يتخيل شكلها وجمالها رغم انها فاتنه ألا انها مافيها ذرة غرور يمكن لان ابوها راعي خرابيط فماتقدر ترفع راسها ودايم منذله ومكسوره

اه ياكثر مادوختني بجمالها وكنت بالموت ماسك نفسي لااهجم عليها

ومرات يفتني ألسانها خاصه لي طال يحسسني بضعف واني على وشك الهزيمه ومااقدر اتحكم بمشاعري فضطر اطقها عشان بس تنحاش عن وجهي لا اتهور

اخذته الافكار لها وماحس بنفسه ألا وهو غاط بالنوم

عند نور

باقي اسبوع على عرسها ماتبي تسوي عرس تقول مابي فضايح خاصة وان هذا رابع عرس لغانم فقالت حفله صغيره بيتنا احسن

جهزت الأشيا الضروريه واضطرت تنشغل عن عهد بس كانوا على اتصال دايم وتعلمها بأخر الأخبار

ادخلت البيت كانت جاية من الصالون تأكد الحجز وتشوف ثوبها قبل الاستلام
اول مادخلت كشرت كان غانم جاي هو ولده سعود

ضاق خلقها شيبي جاي مايقدر يفكنا من وجهه لو اسبوع
علأقل عشان اتشوق لوجهه لليلة العرس
امحق عزالله بطول على ماحس بالشوق له هالشايب
تمت واقفه وسلمت عليهم برود كانت منحرجه من سعود
شكله محترم وحبيب عكس الزفت ابوه

غانم الي كالعاده يجي عند خالته ومعه سعود يسلم عليها
ابتسم يوم شافها داخله
حس بسعاده صارلها فتره مشغوله بالتجهيز
غانم تنهدبحب بعد ماردوا عليها السلام :اشلونك
نور بقهر:من الله بخير وجت بتروح

بس هو وقفها بصوته الي علاه بس عشان يسمعها:يمه اشفيها بنتك ضعفانه لايكون من التجهيز شكلها اذا جاالعرس تكون عظم وجلد بس

نور انحرجت الأخ مدقق فيها عدل وعارف هي فعلا ضعفت نفسها منسده ماتاكل بس مو من تجهيزها لحضرة جنابه لا لانها منقهره من زواجها منه

الكل سكت ولا رد ونور اطلعت لغرفتها بسرعه ماتبي تسمع منه شي

ام ماجدبعطف:خنت حيلي هلكانه من التجهيز
غانم بثقه:ليش ماتجلس والي تبيه تطلبه

سعود بطها ضحك ألتفت له ابوه وقال بنرفزه:شي ضحكك
سعود استحا من ام ماجد قال :ابد سلامتك ذكرت شي هو يضحك على انفعال ابوه وحرصه على نور الي مرات تقهره ماتحس بالي ابوه يسويه عشانها وتبين له كرهها له بدون مجامله

عند نور بغرفتها

رمت نفسها على السرير مو متقبله فكرة زواجها من غانم خير شر
ولا هي متخيله شكلها زوجه له هو صح انه مزيون ورزه والي يشوفه مايقول عنه بالأربعينات بس حتى كانت راسمه لها خيالات حلوه مع زوج المستقبل وعن اول لليله بعرسها بس كل هذا تبخر اول ماملكت على غانم

قطع عليها تليفونها كانت عهد

نور بحب:هلا عهد
عهد :هلا فيج اشلونج
نوربتنهد:بخير الحمد لله
واخذتهن السوالف وبعد ساعه

عهد بعجله عمها وصل وبتطلع له:مع سلامه نور وانا بحاول ازورج ان شالله بس يرضى عمي
نوربترحاب:حياج الله بآي وقت
وسكرت منها وحست بالجوع فقررت تنزل تاكل

اول مانزلت وجت بتروح صوب المطبخ شافت امها طالعه من المطبخ ومعها الخدامه بصينية فطايروشاي
نور بشفاحه:يابعد عمري جنج حاسه فيني اني ميته جوع

امهابحزم وهي تبعد يدين نور عن الصينيه:روحي للمطبخ اخذي هذا لغانم وسعود
نور منقهره امها تحب غانم وولده اكثر من عيالها حتى: عناد باخذ من حقه
ومدت يدها واخذت فطيره واجلست وقالت بغرور:كان ودي اخذه كله بس لان سعود هالمسكين بتركه لهم

ولا غنوم خساره فيه
امها مشت وقالت بتنهد:امشي ياريتا تأشرلخدامه وكملت:مابي اتكلم معاج لان الكلام معج فاضي

نور حمقت وراحت للمطبخ بتأكل ابرك لها

لان لايمكن احد يوقف بوجه امها قدام الدفاع عن غانم

في بيت فواز

دخلوا البيت وكان بستقبالهم ندى

عهد كانت تدعي من مشت من بيت ام فارس ماتبي تجربتها في بيت حصه تنعاد وترجع تعذب من جديد
ندى بحزم:حي الله من جانا
عهد بتخوف:الله يحيج
فواز بأهتمام:حبيبتي دلي عهد على غرفتها وخلي الخدم يجهزون العشا

وكمل وهو يلتفت لعهد:روحي لغرفتج ارتاحي على مايجهز العشا
ندى برود:تعالي اوديج لغرفتج
عهد بتحفظ :ان شالله راحت مع ندى وفواز اشر للخدامه تصعد شناطها فوق

هو حاس بالحزن على حال عهد مايبي يبتلش فيها فوافق على زواجها من سند على طول مع انه عارف برفض سند
بس كان يبي يرتاح من مسوليتها بس الله ماكتب لها ورجعت له
وصار مسوؤل عنها من جديد

اما عند عهد وصلتها ندى لغرفتها وكانت غرفة نوم وفيها حمام كانت على زاوية لظيوف اذا جاو لهم
ندى برود:اخذي راحتج واذا خلص العشا بناديج
عهد بأرتباك:مشكوره ماقصرتي بس لاتنطروني على العشا ماشتهي
ندى بأصرار:تبين عمج يزفني واذا موحابه تنزلي بطرشه لج هنيه
عهد بخجل:لا خلاص بنزل
لفت ندى بتطلع وقفها كلام عهد: لو سمحتي حست بالخجل هي حتى اسمها ماتذكره ولا ام شنو
ندى :اسمي ندى او قولي لي ام فيصل
عهد بتوتر:عاشت الأسامي بس انا كنت بسأل اذا تكلمي عمي وتقولين له عن دوامي لان من باجر عندي دوام

ندى برود:ان شالله بكلمه
وطلعت ندى ماهي معارضه على عيشتها عندهم بس كانت متخوفه من ان فواز يلتفت لها وينساها هي وعياله بس الي وضح لها من البدايه ان فواز مايبها تجي عنده ولايبي يتحمل مسؤليتها لانها بنت اخوه الي تبروا منه بسبب عمايله السوده

هي حست من بداية شوفتها لعهد بعرسها انها طيبه ولاهي راعية ألسان مثل ماتقول حصه لفواز دايم
بس خايفه انها تمثل عليها الطيبه وبعدين تكشف عنها القناع مثل ماسوت مع حصه
ماتدري ان حصه الي ظالمه لانها قليل ماتختلط معها وندى من النوع الصعب الي موبسرعه يختلط بالناس فكانت بالنادر تروح لأهل فواز

انزلت تحت ولقت فواز متسند على الكنب ومغطي عيونه
كسر خاطرها اكيد تعبان اشغاله زايده ماتخلص دوام وتصليح بيت والحين موضوع بنت اخوه عهد

مشت له بشويش ولماوصلت عند راسه اجلست على ركبها ومسحت راسه بخفه وقالت بهمس :حبيبي
فواز بأرهاق:ها
ندى بنفس الأسلوب ونفس الطريقه:تعبان امش لغرفتنا ارتاح
وكملت بضيق:انت على قعدتك من الصبح
فواز رفع راسه وألتفت لها قال بحب وهو ذايب فيهاوفي حنانها الزايد:خلاص بس امشي معاي ولي نمت روحي
ندى متفشله اشلون وعيالها وعشاهم ولا عهد الضيفه الي توها ماتأقلمت
عليهم قالت برجا وهي تمسح خده:حبي انت روح ارتاح وانا اوعدك اول مااخلص عشا عيالنا وبنت اخوك اجيك
فواز بضيق:يووه نسيت ان عندنا ضيوف
وقرب لها وباس خدها وقال بخبث:بحاول اقاوم النوم وانطرك بس استعجلي
ندى بخجل:ان شالله
اعتدل فواز وقعد وقال بتنهد وهو يرفع ندى ويقعدها على فخوذه:مشتاق لج حدي من جينا وحنا كل واحد منشغل عن الثاني
ندى بحب انا اكثر ياقلبي بس استحت تقول وقالت:عسى الله لايفرقنا قول أمين
فواز قرب بيبوسها بشفايفها ولا تسمع ندى صوت نعول جاي صوبهم فلحقت نفسها وبعدت بسرعه
فواز كان غاط ولاسمع قال بقهر:ندى متى بتخلين هالحركات وكمل بحزم:تعالي ببوسك
ندى غاصت بهدومها من الفشله وخاصة ان عهد دخلت على هالكلمه
عهد تلاحقت الموقف وقالت بخجل:سوري قطعت عليكم لامت نفسها لانها جت كان قعدت ابرك لها بس هم لزموا ألا تنزل تعشا وهذا هي خربت عليهم
ماكانت تبي تقطع خلوتهم
فواز بحيا بس تدارك الموقف قال:حياج ياعهد تعالي
ندى بخجل:بروح اشوف الخدم يجهزون العشا
فواز:احسبي حسابي بتعشا معاكم
طار عنه النوم وبيجلس مع ندى لين ماينامون

عهد اجلست بنا على طلبه ولا قدرت تنطق بحرف حاسه بالخجل
خاصة وان الي صار رجعها بذاكرتها لورا قبل ماتطلق من سند لما باسها غصب عنها هذي هي الشي الوحيد الي حصلته من سند ولو ان بوسته كانت بوقت مومناسب بس مازالت محتفظه فيها بعقلها
قطع عليها صوت فواز:انتي راجعه تشتغلين ممرضه
عهدبتوتر:اي
فواز بحزم:وليش كان عليك ناقص ولاسند مايصرف عليك اساسا
خاف من هالشي لان لوكان صج بيكون سند نذل وحقير بعينه
عهد بتخوف:لا هذا ولاذاك بس انا ابي اعتمد على نفسي

قال بنرفزه: بهالوظيفه الخايسه انا ماارضى انك تشتغلي هالشغله ماتصلح لبنت مثلك

عهد حزبخاطرها كلامه خاصة كلمة بنت حست انه عارف بنوع علاقتها هي وسند

قالت:هذا تخصصي وبعدين انا توظفت في مستشفى ثاني وعند دكتوره يعني ماختلط بالرجال حيل
ارتاح شوي ولو انه معارض قال بأهتمام:اذا تطيعيني اتركي شغلك وانا اعطيك كثر الراتب الي تاخذينه

عهد بأرتباك لانها مصره ألا تشتغل:اسمح لي ياعمي بس انا ابي وظيفتي وماقدر اتركها مهما كان
ووقفت وكملت بضيق:انا طالعه فوق احس اني نعسانه بنام كانت بتهرب منه تحس انه بيفرض عليها جبروته مثل ماكانت حصه تسوي
فواز بجفاف:اتركي عنك الدلع اذا قصدك الشغل خلاص براحتك داومي بس اجلسي تعشي
جت بترد بس وقفها دخلت ندى الي قالت:العشا جاهز تعالوا وطلعت ووقف فواز واشر لها تمشي وهي راحت معه حست براحه وستبشرت خير في قعدتها عنده لان معامله فواز لها غير عن حصه

صح انه مابين لها حبه بس كان رحوم وعطوف عليها عكس اخته تماما

عند سحر

عشت اعيالها وجهزتهم عشان ينامون
كانت منسدحه بينهم وتقص عليهم قصه
سمعت صوت مسج توقعته عهد هي ملزمه عليها تطمنها لو بمسج
افتحته بس انصدمت كان من خالد
وزاد صدمتها كلامه

كان يقول تجهز نفسها هي وعيالها ساعه وجاي ياخذهم

ماتدري شتسوي الوقت متأخر وامها نامت فشله تروح بدون لاتسلم عليها

بس ماتدري هي منقهره ولا فرحانه لان روحتها معه اسعدتها خاصة وانها اشتاقت له حيل
ومنقهره من تصرفه هذا قطع عليها صوت ولدها
براءه:يمه قولي شنو صار
كان يقصد القصه وسحر تخرعت بس ابسرعه استوعبت قالت بحب:حبايبي بروح اكلم بابا دقايق واجيكم
عادل وعبود براءه اقعدوا وقالوا:بنكلم بابا
عبود على وشك الصياح:ماما بكلم بابا
انصدمت اعيالها متعلقين بأبوهم اكثر منها صح يحبونها بس تحس حبهم لخالد اكثر توقعت انهم تعلقوا فيه حيل هالفتره بسبب حملها فكانت حيل منشغله عنهم
ارسلت له رساله وقالت لعيالها:بابا الحين جاي قلت له انكم تبونه
انقزوا من الفرحه وهي اضحكت على اشكالهم وبعده جاها مسج وافتحته هي كانت مرسله له انها موافقه وحبت تشوف شنو ارسل

بس كانت عهد (حبيبتي ابشرج انا بخير وعمي فواز وزوجته احسهم طيبين حيل قولي لأمي عشان لاتحاتي)
سحر افرحت وكانت على وشك النقزه مع عيالها بس امسكت نفسها لانها تذكرت حملها

وقفت وقالت لعيالها:قوموا ابوكم جا بروح لبيتنا
اعيالها طاروا من الفرحه وهي راحت تنادي خدامتها

اوصلوا بيتهم وطول الوقت وخالد مانطق معها بأي حرف بس كان يتحاشاها ومندمج مع عياله واهبالهم

هو حاس انه تمادى معها ذاك اليوم وبعد تركه لها طول هالأسبوع عند امها وبدون لا يكلمها
عشان جذي قرر يخذها من بيت اهلها بدون لايشاورها وبهالوقت المتأخر عشان يوضح لها حبه وشوقه بدون لايعتذر لان الأعتذار عنده صعب

دخلوا البيت وكان شايل عبود وعادل شايلته الخدامه ناموا بالسياره مومتعودين على السهر
راحوا بيصعدون فوق لغرفة العيال
سحر بأهتمام للخدامه:فصخي نعالهم
وكملت:وانتبهي لتكيف الغرفه لايكون بارد
هي ناويه تأكد من كل هذا بس مو الحين لي جت تنام لانها الحين بترتاح بالصاله تحت
حاسه برود في علاقتها مع خالد وماعجبها تعامله معها بس ماتبي تناقشه لان لو بتناقشه بيعصب و يمكن تضيع حياتهم ومستقبل عيالهم

صعد ولده وراح بدل ملابسه ونزل بيشوفها
ويحاول انه يعتذر بأسلوب غير مباشر

هي كانت مندمجه تراسل عهد وبعد ماخلصت قررت تصعد تنام ذبحها ظهرها من القعده
وقفت بتعب وهي حاسه بتعب نفسي اكثر من الجسدي
لفت ولا يصدمها وجوده من متى كان هنيه

محد قدر ينطق والكل ينطر الثاني يبدأ بس مافي أمل وقررت سحر تروح مرت من عنده بتصعد بس هو اعترض طريقها وقفها بيده

كان ماسكها بذراعها لفت بتشوف ودها ترجع علاقتها بخالد الي قبل ماتدري شنو الي قلب حاله
اول ماطاحت عينها بعينه قرب منها وشالها بخفه وهو يقول: خليني اوصلك تعب عليك الصعده
سحر بضيق:نزلني اقدر اصعد
كانت على وشك الصياح
خالد طنشها وقال بيقهرها:مراح انزلك وادري انك مغتاره من شيلتي لعبود فقلت اطيب خاطرك واشيلك
ماحست بنفسها ودفنت راسها برقبته وقعدت تشهق

عند شهد

طفشت من قعدته الطبيب وسمح لها تطلع بس ماترهق نفسها حيل وتتم على ظهرها وقت اطول عشان يثبت الحمل
كانت فرحانه بجية امهاوفجر عندهم
وطول الوقت فجر ماتفارقها بس جالسه يمها بالسرير وحاضنتها
كسرت خاطرها حيل افقدتهم وزعلت عليهم بس بالموت راضوها

لحت على امها تجلس اسبوع ثاني بس ارفضت حمد الي جايبها مستعجل بيرجع وقررت ترجع معه
اما فجر فبتجلس معهم لان جلستهم مطوله ومايبون يخلونها خاصة وان الحمل صار وبس باقي مراجعات الحمل مع شهد اما فهد فماعنده شي فبيهتم بفجر

شهد حاسه بالوحده امها اليوم رجعت وفهد طلع يوصلهم للمطار
كانت نايمه وجنبها فجر الي بسابع نومه
شافت فهد الي جا ابتسمت له
فهد ببتسامه بعد ماسلم:نامت

شهد :اي فديتها وكملت بحب: مارضت تنام ألا بحضني
فهد بضحكه :افا يعني انا مالي مكان اليوم
شهد بضحكه:لا بنتي اولى منك

فهد بخبث وهو يبدل ملابسه ويلبس له بجامه نوم:هين ياشهد
وجا صوبها وشال فجر بخفه وشهد كانت ميته ضحك على هبال فهد
وبعد ماحط فجر بالسرير الي حاطينه لها قرب منها وانسدح جنبها وقال بخبث:ها بنتك اولى ياشهد
وقرب لها وحضنها بخفه عشان الحمل وشهد مازالت تضحك قالت بدلع:خلاص وابوها بعد

عند سحر تركها خالد بالغرفه ودخل يبدل وهي تمت على السرير كانت تشهاق بصمت وهي منسدحه على طرف

بعد فتره طلع وكان ماخذ له شاور ولاف عليه الفوطه
اول ماشافها تنهد بضيق لي متى وده انها ترضى عنه خلاص مل من كثر ماهم بعاد عن بعض جا وجلس جنبها مسح على ظهرها قال بحب: سحر
سحر بصياح جلست وبعدته عنها بجفاف قالت: ابعد عني لا تلمسني

ماتدري ليش انفعلت بهالشكل كانت تبيه يراضيها مو يطنشها جذي

خالد بضيق: حبيبتي أشفيج علي وكمل بأسف:سامحيني ياعمري لو كان الغلط مني
سحر بشهاق:اي منك ناسي وش مسوي صارلك اسبوع محتقرني كأني مرتكبه جريمه بحقك
وكملت بصياح وهي تمسح دموعها:ابي اعرف بس وش الذنب الي سويته
كسرت خاطره ولام نفسه حيل قال بحنان وهو يسحبها ويحضنها غصب:ماسويتي شي وانا الي اسف وقعد يزيد من حضنه لها وهي كانت تقاومه بس هو كان0اقوى منها

كان يبيها تهدأ وترتاح لان الحين ماهو وقت تفاهم
بعد ماستكانت بصدره كانت تستنشق ريحة شامبوالجسم الي فايحه منه

هدت شوي وماحست ألا بشفايف خالد الي طبعت بوسته على جبهتها رفع راسها عن صدره وقال بشوق: مشتاق لك
سحر بخجل وبين دموعها:انا اكثر
خالد حط اصبعه على شفايفها كانت على وشك الصياح بعد بس هو تدارك وقال:اوش مابي صياح وكمل بخبث:خلينا بسالفة الشوق احسن

اليوم الثاني

حاسه براحه نفسيه لانها حست ان معاناتها مع حصه خلصت وبجلستها عند فواز مراح تقدر حصه تأذيها لان فواز ماهو مثل سند حاروعصبي

صحت مبجر وخذت شاور وألبست بتلحق على الدوام

اول مانزلت شافت فواز وندى قاعدين يفطرون
حاسه بالغيره منهم تمنت لو حياتها مع سند بهالشكل
بس طبعا مستحيل هالشي

عهد بحيا وهي داخله عليهم:سلام عليكم

فوازوندى ردوا السلام وكمل فواز برود:مصره انك تشتغلي
عهد برجا:عمي ارجوك لاتضغط علي

فوازبطفش:خلاص بكيفك وقالت بتخوف :مشكور بس ابي منك خدمه بسيطه
ممكن
فواز:قولي اذا اقدر مراح اقصر
فواز ماهومثل حصه وانه ممكن يعذب بنت سالم الي فضحهم بين الناس لان هالسالفه خلصت مر عليها خمس وعشرين سنه ومعضم الناس نست هالشي

بس هو كان خايف من غيرة ندى لي سكنت عهد عنده
بس الي يشوفه انها ماغارت عليه مثل ماتغير عليه من حصه واستغرب هالشي
عهد بنفس الاسلوب:ابي اشتري لي سياره وابيك تساعدني في اخذ الرخصه

فواز بتفهم :خلاص مومشكله وكمل بنرفزه: بس مو لي صارت السياره تحت امرك باجر قمتي تطلعين بدون أذن ماتطلعين من هالباب ألا بأذني مفهوم

خايف تمرد وتجيب لنفسها الكلام كافي عليها لقب مطلقه عهد بطاعه:ان شالله
وجلست تفطر عشان تروح لدوامها
هي عارفه بحرصه عليها وعلى سمعتها فماعارضت الي يقوله
فواز برود وهو يقوم:انا انطرك بالمجلس عشان اوديك
عهد بأستعجال:اصلا انا مخلصه وجاهزه ووقفت
ندى بأهتمام:مافطرتي كملي اكلك وفواز ينطرك ماعنده شي
عهد بحب:والله شبعانه وكملت بود:ماقصرتي ياندى وطلعت مع فواز وندى راحت تكمل نومتها
دام ماعندها شي وخاصة انها امس سهرانه ^_^

غـــرور أنثــى،

16 - 08 - 2009, 03:57 AM

مشكوووووووووره ع النقل

عاشقه ديرتها

04 - 09 - 2009, 01:48 AM

يعطيك العافيه
يسلمو لأنك نقلتيلنا القصه الرائعه
وبأنتظار التكملــــــه ...

عزيزت نفس

10 - 09 - 2009, 04:02 AM

كملي القصصصصه يعطيك العافيه :( << متحمسه

السديم

12 - 09 - 2009, 02:10 AM

:tears: بلييييييييييييييييييييييييييييييييز كمليها بسرعه قبل العيد :tears:
:icon35: يعطيك العافيه :shiny:

طموحي عالي

21 - 09 - 2009, 08:37 PM

كل عام وانتم الى الله اقرب

تقبل الله منا ومنكم صالح الاعمال

الخامس والعشرون
بعد اسبوع

عرس نور

كانت أيه من الجمال بثوبها ومكياجها الصارخ وتسريحة شعرها
خلصت مبجر وكانت عهد جايتها من وقت عشان تساعدها اذا احتاجت اي شي

كانوا جالسين يسولفون بعد ماخلصن لبس وتكشخ

نور بحزن:خايفه ياعهد خايفه
عهد بحنان:اذكري الله يانور وادعي الله يوفقج

نوربيأس:كل شي سويته وهم حاسية الخوف الي ملازمتني ماراحت

عهد:هذا من كثر التفكير
استهدي بالله وشوفي الحياه بتفائل ولاتوسوسي
نور بحب:الله يوفقج ياعهد ويرزقج بالي يستاهلج
عهد بضيق:موضوع الزواج معاد يهمني مثل اول
كملت بحزن:لاني جربته مره وفشلت ولا ابي تنعاد القصه نفسها معاي

نور بحب احضنتها وقالت وهي شوي وتصيح:والله انه مايستاهلج ولا انتي دانه ثمينه وكملت وهي تبعد عنها:لوكان واحد من

اخواني عزابي جان ماخليته ياخذ غيرج
بس الأسف كلهم تزوجوا

عهد ابتسمت كانت تمنى هالكلمه من زمان ان وحده من رفيقاتها يخطبونها لخوانهم بس لأسف دايم حضها معاكس يوم صار

وخطبتها ساره رفيقتها وقفت عمتها بوجهها ومنعت الزواج والحين نور تمنى هالشي نفسه لكن هي لا لان قلبها لايمكن يرضى

برجال عقب سند فكانت كل ماسمعت هالابيات تذكرته

والله والله لـو يـدري بحبـي لـه

ان كان تبكي عيونه مثـل مابكانـي

ياما تمنـت عيونـي شوفتـه ليلـه

وياما خياله بتالي الليـل صحانـي

كنت أحسب انه يزيح الهـم ويشيلـه

ماكنت أحسبه يزيد همـوم وجدانـي

وشلون يسطي على جرحي وانا اويله

وشلـون يقسـا عليـه ويتحدانـي

ضحيت لجله ولكن مابيـدي حيلـه

خلاني أشكي من الهجران وأعانـي

ويله من الله على اللي صار ياويلـه

وشلـون قلبـه يطيعـه ويتناسانـي

وتذكرت حبها له وتعلقها فيه قالت بتنهد:فكينا من هالسيره وقولي لي متى بداومي ترا مليت بروحي

نور بعبط:باجر اشرايج أطفر هالشايب واداوم من صباحيت العرس
عهد فطست ضحك على تعليقها

عند سند

كان داق يكلم خاله وهو مندمج سمع صوت فواز وهو يسأل ندى عن عهد رجعت اوبعد شده السوال وفتح اذونه يسمع بس حس

بالقهر انها بعدها مارجعت
وين بتكون بهالحزه وده يصارخ بوجه فواز على اهماله
موحاس انها بنت وينخاف عليها

قال بغضب:يالله مع السلامه مضطر اخليك روح دور على بنت اخوك وين

فواز بتعجب منه ومن طريقة كلامه ولا ناقشه وسكر
فجأه شاف عهد داخله وهي راسمه احلى بتسامه بوجها
عهد جابتها سحر معها وهالشي ريح فواز لانه يعرف خالد زوج سحر كانوا ربع من زمان بس المشاغل بعدتهم عن بعض

عهد ببتسامه:سلام عليكم
فوازوندى:وعليكم السلام

ندى بلقافه:هاه اشلون العرس وكملت:كان ودي اروح اشوف بس ماقدر اخلي عيالي خاصه مع هالخدم الجدد
فواز بجد:هذا الناقص تروحين عرس وتخلين اعيالك
ندى بقهر:قلت ودي ترا
عهد ابتسمت تحسدهم على حبهم لبعض وشدة اهتمامهم بعيالهم قالت :حلو وتسلم عليج نور وتقول لج مشكوره على النصايح
كانت عهد معلمتها بكل قصة نور طول هالأسبوع الي جلسته معاها وهذا الي شد ندى تروح وتشوف غانم حبة وحبت اصراره

في انه ياخذ الي حبها من صغره رغم كل العوارض الي واجهته

فواز بضحكه وعشان يقهر ندى:ندى الي ناصحتها لابالله افلحت
ندى ضربة بكوعها كانت جالسه جنبه قالت:ليش اعيوني
عهد ماتت ضحك وقالت بحب وهي تستأذن عشان ياخذون راحتهم في السهره مثل كل مره :تعوذوا من الشيطان ولاتهاوشون

وكملت بحب:تصبحون على خير بروح انام ابرك لي بدال لا تقومون الحرب فوق راسي

راحت منهم وهم اضحكوا وبعد فتره قال فوازبخبث:ندوي حبي طبقي النصايح الي قلتيها لرفيقة عهد فيني كمل بغرور:والله ودي

اجدد ليلة عرسنا
ندى ضحكت على كلامه وسمعت عهد ضحكها وفرحت انهم تراضوا

عند غانم

صارله ساعتين ينطرها تشرف عشان تعشآ معاه طولت من دخلت تبدل

اخر شي قرر يدخل يناديها
وراح طق الباب ودخل0شافها مبدله وجالسه على السرير
سرح يتاأملها وانتبه لها يوم قالت بنرفزه:خير
قهرها اشلون يخز ولاهي ماودها تبدأ معاه حرب من اول يوم ودها تطبق نصايح ندى بس مستحيل تستسلم له وهو ماخذها

غصب
غانم بحب:عشانا برد وقرب قومي ياا
نور قاطعته بقرف:لاتدلعني ماهو لايق عليك ياشايب

غانم اللهم طولك ياروح قال بطفش:بتعشين او لا
نوربعناد:لا
غانم بخبث:حتى انا ماشتهي وطفآ الليت ونور سبت نفسها ميته مره على هبالها شافته قرب صوبهاو قالت بخوف:هونت جوعانه

بتعشا وقامت وطلعت وغانم مات ضحك على تصرفها حس انها جاهل بعدها ولازم يتحملها
ويتحمل دلعهاوعنادها عشانها من ريحة الغالي

نور اجلست وقامت تاكل بشويش بس عشان يذلف ويتركها بس غانم مستحيل يتركها ابد

حاس انها مخلصه ومن زمان بعد بس تعاند بجلستها كان جالس ويطالعها وهي تحوس بملعقتها قال برود:مطوله
نوربغصه:ليش
غانم فطس ضحك ونور فولت وقالت بقهر:وش يضحكك قول
حست انه عارف بأرتباكها وانه جالس يتمصخر عليها
غانم بضحكه ويوقف قبالها:شوفي نفسك اشلون خايفه وكمل بحنان وهويقرب و يمسح خدها:ترا والله اني أليف ولا راح اكلك

نور دفته وراحت لغرفه وغانم لحقها على طول

عند سند

بعده معصب من سالفة طلعه عهد وبهالوقت
حاول انه ينساها بس مستحيل كل فتره يفكر فيها

بالأخير قرر يطلع يشم هواء بدال جلسة في الفندق الي جابت له الكأبه
توقع بطلاقه منها بتنحل مشاكله بس مستحيل شكله ورط نفسه فيها من البدايه لو مااخذها ولاشافها كان احسن له لانه الحين

حاس انها اشعلت نار بقلبه قبل لاتشغل عقله بالتفكير فيها

عند حمد

كان توه داخل للبيت شاف امه جالسه بروحها كالعاده لان سهام قليل ماتجلس معها بعد السالفه وهو ماحب يجادل كافي الي سمعه

من سهام عن امه وسند في عمايلهم بعهد

جلس بعد ماسلم عليها قال:شرايك يالغاليه نروح لمكه ناخذ لنا عمره
كانت كاسره خاطره بجلستها وحيده حتى فواز قطع وانشغل بأهله وان زارها بروحه بدون عياله او ندى
حس ان عهد ورا هالشي بس مستحيل تكون وراه لان ندى زوجة فواز موذاك الزود مع امه ودايم تغار منها
فجية عهد عندها بعد ماذاقت الويل عند امي بتكون بصالح ندى عشان تعايرها فيها
وهذا الي مخوف امي كلام الناس عنها

حصه برود:مادري بشوف اذا قررت اقول لك
حمد:براحتك اهم شي رضاك
حصه بود:راضية عنك والله يشهد علي
وكملت بحزن:حتى زوجتك ماني زعلانه منها على الي قالته لانها مرت الغالي

حمدبحب:انسي الي صار وو
وده يقول كفري عن ذنبك في هالمسكينه عهد بس خاف لاتعصب
وكمل:اختاري اي يوم عشان نحجز
حصة:ان شالله
ماسألت عن سهام معهم او لا لانها ماودها تروح معهم

اليوم الثاني
الساعه خمس الفجر
قعدت من النوم مبجر واخذت لها شاور وصلت الفجر ولاقومت غانم ولافكرت تقومه لعانه فيه
بعد ماخلصت تسحبت بشويش وطلعت من الغرفه تكمل نومها بالصاله

اعجبها ذوق غانم بالشقه كان حيل فخم وبين انه مكلف عليه واجد

اجلست براحه على الكنبه وسندت راسها عليها وهي تنهد بضيق من الي صارلها حاسه بتوتروارتباك اشلون بحط عيني بعين

غانم بعد الي صار
حدي محرجه وهو ماقصركان مقدر وضعي وعنادي

انسدحت وهي للحين سرحانه بأفكارها
وماحست بنفسها ونامت

اما غانم فماكان نايم اصلا وكان مراقب كل حركاتهامن اول ماقامت من السرير لين طلعتها من الغرفه كلها
بعد ماطلعت راح وتسبح وصلى الفجر ورجع بينام بس قبل ينام حب يتأكد هي وين خاف لاتكون طالعه برا الجناح بكبره

وحمدربه انه ماصار لانه شافها جالسه بالصاله وحب يتركها بروحها
حاس بمشاعرهاوخوفها منه
بس ماراح يستسلم وبيتم وراها لين ماتشرق بأسمه وتشتاق له
رجع لسريره وانسدح وهو يتخيل شكلها وهي بحضنه اخير تحققت امنية وصارت له وحلاله تنهد وده يرجعها لسرير غصب بس

ماهو بهالوقاحه عشان يسوي جذي ويحرمها من الراحه
تعوذ من ابليس ونام وهو متفائل بمستقبله مع نور

الساعه اربع العصر

حبت تكلم نور بس استحت تدق وارسلت رساله تقولها اذا فاضيه بكلمج

بس طولت نور ماردت وهي حست بخجل ولاارسلت مره ثانيه

وبعد فتره دق تيلفونهاوفزت عبالها نور بس طلع رقم الدكتور ناصر

عهد بأحترام وبعدماقررت ترد:الو
ناصر الي داق عشان موضوع مهم ويبي يناقش فيه عهد قبل مايقول الموضوع لعمها والي مسؤل عنها حاليا
قال :هلا عهد اشلونك
عهد:هلافيك وانا بخير
استحت تقوله اشلونك
وناصر مادقق بهالشي ومقدر حيل خجلها قال بأهتمام:عهد في موضوع مهم ابي اناقشه معاك وعلى انفراد
عهدبخوف:وش موضوعه
ناصر بأهتمام:كل خير بس انتي شوفي وين التقي فيك
عهد برجفه:عندك بالمكتب ماينفع
ناصر:لا مابيه بالمستسفي الموضوع ماله علاقه بالشغل
وكمل:باجر لاتداومي الصبح وشوفي لك اي كافي اجيك فيه
عهد خايفه ولان عمها مايرضى وان عرف ماهو بساكت وهوكان الي يوصلها لان بعدها ماساقت بروحها كان دايم معاها عشان

التدريب
ولان بعدها مااخذت ترخيص

قالت بأرتباك:دكتور اعذرني ماقدر اقابلك برا الشغل لان هذا بيعرضني لكلام الناس
وكملت بحزن :والناس ماخلت عني شي

ناصربتفهم:خلاص يابنتي بقابلك بالمستشفى وامرنا لله
اصر يقول بنتي عشان تحس بالأطمئنان له
عهد براحه:مشكور ماتقصر
وكملت بخجل:وباجر قبل الدوام راح امر عليك

وسكرت منه وهي للحين تحاتي شنو الموضوع الي يبيها فيه وعلى انفراد
عهد بخوف :يارب تستر لايكون ناوي شي بس مستحيل هو معتبرني بنت له وكذا مره قال هالكلام لي

يالله باجر كل شي يبان وجت بتقوم تروح تجلس مع ندى ولا يدق تيلفونها للمره الثانيه بس هالمره افرحت كانت نور
وردت بسرعه

عند حمد

كلم سند وقاله عن روحته هو وامه للعمره وعجب سند بقراره
وكان وده يروح هو بعد محتاج يرتاح شوي بقربه من بيت الله
بس الشغل مضغوط عليه هالحين وبس يخلص راح يروح عمره ان شالله

بعد ماخلص من سند شاف سهام جايه له وابتسم لها
سهام قربت وجلست جنبه وقالت بحب:اشلونك حبيبي
حمدبتنهد لان اموره وسالفه امه مع بنت اخوها محسسته بالضيق:بخير
سهام حاسه بكل شي ولامت نفسها لانها هي السبب في كشف حقيقة امه واخوه في معاملتهم مع عهد عنده
قالت بهمس وهي تحط راسها على صدره:لا انت للحين متضايق مني
وكملت:عشان سالفة زعلي مع امك خلاص انامستعده اروح وتسامح منها بعد بس عشان خاطرك
حمد زاد من حضنه لها وقال:لا ياسهام انتي مالك دخل بس انا متضايق من امي ليش تظلم عهد وتذلها
سهام باستغراب:مادري وهذا الي محيرني
كملت وهي تبعد عن صدره:بس عهد قالت لي وانا ماصدقت كلامها لانه مايدش العقل بس عقب الي شفته صدقت
حمد بخجل:وش قالت
سهام ماتبي تفتح اجروحه اكثر خاصة ان هذي امه مهما كان
قالت تغيرالسالفه:مايهم وخلنا من هالسالفه لان في الي اهم
وابتسمت بحب
حمدبستغراب:وش الي مهم
سهام وهي تمسك يده وتحطها على بطنها قالت براءه:كبرت كرشتي صح
كان بيبطها ضحك بس مسك نفسه وقال:توك بتدخلين الثالث تو الكرش ياقلبي
سهام بحب:لا صلا بانت وانا شفتها بالمنظره وانا اتحمم
حمد بطها ضحك وهي اندمت على خبالها قال بخبث:والله اجل اذا تسبحتي ثاني ناديني عشان اتأكد طلع كرشك اولا
لفت بتحذف المخده عليه بس هو حوطها وحضنهاغصب وهو يضحك

عند نور

بعد ماسكرت من عهد وقالت لها عن كل الي صار طبعا بتحفظ وبدون لاتذكر خصوصيت حياتهم الزوجيه

انتبهت لباب ينفتح ووقفت على طول
عارفه انه غانم من قامت ماشافته مع انها قايمه متأخر حتى الظهر ماصلته بنفس الوقت

شافته دخل وسلم بعد ماسكر الباب
ردت عليه واجلست وهي معتمده ماتشوفه ولاتطل بوجهه ماهو كراهيه لا كان خجل وخايفه تواجهه برفضها لقربه ويذبحها لانه

عصبي مثل ماسمعت من كل زوجاته

وعلى اتفه الأسباب يرفع يده وهذا الي نحش زوجاته منه

بس هي سالفتها جايده موتافهه على ماتوقع اسمعته قال ببتسامه غانم الي
كان يتأملها من دخل ولا شبع من تأملها ابد ولا راح يمل مع انه اليوم الصبح مستغل نومها وجلس يخزها خز
قال وهو يمشي صوبها:صح النوم توي ادري ان نومك ثقيل
نوربحرج هي فعلا نومها ثقيل مرات خاصه لي كانت مرهقه حيل قالت بقهر:والله كيفي ثقيل خفيف خاص فيني مالك دخل
تنهد لايثور وقال يبي يستفزها:هذا قبل بس من اليوم ورايح لي دخل ناسيه اني زوجك وابو عيالك
غاصت من الحرج ودها تكفخه على هالكلام امس متزوجين واليوم يتكلم عن العيال
قامت بتروح عنه ماتبي تقابله بس هو كان اسبق منها ومسكها
من ذراعها وهي جت بتصده بس ماقدرت لانه سحبها وجلس على الكنبه وجلسها بحضنه قال عند اذنها وهي كانت تحاول تبعده

عنها وتقوم
:ههاي اموت على الي يستحون
نور بقهر:وخر ياقليل الأدب
غانم ضحك وهي كملت بحقد:وخر ياشايب يا سد فمها بيده وقال وهو مازال حاضنها وبقوه بعد:شايب ادري اني شايب بس

لاتخافي ياعجوز راح يعجبك الشايب وتركها
وهي قامت بسرعه وقابلته قالت بغرور:انا ماني بعجوز ناسي كم بينا ولا اذكرك
وكملت بسخريه وهي تخصر:وبعدين وش بيعجبني فيك اضحكت :من قاص عليك وقايلك حلو
حاول يهدي نفسه وقال بخبث :مولازم اعجبك من ناحية الشكل في اشيا ثانيه مع العشره يمكن راح تعجبك

بقت عيونها وماقدرت تنطق بحرف ونحاشت لغرفتهم وهي تخفي دموعها

غانم حس براحه قدر يكسر غرورها
بس ماهو قادر يتحمل زعلها ابد وطلع بيجلس مع سعود شوي قبل لايطلع يتعشا برا هو ونور

نزل شاف ام جاسم جايه وكان سعود عندها
دخل وسلم عليها وجلس يسولف معها

ام جاسم كانت مندمجه مع غانم وسوالفه العياره وقالت بنرفزه:اترك عنك العياره وقوم ناد بنتي مشتاقه لها موت
غانم بعياره:لاتخافين ماكلتها وراح تشوفينها مثل ماكانت

سعود بخبث:متأكد
حذفه غانم بالمخده وقالت ام جاسم:شكلي انا الي بروح اشوفها كل واحد منكم يذلف عن وجهي وقامت بشويش وقفها غانم :لايمه

انا بروح اناديها والله ماتحركين ورجعها تجلس
سعود بلعانه:اي يمه خليك عن الفضايح
غانم فار دمه ولده صاير ند له من عرف نقطة ضعفه انها نور وهو يتمصخر عليه بكل لحضه
ام جاسم بضحكه:عيب ياولد استح
غانم بقهر:وهو يعرف للعيب ناشب بحلقي نشاب وطلع ينادي نور

ماكان يبي امها تدخل عليها خاف لاتكون تصيح او اي شي وذيك الساعه من بيفكه من ام جاسم

دخل واستغرب كانت ماتصيح
بالعكس جالسه وتصبغ اظافرها
نور اقدرت تمالك نفسها هي ماهي بهالسخافه عشان تاخذ على كلامه السخيف هي اكبر من جذي بكثير
طالعت فيه وقالت بجفاف:وش عندك بعد
غانم جا وجلس يمها قال بسرحان كانت عيونه على يدها مع هالصبغ تشهي قال:ها اي امي جت تحت وتبيك
نورفزت لطاري امها وكادت انها تطيح الصبغ بس غانم مسكه عنها
كان حيل لاصق فيها وهي توترت قالت:خلاص دقايق وانزلها كانت بتطوف بس يده الي ماسكه صبغها حاكرتها انتبه لنفسه وبعد
وهي مرت وراحت تلبس عشان تروح لأمها

عند فواز

وصل لبيت الساعه عشر شاف عهد وندى جالسين يسولفون

سلم وجلس وندى وعهد:وعليكم السلام

التفت يدور عياله قال:وين لا تقولين ناموا ماصدق
عهد اضحكت وندى بعد بس ردت وقالت بحب:لا فديتهم احلفت امي عليهم وناموا عندها
فواز براحه:اشوه
ندى بقهر:ليش لهدرجه غاثك وجودهم تراهم عيالك بعد
عهد مازالت تضحك وفواز قال بخوف عشان يسكت ندى ويعتذر لها:لا حبيبتي تراني احبهم بعد بس
ندى:لا تقعد تبس بس لي

عهد تبي تطفي النار لاتزيد:ندى ترا عمي مايقصد هو بس يبي يكون معاج بروحه هذا الي يقصده

ندى جت بترد بس فواز قال يأكد كلام عهد:كلامها صح والله هذا الي ابيه
ندى هدت اعصابها شوي وقالت بحب:متأكد قال فواز وهو يقرب منها ونسوا وجود عهد :اي متأكد وكان بيبوسها بس ندى قالت

بصراخ:فواز عيب

عهد موجوده
عهد بضحكه كانت مغطيه عيونها وقالت وهي تقوم بتروح:لا عمي خذ راحتك انا بروح لداري وبنام البيت كله لكم
ومانطرت منهم اعتراض وراحت وفواز عجبه الأقتراح وكمل الي يبيه دام البيت فضا له مثل ماعهد قالت

اما عهد فدخلت غرفتها عشان تنام وكانت تحاتي مقابلت الدكتور ناصر ودها تقول لندى بعد ماارتاحت لها بس في داخلها شي

منعها لانها خافت ندى لاتقول لفواز وبالتالي تنحرم من الوظيفه الي تعتاش منها بدال لا تنذل لاحد

بدلت ملابسها وجت بتنام بس قبل لاتنام كان ودها تسمع صوت نور اشتاقت لها حيل

عند نور

ودعت امها بصعوبه كان ودها انها ترجع معاها لنفس البيت والمكان الي عاشت فيه اكثر من ثلاثين سنه بس هالشي مستحيل

عليها لانها الحين معاد هذاك البيت بيتها بيتها الحين هو بيت غانم زوجها

اسخرت من نفسها شدخل طاري البيت والعيشه الحين
ادخلت جناحها وكانت تبي تبدل وتلبس شي مريح ولبست لها بجامه اوف وايت حرير وطلعت بس انصدمت من وجود غانم وكان

مبدل ومنسدح على السرير

حست بالحرج ولارتباك ووقفت عند المنظره تشغل نفسها بتسريح شعرها انتبهت لصوته

غانم بعد ماراحت خالته الي اصر عليها تجلس وتعشا عندهم كان ناوي يجلس مع نور وسعود تحت بس الي استغربه ان كل واحد

منهم قام ودخل سعود اعتذر بدروسه وقال ان عنده امتحان ونور مالحق يسألها لانها اول ماوصلت امها للباب أطلعت فوق

على طول فقرر يطلع يسهر معها فوق بدال طلعتهم الي تأجلت بسبب زيارة خالته وكان واعد نفسه انه ليعوضها بغيرها

وبعد يبي يسافر هو ويأيها بس تخلص امتحانات سعود عشانه مايبي يترك سعود بوقت لامتحانات

صعد وسمع صوتها من غرفة التبديل فراح وفصخ ثوبه وجلس على السرير ينطرها

اول ماطلعت انبهر بشكلها كل اشوي تطلع له بصوره احلى من الي قبله بكثير

شافها اشلون مرتبكه ومتوتره من نظراته لها قال ببتسامه:ماكنت اتخيلك بهالشكل وبالجمال ابد

انصدمت شقصده اني جيكره ولا شنو

لفت عليه وقالت بقهر:ليش احد قالك اني جيكره او كخه

غانم فطس ضحك وقال :لا ب س

ماقدر يكمل شكلها يضحك مع العصبيه نور بقهر وهي بتطلع برا الغرفه وكانت مقرره ماتخليه يلمسها الليله على هالكلمه :حمد

الله والشكر قالوا لي عود بس ماتوقعت انه مخرف بعد

جت بتطلع بس هو قدر يمسكها وبقسوه كلمتها اجرحته حيل وكان وده يسطرها بس هالشي مستحيل وهي خافت ولا قدرت تلف

عليه ابد كانت تنطر الطراق من اي جهه بس الي صدمها انه قربها له بطريقه محرجه وهي غاصت بين يدينه كان مقيدها ولاتقدر تصده ابد او تبعده حست ان دموعها

وصلت وان اعيونها بتفضحها بالصياح قرب شفايفه لخدودها وقعد يبوسها بخفه خايف عليها تنشلخ او تنحرح وهي نور بعد

هالوضع ماقدرت تحمل وشهقت بصوت عالي
ااااااه ااااااااه

غانم خاف وبعدها وهو مازال ماسك كتوفها قال بصوت جامد:اشفيك

نور بشهاق ومن غير شعور:ابي امي

غانم بستغراب :تبين امك شهالكلام السخيف

وكمل كأنه يبي يرد لها الصاع صاعين على الي قالته:تراك عجوز متعديه الثلاثين منتي بنت صغيره عشان تدلعين

الي مثلك تحمد ربها تزوجت عشان تلحق يجيها طفل قبل توقف

كلامه كان صح بس هي عصبت لانه هو السبب في قعدتها كل هالمده بدون زواج وقالت بصياح:وخر عني مابيك
غانم طفش منها ومن دلعها قال وهو يهز كتوفها :عمرك مابغيتيني ولا حبيتيني يابنت سعود بس هم مراح اخليك

نور بقهروشهاق :اي ليش هو الزواج عندك غصب كم مره جيت ورفضتك بس انت ماتفهم ومصر

وكملت بغضب :فتحمل الي يجيك مني

غانم بسخريه :وش بيجيني يعني لاتنسين من تكلمين انا غانم الي مستحيل احد يغثه وكمل ببتسامه وهو يقربها له يبي يشيلها

لسرير:لاني اغث ديره بكبرها بس ماانغث ولا اطفش قعدت تحاول تبعده بس كان اقوى منها وشالها وحطها على السرير

وكان على وشك انه يغلبها وهي تصده بس قطع عليه صوت تيلفونها وبعد عنها وهو منغث من الي متصل اما هي فكانت تمنى

انها قدام الي اتصل عشان تشكره وتبوسه بعد ماهدها عدلت نفسها وقامت اخذت تيلفونها وطلعت من الغرفه ركض كانها خايفه

انه يلحقها

أبي الأيام ترجعبي
وأبي وياك تجمعني
"
أبي عيني تجي بعينك
و..أ..ق..و..ل
..
بصدق واحشنــــــــي"
أبي أحكي وأسولف لك

و..أ..ق..و..ل..
الوقت عاندني
"
أبي أشكي لقلبك
و..أ..ب..و..ح
.
بهم خانقني"
هم فرقاك عن عيني

عند سند

اهلكه الشغل وذبحته الوحده توة يحس بمرارتها مع انه طول حياته وحيد من فارقته سعاد وهو عايش وحيد بس الحين حاس انه

مو طايق الوحده بعد ماطلق عهد وتفارق هو ويايها مرات يتندم على طلاقه ومرات يقنع نفسه بانه افضل لها وله انهم يتفارقون

جلس على الكرسي الهزاز وقام يهزه على خفيف وهو سرحان بأفكاره وكل افكاره ماتفارق عهد

تذكرها بكل لحضه بكل ثانيه كأنه عاش معها سنين ماهو اشهر وبس حتى سعاد الي عاش معها سنتين ماكان يفرح لذكرها لانه

كل ذكرياته معاها كانت عطف منه على حالها بعد مامرضت اما عهد فذكراه كانت عن كل المواقف وكل الهوشات مرات يبتسم

لي تذكر شكلها وقت ماتعصب كان ساحر بكل ماتعنيه الكلمه

تنهد بااااااه قويه وعميقه حس انها طلعت من اعماق اعماقه ماحس بنفسه ألا وهو يطاوع افكاره المشحونه بالعواطف والشوق لها

ولصوتها ماحس ألا وهو يدق على رقمها من تيلفون الفندق عشان ماتعرفه

بس حصله مشغول وحس بالغيره من تكلم هالوقت سكره وقرر يرجع يتصل فيها بعد فتره كان متشفق يسمع صوتها قبل لا ينام

]
اما هي فكانت تكلم نور وشافت الرقم غريب وقالت لنور ونور انصحتها لاترد وتتركه لين يمل وفعلا تموا يسولفون وهي متفشله

من نور كانت مصره انها ماتسكر وان سكرته راح تزعل اندمت انها دقت هالوقت لانها حاسه ان نور تهرب من غانم عن

طريقها

بعد فتره رجع دق بس عهد قالت عشان تصرف نور وماهو عشان الأتصال:نور حبيبتي مضطره اسكر وراي دوام مو مثلج

اجازه تصبحين على خير

نور بضيق:وانتي من اهله وسكرت من نور وطفت الليت بتنام بس ازعجها الاتصال للمره الثالثه وعلى التوالي تاكدت انه ماهو

غلطان وانه قاصدها عدلت نفسها وردت :الو

اسحره صوتها وانعش قلبه وخلاه يفرح بعد ماهو عايش بحزن طول هالسنين لكن ماقدر ينطق ولا يتكلم هو كان بس يبي يسمع

صوتها وبس

عهد بطفش:الوووو ماترد

محد رد وطبعت الخط بوجهه من القهر وهو صحاه طبعة الخط لانه كان ذايب ودايخ بصوتها

سند ابتسم وحس انه شبع بسماعه لصوتها ولو كان عصبي شوي بس حبه وقام بينام على تخيلات صوتها

عند سحر كانت رايحه هي وخالد للعمره عشان جذي ماحضرت عرس نور واعتذرت منها ادخلت الشقه وهي يادوب تمشي من

عوار رجولها

سحر كانت ماسكه الطوفه وتمشي على خفيف السعي اتعبها خاصة وهي حامل خالد الي دخل وراها وشافها ضحك وسكر الباب

سحر بقهر:ابي اعرف انت ماتحس ارجولك ماتعورك

خالد بسخريه:ليش عبالك مثلك يالكسوله كمل بغرور قهر سحر:انا بفضل الله سعيت وطفت البيت برجولي ماهو مثلك خلصتي

الطواف بس والسعي كله بدراجه

سحر وهي تاشر على بطنها :والله لوكنت حامل وحاس بالي احس فيه جان حتى الطواف طفته بدراجه بس انتم يالرجال

ماتحسون بالي نحس فيه

خالد :ياخي ذلوتونا بهالجمله انتم ماتحسون انتم ماتحسون بالي نحسه بالوحام ولا تحسون بالي نحسه بالولاده

حط يده على راسه وكمل:والله انحس ونقدر مجهودكن في تحمل كل هالاتعاب بس ارحمونا انتم بعد

سحر بدلع وهي تسند على الكنبه:اشو انك عارف ومايحتاج اشرح لك اكثر

خالد برجا وهو يقرب لها:لا تكفين لاتشرحين اكثر وذا تبين مستعد اشيلك على ظهري ووديك وين ماتبين بس ترضين

سحر بحب وبعد ماهو قرب منها حوطت ارقبته بذراعها وفالت :اجل اذا ماعليك امر ودني للغرفه عجزانه اروح من التعب

ماكملت ألا وخالد شايلها وينفذ طلبها

غانم منقهر وداخله نيران تسعر من تصرفها البايخ جالسه تهذر بالتيلفون بدون خجل كون في زوج ينطرها كان متأكد ان

هالتصرف منها اهي مو من الي اتصلت عليها بس مايقدر يتكلم او يقطع عليها

كان يتقلب بفراشه مثل المقروص واول ماشاف باب الغرفه انفتح قام وتعدل وقال بسخريه:جان عزمتيها عندك لوهالوقت ترا

عادي

تفشلت توقعته نام بس طلع ينطرها حاسه بقهر المفروض يخمد ولا يقربها عقب الزعل الي صار بس شكله غبي ولا يحس

قلت بجمود:ترا اعصابي تعبانه ومافيني ارد اتهاوش مره ثانيه فخلني انام براحه بال افضل لي

غانم بخبث وهو يطفي الابجورة الي يمه ونور مانتبهت لنظراته:ابشري براحة البال ورجع ينسدح وهي كان ودها تنام برا بس

خافت لايعصب وارتاحت دامه وعدها بالراحه فاكيد بينفذهاااا جت يم السرير بالصوب الثاني وانسدحت وهي حاسه انه النوم قام

يوصل لعيونها وكانت على وشك السباااااات بس افزعها غانم الي مانفذ بوعده معاها

اليوم الثاني

قامت توها وقعدت تجهز عشان الدوام اتصلت على فواز عشان يقوم يوصلها وبعد مالبست وتجهزت نزلت عشان تفطر مع فواز

ويمشون كل واحد لدوامه

بس صدمها وجود شخص غير مرغوب فيه عندهم وهالحزه بعد دعت ربها يستر لانه ماتجيب وراها ألا المشاكل

حصه الي ماقدرت تصبر ونار الغيره تحرقها حراق تبي تشوفها تبي تعرف اشلون عايشه بعد ماتركتها

قالت بجفاف واحتقار:اعتقد انج داخله على مسلمين مو يهود عشان ماتسلمين

عهد برود:سلام عليكم كانت عينهاتدور بين حصه وفواز الي ماانتبهه بس هو عارف بكراهية حصه لسالم واكيد انها ماهي حابه

بنته بعد
فماعلق على عهد لما ماجت ولا سلمت على حصه

عهد انسدت نفسها عن الفطور خاصة بوجودها ذكرتها بايام الذل والقهر وهي ماصدقت على الله تفتك مع ان ذكرى سند لحقتها

ولاهي مخليتها ابد

عهد برود وهي بتطلع لان جو الغرفه اخنقها حيل:عمي انا بالحديقه اذا خلصت فطورك تعال عشان توصلني معاك

فواز برود لان ماله خلق يناقش :اوكي

حصه بقهر ولان فواز ساكت:لايكون موعاجبك جيتي لبيت اخوي عشان جذي ماتبين تجلسين معي

عهد اكتفت انها تطالع لها بنظره وهالنظره كانت تقهر حصه وتشب نارها زود صدت بتطلع بس حصه قالت بغضب:وقفي يابنت

سويلم
وكملت بحقد:لاتفكري بعيشتج عند فواز وطلاقج من سند اني بيصعب علي الوصول لج لا ياعهد ماهو صعب ابد

وكنت اقدر اردج من ذيك اللحضه لبيتي بس قلت خلها تستانس شوي ومصيرها بترجع لي ذليله ومكسوره

فواز بطفش من ابتزاز حصه خاصة وان عهد للحين ساكته ولا ردت باي حرف قال:حصه

لفت عليه وقالت بغضي:اسحرتك انت بعد مثل ماامها اسحرت اخوك

فواز بنرفزه:شالخرابيط

وكمل بدون لايحسب لعهد حساب:وبعدين اخوك بروحه داشر وضايع من قبل لايتعرف على بنت هالفقير

عهد ماتحملت الي انقال وطلعت ركض وهي تخفي دموعها اصدمت بندى بطريقها عهد بخجل:اسفه ماشفتج

ندى بخوف لان عهد كانت تمسح دموعها :عهد فيج شي وكملت بنرفزه:لايكون هالمغروره ضايقتج ترا ماسمح لها انتي في بيتي

عهد بضيق :لا لا محد ضايقني ومشت بسرعه لان لو بتقول كان قالت فواز بعد لانه هم هو ضايقها ولا راعى مشاعرهااا

اجلست بالحديقه وهي تنفس بسرعه وعشان توقف دموعها وتبطل صياح

بعد فتره شافت حصه طالعه وهي في قمة عصبيتها خافت لايكون تهاوشت مع ندى لان ندى عوبا ولاتسكت حتى قدام فواز

مايهما شي

مرت منها وقالت لها بغضب:اسمعي ياعهد جلستك عند فواز ماهي بطايله وقولي حصه ماقالت

عهد بقهر:ماهو بكيفج انتي وش تبين مني بالضبط

حصه :الي ابيه شي كبير لو اتم اعذبج طول حياتج ماوفيتي حقه

عهد انصدمت وكانت على وشك الانهيار من الي قالته اكيد ان ابوها مسوي شي عظيم في عمتها ولا ماكان عاملتها بهالاسلوب

ماحست بنفسها ورجعت تجلس وهي تطالع بحصه الي راحت لسيارتها واركبتها وحركت

بعدها جا لها فواز وقال لها تمشي عشان بيوصلهاالدوام

اركبت وهي بعدها ترجف من الكلام تمنت انها تموت ولا انها تتم تعذب بحياتها ماحست بنفسها ألا وهي تقول بحزن:عمي اذا

لجيت لك بيوم تقدر تحميني

فواز بتعجب:احميج مافهمت شقصدج واحميج من منو

ماحط باله حصه ابد لانه متاكد انها لايمكن تفكر بهالشي و هي بعد ماقالت ولا حبت تشعل بينهم قالت بتنهد:من كل شي

فواز حس بالضيقه ومسك يدها بحنان وقال:ان شالله بقدر احميج ياعهد ضغط على يدها وهي اغرقت عيونها بالدموع

قال بضيق:عهد اشفيك ولا يأثر عليك كلام حصه تراها بس من العصبيه ماتحس بالي تقوله

عهد بلاك ماتدري بالي صارلي منها ولا سمعت الي قالته لي تمت تشاهق وتطلع اااهااات مكبوته

لين ماوصلت الدوام كانت عيونها حمرا لو مو مواعده ناصر جان ماداومت خير شر بس استحت منه

فواز :شكلك تعبانه اخذي لك عذر واطلعي ارجعك ترتاحين كان يبيها ترتاح فعلا لان باين عليها الأرتباك والتوتر عقب مواجهة

حصه

انقهر اشلون تكلمها وتزفهاا كانها عبده عندها
عهد ببتسامه مصطنعه:لا مافيني شي جت بتنزل ولفت عليه وقالت بحب:مشكور عمي

ونزلت وقعد ينطرها لين مادخلت لاول مره يحس بمشاعره اتجاهاحس من عقب كلمتها له وانها تطلب منه الحمايه انه مسؤؤل

عنها ولازم يحميها صج

بعد ماتدخلت شغل سيارته ومشى

اما حصه فماتدري شنو الي قالته اصلا لانها كانت بحالة غضب فعلاخاصة انها هالأيام حاسه بوحده ذابحتها وعشان جذي قررت تروح مع حمد لمكه تاخذعمره سفر سند وشهد هاد حيلها هد ومخليها في حالة غضب دايما
وبعد عهد عنها حسسها بانها انهزمت وانها ماقدرت على عهد وخلتها تنفذ الي عهد تبيه الي هو الطلاق

بس هي مستحيل تنهزم وراح ترجع عهد لسند باي طريقه لو بالغصب بعد

عند نور

قامت على همس باذنها وفتحت عينها بشويش تستوعب الي قاعده تسمعه هل حقيقه ولا حلم مستغربه من هالادمي مرات تشوفه عصبي وماينطاق مرات مافي اطيب منه اعتدلت وهو قال ببتسامه ساحره:صباح الخير

نور بنظره:هلاصباح النور قعدت وكملت برود:كم الساعه الحين

غانم الي قرر يقومها مبجر عشان يفطرون وياخذون راحتهم دام سعود بالجامعه قال :تسع

نور بقهر ماشبعت نوم بسبته والحين جاي يقعدها هالحزه رجعت انسدحت وتغطت وقالت:شحقا مقعدني هالوقت عبالي الساعه وحده

غانم رفع الغطااا وقال وهو يسحبها تقعد:قومي بسك كسل قومي خل نفطر واذا ودك نطلع نتغدا برا بعد شوي

نور بحقد:مابي بنام

غانم بخبث وعشان تقوم:خلاص حتى انا بنام وقرب بينسدح بس نور دفته وقالت :كمل نومك برا بعيد عني

غانم بعياره:افا لهدرجه الشايب ماهو عاجبك

نور بغت تضحك اول مره يعترف انه شايب قالت بدلع:اي
غانم بحزم:عطيتك وجهه ترا عجلي قومي لا اتصرف معاك تصرف مايعجبك

كانت بترد بس خوفتها نظراته وقامت طيران لانها اعرفت قصده

وغانم فطس ضحك منها

Freesia

27 - 09 - 2009, 03:35 PM

يسلموو ياقلبي ع البارت
مررررره حلووو
ننتظرك

جرح الهوى

28 - 09 - 2009, 04:12 AM

مو محزنني الا هالـ عهــد
تلاقيها من فين ولا من مين :(

...

و حصوووه هالعجوزه ايش لك في البنت مو انتي ولدك ماتركتوا شي عذبتو البنت
اتركوها تعيشش بعيد عن شركــم

واللي نفسي اعرفه هو ايش سوا ابوهـا وهو صغير
بس كان شرب ومن هالخرابيط ولا مسوي مصيبه كبيره
ممكن قاتل احد عيال حصه هههههههههههه << خيااااال اجرااااامي هههههه

...

فواز احسه سلبي مررره
ندى تعجبني لما تقول الحق ماهمها احـد :)

...

وتسلمي على البارت

شوشو جدة

29 - 09 - 2009, 05:55 AM

وين باقي لاجزاء

يعني القصة موقفة

ردددددددددددددو علي

طموحي عالي

29 - 09 - 2009, 02:09 PM

تفضلوا غالياتي آخر بارت نزل

السادس والعشرون

أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك بتبينه !
بس للاسف ما أقدر على حب خوان
يمشى يشيل اسمى وباجر يهينه !!!

عند عهد

بعد ماأذن لها د_ناصر بالجلوس اجلست وهي ترجف بداخلها وحاسه ان خوفها زاد عقب كلام حصه معاها خاصه وهي بتواجهة ناصر وبتعرف موضوعه الخاص والمهم الي يبيها فيه
كل طاري قام يطري عليها

ناصر الي بيفاتحها بورثتها من جهة ام امها الي هي جدة عهد كان لها بيت واراضي وكانت مكفله اعيال اختها فيهم لانها ماكانت تثق لابزوجها ابوبنتها وبعدوما قدرت تعطيهم بنتهاضحى لان ابوهازوجها لواحد مثله وهي تعرف بطبع زوج بنتها وصتهم لايعلمون ضحى بورثها ألا لي مات رجلها اوتطلقت منه

وهم نسوا هالوصيه بنشغالهم ولما جاهم خبروفاة زوج ضحى احتاروا في هالوصيه خاصة بعد ماغيروا مسكنهم وماقدروا يوصلون لضحى وبعد ماماتت ضحى عهد راحت تسكن عند اهل ابوها وماقدروا يوصلون لها وسبحان الله من حسن حظ عهد اشتغلت عند ناصر وبشر اخوانه اول ماتأكد منها عشان ينفذون الوصيه و يسجلون حلال جدتها بأسمها بيع وشرا

ناصر بحزم:عهد انا الموضوع الي بفاتحك فيه هو موضوع ورثك من جدتك ام امك الي هي خالتي الله يرحمها

عهدانصدمت ورث ولي انا مستحيل

وتمت تسمع كل كلمه يقولها ناصر بأنصات لين ماخلص
قالت بخجل وهي تخفي سعادتها بالخبر لان سالفة الورثه بتوقف ناس واجد عند حدها واولهم حصوه عمتها :والله يادكتور انا مومصدقه الي تقوله واشلون امي ماعرفت على الأقل كان تهنت فيه هي بعد قالتها بحزن وهالشي ماغاب عن ناصر

قال:قلتك حنا نشغلنا بأمورنا وبدروسنا بس لما جينا ندور امك كانت منتقله ولاقدرنا نعرف عنوانها

عهد بضيق:الله يرحمها ووقفت بتطلع وكملت بأرهاق:مشكور دكتور وماقصرت وانا مضطره امشي وكملت بخجل:واذا تسمح لي اطلع للبيت بكون شاكره لك لاني حاسه بتعب
كان ودها تقول استغاله مرة وحده بس ألتزمت بالصمت وقالت خل اضمن الورث الي يقوله اول بعدين افنش ورتاح

ناصر بحزم:روحي و اعتبري نفسك بإجازه مفتوحه ومتى ماتحبي تداومي تعالي وكمل بثقه:وترا حتى لو مااشتغلتي معاشك نفسه ماراح ينقص كأنه حاس بالي دار بخاطرها

عهد ياربي والله اني موعارفه اودي وجهي وين من فعايله قلت:جزاك الله خير ولفت بتطلع بس قطعها صوته
قال برجا:عهد اتمنى انك توافقي تزوري اهلي ودي تتعرفي على اعيالي وكمل بفخر:ترا عندي بنت بعمرك او يمكن اصغر
عهد ببتسامه وهي خجلانه من اهتمامه الزايد فيها:ان شالله
وفي نفسها قررت فعلا تزور اهله خاصة وانهم من ريحة الغاليه امها

اما ناصركان يبيها تعرف على اهل امها وعشان تحس ان وراها عزوه وسند من جهة امها بعد

عند نوروغانم

تعبوا من الفرفره في هالمجمعات وكانت نور لعانه فيه كل ماشافت شي خذته بدون اي تفكير بس عشان تطفشه بس غانم كان اي تصرف تسويه عسل على قلبه

بعد ماخلصوا اجلسوا بالمطعم وقال غانم بتنهد:ها وش تحبي نتغدا
كان خايف بداخله لاتدهوره بعد بالطلبات في الأكل وبألأخير مايوكل ماهو بخل منه لا بس عشانه خايف من الله بالنعمه

نور بطفش وهي تصفح المينيو ماهي مشتهيه شي قالت:بكيفك اطلب اي شي
استغرب بس فرح وستانس توقع انها بتاكل على ذوقه
قال بسعاده:ابشري وقعد يختار لهم

بعد فتره نور خلصت اكل وفعلا عجبها ذوق غانم بس ماصرحت به وجلست تطقق بتيلفونها كانت تراسل عهد
وتسأل عن اخبارها

غانم حس بقهر وغيره شاحته ولا همست بحرف من جلسوا وبس مندمجه برسايلها ماله اي قدر عندها
ماحس بنفسه ألا وهو ساحب جهازها كان حده مفول مايبي اي احد يشغلها عنه

نور بصدمه وهي تشوفه يقرأ الرساله
احمدت ربها انها بمكان عام ولا كان صرخت بوجهه هالغبي
مدت يدها وقالت وهي تسحب جهازها:من سمح لك
غانم براحة بال بعدما تأكد من الرساله وكان بيضحك لان عهد كانت تسب عمتها بألفاظ مضحكه قال وهويمده لها:من غير محد يسمح لي انتي زوجتي ومن حقي اعرف كل صغيره وكبيره عنك

قالت بغضب:اخاف صج بس وكملت بتهديد:ألزم حدودك ولاتوقع بسكت لك مره ثانيه ان تكرر
غانم بسخريه وهو يحاسب سعرالأكل :ههاي سمعاوطاعه سيدتي
كمل وهويوقف بيمشي:امشي بس وخل عنك هالكلام

نوروقفت ومن العصبيه صجت الزباين الي بالمطعم بصوت كرسيها بس ماهمها وطلعت تمشي قبله
وهو لحقها

ادخلت البيت وهي في قمة سعادتها وقامت تغني بدون لا تحس كانت فعلا عكس عن شكلها وقت ماطلعت لان حصه كانت مطفشتها اما الحين وهي جايه وعقب ماقابلت ناصروغسل صدرهاوضيقتها بالكلام الي قاله لها
ماانتبهت لندى الي انبح صوتها تناديها بس هي موحاسه وصعدت لغرفتها ترتاح لانها تعبانه وتبي راحه

كانت جالسه في الصاله وشافت عهد يوم دخلت واستغربت جيتهاهالحزه بس ارتاحت لانها حست انها اليوم تحتاج لراحه عقب مقابل حصه
ندى بستغراب اكثر اشفيها هذي لايكون انجنت من تهديد حصوه لها
نزلت قلاص الشاي وجت بتلحقها بس صياح اعيالها وهواشهم منعها وراحت تفككهم عن بعض

عهد بعد مابدلت وألبست لها برموده صفرا اجلست قدام المنظره وقعدت تمشط شعرها وهي تذكر كل كلمه قالها ناصر
ابتسمت شراح يكون ردة فعل عماني وخاصة حصه لي عرفت اكيد بتنجلط
اضحكت
وماحست ألا بصوت ندى
ندى بخوف :عهد اشفيج
كانت فعلا خايفه لايكون انجنت

عهد بخجل:هاه لا مافيني شي
صدت عن وجهه ندى وراحت وجلست على السرير وكملت بعد ماشافت ان ردهاماهو عاجب ندى:بس تذكرت شغله تضحك صارت معاي بالشغل

ماتبي تجيب طاري الورث لين ماتحصله ومراح تقول ألا لسحر ونور بس عشانها تحتاج مساعدتهن بالروحه والجيه

اما الباقي بتفاجأهم فيه مع ان سهام وندى وشهد مايستاهلون انها تخبي عنهم وراح يفرحون لها بس ماتقدر تقول

ندى ماحبت تطول وقالت بحنان وهي تجلس جنبها :عهد شقالت لج عمتج اليوم وكملت بقهر:تدرين عمج هاوشني وسكتني اول مادخلت مع اني كنت ناويه اغسل شراعها
عهد بحب وهي تحضنها وقالت بثقه:مهماقالت مراح تقدر تسوي لي شي وكملت وهي تبعد عنها:من اليوم بعرف اخذ حقي ومعاد تهمني

ندى ببتسامه:كفو خليج قويه لاتصيطر عليج بكلامها

عهد بثقه:مستحيل

بعد شهر

عهد عايشه عيشة ملوك خاصة وان عمتها اختفت من ذاك اليوم ولا سمعت عهد عنها شي خاصة بعد مانتشرسالفة ورثها من جدتها بس هي كانت على اتصال للحين مع سهام وشهد الي بالخارج كانت حيل مشتاقه لشوفتهاوشوفة فجوره ودها فعلا تزورها بس اشلون ماتقدر

وسند اقدرت تنساه اوتناساه من صارت لها سالفة الورث الي صدمهم كلهم وأولهم فواز واخته حصه
هي مابقى لها شي وتخلص العده وتحرر من قيود سند نهائيا وهالشي ضايقها صارله فوق الشهرين من سافرولا فكر يزور اهله علأقل يطمن على امه الي تسمع من خالها انها دايم تعبانه

اما نور فعهد فرحانه لها وكل مره تحب تسمع سوالفها مع غنوم مثل ماتقوله نور

كانت عارفه بحب غانم لنور ودايم تنصحها هي وسحروندى بس نور معنده

اما سحر فداخله شهرها وتجهز لمولودها الجديد حاسه بسعاده وناويه تسميه فارس على اخوها
وافق خالد على طول بهالأسم

أصيب في ظني بالأيام واخيب

واشبه معاني واختلف عن معاني

واقف على حد الرجا والمكاتيب

وامشي ورى قلبي وانا في مكاني

من يوم ما غيب شبابي ثرى الشيب

وأنا أتخيل دمعته لا بكاني

ومن ضيقة الخاطر وقل الأصاحيب

بان التعب حتى بنطرة زماني

لو كانت الحاجه تعرف المواجيب

ما خلت الطيب وراها يعاني

ومن كان بالدنيا قليل التجاريب

يشوف هزلات الليالي سماني

صراحة الطيب وشرهة هل الطيب

عندي معزتهن معزة اخواني

وياللي على الفرقا كثير المطاليب

ليتك قبل لا تروح تصبر ثواني

البعد بعد القلب لا شك لا ريب

الحب الأول ما يعوضه ثاني

وفرقا المعاند ما وراها مكاسيب

كلمه وقايلها بعظمة لساني

يجوز يقوى قلبك البعد ويغيب

لكن يبي يبطي وهو ما نساني

عند عهد

اتفقت مع ناصر انها تترك الشغل وبدون لايزعل لانها تبي تكمل دراستها وهو كان معارض بس رضى عشان دراستها

واختار لها احسن الجامعات الخاصه وسجلها فيها وعهد استانست حيل
ودها تدرس وتحقق حلم امها كانت تحلم بالطب بس لاالنسبه ساعدتها ولاالزمن لانها كانت بتخلص بسرعه وتوظف بس

عشان تعتاش هي وأمها بس الحين جا الوقت ألي بتحقق فيه هالحلم

صحت من الصبح وتجهزت عشان تنزل تشوف شصار على اوراق القبول حقاتها في الجامعه

كانت ناويه تروح بروحها بس الدكتور ناصر لزم عليها ألا تنطره عشان يدخل معاها كان موصي عليها ربعه

وهي خايفه لأحد يشوفهم ويفهم غلط لانها ماقالت لعمها ولاعرفته عليهم وقت ماأستلمت الورث كانت رايحه معها سحر

انزلت شافت فواز وعياله يفطرون ابتسمت وسلمت
وبعد مارد فواز عليها برود
ألتفتت لصوت الي جاها من ورا كانت ندى
الي داخله بدلة الشاي قالت بحب:زين الي قعدتي تعالي افطري

عهدببتسامه:مشكوره وجت وجلست تفطر
فواز برود لان سالفة ان عهد خشت عنه الورث من البدايه مضايقته وخلت أفكار حصه وساويسها تدخل عقله: شعندك قاعده من الصبح وكمل بسخريه:لايكون طلع لك شركه بعد وصرتي مديره فيها وبتداومين
ندى بنرفزه:فواز
عهد انسدت نفسها هي مالها ذنب كانت خايفه منهم ومن افعالهم وحبت تضمن ورثها اول قبل تقول
تمت ساكته ونزلت راسها
فواز بطفش وهو يأشرلعياله: يالاه خل اوصلكم مدارسكم تأخرت
وقام وطلع مع عياله وترك عهد متضايقه هي ماصدقت تحسن علاقتها من جهته والحين مسرع ماقلب عليها

ندى بخجل وهي تضغط على يد عهد:لاتزعلين ترا فواز اعرفه زين لي ضاق قال حجي وبس يهدأ يجي يعتذر
كملت بضحكه:سأليني عشرة عمر معاه
عهد بحزن:لا عادي وجت بتقوم بس وقفها كلام ندى: وين بتطلعين
عهد بتنهد:عندي موعد مع الجامعه عشان القبول
ندى عارفه بفكرة الدراسه هي وفواز لان اول ماقررت عهد قالت لهم حتى قبل الكل وندى شجعتها بس فواز كان بعده زعلان منها ولابين سعادته مع ان داخله فرحان حيل بهالقرار

ندى ببتسامه:أجل بحفظ الله

في بلجيكااا

كان عندها سند الي اخذ إجازه اسبوع وجا عندهم لانه مشتاق لهم وخاصة فجر

شهد ببتسامه تكلم فهد وهي تأمل سند الي مندمج بالعب مع فجر:ياحياتي ياسند يحب الأطفال حيل بس الله ماكتب له ضنى مع عهد

فهد بأهتمام:هو ماطول مع عهد عشان تحكمون عليهم هو الي استعجل وطلقها
شهد بضيق هي عارفه ان سبب انفصالهم ماهو لهالسبب وان سند ماحب عهد ولاكان ماطلقها:سند مشكلة مايشكي لأحد وطول عمره يخبي حتى احزانه
وكملت بحزن:ولو كان مافيه شي كان على الأقل خلف من سعاد عاش معها سنتين وهم ماحملت والحين عهد كان رافضها من البدايه بس امي اغصبته ومن اول خلاف طلقها لانه مايبي الزواج
فهد سكت عقب كلامها لانه حس انه صح كل الي قالته

عقب فتره جاهم سند وهو شايل فجر على ظهره ويركض فيها

وقف ونزلها وقالت شهد بضحكه عشان تغير السالفه لان فهد بان على شكله الضيقه خاصة وان سند رفيقه ومن عمره:الله يعينك ياسند على فجر ترا ماتمل ولاتشبع من ألعب
كملت وهي تهمز فهد:انا وفهد مرات نهاوشها ونحقرها
سند بحب وهو يغيضهم ويجلس فجر بحضنه:احقر فجر وهاوشها ليش استخفيت
وباس خدها وحضنها بقوه وهو بداخله يحاول ينسى عهد
الي ماهو قادر يتخلص منهاومن التفكير فيها جا عند فجر عشان يلتهي فيها مثل ماكان يسوي قبل بعد ماتوفت سعاد
اخلص كل وقته بين فجر الي توها والده وبين شغله عشان بس يفتك من الحزن على سعاد وفعلا قدر
بس الحين يوم عجز ينسى عهد حتى وهومهاجروضاغط على عمره بالشغل راح لفجريمكن يقدر ينسى خاصة وهي بدوله ثانيه عن عهد
بس مستحيل هالشي مستحيل

فجر برآءه:بابا ليش ماجت معاك عهد وماما
تقصد حصه قال بحنان :مايقدرون ياقلبي وكمل ببتسامه:وبعدين انتي كله شهر وترجعون عند ماما بالديره صح

فجرببتسامه:صح
اخ ياعهد مشتاق لج حيل ولشوفتك مادري شصار عليك سمعت من اهلي ان جالك ورثه وانك باديه تدرسين في الجامعه
كل اخبارك توصلني بالحرف الواحد بس مدري متى بتخلص من التفكير فيك
شهد بتعب:والله ياسند احسب لشهر بالساعات والدقايق ابيه يخلص
فهد بحب:يابنت حمدي ربك الي مالزم الدكتور تولدي عنده مثل بعض المراجعات
شهد وهي تحضن بطنها الي برز لانها بالسابع:اي والله حمد الله

عند غانم

خلص سعود ولده أمتحاناته وجاب تقدير جيد
وفرح غانم بهالمناسبه وقرر يسوي عزيمه صغيره على قده هو وسعودونور بس وكان يبي يسويهاقبل يسافرون حجزهم باجر جهز كل شي ودخل البيت الكل كان نايم لان الوقت مبجر

عطا الخدم الأغراض وراح لجناحه فصخ ثوبه كان حاس بحر خاصة على هالرطوبه في الكويت

اول مادخل شافها غاطه بسبات عميق ضحك من شكلها حتى وهي نايمه معصبه
قبل لايدخل ياخذشاور قرر ينرفزها على عنادهاودلعها الي مايخلص
قرب منها ونسدح جنبها وراح يسحب الغطا عنها ويحطه عليه
نور انقهرت حتى بنومتها ملعوزها هالغانم لفت جهته وقالت بغضب وهي مغمضه عيونها:وبعدين معاك حتى بالنومه مطفشني وجت بتدفه لانه لصق فيها
غانم بعناد سحبها له وقال: مادري من الي مطفش الثاني

كمل وهو يعدل جلسته:قومي بس قومي سوي لنا غدا

نور بقهر لانه قعدها والحين يبيها تطبخ قالت وهي تجلس وتخصر:لا والله ومن متى انا اطبخ
غانم بقهر منها:من هالحظه وقام عن السرير وقال بثقه وهو ياخذ له ملابس بيدخل الحمام: استعجلي بالغدا عشان ألحق اخذ لي نومه الظهر

ودخل الحمام وهي ازفرت بغضب واخذت المخده بتحذفها عليه بس هو دخل قبل لاتحذفه

نور هذا من صجه اطبخ اصلا انا من عمري مادخلت المطبخ وماتعودت عليه حياتي كلها كانت دراسه وبس
احول شاسوي الحين
قامت واخذت لها دراعه حلوه عشانها تستحي تجلس عند سعود بملابس ضيقه او بناطيل
راحت تبدل بالحمام الخارجي في جناحها وغسلت وفرشت وألبست ونزلت تشوف لها صرفه مع الغدا
ماتبي تعانده ملت من كثرماتحقره وتعانده وهو مايعبرها ابد وبالتالي ياخذ حقه مضاعف في اشيا ثانيه

انزلت شافت سعود توه قاعد من النوم ابتسمت له وقال لها بأهتمام:أذن الظهر صح
نور بستغراب:لاباقي بس ليش شعندك بالعاده ماتقوم ألا بالموت
ضحك وقال:لا بس مواعد ربعي عازميني على الغدا وبروح لهم
قالت بسخريه:اي قول جذي السالفه فيهاعزيمه ماهو سالفة خوف ان الصلاه تطوفك
ضحك منها وقال:بل كاشفتني كمل بصدق:بس والله ماخليت صلاتي ولله الحمد
غانم الي جا على سالفتهم وابتسم وهو حاب اسلوب نور وتعاملها مع سعود حسسته انها صج تحبه وتحترمه

قال بخبث :يعني منت متغدي معنا من طباخ عمتك
نور انقهرت ورد سعود بتنهد:لا والله مقدر معزوم

وبعد فتره من طلعة سعود راحت نور للمطبخ واخذت تسأل الخدامه عشان تطبخ له بس تسكته لا يطفرها
وتركت غانم بروحه بالصاله

هو اشغل نفسه بالجريده

نور بطفش وهي تغسل الدجاجه حاسه بلوعه وعارفه سببهاا وزاد ت عليها من غسل الدجاجه
وجت لها ساندي الخدامه خذت منها وكملت شغلها ونور وصتها تناديها اول ماتخلص عشان بتعلم الطبخ مو لشي بس جذي اشتهت تطبخ دامها مره وراعية بيت

طلعت وهي ماسكه الفوطه تمسح يدينها بعد ماغسلت
قالت بغضب وهي تشم يدها:وي الريحه علقت بيدي زين جذي

وجلست بنفس الكنبه بس بعيد غانم استانس وحس بالسعاده لانه قدر يكسرغرورها وعنادها
قرب منهاومسك يدها وقربه من خشمه شمها وكان ريحتها عند غانم شي جذاب بالنسبه له نور تكهربت منه وجت بتوخره بس هوزاد بقربه وحط يدينها الثنتين بخشمه وقال:هذا ريحه الزفره الي تقولين
بعدهن عنه بعدماباسهن وكمل بذوبان:هذي ريحة مسك وريحان ياشيخه
نور انسحرت منه ومن كلامه دايم يسحرها بأسلوبه وكلامه حتى بقربه يخليها تعجزعن الكلام باي شي
قالت بتوتروارتباك:غانم ترا انا صج ماعرف اطبخ وعشان جذي بخلي الخدامه تساعدني مو لي حطيته تمسخرعلي
قالتها بضيق وخلت غانم ينسحر فيها اكثر واكثر
وقال بهمس وهويوزع بوسات خفاف على خدها:والي يترك الغدا وساعته ويروح فوق
نور بغصه وهي تبعده:غانم حدك عاد انا قايله لساندي تعلمني واخاف تجي وماتلقاني

وكملت وهي تبي تقوم بس غانم ماسكها ويجرها:غانم مو انت قلت لي اطبخي وخر عني بروح اطبخ
غانم بطفش لابوها من ساعه يوم قلت اطبخي قال :ساندي بتطبخ وخل تعلمك لما نجي من السفر احسن

وقام لها وحضنها من ورا وهي انقهرت توها منفكه منه مسكها
قال بحب:حنا بعدنا بالعسل ياعسل

نور استسلمت لانها عارفه ماكو فكه دامه بغى الشي لازم يسويه قالت بقهر:خلاص وخر خل اقول للخدامه هي الي تجهزالغدا وانت اصعد وراح اجي لك بعد مااقولها

ومشت عنه وهو سمع كلامها وصعد فوق

عند سند

طلع من عند فهد عشان يكلم أمه
لانها اكيد بتكلم عن سالفة عهد ومايبي فهد يسمع

سند بتنهد:يمه انا مالي شغل فيها حنا منفصلين ترا

حصه بقهر لانها تبي رجعت عهد لو بالغصب خاصة عقب سالفة الورث الي من اهل أمها حست ان هالشي كبرراس عهد وزاد من فخرها بأمها وهالشي عظيم عند حصه :باقي هي بعدها بالعده رجعها قبل تخلص

سند بقهر اي عده واي بطيخ لو تعرفين ان مالها عده لانها بنت قال بغضب:يمه موكل ماكلمتيني فتحتي هالسيره عهد ماابيها ولو اني ابيها جان ماطلقتها من البدايه

حصه حست ان مافي فايده ألا انها تدخل الشك براسه هي تعرف سند حيل:ياسند افهمني الناس كلت وجهي في بنت اخوي يقولون ماتربت وراعية سوالف والدليل ان حتى ولد عمتها طلقها
سند بغضب:وانتي من صجج تصدقين هالخرافات
حصه برتباك:وليش ماصدق والدليل سالفة هالورثه الي تو اطلعت ومن منو من دكتور تقول انه ولد خالت امي وهي من زمان مطيحه معاه
سند بغضب وقهر:بسس
كملت بتوتر:لا تقعد تبسبس تعال وشوف بنفسك هي للحين تكلمه وتقابله مع انها اتركت الشغل عنده
سند زاد غضبه واستأذن من امه وسكر وفي راسه ميت وسواس قعد يتذكر هالدكتور يوم شافه مره تمناه موجود عشان ينتفه بأسنانه

اما حصه فحست بالسعادة لانها دخلت الشك براس سند واشغلت احساس الغيره عنده

كانت تبسم فجأه قطع عليها دخلة حمدوسهام
ردت ابتسمت لهم كانوا جايين من عند الطبيب

موعد سهام مع الحمل
سهام وحمد ببتسامه:سلام
حصه بحب:وعليكم السلام كملت بنفس الأسلوب لسهام :حياج حبيبتي تعالي اجلسي هنيه ترا الوقفه تعبج
سهام استحت وحمد جرها من يدها وجلسها وجلس جنبها
هي عارفه بأن حصه صادقه بكل مشاعرها اتجاها بس موضوعها مع عهد للحين محيرها وبالأخير قررت تجاملها مهما كان هي ام زوجي وجدة ولدي
ألمست بطنها بحنان حاسه انها بطير من الفرحه الدكتوره طمنتها على الجنين وانه سليم وحمد كان معها وكان مصر يعرف جنس الجنين وعرفه وزادت سعادته

حمد ببتسامه وهو يكلم أمه:الغاليه شنو توقعين يجينا بنت او ولد
حصه بحب:الي يجي من الله حياه الله
حمد وهو يحضن كتف سهام:صاجه الي يجي من الله حياه الله كلها أرزاق من رب العباد
الكل:ونعم بالله

وحصه مالزمت تعرف لانه في نظرها مهما كان بنت او ولد فهو غالي ولد الغالي

عند غانم

الساعه عشر

لزم على سعود ألا يجي بدري عشان الحفله الي مسويها له
كان مجهز بوفيه فيه مالذ وطاب من الأكلات
هذا غير الحلويات بعد ماخلصوا أكل وجلسوا بالمجلس يتقهون
قال سعود بحب:تسلم يالغالي على الي سويته ماكان له داعي تعب نفسك
كان بيرد بس نور بلقافتها المعتاده ردت:شهالكلام ياسعود انت ولده الوحيد ومن حقه يفرح فيك
صح ان كلامها عجبه بس في شي واحد ماعجبه وقال ببتسامه:نور صاجه انا بفرح فيك انت بكري واول فرحتي بهالدنيا وكمل بخبث:بس ان شالله منت أخرها لاني ناوي بحيل الله اعيل ثاني وثالث ورابع
نور غاصت من الخجل ونحبس النفس عندها خاصة وان سعود جالس وابتسم على حجي ابوه هي موعارفه اشلون تقوله بحملها ومستحيل تقوله حاسه انها لي بشرته بالحمل انها تضعف وتقلل من شخصيتها العنيده معاه

بعد فتره استأذن سعود وطلع يسهر مع ربعه ونور اول ماطلع لفت على غانم وقالت بقهر:انت شنو ماتستحي ياخي احترم ولدك الي جالس معنا
غانم قعد يكمل قهوته وقال برود:وانا وش قلت
نور بنرفزه:لا والله ناسي
قال ببرود:قصدك سالفة العيال
نوربقهر :اي
قال بتنهد:وانا صاج ابيك تحملين وتجيبي لنا طفل نور ثارت وقامت بتطلع بس وقفها صوته الي قال بشوق وهو يوقف :ترا سعود بيفرح لي جبنا له اخو او اخت نور لفت عليه كلامه مرات يعجبها ومرات عليها الفاظ تبط الجبد تمت تطالع فيه وغانم ابتسم
وغمز لها

اليوم الثاني
عند عهد

قعدت على صوت تيلفونها وردت بنعاس بدون لاتركز:آلو

نور بهمس:آلو هلا عهد
عهد :هلا نور
نور بنفس الأسلوب:عهد ابيج بخدمه بليز
عهد مستغربه من تصرف نور قالت:ابشري بس ارفعي صوتج ماسمع
نوربتوتر:ماقدر اخاف غانم يسمع
وكملت :عهد أنا حامل
عهد بتعجب لان نور توها لها شهرمتزوجه: من صجج

نور انصبغ وجهها وعهد قالت تصحح الكلام:اقصد شدراج
نور بخجل:لما كنت عند امي رحت وحللت وتأكدت
عهد بسعاده:عموما مبروك يابنت الناس تفرح لي حملت وانتي متضايقه ليش

نور بطفش:انا مومتضايقه بس لان سالفة الحمل جت مع موعد سفرنا
كملت بحزن:انتي تدرين ان سفرتنا تأجلت عشان امتحانات سعود الحين شبقول لغانم وطيارتنا بعد ساعات
عهد بنرفزه:نور انتي صاير لج شي شنو الي بتقولينه قولي له انج حملتي
نوربغضب:منو انا اقول لغنوم والله ماقوله
كملت:ليش انهبلت اقوله
عهد تبي تقهرها:نور الي في بطنج مو ولد غانم
نور بطفش:اي ولده آجل ولد منو
وكملت بقهر: كأنه ماصدق يتزوج
نور غصت عقب زلتها وعهد فطست ضحك قالت:قولي وش طلبج
نور بخجل: اسألي ندى بسرعه الطيران يضرني
عهد بحب:ان شالله بسألها واقولج
وسكرت منها وراحت تاخذ شاور وتلبس عشان تنزل وتسأل ندى

نور ضلت مرتبكه بمكانها وكل شوي تطل على غانم خايفه يقوم قبل يجيها الرد
بعد فتره جاها الرد وكانت الرساله تقول لاتسافري موزين لك بأول الأشهر

نور بضيق:ياربي شقول لغانم مافي ألا اني اروح لأمي وبقوله مابي اسافرمعاك

وبقول لأمي عن الحمل عاد هي تقوله لان انا استحي لو أموت مراح اقوله

انا كل ماتخيل شكله لما قالي ابيج تحملين اذوب بثيابي عاد اشلون لي قلته انا حامل وماقدرت اقولك يمكن انغشي قدامه

تنهدت ودخلت غرفتنا جيت جنبه بالسرير وقلت انا ارجف:غانم قوم ابيك بموضوع
غانم قعد وعدل نفسه استغرب ان نور قاعده قبله بالعاده هو الي يسحبها من فراشها قال:خير وش عندك
تسند على حافة السرير نور بتوتر:مابي اسافر ابي اروح لأمي
غانم استغرب وقال:ماتبين تسافرين اي ليش
وكمل بخوف:امي فيها شي
نوربتنهد:لا اسم لله عليها بس انا جذي ابي اروح لها
غانم بقهر وهويقرب لها ويهز كتوفها:هيه انتي ترا حركات الدلع والخبال ماتمشي عندي كمل بطفش:مو تشوفيني ساكت لك قلتي خل اتمادى وسفربتسافري غصب

وكمل بخبث:عشان افترد فيك هناك ومحد يزعجنا
نور بغضب:جنك قصرت هني فيني وقالت بعناد وهي توقف:سفر مراح اسافر واذا تبي سافر بروحك
غانم وقف وقال بسخريه:اشرايك بالمره تزوجيني بعد عشان اقدر اسافر وانتي مرتاحه
نور بغيره:تحلم ازوجك
غانم ارتاح شوي:لاحبيبتي انا مسافرشهرعسل فأبي لي آنثى عشان اشعربالعسل وياها
نور انقهرت وقربت بتشمخه بس هومنعهاوتم حاضنها وقالت بصياح:وخر عني ومابي اسافر
حست انها بدأت تدوخ خاصة وانها ماكلت شي وارهقت عمرها بالتفكير ارخت يدها عن غانم وانزلت بشويش كانت بتجلس بالأرض بس هو حس فيها ومسكها بشده وجلسها على السرير قال بخوف:نور اشفيك هي كانت دايخه واول ماجلسها انسدحت وقعدت تأشر له بيدها تطمنه انها بخير

غانم بجنون وهو يهزها:نور ردي علي امشي اوديك الطبيب
نور بشهاق وهي متوتره منه ومن خوفه عليها قالت :مابي الطبيب مايحتاج وكملت بضيق:بس ودني لأمي مشتاقه لها
غانم خاف ومن غير لايرد عليها راح يلبس عشان يجيب عمته لها لانه مايبيها تبعد عنه وهي تعبانه

إنت أقرب الناس وإنت محبوبي وإنت الحبيب القريب
ومني وفيني وإنت البدايات وأصدق حلم بدروبي وأعذب معاناةفي نومي تصحيني
وشفيها لاصرت أحبك
وأنت مطلوبي وشلون أخبيك وأنت أجمل عناويني في ذمتك بعدهذا وش تسميني؟

نور عبالها انه عصب وطنشها فدفنت راسها تصيح الوحام بدأ عمايله معها

خاصة وانها صايره تزعل من اي شي وبدون اي سبب

اخذه التفكير وتسندر راسه من كثر ماهو شاك وخايف لايكون كلام امه صج وان عهد عايشه قصة حب مع شخص ثاني هو عمره ماكان بهانذاله ولا هالحقاره بس مو عارف يتحكم بمشاعره خاصة عند عهد كل شي يسويه لو بنظره غلط ولا يصح

تنهد بضيق وهو حاس بكتمه في صدره كان في سيارة لاجره بيروح يحجز لرجعته لندن عشان شغله بس عقب مكالمة امه تلخبطت اموره قال بجمود لسايق:استعجل لو سمحت

كان مقرر يحجز للكويت بيروح ويتاكد من نفسه ان كل كلام امه كذب في كذب وان عهد لايمكن تزوج ولا راح تحب غيره ابتسم بسخريه على افكاره

أعاهدك باللي خلقني وسواك

ويعاهدك قلب"إذاغبت صانك

والله ماخونك ولا أفكر أجفاك

وملعون قلبي كانه بيوم خانك

لاضاق صدرك وأزعجك جور دنياك

تكفى أعتبرني واحدن من خوانك..؟

*خــــــــــاص لـــــــــــلــــــــــغاااااااااااااليـــــــــــ ـن

**

شوشو جدة

29 - 09 - 2009, 04:44 PM

رووووووووووووووووعة

مشكورة طموحة

اختيارتك دايم ذوق زيك

*مهاوي*

30 - 09 - 2009, 01:09 AM

رووووووووووعه البارت
يسلموو

جرح الهوى

30 - 09 - 2009, 07:05 AM

بااااااااااااااااااااارت رااااااااااااائـــع

ماتوقعت سالفة الورث :)
احسه قلبت كياااااان عهـــد :)

تسلمي

طموحي عالي

02 - 10 - 2009, 06:32 AM

السابع والعشرون

ياقلب هون من همومك والأوجاع
.
تري الزمن ياقلب ماهو بطايع
. .
جاري الزمن وإضحك ولوكنت ملتاع
.
سود الليالي ماتغير طبايع
. .
إصبر وخلك بالأمل دوم طماع
.
لعلها خيره ولو كنت ضايع .

٠٠يحبها لا لا اصلا٠٠ هو مستحيل يحب بعد سعاد٠٠
سعاد كانت حبه الأول والأخير سعاد كانت روحه وقلبه وكل مايملك بهالدنيا اشلون يخونها ويحب غيرها مستحيل
تنهد بضيق وهو حاس بأحزان مكبوته في جوفه ولا هي ناويه تنفرج٠٠٠

أخ ياسند٠٠٠لي متى بتظل على هالحال شالي غير رايك وخلاك تسافر وترجع لها معقوله٠٠ عشان ماوسوست لك امك او لانك صج خايف تروح من يدك وحاس انك بتفقدها وتنحرم منها للأبد مثل ماانحرمت من سعاد٠٠٠
ظل سارح بأفكاره ولاصحاه ألا صوت الكابتن يأمرهم بلبس الأحزمه عشان الأقلاع

ربط الحزام ودعاء دعاء السفر وقعد يستغفر ربه عشان يبعد هالوساويس

مامرت فتره ألا
وهو يفكر اشلون بيتصرف وش بتكون ردة فعلها لي شافته هل مازالت تكرهه ولا انها نست بهالاشهرالي طافت كل الي سواه لها

عند نور

غطت بالنوم بعد ماتركها غانم الي راح يجيب خالته وقبل لايطلع دق على السفريات وألغا حجزهم٠٠٠هو كان بحاله خوف وارتباك من شاف تعب نور
نور الي ريحها النوم خاصه وانها ترهق نفسها بالسهر بسبة غانم٠٠٠كانت مثل المخدره وكأنها تسمع اصوات تناديها بس ماقدرت ترد ماحست ألا وأحد يهزها بشويش تحسبه غانم وبيزعجها مثل العاده قالت بنعاس وهي تجلس:غانم وبعدين معاك خلني ارتاح٠٠٠
كانت تكلم وعيونها مسكره وغانم كان واقف وجهه قام يتلون عشان خالته هي الي تهز نور
ام نور خافت لانور تكمل وتزيد من خجل غانم قالت وهي تطق وجهها بخفه:نور انا امج اصحي

نور بصدمه افتحت عيونها ولما تأكدت انها صج امها حست بالخجل خاصة وان غانم شكله متفشل بعد
امها بأهتمام وخوف:يمه نور حاسه بشي يعورك شي غانم يقول انك تعبانه

نور برتباك وتوتر:لا مافيني شي كله صداع وكملت بربكه:بس غانم مكبر السالفه

غانم بقهر:لاوالله تعب بسيط وانتي دايخه قدامي

نوربغضب:مافيها شي واذا دخت لا

امهاقاطعتها بتنهد وهي خايفه لاتكبر المشكله:خلاص اهدوا
وكملت بأهتمام وهي تأشر لغانم:لاتحاتي يمه تراها عادي هالدوخه ويمكن من سوء التغذيه كملت بجمود وهي تخز نور:بنتي وعرفها اكيد ماتاكل عدل

غانم حس براحه شوي وقال :حمدالله دام هذا السبب وكمل برودوهو قايم:اجل اجلسي عندها على ماروح اجدد لنا حجز بدال هذي الي انلغت

نوربستعجال:لا لاتحجز وبلاها هالسفره اصلا

امها بعتب :ليش ان شالله
غانم ناطر الأجابه قال بقهر:ردي ليش سكتي على الأقل اعرف سببك
نور بحيا وهي تغطي وجهها باللحاف وترد تنام:لاني حااااامل

ماحست ألا وصوت أمها تلولولش وغانم ماتدري وش رده كانت منخشه عنه وكأنها مرتكبه جريمه بهالخبر
وتنطر محكمه

ام نور الي فرحت وباركت لغانم الي طار بهالخبر وده يحضنها بس وجود امها مانعه

حس ان خالته اتركت المكان وطلعت عنهم عشان تفضي له الجو ابتسم وهو يشوفها للحين منخشه وترجف تحت الغطا

خطرت باله فكره وابتسم بخبث
قرب لها ونسدح جنبها وحضنها وهو يحاول يبعد عنها الغطا عشان يستمتع بجمالها وخجلها قال بجمود:ليش ماقلتي لي
نوربغصه وهي منحرجه من قربه لها:ماقدرت ونزلت عيونها عنه
كانت نظراتها مركزه على صدره ٠٠٠قال بنفس الاسلوب :ليش
قالت بخجل :يووه استحي
وغانم انفجر ضحك منها وهي انقهرت وقعدت تدزه بقوه عشان يبعد عنها بس هو كان شاد اكثر ولاقدرت

أحتاجلك لاضيــق الوقت

صدري

أبيك تمسح عن عيوني

شقاها

وأحتاجلك إذاالفرح ضم فجري

ودي تحس بفرحتي ياهناها

أبيك تسأل عن حياتي

وتدري

عن ضحكةأيامي ووافي

عناها

أحتاجلك في كل لحظه بعمري

لاصرت روحي كيف أبحيابلاها

إنت أقرب الناس وإنت محبوبي وإنت الحبيب القريب
ومني وفيني وإنت البدايات وأصدق حلم بدروبي وأعذب معاناةفي نومي تصحيني
وشفيها لاصرت أحبك
وأنت مطلوبي وشلون أخبيك وأنت أجمل عناويني في ذمتك بعدهذا وش تسميني؟

عند عهد

كانت بالحديقه تقهوى وهي تأمل جمال حديقة بيت عمها عمها وعمتها يشتركون بخاصيات كثيره ومنها اهتمامهم بالزرع والورود

ابتسمت وهي تشوف ندى جايه صوبها

ندى حبت انها تجلس مع عهد وتركت فواز الي منشغل باللعب مع اعياله خاصة وان عهد عقب زعل فواز عليها صايره تتحاشى القعده معهم عكس قبل

سلمت وجلست قالت ببتسامه:اشعندج سرحانه الحلو شيفكر فيه
عهدبحب:ابد سلامتج بس محتاره بزيارتي لعيال خالتة امي خايفه لي فاتحت فواز يرفض خاصة هالحين وعقب ماهو شايل علي
ندى بستفسار:انتي متحمسه لهالروحه
عهدبتنهد:حيل ودي ارد لو شوي من جمايل الدكتور ناصر
ندى بشك:بس
كانت تمنى لعهد السعاده حتى لو فكرة تاخذ عقب سند
بس عهد محرمه هالشي قالت بقهر:اي بس
ندى بخجل:اسفه ماقصد بس اذا ودج راح اساعدج وروح معاج وتركي سالفة فواز علي بقوله رايحين لصديقه لنا
عهد بتنهد:اخاف يعرف ويقوم الدنيا فوق روسنا

ندى بثقه:من فواز لا استريحي ماهو حاس اصلا

عهد بموافقه:خلاص باخذ موعد مع الناس واقولج

ندى حاسه بالسعاده لانها اقدرت تقنع عهد

وصل متأخرولاحب يزعج احد ولانه جاي بدون لايقول لهم٠٠
دخل جناحه بشويش ٠٠٠سكر الباب وشغل الليت تضايق من كأبة المكان من عمره وهو متمسك بكل اثاثه القديم اشلون بينشرح صدره وباله وهو معيش نفسه بهالكأبه

تنهد بحزن وراح داخل يتسبح عشان يرتاح وينام بس مايقدر ينام اذا بيفكر بعهد

قبل لايدخل شده مكان المجلس الي كانت تنام فيه جاه فضول ألايشوفه مايدري احساسه يقول يمكن تكون هني او لها اي ذكرى في هالمكان

تنهدوتبع رغبة ودخل شاف المكان مثل ماهو ألا ان الكأبه كاسيه كل ركن من اركانه
ألتفت يبحث لها عن أثر بس للأسف مافي شي ألا كيس الثوب الي جابه لها كأنها ترفض منه اي هديه فماخذته ٠٠٠حس بضيق كان يتمنى يشوفه عليها بس مستحيل ماسمحت له وهي على ذمته اشلون وهي مطلقه

زاد حزنه فطلع عن هالمكان الي اتعبه اكثر

الساعه عشر

كانت قاعده من الصبح افطرت والحين جالسه تقهوى وهي ماسكه جهازهاتدق على سند بتزيد عليه لين مايرضخ لرغبتها
بعد فتره نزل حمد وسهام

دخلو وسلموا على امه وجلس حمد وهويأشر لسهام تجلس جنبه٠٠٠بس هي استحت وجلست بعيد عنه
حمد بحقد:هين
سهام ماتت ضحك حصه ماهي يمهم قالت بستغراب:اشفيج ضحكينا معاج
سهام بدلع:لاسلامتج بس تذكرت نكته قايلها لي حمد وعيونها عليه
حمد بقهر:متى
سهام بخجل :امس ماتذكر وغمزت له٠٠٠عشان يمشي الموضوع ويسكت

حمد بيزيد من قهرها خاصة بعد ماحقرته قدام امه قال بخبث:والله اذا كان وقت النوم فأنا ماذكر حتى لوكنت اسطر لج نكت مونكته وحده
سهام غاصت خجل ودها تكفخه بس حمد لحق وغير الموضوع قال لأمه:يمه شعندك قاضبه التيلفون من تدقين عليه
حصه جاوبت بهدوء مع ان سالفة حمدومرته ضحكتها ونستها الي هي تدق عليه قالت بضيق:على اخوك صارلي ساعه ادق وجهازه مغلق

حمدبأهتمام:لاتحاتين يالغاليه اكيد مشغول ولاانه في اجتماع اخوي وعرفه في هالأمور يسكرجهازه
حصه بخوف:مو صحيح هو اصلا امس مسافرمن عند شهد ودوامه باجر يعني اليوم فاضي
كملت بنفس الأسلوب:الله يستر
حمدوسهام:أمين

بعد فتره دق جهاز سهام وكانت عهد وطلعت تكلمها بعيد عنهم

وحمد جلس يسولف على امه عشان تنسى الخوف والمحاتاة

عهد بحب :والله انتي اكثر وكملت بدلع:دامج لهدرجه مشتاقه لي ياختي زوريني والله ندى بتفرح اكيد

سهام بشوق:والله موبأيدي انا مضغوطه حيل بالجامعه وبالحمل
كملت بضيق:واذا فضيت رحت لأمي تخبرين مره عوده وتزعل أذا طولت عليها

عهد بحب:معذوره ياحياتي كانت عاذرتها حتى لو مابررت لها
تموا يسولفن عن كل الأحداث الي صارت لأي وحده فيهن

بعد ساعه وسهام مندمجه بالمكالمه شافت سند نازل من الدرج اشهقت وانصدمت ولاتحركت من مكانها عشان مايشوفها اتركته لين دخل على امه وحمد
عهد بخوف:سهام صابج شي ردي سمعت شهقة سهام وعقبه اختفا صوتها فخافت
سهام بتوتر:هاه لا بس حمد جايب قطاوه ولقيت تحت الكنب وحده خرعتني
ماكانت تبي تقول لعهد عن جية سند لانه بنظرسهام مايستاهلها ابد٠٠٠وفرحت بنفصالهم لانها ماتبي عهد تعيش معاه بظلم وذل وقهر
عهد بطبيعتها كطالبة طب قامت تحذر سهام كونها حامل وان القطط تحمل فيروسات

عند سند

قعد الساعه حدعش حس انه طول بالنوم راح يلبس ملابسه عشان ينزل تحت ولو ان امه وحمد جد اسبقوه بالفطور والقهوه
بس حتى بينزل لانه مشتاق لهم حيل ولجلستهم

اول مادخل عليهم شاف الدهشه بعيونهم قال بعبط:اشفيكم مراح تسلمون علي امه بتعجب:سند يمه وفتحت يدينها وهو راح صوبها بسرعه

بعدالسلام والتعبير عن الشوق ادخلت عليهم سهام الي راحت تبدل وتلبس شي حشم دام سند موجود

ادخلت وسلمت بأدب وراحت توصي على الغدى مثل ماأمرها حمد

الساعه خمس العصر

كانت متجهزه بتروح السوق وتجهز حق الجامعه من بدل وغيره ندى درستها بفنون الأناقه والميكب وقالت لها من اول يوم راح تنخطبين

بس عهد رافضه هالفكره خلاص بس تبي تدرس
وماكانت تلقي لندى اي اعتبار اذا جابت هالطاري

كانت طالعه وماشيه صوب سيارتها دق تيلفونها وكان الدكتور ناصر يقول لها ان اهله بنتظارها اي وقت
عهد بأحترام:ان شالله دكتور انا راح ارسل لك مسج وحدد معاك وقت الزياره

ابتسمت:والله انا الي يسعدني وكملت :ولاتنسى انت معزتك غير عندي لانك من ريحة الغوالي
تنهدت:ان شالله صار وسكرت
كانت بتفتح سيارتها بس يده امنعتها
سند الي جاي لهم بيسلم على خاله بس هوبالأصلا جاي لها هي ولما سمع مكالمتها جن وقال بغضب:من هو الي تعزينه
عهد الي منصدمه متى جا ومن وين واشلون سمعها بس بالأخير تشجعت وبعدت يده بقوه وقال بقهر:موشغلك
سند بقهر:ألا شغلي ردي
عهد افتحت سيارتها وركبت وسند كان يغلي عمره ماحس بالعجزوالضعف ألا عندها هي قالت قبل تسكر بكل غرور وفخر:هذا حبيبي الي انطر لين اخلص العده وتزوجه
سند جن ومسك الباب وسحبها قال بحقدوقهر:على جثتي ياخذك غيري فاهمه ودفها وراح وعهد تألمت وجلست تصيح ماتعرف هي ليش قالت جذي عشان تقهره مثل ماهو قاهرها

مر الوقت وهي تشاهق بالسياره وسمعت صوت مسج افتحته وابتسمت وهي تشاهق كان من ام فارس تبشرها بولادة سحر وقومتها بالسلامه وان فارس الصغيروصل

عهد عدلت نفسها الي تبهذل بسبة سند ومسحت دموعها وشغلت سيارتها بصعوبه تبي تروح لسحر بدال السوق لان سند سد نفسها

حركت وهي تفكر بسند وش جابه ومتى وصل اصلا محد جاب لها طاري انه بيجي من السفر٠٠٠شهقت بضيق وهي تذكراشلون سحبهاوقربها منه لما ابتزته وقالت له انهاتكلم حبيبها كذبت عليه بس عشان تعرف هي وش بالنسبه له بس ياليت ماعرفت لانه ماوضح لها انه يحبها لا بين لها انه بس يبي يمتلكها وبس

وهالشي زاد من قهرها٠٠٠ وخلاها تمنى تكفخه٠٠٠٠

عند سند

كان جاي وكله شوق ولهفه عليها بس صدمته صدمه قويه
بأعترافها انها تحب وتبي ترتبط بغيره
سند بغضب مستحيل والله ياعهد لرجعك لي حتى لوبالغصب بس محد ياخذك مني

دام هذا اسلوبك معاي صرتي متمرده ياعهد واستقويتي علينا عقب ماجتك الورثه طلع صح كلام امي البنت عنيده ويبي لها كسر راس
عشان ترجع لحقيقتها بنت سويلم الفقران

اخ بس لومو خايف لاانفضح واجمع علينا الناس كان كفختها طراق يشوه جمالها الي هو سبب حسرتي وعذابي
اجل انا تستفزني بنت وتنقص من كرامتي ورجولتي بأنها تصرح لي عن حبها وامنيتها في الأرتباط بهالحبيب

ضرب السكان بقوه لدرجة ان يده تضررت بس ماحس الي بقلبه اعظم منها

في المستشفى

من جت عندهم وهم ملاحظين نظرة الضيق الي فيها بس ماحبوا يتدخلون خاصه وان عندهم اغراب قرايب خالد وأهله

عهد كانت ماسكه دمعتها واجلست وهي ماسكه فارس الصغير وتحبه وتحضنه هي تحب الأطفال وياما تمنت بأول زواجها من سند انها تخلف طفل حتى لو واحد ماكانت تبي شي بس حتى هذا ماوفره لها

حست بدموع تجمعت ودفنت راسها بوجهه فارس عشان محد ينتبه ويتوقعون انها تحبه

بعد ساعه اطلعوا الناس ومابقى غير عهدوام فارس
وسحر كانت ملاحظه كل شي في عهد بس استحت قدام الأغراب
سحر بعطف:عهد
عهدالي جالسه ومعها الطفل قالت:نعم
سحربتنهد:حطي فارس دامه نايم وتعالي ابي اسولف معاج شوي
عهد اعرفت ان سحر شكت بالسالفه حطت فارس واجلست يمها
وكانت تحاول تبعد نظراتها عن سحر لان ادموعها بنزل خلاص

سحربخوف وهي ترفع وجهه عهدقدامها:تبجين
وكملت عقب ماعهد اشهقت بالصياح ولان ام فارس راحت للحمام فماقدرت توقف اكثر
سحر:عهد اشفيج طيحتي قلبي
عهد بشهاق:سند
سحر بستغراب:سند وش فيه
عهد بصياح:جا وتهاوشت معاه وهددني بأنه بيرجعني له ويعذبني بعد
سحربغضب :ماهو بكيفه وحضنت عهد وهي تحاول تهديها
عشان تسألها عن السالفه بالتفصيل

عند نور

بدلت وجهزت وراحت تقعد غانم اول مره تسويها من تزوجته

نور بحيا وهي جالسه يمه بالسرير:غانم غانم قوم بسك نوم
غانم قايم بس يبي يعقدها شوي
ورفع الغطا وقالت نور بطفش:غنوم ترا بصب عليك ماي
غانم كشف الغطا وسحبها قال وهي على صدره :ألا الماي ياحبي

شوشو جدة

02 - 10 - 2009, 07:42 AM

وااااو

روعة البارت

تسلم يدك ياطموحة

Freesia

02 - 10 - 2009, 08:20 AM

يسلموو ياقلبي
روووووووووعه البارت
يعطيك الف عافيه

طموحي عالي

02 - 10 - 2009, 07:05 PM

تكملة البارت عند نور

بدلت وجهزت وراحت تقعد غانم اول مره تسويها من تزوجته

نور بحيا وهي جالسه يمه بالسرير:غانم غانم قوم بسك نوم
غانم قايم بس يبي يعقدها شوي
ورفع الغطا وقالت نور بطفش:غنوم ترا بصب عليك ماي
غانم كشف الغطا وسحبها قال وهي على صدره :ألا الماي ياحبي

نور وهي تسحب منه وتبعد :زين يالله قوم ترا العشا بيأذن وانت بعدك بفراشك
غانم عدل نفسه وقال بهيام:اجل انا نمت اصلا
تراني اقعد واصلي وانتي بسابع نومه
نور بقهروهي تخصر:وليش ماقعدتني اجل
موحرام طافني العصر والمغرب تو صليتهم٠٠٠
غانم بصدق:والله حاولت بس انتي نومك ثقيل
حست بخجل وهو كمل بحب٠ :وبعدين انا انكسر خاطري قلت مومنها من الحمل٠٠٠ابتسم لها وسحبها من يدها وقال بهيام:وانا ابي لك الراحه عشان الجنين
نوربنرفزه:يعني مو عشاني
كان قريب لها حيل ويده تمسح على خدودها برقه
غانم بتنهد وهو يلمس شفايفها:انتي والطفل واحد وغلاته من غلاتك
وكمل بذوبان:ويمكن غلاك انتي اكبر وباسها

نور بتوتر بعدماتركها غانم:غانم انا ماعرف اشرح لك او ابرر سبب عنادي وعدم تقبلي فيك بس الي ابيك تعرفه انك قدرت فعلا تسلبني عقلي كله افكر هل انه بيتحمل عذابي او انه بيطلقني لي طفش
غانم بنسجام مع كل حرف ينطقه اشفاها قال وهو يأشر لقلبها:وهذا ماقدرت اسلبه بعد
نور بالبدايه خافت لما اشر خاصة وان دلعتها واسعه بس لما فهمت قالت بتنهد:مادري ولا اقدر اصرح لك بس اوعدك اول مااكتشف راح اقول لك

ابتسم وقال بثقه:راح اقدر ان شالله٠٠٠ قام من السرير بعد ماباس خدها

راح صوب غرفه الملابس بيلبس كان نايم بالروب ونور الغبيه توها تستوعب انصبغ وجهها

غانم من داخل الغرفه:نور تجهزي بننزل عازمك انتي وسعود على العشا برا بهالمناسبه

نور ببتسامه :ان شالله

راحت صوب الغرفه وتسندت على الباب قالت :غانم اعذرني عشان سالفة السفر
غانم كان لابس الدشداشه وقاعد يسكر ازراره قال:عاذرك وكمل بحقد وهو يقرص خشمها:ولو ان حركتك غاثتني بس امسامحك وراح اخفف عنك العقاب
نور بعدت يده وقالت بخوف:اي عقاب الي بتخففه
كملت برجا:غانم انا حامل بولدك ماتخاف يتضرر

ضحك وقال :لا لاتخافي مراح اضره ولاني قايل لك عن العقاب راح افاجأك فيه
وطلع ولفت له وقالت بود:غنوم اكرهت نفسها اشلون اضعفت بهالسهوله بس هو طيب وسحرها بكل افعاله
لف لها قال بأصرار:مستحيل
قالت بقهر:كيفك عاقبني حتى انا برده لك بعشر اذا انت عقابك واحد
ابتسم وطلع وهي تحاتي وش عقابه هذا
هوبخاطره انها مراح اتوب وبتظل بهالعناد والعوابه مهما صار بينهم درازن اطفال

عند عهد

بعد مارتاحت بقعدتها مع سحر وام فارس الي شجعوها وطمنوها ان كل الي قاله بس ردتة فعل للي قلتيه له

عهد بتنهد:يالله انا استأذن
مع السلامه
سحر بحب:تو الناس قعدي
عهد بحنان:لا حبيبتي من الصبح وانا مقابلتج وزين من ندى انها مفهمه فواز ومتوسطه لي عنده ولاجان جرني من شعري

سحر بيأس :خلاص باجر تعالي
عهد :بحاول سلمت وطلعت

ام فارس برجا:الله يستر عليها ويحفظها من كل مكروه
سحر:أمين واخذت جهازها ارسلت لخالد يجي
قامت بتعدل امهابستغراب:اشفيج
سحروهي تعدل روبها:لابس خالد بيجي وشيك على شكلي
امهابخبث:بل مو من ساع تحاولي بعهد تجلس اشوف الحين جا الي اهم
سحر بضحكه:اكيد خلودي اهم
امها بحب:اجل انا استأذن بفضي لج الجو مع بوعادل وبروح لعيالج محرقين جهازي بالدق وفارس دق يقول اذوني ألا يجون لج
سحر :فديتهم عفيه يمه ديري بالج عليهم وباجر بس تجين جيبيهم معاج
امها اشرت بالموافقه وطلعت

وسحر اجلست تنطر خالد بكل شوق وحب

الساعه تسع

كان داخل للبيت عقب ماهو مفرفر كل الشوارع
شاف حمد وعنده فواز حس بضيق لانه ذكر روحته لبيت فواز
فواز بشوق:هلا بولد اختي الي مامرولاسلم علي
حمد بلقافه وعقب ماجلس سند الي سلم على فواز:أجل اليوم ماقلت بتروح لفواز
فواز:متى ماجاني
سند بأرتباك:لا دق علي رفيقي ولزم علي ورحت له

اجلسو يسولفون وجت ام سند وزادت السوالف ألا هو كان سارح فيها

بعد ساعه دق جهاز فواز
كانت ندى

تحاتي تأخره وطمنها وقبل يسكر سأل:ألا عهد جت او بعد
ثارت جنونه عهد اخربت والسبه فواز الي مخلي لها الحبل على الغارب
حصه انقهرت اكيد من سيدات الأعمال صارت تاجره وطبيبه بعد
فواز سكرولا انتبه للي بياكلونه بعيونهم

جا بيتكلم بس قاطعه سند بجنون:بنت اخوك وين طاسه لي هالوقت
فوازبقهر:احترم نفسك وهي عند رفيقتها والده ندى قالت لي
حصه زادت الحريقه:لا دام ندى قالت صدق
اصلا ندى تحب تفضح بسمعة عايلتنا
حمد:يمه عيب
فواز بغضب:ندى ماتكذب وانا اثق فيها
وألتفت على سند وكمل:وانت اذا لهدرجه هامتك عهد وحريص عليها ياخي رجعها وفكني منها او انك لاتدخل فيها دامها عندي وفي بيتي
هو بس كان يبي يوقفه عند حده

سند بغضب:الظاهر مافي ألا اني ارجعها عشان احافظ عليها لاتسود وجيهنا
كافي الي جانا من ورا ابوها

فواز انقهر وطلع وحمد راح يلحقه
سند رمى نفسه وفتح ازراره حس بضيق
امه بسعاده وهي تمسح كتفه:بعدي ياولدي هذا سند الي اعرفه

سند بتعب :يمه انا لازم اروح اجيبها من الحين
عهد تسرح وتمرح واخوك ماهو حاس
حصه :ادري يمه والله ان الناس كلت وجهي لا وبعد مطلعه عليك كلام
سند بحقد:كلام شنو

امه :تقول انها هي الي طلبت الطلاق لانها ماخذت رجال
سند فار دمه وطلع بسرعة البرق

بيخذها بس ماهو جايبها هنيه عند اهله لان ممكن احد يوصلها ويساعدها تهرب كالعاده

لا قرر يتوحد فيها بعيد عن الكل

دخل بيته وهو معصب صرخ بأعلى صوته:عهد عهد
جت ركض هي وندى
ندى بخوف :فواز شصاير
عهد برجفه:خير عمي
فواز:احلفي لي انك كنتي عند رفيقتك
ندى غصت وقالت:اشفيك مو مصدقها
عهد بصدق:والله كنت عند سحر وهي والده واذا مومصدق دق على خالد رفيقك واسأله
فواز رمى نفسه بالكنبه وضغط على راسه يبعد الصداع عنه قال بتنهد:انا اسف بس قهرني اسلوب سند
ندى بقهر :سند وش قايل مو كافي سواته الي اليوم جاي ومتهجم عليها قدام بيتنا
فواز:متى
جت بتقول له بس عهد قاطعتها وقالت بثقه:عمي انت ماعليك من كلام سند او غيره انت ممكن تشك بأخلاقي هذا وانا لي عندك مده واعلمك بكل روحاتي
ندى اجلست يمه:فواز انت لاتصدق كلام سند وامه هذولا يكرهون عهد
وبيقولون كل شي

ألتفت لعهد ورفع يده يناديها لحضنه وهي بدون اي تفكير رمت نفسها له وصاحت

بعد دقايق معدوده انفجعوا من صوت الباب والي داخل عليهم بدون اي احترام كأنه بركان ثاير ومن سابع المستحيلات اخماده

خزهم بعينه وهم اوقفو مستغربين من همجية هالشخص
فواز بقهر:استح على وجهك وطق الباب ياخي

ندى حمدت ربها كانت متحشمه بس صج قهرها قالت:ومن متى ولد حصه يعرف السحى
سكتها فواز وقال:نعم وش جايبك
سند قرب من عهد الي لصقت بفواز من شافته داخل ومسكها بذراعها وقال بغضب:جاي اخذ زوجتي
عهدتبعده قالت بقهر:موزوجتك انت طلقتني خلاص
فواز بحقد:اترك البنت انت طلقتها وهي ماتبيك الي بينكم انتهى ياسند
سند بأصرار وهو يسحبها صوبه:لا ياخال الي بينا ابتدأ ومن هالحضه والحين امشي قدامي جرها بقوه وعهد صرخت :وخر هدني
فواز بعد ماخوفته عصبية سند بركاده:سند تعوذ من ابليس وكل شي بالتفاهم لاتهور
ندى تصيح مع عهد بس سند ثارت جنونه وسحبها غصب ودف فواز عن طريقه وطلع فيها وفواز يلحقه وهو معصب وفي نفس الوقت خايف من سند اذا عصب الكل يفر منه من طفولته
رفع جهازه دق على حمد يستغيثه وسند وصل لسيارته الي صفطها بالحديقه وشاف فواز سد طريقه وعينه على عهد قال برجا:سند خاف ربك في هاليتيمه
سند بغضب:انت بعنادك راح تخليني اتهور واذبحها
ابعد عن طريقي احسن لك

عهد بشهاق:عمي لاتتركني عند هالمجرم اكرهه اكرهه
اه اه اه
فواز بلطف:زين اهدى والي تبيه بيصير كان بيسايسه لين ما حمد يوصل
سند دزه بقسوه وفتح سيارته من وراى حذف عهد فيها وقفلها وركب وفواز وقف بسرعه اعترضه مره ثانيه بس سند رجع دزه اقوى وحرك وطلع من القصر بكبره ومعه عهد بدون اي حاجه حتى عباه

مايبيها تاخذ اي شي هو بيوفر الي تحتاجه

عند شهد

ياربي صار لي ساعه ادق محد يرد علي اوف
فهد دخل وسمعها تأفف قال:شعندج تأففين
شهد بتنهد:امي صارلي ساعه ادق ماترد حتى حمد وسهام
كملت بخوف:قلبي ناغزني اخاف فيهم شي

فهد بأهتمام:مافي ألا الخير تلاقينهم فرحانين بجية سند لهم
شهد بستغراب:سند ومتى راح لهم

فهد بضحكه:خربت عليه كنت واعده ماقول
امس طرش لي مسج وقالي اني بزور اهلي

شهد :وكم بيجلس عشان انشوفه لي رجعنا حنا بعد

كملت بحب:ياان فجر بتفرح حيل
فهد:والله ماقال كم إجازته

شهد برجا:يارب يطول ورجعت تحاول تدق عليهم مره ثانيه وقررت تدق على فواز ودقت

بس للأسف مارد قالت بخوف :فهد صاير شي اكيد الكل مايرد علي
فهد حاول يهديها ودق على اهله وطمنوه ان الكل بخير بس شهد راكبه راسها وخايفه

لين ماتطمن هي بنفسها

حصه لأول مره تخاف وتحاتي الكل قام يصرخ عليها وكلهم نفس الجمله:ذنب هاليتيمه برقبتك

ذنب هاليتيمه برقبتك
ذنب هاليتيمه برقبتك
ذنب هاليتيمه برقبتك

اصرخت بين دموعها بأسف:بااس خلاص ارحموني

كملت بهستيريا:شذنبي اذا شفت عهد بنت اخوي الي حبيته وربيته وبالأخير تركني وراح لوحده ونسى كل اهله وطوايفه
واشلون تبوني احبها وابوها قبلها عذبني بحبه وبالتالي الكل يعايرني فيه اهذا اخوج هذا سندج الي تقولين اخرته سكير

صاحت وقالت:انا السبب وانا اعترف بغلطتي بس ترجع لي عهد سالمه وقدام عيني

فواز بغضب:تهقين ترجع سالمه اولدك بدزته لي كسر يدي فأشلون بعهد هالرقيقه
حمد ضايقه حالة امه وصياحها قال وهو يحضنها:خلاص يمه اهدي مو زين لصحتك

ندى انقهرت من كلام حمد وجت بتكلم بس طيحة سهام عليها ارعبتها وصرخت:سهام

سهام اغمى عليها من الي صار وزاد عليها اسلوب حمدوكلامه مع امه كأنه يشجعها

ابعد عن الكل راح فيها لمكان بتبعد فيه عن كل الناس لانها له هو وبس
طول الطريق وهو يحاول يهدأ شوي ويركد
بس صوت شهاقه ازعجه ولانها مابطلت صياح من مشى لين ماوصل شاليهه

فتح السياره قال بجفاف:انزلي
عهد الي كانت ملتويه تشهق ولا شافت الطريق اصلا ولاعرفت وين اخذها
اعتدلت وقالت بشهاق:سن د ل
قاطعهاوقال:انزلي ولاتبين انزلك مثل ماركبتك
عهد استسلمت لأمره وانزلت وهي متوكله على رب العباد

فتح الشاليه وكان المكان مظلم وموحش وعهد قامت ترجف مثل الريشه بس مااستنجدت فيه ابد قال بعد ماشغل الأنوار:ادري انك منقرفه من الغبره بس اصبري لي الصبح اجيب شركة نظافه

عهد برجا:سند رجعني لعمي
قالتها وندمت جا صوبها مندفع وقالت بخوف:ترا كل الي قلته كذب انا ماحب احد ولا اتفقت مع احد
كملت بصياح:ارجوك رجعني
سند بروقان وهو من داخله نيران تسعر قال هو يمسح شعرها ويعدله: لا عيب ياعهد الحين زوجك متعني وجاي لك من مسافه بعيده وماخذك بيجلس معاك بعيد عن الكل كذا تجازينه وقلد صوتها:رجعني

عهد صدمها كلامه وقالت بقهر :كذاب انت ماتحبني ولاتبيني بس عشان تنفذ اوامر امك عجوز النار

صفقها كف طاحت منه وتدمرت بالغبره رفعها بقسوه وقال بعصبيه:الزمي حدودك ولا تسبي امي كم مره احذرك

قال بحقد:بس الظاهر الطق ماهو نافع معك ابد وببدأ معك بأسلوب ثاني
جرها معاه لغرفته اول مادخل تركها بعد ماقفل الباب وفتح الكبت يطلع فراش نظيف غير عن الي مفروش

كان يبدل الفراش وهي واقفه تصيح وترجف وحست ان الدنيا ارجعت تظلم بوجهها من جديد لان هي ايقنت انها مستحيل تضحك لها الدنيا وراح تم تعاني لين ماتلحق امها وابوها

دام الكل مستحقرها لانها بنت واحد فاشل

تمت تشهق بحرقه واوشكت دموعها على الجفاف هذا اذا ماجفو للحين

تمنت موتها ولا انها تنذل لهالأنسان القاسي والجلف سبت نفسها الف مره اشلون حبيته وليش احبه موكافي الي جاني منه
والحين قاعد يكمل الي ناقص من عذابه

اكرهه اكرهه الله ياخذني ويفكني منه

كانت تشهق وتصرخ بسكات بس ماقدرت تحمل واشهقت بعالي:ااااه ااه يمه وينج

بعد عنها عقب هالكلمه وحس انها بهالكلمه اطعنته بخناجر مو خنجرواحد

ماعرف وش يتصرف او وش يقول

قال بقهر وضيق:ليش تصيحين المفروض تفرحي تأكدتي من رجولتي

عهد تشاهق وهي تطالع فيه بنظرات كراهيه وحقد
تبدل حبها له وصار لها كره هي ماكرهته حتى قبل لانه تعرف ان امه ورا كل هذا وتعرف برفضه لزوأج لكن الحين وعقب سواته انمسح حبه من قلبها

حس انها اقهرته بنظرت الحقد الي باينه بعيونها فرجع سحبها وهي حاولت تمنع شهاقها راح تبين له انها قويه وماهو بقادر عليها
راح تبين له انه عاملها بوحشيه وانها لايمكن بيوم تنسى هالحدث

ودي ابكــي لين ما يبقى دمــــوع=ودي اشكي لين ما يبقى كـــــــلام

من جروحٍ صارت بقلبي تنـــــوع=ومن همومٍ احرمت عيني المنـــام

انطفت في دنيتي كل الشمـــــــوع=والهنا ما يوم في دنيـــــــــاي دام

غربتي طالت متى وقت الرجـــوع=كل عام امني احلامي بعـــــــــــام

ان شكيت الحال محدٍ لي سمـــوع=وان سكت الناس زادوني مـــــلام

طال صبري والزمن عيّ يطــــوع =والرجا باللي عيونه ما تنــــــــــام

اليوم الثاني

الكل محتاس ولا قدر ينام سهام ادخلت المستشفى من الصدمه
وحمد منشغل معها ومع امه ومع اخوه الي مو عارفين ارضه من سماه

فواز وندى اجلسو عند حصه خافو عليها وحزت بخاطرهم طيحه سهام
بس عقولهم مع عهد حيه ميته

فواز غفت عينه شوي وجاه طيف عهد تستنجده وتذكر كلمتها له قبل مده:عمي اذا لجيت لك بيوم بتوقف معاي
فز بسرعه وصرخ :عهد
ندى وحصه:اسم الله عليك فواز انت تحلم

فواز بضيق: اي وقام قال :ندى خليك هنيه بروح ادور سند لو اطلعه من تحت القاع بس اتطمن على عهد

وطلع وهي زاد خوفها وقعدت تدعي ان عهد بخير

فواز احرق جهازه بس ماكو امل يرد وقرر يمشي لشاليه متأكد ان سند مايتعداه دايم في كل ضيقاته يلجا لشاليه

دق على حمد وتطمن على سهام وقال لحمد عن قراره

حمد برجا:خالي عفيه اذا شفت سيارته هناك ارجع معناه هو بخير
قال بقهر:وعهد ناسي البنت اخاف اخوك صج ذبحها
قال بتنهد:ياخالي سند وعرفه زين مايذبح نمله هالنوب بنت

كمل:صدقني سند بس يبعد عنا ويشوف دموع البنت وخوفها بيهدهاويطخ ويحاول يراضيها
هو نقطه ضعفه دموع البنات ناسي هواشه مع شهد بسبت فجر
فواز بأصرار:اسمح لي ياحمد انت ماتدري اشلون عهد كانت تصيح وتطلب العون مني

فأنا اذا ماشفتها راح اموت
حمد يأس وقال:أجل لاتحاول تعارض سند عهد زوجته وخلاص ارجعت لعصمته فأقنعها ترضى

دام هذي رغبته

ماجاه النوم ابد وحس فيها لما غفت جفونها واستسلمت لنعاس بعد ماكانت تقاومه بكل قوه
ترك الفراش وراح داخل بياخذ له شاور
كان الماي بارد بس ماهو حاس فيه من حرارة جسمه

رمى نفسه بشويش وجلس بالبانيو يندب حظه ويلعن في نفسه
ليش ياسند ليش عهد ماتستاهلك انت وحش ومتحجر وهي ناعمه ورقيقه
ياخساره ياسند اشلون بتكون نظرتها لك
عقب ماكنت انسان مثقف وراكد اصبحت بنظرها حيوان

صرخ لا لا انا مو حيوان وهي من البدايه راضيه بزواجها مني بس انا الي حرمت نفسي منها وبرضاي
كنت احسب اني بهالطريقه راح اقدر ابعدها عني بس للأسف طلعت اقرب لي حتى من نفسي

تنهد وطلع من الحمام بالفوطه لبس ملابسه وطلع برا

فتح غرفة شهد يدور لعهد اي شي تبدل فيه على ماينزلون لسوق

لقى بدله وكانت حيل قديمه وشكل شهد حاذفتها ماعنده حل واخذها وشاف عباه وملفع واخذهم بعد

دخل غرفة الغسيل غسل الملابس وحطهم بالنشاف الحار عشان بسرعه ينشفون

تركهم وراح يطل على عهد

شافها للحين غاطه خاف لاتكون ماتت
قرب منها وحط يده يتحسس نفسها تنهد برتياح وراح يشوف شغله

عهد صحاها ريحة يده الي غزا خشمها ريحه شامبو الجسم
بس مافتحت
وبعد ماراح قعدت عدلت شعرها وهي حاسه بقهر وحست من كثر المآسي بحياتها صابها تبلد ماقامت تحس بشي

كتفت على نفسها وتنهدت بحزن
وهي تدعي ربها لانها ماعادت تحمل
شافت سند دخل وحبست دموعها غصب وسحبت الحاف عليها

سند كنت جاي بقعدها بس فرحت لما شفتها قاعده حاولت اقول بجمودوانا امد عليها الملابس: خذي البسي هذولا
عشان بروح

عهد ماردت عليه وهو سكت
خذت الملابس بعد ماطلع ودخلت الحمام

حتى برودة الماي مااثرت فيها جلدها زرق بس هي ماعبرت طلعت وكان باين ان جلدها متأثر من البروده

لان بدله شهدبدي كحلي حفر وبنطلون جنز

اول ماطلعت وشافها انهبل وشك بنفسه بس هو مستحيل يسوي جذي
اكيد الماي انا ماتحملته فشلون هي

قرب صوبها وحضنها يدفيها بحرارة جسمه وهي ماعارضت او ردت بكلمه

بعد ماحس انها تحسنت قال :صلي على ماجهز السياره

طلع وهي صلت مكان ماكانت سجاده سند الي صلى قبلها

تنهدت وحست بعواصف وتيارات من المشاعر تواجهه بس هي اختلعتها غصب وبلدت مشاعرها
سمعت صوته وقامت تلحقه عشان مايتركها بروحها بس في هالمكان

سند ركب وأشر لها تركب اركبت قدام مكان ماأشر وكانت لاصقه بالباب لو فتحه طاحت

تمنت هالشي ودها تسويه بس هي مستحيل تغضب وجه الله بنتحارها عشان هالنذل سند

اجلست تشوف الطريق بسكات حست ان عندها رغبه في ترك الكلام
مافادها كثرالكلام بالأخير محد نفعها هذا هو سند نفذ تهديده هو وامه

سمعت صوته الخشن على مسامعها:بروح السوق اخذي كل الي تحتاجينه من ملابس وبعده بروح احجز لنا انتي بتسافرين معاي

اكتفت بنظره ورجعت تشوف الطريق قال بقهر:كأن مو عاجبك كلامي

عهد حافظت على صمتها وهو كمل:عموما انا ماشاورك وغصب عليك بتسافري معي

تنهدت عسى الله يفرج لي همي
ودام انتي كارهه الحياه ياعهد ليش تعاندي سافري وش بيصير اكثر من الي صار امس

حسبي الله عليك وياويلك من الله

انقهر كل ماكلمها ماردت خاف لايكون انطرمت بسبته
وقف بسرعه وعهد ارتبكت وحست ان الله استجاب لها وانها بتموت هالحين
اغمرتها السعاده بس للأسف ماصابها شي

ونطقت شفاها بدون لاتحس الي خبته بخاطرها :حسافه كنت ابي اموت

كان خايف عليها بس افجعه كلامها في هالحظه تمنى صج انها انطرمت ولا انطقت هذا

حرك من جديد ومشى بسرعه قصوى

حس من كلمتها بكبر حقارتها ونذالتها لانها ماتبيه وتفضل الموت عن العيشه معاه
ليش ليش صار الموت كابوس يلاحقه وياخذ منه كل غالي

اقتراحاتكم

شبتكون ردة فعلهم لي عرفوا بسفرعهد مع سند
حصه هل الي صار بيتوبها ولا بتستمر على خباثتها

شهد وش بتسوي اذا جت

شوشو جدة

02 - 10 - 2009, 09:09 PM

روووووووووووووووعة البارت

سند عاذرته في اللي يسوية

حصة مااعتقد تتغير

اتوقع عهد راح تحب سند بعد سفرها

اهات قلبي

03 - 10 - 2009, 07:33 AM

الله يكون في عونش يا عهد من سند المجنون

شوشو جدة

04 - 10 - 2009, 01:31 PM

وييييييييييييييييييييييين البارت الجديد

نتطرك ياطموحة

الله يعطيك الف عافية

جرحها كايد

09 - 10 - 2009, 06:10 AM

روووووووووووووووعه

تسلميييييييييييييييييييين

طموحي عالي

10 - 10 - 2009, 11:22 PM

مانزل بارت ياغالياتي

باذن الله اول ماينزل راح انزله لكن

جرحها كايد

11 - 10 - 2009, 01:19 AM

تسلمييين خيتووووو

وماتقصريين

وانا نشكررك حى حسن ذوووقك في الرواااياات

ونستنى البااارت

ونتمنى ماينزل الباارت الا انتي

مشكوووره

جرح الهوى

11 - 10 - 2009, 03:44 PM

واحنا بالانتظــار

تسلمي ياالغلا

:)

بسمات الثغر

12 - 10 - 2009, 01:09 AM

يعطيك العافيه ع النقل

اهات قلبي

18 - 10 - 2009, 04:49 AM

وين روايه من زمان اني قريت هذي كلام من ايام العيد

عاشقه ديرتها

18 - 10 - 2009, 08:37 AM

يعطيك العافيه

واتمنى تتطلعي على القوانين الجديده

هنا (http://www.joroh.com/vb/showthread.php?t=62222) وتلتزمي فيها

عشوووق

19 - 10 - 2009, 08:31 PM

يلا طموحي متى بتكملين القصه

طموحي عالي

19 - 10 - 2009, 09:13 PM

غالياتي

الكاتبة انقطعت عن تنزيل البارتات ولم تذكر سبب انقطاعها الله يردها سالمة

باذن الله اول ماتنزل راح انزل البارت حتى قبل أن اقرأه

المعذرة فالانقطاع ليس مني

حفظكن ربي يامتابعاتي الغاليات

اهات قلبي

28 - 10 - 2009, 02:10 AM

من شهرين هذا كلام متى جزء الجديد ان شاء الله على خير

كلي حب

28 - 10 - 2009, 10:55 AM

القصه فعلا مقفلة في المنتدى الأصلي للكاتبه يعني طموحه ماقصرت

طموحي عالي

23 - 01 - 2010, 02:49 PM

سلام عليكم حبايبي اشتقت لكم فوق ماتصورون ويعجز لساني عن وصف هذا الشوق وطول فترة غيابي وانا مانعه نفسي عن انزال البارتات كنت في كل مره اقول بنزل بس ارجع اقول خليها لين اخلص عشان مابي احد يستعجلني وانا بكورس تخرج بس لعيونكم بنزل لكم بارتين طوال هالاسبوع

الهودج

طموحي عالي

23 - 01 - 2010, 02:52 PM

عند فواز
حس بالراحه بعد ماكلمه سند وتطمن على عهد بس مراح تكمل راحتة ألا بعد مايشوفها هو بنفسه ولان سند كان ناوي يمرهم عشان اغراض عهد واوراقها الرسميه
فقرر ياخذ ندى من بيت حصه على استعجال ويرجعون لبيتهم قبل وصول عهد

ندى بعتب وهي تدخل البيت مع فواز:
انت راضي انها تسافر معه وبروحها لف عليها فواز وقال بضيق:شاسوي هو زوجها وانا مالي سلطه عليها الحين
قالت بقهر:صارله فوق الشهرين مطلقها ولادرا عنها والحين جاي وياخذها بارده مبرده
قطع عليه صوت الباب قال:هذا هم وصلوا
وكمل بضيق:صكي الموضوع
وطلع يفتح لهم

سند
قبل لا يطق الباب عطى عهد محاضره طويله عريضه في اي اسلوب او معارضه تسويها عند فواز
وهي طنشته ماكان يهمها شي من الي قاله هي خلاص صارت عدم ولاتعتبر لوجودها اي قيمه في هالحياه

حتى دراستها قررت تنساها لان ماهي قادره تحقق حلم امها وهذا مضايقها حيل بس لانها تعتبر عهد بنت ضحى ماتت بحضن سند امس
فما تلوم نفسها لي تركت تحقيق حلم امها
ولانه بقربه لها خلاها إنسانه متحطمه كل احاسيسها ومشاعرها
أنسلخت روحها عن جسدها بأمواجه المتلاطمه من كل الجهات

انفتح الباب وقبل لاينطق سند بحرف انطلق فواز وعهد نفس الشي وحضنوا بعض
بعد فتره
بعد مادخلوا و عقب السلام الحار الي حاوط عهد من عمها ومرته وكان فواز مازال حاضن عهد بذراعه
ومجلسها جنبه وقال بثقه وهو يتفحصها ويركز بكل شي:اذا ماد يده عليك قولي لي والله ل
قاطعه سند بنرفزه:الزم حدودك وكمل بغرور:وبعدين شايفني حقير لهدرجه عشان افرد عضلاتي على حرمه
اي حقير ونذل وجبان وسافل ياسند ياليتك ذبحتني بالطق ولا سويت الي سويته ياليتك بس0
سند بنفس الاسلوب وعيونه تحرق عهد حراق من كثر الخز : وبعدين في احد عنده هالقمر ويضربه كان يقولها بسخريه بس بداخله صادق وحالف لو شنو سوت مايطقها ابد
فواز بستغراب من صمت عهد قال: عهد اشفيك ليش ساكته من دخلتي
زادت رغبتها بالصمت عقب كلام سند لانها حاسه انه يتمصخر عليها وانها راح اتشوف منه انواع الضرب لانه سبق وهانت عليه وضربها بدون رحمه
خافت على فواز لايتخرع قالت بهمس لدرجة ان سند ماقدر يسمعه:ابد سلامتك مافيني شي وقالت بحب : عمي راح اشتاق لك حيل انت وندى وماحست ألا وهو يضمها بقوه
عشان تحس بالأمان
عهد بدلع وهي تهمس:عمي ترا ندى بدت تغار فكني شوفها شلون تخزك
و فعلا في احد غيران منهم بس مو ندى لانها فرحانه بعهد اكثر من فواز
كان سندوقال بغيره :قومي شوفي اغراضك وجهزيهم على ماروح ادور لنا حجز
وطلع بسرعه لانه تأثر بالموقف واشلون عهد متشدده بفواز كأنها تحتمي فيه عنه
بس الي زاد قهره همسها كان يبي يعرف وش قالت له بس لأسف ماسمع شي

بعد فتره وعهد تحط كل اغراضها ومعها ندى كانت تناقشها بكل شي بس عهد كانت ترد وبتحفظ ماتبي تفضح نفسهم اكثر بين اهلهم
خلاص الله كاتب لها الذل طول حياتها وانها تعيش ذليله لسند وامه فماتبي تقاوم او تعترض او تطلب العون من احد بتواجهه هي بنفسها كل شي لان كل هذا مانفع معها قبل بالعكس زاد من لعانة حصه وحقدها
وخاصة ان سند بكل الحالات يساندها ابتسمت بقهر وقالت اسم على مسمى ياسند

ندى بنرفزه وهي ترد على فواز الي دق ولا حست عهد:نعم وش جايبها
على طول فكر عهد راح لحصه وفعلا طلع صح جايه تشوفها وتطمن عليها

عهد بدون احساس وبرجفه بعد ماعلمتها ندى: ندى تكفين مابي اشوفها قولي طلعت عهد كانت ناويه فعلا تطلع من باب الخدم
ندى بستغراب:بس سند عندها تحت وبتعرف انج هنيه وهو الي قايل انزلي

عهد بضيق :انا بتم هنيه على ماتروح
اجلست على سريرها ندى بحب وهي تجلس يمها :خلاص انا بنزل وبحاول اشغلهم عنج لين ماتذلف هالحصه

عهد برجا عساها تذلف صج وتفكني مابي اشوفها ان شافتني معناه انها حققت وعدها وراح اتشوفني بالشكل الي هي تمناه مذلوله وكسيره

شافت ندى اطلعت ونسدحت وهي حاسه بضيقه بصدرها ورغبه بالصياح بس تخاف احد يحس
بدون احساس كانت تضغط على مخدتها بقوه كانت شوي وتنغرس اظافرها داخلهم
لان مر بخيالها فعايل سند معها

اه ياسند كرهتني فيك وانا الي كنت اعشق اترابك
بتنفيذك لطلب امك ولمره الثانيه وعلى احساب تعاستي خليتني احتقر حتى اطالعك
بالأول عذرتك ولأنك شرحت لي وضعك
بس هالمره وش عذرك خاصة عقب لليلة امس

كان في دمعه خانتها وانزلت وامسحتها بسرعه بس صدمها مسكت يد
كانت ناويه تمسح دمعتها اول
عهد بخوف ماحست بدخولها ابد ولا تدري اشلون ادخلت ومتى
ابعدت يدها عنها بشمئزاز وجلست
حصه انطحن قلبها طحان عقب هالمنظر خاصة شوفة نظرة الحزن الي كاسيتها
انخرطت بالصياح وقالت:ادري انج اأ كارهت ني بس تكفين سامحيني
حلليني انااأ
ماقدرت تكمل كان ودها تصرح لها عن سبب العداوه
عهد انصدمت ولا نطقت بحرف كل الي سوته اوقفت بعد ماشافت ان الجلسه طالت تركت لها المكان

حصه رمت نفسها وتمت تصيح وتحسر على حال عهد الي هي سبب تعاسته

اما عهد فأول مره تشوف حصه بهالمنظر عمرها ماتوقعت انها حساسه كانت تحس ان احساس حصه معدوم اصلا
كانت نازله ولا هي منتبهه فصدمت بجسم صلب وكانت بطيح بس هو مسكها بحرص
اول مااستوعبت وعرفت من ابعدت عنه

قربه صار مقرف لها جسمه الي تمنت حضنه صار نار ولهيب لها
سند برتباك كان حاب انه مايبعد بس طريقتها اقهرته ولان البيت فيه ناس :خلصتي اغراضك
عهد ماتبي ترد فرحمها الله بالخدم كانوا ينزلون اشناطها هي موصيه ندى تقول لهم
سند مانطر الأجابه عقب شاف الشناط قال برود: قبل نمشي سلمتي على امي
تسأل عنك
عهد ودها تذبحه هي ماتحملته هو عشان تحمل امه لاويبيني اسلم عليها
تمت تهلوس من داخلها وقطع عليها
صوت حصه
الي انزلت وسمعت اخر حوار قالت بتنهد:اي يمه سلمت عليها
وكملت بضيق وهي تمسح راس عهد عقب وصلت لها: ماوصيك دير بالك على عهد وتراها امانه برقبتك
سند تعجب بس ماحب ينزل من قدر امه قدام عهد ويسأل وعهد حست انها بتنخرس صج مو كذب بعد ماسمعت وشافت حصه اشلون تكلم لو بتحلف انها تمثل جان حلفت بس الصياح الي فوق واثار الحزن الي كاسيها وش معناه
بس هم ماشفع لها عند عهد ولا حست بأي لوم او رحمه لها لان الي شافته مو شويه قررت تترك المكان وبتستمر تترك وتبعد عن اي مكان تكون فيه حصه
بس كلام سند ارغمها توقف وتسمع قال برود:لاتحاتين عهد بعيوني وان شالله كل مااحصل اجازه راح اجي اناوياها
حصه بضيق:ان شالله

عهد بقلبها عسى الله يموتني ورتاح منكم الأثنين

عند شهد وفهد
كانوا بالمطار يستعدون لرجعه لديارهم الي ذبحهم الشوق لها

فهد بحب:ارسلت لسند وقلت له عن رجعتنا وعدني مايقول لاحد
شهد بضيق:ليش مو انا قايله لاتقول لأحد حتى سند
فهد بضحكه:ياقلبي اضطريت اقوله عشان يجي ياخذنا مابي ادفع سعر الأجره
بس فهد بداخله كان خايف ان سند يسافر صج وهم ماشفوه لان سند كان قايل له يدور له هو وزوجته حجز مستعجل بما ان فهد يشتغل بالسفريات وخبره في هالشي
فعشان جذي قاله وطلب منه يأجل عشان خاطر شهد الي فرحانه انهم بيجتمعون ثاني

اركبوا الطياره وكانت فجر بينهم بالوسط ولافه صوب ابوها الي يحاول يشغلها لين لحظه الأقلاع

شهد تأملت شكلهم ماتدري شكثر تحمل بقلبها من حب وشوق لهالشخصين فجروابوها
حست برفسه افزعتها بس كانت بتضحك وكأن الي في بطنها يذكرها فيه وانه هو بعد محتاج هالحب وراح يكون له نصيب منه
قعدت تحسس بطنها بحنان
وهي تطمنه انه بتسوي المستحيل عشانه فهو جزء مشترك بينها وبين فهد حبيبها
وكل شي يربطها بفهد تعشقه

الكل استغرب قراره المفاجئ وانه بيجلس يومين بعد ماكان مستعد لطيران بعد ساعه

اعتذر بشغل ضروري بس ماصدقوا سند اذا بغى الشي لازم يسويه واشغاله محدده باليوم والساعه مافيها جدال ولا فيها اشغال مفاجئه جذي

طلب من الخدم ترجع شناط عهد فوق

واصلا عهد اكثر وحده افرحت حست براحه على الأقل بتشوف فواز وندى بهاليومين قبل رحلة الظلام الي في بالها

اصعدت لغرفتها000واعتذرت عن الأكل بس ندى مارضت وارسلت أكلها فوق

كلت لها شوي بس عشان خاطر ندى ولاهي نفسها مسدوده من كل شي
بعد ماخلصت ادخلت تبدل وتسبح للمره الثالثه فهي تسبحت في الشاليه وتسبحت اول ماجت ونزلت ملابس شهد الي عطاها سند والحين بعد عقب ماكانت متجهزه لسفر وتأجل قررت تسبح وتحط راسها وتنام كانت حاسه بنقراف من نفسها ومن جسمها عقب لمس سند

اطلعت بجمامه رمادي بنقش وردي كانت ساتره حيل
بس جسم عهد الساحر يلفت النظر حتى بالساتر

افتحت شعرها الي مبلول وكان ينساب لي لفخذها
اتركته عشان يجف وراحت انسدحت بتنام

اول ماحطت راسها صحاها صوت صكة الباب اعتدلت تشوف من
فنصدمت كان سند وش جايبه لغرفتي بعد لايكون غير رايه وبنسافر

حاولت ماتهتم ورجعت تنام
وهي مرتبكه وجوده معها وبغرفتها يوترها
قام تنفسها يسرع وبشكل ملحوظ
وهالشي ماغاب عن سند ابد
فصخ ثوبه ونسدح بالطرف الثاني عنها
لف صوبها وقال برود وهو يمسح شعرها الرطب:قومي جففي شعرك بيحوشك برد من التكيف
عهد برجفه وبقلبها احسن
ماتدري بخوفه عليها
وماردت وعرف انها طنشته مع انه مايحب هالأسلوب بعمره ماحد تجرأ يطنشه او يقهره ويستفزه بس هالعهد استباحت كل هالأمور
من دخلت حياته

بدون شعور وكأن عواطفه هي الي تقوده لها قرب وحضنها من ورا قال بذوبان وهو يستنشق ريحة شعرها الي فتنه من اول لقاء له فيها كان اكثر شي جذبه هو يموت بالشعر الطويل: ترا كنت ناوي ارجع معاك لشاليه عشان اقدر أدبك بعيد عنهم بس قلت حرام خل تفرح بهاليومين
كمل بقهرمن صدها وبرودها وهو يزيد من ضغطه عليها كأنه ناوي يكسر عظامها وعهد مابينت اي ردت فعل بس فاجأها برجعة شهد وعرفت ليش سفرهم تأجل :وترا مو عشانك عشان فجر وامها الي جايين اليوم

اقدرت تبلع غصتها وتسكت بس الي ماقدرت له هي مقاومة سند الي كان ناوي عليها بالعذاب

كان حاس انه ضعيف عندها وانها تقدر تكسر راسه وتلخبط كل اموره
بالأول اقدرت تكسر قراره في رفضه لزواج وانفرضت عليه
وحاول قدر الأمكان انه ماينجذب لها او ينساب في تيار انوثتها
بس هاهي تهزمه وللمره الألف في كل شي

دفن راسه بشعرها الرطب وتنهد بعمق وبحزن لي متى بتعذب معاك ياعهد حرام عليك ارحميني

كان ينطق بداخله وده لو تحس وتسمع

الساعه ست المغرب
عند فواز
كان بالمجلس مجهز قهوه من بعد العصرو ينطر نزول سند
قعديتقهوى مع ندى ويسولفون
ندى بأهتمام: مو جنه سند طول في غرفة عهد
فواز بنرفزه :وانتي شعليك فيه رجال ومرته
كمل بغضب:حريم
ندى بقهر: ثمن كلامك حبيبي
وبعدين انا مالي شغل بولد حصوه ماهمني الي احاتيه هاليتيمه الي قافل عليها عنده
احسه ذ
قاطعها
فواز بقهر:ندى
حطت يدها بفمها وكملت:خلاص توبه
خافت لاتكبر السالفه وطريقتها ضحكت فواز
وبدلت غضبه سعاده
يعشق حرصها على رضاه

عند نور
دخل عليها غانم شافها تحاتي وفي يدها التيلفون
غانم بحب بعد ماسلم:اشفيك ياقلبي
قالت بتنهد:عهد ياغانم ادق عليها من امس ماترد وقلبي ناغزني اخاف فيها شي
غانم وهو يجلس جنبها ويحضنها:سلامة قلبك ياقلبي
وكمل وهو يمسح على خدها بيده:هالعهد هذي حيل احسدها احسك تهتمين فيها وتحبينها اكثر مني حتى وضغط على خشمها بأصابعه

نور بصدق: لا غنوم حبيبي كل شي ألا عهد
كملت بتنهد:عهد بالنسبه لي بنتي الي ماولدتها او اختي الصغيره هالبنت من شفتها داخله علي شفت السعاده
غانم بغيره: بنتك من منو اعترفي من ابوها
نور بضحكه:انت طبعا

في غرفة عهد

ملت من كثر ماهي كاتمه مشاعرها وصامته بالأخير قررت تبعد عنه لو بالغصب

ارفعت نفسها بتقوم بس هو كان اسبق منها ومنعها
انقهرت تبي تخنقه عشان يموت وترتاح منه
قال بنعاس:كم صارت الساعه
عهد اخ يستعبط ويمثل النوم هو عارف بالوقت اصلا من قدر ينام فينا

اوف دفت يده بكل قوه وبعدتها عنها وقامت

مرت اخذت لها روب ودخلت الحمام
اما هو فجلس على السرير عقب غادرت عهد السرير حس بالبرد كان متنعم بالدفء في قربها

حاس بخجل من نفسه اشلون نسى الجماعه الي تحت خاصه وانه في بيت فواز
تنهد بقهر:هو الي يجلس مع عهد يذكر احد
كمل بثقه:انا زين مانسيت صلاتي بسبتها
مد يده لأرض اخذ فنيلته لبسها وقام

كان ينطرها تطلع
عشان يقولها عن قراره بيبعد عنها ويتركها ترتاح عند فواز لين مايسافرون
كان عنده احساس انه بهالتصرف بيخليها تشتاق وتحس فيه

عهد اطلعت بالروب ولفت صوب التسريحه بدون لاتناقشه او تطالعه حتى
كانت تشغل نفسها وتوترها من نظراته بتجفيف شعرها بالأستشوار
تعمدت تعلي عليه عشان ينزعج ويبعد بس صدمها موقفه طفأ البلاك بدون اي نقاش وقال بثقل وغرور: شوفي لي فوطه بتسبح
عهد انقهرت ونزلت الي بيدها وراحت تجيب له فوطه بس يذلف ويتركها

اليوم الثاني
الساعه ثمان الصبح
وصل للمطار على الموعد وفعلا اعلنوا عن وصول رحلتهم
سند الي كان جاي لفهد واهله
هومن طلع من عند عهد امس مادق عليها ولافكر يكلمها حتى كأنه يعاقب نفسه قبل لا يعاقبها هي او يحتقرها
ماقدر ينام اصلا حس بالشوق لها لدرجه الجنون بس صارع هالشي عشان لاتنكسر شخصيته عندها اكثر مما هي منكسره
أليا ذكرتك من حلا النوم
فزيت
وخليت باقي النوم للي
يبونه
قطع عليه تفكيره بعهد شوفته لشهد وفهد الي شايل فجر نايمه
ابتسم وراح لهم بخطوات مستعجله عشان يشيل فجر عنه

عند نور
كانت تكلم عهد ماصدقت نفسها اول ماشافت اسم عهد يضوي بشاشتها

عهد حست بالوم وانها لازم ماتخوف الناس الي يعزونها ويعتبرونها وحده منهم

فقررت تكلم نور اول وبعده سحروام فارس

نور بوله صادق ماخلت كلمة شوق وحب مااطربت عهد فيها لدرجة ان غانم اول مادخل وشافها تكلم استغرب وحاشه غيره ولماعرف انها عهد ضحك وطلع عنها: عهد خليني اشوفج
كملت :شوفي اي مكان انا ماعندي مانع
عهد بضيق :ليش ماتخلينه عندي بيت عمي تعالي صدقيني راح تفرح ندى لي عرفت
نور ببتسامه:خلاص بس اقرر اقول لج
ابي اشوفج قبل يخطفج هالسند
قالتها بضيق
لان عهد عطتها معلومه عن الي صار لها وانه سبب غيبتها
عهد بتنهد:مافي اقرر لازم تجين

اليوم الي بعده
في بيت حصه
الكل مجتمع بمناسبه رجعة شهد وزوجها حتى فواز جا ومعاه ندى
بس عهد ارفضت تروح ولا عارضوا رغبتها
مع انها متشوقه لشوفة شهد
بس مستحيل تطب بيت حصه
سهام بضحكه تكلم شهد: شوفي حبيبتي مو باجر اعيالج ياخذون الجو عن عيالي ترا ماسمح لج
شهد بثقه:حبيبتي شنوجاب اعيالنا حنا المزايين لعيالكم الجياكر
سهام بقهر:عدال ذابحج زين فهد
شهد بنفس الطريقه والأسلوب:فديته يهبل
الكل ضحك عليهم

0

بعد مافضا البيت وجلست بروحها لان عيال فواز راحوا عند جدتهم
حست بالوحده وهي صارت تكره الوحده عقب جت عند اهل ابوها وتعرفت على شهد وندى وسهام
حاولت تشغل نفسها باي شي اجلست على التلفزيون عل وعساه يشغلها عن سند

بس مانفع لان غياب سند عنها من ذاك اليوم شاغلها صح انه اسعدها بس في شي يمنع سعادتها ويقول لها سعادتج هي قربه
وليس بعده
تمددت على الكنبه وضمت نفسها لانها حاسه بالبرد وتمنت حضن امها عندها يدفيها
دارت بفكارها وعيونها على الفلم بس تركيزها مومعه وبالأخير قطع سرحانها صوت المسج
افتحته بسرعه تمنت انه من سند لو فيه كلام جارح بس يطمنها انه بخير
بس طلعت من نور تبي عنوان بيت فواز
افرحت اخيرأ قررت الست نور وارسلت العنوان بسرعه وراحت تجهز لزيارة نور

اما سند فكان معهم بالجسد بس_ _ _ اما الفكر
والروح بعد معها كان جالس بالمجلس ومقابل له فهد الي قال بخبث وقطع سرحانه: الحبيب وين سارح
وغمز له
كمل حمد بلعانه: في بنت الخال
سند بغضب اخرسهم وبصوت هامس عشان لاحد يسمع من الظيوف:احشموا نفسكم لاقوم اسطركم
قبال الرجال

فهد بغصه:تسويها مو بعيده عنك
حمد مات ضحك وسند ابتسم من كلام فهد

اما عند الحريم
بسبب الحمل وتعبه كانت امها مجهزه لها غرفه تحت
وكان عندها البنات سهام الي داخله التاسع
وندى وساره حماة شهد أخت فهد

ساره بسعاده:شوفي ترا نبي ولد هالمره ملينا من دلع البنات
شهد بحب:فديت البنات انا
سهام بتأييد:اي والله انا اتمنى اجيب بنوته
شهد :كل مايجي من الله خير وبركه
وكملت :ألا ندى عهد ليش ماجت مشتاقه لها موت

ندى بتوتر:تعبانه شوي وماقدرت تجي
شهد ماتعرف بتفاصيل رجعة سند لعهد

وتوقعت عدم جية عهد لبيت اهلها خوف من ذكريات العذاب الي عاشتها في هالبيت

فهي مقرره تزورها متى مافضت
بس الي ماتعرفه بعد ان عهد بتسافر بعد يومين

ماهو قادر يتحمل الوساويس الي ارهقته من كثر ماهو يحاتيها صار لها فوق الاربع ايام مختفيه ولا ترد على تيلفونها
حتى الجامعه دقت عليه هو بعد مايأست من عهد في انها ترد وكانو يبونها تجي تستلم جدول المحاضرات

وهو راح لهم واستلم الجدول وقرر يروح لبيت عمها بنفسه ويطمن عليها وعشان يعطيها الجدول

كان جالس في مكتبه وتارك كل اشغاله وساهي في بنت ضحى
الي يعتبر نفسه مسؤول عنها لانها جزء من ضحى

بعد فتره دق تيلفونه شافه ابتسم كانت بنته وحبيبة منال رد بحب
ناصر:هلا بشيخة البنات
منال بدلع:هلا بابي وكملت بنفس الدلع:بابي حبيبي متى بتجي
ناصر كان ناوي يطلع من دوامه سيده لبيت فواز بس اتصال منال وسوالها منعه: كلها ساعه وجاي ان شالله
كمل بتنهد:ليش بغيتي شي

منال بفخر:لا بس بغيت الدكتور ناصر يعطيني رايه بأخر لوحاتي
منال من هواة الرسم وناصر يشجع موهبتها
قال بحب:ان شالله بس اخلص راح اجي على طول

مراح ينفذ قراره بروحته لبيت فواز اليوم فترك الروحه لباجر

عند عهد
حست ان روحها هدت شوي عقب جية نور
خاصه وان نور ماخذه راحتها دام البيت فاضي وقاعده تقول لعهد عن مواقفها العوجه مع غانم
وان حملها غير اسلوبها وصارت تحترمه غصب عنها

عهد ماتحسدها بس تمنى لو هي تعيش لو جزء بسيط من السعاده الي الكل ذاقها ألا هي من اطلعت على هالدنيا

ماشافت يوم سعيد
تنهدت بحزن وقالت بنفسها اللهم لاعتراض على حكمك
نور بقهر:تدرين خاطري اذبح سند وافكج منه
ابتسمت بحزن وقالت:واذا انسجنتي بسبتي من بيفكني من ثار غانم
قالت بأستسلام:مادري من قهري قمت اخربط
وكملت :متى سفركم بالضبط
عهد:مادري على كلامه لي اخر مره قال بعد يومين
نور بصدمه :شنو بعد يومين يعني اكيد باجر
موقلتي ماشفتيه من قبل امس0
عهد بضيق:مادري مادري وفكينا من هالطاري خلينا باي شي غير سند

نور بحنان :خلاص على امرج وكملت:
ألا شخبار سحر من زمان قاطعه
عهد :ياحياتي تعبها الولادة وتدرين هي في النفاس
نور حاشه خوف:الله يسهل علي وعليها
وعهد لاحظت بس ماوضحت لان ماعندها خلفيه عن هالامور
وحست برعب لو حملت اشلون بتصرف او وش بتسوي وهي بغربا مع سند
تمنت ماتحمل ابد لانها لايمكن تحب طفل ابوه سند
حتى لو هو ولدها من أحشاها

حاولت تدخل بموضوع ثاني بعيد عن الوساوس

عند سند
كان سارح وعشان محد يضايقه او يزعجه جلس بروحه في جناحه طول الوقت يتقلب مو قادر تغفى عينه من التفكير فيها
وده يسمع لو صوتها بس في داخله شي يمنعه يتنزل لها
ابعد الفكر المزعج وقرر يتصل والي يصير يصير بس يرتاح باله
عدل نفسه ودق وهو حاس بلهفه وشوق لسماع صوتها
الي انحرم منه صارله ايام
ماتدري انها بالأسلوب تذبح سند وتزيد من عذابه
ظل يدق ويدق ويدق
بس
ماحصل رد
عاود الأتصال عشر مرات بدون فايده خمن انها نايمه وقرر يدق على فواز احسن

اما هي فكانت تشوف الأتصال وعارفه الرقم بس حبت تطنش مع انها مشتاقه
لسماع صوته موت
حطته صامت وكملت جلستها مع نور خاصة وان ندى رجعت وحلوة الجلسه اكثر
في نظرها
بعد فتره
قهرها ماكان يبطل راحت نور وهي صعدت تنام بعد ماانشغلت ندى بعيالها
وهو بعده مصر يكلمها
حذفت جهازها ودخلت تبدل
وطنشته
ولا هي خايفه من وش ممكن يسوي فيها
تبلدت احاسيسها اتجاه سند وصارت ماتخاف من اي ردة فعل ممكن يسويها
بعد مااخذت ساعه في الحمام تاخذحمام عطور تريحها وتبعث في جسمها الأنتعاش من جديد
اطلعت وهي منتعشه لأخر حد كانت تنشف شعرها فسمعت صوت مسج جاي لها
نزلت المنشفه واخذت تيلفونها تفتحها كانت توقع انها نور
بس انصدمت كانت من سند وفيه نوع من التهديد لها
هي صح تمادت في تطنيشها لان فوق العشر دقات ولاردت
بدون شعور اكتبت له

(اسمح لي نسيت اقولك أن ألساني مايخاطب ألسانك فلاتعب حالك في انك تخاطبني)
ماتدري شلون جتها الشجاعه ونطقت هي صح موضعيفه خاصة قدام سند كانت تجيها قوه وشجاعه هي نفسها تستغرب منها
بس عقب رسالة الي كاتب فيها(ردي احسن لك من اني اجي لك بهالوقت واخذك غصب ادري انك قاعده فواز قالي)
رسالته ذكرتها بأخذته لها لشاليهه وذكرتها بالليله السوده الي قضتها معه

انفجع
انصدم
اندهش
كل علامات التعجب والدهشه بانت على وجهه
شتقول وش تقصد بكلامها انها بتقهرني اذا تمت ساكته ولا ترد علي
حب انه يقهرها زياده ورد عليها (يكون احسن بس جهزي حالك بمرك قبل موعدنا بساعه عشان تسلمي على شهد قبل نسافرهذا الي كنت داق اقوله ولايروح فكرك بعيد على اني داق اتغزل مثلا)
حذف جهازه ورد انسدح وده ينام عشان يوقف عن التفكير فيها

عند حصه
بعد ماالبيت فضا والضيوف مشوا
اجلست هي وشهد وسهام الي مندمجات بالسوالف عن الحمل
وهي طفشانه من سوالفهم

كانت تفكر بعهد وش حالها
وشنو الي خلاها صامته جذي شنو الي سواه سند
طق
هو كذا مره طقها بس كانت تزيد من قوتها وعنادها ولا تستسلم
ودها تسأل سند بس ماتجرأ سند من بد اعيالها كلهم تخاف منه
فشلون اذا صرحت له عن فعايلها الكاذبه

حست فيها شهد وقالت:يمه اشفيج

حصه بحزن:مافيني شي وكملت بغصه وهي تقوم بتروح تنام:بس حاسه بصداع وبدخل انام

اتركت المكان وشهد مانزلت عينها عنها قالت بضيق:امي مو عاجبتني احس فيها شي

سهام بتنهد:من سالفة رجعة سند وعهد وهي جذي
شهد بصدمه:رجعة سند
كملت :ليش هو سند رجع عهد
سهام بخوف وارتباك:اي رجعها صارلهم اربع ايام
شهد صح فرحانه بس حتى ولو عهد ماتستاهل سند دامه بهالتعقيد
قالت بقهر:ورجعها برضاها ولا غصب
سهام بنفس الأسلوب :لا بالغصب
وكملت بغضب: هارب فيها يوم كامل والكل يحاتي حتى امج خافت بس عقب شنو عقب ماطاح الفاس طلع احساسها قالتها بسخريه

بالموت غفت عينه عقب الأرهاق والتعب بس مايمدي يرتاح في نومه ألا وجاه الصوت المزعج

قعد وعصب من الي يتجرأ ويزعجه وبهالوقت كانت الساعه وحده بالليل

قام وراح بيفتح له وكان مجهز لصراخ بوجهه الي جاي مهما كان او وش كان يبي بيهاوشه

فتح وقال بغضب وهو مستغرب صعدت شهد:نعم
شهد نساها أمر عهد تعبها ولزوم الراحه قالت بقهر وهي تعداه وتدخل بدون لاتستأذن حتى لانها ماتبي احد يسمع: اقدر اعرف بسر رجعتك لعهد

اليوم انصدم بما فيه الكفايه فصار مايستبعد اي شي حتى من فجر الطفله
قال بنرفزه:لو مو حامل جان عرفت ارد عليك لانك مو قد هالسوال الحين
شهد بغضب:سند لاتجنني انت شتبي بعهد دامك بهالتعقيد
سند سكر الباب وقال بغضب: اي عقد ياشهد
قالت بصراخ:انت ادرى وترا ماسمح لك تعذب عهد كافي الي جاها منك ومن امك
وكملت :اترك البنت بحالها
سند ماهو مصدق شهد حاسه بكل شي وساكته
ولا ان عهد شاكيه لها معقوله
جلس بكرسي منفرد وقال برودعشان يهدي شهد الي مومن صالحهاالصراخ وهو بداخله يفور فور من الغضب:اجلسي وقولي لي عهد شكت لك
شهد بتنهدوبعد ماجلست :من غير لاتشكي الكل شايف وحاس
قال بشك:بشنو مثلا
شهد بخوف:بعلاقتك فيها وانك ماتبي زوجه عقب سعاد
بتنهد وهو وده يكسر راسها وراس عهد الي فضحت امره بس توعد لها بسفرهم : بس انغصبت وتزوجت عهد وكمل برود:مع اني كنت رافض وانتي عارفه بس ضغطت على نفسي وعطيت عهد كل حقوقها0
بنزفزه قالت: لاتلعب اي حقوق هذي انت مهر ماعطيتها ولا ناسي
انغرس فيه خنجر من كلامها لانه فعلا ماعطاها حقها بعد المتعه
هو قبل رافض لانه مستحيل يلمسها اما الحين لا
قال بصراخ وغضب:شهد اطلعي برا اا
قبل لا اسوي شي مايعجبك
قالت بخوف وبكي:سند انا حاسه فيك ولا الومك بس حتى ولو عهد من حقها تزوج وتجيب اطفال مثلنا
قال بغضب:براا ماتسمعين
اطلعت وصكت الباب بقوه وهو تم يفور غضب

حاس نفسه لئيم وحقير الي استخسر بعهد مهر حالها حال اي عروس
ضرب راسه بيده من الغضب
وفجأه قرر يطلع حاس روحه بتطلع لو جلس

الساعه اربع الصبح
سمعت طق باب غرفتها اقعدت وابتسمت اكيد فواز يقعدها لصلاة كالعاده
قالت بنعاس:قاعده عمي قاعده
قامت بتوقف بس استغربت فتحت الباب ولفت شافت عمها وجهه مشحوب قالت:عسى ماشر اشفيك
فواز الي خرعه سند وغضبه ولا قدر يمنعه من انه يكلمها بهالوقت
قال:سند تحت اخليه يصعد
عهد بخوف:لا وش يبي باقي على سفرنا كانت خايفه لايكون جاي يعاقبها على المسج
فواز بيأس:مارضى و
قاطعه سند الي دخل عليهم عقب عرفت ندى بوجوده واجلست بغرفتها بنا على طلب فواز:عهد بدون نقاش جهزي اغراضك وامشي معي
فواز بقهر:انت ماتخذها ألا بالغصب ياخي تعدل لو مره وحسس البنت بأهتمامك
عهد بغت تبطها ضحك اي اهتمام ياعمي قول احترام اول راضيه فيه
بس مو كل ماجته رغبه جاني طاير
قال :عهد ممكن تمشين معاي قالها برجا وهم عبالهم سخريه عهد هزت راسها ودخلت توضا تصلي وبعده تشوف شغلها
اما فواز فترك المكان وسند قعد يسكر الشناط الي شافهم جاهزات
اطلعت عهد وشافته استغربت بس من داخلها منقهره لانها موعارفه وين بتروح
وكارهه رضوخها لكل تصرفاته العوجا
قال بعد مالف صوبها:انطرك تحت وبنزل شناطك معاي
ومشا صوب الباب ومعاه شنطتين لعهد بس وقفه صوتها
الهامس والي فيه نبرة خوف
عهد الي خايفه انه ياخذها لذاك المكان الي تكره ذكراه عندها تحمل بيت حصه ولا تروح لشاليه :لاتوديني لذاك المكان
سند حس بضيق قال:اي مكان
عهد بنفس الاسلوب:الشاليه
وراحت بتصلي وهو حاول يكتم ضيقته ويطلع استحقر نفسه على اسلوبه معاها
بس داخله شي يشجعه ويقول هذا الي لازم يصير من زمان
وهو لازم يستقر دامه تقبل عهد كزوجه عقب الحبيبه سعاد

عند ندى

اول مادخل فواز نطت بوجهه وستلمته اسأله
فواز طفش خاصه وهو دايخ بينام قال:اوف خلاص فكينا
كمل برجا:تكفين راسي انفجر انا ألقها منك ولا من سند
ندى بقهر:انت ليش تخاف منه بعرف هالأدمي ليش مسبب لك رعب انت وأهلك
فواز غطا راسه بالمخده عشان يبعد صوتها عن مسامعه حست انه طنشها و زاد قهرها

اما شهد فكانت تحس بالضيق من تصرفات سند الي مو مفهومه لها ولا لأي احد هل هو يحب عهد وراضي فيها ولا بس عشان امه
بس امه تابت وانكسرت كل مجاديفها بس بعد شنو محد راح يسامحها واولهم هي شهد اذا تضررت عهد

حاسه بتعب من الحمل وزاد عليها الزعل تمددت بفراشها بتعب وكتبت رساله وارسلتها لسند
)بليز سند ابي اشوف عهد واتطمن عليها(

سمع صوت المسج بس مافتحه
دخل الجناح الملكي الي حجزه عشان يقضي فيه هو وعهد هالساعات القليله قبل السفر
كان يراقبها من طلع من بيت فواز0وكل حركه تسويها حافظها
قال بتنهد بعد ماجلس على الكنبه: بنرتاح هنيه قبل السفر
عهد ماردت بس كانت مستغربه من ارتباكه وتوتره عمر سند ماكان جذي كان جاد وصارم بكل شي بس شكله كان يكسر الخاطر من مشوا من بيت فواز كله يتنهد بضيق وعرقه يتصبب مع ان الجو بارد بس هو حاس بحراره
سند بتوتر:انا وصيت لنا على فطور بس قالوا لي بعد ساعه او اكثر لان الوقت حيل مبكر

عهد هذا اشفيه من صجه احد يفطر خمس الفجر اوف انا بنام دايخه
لفت بتروح صوب اشناطها بس سند وقفهابصوته الي تغير وصار فيه شوية عصبيه:انتي لما اكلمك توقفين و تسمرين قدامي مو تمشين
وبصراخ:فاهمه
عهد اي بانت حقيقتك مو من ساع واحد ماعرفه طالعت فيه بنظره اعتبرها سند استحقار له قرب لها وقال بجمود وهو يكتم غضبه و يشيلها بين ايدينه كان ناطر هالحظه من زمان:كل هالحركات مراح تمنعني من قربك وكمل بهمس:بالعكس تزيد من رغبتي فيك وراح صوب السرير

اخذهم النوم وماحسوا بالوقت لانهم ناموا بعد ماطلعت الشمس وبعد ماسند اكل فطوره لوحده لان عهد ارفضت تاكل وهو ماغصبها بالعكس كان ياكل بروقان وهو يتامل بشكلها وهي تحاول تنام بس النوم جافها بسبته
مع انه كان حنون حيل هالمره بس هي مازالت تصده وتكرهه بس ماهمه دام هالشي عاجبه فحب يكون اناني كالعاده

ازعجه صوت التيلفون مد يده وسحبه كانت شهد وماحب يطنش ورد بنعاس:الو
شهد بخوف:هلا سند وينك ياخوي ليش ماترد على رسالتي
حست انه طول وقررت تدق خافت لايسافر وهي ماشافت عهد
سند وهو يطالع بعهد الي توقعهاغاطه بنومها قال:اعذريني ماشفتها بس امري وش كنتي تبين قالها برود
كان خايف لاتفتح موضوع عهد
شهد بأستفسار:اولا قلي انت وين
توقعته بالشاليه بروحه كالعاده قال وهو يقرب من عهد ويحضنها من ورا وحس برجفتها وعرف انها قاعده وتمثل النوم:بالفندق مع زوجتي
شهد بغباء:زوجتك منو
سند بخبث:ماعتقد اني تزوجت غير عهد
شهد انطرمت وعهد جمدت من قربه وحست ان نفسها بينقطع وهو كمل:ام فجر كلها ساعه وبنكون عندك جهزي لعهد فطور وكمل بسخريه:يمكن لي شافتك تاكل

شهد استعجلت وسكرت عقب اعرفت هو وين وحست براحه عقب كلامه لها
وسند قام ودخل يتسبح عشان يلحق يروح لأهله
وعهد تمت ترجف بالموت استكانت وقف ارتباكها قعدت وراحت تحوس بشناطها اتطلع لها ملابس قبل يطلع سند
ويحرقها بنظراته

كانت لابسه بجامه مستحيل تلبس له قميص وكل قمصانها الي شرتهم مع شهد ايام التجهيز حطتهم في كيس زباله وحطته في كبت سعاد الي بشقة سند كانت قاصده هالحركه لان لو سألها بتقول هديه مني انا شاريتهم لحبيبتك سعاد
بس سند ماشافهم هو من زمان عن ذكريات سعاد
اسمعت صوت فتحت الحمام ولفت عشان هي بعد بتدخل

سند طلع بعد ماانتعش بالماي البارد
ركز عليها كان مايمل من شوفتها لو تم يخزها طول الوقت
حتى بالبجامه الساتره فاتنه فاهم قصدها برفضها في لبس القميص بس ماعليه بس يستقرون هناك راح يجهزها من جديد
بكل شي ماهو عاجبه لبسها دراريع وبناطيل وتنانير طويله ولانها ماكانت بروحها فهي تستحي اول من اهله وبعده من فواز بس الحين مالها عذر
ابيها قدامي باللبس الي انا مختاره

فصخ الروب وقعد يلبس وعهد غاصت من الحرج ودخلت الحمام بسرعه
وهي منقهره من جراءته قدامها

الساعه عشر الصبح
في بيت حصه
من صحت وهي مستغربه قومة شهد وعفستها بتجهيز الضيافه
اسألت وقالت لها فهد بس عمر شهد ماكانت بهالشوق كأن لها سنه ماشافته

اجلست تنطر فهد عشان تستقبله لين ماشهد تجهز
بس الي صدمها وافجعها دخلة سند وكان وراه شخص ماتقدر تنسى شكله ابد لو غاب عنها مئة سنه لانه نفس اعيون اخوها

تمت تطالع فيها كان شكلها يكسر الخاطر ومبين في عيونها الذل والقهر بس كانت تقاوم ولا تشكي
حست بضيقه هي من بتشكي له اذا انا عمتها والي المفروض اكون لها الأمان خنتها وغدرت فيها

اما عهد كانت حاسه انها داخله بسجن تعذيب
وكانت مغصوبه تدخل لوبكيفها رفضت مثل مارفضت روحة الشاليه بس هالمره اقدرت تحمل لان ماهم مطولين بس يسلمون على شهد ويمشون
هو قالها جذي

كانت سرحانه وتفكر ولاانتبهت ألا لصوت سند الجامد:اشفيك سلمي على عمتك
وكان يطالعها بنظرات غضب
تعمد يقول عمتك ولايقول امي
عهد عمت عينك انت وياها سلمت ويادوب تلامست خدودهم بس
وطبعا حصه ماقدرت تحمل هالوضع وطلعت لغرفتها
لانها حست ان شهد اضحكت عليها وانها قاصده تمنع شوفتها لعهد وهالشي ضايقها حيل وكانت على وشك الصياح

اما سند فجلس واشر لعهد تجلس وبعد ماجلست قال بجمود: صمتك هذا ماراح ينفعك بالعكس راح يزيد من عنادي وبعاملك بكل قسوه

عهد بدون احساس انفجرت وكأن صمت اليومين زاد من قوتها وقالت بسخريه: طول عمرك تعامل معي بقسوه
ماهو جديد
اندمت انها ردت خافت لا يتهور قدام اهله ويطقها بس هو ماقام يطقها وكأنه تاب عقب اخر مره قبل طلاقهم وهذا خلها تجرأ وتصرف معاه بهالاساليب الي تقهر

انزلت شهد وسوت مناحه هي وعهد من كثر شوقهم لبعض واضطر سند يتركهم ويجلس مع امه قبل يمشون لان ماباقي على موعد سفرهم شي

دخل شافها جالسه واول ماشافته امسحت دموعها بسرعه كانت تبجي وهالشي ماطاف سند
راح وجلس يمها وقال بخوف ويده تمسك يدها:اشفيك يالغاليه ليش الدموع
حصه انفجرت وشهقت بصياح قطع قلب سند
الي خاف زياده ويبي يفهم السالفه الي خلتها تصيح بهالشكل

اما هي فماكان ودها تكلم او تفضفض لسند مافي نفسها من احزان
لان هالشي بينزل من قدرها عنده
كافي عليها حمد وشهد الي عارفين كرهها لعهد من البدايه و متضايقين منها ويتحاشون
معرفة السبب لان مهما كان ماهو مبرر لهم اسلوبها وتصرفاتها مع عهد

عند عهد كانت في قمة سعادتها بين شهد وسهام ودها بالجلوس معهن فتره اطول بس الوقت انتهى ولحضة الوداع حانت
فضفضت لهم عن حياتها الجديده مع سند وانه تغير وتحسنت معاملته لها حيل
بالأول شكو بالأمر بس السعاده الي بوجهها والنور الي يشع اكد لهم ولو انها كانت تخفي الكثير في سرها

كانوا مندمجات بسوالف سهام وتعابها مع الوحام الي مو راضي يخلص ولو انها داخله شهرها
عهد كانت تسمع لسهام بس كانت خايفه من الحمل لان لو حصل وحملت مراح تحبه بالعكس يمكن تفكر تأذيه وتذبحه قبل يطلع لان كرهها لسند بيخليها تكرهه حتى عياله

كان في شي يخليها تدعي ان سند عقيم عشان ترتاح من هم اي طفل راح تشيل ذنبه

كانت هالأفكار تاسرها وتخليها تهوجس دايم
ماحست ألا بصوت ارعبها خافت لايكون سمع افكارها
سند بعد ماتطمن على امه ورتاح ان كل هالبكي والدموع عشان سفرهم حس بحزن امه صايره حساسه بزياده واي واحد منهم يسافر تصيح
فعشان كذا وعدها كل اجازه عندها
لين ماينتهي تعاقده مع هالشركه ووعدها بعد انه مايجدد الاتفاق ويستقر بديرته احسن
سند برود:عهد مشينا

اطلعوا مع بعض واول ماركبت ومشى سند بطريقه للمطار لأن اغراضهم كلها بالسياره معاهم
عهد كانت بتموت اشلون تسافر بدون لاتشوف سحر وامها هم بالنسبه لها اهل

بالأخير وبعد صراع انطقت وقالت بهمس:ممكن أمر خالتي ام فارس

عند فواز
كان جالس في بيته ينطر جية ناصر الي اتصل فيه وطلب يقابله شخصيا
كان مستحي شي قول له بخصوص جامعه عهد اكيد سند منعها بدون شك
كان قاعد يدور مبرر لفعلة سند بس بدون فايده الغلط راكبهم كلهم واولهم هو على كلام ندى
ليش ماحلف على سند انها تدخل الجامعه وتحقق حلمها بالطب

انفتح الباب وكانت الخدامه تعلن له عن وصول ناصر قام بيطلع له بالمجلس

ناصر ماصدق ان الفرصه تسمح له ويجي يشوف عهد ويسأل عن سبب غيابها هالأسبوعين
دخل عليه فواز ووقف عشان يسلم عليه

فواز بأحترام:حيالله من جانا
ناصر ببتسامه:الله يحيك يااخوي
هو معجب في فواز واخلاقه وكان يشهد له افعاله مع عهد فكانت تحبه حيل وتحس بالأمان في قربه عكس ماكانت عند سند كان يلاحظ عليها الخوف والتوتر بس يجي طاريه

فواز قام بواجب الضيافه وعشان يمهل لناصر الدخول في الموضوع مع انه عارفه

كان واقف عند بيت ام فارس ينطرها تطلع بعد ماوافق ومرهم ماهان عليه يكسر بخاطرها ويرفض طلبها كان هذا ثاني طلب تطلبه منه من رجعها له الأول وقت ماقالت له لاتاخذني لشاليه كان بعيونها رجا وتوسل وهذا الطلب الثاني وهم كان نفس الأسلوب

شاف سيارة فارس توقف وينزل ويدخل بيتهم كان ماهو منتبه لسيارة سند لأنها بعيده شوي
حس بالغيره خاصة وان عهد داخل فبدون شعور دق يستعجلها تطلع
هو مايعرف اذا كان مرتبط او لا بس سالفة انه رجل وغريب تخليه يغير حيل على ملكه عهد

عهد اليوم تحسد على فرحتها لان شوفتها لناس الي تحبهم ويحبونها نستها سند والتفكير بسند
ازعجها كثر الأتصال بس خافت تمادى بالتطنيش ويذبحها زين منه جابها لهم
فقررت تودع ام فارس وسحر وطبعا ودعتهم بدموع وشهاق
وطلعت بسرعه لسند

اول ماركبت طار سند بسرعه جنونيه للمطار
وعهد خافت وضمت نفسها تحمي عمرها وزادت بالصياح سند ماكان منتبهه انها كانت باجيه بس اول ماسمع صوت الشهاق افزعه وقف فجأه ولف صوبها
سند بخوف :اشفيك
كان داخله احساس يقوله انها تصيح على فراق فارس واهله وهو الصج
بس عهد اقدرت تألف وقالت بشهاق:لا تسرع اخاف
حس براحه ومسك كتفها وقربها له بيحضنها لان ردها اسعده حيل وحس انها طفله حالها حال فجر
بس عهد دزته بجفا وقالت بأرتباك :كمل لاتأخر على موعد الرحله
دزها له نرفزه حيل بس قدر يتمالك نفسه ومشى بدون سرعه عشان خاطر عهد

كانت حاسه بخوف من حياتها الي بتعيشها بغربه مع سند صح انها جربت القعده معه وبروحها في الشاليه وفي الفندق بس حتى هالمره القعده معاه بتطول اكثر
فماكان قدامها ألا الدعا على من كان السبب

انتي السبب اكرهج
اكرهج وبضل
اكرهج طول
العمر

فزت من نومها وصرخت بأعلى صوتها لدرجه ان فجر انخرعت وصاحت
حصه بخوف وهي تحضن فجر وتسكتها الي نايمه معاها
وبعد جهد دام اكثر من ساعه اقدرت تنام فجر وقامت هي بتوضا وتصلي ركعتين يبعد عنها الكوابيس

عند سند
بعد ساعات طويله قضوها بالطياره وبعده بالمطار
على ماوصل لشقته الي تبعد ساعه عن المطار
لاحظ التعب على عهد وان طاقتها نفذت ودليل انها اول مادخلوا رمت نفسها بدون شعور وحتى قبل ما تنزل عباتها اللهم حذفت حجابها وفتحت ازرار العبايه وحطت راسها
ابتسم على براءتها ودخل الشناط ودخل يتسبح ويبدل لان مستحيل يقدر ينام بهالقرف

طلع بجامته وحب يتطمن عليها بس لقاها في سابع نومه انصدم ماتوقع تنام قال بس ترتاح وتقوم تبدل اريح لها بس الظاهر ان التعب هاد حيلها هد
راح صوبها ونزل لمستواها نزل الجوتي عنها الي نسته
مسح على شعرها وباسها والود وده مايفارقها بس حتى هو دايخ وتعبان وراح هو بعد يرتاح

اليوم الثاني الظهر
عند ام فارس
كانت جالسه من الصبح تنطر اتصال عهد هي وعدتها طمنها اول ماتوصل
حاسه بكبرمسؤليتها اتجاه هاليتيمه ومايرتاح بالها لين ماتشوفها سعيده
بالأول فرحت وارتاحت عقب ماتطلقت لان سند بنظرها ماهو كفو ياخذ عهد وشافت الراحه بعيون عهد بس بدون سعاده لانها تشك ان عهد تحبه وتموت فيه
بس الحين وعقب رجعت له بانت فرحتها ولو انها كانت تخفيها
بس في شي يقول انها تعاني ومازالت تعاني حتى عقب رجعتها
وهذا الي مضيق خلق ام فارس ومتعبها

شافت سحر قايمه وداخله عليها بفروس الصغير ابتسمت هالطفل من بين عيال سحر تحبه حيل وتغليه لانه سمي فارس ولدها
قالت بشوق وهي تمد يدينها له:عطيني حبيب جده خل ابوسه
وعطتها سحر وجلست قالت ببتسامه:اشوفك ذابحك هالولد ماسويتي بعادل وعبدالله مثله
وكملت بضحكه:ولا عشان اسمه
ام فارس وهي تلاعب فارس:فديته موزايد بغلاه عندي ألا اسمه
ابتسمت سحر وقالت:اي ادري بس لاتزيدين بالتفرقه ترا عيالي يحسون
ام فارس :لاتخافين احبهم كلهم وكملت :ألا عهد ماتصلت عليج او ارسلت مسج
سحر :لا والله بس لاتحاتي اول ماتفتح خط بترسل لنا هي قالت

عند سهام
قعدت على عوار شديد في بطنها من قوته اصرخت وافزعت حمد الي نايم
حمد بخوف:سهام اشفيك
قالت بألم:اخ مادري شكلي بولد وقعدت تصيح
خايفه تولد وتموت ماشافت ولدها
حمد قام ركضه وبدون لايلبس فنيلته وراح ينادي امه عشان تروح معاه
لان هو مايعرف يتصرف خاصه مع صياح سهام الي ضايقه

صار لها فوق عشر ساعات نايمه ولاهمست او تحركت اللهم صوت نفسها الخفيف
الي يطمنه انها بخير ومازالت على قيد الحياه
بس هو مستغرب عمرها ماكانت كذا
تنهد هو انا شدراني عن نومها اذا ثقيل او خفيف مانمت معها ألا هاليومين وحكمت

اوف طفشت ابيها تقوم لو ماتكلم بس حركاتها تسعدني
تذكرت هي ماصلت خل اقومها وعشان نفطر مع بعض ذبحني الجوع من امس ماكلت شي حتى هي
قال بهدوء وهو واقف قبالها:عهد عهد
لفت الجهه الثانيه تبعد عن الصوت لانها ماتبي تقوم حاسه بسعاده مانامت براحه كثر هالمره دايم نومها ملخبط بس هالمره غير
مع ان المكان ضيق بس مريح بالنسبه لها
سند انقهر وقال :عهد الصلاه
فزت من صوته ورجعت لواقعها بعد ماقومها من حلمها الحلو
سند بحنان وبداخله اسم الله عليك يا ماعرف وش ينطق او وش ممكن يدلعها
شافها تمدد وترتب شعرها الي حايس من النوم وقال وهو يصد عنها خايف يضعف ويتهور: صلي قبل يجي الفطور
عهد بنعاس قامت ودخلت الحمام ودها ترجع تنام كأنها ماشبعت
بعد ماخذت شاور تذكرت انها ماطلعت لها لبس توهقت اشلون تصرف

خاصة وان الحمام مو داخل الغرفه كان جنبها وشناطها ماتدري وين اصلا بس اكيد بالغرفه
انتبهت لروب سند الي معلق وقررت تلبسه ماعندها خيار مع انه كان رطب وفيه ريحة الشور جل حق سند
بس ألبسته وطلعت وكانت تلفت لايشوفها
ابتسمت كانت الصاله فاضيه توقعته طلع او في اي مكان هي مو حافظه المكان بس انتبهت ان غرفة النوم جنب الحمام الي دلها عليه سند لما قامت
اطلعت بخطوات سريعه ودخلت الغرفه وصكت الباب وهي حاسه بنشوة الأنتصار
ماتبي سند يشوفها بروبه تخاف يرميه لي عرف انها لابسته
كانت تبي ترجعه قبل لايشوفه
بس صدمها صوته الي جاها من ورا وهي مندمجه تقفل الباب

رياح الشوق

24 - 01 - 2010, 01:08 AM

روعه البارت تسلمين يالغلا وتسلم الهودج

جرح الهوى

25 - 01 - 2010, 12:08 AM

تسلمين على البارت
ياالغلا
:)
متحمسه اعرف ردة فعله على سرقت روبه ^_*

طموحي عالي

25 - 01 - 2010, 01:41 AM

على الله لو يصير الوقت من اللوعات كله نار

ولو يصبح جديد الوقت يشبه وقتي الحالي

أعيش بوقتي الحالي وبأكتب للزمن تذكار

وأنا ضايق من الدنيا لأني عايش لحالي

غريب وغربتي قشري ولا أدري بالفلك وش صار

حقيقة مادريت أن الزمان يصير غربالي

بداية دنيتي مره وذقت من السنين أمرار

تقلبني سنين العمر وذقت المر والحالي

أحس أن الزمن واقف وأحس أن الزمن دوار

أحس أن الزمن ولى وأحس أن الزمن سالي

وجاري الوقت عذبني وجاري الوقت فيني جار

وجرحه في خفا قلبي وجرحه ما بعد زالي

وفيني من الزمن ذكرى وله عندي قديم أسرار

وغنى صوت الأحزان الشقية معه موالي

ويتل الفكر هاجوسه ويلعب لعب بالأفكار

يحوس الفكر هاجوسه وهو دايم على بالي

على الغربة على الوحدة ترى ماني بعد صبار

ولو قلت أتصبر ما أظن الصبر يبرالي

سند الي دخلتها عليه وبها الشكل جننته وهلوست افكاره اكثر ماهي مهلوسه كان منشغل يرتب شناطه مايبي يتعبها

يحرص كل الحرص على راحتها والود وده انها تبادله مثل هالشعور هو لما شاف شكلها وهي نايمه ولاحاسه بنفسها من التعب لام نفسه هو السبب هي عمرها ماسافرت
بس حركتها اقهرته
قال بسخريه وعشان يحرجها لانه عارف ليش تصرف بهالشكل وعارف انها ماتبيه وهو اكره ماعنده انه يكون غير مرغوب فيه وعهد معيشته هالأحساس: يابنت لاحقين على النوم خل ناكل اول
وكمل بخبث:ولا انتي مو جوعانه ترا انا ميت جوع باكل اخاف اكلك
وغمز بعينه يقهرها
وعهد بدون شعور لان كلامه والموقف الي هي فيه احرجها بجد قالت بصراخ:جاااااب يا( )

صح انه زودها بس مو سند الي يتجرأ احد ويرفع صوته عليه او يسبه مشى صوبها وكان حيل غاضب من كلامها
وعهد كانت صورة سند وغضبه مرعبها هي صح اغلطت بس ماتنلام هو استفزها بقوه

اجلست بستسلام وهي تلم نفسها وتسندت على الباب تنطر طق سند لها

بس سند اربكه شكلها مع انه كان ناوي يأدبها بس مو يطقها راح صوبها وشالها وكانت مثل الريشه ترجف وتحاول تبعده بس هو كان اقوى كانت تطقه بصدره وتصرخ
عهد بشهاق:وخر عني اكرهك اكرهكم كلكم
اصدمه كلامها هي صح تكرهه وتكره امه بس مو معناه انها بتكره كل احد يرتبط فيهم
حذفها على السرير وعهد بحزن هي ماتقصد بس سند جننها من ذاك اليوم وهي تعيش بصراع عيشتها معاه تحسسها بالضياع لانها موضامنه حبه وعارفه ليش تزوجها اجلست بسرعه وعدلت الروب الي انفتح
كانت مستعده تحمل طقه ولا راح تستسلم لين ماهو يمل ويتركها بدون رجعه بس مستحيل سند اذا غابت عنه ايام تموت
سند قرب منها وقال بتهديد وانفاسه تحرق بشرتها الحمرا:بطوفها لك بمزاجي ياعهد بس مو سند الي طولين ألسانك بوجهه يابنت سويلم

كمل بقهر وهو يضغط خدها:احمدي ربك حاصل لك يابنت السكران تاخذين واحد مثلي

ابعدت يده وقالت بنفاذ صبر: وليش ماتصير رجال وطلق دامك مغصوب علي

زفر بقوة وزاد من حرقه لبشرتها من انفاسه الساخنه
طالعت فيه ولفت عنه ودها تقهره وتكمل بس كافي من اولها هواش

مسك وجهها بيده ولفه جهته وقال:ادري اني مو عاجبك تبين حبيبك صح

عهد لا زودها دفته بقوه عنها بس هو زاد بلعانته وقربها له وباس ارقبتها بشراسه

صاحت بداخلها تكرهه وتكره لمساته بعد
وبعد فتره بعد عنها وتركها عشان يفتح الباب كان الفطور الي طالبه وصل

سند كان وده يكمل بس مايبي يرهقها من البدايه وألسانها مصيره قاصه تمناها تتم صامته ولا ترد عليه بهالكلام الي يسم البدن سم

اما هي فقامت بعده وصكت ألباب بقوه ورمت روبه الي اختلط بريحة عطر سند اكثر

واخذت لها ملابس تلبس ألبست ثوب لي الركبه احمر ومعاه بنطلون جنز اجلست تمشط شعرها وعينها على اثر سند الي علم برقبتها

احذفت المشط وصرخت بداخلها حيوان اكرهك

انزلت بالأرض تصيح ليش يرجعها دامه مايبيها ومايتشرف فيها كزوجه ليش
بعد فتره صراع داخلي
امسحت دموعها ووقفت لاتضعفين ياعهد اوقفي بوجهه وقهريه مثل ماهو قاهرج حسسيه انه ولا شي عندج وانج تمنين فرقاه
حتى لو كنتي تذوبين بقربه بس لا تضعفين
اخذت المصلى وصلت صلاتها الي نساها سند حتى فرضها

عند حمد

بعد ساعات انتظار اطلعت الممرضه وبشرته بولده
وان سهام بخير بس تحتاج راحه

باركت له امه وخالته وهوطار من الفرحه ودخل يشوف ولده

تأمل شكله كان صغير حيل وملامحه مو باينه اذأ كان يشبه او يشبه سهام
ابتسم وهو يكتب رساله لسند يبشره

اما سند
فتح المسج وفرح اخير هذا اول حفيد لعيال سعد
ابتسم عقبالي ان شالله ارسل لحمد يبارك له
وهو مقرر يتصل فيه اول مايفضا
نادى عهد بصوت عالي وهي حاولت تنسا وتطلع له لانها بغربه وتحت رحمة سند بعد الله

اجلست قباله على الطاوله وهي تغصب نفسها على ألقمه حاسه بغصه
سند بسعاده:سهام ولدت جابت ولد
عهد بعيون فرحانه لهالخبر بس ردت بهمس:مبروك يستاهل حمد
سند بتنهد:اي والله يستاهل وانا بعد ااستاهل
وابتسم يقهرها
كان قاصد هالشي وكأنه ناوي الشر من بداية الأمر

عهد بنفسها لا ماتستاهل وطنشت سواله وقامت تاكل هي ودها تاكل شي يمنع حملها بس خوفها من الله مانعها

سند احترم نفسه وقام ياكل وهو يركز بنظره عليها وعلى اثره الي برقبتها

بالأخير قال بهدوء:جهزي نفسك بنطلع لسوق نشتري اغراض لشقه
عهد بهمس:اوكي

رمت الوردة في طريقي وقفت .:. و مات الحب الي زرعته من سنين

عند ناصر

متعجب من قرار عهد الي قاله فواز انها ماتبي تكمل عشانها بتسافر مع زوجها
هو استغرب رجعتها المفاجأه له
بس قال بتنهد وحب:ماينلام هو الي عنده انسانه مثل عهد يتركها اكيد حس بنفسه ورجعها
ماقول ألا الله يسعدها ان شالله ودامي خلصت امور ورثتها فمعاد لي عذر بشوفتها خل البنت تسهل وخلني ابعد عنها لاسبب لها مشاكل

وهني ختمت سالفة ناصر بالروايه

في المستشفى

الكل مجتمع عند سهام امها وخالتها وندى بس شهد الي ماقدرت تجي
وحمد برا هو وفواز معاهم سعد الحفيد
فواز بغرور:حمدالله وشكر هذا انتاجك
بتصك الثلاثين وماجبت غير هالنتفه
حمد بقهر من خاله الي مايعتبره خال لان اعمارهم متقاربه فكان ميانته مع فواز اكثر من ميانته مع سند الي هو اخوه
ولان سند اكبر منهم فكان متحمل المسوليه كان من صغره وهو مع ابوه وعمه كان مايطوف جلسة الرجال عكس فواز وحمد الي مدللين عند حصه
فهو اكتسب الثقل والركاده من قعدته مع الي اكبر منه

خاصة من ابوه واهله ابوه الي يعتبرون تربية حصه خرااااب

دق تيلفون حمد وعطى سعد لفواز واستأذن منه بيكلم سند الي يتصل

وفواز وعينه على الطفل ابتسم بعطف وحس برغبه في انه يجيب طفل صغير لان عياله كبار
تركي٦سنوات
وفي٤سنوات
نادى ندى وطلعت له
اول ماشافته شايل الطفل وطريقته في حمله اضحكت
قالت:حاسب لاتخنق ولد الناس

قال بقهر:اي تطنزي ياندوي احسابك في البيت وكمل بغضب:ولاتلوميني كم لي ماشلت مولود وهذا بسببك
ومد سعد عليها قال بجفاف:
خذي عطي سهام ولدها وانا ناطر بالسياره
ندى انخرست ماسرع مايشب هالرجال كبريت

تبيني أرضى بالواقع وأساير رغبة الأقدار متى يستأذن القاتل من المقتول في قتله

أشوف الموت أحسن لي من التفكير والتكرار ومنهو عانده حظه ، أكيد الموت أحسن له

عند سند

طول بالسوالف مع حمد كان فرحان لفرح اخوه ويسمع هيام وعشق حمد لسعد ولده
بس زعزع صفو سعادته تلميح حمد له بالعلاج
انصدم الكل متوقعني عاجز او عقيم اي ليش كل هذا عشان سعاد ماحملت اصلا انا ماكنت ألمسها من عرفت بمرضها خفت يجي طفل ويتيتم ويعيش بدون ام
وعهد كنت مغصوب عليها في البدايه بس عقب رضيت بقسمة ربي صرت انتظر ساعة حملها
اخ ياحمد بكلامك لي جرحتني وجرحت رجولتي

كان ناوي يطلع وهو قايل لها بس عقب مكالمة حمد هون وضاق خلقه
شاف الساعه كانت ثلاث العصر توهم مخلصين الغدا
وعهد عشان تحاول تبعد عن سند والصرأع معه لو اجلست معاه اشغلت نفسها باستكشاف الشقه دلت المطبخ حبت شكله صغير وفخم
وجنبه غرفة جلوس فيها تلفزيون كانت جلسه ارضيه حبتها حيل تذكرها بيتهم اول هي وامها كانت دايم تنام قبال التلفزيون لما تشوفه وامها تزفها بس ماتعدل وكان
فيه مجلسين واحد كبير لضيوف واحد فيه مكتب وكان منعزل باخر الشقه يمكن سند يستقبل فيه ضيوفه

رتبت المطبخ ونظفته عن بقايا الأكل وكانت مندمجه تمسح الطاوله الي قباله

دخل عليها سند كان متوقعها تجهز لطلعه بس استغرب بعدها ماجهزت وتحوس اهنيه

قال برود:اشوفك ماجهزتي مو قلت لك بنطلع
عهد الي خوفها دخلته فجأه قالت ببرود بعد ماهدت شوي:ثواني وبجهز
قاطعها وقال:عموما انا غيرت رايي
طالعت فيه ودها تذبحه قال بجمود وهويعرف فقهرها منه: حاس بتعب وبرتاح وبخلي طلعتنا بالليل
هالبلده اسواقها فاتحه لي الصبح
عهد اشغلت نفسها بترتيب المناشف وقالت برود:براحتك

وقف يتأمل شكلها وطال فتره وقفه وهي مرت من عنده بتروح للمجلس
عقب خلصت الشغل

مسك يدها ولفت تشوف وش يبي بعد منها
تصرفاته صايره ماتنطاق ابد

قال بهمس:وين
وكانت يده تضغط على يدها بخفه اربكت عهد وترتها زياده
قالت بهمس وعيونها تأمل سند وعارفه قصده : بجلس على التلفزيون وين بروح يعني

هي حاسه بمشاعره بس داخلها شي يرفض استقبال هالمشاعر الجياشه كملت بنفس الأسلوب:ممكن تخليني بروح
كانت خايفه لايبين توترها وتنفضح مشاعرها عنده
سند بنرفزه وهو منقهر من كل الي حوله وأولهم عهد قال: تعالي ابيك ولي نمت روحي اجلسي على تلفزونك وتركها ومشى صوب غرفتهم وهي ماتت قهر

ودها تعصيه ولاتروح بس ماتقدر قوة سند وجبروته تضعفها عنده
اوقف وطالت وقفتها وماانتبهت ألا بصوت صراخه:عهد

اخترعت وراحت ركض له وهي ترجف رجف

عند سحر

زاد خوفها على عهد خاصه وان امها بس تحاتي المشكله ان عهد مادقت ولا ارسلت وهم مايعرفون لها رقم خارجي

دخل خالد عليها وهي تنوم فارس الصغير
سلم وباس ولده وجلس يمها قال بحب:عسى ماهو ماذيك بالسهر
سحر بعطف:لا فديته هادي على فارس اخوي
خالد بغيره:شقصدك اعيالي الثانين مثلي
سحر ببتسامه :اي ولا ناسي سواة عادل وعبدلله بس صياح
وكملت بصدق:وبعدين مو انا الي قلته اختك ولانسيت

كلامها قهره وده يأدبها بطريقته بس ماهم في بيتهم عشان يرتاح في فن تعذيبه قال بجمود : فديت اعيالي اذا طالعين علي ابشري بعزك رجال ماينخاف عليهم

سحر بحب: وانا ابيهم نسخه منك
كملت بهمس:احبك

خالد قرب وكان بيبوسها وبس انسمع صوت الباب بعد بسرعه
عنها

سحر اضحكت وهو حس بخجل وقهر في نفس الوقت

بعد شهر من الأحداث

شهد ناطره ولادتها بفارغ الصبر
سهام وحمد موهامهم غير سعد وطلبات سعد
ورافضين يسافرون سياحه ويتركونه لان الكل عارض سفره معاهم كانوا يبونهم يستانسون بروحهم
بس هم رافضين

اما فهد وفجر فمخبين عن شهد مفاجأه كبيره وكان دايم ياخذ فجر ويطلع وبس ترجع وتسألها شهد ترد رحنا الألعاب استغربت فهد موعوايده يخرب فجر وكل يوم العاب وحدايق

وسحر ارجعت لبيتها بعد ماقضت مع خالد ليله بفندق خمس انجوم هدية طلعتها من النفاس

اما نور فقدمت على اجازه طويله لين ماتولد والحين حاسه براحه خف الوحام وحست بحركة الجنين داخلها
اول ماتحرك خافت وصاحت وارعبت غانم في نومه فز وسألها وكانت منطرمه مو قادره تنطق بس تأشر على بطنها

اما فواز فقاهر ندى بتصرفاته وغصب يبيها تحمل غصبها توقف الحبوب ورضت بس هو مو مصدق يقول ليش ماحملتي دامك تاركتهم من شهرين
هي موقادره تحمل تصرفاته وكل مره في صراع خاصة وان عيالهم حسوا بصواتهم العاليه
مره وقاموا يصيحون ماتعودوا يشوفون ابوهم بهالعصبيه

وندى لامته عقب تصرفه هذا وعاندت وقامت تنام عند بنتها عناد فيه
وقالت بغضب: شوف لك اداة تفريخ غيري
كان بيضربها على هالكلمه بس صياح اعياله امنعه هو نقطة ضعفه صياح اي واحد منهم

بس ماهو ساكت وبيعرف اشلون يتصرف معها

اما ابطالنا الي بالخارج فعايشين اقراب بالجسد بس القلوب بعيده كل البعد
سند اشغل نفسه بالدوام ويجي منهد حيله يأدي واجبه كزوج وينام
وعهد تقضي وقتها بالتيلفون مع الكل سند فاتح لها خط ومعطيها الحريه متى ماتبي
او بالتلفزيون صارت تعشق المسلسلات خاصة التركي
بس سند مايحب هالنوعيه من المسلسلات وبيجي يوم وينفجر عليها كالعاده

كانت شبه جالسه قبال المسلسل وعندها صحن حب تاكله
كانت لابسه برموده ضيقه وبدي علاق كان هذا استر لبس جابه سند
كان حالف لي لبست من ملابسها القديمه قدامه لي شقه وفعلن عاندت ولبست وشقه لي قطع صغيره
ماتدري اشلون اصمدت ولا صاحت هي ملت من كثر الصياح مافادها
كان بكل وحشيه يقطعه كأنه اسد هاجم على فريسته ذكرها بأول ليله لها معاه بالشاليه

هاليله بتم راسخه بعقلها لين ماتموت
كان ذيك الوقت وهو يعدم تنورتها وقميصها كانت تطالعه بنظرات استحقار
وكراهيه وبعد ماانهى عملته قال بجبروت:مو سند الي يتعاند ياعهد
قالت بنرفزه وهي شبه عاريه قدامه:مسكين ياسند عبالك بأفعالك بتكسبني
وكملت بنفس الأسلوب:وبتخليني استسلم لك لاكن لا لا يولد امك ماني عهد الي خبرك عهد هذيك ماتت انت ذبحتها
عهد بنت ضحى انت وامك قتلتوها والي قدامك هذي عهد بنت سالم
وبسخريه كملت:او سويلم المدمن العاصي وراح اتشوف بنته وش بتسو

مسكها وسد فمها بيده وقال بقهر والنار تسعر بداخله:اقضبي ألسانك ياعهد ولا تراددين ترا سند ماهو سهل بالنسبه لك

وزاد في حضنه لها وعرقل حركتها وهي حاولت تصده بس ماقدرت قوته تفوق قوته

كان منقهر منها حيل وهي ماتدري اشلون جتها الجراءه وقدرت تسكته بكلامها الي مثل السم
بس كانت بقمة سعادتها اكسرت راسه وغروره
بصدها
صارت ماتخاف منه ابد وتستحقهره لان سند التكانه والرزه والي الكل يخافه ويحسب له الف احساب
يصير قدامها انسان ثاني

قطع عليها افكارها صوت الباب وعدلت جلستها
عارفه انه هو صارت تحفظ وقت جياته ولو انه مايطول بالدوام
ويعشق جلسة البيت بس عهد ماتحب تبيه يطول اكثر

دخل عليها وسلم
وعهد ردت بهمس:وعليكم السلام

جلس على الأرض بعد ماحذف جاكية وأسند راسه على المركه
كان مقابل لتلفزيون
قال برود: سوي لي قهوه
وكمل بنفس الأسلوب:واذا تكرمتي وسويتي لي شي يوكل كثر الله خيرك

كان منهبل على لبسها الون الكاكاوي مع الأصفر معطيها شكل طفولي حيل
ماجادلت هي في بعض الأشيا ماتعارض او تجادل ومنها الأكل والفراش
ماتحب تنقص بواجبها عند ربها
بس فرضه على لبسها وعلى اخلاقها وكونها بنت مدمن تخليها تنقهر

خذ الجهاز وحط على الوثائقيه يتابع برامجها
هو مغرم بهالقناه
وماحس بنفسه ونام

من كثر التعب والأرهاق

وعهد الي جهزت قهوته وسوت خليط كيك معاه في ربع ساعه كان شغلها مخلص
جهزته بالصينيه وراحت توديه له
كانت حاسه بالخجل ليش قال اذا تكرمتي لها هي ماكانت تقصر باي شي يطلبه
وكانت تفرح لي شافته ياكل من طباخها ولو انه ماكان يبدي اي راي في اي شي تسويه
كان قاهرها ياكل بصمت وهي تحترق تبي اي كلمة شكر

ادخلت صدمها شكله النايم وانكسر خاطرها نزلت الصينيه بشويش عشان ماينزعج بس نوم سند الخفيف يشعره بأي حركه عنده

قعد واعتدل وقال بتنهد: صار لي يومين مانمت عدل من كثر الشغل هالأسبوع
اخذ منها الفنجال الي صبته ومدته له وقامت تحط له صحن كيك كانت تسمعه بس ماعندها اي فايده تقولها وفضلت الصمت
شافها مابينت اي اهتمام وحس بضيق ماعمرها حسسته انها زوجه تحرص عليه وتشيل همه قال برود وهو حاب ينرفزها: انا وين والراحه وين اذاعندي وحده مثلك
عهد انقهرت بدال لايشكرها على القهوه والكيك سبهاوشمتها
قالت بتمرد وهي تخصر قدامه وسند داخ منها:تبي ترتاح طلق

اقهره كل مره تعيد هالاسطوانه
قال بجمود وهو يسحبها من ذراعها صوبه:مستحيل
وقربها له وباس خدها وبعد فتره وعهد منقرفه منه ومن بوساته كمل:بظل حابسك بشباكي ومراح يفكك مني غير الموت
اقدرت تبعد وقالت بغضب:الله يسمع منك واموت وفتك منك
قال برود وهو ينشغل بالقهوه والكيك:الأعمار بيد الله ماتدرين لو انا الي مت قبلك

كل واحد يتمنى ان الي يموت هو وان عمر الثاني يطول

بالأخير قررت تترك المكان وقامت وهي تعدل من بديها الي عفسه سند بحضنه لها

جت بتطلع وقفها صوته الجامد:لاتنسي ابي السكري الليله
انصبغ وجهها من الخجل وزاد قهرها صاير يفرض عليها حتى القمصان الله يرحم اول كان ساكت بالبجامه بس انفرد فيها برا قام يتحكم بكل شي

اطلعت ودخلت الغرفه ودها تقهره وتعاند بس عارفه بالأخير هو الفايز
طلعت القميص وكانت حاسه بغثيان ودها ترجع
صار لها ايام بس دوخ وترجع خاصه لي قرب منها سند وهو يحسبه معاند ودلع
وهي خايفه تنصدم بسبب هالأعراض
وتدعي ان ضنونها ماتصدق
كانت تهلك نفسها بالشغل ومرات تجي لها افكار جنونيه فتصعد السلم وتدعي تنظيف السقف وتنط بخفه من اخر درجتين بس الله ساتر وماصار لها شي

دخل عليها سند بعد ماطفا انوار الصاله وشافها بعدها واقفه وبيدها القميص قال بأمر:اشفيك مطوله على ماتجهزين

عهد ادخلت وألبست وجت صوبه كان ياشر لها بأصبعه

جلسها على فخوذه وقعد يمسح على شعرها وعينه مركزه بالقميص الي حلاه جسمها الي أمتلى شوي
قال بهمس:احسك متنانه
كانت شوي وترجع فوقه ومن الخوف والقرف قامت تصيح ماتدري شتسوي او وش تقوله
هو خاف توقع انها زعلت من سالفت المتن قال بتودد وبدون احساس:اشفيك عاجبني اصلا
حضن كتفها وهي انقرفت زياده ودفتة وراحت تركض للحمام ترجع

سند خاف وقام يلحقها وقف قبال الحمام طق الباب وقال:عهد اشفيك افتحي خل اطمن عليك
عهد وصوت ترجيعها العالي ارعب سند ماقدرت تنطق كل الي قدرت عليه افتحت الباب وطاحت بحضن سند الي حاوطها قبل يغمى عليها

من غير شعور شالها ودخل فيها للغرفه طلع لها ملابس ولبسها
وبدل هو بجامته واخذها وطار فيها لأقرب مستشفى

عند شهد

حست انها على وشك ولاده اخذت تيلفونوها ودقت على فهد
وبعد ربع ساعه كان فهد عندها اخذها وطار للمستشفى
شهد ماقومت امها عشان ماتحاتي

قبل لاتدخل غرفة الولاده ألتفت على فهد وقالت برجا:فهد اذا صار لي شي وصيتي اعيالي لحد يظلمهم

قال بخوف من كلامها:شهد استهدي بالله وان شالله بتقومين بالسلامه وكمل بحب :وبتجيبين طلال

ابتسمت ودخلوها الولاده فهد ظل واقف على اعصابه ينطرها

حس بخوف من كلامها بس فسره لانها بحالة ضعف قالته

عند سند

مو مصدق اخير اخير بيصير ابو حاس انه بيطير من الفرحه بهالخبر
ابتسم اه ياسند ياكثر ماخفت وهوجست بسالفة العيال خاصه عقب كلام حمد خلاني اشك بعمري صج
بس الحمدلله بشوف اعيالي انتبه لحركة عهد وألتفت لها

عهد الي صحت وهي موعارفه هي وين
كل الي تذكره هوشت سند وبعده اغمى عليها
شافت سند سارح يفكر ويبتسم كانت قليل ماتشوف ابتسامته حتى اسنانه ماتذكر شكلهم
تأملت شكله وستغلت سرحانه
وبعد فتره تذكرت شي الدوخه والتعب وش سببهم وش قال الطبيب لسند عشان يفرح بهالشكل
تنهدت بصوت مسموع عشان ينتبه لها

وهي خايفه من الي بتعرفه سند قرب لها وقال بثقل:حمدالله على سلامتك
عهد بتعب:الله يسلمك وكملت بتنهد وهي حاسه ان ورا سعادة سند شي وانه بيقوله بس هي قالت قبله:شقال لك الطبيب
سند بصدق:كل خير وانك تحتاجين لشوية راحه عشان الجنين
ماحس ألا وهي تشهق ودفنت راسها بالمخده تصيح وهي تسب وتلعن فيه
سند فرحتة تلاشت من اسلوبها ليش موراضيه تعدل وتخلينا نعيش براحه حالنا حال الأزواج ليش كله تنكد علي
كان بعده منصدم وساكت او ماهو مستوعب
وانفجع منها وهي تجلس وتقول بغضب:كله منك انت السبب انا مابيك ولا ابيك ابو لعيالي
وكملت بصراخ:شوف لك حل خلصني من هالبلو
سد فمها كلامها زاد عن حده وهو متحمل تعبها بس مو سند الي يسكت قربها له وهو مازال ساد فمها وقال بغضب وعيونه تشع من العصبيه:بسوي نفسي ماسمعت شي او بغفر لك عشان الحمل
وكمل بنرفزه:لكن والله ياعهد ان اجرمتي بضناي الي فيك اني لجرم فيك انتي
دفته وقالت بقهر:فوق هالجرم الي انا فيه
وكملت بشهاق:انا مستحيل احبه لانه من صلبك
قال بسخريه:محد طلب منك انك تحبيه انتي بس اولدي وانا راح اغنيه عن حبك
كمل بقهر من كلامهاوعشان يضمن حياة طفله:واذا كنتي تبين طلاقك اهتمي بحملك وراح انفذ لك طلبك

وقف ولف صوب الباب بيطلع مو حاب يجلس معها اقهرته وهزت رجولته قال بأمر:جهزي نفسك على ماخلص اوراق الخروج
طلع وهي اجلست فتره تصيح وبعده اقدرت تقوم وتلبس عباتها عشان تطلع

ضايقه بالحيل محتاجه اشتكي لولا طبع فيّ يمديني شكيت

بس أدور عذر منشان البكي لو يدوسون بطرف ثوبي بكيت

كل ماجيت اتريح وارتكي يزدحم في خاطري الفين بيت

ويش بيدي افعله غير الحكي؟ قاصره خطوات رجلي لو مشيت

أسرعي يانفس موتي واهلكي صرتي همي يوم بالدنيا شكيت

^^^
^^
^

لميندا

25 - 01 - 2010, 05:52 PM

مررره تجنن بأنتظآر البارت
أتوقع شهد يجيهآ شي

سفيره المشاعر

26 - 01 - 2010, 12:34 AM

وااو بارت جنان
وبانتظار القادم
...........................

رياح الشوق

26 - 01 - 2010, 11:31 PM

بارت حلو بس قصير تسلمين ع النقل

طموحي عالي

27 - 01 - 2010, 01:23 PM

اليوم الثاني
الساعه عشر الصبح
دخل عليها بعد ماصحت من البنج وكانت عندها الممرضه تساعدها
اول ماشافها ابتسم وراح مسرع صوبها
قال بحب وهو يحضنها بشويش:حمد الله على سلامتك ياحبيبتي
شهد بتعب :الله يسلمك
كملت بحنان:فهد شفت ولدنا وينه ابي اشوفه
فهد بحب:اي شفته يهبل
وكمل وهو يقرص خدها طالع لك
ابتسمت وخجلت خاصه وان الممرضه بعدها موجوده
قالت :فهد استح في اغراب
قال بخجل:تصدقين نسيت
لف صوب الممرضه وأمرها تجيب الطفل وهي راحت تجيبه
وبعد مااطلعت قرب لشهد وباس خدها قال بحب:مبروك ياحياتي اخيرا جانا طلال يا أم طلال
ابتسمت له وتموا يطالعون في بعض فتره وبعده فزوا من صوت فتحة الباب
لفوا يشوفون كانت فجر وراها ام سند
الي اتصل فيها فهد وبشرها بعد ولادة شهد
عند سهام
جهزت سعد ولبسته وكانت هي بعد لابسه وكاشخه بتروح اليوم لبيت حمد هو واعدها يجي بعد المغرب وياخذهم عشان بكره بتسافر معاه سياحه وطبعا مع سعد
مستحيل يخلونه
دق تيلفونها وكان حمد يكلمها من عند شهد
هو قالها من اول ماولدت بس لان سهام تبي تحمد لها بالسلامه خلاهم يتكلمون شوي وسهام وعدت شهد تمرها
سكرت التيلفون وراحت تضبط باقي اغراضهم

كان سارح حتى خبر ولادة اخته ما اسعده حس ان سعادته ناقصه وان الي نقصها عهد وافعال عهد
للحين كلامها يزن براسه ماتوقعها بالشكل هذا كانت حمل وديع فجأه قلبت لذيب شرس مايرحم
تنهد بقهر منها من طلعت وهي بس حابسه نفسها بالغرفه ولاحطت في حلقها شي
وكل مادخل مثلت النوم وهي بالأصل تكذب قاعده
انتبه لصوتها طالع وحس انها تكلم احد
فقرر يدخل يشوفها عشان يطلعها لأي مطعم تاكل
اول مادخل اسحره شكلها كان التعب مرهقها وهاد حيلها بس مازالت تحتفظ بصفات الجمال
وجهها شاحب شفايفها مشققه اعيونها زاد اتساعها من كثر الصياح
اول مادخل حست بخجل شكلها يفشل
كانت للحين بالبجامه الي لبسها سند وشعرها محتاس على كتفها
ودها تسكر من سحر بسرعه عشان تروح تعدل بنفسها
بس شكل سحر مطوله وقالت لها عن ولد شهد
وعهد تفشلت مادرت وانقهرت اكيد سند عارف بس ماقال
بعد فتره سكرت سحر
وكان سند للحين جالس على الكنبه كأنه ينطرها تسكر
وهي اول ماسكرت قامت اخذت روبها وراحت للحمام بدون لا تناقشه بشي
بس كانت مجهزه له اخناقه عريضه
ماتدري اشفيها قبل تخجل تطالع بوجهه وبس احتضنها وصارت نصفه الأخر تمردت عليه
كأنها ضامنه انه مستحيل يتركها
ولو ان كلامه بالمستشفى قهرها انه بيطلقها لي ولدت طفله
صح انها مرات تمنى فراقه بس اول مايغيب عنها ساعه تحس انها بتموت
فكت الماي الدافي على جسمها الفتان الي بدأ يكتسيه مراحل الحمل
حست بأحباط تذكرت كلام سند قبل يعرف بالحمل قال اني متنانه
ضاق خلقها معقوله بيخرب جسمي من الولاده وأصير دبه وبعدها راح يفرح سند لي طلقني لاني معاد اعجبه وبجذي راح اخسر كل شي اخسر قهري له لان وقتها مايصدق يفارقني
ارفعت يدها بطق بطنها وهي تصرخ :كله منك
وما انتبهت إلا وصوت الباب يفتح
كان سند جالس قدام الحمام خايف تدوخ او يصير لها شي وجايب معاه الأحتياطي لحالة الطواري
عهد انصدمت بدخوله خاصة وانها بها الشكل
اصرخت بوجهه:اطلع يا قثيث
سند بعناد وهو لاف عنها عشان ماتخجل :ماني طالع وبتم معاك لين ماتطلعين
عهد بقهر سكرت الماي وقالت: اطلع بأخذ الروب
اخذه من العلاق ومده لها بدون لا يشوف
ألبسته وطلعت ومن العصبيه بغت تزلق بس سند مسكها بسرعه وشالها وطلع فيها
نزلها على الكنبه وهي عدلت نفسها وقال بجمود وانفاسه تلفح على وجهها الي غشاه الحمره ماتدري هي حمرة خجل او حمرة غضب:هالمره الله ستر لكن مره ثانيه احلمي اتركك تقفلين الحمام عليك
عهد صدت عنه قربه يوترها زود قالت بنرفزه عشان تغير الموضوع:ليش ماقلت لي عن ولادة شهد
هو استغرب كان ناوي يقول بس نسا وماتوقع هالشي يقهرها قال برود:كل ماجيت بقولك القاك نايمه
عهد لفت وشعرها لفح معاها بسرعه وكان بعده رطب ومن دون قصد لطم بعين سند وعوره
سند الي انسحر وماحس ألا وشعرها يلطمه كان مثل شعر الخيل بكثافته وقوته
حط يده يفركها وعهد اندمت وخافت عقب اسمعت صوت سند الي اصدره من لطمة العين كانت شوي وتصيح ماتحب تضر احد فأشلون اذا سند
قربت منه هو كان جالس جنبها بالكنبه ارتفعت ووقفت على ركبها قدامه على الكنبه
قالت بضيق ويدها تبعد يد سند عن عينه:سند انا اسفه
حس بالسعاده واستبشر خير قال وهو فرحان بها الطم: لا عادي
كان عارف انها رغم اعيوبها ألا انها تملك قلب حنون وعاطفه جياشه لو تقسمت على الكون لعاش بسلام
قالت بضيق وهي تحاول تقاوم يد سند الي مغطيه عينه:زين خلني اشوفها
ابعد يده بشويش ومتدت يده الثانيه وحاوطت ظهرها
كان شبه حاضنها وهي قعدت تفقد عينه تأكد انها سليمه من اي خدش
حاس براحه ودها تطول ها اللحظة بس للأسف ماطالت لانها جلست بس مازلت قريبه ومازالت يده تحاوطها
قال بتنهد:ها عساك تطمنتي
طالعت فيه بقهر لانها بينت له حبها وكمل وهو يزيد من حضنه لها:خايفه علي
عهد بقهر وهي تقوم وتروح للكبت:من قال بس خفت ابط عينك فمن بيفكني من ثار امك
طلعت ثوب تركواز كان نص كم وكان لي نص الساق
كملت بنرفزه:انا للحين ماخلصت من ثار ابوي عندها
سند بطفش:احترمي نفسك ناسيه انها امي وتصير عمتك
عهد بقهر:ما أحبها ارتحت واتفضل اطلع بألبس ملابسي
سند بغضب :عهد ألزمي حدودك
عهد بعناد:وان مالزمت وش بتسوي بتضرب تعال اضرب على الله يطيح ولدك وارتاح
كانت تشر لبطنها بس سند طنشها وطلع مستحيل يمر يوم ما يتهاوشون مرات توصل معاه لأخر حد وده يضربها ولانه واعد نفسه مايطقها ابد بس كان يعاقبها بطريقه ثانيه وها الطريقه معاد تنفع الحين الطبيب موصيه بالأبتعاد عنها في الأشهر الأولى
من الحمل
وعهد ماتعرف شي عن وصايا الطبيب
هو ماناقشها في كلام الطبيب ابد
زفر بقهر ورمى نفسه بالكنبه بالصاله
حاول انه ماينفجر وجلس يذكر الله ويهدي من غضبه
معاد قادر اتحمل احس ان ربي يعاقبني على فعايلي الاولى بعهد صارت هي الحين الي تعذبني
اما هي فألبست وسرحت شعرها
واجلست تأمل شعرها اكثر شي كان يحبه سند وهذا واضح قدامها
تنهدت بتعب حاسه بجوع بيقطع امعاها من امس ماكلوا لا هي ولا سند
ارفعت شعرها بربطه وتركته ذيل حصان وطلعت تبي تطبخ لهم
شافته جالس وكان ينفخ سجارته بقوه ارعبتها تخيلت نفسها السيجاره
قال وهو عارف انها وراه بغضب:وين ذالفه
عهد برعب صادق:بدخل اطبخ
كمل بغضب:اخذي عباتك وامشي بنتغدا برا وقال بنرفزه: مابي طباخك
حست بخناجر تطعنها قالت بنرفزه:و انا مابي من مطعمك
ماحست ألا وهو هاجم عليها بغت تطير من قوة هواه
مسك كتوفها ورفعها وكانت رجولها تحرك بالهواء
قال بغضب وعصبيه :كم مره بحذرك من المعاند
بس الظاهر راسك يابس يابنت سويلم طالعه لأبوك
عهد ارجفت وجت بترد بس هو سكتها بأنفاسه الي اختلطت بأنفاسها
عند شهد
كانوا ميتين ضحك على فجر كأنها هي ام الطفل بس تشيله وماحد يمسكه
ماصدقت يجي لها اخو قالت براءه: بابا متى يجي بابا سند يشوف اخوي
فهد بضحكه:لا عيوني عشان يتعلق فيه هو الثاني انا كافي علي انتي
وقال بقهر:بابا سند احلى واحد .. يقلدها
ام سند وشهد ضحكوا خاصه وان فجر قامت ترد بدل الكلمه عشر
وشهد دعت ربها ان عهد تحمل هي بولادتها جلست تدعي لعهد ومانست
بعد فتره دخل حمد وهو شايل ولده ومعاه سهام

الكل مستغرب غيبته بس ماعلقوا توقعوه شغل كالعاده
كان قدام غرفة بنته طق الباب ودخل
شافها جالسه تقرأ قصه لبنتها0
انتبهت له وكملت بهدوء الروايه لان البنت على وشك النوم
هو جلس ينطرها وبعد ماخلصت طفت الأبجوره وانسدحت جنب بنتها
كانت تجاهله
فواز صاير شخص ثاني ماينطاق كله معصب وصار لهم فوق الأسبوع مبعدين عن بعض
قرب صوبها ومسح راسها وقال بضيق:ندى لي متى يعني
ندى بطفش:لين ماتعدل في اسلوبك معاي
كملت:اتركني بنام
فواز بيأس :وانا اشلون بنام
ندى حز بخاطرها بس قاومت وقالت:مثل مانمت ها الأيام الي طافوا
دخل يدينه وشالها وهي كانت بتصرخ بس خافت تخرع بنتها النايمه
قال بهمس:ومن قالك نمت
طلع فيها ونزلها على سريرهم واول مانزلها قالت بقهر:فواز من الحين اقول لك اذا كل مره بتناقشني بسالفة الحمال
خلنا مفترقين افضل لنا
فواز لام نفسه دام الله رازقه ليش يعكر صفوه ويخرب حياته مع حبيبته ندى قال وهو ينحني عليها ويبوسها :اوعدك ما أفتح فمي في ها الموضوع
ندى ضمته لها حيل وكانت تصيح
فقدانه صعب عليها
وهو سكتها بهمساته الحانيه كان يعتذر لها عن كل شي بدر منه
وهي على طول قبلت عذره
في المطعم
جالسين ياكلون بهدوء وسكوت تام
عهد عقب سكتها حرمت الكلام
عرفت انها زودتها حيل كافي عذاب وخل اعطيه راحه ووقف هواش لان انا يبي لي راحه مع ها الطفل
اخ كل ماتذكر الحمل ينكسر قلبي اشلون بيطاوعني قلبي وأرمي ضناي
بس لانه من سند بسويها عشان احرق قلبه وخليه يجرب فقدان الأم في ضناه
كل ماتذكر اشلون كان يقولي وبالفم المليان امك ماتت وام فارس ماهي ام لك انقهر
اما هو فكان سارح فيها اشلون تاكل واشلون تحرك فمها
تنهد بضيق اخ كل ماتذكر بوستي ألوم نفسي كنت حيل قاسي
دق تيلفونه ورد كان فهد
طفش سند وهو يدق بس ماحد رد والحين هم دقوا
رد ببتسامه:هلا بالنسيب
ظلت عهد تأمل ابتسامته كان ساحر وهو يضحك وعشان جذي فسرته عهد بأنه بخيل في ابتسامته لانه نادر مايضحك او يبتسم
تنهدت بضيق ياليتك ياسند طيب معاي من البدايه جان كنت اسعد وحده بالدنيا
لان كل الصفات الي أتمناها فيك أخلاق و هيبه وكرم
ماحست ألا وصوته يقول:خذي شهد بتكلمك
مد لها الجهاز واخذته بيد ترجف كانت خايفه لايكون عرف هي وش تفكر فيه
عهد بسعاده لانها بتكلم شهد وكانت متوتره من نظرات سند:الو
شهد بحب:هلا بالي نستنا من اختلت بسند بروحها
عهد بخجل:هلا فيج حمدالله على السلامه ومبروك ماجبتي
وظلت تكلمها شوي وبعده استأذنت شهد وسكرت منها
بعد ماسكرت مدت تيلفون سند له
ومازالت ترجف اخذه وكل واحد اشغل نفسه عن الثاني بالأكل
وبعد فترة صمت طالت قال سند:ليش ماقلتي لشهد عن سالفة الحمل
كان منقهر ليش ماقالت لأحد حتى لأقرب الناس لها ام فأرس وبنتها
كلمت سحر ولا قالت كأنه عار تستحي منه
هو ناوي لي دق على امه الليله يبشرها لان هي اكثر وحده بتفرح له
عهد برود : مصيرهم بيعرفون مني او من غيري
كانت تقصده وعرف ها الشي قال بسخريه:متزوج من نجمات هووليود وانا مادري
صح ان التعليق قهرها بس اعجبها وكانت على وشك الضحك
وسند قرر يعذبها بالأتصالات والتباريك ومايخليها تهنأ دامها مستحقره ولده ولا بشرت فيه مع انه جا بعد طول غياب
كتب مسج وارسله للكل
وطالع فيها وهي موفاهمه نظرته بس عارفه انه حاقد ومن قلب

اليوم الثاني
حمد سافر هو وعايلته وهم الحين بأفخم الفنادق بالنمسا
طول الليل ماناموا من ازعاج سعد
وصياحه كان حايشه مغص وشغل عليهم من اول ماوصلوا

الساعه وحده الظهر
حمد ماحس بنفسه ونام حتى بدون لايبدل وسهام ظلت مواصله مع ولدها

وعقب هدأ سعد ونام قامت بتبدل وترتاح هي بعد
كانت شوي وتدوخ من الأرهاق
اطلعت من الحمام وكانت لابسه بجامه حرير وردي مع ان الجو بارد بس ماهي حاسه حطت راسها ونامت بعد مابعدت يد حمد الي ماخذ السرير كله

اول ماغفت عينها صاح سعد
:واااه أا وااأ
سهام بصياح: لا لااأا
حمد قعد من نومه على صوتهم قال بضيق:اوف هذا للحين يصيح
سهام بشهاق:خلاص تعبت
حمد قام واخذ سعد وطلع فيه رحم حال سهام الي تعبت
طفأ الليت وسكر الباب وجلس يهدي سعد
بس هو مسكين الماغص يعوره بالأخير قرر ينزل للصيدليه وياخذ له مهدي
لان الدوا الي معاهم مافاد

شهد الدنيا مو سايعتها من الفرحه سند بيصير ابو يعني هو سليم ومايعاني من اي مرض
وحصه بعد فرحانه ومن فرحتها خرت تصيح
شهد بضيق:يمه بدال لاتفرحي تصيحي
حصه:من فرحتي ياشهد ماني مصدقه
بشوف ضنا سند
يعني ولدي ماهو
شهد قاطعتها:اسم الله عليه لا ماهو عقيم وبيترس لنا البيت عيال قولي ان شالله
حصه برجا:ان شالله
اول مادق سند وبشرها خرت تسجد لربها شكر لنعمه
وشهد كانت منقهره ليش عهد ماقالت لما كلمتها بس قالت يمكن مستحيه سند عندها
بس ماراح اخليها راح اجننها
ودام سند بشرني فاكيد انها ماقالت لأحد فخلني ابشر البنات

عند ندى
قعدت على صوت هامس عند اذنها
فواز بهمس:ندوي حبيبي
ندى بنعاس:زين حبيبي بس دقايق
رفع عنها الغطا وقال بأمر:لا مافي دقايق تدرين كم الساعه الساعه 2
ندى انصدمت وفزت مرعوبه:كم
فواز ببتسامه:2 الظهر
ندى بغضب وهي تقوم وتلبس روبها:زين جذي كله منك مادري عن عيالي هم تغدوا او لا
فواز بحب:اعيالك من الصبح طالعين
ندى بستنكار:وين
فواز رد انسدح قال:عند امك
ناسيه ان اليوم جمعة اهلك
دقت امك تسأل عنك قلت ماتقدر بس برسل لكم العيال
ندى بخجل :اي ليش
اللحين شي فكني من تعليقات خواتي
قال بخبث:خلهم يعلقون اهم شي انك عندي
ابتسمت وراحت تدخل الحمام
وفواز دق على الطباخه تحط لهم الغدا

عند عهد
انزعجت من الأتصالات والكل يعاتبها ليش ماقالت له
انقهرت اكيد سند هو من سوا فيها هالسواة
حست انه قاصدها لو كان قدامها كان اخنقته بس هو بالدوام الحين
بس مراح تسكت له بتردها له

سكرت من ندى كانت هي اخر من اتصل وزفها هي وفواز
وحذفت الجهاز قالت بحقد: هين ياسند
دخل على هالكلمه وابتسم لها بخبث عارف انها واصله حدها وان الخطه انجحت
بس ماسمع التهديد وعهد انخرعت
سند بهدوء:سلام عليكم
عهد بهمس:وعليكم السلام
جلس على الكنب وقال بابتسامه قهرت عهد:وش ناويه تطبخي لنا
عهد بغضب: سم
ماتدري اشلون انطقتها بس المهم اطلعت وسند انفجر ضحك
كلمتها وعصبيتها خلته غصب يضحك قال:وعسا بتاكلين معاي ولا السم لي بروحي
عهد بنرفزه قالت وهي متخصره قباله:لا لك بروحك
قال بضحكه وهو يسوي نفسه يترجاها ويتوسل لها: لا تكفين بشوف طفلي قبل اموت
قرب ومسك بطنها وعهد تكهربت من لمسة وبعدته
قالت بحقد: ليش توهقني معهم
عدل نفسه وتكلم بطبيعة بدون مزح: شفتك مابشرتي قلت اقول خاصة وان ها الطفل الكل منتظره من سنين
عهد بقهر : ليش ابشر فيه اصلا انا مستغنيه عنه لك
بس اتطلقني
انقهر وقام بيروح عنها قال بغضب:بس يخلص غداك قعديني
عهد بغضب اخ همه بس بطنه عسا بطنه ماكملت ماقدرت تدعي عليه
مشكلتها تعشقه وماتبي له الضر
راحت تسوي غدا
ادخلت كانت بكامل عصبيتها وحطت حرتها بالطبخ وتقطيع الخضروات المسكينه الي أكلت الغضب
بدال سند
اما هو فدخل غرفة المكتب واشغل نفسه بالأوراق والمستندات بدال الغضب من عهد
كان مندمج ودق تيلفونه وكان حمد ابتسم اكيد جاه المسج ورد :هلا بأبو سعد
حمد بحب:هلا فيك ياخوي زين الي اغترت وقررت تجيب لك طفل
كمل بضيق:بس لا يكون نفس ولدي ياخي اتعبنا جينا بنرتاح ونستانس نكد علينا
سند ضحك :يا أخي شلي حادك امك اعجزت وهي ترجاك تخليه بس انت ومرتك عندتوا
حمد بقهر:اخ ياليتني طاوعتها ياليت امي قريبه جان حذفته عليهم ورجعت
سند بخبث:اجل مااستانست انت وسهام نكد عليكم
حمد بحقد:اي اضحك اشوف فيك يوم ياسند
وعسى ضناك يزعجك بعد
سند بضيق اخ ياحمد وتهقى عهد بتضايق لي انزعجت قول بتفرح
قال:اذا كانت بنت ومزعجه فهي لولدك سعد
حمد بدون تردد:من غير لاتقول اذا بنت لنا ان شالله
وتموا يسولفون اكثر من ساعه وسند لزم عليه يجي لهم هو سهام لو يوم

وانتهى البارت

عاد انطر

توقعاتكم

لميندا

27 - 01 - 2010, 11:15 PM

روووووووووعه
بأنتظآآآآآآآآآآآآآآآآر البآرت

سفيره المشاعر

28 - 01 - 2010, 03:40 AM

يسلموا عالنقل
..............................

فدوهـ لضحكتهـ ~

28 - 01 - 2010, 07:58 PM

طموحي عالي حلووو إختيارك لنقل هالروآيه

مررررررررره روووووووووووعه

عساك عالقوه

بإنتظارك

جرح الهوى

09 - 02 - 2010, 05:14 AM

اتوقع يسير للطفل حاجه من سبب عهد ^_*
وبعدها تندم وتسير مشكله بينها وبين سعد ^_^ <<< شريره ^_*
بااااارت روووعه
تسلمي يالغلا

تناهيد الخجل

13 - 02 - 2010, 11:54 PM

واخيرررا ... والله اني انا ورفيجتي ننطر تكملتهاااآآ يالله ناطرين البارت الجاي لاتطولين علينا

طموحي عالي

25 - 02 - 2010, 05:40 AM

عند سحر
كانت عندها نور و خبر حمل عهد فرحهم حيل وكل وحده دقت كلمت عهد وباركت لها
نور بحب:ياقلبي بيتعبها الحمل وماهي لاقيه احد تستشيره

كملت بعطف:احس عهد بعدها صغيره على الحمال وجع الراس
سحر بثقه:عهد قدها وقدود ناسيه انها واجهت الي اصعب من الحمل وتجاوزته بعد
كملت بحنان:لا تحاتين عهد لي احتاجت اي خدمه ارسلت لي لان انا موصيتها تدرين انا خبره بهالأمور

نور ببتسامه: لو داريه اخذت منج معلومات انا على دراستي وخبرتي بس رفس جنيني انخرعت مادري شنو صار حتى غانم مات ضحك علي

سحر اضحكت وقالت:والحين لي تحرك خفتي

نور بعطف وهي تمسح بطنها:لا الحين ننطره يتحرك انا وغانم حتى سعود صار يشاركنا هالحظه

وابتسمت قالت بحب:تدرين عرفت جنس الجنين وحدي فرحانه بيكون عندي بنوته
سحر بصدق:الله يبلغج فيها ياقلبي
سحر بقلبها عقبالي أمنيتي اجيب بنت

نور بحب:ألا ماقلتي حدد فارس عرسه
سحر:اي بالعطله الصيفيه
نور بتنهد:وعهد درت وقتها بتكون على وشك ولاده
سحر بضيق:ماقلت لها ومادري شسوي فارس مالقى ألا هالحجز عشان البنت تكون توها مخلصه دراسه تعرفين طولوا بالملكه
وفارس مستعجل بعد
نور :الله يسهل

عند حصه
كانت جالسه مع شهد في غرفة استقبالها
الي جهزتها حصه بأفخم الطقوم وافخم الأكسسوارات والتحف
عشان اذا جا لها ضيوف

حصه بخوف:يافجر اتركي اخوج ينام
فجر كانت معانده وحاطه طلال بحضنها شهد بطفش:فجر خلاص خل احطه بفراشه و اذا قام قلت لج
بالموت رضت وهدته وطلعت تلعب شوي على مايقوم اخوها

حصه :الله يستر لايطيح من هالبنت احرصي عليها
شهد تطمنها:لا شدعوه هي بس من حبها له ماتبي تفارقه

حصه كان ودها تعرف اذا شهد كلمت عهد او لا بعد سالفة الحمل قالت بتنهد:شهد
شهد بتركيز:خير
قالت بأرتباك:كلمتي عهد

شهد بتحفظ:اي وكلمت سند اليوم لان امس ماحصلته عند عهد كان بشغله
كملت بستفسار:ليش تسألين
حصه بصدق:كنت بتطمن عليها وبعرف شعورها بالحمل فرحانه او لا قالتها بضيق
شهد :هي طيبه ومافي وحده ماتفرح بالحمل اكيد فرحانه
وانشغلت بأرضاع طلال ابتعادا عن اي سوال ثاني من أمها
0
عند سند
بعد ماأخذ له ساعه واكثر بالمكتب وبين الأوراق حس بالجوع وعصافير بطنه توصوص وعهد للحين مانادته للغدا حس بطفش مل بيروح يشوفها
ويستعجلها

دخل عليها في المطبخ وانصدم كانت تجهز أكله وهي لابسه كمام وقائي كانت مومتحمله ريحة الأكل وكل شوي داخله الحمام ترجع عشان جذي تأخرت
بالطبخ
تفشلت منه ونزلت الكمام ومع ان التعب واضح عليها
سند بستعباط وهو يجلس على الطاوله:لايكون صج طابخه لي سم
هو عارف انها توحم وباين هالشي
عهد بعد ماخلصت كل تجهيز الغدا قالت بجفاف وهي ناويه تطلع لغرفتها عن ريحة الأكل:فكني من هذرتك الماصخه وتفضل هذا غداك أكله

سند ابتسم وجلس وهو يقول :مالومك هذي فعايل الحمل بدت معاك
عهد انقهرت ودها تخنقه هو السبب وقاعد يتمصخر عليها
وكمل برودوهو ياكل:بس لازم تهتمين وتاكلي عدل عشان صحتك وصحت الجنين

عهد انصدمت اول مره يذكرها هي بالذات وكان ودها تسأله اي اهم انا ولا الجنين عندك بس خايفه يصدمها برده الجارح
لان سند لو يموت مابين مشاعره لها وهي عارفه هالشي لان وقتها بينكشف ضعفه
قال بعطف وهو يشوفها مازالت صامده بوقفتها ماتحركت عقب الي قاله:عهد انا مستعد اجيب لك الي تبين انتي بس اطلبي
زادت فرحتها وزادت بهجتها وكانت على وشك الصراخ من السعاده

سند بين حرصه علي اكيد انه حبني ولا راح يتركني لو طلبت
اه ياسند ياليت اشفاتك تنطق هالكلام وتصرح لي بحبك
ابتسمت وقلت:مشكور ماشتهي شي
سند بتنهد:براحتك وكمل أكله كان وده تأكل خايف على صحتها اكثر من صحة الطفل نفسه
بس استسلم لرغبتها وسكت
وبداخله انتعش قلبه لأبتسامتها يمكن ماحست ولا انتبهت ولا كان كشرت بوجهه كالعاده
اما هي فدخلت غرفتها وانسدحت على السرير تفكر بكلام سند الي قاله
مستعد يلبي كل طلباتي ياترا عشاني ولا عشان الحمل حتى لو مايهم
انا والحمل واحد و الطفل شي مشترك بينا
فخلني استفيد اللحين من سند قبل يطلع الطفل ويتركني سند

قامت بتدخل تاخذ شاور

عن ريحة الطبخ ولانها حاسه بنعاس وبتنام صايره مدمنة نوم من حملت
وهذا احسن شي عندها
احسن من الترجيع والدوخه
اما سند بعد ماخلص من اكله ماحب يخلي الصحون واشغل نفسه وقعد يغسل وينظف المكان عشان لا يتعب عهد

وبعد ماخلص طفا الليت ودخل بياخذ له افراش وينام بالصاله
تنهد اول مادخل وشاف عهد في سابع نومة كان وده انها تشاركه بالسهره او بالتلفزيون بس شكل الحمل مانعها من السهر مثل قبل
تاكد من الدرايش عشان لايحوشها برد وغطاها عدل وطلع يسهر على تلفزيونه بروحه

يستحقر نفسه مرات اذا رضخ لرغبات عهد وفعايلها ومرات يعاتبها اذا ثقل بالمعاند معاها
يحسها مره طفله وبريئه وتحتاج من يرعاها ومرات أمراة خبيثة وتفرض سيطرتها على الي حولها

بعد هالافكار غط بالنوم العميق بدون لايحس

عند ندى

قامت على صوت باب غرفتهم وكانت بنتها
ندى شافت الساعه كانت عشر تنهدت وقامت ألبست روبها واطلعت لبنتها وتركت فواز ينام
اعيالها مو متعودين ينامون لي هالوقت حدهم ثمان يقومون بس لانهم امس اسهروا معاهم لي الوحده طلعهم فواز للحدايق وتمشوا ورجعوا متأخر

0

ندى جهزت فطور اعيالها وأرسلت بنتها فيون تقوم تركي اخوها وراحت ركض
واصدمت ابوها الي قام ونزل فواز شالها وباسها بقوه قال :صباح الخير يافوفو
في بدلع:بابا قمت انا بقوم تركي

فواز نزلهاوراحت تقوم تركي شاف ندى طالعه ومعها صينية الفطور قال بستعباط:وينك مو قايل لك ماتقومين من فراشك قبل مااقولك

ندى بدلع:حاسب فيون هي الي قومتني
قال بستسلام:دامها فوفو مسامحك
وجلس وقالت له :خل اجيب لك قهوه
وراحت
وفواز اخذ الجريده يتصفحها على ماتجي حبيبته
أحبك .. ليه ما أحبك .. مادام أن القلوب قراب..
أشوفك ليه ما أشوفك .. مدامك عين ترعاني..
أضمك .. ليه مااضمـك .. وكلك منظر" خلاب ..
أنا وشلون أصــــد؟ وصوتك أن صديت ناداني ..
ولايمديني ابعد عنك دام خاطري
ماطاب..
وأبيك أنت تذكر لهفتي لو طاب وأمداني..
وأبي منـــك تحفظنــي مثل:
‏(ورده في غــلاف كتاب)
تفتت .. مـاتفتت .. كل ماتفتح بتلقاني ..

عند حمد

كان جالس ينطر سهام تجهز عشان بيطلعون يتمشون ويتعشون برا كانت هذي اول طلعه لهم بعد ماتحسنت حالة سعد وراح عنه المغص
قال بطفش:ياسهام تأخرنا
ألتفت على سعد الي نايم بالعربه
حمد برجا:تكفى وانا ابوك خلنا نحلل سفرتنا لو بهالطلعه
اطلعت سهام بعد فتره وهي جاهزه وحمد دف العربه وطلعوا

بالطريق وهم بالممشى حمد قال :سهام اشرايك نزور سند ومرته لو يومين
سهام بضيق:لا حمد مانقدر خل نستانس لو هالاسبوع قبل نرجع
كملت بقهر:كافي انك رحت وحجزت لنا قبل الموعد الي حددناها وحنا بالكويت
حمد بطفش :والله من فعايل ولدك كرهني بالسفره
احمدي ربك مارجعنا من ثاني يوم
سهام بغضب:شقصدك بولدي ليش انت مو ابوه بعد
حمد بهدوء لانه يبي يسيطر على الموقف لا يزيد نار:ماقصد شي بس غلطنا يوم اخذنا سعد معانا كان المفروض مخلينه عند الوالده
ابرك لنا
سهام برود :ماتوقعت انه بيلعوزنا جذي

حمد قرب وحضن يدها وقال بحب :ولا يهمك يام سعد ان شالله بعوضك عن هالسفره اذا الله احيانا
سهام بحب:الله لايحرمني منك ياحبيبي
فرح فهد برجعتها وجلس اسبوع بالبيت مايطلع كان يعشق الجلسه مع اعياله

طموحي عالي

27 - 02 - 2010, 06:17 AM

بعد اربع شهور

مليون أحبك وأعترف في كلامي
وأموت في قلبك وأنا اللي هويتك
إن قلت أبنسى وأبتعد يا غرامي
وين ما أطالع ياروحي لقيتك

عهد داخلة الخامس وبطنها بدا يكبر ويبرز وهذا مخليها تحلو وتفتن بعيون سند اكثر واكثر
وهو ملتزم بكلام الطبيب ومنعزل عن عهد بالصالة عشان راحتها
بس عهد ماتدري ومفسرة بعده عنها خباثة منه لانه ضمن الطفل اللي ينطره من سنين ولا هو مرتجي منها شي غيره
خاصة وانهم طول هالفتره ماتهاوشوا
سند كارف نفسه بالشغل والبيت حتى مراجعة عهد مع الطبيب يحرص عليهم حرص عشان يتأكد من سلامة طفله
أو طفلته

أما عهد فطبقت قرارها وتركت العناد والهواش تبي سند يكتشف الجانب الحسن فيها عشان يتعلق فيها ولا يقدر يفارقها أبد
كانت تحاتي سالفة هجره للفراش معقول طفش مني أو إن شكلي صار مقرف مع ها البطن
بس مالقت جواب لأن سند غامض ومستحيل تقرأ افكاره

اطلعت من الحمام بعد ما البست بجامة زيتي شتوية الجو صاير بارد حيل وخايفة تمرض
شافت الساعة كانت عشر استغربت مو عادة سند يجلس لي ها الوقت برا
دايم يجي مبجر
دعت ربها يحفظه ويرده سالم لها لو مهما بالغت في كرهها لسند بس يصيبه شي تروح فيها
اجلست على الكرسي وقامت تمشط شعرها زايد طوله وكثافته مع الحمل
تحسست بطنها الجنين صاير يتحرك ابتسمت كل ماتحرك اذكرت نور واضحكت حيل اشتاقت لهم خاصة سحر ودها ترجع لهم وتستقر هناك هي وسند

التهت بشعرها شوي وماحست إلا وسند داخل
لفت تشوفه وماحست إلا والبسمة ترتسم على شفاها الله رجع لها سند بالسلامة
وهذا اللي تمناه دايم وأبدا أن الله يحفظ لها سند من كل مكروه

سند أخره رفيقه صار لهم فترة ماشافوا بعض ومن شافه أخذتهم السوالف وما حس بالوقت
واعتذر عن السهرة اللي كان يحاول فيه صلاح رفيقه ورجع لبيته
بعد ماوعده أنهم يجتمعون ثاني
دخل بيته ما شافها بالصالة وكانت الأنوار منخفضة وراح بيدخل الغرفة يبدل وياخذ فراشه عشان ينام بالصالة
خاب ظنه أول مادخل وشافها
توقعها نايمة كالعادة لان الحمل مخليها تحب النوم فهو مايحب يضايقها كان نادرا مايطلب منها تطبخ مع أنها ترفض وغصب تدخل المطبخ بدون حتى لا يقول خاصة وأن سند مايحب ياكل إلا من طباخها
عاف كل الطباخ عقب طبخ عهد

رد الأبتسامة لها وقال : سلام عليكم

عهد بخجل لأنها حست أنه كشفها وكشف حبها له حاسة أنها مفضوحة بمشاعرها مهما حاولت تخبيها : وعليكم السلام
نزلت المشط بعد مالفت شعرها بكماشة
وكملت وهي توقف بشويش عشان الحمل : أحط لك عشا

سند وهو يدقق بكل حركة تسويها قال وهو يفصخ جكيته ويجلس على السرير: طابخة

عهد بضيق : للأسف لا بس إذا تبي أطبخ طبخت
بنفسها قالت ما أدري شفيني صايرة سخيفة بس أبي أخدمه آخ يا سند لو أنك تقدر اللي أسويه عشانك كان عرفت اشكثر أحبك

سند برفض : لا ماأبيك تتعبين بس إذا ما عليك أمر أبي كوب حليب يدفيني بهالبرد

عهد : إن شاء الله دقايق بس

سند باصرار: احسبي حسابك راح تشربي أنتي بعد

عهد لفت صوبه قالت بدلع: اسمح لي ما أشرب الحليب أصلا

سند بنفس الأسلوب منقهر عهد ماتشرب الحليب وهذا موزين لها والطبيب ناصحها تشرب عشان صحة الجنين ضعيفة

قال : بالغصب كل شي يصير معي

********

صحيح قلوبنـآ تعبـت ولكـن أجمـل التعذيـب
عذآب أغلى البشر لآصرت تتعذب لرآحتهمـ

*******

ما انتبه أنه قهر عهد بها الكلام وأنه ذكرها بأشياء هي تحاول تنساها

قالت بصراخ وبدون شعور لانفجارها : أدري إن بالغصب كل شي تبيه يصير مثل ماصار ولمستني بالغصب وخليتني أحمل هم بالغصب بتقدر تشربني الحليب هم بالغصب

اطلعت واتركت سند منصدم منها أشلون ثارت هو ما يقصد كان همه مصلحتها بس
حس بضيق أشلون شكلها تغير كانت تبتسم وهادية فجأة عصبت وصرخت

بدل ملابسه لبس بجامة بسرعة ورش بخة عطر حاب يراضيها مايبي يطنشها كافي أنها طول الأشهر الأربع اللي طافت ما عاندت و لا رفعت صوتها بوجهه حس إن حياته بدت تحسن وأن السعادة بتشرق بوجهه من جديد

دخل المطبخ شافها واقفة عند الغاز تنطر الحليب يفوح
عهد حست بدخوله ولفت طالعته بنظرة حقد ورجعت نظرها تشوف الحليب
بنفسها حقير طول عمرك حقير وبتظل حقير يا سند الزفت

سند قرب لها وقف وراها مباشرة حاوط خصرها بيدينه وعهد فزت خاصة وأن الحليب فاح ولا قدرت تصرف بهاللحظة بس سند أسرع وطفى الغاز عنها

عهد بنرفزة وهي تحاول تبعده : وخر عني

سند بحنان : ماكنت أتوقع إن كلامي بيزعلك
وظل حاضنها من ورا

عهد بغضب : أنت كل أفعالك تزعلني و

قاطعها وقال برجا وهو يلفها صوبه : اهدي يابنت اشفيك شبيتي نار

عهد بزفره : منك

قال بأسف : طيب وأنا اعتذر مع إني ما أعرف سبب زعلك

عهد بقهر : وأنا ما قبلت اعتذارك وشعندك غيره

سند انقهر بس ما جادلها قرب وباس راسها وكانت هذي أول مرة يسويها

حتى عهد انصدمت كانت هالبوسة تدل على التقدير والإحترام وهذا قصد سند منها

ارفعت نظرها والتقت عيونها بعيون سند وعجز لسانها عن النطق

سند حس بخجلها وابتسم لها وقال : اتمنى إنك تسامحيني

ما كان قصدي اجرح مشاعرك الرقيقه
*
كل قصدي كان توضيح الامر
*
لا تعيش بحلم احلم بالحقيقه
*
لو تذوق بطعمها عـــلقم ومـــر
*

عهد بضيق وبهمس : على شنو يا سند أسامحك على الطق ولا على الضيم اللي شفته منك ومن أمك

سند ليش ياعهد كافي حرام عليك قال بهمس : على كل شي

عهد صدت عنه كأنها تبين له أنها للحين زعلانة وسند زاد من قربها له ومسح شعرها

قال يغير الموضوع: شكلي روحت على نفسي شرب الحليب

عهد اجمدت وحس فيها سند وكمل بخبث وهو حاضنها : بس تدرين دفيت بدون لا اشربه

عهد حست بحرارة وحمر وجهها وما حست إلا وسند رافعها جهته قال برجا : ممكن ترضين عشان أقدر اشرب الحليب

عهد بهمس: اشرب وبعدت عنه أخذت كوب وصبت له ومدته له

سند أخذ الحليب وجلس على الكرسي يشرب بشويش
وهي ظلت واقفة فترة تستوعب كل اللي صار
هل هو حقيقه ولا حلم0
شاكه إن كل اللي دار قدامها حلم.. سند ما عمره صرح لها بمشاعره بس بفعله هذا بين لها جزء ولو أنه بسيط بس اسعدها
شافت وقفتها طالت وانتبهت لنفسها وقررت تطلع بس صدمها سند كان مخلص كوبه وطالع وهي ما حست كانت غارقة بأفكارها
ابتسمت وضحكت على نفسها سند بكلمة بس شتت تفكيرها وبهذلها تبهذل

عند سحر

كانت جاية من نور اللي ولدت ومو شايلتها الفرحة من جية بنتها أمل
حتى سحر انسحرت وزادت أمنيها للبنات

ادخلت بيتها لقت خالد جالس وماسك فارس يلعبه

ابتسمت خالد منهبل على هالولد كأنه أول طفل
فارس كان عمره سبع شهور
حتى امها تحبه

سحر جلست وقالت بتعب بعد ماسلمت : وين عادل وعبود ما أشوفهم

خالد رد وهو ملتهي بفارس : بغرفهم يدرسون

سحر بتنهد : فديتهم خل اروح ادرسهم
وكملت وهي توقف : وأنت خلك مع فروس إذا بجى نادني

حست بدوخه ورجعت اجلست

خالد بخوف : اشفيك

سحر بضيق : أحس بهبوط
0
خالد بخوف : قومي أوديك الطبيب

سحر : لا مايحتاج بس ارتاح اصير احسن
وطلعت هي عارفة سبب الدوخة وتبي تروح تحلل رغبتها بالبنت خلتها تفكر تحمل وفارس بعده ماكمل سنة بس خايفة من ردة فعل خالد لي عرف
اكيد بيزعل فارس بعده صغير

اطلعت لعيالها فوق عشان تدرسهم وتراجع معاهم قبل الأمتحان

عند نور

فزت على صوت أمل وقامت بشويش اخذتها وحطتها بحضنها عشان تسكت
حاسة أنها دلعتها حيل صايرة بس تبي احد يشيلها
هي بصوب وغانم بصوب حتى سعود ما قصر صاير يشيلها أكثر منهم

ابتسمت لها اشلون هدت ونامت بحضنها ردت نامت وهي حاضنتها عشان ماتصيح بعد
اهم ماعليها رضى امل وراحتها

اخذت تيلفونها حبت ترسل على عهد ماكلمتها من أسبوعين بعد ما ولدت ودقت عهد تبارك
تبي تطمن على صحتها مع الحمل

اما حمد وسهام

بعد رجعتهم تابوا يسافرون بطفل مره ثانيه سعد نقص عليهم السياحه والتجول
وسهام ارجعت تدرس بالجامعه اخر سنه ومعاها سعد الي موعارفه تركز منه
مرات يجلس مع حصه وينام عندها احيانا لان سهام تطفش منه

حمد رجع لدوامه ويجي منهد حيله هلكان بس يبي الراحه
مرات يحمد ربه على وجود امه كانت تساعدهم بتربية سعد

اما شهد

فرجعت لبيتها بعد الأربعين على طول وتفاجأت بالغرفه الي اثثها فهد وفجر لطلال قبل يولد
كانت تحفه وفخمه حيل

فرح فهد برجعتها وجلس اسبوع بالبيت مايطلع كان يعشق الجلسه مع اعياله

سفيره المشاعر

05 - 03 - 2010, 01:50 PM

يسلموا طموحي
.......................

طموحي عالي

07 - 03 - 2010, 03:20 AM

سلمك ربي ياسفيرة المشاعر

حياك ربي في رحاب منقولتي

تستاهلين مزيدا من البارتات

وبعد هذا كله نرجع لبطلتنا

اللي بعد فترة سرحان طويلة قامت بس صدمها إن سند مو موجود
أدخلت الغرفة وصادفته طالع منها ومعاه فراشه

سند كان بيصدمها بس مسك نفسه

عهد بخجل وهي منزله عيونها : الجو بالصالة بارد خلك بالغرفة أدفى

كانت خايفة لايفهمها غلط

بس سند ماصدق قالت خاصة وأنه مل من النومة بالكنبة انكسر ظهره والفترة اللي حددها الطبيب انتهت فعادي يقرب منها
بس هو خايف من صدها بس الي يشوفه بعيونها يدل على الخير

قال بشك : خايفة علي من البرد

عهد بسخرية وهي تمر من عنده وتدخل الغرفة : مو سالفة خوف لا تفرح تقدر تقول مشاعر إنسانية

سند رجع وحذف فراشه بالأرض وانسدح على السرير حس بشوق للسرير صار له فترة ما نام فيه قال وهو يستنشق ريحتها اللي مالية السرير: تفرحني حتى
لو أنها مشاعر إنسانية مثل ماتقولين

عهد انقهرت صاير ما يعصب ويكتم غيضه طفت الليت وجت انسدحت بطرف على السرير كانت حاسة بخجل ما تدري ليش كأنها أول مرة تشارك سند بالفراش

حست بحرارة جسمه اللي التصق فيها لفت صوبه تبي تأكد وطلع صدق سند
حضنها بشويش وهو يهمس : دفيني

ما قدر يكتم شوقه أكثر من كذا ولا عهد اقدرت تصده لأنها مشتاقة أكثر منه
وغرقها في بحر الغرام والهيام معاه

أنت لو ضميت تمثال من ضمتك ذاب***

كيف لو ضميت صدر على ذكرك يذوب

بعد فترة وكانت عندهم ثانية ما تحسب
فزت عهد على ضربات قوية عكرت صفو سعادتها
كانت تعورها عوار ومن شدة العوار أصرخت بأعلى صوتهاااااااا آه آه آه
ياااامهه

سند فز من صراخها وقال بخوف :عهد اشفيك
عهد بشهاق بس ما منعها أنها تختبر مشاعر سند هو صح يحبها أو لا
قالت: بموت من العوار بطني بطني ااه

سند برجفة من طرت الموت قال: قومي أوديك للطبيب ونط من السرير وراح يلبس عشان يستعجل يودي عهد كان قلبه يرجف وزاد خوفه طاري الموت لما اطرته
عهد

وعهد حاولت تقوم بس ماقدرت اجلست تنطر سند يجي
طلع وهو لابس بدلة اسبورت وجاكيت طويل فوقه

قرب من عهد قال بارتباك : تقدري تقومي ولا أشيلك

عهد بخجل :لا ما أقدر

وانحنى يشيلها بس عهد قالت : سند ببدل أول

سند تنهد وفتح الكبت طلع بجامة مخمل حمرا وساعدها بااللبس والبست العباة وشالها وراح لأقرب طبيب

عند الطبيب
أخذو فحص وسونار وتأكدوا من صحة الطفل وكان سليم ومايشكي من شي

عهد حست بالخجل لأن العوار راح والطبيب قال شي طبيعي الجنين يتحرك بس عهد كانت خايفة حركته كانت قوية

وسند كان منقهر وشاك من صحة كلام الطبيب لأن اللي شافه أرعبه وخلاه يتخيل إن عهد ممكن تموت بأي لحظة
قال بإصرار: أنا أبي طبيب ثاني أو استشاري عشان أتطمن أكثر
الطبيب بطفش: خلاص دقايق وراح يجي لك استشاري
وطلع وتركهم

عهد كانت سرحانة ومنحرجة لأنها حيل خوفت سند
وبهذلته
حست بيده تضغط يدها طالعت في وجهه وايقنت إنه يحبها من شدة خوفه عليها
كانت أول مره يشتركون بموضوع وهو موضوع الطفل

عهد خايفه تفقده ويبطل سند من حرصه عليها
أو يمكن يتركها لأن هو قال

وسند خايف يفقد عهد مثل ما فقد سعاد كان خايف إن تجربة موت سعاد تنعاد

قال بخوف : عهد بعدك تألمين
عهد اشرت براسها لا

كمل بثقة : عهد لا تخافين راح أجيب لك أحسن استشاري وبيكشف عليك

قالت بهمس : بس أنا ما فيني شي كل اللي شفته كان حركة الجنين
كملت بخجل : كلام الطبيب صح حنا ازعجناه
حمر وجهها
وسند تنهد وابتسم من خجلها قال : أنتي متأكدة

عهد بغصة : ايه

قال بخبث : أجل والله لنكد عليه مثل ما نكد علي وخلاني أركض مثل المجنون

عهد بقلبها عشان منو ياسند تصرفت بجنون
عهد بتوتر: كل هذا عشانه

سند عرف قصدها وعارف هي وش بتوصل له بس هو خايف من ردة فعلها لا عرفت بحبه لها أكيد بتكبر وتغتر عليه لأنها مصرة تتركه

قال : أكيد عشانه ها الطفل ماجا بالساهل

عهد اظلمت الدنيا بوجهها وكان ودها تشمخ ملامح وجهه اللي اسحرتها وتعدم جماله
جت بترد بس دخول الاستشاري امنعها

بعد ساعه عادوا الفحص والتحاليل وطلع نفس الشي ولا في أي خوف على صحة عهد والطفل
اطلعوا وعهد كانت للحين منقهرة من سند

سند حس بغلطته بس ما ناقش ورجعوا للبيت
أول مانزلت من السيارة حب سند إنه يشيلها عشانه خايف من الدرج يتعبها
عهد عارضت بس هو طنش وشالها غصب
دخل وسكر الشقة وراح سيدة للغرفة

نزلها على السرير وعهد اعتدلت وأخذت مخدته ولحافه وحذفته عليه
قالت بغضب : من اليوم لا أشوفك نايم جنبي فاهم

سند كان يفصخ ويلبس بجامة داري إنه قهرها وبنفسه قال : هذا أنتم يالحريم تبون بس الرجال يشرق باسمكم وعشان شنو عشان تكبرون وتفتخرون فيه بين بعض

رد ببرود : بنام بالسرير أدفى
وقرب وانسدح على طرف السرير

عهد نطت وجلست قباله قالت بقهر بدون لا تنتبه : احلم أدفيك بس فارق
عضت لسانها خجل
وسند مات ضحك
وعهد من الحره أخذت المخدة تضربه
بعد ما أشفت غليلها شوي وسند هدأ و وقف ضحك عدلت نفسها وانسدحت
كانت مو فاهمة ولا هي عارفة طريقة تصرفاتها

سند بابتسامة وهو يلف صوبها قال : عهد كم عمرك؟!

انصدمت وبقت عيونها

قالت : ليش

سند بضحكة : أحيانا أشك إنك بالعشرينات

عهد بقهر افهمت قصده : أحسن منك يالشايب

ابتسم لها وأخذوا فترة يطالعون في بعض بدون أي كلام

قعد سند يتأمل كل ملامح وجهها كانت تفتن وهذا اللي دمر حياة سند
تنهد بعد ما انسدح قال بضيق : والله مرات أنا انسى عمري من وعيت على الدنيا وأنا شايب

انكسرت من الفراق وشوف عيني

شوف عيني وأنت تدري بانكساري

ضمني خل الضرر بينك وبيني

الضرر من ضمتك شيء اضطراري

_
حس بالرغبة بالكلام وكمل : كثر الهموم ياعهد ولوعة الفراق تخليك تكبر عشر سنين عن عمرك

عهد اندمجت أول مره سند يفضفض ولمن لها هي

قالت بحزن : إذا أنت تقول جذي أنا شقول
تنهدت وكملت : طول عمري عايشة بهم وخوف من اللي جاي بكرة

دمعت عيونها وندم سند اللي فتح ها الموضوع

قرب منها بيحتويها ويحسسها بالحنان
بس عهد صدته بعنف قام وتركها وطلع عن الغرفة حب إنها ترتاح لو بالصياح

وفعلا عهد صاحت بس كانت تصيح على مشاعرها اللي حبت سند وهو ما يستاهل ها الحب

أفهمت من كلامه إنه للحين محتفظ بحب سعاد وإنه لا يمكن يبدله بحب جديد

اليوم الثاني
الصبح
عند سحر كانت جاية من الطبيب وطلعت حامل بس كان مخوفها إن الطبيب قال لها إن احتمال فيها توائم
ما تدري شلون تصرف خاصة وإن خالد ماعرف بسالفة الحمل فشلون لي عرف إنهم اثنين
هي لازم تقوله عن كل شي
ودعت الله يساعدها
دقت عليه لأنه كان بالدوام

سحر بتنهد : هلا حبيبي
خالد : هلا
قالت : خالد تقدر تجي للبيت أبيك ضروري

خالد بخوف : خلاص دقايق وجايك
كان يحاتي تصرفات سحر ها الأيام ما تعجبه أبد
كله سرحانة وتفكر هو شاك فيها بس ما يبي يضايقها

في أقل من ساعة وصل للبيت ودخل لقى سحر جالسة بالصالة تنطره سلم وجلس وقال : خير يا سحر اشفيك

سحر بتنهد وهي تمد أوراق التحليل : تفضل اقرأ وأنت تعرف

خالد استغرب بس فرح من داخله بموضوع الحمل
قال : حامل
سحر أشرت براسها ايه

خالد بسعادة : مبروك حياتي

ابتسم وكمل : هذا اللي مكدر خاطرك ومضايقك يا بنت افرحي وإن شاء الله ها المرة بتكون بنت احساسي
ما يخيب

سحر بتنهد : مو هذا اللي مضايقني خالد أنا خايفة ا

قاطعها وقرب وحضنها قال باهتمام : سحور حبيبي لا تخافي وإذا قصدك فروس بعده صغيرعادي راح أجيب مربية تساعدك

سحر بطفش : أنا فعلا أحتاج مربية بس مو لفروس للتوأم اللي جاي بالطريق

خالد انبهر وقال بصدمة
: سحر عيدي لأني ما استوعبت

سحر قربت يده من بطنها وقالت : حبيبي بيجينا توأم الطبيب قالي

خالد فز وصرخ من السعادة قال : يارب لك الحمد على نعمك اللي ماتعد رزقتني بأحلى وأصلح زوجة ودود ولود

سحر بحب : تستاهل ياخالد أنت صبرت على صعوبات الحياة من صغرك تيتمت وأنت بو سنتين وعشت مع أختك وعيالها وكونت نفسك بدون لا أحد يساعدك بعد
ما كبرت

خالد جلس وحضنها قال : وأنتي بعد ما قصرتي تزوجتيني وأنت توك بسن 17وتحملتي مسؤلية بيت وعيال

بعد عنها وركز بعيونها كمل بضيق : كنت عارف إن عندك طموح دراسية كبيرة بس قدرتي تضحين عشاني

سحر بهمس : أنت أهم عندي
رجع حضنها وباسها

سحر لو لف الدنيا كلها ما يلقى وحدة مثلها كان دايم يدعي ربه ليل ونهار إن ربي جعلها من نصيبه ويدعي لأخته فاطمة اللي خطبتها كانت رفيقة أم فارس وحجزت سحر لأخوها

عند سهام

خلصت طباخ اليوم ماعندها محاضرة فقررت تطبخ لحمد بتذوقه طباخها
هي نادر ما تدش المطبخ عكس عهد اللي تحب التفنن با لأكلات وسهام دايم يعجبها طبخ عهد وتحسر على عهد اللي جمعها بسند الغامض والمعقد بنفس الوقت

سوت أرز بخاري وسوت صينية دجاج وسلطه فتوش وسلطة روب بالنعناع وحلى السينبول

جهزت السفرة وطلت على حصة اللي مندمجة باللعب مع سعد

ابتسمت خالتها حيل متحسنة وما قامت ترصد لعهد وتشوش حياتها مع سند مثل قبل حتى حمد انتبه
وقال لسهام وكان يبي يتأكد لأن عهد تكلمها فكان خايف لا يخيب ظنه وتطلع أمه بعدها على تصرفاتها العوجة
بس هي فعلا تغيرت وسهام قالت لعهد بس عهد للحين راكبة راسها وتكره طاري حصة

دخل حمد واستقبله ريحة الأكل وقال بعشق وهو يشوف سهام ترتب الصحون : فديت الأكل واللي طابخ الأكل

سهام بحب : حياك حبيبي أبيك تشوف طباخي وتحكم

حصه قامت وجت صوبهم قالت بابتسامة : ما يحتاج حكم الريحة تثبت لنا

اخذت سهام سعد منها وحطته بالعربة يكمل لعب
وجلسوا سموا بالرحمن وبدو ياكلون

حمد كان ميت جوع وقام ياكل بشراسة
وحصة وسهام اضحكوا

حصه بعد ما شبعت : تسلم يدك يا عمري
وكملت وهي تغمز لحمد : كافئ مرتك يا حمد على ها المجهود اللي بذلته

سهام بتأييد وهي ترسل بوسة لخالتها : اي اسمع كلام أمي وكافئني زين
كانت تفكر بطقم ألماس أو ذهب أو شنطة أوعطر
أي شي يعجبها

حمد فاهم قصد أمه وابتسم وقال بخبث : تستاهل أم سعد

سهام ريشت وفي بالها متى تجي الهدية؟!

حصه قامت واعتذرت بتنام وخذت سعد معاها كان على وشك النعاس بعد

وحمد وقف ومد يده لسهام وهي قامت معاه قال بخبث : امشي عشان أكافئك فوق بجناحنا أخاف أحد يشوف ويحسدنا

سهام بتعجب : ليش الهدية فوق حياتي
وكملت بغباء : متى جبتها أنا ما شفت شي
حمد جرها وصعدوا
وسهام تلزم عليه يجاوبها

عند نور

كان عندها غانم وسعود
وملتمين على أمل يبوسونها
نور بخوف : خلاص ارحمو بنتي من شواربكم تراها تعور

سعود ضحك وغانم غص انفضح قدام ولده
نور ما انتبهت وسعود استأذن بشغله وطلع
وأول ماطلع وفضى المكان نط غانم بالسرير جنب نور ومسك رأسها بقوة وقعد يبوسها ويقول : اللحين بوساتي تعورك يا ظالمة

نور بخجل خايفة أحد يدخل ويشوف غانم وخباله قالت وهي تحاول تبعده : لا ما تعور بس أبعد لا أحد يدخل وننفضح

بالموت هدها وهي انقهرت وجهها صار يطبخ وأحمر من الخجل

غانم بابتسامة : اعذريني حدي مشتاق لك وما صدقت ألقى لي عذر عشان أبوسك

نور بقهر: دفش أنت متى بتصير هادي؟!

غانم بخبث : شسوي حتى بحبي عنيف وأنتي أدرى

نور بغصة : ودي تعدل بس بو طبيع

غانم ابتسم وسكت
ونور شالت بنتها وراحت تغير لها
بس عشان تبعد عن غانم اللي وترها

missloubna

08 - 03 - 2010, 12:46 AM

نقل رائع لكن هناك عيبان تنزلين بارتات قصيرة وتطولين في مدة التنزيل ومع ذلك شكرا

طموحي عالي

08 - 03 - 2010, 01:19 PM

الساعه تسع بالليل
حب إنه يتفنن بطبخة لو بسيطة عشان يتفخر فيها عند عهد ويكسر من تعكر الجو اشوي
كان شكله تحفة هو نادرا ما يطبخ وكان دايم يجيب معاه طباخ وخدم تقوم بكل أشغاله
جهز الشوربة وذاق طعمها وشهق
سند بلوعة : ياو ملح
سمع همسات ضحكة من وراه أشعلت بقلبه النور

انتظر موعد عيونك
مشتهي معك الكلام
منتهي قلبي بدوونك
عيشتي بعدك ظلام

التفت وكانت عهد جت بتشرب ماي عقب قضت ساعات وهي تذرف الدموع
حست إن ما في صياحها فايدة سند من الأساس مو لها وارتباطهم كان غلط وكله بسبة حصة

سند حس براحة لشوفتها ولو إن عيونها تعور قلبه كانت وارمة
قال بضحكة وهو يغطي الجدر : يحق لك تضحكي بالطبخ محد يوصلك لو حكموني بعطيك المركز الأول بدون شك
حست بسعادة أخير نطق وبين إعجابه و لو كان شي تافه بس يسعدها
قالت بسعادة : أقدر أذوق طبخك
سند برفض : مستحيل كله ملح
عهد اضحكت وقالت وهي تجلس ( ودها تعرف عن حياة سند كل شي لو ماكان لها بس تكتشف غموضه اللي كل أهله مخفي عنهم) : سند أنت شتعرف
بالضبط
انصدم وكملت بثقة وكبرياء : إذا لا بحياتك الخاصة نافع ولا بالطباخ نافع حتى بتعاملك مع أهلك حاد وجاف

قوية قوية ياعهد بس استمري ولا تسكتين هو اقهرج بالطبيب
سند شب من داخله نار لو اطلعت لاشتعلت بعهد وحرقتها حراق
نزل الملعقه وقرب منها ووقف قبالها مباشرة ورفع وجهها

أخذ فتره يتأمل عيونها كانت خايفة بس تكابر هذا اللي جذبه فيها مهما عانت منه ومن أمه إلا إن لها قدرة تخلي اللي يشوفها ما يحس بعذابها

قال ببرود : ومن قالك ما أنفع بشي
اللي أشوفه إني ناجح في حياتي كلها

رجل أعمال ناجح
وكمل وهو يتحسس بطنها
وزوج ناجح أيضا

عهد ارتبكت وأبعدت يده عنها
وما زالت تطالعه بنفس النظرات
سند كمل بابتسامة : وإن شالله بكون أبو ناجح أيضا

عهد بسخرية : قرادة حظه الطفل اللي أنت ابوه

سند ما قدر يتحمل صايرة عسرة ومتمردة كأنها تعوض الأشهر اللي طافوا
قال بحقد : الزمي حدودك ياعهد ومو لأنك حامل بطفلي بتنفشين راسك علي
كمل وبسخرية : أظن عارفة قدرك يا بنت سالم
صدت عنه وأفتحت الثلاجة طلعت علبة كريمة وراحت لشوربة سند وحطت الكريمة عشان الملح

سند كان يراقبها وبعد دقايق طفت الغاز وصبت الشوربة بالصحون
وقعدت تجهز سلطة وتحط أجبان كانت تبهر بحركاتها البسيطة على الأكل
جلس وقعد يشرب شوربة انصدم الملح خف وصار طعمها روعة
عهد اغصبت نفسها كانت جوعانة بس الزعل يسد النفس عن الأكل

سند بهدوء : الأسبوع الجاي راح نزور أهلنا احسبي حسابك
عهد حست براحة اشتاقت لهم فعلا وسند انتبه لها قال : إذا حابة تروحي للسوق أنا مستعد أوديك
عهد باحراج : مشكور
سند بسخرية : العفو بس لا أكون مو نافع بعد
عهد بطفش : إذا متندم لا تتعب نفسك أنا ما أحب أذل نفسي لأحد
كملت بثقه : بفلوسي أقدر أوفر كل شي أبيه ويجي
لعندي بعد
عارف أنها تقصد النت لأنه مايفوتها أي شي منه خاصة الموضات والماركات
سند بضحكة : هالعمارة مفرحتك ياعهد
كمل بسخريه : ما ألومك بنت فقر وصارت تكلم بالفلوس
عهد أوقفت و قالت بغضب : احترم نفسك
ومرت من عنده بتطلع ماتبي تقعد عنده رفع ضغطها
سند وقفها ومسك يدها قال بتنهد : ما أبي أجرحك بس كلامك غثني
أبعدت يده بقسوة وقالت : والله ما شفت أغث منك بحياتي
سند بهدوء : عهد
عهد كملت بتمرد : وش فيك عصبت ؟!
شوف حبيبي لا تقول ماقلت لك إذا بنسافر ما أقعد في بيت أمك
بروح لبيت عمي لين ما نرجع هنيه
عهد أضربت الحديد وهو حامي كانت بتبين لسند إنها لا يمكن ترجع لذيك الشقة ولا لذاك البيت المظلم بنظرها
سند التزم الصمت وترك يدها وهي اطلعت
كانت تمشي بسرعة نست الحمل وأول ما دخلت انسدحت بسريرها
اصرخت بقلبها أكرهك يا سند التبن
بس بالظاهر ماتقدر تنطقها

سند ينفخ هوا كان يحاول يسترخي ويبعد الغضب عنه
عهد اقهرته وجرحت كرامته ما هو سند اللي ينجرح

عند شهد
نومت فجر وأخوها بعد عناء طويل ما بقى قصة ما قصتها لفجر وأخيرا نامت
فجر صايرة مملة وعنيدة بتصرفاتها دلع سند لها خربها على فهد وشهد

وأدخلت غرفتها شافت فهد مندمج با للاب توب
شهد وهي تجلس جنبه قالت برجا : خلاص اترك الاب أبيك تفضى لي
فهد طفاه عشانها قال : ولعيونك طفيناه وهذا أنا أفضى لك

شهد بدلع : تسلم لي ياحبي
أوقفت وكملت : راح أسهرك أحلى سهرة بس دقايق خل أضبط الجو
وراحت
وفهد سكر لابتوبه وحطه بالشنطة
وقام يتعدل لشهد ويتعطر لها

عند حصة
صار لها ساعة تكلم سند اللي من ضيقته دق على أمه كان يبي يشغل وقته وينسى زعله
قالها عن حياته اليومية مع عهد طبعا بتحفظ بدون لا يبين أي فضايح اضطر يضحك على أمه وقالها إنه مستانس هو وعهد وإن حياته مستقرة
وقالها عن جيتهم بآ خر الأسبوع وحصة افرحت وبغت تطير من السعادة
وسند كان متضايق لأن عهد مستحيل تفرحها وتجلس معاه عند أهله
لأنها حذرته قبل يسافرون أنها مستحيل تعيش عند أمه
حصه بحنان : يمه سند أشلون مرتك مع الوحام عسى ما اتعبتك
سند بتنهد : لا يمه اوحامها ماهو بذاك العسر كان بسيط
بداخله لكنها أتعبتني باللي أعظم من الوحام لسانها السم يا أم سند اولدك صار حشرة ما تسوى قدام
ها البنت
كلامها وفعايلها تفور دمي وتفجر داخلي براكين وبس أدقق بعيونها أنسى كل شي
لا يا سند ماتنسى أنت تخاف إي تخاف من هاالبزر
أقدرت تخليك تعلق فيها

حصه براحة : حمد لله
ورجعت تسأل عن أكلهم يأكلون يدفون عدل عن البرد ومن ها الأسئلة المتعود عليها عند الأمهات
بعد ثواني سكر ودخل الغرفة بينام داخ من السهر كانت بتجي ثلاث
شاف عهد غاطة بسبات انسدح جنبها ونام كان وده يحضنها بس هو عزيز نفس ما ينزل قدره لعهد وأشكالها لو مهما كان

عند نور
دقت على غانم كانت تبي تودي بنتها للطبيب تفحصها وتأكد من صحتها
وطمنها الطبيب إن صحة البنت زينة وما تشكي من شي
و أخذت نور مواعيد التطعيم
وطلعوا
غانم بحب وهم بالسيارة : شرايك آخذك للمحل تختاري غرفة أمل
نور بأسف : لا حبيبي ما أقدر أنت شايف أمل معاي خلها وقت ثاني أحطها عند أمي ونروح
غانم : براحتك
ومشى لطريق البيت
نور بارتباك خافت إن غانم يزعل : غانم زعلت؟!
قال بابتسامة : لا ليش .... شاكة إني ممكن أزعل على شي تافه

*****

صحت وهي تحس بيد تحاوط خصرها افتحت اعيونها بشويش واعرفت أنه سند حست بسعادة وأنها بحلم حلو وما ودها تقوم منه
تمت ساكنة بمكانها ما تحركت وهي تحس بدفا يده عليها بعد فترة طويلة قررت تقوم
خاصة وإن الوقت طاف وهي ما صلت الفجر
لا مت سند اللي ما قومها ماهي عادته دايم يحرص إنه يقومها بس الظاهر حتى هو ما صلى ياربي تغفر لنا
قامت وهي تسحب من يده بصعوبة ولفت صوبه قالت بتنهد بعد ما شافته غاط بالنوم : سند قوم
كملت بطفش : الصلاة خاف ربك على الأقل التزم بفرضك
اقصدت هالكلمة تبي تغيضه
يا فتاح ياعليم يا رزاق يا كريم
شتم على الصباح الناس تقوم على همسات ولمسات حنونة و أنت يا سند تقوم على صراخ وشتايم
فتح عيونه شاف ساعته كانت تسع تو الناس هو ما نام إلا خمس وتعب يقومها بس ما قامت وبعدين اضطر ياخذ إجازه اليوم عشان يرتاح ويطلع عهد للسوق طالعها بنظرات عتاب ورجع ينام وهو يغطي راسه بالمخدة
عهد بقهر: كيفك اللي بيحاسبك على ذنوبك ربي مو أنا
جت بتوقف بس يد سند منعتها سحبها من كفها بعد ما أبعد المخدة
قربها لصدره حيل وكان يشعر بحرارة أنفاسها ويسمع دقات قلبها
سند بجمود : صلاتي محافظ عليها قبل أعرف أشكالك
كانت طعنة بقلبها
وكمل بسخرية : وماهب أنتي اللي بتعلميني بفرضي يا بنت الس
كانت طعنة ثانية بس قاتلة مميتة
حس إنه مو قادر ينطقها أو إن لسانه انشل عن نطقها هي مهما كان ما لها ذنب إن كان أبوها شخص فاسد فهي لا كانت أحرص مني على فرضها
عهد بنظرات قهر ماعمرها حست بالذل والإهانة إلا عنده هو وأمه حتى الناس اللي عاشت معهم وشافوا عمايل أبوها محد منهم مسها بكلمة أو قال عن أخلاقها شي كانوا يشهدون لحسن أخلاقها وأدبها
وهذا يرجع بعد الله لأمها الإنسانة الطاهرة العفيفة الصابرة على المصايب
بس محد منهم فكر ياخذج يا عهد ولا أحد منهم طق بابك معناه إن غلطة أبوي بتتم لاحقتني طول العمر
قلت بحزن : كمل ليش سكت قولها يا بنت السكران قولها
حاولت أمسك دموعي غصب ولا أبين له ضعفي قلت بجفاف وأنا أبعد عنه : الله يساعدك يا سند أول مولود راح يجيك بيكون حفيد لسالم وأنت أخبر مني بخالك
وكملت بتنهد :عشان جذي أنصحك تتخلص م
سند دارت فيه الدنيا وسب نفسه مية مرة دايم يتهور ولا يحاسب لأفعاله إلا بعد فوات الآوان بضيق : عهد إنتي عارفة وش تقولين؟! خافي ربك
عهد بخوف : إي عارفة وعارفة إنه حرام بس بس
وما قدرت تمسك دموعها اللي انخرطت بكثرة وراحت ركض ادخلت الحمام وهي تشهق من الصياح
سند ضرب راسه بقوة وكان يصرخ بداخله نذل وحقير يا سند
شكلها وانكسارها أمرضه وتعب قلبه
قام ولحقها وقف عند الباب قال برجا :عهد أنا آسف
عهد ما كانت ترد أو ما تبي ترد أجلست تشهق بصياح قطع قلب سند
كانت محتاجة لأمها خاصة بها الظروف الصعبة سند مو راحمها أبدا ولا راح يرحمها
قبل اعتذرت له إن كل فعايله بسبب أمه بس اللحين أمه ما عادت معاهم وصار لها فترة مختفية و ساكتة
بس ما أدري وش ورا سكوتك يا حصة أكيد دمار
الله يخلصني منك يا حقير
يمه أبي أكون عندك
يارب ساعدني
تقطع قلبها
وبعد ساعة صياح قضتها بالحمام أقدرت توقف وكانت حاسة بثقل
الحمل برز والطفل يكبر يوم عن يوم كانت تحس بكل تغير وتشوف مراحل نموه
تنهدت بضيق : يا ترا بقدر أشوف مراحل نموك لي طلعت ولا لا
غسلت وأمسحت آخر دمعة وطلعت
أما هو فضل واقف عند الباب ويترجاها تطلع
وتفطر قلبه من كثر ما يترجاها بس هي معاندة
فقرر يروح يجلس بعيد عنها عشان تقدر تطلع

في مكان ثاني
عند سهام كانت معصبة من حمد من فعلته أمس معاها لما ضحك عليها بالهدية واللحين تبي تروح الجامعة مو راضي يقوم بتتأخر على محاضرتها كالعادة ويزفونها الأساتذة

ابتسمت لسعد اللي قام على صوتها وقعد يلعب بألعابه وهو يرسم لها احلى ابتسامة بالوجود
شافت إن حمد ما فيه فايدة وقررت تسوي خطة
شالت سعد وبطحته على ظهر حمد العاري
وسعد من الوناسة قام يرافس ويصدر أصوات ازعجت حمد من ألعابه
حمد بنعاس : ياشيخ ازعجتنا
سهام وهي ماسكة سعد لا يطيح قالت بغيض : أحسن بطوف محاضرتي وأنزف وأنت نايم
حمد بشهامة وهو يعدل نفسه بعد ما شالت سهام سعد : أفا حبيبتي سهام وأم سعد تنزف
قالت بضيق : اي
حمد وهو يقرب منها ويبوسها : ما عاش ولا كان
دقايق بس وراح أوديك
باس سعد بقوة وراح ركض عشان لا يتأخر

بعد ربع ساعة
انزلوا ومعاهم سعد اللي يلعب بغترة أبوه
وكانت حصة جالسة ومجهزة الفطور
سلم حمد عليها وباس راسها وهي ردت بحب وكانت عينها على سعد تحس بسعادة بس يكون معاها
أخذته وقالت : افطروا
حمد بعجلة وعينه على سهام : لا يمه مستعجل حبيبتي ما بقى على محاظرتها شي
وطلعوا وحصة اندمجت باللعب مع سعد

عند عهد
بعد ما أوهمت نفسها كالعادة إن سند كان صادق بكل حرف أنطقه وإن وجودها عنده مراح يستمر بس تولد له طفله راح يطلقها
كانت في أفكار تعارضها وإن سند يمكن يحبها أو يتركها عنده عشان طفله وما هب مطلقها مثل ما تتوهم
أشغلت نفسها بالترتيب والغسيل كانت هذي عادتها
لي ضاقت أشخلت الشقة شخال ونظفتها
دخل عليها سند بغرفة الغسيل وهي ماعطته بال وكملت شغلها
كان حاس بمدى غلطته ...
الكلام اللي قاله كان أعظم من الطق عند عهد تمنت لو يطقها ليل و نهار بس ما يجرحها بهذا الشكل
سند بارتباك : عهد أنا
قاطعته بقهر : ممكن تسكر على الموضوع
قال بضيق : مو قبل ما اعتذر لك أنا صح غلطت
قالت بسخريه : يا كثر ما سمعتها منك
ما تحس بالخجل من نفسك
فعلا حس بالخجل كلامها حسسه بمدى صغره قدامها
ما قدر ينطق بس طلع وصفق الباب بقوه أرعبت عهد
قالت بنرفزة : وجع0
وكملت شغلها بابتسامة نصر على شفاها لأنها ردت له الصاع صاعين وخلت سند العاقل واللي الكل يهابه ويحسب له ألف حساب ينقد على نفسه ويخجل قدامها

أما هو فبعد ما انجرح بالوريد من كلامها حب إنه يبتعد طلع برا وراح يمشي وهو يحاول ينسى همومه كل
ما حس إن همه انفرج رجع وانفتح له هم أكبر منه وصعب إنه ينفرج
تنهد بضيق والتفتت يتأمل وين وصل شاف إنه بوسط محلات وكان قدامه أكبر محل ألعاب
بدون شعور حس برغبة في إنه ياخذ ألعاب لعيال أخوانه ودخل
استقبله راعي المحل بسعادة وقام يعرض له أرقى الألعاب وأثمنهن عشانه حس أنه هامور عود من هوامير السوق

وسند ما قصر أخذ نص المحل لعيال شهد ولسعد والباقي بيحتفظ فيه لمولوده القادم
سواء كان ولد أو بنت مراح يقصر عليه بشي وبيسوي المستحيل عشانه لأنه غالي خاصة وإنه قطعة من عهد
أعطاهم عنوان البيت عشان يوصلونهم وطلع يكمل تسوق هو يحب الشراء وبعد هواشه مع عهد حط حرته بالتسويق

في الكويت
عند حصة
قررت تقول لعيالها شهد وحمد إنها تبي تجهز الشاليهات ويطلعون فيها أسبوع في إجازه نصف السنة وبعد ما تخلص سهام من الإمتحانات
كان ودها يجتمعون ويستانسون من زمان ما طلعوا ولا سافروا

حصة وهي تكلم بو ياسر حارس الشاليه
قالت باهتمام : شوف يا أبوياسر أبي كل شي جاهز
في ظرف أسبوع أبيك تخلص الصبغ والأثاث
والجناح حق العيال أبيك تغيره ما أبي فيه شي قديم
قال بتوتر : حتى جناح أستاذ سند
حصه باصرار: إي حتى جناح سند
حصة في بالها من زمان إنها تغير جناح سند اللي عندها وتشيل كل أغراضه القديمة بس هو رافض وعشان جذي بس يجي الأسبوع الجاي راح تحاول فيه وباصرار لين ما يوافق
كافي عليه ها السنين وهو محتفظ بحاجات سعاد عنده كانت عارفة بس خوفها منه مسكتها
لكن الحين لازم يتخلى عن كل شي يذكره بسعاد عشان خاطر عهد
كانت تنطر الساعة اللي بيجي فيها سند وعهد عشان تقر عينها فيهم
ميتة تكلمها بس كل مرة يعتذر سند بأنها يانايمة أو مشغولة بس هي بعدين أقنعت نفسها ولا طلبت تكلمها عارفة إن عهد كارهتها وبقوة ولا تلومها اللي سوته في عهد مو شوية
عيشتها بذل وظلم طول ماهي عندها
قررت تنتقم من ضحى بعهد بنتها
على خطفها لسالم وتغيره بعد ما تزوجها
تنهدت وطالعت ساعتها كانت سبع وحبت تدق على شهد وفواز تعطيهم خبر الطلعة
لأن حمد عنده خبر بس باقي سند فراح تقوله بعد
ما يجي عشان تكون مفاجئة لهم

الساعه تسع
طق الباب وراحت تفتح بعد ما البست جلال كانت خايفة سند من طلع العصر ماجاء ولا اتصل قهرها بطبعه ومو عادته وقامت تدعي ربها يرجع بالسلامة
دخلو العمال ونزلو كومة أكياس كبار وفيها أغراض
استغربت وسألت بس محد فهمها وسلموها الورقة شافتها باسم سند وعنوانهم
أشكرتهم بلباقة وطلعوا سكرت الباب ونزلت جلالها بتأفف
وبعده قررت تشوف الأكياس دامها لسند
استغربت كان أغلبهم ألعاب أطفال
و واحد كيس عطور ابتسمت
سند يحب العطور والغرشة ما تاخذ عنده أسبوع
عطره مميز دايم حتى بفترة الوحام أسمع إن الحرمة تكره العطور بس أنا لا كنت أحب أشم المكان بالغرفة بعد ما يتعطر سند ويطلع
صح أكره عطوري وأنقرف منهم بس عطوره لا ومرات أتعطر من عطوره
دامه ما ينام معاي كنت آخذ راحتي وهو ما حس
كان ودي أفتحهم وأشم ريحتهم بس استحيت يمكن مو له
يووو نسيت مو هو قالي بنسافر لأهلنا أكيد شاري هدايا لهم
كنت مستغربة ألعاب وعطور
صج نذل معناه ما هب مطلعني للسوق
كان ودي أروح من زمان ما رحت من أول ما جينا رحت مرة وانعجبت بأسواقهم حلوة وفخمة حيل
خاصة الملابس عندهم شي فوق الخيال
ودي اشتري لكل وحدة نفنوف وعطر
آخ قهر

سند لف السوق وخلص بعض الأشيا وبعدين قرر يرجع حس بتعب وارهاق خاصة وانه على طلعته من العصر وتارك عهد بروحها
اول مادخل شاف عهد جالسه بالأرض وتشوف الأكياس
سند سلم وجا صوبها
عهد بخجل ردت وبعدين اوقفت وقالت: تبي احط لك شي تاكله
سند بأرهاق وهو يجلس:لا
وكمل وعيونه عليها: بعدك زعلانه
عهد بتنهد وعيونها تبعد عنه وتطالع بالأغراض: ماعتقد بيهمك اذا زعلت او رضيت
جا بيتكلم وقاطعته بجمود: خلنا بالأهم مو قلت بتوديني السوق ليش رحت وخلصت اغراضك عني
سند كان وده يخلصون من السالفه اول وبعدين تقول الي تبي
بس دمها معارضه تناقشه بيماشيها بالي تبي قال بتنهد: متى ماتبين انا جاهز
وكمل وهو يأشر على الأغراض :وبعدين من قالك خلصت هذولا بس ألعاب حق اعيال شهد وسعد ولد حمد

عهد استانست يعني ماشرا ألا حق الأطفال قالت برود:ابي اروح لمحل الألعاب باخذ لعيال سحر وبنت نور
وكملت :وعيال فواز شكلك ناسيهم استغربت انه ماجاب طاريهم مع ان الألعاب كثيره
سند كان جايب ألعاب زايده قال بجمود: انا زايد بالكميه اصلا اخذي الي تبين حتى لو بتوزعي على شارعنا بيكفي

وقف عشان يدخل يرتاح وقال بتنهد:انا داخل انام مابي عشا
كان دايخ امس مانام ألا متأخر واليوم صبحته عهد بهواش
فحب يدخل يغط بنوم عميق لعله ينسى لو شي بسيط من همومه
مر جنبها وهي اوقفت ساكنه كان كل واحد يخز الثاني ماحست ألا وسند يطبع بوسه على خدها
وتركها وراح تمت صامده وتحسست مكان بوسته افرحتها خلتها ترجف رجف من كثر مامشاعرها متلخبطه

اجلست بشويش وحاوطت بطنها بيدها وهي تفكر بسند وحياتهم اول النهار هواش وذباح وبس يغيبون فتره عن بعض يرجعون يتصافون كأن شي ماصار
ابتسمت وانسدحت وهي غارقه بفكارها نامت بهدوء

عند فواز
من امس يقنع بندى توافق على طلعة الشاليه بس هي رافضه رفض تام
خاصة وانها بتجلس اسبوع مع حصه راح تنجلط اكيد
فواز برجا:ندوش حياتي عشاني عشان اعيالنا بنونسهم
قالت بضجر:عشانك اسوي المستحيل بس هذا
قاطعها فواز قرب صوبها وحضنها قال: اعتبريه مستحيل وطيعيني ياحبيبي خل نستانس
كمل بحب وهو يبوس خشمها:ولا تنسي عهد بتجي بعد اصلا حصه مسويه هالجمعه عشان زيارة سند لنا بهالعطله
قالت بقهر:خلاص موافقه بس تأكد اي تحرش منا ولا منا من اختك راح اشيل قشي وامشي
فواز بضيق:وانا موافق
استسلمت له ووافقت عشان خاطره هي عشان فواز تسوي كل شي حتى الحمل صارت تراجع وتشوف سبب تأخر حملها وبدون لا فواز يعرف اكتشفت ان عندها ضعف بسبب المانع الي تاخذه وقررت تعالج
كل هذا تضحيه لفواز حبيبها

الساعه خمس
قام على المنبه يصلي واستغرب ان مكانها فاضي معناه مانامت جنبي تنهد بضيق صج انك ثور ياسند ذال البنت وقاهرها وتشرط لي اتركتك
دخل الحمام واغتسل وبعد مااخذ ساعه تحت الماي الدافي يزيح التعب والأرهاق عنه طلع بالروب
ولبس ملابسه وكبر يصلي
اول ماانهى صلاته قام بيشوف عهد ويقومها تصلي
مايبي تنعاد غلطة امس لما تركها
طلع يدورها استغرب ماهي بغرفة التلفزيون توقعها فيها كالعاده
وراح لصاله شاف الأغراض على حطتهم من امس وألتفت يدور وشاف عهد وكأنها حورية بحر الفاتنه الي وصفها الروات كانت ساحره وجذابه وكانت حاضنه نفسها تبحث عن الدفا لان ماكانت متغطيه
قرب عندها وقال بهمس ويده تمسح شعرها وخدها بخفه: حبي ماكمل حس انه خاين وانه يخون سعاد
شاف عهد افتحت اعيونها وكمل برود وهو يبعد:عهد قومي صلي
اوهمت نفسها انها تحلم وان سند مالمسها ولا همس لها بحب
عدلت نفسها وقامت كان يتأملها بصمت حس انه الحمل تعبها كانت بالموت تحرك وبركاده مع انها بالسادس بس سند حريص على صحة طفله ومايطوف كل شي يساعد على نموه حتى الحليب شرح لطبيب برفض عهد وعدم تقبلها له وصرف لها ادويه فيتامينات بديله لكالسيوم
قرب منها وحاوطها وساعدها على النهوض
عهد انصدمت من حركته كان ماسك خصرها بقوه وهي مسكت كتفه اوقفت عدل وقدرت تحكم بنفسها بس سند مازال حاضنها وهي بتروح تصلي قالت بهمس: ممكن اروح اصلي
سند توه يستوعب تركها:اي طبعا ومشت عهد رايحه عنه كان يتأملها
وهي احمدت ربها انه تركها ونحاشت قبل تنفضح مشاعرها قدامه ولا كان داخت بحضنه خاصة وان ريحة عطره فايحه بالصاله من اول مادخل

اليوم الثاني
عند شهد كانت جايه لأمها من الصبح عشان تروح مع امها لسوق ويشترون كل حاجات الطلعه
من مفارش وفرش واطقم مطابخ لطبخ
كل واحد اختارت له حصه من عيالها على ذوقها اما شهد بماانها معاها فقررت تختار بذوقها

ادخلو البيت بعد تعب دام اربع ساعات متتاليه بالسوق
شهد بتعب وهي ترمي نفسها بالكنبه:اه يارجولي
حصه :اي والله تعبنا بس الحمد لله الي خلصنا باقي بس الأشيا البسيطه وراح اطرش السايق يجيبهم
شهد تنادي بصوت:دينا
كانت خادمة اعيالها تبي تشوفهم حيل اهملتهم اليوم مو بالعاده
حصه بحنان:ارتاحي انتي ولاحقه على اعيالج
وضغطت جهاز مناداة الخدم عشان يجهزون لهم شي ياكلونه
دينا ومعاها طلول شهد او ماجت عندها خذت ولدها بحضنها قالت بحب:ياقلبي اهملتك اليوم
اسألت اذا شرب حليب وردت الخدامه وقالت لها ان فجر طلعت جا ابوها واخذها
شهد بقهربعد ماراحت الخدامه: ياربي هالبنت مدري متى بتكبر وتترك الدلع
الحين بيزفني فهد لاني ماخذتها معاي
حصه:لا تكبرين السالفه تلاقينها اطفشت المسكينه ودقت على ابوها يطلعها
شهد بضيق:ماخربها وكبر راسها ألا سند وانا وفهد الي تورطنا
حصه بتنهد:عسا الله يبلغني بشوفة ضناه واشوفه يدلعهم بعد
شهد بحب:أمين

بعد ماصلت الفجر ارجعت نامت بالسرير جنب سند كان قايم يقرأ قران
وعهد حطت راسها وعطته ظهرها تبي تنام بس صوته وترتيله ارغمها تقعد وتسمع
تنهد صوته هادي وحلو
اخذ فتره وقف قراءه وعهد غمضت عيونها تدعي النوم
حست بلمست يده على كتفها
ارتجفت وسمعته قال: مراح تطخين وتسامحيني
كان وده يسمع قبولها لعذره بس هي معانده وراكبه راسها وسند مايحب هالأشكال الي تغلآ وتكبر اسلوب عهد هذا اكد له سخافة اخلاقها وصغر عقلها
عهد ماردت وطنشته بس كانت فرحانه سند يلح عليها تسامحه معناته تعلق فيها
مايمدي فرحتها تكمل ألا وسند جارحها بالي اعظم: والله الشرهه علي الي عامل لك احساب واراضيك
كمل بسخريه:عمرك مارضيتي
وانسدح ونام وعهد صبت دموعها فرحها بس ماسرع ماذبح فرحتها
هذا هو مستحيل يتغير عصبي وحار بشكل
حاولت تنسى وتنام ابرك لها

الساعه حدعش
بالموت اقدرت تقوم من فراشها تحب النوم بشكل انتبهت لساعه وتنهدت مابقى على رجعة سند من الدوام شي
خل اقوم اجهز قهوته واشوف شنو اطبخ له
اخ ياسند على شين افعالك معاي ألا اني ماقصر بشي اتجاهك هذا لاني غبيه وطول عمري غبيه
حتى سحر كانت تزفني وتهاوشني على سذاجتي وسكوتي عن حقي في الشغل بس وش تبيني اسوي اذا كنت بلا سند ولامعين انا مالي ألا رب العباد
هو الي بياخذ حقي منهم كلهم
واولهم سند الزفت

على هالطاري انفتح الباب وكان هو سند نفسه فدخلت الحمام بسرعه ترش جسمها وتبدل عشان تنتعش بدال الكسل
اطلعت بالروب اخذت لها ثوب ابيض بورود زرقا لي نص الساق وكمه جبنيز وكانت فتحة الصدر واسعه حيل تضايقت عهد منها خاصة وان صدرها بارز بزياده مع الحمل كان شكله فظيع فأكيد بينتبهه سند لها

افتحت شعرها وقامت تسرحه
ودخل سند عليها سلم وردت برود كانت تشغل نفسها بالتمشيط ماتبي اتشوفه عقب زف اليوم الصبح توعدت له وياكثر ماتوعد بس ماتنجز من وعودها شي
سند اسحره شكلها واكثر شي شعرها كان واصل لي فخوذها
عهد انتبهت له كان فاتح فمه ومسرح فيها قالت بتغيضه وهي تمشط: افكر اقص شعري غثني
سند بصدمه:ششنو
وبسخريه:ماسمعت عيدي يامدام شنو بتقصين
كان منفعل بجد لانه يموت بشعرها وطوله
عهد بنفس الأسلوب وهي ترفع شعرها بجهته: افكر اقص هذا
استوعبت الحين
سند قرب ومسك شعرها وقال بقهر:هذا ماينقص وأذا ودك بالقص قصي ألسانك ابرك
دفته بقوه قالت: مالك خص ومتى مابغيت قصيته
وكملت بحقد وعشان تقهره:ولا اقول خل لين اولد احسن
وكملت وهي تمسح بطنها: عشان مايكون لك سلطه علي ذاك الوقت
سند انقهر وفار دمه بس ألتزم الصمت خاف يطلع بأعظم من الي امس
تركها وراح يبدل وهي ارفعت شعرها وراحت للمطبخ
انقهرت ليش مارد ليش سكت كانت تبي تعرف هل ممكن انه يطلقها او انها بتم على ذمته
بس هو كان اذكى من هذا وخلاها تصارع افكارها

بعد ماخلص لبس وتعطر طلع سمع صوتها بالمطبخ وراح
لها
دخل وشافها تجهز الغدا وكانت حاطه حرتها بالخضره كأنها سند وقاعده تقطعه بقسوه
قال بهدوء :اتجهزي بعد العصر بنطلع لسوق
عهد التزمت الصمت لو تكلمت انفجرت فماتبي تفتح فمها
ابرك لها وسند مانطر ايجابه اصلا بسرعه طلع لصاله وتركها
ليه الدموع وليه كثر الونيني
ليه الغضب ليه العتب والمشاريه
ليه الكلام اللي يبيح كنيني
شي يزيد آلام الأيام ماأبيه
تكفين كفي دمعتك وارحميني
قلبي من أسبابك يكفيه مافيه

بعد ماأنهى الغدا وحاول يغصب نفسه ياكله لقمه عشان خاطر هالمسكينه الي تعنت واطبخت
كانت نفسه مسدوده ومايشتهي كان حايشه قالون عصبي من فتره طويله ونادرا مايهيج عليه لان سند يحرص على صحته وانه مايعصب او يغضب
بس هالفتره اهمل نفسه حيل
وصار مايتحمل وبسرعه يعصب
ولان عهد ماتقصر بعد
قام وقال بتنهد: الحمدالله
وراح وعهد ودها تكلمه وتقول ليش ماأكلت
حست انه ماعجبه طبخها
بس التزمت بالصمت وقامت ترفع الصحون وتغسل
بعد ربع ساعه خلصت كل شي ودخلت تبدل ملابسها
شافت سند منسدح بالسرير وكأنه يحاول النوم اخذت لها لبس ودخلت تبدل
ألبست ثوب بنفسجي طويل و علاق وكان قصة حوامل وفوقه بلوزه بيضا بكم طويل

كانت بتجهز عشان الطلعه وقامت تكشخ ألبست قلادة لولو بيضا واساور نفس الشي وقعدت تحط مكياج خفيف من زمان ماحطت على وجهها شي
فحبت تبدع هالمره

عند نور
كانت متجهزه تنطر غانم يجي ياخذها تختار لبنتها غرفه
قررت تكشخ بما ان مابقى على طلعتها من النفاس شي
فماتبي تطلع لغانم وهي مبهذله دق تيلفونها وكان غانم طلعت بعد ماباست بنتها ودعت امها0بحب
شافت سيارته واركبت جنبه وقالت بحب:سلام عليكم
رد بحب:وعليكم السلام
كمل :هاه نمشي
قالت بسعاده:مشينا
0حرك سيارته وهو يبتسم لها ويهمس لها بأعذب الكلمات
نور خجلت منه كان يمدحها ويتغزل فيها
غانم بخبث:يارب نخلص بسرعه عشان بوديك لمكان ثاني
نور بستغراب:وين
غانم :بس انخلص اقولج اخاف تخرب المفاجآه
هي استسلمت ولا لزمت تعرف احترمت رغبة

انزلوا للمحلات شافت الغرف وشافت ذوق غانم كان حاجزها من فتره بس ينطر موافقة نور اذا شافتها كانت حلوه وفخمه
نور بصدق:فظيعه ياحبيبي
قال:صج اعجبتك
ردت:حيل هذا ذوقك بروحك
قال بأهتمام :شرايك
ردت بشك:حلو بس اعترف من ساعدك اكيد سعود
ضحك وقال:والله انا الي اخترته وحتى سعود شافها واعجبته مثلك
ابتسمت له وهمست بحب: يسلملي الذوق الحلو
قال بتنهد:لو ذوقي مو حلو كان ماوقفت بطريقك واخذتك غصب
نور بتنهد:وتعترف انه غصب
وتفتخر فيه
قال بثقه:ايه وكل الفخر يانور
مسك يدها وراحوا يشوفون فاتورة الغرفه
هي ضاق خلقها من جاب هالسيره كانت تبي تنسى وتنهي السالفه بس غانم رجع فتحها قدامها
حست انه يبين لها انه مايصعب عليه شي
وانه قدر يمتلكها ويمتلك قلبها بعد

اطلعوا من المحل وكان غانم يبتسم وقال وعينه بالساعه: معانا وقت
وهي مو عارفه وين بتروح بس دامها معه بأمان حتى بنتها نستها

قال بسعاده:وصلنا
ماكانت منتبهه لطريق طول الوقت تفكر بكلام غانم
حست بضيقه هي حبته ومن كل قلبها بعد
بس كل ماتذكر طريقة زواجهم تزعل
شافت انها عند بيتهم قالت بصدمه: ليش جيت اهني
غانم ببتسامه:خل ندخل واقولج
نور برجا:بس بليز مابي اتأخر امول بتأذي امي
حط اصبعه على خشمه وقال :ابشري
انزلو واول مادخلت رفعها غانم وقال بهمس: كم صار لنا ماجلسنا بروحنا
نور بخجل وهي تمسك برقبة: مااذكر
غانم بثقه:بس انا اذكر وابي اعوض

عند حصه
كان عندها فواز مر عليها يسلم ويقول لها عن موافقته بالطلعه معاهم
وحصه طارت من الفرحه بهالخبر كانت مو مرتبه لفواز جناح بس لانها ماتوقعت انه يروح كالعاده يعتذر وهي عارفه ان ورا هالأعتذار ندى
وعشان جذي قررت تنازل عن جناح سند لفواز وندى لانه اكبر وعشان ندى تاخذ راحتها وبتحط سند اذا جا بغرفة الضيوف
حصه براحه: كلمت سند اليوم وماقلت له عن طلعتنا لشاليهات ابيه مفأجاه له اذا جا
فواز بضحكه:امه انه بيتفجأه مفاجأه خاصة لي شاف التغير الي صار بدون علمه
حصه افهمت قصده قالت بثقه: مصيره بيطخ ليمتى يعني بنعيش على رغبات سند العوجه
وكملت بفخر:ناسي ان اختك غيرت موضوع رفضه لزواج
وخلته عقب هالفتره يطخ ويتزوج وبعد اشهر بيجي له ضنا
فواز بتأيد: لا والله موناسي بس انا موراضي لتصرفاتك الي كلها بالغصب لانها بالأخير طاحت براس هالمسكينه عهد
انقبض قلبها وقالت بنفسها لاتفتح المواجع يافواز وانا احاول انسى
قالت بتنهد وهي تحاول تكون طبيعيه: انا ادور مصلحتهم الأثنين وعهد بالأخير بنت اخوي وابي مصلحتها
فواز بضيق: الله يسعدهم ان شالله شاف انه تأخر ولازم يروح
وكمل وهو يقوم بيطلع: يالله انا استأذن
حصه برجا: اجلس شوي
قال بحب:اعذريني يالغاليه عندي مشاوير لازم اخلصها
حصه اضطرت تسكت وفواز طلع
وترك حصه تصارع افكارها
0
اشلون بتواجهه عهد اذا جت اشلون بتبرر لها موقفها وافعالها معاها
حيل خجلانه من نفسها ومتفشله
كل ماتذكرت اسلوبها في التعامل مع عهد اشلون طاوعها قلبها في الأنتقام من سالم وضحى بعهد بنتهم
هل لانها قطعه منهم او لان وجود عهد قدامها فجر فيها احساس الفقدان وحب الأنتقام ممن سبب هذا الفقدان

اه تنهدت بألم وخارت منها دمعه احرقت اجفونها

عهد خلصت لبسها حتى حجابها عدلته وألتفت تشوف سند وهي ناويه تاخذ شنطتها وشافته نايم تضايقت توه كان قاعد مسرع
بس ماحاولت تقومه كسر خاطرها اكيد تعبان
اجلست على الكنبه وهي اطلع زفره دلت على ضيقتها
اما سند فكان قاعد ودقق بكل حركه سوتها عهد
وأول مالفت صوبه اغمض اعيونه عشان لايحس بالحرج من شكله وهو سارح فيها يتأملها
ابتسم على حركتها وزفرتها
الي اطلقتها
وفتح اعيونه وركز عليها قال برود: اشفيك تزفرين
عهد انصدمت بس افرحت لانه حس وقام
قالت بخجل: لا مازفرت
قعد ودقق بعيونها وقال بثقه: متأكده بس الي سمعته شنو
عهد بطفش وهي تاخذ شنطتها وتحط فيها اغراضها:تتخيل
سند ببتسامه: يمكن وكمل وهويوقف: تدرين الكبر شين
ابتسمت وبغت تضحك اول مره يسب نفسه بشكل علني
دخل يلبس بعد ماقالها تنتظره دقايق لين يخلص

اطلعت تنطره بالصاله وبعد دقايق طلع كان شكله جذاب
تنهدت بغصه اخ اي كبر ياسند
الي يشوفك يقول ماوصلت الثلاثين
كان لابس بنطلون جنز ابيض
وبدي سبورت برتقالي بخطوط بيضا
ولابس نضاره شمسيه وطبعا عطره فاح على عهد قبل اتشوفه اصلا
حست بالغيره عليه خافت احد يشوفه ويحسدها
تنهدت بضيق هو انتي تهنيتي فيه ياعهد عشان تخافين احد يحسدج
طالع فيها وقال برود:جاهزه نمشي
عهد بهمس:ايه

عند نور
خلصت لبس العبايه كانت واقفه على راس غانم وهي معصبه تستعجله يخلص
اخرها عن بنتها حيل تفشلت من امها يوم دقت تسألها وينها
انربط ألسانها وبالموت اقدرت تنطق وتألف على امها
وقالت انها بالبيت غانم يبيها ترتب له اغراض
اعذرتها وماجادلت بالعكس افرحت وكأنها عرفت السالفه
نور بقهر:غانم استعجل لك
شوي
كان متعمد ينرفزها قاعد يضبط بشماغه بكل هدوء
وقف وقال بحب: ياروح غانم ليش العجله
قالت:بنتي ولا ناسي بنتنا
قال ببتسامه:لا مانسيت
وكمل بخبث:وناطر الثانيه بطريق ان شالله
نور بنرفزه: لا والله خاف ربك اموله يادوبها شهرين
قال ببتسامه :واذا مايمنع
حنا كبار ولازم مانفوت اي فرصه
نور كلامه صح انا بأخر الثلاثينات وهو مابقى له شي ويصك الخمسين
التزمت الصمت لفتره كانت تفكر في كلامه وماحست ألا بالعضه على خدها فزت وقالت بضيق وهي تبعد غانم: لااأ اا
وغانم مات ضحك عليها

بعد مااخذو ساعه بالسوق واشترت عهد بعض الهديا
قرر سند يجلسون في اقرب كافيه عشان عهد ترتاح حس انها تعبت خاصة وانها ماتعودت على المشي من حملت
جلست وكانت رافضه تبي تخلص باقي اغراضها
قالت :اذا بتقعد تجلسني كل ساعه مراح نخلص لصبح
سند بهدوء:عادي نجلس وش ورانا
اشر لبائع عشان يجيب لهم شي يشربونه
وعهد صدت واشغلت نفسها بالنظر في الناس الي رايح والي جاي

بعد فتره وسند منشغل بشرب قهوته وعهد اشربت شويه من عصيرها
كانت ناطره سند يقوم يتحرك
انتبهت لرجل يمر من المحل وكان يدحرج بشكل غير طبيعي كان فاقد
ارتعبت ذكرها بأبوها وخافت سند ينتبهه له ويفهم ليش مركزه فيه
صدت بسرعه عن شوفته واوهمت سند بأنها ماشافت السكران
بس انصدمت لان الرجل داهم القهوه بيدخل واطرده راعي المحل وكل الي في المحل انتبهوا له
تمت اطالعه بعيون خايفه وراجفه عصبيته وصراخه ارعبها بقوه
حتى سند حس وقال بهدوء :تحبي نكمل تسويق
كان يبي يبعدها عن هالجو الي اكتئب من جية هالزفت ود سند لو يذبحه
قاموا وطلعوا وعهد اول ماقربوا عند الباب ومكان ماالمدير وعماله يتهاوشون مع الرجل السكران
بدون لاتحس امسكت يد سند وبقوه كأنها تحتمي فيه
وسند حاوطها بكتفها ومشوا يكملون اغراضهم

ادخلت البيت وهي متنرفزه من اسلوب غانم اول شي ضحك عليها وراح فيها لبيته وبعدها اخرها عن بنتها وبالأخير وقبل يرجعها علم على خدها بأثر واضح كثرت البودر والبلاشر
عشان يخفيه
راحت سيده لغرفة امها عشان تأخذ بنتها
افتحت بشويش وادخلت
شافت امها تصلي سنه قبل تنام
وشافت امل غاطه بنوم عميق
قربت واجلست جنب بنتها ودنقت تبوسها
كانت تشم فيها ريحة غانم لانها بنته
خلصت امها الصلاة وراحت نور وسلمت عليها وجلست جنبها قالت بحب:اسفه يالغاليه اذيتك اكيد امل بهذلتك بدلعها
ابتسمت وردت: لا والله حارصها ربي ألا هاديه وماتذي
وكملت بخبث:انتي بس طمنيني عسا استانستوا انتي وغانم
رد بغصه:هاه اي الحمدالله ووقفت بتاخذ بنتها سوال امها احرجها وخلاها تصبب عرق
من الأرتباك والتوتر
خذت بنتها وطلعت بعد ماودعت امها واعتذرت بتنام
وهي مو بالعاده تنام مبجر بس اليوم تبي تختلي بروحها بعيد عنهم كلهم حتى غانم
نزلت امل بفراشها ودخلت تبدل وتلبس شي مريح بدال التنوره القصيره والبدي العلاق اكشخت فيهم لغانم قبل تطلع وماتركها
سالمه اخذ الي يبي ورجعها عقب صياح منها
البست بجامه قطن صفرا ونسدحت بفراشها بعد ماسحبت امل وقربتها عندها احضنتها وقالت بهمس: اموله احب ابوج لانه سلب كل فكري وعقلي كملت ببتسامه وهي تبوس خد امل: بس لاتفتنين علي
اضحكت على خبالها
وبعد فتره نامت هي الثانيه

الساعه 2بالليل
عقب ازاحت عنها تعب السوق وخذت شاور وألبست برمودا رمادي مع بدي احمر كات
فضلت تلبسه عشانها حاسه بالحر
مشطت شعرها وارفعته ذيل كالعاده وخلته يسيح على فخوذها
قامت تحط لوشن وانتبهت لسند الي نايم
ابتسمت روحة السوق اليوم كانت ممتعه اكتشفت أهميتها عند سند
ورغبة في الأستمرار معاها
صح ماصرح لها ولا نطق بس كان واضح
لما كانت تختار فساتين للبنات
قام هو واختار لها واحد ودفع سعره
كان واضح انه يبيها تلبسه بعد الولاده لانه مستحيل يدخل فيها الحين
صدمها كان حافظ قياسها حفظ
وبدون لايسألها
ولما اعترضت على انه مو قدها ولاراح يدخل فيها مع الحمل تعمدت هالسوال
رد بهدوء وهو فاهم قصدها : مو لازم تلبسينه خليه بعدين
ودها تقول متى بس ماقدرت وقالت بهمس: هذا قياسي قبل
لكن الحين ماتوقع احس جسمي بدأ يمتن
قال بثقه:اكيد عشانك حامل وبس تولدي بيرجع جسمك الأولي
ابتسمت كلامه دل على رغبة في العيشه معها حتى لو ولدت مو مثل ماقال
تنهدت وقامت طفت الليت وانسدحت بالجهه الثانيه جنب سند

سند حس فيها من ريحه العطر الي دخلت انفه كان نايم بس احساسه بقربها قومه وفتح عيونه وطار عنه النوم عقب انتبه للأحمر
تنهد بضيق كل مايذكر توترها وخوفها من هذاك السكران
سند بنفسه حسيت انها عانت حيل منه في حياته
وانا كملت عنه عقب مماته
حسيت برغبه في اني احتويئها
قربت صوبها
وحضنتها من ورا ودفنت وجهي بشعرها
حسيت بأرتباكها واحس ودها تعارض
بس انا اصريت ابي احميها ابي اوفر لها الأمان

عهد فزت من حركته وقامت تحس بالحر
هي خلقه مع الحمل تحتر قالت بخجل: سند
تنهد بنعاس: نعم
قالت : ماقدر انام
قال:السبب
ردت بهمس:قربك فياليت تبعد
قال بتنهد وهو يبعد ويلفها صوبه عشان يتأمل وجهها:اول مره بحياتي اواجهه حرمه تحس ان قرب زوجها ضرر لها
كانت عيونهم لاصقه في بعض
وسند مازال ماسك كتف عهد الكاشف
قالت بقصد:ليش انت كم حرمه قابلت عشان تحكم
سند بلعانه: اوه من كثرهم ماقدر اعدهم
انصدمت من هالسر الخطير الي توها تعرفه
وبدت وساويس الشيطان تلحقها
ارفعت نفسها وقالت بنرفزه: يالي ماتستحي على وجهك وجاي تقولي بكل برود عن خرابيطك
وكملت بقهر: اذا هم فرحانين بقربك فأنا لا
فأحسن شي روح لهم
دفت يده عنها وقامت تحلطم بنفسها
اي الناس عبالهم ماتزوج لانه يحب زوجته
والأخ طلع شبعان استغفر الله
ليش اظلمه هو قال زوجه
سند ابتسم غيرتها تسحر حتى لو اخفتها
قلت بضحكه: اذا بتمين معاي جذي مافيه ألا اتزوج
عهد اجلست خلاص فولت ضرب اخر فيوز فيها كانت بتخنقه بتذبحه على حقرانه لها ولمشاعرها
بس سند ماعطاها مجال قام هو الثاني واجهه اعصار غضبها
بأسلوب اخر جمد عهد وماعطاها اي بذل في الدفاع

قبل اذان الفجر
كانت للحينها بحضنه كان محاوطها ولو بيده دخلها داخل ضلوعه بس عشان يحميها من كل المخاوف الي تحاوطها
عهد موعارفه تعبر او موقادره تعترض عن افعاله
سند يقدر يقلب كل افكارها وكل تخطيط هي تقرره
تحبه مو بس تحبه تعشقه بكل عيوبه
بكل افعاله حتى لو كانت جارحه بعض المرات0اول ماحضنها لما كانت بتهاجمه ولما حست بقبلاته عليها خرت ادموعها وبكت
هو تخرع عباله عشان سالفة الحريم وقام يحلف انه مالمس حرمه غيرها هي والمرحومه سعاد
ألتمست الصدق من كلامه وصدقته سند مو راعي خرابيط بس كان يستفزها كالعاده
هو قال واعترف لها قال مرات تجيني الرغبه في اني اذلك وانرفزك
ولما سألت عن السبب قال بتنهد: لانك انفرضتي علي
حست بضيقه حتى هي مو بكيفها كان غصب عليها مالها احد في هالدنيا غير عمها وعمتها وهم دبروا لها هالزواج0
كانت مقدره رغبة في رفض الزواج وحاسه بالغيره من هالسعاد الي الله ماكتب لها حظ بالدنيا بس علق قلب انسان عايش في حبها وخلاه يرفض الارتباط بغيرها او انه يحب غيرها
ودها يسولف لها عن سعاد ودها تاخذ لو شي بسيط من تصرفاتها عشان سند يتقبلها
قالت بهمس وهي تركز بعيون سند الذايبه بس مو عارفه بشنو ذايبه وخمنت انها من ذكرى سعاد : ممكن تكلمني عن سعاد
وشافت الصدمه بعيونه وكأنه انزعج كملت بتوتر: ابي اعرف شخصية الشخص الي امتلك قلبك
سند انزعج مايبي يفتح هالسيره ابد هو يحاول ينسى ويعيش حياته بعد ماحس بأستحالت النسيان لان سعاد وحبه لسعاد مستحيل ينسي او يتبدل
بس عهد ادخلت بحياته غصب وارغمت قلبه قبل عقله انه يتعلق بها
كانت دخيله وماتزال دخيله افرضت نفسها غصب وخلته يحبها ويتعلق فيها
وصار صعب عليه يبتعد عنها وزاد تعلقه فيها بعد ماحملت بحشاها طفل من صلبه
ماوده يرد لان صعب الجواب وخايف يجرح عهد بدون قصد قالت بزعل: حتى بهذا مالي حق اعرف
تنهد وبعد عنها وجلس وهو يقول: لا بالعكس عادي
وطالع فيها
لي متى ياسند بتم كاتم على قلبك حاول تتغير واشرح لها عن حبك يمكن تقدر ظروفك وتساعدك بأن تنساها سحبها وجلسها جنبه
كمل بتنهد ويده تمسح على بطنها وهو ناوي يسرد لها قصة حياته مع حبيبته سعاد

كانت مندمجه بشكل ماطوفت اي حرف انطقه وركزت عليه
انصدمت بأحساس سند المرهف كانت متوقعه انه عديم احساس
ولا بس عندها ينعدم احساسه
مايبين حبه ألا بأوقات حرجه يابالفراش او اذا صابها شي
كأن داخله قلب أحتياطي مقيد من المشاعر ويطلع بوقت الطواري فقط

عهد بضيق لان سند وصل لي لحظة الفراق وهي معرفة سند بمرضها حطت اصابعها على شفايفه وقالت: كافي
كملت وهي تنزل عينها عنه 0 و تضغط على اصابعها الي باسهم سند: مابي اسمع عن لحظة الموت والفراق
سند برود: بس انتي بغيتي تعرفي كل شي عنها
وكمل بتنهد: خل اكمل
عهد بضيق وهي تقوم تبي تاخذ شاور قبل الصلاة : ألا الموت لاني انا مثلك جربت لوعة الفراق
وراحت وتركت سند مستغرب معقوله كانت تحب
من تقصد اه يمكن ابوها او امها
ياربي بديت اشك

اليوم الثاني
عند سحر كانت رايحه هي وخالد لموعدها مع الطبيبه
كانت منصدمه من سعادة خالد الي ماتوقعتها ابد
هو من دق وبشر ام فارس الي اخترعت وقامت تدعي ربي يحفظ بنتها

سحر بحب:خالد
رد بحنان وهو يسوق سيارته راجعين لبيتهم:عيونه
قالت ببتسامه: قول يارب يجينا بنات ولاتزعل علي بهالكلام
كملت برجا:يارب لو وحده بنت وثاني ولد
خالد بعطف: الله يجيب الي فيه خير من بنت ولد كلهم نعمه من الله
قالت:ونعم بالله سبحانه
قال :تبينا نزور امك العصر ترا انا وعدها نجيها
سحر بسعاده: ياليت مشتاقه اشوفها واعرف وش صار على تجهيز جناح فارس تعرف باقي اربع شهور
كملت بضيق: اذا قرب عرسه ولا أنا بالسادس هذا الي مضايقني
خالد بضحكه: ذنبك كنتي معصبه من زعل عهد الي بتكون انفاس بعرس اخوك وهذا انتي اغترتي وحملتي
الله يسعدك يافارس عرسك بوقت غلط
سحر بنرفزه:تطنز كله منك
رد بتنهد:محد قالك احلوي زياده عن حلاك
سحر اخجلت وذابت من كلامه

عند سند
دخل بيته الساعه عشر الصبح كان رايح يخلص له شغله ويرجع للبيت يرتاح عقب سهر البارح
يادوب نام ساعه ألا المنبه داق على موعده بالشغل
كان كلام عهد وحزنها عن الفراق بداخل فكره حب يتجرأ ويسأل وردت بكل بحزن : امي
وكملت برود: ولا فقدان الأم مايعني لك فراق
كانت تقصد من كلامها المعرفه بمدى تعلق سند بأمه
الي هي عدوتها
سند بقهر:بعيد الشر عنها تمنين موتها ادري
عهد مانطول صحبه ماسرع مانتهاوش قلت بتنهد وانا اتغطى بنام : ماقصدت بس انت عارف من اعني لما جبت سيرة الموت
قال برود وهو يبرر موقفه: الله يرحم اموات المسلمين
0عهد بتنهد:امين
حز بخاطرها لما طرت سالفة الموت لأمه تنرفز وعصب وامها هي والي هي ذايقة لوعة اليتم والفراق رد بكل برود كأن عنده ممنوع يذوق التعذيب والفراق وعندها هي عادي
نامت ولا لفت صوبه ابد

وهو حس فيها وفي زعلها بس تعمد يسكت هي الي فتحت السالفه من بدايتها خل تحمل
نزل الجاكيت وفتح قميصه وحذفهم بشكل عشوائي ودخل بالفراش ينام
شاف عهد مازالت نايمه ابتسم امس سهرتهم صباحي فشكلهم مطولين بالنوم ولاراح يقومون إلا بالليل

missloubna

10 - 03 - 2010, 11:18 PM

شكرا في انتظار المزيد

سفيره المشاعر

11 - 03 - 2010, 09:39 AM

شكراً طموحي
وبانتظار البارت القادم
...................................

طموحي عالي

11 - 03 - 2010, 05:23 PM

بعد يومين
الكل متجهز بيروحون للشاليهات بعد العصر
حصة وحمد ومرته اسبقوهم وراحوا الصبح عشان يجهزون النواقص
أما فهد وفواز فقرروا العصر أفضل
وكانوا عارفين بجية سند ومرته بكرا0وفواز هو اللي قرر يجيبهم من المطار للشاليهات بناء على طلب حصة كان يبي يستقبل عهد ويشعرها بأنها غالية عنده
بس خايفين من صدمتهم لي عرفوا با لطلعة
حصة وهي تأمر خداماتها الأربع بترتيب الأقسام ويحطون فيها كل الحاجات البسيطة من مشروبات وأدوات نظافة
وفرش
حمد دخل عقب مرعلى طراده وشافه كان ناوي يطلع سهام رحلة بحرية على الطراد بروحهم
التفت شاف أمه جالسة سلم وجلس قال باستفسار : وين عائلتي؟!
أمه بضحكة على كلامه : راحت تنوم سعد داخل
حمد بضيق : أفا أمداه ينام أبوالشباب كنت ناوي عليه بعضة قوية
اسمعوا ضحكة سهام اللي دخلت وقالت:أجل فك عمره من عضك
حمد بابتسامة : ايه سلم ها المرة بس الجايات أكثر لولدك ها العنيد هذا
ابتسمت وجلست جنبه قالت بعطف : حرام عليك والله إنه يهبل
حصه بتأييد : وأنا أشهد إن ما في أحد بجمال سعد فديته
حمد بخبث : عشانه سمي المرحوم
حصة انحرجت وسهام وحمد ماتوا ضحك
توقعاتكم؟
ردة فعل سند لي عرف بالتغيير الي حدث في جناحه؟
ردة فعل عهد وهي رايحه للمكان الي تكرهه؟
وابطالنا الثاني شبيصر لهم؟
عند عهد
كانت مندمجة تسولف مع سحر
أعرفت بسالفة حملها وماتت ضحك
لأن لاهي ولا سحر بيقومون بالعرس اللي بتكون والدة واللي بآخر شهور حملها
طولت مكالمتها وحست بالخجل خاصة وإن سند موجود با لمكتب وأكيد يحتاج شي
اعتذرت بأدب وسكرت السماعة
وراحت تشوف سند إذا يبي شي قبل تدخل تشوف شناطها كانت مقررة ترتب شناطهم
طقت الباب وسمعت صوته ودخلت شافت سند يتابع بعض الأسهم باللابتوب بعد ما سلمت قربت منه وقالت بهدوء : سند تبي شي
حست إنها غبية بها السؤال كملت تبرر : لأني يمكن انشغل بالشناط وحوستهم
أبي أجهزهم الليلة
سند التفت صوبها ونزل نظارته الطبية اللي يستعملها عادة عند الشغل بس
شاف ايدها تعبث بعلبة أقلامه دليل على توترها وخجلها
ابتسم من عقب ذيك السهرة وهي صايرة أليفة وهادئة
مسك يدها وسحبها قريب يمه
قال بهدوء : أبي سلامتك
وكمل بهمس وهو ياشر لبطنها : لا ترهقي نفسك وإذا احتجتي مساعدة ناديني فاهمة
قالت بتنهد وهي ذايبة من قربه وأسلوبه : إن شاء الله وغيره
قال وهو ينزل وجهها يخطف بوسة من خدها : قلت سلامتك
انصدمت وتصبب العرق منها أوقفت فترة تستوعب
سند باسها هو صح مايقصر بس كان في لحظاتهم الخاصة وغير هذا ما عنده
حتى ما عمره بين لها عن اعجابه أو اشلون يشوفها حلوة كانت أو شينة
بكل هذا بخيل
حست إنها مصختها خاصة وإن سند رجع يدقق بشغله وقررت تطلع أفضل لها
أما هو فابتسم .. عهد رقيقة وأي حركة توترها
هذا وهو مو مصرح لها بعشقه تنهد
حبها يزيد في قلبي وخايف لي ولدت باجر ترجع تكلم عن الطلاق أنا مستحيل أعيش بدونها
أما عهد فدخلت غرفتها وبالموت اقدرت تسيطر على مشاعرها اللي لخبطها سند هاليومين صايرين سمنة على عسل مثل ما يقولون نظرات اعجاب وشوق بس بدون اي تعبير او شرح منهم الاثنين
كان كل واحد منهم يصارع نفسه في إنه يحتفظ بمشاعره لنفسه وما يتجرأ يبوح فيها
اجلست تحط الهدايا في شنطة خاصة
وابتسمت لما شافت الألعاب
تذكرت كلام سند أمس لما اجلست تنقي لعيال سحر وعيال فواز من الألعاب اللي شاريهم
قالت باستفسار: ما تلاحظ إن الألعاب زيادة عن اللزوم
كملت بابتسامة : اتوقع أخذت المحل كله
كان جالس على السرير قال بتنهد : أنا قاصد اشتري زيادة
وكمل وهو يوقف ويمشي صوبها : قولي ليش ؟!
قالت بهمس : ليش ؟!
كانت مركزة بعيونه لما قرب صوبها
قال : أبيهم لطفلنا اللي جاي بالطريق
عهد اخجلت بس اشعرت بسعادة أول مرة يشاركها هي وياه بموضوع الطفل
ابعدت هالذكرى عنها ورجعت ترتب
قالت بضيق : كلها ثلاث شهور وبيجي طفلنا يا سند
أو طفلك بروحك لأن أنا مستحيل ارضى أعيش معاك وأنت بعدك مغرم بسعاد قالتها بغضب
تنهدت بحزن لو بيتم يتعامل معاي جذي بدون سب وحقران كان اقنعت نفسها غصب بالعيشة معاه بس هو مستحيل يتعدل
وإذا كان هالأشهر تحسن شوي فهو عشان الحمل ما تعرف تقرر ولاهي قادرة تقرر اصلا حياتها معاه متقلبة مثل الأمواج مرا مد ومرا جزر
الساعة ست في الشاليهات
اجتمعوا الرجال قبال الشالية افرشو فرشة وجلسوا يسولفون
ضحك و وناسة
فهد وحمد جننوا فواز باللعب في لعبة الدامة كل شوي مخسرينه
وهو مات حرة
فواز بقهر وهو خاسر للمرة الألف : أنتم أكبر غشاشين شفتهم بحياتي
فهد و حمد بضحكة : خسر خسر خسر
فواز بطفش وهو قايم : خلاص ما أبي العب معاكم بروح اقعد مع مرتي أبرك لي
حمد بخبث : خلها تعلمك عن اللعب وأصوله
يمكن تطلع أحسن منك
مسك الكلينكس بيحذفه عليه وحمد تصدى له وأمسكه
فهد بابتسامة : باجر إذا جا سند بنخليه يتبارى معاك بنشوف أي واحد يربح
حمد بثقه : سند ما أتوقع يفوز دجة هو ما عمره لعب
فواز بسعاده : أجل خلو لي سند باجر بتوحد فيه
وماتوا ضحك على هالطاري
أما عند الحريم
فكانت حصة ملتمة على أحفادها وتلاعبهم
وشهد وسهام منشغلات بأخبار الموضة وآخر الموديلات
وندى جالسة معهم بس ما شاركتهم بالموضوع كانت تسمع بس وعينها كل دقيقة تركز بحصة وحنانها وعطفها على الأطفال
حتى عيالها أقدرت تسيطر عليهم وتضمهم مع فجر وتلاعبهم
انتبهت لصوت سهام اللي سألت بحب:ندى أبي اسألك عن فطايرك حيل اعجبتني
ابتسمت غيرو الموضوع بدون لا تحس قالت : إن شاء الله
وقامت تقولها
وشهد لفت لأمها وقالت : يمه الساعة كم طيارة سند ؟!
أمها : باجرالساعة ست يعني يا دوب يجون بالليل
شهد باهتمام : جهزتي مكان لهم
كانت متفاجأة خالها أخذ قسم سند و ما تدري أمها وين بتحطهم؟!
حصه بتنهد : بيجلسون بغرفة الضيوف تعرفين مرة أخوك حامل و مو زين لها صعدة الدرج
شهد : اي أحسن بعد
في بيت أم فارس
كانت سحر عندها وأمها هبلت فيها من كثر ما تحاتي وخايفة من حملها
سحر بضيق : يمه هو أنا أول مرة أحمل
أم فارس : اي بتوم أول مرة
وكملت بحنان : الله يستر عليج ويحفظج
سحر بتغير السالفة : يمه ما قلتي لي أشلون جناح فارس خلصوا الصبغ ولا بعد
امها : لا باقي بس غرفة النوم
وكملت بقهر : أخوج ذوقه معقد مو كل شي يعجبه
سحر بابتسامة : مو عقدنا بالخطبة انتي شفتي بالموت اعجبته ا
وقطع عليهم دخلة فارس
سحر اضحكت وفارس قال : كملي ليش سكتي؟!
سحر بضحكه : مو أنا بس ترا حتى أمك قالت انك معقد
ام فارس : يمه منج من متى صايرة فتانة
سحر بضحكة : خالد علمني
وضحكوا على تعليقها
فارس : خلاص بقوله فكنا منك خربت أختي وهي أكدت لنا
سحر بخوف : لا تكفى أضحك عليك يا غبي صدقت
فارس بلعانة : لا مو توك تقولين خلاص
سحر التفت لأمها وقالت بغرور : يمه شوفي ولدج هالمعقد لا يخرب بيني أنا وأبو عيالي
فارس ابتسم وأمه قالت : لا تخرب حياتها بعدين تردها لك باجر لي تزوجت
كملت بثقة : بنتي وأعرفها تأخذ حقها لو بعد قرن
عند عهد
جهزت شنطتها وشنطة الهدايا وباقي شنطة سند استحت تجهزها ما تعرف هو وش بياخذ وش بيخلي
بعد ما خلصت أخذت لها حمام دافي والبست بجامة سماوي
دخل عليها سند وهي تجفف شعرها بالأستشوار
أشر لها وطفته فقال بتنهد : تعالي تعشي
استغربت معقولة طابخ قالت : عشا
قال بثقة : ايه عشا طلبت لنا مشاوي من مطعم شامي قريب
عهد ابتسمت واستحت تقول ليش استغربت : اوكي دقايق
طلع وهي ردت تجفف شعرها وبعد
ما جف خلته مفتوح والبست ربطة سماوي
حطت عطر واطلعت لسند ما حبت تحط مكياج بشرتها صايرة تحسس من الكريم آخر مرة حطت يوم اطلعت للسوق تحسست بشرتها اليوم ثاني وانتبه لها سند ومنعها تحط مكياج بعده
ما لقته بالمطبخ كالعادة ياكلون هناك وراحت تشوفه بالصالة وقبل تدخل اسمعت صوته كان بغرفة التلفزيون
راحت له وشافته فارش سماط ومجهز الأكل ادخلت وقالت بابتسامة : وناسة بناكل على الأرض
ضحك وقال : والله أنا مثلك أحب جلسة الأرض بس لزوم التطور شنسوي
اجلست وقالت بتنهد : يا شين ها التطور
قاموا ياكلون وبعد فترة وهم مندمجين بالأكل قال سند : حسيت بالجوع وماحبيت أتعبك وطبعا مستحيل أطبخ فخطر في بالي هالمطعم أكلت فيه أنا ورفيقي قبل وحيل عجبني
ابتسمت
سند صاير يسولف عليها وهو مو من عادته الكلام حتى شهد أكدت لها إنه ساكت أغلب الأوقات
فهذا يدل على الخير
عهد بابتسامة : زين اللي طلبت ولا فكرت تطبخ لنا
سند طالعها بنظرة تعجب : ليش
عهد بضحكة :عقب طبخك للشوربة انصحك ما تغامر وتطبخ مرة ثانية
سند ابتسم لتعليقها صح فاشل بالطبخ بس ما يعيبه كونه رجال : ما يحتاج أدخله أصلا قبل كان عندي طباخ آخذه معاي لي كنت بطول بالسفر واللحين عندي زوجة صكت على الطباخ بطبخها
حست بتوتر صرح بحبه لأكلها
قالت بتنهد : مشكور لأنك مدحت طبخي
ابتسم : العفو وهذا الصج عمري ما ذقت شي إنتي مسويته و لا حبيته كلهم أحبهم
بغت تطير من الفرحة ولو مو قدامها كان ناقزت بدون تردد
بس احتفظت بالسعادة لنفسها واسكتت وكملوا أكل
وبعد ماخلص سند قام وراح يغسل
وعهد أول ما اختفى عن نظرها أصرخت :ايوااا
نطق نطق
أخيرا عبر ولو إنه شي تافه بس يوفي
شالت الأكل وقامت
عند نور
كانت مرتبكة وموعارفة تصرف
غانم دق ويبي يجي يسهر عندها هي حاسة بالخجل من أمها و أخوها الكبير أشلون بتستقبل غانم عندها بغرفتها
تنهدت مافي إلا إني أقوله يجي ياخذني لبيتنا هناك أحسن عشان لا أحس بالخجل وبأخذ بنتي معاي وباجر أجي آخذ أغراضي
بخلص الأربعين ها الأسبوع خل أرجع لبيتي وزوجي ابرك لي
قررت تروح وأرسلت لغانم مسج
تقوله إنها تبي تروح لبيته يسهرون هناك أحسن
هو طار من الفرحه وسأل يستفسر عن أمل
وقالت إنها بتاخذها فزادت فرحته فرحة
نور البست وجهزت وأنزلت الساعة 8تنطر غانم يجي ياخذهم
كانت جالسة وشافت أمها جاية
أمها باستغراب : وين يمه ؟!
نور بخجل : غانم عازمني على عشا
أمها : طيب خلي أمل عندي
ردت بغصة : لا أخاف اتأخر وما أرجع إلا الصبح باخذ بنتي معاي
ابتسمت وقالت : براحتك يمه
دق تيلفون نور وطلعت ونادت الخدامة تشيل شنطة أمل للسيارة
أول ما وصلوا لبيتهم نزل غانم ومعاه أمل دخل البيت واستقبله سعود اللي خطف أمل وجلس يبوسها
غانم ضحك وقال لنور : شرايك نصعد لدارنا ؟! دام بنتنا بأيدي أمينة
نور بخوف : لا أخاف تصيح
سعود بحب : ما عليك إذا صاحت أناديك
كمل بخجل : روحي ارتاحي إنتي و أبوي
غانم بخبث : كلامه صح
ومسك نور ومشو فوق ونور تحاتي بنتها
دخلها الغرفة وجلس معاها على السرير وكان يهمس لها بكلام حب وغزل وهي مو مركزة معاه وقرب صوبها وانحنى عليها بيبوسها بس وقفه صوت سعود العالي : عماااااااه
نور فزت وابعدت غانم قالت بخوف :
يمه بنتي وراحت تركض تحت
غانم حذف راسه بالمخدة وقال بتنهد: بديتي معاي بشغل النذالة يا أمل
نور اوصلت لسعود بثانية أخذت بنتها اللي تصيح قالت : اشفيها
سعود بضيق : ما أدري أبوسها فجأة صرخت
نور : من شواربك أكيد عورتها
سعود بنرفزة : لا والله بنتك مدلعة
الله يعين وقام وتركها وراح فوق
ما جادلت نور وسكتت بنتها وهي هدت عن الصياح
وطلعت فيها فوق كانت متضايقة من سعود اللي عصب من صياح طفلة0
ارجعت لغرفتها وشافت غانم مبدل و لابس بجامة وجالس ينطرها
تبسمت له واجلست على الكنبة وأشرت له يهدأ لين ما أمل تنام
وهو أشر بالموافقة ورجع انسدح
في الشاليه
الساعة وحدة
دخل جناحه عقب ما الكل دخل ينام
استانس كانت سهرة حلوة وما في أحلى من جمعة الأهل عنده
انتبه لندى كانت جالسة على التلفزيون
وأول ما شافته قرب وجلس جنبها طفت التلفزيون
عقب السلام سأل : ناموا العيال؟!
ندى ببرود : من زمان
قال بتنهد : اشفيك أحسك متضايقة
ندى وهي تنام على رجل فواز
قالت بتنهد : لا مو متضايقة بس مدري أحس بخمول مو طبيعي
مسح على شعرها
قال بحنان : تبين أوديك الطبيب
ندى وهي تقرب يده من شفايفها وتبوسها : مايحتاج حبيبي
استغربت من خمولها وناطرة موعدها عند الطبيب عشان تفحص
ما كانت تبي تروح مع فواز تخاف يكون سبب الخمول من الأدوية اللي صرفتهم لها الطبيبة عشان سالفة الحمل فتنكشف عنده
أما حمد فكان راكب هو وسهام بالطراد ويتمشون بضحك و وناسة
حمد بصوت عالي : تحبي أسرع أكثر
سهام برجا : لا تكفى أخاف
ضحك وكمل مشيته بدون لا يسرع احترم رغبتها
وهي جالسة وفاكة شعرها اللي يطير من الهوا
كانت منزلة عباتها اللي البستها عشان لبسها العاري
كانت لابسة شورت سلفر وبدي وردي كات بنقوش سلفر
وأول ما بعدو شوي نزلتهم
داخ حمد على لبسها عقب ما التفت بيسألها إذا تحب تجرب السياقة وبعد ما شافها ما فكر يسألها وقف الطراد ومشى صوبها
سهام بخوف : ليش طفأ
تقصد الطراد خافت لايكون تعطل
حمد بخبث : خرب مالنا إلا أنام هنيه
وقرب حضنها وكان بيبوسها
سهام بقهر دفته : حمد لا تجنني
الطراد صج خربان ولا أنت قاصد توقفه
حمد بهمس : لا أنا قاصد أوقفه
وعطاها نظرة وهي افهمت وحست بالخجل
عند نور
قامت على صوت المنبه للصلاة تسحبت عن السرير بشويش عشان لا تزعج غانم اللي نايم
أدخلت تاخذ شاور ينعشها
وعقب اطلعت انتبهت لغانم قايم
ارسل لها بوسة ابتسمت له
غانم قام ودخل الحمام ونور مشطت شعرها وارفعته وصلت الفجر
سمعت صوت بنتها وراحت تأخذها هذا وقت رضعتها قعدت ترضعها
طلع غانم وشاف شكلهم الساحر نور الطفلة بعينه مهما كبرت تحضن لها طفل وترضعه
لبس وطلع يصلي بالمسجد0
ونور عقب ما نامت بنتها حطتها بالأرض ما تقدر تحطها معاهم بالسرير ففرشت لها الأرض بأكثر من لحاف وحطتها فيه
طفت الليت وشغلت الأبجورة وانسدحت بالسرير كانت نعسانة وراحت بسابع نومة
اليوم الثاني
عند سند
دخل للبيت الساعة وحدة ونادى عهد
ما شاف لها أثر بالصالة
قال أكيد بالغرفة وراح لها
دخل وشاف شناطهم مجهزة وهو بعد جهز كل أغراضه عشان الساعة 3رحلتهم و ما عندهم وقت بيمشون اللحين للمطار
انتبه لعهد طالعة من الحمام بالروب أول ما شافته أخجلت وتوترت نادر ما تطلع بالروب عند سند
سند بابتسامة لأنها منحرجة : لا تخافي ما عندي وقت مضطرين نمشي طيارتنا 3
عهد انقهرت شقصده أنا قاصدة اغريه يعني : أحسن بعد ريحتني وأخذت لها ملابس وراحت تلبس
وسند ضحك على قهرها
يموت باستفزازها يحب يشوف العصبية تطاير من عيونها يبيها قوية ما يبي يشوف الضعف بعيونها
أطلعت له عقب خلصت لبس كانت لابسة بنطلون قطن أسود وفوقه ثوب أبيض منقش بأسود لي افخوذها
البست ملفع أسود وحطت واقي عن الشمس واكتفت بالقلوز الوردي
سند راقب لبسها وكان منهبل
عهد جذابة لو بالشي البسيط والعادي
قال بتنهد : عهد
ردت بانصات : نعم
وهي تشيك بأغراضها اللي بالشنطة الصغيرة كانت حاسة إنه بيقول شي أو بيعلق على الموقف
بس صدمها ما كان اللي قاله عن الموقف
قال بتوتر : أبيك تلبسي نقاب
كمل بنفس الأسلوب : شهد وسهام التزموا فيه بعد الزواج مباشرة
عهد طالعت فيه بدهشة أول مره يتكلم عن لبسها ونقابها كان دايم يشوفها وهي ما تبالغ بلبسها كانت تحب الساتر
بس نقاب ما التزمت فيه ولأن البيئه اللي عاشت فيها تفرض أنها تكون سفور
(أي بدون نقاب ) كونها كانت ممرضة قالت بقصد : ليش؟!
قال بنرفزة : بس أبيك تنقبين ومن نوصل هناك بشتري لك نقاب والبسيه
عهد بقهر: يعني السالفة عناد وبس
وكتفت وقالت باصرار: وأنا ماني متنقبة
حس بقهر وأخذ الشناط وطلع يحطهم بالسيارة
كان وده يكفخها على عنادها اللي قهره
المفروض بدون نقاش توافق على كل رغباته
بس هي أبد عنيدة وراسها يابس
عهد البست عباتها وطلعت كانت منقهرة اشفيها لي قال أغار عليج و أبي أغطي وجهك
اطلعت وصادفته داخل كان جاي ياخذ باقي الأغراض
طالعوا في بعض وتركها سند ودخل الغرفة
اوقفت تنطره ماتبي تركب مع السايق بروحها وبعد دقايق جا سند عقب ما قفل الشقة
اركبوا السيارة ومشوا باتجاه المطار في الشاليهات
فواز و فهد قاموا واجلسو مع حصة بالمجلس كانت محضرة القهوة والفطور
وندى وشهد داخل بالمطبخ يفطرون
ندى : وين سهام ما أشوفها قامت
شهد بضحكه : منيه لي أربع العصر ما أتوقع تقوم
بدهشه : ليش
شهد بابتسامة : طولت بالسهرة هي وأخوي ماجو إلا الساعة ست من البحر وسعد من البارح حاذفينه على أمي
ندى بحب : الله يهنيهم
بنفسها آخ يا حصة لو كانت عهد ما تركتيها ترتاح مع ولدج بس الظاهر حتى سند غير عن حمد بتاتا جان زين حمد هو زوج عهد اوف أنا اشفيني قمت احسد بنت الحلال الله يسعدها إن شاء الله ويعوض عهد بالذرية اللي تلين قلب سند عليها وكملت بتوتر: متى بتوصل عهد وسند ؟!
شهد بابتسامة : الساعة ست طيارتهم بتروحين مع فواز
ندى بتنهد : ودي بس تعرفين ما أقدر اترك عيالي أخاف يأذونكم
شهد بحب : بالعكس هادين ماشالله
ندى بضحكة : اي باين
هي ودها تروح بس فواز رفض عشان عيالهم وعشان مستحي من سند
و لا عهد بطير من السعادة إذا شافتهم
وأقنعها إن عهد راح تجي وتشبعين منها
فواز جالس يشوف عياله وبنت فهد اللي يسبحون ويلعبون جنب الشاطي ابتسم حيل استانسو اعياله
فهد اللي حاضن طلال وجالس معاه قال بابتسامة : شفت اشلون الأخ نايم للحين وحنا جالسين نلاعب أعيالنا أما هو حتى ولده حاذفة على أمه
ضحك فواز لأن فهد منقهر من حمد كان يبي يطلع على الطراد بس حمد اطرده وقال اسمح لي أبي أطلع مع مرتي بروحنا
وفهد انقهر هو مو خبرة في الطراد ويبي حمد ياخذهم رحلة عليه
فواز بلعانة : شرايك نغدر فيه؟!
فهد بسعادة :تكفى أبي أقهره مثل ما قهرني
فواز بنفس الأسلوب : بس بشرط
رد : قول شنو شرطك
قال : تعلمني أساليبك أنت وياه باللعب
فهد بثقة :أبشر والله لأعلمك
فواز ضحك على طريقة فهد وقرر يسوي بحمد دقة عشان خاطره
الساعة سبع
فواز كان ناطرهم من الساعة خمس
بعد ما اتفق هو وفهد وصحو حمد من عزة نومه وقالوا له يروح لسند بالمطار
تقدمت رحلتهم ثلاث وسند قالهم وفواز ما قدر يروح
ثار حمد وقام بسرعة وهو معصب وشغل سيارته متجه للمطار كانت الساعة وحدة وبنص الطريق دقوا عليه وقالوا له عن خطتهم سبهم سب ولف راجع للشاليه وكان ناوي يذبحهم على فعلتهم الزفت
بس أول ما وصل مالقاهم الكل انحاش لين ما تهدأ أعصابه
فواز ودع ندى بوسة وقال بضحكة قبل يروح للمطار : ادعي ربي إني أرجع لك يا عمري
ندى بصدمة : اسم الله عليك ليش تقول جذي
قال بضحكة : بس أجي بقول لك
وطلع وراح
أبعد الأفكار عنه أول ما شاف عهد وسند داخلين من البوابة
توجه صوبها كان شبه يركض ولو ما الحياء كان ركض
بس عهد ما عبرت الناس ولا فكرت بالحياء أول ما لمحت زول فواز راحت ركض بدون لا تفكر في حملها لدرجة إن سند صرخ عليها بس ما عبرت
حاوطها فواز وتعلقت برقبته واتركت ادموعها هي اللي تعبر لهم عن شوقها
سند ضاق خلقه وكان معصب من طريقة ركضها
بعد ما حست أنها طولت وفواز تفشل بيسلم على سند بس مو قادر
ابتعدت بشويش وهي تمسح اعيونها وتشهق
فواز بضيق عقب الموقف وعينه على سند : ما تبي تسلم
سند ببرود : ليش عهد عطتني مجال
كان يطالعها بحقد على تصرفها
فواز قطع النظرات وحضن سند وهو يقول بضحكة : خلاص أنا أبدأ بالسلام
عهد انقهرت من سالفة النقاب الصبح وهو شاب ضو
قالت بسخرية هو متى طفأ طول عمره شاب ضو ومعصب حتى ماخجل من نفسه قدام فواز إلا يفضحنا عند الكل ويعرفون بهواشنا
وصلو بعد ساعة ونص وطول الطريق عهد كاتمة على نفسها وتشهق بداخلها
فواز فسره إنه من الشوق لهم وأنها فاقدة الحنان مع سند العنيف
بس سند كان متوتر كان حاس بسبب شهاقها لأن أول ماقال لهم فواز عن روحتهم للشاليه وإن الكل هناك ينطرهم اشهقت عهد وما حس فيها إلا سند
عرف ليش ما تبي ها المكان وتذكر يوم ترجته لا ياخذها له مرة ثانية
لأنه بغباءه وتهوره طعنها في ها المكان
سلب براءتها بكل قسوة في ها المكان
كان كل شوي يطل على عهد كانت منسدحة على الجامة ودموعها تذرف بدون توقف
تنهد بضيق المكان اللي كان يحبه ويرتاح له قبل اكرهه من كل قلبه لأن عهد ما تحبه
بعد ما وقف فواز قال بحب : رايح ابشر أختي على ما تنزلون
ونزل وأول ما غاب عنهم التفت سند لعهد جا بيتكلم بس هي اشهقت : س سند أنا بموت إذا بتم هنيه
سند برعب : عهد لا تفاولين بعيد الشر
نزل وفتح الباب يمها وركب سحبها وحضنها وهي انخرطت بصياح غرس بصدر سند ألف خجر
قالت بهستيريا : اهنيه قتلتني أنت و أمك
سند بغضب : عهد بس
قالت بصياح وهي تبعد عنه : لاتبسبس وإذا كنت ناسي فعايلك السودا أنا مستحيل أنسى
دفت يده اللي كانت بتمسكها وأنزلت عقب شافت البنات جايين صوبهم
أقدرت تمسك أعصابها وتستقبلهم بشوق وهي من داخل مجروحة
سند كان بدوامة الأفكار بالموت قدر ينزل ويواجه أهله اللي مشتاقين له كان معاهم بالجسد لكن الفكر كان عندها
لا أطرت الموت ارعب ورجف قلبه بقوة
لا يا عهد لا تخليني إذا خليتيني راح أموت
حصة بضيق سند من جا وهو سارح وعهد استقبلتها بجفاف حاد : سند يمه تعبان تبي ترتاح بغرفتك وأجيب لك العشا هناك
رد بتنهد وهو كان وده يرتاح فعلا ماله نفس عقب أحداث اليوم : اي أحس بنعاس ولا تجيبون عشا ما اشتهي
عوار معدته شاب عليه وده يستفرق
قام وراح لغرفة الضيوف اللي قالت له أمه عنها
سب نفسه ليش ها الغرفة بالذات يا يمه ليش ما فكرتي تغيرين إلا ها الوقت
دخل وشاف اشناطهم بالممر اللي يفصل الغرفة وحمامها عن المجالس وغرفة حصة
ما لقى عهد هو من وصلو وهي مختفية عنه مع البنات اشتاق لها موت
اشتاق يضمها ويعتذر لها عن فعلته منيه لي باجر هو غبي لما تصرف بها الشكل
احساسه بالغيرة هو اللي دفعه
بدل ملابسه ولبس بنطلون البجامة بس
وانسدح بالسرير
تنهد لما شاف المفارش مغيره والستاير حتى الصبغ مجدد
ليتك غيرتي العفش بالكامل ما توقع عهد بتنسى شكل السرير اللي جمعني فيها أول ليلة
ما حس بنفسه ونام كان وده ينطر عهد بس ما قدر أغلبه النوم أو إنه يتهرب من المواجهة
الساعة وحدة
كانت بس هي و ندى عقب ما الكل دخل ينام اضطروا يدخلون بجناح فواز ويكملون السهرة عشان لا أحد يزعجهم
وفواز جا وشاركهم نص السهرة بس حس إنهن مو ماخذات راحتهم واستأذن ودخل ينام
بس عقب ما تطمن على عهد وأكدت له إن سند ما هو مثل قبل تغير شوي
و ما قام يعذبها وحلفت له إنه ما عمره مد يده مع إنها كانت تستفزه
استغرب سند يستفز ويسكت مو معقول هذا إذا ما فجر بالعمارة
ندى التمست من كلام عهد الراحة وحست إن عهد متغيرة محلوة بزيادة وخاصة مع البطن اللي مو باين
قالت : عهد بأي شهر أنتي
عهد بابتسامة : بالسابع
ندى بصدمة : وليش بطنج صغير
عهد بخوف : ما أدري
وكملت : شيصير يعني
ندى : أنتي مهتمة بأكلك وصحتك
عهد : اي وإذا أنا ما اهتميت سند ما هو مقصر مرات أشك إن الحامل هو من كثر ما يدقق
ندى بخبث : قلتي يدقق اشلون
عهد بقهر : نداا
قالت بحب : تكفين طمنيني أبي أتأكد صج إن سند هالمعقد يهتم بشي
أحسه غامض ومايهمه شي
عهد بتنهد وهي تمسح بطنها : إلا بطفله سند بينجن من كثر ما هو حارص على تغذيته وحركته
كملت بتنهد : مرات أحس بالغيرة منه ومرات ودي اذبحه وأحرق قلب سند مثل ما هو حارق قلبي هو وأمه قالتها بنرفزة
ندى : إلا على طاري أمه مو ملاحظة إنها طاخة وهادية من سافرتوا والمرة متغيرة فوق تحت
عهد بقلبها : عسى إن شاء الله
قالت بقرف : ما أدري عنها بس ها الأشكال ما تصمنينها بكرة تقلب
ندى : الله يستر
وجلسن يسولفن وعهد نست أو تناست سند لأنها ما تبي تشوفه عقب ما انكشف له ضعفها اليوم
وحتى أمه ما كان لها خلق تسلم عليها بس استحت من العيون اللي تراقب خاصة شهد اللي حاسة بعظم غلطة أمها
بعد ساعة قررت تروح معاد فيه وقت للفرار خلاص بتواجهه وعشان يوديها لأم فارس لازم تكون معاه طيبة لا يعاند ويرفض
شافت المكان ظلام وأنزلت بشويش كانت تتذكر كل لحظة من أول ما جابها هنية لين ما دخلها الغرفة اللي حطوهم فيها حست بالقهر ليش ما حطوها فوق على الأقل ارحم
قربت من آخر ادرجة وجت بتنزلها بس صوت الهامس أرعبها وخلاها تصرخ بخوف : يمه يمه وخر عني أرجوك
كانت جالسة ومتكورة على نفسها وحاضنة بطنها وتصيح
حصة زاغ قلبها ما كانت قاصدة تخرعها بس لما شافتها حبت إنها تعتذر منها بعيد عن الكل عشان ترتاح
بس شكل عهد وانكسارها خلاها تصيح هي الثانية وتقول : عهد اشفيج أنا
مو سند
عهد بشهاق عقب استوعبت :اشتبين مني أنا وش سويت لج عشان تعذبيني
كملت بغضب : الله ينتقم منج يا عجوز إ
قاطعها سند بقهر : عهد
ارفعت نظرها وشافته
كان مفول عليها وعلى سبها لأمه
هو أول ماسمع صوتها فز كانه ملسوع
وجاها ركض بس شاف شكلها انخرس ما قدر يتحرك
شبيقول او وش بيسوي إذا هو السبب
حتى أمه عرفت إنه السبب لأنها هدت عهد وتقولها أنا مو سند معناه إن سند بالنسبة لها وحش كاسر
عهد بقهر وهي تدف حصة وتبعد وعينها على سند : هي السبب خرعتني
وكملت وهي تمر من عنده:عبالي الوحش
وطالعته بنظرة وهو فهم قصدها إنه هو الوحش
تركتهم وراحت للغرفة وسكرت الباب بقوة
وسند طالع بأمه اللي مازالت على وضعها قرب ورفع يدها وهي أوقفت كانت تشهق بداخلها
سند بضيق : يمه امسحيها بوجهي عهد جاهل و
حطت يدها على فمه قالت بدموع : مسامحتها يا أمك لا تشيل هم
وكملت بضيق : و ياويلك يا سند لو هاوشتها أو طقيتها
كملت باصرار: فاهم
رد بدهشة : إن شاء الله ما أطقها إنتي ناسية اشلون أطقها وهي حامل
حصه بحزن أعظم عهد حامل وحامل بضنى سند اللي حلمت بشوفته وإني اشيله وراح أسوي له عزايم كل الديرة تكلم عنها
قالت : لا ما نسيت وحتى لو ولدت يدك ما تمتد على عهد وإن مديتها لا أنت ولدي ولا أعرفك
وتركته وراحت لغرفتها
وهو انجلط شها الكلام شا التغير اللي حصل
أمه توصيه على عهد من متى الحب
وبعدين صج إن عهد أنانية ونذلة ليش ما تحب أمي مثل ما حبتها
صح غلطت أمي وعهد ما قصرت أخذت حقها كامل مكمل بس ليش ما تسامح
هي وين تعرف السماح بنت سالم
لازم أربيها أخاف باجر تأثر على عيالي
ابتسم اعيالي أقصاه واحد وما تدري تستمر معاك أو لا
مع إني شاك بالاستمرار عقب اليوم
دخل وشافها جالسة على الكنبة وعينها على السرير أول ما دخل أبعدت نظرها بس هو لاحظ
سكر الباب وجلس جنبها قال بهدوء : عهد إنتي وش تبين بالضبط ؟!
عهد بتنهد وهي تسند ظهرها لورا: أبي توديني لأم فارس
سند انصدم ما كان متوقعها تتخلى عنه بها السهولة لو حاس إن جيتها للشاليه بترجع لها مواجعها وتتركه ما كان جابها من الأساس
تم فترة يخزها ويتأملها ليش يا عهد والله إني أحبك وأحب كل عيوبك اللي ما أطيقها من غيرك بس منك حبيتها
تنهد بضيق : غير ها الكلام
عهد بنرفزة : أنت مو سألت وش أبي هذا اللي أبيه
وكملت وهي توقف : ولا تبيني أجي الكويت و ما أجيها والله أموت
0شسالفتها مع الموت كل كلمة والثانية بموت بس بغى يطير من الفرح يوم وضحت له إن روحتها لأم فارس زيارة فقط
سند بتنهد وهو يمسك يدها ويسحبها ويجلسها على فخوذه قال : ابشري بوديك لها
ابتسمت وقالت وهي ناوية تستفيد من سند دامه روق لأنه نادر ما يروق
قالت وهي تمسح خده بخجل : وأبي أنام عندها
كان بيعترض بس أسلوب عهد منعه
قالت برجا : بس ليلة تكفى
سند بهمس وهو يقرب راسه من راسها : خلاص وتنامين عندها
وكمل بهدوء : بس بشرط
عهد في بالها شرطه عاطفي كالعادة أو إنها تنسى سالفة ها المكان بس هي تحاول بس مو قادرة أول ما دخلت حست بخنقة ذكرتها بفعايله قبل
قالت بتنهد : شنو
كان مركز على شفايفها وحس برجفتهن
قال : أمي خفي عليها شوي
عهد بعدت عنه عقب ما كان بيبوسها قالت بقهر: أمك ما بيني و بينها كلام وإذا فكتني من شرها راح أكون شاكرة لها
قال بضيق : لا تقولي عن أمي كذا
مهما كان ما أرضى لها بسوء
عهد بنفسها عمرك ما رضيت يا سند قالت : خلاص أوعدك ما أكلمها أبد
ما عجبه ها الأسلوب بس رضا على الأقل يفكونه من الهواش والصياح
سند بتنهد : ماعليه أهم شي ما ترفعين صوتك عليها
وضغط على خشمها عهد أشرت براسها على الموافقة و وقفت بتروح تنام بس اصمدت مو قادرة تنسى ها المكان
قالت بضيق وهي تحرك يدها بتوتر: كم بنقعد بها المكان
سند وهو فاهم وحاس بارتباكها وقف خلفها مباشرة وحاوطها وهمس عند اذنها : عهد أنا آسف ما كنت أقصد
عهد بضيق وهي تحس بدموعها على خدها قالت : ودي يا سند أعذرك بس لي متى بتحمل
سند بتنهد : لين ما ربك يفرجها
حست إنه يقصد
لي ولدت ذاك الوقت يمكن يتركها للأبد
عهد بضيق وهي تبعد سند وتجلس على السرير قالت : ونعم بالله
انسدحت على المخدة وكانت دموعها للحين تذرف و ما حست إلا بسند منسدح جنبها وحاضنها
لفت جهته وقامت بدون شعور تشمخ سند بكتفه وتضربه وهو ما تحرك ضل صابر لين ما تهدأ هي من نفسها
اليوم الثاني
كالعادة حصة قاعدة من وقت وحاطة قهوتها وناطرة أحد يجي يسليها عن الضيقة اللي حايشتها من أمس ونومها متكدر كله هواجس وكوابيس
الضعف واضح عليها والشحوب مسيطر على وجهها حتى لو أخفته بالمكياج
انتبهت لشهد داخلة عليها وكانت تبتسم بإشراقة شهد وهي تبوس راس أمها : صباحو يا عسل
أمها بود : هلا يمه
وجلست شهد تفطر معاها
اسألت باستفسار: إلا ما أشوف سند بعده نايم
كملت بضحكة :هذا هو نايم مبجر مو عادة يطول بالنوم شكل عهيد خربته
حصه بتنهد : خليه براحته يا قلبي تعبان من السفر
شهد بحنان : اي والله
وقالت بابتسامة : شخبار حمد عساه طخ
وضحكت
حصه بقهر لما عرفت بسالفة فواز وفهد زفتهم زف وحمد توعد لهم : اي تضحكين عاجبج فعلة رجلج وخالج
شهد بتبرير : أخوج هو اللي خطط
حصه بنرفزة : ورجلج نفذ ما قصر
أضحكت وقامت تدعي إن أحد يجي يغير الجو اللي تعكر
عند عهد
قعدت وهي تأمل السقف والمكان
تذكرت هي وين وتنهدت بضيق
التفت تشوف سند وين
وما شافته بالسرير جنبها متأكدة إنه أمس نام جنبها
وهو اللي قعدها لصلاة الفجر بس معقولة ما رجع ينام عقب ما صلى ما تدري هي يا دوب صلت ورجعت نامت
عدلت نفسها وجلست مدت يدها للتلفون بتشوف الساعة وكانت ثمان الصبح
فحبت ترسل لسحر و نور وتعلمهم بوصولها
وعقب خلصت الإرسال اسمعت باب الغرفة يفتح وأول ما شافت زوله تنهدت براحة
كان يمشي من صلى الفجر عجز ينام وراح يمشي وحس بالتعب ودخل يرتاح حتى أمه ما مرها مع إنه لمحها قاعدة بس ما حب يشوفها عقب سالفة أمس خاف لا تسأل عن سبب رعب عهد
شافها قاعدة ابتسم لها وهي ردت الإبتسامة له
قال : صباح الخير
عهد بسعادة : صباح النور
قامت من الفراش عقب رتبته وفتحت الشنطة وطلعت لها بنطلون وثوب قطن زيتي طويل
سند جلس بالكرسي وفصخ فانيلته كان بياخذ شاور عقب المشي
عهد شافته قالت بخجل : أجهز لك ملابس
سند بتنهد : اي
كان يتحسس الأثر اللي سببته أظافر عهد أمس
مزقت جلده بدون لا تحس
بس هو مو حاس فيه لأن الشمخ اللي بقلبه أعظم
عهد وقفت قباله تمد عليه الملابس وتجمدت يدها لما شافت المنظر
كانت بيغمى عليها آذت سند وسيحت دمه وهو ما شكى ولا بين
طاحت منها الملابس والتفت لها سند
قالت برجفة : آسفة
رد : لا تحاتين ما صار شي
عهد بغصة وهي تجلس بالسرير: سند أنا تعبانة وحاسة بضيقة
أبي توديني لأم فارس يمكن لي ابتعدنا أتحسن
قال ببرود : بس إنتي مراح تجلسي عندها إلا يوم
قالت بضيقة : ما أدري بس أبي أبعد عن ها المكان
قال بغضب : أنتي وبعدين معاك كم مرة بعتذر خلاص انسي
وكمل بقهر وهو يجلس جنبها وعهد احترقت من قربه : و لا ليش اعتذر ما سويت شي غلط حقي وأخذته منك يا بنت الناس
أحيانا00أحس إني مهمة لقلبك وأحيانا00أحسك مادريت 00بوجودي
عهد طالعت فيه وقالت بقهر : وينك عن حقك هذا من زمان ليش ما فكرت فيه إلا بلحظة غضبك
وإلا عشان أمك شيشتك
رفع يده بيكفخها طراق بس يده انشلت ما قدر يكمل وهي قالت ببرود : ليش وقفت كان كملت
سند بنرفزة وهو يضغط على يده ويحاول يسيطر على نفسه
قال : عهد اقصري الشر وامشي من قدامي
عهد ما حبت تزودها وطلعت وهي منقهرة عبالها بتحسن حياتها معه بس الظاهر ما في حل إلا الطلاق
بعد ما طلعت جلس بالسرير وحذف كل ما قدامه من مخدات حاس بركان انفجر بداخله والمشكلة مو قادر يوقف عهد عند حدها وهي مستمرة في تمردها
حس بقهر وشاف ما قدامه إلا حل واحد خلاص لي متى بيصبر على ها العيشة الزفت
مهما كان كرامته فوق كل شي عنده
وإذا هي حاسة بإني مستحيل اصبر عنها فهذا بعدها ألف اللي يتمناني
قام ودخل الحمام

الساعة سبع بالليل
كانوا مجتمعين عند فهد اللي قاعد يشوي لهم
وفواز و حمد يساعدنونه
والحريم قاعدات على طرف ويسولفون
ندى وعهد متحيزات بآخر المكان وقليل ما يشاركون سهام وشهد اللي مندمجات ودهم بتحسن الأمور بين الكل بس ما في فايدة ولا بيدهم شي
عهد كانت كل شوي تسرق النظرة لحصة كانت منقهرة اتابعها متابع وتقدم لها كل ما لذ وطاب من أكل وكأن هي اللي بدت بالصراع معها من البداية
استغربت تغيرها وش اللي طرا وغيرها كانت نسرة وصارت حمامة وديعة
وصرت أنا النسرة بنظرها هي وسند
شعقبه يا حصة عقب ما وريتيني الويل إنتي و ولدج
إلا صج هو وينه ليش ما قام معقولة كل هذا نوم مو عادته ينام كل ها الوقت
وأنا ما فكرت أدخل الغرفة عقب الصبح
طول الوقت مع البنات ولما دخلو يرتاحون بعد الغدا رحت لجناح فواز وندى هم اللي أحسهم أقرب لي وعارفين بسر علاقتنا أنا و سند
كنت سرحانة و ما حسيت بدخلته وقفت بدون قصد أخزه كأن لي سنة ما شفته كان جذاب وساحر
كان لابس شورت لي الركبة وبدي نص كم
حسيت بالخجل ها البدي مو مع
ها الشورت أنا طلعتهم له وكان بديها علاق بس الظاهر سند غيره بواحد نفس اللون عشان الشمخ اللي سببته
انتبهت لندى الي همست : بسج خز ما شبعتي منه ثمان شهور مقابلته
عهد ولا راح أشبع يا ندى
قالت بتنهد : كيفي حلالي
وكملت بنفسها ياليت يستمر حلالي طول العمر و ما نتفارق
ندى أضحكت وشهد لزمت إلا تعرف السالفة هي وسهام وعهد تفشلت
سند عقب ما نام عشر ساعات متواصلة كان فاقد النوم فحب يعوض وكان يبي يهدي أعصابه اللي انفلتت
شاف أمه جالسة وكان عينها عليه من جاهم
ابتسم أمه تحاتي بشكل وتكدر بسرعة
لي أحد منهم انزعج
حتى أنها ادخلت عليه اليوم عقب دقت وقالها نايم حبت تطمن عليه عقب تأكدت إن عهد مو عنده بالغرفة
صد عن نظرات عهد اللي انتبه لها وراح ماشي صوب أمه
قرب عندها وجلس جنبها
حصه بسعادة إنه ما يشكي من شي وإن اللي فيه كان بس قلة نوم : عسى شبعت نوم يا يمه
رد بابتسامة وهو يمسك يدها ويبوسها :اي يالغالية فولت نوم
التفت لعهد ومثل ما توقع كانت تطالعه بس ها المرة نظرة احتقار وسخرية لأنه جلس مع أمه
سند بحقد والله لتموتين ياعهد ولا تقدري تفرقي بيني أنا وأمي
والتفت لأمه يسولف معاها وحصة انشرح صدرها عقب ما كان متكدر
عهد صدت عنهم
قهرها قربه من حصة عدوتها حست بالغيرة تنهشها نهش وما قدرت تحمل ووقفت بتروح
بس وقفها صوت شهد : وين يا بنت
عهد بابتسامة : بدخل ارتاح
شهد : العشا
وكملت بحب : لا يطوفج شوي رجلي فديته
عهد أضحكت وكان سند مراقب كل حركاتها
قالت وهي تمسح بطنها : لا اعذريني ما أحب آكل بالليل تجيني غثة
وكملت بقصد : فوق هالغثة تقصد بطنها وانجرح سند من أسلوبها
شهد بهدوء : براحتج
ومشت وراحت وتركتهم
ندى التمست من أسلوب عهد وكلامها إن بينهم شي خاصة
وإن سند من جا ما التفت لها و لا عطاها وجه
ما صدقت فواز يأشر لها وقامت راحت له
عقب فضا المكان وما بقى إلا حصة وعيالها
لأن سهام بعد ما تركتهم عهد راحت بولدها تنومه داخل

عند نور
استقرت في بيتها وجابت كل أغراضها
ما حبت تبعد عن غانم كافي الشهر اللي طاف عطاها حريتها و لا ضايقها بشي
كانت تبي تكلم غانم بموضوع الشغل ملت من قعدة البيت من تزوجت قاعدة
ولأن رصيدها 0مفول ما عارضوها بس لي متى
قربت من غانم اللي مندمج بالأخبار
وجلست يمه وقالت بتنهد وهي تلعب بطرف بديها : غانم
رد بهدوء : نعم
قالت : بكلمك بسالفة الشغل
طالع فيها وقال : اشفيه
قالت بتنهد : برجع اشتغل
قال بشك : ليش تبين ترجعين ناقصك شي أنا مقصر ع
قاطعته وهي تحط يدها على شفايفه وقالت بهدوء : لا مو عشان ناقص علي شي أنا أحب شغلي وما ني مستغنية عنه
أرجوك
خافت يرفض
بس صدمها قال بهمس : الحمدالله ارتحت وإذا هذا قصدك أرجعي له من باجر إذا تحبي وباس يدها اللي ماسكها
نور ابتسمت ونزلت عيونها خجل
وحست بأنفاس غانم تقرب لها
وكانت مستعدة لاستقبالها بصدر رحب بس اتصال عهد عكر صفوهم
التفتت وشافت إنه عهد وغانم تنهد وبعد عنها كان عارف إنها مستحيل ما ترد على عهد قال بحقد : مدري ليش متسلطين علي هي وأمل بنتك
نور اضحكت وخذت تيلفونها عقب باست غانم بخده كتعويض عن الموقف و أدخلت تكلم عهد
عند سند
أنهى سهرته اللي استمرت لي 3مع الشباب أخذهم حمد على طراده واستانسوا
وعقب الكل استأذن ودخل ينام إلا هو كان كاره رجعته للغرفة لأنه بيشوف عهد وهو ما صدق ينسى
أول ما دخل شافها جالسة وكأنها تنطره تنهد بضيق وما التفت صوبها قعد يبدل ملابسه بدون لا يراعي خجلها
عهد انقهرت طول الليل تنطره
خوفها غيابه بس تطمنت لما دخل
كانت تبيه يراضيها ويطيب خاطرها بكلمة مو يشحتها ما يعبرها
ودها لو مرة يحسسها بأهميتها عنده غير إنها حامل بطفله
شافته خلص لبس وانسدح بالسرير جنبها وعطاها ظهره
عهد بضيق : سند
مارد عليها وكملت وهي تدزه : قوم كلمني لاتطنشني
زفر وجلس قال بغضب : خير
كان مبقق اعيونه فيها
قالت بخوف : لي متى بنتم جذي محد طايق الثاني
قال بقهر: لا تخافي ماراح انطول
حست بخنجر يطعن بقلبها
كمل بحقد : قررت أخليك عند فواز لين ما تولدي وبعدها راح أجي آخذ ولدي
وأنتي خلي عنادك ينفعك
طاشت وانجنت منو العنيد فينا يا سند
بس احتفظت بماي وجهها ولا ترجته دامه هو من البداية ما يبيها
قالت بانكسار: خلاص وأنا راضية باللي تبيه يا سند
وكملت بضيق : بس يا ليت تحسن من تعاملك معاي لو بآخر أيامنا
أبي صورتك السيئة تنمسح من خيالي
وارجعت تنسدح وصدت عنه ودفنت راسها بالمخدة ما تبي تصيح قدامه عمره ما حس فيها ولا في شعورها
فوضت أمرها لربها بأنه ياخذ لها حقها منه دامها هي صانته وصانت حبه وهو غدر فيها
حس بربكة من كلامها ووقف مصدوم من اللي انطقته رجع انسدح وهو يتقلب مو قادر ينام هو يتذكر كلامها
بعد يومين
حالتهم مثل ما هي
وعهد التزمت الصمت صارت ماتكلم معاه بشي وتتحاشى الإلتصاق فيه كانت طول وقتها مع البنات
وسند كان مراقب لها بشكل واضح
حست إنه انصدم من قرارها عباله بتقعد ترجاه عشان ما يطلقها
بس حسمت أمرها وقررت ترجع تدرس بالجامعة دام سند بيتركها لي ولادتها
كلمت فواز عن قرار سند في جلستها عندهم واستانس عشان حملها ويبي من يراعيها وصعب بالغربة وهذا فعلا كان قصد سند خاف تولد ويكون ماعنده إجازة يرجع للديرة
بس قاله لعهد على أساس إنه يبي يفترق عنها وكان بدون قصد
بس لسانه اللي تعود على الجرح ماعاد يميز
عهد كانت متجهزه بتروح لأم فارس تواعدت هي ونور هناك عشان سحر بتكون ناطرتهم هناك
دخل سند وشافها مخلصة كان متضايق ما قامت تكلمه ولا تناقشه حتى أكله ما قامت تهتم أو تحرص إذا أكل أكل واذا ما أكل بكيفه
طلع ملابسه بيبدل وعهد انتهزت الفرصة وأخذت شنطتها بسرعة وطلعت بعد ما قالت ببرود : أنا أنطرك برا
طلعت بدون لا تطلع له لبس وكأنها تتحاشى النظر له
حس بضيقة من اللحين أهملته
لبس وطلع بسرعة كان مودع أمه وقايل لها إن عهد بتجلس عند أم فارس ها اليوم وباجر لي رجع فواز بتروح له هناك
عارضت بجلستها عند فواز بس سند أصر وقال هو بيرجع بروحه وعهد على وشك ولادة أخاف ابتلش فيها
وبالموت اقتنعت وسكتت بس عقب ما أكد لها سند إنهم ماهم راجعين بالجناح عندها إلا بعد ما يستقر بالديرة يعني عقب سنة وفوق
ألف ها الموضوع عشان تسكت
بس هو بداخله متضايق كان معتقد باجر بعد ما تولد عهد بيرجع هو وياها ومعهم طفلهم هناك يساندونه بالغربة
ركب هو وياها السيارة ومشوا
و بالطريق كان الصمت مسيطر فجأة
قالت عهد ببرود : بقدم أوراقي واسجل بالجامعة ها الكورس
سند بدهشة : جامعة
عهد ببرود : اي بكمل وآخذ الطب
سند التفت لها و قال بسخرية : شالطاري
عهد : بس حلم أمي أبي احققه
سند بقصد : بس ما تفكري تكملي إلا إذا تفارقنا
وكمل بتنهد : أحسك ماخذة الفكرة بس تسلية وإذا تصلحت أمورنا نسيتي
عهد بقهر لأن هو السبب في أنها ما كملت : تصالحنا متى ما اذكر وبعدين أنا بدرس عشان اقدر أشوف حياتي من بعدك
وقف سيارته فجأة وتقدمت عهد وبغت تأذى بس هو تصدى لها بسرعة
قال بغضب : إذا مفكرة ترتبطي بأحد غيري فانسي أنا راح أعلقك معاي
ما يدري ليش طرا في باله الدكتور ناصر حس بالغيرة تنهشه
عهد ابتسمت بخبث وقالت : في محاكم تخلعنا
وكمل مشيه وهو شاب نار وهي ارجعت تبتسم اقهرته
في بيت أم فارس
استقبلوا عهد بدموع وأشواق حارة كانت مو مصدقة تشوف الشوق والحب بعيونها عوضوها عن سند حتى أهلها ما قدرت تستانس معاهم كون سند قريب منها ومراقبها
كانت جالسة هي وسحر سهرانات عقب ما راحت نور وأم فارس أدخلت تنام
جلسوا يسولفن ومندمجات
بالتالي دق تيلفونها شافت كان سند
فقررت ترد عشان سحر لا تحس
ردت ببرود : آلو
سند ببرود : هلا عهد
عهد : هلا فيك
كمل بجفاف:جهزي لي أوراقك وشهايدك بسجلك بجامعة خاصة وممتازة
عهد انصدمت وافق بها السرعة
قالت بهمس وهي تبعد عن سحر: إن شاء الله بس ممكن أعرف شا اللي قلب رايك
سند انقهر بدال لا تشكر بس هين عارف قصدك تبين ناصر هو اللي يراكض لج حامض على بوزك بسجلك بالجامعة اللي أبي وبحدد لك الوقت اللي أبي بعد قال :مزاج و لا تناقشين لا أغير رايي
عهد بخوف : لا مراح أناقش بس أدرس
استأذن منها وسكر وهي رجعت لسحر وشافتها غطت بسبات عميق
من الحمل أكيد هذا اللي استنتجته عهد
وانسدحت هي تنام بعد
اليوم الثاني
قاموا على صوت التيلفون كانت نور معلقة على سحر وعهد عشان يجتمعون عندها اليوم
عهد طنشت وكملت نوم عبالها سند فحبت تعاند ولا ترد وسحر بعد حسرة ردت بنعاس : الوو
نور بعصبية : زين رديتي وين عهد ليش ما ترد من الصبح ادق
سحر: نايمين وأنتي هذا وقت دق ادقين
نور : متى وقتج سيدة سحر
وضحكت سحر وحاولت تهدي من عصبية نور وبعد ما قالت لها نور عن العزيمة اللي بتسويها عشان عهد
وافقت وقالت أخبر عهد لي قامت
سكرت من نور وأدخلت تسبح وتنزل لأمها وعيالها تحت اشتاقت لفروس أمس أخذته أمها غصب ينام عندها قالت لها استانسي مع عهد وانسي اعيالج
تسبحت وطلعت بالبجامة ووقفت عند المنظرة تسرح شعرها
التفت وقالت : عهد
كانت بتقومها عشان يحضرون نفسهم قبل العزيمة
نور بتعزم كل البنات ولازم يكشخون عدل

الساعة عشر
قام على صوت مسج وكان من عهد تعطيه خبرعن عزيمة نور وأنه يجي ياخذها من بيت نور
تنهد ورجع ينسدح قال تقرر بنت سالم بدون لا تستأذن
اوف خلها تسوي اللي تبيه يعني شنو بحكرها حرام
غسل ولبس وطلع شاف الكل قاعد حس بخجل قبل هو أول من يقوم اللحين انقلب روتينه من قام يسهر
شهد بابتسامة لسند عقب سلم وجلس:زين اللي قعدت ها الوقت ولا لأن عهد مو عندك قمت بسرعة
قال بخبث : اي أنتم يا الحريم تسهرن الواحد
فهد بتأييد : أشهد إنك جبتها
شهد تدفه فذراعها
فهد بغصة : بس سهرات حلوة
والكل ضحك عليهم
سند التفت على فواز قال : متى بترجع؟!
كان بيتأكد عشان إذا رجع عهد أو أنه ياخذها ويروحون لبيت أهله
لين ما يجي فواز
فواز بحب : باجر .. احلفت علي أمك وباجر إن شاء الله كلنا بنرجع
استانسنا خمس ايام كافي ورانا اشغال
ورفع صوته يسمع حمد اللي ضحك قال:اللهم لا حسد يا أخي أنا اشتغل بشركة أبوي يعني خاصة لي وأقدر أسوي اللي أبي وأنت موظف حكومي احمد ربك هذا ومركزك في شغلك على مستوى
فواز منقهر حمد إجازته مفتوحة وهو يا دوب أسبوع
سند ضحك وقال بلعانة عشان يرفع من معنويات خاله : يا خال هذا لأن ماله أهميه بالشغل والشركة ماشية بدونه أو بوجوده بس احنا ما يقدرون يستغنون عنا عشان جذي ماعطونا إلا أسبوع
فواز انبسط وريش
وسند مات ضحك
وحمد لولا الخوف جان ذبح سند
بس ما يتجرأ عليه
0
سند عقب عرف من فواز ارسل على عهد إنه بيجي ياخذها وأنها ترسل عنوان نور له ما قال لها عن جلسة فواز وأنه بياخذها لبيت أهله
الساعة ثمان0
طلعوا من الصالون عقب ما أجلسن فيه خمس ساعات متواصلة حبت عهد إنها تبدع في شكلها
قصت شعرها ودرجته لي كتوفها توقعت سند لي شافه بينجلط بس خله أحسن
وخلصت مكياجها والبست ثوبها الأحمر كان قصير وعاري الصدر والظهر وفيه من عند قصة الحوامل فص فضي كبير
كان ودها تصبغ بس خافت على الجنين
اتجهت سحر اللي تسوق إلى بيت نور مباشرة كانت سحر كاشخة بالأسود السترج ومسوية مكياج سموكي جذاب
ورافعة شعرها
سحر بصدق : ما توقعت بيطلع الشعر المدرج حلو عليج
عهد بابتسامة : يعني حلو الحمد لله وكملت بخاطرها بس خوفي من سند أشوى ماهو شايفني بياخذني لبيت فواز
أوصلوا لبيت نور واستقبلتهم بحب وفرحن يوم شافن البنات اللي عازمتهم نور
كانوا حريم إخوانها وبناتهم اللي بعمر عهد وسحر
اندمجوا بسرعة مع بعض واستانسوا
ونور شغلت ديجي يرقصون والكل انبسط ورقص حتى عهد شيشت ورقصت شوي
الساعة ثنعش
عقب ما عاشت السعادة اللي افتقدتها من غابت أمها عن ها الدنيا
أجلست بتنهد وهي تلفت تدور شنطتها وين حطتها نور أخذتهم أول ما دخلو
بتشوف سند متى يجي أخاف جا ولا دق وهي ما معاها تيلفونها
نادت نور وقالت لها ونور طرشت الخدامة تجيبهم
بعد دقايق افتحت وانصدمت عشر مكالمات من سند تخرعت وحست بقشعريرة بيذبحها سند ما يتحمل عصبي حيل
دقت وهي تبعد عن نور لا تسمع
وأول ما دق دقة ارفعه وصرخ بغضب عليها وقال إنه عند الباب
سكرت بسرعة ودعت نور والبست عباتها وطلعت كانت شبه تركض ومن الخوف بطنها كان يتصلب
سند اللي متسمر من عشر ونص ودق ولا ردت خاف عليها بس لما قرب عند سايق البيت بيتأكد من العنوان فاجأه صوت الديجي انقهر زيادة
عهد ما قالت له عرس حس بالقهر اشلون تروح حفلات رقص وما تقوله هي قالت عزيمة بس
جلس بسيارته وأحرق تيلفونها بس ما ردت
وعقب اطلعت واركبت مشى بسرعة قصوى وهو ساكت كان مأجل الهواش في البيت
شافته واقف عند بيتهم وحست بغشاوى تجتاحها والتصلب زاد وحركة الجنين زادت بشكل
قال بنرفزة : انزلي نتفاهم داخل
اعرفت إنه ناوي شر كا العاده وإن احتمال تنضرب ها المرة بس ليش وش سوت تنظلم وتنطق
ما سألت كافي لي شاف شعرها بحد ذاته بيذبحها وهو متحلف فيها
أنزلت بهدوء وكان صعب تنطق من كثر القهر اللي ذاقته تجيها حالات يصيبها صمت ويعجز لسانها عن الخطاب
دخل البيت وخوفها الظلام واللي ساكنة كانت عارفة إن ما فيه أحد سند إذا حب يعاقبها يجيبها للمكان الخالي الموحش
شغل الأنوار وأرفعت نظرها تأمل النور بس كان وقفة قدامه تحجب عنها النور نزل عباتها وملفعها بحركة سريعة وانصدم من كشختها كانت فاتنة ساحرة
وانفجع من شعرها قرب وألمسه بطرفه وقال بحقد : شنو هذا
ما عاد حست بشي
حست بشي ينزل من تحت
وانغمى عليها وسند اخترع من المنظر اللي قدامه
مسكها بخوف : عهد عهدددد
ما قدر يتصرف أخذ تيلفونه ودق على الإسعاف عشان يجون
كان بينجن يشوفها تنزف وجلس يصيح بدون شعور وهو يحضنها : عهد أرجوك اصحي
عهد لا تموتي ما أقدر على بعدك
عهد أنا أحبك
كانت تحس بضباب مو مركزة باللي يقوله بس حست بنغزات وتأوهت تتألم
دقايق وجت الإسعاف لبسها سند العباة وحمد ربه إنها مسكرة وساترة
ركب مع الإسعاف وراح معاها
بعد ساعتين مرت على سند سنتين
طلعت الدكتورة وراح لها قال بلهفة
: بشري
كانت لحظات موت سعاد تمر عليه
قالت باهتمام : لا الحمد لله لحقنا على المدام والطفل بعد
قال بخوف : يعني بخير المدام
هذا اللي كان يبي يتأكد منه
قالت بتنهد : والبنت بعد
سأل باستغراب : أي بنت
قالت بضحكه : مو المدام جابت بنت
قال بخجل : اي صح اشلونها
قالت : بخير بس تحتاج للحضانة لأنها بعدها بالسابع
وقبل تروح سألت باهتمام : هي المدام متعرضة لصدمة أو خوف عشان جتها الولادة
قال بغصه : آه ما أدري
وقالت بتنهد : بس تصحآ نسألها
ومشت وسند جلس بالأرض عقب ارتاح وتطمن على عهد وبنته
صح نساها بس كانت عهد أهم عنده
بالموت قدر يقوم وراح بيشوف أقرب مسجد يتوضا ويصلي لربه شكر على النعمة في إنه انجى عهد له
الساعة عشر
كان راجع من البيت عقب ارتاح شوي وأول ما قعد قبل يروح لعهد مر وشرأ لها بجامة وأخذ لها أشياء خاصة عارف إنها بتحتاجها
اتصل بأمه وبشرها بولادة عهد انصدمت بس سند طمنها إنها بخير
وقرروا يرجعون بسرعة عشانها
وقف عند الباب بيدخل بس الممرضة وقفته وقالت : لو سمحت المريضة مانعة الدخول
انصدم قال بخوف : ليش فيها شي حاصلها شي
قالت بخجل : لا ما فيها شي بس هي موصية ما تبي تشوف زوجها وحنا نلبي رغبتها
قال بضيق : خلاص بس أخذي ها الأغراض وصليها لها
وعطاها الكيس وراح
قرر يشوف بنته ويتطمن عليها دام إن عهد ما تشكي من شي والدليل طاردته
عند عهد
صحت من ساعة وأول ما أفاقت اسألت عن طفلها غريزة الأمومة فيها اشتعلت وحبت تأكد إذا هو عايش أو مات
خافت يموت فما يرحمها سند أبد ويزيد من عذابه
اطلبت التيلفون ودقت على فواز عقب تطمنت على بنتها وأنها بخير
حست بسعادة بنت جابت بنت هي ما كلفت عمرها تسأل عن جنس الجنين وسند ما تذكر ها الشي أو يجهل ها الأمور
لزمت على فواز يجي كانت تبي لي اطلعت تجلس عنده ما تبي تختلط بسند أو تشوفه ولما سأل عن السبب اعتذرت تجاوبه وقالت بضيق : عمي إذا تعزني لا تسأل وخلني على راحتي
اقتنع وما ناقش وأخذ أعياله ورجع بسرعة كانت ندى تحاتي وبينزلها عند عهد بالمستشفى
حاسة بأن عهد حاشها شي خلاها تولد بها السرعة وأيقنت إن سند هو السبب
نزلها فواز عقب أخذ اسم المستشفى وندى راحت بسرعة وهو رجع بعياله والخدامة للبيت
ادخلت التقت بسند كان واقف عند الممرضة بيرجع يحاول فيها عشان يدخل
وشاف ندى جاية صوبه فا لتزم بالصمت
ندى بخوف ولهفة : سند طمني عهد اشلونها
سند بفشلة :هي بخير
وأشر لها قال : تلاقينها داخل قاعدة من وقت
دخلت و أول ما شافتها عهد فزت قاعدة كانت بتنسدح عقب بدلت والبست ملابسها إذا بتشكر سند فهي بتشكره على خدماته إنه ما يقصر عليها بشي من جهة الفلوس
سلمت عليها ندى وتحمدت لها بالسلامة
ندى بشك : عهد شلي خلاج تولدي مبجر
عهد بتنهد : ما أدري حسيت بمغص وجابني سند وصار اللي صار
ندى بضيقة : يعني مو متهاوشة أو صاير شي بينكم
عهد بضيقه : شفتي سند وأنت جاية
قالت :اي واقف برا
وقالت باستغراب : ليش ما دخل عندج
عهد وعينها فوق : لا ما دخل أنا ما أبي أشوفه أصلا
ندى بتنهد : هذي السالفه قولي لي متهاوشة
وباصرار قالت : وأبي أفهم السالفة
عهد من متى تخشين عني
عهد كانت بتصيح وقربت ندى وحضنتها وهي تحاول تسكتها
قالت : بس يا قلبي بس لا تقطعين قلبي بصياحج و ما يصير خاطرج إلا طيب
عهد بشهاق : تعبت يا ندى مو قادرة اتحمل
ندى بحزن : اهدي ولا تكلمين اللحين ارتاحي أحسن
رجعت سدحتها وقامت تقرأ عليها
تبيها ترتاح أول وقررت تساعدها وتشوف حل مع ها الزفت سند
أما سند فبعد ما دخلت ندى تفشل يضل واقف برا حس إن عهد راح تقول لها عن اللي صار خاصة وأنها عارفة بعلاقتهم من الأول فحب يروح يشوف بنته انجذب لها حيل وتعلق فيهاااا كانت نتفة وصغيرة حيل مع إن الطبيب طمنه عن صحتها وإن وزنها زين واحتمال تطلع بأقل من شهر قرر يسميهااا (.........)
*****************
بعد المغرب
الكل اجتمع عندها بالمستشفى وسند عاند رغبتها ودخل مع أهله لما جوا يشوفون عهد ما حب يبين إن بينهم شي وطول وقته يسولف عن بنته وجمال بنته
وندى كانت تطالعه بنظرات استحقار وغضب ودها لو تطرده
رفع ضغطها هي قبل عهد ها التعبانة
حجر ما يحس ولا يستحي عقب ما سبب لها القهر والذل جاي وبكل برود يقولهم عن قراره في اسم بنته
ودها تخنقه خنق
عهد ما تنلام أبد ما هو معبرها بشي يتصرف من حد ذاته
عقب ما طلعوا لأن عهد تعبانة وندى اتعبت وراحت لبيتها وقررت شهد تنام عندها
عهد انسدحت وهي تفكر بحالها لازم تحسم أمرها معه لي متى بتحمل حقارته وذله
حتى البنت اللي تعتبر شي مشترك بينهم ما شاورها بالاسم قرر وخلاص كأن هي مالها راي بأي حاجة تخصها
انقهرت منه كان ودها تصرخ وتطرده قدام أهله ما يهمها بس ما هو طبعها الحقارة
لفت وجهها بتنام وعشان تتحاشى أي سوال من شهد كافي ندى أعرفت
أصلا واضح للكل سبب ولادتي إنه من كثر الضغوط و التوتر ولدت
ماهو من الرقص مثل ما قالت نور وسحر
بصراحه خفت لا أحد يسمعهن والله لو سمع سند ليجهز قصاصي
شهد بعطف : عهد لا تنامي بيجيب لك سند الشوربة
عهد بضيق : ما اشتهي بس أبي أنام
ردت باصرار: لا حبيبتي إنتي لازم تاكلي مو زين لج
عهد تنهدت بيرجع يجي يا كرهي
وشهد قالت : اشرايج آخذج لبنتج با لدراجة
عهد ودها وميتة تشوفها بس خافت تعلق فيها وهي ناوية تتركها لسند
قالت بتنهد : لا تعبانة باجر اشوفها
كانت بتسكت شهد
اسمعت طق الباب وتوقعت سند فقالت لشهد بخجل : شهود عفيه أخذي العشا منه ولا يدخل
شهد انصدمت قالت عهد ترقع : شكلي يفشل وما أبي سند يشوفني جذي
حست إن شهد اقتنعت وتنهدت بنصر عقب شافت ضحكة شهد
شهد افتحت الباب وشافت سند معاه الشوربة وأغراض لعهد وفراش لها
شهد بحب : تسلم حبيبي عساك ذخر
كان يتعداها باللي معاه بس شهد عارضت قالت بخجل : سوري سند عهد نايمة ومحلفتني محد يدخل
سند قهرته باستفزازها له
قال : خلاص بس خل تاكل غصب
مو تعاند وتسكتين
شهد بثقة : ابشر غصب عنها بتشرب الشوربة
اليوم الثاني
عند عهد كانت عندها أم فارس وسحر
سحر بحب : شوفي ترا بنتك محجوزة لعيالي
تنهدت بضيق ما تدري ليش تذكرت نفسها ليش يا سحر تفتحين جروحي آه بنتك يا سند أمس اطلعت على الدنيا وحاوطها الخطاب
أمس حمد وشهد واليوم سحر
ما أدري الحق ها اليوم اللي أشوفها عروس أولا
ابتسمت و ما علقت بشي
وأم فارس قامت تغصبها تغدى من المرقوق اللي جابته لها
تحب ها الحرمة حيل
بس كان بعدها منصدمة من حصة صمودها ورقتها في التعامل زاد عن حده لدرجة إنها لزمت عليها تجلس عندها ها الفترة بس هي رفضت وبطريقة أرعبت حصة وأخجلت سند
اتركتهم اثنينهم يلقطون باقي كرامتهم اللي انهدرت
لي متى يعني يا حصة
متى بتتركين الخداع وتبان حقيقتج
أما أنت يا سند فدواك عندي بعدي ما اشفيت غليلي منك
بتم أحقرك واقهرك لين ما تطفش من الدنيا بكبرها وتلحق سعادك
الساعة أربع العصر
كان عند الإستقبال يخلص أوراق خروج عهد اللي رخصوها
وأثناء ما هو يوقع
دخل عليه فواز كان جاي عشان ياخذ عهد هو وندى جننتهم إلا يجونها
فواز بود : ها عسى جهزت أوراقها
سند انقهر داقه على فواز ومتعبته هو كان بامكانه يوديها لهم بس ليش معنية فواز من دوامه وجاي لها
قال : اي جهزت
فواز مشى من عنده وراح يلحق ندى اللي سبقته لعهد
وسند جلس بالكرسي ينطر طلعتها عشان يلمح زولها لو من بعيد
يا شينها لا صرت أحبك
وأنا ادري إنك لغيري
وإن لي بس فرقاااااااك
نور ادخلت بيتها عقب ما خلصت مراجعاتها بالشغل وبتبدأ اداوم من الأسبوع الجاي
شافت سعود جالس وبحضنه أمل يلاعبها وهي تضحك له ابتسمت لهم
أمل بأول أيامها كانت تخاف منه اللحين تعودت عليه وهو كان معصب عباله تدلع
سلمت وباست أموله وقالت : أبوك جا من الشركة ولا بعد
سعود بدون لا يطالع لها كان بيشغل أمل اللي علقت عيونها بأمها تبيها تاخذها : إلا جا
وكمل بنرفزة : روحي لأبوي قبل تشتغل بنتج
شاف إنها ما استجابت معاه تبي أمها
نور بضحكه : اشفيك عليها
سعود بقهر : غاثتني أبيها تعلق فيني مثل ما هي متعلقة فيك
نور بضحكة : سعود يا غبي أنا أمها تعرف شنو أمها
وكملت بسخريه : امحق دكتور
قال بغضب : من قالك دكتور نفسي أفهم بها الأمور أنا دكتور باطنية
نور بضيق حست أنها جرحته يمكن ما يعرف لأن هو ما حس باحساس الأمومة لأن أمه تركته وهو يرضع
قالت بحنان : سعود أختك بعدها صغيرة وبس تكبر راح تعلق فيك أكثر أنت راقبها قبل كانت تصيح لي شافتك اللحين لا
فأكيد مع الأيام راح تغثك بلزقتها فيك وكملت بضحكة : مو تجي تشكا وتقول بنتك لزقة
قال بسعادة : يارب
مسحت شعره وراحت عنهم
سعود مثل أخوها أو ولدها اللي ما جابته صح إن عمره عشرين بس بيظل صغير بنظرها فكانت تحسسه بحرصها عليه من
أخذت أبوه عشان لايحس بوحدته
أدخلت جناحها
شافت غانم جالس بالصالة اللي بين غرفة النوم وغرفة امل ويقرأ الجريدة
مشت بشويش وقربت منه وغمضت عيونه
غانم بدون أي شي حافظها حفظ من ريحتها من احساسه بالراحة أول ما تدخل عليه
قال بحب : شوفي أحد غيري تلعبي معاه ها اللعبة أنا أحس بوجودك بالمكان حتى لو ما شفتك
نور بهمس وهي لاصقة باذنه:
ليش متزوجة ساحر
بعدت عنه ومشت بتجلس عنده بس غانم رفض وجلسها بحضنه قال بذوبان : اي مسحور منك
بقت عيونها فيه تعاتبه
بس هو اشتعل قلبه من ها الحركة وما تركها
في بيت فواز
جهزت لها ندى غرفة استقبال وحرصت على توفير أحسن الخدمات للضيافة عشان اللي يجي لها وعشان عهد تحس بأهميتها عندهم و لا تحس بالضياع
وأنها ملزومة بسند
انصدمت من عهد اليوم ما طولت عند بنتها وهي كانت أول لقاء لهم يا دوب تأملت شكلها وسألت ببرود عن صحتها وطلعت ما بينت أي عاطفة أو انجذاب
لها الطفلة اللي حملتها ذنب ما هو ذنبها كون سند أبوها
شهد بعد حست ببرودها
ولما طلعوا صادفهم سند عند الباب مشت عهد بخطوات مستعجلة عشان تبعد عن شوفته
شهد شاكة بأن هوشاتهم ما زالت مستمرة
بس عهد أكدت لها بأن حياتهم عالي العال
تنهدت يعني تضحك علي وعشان سند أخوي ما تبي تجرحه قدامي
ما كان قدامها إلا تقول لسند بصوت هادي:نمشي
سند وعينه على خيال عهد اللي اختفى:مشينا
((أشهد إن أقسى آلام الجروح
حاجة المجروح للي جارحه))
عهد التعب هادها هد وحاسة بصداع ملازمها من ولدت
كانت ترفض الأكل وبس تسرح
ندى تعبت معاها ودخلت فواز اللي ما قصر وغصبها كذا مرة تأكل
عهد بتنهد : بس يا ندى والله انتفخت
ضحكت ندى قالت : ليش خايفة من النفخ أبشرج ما هو حايشج دام هذا أكلج
ابتسمت وقامت تبي تغسل وتبدل ملابسها قبل تنام
بس ندى وقفتها قالت : البسي شي متين لا تبردين
عهد كانت تلبس قطن بس خفيف وندى وشهد هاوشوها وجابن لها بجايم ثقيلة
ابتسمت كلهم يبون يبينون لها حبهم وشكثر هي مهمة عندهم حتى حصة ما يأست عقب الزف في المستشفى تجي لبيت فواز كل شوي وجايبة معها أنواع الأكلات لعهد
كانت تجلس عهد معها وهي ساكتة ما يتناقشون بأي حاجة0
كانت مستغربة معقولة تابت وعرفت طريق الحق
بصراحة أشك بس أنا بتم جذي متحرصة منها لأن اللي يخون مرة بامكانه إنه يخون ألف مرة

0

سفيره المشاعر

12 - 03 - 2010, 01:26 PM

وااو
يسلمو يالغلا
بانتظارك
........................

طموحي عالي

13 - 03 - 2010, 03:12 AM

عند ندى

كانت لابسه وجاهزه بتنزل تحت اتجهز الفطور لفواز وعياله قبل يطلعون لدواماتهم

وعشان تجلس عند عهد في هالفتره ماتحب تتركها بروحها اكيد بتحتاج شي

راحت للمطبخ لقت الخدامه تجهز الفطور واشرفت ندى عليه وسوت قهوه لفواز لانه مايشرب القهوه ألا من يدها

رتبت كل شي وانتبهت لفواز نازل استقبلته ببتسامه عذبه
اشرحت صدره
فواز وهو نازل ويعدل اشماغه لما وصل عندها باس خدها وقال:صباح الخير حياتي

ندى وهي تلفت لأحد يشوفهم قالت:هلا صباح النور
وجلس يفطر وهي راحت تشوف اعيالها عشان يجهزون للمدارس

عقب فتره شاف عهد طالعه من غرفتها وجايه صوبه
قالت ببتسامه باهته:صباح الخير عمي
فواز بود:هلا ياصباح النور
وقال :حياج تعالي افطري معاي
عهد بحب:ان شالله وجلست كانت طالعه بتجلس معاهم على الفطور متعوده عندهم على لمة الصبح الحلوه

فواز حاس بحالة عهد وندى اشرحت له
وكان دايم يكلمها ويبيها تفضفض له بس هي ماتكلم وكل إجاباتها ان مافيها شي ولا تشكي من شي

قال بعطف:عهد مارحتي لبنتك تبين اوديك لها
عهد بتنهد:لا مرحت وكملت تبرر لموقفها:يمكن يطلعونها بعد اسبوع

قال بشك:بتخذينها أذا طلعوها
كأنه حاس بالي يدور بخاطرها
قالت بنرفزه:اكيد باخذها
ورد بأسلوب:وليش تقولينها من غير نفس
عهد بطفش: عمي مابي اتكلم بهالموضوع
فواز بطفش: عهد انتي اشفيك
مانتي عاجبتني

تنهدت :مافيني شي
فواز بأصرار:لا فيك انت مو مرتاحه مع سند تبين الطلاق
كان بيتوصل معها على حل

كانت متوقعه ان سند قايل له قالت بحقد: قال لك عن الطلاق قوله اي ابيه وبنته خل ياخذها مابي شي منه
وقامت بتمشي وقفها بغصب:انتي من قصدك بالي قايل لي سند
كمل بغضب لما ماردت: سند من زمان عنه وبعدين اضنك اخبر مني بسند هو متى قال لأحد عن قراراته او اي شي يخصه
كانت ساكته وتسمع كل كلمه قالها صح هي عارفه سند وعارفه طبايعه بس ماكانت قادره تحمل هالطبايع وتبي تغيرها
جلسها وقال بطفش:عهد بنتك مالها ذنب بكل ال

دفت يده وصرخت في وجهه ولأول مره
قالت:يعني انا الي لي ذنب في فعايل ابوي كملت بشهاق:ظلمتوني وذليتوني حتى الطق ماقصرتوا كل واحد مد يده علي بذنب او بدون ذنب

فواز بضيق قال:عه
قاطعته بشهاق:ولا لأنها هي بنت سند شيخ الشباب مولازم تنذل وانا عادي اقصاي بنت واحد فاشل
فواز حاوطها بيدينه يهديها وهي رمت نفسها عليه بكل قوه كانت تصيح بحضنه بشكل محزن
وشاف ندى نازله هي وعياله فسحب عهد بهدوء معاه لغرفتها
مايبي اعياله يتأثرون

وندى تضايقت من الموقف وقررت تشوف اعيالها وتوديهم مع السايق دام فواز مشغول

هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟

سند

طلع من الشركة عقب خلص اوراق رجعتة واستقراره في الكويت صح تضايق شريكه بالشغل بس رحم حاله ورضا
عقب حصل له سند رجال جيد بيقوم بمكانه

دخل شقتة وكانت مووحشه بدون عهد وحركات عهد في هالمكان بالرغم مو انهم نادرن مايتصافون وينسجمون ألا انه يفقدها بسرعه بس تغيب عن عينه ثانيه

كان مستغرب من نفسه اذا طولت باي مكان فالمطبخ او في المجلس او بالغرفه لازم يطل عليها ويشوف وش شاغلها عنه
اكتشف انه اناني و بخيل بمشاعره اتجاها ومايبي يبوح لها عن حبه وفي نفس الوقت مايبي مشاعرها هي تشوف اوتنشغل بغيره
يبيها له هو بس
تذكر سوالها عن سعاد كانت تبين له عدم الغيره والأمبالاه وهي بداخلها تنزف حرقه وغيره
تنهد بضيق
ماتدري اني حاس وساكت لان مستحيل افضح شعورها
كانت تسأل ليش سعاد ماحملت على الأقل كنت ماخذ منها ذكرى في هالحياه بنت ولا ولد

كانت تنطر إجابتي بفارغ الصبر بس صدمها ردي فعلا يمكن عجبها او حست براحه تامه لانها نافست سعاد بشي
يوم قلت لها بجفاف وانا اسحبها لحضني:عقب اكتشفت المرض ماقمت اقرب لها

خفت ضناي يتيتم والظاهر اعرفت نقطة ضعفي الي اقدرت اتسحبها مني بلحظات حرجه
كانت شايفه وحاسه بحرصي للجنين
حتى قبل تحمل كنت متشفق يربطني فيها ضنا عشان مانفترق لو ماحبيتها بس تكون معي وعقب نفذت القرار اصدمتني بأسلوبها

للحين تبي الفراق

دخلت اشوف الأغراض وجهزهن بصناديق عشان الشحن بيجي ياخذهم

كنت بشغل نفسي عن التفكير فيها لانها موعهد اصبح اسمها بالنسبه لي لهب ألهبت قلبي بحبها حبها حار لاسع مميت ماذقت مثله حتى مع سعاد

سلامتك معاد لي رغبة فيك

لاصد قلبي صد من دون رجعه

فواز

ساعه وهو جالس فوق راسها بالسرير وهي بين لحظه والثانيه تسمعه صوت شهقه مخنوقه
فواز وهو يمسح ظهرها كان يقرأ عليها وبعدين قال بضيق:عهد الي تبينه انا مستعد انفذه بالحرف بس لاتصيحين

عهد اجلست قالت بشهاق:عمي سند مايحبني ولاهو طايقني
امه غاصبته
فواز بركاده:انا عارف انه مغصوب بس هذاك اول لكن الحين ماشالله مبين انه سعيد معاك
عهد بسخريه:وين السعاده ماتشوف حياتنا دايم هواش
كملت بتنهد: عمي اذا تعزني خله يطلقني ولا عاد اشوفه
تضايق حيل هو وحصه السبب او يمكن هو لانه طاوع حصه في خطتها

سند كان بالنسبه لهم شي غامض انسان كارهه انه يتزوج ويكون اسره
وعهد انغشت فيه بسبتهم
قال بحزن: ان شالله بس يجي راح اقوله
وكمل بثقه:تأكدي ياعهد ان هالمره مراح ياخذك بالغصب لو اوصلهالتحاكم
عهد رجعت تصيح ودفنت راسها بصدره كأنت بتعاتبه تقول ليش ماتصرفت هالتصرف من زمان ليش ماقلته ألا الحين عقب تغرق قلبي في حب سند

وبعد فتره بعدت عنه وقالت: عمي ارجوا انك تفهمني
تنهدت بضيق: كلكم تحاسبوني على عدم اهتمامي بالبنت بس انا مو قارده اتقبلها وانا عارفه ان ابوها ماهومتقبلني
كملت بشهاق: سند ماعبرني يعاملني كجاريه عنده موزوجه

تضايق وقال: بس ارجع واقول لك البنت مالها ذنب وانتي اول ماتشوفينها راح تنسين مستحيل قلب الأم يقسى وانتي ام

عهد خرت ادموعها وقالت:عشان جذي ماابي اشوفها قوله ياخذها عنده على طول خل امه تربيها

فواز وقف وقال بعطف:ارتاحي انتي الحين وبعدين نتناقش بموضوع بنتك
وطلع وتركها

عند حصه

ادخلت للبيت عقب جت من زيارة بنت سند تعلقت بها حيل وحست بالذنب اتجاه هالطفله لان امها ماشافتها ألا بالمستشفى ولها الحين فوق العشر ايام مافكرت حتى تسأل عنها

تنهدت بضيق وجلست عقب قالت لخدامه تجيب لها قهوه

عقب فتره جا حمد سلم وجلس
يتقهوى معها عقب لزمت عليه

حصه بحب:وين عائلتك على قولتك
حمد بعياره:فديتهم عند خوالهم مشتاقين لسعود
حصه بحب:فديته يسحر
حمد بلقافه:اكيد يسحر طالع على ابوه مزيون

حصه بصدق:الله يصلحه ادري انه نسخه منك وماهو مزيون بس ترا مملوح
وكملت بتنهد :المزيون بنت سند لو تشوفها تسحر بجمالها اسم الله عليها
حمد تذكر عهد ام البنت لما شافها وغص بفنجاله
حصه بخوف:اسم الله عليك يمه اشرب ماي
عقب شرب قال بقهر:بدينا بالتفرقه يعني بنت سند مزيونه وولدي لا
حصه اضحكت توقعت غصتة
كانت بسبب الغيره

سند

الساعه وحده بالليل

خلص كل اشغاله وقرر يرجع على اول طياره جلس بالمكان الي مخصص له وعينه على الكرسي الي جنبه تخيل لو عهد معاه وفي نفس هالمكان كان لصق فيها وارخى راسه على كتفها مثل ماسوى بسفراتهم الي طافت
حتى لو عارضت او ارفضت كان غصب عنها يسوي الي يريحه هو

شاف وحده اجلست بالمكان فصد بسرعه وانزعج ليش ماجلسوا رجال
بعد عنها باخر الكرسي عشان مايحتك فيها

وبالأخير قرر ينام على مايصلون افضل له من هالرحله الممله حط راسه وهو يتمنى يغط في نوم عميق

اليوم الثاني
عند ندى كانت متصله على سحر ومناديتها عشان يشوفن حل لمشكلة عهد
وسحر انصحتها بتنفيذ رغبة ام فارس الي قالت لاتضغطون عليها
وأقروا عليها قران وان شالله ترجع لصوابها
قالت لهم ان هذي اضطرابات نفسيه وانشطت في فتره انفاسها
ندى وافقت على قرارها ودعت ان الله يشفيها

ندى بضيق:والله لو سمعتي الي قاله فواز ليتفطر قلبج من الضيق
كملت بحقد:البنت كانت كاتمه معاناتها الي على ايام حصه وانفجرت الحين
سحر بضيق:الله يجازي الي كان السبب
ندى بضيق قالت بنفسها كلهم اجرموا فيها حصه وسند وحتى فواز
اه ياقلبي ياعهد الله يشفيج ان شالله عاجلا غير اجلا

سحر بتنهد وهي تقوم:اوكي انا بروح اجلس معاها اخاف تطلع وتشوفنا منخشين هنيه تتضايق
ندى بحب :خلاص انا بضبط القهوه وألحقج

طقت الباب وادخلت وشافت عهد عند المنظره تمشط شعرها
سحر بحب:وش هالزين الوجهه منور اليوم

فعلا عهد ارتاحت عقب مافضفضت لفواز وطمنها خير عهد لفت صوبها وقالت بفرح:سحور متى جيتي
قالت بتوتر :من فتره وقالت لي الخدامه انج بالحمام وجلست مع ندى على ماتخلصين
ارفعت اطراف شعرها الطويله لفوق والباقي كان طايح على كتفها من قصره ماانمسك
سلمت على سحر وجلسن يسولفن
عهد كانت تسأل عن اي شي بس عشان ماتعطي سحر مجال تناقشها في موضوعها ماتدري ان سحر نفسها ماتبي تدخل بسالفتها
وتبي تشوف وين بتوصل معاها في رفض بنتها

بعد فتره ادخلت ندى ومعاها الخدامه
بالبخور
قالت بأمروبطريقه ضحكت البنات:عهد اخذي ضيفتج واطلعي ضيفيها بالمجلس
عشان الخدامه تشوف شغلها بالترتيب

عهد بضحكه:ان شالله وأشرت لسحر وطلعن

اليوم الثاني

وصل للبيت متإخر ودخل جناحه بسرعه ونام كان دايخ من الطياره
والحين شبع نوم وقام عشان بيجلس مع امه شوي قبل يطلع يروح لبنته

طول وقته يفكر بطريقه ترجع عهد وماهو لاقي حل

نزل شاف امه جالسه على قهوتها كالعاده
واول ماشافته فزت من مكانها وسند استقبلها بالأحضان وحب راسها وعقب اجلسوا
حصه بعتاب:متى جيت وليش ماقلت نجيك
سند بحب:جيت متأخر ماحبيت ازعجكم واخذت تاكسي
حصه براحه:عسى خلصت امورك كلها٠وماعاد لك رجعه لديرة الغرب
سند بضحكه:ابشرك معاد انا طاب ديرتهم
حصه بسعاده:عسا ان شالله
اجلست تسولف معاه وتونس سند بقرب امه عمره ماكان قريب من احد كان انطوائي

دقايق ونزل حمد الي قال بصوت عالي: اووه سند متى جيت
قرب وسلم عليه قال :حمد الله على سلامتك
وبعبط: لايكون ناسي هدية سعد ترا مراح يسامحك
ابتسم وقال:الشناط مليانه خل يطب ويتخير وكمل بحب:بس لايخلصهم عن بنتي فديتها مشتاق لها حدي
حصه:اسم الله عليها رحت لها امس تسحر
حمد بحقد:من جت بنتك طيحت سوق ولدي عند امي
برفع عليك دعوى

سند بتنهد:والله ولدك مايوصل ربع جمال بنتي
ووقف وقال :يالله استأذن بروح اطل عليها
وطلع وحمد قام يناقش مع امه
في امور اسهمها

عند نور

كانت مستعده لدوام اليوم اول يوم لها
ابتسمت لبنتها الي قاعده من الصبح وتلعب
بدلت لها ورضعتها وتنطرها تنام بس هي تلعب
كانت تلبس واول ماجهزت وباقي الشي البسيط حبت تقوم غانم هو ملزم ألا يوديها مع انها تسوق بس قال انا طالع لشغلي وبوديك
تحس انه يبي هو الي يخدمها بكل مشاويرها
ألا اذا كانت بتاخذ احد من رفيقاتها او امها مايعارض سياقتها

نور بهمس عند اذنه:حبيبي غنوم
غانم بكسل وانعاس بس الصوت انعشه شوي قال:نعم
قالت :قوم ألبس وافطر معاي عشان توديني الشغل
غانم بهمس:كم الساعه
نور :سبع يادوب معانا ساعه ثمان لازم اكون هناك
عدل نفسه وجلس مسك راسها وقال وهو يمسح على خدها:مادري شحقه الشغل كله تعب في تعب
نور بضيق:غنوم حبيبي كم مره بنتناقش بهالموضوع
جت بتكمل قاطعها وقال:ادري اتحبي شغلك ومستحيل تستغنين عنه خلاص فهمت وكمل بعياره:بس ابعدي عن وجهي لا تندمين
نور اضحكت وابعدت راحت تشوف امل وابتسمت كانت نايمه طفت النور عليها وانزلت تحت تنطر غانم

واول مادخلت المجلس شافت سعود جالس يفطر وفاتح كتابه يدرس
ابتسمت وقالت:صباح الخير
سعود بود:هلا صباح النور
وكمل دراسته وهي اجلست تفطر ودعت بقلبها يوفقه وينجحه سعود هالفتره كلها إمتحانات في الجامعه

وتحس انه يتعب حيل بالدراسه وينسى نفسه وماياكل عدل وهي وغانم يحرصون انهم مايزعجونه ويقدمون له كل سبل الراحه عشان جذي ترسل له اكله بالغرفه مرات

عند سند

كان جالس جنب الحضانه الي تحمل بنته كانت نايمه وتحرك بشكل طبيعي يدل على صحتها وانها ماتشكي من اي شي
ابتسم وهو يدخل يده يمسح شعرها كان كثيف حيل واصل لي رقبتها
لدرجة انه محسسها وصايره حمرا والممرضه قصت اطرافه
تضايق كان يبي يتم شعرها على طوله
بس راحتها اهم وتذكر سالفة عهد وقص شعرها عقب طاحت عليه نسا السالفه وراح ركض ينقذها

بعد دقايق جت الممرضه قالت بأسلوب حلو: انتا بابا اشر لها براسه
قالت وهي تفحص الأجهزه :بيبي حلو ماشالله وصحه زين
قربت ودخلت يدها ومسحت خدها برقه وقالت بنغزه:اكيد سيم سيم ماما بس انا مايشوف ماما يجي بس انتا ومدام كبير
تنهد من كلامهاكأنها انثرت على جرحه ملح
قال برود:مدام تعبانه وكمل بأهتمام: البيبي استجاب لرضاعه ولا بعده على المغذي
قالت بسعاده:يس بيبي يشرب حليب بس خلي مدام يجي رضع احسن
سند بضيق:انا مستعد اجيب احسن حليب مغذي يمكن مدام ماتقدر
حركت راسها بأسف وطلعت وتركته عند بنته كأنها حست ان في شي صاير بين هالأبوين

عقب طلع جاه اتصال من فواز كان يبي يقابله
استغرب بس خمن ان السالفه تخصه هو وعهد

فواز فعلا كان يبي يتكلم معاه ويتوصل معاه لحل في مشكلة عهد هو وعدها انه بيوقف معاها في الي هي تختاره
عشان جذي بيشوف رد سند على الموضوع وبيحاول يقنع سند بالطلاق بدون اي مشاكل

جلس بالكافيه ينطر جية سند له طلب القهوه والكيك
وقبل يجي الطلب وصل سند
سلموا على بعض وجلسو
فواز كان يحاول يدخل بالسالفه
سند بدون تفكير قال برود: فواز عارف الموضوع الي جايبني عشانه هو عهد
فواز بضيق:ايه والبنت تبي الطلاق وانا واعدها اوقف معاها بالي تبي
كمل بنفس الأسلوب:سند طلقها وفكنا من المشاكل

سند جلس فتره يفكر ويسترجع حساباته قال برود:وابنتها ماسألت عنها مافكرت فيها خير شر قالها بسخريه
فواز بحزن:عهد متغيره ياسند معاملتنا الجافه لها من قبل حجرت قلبها خلتها بدون احساس
وهذا انطبق على بنتها هي الضحيه
سند بغضب وصوت ارعب المكان:شمعنى بنتي انا عارف اني بموقف صعب بس عشان بنتي بسوي المستحيل
فواز بتنهد:مثل ماعهد انظلمت بفعايل ابوها من امك بنتك راح تنظلم بفعايلك من امها
حس بخوف فواز قال نفس الي امه قالته
تنهد وقال برود:يصير خير خل تطلع بنتي وتشافى راح اصلح الأمور
فواز كان بيعترض ويقول شي بس سند قاطعه وكأنه حاس وعارف:مايصير خاطرها ألا طيب وصله ألها
وستأذن وترك المكان

بعد اسبوع

من وصل لها فواز كلام سند وهي حاسه بضيق راح تفقد سند للأبد اكيد كرهها زياده عقب فعايلها في بنته حتى الرضاع رفضت ترضعها مع ان صدرها يتشفق شفايف الطفله صابتها حمى وقالت ندى من الحليب لازم جسمك يتخلص منه بالرضاعه كانت تبيها غصب تروح وتشوف بنتها متأكده انها اذا شافتها بتضعف وتاخذها وتمسك فيها بقوه
بس هي كانت عارفه ورفضت الرضاعه وتخلصت منه بطرقيه ثانيه وفي داخلها تصرخ من الألم
ألم القلب فوق ألم الحمى
حست بأنها احسن وحبت تجلس بالحديقه برا
تشم هواء نظيف عن كتمة البيت
وضيقة الغرفه

عقب فتره طلع فواز وندى ومعاهم اعيالهم
فواز بحب عقب سلم:تروحين معانا
عهد عارفه انهم بيروحون لسوق ومن وراه بيتعشون برا بس هي رافضه ندى قالت لها ورفضت

كانت تبيهم يستانسون ماتبي تضيق عليهم بوجودها
عهد ببتسامه:لا انتم استانسوا ولا تحاتون

ندى بتنهد:بكيفج بس انا موصيه على عشاج وراح تضبطه سونا واذا
عهد ابتسمت ندى صايره ام لها من انفست
قالت بحب:ندوي انا كملت الشهر خلصت فترة انفاسي يعني

ندى بأصرار:باقي عشر ايام وتطلعين
وضحكت منها عهد وقالت وهي تأشر لفواز:عمي شوف حل مع مرتك
فواز :بدال ماتحمدي ربك ندى بشحمهاولحمها تخدمك
عهد :بدال ماتوقف معاي
فواز وهويحضن كتف ندى قال:انا بكل الحالات بصف ندى

وعقب استإذن وطلع مع اهله

وعهد تمت جالسه بحديقتها تستنشق الهوا الحلو الصيف على دخول والجو صاير حلو ومعتدل

عند شهد

كانت عند امها وقالت لها عن نقاشها مع سند
وان سند مستعد يبوس رجول عهد بس ترجع له
شهد اقترحت على امها يروحون لها ويحاولون بس سند رفض هالشي قال هو يتصرف

ادخلت عليهم سهام وحبو يغيرون الموضوع
مو عشان شي بس لأنهن مايبون يشغلون فكرها بهالسالفه
سهام بحب عقب سلمت قالت وهي تقص لشهد وامها من الحلى الي مسويته :ذوقوا وعطوني رايكم
شهد عقب ذاقته قالت:حلو ماشالله من وين لج طريقته
حصه بعد قالت:حلو
سهام بغرور:الطريقه من عهد بس الحمدالله ضبط معاي

وكملت وهي تحط بصحن:بخش حق حمد
اضحكوا عليها

وعقب دخل سند واول ماشاف جمعتهم جا وجلس
عقب السلام عطوه من الحلى كان موغريب عليه هالطبق
فتح ابواب الحزن عنده وذكره بشغلات عهد الي تسويهم لما كانوا برا كانت تفنن بالأكلات وتبدع بالحلويات والفطاير
أكل لقمتين وشرب كم فنجال وكانت سوالفه قليله وهي ردود على اسآلت امه

اما عند سحر

بدت حالة الوحام معاها واشغلت نفسها ببيتها وخالد ونست عهد شوي كانت تبي تعرف اخرت اعنادها
موقاهرها في عهد ألا اسلوبها في بنتها ماتوقعتها بالحقد

وتحقد على منو على ضناها
تنهدت وشالت فارس لفراشه عقب نام
شافت خالد دخل ابتسمت له وهو قرب وسلم عليها قالت بحب: نطرك فروس وعقبه نام
تضايق وقال:اوف كنت مشتاق له
سحر بدلع:ذنبك مره ثانيه لاتأخر
خالد سحبها جنبه وقال بخبث:زين الي لحقت عليك انتي

عقب فتره وهي قايمه عجز يجيها النوم وخالد اول ماحط راسه نام جاها مسج افتحته كان من عهد تسلم وتسأل ليش ماقامت تجي
تنهدت بضيق الله يهديج ياعهد ويردج لطريق الصواب
ارسلت لها تطمنها وتعتذر بنشغالها بتجهيزات عرس فارس

عند عهد

حاسه بوحده فضيعه وان مالها داعي بهالحياه الكل منشغل بأموره وحياته وهي جالسه بين اربع طوف
مع ان ندى ماتقصر بس لازم تنشغل خاصة مع طبيبها عشان اتابع الحمل

طالعت بالساعه كانت خمس العصر
فواز راح يشوف اوراق الجامعه وياخذهم من سند لان هو قال انه خلصهم
وندى اطلعت تزور امها صارلها فتره ماراحت لها
وهي كالعاده جالسه بروحها
اطفشت تبي العشر ايام تمر بسرعه عشان تخلص من انفاسها وتطلع
تبي تروح اي مكان بس تفتك من الوحده

اسمعت صوت الباب واستغربت من بيكون هي كلمت البنات عشان يجون بس ارفضن
وطلت تشوف عقب افتحت الخدامه

وكانت صدمتها صدمه
سند
وش جايبك
ارحمني حرام عليك انا ابي انساك وجاي لي ومعاك بنتك
لا لا مستحيل ارضى ارجع معاه وهو مايحبني مستحيل ارضخ لرغباته وهو مازال محتفظ بذكريات سعاد عنده
وموقادر ينساها
بس بنتك ياعهد بنتك
كان صوت عطفتها يصرخ ضناك
اه ليش جابها ماكنت ابي اشوفها

كافي علي يوم المستشفى للحين راسخه في بالي كل حركاتها

وقفت تطالع وكل هالأفكار كانت براسها

اما هو فستغل غياب اهل البيت واقنع فواز الي بالغصب رضا واخذ بنته الي رخصها الطبيب وراح لها
اجزم على خطوه ويدعي ربه يساعده فيها
تصدآ كل الوساوس الي جته وانه مستحيل يتبدل حب سعاد لكن عقب ذاق حب عهد انغسل من قلبه حب سعاد ومابقى لها ألا القليل
وعهد تربعت على عرش قلبه واسرت كل عواطفه خلته غير قادر على الفراق
وخاصة عقب جابت له بذرة حبه لها وهي((غرام))

قرب خطوه يمها ومعاه غرام الي نايمه كأنها مرسول سلام بينهم
ارسلها رب العباد عشان تألف بين قلوبهم القاسيه
عهد ركزت بنظرها على البنت
كان ودها وتخطفها من يده كان شكلها وبرأتها تسحر وتعلق الي مايتعلق فيها
وطقم البس الوردي الي جايبه سند لها كان خيال عليها

ارفعت نظرها وكأنها نظرت عتاب
سند بهمس وهو يأشر لبنته: جبتها واسطه لي عشان ترجعك لي
عهد بتوتر: مستحيل
سند بضيق:عهد
قاطعته بغضب:اطلع برا واخذ بنتك معاك مااحبك ولا احب بنتك

حست انها بيغمى عليها واجلست وصدت عنه وسند جازف لمره الثانيه ومستعد يجازف للألف
قرب وجلس قبالها واشر لغرام قال بضعف اول مره يطلع عند عهد:عهد انا محتاجك وغرام بعد محتاجه لك عهد بنرفزه: اشعقبه ياسند انت طعنتي عذبتني بجفاك انت ماتحس مفكرني جاريه
عندك و
قاطعها بتنهد:انا ذقت من الفراق الويل وماصدقت ألقا الي نستني هالفراق
الأنسانه الي تفجر حبها في قلبي من اول ماشفتها
عهد صامده وتسمع
قرب وجلس على نفس الكنبه وعهد اول ماقرب بعدت
بدون لاتقوم
سند بضيق: عهد لاتعتقدين اني ماحبيتك او ان وجودك بحياتي ماأثر بطبعي شي
كمل ويده تحسس خد غرام :لا ياعهد انتي قلبتي حياتي فوق تحت وكنت اعاند مشاعري وجازفها بس كانت دايم تغلبني وتروح لج
تفرح بشوفك تستانس لي حست بقربك
عهد بضيق:وينها مشاعرك ليش ماحسيت فيها
سند بتنهد:اجل اسمحي لي اقول لك انك ماتعرفي الحب ولاتعرفي مشاعره

عهد بقهر:وضح لي
سند بهمس وعينه بعينها: سعادتي وانتي بين احضاني
شوقي الي يتزايد اذا غبتي عني دقايق
عهد اخجلت كلامه كبير وخطير معقوله سند يحبها ومن زمان ليش ماقال
اخاف يضحك عليها بس عشان ترجع لشباكه
ويتوحد فيها هناك برأ
كانت سرحانه حيل في افكارها وماانتبهت ألا لصوت البنت تصيح تفطر قلبها من غير شعور قالت بنرفزه:اشفيها ليش تصيح
سند بكذب وعشان يوصل لهدفه في هالشي قال بضيق: مادري بس الظاهر من حليبها الدكتور قال راح يسبب لها ماغص
عهد بخوف:والحل اخذت البنت وقامت تحضنها والبنت تصيح وعهد بعد تصيح معاها تبيها تسكت ماتبي اتشوفها تعور وهي ساكته ماتسوي شي
سند تأملها وشافها تحضنها والبنت كانت جوعانه وتفتح فمها

قرب منها ومد يده لفتحة صدرها قال بعطف:عهد بنتك مراح يهدأ مغصها ألا لي رضعت طبيعي
عهد مانطرت اول ماقالها صدت عنه وقامت ترضعها وكانت تذرف مع كل مضغة تمضغها غرام

سند تركها واخذ يدور بالصاله وعقب فتره شافها نزلتها وجلست تفقد الحفاض قال بتنهد: عهد
قالت بضيق وحزن: سند انا مومستعده اعيش مع واحد مايبي ينسى
انا
قال بهمس: انا مستعد انسى سعاد وابيك تساعديني حسسيني بأهميتي عندك حاولي تقربين مني اكثر هذي كانت طبايع سعاد الي رسخت في بالي
عهد عصبت قال يراضيها: عشان اعطيك خبره
ابتسمت له بخجل وهو قرب كان يتأمل شكلها رغم انفاسها وشحوبها وضعفها نزل وزنها حيل بهالفتره
سند وهو يمسك يدها ويركز بجسمها عهد تفشلت وسكرت دلعتها
قال بضيق:ليش ضعفانه حيل
عهد برود:خلنا بسالفت رجعتي وترك جسمي على صوب
قال بخبث:جسمك هو نص السالفه لانه بيرجع معاي

عهد عصبت قال بأصرار :ليش ضعفانه ماكنتي تاكلين عدل صح
عهد النفسيه ساده شهيتها اصلا وبالموت تاكل خفيف
قالت بتنهد:ألا اكل بس من تعب النفاس
نزلت راسها وقامت تبوس بنتها وتلاعبها عاطفت الأم اغلبت عليها وشافت رجولها نتفه وانتبهت لشامه في فخذها هي بعد فيها وبنفس المكان

سند عرف وش شافت قال وهو يبوس فخذ بنته: من كثر ماحبك الجينات كلها عندي ضربت وجبت بنت نسخه منك في كل شي
وعهد استحت وقالت بتنهد: ودي اصدقك
بس مادري
سند بضيق:عقب كل الي قلته مو مصدقه
عهد بتوتر:ألا بس ابي اثبات عشان تنسى سعاد
خافت لايهجم عليها لان قبل مستحيل تنطق هالأمر بس دامه هو فتح السالفه خل يتحمل
سند برود:ارجعي معاي وراح تشوفي الأثبات بنفسك
عهد بضيق:لبيت اهلك
سند بحب وهو يمسح يدها بيده:اي عند امي وتراها طخت وانتي شفتيها بنفسك
عهد صح ان حصه طخت بس في شي يمنعها هو جناح سند الي كله ذكريات سعاد وذكرياتهاهي السيئه قالت بأرتباك :سند
رد بحنان:عيونه كان يبي يغسل قلبها الي تشرب بالكراهيه له ولأمه
عهد بخجل:ارجع بس بشروط
قال بخوف:اشرطي
عهد خايفه تسافر معاه وماتدري عن موضوع تركه لشغل هناك: بجلس هنيه اربي بنتي وادرس لين مايخلص شغلك الي برأ
وشرط الثاني مابي ارجع لجناح سعاد شوف مكان غيره
سند ببتسامه وهو يرفع يده لخدها :بس انا ابي قربك
عهد بخجل:حاول تجي كل فتره حس براحه اقناعها حلو
سند بعبط:ماقدر ابيك جنبي كل لليله ابي احس ان
قاطعته بتوتر: شسوي انت وعدتني اكمل بالجامعه وماقدر اسافر عقب سجلت
سند ببتسامه:ان شالله بتكملي وانتي عندي
عهد بقهر:اشلون خافت لايكون ناقلها او اي شي
قال بهدوء:لان انا بجلس هنيه على طول مراح اسافر
شاف السعاده بوجهها
عهد حست براحه وكمل وقال:بخصوص الجناح بنجلس بجناح شهد لين مايخلص جناحنا الي بالطابق الثالث
انصدمت متى قرر وفكر عمره ماجاب لها سيره
قالت :من متى هالتطور
سند برود:من زمان وجناحنا الي طاف اضافه حمد لهم

طارت من الفرحه عبرها وحس فيها عقب زمن طويل ماحس بفقدانها ألا عقب جابت بنته شاف الضياع وعاش
الحرمان
بس بالأخير رضخ وجا زاحف يترجاها مثل ماتمنت حقق الله لها أمنيتها
خذت بنتها ورفعتها وباست خدها بقوه
سند ابتسم وطالع بالساعه قال :شرايك تجي معاي اليوم
عهد برفض:لا سند خلها ايام وتعال اخذنا
اجمعت بنتها معها بدون شعور لان قلبها نطق اول
سند بحب:خلاص بصبر نفسي ايام ونزل راسه وباس غرام

وهي كانت بحضن امها فرفع راسه وقرب يم وجهها واخذ منه كم بوسه يكفونه للأيام الجايه

كانت ترجف تركها للبرد القارس ومادفاها بمشاعره الدافيه
تبيه يتم حاضنها لين ماكل اشعره بجسمها تصرخ وتقول احبه والله احبه
هي للحين ماعترفت بحبها بس صار الوقت الي ينباح كل شي وراح تبوح له عن حبها بس يجي ياخذها

شالت بنتها وراحت لغرفتها كانت تفكر بردة فعل فواز وندى لي شافوا وعرفوا بتصالح الأمور بينهم
اكيد راح يفرحون بهالخبر
صح كانت تقول مستحيل ترجع او تنازل بس عقب جاها وقال الي قاله
طاح كل الحطب ونست غرورها وكبريائها حطت غرام بسريرها ونزلت الشنطه الي جابها سند معاه

كانت نايمه واستغلت اللحضه وراحت تسبح تضايقت ماكانت متكشخه ومتعدله لسند جاء فجأه وهي بلبس البيت

بعد شهرين من الأحداث

في افخم قاعأت الديره
عرس فارس

كانت واقفه بالأستقبال وكل الأنظار عليها منبهرين في جمالها وكشختها كانت احلى من العروس نفسها

سحر بتعب وهي تحط كرسي وتجلس:اه احس اظهري بينكسر هذا وانا مارقصت

عهد بضحكه : مولازم ترقصين راح ارقص بدالج حبيبتي لاتحاتين
سحر بنرفزه:تحريني انتي وجهج يعني ضامنه ان مافيج حمل
عهد بخبث وهي تقرص عينها:اي ضامنه
وقالت بدلع:غروم بعدها صغيره فديتها
سحر برجا: يارب انك تخليها تحمل ومن هالليله بعد
عهد بخوف: اعوذ بالله

وبدت الزفه والكل اندمج معاها ونسوا
عهد او الله ابعد الأنظار الحاسده عنها عشان ترجع لسند سالمه الي يعد الساعات عد وينطرها بفارق الصبر

لان عهد طول هالفتره وهي عند سند كانت تختبره وتختبر مدى حبه لها
كانوا رغم تعدل الأوضاع وتحسنها بينهم ألا انهم مااجتمعوا بغرفه عهد مستغله بغرفه لها هي وبنتها وسند ماحب يضغط عليها هي كانت بعدها متحسسه منه ومستحيه عقب فراق وزعل دام فتره طويله

مع انها كانت راضيه كل الرضا عن سند واهله حتى حصه اتسامحت منها واعتذرت عن كل الي سوته ووعد عهد ماتدخل بحياتها خير شر

وفعلا نفذت وعدها تاركتهم براحتهم

اطلعت الساعه حدعش عقب احرق سند جهازها يستعجلها وماطلعت لين قال ان غرام تصيح والمربيه عجزت فيها

كانت حاطه مربيه عشان دوام الجامعه لي راحت تكون مطمنه
مع ان عمتها ماتقصر كانت تشيلها اكثر من المربيه نفسها
حتى اكثر من عهد
مرات تحس ان حصه امها موهي من كثر ماهي متعلقه بضنا سند

اركبت السياره عقب ودعوها البنات بنغزاتهم الخبيثه
على ان الوقت حان وان سند مستحيل يتركها الليله حتى خجله الي لازمه عقب صرح بحبه لها بيتجرد منه بمجرد انه يشوفها

وصل للبيت وألتفت لها وقال بحب:تفضلي انزلي
عهد ببتسامه وتوتر:سند صج غرام تصيح
ونزلت وكملت:ياقلبي مشت معاه ودخلوا كانت بعباتها ولافه الملفع ومغطيه وجهها عشان المكياج
وقررت تلتزم بالنقاب عشان خاطر سند لانها طارت من الفرحه لما قال لها انه يبها تنقب لانه غيور ومايحب احد يشوف حلاله
شافت الصاله فاضيه لان عمتها تنام مبجر حتى العرس اعتذرت تروح واجلست عند غرام

قالت بأستفسار:وين عمتي وين حطت غرام
رد بتنهد:امي نامت وغرام عندها
كانت بتروح لغرفة عمتها بس سند مسك يدها قال:وين
عهد بعجب:بروج اجيب بنتنا
سند بهمس:بنتنا بالحفظ والصون تعالي بس تعالي

ادخلوا جناحهم الموقت على مايخلص جناحهم او بيتهم على قولت عهد شافته وانبهرت بكبر حجمه تحسه حيل كبير عليهم
بس سند اخجلها وقال يادوب يكفي لي ولعيالنا الدرزن كان ناوي يبي درزن

اول ماختلوا بروحهم وسكر الباب رفع الملفع وانبهر بالي قدامه
هي كانت ترجف من حركته وتطالع تحت
قرب لها ومسك خصرها ورفع راسها وقال بذوبان: لو حصل وصديتيني الليله بموت
عهد بتوتر :مستحيل

سند بضيق :مستحيل شنو
ترك خصرها وقف مصدوم معقوله للحين كارهته
عهد بتنهد وهي تفصخ العبايه وزادت من ربكة سند وجنونه عقب شاف اللبس:مستحيل اصدك
ابتسمت بخجل ومايمديها تكلم ألا وسند حاضنها لدرجة ان ضلوعها بغت تكسر بسبته

اليوم الثاني الساعه ٣العصر
كان حارمها من القرب صوب الباب او انها تطلع من الجناح نفسه حاولت فيه ترجته ان غرام محتاجتها بس ماسمح مازال محتفظ في خصال العناد عنده
كان بفراشه وحاضن كتفها قال بتنهد وهو يبوس يدها :عهد
قالت بخجل: نعم
رد بحب:ابي منك خدمه
بدون تفكير قالت:ابشر
كانت تحاتي بس مستحيل ترد سند
قال بتنهد:اقرصيني
بطلت اعيونها مستغربه وكمل بضحكه:ابي اصدق انك معاي
عهد اقرصت خده وقالت بدلع:ها صدقت وكملت بضيق:سند خلاص اطلق سراحي بشوف بنتي والله فشله من امس مع عمتي
سند بحب:امي مستانسه حسبالك ماطليت وشفتها اصلا انا استغل كل لحضه تكوني نايمه واروح اشوف بنتنا
وكل مره القى بنتنا تضحك ولاتلعب
كمل بخبث:سنعه بنت ابوها ادور راحته
عهد ابتسمت وقالت بتنهد: خلصت كلامك اقدر اطلع

سند بحب:اي خلصت كلامي بس ماكو طلعه واعد امي ان الولد جاي بالطريق
وو
عهد بطفششش لا لا لا

النهايه

تمت بحمدالله

واتمنى من كل القراااء والاعضااااااء بأن يذكروني بكل خير ويسامحوني اذا كنت تسببت لأي احد بضيق
ويحللوني بيوم الحســـــــاب <<محد يضمن عمره وسبحان من بيده الاروااح

والســـــــلام ختــــام

اختــكم الهـــــــودج