المساعد الشخصي الرقمي

مشاهدة النسخة كاملة : دنيا غريبه ...للكاتبه (نجديه أصيلة)××كامله××

الأميرة دانة
16 - 09 - 2009, 02:27 AM
دنيـــــا غريبــــة
للكاتبة: نجديه اصيله


تعريف للشخصيات :
ابو نواف ابراهيم
ام نواف نوره
نواف:26سنه الاخو الكبير شاب يعتمد عليه اسمر مملوح عيونه سود واسعه له سكسوكه يشتغل بشركه تصميم واعلان.. مبرمج كمبيوتر
عبير: 23 سنه متزوجه من ولد عمها وهي بنت جذابه نعومه هاديه ريما: 17سنه فرفوشه البيت الجلسه مالها طعم من غيرها فارس: 13سنه اخر العنقود واليكم القصه...


الجزء الأول
-----------
نواف: "يلا تامرون على شي بطلع"
ريما: "ما يحتاج تستأذن ندري انك بتطلع انت تجلس بالبيت اصلا"
فارس:" خلو الشاب يتمتع بحياته"
نواف: "مع اني ما اعترفلك بشي بس صح لسانك"
ام نواف: "رح رح ما نبي الا سلامتك"
ريما: "الا نبي نطلع والله ..حنا منحكرين بالبيت وانتم 24 ساعه برى البيت .. من سافر السواق ما شفنا الشارع"
نواف: "اذا استأذنت منك يا آنسة ريما تكلمي . . . عبير ليش مالك حس عاوزه حاقه
عبير: لا تسلم"
ريما: ترانا كلنا بنات وكلنا ابناء آدم وحواء يا أخي اسألني انا
نواف: انت تكفيني اشتراكات النت حقتك المكتبات حفظوني من كثر ما اجيهم اهلا استاذ نواف كم اشتراك تبي
ريما: هه ما قلتلك جب لي اشتراك مفتوح بس انت عييت ذنبك على جنبك
نواف: لا يا شيخة " وهو يقلد صوتها" هه ما قلتلك جب لي اشتراك مفتوح بس انت عييت ذنبك على جنبك ذنبي على جنبي اقلبي وجهك عقاب شهر ما فيه اشتراك
ريما: لا تتهور يا نواف وتحلف تراي ابنتحر
نواف: علشان تعرفين قيمتي وانك بدوني ما تسوين شي
ريما: تصدق عرفت قيمتك هاللحين قيمتك باشتراك نت انت اعتبرت نفسك هالاعتبار صووح
نواف: بالنسبة لك الاشتراك اغلى من ذهب اكتشفوه من العصر الحجري له قيمة كبيرة
ريما: ها ها ها ها ضحكتـ....
فارس: اقول نواف توصلني لحمد
نواف: يؤ يؤ يؤ لحمد؟؟ آسف جدا بيتهم يبي له مشوار شوي واختك الكريمه عطلتني عن اشغالي
ام نواف: خفوا على أخوكم كل واحد من جهة ومعليش ود اخوك لحمد ماراح يكلف عليك
ريما: ههههههه يما بالله ما طفشتي من كثر ما تدافعين عنهم هاللحين انا قايلة ابيك تطلعنا ليش ما قلتي له ود اختك للسوق طفشانة يا عمري
عبير: انت ام لسانين اعوذ بالله وش دراك ان امي مهيب قايلة يمكن تبي تكمل
ريما: تعلميني بمامتي محدش بيعرفهاش زيي
نواف: يالله مع الصلامة
ريما: الى اللغاء
عبير: عافهم ولا تبلانا
فارس: اففففف يما متى يجي ابوي؟؟
ريما: بيجي 9 ونص هو قالي
ام نواف: ما شاء الله عليك انا ما قاالي متى لحق يقولك
عبير: تسألين ريما ام التحقيق
ريما: نؤنؤنؤ كل هذا قهر علشان ابوي اللي قالي اعوذ بالله عواذل
يدق جوال عبير بنغمة "حطني في محجر عيونك"
ريما: هوز ذات؟
عبير: ما يمدحون اللقافة ابدن ابدن
ريما: متى امداك غيرتي نغمته قبل يومين يوم تجيننا كانت " ااااخ ياقلبي "
عبير وهي طالعة : كأنه جوالي مهب جوالك
وردت عبير على سعود زوجها اللي قالها انه مشغول وبيتاخر عليها..
ام نواف: بسم الله وين راح فارس؟
ريما: تلقينه راح لحموود صديقه
ام نواف: الله يهديه يمشي اللي براسه
ريما: من شابه امه فما ظلم
ام نواف: لا والله يعني انا اذا حطيت شي براسي مشى يلا قومي روحي ذاكري بس
ريما: ذاكرت منذ قرن
ام نواف وهي قايمة: ايه بالحيل صميتي الكتب من المذاكرة



الساعه 1:40 الليل عبير في بيت اهلها جالسه امها راحت تنام واخوانها بعد لانه بكره عندهم دوامات..
كانت سرحانه شريط حياتها يمشي قدامها..
وجلست تتذكر كيف تزوجت سعود قد ايش صاحت ذاك اليوم وقد ايش ما كانت تبيه وقد ايش ابوها حاول يقنعها هو ونواف وامها وهي كانت رافضة مبدأ ان الشخص يتزوج القريب تذكرت يوم ملكتها ويوم زواجها كيف كان شكل سعود كئيييب وابتسامته يالله تطلع اعتقدت انه هو حتى مغصوب عليها ويوم دخل عليها وسافروا ورجعوا كانت حاطه هالفكرة براسها بإنه ما يحبها ولا هي تحبه ولا يمكن شي يحببهم ببعض لذلك كانت تتجنب الاحتكاك معه كثير ..
بس هالأفكار طارت من راسها يوم فكرت بحياتها لو تطلقت بما انه ما تبيه ولا يبيها وحاولت تتقرب منه لما اكتشفت مين هو سعود..!!
سعود انسان هادئ قلبه طيب وشكله يعكس ما بداخله .. عيونه تخلي الواحد يعتقد ان هالانسان خالي من المشاعر لكن هو مايعرف شي اسمه مشاعر لأنه هو المشاعر بعينها
قطع تفكيرها صوت الجوال ومكتوب " عطري" ابتسمت
عبير: هلا وغلا .. بدري
سعود: بدري من عمرك.. يله اطلعي وحشتيني..
عبير: ثواني بس
سعود: يلا انتظرك فمان الله
لبست عبايتها وطلعت ركبت السياره..

عبير: السلام عليكم
سعود: وعليكم السلام والرحمة والبركة

وطول الطريق وعبير ساكتة
سعود: عبير اشفيك؟
عبير: سلامتك حبيبي ما فيني الا العافية
سعود: شكل فيه موضوع شاغل بالك وان لم يكن هناك لقافة ممكن تعلميني وشهو؟
عبير: سعود .. امي كلمتني بموضوع الحمل اليوم و .. و
سعود: وايش؟ يا عبير حنا ما امدانا متزوجين سنة ونص والنص الباقي لا تحسبينه .. وأنا ما ابي عيال هاللحين ما ابي نكرر غلط امي وابوي ونجيب وبعدين يصير سوء تفاهم و ..
عبير: طيب ليه انت متشائم كذا تفاءل بالخير تجده
سعود: انا متفائل بس انا ما افكر بالعيال حاليا ورجاء حاولي تشيلين هالفكرة من راسك
عبير: يا سعود هاذي امومة ماهي لعبة مين ما وده يصير اب او ام لا تكذب علي وعلى نفسك وتقول انك ما تبي تكون اب الابوة شي حلوو تخيل يجيك ولد بنت يناديك بابا ويقولك ودني وودني تكفى يا سعود عد نظرك في هالموضوع الموضوع حساس وانا انا .. انا نفسي أبي اكون ام
سعود: يعني..؟!
عبير: انت زوجي وانت اللي تقرر وانا مالي شغل
سعود: عبير حنا كم مرة تناقشنا بهالموضوع؟
عبير: تدري يا سعود على كثر ما تناقشنا على كثر ما اقتنعت لأن وببساطة ما في سبب مقنع
سعود: انا لله وانا اليه راجعون عبير اعقلي يا عبير
عبير: اعقل العقلانية يا سعود بعدم الإنجاب هذا تخلف وليس عقلانية
سعود: انا ساكت ومقدر حالتك انك معصبة فاهدي يكون افضل
عبير: افففف انت ليه اذا حطيت الشي براسك ما تهتم لعواقبه
سعود: لأني متأكد من سلامته وما حطيته في راسي الا ووراه فوائد جما
عبير: عطني فائدة وحدة بس وخلاص ابسكت
سعود: ان ابوه وامه ما يكونون مشتتين
عبير: هاذي عايلتك اللي تشتت بس عايلتي ولله الحمد سليمة 100% ما صار فيها شي فلا تخرب بيوت على حساب بيوت ثانية
سعود: انا ما خربت بيتي وانا اعرف بهالاشياء
عبير: هاللحين انا اعرف وحدة مطلقة معي بالجامعه وكانت قصتها قصة مأساة ما هي قصة هل معنى هذا اني اترك الزواج ولا افكر فيه؟! لا بالعكس تزوجت والحمدلله حياتنا ماشية بس ناقصنا شي واحد وهو ...
سعود: خلصتي؟؟؟!!!!
عبير: يا برد اعصابك انت
سعود: حبيبتي شي حطيته ببالي لا تفكرين تغيرينه الا اذا كنت انا منيب مقتنع فيه


عبير متزوجه ولد عمها سعود انسان عصبي بس حنون بالمواقف الصعبه.. الحياه قست قلبه زي مايقولون هو وحيد امه وابوه عاش صغير متشتت لان امه وابوه انفصلوا فكان مره هنا ومره هناك وهذا حال الطفل الضحيه اللي يعيش حياته ويحس نفسه نتيجه غلطه هو ماله أي ذنب فيها وهالشى اكيد كان له رده فعل بحياه سعود..
ابوسعود (صالح) تزوج بعد ام سعود لكن ربي مارزقه بعيال وهذا السبب اللي خلاه ينفصل عن زوجته الثانيه لان كل واحد منهم فضل انه يشوف حياته بعيد عن الثاني يعني ربي ماكتب هالشى يمكن كان خيره من رب العالمين
اما ام سعود تزوجت رجل دبلوماسي يشتغل بالسفاره وعاشت معه متنقله بين الدول عندها بنتين يعني يصيرون خوات سعود نادرا ماتجي السعوديه وسعود مايحرص انه يسال عنها إلا بالمناسبات وان كانت هي ما تقصر دايم تتصل وتسال واذا جت السعوديه تروح تزوره حتى يوم زواجه ما فكر يعزمها لكن تحت اصرار عمه وضغط ابوه دق عليها وبشرها والمسكينه الدنيا ماكانت سايعتها من الفرحه
لكن ماقدرت تجي عشان ظروف شغل زوجها...


عبد الرحمن: اخو ابو نواف وعياله هم: مشاري: 24 سنه شاب مستهتر اتكالي ماله هدف من الحياه مها: عمرها 19 وهي بنت متناقضة احيانا مثقفه واحيانا فارغة ليس لها هدف.. وسارة: 16 سنه وهي دائما مع ريماا بنت عمها
سارة: مهاااااااااااااااااااااااااااااااا .. مهااااااوي
مها: نعم وشتبين خير
سارة: مالت عليك الشرهه مهب عليك الشرهة علي انا الغبية اللي اناديك جاء المسلسل
مها: في شي اسمه تعالي عندي وقولي لي بهدوء تنادين مو كذا
سارة: آسفة يا ام الفلسفة..
مها: ســـــــــــــاره
سارة: انطقي بس تفرجي بروح اكلم
مها: ترى ريما تقول ارحموووني من سارة 24 ساعة تكلمني
سارة: اففف عالأقل ماهي رافعة خشمها زيك
مها: لان عقليتها عقلية طفلة اما انا اعتبر من قافلة الناضجين
سارة: ايه ايه طيب ان شاء الله مشكورة عالمعلومة الجميلة
مها: العفوو ولا تغيثني ابتفرج على راحتي
سارة: عزيزتي مها التلفزيون مضر على عيون الإنسان عندما يضع جل تركيزه عليه فلا سمح الله يسبب تشوهات للعين وللعمى لا سمح الله
مها: لو سمحتي روحي

راحت سارة تكلم ريما بنت عمها اللي ماتستغني عنها ابدا اتصالاتهم ببعض شبه يوميه..





خالد: الوووووو
ريهام: يا هلا بك أخوي
خالد: هلا اختي أي خدمة
ريهام: لو سمحت اخوي انت حاط اعلان بالجريده عن أي شخص يبي قصيده لزفه اوتخرج يدق على هالرقم
خالد: بالضبط
ريهام: ايه اخوي انا ابي قصيده حلوووه لزواج اختي
خالد: في أي شي معين براسك
ريهام: لا مافي بس ما ادري عن ذوقك
خالد: هههه لا ذوقي مهنا مشكلة المشكلة السعر اللي تبينه
ريهام: شوف انا ابيك تقولي الكلام اواللي راح تكتبه بشكل عادي اذا عجبني انظمه على شكل قصيده
خالد: ليه يااختي انتي داقه على شاعر ولا على حكواتي
ريهام: ............!!!!!
خالد: تبين شي معين
ريهام: لا بس كم السعر ؟؟
خالد: اللي تبينه
ريهام: يعني احدد انا
خالد: ايه حددي
ريهام: ليه انت مو هذا مصدر دخلك يعني تحدد انت المفروض
خالد: شوفي اختي اذا كنتي تبين القصيده باسماء معينه يعني ادخل اسم العروسه في القصيده هنا السعر راح يكون اكثر
ريهام: خلاص نقول من غير اسماء ب400 ريال
خالد: شدعوة عاد هذا ما يجي بتعبي
ريهام: حيرتنا معاك اقولك حدد تقول انتي حددي ويوم حددت تقول ما تسوى وش تبيني اسوي لك يعني
خالد: شوفي راح اسويلك زفه حلووووه ومرتبه واخلي الكل يسال من سواها لكم بس بـ1000 ريال
ريهام: اااللــــه وش هالثقه؟؟
خالد: يلا قررري وردي لي في زباين غيرك يدقون ومحصلين الخط مشغول
ريهام: اوكي بكره اردلك
خالد: اوكى مع السلامه
ريهام: مع السلامه
صكرت ريهام وهي مرتفع ضغطها منه
"مسكين مصدق عمره يحسب نفسه خالد الفيصل"

لكن خالد العكس صكر وهو يضحك على غباء البنت وثقالة دمها ويدق جواله وكان خاله ابو نواف
ابو نواف: السلام عليكم
خالد: يا هلا وغلا بخالي الغالي
ابو نواف: هلا فيك وانا ابوك وشخبارك؟
خالد: تمام كيف احوالكم انتم؟
ابو نواف: بخير وصحة وسلامه .. وينك وانا ابوك لا تزور وتقول اشوف خوالي يبون شي ما شيات
خالد: مشغول هالأيام عندي كم شغلة وان شاء الله اذا خلصتها وانا عندكم
ابو نواف: ايه خلاص غداك بكرى عندنا
خالد: لا والله يا خالي لا تحرجني مشغوووووول من راسي لكرياسي
ابو نواف: لا حوووول اللحين انت منتب مدير شركة ولا انت وراك شي ليش ما تجي تمرني
خالد: هاهاههههههه إن شاء الله اعجبك ياخال بس خليني اتخرج
ابو نواف: الله يوفقك ياولدي بس لو انك ساكن عندنا لما تخلص دراستك كان احسن لك ولنا
خالد: يا خالي عبير كبرت وقلنا اصغر منها وتوني ما كبرت بلعناها بس ريما ماشاء الله صارت حرمة يعتمد عليها صعبة اجلس عندكم
ابو نواف: خلاص اجل لا تنسانا وترى خوالك يسألون عنك اتصل عليهم
خالد: على هالخشم تامر بشي ثاني
ابو نواف: سلامتك مع السلامة
خالد: مع السلامة

خالد: عمره 22 امه وابوه متوفين ويصير ولد اخت ابو نواف عاش عند خاله ابو نواف وقبل سنتين انتقل لشقة مفروشة خالد يملك موهبه الشعر واستغل هالموهبه بشكل حلو..




وبكره الصبـــــــــح


ريما وهي جالسة بالفصل وعليهم مطالعة ارسلت لخلود ورقة واللي شكلها طفشانة
ريما " وش فيك كانه احد صافقك على وجهك"
خلود "سلامتك بس مليت من الحصة"
ريما " كلنا في الهوا سوا"
خلود " خلاص الاستاذة انتبهت واللحين بيجي دوري مالي خلق "
ريما" لا من جد بك شي خلود اللي ما تنزل يدها مالها خلق"

ولا ردت عليها خلود

وبعد الحصة بالفسحة

ريما: خلود حبيبتي مسخنة فيك شي
خلود: لا بس........ بس ابوي امس تعب ووديناه المستشفى
ريما وهي تناظر خلود : ايييييييش تعب ولا تقولين لي ولا شي
خلود: لا ان شاء الله بسيطة ويطلع لنا بالسلامة
ريما وهي تناظر عيون صديقتها الحزينة: آآآآآآمين
مي: السلاموو عليكوو يا بنات يا أمورات انتو ]-[ مي صديقتهم ابوها سعودي كان عايش بالكويت وامها كويتيه رجعوا للسعودية وسكنوا هنا علشان كذا لهجتها كويتية ]-[
ريما: وعليكوو السلاموو ورحمتهوو وبركاتوو يا معفنة انتي فينك من زمان ما فناكيش
مي: مالت عليج ما عندج سالفة عبالي بتمدحيني بس طلعتي موول مو قدها
ريما: موول ولا سووق هاهاهاههههههها
مي: ترا عندنا نتريق ونتطنز على كلامكم انتم عبالكم انتم بس لا بالعكس حنا غشمرتنا احسن عنك
ريما: ههههههههههه عادي اتنطزوا وانتطنز
مي: وش فيها القمر زعلانة
ريما: منيب زعلانة
مي: انتي شدخلج انت قمر ويا ويهج جنه كفر منسم
ريما: ههههههههههههههههه حلووووة وربي حلووووة متى اروح البيت علشان اقولها لاخوي هههههههههههه كهكهكهكههههههههههههه كح كح
مي: صج انج مطفوقة ما غلطوا يوم سموج جذي
ريما: خخخخخخ كلهم مقهورين مني
مي: يا ساتر الرياض بكبرها بيتج ومدرستج واقاربج وما في حد منهم احلى منج ما اتوقع ان عايلتكم كلها شيف شراتج 
ريما: مي اقلبي ويهج ووريني عرض اكتافج
مي: هههههههههاااي خلود شفيج حبيبتي
خلود: ما فينيش حاقة
مي: وانا اقوول انت من وين اثاريج مصريه
خلود: ههههههههههههه
ريما: هخخخخهههههههه مصرية من الجهتين دافورة & لهجتها
خلود: ههههههههههههههههااااي

تررررررررررن ترررررررررن

مي: ويعه ليش ما يطولون الفسحة اكثر
ريما: اقترحي عليهم سيدة مي
مي: هيعيهيعيهيعي عتيجة وايد
ريما: انت وضحكتك كأنه فيل اول مرة يضحك
مي: ها ها ها ما تعرفين تشبهين شراتي

مريم <<< الأستاذة

مريم: يلا بنات كل وحدة على فصلها

ريما: اففف جت مرة ابو سندريلا
خلود: ههههههههه ودك تسمعك
مي: اففف اصلا اذا سمعت مهي مستبعدة على نفسها هالشي
ريما: على قولتك




حمد: فارس اليوم سلمان بنلقاه في الأرض الفاضية اللي ورا المدرسة خلاص
فارس: سلمان!! وش يبي هالكريه
حمد: ههههههههههه كريه لو يسمعك كان ارتكب بك جريمه . . . بس والله انه حبوب بس عنده اشياء يا ولد تخليك تتقطع من الوناسة
فارس: مثل..!!
حمد: يكفي ان عنده شقة
فارس: هذا اللي قاهرني وش حيثه عننا عنده
حمد: لا تنقهر ولا شي خل نروح شقته ونتمتع حنا
فارس: خلاص
حمد: وانتبه لا تقول شي قدامه ترا بعدين يتركنا
فارس ومن غير نفس: ان شاء الله

وبعد الدوام

]-[ سلمان . شاب مستهتر وسمعته موحلوه.. مصاحب شلّة فاسدة .. عمره 18.. بالثانوية ]-[
سلمان: يا هلا يا هلا ومرحبا بالطش والرش والحلا اللي مابه غش
حمد: يا هلا بك سلووم
سلمان: وشخباركم؟
حمد: الحمدلله تمام
سلمان: وش فيك فارس اطرم صاير
فارس: لا ما فيني شي
سلمان: ايه طيب وش رايكم نروح للسوق
فارس: لا انا ما اقدربروح بروح البيت
سلمان: ههههههه البيت وليش انت بنت تبي تروح البيت تجلس تطبخ ولا تنظف هههههههههه
حمد: هههههههههههههههههه اتخيل شكلك وانت تنظف يحليلك
سلمان: ولا يطبخ احلى واحلى هههههههههههههههههه
فارس: لا خلاص منيب رايح
سلمان: ايوه خلك كذا رجال
حمد: وين تبي تودينا؟؟!!!!
سلمان: تبون نروح لشقتي
حمد.............
فارس: لا لا نروح السوق احسن
سلمان: مو الشقة ازين ناخذ راحتنا احسن من السوق
فارس: لا انا اعتقد ان السوق ازين واريح
سلمان وبنفسه " والله انك منتب هين يا فارس شكلك فاهم الدنيا ومنتب نافعني بشي بس انا وراك وراك يا فارس وقل سلمان ما قال"

سلمان: السوق السوق يلا
حمد: يلا
فارس وبنظرات غريبة: يلا



نواف يمر ريما بالمدرسة
ريما: السلام عليكم نوّوف
نواف: وعليكم السلام والرحمة
ريما: نواف ابقترح اقتراح واتمنى انه ينفذ
نواف: ما يبي لها ذكاء ما فيه ما فيه ما فيه
ريما: وليش
نواف: هااللحين نبي نروح البيت وفيه غدا
ريما: ان شاء الله

ريما: منتب مار فارس
نواف: اليوم الثلاثاء يا ذكية ما يجي معي
ريما: اهاا . . . ابفهم ليه ما يخلونه يطلع مثل باقي الأيام ليه يطلع بدري هذا اولا وثانيا ليه ما ينتظرك لما تروح له ولا ما يقدر يجلس عند الشمس حضرة جنابه
نواف: لااا خلاص بكرى ابمرك الساعة 2 ونص وعادي اجلسي تحت الشمس
ريما: اففففف انت ليش دايما تحطمني كذا كل ما جيت اتفلسف
نواف: whaaat whaaat you say?
ريما: انتم ليه تحطموني كل ما جيت اتفلسف
نواف: حنا نحطم ريما لالالالالالالا ماهي معقولة كبيرة في حقك هاللحين حنا اللي نفشلك ونحطمك اجل انت وشو؟
ريما: من عاشر قوم 40 يوم صار منهم وانا ما جبت هالعادة من بعيد
نواف: الله يهديهم صديقاتك دمورك
ريما: هييييي انت وش فيك علي اليوم طفشان شكلك ولا محلم فيني امس بالليل
نواف: امممم لا لا انا من زمان ما حلمت بأفلام مرعبة
نواف: انزلي يا آنستي الغالية ريما لبيتي المتواضع
ريما وهي نازله: يسلموو عالتوصيلة
نواف: اهلين وسهلين

دخلوا البيت وكل واحد طلع يغير ملابسه ونزلوا تحت يتغدون

ريما: بسم الله توكلت على الله
نواف: خخخخخ وين ناوية على سفرة
ريما: هههههههههههههههههههههه
ابو نواف: الله يعطيكم نعمة العقل
ريما: افاا يالوالد ما هقيتها منك اللحين انا ريما بنتك ناقصة عقل خلاص بطلت كانت مخططاتي اكون الاولى عالمدرسة بس لما كشفتني بحقيقتي بأني ناقصة عقل لا والف لالالالالا
نواف: ههههههههووووو لا هين الأولى ما في امل يمكن الثانية او الثالثة لأن الأولى وبدون مقابل خلود
ريما: يوووو صح نسيت اقولكم ابو خلود بالمستشفى
ام نواف: مستشفى!!
ابو نواف: وش فيه؟!
ريما: ما ادري بس تقول بسيطة
ابو نواف: الله يشفيه ويشفي جميع مرضى المسلمين
ام نواف: وين فارس؟
ريما: اوووبس ما رجع الى الآن
نواف: انا يوم الثلاثاء منيب متكلف فيه
ابو نواف: هو ما يطلع بدري اليوم
ام نواف: الا
ريما وبفمها اكل: تلقينه مع حمد يفرفرون بالشوارع
ابو نواف: هذا وانا قايلة من البيت الى المدرسة هالولد صغير وش بيفهمة بين الغلط والصح
نواف: اللحين بيدخل عليكم ما شاء الله مافيه إلا العافيه
ام نواف: لا لا انا قلبي مو مرتاح ولدي فيه شي اللحين الساعه2 وهو يطلع اليوم الساعه12 وينه كل هالوقت؟؟!!
ريما: يما لا تفاولين عليه
ابو نواف: نص ساعة واذا ما جاء اروح ادور عليه
ريما: يا الله وش فيكم امسكوا اعصابكم
نواف: ايه يمدحون عصير الليمون
ريما وهي تصب عصير البرتقال: بس للأسف ما فيه عصير ليمون جاهز
نواف: عجااااازة طيب نادي الخدامة
ريما: منيب مناديتها
نواف: ريما تراك ترفعين لي ضغطي
ريما: وبكل فخر
ابو نواف: بـــــس
ام نواف: اخوكم وينه رح دوره يا نواف
نواف: ان شاء الله خمس دقايق اخلص آكل واروح

ينفتح الباب ويدخل فارس

فارس يأشر بيده: السلام عليكم
الكل: وعليكم السلام
ريما: كلوووولووولوولوولوولووش الحمدلله عالسلامة فارسنا المجيد
فارس يناظرها باحتقار: انت وشتبين؟
ريما: بسم الله علي
ام نواف: وين كنت؟
نواف: تلقينا يسوسع هو وحمد
فارس: اففف عن اذنكم بروح انام
ام نواف: ما تبي غدا
فارس: لا شبعان

ريما تناظر ابوها ومستغربة انه ما تكلم ما كأنه هو اللي تو معصب وواصل حده
نواف: شف ترا كل ثلاثاء اجي البيت الاقيك سامع
نواف: فاااااااارس
فارس راح وطنشهم
ام نواف: وراك ما تكلمت و هزأته
ابو نواف: المره هاذي بمشيها له لكن اذا كررها لي تصرف ثاني معه..
ريما: يبا شدعووووة عاد تأخر شوي تبي تسويها جريمه
ابو نواف: ريما انت صغيرة على هالأشياء وما تفهمينها فلا تدخلين نفسك بشي ما يخصك
ريما: يجي منك اكثر مشكوووور
نواف: يبا الولد في مرحله حرجه لازم نراقبه
ريما وهي قايمة: عن إذنكم صراحة انا ما يهمني شي بالعايلة لأني وببساطة صغيرة عالمنصب
ام نواف: فكرة نواف زينة
نواف: يبا انت معصب اللحين اهدا وان شاء الله تغير رايك
ابو نواف وهو قايم : خلاص نتناقش بهالموضوع بعدين بروح ارتاح
نواف: وانا بعد بروح انام




نامت ريما وقامت صلت العصر قررت انها تدخل النت فتحت المنتدى اللى مشاركه فيه جلست تقرا المواضيع الجديده وترد عالاعضاء لقت رساله خاصه واصلتها عن طريق المنتدى فتحتها وكانت من (دموع الغروب) وهي احد الاعضاء في المنتدى


((السلام عليكم اختي المرعبه

شحالج يالغالية؟

اشحال الدراسه معاج ؟؟ إن شاء الله كل شى تمام
انا حابه اتعرف عليج اكثر

لانه بصراحه جذبني اسلوبج وروحج المرحة واتمنى اني اكون ربيعتج
انتظر ردج..
اختج دموع الغروب))

تقطعت ريما من الوناسه وقالت يالله صار لي معجبين وانا ماادري وين اهلي يشوفون الناس وش يقولون عني
ردت عالبنت برساله وكتبت فيها

(( اهلين اختي دموع الغروب..

يسعدني التعرف عليك..

واعطيني ايميلك اضيفه عندي

أختك: المرعـــ ـــــبة << أحس ان الايقونة ما تناسب اسمي ))
ومن حسن حظ ريما ان البنت كانت داخله المنتدى وقرت رد ريما على رسالتها وفرحت بترحيبها وعلى طول ارسلت ايميلها لريما شافت ريما الرساله واخذت الايميل واضافته عندها والبنت على طول قبلت الاضافه وكان النيك نيم حقها مثل اسمها بالمنتدى
دموع الغروب.. مرحبا
المرعبه.. اهلين وسهلين
دموع الغروب.. شحالج؟
المرعبه.. تمام الحمد لله
دموع الغروب.. انتي من السعوديه من أي مدينه؟
المرعبه.. من الرياض وانتي من وين؟
دموع الغروب.. من الامارات ومن دبي بالتحديد
المرعبه.. الله يحيي اهل الامارات
دموع الغروب.. راح اعرفج على نفسى اكثر انا عمري 19 وادرس في جامعه زايد قسم رياض اطفال وانتي؟

استناست ريما انها لقت احد تسولف معاه اخذتها السوالف .. دخل عليها نواف..

نواف: السلام عليكم
ريما: وعليكم
نواف: سارة عالتلفون تبيك
ريما: يووه قلها مشغولة بعد شوي تكلم عليك
نواف: الله والشغل
ريما: اييييييييييه علي بالك أنت بس المهم
نواف: بدري عليك حبيبتي..
ريما وهي تناظر الكمبيوتر: ههههه خلاص اكلمها بعدين..



نواف : اححح
سارة وحست انه في احد رفع السماعه: هلا وغلا بالدب القطبي الحلوو شخبارك وشلونك وشخبار اهلك وشخبار نواف الدب بغيت اسلم عليه تو بس ما عطاني وجه خليه يرد علي مرة ثانية وانا اوريك فيه
نواف: ههههههههههههههه اعصابك لا تاكلين التلفون
سارة: نوااااااااف !! من وين طلعت لي انت
نواف: من سابع ارض من وين يعني
سارة: وين ريما؟
نواف: تقول قلها انا مشغولة ومتى ما فضيت كلمتها
سارة: اففففف وش اسوي اللحين انا
نواف: روحي حلي واجباتك
سارة: وعععععع جب لي شي سيرته زينة
نواف:هيه انت عيب تكلمين رجال اللحين تتعودين
سارة: وش قالوا لك؟ انا اعرف مصلحة نفسي
نواف: يا بقرة
سارة: الثور انت والبقرة اختك
نواف: اف اف اف ترى يقولون عني فتان
سارة: اقلب وجهك مع السلامة
نواف: مع السلامة

جلس يضحك نواف على خبال بنت عمه ويمر فارس

فارس: السلام
نواف: وعليكم

مشى نواف ولا عطا فارس وجه





مشاري: طيب طيب وش دخلني انا
منصور: يا اخي اذتني كل دقيقة داقة عطني مشاري وش اسوي بها
مشاري: طنشها
منصور: اقولك كل دقيقة يقول طنشها راسي صدع من صوت النغمة
مشاري: حطه عالسايلنت
منصور: علشان خاطر حضرتك
عبدالعزيز: وشبلاكم انتم؟

يدق جوال مشاري ويروح يرد

مشاري: هلا وغلا بأحلى صوت فهالدنيا
ابتسام: مشاري
مشاري: عمره حياته قلبه
ابتسام: مشاري ابي الصور
مشاري: أي صور؟
ابتسام: مشاري لا تستهبل ولا تستعبط
مشاري: من جد وش تقصدين أي صور
ابتسام: صوري اللي عطيتك اياها قبل 7 شهور وينهي؟
مشاري: يا بعد قلبي آآآآآسف
ابتسام: وش اللي آسف انا ابيها
مشاري: يا حياتي انا من بعد شهر من اخذتها منك خفت احد يشوفها وحرقتها
ابتسام: مشاري لا تكذب علي
مشاري: مع اني توقعتك تصدقيني بدون حلف بس بحلفلك
ابتسام: انا ما كذبتك بس وش اللي يثبت لي
مشاري: حبي لك اخلاصي
ابتسام: هه حبك واخلاصك
مشاري: ايه حبي واخلاصي
ابتسام: .. حبك واخلاصك انك تقعد شهر ما تكلمني ويوم سألتك عن السبب ببساطة جاي تقول لي معليش حبيبتي جوالي ضاع ورقمك ما حفظته .. ولا حبك واخلاصك انك تكلمني مرة باليومين دقيقة وحدة تسأل عن اخباري وتصكر .. حبك واخلاصك انك ما ترد على رسايلي ولا على اتصالاتي .. ولا الحب والاخلاص يكون بعد د المرات اللي ادق عليك فيها والاقيه ويتينق أي حب واخلاص اللي تتكلم عنه
مشاري وهو يتنهد: حبيبتي الحب ما يكون بعدد المكالمات ولا الرسايل اللي اعطيك اياها الحب يكون بالقلب محد يطلع عليه الا انا وانت الا اذا كنت تبي تكذبيني فهذا شي خاص بك
ابتسام: ودي بس ما اقدر
مشاري: تأكدي انك مهما قلتي أحبك
ابتسام: و ... و ... وأنا بعد
مشاري وهو ياخذ نفس: ريحتيني يا قمرهم كلهم كان قلبي بيطيح بين رجولي بس الحمدلله احساسي واحساسك متبادلين
ابتسام: اتمنى
مشاري: بسوومة حبيبتي اذا بتنرفزيني كذا اعذريني بصكر
ابتسام: تبيها من الله
مشاري: لا حوووول عمري ما في احد يمل من نفسه الا اذا جلس يفكر بافكار غبية
ابتسام: يعني انا غبية
مشاري وبنفسه " غبية درجة اولى" : لا يا حياتي يخسى اللي يقول عنك غبية..
ابتسام: مشاري
مشاري: هلا
ابتسام: انت ............... ولا شي
مشاري: صدقيني ما اعرف احد غيرك صدقيني
ابتسام: ومن قالك اني بسأل هالسؤال!!
مشاري: احس فيك اعرفك واعرف طبعك اكثر من نفسي
ابتسام وهي تتنهد: تدري ارتحت هاللحين
مشاري: وانا اكثر دامك ما تشكين فيني
ابتسام: يلا حبيبي اختي تناديني نبي نروح السوق
مشاري: تغطي زين حياتي ما ابي احد يشوفك غيري
ابتسام: اصلا انا محترمة وما عندي هالحركات
مشاري " امحق محترمة" : ايه يلا اجل ما أأخرك روحي وتذكريني
ابتسام: وانا اقدر انساك يلا مع السلامة
مشاري: مع السلامة

يرجع مشاري عند الشباب
مشاري: مرحبا مرحبا مرحبا
منصور: هه شف مكالمات 3 مكالمات لم يرد عليها يا رجال ارحمني
مشاري: اففففو اذا دقت عطني اياها
منصور: تفضل
مشاري: هات

مشاري: هلا
منى: مشاااري
مشاري: نعم
منى: وينك
مشاري: هنا حبيبتي
منى: طيب ليه جوالك مقفل له اكثر من شهر
مشاري: قفلت جوالي وضاع ومدري وينه
منى: طيب ليه ما طلعت بدل فاقد
مشاري: لقيت رقم احسن منه وقلت اباخذه
منى: طيب ليه ما اخذت رقمي
مشاري: ما حفظته
منى: صديقك اللي كسرت جواله من كثر المكالمات ما قالك
مشاري: كان بيننا سوء تفاهم واللحين تصالحنا
منى: ماهي مشكلة اهم شي سمعت صوتك
مشاري: وانا بعد بس بطلب منك طلب حبيبتي
منى: آمر
مشاري: ما ابيك تدقين على أي ذكر على وجه الأرض الا محارمك
منى: وانت
مشاري: ما يبيلها هاذي
منى: اشوى على بالي بعد انك ما تبيني
مشاري: ما عاش من ما يبيك
منى: اوكي عطني رقم جوالك الجديد علشان اذا دق اعرفه وارد مو اجحدك واحسبه رقم غريب مو انت ما تبيني ادق ولا ارد على ارقام غريبة
مشاري: خلاص اللحين انا ادق عليك من جوالي
منى: اللحين اللحين
مشاري: ايه ايه ولا عاد تتصلين على هالجوال
منى: من عيوني يلا انتظرك
مشاري: يلا مع السلامة
منى: فمان الله

مشاري وهو يرمي الجوال على منصور: خذ
منصور: تسلم حبيب ألبي فكيتني
مشاري: اذا دقت عطني خبر
عبدالعزيز: اللحين صدق تبي تدق عليها من جوالك
مشاري: لا اللحين بروح استراحة وانسى الموضوع ويطيح جوالي بالمسبح واجلس 5 ايام انتظره يتصلح وما يتصلح بعدين احتار وش اشتري جوال ودي بشي جديد ويمر شهر وانا ادور..
طلال وهو داخل:ههههههههههههههههههههه حلوة
عبدالعزيز: هههههههههه مشاري التصريفات اللي بالجوال جاهزة
منصور: والله بهالمواقف اللسان ينطق من غير شعور
عبد العزيز: وانت الصادق
مشاري: صراحه مدري كيف البنات يثقون فينا مع إن حنا مو قد الثقه
منصور: احلى شى انك تلعب عليهم بالراحه وهم يصدقون
مشاري: شف انا بقولك قاعده: البنت مثل الكوره صوبها عالجدار ترجع لك وحسب قوه الشوته ترجع لك..
الكل:ههههههههههههههههههههههههههههههههههههههه
طلال: هاهاهاهاهاهاى الله يقطع سواليفك يامشاري
عبدالعزيز: ياشباب القطو مع خناقه هاذي نصيحه ثانيه مني
الكل: هههههههههههههههههههه
منصور: يااخي البنات ذولي ادلخ ماخلق ربي مره اقول لوحده بنزل عند اهلي تقولي انتبه لنفسك وين على بالها بخوض حرب...
مشاري: اقول بس ماعليك منهم وش صار عالافلام اللي بالي بالك مو خويك قال بيجيبها هو جاء من السفر؟
منصور: والله مدري عنه من ذيك الايام يوم قال انه بيسافر وانا مدري عنه عموما بدق عليه بكره وبشوف


(( والله صدق طلال الرشيد الله يرحمه يوم قال فيهم..

حكوا فيها .. خذوا في طاري الحلوه وجابوا
مسيكينه .. بسيرتها تنابوا واظن الصدق لشفاهم ابد ماهو قريب..
بشر .. يامصعب رضاهم .. وانا ماني حسيب
الله يستر خوافيها .. اللى حكوا فيها.. ))
الأميرة دانة
16 - 09 - 2009, 02:30 AM
الجزء الثاني
--------
يوم الاثنين الصباح..
ريما جالسة بالفصل وبالها مشغول على خلود اللي ما جت اليوم وتنتظر متى تخلص الحصة وتطلع..



الساعه1 الظهر ..
نواف: ملل
فيصل: قل قسم
نواف: قسم بالله
فيصل: الغاية من هالتذمر عدم اكمال الشغل
نواف وهو يبتسم: والله انك خبل وصدق المثل اللي قال " كل يرى الناس بعين طبعه"
فيصل: هالمثل غبي واللي قاله قبل شوي اغبى واغبى
نواف: يجي منك اكثر فصوول
فيصل: خلاص نواف ما بقى الا نص ساعة ونطلع
نواف: مهيب مشكلة نشتغل هالنص ساعة

يدق تلفون نواف وكان ولد عمته خالد
نواف: يا هلا ومرحبا
خالد: هلا بنواف اللي ما يدق ويتذكر ان عنده ولد عمة
نواف: لا لا خالد متصل مو معقول تصدق يارجال يوم تدق كنت بعيد عن الجوال بس شفت العاب ناريه تطلع منه قلت وش القصه لا يكون العيد جاء ومحد قال
خالد: هههههه والللللله انك منسم
نواف: بعض ماعندكم
نواف: لا زين زين المهم وش عندك
خالد: ابيك بموضوع ابتقابل معك بمكان
نواف: شي مهم
خالد: يعني يبيله جلسه فيس تو فيس
نواف: خلاص تعال البيت
خالد: لا صعبة ابشوف خالي .. وبعدها بيذلني انت ما تجي بيتنا إلا علشان نواف
نواف: اممممم خلاص وين نتقابل؟
خالد: أي كوفي شوب
نواف: خلاص ان شاء الله اشوفك بصدى التحليه عالساعة 8
خالد: وهو كذلك مع السلامة
نواف: مع السلامة

صكر نواف وهو مستغرب لان خالد من زمان مادق عليه..
نواف: خالد ولد عمتي البرنسيس داق على غريبه والله
فيصل: طيب وش فيها؟
نواف: في إن بالموضوع
فيصل: تعوذ من ابليس ويلا قم ما بقى شي عالوقت وينتهي

مر نواف ريما وفارس ورجعوا

ريما + فارس + نواف: السلام عليكم
ريما: تراني ما ابي غدا عن اذنكم
ابو نواف وهو يقرأ الجريدة ناظر ريما من فوق النظارة: لاتكونين زعلانة بعد امس
ريما التفتت على ابوها وراحت تحب راسه: لا يالغالي بس طفشانة اليوم الحصص مملة ومالي خلق ومنيب مشتهية..

طلعت ريما فوق وراحت على طوووول عالتلفون كسرت تلفون بيت خلود لكن محد يرد وبالأخير قررت تروح تاخذ رقم جوال ام خلود من امها عارفة انها بتواجه تحقيق لا نهائي بس قالت معليه
ريما: السلام عليكم يما
ام نواف: هلا وعليكم السلام
نواف: وش يعني السلام مقترن بيما بس
ابو نواف: لا هي قالت السلام بعدين نادت امها
نواف: وتقولين لأمي ليش تدافعين عن العيال انت عندك محامي ما في مثله
ريما: يما ابي رقم ام خلود
ام نواف: ام خلود؟! ام خلود مين؟
ريما: ااا صديقتي
ام نواف: ايه شوفيه بنوتتي اللي فوق التسريحة خوذيه
نواف: وش تبين فيه؟
ريما: ابكلم خلود وش ابي فيه يعني
نواف: ما شفتيها اليوم بالمدرسة
ريما وهي رايحة: الا

دقت على جوال امها لكن محد يرد جلست تدق لما رد صوت ثقيييييل
ريما: الوو
خلود: هلا ريما
ريما: خلوووود سلامات
خلود: الله يسلمك
ريما: وش فيك غايبة
خلود: ...............
ريما: خلود وش فيك ليش ما قلتي لي انك بتغيبين
خلود: ريما تعبانة شوي
ريما: تسكتيني!!!!!...
خلود والعبرة خانقتها: ريما ابووي تعباااااااااااااان
ريما اخذت نفس: هذا اللي كنت خايفة منه .. وش فيه؟؟
خلود: ما ادري تدرين انا ما اعرف الا انه دخل العناية والله يعين
ريما: يا بعد عمري بأي مستشفى؟!
خلود: بمستشفى الملك خالد يلا ابترك اللحين اذا تحسنت صحه الوالد اتصلت
ريما: خلاص سلميلي على اهلك واحتسبوا واصبروا ترى الصبر زين
خلود: يوصل مع السلامة

انسدحت ريما عالسرير وهي تفكر بخلود الله يعينها




وكالعادة في بيت ابو مشاري الصراعات والأصوات طالعة لأن البنتين اطباعهم مختلفة كل وحدة لها شخصية مستقلة..
مها: يا سارة اطلعي برا ابذاكر كلمتين على بعضها
سارة: ابفهم انت كيف راسك يستوعب منهج و كتب؟
مها: قولي ماشاء الله لا تحسديني
سارة: تف تف تف تف ماشاء الله لا اله الا الله الله اكبر ولله الحمد
مها: وش تتحمدين عليه يا خبلة
سارة: افففف ولا شي . . . حبيبتي مها محد ياخذ غلاها
مها: وش تبين؟
سارة: امشي نقول لأمي تطلعنا
مها: آسفة بكرى عندي امتحان فرجاءاًً رجاءاً اطلعي ابذاكر
سارة: افففف وين اروح
مها: كلمي ريما حبيبة قلبك
سارة: ابفهم انت ليش تكرهينها؟
مها: ما اكرهها
سارة: انت قاصدة تغثيني علشان اطلع منيب طالعة وعلى الفكرة ترى اسحاق نيوتن كان فاشل بالدراسة مع هذا هو اللي اكتشف ظاهرة الجاذبية الأرضية هذا انا فاشلة بالدراسة مثل ما تقولين بس اخلي في ذاكرتي الأشياء اللي تنفعني وعلى فكرة ترى ريما دافورة
مها: يا ماما الدفارة مو بالترتيب ولا التقدير بالنسبة يا حلوة يعني تحت نسبة 95% ما يسمى دافورة مع ان اللقب هذا ما يعجبني و منيب مقتنعة فيه
سارة: اففف تدرين انك مملة بس اللي كنت ابيه منك انك تونسيني لكن " قد احييت ان ناديت حيا لكن لا حياة لمن تنادي"

وطلعت سارة وصفقت بالباب واخذت التلفون واتصلت على العنود صديقتها




عبير وسعود في السياره متجهين لبيت اهل عبير..

عبير: تجيبني ولا اخلي السواق يويو يو صح السواق سافر نسيت
سعود: لا لا انا اجيك بس بجي متأخر يعني عالساعة 2- 3
عبير: أيه مهيب مشكله اصلا ريما ماتنام الا بعد الفجر
سعود: ريما يا حليلها من زمان عنها الملسونة
عبير: ايه هي وبنت عمي عبدالرحمن سارة اذا اجتمعوا لا اله الا الله جنانوة الإنس
سعود: ترى يوم الجمعه حطي في بالك ما تواعدين احد بنروح عند ابوي من العصر
عبير: ان شاء الله
سعود: عبير حبيبتي ابوي طلب مني طلب
عبير وهي تناظر سعود: وانا لي طرف بالسالفة
سعود: هو الموضوع متعلق بنا كلنا
عبير: وشو؟
سعود: ابوي يبينا نروح نسكن عنده
عبير: وانا مانعت ولا قلت لا؟؟
سعود: بس احس ان المرأة تفضل تسكن ببيت منفصل
عبير: صحيح بس هذا عمي مهب غريب
سعود: ويعني
عبير: يعني خلاص نروح نسكن عنده اذا كان يبينا نسكن عنده حنا ما نقول لا
سعود: يا بعد قلبي يلا وصلنا
عبير وهي تفتح باب السيارة: خلاص اذا قدرت تجي تعال
سعود: ان شاء الله



المغرب سلمان وعمر بالشقه يتناقشون ويخططون..
سلمان: سم
عمر: محد قالك انك دبشة
سلمان: انت جالس تفهمني ليش تقول لي دبشة؟
عمر: لا تناقش..
سلمان وبنفسه " لو اني منب خايف انك تسوي بي شي وانت بهالحالة كان رديت عليك"
سلمان: طيب طيب وش تامرني
عمر: انا قلت لك وش ابي انت غبي ولا ما تفهم
سلمان: خلاص انا ان شاء الله بأقرب وقت ابجيبهم لك
عمر: خلاص اقلب وجهك

طلع سلمان وهو معصب..




الساعه8 مساء تقابل خالد ونواف في نفس المكان اللى تواعدوا فيه..

نواف: بس ياخالد هاذي السالفه قديمه لها اكثر من خمس سنين
خالد: مدري والله يانواف بس هو لما عرف انك ولد خالى قالى خله ينتبه لنفسه لانه شكله ناوي لك نيه شينه.. الرجال حاقد عليك
نواف: اللى ربك كاتبه بيصير
خالد: تصدق اني مدر ي وش السالفه بالضبط بس حسيت إن الدعوه انتقام
نواف: لا ياخالد انا احكى لك السالفه كامله عشان تصير في الصوره وتدري انه مالي ذنب .. كنت توي راجع من الجامعه على اذان العصر سمعت صوت حرمه تصرخ وتصيح استغربت قربت من بيت جيرانا كان الصوت طالع من عندهم دقيت الجرس طولت عند الباب محد فتح لي رحت ورجعت مره ثانيه بعد ربع ساعه فتحت لي الباب بنت صغيره عمرها 10 سنين جالسه تصيح قلت لها وش فيكم ؟؟
قالت اخوي تهاوش هو وامي وضربها وقفل عليها باب الملحق من امس واليوم هو مانام بالبيت رحمتها المسكينه قلت اكيد هاذي ولدها مو صاحي .. المشكله انه صغير عمره 15 سنه
خالد: يالله ناس يتمنون الام وناس يعقون بامهاتهم..
نواف: لا طلعت مو امه ياخالد مره ابوه والمشكله هى اللى مربيته لكن يوم توفى ابوه كان كاتب كل شئ باسمها .. وهذا كان سبب الخلا ف بينهم .. كان يطلب منها مبالغ خياليه مره تعطيه ومره تقول مامعي فكان اذا ماعطته يمد ايده ويتلفظ عليها
خالد: طيب ليه الابو يسوى كذا المفروض التركه تتوزع حسب الشرع ؟؟؟
نواف: اللى انت ماتعرفه ياخالد انى انا رحت بلغت الشرطه عشان يشوفون حل لهاالمسكينه .. الشرطه جت وفتشت البيت لقت فيه بلاوي حشيش وخمر و..
خالد: انا لله وانا اليه راجعون
نواف: وزي منت عارف ياخالد دخل هوالاحداث وعرف اني انا اللى مبلغ عليه ومن يومها وهو يتوعد ويهدد !!!!!!!!!!!!!!!!
خالد: الله يعافيه ولا يبلانا
نواف: المهم ماعليك منه اخبارك انت؟؟؟
خالد: ماشين .. على فكره ياخالد انت عندك موقع بالنت اسمه خيال ؟؟
نواف: ايه ليش؟؟
خالد: وحنا اخر من يعلم ..
نواف: ههههههههههههههه لا والله تبيني ادور في الشوارع اقول ياناس عندي موقع ادخلووووووووه لا يفوتكم!!!!!!!!!
خالد:هههههههههه لا بس ذاك اليوم كنت جالس عالنت وكان معى واحد من الشباب وقالى صاحب الموقع اسمه نواف الغامر.. وهو مبرمج كمبيوتر على طول عرفت انك انت....
نواف: يارجال لي خمس سنين اكرف بالجامعه قلت خلينا نطلع منها بفايده
خالد: اجل خلينا نستغلك !!!!!!؟؟؟؟؟؟؟
نواف: قويه ذي نستغلك
خالد: هههههههههههههههههه لا والله من جد ابيك تسوي لى اعلان عندك اكتب شاعرنا الكبير...
نواف: ههههههههههههه اوكي مو مشكلة .. عطني العبارات اللي تبيها وانا اسويه لك
خالد: هذا العشم فيك يا نواف
نواف: ايه يا خالد من زمان ما شفناك .. تغيب وتطوول علينا
خالد: والله هاذي حال الدنيا
نواف: الله يعين الجميع
خالد: .. شخبار خالي ؟
نواف: بخير مزعجنا فيك شوفوا خالد وشوفوا خالد مدري وش عاجبه فيك
خالد: هههههههههه قله تراني ما ابي ريما هالملسونة كأنه يلمح علي
نواف: هههههههههههههههه يا شيخ طر اكثر من يتطنز عليك ريمااا
خالد: افاا افاا
نواف: علشان تعرف زوجة المستقبل
خالد: لا تحطون امل فيني بهالقشرة
نواف: هههههههه يا حليلك يا خالد
نواف: إلا ما قلتي شخبارك ياشاعرنا ؟؟
خالد: تمااااااااام..
نواف: يلا عاد همتك اكتب فيني قصيدة
خالد: وانا خبل اشتت افكاري باسمك
نواف: هههههههههههه .. قهرر لو ابوك عمي كان اسمك صار زي اسمي كان يمديني استغل اسمك
خالد: اااااخ يا نواف .. والله الشعر والقصايد ما تطلع إلا باحاسيس ومشاعر يا كثر ما كتمت بقلبي بس ربي سخرلي هالشعر وطلعت حررتي فيه
نواف وهو حاط ايده على كتف خالد: يا خالد والله انك طيب .. بس مشكلتك مغرور وقطوووع
خالد: ههههه
نواف: ابتسم تبتسم لك الحياة




عبير: يما وش فيها ريما؟
ام نواف: ما ادري عنها ما ذاقت شي من يوم ما جت نامت وقامت صلت ورجعت نامت
عبير: غريبة مهب من عادتها تنام هالوقت
ام نواف: ايه والله مهيب من عادتها
فارس وهو قايم: يما بروح انام
عبير: وش فيكم اليوم نواف طالع ومو من عادته وريما نايمه ومو من عادتها وفارس بينام ومو من عادته فيكم شي؟؟؟
ام نواف: روحي قومي ريما الساعة 11 نايمة من متى
ابو نواف: السلام عليكم
قامت عبير وسلمت على ابوها وحبت راسه: وعليكم السلام
ابو نواف: شخبارك يا عبير؟
عبير: الحمدلله تمام انت اللي وش اخبارك؟
ابو نواف: الحمدلله . . . هااا وين ريما أجل مالها حس
عبير: نايمة
ابو نواف: نايمه!!!.. . روحي يا عبير قوميها لا يصير فيها شي وحنا ما ندري
عبير وهي قايمة: ان شاء الله يبا

راحت عبير وطقت باب غرفة ريما وفتحت الباب كانت الغرفة مظلمة وباررررررده تخلي الواحد يجيه النوم من غير شي فتحت النور

عبير: ريما ريما ريما ريما . . . ريما وش فيك سلامات . . . ريما ريما
ريما: هاااا وش تبين صكي النور واطلعي
عبير: افاا وانا اللي اقول ابجلس مع ريما وابسهر معها وطلعتي مو قد الجلسة
ريما وهي تجلس: اففففف والله طفشانة وما بي حيل اقوم بس علشانك ابقوم
عبير: ابوي خايف عليك يقول هالبقرة الى الآن ما قامت
ريما وهي تبتسم: الحقوق محفوظة لدى عبير الغامر
عبير: خخخخخخ قومي قومي بس

قامت ريما وغسلت و غيرت ملابسها وطلعت بالصالة عند عبير

ريما: ما نزلتي تحت؟؟
عبير: لا انتظرك تنزلين معي
ريما: اهاا وش هالحنية المتأخرة
عبير: مصدقة انت ووجهك ابسألك وش فيك عسى ما شر؟
ريما: قولي ورا هالمصلحة لقافة
عبير: ههههههههههههههههههه طيب بقول بس قوليلي وش فيك
ريما: ابد مهنا شي بس بس بس بس بس بس نسيت احل واجب الأحياء اليومك اليوم
عبير: ياناس يا عالم اموت عالنصباتهههههههههههههههااااي حلوووووة حلووووة كخخخخخخخ اللي كذا
ريما: هههههههههههه امشي بس
عبير: وش فيك قوليلي
ريما: تحلمين اقولك علشان تعرفون انت وامي اذا بغيتوا تكلمون بعض تشوتوني من عندكم واذا قلت لكم تراني منب بزر قلتوا ما عليش اطلعي
عبير: هههههههههههه لهدرجة الحقـــــــد معليش انا اختك الكبيرة يلا
ريما: امحق اخت كبيرة ما شفت منك شي غير يوم الأربعاء تجيننا وتسهرين معي والأيام الباقية تجين اجلس شوي بعدين اروح اذاكر واحل واجباتي
عبير: وش اسوي فيك دامك miss – دافورة
ريما: وش اخبار عمو؟؟
عبير: والله لي اسبوعين ماشفته سعود يروح له ولا يقولي .. بس الجمعه قال سعود بنروح له
ريما: اواواواو من زمان ماشفته وش رايكم تمروني واروح معكم
عبير: خلاص اتصل عليك قبل ما نروح بساعة علشان تتجهزين
ريما: اووووكيك . . . يلا ما ودك تنزلين
عبير: يلا





الساعة - 1 - بالليل دخل نواف البيت جاي من برى سلم وجلس يسولف مع البنات..

نواف: يلا منتب نايمين
عبير: هيه انت لا تخرب اختي اذا نامت اجلس مع مين؟؟
نواف وهو يغمز لها: ههههههههههه ابستفرد فيك انا
عبير: ههههههههههه لا لا انا من لي غير ريماني بعد قلبي
ريما وهي منسدحة عالكنبة: ايه المصالح ما تجي الا اذا كان لك صالح
نواف: وااااااااو عندك موهبة ال ال وش يسمونها تأليف الأمثال
عبير: ريما وش فيك اليوم طفشانة موصلة حدك بالعادة ما تسكتين
ريما وهي تناظر السقف: طفشاااااانة بقوة
نواف: ايه صدق انا حاس بهالشي بس ساكت مقدرا للظروف
عبير وهي تغمز لنواف: انا بروح للمطبخ ابسوي شى خفيف أكله تبون ؟؟؟
ريما: انا منب مشتهية
نواف: انا جوعان..

قامت عبير دخلت المطبخ جلست تفتح الادراج بعدين راحت للثلاجه عشان ادورلهم شى تسويه طلعت التوست وقررت تعمل لهم ساندويشات تونا ومرتديلا عاد عبييير مايحتاج ربه بيت ممتازه نفسها بالطبخ مرره حلو..

نواف: ريمااااااا وش بك؟
ريما: هالخطة ما تمشي علي بااااااايخة
نواف: ادري بس تنفع للاستفراد
ريما: ما فيني شي
نواف: علي
ريما: لا بس بس تبي الصراحة
نواف: ايه اصلا انا وياك 24 ساعة نسولف مع بعض ما في احد غيرنا عبير ام الاحلام ببيت رجلها وفارس صغير ومنهبل انت اعقل وحدة من بعدي طبعا
ريما: خلود غايبة اليوم
نواف: هههههههههههههههههههههههههههههه علشان كذا ضايق صدرك يا بخت خلود فيك
ريما: لا وبعد اليوم الجدول دسم يعني ما في احد يشاركني غثاي هذا هو السبب بس
نواف: مع اني منب متأكد بس يلا نمشيها لك
ريما: وانت وينك طول اليوم؟

دخلت عبير ومعها صينية السندويشات والعصير

نواف: يووووووه نسيت اقولك
ريما: وشو؟
نواف: خالد طلب يدك
ريما: هاهاهاها انا اتزوج ابو خشم في السماء هيــــــن!! نواف: هه هه هه اصلا هو يقول انا ما ابي هالملسونة ريما: نعمة من رب العالمين الرحمن الرحيم انه انعم علي بطوالة اللسان علشان ما يفكر فيني
عبير: ههههههههه الا وشخبار خالد؟
نواف: يسلم عليكم كلكم ويقول فاتح خالي بموضوع خطبتي من ريما لعل وعسى يوافق
عبير: ابوي اكيد بيوافق اصلا هو ما يحب احد كثر خالد
نواف: تهقين ما ياخذ رأي ريما
عبير: اكيـــــــد ما راح ياخذ رايها لانه هو بنفسه ينتظر هاللحظة
نواف: يعني اقوله يجي بدون مقدمات
عبير: قل له
نواف: خلاص بكره ان شاء الله يكون هنا . . انا عارفه مهب قادر يصبر علي ثواني
عبير: الله يعينه
ريما وهي قايمة: خلاص بروح ارتب شنطة السفر بتاعتي دنا ماليش عيشة معاكم من بعد اليوم انتوا ما بتحبونيش دنا بكرهكم بكرهكم بكرهكم . . . طبعا اجيب شنطة كبر البيت وتصير فاضية
نواف: هههههههههههه الله يقطع ابليسك
عبير: هههههههههههههههههههههههههههه يا بنت اختشي دا ابن عمتك عاوزك على سنة الله ورسوله رقال ما عليهوش كلام دا رقال ولا كل الرقالة
ريما: لا لا لا لا لا لا مش ممكن بروح اجلس بغرفتي لا انتحر اذا قعدت معكم خمس ثواني زيادة
نواف: تعالي تعالي بس تبينها من الله تصريفة
ريما: اصلا بروح المطبخ من الصبح ما ذقت شي مسويتلي اتغلى ومحد عطاني وجه وقالي كولي
عبير: وانا جايبة ادوات خياطة ؟؟‍‍‍!! انا وش جايبة اجل
ريما: لا يا حبيبتي بروح آكل من غدا ميمتي ما ذقته اليوم
نواف: خخخخخخخ روحي كولي من اكل ميمتك

يدق جوال عبير وكان الجوال قريب من ريما شافت المتصل (عطري)
ريما: خوذي جوالك غرشه عطر يتصل بك
عبير: مشكله الغيره
اخذت عبير الجوال وراحت الصاله الثانيه تكلم زوجها وتركت نواف وريما
نواف: ليش قلتي غرشه عطر ماقلتي كالونيا
ريما: اقلد حكي اهل الامارات
نواف: ااااااللللله ياسعاده السفير وش عرفك بكلامهم؟؟
ريما: من صديقتي مي ... طبعا ريما خافت لا تقوله انها تعرفت على وحده اماراتيه عن طريق النت كان يذبحها ويفتح معها تحقيق "وش يثبت لك انها بنت؟؟" "وليش ماعلمتيني ؟؟"
نواف: اللي اعرفه إن مي كويتيه مو اماراتيه
ريما: تتكلم مخلط بعدين هو تحقيق ما تسوى علي الكلمه اللي قلتها

راحت ريما الصاله الثانيه عند عبير وهي تتنحنح..
ريما: مع انه مو من عوايدي التلصق باللي ما يبيني الا اني ابلصق هالمرة كذا براسي مهاوشة
عبير: خلاص انا طالعة اللحين
ريما: اخخخخخ يا قهررر ما امداك كلمتي
عبير: موووتي واشبعي قهررر
ريما: لا تشلحين كلمتي رجاءا
نواف: يلا يلا على سريرك يا ماما راحت اللي كانت تبيك
ريما: احممم كح كح كح كح كح كح ما صارت كحة عادية صارت كحة مشاري
نواف: مين مشاري؟؟
ريما: كم مشاري نعرف حنا؟
نواف: مشاري ولد عمي عبدالرحمن
ريما: ايه نعم
نواف: متى شفتيه انت؟ ومتى اصلا سمعتي كحته؟ وهو ما ينشاف الا بآخر الليول
ريما: مرة رحت عندهم لقيته فيه
نواف: بيت عمي عبدالرحمن ما تطبينه من غير امي الا اذا كنت تبي ترجعين الساعة 8
ريما: يا سلاااااااااام
نواف: يا سلامين . . . ياريما هالولد كحته ما جت من فراغ ما جت الا ورا التدخين

عبير وهي تبي تطلع: يله مع السلامه..
نواف + ريما: مع السلامه
نواف وهو قايم: ريما روحي نامي السهر مو زين
ريما: مافيني نوم..
ورجع صدى صوت ريما لنفسها وعرفت ان نواف راح وتركها قامت وراحت غرفتها وجلست تقرأ رواية




الخميس بالليل مباراة بين الهلال × النصر ضمن دوري خادم الحرمين الشريفين

سارة: ياااا ربــــــــــي
ريما وهي ملصقة يدينها وحاطتها على وجهها وبحماس: ايوه يلا يلا يلا لا لا لا لاااااااااااا خسااااااااااارة والله قهرررر
سارة وهي تناظر: قهرررررين
ريما: هههههههه وش بك مبلمة
سارة: سلامتك بس انقهرت
مها: السلام عليكم
سارة + ريما: وعليكم السلام
مها: شخبارك ريما؟
ريما: بصحة وسلامة
سارة: ما ودك تسألين عن النتيجة
مها: ومين قال اني اهتم بهالأمور؟؟؟!!
وقفت ريما تنطط وتصاااارخ: قوووووووووووووول قووووووووول قوووووووووول واااااااااااااااااووو لا لا منب مصدددقة لا لا لا يتراوالي سارونة حبيبتي شوفي النتيجة كم خل أتأكد بسرررررعة
سارة وهي فاتحة فمها: oooh may god

ونقزت سارة وضمت ريما وصفقوا يدين بعض

سارة: الا اشوف النتيجة النصر 1 والهلال 0 يا شماتى بنواف
ريما: اسكتي لا تنقلب النتيجة
سارة: ايه والله ابسكت اصرررف لي
مها وهي تقوم: الحمدلله والشكر
ريما: تحمدي على كيفك وروحي كولي لك كم كتاب وتعالي هضمي عندنا
سارة وهي تكتم ضحكتها: ريما عيب تكلمين مها هههههههههه......
مها: تراكم ما تقللون من ثقتي بالطريقة على العكس تماما انتم ترفعون ثقتي اكثر واكثر
ريما: مشكووورة حبيبتي عالمعلومة روحي ابدي بوجبتك الخمسطعش لهذا اليوم
مها: انتم تعتقدون ان الأكل اهم من الثقافة والدراسة وهذا على العكس تماما مفروض تقارنون الأكل بالعلم والثقافة يكفي ان اول شي خلق هو القلم فـ...
ريما: لا اله الا الله محمد رسول الله انا ما افتك من المدرسة تجيني اختك هاذي اموت واعرف كيف مستحملتها يا سارة
سارة: انا مسكينة بيني اثنين وكل واحد اغث من الثاني
ريما: الله يعينك انا عندي فارس مع انه ما يتكلم معي بس ودي اصفقه
سارة: ما شاء الله تف تف تف تف تف اللهم لا حسد
مها وهي طالعة: انا ودي اصلا انا ما تخصصت علم نفس الا علشان ادرس حالتكم مع ان الكتب ما قصرت ووصفت حالتكم بس انتم ما تعترفون الا بهالشي
سارة: لا لا لااااااااااااااا مستحيــــــــــــل مو معقوووووووووووووول
ريما: هئ هئ هئ هئ هئ الله ياخذك على بالي عندك سالفة كل ذا علشان بلنتي جا لصالح الهلال
سارة: اكيد البلنتي مضمون
ريما: اسكتي خل نشوف اللقطة مع اني متأكدة ان الحكم غاش بس مهنا مشكلة الله عالظالم
سارة: لا لا واضحة شوفيها داخل منطقة الجزاء والكسرة واضحة
ريما: طيب اسكتي خل ندعو الله انهم يضيعونها
سارة: يا ررررب




وفي نفس الوقت كان نواف بالاستراحه مع الشباب وكالعاده انواع الازعاج كل مجموعه بجهه ومتعصبه لفريق اللي منسدح واللي يصارخ ومجموعه حاطين الشمغ والعقل على جنب الكل متحمس
نواف: لااااااااااااااااااااا ضاعت
ماجد: يارجال اليوم مدري وش فيهم لعبهم مهب زي العادة
نواف: يا اخي ذا اللاعب دبشة ما ادري كيف طلع من دوري الناشئين؟
فيصل: حلووووه هاذي ما ودك تصير رئيس الشباب
نواف: فيصل ليش انت تحطم كذا؟
ماجد: يا اخوان فضوها سيرة النصر 1 والهلال 0 وتتهاوشون اجل لو الهلال جته حالته وصكوهم النصر بـ 5 اهداف وش تبون تسوون؟؟
نواف: ايووووووه حلوو تمام
ماجد: شفتوا يوم سكتوا جاء البلنتي
نواف: لا لا تكفون الا هاللاعب عقدتي في الحياة لا تخلونه يشوتها
فيصل وهو واقف: اللـــــــــــــــــــــه عليـــــــــك لاعب ولا كل اللاعبين خطير خطير يا ناس يا عالم انا ما ادري ليش ما ياخذونه الأجانب عندهم؟
نواف: الله يصلحك اجلس اجلس الله عليك لاعب ولا كل اللاعبين ما اقول الا انك دبشة وما تعرف من الكورة الا انك تشجع الهلال يلا عليكم يالهلاليييييييين بالهدف الثاني ولا تفشلوننا
ثامر: السلام . . . كم النتيجة؟
عبدالله: وعليكم السلام
نواف: وعليكم النتيجة 1 . 1
ثامر: متى دخلوا هاذولا توه جايني خبر ان النصر 1 والهلال 0 ومنطلق بغيت اسوي حادث
نواف: هاهاهاهااااي اجلس يا بابا الموعد الفوز
عبدالله: تحلمون بالفوز التعادل ما يعني الفوز يا حلوو
نواف: عبدالله تفرج وانت ساكت
ثامر: خخخخخخخخ احلى شي اذا كان نواف يتفرج على مباراة يفشل اللي قدامه لما يقول آمين
ماجد: سمعتوا الخبر يقولون إن ياسر القحطاني بينتقل للهلال اوللاتحاد
عبدالله: لاانا اللي اعرفه انهم طلبوه يحترف بالخارج جايته عررررووووض مو طبيعيه
نواف: يارجال كلها اشاعات ياسر عشانه فنان ولعبه حلو ونظيف الكلام عليه كثير
عبدالله: لالالالالا ... اوه ... الحمدلله على بالي ضربه جزاء
ثامر: امااااااااا لويطلع كلامكم صحيح وينتقل ياسر للهلال بعشيكم احلى عشاء
فيصل: لحظه عيد الكلام خل نسجله اخاف بعدين تجحد وتقول انا ماقلت!!!
نواف: اقول فيصل صرت زي المطربه شمس ماتمشى إلا وجوالها معها تسجل حكي خلق الله
فيصل: ايه شفتوها بنت اللذينا يوم مقابلتها في برنامج لمن يجرؤ مع طوني فضحت بالعالم ماتركت احد ماقالت عنه قصه
نواف ويدينه ورى راسه: ايووووووووووووووه هجمه هجمه

انتهت المباراه بالتعادل 1 / 1





يوم الجمعه العصر.. الساعه 4
في رياضنا الحبيبه في شقه سعود وعبير يعم الهدؤ والسعاده على هذا البيت كانت عبير تنتظر سعود يصحى من النوم عشان يمرون اختها ريما ويروحون بيت عمها وفي نفس الوقت هي قاعده تفكر هل القرار اللى اتخذته في انها تنتقل وتعيش عندعمها صح ولا؟
يقطع عليها تفكيرها صوت جوالها وكانت صديقتها نجلاء

نجلاء: السلام عليكم
عبير: هلا وغلا ومرحبا وعليكم السلام والرحمة والبركة
نجلاء: كيفك؟
عبير: ملاااااااانة طفشاااااااانة
نجلاء: انت اللي جبتيه لنفسك محد قالك تعتذرين الترم هذا
عبير: يا شيخة على بالي باخذ فترة نقاهة اثاريها انقلبت فترة كآبة
نجلاء: بس حبيت أكلمك واشوف وش أخبارك وش علومك
عبير: الحمدلله تمام شو اخبارك انت؟
نجلاء: خليها على ربك ياعبير
عبير: ليه صار شئ جديد؟؟
نجلاء: كالعاده مره تقولين انه حنون ومره تقولين من ويين طلع لي هالوحش
عبير: خليك قويه يانجلاء لاتضعفين..
نجلاء: ااااااااااه ياعبير انا تزوجت عشان اهرب من العيشه اللي كنت عايشتها.. لكن طحت بحياه مو بعيده عن حياتي الاولى
عبير: ادعي ربك يانجلاء ربي مايرد عباده
نجلاء: تخيلي ياعبير حتى اللحين وانا حامل ماسلمت منه ضرب واهانات
عبير: يله ان شاء الله تولدين وتقومين لنا بالسلامه وتتغير حياتك للاحسن
نجلاء: واللـــــــــه ماظنيت..
عبير وتبي تغير الموضوع : وش رايك تجيني تزوريني في بيتي قبل ما انتقـل
نجلاء: تنقلين؟!!!!!!
عبير: ايه بنروح نجلس ببيت عمي
نجلاء: اهااا وانا على بالي بتروحين بيت جديد
عبير: ههههههههههه بيت عمي بيت جديد
نجلاء: وانت الصادقة مو شرط يكون بناء جديد ولا تشطيب جديد اهم شئ تكون الحياه حلووووووه..
عبير: الحمدلله انا مرتاحه مع سعود لكن الزين مايكمل.. ناقصني بيبي يملى علي حياتي..
نجلاء: الله يرزقك ان شاء الله
عبير: اقول نجلاء شكل سعود صحى من النوم بروح اشوفه يبي شي اكلمك بعدين
نجلاء: ايه ياحبيبتي مقيوله من لقى احبابه نسى اصحابه
عبير:هههههههههههههه
نجلاء: يله روحي بس لاتقطعين
عبير: مع السلامه



ريما: ماري مـــــــاري مـــــــــــــــــــــــــــــاري
ام نواف: وش عندك انتي تصارخين ماري مشغوله بالمطبخ
ريما: يمه هاذي الشغاله ترفع ضغطي انا من ساعه عاطيتها ملابسي تكويها والى الان حضرتها ماجابتهم عبير اتصلت وقالت نص ساعه ونكون عندك عشان اروح معهم بيت عمي
ام نواف: طيب يابنيتي الدنيا ميب طايره
ريما: يمه تكفين استعجليها عشان تكويهم
ام نواف: ان شاء الله
نواف: سلامات وش فيكم؟
ريما: ربي جابك ابيك تجي تاخذني من بيت عمي صالح وتوديني بيت عمي عبد الرحمن لاني بصراحه استحى اقول لسعود يوديني
نواف: حاضر انسه ريما ماودك بعد اخذك انتي وسارة و نمر خلود بعدين امشيكم شوي وامر اقهويكم في الكوفي شوب00
ريما: اللـــــــــــــــه وناسه بس خلود ماتقدر تجي معنا مسكينه ابوها تعبان في المستشفى
نواف: والله محد غيري المسكين اشتغل سواق عندك بس من غير فيزا 00 اقول اسمعيني لايكثر من بيت عمي صالح ترجعك عبير على هنا ساره تبيك خليها تجي هنا
ريما: ياسلام وانت اش فيك على ساره ؟
ويدق تلفون البيت ويقطع حديثهم كانت المتصله عبير تبي ريما تطلع راحت ريما للدولاب بسرعه وطلعت لها تنوره جنز سماويه مع تيشيرت ليموني وطلعتلهم بسرعه

ركبت ريما السياره وهي ساكته استغربت عبير منها انها هاديه على غير العاده
عبير: وش فيه القميييل زعلان
ريما: سلامتك
سعود: شكلها متضايقه عشاني انا اللي اسوق بنزل وانتي سوقي بدالي ياعبير
عبير: هاهااااااااا ماعندي مانع بس اخاف يصيدوني مامعي رخصه
ريما: لالالا خلاص خلوها علي وانا اسوق لكم ولا سواق محترف اخمس لكم واقلب لكم السياره ..
سعود: لا ياريما انا ماعندي استعداد اضحي بحياتي بخذ زوجتي وانزل وانتي خمسىىىى على كيف كيفك00
ريم ا+ عبير: هاهاهااااا
عبير: ايه هاذي ريما اللي اعرفها
وصلوا لبيت عمهم ونزلو سلموا عليه فرح ورحب فيهم
ابوسعود ويتكلم بصوت واطي مع ولده: ها ياسعود فاتحت مرتك بلي قلتلك عليه؟
سعود: ايه يبه ومثل ماتوقعت ماكان عندها مانع
استغلت عبير انشغال سعود وابوه: وش فيك احسك من يوم ماركبتي معنا وانتي متضايقه احد مزعلك؟
ريما: انا طفشانه ياعبير خلود مشغوله عني مع ابوها الله يشفيه وانتي مع رجلك مافي احد يوسع صدري الا ساره بنت عمي ويوم قلت لنواف ودني لها وقال خليها هي تجيك مو معقوله ياعبير كلامه مو منطقي!!
عبير: خلاص اتركيه علي انا اتفهم معه
قاموا البنات يتفرجون عالبيت ويطالعون الجناح الي راح تنتقل له عبير ورجلها دقت عبير على اخوها نواف وقالت له انها تبي تودي ريما عند ساره ومااقتنع الا بعد محاولات
عبير: بكره تجهزي بمرك ونروح بيت عمي لاني تذكرت ان سعود اليوم مشغول مايقدر يودينا
ريما : مشكوره يااحلى اخت تصدقين من يوم راح السواق وانا احس اني عاله على المجتمع مره معك ومره خلود ترجعني من المدرسه ومـــــــــــ......
عبير: خلاص خلاص يارب انك ترجع سواق اهلى سالم غانم عشان ريما تحس انها عضو فعال في المجتمع
ريما: امين يارب
عبير: الحمد لله والشكر اللي يسمعك يقول اني داعيتلك تدخلين الجنه
ريما: صوت رجلك ينادي
عبير: يلا ننزل
طلعو من عند عمهم ونزلو ريما في البيت دخلت ريما البيت وهي طفشانه طلعت غرفتها غيرت ملابسه دقت على خلود ماردت عليها .. بالاخير راحت وشبكت نت تضيع وقتها فيه..




كان خالد جالس يرتب مكتبه ويشوف الاوراق المهمه ويجهز طلبات الناس دق جواله
خالد: الو
ريهام: مرحبا اخوي
خالد: اهلين من معي
ريهام: انا اللي دقيت عليك قبل فتره عشان تسوى لي قصيده زفه إنــــــــ.....
خالد: معليش الاسبوع اللي راح انا كنت مشغول اختي دقي على مره ثانيه
ريهام: طيب ممكن لحظه ..... اذا خلصت من شغلك تدق على هذا الرقم
خالد: اسف انا ماادق على احد انتي دقي
ريهام: انا نفسي اعرف انت ليش مغرور
خالد: عفوا اختي ماسمعت ايش قلتي
ريهام: اقول الكبر لله ودوم ابن ادم صغير
خالد: انتي داقه تعطيني درس بالاخلاق
ريهام: مع السلامه
وسكرت الخط قعد خالد يضحك ويقول مشكله اللي يبي يحتكون ومايلقون احد يعطيهم وجه
ورجع للحوسه والاوراق وجلس يقلب بالملفات لقى خاطره قديمه كتبها باغلى انسانه عنده وهي امه يوم كان يدرس بثاني متوسط مع انه ماقد شاف امه إلا بالصور لانها توفت وهي تولده فهو يحس انه هو سبب وفاتها ويحس انها ضحت بحياتها عشانه كان يحبها كثير كان خاله ابو نواف وحرمته دائما يمدحون فيها وفي اخلاقها وانها انسانه عظيمه ماقد غلطت على احد والكل يذكرها بكل خير ... وتذكر ايام حياه ابوه الله يرحمه اللى توفى فجاه بسكته
ابو خالد: تعال حبيبي شف وش جبتلك
خالد: اللـــــــــــــــــــــــــــــــــــــــــه طياره كبيره مررررره حلوه
كان اذا اشتراله شي ضمه
خالد: الله يدخلك الجنه يابابا وماتروح وتتركني مثل ماما
ابو خالد: ياحبيبي ادعي لامك اللي بقبرها هي محتاجه لهالدعاء اكثر مني

ااااااااااااه يالدنيا الغالين تاخذينهم منا وش خليتي لنا شى نفرح فيه


وقطع عليه تفكيره صوت الجوال
نواف: السلام عليكم
خالد: هلا وعليكم السلام
نواف: سلامات وش فيه صوتك
خالد: سلامتك بس يمكن عشاني توي صاحي من النوم
نواف: ذابحك النوم
خالد: يارجال خلها على ربك
نواف: ونعم بالله انا تحت انزل عندك ولا تبي نروح مكان ثاني
خالد: لا دامك وصلت ادخل
نواف: يلا جايك مع السلامة
خالد: مع السلامة

جاء نواف
خالد: حيا الله نواف
نواف: الله يحييك
خالد: ما بغيت تجي عندي
نواف: انا انعزمت وقلت لا
خالد: انا خالد خــــــالـــــــد اعزم احد على بيتي اللي يبيني يجيني
نواف: هههههههههههههه انت حتى بهالأمور مغرور
خالد: انتم خلاص ما تشوفون واحد واثق من نفسه ويقول الحق الا وتقولون مغرور
نواف: المهم يا واثق ادخل الموقع وشف الاعلان اللي حطيته لك .. وخذ هالسي دي شف التصميمين اللي سويتهم ..
خالد ياخذ السي دي: مشكووور يا نواف ما قصرررت
نواف: العفوو يلا عااااااد اللحين ابيك تكتب فيني قصيدة
خالد: هههههههههه ما فيه خدمات ببلاش عندك
نواف: لا يابووك مافي شي ببلاش هالايام
خالد: طيب بكم الاعلان؟؟!!
نواف: بعشر بيوت شعر
خالد: لا اتكلم جد
نواف: من جد انت تبي تدفع؟!
خالد: اكيد .. اجل تبي تخليها مكرمة من عندك .. لا يا حبيبي قل لي كم
نواف وهو قايم: يا رجاااااااال .. انا استأذن عندي شغل
خالد: والله لا تقول
نواف: انا اسويه بـ 500 بس والله ما تدفع ولا ريال
خالد: بعدين نتفاهم لأن شكلك مستعجل
نواف: ايه والله يلا نشوفك إن شاء الله بعدين ..
خالد: إن شاء الله



رن تلفون البيت قامت مها بترد عليه ..... ردت كانت المتصله صديقتها
ريهام: الووو
مها: هلا وغلا ومرحبا برهووم
ريهام: شخبااااااارك؟
مها: تمام
ريهام: كيف سارة وريما؟
مها: اشوف ريما صارت احد افراد بيتنا
ريهام: ههههههههه يا حليلها
مها: انت كيفك؟
ريهام: عسل عسل يا عسل
مها: إن شاء الله دوم
ريهام: تعاااااالي
مها: هلا
ريهام: توني مصكرة من ولد عمتك
مها وقلبها يطق بقوة: وش صار؟
ريهام: مغرور
مها: ............. ادري وقديـــــــمة
ريهام: هههههههههههههه اسمعي اسمعي وش صار .. وحكتلها الكلام المختصر اللي صار بينهم
مها تسمعها وتدقق على كل كلمة .. هذا خالد هذا خالد اللي حبته واللي إلى الآن محد درى عن اللي بقلبها إلا ريهام .. هي تحاول أي شئ يقربها من حبيب قلبها خالد لكن هو انسان ثقيل وشايف نفسه يعني مافي امل يفكر فيها.. هي لما قالت لصديقتها تكلمه كانت تبي تعرف هل
خالد من الشباب اللاعبين ..وطبيعة ريهام تحب تسوي مقالب ولأن اهلها متحررين كانت ما تمانع انها تسوي أي شي ينرفز اشخاص ثانين..
الأميرة دانة
16 - 09 - 2009, 02:32 AM
الجزء الثالث
؛؛؛؛؛؛؛؛؛؛؛
يوم الثلاثاء الصباح ..
وفي حصة العربي كان فارس سرحان والمدرس يشرح
حمد: وش فيك شكلك طفشان؟
فارس: لا بس مانمت زين امس
حمد: اليوم الثلاثاء وش رايك نروح مع سلمان نتمشى مثل الاسبوع اللي راح
فارس: لالا انا مدري وش اللى عاجبك فيه!!
حمد: ياخي يكفي انه عنده سياره وشقه ولاحسيب ولا رقيب مو مثلي انا وياك لو نطلع من البيت نص ساعه اهلنا سالونا وين كنتو؟؟
فارس: بعدين اليوم بيجيني نواف ياخذني وهو حذرني انه كل ثلاثاء بيجي ياخذني يعني مـ......
المدرس: فارس وحمد بدون كلام00 فارس اقرا الابيات الى ما وصلنا
حمد: وين وصلنا
المدرس: هاذي اخر مره اسمح لكم تستهترون بالحصه
واضطروا حمد وفارس انهم ينتبهون للدرس عشان مايتهزؤن مره ثانيه
حمد: اخيرا رن الجرس و خلص الدوام
فارس: يلا انا بروح البيت اكيد اخوي برى
حمد: والله مالك داعي تعال معنا
فارس: اشوف يمكن العصر اقدر بس بشرط سلمان مايكون معنا
راح فارس ولقى اخوه عند الباب اما حمد راح القسم المتوسط يدور سلمان
حمد: سلمــــــــــــــان سلــــــــــــــــمان
سلمان: اعصابك ترى اسمع مايحتاج تصارخ وين خويك؟
حمد: راح بيتهم
سلمان: هالولد مسوي فيها كبير وفاهم
حمد: حرام عليك والله انه طيب بس انه تعبان شوي وراح ينام ويمكن يجي العصر
سلمان: خلاص انت رح بيتكم اللحين والعصر تعالوا الشقه ok
حمد: زين يلا مع السلامـــــــــــــة




وفي بيت عبدالرحمن ابو مشاري كانت البنات اصواتهم طالعة..
مها تنادي سارة أختها
مها: ســــــارة سااااااااااارة سوير
سارة وهي طالعة من غرفتها: نعــــم نعم وشتبين؟
مها: ما تدرين السواق وين راح ادق عليه ما يرد؟
سارة: وش تبين فيـه؟
مها: بروح معه السوبر ماركت ابشتري اغراض اليوم صديقتي بتجي
سارة: لا تنسين احسبي حسابنا انا وريما جيبي لنا عصير كوكتيل مو منقا تعرفيني ما احب المنقا وجيبي لنا شوكلت واممم وايش بعد
مها: ريما هاذي .. اهلها خلفوها ونسوها
سارة: اذا جت عندك تكلمي
مها: يلا ابجرب ادق عليه مرة ثانية يمكن يرد..

مها: الوو .. نجيب يلا ابطلع .. ايه .. يلا

ريما: ايه صح وانت جاية مري دانكن دونت
مها: ان شاء الله
راحت مها وجابت الأغراض دخلت البيت استقبلوها سارة وريما وهجوم عالأكياس وطلعت غرفتها علشان تغير ملابسها قبل ماتاصل ريهام..



وفي مكان راقي وهادي فى مطعم (الضوء الخافت) كانوا اثنين من العالم منعزلين في مكان ويتكلمون مع بعض في كل هدوء وضحكهم ما يتعدى الركن اللي جالسين فيه..

سعود: هههههههههه حبيبتي والله
عبير: طيب ادري اني حبيبتك ما جبت شي جديد
سعود: ثقـــــــــــة
عبير: يحق لي مو سعود زوجي!!
سعود: اهااا صحيح .. طيب اشربي عصيرك
عبير: هههههههههههههههههه
سعود: انت الصغيرة والكبيرة تضحّك
عبير: هههههههههههههه لا يجيني شي بسم الله علي

ويدق تلفون سعود بهاللحظة

سعود: هلا .. كيف؟ والله مو متاكد .... بس هو كل شئ مسجل مو؟؟؟!!!! ........ لا لا هو اللحين مو معي ..... اممممممم .... طيب لحظة خلك معي ..

سعود: عبير حبيبتي ثواني وراجع لك طيب
عبير: خذ راحتك بس لا تطول

طلع سعود وجلست عبير تفكر قديش هي محظوظة بهالرجل سعود كان بالنسبة لها الحياة ما كانت تتوقع انها بتحبه هالكثر بيوم من الأيام .. قطع عليها حبل افكارها صوت جنبها صوت طفل يصيح التفتت عبير وشافت الولد كان بالاشهر بس لفت نظر عبير بشكل غير طبيعي مع ان ملامحة ما بانت لصغر سنه لكن ما قدرت عبير تنزل عينها عنه الى ما جاء سعود .. سعود جاء من بعيد وعلى وجهه ابتسامة بس انقلبت هالابتسامة من شاف عبير وهي تناظر هالطفل سعود كان يكره الاطفال يكرههم كلهم بلا استثناء

سعود: عبير يلا بنطلع
عبير: تونا
سعود: عندي شغل ابوصلك البيت واروح
عبير: بس تو قلت انك منتب رايح
سعود: عبير يلا

قامت عبير وهي مستغربة من مزاج سعود المتعكر وش هالمكالمة اللي جته وخلته عصبي !! وهي ما تدري وش سبب عصبيته الحقيقية





يوم الجمعة الصبح الساعة 7:30 .. الجميع في هاذي اللحظة نايمين بمعنى آخر هي يوم الإجازة للجميع..
في هاذي اللحظة طلعت صرخة من مستشفى الملك خالد

خلود وهي تصيح: لااااااااااااااااااااااااااااااااااااااااااااااااا ااااااااااااااااااااااااااااااااااااا لا
ام خلود وهي الثانية ميتة صياح: لا حول ولا قوة إلا بالله لا حول ولا قوة إلا بالله
فهد خال خلود جاي يركض اللي سمع صوتهم من بعيد: وش فيكم وش فيكم؟ صوتكم واصل للشارع
خلود: ابوووووي ابوي "قطع صوتها الشهاق"
فهد وهو يبي يستوعب: ابوك!! وش فيه عسى ما........
خلود مسحت دموعها وركضت: يكذبون علي صح يكذبون يكذبون!!! اكيد يكذبون لو انهم ما يكذبون كان .......!!
فهد فهم السالفة والتفت على اللي جالسة وركض يدور نيرس تحطها بغرفة تهدء

وداها الغرفة ورجع لخلود اللي شكلها يقطع القلب

فهد: خلود
خلود: كذااااااااااابين كذابين خالي قلي انا بنت أختك حبيبتك قل لي قلــــــي . . . قلي وش اللي .. .. . صااار .. وش اللـ.ي صاااااااا .... اااااااا .. اار مو معقولة كذا يطلعون ويقولون ابوك لا لا لاااااااا . .
فهد وهو يحظن خلود ويحاول يمسك نفسه: يا حبيبتي البقا لله البقا لله محد عايش بهالدنيا الكل فاني الكل فاني
خلود: ليش تكذب علي مو تقول انك ... لا انت .. اااااااااااااه اااه اااااااااااهئ خالي تكفى تكفى
فهد: خلود
جلست خلود بحظن خالها وهي تشهق ومو مستوعبة اللي صار




الساعة 5 العصر ريما منسدحة وتتفرج عالتلفزيون بالصالة هي وفارس ونواف طالع وابوها طالع ودخلت عليهم ام نواف

ام نواف وشكل وجهها مصفوق: السلام عليكم
ريما + فارس: وعليكم السلام
فارس وهو متحمس مع الفلم : اتوقع انه ينقذها
ريما: امممم يمكن بس اكيد بتصير احداث قبل ما ينقذها
فارس: ايه اكيد
ريما تناظر امها: شو اخبارك ماما؟
ام نواف: الحمدلله
ريما تعدل جلستها: وش فيك تعبانة؟!
ام نواف: لا
ريما: اجل شو بك؟
ام نواف: هالدنيا ما فيها احد باقي
ريما: بسم الله يما وش فيك؟؟
ام نواف: ابو خلود صديقتك توفى اليوم الصبح
ريما توقف: وشووووو!!!
ام نواف: رحمة الله عليه حمد اليوم توفى الصبح وانت تدرين انه تعبان

ركضت ريما وراحت غرفتها

فارس: وش فيها هاذي؟
ام نواف: ابو صديقتها توفى وش تبي موقفها يكون .. اللحين الناس اذا جاء طاري الموت بس ضاق صدرهم وانت تبيها ما تتأثر وهو ابو صديقتها
فارس: هممممم يعني مهيب مكملة الفلم
ام نواف: استغفر الله قم صك التلفزيون ما عندك احساس
فارس: لا يمااا تكفيـن وربي حماااااااااس الفلم
ام نواف وهي قايمة: استغفر الله العظيم من كل ذنب عظيم


مرت أيام العزا الثلاثة ثقيلة على خلود وامها .. كانت ريما مع خلود ثلاث الايام وما تتركها إلا وهي متطمنه عليها .. فلذلك غابوا ريما وخلود اسبوع كامل عن المدرسة..

يوم الخميس .. ريما عند خلود بالبيت..

ريما: يا قلبي يا خلود
خلود: ريما والله منب قادرة اتعايش مع الوضع وابوي مهب فيه
ام خلود: حيا الله ريما
ريما: الله يحييك خالتي
ام خلود: شخبارك؟ شخبار اهلك إن شاء الله بخير
ريما: الحمدلله وامي تسلم عليك كثير السلام وتقول اعذريني عالتقصير
ام خلود: الله يسلمك ويسلمها لا والله يحليلها ما قصررت كفت ووفت
ريما: الله يخليك
ام خلود: هااااه مطولين منتب رايحين المدرسة
خلود وهي ماسكة دمعة تبي تنزل: وش يعني يما اروح المدرسة وابوي ماله اسبوع متوفي
ام خلود: يا بنيتي وش تبينا نسوي نقعد لا شغلة ولا مشغلة و...
ريما: خالة شيخة خلود ما تقصد
ام خلود: الله يهيدك يا خلود يعني انا اللحين على بالك مستانسة وابتسم واضحك واسولف ولا تعتقدين ما همني وفاة رجلي تراني بس مفوضة امري لله هو اللي بيده كل شي
خلود: يمااا لا تنكرين انك حزينة اكثر مني شوفي عيونك كيف ذابلة شوفي شكلك كيف صاير
ريما: انا بروح اسوي عصير تعرفون البيت بيتي
خلود: لا ريما وين رايحة اجلسي
ريما: وش دخلك انت اقولها البيت بيتي تقول اجلسي
ام خلود: صح البيت بيتك بس
ريما: لا بس ولا شي تراني اعرف اسوي اندومي تبون اسوي لكم
خلود وبابتسامة: وبيض مقلي بعد
ريما: صح وعصير برتقال
ام خلود: ما شاء الله عليك سنعة ربت منزل ابخطبك لأخوي
خلود: هههههه فكرة حلوة بس خسارة هو مو ساكن هنا ولا كان ازعجتكم لما توافقون
ريما: ليش وشايفتني بمشي على كيف حضرتك

فهد: يا ولد يا ولد

خلود: الخطيب المترقب عند ذكره
فهد وهو داخل: طيب قولوا ادخل مو تخلوني جالس عند الباب ساعة
خلود: لحظه فيه احد فيه احد
ريما اللي نقزت للجهة الثانية وبهمس: غبية انت ولا غبية؟؟
طلعت ام خلود: خلاص خوذوا راحتكم انا بروح مع فهد


ام خلود: يا فهد انت عارف إن خلود ما راح ترضى
فهد: يا شيخة ما اقدر اخلي شغلي هناك ولا يمكن اني اخليكم هنا لحالكم
ام خلود: ونخلي كل اللي هنا و نروح معك
فهد: هذا الحل الوحيد
ام خلود: والله ما ودي بس غصب علينا نترك الرياض
فهد: هناك بصير عندكم..
ام خلود: طيب انت اقنع خلود مع اني ما ودي
فهد: يصير خير .. الله يعافيك ابي عشاااااااا
ام خلود: إن شاء الله بروح اسويه لك





العائله مجتمعين بالصاله مو ناقصهم غير ريما اللي ماتركت صديقتها ايام العزاء ابدا..
نواف: الحمدلله والشكر
فارس: وش تتحمد عليه؟
ابو نواف: لا حول ولا قوة إلا بالله .. اللحين علشان ريما مهيب موجودة تبي تقتل الفراغ اللي عندك
فارس: ايه يبا شفه
ام نواف: نواف اتركه فارس اسكت
فارس: انا وش سويت تسكتيني؟
نواف: ملسووون هالولد طيب انا ما سويت شي ليش تقولون لي اتركه
ابو نواف: يا نورة انت متأكدة إن هالولد اللي قدامي عمره 26 سنة ولا نحذف الاثنين اللي عاليمين
نواف: هههههههههههههههههههه شدعوة يبا
فارس: هههههههههههههههه الله وناسة احد تطنز على نواف غير ريما
نواف: هيهيهيهيهي هاذي وناسة اثاريك منتب هين
فارس: ايوه لكااان
نواف: ابوك ياللبناني
ام نواف: رح جب ريما يا نواف
نواف يناظر الساعة: خليها شوي انا عندي موعد عالساعة 8 ونص بروح اجيبها مرة وحدة
فارس: يما يبا فقط ( ويناظر نواف بطرف عينه ) ترى يوم السبت منب جاي بعد المدرسة على طوووول
نواف: ما شاء الله تطلع قرارات على كيفك
ابو نواف: لا يا فارس تجي على طول على هنا
فارس: يبااا
ام نواف: خلاص يا فارس اصلا انت تجي تعبان من المدرسة وتتغدى وتنام من وين تجيب النشاط تروح مع اصدقائك!!
نواف: للعب جاهز
فارس: ....
ابو نواف: نواف لحظة شوي
نواف: مع انها تسكيته بس يلا احتراما لك يبا
فارس: هااا وش قلتوا؟
ابو نواف: لا يعني لا
فارس: ليـــــش؟ كل اصدقائي يروحون ويطلعون على كيفهم شمعنى انا؟!!
ابو نواف: لأن امك وابوك يخافون عليك وما يبونك تطلع
نواف: يلا بروح اجيب ريما تامرون على شي
ام نواف: جب بندول معك نخليه عندنا للحاجه
نواف: ما طلبتي اللحين اجيبه
فارس: وجب لي شيبس كبير
نواف: يما ريما معها جوالها
ام نواف: أيه معها
نواف: بتروح المدرسة بكره
ام نواف: مدري
نواف: صار لها اسبوع غايبة اكيد فاتها اشياء كثير مفروض تروح بكره
فارس: يا ذكي اصلا هي بتجي اليوم مصدعة كالعادة وتدخل غرفتها ومهيب قايمة إلا عالساعة 1 وبذاك الوقت محد فاضي تكلمه يعطيها الواجبات ولا تبيها تروح تتفرج عالبنات
نواف: مشكور عالمعلومة . . . يلا مع السلامة






كالعاده مشاري من مغامره لمغامره ومن بنت لبنت وكل وحده تحسب نفسها هى الحبيبه اللى ما يقدر حبيبها يستغني عنها وهذا حال شباب اليومين
مشاري: هلا وغلا
نجود بابتسامه: اهلين
مشاري: وينك فيه طالعه صوت ازعاج؟؟
نجود: ايه انا في السياره
مشاري: مع السواق؟؟
نجود: ايه ليش..
مشاري: لحالك ولا معك احد؟؟
نجود: : مشاري وش فيك تسال اسئله غريبه!!
مشاري: ابد بس مشتاقلك..
نجود: وانا........
مشاري: خلاص اجل مدامك بالسياره خليني اشوفك..
نجود: يامشاري كم مره تناقشنا بهالموضوع.. انا ارتاح لك بس تشوفني هاذي صعبه..
مشاري: اذا انتي ترتاحين لي وتثقين فيني من جد خليني اشوفك لو من بعيد..
نجود: مشاري السالفه مو اثق فيك ومااثق السالفه سالفه مبدأ
مشاري: يعني؟؟
نجود: ...
مشاري: حبيبتي انا اللحين لي اكلمك 5 شهور حتى شكلك مااعرفه .. بالله عليك احد يصدق !!
نجود وهي تحاول تصرفه عشان يغير الموضوع: مشاري الله يخليك لا تضغط علي .. انا وصلت اللحين عند صديقتي اكلمك بعدين..
مشاري: ايه انتي فاضيه لصديقاتك وانا اخر اهتماماتك
نجود: اذا نفذت وعدك لي وخطبتني من اهلي تصير اهم واحد بحياتي
مشاري: طيب يابنت الناس مافي خطوبه قبل الزواج .. اعتبرينا اللحين بفتره الخطوبه
نجود: مشاري لا تستفزني
مشاري: اقول انا حتى اسمك كامل مااعرفه..
نجود : اذا حسيت انك جاد راح اصارحك بكل شئ
مشاري: يعنى انا نصاب .. شوفي انا صبرت عليك كثير لكن خلاص طفح الكيل .. اذا ماخليتيني اشوفك اليوم لاعاد ادقين على!!!
نجود وهي مستغربه من اسلوبه اللى انقلب فجاه: مشكور يامشاري يجي منك اكثر.. وطلعه ماراح اطلع
مشاري يوم شاف ردها القوي صكر السماعه بوجهها .. وهو يقول "مصيرك ترجعين لي"

وفي الطرف الثاني نجود .. تفكر بهالشخص اللي دخل حياتها بكل بساطة وهي بكل حذر تحاول انها ما تبين له قد ايش تحبه..

هي تحبه وتموووت عليه بس تعرفت عليه بغلطة وكانت تدري إن هالغلطة بتكبر .. ما يوم توقعت نفسها انها تبي تسوي هالشي .. كانت دايم تقرأ القصص اللي تنتهي فيها البنت وهي مرخصة نفسها وباعت شرفها وعرضها وهي اعز ما تملكه .. دمعت عينها وهي تفكر بهالشي .. انا انا يصير فيني كل هذا ..




في الصباح نواف بالشركه جالس مع وليد اللي هو وياه بمكتب واحد بعد ماتركهم فيصل
نواف: الدوام هنا انواع الكرف تدخل هنا مبتسم تطلع وانت تصيح
وليد: احمد ربك رواتبهم مررره عاليه غيرك مو محصلها
نواف: ياناس متى اترقى شوي واصير بمكتب الحالي
وليد: يعني هاذي دقه
نواف: لا وش دعوه بس فيصل مو احسن مني
وليد: مشكلتي قلبي طيب
نواف: ههههههههههه مشكلتك
وليد: انا سمعت انهم بيجيبون متدربين عندنا واحنا نشرف عليهم
نواف: لا لا لا تقول
وليد: يمكن تكون اشاعه
نواف: وتلومني لو قلت ابي اروح لمكتب خاص
وليد: اخاف بس تصيرالمدير مره وحده
نواف: هههههههههههه فيصل ما مر علينا اليوم
وليد: الله يعينه الشغل إلى فوق راسه
نواف: بس موقع مكتبه مسكت جنب المدير العام
وليد: هاهاهاههههههههههههه



سلمان: فارس يا حلوو لا تصير بزر وتمشي على كيف امك وابوك
فارس: ........
سلمان: وش فيك ساكت .. ما تستحي من نفسك ابوك يقولك لا تروح وانت تمشي على كيفه
فارس: بس هو ابوي
سلمان: هااااااااااااااا بتصير رجال وتجي معنا
فارس وهو يناظره نظرات خوف
سلمان: ؟؟؟؟؟
فارس: بس اخاف اخوي نواف يهزأني
سلمان: اللحين تقدر انك ما تسمع كلام ابوك وكلام اخوك ما تقدر تكسره
فارس: بس اذا هزأوني وش اسوي؟
سلمان: عطهم كم كلمة ورح المكان اللي تبيه وطنشهم
فارس: طيب يلا مشينا
سلمان وابتسامتة اللي منصفه وجهه: رجال
فارس مستاء من معاملة الكل له الكل يعامله معاملة اطفال .. هو يعرف إن سلمان ياخذه على قد عقله يوم يقوله رجال بس ما يقدر يقول شي .. وابوه وامه يمنعونه يطلع لأنه طفل .. ونواف يحب يفرض سيطرته عليه لأنه طفل .. فلازم يتمرد شوي علشان يحسون انه كبر وانه لا يمكن يكون الطفل الصغير اللي يتوقعونه..




ريما وفارس وابو نواف وام نواف جالسين يتقهوون ونواف بالدوام المسائي..

ريما: فارس فارس عطني البسكوت
فارس: مالك رجول تجين تاخذينه
ريما: يا سخفاتك جنبك هو
فارس: حتى ولو تعلمي انك تعتمدين على نفسك
ريما: ما شاء الله وطلعك لسان فرووس
فارس: اففففففف
ام نواف: فارس احترم اختك الكبيرة
فارس وهو يناظر المجلة ولا كأن احد يكلمه
ابو نواف: فارس اذا كلمتك امك تقولها سمي إن شاء الله سامع
فارس: ريما وين مجلة فواصل
ريما: بعد يبي مجلة فواصل انت حدك باسم وماجد رح اقراها
فارس: ريما
ريما وهي قايمة: اروح المطبخ واسوي لي عصير اصرف

دخلت ريما المطبخ تاكلها شئ.. طلعت معها كورسان

فارس: جيبي لي كورسان
ريما: اعيد واكرر انت اخ لا تحترم اختك الكبيرة..




سعود : عبييييييييييير!!
عبير: خلاص انا ما اقدر اصبر ما اقدر
سعود: ....
عبير: ابي طفل ابي طفل تسمع ولا لا ابي طفل
سعود: عبير إن ما صكيتي عالموضوع ....
عبير: وش فيك انت ما تفهم ابي اجيب ولد
سعود: إنت تعرفين اني معارض هالفكرة
عبير: عاد مو ذنبي إن كنت تعاني من مشكلات نفسية بسبب طلاق امك وابوك
سعود: عبير وش هالاسلوب
عبير وهي تجلس وتصيح: حررررام عليك يا سعود انا تعبت تعبت تعبت حررررام عليك حرام عليك
سعود حظنها: عبير خلاص يا عبير والله الشي ما يسوى نتهاوش عليه عالطالعة وعالنازلة
عبير رفعت راسها: إلا يستاهل يستاهل انت ما ودك تكون اب انا ودي
سعود: عبير روحي غسلي وجهك وخلينا نطلع
عبير: انت ليش تتهرب من الاجابة ليش؟
سعود: وانت ليش عالتني بهالسؤال؟

طلع سعود من البيت معصب وعبير ما زالت تصيح .. وش الشي اللي يخلي سعود يكره الأطفال هل هي عقدة من صغره او شي حاصل بين امه وابوه ما يبي يتذكره او شي ثاني .. هذا اللي تبي تعرفه عبير ومو عارفة كيف توصل له..




ريما صارت يوميا تشبك نت عشان دموع الغروب ..
ظلم وجفا .. السلام عليكم
مرعبة .. هلا وغلا وعليكم السلام ومرحبتين بنور العين يعل عيني كل يوم تشوفج
ظلم وجفا .. هههههههههه انا غاسلة يدي منج مينونة صج
مرعبة .. الجنون فنون وفن جنوني غيـــــــــــر
ظلم وجفا .. ههههههه الحمدلله والشكر
مرعبة: مي تو الحمدلله والشكر
ظلم وجفا .. اسمعي
مرعبة .. هااااااااااااا
ظلم وجفا .. يمكن ناخذ عمرة بالصيف احنا والاهل
مرعبة .. تعالوا عالرياض خلينا نشوفك
ظلم وجفا .. مدري مو اكيد نسير الرياض بس ودي اشوفج ..
مرعبة .. me to
ظلم وجفا .. شوفي ابقول لاهلي خل نسير الرياض بس يا ويلج ويا سواد ليلج إن ييت وانتي مو بالرياض
مرعبة .. ايووووه لكاااااااان ابرجعهم لو تبين بس تعالي
ظلم وجفا .. هههههههههه عليج رمسة ههههههههه
مرعبه .. طيب لازم تصير بينا وسيله اتصال غير النت
ظلم وجفا .. عطيني رقم موبايلج
سكتت ريما مده وقالت ليش انا اصير غبيه لهالدرجه يمكن ماتكون بنت
مرعبه .. عطيني انتي رقمك وان ادق عليك
ظلم وجفا .. *********
انا في انتظار اتصالك

جلست ريما تسولف معها وتستهبل ويسألون بعض لما استأذنت المهره ..




نجود منسدحة عالسرير وتصيح بسبب مشاري اللي هزأها لأنها رافضة تطلع معه ورافضة تعطيه صورها.. خلاص قررت انه تنهى العلاقه اللى بينهم.. نفسيتها مرررره تعبانه منه .. وخايفه من الايام الجايه.. وخاصه انه هو انسان مو سهل ... اسلوبه اخر مره معها كان يخوف
هو مو ماسك عليها شى بس هى حاسه انه تمشى بطريق غلط وهذا الشى اللي مخوفها
نجود هالايام شريط حياتها يمر قدامها تحس باحاسيس متضاربه خوف.. حزن.. الم.. ندم .. هي موعارفه الشئ اللي سوته صح ولا لا ..
مسكت جوالها قعدت تقلب بالمسجات شافت مسجات مشاري القديمه اللي كان يرسلها لها .. لقت مسج قوي عندها قررت انه ترسله له.. يوم كتب لها تم ارسال الرساله على الشاشه قعدت تصيح..


مشاري: ااااااااخ ااااااخ يا قهررر
طلال: سلامات وانا اخوك!!
مشاري: شف هالمسج "
اخذ طلال الجوال وقرى المسج...

"خلك مع اللي بالكذب يعطيك
وانا ترى بلقى ملايين تسواك
لا تحسب اني ابرخص النفس وارجيك
ما اذل نفسي لمثلك وشرواك
يحرم علي وصلك وقربك ولا اجيك
السنة عيدين وثالثهم يوم فرقاك "

طلال: هههههههههههههههههههههههههههه الله يهديك وش مسوي بالبنت انت؟
مشاري: هذا اللي قاهرني لو احد غيرها مرسلها كان ما اهتميت .. بس هاذي والله قهرر
عبدالعزيز: ليش عسى ما حبيتها
مشاري: حبتها القرادة ما حبيتها ولاهم يحزنون بس قاهرتني لا تطلع معي ومكالماتها لي بالقطارة ولا رضت تخليني اشوفها حتى واخرتها تجي ترسل لي هالمسج
طلال: والله انها قوية عطني رقمها خل نحاول فيها
مشاري يقوم: وش تبي انت هاذي محد بيطلعها من اللي هي فيه إلا انا سامع انـــــــا
عبدالعزيز: وش بلاك عصبت ما قال شي يستاهل
مشاري: طيب طيب يلا ابطلع




الصبح قامت عبير طفشانه لانه امس صار نقاش حاد بينه وبين سعود وخلته يمر بها بيت اهلها وهو رايح دوامه
عبير: صباح الخير يااحلى ام
ام نواف: هلا والله غريبه جاييه من صبحيه ربنا
عبير: احلى ياام نواف صرنا نتكلم مصري مااقدر انا
ام نواف: اقول بس بلا تعليقات روحي صحي اختك خليها تذاكر
عبير: ليه هي ماراحت المدرسه اليوم؟؟
ام نواف: لا انتي ناسيه انه ماباقي عالامتحانات إلا اسبوعين وهم بالعاده مثل هالايام مايداومون
عبير: يوووو يماه ناسيه اصلا انا من اعتذرت هاالترم ماصرت افرق بين الايام
يلا يماه عن اذنك خليني اروح اصحيها

طلعت عبير تصحي اختها ريما
عبير: ريما
عبير: ريما ريوم ريمان
عبير: ريما يلا قومي
عبير: ريما ريمااااااااا
ريما: همممممممم
عبير: احس اني لحنت اسمك كذا لحن وانتي ولا انتي هنا يلا قومي بلا دلع
ريما: خلاص شوي شوي واصحى
عبير: انا بنزل يلا

قامت ريما ونفسها بخشمها

نزلت عبير ولقت امها بالمطبخ

عبير: السلام عليكم
ام نواف: وعليكم السلام والرحمة
عبير: وش تسوين يمااا
ام نواف: اسوي فطور
عبير: خلي الشغالة تسوي يعني لازم تتعبين نفسك
ام نواف: انا جالسة جالسة قلت خليني اسلي نفسي شوي
عبير: اهااااا لا خلاص ارجعي واجلسي واطفشي بس لا تتعبين عمرك وانا وريما بنسوي الفطور
ام نواف: قامت ريما؟؟
عبير: انا عارفة انها ودها تصفقني بس وش اسوي
ام نواف: هالبنت إن نامت ما قامت وان قامت ما نامت الله يعين عليها
عبير: ههههههههههههههه كل البنات كذا
ام نواف: لا انت وانت كبرها ما كنت كذا كنتي تسابقين الريح وانتي تقومين
عبير وهي ميتة ضحك: والله والتشبيه .. والله اني خطيرة
ريما: سلاااااااااااااااااام
ام نواف + عبير: وعليكم السلام
عبير: خلاص يما روحي الصالة شوي وانا وريما جايبين الفطور ونسابق الريح هههههههههههههه
ام نواف: ههههههههههههه لا تطولون وتطفشوني
عبير: وش رايك ريما تسوين الفطور وانا اروح اجلس مع امي
ريما: اللحين انا يالله قمت من سريري وتبوني اسوي فطور ده بعدكوو
عبير: شدعوة طالبين منك ذبيحه .. كله بيض على نواشف وصلى الله وبارك
ريما: لا يكثر منتب مسوين فطور اسوي لي ساندوتش وادحدر غرفتي
ام نواف: هالبنت عجازة مدري على مين
عبير وهي تغمز لأمها: ههههههههههههههههه الوراثة ما تجي من بعيد
ام نواف وهي طالعة: ايه والله ما تجي من بعيد اكيد هذا حدا عمانها
عبير: والخوال مالهم رب
ام نواف: الله اكبر كله خال واحد




ما بقى عالامتحانات إلا اسبوع والكل مربوشين .. اللي يذاكر .. واللي عنده مدرسين

راحت سارة عند ابوها

سارة: يباااااااااااااااااااا
ابو مشاري: وحطبــــــــــه وش تبين؟
سارة: لا حول ولا قوة إلا بالله
ابو مشاري: وش فيك
سارة وناوية على ابوها: حنا بالصيف نجيب حطب ليش؟
ابو مشاري: الله يهديك يا بنيتي
سارة: ههههههههههههههههههههه
ابو مشاري: وش فيك؟ شكل المذاكرة مأثرة عليك؟
سارة: ههههههههه واخيرا احد حس فيني
ابو مشاري: الحمدلله والشكر
سارة: بااااااااااباااااااا
ابو مشاري: وش عندك؟
سارة: اممممممم ابي اروح عند ريما بنت عمو ابراهيم اللي يصير اخوك واللي بيتهم ما يبـ.........
ابو مشاري: ما ودك تجيبين شجرة العايلة علشان اتأكد
سارة: ما عندي مانع
ابو مشاري: لا والله!!
سارة: والله يا يبا الكتب تقول ارحمووووووني من سوير ابي اطلع
ابو مشاري: الكتب تقول كذا!! .. لو انك مها كان يمكن صدقت بس انت ما هقيت .. وبعدين لاحقين عالطلعات بالصيف
سارة: يبااااااااا بالصيف!! .. شدعوة قايلتلك ابسافر انا!! .. ابي اروح عند ريما وبالمرة خل نشوف عمي
ابو مشاري: طيب قلتي لريما؟
سارة: طيران اقولها
ابو مشاري: واسأليها كان ابوها فيه ولا لا

طارت سارة للتلفون تكلم بنت عمها..

.. لبست لبس بسيط وراحت مع ابوها .. سارة تعتبر بيت عمها مثل بيتها ما تحب تتكشخ زيادة عاللزوم إلا اذا كان عندهم احد .. .. دخلت سارة عند ريما بعد ما سلمت على عمها .. وريما سلمت على عمها واخذت سارة غرفتها .. سواليف كالعادة .. ومن هناك حكت لسارة سالفتها مع المهره

سارة: اب اب اب كل هذااااا صااااااااااااااار يالمجررررررمة ولا تقولين لي؟؟؟؟؟؟؟؟!!!!!!
ريما: انا لحقت اسحب نفس؟! .. وبعدين ما اعتقدت انها بهالاهمية
سارة: لها شهر يالمجررمة واكثر ( تقلد ريما ) وما اعتقدت انها بهالاهمية
ريما: وش فيها كل الناس يتعرفون عن طريق النت .. ما فيها شي
سارة: امممممم .. انا ما اداني النت مدري ليش .. تبيني اتعرف؟؟!!! ما هقيتها مني ...
ريما: عادي سواليف .. صحيح اني صرت اخذ راحتي معها احسها كصديقة فقط
سارة: الله يعينك .. ما تخافين انك تكوني وثقتى فيها وهي مو محل الثقه؟؟ او تكووووون ... !!!
ريما : تكون ايش؟؟!!!
ساره : ولد يعني رجال
ريما : انا فكرت بالموضوع وجاري التحقق من الحدث
ساره : وااااالله لو يدرى نواف كان فيها اعدام !!
ريما: فال الله ولا فالك ياشيخه . . . . إلا ما قلتي لي وش عندك جاية مع عمي؟
سارة: ايه مها تذاكر .... وامي مهيب مخليتني اروح مع السواق لحالي . . فقلت خل نقول لأبوي
ريما: اهااااااااا
قطع عليهم حديثهم صوت جرس التلفون رفعت ريما السماعه : الوووووووووووو

ريما : مرحبا .... هلا هلا وغلااااااااااااااااا عاش من سمع هالصوت ... هههههههههههههههههه ايه ايه ...... وانا اقول وش ورى هالاتصال؟؟!........ لا لا لا استهبل ................ بس على شرط تجلسين شوي ............ ما علي منك ............ يلا عاااااااااد ..................... طيب طيب خلاص ..... مع السلامة
سارة: مين؟
ريما: مي تبي تجي تاخذ دفتر الأحياء بتاعي بتصوره
سارة: وبتدخل؟؟؟!
ريما: لا عيت تقول انها بتاقف عند الباب بتاخذه وتطلع
سارة: ننتظرها
ريما: وانت وش دخلك؟؟
سارة: ههههههههههههه ابشوفها معك ولا محرررم؟!!!

بعد نص ساعة دق الجرس وطلعت ريما ومعها سارة علشان يفتحون الباب

ريما: ميــــــــــــــــــــن؟؟؟؟؟
مي: انا مالت عليج بطلي الباب
ريما وهي تفتح الباب: ههههههههههه جاية بتاخذ دفتري وتسب بعد
مي: بتذليني يعني؟!
ريما: نوعا ما
مي: بتم عند الباب جذي
ريما: لا حياك ادخلي

وبهالوقت كان نواف جاي وشاف وحدة تفتح باب الفان وتنزل وكانت مو متغطية .. استغرب نواف منها!! "واقفة قدام بيتنا؟!!!" .. جلس يناظرها ويتفحصها.. مي كانت حلووووووة وجذاااااابة بيضااااء وعيونها سود وواسعة وابتسامتها محليتها ولأن امها كويتية وابوها ما يهتم بهالاشياء كثير.. ما كانت تتغطى كانت تتحجب بس .. نواف جلس يناظرها إلى تقريبا ما ركبت السيارة وراحت.. نواف اخذ نفس عميق ونزل وشاف سيارة عمه عند الباب "اكيد سارة موجودة" .. دخل البيت وهو بالحوش سمع صوت ضحك

نواف: احم احم
ريما: لحظة نواف عندي صديقتي
نواف: كيف الحال سارة؟
سارة: بخييييييييييير شخبارك انت؟
نواف: الحمدلله .. في احد جوا؟
ريما: لا بس لحظة خل سارة تدخل
نواف: بسرعة يلا وتعالي ابيك

دخلت ساره ورجعت ريما عند نواف إلى كان بالصاله
ريما: شو بدك اخي..؟؟ لا تقول صلحيلى شى اكله I am sorry
نواف: لالا ولا منتك الله يخلى المطاعم... امممممممم بسالك من البنت اللى قبل شوى دخلت البيت هنا؟؟
ريما: احدى الزميلات
نواف: تستهبلين انتي!! .. تصدقين كنت احسبه واحد من الهنود
ريما: مي
نواف: اهاااااااااااااااااا
ريما: ليه في شى؟؟؟!!!
نواف: ثاني مررره قولي لها تتغطى اذا جت بيتنا لانه مو حلوه احد يشوفها وهى كذا
ريما: والله اذا كنت ولية امرها قلت لها
نواف: ريماااااااااااا
ريما: إن شاء الله
راحت ريما من عند نواف وهي تكلم نفسها العيال ذولا يحبون الفلسفه يدخلون خشومهم في كل صغيره وكبيره تخص اهلهم ولا جيرانهم ؟؟!!!!!!!!!!!!!!!!!



الجزء الرابع
,,,,,,,,,,,
مشاري سمع جواله يدق فز ويشوف " لزقه2" .. حطه عالسايلنت " افففففففف اللحين هاذي ما ودها تدق؟؟؟؟؟!! ااااااه لو انها قدامي اللحين كان مسكتها و ......... اففففففففففففففففف"
منصور: وين وصلت؟؟؟
مشاري: لا بس ما لقيت احد منكم .. وين طلال وعزوز؟؟
منصور: مدري عنهم والله
مشاري: امممممم .. منصور عندك مسج قوووي
منصور: من أي ناحية
مشاري: مدري.. وحدة كلمتها و.. و.. هزأتها مرة وارسلت لي انك ما هميتني وشي زي كذا .. وش ارسل لها؟
منصور: ههههههههههههههه شايل همها؟؟؟؟؟؟؟ لا يكون بس صار شي من اللي في بالي؟؟؟
مشاري وهو ضايق: منصور .. ما عندكم افلام او اي شي نتفرج عليه
منصور: افا يا مشاري وش فيك متكدر وضايق خلقك؟
مشاري: ما فيني شي
منصور: تفداك هالبنية وعشرة من امثالها بس انت لا تغث نفسك!!
مشاري: طيب ابطلب منك طلب
منصور: امر وش تبي
مشاري: ابتصل عليها من جوالك
منصور: لا انت حالتك مستعصية
مشاري وهو قايم: قال ايش آمر يا شيييييييييييييييييييخ رووووح




وفي جلستهم العائليه ابو مشاري وعياله..
سارة: لااااااااااااااااااااااااااااا
ام مشاري: وشو اللي لا
سارة: وش بيجيبهم.... متى بيجون.... ؟
ام مشاري: اول الاجازه
ابو مشاري: وليش ما تبينهم؟
سارة: ايه بلاكم ما تحسون بعذابي وانا جالسة مع سحر عذااااااااااب والله عذاب ما ادري اقولكم عن نصباتها ولا عن غرورها ولا عن خشمها اللي رافعته مدري ليش وفرحااااااااااااانة شوي وتتقطع إن معها جوال كأن محد غيرها طلع جوال
ام مشاري: عيب عيييييييييب هاذي بنت خالتك
سارة: احمد ربي انهم مو معي بالرياض ولا كان انتحرررت انتحار جسدي
ابو مشاري: يا سااااااااتر
سارة: مهاااااااااااااااااااا مــــــــــــهـــــــــــــا مهااااااااااااااااوي
ام مشاري: فجرت اذاننا وش تبين بمها
سارة: علشان تشهد معي على ثقالة دمها
ابو مشاري: كلها فتره وهي رايحة
سارة: اففففففففففف
ام مشاري: ساااااااارة!!
سارة وهي قايمة: خلاص خلاص هاذي بنت خالتي ولازم احتررم وجودها


بدت الامتحانات عند المدارس وانتهت تقريبا عند الجامعات .. الطلاب 24 ساعة بغرفهم يذاكرون وما يطلعون إلا وقت غدا ولا عشا .. مرت الأسبوعين على الطلاب ثقيلـــــــة وطويلــــــــــــة بس كالعاادة استحملوها غصب عنهم ..




في المدرسه.. وفي اخر يوم بالامتحانات .. وقفت انسانه تودع المكان اللي حضنها لسنوات ورعاها لما كبرت.. تقدمت هالانسانه خانقتها العبره..
خلود وماسكة المايك:

" أخواتي .. معلماتي
اليكن اكتب .. بل معكن اتحدث ..قلمي يعتذر .. وريشتي تتعذر .. ومشاعري ما تزال تتفجر .. لأدون في الأوراق .. ولكي اكتب الأشواق .. من صميم الأعماق ..

وقفت شامخة كي اخفي حزنا تطويه حنايا صدري .. واشرأبت هامتي أبيه كي تتطلع للأمل البعيد وتنظر إلى فرحة المستقبل..

مضت بنا الأيام .. فجر باسم .. ودقائق أرق من النسمات ...
مضت بنا الأيام كلها صدق واخلاص .. ايام تحمل كل الحب .. بل تزرع جلّ الودّ .. وآخر اللحظات تعيد في نفسي شريط الذكرى .. تعيد في نفسي حكاية أمل ومشاعري تتلجلج في قلبي .. والبسمة تتلوها الآهات ...
بل ادعوا والدنيا عبر تنفعنا وعظات ..
واسأل الله إن يكون ختم لي آخر ايامي معكم وهو راضي عني وعنكم ..
وآخرا اسألكم دعوة صادقة ما دامت الأرواح تجري في الأجساد..
ابنتكم وأختكم التي تحمل لكم الذكر الطيبة في قلبها والأمل المشرق في نفسها .. خلود .. "

بهاللحظة صاحت خلود وراحت عند ريما واخذت الأستاذه عنها الميكرفون...

الاستاذه وفاء: والله والله انا حنا اللي بنخسر مو خلود .. حنا اللي بنخسر طالبة مميزة من جميع النواحي ادب واخلاق وامتياز ما شاء الله لا اله إلا الله .. خلود انتي منتي طالبة مثل اللي مروا علي انت طالبة مميزة شديتيني وخليتي نفسك محل اعجاب الجميع .. ابرزت نفسها بنفسها وما اعتمدت على احد ثاني .. فيا طالباتنا العزيزات .. خلود بتنتقل لمدرسة أخرى غصب عليها مو بيدها لظروفها الخاصة .. فخلود نفسها و تتمنى انكم تحللونها .. وتعتذر لأي بنت غلطت عليها من قصد او من غير قصد ..

ضجت المدرسة اللي تقول " افففف طيب حنا وش دخلنا لو يطلعوننا اصرف" واللي يقولون "يا حرام خلود ابوها توفى الله يعينها" واللي تقول" يا عمري عسى ما يصير لها زي ما نسمع بالقصص بعد ما توفى ابوها" وكل على حدا يفكر بالمستقبل اللي ينتظر خلود اللي هي نفسها ما فكرت فيه..

خلود: ريما والله ما اقدر والله ما اقدر
ريما: وش اللي ما تقدرين؟
خلود ودموعها تنزل: صدمتين في أقل من شهرين صدمتين!! ابوي يتوفى وانفل من الرياض
ريما: خلاص يا خلود مو اتفقنا وجمعنا سلبيات الموضوع وايجابياته واقتنعنا بسفرك مع خالك
خلود: بس انت عارفة اني منيب موافقة
ريما: خلود
خلود وترفع راسها اللي كانت منزلته: هلا
ريما اللي دموعها كملت بحيرة خلود:...................
تحظن ريما خلود و جلسوا يصيحون على فراق صداقتهم اللي دامت أكثر من 8 سنين
ريما: خلاص اتفقنا اليوم ابنام عندكم
خلود وبين دموعها ابتسامة: الله يحييك
ريما: ههههههه تخيلي شكلي
خلود: بس اهم شي تجلسين عندنا لما يأذن الفجر
ريما: اما إلى اذان الفجر كثري لي منها
رهف: سلاااااااااامووو
خلود وهي تمسح دموعها: هلا رهوفه
رهف: شو اخبارك؟
خلود: الحمدلله كيفك انت؟
رهف: تماااااام ريما شخبارك؟
ريما: وين مي؟
رهف: مالت عليك وانا اللي اسأل عنك آخرتها تسألين عن مي
ريما: احم احم وينها؟
رهف: مدري عنها
ريما: اممممم يلا فتح الباب امشوا
رهف: انا عارفة اني ناشبتلكم بس شسوي بودع حبيبتي خوختي
خلود اللي تنتظر أي كلمة علشان تصيح انفجرت: يا قلبـــــــي انت
حظنتها رهف وهي دمعتها عالطرف: يا بعد عمري
ريما: طلعت انا اللي ناشبتلكم مو انت يا رهف
رهف: ههههههههههههه انت حتى بهالمواقف التعليقات ماشية
ريما: ليه كد شفتي طيارة وقفت لأن احد الركاب اغمى عليه
رهف: لا بس كد شفت طيارة تطيح بوسط مطبات هوائية
ريما: ههههههههههههه شفتي الفلم
رهف: ههههههههههه ايه
خلود: والله انكم رايقين يلا خل نروح بس
ريما وهي تقوم: يلا



يوم النتايج

فارس: ياربي والله اني مزفت بالامتحانات
حمد: مو انت بس حتى انا
فارس: امش امش خل نشوف اسمائنا مع الناجحين ولا لا
حمد: يلا

راحوا شافوا اسمائهم وكانوا كلهم ناجحين عالحافة



سارة توقع على ورقة استلام الشهادة ووجهها مصفوق
الاستاذة حصة: مبررررررررروك ناجحة جيد جدا
سارة وبعفوية: والـــــــــــــــــله؟؟؟ ...... ( استحت ) .. معليش استاذة بس والله من فرحتي
الاستاذة حصة وهي مبتسمة: لا عادي يلا نشوفك السنة الجاية
سارة: إن شاء الله

طلعت سارة وهي تصاارخ على شلتها
سارة وبصوت عالي وتدوور: جيـــــــــــــــــــــــــــد جــــــــــــــــــــــدا جيد جدا
سمر: ههههههههههههههههههههههههههههههههههههههههه الفال للباقين

سارة رجعت للبيت لقت خالتها وسحر توهم واصلين من الشرقيه

سارة ومفتحة عيونها عالآخر: سحـــــــــــــــــــــــــــر
سحر: اهلين سارة بشري كيف النتيجة؟
سارة: تمام وانتي سلموكم النتايج؟
سحر: ايه امس
سارة: إن شاء الله كويسة
سحر: الحمدلله
سارة: معليش سحر مواصلة ما نمت بطني كان ينغزني من الخوف بس وين خالتي بسلم عليها قبل ماانام؟؟
سحر: لا عادي يا حلووة خوذي راحتك امى فوق مع امك؟؟
وطلعت ساره وشافت خالتها وسلمت عليها وباركت لها بالنجاح بعدها استاذنت ساره عشان تنام

دخلت سارة على مها ولقتها نايمة .. شغلت اللمبات وجلست تصارخ وتنقز
سارة: نجحت نجحت .. مين يصدق سااااااااارة بنت عبدالرحمن نجحت
مها وعيونها منفخة من النوم: مبررررررررورررررك الف الف مبروك هااااااااه بشري كم النسبة؟
سارة: تصدقين ما شفت
مها: ههههههههههههه اكيد اكبر همك النجاح
سارة: جيد جدا
مها: زين بالنسبة لك
ساره: وين جوالك؟؟
مها: عالكومدينة
سارة مسكت التلفون وتتصل على جوال ابوها
سارة: يبااااااااااااااااااااااااا نجحححححححت
ابو مشاري: مبروك مبروك يا بنيتي
سارة: الله يبارك في حياتك .. لاتنسى الهديه يبا زي ماوعدتني جوال رقم حلو وجهاز نوكيا اخر واحد نزل..
ابو مشاري: ههههههههههههههه اول مره اشوف واحد يبي هديه ويتشرط
سارة: ايه الله يخليك لى يبا
ابو مشاري: ابشري يابنيتى اليوم الليل يكون عند .. واللحين انا مشغول يلا مع السلامة

استانست سارة وراحت تنام بعد ما انتهت رحلة الامتحانات ووصلت على النتايج وهي بر الأمان بالنسبة لها ...




دخلت ريما البيت وهي مبتسمة وتضحك .. وفارس هالشي اللي شجعة انه يبتسم

ريما: اللحين انت ليش مبتسم؟
فارس: فرحان ناجح
ريما: مالت عليك .. احد يفرح بجيد
فارس: ايه انا
ريما وبصراخ: يبااااااااااااا يمااااااااااا .. اقول فارس خل نهبل بأهل البيت دامنا اخذنا الشهادات وارتحنا نفسيا
فارس: كيف يعني؟
ريما: ابعد إلى ثلاثة وصارخ معي وقل يماااااا يباااا
فارس: حلوو يلا
ريما: 1 ........ 2 ......... 3
ريما + فارس: يمااااااااااااااااااااااااااااااااااااااا يباااااااااااااااااااااااااااااااااااااااااا .. يماااااااا يباااااااا
ام نواف وهي تركض: وش فيكم وش فيكم؟
ريما: ولدك نجح
فارس وهو يضحك: وانتي؟
ام نواف: الحمدلله
ريما: ما سألتيني كم نسبتك؟
فارس: عيت تعلمني اياها
ام نواف: هاااه بشرررري
ريما: 98%
فارس: اهبووووووووووو
ريما: هييييييي هييييي الله يكافينا شر الحساد .. بروح انام كالعادة مواصلة وما نمت




وفى الطرف الثانى حتى اللى يعتقدون انهم بؤساء وان الحزن مايفارقهم لهم موعد مع الفرح وما تخلوا حياتهم من اللحظات الحلوه..
خالد: هههههههههههههههههههههههه
سلطان: مع انها متأخرة بس ما علينا مبرووك لك لتخطيك هالمستوى يلا ما بقى لك إلا كورس واحد وتخلص
خالد: يلاا الله يعيني
سلطان: اقول خالد ماعندك نيه تعشينا بهالمناسبه
خالد: انت اختار المطعم اللى يعجبك والحساب على اخوك
سلطان: تسلم يا خلوود ؟؟
خالد: شدعووة عاد
سلطان: طيب حبيب ألوووبي خل نشوفك بالكوفي اليوم
خالد: اممممم متى؟؟!
سلطان: بالليل
خالد: خلاص إن شاء الله بس مو اكيد
سلطان: خلاص مع السلامة
خالد: مع السلاااااامة

رمى خالد الجوال عالسرير وانسدح ... "يا اللـــــــــه .. اللحين اروحلهم لا اروح عند خوالي اللي لي سنة ما شفتهم .. خاصة وان الدنيا كلها نتايجها طلعت .. امممم احسن شي اروح اسلم على خوالى.. وان بقى وقت رحت عند الشباب"


العصر دخل ابو مشاري البيت وهو ينادي...: سااااااااااااااااااااااااااااااااااااارره
سويره .. ساااااااااره
ساره كانت توها صاحيه من النوم وسمعت صوت ابوها ينادي نزلت تحت بسرعه وهي تركض : سم يبا
ابومشاري: تفضلى يابنيتي هاذي هديتك والله اني طلعت من المكتب عالاتصالات على طول ..
ساره: تسلم يبا الله لا يحرمنى منك
ابومشاري: ابروح انام مابي ازعاج
ساره: ابشر يبا

وطلعت ساره فوق وهى مبسوطه دخلت الغرفه على مها وسحر بنت خالتها
مها: وش فيك مستانسه؟؟
سحر: يمكن نبي نطلع؟؟
ساره: لا ياحلوات بس ابوي جاب لى هديه
مها: الجوال؟؟؟؟؟؟؟
سحر: هه احسب عندك سالفه قلت اكيد حجزتولنا نسافر مكان حلو بدل حر الرياض
ساره: هيه هيه انتي مسكينه مصدقه عمرك حتى لو حجزنا انتي وش دخلك نكد عليك لايكون بس مخلفينك وناسينك؟؟ّّ!!
هنا سحر تغير لون وجهها وتضايقت وطلعت
مها: حرام عليك ليش تحرجينها ؟؟
ساره: ترفع الضغط ماشفتيها ايش قالت.. كيفها ماعليك منها اللى مايحترم الناس هذا جزاه..
مها: ورينى جوالك؟؟ واووووووو كاميرا !!!!!!!!!
ساره: تعالى خليني اصورك..

تحمست ساره مع الجوال ماتركت شى في البيت ما صورته صورت نفسها واختها ضيعت يومها كله وهي تجرب الجوال..




فارس: ريما عمي صالح وسعود وعبير تحت

ريما: طيب شوي ونازلة .. صكر الباب وراك
خلود: وش اخبار المدرسة؟
ريما: فاقدينك والله
خلود: وانا اكثرر
ريما: ما ودك تجين بهالاجازة؟
خلود: مدري والله .. يمكن
ريما: طيب خلود ام الأحلام ورجلها وابوها اللي هو عموو تحت
خلود: إلى الآن انت على هاللقب!!!
ريما: كيفي .. يقولون علي مطفوقه اسميهم على كيفي
خلود: هههههههه حقـــــــــد هههههههه خلاص روحي قبل ما تجي عبير تكفخني
ريما: يلا لا تقطعين
خلود: لا إن شاء لله .. مع السلامة
ريما: فمان الله

نزلت ريما تحت وهي واقفة بالدرج شافت سعود جالس ولأنها تتغطى عنه راحت تجيب شيلتها وسعود يوم حس فيها

سعود: يلا خالتي بطلع عند عمي وابوي برا
ريما من فوق الدرج: الناس يباركون بالنجاح
سعود: ههههههههه مبروك مبروك عقبال الدكتوراة
ريما: قوووووووية
ام نواف: ريما عيب
ريما: يماااااااااا تعلميني بسعود هذا خبز يديا ادري انه يتمنى اني اسلم عليه
عبير: وليش من تكونين يا برنسيسة
ريما: اشتغل محامي الدفاع
سعود: يا زينه من محامي
ريما: يا عينيــــــي يا عيني .. احترموا وجودنا عالأقل فيه مراهقين
عبير مستحية: سعود خلاص رح عند ابوي
ريما: طررررررده
سعود: ريما لا تخليني احلف اجلس وتنشبين فوق
ريما: ودك
ام نواف: سعود يا ولدي لا تحط راسك براس هالبزر
ريما: قوية منك يا ام نواف بس مقبوووولة
سعود وهو موقف: هههههههه يلا عن اذنكم
نزلت ريما وسلمت على اختها: قولي لرجلك يجيب لي هدية النجاح مو بس شاطر يتطنز
عبير: هيهيهيهيهي
ام نواف: ريما عيب تكلمين الرجال كذا
ريما: والله يا يما اعتبره زي اخوي .. بس الفرق بينه وبين نواف إني اتغطى عنه
عبير: من زمان عن عمي عبدالرحمن
ريما: صح انا ما شفته إلا قبل الامتحانات باسبوع واللحين خالتهم عندهم تلقينهم مشغولين معها
عبير: اجل المفروض حنا نزورهم ونبارك لهم يماه
ريما: اماااا ساااارة خخخخخخ حكاية مع بنت خالتها سحرر اتوقع من يوم ما اقولها تعالي تبي تسوي مناحة بالبيت
عبير: خلاص روحي استغلي نقطة الضعف

راحت اتصلت ريما على سارة .. وزي ما توقعت ريما .. سارة سوت ازعاج بالبيت كلــــه إلا تبي تروح لما وافقوا .. ام سحر أول شي رفضت انها تروح بس بعد محاولات عدة وافقت .. وراحوا .. وصلوا هناك دخل عبدالرحمن عند اخوانه والحريم دخلوا عند الحريم وسواليف وضحك .. راحوا البنات لحالهم اللي هم ريما وسارة وعبير ومها وسحر يسولفون

سارة: سحر سحر
سحر: نعم
سارة: قولي لهم سالفتك
سحر: أي وحدة؟؟
سارة: هذيك حقت الملف
سحر: اهااا .. اسمعوا .. انا ذاك اليوم ضيعت ملف مهم قلبنا البيت فوق تحت عليه انا وامي ما لقيناه المهم فقدنا الأمل اننا نلقاه لكن وحنا جالسين نتقهوى المغرب ما ندري الا .. طرااااااخ .. تخيلوا الملف طاح علينا من السقف
ريما: هههههههههههههههههههههههه سبحان الله كيف؟
عبير: يمكن احد مسوي فيكم مقلب ههههههههههههههههه
مها: ههههههههههههههههههههه
سحر وهي تهز كتوفها: كيفكم ما تبون تصدقوني هذا شي راجع لكم
سارة: هههههههههه لا بس والله السالفة غريبة
ريما: انا اقولكم هذا بسم الله الرحمن الرحيم رماه هههههههههههههههههه
مها: ههههههههه احححححم
سحر وبتصرف الموضوع: امممم انتم دايم تجتمعون كذا؟
ريما: بين فترة وفترة
سحر: اهاااا

دخل فارس: يلا يا بنات تعالوا المجلس سلموا على عماني

ريما: والعيال وين راحوا؟
فارس: نواف وخالد و سعود راحوا للمجلس الثاني
مها قلبها يطق "خاااااااالد هنا..؟؟!!!!! معقووووولة ؟؟؟؟!!"
ريما: يا حليله خالد هنا
فارس: ايه
ريما: يلا يا بناااات

راحوا البنات يسلمون على عمومتهم

نواف: من زمان ما اجتمعنا كذا
خالد: اللي يشوفك يقول 15عايلة كلها عايلتين والثالثة اختك ورجلها
سعود: ما شاء الله اجل صرتوا تسموني رجل مرتي انمحى اسمي
نواف: هههههههههههه انا ما قلت شي
خالد: ايه اطلع منها اللحين .. لا يا سعود هاذي مرتك تحاول انها تتملكك وتقول لأخوانها لا تسمون سعود إلا رجلي علشان احس انه زوجي .. وهم صدقوا وانا سمعتهم يقولون كذا قلت عيال خالي خل نتقرب منهم اكثرر
سعود: ههههههه توها تجي محبة خوالك!!!
خالد: وش نقول عاااد؟
نواف: مو ناقصنا إلا مشاري خل نتصل عليه
خالد: انا غاسل يدي منه
نواف: مهما كان ولد عمي
سعود: اتصلوا عليه

اتصل نواف على مشاري وبعد خمس دقات رد

مشاري: يا هلا ومرحبااااا
نواف: هلا بك ازود.. اقووول مشاري
مشاري: هلا
نواف: حنا مجتمعين ببيتنا عماني والشباب والبنات تعال عندنا
مشاري: معليـــــــــــــش اعذرررني يا نواف مشغول
نواف: افااا ترد عزيمتي؟؟
مشاري: ما ودي والله بس غصبن علي
نواف: طيب خلاص اجل نشوفك بمناسبة ثانية إن شاء الله .. مع السلامة
مشاري: مع السلاااااااامة

نواف: اموووت واعررف وش هالاشغال اللي عنده؟؟؟؟
خالد: ما عليك منه يا شيخ
سعود: شوفوا من يتكلم؟؟؟
خالد وبطرف عينه: وش فيه اللي تكلم؟؟
سعود: اللي كل ما اتصل عليه يقول سعود ما ابي اردك بس خلها مرة ثانية والمرة الثانية ذي عيت تجي
خالد: هذاها جت
سعود: بالصدفة
خالد: احلىىىىىىى شي الصدفة .. رب صدفة خير من الف ميعاد .. ما تشوف اللي يحبون من اول نظرة تكون النظرة بالصدفة
سعود وهو يتنهد: واللي يحب من كل نظرة
خالد: هاذي حالته مستعصية الله يعينه


ريما: نوووووووووووواف .. نووووااااااااااااااااااااااااااف
نواف وهو يركض: نعم نعم فضحتينا قصرررري صوتك..
ريما: شدعوة انا صارخت عند رجال غريبين كلهم عيال عمي
نواف: حتى ولو..
ريما: المهم نبي عشا
نواف: وشايفتني الشيف حقكم؟؟؟
ريما: لا بس نبي من المطعم
نواف: اطلبوا
ريما: بس اللي نبيه ما يطلب بالتلفون
نواف: اقووول ادخلي ادخلي
ريما: نوووواف
نواف وبنظرة: اقولك ادخلي

دخلت ريما وهي منقهرررة

سارة: هااااااااه وش صااااار؟
ريما: شوتني عندكم
سحر: ههههههههههههههه حلوه
سارة: بهاللحظة لازم ننفذ الخطة " ب "
مها: الخطــــــة ب!!!
سارة وتجلس جنب عبير: عبوووووووووووووووره يا بعد قلبي انتي
عبير: نعم!!
سارة: انا احبــــــــــــــــك
عبير: وانا بعد بس وش المصلحة من هالكلمة
سارة: الحب في الله حررام؟؟
ريما: لا مو حررام بس اذا جاء وراه مصالح ما يسمى حب في الله
سارة: هشششش خل نلعب بعقل البنت
سحر + ريما + مها: هههههههههههههههههههه
عبير: ؟؟؟؟؟ تستهبلون
سارة: هههههههههههههههه لا والله يا قلبي بس والله جوعانين
عبير: وانا وش دخلني .. مو علشاني الوحيدة المتزوجة بتكرفوني بالمطبخ
سارة: ما عاش من يكرررف برنسيستنا عبير
عبير: سااااااااااااارة!!
سارة: على بلاطة
عبير: ايه
سارة: قولي لسعود يجيب لنا عشا
عبير: لا حبيبتي انا اذا اشتهيت عشاا قلت له .. بس علشانكم لا تحاولون
ريما: يلاااا تكفين من زمان ما اجتمعنا قولي له
عبير: لا لا لا لا تحاولوووووون
مها: عبير يلا انا من عادتي ما اتكلم إلا اذا شي يستاهل بس صدق جوعانين
ريما: انا قايلة انت من يوم ما تزوجت مفررروض ما تجلسين معنا
عبير: لا والله
سحر: يلا عبير انا اول مرة اجي عندكم لا تخليني اطلع وانا جوعانة
ريما: نقطة ضعف .. سحر تحط ايدها على خصرها: لا واللــــــــــــه
عبير: هههههههههههههههههه
سارة: نووووف ياذا النشيمة قولي له
مها: يلا عالأقل بمناسبة نجاحنا
ريما: جابتهااااااا بمناسبة نجاحنا
عبير: امررررررررري لله

صارخوا البنات

ريما: تكفيييييييييييييييين حطي السبيكر
عبير: لا لا لا
سارة: ما علينا لا تحطين اهم شي قولي له
ريما: لا لا حطي عالسبيكر منتب واثقة من نفسك؟؟
عبير: إنا لله
ريما: يلاااااااا
عبير وهي تحط عالسبيكر وتتصل
عبير: هشششششششش اسكتوا
سعود: يا هلاااااااااااا و غلاااااااااااااا
عبير: هلا بك
سعود: ما بغيتي تتصلين .. يلا مشينا
عبير: وين وين؟؟ تونا
سعود: لا والله تلعبين علي؟؟ سحبتيني من بيتنا لما وافقت واخرتها شكلك بتنامين عندهم
عبير: حررررررام عليك توها الساعة11
سعود: عبير
عبير: هلا
سعود: أحبـــــــــــــــــــــــــــــــــــــــــــــــ ــــك

انقلب وجه عبير وصكرت السبيكر وراحت الغرفة الثانية

سارة + ريما: هههههههههههههههههههههههههههههههههههههههه
مها: حررررام عليكم احرجتوها
سحر: شكله يحبها
ريما: إلا يموووت عليها
سحر: الله يرزقنا
سارة: وين يا ماما توك انت ما فقستي من البيضة وتبين تتزوجين
سحر: افففففففف اتخيل تراني
سارة: حتى ولو
مها: خلاص فضوها سيررة
ساره وهى ماسكه الجوال : خلونى اصوركم بس ولا انا بروح جنب ريما وانتي يا مها صورينا
ريما: انتي مرررره فرحانه كان خليتى عمى يشري لك كاميرا عاديه عشان تفرغين موهبتك فيها..
كل البنات قعدوا يضحكون: ههههههههههههههههههههههههههههههههههههه

دخلت عبير وهي ماسكة الجوال

عبير: وش تبون من أي مطعم؟
ريما: وش صكرتي؟
عبير: ايه عندك مانع
ريما: لا بس ليش تسألين؟
عبير: علشان نجيب لكم على طريقنا
ريما: يا سلاااااااااااااااام بتطلعون
سارة: طلبناك عون طلعتيلنا فرعون
عبير: انا فرررعوووووووون..؟؟؟؟؟!!!!!!
مها: ههههههههههههه انقهرت منك
ريما: لا تطولون علينا وتنسونا .. وجيبولنا من اممم اممممم تبون من ماما نورة ولا من كودو ؟؟
سحر: انا اقول كودو
سارة:لا ماما نورة احسن
مها: كودو ولا ماما نورة كلوو واحد
سارة: لا لا ماما نورة
سحر: كودو
ريما: يلا قرروا البنت بتطلع
سارة وبصراخ: ماما نووووووورة
سحر وبعناد: كوووووودو
ريما: خلاص خلاص السالفة سالفة عناد انت وياها .. خلاص عبير جيبوا لنا من ماما نورة
سارة: ايه احسن
سحر: يلا من ماما نورة
عبير: طيب وش تبون ولا اجيب لكم على ذوووقي
سارة: لا كانه من ذوقك عفناااااااه
عبير وتناظر سارة بنظرة استهزاء: طرررررررار ويتشرط
سارة: ههههههههههههههههههههههههه امززززح معك
عبير: ودك انك ما تمزحين!!
ريما: خلاص جيبيلنا على ذوقك
عبير: اوكي مع السلامة

طلعت عبير ورجعت لهم بعد ساعة ومعها العشا .. ووزعوا الأكل بين الحريم والرجال .. عالساعة 2 ونص الكل رجع بيته وناااااااااام ..


من بكـــــــــره
سحر: والله ملل
مها: وين سارة؟؟
سحر: مدري عنها .. خلونا نطلع
مها:............
سحر: اكلم جدار انا ابي اطلع
مها: إن شاء الله
سحر: اففففف انا على بالي جاية الرياض ابي استانس واخرتها هاذي حالتي
مها: بلا دلع
سحر: ما تدلعت .. ولا ما تفرقون بين الدلع والقرررف
مها: القرررف؟؟؟!!!
سحر: ايه قرفت من بيتكم والملل
مها: ابروح غرفتي قبل ما تنفقع مرارتي .. عن اذنك
الأميرة دانة
16 - 09 - 2009, 02:34 AM
الجزء الخامس
,,,,,,,,,,,,,
خالد كان سهران بالليل مع خويه سلطان الساعه 1 طلع سلطان وجلس خالد عند التلفزيون يقلب بالقنوات حس بمللللللللل قام وجلس على مكتبه جاء في باله ابوه ااااااااااااااااااااااااااه يبا ليتك معى اللحين تفرح بنجاحي واسمع مبروك منك اااااااااااه يالدنيا مقساك..
مسك القلم وكتب حروف وكلمات تجسد مشاعر عميقه في نفس هالانسان

يابوي دنياي غدت هم وهموم
يابوي عقبك عفت كل الليالي
يابوي همي في خفا الروح مكتوم
يابوي عقبك مدمع العين سالي كلمة ابويه منها اليوم انا محروم
والله يعلم ياملا كيف حالي الانسان في دنياه مكتوب له يوم
ولا ينفعه خل وجاه ومالي ينجيه ذكر الرب لي يعبده دوم
الواحد المعبود رب الجلالي الموت حق والامر شي محتوم
لكن صعب تفارق انسان غالي والله ما بتعيضني عنك قروم
وياكيف بسلا وصورتك في خيالي وغرست فيه طيب كل الخصالي
وكلما ذكرتك فارقت عيني النوم واصفق بيمنايه بكف شمالي
اطلب إله بيده الحق مقسوم يسكنك في جنات روض العلالي




في بيت ابو سعود سعود وعبير جالسين بالصاله..

عبير: اممممم محنب طالعين
سعود: تبين تطلعين؟؟
عبير وتبي تقهره: لا لا .. ما فيه احلى من جلسة البيت
سعود: ايه على قولتك ما في احسن من جلسة البيت
ابو سعود: السلام عليكم

قاموا سعود وعبير يسلمون عليه

عبير: شخبارك عمي؟
ابو سعود: الحمدلله طيبين
عبير: دووم إن شاء الله مو يوم
سعود: يبا كيف الاجازة معك؟
ابو سعود: الله يشفيك .. انا في فرق عندي بين الاجازه وغيرها
عبير: ههههههههههه
سعود: افا يبا تفشلني قدام الـ ...........
ابو سعود: ما فشلتك ولا شي
عبير: عمي
ابو سعود: هلا عبير
عبير: يقولون في زمن الغرائب يصير هالشي
سعود: وشو اللي يصير لا تقولين الابو يفشل ولده عند مرته
عبير: يا حبك للشر احد قال كذا؟؟
ابو سعود: ما عليك منه يا عبير اصلا هو من يوم ما رجع من دراسته برا راسه صابه شي
عبير: هههههههه تصدق عمي مع انه طول هناك بس ما كد حكى لي عن دراسته
سعود: طيب تقدرين توجهين الكلام لي مو له .. وبعدين سفرتي مالها داعي احكي لك ليش؟؟
عبير: لأني زوجتك
سعود: بس انا ما احب اسولف بشي ما ابيه
عبير وهي قايمة: بسلامتك

ابو سعود: خف عالبنية يا سعود
سعود: يبااااا شدعوووة .. تراني حاطها في عيوني بس هاذي نبذة عن المهاوشات اللي تصير بيننا
ابو سعود: اهااااا نبذة!! ما شاء الله!!!
سعود: هههههههه
ابو سعود: وانت ليش إن شاء الله ما تحب تحكي لها عن دراستك؟؟؟!!!!
سعود واللي تضايق: ياااااااااخي ما احب ما احب
ابو سعود: افا يا ذا العلم انا اخووووك!!!
سعود: هههههههههه العفو يبا بس طلعت عفوية
ابو سعود: منتب مساااااااااافرين!!؟!!؟
سعود: ما اعتقد
ابو سعود: تراني سابقكم عالطيارة لا مجااااااال
سعود: ههههههههه ليش انت ودك بسفرررة معينة؟؟
ابو سعود: لا لا بس رح انت وعبير واستانسوا وما عليكم مني
سعود: يبا شكلك ناوي لك نيه من ورانا
ابو سعود: ههههههههههه خلاص اللي ابي اقوله سافروا ولا تتقيدون بي
سعود: ولا يهمك بكره نبي نسافر


ومرت هالليلة .. وليالي بعدها بنفس المنوال .. اسواق وطلعات للبنات .. سواليف .. .. وسهر





يوم الاثنين الموافق 26/6/1426هـ 1/8/2005م


الساعه 9:40 الصباح
ام نواف بالمطبخ تصلح الفطور وابو نواف جالس بالصاله فتح التلفزيون قام يقلب القنوات سمع خبر انصعق منه حس انه مو قادر يتكلم بينادي ام نواف يقولها مو قادر .. دخلت عليه
ام نواف وهي شايله الفطور واستغربت من شكله: سلامات باابو نواف وش فيك؟
ابونواف والعبره خانقته: ابو فيصل.......... ولحظه صمت طويلة..... البقاء براسك يام نواف!!
ام نواف وهي اطالع التلفزيون: وش تقول ؟؟؟؟؟؟؟
ابونواف: الله يغفر له ويرحمه ويسكنه فسيح جناته
ام نواف جلست: متأكد يابو نواف الملك فهد صار فيه شئ ؟؟!! يمكن اشاعه!!!!
ابو نواف: وشلون اشاعه وكل القنوات مالها إلا هالخبر.. اترحمي عليه يام نواف
ام نواف بصوت مخنوق : انا لله وانا اليه راجعون .. الله يغفر له ويرحمه
ابو نواف: اميـــــــــــــــــــــــن
وجلست ام نواف تصيح وتترحم عليه وتتذكر الاعمال اللي سواها وخدم فيها الاسلام والمسلمين..



نواف كان بالدوام وجاهم خبر وفاه الملك فهد رحمه الله عليه انصدموا من الخبر وحزنوا عليه وجتهم كأبه وماقدروا يكملون شغلهم خلاص حسوا انهم فقدوا شئ كبير..



في بيت ابو مشاري الكل حزين والكل مصدوم مو مستوعبين اللي سمعوه مو مصدقين ان ملكنا وابونا وقائدنا وزعيمنا وعزوتنا خلاص فارق الحياه .. يعني باني نهضتنا تركنا للابد .. ابو الفقراء والمساكين راح.. ملك الامه الاسلاميه والعربيه مــــــــــــــــــــات!!!!!!!!!!!!!!!!!!!!!


الساعه 12 الظهر صحت ريما من النوم وكلنت جوعانه نزلت بتفطر لقت اهلها متجمعين و الحزن مخيم عالبيت!!!!!!!!!!!!!!!!!!
ريما وهي خايفه : وش فيكم؟؟؟؟؟؟!!!!!!!!!!
ام نواف وهي تحاول تمهد لبنتها الموضوع : اجلسي يابنيتي ..
ابو نواف: الملك فهد.....................
ريما وعيونها معلقه على ابوها: وش فيه؟؟؟؟؟؟؟؟!!!!!!!!!!!!!!
فارس : الملك فهد مات ياريما .. الملك مــــــــــــــــــــــــــــــــــات.. خلاص ماراح نشوفه مره ثانيه.. خلاص ياريما..
ريما سكتت .. اول شي كانت تنتظرهم يكذبون لها الخبر .. لكن وجيههم ما كانت تدل إلا على ان الخبر صحيح .. ركضت وراحت غرفتها تستوعب اللي انقال لها قبل شوي وتبث حزنها وتدعي له بالرحمة والمغفرة ..



عبير بالسياره هي وسعود زوجها..
سعود: خلاص ياعبير الله يرحمه هو يبي منك الرحمه والدعاء ..
عبير: منب قادره اصدق ياسعود انا من فتحت عيوني على هالدنيا وهو ملكنا انا ماعرفت ملك غيره.. دايم ياسعود امي اذا احد سالها عن عمري تربطه بالملك تقول عبير جبتها اول ماتولى الملك فهد الحكم..
سعود: اللـــــــــــــــــــه يرحمه ياعبير .. كلنا نحبه ياعبير وكلنا نعتبره ابونا لكن الصياح ياعبير عمره مايرجع اللي راح..
عبير: الله يرحمه رحمه واسعه ويغفر له يارب
سعود: اميييييييييييين

وصلت عبير بيت اهلها .. دخلت عليهم وعزتهم..
وجلسوا قدام التلفزيون يسمعون القنوات وش تقول عن ملكنا الراحل..

* بيان من الديوان الملكي مبايعة الملك عبد الله ملكا للملكة العربية السعودية .. والأمير سلطان ولياًُ للعهد ..

* سوف تقام صلاه الميت غدا الثلاثاء بعد صلاه العصر على خادم الحرمين الشريفين الملك فهد بن عبد العزيز وذلك في جامع الامام تركي بالرياض..

* غدا صلاه الغائب على خادم الحرمين الشريفين الملك فهد بن عبد العزيز في جميع جوامع المملكه..

* مبايعة المواطنين للملك عبدالله وولي عهده يوم الأربعاء وذلك في قصر الحكم في الرياض ..


نواف: هالانسان نادر بوقتنا سوى اللي محد سواه.. خدم جميع شعوب العالم .. ومحد ينكر فضله...
ام نواف: الله يرحمه كان واقف مع فلسطين والكويت دايم ..
ابو نواف: يكفي يام نواف توسعة الحرمين .. اكبر توسعة صارت في التاريخ .... كل يدعي له على أعماله .. وسع على المسلمين في حياته .. الله يوسع له بقبره .....
الكل: آآآآآمين ...
ريما: والله اني منب مستوعبة إلى الآن .. احس اني احلم و... وبقوم من الحلم بعد شوي.!!!!!...
ام نواف: ما شاء الله خيراته مالية الدنيا .. مدارس ومستشفيات و مساجد ما قصّر علينا بشي .. خيره واصله لكل الدول ..
عبير: ما شاء الله عليه حتى اللي ما يعرفه يدعي له ....
فارس: حتى الأستاذ المصري عندنا كان يقول لنا "الله يجزي الملك فهد الف خير .. هو اللي طبع لكم هاذي المصاحف .. وان شاء الله اجر كل واحد يقرأ القرآن يرجع له"
نواف: ايه والله انك صادق ... مجمع خادم الحرمين الشريفين لطباعة المصاحف .. اعظم مشروع بالتاريخ .. يكفي ان كل سنة يوزعون بالآلاف عالدول الثانية
ام نواف: الله يرحمك يا فقيدنا وفقيد الأمة .. ويصبرنا على ما ابتلانا
الكل: آآآآآآمين




اللهم إن عبدك فهد بن عبدالعزيز ....
قد قبضت روحه ...
ونحن من رعيته ....
ونحن نشهدك أننا لا نطلبه شيئاً ....
وإن كان لنا حق عنده ...
فقد حللناه وأبحناه ...
اللهم تجاوز عنه واعفو عنه ....
اللهم وسع مدخله واكرم نزله واغسله بالماء
والثلج والبرد..
واجعل الفردوس داره .....
اللهم آمين ... آمين





وفي مكان ثاني .. كان انسان جالس وحزن الدنيا فيه .. حسّ ان كل انسان عزيز على قلبه فقده .. هاذي الدنيا دار فراق .. وما اجتمع اثنين إلا افترقوا .. فما بالك ان كان الفقيد الملك فهد ..
مسك القلم وكتب ابيات يفرغ الحزن اللي بداخله..
لكن هذا الفهد الغالي مهما كتبنا عنه ومهما قلنا مانوفيه حقه ولانرد له افضاله علينا..



احسن الله عزاكم في فقيد الجميع ** واحسن الله عزا السعوديه والعرب كلها
موتتك ياملكنا صاح منها الرضيع ** جعـــــل روحك جنـــــــان الخلد خلد لـها
كل منا دموعه مثل وبل الربيـــــع ** ماتوقف وصار الحـــــــــــزن زود لـــها
يالله اني طلبتك يامجيب سميـــــع ** تنصر ملوكنـــــــــا واعدائهـــــــم اتذلهـا
وبعدها نعلن البيعه بشكل سريــع ** وان بغــــوا فزعه جتـــهم على حلــــــها
قلتها بالنيابه عن قبايل الجميــــع ** ربـــعي اللي فعول الطيب طبـــــع لهــــا

(( القصيده للشاعر.. محمد نافل السبيعي.. ))




بعد يومين في بيت ابو مشاري.. الكل مجتمعين قدام التلفزيون ويتابعون الاخبار..
ساره: انا ابفهم قناه الجزيره ليه حقوده.. ماجابوا شئ عن وفاه الملك اللهم قالوا الخبر عشان بس يقولون حنا نسابق الاحداث .. حتى الــCNN و BBC وهي قنوات اجنبيه طول وقتها تتكلم عن الحدث..
مها: القهر انها قناه خليجيه..
ام مشاري: اليوم العصر وانا ادور الاخبار لقيت دبي حاطين مسلسل.. وكله موسيقى ورقص..
مشاري: يما اللحين كل القنوات كذا ..
ابومشاري: الله يهديهم..
ساره: بس والله عيب عليهم ماعندهم حرمه للميت المفروض حداد ثلاث ايام..
مها: تلفزيون السعوديه مع انه يرفع ضغطي لكنهم اذا مات رئيس اوقائد يقعدون اكثر من اسبوع مايجيبون برامج.. اذا فتحناه نلاقى ياآيات قرانيه او برامج وثائقيه..



بعد اسبوع..


ريما تبي تغير جو دخلت النت.. لقت المهره اون لاين

دموع الغروب.. سلام عليج
اللهم ارحم الفهد واغفر له.. هلا وعليكم السلام
دموع الغروب.. وينج من زمان عنج؟؟
اللهم ارحم الفهد واغفر له.. ابدا بهالدنيا عايشين
دموع الغروب.. عظم الله اجرج حبيبتي
اللهم ارحم الفهد واغفر له .. جزاك الله خير
دموع الغروب ..النك حقج مرررررره معبر
اللهم ارحم الفهد واغفر له.. يعكس اللي بداخلي .. احس اني فقدت عزيز
دموع الغروب .. وسعي صدرج ريما كلنا بنموت .. حنا يوم يموت الشيخ زايد حزنا وضاقت صدورنا بس بعدين خلاص .. هذا حال الدنيا..
اللهم ارحم الفهد واغفر له.. الله يرحمهم جميعا

المهره يوم شافت ريما وضعها مو اوكي استاذنت وتركتها..
ريما ملت جلست تتصفح المنتديات ملّت بعدها دخلت الشات.. بنك " سعوديه وكلي فخر" ..ماتوقعت ان هالنك راح يسوي ضجه وشوشره بالشات.. من يوم مادخلت وهي تسمع تعليقات وذبات على اسمها..
دخل عليها بالخاص واحد خليجي ..
الفارس ..على شو فرحانه بعمرج
الفارس.. كلج فخر بشووووووو ردي عليه انا ارمسج
الفارس.. اساسا ماعندج شئ تفتخرين فيه!! ..
كل هالكلام وريما مطنشه لكن يوم شافته زودها ماقدرت تستحمل زود
سعوديه وكلي فخر.. أنت لو انك رجال وواثق من نفسك كان مادخلت عالناس من غير سبب وجلست تسب فيهم هذا ان دل على شئ ..يدل على ان عندك نقص
الفارس.. ريال غصبا عنج..
سعوديه وكلي فخر..عيوني الرجال يعرف حدوده ..
الفارس.. انا سالتج سؤال محدد وانت عاطيتني بولابس.. أنت على شو مفتخره؟؟!!!!!!!!
سعوديه وكلي فخر.. أي انسان بالعالم يفتخر باصله حتى الهندي يفتخر باصله .. كيف ماتبيني انا وانا سعوديه ماافتخر.. يكفيني فخر ان دولتي هي الدوله الوحيده اللي اطبق الشريعه الاسلاميه..
الفارس.. الحمد لله والشكر وحنا قالوا لج عنا يهود؟!
سعوديه وكلي فخر.. انا ماقلت كذا .. لكن انا افتخر ويحق لي
الفارس.. انا اتكلم معج من صج عطيني سبب واحد مقنع يخليج فخورة؟؟!!
سعوديه وكلي فخر.. السعوديه خيرها واصل للكل المحتاج تساعده والضعيف تنصره والجاهل تعلمه يكفي خدمتها للحرمين الشريفين وبنايتها للمساجد .. الدول الفقيره تعتمد عالسعوديه في عيشتها ومافي دوله بالعالم السعوديه مالها فضل عليها... أنت علمني دولتك وش سوت؟؟!!!!!!
وبعد ريما ماكتبت هذا الكلام سكت الفارس ومارد عليها.. رجعت للعام وطلعت من الروم اللي كانت فيها ودخلت روم ثانيه..

دخل عليها لبناني بالخاص
ياروح روحي.. مساء الخيرات.. انا اسف اني دخلت عليك لكن شدني النك تبعك..
سعوديه وكلي فخر.. مشكووور
ياروح روحي.. الله يرحم الملك فهد ويدخله جناته.. انا واالله كنت بعزه كتير
سعوديه وكلي فخر.. الله يسلمك وجزاك الله خير
ياروح روحي.. انا اسف عالازعاج ..بس عجبني النك

وطول ريما هي مو بالشات يدخلون عليها الناس اللي يقولها " انتي مسكينه!! " واللي يقولها "على ايش انتي مفتخره؟؟" .. وانواع التجريح.. وفي الجانب الاخر ناس يقولون لها "يحق لك" .. واللي يكتب "عجبتيني".. ووحده كتبت لها "هذا النك ولا بلاش" ......

رجع الخليجي دخل عليها خاص..
الفارس.. اختيه انا ااااااااسف .. والله ماكان قصدي
سعوديه وكلي فخر.. اسف هاذي وين اصرفها؟؟!!
الفارس.. شوووو
سعوديه وكلي فخر.. أنت لو سبيتني انا كشخص او سبيت اسلوبي كان يمكن قبلت اعتذارك لكن تسب دوله كامله بشعبها وتبيني اسامحك مستحيييييييييييييل..
الفارس.. اختي اضيفيني عندج بالايميل وان شاء الله تلقين اللي يسرج..
سعوديه وكلي فخر.. هذا اللي ناقص بعد انسب واضيف
وطلعت وتركته..

قفلت ريما الشات وهي متعجبه من الناس ليه الحقد مالي قلوبهم تجاه السعوديه؟؟!!.. ليه يغارون من دولتي؟؟!! ليه يحاولون يقللون من شانها ؟؟!! اكثر شئ قهرها الخليجي اللي المفروض يوقف معها خذلها وسب فيها وفي الجانب الاخر العربي دخل عليها بس عشان يعزيها ويواسيها .. الدنيا هاذي فيها العجب.. الغيره تسوي اكثر فيهم.. ويحق لهم يغارون حنا عندنا نعم كثيرة ننحسد عليها يكفي نعمه الامن والامان..
اللهم احفظ لنا بلادنا يارب..اللهم ادم عليها امنها وامانها ..اللهم من اراد بهذه الاراضي الطاهره سوء فاجعل كيده في نحره.. وارنا به عجائب قدرتك..

اللـهـــــــــــــــم اميــــــــــــــــــــــــــــــــــــــــــ ـن

*((ملاحظه.. الموقف بالشات حصل للكاتبه شخصيا .. واضطريت عدم نشر المحادثه كامله حفاظا على مشاعر القراء ولعدم خدش الحياء .. وخاصه ان هناك كلام غير صالح للنشر.. وياتي عدم نشري لها من منطلق احترامي لكم..
وفضلت عدم ذكر جنسيه الخليجي لان اصابع يدي مو وحده..))




بعد مرور اسبوعين .. بعد ماهدئت الانفس وجفت الادمع.. لكن مازالت الايادي مرفوعه للواحد القهار.. تدعو بالرحمه والمغفره لملكنا الغالي..



مها لابسة نظارة القراءة وجالسة على مكتبها وتقرأ كتاب اسمه " كيف تكسب صديقك " ومندمجة معاه وينفتح الباب بقوة وتدخل منه سارة

سارة: السلااام عليكم
مها ووجهها محمر من العصبية: سارة انت متى تفهمين إن لكل واحد خصوصية لا تدخلين كذا من غير ما تستأذنين
سارة: اففففف تراك طلعتي هالجملة من خشمي
مها: عالأقل طقي الباب مو تفجعيني كذا
سارة: إن شاء الله المرة الجاية
مها: كل مرة تقول المرة الجاية ترا حالتي تأزمت اشك اني بدخل مستشفى الأمراض العقلية من حركاتك
سارة: اففففف وش هالبيت الممل!! لا اخوان ولا خوات لو اني وحيدة امي وابوي اصرف عالأقل الاقي دلع ودلال مو كذا مكبوتة مع وحدة احيانا انسى اسمها من كثر ما أجلس معها والثاني شاكة انه مو اخوي
مها: خير جليس في هذا الزمان الكتاب
سارة: اوهووو علينا .. بالله وش تبيني اقرأ عطيني كتاب حلوو
مها: خوذي كتاب "حسن التعامل مع الاخرين" شوفي بالرف الثالث
سارة: اشياء مملة ما ابي
مها: مو ذنبي مو ذنبي يا سارة تراني مندمجة مع الكتاب
سارة: مها حررام عليك انت ما عندك قلب ما تحسين بالحياة حولك ما فيه مرح ما في وناسة كل شي عندك دراسة وعلم وكتب
مها: مشكورة يا اختي يجي منك اكثر
سارة: مو قصدي اتطنز عليك بس صدق انت غريبة عجيبة
مها: وين ريما؟ غريبة ما رحتي عندها ولا جت عندك
سارة: انت عارفة انها من يوم سافرت صديقتها وهي حالتها حالة ومع وفاة الملك فهد الله يرحمه ضاق صدرها زيادة
مها: هي تعزهم ويوم فارقتهم حست بفراغ انا هاذي حالتي مع الكتب
سارة: اهااا يعين ما فيه فايدة منك
مها وهي تفصخ نظارتها: طيب روحي تفرجي عالتلفزيون
سارة: مليت طقيت منه احس اني ابكسر التلفزيون واللي اختررعه
مها: مشكلتك والله
سارة تنسدح على سرير مها: مها
مها وهي تصك الكتاب: وش عندك؟
سارة وتناظرها نظرات تفصح: وش رايك بنواف؟
مها بدون ما تلتفت وبدون أي ردة فعل: من كثر من اشوفه؟
سارة: انا دايما اشوفه شمعنى انت؟
مها: امممم طيب سارة ليش ما تطلعين للسوق ولا ما شابهه
سارة واللي فهمت قصد اختها: اهاااااا اطلع لحالي اتفرج على حيطات السوق
مها: طيب قولي لأمي اننا نبي نروح للمكتبة
سارة: وش مكتبته؟
مها: جرير
سارة: وليش؟
مها: ما تبين تطلعين
سارة: إلا
مها: خلاص قولي لأمي خل نروح للمكتبة
سارة وهي رايحة: مالي حل غيره



يوم الخميس دخل نواف البيت الساعه 2 الليل من عند ا كان الكل نايم دخل الصاله لقى فارس متمدد ونايم والتلفزيون مفتوح على mbc4 قرب منه نواف وقومه عشان يروح ينام بغرفته مشى معه إلى ماوصل فوق غرفه فارس على نفس امتداد غرفه ريما وهو مار سمع صوت همس لكنه طنش وقال يتهيئلى... وصل فارس لغرفته ونومه عالسرير وشغل المكيف وغطاه وصكر الباب وطلع..

وهو راجع من نفس الممر سمع صوت وقرب اكثر جنب باب غرفه ريما سمعها تضحك وهنا وماقدر يصبر اكثر فتح الباب بدون استئذان ودخل وكانت هاذي اول مره يدخل عليها من دون ما يطق الباب


تفاجات ريما من دخلت نواف عليها بهالوقت من الليل وبهالطريقه.. كانت جالسه تكلم بالجوال ومجرد ماهجم عليها حست بارتباك ورجفه ووجهها تغير لونه..
الأميرة دانة
16 - 09 - 2009, 02:36 AM
الجزء السادس
,,,,,,,,,,,,,
تفاجات ريما من دخلت نواف عليها بهالوقت من الليل وبهالطريقه كانت جالسه تكلم بالجوال ومجرد ماهجم عليها حست بارتباك ورجفه ووجهها تغير لونه..

نواف: خييييير من تكلمين؟؟
ريما بارتباك: خلاص اكلمك بعدين ... ايه ايه ..لا نواف .. إن شاء الله.. مع السلامه
نواف وبنظرات شك: ؟؟!!
ريما: وش فيك؟؟
نواف: احد يكلم هالوقت ؟؟!!!!!!!!
ريما: هاذى خلود
نواف: حتى ولو... هاذى آخر مرره اشوفك تكلمين بوقت متاخر
ريما: إن شاء الله
نواف: جوالك بعد 12 يتقفل زين
نواف: زيييييييين
ريما: إن شاء الله

طلع نواف من عند ريما وهى تلعن الحظ اللى خلاه يدخل عليها وهى تكلم وش ذا الحاله يبيني اقفل جوالى الساعه 12 صار محل مو جوال !!!!!!!


سارة تتفرج عالتلفزيون وما تنتبه إلا مشاري قدامها

سارة ومفتحة عيونها: مشاااااااااااري!!
مشاري: هاااااا
سارة: انت مشاري
مشاري: افففففف على استخفاف الدم وش تبين
سارة: ترى اليوم الاثنين وش اللي مرجعك بدري هيك
مشاري: مطولة
سارة: اكيد مطولة يا حبيبي لي كم ما شفتك ولا كحلت عيوني بشوفتك
مشاري وهو مبتسم: الله يشفيك
سارة: مشاري
مشاري: نعم وش تبين
سارة: تدري إن مها تحب القراءة
مشاري: تحب القراءة!! طيب وش المشكلة
سارة: ومشاري 24 ساعة طالع
مشاري: لا هاذي اللي ما دريت عنها
سارة: و ...... و سارة يا بعد قلبي تجلس بالبيت وحيدة حزينة مكتئبة مع مر الأيام
مشاري: وين امك عنك
سارة: امي هي امك
مشاري: طيب وينها
سارة: عند دورية الجيران
مشاري: ااهااااا طيب وش المطلوب مني؟
سارة: مشاري تكفى اول مرة اشوفك بالبيت خل اذكرك بالخير تكفى تكفى طلعني تكفى
مشاري: يا شيخة يمدحون التلفزيون
سارة: يا ربــــــي ما كأني بنتكم وكأن التلفزيون امي وابوي واخواني والحيطان بيتي حرام عليكم حرام عليكم حسوا فيني
مشاري: تنرحمين صراحة بس للأسف ما قدرتي تقنعيني
سارة: مشاااااااااري بليييز بلييييييييييز
مشاري وهو ماشي: سوري ما اقدر
سارة: يا نذل يا مشاري
مشاري: اذا اتتك مذمتي من جاهل فهذه الشهادة لي بانني كامل
سارة وبصوت واطي تقلد صوته: اذا اتتك مذمتي من جاهل فهذه الشهادة لي بانني كامل .. مالت عليك وعلى اللي يطلب منك شي

بعد 10 دقايق

مشاري: وين مها؟
سارة: جالسة بغرفتها
مشاري: وامي متى بتجي
سارة: مدري
مشاري: اذا جت قوليلها اني جيت البيت طيب
سارة تناظر التلفزيون: إن شاء الله
مشاري: تبين شي من المطعم
سارة نطت: تبي توديني؟
مشاري: لا بس بقولك اطلبي
سارة: هاهاهاهاااا مالت عليك
مشاري: هههههههه




ريما جالسة الصبح مع فارس تتفرج عالتفزيون.. وابو نواف وام نواف يتقهون..
نواف: السلام عليكم
الكل : وعليكم السلام
نواف وحب راس ابوه: الشركه مرسلتنا لفرعها بجده رايح كم يوم وراجع
ابو نواف: عسى منتب مطول..؟!!
نواف: والله على حسب هم ماحددوا المده بس ان شاء الله كم يوم..
ام نواف: تروح وتجي بالسلامه
ريما: لا تنسى تجيب لى هديه معك
نواف: وانت يا اخ فارس
فارس يناظره بطرف عينه: ايه خلني بحالي
ابو نواف وهو مستغرب: فااااااارس!!
ريما: فارس انت ماتحترم احد
فارس: إلا امي وابوي
نواف ويطالعه بنظرات: يلا بمر المكتب اللحين وبعدها بمشى تامرون على شى
ابو نواف : تروح وترجع بالسلامه
ام نواف: انتبه لنفسك يما..
ريما: يما باقي تقولين تغطى زين
نواف: ريما الله الله بالبيت لا تطلعين إلا مع امي اوابوي يوديك
ريما: تكفى اللى يسمعك يقول كل يوم وحده من صديقاتى مارتني وطالعين لسوق ولا مطعم .. الله يخلى لى ابوي حبيبي هو اللي يجيبني ويوديني
نواف: ليه يما انتم ما قلتوا لها؟؟
ام نواف: متى اقولها هى توها صاحيه من النوم..
نواف: اجل اسمعيها منى .. السواق رجع
ريما: احلـــــــــــــــــــــــف قل والله.. متى ؟؟ كيف؟؟ وليه محد قالى؟؟
ابونواف: الله يهديك يانواف كان مهدت لها المفاجاه البنت بغت تروح من يدينا
الكل:ههههههههههههههههههههههههههه
فارس: ابى اروح لحمد اللحين
ريما: انا بروح بيت عمى تكفى يبا
ام نواف: الرجال توه راجع تبونه ينحاش
نواف وهو قايم: لاتخليهم يبا يطلعون اليوم ماينعطون وجه
فارس: نواف مدلعينه
ريما: اكيد بدلعه ولدهم ياغبي
فارس: وانا مو ولدهم
ريما وهي قايمة: يافارس مو عشان اهلي خايفين عليك تحسب هذا كره وبعدين لسانك طايل هاليومين احترم اللى اكبر منك عشان نعطف عليك..

قامت ريما وطلعت لغرفتها
ام نواف: الله يهديكم؟؟؟؟
فارس:........


مشاري ومنصور ماعندهم إلا السفر والبنات حياتهم دايم على هالحال..

مشاري: منصور .... منصوووووور .. منصوووووووووووور
منصور: هاااااااااااااااااااااااااااااا
مشاري: متى بتسافر البحرين خبري بك من شهرين تقول بسافر
منصور: امممم خلاص الاسبوع الجاي
مشاري: تم تبي تقول لعبد العزيز و...........
منصور: لا لا ماله داعي خل نروح لحالنا
مشاري: على راحتك
منصور: مشاري شخبار اللي ارسلتلك رسالة
مشاري وهو يحاول يتذكر: ايه ايه وش فيها؟؟
منصور: اتصلت عليك؟؟
مشاري: لا
منصور: عطني رقمها
مشاري: ليش؟؟؟
منصور: بس عطني اياه
مشاري: خذ بس اوعدني انك ما تجيب طاريي *********
منصور وهو ماسك جواله: اكيــــــــــــد

دق الجوال شوي وردت وحطه عالسبيكر
نجود وبصوت مبحوح: الووو
منصور: السلام عليكم اختي
نجود: نعم؟؟
منصور: سمعت إن رد السلام واجب
نجود: من تبي؟
منصور: اختي انا ....... إنا .......
نجود: نعم!! خيــــــر!!
منصور: صراحة انا كنت متردد اتصلبك ولا لا بس لقيت إن من الافضل اني اتصل .. انا لقيت صورة عند واحد من الشباب وبالجهة الثانية مكتوب هالرقم .. حبيت انبهك إن كانت صورتك...
نجود: صووورتي؟؟!!! .. لا ارتاح انا منب موزع للصور .. ومشكوووور عالتنبيه .. ومع السلامة

منصور: هههههههههههههههههههههه
مشاري: تعبااااااانة؟!!!
منصور: تعباااااانة هههههههههههههههه اول وحدة تمر علي بهالجرئة ههههههههه بالعادة البنات شوي ويحبون راسي إن قلت لهم هالشي إلا هاذي واااااااااثقة من نفسهااااا مررررة
مشاري: مسويها كذا مرة
منصور: مو كثيــــــــر
مشاري: شكلها محترمة
منصور: تبي تخطبها ههههههههه
مشاري وهو ياقف: خخخخخخ يمكن ليش لا





بعد ساعتين ريما عند عمها عبدالرحمن بالبيت .. وصلت البيت بعد جهد جهيد كله من نواف اللى عبى راس ابوها
ريما: عمـــــــــــــــي تكفــــــــــى طلبتك
ابو مشاري: لا لا لا
ريما: عموووو.. الله يخليك
ابو مشاري: لا اله إلا الله
ريما: عمي نواف مسافر وما في احد تتغطى عنه
ابو مشاري: وسحر
ريما: انا اقنع امها انها تجي معنا
ابو مشاري: هذا وانت لحالك على راسي سببتي لي صداع اجل لو سارة معك وش صار
ريما: انا مخففة الألم اللي عليك .. وقلت لسارة خلي عمي علي
ابو مشاري: خلااااااااااص تنام عندكم بس تجيبونها لي بكره الصبح
ريما: هههههههههه وش استفدنا؟؟
ابو مشاري: اذا سارة ما صبحت علي الصبح لا سمح الله يمكن يجيني شي
سارة: بسم الله عليك يباااااا خلاص بطلت منب رايحة ابجلس عندك يمكن تحتاج شي وانت نايم
ابو مشاري: تتطنزين انت ووجهك
سارة: هههههههههه
سارة : خلاص يبا ابجلس عندهم ثلاث ايام بس
ابو مشاري: وشووو؟؟
ريما: ههههههههه الله يهديك يا سارة خربتي مخططاتنا
ابو مشاري: خلاص روحي بس بنت خالتك معك
سارة: نشبة
ريما: هههههههههههههههه
ابو مشاري: عيــــــــــب
ريما: يلا ساااااارونة روحي البسي عبايتك
سارة وهي تسلم على ابوها: هئ هئ يباااااااااا لا لا لا ما اقدر استحمل ما اشوفك
ريما: يلااا سااااااااارة افلام هندية عندنا بالبيت
سارة: يلاااا يبا قوود بااااااي
ابو مشاري: مع السلامة وبيننا تلفون
سارة: ههههههههههههههههههههههههههههههه
ريما: هههههههههه اخس يا عمي
ابو مشاري: بس لا تفشليني عند اخوي وتسوون ازعاج
سارة: افا وانا بنت عبدالرحمن




خالد قام من نومه .. .. يحس راسه بينفجر .. راح يسوي نسكافيه يعدّل مزاجه وفتح التلفزيون على روتانا خليجيه وجلس يتفرّج انقلب راسه من الفديو كليبات .. اخذ جواله وفتح البريد الصوتي

سلطان: وينك يا شييييييييخ؟؟!!! .. انا من غيرك كالتائه.. يمديك عاللغه العربيه.... كسّرت جوالك من كثر ما ادق وحضرتك حاط لي البريد الصوتي يقالك كاشخ .. اذا وصلتك الرسالة دق مو تجحد .. سلطاااااااااان

ابتسم خالد .. سلطان بالنسبة له اكثر من صديق .. متعرّف عليه من اربع سنين بس .. لكنه كان ونعم الصديق .. يشاركه في حزنه وفرحه .. ودايم معه ما يفارقه .. وخالد كان يرتاح له لآخر درجه وكل ما تضايق اتصل عليه

.... : لو سمحت اخوي دقيت عليك اكثر من مره الجوال يامقفل او ماترد كنت بسالك وش صار على قصيده .. مسيره التخرج لطالبات كليه اللغات والترجمه .. اتمنى ترد على باسرع وقت وشكرا...

اخذ خالد الجوال واتصل على سلطان
سلطان: يا مرحبـــــاء
خالد وبصوت ثقيل: هلا بك
سلطان: سلامات يا بو وليد عسى منتب تعباااااان!؟!
خالد: لا بس توني صاحي من النوم
سلطان: اهاااااا .. يلا عاد نبي نشوفك
خالد: تعال عندي
سلطان: اممم خلاص مسافة الطريق وجايك
خالد: وانا انتظرك

سكر خالد .. وبعد نص ساعة جاء عنده سلطان .. جلسوا سوالف .. بس خالد كان ماله خلق

سلطان: وش فيك انت اليوم؟!! عاشق لك احد؟؟؟!!!!
خالد: وهالقلب يعشق غيرها؟!!
سلطان: خالد ترى اللي خلقها خلق غيرها
خالد: بس مو زيّها... وسرح خالد بعالم ثانى ومر على باله نقطه من بحر ذكرياته
تذكرها وهي تواسيه وتقوله

" ايش فيه الحلو زعلان ؟؟!!"

" ما فيني شي"

"خالد علي قلي وش فيك؟؟"

............

" امممم كيف دراستك؟!!

" تمام"

" انا حااااااسة إن فيك شي واحساسي دايما صادق .. قلّي وش فيك .. وان شاء الله اقدر اخفف عنك"

" احس اني مخنووووق"

" من ايش؟!!"

" كذا احس اني كاره عمري.. ومنب قادر اتنفس"

" خالد ................... "

قطع ذكرياته اللامحدودة صوت سلطان
سلطان: يا ليتني ما جبت طاري العشق
خالد: جبته ولا ما جبته الذكريات ملاحقتني .. احبـــهــا ياسلطان والله اموت فيها وعلى التراب اللى تمشى عليه..
سلطان: الله يعينك.. اقول خل نطلع
خالد: وين نطلع؟!!!!
سلطان: أي مكان
خالد: لا خلنا هنا احسن .. مالي خلق لشي





سارة وريما وسحر جالسين بغرفة ريما الساعه 6 الصبح .. ريما وسارة جالسين عند الدريشة .. وسحر منسدحة وتلعب بجوالها

ريما: يا حليلي الاسبوع اللي فات بهالوقت قومتي
سارة: إلحين وش مجلسنا عند الدريشة نتفرج عالطبيعة الخلاّبة
ريما: تكفين ياللي بيتكم يطل على شلالات نياقرا
سارة: بس انا ما اسنتر عند الدريشة
سحر تتطنز: يمكن تستنشقون هواء نظيف!!!
ريما ببرود: يمكن
سارة: ريم ريماااا شوفي شوفي هناك
ريما التفتت عالمكان اللي تأشر عليه: وش يسوي ذا؟؟
سارة: مدري عنه!!
ريما وسارة شافوا ولد الجيران معه كيس صغير وحطه جوة عداد الكهرباء .. وتلفت الولد يتأكد إن محد شافه
ريما: هذا ياسر ولد جيراننا
سارة: وش اللي حطه؟؟
ريما: مدررري والله
سحر جت عندهم: وش القصة
سارة: الشي اللي مالك فيه خليه .. روحي كملي لعبك بجوالك
سحر: حتى انت مالك فيه
سارة: افففففف
ريما: خلاص انت وياها
سارة: دخل بيتهم
ريما وراحت تركض: بروح اشوف وشو؟
سارة: مهبووولة انت؟!!!!!!
ريما: شوفي حبيبتي هو ماطلع بهالوقت والناس نيام ودخل الغرض اللى معه بهالمخبئ الغريب إلا وراه بلى !!! وانا حاسه إن اللقافة بتاكلني اكل

نزلت ريما تحت واخذت عبايتها وطلعت بعد ما وصّت سارة بمراقبة المكان .. دخلت يدها وطلعت الكيس ورجعت البيت .. نزلوا سحر وسارة بسرررعة

سارة: وش طلـــــع؟؟
ريما وشكلها مستغربة: شوفي

كان كيس شفاف صغير وفيه مادة بيضاء

سحر وهي فاتحة عيونها: وشو هذا؟
سارة: ريما وشو هذا
ريما: على حد علمي مخدرات
سارة: حارتكم خربااااانة
ريما: يا بررردك .. الولد ما تعدا الـ 15 ويتعاطى .. معقووولــة؟!!!!!
سارة: وش تبي تسوين؟؟
ريما: بصررفها
سحر: وانت وش دخلك تصرفينها؟؟
ريما: اكون غبية لو رجعته مكانه ... تعرفين معنى مخدرات .. يعني دمااااااار والولد توه ما فقس من البيض ويتعاطى ... شي يغث الواحد صرررراحة
سارة: طيب يمكن ما يتعاطى
ريما: وش يتاجر مثلا .. غباء منك لأنه صغير ومو معقولة بيكون يتاجر فيها .. وحتى لو فرضنا هالشي .. المخدرات تبي توصل لاحد وانا ما ابي هالشي يصير علشان كذا ابصرفها
سارة: يمكن سكر ولا ملح ولا .......
ريما: بالله سكر بيغبيه بالعداد ؟؟
فتحت ريما فتحة صغيرة بالكيس وذاقته ..
سحر: وش تسوين انت؟؟؟؟؟؟!!!!!!
ريما: بتأكد .. ككككككخخخخ وش جاب السكر للـ .... كككخخخخخ
سارة: يا خبلة تصيرين مدمنة
ريما: هيهاهاييها ... بروح اصرفها
سحر: وش تبي تسوين تكبينها بالزبالة
ريما: بالزبالة!!!!!! .. مجنونة انت؟؟!!! .. اذا كبيتها بالزبالة بيكتشفون اهلي وشوفي مين بيتهمون!!
سارة: طيب وش تبي تسوين؟؟
ريما: ابرمي الكيس بالحمام واكب عليها موية ولا كأن شي صار
سحر: ويمكن يكتشفون
ريما وهي متجهة للحمام: لا إن شاء الله ما يكتشفون .. وش ضيع العيال غير عدم المبالاة من اهله ومن الناس .. يعني لو رجعناه .. وما اهتمينا .. كل بيسوي هالشي وبيعتمد على اهل الولد وهالشي يسبب فساد المجتمع
سارة وهي تحك راسها: ريما .. كانك اخذتي عرق من اختي مها
رجعت بعد شوي ريما:انتهت المهمة
سارة: تمت وبحمدلله
سحر: نروح ننام
سارة: اول خل نبلغ الشرطه؟؟
ريما: اقول انتي شكلك زايده جرعه السهر اليوم وصايره تهلوسين
سحر: متاثره بالافلام مررره
سارة: لا انا اتكلم جد خليهم يجون يقبضون عليه
ريما: انتى تبين نواف يقبض علي قبل هم ما يقبضون عليه
ساره: ههههههههههههههههههه
ريما: هيا إلى النوم




وفي مكان اخر كانت نجود عايشه اصعب ايامها وهى تحاول تتناسى مشاري اللى حست انه يماطل فيها ويحاول يستدرجها ... لكن هي بقوتها قدرت تصده وتبعد عنه .. كانت نجود جالسه مع اختها..
نجود: غايب حبيبي ماوصلني سلامه
نهى: بالله مين هو هالحبيب؟؟
نجود: هههههههه تصدقين مدري!!
نهى: انا ادري
التفت نجود: ايوه يا ام العرّيف
نهى: يبدأ بحرف الـ
نجود: ايووه الـ ايش؟؟
نهى: ميم
نجود قلبها يطق: ميم!! من وين حزرررتي؟؟!!!!!!
نهى: محمد ولد خالتي فوزية صح!!
نجود ارتاحت .. وجلست تفكر بمحمد .. شاب طيب حيــــل ومحترم .. بس ما كد فكرت انها تحبه ..
نهى: لا من جد شكلك تحبـينه
نجود: حيــــــــــل
نهى: صدق نجود؟!!
نجود: لا والله مو صدق ... هو طيب صحيح ويدخل القلب بسرعة بس انا ما حبيته
هنادي: وش هالتناقض يدخل القلب بسرعة بس ما حبيتيه
نجود: اففففف يعني يعجبني بس ما احبـه can you understand?
نهى: عصبت علينا لأننا جبنا سيرته بس
نجود: كيف الحمل معك خيتوو
نهى: تعب شوي
هنادي: الله يعينك
نجود وهي تلعب بجوالها ... شافت رسالة قديمة من مشاري صورة عيون
" قل للعيون اللي تناظر عيونك
بدري عليها تلتفت وانت موجود "
مسحتها ومسحت رقمه علشان تنساه وتنسى حبها اللي انبنى بطريقه خاطئة ... وممكن لو تمادت فيه صار شي مو في صالحها .. هذا حال كل البنات يبدون بمكالمة وينتهون بضياع شرفهم ... يمكن يبدونها بمزحة بس وللأسف تنتهي بدمعة ...



قاموا البنات الساعه 4 العصر اكلولهم شئ خفيف وجلسوا بغرفه ريما يخططون وين يطلعون اليوم..
سحر: تصدقين انا من جيت الرياض ماطلعت من بيت خالتى
ساره وهى حاطه ايدها على راسها : ياكبرها عند الله ..
ريما وهى واقفه جنب الدريشه : خلاص فضوها سيره خلونا نروح ......... بنـــــــــــــــــــــــــــــــــــــات جاء جاء جااااااااااااااااااااااااااااااء
نقزت سارة تشوف .. طلع ياسر ولد الجيران ودخل يده بهدوء وهو متأكد انه بيلقاه .. بعد ما تحسس ولا لقى شي دخل يده بقووة علشان يتأكد إن كان فيه ولا لا .. لكن ما لقى شي .. جلس يتلفت يمكن يلقى احد .. بس ما شاف احد .. شكله توتر اخذ جواله وجلس يكلم .. صكر وهو مازال يتلفت .. رجع لبيتهم وصفق الباب وراه
سارة: يا شيخة شكله بيجيب اجلك .. اتصل على رئيس العصابة
ريما: ههههههههههههههههههههه افلام بوليسية
سارة: تتطنزين ..
ريما: انا بروح اشوفلي شي آكله
سارة: تعالي بجي معك ..




عبير توها داخله بيت اهلها طلعت الدرج وتسمع ضحك ريما مع سارة وسحر .. وهي طالعه كانت فيه موية خفيفه عالدرج تزحلقت وطاحت .. وصاااااااارخت صرخة قوية

ريما وهي تركض: عبيـــــــــــــــــر!!!!
سارة: وينها؟؟
ريما: مدري ...... ( تشهق ) عبيييييييير
ركضوا سارة وريما عندها وهي تصارخ من الألم وجت عندهم سحر
ريما: عبير وش فيك
عبير: آآآآي آآآآآآآآآآآآآخ ريما آآآآآه

ريما راحت عند ابوها بالغرفة وقالت له .. جاء ابوها يركض اخذوها للمستشفى .. وطلع كسر بيدها .. وجلسوها عندهم بالمستشفى

ريما: ابفهم كيف طحتي من الدررررج؟!!!!!!
عبير: لا تتطنزين لا بهالريموت على راسك ... فيه موية عالدرج تزحلقت وطحت .. صار شي؟!!!
ريما: ايه انكسرت يدك
عبير: افففففف اللحين تاركه البنات بالبيت
ريما: لا حطيتهم بالسوبر ماركت وجيت اشوفك
عبير: انت ليش لسانك 24 ساعة تطنز
ريما: لأن بعض الناس اسألتهم غبية
عبير: اقلبي وجهك
ريما: تراني اتصلت على روميو وقال بيجي .. قلت له شوي شوي لا تسوي حادث انت الثاني وتتنوم انت وياها بمستشفى واحد
عبير: بسم الله عليه .. بعدين من قالك اني ابتنوّم؟
ريما: محد قال لي
عبير: وين ابوي؟؟
ريما: عند الدكتور
سعود: احم احم
لبست ريما نقابها
ريما: تفضل تفضل يا ولد العم
سعود: عبير سلامتك يابعد الدنيا
عبيراستحت وخاصه إن ريما ام التعليقات موجوده
سعود قرب منها ومسك يدها: وش فيك؟؟ وش صار لك؟؟
ريما: لا اله إلا الله .. طاحت وانكسرت يدها
سعود: وهاذي بسيطة؟!!!!!!!
عبير: ايه بسيطة سعود
سعود: قلبي عسى ما تعورتي
ريما: تقولك بسيطة .. انت ليش تحب تهوّل الامور
سعود: ترى والله ابصفقك
ريما: احس اني منكدة عليكم الجو صح!!
سعود: بقوووة
ريما: ما اصعب إن الواحد يحس انه منبوذ من بين بعض الناس
سعود: وما اصعب إن الواحد ينشب للناس
ريما: بس هاذي مو أي ناس هاذي اختي بنت امي وابوي .. اختي الوحيدة .. هاذي هي اللـ.....
سعود: عبير حبيبتي كيف طحتي؟؟
ريما: انا نقزت عليها وانكسرت
سعود: ما استبعد
ريما: متى تجي يا ابوي ؟؟؟؟!!!! ... بنتك على آخر زمانها تتهزأ من رجل اختها .. ااااااخ
ابو نواف: السلام عليكم
الكل: وعليكم السلام
ابو نواف: شخبارك يا عبير؟
عبير: الحمدلله
ابو نواف: إن شاء الله بسيطة
عبير: إن شاء الله .... يبا خلاص رح انت وريما للبيت لا تتعبون حالكم زيادة
ريما وهي تناظر سعود: تعبك راحة حبيبتي واوعدك ابصير المرافق حقك الليلة ومنب طالعة من هنا إلا ورجلي على رجلك...
عبير وبابتسامة: تسلمين يا ريما
ابو نواف: اللحين نورة بتجي ... ريما تبي تخلين بنات عمك لحالهم
سعود: لا لا لا ما يصير تخليهم لحالهم عيب يا ريما ... روحي عندهم هذا وهم ببيتكم ما اهتميتي لهم .... خلاص روحي يا بنت العم وخلي ضميرك مرتاح من ناحية اختك .. اختك في ايدي امينة
ابو نواف: ايه ما يصلح تتركينهم بالبيت
ريما: طـ.............
سعود: افا يا بنت عمي ما هقيتها منك تجحدين ضيوفك
ابو نواف: امشي ارجعك البيت معي
ريما وبحقد: إن شاء الله يبا
ابو نواف وهو طالع: يلا
ريما: هذاني وراك يبا . . . . طييييييييب يا سعود هالمرة عرفت تمسكني من يدي اللي تعورني بس المرة الجاية انا المنتصرة
عبير: اعوذ بالله ... فلم مصري
ريما وهي طالعة: قولي لزوجك المحترم

سعود: ما بغت
عبير: ههههههه حرام عليك صح ملسونة بس تونّس الواحد
سعود: ما علينا منها المهم كيف يدك ؟
دق جوال عبير وردت..
نجلاء: السلام عليكم..
عبير: وعليكم السلام
نجلاء: الحمدلله عالسلامه .. ماتشوفين شر
عبير: الشر مايجيك.. من قالك ؟؟
نجلاء : دقيت على جوالك صدفه ردت اختك وصدمتني بالخبر
عبير: هههههههه ريما تحب تهول الامور
نجلاء : ماقلتي لي كيف طحتى
عبير: ببيت اهلي عالدرج بس الحمد لله كسر بسيط باليد..
نجلاء: الحمد لله
عبير: وش اخبار بعلك؟؟
نجلاء: ههههههههههههههههه ايييييييه اليوم راضي علي بس والله ياعبير اذا ناداني و تاخرت عليه لو دقيقه .. يدخل ويسحبني من شعري .. تخيلي حتى اللحين وانا حامل مارحمني..
عبير: لا ياشيخه هونيها وهي تهون..
نجلاء: والله ياعبير اني اصبر نفسي عليه .. لاني فكرت لو بنفصل عنه اروح لمين.. امي اللي لاهيه مع زوجها ولا ابوي المسكين اللي طايح عالفراش.. ولا خوالي ولا مين .. اااااااااااااااه بس احس اني وحيده بهالدنيا..
ضاق صدر عبير على نجلاء.. وجلست تهدي فيها وتصبرها ..
.. سعود يوم شاف عبير تكلم طلع يجيب لهم عشاء..
بعد ربع ساعه دخل عليها..
عبير: سعووووود ....
سعود: عيونه
عبير: انت اول واحد ابوح له باللي ابقوله اللحين
سعود: وش فيك ؟؟
عبير: ااااااااه هئ هئ يدي تعورني
سعود وقرب عندها: بسم الله عليك فيني ولا فيك
عبير: اففففف ما ابي انام هنا
سعود: بلا دلع
عبير: ما تدلعت حرام عليك بس ما ابي انام هنا



وبعد يومين

ريما جالسة تحبرش ... شافت بوكيه ورد محطوط فتحت الكارت بتشوف من مين لقيت بيت شعر "

ريما: اقوووووول عبير
عبير: هاااااااااااه
ريما: من مين هالورد؟؟
عبير التفتت: مدري والله وصلته لي النيرس
ريما: وما قالت من مين
عبير: لا والله سألتها من عطاك اياه قالت ما ادري ... حتى انا طووول امس جالسة افكر مين ممكن يرسل لي ... بس تعبت ونمت
ريما: أي وحدة من الممرضات
عبير: تبي تسوين حملة استكشافية؟!!!!!
ريما: تقريبا
عبير وهي تتثاوب: داليا
ريما: أي وحدة اللي شعرها مجعّد
عبير: ايه هي
ريما: ون منت

طلعت ريما لقافتها المعتادة مقطعتها .. من هالشخص اللي مرسل لعبير هالبوكيه وعليه هالبيت ... لو وحدة من صديقاتها كان كتبت اسمها .. بس هذا اكيد ما يبيها تعرف اسمه .. وانا لازم اتم المهمة واعرف مين...
ريما: مرحبا
داليا: اهلين
ريما: كيفك؟
داليا: بنحمد الله .. بدك شي؟
ريما: لا ما بدي شي .. بس قلت بدردش معك شوية لو انك فاضية .. لأن اخوي تعب و نام
داليا: ايووه لكان تفضلي ... بس لحظة
داليا: ايوه ما إلتي لي شو اسمك
ريما: ريما
داليا: عاشت الاسامي
ريما: عاشت ايامك ... انت من زمان تشتغلين هنا
داليا: شي تلات سنوات
ريما: امممم ...
ريما وتقول بنفسها " كيف بسألها شكل اللي عاطيها اياه موصيها ما تعلم احد"
ريما: ايه امس وانا جايه شفت معك بوكيه ورد
داليا: ايي واحد
ريما: ورد جوري احمر
داليا: ايووه هيدا لللآنسة عبير
ريما: عبير اهاااااا . . . . . من اللي عطاك اياه؟؟!!!
داليا: انتي بتعرفيها شي؟!!!!
ريما: لا لا ما اعرفها من وين ابعرفها
داليا: ايووه هيدا شاب يخزي العين شو جمال بتؤولي (تقولي) واخد جمال العرب كلياتوو
ريما: ههههههههه لا عاد مو لهدرجة
داليا: شو مو لهاااي الدرجة
ريما: طيب وصفي لي شكله يمكن اقدر اتخيله
داليا: شو بدي وصف لوصف .. شوفي بشرته حنطية وعيونه لوزية و .... و شو كمان انفه انفه ما شاء الله عليه بتؤولي حد سيف وجسمه شو راكز كتير كتير حلوو
ريما: طيب وش يصير لهالعبير
داليا: ما بعرف...
ريما وحالفة إلا بتعرفه: طيب ما قالك وش اسمه؟؟
داليا: اسمه لأ والله ... شو بدك من اسمه؟؟
ريما: لا بس اسأل .. وصفيلي اياه اكثر
داليا: امممم لابس شماغ وثوب على قولتكوو واله غمّازات بتجنن
ريما وتحاول تعرف: امممم فيه شي مميز؟؟!!!
داليا: امممممم شي مميز ما بذكر والله ... هاي مواصفاته اللي بذكرها
ريما: هاذي مواصفات أي شاب سعودي
داليا: لا حبيبتي مو أي شاب سعودي هيك ... ايوووه تذكرت فيه جررح قديم عند حاجبه الأيمن او الايسر ما بذكر والله
ريما وقفت: مشكورة اخت داليا ابستأذن اللحين
داليا: اهلا وسهلا اخت ريما بشوفك مرة تانية

طلعت ريما وهي مستغربة عالآخر ... كانت متحمسة تعرف هالشخص اللي ارسل لعبير ... ويوم عرفت استغرربت .. يا ترى وش يبي فيها؟!!!

من هالشخص اللي عرفته ريما؟!!!
وهل ممكن يكون شخصية جديدة بالقصة؟!!!
الأميرة دانة
16 - 09 - 2009, 02:37 AM
الجزء السابع
طلعت ريما وهي مستغربة عالآخر ... كانت متحمسة تبي تعرف هالشخص اللي ارسل لعبير ... ويوم عرفت استغرربت .. يا ترى وش يبي فيها؟!!!
دخلت عند اختها ولقت نواف
ريما: السلام عليكم
عبير: وعليكم السلام
نواف: وين كنتي؟
ريما: ازور المرضى اللي بالمستشفى
نواف: تستهبلين!! وين كنتي؟!!!
عبير: انا ارسلتها تسأل الممرضة متى بيفكون لي الجبس
نواف: ومتى قالوا؟؟
ريما : يقول اليوم راح يقرر
نواف: اهااااااااا
ريما: منت مصدقني
نواف: لا انا ماقلت كذا
ريما : على فكره الحمد لله عالسلامه ياقي من السفر وحشتني الابتسامه ووش الامر..
عبير : صح متى وصلت نسيت اسالك؟؟
نواف: تونى واصل
ريما: جبت لي هديه؟؟؟؟؟؟؟

نواف : هديتك قومه عبير بالسلامه
ابو سعود: احم احم
نواف: هلا عمي تفضل
عبير: تعال عمي محد غريب
ريما : هلا فيك عمي تو ما نور المستشفى
ابو سعود: الرياض كلها منوره بقومه عبورتنا
عبير: الله يسلمك ياعمى
ابو سعود يجلس: شخبارك اليوم إن شاء الله ازين!؟!
عبير: لا الحمدلله اخف .... بس انا طقيت من المستشفى
ابو سعود: هذاه نواف راح يسأل الدكتور متى يطلعونك
عبير: ايه الله يعافيه
ريما: متى طلع ماحسيت فيه!!!!!!!
ريما: كيفك عمووو؟
ابو سعود: الحمدلله بصحة وسلامة .. شخبارك انت؟
ريما: بنشكر الله
نواف: مرحبا ... يقول اليوم لو تبون نطلعها بس لازم تجين المستشفى بين فترة وفترة
عبير: مو مشكلة بس اطلع
ام نواف: السلام عليكم
الكل: وعليكم السلام
ام نواف: شخبارك يا ابو سعود؟
ابو سعود: الحمدلله شخباركم انتم؟
ام نواف: ما نشكي باس ... هااه عبير كيف الحال؟
عبير: تمام..
ريما: هههههه وانا يا ويلي ويلااااااااااااه محدن يسأل عن احوالي كأني بوكيه ورد من ذولي
ابو سعود: وبوكيه الورد شوية
ريما: عموو تراني ادري اني حلووة ما يحتاج تقول لي
ابو سعود: هههههه اكيد دامني عمّك
عبير: عمي ريما ما تشبهك
ريما: قالوا عواذل قلت اعوذ بالله من شرهم
ام نواف: ريما
ريما: خلاص ابنطم واسكت ما يحتاج تحذيرات



وفي مكان اخر.. بيت ابو مشاري ام مشاري واختها ام سحر..
ام مشاري: مسكينه والله عبير ما تستاهل
ام سحر: الله يعينها ..
مها: هي كيف طاحت؟؟
ام مشاري: مدري اليوم بنروح نزورهم ونشوف..
مها: يما اتخيل زوجها سعود لو درى مدري وش بيسوي؟؟.. يحبها يموت فيها
ام مشاري: الله يهنيهم ويرزقك يابنيتي
ام سحر: مها خلي السواق يجيب البنات من عندهم ماصارت لهم كم يوم نايمين عندهم.. بعدين فشيله من الناس بنتهم تعبانه
مها: إن شاء الله خالتي


دق التلفون ومها ردت : الووووووو

خالد: السلام عليكم
مها وقلبها بيطير من الفرحه: وعليكم السلام
خالد: كيف الحال مها ولا ساره
مها: بخير.. مها معك
خالد: خالى موجود ؟؟
مها: لا والله
خالد: غريبه والله هو دق على .. بعدها ادق على جواله مقفل والبيت مو موجود..
مها بتردد : تبي اقوله شئ
خالد: سلامتك
مها حست إن قلبه بيوقف : الله يسلمك
خالد: امممممممممم
مها وهى مو مصدقه انه جالسه تتكلم مع خالد: نعم
خالد: مع السلامه
مها: مع السلامه

صكرت مها وهي تحس إن جسمها كله يرتعش خالد قاعد يتكلم معي .. ااااااااااااااااه ويقولي سلامتك بعد .... معقوله يكون يدري اني احبه.. هو شكله كان بيقولي شئ بس ليه كان متردد.. يوووووو انا شكلي بديت اهذري واتخيل اشياء ماصارت الله يستر..

ام مشاري: مين؟؟؟
مها: خالد يبي ابوي
ام سحر: كلمتي السواق؟؟
رفعت مها السماعه ودقت عالسواق وقالت له يرجع البنات للبيت




طلعت عبير من المستشفى وسعود مارضى انها تروح مع اهلها رجعها البيت على طول وقال انا اخدمها بعيوني .. وصلوا البيت فتح لها باب السياره وقالها بشيلك لكن هي مارضت خاف عليها سعود مسكها لما دخلوا البيت..
عبير: سعووود عيب اخاف احد من الجيران يشوفنا كذا
سعود:مافي احد الناس ببيوتهم.. واذا شافونا وش فيها زوجتي ويدها مكسوره
عبير: آآآآآآآآآآآآي ي ي ي ي ي ي عورتني .. بس هم مايدرون انا وش فيني
سعود: بسلامتهم
دخل سعود البيت وهو ماسك عبير وصلها لغرفه النوم حاطها عالسرير باس راسها ومشى
عبير: سعود وين بتروح ؟؟
سعود: بفتح النور ولا عاجبتك الظلماء؟؟!!
عبير: لا لا تفتحه نور الابجوره يكفي .. صكر الباب وتعال..
سعود: سمي يما..
عبير: يما مررره وحده
سعود: من غلاتك ياعبير
عبير: وش فيك واقف تعال اجلس
قرب سعود منها وجلس جنبها وهو ماسك ايدها وحط ايده على شعرها يمسح عليه بحنان : وش فيك عمري .. يدك تعورك ؟؟
عبير: يعني شوي
سعود: وش تبين هديه بمناسبه قومتك بالسلامه؟؟
عبير: اقولك وش ابي وتجيبه لي
سعود: اكيد اجيبه لك
عبير: مهما كان
سعود: مهما كان .. انا كم عبير عندي؟؟
عبير: ابي ولد منك ؟؟
سكت سعود ونزل راسه ..
عبير: هااااااا سعود..
سعود: يصير خير .. انتي قومي بالسلامه اول
عبير: تدري سعود ودي اقوم واحضنك بس مااقدر يدي مكسوره؟؟
سعود: ههههههه نسجلها دين عليك
عبير: ههههههههههههههههههههههه
ومرت الليله هاذي حلوه على عبير ونامت وهي مرتاحه بالرغم من الألم اللى تحس فيه..



الصباح الساعه11 دقت مها على ريهام تعلمها على حبيب القلب
مها: الوووووو
ريهام: هلا بالمزعجه
مها: انا مزعجه ولا انتي نوامه؟؟
ريهام: حرام عليك مانمت امس إلا الساعه 5 الفجر
مها: ليش إن شاء الله
ريهام: امس كنت معزومه على دي جي مرررررررررره حلو
مها: اهااااااااااااااااااا
ريهام: وش عندك داقه الصبح اكيد في شئ
مها: ايه امس دق خالد ...
وحكت مها السالفه كلها لريهام
ريهام: طيب تتوقعين هو يدري انك تحبينه ؟؟
مها: مدري وااااااااالله احس اني بنجن
ريهام: خليك منه بس مرررره شايف نفسه
مها: الحب اعمى
ريهام: بلا حب بلا هم خليني انام احسن واذا قمت شفت لك حل
مها: مع السلامه
ريهام: مع السلامه

ريهام كانت انسانه فري مررررررره عايشه حياتها اهلها متحررين لكن مع كذا هي محافظه على نفسها وماتورط عمرها بعلاقات مشبوهه .. يعني كل شئ تسويه تحس انه لعب وضحك ما يتعدى انه مجرد مساعده اوخدمه تقدمها لوحده من صديقاتها.. فهي تحس إن حب مها لولد عمتها مجرد وهم وحركات مراهقين عشان كذا هي تحاول تبعدها عنه عشان ماتعلقها بوهم خاصه وانها كلمته وعارفه اسلوبه..




نواف دخل الساعة 12 بالليل ولقى ريما جالسة بالصالة وتقرأ مجلة وتشرب عصير..

نواف: السلام عليكم
ريما: وعليكم السلام
نواف: وين اهل البيت؟
ريما: امي وابوي بالغرفة .. وفارس بغرفته يا نايم يا يلعب بلاي ستيشن وانا قدامك
نواف: اجل شكلك طفشانة
ريما: مرررررررة
نواف: تدرين انا كنت معارض لسواقة المرأة للسيارة واللحين عارضت اكثر
ريما: وليش إن شاء الله؟؟
نواف: كذاااااا احس الوحدة تجي تترجى اخوها تكفى طلعني طفشااااانة يحس الواحد إن له اهمية
ريما: لا يا حلوو السيارة اللي لها اهمية ولا انت زينة علشان المرور ما يمسكوننا ولو إن السواق يفي بالحاجة
نواف: ههههههه افااااااا انا زينـــــــة؟؟ يجي منك اكثر يا زينة
ريما: اقووووووول نواف
نواف: قولـــــــــــــــــــــــي
ريما: وش رايك باللي يقولون على النساء يحلمون بالسيطرة على المجتمع
نواف: بالله بأي رواية قريتهيها؟؟
ريما: ههههه تستهين بثقافتي؟؟

طلع فارس ومشى قدامهم وبيطلع من الباب
نواف: تعال تعال يا عم وين رايح
فارس: واحد من العيال عند الباب
نواف: وما ودك تطلع معه؟
فارس : ولو بغيت منب مستأذن منك
نواف وهو قايم: لا والله
فارس فتح الباب: ايه والله
سحب نواف يده: وين وكالة من غير بواب تدخل وتطلع على كيفك؟؟
فارس: انت بعد تطلع وتدخل على كيفك
نواف: هذا اللي باقي تقارن نفسك بي
فارس: اتركني
ريما وهي تغمز لفارس: فاااااااارس النوم مأثر عليك
فارس: النوم ياثر عليكم انتم اما انا لا
نواف: فارس اعقل لا والله ..........
فارس: انت مسوي نفسك............
ريما: هششششش انت وياه ترى اهلي نايمين
فارس وهو راجع: انتم ما تهموني .. وانا ابتصل عالولد واقوله منب طالع لك لأن جاني النوم

راح فارس

نواف وهو يجلس: غبــــــــــي
ريما: انت بعد تراه صغير وهالاسلوب ما ينفع معه
نواف: وشفته نفع معك
ريما: هيهيهيهي سخيف وما تضحك .. وانا ما اذكر انك كد كلمتني بهالاسلوب
نواف: لأنك ملسووونة

وجلسوا يسولفون إلى الساعة 1:30 وراحوا ينامون




هالاسبوع ... اتفقوا انهم يروحون شاليهات الثمامة ويستأجرون شاليهين واحد للحريم والثاني للرجال بس مفتوحات على بعض ... البنات جالسين يسبحون سارة وريما ومها وسحر .. وصراخ وضحك ....
سارة: هههههههههههههههههههههههه
ريما: ضحكتي من سرك بلا
مها: عادي ريما خوذيها بروح مرحة
سحر: اول مرة تعصب ريما
عبير جالسة عالكرسي عندهم وسرحااااااانة ..
ريما: عبيـــــــر عبورة
عبير: هلا
ريما: غطسي رجولك بالموية عالأقل .. رحمتك صراحة
عبير: تراني بجي اذبحك ... من يوم ما انكسرت يدي وهي حاطة دوبها دوبي
سارة: ههههههه
سحر: الله يعينك
مها: يا عمرري يا عبير إن شاء الله اول ما تتعافين نجي مرة ثانية
ريما: مو انت اللي بتجيبينها هذا سعود بيسفرها علشان ما تحس باالقهر
عبير وهي قايمة وجاية جهة ريما: رييييييييييييم
ريما وهي تهج للجهة الثانية: هههههههههه هلا عمري حياتي
عبير: بدخل جوه لا تجيني جلطة
سارة: بسم الله عليك في اللي يكرهونك ههههه
دخلت عبير ... والبنات مازالوا يسبحون ... دخل نواف مسرع ولا انتبه انهم بالمسبح ... مها غطست جوه وسارة وسحر لأن نفسهم قصير راحوا لجهة مغطية شوي ...
ريما: ههههههههههههه نواف نوااااااااااف
نواف التفت بسرعة بيتأكد من اللي نادى
ريما: ترى فيه ناس يسبحون
رجع نواف على ورى : طيب تعالي
ريما: وش تبي منب طالعة من المسبح علشانك
نواف: تعااااااالي
طلعت ريما من المسبح: هااااااااه وش تبي؟!!!
نواف: روحي جيبي لنا قهوه
ريما: وانا اقطر مياه ؟!!!!!!!!!
نواف: انا لله طيب روحي نادي عبير
ريما: نادها انت ولا اقولك دق عليها جوال..
راحت ريما تررركض ونقزت بالمسبح وغاصت .. واتصل نواف على عبير..



طلعوا مها وسارة وسحر يكملون لعبهم ..
سارة: وين اختفت هاذي؟؟!!!!
مها: شوفيها غاطسة
سحر: يمكن ماتت البنت انزلي جيبيها
غاصت مها وسحبت ريما وطلعتها على السطح
سارة: حية انت على بالي انك متي
ريما: لا الحمدلله جت سليمــــة
مها: ريهام بدها تيجي لهوووووون
ريما: مين ؟؟
مها: صديقتي قلت لها تجي
سارة: جمعات ووناسة
سحر: ايه والله

(( اعزائي زوار شالياهات الثمامة ... نود إن نحيطكم علما إن عروض السيرك ستبدأ بعد اقل من نصف ساعة ... شاكرين لكم حضوركم))

صارخوا البنات وطلعوا من المسبح يركضون للحمامات يبي يتروشون علشان يطلعون ويشوفون السيرك ..
ام نواف: ايه والله انهبلوا
ام مشاري: هالبنات الله يهديهم
ام سحر: خليهم يستانسون
عبير: اكيد يبي يطلعون يتفرجون

دق جوال مها وبنفس الوقت دق جرس الشاليه ... راحت عبير للباب وفتحته ودخلت بنت...
ريهام: مرحبا
عبير وعلامات تعجب على وجهها: ميـــــن؟؟!!
ريهام: انا ريهام صديقة مها
عبير بابتسامة: هلا والله تفضلوا تفضلوا
دخلت ريهام عند الحريم وسلمت
عبير: هي ما قالت لي انك بتجين علشان كذا استغربت
ريهام: هي وينها كسررت جوالها ولا ترد
عبير: دخلت الحمام تاخذلها شور
ريهام: اهااا
ريما طايرة: السلاااااااااااااااااام
الكل: وعليكم السلام
ريما وقفت بعد ما شافت الوجيه الجديدة: مين؟!! على ما اظن ريهام صح!!
ريهام: ايه وانت ريما صح
ريما سلمت على ريهام واختها وجلست: يماااااااا يماااااااا ... يماااا
ام نواف: وش وراك؟؟!
ريما: ما وراي شي بس بقولك اننا بنطلع نشوف السيرك
عبير: وين مها وسارة وسحر
مها + سحر: السلام عليكم
الكل: وعليكم السلام
مها وهي تسلم على ريهام: حياك الله تو ما نور المكان
ريهام: منور بوجودكم
ريما: يلااااااا بسررررعة سلموا على بعض بروح البس عبايتي
عبير: لحظة!!
اخذت ريما عبايتها ولحقوها البنات وطلعوا ... وهم بالطريق ما تركوا احد بحالة كل شي يعلقون عليه ... من بزارين لشيّاب ..
ريهام وبهمس: اقووول مها وين خويلد؟؟!!!
مها وبنفس طريقة كلامها: خويلد!! خالد ... اوريك اياه بعد شوي
وصلوا للسيرك وجلسوا بحدود ساعة يتفرجون .. بعدها طلعوا يتمشون ... جاء واحد جنب البنات..
الرجال: 050******
سارة: وشو؟
الرجال: خوذي الرقم 050******
سارة: عده ما سمعته
الرجال: 050******
عبير بصوت واطي: سارررة
سارة: هشش خلوني اطلع ريحته
سارة: ارفع صوتك شوي
الرجال وبصوت اعلى: *******
سارة: ارفع صوتك اكثرر
الرجال: 050******
سارة: تكلم نفسك انت؟؟!!!!
الرجال وهو رايح: جعلك ما سمعتيه ..
سحر: هههههههههههه
ريهام: سارة عطي اختك من هاللسانة
ريما: ممنوع
عبير: ثنائي مررح
سارة: اكيد
سحر: هالثنتين عاااااااد
ريهام كانت عبايتها مخصرة نوعا ما .. جا واحد من الشباب جنبها وتحرش فيها .. صارخت ريهام .. والكل التفت عليها..
مها: وش فيك؟؟
ريهام: يا حقيـــــــــر يا ...........
عبير: وش فيك؟؟
قالت لهم ريهام وش سوى فيها ... الشباب تجمعوا حولهم يشوفون وش القصة
عبير: انت كيف تسمح لنفسك تسوي قلّة الحيا هاذي؟؟؟
الرجال: والله محد قالها تلبس هالعباية!!!
الشباب حولهم قاموا يصارخون ويشجعون ويصفقون اللي يقول "ايووووووووه صح لسانك" واللي يقول "ونعم الرأي" واللي ينادونه باسمه وازعاج ..
ريهام تمشي ووجهها احمر: معليش يا بنات إن سببت لكم احراج
عبير: ريهام .. هو صحيح قليل الحيا بس انت مفروض ما تلبسين هالعباية باماكن عامة وخاصة انها مظهرة شكل الجسم كامل
ريهام: ما اخذت في بالي إن هالشي يصير .. انا دايم البسها وما كد صار لي موقف زي كذا!!!
عبير: انا عارفة انها هذا الشي من حرّيتك الشخصية ... بس زي ما انت شفتي الشباب يدورون العذر انهم يتحرشون فيك...
مها: والله اللي محتشمين ولا اللي مو محتشمين ما افتكوا منهم
عبير: اتمنى تعتبريننا يا ريهام مثل خواتك ولا تستحين مننا ولا تاخذين بخاطرك .. هي نصيحة انصح فيها اختي
ريهام وبابتسامة: والله يا عبير انكم زي خواتي
بعد صمت تم 5 دقايق
عبير: تعالوا نجلس هنا
جلسوا كلهم على طاولة دائرية ... شافوهم شلّة شباب وجلسوا جنبهم واسمع يا معاكسات ... قاموا البنات ولحقوهم الشباب...
مها: يا ربــــــي عليهم
ريما: المشكلة 100 واحد مهوب قلال
سارة: لا والثياب كأنها دعاية تايد
ريما: وانت الصادقة كأنها زفة عروس
عبير: ههههههههه هشش
ريهام: ههههههه والله انكم
واحد من الشباب:
ما هقيت إن البراقع يفتنني لين شفت ضبا النفود مبرقعاتي
الله واكبر يا عيونٍ ناظـــرتني فاتناتٍ ناعســاتٍ ساحـــراتي ...
خالد وهو معصّب ويكلم الشباب : وانتم جايين تغازلون خلق الله ولا تشمون هوا
خالد: اصلا هالاماكن ما فتحوها لهالاشكال
الشباب تفشلوا وراحوا للجهة الثانية منع لتجمع الناس ...
خالد: ضاقت الاماكن ما لقيتوا تاقفون إلا هنا؟؟!!!
ريما: والله هم اللي لحقونا
خالد: ارجعوا ولا تطلعون مرة ثانية
مها ودها ترد عليه وتقوله حاضر اوابشر عشلن تلفت انتباهه لكن الموقف ماساعدها..
سارة: لا والله!!! وانت وش دخلك يا اخ خالد ... حنا جايين نتمشى ونشوف الخضرة ولا جايين ننحبس جوه...
خالد اللي انقهر منها " صحيح انا وش دخلني!!.. لا انا اخوكم ولا ......" قطع تفكيره صوت عبير..
عبير: اكيد له دخل خالد اخو واكثرر
خالد تنهد بعصبيه: خلاص إن كنتوا مصرّين تتمشون ابمشي معكم
سارة: اففففف
ريما: خلاص خالد شدعوة عاد لحقونا شباب و........
خالد: اللي صار انهم جلسوا يغازلونكم ويشعرون بكم بعد
ريهام وبصوت واطي: منقهر علشان في شاعر غيره
مها + سحر+ عبير: هههههههههههههههههه
ريما: ضحكونا معكم
سارة: ما عليك منهم
راح خالد يمشي معهم وهم مهب قادرين ياخذون راحتهم بالكلام ...
ريهام بصوت واطي: مها روحي امشي معه وفكينا منه..
مها: ااااااااااااااه بس لو يحصلي مااقول لا
سارة تهمس لريما: هذا ما وده يروح؟؟!!!!!
ريما: اقوول خالد
خالد وبدون ما يلتفت: هلا
ريما: امممم نبي ايس كريم من باسكن
خالد: تبي تاكلونه بعباياتكم
سارة: لا بنذوبها بكاسات واذا رجعنا البيت نشربه
خالد: ترى والله يا سارة لا ارجعكم كلكم
سارة: كان ما جينا هنا من الأساس دامك تبي تحكرنا جوه
خالد: اللحين ليش كلهم ساكتين إلا انت؟؟!!
سارة: شف انا وريما طبعنا واحد بس ريما ماسكه اعصابها توها قايلتلي
ريما تشهق: انا قلت كذا؟!!!!
سارة وببراءة: ايه انت تو قلتيلي
عبير: انتم منتب تاركين هالحركات ... خل نرجع صراحة انا تعبت
خالد اللي تذكر إن يدها مكسورة: الحمدلله عالسلامة يا بنت الخال مع انها متأخرة شوي .. بس اعذريني توني دريت..
عبير: الله يسلمك
ريما اطالع فخالد وتقول مسوي لي مايدري: خااااااالد
خالد: نعم!!
ريما: ترى معنا بنتين من يوم ما مشيت معنا ما نطقوا بحررف واحد
خالد التفت: وش يعني انا منكّد عليكم ... خوذوا راحتكم عادي تراني منب غريب
ريما: موجود ثنتين انت غريب عليهم
خالد: معليـــــش ... للأسف ابستمر امشي معكم
سارة: قل انك تبي تسمع سواليفنا
خالد ببرود: الله والسوااليف
دق جوال خالد .. يوم شاف الاسم ابتسم ... حطه سايلنت وما رد
سارة: ليش ما تررد؟؟!!!
خالد: مدري بس اذكر ان مزاجي يقول لا ترد
سارة: الابتسامة هاذي وراها بلوى
خالد: وش قالوا لك اخوك مشاري
ريما جلست تضحك من قلب على خالد ... واكتفوا الباقين بابتسامة
سارة: وش فيه مشااااري؟؟؟؟!!!!
خالد: ههههه كل ثلاث دقايق بالضبط يدق جواله يقوم ويرجع يقول .. هذا واحد من اخوياي يسأل وينك؟؟ ... ههههههههه ولا 17 مكالمة ... حسيت انه رئيس الوزراء من ورانا علشان كذا ما تطنزت قدامه قلت يمكن نستفيد منه بالمستقبل
دق جوال خالد مرة ثانية .. ابتسم ورد
خالد: هلا هلا . . . . . . لا والله بس مع الأهل . . . . . إلا ههههههه . . . . . . . امممم بس ما ظنيت ( بعّد عنهم شوي )

مها: من تتوقعين يكلم..
ريهام: اخمن يعني.. يمكن .. يمكن .. وش قالوا لك عني مدير اعماله
سارة: يكلّم بنت مية بالمية
ريما: هههههههه لك وجه تتكلمين بعد ما فشلك
سارة: انا ما تفشّلت
عبير: سارة عيب هذا وانت ما تمونين عليه كذا .. اجل لو منتي وش تبي تسوين؟؟!!!!
ريهام: هههههههه والله انها مسوية جو
مها: بس فشلت الرجال شوي وتقول له ضف وجهك
عبير: قالته بس بطريقة غير مباشرة
مها: بس هو شكله عادي ما اهتم
عبير: ايه يا حبي له خالد قلبه ابيض وطيب
مها يوم قالت عبير هالكلام انجنت حست انها بتذبحها
خالد جاء عندهم وسمع جملة عبير الأخيرة وناظرها: إن شاء الله
حطه عالسبيكر وتكلم سلطان: خلاص مع السلامة
خالد: مع السلامة
سارة تناظره باستغراب
خالد: وش رايك بحبيبتي؟؟ صوتها خشن شوي بس شسوي طحت بهيامها
الكل جلس يضحك على سارة
سارة: هيهيهيهيهي بسيطة رحت اتصلت على صديقك و .............
خالد: صح صح ........
سارة شوي وتقوم تصفقه: افففف
نواف وفيصل اللي عزمه نواف معهم وسعود ومشاري جايين عندهم
سعود: وش عندك مع البنات؟؟!!!
خالد: مرّيت ولقيتهم ... جت سارة عزمتني
سارة: اناااااا..!!
ريما: علشان تعرفين تتبلين تو علي
نواف: يلا خل نرجع الساعة 1 ونص
عبير: بنرجع البيت؟؟!!!
سعود: اللي يبي يرجع البيت يرجع واللي يبي ينام هنا ينااام
ريما: يعني راح ننام هنا؟؟!!!!
مشاري: واللي ما وده يجلس يرجع البيت
سعود ياشر لعبير عشان تجي عنده مستحي يقرب من البنات..
عبير: هلا..
سعود: واحد اشتاق لحبيبته قال خل يتمشى معها بالجو الحلو.. عندك مانع؟؟!!!
اخذ سعود عبير وراحوا يمشون الحالهم..
سعود: من وش تعبتي؟؟!!
عبير: يدي عورتني خل نرجع للبيت..

رجعوا للشاليه ما عدا عبير وريهام اللي رجعوا بيتهم .. كان في الشاليه الواحد 3 غرف وصالة ... البنات اخذت ريما وسارة ومها غرفة ... وام سحر وسحر غرفة .. وام مشاري وام نواف مع بعض .. وعند الرجال ابو نواف وابو مشاري وابو سعود مع بعض .. ونواف وفيصل مع بعض .. وخالد ومشاري مع بعض .. مع إن خالد كان رافض انه ينام مع مشاري إلا اذا قفل جواله .. تمت هالليلة على خير .. ومضت ليالي بعدها كثيــــرة .. بدوا يتقربون الأخوان من بعض صاروا بهالصيفية لازم كل يومين يشوفون بعض .. وحتى خالد اللي كان نادرا ما ينشاف صار يجيهم بين فترة وفترة ...
الأميرة دانة
16 - 09 - 2009, 02:39 AM
الجزء الثامن
,,,,,,,,,,,

فارس ماصدق إن السواق رجع صار يوميا طالع داخل استغل إن اهله اجازه ومشغولين عنه ولهو عنه اكثر يوم طيحه عبير... فارس الطفل بين يوم وليله صار يبي يثبت وجوده يبي يحسس اللي حوله انه صار كبير ومحد له كلمه عليه هذا اللي يقدروا يقنعونه فيه سلمان وعمر لكنه هو مسكين مايدري وش مخبيه له الايام
في يوم هو جالس في الشقه مع العيال دخل عليهم عمر : جبت لكم اليوم فلم مسكت
فارس: بوليسي انا احب البوليسي
عمر وسلمان: هههههههههههههههههههههههههههههههههههههههههه
حمد: فشلتنا عندهم
سكت فارس وجلس ينتظرهم يشغلون الفلم
راح سلمان طفى الانوار وفارس جالس قرب منه عمر قاله: اجلس زين ابي احط راسي على رجولك عشان اتفرج زين ..
فارس: لا والله رجلى مو مخده رح جب لك مخده من الغرفه
عمر: اقول خلك رجال ومد رجلك يلا
استسلم فارس ومد رجله وعلق عيونه عالتلفزيون يشوف هالمناظر الغريبه اللى اول مررررره تمر عليه شوي يغمض عيونه شوي يفتحهم "يالله وش هالاشياء من وين قدروا يجيبون هالفلم الوسخ كل شى فيهم باين.. ياربي والله لو يدرون اهلى اني جالس فهالمكان واشوف هالاشياء القذره احسهم بيذبحوني "

بعد ساعه ونص ..
سلمان: روووووووووعه الفلم احلى من المره اللى راحت
عمر: وش رايك ياحمد انت وفارس؟؟
حمد: اول مرره اشوف فلم زي كذا
سلمان: من اليوم ورايح مافي إلا كذا
فارس طول الوقت كان ساكت ومتعجب من هالمجتمع الغريب اللي طاح عليهم!!!!!!!
قطع عليه حبل تفكيره صوت عمر: تفضل
فارس: لا شكرا المره اللى راحت جلست اكح يومين مااحب الدخان
سلمان: مره مع مره بتتعود
حمد: لا تصير ثقيل دم خذ لك وحده
وبالاخير رضخ فارس للامر الواقع وجلس يدخن ....





بعد المغرب في بيت ابو نواف كانوا متجمعين
خالد: اقول يا خال
ابو نواف: هلا
خالد: تخبر يوم حنا بالثمامة يوم تقولي ليش انت ما تزورنا؟؟ وليش جياتك قليلة؟؟ وين ايام اول ايام مدري ايش!!! وايام قلوب بيضاء و .. و .. وصلة ارحام
نواف: الأخ شايلها بقلبه
سعود: ياما تهزأنا وسمعنا اقوى منها
خالد: خلني اكمل كلامي ياخي مو لأنكم كلكم اكبر مني تسكتونّي
سعود: حلوووة هاذي
ابو نواف: خلوه يكمل والكبر مهب بالعمر الكبر بالاخلاق والفكر
خالد: المهم هذاك اليوم كتبت قصيدة
نواف: ايوووه عااااااااااشو
خالد يلتفت على نواف وهو يضحك: تراني ابمسك وادفنك بالحياة
سعود وهو يضحك: قوووية
ابو سعود: اعوذ بالله خلوه يكمل
خالد: يا خالي ما عليك منهم
ابو مشاري يناظر العيال: ايه نواف وسعود دوم حسودين .. وشهي القصيدة سمعنا
الكل سكت علشان يسمع ...
نواف: لحظه لحظه خلينا نسمع البنات يشوفون موهبه ولد عمتهم..
ودق نواف على عبير وقالها تفتح السبيكر عشان الباقي يسمعون..
خالد :


يـا زيـن حـارات الريـاض القديمـــة ** يوم القلـوب أطفــال بعيون الأطفـــال
يــوم النـوايـا بـكــل حــال سـلـيـمـــة ** والنـاس صدق تعلّم الصـدق الأجيــال
وأخلاق أقــل الوصـف فيها عظيمــة ** والوصـل بين الناس في كـل الأحـوال
أول ظـروف الوقـت فـيـنـا حـلـيـمـــة ** وعـاداتـنـا مـا يوم تشكي من اهمــال
ومحـــدٍ تكلّــــم فـي نديــم و نـديمـــه ** ومحــدٍ خذا .. بالغيـر سجـه ومدهــال
نفرح للأرض إن لامست عشق ديمة ** نـزرع ربـيـع العـمــر بحــلام وآمـــال
أحبـــهـا .. حــب الحمــيـم لحمــيمــه ** مذكـورة بـالـخيـــر يـا ذيـك الأطـــلال
يــا ذكـــريات مــا تـثـمّـــن بـقـيـمـــة ** الله يـرجــعــهـا عـلـى كـــل ابـو حــال
ويـا زيـن حــارات الرياض القديمــة ** يوم بعــد العصـــر يا نصــر يا هــــلال
وسلامتكم
القصيدة للشاعر (هادي الجنفاوي)



الكل: صح لسانك
خالد: صح بدنكم
ابو سعود: شوفوا الناس اللي يقدرون الكلام مو انتم هزأناكم ما هزأناكم عادي كأننا نكلّم جدران..
نواف: ههههههههه يا عمـــــــي الشعر موهبة
سعود: لا بس صررراحة ابدعت
خالد: تسلم
نواف صكر السبيكر: انتهى المقطع الشعري وعلشان تسمعون مقطع ثاني كل وحدة تقط على عشرين ...
عبير: هههههه مش مشكلة بس خله يشعر فيني والقطة علي لحالي
نواف: هههههههههه خلي رجلك التحفة يـ ............
سعود: انا لله .. يا هالرجل وش فيه؟؟
نواف: تقول اشعروا فيني .. قلت خلي سعود يشعر فيك
سعود: توّك قايلها الشعر موهبة موهبـــــــة!!!
نواف: خلاص سمعتي ... يتهرب ما وده يشعر
سارة: سواليفكم مملة يااااخي
نواف: ههههههههههههه خاشة عررض بقوووة
سارة: انا مش خاشة عرض يابني دنا ببدي رأيي بس
نواف: يلا يلا مع السلامة
سارة: ايه هاذي تصريفتك يلا يلا مع السلامـة يلا اقلب وجهك
عبير: مع السلامة

ريما: وش حلات القصيدة
سارة: هو حلوو وشعره حلوو وكل شي فيه حلوو الله لا يضرره ما شاء الله عليه محظوظ
عبير: بس ما تدرين وش اللي بالقلوب
مها: ايه والله ... يا كثـر الناس اللي ينقال عنهم من بره الله الله ومن جوه يعلم الله ..
ريما: يعني ممكن انت يا مها تطلعين ادج خلق الله
مها: بسم الله علي
سارة: مها ابوي يقول يلا نرجع
سحر: وانا منب محسوبة؟!!!






وبالليل بالاستراحه كانوا الشباب مجتمعين بالاستراحه دخل عليهم نواف
نواف: السلام عليكم
الكل: وعليكم السلام
نواف: وانتم كل يوم على ذا الحال لاجديد .. بلوت.. اغاني.. تلفزيون.. سواليف
ثامر: عندك بديل يامخترع
عبدالله: اصلا أي شاب سعودي بيقضي فراغه ياتلقاه في استراحه ولا مقهى مافي حل ثاني
نواف: لا والمراهقين في الاسواق يغازلون خلق الله
ثامر: حنا العزاب مظلومين محد عاطينا وجه
نواف : المفروض رجال الاعمال يسوون مشاريع ترفيهيه للشباب
عبدالله: يعنى وش تبي سينما ولا مسرح مثلا
ثامر: صح فكره حلوه
نواف: اقول خلو احلامكم على قدكم هالشي لا يمكن يصير
ثامر: اوكي انا معكم انه احيانا الافلام اللى تعرض تكون جريئه شوي لكن لو كانت في فكره قائمه انهم يعملونها يحطون ضوابط على كل شئ
عبدالله: ضوابط مثل ايش
نواف: ثامر يقصد انه مايعرضون إلا افلام لها هدف وتحمل رساله
عبدالله: انا من اللحين اقولكم اذا كانت السينما زي ماتفكرون فيها والله ماتلقون احد من شبابنا فيها
نواف: على قولتك بيقولون الفلم قديم .. الفلم مقطع .. ملل ..مافهمنا شئ من الفلم
ثامر: يعنى امسك قردك لا يجيك اللى اقرد منه
عبدالله: يارجال احمد ربك حنا احسن من غيرنا الناس حروب وفقر وحنا جالسين نفكر بالوناسه
نواف: الحمد لله على كل حال






اليوم الثانى بالسوق كانت سارة وسحر مع ام مشاري وام سحر.. ولأن مها ما تحب الاسواق كثير ما راحت معهم .. انسحبوا سارة وسحر وراحوا يمشون لحالهم

سارة: ههههههه اللحين ماماتي بتجي تسطرني
سحر: وليـــــــه؟؟
سارة وحست باسلوب سحر اللي تبي تبدا فيه "اهلك غريبين!!!" " وش فيها لو مشيتي لحالك؟؟!!؟؟"
سارة: تعرفين امي ما تقدر تستغني عني اكثر من 10 دقايق
سحر: حنا مو اطفال علشان يخافون علينا
سارة: اهلك يخافون عليك!! .. غرررريبة
سحر: شقصدك؟
سارة: ارتاحي حبيبتي ما قصدي شي
سحر: وااااااااي واااااااااي
سارة: وش فيك انهبلتي؟؟
سحر: التفتي عاليمين وشوفي من فيه
التفتت سارة ولقت واحد ما تقول عنه معفن لا هو مقبول لكن الغلطة اللي مسويها مطول شعره وهاذي اكره حركة عند سارة
سارة وهي ميتة ضحك: هذا الله يصلحة بيدخلونه موسوعة قينتس اطول شعر في العالم
سحر: حررررررام عليك يجنن اصلا الشعر الطويل اللحين مووضة
سارة: أي يجنن!! .. هالقبح جنان؟؟ .. اعذريني انت فاهمة الجمال غلط يمكن لأنك ما كد احتكيتي بالعيال .. خالد ولد عمتي يسواه ويسوى 50 منه .. حتى نواف وش ملحه .. و .......
سحر: هششش هششش اقصري صوتك
سارة واللي انتبهت انه قرب من جنبهم
سارة بصوت عالي: اقوووول يا حلووة
سحر وهي حاسة بحماس سارة: وش عندك؟؟
سارة: افففف شعرررري صار طويل تخيلي ما بقى له شي ويوصل لكتوفي
سحر تضربها بكتفها
سارة: انا ما ادري كيف الناس يستحملون الشعر الطويل ..لا واللحين الشباب بدوا ينافسوننا .. تخيلي شفت واحد ذاك اليوم .. يويويويو على ذاك الشعر تقولين ليفة مواعين .. الله يهديهم هالشباب شعورهم كشش لا وزيادة على كذا يفردونها وش يغدون
سحر اللي احترق وجهها من طولة لسان سارة
سحر بصوت واطي: اقووول امشي لا يجي يترفس ببطننا
سارة وهي تمشي: شوفي لا تحسبيني قرووية!! تراني اعجبك .. بس لما يجون ناس يبان وش يبون ووش مقصدهم اعرف كيف اردهم..
مشعل اللي كان واقف انقهر منها وحلف انه ما يخليها بحالها

مشوا سارة وسحر وراحوا على فوق ويوم فتح المصعد لقوا مشعل واقف وعلى وجهه ابتسامة مو باين وش مقصدها.. سحر انصدمت وقلبها يدق بقوووة .. اما سارة مبتسمة ونفسها تضحك بس خافت منه يرميها من الدور الثالث عالدور الأول.. مشى مشعل جنبهم وكان لابس شماغ البسّام ومعه جوال "الرهيب".. وهو يحاول انه يرقمهم
مشعل: يلا يالغالية ابنتظر كثير؟؟!!!!!!

وكانوا شباب كثير حولهم

سارة: اولا .. اذا بغيت تطلع جوالك وتكشخ به جب جوال زي الناس مو الرهيب ترى طلع مليون واحد غيره .. ثانيا .. للأسف انت من اولك لاخرك غبار .. ويوووه على شماغ البسّام هذا اخبر يوم اني توني منولدة كان ابوي يلبسه بالبيت عاد وش يصير اللحين؟؟

كل اللي سمعوها جلسوا يضحكون وماتوا ضحك على جرأتها .. وسحر بالجانب الثاني ميته خووف
ساره وهي ماشيه: ياليت تروح اقرب صالون وتحلق القذله اللى مدري وش تبي
واحد من الشباب: ياخي لك وجه تاقف بعد اللي جاك ههههههههههههههههه
الثاني: يا شيخ خلّه يستوعب اللي انقال عنه ههههههههههههههههههههههه

راحت سارة بسرعة واتصلت على امها وسألتها عن مكانها وراحت عندها

سحر وهي تتلفت: عجبك اللي سويتيه خليتي كل هالشباب ورانا
الفتت سارة: ههههههههههه يا شيخة شوفي اشكالهم انت هذولا اشكال ناس يغازلون ههههههههه
سحر: انت فشلتيه لو يقولون له وش امنيتك بالحياة يقول اقتلك
سارة: ههههههههههههههه
ام مشاري: وينكم انتم؟
سارة: شفنا بلوزة عجبتني رحت اشوفها وفيه اشياء حلوة ثانية بالمحل واخذنا الوقت وما انتبهت إلا وانت منتب معنا
ام مشاري: ايه انتبهوا لا يصير لكم شي
سحر: بنتك ما ينخاف عليها خالتي
سارة تدفها بيدها: هيهيهيي تستخفين دمك

جلسوا يتسوقون ويتشرّون بعدها راحوا يتعشون..



اللى ماحست فيه ساره او احد من اهلها إن مشعل الشاب اللى تحرش فيهم قبل شوي جالس يتبعهم من مكان لمكان وحتى يوم جلسوا في ساحه المطاعم يتعشون كان جالس وراهم وطبعا ساره وهي تاكل كشفت وجهها وتحجبت عشان تقدر تاكل هي سوت كل هذا بعفويه لكن مشعل استغل الفرصه وجلس يتامل فيها وعجبته كثير لكن هو حاز في خاطره انها احرجته وفشلته قدام الناس .. سارة كانت شخصيتها تبين عكس شكلها الخارجي إلى يبين عليها انها هاديه وناعمه وملامحها طفوليه..
بعد ماتعشوا قاموا لانهم حسوا انهم تاخروا عن البيت من العصر وهم طالعين ومن العجله نست سارة جوالها عالطاوله وراحت قام مشعل بيلحقهم وفجأه طاحت عينه عالجوال لكنه كذب نفسه .. قرّب عنده وتأكد .. اخذه وراح وراهم ناداها يااخت يااخت .. لكن هي من الزحمه ماسمعت جاه خويه من وراه وقاله : هيه هيه انت يابو الشباب المحلات صكرت وانت إلى الان تغازل..
مشعل: هههههههههههههههههه لا والله بس وحده نست جوالها عالطاوله ولحقتها .. بس تصدق كويس انها ماسمعت لان هالبنت رافعه خشمها وانا بكسره لها.. يالله يالله مشينا ماعليك منها..








فتحت ريما ماسنجرها الساعة 1 بالليل وهي ودها تصيح من الطفش .. من حسن حظها لقت وحدة من صديقاتها اون لاين .. جلست تسولف معها شوي .. البنت استأذنت وطلعت..

صكرت ريما وانسدحت عالسرير وما زالت طفشانة .. اخذت الجوال واتصلت على سارة .. ما انتظرت كثير وردت
ريما: الوووووو
مشعل: هلا وغلا بريوووم
ريما صنمت وبنفسها " مين هذا؟؟!!! ... لا يكون مشاري؟!! .. بس خير إن شاء الله يقول ريوم يمون الأخ!!! ... ولا يمكن سارة مسوية فيني مقلب!!!"
ريما: سارة بلا استهباااااااااال
مشعل: سارة!! ..
صكرت ريما بوجهه وراحت تتأكد انها اتصلت عليها .. بغت تروح تتصل على بيتهم وتشوف وش القصة .. بس شافت الوقت متأخر ..

دق الجوال.. (( سارونة يتصل بك ))

ردت ريما بسرعة

مشعل: السلام
ريما: مين انت؟؟؟
مشعل: هدّي اعصابك
ريما: لو سمحت......
مشعل: خلاص هدّي انت اللي كنتي مع صاحبة الجوال بالسوق؟!
ريما: من وين جبت الجوال؟؟؟؟؟؟
مشعل: لقيته محطوط عالطاولة واخذته ...... ولحظة قبل ما تصكرين قولي لخويتك محد راح يكسر خشمها غيري .. والتعليقات الحلوة اللي قالتها خليها تنفعها

صكرت ريما بوجهه وللمرة الثانية .. اتصلت على جوال مها

مها: اهليـــن
ريما: اهلين مها شخبارك؟
مها: تمام
ريما: سارة عندك؟!؟!
مها: كان اتصلتي على جوالها
ريما: ليه هو معاها؟؟!!
مها: سلامات ريما وش فيك ايه اكيد معاها..
ريما: مها تكفين عطيني اياها..
بعد دقيقتين..

سارة: الوو
ريما: سارة
سارة: هلا وغلا
ريما: وين جوالك

سكتت سارة: وين بيكون يعني؟؟ .. عندي
ريما: هو معاك اللحين
سارة: لا بالشنطه لانى توي راجعه من السوق
ريما: اوكى روحي دقى علي منه
راحت ساره فتحت الشنطه ما لقت شئ فيها قلبتها و نفضتها ..
دقت سارة على جوالها من تلفون مها رد عليها واحد .. صكرت على طول ودقت على ريما
ساره: ضاع مستقبلى ياريما نسيته عالطاوله وانا اكل
ريما: كيف نسيتيه؟؟!!!!!!!!!!!!!!!!!!!!!!!!!!!!!!!!!!!!! !
سارة: ريما........... ترى والله......... احس اني ابصيح
ريما: انت متمشكلة مع احد هناك؟؟!!
سارة: ايه واحد تطنزت عليه و .............
ريما: هو اللي اخذ جوالك
سارة: احلفــــــــي
ريما: وش السالفة قولي
وقالت لها سارة كل السالفة
ريما: يا اللـــــــــه كل ذا صار .. انت متى بتتركين هالعادة عند اللي تعرفينه واللي ما تعرفينه تعلقين
سارة: الله واكبر انت اللي ما تعلقين؟!!
ريما: طيب وش فيه بالجوال بيكسر خشمك ......... لحظة لحظة .. انت مصورة عائئلتنا كلها
سارة: يا ويــــــــــلي
ريما: وانا اكبر ضحية معك مصورتني خمس آلاف صورة
سارة: لا تقولين لاحد ترى والله يذبحوني اهلي
ريما: وحنا كيف ................
(( سارونة يتصل بك ))
ريما: اتصل
سارة: الــ ...........
ردت ريما..
ريما: نعم!!
مشعل: الله ينعم عليك
ريما: أي خدمة؟!!
مشعل: يا ريما يا حبيبتي ترى.....
ريما: حبتك القرادة قل آمين
مشعل: مقبولة منك
ريما: خير وش تبي؟!!
مشعل: ترى صوركم بالحفظ والصون لا تخافين .. احلى حركه مسويتها بالجوال انها مسميه الصور.. كل ما طفشت جلست اتفرج عليها تصدقين انتي احلى منها .. صحيح كلكم حلوين بس انت ملامحك ملامح.............
ريما: يا حيوان يا حقير يا خسيس
مشعل: هههههههه تصدقين شكلها تعزك كل الصور مكتوب عليها ريما..
ريما: الله ياخذك..
مشعل: .. اتمنى انك ما تغلطين زود لأني ممكن اسوي شي لا يرضيك لا انت ولا هي ولا اللي مصورينهم ........

صكرت ريما بوجهه ..

ريما: اااااااااهئ هئ
سارة: وش قال؟!
ريما: الحقير بيذلني .. قال ايش لا تغلطين لا اسوي شي ما ترضينه .. الله ياخذه شاف صورنا كلها وجالس يقارن بيننا
سارة: وش السوات اللحين؟؟؟؟
ريما وهي تقفل جوالها: انا قفلت جوالي .. لأني عارفة كل ما طرت على باله سالفة بيتصل
سارة: اخااااااف ينشر صورنا
ريما: حنا لازم نسايره
ساره: شوفي ريما انا بفكر .. بعدين ادق عليك احس اني متوتره
ريما: اوكي مع السلامة





خالد وسلطان يدورون في السياره في شوارع الرياض .. الشوارع كانت زحمه والناس في كل مكان .. الرياض حركه وتسوق وترفيه هذه الايام مع انطلاق مهرجان الرياض للتسويق والترفيه .. وكانوا مرتبشين مشغـلين اغنية راشد الماجد"جاني حبيبي من بعد غيبة سنين.. ."

سلطان: انت مطول تدور بالسياره بلا هدف
خالد: زحمـــة يا شيخ وين اروح؟!!
سلطان: اللي يشوف الشوارع ما يقول الساعة 1 ونص الليل
خالد: وش رايك نروح التحلية؟!!
سلطان: وين دام هنا زحمة هناك وش يصير اخاف ننشب بس
خالد: خل نتوكل على الله ونروح نتفرج عالعالم والناس

وطول الطريق جوال خالد يدق .. وخالد ما يرد
سلطان: رد يااااخي ازعجنا جوالك
خالد: لو تدري مين اللي يدق كان قسم بالله تشبّك معها علشان تضحك
سلطان: مين؟!!
خالد: هاذي وحدة تبيني اسوي لها زفه امدحها فيها واسب عريسها..
سلطان: تسبـــه؟؟!! كيف يعني؟!
خالد: تقول مثلا .. احمد ربّك اني رضيت فيك .. اخب عليك .. ومن ذا الكلام
سلطان: هههههههههههه مهيب صاحية ذي .. وشوله تسوي زواج؟!!!!
خالد: هههههه مدري عنها..

وصلوا التحلية وجلسوا بالجلسات الخارجيه .. والسيارات تمر من جنبهم مليانه بنات وصوت الاغاني عالي والدرايش مفتوحه يعني كل شي في السياره باين ..
خالد: استغفر الله ذولا وين اهلهم عنهم؟!؟!!
سلطان: لاهين عنهم يا خالد
خالد: اخوانهم كيف يرضون على خواتهم يطلعون بهالشكل؟؟!!!
سلطان: مو كل يدري عن حال خواته




ريما وسارة هالبنتين ما ناموا .. جالسين ينتظرون مصيرهم اللي بيتحدد بيد مشعل .. وصلت الساعة 3 وربع وهم يفكرون ...

سارة: طيب انت افتحي جوالك ..
ريما: لا حبيبتي علشان انا تورط
سارة: وش تتورطين .. عالأقل أنت جوالك معك مو انا!!!!!
ريما: طيب فتحت جوالي ولا ما فتحته كلوا واحد لا بيزيد ولا بيأخر شي .. بس ابغث نفسي
سارة: يا ربييييي وش اسوي؟؟! .. وش اسوي؟؟! .. وش اسوي؟؟! ...... تكفييييييين ريما افتحي جوالك بلييييييييز
ريما: هذا مو حل
سارة: حنا لازم ننفذ اللي يبيه ........... ولا بيصير ............ بيصير شي بالصور
ريما: يخسى إلا هو ننفذ له اللي يبي
سارة: اجل وش تبينا نسوي؟!!
ريما: نشتري منه الجوال
سارة: نشتريـه؟؟؟؟!!!!!
ريما تفتح الجوال: ايه لحظة خليني افتح الجوال
سارة: فكرة مش بطالة
وصل مسج لريما
ريما: سارة وصلك مسج
سارة: وش فيه؟!!
ريما: يقول "احسن خدمة خدمتني فيها اني ابغير جوال ..الرهيب.. حقي"
سارة: الله ياخذ الساعة اللي تطنزت فيها عليه
ريما: اذا فات الفوت ما ينفع الصوت
سارة: طيب وش تبي تسوين اللحين بتتصلين عليه؟!!
ريما: لا يا خبلة بعدين يستانس ويقول ذولا يمشون وراي
سارة: طيب اذا ما دق
أذن الفجـــــــــــر والبنات يخططون
ريما: يااااااااالله أذن الفجر
سارة: ريما لا تقولين بتنامين؟!!
ريما: روحي صلي وادعي ربك بصلاتك .. ونامي وبكره يصير خير
سارة: حررام عليك يا ريما .. انا عارفة نفسي عيوني مهيب غافية وكل ذا صاير
ريما: طيب روحي صلي وانسدحي واذا ما جاك نوم اتصلي علي
سارة: اوكي فمان الله
ريما: بحفظ الله

قامت ريما توضّت وصلّت وهي تفكر بهالمصيبة .. خلصت صلاة راحت وحطت تلفونها عالسايلنت علشان تنام على راحتها ... وبالطرف الثاني سارة صلت وجلست تصيح .. اتصلت على جوال ريما لكنها ما ترد .. واستحت تتصل عالبيت بهالصبح .. راحت عند مها ولقتها نايمة اخذت جوال اختها وطلعت .. اتصلت على جوالها ورد..

ياترى وش مصير جوال ساره؟؟
وش راح يصير؟؟!!
كيف راح تحل الموضوع؟؟!!
الأميرة دانة
16 - 09 - 2009, 02:40 AM
الجزء التاسع
,,,,,,,,,,,


قامت ريما توضّت وصلّت وهي تفكر بهالمصيبة .. خلصت صلاة راحت وحطت تلفونها عالسايلنت علشان تنام على راحتها ... وبالطرف الثاني سارة صلت وجلست تصيح .. اتصلت على جوال ريما لكنها ما ترد .. واستحت تتصل عالبيت بهالصبح .. راحت عند مها ولقتها نايمة اخذت جوال اختها وطلعت .. اتصلت على جوالها ورد


سارة: السـ..الـ .. السـ.. السلام
مشعل: هلا وعليكم السلام
سارة: مين معي؟!!
مشعل: نعم!!
سارة: انا ... انا انا صاحبة الجوال
عدّل مشعل جلسته: هلاااا وااااااااااااالله
سارة: كيف الحال؟!
مشعل: بخير دامني سمعت هالصوت
سارة: لو سمحت اخوي ابي الجوال
مشعل: بهالبساطة؟!!
سارة: وش تبي مني؟؟!!!!
مشعل: تراك هزأتيني وفشلتيني واكلتيني تبن عند اللي يسوى واللي ما يسوى
سارة: وانا داقة اعتذر .. انا آسفة ومو قصدي .......وو وهذا طبعي و.... و..............
مشعل: وش فيك سكتي؟!!
سارة وبصوت مخنوق: الله يخليك ابي الجوال .. ابيــــــه ابيــــــه
مشعل: يا عمـــــري صوتك كذا ليش؟؟! ... لا تخافين الصور بالحفظ والصون وما ارح يصير فيها شي طالما انك تسوين اللي ابيه يا قمر
سارة: وش اللي تبيه؟!
مشعل: اللحين ما ابي شي غير انك تجلسين تسولفين معي إلى ما يجيني النوم
سارة: والله انا مو جالسة على بنك علشان اكلم حضرتك إلى ما تمل..
مشعل: ولا يهمك صكري وانا اتصل عليك
سارة: لا واا...........
صكر مشعل الخط .. واتصل مرة ثانية
مشعل: الوو
سارة: انت وش تبي مني عطني جوالي وتوكّل
مشعل: امممم وش تصير لك ريما؟؟!!!
سارة: لا تتدخل بشي ما يخصّك ... يا .. يا حيووووان ( جلست تصيح )
مشعل: كنت ابزعل منك .. بس دامك صحتي فهذا دليل إن ضميرك أنّبك
جاء سارة خط وشافت اسم ريما
سارة: بااااااي
راحت واتصلت على ريما
سارة: وينك انتِ؟؟؟؟!!!!!!
ريما: كنت ابنام وعيا يجيني النوم
سارة: لو تدرين وش سويت!!!
ريما: وش سويتي؟؟!!
سارة: اتـ ...... اتصلت عليه
ريما: وشوووووووو؟؟!!!!!!! .. غبية انت؟؟؟؟؟!! ....
سارة وهي تصيح: ريما ترى اللي فيني مكفيني
ريما: وكيف اتصلتي عليه؟!!!
سارة: من جوال مها
ريما: ووش قالك؟!؟!
سارة: قلت له وش تبي؟! .. قال اللحين ما ابي منك شي غير .. غير ....... غير انك تكلميني إلى ما يجيني النوم ......
ريما: وش قلتي له حضرررتك؟!!
سارة: قلت له مـــ.............................................. ......
ريما: طيب ... اذا دق لا تردين وعلمي مها السالفة خل تفكر معنا شوي
سارة: نايمة
ريما: اذا قامت قوليلها .. واللحين اقفلي جوالها ونامي
سارة: ابقفل الجوال بس ما فيني نوم دقي عالبيت
ريما: خلاص اذا ما جاني نوم دقيت عليك
سارة: لا والله وانا اللي ...................... جاني خط ... لحظة بشوف مين؟!
شافت سارة ورجعت لريما: هو هو .......... وش اسوي؟!!
ريما: خلي يولي ..
سارة: طيب لا تنااااااامين!!
ريما: جاني خط ............ هو الله ياخذه
سارة: ردي عليه
ريما: هو بيشوف حنا نكلّم بعض ولا لأ .. مسوي لي مستكشف حضرته
سارة: ردي عليه قولي له ابشتري منك الجوال
ريما: طيب

راحت ردت عليه
ريما: نعم!!
مشعل: وليش ان شاء الله تكلميني من طرف خشمك؟!!؟!!
ريما: تصدّق توني ادري ان في ناس يتكلمون مع اطراف خشومهم اللي اعرفه من افاميهم
مشعل: المهم ما علينا
ريما: خيـــــر!!
مشعل: كنت تكلمينها تو؟!!
ريما: الظاهر ان هذا شي خاص فيني!!
مشعل: طيب
ريما: اسمع خلك ذكي واستغل الجوال استغلال صحيح .. بكم تبيعه؟!
مشعل: ههههههههههه
ريما: وش يضحّك؟!
مشعل: غصبٍ علي يا قلبي
ريما: انقلبت حياتك فوق تحت قل آمين
مشعل: ليش انت عصبية و صاحبة الجوال لا متفاهمة؟!!
ريما: بكم تبيعه؟!
مشعل: شوفي البطاقة تبونها عطيتكم اياها بس الجهاز لا
ريما: البطاقة حلال عليك اصلا هي سوا يعني مدفوعه لوكانت فاتوره كان فصلناه من زمان .. حنا نبي الجهاز
مشعل: خلاااااص خذي الجهاز
ريما: هيه هيه انت لا تحسب اني استهبل معك تراني اتكلم من جد
مشعل: وانا بعـد
ريما: بكم؟!!
مشعل: بعشر آلاف
ريما: الله ياخذك
مشعل: لا تخليني اهوّن
ريما: بكم؟!
مشعل: بعشرة وعلشان خاطرك بتسعة وعلشان خاطر القمر اللي تو كلمتني وصاحت عندي بسبعة عاد ما اقدر انزّل اكثر من كذا
ريما: ومن وين ادبّر لك ذولي؟؟؟!!!
مشعل: شي خاص فيك .. يلا حبيبتي بروح انام
ريما: طيب يلا يلا نومة بلا قومة

راحت واتصلت على سارة وقالت لها
سارة: سبعة آلاف؟!!!!!
ريما: انتِ صحتي عنده؟!!
سارة: ايه
ريما: اففففف .. مدري انا لو بدبّر اقدر على ألف بس
سارة: وش تسوي الف؟!!!!!
ريما: عاد هذا اللي اقدر عليه!!
سارة: طيب وانا تقريبا عندي الف وخمس مية
ريما: دبرنا الفين وخمس مية بقى 4500
سارة: ما قدرتي تنزلين اكثر
ريما: سارة انا عيوني راحن فيها بي نووووووم
سارة: يا بررررردك .. خلاص روحي نامي
راحت ريما تنام .. حطت راسها عالمخدة ودخلت بنوم عميق .. اما سارة جلست ساعة تتقلب بالسرير بعدها نامت ..





سبحان الله هاذي الدنيا دواره ماتدوم لاحد .. مشاري طول عمره عايش حياته يلعب عالبنات ويلعب بمشاعرهم ويهدد فيهم وياما وياما فضح ببنات خلق الله .. اللي يستهين باعراض الناس ربي يبلاه بعرضه .. ان الله يمهل ولا يهمل
مشاري كان توه داخل البيت الساعه 6 الصباح دخل غرفته وانسدح على السرير وهو يقلب في الجوال يمسح الارقام القديمه اللى عنده ويسجل ارقام غيرها تذكر نجود من زمان عنها خليني ادق عليها بس مو من رقمي لانها ماراح ترد علي .. بعدها سكت قال انا مو صاحي الصبح البنت اكيد نايمه .. اااااااااخ بس لو كان عندي شئ ماسكه عليها مكان بيتهم اواسمها كامل اوحتى رقم تلفون البيت .. هي حتى ماعطتني فرصه انى اطلب صور منها .. البنت ذكيه موسهله عارفه مصلحتها..
سرح فيها ليه البنت هاذي بالذات شاغله تفكيري انا عندى عشره غيرها واي وحده منهم تبي اشاره مني .. البنت هاذي فيها سر فيها شئ غريب انا مو لاقيه في غيرها لكن ايش هذا الشئ ايش اللى يخلينى زي المسحور ماشى وراها اكيد هي عاملتلى عمل.. لا يكون كلام العيال صدق واصير حبيتها .. الا اكيد انا احبها بس ليش ؟؟ وكيف؟؟ ومتى؟؟ طول ماكلمتها ماحسيت باي مشاعر تجاهها !!!!!!! ..
كنت احسها زي اي وحده كلمتها .. لكن نجود غير هي البنت الوحيده اللى صدتني !!! هي الوحيده اللى ماتمادت معي ... يوم حست اني اسحبها واماطلها طلعت من حياتي !!!!!!!!
هذا اكبر دليل ان البنت عاقله وماعندها لف ودوران ... طلع بكت الدخان من الدرج وقعد يدخن لما صارت الغرفه كتمه وتخنق .. قام وفتح الدرايش وهو مازال يفكر بنفس الموضوع كيف يقدر يوصل لهالبنت ؟؟؟؟؟؟؟؟؟!!!!!!!!!!!!!!






نواف بالمكتب جالس يسولف مع وليد

دخل فيصل وهو مستعجل: السلااااااااام
نواف + وليد : وعليكم السلام
نواف: كيف سمح لك المدير تخطي شبر خارج المكتب
فيصل: اسكت بس .. دخل دورة المياة وانا افرررك عندكم
نواف + وليد: هههههههههههههههههه
نواف: شكلك حافر فتحة بين مكتبك ومكتبه وجالس تراقب تحركاته
وليد: هههههههههههه
فيصل: تتطنزون!! .. اشوف فيكم يووم وانا مديركم
نواف: ههههههههه
وليد: ههههههه قوية قووووية قووووية سامع يا فيصل قووية
فيصل: ايه طيب قوية نشوف نشوف..
نواف:اقول رح لمكتبك تلقى المدير طلع ودخل مرة ثانية وانت هنا
فيصل وهو يناظر نواف: كأنها طررردة؟؟
وليد: لا لا .. اجلس ما عليك وان قالك شي قلّه كنت ابي الحمام ولقيت الصابون مخلّص
نواف: هههههههههههههههه
فيصل وهو قايم: ايه تطنزوا تطنزوا وش عليكم؟
نواف: ههههههه والله راحمينك يا فيصل
فيصل وهو طالع: ايه على فكرة تبون تروحون اليوم الاستراحة عند الشباب
نواف: إن شاء الله
وليد: انا احس شكلي مال امه داعي
نواف: ليش؟
وليد: انتم طالعين اكبر مني
فيصل وهو يزين شماغة: احم احم .. اول مرة احس اني اكبر من احد وما اجمل هذا الشعور
نواف: هههههه تكفى يا وليد!! ما كأنك ذاك اليوم بغيت تسطّر ماجد وقال ايش شكلي ماله داعي
وليد: اما ماجد هذا فلــّـــة
فيصل: بعدين الاستراحة زحمة يعني ماراح ينتبهون لك
وليد: مو مشكلة نروح معكم
نواف: اوكي تمااااااااااام







الساعه عشره الصباح قامت عبير من النوم لقت سعود جنبها ..
قربت منه بهمس: سعود .. يلا قوم
سعود فتح عيونه وهو يبتسم : اليوم موعد فك الجبس صح؟؟
عبير: ماشاء الله عليك ماتنسى ..
سعود: الساعه كم؟؟
عبير: عشره
سعود: طيب قومي البسى عشان مانتاخر
عبير: ماتبي شئ تاكله اول؟؟؟
سعود: اول نروح المستشفى نطمن عليك ان كل شئ تمام بعدها نروح نفطر في أي مكان..
قام سعود من السرير دخل الحمام غسل طلع لقى عبير قاعده تلبس وكان متعود هو هاذي الايام بعد ماانكسرت يدها انه يساعدها في اللبس لانها ماتقدر ترفع يدها
..شافها سعود: لحظه لا تتعورين .. قرب منها ومسك كم البلوزه ودخل يدها شوي شوي عشان ماتحس بالم
عبير: ااااااااااي
سعود: خلاص خلصنا
عبير: الله لا يحرمني منك
سعود: الاسبوع هذا مدلعك عشانك تعبانه .. الاسبوع الجاى دورك
عبير: ههههههههههه
طلعوا عبير وسعود راحوا المستشفى فكوا لها الجبس وطمنهم الدكتور انها الحمد لله صار العظم احسن بس طلب منها ماتجهد نفسها ولا تشيل شئ ثقيل .. بعدها راحوا مطعم وطلبوا شئ خفيف عشان يفطرون...
عبير: تصدق سعود اشتقت للجامعه
سعود: مالت عليك احسبك بتقولين اشتقت لك يازوجي ياحبيبي
عبير: خلاص ودني بيت اهلي اللحين عشان ادق عليك واقولك وحشتني
سعود: بوديك اللحين بس اعقلي وزي ماقال الدكتور انتبهي لنفسك ولا تشيلين شئ
عبير: ان شاء الله اي اوامر ثانيه يابيه
سعود: ايه كولي مااكلتي شئ
عبير: سعود انا مرره ضايق صدري.. حنا ساكنين عند عمي ولا كنا عنده .. الغداء من تعورت ماطبخت لكم والفطور يدبر عمره والعشاء يقول مااحب آكل بالليل احس انه يقول كذا مايبى يكلف علينا..
سعود: لا حبيبتي لاتقولين كذا هو من زمان متعود ساكن لحاله بس انا يوم شفت انه دايم تجيه نوبات الضغط والسكر قلت له يجي يسكن عندنا لكن هو قالي انتم تعالوا البيت اكبر.. بعدين لاتضيقين صدرك على شئ ما يستاهل..
عبير: يعني تتوقع هو مو عتبان علينا؟؟!!
سعود: لا لا تقولين كذا ياعبير ابوي عارف ظروفك ويدري انك تعبانه ويدك مكسوره

سكتت عبير ماعرفت وش ترد كملت اكلها وطلعوا وداها سعود بيت اهلها وراح .....





ساره ماقدرت تنام زين كل مانامت فزت شافت الساعه ورجعت نامت الى ماجت الساعه 12 الظهر قامت صلت ولقت مها وحكت لها السالفه بالتفصيل ..
مها: ياويلي ياويلي .. صور كل العائله الكريمه بالجهاز
ساره: انا موناقصتك شوفي لنا حل..
مها: صاحين انتم تقولون له نشتري منك الجهاز .. ياغبيه يقدر بكل سهوله يسحب الصور من الجهاز عالكمبيوتر ويقولكم خوذوا الجهاز..
ساره: وااااااااااااااااااااااالله لو يدرون اهلى ليعلقوني ويذبحوني
مها: خلينا نفكر تفكير منطقي ..
ساره: اصلا هو حيوان تفكيره وسخ ماهمته الفلوس بس جالس يستفزني يبي يقهرني وينتفم مني
مها: اممممممم
ساره: شوفي احتمال بأي وقت يدق عليك تفاهمي معه شوفي لي حل؟؟؟؟!!!!!!!!!!!
مها: قومي دقي على ريما شوفي ماكلّمها اليوم...؟؟
قامت ساره ودقت عليها.. وقالت لها تجي عندها اليوم عشان يفكرون زين..

ساره وهي كارهه عمرها راحت جلست مع خالتها وبنتها قبل مايسافرون واتفقت مع مها ان الموضوع مايطلع من بينهم ماتبي احد من اهلها يدري او يحس بشئ العصر سلموا البنات على خالتهم وودعوها .. قامت ساره لبست بسرعه وراحت بيت عمها

دخلت ساره الصاله في بيت عمها لقت البنات مع ام نواف
ساره: السلام عليكم
الكل: وعليكم السلام
ام نواف: وش اخبارك يا سارة .. وش اخبار الوالد والوالده؟؟
ساره: كلنا بخير الله يسلمك .. الحمدلله عالسلامه عبير
عبير: الله يسلمك
ريما: ساره يلا قومي نطلع فوق احسن..
عبير: خلي البنت ترتاح شوي
ام نواف: خليهم على راحتهم ياعبير
ساره: يلا عن اذنكم
طلعوا البنات غرفه ريما
ساره: معقوله مادق اليوم ولا مره؟؟؟؟؟؟!!!!!!!!!!!!!
ريما: هو يبينا حنا ندق اكيد يقول هم اللي لهم الحاجه
ساره: الله ياخذه...
ريما: انا في لي صور كثير ولا مسحتيهم؟؟؟
ساره: مامسحت شئ.. اقول دقي عليه اللحين خلينا نسوي مفاوضات معه
ريما: مالي خلقه كلميه انتي
اخذت ساره جوال ريما ودقت على رقمها.. طول يدق محد رد دقت مره ثانيه وثالثه بالاخير رد
مشعل: الوووووووووووووووو
ساره: السلام عليكم
مشعل: وعليكم السلام
ساره: انا ....
مشعل: مايحتاج انتي ريما الاسم طالع عندي
ساره: هييييييييييييييي انت تمون لا مو ريما انا صاحبه الجوال اللي كلمتك اليوم الصبح
مشعل: وانتي كل شوي لك رقم؟؟
ساره: ممكن اتكلم معك شوي؟؟؟
مشعل: شوفي اقل من عشره ماراح اقبل؟؟
ساره: ومن قالك اني ابشتريه منك؟؟؟؟؟؟؟؟؟؟؟؟؟؟؟؟؟
مشعل: اقول ماعلينا انا مقدر ان اعصابك تعبانه وقاعده تخربطين بالكلام.. بس تصدقين صوركم حلوه.. حتى بيتكم كشخه..
ساره وبصارخ: بتقهرني ؟؟؟؟؟؟؟!!!!!!!!!!!!!!!!
مشعل: ماتركتي بزر بحارتكم ماصورتيه.. حتى العجوز ياالله حسن الخاتمه صورتيها
ساره: انت احقر انسان شفته بحياتي
مشعل: اهاااااااااااا .. عندك ملاحظات ثانيه
ريما كانت جنبها تاشر لها هدي اعصابك خليك بارده معه عشان مايعاند ويسوي لهم شئ يندمون عليه..
مشعل: وش فيك سكتي ؟؟؟ .. علي فكره انتي أي وحده فيهم اللي لابسه تيشرت احمر ولا الثانيه ام شعر بوي..
سكتت ساره ماعرفت وش ترد كانت العبره خانقتها ومو قادره تتكلم
مشعل: تصدقين سويت زوم للصور ملامحكم من قريب مررره حلوه..
ساره: انت وش تبي ؟؟ حرام عليك اللى تسويه فينا
مشعل: اقول وش ابي وتنفذينه
ساره: وش تبي ؟؟؟
مشعل: بصراحه ابي اشوفك عالطبيعه يمكن تطلعين احلى من الصور
هنا ماقدرت تستحمل ساره كلامه الجارح قفلت الخط بوجهه وقعدت تصيح ..
ريما: وش فيــــــــــك؟؟!! .. وش قالك؟!!!!!!!!!!!!!!!
سارة: حيواااااااااااان!!!!! .. يبيني اطلع معه!!! ( وقطع صوتها الصياح )
جلست ريما تهديها .. مع ان حالها مو ازين من سارة .. بس الفرق بينهم ان ريما تمسك نفسها اذا لزم الأمر ..

دخلت عليهم عبير: السلاااااااام
سارة + ريما: وعليكم السلام
عبير: وش فيكم؟؟؟!!
سارة:................
ريما: زعلانين علشاننا ما سافرنا هالصيف
عبير: يا ساااااااااااااااااتر!!!! .. لا من جد وش فيكم؟؟!!
ريما: ...............
حست عبير انهم ما ودهم يتكلمون: سارة التلفون يبيك أختك مها

طلعت عبير ورفعت سارة السماعة
سارة: الوو
مها: هلا .. هااا وش صار؟؟!!!!!!
سارة: تخيلي يا مهااااا يبيني اطلع معه!!!!!
مها: وشوووووو؟؟؟؟؟؟؟؟؟؟؟!!!!!!!!!!!!!!!!!!!!
سارة: اللي سمعتيه
مها: يلا يلا سارة اكلمك بعدين

صكرت واتصلت على صديقتها ريهام بسرررعة .. وقال لها السالفة
ريهام: هذولا الشباب كذا تفكيرهم ..
مها: طيب برأيك وش نسوي؟؟!!!
ريهام: خلي وحدة منكم تروح تجيبه بس بمكان عام وقدام الناس
مها: خيــــــــــــر؟!!!!!!!!!!!! ..
ريهام: بالله انت وش رأيك شاب لقى جوال مليان صور واختك المصونة علّقت عليه قدام العالم تتوقعينه يرجعه بهالسهولة؟؟!!!
مها: بس مستحيل وحدة مننا تطلع!!
ريهام: شوفوا انتم سايروه احتمال يكون ولد ناس بس بيلعب بأعصابكم علشان يأدب أختك .. اما الاحتمال الثاني انت عارفته وان شاء الله ما يطلع منهم...
مها: هممممم .. اللــــــــه يستر .... بس انا واختي وبنت عمي مرة خوافات يعني اتوقع لو شافنا وشاف ارتباكنا بيتمادى معنا .. يبي له وحدة قوية توريه العين الحمرا
ريهام: اوكي دبرولكم أي وحدة من قرايبكم او شي
مها: لا يا ريهام الموضوع ما ابيه يطلع من بيننا ونفضح انفسنا .. نستر على انفسنا احسن
ريهام: امممممم صعبة يا مها تورطيني بشغلة انا منيب قدها .. انا اكلّم اوكي .. استهبل اضحك اساعدكم بأشياء زي كذا .. بس لدرجة اروح اقابله ما اقدر .. حرام اخون ثقة اهلي فيني .. صحيح ان اهلي متحررين و متفتحين يمكن لو تدري امي اني اكلم احد تهزأني و تزعل علي يوم يومين بس اني اطلع مع واحد هذا محد يرضاها يا مها
مها: هاذي خدمة انسانية يا ريهام .. والله منب ناسيتها لك
ريهام: انت صديقتي على عيني وراسي بس .........................
مها: مشكورة يا ريهام تعبتك معي
ريهام: لا تزعلين يا مها مو قصدي
لحظـــــــــــــــة صمــــــــــــــت
ريهام: خلاص خليني افكر بالموضوع وارد لك ..
مها: كنت عارفة انك منتب خاذلتني وانتظر ردّك
ريهام: فمان الله
مها: بحفظه




نواف جالس يتناقش مع موظف من الموظفين حول اسهم للشركة .. سمع صوت مسج طنّش وكمل كلامه .. طلع الموظف واخذ نواف الجوال فتح المسج..

"والله لأخليك تندم يا نواف وتكره اليوم اللي انولدت فيه"

انصدم نواف .. ودق عالرقم محد رد عليه .. رجع مكتبه وطلب من وليد جواله واتصل ومحد رد .. رفع تلفون المكتب ودق ونفس النتيجة محد .. بعد دقيقتين وصل مسج

"بطّل تدق من أرقام غريبة"

طنش نواف الموضوع وكمل شغله لأنه واثق من نفسه ومتأكد انه ما سوى شي غلط

على طول جاء بباله ان اللي مرسل له هو حسام ولد جيرانهم السابق اللي حذره منه خالد ..

اتصل نواف على خويّه بالاتصالات وعرف ان الرقم باسم واحد علي السنافي وهو نفس لقب حسام .. يعني من طرف حسام

بعدها دق على خالد ..
نواف: مرحبا
خالد: هلا والله
نواف: فاضي
خالد: لا والله مشغول شوي .. تبي شي؟!!
نواف: لا بس بسألك حسام السنافي ما طلع من السجن؟!!
خالد: خير ان شاء الله .. شايف لي سوابق تسألني عنه؟؟!!
نواف: هههه لا بـ ..........
خالد: يلا يلا نواف انا مشغول اللحين

وصكر السماعة.. تأفف نواف وحط الجوال

وليد: وش فيك؟؟!!!!!
نواف: هالمغرور ولد عمتي ... ودي يتكلّم زي الناس .. ما عنده ذوق
وليد: هو من زمان طبعه كذا؟؟!
نواف: لا هو يتيم كان اول ساكن عندنا و كان عادي بس من يوم طلع وسكن لحاله رفع خشمه .. وكأنه يقول ولا منّتكم ...
وليد: والله فيه ناس اعرفهم من يوم ما انولدوا مغرورين وما زالوا .. هذا يمكن طفّات تجيه..
نواف: يمكن ......




وعلى 7 المغرب اخيرا صدرت الموافقة من ريهام ...

ريهام: بس لازم بمكان عام
مها: اكييييييييد
ريهام: خلاص ابمر آخذ جوالك يقال لي انا سارة
مها: خلاص انتظرك

جت عندها ريهام واخذت الجوال واتصلت على مشعل واتفقوا انهم يلاقون بعض باللوبي
بـ" فور سيزن " .. وصلت هناك واتصلت عليه وقالها وين هو؟؟!!
ريهام: السلام عليكم
وقف مشعل ومد يده: وعليكم السلام
ناظرت ريهام يده باستحقار وجلست ..
مشعل: كيف الحال؟؟!!!
ريهام: تمام
صمت لمدة دقيقتين
مشعل: انت صاحبة الجوال؟؟!!!
ريهام: ايه
مشعل: اسمك؟؟؟!!
ريهام: نوف
مشعل: عاشت الاسامي
ريهام:........................
مشعل: ما شاء الله اشوفك طايلة وسامنة مع ان اللي بظرف زي ظرفك مفروض ينحف
ريهام: وين الجوال؟؟!!!
مشعل: وش عندك كاشخة لابسة هالعباية ما كنتي لابستها ذاك اليوم؟؟!!!!!!
ريهام وبقهر: انا مو صاحبة الجوال
مشعل: ايوووه .. قولي كذا من زمان
ريهام: ابي الجوال
مشعل: بصفتك مين؟؟!!!
ريهام: انا مستعدة اطلع معك واكلمك بس عطني الجوال
مشعل: مخفة عندك ...... ووش يثبت لي؟؟!!
ريهام وهي قرفانه من الوضع وتقول في نفسها ..مسكينه ساره مالقت تطيح إلا على واحد مثلك: اوعدك .. وعــــــد انى اكلمك
مشعل: طيب شيلي الغطا عن وجهك خل نشوفك
ريهام بنظره احتقار.. "ابسايرك يا حقير بس علشان مها"
ريهام: طيب عطني الجوال اول ويصير خير
مشعل قرّب منها ومسك ايدها: طيب هو مو معي اللحين هو بالسيارة تعالي معي واعطيك اياه
وقفت ريهام وبصوت عالي: يا حقيــــــر يا ساااااااافل .. انت ما تستحي على وجهك ما تستحي؟؟!!!!!!!!! .. انت ما عندك خواااااااات ما تخاف الله يبلااااااااااك؟؟؟؟؟!!!!!

تجمعوا الناس اللي جنبهم وجاء عندهم السكيورتي
السكيورتي: اختي فيه شي؟؟!!!!!
طلعت ريهام تركض ..
ولحقها السكيورتي: نقدر نساعدك؟!!!؟!! .. الاخ اللى تو تحرش فيك .. حصل شئ؟؟؟!!!!
ريهام بعصبيه: لا لالالا شكرا
صكت الباب وراحت .. ورجع السكيورتي ولقى مشعل طالع .. ورجعوا الناس لأماكنهم ..




يا ترى وش مصير الجوال والصور اللي فيه؟؟!!!..
الأميرة دانة
16 - 09 - 2009, 02:44 AM
الجزء العاشر
,,,,,,,,,,,
رجعت ساره لبيتهم وهي طفشانه وواصله حدها .. كانوا اهلها قاعدين يتعشون
ساره: السلام عليكم
الكل: وعليكم السلام
ابو مشاري: هلا والله ببنيتي .. من زمان ماشفتك احس اخوي ابراهيم صار ابوك يشوفك اكثر مني ..
ابتسمت ساره من غير نفس: لا وش دعوه يبا بس الناس اجازه وين تبيني اروح؟؟
مها: الله واكبر يبا حتى ريما صارت بنتنا اربعه وعشرين ساعه مطيحه عندنا في البيت .. الاخوات يسوون ادوار
ام مشاري: ماعليك منها ياساره تعالى تعشي..
ساره: لا يما مالي نفس..
ابو مشاري: مهوب كيفك.. اصلا حنا مانجتمع إلا عالوجبات حتى الاكل ماتاكلين معنا
مها وهي تناظر ساره: يبا اتركها براحتها اكيد تعشت ببيت عمي..
ام مشاري: روحي غيري ملابسك وتعالي اجلسي معنا
طلعت ساره غرفتها وحيلها مهدود بدلت ملابسها ودخلت توضت وصلت العشاء..
اهل ساره كانوا حاسين إن فيها شئ .. غير كذا ماهي ساره المرجوجه ام التعليقات..
ابو مشاري: مها وش فيها اختك اليوم مو طبيعيه؟؟
ام مشاري : أي والله من يوم راحت اختي وانا مدري وش فيها؟!!
مها: لا عادي مافيها شئ بس هي ...
وهنا دخلت ساره عليهم..
ساره: كاني سمعت اسمي تحشون فيني؟؟!!
ابو مشاري: ههههههههه ايه نحكي فيك نقول وين راح لسانها الطويل؟؟
مها: حرام عليكم يبا انتم صكيتوها عين والبنت صارت ماتتكلم
ساره: تستخفين دمك انتي
ابو مشاري: ووووين مشاري ماشفته اليوم ابد لايكون نايم برى البيت امس؟؟!!
مها: لا يبا انا شفته اليوم الظهر كان نايم
ام مشاري: الله يصلحه ويهديه هالولد ويكفيه شر نفسه
قام ابو مشاري : يلا بروح انام اللحين مابي ازعاج.. راح عنهم ابو مشاري .. وجلسوا البنات يلمون الاكل .. بعدها انسدحت ساره عالكنبه في الصاله ..
ام مشاري: وش فيك هاجده اليوم؟؟.. غريبه من زمان مالعبتي بالجوال وقعدتي تصورين خلق الله
ارتبكت ساره ماعرفت وش تقول: هااا .. لا .. يووووو نسيته عند ريما
ناظرت مها ساره وهي مرتبكه وتناظرها بعيون مستنجدة وحاولت تغير الموضوع: يما وين الهديه اللي جابتها لك خالتي ماشفتها زين..
ارتاحت ساره لما شافت اختها غيرت الموضوع وطلعت غرفتها على طول..




عبير كانت في الصاله عند التلفزيون تتابع مسلسل دخلت عليها امها ومعها صينيه الشاهي..
عبير: يووووو يما كان خليتي الشغاله تشيلها بدالك او كان ناديتيني
ام نواف: اناديك؟؟!! نسيتي الدكتور وش قال لا تشيلين شي ثقيل..
عبير: هههههههه جانا سعود الثاني
ام نواف: احمدي ربك عندك رجل يحبك ويهتم فيك غيرك مو محصل
عبير: الله يخليه لي
ام نواف: امييين يابنيتي ويرزقك بولد منه يملى عليك حياتك
هنا سكتت عبير وماردت حست امها انه تضايقت وغيرت الموضوع
ام نواف: خليني بروح اشوف اخوك فارس وينه كل ماشافنا غافلين عنه فتح الباب وطلع..
عبير: الله يهدييه
دخلت ريما عليهم..
ريما: السلام عليكم..
عبير: اخيرا طليتي علينا
ريما: اوووووووووووه صراحه مادريت إن مهمه لهالدرجه
عبير: تعالي علميني وش فيكم اليوم انتي وساره؟؟
سكتت ريما ماعرفت وش تقول
عبير: السالفه سر
ريما: لا سر ولا شئ بس ساره كانت متهاوشه مع اخوها مشاري وقاعده تشكي لي
عبير: يووو الله يعينها .. مشاري إلا الان عاطل مالقى له شغله؟؟
ريما: ايه جالس بالبيت وحاط حرته بخواته المساكين
عبير: يو ياريما خلص المسلسل وانا ماشفته زين
ريما: الظاهر انتي اللي كنتي فاتحه معي تحقيق




نجود كانت في الصالون تتصلح لان الليله زواج صديقتها .. دق تليفونها وكان رقم غريب ترددت ترد ولا لا

نجود ردت وهي ساكته.. الطرف الثاني يوم شافها ساكته خاف إن التلفون مو معها قفل الخط
وهنا كان مشاري جالس في سيارته .. ليه ماتتكلم ؟؟ معقوله تكون غيرت رقمها؟؟ ليش لا ؟؟..
انا غبي المفروض تكلمت ولو رد علي رجال سهله اسوى نفسي غلطان.. دق مرره ثانيه .. نجود: اوووووووف وش هالازعاج انا ناقصه اللحين ؟؟
ردت نجود..
مشاري: الوووووووو
نجود فز قلبها وبصوت حاد: نعم
مشاري: نجود ..
نجود سكتت وماردت عليه..
مشاري: نجود ممكن اخذ من وقتك دقايق؟؟
نجود: اسفه
مشاري: نجود ابيك ضروري..
هنا سكتت نجود وماعرفت وش تقول
مشاري: وش قلتي؟؟؟؟؟؟
نجود: انا مشغوله اللحين..
مشاري: يعني اكلمك وقت ثاني؟؟
نجود: ........
مشاري: خلاص انا اسف عالازعاج اكلم مره ثانيه
مشاري: مع السلامه..

صكر مشاري ونجود تفكر وش الموضوع اللى يبيني فيه؟؟!.. يااللـــــــــه يامشاري كل ما قلت خلاص نسيتك تطلع لي مره ثانيه.. الله يستر مدري وش مخبيه لي الدنيا زود...





نواف ووليد كالعاده عندهم دوام مسائى وهم جالسين فى الشركه ......
وليد: نواااااااااااااف
نواف وهو جالس عالكمبيوتر ومنشغل: هااااااااه
وليد: شدعوة عطنا وجه عااااااااد
نواف: وش تبي؟؟
وليد: تعررررف العضوه اللي في منتدى خيال" المرعبه" ؟؟
نواف والتفت بسرعة: ايه وش فيها؟؟
وليد: خفيفة دم صح؟؟!!
نواف: هااا..!! .. ايه .. ليش؟؟!!!!
وليد: تكلمني بالجوال
نواف: وشوووووووووو؟؟
وليد: تكلمني بالجواااااااااال
نواف: متأكد
وليد: ايه متأكد .. يحليلها
نواف وبعصبية: يحليلها!!
وليد: وش فيك معصّب
نواف واللي يحاول انه يهدئ: لا بس ... بس مو زين تلعب على بنات الناس
وليد: ههههه يا شيخ .. البنات هم اللي يلعبون على نفسهم .. بعدين هي اللي اتصلت علي موانا اللي حلّفت عليها
نواف هو شوي ويصفقه: لا والله يعني مو انت اللي عطيتها الرقم
وليد: إلا بس مو انا اللي ارغمتها .. براحتها سوّت هالشي
نواف وهو قاايم: عن اذنك انا طالع
وليد: والدوام


طلع نواف ومارد عليه وهو باشد حالات الغضب .. وبالطرف الثاني وليد والاستفهامات على راسه من عصبية نواف الغير معتادة
طلع نواف من المكتب وراح يدور بسيارته وهو متضايق معقوله اختى ريما تكلم وليد طيب ليش ؟؟!! كل شى جايز هاليومين.. اختى مو معقوله !!! تخون ثقتنا فيها!!! بعدين حنا مو مقصرين عليها بشئ ليه تسوي كذا؟؟؟؟!!!!.... ليه ياريما..؟؟.؟..!!!!
طيب ليه مايكون وليد يتبلى عالبنت ؟؟ بس هو مايدري انها اختي ؟؟!! يعني وش مصلحته؟؟

لا لا لا مو معقوله!! ... اختي طفله توها صغيره... بعدين انا عمري مالاحظت عليها شئ غلط.... حط راسه عالدريكسون وسرح يتذكر اخته ريما ليه ياريما تسوين كذا؟؟؟!!!!!!!.. ليه عبير صارت اعقل منك..؟؟!! .. وفجأه تذكر انه شافها مرره تكلم بوقت متاخر .. لكنها صرفت عمرها وقالت صديقتها خلود .. اثاريك مو هينه ياريما ..؟؟...!! والله لو طلع الكلام صحيح ياويلك مني!!!...!!!!!!!!!!....

نواف مارجع البيت إلا بوقت متاخر من الليل جلس يدور بسيارته يحس انه مخنوق مايبى يرجع البيت عشان مايشوف ريما وما يبى يتسرع يمكن تكون مظلومه؟؟!!!




مها صكرت التلفون من ريهام وراحت تجلس مع ساره..
ساره: هااااااااااا وش قالتلك ؟؟؟
مها: تقول خلاص انا شلت يدي من الموضوع
ساره: يارررررررررررربي يامها انا خايفه انه بعد الموقف اللى سوته معه اليوم وهزائته قدام العالم يحقد علينا من جد ويسوى بلاوي بالصور..
مها: احنا بالثلث الاخير من الليل قومي ادعى ربك
ساره: الله يستر والله اني خايفه ..
قامت ساره وتوضت وصلت لها ركعتين ورفعت يدها تدعى الحي القيوم ياجرها في مصيبتها ويخفف عنها ويستر عليها.. بعدها اخذت المصحف وقعدت تقرا شوي .. حست بالطمانينه والراحه انسدحت على سريرها وجلست تتقلب عيا يجيها النوم..

قامت اخذت جوال مها لقته مقفل ..
ساره: هذا وقته يامها تقفلين جوالك.. مالي إلا تلفون البيت..
رفعت ساره التلفون ودقت على ريما..
ساره: هلا .. نمتي؟؟
ريما: احد يجيه نوم في الظروف الحاليه!!!!
ساره: وش اخر الاخبار عندك؟؟
ريما: ولاشئ ......
ساره: ريما تكفين دقي عليه اللحين انا مقدر اكلم مها قفلت جوالها!!
ريما: لالا اسفه ياساره هالاشكال ماينفع معها التفاهم
ساره: الله يخليك ياريمااااااااااا أي دقيقه تاخير مو من صالحنا
ريما: بس الوقت متاخر اللحين.. شوفي الساعه !!!
ساره: عادي ...
بعد محاولات ساره وضغطها على ريما رضت بالامر الواقع ودقت عليه .. وأول ما رد ..
مشعل: خيـــــــــر وش تبين لك وجه تدقين بعد اللى سويتوه اليوم!!!!!!!!!
ريما: انا.....
مشعل: انتي ايش؟؟ .. مو انتي اللي شفتك اليوم؟؟
ريما: لا..
مشعل: مدري عنكم انتم ثلاثه في واحد
ريما: والله العظيم مو انا
مشعل: حتى انا حسيت من يوم سمعت صوتك انك مو انتي .. !! صوتك يدل على وحده ذوق مو العربجيه اللى اليوم فضحتنا ..
ريما: لو سمحت انا داقه بس ابي اعرف وش اخرتها معك ؟؟ انت وش ناوي عليه بالضبط؟؟
مشعل: شوفي انا والله بعد اللي شفته اليوم منكم كنت ناوي اخربها قلت بالطقاق... بلوتوث.. نت.. أي شئ المهم بخربها
ريما: وشوووووووووو؟؟؟؟؟!!!!!!!!!!!!
مشعل: عشان خاطرك انتي بس بتراجع عن قراري ..
ريما: يعني؟؟
مشعل: خليك حلوه معي اكون عسل معك .. عموما اللحين تصبحين على خير جاني النوم
وريما في نفسها تدعي عليه الله ياخذك نومة بلا قومة و إن شاء الله اشوف فيك يوم..
مشعل: يله باااااااااااااااااااي
صكرت ريما.. يارب وش هالمصيبه اللي طحنا فيها حسبي الله عليك .. سمعت صوت مسج
فتحته كان من مشعل " تصبحين على خير يا حياتي .. انتبهي لنفسك"

دقت على ساره حكت لها السالفه وساره جلست تصيح وريما تهدي فيها
ريما: لحظه ساره جاء مسج ؟؟
فتحت المسج ..
ريما: هذا الحقير مرسل يقول" نسيت اقولك ياقمر الشريحه هاذي بتنتهي هاليومين وهذا رقمي الجديد *******"
ساره انهارت وارتفع صوتها بالصياح ..
ريما: خلاص ياساره روحي نامى والصباح يصير خير إن شاء الله
راحوا البنات ينامون .. وهم يفكرون باليوم الجديد اللي راح تشرق فيه شمس جديده هل راح يكون احسن من الأيام اللي قبل وهل راح تنحل مشكلتهم؟؟!!!

.

.

.
يوم الخميس..
عالساعة 2 الظهر ريما جالسة مع اهلها ..

ريما: اشوف صديقاتي كل ما دقيت على وحدة ما يردون واكتشف بعد فترة انهم مسافرين إلا حنا كأن احد حالف علينا نجلس بحر الرياض
ابو نواف: وين تبين تسافرين؟؟!!
ريما: أي مكان بس يصير الجو حلوو
ام نواف: كل سنة نسافر وقفت على هالسنة
قام نواف وطلع من الصالة
ريما: ايه بس هالسنة شكل الجو عاجبكم!!!
ابو نواف: ايه عاد جو الرياض بالصيف ما ينعاد
ريما: ايوه يابا دي الرياض مش حاقة تانية بس جوّها ما ينطاااااااااااق
قامت ريما بتروح لغرفتها .. دخلت ولقت نواف جالس على سريرها
ريما وببراءة حاطة يدينها على خصرها: وش تسوي بغرفتي؟؟؟؟!!
وقف نواف ومسكها مع ايدها: من هووووو؟؟؟؟؟؟؟؟؟؟؟؟؟!!!!!!!!!!!!!!!
ريما: ميــــــن؟؟!!
نواف وشد ايدها بقوّة: انا اللي أسألك مين؟؟!!
ريما: عن ايش تتكلّم انت؟؟؟؟!!!!
يمسك نواف شعرها وريما تصارخ: نووووووواف اترك شعررري .. نواااااااااااف
نواف: ومسجلته باسم سارونة يقالك بتبعدين الشبهة .. قالك تصبحين على خير وعطاك رقم جواله الجديد و آخرتها يرسل لك رسايل ماصخة يا ..............
ريما ودموعها على خدّها: نواف اتركني وانا اقولك كل شي
نواف: وش بتقولين لي .. كذّبت نفسي .. بس ما اكذب عيوني اللي تشوف هالمسجات
ريما وتشاهق: نواف لا تفهم غلط .. والله والله اني ما سويت شي
نواف وبعصبية: مين هذا؟؟؟!!!!
ريما وهي تمسح دموعها: هذا واحد مـ.............
يضربها نواف ويطلّع فيها حرة امس .. طول امس يفكّر بالموضوع .. ويطلع لها اعذار .. وآخرتها تطلع اخته تكلّم عياااااال!!!!!! ..
ريما: نوووووووووووووواف
نواف: ولا كلمــــــــة .. يا حيوانة وانا اللي على بالي انك محترمة وناضجة وتعرفين الصح من الغلط بس طلعتي ....... ( سكت)
ريما وهي تصيح: انا حيوانة..!!. انا..!!! يجي منك اكثر يا اخوي يجي منك اكثر
دفها نواف: تلفون من بعد اليوم ما في

طاحت ريما عالأرض وجلست تصيح..

ريما: انت افهم بعدين اضربني على كيفك
نواف: وش افهم؟؟!!!
ريما: انت ليش مو راضي تهدأ؟؟؟؟؟؟!!!!!!!!!!
نواف: بتتكلمين ولا مشتهية ضرب اكثر؟!!
ريما وايدينها ترتجف: طيب خلاص خلاص هذا ....................
وقالت له كلّ السالفة
نواف وهو معصّب: وليش ما قلتي لي من زمان؟؟؟!!!!!!!!!!!!!
ريما: السالفة مالها ثلاث ايام
نواف: ووش يثبت لي إنك صادقة؟؟!!!!!
ريما: والله احلف لك قسم بالله .. وعلشان تتأكد اتصل على سارة واسألها ولا مها
نواف: وصور مين بالجهاز؟!!
ريما: انا وسارة و......... كثيـــــــر كل الدنيا مصورتهم الكبار والصغار
دق الجوال وكانت سارونة ... اخذ نواف الجوال وعيونه يطلع منها الشرار
ريما: لا ترررررررررد
نواف: جب
ريما: لا ترد ترى والله يسوي بالصور شي
نواف: منب راد منب غبي
ريما: وش تبي تسوي؟؟!!!!!
نواف: خوذي ردي وافتحي السبيكر
ريما تاخذ الجوال وايدينها تنتفض
ريما: الووو
مشعل: مرحبا
ريما وهي تصيح وتناظر نواف: نعم!!
مشعل: وش فيك ليش صوتك كذا؟؟!!
ريما: ما فيني شي .. وش صار عالصور
مشعل: الصور زي ما قلت لك بالحفظ والصون
ريما: وش اللي يثبت لي انا ابيهم يكونون عندي
اشر لها نواف بيده
ريما: لحظة .. لحظة
واشرت لنواف وش فيه؟!!
سحب نواف الدفتر اللي جنبه وكتب لها بورقة " قولي اللي تبيه ابسويه بس رجع لي الصور"
ريما: الوو
مشعل: هلا
ريما: اقول يا ..............
مشعل: مشعل معك مشعل
ريما: المهم انت وش تبي توصل له؟! .. انا ابي الجوال منك بأي ثمن
مشعل: أي ثمن؟!! .. ترى الجوال غالي علي كثير والأغلى الصور اللي فيه
نواف حمّر وجهه وبنفسه " صبرك علي يا حقير إن ما وريتك!!!"
ريما: طيب وش اللي تبيه؟؟!!!
مشعل: ابيك انتي
ريما تناظر نواف .. : ووش اللي تبيه فيني؟؟!!
مشعل: اشوفك بس بالمكان اللي احدده انا
ريما تناظر نواف وهز له راسه بالايجاب
ريما: طيب وين ومتى؟؟؟!!!
مشعل: امممم شوفي انا رحت ذاك اليوم مكان عام وفشلتنا هذيك علشان كذا هالمرة ابواعدك بمكان وانتي تعالي وانا باخذك بسيارتي
ريما: وين؟؟!!!
مشعل: شوفي ابوقف سيارتي بحي الحمراء قدام العزيزيه عرفتي المكان؟؟.. انتظرك
ريما: وش موديل سيارتك
مشعل: كامري لونها ازرق ورقمها *** ***
ريما: متى؟؟!!
مشعل: اللحين تقدرين..
ريما: اللحين!! لا ما اقدر اشوف بعدين ..
مشعل: اللي يريحك
ريما: اوكي ..... مع السلامة
مشعل: انتظرك مع السلامة
صكرت ريما والتفتت على نواف وشكله معصّب ومنزّل راسه بالأرض
ريما: وش تبي تسوي؟!!
نواف: اذا دق عليك لا تردين .. يرسلك مسجات لا تعطينه وجه سامعة!!
ريما: إن شاء الله
نواف: اذا اتصلت عليك ارسلي له مسج "ابلقاك هناك الساعة 9 .. " والباقي خليه علي
ريما: إن شاء الله

طلع نواف وراح لغرفته وجلس يفكر .. اللحين انا رحت لها ابشوفها تكلّم وليد ولا لا!! .. اكتشف سالفة كبيــــرة .. اللحين ابروح اجيب الجوال منه .. مين آخذ معي؟؟!!!!! .. لازم يكون معي احد.. آخذ مشاري اللي تلقى إن ربي ما بلى خواته إلا من عمايله!!!! .. ولا آخذ خالد المغرور؟!!!!!!! .. اااااه بس من هو اللي بيساعدني؟؟!! ........





عبير جالسة تقرأ مجلة ومندمجة .. ابوسعود تو طلع عند واحد من الجيران .. وسعود طالع .. انحطت يد على كتفها انتفض كل جسمها والتفتت بقوة
عبير: سعووووووود طيحت قلبي
سعود: غمضي عيونك.. عندي لك مفاجاه
غمضت عبير وهي متشوقه تعرف وش القصه..
سعود وفي يده تذاكر سفر: فتحي..
عبير: لميـــــــن؟؟
سعود: يعني لمين انا وانتي..
عبير: واللــــــــــــــــــه ... بس عمي نتركه لحاله؟؟
سعود: تصدقين هو اللي اقترح علي نسافر..
عبير: يابعد عمري ياعمي ..
سعود: وانا مو بعد عمرك
عبير: انت ياسعود دنيتي كلها.. انا من غيرك ولا شئ
سعود ابتسم لها: ترى الرحله بكرى الليل
عبير: من جدك ولا تمزح؟؟؟؟؟؟؟؟؟
سعود: والله مالقيت غير هالحجز الحجوزات زحمه.. بس ماسالتيني وين بنروح؟؟
عبير: يووووو الفرحه نستني .. وووين؟؟ !!
سعود: ايطاليا
عبير: الله رررائع
سعود: الرحله من الرياض على روما دايركت بنجلس بروما خمس ايام و بعدها نوح ميلان خمس ايام
عبير: لازم اروح اسلم على اهلي..
سعود: اكيييد
عبير: ولازم اجيب ريما تساعدني بترتيب اغراضي..
سعود: براحتك..
راحت عبير لبيت اهلها وقالت لهم انه بتسافر..
ابو نواف: بطولون يابنيتي؟؟!!
عبير: والله مدري يبا بس ماظن نترك عمي مده طويلة
ام نواف: تروحون وترجعون بالسلامه
ريما: متى اتزوج والف العالم
عبير:هههههههه على فكره اذا ماعندك مانع ابيك تجين معي اليوم ترتبين اغراضي لان الوقت ضيق .. ابي احد يساعدني..
ريما: لا لا اليوم تعبانه .. متى رحلتكم الساعه كم؟؟
عبير: الليل ..
ريما: خلاص اجيك بكره
ام نواف: بسم الله عليك مافيك إلا العافيه روحي مع اختك بس..
ابو نواف: خلي عنك الدلع وروحي مع اختك..
ريما وهي تتنهد: إن شاء الله
قامت ريما من عندهم تكلم ساره وتعلمها اخر المستجدات.. وبعد ساعه نادتها عبير عشان تروح معها ..




فارس جالس بشقة الخراب بشقة الدمار .. انسان بمرحلة الانتقال من الطفولة إلى المراهقة ويجد اصدقاء السوء تلاحقه من مكان لآخر .. أكيد بيتأثر ولو 1% منهم .. وهالتأثير اكيد بيكون سلبي .. صديق السوء مثل التفاحة الفاسدة اللي تفسد غيرها إن وضعت في نفس المكان..

هذا حال سلمان .. كان صديق السوء بالنسبة لفارس وحمد .. فارس حاول يصده ببادئ الأمر لكنه بالأخير رضخ وتمسّك بصداقته .. واللحين بعد اللي شافه من اسلوب حياته واللي يعتقدها مرجلة .. حبّ انه يكون مستقل مثله .. ويا ليتــــــه ما حبّ هالشي ...

فارس: كح كح كح كح .... الجو كتمة هناااااا تبون تموتونا انتم
سلمان: يا رجال اجلس ما تعوّدت على هالجو
راح فارس وفتح الدريشة واستنشق هوا
عمر: سلمان من زمان ما شربنا شي
سلمان: خلّك على الدخان لما يجي اللي تبيه سامي قال إن اللي تطلبونه بيجي الشهر الجاي
عمر وهو ينفث الدخان بشكل مقزز: حلوو
حمد: وشو اللي تشربونه؟؟!!
عمر: اذا جاء ذوقناك اياه انت وصديقك
فارس واللي ما زال عند الدريشة: حمد يلا نرجع
حمد: بدرررري
فارس: انا برجع
سلمان: والله ما تطلع اللحين حلفت ولا تقطع حلفي
فارس: ياخي مليت وانكتمت
عمر: وش اللي مللك؟!!
فارس: مدري احس اني طفشااااااان
سلمان: عمر انت عندك افلام قديمة هنا صح!؟!!
عمر: ايه انت ما شفتها
فارس: ما ابي افلام
سلمان يناظر عمر: اجل وش تبي؟؟!!!!!!
فارس: ولا شي ابطلع يلا مع السلامة شبااااااااااااب

طلع فارس .. ورجع لبيتهم لكن ما رجعت حياته مثل اول .. صار ما يقدر يستغني عن اصدقائه اللي يعتقد انهم اصدقاء .. وهم بمعنى اصح اعداء





نواف جالس مع فيصل ودق على ريما وقالها ترسل المسج .. ارسلت ريما المسج
والتفت نواف على فيصل: خلاص يا فيصل .. جااااااهز
فيصل: ايه يلا
نواف وهو قايم: يلا .. انتبه اللي ابيه منه الجوال لا تسوي شي بالولد نتوهق
فيصل: من ناحيتي تطمّن .. بس يا خوفي تعصّب وتطلع حرّتك
نواف: لا إن شاء الله

وصلوا للمكان ولقوه واقف بسيارته .. اتصل نواف على ريما اللي كانت عند عبير وحاولت ماتبين لها شئ..

ريما: مسج؟؟!!
نواف: ايييييه
ريما: طيب وش اكتب ؟؟!!!!
نواف: قولي له ......... السياره تعطلت وماقدرت اجي..
ريما: اوكي يلا
نواف: يلا
صكر نواف..
فيصل: طيب وان ما راح لبيته اللحين؟؟!! ... فرضا راح لواحد من اخوياه ولا لبيت بس مو بيته بيت صديقة .. لا تاخذ الامور ببساطة
نواف: وش تبينا نمسكه ونربطة ونسأله بهالطريقة بيحقد وما راح عاطينا شي
فيصل: الموضوع يبي له تفكير
نواف: انفجر راسي من التفكير ..... شف الحقير الخسيس
فيصل: هدّي يا نواف لا ...................
نواف: أي اهدي وانا اشوف اخس خلق الله يحاول يتحرش باختي وبنات عمي وانا منب قادر اسوي شي ... لا وزيادة على كذا معه صور
مشعل كان في السيارة ماسك جواله وشكله يقرا المسج ...
فيصل: يا حبيبي يا نواف هالكلام لا بيزيد ولا بينقّص شي .. بس بتقهر نفسك عالفاضي .. واصلا جوالات الكاميرا ما يصلح مع البنات .. صحيح اننا مو لازم نحرم شي عليهم ونحلله علينا بس مع ذلك حنا لو تصورنا لا يمكن يضرّنا باذن الله شي .. لكن البنات ممكن واحد زي هالنذل يستغلّها استغلال سيء
بهاللحظة حرّك مشعل سيارته ومشى ونواف مشى وراه
نواف: هم لو انهم ما وافقوا على استخدامه بالسعودية كان ................
فيصل: نواف ... انت عارف إن جوالات الكاميرا كانت منتشرة بكل مكان قبل ما يصدر القرار بالسماح باستخدامه .. كانوا يجيبونه من الدول الثانية ويدخلونه السعودية .. وما استفدنا شي ... بس للأسف المجتمع مصرّ على استخدامه استخدام خاطئ وما يليق بمجتمعنا..
نواف: فيصل لا تزوّدها علي تراني مو ناقص
فيصل: طيب .. خل نشوف ملاحقتك له وين تبي توصّلنا
نواف: فيصل ما تبي تجي معي قل ما يحتاج تـ.................
فيصل: افااااا يا نواف .. هذا وانا صديقك تقول كذا؟؟!
نواف: اعذرني يا فيصل بس احس اني منغث و..............
فيصل: مقدّر ظروفك يا نواف .. ما يحتاج تبرر
وقف مشعل سيارته ودخل العزيزية
ضرّب نواف بقوة عالدريكسون: اللحين وش يبي من السوبر ماركت وش يبـــــي؟؟؟!!!!
فيصل: يا اخي يقضي حاجته ... وانا قايلك احتمال انه ما يروح لبيته على طول
نواف: لو يجلس إلى بكره ابنتظره
فيصل: وانا ابنتظره معك
جلسوا نص ساعة وطلع مشعل ومعه كيسين .. ركب سيارته ومشى ولحقه نواف .. وقف عند فلّة ونزّل الأكياس معه ...
نواف: فيصل انزل واسأل هذا بيت مشعل الدالي؟؟!!!
فيصل: من وين جبت اسمه؟؟!
نواف: اتصلت على خوينا عصام اللي بالاتصالات وعلمني الخط باسم مين..
فيصل: كيف اسأل؟؟!!!!!!!!
نواف: عادي انزل اسأل هذا بيتهم؟؟ .. .. ان قالو لا قلّهم آسف غلطان.. واذا صار بيته شغله عندي..
نزل فيصل ودق الجرس طلع له طفل صغير عمره 7 سنوات
فيصل: وش اخبارك حبيبي..
الولد: بخير..
فيصل: هذا بيت مشعل الدالي؟؟
الولد: ايه
فيصل: مشعل موجود؟؟!!!
الولد يناظر فيصل: مشعل؟!!! .. ايه
فيصل:.. طيب رح ناده
اشّر فيصل لنواف .. وجاء عنده
فيصل: ايه يقول هذا بيته
نواف: يعني هو..
مشعل وجنبه الطفل: نعم؟!! .. أي خدمة
نواف: .. انت مشعل؟؟!!
مشعل: ايه نعم .. انا مشعل
فيصل يكلّم الولد الصغير: حبيبي ادخل جوه
.. دخل الولد .. دفّ نواف مشعل جوة البيت وصكر باب الشارع ... مسك نواف مشعل من ياقته بقوه..
مشعل: نعم .. نعم .. خييييير؟؟!!!
نواف: مشعل .. لا تخليني اسوي شي ما ابيه .. طلع الجوال اللي معك
مشعل وهو متعجب: أي جوال !!!!
فيصل ماسكه مع يدينه: لا تستعبط ..
مشعل: طيب طيب .. كان ممكن تدخلون البيت نتفاهم
نواف: هالأشكال ما ينفع معها التفاهم
مشعل: انت مين؟؟ ومن وين طلعت لي؟؟
نواف: انا واحد جاي وفي راسي اذبحك .. تطلع الجوال بالطيب ..ولا والله ثم والله لاخليك تدفع حياتك الثمن..
مشعل: خلاص خلاص انتظروني دقايق ادخل اجيبه ..
فيصل: لا يا بابا حنا مو مخفّات عندك نصدّق هالكلام!! .. رجلنا على رجلك
مشعل: وشلون تدخلون فيه حريم جوه؟!!!
نواف: دق عليهم وقلّهم سوو لي طريق .. شف انا لو مو متربي وولد ناس كان خربتها دخلت البيت وااللي يصير يصير..
مشعل: طيب دقيقة . . .
فكو مشعل ودق على البيت وقالهم يسوون له طريق لغرفته .. وصلوا الغرفة .. وكانت حوسة لآخر درجة ..
نواف: وين الجوال
مشعل وهو يفتح درج كومدينته وياخذ الجوال ويعطيه نواف: هذا هو
فتح نواف الجوال وتأكد انها الميموري نفسها ..
التفت على مشعل: عندك كمبيوتر؟؟!!
مشعل: لا ..
فيصل: يا رجاااااااال!! .. محد ما عنده كمبيوتر هالأيام؟!!
مشعل: عاد انا ما عندي
نواف: شف بتصير صريح ولا اتصل عالشرطة ومنب طالع إلا اذا جت وفضايح و وسجن......


ياترى وش راح يصير في بيت مشعل؟؟..
تتوقعون يقدر نواف ينهي الموضوع من غير شرطه وفضايح؟؟
الأميرة دانة
16 - 09 - 2009, 02:48 AM
الجزء الحادي عشر
----------
مشعل ويعض اسنانه: اللحين انتم وش تبون مني الجهاز واخذتوه؟؟!!
نواف: لاتكثر حكي وين الكمبيوتر ؟؟!!!! .. ودني عنده
فيصل: يلا قدامي..
وداهم مشعل للمكتب وفتح نواف الكمبيوتر ..
نواف: وش الباسوورد؟!!
مشعل: mesh3al 23
دخّل نواف الباسوورد .. وفتّح الملفات ..
نواف وهو يفتّح: كمبيوترك يجيب الهمّ .. ساحب الصور انت على هنا؟؟؟!!!!
مشعل: لا .. والله العظيم لا
نواف: قالوا للحرامي احلف قال جاك الفرج
جلس نواف يفتش بالجهاز وبما انه مبرمج كمبيوتر فهو فاهم كل شئ ولا يقدر مشعل ولاغيره انه يلعب عليه .. فتح الـ " decument " وهو الوثائق اللي تمكّن الشخص من رؤية آخر الملفات اللي تم فتحها ولقى بآخر الملفات " ريوووم الخبلــــة" ضغط عليها بقهرر طلعت له رسالة
" pleas insert a disk into drive F: "
التفت بقوة على مشعل وقام: ياسافل ياحشره .. قسما بالله اني ماسك اعصابي عالآخر ..
السي دي وينه؟؟!!!!!!
مشعل: ما عندي سي دياااااات .. ماا عنــــــــدي!!!!
نواف: بتتكلّم بالطيب ولا شلون؟؟؟؟!!!!!!!!!!!!!!!!!!
مشعل: مين قالك إن عندي سي ديات؟؟!!
نواف: الكمبيوتر ما راح يكذّب .. و..............
مشعل: يا اخي انا ما عندي شي .. تبيني اعترف على شي ما سويته؟؟!!!!!
نواف وبعصبية: ياحيواااااااااااااااان وينـــــــــــــــــــــــــــه؟؟؟ !! ..
قرّب من مشعل وجلس يضربه .. وهو معصّب ..
مشعل: خلااااااااااااااص السي دي بغرفتي
نواف: يلا امش .. انا ابفتش غرفتك زاوية زاوية
رحوا للغرفة وفيصل ماسك مشعل ونواف جالس يحوس .. ما ترك ركن ما فتش فيه .. لقى السي دي .. وصورتين مطبوعات .. وصور ثانية لبنات ما يعرفهم ..
نواف: انت انسااااااااان حقير .. لا انت مو انسان انت شخص مجرّد من الانسانية
فيصل: لقيت شي
نواف: وش ما لقيت؟!!!!!!
مشعل ساكت ومايتكلم يحس نفسه انذل .. تمنى إن الارض تنشق وتبلعه ولا انه انحط بهالموقف..
قرب نواف من مشعل وعطاه كف خلى وجهه يلف الجهه الثانيه: الله ينتفم منك إن شاء الله .. الله يورينا فيك عجايب قدرته.. قل امين
هنا فيصل رفع يده وقال امين يارب ..
ارتفع ضغط مشعل واخيرا تكلم: انتم تدعون علي في بيتي .. استغفروا.. استغفروا
نواف: ههههههههههههههه والله ضحكتني اثاريك تخاف من الدعاوي.. مادامك عارف إن الله حق وانه يمهل ولا يهمل ليه تستهتر باعراض الناس كذا .. انت على بالك البنات اللي دمرتهم وضيعت مستقبلهم مايرفعون يدينهم ويدعون ربهم ويقولون الله ينتقم منه .. انت أي شئ يصيبك بهالدنيا مايوفيك حقك ياوووووسخ..
فيصل: خلاص نواف يلا احنا مالنا قعده هنا ..
نواف: قم شف لنا طريق بننزل.. واباخذ بوكس الكمبيوتر معي
نزلوا تحت وهم بالطريق قابلوا ابو مشعل
ابو مشعل: حيا الله من جانا .. منهم ذولا يا مشعل؟؟!!
مشعل: اخوياي .. احححم جاي ياخذ الكمبيوتر يصلحه
ابو مشعل: اقلطوا يا عيال ... قهوة .. شاهي
نواف: مشكور يا عم .. مستعجلين والله
ابو مشعل: مستعجلين .. دامكم مستعجلين ما اعطلكم
فيصل: يلا عن اذنكم

طلع نواف ووصل فيصل وراح لبيته .. فتح كمبيوتر مشعل وما عجبه وضعه فسوى له فورمات .. وخلاّه عنده ....

-------------

ريما جالسة ترتّب الاغراض مع عبير .. وفكرها بعييييد مع نواف .. " يا ترى وش سوى معه!؟!!! .. "
ريما: احط هاذي التنورة
عبير: لا لا تحطينها
سعود: احمممم .. عبير
طلعت له عبير .. وشوي وتسمع ريما صوت نقاش .. اتضح لها إن الرحلة اليوم الساعة 3 الفجر ..
عبير: لا منتب صاحي انت
سعود: ما في غير هالحجز
عبير: ما رتبت اغراضي
سعود: اللحين الساعة 12 قدامك ساعتين رتبي فيها كل شي
عبير: يا ربـــــــــي
سعود: يلا عبورة
ريما داخلة عرض: وش فيكم؟؟!!!
عبير: الرحلة بعد 3 ساعات
ريما: عادي ما استغرب يسويها رجلك .. يقالها مفاجأة!!!
سعود: يلا ريما الله يعافيك ساعدي عبير علشان تخلصون بسرعة
ريما: يلا عبير وراك رحلة خل نرتب بسرعة علشان تلحقين تجلسي شوي
عبير وهي داخلة الغرفة: اففففففف .. مدري كيف بقدره قادر صارت الرحله الفجر

جلسوا عبير وريما يرتبون .. وعلى الساعة 1 ونص خلصوا كل شي .. سلّمت عبير على عمّها اللي مارضي ينام يوم عرف بوقت رحلتهم وسافروا ..........





ومن بكره الساعة 8 الليل نواف يكلّم ريما .. ويتناقش معها
ريما: بس وش دخلني انا؟؟!! .. هي اللي ضيّعت جوالها .. بعدين جوالي ما فيه كاميرا
نواف: مو سالفة الكاميرا
ريما: أجـــــــــــــل؟؟!!!
نواف: ممكن يدق عليك احد من ..................
ريما: طيب غيّر رقمي بس
نواف: طيب هاتي جوالك اللحين وان شاء الله اطلع لك رقم جديد
ريما: طيب خل الجهاز عندي
نواف: انا لله ........... ايه تعالي ابسألك وخليك صريحه معي.. من كنتي تكلمين ذاك اليوم بليل يوم دخلت عليك؟؟!!!
ريما: اممممممم متى؟؟.. ايه تذكرت.....ممممم اقولك بس هدّ اعصابك!!
نواف وهو معصّب: وش فيه بعد؟؟؟؟؟؟؟!!!!!!!!!!!!!!!!
ريما: شفت عصّبت قبل ما اقولك
نواف: تكلمي
ريما: هاذي وحدة متعرفة عليها بالنت اماراتية وصرت اكلّمها
نواف: ما شاء الله .. جيبي الجهاز .. هالرقم يدق عليه كل من هب ودب
عطاها نظره واخذ الجهاز وراح..

.. هو ما كان يفكّر يطلّع لها رقم جديد .. لأنه حس إن اخته بسن حرجه ويبيلها متابعه وغير كذا كلام وليد اللي عالق بذهنه للحين ومو عارف كيف يتاكد ....

.

.

.

ريما اتصلت على سارة وعلّمتها إن نواف تصرّف ..
سارة وتوها مصكرة من ريما: كلللللللللوووووووووووش
التفتت مها بسرعة: وش فيك؟؟!!!!!
سارة: يالله تخليلي ولد عمي ولا تحرمني منه
مها: وش سوى معه؟!
سارة: اخذ منه الجوال ... بس يقول ما راح يرجع لسارة .. ويقول انه كسر الميموري حقته والجهاز باعه والفلوس عطاها ريما توصلها لي .. بس انا ما ابي فلووووس اهم شي راحة البال
مها: ايه واللـــــــــــــه ..
سارة: اللحين ابسوي اللي ابيه بدون ما احس اني مقيّدة .. واولها بنام نوم الاسبوع اللي فات اللي ما نمته زين!!
مها: الحمدلله .. وانا ابقرأ كتب اللي هجرتها لي كم يوم!!!
سارة: تصبحين على خير
مها: وانت من اهله

اتصلت مها على ريهام وقالت لها .. صكرت وراحت تقرأ كتاب كانت بادية فيه من زمان ...


-_-_-_ بعد مرور اسبوعين _-_-_-


ورجعت عبير وسعود من ايطاليا بعد ماغيروا جو وتحرروا من الروتين الممل..

مشاري اللي شايل يده من البيت وكل همه الوناسه وسعه الصدر راح البحرين..

البنات كانوا مرتاحين ان مشكله الجوال انحلت .. ورجعوا يزنون على اهلهم بالسفر..

ونواف مازالت مسجات التهديد تجيه باستمرار..



المغرب مها عند ريهام بالبيت جت الشغاله تقدم لهم العصير . .
ريهام: خلاص يامها اذا انتي تحبينه مالك إلا هالحل . .
مها: لا اخاف احس الحركه مرره جريئه
ريهام: هو ولد عمك وما فيها شي..
مها: بس أخاف يفهمني غلط
ريهام: انت يا حبيبتي كل اللي بتسوينه انك بتدقين عليه وتصارحينه بمشاعرك .. مو معقولة انك بتمين طول عمرك تحبينه وهو ما جاب خبرك
مها: مدري ... مترددة
ريهام: انت جربي ومنتب خاسرة شي
مها: بس احس اني ابطيح من عينه
ريهام: انت ما رحتي له وقلتي تعال تزوجني .. كل اللي بتسوينه انك بتعلمين هالانسان مكانته عندك..
مها: اممممممممممممم ..
ريهام: صدقيني هذا الحل الوحيد .. لو كان عنده خوات او امه عايشة كان تقدرين تلمحين لهم او شي زي كذا .. بس اللحين مافي مجال
مها: طيب واذا ما عطاني وجه؟؟!!!!
ريهام: قلعته .. هو يطول اصلا؟!!
مها: انت تقولين كذا لأنك صديقتي
ريهام: شوفي انا ما ابي اضغط عليك بشي انت ما تبينه ... بس صدقيني الصراحة راحة وانا متأكدة انك بترتاحين ...
مها: واخاف انصدم
ريهام: تنصدمين!!!
مها: ايه انصدم .. انصدم من الانسان اللي حبيته .. انصدم من الواقع اللي بينتظرني .. انصدم بمشاعره اتجاهي .. اخاف
ريهام: والله لو كل واحد بيخاف من خطوة يخطيها كان محد عاش
مها: بس هاذي مو أي خطوة
ريهام: بالعكس .. هاذي الخطوة خطوة مثل أي شي يواجهنا بحياتنا .. بس انت للأسف جبانة
مها: عاد اتصــــــــــل؟!!!
ريهام: الحل الوحيد
مها: امممممم ...
ريهام: هاااااا وش قلتي
مها وهي تتنهد: ابتصل وامري على الله
ريهام وهي تغمز لها: بروح دقيقة وراجعة
مها قلبها يطق بقوووة .. معقولة ادق عليه؟؟!!! .. اكيد بطيح من عينه .. لا لا لا انا بس ببوح له بمشاعري ... كانت افكارها متضاربة .. طلعت رقم مسجل عندها باسم "خلود" واتصلت وقلبها لا زال يخفق بشكل غير طبيعي ...
واول مارد عليها صكّرت بوجهه وما قدرت تتكلم .. استجمعت قوتها واتصلت مرة ثانية
مها: الوو السلام عليكم
خالد: هلا والله وعليكم السلام والرحمة
مها: ..............................
خالد: نعم؟؟
مها: كيف الحال؟؟!!!
خالد: الحمدلله ....... من معي؟!!
مها: إنا ... انا مها بنت خالك
خالد وهو مستغرب: خير مها خالي فيه شي؟؟!!!
مها: لا لا ابوي بخير
خالد واستغرب اكثر: الحمدلله .. ؟؟!!!!
مها: خالد ممكن اتكلم معك شوي؟؟!!!
خالد وحس إن فيه موضوع: تفضلي
مها: امممم
خالد: مها تكلمي ..
لحظات صمت ..
مها وهي تنتفض انا وش اللي خلاني ادق انا كيف تجرأت: ااااااااانا اااانا... انا مدري وش اقولك ..
خالد: انتي وش فيك؟؟ .. ترى مني فاهم شئ؟؟!!
مها: بس بغيت اتحمد لك بالسلامه.. ابوي قال انك رجعت من السفر..
خالد وهو متعجب من جرأتها: الله يسلمك..
مها وتحس ان قلبها بيوقف: خلاص خالد مع السلامه ..

صكر منها خالد وهو مستغرب من هالاتصال المفاجئ.. وش عندها داقه ؟؟ غريبه من وين جابت رقمي؟؟ .. بعدين كيف تجرات تدق علي.. مو معقوله انها متصله عشان تتحمد لي بالسلامه .. وحتى لو وش بيني وبينها تدق!!!!! ماتخاف اقول لخالي ولا مشاري!!

وفي الطرف الثاني كانت ريهام جالسه تلوم مها على حركتها..
ريهام: ابفهم انا.. ليه ماقلتي له؟؟
مها: مدري حسيت انها صعبه..
ريهام: والله حركتك مالها داعي كان تكلمتي وقلتي اللي بخاطرك او كان مادقيتي من الاصل مدامك ماتكلمتي..
مها: خلاص ياريهام تراني مو ناقصتك..
ريهام: تلقينه اللحين مليون فكره وفكره تدور براسه..
مها: وش تبيني اسوي يعني؟؟
ريهام: مايبيلها ياحلوه مادامك بديتي كملي.. لا اللحين يروح فكره بعيد ويحسبك..
مها والعبره خانقتها: يلا ياريهام بطلع انا .. احس اني بصيح
لبست مها عباتها وطلعت وهي تحس انها كارهه نفسها ..




فارس يركض ويدينه ترتجف ويصيح .. وصل بيتهم وهو بحالة يرثى لها .. حمد ربه مية مرة انه مالقى احد بالصالة ولا كان راح فيها .. دخل غرفته .. وجلس يشاهق ويصيح بشكل هيستيري .. وما زال جسمه ينتفض بشكل غريب .. كل ما يتذكر الموقف يكره عمره .. ابوه وامه نايمين كالعادة .. نواف طالع .. ريما كانت تغير ملابسها توها جايه من برى.. سمعت صوت طلعت من الغرفة واستنتجت إن الصوت طالع من غرفة فارس .. استغربت .. طقت الباب ما رد عليها إلا بصوت صياح يقطّع القلب .. فتحت الباب لقته حاظن رجوله وراسه بينهم ويرتجف .. طاح قلب ريما بين رجولها .. قرّبت منه وانتفض يوم مسكت يده ..
ريما وبحنان: فارس حبيبي وش فيك؟؟!!!
فارس ساكت ويصيح .....
ريما: فارس ...... وش فيك؟؟!!!!
فارس: والله ما كنت ادري ... واللـ .........ــه مـ....مـ....ـا كنـ .......ـــــــــــــت ادرررري
ريما وقلبها مقبوض: فارس .. وش القصـــة؟؟!!!
فارس: .........................
راحت ريما وجابت له موية وشرب منه شوي وحطه
ريما: هااااا منتب متكلم؟؟!!
فارس: هم .. هم
وما قدر يتكلّم وجلس يصيح
ريما وهي واقفة: خلاص فارس انت نم اللحين و متى ما هديت تعال عندي بالغرفة
انسدح فارس وغطته ريما .. صكّرت النور ..
فارس: لا لا افتحي النور
فتحته وطلعت .. وهي متعجبة من اخوها .. ما عمرها شافته بهالشكل من قبل .. يرتجف بشكل غريب .. ويتكلم بكلمات ما فهمتها ... "والله قلبي قابضني وودي اعرف السالفة اليوم قبل بكره .. بس شكله ما يقدر يتكلّم اللحين لأن نفسيته تعبااااانة" ..
دخلت غرفتها وانسدحت عالسرير .. بعد ساعة من الملل والزهق طق الباب عليها .. فزت وفتحت الباب ولقت فارس ..
ريما: فارس!! ما نمت؟؟!!!
فارس: لا
ريما: ادخل
دخل فارس وعيونه عالأرض ...
ريما: تبي تاكل شي؟؟!!
فارس: لا
ريما: حتى لو قلت مشتهي بقولك رح سو لنفسك فاضيتلك انا
فارس: ريما ........... انا انا ..........
ريما: وش فيك انت مو على بعضك؟!!!
فارس: والله ما كنت ادري
ريما: طيب وش السالفة علمني اياها علشان نحكم إن كنت تدري ولا لا
فارس رفع راسه من الأرض: انا كنت جالس معهم
ريما: مع مين؟؟!!!!!
فارس: سلمان وعمر وحمد
ريما: مين سلمان وعمر؟؟!!!!!!
فارس: شباب متعرّف عليهم قريب ..
ريما: وش كبرهم؟؟!!
فارس: كلهم بالثانوية .. وكلهم ساكنين بشقة .. وكل يوم اروح لهم .. بـ.........س اليوم..............
ريما وحست إن فيه شي ..
فارس وهو يتذكر بشكل يحزّن: كنت جالس معهم .. و ....و .... قرب واحد منهم مني... وحاول.. ااااانه.. انه ..انـــــــــــــــــــ...
جلس يصيح فارس وريما فهمت السالفة
ريما وهي مصدومه: فارس .. انه ايششش كمل؟؟؟
فارس بنظرة منكسرة: ..................
ريما: فااااااااااااارس!!!! .... لا تقووووووول صار شي مع احد منهم؟؟!!!!! .. رد علـــــي .. وش صاااااااااااار وش صار اشرح لي فهمني يا فارس ..
فارس: يوم حسيت انهم ...... انهم ... بيـ..... بيسوون شي.. .. بسرعه طلعت من عندهم..
ريما غمضت عيونها وتتمنى تفتح عيونها تلقى نفسها بحلم .. اخوها يصير فيه كذا ..
ريما ماقدرت تنام الليله هاذي تفكر باخوها ليه يصير له كذا؟!!.... وليش..؟؟.. ومن اللي دله على هالشباب وعرفه عليهم!!.؟!!؟؟.. ليه هم يستغلونه هالاستغلال الوسخ؟!!؟!؟.. فارس الطفل اخرتها يصير فيه كذا .. اثاري الولد متغير ويحاول يفرض وجوده بالبيت ..هو طول الايام اللي راحت مسوي فيها رجال وانا محد له شغل فيني .. لكن انا لازم اتحرك اشوف حل لهالجريمه لكن لحالي مااقدر لالزم امي وابوي يصير عندهم خبر.. لالالالا صعبه اخاف يطيح فارس من عينهم ويمكن يصيرون قاسين عليه وهو ماراح يتحمل معاملتهم ويمكن ينحرف ..بس لو ماعلمتهم الشله ذولي راح يلحقون وراه ويهددونه بالفضيحه لكن اذا شافوا ان وراه اهل ماراح يتجراون يقربون منه..

الساعه 2 الليل..
مها جالسه بغرفتها وتحس راسها بينفجر من التفكير .. ياللــــــــــــــــــــــه اللحين خالد وش بيقول عني اكيد انا طحت من عينه.. مستحيل ارجع ادق عليه لاني ماراح اقدر اتكلم واعبر .. انا مدري كيف سمعت كلام ريهام .. انا غبيه.. غبيه.. وبالاخير بعد تفكير قررت انه ترسله مسج توضح له كل شئ.. قعدت سنه تكتب فيه كل شوي تمسح وتغير بعدين تمل وترمي الجوال.. وترجع تاخذه.. بعد ماكتبت كلام حلو يناسب الموقف ويعبر عنه بأ قل عدد من الكلمات.. ارسلت المسج..

كان خالد متمدد عالسرير بينام .. سمع نغمه مسج .. سحب الجوال من عالكومادينا وفتحه .. قرأه وهو متعجب ..

" اسفه اني احرجتك واحرجت نفسي معك وما عندي غيركلمه خانني الموقف فيها اليوم ..احبـــــــك.. يمكن يكون حب من طرف واحد لكن مشاعري حبيت اوصلها لك"


خالد قرأ هالكلام وهو متعجب مها تحبني !!! غريبه هالانسانه احسها ثقل وماتهتم لهالامور ويوم اهتمت صرت انا من اهتماماتها .. والله من جد صرنا بزمن العجايب.. كل شئ ممكن يصير..
ومها كانت قلقه ومتوتره تنتظر رده فعل خالد .. مع انها عارفه انه مغرور وشايف نفسه .. بس قالت بنفسها يمكن يدق علي ؟؟!!




سعود وعبير جالسين بغرفتهم ويسولفون .. يدق جوال عبير استغربت مين اللي داق عليها هالوقت المتاخر رفعت الجوال كانت صديقتها نجلاء .. ردت عليها واستغربت صوتها .. هلا... لا لا عادي توي مانمت......... وش فيك؟؟..................................طيب وش القصه.. هو ليش مد يده؟!......................... طيب هدي نفسك الزعل مو زين عشانك انتي ناسيه انك بالشهر التاسع.............. تعوذي من الشيطان وروحي صلي لك ركعتين واقري قران............. الله يصبرك يانجلاء ويعوضك ان شاء الله باللي ببطنك .................. الله يهديه............... انتبهي لنفسك........ مع السلامه..

سعود: ميييين؟؟ .. ووش القصه اشوفك تهدينها؟؟!!
عبير:هاذي نجلاء مسكينه حتى طفولتها ماعاشتها زي الناس امها وابوها انفصلوا عن بعص وهي صغيره ووحيده ماعندها اخوان .. امها تزوجت وهي عاشت عند خوالها زوج امها مزاجي مايبيها تجي لبيته يعني كانت ماتشوف امها إلا مره بالاسبوع تقريبا.. خوالها كانوا مرره قاسين معها كانت شايله البيت كله على راسها يعني بالعربي كانت شغالتهم مع ان ابوها كان تاجر مليونير ماشاء الله عليه.. هذا غير الذبات اللي تجيها من خالاتها واحيانا توصل وقاحتهم انهم يتبلون عليها.. حسبي الله عليهم..
سعود: طيب اذا ابوها حالته الماديه زينه ليه ماياخذها تعيش معه؟؟
عبير: مشكله ابوها انه كان متنقل مايجلس بالرياض كثير وهي تبي الرياض عشان امها فيها..
المهم.. اكملك.. خطبها ولد عمها ساكن بجده وافقت على طول قلت لها طيب فكري واستخيري ولا اصبري يمكن تجيك فرصه احسن .. لكنها مارضت قالت مهما كانت حياتي معه ماراح تكون اسوا من حياتي اللحين.. تزوجت وسكنت بجده ..تخيل ياسعود حتى وهي تجهز لزواجها راحت اسبوع جلست ببيت امه بعدها طردها رجل امها يقول انا استحملتك اسبوع ماعندي استعداد استحملك اكثر من كذا.. واللحين هي عايشه مع زوجها انواع الاهانات والكلام الجارح.. حتى المسكينه يوم زواجها ماتهنت فيه قالت لها ام زوجها انتي مو من مقام ولدي لكن قلنا خل نضفك من الشارع .. هذا غير الضرب اللي يجيها من زوجها .. واللحين هي حامل.. ومع كذا مو مالي عينهم اهله.. ولا عندها خاله اخت امها تذب عليها كلام انا لو مكانها كان مت من القهر .. تخيل ياسعود يشككون بشرفها..
سعود: مو معقوله هم يتكلمون عنها كذا اكيييد شايفين عليها شئ..
عبير: لااااااااا لا تقول كذا انا اعرفها اكثر من نفسي .. بس هي ساكنه جنب اهل زوجها واذا سافروا يصيرون اخوان رجلها عندهم بالبيت عشان تطبخ لهم وتغسل ملابسهم.. فخالتها تقول .. البيت فيه شباب .. مايندرى وش يصير؟؟!!
سعود:.. طيب ابوها كيف يرضى ان بنته تنهان بهالشكل؟!!..
عبير: اصلا ابوها مسكين كان داخل شراكه هو وعمها اللي هو ابو زوجها.. بس نصب عليه عمها وخلاه يوقع اوراق واشياء زي كذا وصار مايملك شئ وهذا اثر عليه وجاه القلب وصار الضغط والسكر يرتفع عنده لابسط شئ .. واللحين هوعايش عندها واحيانا عند عمها .. بس مايقدر يقول شئ لانه اذا تكلم لاهو ولا بنته راح يرتاحون.. اااااااااااه بس حسبي الله عليهم الله ينتقم منهم..
سعود: الله يعينها.. شفتي ياعبير وانتي مزعجتنا تبين عيال.. تبين تجيبين عيال بعدين تصير حياتهم كذا.. ربك احيانا تكون له خيره في كل شئ..
عبير وانفعلت: بس هذا موضوع وذاك موضوع ماله دخل
سعود: كيييف ماله دخل ؟؟ وهذا مصير أي طفل يطلع للدنيا ويشوف امه وابوه منفصلين عن بعض.. يعني الواحد لازم يصبر لما يتاكد ان شريك حياته مناسب له ..
عبير: يعني أنا مو مناسبتلك ياسعود ولا أنت مو مرتاح معي
سعود: انا ماقلت كذا بالعكس انتي دنيتي كلها لكن العجله مهيب زينه
عبير: أي عجله وحنا لنا اكثر من سنتين متزوجين؟؟!!
وكالعاده ينتهي الحوار بينهم بالزعل كل واحد فيهم متمسك برايه..





من بكره يوم السبت الساعه10 الليل نواف دخل الاستراحه على الشباب..
نواف: السلام عليكم..
الكل: هلا وعليكم السلام..
عبدالله: وييييين الناس من زمان عنك؟!!..
نواف: بهالدنيا؟؟!!
ثامر: مانسمع اخبارك إلا من فيصل..
فيصل: انا صاير مراسل وانا مدري
عبدالله: ولا يمكن عندك مشروع زواج؟!!
نواف: ههههههههه على يدك
عبدالله: عندي لك وحده لبنانيه تبيها؟!
نواف: من ذوقك لا لا لا تكفى ..
ثامر: على طاري اللبنانيات .. شفتوا هيفاء وهبي من بتاخذ؟؟
نواف: اقول اسكت الله يخليك من يوم سمعت الخبر .. وانا راسي صاكني..
فيصل: هالانسانه يانا مااطيقها ..
عبدالله: فشلنا الله يفشله..
نواف: المفروض يسحبون الجنسيه منه
ثامر: اصلا من قالك انه سعودي.. اقطع يدي اذا كان اصله سعودي..
فيصل: المشكله انه من عايله معروفه..
عبدالله: يمكن تشابه اسماء او اسم على اسم
فيصل: حتى شكله ماكنه خليجي..
نواف: انا قبل كم يوم كان معي عالماسنجر واحد من العيال كويتي.. احرجني تفشلت عنده.. يقول شفت خطيب هيفاء سمعنا اشاعه انه سعودي؟؟!!!!!!! .. انا سويت اني متفاجئ قلت معقوله ياشيخ .. وكيف؟؟ ومتى شفته؟؟ المهم الولد يقول مع احترامي لك لكن هذا مافشلكم انتم بس فشل الخليج كله..
وبهاللحظه دخلوا عليهم ثلاثه شباب علاقتهم فيهم سطحيه وغيروا الموضوع ..
ثامر: ماودكم تتعشون؟!!
عبدالله: لا الحمدلله ان شبعان
فيصل: وانا بطلع بروح انام وراي دوام بكره
ثامر: وباقي الشباب؟؟
نواف: ترى من شاور ماعطى
الكل: ههههههههههههه
وطلع ثامر يجيب لهم العشاء .. بعدها تعشوا الشباب وتفرقوا..





وبهالوقت كان خالد مع سلطان بـــ" ليتل سيزر" طالبين وينتظرون طلبهم يخلص..
خالد: امس بنت خالي دقت علي تتحمد لي بالسلامه
سلطان: احلـــــــــــــــــــى والله عائلتكم فرررررررري
خالد: ههههههههههههههههه
سلطان: والله من جد عادي عندكم؟!!
خالد: لا ياشيخ وش شايفنا ..
سلطان: اجل وشلون؟؟
خالد: صراحه سالفتها غريبه.. وعطى خالد سلطان الجوال يقرأ المسج..
سلطان: طيب أنت وش سويت؟؟
خالد: ابدا ولاشئ وش تبيني اسوي مثلا ادق عليها..
سلطان: لا بس توقعت يصير لك ردة فعل..
قرب منهم الجرسون: excuse me .. حط البيتزاء والسلطات والكولا عالطاوله وراح..
خالد: صح اني استغربت بس مستحيل اخلي البنت تتعشم فيني..
سلطان: بس ياخالد سالفه انه تجرأت وغامرت ودقت عليك هذا اكبر دليل انها متعلقه فيك وتحبك..
خالد: ااااااااااااااااااااااااه ياسلطان اللي يبينا عيت النفس تبيه واللي نبيه عيا القدر لا يجيبه
خالد: اااااااه أنت تعور قلبي بهالكلام.. ياسلطان انا ماتركت بيت خالي وطلعت من عندهم إلا بعد ماانصدمت بخبر خطوبة عبير.. حتى يوم دخلت المستشفى ماقدرت أمنع نفسي وأرسلها ورد .. ابي انسى ياناس وأنت ترجع تفتح لي جروح..
سلطان: انا اسف مو قصدي اضايقك لكن سالفه وانفتحت.. خلاص ياخالد سم بالله وتعشى وانسى الموضوع..

تضايق خالد وطلع وماحط شئ بفمه ولحقه سلطان والاكل على الطاوله مااكلوا منه شئ..
الأميرة دانة
16 - 09 - 2009, 02:52 AM
الجـــــــــــــــزء الثانـــــي عشــــــــــــــــــر
,,,,,,,,,,,,,,,,

فارس الايام الاخيره صار مايطلع من البيت ولا ياكل زين.. يحس بتانيب ضمير عالاشياء اللي سواها.. ريما قررت انها تقول لنواف عشان ترتاح.. دخلت عليه العصر قبل مايروح دوامه ولمحت له بالسالفه.. لكن هو ماتركها لما عرف التفاصيل.. ماطلعت ريما من عنده لما وعدها ان الموضوع ماياصل لامها وابوها عشان مايحسون انهم مقصرين بتربيتهم.. نواف كان مستعجل عشان عنده دوام دخل على فارس لقاه نايم..؟؟!!!!!!!!!!!!

طول الوقت يفكر .. "هاذي آخرتها يا فاااارس!!!!!! .. الله يعيني بس .... الله يعيني"

وليد: وش فيك يا بو الشبااااااااااب؟؟؟!!!!!!
نواف ومن غير نفس: ما فيني شي ..

سكت وليد لأن واضح من رد نواف المختصر انه ما يبي يتكلّم معه .. علاقتهم مع بعض مو ذاك الزود مع انهم جتهم فترة بس يسولفون وخاواه كذا مرة مع اصدقائه .. بس مع ذلك علاقتهم سطحية ..


وأول ما خلص نواف من دوامه المسائي رجع للبيت .. ونادرا ما يسويها .. عادة يروح عند الشباب يا الاستراحة او الكوفي .. دخل لقى أمه وابوه وريما بالصالة
نواف: السلام عليكم
الكل: وعليكم السلام
ام نواف: غريبة نواف جاي بدري؟؟!!!!!!
نواف: اذا جينا متأخر قلتوا ليش؟!! .. وان جينا بدري قلتوا غريبة .. وش نسوي يعني ما نطلع ابد ولا نطلع ولا نرجع ..
ام نواف: الله لا يقوله تطلع ولا ترجع
ابو نواف: اجلس .. وش عندك واقف؟؟!!!
نواف: مستعجل شوي ......... وين فارس؟؟؟!!!!!!!!
ام نواف: بغرفته .. مدري وش فيه من كم يوم لا ياكل زين ولا يطلع مثل اول!!!!
ريما وبنظرات توسل بأنه ما يبيّن شي .. ولا يسوي بفارس شي: ايه بغرفته توي شايفته
نواف: طيب عن اذنكم بروح لغرفتي

راح نواف فوق وهو يفكر كيف بيتناقش مع أخوه .. طق باب غرفة فارس .. وكالعادة لا مجيب .. دخل الغرفة لقاه جالس ووجهه أصفر من التعب وتحت عيونه هالات سودا من قل النوم..

نواف: السلام عليكم
فارس: وعليكم ........
نواف وماسك نفسه: شخبارك؟؟!!!!! ..
فارس: الحمدلله
نواف: وينك؟؟؟!!!! .. ما تنشاف .. وامي تقول انك ما تطلع من الغرفة
فارس: .......................
نواف وبصوت عالي: فااااااارس!!
رفع فارس راسه وناظر نواف .. وحس انه عارف بالسالفة .. وطاحت دمعه من عينه .. وتأنيب ضميره اللي ما فارقه لحظة من حصل له الموقف وقف عن عمله استعداد لتلقي العقاب ..
نواف: من وين عرفتهم؟!!!.... ووين مكانهم؟؟؟؟!!!!....
فارس:.مـ........مين؟؟!!!!
نواف وبعصبيه: لاتستهبل ؟؟!! وقل لي كل شئ بالتفصيل..
استسلم فارس للامر الواقع وجلس يحكي لنواف كيف تعرف عليهم ووين يتقابلون.. وكل شئ يعرفه عنهم..
نواف: انا دايم احذرك من هالاشكال لكن شف تماديك وين وصلك!!!!!!!
فارس نزل راسه ومارد عليه..
نواف بحزم: بكره بروح الشرطه ابلغ عنهم وأنت راح تكون معي مفهوم؟؟!!!!!!!!!!!!!!!!!!!
فارس: وش بتقول للشرطه؟؟؟؟؟؟؟؟؟؟؟؟؟؟؟
نواف: بقولهم على كل خرابيطهم وتسحيبهم لصغار السن..
فارس حس بالم انه وصل لهالمستوى وتردد مايدري وش يقول
نواف : يله اللحين اطلع بنام وبكره يصير خير
طلع فارس من عند اخوه وهو يحس انه ضايع .. اكيد اللحين طاح من عيون اهله اليوم عرف نواف بكره اكيد اهله بيدرون وماراح يرحمونه..



وفي الصاله في بيت ابو مشاري البنات جالسين ..
مها: ياناس ملللللللللللللللللللللللللللللللللللل ..طفششششششششش
ساره: ومن يسمعك انا من زمان اقول هالكلام بس محد يعطيني وجه
مها: لا من جد ابس اسافر اغير جو
ام مشاري: ويـــــــــــــن تبون تروحون؟؟؟!!!!!!!!!!!!
ساره: انا مااتحرك من الرياض إلا وريما معي
مها: تكفين يالمرشد السياحي
دخل عليهم ابو مشاري..
ابو مشاري: السلام عليكم
مها + سارة : وعليكم السلام
سارة: يبااااا طلبتك نبي نسافر
ابو مشاري: وين تسافرون وما بقى على المدارس إلا اسبوعين!!!!؟!!!
مها: أي مكان يبا ..
ام مشاري: احمدوا ربك ناس يتمنون نعمه الصحه والعافيه مو لاقينها
سارة: ملينا طقينا طفشنا زهقنا اعبر لك بكل مفردات اللغة العربية العامية
ابو مشاري: هانت ما بقى إلا اسبوعين وتستانسين
سارة: أي وناسة يا يبا؟؟!!! .. بحل الواجبات!!.. ولا بمقابل وجية الأستاذات؟؟!!!!
مها: معليش خل نسافر لو اسبوع عالأقل نغيّر جو
سارة: ايه هذا اهم شي تغيير الجو ..
مها: هااا وش قلت؟؟!!!!!
ابو مشاري: لا لا لا
سارة: يبا حررام عليك .. انا اللي اعرفه انهم حاطين عطلة الصيف علشان الناس يفتكون من هالحر ويسافرون .. مو نجلس بالرياض!!!..
ابو مشاري سكت وجلس يفكر ..
سارة: وخل عمي ابراهيم يروحون معنا .. نستانس مع بعض
مها: خليه يوافق علينا لحالنا بعدين اقترحي بأن احد يخاوينا
ابو مشاري: طيب جيبي التلفون خل نتصل على ابراهيم..

ركضت سارة تجيب التلفون قبل ما يغير ابوها رايه ..

كلم ابو مشاري اخوه واخذ رايه بانهم يروحون ياخذون عمره ويغيرون جو قبل ماتبدا الدراسه..

سارة: وش صااااار؟؟!!
ابو مشاري: قالي اذا حصلت حجز يصير خير..
مها: يعني؟؟؟؟
ابو مشاري: خلاص اللحين بدور حجز من الرياض على جدة ومن هناك على مكة بعدها المدينه ان شاء الله الاقي ..
قامت سارة وحبت راس ابوها: يا الله يخليك لي ولا يحرمني منك يا بيي
ابو مشاري وهو مبتسم: اخاف بس تصير يافرحه ماتمت
مها: تفائلوا بالخير تجدوه
ام مشاري: عاد عسانا نحصل سكن
ساره: ليه لهالدرجه زحمه؟؟!!
ابو مشاري: ايه يابنيتي اللحين حنا شهر سبعه واجازه اكيد بتصير الاماكن زحمه
مها: مو لازم فندق يبا أي شئ
ابو مشاري: الله يكتب اللي فيه خير
سارة: احلى شئ بالموضوع ان بيت عمي بيروحون معنا
ام مشاري: انا ماراح اتحرك من بيتي لما اضمن انكم لقيتوا سكن
سارة: امممم طيب اجل وش نبي نسوي؟؟!!!!
ابو مشاري: ابتصل عالفنادق .. ان لقينا حجز ولا كنسلنا السفرة
سارة وبخوف: لا لا لا ... انا ما صدقت اننا بنسافر .. تكنسلها!!!! .. ( رفعت يدينها ) يا رب يا رب تلقى .. شف يبا انا ما عندي مانع انام عالكنبة بس ما نجلس بالرياض ...
مها: ههههههههه لا ان شاء الله تلقى
ابو مشاري: مشاري من سافر مااتصل الا مره وحده مايقول عندي اهل
ساره: ايه مالقاها الا مشاري انواع الوناسه
ام مشاري: والله اني خايفه على هالولد مدري متى بيعقل؟؟!!





اليوم الثاني
في بيت ابو نواف طارت ريما من الفرحه يوم شمت خبر انها بتسافر مع بنت عمها وسوت مناحه في البيت
ريما: نواف انت معارفك كثير معقوله ماتعرف احد بالخطوط
نواف: حتى لو اعرف خطوط ابوي هي بدق عالرجال اقوله احجز لي على جده 10 مقاعد والله لو وجهي مغسول بمرق
ابو نواف: اصبري يابنيتي الصبر زين عمك قال بيشوف ويرد لنا
ريما: وشلون اصبر يبا والعد التنازلي للاجازه بدا
ام نواف: اللي يسمعك يقول هاذي مسكينه ماتطلع من البيت وانتي ماشاء الله ماتقصرين على عمرك كل ماطفشتي طلعتي
ريما: انتم ماتحسون فيني
نواف: مشكله الدلع ياناس
دخل عليهم فارس وتذكر نواف انهم اليوم بيروحون الشرطه بس ماحب يبين لاهله شئ
نواف: يله فارس تبيني اوديك لخويك
فارس وهو فاهم ان نواف يغطي عليه: اللحين؟؟!!
ام نواف: وين تبي تروح؟؟
ابو نواف: لاتكثر الطلعات وانا ابوك انا فرحت شفتك يومين ماتطلع
نواف: لا اصلا انا بوديه وارجعه ان شاء الله
ام نواف: الله يحفظكم
طلعوا اخوانها قدامها
ريما ساكته ماتكلمت ولابحرف ماتدري وش اللي يصير خافت على فارس من نواف قالت اكيد اللحين بيذبحه بيضربه ماراح يمشي له الموضوع على خير الله يستر






فارس بالسياره مع نواف متجهين للشرطه عشان يقدمون بلاغ وينهون الفصل البايخ اللي مر بحياه فارس..
نواف: اللحين اذا دخلنا عالشرطي ابيك تحكي له كل شي بالتفصيل
فارس: ان شاء الله
نواف: انا ماادري كيف انت تعرفت على هالاشكال لاهم من سنك ولاهم من طبايعك؟؟!!
فارس يسمع اخوه وهو يتكلم وهو منزل راسه حس انه مسوي شئ كبير
جاء مسج على جوال نواف وفتحه وكان مسلسل لباقي المسجات اللي كانت تجيه بالايام الاخيره طنش ورجع الجوال مكانه
وصلوا الشرطه ودخل على الضابط وقدم بلاغ والضابط جلس يسال فارس بعض الاسئله
الضابط: خلاص يااخ نواف تقدر تتفضل بس ياليت تعطيني رقمك عشان اذا احتجنا أي استفسار
نواف: تفضل
الضابط: مشكور يا اخ نواف على حرصك والله يكثر من امثالك
نواف بابتسامه: مع السلامه
الضابط: فمان الله





دخل ابو مشاري على عياله ومعه بشرى ساره لهم ..
ابو مشاري: السلام عليكم
الكل: وعليكم السلام
ابو مشاري: الحمد لله لقينا حجز ياام مشاري
صرخوا البنات
مها: متى يبا؟؟
ابومشاري: يوم الاربعاء الساعه 7 الصبح
ساره: يعني بعد بكره
ام مشاري: عاد ليش رحله الصبح؟؟
ابو مشاري: وش نسوي هذا الموجود وغيره انتظار
مها: طيب يبا كيف برنامجنا هناك بيكون؟
ابو مشاري: على حسب اتفاقي انا وعمك بنجلس بمكه يومين بعدها جده ثلاث ايام بعدها المدينه يومين والخميس نرجع على الرياض عشان السبت مدارس
ساره: بروح اكلم ريما ابشرها
ابومشاري:ههههههه انا قلت لعمك اكيد قالهم
ام مشاري: لو ربي يهدي مشاري ويسافر معنا
ابو مشاري: الله يصلحه ادعيه له ياام نواف








وفي مكان ثاني كانوا اثنين عايشين حياتهم بالطول وبالعرض..
عبير: تصدق من زمان محد اهداني وردة
سعود: يقالك تلمحين اللحين
عبير: هاهاهاهاهاااااااي .. لا أنا ما لمحـــت انا صرّحت بس في ناس ما يفهمون
سعود: ولا يهمك وانا راجع من الصلاة اجيبلك من الورد اللي طالع من بيت جيراننا
عبير: الوردة بقيمتها المعنوية مو المادية .. بعدين تعال لا تقول ذاك الأبيض مع البنفسجي؟؟!!
سعود جالس يناظر التلفزيون ..
عبير: هييييي انت وش تناظر .. من يوم ما يجون هالفيديو كليبات تنسى انك متزوج
سعود: الشرع محلل أربع
عبير:عاد ما لقيت الا هالخايسات تاخذهم علي هذا اللي باقي!!!
دق جوال عبير دقة وسكر .. يوم شافت الرقم استغربت من الرقم
سعود: وش فيك؟!! .. مين اللي اتصل؟؟؟
عبير: مدري مو طالع رقم عندي .. خذ شف
اخذ سعود الجوال وهو يشوف اتصل الرقم مرة ثانية
عبير: رد عالجوال
سعود يوم سمع صوت اللي تكلّم بنت مد الجوال لعبير
عبير: الوو ........ هلا والله من وين تكلميني؟؟!! ............. طيب طيب حبيبتي اهدي ............ وش فيك؟؟!!!! ........... طيب اهدي ولا تصيحين وفهميني ................................... معقوووولة؟؟؟؟؟؟!!!!!!!!!!!!!!!
لا لا لا لا الانسان هذا زودها ... اذكري الله يانجلاء .. ... ياعمري هذا ولدك وش فيه يصيح؟؟!! ...................... المفروض انتي ماتطلعين من البيت مهما سوى انت ام ومن حقك البيت......... هذا وحش مو انسان......................... بتصكرين وين تروحين؟؟!!................ زين مع السلامه انتبهي لنفسك.....

انهت عبير المكالمه وزوجها يناظرها وهو متعجب .. وقبل مايسالها بدت هي تتكلم وتقوله كل السالفه....
عبير: هاذي نجلاء ياسعود تكلمني من كبينه تخيل زوجها اللي مايخاف ربه طردها من البيت قالها اطلعي انتي وولدك وقعد يجرح فيها ويرمي عليها حكي يقهر ويذبح ... (سكتت عبير شوي)... تخيل يقولها اطلعي من البيت انتي منبوذه محد يبيك رحمه فيك ماراح اطلقك......... حسبي الله عليه .......... مابقلبه رحمه طردها وهي معها طفل المشكله ياسعود تحسب انهم راح يتركونها بحالها يقتلون القتيل ويمشون بجنازته.... اللحين هو واهله بيقلبون الطاوله عليها بيقولون لها وين رحتي يوم طلعتي من البيت اكيد وراك بلى اكيد تعرفين احد رحتي عنده
سعود: هي وش سوت عشان يطردها من البيت؟؟
عبير: تقول عادي كنا نتهاوش هوشه عاديه عصب علي وطردني
سعود: طيب ماعندها احد تروح له؟؟
عبير: مشكلتها انها بجده لو كانت بالرياض كان يمكن تلقى احد.....
سعود: ابوها وينه مايدري ان بنته تنهان وتنذل بهالشكل؟؟؟؟؟!!!!!!!!!!!!!
عبير: ابوها عتدها بالبيت بس انه عاجز مابيده حيله مايقدر يسوي شئ ابوها طريح الفراش...
سعود: الله يعينها.. المفروض ماتقعد كذا خليها تروح الشرطه تشتكي عليه .. اقل شئ عشان مايتبلى عليها ويقولها وين كنتي؟؟؟؟؟؟؟
عبير: مسكينه هالبنت ماتهنت بحياتها لا قبل زواجها ولا بعده....... خليني اقوم اكلمها واقولها..
سعود: على وين تكلمينها وانت تقولين انها داقه عليك من كبينه؟؟
عبير: ايييييييه معها جوالها بس استقبال
وقامت عبير اتصلت عليها كم مرررره بس ماردت عليها.. خافت عليها لايكون صار فيها شئ.. وجلس سعود يهدي فيها... بعد كم ساعه ردت عليها نجلاء بس قالت لها اني رجعت للبيت.. مسكينه هالبنت وين ماتروح الدنيا تتصكر بوجهها .. الدنا هاذي غريبه تفرض احيانا عالانسان انه يذل نفسه لناس هو ارفع منهم بكثير!!!!!!!!!!!!!!!!!!!!!!!!!!!!!!!!!!!!!




يوم الاربعاء الصباح كانت العايلتين في المطار ينتظرون موعد اقلاع رحلتهم

" تعلن الخطوط الجويه العربيه السعوديه موعد اقلاع رحلتها رقم 1395 والمتجهه بمشيئه الله تعالى الى جده على عموم الساده المسافرين الاتجاه الى بوابات السفر"


ريما: يله يبا اعلنوا عن الرحله
ابو مشاري: اماااااااااااا ساره وريما مخروشات هالبنتين
ابو نواف: هههههههه
ساره: ايه اكييييييييد يبا بنتحمس حنا ماصدقنا لقينا حجز
فارس: فشلتونا انتم الناس يناظرونا يقولون وش هالقراوه
ريما: خلينا التطور لك
ام نواف: يله ماودكم تمشون
ام مشاري: عساهم يخلونا جنب بعض بالطياره
ابو مشاري: خلوا عنكم الحكي يله فاتتنا الطياره


ركبوا الطياره ومن حسن حظهم كانت مقاعدهم قريبه من بعض البنات جلسوا مع بعض وماتركوا شئ من غير تعليق حتى مها كانت مواصله ومانامت ماتركوها بحالها انواع الازعاج والحريم كانوا جنب بعض وابو مشاري وابو نواف كل واحد لاهي يقرا جريده.. اما فارس كان جالس اللحاله ويفكر بالايام اللي راحت ويحس انه قد ايش كان مغفل لكنه وعد نفسه بعد ماياخذ عمره يرجع الرياض شخص ثاني..


الساعه 9 الصباح وصلوا جده وبعدها مشوا
عالاراضي الطاهره مكه المكرمه راحوا يدورون لهم على سكن ماتوا وهم يدورون بالاخير لقوا لهم شقق مفروشه مو ذاك الزود اقل من عاديه لكن قالوا الشكوى لله.. طبعا هم سكنوا فيها اللحين موقت لانهم تعبانين موت وقالوا بكره نشوف اذا شئ حلووو فضى لنا.. بعدها راحوا الحرم ادوا عمرتهم ورجعوا الظهر للبيت..

المغرب قاموا البنات من النوم مالقوا احد في الشقه كان الكل طالعين...

ريما: افففففففففففف والله حركتهم مالها داعي
ساره: حلوووووه ذي مالها داعي حبيبتي اذن وراحوا يصلون وا حنا ليه جايين مكه
ريما: طيب اللحين حنا وش نسوي؟؟؟؟؟؟!!
ساره: عادي نلبس وننزل نروح الحرم
ريما: بس اخاف يهزؤونااااااا
ساره: مااتوقع يقولون شئ انتي في مكه مو في الرياض

لبسواالبنات وتوضوا ونزلوا الحرم صلوا المغرب والعشاء وبعدها جلسوا يدورون عالمحلات اللي حوالين الحرم
ريما: يارررررررررربي الاجانب هنا مره كثير
ساره: جايييين يعبدون ربهم
ريما: وانتي كل مااقولك كلمه تنطين لي... خليني بس ادور على امي اشوف وينهم
ساره: امشى عند المحل ذاك
ريما: وين راحوووو؟؟
ساره: لو معي جوالي كان دقينا سالنا وينكم؟؟
ريما: ذكرتيني بنواف ماخذ جوالي يقول بطلع لك رقم ثاني والى اليوم ماشفت شئ
ساره: هههه يعني وش نسوي اللحين نرجع
ريما: لا حبيبتي انا ماصدقت اننا طلعنا تقولين نرجع

قعدوا البنات يحوسون ويتمشون لما جت الساعه 10:40 ملوا ورجعوا البيت واخذوا تهزيئه محترمه..


فارس: يما ابوي يقول وش تبون عشاء؟؟!!
ام نواف: والله مدري ياوليدي؟؟... وش رايك ياام مشاري؟؟
ام مشاري: أي شئ قريب اهم شئ نسد جوعنا
ساره: لا يما اللحين يجيب شئ مانحبه.. انا ابي بيتزا
مها: لالالالالالالا كله الا البيتزاء انا مااحبها
ريما: خلاص انا عندي حل كبسه ..ههههههههههههههههه
ام مشاري: كله اكل كلوا واحمدوا ربكم
ام نواف: اتفق العرب الا يتفقوا
ريما: وش رايكم حنا ننزل بدال فارس ونجيب لكم اكل على كيف كيفكم
ساره: صح خالتي فكره
ام نواف: لا بعد هذا اللي ناقص الساعه 11 تنزلون لحالكم.. مافي
مها: خالتي جيبوا أي شئ الا البيتزاء

نزل فارس جاب لهم العشاء وتعشوا الحريم ناموا البنات جلسوا سهرانين اذن الفجر نزلوا صلوا ورجعوا ينامون.. ومر عليهم اليوم الثاني بمكه حلو مثل اليوم اللي قبله


صلوا صلاه الجمعه بالحرم بعدها مشوا لجده عروس البحر الاحمر بس جده غير زي اسمها سكنوا بفندق راقي استانسوا البنات عليه..

ساره: مها ودي ننزل انا وريما اللوبي تحت تنزلين معنا؟؟
مها: وش تسووون؟؟
ريما: وش نسوي يعني نفطر؟؟ شوفي الساعه 7 اللحين
مها: طيب واذا صحوا ومالقونا؟؟
ساره: لالالا ان شاء الله مايصحون تونا بدري
مها: اوكي يله بس مانتاخر
ريما: لحظه بغير ملابسي

نزلوا البنات افطروا ورجعوا ناموا ولا احد حس فيهم..


ماتركوا البنات واهلهم مكان ماراحوا له بجده راحوا جانقل لاند وسان رايز ودره العروس يعني بالعربي فلووووووها
هذا غير الاسواق سوق حراء وشارع التحليه ولي مول ....


يعني من جد راحوا ثلاث ايام بس فروووو جده


يوم الثلاثاء راحوا المدينه المنوره مدينه الرسول عليه الصلاه والسلام لقوها زحمه مووووت
بس الحمد لله انهم كانوا حاجزين بالتلفون على ساحة الحرم.. دخلوا المسجد النبوي اللي يشرح صدر الناظر اليه فما بالك بلي يدخله ويصلي ويدعي ربه فيه بيحس بشعور غريب.. راح يحس بالطمانينه والسكينه..



ابو مشاري: ان شاء الله بكره العصر نبي نروح نوريكم اثار المدينه والمساجد اللي فيها
ابو نواف: اذا الله اراد ان شاء الله بكره بعد صلاه العصر
ساره: ماعندهم هنا اسواق حلوووه ودي اروح
مها: اللهم صلي على محمد ماكفاك اللي شريتيه من جده
ساره: كيفي
ريما: خلاص فضوا الحرب..
مها. امشوا خلينا ندخل عند امي وخالتي


في الرياض خالد منسدح على سريره بينام بس مو جايه نوم قاعد يفكر بنفسه ويفكر ببنت خاله اللي دخلت حياته فجأة وش قصتها هل معقوله مها تحبني.؟؟!!
طيب ليه اختارتني انا من بين الناس؟؟!!......... قعد يضحك بنفسه هــه ويقول زي مااختار قلبي عبير وهي ماجابت خبري!!!!!!

لكن مو معقوله انا اعلق البنت لازم ارد عليها رد قاسي واكون صريح معها عشان تنساني.. بس كيف ابين لها اني مو عاجبتي حركتها واني مستحيل اخليها تسوي شئ من وراى اهلها..... خليهم يجون من سفرتهم ويصير خير ان شاء الله...




من بكره العصر في المدينه المنوره راحوا يتفرجون عالاثار..
راحوا جبل احد.. وكان جنبها قبور الشهداء.. .. عجبهم جبل احد وخاصه انه في جهات منه حاطين عليها شلالات صناعيه
ريما: شوفي الشلالات
ساره: روووووووعه
ابو نواف: تصدقون انهم كانوا بيحطون تلفريك فوق جبل احد بس جتهم فتوى شرعيه..
ابو مشاري:خافوا ان الناس يتخذونه مكان للعباده
ام مشاري: زين سوو
ام نواف: ماشاء الله تبارك الله الاجانب مالين المدينه
مها: اللحين وين بنروح؟؟
فارس: انتم اركبوا السياره بعدين اسالو



بعدها راحوا مسجد القبلتين ومسجد قباء وكانت المساجد مره حلوه مجدده يعني طالعه كنها جديده... اخر شئ راحو المساجد السبعه وهي كانت عباره عن مساجد صغيره جنب بعص من ايام الرسول عليه الصلاه والسلام..
ابو مشاري يكلم حارس المسجد: ليه كذا المساجد مافي اهتمام؟؟.. الجدران مكتوب عليها بخاخات اسم المسجد..
الرجال: والله مدري الناس هم اللي يكتبون
ابو نواف: المساجد هاذي بيوت الله المفروض تهتمون فيها اكثر من كذا
فارس: يبا حتى السجادات مو نظيفه كيف الناس يصلون عليها
الرجال: والله حنا هنا مجرد حراس مافي بيدنا شئ
مها: الدول الثانيه تهتم بالاثار وهنا مافي اهتمام ابدا
ام نواف: الله يهديهم يابنيتي
ريما: تعالوا نشوف المسجد اللي فوق مكتوب عليه مسجد الفتح
ساره: شكله زيهم مافي فرق
ابو مشاري: اطلعوا
ام مشاري: انا مافيني حيل
ام نواف : حتى انا تعبانه
مها: لحظه بنات بجي معكم

انهوا رحلتهم في المساجد السبعه بعدها رجعوا الفندق تعشوا وناموا ... بكره الخميس رحلتهم للرياض بعد ماقضوا اسبوع بالاراضي الطاهره..




مشاري له اكثر من عشر ايام بالبحرين.. امه وابوه بالاراضي المقدسه يرفعون يدينهم للحي القيوم يدعون لولدهم بالهدايه لكن هو بعالم اخر.. ماترك بنت ماتعرف عليها هناك خليجيه ولا عربيه حتى الاجانب ماسلموا منه ومع كذا يحس انه مو مرتاح.. قلبه حن للرياض او يمكن الناس اللي في الرياض هو يحس انه يحب نجود بس يحاول ينكر هالشئ في قراراه نفسه ويمكن هذا اللي منكد عليه..
مشاري: منصور انا ملييييت لنا اكثر من عشر ايام هنا
منصور: ودك تروح الخبر؟؟
مشاري: تستهبل انت ووجهك
منصور: مدري عنك .. انا قايلك خل السنه هاذي نغير نروح مصر انت اللي مارضيت
مشاري: خلاص يارجال جلسنا هنا بما فيه الكفايه بكره بنرجع الرياض
منصور: صاحي انت نرجع بكره انت ناسي انه بكره الخميس فيه سهره ماتتفوت
تنهد مشاري: خلاص اجل نرجع الجمعه
منصور: يصير خير





عبير وسعود بيطلعون يتعشون ويحاولون بابو سعود يطلع معهم لكنه مو طايع
ابو سعود: لو فيني حيل طلعات كان سافرت مع اخواني مكه اخذ عمره
عبير: عمي عشان خاطري انا مالي خطر عندك
سعود: يبا مرتي تترجاك وانت تقولها لا
ابو سعود: ههههههههه
عبير: هااا عمي وش قلت
ابو سعود: اقول روحوا انبسطوا وخلوني انا على راحتي
سعود: يله عبير استناك بالسياره قايلك انا ابوي راسه يابس

طلعوا راحوا للريف اللبناني كان مرررررره راقي واضاءته حلوه يصلح للجلسات الرومانسيه
عبير: تصدق سعود وحشوني اهلي
سعود: مسرع مالهم اقل من اسبوع
عبير: حتى ولو
سعود: متى بيجون ؟؟
عبير: بكره ان شاء الله
سعود: يافرحتك
عبير: ههههههههه اكيييييد
سعود: طيب عبوره لو لوانا اللي مسافر بتشتاقين لي
عبير: اكيييييييييييييييييد.. اصلا انا لو افارقك ساعات امووت فما بالك تسافر وتتركني
سعود وهو مادلها يده بياكلها: الله لايحرمني منك
الأميرة دانة
16 - 09 - 2009, 02:53 AM
الجزء الثالث عشر
,,,,,,,,,,,,,,,,,,
يوم الجمعه مر سريع والسبت بدت دوامات المدارس ورجعت الحياه العاديه لكل البيوت..

رجعت عبير من الجامعه كانت دايخه دخلت الغرفه لقت سعود

عبير: السلام عليكم
سعود: وعليكم السلام
عبير: غريبه وش عندك راجع بدري؟؟
سعود: ملييت وقلت خليني ارجع.. انتي وش فيك تاخرتي..
عبير: عادي انا قلت لاهلي ارسلوا لي السواق اذا راح يجيب ريما... يو يو لوتشوف شكلي اليوم كني طفل باولى ابتدائي..
سعود وشكله معصب:اقول يالله روحي صلحي لي غدا ميييت جوع .... وعلى فكره ابوي راح يتغدا عند عمي عبد الرحمن..
عبير: طيييب بس ثواني بدخل اخذ شووور واحضر لك احلى غداء
سعود: ماله داعي سوي الغداء اول
عبير: لاااااااا مااقدر بسرعه بطلع ماراح اتاخر
سعود: دقايق لاتتاخرين...
دخلت عبير تاخذلها شوور سريع طلعت مالقت سعود بالغرفه لبست بسرعه واطلعت من الغرفه بتروح المطبخ لقت مفاجئه.. طاوله الطعام شكلها خيالي مفروشه بمفرش ناااعم وعليها ورد جوري والاكل مرتب بشكل حلوو لشخصين.. حست انها تحلم من اللي رتب الطاوله هاذي من اللي حط عليها الاكل.. قربت منها لقت كررت صغير اخذته فتحته لقت مكتووب فيه كلمه لكنها كانت ابلغ من كل الكلام لقت فيها كلمه

" احبك "

عبير تناظر سعود وهي متفاجئه وهو رد لها هالنظره بابتسامه هنا عبير من غير شعور نزلت دمعه من عينهاااا

سعود قرب منها وحضنها
عبير: انت كل يوم ياسعود تحسسني اني مقصره معك
سعود: لا لا تقولين كذا
عبير: انا مهما سويت لك ماراح يصير شئ جنب اللى تصلحه عشاني
سعود وهو يمسح دموعها بايديه: يلا بلا دلع الاكل برد تعالي خلينا ناكل
جلسوا ياكلون وهم يحسون انفسهم اسعد زوجين ويدعون في سرهم ان ربي يدوم عليهم هالسعاااااااااااااااااده..





الساعه 1:30 نواف بالمكتب وبيده كم شغله يحاول يخلصها قبل نهايه الدوام

وليد: تتوقع لواطلع اللحين المدير يحس فيني
نواف: واالله انك فاضي خلاص ماباقي على نهايه الداوم الا اقل من ساعه
وليد: بس انا ماعندي شئ اسويه ملل
نواف: خلصت تخزين الملفات الوارده
وليد: مايحتاجونهم اللحين متى ماصارلي مزاج صلحتهم
نواف رجع يكمل شغله ويحاول يتحاشئ وليد عشان يخلص شغله من دون اغلاط..
وليد: اف اف ملل
نواف: تعال وش صار عالعضوه اللى بالمنتدى.. كنت تقول انك كلمتها؟؟؟!!
وليد: اي وحده.. اييييه اللى قالت لي انا المرعبه
نواف: ايه وش صار عليها الى الان تكلمك؟؟!!
وليد:لاااااااااااا ياشيخ طلعت البنت نصابه تقول بقولك شئ بس لاتزعل
نواف: اهااااااا
وليد: المهم الزبده تقول انا العب عليك انا مو المرعبه كنت استهبل عليك
نواف: ههههههههههه .. احسن تستاهل كل واحد يلعب عالثاني
وليد: ياشييييييييخ والله اني حاقد عليها .. اصلا انا من يوم كلمتني وقالت انا هي كنت حاس ان الاسلوب متغيير هذيك البنت مهستره دمها خفيف .. لكن هاذي خاشه فيني خشه تحاول تسوي دمها خفيف بالقووه
نواف: هاهاهاهاهاهاي
وليد: وانا اقول ياصبر الارض.. لدرجه اني صرت اقفل جوالي عشان مااسمع نكتها الجميله..
نواف: الله يرجك..
نواف طلع من المكتب وهو يفكر بكلام ولييد حس انه ظلم اخته وانها هي مالها اي دخل بالسالفه .. بنت تبلت عليها وهي صارت الضحيه.. انا لازم اصلح غلطتي جرحتها واهنتها بدون سبب حتى سالفه جوال ساره هي مالها علاقه فيها لو ساره ماتلقفت وصورتها كان ريما مادخلت بالموضوع..





ريما مر عليها اليووم ثقيل وخاصه انها اول مره تروح المدرسه وخلود مو معها ضاق صدرها رجعت البيت دايخه وهي طالعه غرفتها بتنام..
ابونواف: ويين ماتبين غداء
ريما: لاااا ابي انام
ام نواف: اييييه رايحه المدرسه مواصله اكييد بتصيرين دايخه ومو مشتهيه الاكل
فارس: لااا يبا بنتك دافوره السنه هاذي ثالث ثانوي تبي تروح تنام عشان تقوم الليل تذاكر
ريما وهي طالعه لغرفتها حطت يدينها على راسها: اللهم صلي على محمد اصلا انا ايام الامتحانات مااسهر عشان المذاكره اجي اسهر اللحين
ابو نواف: خلاص اجل حطوا لريما غدا اذا قامت تتغدا
ام نواف: ياعمري ياعبير كان ودي ارسلها غدا اليوم لانها داومت اكييد مايمديها تسوي غداء
فارس: وليش ماارسلتي لها مع السواق
ام نواف: والله مابديت اطبخ إلا متاخر خليها بكره ان شاء الله
دخل عليهم نواف: السلام عليكم
الكل: وعليكم السلام
ابو نواف: يلا جاء دلوع امه حطوا الغداء
نواف:ههههههههههههههه تغار مني يبا
ام نواف: ايييه والله وليدي يستاهل يكرف بالليل والنهار حتى بالصيف مااخذ اجازه
ابو نواف: بس دايم يقولون اخر العنقود ماخذ الحب
فارس: ريما ابوي مدلعها ونواف امي وانا مسكيين مالي احد
ام نواف: كل واحد منكم له غلا مافي احد ازين من احد..
نواف: اجل ويين ريمااااااااااا؟؟!!
ابونواف: راحت تنام تقول منيب مشتهيه..

جلسوا يتغدون بعدها كل واحد راح لغرفته ينام ..





العصر في بيت ابو مشارى دخل عليهم مشاري جاى من البحرين لقى امه وابوه جالسين
قرب من ابوه وحب راسه لكن ابوه ماعطاه وجه لانه زعلان عليه من سافر مادق عليهم إلا مرره وحده وهذا الشئ اللى حاز في نفس ابو مشاري
ام مشاري: وش فيك ياوليدى ناحف وشكلك تعبان ؟؟!!
ساره: وش فيه يماااا نفس شكله بس يمكن من الوناسه هناك مو لا قي وقت ياكل
مشاري: هههههههه.. أي وناسه ياشيخه ملل
ابو مشاري: اذا ملل وش مجلسك اسبوعين هناك فشلتنا عند عمانك وعيال عمك كل يوم يسالون عنك..
مشاري سكت ومارد ماعرف وش يقول
ام مشاري: خلاص يابو مشاري خل الولد بحاله توووه راجع تعبان
ساره: يمااااااه .. صراحه انا مااستبعد اللحين تقومين تسوين له حمام مغربي
مها: ساررره عيييب

دق التلفون نقزت ساره ترد

الو.. هلا .. وعليكم السلام .. هلا .. ايييييه ... لحظه شوي..

ساره: مها مها.. التلفون
مها: ميييين؟؟!!
ساره: جووود
التفت عليها مشاري بسرعه وسألها لاشعوريا: ميييييييييين؟؟
ساره: موب لك موب لك لمها اصلا أنت عمرك جلست بالبيت عشان احد يدق عليك
مشاري: طيب ادري انه لمها بس وش اسمها البنت احس اسمها غريب!!
ساره: اسمها جود
سكرت مها ورجعت جلست مع اهلها..
مها: اساسا هي اسمها امجاد بس حنا نناديها جود اخف عاللسان
مشاري: اهااااا اصلا انا ماهمني بس اول مره اسمع بهالاسم عشان كذا سالت
ساره بمكر: اهااااااااااااااااااااا .. صح صح اسماء البنات مايعرفها إلا البنات
مشاري عطى ساره نظره وطلع لغرفته وهو منقهر منها..





من بكره المغرب كانت ريما توها صاحية صلت ونزلت الصاله عند اهلها وكانوا يتقهون..

ام نواف: تبين قهوه
ريمااا: لا جوعانه قلت لماري تسوي لي غداء
ابو نواف: وش اخبار المدرسه؟؟؟!!
فارس: ايييييه يبا أنت بس تسال ريما وانا من الصبح جالس معك ماسالتني..
ام نواف: هههههه بلشت عمرك فيهم الله يعينك
ريما: كيفه خله يسالني انا دلوعه بابا
ابونواف: خلاص ولا تزعلون كلكم وش سويتوا اليوم؟؟!!
فارس: انا عادي ماسويت شئ
ريما وتقلد كلامه: ومسوي زحمه ليه ماسالتني واخرتها يقول ولا شئ .. الله يشفيك بس
ابو نواف: ههههههههههههه
ام نواف: انا بروح اكلم عبير بشوف وش اخبارها
دخل عليهم نواف..
نواف: السلام عليكم
الكل: وعليكم السلام
ريما: غريبه ماعندك دوام؟؟
نواف: واحد ماسك مكاني
ابو نواف: ياوليدي وراء ماتشوف شغل لمشاري ولد عمك.. مسكين له كم سنه جالس بالبيت
ريما: ههههههههه أي مسكين يبا حنا المساكين هو ماترك مكان ماراح له عايش حياته
ابو نواف: عيييب ريما هذا ولد عمك مايصير تتكلميين عنه كذا
دخلت ماري جايبه الغداء لريماااا
فارس: الحمدلله جاء الغداء كولي عشان ماتتكلميين مع الرجال
ريما: اقول بس لايكثر
نواف: ههههههه يبا حنا شركتنا معروفه وهو مامعه شهاده جامعيه
ابو نواف: دور له أي وظيفه أنت لو تشوف عمك كيييف حالته مرره ضايق صدره على ولده دايم يشكي لي..
نواف: والله صعبه يبااا هو انسان مو ملتزم بمواعيده أنت بنفسك شايف دخل الكليه التقنيه وماعجبته وماكمل بعدين دخل بالواسطه جامعه الملك سعود ونفس الشئ مامشى..
ابو نواف: الله يهديه
نواف: يعني يبا قدر موقفي انا الحمدلله انسان ناجح بعملي وصعبه اجيب واحد انا عارفه زيين يحرجني ..
ام نواف: الله يوفقك ياوليدي ويسعدك ويسخرلك بنت الحلال قل امييييييين
ابو نواف: امييين
ريما شرقت وهي تاكل: زواج مررره وحده .. لحظه خلوني اخلص ثانويه تخيلوا شكلي عمه وانا توني
ام نواف: ماعليك منها الملسونه هاذي .. ماودك ياوليدي نشوف لك احد
نواف: ابيها على ذوق ريما
ريما: ياهووووووو مااقدر انا اثاري ملابسي عاجبتك وقلت اكييد ذوقها حلووووو
ابو نواف: يالله هالبنت ماادري من وين تجيب الحكي
فارس: عشان تصدقون اذا قلت لكم
ام نواف: هااااا وش قلت يانواف
ريما: الوالده من جدها تتكلم
نواف: لااااا يما اذا حسيت اني مستقر ومرتاح انا بجيك بنفسي واقولك
ابو نواف: لايكون في احد براسك وتبي تصرفنا
نواف: ههههههههه لااااا يبا بس من اللحين اقولكم قرايب ماابي
ريما: وليش ان شاء الله وش فيهم قرايبنا مو مالين عينك
ابو نواف: لاحول هالبنت ماتسكت
ام نواف: طيب ليه ماتبي قرايب؟؟؟؟؟؟؟
نواف: القرابه حلوه يماااا بس لما الزوجين مايتوفقون تصير مشاكل وحساسيه بين العايلتين
ابو نواف: موشرط أنت بس حساس شف اختك عبير ماشاء الله عليها عايشه مع رجلها ومبسوطين..
نواف: انا اعرف واحد من العيال اخذ بنت خالته جلس معها 4 شهور بعدين انفصلوا.. يقول من اول خالتي وعيالها 24 ساعه عندنا في البيت بعد ماطلقت بنتهم ماصرنا نشوفهم إلا بالمناسبات..
ام نواف: يمكنه هو الغلطان عليها
نواف: لاااااا يما عادي يقول ماارتحنا لبعض يعني عادي انفصلوا وهم راضين البنت مقتنعه لكن اهلها لاااا يحسون انه اهانه لهم..
ابو نواف: الله يهدي سر الجميييع
الكل: امييييييييييييين
دق جوال نواف رد عليه كان خالد ولد عمته..
نواف: هلا
خالد: السلام عليكم
نواف: هلا وعليكم السلام
خالد: كيف الحال؟؟
نواف: الحمدلله ... اوووووووه والله تطورات تصدق اني كنت احسبك مسحت رقمي
خالد: ههههه الله يرجك .. اخبار الوالد والوالده
نواف: الحمدلله كلنا بخييير
خالد: مدري خالى موجود ودي امر اسلم عليه من يوم جاء من السفر ماشفته
نواف: اهااااااا .. لا مااظن عنده شئ هو اللحين موجود
خالد: اوكي انا جاى اللحين
نواف: الله يحييك
خالد: مع السلامه
نواف: فامان الله

نواف: يبا هذا خالد يقول بيمر يسلم عليك
ابو نواف: الله يحيييه من زمان عنه
ام نواف: ياحليله خالد من اول ساكن عندنا واللحين مانشوفه إلا بالشهر مره
نواف: يبا خاااااااالد انسان غريب مافهمته كل ماحاولت اتقرب منه احسه يبعد عني
ريما: هو كذا من زمان شايف نفسه اذكره يوم كان ساكن عندنا كان دايم يحس نفسه احسن واحد
ابو نواف: لاااااا عاد حدكم كله إلا خالد هذا خالد غلاااااااته بغلاتك يانواف

بعد نص ساعه جاهم خالد جلسوا معه وتعشى معهم مارضت تخليه ام نواف يطلع الاوهو متعشي..
خالد: تسلميين ياخاله تعبناك
ام نواف: وش هالكلام ياخالد والله اني عادتك مثل واحد من عيالي
نواف: احم احم وحنا وين صرنا
ابونواف: ههههه شفت الدلع ياخالد أنت عفته بنفسك
خالد: بنرجع مرره ثانيه للسالفه ياخالي
ابو نواف: على راحتك ياوليدي

سمع نواف صوت مسج لجواله فتحه وكان رقم غريب .. وهذا سلسلة من الأرقام الغريبة اللي كانت تجيه على جواله بشكل شبه يومي .. قرا الرسالة بملل ورماه جنبه ..

ام نواف: المفروض كل اسبوع تجئ تتغدا وتتعشئ عندنا
خالد: ان شاء الله الايام جايه
ابونواف: الله يوفقك قل اميين
خالد: اميين يلا تامرون على شئ انا ماشى
الكل: سلامتك
خالد مع السلامه اشوفكم على خير ان شاء الله
الكل: مع السلامه




مر الاسبوع الاول ثقيل عالطلاب..
يوم الاربعاء نهايه الاسبوع ساره ومها يلبسون بغرفتهم لانهم تواعدوا مع بنات عمهم يروحون " ستار سيتي"
ساره: غريبه خالد هالاسبوع راح بيت عمي ابراهيم ولا جانا
مها باهتمام: متى راح لهم؟؟!!
ساره: يوم الاحد
رجعت ساره تكمل لبسها وسرحت مها تفكر بخالد..
"اااااااااااااه ياخالد احبك امووت فيك وأنت مو حاس فيني.. ياترى هل طحت من عينك عشاني كلمتك؟؟؟!!!!!!!!!! ياللـــــــــــه وش نظرتك لي اللحين؟؟!! اكيد طحت من عينك وصرت ماتحترمني والدليل انه ماجاء يسلم على ابوي يخاف اشوفه...
ااااه ليه انا سويت كذا ليه ليه بس؟؟؟!! كله من ريهام هي اللى خلتني اغلط هالغلطه
الله يهديها بس .."
ساره: هاااااي هييييييي انتي يلا ماودك تروحين ؟؟
مها: هاااااااااا إلا الاا لحظه شوى باقي احط الميك اب
ساره: بسرعه ريما تقول هي وعبير بيروحون بعد المغرب
مها: خلاص عرفناااا





وببيت أبو نواف .. ريما جالسة قدام المراية .. مرة ترفع شعرها ومرة تنزله ومرة.. حالتها حالة البنت .. وأخيرا رفعت نص شعرها وخلت الباقي مفتوح .. سمعت صوت طق عالباب ..
ريما: ادخـل
عبير: يلا يا ريماااا
ريما: طيب ثواني وجاية
عبير: افففف
ريما: خلاص اطلعي وانا لاحقتك يا بنت الحلال
طلعت عبير واخذت ريما عبايتها وتسمع طق عالباب ..
ريما: عبيــر قلنا لك طييييب ..
نواف: ساعة السواق منلطع تحت..
ريما: نواف وش العجب وش مدخلك غرفتي في هذا الوقت وقبل خروجي بعدة ثواني
طلع نواف جوال من جيبه وعطاه ريما ..
ريما: وشو ذا..؟! لي!!
نواف: لا بعطيه واحد من أصدقائي هدية ابشوف رايك فيه
ريما: هههههه واخيـــرا جااااااء بعد طول انتظار ..
نواف: خوذيه .. ومعليش ما لقيتلك رقم مميز
ريما: حشى كل هالمده وما لقيت ... وبعدين الجهاز موديله قديم
نواف: ههههههههه احمدي ربك
دخلت عبير عليهم : ريمااااااااا ساعة انتظرك واخرتها القاك طاقتها سواليف مع نواف
ريما: خلااااااااص جيت جيت ..


نزلت ريما بسرررعة و وركبت السيارة مع اختها عبيـر ... وصلوا ستار سيتي ... دخلوا ولعبوا واستانسوا .. وراحوا وطلبوا لهم ايسكريم ..
عبير شافت وحدة شكلها مو غريب ..
عبير: ريما .. تعرفين هالحرمة؟! .. مو من الجيران؟
ريما: مدري بس اول مرة اشوفها..
سارة: يخلق من الشبه أربعين..
مها: أي وحدة يا عبير ..
عبير: اللي لابسة بلوزة فيروزية
مها: اهاااا
عبير: لحظة .. لحظــة .. الظاهر هاذي خالة سعود .. ... خل بتاكد

راحت عبير عندها وسلمت عليها ..
أمـل: هلا .. معليش ما عرفتك!!
عبير: انا عبير مرة سعود
أمل: عبيـــر هلا والله .. معليش من زمان ما شفتك الظاهر آخر مرة بالزواج وعاد تعرفين أنتِ العروسة تتغير ملامحها ..
عبير: ايه انا شفتك قلت خل نسلم عليك ...
امل: وسعود وينه ما عمرنا شفناه .. ولا يقول عندي خالات نمر نسلم عليهم..
عبير: مشغول .. ولا هو دايم يذكركم بالخير
امل: سلمي عليه يا قلبي
عبير: يوصل ان شاء الله .. يلا عن اذنك ..
راحت جلست مع بنات عمها وطلبوا لهم عشاء .. وبعدها افترقوا وكلٍ راح لبيته ..





بغرفة سعود وعبير .. كان سعود توه طالع متروش ..
عبير: توقع مين شفت اليوم ؟!!!
سعود: ميييين؟!!
عبير: خالتك أمل
تغيّر لون وجه سعود وقال: اهاااا .. شي جميل انك تتعرفين على اهل رجلك!!!
عبير: وش فيك أنت ما تزورهم؟!!
سعود: خلاص عبير سكري الموضوع .. انا امي اللي هي امي ما اشوفها كثير
عبير: طيب كـ...............
سعود بعصبية: امي الظاهر تعرفين وش السالفة ما يحتاج اعيد وازيد.. ولا انتي ترتاحين لما تشوفيني متنرفز..
عبير يوم شافت ردة فعله وعصبيته سكتت ...
عبير: سعود حبيبي .. انا آسفـة .. ما كان قصدي اضايقك
سكت سعود وما رد عليها ..
قرّبت عنده ومسكت يده: خلاص سعود قلت آسفة .. واوعدك ما افتح هالموضوع مرة ثانية .......... يلا قل انك رضيت علي ولا منب تاركتك

لــحــظــة صــمــت لمــ10ــــدة دقــائــق

سعود: ترى بسافر الأسبوع الجاي عندي شغل
عبير: وين؟؟؟؟؟؟؟؟؟؟!!!!
سعود: ألمانيا
عبير: وش هالشغل اللي جاء فجأة!!!
سعود: المهم بحجز بتروحين معي ولا لا ؟!!
عبير: طبعا لا .. عندي جامعة .. بس بنفس الوقت ما ابيك تروح لحالك
سعود: ليش ما فيه ثقة؟!
عبير: لا مو كذا
سعود بابتسامة: اجل ايش.. تغارين علي؟!
عبير: شف بقولك شئ بس مو بعدين يكبر راسك على وتشوف نفسك..
سعود: اصلا أنا شايف نفسي عالناس من يوم اخذتك
انحرجت عبير وماعرفت وش تقول..
سعود: يلا لا تصرفين تكلمي وشو الشئ اللى بتقولينه وتخافين اشوف نفسي
عبير: الصراحه أنا ماابيك تروح لانك اذا بعدت عني احس قطعه مني راحت
سعود بابتسامه: ويلوموني فيك بعد.. الله لايحرمني منك يااغلى زوجه
عبير: امييييين





وعلى نغمات أغنيـة راشـد المـاجـد ..

شفت موتي وانا حي .. والسبب هم فرقاك ..ارفق بحالي شوي .. قلبي ما طاع يسلاك ..شوقي لك ماهو شوي .. يا حبيبي ولا انساك .. شوفتك عندي الفي .. عمري القاه وياك
والعذر ما بقى شي .. غير قولة تمناك .. حبكم طيني طي .. والسبب هم فرقااااااااااك ..


كان خالد جالس بالكوفي مع الشباب .. وكانوا فالينها سوالف واستهبال .. وضحكهم واصل لآخر الدنيا ..
سلطان: اقول ناصر .. السيارة ماكسيما اللي بره حقتك؟!
ناصر: ايه ..
سلطان: مو أنت تقول ان ابوك دفع فلوس الهمر وقالك رح استلمها ..
ناصر: أيـه يا شييييخ كنت ماخذ همر أسود حتى ابوي دافع لهم كاش .. بس مدري يوم ركبتها اخذت لفتين .. ما ارتحت فيها .. رجعتها مع ان فلوسها مدفوعه ..
الكـل جلس يضحك وكل واحد ماسك بطنه .. : هههههههههههههههههههه
خالد: ههههههههههه ما ارتحت بالهمر .. طيب كيف الماكسيما معك ان شاء الله ارتحت معها وارتفعت المعنويات ..
ناصر: تتطنزون أنتم ووجيهكم .. تكفون يا عيااال النعمة .. اللي يسمعكم يقول واحد معه
اكس فايف والثاني جاكور ..
الكل: ههههههههههههههههههههههههه
ناصر وهو قايم: الشرهة مو عليكم الشرهة عاللي يسولف لكم ..
طلع ناصر .. وانطلقت الضحكات من الجهة الثانية ..
سلطان: والله .. ينصب ويبينا نصدقه
خالد وهو واقف: ههههههه ولا مو أي نصبات .. صورايخ جو أرض بحر ..
سلطان: وين رايح..؟!!
خالد: بروح انااااام ..
سلطان: الناس أربعاء وأنت بتنام
خالد: والله راسي مصدّع بروح..
سلطان: طيب ناسي انك أنت اللي جايبني أنت ووجهك..
خالد: هههههه تصدق نسيت .. يلا قم اوصلك
قام سلطان وراح مع خالد وركب السيارة ..
سلطان: وش رايك تجي تتغدى بكره عندنا..
خالد: لا مالها داعي كل خواتك ورجالهم عندكم بكره
سلطان: خلاااااص ولا يهمك تعال الجمعة
خالد: ان شـــــاء الله ..
سلطان: الا صح .. شخبار بنت خالك؟؟!!
خالد: وش أخبارها يعني..؟!!! مع زوجها أكيـد .. الله يستر عليها
سلطان: لا اقصد مهاااا
خالد: ايه مدري عنها .. حتى والله خالى مارحت اسلم عليه؟!!!
سلطان: وش دعووه عاد خالك مارحت تسلم عليه عشانها
خالد:.. شسوي.. ما بي البنت تتعلق وتنفتن فيني زيااااااده
سلطان: هههههههه اموووت عالثقه.. تصدق احسك تتخيل البنت ماتنام الليل تفكر فيك وطول النهار تسمع اغنيه قول امييين عساك تحبني وتموت فيني.. حقه عبدالمجيد..
خالد: ليييييه وش قالوا لك عني ماعندي قلب
سلطان: أنا ماقلت كذا بس الثقل بزياده مو حلووو..
خالد: أنا هاذي شخصيتي مااقدر اغيرها.. يلا وصلنا بيتكم ما ودك تنزل
سلطان: طرررردة .. كنت بروح اسهر معك بس أنت ......
خالد: اقولك ابي انام تقولي ابسهر معك!!!
سلطان: خلاص اشوفك بكره .. مع السلامة
خالد: مع السلامة





الخميس ببيت ابو مشاري كان جامعهم عالعشاء لانهم من زمان مااجتمعوا..
الرجال كانوا بالمجلس..
نواف: وين الريموت بفتح التلفزيون بشوف وش صار على الحصار اللي بالدمام؟؟

فتحوا التلفزيون عالعربيه وجلسوا يتابعون الاخبار باهتمام..

ابومشاري: حسبي الله عليهم لهم ثلاث ايام وهم طلق نار مع قوات الامن
ابو نواف: أنا ماضاق صدري إلا على رجال الامن قتل اربعه منهم وعشره مصابين
ابوسعود: الله يصبر اهلهم مسكين عيالهم تيتموا وهم صغار وحريمهم ترملوا .. ياويلهم من عذاب رب العالمين..
خالد: الله يرحمهم ان شاء الله شهداء
مشاري: بس الحمدلله كل الارهابين انقتلوا بقى واحد سلم نفسه..
ابو مشاري: الحمدلله ربي يمهل ولايهمل
نواف: المشكله هم ماعندهم حرمه لا لاماكن مقدسه ولااماكن سكنيه.. اللحين الحي اللي كانت فيه المواجهه حي سكني .. امس يقولون انهم اخلوا الحي من السكان..
ابو نواف: اللحين هذولا يقتلون باسم الدين استغفر الله العظيم مايقرون قران مايفهمون قوله تعالى: (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً ) النساء:93
ابوسعود: صدق الله العظيم
خالد: هم يسون هالشئ بحجه انهم يعملون بقول الرسول صلى الله عليه وسلم: " اخرجوا اليهود والنصارى من جزيره العرب "
مشاري: لو كل من شاف يهودي ولانصراني قتله كان صارت الدنيا فوضى..
ابو مشاري: في حديث عن الرسول صلى الله عليه وسلم يقول: ( من قتل معاهدا لم يرح رائحة الجنة وإن ريحها ليوجد من مسيرة أربعين عاما ) رواه البخاري
ابو سعود: الله يجيرنا من النار..
الكل: امييييييييين
نواف: أنا ياعم سمعت فتوى ابن باز الله يرحمه يقول ان اليهود والنصارى اذا دخلوا لجزيره العرب لخدمه المسلمين يعتبرون مستامنين ومعاهدين فمايجوز محاربتهم و قتلهم..
خالد: الاحاديث كثيرة بهالموضوع بس ليتهم هم يفهمونها قال الرسول عليه الصلاة والسلام ( لو اجتمع أهل السموات والأرض على قتل رجل مسلم لأكبهم الله في النار )
ابوسعود: الله يصلح شباب المسلميين اجمعين..
الكل: امييين
ابومشاري: سعود وينه تاخر؟؟
ابو سعود: قال متى ماخلص شغله بيجي..
ابونواف: الغايب حجته معه..

جلسوا يتابعون الاخبار ويتقهون.. بعدها اذن العشاء وقاموا كلهم يصلون بالمسجد...





البنات كانوا مجتمعين بالصاله جلسوا يتقهون كانت عبير مصلحه لهم حلى وجايبته معها.. عجبهم وجلسوا يمدحون فيها..
ام مشاري: تسلم يدك ياعبير
عبير: الله يسلمك خالتي
مها: عاد يماا عبير مايحتاج نفسها بالاكل
ريما: اكيييييد نفسها بيكون حلو.. بلى سعود ماترك مطعم ماودها له
الكل:ههههههههههههههه
ام نواف: انتي ياريما تحسدين الاعمى على كبر عيونه
عبير انحرجت وماعرفت وش تقول..
ريما يوم حست انها احرجت اختها: عاد سعود يحق له يدلعها اختي قمر14
ساره: ههههههههههه بتكحلها عمتها
ام مشاري: ساره جيبي ورقه خذي طريقه الحلى من عبير
مها: ساره شوفي الدفتر فوق التلفزيون
ام مشاري: ساره خذي منها المقادير زييين؟؟
عبير: هو سهل مايحتاج شئ..


مها كانت مو على بعضها تفكر بخالد .. هو اللحين في بيتنا اكيييد اللحين قاعد يتذكر يوم اتصل عليه.. ياترى وش موقفه نفسي اعرف هو وش قاعد يفكر فيه؟؟؟!!!!
بروح عند الدريشه اذا جو يطلعون ابي اشوفه اشتقت له من زمان ماشفته .. اخر مره شفته فيها يوم بالشاليهات..

سعود وش قصة سفره المفاجئ؟؟؟!!
الأميرة دانة
16 - 09 - 2009, 02:55 AM
الجزء الرابع عشر
,,,,,,,,,,,,,,,,,,
ريما بغرفتها جالسه ترتب دفاترها وكتبها شافت دفتر ذكرياتها هي وخلود .. جلست تقلب فيه وهي دمعتها بعينها.. شافت استهبالاتهم وضحكهم وسوالفهم كلها بالدفتر..
طاحت عينها على..
" ذكريات يوم الاحد 11/10/ 1424هـ يوم نضحك وتطردنا الاستاذه من الفصل.."

"يالدبه دخلى المرايه الاستاذه بتشوفها.."

"ريما الحقي على عندي ظرف حاد ابي اطلع من الفصل لكن الجنيه هاذي ماراح تخليني"

لفت لقت جوالها الجديد عالكومادينة ناظرت فيه وقالت اول اتصال راح يكون للغاليه خلود.. مسكت الجوال ودقت عليها..
ريما: الوووووو
خلود: هلا وغلاااااااا
ريما: وينك يالدبه.. اشتقتلك وحشتيني.. الرياض مالها طعم من غيرك..
خلود:هههههههه
ريما: ادري ادري اول مره اصير رومانسيه معك .. شكلك تقولين البنت انهبلت
خلود: لااا والله حاسه فيك وانتي وحشتيني اكثر
ريما: كيف الدراسه معك؟؟
خلود: ملل المدرسه جديده والبنات مااعرف احد منهم
ريما: الله يعينك.. عاد شدي حيلك السنه هاذي نبي مجموع
خلود: هاذاني بحاول لان خالي واعدني اذا جبت مجموع زين بجي الرياض عشان الجامعه
ريما: واللـــــــه
خلود: اييييييه والله ياريما.. عشان كذا أنا متحمسه
ريما: الله يوفقنا
خلود: على فكره خشيتي فيني ولاسالتك رقم مييين هذا؟؟
ريما: اوووووووه نسيت اقولك هذا رقمي الجديد احفظيه عندك..
خلود: عالبركه
ريما: الله يبارك فيك.. لعب على نواف اخذ مني رقمي الاول وقال بجيب لك رقم حلو.. بالاخير جاب لي هالخريطه..
خلود:ههههههههههه
ريما: صمت صمت وافطرت على بصله
خلود: ريما والله من زمان عنك وعن حركاتك.. احس اني فقدتك
ريما: يالله شدي حيلك عشان ترجعين لنا
خلود: اكييييد .. طولت عليك ياريما اللحين اهلك يدعون علي
ريما:هههههههه يلا مع السلامه ولا تقطعين
خلود: ان شاء الله مع السلامه..

سكرت ريما ورجعت لدفاترها واغراضها وجلست تحوس فيهم.. بالاخير اخذت لها كتاب وجلست تذاكر..




الساعه 11:30 الليل
دخلت عبير بيت اهلها ومعها شنطتها ...

عبير: السلام عليكم
فارس: وعليكم السلام
عبير: وين ماري؟؟
فارس: مدري يمكن فوق..
عبير: اجل من حسن حظك انك بتشيل شنطتي
فارس: لاااا مالي خلق خلي ماري تنزل وقوليلها
عبير: اقول بس شكل ريما الولد وأنت..
فارس: خلاص بشيلها
عبير: هههههههه أنت ماينفع معك إلا كذا
فارس: ااوووه اوووووووه ثقيله
عبير: وين باقي اهل البيت؟؟
فارس: شوفي الساعه كم اللحين.. ريما تذاكر.. نواف طالع.. ابوي وامي نايمين ..
طلعت عبير فوق وفارس وراها..
عبير: تعال هنا دخلها غرفه ريما..
فتحت عبير الباب ودخلوا على ريما..
عبير: السلام عليكم يالدافوره
ريما: وعليكم السلام .. اوووب اوووب وش هالشنطه شكل سعود هاجر مو سافر
عبير: هههههههههههههههه يعني وش تبيني البس للجامعه
ريما: طيب وين بتنامين؟؟
عبير: اكيييييييد عندك .. اجل تبيني اروح غرفتي وهي كلها غبار لا وانام فيها بعد
ريما: هئ هئ وانا الضحيه كيف اذاكر
عبير: يمااااه منك خلاص بطلع اللحين بروح عند التلفزيون اذا جاني النوم نمت..
ريما: ماراح تروحين الجامعه بكره؟؟؟
عبير: لااااااا عندي oof





سعود وصل المطار طلب له كوفي جلس يشرب..
وجلس في صاله الانتظار حتى موعد اعلان الرحله.. مسك جواله كان بيقفله بس تذكر عبير بكره ماعندها جامعه اكيييد مانامت كان بيدق عليها لكنه سمع موعد اقلاع الرحله.. بسرعه فتح الرسايل وارسلها مسج .. وبعدها ارسلها مسج ثاني ..

" حبيبتي.. الطياره اللحين بتقلع تامرين على شئ قبل مااقفل جوالي"




طلعت عبير عند التلفزيون وكان البيت هدوء الكل دخل ينام..
جلست تقلب بالقنوات.. سمعت صوت مسج رفعت جوالها فتحت المسج كان من سعود.. ابتسمت عبير
" قال أنا بموت من غيبتك.. قلي وش اسوي؟؟!! .
.قلت أنا ابغى الموت في غيبتك ..
قلي بس وينه؟؟!! "

جلست تقلب بجوالها ادور شئ حلووو ترسله له.. لقت بيت شعر عجبها ومناسب..

" حلاة العمر في قربك وش اللي هو بقى مني .. بعد فرقاك كرهت العمر كرهني كل مافيني "

جاها المسج الثاني على طول قرته وردت عليه..

" انتبه لنفسك ولاتناظرالبنات اللي هناك.. تبي ارسلك صورتي اللحين عشان ماتطالع غيري "




وصل المسج لسعود قعد يضحك.. بعدها اعلنوا بالطياره عن انها بتقلع ولازم تقفيل الجوالات
كتب لها مسج وارسله بسرعه وقفل جواله..

" لاااااااااااااا يامجنونه تبيني ارجع السعوديه والقى صورتك منتشره بلوتوث "

سند سعود راسه عالكرسى وغمض عينه واسترخى ..

بعد ماطارت الطياره بنص ساعه سمع اللى جنبه يكلمه..
الرجال: أنت من سكان الرياض ولا جاى المطار الدولي؟؟
سعود: ايه من الرياض
الرجال: الله يعيين الرحله طويلة لالمانيا
سعود: أنت اول مرره تروح لها؟؟
الرجال: لااااا والله أنا ادرس هناك وكنت جاي اجازه شهرين عند الاهل
سعود: اهاااااااا
الرجال: وأنت دراسه؟؟
سعود: لا .. شغل.. أنا مخلص دراسه من زمان كنت ادرس بلندن
الرجال: ماشاء الله عليك خلصت وافتكيت..
سعود: الحمدلله بس والله الغربه صعبه .. ملل تجلس سنين من غير اهلك
الرجال: صح حتى احيانا ماتحصل لك اجازات تنزل عند الاهل
سعود: بس الواحد اذا كون صداقات هناك تخفف عليه الغربه شوي
الرجال: الله يوفقنا بس نرجع ومعنا شهادات ترفع الراس.. الحياه تحتاج تضحيه
سعود: الله يوفقك ..

سكت الرجال ورجع سعود استرخى بعدها غمض عينه وناااام عشان يضيع الوقت..






يوم الاربعاء ريما بالمدرسه وقت البريك جالسه مع البنات..

ريما: بنات والله المدرسه ماتسوى من غير خلود
مي: ايه صح إلا شخبارها؟؟
ريما: تمام ماعليها تسلم عليكم
رهف: هي ماجت الرياض بعد ماسافرت؟؟
ريما: اساسا هي ماسافرت إلا بالاجازه
مي: الله يذكرها بالخير كانت مونستنا
ريما: هئ هئ لاتصيحوني
رهف: اقول اللحين كووز يوم السبت الاستاذه كم يونت دخلت معنا؟؟
مي: ثلاثه يونت
ريما: لاااااااااا ياحلوين انتم نسيتوا ان الجمعه اليوم الوطني ..
مي: صح يعني السبت اجازه
رهف: اهااااااااا يعنى الكوز تبله الاستاذه وتشرب مويته
ريما+ مي: ههههههههههههههههههه
ريما: لا ياحلوه اكيد الاحد راح يكون
مي: يافرحه ماتمت
ريما: أنا ابي اجيب مجموع حلووو السنه هاذي
رهف: حتى ان جبتي موعلى كل حال يدخلونك القسم اللى تبينه
ريما: لااااااااا أنا مستحيل اتنازل عن الصيدله .. صيدله يعني صيدله
مي: والله بنت عمي قبل سنتين متخرجه كانت نسبتها 97% وماقبلوها الطب يقولون اكتفينا
ريما: معقوله 97% وماانقبلت
رهف: الله يعينا والله صار اللحين القبول بالجامعات مثل الحصول عالجنسيه
ريما: هههههههههه عز الله راحت فيها ساره
رهف: مييييين ساره؟؟
ريما: بنت عمي داجه الدراسه بجهه وهي بجهه
مي: ساره هي بنت عمج اللي شفتها في بيتكم؟؟
رهف: اهاااااااااا هي مثلنا علمي؟؟
ريما: لاا ادبي.. بس هي ثاني مو ثالث اصغر مني بسنه
مي: يلا ياحلواات ماتسمعون الجرس وعلى قولة استاذة مريم "كل وحده على فصلها"





وفي الجامعه مها وصديقاتها جالسين بالكافيتريا يفطرون..
سمر: يالخاينات ليه تفطرون من غيري؟
ريهام: أنا ماعندي المحاضره الاولى وجايه من البيت جوعانه تبيني انتظر؟؟
مها: وانا شفت ريهام ماعندها شئ طنشت المحاضره
سمر: طيب وييين باقي البنات؟؟
ريهام: قبل شوى كانوا هنا
مها: مدري يمكن راحوا دوره المياه
سمر: بروح اشتري فطور تبون شئ؟؟
ريهام: لاااااااا مرسى
مها: جيبي معك مويه
ريهام: ايووووو كملى السالفه..
مها: بس هااذي السالفه ضايق صدري
ريهام: يعني مافي تطورات.. ارسلي مسجات تعبر عن الموقف
مها: لاااااا موكل مررره تسلم الجره
ريهام: صراحه ولد عمتك هذا انسان غريب ثقيييييييل بقوووه
مها: ااااااااااه بس وش اسوي له؟؟
ريهام: بس تصدقين يحق له الولد حلووو
مها: هييه تمدحينه قدامي اجل من وراي وش بتسوين؟؟
ريهام:ههههه تغارين.. لا لاتخافين اصلا هالانسان مايعجبني ولا 1% بس أنا اقولك يوم شفته حسيته وسيم..
مها: جمييييل مو وسيم
ريهام: بعدين ان لقيت لي واحد احبه مو خالد
مها: مييييين من ورانا؟؟
ريهام: ااااااااااااااااه مشعل ابو شعر طويل
مها:هههههههههههههههههههههههه ودك تسمعك ساره اختي
ريهام: بالله عليك هاذي اشكال تنحب.. كل ماتذكرت ذاك اليوم يرتفع ضغطي
قربت منهم سمر ومعها وحده .. غيروا البنات السالفه





يوم الخميس العصر..
.. كانت نجود جالسة بالمطبخ تسوي لها عصير .. دق جوالها رقم غريب .. ردت .. وجاها صوت
نجود: الوو
مشاري: مساء الخير
نجود: مساء النور..
مشاري: نجود؟!!
نجود تستعبط: هلا .. مين معي؟!
مشاري: اتوقع انك عرفتيني بس ماودك تقولين
نجود: طيب في شئ؟
مشاري: ابتكلم معك بموضوع .. بس اتمنى تكونين فاضية وتسمعيني
نجود بتردد: طيب لحظة ..
اخذت نجود عصيرها وراحت لغرفتها ..
نجود: تفضل .. تكلم اسمعك
مشاري: ياليت تصدقين كل كلامي وماتقاطعيني وانا اتكلم؟!!
نجود: مشاري ؟؟!!!!
مشاري: انتي اول اسمعيني وش بقول بعدين تكلمي على راحتك
نجود: ياليت تختصر؟؟
مشاري: اختصر؟؟؟!!!!!!! انتي وش فيك كذا تغيرتي مرره انتي مو نجود اللي اعرفها
نجود: ........................................
مشاري: الووو وينك؟؟
نجود: معك
مشاري: يمكن انتي مستغربه من اتصالي؟؟!!!
نجود: تقريبا
مشاري: يابنت الناس أنا احبـــــــــــك
نجود: وبعدين؟؟..
مشاري: أنتي ماعندك مشاعر اقولك احبك تردين علي بهالبرود
نجود: مو أنت قلت اسمعيني للاخر ولاتقاطعيني
مشاري: اهاااااااااااااا
نجود: انت وش اللى بتوصل له؟؟!!
مشاري: والله يانجود اني لي فتره ماكلمت احد ارجعي لي واوعدك وعد اني ماراح اخونك وبتصيرين بالقلب اللحالك..
نجود: ايوووووو يعني من اول كان قلبك فندق.. وأنت تقول احبك وامووت فيك ومافي احد يسواك..
مشاري: ماهقيتها منك هالذبه.. انتي مو متغيره كذا .. اكيييد في واحد ثاني بحياتك
نجود: هههههه من لاعب عليك وقالك ان الواحد مايعيش الاوهو يحب.. الحياه ماشيه من غيركم..

فضل مشاري ينهي المكالمه لانه حس ان الكلام تطور بينهم..
بعد ماقفل منها سرح بهالبنت ياللــــــه قد ايش تغيرت اول كانت طيبه وحنونه معي بس اللحين غير.. ااااااااااه أنا اللي فرطت فيها أنا اللي خليتها تروح من ايدي .. بس ماراح اييئس بحاول ارجعها بحاول فيها أنا وراها وراها لما تلين هم كذا البنات بالبدايه يتغلون ويسون انهم زعلانين.. قطع عليه تفكيره صوت مسج وصله فتحه كان منها طالع فيه وانقهر ..

"ماودي اقلبها على راسك اللحين..
ولاودي اسكت واجرح ضميري..
ادري تخون مع غيري اللحين..
وادري بعد ساعه تخون غيري"

تنهت مشاري بعمق هاذي البنت قويه .. لكنه ماتركها ارسل لها مسج يرد عليها فيه عشان يبين لها انه شاريها..

" لوحبني شخص واحد ربع ماحبك..لحط كل البشر في راحه كفوفه"

وصل المسج لها قعدت تناظر فيه وتضحك وش شايفني ؟؟!!!!!!!!!!! يلعب علي؟؟ يستغفلني؟؟!!!!!!! ولاشكل هاليومين سوقه واقف قال مافي الانجود خل امشي فيها الحال.. بس مو أنا اللي يلعب علي.. ارسلت له مسج ثاني كتبت فيه..

"مني بنت من بنات هاليومين
دمعه دمعتين وظنك برضي بعدين..
لاخلني في بالك وافهمني زين
داعيه عليه امه اللي يجرحني مرتين.."





يوم الجمعه الساعه 11 الليل نزلت عبيرالصاله لقت ريما وفارس عند التلفزيون ..
عبير: ماشاء الله متى بتنامون؟؟
ريما: بعد شوي..
عبير: وش تتفرجون عليه
فارس: الوادي
ريما: اليوم البرايم
عبير: ملل البرنامج .. مرره حطيت عليه اتفرج جاب لي الكابه
ريما: وش نسوي هذا الموجود
فارس: نتحمس لما نشوف التصويت
ريما: اقلها أنا مااشوفه الايوم البرايم وحتى مو شرط .. اذا كنت فاضيه شفته .. في ناس مايقومون من عنده..
عبير: متى بيخلص البرنامج أنا سمعت انه 3 شهور واللحين رمضان مابقى عليه شئ معقوله بيكملون برمضان..
ريما: لاااا بيخلص قبل رمضان
فارس: اذا خلصوا المتسابقين
ريما: خلاص تقريبا مابقى احد خلصوا
عبير: بالله وش فايده البرنامج انواع قلة الحياء
ريما: ههههههه زي ستار اكاديمي كل الناس يقولون قله حياء ويتابعون
فارس: هذا مو زي ستار هنا يكرفونهم كرف من يقومون إلا ماينامون وهم يشتغلون
عبير: ياشيييييييخ أي كرف أنا كل ماقلبت بالقنوات اشوفهم جالسين يسولفون يعني كنهم طالعين استراحه..
ريما: لاااا وزياده على كذا قريت بالجريده ان كل متسابق عاطينه مبلغ مالي كبير
فارس: وهيفاء الحالها عاطينها ملييييون دولار
عبير: مين النومنيه؟؟
فارس: تركي وفاطمة ..
عبير: ومين تبون يفوز انتم؟؟
فارس + ريما: تررركي طبعاً
عبير: ليش يعني علشانه سعودي!! .. مررة مفتخرين فيه وتحسونه يشرف .. بالعكس والله فشلنا .. قبل اسبوعين بالبرايم يردح ويرقص مع هيفاء وهو ماسك علم السعودية وما كأن عليه كلمة التوحيد لا اله إلا الله محمد رسول الله وبكل بساطة يتبادلون هو وهيفاء اخذ منها علم لبنان ومدلها علم السعوديه .. وهيفااااااء طبعا هذا آخر اهتمامها طيحته عالأرض..
ريما: طيب هو مو قصده يهينه .. يعني بعفوية سواها .. مفتخر بدولته
عبير: كذا الافتخااار!! .. لا وذاك اليوم بعد تركي مع ...... مشاري الظاهر .. جالسين يلعبون بالطماطم ويرمونه على سلة ..
ريما: متى؟؟؟
عبير: مرة شفته باليوميات ..
ريما: اسكتوووووو اللحين نتيجه التصويت





نجود كانت جالسه بغرفتها تفكر بااتصال مشاري اللي جاها من كم يوم..
معقوله يكون جاد ويحبني؟؟ ولا خطه مسويها يبي يستدرجني؟؟ ..... ااااااااااااااااه بس نفسى اعرف وش يبي مني؟؟!!!!!!!!... أنا تركته من زمان ليه هو إلا الان مانساني؟؟!!
؟؟!!! ويمكن يكون صحى ضميره ... لا لا لاااااااااا مااتوقع الولد هذا أنا تعلقت فيه بس هو لعاب .. كان يبي يتسلى فيني... ااااااه يارب ابي ارتاح من هذا الهم...

دخلت عليها امها..
ام نجود: السلام عليكم
نجود: وعليكم السلام
ام نجود: وش فيك جالسه الحالك ؟؟
نجود: لااا اللحين نازله
ام نجود: اختك لها ساعه جايه تسال عنك
نجود: ليه ماطلعت فوق
ام نجود: مسكينه بنتها مجننتها بس تصيح تبينها تطلع وانتي هنا تتدلعين
نجود بتردد: يماااا بسالك.. وش صار على الناس اللي خطبوني قبل اسبوعين
ام نجود: خلاص رديناهم .. مو انتي قلتي ماابيهم؟؟
نجود: مدري يمااااا أنا فكرت احسه مناسب
ام نجود: صح النوم الاسبوع اللي راح يوم أنا وابوك نقنع فيك مارضيتي واللحين تقولين ابي
نجود: طيب عادي قولى لهم البنت غيرت رايها
ام نجود: لاااااا والله فشيله من الناس بيقولون حنا لعبه عندكم
سكتت نجود بيأس حست انها كل ماجت تطلع من هم تطيح بهم اكبر...
ام نجود: وش فيك؟؟
نجود: لاااا يما مافيني شئ اللحين بنزل
طلعت امها وهي تحس ان هموم الدنيا على راسها..
ااااااااااااااااه بس يامشاري مهما حاولت اهرب منك الاقيك قدامي.. بس مستحيل ارجع لك او اخليك تاصل للى تبيه...





واحد الميزان من كل سنه هو اليوم الوطني للمملكه العربيه السعوديه..
احتفالنا هذه السنه بيومنا الوطني مختلف عن السنوات الماضيه.. لان هذه اول مره يعتمد لنا فيها عطله رسميه وهذا يعتبر تحول جديد بطريقه احتفالنا بالهويه الوطنيه والتعبير عنها بكل فخر واعتزاز.. وان شاء الله يكون احتفالنا بيومنا الوطني بالعهد الجديد عهد الملك عبدالله بن عبدالعزيز بداية لانطلاقه وطنيه جديده..

الساعه 8 الليل ريما جالسه بالصاله مع اهلها..
ريما: ياناس خلونا نطلع اليوم اليوم الوطني خلونا نحتفل..
عبير: وووووين بتروحين؟؟
ريما: أي مكان خلونا نحس ان اليوم اجازه وبكره اجازه
ام نواف: الحمدلله والشكر انتي ماتسمعين خبر اجازه إلا وتهذرين بالطلعه
ريما: يعني يما وش تبينا نسوي نقعد نقابل تلفزيون السعوديه هو الوحيد اللي جايب احتفالات.. لاااا بس من جد احتفالاتهم تخلي الواحد مايطلع من البيت اسبوع..
عبير: هههههههههههههههههههههههه الله يقطع سواليفك
ام نواف: وش الله حادك حطي قناه ثانيه..
ريما: تكفيييين يمااااا خلينا نطلع
ام نواف: أنا مالي خلق شوفي عبير كان تطلع معك
ريما: هااااااا عبوره وش قلتي؟؟
عبير: أنا كاني طلعت بروح السوق ابي تنوره للجامعه..
ريما: لاااااا سوق لاااا أنا ابس استانس ابي اوسع صدري
ام نواف: يعني وين توسعين صدرك؟؟
ريما: خلينا ندق على ساره تطلع معنا ونروح أي مكان..
عبير: ههههههههه قولي كذا من الصبح
ريما: خلاص بروح اكلمها

راحت ريما دقت على بنت عمها وقالت لها انهم بيمرونها ويطلعون..


طلعوا البنات يدورون بالشوارع ويلفلفون وريما مارضت تروح السوق عشان كذا مروا شارع العليا العام لان عبير تبي تنوره للجامعه.. بعدها جلسوا يدورون مطعم يتعشون فيه مرو من عند التحليه كانت زحمه مووت والسيارات انواع الازعاج واصوات الاغاني عاليه..
ريما: شوفووووووو
التفتوا البنات عالجهه اللي اشرت عليها ريما كانت سياره لونها اخضر عشبي وطالع من شبابيكها اعلام للمملكه..
ساره:ههههههههههه موب صاحي
عبير: غريب شكل السياره
ريما: على بالهم وطنين كل السيارات عليها اعلام المملكه ومشغلين اغاني وطنيه..
ساره: هههههه ودك يسمعونك
عبير: ياللـــــــــه مررره زحمه خلينا نطلع من هنا قبل ماننحبس
.. بالاخير راحوا المطعم تعشوا ورجعوا ساره للبيت وراحوا بيتهم..

عبير كانت متعوده على هالطلعات مع سعود اما ريما ماكانت تطلع إلا بين فتره وفتره عشان كذا حست انها غيرت جو شوي وطلعت من روتين الدراسه والمذاكره..





الساعه 11 الليل..
رجع نواف البيت وقف سيارته بينزل شاف فارس اخوه عند الباب ومعه ولد بس نواف اول مرره يشوفه.. مر من عندهم نواف سلم على الولد وسكت ماحب يحرج اخوه قدامه.. بعد شوي دخل فارس البيت ناده نواف..
نواف: فـــارس
فارس: هلاااا
نواف: مييين اللي واقف معك برى؟؟
فارس: هذا واحد معي بالفصل جاي يبيني اوصف له بيت حمد بيمر عليه ياخذ منه اغراض..
نواف: اهااااا اول مررره اشوفه
فارس: اييه اول مرره يجي البيت
نواف: المهم مااوصيك انتبه لنفسك وتاكد من الناس قل ماتتعرف عليهم مو أي واحد يجي يجلس معك وياخذ ويعطي ..تقول عنه صديقك؟؟.. اتوقع انك فاهم وش اقصد
فارس وهو عارف ان اخوه يقصد الموضوع القديم: ان شاء الله
دخلوا عليهم البنات جاييين من برى..
عبير+ ريما: السلام عليكم
نواف+ فارس: وعليكم السلام
نواف: ماشاء الله .. من وين جاييين؟؟؟؟!!
ريما: لاتخاف ماطلعنا برى الرياض..
عبير: رحت اشتري تنوره بعدها مرينا تعشينا
نواف: ليش مااخذتوا فارس معكم؟؟
ريما باستهزاء: خلاص فارس المره الجايه اذا جينا نطلع تعال معنا
فارس: لااااااا مابي اروح مايتركون محل مايدخلونه .. يدور راسي معهم
نواف: تستهبلين انتي .. أنا اتكلم معك جد
عبير: طيب ماصار شئ .. وش فيك أنت؟؟
نواف: كييف ماصار شئ بنات طالعين الحالهم هالوقت.. .شوفي الساعه كم..؟؟!!
ريما: قلنا لامي وابوي ووافقوا؟؟
عبير: وانا عطيت سعود خبر اني بطلع متى مااحتجت شئ...
فارس: كل هالتاخير وماجبتوا لنا عشاء..
نواف: المره هاذي ماحصل شئ.. لكن المرات الجايه يمكن يصير اشياء.. انتم لاتستهينون بهالطلعه انتم وش عرفكم وش يصير برى .. أنا شاب واطلع واشوف حركات الشباب اللي مال امها داعي.. اذا شافوا بنات بالسياره يسووون بلاوي..
عبير: خلاص فضوها سيره ..حصل خيير
ريما: بعدين بالعقل يانواف فارس اذا راح معنا بيحرسنا؟؟!!
فارس: انتي وش شايفتني عندك طايح من عينك؟؟!!
نواف: لااااا فارس رجال ..هم ان شافوه معكم محد راح يتعرض لكم..
ريما: خلاص اسفين فارس..
نواف وهو طالع فوق: اتمنى الحركه هاذي ماتنعاد..
ريما: اووووووف الله يعين زوجته عليه
عبير: ههههههههههه
ريما: داعيه عليها امها اللي بياخذها
فارس: ويييين تلقى زي نواف؟؟
ريما: ياهووووووو وش الحب هذا
سمعوا صوت نواف من فوق.. يتكلم من نص الدرج..
نواف: صلحوا لي عشاء
عبير: قومي صلحي له انتي أنا بروح اقيس تنورتي.. عشان اذا مقاسها مو اوكي ارجعها..
ريما: هاهاهاهاي من بيوديك فارس؟؟
فارس: خييييير انتي تستهزيين فيني قدامي اجل من وراي وش تسوين؟؟
ريما: اووووف أنا المقروده بهالبيت اتهزأ واصلح
الأميرة دانة
16 - 09 - 2009, 02:56 AM
الجزء الخامس عشر
,,,,,,,,,,,,,,,,,

عبير بغرفه ريما جالسه قدام المرايه تعدل شعرها.. دخلت عليها ريما..
ريما: وش عندك لابسه وين بتروحين .. خيانه من وراي.. طيب تكلمي قولي بطلع مو كذا وكاله من غير بواب..
عبير: ههههههه اعصابك لايطق فيك عرق.. من قال اني بطلع؟؟!!
ريما: اجل اكييييد سعود جاء من السفر..
عبير: لااا يعني أنا مالبس إلا لسعود ؟
ريما: اجل لاتقولين جتك الحاله اللي تجيني تلبسين وتجلسين قدام المرايه عشان تحسين انك طلعتي..
عبير:ههههههه الله يشفيك
ريما: اجل ايش تكلمي؟؟
عبير: نجلاء صديقتي جايه الرياض كم يوم وكلمتني قالت بتمر تسلم..
ريما: ياحليلها نجلاء من زمان عنها هي إلا الان عايشه
عبير: هههههه من يوم تزوجت ماجت الرياض يعني لها سنتين تقريبا
ريما: بس هذا مو مبرر لابسه وكاشخه كنك بتطلعين
عبير: اعوذ بالله منك يعني تبيني استقبل البنت ببجامه
ريما: لاااا بس خليك سبور البسي بنطلون ولا برمودا حنا في البيت
عبير: والله بناطيلي بالبيت ماجبت معي إلا ملابس الجامعه.. وكم لبس
ريما: عندي لبس جديد حلوووو
عبير: لا شكرا لبست
ريما: هي متى بتجي؟؟
عبير: قالت بعد المغرب..
ريما: اهااااااا لاتسون تمونون تجلسون بالصاله لاني يمكن انزل اجلس فيها
عبير: هههه لا ياشيخه وليه ماتسلمين عالبنت ان شاء الله
ريما: اوووووووووه مشوار لازم اتروش بعدين البس بعدين انزل وغير كذا عندي مذاكره...
عبير: طيب طيب خلاص خليني انزل اشوف السواق جاب الاغراض
ريما: وبعد بعد رايحين السوبر ماركت ماقلتوا لي
عبير: هههههههههههههه بالله انتي اخر سنه بالثانوي.. كيف تبي تجيبين معدل وانتي 24 ساعه تبي تطلعين
ريما: قل اعوذ برب الفلق من شر ماخلق
عبير وهي طالعه: لاتنسين باقي المعوذات
ريما وهي رافعه صوتها: القهر يسوي اكثر



جلست ريما على مكتبها فتحت ماده الاحياء حضرت درس بكره وسكرت الكتاب.. رتبت شنطتها دخلت مواد بكره على حسب الجدول كانت بتنزل تحت عند التلفزيون بس تذكرت ان عبير بتجي صديقتها عندها .. قالت اكييد اللحين بتكرفني حطي وشيلي وودي هذا.. والحلى قسميه بصحون.. خليني هنا احسن.. راحت جلست على الكمبيوتر حذفت الملفات القديمه اللي فيه وجلست تحوس بالاخير شبكت نت.. لقت الاماراتيه " المهره" اون لاين

ريما كان نكها..
طاقه اللثمه وراكبه همر.. مررررررررحبا
والاماراتيه كان نكها..
حب وعيش دنياك بفرح ** صديت ولا اقفيت دايم في بالي.. هلا بج .. وينج يالقاطعه
طاقه اللثمه وراكبه همر.. موجوده بس عارفه ثانويه عامه وابي اشد حيلي
حب وعيش دنياك بفرح ** صديت ولا اقفيت دايم في بالي.. الله يوفقج
طاقه اللثمه وراكبه همر.. يسلمووووووو
حب وعيش دنياك بفرح ** صديت ولا اقفيت دايم في بالي.. فقدتج قلت وين البنت لايكون فيها شئ
طاقه اللثمه وراكبه همر.. ههههههه مادريت اني مهمه لهالدرجه
حب وعيش دنياك بفرح ** صديت ولا اقفيت دايم في بالي.. هههههههههههه شو هالنك انتي راكبه همر..
طاقه اللثمه وراكبه همر.. لا سيكل بس غلطه مطبعيه..
حب وعيش دنياك بفرح ** صديت ولا اقفيت دايم في بالي.. والله انج شئ تضحكين الواحد غصب..
طاقه اللثمه وراكبه همر.. ليه مهرج؟؟!!
حب وعيش دنياك بفرح ** صديت ولا اقفيت دايم في بالي.. في اغنيه كل ماسمعتها ذكرتني فيج
طاقه اللثمه وراكبه همر.. أي اغنيه
حب وعيش دنياك بفرح ** صديت ولا اقفيت دايم في بالي.. اغنيه راشد المايد ناسيه اسمها بس هي كلمات فزاع .. اللي يقول فيها يامرحبا يامغلط في تليفوني
طاقه اللثمه وراكبه همر.. اهااااااا عرفتها اللي يقول فيها السعوديه ونجد
حب وعيش دنياك بفرح ** صديت ولا اقفيت دايم في بالي.. هيه.. روعه الاغنيه
طاقه اللثمه وراكبه همر.. ههههههه اكيد روعه عشان مدحنا فيها
حب وعيش دنياك بفرح ** صديت ولا اقفيت دايم في بالي.. فديتهم اهل نجد محد يسواهم
طاقه اللثمه وراكبه همر.. الله يخليك احرجتيني ترى ماتعودت اصير رسميه
حب وعيش دنياك بفرح ** صديت ولا اقفيت دايم في بالي.. حاسه فيج.. اهديها لج هاالاغنيه اسمعيها دايم عشان تذكريني

جلسوا البنات يسولفون لما استاذنت المهره وبعدها طلعت ريما من النت





جت نجلاء عند عبير ودخلتها المجلس..
عبير: ياناس عالكتكوت اللي معك هاتي خلي بشوفه زين
اخذته عبير تلعبه شوي جلس يصيح..
عبير: بس بس.. ياناس يجنن يانجلاء
نجلاء: هههههه بس صياح
عبير: والله صرتي دبه يانجلاء
نجلاء : وانتي ماشاء الله عليك نفس جسمك من سنتين
عبير: وش بيخربه ياحسره لاحمل ولا ولاده
نجلاء: الله يرزقك ياعبير
عبير: تعالي علميني وش اخبارك؟؟ ووش اخبار امك زرتيها؟؟
نجلاء: أنا الحمدلله تمام وامي امس شفتها عند خوالي
عبير: رجلك جاي معك الرياض؟
نجلاء: لاااا جايه كم يوم وراجعه المشكله الجيه ماجت الابطلعه الروح
عبير: وش اخبار رجلك معك؟؟
نجلاء: على حطه يدك اللهم بعد سالفه الطرده من البيت صرت مااعطيه وجه حتى النوم انام بغرفه ثانيه .. احسه يحاول يتقرب لكن خلاص أنا مليت منه هو يحاول يحتك مو عشاني عشان نفسه.. انسان اناني
عبير: الله يعينك.. طيب كيفه مع ولده طاير فيه ولاعادي
نجلاء: عادي مايبيه يصيح وياويله اذا سمع صوته وهو يبي ينام تصير عندنا حرب
عبير: على كذا انتي لازم تاخذين مانع حمل اللحين تحملين وتجيبين بيبي ثاني وتبلشين بعمرك
نجلاء: لاتخافين على مدبره عمري.. أنا والله ياعبير ماجلسني معه إلا هالولد ولاكان طلبت الانفصال
عبير: لاااا حرام بعدين ولدكم يتشتت بينكم واخاف بعد ياخذه منك خاصه انك انتي بمدينه وهو بمدينه..
نجلاء: لاتخافين انامدامي جبت الولد مستحيل افكر اتركه خلاص ارتبطت فيه بقوووه
دخلت عليهم ام نواف.. سلمت وجلست معهم شوي.. بعدها طلعت عشان تتركهم على راحتهم..



ريما بعد ماسكرت النت نزلت تحت مالقت شئ تسويه حست بملل .. قالت خليني اروح البس واسلم على نجلاء.. لبست ونزلت بسرعه.. دخلت عليهم..
ريما: السلام عليكم
الكل: وعليكم السلام
عبير: هاذي ريمااا
نجلاء : ياحليلك ياريما كبرتي مرررره تغيرتي
ريما: الله يسلمك
عبير: متى اخر مرره شفتيها؟؟
ريما: ليش الفضايح.. اخر مرره شافتني لما كنتي بالجامعه تلطعينا بالحر برى ننتظرك كنت انزل اناديك كنت بالمتوسط ..وكانت نجلاء تشوفني وانا اصبب عرق وقرف
نجلاء: هههههههههههه
عبير: كل شئ فيها تغير إلا لسانها
نجلاء: صار فيها منك .. تشبه لك
عبير: غريبه انتي اول وحده تقول كذا
ريما: أنا احلى طبعا
نجلاء:ههههه لااا والله كل وحده لها جمال خاص
ريما: خلاص اذا طلعت عبير علميني رايك ماابي احرجك اللحين مع صديقتك
نجلاء: ههههههههههههههههه
عبير: مسكينه مدري مين اللي بيطلع ؟؟
ريما: طرده طيب!!
نجلاء: إلا الان انتم نفس العاده ماتركتوها انواع المناقر
ريما: أنا والله اني بريئه بس هي تغار مني ماتصدق تشوف معي شئ إلا تغار مني
عبير: ايييييييييه صح
نجلاء: وش اخبار الدراسه ياريما؟؟
ريما: الحمدلله ماشيه.. يلا استاذن أنا فرصه سعيده شفناك .. وكان ودي اشوف البيبي اللي معك بس مالي حظ شكله نايم..
نجلاء: مو مشكله اصحيه عشانك
عبير: لاااااا خليه ينام مسكين
ريما وهي طالعه: يلا مع السلامه





بالليل خالد سهران مو راضي يجيه النوم.. حس انه من زمان ماكتب شئ.. خاطره او قصيده بعد ماخلص موسم الصيف ماجته طلبات واتصالات من الناس يطلبون فيها قصائد.. جلس عالمكتب ومسك القلم كان في باله كلام كثير بس مو عارف كيييف يجمعه.. جلس يكتب وبعدين يمسح ومره يقطع الورق ويبدا من جديد.. جلس على هالحال طول الليل على اذان الفجر تقريبا كان منتهي من كتابه قصيده فضفض فيها وطلع بعض اللي بداخله..

ترتجف روحه ويغرق في سؤاله ** كييف ينسى اللي يحب..اللي يحب؟؟
كم قــعد في حــاله يطالع بحـــاله ** لاضحــك يـــكتب!! ويبكــي لاكـتب!!
يكتب اللــي مــر في دمـه وبالــه ** من ســبب او شــئ كان بـــلا سبب
ماطــلب غيـــرك ولاعنى خيــاله ** يم غيـــرك جــــاك يااريــــح تـــعب
مايقــارن فيك حتى اغلى حــلاله ** صرت الاغلى وأنت الاحلى والصعب
ذاب طبعـه حس في طبعـك بداله ** يضحـكه ضحكك ويغضبك ان غضب
يتذكـر كيــــف نسيــانك طرالـــه ** صـــار مايـــــدري يحــب او مايحب
ياسؤالـــه جــاوبه من هو بقاله ** يحضـــن ظلالـــــه مثل عيـن وهدب
وعن سؤاله يسـاله حتى سؤاله ** كيـف ينسى اللي يحب ..اللي يحب؟؟

"القصيده للشاعر..محمد الغرير"


خالد بالفتره الاخيره صار يحس بتانيب ضمير انه يفكربوحده متزوجه يعني على ذمه رجال ثاني ..لكن مهما حاول انه يبتعد عن التفكير فيها يلقى نفسه يرجع مررره ثانيه.. مل و تعب يبي يغير بحياته شوي .. بس وش يسوي ؟؟!! كيييف يغير وهو مابيده شئ غير الكتابه؟؟!!...





مها بغرفتها جالسه تدور كتاب ضايع منها.. دخل عليها مشاري..


مشاري: وش عندك تحوسين؟؟
مها: ادور كتاب
مشاري: يوووووو انتي ماتملييين من الكتب
مها: كل انسان له هوايه
مشاري: المهم ابي غداء والشغاله مو في المطبخ؟؟
مها: طيب انتظر شوي
مشاري: ان شاء الله إلا ماتلقين كتابك؟؟
مها: لااا ثواني بس
مشاري: شكلكم متغدين بدري اليوم
مها وهي تفتح الادراج: عادي زي كل يوم ..بس أنت يوم تتغداء بالبيت وعشره لاااا
مشاري بتردد: مها..... اللحين بالجامعه عندكم لو اسالك عن بنت ممكن تجيبين اسمها
مها وتناظر اخوها بنظرات شك: اللــــه الجامعه كبيره طبعا صعبه
مشاري: لا أنا ماقلت اسالي عنها بكل الجامعه هي بنفس كليتك
مها: حتى لو صعبه
مشاري بيأس: اهااا طيب ..حطي لي غداء
مها: اوكي

دخلت عليهم ساره..

ساره: سبحان الله مشااااااااري عندنا بالغرفه .. حدث عالمي
مها: هههههههه هو قال الغرفه اليوم منوره اكييييييد ساره مو فيها ودخل
مشاري وهو طالع: يلا أنا بطلع
ساره: اييييييه اذا دخلت الملائكه ذهبت الشياطين
مها: وش فيك انتي عليه
ساره: مافيني شئ بس هو يرفع الضغط يوم شافني طلع
مها: طيب عادي مو قصده شئ
ساره: إلا الااااااا قصده ونص هو اصلا مفشلنا بكل مكان
مها: وش هالكلام؟؟!!
ساره: انتي ماسمعتي خالد ذاك اليوم بالشاليهات وش يقول عنه!!!!!! .. ولانواف يمنع اخته تجي تسهر عندنا لحالها كله عشان مشاري!!
مها: تراه اخوك الكبير مهما سوى احترميه
ساره وهي طالعه: اووووووف ..كل ماقلنا شئ قالوا اخوك الكبير واخوك الكبير...






يوم الخميس الليل نواف كان طالع مواعد واحد من اخوياه بكوفي جلس عالطاولات اللي برى ينتظر خويه يجي.. التفت لقى واحد يطالع فيه نظرات حاده طنش لكنه لف مررره ثانيه لقى الرجال مازال يطالع فيه المشكله انه ماعرفه قال هذا الرجال اول مرره اشوفه بحياتي .. ويطالعني هالنظرات وش يبي من الحياه..

طلب له كوفي وكوروسون جلس يطالع بالساعه حس ان خويه تاخر دق عليه
نواف: الوووووو
فيصل: هلا
نواف: وين الناس؟؟
فيصل: معليش تاخرت عليك كانت معي الوالده..
نواف: طيب يلااا عجل علينا ترى طفشت
فيصل: اوكي 10 دقايق وانا عندك..
نواف: مع السلامه
فيصل: فامان الله

سكر نواف من فيصل وجلس يتلفت يدور الرجال اللي كان يطالعه مالقى احد

بعد شوي جاء فيصل وجلسووا سواليف وضحك وتعليقات عالعالم..
شاف الطاوله اللي جنبه جاء جلس فيها نفس الرجال ويطالعه بنفس النظرات.. التفت نواف على فيصل..
نواف: فيصل شف الطاوله اللي جنبنا
فيصل: أي طاوله ؟؟
نواف: اللي عاليمين.. تعرف اللى فيها؟؟
فيصل: لااا واالله اول مرره اشوفه
نواف: غريب هالانسان عليه نظرات
فيصل: طنش يارجال
نواف التفت عالرجال وكان شكله شاب صغير عمره باول العشرينات..
نواف: نعم أي خدمه؟؟
تفشل الرجال ولف عالجهه الثانيه..
فيصل: ماعليك منه
نواف: ناس ماتجي الابالعين الحمراء.. من دخلت هنا وهو انواع القز
فيصل: اقووووووول بس ماعليك .. أنت السنه هاذي مااخذت اجازه
نواف: لااااا قلت خليها بعدين
فيصل: يارجال أي بعدين تكرف كل يوم بعدين ماتاخذ اجازتك السنويه.. أنا اخذت الشهر وحسيت انه طار بسرعه..

جلسوا يسولفون عن كل شئ يخطر بالبال..

نواف: اوووه يالله أنا دخت جاني النوم
فيصل: خلاص اجل نشوفك بكره بالاستراحه لاتقول عندي دوام
نواف: ههههههههههههه
فيصل: والله الحكومه كنها داريه ان في ناس ماياخذون اجازات قالوا خل نعطيهم اياها بالقووووه..
نواف: ههههههه خلاص ان شاء الله كاني فاضي مريتكم.. مع السلامه

وهو طالع لاحظ ان الرجال جالس يتبع خطواته طنشه وراح ركب سيارته..





رجع البيت لقى فارس عند التلفزيون.. راح جلس معه.. نواف هالفتره كان يتقرب من فارس ويحاول يصير صديق له.. خاصه بعد الشئ اللي اكتشفه عنه..
نواف: السلام عليكم
فارس: وعليكم السلام
نواف: وييين الباقين؟؟
فارس: البنات بالمطبخ بيسوون شئ ياكلونه.. وابوي طالع وامي فوق
نواف: وش اخبار الدراسه؟؟
فارس: الحمدلله زينه
دخلوا عليهم البنات ..عبير معها شاندويشات وريما شايله صينيه العصير..
نواف: ماتغديتوا؟؟
عبير: لا أنا ماكنت مشتهيه شئ دسم
نواف: مافي حلى أنا مشتهي حلى
ريما: لا للاسف مافي
عبير: ليتك قلت لي كان سويتلك
فارس: ريما مافي عصير مشكل؟؟
ريما: مدري رح شف بالمطبخ
اخذ نواف الريموت وجلس يقلب بالقنوات..
نواف: القنوات هاذي من اللي مطلعها؟؟
ريما: أي قنوات؟؟
عبير: مو أنت مررره جلست عليه وشفرت القنوات اللي مو زينه
نواف: ايييه وحطيت لها رقم سري.. بس من اللي رجعهم؟؟
فارس: ايييييه الظاهر يوم خرب الدش الاسبوع اللي راح جاء واحد صلحه وبرمج القنوات وشكلها طلعت..
عبير: عادي شفرهم مرره ثانيه
ريما: وش فيهم تشفرهم؟؟
نواف: اقول يمدحون الاكل كلي بس..
ريما: تسكتني..
فارس: اقوول نواف لاتحذف كل شئ
نواف: اقولهم قنوات تعبانه يقولون لاتحذف.. كل شئ شين بشيله.. بس انتم خلصوا اكل عشان اشفر..
عبير: وش دعوه
ريما: تكفى يانواف عاد أنا التلفزيون اخر اهتماماتي
نواف: تصدقون أنا مااييد الديجتال.. عربسات احسن للعوايل
ريما: لااااااا ياشيخ والشباب عادي يشوفون اللي يبون
عبير: صح انتم ليه نظرتكم كذا عندكم الرجال حلال يشوف والبنت لا.. ترى الحلال بين والحرام بين..
نواف: أنا ماقلت...
ريما: بعدين القنوات كلها بنات شبه عاريات حنا لو شفنا هم بنات زينا ممكن نبلعها لكن انتم خييييييييير تشوفون هالمناظر..
نواف: البنت ممكن تقلد المناظر اللي تشوفها لكن الرجال لاااا
عبير: وأنت الصادق الولد حتى ان قلد شايل عيبه ولا لا ؟؟؟!!!!!!!
انصدم نواف من رد عبير عليه وجلس يبرمج القنوات ..
نواف: انتم النقاش معكم مايجيب نتيجه
دخل عليهم ابو نواف: السلام عليكم
الكل: وعليكم السلام
ريما: يبا تفضل ساندويشات عبير
ابو نواف: الحمدلله شبعان
عبير: يبا طيب عصير
ابو نواف وهو ياخذ العصير: وين امكم؟؟
فارس: قبل شوي شفتها فوق بغرفتها
نواف: يبا تذكر جارنا ابواحمد اللي نقل بيته من عندنا قبل كم سنه
ابو نواف وهو يحاول يتذكر: ايييييييه إلا كان قبالنا وش فيه
نواف: اليوم صدفه شفته عندنا بالشركه كان جاي يراجع .. رحت سلمت عليه هو ماعرفني يقولي تغيرت..
ابو نواف: وينه القاطع من يوم ترك البيت ماطب الحاره
عبير: يبا اللحين هذا حال الناس عساهم يصلون الرحم مو عاد الجيران
ابو نواف: وانتي صادقه يابنيتي
ريما: على طاري صله الرحم ودي اروح عند ساره يوم الاربعاء
فارس: بسم الله الرحمن الرحيم قبل كم يوم كانت عندنا
عبير: يبا عمي من يوم راح سعود ماشفناه دقيت عليه مره قلت له تبي شئ محتاج شئ قال لا.. يمكنه مستحي مني كلمه أنت يبا خله يجي يتغدى عندنا ولا يتعشى
نواف: ايييييييه يبا مسكين عمي لايروح ولايجي إلا اذا لزمنا عليه
ابو نواف: خلاص بكلمه وبشوف..
عبير: ان شاء الله يجي
ابو نواف: إلا سعود متى بيرجع؟
ريما: يوووووو قويه يبا ..كلنا ملينا منها بس محد تجرأ وقالها إلا أنت
ابو نواف: ريما اعقلي
نواف: ياناس البنت هاذي بدخلها موسوعه قينس للارقام القياسيه.. اطول لسان بالعالم
فارس: هههههههههههه
ريما: وأنت وش فيك تضحك.. طول الجلسة ساكت وان جت سيرتي شق حلقه
عبير: هو قال اسبوع عشره ايام يعني هاليومين ان شاء الله بيرجع
ابو نواف: الله يرجعه بالسلامه





في بيت ابو مشاري.. ساره دخلت على مها بالغرفه..
ساره: مها ابوي يبيك..
مها: يبيني.. ليش؟؟
ساره: مدري بس قال نادي لي مها
مها: وينه هو تحت؟؟
ساره: لا بالغرفه ..
راحت مها لابوها.. طقت الباب ودخلت..
مها: السلام عليكم
ابو مشاري: وعليكم السلام
ابو مشاري: تعالي اجلسي بتكلم معك بموضوع..
مها: سم يبا
ابو مشاري: شوفي يامها انتي اللحين كبرتي صار عمرك 20 سنه صح ولا لا؟
مها: صح يبا
ابومشاري: في وحده دقت على امك قبل كم يوم خطبتك منها؟؟
مها وهي مصدومه: انااااااااااا؟؟
ابومشاري: ايييه انتي أنا رحت سالت عنه الولد ماشاء الله ماعليه يمدحونه..
سكتت مها..

ابو مشاري: أنا قلت بخذ رايك قبل مايجون الناس ويخطبون رسمي..
مها: من هم يبا الناس أنا اعرفهم؟؟
ابو مشاري: لا ماتعرفينهم هم جو عن طريق وحده تعرف امك.. انتي فكري بالموضوع وردي لي..
مها: ان شاء الله يبا
ابو مشاري: واي شئ تبي تعرفين عنه تعالي اساليني وانا ماراح اقصر بعلمك بكل شئ اعرفه..

طلعت مها من عند ابوها وهي مستغربه من هالخاطب اللي جاء بهالوقت بالذات.. راحت غرفتها وهي تفكر بالموضوع.. وش اقولهم اللحين وابوي يقول الرجال ماعليه.. المشكله أنا ماسالته عنه ولاقلت وش يشتغل ولا ولا...!!! غبيه أنا المفروض اني سالته يمكن القى عييب فيه وارفض على طول.. لازم اقول لريهام خليها تفكر معي كييف اصرف اهلي..






الصباح فارس وحمد بالمدرسه ..

حمد: وش فيك أنت متغير؟؟
فارس: عادي مافيني شئ..
حمد: مدري من زمان ماطلعنا مع بعض
فارس: أنت إلى الآن تروح للشله التعبانه..؟؟
حمد: لا رحت لهم كذا مرره اطق الباب محد يفتح لي ..سالت الحارس يقول الشقه اللحين للايجار طلعوا المستاجرين اللي فيها..
فارس: احسن
حمد: ماتدري وين راحوااا؟؟
فارس: أنت وش تبي فيهم؟؟ هذولا ناس نصابين يلعبون علينا يبونا بس نلحق وراهم
حمد: صح انهم احيانا يسون حركات.. ارجع البيت واكون مستحقر نفسي بس هم شقتهم وناسه
فارس: اسمع ياحمد اذا تبي هالناس وتبي تروح لهم ترى أنا مو خويك ولا اعرفك
سكت حمد وماعرف يرد على فارس لانه عارف ان اللي جالس يسويه غلط..





مها بالجامعه تحكي لريهام سالفه الخطبه..
ريهام: طيب انتي وش قلتي لهم
مها: ماقلت شئ ابوي قال فكري ..
ريهام: طييب اذا الولد زين ليش تردينه
مها: تستهبلين انتي
ريهام: لاتقولين لي خالد
مها: ااااااااه بس
ريهام: فكري بالعقل والمنطق الولد ماجاب خبرك
مها والعبره خانقتها: طيب وش تبيني اسوي اكثر من اللي سويته
ريهام: مها لاتضيقين صدرك
مها: أنا احب خالد ومستحيل افكر اخذ غييره
ريهام: طيب روحي قولي لاهلك اني أنا توي صغيره وماافكر بالزواج
مها: وتعتقدين هذا حل..
ريهام: انتي قولي كذا بعدين ربك يحلها
مها: مدري ياريهام احس بضيقه صدر..
ريهام: والله حاسه فيك.. بس خالد هذا لاحياه لمن تنادي.. الله يعينك يامها





يوم السبت رجع سعود من السفر ودق على عبير تتجهز عشان يمر ياخذها..
دخلوا البيت وعبير مارضت لسعود يمسك شئ..
عبير: خلاص حبيبي أنت رح خذ لك شور وارتاح أنا برتب كل شئ
سعود: ماراح المس شئ بس مشتاق لك
عبير: وانا اكثر بس لاتخاف أنا ماراح اطير بتقوم تلقاني
انسدح سعود عالسرير وراح بنوم عميييق عبير طفت النور وطلعت..

.
.
.

بعد ساعتين صحى من النوم لقى عبير مصلحه عشاء جلسوا يتعشون بعدها طلع لها الهدايا اللي كان شاريها لها..
عبير: مالك داعي جايب كل هالاشياء لي
سعود: أنا كم وحده عندي
عبير بدلع: حتى ولو المفروض ماادلعني بعدين مايملى عيني شئ
سعود: اموووووووت أنا عالدلع
عبير: سعود وش فيك مو على بعضك .. احس فيك شئ
سعود بضيق: لاااا مافيني شئ
عبير: علينا
سعود: يمكن تعب السفر
عبير: اكيييييييد؟!!!
سعود:اكييد
عبير: اذا كذا أنا عاذرتك
سكت سعود وقامت عبير ترتب اغراضه وترجع كل شئ مكانه..



الجزء السادس عشر
,,,,,,,,,,,,,,,,,

دق جوال خالد شاف رقم غريب مااستغرب كان متعود لانه رقمه ناشره بكذا مكان يوم كان يعلن في الجريده..
خالد: مرحبا
.....: السلام عليكم
خالد: وعليكم السلام
.....: اخوي ممكن اتكلم معك بموضوع
خالد: تفضلي
.....: أنت ماتعرفني لكن أنا اعرفك.. يمكن تستغرب من وين جبت رقمك
خالد: لااااا عادي مااستغربت ولاشئ اساسا جوالي 24 ساعه يرن
.....: لحظه لحظه
هنا ريهام تندمت انه دقت على خالد يوم شافت اسلوبه زياده على كذا لو درت مها انها دقت علي خالد ماتدري وش راح تسوي فيها..
ريهام: اخوي كنت ابي قصيده اهديها ..
خالد: تهدينها لمين؟؟؟؟؟!!!!!!!
ريهام: صراحه منحرجه مدري وش اقولك
خالد: اختي تكلمي
ريهام: صراحه أنا احب واحد واموووت فيه لكن هو مافكر فيني حاولت اوضح له هالشئ والمح له لكن هو سوى نفسه مو داري .. طنشني
خالد: هههههههه طيب أنا وش دخلني بالموضوع
ريهام: ابيك تكتب لي قصيده تبين فيها حبي له وانه هو ماجاب خبري.. بهديها له
خالد: اولا اذا هو طنشك طنشيه.. ثانيا للاسف أنا مو عياده نفسيه تدقين تشكين لي عن حبيبك.. ثالثا وهو الاهم أنا مااكتب قصائد من هالنوع إلا لنفسي
ريهام: ليه أنت تحب؟؟!!
خالد: مو شغلك هذا شئ راجع لي.. تبين شئ ثاني
ريهام: لااااااا شكرا
خالد: مع السلامه وسكر الخط...

يوم قفلت ريهام انقهرت منه حست انه اهانها هي وش سوت عشان يرد عليها بهالاسلوب القاسي.. هذا جزاها كانت تبي تخدم صديقتها وتحاول تقربهم من بعض.. لكن باللحظه الاخيره ترددت خافت بسبب هالشئ تخسر صداقاتها لمها..
اه اه يقهر يقهر مدري كيف مها تحبه يرفع الضغط.. شايف نفسه.. مغرور.. ياصبر الارض عليه.. مسكين يحس نفسه وسيم وشاعر خلاص العالم لازم يضربون له سلام ملكي..
الله ياخذ الساعه اللي فكرت ادق عليه فيها..





مشاري قلت طلعاته من البيت اول مررره يحس انه حب.. صار يكره البنات وسيرتهم كله من نجود هالبنت قلبت كيانه .. حتى يوم صار صادق وعها البنت مو راضيه تصدق.. يارب كيييف اقدر اوصل لهالبنت.. قطع عليه حبل تفكيره صوت الجوال..
مشاري: هلا
منصور: وينك يارجال امس ماجيت؟؟
مشاري: كان راسي مصدع نمت بدري
منصور: اليوم نشوفك
مشاري: مدري والله أنا صحيت اليوم بدري كاني مانمت مريتكم
منصور: تعاااااااال فاتك امس طلال جاب خويته للشقه.. ياشييييييييخ قمر البنت حسافه عليه..
مشاري: ههههههه والله انكم فاضييين.. كثير الحلوات
منصور: بس هالبنت غير
مشاري: غريبه من متى طلال عنده خويه ويطلعها
منصور: مدري عنه
مشاري: خلاص بحاول امركم اليوم
منصور: اوكي باي
مشاري: باي
سكر مشاري ورجع يفكر بلي شاغل فكره له فتره..





في الشركه وبالتحديد في مكتب نواف الجديد الموظفين مجتمعين ويباركون له بالترقيه..
المدير: الف مبروك..
نواف: الله يبارك في عمرك
والشباب من كل جه يباركون له
المدير: بهالمناسبه حبيت اسوي احتفال صغير بمكتبي ..اشوفكم هناك.. يلا أنا بروح اكلم روساء الاقسام يحضرون معنا
نواف: تسلم والله يابو عبد العزيز ماله داعي تكلف علي عمرك
فيصل: احلىىىى من قدك صار لك مكتب لحالك
نواف: ههههههه ودك تجي معي
وليد: والله تستاهل يانواف
نواف: تسلم واللــــــــــه
فيصل: يلا أنا بلحق المدير ولاتتاخرون علينا
نواف+ وليد: ان شاء الله
وليد: اااااااه بس رحت وتركتني الحالي
نواف: ومن قال انك الحالك بيجبون لك موظف جديد معك تحت التدريب بيطلع ريحتك.. زي ماطلعت ريحتي..
وليد: هههههههه الله يعين
نواف: بالله تذكر يوم تجي قبل سنتين وتدرب عندي.. ياانك رفعت لي ضغطي..
وليد: هههههههههههه
نواف: يالله استلم يوم لك ويوم عليك
وليد: يلا تاخرنا عالمدير
نواف: يلا مشينا..
راحوا مكتب المدير احتفلوا بالترقيه بحضور اغلب موظفين الشركه..





وفي البيت لما عرفوا اهل نواف بترقيته الفرحه مو سايعتهم فرحوا له من كل قلبهم..
ام نواف وهي تصيح: والله انك تستاههل ياوليدي
نواف: وش هالدموع يماااا
ام نواف: من الفرحه ياوليدي
نواف: هذا كله بفضل دعواتكم لي
ابو نواف: الف مبروك عقبال مانفرح بك عريس
نواف: هههههههه ان شاء الله يبا
ريما: حركات نواف ترقيت.. مبرووووك عطني الحلاوه
فارس: مبروك نواف
نواف: هههههههه أي حلاوه روحي نامي بس.. بدال ماتقول اخوي الكبير ترقى اروح اجيب له هديه..
ابو نواف: بهالمناسبه بسوي لك عشاء
ام نواف: رجال وحريم بعد .. أنا بفرح بولدي عند الحريم
ريما: هههههه يما اجل بمسكها عليك ان شاء الله أنا اذا تخرجت سوي لي حفله كبيره
فارس: انتي تخرجي اول بعدين تكلمي
ابو نواف: خلاص يصير خير ابشوف يوم الخميس هذا قبل مايجي رمضان
ام نواف: اللي تشوفه
ريما: لحظه أنا ابي ملابس جديده
نواف: دولابك مليان
ريما: اللحين حفله اخوي البس لها شئ قديم .. من اللحين اقولكم اذا في حفله أنا ابي السوق
ابو نواف: ان شاء الله بس اسكتي اللحين
فارس: لقطي وجهك
نواف: انتم ماتشوفون ابوي يتكلم خلاص اسكتوا
يرن التلفون راحت ريما ترد عليه..
ريما: نواف عبير تبيك بالتلفون
راح نواف رفع السماعه..
نواف: هلالالالا وغلالالالالالا
عبير: مبروووووووك والله يوم قالت لي امي ماتتصور كيف فرحت لك
نواف: يسلموووو
عبير: سعود يسلم عليك يقول بيمر يبارك لك
نواف: الله يسلمك ويسلمه
عبير: يلا اجل اشوفك اليوم يمكن امر عليكم
نواف: اوكي مع السلامه
عبير: فامان الله

رجع نواف عند اهله وقاموا يخططون عالعشاء اللي بيسونه بهالمناسبه وطول ماهم جالسين وتلفون نواف ماسكت الناس يدقون يباركون له..





في بيت ابو مشاري كانوا متجمعين على طاوله الطعام يتعشون..
ساره: مها قربي الصحن
ام مشاري: سمي بالرحمن
مها: هي دايم كذا كن احد يركض وراها
ابو مشاري: الناس عالاكل يسكتون وهم ياكلون وانتم اصواتكم ماتطلع الاوقت الاكل..
ساره: يبا وش فيك ماقلنا شئ
ام مشاري: مشاري الله يهديه من شوي وانا اصلح العشاء كان هنا ..تو رحت بناديه مالقيته
مها: اييييه أنا شفته وهو طالع
ساره: يعني غريبه على مشاري هو دايم طالع
ابو مشاري وهو قايم: الحمدلله.. مها اذا خلصتي عشاء تعالي عندي الغرفه ابيك
ساره: ماشاءالله عندكم اسرار
ام مشاري: كلي وانتي ساكته
مها: ان شاء الله يبا
ساره: وش يبي فيك؟؟
ام مشاري: لقافه..
ساره: يمااا هي اختي مو بنت الجيران
مها: هههههه وانا وين بروح شايفتني
خلصت مها اكل وراحت عند ابوها وزي ماتوقعت فتح معها نفس السالفه الخطبه..
ابو مشاري: خليتك فتره كافيه تفكرين .. انشاء الله تكونين قررتي
مها: يباااا مدري وش اقولك
ابو مشاري: تكلمي وش تبي تعرفين عنه شئ
مها: لاا يبا مو كذا السالفه
ابو مشاري: اجل ايش
نزلت مها راسها ماتدري وش تقول لابوها..
ابو مشاري : تكلمي يامها قولي اللي بخاطرك واللي تبينه راح يصير
مها بتردد: يبا أنا احس اني توي صغيره ابي اكمل دراستي
ابو مشاري: اذا المساله الدراسه .. الدراسه مو سبب ترفضين عشانه نشترط عالولد تكملين دراستك..
مها: لاااا الله يخليك يبا اللحين احس نفسي مو مستعده ولا افكر بالزواج
ابو مشاري بياس: براحتك يابنيتي اللي تشوفينه.. مع ان الولد ماينرد..
ارتاحت مها يوم سمعت كلام ابوها.. حست ان حمل ونزاح
مها: مشكووور يبا الله يخليك لنا
طلعت من عند ابوها وهي مبسوطه بالرغم من الألم اللي بداخلها من صد خالد لها..





يوم الخميس في بيت ابونواف كان العشاء بمناسبه ترقيه نواف.. عزموا الكل ماتركوا احد رجال وحريم.. عزموا عيال عمهم وعيال خالهم وجيرانهم وكل معارفهم واصدقاء نواف.. حتى ابو نواف قال لاخوانه لاتتركون احد يعز عليكم إلا اعزموه.. الرجال كانوا مجلسينهم بمجالس الرجال كان عندهن مجلسين والعشاء مسوين بوفيه بالحوش..
اما الحريم فكانوا جالسين بمجلس الحريم وبالصالونات الداخليه للبيت .. كان البيت زحمه والكل مبسوط وفرحان.. ريما اصرت انها تروح السوق وفعلا راحت واشترت لها بدله حلوووه لونها ليموني كانت مناسبه للون بشرتها.. اما عبير كانت لابسه فستان ناعم قصير لونه تفاحي و ليلكي كان جايبه لها سعود باخر سفره سافرها..
مها وساره كانوا لابسين سبورات هاديه مع اكسسوارات خلت اكشن باللبس..
القهووه كانت شغاله رايحه وجايه هذا غير صياني الحلى اللي كانوا جايبينها طلبيه كان شكلها روعه..
عالساعه10:30 دخلوا الرجال يتعشون بعدها بساعه دخلوا الحريم تعشوا وباركوا لهم مررره ثانيه وودعهم وطلعوا..
الساعه 12:20 كان الكل طالع تقريبا مابقى في مجالس الرجال إلا المقربين ابو مشاري وعياله وابوسعود وسعود وخالد.. كان ابو مشاري يسولف لاخوانه بصوت واطي وكان خالد قريب منهم فسمع حديثهم كامل..
ابو مشاري: والله ضاق صدري الرجال ماعليه كلام
ابوسعود: طييب كان حاولت فيها
ابو مشاري: البنت تقول بكمل دراستي
ابو نواف: هذا موب عذر المفروض قلتلها هو ماراح يمنعك تكملين دراستك
ابو مشاري: والله أنا ماقصرت حاولت فيها أنا وامها بس هي رافضه
ابوسعود: أنا من رايي اذا أنت شايف ان الرجال زيين لاتتردد اغصبها البنت ماتعرف مصلحه نفسها توها صغيره..
ابو مشاري: مها ماشاء الله صار عمرها20 سنه ميب صغيره
ابو نواف: اجل توكل عالله ولاتشاور
ابو مشاري: مدري ماودي اغصب البنت على شئ ماتبيه
ابوسعود: البنت مالها شور اذا هو رجال كفووو
ابو نواف بخاطره يقوله ان البنت ماتعرف مصلحه نفسها هاذي عبير ضغطت عليها وغصبهتا على ولد عمها واللحين عايشه مبسوطه.. بس ماكان قادر يقول هالكلام قدام اخوه..
ابو مشاري: الله يعين
ابو سعود: الله يكتب اللي فيه الخير.. يلا نستاذن حنا
ابو مشاري: وحنا بعد خلي نكلمهم عشان يطلعون..





رجع خالد البيت وهو يفكر بكلام خواله اليوم عن مها ضاق صدره عليها انهم بيغصبونها على شئ هي ماتبيه..مسكينه البنت جالسه مع البنات مبسوطه وخوالي جالسين يقررون مصيرها.. قال ايش اغصبها.. وييين حنا عايشين بغابه ..حراااام عليهم اللي يسونه ياويلهم من ربي عشان البنت ضعيفه ماتقدر توقف في وجيههم وتقولهم لاااااااا... قالوا حنا نعرف مصلحتها اكثر منها.. ايش التخلف هذا الناس طلعوا للقمر وهذولا إلا الان عايشين على عصر الاضطهاد والظلم.. اذا زوجوها وماتوفقت البنت ذنبها برقبتهم.. يغصبونهم على الزواج بعدين يجون يقولون ليش نسبه الطلاق عندنا مرررتفعه؟؟!!!!
ياللـــــه طيب هي ليش ماوافقت عالرجال مادام خالي يقول عنه والنعم فيه وماينرد .. معقوووووله هي تحبني وتفكر فيني زي ماقالت لي ؟؟!! لا لا مااتوقع انها تحبني بهالمعنى هي يمكن معجبه فيني او تعجبها شخصيتي بعدين وهمت نفسها انه تحبني .. اكيييييييد اكيييد هذا هو الواقع.. ولا يمكن هي معها حق تبي تكمل دراستها وخاصه ان مها معروفه تحب الدراسه والمذاكره والكتب.. بس هذا موسبب مقنع..
راح الليل وخالد يفكر بمها مرررات يحس انه راحمها ومررات يقول اكييد بيضيق صدري عليها هي مثل اختي.. بس لما يتذكر موقفها معه يوم تكلمه يقول لاااا البنت تحب.. تعب خالد من التفكير وكل مايحاول يبعد الموضوع من راسه يلقى نفسه رجع يفكر فيه مرره ثانيه.. لما سمع اذان الفجر قام وتوضى وصلى بعدها نام..





دخل عليهم شهر رمضان الكريم وصار الكل يبارك للثاني بحلول هالشهر الفضيل وصرنا نسمع العبارات المعتاده .. " كل عام وانتم بخير" .." مبارك عليكم الشهر".. " شهر مبارك"
"الله يجعلنا من صوامه وقوامه" ... "الله يعيده علينا وعليكم بالصحه والعافيه" ..
وجميييع المسلمين اللهم امييييييييين..
بهالشهر تخضع الانفس لخالقها وتخشع القلوب ويتسابق المسلميين عالعبادات والاعمال اللي تقربهم من الله عزوجل..





في بيت ابو مشاري البنات في المطبخ كل وحده ماسكه شغله بيدها.. ساره جالسه تلف السمبوسه ومها تصلح السبرنق روول ..دخلت عليهم امهم..
ام مشاري: انتم إلا إلا ماخلصتوا يلا مابقى شئ عالاذان
ساره: تونا يمااا باقي ساعه
مها: بس ياشاطره الاشياء هاذي بتنقلي بالزيت ماراح ناكلها كذا
ام مشاري: مها اذا خلصتي اللي بيدك تعالي صلحي العصير
مها: ان شاء الله يماااا
ساره: خلصت اخيراااا
ام مشاري: الحمدلله عطي روجي خليها تقليها
ساره: يماااااا ماصلحتوا حلى
مها: واللي امي تشتغل فيه من الصبح وش تسمينه؟!
ام مشاري: ساره روحي شوفي اخوك نايم صحيه قولي له مابقى شئ عالاذان
ساره: يؤيؤ يرفع الضغط مايقوم روحي انتي يامها أنا دايم يهزئني اذا صحيته
مها: طييب روحي حطي التمر بصحون وانا بروح اصحيه..





وفي بيت ابو نواف متجمعين عالفطور ازعاج وربشه واصواتهم طالعه ..
فارس: اااااذن
الكل: بسم الله
ام نواف: اللهم لك صمت وعلى رزقك افطرت
نواف: ريما صبي لي قهووه
ريما: أنا كل يوم كذا عالفطور انكرف ماعمري افطرت زي الناس
ابو نواف: اللهم اني صائم تعوذوا من ابليس
فارس: ريماااا وين كاسات العصير
ريما: ماااااري مااااااااااااااري جيبي كاسات
ام نواف: خلي الحرمه تفطر
ريما: هي ياعمري تتنكد عشاني ناديتها مررره وحده وانا كل يووم روحي جيبي ودي عادي عندكم
فارس: ههههههه هي موب ملسونه زيك
نواف: الحلى خطيير اليوم من مصلحه
فارس: اكييييييد أمي
ريما: حرااام عليكم أنا كل يوم اصلح لكم بس اليوم رجعت من المدرسه تعبانه نمت شوي..
نواف: لذيذه يمااااااا
ابو نواف: وهي صادقه ريما امس كانت مسويه لنا حلى
ريما: محد يدافع عني إلا ابوي الله يخليه لي

قاموا ابو نواف والعيال يصلون.. وريما طلعت فوق.. صلاه التراويح تروح ام نواف كل يوم تصلي في المسجد.. وريما مو على كل حال مررره تكون تعبانه ومرره يكون عندها امتحان بكره..





وبما ان رمضان كان ايام دراسه كان كل واحد يفطر ببيته إلا ايام الخميس كانوا يجتمعون عند ابونواف او ابو مشاري.. وخالد بما انه عايش الحاله كان كل يوميين يروح عند واحد من خواله يفطر عنده واحيانا عند صديقه سلطان.. عبير اصرت على سعود مثل كل سنه من اخذته انه يدق على امه وخواته يبارك لهم بهالشهر الفضيل سعود بعد ماكلم امه وخواته خلاها تكلمهم.. وهو كبرت بعينه زوجته يوم شافها تصر عليه انه مايقطع امه وخواته بالرغم انه بالبدايه كانت اكثر خلافاتهم حول هالموضوع.. يعني عبير من اخذت سعود غيرت فيه اشياء كثير للافضل إلا سالفه الحمل والعيال هو مو راضي يقتنع فيها ومصر عليها انها تاخذ حبوب منع الحمل لاجل غير مسمى لكن هي مازالت مساعيها انه تقنعه بهالموضوع زي مااقنعته بمواضيه ثانيه كان هو رافضها..





وفي يوم الخميس كان ابو مشاري عازمهم عالفطور.. دخلت عليهم عبير ومعها صينيه..
ريما: وش اللي معك؟؟
عبير: مكرونه بالبشاميل..
ساره: كنك تدرين اني احبها
اخذت مها الصينيه من عبير: مشكوره ياعبير
ام مشاري: وشوله تكلفين على نفسك
عبير: وش دعووه خالتي هنا ولا في البيت في كل الحالتين بشتغل
ام نواف: عمك جاء معكم ياعبير
عبير: ايه جاء قبلنا حنا لحقناه
راحوا البنات المطبخ يساعدون الشغالات بتحضير الفطور.. التفت عبير على مها..
عبير: مها ويييين البنات راحوا
مها: توهم كانو هنا
طلعت عبير بتشوفهم لقتهم عند التلفزيون جالسين..
عبير: ماشاء الله حنا جالسين بالمطبخ وانتم هنا
ريما: حنا صايميييين تعبانين
عبير: لااااااا ياشيخه وحنا ماصمنا؟؟!!
ساره: متابعين مسلسل اذا خلص جيناكم
عبير: على بال مايخلص مسلسلكم يكون اذن
ريما: يووووو ياعبير عندك ماري وروجي وش شغلتهم
ساره: خلاص اسكتوا نص الاحداث راحت وانتم تتناقرون
عبير: طيب طيب ياساره المكرونه حقتي ماراح اخليك تاكلينها
ساره:هاهاهاهاى تذليني يعني
ريما: يلااااا قومي ياساره اخاف بعد شوي حتى التمر يشيلونه مانشوفه
قاموا البنات جهزوا الفطور صلحوا كل شئ حطوا منه اثنين للرجال ولهم.. بعد مااذن افطروا وراحوا يصلون المغرب ونزلوا عند التلفزيون شوي .. بالاخير راحواا كلهم المسجد يصلون التراويح الرجال والحريم والبنات..





مشاري ماترك نجود ارسل لها مسج يهنيها بهالشهر كان عارف انها ماراح تعطيه وجه لكنه حب يعبر لها عن حبه لها لعلها تقتنع وتصدق انه يحبها.. كانت نجود بالسوق مع اختها طالعين يشترون ملابس العيد..
نهى: تعالى شوفي محل الاطفال هذا بشتري لغيداء ملابس
نجود: شوفي الفستان الاحمر يجنن بيطلع موووت عليها
نهى: بس شكله واسع هي توها صعنونه
وصلها المسج طلعت الجوال من الشنطه فتحته قرته ابتسمت انه فكر فيها اكيييد انه يعزهااا.. لكن مع فرحتها بالمسج وانها على باله خافت منه قالت هالانسان مو سهل أنا لازم اغيير رقمي عشان ارتاح منه..ومن لارقام الغريبه اللي مدري من وين يجيبها..!!!!!!؟؟؟
نهى: تعالي المحل الثاني
نجود: هااااااااا اييه طيب
دخلت كذا محل تدور لها شئ حلو وكل ماشافت شئ اخذت راي اختها فيه..
نجود: وش رايك بهذا حلوو يصلح للعيد؟؟
نهى اييييه ماعليه بس لونه فاقع مايصلح عالصباح
سمعت نجود مسج ثاني وصلهاااا فتحته كان من مشاري..

"بدلت قلبي حجر من شان نسيانك..
يوم اشتقت لك صاح الحجر وينك"
راحت نجود تلف بالسوق من غير هدف مع انها كانت طالعه وفي بالها مليييون شئ تبي تشتريه.. لكن مسجات مشاري قلبت كيانها خلاها ترجع للايام اللي راحت قبل سنه تقريبا اول ماتعرفت عليه..
نهى: شوفي البدي هذاك حلوووو
نجود: مدري ماعجبني
نهى: وش فيك احسك مو طبيعيه
نجود: لااااا مافيني شئ بس خلاص مليييت خلينا نطلع

نجود: ااااااااه ايييه بكره بروح مكان ثاني اشوف يمكن الاقى
طلعوا من السوق ونهى مستغربه من اختها ومن تصرفها هي بالعاده اذا دخلت السوق ماتطلع إلا ومعها كم كيس اليوم ماشرت شئ...





خالد معزوم في بيت سلطان عالفطور كانوا جالسين في الملحق بعد صلاه المغرب..
خالد: الاسبوع اللي راح صارت سالفه رفعت ضغطي
سلطان: خيييير ان شاء الله
خالد: تذكر مها بنت خالي اللي كلمتني
سلطان : ايييه وش فيها؟؟
خالد: قبل كم يوم كنت في بيت خالي..
حكى خالد لسلطان كل اللي سمعه..
سلطان: معقوله في ناس بهالعقليه إلا الان
خالد: ياحليلك وفي ازود
سلطان:الله يعينها
خالد: أنا مو قاهرني إلا خوالي كل واحد من جهه يزن على ابوها
سلطان: تتوقع انهم يغصبونها على شئ ماتبيه
خالد: أنت بس لو سمعتهم وهم يتكلمون
سلطان: محد بهالدنيا مرتاح
خالد: المشكله مجلس الشورى قبل فتره مصدر قرار (منع تزويج الفتيات من غير موافقتهم) لكن الناس مازالوا مصرين عالطريقه الهمجيه..
سلطان: اكيد كل اب بيقول أنا اعرف مصلحه بنتي أنا ماراح اضرها
خالد: حتى بالمنطق مستحيل بنت تروح تشتكي ابوها وتقول بيزوجني غصب لانها بكذا راح تخسره وتخسر اهلها
سلطان: مسكينه والله
خالد: شئ يقهر
سلطان: طيب أنت بيدك تساعدها ..
خالد: انااااااااااااا وشلون؟؟!!!!!!!!!!
سلطان: اييييييه أنت وش فيك مستغرب
خالد: بالله وش تبيني اسوي اروح امسك خالي واقوله غلط اللي أنت تسويه.. انسان كبير عاقل يجيه واحد كبر عياله يتكلم معه وينصحه وييييييين عايش أنت؟؟!!!!!!..
سلطان: أنا ماقلت كذا
خالد: اجل وشلووون؟؟
سلطان: الحل سهل وبيدك بس أنت وافق
خالد: اوافق على ايش؟؟
سلطان: صراحه لو أنا بمكانك ماراح الاقي قدامي إلا حل واحد.. اروح اخطب البنت خاصه وانها هي قالتها لك صريحه احبك...
خالد:ههههههه والله انك منتب صاحي والله لو اننا مو صايمين كان قلت اكيييد شارب شئ
سلطان: مشكووور يجي منك اكثر
خالد: بغض النظر عن ظروفي إللي أنت عارفها وحالتي إلا ماتسمح لى اني اعاني من جديد.. أنا عمري23 سنه هذا سن واحد يتزوج ويتحمل بيت..
سلطان: لاتهول الامور أنت السنه هاذي بتتخرج وحالتك الماديه ماعليها ابوك ماقصر ترك لك خير..
خالد: لااااا هذا مو حل انقذ البنت اقوم اورط نفسي
سلطان: ليش تورط نفسك البنت تحبك ويمكن يكون هذا السبب الحقيقي لرفضها الزواج
خالد ساكت يسمع لسلطان وهو مو مقتنع..
سلطان: بعدين اذا أنت تحس نفسك صغير ومو قد المسؤليه مو مشكله اخطب البنت اللحين يعني كلم عمك واذا ربك راد وحسيت نفسك اوكي تزوج
خالد: تستهبل ياسلطان أنت عارف القلب هذا وش فيه
سلطان: انسى انسى ياخالد بعدين المثل يقول عيش مع اللي يحبك ولا تعيش مع اللي أنت تحبه
خالد: كلامك منطقي بس أنا عارف نفسي البنت هاذي ماتصلح لي ولا أنا اصلح لها
سلطان: كيفك اجل خل البنت تنغصب على الزواج من واحد ماتبيه
سكت خالد وغير سلطان الموضوع..





ريما بالفصل الاستاذه تشرح بحصه الرياضيات..
الاستاذه: واضح الدرس
الاستاذه: اللي مو فاهم رجاء يتكلم عشان اعيده..
قامت كم بنت يسالونها كم سؤال عن الدرس..
الاستاذه: بكره متحان دوري بــالــ3 دروس الاخيره..
ضج الفصل وارتفعت الاصوات.. اللي يقول لااااااا واللي يقول اجليه يااستاذه.. واللي مو عاجبه الوضع..
الاستاذه بصرامه: بكره يعني بكره الكل سمع.. بدال منتو جالسين قبال التلفزيون وتتابعون المسلسلات روحوا ذاكروا هالدرسين..
رهف: اعوذ بالله حتى برمضان مايرحمون
ريما: اووووووف المشكله هاذي اخر سنه لنا المفروض يراعونا
مي بصوت عالي: قال ايش لاتتابعون مسلسلات عيل شنو؟؟!! نتابع ويهج
الكل: ههههههههههه
وحده من البنات: ماعليكم منها امتحان دوري ماعليه درجات بس تبي تشوف مستوانا
ريما: طييييييب واذا توهقنا وطلع جزء منه لاعمال السنه
رهف: عااااااااااد انتي دافوره ماراح تفوتين بتاكلين الكتاب الليله
ريما: الله اكبر الله اكبر عليك قولي ماشاء الله
رهف: ماشاء الله
مي: أنا خاطري اييب مخدتي وانام امس مانمت إلا بعد صلاه الفير
ريما: ااااااااااااه بس ملل الدراسه والواحد صايم
رهف: وانتي الصادقة موت تعب
مي: الله يعينا..
الأميرة دانة
16 - 09 - 2009, 02:57 AM
الجزء السابع عشر
,,,,,,,,,,,,,,,,

بالعشر الاواخر من رمضان كان الكل يحاول يرضي ربه ويعوض تقصيره بااشهر السنه الثانيه صيام بالنهار وقيام بالليل .. وقراءه كتاب الله.. كل مسلم يسابق الثاني عالختمه.. والكل حاس ان هالشهر الفضيل يمر على المسلمين بلمح البصر .. لانه احلى واغلى شهر بقلوب المسلمين اجمعين.. في هالاواخر تعطل المدارس عشان الكل يتفرغ لعباده ربه..


الساعه4 الفجر..
سعود وعبير وابو سعود جالسين على طاوله الطعام يتسحرون.. خلص ابو سعود سحور
ابو سعود وهو قايم: الحمدلله.. الله يعطيك العافيه ياعبير
عبير: الله يعافيك عمي
سعود وهو ياكل: عبوره ودي اقولك شئ
عبير: هات ماعندك؟؟
سعود: هههههههه حلوووه هات ماعندك الله يعافيك لاتطالعين مسلسلات عربيه كثير..
عبير: ليش التحطيم
سعود: مدام اللحين اجازة وماعندك جامعه.. أنا افكر اعزم عماني عندنا عالفطور ماعمرهم جو بيتنا.. دايم جمعتنا تصير يافي بيتكم او بيت عمي .. ودي ابوي يفرح انهم مجتمعين عندنا بالبيت..
عبير: هئ هئ وانا لحالي بكرف واصلح الفطور
سعود: لااااا مو مشكله نجيب بعض الاشياء من برى
عبير: صدقت امزح معك عادي حبيبي اعزم اللي تبي .. بخلى شغاله اهلي تجي تساعدني وامي ماراح تقصر..
سعود يطالعها بحنان ويقرب منها: ماعمرك رديتي لي طلب
عبير انحرجت: سعوووووود بعد.. حنا بالصاله اللحين يجي عمي
سعود:هههههههه يجنن شكلك وانتي مستحيه..
عبير تبي تصرف الموضوع: اهم شئ لاتصير بكره ولابعده خلها بعد ثلاث ايام عشان اتجهز صح..
سعود: اوكي اللي تشوفينه
عبير: ابي السوبر ماركت في اغراض بجيبها
سعود: خلاص بكره بعد الفطور نروح نجيب الاغراض
خلصوا سحور قامت عبير تشيل الصحون وسعود راح جلس مع ابوه لحد الاذان بعدها راحوا يصلون وكل واحد دخل ينام..






خالد من يوم جلس يتناقش هو وسلطان بسالفه بنت خاله والموضوع ماغاب عن باله لحظه وحده.. حس ان مها لو تزوجت وماعاشت سعيده راح يعيش طول عمره يلوم نفسه انه ماساعدها وهو بيده يساعدها على قوله سلطان.. هو بقراره نفسه اقتنع بكلام سلطان لكن هو خايف من هالخطوه..
صح انه يحب عبير بس خلاص الانسانه هاذي مافي منها امل هي متزوجه ومبسوطه مع زوجها الله يستر عليها ويوفقها.. بس بنفس الوقت مها ماتناسبه ولو انتظر سنتين راح يكون عمره 25 وهذا سن مناسب للزواج لكن مو معقوله انه بيقطع نصيب البنت سنتين.. ولو ماتكلم اللحين يمكن اهلها يجبرونها عالزواج من واحد ماتبيه.. تعوذ خالد من ابليس وقال الله يكتب اللي فيه الخير .. اللي مكتوب عالجبين لازم تشوفه العين..
"أنت تريد وانا اريد والله يفعل مايريد.."
خالد كان متعود تقريبا كل سنه برمضان يروح ياخذ عمره لان العمره في رمضان تعدل حجه على قول رسولنا الكريم صلي الله عليه وسلم .. يحس بالطمانينه في بيت الله الحرام وينسى كل همومه.. عشان كذا هو يحرص على هالشعيره كل سنه..






البنات بعد ماعطلوا صاروا مرتبشين كل يومين طالعين السوق عشان ملابس العيد.. ساره وعبير لقواا لهم ملابس لكن باقي مها وريما لان ريما ذوقها صعب ومو أي شئ يعجبها فهي تتعب بشراء ملابسها..
عبير: اوووووف منك ياريما تعبت مليييت
ريما: وش اسوى اشترى شئ ماعجبني
عبير: انتي لو نوديك دور الازياء العاميه تقعدين تتشرطين..
مها: أنا شكلي برجع اخذ البدله اللي شفتها من يوميين بــ" اورجيم " بالفيصليه
ساره: أي وحده؟؟
عبير: اللي لونها اورنج؟؟
مها: اييييييييه
ريما: تعالي شوفي التنوره هاذي ناعمه بخربط فيها وادور عليها بودي وبلوزه
عبير: عادييييييه مافيها شئ
ساره: احسها مو مرره
ريما: اوووووف بس منكم اللي يعجبكم مايعجبني واللي ابيه تطلعون فيه ميه عيب
مها: خلونا نروح الشارع الامامي مارحنا له هالسنه يمكن نلاقي اشياء حلووه
عبير: لاااااا مو اليوم خلوها بكره أنا اليوم تعبت
ساره: بكره مو الفطور عندك عبير.. وشلون تبينا نروح
ريما: مو مشكله بعد التراويح
مها: يلا تاخرنا عالبيت
مشوا البنات ركبوا السياره وصلوا مها وساره لبيتهم وعبير نزلت مع ريما بيت اهلها..





من بكره كان الفطور في بيت سعود.. اهل عبير جو عندها من بدري عشان يساعدونها وابو سعود كان مبسوط من زمان ماعزم اخوانه في بيته.. عبير كانت ربه بيت ممتازه ماتركت شئ يخطر عالبال إلا سوته.. عالفطور حطت لهم القهوه والتمر كذا نوع وسوت لهم حلى ثلاث انواع هذاغير العصيرات كانت مسويه عصير مشكل وعصير برتقال.. وعصير مانجو..


بعد الصلاه مجتمعين الرجال في المجلس..
ابو سعود: اجل ويييين خالد؟؟
ابو نواف: غريبه ماجاء انتم ماقلتوا له
سعود: إلا أنا كلمته امس واكدت عليه
ابو مشاري: دقوااا عليه لايكون الولد صار فيه شئ
نواف: غريبه مهيب عاده خالد مايجي عالفطور
مشاري: اكييييد راحت عليه نومه
رفع نواف التلفون ودق عليه.. طول التلفون يدق بعد خمس دقات رفعها خالد..
خالد: مرحبا
نواف: هلا خالد وينك يارجال ماجيت عالفطور؟؟!!
خالد: والله بكره بروح اخذ عمره ورحت اقص التذكره..( طبعا هو يقول هالكلام يصرفهم فيه ولا هو في الحقيقة ماجاء عشان الفطور في بيت عبير مايبي يفتح جروح قديمه.. قال في نفسه ليش اروح واعذب نفسي.. خليني هنا احسن لي..)
نواف: بس هذا مو عذر كنت تقدر تروح بعد الفطور
ويتكلم ابو سعود: قله اني زعلان عليه اول مرره يصير الفطور عندي يقوم مايجي..
نواف: سمعت عمي وش يقول
خالد: هههه قله كله إلا زعلك ان شاء الله بعد مااجي من العمره امر اسلم عليه..
نواف: خيير ان شاء الله.. تامر على شئ
خالد: سلامتك.. فامان الله





عالفطور الثاني مدت لهم عبير السفره ماكان ناقصها شئ ماشاء الله كامله والكل تعجب انها وحده ومسويه كل هالاشياء حتى اهلها اللي كانوا جاييين يساعدونها شافوا اصناف جديده كانت مسويتهم من بدري.. عبير بهاليوميين حطت حيلها بهالسفره صلحت لهم لازانيا وصينيه خضار وشوربه نوعين والسمبوسه وفطاير كذا نوع وبيتزاء هذا غير المقبلات سلطه نوعين والكبه وورق العنب .. يعني من جد سعود افتخر فيها ورفع راسه قدام ابوه وكل الحاضرين..





ابو مشاري بعد اخر مره كلم فيها بنته ماعاد رجع فتح لها السالفه خاصه وان هالشهر الفضيل دخل عليهم والكل لاهي فأهل الرجال مافتحوا معهم الموضوع مره ثانيه..




خالد رجع من العمره وكان طول الوقت بالحرم يدعي ربه كل يوم يرفع يده ويقول .." اللهم اشرح لي صدري ويسر لي امري .. اللهم يا علام الغيوب يامن تعلم ولانعلم اكتب لي الخيره في امري .. وارزقني على قدر نيتي فانك تعلم مافي نفسى ولا اعلم مافي نفسك.. اللهم اني فوضت امري اليك فاكتب لي مافيه خير وصلاح لي في الدنيا والاخره.. اللهم امييين"


رجع وهو يحس انه انسان ثاني ربي وحده العام بحاله يوم يروح كيف كان؟؟!! وهو القادر على تغير حال العبد وشرح صدره سبحان الله العظيم..


مشاري بهالشهر مازال على حاله لاجديد اللهم انه صار يحضر اجتماعات اهله باستمرار..


نواف كان مشغول عالاخر خاصه وانه ترقى على قدوم هالشهر الفضيل فكان عليه مسوليات كبيره..


ابو سعود في 26 رمضان ارتفع عنده السكر واصيب بحاله اغماء جلس يومين بالمستشفى.. لكنه الحمدلله طلع قبل العيد عشان يفرح مع اخوانه..





اليوم التاريخ 1/10 يعني يوم العيد لكل المسلمين في جميع مشارق الارض ومغاربها..
الكل راح يصلى صلاه العيد بالجامع.. والجمييع مبسوطين وفرحانين ان الله من عليهم وطول بعمارهم لشوفه هذا اليوم.. بعد الصلاه كل عايله راحت للبيت عشان يستعدون ويلبسون ملابس العيد.. وكان الوعد بعد الصلاه باستراحه استاجروها خصيصا لهذا اليوم حتى يغيرون من جو البيت اللي لهم شهر تقريبا ماطلعوا منها..


الساعه 7 الصبح في الاستراحه..

نزلت عبير من السياره و معها سله حلويات وكان شكلها جنان هي مو من النوع اللي يحط ميك اب كثير لكنها اليوم متوصيه بنفسها ومثقله الميك اب كنوع من التغير وكانت لابسه بودي ملون الوان هاديه وفوقه بلوزه بيضاء ناعمه وتنوره مكسي فوشيه يعني شكلها كيوووت.. دخل سعود وابوه قبلها قسم الرجال .. وهي لحقتهم على اساس انه بتسلم على عمها لانه من شوي كانت مكلمه ريما وقالت لها مافي احد جاء إلا عمي وساره والباقين بيلحقونهم بعدين.. يوم دخلت عبير كان قدامها بابين فما كانت عارفه من أي باب تدخل لكنها سمعت صوت سعود يضحك فعرفت انهم جالسين هنا.. نزلت طرحتها وفكت عبايتها وطلعت المرايه تشوف شكلها .. وعلى طول دخلت..

عبير بابتسامه: كل عام وانتم بــ...... انصدمت يوم شافت خالد قبالها من الربكه ماعرفت وش تسوي قعدت تطالع ابوها عمها وسعود بعدين انتبهت لنفسها وطلعت وهي تتمنى انها ماانحطت بهالموقف وخاصه قدام سعود لانها تعرف انه يغار عليها موووت.. طلعت عبير وهي تقول بنفسها الله يعين الليله ماراح تعدي على خير سعود ماراح يفوتها لي..
امااااااا خالد فمن يوم شاف عبير سرح وعاش بعالم ثاني.. تلخبط .. ضيع.. مو مصدق ان اللي كانت قدامه من شوي عبير.. يالله قد ايش تغيرت واحلوووت .. بس وش اللي خلاها تدخل علينا بهالوقت معقوله ماتدري اني موجود؟؟!! ... اااااااه بس كل ماقلنا نسينا رجعت ذكرتني فيها.. يارب انك تساعدني انساها..





دخلت عبيرعند الحريم وهي مو على بعضها سلمت عليهم.. وعايدتهم ماكان في إلا امها واختها وساره بنت عمها..
ريما: تصدقين اول مرره اكتشف انك حلوه
عبير: ههههه وتصدقين أنا اول مرره اكتشف انك نعومه
ساره: هههههههههه لقطي وجهك
ام نواف: غريبه اهلك ياساره ماجو إلا اللحين
ساره: امي ومها راحوا يسلمون على خوالي وقالوا بيلحقونا
ريما: وانتي ليه ان شاء الله مارحتي تسلمين على خوالك
ساره: هذا جزاتي جايه عشانك
عبير: يمااااا في احد بيجي غير عماني
ام نواف: ابوك جمع القرايب بس مدري يجون ولا لا؟؟
ريما: تخيلي لو سحر بنت خالتك فيه بالرياض ..كان احلى عيد..
ساره: ههههههههه حرام عليك تخربين على فرحتي اليوم
عبير: ياويلكم من ربي تقطيع في البنت وش سوت لكم؟؟
ام نواف: الله يهديكم
سكتوا البنات لان دخلوا عليهم ناس من معارفهم جاييين يعايدونهم ويسلمون عليهم..
ام نواف: ياهلا حياكم الله تفضلوا..
عبير: ريما اذا سلمتوا روحي شوفي القهوه خلصت ولا لا
ريما: طيييييييب
ساره: بدق على اهلي بشوف ليش تاخروا
بعد شوي جت ام مشاري ومها.. والمفاجاه اللي ماكان احد متوقعها ان ام سعود وبناتها كانوا جاييين بالعشر الاواخر السعوديه ياخذون عمره فاستغل ابو نواف وجودهم وكلموهم وعزموهم عالاستراحه..
ام سعود: السلام عليكم
الكل: وعليكم السلام
ام سعود: كل عام وانتم بخير .. الله يعيده علينا وعليكم بالصحه والعافيه
الكل: امييين يارب
ام سعود: هلا وغلا بعبييير ماشاء الله تبارك الله والله ولدي سعود المفروض يقرا على نفسه لايحسدونه الناس عليك..
عبير بحياء: تسلميين ياخاله
ام سعود لبناتها: شوفوا هاذي مره اخوكم
سلموا عليها البنات وجلسوا سواليف معها وبعد شوي ارسلت مسج لسعود تقوله تعال الغرفه اللي جنب الصاله عشان امك وخواتك بيسلمون عليك.. طبعا هي ارسلت مسج ومادقت خافت منه يكون معصب عليها يوم دخلت قبل شوي عليهم..

جاء سعود وسلم على امه وخواته وكان هاذي اول مرره يشوف خواته بعد ماكبروا من اول كان يشوفهم كانوا صغار.. بعدها استاذنت امه وطلعت لكن بعد ماوعدتهم انها تجي تتغدا او تتعشى عندهم قبل ماتسافر..

الظهر تغدوا والعصر جلسوا سواليف وضحك .. وامااااااا ساره وريما فهاذولي حكياتهم حكايه..
عبير: هههههه قسم بالله منتب صاحين
مها: احد يسبح يوم العيد
ساره: عادي مافيها شئ
ريما: بعدين خلاص راح النهار الكل شافنا وحنا كاشخين
عبير: لاااااااااااااا انتم حالتكم ميؤوس منها
مها: الله يشفيكم.. جايبين معكم ملابس سباحه
ريما: هئ هئ لاتقهروني
ساره: خلااااااااص بطلنا ماراح نسبح طلعت من خشومنا عالسباحه
دق جوال ريما وكانت خلود داقه تبارك لها بالعيد.. فرحت ريما لاتصال خلود جلست تسولف معها شوي وتسالها عن اخبارها لما قفلت خلود..
مها: بروح اتمشى برى الجو حلوووو احد يجي معي
ريما و ساره: يلااااااا
راحوا البنات يتمشون وريما وساره ماتركوا جهه بالاستراحه ماحاسوا فيها واكتشفوها .. التفتت مها مالقت البنات قالت اكيد رجعوا.. وهي لافه بترجع لانه حست نفسها قربت من قسم الرجال لمحت خالد جالس عالسياره سرحان ويفكر.. فز قلبها واخذت نفس عميييق وقالت في نفسها ياترى في ميييين يفكر؟؟!!! ياللــــــــــــه أنا قد ايش احبه هالانسان وهو ولاهو هنا .. ليه مايحس فيني؟؟!! بالاخير مها خافت احد يشوفها واقفه هنا اوخالد يلتفت صدفه ويشوفها ففضلت انها ترجع؟؟

الليل تفرقوا الكل راح بيته يرتاح بعد هاليوم الطويل ..





سعود وعبير بغرفتهم واصواتهم طالعه..
عبير: يعني تتوقع اني قاصده ادخل
سعود: المفروض ماتدخلين كذا كان سالتيني
عبير: ياللـــــــــــــه عليك وش فيك مو راضي تفهم
سعود: لان حركتك مالها داعي احرجتيني قدامهم
عبير: بعدين خالد اصغر مني و طوول عمره عايش معنا بالبيت هو مثل اخوي
سعود: اهااااااااااا مثل اخوك يعني عادي تكشفين عنه
عبير: لااااااااااااا أنا ماقلت هالكلام بس اعلمك انه توه صغير
سعود: ويييييييييين صغير الرجال هالسنه بيتخرج من الجامعه وتقولين صغير
عبير: خلاااااااص اسفين ماكان قصدي ..
عصب سعود ومارد عليها نام وهو زعلان وهي كبريائها مارضى لها انها تروح تراضيه وهي ماغلطت كل اللي صار صدفه ومن غير قصد..





خالد رجع البيت حاول ينام لكن وييين ينام وهو شايف اليوم حبيبه القلب .. حاول يبعد الافكار من راسه ويقول في نفسه حررام مايجوز افكر فيها هي ماتحل لي ولايربطني فيها شئ.. بس مو قادر الشيطان شاطر.. حس بضيقه صدر مو طبيعيه وخاصه انه شاف سعود كيييف تغير لون وجهه يوم دخلت عليهم.. ليييه يارب القدر يجمعني فيها يوم بديت انساها..؟؟!! مهما حاولت ابعد عنها ارجع واعيد الذكريات من جديد.. اتهرب منهم يوم الفطور عند سعود برمضان عشان ابعد عن أي شئ يذكرني فيها.. واليوم تجي بكبرها قدام عيوني..
اااااااااااااه بس يارب ساعدني انسى.. الناس يوم العيد يفروحون وانا يوم العيييد تبدا معاناتي من جديد.. في ظل كل هالافكار اللي تدور براسه قام وكتب ابيات وهو في داخله يحس انه يسوي شئ غلط ويعذب نفسه في شئ مامنه امل او شئ شبه مستحيل.. بس خالد كانت قصائده اللي من هالنوع يحتفظ فيها لنفسه ولايرضى لاي شخص انه يشوفه حتى اقرب المقربين له لانه يحسسها خصوصيات..

من بينـــهم كنتي مثل ضحــكه الصبح ** ياللي جمعت اللــيل باطراف شعرك
شفتك وهب الشــوق واستمطر الملح ** في دمــعي وغنت زهـــورك بعطرك
ياحلوتي وش يلـحق الوصف والمدح ** في ثغرك ونحرك وصدرك وخصرك
والاه سمــارك واااااو ياهـــو بعد ذبح ** لو للذهـــب قلب انقطـــع عند ذكرك
ولوللشفق عين اعتمت تطلب الصفح ** يوم ان قهرتيــــها بلونـــك وسحرك
أنا احــب الصبح.. ياضحـــكه الصبح ** وانا احب اللــــيل واطـــراف شعرك

القصيده للشاعر" نواف الدبيخي"





بعد اسبوع من العيد رجع كل شئ لوضعه الطبيعي المدارس والجامعات رجعوا والموظفين دوامتهم بدت.. نواف كان بالدوام في مكتبه الجديد جالس يكمل شغله.. دخل عليه العامل الهندي اللي يصلح لهم القهوه والشاهي.. وقاله ان في واحد جاء سال عنك يوم دليته على مكتبك قالي خلاص وراح.. ساله نواف عن شكله وطوله وجلس العامل يوصف له.. انه اسمر نحيف وطويل وشاب صغير عمره يمكن 20 سنه..
نواف: اللحين طلع هو
العامل: ايووو
نواف: اذا شفته مرره ثانيه بالموسسه تعال علمني اوكي..
العامل: اوكي..
طلع العامل ونواف مستغرب من هالشخص اللي جاء وسال عنه بس مادخل عليه..
وش يبي ؟؟!!.. لايكون واحد من المتدربين عندنا في الموسسه.. المهم أنا وش على منهم خليني اكمل شغلي وراي ميه شغله.. بعد شوي جاء مسج على جوال نواف.. فتحه وقعد يضحك.. "أنا وراك وراك يانواف وييين بتروح مني"
مسك نواف جواله و كتب له..
" والله انك اكبر نكته شفتها بحياتي.. لك كم شهر تقول وراك وراك والى الان ماشفت شئ.."
رجع نواف يكمل شغله وقطع عليه شغله صوت مسج ثاني..
" طيب يانواف الشاطر اللي يضحك بالاخر"
مل نواف من هالازعاج اللي كل يوم فكر يغير رقمه بس كييف يغيره وهالرقم الكل يعرفه وخاصه ناس من زمان عنهم..





في الجامعه البنات متجمعيييين..
ريهام: باركوا لي انخطبت
الكل: مبروك الف الف مبروك
مها: يالدبه توك تتكلمين
ريهام: اصلا السالفه طازه مالها الاكم يوم
وطاحوا البنات فيها اسئله ولقافه كل وحده تجيها من جهه..عاد خبركم بالبنات سمعوا سالفه خطوبه وزواج..
سمر: ومن سعيد الحظ؟؟
ريهام: واحد امه داعيه له
الكل: ههههههههههههه
مها: لااااااا من جد مييين؟؟
باسمه: قريبك؟؟
ريهام: لا والله ناس شافوني بالصيف بزواج وعجبتهم
سمر: وكيييف حالتهم الماديه
ريهام: مررررررره حلوووه
مها: وش معه سياره؟؟
ريهام: اووووودي
سمر: وااااااااااااو يابختك فيه
باسمه: وين بتسكنين هنا بالرياض
ريهام: اكييييييد ولا ماكان وافقت
مها: الله يوفقك
ريهام: امييين
سمر: عقبالنا..
ريهام وبهمس لمها: وعقبال ماتاخذين يا مها اللي في بالك
ابتسمت لها مها: امييييييييين .. الله يسمع منك





مشاري في يوم كان يفكر بنجود اللي صارت ماتغيب عن باله إلا نادرا دق على جوالها لكن للاسف حصل الرقم خارج الخدمه... اااه اكيييد غيرت رقمها .. يالله اللحين كييف اوصل لهالبنت.. هي ليش مو راضيه تصدق اني احبها.. اااااااااااااه بس لو اعرف عنها شئ واحد بس كان قدرت اوووصل لها لكن ماباليد حيله... غريبه هالنجود اغرب بنت اشوفها بحياتي.. صح هي ماعمرها اعترفت لي انها تحبني لكن الواضح انها كانت ترتاح لي وهذا سبب كافي انها تصدقني.. اكييييييد ان البنت مرتبطه او مخطوبه ولا ماكان رفضتني .. ياربي انااااااا ملييت من الحياه اللي أنا عايشها وهاذي كرهتني بعيشتي زياده..





في بيت ابو نواف رن تلفون البيت قامت ريما ترد عليه..
ريما: الوووو
ساره: هلااااا وغلاااا
ريما: وش اخبارك؟؟
ساره: اتركي اخباري اللحين الحقي على أنا حبيييييييت
ريما: حبيتي؟؟!!!!!!!!!!!!!!!!!!
ساره: اييييييه خلاص مااقدر اصبر اكثر من كذا مدري وشلون أنا جالسه عند اهلي لحد اللحين
ريما: هههههههههههههههههههههه.. ومن سعيد الحظ هذا؟؟!!
ساره: كيانو ريفز..
ريما: ههههههههههههههههههه
ساره: تو شفت فلم يجنن ياريما تمنيت اني أنا البطله معه
ريما: هههههه والله انك منتب صاحيه.. كيانو ريفز.. مرره واحده
ساره: انتي لو شايفه الفلم كان ماقلتي كذا
ريما: الله يعينك قلبك صاير سكن ..
ساره: ههههههههههه وش اسوي يالدبه أنا أي واحد حلوو اشوفه يدخل قلبي على طوول
ريما: ماالومك ان الله جميل يحب الجمال..
ساره: ياحظها..
ريما: من هي؟؟!!!!
ساره: البطله اللي معه.. ااااااااااااااه بس انتي لو شفتيه وهو يضمها ولايمسح دموعها كان مالمتيني..
ريما: شكله يحمس الفلم بجيك الاربعاء اشوفه..
ساره: اااااااااااااه بس هذا اذا لقيتيني بالبيت يمكن يكون نفذ صبري ورحت ادوره..
ريما: هههههههههههههههههه اصبري خليني اتفرج عليه اول يمكن اخق زيك ونهاجر سوى..
ساره:ههههههههههههههههههه
قعدوا البنات يسولفون ويضحكون على هبالهم ويحاولون يخففون على انفسهم ضغط الدراسه .. لان اتصالاتهم اليوميه كانت المتنفس لهم..






وفي عش الزوجيه الهادي في بيت احلى اثنين.. واسعد زوجين..
جت عندهم ام سعود هي وبناتها يتغدون مثل ماوعدوهم لانهم بكره راح يسافرون.. ابو سعود يوم عرف انهم جاييين فضل انه يطلع من البيت يبيهم ياخذون راحتهم .. كانت جمعه حلوووه بينهم وخاصه انهم حبوا عبير وارتاحوا لها وجلست تدعي لها ام سعود من كل قلبها وسعود لاحظ امه قد ايش معجبه بزوجته.. وشكر ربه على هالزوجه اللي تحبه وتحاول تقربه من اهله وتوصيه عليهم..
سعود بعدمااخذها حس ان في اشياء كثيرة بحياته تغيرت للافضل.. وكله بفضل عبير ومعاملتها الطيبه معه ولاكان ماقدرت تكسب قلبه وتقنعه بالغلط اللي قاعد يسويه بحق امه وخواته..
بعد ماطلعوا امه وخواته من عندهم .. دخلت عبير تغير ملابسها.. نادها سعود..

سعود: عبيـــــر .. عبيــــــــــــــر
عبير وهي طالعة من غرفة الملابس: هلا عيوني .. تبي شي؟؟!!!
سعود: تعالي اجلسي بكلمك بموضوع
جلست عبير ...
سعود: احمم عبير ................. تأكدي إن مهما صار انا احبك
عبير وهي متعجبه: سعود صاير شئ؟؟!!
سعود: انا يمكن مااخترت الوقت المناسب اللي اتكلم معك فيه.. ويمكن بعد ماتعرفين الحقيقة تحقدين على وتكرهيني.. وتقولين عني اناني.. تفضلي الاوراق هاذي اقريها وراح تفهمين كل شئ..

اخذت عبير الأوراق .. مسكتها تقراها .. ومع كل كلمة تقراها تنزل دمعة .. أسى ... حزن ... قهر ... رفعت عيونها المليانة دموع لسعود..

……..
ياترى وش الاوراق اللي قرتها عبير؟؟
خالد وش راح يصير عليه؟؟
مها وحبها من طرف واحد هل راح يستمر؟؟
ونواف وش نهاية المسجات اللي يستقبلها بشكل يومي ..
الأميرة دانة
16 - 09 - 2009, 02:58 AM
الجزء الثامن عشر
,,,,,,,,,,,,,,,

سعود: عبيـــــر .. عبيــــــــــــــر
عبير وهي طالعة من غرفة الملابس: هلا عيوني .. تبي شي؟؟!!!
سعود: تعالي اجلسي بكلمك بموضوع
جلست عبير ...
سعود: احمم عبير ................. تأكدي إن مهما صار انا احبك
عبير وهي متعجبه: سعود صاير شئ؟؟!!
سعود: انا يمكن مااخترت الوقت المناسب اللي اتكلم معك فيه.. ويمكن بعد ماتعرفين الحقيقة تحقدين على وتكرهيني.. وتقولين عني اناني.. تفضلي الاوراق هاذي اقريها وراح تفهمين كل شئ..

اخذت عبير الأوراق .. مسكتها تقراها .. ومع كل كلمة تقراها تنزل دمعة .. أسى ... حزن ... قهر ... رفعت عيونها المليانة دموع لسعود
عبير وهي تصيح: ليش خدعتني !!!
سعود نزّل راسه:
وقفت عبير وهي تصارخ: ليــــــش؟؟!! ... ليش يا سعووود ليش .. ليش؟!؟! ....
سعود: عبير ....... انا .........
عبير: انت ايش؟!! .. تتحجج طول هالمدة بأنك ما تبي اطفال لأن ...... لأن ............. والقهر تستغفلني وتخليني اخذ مانع حمل..؟؟ّّّّّّّّّّّّّّّّّ!!!!!!!
سعود وحاط راسه بين يدينه: عبير .... الـ...... ...... الكل عارف بالحادث اللي صارلي ببريطانيا ... ومن هناك قالي الدكتور هالحادث تسبب في عجز لك .. جيت هنا تفاجأت بابوي يقول بخطب لك بنت عمك ...ماعارضته .. مع انه ماكان لي خلق زواج ومسؤولية ... لكن قلت اجرب ... تزوّجت .. وطول هالفترة كنت اعالج لكن ما في فايدة واخر شئ يوم رحت لالمانيا أنا قلت لك شغل وهو ماكان شغل كنت رايح علاج لكن الدكتور قالي الأمل ضعيف جدا .. ............... وانا احس إن الانجاب شي مو مهم .. يعني نقدر نعيش من غيره ..الاطفال مو كل شئ ...... صح؟؟!!
عبير تناظره بقهرر .." ليش سعود يتكلم بهالطريقة ليش؟؟!!! ..."
سعود: شوفي يابنت الناس انا بالبدايه ماكانت تفرق معي قلت ليه اجيب عيال وابلش بهم ويمكن انا وانتي مانتفق.. لكن اللحين يوم اغليتك وصار لك مكان بقلبي قلت اعلمها اذا هي تحبني راح تتغاضى وتستمر معي ؟؟!!!!!!
عبير: اللـــــــــــــــــــه يالدنيا صاروا بنات الناس لعبه.. كل واحد يقول اجرب.. وقطع كلامها الصياح وماقدرت تكمل كلامها
سعود: عبير
عبير: ...................
سعود: عبير .. انا احبك ........ يمكن ما حسبت حساب هاليوم ...... لكن تأكدي إن القرار بيدك .. واللي تبينه بيصير .. ومنب غاصبك على شي ..
عبير:......................
سعود: تكلمي يا عبير ..
عبير وبصوت مبحوح واطي: ........................ ليش؟! ... ليش حطمتني وكسرت خاطري؟؟؟؟!!!!
سعود: مدري ... بس اللي انا متأكد منه .. إن الحياة تستمر من غير الاطفال
سعود وهو واقف: عبير انا ابطلع اللحين .. خذي راحتك وفكري
عبير وقفت : ودني بيت اهلي
سعود: خلاص يكون احسن عشان تاخذين راحتك ومااكون قدامك وانتي بتتخذين قرارك ...





فارس وريما جالسين بالصاله .. سمعوا صوت احد جاء التفتوا عالباب لقوا عبير وهي في حالة سيئة ..
راحت ريما عندها: عبيـــر وش فيك؟؟؟!!!!
عبير وبصوت ثقيل: ما فيني شي ... وين الشغالة
ريما: بالمطبخ
عبير وهي ماشية: قولي لها تنظّف غرفتي
ريما: تنظّف غرفتك؟!!! .. وش تبي تنامين هنا اليوم
عبير: ايه

طلعت عبير فوق ورجعت ريما عند فارس بعد ما قالت للشغالة ترتب غرفة عبير...



دخلت عبير غرفة ريما وهي منهارة تحس هموم الدنيا كلها فوق راسها .. تمنت موتها ولا تشوف سعود اللي كان كبير بعيونها ينزل لهالمستوى .. آآآآآآه يا سعود لهالدرجة هانت عليك بنت عمك حتى لو ما كنت بنت عمك مفروض تراعي مشاعر الناس .. انا ما همني الموضوع كثر ما همني اني انخدعت .. بعد ماحبيتك ياسعود ووثقت فيك ..ليـــــــــــــــــــــــــه؟؟!! ليــــــــــــــه؟!.. اللحين وش بقول لاهلي .. وش بيكون موقفهم لما يعرفون حقيقه .. ااااااااااااااااااااااااااااااااااااااااااااه يارب ساعدني احس راسي بينفجر..
يمكن تكون انت تعاني من ضغوط نفسيه ؟؟!! اويمكن طفولتك وتشتتك وانت صغير ماثر عليك!!!! .. بس مهما كان عذرك ماتوصل لدرجه انك تخدعني وتستغل طيبتي..
يالله ياسعود هل تتوقع اني اسامحك بعد كل اللي سويته؟؟؟؟؟؟؟ .. ولايمكن تحسب اني بتعاطف معك؟؟!!.. اخر شئ كنت اتوقعه انك تطلع نذل ياسعود .. ليه انتي كذا يالدنيا ماتدومين لاحد يعني يوم قلت لقيت الحضن الدافئ والقلب الصافي ؟؟؟.. كنت اتوقع اني اسعد انسانه على وجه الارض كنت احسك اعظم رجل .. كنت اعتقد إن حياتي مو ناقصها إلا طفل يكمل فرحتي..
وهنا قعدت تصيح بدون صوت وكان شكلها يحزن ويقطع القلب..





الساعه 9 مساء نواف راجع من الدوام تفاجئ بشاب ينتظره عند باب البيت .. نواف على طول تذكر هذا هو نفسه الشاب اللي شفته بالكوفي قبل كم شهر وبعد هاذي نفس اوصاف اللي جاني بالمكتب الاسبوع اللي راح.. فهم نواف وتوقع انه هذا هو حسام ولد جيرانهم اللي ناوي ينتقم منه.. طنشه نواف وسوى نفسه مو شايفه نزل من السياره بيدخل البيت لكنه تفاجئ بحصى كبيره انرمت عليه لكنها الحمدلله مرت من جنبه ولا اصابته.. التفت نواف بسرعه ..
نواف بعصبيه: خير ان شاء الله وش حركات الاطفال هاذي!!
حسام: أنا طفل؟؟!!!!! الطفل أنت واشكالك
نواف وهو مقهور منه وبيطلع حرره الازعاج اللي كان يجيه طوال الاشهر اللي راحت: أنا شفت مبزره كثير لكن كلهم كانوا اعقل منك بالله عليك هاذي حركه تسويها واحد ماشي في امان الله بيدخل بيتهم ترمي عليه حصى ويييييييين يابوي على بالك بالحج.. اذا بترجم احد رح ارجم نفسك أنت الشيطان مو أنا..
حسام: قسما بالله أنا من زمان حاطك براسي لكن أنت اليوم خربتها معي
نواف وهو داخل البيت ياشر بيده:هههههه ياشيخ والله انك تحفه رح رح بيتكم بس
حسام وبعصبيه يتقدم من نواف ويمسكه قبل مايدخل البيت..
حسام: تعال وين رايح أنا ماخلصت كلامي
نواف انقهر منه انه مد يده عليه: ابعد يدك بسرعه
حسام: انسى الموضوع..
مسك نواف يد حسام وشد عليها وشالها عنه ..
نواف: يدك الوسخة هاذي لا تخليها تلمسني
ارتفع ضغط حسام من نواف ومن كلامه ..
حسام: انـــــا وسخ يا نواف؟!!!!؟!! .... يدي اللي على قولتك وسخة بتعلمك وشلون تتكلم زي الناس وتحترمهم ..
نواف شد قبضة يده: حسـ..........................
ويتماسكون الاثنين قدام باب البيت وكل واحد يدف الثاني.. لما جوو بعض الجيران وفكوهم عن بعض.. راح حسام من عند بيت نواف وهو يصارخ ويتوعد..





ابو نواف وعياله جالسين بالصاله يسولفون..
ابو نواف: فارس حط عالاخبار
ام نواف: متى جت عبير؟؟
ريما: جت المغرب وشكلها تعبانه
فارس: مدري وش فيها مانامت عند ريما قالت نظفوا غرفتي
ام نواف: أنا دخلت عليها لقيتها نايمه وجايبه شنطتها معها
ابو نواف: غريبه هو سعود مسافر؟؟
ريما: ماقالت شئ دخلت وماتكلمت
ام نواف: هي عندها جامعه بكره؟
دخل عليهم نواف ثوبه وسخ والشماغ بيده والاكمام مشمره وعليه جروح خفيفه وحالته حاله..
قامو كلهم بيشوفون وش السالفه..
ابو نواف: وش فيك؟؟؟؟!!!!!!
ام نواف: بسم الله عليك وش صاير؟؟
نواف وهو واصل حده: مافيني شئ بطلع اخذ شور بعدين بنزلكم
ريما: وش سالفتكم انتم اليوم كل واحد داخل معصب ومايبي يتكلم
فارس: يمكن متضارب مع احد
ابو نواف: لااا ولدي مهوب حق هالحركات
ام نواف: الله يستر
فارس: جاني النوم ماعندكم عشاء
ريما: شف المطبخ عندك
ابو نواف: خل اخوانك ينزلون اول
ام نواف: روحي شوفي اخوك واختك ناديهم قولي لهم العشاء وانا بروح اصلحه..
ريما: ان شاء الله يماااا





خالد في السياره مع سلطان يدورون عالمكتبات يبحثون عن مراجع وكتب للجامعه .. لان هذا اخر مستوى لهم فهم يبون ختامه مسك..
سلطان: اسمع هاذي اخر مكتبه مالقينا فيها.. خلاص نشوف واحد من الطلاب نصور منهم
خالد: اوكي مو مشكله
سلطان: هاااااااا خالد وش صار على موضوعك وش قررت؟؟
خالد:أي موضوع؟؟
سلطان: لاتستهبل.. بنت خالك
خالد: كم مرره قلت لك لاتفتح معي الموضوع
سلطان: ربي يعلم ياخالد اني احبك وابي مصلحتك ولا ماكان ضغطت عليك وقلت لك هالكلام
خالد: أنا عارف أنت اكثر من اخو واتوقع لو عندي اخو من امي وابوي ماحبني كثرك ..بس هالموضوع ملييت منه يصدع لي راسي..
سلطان: براحتك بس أنت مصيرك بتتزوج بعد سنه بعد ثلاث بعد عشر قلت خذ لك وحده تحبك
خالد: الله يكتب اللي فيه الخير
سلطان: امييين
خالد: شف لنا مطعم ننزل نتعشى
سلطان: وش تبي بالضبط؟؟
خالد: أي شئ على ذوقك جوعان..
سلطان: المطعم هذا اكلهم شئ بس موووت زحمه وش رايك نطلب ونروح البيت
خالد: بيتكم؟؟
سلطان: اللي يريحك..
خالد: زييين بسرعه اطلب.. لاني بعد عشر دقايق ان مالقيت اكل احتمال اكلك أنت..
سلطان: اقوول عاد عطيناك وجه يقولون لاصار حبيبك عسل لاتلحسه كله..
خالد: ههههههههههههه





على طاوله الطعام..
ام نواف: وش فيك أنت داخل علينا حالتك حاله؟؟
نواف: شفت واحد من الجيران يتضارب فكييت بينهم
ابو نواف: خوفت امك عليك..
فارس: من من الجيران؟؟
ريما: ايووووو اشتغلت اللقافه
عبير: وييين المويه؟؟
نواف: واحد ماتعرفه؟؟
ام نواف: وأنت وش عليك منه تبهذل نفسك عشان الناس؟؟
نواف: يمااااااا الناس للناس لو أنا مكانه وتضاربت كان انتي قلتي وين الجيران مايفكونك..
ابونواف: خلي الولد ياكل من نزل وانتم مستلمينه اسئله؟؟
لهو كلهم مع نواف يسالونه وارتاحت عبير ان محد قالها شئ..
على نهايه العشاء قام ابو نواف: الحمدلله.. إلا صح ياعبير سعود مسافر؟؟
عبير: لاا يبا موجود
ام نواف: اجل وينه؟؟
نواف: وش فيكم استلمتوها هي اول مرره تجي عندنا؟؟
ريما: لااا بس اول مرره تجيب شنطتها وتنام عندنا وسعود بالرياض
عبير: ماتبوني ؟؟!! ارجع بيتي عادي
ام نواف: لاااا محد قال كذا بس كلنا مستغربين
ابو نواف: يابنيتي هذا بيت ابوك لاتقولين هالكلام
نواف: عبير عندنا انووواع الدلع
ريما: وانا مسكينه
عبير: اعوذ بالله منكم
فارس: كم يوم بتجلسين عندنا؟؟
انحرجت عبير من اسئلتهم: السالفه ومافيها اني تعبانه وكارهه نفسي واحس اني مصدعه و..
ريما: اوب اوب صار هذا مستشفى مو عبير
الكل: ههههههههههههه
عبير: طيب خلوني اكمل.. عشان كذا سعود قالي انتي حالتك حاله روحي بيت اهلك ارتاحي كم يوم..
نواف: تبين اوديك المستشفى؟؟
عبير: لااااا مافي شئ يسوى
ام نواف: ان شاء الله يصير اللي في بالي
سكتوا كلهم فهموا قصد ام نواف بالحمل .. عبير ماقدرت تستحمل طلعت فوق على طول..





ساره قدام التلفزيون وتابع بحماس دخلت عليها مها..
مها: انتى 24 ساعه قدام التلفزيون
ساره: وانتي 25 ساعه تطالعين الكتب
مها:هههههه ضحكتيني شوفي الفرق بينهم
ساره: كل واحد حر بنفسه أنا استمتع بالتلفزيون
مها: طيب ليه ماتذاكرين لك كلمتين
ساره: انتي تبين تموتيني من اللحين السنه الجايه بنكرف ثالث ثانوي
مها: غريبه من زمان ماجت ريما عندنا
ساره: اهااااااا انتي جاوبتي عن السؤال السابق بنفسك.. هي ماتجي عشانها اخر سنه وطول وقتها تذاكر تبي تجيب مجموع..
مها: ماشاء الله عيال عمي ابراهيم كلهم دوافير نواف تخصصه حاسب وعبير كيمياء وريما دايم من الاوائل..
ساره: اييييييه وراثه وحنا كلنا داجين إلا انتي فيك شوي
مها: تصدقين ساره طفشانه ودي اطلع
ساره: لحظه عيدي عيدي مو معقول شكلك منتب طبيعيه وانتي تقوليه هالكلام..
مها: ههههههه ليش مو انسان مااطفش زيكم
ساره: لا ماقلت كذا بس اول مره تقولين بطلع بالعاده أنا ازن عليك عشان الطلعه..
مها: امي وينها؟؟
ساره: بالمطبخ
مها: بروح اكلمها عشان نطلع بس اذا عيييت دورك انتي روحي استلميها
ساره: لاااااااا لااااااا انا مو مصدقه انتي اليوم فيك شئ..
مها: اييييييه طفشانه
راحت مها تكلم امها .. رجعت لساره..
ساره: هااااااا وش صار وافقت؟؟
مها: لاااااااا مارضت
ساره: عادي لاتضيقين صدرك تحصل في افضل العائلات..






عبير صار لها ثلاث ايام عند اهلها ماصار بينها وبين سعود أي اتصال هو تعمد مايبي ياثر عليها وهي تفكر وتحسم الموضوع.. حتى اهلها مارجعوا سالوها مرره ثانيه حسوا انها تضايقت المرره اللي راحت من سؤالهم.. من يوم تركت بيت سعود ماداومت بالجامعه نفسيتها ماكانت تسمح لها .. وهي جالسه بغرفتها وسرحانه كانت دموعها تنزل من غير شعور وكان هذا حالها كل مااختلت بنفسها.. سمعت صوت مسج تنهدت ورفعت الجهاز بتشوف من ميين.. كان من سعود..

"منت اختياري ولكن صرت لي قسمه.. الله كتب لي احبك ماهو بكيفي"

ضحكت عبير باستهزأ.. رجعت الجهاز مكانه وهي تقول في نفسها اييه الكلام الحلو مافي احد مثلك يقوله ياسعود لكنك بنفس الوقت تجرح بقوووووووه.. تذكرت مسج قوووي عندها جلست تدوره بالاخير لقته وارسلته له وقفلت جوالها على طول..

"احسب الناس مثلي في طيبي وعلى نفسي ابديهم.. واثري مليون مره انخدع فيهم"



وصل المسج لسعود انصدم ان عبير وصل تفكيرها فيه لهالدرجه معقوله هي تفكر فيني هالتفكير يعني أنا بنظرها مجرد من الاحاسيس والمشاعر.. ليه كذا ؟؟ كل اللي صار مو بيدي هذا اراده رب العالمين.. وانا وضحت لها اني مااهملت نفسي كنت طول المده اللي راحت اعالج بالسعوديه وبرى السعوديه ماتركت مكان مارحت له .. هذا جزاى كنت صريح معها.. بعد تفكيير عميق قرر انه يدق عليها بيدافع عن نفسه ويوضح لها كل شئ ماتعرفه.. دق عليها لكنه حصل رقمها مغلق تحطم وحط راسه عالسرير يبي ينام..





مشاري طالع هو واصدقائه للاستراحه وعلى نفس حالهم ماتغير فيهم شئ ضحك واستهبال وسوالف عن البنات..
طلال: مشاري وين اراضيك أنت ماللك شوفه؟؟
مشاري: موجود بس نومي متلخبط..
منصور: هههه يمكن التزم الرجال
مشاري: هاهاها دمك خفيف صاير
عبد العزيز: وش فيكم عليه توه داخل خلوه ياخذ نفس
طلال: وحنا وش قلنا نسال عن اخباره حرام
مشاري: الحمدلله بخير الله يسلمكم
منصور: خلاص روقنا نبي نتستانس
طلال: ماعندكم قهوه شاهي؟؟
مشاري: ويين يابوي قهوجيه عندك؟؟
عبدالعزيز: أنا قايل لكم الولد هذا مو طبيعي الاخلاق هاليومين خربانه
طلال: وش فيك علينا داخل علينا هاجم
مشاري:هات الريموت بس خلينا نشوف التلفزيون
منصور: احد مزعلك فينا ولا احد غلط عليك؟؟
عبد العزيز: اتركه ماعليك منه حنا ماسوينا له شئ بس هو مادري وش فيه منتفخ علينا اليوم..
طنشهم مشاري وجلس يطالع التلفزيون ويقلب بالقنوات





ريما دخلت على عبير بالغرفه لقتها جالسه الحالها وضايق صدرها كان واضح عليها انها كانت جالسه تصيح..
ريما: وش فيك انتي هاليومين مو طبيعيه؟؟!!!
عبير: لا مافيني شئ..
ريما: الااااا فيك شئ احس ضايق صدرك
ماردت عليها عبير..
ريما: طيب قومي اجلسي بالصاله اهلي تحت
عبير: ماودي تعبانه..
ريما: انتي حامل؟؟؟؟!!!!!!!!!!!!!
عبير: لااااااااااااا ليش؟؟
ريما: اشوفك تاركه بيتك وتعبانه قلت اكيييد حامل
عبير بضيقه صدر: اهااااا صايره مكتشفه
ريما: تعالي خل بحكي لك عن وحده عندنا بالمدرسه مهيب صاحيه..
عبير: بعديين اللحين مالي خلق..
ريما: شكلك؟؟!!
عبير: وش فيه شكلي؟؟
ريما: لاااا مافيه شئ .. بس خليني اقولك نكته.
عبير: يوووو ياريما قلت لك بعدين اللحين مالي مزاج لشئ..
ريما: أنا حاسه ان في شئ كبير صاير.. ومااكون ريما اذا مااكتشفته
عبير: طيب طيب اطلعي اللحين..
ريما: اوووف قويه .. مصيرك تحتاجيني
طلعت ريما وحطت عبير راسها على حافه السرير وهي تحس بالم واسئ من زمان ماحست فيه لكن وش تسوي هذا شئ كاتبه لها رب العالمين..





في بيت ابو سعود البيت صار كئيب ماله طعم بعد ماتركته عبير ..
ابوسعود: عبير إلا الان ماجت من عند اهلها
سعود: لااا يبا يمكن تجلس عندهم كم يوم
ابو سعود: غريبه ميب عادتها تجلس عند اهلها طول هالمده لها اسبوع تقريبا
سعود: تقول شوي تعبانه
ابوسعود: إلا الان انفلونزا
سعود: ايييه.. هي كذا اذا تعبت..
ابو سعود: الله يشفيها عاد عبير بنت حلال لو تحطها على الجرح يبرا.. الله الله فيها ياوليدي.. سعود حس بتانيب ضمير من كلام ابوه: ان شاء الله يبا
ابو سعود: وش فيك ؟؟
سعود: لاااا يبا مافي شي.. عن اذنك يبا جاني النوم
ابوسعود: يلااا حتى انا بروح انام
قام سعود دخل غرفته وجلس يتامل فيها ويشوف اغراض عبير..طاحت عينه عالتسريحه فيها عطوراتها وكريماتها ومكياجها وكل شئ عليها يذكره فيها قرب من التسريحه مسك عطر من عطوراتها كانت تحط منه دايم رش بالغرفه وعالسرير حس انه اشتاق لها بس مابيده حيله.. شكلها خلاص ماتبيني.. راح انسدح عالسرير كان بيدق عليها لكنه تراجع قال هي متى ماقررت راح تكلمني.. قال خليني ارسلها مسج..

" تظنين منزلك عندي
صغير وماافقدك لاغبتي..!!
عسى الله لايبين لك غلاك وقدرك الخافي..
أنا لو جيت ابوصف لك مكانك عندي وحاولت..!!
بقدم لك سكوتي
مااحس الحكي كافي..
ياغلى من في الجود....!!!!!!!"

عبير كانت بغرفتها مطفيه النور بتنام وحاطه جوالهاعالسايلنت شافت نور الجوال رفعته لقت مسج فتحته قرته خنقتها العبره..كانت مشتاقه لسعود نفسها تسمع صوته تشوف وش اخباره بس كبريائها ماتسمح لها هو جرحها ولازم يعرف هالشئ هو ماراعاها من اول المفروض هي اللحين ماتهتم فيه.. ردت عليه بمسج كتبت فيه..

"اذا طلع لك قلب وعرفت تشتاق..
تعال دورني ودور مكاني"

انصدم سعود من ردها وبسرعه ارسل لها..

" حبيبي من يعزك بالهوى ماتقدر تذله..
ترى قربك يزيد بالغلا وان عفتني غالي"

وصل المسج لعبير جلست تقراه كذا مررره وتعيد فيه ..جلست تصيح ان سعود وصل علاقتهم لهالدرجه من كان يصدق اني أنا اتركه واجي بيت اهلى ونقعد أنا وياه نتراسل بالمسجات.... كانت تحس ان هالمسجات اللي ترسلها له ترد لها جزء من كرامتها اللي انهانت وخاصه انها كتمت عالموضوع وماقالت لاحد من اهلها انها جايه زعلانه لانها بالواقع ماتتخيل نفسها انها تترك سعود..بعد ماهدت عبيرشوي قالت خليني ارد عليه..

" قل كلام يشرح الخاطر او ارحل..
لاتطولها وهي عندي قصيره..
لوتبي تزعل وانا مااخطيت ازعل..!!
وابتعد مادامت الدنيا كبيره..!!"

يوم شاف سعود المسج ضاق صدره حس ان الدنيا هاذي مافيها احد مرتاح اول ماجيت قالي ابوي بزوجك بنت عمك مارضيت .. ويوم تعلقت فيها وحبيتها الدنيا شكلها بتفرقنا..ااااااه بس يالدنيا.. قعد يقلب بجواله بعدين ارسلها..

"اجرح مدام الجرح فيني يسليك..
اجرح عساك تكون السبب في وفاتي..!!"


بعد ماقرت عبير المسج قالت سبحان الله اللحين كم مسج ارسلتهم جرحوك ياسعود وأنت معيشني سنين بكذب وخداع وماتبيني انجرح.. مسوي نفسك أنت المظلوم وربي وحده عارف مين اللي ظالم مييين؟؟؟؟!!!!!!
ارسلت له عبير..

" توقع وش يكون الرد
من قلب اهديته جروح..؟؟!!
يهلى بك وينسى الجروح..
ويقولك ياغلا مسموح...
تخيل عيش ماساتي .. تصور انك المجروح..
بتعرف بعدها ردي..
ومعاناتي مع الايام.."

سعود وهو يطالع بجواله.. اااه ليه ليه؟؟؟؟ ليه انتي ياعبير تعذبني تبين تحسسني اني مذنب.. يكفيني اللي فيني ليه تزيدين همومي.. كتب لها..

" ان كان تسأل من على روحي اغليت..
اغليت لي اثنين في وسط عيني..
ابوي وامي في غلاهم تماديت..
لي الحق افخر في غلا والديني..
والثالث أنت عقبهم جيت..
يالي ابيك وعارف انك ماتبيني.."

يوم وصلها المسج انهارت قعدت تصيح وماردت عليه لانها كانت بحاله نفسيه سيئه .. مسجاته كانت تعور قلبها لكنها ترد عليه بقسوه تبي تعلمه انها هي مجروحه اكثر منه.. قفلت الجوال لانها ملت ماتبي تستقبل شئ ماتبي تشوف رسايل زود..





دخلت ام مشاري على بنتها لقتها تذاكر..
ام مشاري: وش تسوين؟؟!!
مها: اراجع محاضراتي..
ام مشاري: الله يوفقك
مها بابتسامه: امييين
ام مشاري: مها تذكرين الموضوع اللي كلمناك فيه قبل رمضان؟؟
مها: أي موضوع؟؟
ام مشاري: موضوع الخطبه.. الناس رجعوا كلمونا هاااااا وش رايك؟؟
مها: أنا من اول قلت مابي اتزوج اللحين
ام مشاري: بس والله الناس طيبين وبتستانسين معهم
مها: يماااا أنا اللحين ماافكر الابدراستي
ام مشاري: أي بنت مصيرها تتزوج
مها: يماااا اللي ربي كاتبه بيصير..
ام مشاري: يعني وش اقول لابوك؟؟
مها: قولي له متى ماربي راد بتزوج
ام مشاري: ونعم بالله
مها: لاتزعلون مني يماااا
ام مشاري: مازعلنا حنا بس متحسفين بالرجال ماشاء الله عليه اخلاق وعلم ووظيفه..
مها: وانا الحمدلله مو ناقصني شئ..
ام مشاري: الله يهديك





بالاستراحه الشباب مجتمعين..
ثامر: أنا مليييت من حياتي ابي وظيفه
نواف: تبي وظيفه وأنت مامعك إلا ثانويه ..ناس معهم جامعه ومو محصلين
فيصل: ايش التحطيم هذا؟؟
نواف: أنا ماقلت إلا الصدق.. طيب ليه ماتفكر تاخذ لك دورات تنفعك؟؟
ثامر: دورات ايش؟؟
عبدالله: الكمبيوتر اضمن شئ..
نواف: أنا اعرف كثير ناس متوظفين بدورات
فيصل: ايييه والله انك صادق معنا بالشركه كذا واحد مو جامعين ومع كذا توظفوا
عبدالله: بس الواسطه تلعب دور
ثامر: جابها عبدالله الواسطه اهم شئ
نواف: اللحين الخريجين صاروا اكثر من الوظايف
فيصل: هذا غير بعض التخصصات اللي مايحتاجها سوق العمل
عبدالله: أنا بفهم الناس اللي يدخلون تخصصات نظريه مثل التاريخ واللغه العربيه بالله وش يستفيدون..
نواف: هذولا على طول عالتدريس؟؟
ثامر: واللي مو تربوي؟؟
نواف: والله مدري عنهم..؟؟
فيصل: بس زي ماقال نواف رح خذلك دوره وان شاء الله ربي يسهل امورك
عبدالله: الجرايد مليانه وظايف اجلس على الارقام ودق واسال..
ثامر: هههه ياحليلك كلهم يبون خبره وحتى لو انك جامعي
نواف: اللحين الجامعات صار مافي قبول من اول يلاحقون خريج الثانوي عشان يدرس جامعه.. واللحين عطهم فلوس وعساهم يدرسونك..
عبدالله: لاااااا ومو كذا وبس قبل كانوا اي خريج يعطونه مكافئه خمسين الف وقطعه ارض
ثامر: أنا ماابي خمسين الف ولا ابي ارض ابي أي وظيفه..
فيصل: هههههههههه لاتكفي لاتردني امسك الخمسين والارض ميب مشكله نشوف غيرك ياخذها..
الكل: ههههههههههههههههههههه
الأميرة دانة
16 - 09 - 2009, 02:59 AM
الجزء التاسع عشر..
,,,,,,,,,,,,,,,,,,,,,

الساعه11 الليل.. في الصاله في بيت ابو نواف..

ام نواف: يلا يماااه فارس رح نام وراك بكره مدرسه
ابو نواف: شف ريما ماشاء الله تعشت ونامت وأنت كل يوم على ذا الحال
فارس: مافيني نوم
ام نواف: رح حط راسك واقرا المعوذات وايه الكرسى وان شاء الله تنام
فارس وشكله ماوده يقوم: ان شاء الله
ابونواف: الحمدلله فارس تغير وقلت طلعاته عن اول
ام نواف: اييييييه الحمدلله من اول يضيق صدري اذا طلع..
ابونواف: الله يصلحه هو واخوانه..
ام نواف: اميييين
ابونواف: ماتدرين عبير وش فيها؟؟
ام نواف: بسم الله عليها مافيها إلا العافيه..
ابو نواف: بس جلستها عندنا طول هالمده مو غريبه؟؟!!
ام نواف: صح انها اول مرره تسويها من تزوجت..بس أنا قلت يمكن عشانها تداوم بالجامعه ترجع تعبانه ..
ابونواف: أنا ماودي اتكلم معها اواسالها عن شئ البنت حساسه اللحين تفهم اننا متضايقين منها..
ام نواف: لها تقريبا اسبوعين ماتكلمت ولاقالت شئ..
ابونواف: شوفي وش فيها شئ مضايقها؟؟
ام نواف: أنا بالبدايه كنت شاكه انها حامل بس لمن لمحت لها ضاق صدرها..
ابو نواف: المشكله ان عبير كتومه مهيب من النوع اللي يتكلم..
ام نواف: ان شاء الله بكره بجلس معها واشوف وش فيها
ابو نواف: على خييير.. يلااااا بطلع فوق انام





ساره ومها بغرفه النوم انواع الازعاج واصواتهم طالعه كالعاده..
ساره: طفــــــــــــــــــي النور بنام
مها: لحظه
ساره: مهااااااااا مهااااااااااااا طفي النور
مها: اووف قلت لك شوي
ساره: ترى مليييت منك كل يوم على ذا الحال
مها: باقي لي صفحتين انتظري
ساره: اطلعي بره الغرفه.. فيه الف مكان تذاكريين فيه
مها: اخاف انزل تحت الحالي البيت كله نايم
ساره: لاتخافين اذا طلع لك جني ولا حرامي قولي له أنا احب القراءه بينحاشون على طول..
مها: هاهاهاها
ساره: ترى صبري نفذ
مها: خلاااااااص عفت المذاكره منك
ساره: الحمدلله اخيرا.. طفي النور
مها: اول بتاكد من اغراضي اللي بالشنطه
ساره: يانااااااااااااس الشغاله اللي هي الشغاله ازين مني عندها غرفه الحالها وانا لاااا
مها: ههههههه
ساره: ولا محد لقاها إلا خالد ساكن الحاله .. عايش حياته صح
مها التفت بسرعه: خاااااالد
ساره: اييييه خالد مستانس مو أنا؟؟!! عايشه تحت رحمتك
مها: وايش معنى خالد؟؟
ساره: كذا جاء في بالي.. يلاااااا قفلي النور
صكرت مها النور وانسدحت عالسرير وغرقت في بحور افكارها .. حب من طرف واحد هل له فايده؟؟ ليش هو مايفكر فيني مثل ماافكر فيه؟؟ أنا عارفه انه شايف نفسه وثقيل بس مع كذا احبه.. ااه من هالدنيا ماتجمع اثنين إلا صدفه .. التخطيط ماله أي مكان فيها.. الله يصبرني..





الساعه 6:30 الصباح الكل صاحي وراهم دوامات ومدارس..
ريما: يماااا كم مرره قلت لكم ابي عصير برتقال الصبح
ام نواف: نسينا اليوم
نواف: معليش ياصاحبه السمو اصفحي عنهم اليوم..
ابو نواف: طييب الحليب وش فيه؟؟
فارس: بس تتدلع
ريما: أنت ليه حاط دوبك من دوبي
فارس: بس كذا احب اشوفك معصبه
نواف: ياخي كل وأنت ساكت
ابو نواف: اشتغلت الحرب
ام نواف: سموو بالله
ابو نواف: عبير وين هي؟؟
نواف: أنا شفتها يوم قمت اصلي
ريما: تقول محاضرتها الساعه 9ونص
ام نواف: اجل لازم تقوم الساعه 8
نواف: من بيوديها؟؟
فارس: اكيييد السواق
ريما: طيييب يلااا خلصنا قم تاخرنا عالمدرسه بنروح..
ام نواف: قولوله يرجع يودي عبير
ابو نواف: أنا موصيه يجيب لي اغراض بعد مايوديهم
نواف: ميب مشكله اذا أنت تبي السواق اوديها أنا او تدق على رجلها يجي ياخذها
ريما: خلااااص حنا بنطلع اللحين.. مع السلامه
فارس: يلااااا.. مع السلامه
الكل: مع السلامه
نواف: وانا بعد طالع عندي كم مشوار قبل الدوام.. فمان الله
ام نواف+ ابو نواف: فمان الله





العصر في بيت ابو مشاري..
مشاري: السلام عليكم
الكل: وعليكم السلام
ابو مشاري: صح النوم
ام مشاري: تبي غدا يماااا
ساره: لاتقولون لي أنا اللي بحط الغداء
مشاري: لاااا مابي منك شئ بس فكيني
مها: هههه ماتسوى عليك الكلمه
ام مشاري: ماودك تاكل شئ؟؟
مشاري: لا يما منب مشتهي
ابو مشاري: اقول مشاري الاسبوع اللي راح كلمت واحد اعرفه قلت له يشوف لك وظيفه..
ام مشاري: زين زين..
مشاري: وظيفه!!!!!! وين؟؟؟؟؟
ابو مشاري: بالبريد..
مشاري: بالبريد.. يعني وش اشتغل بالضبط
ام مشاري: احمد ربك لقيت وظيفه
ابو مشاري: موظف عادي
ساره: هههههه لايكون تبيهم يخلونك المدير من اول يوم
مها بصوت واطي: تراه مو ناقصك
مشاري وهو يناظر ساره نظره حاده: طيب يبااا كم راتبهم
ابو مشاري: طرار ويتشرط بعد .. احمد ربك حصلنا احد يعطيك وجه
ام مشاري: رح جرب الشغله ان شاء الله تعجبك والراتب موب مشكله
ابو مشاري: لااااااا لاااااااا اذا من اولها كذا تعجبه وماتعجبه لايروح يفشلني عند الرجال..
مها: توكل على الله يامشاري وان شاء الله تتيسر امورك
مشاري بتردد: متى اروح لهم يباااااا
ابو مشاري: اكييييد بكره الصبح ولاتبي متى ماصحيت هم يستقبلونك
ام مشاري: وش فيك عصبت عالولد خلاص ان شاء الله بيروح لهم الصبح
مشاري: خلاص يبااا ان شاء الله الصبح بروح بس وين بالبريد أي فرع؟؟!!
ابو مشاري: أنا بكلم بعد شوي واسال الرجال
ام مشاري: الله يوفقك ويهديك ياوليدي
ساره: عالبركه قبل الزحمه
مها: ههههه على ايش تباركين صار شئ؟؟!!
ابومشاري: انتم خلوه يروح بكره ويسون له مقابله شخصيه بعدين يصير خير
ام مشاري: الله يعييين
ابو مشاري: اذا اجتزت المقابله ووظفوك الله الله بالانضباط مو تفشلني عند الرجال..
مشاري: ان شاء الله يبا.. يصير خيير





ام نواف سرحانه وتفكر بعبير غريبه وش اللي يخليها جالسه عندنا طول هالمده مع ان زوجها موجود والمشكله طول هالاسبوعين مامرنا ابد .. يكون صاير بينهم شئ؟؟.. بس هم عمرهم مااشتكوا من شئ كانوا بسم الله عليهم متفاهمين بكل امورهم.. أنا ليش اتعب نفسى وافكر أنا لازم اروح اجلس معها اللحين وافهم وش السالفه.. دخلت ام نواف على بنتها لقتها مشغله المسجل على اغنيه " قله" لعبد المجيد عبدالله.. اول مادخلت عليها امها عدلت جلستها وقفلت المسجل..
عبير: هلا يما
ام نواف: ليش جالسه لحالك؟؟
عبير: ابدا ماعندي شئ
ام نواف: عبير ودي اتكلم معك بموضوع
عبير تغير لون وجهها وعلى طول جاء في بالها ان امها بتفتح معها سالفه قعدتها عندهم بالبيت: تفضلي يماااا
ام نواف: انتي تدرين ان بيت ابوك هو بيتك ومهما طالت مده جلوسك عندنا عمرنا ماراح نتضايق اونقولك شئ.. بس كلنا مستغربين من جلستك عندنا وسعود في عمرك ماسويتيها..
عبير خنقتها العبره غرقت عيونها بالدموع .. هذا السؤال اللي كانت خايفه انهم يسالونه اياه وش ترد عليهم وش بتقولهم؟؟!!
ام نواف: وش فيكم صاير بينكم شئ لاسمح الله
عبير ماقدرت تمسك نفسها زود قعدت تصيح ورمت نفسها بحضن امها..
ام نواف وهي ضامتها: بسم الله عليك وش فيك؟؟؟؟؟؟؟!!!!!!!!!!
عبير وصوتها مقطعه الصياح: تعبانه يماااا تعبانه
ام نواف: لااله إلا الله محمد رسول الله.. تعوذي من ابليس
عبير: يماااا
ام نواف: تكلمي يابنيتي أنا اسمعك والله قطعتي قلبي عليك
عبير: ااااه بس ضايق صدري مدري وش اقولك يماااا
ام نواف: قولي وش فيك؟؟؟!!!!!!
استمرت عبير تصيح لما حست انها طلعت شوي من اللي بداخلها.. ام نواف جلست تقرا المعوذات وايه الكرسي على بنتها..
ام نواف: هااااااا ماودك تريحيني وتقولين وش فيك؟؟
عبير وهي تمسح دموعها: ان شاء الله بعلمك يمااا بس مو اليوم اذا هديت قلت لك كل شئ..
ام نواف: ريحيني الله يريحك سعود مزعلك بشئ..؟؟
عبير: طلبتك يمااا ماابي اتكلم اللحين..
ام نواف: براحتك يابنيتي.. بس تري والله كلنا ضايقه صدورنا حاسين ان فيك شئ ومو راضيه تتكلمين..
التفتت عبير عالجهه الثانيه وماردت على امها ماتدري وش تقول تخاف ان أي كلمه تطلع منها راح يعرفون كل شئ.. عشان كذا فضلت السكوت.. طلعت امها من عندها بعد مافتحت جروحها وقلبت كيانها من غير ماتقصد .. الحمدلله يارب انك ساعدتني ولافضحتني عندهم ماابيهم يعرفون شئ قبل مااقرر لاني أنا نفسي مدري وش اسوى .. الله يعيني ويصبرني..




الدنيا هاذي زي مافيها الشر فيها الخير يعني زي مايقولون " الدنيا لسى بخير " والدليل سلطان اللي مع خالد اكثر من اخو..

سلطان: شفت ناصر يلعب علينا لاقينا هنود عنده يقول أنا ساكن بشمال الرياض
خالد: ناصر راعي الهمر؟؟
سلطان: ههههههههههه ايييه هو
خالد: وش فيه؟؟
سلطان: مو هو مسوي فيها ولد نعمه يقول أنا ساكن بالشمال المهم امس وانا بالجامعة كنت ادور في المبني ابي اكلم الدكتور شفت واحد من العيال معي بالقاعه يقول انه جيرانهم
خالد: طيب وش المشكله؟؟
سلطان: أنت اسمع بعدين تكلم.. الولد يقول قهر أنا جاي اليوم خصيصا عشان اكلم الدكتور واخرتها احصله مو موجود.. قلت له مو مشكله تعال له بكره.. قالي لاا بكره أنا ماعندي محاضره وصعبه اضرب مشوار من النسيم للجامعه..
خالد: ههههههههههههههههههه النسيم
سلطان: ايييه النسيم تخيل
خالد: ياشيخ الولد هذا نصاب أنا من سمعته يقول ماارتحت بالهمر وانا غاسل يدي
سلطان: حبل الكذب قصير
خالد: زيين ماقال أنا كل صيف اصيف باوربا
سلطان: لااا هاذي قويه مايمديه.. يخاف اللحين نساله وش شفت وش سويت مايقدر يرقع لعمره
خالد: هههههههههههه والله انك صادق
سلطان: ااااه بس أنا عندي امتحان هالاسبوع ولاعندي المحاضرات
خالد: دبر عمرك المشكله الماده هاذي مو عندي ولا كان ساعدتك
سلطان: أنا لو اني ماخذ ترم صيفي كان ارتحت
خالد: قلق الترم الصيفي ملل الواحد يصير طول عمره دراسه مايغير هالروتين
سلطان: صح هو ملل بس يخفف علينا المواد شوي
خالد: بالله وش مستعجل عليه بتتخرج..لوظيفه تنتظرك
سلطان: ياشييييييييخ والله انك انواع التحطيم.. تفالوا بالخير تجدوه
خالد: لاتعشم نفسك
سلطان: الله يعين خلنا نتخرج اللحين بعدين يصير خير
خالد: الله كريم





الصباح راح مشاري لمكتب البريد يقدم عالوظيفه كان معه اوراقه الشخصيه.. دخل على شئون الموظفين وهناك تمت المقابله الشخصيه والحمد لله اجتازها بنجاح.. طلبوا منه انه يستلم الشغل من بكره مشاري يوم سالهم عن الراتب حس انه شوي لكنه مابغي يفشل ابوه مع الرجال اللي متوسط له ابوه عنده قال شئ ازين من لاشئ يعني أنا وش استفدت من جلستي عاطل طول السنوات اللي راحت لادراسه ولاشغل بس نوم وسهر وملل.. خليني اغير شوى من حياتي يمكن ارتاح واريح اهلى اللي دايماا يتذمرون من تصرفاتي بس عشان اثبت لهم اني مو زي مايقولون عني اني لعاب ولاعندي سالفه خليهم يدرون اني أنا اذا حطيت شئ في بالي سويته.. ابي اثبت وجودي قدام الكل.. ركب سيارته وهو متجه للبيت قال خليني ادق على رقم نجود واجرب يمكن رجع الخط.. دق عليها لكن للاسف حصل الرقم خارج الخدمه.. ضاق صدره وفقد الأمل عرف انه خلاص مستحيل راح يسمع صوتها مره ثانيه لانها هي اللي بغت هالشئ والواضح انها ماغيرت رقمها إلا عشان تفتك مني.. أنا غبي كله مني كانت معي وانا اللي ضيعتها باستهتاري..





في غرفه النوم ابو نواف وام نواف جالسين يتناقشون..
ابو نواف: كان حاولتي معها
ام نواف: اقولك ماقدرت قطعت قلبي بالصياح
ابو نواف: غريبه هالصياح ماجاء من فراغ اكييد في سبب
ام نواف: الله يستر
ابو نواف: أنا من زمان قلبي ناغزني كنت حاس انه في شئ
ام نواف: البنت نفسياتها تعبانه عشان كذا قلت أنا ماودي اضغط عليها
ابو نواف: وسعود من يوم ماجابها ماشفناه.. وش بيكون بينهم؟؟
ام نواف: حتى نواف يسالني يقول سعود مامرنا ابد
طق عليهم الباب..دخلت ريما..
ريما: السلام عليكم
ام نواف+ ابو نواف: وعليكم السلام
ريما: احممممم احمم
ام نواف: وش عندك؟؟
ابو نواف: اكييد تبين شئ
ريما: الصراحه الصراحه..
ام نواف: ايوووه
ريما: يباااا ابي فلوس
ابو نواف: فلوس مو يوم السبت أنا عاطيك مصروف هالاسبوع..
ريما: لا هاذي الفلوس مو مصروف
ام نواف: تبين السوق.. مافي روحه.. كل يوم كل يوم السوق
ريما: لااااااا مو سوق
ابو نواف: اجل وش عندك تكلمي
ريما: ابي فلوس
ابو نواف: كم تبين..
ريما: ميتين ريال..
ام نواف: وشوله
ابو نواف: وش بتسوين فيهم
ريما: الصراحه تراهنت أنا ووحده من البنات
ابو نواف: تراهنتوا على ايش؟؟
ريما: قلت لها الاستاذه هاذي مو متزوجه قالت إلا متزوجه .. قلنا خلاص اللي يطلع كلامها صحيح تعطي الثانيه 200 ريال
ام نواف: ههه الحمدلله والشكر وانتم وش عليكم من خلق الله يتزوجون ياكلون ينامون كل واحد حر بتصرفاته..
ابو نواف: رايحييين نادي انتم مو مدرسه
ريما: تكفى يباا لاتردني لا تفشلني قدام البنت
ام نواف: يفشلك.. وش انتم عليكم خرابيط
ريما: بابا الله يخليك
ابو نواف: خلاص ذكريني الصبح اعطيك
ريما وتحب راس ابوها: مشكور يبااا
ام نواف: ثانيه مرره لاتجلسون تتراهنون انتي والبنات
ريما وهي طالعه: مااقدر اشوفهم يتوقعون ومااتوقع معهم
ابو نواف: سبحان الله اللي يشوف اطباعها هي وعبير مايصدق انهم خوات
ام نواف: ههههه ايييه من يوم هم صغار وانا ملاحظه ان اطباعهم مختلفه..





الساعه 12 الليل سعود يتقلب يبي ينام مو راضي يجيه النوم من يوم تركت عبير البيت وهذا حاله جايه ارق.. اليوم يحس ان شوقه لعبير زايد من زمان عنها وعن مسجاتها احبها بس هي تجرحني ومو راضيه تفهم ان كل شئ صار مو بيدي.. بعد تفكير قرر سعود انه يدق عليها.. مسك الجوال طلع رقمها ودق عليها رن رن بس محد رفعها..
كانت عبير توها ماخذه لها شور طالعه من الحمام فاتحه الدولاب بتطلع لها بجامه دق جوالها قربت منه شافت مكتوب عطري.. تنهدت وقالت اخيرا حنيت لي ودقيت فرحت عبير باتصاله بس ماردت عليه طنشت مع ان قلبها يتقطع عليه نفسها تسمع صوته وتشوف وش اخباره ؟؟ ووشلون عايش؟؟ من يطبخ له؟؟ من يغسل ملابسه؟؟ اكيييد انه محيوس؟؟
اااااااااه أنا لمتى بقعد كذا لازم احسم الموضوع لازم اشوف حل حتى اهلى مااظن انهم راح يسكتون اكيييد راح يصيرون وراي وراي لما يعرفون وش القصه..
سعود تحطم يوم عبير ماردت عليه بعدها ناظر الساعه قال لا اكيد الوقت متاخر ونايمه ولايمكن شافت رقمي وماتبي ترد علي.. عبير تغيرت صارت قاسيه على مو عبير اللي اعرفها.. خليني انام وراي بكره دوام وبكره بحاول ادق عليها مرره ثانيه..





يوم الخميس كلهم مجتمعين في بيت ابو نواف عالعشاء..
خالد: مشاري عالبركه عمي يقول انك توظفت..
سعود: اوووووه مبروك توني ادري
مشاري: الله يبارك فيكم.. بس تكفون وشى هالوظيفه تضيع وقت ولاراتبها يفشل مو شئ..
خالد: ياشيييييخ احمد ربك ازين من جلسه البيت
نواف: ايييييه صح دقيت عليك ببارك لك اول مادريت بس لقيت رقمك خارج الخدمه
سعود: غريبه مشاري يستغني عن الجوال
مشاري: ههههه قلق الجوال مافي منه أي فايده.. مستحي اقول للوالد يسدد لي وانا راتبي يجيب الهم..
نواف: ليييييه الجوال مامنه فايده؟؟ والله في كثير مواقف الجوال يكون فيها ضروري
خالد: ولا أنت على بالك الواحد مايستخدم التلفون إلا للي بالي بالك..
سعود: طقها بالوجه قل البنات..
مشاري: هههههه والله البنات نصبات مايجي منهم إلا وجع الراس
نواف: احلـــــى والله مشاري قلبت عليهم مررره وحده
مشاري: ياشييخ وش اخباركم بس؟؟
سعود: غريبه ابوي وعماني تاخروا كل ذا صلاه.. حنا صلينا وجينا وهم إلا الان والله لو انها تراويح..
نواف: لا يمكن احد من الجيران مسكهم وقعد سواليف معهم..
خالد: فارس اذا ما عليك أمر جب لي موية ..
فارس: ان شاء الله

ابو نواف واخوانه وهم بالطريق راجعين للبيت ..
ابوسعود: وش اخبارها عبير؟؟
ابو نواف: بخير ماعليها.. بس والله مدري وش فيها
ابو مشاري: عسى ماشر..
ابو نواف: مدري لها ثلاث اسابيع عندنا تقول تعبانه وانا مدري وش فيها..
ابو سعود: وانا كل ماسالت سعود عنها قال كم يوم وراجعه..
ابو مشاري: يعني هي من زمان عندكم بالبيت؟؟
ابو نواف: ايييييه وانا والله من يوم ماجت وانا حاس انه فيها شئ.. جيتها موطبيعيه
ابو مشاري: الله يهدي سرهم..
ابوسعود: بغيت اسال سعود عنها وان كان بينهم شئ بالاخير تراجعت قلت مشاكلهم يحلونها لحالهم..
ابو نواف: وأنت صادق مو لازم نتدخل بينهم إلا اذا هم طلبوا مننا هالشئ..
ابومشاري: الله يهديهم..
ابوسعود: يلااا وصلنا ماودي العيال يسمعون شئ..

دخلوا عليهم..
سعود: بدري كان تاخرتوا..
ابو سعود: هههههه عمك قال خلونا ناخذ لفه عالحاره
ابو نواف: المشي زيين
نواف: والله يبا ماتلعبون حنا الشباب مامشينا..
ابو مشاري: محد قالكم ماتمشون امشوا الحركه بركه
نواف: اجل مدام المشى زيين ماراح نفوت.. سعود قم معي خلينا نتمشى شوي..
خالد: نواف وييين فارس تاخر
ابو نواف: وش تبي فيه
نواف: عاااد فارس يومه بسنه .. شوي اذا ماجاء دخلت أنا اشوف
خالد: قلت له يجيب مويه
مشاري: هههههه والله اخوك ذا دخل يصنع مويه
طلعوا نواف وسعود برى المجلس..
نواف: شف أنا صراحه بتكلم معك بموضوع..
سعود: تفضل..
نواف: طبعا مو هنا.. ويين تبينا نروح نجلس بالسياره ولانروح مكان قريب عشان مانتاخر عليهم..
سعود وفهم وش يبي منه: براحتك..
نواف: اجل تعال خلنا نركب سيارتي..
بعد ماركبوا..
نواف: شف ياسعود أنا مو من طبعي اني اتدخل بخصوصيات احد.. بس والله ماتكلمت إلا اني عادك اخوو..
سعود: اكييييد يانواف..
نواف: أنت وعبير فيكم شئ مو طبيعين.. اذا ماودك تتكلم او تعتبر هالشئ تدخل مني براحتك..
سعود: لااا عادي وش دعوه.. بس هي قالت لكم شئ..؟؟
نواف: ليتها تتكلم كان عرفنا وش فيها بس من يوم ماجت من ثلاث اسابيع تقريبا والبنت نفسياتها تعبانه وواضح ان فيها شئ.. امي حاولت تعرف وش فيها بس ماقدرت..
سعود: والله مدري وش اقولك يانواف..
نواف: قل اللي عندك.. يعني أنت رجال مثلي احس اني ماخذ راحتي معك بالحكي بس عبير صعبه افتح معها موضوع حساس زي هذا..
سرح سعود..
نواف: هاااااا وييين رحت؟؟!!
سعود: معك معك..
نواف: أنا قلت لك من اول اذا ماتبي تتكلم براحتك.. بس والله اختي وضاق صدري عليها حسيت ان في شئ وحبيت اساعدها..
سعود: والله ماتقصر يانواف.. بس مشكله بسيطه ان شاء الله تنحل..
نواف: الله يسمع منك..
سعود: بس اطلب منك طلب..
نواف: اااامر
سعود: ودي اجلس معها واتكلم
نواف: اليوم!!!!!!!!!!! .. لاااا صعبه العيال موجودييين جوى واخاف يحسون بشئ خلها بكره..
سعود: خلاص ان شاء الله بكره امر اشوفها واتفاهم معها..
نواف: اجل يلاااا خلنا نرجع لهم تاخرنا عليهم..
نزلوا من السياره ورجعوا المجلس..
ومن يوم مادخلواا وسعود بعالم ثاني جالس يفكر بكلام نواف.. كبرت بعينه عبير انها ماقالت لاهلها شئ ولالمحت لهم والدليل كلام نواف معه .. بس وش كان يبيه يرد عليه وش يقوله البنت سترت عليه يقوم هو يفضح نفسه.. ااااه ياعبير لوتدرين وش كثر احبك.. لوتحسين بمعاناتي من غيرك.. مسك جواله وارسلها مسج.. ورجع يسولف مع معهم ويسمعهم وش يقولون..
ابو نواف: من زمان عن البر وش رايكم نطلع الاسبوع الجاي
خالد: الله اللــــــــــه
مشاري: خالد كنك ماصدقت..
ابو مشاري: ماشاء الله انبسط خالد
نواف: اكيييد بينبسط في احد مايحب البر
ابو نواف: هاااااااا وش رايك يابو سعود أنت وسعود؟؟
ابوسعود: انتم خيطوا وحنا نلبس
سعود: اللي تشوفه ياعم
ابونواف: خلاص على خير ان شاء الله الخميس الجاي نطلع..
الكل: ان شاء الله





البنات كانوا جالسين بالصاله عند التلفزيون وام نواف وام مشاري بجهه ثانيه من الصاله..
ريما: ويييييين الشيبس راح..؟؟ توه كان هنا
ساره: مدري عنك وين حطيتيه..
مها: الشغاله قبل شوي شالت العصير يمكن اخذته معه..
ريما: عبير تبين شوكلت؟؟
عبير: لا توى اكلت مع القهوه
ساره: لاتجين بعد شوي تقولين وينه..
مها: والله انكم شئ انتم
عبير: حلال عليكم..
ام نواف: ريما قومي شوفي ماري قولي لها تنتبه عالاكل اللي بالفرن
ريما: يمااااا ليه ماتقولين لعبير؟؟
ام مشاري: سبحان الله ريما وساره هالبنتين مثل بعض
ساره: شفتوا دايم حنا المكروفات
وصل لعبير المسج فتحته كان منه من حبيب القلب اللي ماغاب عن البال ولا الخاطر لحظه وحده..

" جالس في وسطهم
قاعد ولا اسمع حكيهم..
لاتحسب اني عندهم..
أنا معك بس جنبهم..
ماغير اشوف عيونهم.. واتخيلك وسطهم
سالني واحد بينهمم وش رايك بكلامهم؟؟
احرجني والله قدامهم!!
قلت العفو ياقلبهم..
ناقص الغالي بينهم.."

عبير يوم شافت المسج انه منه ماقدرت تجلس معهم طلعت بسرعه على فوق دخلت غرفتها وجلست تصيح.. ماتدري هذا صياح عتب ولاشوق ولاقهر ولا ايش بالضبط بس اللي تعرفه انه هي تحب هالانسان وتموت فيه ومستحيل تتخيل حياتها من غيره.. هي كانت عارفه انه عندهم بالبيت بس ماتوقعت انه يرسلها مسج ويفتح الجروح مرره ثانيه.. مسكت جوالها وارسلت له..

" سامحني ياقلبي..
أنا بحقك اخطيت..
اهديتك لواحد يدوس الهدايا.."

جلست عبير بغرفتها لما حست انها هدت راحت غسلت وجهها وعدلت شعرها ونزلت عند بنات عمها ماتبيهم يحسون بشئ..
الأميرة دانة
16 - 09 - 2009, 03:03 AM
الجزء العشرون
=========
يوم الاربعاء الظهر..
نواف بالمكتب دق جواله كان سعود ولد عمه..
نواف: مرحبااااااا
سعود: هلاااا والله.. كيف الحال؟؟
نواف: تمام الحمد لله.. أنت وش اخبارك وعمي وش اخباره؟؟
سعود: كلنا بخير الله يسلمك.. نواف..
نواف: هلااا
سعود: اليوم بمركم البيت بشوف عبير واحتمال نطلع انا وياها ياليت تعطيها خبر..
نواف: طييب ليه أنت ماتكلمها وتقولها؟؟
سعود: دقيت عليها قبل شوي جوالها مقفل الظاهر عندها محاضره..
نواف: اهاااااا اوكي بس تصدق أنا توقعتك تجي الاسبوع اللي راح يوم قلت بمر بكره..
سعود: والله انشغلت شوي..
هو قال اني مشغول ولا هو في الحقيقة كان يبي يبعد عنها لانه حس انها شايله عليه خاصه عقب اخر مسج ارسلته له..
نواف: اوكي مو مشكله أنا بعطيها خبر متى بتجي..؟؟
سعود: المغرب..
نواف: زيييييين ..
سعود: مع السلامه
نواف: مع السلامه..
سكر سعود من نواف وهو يفكر كييف بيكون لقاهم اليوم بعد شهر من اخر مرره شافها .. يعني من تركت البيت.. الله يعييني ويقدرني اوضح لها كل شئ ومايخوني الموقف.. بس ياخوفي ماترضى تطلع لي.. والله مااستبعدها منك ياعبير اللي يشوف مسجاتك وتطنيشك لمكالماتي يتوقع منك أي شئ..




دخلت سارة البيت راجعة من المدرسة وشايله كتبها بكيس "اهلا وسهلا" .. فصخت عبايتها وهي معصبة ..
مها: وشووووووو هالكيس؟؟؟؟
سارة: شنطتي اخذوهاااااااااااااا
أم مشاري: ليش اخذوها ؟؟
سارة: انتِ لو شفتيهم يوم دخلوا علينا .. كأننا ارهابيين 7 معلمات هجموا ومعهم سلة يحطون فيها العطور أنا اول ما شفت السلة على بالي بيسوون لنا مسابقات مالت عليهم .. وانا واقفة وبثقة ورازة نفسي ومتأكدة 100% ان ما معي مخالفة .. يوم شافوا محد جايب معه شي جاهم احباط 7 استاذات ولا لقوا شي .. قالوا الشنط الملونة تصادر وما تاخذونها إلا نهاية السنة ..
مها: طيب انتِ شنطتك لونها بني..!!
سارة: مايلة للأورنج .. مو هذا اللي قاهرررني .. اخذوها اخذوهاااااااااا .. ان ما استلعنت عليهم بكره ما اكون سارة بنت ابوي ..
أم مشاري: لا تتمشكلين مع المدرسة .. يفصلونك بعدها ..
سارة: وععععع من زينها المدرسة الخايسة يالله استحملت اجلس فيها وهم ما سوو لي شي اما اللحين آآآآآآآه بس .. والله لا اجيبها بكره لو تاصل اني اروح للمديرة براسها
مها: اشوا جزمتك ما قالوا عليها شي
أم مشاري: لا تزيدينها أنت.. هي ناوية شر من غير شي ..
سارة: قالوا .. قالوا ... ما تشوفوني لابسة هالجزمة السوداء جعــل ايامهم سوداااااء .. قال ايش .. :: سارة لا تلبسين الجزمة الحمرا هاذي ترى ان لبستيها بكره بنلبسك زنوبة:: .. عسى الزنوبة تمحطك قبل ما تلبسها رجلي .. المشكلة ما فيها إلا خطين حمر
مها: ههههههه والله انك نكتة
ام مشاري: روحي بكره بادب قولي لهم رجعولي شنطتي ومنب جايبتها مرة ثانية
سارة: وليش ان شاء الله؟؟؟!! .. أنا شاريتها علشان اعرضها بالبيت .. اباخذها وابلبسها غصبٍ عنهم
مها: والبنات طيب اخذوا منهم شنطهم
سارة: اييه معظمهم .. لا والمديرة لابسه جزمة فوشية وتهزأني على جزمتي الحمرا جعلها للخطف من الهنود الحمر
ام مشاري: ههههههه استغفري أنت تدعين من الصبح
سارة: من حرررررتي
مها: متنا جوووع .. روحي غيري بعدين تعالي حشي .. مشاري اللحين بيجي وابوي فوق ينتظركم
سارة: سبحانك اللهم وبحمدك استغفرك واتوب اليك..
ام مشاري: ههههههههه تحش بخلق الله وبعدها تقول كفارة المجلس..





بعد المغرب جاء سعود بيت عمه وهو في باله الف فكره وفكره وش بيقول لعبير؟؟.. وشلون بتكون رده فعلها؟؟.. ياترى بتاخذ وتعطي معه ولا راح تصده؟؟..الله يستر.. دخله نواف المجلس ودخل يناديها.. بعد عشر دقايق دخلت عليه عبير..
عبير:السلام عليكم
سعود: هلا وعليكم السلام.. كييف الحال عبير؟؟
عبير: بخير الله يسلمك..
سكت سعود ماعرف وش يقول تضايق من رسميتها الزايده..
سعود: لو ماقلت أنا بشوفك كان مافكرتي فيني
عبير: شف تبي الصراحه أنا مارضيت اطلع لك اللحين إلا عشان مااحرجك قدام اهلي.. واذا كنت خايف ان احد منهم عرف بالموضوع لااا ريح نفسك أنا ماقلت لاحد عشان مااخليهم يشوفون سعود اللي طول عمري امدح فيه صغير بعيونهم..
سعود: ياللـــــــــــــه ماتوقعت اني طايح من عينك..
عبير وهي طالعه: بروح اجيب لك قهوه مايصير تدخل بيتنا وتطلع كذا..
انصدم سعود من كلامها وناداها: عبــــــــــــير تعالي أنا مابي شئ أنا جاي بتكلم معك وبطلع..
عبير: تفضل..
سعود: وش قصه المسجات القويه اللي ترسلينها لي؟؟.. وليه ماتردين على اتصالاتي معلقتني لاقلتي لي ماابيك ولاقلتي خلاص أنا سامحتك..
عبير: الحمدلله أنت اعترفت بنفسك انك غلطان على..
سعود: أنا صح غلطت بس عقابك والله قاسي .. لك شهر اللحين ببيت اهلك ولاعرفت وش قررتي؟؟.. احس انك قاصده تعذبيني..
عبير وخانقتها العبره: اعذبك مدري مين اللي جرح الثاني وعذبه.. مدري ميين اللي يغلط ويبي الناس يركضون وراه.. مدري مييين اللي مهما سوى يكابر ويقول أنا ماغلطت؟؟..
سعود: لهالدرجه شايله علي ياعبير..
عبير ماقرت تمسك نفسها جلست تصيح وبسرعه طلعت من عنده تبي تكابر ماتبيه يشوفها ضعيفه اويحس فيها يوم صاحت.. ومع كذا سعود عرف من نبره صوتها انها ماقدرت تمسك نفسها يوم شافها سعود كذا طلع من البيت مايبي يشوف احد من اهل البيت.. اااااااه ياربي جيت اليوم بنهي الموضوع وبحط حد له .. بس شكلي طحت بمشكله اكبر عمري ماتخيلت عبير تذب كلام وتجرح كنت دايم اتخيلها عبير الهاديه الحنونه اللي تخفف الامي ماتزيدها لكنها اليوم غييييييييييير.. بس البنت معذوره نفسيتها تعبانه ماتوقعت اللي صار يمكن صدمه ماقدرت تستحملها..





المسجل مفتوح ومع كلمه تسرح عبير ..تحس صار عالمها ذا الاغاني والاحاسيس المعذبه الي تصور احساسها وتتوقع انه عالم يريحها.. ومن غير احساس نزلت دموعها الي مع كل اغنيه تزيد ماتخف تزيد وماتعرف ليه احساس الالم يكبر بداخلها مع الاغاني.. دخلت عليها امها وشافتها تصيح..
ام نواف: تعوذي من ابليس..
قامت عبير قفلت المسجل ودموعها تنزل قدام امها..
ام نواف: يابنيتي وش لك بهالاغاني اسمعي لك قران كلام ربي يشرح الصدر.. مو هالاغاني مزامير الشيطان تضيق صدر الانسان وتخليه بعيد عن ربه..
عبير: ااااااه يمااااه ضايق صدري محد حاس فيني
ام نواف: بسم الله عليك من ضيقه الصدر بس ترى والله هاللي تسمعينه يضيق لك صدرك ويخليك حاسه بالالم..
عبير: وش اسوي يمااا
ام نواف: علميني وش صاير بينك وبين سعود.. أنا من ذاك اليوم يوم اسالك وش فيكم قلتي لي بعدين بقولك وانا ماقلت لك شئ.. بس خلاص اللحين لازم تتكلمين وتفضفضين تكلمي قولي وش فيك؟؟
عبير وبتردد: صاير مشكله بيني وبينه وان شاء الله نحلها
ام نواف: وش هالمشكله ممكن اعرفها؟؟
عبير: اعذريني يمااا بس شئ خاص.. يمكن سعود يتضايق اني تكلمت وقلت لكم..
ام نواف: طيب يابنيتي قولي أي شئ يمكن اقدر اساعدك.. مو معقوله كذا بتمين ساكته..
عبير: لاااا تزعلين مني يمااا بس غصب عني شئ مااقدر اقوله..
ام نواف: اللي يريحك.. متى ماحسيتي ان ودك تتكلمين أنا موجوده
عبير وتحب راس امها: الله يخليك لنا





يوم الخميس..
في البر بليل كان الجو حلوو والليله قمره.. الكل مجتمع يضحكون ويسولفون ويشربون قهوه وشاي.. وناس مشغوليين يولعون نار الشوي ومافي احد فاضي كل واحد بيده شغله..

ريما بهمس لساره: شوفي جنبنا مخيم.. امشى خلينا نشوف من فيه؟؟
ساره: يلااااا يمكن عندهم بنات خلينا نتعرف عليهم..
ام مشاري: وييين بتروحون؟؟
ساره: بنتمشى
ام نواف: لا تبعدون
مها: امااااا ساره وريما ماتبيهم يبعدون
ساره: قل خيرا اواصمت
عبير: وهي صادقه مها انتم لو ماتمترون البر كله ماتحسون انكم طلعتواا
ريما: اصلا البر هنا اماااان ماتشوفون الناس زحمه يعني لاتخافون بنرجع لكم..
ام مشاري: الله يستر عليكم





قاموا الشباب يتمشون قبل العشاء جهزوا كل شئ بس باقي يحطون الاكل عالجمر.. جلس سعود وفارس يشبون النار وقالوا بعدين بنلحقكم..
نواف: الجو رووووعه
مشاري: من زمان عن البر
خالد: صح قبل ماانسى.. كاتب قصيده بسمعكم اياااهااا بس بالسياره لحظه خلوني بجيبها..
نواف: هالولد رهييب مايفوت شئ
مشاري: هههههه تصدق ابوي يحبه اكثر مني مع اني أنا ولده
نواف: ومن يسمعك أنا ابوي يبيعني عشانه
مشاري:ههههههههه
قرب منهم خالد..
نواف: اهلا بك شاعرنا الكبير
خالد: تستهبل أنت ووجهك.. تعالوا عند السياره هنا مافي اضاءه..
مشاري: هههههههه لا من جد يتكلم..
وهم ماشين باتجاه السياره..
خالد:المهم مشاري تذكر يوم في بيت عمي تقول ان تلفونك مفصول وماتحتاجه.. ذاك اليوم وانا جالس جيت في بالي وبنفس الوقت جت في بالي فكره وكتبت هالكلام اسمعوا..


"غلبان .. فاتورتي الف وسبع ..
وراتبي .. الف وسبع ..
تدرون وين المشكلة ..
أني لها كنت أستمع ..
عن مشاكل أختها مع أختها ..
ونوب تقول أنها وحيدة أمها ..
لله دري مستمع ..
كلي أذانٌ صاغية ..
كنت واهم .. أنها في بحر حبي غارقة ..
ولعبتي فك الطلاسم ..
المهم ..
المهم .. شبيت شمعي أنتظر ..
منها اتصال ..
بس دقة واتصل .. عادة العشق الجديد ..
أنتظرت وملني شمعي وطفى ..
قلت يمكن نايمة ..
بأحلام حبي هايمة ..
ولا يمكن .. ولا يمكن .. ولا يمكن ..
تنتظر مني أتصال ..!!
المشكلة معها أنتظار ..
يلعن أبوك ألف وسبع ..
أنتِ الكذبة الكبيرة ..
ليت قلبي يقتنع .."

"القصيده للشاعر.. طارق الخلف"

مشاري بابتسامه: هههههههه والله انك رهيب
نواف يستهبل: وين يشتغل هالغلبان.. لايكون بالبريد؟؟
خالد: هههههههههه
مشاري: حلوه الدقه
نواف: بس تصدق والله أنت عندك افكار حلووه
خالد: بس ميين يقدر
مشاري: لاااا ياشييييخ اموووت عالثقه
نواف: عادي هو دايم كذا أنا متعود..
وجلسوا يمشون لما ابعدوا عن مكانهم.. فجاه شافوا نور سكتوا وقربوا منه.. لقووو ساره وريما جالسين يسلطون الكشاف عالناس اللي يمشون ويتفرجون عليهم.. البنات ماحسوا فيهم لان العيال يوم قربوا منهم سكتوا..
نواف وهو صاد: ريماااااااااااااا
هنا ريما تجمدت بمكانها بعد ماعرفت صوت اخوها..
نواف قال للعيال يرجعون وهو معصب عالبنات..
نواف: ريماااا وش هالحركات يلاااا ارجعوا عند اهلي وياويلكم ان تحركتوا من غير عبايات..
ساره سكتت ماردت وريما كانت خايفه منه لانه يكلمهم وهو صاد كان شكله معصب..
ريما: هنا بر مافي احد يشوفنا بالظلام..
نواف بعصبيه: هذاني أنا شفتكم أي احد كان بيتمشى بهالمكان بيشوفكم.. بسرعه ارجعوا..
ريما: طيييب بس أنت ابعد عشان ساره بتمشى..
نواف: لاااا وبعد ماخذين معكم كشاف تسلطونه على خلق الله.. شغلك بعدين
راح نواف عنهم وهو معصب عليهم ومن حركاتهم..

ساره: وش فيه ذا علينا
ريما: احمدي ربك ماسوي فينا شئ
ساره: تتوقعين مشاري اخوي عرفني؟؟
ريما: اكييييييييييييد انه عرف مو معقول ماسمع صوت نواف وهو يصرخ علي..
ساره: اخاف يستقعد لي اليوم في البيت.. صح انه ماعمره سواها لكن الله يستر..

رجعوا البنات عند اهلهم مالقوا عبير ومها..
ساره: يمااا وين البنات؟؟
ام مشاري: راحوا يتمشون..
ريما: وين أي جهه راحو
ام نواف: مدري عنهم والله ماانتبهت..
ساره: تعالى نروح ندورهم
ريما وهي خايفه من كلام نواف: هاااا لا لا بعدين مو اللحين
جلسوا البنات يتقهون ويسولفون مع امهاتهم..

الساعه 11 الليل..
عبير فتحت سياره نواف بتطلع منها جالون المويه.. مسكت الجالون وسحبته بتنزله وكان ثقيل عليها يدها عقب الكسر اللي من كم شهر عظمها ماانجبر زيين.. فجأه رمته بالارض وصرخت صرخه قويه من الألم.. التفتت عليها مها لانها كانت اقرب وحده لها قربت منها..
مها: عبييييير وش فيك؟؟
عبير تتالم ماردت عليها:اااه ااااه ه اااااااااااااااااااااه
الرجال يوم سمعوا الصرخه خافوا ارسلوا فارس يشوف وش القصه..
والحريم كلهم تجمعوا عليها..
ام نواف وهي خايفه: بسم الله عليك وش فيك؟؟
ريما: عبيــــــــــــــــر
ام مشاري: كلموا احد من العيال يوديها المستشفى..
جاهم فارس يركض..
فارس: وش فيكم؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
ام نواف: قلهم عبير تعبانه يدها مدري وش فيها خل احد يجي يشوفها..
راح فارس عند الرجال اللي كانوا ينتظرونه يرجع وكان باين عليهم انهم قلقين..
فارس: عبير مدري وش فيها تصارخ يدها تعورها؟؟؟؟
ابو نواف: من ايش؟؟
سعود: وينها اللحين هي .. خلهم يبعدون بروح اركبها السياره واخذها المستشفى..
ابو سعود: رح معه يانواف..
خالد وهو ضايق صدره عليها: سلامتها ماتشوف شر
قرب سعود سيارته عندها والحريم كلهم بعدوا.. مسكوها هو ونواف وركبوها سياره سعود وهي مازالت تصرخ وتتالم..
نواف: وييييييين عبايتها؟؟ ريماااااااااا
سعود: بسرعه..
نواف: فارس رح جب عبايتها..
راح فارس بسرعه وجاب العبايه..
نواف: اروح معكم؟؟
سعود: لاااااا مايحتاج..
عبير من شده الألم مافيها حيل تتكلم او تعترض على شئ.. سكتت واستسلمت للامر الواقع.. لانها كل همها اللحين تاخذ شئ يسكن لها الألم.. وسعود طول الطريق ماتكلم معها لانه عارف انها بحاله مايعلم فيها إلا الله.. وصلوا المستشفى ونزلت عبير عن الدكتور ونزل سعود معها وشرح حالتها للدكتور انها قد انكسرت يدها قبل هالمره.. عطاها الدكتور مسكن وسولها تحليل و..



وباقي العايله بالبر ينتظرون سعود يدق عليهم ويطمنهم.. يوم حسوا انه تاخر عليهم اتصلوا عليه طمنهم وقالهم ان مافيها إلا العافيه .. الحمدلله اطمنوا عليها وحلف عليهم ابو نواف انهم يكملون الشوي ويسون لهم عشاء مايبون يخربون الليله الحلووه..



وجلسوا بالمستشفى إلى الساعه1:30 الليل يوم طلعوا ركبوا بالسياره وعبير مارضت لسعود انه يساعدها وهي تركب بالرغم من بعض الألم اللي كانت تحس فيه.. ساااااد الصمت بينهم فتره طويلة.. لما كسر سعود هالصمت..
سعود: ويييين تبين تروحين؟؟
عبير: بيت اهلي..
سعود وكان متوقع ردها: بس بيت اهلك مافيه احد..
عبير: اكييييد شوي ويرجعون ماراح ينامون هناك..
سعود: براحتك..
رجعوا لحاله الصمت لما قعد سعود يحوس بيت الاشرطه بالاخير طلع شريط وشغل المسجل على اغنيه "الاماكن" لمحمد عبده.. كان سعود يبي عبير تسمعها يمكن تحن عليه وتعرف وش كثر يعاني من غيرها.. عبير كانت تصيح من تحت الغطاء بس كانت حذره ماتبيه يحس فيها او يعرف انه ضعفت يوم سمعت الاغنيه.. وصلوا البيت ..
عبير وهي نازله: مشكور عالتوصيله تعبناك
سعود وهو حاس انها جرحته: العفوو يجي منك اكثر
عبير: مع السلامه..
سعود: فامان الله..
سعود: معك مفتاح؟؟
عبير: اكيد
جلس سعود واقف لما تاكد انها فتحت الباب ودخلت بعدها مشئ..





الساعه 3 الكل رجع بيته بعد هالليله الطويله.. ابو نواف وام نواف كانوا متضايقين على اللي صار اليوم لعبير وبنفس الوقت مبسوطين ان سعود اللي وداها المستشفى يعني يمكن هالشئ يحنن قلوبهم على بعض.. طلعت ريما بسرعه فوق وهجمت على غرفه عبير..
ريما: عبير وش اخبارك؟؟
عبير: جيتواا
ريما: ايييه بس انتي وش اخبار يدك؟؟
عبير: توجعني شوي
ريما: توقعتك رجعتي مع سعود ..بس امي تو قالت انك فوق..
عبير: ايييييييه ياشيييخه ايدي تعورني..
ريما: بروح اغير ملابسى واتروش واجيك
عبير: لااا تكفين بنام اللحين
دخلوا عليها امها وابوها ونواف يتطمنون عليها قبل ماينامون.. وارتاحوا يوم قالت لهم انها احسن..
الكل راح ينام وانسدحت عبيرعالسرير تفكر بالاحداث اللي صارت لها اليوم .. شافت سعود كييف خاف عليها ووداها المستشفى بس مهما سوى هذا مايغفر له اللي غلط فيه بحقي .. يجرحني ويخدعني وانسى مااقدر مااقدر.. كل شئ فيني يقول أنا احب هالانسان وابيه لكن مستحيل اسامحه لو وش ماسوى..





خالد رجع البيت وباله مشغول على عبير وخاصه انه ماسال عنها كان منحرج وش يقولهم ؟؟.. حس انها صعبه يبين لهم انه مهتم فيها .. جلس يتذكر شكل سعود وهو خايف عليها .. ومانسى كييف كانت حالته يوم عرف ان يدها تعورهاااا.. والله الرجال يحبها .. ااااااااه الله يهنيهم ببعض... بس والله مهما حبها سعود ماراح يجي ربع حبي لها.. اخذته افكاره توديه وتجيبه .. لما بالاخير تعوذ من الشيطان الرجيم ونام..





يوم الجمعه بعد صلاه الظهر
دق سعود على عبير يتطمن عليها ويشوف وش اخبارها عقب امس.. كانت عبير توها مصليه وبتنزل عند اهلها سمعت صوت الجوال يرن على طول عرفت النغمه هاذي نغمه سعود لانها حاطه له نغمه خاصه.. قربت منه وترددت ترد عليه ولا لا؟؟ بالاخير قالت خليني اشوف وش عنده..
عبير: الووو
سعود: مررحباااااااا
عبير: هلا
سعود: وش اخبارك؟؟
عبير: بخير الحمدلله؟؟
سعود: وش اخبار يدك ان شاء الله اليوم احسن؟؟
عبير: ان شاء الله احسن.. وش اخبار عمي؟؟
سعود انقهر منها انها ماسالته عن اخباره واضح انها مقصوده الحركه..
سعود بتردد: عبير..
عبير: هلا
سكت سعود حس ان الوقت مو مناسب انه يتكلم معها..
سعود: لا سلامتك سلمي لي عالوالد والوالده
عبير: يوصل ان شاء الله
سعود: فمان الله
عبير: فمان الله

قفلت منه عبير ونزلت عند اهلها لقتهم بالصاله يتقهون جلست معهم تبي تغير من الجو الكيئب اللي معيشه نفسها فيه من فتره..





الجمعه باليل دق سعود على عمانه وعلمهم ان ابوه بالمستشفى تعبان جته نوبه سكر والدكتور قال لازم يجلس عندنا بالمستشفى كم يوم تحت الملاحظه..

من بكره العصر..
ابو نواف: اليوم المغرب نبي نروح كلنا المستشفى عشان نشوف عمكم؟؟
عبير: مسكيين عمي دايم يتعب كذا اكييد انه مااخذ الدواء بانتظام..
ريما: أنا عندي امتحان بكره
ام نواف: ماراح نطول روحي شوفي عمك وتحمدي له بالسلامه
نواف: هو وش اللي جاه بالضبط؟؟
ابونواف: ارتفع عنده السكر او الضغط..
عبير: الله يقومه بالسلامه..
ام نواف: فارس لاتطلع عشان تروح معنا
فارس: بس أنا المغرب متابع مسلسل
نواف: وييييييييين أنت عايش
ريما: يقولون لك عمك بالمستشفى تقول متابع مسلسل..
ابونواف: الله يصلحك..



المغرب راحوا كلهم المستشفى.. دخلوا الغرفه لقوو سعود عنده سلموا عليه وتحمدوا له بالسلامه.. سعود تحاشى يطالع بعبير مايبي يحس بالارتباك والكل موجود.. وعبير كل مارفعت عينها تطالعه تشوفه صاد عنها تضايقت انه مااهتم لها ولاعبرها قالت اكيد انه زعل من حركتي اليوم يوم يكلمني..
نواف: ياعم أنت شباب بس اليوم مدري وش فيك؟؟
ابوسعود:هههههه تطنز على
ابو نواف: ههههههه لاحشاك بس يمزح معك..
سعود: يباا اللي يسمعه يقول هو توه صغير تراك شايب والا الان ماتزوجت..
ريما: هو يبي عروسته على ذوقي..
ام نواف: ههههه وانتي ماتسكتين كل شئ تقولينه
فارس: غريبه ياعم ماعندك ورد بالغرفه بالعاده المرضى عندهم ورد..
عبير: فارس عيب..
ابونواف: يلااا نستاذن نخليك ترتاح
سعود: بدري
ام نواف: من عمرك..
ريما: أنا عندي امتحان
نواف: كلنا عندنا دوامات بكره
ابوسعود: اجل فمان الله
الكل: فمان الله .. الله يقومك بالسلامه..





بعد ماطلعوا بنص ساعه جاء ابو مشاري وعياله.. واضطر سعود انه يطلع من الغرفه عشان مايحرجهم..
مشاري: وييين راح سعود؟؟
ابوسعود: تلقاه برى جالس
مشاري: عن اذنكم بروح اشوفه..
ام مشاري: ماتشوف شر يابو سعود..
ابو سعود: الشر مايجيك..
ابومشاري: ومتى ان شاء الله بيطلعونك؟؟
ابو سعود: والله مدري عن سعود قلت له يسالهم؟؟
ابو مشاري: طهور ان شاء الله
ابو سعود: البنات وراهم ساكتات ماسمعنا اصواتهم.. سعود وطالع..
مها: لامانبي نزعجك ياعم
ساره: اخاف ابدا اتكلم تقولي ازعجتينا..
ام مشاري: لا خلوكم كذا يازينكم..
بهاللحظه خالد جاي بيزور عمه ومادرى ان عنده احد.. دخل عليهم.. وكانت مها بوجهه..
خالد: السلام عليكم
رفعت مها عيونها بتتاكد من الصوت اللي سمعته صوت خالد ولا لا.. بعد مااستوعبت رفعت طرحتها وغطت وجهها..
خالد بعد مادخل وهو صاد عنهم قال : اسف مادريت ان في احد..
ابو مشاري: لااا تعال ياوليدي مافي احد البنات وتغطووو
ابو سعود: هلااا بخالد
خالد وهو منحرج انه دخل عليهم من غير استاذان: الحمدلله عالسلامه ياخال ماتشوف شر..
ابو سعود: الله يسلمك الشر مايجيك
خالد: وش اخبارك ياخاله؟؟
ام مشاري: بخير الله يسلمك؟؟ أنت وش اخبارك وش اخبار الدراسه معك..؟؟
كل ذا ومها تتامل فيه وتحس انها مرتبكه.. لان هاذي تقريبا اول مرره تصير هي وخالد بمكان واحد وبهالمسافه .. وبنفس الوقت منحرجه منه عشان المسج اللي ارسلته له لانها إلا الان ماتدري وش رده فعله هو مابين لها شئ..
ساره بصوت واطي لمها: متنا حر متى يطلع مليت من الغطاء..
خالد: يلاااا أنا استاذن اهم شئ تطمنا عنك ياخال؟؟
ابو سعود: تو الناس؟؟
ابو مشاري: أنت جاي تمتر الطريق وترجع..
خالد: هههههههههه لا والله بس عندي كم شغله
ابو سعود: اهم شئ شفناك
خالد: مع السلامه
الكل: مع السلامه


طلع من عندهم خالد وهو يتذكر شكل مها والله البنت محلوووه صح انها مو حلووه مرره بس ماعليها مملوحه فيها شئ يجذب بس مدري وش؟؟.. ماتوقعت شكل مها كذا؟؟ كنت احسها ماتهتم بنفسها كل همها دراستها وكتبها.. بس طلعت البنت ماعليها شكلها جذاب يعني تشد.. صح أنا ماشفتها إلا اقل من دقيقه بس البنت تلفت الواحد.. يلاااا الله يوفقها ويستر عليها.. البنت طيبه وعلى نياتها..
….
سعود وعبير وش راح يصير بعلاقتهم؟؟
مشاري ووظيفته الجديدة هل راح يستمر فيها ويترك خرابيطه؟؟
خالد هل راح تتغير نظرته لمها ويمسع كلام سلطان ويروح يخطبها؟؟



الجزء الواحد والعشرين
,,,,,,,,,,,,,,,,,,,,,
مرت الايام مثل بعض لاجديد فيها..
عبير لها شهرين ببيت اهلها شايله بخاطرها على سعود..
ريما وساره لاهين مع المدارس..
نواف بعد الترقيه امه صارت تزن عليه يتزوج..
سعود حالته حاله بعد عبير ومحد من اهلهم عارف السبب الحقيقي لزعلهم..
ابو سعود طلع من المستشفى بعد طيحته الاخيره وصحته على قده..
خالد على حاله ماتغير فيه شئ..
مها مازالت تحلم وتفكر بولد عمتها لكن هو بعالم اخر..
نجود مالها حس بعد ماغيرت رقمها..
مشاري انتظم بشغله واهله بدو يرضون عليه..
فارس الحمدلله عرف ان الرجوله مو عناد وصراخ وصار عند حسن ظن الكل..


اليوم عيد الاضحى " العيد الكبير" على قوله اخوانا المصريين.. الكل مشغول في بيته بالضحايا اللي مضحي بوحد واللي ثنتين واللي ثلاث كل واحد واللي ربي يقدره عليه.. الجميع ابوابهم طول الصبح شغاله طق.. الناس يوزعون على بعض اللحم والكل يتبادل التهاني بهاليوم الجيران والاهل يعني فرصه الواحد يصل رحمه بهالعيد خاصه اللي من زمان ماشفناهم..

بالمطبخ في بيت ابو نواف..
ام نواف: ريمااااااا جيبي الاكياس خلينا نوزع اللحم
ريما: يووووو أنا وش اللي خلاني انزل ريحه اللحم شقت حلقي
ام نواف: يلاااا عن الدلع
ريما: وش معنى أنا لييييه ماتقوليين لعبير
ام نواف: انتي وعبير كل وحده نفسها اشين من الثانيه
ريما: اقلهااااا عبير تتدلع تقول أنا مااحب ريحه اللحم بس اذا انطبخ تاكله أنا تكرم النعمه مااحبه لا مطبوخ ولاغيره..
دخلت عليهم عبير
عبير: يووو انتم إلا الان ماخلصتوا؟؟
ام نواف: والله أنتم بنات مافيكم خيييييييير مـــــــــــاري جيبي الاكياس
عبير: هههههههه وش فيك يما عصبتي علينا
ريما: اطلبي تدللي يمااا بس إلا اللحم اسمحيلي
ام نواف: الله يصلحكم بنات ماينفعون بشئ
عبير: حرام عليك يماااا .. على فكره عمي عبد الرحمن دق يقول بنمركم العصر
ريما: وناسه ساره بتجي..
ام نواف: الله يحيهم روحي قولي لابوك
عبير: رحت له لقيته نايم..






العصر في بيت ابو مشاري..
ابو مشاري ينادي: يلااااااااا يابنات تاخرنا على عمانكم
ام مشاري: أنا خلصت بس البنات توهم..
ابو مشاري: ماصار عيد ذا إلى الان مارحنا خلص النهار .. أنا كنت ابيكم تروحون بعد الصلاه على طول..
مها وهي نازله: خلاص يبا أنا جيييت وساره لاحقتني
طلعوا ركبوا السياره وكان مشاري يسوق فيهم ولحقتهم ساره ركبت معهم..
مشاري: بدري كان تاخرتي شوي؟؟
ساره: من عمرك.. حبيت اتغلى عليكم
مها: الغالي هو اللي يتغلى..
ساره: وش قصدك يعني؟؟؟؟
ابو مشاري: الناس يقولون كل عام وانتم بخير وانتم النفس خايسه من الصبح
ام مشاري: وش فيك عليهم يمزحون
وصلوا عند بيت ابو نواف لقوا الباب مفتوح والرجال جالسين بالحوش ابو نواف ونواف وفارس وابو سعود وسعود وخالد وفي ناس مايعرفونهم كانوا من الجيران جاييين يعايدونهم.. البنات دخلوا جوه عند الحريم..
ام مشاري: ماشاء الله زين خلصتوا بدري من الضحايا
ام نواف: ايييييييه والله من الساعه 9 الصبح جابهم نواف وابوه
ساره: ريما سمعت انك بتذبحيين الخروف هالسنه
عبير: هههه ايييييييييه مرره مالقيتي غيير ريماااا
ريما: الله من يتكلم تكفين ياعبير
ام نواف: ههههههههه الشبكه تعاير المنخل
مها: لاااا اليوم ساره هي اللي ساعدت امي بكل شئ
ريما: احلىىىىىىىىى ياسارونه ماتلعبين
ام مشاري: امااا مها طول يومه نايمه زين انها صحت
ساره: انتم جلسات الحريم كل وحده تمسك بناتها وتطلع عيوبهم بعدين يجون يتشكون يقولون بناتنا ماينخطبون...
الكل: هههههههههههههه
ام مشاري وهي تضحك: انتي من وييين تجيبن هالكلام؟؟؟؟
عبير: الله يخلى المسلسلات

بعد شوي سمعوا الباب اللي بين قسم الرجال والصاله يطق.. راحت عبير بتشوف ميين اكيييد الرجال يبون شئ..
نواف: عبير سعود يبي يشوفك..
عبير ببرود: ماابي
نواف: وشلووووون ماتبين اقولك الرجال يقول ابيك..
عبير: قله مشغوله
نواف: عبير عيييب عليك الرجال طالبني قال ادخل قلها بكلمها بموضوع..
عبير: نواف الله يخليك اليوم عيد ووناسه ماابي اضيق صدري
نواف: يعني وشون
عبير: خله يجي يوم ثاني
نواف: أنا صراحه مدري وش فيكم بس مهما صار هو زوجك يعني المفروض تروحين تشوفين وش عنده
عبير: نواف الله يخليك
نواف: اوكي اوكي براحتك
راح نواف وطلعت عبير غرفتها ماقدرت ترجع عندهم تخاف عيونها تفضحها تخاف يحسون بشئ دخلت الغرفه وهي ماسكه نفسها تحس انها طول الايام اللي راحت مكبوته مافضفضت لاحد محد فيهم يعرف معاناتي محد حاس فيني كلهم يحسون اني أنا الغلطانه وهو المظلوم.. لييييييه اشوف نظرات العتب بعيونهم ؟؟؟.. لييييييه يحسسوني اني أنا المذنبه؟؟؟.. صح اني أنا قدامهم احاول امسك نفسي وماابين لهم شئ ماابيهم يحسون اني متضايقه.. بس هم مايدرون ان فيني هم مامحد يقدر يتحمله.. تنهدت بعمق وجلست تصيح بدون صوت تطلع الألم والجرح اللي بداخلها يمكن تقدر هالدموع تخفف من اللي تحس فيه..
كان جوالها عالكومادينه التفتت عليه لقت 3 مسد كول فتحته كانت مكالمات من سعود.. رجعت الجوال مكانه وجلست تصيح بحرقه.. اااااااااااااااه اذا أنت تحبني لهالدرجه ليش تخدعني ؟؟؟ ليش تجرحني؟؟؟.. لييييييييييييييييييييش؟؟؟؟؟؟





في الحوش الرجال جالسين سوالف وبسطه وجمعه حلووه إلا سعود بعد ماقاله نواف ان عبير مارضت تطلع له ضاق صدره وكتم..
نواف: سعود سعـــــــــــــــود
سعود كان سرحان وبعالم ثاني..
خالد: ههههههههه الاخ مو هنا
قرب منه نواف: سعود
سعود: هلا
ابو مشاري: صح النوم من الصبح ينادون
ابو نواف: ههههههههه وش فيك ماتتقهوى ياسعود
سعود: تقهويت ياعم
مشاري: اللي ماخذ عقلك
ابوسعود: وش فيكم عليه كل واحد من جهه
خالد: ههههههههه هو مدري وش فيه اليوم
سعود وهو متضايق: لااا عادي مافيني شئ بس مانمت زييين امس واليوم ذبايح يمكن ارهاق وتعب..
ابونواف: الله يعينك


مر هاليوم حلووو للجميع إلا لعبير اللي كل ماحاولت تنسى هالسالفه وتدخل معهم وتضحك وتسولف تلقى نفسها تبدا من جديد .. الذكريات تذبححها كل شئ لها حلوو مع سعود مو قادره تنساه.. وحتى سعود ماكن حاله احسن من عبير كل ماحاول يتقرب منها ويحاول يجلس معها هي تصده..





بعد العيد باسبوع ابتدت الاختبارات عند المدارس والجامعات.. عبير كان هالمستوى اخر شئ لها يعني تخرج.. وحتى خالد كان نفس الشئ وكان شاد حيله يبي تقدير حلوو.. واماااا ريما بما انها كانت توجيهي فهي شاده حيلها طول السنه لان أي تقصير بالفصل الاول راح ينعكس عليها بالفصل الثاني..




عبير بغرفتها تذاكر شوي تجلس عالمكتب وشوي عالسرير ملت مالها خلق تفتح الكتاب عبير من طبعها مرتبه وماتحب تكتب بكتبها شئ خارج عن المنهج لانها تقول كل شئ له مكانه إلا هالمره بدون شعور لقت نفسها مسكت القلم وكتبت بعض الكلمات اللي تصور واقعها الاليم..
كتبت على غلاف الكتاب..

" وذاب قلبي في بحيرة العشق ولا أمل له في النجاة ما دامت سفينتك لم تبحر حتى هذه اللحظة"

فتحت الكتاب على المحاضره الاولى بمحاوله يائسه انها تبدا تذاكر بجد لكنها ماقدرت.. كتبت

" قد تأسرني الأشواق يوماً وأقبع في أحد سجونك وقد تخذعني أمواج الذكريات لتحملني إليك .. ولكن لا تظن انني سأكون يوما تحت رحمتك سيدي" ..

ومازالت تكتب وتكتب تبي تطلع شئ مكبوت بداخلها من فتره..

" ليتني كنت بين نارين لفضلت البقاء دون حراك ولكن الأصعب هو أنني اسير في طريق مليء بالأشواك ولا يمكنني البقاء واقفة " ..

" الزمن ياتي بالأحزان الأحزان تجر وراءها الدموع الدموع تسقط ثم تجف ثم أنسى أنني بكيت وأعود الى الزمن "..

ياربــــــــــــــــــــــــــي راسي بينفجر مو قادره اذاكر كلمه وحده بكره مدري وش بسوي بالامتحان..

" لو علم الحب ما فعل بي لقتل نفسه " ..

عبير ملللللللللت حست انها اذا استمرت على هالحال بيطلع الصبح وهي ماذاكرت قالت احسن حل اطلع من الغرفه نص ساعه اغيير جو وارجع..
كتبت اخر شئ بخاطرها قبل ماتطلع وقفلت الكتاب..

" أكتب واحزان الماضي تتوارى عن طريقي يوما بعد يوم واشعة الأمل تمسك بيدي وتقودني الى حيث ألقاك فأكتب على أجنحة الطيور إني احبك "..






الصباح بالجامعه وبعد ماطلعوا البنات من لجنه الامتحان..
مها: اليوم حست الماده اشييين امتحان
ريهام: بالعكس كان حلووو شامل كل المحاضرات
مها: الله يستر لااحمل الماده
ريهام: لااااااااااا ان شاء الله انتي ماعمرك حملتي حسافه تخربين على نفسك ..
مها: الله يعين
ريهام: وش فيك انتي ليه ماذاكرتي زييين؟؟؟؟؟
مها: مدري امس كل مافتحت الماده ضاق صدري.. مليييييييييييت
ريهام: شوفي أنا إلا الان ماسكه اعصابي بسالك سؤال واتمنى الاجابه ماتكون ايه..
مها: وشوووو السؤال؟؟
ريهام: ان شاء الله انتي ماذاكرتي جالسه تفكريين بالكريه ولد عمتك...؟؟؟
مها بابتسامه: اولا احترمي نفسك لاتقوليين عنه كرريه..
ريهام: ثانيا..
مها: ههههههه اييييه افكر فيه
ريهام: اذبحك أنا الولد هذا انسيه طلعيه من راسك ماعنده سالفه انتي تركضين وراء وهم شوفي هو لو يحبك او يبيك كان اقل شئ يوم بينتي له انك تحبينه بالمسج رد علييك بس هو انسان شايف نفسه يحس مو من مستواه يحب احد اتوقع انه هو يتخيل ان الناس لازم يركضون وراه وهو يطنشهم.. مها اصحي لاا تخلييين هالافكار تضيع احلامك ومستقبلك انتي ناسيه طموحك انك تصيرين معيده بالجامعه..
مها وهي مصدومه من كلام ريهام: احبه والله احبه
ريهام: اوكي انتي تحبينه لكن هو مااتوقع.. شوفي أنا مااقولك هالكلام عشان اضيق صدرك لا ابيك ترضين بالواقع اللي انتي اللحين فيه .. اخاف بعدين احلامك تكبر وتنصدمييين بشئ اكبر..
مها: مدري وش اسوى كلامك مرره قاسي
ريهام: طييب انتي هالفتره انتبهي لامتحاناتك وحلى زيين وبعد المتحانات يصير خييير
مها: بحاول..
ريهام: إلا تعالي ماقلتي لي المزيون هذا وين يدرس
مها: هنا بجامعه الملك سعود اخر مستوى
ريهام بقرف: وش تخصصه؟؟؟
مها: قانون..





عبير رجعت من الجامعه ولقت اهلها بالصاله..
عبير: السلام عليكم
الكل: وعليكم السلام
ابو نواف: وش اخبار امتحانك؟؟
عبير: يعني مو مررره
ريما: لييييييييييييه؟؟
عبير: مدري وشلون الاسئله غامضه شوي.. انتي وش سويتي؟؟
ريما: لااا أنا اعجبك مررره حلوووو
عبير: الحمد لله.. وفارس وش سووووواا
ابو نواف: يقول زيين وماندري عنه
ام نواف: تبين شئ تاكلينه؟؟
عبير: لااا يما بطلع انام لحد يصحيني أنا بركب المنبه




انتهت فتره الامتحانات بسلام والكل اجتاز هالمرحله..

عبير اللي كانت تاخذ كل سنه امتياز صار تقديرهااا جيد جدا نظرا للظروف الصعبه اللي مررت فيها..
خالد تخرج بتقدير جيدجدا مرتفع كالعاده ماينزل عن هالمستوى..
ريما طلعت من الفصل الدراسي الاول بنسبه 98% والكل بارك لها وفرح لها..
مها لاول مرره من دخلت الجامعه تحمل ماده معها.. "الحب وعمايله"..
ساره وفارس نجحوا بالبركه يعني بالدف..





يوم الخميس ابونواف قرر يسوى حفله بمناسبه تخرج عبييير وخالد من الجامعه .. ابو نواف يعد خالد مثل نواف فهو يوم قرر يسوي الحفله قال مو معقوله اسوي لعبير وخالد لاااا ..
عبير ضاق صدرها ماكانت تبي ابوها يسوي شئ ويكلف على عمره خاصه وان نفسيتها مو اوكي لكن يوم شافت ان خالد متخرج معها ماحبت تقلل من فرحته مسكييين خلييه يفرح وش ذنبه هو..

ريما: عبير بعد يوميين الحفله وانتي بارده ماطلعتي تشرين لك شئ..
عبير: عندي فستان جديد حلوو شاريته من ايطاليا يوم اروح الصيف بس المشكله انه مو هنا..
ريما: ويييييين ببيتك؟؟
عبير: ايييييييه
ريما: طييب روحي جيبيه
عبير وهي متضايقه: ماودي فشيله لي كم شهر مارحت هناك اخرتها اروح عشان فستان..
ريما: ياثقييييييييييل ماتبين سعود يشوفك
عبير: ياشيخه فكيني
ريما: أنا عندي فكره
عبير: وش ياام الافكار
ريما: اقول لنواف انك انتي مااخذه مني بدله كنتي بتلبسينها والا الان مارجعتيها لي وهي اللحين عندك بالبيت.. وانا ابي البسها يوم الحفله.. عاد انتي تعرفيني اذا بغيت شئ اجيبه اجيبه.. هاااااااااا وش رايك؟؟؟
عبير: زيييييين وخاصه ان سعود داري انك مرجوجه
ريما: بروح اقوول لنواف يوديني ويجلس مع سعود وعمي وانا بدخل غرفتك..
عبير: اذا وافق تعالى في اغراض ثانيه ابيك تجيبينها لي
ريما: اوكي
راحت ريما قالت لنواف وبسرعه لبست عبايتها وراحت معه لبيت عمها.. وقالت لعبير يصيير بينا تلفون عشان اتاكد من الاغراض..





يوم الثلاثاء بليل..
خالد بغرفته متضايق من يوم قفل التلفون.. ضاق صدره يوم عرف ان الحفله له هو وعبير بس مابيده شئ صعبه يرد خاله ويقوله لا ماابي حفلات هذا جزاه فرحان فيني وعادني مثل واحد من عياله.. هالانسانه كل ماحاولت ابعد عنها يقربوني منها مرره ثانيه .. لييييييه أنا بالذات ابوها بيسوي لها حفله معي ؟؟.. ليييييييييه القدر يجمعني فيها ؟؟.. الدنيا هاذي غريبه لو اثنين يبون يجتمعون فيها كان عاندتهم .. والناس اللي نتحاشاهم نلقاهم قدامنا دايم..
ليه الايام تعاندني ومو راضيه تكون بصفي؟؟.. كل شئ اتمناه اشوف عكسه.. وكل شئ ابعد عنه يلحقني.. يارب قدرني وخلي يوم الحفله يعدي على خييييير وان شاء الله يارب تكون ذكرى حلووه بحياتي..





اليوم الحفله الكل مستعد لها والكل مبسوط وفرحان بهالمناسبه تخرج عبير وخالد..
عبير راحت الصالون سوت لها ميك آب وتسريحه بسيطه وكانت لابسه فستان حلووو لونه بني ووردي فاتح اللونين مع بعض شكلهم كان رايق.. وبالرغم من كل الهم اللي شايلته حاولت تبين قدام الناس انها طبيعيه خصوصا انها عازمه بعض صديقاتها المقربات ماتبي احد يلاحظ شئ.. اغلب الناس اللي جو للحفله داخليين ومعهم هدايا لعبير بمناسبه تخرجهاااا لان ام نواف تقدر الناس وتوجبهم دايم فهم يهدون بنتها كنوع من رد الجمييل..
ريما وساره ومها كانت موصيتهم ام نواف يشرفون عالصبابات اللي جايبينهم لانها تبي كل شئ يكون مرتب..
ريما: وييييييين صياني الحلى اذكر ان امي امس تقول معبيه ست صياني واللحين اشوفهم بس يدورون بثلاثه..
مها: أنا شفت خالتي ارسلتهم للرجال..
ساره: اقوووووول بس أنا مليييت من الرسميه هاذي ابي اطلع فوق
ريما: اقوول لايكثر بس البيت مليان ناس والاخت بتطلع فوق
مها: ريما شوفي عبير تاشر تناديك..
قامت ريما: هلا وش عندك..
عبير: شوفي فارس برا واقف معه اغراض جيبيهم
ريما: اغراض ايش؟؟؟
عبير: يمكن احد مرسل شئ.. اسمعيني اذا طلعتي وشفتيه روحي انتي وساره وشيلي الهدايا اللي جابوها الناس أنا حاطتها بالغرفه الصغيره اللي جنب المطبخ..
ريما: ويييييين اوديهم؟؟؟؟!!
عبير: طلعيهم فوق مو حلووه احد يدخل الغرفه ويشوفهم
ريما: بس بشرط نصهم لي ..
عبير: روحي الولد ينتظر
راحت ريما طلعت له بسرعه وزي ماتوقعت كانت هديه صغيره مغلفه بتغليف لونه احمر.. طلعتها فوق ورجعت عند الحريم..
ساره: وينك؟؟؟؟؟؟؟
ريما: احمدي ربك ماشغلتك معي..
ساره: وييين كنتي؟؟
ريما: رحت أنا والشغاله نطلع هدايا عبير فوق
مها: اييييييه أنا شفتهم بالغرفه قبل شوي وكنت ناويه اقولكم طلعوهااا
ريما وهي جالسه تسولف معهم ناداتها وحده من الحريم وقامت لها بتشوف وش تبي..
راحت ريما من عندها بعد ماابتسمت لها..
ريما: ساره خلينا نطلع من هنا استحي اخاف احد ثاني يناديني
مها: هههههههه تكفين
طلعوا ريما وساره من عند الحريم لانهم مايحبون الجمعات والعزايم الرسميه يفضلون الجلسات البسيطه اللي مافيها تكلف..




الرجال كانوا اكثر من الحريم عددهم مرره كبير لان ابونواف معارفه كثير غير الشباب اللي كان عازمهم خالد ونواف والجيران..
سلطان: يالله ياخالد عقبال الدكتوراه ان شاء الله
خالد: الله يسمع منك
نواف: لااااا من جد مو ناوي تكمل دراستك؟؟
خالد: اذا ربك سهل
مشاري وهو جاي من المجلس الثاني: وينكم رحتوا كلكم وتركتوني؟؟
نواف: سعود معك..
مشاري: وييييييين جالس بعيد عني..
خالد: هههههههههه عاد المجلس اللي هناك كله شيبان شكلك طقيت
سلطان: خالد ودك خوالك يسمعونك
دخل عليهم واحد توه واصل..
ابوعلي: السلام عليكم
الكل: وعليكم السلام
ابوعلي: الف الف مبروك ياخالد
خالد: الله يبارك بعمرك عقبال ماتفرح بتخرج عيالك
ابوعلي: اميييييين.. وش اخباركم ياشباب ؟؟
الكل: الحمدلله
نواف: تفضل ياعم الوالد وعماني بالمجلس الداخلي..
خالد: امشوووو خلونا ندخل جووه نشوف العالم.. مو الحفله اليوم مسويه على شرفي اكييد الكل يسال عني.
مشاري: حلوووه بس لاتعيدهااا
نواف: سلطان خويك ذا شايف نفسه.. الله يعينك عليه حنا مانشوفه إلا بين فتره وفتره أنت اللي كل يوم بوجهك..
سلطان: لا ماعليك الحمدلله تخرجنا وافتكيت منه ماراح اشوفه كل يوم
الكل: ههههههههه

دخلوا الرجال والحريم تعشوا وعالساعه 1:10 الليل البيت تقريبا فضى ومابقى فيه احد.. طلعت عبير غرفتها غيرت ملابسها ومسحت الميك آب .. طبت عليها ريما..
ريما: يلاااا نبدا فتح الهداياااا
عبير: احلفي
ريما: والله
عبير: اللحين هم لي ولا لك؟؟
ريما: لا ياشيخه ومشغلتني حمالي من الصبح اطلعهم لك..
عبير: طيييب التغليفات حلوووه وانتي عربجيه بتحوسين لي الدنيا.. أنا بفتحهم شوي شوي عشان يبقون لي ذكرى انتي ان فتحتيهم بتخربينهم لي..
ريما: اهاااااا وانتي النعومه
عبير: اقوووول روحي غيري ملابسك وخذي لك شور بعدين تعالي
ريما: تصريفه.. اصلا خلاص طابت نفسي ماابي اشوف هالهدايا
عبير: بكره تعالي تلاقينهم مفتحات تفرجي عليهم..
طلعت ريما من عند عبير ولاا ردت عليها..
جلست عبير عالسرير ومسكت الهدايااا وحده وحده وتفتحها وتشوف من اللي مرسلها لها..
مسكت هديه صغيره كانت خفيفه مرره استغربت وش فيها فتحتها لقت جوتها ورده جوري مسكره مابعد فتحت ومع الورده شريط كاسيت مكتوب عليه اهداء إلى اعز الناس.. وهي تقلب التغليفه لقت كررت مكتوب عليه..

" هديتي لك من القلب دعوه.. عسى التوفيق يلازمك كل خطوه.. سعود "

مسكت الورده بتشمها اغلى هديه جتها اليوم بس لاحظت انها ثقيله ضغطت عليها حست جوتها شئ فتحتها لقت خاتم على شكل دبله شكله غالي لبسته كان مقاسها بالضبط عرفت ان سعود قايسه على واحد من خواتمها..
مسكت الشريط ودخلته المسجل يوم جت تفتحه شافت الساعه عورها قلبها اللحين الثلث الاخير من الليل والشريط اكيييد سعود بيهديها اغنيه جلست صراعات مع نفسها لما بالاخير قالت بشوف وش الاغاني واقفله.. اول مافتحته كانت اغنيه " الاماكن " لمحمد عبدو وهالاغنيه لها تاثير قوي عليها لانها سمعتها قبل يوم وداها المستشفى.. قعدت تسمع الاغنيه وجلست تصيح من قلب يوم وصل محمد عبدو للمقطع اللي يقول فيه..

" ااااه لوتدري حبيبي كيف ايامي بدونك.. تسرق العمر وتصونك..
اااه الامان وين الامان وانا قلبي من رحلت ماعرف طعم الامان..
ليه كل ماجيت اسال هالمكان.. اسمع الماضي يقول مهو بس أنا حبيبي
الاماكن الاماكن.. كلها مشتاقه لك
الاماكن اللي مريت أنت فيها.. عايشه في روحي وابيها.. "

الاغنيه الثانيه كانت لنبيل شعيل يقول مطلعها..

" كل كلمه والثانيه قلتي لي انساني.. لايغرك يالغاليه ترى صبري وصل حده.. والشئ ان زاد عن حده انقلب ضده.."

يوم سمعت عبير هالاغنيه تضايقت .. وش قصده بهالاغنيه؟؟ أنا وش سويت له عشان يهديني اياها بيوم تخرجي ؟؟ ؟؟ ليييه هو يبي يدمرني؟؟ مستخسر فيني افرح اليوم؟؟.. أنا كل اللي اسويه رد فعل طبيعي لاي وحده بمكاني.. يعني يجرحني بعدين يقول هالكلام.. ليييييييييييه ليييييه؟؟؟ لييييه كذا ياسعود أنت اللي وصلت علاقتنا لهالمرحله أنت اللي حكمت عليها بالاعدام .. ااااااااااااه محد مرتاح بدنيته لا اللي عندهم عيال مرتاحيين ولاا اللي ماعندهم مرتاحين واكبر دليل نجلاء صديقتي تقول لولا الولد اللي معي كان تركت زوجي واااااااااه وانا عكسها اقووول لو ربي رازقني بطفل كان اللحين عايشه اسعد عيشه بس هذا كله مقدر ومكتوب.. عبير كانت تحس ان بداخلها صراعات شئ يقولها ارجعي لسعود وشئ يقولها لااا اللي سواه لك لايمكن يغتفر.. هي ماهمها انها لو عاشت معه ماراح يجيب عيال قد ماهو هامها انه خدعها وعيشها طول الثلاث السنين اللي راحت بوهم وانه مايبي عيال.. لو كان صريح معي من البدايه كان ممكن تقبلت .. لاااااا ماراح اتقبل على طول بس مهما كانت رده فعلي ماراح تكون مثل قوتها اللحين.. بظل هالافكار اللي كانت تدور براسها قالت هو اهداني هالاغنيتين لازم ارد عليه بشى ليش بس هو يجرحني ويستهين بمشاعري وانا اظل مكاني ولااهمس له بحرف خليييه يعرف اني مستحييييييييييل اسامحه على اللي سواه طوول عمري.. مسكت الجوال وكانت محتفظه بمسج من زمان ارسلته له..





سعود كان حاط راسه بينام وسمع نغمه المسج رفعه لقاه من عبير..

" أنا بقلبي بدال الجرح جرحين..
كل مابغيت الهرب يرد الزمان على وين؟؟!
أنا مابغيت رحمه بشر..
أنا اترجى رحمه رب العالمين "

تنهدت سعود وقال بنفسه أنا لازم احط حد لهالموضوع لازم اعرف وش نهايتنا يانرجع لبعض ياكل واحد يروح بطريق.. بعد ماقال سعود هالكلمه قلبه عوره مايتخيل حياته من غيير عبير مايتصور نفسه يعيش من غيرهاااا.. ااااااااااااااااااااااااه تخيل عبير ترفضني تخيل عبير تقولي خلاص ماابيك.. لاااااا مستحييل عبيير تسويها هي تحبني وانا احبها.. الله يهدي سرنا ويصلح حالنا ويلم شملنا من جديد.. بروح هالاسبوع واتفاهم معها وان شاء الله نوصل لحل..
………
عبير وسعود اللي كانت الناس تحسدهم على علاقتهم اللحين كل واحد منهم بجهه..
ياتري وش راح يصير عليهم هل راح يحلون الموضوع ويرجعون لبعض وكل واحد منهم حاس انه شايل عالثاني؟؟!!
او انهم راح يقررون شئ ثاني وينهون الرباط المقدس اللي يربطهم ببعض؟؟!
او يمكن تستمر مده بعادهم عن بعض من غير أي قرار وتجلس عبير معلقه عند اهلها؟؟!
بحر الندى
16 - 09 - 2009, 03:37 AM
http://sl.glitter-graphics.net/pub/56/56771spx07wdn2w.gif

يسلمووووووووووو
وتسلم الايادي
وجزاك الله كل خير
و رزقك خير الدراين
ورضى الوالدين
و اسكنك الفردوس الاعلى
و بتوفيق يارب
^_^
http://sl.glitter-graphics.net/pub/56/56771spx07wdn2w.gif
الأميرة دانة
17 - 09 - 2009, 01:19 AM
http://sl.glitter-graphics.net/pub/56/56771spx07wdn2w.gif

يسلمووووووووووو
وتسلم الايادي
وجزاك الله كل خير
و رزقك خير الدراين
ورضى الوالدين
و اسكنك الفردوس الاعلى
و بتوفيق يارب
^_^
http://sl.glitter-graphics.net/pub/56/56771spx07wdn2w.gif








مشكوووورة يا قلبي
اسعدني مرورك
تحيااااتي لك
احلى دانة
الأميرة دانة
17 - 09 - 2009, 02:54 AM
الجزء الثاني والعشرين
,,,,,,,,,,,,,,,,,,,,
بعد الحفله بكم يوم ابو نواف نادي عبير يبي يتكلم معها ويشوف وش فيها تاركه بيتها لها فتره وجالسه عندهم..
ابونواف: شوفي ياعبير أنا طول الفتره اللي راحت ماتكلمت معك ولاسالتك وش فيك انتي وسعود.. قلت يمكن يحلون المشكله الللي بينهم من غير تدخل حتى عمك ماكلم سعود مانبي نتدخل بينكم.. وامك يوم سالتك مارضيتي تقولين لها شئ..
عبير تسمع ابوها ومشاعر متضاربه بداخلها ..
ابو نواف: الفتره اللي راحت كانت امتحانات فما حبيت اضيق صدرك وافتح معك الموضوع لكن اللحين أنا ابي اعرف كل شئ..
نزلت عبير راسها وماتدري وش تقول لابوها..
ابو نواف: تكلمي قولي اللي بخاطرك مو معقوله صارلك 3شهور من تركتي بيتك ولا احد عرف وش فيك؟؟
عبير: والله مدري وش اقولك يبااااا
ابو نواف: شوفي السالفه بعرفها منك ولا من سعود لان الموضوع طال..
يوم شاف ان عبير ماتبي تتكلم ولاودها تقول وش فيها قرر ابونواف انه يكلم سعود..





بعد المغرب جاهم سعود البيت..
ابونواف: ياسعود وش اللي صاير بينك وبين زوجتك؟؟
سعود بخجل: عمي أنت ماسالتها
ابو نواف: الااااا بس ماطاعت تتكلم حتى امها كلمتها قبلي ولارضت تتكلم
سعود: سالفه بيني وبينها ان شاء الله نحلها
ابونواف: بس السالفه طالت والموضوع كبر.. تكلم ياسعود قل وش فيكم يمكن نقدر نساعدكم
سعود: عمي ممكن اطلب منك طلب
ابونواف: ااااامر
سعود: ابي اشوفها اللحين واتكلم معها حاول تقنعها لاني كم مره اجي بشوفها وماتطلع لي..
ابو نواف: ابشر ماطلبت شئ
راح ابو نواف ينادي عبير.. وسعود سرح يقول غريبه ماقالت لهم السالفه باين من كلام عمي انه مايدري عن شئ والواضح بعد انها حتى تلميح مالمحت لهم وان شاء الله اللحين ان جلست معها اقدر اقنعها ونتفاهم لان الواضح انها للحين ماقررت شئ لوانها مقرره كان قالت لاهلها أي شئ يوم سالوها.. والله البنت اصيله ومعدنها زييين والوم نفسي كيييف حبيتها..

بعد عشر دقايق دخلت عليه عبير..
عبير: السلام عليكم
سعود مديده بيسلم عليها: وعليكم السلام ..كيف الحال
عبير: تمام الحمدلله
سعود: مبروك التخرج
عبير: الله يبارك فيك.. ومشكور عالهديه كان ماكلفت على نفسك..
سعود بتردد: عبير..
عبير: هلا
سعود: اتوقع تدرين ليه أنا طلبت اتكلم معك اللحين
عبير سكتت وماردت..
سعود: تدرين انتي لك كم جالسه ببيت اهلك؟؟ .. لك ثلاثه شهور انتي طلعتي من عندي عشان تفكرين بالموضوع وتردين لي والا الان ماسمعت ردك..
عبير وهي تطالع فيه بنظره حاده: أي رد؟؟؟
سعود : يابنت الناس تبيني ولا ماتبيني؟؟!!.. يعني راضيه فيني بعد كل اللي عرفتيه عني ومستعده ترجعين معي.. ولا لاءءء؟؟
عبير: ارجع معك وببساطه كذا
سعود وهو متنرفز: اجل تبين الحل الثاني
عبير بدت تخنقها العبره: وش رايك ياسعود تبيني اخذك بالاحضان بعد كل اللي صار تبيني اضحك بوجهك واقولك اجرحني تمون.. تبيني ارجع معك بعد ماكسرت خاطري.. أنت انسان اناني ماتحب إلا نفسك معيشني معك سنين على كذب وخداع.. كنت اترجاك اترك حبوب منع الحمل عشان اجييب طفل وكنت ترفض والقهر ان هالحبوب مو هي سبب منع الحمل في مانع اقوى.. يعني سنين وانا عايشه بوهم وأنت عايش حياتك ماادري كييييييييف قلبك كان مطاوعك تستمر تغدر بوحده كانت عايشه معك وراضيه فيك..
سعود وهو مصدوم: خلصتي؟؟؟!!!
عبير: لاااا.. شف أنا ماهمني انه يصير عندي ولد قد ماهمني انك جرحتني وكسرت خاطري لوانك قلت لي عن هالشئ اول ماتزوجنا كان رضيت وصبرت وقلت لك بالعلاج كل شئ يصير لكن اللحين بعد ثلاث سنين صحى ضميرك وقررت تصارحني..
سعود: عبير انتي ليش كذا قاسيه .. أنا عمري ماقصرت معك بشئ عمري مارديت لك طلب.. طيب انتي اللحين وش اللي يثبت لك ان انتي سليمه وتقدرين تنجبين يمكن تكونين..
عبير وهي تصيح: يمكن اكوووووون ايش كمل كمل خلاص أنا تعودت على الجروح وخاصه منك..
سكت سعود عرف انه غلط عليها وهي ماقدرت تستحمل اكثر من كذا..
عبير: سعود .. طلقنــــــــــي
سعود متفاجئ: اطلقك؟؟؟!!!
عبير وهي رافعه راسها: ايييييييييييه هذا افضل حل
سعود: عبير أنا مو قصدي والله زله لسان
عبير وصوتها مررره متغير من شده الصياح: يارب ان وش سويت بدنيتي.. ليييييييه أنت ماترحمني؟؟؟؟؟!!!!!!!!
سعود: اناااا اسف اسف
عبير: هاذي ويييين اصرفها
سعود: عبير تكفين حسي فيني انتي تحاسبيني على شئ أنا مالي يد فيه هذا بيد رب العالمين..
عبير: اناااا مااتكلم عن هالموضوع اصلاااا ماصار يهمني .. طلقني
سعود: عبير فكري للمره الاخيره الطلاق مو بهالسهوله..
عبير: خلاااااااااااص ياسعود عافك الخاطر أنا ماابيك ماابيــــــــــــــك
سعود: بس أنا احبك وابيك
عبير: اييييييه وش عليك تجرح الناس وتغلط عليهم بعدين تقول احب على بالك هالكلمه تتداوي الجروح..
سعود: اقولك للمره الالف أنا اسف
عبير: وانا اقولك اسفه ابي الطلااااااااااااااق
سعود وهو طالع ويتنهد: براحتك ياعبير
طلع سعود من البيت وطلعت عبير بسرعه على غرفتها لانها كانت منهاره ماتبي احد يشوفها وهي بهالحاله.. عبير طلبت الطلاق تبي تنتقم لكرامتها اللي انجرحت تبي ترد ولو جزء بسيط منها لانها صارت تحس ان سعود كل يوم عن الثاني يستهين بمشاعرهاااا اكثر.. هي عارفه ان سعود يحبها وهي تحبه والله وحده العالم كييف الايام اللي راحت مررت عليها وهي بعيده عنه الله يصبرهااا الايام الجايه مثل ماصبرها قبل.. لكن اللحين وش بقول لاهلي اكيييد بيسالوني عن سبب الطلاق وش راح ابرر مو قفي كيييف راح ادافع عن نفسي اكييييد كلهم راح يحطون اللوم علي وبنفس الوقت ماابي اجرح سعود واحرجه قدامهم واقولهم السبب الحقيقي.. بس لازم احد منهم يعرف اقووول لمييين لامي امي اكييد بتقول لابوي على طول.. ابوي صعبه اقوله مااقدر اتكلم معه بهالموضوع.. نواف لاااااا فشيله الموضوع حساس وهو رجال استحي.. ااااااه لوسعود يتكلم معهم ويقولهم السبب الحقيقي كان أنا ارتااااح... نواف علاقته حلوووه مع سعود يمكن يعلمه بكل شئ؟؟؟!!!!





خالد لان تقديره حلوو لقى له وظيفه بمكتب محامون ومستشارون كبير ومعروف بس قالوا له نبي نخليك ثلاث شهور تحت التدريب بعدها نقرر ان كنت تصلح للعمل او لا..
خالد: طيب ياسلطان حاول دور باي مكان ان شاء الله تلاقي
سلطان: وييين مافي امل أنت ماشاء الله تقديرك زين أنا تقديري جيد يعني مافي امل
خالد: ربك كريم...
سلطان: بروح بكره ادور عالشركات ابدور أي وظيفه مو شرط نفس مجال التخصص
خالد: منتب صاحي تكرف كم سنه اخرتها تشتغل بغير تخصصك كان ماتعبت نفسك كان من يووم خلصت الثانويه دورت لك وظيفه..
سلطان: ياشيخ تراني مو ناقصك احمد ربي ان لقيت أي وظيفه
خالد: وش فيك أنت متشائم .. تفائلوا بالخير تجدوه
سلطان: نتفائل نتفائل وبالاخير ننصدم بالواقع
خالد: خل ايمانك بالله قوي
سلطان: ونعم بالله
خالد: أنا ولد عمي مشاري اظنك تعرفه شفته كم مرره أنت ببيت خالي.. مامعه إلا ثانويه عامه وتوظف..
سلطان: اكيييد واسطه
خالد: والله مدري عنه.. قووم خلينا نطلع نغير جو شوي
سلطان: يلااا مشينااااااا





الساعه 10:20 الليل
في الصاله ببيت ابو مشاري ساره جالسه تكلم بالتلفون دخل عليها مشاري..
مشاري: ميييين تكلميين؟؟!!
ساره: صديقتي
مشاري: طيب وش اسمها مالها اسم؟؟
ساره وهي تكلم بالتلفون: لحظه لحظه.. نعم وش تبي؟؟
مشاري: انتي 24 ساعه تكلميين يلاااا خلصينا سكري السماعه
ساره: ولييييش ان شاء الله؟؟
مشاري: شوفي الساعه كم
ساره: طيييب واذا عادي مافيها شئ أنا كل يوم اكلم هالوقت ومحد يقولي شئ
مشاري: اقووول يلاااا سكري
ساره: الووووو اسمعيني أنا مشغوله اللحين اكلمك بعدين
مشاري: ثاني مرره ان قلت لك شئ اسمعي الكلام بسرعه
ساره: اقوول لايكون على بالك ابوي
مشاري: ابوي مدلعك ماعمره قالك شئ
ساره: هاهاها ضحكتني ليه ويين على بالك امريكا ماعمره قالي شئ
مشاري: اقوول ترى كلمه زياده الجوال بينسحب منك
ساره طلعت وهي متنرفزه وتقول في نفسها الله ياخذك..
راحت عند مها الغرفه وهي معصبه فتحت الباب بقوووه ودخلت..
مها: بسم الله عليك وش فيك؟؟؟؟
ساره: اخوك ثقيل الدم هذا جالس يتحكم فيني
مها: ليش وش قال؟؟
ساره: تخيلي يقولي لاتكلمين بالتلفون فشلني عند صديقتي ولابعد يقول باخذ جوالك منك.. غبي
مها: خييييييير وش عنده
ساره: مدري عنه والله اننا كنا مرتاحيين منه اول 24 ساعه طالع.. اثارينا كنا بنعيم وحنا مو حاسين..
مها: ههههههه طنشيه هو فاضي قال بيتحرش فيك
ساره: فاضي وانا وش ذنبي..
مها: مدري وش فيه هو متغير كثير عن اول
ساره: تلقينه ختم على بنات الرياض كلمهم كلهم ماخلى احد وجلس طفشان ينتظر المواليد الجدد
مها: هههههههههههههههه
ساره: لاااااااا مو بنات الرياض بس تلقين حتى بنات جده والشرقيه ماسلمو منه.. غريبه مادق على جوالي بالغلط..
مها: هههههههههههههه
ساره: وش فيك تضحكين صدق اتكلم البنات والسهر والسفر كل اهتماماته
مها: تصدقيين قبل فتره جاء سالني عن وحده بالجامعه..
ساره: احلفي
مها: والله
ساره: قمه البجاحه والوقاحه عيني عينك يسال مايستحي
مها: بس أنا اعجبك ماعطيته وجه
ساره: احسسن بعد هذا اللي ناقص قله حياء






عبير بغرفتها متضايقه ونفسيتها دمااااااار مرره مأثر فيها كلام سعود اللي قاله لها حست انه جرحها قررت تروح المستشفى تكشف تتاكد من نفسها اذا هي سليمه ولا لا .. قالت بشوف اذا كنت اقدر انجب بصر على الطلاق مهما حاولوا ماراح اتنازل عن قراري لانه جرحني واهان كرامتي لكن لو طلع كلام سعود صحيح وطلعت النتيجه اني مااقدر انجب بالمستقبل اااااااااه ياويلي مدري وش بسوي يمكن اموووت هاللحظه بس أنا لازم اقطع الشك باليقين بكره بروح واتاكد من نفسي وارتاح أنا من هالهم .. يارب صبرني لبكره..





سعود كلم ابوه عمه وقالهم ان عبير طالبه الطلاق انصدموا مااتوقعوا ان الامور توصل بينهم لهالدرجه يعني معقوله بعد الحب والعشره هاذي نهايتهااااا ..
انحرج سعود يقول لعمه السبب الحقيقي للطلاق قال لابووه ويوم درى ابو سعود ضاق صدره ومايدري وين يودي وجهه من اخووه ارتفع عنده الضغط والسكر ودخل المستشفى خاصه وهو يحب عبير ويعدها بنته..

سعود: شف يانواف أنا ماطلبتك اليوم إلا عشان برتاح من الهم واتكلم معك بكل صراحه..
نواف: اصلااا لو أنت ماقلت بشوفك اليوم كان أنا جيتك لان عبير مو راضيه تتكلم وتقول لاحد أي شئ..
سعود: ابوي بالمستشفى وحالته حاله وانا تعبان نفسيا بشكل ماتتصوره مليييت من دنيتي ابي اتكلم يمكن ارتاح..
نواف: سلامتك ياسعود ماتشوف شر تكلم أنا اسمعك
سعود: الشر مايجيك..
نواف: صح عبير اختى وماارضى عليها بس بعد أنت مثل اخوي تكلم وانسى انها اختي يمكن اقدر احكم واعرف من الغلطان..
سعود: شف ان شاء الله مافي احد غلط عالثاني كل شئ صار مالنا يد فيه بس هاذي اراده رب العالمين..
حكى سعود لنواف السالفه من ايااام ماكان يدرس بلندن لحد ماشاف عبير وطلبت منه الطلاااق..
نواف بعد لحظات صمت: لاحول ولاقوووه إلا بالله .. يعني خلااص الطلاق هو الحل الوحييد
سعود: هذا طلب اختك وانا حاولت فيها قد مااقدر لكن هي مصره وانا مااقدر اجبرها ترجع لي..
نواف: كل شئ بهالدنيا نصيب
سعود: تكفى قل لعمي لاني أنا ماقدر اتكلم معه واتوقع حتى عبير لو أنا ماتكلمت كان ماقالت لكم..
نواف: ان شاء الله يصير خيير وبحاول افهم ابوي..
سعود: الله يسعدك يانواف
نواف: تراك اخو عزيز وغالي ياسعود لاتتوقع اللي صار راح يأثر علينا
سعود: تسلم والله هذا العشم فيك.. ماتتصور وشلون ارتحت يوم تكلمت معك حسيت هم وانزاح من صدري..
نواف: الحمدلله ..
سعود: يلااااا استاذن اللحين بروح لابوي تاركه بالمستشفى الحاله
نواف: سلم علييه وان شاء الله نمره أنا والوالد
سعود: يوصل ان شاء الله

راح نواف البيت وجلس مع ابوه وفهمه كل شئ زعل وعصب لكن بالنهايه قال كل شئ مكتوب عند رب العالميين هذا نصيبهااا وهي طلبت هالشئ اكييد ان الطلاق بيريحهاااا ويكون وضع مناسب لها..

راحووو كلهم يزورون عمهم ابو سعود بالمستشفى الاعبير كانت نفسيتها مرره تعبانه وماتسمح لها تطلع من البيت.. بالمستشفى كانت زيارتهم جدا عاديه وتجنبوا كل الطرفين انهم يفتحون الموضوع مع بعض خلاص كل شئ انتهى وان شاء الله ماراح يأثر على علاقتهم مع بعض..





من بكره..
نزلت عبير الصاله ومعها عبايتها وكان وجهها باين عليه تاثير الارهاق والتعب..
عبير: يماااااا
ام نواف: هلااااا اخيرا نزلتي
عبير: يمااا مره تعبانه بروح المستشفى اللحين
ام نواف: بسم الله عليك خلي نواف يوديك لاتروحين اللحالك
عبير: لاااا يماا مايحتاج نواف.. تعب بسيط
ام نواف: اجل اروح معك أنا
عبير وتضايقت ماتبي امها تروح وتعرف هي وش فيها: هاااااا لااااا يمااااا خلاص ارتاحي انتي باخذ ريما معي..
ام نواف: اييه اهم شئ لاتروحين اللحالك وانتي بهالحاله
عبير: بروح انادي ريما
طلعت عبير وقالت لريما تروح معها .. راحت المستشفى ودخلت عند طبيبه النساء والولاده وخلت ريما تجلس تنتظرها برى..
الدكتوره: تفضلى ياعبير على سرير الكشف
راحت عبير وانسدحت والدكتوره بدت تسوي لها الاجراءات الروتينيه قياس الضغط والسكر..
الدكتوره: انتي لييه وشك لونه مخطوف كده؟؟.. مابتكليش كويس
عبير بابتسامه باهته: يمكن
الدكتوره: ايووو مشكلتك ايييه ياعبير
عبير: أنا لي ثلاث سنوات متزوجه والا الان ماحملت
الدكتوره: اهااااا مااستخدمتيش مانع ببدايه جوازك
عبير: الااااا كنت استخدم مانع بس تركته من ثلاث شهور تقريبا
الدكتوره: ايووو اوكي حعملك تحاليل ونشوف النتيقه اييه.. عموما في ستات يعودو من 6 شهور إلى 8 شهور مابيحملوش بعد ترك المانع.. يعني مابتخافيش
عبير: دكتوره وين التحاليل ؟؟
الدكتوره: الدور التاني اعمليها بعدين هاتي هاللي
عبير: زيين دكتوره بس تطولون لما تطلعون النتيجه؟؟
الدكتوره: على حسب الزحمه بس ياخدولهم نص ساعه.. ساعه بالكتير
طلعت عبير من عند الدكتوره سوت التحليل وجلست عند ريما تنتظر النتيجه وهي بحاله قلق مو طبيعي خايفه من النتيجه خايفه الدكتوره تقولها الحبوب سببت لك عقم لان لها ثلاث سنين متواصله تاخذها.. والله لو صار كذا ماراح اسامحك ياسعود لادنيا ولااخره..
.
.
.
بعد 40 دقيقه نادوا اسمها ودخلت عند الدكتوره..
الدكتوره: تفضلي.. خايفه ليه
عبير وهي تحس ان كل قطعه بجسمها تنتفض: هااااا لا عادي
الدكتوره بابتسامه: مش حأولك حامل .. لكن كل حاقه سليمه الحمدلله ماعندكيش أي مشاكل.. بس يمكن لازم تاخدي لك كم شهر وربنا يسهل ..
عبير بفرح: مشكوره دكتوره
الدكتوره: بعد 6 شهور اذا ماكانش في حمل ايبئي تعاليلي
عبير طلعت من عندها ارتاحت نفسيا وتاكدت من نفسها يعني هي الحمدلله مو مثل ماقالها سعود..





بعد ماطلع ابو سعود من المستشفى سعود طلق عبير وارسل لها ورقه طلاقها لان هاذي رغبتها هو يحس بالالم لكن وش يسوى البنت عافته وهو مايرضى على نفسه يعيش مع وحده ماتبيه.. انتشر الخبر في العايله ان عبير تطلقت والكل تفاجئ ماتوقعوا انهم ياصلون لهالدرجه.. لكن محد منهم عارف سبب طلاقها إلا اهلها وابوسعود..


مره كان يوم اربعاء في بيت ابونواف والكل راح يجتمع عندهم الليله.. بالمجلس كان ابونواف وابو سعود الحالهم جالسين خالد وقف السياره عند الباب.. لقى بابهم مفتوح ودخل يوم قرب من المجلس سمع ابو سعود يقول لابونواف..
ابوسعود: سعود جابني ومانزل مستحي من اللي صار
ابونواف: كل شئ نصيب ومكتوب
ابوسعود: بس المفروض ان سعود عارف انه مايجيه عيال كان صارحها من البدايه مو توه يتكلم.. وش اخبارها عبير اللحين؟؟
ابونواف: والله البنت ذبلانه ماتجلس معنا ولاتاكل نفسيتها دماااااار والله اني خايف عليها.. والناس ماترحم كل من يقول تطلقت..
انصدم خالد يوم سمع هالكلام توه عرف سبب الطلاق ماقدر يدخل عندهم من الصدمه مااتوقع ابدا ان هذا هو السبب وغير كذا عرف ان خواله عندهم مواضيع خاصه مايبون احد يسمعهم طلع من بيت خاله وجلس يدور بالسياره من غير هدف يعني عبير وسعود يحبون بعض وهذا سبب انفصالاهم اكيييييد سعود يموت فيهااا بس هو نذل اذا الكلام اللي سمعته من عمي صحيح فهاذي قمه النذاله يدري انه عقيم وياخذ البنت ومايصارحها طاح من عيني سعود عمري ماتوقعتك نذل نذل ليييه تسوي كذا بعبير ليه تلعب عليها.. باين من كلام خالي ابراهيم ان عبير متضايقه وحالتها حاله الله يعينها والله ماتستاهل اللي جاهاااا حقير ياسعود حسافه الايام اللي عاشتها معك.. حسافه بس.. رجع خالد البيت ودق على نواف قاله انه مصدع شوي ومايقدر يجي عندهم.. طول وقته كان يفكر بعبير مسكينه هالبنت انظلمت طول عمري اتمناها واحبها ..الله يصبرها ماتستاهل اللي جاهاااا .. المسكينه شكلها تعاني ..

وش فيني أنا افكر فيها خلااااص يوم بديت انساها الاقيها قدامي ..اعوذ بالله من الشيطان الرجيم.. مل خالد من التفكير دق على سلطان وقاله يمره البيت.. بعد ماجاء سلطان وحكى له السالفه كلها..
سلطان: طيب وأنت وش علاقتك بالموضوع
خالد: مالي دخل بس سمعت كلامهم صدفه
سلطان: خالد لاتقول انك تفكر فيها إلا الان
خالد: اكذب عليك لو قلت لك نسيتها بس الفتره اللي راحت كنت احاول اتناساها
سلطان: واللحين؟؟؟؟
خالد: مدري
سلطان: خالد واللـــــه لوتفكر باللي ببالي اخر مابيني وبينك
خالد بابتسامه: وشووو اللي في بالك؟؟!!
سلطان: شكلك تفكر تخطبهاااا
خالد: ههههه والله ياسلطان احبها واموت فيها لكن ماجاء في بالي هالشئ
سلطان: اشوى الحمدلله..
خالد: شف أنا شلتها من بالي من فتره خلاص احس اني تاقلمت انها مو لي تاقلمت انها متزوجه ومستحيل تكون لي..
سلطان: خالد أنا مااقولك هالكلام لان البنت صارت مطلقه لا والله مو هذا قصدي.. بس فكر فيها بالعقل يمكن ترجع لزوجها.. بعدين تخيل نظره خوالك لك ان عرفوا انك تبيها مررره شينه بحقك..
خالد: ادري ادري بس والله أنا راحمها لو سمعت خالي وش يقول عنها شكل البنت منتهيه خالصه تعبانه..
سلطان: خالد كل انسان تمر عليه بحياته ظروف يكون ضعيف فيها وباذن الله يقدر يتجاوزها.. لاتخلي تعاطفك معها يرجعك للايام اللي راحت والشيطان يوسوس لك..
خالد: سعود نذل حقير ليييه يكسر قلبها؟؟؟؟
سلطان بمكر: خالد تراي أنا فاهمك.. انكسر قلبها ولاانجرحت مو أنت الطبيب اللي بيعالجها.. يعني بالعربي اقولها لك البنت ماتناسبك اكبر منك وأنت تووك شاب في بداية حياتك ثاني شئ هي صارت تحمل لقب مطلقه وأنت الف وحده تتمناك غير كذا فكر بنظره الناس لك لو احد عرف ان هاذي رغبتك واولهم خوالك .. تراك غالي ياخالد وانا ماارضاها لك فاهمني..
سكت خالد لانه عارف ان سلطان معه الحق بكل كلمه قالها لكن هو زي مايقول سلطان يحط لنفسه اعذار عشان يحسس نفسه انه صح..
بعد ماطلع سلطان من عنده.. مسك القلم والورقه وحاول يكتب ابيات يصور فيه واقعها وبعض من معاناتها...

لوحكوا واستبدلوا ماوراءالهرج طايل** راس مـــــال السوالــف قالت فلان قال
لايهمــك وقـــدك للهـــــــــبوب يتمايل** ماعلى الله بعيـــد ان كان قالـــوا محال
اللقــــب مايفشل والاصيـــــايل اصايل** أنتـي مطلقــــه لايزعجــــك هذا السؤال
الطــــلاق ابغضه ربــــي بكل الوسايل** بس يبقـــي ويبقـــى رغـــــم هذا حلال
لاتقولين حظــــك بعده اغبـــــر ومايل** حظك احلى الحظوظ وعزتك راس مال
افخري بالقنــاعه والعوض في البدايل** جعل فـــالك يجيلــــه في المسرات فال
اصلا أنتــي عشانك بنت اصل وحمايل** مارضيتـــي يجـــي للعــيب أي احتمال
ماسكتـــي وسويتـــــي دروب وعمايل** وأنتــــي بذمه المسكـــــين ولد الحلال
ماتوقــــف على دمعه وهمس ورسايل** الحيــــاه اكبر بعين الهنــــاء والجمال
للاســـف مااتعظنا من قـــــديم السلايل** وعذرنــا الواهي الكذاب بـــاقي مجال
الزواج بعربنـــــا صــــار مثل الجمايل** نتـــجمل بــعمر عيـــــالنـــــــا ذا عدل
الزواج بعربنـــــا صـــــار بين العوايل** لوهـــــــم اثنين نحسبهم حريم ورجال
ندعــــي بالتكاتف والحقـــــايق هوايل** ونكتب المــــهر من زود التجني بريال
والنتيجه خــراب بيـــوت والعمر زايل** من يـــعوض زوال العمر عقب الزوال
وانتي اللحين سوقـــي للطريق رحايل** والاكيـــد القريب السعـــــــد له كرنفال
ولايهمك وربي ماوراء الهـــرج طايل** كلــــها كلمــــتين وقــــال فـــــلان قال

القصيده للشاعر.." فيصل المجفل "





بعالم اخر غير عالمنا كان شريط حياته يمر قدامه كل اللحظات الحلوه والمره اللي كانت بينهم من اول يوم زواجهم الي يوم طلاقهم ماغاب عن باله شئ..
نظراتها ابتساماتها ضحكها مزحها جدها حنانها وكل مواقفها معه جاء في باله اول موقف حس فيه انه تعلق فيها وخلاها تقرب منه اكثر..
كان وقت شتاء الجوو مره بارد وسعود حلقه يعوره وبدى يكح..
عبير: الله يهديك كله من اهمالك لنفسك احد يطلع من البيت بعز الشتاء بدون مايلبس شئ ثقيل..
سعود: عادي متعود..
عبير: متعود يوم انك عزابي اللحين وراك حرمه تهتم فيك
ابتسم لها سعود: بطلع اروح الصيدليه اجيب لي دواء
عبير: لحظه.. لحظه.. بجيب لك شئ تلبسه
راحت عبير بسرعه للغرفه ورجعت بثواني وعطته الجكيت..
سعود: والله ماتسوى كلها عشر دقايق اجيب دواء وارجع
عبير: بلا دلع البسه
وبعد مالبسه سعود
قربت منه عبير وسكرت له الازارير: ايوه كذا اهم شئ صدرك مايجيه شئ
قطع عليه عالمه صوت ابوه يناديه وقام له بيشوف وش يبي وهو يحس انه كاره نفسه ويتمنى موته قبل مايصير اللي صار .. تعوذ من ابليس وراح غسل وجه ونزل عند ابوه..





عبير بغرفتها جالسه تتصفح مجله تحاول تنسى اوبالاصح تتناسى الامها ومعاناتها جلست تقلب المجله بلاهدف تتفرج عالصور من غير ماتقرا المواضيع كنها طفل .. دق جوالها كانت صديقتها نجلاء..
عبير: الووووو
نجلاء: هلاوالله.. وش اخبارك؟؟
عبير: تمااام الحمدلله
نجلاء: وش فيه صوتك كذا؟؟ تعبانه
عبير: سالفه طويلة بعدين احكيها لك
نجلاء: أنا في الرياض اللحين..
عبير: ماشاء الله ماامداك من شهرين كنتي هنا
نجلاء: خلاص جيت الرياض للابد.. أنا انفصلت
عبير وهي متفاجئه: انفصلتي يانجلاء!!!!!!! طيب والولد
نجلاء: والله أنا اللحين مرتاحه افتكيت منه .. انتي ماتدرين اصلا الاسبوع اللي راح ضربني ضرب بغى يموتني.. رحت المستشفى فيني نزيف بعدهاااا قررت انه مالي قعده عنده والله كرامتي وصحتي اهم من أي شئ..
عبير: الله يعوضك يانجلاء.. وانا مو احسن منك أنا وانتي كلنا نحمل لقب مطلقات وان اختلفت الاسباب الناس مالهم إلا الظاهر..
نجلاء مصدومه: عبيــــــــــــــــر تمزحين انتي صح؟؟
عبير: لاااا والله اتكلم جد..
وحكت عبير لها كل السالفه..
نجلاء: ياللــــــــــــــــه كل هذا فيك ياعبير وماتقولين لي.. شهور لك ببيت اهلك ولاعلمتيني..
عبير: انتي اللي فيك مكفيك تلقينها مني ولا من رجلك ولا من ولدك الله يعينك بس
نجلاء: ولووو المفروض تكلمتي من اول
عبير وهي تتنهد: اااااه ماعليك بس وش اخبار البيبي؟؟
نجلاء: يسلم عليك..
عبير: انتبهي له خليه بعيونك ترى ماراح ينفعك الاهو..
نجلاء: ان شاء الله .. يلااا توصين على شئ بقفل اكلمك مرره ثانيه..
عبير: سلامتك..
نجلاء: الله يسلمك.. مع السلامه
عبير: مع السلامه..


سبحان الله الدنيا هاذي ماتدوم لاحد نجلاء اعز صديقاتي يصير قدرنا واحد انولدنا بسنه وحده.. درسنا بمدرسه وحده.. وتزوجنا بنفس السنه ونتطلق بنفس الشهر سبحان الله.. الفرق بيني وبينها ان هي معها ولد يسليها وانا ولاشئ.. دنيــــــــا غريبه دنيـــــــا قاسيه ماترحم احد ان فرحنا فيها يوم عشره عشناها نكد وان ضحكت لنا ايام بكتنا سنين.. ااااااااااااه الله كريم يبدل الحزن بفرح..

رجعت للمجله تقلب فيها لفت نظرهاااا خاطره بعنوان..

" رساله إلى الحزن "..

" ايها الحزن.. لن اطالبك بالصمت بل ضج ضج كيفما شئت ولاتنسى ان تاخذ في عز النهار ذاكرتي التائهه..مارس ماشئت من القسوه واقتل بقاياي.. اجج ذاكره تنعم بالنسيان فلن الومك لانني أنا من فتحت لك نافذتي ليلا فتسللت الي واستوطنت بريق نظراتي فاصبحت انظر من خلالك.. اه ايها الحزن كم كنت صغيرا امام طفولتي الشقيه كم حاولت ان تقتل نسيان الألم ولكن ماكنت اظن انك ستبقى كبيرا امام سنيني.. تترصد خطواتي في المساء عندما يسكنني الضجر اجدك هناك في غرفتي التي احلتها لسواد يلتحقني كل مساء.. حتى وسادتي سكنتها.. كم أنت طاغ استعمرت حياتي!!.. حاولت تجاهلك ولم اكن اعلم انك تقاسمني نفسي وتعانق كل شئ خاص بي.. حينما كنت اسعد بلحظاتي مع من احب كنت ابادلها للحظات خوف وشك يساورني فأكويهم بشكي واحترق بندمي .. لم اكن أعلم انك ستشاركني باحلامي التي احلتها لكوابيس ساحمل امتعتي واحزم حقائبي المليئة بجروحي .. سانفض قلبي بشدة حتى تسقط منه وبابتسامة الطفلة القوية سأمنعك من الولوج سألقيك في البحر لتتلاطمك الامواج .. كم كنت ساذجة حين عرفت انك تسكن في كل شي .. اوراق كتبي .. لم اكن اتصور انك تتسرب لزجاجات عطري وتتعلق بين ياقات ثيابي .. اكتشفت انك تعيش على نفسي .. تنام معي وتحب معي أيضا .. كنت تنتظرني كل يوم حتى اسقط رأسي على الوسادة .. لتقول: ها أنا مرة أخرى اجتحت عالمي وكل شيء .. فضج كيفما شئت فلن ألومك فأنا من فتح لك النافذة ..."
الأميرة دانة
17 - 09 - 2009, 02:57 AM
الجزء الثالث والعشرين
,,,,,,,,,,,,,,,,,,,,
عبير جالسه بالصاله قدام التلفزيون ومعها جوالها تلعب فيه.. دخل عليها نواف..
نواف: السلام عليكم
عبير: وعليكم السلام
نواف: اخيرا نزلتي تغيرين جووو
عبير بابتسامه باهته: الله واكبر كله واحد مافي فرق
نواف: وين ريما ماتجلس معك؟؟
عبير: قبل شوي كانت جالسه معي بس تذكرت ان عندها امتحان وراحت تذاكر..
نواف: عبير لاتضيقين صدرك ترى كل اللي صار مقدر ومكتوب
عبير: الله يعين..
نواف: عبير انتي على بالك حنا ماتضيق صدورنا اذا شفناك متضايقه كذا والله ان امي وابوي مرره متضايقين يقولون انك متغيره وماتاكلين زيين .. ترى الدنيا فانيه وسعي صدرك..
عبير: ايييه ان شاء الله فتره وتعدي...
نواف: حاولي تشغلين وقتك باي شئ مو معقوله اللي انتي تسوينه بنفسك..
عبير: عندك وظيفه هذاني تخرجت وجالسه بالبيت
نواف: والله لو عندي من عيوني ماتغلى عليك..
عبير: يعني وش تبيني اسوى مثلاااا
نواف: وش رايك اطلعك اللحين نروح نغير جووو
عبير: ويييين نروح؟؟؟!!
نواف: أي مكان بس نطلع من جو البيت
عبير: لااا مايحتاج
نواف: الاااااا يحتاج ونص يلاااا بسرعه غيري ملابسك وانا انتظرك بالسياره.. بس انتبهي ريماااا لاتجي..
ضحكت عبير على كلام نواف وطلعت فوق غيرت ملابسها ونزلت ركبت السياره..

نواف: بدري.. سواق ابوك أنا لي ربع ساعه انتظرك
عبير: وش اسوي رحت اكوي ملابسي
نواف: ويييين تبينا نروح
عبير: كييفك
نواف: تبين نروح " دكتور كيف"
عبير: ههههه ليه يعني عشان قلت كيفك
نواف: لااااا عبير ضحكت المود بدا يرتفع الحمدلله
عبير: ليه لهالدرجه أنا بنظركم مكتئبه..
نواف: يلااااا وصلنا انزلي بعديين اعلمك..
دخلووو الكوفي وجلسوا في جلسه بالزاويه..
نواف: وش تبين؟؟
عبير: ابي عصير فراوله
نواف : مسويه دلع فراوله انتي ووجهك.. لو ريما هنا كان طلبت شيشه
عبير: ههههههههه
طلبوا وجاء طلبهم..
نواف: شوفي ياعبير الطلاق ترى مو نهايه الدنيا..
عبير: بس الكلمه هاذي مرره قاسيه وصعبه
نواف: انتي وش عليك من الناس انتي الزم ماعليك نفسك انتي حاسه انك مسويه شئ غلط.. مااعتقد يعني عيشي حياتك وماعليك من الناس هم بس يتكلمون بالبدايه وبعدها يلقون لهم ضحيه جديده يقطعون فيها .. لاتخلين كلام الناس ونظره المجتمع تاثر عليك وسعي صدرك اطلعي من البيت روحي السوق روحي لصديقاتك ولو تبين أنا اوديك لهم بنفسي بعد.. ادخلي بالناس حاولي تدورين لك وظيفه.. اشغلي نفسك بالبيت..
عبير: كلامك حلووو لكن تطبيقه صعب
نواف: لييييه صعب.. اللحين الواحد وهو توه صغير ان قالوا له يلااا اللحين بتدرس وتخلص الابتدائي وبعدها المتوسط وو... لما تاخذ الجامعه والماجستير والدكتواره بعد تلقيناه يقول مشوااار ومافي امل بعد.. لكن حبه حبه خطوه خطوه كل شئ يصير والدليل بوقتنا اللحين نادرا ماتلقين واحد مو جامعي.. صح كلامي ولا لاااا..
عبير تطالع اخوها بابتسامه وتهز راسها بالايجاب..
نواف: يعني انتي اللحين خطوه خطوه وترجعين لنا عبير اللي نعرفها..
عبير: طيب عطني شئ مفيد اقضي فيه يومي كل شئ صار ممل التلفزيون المجلات الجرايد خلاص كلها صارت اشياء روتينيه ممله..
نواف: طيب عندي لك حل وش رايك تشرين جهاز كمبيوتر النت مرره مفيد يضيع الوقت ويشغلك باشياء نافعه..
عبير: بس أنا مالي ميوول للكمبيرتر اول كنت اشتغل عليه اسوي بحوث للجامعه وادخل مواقع علميه لبعض المواد اذا احتجت.. حتى الظاهر ايميلي انحذف .. من زمان دخلت ..
نواف: انتي جربي ادخلى مواقع فرفشه وتسليه مواقع تناقش مواضيع جاده.. اقري قصص ياعبير انتي شخصيتك رومانسيه تحبين الراويات والنت فيه كثيير اشياء من هالنوع..
دق جوال عبير وكانت المتصله ريمااااا..
عبير بابتسامه: هاذي ريما شكلها فقدتني بالبيت
نواف: طنشيها لاتردين عليهاااا
عبير: حررراااااااااااااام عليك
ردت عبير: الووووووو
ريما: وينك؟؟؟؟؟!!!!!!!!!!!!
عبير: اا...
ريما: وين موقعهم اللي خطفوك؟؟
عبير: هههههه..
ريما: اخلصي علينا وينك..
عبير: هههههه والله صادق نواف يوم قال شيشه
ريما: وش دخل نواف..
عبير: خلااااص ياختي شوي وراجعه
نواف: يوووو أنا ماقلت لك قفلي جوالك..
ريما: لحظه لحظه الصوت هذا مو غريب..
نواف: هاتيها.. الووووووو
ريما: ياخوووونه وينكم فيه؟؟!!
نواف:لاحول ولاقوه إلا بالله..
ريما: خييير ان شاء الله مصيبه داقه عليك..
نواف: أنا مطلع عبير اللحين اسوي عليها بروفه عشان اذا تزوجت اشوف أنا رومانسي ولا لا..
ريما: خخخخخ طيب جيبوو لي عشاء وانتم جايين
نواف: يصير خير مع السلامه
ريما: مع السلامه..
جلسوا عبير ونواف يسولفون شوي بعدها مروو المطعم جابوا عشاء لريما .. رجعها نواف البيت وراح عند اصدقاءه..





في بيت ابو مشاري..
ساره: مها وش فيك هاليوميين صايره كئيبه؟؟
مها: لا عادي مافيني شئ..
ساره: الااا والله صايره ممله
مها: جالسه افكر بسالفه وحده من صديقاتي..
ساره: وش فيها؟؟
مها: تحب واحد يقرب لها وتموت فيه
ساره: كح كح ياقدمها من زمان عن حركات القرايب احس حب القرايب على ايام قيس وليلي قبل ماتطلع التلفزيونات وقبل مانشوف الناس..
مها: عاد وش اسوي لها حبته وانتهى الموضوع.. المهم هو مايعطيها وجه ولايدري عنها.. ذاك اليوم قالت لها وحده من البنات قولي له انك تحبينه وصارحيه ..
سارة: تصارحه!! كيف تعزمه على كوفي وتفضفض له؟؟
مها: خليني اكمممل .. هي مسجله رقمه بالجوال عندها اتصلت عليه يوم سلمت وعرفها سكرت ولا قالت له شي .. بعدها ارسلت له مسج ووضحت له مشاعرها ناحيتها ..
سارة حطت يدينها على راسها: واللــــــــه لو اني مكان قريبها هذا كان منعت الجوالات من العاااائلة
مها: ليش؟؟
سارة: خييييير الدنيا سايبة ترسل له مسج وتقوله!!
مها: هي تحبـه وش تبينها تسوي طيب؟؟
سارة: كيف حبته وهم ما يمونون على بعض ولا تختلط معهم؟؟
مها: يا ررربي اقولك حبته وانتهى الموضوع ..
سارة: غررريبة يمكن الولد رزة خفيف دمه واسلوبه يخقق ..
مها: ايه يمكن
سارة: الله يعينها .. بس مهما كان حركتها مالها داعي مفروض ما تبين له .. ومصير هالحب يروح..
سكتت مها .. كان ودها تفضفض لأحد غير ريهام باللي شاغل بالها .. لكن يوم شافت ردة فعل سارة للموضوع .. ما حبت تبين أي شي .. وخلته بالقلب ..





سلطان مر خالد واخذه معه و ركبوا سيارته.. وراحوا يدورون في شوارع الرياض فتح سلطان الراديوا على الـــ FM
خالد: صكر الرادو تكفى .. المذيعه هاذي ترفع ضغطي
سلطان: هههههههههه رنـــا
خالد: ايه رنا احسها مالغه وماصله
سلطان: وجهه نظر بالعكس أنا عاجبتني .. صوتها يذبح صراحه
خالد: اوكي اذا عالصوت أنا معك صوتها حلووو لكن دلعها بزياده
سلطان: تصدق وحده من خواتي تقول أنا مستحيل اخلى زوجي يسمع صوتها من شده ماهو حلووو المجنونه راحت خربت الراديوا حق السياره
خالد: ههههههههه اختك ذي منسمه
سلطان: طالعه على اخوهاااا
خالد: شف رنا احيانا تجيك مروقه وتطق سواليف مع المستمعين وانواع الضحك وتحس انها ماودها تقفل واحيانا الاخلاق تخرب عندها ويجيك واحد ضعيف يقول مساء الخير ترد عليه نعم يسالها كيف الحال تقوله بسرعه قدم اهدائك واذا بدء المسكيين يهدي تقطع الخط تقول الاخ مهدي لحارتهم كلها .. كانه داق على حسابها..
سلطان: ههههههههه الله يرجك بس لاتحاول صوتها رهييييييييييييييب تحس فيها انوثه مو طبيعيه..
خالد: الناس اذواق
سلطان: وش فيك أنت اليوم احس فيك شئ
خالد: لاعادي مافيني شئ
سلطان: علينااااااااا عالعموم أنا عارف أنت وش تفكر فيه.. خالد طع شوري بدل منت غرقان كذا وافكار توديك وتجيبك احسم امرك وتوكل على الله ورح اخطب مها عشان تنسى عبير.. خاصه انك اللحين انهيت فتره التدريب وتوظفت رسمي..
خالد: لاتخاف ياسطان أنا افكر فيها بصمت يعني لاتتوقع اني اتهور واقولك بخطبها
سلطان: والله مااستبعدها عليك
خالد: اجل اخطب مها وش رايك ازوجك اياها وتفكنا
سلطان: عادي والله بس خليني الاقي وظيفه
خالد: متحمس
سلطان: لامن جد ياخالد فكر اليوم بالموضوع زييين عشان تنسى الماضي وتبدا حياتك من جديد..
خالد: يصير خير ان شاء الله
سلطان: امانه ياخالد كان لي معزه عندك ماتنام الليله إلا وأنت حاسم الموضوع.. طلبتك
خالد يوم قاله سلطان طلبتك حس ان هالكلمه قويه ومحد يقولها إلا لسبب قوي حس قد ايش سلطان يحبه وخايف عليه من هالافكار اللي تدور براسه..
خالد بابتسامه: باذن الله
سلطان: وين تبينا نروح
خالد: وش رايك نمر النادي ودي اسوي لي اشتراك من زمان عنه
سلطان: أنا مطفر مافي امل اشترك عندهم
خالد: وان وين رحت بسوى لك على حسابي..





نواف: السلام عليكم
ريما: وش اللي معك؟؟
نواف: رد السلام واجب
ريما: وعليكم السلام.. هذا اللاب توب لميين بعت حقك وشريت جديد
نواف: لاااا حقي زيين مافيه شئ ليه ابيعه
ريما: اجل لمين ذا؟؟
نواف: ماابي اقولك اخاف يصير فيك شئ
ريما: لاااااااااااااااا لاتقول لفارس
نواف:هههههههه لا استريحي مو لفارس لعبير
ريما: ياسلام لاب توب لعبير وانا جهازي كل يومييين اسوي له فورمات..
نواف: مشكلتك عاد.. روحي ناديها
ريما: أنا زعلانه هي تلقاها بالمبخ
..طنشها نواف وراح لعبير عطاها اللاب توب تفاجئت عبير ماتوقعت انه يجيبه له بهالسرعه وخاصه انه ماقالت له اني ابيه..
نواف: عشان ماتملين وسعي صدرك عليه
عبير: يوووو يانواف اللحين بكم شريته هذا شكله غالي.. وانا كييف برجع لك قيمته
نواف:عييييييب عليك وش هالكلام
دخلت عليهم ريما..
ريما: احلىىىى مسوي فيها ماهمتك الفلوس اجل جب لي واحد ثاني
نواف: حلووه بس لاتعيدينها
ريما: هاتي عبير جهازك بشيك عليه واشوفه
نواف:على فكره ترى ركبت لك فيه مودم يعني متى مااحتجتي اشبكي نت..
عبير: مشكور الله يعافيك
نواف: وريما انتي عندي لك خبر عشان ماتقولين اني افكر بعبير بس..
ريما: وشوووووو؟؟؟؟!!
نواف: ركبت DSL بالبيت الاسبوع الجاي بيشغلونه..
ريما: وااااااااااااااو احلف
نواف: ههههههه والله
اخذت ريما الجهاز وطلعت فيه لغرفتها وماتركت شئ إلا فتحته تشوف وش القصه..
عبير وهي داخله: انتي إلا الان تحوسين فيه
ريما: لا وبشبك نت اللحين بجرب
عبير: تصدقين من زمان عن النت لي كم شهر مادخلته
ريما: تعالي خليني اوريك المنتديات اللي أنا مشاركه فيها عشان اذا تبين تسوين لك عضويه فيها وتوسعين صدرك..
جلست عبير عند ريما توريها المواقع المهمه والمنتديات..


العصر في الصاله..
ساره: يمااااا وش عندك تبخرين البيت
ام مشاري: بتجينا ام محمد لنا سنين ماشفناهم
ساره: ام محمد اللي كانت جيرانكم قبل ماتتزوجين ابوي
ام مشاري: ايييييييييه بعد شوي بتجي روحي غيري ملابسك وانزلي عشان تسلمين عليها
ساره: مالي خلق يمااا
ام مشاري: بتجيب بنتها معها عييب ماتنزلين.. شوفي اختك راحت تلبس اعقلي وروحي البسي..
ساره: خلاص يكفي مها .. هي بنتها وش كبرها؟؟
ام مشاري: تقريبا بينك انتي ومها يمكن عمرها 18ـ 19
ساره: اخاف بس تطلع ثقيله دم وانا وش يصبرني لما تروح
ام مشاري راحت المطبخ وتركت بنتها.. طلعت ساره تلبس بعد عشر دقايق دق الجرس ودخلت ام محمد وبنتها مجلس الحريم فتحت لهم مها الباب وكانت ساره وراها..
ام محمد: ماشاء الله كبروا البنات يام مشاري
ام مشاري: اييييييه الايام تركض محد يدوم على حاله
ساره بصوت واطي لمها: وش فيها هاذي انواع القز فيك شكلها بتخطبك يامها
مها: وخري عني ناقصتك أنا بعد
ساره: اول مرره اشوف وحده معجبين فيها الناس وتعصب
طلعت مها تجيب القهوه للضيوف وساره جلست تسولف مع البنت..
ساره: وين تدرسين انتي؟؟
عاليه: ماادرس تخرجت العام من الثانويه وقلت اريح السنه هاذي في البيت
ساره: وناسه حلووه قعده البيت
عاليه: مو دايماااا احيانا ملل بس راحه من الدراسه
ساره: يوووو ودك تسمعك مها اختى تموت على شئ اسمه دراسه
عاليه: هههههه في احد يحب الدراسه
جلسوا البنات سواليف وضحك وبعد شوي جتهم مها وجلست معهم.. وام مشاري وام محمد يسترجعون ذكريات الماضي وايام الطفوله مع بعض..
بعد ماطلعوا من عندهم الناس..
ام مشاري: وش رايكم بعاليه
مها: ماعليها حبوبه البنت
ساره: طيبه بس انها ثقيله ماتسولف كثير ولا تضحك مثلنا
ام مشاري: وش رايكم نخطبها لاخوكم مشاري
ساره: واللي بيوافق مشاري اصلا هو مايبي يتزوج يبي الفله وسعه الصدر
مها: بس يمااا اخوي مشاري توه متوظف وراتبه مرره قليل مااظن البنت راح توافق
ام مشاري: بسم الله عليه الفلوس ميب كل شئ وبعدين الولد كبر ...
ساره: اماااا لو يروحون يسالون عنه من اللحين اقولكم مافي امل يوافقون
مها: هههههه عاد مو لهالدرجه اغلب الشباب كذا وبعد الزواج يعقلون..
ام مشاري: أنا بكلمه وبعدين بشوف ابوكم وش يقول





عبير بعد ماجاب لها نواف اللاب توب صارت تقضي عليه وقت فراغها يعني تجلس عليه تقريبا ساعتين يوميا..في يوم فتحت المسن ولقت اضافة بنك..
" حاشركم بالزاويه..".. قبلت الاضافة وهي مستغربة .. كان اون لاين ولا تكلّم .. دخلت عليه بتشوف مين.. عبير كان نكها "اشجان" لان هالنك يعكس بعض الاحزان والالام اللي بداخلها..
اشجان .. السلام عليكم ورحمة الله وبركاته
حاشركم بالزاويه.. .. وعليكم السلام والرحمة والبركة
اشجان .. مين معي؟؟
حاشركم بالزاويه.. .. افاااااا هاذي آخرتها ما تعرفني؟؟
اشجان .. ما اعررفك؟؟ لا والله ما عرفتك
حاشركم بالزاويه.. .. هههههههه الله يقلع ابليسك مسوي ثقل هههههههههههههه
اشجان .. مين معي؟؟
حاشركم بالزاويه.. .. أسااااااامة وش فيك؟؟ تستهبل ولا تستهبل ولا تستهبل؟؟ لا وبعد ضابط الدور حاط نك بنت..
اشجان .. اسامة!! .. لا اخوي غلطان
حاشركم بالزاويه.. .. ههههههههههههه ترى حركاتك ذي ما تمشي علي
اشجان .. ياخي والله اني ما اعرفك والا اعرف احد اسمه اسامة
حاشركم بالزاويه.. .. مسوي ازعاج اضفني واضفني وآخرتها ما اعرفك
اشجان: شكلك ياخوي مخبط..
حاشركم بالزاويه.. .. برررررب .. بروح اتاكد واجي

رجع بعد 5 دقايق ..

حاشركم بالزاويه.. .. شكلي من جد مخبط.. ..
حاشركم بالزاويه.. .. بس احس انك اسامة وتستهبل علي ..
اشجان .. لا غلطان
حاشركم بالزاويه.. .. آسف كاني ازعجتك
اشجان.. من هم اللي حاشرهم بالزاويه
حاشركم بالزاويه.. .. أنت والشباب
اشجان .. تخسى والله وبعدين أنا بنت مو ولد
حاشركم بالزاويه.. .. اسف اختي كاننا ازعجناك .. تامرين على شي قبل ما اعطيك بلوك
اشجان .. لا شكرا
حاشركم بالزاويه.. .. مع السلامة
اشجان .. مع السلامة





سعود من بعد ماانفصل عن عبير كان باين عليه انه متضايق ومو على بعضه والكل لاحظ هالشئ وكان ينحرج كثير من بيت عمه صار قليل الاحتكاك فيهم..
ابوسعود: سعود متى اخر مرره شفت عمانك وسلمت عيهم
سعود وهو متضايق صار يكره يسمع هالموال اللي كل يووم ينعاد عليه: من زمان ان شاء الله اذا فضيت مريتهم
ابوسعود: خلاص انسى اللي صار ترى عمانك لهم حق عليك
سعود: اشوف يوم فاضي فيه واروح..
ابوسعود: اكييد ماراح تلاقي وقت ماخذ لك الدوام فترتين
سعود: يبا عندنا ضغط بالشغل واغلب الموظفين يصير عندهم اوفر تايم
ابوسعود: سبحان الله الفترتين ماصارت إلا هالشهر
سعود وهو متضايق: مدري عنهم
ابوسعود: ترى ربي يقول " ولاتلقوا بايديكم إلى التهلكه"
سعود: وش دعوه يبا الشغل تهلكه
ابوسعود: لاااا الشغل مو هلاك بس اهمالك لنفسك بيضرك
تنهدت سعود سكت ومارد على ابوه وش يقوله يقوله اني بعد عبير عفت كل شئ يقوله اني ماخذ اوفر تايم عشان ماارجع البيت واتذكر ايامها ولايقوله احبهااا ولاايش يقوله عارف انه ماراح يفهمه..
لاتضيق صدرك ياسعود أنا بختصر لك معاناتك بهالبيتين..

دنيــــا غريبه والبشر مثلها اغراب
لوهي صفتلك ماصفولك بشرها
تعطيك من لذاتها كل ماطاب..
تغريك ثم تغرقك في بحرها
وانا عطتني دنيتي الزين والشين
اللي بناء دنيتي هو نفسه اللي دمرها..





خالد له كم يوم يفكر بموضوع مها خلاص يبي يحسم الموضوع وده ينسى عبير يبي يبعد نفسه عن التفكير فيها وماله إلا حل واحد انه يرتبط بغيرها صادق سلطان أنا مصيري بتزوج اذا مو هالسنه اللي بعدها واذا مو اللحين بعد فتره يعني اللي أنا اهرب منه لاحقني لاحقني.. بس والله صعبه احس اني مو متقبل فكره الزواج وخاصه من مها مدري يمكن مانكون مناسبين لبعض واخاف اخذ البنت واظلمها معي بس هي تحبني على كلامها يعني اكيد راح تتحملني لكن حرام حرام هي وش ذنبها بكل هذا.. والله صادق سلطان مافي قدامي إلا هالحل عشان انساهااااا
بعد تفكير عميق استمر لاربع ساعات متواصله قرر خالد يخطب مها وبيكلم خاله ابراهيم ابونواف عشان يكلم ابوهاااا وارتاح من الهم ومن التفكيييير بس بقوله خطبه اللحين ويصبرون على سنه ولا سنتين إلى ما اكووون نفسي واذا كانت تحبني مثل ماتقول اكييييد راح توافق على طول.. خالد دايما اذا جلس يفكر بعمق يلقى نفسه طلع من هالتفكير بمشاعر وعواطف كثيرة كانت مكبوته بداخله خلاص الليله قرر يودع حبه لعبير الليله بيرمي الماضي كله وراء ظهره من بكره ان شاء الله بيفتح صفحه جديده يارب ياعالم بحالي وفقني لما تحب وترضى..


صــعب لا منــــك فشلت وصـــعب لا منك لقيت
.........................ان من يكره نجاحك يدري انك ما نجحت
امس ضقـــت ورحـــت اقلب ذكرياتي وانتهيت
.........................عند صورة طفل صوته مثل صوتي لانجرحت
وش مثــــل؟؟ لا والله الا هذا انا يـــــوم ابتديت
.........................انطق حروف تلعثم في لساني لا مدحت
هذا انا يـوم الحـــياة في نظـــرتي عشرين بيت
........................ومسجدين ومدرسة من طين كم فيها اصطبحت
هذا انا واصبــحت اتمتم هــــذا انا حتـــى بغيت
........................اختنق بس القدر عيا على موتي وطحت
وصاح صوت الطفل فيني انت من وين ارتميت
.......................قلت انا المستقبل اللي فيه كم همت وطمحت
امس كنت ابيـــــك تكبر بس والله لـــــــو دريت
........................اني اللي عشت لاجله مت عندك واسترحت
لو دريت ان الزمــــان يجــــر رجلــــى ماعديت
........................ولو دريت ان البحور بلا مواني ماسبحت
كـــــان دربك لي طويــــل وكـــل ماشفتك هويت
........................قلتلك كبوه جواد وماكبيت الا جمحت
ليــــــه تسمعنــــي وتمشى اه ليتــــــك مامشيت
........................واه ليتك من كثر عثرات الايام انتصحت
ضاعت احلامي وظل الحزن فيني واهديت
........................للطريق اللي يوديني على دمعي ورحت
يالحزن ليتك مثل دمعي وتنزل لارقيت
....................... بس اعرفك لومسحت الدمع تبقى ماانمسحت
كان حلمي في وجود انسان يبكي لابكيت
....................... وصار حلمي في وجود انسان يفرح لافرحت
كنت اشوف الناس مثلي كل ماجعت وضميت
.....................ومادريت ان الاوادم ناس فوق وناس تحت
اه يااول ذكرياتي خذني في حضنك نسيت
....................لاسالك عن وجه ابوي اللي معه ياما سرحت
خذني في حضنك بغفى يااااه مبطي ماغفيت
.................... وان لمحت دموع عيني سو نفسك مالمحت
خذني بحضنك وبعثر في جروحي وان قضيت
....................هز لي كتفي وقل عيب تبكي لو سمحت
اضحك وعلم زماني من انا ومن وين جيت
....................طق باب الحزن واصرخ في لامني فتحت
وضمني يمك وكمل ضحكتك لامن بكيت
....................ودي اذكر كيف كانت ضحكتي لامن فرحت..

القصيده للشاعر.." فهد المساعد"





بعد كم يوم فتحت عبير المسن ولقت " حاشركم بالزاويه.." اون لاين .. استغربت هو ما قالي انه بيعطيني بلوك؟؟ .. سكتت وهو ما تكلم .. استغربت منه ذاك اليوم ما تكلم إلى ما سلمت عليه واللحين ما تكلم ..
اشجان .. أنت مو قلت انك بتحذفني؟؟
حاشركم بالزاويه.. .. هلا
اشجان .. اقول أنت مو قلت انك بتحذفني؟؟؟؟؟
حاشركم بالزاويه.. .. مين؟؟
اشجان .. اسامه (:
حاشركم بالزاويه.. .. هههههههههههه الله يرجك .. لا خلاص لقينا اسامة .. بس نسيت احذفك

راحت عبير تشيك على ايميلاتها .. بعد شوي ارسلها رابط صفحة .. فتحته كان موضوع قدييييييييم .. رجعت له ..

اشجان .. يا قددددمك هذا الموضوع نازل يوم النت ابيض واسود
حاشركم بالزاويه.. .. هههههههههههههه اجل قديييم
حاشركم بالزاويه.. .. اجل خذي هذا

فتحت الموضوع كان موضوع استهباال ورجة .. ماتت من الضحك عليه

حاشركم بالزاويه.. .. هااااه هذا قديم ولا ؟؟
اشجان .. هههههههههه لا والله اول مرة اشوفه
حاشركم بالزاويه.. .. مشاركة انتي بمنتديات؟؟
اشجان .. مو كثير ما احب .. اشوف المواضيع اقرا قصص اقرا اخبار
حاشركم بالزاويه.. .. اهاااا

عبير حست انها بدت تاخذ وتعطي وهذا مو من حقها ..

اشجان .. اخوي لو سمحت أنت اضفتني بالغلط والمفروض اللحين أنا اسويلك ديلت اعذرني
حاشركم بالزاويه.. قبل ما تسوين لي ديليت ممكن اسالك سؤال؟؟
اشجان.. تفضل
حاشركم بالزاويه.. .. أنا من يوم اضفتك الاسبوع اللي راح وانا اشوف نكك ماتغير ليه هالنك بالذات..
اشجان.. اتوقع انه شئ يخصني أنا وبس .. "اشجان" يعني إحزان وباقي معاناتي احتفظ فيها لنفسي..
حاشركم بالزاويه.. .. كل انسان يعاني مو بس انتي بس ابتسم تبتسم لك الحياه (:
اشجان.. مشكور عالنصيحه
حاشركم بالزاويه.. .. معليش ازعجتك
حاشركم بالزاويه.. .. بس حبيت اقولك مو أي اضافه تجيك تقبلينها ترى النت مليان بلاوي
اشجان.. ايييييييييه وأنت صادق اكبر غلطه اني قبلتك
حاشركم بالزاويه.. .. ايوه خليك كذا
حاشركم بالزاويه.. ..ولاتخافين أنا بسوي لك ديليت قبلك

شافته off line على حاشركم بالزاويه.. ..وعلى طول عرفت انه..عطاها بلوك.. وراحت تتصفح المنتدى اللي عطاها اياه .. وتشوف مشاركاته وكانت كلها رجة وصرقعة..


ام مشاري عجبتها عاليه بنت ام محمد وقررت تكلم ابو مشاري وتاخذ رايه بالموضوع..
ام مشاري: هااااااا وش رايك ياعبدالرحمن
ابو مشاري: بس هالولد مو حق زواج لعاب مايعتمد عليه
ام مشاري: لا ان شاء الله اذا تزوج يعقل
ابو مشاري: والله اني خايف انه يفشلنا
ام مشاري: يعني إلا متى وحنا نقول عنه مايصلح للزواج اللحين صار عمره 25 سنه
ابو مشاري: اللي تشوفينه اذا انتي حاسه ان البنت مناسبه له توكلي
ام مشاري فرحت بموافقه ابو مشاري وراحت تكلم ولدها بالموضوع بالبدايه اعترض وقالها توني صغير لكن بالنهايه رضى بالامر الواقع ووافق بشرط انه يشوف البنت قبل.. كلمت ام مشاري اهل عاليه وخطبت البنت بالتلفون واذا وافقوا يروحون الرجال يخطبون رسمي.. فرحت ام محمد فيهم..
ام محمد: هاذي الساعه المباركه
ام مشاري: تسلمين والله
ام محمد: ان شاء الله بشوف البنت وابوها ونرد لكم خبر
ام مشاري: مشكوره عاد لاتطولون علينا
ام محمد: حنا وين بنلاقى لبنتنا احسن منك
ام مشاري: الله يسلمك.. فمان الله
ام محمد: فمان الله
…….
خالد وقراره المصيري تتوقعون يكون بصالح مها ولا لا؟؟
عبير والنت اللي قضى على بعض فراغها والاضافه اللي جتها ياترى هل راح تاثر على حياتها بشكل ايجابي او سلبي؟؟
مشاري هل اصبح رجال يعتمد عليه وصالح للزواج ام انه ماراح يكون قدهااا؟؟
الأميرة دانة
17 - 09 - 2009, 02:59 AM
الجزء الرابع والعشرون
,,,,,,,,,,,,,,,,,,,,,,,
خالد اخيرا قرر يكلم خاله ابونواف يخطب له مها مسكيييين خالد انحط بموقف محرج لوكان عنده ابو ولا اخوو اكبر منه كان ماحس بهالاحراج اولو كانت امه عايشه كان اختصرت عليه هالمسافه بس هذا حال الدنيا كلنا راح نموت.. فرح سلطان كثير يوم عرف بقراره..
خالد: والله منحرج مدري وشلون بكلم خالي
سلطان: عادي توكل على الله أنت رح كلم نواف وهو يسهل عليك المهمه
خالد: صح مافي الانواف
دق خالد على نواف وقاله انه يبيه بموضوع وتواعدو الليل يشوفون بعض..
.
.
.
الساعه 9 الليل ..
خالد: صراحه منحرج مدري وش اقولك
نواف: تكلم ياخالد
خالد ووجهه صار احمر: احمم صراحه أنا قررت اخطب
نواف: ههههههههههههههههههههههه وهذا الموضوع اللي منحرج منه
خالد: وش فيك تضحك؟؟
نواف: اذا أنت كذا لونك صار اجل اللي بتخطبها وش تبي تسوي؟؟
خالد: نواف عن المزح أنا اتكلم معك جد
نواف: طيب أنا وش قلت شكلك غرت من مشاري
خالد: لااااا هذا خله على جنب
نواف: ههههههههههههه
خالد: المهم أنا كلمتك اليوم ابيك تفتح مع خالي الموضوع لاني منحرج منه
نواف: ومن هي سعيده الحظ؟؟
خالد: بنت خالي
نواف: من بنت خالك؟؟ ريماااا
خالد: هههههههههه ريما لااااااااا تكفى فكني هاذي خلها لك
نواف: اجل مييييين؟؟
خالد: مها
نواف: اهااا مها خييير ان شاء بكلم لك الوالد
خالد: تسلم والله يانواف
نواف: ولووو أنا كم خالد عندي
راح نواف البيت وكلم ابووه بالموضوع تفاجأ ابو نواف ماتوقع ان خالد يبي يتزوج بهالفتره بس مايقدر يقوله شئ لانه هوو اللي طلب هالشئ.. قال لنواف خله يمرني بكره بجلس معه..

دخلت ام مشاري على ولدها الغرفه وهي مبسوطه..
ام مشاري: السلام عليكم.. هااااات البشاره
مشاري: وعليكم السلام.. أي بشاره زادووو راتبي
ام مشاري: ههههههه أي راتب أنا وش دراني عن راتبك
مشاري: اجل وش السالفه
ام مشاري: اهل البنت وافقووو .. ان شاء الله هالاسبوع تروح أنت وابوك تخطبونها
مشاري: انتي قلتي لهم لازم اشوفهااا قبل
ام مشاري: ايييييه وقالوا ماعندهم مانع هاذي شوفه السنه
مشاري: وودي بعد الملكه تصير قبل الزواج بفتره عشان اتعرف عالبنت اكثر
ام مشاري: ويتشرط بعد .. ومو كل العوايل يرضون لبناتهم يشوفون رجالهم قبل الزواج
مشاري: بس هي بتصير ذاك الوقت زوجتي
ام مشاري: رح أنت وابوك وتفاهمو معهم على كل شئ
مشاري: يماااااا أنا وافقت انك تخطبين لي بس بشرط اني اشوفها يمكن ماتعجبني وثاني شئ ابي اجلس معها بعد الملكه واكلمها بالتلفون عشان اعرف اطباع البنت وهي بعد تعرفني عن قرب..
ام مشاري: يصير خيييير أنا بكلم ابوك واقوله..
راحو الرجال لبيت ابو حمد يخطبون البنت رسمي بعد مااقنعت ام مشاري رجلها انهم يستعجلون بالملكه.. شاف مشاري عاليه وعجبته البنت كانت طويلة وبيضاء وشعرهاا فحمي يعني البنت جذابه وملامحها حاده.. اتفقووو معهم ان الملكه تكون بعد شهر عشان تستعد لها عاليه.. انتشر الخبر بالعايله كلها ان مشاري خطب وملكته قريب والكل بارك له..





عبير طلعت بعد ماتعشت غرفتها فتحت النت وجلست تشيك على ايملاتها بعد شوي شافت " طالع الثمامه ومغرز" سوى تسجيل دخول.. عصبت قالت هذا يلعب على يقول حذفتك وهو اللحين اون لاين أنا غبيه كيييف صدقته..
طالع الثمامه ومغرز.. السلام عليكم
اشجان.. وعليكم السلام
اشجان.. خيييييييير نعم وش تبي؟؟!!
طالع الثمامه ومغرز.. قلت يمكن تتحسفين انك حذفتيني قلت ياولد خلك بس
اشجان.. هاهاها دمك ثقيل لو نشخله بمشخله ماانشخل
طالع الثمامه ومغرز.. تكفييييييين يادمك الشربات
طالع الثمامه ومغرز.. تعالي انتي اسمك عبير؟؟
انصدمت عبير يووم شافت اسمها قدامها ماعرفت وش ترد وتقول.. بالاخير تكلمت..
اشجان.. أنت وش تبي اللحين؟؟!!
طالع الثمامه ومغرز.. ابي اشوفك
طالع الثمامه ومغرز.. اوبالاصح أنا حاس انك انتي اللي تبين تشوفيني
اشجان.. استعد للطيران بطقك بلوك ديلييت
طالع الثمامه ومغرز.. هوبلاااااااااااااااااااا
طالع الثمامه ومغرز.. لحظه لحظه اسمعيني
طالع الثمامه ومغرز.. اطلعي من غرفتك امشي سيده لفي يمين الغرفه اللي قبال دوره المياه تلقيني فيها..
عبير قاعده تقرا الكلام اللي مكتوب تبي تستوعب..
طالع الثمامه ومغرز.. غرفتي على بابها ورقه مكتوب عليهااا " Entery not allowed "
اشجان.. ريمااااااااااااااا يالدبه مالك داعي

بعد ماكتبت عبير هالكلام طبت عليها ريما بغرفتها وهي ميته ضحك ووجهها احمر..
ريما: هاااااااااا وش رايك فيني اجنن
عبير: والله انك سخيفه مزحه بايخه
ريما: قلت خل بهبل فيك بس بالاخير رحمتك انبني ضميري
عبير: مسكينه انبك ضميرك ولا أنا ماعطيتك وجه
ريما: بس وش كان موقفك يوم قلت لك اسمك عبير
عبير: خفت قلت وشلون عرف
ريما: تصدقين اني مسويه ايميل جديد خصيصا عشان اهبل فيك بس ماامداني ماكملت اسبوع معك..
عبير: اصلااااا أنا من يوم ماشفت النك الغريب هذا قلت وش الزاحف هذا
ريما: والله اني رهيبه
عبير: روحي ذاكري اصرف لك
ريما: بعدين يا خبلة أنتي .. اذا احد قالك ابعطيك بلوك قوليله طيب وعطيه انتي بلوك وديليت بعد ..
عبير: شكرا عالمعلومة
ريما وهي طالعه: أنا مقدره شعورك انك ودك تصفقيني








ساره: اللحين انتي وش بتلبسين بملكه مشاري؟؟
مها: والله إلا الان ماادري لاتساليني
ساره: اللحين الملكه مابقى عليها إلا اسبوع
مها: وش اسوي رحت مرتين للسوق ماعجبني شئ.. بشوف يمكن اتسلف من ريهام اذا عندها شئ حلووو
ساره: تصدقين ريما تقول يمكن عبير ماتحضر الملكه
مها: لييييييه؟؟
ساره: تقول تحس إلا الان ضايق صدرها ماودها تطلع وتشوف الناس
مها: الله يعينها بس خلاص السالفه صارت قديمه المفروض تطلع وتغير من جو البيت
ساره: ااااااه متشوقه اشوف عاليه يوم الملكه اكيييد بيتغير شكلها
مها: عروس اكييد بتتصلح
ساره: الاصح ريهام متى زواجهاااا ؟؟
مها: اول الصيف
ساره: كل الناس تزوجوا ماباقي إلا انتي كل ماجاك احد رفضتي
مها: انتي وش فييك علي اليوم؟؟
ساره: أنا بفهم لييييييه اذا جبنا سيره العرس تصيرين كنك مقروصه
ملت مها من كلام اختها وقامت تركتها تكلم نفسهاااا..





من بكره المغرب جاء خالد عند خاله ابو نواف وجلس يتكلم معه بخصوص موضوع الخطبه..
ابو نواف: ماتوقعتها منك ياخالد تخلي بيننا واسطه تكلم نواف كان جيتني على طول
خالد: مدري والله ياخال كنت منحرج
ابو نواف: لاتقول هالكلام أنت مثل نواف
خالد وهو يحب راس خاله: الله يخليك لنا
ابو نواف: اللحين أنت تبي مها مثل ماقلت لنواف؟؟
خالد ووجهه صار الوان: اييييييييه
ابو نواف: أنت مستعد نفسيا لهالخطوه
خالد: شف ياخال الصراحه أنا ودي اخطب اللحين يمكن الخطوبه تحسسني بالاستقرار لكن الزواج ماابيه اللحين نصبر سنه سنتين لما أنا استعد زين وحتى مها تكون خلصت دراستها وتخرجت..
ابونواف: ابشر ياخالد كلامك عين العقل.. بس اصبر شهر لان اللحين هم مشغوليين بملكه مشاري
خالد: اللي تشوفه ياخال
ابو نواف: واذا على مها لاتخاف هي لك ان شاء الله لان البنت اللحين ماتفكر بالزواج انخبطت قبل فتره ورفضت قالت ابي اكمل دراستي.. يعنى لاتقول يمكن تروح البنت بهالشهرين..
ابتسم خالد وهو يقول بقلبه مسكين خالي يحسب اني احبها وخايف انها تروح لواحد ثاني مايدري اني احاول احل معانات بمعانات ثانيه الله يعيني بس..
ابونواف: ماشاء الله كلكم تبي تتزوجون إلا هالشايب نواف ماعنده نيه
خالد: الله يوفقه
ابو نواف: امييييييييين





ومرت الايام بسرعه وعبير خلصت عدتها... حياتها رجعت طبيعيه الا انها تحاول تتجنب الكل... ومن لحظة طلاقها وطلعتها من بيت عمها وهي تتجاهل سعود وتدعي في وجوده الامبالاه والبرود حتى لو احد جاب سيرته قدامها تبين عدم الاهتمام..
بس اللي قاعد يصير في داخلها غير.....هي تحبه بكل عيوبه بتهوره بعصبيته ...ويمكن الشي الوحيد اللي واقف عقبه في طريقهم هو انه خدعها وماصارحها من البدايه ...مستحيل تنسى انه كان يحبها ...والحب مستحيل يموت مهما كان...

البنات جالسين بالصاله ريما تسولف ومسويه ازعاج وعبير سرحانه ومطنشتها..
ريما: هيي هيي اكلمك أنا.. اشجااااااان اشجان
عبير: هي هي هي ماتضحكين
ريما: اجل اشجان معناتها إحزان وتحتفظين بمعاناتك لنفسك..ههههههههههههه
عبير: ياحظك
ريما: وش فيك؟!!!!!
عبير: مافيني شئ نعم وش تبين؟؟
ريما: اقولك ودي اغير جهازي الجوال يفشل
عبير: وش تبي تشرين
ريما: ابي أي جهاز جديد بس ماابيه كاميرا ابي بلوتوث من غير كاميرا
عبير: وايش معنى يعني
ريما: بس جوال الكاميرا قلق بالزواجات والحفلات وحتى الملاهي مايدخلونه لازم يسون تفتيش..
عبير: خلاص روحي بكره تفرجي عالاجهزه الجديدة
ريما: لاااااااا خلى نواف يشري لي لو عرف اني رايحه مجمع الاتصالات بيفضح فيني..





اليوم ملكه مشاري والكل متحمس ومستعد لهاليوم.. مها باخر يوم لقت لها قطعتين مرتبات يصلحون لهاالمناسبه كانت لابسه تنوره ميدي لونها رمادي ومعها توب وردي امااا ساره لبست بدله رسميه لونها موف عبير ماكن ودها تجي لكن ابوها اقنعها لما بالاخير وافقت لبست لبس من زمان عندها لونه ابيض وعشبي عالموضه بس كان شكلها رهيب وريما اول مرره تلبس شئ يبين انوثتها دايم كانت تلبس اشياء واسعه وبناطيل لكن هالمره لبست فستان لونه اسود قصير كان شكلها رايق.. اهل عاليه ماعزموا إلا المقربين منهم مرره يعني الملكه كانت عائليه وصغيره.. عاليه بعد ماطلعت من عندها حقت الصالون نزلت عند الناس وسلمت عليهم والكل بارك لها وجلست جنبها مها بعد شوي جاء ابوها ناداها عشان مشاري بيدخل يشوفها بالبدايه ارتبكت وماعرفت وش تسوي لكن بالاخير رضت بالامر الواقع ودخلت المجلس الداخلي جلست شوي بعدها دخل عليها مشاري مع ابوها واخوها سلموا عليها بعدين طلعوا وتركوهم لحالهم..
مشاري: كيف الحال؟؟
عاليه بخجل: بخير
مشاري: وش فيك شكلك خايفه؟؟
عاليه نزلت راسها وماعرفت ترد عليه
مشاري: تصدقين احلوتي عن يوم اشوفك
ابتسمت عاليه بخجل
مشاري: عاد خلاص اعقلي صرتي اللحين حرمه..
لحظات صمت بينهم لان عاليه انصدمت انه اول يوم تشوف فيه مشاري يقولها ذا الكلام ويخرب عليها فرحتها بهاليوم..
مشاري: كان ودي اجلس معك اكثر واخذ واعطي معك بس شكلك انتي مستحيه وماودك تتكلمين
سكتت عاليه..
مشاري: ان شاء الله الاسبوع الجاي بجيكم البيت وبجلس معك ونتعرف على بعض اكثر
عاليه: ان شاء الله
مشاري وهويطلع جواله من جيبه: صح نسيت عطيني رقمك
عاليه تطالع فيه وهي مستغربه
مشاري: وش فيك تراني صرت زوجك.. عطيني اياه
عاليه وهي مستحيه منه: ......05544
سجل مشاري الرقم..
مشاري: مع السلامه
عاليه: مع السلامه
عاليه كانت مع مشاري بالمجلس والبنات كانوا بالصالونات قاعدين يرقصون عالاستريو اللي مشغلينه كان بيتهم رخام فطالع الصوت مرره عالي والبنات مرتبشين عالاخر.. بعد ماراح مشاري رجعت عاليه عند الحريم وجلست معهم لما تفرقوا وكل واحد راح لبيته..





من بكره..
نواف وهو طالع من البيت لاحظ سياره تمشي وراءه وتكبس له بالنور استغرب منها وجاء بيوقف شاف الشارع زحمه قدم شوي إلى ما بعد عن الناس وقف سيارته عند مدخل حاره جنبها بقاله يوم نزل بيشوف وش القصه لقى السياره فيها حسام ولد جيرانهم اللي يلاحقه ويزعجه بالمسجات من فتره وكان معه واحد وقف نواف عند سيارته ينتظرهم ينزلون بيشوف وش القصه.. نزلوا واتجهووو له مسكه واحد منهم من وراء ونواف يدفه بقووه يبي يبعده عنه لكنه هو مازال ماسكه بشده حسام وقف قدام نواف وطلع سكينه صغير من جيبه وقرب من نواف شكله ناوي له على عمل اجرامي نواف هاذي اللحظه جته قوووه مو طبيعيه وقدر يفك الولد وخلاه يطيح على وراء من شده الدفه حسام كان ماسك السكينه بطريقه غريبه ويحاول يسددها بصدر نواف ونواف يحاول يقاومه ويبعده عنه لدرجه ان نواف انجرح جرح عميق بيده وكتفه صار ثوبه كله دم واتشرط الثوب من الجهه الثانيه.. بهاللحظه كان واحد طالع من البقاله وشاف المنظر اللي قدامه بعدها نادى الناس اللي بالبقاله والشارع عشان يفكون بينهم حسام وخويه يوم حسوا انهم بيروحون فيها بسرعه ركبووو سيارتهم بينحاشون نواف بسرعه حفظ رقم السياره لانه وصلت معه من هالانسان اللي كل يوم والثاني جاي يهدد فيه..
ركب نواف سيارته وبسرعه راح على اقرب قسم شرطه وقدم شكوى بحسام عطاهم اسمه كامل وموديل سيارته رقمها وحكى لهم سالفه الانتقام اللي يتكلم فيها وقالهم هالتهديدات اللي تجيه عالجوال من كم شهر وعلمهم اللي حصل اليوم وقالهم انه يلاحقه من مكان لمكان وكل شئ بالتفصيل.. طلع من عندهم بعد مااخذوا رقمه عشان يتصلون عليه اذا حصلوو حسام..
طلع من عندهم وهو حالته حاله مرتفع ضغطه من هالحسام هالانسان الاجرام يمشي بعروقه من يوم هو صغير مو كفايه اللي سواه بمره ابوه المسكينه حسبي الله عليك حسبي الله عليك ياحسام ان شاء الله اشوف فيك يوم يارب أنت ماترضى بالظلم يارب انتقم لي منه وخلني اشوف فيه يوم عشان يعرف ان الله حق كان ثوبه دم ومشقوق قال صعبه اروح البيت بهالشكل والله ان ينهبلون اهلي وش اسوي.. تذكر ان له ثياب بالمغسله حطهم من كم يوم وماجابهم إلا الان قال خيره اني ماجبتهم .. راح المغسله مرهم واخذ ثوب نظيف ولبسه بعدها مر المستوصف عشان يضمدون له الجرح ويسون له اسعافات اوليه.. وبالاخير راح البيت ولامن شاف ولامن درى مايبي يضيق صدر اهله على شئ هو ماله ذنب فيه..





بعد يومين دق مشاري على عاليه طول يدق بالاخير رفعتها وهي ساكته..
مشاري: الووو
عاليه: نعم
مشاري: هلااااا عاليه
عاليه: ميييييين؟؟؟؟؟؟؟
مشاري: أنا مشاري.. وش اخبارك؟؟
عاليه: اهلين.. بخير الحمدلله
مشاري: كيفك عقب الملكه
عاليه: ماشين..
مشاري: عاليه ودي اقولك شئ بس ماودي انك تفهميني غلط..
عاليه بخوف: تفضل
مشاري: اللحين انتي تعرفين رقمي حافظته عندك؟؟
عاليه: لا
مشاري: طيب ليه تردين على رقم غريب؟؟
سكتت عاليه..
مشاري: الووو
عاليه: عادي ارد وانا ساكته
مشاري: لااا من اليوم لاتردين إلا عالارقام اللي مسجله عندك..
عاليه وهي مقهوره من ومن اسلوبه: ان شاء الله
مشاري: تصدقين صوتك حلووو
عاليه: مشكور
مشاري: قد احد قالك صوتك حلوو
عاليه: صديقاتي
مشاري: بس
عاليه: وش قصدك؟؟
مشاري: لا مااقصد شئ.. بجيكم البيت يوم الاربعاء عادي
عاليه: الله يحييك
مشاري: خلاص اتركك اللحين
عاليه: فمان الله





عبير كانت مقدمه اوراقها بكذا مكان تبي أي وظيفه تشغل فيها وقتها دقووو عليها مدرسه اهليه طلبوها تجي تداوم هالاسبوع لان عندهم نقص معلمات.. كانت متردده تروح وتقبل بالوظيفه وتشغل نفسها فيها ولاتجلس بالبيت وتتجنب نظرات الناس لها وخاصه اذا سالوها السوال المعتاد متزوجه ولا لا؟؟ وش ترد عليهم وش تقول كلمه مطلقه , منفصله تجرحها مرره تحس انها تتمنى الموت ولاتسمع هالكلمه من احد خاصه وانها انفصلت بطريقه غريبه عمرها ماتخيلت هالنهايه لنفسها.. بعد تفكير عميق قررت انها تستلم للوظيفه.. إلا متى وهي بتم حابسه نفسها الناس اليوم ولا بكره بيتكلمون يعنى معقوله اتم طول عمري محرومه من كل شئ عشاني خايفه من كلام الناس خليني اتوكل على الله واروح لهم وان شاء الله اقدر اتاقلم معهم امشي حياتي اللي صرت احسها ممله ومافيها جديد الله يعيني بس..





ريما راحت بيت عمها عند ساره من زمان ماراحت لها الحالها من غير اهلها وجلست معهم مها وجلسوا يسولفون عن الملكه..
ريما: مكياجها كان خفيف مرره مو حق ملكه
مها: هي ماشاء الله بيضاء وجذابه مايحتاج
ساره: أنا مو عاجبني إلا شعرها ماشاء الله رهييييب
ريما: مشاري وش رايه فيها عجبته؟؟
مها: يقول ماعليها
ساره: طرار ويتشرط
ريما: اخوكم ذا عليه حركات
ساره: صح انتي غريبه اخوك نواف ماتزوج إلا الان؟؟
ريما: تلمحييين انسي الموضوع
مها: هو ماقد قالكم دوروا لي
ريما: لا يقول اذا بغيت قلت لكم
ساره: لايكون يعرف احد
ريما: ههههه وش قالوا لك اخووك
مها بابتسامه: اخوي عقل خلاص تزوج
ريما: ماقلت لكم عبير توظفت
مها: ماشاء الله ويين؟؟
ريما: بمدرسه اهليه
ساره: احلى معلمه كيمياء
ريما: اييييييييه
مها: الله يعينها المدارس الاهليه انواع الكرف
ريما: هي تقول ماهمني إلا تغير الجووو
مها: الله يوفقها
ساره: ريماااا اليوم أنا مجهزتلك فلم خطيييير
ريما: هههههههه الله يستر من افلامك
مها: لايكون هندي
ساره: لاااااا
ريما وهي تغمز: اهم شئ الممثل حلووو
ساره: هههههههههههه





يوم الاربعاء راح مشاري لبيت ابو حمد مثل ماقال لعاليه.. فتح له الباب اخوها الكبير حمد ودخله المجلس وجلس معه شوي لما دخلت عليهم عاليه واستاذن تركهم ياخذون راحتهم.. وبعد ماسالو بعض عن الاحوال..
مشاري: غريبه انتي ماكملتي دراستك..
عاليه: السنه الجايه ان شاء الله
مشاري: لاااا خلاص السنه الجايه تتفرغين للبيت ماله داعي الدراسه
انصدمت عاليه من كلام مشاري وماعلقت عليه
مشاري: ياليت ماتتضايقين من كلامي بس أنا اتكلم بالعقل انتي مادرستي وانتي بنت تدرسين وانتي متزوجه..
عاليه: بس الدراسه تفيد بالمستقبل
مشاري: هذا الكلام كلام كتب وخرابيط اهم شئ عند الوحده زوجها
ماردت عليه..
مشاري: أنا جيت اليوم عندكم قلت ودي نجلس ونتعرف على بعض اكثر.. اذا ودك تعرفين أي شئ اساليني..
عاليه وهي مستحيه: مدري وش اسال
مشاري: امممم اجل أنا بسالك سوال.. انتي اللحين تلبسين عبايه راس ولاكتف؟؟
عاليه: الغالب عبايه راس بس احيانا بالمناسبات البس كتف عشان الميك اب وشعري مايخرب
مشاري: بس عبايه الكتف ملفته وتخلي الشباب يلحقون وراء البنات
عاليه: بس أنا مالبسها بالاماكن العامه
مشاري: ولوو من اليوم انسي عبايه الكتف
استاذنت عاليه منه وطلعت تجيب العصير.. بعد مارجعت ..
مشاري: انتي تدخلين نت..؟؟
عاليه: نادرا
مشاري: اشووى لان البنت اذا تعلقت بالنت تلاقي وراءها بلاوي
انقهرت عاليه من اسلوبه رفع لها ضغطها كل كلامه اوامر ولازم تنفذ..
مشاري: يلااااا أنا استاذن اللحين
ابتسمت له عاليه: بدري
مشاري: من عمرك لي فوق الساعه جالس اجيك مره ثانيه..
مشاري وهو طالع : مع السلامه





بعد يومين من البلاغ دقوا الشرطه على نواف وطلبوا منه انه يحضر عندهم الان.. راح لهم نواف طلعوا صايدين حسام وجابوا نواف يتعرف عليه يوم اكد لهم انه هو خلووه يوقع على تعهد عدم تعرض فرح نواف انهم جابووه بس بنفس الوقت خاف من نظرات حسام الحاده اللي كان يطالعه فيها شكله إلا الان ناوي على الشر وماراح يتركني الله يستر .. شكر نواف الضابط وطلع وهو يحمد ربه انه افتك منه وبنفس الوقت يقول يارب ابعد هالانسان عني واكفيني شره.. راح للاستراحه بيغير جووو دخل لقى كم واحد من العيال..
نواف: السلام عليكم
الكل: وعليكم السلام
نواف: وين باقي الشباب؟؟
ثامر: بدري تونا بعد شوي بيجون
نواف: لاااا اليوم انتم اشكالكم مملين وأنا جاي عندكم بوسع صدري
عبدالله: ليه سلامات وش فيك؟؟
نواف: ياشيخ توي جاي من قسم الشرطه متمشكلي مع مراهق الله لايوريك..
ثامر: وش السالفه؟؟
حكى لهم نواف السالفه كامله..
ثامر: الله يعينك عليه
عبدالله: عسى مايحقد زياده بعد هالتعهد
نواف: والله مدري عنه طالع اليوم فيني بنظرات تخوف
دخلووو عليهم اثنين من الشباب وسلموا عليهم وجلسوا يسالون بعض عن الاحوال..





مشاري بعد ماطلع من عند عاليه راح للشقه المعهوده اللي يتجمع فيها هو واخوياه دخل لقى منصور..
منصور: السلالالالالالالالالام مبروووك
مشاري: هلااا والله الله يبارك فيك
منصور: وينك يارجال لك فتره غايب
مشاري: والله بالدوام
منصور وهو يغمز: الدوام بس
مشاري: تراها ملكه مو زواج
منصور: هههههههههه
مشاري: تصدق مدري احس اني مو مرتاح ودي اعرف زوجتي عندها خرابيط قد عرفت احد قبلي خبرك من كثر مالعبنا صار الواحد مايثق حتى بنفسه..
منصور: طيب أنت كييف تحسهاااااا؟؟
مشاري: عادي إلا الان ماشفت عليها شئ.. بس أنت عارف بنات هاليوميين اتحداك تلاقي وحده ماعندها خوي.. ولا اقلها تكلم
منصور: طيب أنا عندي لك خطه اختبرها..
مشاري: وشلون؟؟
منصور: قلها ابي اشوفك برى البيت ابي اطلع معك من غير مايدرون اهلك قلها ماودي انحرج مع اهلك طبعا أنت تعال لها باسلوب وكلام اللي يذوب البنات..
مشاري: طيب وبعدين؟؟
منصور: ياذكي اذا رضت تطلع معك من غير اهلها مايعرفون فاغسل يدك منها اكييد عندها سوابق ولا ماكان تجرات وطلعت
مشاري: فكره خطيره
منصور: اييييه اعجبك انااا
……………
قرار خالد بخطبه مها تتوقعون يكون صائب وتتم هالخطبه اوانه راح يصير شئ ويوقف في طريقه؟؟
مشاري ومعاملته لعاليه هل راح تصبر على ذباته وكلامه الجارح؟؟
عبير هل راح تتاقلم على حياتها الجديدة ووظيفتها؟؟
نواف وحسام إلى هنا تنتهى مطاراداته له او راح يصير شئ جديد؟؟
الأميرة دانة
17 - 09 - 2009, 03:06 AM
الجزء الخامس والعشرون
,,,,,,,,,,,,,,,,,,,,,,,
ريما بالصاله فارشه الجريده عالارض تقراهاااا..
ريما: عبير عبيــــــــر
عبير: وش فيك؟؟
ريما: شوفي " جيان" مسوين عرض "عالكاميرا الرقميه كانون" .. من زمان وانا نفسي فيها
عبير وهي تناظر الجريده: حلوووه تصورين وتطبعين على طووول مايحتاج تودينها لمحل..
ريما: عبير خلينا نروح اللحين لجيان ونشتريها
عبير: فكره مش بطاله أنا ودي اطلع بعد.. شوفي انتي روحي لامي قولي لها بنطلع وانا بروح اغير ملابسي..
ريما: لاااااااا مدام انتي اللي تبين تطلعين امي مافي امل ترفض هم يتمنون انك تطلعين مو تطلبين..
راحت ريما بسرعه تتدور امها عشان تستاذن منها وعبير طلعت غرفتها تلبس.. وافقت امهم
ووصتهم يجيبون اغراض للبيت مرره وحده مدام انهم بيروحون..
.
.
.
وصلوو جيان نزلوو البنات راحوو قسم الالكترونيات بيشوفون الكاميرا وطلع لها العامل كذا نوع صغير وكبير وموديلات ثانيه لما انقلب راس البنت عبير ملت يووم شافته كذا..
عبير بصوت واطي: اسمعيني بروح اجييب لامي اغراضها وانتي خلصي والحقيني
ريما: طيييب
ريمااا احتارت وش تاخذ من كثر الاشكال اللي شافتها خافت انها تاخذ شئ بعدين تتحسف طلعت من قسم الالكترونيات وراحت جهه المجلات والجرايد وجلست تتفرج عليهم اخذت لها مجلتين بعدين دقت على عبير تشوف وينها..
عبير: اخيرا جيتي .. وينك تاخرتي؟؟
ريما: ملييييت منه طلع لي الف نوع
عبير: طييب يلاااا أنا خلصت خلينا نروح نحاسب
مشووو البنات بيروحون للكاشير شافت ريما واحد حلووو رزه طويل وكتوفه عريضه ومسوي سكسوكه خفيفه وقفت قدام الكاشير وكان هوو قدامها يحاسب ريما معها العربه تدفهااا قامت طقت الحرمه اللي قدامها على بالها انها عبير..
ريما: عبير شوفي اللي قدامك يجنن رزته رزه شيوخ
التفتت الحرمه على ريما وعطتها نظره ومدت للرجال كيس كان معها اخذه ومشى وهي راحت وراه.. انصدمت ريما على بالها ان عبير قدامها.. واااااو فشيله شكلها طلعت زوجته ولا اخته.. تمنت ان الارض انشقت وبلعتها ولا تنحط بهالموقف.. التفتت تبي تشوف وييين عبير اللي ورطتها لقتها جايه من بين الرفوف..
ريما وهي معصبه: وينك انتي؟؟
عبير: رحت اجييب عصيرات..
ريما: طيييب ثانيه مرره تكلمي مو تخليني كذا صار لي موقف الله لايوريك
عبير: ليييييه وش صار؟؟
ريما: بعدين اقووولك
حاسبوو البنات وطلعوا ركبوو السياره..






الساعه 10 الليل دق مشاري على عاليه لقى معها انتظار.. عاليه كانت تكلم وحده من صديقاتها..
عاليه: الووو هدى أنا اكلمك بعدين جاني خط ... مع السلامه
صكرت عاليه من البنت وبعد خمس دقايق رجع مشاري دق عليها رفعتها على طوول..
عاليه: الووو
مشاري: صح النوم اخيرا حنيتي علينا
عاليه: وش دعووه
مشاري: من كنتي تكلميين؟؟
عاليه: صديقتي..
مشاري بمكر: اهااااا صديقتك.. هاذي مو اول مره ادق واحصل معك خط..
عاليه: ايه صديقتي وش فيك؟؟
مشاري: وانا المطلوب مني اصدق هالكلام
عاليه بعصبيه: براحتك
مشاري: بعدين تعالي لايكون على بالك أنا مخفه عند اهلك كل مادقيت لقيت جوالك مقفل اني مصدق انك مقفلته.. اقص يدي اذا ماكنتي محولته
عاليه: مشاري وش ذا الكلام؟؟
مشاري: اناااا اللي خلاص طفح الكيل معي كل يوم اختلق لك الاعذار لكن خلاص كل شئ واضح..
عاليه: الله يشفيك أنت ابدا مو انسان طبيعي رح اكشف على نفسك
يوم قالت هالكلام عصب مشاري وقفل الخط بوجهها.. وهي قعدت تصيح على حظها النحس اللي رماها على واحد متخلف.. كانت دائما تحاول تغلط نفسها عشان يطلع هو الصح وكل يوم تقول بنفسها يغار علي واكييد راح يتغير بعد الزواج لكن الظاهر هو اليوم خربها معي..




قبل نهايه الدوام بساعه..
جالس سرحان ويفكر.. رفع سماعه التلفون يبي يدق عليها اشتاق لها من زمان ماسمع صوتها.. قبل مايضغط الرقم الاخير تراجع وسكر السماعه لانه عرف انه ماله حق باللي جالس يسويه خلاص افترقو وكل واحد منهم راح بطريق.. وغير كذا حس انه هو اكبر من هالحركات هاذي حركات مراهقين والمفروض ماينزل نفسه لهالمستوى ويستخدم هالطرق الملتويه.. وحتى لو فكرت ارجعها ماراح ترضى فليش اتعب نفسي واحط امل عليها وانا عارف عبير كيف تفكر اكثر من نفسي.. قطع عليه تفكيره صوت باب المكتب يطق..
الموظف: السلام عليكم
سعود: يؤ يؤ سكرتير المدير في مكتبي مره واحده
الموظف: هههههه ياشيخ والله لو اني مدير مكتب الوزير
سعود: خيييييير وش عندك زايرنا اليوم..؟؟
الموظف: المدير يبيك.. شكلها تحققت امنيتي بيفصلونك
سعود وهو قايم: هههههه لا ان شاء الله تحققت امنيتي أنا
الموظف: وش امنيتك؟؟..
سعود: موب شغلك
الموظف: اووف القط وجهي يعني
سعود: امش يلااااا نروح تعطلت الوزاره سكرتير المدير عندي
طلعوو الاثنين متجهين للمدير وسعود يدعي ربه بسره انه يحقق له اللي في باله..
دخل سعود عالمدير واول مادخل مد له ورقه قراها سعود وهو يبتسم..
.
.
.
.
بعد ساعه..
وقف عند مطعم رز بخاري اخذلهم كبسه دجاج وركب سيارته متجه للبيت..
وهم على السفره يتغدون كان سعود محتار كيف يفتح مع ابوه السالفه هو قدم لهم الطلب وماتوقع انه بهالسرعه بيوافقون اللحين كيف اقنع ابوي خاصه وانها رغبتي انا..
بعد دقائق صمت..
سعود: يباااا ترى الاسبوع الجاي عندي انتداب
ابوسعود: وييين؟؟
سعود: الطايف
ابوسعود: عسى منت مطول
سعود: مدري والله المده مفتوحه يعني يمكن شهرين ثلاث.. عشان كذا ابيك تروح معي تغير جوو..
ابوسعود: اللـــــــــــه ثلاث شهور
سعود: ايييييه يبا خلينا نغير من جوو الرياض أنا ملييت.. وطلبتك ماتردني يبا ابيك تجي معي صعبه تجلس اللحالك..
ابوسعود: طول عمري جالس اللحالي
سعود وهو يحب راس ابوه: يباااا عشان خاطري ابيك تكون معي هناك
سكت ابو سعود ومايئس سعود من اقناعه لان هالانتداب هو اللي راح يطلعه من الهم وجو الرياض اللي يخنقه ويذكره فيها..





العصر..
دخلت ريما بيت عمها فتحت لها الشغاله الباب دخلت البيت لقت مها بوجهها سلمت عليها..
ريما: وييين ساره؟؟
مها: بالصاله
راحت مها وريما للصاله ودخلوو على ساره وكانت تتفرج على التلفزيون..
ريما: المسلسل هذا مامليتي منه كم مرره عادوه
مها: ههههه هي أي مسلسل فيه محمود بو شهري ولا مباراه يلعب فيها ياسر القحطاني لازم تتابعها لو يعيدونها الف مررره..
ساره: اييييييييه وش عليكم مني اتابع بصمت احمدووو ربكم ماسويت شئ ثاني
ريما وهي رافعه يدها: الحمد لله يارب
مها: يلاااا عن اذنكم بروح غرفتي
ساره: وانتي اجلسي هنا لاتتكلمين لما يخلص المسلسل
ريما: احلفي
ساره: اوووش
ريما: بلا سخافه جايه عندك اوسع صدري قبل الامتحانات وانتي مطنشتني
ساره وهي ماسكه الريموت توطي الصوت: وهاااااااا وطيناه وش عندك؟؟
ريما: ويين خالتي البيت هادي
ساره: ههههههه ضحكتيني حنا بيتنا دايم كذا أنا اللي مسويه جوو فيه
ريما: أنا عندي فارس اذا ضاق صدري تحرشت فيه عشان نغير الروتين
ساره: وعندك عبير ونواف كلهم يوسعون صدرك اما أنا بس مقابله هالتلفزيون
ريما: صكري التلففزيون امشي نطلع الحوش
ساره: يلاااااااا





من بكره..
دخل مشاري على امه وهي بالمطبخ..
مشاري: يماااا تعالي شوي الصاله ابيك بموضوع
ام مشاري: خييير ان شاء الله
مشاري وهو طالع: تعالي يماااا وانتي راح تعرفين كل شئ..
طلعت وراءه امه ولقته جالس بالصاله..
ام مشاري: هاااااااا وش عندك؟؟
مشاري: يماااا أنا ماابي عاليه
ام مشاري وعلامات التعجب على وجهها: وشلون ماتبيها؟؟؟؟؟؟!!!!!!!!!!!!!!!!
مشاري: يعني خلاص زي مادخلنا بالمعروف نطلع بالمعروف
ام مشاري: لاااااا حشى منتب صاحي أنت اليوم..
مشاري: عشاني ماابي اورط نفسي مع وحده.. سكت مشاري وماكمل كلامه
ام مشاري: وحده ايش؟؟
مشاري: صراحه البنت مو مضبوطه
ام مشاري: كييييييييف يعني؟؟.. شايف عليها شئ؟؟
مشاري: خلاص خلينا نرسي اللحين مدامنا عالبر
ام مشاري: تكلم البنت وش فيها تراك خوفتني
سكت مشاري ومارد على امه..
ام مشاري: حرام عليك تتكلم باعراض الناس كذا البنت أنا اعرفها زين واعرف اهلها ناس طيبين مايطلع منهم العيب.. فشلتنا عند الناس الله يفشلك.. أنت تووك مالك اقل من شهر مملك عليها قلت هالكلام اجل لوو ملكتكم زادت كان يمكن قلت شفتها طالعه مع واحد.. والله ابوك صادق يوم قال انك مو وجه زواج.. اللحين وش اقوول لابوك وش اقول للناس تكلم علمني؟؟!!
مشاري: يمااااااااا وش فيك على أنا لاحظت ان البنت لعابه
ام مشاري: وتقولها قدامي.. بالله لو وحده من خواتك انخطبت بعدها انفصلت وهي ماتوفقت ترضى زوجها يطلع عليها كلام مثل هاللي تقوله ترضي ولا ماترضى..؟؟؟؟
دخلت عليهم مها يوم شافها مشاري طلع مايبي امه تفشله قدامها..
ام مشاري: حسبي الله عليك من ولد
مها: وش فيكم يمااااا؟؟
ام مشاري: مافينا شئ اخوووك هذا مو طبيعي؟؟
مها: لييييه وش صاير؟؟
ام مشاري: تعالي مها بسألك عاليه مره اخووك انتي تجلسين معها وتكلمينها وانتم بنات وتعرفون لبعض.. قد لاحظتي عليها شئ؟؟
مها: شئ مثل ايش..
ام مشاري: يعني عندها حركات كذا ولا كذا..
مها: يما البنت ماشاء الله عليها مرره عاقله والواحد يبان عليه اذا كان عنده شئ
ام مشاري: استغفر الله العظيم..
مها: وش فيك يماااا؟؟
ام مشاري: مافيني شئ بعدين بعدين
مها: طيب يماا بروح المشغل زواج ريهام اول الاجازه على طول وانا إلا اليوم مالقيت لي لبس..
ام مشاري: روحي بس لاتتاخرين..
راحت ام مشاري عند رجلها وحكت له السالفه عصب وحط اللوم عليها لانها هي اللي زنت عليه انهم يخطبون له.. جلسوو معه امه واببوه وحاولوو فيه يقعد مع البنت ويتفاهم معها ومايحكم عليها من إلا بعد مايتناقش معها لكنه رفض وحلف انه مايستمر معها.. بالنهايه طاحوو فيها امه وابووه المساكين تفشلوو عند الناس اللي كانوا مفتخرين فيهم وبمناسبتهم بس جاء هالمشاري وخرب عليهم كل شئ ..





بدت امتحانات نهايه العام الدراسي والكل اجتهد لها وتفرغ لاجتيازهااا بعد اسبوعين كان الجميع منتهين من هالكابوس اللي اسمه امتحانات..

ريما اخيرا تخرجت من الثانوي بنسبه 97%
ساره وفارس كالعاده نجحوا بالدف
عبير انتهت السنه وارتاحت من همها بس اختلف عليها السنه هاذي انها معلمه مو طالبه..

ابونواف جالس مع ام نواف يسولفون..
ابو نواف: ودي نسافر هالسنه مكافئه لريما على تخرجها وعشان عبير بعد توسع صدرهااا
ام نواف: على راحتك بس مو كنه بدري عالسفر الاجازه توها باديه
ابو نواف: أنا اقوول خليها بالبدايه عشان نفاجئهم فيهااااا
ام نواف: وعلى قولتك ريما بنص الاجازه يصير عندها تسجيل للجامعه
ابونواف: وودي بعد نقول لاخواني كان بيروحون معنا خبرك هم اذا بغوو يروحون مكان يقولون لنا..
ام نواف: صح والجمعه احلى
ابونواف: اجل امشي نطلع لهم تلقينهم بالصاله خلينا نكلمهم بالموضوع..
طلعوا لقوو فارس وريما بالصاله وعبير بالمطبخ نادوها وجت جلست معهم..
ابونواف: وش رايكم هالسنه نسافر اول الاجازه؟؟
ريما: اللــــــــــــه وناسه
فارس: وييين؟؟
ام نواف: عبير وش فيك ماتتكلمين؟؟
عبير بابتسامه: عادي اسمعكم
ريما: يباااا وين نروح
ابونواف: تبون بيروت ولا مصر؟؟
فارس: مصر
ريما: بيروت احلى وارقى
ابونواف: وانتي ياعبير؟؟
عبير: أنا لبنان شايفتها مع... وسكتت كانت بتقول سعود بس حست بغصه وكملت كلامها..
عبير: أنا اقووول نروح مصر
ابو نواف: مصر يعني مصر
ريما: والله لبنان احلى يكفي جوووها وغير كذا الواحد يروح لها ويتسوق منها اما مصر وووع مافي امل نشتري منها شئ..
ام نواف:هذا اكبر همك روحي لفي على اسواق الرياض كلها قبل مانسافر..
سكتت ريما ورضت بالامر الواقع لانها قالت شئ احسن من لاشئ..
ابونواف: ان شاء الله بكره بتصل عليهم بشوف في حجز ولا لا؟؟ .. وبكلم عمانكم كان يروحون معنا..
ريما: طيييب وتسجيل الجامعه اخاف يفوتني
عبير: التسجيل مو اللحين بعد ثلاث اسابيع تقريبا
ابو نواف: اجل يمدينا نروح ونجي قبل التسجيل..





من بكره دق ابو نواف على خالد وقاله يمره البيت جاءه وقعد معه شوي بعدها طلعوو وراحو بيت ابومشاري..
ابونواف: شف ياخوي الصراحه اليوم أنا جاي بكلمك بموضوعين..
ابومشاري: خييييير ان شاء الله
ابونواف: الموضوع الاول هو اني أنا وعيالي ودي نسافر نروح مصر كان ودكم تخاونااا
ابو مشاري: ماشاءالله مو كنه بدري
ابونواف: الاجازه وبدت وش ننتظر..
ابومشاري: زيين أنا بشاورهم وارد لك خبر
ابونواف: والموضوع الثاني طال عمرك حنا اليوم جايين نخطب مها لخالد..
ابو مشاري وهو متفاجي ويطالع بخالد اللي كان منحرج: هاذي والله الساعه المباركه.. بس ياخالد أنا مو بحسبه ابووك أنت ولدي ومها بنتي وماراح تغلى عليك بس لازم اشاور البنت..
خالد وهو منحرج: خذ راحتك ياخال..
ابو مشاري: بس ياخالد ماتحس انك توك صغير قدامك عمر يعني ممدي على الشقا لو تنتظر كم سنه..
ابونواف يقاطعه: خالد يبيها اللحين بس خطبه وبعد سنه ولاسنتين الزواج ان شاء الله..
ابو مشاري: خيييييير ان شاء الله وحنا عندنا اغلى من خالد
خالد: تسلم والله ياخال؟؟
ابونواف: وش اخبار مشاري؟؟
ابومشاري: اسكت بس لاتذكرني أنا من يوم فشلني قدام الناس وطلق بنتهم قبل مايدخل فيها وانا ماادري ويين اودي وجهي من الناس فشلني الله يفشله..
ابونواف: كان علمته ان بنات الناس موب لعبه هذا زواج..
خالد: الله يهديه هو دايم متسرع..
ابومشاري: والله البنت اهلها ناس طيبين وحتى البنت ماشفنا منها إلا كل خيير وأنت عارف ان الناس اذا شافوو البنت تطلقت فبل الدخله يكثر الكلام عليها تصير مطلقه وهي توهاااا الله يستر عليها بس بس ..
ابونواف: هذا نصيبها لاتقول شئ كل واحد بهالدنيا ياخذ نصيبه..
خالد: ومشاري ان شاء الله مع الايام بيندم ويعرف غلطته
ابومشاري: الله يصلحه ويهديه
ابونواف: يلاااا نستاذن اللحين..





رجع البيت استرخى عالكنبه اللي بالصاله وصارت الافكار تاخذه وتجيبه هل اللي أنا سويته صح؟؟ اوان هذا كله هروب من الواقع؟؟.. أنا بقرارة نفسي ماقد تخيلتها تكون لي بس اليوم أنا خطبتها المفروض اشيل الفكره هاذي من بالي وارضى باللي ربي كاتبه لي.. أنا احسن من غيري الحمدلله خطبت البنت استر عليها والله يقدرني اسعدها اماااا غيري يلعب ببنات الناس الله لايبلانا هذا مشاري موب صاحي حركته اللي سواهااا مال امها داعي اساسا هو حياته كلها لعب بلعب واكييييد انه ماراح يقدر يعيش بسلام أي شاب يتعرف على بنات كثير مستحيل يثق باي احد تلاقيه هبل بالبنت المسكينه ينتقدها بكل شئ ومايبي يشوف عليها غلطه .. والله العظيم كني اتخيله وهو يشكك بحركات البنت ويحاول يقارنها مع اللي يعرفهم..بس والله مسكينه ماتستاهل اللي جاها تطلقت وهي توها مااستوعبت انها تزوجت وياكثر ماسمعنا وقرينا عن اللي ينفصلون قبل مايتزوجون.. الرجال ماراح يعيبه شئ لكن البنت خلاص هي اللحين بنظر الكل مطلقه.. مشاري الله يعينه على نفسه طوول ماهو تفكيره كذا عمره ماراح يتزوج ويستمر بحياته..
في ظل هالافكار طلع خالد بهالابيات اللي تصورله هموم والام بعض من فئات المجتمع..

انتي عذراء ولا لا؟؟..
قولي لا..
طاح ثلثين الحلا
قولي لا.. وانسى ولو كلمه هلا
قولي لا.. لا حنان ولا غلا
قولي لا.. انتي ماعندك ولاء
قولي لا.. انتي في ضلوعك بلا
قولي لا.. في سابع جدودك جلاء
لوهي شبهه اوتخمين
انتي ياويلك لو كنتي
انسي ان انتي هي انتي
وهو عادي لو هو عيني
العذريه شئ صعب
فيها لعب وفيها رعب
كيف يعني؟؟ يعني صوره رماديه..
يعني ممنوع الكلام
يعني ممنوع السكوت
يعني ممنوع النقاش
وناس باعتها حلال
وناس خانتها الليال
وناس ياعيني بلاش
العذريه صارت هم
وصارت ذنب وصارت دم
والغفله هي الماريه
يعني لازم أنا وانتي نشرح ونبرر ونقول
يعني لازم واحد فينا
مخطي والثاني مسئول
معقوله اللي صاير فينا
لا والله ماهو معقول
يعني جينا
يعني حنا ماعلينا
يعني قولي للي حولك والللي حولي
ايييييه كنت مخطوبه من كنت رعبوبه
ثم كتبوا كتابي اهلي واحبابي
ولا صار بعده شئ..!!
وللحين أنا هي..
طامح ومنفصله..
والحكي في عرضي
جارحني بنصله
والهم بي ساكن
وودي افضفض للعيون
للسوالف والاماكن
ايه عذراء ولكن.............!!


القصيده للشاعر.." فيصل المجفل"





مها متنحه ومو مستوعبه الكلام اللي سمعته من ابوها قبل شوي تتوقع ان ساره بتجي باي لحظه تصيحها من الحلم معقوله ياناس خالد خطبني؟؟.. حن علي اخيرا.. عرف اني احبه وامووت فيه.. ااااااه والله ماني مصدقه نفسي.. أنا بحلم ولا علم..
الحمدلله ربي استجاب دعائي؟؟.. الحمدلله لك يارب الحمدلله يارب.. احلى شئ ابوي يقولي فكري بالموضوع وردي لي والله لو لا الحياء كان قلت له ابي املك اليوم.. بس اللي أنا مستغربه منه هو خطبني يحبني ولا رحمني يوم عرف بحبي له ولا ايش بالضبط؟؟..
ربي وحده عالم خالد وش يفكر فيه.. أنا ليش متعبه نفسي بهالافكار اهم شئ انه خطبني خليني اروح اكلم ريهام اعلمها مع اني عارفه انها مشغوله زواجها مابقى عليه إلا يومين.. بس مافي غيرها يقف معي بالسراء والضراء.. دقت عليها
مها: الوووووو
ريهام: هلا وغلا
مها: ريهام أنا اليوم طايره من الفرحه
ريهام: دووووووم ان شاء الله وش السالفه؟؟
قعدت تحكي لها وتعلمها بشعورها وريهام تسمعها وهي مو مستوعبه ان هالشئ صار وان خالد جاء خطبها..
ضيع عليها افكارها صوت الباب انفتح بقووه..
ساره: السلام عليكم
مها: بسم الله فجعتيني شوي شوي
ساره: اثاريك منتب هينه صاحب السمو خالد خطبك
مها: ههههههههه ومن قدي بصير حرم صاحب السمووو
ساره وهي متفاجئه: وافقتي؟؟؟؟؟!!!!!!!!!!
مها وماتبي تبين لها شئ: مدري
ساره: وش قلتي لابوي
مها وبقلبها اكيييييد موافقه: بفكر..
ساره: بس فعلا شئ غريب كييييييف تنازل وخطبك المشكله انه صغير.. كم عمره هو؟؟
مها: 23 اكبر مني بثلاث سنوات.. بس ابوي يقول خطوبه اللحين والزواج بعد مااتخرج
ساره: اقوووول لايكون بس عاشقك.. اخاف انك دخلتي مررره عليه المجلس وشافك وتعلق فيك وماصار ينام الليل زي القصص والروايات..
مها: هههههههههههه
ساره: اماااااا ذولا اللي يحبون وحده بس من نظره وحده بفهم كيييف ؟؟ كييف؟؟.. يعني اللحين أنا أي واحد يشوفني بالصدفه بيعشقني..
مها: والله انك رهيبه انتي تحللين المواضيع على كيييييف كيفك..
ساره: اتكلم معك جد أنا مرره قريت قصه بالنت كان أي واحد يشوف وحده بالصدفه لازم يتزوجها كانه حرام تصير لغيره اذا ناظرهااا..






سكرت ريما السماعه وراحت عند اخوانها بالصاله..
ريما: عبير توي مقفله من ساره تقول انها ارسلت السواق معه بطاقات لنا لزواج ريهام
نواف: ريهام مييين؟؟
ريما: صديقه مها بنت عمي
عبير: متى زواجها؟؟
ريما: يوم الاربعاء يعني بعد بكره.. بتروحين؟؟
عبير: مدري على حسب مزاجي
نواف: الااااا روحي ليش ماتروحين؟؟
ريما: بعدين فشيله جايبين لك كرت باسمك
عبير: وين زواجها؟؟؟
ريما: بـــ " نياره"..
نواف: عبير بالله وش بتجلسين بالبيت تسوين اطلعي غيري جووو
عبير: يصير خييير إلى يوم الاربعاء نشوف
نواف: أنا ماصدقت انك تغيرتي ورجعتي لنا عبير اللي نعرفها بترجعين لحاله الانطواء حقتك..
ريما: دق الجرس اكييييد السواق جايب الكروت
نواف: خلى فارس يفتح له
عبير: فارس طالع
نواف: وييييين رايح؟؟
ريما وهي طالعه: مدري عنه
راحت ريما وسكتوو نواف وعبير.. عبير كان ودها تتكلم وتسال نواف عن سعود اكيييد انه يشوفه بين فتره وفتره ودها تعرف كيف عايش بعدها؟؟.. يفكر فيها؟؟.. ضايق صدره على فراقها؟؟.. نفسيته تعبانه مثل نفسيتها ولا عايش حياته بالطول والعرض؟؟.. في بالها ميه سؤال ودها تساله عنه بس عزه نفسها ماتسمح لها تسال عنه بعد كل اللي صار كرامتها الزم ماعليها .. بعدين أنا اللي اخترت الفراق والمفروض اتحمل نتايج هالشئ.. اصلاا كل شئ حولها يذكرها فيه ملابسها اللي شرتها معه.. وهداياه لها.. واغانيه اللي يسمعها دايم.. كل شئ كل شئ يذكرها فيه.. هي مازالت تحبه ومتعلقه فيه ومو قادره تشيله من بالها لحظه وحده وهي كانت تعذب نفسها بالذكريات وبالشريط اللي اهداه له يوم تخرجها هالشريط مايمر يوم إلا تسمعه وتجدد احزانها حاولت مرررات انها تضيعه او تبعده من قدامها عشان ماتضطر انها تسمعه لكن كل مااشتاقت له ماتلاقي قدامها الاهو..





البنات بالاجازه والصيف يضيعون اوقاتهم بالسوالف والتلفون..
ساره: ودي اروح السوق اشري لي حجابات ملونه
ريما: ههههههههههه ويييييين يالمصريه ليش ملونه عاد
ساره: تغير عن الاسود
ريما: اقول اهجدي بس.. احتمال اخوي نواف يجي معنا
ساره: يوووو
ريما: لاتتافافين على اخوي قدامي
ساره: وش عنده اول مره يسافر معكم؟؟
ريما: له سنتين مااخذ اجازه السنه هاذي امي نشبت فيه والله تسافر معنا وشكله بيوافق..
ساره: يعني البس عباتي وانثبر بمكاني
ريما: تعالي إلا صدق الخبر اللي سمعناه..
ساره: وشووو
ريما: خالد خطب مها؟؟
ساره: اييييييييه وابوك بعد اللي جاء خطب له
ريما: خيانات اهلى ذولا كل شئ يسونه وانا اخر من يعلم
ساره: ههههههه اول مرره احس اني عرفت شئ قبلك
ريما: عسى وافقت مها؟؟
ساره: قالت بفكر زي العاده
ريما: الله يوفقهم عقبالك..
ساره بحماس: اميـــــــــــــــــــــــــــــــن
ريما: اعصابك لايصير فيك شئ.. والله لو اني داعيتلك بالجنه ماامنتي بهالقوووه
ساره: اقووول بس يلاااا خليني بروح اشتشور شعري للزواج اليوم..
ريما: يوووووو ذكرتيني بروح اتاكد عبير بتروح ولا لا؟؟..
ساره: الااااا خليها تجي..
ريما: بشوفها وارد لك.. مع السلامه..





الليل راحوا البنات زواج ريهام طلعت مها عندها قبل الزفه وجلست معها شوي والبنات كانوا مبسوطين القاعه كانت زحمه والطق شغال من دخلوو ماوقف.. اكثر شئ فرحوو له اهل عبير انها راحت الزواج لان هذا بحد ذاته تقدم وتحسن بنفسيتها.. ومها اللي عقلها ماكان معها طول وقتها تفكر بحبيب القلب وتدعي ربها انها تكون بعد كم شهر بمكان ريهام..
وساره وريما ماتركوا احد بحاله هاذي فستانها مو حلو وهاذي تسريحتها قديمه
والثانيه الميك أب حقها بويه.. وغيرها وش ذا الرقص ماتعرف ترقص .. ومن سوالف البنات اللي ماتخلص..


سعود وهروبه من واقعه ونقل عمله خارج الرياض ياترى هل هالشئ لمصلحته او ضدهاا؟؟
مشاري وشكوكه المرضيه لوييين بتوديه؟؟
مها وخالد وتطور علاقتهم شئ ماكانت تحلم فيه مها وش الجديد اللي راح يطرا على علاقتهم؟؟
الأميرة دانة
17 - 09 - 2009, 03:11 AM
الجزء السادس والعشرون..
,,,,,,,,,,,,,,,,,,,,,,,,

اليوم رحلتهم للقاهره والكل مستعد واتفقوا يتقابلون بالمطار..
ابو مشاري وعياله ماوصلوا إلا متاخرين والحمدلله لحقوا على الطياره اما ابو نواف وعياله فكانوا هناك من بدري.. نواف باللحظات الاخيره غير رايه وماراح معهم لانه حس انه بيمل مامعه احد من عيال عمه.. لكن البنات اعتبروا هذا خبر سعيد بالنسبه لهم عشان مايقعد يتفلسف عليهم على قوله ساره..


بعد ساعه في الطياره..

ابو نواف وابو مشاري جلسوا يقرون الجرايد اللي دارووو فيها المضيفين..
وام نواف وام مشاري كل وحده حطت راسها ونامت..
اما فارس ماصدق انها اختفت اشاره ربط الاحزمه إلا قام يدور بالطياره مل من الجلسه..

البنات كانوا جالسين جنب بعض بمنتصف الطياره..
ساره وهي تصفح المجله: اووووف هاذي ممله مافيها شئ
ريما: اكيييييييد ممله مجله الطياره بالله وش بتلقين فيها..
ساره: مها شغلي المكيف حر..
ريما: وين الزر حق الافلام..
ساره: طقطقي لما تتعلمين
مها: شوفي الزر الاحمر يمكن يشغله
عبير: أنا بنام لاتقوموني إلا اذا جينا نوصل
ساره: شغلي لي الاف ام ابي اسمع اغاني أي شي
عبير: خافي ربك اغاني وانتي بين السماء والارض
ساره: طيب قران اهم شئ مااقعد طول الوقت كذا اخاف انهبل
ريما: زين والله فيك رجى
ساره: ههههههههه ليش طايحه من عينك..
ساره وريما استمروو طول الرحله على هبالهم وسوالفهم اما عبير حطت راسها ونامت ومها كانت بعالم اخر تحس انها اسعد انسانه اول مره تحس انها على وشك تحقيق حلم كان مستحيل يتحقق او بالاصح بعيد المنال وبنفس الوقت كانت خايفه يصير أي شئ يخرب الموضوع او يجي خالد باي لحظه ويقول خلاص ماابيها.. بعذرها ماتنلام بعد طول انتظار صار شئ مو عالبال بس مها مستغربه من شئء واحد ليه هو ماطلب يشوفني شوفه السنه يمكن يكون مستحي؟؟.. ولايمكن يتذكر ملامحي..؟؟ بس ولو مهما صار أنا اللي اعرفه ان أي شخص يخطب يصير ملهوف يشوف خطيبته.. غريب هالانسان بكل شئ سبحان الله.. يارب اتمم لي على خير وتوفقني..

وبعد ما وصلوا القاهره .. نزلوا .. وقعدوا بالمطار ينتظرون الشناط متى تنزل من الطياره .. بس الغريب انهم شافوا كثير سياح اجانب .. وجايين معاهم شناط الدنيا .. وكأنهم مهاجرين !! شوي وجات شناطهم وطلعوا برى .. يدورون تاكسي ولقوهم صافين طوابير شغالين ..
الامهات كانوا لابسين عبايات على الراس ونقاباتهم يعني اشكالهم ماتغيرت..لان على قولتهم الرقيب الله في كل مكان.. وعبير ومها لابسين عبايات كتف ونقابات الى الان ماقرروا يفكونها ولا لا.. اما ريما وساره سالفتهم سالفه من يوم نزلوا للمطار فكوا نقاباتهم واكتفوا بالحجاب والعبايه واههلم ماقالوا شي لانهم بنظرهم صغار....

وصولوا وكانت وقتها توها بتغرب الشمس.. وصلهم التكسي ( لماريوت) وهو الفندق اللي كانوا حاجزين فيه اول مادخلو الفندق جاهم حامل الحقائب واخذ الشناط منهم وجاء واحد وصلهم للجناح اللي ماخذينه..
وهو يمشون مع الموظف..
ريما: واااااو الفندق روعه..
ساره: صدق مره فخم..
سمعهم موظف الفندق وجلس يسولف على ابو مشاري وابو نواف..
الموظف: اللوكنده بتعتنا اساسا كانت قصر الملك فاروق وبعد مامات بفتره قددوه ورمموه وتحول للكونده دي اللي انتو شايفينها دي الوئتي..
ابو مشاري: ماشاء الله
ابو نواف: اشوف الفندق مليان خليجين ماشاء الله
الموظف: ايووو اصلوو كل الزباين من الخليق
ساره: وااااو يحب يقرق . .
وصلوو للجناح ودخلوو شناطهم فيه وكل واحد حط راسه ونام وبكذا راح عليهم اول يوم كله براحه بعد صداع الطياره وحوسه المطار..


على ثاني يوم بغرفه البنات كانت ساره نايمه وريما بالمطبخ وفارس نايم بالصاله قدام التلفزيون .. ريما بعد ماقامت شافت التلفزيون مفتوح وسكرته ولحفت اخوها زين راحت مطبخ التحضير الصغير مالقت شي تاكله هي قايمه بدري .. الساعه 7 تقريبا الباقين ماراح يقومون إلا وقت متاخر .. راحت طلت بغرفه عبير وساره لقتهم نايمين.. قعدت تقلب القنوات مالقت شي يعجبها ملت.. خلاص ماقدرت تقعد اكثر.. راحت قومت ساره..
ريما بصوت واطي : ساره قومي بننزل نفطر
ساره فيها نوم : مو اللحين بنااااام
ريما : هذي فرصتنا كلهم نايمين بيقومون متأخر
ساره : ارحميني ترى نايمه متأخر
ريما : كيفك انا بروح واستكشف المكان..
ساره: والله ماقدر بس اذا مارجعتي بعد نص ساعه بنززلك ونكمل الطلعه اوكي
ريما : اوكي انتظرك بس ترى ماراح اروح بعيد تلقيني يا بالوبي يابالبوفيه
ساره : ماعليك كلهم شفتهم امس يلا روحي بنام
ريما : اوكـي اذا قامت امي قوليلها أي شئ لاتقولين نزلت والله تذبحني..
ساره : زين ترى شوي والحقك
ريما : يلا بروح البس.. واذا جيتي تنزلين انتبهي لايشوفك فارس
لبست ريما عبايتها وتحجبت.. وخذت معاها شنطتها ونزلت وهي متردده ..
راحت البوفيه لقته مفتوح وزحمه الناس جالسين يفطرون خذت لها صحن ودارت عالبوفيه وجلست وهي منحرجه تحس انها وحيده والناس يطالعونها لان كل الموجودين يااما عرسان ولا عايله كبيره.. تفشلت ورفعت الجوال سوت نفسها تكلم..
الوووووو .. وينك؟؟ بسرعه لاتتاخرين انتظرك .. لااااا عادي مو مررره بسرعه.. مع السلامه.. بعد ماسوت التمثليه هاذي ارتاحت نفسيا حست ان الناس عرفوو انها مو جايه اللحالها وان في احد معها.. جلست تفطر بسرعه وطلعت راحت تبي تستكشف الفندق بس بالاخير قالت خليني انتظر ساره باللوبي بعدين نروح نتمشى أنا وياها..
راحت جلست بمكان صاد بزاويه وكان اللوبي تقريبا فاضي بالنسبه لاول ماجوو قعدت تتفرج عالناس بعدين حست ان حجابها مرتخي شوي فكت الطرحه وعدلت شعرها اول بعدين لفت الطرحه مره ثانيه.. طلعت جوالها من الشنطه شافت بلتوث واصلها كانت بتقبله بعدين خافت لكن بالاخير قالت ملل خليني اتسلى واشوفه يوم قبلت انصدمت باللي وصلها البلوتوث كاااااان فيه صورتها وهي بدون طرحه انجنت وتقلب لون وجهها وقعدت تتلفت تبي تشوف من اللي الوقح اللي مصورها.. شافت شاب شكله خليجي ابتسم لها انقهرت منه مسكت جوالها وهي تنتفض كتبت له..

" لو أنت ولد ناس ومتربي وعندك خوات تخاف عليهم تمسح الصوره اللحين"

ارسلت بعدين التفتت جهته وشافت واحد جاء جلس معه ويتكلمون وهي مرره مقهوره منه..
راكان: والله مالك داعي..
احمد: كنت امزح معها توقعت انها بتاخذها بروح مرحه
راكان: وش اللي تمزح معها هاذي حركات مراهقين.. بعدين أنت تعرفها عشان تمزح معها
احمد: والله شكلها عصبت
راكان: تصرف طبيعي من أي بنت بمثل موقفها
احمد: وش اسوي اللحين؟؟.. حتى لو مسحتها ماراح تصدقني
راكان: رح لها واعتذر منها وخلها هي تمسحها بنفسها
.
.
شافته ريما بدى يقترب منها وهي مرره خايفه انها انحطت بهالموقف وهي الحالها وش يبي هذا والله لو ينزل فارس اللحين ويشوفه بتصير قضيه .. حست نفسها بتصيح ونزلت راسها للارض لما شافت الجوال قدامها..
احمد: خذي الجهاز امسحي الصوره اللحين
ريما ماردت عليه..
احمد: والله لاتاخذينه وامسحي الصوره عشان تتاكدين بنفسك
رفعت ريما راسها وعيونها تلمع: امسحها أنت.. زي ماصورت امسح
احمد: خذيه كله ولو تبين الميموري بعد كسريها حلالك..
يوم شافته ريما مصر مدت يدها واخذت الجوال ودخلت عالاستديوو ولقت الصوره مضبطه ومحطوطه بملف الحالها ومسميها "الحلووه" رفعت ريما عينها له وطالعته بنص عين ومسحتها ورجعت له الجوال وراح من عندها وهي مازالت خايفه منه ان هاذي حركه تمويه منه عشان ماتخاف.. جت ريما بترجع للجناح إلا وتشوف ساره نازله..
بعد مارجع احمد اخذ راكان الجوال من احمد وقاله عطني الميموري حقتك وخذ حقتي بالبدايه رفض احمد لكن مع اصرار راكان اضطر انه يبادله..
جلست ريما تحكي لساره السالفه كامله..
ساره: واااااااااو ذكرتيني بمشعل الحيوان
ريما: الله ياخذهم كلهم..
ساره: وينهم هم اللحين؟؟
ريما: مدري عنهم.. بس تصدقين مبين من لهجته انهم سعوديين
ساره: جوعانه ابي فطور..
ريما: اقووول روحي بس والله عقب هالموقف مااجلس هنا دقيقه.. اطلبي من روم سيرفس
التفتوو لقوو فارس جاي جهتهم..
فارس: ماشاء الله وش منزلكم بدري
ريما: جوعانين بنفطر..
فارس: يلاااا بس اطلعوو ماعندنا بنات يمشون اللحالهم..






في عاصمتنا الحبيبه الرياض..
الظهر نواف بالمكتب وفيصل جالس معه..
نواف: تصدق لي كم يوم مااكلت اكل محترم اهلي مسافرين وانا اللحالي بالبيت انرحم..
فيصل: ههههه والله مالك داعي كان اخذت اجازه ورحت معهم تغير جووو
نواف: ياشيخ كل الدعووه شيبان وبنات أنا ارز وجهي ليش..
فيصل: اجل وش رايك ندبر سفره محترمه حنا والشباب
نواف: اوكي ماعندي مانع بس وييين؟؟
فيصل: نشوف ناخذ راي الشباب
نواف: تصدق من زمان عن السفرات والوناسه
فيصل: اجل باذن الله أنت معنا السنه هاذي
نواف: اقووول فيصل مرره جوعان
فيصل: وأنت من الصبح تلمح تبيني اعزمك
نواف: هههههه وانا على بالي انك ذكي بتفهمها
فيصل: بس حنا صايمين اليوم ماطبخنا
نواف: وش ذا الصيام العجيب الغريب لاهوب يوم خميس ولااثنين ولاايام بيض..
فيصل: حنا نصوم طول السنه
نواف: مو مشكله بجيكم عالعشاء..
فيصل: حنا مانسوي عشاء بس قهوه وتمر..
نواف: اقطع ابو القعاطه..
فيصل: ههههههه تصدق رحمتك العزوبي هالايام كنه يتيم.. الله يحيك نطلع اليوم سوى ونروح البيت نتغداء..





من بكره العصر راحوو كلهم للاهرامات وكان معهم المرشد السياحي.. يشرح لهم كل شئ عن الاهرامات والفراعنه وذكر لهم اسمائهم وهم يستمعون له باهتمام.. بعد ماتفرجوو عليهم قالهم المرشد السياحي يروحون يشوفون ابو الهول المسافه ماكانت بعيده مرره بس انها تحتاج لمشي طويل فاضطروو انهم يركبون خيوول توصلهم له و يوم وصلووو هناك اعجبهم مرره ابو الهول باين عليه انه قوي وماتاثر بالزمان ولا الاحداث وبعد ماانتهوو من رحلتهم بالاثار المصريه والفراعنه قالهم المرشد عن محل قريب من هنا يبيع عطور طبيعيه راحوو له وجلسوو يشمون بالعطور ويختارون..
ساره: ووووع هذا ريحته مرره شين
عبير وهي تاشر على عطر: لوسمحت عطني المسك
ريما: والله انك صادقه ياساره ريحه العطور صكت راسي خل نطلع
مها: عبير شوفي هذا العطر شكله حلوو
اخذته عبير وشمته..
عبير: حلووو بس ريحته قويه..
طلعوو كلهم بعد ماشرت عبير المسك ومها زيت الصندل.. كانوو مره تعبانين عقب الاهرامات فقرروا انهم يرجعون الفندق يرتاحون..
ام نواف: طيب والعشاء؟؟
ابو نواف: مو مشكله نطلب من الفندق
ام مشاري: وهو صادق تعبنا اليوم
رجعوا الفندق وتعشوو وناموو كلهم ..





رابع يوم راحوو سوق شعبي يسمونه "خان الخليل" يبيع اشياء قديمه والناس زحمه فيه واصوات ازعاج وسيارات..
ام مشاري: عسانا نلاقي جلابيات زينه
ام نواف: ايييه يمدحون جلابيتهم
ساره: ووووع وش هالسوق المعفن ودونا البطحاء اصرف
ريما: ههههههههه مخاويتلك هندي هناك
فجاه صرخت مها والتفتوو كلهم عليها يسالونها وش فيك؟؟
مها: شنطتي.. جاء ولد صغير خطفها بسرعه وراح
عبير: وينه؟؟؟
ابو مشاري: عسى مافيها شئ غالي
ساره: فيهااا عطري " بارباري"
ام نواف: المال الحلال عمره مايضيع..
قعدو يتلفتون يدورون الولد بس مالقوه وفقدو الأمل ورجعو يتفرجون عالسوق ومها وساره ضايقه صدورهم عالشنطه.. بعد ماطلعو من السوق راحو لبرج القاهره وهو مكان عالي يشوفون فيه القاهره كامله وكان الوقت ليل وكانت الانوار مغطيه المكان وكان شكلها خيالي..
عبير: مرره حلووو منظرها بالليل
ابو نواف: عاد القاهره ماشاء الله كبيره وزحمه اللي شفتيه هذا ولانصها
ريما: تكفون وش تشوفون شلالات ولاانهار كل الدنيا ظلمه وانوار
ام نواف: امااااا هالبنت مايعجبها شئ
ابو مشاري: ههههه عندنا وعندكم خير..
بعد ماطلعو من برج القاهره شافت مها كوشك يبيع مجلات وجرايد وكتب راحت عنده تتفرج عليه والكل جالس يتافف ينتظرها تخلص اخذت لها كم كتاب وروايه ورجعت لهم..
بالاخير راحو مطعم لبناني يبيع مشاوي واكل شامي جلسوو يتعشون فيه وبعدها رجعوا للفندق ولقوو معلق اعلان عند المدخل انه يوم الخميس فيه حفله بنفس الفندق لعبدالمجيد عبدالله انجنوو البنات يبون يحضرون الحفله..
ساره: اللـــــــــه وناسه..
ريما: ابي اروح احضرها
مها: مره واثقين من انفسكم
عبير: انصحكم مايسمعكم لاابوي ولا عمي لانكم راح تاخذون تهزيئه محترمه..
ساره: ابي احضر مالي شغل
عبير: عيب عليكم استحوو الحفله هاذي متى بتبدا بعدين ماراح تخلص إلا الفجر..
كانت ريما مرتبشه وتسولف مع البنات لما التفتت وشافت راكان جالس الحاله ويطالعها.. يوم شافته كشرت وبينت له انها قرفانه منه..
ريما بصوت واطي: ساره شوفي هذا خوي اللي صورني
ساره: اللي جالس اللحاله
ريما: اييييييه
ساره: والله حلوووو
راكان بان عليه انه تضايق من حركتها وتكشيرتها وش فيها علي معقوله ماتميز على بالها اني أنا اللي مصورها.. كله منه احمد الغبي خلى البنت تحقد علينا..

وصلوو تعبانين وكل واحد حط راسه عالسرير.. يوم جت ريما بتنام جاء في بالها الموقف اللي صار لها من كم يوم.. يارب تستر على ويعدي الموضوع على خير.. قعدت ريما تتذكر كل شئ صار ذاك اليوم من اول ماصورها إلى ماجاء خويه عندها وقعد يتكلم معه وشكله كان يقنعه يمسح الصوره.. يعني اكيد هالولد طيب وفيه خير ولا ماكان دافع عني عند صديقه.. ياللــــه حسيت اني اليوم قسيت عليه شكلي عطيته نظره خلته يتادب ومايطالع بنات طول عمره.. قلعته احسن وانا بعد وش الي يثبت لي انه طيب أنا ماسمعت الحوار اللي دار بينهم عشان احكم يمكن يكون يحرضه على .. كل شئ جايز..بس والله صادقه ساره الولد حلوو

و بالغرفه الثانيه عبير ماكانت احسن حال من ريما تفكر بالدنيا كيف قست عليها .. ااااه اخر شئ كنت اتوقعه اني ارجع اسفر مع اهلي واصير زي ريما يعني السنوات تمشي تمشي تاخذ من اعمارنا وانا "مكانك سر" السنوات ماغيرت حالي رجعت لوضعي بنت ببيت اهلي.. لااا الحقيقة اني مو بنت مطلقه وفرق كبير بين هالكلمتين..
هاذي اول مره اسافر مع اهلي من ثلاث سنوات تقريبا كانت روحاتي معه وجياتي معه وسوالفي معه وضحكي معه وقلبي معه وللاسف مازال قلبي معه بس ياليته يكون يستاهله.. يارب قدرني انسى.





خالد طلع اليوم اسمه بالجريده من ضمن الاشخاص المصرح لهم مزاوله مهنه المحاماه
نزل الخبر بالمنشيت العريض في جريده الرياض كان العنوان

" التصريح لــ 79 محاميا لممارسه المحاماه"

.. وكان الخبر كالتالي...
صدرت موافقه معالي وزير العدل الترخيص لممارسه مهنه المحاماه وذلك خلال الفتره.... وفيما يلي بيان اسماء المحامين المرخص لهم:
.
.
فرح كثير بهالخبر يعني جهد السنوات اللي راحت جاب نتيجه وصار اللحين عضو فعال بالمجتمع يقدر يخدم الناس ويدافع عنهم وياخذ حقوقهم خواله وعيال خاله اول ماقروا الخبر دقوا عليه يباركون له ويدعون له بالتوفيق.. اما سلطان خويه مسكين إلا اليوم مالقى له وظيفه لابمجال تخصصه ولابغيره ومع كذا فرح لخالد كنه هو اللي نازل اسمه لانه يعتبره اكثر من اخوو..

ملاحظه ..( خبر الترخيص صحيح نشر في جريده الرياض السعوديه ونقلته لكم بالحرف الواحد من غير أي تعديل )





صار لهم تقريبا اسبوع بالقاهره والكل مبسوط وكالعاده ريما وساره ملوو من الجلسه بالسويت ونزلوو تحت يستكشفون ارجاء الفندق..قعدوا يدورون ويحوسون لما طلعوا لحديقه تابعه للفندق فيها جلسات وشجر خفيف دخلو فيها لقوو في مسبح والشيف جالس يحضر الاكل عالهواء الطلق.. جلسوا بالجلسات يسولفون ويتفرجون عالناس لما حسوا انهم تاخرو..

مشوا البنات ودخلو اللوبي شافو فارس قاعد على الجلسات ويشرب عصير
ريما : فارس وش مقعدك هنا ؟ وين ابوي
فارس : اففففف واخيرا وصلتو امي وابوي وعمي وخالتي راحوو مشوار وقالولي ان جووا البنات قلهم ينثبرون بالغرفه ولا يطلعون مره ثانيه وعقابا لهم مافي طلعه اليوم..
ضحكت ريما: ههههههههه اتصدق احسن انا رجولي متكسره
فارس منقهر : وانا شذنبي؟ بس احرسكم؟
ساره: وين راحوو؟؟
فارس: مدري عنهم
طلعوو البنات السويت ولقو عبير ومها جالسين وجلسوو معهم يخططون وين بيروحون اليوم وبكره..
ريما: والله تخيلو اليوم مانطلع
مها: بالله يقالكم انتم اللحين ماطلعتوا
ساره: وش ماعتبنا برى الفندق..
عبير: لاااااا ماعليكم أنا اقنع ابوي نطلع كلنا
ريما: ايوووووو عاشت عبير
مها: احلى شكلي بجيبك تطقين بعرسي
عبير: على طاري العرس عندي لك نصايح
انحرجت مها وفتحت ريما وساره عيونهم متحمسين..
عبير: وش فيكم؟؟ الظاهر أنا قلت مها
ريما: معليش نتعلم حنا من اللحين
ساره: صح كلام ريما..
عبير: ههههههههه الله يستر عليكم بس
ريما: ابي ادخل نت من زمان عنه.. شكلي بدق عالرسيبشن واشوف يجيبون لاب توب للغرف..
عبير: ياللـــــــــــه حنا جايين هنا نستانس مو تدخلين نت..
ريما: ابـي نت ... دبروا لي ..
مها: وش تبين فيه؟؟
ريما: متابعه قصه نجديه اصيله بشوف نزل الجزء الــ 26 ولا..
( شفتوو الناس حتى وهم برى البلد يتحمسون ويتابعون القصه )


فارس كان مقهور من البنات فقرر انه يدلع نفسه ويتمشى بدال مايتعاقب هو على شئ ماله دخل فيه بس يوم جاء يطلع برى الفندق خاف انه يضيع وخاصه انه مايدل فرجع وجلس بنفس مكانه.. كان راكان جالس يراقبه من بعيد وعرف انه يصير للبنت اللي حصل معهم الموقف فرح يوم شافه لحاله وشكله طفشان قرر انه يروح يجلس معه.. قرب منه وسلم عليه..
راكان: أنت من الرياض؟؟
فارس وهو مبسوط انه لقى احد يسولف معه: ايه وأنت؟؟
راكان: اييييه حتى أنا .. ماشاء الله أنت جاي مع الاهل؟؟
فارس: اكيد
راكان ووده يسال فارس اكثر بس خاف الولد يفهمه غلط.. وعدت لحظات صمت..
راكان: على فكره نسيت اعرفك بنفسي معك راكان الــ.....
فارس: والنعم وانا فارس الغامر
فرح راكان انه عرف اسمه..
فارس وهو يحس انه قط الميانه: أنت تشتغل ولا تدرس؟؟
راكان: لاااا والله أنا ادرس طب هاذي اخر سنه لي..
فارس ماقصر كب العشاء بقوه: ماشاء الله أنا اخواني كلهم دوافير واحد متخرج حاسب ووحده متخرجه كيمياء ووحده توها متخرجه من الثانوي وناويه تدخل صيدله.. إلا أنا طالع من بينهم مااحب الدراسه
راكان: بالعكس العلم مهم بوقتنا الواحد الزم ماعليه دراسته شد حيلك
جاء احمد خوي راكان يدوره لما لقاه عند فارس واستغرب منه وش ذا الولد الصغير اللي جالس معه..
احمد بعد ماسلم: راكان تتعرف عالناس من وراي
راكان: ههههههه هذا فارس لقيته الحاله جيت اجلس معه.. يلااااا نستاذن اللحين خلنا نشوفك مره ثانيه..
فارس: ان شاء الله..

بعد ماابعدوا عنه..
احمد: منهو ذا؟؟
راكان مايبيه يعرف السالفه: واحد شفته اللحاله رحمته
احمد بغمزه: اهاااااااا علينا
راكان: كيفك ماودك تصدق براحتك..
طلعوا برى الفندق يتمشون على رجولهم وراكان يفكر بكلام فارس اخوانه كبار ومتخرجين بس البنت اللي شفتها شكله صغيره اكيييييد هي اللي يقصدها بتسجل صيدله..





وفي الطايف عروس المصايف كان ابوسعود وسعود طالعين للمنتزه يتمتعون بجوو الطايف الحلوو..
ابوسعود: عمك كلمني امس ياحليلهم راحوو مصر مره مبسوطين هناك
سعود فز قلبه: عمي ميين؟؟
ابو سعود: كلهم مسافرين مع بعض
سعود ويحاول يغير الموضوع عشان ابوه مايحس بشئ: الجوو بارد اليوم
ابوسعود: هاذي الطايف جوها معتدل طول السنه
سكتووو الاثنين وقعدوو دقايق من غير أي حس..
ابو سعود: والله اشتقت لاخواني ودي نروح الرياض اذا رجعو
سعود: مسرع يبا تونا مالنا شهر بالطايف
ابوسعود: هذولا اخواني مالي غناة عنهم
سعود: ان شاء الله يبا اذا رجعو رحنا لهم
بعدها سرح سعود بعالم ثاني يتذكر كل المواقف الحلووه اللي جمعهتهم مع بعض وحتي هوشاتهم ماغابت عن باله كل شئ يخص عبير عالق بذهنه.. ياترى هي تفكر فيني زي ماافكر فيها؟؟.. ولا نستني وصرت ماني عالبال؟؟..





البنات ازعجوو اهلهم يبون يروحون سينما ولا مسرح لما وافقوا لهم بس قالوا لهم يروح فارس معهم.. راحوا للرسيبشن يسالونه عن صالات السينما الحلووه وصف لهم صاله عند الهيلتون راحوا لها وكان جنب الهيلتون مكان يسمونه ملحق فوقه سينما ومسرح..
دخلوو للسينما وكانوا اليوم عارضين فلم اسمه " بنات وسط البلد"
بطوله منه شلبي وهند صبري .. جلسوا يتفرجون عليه وكان عادي مو ذاك الزود بس اهم شئ انهم حضروا العرض..
بعد مارجعوا لقو اهلهم ينتظرونهم عشان يطلعون يتعشون بسفينه تبع ماريوت مسويه رحله عشاء ركبوو كلهم بالسفينه وتحركت وبدت اصوات الاغاني تطلع تضايقوو اهلهم من الاصوات ماتوقعوا تصير بهالازعاج والناس اللي فيها مو محتشمين ابدا لكن ماكان بيدهم حيله لان السفينه تحركت ولايقدرون يرجعونها عشانهم.. ام نواف مااكلت شئ طول الرحله وهي تستغفر وتحمد ربها وتشكره..


من بكره عبير كانت تحس بخمول وتعب فاضطروا انهم مايطلعون جلسوا عشانها اليوم وخلوه راحه..
ام مشاري: خذي لك عصير ليمون يمكن تنشطين
عبير: مالي نفس بشئ
ريما: وش فيك انتي بالضبط؟؟
عبير: مدري
ام نواف: اكييد انفلونزا
فارس: ماتدرون وش فيها؟؟؟.. تعرفت أنا على دكتور بالفندق خليه يجي يكشف عليك
ريما: عشتووو متى تعرفت عليه؟؟
ساره: يمكن ولد الطبيب يقصد
ريما: ههههههههه
فارس: احترمي نفسك انتي وياها.. وطلع وهو معصب
ساره: يمااا مره عطشانين بننزل تحت نجيب مويه وعصيرات ونرجع..
ام مشاري: لاااا مافي نزله الحالكم..
ريما وهي تغمز لعبير: تكفون الله يخليكم..
عبير: ايييه يمااا أنا ابي مويه خليهم يروحون يجيبون..
ام نواف: خلى فارس يجيب..
ساره: بس فارس وينه ..نزل
ام مشاري: بتخلينهم ينزلون..
ريما: طلبتك يما..
دخلت عليهم مها وكانت توها ماخذه شور..
مها: وش عندكم تترجون وتتطلبون؟؟
ام نواف: يبون ينزلون اللحالهم
عبير: خلاص يما خليهم يروحون بس اهم شئ جيبو لي مويه..
ام مشاري: مها روحي معهم..
ام نواف: لاتتاخرون..
راحوو البنات لبسوا ونزلوو تحت وطبعا صارو يدلون ارجاء الفندق اكثر من بيوتهم..
ملوو من الدوران وقرروا يجلسون..
مها: يقالكم بتنزلون تجيبون ماء وترجعون..
ريما: مصدقه انتي..
شافت ساره ورقه عالطاوله اخذتها وفتحتها كان مكنوب فيها...
" عبدالمحسن **** 050546 الرياض "
ريما: ياعمري الاخ شكله مرقم وحده ماعطته وجه
مها: لا من زود الثقه كاتب الرياض فضحنا..
ساره: ايه حبيبتي اساليب الشباب عشان من اللحين تعرف هو من وين وبعدها تقرر البنت تدق ولا لا؟؟
ريما: الناس طلعوا للقمر وهم إلا الان على نفس الطرق
ساره: وش فيه ذا يطالعنا..
ريما: شكله من كلامه قطري..
مها: يمااااااا وش يبي ذا شكله بيصورني..
ساره: لاتخافين بتنتشر الصور بقطر مو بالسعوديه..
ريما: هههههههه حلووو بس لاتعيدينها
مها: تستهبلون انتم..
ريما: باللــــــــه وش بيصور ياحسره..
ساره: لو بيصور صورني أنا احلاكم
مها: فكه راح..
جلسوا البنات يستهبلون وينكتون وباين عليهم انهم فالينها.. كان واحد يطالعهم له مده قرب منهم معه ملف واوراق..
الرجال: السلام عليكم..
البنات متفاجئين وماردو عليه السلام..
الرجال: أنا اعتذر اني جيت هنا وقربت بدون استاذن..
مها: نعم أي خدمه؟؟
الرجال: اعرفكم بنفسي أنا باحث اسمي عادل الــ... جاي اسوي بحث ميداني بالفنادق..
البنات يطالعون فيه ومو مستوعبين شئ..
الرجال: عنوان بحثي " بناتنا بالخارج".. أنا اخترت هالموضوع رسالتي للماجستير واتمنى انكم تساعدوني..
ساره: أنت سعودي؟؟
الرجال بابتسامه: ايييه وانا عرفت انكم بنات ديرتي من طريقه اللبس ويوم قربت تاكدت اكثر..
ريما: طيب حنا وش المطلوب منا اللحين؟؟
الرجال: بعطي كل وحده منكم استبيان تكتب لي فيه اسمها الاول بس وعمرها ووين ساكنه وتجاوب على باقي الاسئله..
وزع عليهم الاوراق..
ريما قلبت الورقه وجلست تخربط فيها انتبه لها الرجال
الرجال: وش تسوين..
ريما: ارسم لك كروكي البيت ولاتخاف بعد بكتب الرقم عشان اذا ضيعت تدق تتاكد..
الرجال تنح بريما يقول وش هالبنت الجريئه؟؟..
مها وبتنقذ الموقف: اوكي حنا بنساعدك بس اسفين اسمائنا ماراح نكتبها..
الرجال: اوكي براحتكم..
وقعدت كل وحده فيهم تقراء وتستوعب لما رفعت ريما عيونها وشافت وحده خليجيه تاشر لها ..طالعتها ريما وهي تقولها " أنا.. أنا" لما تاكدت ان البنت تقصدها.
راحت لها ريما: هلا انتي ناديتيني
البنت: حياج اختي.. بس حبيت اقولج ان الاخ اللي يالس وياكم راعي خرابيط وهو يستخدم حيله وطرقه الوسخه يسحب فيهم البنات..
ريما وهي مصدومه: هذا يلعب علينا..
البنت: والله لاعب على بنات وايد انصحكم ماتعطونه ويه
ريما وهي مستعجله: مشكوره ياعمري الله يعطيك العافيه.. بروح الحق على بنات عمي لايلعب عليهم..
راحت عند البنات وكان الرجال بعيد عنهم ينتظرهم يعبون البيانات..
ريما: عبوو بيانات غلط واستهبلوو طلعو كل هبالكم ورجتكم بالورق خليه يتادب الحيوان
مها: ليه وش القصه؟؟
ساره: البنت وش تبي فيك؟؟
ريما: طلع نصاب مسوي هالحركه بكل بنات الفندق
ساره: حقير خل نروح نهزأه..
مها: ماتادبتي انتي عقب مشعل تبي تقطين حكي بعد
ريما: اوووووش يطالعنا مانبيه يحس بشئ
الفوو بالاوراق خرابيط وجاء اخذهم منهم وهو يبتسم.. راح عنهم وجلسوا البنات يحشون فيه
ساره: شوفي فارس جالس مع مين
التفتو كلهم بسرعه..
ريما: وش يبي فيه ذا؟؟
مها: منهووو؟؟
ساره: ناديه شوفي وش القصه
ريما: فارس فارس..
فارس ماانتبه ان اخته تناديه لما قاله راكان في وحده تبيك..
راح لهم فارس: نعم وش تبين؟؟
ريما: من ذا اللي جالس معه..
فارس: وش تبين فيه؟؟
ريما: لا ولاشئ بس أنت نسيت نواف محذرك تمشي مع ناس اكبر منك
فارس: بس راكان هذا طيب
ريما وتقول بنفسها اسمه راكان الله اسمه مره حلووو..
فارس: هذا اللي اقولك عنه يدرس طب.. بعدين انتم وش منزلكم الحالكم اطلعوو ولا والله لاقول لابوي..
رجعت ريما للبنات وقالت لهم خل نرجع قبل فارس يعلم ابوها..
فارس كمل جلسته مع راكان..
راكان: الاهل يبونك..
فارس: لا لا عادي كانت بتسالني عن شئ
راكان وهو يستعبط: أنت الولد الوحيد بالعايله..
فارس: لااا حنا بنتين وولدين اخوي نواف موظف وبعدين بنتين بعدين أنا
سكت راكان وجلس يفكر هم بنتين بس اجل البنت الثالثه اللي معهم مو اختهم المشكله كلهم اعمارهم متقاربه لاتكون اللي في بالي مو اخته والله قهر..

دخلوو البنات عند اهلهم ومامعهم لاماء ولاهم يحزنون دخلت ريما لغرفتها وهي مستغربه من هالانسان اللي دخل لحياتهم فجأه بالبدايه أنا.. واللحين اخوي معقوله يكون يدرس طب ولايمكن شاف فارس قال خل انصب عليه.. يعني بالعقل شئ مايصدق واحد دافور ويدرس طب وبعدين باين عليه انه ولد نعمه بيجلس مع فارس وين خويه اللي كان معه ذاك اليوم؟؟.. لايكون يدبرون لفارس مصيبه ثانيه..
………
البنات والمواقف اللي حصلت لهم ياترى هل راح تكون بداية فصول جديده بحياتهم؟؟
راكان واحتكاكه الغريب بفارس واسئلته الاغرب وش غرضها؟؟
سعود وحاله الانطواء اللي معيش نفسه فيها متى راح ينسى ويبدا حياه جديده؟؟
الأميرة دانة
17 - 09 - 2009, 03:28 AM
الجزء السابع والعشرون
,,,,,,,,,,,,,,,,,,,,,
الصباح ابو مشاري كان يكلم الرسيبشن ومعه ابو نواف وفارس..
يوم تاكد راكان انهم ابعدو راح عند الرسيبشن وكان راكان متعود كل سنه يصيف بمصر وبنفس الفندق فتقريبا اغلب موظفين الفندق عارفينه فهو استغل هالشئ مع انه مايحب يحتك فيهم بس الضروره لها احكام..
راكان: هلاااا الهام.. كيفك؟؟
الموظفه: الحمدولله انتا ازيك عامل ايه؟؟
راكان: تمام.. اقول الهام الناس اللي كانوا هنا من شوي وش قصتهم بيطلعون من الفندق؟؟
الموظفه وتطالعه بنص عين: لااااااا
راكان: اجل وش عندهم..
الموظفه: بص يفترض اني ماالوكش حاقه بس مابتهونش على..
راكان وهو مبتسم: تسلمين والله
الموظفه: عاوزين يحقزو عربيتين توصلهم الاناطر..
راكان: القناطر.. طيب الساعه كم؟؟
الموظفه: العصر.. بس انتا تسال الاسئله دي كلها ليه؟؟
راكان وهو ماشي : لا لا ولاشئ يلا عن اذنك..



اول العصر كانت السيارتين عند بوابه الفندق تنتظرهم السياره الاولى ركب فيها ابو مشاري وفارس وريما وساره والسياره الثانيه ركب فيها ابو نواف وام نواف وام مشاري وعبير ومها اول شئ مروا السوبر ماركت واشتروا لهم اغراض للرحله عصيرات وشيبسات ومعجنات ومكسرات و.. وكملوو خطهم متجهين للقناطر وهي منطقه مثل المنتزه او الحديقه تبعد عن القاهره مسافه.. اول ماوصلوو نزلو كلهم وجلسوا يتمشون فيها ويدورون لهم مكان نظيف يجلسون فيه .. وقفوا عند منطقه فيها جسر وتحتها نهر ومتجمع عند هالمنطقه اطفال صغار كانوا ياقفون على الجسر وينطون على النهر مع ان المسافه كانت بعيده..
ام مشاري: بسم الله عليه لايطيح
ساره: يماااا من جد ذولا صغار مره كيف مايغرقون
ابونواف: تلقينهم متدربين
فارس: سباحين
عبير: اكيد انهم يعرفون السباحه ولا ماكان غامروا بانفسهم
ريما وهي تاشر على طفل عمره تقريبا 4 سنوات: شوفو هذا بينط من بعيد
ام نواف: الله يستر عليه
مها وحاطه يدها على قلبها: شكله طاح
ساره: ريما تعالي نشوف يمكنه غرق
ابو مشاري: وانتم بتنقذونه اذا غرق..
ريما: لااااا بس اقلها ننادي له احد يشوفه
ام نواف: امشوو بس خل نروح مكان ثاني ضيقوو صدري..
وكملو رحلتهم بالمنتزه وهم مبسوطين بالجوو الحلوو واخيرا حصلو لهم مكان مناسب وجلسو فيه وطلعوا اغراض السوبر ماركت وجلسوا يتسلون فيها ويسولفون..
عبير: تصدقون نفسي اروح الصعيد..
ام مشاري: وش تبين فيهم ؟؟
ريما كانت تاكل وغصت: ليه ان شاء الله عندك ثار بتاخذينه؟؟
عبير: ودي اشوف حياتهم كيف عايشين مثل مسلسلاتهم
مها: منتب صاحيه ياعبير أنا اخاف اروح لهالمناطق
ام نواف: هههههه هاذي هي عبير تحب تروح لاماكن غريبه
ساره: ترى هم حتى ان قتلتي دجاجه او بسه من عندهم ياخذون ثارهم منك.. اخاف ياشيخه وحنا داخلين ندعس لنا طير ونروح فيها..
مها: بنات قوموا خلونا نتمشى
قاموا البنات كلهم مع مها وراحوا يدورن ويتفرجون عالناس ويعلقون..

وبجهه ثانيه من المنتزه كان راكان وخويه توهم واصلين وجلسوا يلفون فيها طبعا راكان جاي وهو متقصد عارف انه راح يلقاهم هنا اليوم وماجاب احمد معه لانه عارف ان ريما حاقده عليه ففضل انه يجيب معه واحد ثاني من اخوياه ..
سعد: يااخي ملينا من المشي خل نجلس
راكان وهو يتلفت: لا والله الجو حلو حرام نجلس
سعد: وش دخل الجو؟؟
راكان: يعني فرصه مدامنا نهار خل نتمتع بهالمناظر الحلووه ممدين عالجلسه..
سعد: وش فيك أنت منتب طبيعي من دخلنا وأنت تتلفت مضيع لك شئ؟؟
راكان: هاااااا .. لا لا بس اطالع الناس


البنات وقفوا عند كشك صغير يبيع " بوب كورن" يوم جوو يشترون مالقو معهم فكه بالبدايه كانت عبير بتعطيهم من الفلوس اللي معها بس لمن قالها اللي يبيع انه بيروح يدور احد يصرفها له خافت انه يلعب عليها يروح ولا يرجع وعاد هم خبره بهالحركات ياكثر ماصارت لهم.. البنات يوم شافوا ان الدعوه كذا قالوا خلاص مانبي بس الرجال اللي يبيع اصر عليهم انهم يشترون من عنده يعني نشب فيهم نشبه وصار كل من يمر من جنب كوشكه يساله معك فكه ولا ولا؟؟.. وصادفت مرور راكان من جنبهم بهالوقت هو بالبدايه ماانتبه لهم لما ناداه..
راعي الكوشك: يابيه.. يابيــــه
التفت راكان بيشوف من يناديه إلا ويشوفها علق عيونه فيها وهي بنفس الوقت انصدمت وش يبي هذا لاحقني إلا هنا.. ماامداها تقول للبنات يلاااا خلونا نمشي إلا سمعت..
راعي الكوشك: ياباشا معاك فكه فلوس..
راكان: كم تبي؟؟
راعي الكوشك: والله مااعرفش عايزين بكم يابنات
انحرجوا البنات من اسلوبه..
عبير: لااخوي شكرا مانبي شئ
راكان ويحس بالنشوه انه بيساعدهم: لا عادي اختي مابينا شئ بعدين أنا ماراح اعطيكم شئ كل المساله اني بفك لكم فلوسكم..
ساره: ريما هذا مو هو اللي معنا بالفندق؟؟
ريما تحس انه من يوم ماوقف وهي مو قادره تتكلم او تقول أي شئ ماتدري لسانها وين راح..
مها: لا مشكور..
راكان يطالع ريما وينتظرها تتكلم بس هي نزلت عيونها للارض ولا قالت شئ وهو بنفس الوقت مستغرب ليش كلهم تكلمو إلا هي مااعترضت ولا قالت شئ.. راحوا البنات وتركوا راكان وراهم وهو كل يوم يحس انه يميل لهالبنت زود بالرغم انه ماصار بينهم أي احتكاك كل اللي بينهم مجرد نظرات من بعيد بس هالنظرات كانت كافيه انها تجذبه لها وتخليه يحس بشعور غريب لما يشوفها.. راكان يوم شافهم مشو وتركوه قال لراعي الكوشك الحقهم وعطهم اربعه قبل مايبعدون وانا بحاسبك بعدين..
سعد: وش عليك منهم تعزم عليهم قالوا خلاص مانبي
راكان: يااخي حسيتهم نفسهم فيه بس انحرجوا مني...
سعد: عاد تتوقع يرضون ياخذونه
راكان: والله مدري بس ان شاء الله ياخذونه
سعد: البنات صراحه شكلهم محترمات.. ولك إللي تبي لو رضوو ياخذونه باين عليهم بنات ناس..
راكان: طيب أنا ماسويت شئ غلط
سعد: هو صح الحركه عاديه بالنسبه لك بس هم مااتوقع راح يتقبلونها
رجع لهم راعي الكوشك والعلب معه يوم شافه راكان تحطم حاسبه وراح.. وكمل مشيه وهو يحاول يدورهم من جديد لعل وعسى يلقاهم لمح من بعيد فارس وراح يمشي باتجاهه لما قرب منه يوم شافه فارس ابتسم له وسلم عليه..
راكان: وش الصدفه الحلوه؟؟
فارس وهو ياشر على ابوه وعمه: والله جايين مع الاهل..
انحرج راكان يوم شافهم يطالعونه وقرب منهم وسلم عليهم وعرفهم فارس عليه وقالهم انه معهم ساكن بنفس الفندق.. هلوو ورحبوو فيه هو وخويه وعاد خبركم حنا بالخارج اذا شفنا عيال ديرتنا نفرح فيهم ونحس أنا نعرفهم من زمان جلسوا الشباب مع ابو نواف وابو مشاري وجلسوا يتعرفون على بعض اكثر..
راكان: تقريبا كل سنه اجي هنا عارف المكان زين
ابو مشاري: بتطول هنا؟؟
راكان: والله على حسب بس السنه هاذي سنه امتياز لنا فلازم نرجع خلال هالاسبوع عشان نطبق..
ابو نواف: ماشاء الله.. الله يوفقكم ياوليدي
سعد: الله يسلمك ياعم
ابو مشاري: وكيف الطب معكم ماشين ان شاء الله..
راكان: الحمدلله
ابونواف: يلاا نبيكم تخلصون وتتخصصون بتخصصات حلوه نبيكم ترفعون الراس
ابو مشاري: والله حنا نفرح اذا شفنا عيال ديرتنا بمناصب كبيره
سعد: الله يقدرنا بس نبي دعواتكم
راكان: هااااااا عساكم انبسطتوا هنا..
ابو نواف: والله الحمدلله وودنا نجلس زود بس مانقدر بنتي عندها تسجيل بالجامعه..
راكان : يلااااا نستاذن ياعم نشوفكم مره ثانيه
ابو مشاري: بدري
سعد: من عمرك خلاص ظلمت الدنيا بنروح نصلي ونمشي..
ابو نواف: في مسجد قريب من هنا
راكان: والله مدري بس حنا بندور
ابو نواف: اجل مشينا معكم حتى حنا بنصلي
وقاموا كلهم راحوا لدوره المياه تجددوا للصلاه وراحوا يدورون مسجد قريب.. بعد الصلاه راحوا الشباب عنهم ورجعوا هم عند الحريم وجلسوا معهم..
فارس: يبا وش رايك براكان؟؟
البنات كانوا جالسين ويسولفون بمواضيع ثانيه.. ريما من يوم سمعت اسم راكان رمت اذنها تبي تسمع وش السالفه..
ابو نواف: والله رجال والنعم فيه
ام نواف: من راكان؟؟
ابو نواف: واحد تعرفنا عليه قبل شوي يقول انه ساكن معنا بنفس الفندق..
ابو مشاري: بس ماشاء الله عليهم شباب ماعليهم كلام.. اخلاق وعلم ومحافظين على الصلاه وهذا اهم شئ..
ام مشاري: الله يتمم عليهم وكل شباب المسلمين
الكل: امييين
ابو مشاري: والله اذا شفتهم وجلست اقارن بينهم وبين مشاري اتحسر على هالولد
ام نواف: الله يصلحه ويهديه فتره ان شاء الله وتعدي
ام مشاري: أنا اقوله دايم بس هو مايطيق شئ من هالولد
ابو نواف: ادعوو له بالهدايه
ابو مشاري: الله يصلحه ويهديه

يوم ظلمت عليهم الدنيا مره وصاروا مايشوفون شئ قررورا انهم يمشون ويرجعون للفندق وركبوا السيارات وقطعوا الطريق بالسواليف عشان مايحسون بالملل..
ريما كانت هاديه على غير عادتها وتفكر براكان وش جابه اليوم لنفس المكان اللي حنا فيه صدفه مااتوقع؟؟.. يمكن فارس قاله؟؟.. ولا وراه بلى ؟؟ ليش كل مارحت مكان اشوفه..؟؟ ريما تحس انها معجبه بهالانسان بس بداخلها تكابر وتسوى انه ماهمها واللي زاد الطين بله كلام ابوها وعمها عنه اليوم معقوله ناس تحكم على ناس بجلسه واحد كيف عرفوا انه الولد زين وخلوق.. أنا نفسي مرات احسه طيب ومرات اخاف منه.. بس أنا اعرف ابوي زين مايمدح احد إلا اذا كان يستاهل المدح.. وعاد أنا وش علي منه هو زين ولا مو زين شاغله بالي فيه ليش أنا الزم ماعلي ان صورتي مسحتها وان شاء الله تكون مو في الميموري..





نواف جاه اتصال من رقم غريب يوم رد عليهم طلعوا المستشفى يبلغونه بحادث صار لولد عمته خالد.. بسرعه راح للمستشفى يبي يشوف وش السالفه ؟؟ .. بس الحمدلله بعد مادخل عالدكتور وعرف وش حالته طلع كسر باليد وثلاث غرز بالراس وجروح بسيطه بانحاء جسمه.. قعد نواف ينتظرهم برى لما يخيطون جرحه ويجبسون له يده ويعقمون له جروحه..

بعد ساعه انتظار سمحوا لنواف انه يدخل عليه كان منسدح عالسرير وباين عليه انه تعبان سلم عليه نواف وتحمد له بالسلامه..
نواف: وشلون صار الحادث؟؟
خالد: عادي كنت ماشي وشكلي سرحت مادريت إلا سياره دخلت على من جهه اليسار وزي منت شايف جت الضربه عاليد وبعدها حسيت راسي ارتطم بقوه بالقزاز حق الشباك
نواف: اهم شئ الحمدلله على سلامتك
خالد: تصدق السياره مدري عنها؟؟
نواف: بالحديد ولا فيك.. عموما أنا بروح اشوفها هي وينها؟؟
خالد: ماتقصر والله .. صار لي الحادث عند مخرج 14
نواف: لازم ادق على اهلي يجون
خالد: لاااا ماله داعي تخرب عليهم سفرتهم.. هم اساسا متى ناوين يجون؟؟
نواف: بعد يومين..
خالد: والله ماتسوى تخرب عليهم عشان يومين بعدين الحمدلله ربك ستر هاذاني قدامك مافيني إلا العافيه..
نواف: بس ابوي اذا درى بيزعل
خالد: أنا اعرف خالي اذا عرف بيقعد على اعصابه ويرجع فخله اذا رجع يعرف كل شئ...
نواف: على راحتك
خالد: نواف الله يعافيك ابيك تروح تسال عن اغراضي اللي طلعوها من ثوبي وينها وجبها لي
لانهم اول مادخلوني الغرفه شقوا ثوبي وطلعوا كل شئ اوراقي ومفاتيحي وجوالي..
نواف: اوكي بروح اشوف وارجع لك..
خالد: على طريقك دق على سلطان علمه اني بالمستشفى..





صار لهم بالقاهره اسبوعين تقريبا واليوم موعد رحلتهم لاراضي الوطن بعد هالرحله واللمه الحلوه اللي قضوها مع بعض جهزوا شناطهم ونزلوا للرسبشن يخلصون اجراءات المغادره وطبعا راكان كان عارف بموعد رحلتهم من فارس الولد صدق انه يجلس معه عشان سواد عيونه وصار يعلمه بكل شئ وخاصه ان جلس مع اهله وارتاحوا له ومدحو فيه..

ريما وساره دخلو دوره المياه يصلحون حجاباتهم قبل مايروحون المطار وكانت تراقبهم عيون راكان ويوم طلعوا قرب هو من عندهم والمشكله انه مايعرف اسمها.. بس استغل الفرصه انهم بعيدين عن اهلهم وماراح يشوفونهم لانه مايبي يسبب لهم احراج
راكان: لوسمحتي .. لو سمحتي
التفتو البنات..
راكان: أنا اسف اني وقفتكم هنا
ساره: نعم خير
راكان: أنا ماعرفكم الله يستر علينا وعليكم بس تذكرين الموقف اللي صار لك مع خويي مره باللوبي يوم يصورك
سكتت ريما وماردت عليه..
ساره: طيب وش صار انتشرت الصوره
راكان وهو يضحك: هههههههه لااااااا مو كذا..
ريما تطالعه وهي مو فاهمه شئ وخايفه بنفس الوقت..
راكان وهويطلع شئ من جيب بلوزته: خذي هاذي الميموري حقه خويي أنا اخذتها منه ذاك اليوم مع اني اعرفه وضامن الولد هو راعي مقالب بس أنا قلت بريحك واعطيك اياها..
ساره: ريما خذيها
يوم قالت ريما سكت يبي يستوعب اخيرا عرفت اسمها ريما اخيرا على اخر يوم عرفت اسمها..
راكان: واللـــــــه العظيم ان الصوره هاذي من هذاك اليوم مالعبت فيها ولانسخت عليها ولااحد شافها يعني ابيك تاخذينها وانتي مرتاحه..
مدت ريما يدها بتاخذها منه: الله يرزقك على قد نيتك
مشوو البنات وهو يطالعهم.. ريما ماحبت تقوله مشكور او تدعي له باي دعوه قالت اقوله كذا ربي عالم بنيته وهو اللي بياخذ لي حقي ان كان يلعب علي..


اقلعت فيهم الطايره لما حطت فيهم في مطار الملك خالد الدولي خذوا شناطهم وكان نواف باستقبالهم وهو بالسياره حكى لهم عن خالد انفجعوا كلهم بس هداهم نواف وقال جت بسيطه ومافيه إلا العافيه.. كلها كم يوم ويطلع من المستشفى.. طبعا كلهم كانت رده فعلهم بكفه ومها اللحالها بكفه ثانيه.. راحوو له ابو نواف وابو مشاري وفارس المستشفى وكان عنده خويه سلطان جلسوا معه وتحمدوا له بالسلامه وكانوا تعبانين عقب الرحله فاستاذنوا منه وقالوا بكره يجونه من الصبح..



مها من يوم رجعت البيت وهي تحس انها مو على بعضها خايفه على خالد وودها تتطمن عليه وتعرف وش اخباره جلست بالصاله على نار تنتظر ابوها يرجع عشان تتطمن عليه وبنفس الوقت كانت منحرجه تسأله بس يوم وصل ابوها تكلم من غير محد يساله وطمنهم ومع كذا ماارتاحت خافت عليه قالت اكيد فيه شئ ومايبي يعلموني الله يستر.. تعوذت من ابليس وراحت خذت لها شور وصلت ركعتين وانسدحت عالسرير بتنام بس ماقدرت كان مره ضايق صدرها عليه اااااااااه لمين الجئ اللحين اشكي لمين وابث همي وحزني لمين ريهام مسافره مع زوجها وساره اعرفها ماراح اخذ منها لاحق ولاباطل لاااا وبعد يمكن تزيدني هم فوق همي ااااااااااااه ياربي وش اسوي؟؟ وش اسوى؟؟... قعدت الافكار تدور براسها لما جتها فكره غبيه.. طالعت الساعه كانت 11 الليل.. قررت تدق عليه وتتحمد له بالسلامه مسكت جوالها وهي تنتفض وجلست تقلب بالقائمه لما وصلت لرقمه ضغطت عالزر الاخضر وكتب لها جاري الاتصال وبدت تعرق وتحس كل قطعه منها تنتفض.. دق دق لما رفعها
خالد: الوووو
سكتت ماتكلمت..
خالد: الوووووووووو
مها: السلام عليكم..
خالد: وعليكم السلام
مها: خالد... الحمدلله عالسلامه
خالد: الله يسلمك ..من معي؟؟
مها: أنا........... أنا مها
خالد: مها؟؟؟؟؟!!!!!!!!!!.. مها لوسمحتي رقمي امسحيه من عندك ولاتفكرين تتصلين على مره ثانيه.. مو المره الاولى عشاني ماتكلمت ولاقلت شئ على بالك الحركه هاذي عادي عندي..
مها خنقتها العبره وماعرفت ترد عليه: خالد......... أنا اسفه بس حبيت اتطمن عليك؟؟
خالد: مشكوره.. بس بأماره ايش تتطمنين علي
مها: مو ولد عمتي وخطيبي..
خالد: ووووين خطيبي شكلك رحتي مصر وتاثرتي منهم مره وحتى لو خطيبك ماملكت عليك عشان تكلميني..
مها: أنا اسفه.. مع السلامه
خالد: مع السلامه..

سكر وهو مره متضايق من نفسه حس انه جرحها وهي مسكينه مالها ذنب..
سلطان كان معه بالمستشفى وسمع المكالمه كامله: ليه سويت كذا..
خالد: عشان تعرف ان اللي تسويه غلط
سلطان: بس أنت قسيت عليها مره
خالد: داري.. حتى أنا والله قلبي عورني عليها..
سلطان: مسكينه كسرت خاطرها تلاقيها اللحين مقطعه نفسها من الصياح..
خالد: مدري وش اقولك بس انقهرت يوم شفتها ماخذه الموضوع عادي تكلمني..
سلطان: غريبه هالبنت ..
خالد: تكفى سلطان اسكت لانك لو تكلمت كلمه ثانيه زياده شكلي بدق عليها واعتذر لها..
سلطان: لاتكلمها ارسلها مسج..
خالد: سلطان تتوقع انها تحبني ولا البنت جريئه وعادي عندها..
سلطان: وش ذا الكلام أنت تعرفها اكثر مني وباين عليها تحبك..


في بيت ابو مشاري.. وبالتحديد في غرفة مها.. كانت اللمبات كلها مطفيه والغرفة يخيم عليها جو مظلم وحزين.. ومها مقطعة عمرها من الصياح تحس بكرامتها انجرحت واللي يقهر انها ولأول مرة مب مهتمة.. عادي عندها انه يذلها او يجرحها .. بس انها تخسره ؟ هذا اللي مب قادرة تتحمله او حتى تسمح لنفسها انها تفكر فيه.. خالد مختلف.. متميز في كل شي ..
كان شكلها يعور القلب وتندمت على هالحركه اللي سوتها كثر شعر راسها..





هالاسبوع كان موعد تسجيل ريما بالجامعه راحت قدمت وقالوا لها المقابله الشخصيه والامتحان بعد اسبوعين وقعدت طول هالاسبوعين تدعي ربها يسهل لها امورها وييسر لها القبول عشان تحقق طموحها وذاتها وتحس انها تقدم شئ تفتخر فيه قدام الناس..
جالسه بغرفتها وسرحانه باشياء كثيرة بمستقبلها واحلامها وذكرياتها الحلوه مع اعز صديقاتها تذكرت خلود من زمان ماسمعت صوتها دقت عليها..
خلود: هلاااا وغلا
ريما: هلابك..
خلود: هاااااااا بشري وش صار عليك؟؟
ريما: قولي يارب..
خلود: يارب تنقبلين ياريما..
ريما: وانتي إلا الان ماحاولتي باهلك..
خلود: قلتلك أنا من زمان خالي يقول اذا جبتي نسبه حلوه نروح الرياض عشان تدخلين طب ولا صيدله.. بس انتي شايفه نسبتي ماتدخلني هالقسمين..
ريما: طيب تعالي سجلي أي قسم مولازم طب وصيدله..
خلود: امي تقول باقي الاقسام موجوده عندنا هنا ماله داعي اجي الرياض..
ريما: ياربي ياخلود كنت حاطه امل انك ترجعين..
خلود: حتى أنا والله.. بس ماتدرين يمكن تكون خيره لي
ريما: والله انك صادقه
خلود: عندي لك مفاجئه
ريما: وشووووووو
خلود: بعد اسبوعين بجي الرياض
ريما: احلى خبر سمعته.. اول ماتجين دقي علي مو تطنشين
خلود: اكييييييييد
وجلسوا يسولفون ريما تحكي لها عن مغامراتهم بمصر وخلود تضحك.. وبعد ماقفلت منها جاء ببالها راكان صار مايغيب عن بالها ماتدري ليش؟؟.. يمكن تحس انه كبر بعينها بعد مارجع لها الميموري ولا كلام ابوها عنه .. ااااااااااه كل شئ فيه حلووو يكفي انه طول ماحنا هناك ماسوى لنا حركه ماصخه من حركات الشباب جته فرص كثيرة كان ممكن يستغلها بس هو كان رجال ومحترم نفسه وحتى رقمه ماحاول يعطيني اياه باين عليه رجال بمعنى الكلمه .. اااااااااااه بس هو يسوي اللي يمليه عليه ضميره وانا تعلقت فيه بسبه هالحركات واضح عليه انه ولد ناس رهيييييييب بكل شئ تعامله اسلوبه شكله صوته ابتسامته و جذاااااب ...






قبل يومين كانت رحله راكان راجع للرياض وطول الايام اللي راحت وهو يفكر كيف ياصل لهالبنت فكر بكذا طريقه لكن باللحظات الاخيره يتراجع تذكر هو انه اخذ رقم ابوها بس صعبه وش اسوي ادق عليه واعزم نفسي عنده لااااا مالها داعي ياربي وش اسوي البنت هاذي اسرتني اول بنت تجذبني بهالطريقه باين عليها جريئه وبنفس الوقت خجوله وتعرف متى تتكلم وفرفوشه دايم مبتسمه .. احس انها تصلح لي هاذي هي اللي في بالي من زمان .. من زمان ادور على وحده بنفس مواصفاتها مالقيت ويوم لقيت ماعرفت كيف اوصل.. وامي وابوي كبار ماراح يتقبلون لو بقولهم ابي اتزوج بيقولون يلااااااا امش نخطب لك .. وانا ماابي الاهي عاجبتني داخله مزاجي بقووه صعبه الاقي زيها.. هي وبس.. مافي إلا اختى حنان اكلمها واخليها هي الجسر اللي توصلني لهم.. حنان من يومها شبابيه تحب الضحك والمزح والاستهبال وتتقبل كل شئ يعني اكيييييد راح تفهمني.. مل من التفكير وقعد يقلب المجله لما طاحت عيونه على قصيده سبحان الله تصور اللي كان يفكر فيه جلس يضحك قال ياللــــــــه الشعراء ماتركوو شئ كأنهم يقرون افكاري..
كان لسان حال راكان يقول مثل ماقال الشاعر..

" لو فرضنا طعت قلبي
لو فرضنا اخترت حبي
وبينت أنا ماكنت اخبي واللي لعبي
طلته بيمناي
ورديت هالدين طيب وبعدين؟؟...
صرنا سوي وصارت ايدينا ..يدين
وجانا ولد ولا ولدين..
طيب وبعدين؟؟..
يبقى السؤال ولايروح؟؟
يالله اني لاذكرته تصرخ بقلبي جروح
شلون.. كيف.. ومن متى؟؟؟
فالصيف ولا في الشتاء؟؟
هنا على ارض الرياض
ولا الفياض اللي حوالين الرياض..
ولابعد خوف الحدود وهناك
مافيها حدود..
ولاموانع اوسدود
امي ذبحتني بهالسؤال
وابوي يسالني بعد
والناس ماتخلي احد
الله ياصعب السؤال
وشلون اجاوب هالسؤال
ياهو قوي..
ياهو ضعيف..
أنا عرفتك كيف؟؟؟؟؟؟؟؟ "

القصيده للشاعر.." فيصل المجفل"





دخلت عليها امها بغرفتها وهي تبتسم..
ام نواف: وش تسوين..؟؟
عبير: ولاشئ قاعده عالكمبيوتر..
ام نواف: قفليه شوي ابيك بموضوع..
عبير وهي قايمه: هاذاني قفلته امري يماااااا
ام نواف وهي تبتسم: دقت وحده خطبتك اليوم
عبير تغير لون وجهها: من هي؟؟
ام نواف: وحده تقول انها شافتك بزواج ريهام صديقه بنت عمك..
عبير: بس يمااااااا أنا توني طالع من تجربه ماابي ادخل بتجربه ثانيه..
ام نواف: اعتقد سته شهور كافيه انك تنسين شئ قديم
عبير: لاااااا يما صعبه افكر اتزوج بهالوقت
ام نواف: بعدين انتي ماشاء الله عليك وين كنا وكيف صرنا الحمدلله لك يارب انتي بالفتره الاخيره تغيرتي ورجعتي لنا عبير اللي نعرفها..
عبير: أنا قدامكم اصير متماسكه عشان مااضيق صدوركم بس داخلي يما انتي ماتدرين عنه..
ام نواف: والله الدنيا هاذي زي مافيها الزين فيها الشين.. يمكن ربي ارسلك هالانسان اللي يغيرلك حياتك وينسيك كل شئ مر..
عبير: ويمكن يكون العكس بعد يما يمكن يزيد جروحي جروح..
ام نواف: شوفي ياعبير لاتخلين الماضي ياثر عليك طالعي قدامك وانسي اللي وراك..
ابتسمت عبير وهزت راسها لامها..
ام نواف: الولد اسمه متعب الـــ.... عمره 35 ماقد تزوج ضابط حالتهم الماديه عاديه يعني ماعليهم امه وابوه متوفيين خالته اللي خطبتك وعلى كلامها الولد يصلي بالمسجد وانسان عادي مو ملتزم.
عبير: واحد ماعمره تزوج وش اللي يجبره ياخذ مطلقه..
ام نواف: كل شئ نصيب بهالدنيا..فكري بالموضوع وخذي راحتك لاتستعجلين.. واذا تبين رضاي ياعبير وافقي ولاتضيقن صدري أنا وابوك..
طلعت امها من عندها وتركتها عايشه بدوامه .. معقوله أنا اكون زوجه لغير سعود ؟؟ .. طيب هو وش موقفه لو عرف اني بتزوج غيره؟؟.. أنا عارفه انه يحبني وبينجرح لو وافقت ويمكن بعد يرجع يحاول فيني اني ارجع له.. أنا ماابي اتزوج هالفتره وبنفس الوقت ماابي ازعل اهلي مني كفايه متعبتهم معي الفتره اللي راحت.. طول ماعبير تفكر وكلام امها ماغاب عن بالها لحظه وحده..
"واذا تبين رضاي ياعبير وافقي ولاتضيقن صدري أنا وابوك.."
"واذا تبين رضاي ياعبير وافقي ولاتضيقن صدري أنا وابوك.."
"واذا تبين رضاي ياعبير وافقي ولاتضيقن صدري أنا وابوك.."

يارب ساعدني وش اسوي؟؟؟!!!! يارب أنت الوحيد اللي تعرف اللي بنفسي .. يارب دلني عالصح؟؟..
.
.
.
.
.
بعد مرور اسبوعين..
بغرفتها مبسوطه والفرحه مو سايعتها اجتازت المقابله الشخصيه وامتحان القدرات وانقبلت بقسم "الصيدله" وكان هذا خبر مفرح لهم كلهم لكن ريما هاليومين تحس بشعور غريب شوقها بدى يكبر لراكان ماتدري ليش هو بالذات قدر يسيطر على افكارها ومشاعرها من بعد مارجعوا من السفر يمكن لو كنت اشوفه كل يوم ماكان هذا شعوري اتوقع ان هذا كله ناتج عن فقداني له يعني مثل مايقولون "خليك بعيد حبك يزيد".. كانت تحاول تبعد أي تفكير بخصوص هالموضوع عن بالها لانها تقول بقراره نفسها هذا اعجاب بشخصيته مع الايام راح انسى..



عبير بالبدايه كانت خايفه من هالخطوه وتعتبر موافقتها على هالشئ خيانه لسعود وقفت عند هالكلمه كثير"خيانه" الخيانه ماتكون إلا بين شخصين بينهم ارتباط وسعود فك هالارتباط بينا من يوم قرر انه يحطمني او يصارحني بقاموسه.. وفي الاخير قالت بقراره نفسها..
ان الاحسان لشخص مسئ جريمه اكبر من الخيانه..
بعد تفكير عميق وبعيدا عن العواطف فكرت بعقلها و صلت صلاه الاستخاره حست انها مرتاحه مبدئيا وخاصه بعد ماسال عنه ابوها ونواف خلال هالاسبوعين وكانت المعلومات اللي عرفوها عنه تبشر بالخير.. وتذكرت ايام خطبها سعود يوم رفضت وجلست تصيح وكانت ماتبي هالزواج بس بالاخير حبته وتعلقت فيه يمكن هالزواج بعد يكون خيره لي ربي وحده هو العالم..
واكيد هذا قدري ونصيبي عند رب العالمين لو كان ربي رايد لي غيره يمكن يصير شئ يوقف الموضوع اوينهيه.. ويمكن لو ارفض واقف في وجه العالم يكون ربي كاتبه لي واخذه..
اقدارنا مكتوبه عند الرحمن الرحيم الانسان مسير مو مخير..
ياالهي أنا وكلت وفوضت امري اليك فاكتب لي مافيه خير وصلاح لي..
اليوم بيجي خطيب عبير يشوفها شوفه السنه.. وتكتموا عالخبر وماقالوا لاحد عن سالفه الخطبه مايبي يسون أي شوشره خاصه لما يعرف سعود يمكن يخرب عليهم كل شئ..



المغرب يوم جت بتدخل عبير عليهم المجلس حست بشئ يمنعها تحس ان رجولها مو راضيه تتقدم خطوه واحده..
معذوره عبير ماتنلام هاذي خطوات نحو المستقبل وربي وحده عالم بحلاه ومره
الله يكون بعونك ياعبير..
واخيرا تماسكت ودخلت..
كانت لابسه تنوره بنيه وبلوزه اورنج وحاطه كحل اسود خفيف وبلاشر برونزي وقلوز شفاف.. اول مادخلت شافت نواف جالس جنب متعب وابوها بعيد عنهم شوي سلمت عليهم وقالها ابوها تجلس.. ماكملت خمس دقايق جالسه إلا قامت من نفسها ماقدرت تجلس اكثر وهو يوم شافها طلعت قال خلاص الله يتمم لنا على خير ابيها بس ياليت الزواج يكون خلال هالصيفيه.. وبعد ماطلع دخلوا يشوفون عبير لقوها قايله لامها انها موافقه بعد ماشافته..
ام نواف: الزواج هالصيف؟؟.. مايمدي
عبير سكتت ماعلقت لان الموضوع من بدايته ماهمها..
ابو نواف: وش رايك ياعبير؟؟
عبير: اللي تشوفونه.. بس أنا عندي شرط ماابي حفله ابي زواج بالبيت مختصر جدا..
نواف وشكله وده يحرجها: وش رايك فيه ياعبير؟؟
ريما: حلووو ياعبير؟؟
فارس: انتي وش دخلك؟؟
طلعت عبيرغرفتها وتركتهم يتناقشون بموضوعها اللي شالت يدها منه..





راح راكان لاخته ببيتها وفتح معها الموضوع عشان تصير واسطته عند اهله حنان متزوجه عمرها تقريبا 33 وعندها ثلاث اطفال وعلاقتها مع اخوها علاقه قويه فهو يعتبرها صديقه له اكثر من كونها اخت..
راكان: وهاذي كل السالفه..
حنان وتطالعه بنص عين: طيب أنا وش المطلوب مني؟؟
راكان: حنااااااان لاتستهبلين
حنان: طيب ليه ماتنتظر لما تخلص سنه الامتياز حرام تخطب وأنت توك..
راكان: ابي البنت اخاف تروح من يدي..
حنان: الله الله عالحب
راكان انحرج: هااااااا وش قلتي ياام عبدالله؟؟
حنان: طيب تكلم لي عنها سولف عنها خل اعرفها اكثر..
وجلس يحكي لها كل المواقف اللي صارت له معها وبعض الاشياء اللي اكتشفها فيها..
حنان: واللـــــــه اثاريك تحب من قلب.. وش اسمها؟؟
راكان: ريمــــــا .. ترى مالي إلا الله ثم انتي ساعديني..
حنان: من عيوني اساعدك بس جالسه افكر بطريقه احاول اقنع فيها اهلي..
راكان: شوفي هي عندها اخت اكبر منها قولي لاهلي انك صديقه اختها..
حنان: هههههههههه والله الاخ مدبر كل شئ.. بس والله ياخوي تبي نصيحتي اجل الموضوع.. واذا كنت خايف انها تضيع منك أنت مو تقول انك اخذت رقم ابوها دق عليه ورح زرهم البيت وتعرف عليهم اكثر خطوه خطوه تقرب منهم عشان تضمن البنت وان شاء الله اذا ربي كاتبها لك بتاخذها..
سرح يفكر بكلام اخته عين العقل هذا المفروض اللي اسويه..
………..
عبير وخطوتها الجديده هل تقدر تتاقلم معها وتنسى الماضى ولا الماضي مازال مسيطر عليها؟؟
مها والحركه اللي سوتها هل راح تكون من مصلحتها ولا ضدها؟؟

راكان ياترى راح يقدر يوصل لريما وهي وش راح تكون رده فعلها لو هالشئ صار؟؟
الأميرة دانة
17 - 09 - 2009, 03:30 AM
الجزء الثامن والعشرون..
,,,,,,,,,,,,,,,,,,,,,
دق راكان على ابو نواف وسأله عن احواله وحاول يطول المكالمه معه لعل وعسى يعزمه ويقول مرنا البيت او خل نشوفك.. بس الظاهر ماعنده نيه يقول شئ
راكان: يلاااا تامرني على شئ ياعمي
ابو نواف: سلامتك والله كان ودي اقولك تعال خل نشوفك بس هاليومين مشغولين شوي بنتي زواجها هالفتره ومحيوسين..
انصدم راكان يوم سمع هالكلام .. هذا اللي كنت خايف منه راحت البنت من يدي
ابو نواف: الوووووو وين رحت؟؟
راكان وتوه يستوعب: هاااااااا.. لا معك.. مبروك ياعم الله يتمم لها على خير .. وترى حنا نعين ونعاون..
ابو نواف: امييييين عقبالك..... وماتقصر والله
بعد ماقفل راكان دارت فيه الدنيا ضاق صدره يبي يتاكد ريما هي اللي بتتزوج ولا اختها.. بس كيف اعرف؟؟ كيف اعرف؟؟.. جت بباله فكره دق على ابو نواف مره ثانيه
راكان: هلا ياعم معليش ازعجناك
ابو نواف: لاعادي مابينا شئ
راكان: اذا ماعليك امر عطني رقم فارس لانه وحنا بمصر كان شاري مجلات واشرطه ونساهم عندي فحبيت ارجعهم له..
ابو نواف: اشرطه؟؟؟.!!...... اشرطه ايش
راكان: افلام ومسرحيات وخرابيط..
ابونواف: اهاااااا سجل عندك **** 050323
راكان: مشكور ياعم فمان الله..

على طول دق راكان على فارس والف له سالفه من عقله عن سبب اتصاله..
راكان: اهااااا يعني طلعوو مو لك
فارس: لا
راكان: مدري بسال العيال بشوف من اللي ناسي اغراضه
فارس وصدق المسكين وبدى يتفاعل مع السالفه: طيب أنت وين لقيتهم..؟؟
راكان: ماشاء الله مبروك الوالد يقول اختك بتتزوج.. عقبالك
فارس: الله يبارك فيك
راكان: يالله الله يوفقها ويعينها دراسه وزواج
فارس: لاااا اختى مخلصه ماعندها دراسه
راكان والا الان خايف تكون هي: بس الواحد اضمن تكون معه شهاده جامعيه عشان تفيده..
فارس: طيب اختي جامعيه متخرجه كيمياء..
فارس ماقصر كب العشاء بقوه شوي ويقول اختي مطلقه ويعلم سبب الطلاق..
هنا ارتاح راكان الحمدلله تاكد انها مو هي اللي بتتزوج يعني ريما ان شاء الله بتكون لي.. محد راح ياخذها غيري يارب تجعلها من نصيبي وتجمعنا مع بعض..






اليوم سمع خبر خطوبه عبير قال مسرع ماامداها تطلق من هنا تزوجت مره ثانيه بس معها حق تبي تصير ام .. ياترى لو أنا اللي خطبتها هالفتره بتوافق ولا لا؟؟.. افكار كثيرة تتضارب بداخله..... مها.. عبير مها.. عبير مها عبير.. مها عبير وحده أنا احبها ووحده هي تحبني

اللي يبينا عيت النفس تبغيه** واللي نبيه عيا القدر لايجيبه..

ضميره من هذاك اليوم يأنبه عاللي سواه فيها قسى عليها وجرحها بس هذا كله لمصلحتها وغير كذا ماابيها تخون اهلها من وراهم يارب ساعدني وش اسوى احسم امري واتزوج مها اللحين عشان اريحها وارتاح ولا ارمي كل شئ وراء ظهري واجل كل امورى لما يحلها ربي .. أنا ليه اكذب على نفسي واقول ارتاح واريح لما اتزوج مها يمكن مااتقبلها ويمكن هي ماتستحملني وياخوفي بعد ماكلمتني بالمستشفى تكون عافتني وقالت لاهلها ماابيه.. حرام والله ان ماعندي قلب كيف قلبي طاوعني هذاك اليوم... مافي إلا اني اصلح غلطتي واروح اكلم ابوها نتزوج هالفتره وافتك من هالموضوع اللي شاغلني أنا بتزوج بتزوج سواء اليوم ولا بكره ليش ااجل الموضوع؟؟؟!!!!!!....... خير البر عاجله





مشاري كان ببرج بالمملكه يتمشئ مع خويه منصور سمع صوت مو غريب التفت بسرعه بيتاكد شاف ثنتين يمشون وحده منهم معها بيبي صغير تدفه بالعربيه..
مشاري: لحظه .. لحظه وقف
منصور: وش فيك؟؟
مشاري: اصبر بتاكد من شئ..
طلع جواله وفتح البلتوث وجلس يبحث عن النكات الموجوده طلع له اسماء كثيرة غير نكه وكتب" نجود ارحميني"
قال بيتاكد اذا كانت فعلا نجود ولا لا؟؟... قال بنفسه اذا كانت هي اللي في بالي اكيد اذا شافت النك بتتلفت وتشوف من ذا اللي عارف اسمها بس البنت ماعطته وجه ولا حتى طلعت جوالها من شنطتها.. جلس يتبعها
منصور: ياخي وش فيك أنت على ذي امتحنتنا فيها
مشاري: أنا بمشي وراها تبي امش معي ماودك اجلس وانا ارجع لك بعد شوي
منصور: ومالقيت تلحق إلا وحده معها بزر.. الرياض مليانه بنات
مشى وراهم وهم ماحسوا فيه مل له فوق النص ساعه والبنت إلا الان ماشافت جوالها المشكله هو مايعرف وش نكها ولا كان ارسلها بلتوث .. واخيرا طلعت جوالها من شنطتها ودقت رقم قرب منها بيسمع وش تقول..
البنت: الووو صادق قرب السياره عند البوابه..
ورجعت جوالها للشنطه من غير ماتطالع فيه مره ثانيه احترق هو حس انه يطبخ من الداخل طنشها ورجع لمنصور..
منصور: اخيرا حنيت علينا ورجعت
مشاري: ياشيخ شكيت بصوتها رحت بتاكد ورفعت ضغطي مااخذت منها لاحق ولاباطل.. لا والمشكله مسوى فيها ذكي مغير النك..
وهو متحمس يحكى السالفه نواف كان جاي من بعيد ولمح مشاري وقرب منه..
نواف: السلام عليكم.. وش جايبك هنا اعترف بسرعه
مشاري: هلاااااا .. نفس السبب اللي جايبك..
نواف: والله أنا جاي هنا عندنا اجتماع مع شركه اجنبيه.. وأنت اكيد جاي كالعاده تترزق الله..
مشاري: هههههههههههه وش ورانا؟؟
نواف: حلوه ذي وش ورانا.. المهم أنا ماشي اللحين سلم على عمي..
مشاري: يبلغ ان شاء الله..
منصور: يلااااا يااخي تاخرنا بروح الحلاق اتضبط مواعد خويتي اليوم..
مشاري: بالله ماعندك غيرها..
منصور: ههههههه إلا في غيرها ونص..
مشاري: اللحين انت وراه ماتتزوج..
منصور: لا ياشيخ توني خل اتمتع بشبابي.. على طاري الزواج ياشيخ تذكر غاده امتحنتني بحياتي تقول متى تجي تخطبني؟؟.. الاسبوع اللي راح خطبني واحد ورفضت عشانك.. ومن هالكلام كرهتني بحياتي..
مشاري: أنت تحبها؟؟..
منصور: كنت اعزها بس هي كرهتني فيها بزنها على راسي.. وش رايك وشلون اصرفها أنت خبير التصريفات..
مشاري: وش مافي غير التصريفات المعهوده خطبت ولابتزوج بعد فتره..
منصور يكمل على كلامه: ايييه ابوي حلف على اتزوج بنت عمي ولا امي خطبت لي وحده وبتزعل لو مااخذتها وانا مقدر على زعل امي..
مشاري ومنصور: ههههههههههههههههههههههههههههههه
مشاري وبعد لحظات صمت: ابي اعرف تستانس بايش علاقات وبنات وطلعات والله انك فاضي مامليت الزواج غير البنت راح تكون معك على طول كل شئ حلال ماراح يصير في حرام وبتصير لك محد راح ياخذها منك بتكون لك لحالك تدري وش يعني تكون لك اللحالك..
منصور: اقوول امش بس يامفتى الرياض.. اقول ترى الهيئه طالبين موظفين..





مرت الايام سريعه واليوم الاربعاء زواج عبير كان مختصر ماحضر احد إلا بيت عمهم وخوات رجلها وخالته.. كانت نفسيتها مستقره نوعا ما وهذا كله بفضل دعائها لربها انه يثبتها ويبعد عنها سعود ويخفف رده فعله لما يسمع الخبر.. طبعا سعود لمن عرف انصعق ماتوقع انها تتزوج بهالسرعه بعد طلاقها بعد 8 شهور تتزوج بس ماكن بيده حيله هو عارف نظره عبير له وماحب انه يهين نفسه زياده ولايبيها تنحرم من الاطفال عشانه وطبعا هو ماحضر الزواج.. كل واحد بالدنيا ياخذ نصيبه.. بعد ماانتهى الزواج البسيط اللي صار في البيت اخذ متعب زوجته للفندق " الفور سيزنس" اللي كان حاجز فيه اول مادخلوو دخلت عبير لدوره المياه وبدلت ملابسها ومتعب طلب لهم عشاء عبير مارضت تاكل شئ هو حس انها موطبيعيه قال يمكن مستحيه..حاول ياخذ ويعطي معها بس هي اذا سالها ترد على قد السؤال.. مايدري وش يسوي لها اخر شئ قرر انه ينام يمكن مستحيه ولا جوعانه ولا ماتبي تتكلم وتعتبرني غريب..





أشرقت شمس الخميس بكل دفء وسعادة على ناس وناس كانت من اسوأ ايامهم.. سعود متمدد على فراشه الساعة ثمان وهو حاس بكسل من زمان ما حس به.. وعرف انه جو الخمول اللي كان عايشه هاليومين اثر عليه.. اليوم ماطب عينه النوم صارت لواحد ثاني صارت تحل لواحد غيري يعني أنا اللحين ولاشئ بحياتها والدليل زواجها بهالسرعه أنا وانا رجال ماتجرا اتزوج إلا بعد مايمر على الطلاق سنه لكن شكل حركتها مقصوده تبي تحرق قلبي تبي تقهرني هي ماتدري انها تدمرني تنهيني أنا كل شئ يبعدني عنها سويته مابقى إلا اني اهاجر وافتك وافكهم مني.. بس ليش اظلمها يمكن اهلها ضغطوا عليها يمكن كل اللي صار هي مالها يد فيه هاذي عبير اعرفها شفافه وقلبها ابيض مو معقوله بهالسرعه تنساني .. يارب أنا وش سويت بدنيتي أنا مالي ذنب بكل اللي صار هاذي ارادتك يارب أنت قسمت لي اني مافيني عيال أنا وش ذنبي؟؟؟!!! يارب ياعالم بحالي فرج همي واشرح صدري وعوضني خير يالهي...
وعقب ما غسل وجهه طلع ووقف عالبلكونة وجلس يراقب البيوت ويقول ياترى هالناس اللي عايشين وسطها مبسوطين ولاعندهم هموم ؟؟.... كان مقرر ما يطلع من غرفته اليوم ويخلص كل الشغل اللي اجله هاليومين بس للأسف كانت افكاره تاخذه لأفق ثانية بعيدة تماما عن الشغل والاوراق جلس يفكر بكل الاشياء التعيسه بحياته صار ينظر للحياه نظره سوداويه.. رحيلها المفاجيء حسسه بإحباط كبير وخلاه يتذكر اشياء ماوده يتذكرها
استغفر سعود ربه ورجع الغرفة وغير ملابسه ونزل..





من بكره بالفندق..
متعب: عبير بكره رحلتنا لاتسين تجهزين اغراضك واذا تبي تمرين اهلك تاخذين من عندهم شئ تكلمي لاتستحين..
عبير ماردت عليه واكتفت بهز راسها..
متعب: عبير وش فيك؟؟ ضايق صدرك؟؟... ماتبين نسافر .. مضايقك شئ؟؟؟.. تكلمي الله يرحم والديك لاتجلسين ساكته كذا..
عبير: لامافيني شئ بس اشتقت لاهلي اليوم ماشفتهم..
متعب: طيب يلا البسي اللحين نروح نمر نسلم على اهلي وبعدها نروح لاهلك..
ابتسمت عبير وقامت تلبس .. راحت سلمت على ابو متعب وخواته وجلست معهم شوي واضح عليهم انهم ناس طيبين بس هي نفسيتها ماسمحت لها انها تاخذ وتعطي معهم كل ماجت تتكلم تحس العبره تخنقها وتسكت بعد ماطلع متعب من عندهم قال بصلي وارجع لكم..
متعب كان عنده اختين هناء عمرها25 سنه ولينا 18 سنه ومساعد 20 سنه..
هناء وهي تغمز: هااااا عبير وش رايك باخوي بعد يومين زواج..
عبير: يومين هذاك قلتيها الواحد مايحكم على طول
هناء: بس والله اخوي انسان عسل بتحبينه مع الايام..
ابتسمت عبير ابتسامه باهته مالها لالون ولاطعم..
هناء: تصدقين انه بعد وفاه ابوي مارضى يتزوج ويتركنا اللحالنا شوفي عمره 35 وتوه يتزوج..
عبير: بس انتم عندكم اخوك مساعد بعد..
هناء: مساعد توه صغير حق وناسه وطلعات اما متعب غير نحس معه بحنان الاب اللحين أنا واختي لينا مانسوى أي شئ من غير ماناخذ رايه.. وحتى اول يوم كنا نقوله تزوج كان يقول اذا تزوجتوا انتم أنا بتزوج..
عبير: طيب كيف اقتنع يتزوج؟؟
هناء: حنا ضغطنا عليه وقلنا مساعد عندنا وماراح يقصر.. بس هو ماخطب لمن لقى بيت جنب بيتنا عشان يصير قريب مننا..
شوي سمعوا صوت ينادي..
هناء: لحظه هذا مساعد خليني بشوف وش يبي؟؟
راحت هناء لاخوها وعبير سكتت وهي مبهوره بشخصيته هالانسان اللي حارم نفسه من اشياء كثيرة عشان خواته..
رجعت هناء: شفتي من اولها هذا مساعد يبي يطلع للبر ويبي اسوى له خرابيط.. شفتي الفرق بينهم؟؟.. هذا مو وجه تحمل مسؤليه..
عبير: الله يخليهم لكم..
هناء: امييييين يارب

يوم طلعو من عند اهل متعب وداها عند اهلها دخلت من يوم مادخلت لقت امها بوجهها ضمتها وقعدوو الثنتين يصيحون وحتى ريما يوم جت تسلم على عبير حست بنظراتها حزن فضيع بس سكتت ماحبت تعلق لان الموقف مايحتاج تعليقات.. بعد ماجلست معهم شوي اخذت ريما لغرفتها وطلعوا يجمعون بعض الاغراض اللي بتاخذها للسفر..
بعد ساعتين مرها متعب وركبت السياره..
ساد الصمت بينهم..
متعب: ودعتي اهلك
عبير: ايييه بس ماشبعت منهم..
متعب: سفرتنا ماراح تطول كلها اسبوع بعدها بتشوفينهم..
عبير: ان شاء الله
متعب: وانتي بعد الله يهديك كنت مخطط اوديك سفره محترمه لاوربا بس انتي عاندتي تبين شئ قريب.. بالله احد يروح شهر عسل دبي..
عبير: ممدين ان شاء الله عالسفرات العمر قدامنا طويل
هي تقول هالكلام وفي نفسها ياترى هل راح استمر معه او بالاصح هو راح يستحمل نظرات الحزن بعيوني وكلامي المختصر معه.. الله يعين ويكتب اللي فيه خير..





افكار متشتته وقرارات غريبه بداخله بيحاول يحسم الموضوع الليله لازم احط النقاط عالحروف اليوم بقرر بداية خطوه جديده وجريئه بنفس الوقت.. طبعا من يوم سمع خبر خطوبة عبير وهو عايش بضغوط نفسيه كبيره ويحاول يضغط على نفسه ويطلب من عمه يتزوج مها هالفتره خاصه وهو حاس انه جرحها فلازم يصلح غلطته.. رفع جواله وكتب مسج وارسله ورجع جواله مكانه وهو يفكر صح اللي أنا سويته ولا لا؟؟

سمعت صوت مسج فتحته انصدمت يوم شافته من خالد..

" أنا اسف عالكلام اللي قلته لك.. عموما الليله أنا بكلم ابوك نملك هالصيفيه وياليتك توافقين وتنسين اللي صار"

مشاعرها مختلطه مابين فرح وعتب وخوف مشاعر متضاربه بداخلها ماتدري هي بحلم ولابعلم بعد ماقرته كذا مره قالت سبحان الله أنا لما دقيت عليه زعل وعصب واللحين هو حلال يرسل مسجات.. راحت دقت على ريهام وحكت لها السالفه
ريهام: طيب انتي وش ناويه تسوين؟؟
مها: مدري بس قاهرني لمن دقيت اتطمن عليه ماعجبه واللحين يرسل عادي
ريهام: هو قال اليوم بيكلم ابوك.. وش رايك تقولين ماابيك..
مها: لااااااااااااا
ريهام: ههههههههههههه امزح معك .. بس شوفي الولد شايف نفسه وبما انه تنازل واعتذر وقال بيجي اليوم هذا اكبر دليل انه حس بغلطته..
مها: مدري متردده مدري وش اسوي
ريهام: عادي يالخبله وافقي بس بعدين اثقلي عليه.. مها فواز يناديني اكلمك بعدين
مها: مع السلامه..
ريهام: وافيني باخر التطورات..
مها: ان شاء الله..

بعد المغرب جاء خالد عند خاله وقاله انه يبي الملكه تكون خلال هالصيفيه مامانع بس قاله بياخذ راي مها .. طبعا هي مايحتاج قالت اللي تشوفونه وبكذا قرروا ان الملكه بتكون بعد اسبوعين..





وصلوا دبي من كم يوم وسكنوا بـــ " جميرا بيتش"
عبير كانت جالسة في المطعم في هاللحظة .. الناس مسوين ربشه وازعاج حواليها .. افكارها ماخذتها لعالم ثاني.. تحس انه الدنيا ضدها وانها كل ما حاولت تجمع شتات افكارها ومشاعرها.. يصيبها شي يشل تفكيرها تماما ويهز قوتها اللي تتظاهر بوجودها قدام الكل.. قوتها وهم.. وبرودها وهم.. وحتى ابتسامتها والفرحة اللي تحس بها ساعات.. مجرد وهم.. من 8 شهور وهي حاسة انه حياتها كلها سراب.. كل ما حاولت توصل لهدف يختفي بمجرد ما تتقرب منه.. كيف بتستمر وكيف بيستمرون الناس معها ويتحملونها وهي حاسة بهالضعف في داخلها..
متعب: برد الاكل ماودك تاكلين؟؟
عبير: ابي بس سلطه منب مشتهيه شئ ثاني..
متعب: بالله انتي ببيت اهلك كذا اكلك ولا مستحيه مني
عبير وبابتسامه باهته: احيانا واحيانا..
متعب: وش رايك نمدد جلستنا بدبي اسبوع ثاني
عبير بسرعه: لااااااااا
متعب: وش فيك صرختي بسم الله خوفتيني..
عبير وحست ان هو ماله ذنب بشئ حرام اعامله معامله شينه والرجال شكله طيب: لابس اشتقت لاهلي..
متعب: والله يابخت اهلك فيك...
اكتفت عبير بالابتسامه..
متعب: يلاااا كلي عشان نروح للسوق نتمشى..
عبير: بعيد من هنا
متعب: لااااا قريب.. ودك تروحين لشئ غير السوق
عبير: براحتك
متعب: لاتقولين براحتك أي شئ بخاطرك تكلمي وقوليه..
عبير: عادي أنا مو مستحيه بس أنا اسلوبي كذا ياليت تستحملني..
متعب: يعني معقوله انتي طول عمرك مالك راي اذا سالك احد عن شئ تقولين كيفك او براحتك..
عبير: على حسب اذا كان الموضوع مصيري ويتعلق بمستقبلي اكيد بيكون لي راي فيه اما اذا كان موضوع عادي مثل وش تبين اكل او وين بتروحين.. افضل ان الطرف الثاني يكون مرتاح معي..
متعب: بس أنا يستفزني ردك ابي اسمع اجابه محدده ايه او لااااا
عبير: ان شاء الله بحاول...





وفي بيت ابو مشاري وبغرفه ساره بالتحديد..
ريما: تصدقين اشتقت لعبير..
ساره: بسم الله الرحمن الرحيم قبل كم يوم كانت عندكم..
ريما: بس والله لها فقده
ساره: متى بتجي؟؟
ريما: بكره ان شاء الله
ساره: تدرين أنا مها اذا تزوجت مااحس اني بشتاق لها لهالدرجه
ريما: الااااا صح وش اخبارها عروستنا؟؟....... مستعده للملكه؟؟
ساره: يووووو حالتها حاله تقول خايفه
ريما: أنا نفسي اعرف خالد وش مسوي اللحين...
ساره: هههههههههه وانا بعد متحمسه اكثر منك
ريما: اتذكر شفت مره شفت فلم مصري العريس يوم زواجه صارت له مقالب الدنيا ودك يطيح فيها خالد عشان نجلس نضحك..
ساره: هييي هييي ماسمحلك صار رجل اختي لاتتطنزين عليه
ريما: هههههههههههه اللحين طلعت الاخلاق
ساره: اقول مها يمكن تطلع خل نروح معها
ريما: وين بتروح..
ساره: بتروح الصالون تحجز عندهم ليوم الملكه بعدين بتمر السوق..
ريما: لااااا مالي خلق ودي اجلس معك اسولف ..
ساره: مدامك ماتبين ليش تسالين كل هالاسئله وين بتروحون؟؟.. وبعدين؟؟... شوي وتقولين لاتخلون الملكه هالاسبوع..
ريما: هههههههههههه لامو كذا
ساره: اجل تعالي تحت عندي افلام جديده خل نتفرج عليها..
ريما: بطوله ميييييين؟؟؟؟؟
ساره: بعد تتشرطين..
قاموا البنات يتفرجون عالفلم وريما كل ماشافت حركات بطل الفلم تتذكر راكان وحركاته معهم بالفندق وطبعا ماقال شئ لساره عشان ماتبدا تعليقات..





كملت عبير اسبوع بدبي واليوم رجعت عبير وكان فيها شوق مو طبيعي لاهلها تحس انه لها سنين ماشافتهم طلبت من متعب تنام عندهم اليوم وبكره يجي ياخذها..
ريما: وش جبتي لي؟؟
عبير: روحي شوفي شنطتي..
ام نواف: لاااااا لاتروحين تحوسين شنطه اختك هي بعدين تفتحها لك
نواف: هااااا كيف دبي حلووه؟؟
عبير: ايييييييه ماعليها
فارس: الفندق اللي سكنتوا فيه حلووو
نواف: هذا اكبر همك..
عبير: ههههه اييييه الفندق خطير مره ذوق
ريما: اهم شئ جبتي لي النظاره اللي قلت لك..
عبير: مالقيت نفس الماركه جبت وحده ثانيه
نواف: اللي يسمعك يقول الرياض مافيها محلات نظارات وماركات
فارس: لاهي على بالها ذكيه تبي عبير تدفع لها
ريما: ايووووو جابها فارس الذكي عشان ماادفع مبلغ وقدره نواف خلك ذكي مثل اخوك
نواف: يلااااااا انا بطلع تبون شئ..
ام نواف: نبي سلامتك..
فارس: يمااا بروح عند الجيران شوي..
ام نواف: لاتتاخر
فارس: ان شاء الله.......
ام نواف وتطالع ريما..
ريما: وش تبيني اطلع طقيها بالوجه..
ام نواف: أنا عندي ذوق مااحب احرج احد
عبير: امي تبيك تفهمينها لكن انتي للاسف ماعندك سالفه..
ريما وهي طالعه: نص ساعه وراجعه..
بعد ماطلعت ريما قربت ام نواف من عبير وجلست تسالها عن اخبارها وتشوف هي مرتاحه ولا لا؟؟..... انبسطتي بالسفره؟؟..... ومن سوالف الحريم مع بناتهم اول مايتزوجون..





واخيرا تحقق الحلم اليوم ملكه مها على خالد ساره مبسوطه لاختها لانها شافت الفرحه بعيونها مها كانت عندها حقه الصالون..
مها: شعري لاترفعينه كله..
ماغي: بالعكس اذا رفعته كلياته بيصير احلى..
مها: بس أنا فستاني عاري مره وفتحه الظهر كبيره استحي....
ماغي: يااااااااااااي بتستحي هلاااااا في صبايا بيخجلووو ومن مين من زوجك..
مها: ايه استحي..
ماغي: انتي عارفه الفستان اللي بيبين مفاتن الصبيه بيعطيها جمال ويخلي نظره الناس الهااا جذابيه..
مها: مدري يمكن لان مجتمعنا محافظ تعودنا على كذا.. شوفي حنا هنا عادي نلبس قصير عاري وحتى برمودا بس بتجمعات نسائيه لكن اذا كان فيه رجال موجودين صعبه..
ماغي: أنا من خلال احتكاكي بالمجتمع السعودي والخليجي عرفت انكم شعب متحضر بيفهم بكل شئ بالموضه والماركات العالميه والمراه عنكن تبحث عن كل جديد .. بس بتتفاوت العوايل المحافظه بهالشئ..
مها: كل ناس لهم اسلوب في التربيه..
ماغي: أنا بعرف بنات هون بيجونا عالصالون من غير غطاء وش.. والعبايه بتكون ديئه وفي ناس العكس تماما انتي لما بتشوفيها بالعبايه لافه نفسه فيه وطالعه اسود باسود بتقولي شوو هالغجريه بس لمن تفتح الغطاء والعبايه بنتفاجأ بوجه ملائكي ولبس عصري وانسانه فاهمه كل شئ بخصوص الميك اب وأصات الشعر والماركات العالميه يعني يخزي العين عليهم..
فرحت مها على الكلام اللي سمعته من حقه الصالون: شفتي عمره السفور والتبرج ماكان جمال.. بامكان الانسان يتجمل وهو يرضي ربه وبحدود المعقول..
طالعت مها الساعه وحست ان الوقت تاخر..
مها: يلااااا بسرعه تاخرنا المصوره قالت بتجي الساعه 8
ماغي: ثواني خلصنا مابئي شئئئ
بعد ماطلعت من عندها حقه الصالون لبست فستانها وكان لونه ليلكي وتفاحي وجتها المصوره جلست معها واخذت لها كم صوره هي واهلها بعدين دخلت عند الحريم جلست معهم نص ساعه قاموا البنات يرقصون..
ريما: مها قومي معنا ارقصي..
عبير وكان باين عليها الهم: والله انكم فاضين البنت حالتها حاله وانتي تقولين لها ترقص..
ساره: يوووو احسها شايله هم خالد اكيد اللحين ان جلست معه بيقولها أنا احلى منك أنا كل الناس معجبين فيني..
ريما و عبير: ههههههههههههههه
مها: لاتتطنزون على زوجي..
ساره: عشتوو توه ماصار زوجك..
بعدها ناداها ابوها توقع على عقد الزواج وبعدين قالها تجلس مع خالد كانت خايفه ومتوتره لابعد الحدود.. دخلت لقت خالد جالس صافحها وجلست طلع ابوها وتركهم مع المصوره اللي ماخلتهم بحالهم شوي تقولهم قربوا من بعض اكثر لبسها الشبكه.. وشوي قالت له المصوره شربها العصير اخر شئ خربتها قالت له يبوسها عشان الصوره عصب خالد عليها بالخير خلصت شغلها بسرعه وطلعت وتركتهم الحالهم..
خالد: وش اخبارك؟.......
مها: بخير الحمدلله..
خالد: مها ياليت ماتزعلين مني على صار اخر مره
سكتت مها ونزلت راسها..
خالد: انتي ليه سويتي كذا يامها؟؟...... هاذي مو اول مره تكلميني فيها
مها حست انها بتصيح من كلامه احرجها بقوه ماعرفت وش ترد..
خالد: لاتشيلين بخاطرك على أنا مو قصدي شئ بس الحركه هاذي مو أي احد يتقبلها أنا سكت وماقلت شئ لانك بنت خالي وعارفك زين..
لحظات صمت...
خالد: مهـــــــا
رفعت عيونها وكانت تلمع: هلا
خالد وهو حاس انه قسى عليها: من اليوم أنا زوجك صرتي حلالي وانا حلالك أي وقت تبي تدقين علي فيه دقي واي شئ تبينه مني لايردك إلا لسانك..
ابتسمت له مها..
خالد: وش رايك تبين اخذك اللحين لبيتي واقول لخالي مانبي زواج وخرابيط..
مها متفاجئه من كلامه..
خالد: ههههههههه لاتخافين امزح معك..
مها: عارفه..
خالد: اخيرا تكلمتي..
مها: أنت ماعطيتني فرصه اتكلم..
خالد: يلااااا أنا بسكت وانتي تكلمي..
سكتت مها..
خالد: فستانك حلووو..
ابتسمت بخجل: عيونك الحلوه
مرت هالليله حلوه عليهم بعد ماصفت قلوبهم وفتحوا صفحه جديده ومرت بعدها ليالي كثيرة كانت بينهم اتصالات ومسجات تميل للرسميه اكثر من كونها رومانسه بس مها اعتبرت هذا تقدم كبير بعلاقتهم وخالد كان يعتبر هالمكالمات واجب عليه لانها صارت زوجته..





نواف وهو طالع من البيت كان في سياره تتبعه واشروا له يوقف المشكله كان بمكان فاضي مافيه ناس ولاسيارات طنشه لما حدته السياره واضطر انه ينزل يشوف وش يبون يوم نزل تفاجئ ان حسام طلع مسدس من جيب البنطلون الولد كان من جد متحمس شكله ناوي يخربها اليوم..
حسام: تشهد على روحك..
نواف وشكله خايف: وين مسلسل مصري..
حسام: اقول عن الفلسفه عندك وصيه قبل ماتموت..
نواف: ايييييييه انك تتعالج بالمصح النفسي لانك مريض..
حسام قرب من نواف وصوب المسدس جهته..
نواف: منتب صاحي تعوذ من ابليس..
حسام: أنا طول الايام اللي راحت استني هالفرصه واللحين تقولي منتب صاحي إلا صاحي ونص..
نواف: ان ذبحتني وش بتستفيد بتدخل السجن مره ثانيه وتقضي حياتك كلها بسجون..
حسام: السجن ارحم من اني اشوف وجهك..
يوم شاف نواف ان حسام شكله ناويها اليوم قرب منه وحاول يسحب المسدس منه بس مافي امل كان ماسك فيه بقوه وحاط ايد عالزناد عكف نواف يد حسام وحاول يوجه المسدس عالارض عشان الضربه ماتكون عليه وصاروا الاثنين كل واحد يشد من جهه وكل واحد يحاول يدف الثاني ويسيطر عالمسدس وفجأه سمعوا صوت طلق .. والطلقه جت على حسام وطاح عالارض يصرح ويتالم ويلعن بنواف ويتوعد.. طالع فيه نواف كانت الرصاصه جت على بطنه والمنطقه تنزف بشده بعد خمس دقايق فقد حسام الوعي وخاف نواف انه يكون مات.. تلفت نواف حوالينه ماعرف وش يسوي وخاصه ان مافي احد حس بتوتر مايدري كيف يتصرف اخر شئ قرر انه ياخذه للمستشفى بسرعه شاله وركبه السياره وطار فيه ونزله دخلوه اسعاف وسوو له الاسعافات اللازمه وقالوا لازم عمليه يستخرجون الرصاصه وطبعا هالنوع من الاصابات لازم تتدخل فيها الشرطه لان بالغلب يكون وراءها اسباب جنائيه.. اخذوا بيانت نواف وقالوا له مايتحرك لما تجي الشرطه..





ريما جالسه عالنت وتتصفح المواقع الاجنبيه لان قسم الصيدله اول مستوى يكون كورس لغه انجليزيه.. فهي تحاول بهالطريقه تقوي لغتها وصارت تقرا أي شئ تطيح عليه عينها لانها تبي اللغه تصير عندها حلووه مره.. في مواضيع كثير مافهمتها قالت لمن يجي نواف بساله عنها دخلت شات وقعدت تدور روم يتكلمون باللغه الانجليزيه ودخلت عليهم وجلست تسولف معهم حست انها تفهم عليهم باشياء كثيرة بس في بعض الكلمات مافهمتها قالت ان شاء الله حبه حبه راح اتعلم بالاخير ملت وقفلت النت وانسدحت على سريرها وسرحت تذكرت الميموري اللي اعطاها راكان فتحت درج الكومادينه كانت حاطتها بظرف صغير طلعتها ومسكتها وجلستت تتامل فيها قالت سبحان الله هالقطعه الصغيره تسوي بلاوي تفضح ناس وتشهر بناس وتساعد ناس واحيانا تكون دليل ضد او مع احد.. من يوم ماعطاها اياها راكان مافتحتها ولاشافت وش فيها.. قررت تفتحها مسكت جوالها فتحته وطلعت الميموري حقتها وحطت بدالها ميموري راكان فتحتها لقتها مليان صور جلست تدور صورتها الحمدلله مالقتها..
فتحت الملفات الموجوده وشافت صور كثير اغلبها لشباب ماتعرفهم في خليجين وفي مصريين لقت كذا صوره لاحمد اللي صورها لانه اساسا الميوري حقته كان فيه صور لبنتين ماتدري منهم.. شافت صوره احمد متصور مع راشد الماجد ابتسمت وهي تقلب بالصور لقت صوره لراكان متصور مع واحد ماتدري منهو بس الاكيد انه خويهم جلست تتامل فيه عجبتها ابتسامته كان مره رهيب شكله مبسوط بالصوره وباين عليه ان اخوياه يحبونه ويقدرونه ولاماكان قدر يجيب لي الميموري من خويه.. لفتت انتباهها مقطع فديو لراكان بس اللي قهرها انه متصور مع بنت وباين عليها تعرفه وطاقه الميانه معه الصوت كان مو واضح بس هي ماقصرت عادت المقطع كذا مره وحاولت تسمع الحوار بينهم كان باين من لهجه البنت انها مصريه تاملت ريما بالبنت ماشاء الله عليها حلوه.. ماتدري ليه حست بالغيره.. تحس نار بصدرها هالانسان خلاني احس بشئ عمري ماحسيت به لاحد ثاني..... واخيرا استوعبت ريما الكلام اللي دار بينهم..

(اتركم مع المقطع...)

كانوا بمطعم..
راكان: احمد عطني الشطه؟؟.. بعدين وش عندك أنت تصور؟؟..
احمد وصورته ماكانت طالعه لانه هو اللي يصور: وجهك منظر طبيعي..
راكان: هاهاهاها ماتضحك..
البنت وهي تضرب على يد راكان اللي كانت عالطاوله: راكان النهرده حقيلك السويت بتاعك اخد منك المزكرات
راكان وهو ياكل: مذكرات ايش؟؟
البنت: بتاعت الكورس الاخير ليك في القامعه عايزه اشوف دراستكوا بالسعوديه زينا..اصلوو عايزه ازكرهم من بكره..
راكان: ياحبيلك يادنيا لاتجين اللحالك او انتظريني باللوبي وانا انزلك اوكي..
البنت انحرجت لانها كانت تتكلم ببراءه ومافكرت باللي يقصده راكان: وانا كمان مش ناويه اطلعلك فوء.. اصلوو ماما عايزه تشوفك..
راكان بصوت واطئ: وش ذا النشبه؟؟..
اختل المقطع ضحكات بصوت عالي لان طبعا البنت مو فاهمه شئ من كلامهم والعيال يضحكون عليها..
البنت: انتو بتضحكوا ليه..
تحركت الصوره وصارت جهه ناس ماتعرفهم وصوت الضحك كل ماله يزيد اكثر والبنت مسكينهم مو فاهمه وش القصه..
ريما مرتفع ضغطها الاخ مبسط مع البنات هناك.. وتقلد كلامه.. ياحبيلك يادنيا كل الدنيا ياحبيلهم عنده.. طلعت الميموري من الجهاز وحطت حقتها .. بعدين فكرت قالت أنا وش على منه يتصور مع اللي يبي يطق راسه بالجدر أنا حارقه دمي ليش؟؟...





بعد ماجت الشرطه وبدت باستجواب نواف ماكان عندهم أي دليل ان نواف برئ يمكن تكون هالحركه من باب التمويه مسويها حجزوه عندهم إلا ماتتحسن حاله حسام ويقدر يتكلم ويفيدهم اذا كان هالشخص هو اللي حاول قتله ولاساعده..
الدكتور المشرف على حاله حسام قالهم انه حالته مرره خطيره واذا مافاق من الغيبوبه خلال 48 ساعه احتمال يموت..
نواف يوم راح قسم الشرطه طلب منهم يكلم اهله دق عليهم انفجعوا بالخبر وام نواف بغت تروح فيها.. راح ابو نواف وابومشاري بيشوفون وش السالفه بالضبط حكى لهم نواف كل شئ وقالهم انه ان شاء الله واثق من براءته لانه ماسوى شئ غلط..

وانا بعد معك يانواف شد حيلك وخل ايمانك بالله قوي..
ولاتقول مثل مايقولون الناس..
يارب انا عندي مشكله كبيره قل يامشكله أنا عندي رب كبير
…………
الجزء انتهى ولكن بدت تساؤلات عديده تدور في اذهاننا جميعا..
عبير ومتعب إلى متى هالبرود بينهم ياترى هل راح يحصل شئ ويغير مجرى حياتهم ام سيستمرون على هالحياه الممله؟؟
نواف المسكين طاح بمصيبه هو ماله ذنب فيها تتوقعون يفيق حسام من غيبوبته ويقول الحقيقة ولا يموت ويروح فيها نواف؟؟
راكان ومحاولته المضنيه التقرب من هالعايله بيقدر يكون واحد منهم ويخطب ريما ولاراح يواجه اعتراضات من اهله؟؟
مها وخالد الحلم لمها اخيرا تحقق بس لخالد هل راح يكون بداية لمعانه جديده او انه راح يتاقلم مع الوضح ويقرب من مها اكثر؟؟
تفكير ريما الدائم براكان هل هو حب او انبهار واعجاب بشخصيته ولا يمكن مع الايام راح تتغير نظرتها؟؟
سعود والحياه اللي ينظر لها بمنظار اسود ياترى هل راح يقدر يلقى الانسانه اللي تعوضه عن عبير ويعيش حياه طبيعيه ام انه راح يبقى طول عمره عايش على ذكراها..؟؟
الأميرة دانة
17 - 09 - 2009, 03:33 AM
الجزء التاسع والعشرون
,,,,,,,,,,,,,,,,,,,,,,,,

اليوم ثالث يوم بعد الحدث المشؤوم توقعوا بكره يكون احسن.. كل يوم يقولون ربي يفرجها وتتحسن الاحوال لكن للاسف سمعوا خبر صعقهم كلهم بلا استثناء..

مات حسام
.....
مات حسام
.......

نواف دارت فيه الدنيا هاذي القشه الوحيده اللي كان متعلق فيها ان حسام يصحى من غيبوبته وربي يهديه ويعترف بكل شئ.. بعد الخبر الكل تجمع بالمستشفى كان عم حسام متواجد معه وهو وولده من الايام الاولى للحادث وهو انسان طيب يحب الخير له معرفه قديمه بهالعايله المسكين تاثر مره خاصه لمن حكوا له السالفه وان ولد اخوه هو البادي وهو اللي كان حاقد وفكر بالانتقام.. وقرروا تكون الصلاه عليه بكره بعد صلاه الظهر الكل راح يصلي عليه ويدعون له بالرحمه وبنفس الوقت كانوا شايلين هم ولدهم نواف اللي له كم يوم مرمي بالسجن..
من بكره عند المقبره بعد ماصلوا عليه وودوه المقبره بدى ولد عم حسام علي يصارخ ويتوعد ويتحلف فيهم انه ماراح يخلى دم ولد عمه يضيع هدر.. بس ابوه ماخلاه فشله قدام الناس وهاوشه وقاله كل شئ صار باراده رب العالمين وهالمواضيع ماتتناقش عند المقبره.. علي بعد ماسمع الكلام من ابوه سكت وماتكلم بحرف واحد..

اهل نواف بعد ماطلعوا من المقبره راحوا له السجن وجلسوا مع الضابط وقرر خالد يعمل خطوه جريئه وهو انه يمسك القضيه ويدافع عن ولد خاله اللي ماقصر معه اخذ كل الاوراق اللي تخص القضيه وراح قعد مع نواف وساله بعض الاسئله في محاوله انه يسقط الحكم عنه او يخففه عالاقل..





ام نواف مسكينه من يوم درت بالخبر من كم يوم وهي نفسيتها تعبانه واللي زادها وفاه حسام هذا معناته دمار مستقبل ولدي من كم يوم ماقامت من سجادتها طول وقتها رافعه يدينها للسماء وتدعو رب السموات والارض انه يخفف على ولدها ويطلع من هالمصيبه اللي طاح فيها من غير ذنب ارتكبه..
دخلت عليها ريما وسمعت امها تقول..

يارب اسألك من تحت سبع سموات يامن رفعت سبع وانزلت سبع ان لاتريني مكروها بولدي وترجعه لي بالسلامه..
اللهم ياحي ياقيوم اسألك باسمك الاعظم ان تحفظ ولدي لي وتجعلق قره عين لي ياارحم الراحمين..

ريما يوم سمعت امها تدعي لاخوها جلست تصيح بدون شعور ماحست بنفسها إلا صوتها بدى يعلى وركضت على سجاده امها وضمتها وجلسوا يصيحون الثنتين على حال نواف اللي كان كل شئ بالنسبه لهم..
دخلت عليهم عبير وشافتهم على ذا الحال زاد همها هم..
عبير والعبره خانقتها: يما.. ريما تعوذوا من ابليس ماصار شئ الحمدلله نواف حي يرزق..
ام نواف: الحمدلله على كل حال..
عبير: هو يبي منكم تدعون له ربي يخفف عنه.. والله يماه اللي يشوف مصيبه غيره تهون عنده مصيبته..
ريما يوم حست نفسها هدت باست راس امها وطلعت تاركه عبير تواسي امها لان اختها كانت متماسكه اكثر منها.. راحت لغرفتها وهي تحس انه في شئ كاتم على صدرها..
اااااااااه يارب نواف مسكين ماسوى شئ بدنياته عشان يصير هذا حاله من عرفته وهو يخاف على ويحبني ويقولي هذا صح وهذا غلط وزياده على كذا كان اكثر من اخوو كان صديق يجلس معنا ويضحك ويسولف.. مسكين اخوي وش ذنبه؟؟ وش ذنبه؟؟
ذنبه ان واحد حقير حطه براسه وحاول ينتقم منه استغفر الله العلي العظيم هذا واحد ميت ليش أنا اتكلم عنه كذا..
يارب لاتواخذني بس كله من قهري وحبي لاخوي..
يارب هو وقف معي يوم سالفه الجوال والصور وانقذني منه..
وفارس ماتركه يوم عرف الخرابيط اللي كان يسويها تعامل معه بمنطق وتقرب منه اكثر عشان يعلمه اللي يسويه غلط..
يارب حتى عبير بعد ماتطلقت ماقصر معها..
مسكين هذا جزاته بعد كل اللي سواه لنا..!!!!!!!!





في المجلس ببيت ابو نواف يخيم الحزن على الكل.. كانوا كلهم ملتمين وجالسين مع بعض إلا سعود وابوه ماعرفوا بالخبر إلا متاخر فما لقوا حجز عشان يرجعون.. خالد من يوم مادخلوا للبيت وهو جالس يتكلم ويشرح لهم كل شئ متعلق بالقانون ووخاصه جرايم القتل..
خالد: اللحين بعلم الجنايات في شئ اسمه حق عام وحق خاص.. العام هو للدوله وصعب اسقاطه بس في احتمال بسيط اذا كان هناك شئ قوي اما الحق الخاص فهو لازم تنازل اهل القتيل وبحاله نواف قتله ماكان عمد كان دفاع عن النفس..
ابو نواف وبصوت حزين: طيب هم وش عرفهم انه قاتل يدافع عن نفسه..
خالد: احلى شئ بالموضوع ان نواف كان مشتكي كذا مره على حسام بالشرطه وحتى حسام كان موقع على تعهدات عدم تعرض وهذا الشئ من صالح نواف..
ابو مشاري ويطالع ابو نواف: ياابراهيم تتوقع اهله يتنازلون؟؟
مشاري: هو من له اهل اصلا بالمقبره تو مافي إلا عمه وولد عمه اللي ازعجنا تو بصراخه..
ابو نواف: ربك كريم ان شاء الله بعد مايخلص عزاهم نروح كلنا عند ابوعلى عم حسام ونجلس معه هو ووعياله ونتفاهم معهم..
خالد: وان شاء الله ربي يهديهم ويتنازلون..
ابو مشاري: ابوعلى رجال طيب بس أنا خايف ان عياله سعد وعلى يعاندون ومايتنازلون..
خالد: لاتشيل هم ياخال اصلا لو واحد فيهم يتنازل يكفي عن الباقين..
ابو نواف: الله يبشرك بالخير ياوليدي





عبير لها كم يوم جالسه عند اهلها اليوم استحت على وجهها وقررت ترجع بيتها فشيله زوجها تاركها على راحتها تقوم تتمرد عليه صح هي مو متقبلته بس وش تسوي الحياه تحتاج تضحيه تستغرب عبير لمن تشوف خوات متعب يحبونه ويحترمونه مرره ويعتبرونه ابو لهم وهذا الشئ خلى هالانسان يكبر بعيونها وتحس انها تقدره وتحترمه بس معاملتهم مازالت بشكل رسمي نوعا ما..
سمعت صوت التلفون يدق رفعته كانت هناء اخت متعب..
عبير بصوت مبحوح: هلا
هناء: هلا والله بعبير.. وش فيك ياعمري وسعي صدرك..
عبير: كل هاللي صار وتبيني اوسع صدري..
هناء: الله ماالومك ياعبير لوانه متعب صاير فيه شئ كان انجنيت..
عبير: اااه الله يعين..
هناء: لا شكل حالتك ميؤس منها بجي عندك اللحين تبيني ولا لا؟؟
عبير: الله يحييك اقلها توسعين صدري..
هناء: اوكي دقايق وجايتك أنا ولينا..
بعد نص ساعه جو عندها البنات وجلست معهم..
عبير: ودي اسالك سؤال بس منحرجه..
لينا: عادي اساليني أنا اذا منحرجه من هناء..
ابتسمت عبير للينا وتصرفتها اللي تذكرها بريما اختها: هناء انتي ماشاء الله عليك حلووه ومخلصه دراستك ومو ناقصك شئ غريبه إلا الان ماتزوجتي.. أنا عارفه ان كل شئ قسمه ونصيب بس معتبرتك مثل اختي وسالتك..
هناء بابتسامه كلها حنان: صح كلامك كل شئ قسمه ونصيب بس أنا ابي اتزوج واحد مثل اخوي متعب بكل شئ ابيه يكون رجال بمعنى الكلمه والا الان ماجاء الانسان اللي احسه يملى عيني..
عبير وبخاطرها يالله لهالدرجه يحبونه طيب ليش أنا مااشوف فيه كل اللي يشوفونه ليه أنا بكمل الشهرين معه ومااحس باي مشاعر تجاهه صح هو ماقصر معي بشئ بس أنا مو متقبله وجوده بحياتي..
عبير بعد ماانتبهت لنفسها: الله يرزقك ياهناء والله انك طيبه وتستاهلين كل خير..
بعد ماكملوا ساعتين جالسين معه دخل عليهم اخوهم متعب جلسوا شوي بعدها استاذنوا بيطلعون راح متعب وداهم ورجع البيت حط راسه ونام وهذا كانت حالته من اخذ عبير تعود على هالهدوء الغريب بحياته وحتى هي كانت تنفذ له كل طلباته بس بينهم كثييييييييير حواجز..





وبعيد عن كل هاذي الاحداث كان في انسان جالس ويفكر ويحاول يربط الامور ببعضها ومستغرب ليه مايردون علي لافارس يرد ولاابوه وش قصتهم؟؟..
في ظل هذه الافكار كان صوت اهله جنبه يتكلمون ويسولفون..
حنان: هيييييي أنت وين سرحان؟؟..
ام راكان: شوي شوي عليه..
راكان ورجع للواقع: وش فيك انتي يالعربجيه لاتدفين؟؟..
ديمه عمرها 7 سنوات: خال راكان أنت ليه تقول عن امي عربجيه..؟؟
راكان: لانها هي عربجيه شوفيها كيف تدف ولاصعيدي..
حنان: الله يخلي لي بنتي تدافع عني وتاخذ لي حقوقي..
ديمه وهي رافعه يدينها للسماء: أنت تقول عن امي كذا يارب زوجتك تصير صعيديه..
راكان وحنان: هههههههههههههههه
راكان: هييي انتي وياها لاتقعدون تدعون على أنا وزوجتي..
ام راكان: بسم الله على وليدي..
حنان وهي تغمز لراكان: لااااااا ان شاء الله راكان محد راح يخطب له إلا أنا..
ام راكان: خليه يتخرج اول بعدين دوري له..
راكان وبتردد: طيب يماااا لو بتزوج اللحين عندك مانع..
حنان وماتبي امها تاخذ الموضوع جد اوتشك بشئ: كل ذا شفاحه عالعرس خلص دراستك اول بعدين أنا وديمه نخطبلك..
راكان: لااااااااااا انتي وديمه خلاص بطلت بقعد عزابي طول عمري..
ام راكان: هههههههههههه
راكان: ديمه اللي بتخطبينها زوجيها ابوك..
ديمه: لاوالله اصلا ابوي يحب امي كثير .. دايم يقولها احبك..
انحرجت حنان وانقلب لون وجهها..
راكان بخبث: بالله وش يقولون بعد؟؟.. امشي ديمه معي برى الحوش انتي صديقتي..
ام راكان: الله يستر على وليدي شكلي بزوجك الليله..
راكان: ههههههههههههههههههههههههههههههههههههههههههههه ههه
حنان: ديمه انثبري هنا وياويلك لو طلعتي معه..
راكان: هههههههههههههههههههه مصدقه وش ابي فيها هي وافلامها القديمه..
طلع ركب سيارته ويمشي فيها لهدف مجهول مايدري وين يروح مايدري البنت هاذي ليش من بد البنات سيطرت على تفكيري وهي شكلها ماطريت على بالها واهلها وش فيهم مايردون على اتصالاتي؟؟.. امرهم البيت ولا لا؟؟.. بس صعبه امر كذا من غير موعد بيقولون وش يبي ذا؟؟
استمر يدور بسيارته بدون أي غايه منشوده..
رفع تلفونه دق على رقم فارس واخيرا رد عليه وبعد السؤال عن الاحوال علمه فارس بمشكله اخوه .. تفأجا راكان بالسالفه وقال بنفسه جاء وقتك تتقرب منهم وتثبت نفسك عشان يصير اللي في بالك ياراكان..
راكان: وصف لي بيتكم..
فارس: تعرف شارع................
راكان: اوكيه سلم عالوالد وقله راكان بيمرنا خلال هاليومين..
فارس: اليوم..
راكان: لا اذا هدت اوضاعكم شوي.. فمان الله
فارس: فمان الله....





اليوم بعد ماوصل ابوسعود وسعود راحوا كلهم بيت السنافي عم حسام بيحاولون يضغطون عليه انه يتنازل عن الحق الخاص وهو حق اهل القتيل.. ماتوقعوا اللي صار رحب فيهم ابوعلى وتعذر منهم عن اللي سواه ولد اخوه وقالهم أنا عارفه من يوم هو صغير ماذي ابوه ومره ابوه والحركات هاذي مو غريبه عليه..
ابوعلى: الله يرحمه ويغفر له ويسامحه عاللي سواه أنا متنازل بس لاتنسونه من الدعاء
فرحوا كلهم وشكروه عاللي سواه وقالوا له ان شاء الله ربي مايضيع اجرك.. بس كانت فيه عيون بالمجلس مو عاجبها الوضع وتتمنى انها تعترض لكن باين ان على ابوه محذره يتكلم او يعترض..

بعدها ماطلعوا كلهم متجهين لمركز الشرطه عشان يوقع ابوعلى التنازل زاروا نواف..
ابونواف: ابشرك يانواف ابوعلى رجال طيب تنازل
نواف بنبرات حزينه: جزاه الله الف خير
سعود وابو سعود: وش اخبارك يانواف؟؟
نواف: مثل منتب شايفين..
ابومشاري: اصبر ياولدي الصبر زين
نواف: الوالده وش اخبارها؟؟
ابونواف: مسكينه امك دموعها ماتاقف..
نزل نواف راسه باسى
مشاري:لاتضيق صدرك يانواف خالد ماسك قضيتك وان شاء الله يقدر يساعدك..
نواف: وينه خالد اللحين.؟؟
ابو مشاري: دخل عند الضابط ومعه ابوعلى عشان يوقع عالتنازل..



خالد بعد ماقاله نواف كل شئ وانه تعرض له حسام كم مره راح يدور على مراكز الشرطه اللي كان مقدم فيها البلاغ وياخذ صور من ملفات القضايا واخذ بعد صوره من تعهد حسام الخطي بعدم التعرض.. بعد ماوقع ابوعلى عالتنازل اطلع الضابط عالاوراق والبلاغات اللي مع خالد.. الضابط: القضايا الجنايئه من هالنوع تطول اجرائتها.. واللحين بعد ماوقعوا اهل القتيل عالنتازل لازم تتحول اوراق نواف عالمحكمه وهم راح يقررون وش يصير..
خالد: متى راح تتحول اوراقه؟؟
الضابط: خلال هالاسبوع ان شاء الله
خالد وهو طالع : الله يكتب اللي فيه خير.. فمان الله
الضابط: ياليت تتاكد ان اوراقك كلها كامله قدام المحكمه..
خالد: ان شاء الله





عيال ابو مشاري كلهم في بيت ابونواف اللي كان الحزن مخيم عليه..
ساره: لاتضيقين صدرك ياريما..
ريما: مااقدر والله مااقدر
ساره: والله ضيقه الصدر ماراح ترجع شئ.. محدش واخد منها حاقه
ريما: أنا ان شفت امي ضايق صدرها ماامسك نفسي احس اني انهار على طول
مها: تعوذي من ابليس ياريما هذا كله من الشيطان..
ريما: اعوذ بالله من الشيطان الرجيم
ساره: امشوا خلونا نروح نجلس مع خالتي وامي..
ريما: ماابي أنا ان شفت امي بيضيق صدري
مها: وين عبير ماجتكم اليوم؟؟
ريما: لها اسبوع نايمه عندنا ماراحت إلا امس..
ساره: مسكينه ماتهنت من تزوجت..
ريما: خليني ادق عليها بشوف تجي اليوم ولا لا؟؟
راحت ريما تدق عليها طول يدق يدق يدق محد رفعها رجعت عند بنات عمها..
ريما: مدري وش فيها عبير ماترد
ساره وتحاول تلطف الجو: عادي ياريما وسعي صدرك مو بس انتي اللي ضايق صدرك حتى خالد ماسك قضيه نواف ومن يومها مها ماسمعت صوته..
مها: ياشين اللي يدخلون مواضيع بمواضيع..
ريما ورجعت لحالتها الطبيعيه: أنا الموضوع هذا بالذات عجبني سولفوا فيه..
ساره وهي تقلد مها لمن تكلم خالد.. مسكت الجوال: الووو.. هلا .. هاااا.. لالا مافيني شئ...... اييه اختى ساره عندي.. وتطلع من الغرفه كل يوم على ذا الحاله..
ريما: ههههههههههههههه طيب هذا اذا هو دق عليها ابي اذا هي دقت عليه..
ساره: اهاااااااا.. لاااا اذا هي دقت عليه لازم تتاكد ان الدور كامل مافيه احد و......
مها تقاطعها: ياسخفكم خل اروح اجلس مع امي وخالتي اصرف منكم..
ريما: هههههههههههههه تتاكد ان الدور كله فاضي هاذي بتفجر مو بتكلم..
دق التلفون..
رفعتها ريما: الوووو.. هلاوالله..... وينك ادق ماتردين...... اهاااااااا... طيب لاتتاخرين......
مع السلامه..
ساره: مييييين؟؟
ريما: عبير تقول انها بالطريق اللحين بتجي..





وصلت عبير دخلت البيت وزوجها دخل مجلس الرجال وهاذي اول مره سعود يشوف فيها زوج عبير لانه ماحضر الزواج..
متعب: السلام عليكم
الكل: وعليكم السلام
ابو نواف: هلا متعب حياك الله تفضل
سعود من يوم سمع اسم متعب على طول عرف انه هو هذا هو زوجها هذا صارت عبير له ياترى مبسوطه معه؟؟.. تحبه اكثر مني ؟؟.. ااااااااااه يالقهر صارت عبير اقرب له مني ..
ليه يالدنيا قسيتي على كذا ؟؟.. ليه يارب جاء بهالوقت بالذات؟؟.. أنا وش جابني للرياض؟؟..
تساؤلات كثيرة تدور بذهن سعود..
بهاللحظات حس سكاكين تقطع بقلبه.. يشوف زوج حبيبته قدامه وده يصرخ يقول عبير لي مو لك .. نفسه يروح يخطفها ويبعده عنهم كلهم.. بس ماباليد حيله..
متعب وهو حاس بالنظرات الغريبه الموجهه له: وش اخبار نواف ياخال؟؟
ابونواف: الله يعين ياولدي يامتعب..
ابو مشاري: خالد وينه تاخر لاجاء ولااتصل
مشاري: يقول عنده شغل بخصوص القضيه
ابوسعود: االله يوفقه يارب ويقدر يساعد نواف
ابونواف: امييييييين
دخل عليهم راكان سلم عليهم..
ابونواف: هذا راكان خوينا بمصر..
رحبوا فيه كلهم..
وجلس يواسيهم مع انه اول مره ينحط بهالموقف هو مو متعود على الجلسات الرسميه والعزاء وهالشكليات لانه شاب مثل شبابنا عايش حياته بس هالمره غير يبي يتقرب منهم باي طريقه عشان يفوز بقلب ريما..
سعود ويحس نفسه مخنوق: يلاااا استاذن أنا .. يبا بتجي معي ولا امرك بعدين..

ابومشاري: وش عندك بدري؟؟
سعود: عندي كم شغله اخلصهم وارجع..
ابو نواف: براحتك..
سعود: فمان الله
الكل: فمان الله

بعد ماطلع من عندهم جلس يدور بالسياره وهو حاس نفسه مخنوق يبي احد يشكي له مو لاقي يبي احد يسمعه بس للاسف كلن لاهي بدنياه..
كانت هي الوحيده اللي تسمع له وتخفف همومه كانت هي مصدر سعاده له .. كانت كل شئ بحياته.. بس اللحين ضاعت..





خالد صار شغله الشاغل قضيه نواف حتى مها من يومها ماسمع صوتها تدق عليه ويكون مشغول ولايحرص انه يرجع يدق عليها وهي الظاهر سمعت كلام ريهام وثقلت عليه..القضيه هاذي اول قضيه يمسكها اللحاله وده يثبت للجميع انه قدها جلس يقلب بالاوراق لعل وعسى يلاقي مدخل اوخيط يقدر يطلع نواف منها انفجر راسه مو قادر يمسك شئ واحد يساعد فيه نواف دق على خويه سلطان يبيه يجي يشتشيره ببعض الامور بماانه نفس تخصصه..
بعد ماجاء سلطان وجلسوا شوي..
سلطان: والله نواف مايستاهل الله يعينه..
خالد: تصدق لي كم يوم ادور على مراكز شرطه الرياض كل قسم يحولني على قسم..
سلطان: مافي شئ يجي بالساهل ياحبيبي اللي بيثبت نفسه لازم يتعب..
جلس خالد يسال سلطان عن بعض الاشياء..
خالد: اجل لازم بكره امر المستشار القانوني اللي عندنا بالمكتب ماشاء الله تبارك الله خبره مايفوت عليه شئ .. بكره بروح له واعرض عليه القضيه واتناقش أنا وياه..
سلطان: وش اخبار امورك العاطفيه ان شاء الله استقرت بعد الملكه..
خالد: يارجال خلها على ربك.. مافي جديد الجديد اني قدام الناس متزوج..
سلطان: اووووف لهالدرجه البنت وحبها لك ماقدروا ياثرون فيك..
خالد: شف أنا مااقولك اني اكرهها عادي مااحبها ولااكرهها بس اتقبلها..
سلطان: أنت بكبرك قضيه لازم واحد فاهم يدرسها..





من بكره الصباح..
عبيرتحس بتعب تحس خمول بكل جسمها ومن يوم قامت ماتحركت من السرير..
متعب: قومي خليني اوديك المستشفى
عبير: عادي شويه تعب.. أنا دايم كذا
متعب: مايخالف نتطمن عليك اكثر
عبير: روح أنت شغلك وانا اذا حسيت بتعب راح اكلمك..
متعب: الله يرحم حالك منتب داريه عن الدنيا اليوم خميس.. بروح اغسل وجهي بجي الاقيك لابسه..
سكتت عبير هالانسان يغرقني بجمايله من يوم اخذته وهو ماقصر معي بشئ.. بس أنا مو قادره اتقبله مو قادره اتاقلم مع وضعي.. اااااااااااه أنا احس بغربه فضيعه.. يارب اصلح حالي وثبتني وساعدني اني اتعايش مع الوضع يارب أنا ماابي اصير مطلقه للمره الثانيه..وحتى لو قسيت على نفسي وتماديت وتطلقت للمره الثانيه اهلى مساكين وش ذنبهم احملهم همي..
دخل عليها متعب: مالبستي
عبير وهي تقوم بتعب: دقايق واكون جاهزه..
لبست بثقل وطلعت لقت متعب ينتظرها بالسياره تحركت السياره والهدوء مسيطر عالوضع وصلوو المستشفى دخلوا عالدكتوره سوت لها تحاليل والمفأجاه كانت..

عبير حامل
.....

صارت مشاعر مختلطه بداخلها ماتدري تفرح ولا هذا مو وقته.. ولا ايش بالضبط.. سبحان الله اليوم الصباح كانت تفكر بالطلاق واللحين ربي يمن عليها بهالنعمه العظيمه وتحمل..
كل هذا وزوجها يطالع فيها ويبتسم..
طلعوا من عندها ركبوا السياره..
متعب: مبروك..
عبير وهي مازالت مو مصدقه: صدق أنا حامل؟؟..
متعب: ليه الدكتوره تو وش قالت انفلونزا..
عبير وهي تطالعه تقول بنفسها يستخف دمه بعد..
سبحان الله سنين عايشه مع سعود ربي ماكتب لي ولد منه واللحين بشهرين اصير حامل من متعب.. سبحانك يارب لك حكمه في كل شئ.. ترزق من تشاء بغير حساب..
قطع عليها سرحانها صوت متعب..
متعب: بهالمناسبه وين تروحين تفطرين؟؟
ماتدري ليش بهاللحظه تذكرت يوم تفك الجبس اللي بيدها وسعود قالها نفس الجمله
"بهالمناسبه وين تروحين تفطرين؟؟..

متعب: مارديتي علي..
عبير: بهالمناسبه ابي اروح ابشر اهلي والفطور ممدين عليه..
متعب: يعني نروح بيت اهلك..
عبير: ايه مساكين خل يفرحون من بعد سالفه نواف وكلهم ضايقه صدورهم..
متعب: زين سلمي عليهم ودقي علي اذا بغيتيني امرك..
وصلت بيت اهلها دخلت لقت امها بالصاله باست راسها وجلست معها..
عبير: يما عندي لك خبر
ام نواف وهي تتنهد لانها تحس من بعد ولدها مافي أي خبر يفرحها: خير يماه
عبير: أنا حامل
ام نواف وهي مو مصدقه: الله يبشرك بالخير.. الله يبشرك بالخير ..خليني اقوم ابشر ابوك
عبير: لااااااااااا يما استحي اذا رحت علميه
دخلت عليهم ريما وشافت عبير وامها يتكلمون بصوت واطئ..
ريما: وش عندكم اخبار حصريه لامي بس؟؟..
عبير: ههههههههههههه
ام نواف: باركي لاختك حامل..
ريما تطالع عبير بنظرات غريبه: حامل!!.. كيف؟؟
عبير: حلوه ذي اللي كيف.. زي الناس
ام نواف: الحمدلله والشكر..
ريما اللي انحرجت وحست سؤالها ماله داعي: لابس قصدي مسرع..
عبير وتغير لون وجهها: قولي ماشاء الله لايطلع حمل كاذب..
انبسطت ام نواف على هالخبر وعبير حست بنشوه انها قدرت تخطف الابتسامه من وجه امها بعد الحزن اللي له فتره مافارقها..





ابوسعود: ياسعود أنت ليش تضيق صدرك كذا؟؟..
سعود يطالع ابوه وهو مستغرب: يبا من قال اني مضيق صدري..
ابوسعود: علينا ياسعود أنا ابوك مو أي احد ثاني.. أنت على بالك أنا ماحسيت فيك قبل كم يوم عند عمك..
التفت سعود عالجهه الثانيه وضاق صدره يبي ينسى بس ابوه الله يهديه جابه عالجرح..
ابوسعود: أنت من يوم مادخلت بيت عمك وأنت ضايق صدرك واللي زاد الطين بله يوم شفت متعب رجل عبير.. ياسعود انسى وعيش حياتك البنت صارت مو لك..
سعود بتوسل: يبا الله يخليك..
ابوسعود: الاااا متى أنت بتظل على هالحال البنت وخلاص تزوجت أنت ليش ماتتزوج؟؟..
سعود: اتزوج؟؟؟......
ابوسعود: ايه تتزوج.. ليه أنا قايل شئ غريب..
سعود: صعبه يايبا صعبه..
ابوسعود: أنت لو تشيل عبير من راسك كان احنا بخير..
سعود: يبا وش دخل عبير بالموضوع..؟؟
ابوسعود: اساسا اللي احنا فيه كله صار بعد عبير.. خلاص ياسعود البنت بذمه واحد ثاني مايجوز تفكر فيها..
سعود: استغفر الله العلى العظيم.. يبا ومن قالك اني افكر فيها..؟؟
ابوسعود: كيفك سو اللي يريحك بس نصيحه مني تزوج وريح نفسك وريحني..
سرح سعود بعالم اخر..
ااااااااااااه ياعبير رحتي وخليتيني اعاني اللحالي رحتي وكل الناس حاسين بلوعتي لفراقك اثاري عيوني فاضحتني وانا مسوي نفسي قوي ومتماسك قدام الكل..
يااااااااااااااااالهي ساعدني واجبرني في مصيبتي..





خلود جايه الرياض وتصادفت جيتها مع هالسالفه اللي صايره ووجودها جنب ريما اعطاها بعض القوه اللي كانت فاقدتها..
خلود: ريماااااااا اول مره اشوفك متضايقه كذا تكفين اضحكي.. ابي اشوف ريما الاصليه..
ريما: ليه اللحين أنا تقليد..
خلود: حتى صايره ثقيله دم.. شوفي أنا ماانقبلت بالكليه ولاضيقت صدري ولاشئ قلت يمكن خيره..
ريما: ضايق صدري على اخوي..مسكين ماعنده احد يونسه
خلود: الله يلوم اللي يلومك.. بس ماعليك أنا بروح لهم السجن وبقول زوجوني نواف عشان اجلس معه هناك واوسع صدره..
ريما: فكره..
خلود: اقول اهجدي بس.. والله اني طفشانه ودي ارجع عندكم الرياض..
ريما: أنا ان شاء الله جايبتك الرياض جايبتك..
خلود: وش اخبار الماما وعبير..؟؟
ريما: اسكتي ياشيخه كلن بقلبه هم..
خلود: لييييييييه وش فيكم؟؟..
ريما: امي من بعد ماعرفت بسالفه نواف وهي حالتها حاله.. وعبير مدري كيف احسها مو مرتاحه بزواجها وانا من بدت الدراسه وانا ماادري عنها..
خلود: الله يعينكم.. هاااااااا كيف حلوه الصيدله؟؟..
ريما: اقولك مدري عن شئ.. اسكتي ياخلود وحنا بمصر شفت واحد يجنن
خلود: ايووووووا اللحين طلعت السواليف..
قعدت تحكي لها ريما كل شئ عن راكان ومواقفه معها..
خلود: اثاريك منتب هينه.. تحبينه ياريما؟؟..
ريما: مدري يمكن هو مو حب اعجاب..
خلود: وريني صورته..
بعد مافتحت ريما الميموري لخلود..
خلود: وااااااااو حلو ياريما
ريما: داريه..
خلود: ههههههههههه البنت رايحه فيها..
ريما: لاااااااابعد انتي لوشفتيه عالطبيعه وهو يضحك تدوخين ولاهو يسولف رهيب..
خلود: لاااااااا انتي حالتك ميؤس منها..
……………
ويا ترى...
هل ستمضي الايام مليئه بالاحزان عليهم .. او ابواب السعادة ستفتح بوجه هذه العائلة؟؟
عبير ما الجديد في حياتها هل ستظل كما هي ام ان خبر حملها سوف يغير حياتها للافضل..؟
نواف الشاب المتزن في كل امور حياته حصل له مالم يكن بالحسبان مامصيره وماذا يخبئ له القدر؟؟
ريما الانسانه الحالمه الشفافه توقفت فجأه عن احلامها والتفكير في مستقبلها للظروف الطارئه التي مرت بها العائله والان هل ستستمر وتحارب الظروف ام ان هذا فوق طاقتها؟؟
خالد والقضيه المصيريه التي تبناها وفعل الكثير من اجلها هل ستكون بداية لنجاحات مستقبليه ام سيندم لتبنيه القضيه؟؟
ام نواف المؤمنه الصابره مامصيرها خاصه في هذا الوقت التي تنتظر فيه النطق بالحكم.؟؟
مها بعد ان تحقق حلمها اتت هذه الظروف القاسيه لتبعدها عن خالد ماهو موقفها من تجاهله وانشغاله عنها هذه المده؟؟..
راكان ماذا سيحصل له؟؟..
ياترى ماذا تخبى لهم الايام؟؟..
ستطري بعض من التغيرات عليهم وعلى حياتهم تابعونا وراح تنكشف امامكم الحقائق..
الأميرة دانة
17 - 09 - 2009, 03:35 AM
الجزء الثلاثون
,,,,,,,,,,,,,
اليوم جلسه المحكمه اليوم النطق بالحكم اليوم يصدر الحكم النهائي بقضيه نواف الكل مترقب ياتري هاليوم بيصير يوم شؤم عليه وينحكم عليه بحكم وشهور سجن ولا راح يكون اول يوم لحريته بعد هالاسابيع اللي قضاها بالسجن..
ابو نواف: الله يكتب اللي فيه الخير
ابو مشاري: تماسك اكثر عشان نواف
راكان بعد حاضر معهم: ياعم خل ايمانك بالله قوي
سعود: الله يستر
ابو نواف: الله يفك اسرك ياولدي
وعيون نواف تترقبهم وكل حركتهم وكل كلمه تقال يسمعها وهو يحس بالم وجرح فظيع بداخله..
خالد واقف قريب من القاضي بصفته الموكل لنواف.. بذل الايام اللي راحت اقصى جهده للدفاع عن ولد خاله اللي رباه وهذا اقل شئ يقدمه له.. بعد ماقدم لهم خالد كل الاثباتات الدلائل اللي تبرئ نواف بقى شئ واحد اللي هو الشهود مافي دليل واحد يثبت ان حسام هو اللي تعرض له وان نواف دافع عن نفسه خالد هداهم وقالهم مهما صار الحكم ماراح يكون كثير راح يكون مخفف لانه كل الادله اللي معه تقول ان حسام تعرض كذا مره له والبلاغات المسجله بالشرطه تثبت هالشئ ..
نطق القاضي بالحكم..

.........

"السجن لمده 12 شهر يعني سنه كامله"
..........

وطبعا مايحتاج اقولكم عن ردات الفعل الكل تضايق والكل زعلان..
سعود: واالله نواف مايستاهل
ابونواف: لاحول ولاقوه إلا بالله..
ابو مشاري: قدر الله وماشاء فعل..
ابونواف: الله يصبر امه.. مشكور ياولدي ياخالد ماقصرت..
خالد: كان ودي يسقط الحكم بس والله مابيدي شئ
راكان: الحمدلله سنه غيره ياخذ له سنين..
ابوسعود: ان شاء الله تمر بغمضه عين
ابونواف: نواف شد حيلك ياولدي هذا شئ كاتبه لك رب العالمين..
ابومشاري: هذا ابتلاء يانواف يمكن ربي بيختبرك تصبر ولا لا..
كل ذا نواف يسمعهم وهو منزل راسه ومارد عليهم..
ودعوه طلعوا من عنده وراحوا البيت ام نواف اول ماسمعت الخبر طاحت عليهم وودوها المستشفى وراح يومهم كله على السجن والمحكمه واخيرا المستشفى..


من بكره في المستشفى..
ريما ودموعها بعينها: مسكين والله نواف مايستاهل اللي يصير له
عبير وباين عليها الاجهاد: اووووش لاتسمعك امي
ابونواف: أنا بروح اكلم الدكتور انتبهوا لامكم ان صحت
ريما: يبا أنا خايفه على امي
ابونواف: لاحول ولاقوه إلا بالله.. فارس انتبه لخواتك
فارس ويحاول يبين انه اكثر تماسك: ان شاء الله يبا..
دق تلفون فارس..
فارس: الوووووو
راكان: هلا فارس وش اخبارك؟؟.. وش اخبار الوالد والوالده؟؟..
فارس: الحمدلله بس والله امي من عرفت بالخبر طاحت علينا وهي اللحين بالمستشفى..
راكان: لاااا الله يقومها بالسلامه قدامها العافيه..
فارس: الله يسلمك..
راكان: أي مستشفى؟؟
فارس: مستشفى الملك خالد
راكان: اوكي سلم عالوالد.. مع السلامه
فارس: مع السلامه..

ريما التفتت على فارس: ميييييين؟؟..
فارس: راكان..
عبير: مين راكان؟؟..
فارس: اللي تعرفنا عليه بمصر..
ريما: وش يبي داق..
فارس: يسال عن امي
عبير: هو من وين يعرف انها هنا عشان يسال..
فارس: وين اصلا هو جانا مره البيت وقعد مع عماني ويوم جلسه المحكمه حضر..
ريما: حضر المحكمه.. ليش وش يبي؟؟
فارس: مدري.. بس ابوي مره يحبه يقول عنه رجال..
استغربت ريما من راكان وش قصه اهتمامه باخوي واللحين يسأل عن امي وحتى لو انه مثل مايقول ابوي طيب مو لهالدرجه يحضر جلسه واحد مايعرفه.. ايييييه وش علي أنا منه كيفه يسوي اللي يبي أنا اهم شئ عندي امي تقوم بالسلامه..





وفي بيت اهل راكان قاعد ساعه يقنع امه..
راكان: هااااا يما وش رايك تروحين..
ام راكان: بس أنا مااعرفهم عشان اروح
راكان: يكفي انها تصير ام صديقي..
ام راكان: بس والله استحي مااعرفها..
راكان: يما الحرمه تمر بظروف صعبه تخيلي لو أنا مكان ولدها نواف وانسجنت وش بتسوين؟؟
ام راكان: بسم الله عليك.. بس هذا نواف صديقك اول مره اسمع فيه..
راكان: مثل ماقلت لك يما هو اعرفه من زمان بس مااشوفه الاقليل وزي ماحكيت لك عنه الولد طيب وبحاله بس صارت سالفه مضاربه شباب وخرابيط وهو راح فيها..
سكتت ام راكان تفكر...
راكان: يما منتي واثقه فيني وباختياري أنا كل اصدقائي طيبين وخلوقين بس هذا الانسان ظلمته الدنيا.. يماااااا طلبتك روحي زوري امه فرحيها خليها تحس ان الناس واقفين معها..
وبعد محاولات مضنيه وافقت امه انه تروح تزور ام خويه الوهمي نواف..
راحوا المستشفى وسال بالرسيبشن عن رقم غرفتها يوم دلوه راح وصل امه ووقف بالباب يسلم على ام نواف..
ام راكان وبعد السلام والتحمد عالسلامه وعرفتها بنفسها انها انها ام صديق نواف..
ام راكان: راكان يبي يسلم عليك..
ام نواف واللي كان باين عليها التعب: الله يسلمه .. وينه؟؟..
راكان: السلام عليكم..
ام نواف: وعليكم السلام
راكان: ماتشوفين شر ياخاله..
ام نواف الشر مايجيك..
راكان وهو يحاول يستشف او يسمع أي اصوات تدل على وجودها بس للاسف الظاهر مافي احد: طهور ان شاء الله.. ولاتضيقين صدرك ياخاله نواف باذن الله ربي بيكون معه
ام نواف: ونعم بالله..
راكان: اجل وين ابو نواف وفارس؟؟..
ام نواف: والله من الصبح كانوا هنا بس جاعوا وراحوا ياكلون لهم شئ بعد شوي بيجون..
راكان: على خير ان شاء الله.. توصين على شئ ياخاله..
ام نواف: سلامتك..
جلس راكان بالانتظار وبيضرب عصفورين بحجر منها امه تعقد مع ام نواف ومنها ينتظر لعل وعسى انه يقدر يشوف ريما حبيبه القلب..
.
.
صار لهم اكثر من نص ساعه بالمستشفى ولابينوا تاخروا كل ذا مطعم ماصارت..
هذا كله يدور براس راكان وامه ازعجته بالاتصالات لانها حست انها طولت عند الحرمه وهي مريضه وتحتاج راحه..

فقد الأمل انه يشوفها بس قال بنفسه اهم شئ سوينا الواجب..
دق على امه وقالها تطلع مشوا وهو وامه بالممرات لما وصلوا عند الاصنصير ضغطوا الزر انفتح الاصنصير وطلعوا منه ناس وهالناس كانوا

ابو نواف وريما وفارس..

اسفهل وتهلهل وجه راكان بشوفتهم وبنفس الوقت حس بالارتباك لوجود ريما بس شك بالموضوع هو مو متاكد منها اذا هالبنت فعلا ريما ولا لا؟؟.. لانها مغطيه وجهها وبمصر كانت كاشفه .. فصعبه انه من العبايه يميزها..
راكان: هلا والله الحمدلله على سلامه ام نواف..
ابو نواف: الله يسلمك ياولدي..
راكان: كيفك فارس؟؟..
فارس: تمام الحمدلله
راكان: هاذي الوالده جت معي تسلم على خالتي..
ابونواف: الله يجزاها خير.. والله ونعم التربيه ياام راكان ولدك رجال الله يخليه لك..
ام راكان: الله يسلمك.. ويفرج همكم بنواف..
راكان وهو يحاول يركز على عيون ريما: يلا فمان الله ياعم تامر على شئ..
ابونواف: سلامتك..
كل ذا وريما معلقه عيونها براكان وهو لاهي بالسوالف مع ابوها بس كل شوي يلتفت عليها وتتفشل انها جالسه تتطالعه بالاخير نزلت عيونها للارض وهي تكلم نفسها..
ياربي وش عنده جاي يزور امي وش كل هالاهتمام فينا..؟؟
وليش مكلف على عمره وجايب امه معه؟؟..
لاوباين عليه بعد انه ابوي يعزه يمدحه.. وش القصه؟؟..
شئ غريب.. كل التساؤلات خطرت في بال ريما إلا شئ واحد انه يحبها هالشئ ماجاء في بالها ابدا..

راكان بالسياره مع امه والهدوء عام المكان ياترى هي اللي تو شفتها؟؟..
اكييييد انها هي نفس العيون.. بس مو شرط يمكن اختها تشبه عيونها..؟؟ بس اختها تزوجت اكيد هي ريما ولا ماكانت جت مع ابوها..
بعدين نظراتها لي دليل وحده تعرفني مو نظرات وحده عاديه..

بعد ماطلعوا راكان وامه من عندها وكل شخص ألف عالثاني وحست ام راكان ان هالحرمه طيبه وعلى نياتها وحتى ام نواف قالت بنفسها ماشاء الله على هالاصدقاء الطيبين اللي مايتخلون عن اصدقائهم بوقت الشده.. دخل عليها الدكتور وقالها انها اليوم احسن وتقدر بكره تطلع من المستشفى..





مها ماسكه جوالها وتدور بالغرفه تحس بالتوتر دقت اليوم على خالد ثلاث مرات ولارد عليها مع ان القضيه انتهت من كم يوم..
وش فيه مايرد؟؟.. وش اللي شاغله عني؟؟.. ولايمكن يشوف اتصالاتي ويطنش؟؟..
مو كفايه مستحمله بروده الايام اللي راحت .. هو ليش يعاملني كذا؟؟..
وفي ظل هالتساؤلات سمعت صوت جوالها كان المتصل خالد..
خالد: الووووو
مها ببرود مصطنع: هلا وينك؟؟..
خالد: معليش كنت نايم لي اسبوع مانمت زين..
مها: طيب اقل شئ ارسلي مسج قل انك بتنام او مشغول.. اليوم دقيت عليك مارديت وامس نفس الشئ..
خالد: والله اني تعبان ارجع البيت احط راسي وانام..
مها: اييييييه لو اني اهمك كان ماطنشتني كذا..
دقيقه صمت..
خالد وبدى يتضايق من كلامها: خلاص مها وش اخبارك؟؟..
مها: بخير..
خالد: وش اخبار الوالد والوالده؟؟..
مها: كلهم بخير..
دقيقه صمت ثانيه..
خالد: وش فيك ساكته؟؟..
مها وبتنهيده: سلامتك مافيني شئ..
خالد اللي حاس ان الجو تكهرب: خلاص مها اتركك اللحين اكلمك وقت ثاني..
مها: براحتك..
خالد: مع السلامه..
مها: خالد..
خالد: هلا..
مها: انتبه لنفسك..
خالد بابتسامه: ايييييييييه كذا الواحد يتكلم مو قبل شوي..
مها: خالد مشتاقتلك..
خالد: اشتاقت لك العافيه..
دقيقه صمت ثالثه..
خالد انحرج وماعرف وش يرد لانه مايكن لها أي مشاعر يمكن بس يرحمها اذا شافها متعلقه فيه..
خالد: شوفي بحاول بكره امركم البيت ونطلع نتعشى بره وش رايك..
مها اللي باين من صوتها انها فرحت: خلاص وبقول لاهلي وارد لك..
خالد: انتظرك.. مع السلامه
مها: مع السلامه..





امس نزلت خاطره قصيره في المنتدى بقسم الشعر والخواطر هي مو من عادتها تدخل هالقسم دايم تكون متواجده بالفرفشه بس اليوم مشاعرها غير اليوم مضطره تكتب بعض مايجتاح صدرها اشتاقت لاخوها الغالي اللي انظلم بسبب هو ماله ذنب فيه.. يااااااااااه ياخوي فقدتك.. احبك وتوني احس بغلاك كل شئ بالبيت مشتاق لك.. كلنا محتاجين لك الله يرجعك لنا بالسلامه ويصبرنا..
فتحت المنتدي بتشوف من راد عليها قعدت ريما تقرا الردود وابتسمت..
اول شئ اتركم مع الخاطره بعدين الردود..

" ذكراه تؤلمني.. واطيافه تعيدني إلى ماضي وتقتلني.. احاول محوها من ذاكرتي لكن ذاك الشخص المتجسد في اعماقي يابى الخروج.. فحنانه اعاد الي طفولتي المنسيه وحبه ملأ روحي التي تعلقت به وتاثرت لفراقه كيف لي ان انسى.. اانسى؟؟.. لن انسى مهما حاولت اراه يلازمني في صحوي ومنامي وغدوي ورواحي..
قسى القدر على ذاك الشخص الذي وقف بجانبي واسندني على ذراعيه بعد ان ظللت اتخبط طويلا في الطرقات..
سانتظرك مهما طال بعادك عني.. سابقى اعد الايام حتى تعود الينا كما كنت..
أنت في قلوبنا اخي قبل ان تكون في ذكرياتنا..
كل شئ حولنا يذكرنا بك لانك كنت كل شئ بالنسبه لنا.."


الردود.....

%% Saudi4ever %%
.. لايفوتكم حصري لاول مره المرعبه نتزل موضوع بالخواطر..
وسعي صدرك الدنيا ماتستاهل نضيق صدورنا عليها..
الله يجعلها يارب خاتمه احزانك>> على باله بعزاء


%% اففف كل الأسماء موجودة %%
^
^
ترى هذا نك نيم ...
....
.. يؤ يؤ يؤ وش القصه المرعبه زايرتنا اليوم.. اللهم اجعله خير..


%% UNKNOW %%

اقول المرعبة قسم الفرفشة الشارع الثاني بعد الاشارة لفي يمين ....
تصدقون أنا اول مرة ادخل هالقسم ..بس شفت اسمك موجود قلت خل نشوف وش القصـة ...
طلعتي منتب هينــة يا بنية موهوبة بجميع المجالات ..
اعترفي بس من أي مجلــة مشلحتها ...
<< تحسونه ناشب .....


%% وليـــد %%
خاطره رائعه تنم عن حزن عميق .. ننتظر جديدك


في الشركه اللي يشتغل فيها نواف.. وليد شيك على ايملاته ولقى عالماسنجر واحد اون لاين جلس يتكلم معه شوي وبعدين دخل على منتدى نواف " خيال" كان مستغرب توه قاري خاطره المرعبه ورد عليها هو مايدري انها اخت نواف ولاشك لحظه وحده بهالشئ بس مايدري ليش هالبنت تعجبه بكل شئ خفه دمها واسلوبها ومرحها الدائم بس اليوم على غير عادتها مكتئبه وحزينه مسكينه وش فيها ياترى؟؟..
شكلها فاقده احد عزيز عليها..
من قرئتي لخاطرتها استنتجت ان اخوها مسافر يدرس برى اوصاير له حادث او...
وبنفس هاللحظه تذكر نواف وتنهد بعمق مسكين والله مايستاهل كل اللي صار له والله الشركه صارت ماتسوى بدونه صار الواحد يدخل بقرف يكمل شغله ويطلع مو مثل اول نحس كننا جايين نادي نجتمع نضحك ونسولف نرفه عن انفسنا..
دخل عليه فيصل..
فيصل: السلام عليكم..
وليد: وعليكم السلام..
فيصل: وين هاني مو هو معك في المكتب؟؟..
وليد: مدري عنه شكله ماداوم اليوم..
فيصل: وأنت وش فيك شكلك ضايق صدرك؟؟..
وليد: ابد سلامتك.. ماتدري عن نواف وش اخباره؟؟..
فيصل هز راسه باسى: لاوالله وش رايك نروح نزوره..
وليد: اوكي أي وقت بتروح علمني وانا بجي معك..
فيصل: تصدق توني مار من عند مكتبه لقيته مقفل ضاق صدري بالعاده هو اول من يجي ومكتبه دايم مفتوح والكل اذا ضاقت صدورهم دخلوا عنده يغيرون جوو..
وليد: دوام الحال من المحال..
فيصل: تصدق احسن شئ سواه انه مااخذ اجازه من زمان يعني عنده رصيد اجازات..
وليد: بس لاتنسى يافيصل هو محكوم عليه سنه كامله تتوقع يصبرون عليه؟؟..
فيصل: مو على كيفهم اصلا هم يحصلون واحد مثله مهتم ومخلص لعمله بشكل مو طبيعي..
وليد: الله يعينه على ماجاه..





الساعه8 مساء...
خالد راح بيت خاله بعد ماقلت له مها ان اهلها ماعندهم مانع انهم يطلعون اليوم.. دخل البيت سلم على خاله ومره خاله وجلس يتقهوى معهم وبعد شوي نزلت لهم مها كانت لابسه تنوره مقلمه اسود وابيض واحمر وبودي احمر وفوقها بلوفر اسود وحاطه ميك أب خفيف كحل اسود غامق وبلاشر وردي وقلوز وردي..
( كنت برفق الصوره بس احترق الفلم قهر فيه 36 صوره هيهيهيههااهاهااااااا )
اول مادخلت طالع خالد فيها باعجاب لان اللون الاحمر كان واخد منها حته..
مها: السلام عليكم
الكل: وعليكم السلام
خالد: هلا مها وش اخبارك؟؟
مها: بخير الحمدلله
خالد: يلا ياخال اجل نستأذن..
ابومشاري: لاتتاخرون..
خالد: ان شاء الله..
ام مشاري: انتبهوا لانفسكم..
خالد: توصون على شئ
ابومشاري: سلامتكم..
طلعوا خالد ومها ركبوا السياره .. مها تحس بشعور غريب اول مره تجلس مع خالد اللحالها وبهالقرب..
خالد يحاول يقطع الصمت: وين تبين تروح؟؟
مها: أي مكان يريحك
خالد: اجل يلا نروح على شقتي..
مها وبصدمه: وين؟؟!!!!!!!!!
خالد: مو انتي تقولين كيفك.. أنا ارتاح ببيتي
مها: لا لااااااااااااااا خلاص ودني أي مكان لو فوال
خالد: هههههههههههههههههههه حلوه ذي فوال.. ماتبين مطبق وطعميه بعد..
مها وهي منحرجه: ودنا أي مكان حلو
سكت خالد وهو يضحك بداخله عليها ياحليلها خافت على بالها من جد بوديها للبيت.. شغل الراديو وكان فيه اغنيه قديمه شوي قفله وساد الصمت بينهم مره ثانيه ..
خالد: يلاااااا مها وصلنا انزلي
نزلوا المطعم كان هادئ واضائته خافته واغلب اللي فيه باين مخطوبين او توهم متزوجين اوواحد وخويته مدري الهيئه وينها عنهم الله يصلحهم بس
لقوا مكان فاضي جلسوا فيه اول شئ طلبوا عصير..
خالد: وش فيك يامها احسك مو مرتاحه
مها تطالع فيه وتكلم نفسها تقول اماااااااا مو مرتاحه إلا هاذي اسعد لحظه بحياتي..
مها: لا بالعكس..
خالد: مها انتي عارفه ان زواجنا المفروض يكون بعد شهرين بس عشان قضيه نواف صعبه لازم نأجله ولا وش رايك؟؟..
مها: كلامك صح..
خالد: عشان كذا أنا كنت ادور لنا شقه الفتره اللي راحت لقيت وحده بس انها عاديه وبما أنا بناجل الموضوع فانا بدور شئ ازين والاثاث انتي اختاريه..
مها: لامو مشكله خل الاثاث على ذوقك..
خالد: لامايصير هذا بيتك.. اجل وش رايك أنا ااثث البيت كله وانتي اختاري غرفه النوم..
مها وانقلب لون وجهها: لا كله اختاره أنت
خالد: لا بــ....
دق جوال خالد طلعه بيشوف مين طلع المتصل سلطان ومها حمدت ربها بسرها على هالاتصال اللي انقذها وفكها من هالاحراج..
خالد: هلا وغلا فيك
سلطان: وينك ياخي أنت مختفي..
خالد: عندي شغل..
سلطان: قل والله.. كل العالم يشتغلون وماصاروا مثلك
خالد: بس أنا مو أي احد أنا خالد
سلطان: اقول بس لايكثر وينك فيه اللحين تعالي ابيك..
خالد يطالع بمها وماوده يتكلم قدامها: والله عندي شغل بعدين اقولك..
سلطان: وش اخبار نواف؟؟؟..
خالد: الله يعينه والله من يوم المحكمه ماشفته بحاول ازوره هاليومين..
سلطان: خذني معك..
خالد بروح مرحه: يلاااااااا اخلص علينا ياخي وش تبي داق؟؟..
سلطان: وش اخبارك أنت وزوجتك..؟؟
خالد وهو يضحك: ياخي اطلع من حياتي أنت وانا بخير..
سلطان اللي كان متعود على اسلوب خالد: ههههههههههههههههه اوكي يلا مع السلامه
خالد: مع السلامه..
مها تطالع فيه وهي مستغربه من اسلوبه وتقول بنفسها معقوله هو يعامل كل الناس كذا اسلوبه مره جاف..
خالد: معليش طول المكالمه وهي قصيره بس حبيبي سلطان مايهون على.. وش تبين تاكلين؟؟..
مها وتكلم نفسها هذا وهو مايهون عليه يعامله كذا: على ذوقك..
طلبوا العشاء جلسوا ياكلون وتناقشوا ببعض الامور..
خالد: يلا يامها تاخرنا اخاف خالي اللحين يزعل..
طلعوا الاثنين ركبوا السياره وساد الصمت بينهم لما قطع عليهم صوت الجوال وكان سلطان مره ثانيه..
خالد يطالع الجوال وهو يضحك: ياحليله ذا سلطان والله احبه هالانسان
مها: طيب ليه ماترد عليه؟؟
خالد: كيفه بعد شوي ارد عليه..
مها بخاطرها اثاري أنا ان دقيت عليه يشوف اتصالي ويطنش كذا..
خالد: تصدقين من حبي له بسمي اول ولد يجينا سلطان وش رايك حلو الاسم..
مها وتحمد ربها انها متغطيه: ااا.. ايه حلو
خالد وهو يبتسم: اكيد حلو..
وصلوا للبيت نزلت مها وخالد رفع تلفونه ودق على سلطان..


مها دخلت غرفتها وجلست وهي تحس انها تحلم ياااااااااه أنا قبل شوي كنت معه مااصدق.. احبه هالانسان واحس اني مااقدر اعيش من غيره..
تذكرت سالفه تاجيل الزواج.. ياترى هو فاتح ابوي اليوم بالموضوع ولا اخذ رايي اول؟؟.. يعني وشلون اللحين اتكلم واقول لاهلي ولاهو بيفتح معهم الموضوع؟؟.. مو مشكله ان كلمني بكره سالته.. بس لاوشلون اسأله استحي خالد يستغل هالفرص ويحب يحرجني.. وااااااااااو كلامه اليوم كله تلميحات وانا مدري شلون استحملت..
هجمت عليها ساره..
ساره: عادت الاميره الحالمه..
مها: هلا وين كنتي؟؟..
ساره: خليني أنا وين كنت.. انتي وش اخبارك مع البرنسيس خالد..
مها: لاتقولين كذا على زوجي..
ساره: احلى زوجك شوي وتقولين لاتسبين عيالي بعد..
مها: ههههههههههههه
ساره: وين رحتوا أي مطعم؟؟..
مها وبتهبل بساره: مارحنا مطعم..
ساره: اجل وين رحتوا؟؟..
مها: رحنا شقه خالد..
ساره وهي مصدومه: احلفي..
مها: ليش يعني مو مصدقتني..
ساره: والله لو ابوي يدري بتروحين فيها انتي وياه
مها: ههههههههه والله لو اني طالعه مع خويي تراه زوجي..
ساره: مها انتي تستهبلين ولا جاده..
مها: لاتلوميني احبه ياساره احبه..
ساره: اووووف من متى؟؟
مها: من زمان بس كاتمه بقلبي وساكته..
ساره: ساره لاتصرفين نرجع لموضوع الشقه..
مها: هههههههههههههههههههه وين انتي من جدك صدقتي أنا اسويها..
ساره: الله ياخذك خوفتيني.. بس كنت ناويه استخدم هالسالفه سلاح ضدك بالحروب..
مها: اجل ربي يحبني فكني منك..





توه نازل من السياره..
راكان: الووووو هلا حنان افتحي لي الباب أنا عند بيتك..
حنان: يلا هاذاني جايه .. مع السلامه
نزلت بنتها ديمه تحت فتحت الباب ودخلته الصاله اللي متعود يجلس فيها كل ماجاها..
راكان: وين ماما؟؟..
ديمه: بالصاله
وبعد مادخل راكان...
راكان: وش اخبار رجلك من زمان عنه؟؟
حنان: يسلم عليك.. هو بعد صلاه العصر يطلع أنت دايم ماتجي إلا ويكون توه طالع..
راكان: يلاااااا مره ثانيه
حنان: وبعدين أنت مختفي لك اكثر من اسبوعين ماطبيت بيتي..
راكان: اشوفك عند امي يكفي
حنان: بس مو من عوايدك بالعاده مايمر اسبوع إلا وتجيني.. متغدي ولاتبي غدا؟؟..
راكان: لاالحمدلله شبعان.. كلمتك امي؟؟
حنان: لاوالله لي كم يوم ماكلمتها.. ليش في شئ
راكان: لا بس سويت حركه ياحنان اتمنى انها تجيب نتيجه..
حنان: وش سويت؟؟؟؟..!!!
راكان: شفتي الناس اللي كلمتك عنهم..
حنان وهي تغمز لاخوها: اهل حبيبه القلب..
راكان بابتسانه: اييه.. مساكين ياحنان صار لهم احداث الايام اللي راحت تكسر الواحد..
حنان وهي تتذكر: ايه صح تعال أنت مو قلت لي ان اخوها متورط بسالفه مع واحد وش صار عليه؟؟!!
راكان وهو يهز راسه باسف: نواف؟؟
حنان: هو اسمه نواف.. وش صار علمني..
راكان: مات الرجال اللي متهاوش معه وانحكم عليه بالسجن سنه وامه يوم سمعت الخبر طاحت عليهم وكل العايله متاثرين..
حنان: مساكين الله يكون بعونهم.. بس أنت ماقلت لي وش سويت؟؟
راكان: يوم طاحت امهم بالمستشفى كم يوم اخذت امي تزورها ومارضت إلا بشق الانفس..
حنان: امي راااااااااااااااحت معك!!!!!!!!!!!
راكان: ايه قلت لها ام خويي..
حنان: منهو هذا خويك..
راكان: تستهبلين..؟؟.. هو نفسه نواف
حنان: والله اتخيل شكل امي اللحين ماسكه راسها وتقول صديق ولدي راعي سوابق..
راكان وباين عليه انه تضايق: لاتقولين كذا عنهم.. أنا صح مالي الافتره بسيطه عرفتهم بس هالفتره كانت كافيه اني اعرف هالناس قد ايش طيبين وفيهم بساطه وجود ماقد شفته على احد..
حنان: طيب أنا ماقلت شئ أنا قاعده اتخيل شكل امي..
راكان: لالا تخافين امي يوم حكيتلها سالفتهم تعاطفت معهم وشكلها صدقت ومشت عليها انه خويي..
حنان وهي ترفع يدينها للسماء: والله انك طيب يااخوي.. الله يناولك اللي في بالك..
راكان بابتسامه: امين..
حنان: طيب أنت اللحين وش ناوي تسوى؟؟!!
راكان: يااااااااه يحنان ماتدرين البنت هاذي قد ايش قلبت كياني احبها..
حنان: اوووف والله طحت يااخوي ولاحدش سمى عليك..
راكان: ماقلت لك شفتها ذاك اليوم بالمستشفى لمن رحت ازور امها..
حنان وشكلها تحمست: احلف؟؟.. علمني وش صار بالتفصيل..
وبعد ماحكى لها كل شئ..
راكان: ساعديني ياحنان أنا مثل اخوك
حنان: حلوووه ذي مثل اخوى
راكان: اندري عنك ابيك ترحميني وتساعديني


امس نايمه عند اهلها وهاذي حالتها من تزوجت مايمر اسبوع إلا لازم تنام عند اهلها يوم يومين كلمها متعب الصباح وقالها اذا تبيني امرك اليوم بعد الدوام دقي علي.. مرت الساعات مادقت عليه قالت بليل اروح البيت احسن..
هي مادقت عليه لكن جاها اتصال من هناء اخت متعب وقفلت السماعه وهي خايفه ووجهها لونه غيييييير..
ام نواف: بسم الله عليك وش فيك؟؟..
ريما: من كنتي تكلمين..
عبير: هاذي هناء تقول ان متعب مسوي حادث وتبيني اجي المستشفى اللحين
ابونواف: الله يستر البسي عباتك بسرعه نروح لهم اللحين..
ام نواف تحاول تطمن بنتها: ان شاء الله حادث بسيط.. طمنوننا اول ماتاصلون..
ريما اكتفت بالسكوت لانها ماتحب الحوادث هالمواضيع تضيق صدرها لانها هي بطبيعتها حساسه..

وصلووووالمستشفى قالها ابوها انزلي بيوقف السياره ويلحقها..
دخلت طلعت الدور اللي قالت لها عنه هناء وجلست تتدور بالممرات لمن سمعت اصوات وقربت منهم اكثر كانوا هم اهل متعب.. قربت عبير منه اكثر لما وصلت لهم
عبير: شصاير؟

التفت لينا لعبير واختها هناء ويوم عرفوها.. زاد صياحهم عندها
هناء بصوت يقطع القلب من الصياح : لينا طلبتك روحي لمتعب كلميه.. كلميييه.. يحبك انتي انتي.. شوفيه خليه يقووووم.. لينا طلبتك لا ترديني.. طلبتك روحي شوفيه ما يرد علي ما يرد علينا..
التفتت لينا وهي تستنجد بعبير: روحي له انتي يمكن يسمع كلامك ..

انتفضت عبير من صراخهم اللي خلى كل اجزاء جسمها تتنافض.. عبير احتارت بينهم وصارت توجه نظرها بين خواته وتطالعهم بتسائل محزن ..

مساعد:عبير خذي البنات برى هديهم
عبير: مساعد وش صار بمتعب؟؟..
هناء وهي تصارخ :هالدنيا بدوونك ماتسوى شئ ياخوووي..
سكنت هناء بشهقة وهدت حركتها عبير واقفه بينهم مو عارفه تسوي شئ بس كل شئ حولها يدل ان متعب مات..
مساعد يضرب على خد هناء: هناء هناء حبيبتي.. ويلتفت على عبير.. نادى الطبيب بسرعه
لينا: تكفييييين نادي على الطبيييب...
وركضت ناحية اول مكتب قدامها... وملامحهاالخايفة والدمع ينزل من عيونها بحرارة..
شافت ابوها قدامها راحت بحضنه وقال له يبون طبيب بسرعه..
ابونواف: لاحول ولاقوه إلا بالله.. وينهم هم؟؟
هدئ بنته وراحوا عند مساعد والبنات لقوهم حالتهم حاله وبالاخص هناء اللي طاحت عليهم..
كل شئ صار تحت عيون عبير وهي مبهوره..

وتاكد الخبر.. متعب مات نتيجه حادث مروري مروع..

سبحان الله بغمضه عين راح متعب بغمضه عين غاب عن هالدنيا اليوم الصبح مكلمني مافيه شئ سبحان الله الاعمار بيد الله الله يكافينا شر هالدنيا..

قدر جديد بحياه عبير.. وفاه متعب بهذه الوقت كانت صفعه قويه لعبير بعد حملها مات زوجها..

اول شئ مطلقه
واللحين ارمله
وولدي اللي مابعد شاف الدنيا تيتم..


العزاء كان في بيت اهل متعب حضر كثير ناس من معارفهم اول مره تشوفهم عبير وطبيعي انها اول مره تشوفهم لان مده زواجها القصيره ماكانت كافيه انها تتعرف على كل اهلهم وخاصه ان زواجهم كان مختصر جدا..
مرت ايام العزاء ثقيله على خوات متعب اللي تعبوا كثير وهالحدث خلى ام نواف اكثر تماسك وصدق من قال اللي يشوف مصيبه غيره تهون عنده مصيبته..
الدنيا هاذي دار امتحان وبلاء المؤمن هو اللي يصبر وغيره مايتحمل ويسخط..
يارب اجعلنا ممن ان رزقته شكر
وممن ان ابتليته صبر..

غريبة حال الدنيا مالاحظتوا ان الموت على كونه مفرق الا انه يجمع بالناس..؟؟؟
يفرق احباب عن احبابها ولكن العزا يجمع الكل من الشرق والغرب ويرجع العلاقات المقطوعه...
سبحان الله. مافي شي اوجده ربنا في الكون الا وله حكمه..
رحمك الله يامتعب واسكنك فسيح جناته..

عبير بغرفتها بعد العزاء بكم يوم مهمومه وحزينه..
مسكين راح من هالدنيا ماتهنى بشبابه وحتى ولده ماشافه.. ياللــــــــه أنا اكتشفت هالانسان قد ايش عظيم من حب خواته له وموقفهم يوم المستشفى والعزاء مساكين الله يصبرهم..
بس أنا ليش اصيح أنا بالحقيقه ماكان يعني لي شئ عشت معه فتره ماتتجاوز شهرين معاملته لي كلها تقدير احترام وهذا الشئ بحد ذاته يخليني احس انه انسان طيب..
ااااااااااه ياعبير انتي ماتصيحين عليه لانه زوجك ولا حبيبك انتي تصيحين عليه بحكم العشره البسيطه اللي بينك وبينه..
عبير بينها وبين نفسها أنا ماحبيته ولااغليته علاقه عاديه بيننا المفروض اصير اقوى من كذا..
مسحت دموعها بعينها ورفعت السماعه تكلم خوات متعب تخفف عنهم و تواسيهم..

ولسان حالها يقول..

دنيا غريبه للأسف الدمع فيها ما يجف
هذه حياة اللي يحب يقضي حياته في تعب



بمرور الايام والصفحات يزداد خوفنا ممن حولنا كل شئ غريب الناس , الظروف , الاماكن الدنيا اصبحت مخيفه وغريبه وموحشه

عبير ماالجديد الذي ستلاقيه في حياتها بعد ان مرت بمراحل وحالات اجتماعيه عديده؟؟..
نواف والحكم الذي صدر بحقه هل سيصبر ويحتسب ام ان هذا فوق طاقته؟؟..
ريما وراكان والحب الصامت هم لايعلمون بتبادل المشاعر والعواطف ذاتها هل سيأتي يوم ويفضح كل شئ..؟؟
مها وخالد تقرب منها ونفور منه واحيانا شفقه عليها هل هذا هو اطار الزواج الشرعي؟؟..
سعود ماهو موقفه بعد وفاه متعب؟؟..
الكثيييييييير والكثيييييييير من المشاعر المختلطه
حب, حزن, شوق, خوف, شفقه, جفا
كل هذا يدور في خواطرهم
تابعونا إلى النهايه
الأميرة دانة
17 - 09 - 2009, 03:41 AM
الجزء الواحد والثلاثين
,,,,,,,,,,,,,,,,,,,,,,
بعد سنه من هالاحداث صار كثير اشياء تغيرت بحياتهم وخاصه المواضيع اللي تاجلت بعد
وفاه متعب ودخلت نواف السجن..

عبير ولدت وجابت توام حلوين" شهد وفهد" وصاروا كل حياتها وعوضوها عن الايام اللي راحت تعبت بحملهم كثير بس لمن شافتهم نست كل شئ سبحان الله ربي مايترك احد ربنا كل ليله في الثلث الاخير ينزل إلى السماء الدنيا ويقول هل من داعي فاستجيب له وهل من سأل فاعطيه وهل من مستغفر فاغفر له .. ربنا كريم جواد يرزقنا بغير حساب تفضل علينا بالنعم العظيمه والاء الجسيمه التي لاتعد ولاتحصى واقل شئ نعمله بشكر هالنعم هو طاعته سبحانه وتعالى..
شهد وفهد اللحين صار عمرهم 4 شهور يجننون مرره يتشابهون وفيهم كثير من عبير شهد لها غمازات طلعت على ابوها الله يرحمه .. روشتهم ولبستهم وشربتهم حليب وجلست تهز فيهم لما ناموو ..
دخلت عليها ريما: عبيــــــــر
عبير: اوووش عيالي ناموا
ريما بصوت واطئ: عبير أنا مره خايفه اليوم اول مره يجي راكان يجلس معي بعد الملكه..
عبير: امشي اطلعي نتكلم برى
بعد ماطلعوا..
ريما: احس اني طول اليوم متوتره وخايفه
عبير: عادي شعور أي بنت أنا مريت فيه بتتعودين.. بعدين الاسبوع اللي راح يوم الملكه كيف تحسينه؟؟
ريما: مدري أحس اني ذاك اليوم كنت اهدأ من اللحين وحتى لمن يكلمني بالتلفون احس عادي بس اللحين بشوفه وجها لوجه
عبير: عادي تعوذي من ابليس وروحي خذي لك شور واستشورى شعرك وتعالي اجلسي معنا عشان ماتحسين بالتوتر واذا قربت جيته روحي البسي
ابتسمت ريما وراحت لغرفتها وهي تفكر براكان هالانسان اللي دخل حياتها فجأه واحتل مساحه كبيره بقلبها حتى من قبل مايعرفها بس يمكن الظروف اللي مروا فيها الفتره اللي راحت خلاها تبعد التفكير عنه فتره.. جلستت تتذكر قبل سته شهور يوم جوو خطبوها مااتوقعت كانت تحس انه مواقف مرت فيها وهي مسافره وانتهت من حياتها ماتوقعت انه الايام مخبيه لها حب يكبر بداخلها كل يوم ازود عن اللي قبله طبعا الوقت اللي تقدم لها فيه راكان ماكان مناسب كانت العايله كلها تمر بضغوطات كبيره بس حب اهلها لراكان وثقتهم باخلاقه العاليه وتردده باستمرار عليهم وسؤاله عن احوالهم كان اكبر دافع لها ولاهلها انهم يتمسكون بهالرجال ومايفرطون فيه لان اللي مثله نادر هالايام.. وافقت مبدئيا بس اجلوو الموضوع لبعد مايطلع اخوها من السجن وهذا اكبر سبب خلاها تتعلق فيه لانه تمسك فيها وماقال ان اخوها راعي سجون وخرابيط البنت ماتصلح لي لااا بالعكس وقف مع اهلها لما طلع اخوها وهذا اكبر دليل ان الولد شاريها ويحبها هي لشخصها ولاهمه أي كلام قالوه غيره من الناس .. طبعا بعد هالتاجيل للملكه اللي دام 6 شهور قبل اسبوع كانت ملكتها بعد طلعه نواف بكم يوم ماقدروا يأجلون الموضوع اكثر خاصه وانهم من زمان مافرحوا يبون يحسون بالسعاده اللي غابت عنهم من فتره.. ابتسمت وهي تتذكر سواليف راكان معها يوم الملكه لما سمعت صوت التلفون جنبها يرن..
ريما: الوووووو
ساره: هلا والله
ريما: هلابك
ساره: ريماااااا انا طفشانه احس بالملل من بعد ماراحت مها أنا كارهه عمري
ريما: شفتي ماحسيتي بقيمتها إلا يوم فقدتيها
ساره: ريما تعالي عندي اليوم ابي اشوفك
ريما: لا ياحبيبتي راكان بيجي عندي اليوم
ساره: اهااااااااا تصدقين قاعده افكر فيكم امس هو طبييب وانتي صيدلانيه اكيد عيالكم بيطلعون مرضى..
ريما: بسم الله على عيالي فال الله ولافالك
ساره: اجل تدرين بجيكم اليوم..
ريما: وش تبين اقولك راكان بيجي
ساره بخبث: طيب أنا عشان كذا جايه حرام عليكم أنا تعبانه نفسيا بخليه هو يكشف على وانتي توصفين لي دواء
ريما: اقووووووول اقلبي وجهك بس هذا اللي ناقص بعد
ساره: ريما لهالدرجه تحبينه؟؟
ريما: موب شغلك يلااااااا مع السلامه
ساره: هههههههههههههه ياحليلها استحت البنت.. مع السلامه





كان بالسياره داعس على 190 ويشتعل من الداخل.. طبعا انفصل من شغله نتيجه تغيبه سنه كامله ويوم راح حاول فيهم وخاصه انهم عارفينه وعارفين اخلاقه حولوه لوظيفه بسيطه باقل من نص الراتب طبعا هو كرامته ماسمحت له بهالشئ تركهم وهو يتحسر على سنين عمره اللي راحت وهو يخدمهم لكن مابين بعيونهم حسافه اجازاتي اللي مااخذتها حسافه كرفي وتعبي وشقاى والله مايستاهلون ساعه وحده قضيتها معهم حسبي الله ونعم الوكيل حسبي الله ونعم الوكيل..
دخل البيت لقى خواته وامه جالسين بالصاله سلم وجلس معهم وهو مرتفع ضغطه وبعد ماحكى لهم السالفه..
ام نواف: حسبي الله عليهم الله لايوفقهم على هالحركه يارب تاخذ حق ولدي منهم
نواف وهو يحب راس امه: لاتضيقين صدرك عليهم والله مايستاهلون
عبير: ريما الله يخليك شوفي عيالي صحوا ولا لا؟؟
ريما وبصوت واطئ: طيب بس بشرط اذا جاء راكان انتي تصلحين لي القهوه..
عبير: ايييييييه ان شاء الله بحط عيالي عندكم واروح المطبخ اصلح لك قهوه
ريما: لااااااااااا لاااا خلاص ماابي قهوه عسانا نموت جوع وعطش وش عيالك عندنا حضانه وانا ماادري..
راحت ريما تشوفهم لقت فهد صاحي باسته ونزلته عندهم اخذه نواف يلعبه..
ام نواف: عقبال ماشوفك تلعب ولدك..
عبير: بس اتحدى ولده يصير احلى من ولدي..
نواف: اقووول روحي نامي بس..
عبير: هههههههههههه
ام نواف: وش رايك ندور لك وحده بنت حلال
نواف: من جدك انتي يماااااا من ذي اللي بترضى تاخذ واحد خريج سجون ولابعد ماعنده وظيفه..
ام نواف: وش ذا الكلام يماااا هم ودهم بس أنت تخطبهم
نواف وهو قايم: لااااا أنا ماافكر بهالموضوع اللحين أنا عندي امور اهم
عبير: يما انتي ببالك احد لنواف
ام نواف: ايه ودي بمشاعل الـــ....
عبير: بس يما هاذي مره شايفه نفسها ومااظن توافق عليه وخاصه انه هو اللحين وضعه غير اول..
ام نواف: اجل عندك غيرها
عبير وهي متردده: اعرف وحده مره طيبه وحنونه بس مسكينه ظروفها ماساعدتها احسها تصلح لنواف..
ام نواف: من هي؟؟
عبير: صديقتي نجلاء..
ام نواف وعقدت حواجبها: منتب صاحيه ازوج ولدي وحد مطلقه
عبير: والمطلقه ميب انسانه؟؟.. أنا كنت مطلقه واخذت واحد اول مره يتزوج ومريت بكل الحالات الاجتماعيه بنت بعدين مطلقه بعدين ارمله..
ام نواف: بس انتي غير هي معها ولدها..
عبير: يماااااااا انتي فكري فيها بالعقل بنات هاليومين شايفات انفسهم من يسمعون خريج سجون يرفضون على طول من غير مايعرفون السبب الحقيقي لدخلته السجن..
يما زمان اول تحول واللحين البنات مايرضون بالقليل..
ام نواف: لااا ان شاء الله نلقى له وحده بنت حلال..





خالد ومها هم نفس الشئ قرروا يكون زواجهم بعد طلعه نواف من السجن على طول..
طبعا مها تخرجت من الجامعه..
واللحين هم يقضون شهر العسل بباريس وفي احدى مقاهي الشانزليزي كانوا جالسين والهدوء يعم المكان الا من الاصوات اللي حواليهم.. كان المكان اللي فيه مليان ناس وسياح عرب والكثير من المشاهير على المستوى الرياضي الفني..
مها: والله لو تجي اختي ساره هنا كان تنهبل؟؟
خالد: ليش؟؟
مها: تشوف الفنانين عالطبيعه.. هي بالتلفزيون وشوي وتنهبل علينا..
خالد: ههههههه.. اختك ذي هي وريما منسمات اذكرهم من يوم هم صغار
مها: أي عاد هي وريما مغامرات
خالد: مها تبين نرجع الفندق؟؟
مها: كيفك بس الجو حلوو هنا
خالد: طيب امشي خلينا ندور عالمحلات كان تبين تشتــرين شئ
وبعد ما طلعوا.. تفاجأو ان الدنـيا مطر والكل طالع بمظلات واللي ماعنده قعد ينتظر المطر لين يخف كان الجو اكثر من خيالي والشباب اللي يركض ويركب سيكله ويروح واللي يركض على الباص وجلس خالد يتلفت ساعه لما بالاخير لقى واحد معه كم مظله المشكله الناس تجمعوا عليه واخذوا اللي معه ويوم قرب منه خالد ماكان معه إلا وحده شراها منه..
خالد: مالقيت إلا وحده.. تعالي قربي أنا وياك فيها..
قربت منه مها بحيث مايجيها مطر..
خالد: مها قربي اكثر يقالك اللحين تحت المظله..
ابتسمت مها وقربت اكثر.. وجلس يدور تاكسي ساعه مالقى بس لما بدى يخف المطر رجعت التكاسى طلعت اخذوا واحد ورجعوا الفندق..





بعد المغرب جاء راكان عند ريما فتحت له الباب ودخلته وهي مرتبكه..
راكان وهو حاس بارتباكها: وش فيك ترى ماراح اكلك؟؟
ابتسمت ريما بخجل: عادي مافيني شئ..
قرب راكان منها وهي استحت حط اذنه على صدرها وهي مرره منحرجه من هالحركه..
راكان: يا سااااااتر وش ذا قلبك يدق من قلب شكل في "فرقه سامري" جوى
ضحكت ريما من غير شعور: ههههههههههههههه
راكان: ايوووووو ابيك كذا
ريما: وشلون يعني بس اسمعك واضحك
راكان ويبي يستفزها: مدري عنك.. والله لو اني جايب لاب توبي معي وجالس اتابع الاسهم كان امداني..
ريما: ليه وانا مامليت عينك..
راكان: ايووووووو طلع اللسان اثاريك قويه يابنت..
ريما: ايييييه مااسكت عن حقي..
راكان: وش اخبار الدراسه؟؟..
ريما: تمام.. عاد أنت خبره.. الطب مو بعيد عن الصيدله ان صعب علي شئ بسألك
راكان: اهااااااااااا وانا اقول ليش البنت وافقت علي اثاريها تبيني مدرس خصوصي..
ريما استحت وحمر وجهها وراكان جلس يطالع فيها وعاجبه شكلها كذا..
راكان: ريما احبك
ريما احترق وجهها: بروح اجيبلك قهوه
قعد يضحك راكان بقووووووه رهيبه البنت هاذي بكل شئ لسانها ردودها ابتسامتها ملحها كل شئ فيها حلووو.. بعد مارجعت ريما جلسوا يسولفون وكانت ريما اجرا من قبل..
ريما: بنت عمي ساره كانت بتجيني اليوم بس أنا قلت لها راكان بيجي لاتجين..
راكان: عادي كان خليتيها تجي نشوفها..
ريما وهي مصدومه وبنفسها ليه الدنيا سايبه تشوفها: تشوفها؟؟..
راكان اللي بيرفع ضغطها: ايييييييه اشوفها.. هي حلوه؟؟..
ريما وتبين اللامبالاه: ايه حلوه..
راكان: اجل ليه ماطلعتي عليها..؟؟
ريما تطالع فيه وهي متفاجئه من كلامه وخانها لسانها بهالموقف ماتدري وش ترد عليه..
راكان بيغير الموضوع: ريما ودي اذا ماعندك مانع الزواج يكون بعد شهرين..
ريما: لااااااااااااا
راكان: ليش؟؟
ريما: أنا توني مخلصه اول سنه بالجامعه ماودي اتزوج على طول..
راكان: يعني؟؟
ريما: خلها نهايه السنه..
راكان: اللــــــــــــــه
ريما: الله يخليك..
راكان: الله يخلي مين؟؟..
ريما وتدري انه يستفزها: الله يخلى كل اللي احبهم؟؟....
راكان: اللي تحبينهم.. مثل مين؟؟
ريما وبلكاعه: مثل امي وابوي واخواني..
راكان: وبس..
ريما: مدري اليوم بسوي لك قائمه باللي احبهم..
راكان: هههههههههههههههههه






نواف قاعد شهر من غير وظيفه ومع كذا مافقد الأمل فكر بطريقه تشغله وتنفعه بنفس الوقت هو من زمان بباله مشروع يفتح محل الكترونيات بس انه لهى مع الوظيفه لكن اليوم بعداللي صار له لازم يفكر بشكل جدي انه يخوض هالتجربه سواء كانت ناجحه اوفاشله اهم شئ يثبت وجوده ويلاقي شئ يشغل وقته فيه ودارسته السنوات اللي راحت في مجال الحاسب والالكترونيات اكيد بتساعده بجانب خبرته العمليه.. قرر يبدا هالخطوه من اليوم كان عنده رصيد بالبنك وهذا كله جاء نتيجه تعبه وشقاه بالوظيفه السنوات اللي راحت.. اول خطوه عملها دار على محلات الالكترونيات والبرمحيات واطلع على مجلات التصميم والتطوير عشان يحدد المجال اللي راح يبدا فيه له اسبوع يدور عالمحلات اخيرا قرر انه يدخل مجال التصميم والاعلان وتطوير المواقع بس كان يحتاج من يدعمه لان المشروع مكلف صح هو راح يفتح محل صغير على قده بس برضو محتاج راس مال يعني اللحين ناقصه مبلغ قرر يفاتح ابوه بالموضوع..
المغرب بالصاله كلهم مجتمعين..
نواف: يبا ابي اتكلم معك بموضوع
ابو نواف: خير اللهم اجعله خير
نواف: خير ان شاء الله.. بس يبيله قعده
ابونواف: يلاااا مشينا تعال المجلس
وبعد ماراحوا المجلس وصاروا اللحالهم فاتح نواف ابوه بالموضوع..
ابونواف: أنت بس ابدا وانا ماراح اقصر معك ان شاء الله اللي بقدر عليه بسويه
نواف وهو يحب راس ابوه: الله يخليك لنا يايبا..
ابونواف: احسن شئ انك تخصصك عملي ينفعك من غير وظيفه حكوميه اللحين لو انك متخصص بتخصص عادي كان اليوم حاط يدك على خدك وتدور أي وظيفه..
نواف: الحمدلله على كل حال.. بس اللحين لازم ادور موقع حلوو بشمال الرياض
ابو نواف: وش معنى بالشمال..؟؟
نواف: هناك اضمن بعدين سوقهم ماشي..
ابو نواف: اللي تشوفه سوه..





ساره تهاوشت مع مشاري رفع لها ضغطها مقهوره منه وماعندها احد تشكي له ملت من وضعها اول مره تكون ساره بهالجديه دايم تحب الضحك والمزح حتى باصعب المواقف دخلت غرفتها جلست عالسرير وتفكر بهالدنيا كل الناس لاهين فيها وانا مالي احد مها وتزوجت وريما بعد الملكه انشغلت عني اااااااه يارب ابي اتزوج وافتك ابي اطلع من هالبيت وافتك من تحكم هالعله مشاري.. كل البنات اللي بسني تزوجوا الاانا صديقاتي بالجامعه اللي متزوجه واللي مخطوبه وختى سحر بنت خالتي من يصدق انها بتتزوج توها مخلصه ثانوي وبتتزوج.. البيت ممل مافي شئ اسويه مدري كيف بقضي وقتي بعد اليوم كل شئ صار ماله طعم.. يارب أنت عالم بحالي قي اشياء كثيرة اقدر اسويها عشان اطلع من الجو الكيئب بس أنا صاينه نفسي ومبعده عن كل شئ غلط ومايرضيك يارب ارزقني على قد نيتي وعوضني خير.. كل شئ حولي يجبرني اني اسوي الغلط الضغوطات اللي اواجهها من اللي حولي تضطرني اني انحرف.. الكبت يولد الانفجار واخوي مشاري اذا استمر على هالوضع أنا مااضمن نفسي يارب ساعدني حتى امي تحب مشاري وماترفض له أي طلب أي شئ يقوله اوامر ولازم تنفذ حتى لو كان على حسابي وامي ماعندها غير اخوك الكبير واسمعي كلامه مايدرون ان اسلوبهم معي يضطرني لما لاتحمد عقباه.. يارب لجأت اليك فساعدني يارب احفظني من الدنيا وشرورها وزوجني الرجل الصالح اللي يسعدني ويفكني من هالبيت..
طلعت من الغرفه راحت المطبخ فتحت الثلاجه تتدور لها شئ تاكله تبي تضيع وقتها بالاكل طلعت العصير من الثلاجه وسوت لها كلوب ساندويش بالتونه وطلعت جلست بالصاله فتحت التلفزيون قعدت تقلب ممل مافيه شئ..
ياربي وش اسوي بدنيتي رضينا بالهم والهم مارضي فينا..
خلني اروح استاذن من امي بروح لريما مليت من الجلسه اللحالي..





عزمت نفسها على بيت عمها وهي اللحين عندهم عند التلفزيون..
ريما: وش اخبار الكليه؟؟..
ساره: ملل..
ريما: اكيد اول مستوى بيصير ملل..
ساره: ريما انتي من بعد ماانخطبتي مره تغيرتي..
ريما وتطالع ساره وهي متفاجئه: انـــــــــــا
ساره: ايه ماصرتي تكلمني بالتلفون دايم..
ريما: لاوالله عادي انتي يتهيأ لك بس..
ساره: تصدقين ريما احس بفراغ كبير مها وتزوجت وانتي من يوم ملكتي انشغلتي وحتى بالكليه علاقتي بالبنات سطحيه..
ريما: عادي تحصل في افضل العائلات..
ساره: يالدبه اقولك متضايقه تقولين لي كذا..
ريما: وسعي صدرك مافي شئ يسوى..
ساره: هاتي الريموت متابعه مسلسل مكسيكي يجي اللحين..
حت على القناه وجلست تتابع..
التفتت ساره على ريما: شوفي هذا يجننن..
ريما: ابيض مره مايعجبني..
ساره: لاوالله رهيب..
ريما باستهبال: لو يخطبك توافقين..
ساره: ايييييييه واذا عيوو اهلى انحشت معه..
ريما: ههههههههههههههههههههههه والله ماعندك وقت..
ساره: وين صور ملكتك؟؟..
ريما: وش تبين فيها؟؟.. شفتيها الاسبوع اللي راح
ساره: لا ابي اوري البنات اللي معي بالكليه بكشخ عليهم.. الاسبوع اللي راح وريتهم صور زواج اختي مها وانجنوا عليها وخاصه على خالد..
ريما وحاطه يدها على حصرها: وان شاء الله أنا تبيني اعطيك الصور اللي فيها راكان
ساره: اكيد هذا اهم شئ..
ريما: ياشيخه هذا اللي ناقص بعد بنات مااعرفهم اخليهم يشوفون زوجي..
ساره: والله انك سخيفه.. بالله عليك انتي ماوريتي الصور لصديقاتك بالجامعه..
ريما: تبين الصراحه..
ساره: ايوووووووو
ريما: مااخذت لهم إلا الصور اللي أنا متصوره فيها اللحالي صور راكان مااخذتها..
ساره: عشتوووووو صار ذا ملفات سريه مو صور راكان..
ريما: كيفي ماابي احد يشوفه إلا اللي اعزهم انتي وخلود وبس..





الصباح بباريس مها ترتب بعض اغراضها وخالد منسدح عالسرير يطالع التلفزيون واليوم كانت رحلتهم للعوده لارض الوطن بعد 10 ايام قضوها مع بعض..
خالد: مها حاولي تخلصين بسرعه عشان ننزل نشري هدايا واغراض قبل موعد الرحله..
مها: متى رحلتنا؟؟
خالد: الاقلاع الساعه 4 العصر
مها: واللحين الساعه عشره باقي وقت..
خالد: لابس أنا قلت ننزل نتمشى ونخلص اغراضنا بعدها نتغدا ونرجع الفندق ناخذ شناطنا..
مها: اوكي عطني اقل من نص ساعه واكون خلصت..
خالد: اهلك يدرون اننا بنرجع اليوم..
مها: أنا قلت لساره يمكن قالت لهم..
خالد وهو يبتسم: لااااا مادام الدعوه فيها ساره كل دول الخليج عندهم خبر..
مها: هههههههههه تصدق عاد فقدتها هي وهبالها..
خالد: من ناحيه مهبوله فهي مهبوله..
مها: بس وسيعه صدر
خالد: الله يخليكم لبعض..

بعد نصف ساعه..
طلعوا من الفندق اخذوا سياره ونزلوا لبعض المحلات وتشروا منها اللي يحتاجونه كان الجو مره حلوو يغري الواحد انه يتمشى فيه..
الساعه 1:30 راحواا لاحد مطاعم البيتزاء طلبوا لهم وجلسوا يتغدون واخيرا راحوا الفندق يخلصون الاجراءات معهم عشان يروحون المطار لان رحلتهم ماباقي عليها إلا ساعه..
وفي الطياره عم الهدوء بينهم وخاصه ان كل المسافرين كانوت هادين نوعا ما وبعد ساعات قضوها مابين النوم والسواليف البسيطه والتامل بالناس .. طل خالد من الشباك وكان باين ان الطياره فوق الحدود السعوديه جلس خالد يتامل الاراضي تحته اللي كانت اغلبها صحاري وشوي شوي بانت ملامح المدن كل مامر من عند مدينه اتضح معلم من معالمها مثلا جده شاف نافوره الملك فهد والقصيم ميزها من المسطحات الخضراء وكثير مدن مر فوقها بس ماميزها اخيرا اتضحت الرؤيا حنا اللحين نحلق فوق سماء الرياض كل شئ يدل انها الرياض الانوار اللي فيها وكبر مساحتها وبعض المعالم المعروفه الحركه اللي ماتهدأ ابدا " طبعا هو مايشوفها بالعين المجرده لان المسافه مره بعيد بس يتخيلها" فيها صدق من سماها المدينه التي لاتنام.. المدينه الحالمه الجميله اللي احتضنتنا سنين حن لها خالد اشتاق لها ومن يلومه بحب الرياض هاذي الكل تغنى فيها
محمد عبدو يقول" قلبي تعلق بالرياض حبا ورثته من الجدود"
ونبيل شعيل قال فيها" ألا يااهل الرياض اول غرامي.."
التفت على مها شكلها المسكينه تعبت من طول الرحله ونامت..
تذكر ان معه دفتر صغير طلعه وجلس يخربط فيه ويعبر عن حنينه وشوقه لاحلى المدن..

الرياض الليله اجمل
الرياض الليله اكمل...
وفي الرياض الليله
احساسي خرافي
كنت احس اف.. برد لكن..
اشعر اني حيل دافي
للرياض العشق الاول والجديد
والقريب من المعاني والبعيد
والعطر واحلى الهدايا..
والجواهر
والقصيد...
الرياض الليله اجمل
الرياض الليله اكمل...
وان بغيت الصدق عاد..
الرياض اجمل واكمل..
الرياض الليله حاله
مايفسرها كلام
رفرفه شعر وهديل..
عشق واطفال وحمام
اعذريني..
ماقدرت استوعبك
يااحلى المدن
ولاتخيلتك كذا
مزيج من روعه وفن
اغفري جهلي دخيلك
سامحني
ويالله قومي صافحيني
وصدقيني
صدقيني يوم اقلك
شفتك اجمل
شفتك اكمل
شفتك الليله وديعه طاهره
تمتلى عفه وبياض
واحتضنتك يالرياض

القصيده للشاعر.." طلال حمزه"




كلهم جالسين بالصاله وعبير تطل عليهم من كاونتر المطبخ..
عبير: ريما انتبهي لعيالي..
ريما: عبير مالي خلق اللحين يصيحون واتورط فيهم..
ام نواف: لاتخافين أنا عندهم
ريما: لوانك مخليتني اسميهم كان مسكتهم
عبير: تكفين انتي والاسماء اللي اخترتيها
نواف: ليه وش كانت بتسميهم؟؟..
ام نواف: كانت مزعجتنا تبي تسميهم طلال ودلال
نواف: ههههههههههههههههه احلى ياسجع ماتلعبين المفروض أي تؤام ينولد بالسعوديه يوكلونك مهمه تسميتهم تختارين لهم اسماء على كيف كيفك..
ريما: هم يحصلون اصلا أنا اسمي عيالهم..
فارس: ريما بالله انتي كم عمرك؟؟
ريما: ليه بتجيب لي هديه.. مو اليوم عيد ميلادي..
ابونواف: عبير وش عندك انتي بالمطبخ تعالي اجلسي معنا..
ريما: صح وش تسوين؟؟..
عبير: اصلح عصير لعيالي..
نواف: عبير تكفين مشتهي فروت سلاط
عبير: ايوووووووو وأنت يافارس وش تبي بعد..
فارس: لامابي شئ بطلع..
نواف: وين بتروح؟؟
فارس: بلعب كوره مع العيال..
ابو نواف وهو قايم: لاتتاخر.. وانا بعد بروح عندي كم شغله
عبير بالمطبخ طلعت الفواكه من الثلاجه وجلست تقشر التفاح والفراوله والموز والخوخ وحطتهم بالخلاط وحطت عليهم عصير ليمون وبرتقال وشويه سكر وشغلت الخلاط..
عيالها اول ماسمعوا الصوت انفجعوا وجلسوا يصيحون..
ريما وهي تصارخ: هبلتي فيهم..
نواف: وانتي كملتي الناقص بصوتك..
ام نواف وهي تشيل فهد: بس ياحبيبي بس.. بسم الله عليك
جت عبير وشالت شهد وباستها وجلست تسمي عليها: ياعمري ياناس
ام نواف: خذي ولدك أنا بروح اكلم بالتلفون..
حطت عبير عيالها عند ريما ونواف وراحت تكمل شغلها بالمطبخ وبعد شوي طلعت لهم ومعها صينيه فيها ثلاث كاسات عصير مشكل ورضاعتين فيها عصير لعيالها.. ووراها الشغاله جايبه الفروت سلاط لنواف..
نواف وهو ياكل: عبير ماحطيتي فيها سكر
عبير وهي ماسكه شهد ترضعها العصير: الااااااا بس يمكن ماكثرت..
ريما: اشرب العصير لذيذ..
دق جوال ريما كان راكان ردت عليه بعفويه وماانتبهت ان اخوانها جالسين لانها متعوده على هالاسلوب..
ريما: هلا حبيبي..
اخوانها يطالعونها وهم مفتحين عيونهم..
ريما انتبهت وانقلب لون وجهها وكملت مكالمتها: وش اخبارك؟؟..
عبير تطالع ريما وهي تكلم نواف: اختك بتخربني..
نواف بابتسامه وهو يطالع ريما: مو بس انتي كلنا..
ريما وترقع لعمرها: لحظه شوي.. وتلتفت لاخوانها وش فيكم؟؟..
نواف: اعصابك شوي شوي هدئ الوضع ترى امي تحبني تخاف على...
عبير: هههههههههههههههههه
انحرجت ريما منهم وطلعت تكمل مكالمتها فوق..
عبير: هههههههههه استحت الاخت..
نواف: واثقه بقوووه انها جالسه اللحالها..
عبير: وش صار على مشروعك المحل؟؟..
نواف: الحمدلله كل شئ تمام واللحين يشتغلون فيه يعني عالاسبوع الجاي يكون جاهز..
عبير: الحمدلله يعني اللحين مالك حجه لازم تتزوج..
نواف ويطالع عبير بنظرات اسف: ياعبير قولي لي بالله من هاذي اللي بترضى تاخذ خريج سجون إلا كان فيها بلاوي الدنيا..
عبير: لاتقول كذا أنت الف وحده تتمناك..
نواف: عطيني وحده تتمناني..
عبير: والله فيه أنت بس قل اخطبوا لي وأنت بتلاقي..
سكت نواف ومارد عليها..
عبير: كيفك براحتك أنا بطلع انوم عيالي..
شالت شهد ونادت الشغاله تشيل فهد وراحت فوق لغرفتها..





بعد ماطلعت غرفتها نومت عيالها وطفت النور وولعت الابجوره عشان لمن يصحون مايخافون من الظلام.. سمعت مسج فتحته وهي تقول يااااااااه من زمان عن المسجات لهيت مع عيالي ونسيت الناس فتحته وتفأجات بالمرسل..

" ياعيوني ضاقت بي الدنيا بدونك... وبااحرجك هي عادي الدنيا بدوني؟؟.."

سعود مرسل لي يااااااااه إلا الان مانساني حست اطرافها صارت بارده وكل قطعه بجمها تجمدت مو عارفه وش سبب هالشعور.. أنا احبه بس ماتوقعت هو باقي على حبي توقعت خلاص نسى عبير خاصه بعد ماصارت عبير ام .. بس لاتنسين ان هو ماتزوج إلا الان وهذا اكبر دليل انه يحبك.. لا لا هذا مو شرط يمكنه خلاص مايبي يتزوج مايبي يظلم بنت الناس معه.. لكن كان بامكانه يتزوج وحده عندها عيال مثل نجلاء صديقتي..
افكار متضاربه تدور براسها وكل فكره تكذب وتمحي اللي قبلها..
يارب وش ارد عليه واقوله اقوله اني احبك اقوله مانسيتك لحظه وحده طول الايام اللي راحت اقوله أنت كنت بكياني وبروحي حتى باللحظات الخاصه اللي بحياتي التفتت جهه عيالها اللي كانوا جانبها ولا اقولك تمنيتك تكون ابوهم؟؟؟!!!!!!!..
وش ارد عليه وش اقوله؟؟!!
شغلت الراديو تبي تبعد شوي من القلق اللي كانت تحس فيه.. كانت اجزائها كلها تنتفض كل شئ فيها يعبر عنها بهاللحظه مو عارفه وش تقول ؟؟..
يارب احبه بس جرحني ياترى ياسعود تتوقع اني احبك ومشاعري نفسها ماتغيرت تجاهك ولا مرسل هالمسج تبي تقضى على اخر ذره امل بداخلك؟؟..
في خضم هذه الافكار جت اغنيه شدت انتباهها تصنمت مكانها وجلست تسمع الاغنيه بكل اهتمام سبحان الله كانها لي وش دراهم اني افكر بهالموضوع ؟؟.. كيف عرفوا ان أنا عايشه بدوامه؟؟..
كانت الاغنيه الراشد الماجد..

" جاني حبيبي من بعد غيبه سنين.. يقول سامحني برد لمكاني ...."

قطع عليها صمتها صوت ولدها فهد يصيح شالته وحطته بحضنها وجلست تهز فيه وبالها بمكان ثاني..
سؤالك قوي ياسعود وجرئ بنفس الوقت..
مدري يارب اسامحه واقوله اني فقدتك..
ولا اقوله مثل ماقال اصيل.. بتشوف ناس وتحب ناس وتنسى واكون بدنيتك واحد من الناس..

اخيرا حددت موقفها وقررت ترسله مسج..

وهو له اكثر من ساعه يترقب الرد خايف يكون ردها قاسي ويجرحه مايدري وش يسوي لو رفضت وجوده بحياتها مره ثانيه .. مو بعيده ينتحر خلاص مل من حياته من دونها.. استغفر ربه ورفع يده يارب أنت الوحيد العالم كيف الايام اللي راحت مرت على يارب هونها وخل الجاي احسن..
اااااااااه تكفين ياعبير لاتضيقين صدري تكفين يانور هالدنيا ارجعي لي كل شئ بعدك عفته حتى شغلى نقلته برى الرياض ولا ارتحت.. راحتى هي انتي هي انتي وبس..
ياللــــــــه لهالدرجه هي شايفه السؤال صعب وماتقدر ترد عليه؟؟..
اخيرا سمع نغمه المسج..

" احس اني بلا حسك مثل ديره بليا ناس...
تخيل كيف يعيش انسان بوحشه شوارعها؟؟؟!!!!!..."

ماتتصورون كيف عاش هاللحظه قلمي مو راضي يوصف شعوره اليوم هو اسعد انسان.. عبير قلبي ودنيتي كلها تقول انها فاقدتني مثل ماانا فاقدها..
يعني زواجها كان انتقام منى تبي ترد جزء من كرامتها..
اااااه ياعبير ليه قسيتي على وعلى نفسك أنا هنت عليك.. بس كيف هانت عليك نفسك؟؟؟!!!
…………………..
عبير وحبها لسعود اللي توقعناه مات مع الاحداث والحياه القاسيه رجع ينبض من جديد ياترى عبير راح تسامحه وترجع له وعيالها وش موقعهم من هالمعمعه اللي بينهم؟؟

نواف والحياه الجديدة اللي يعيشها الان ونظره المجتمع القاسيه له هل راح تكون عائق امام اماله وطموحه وحتى ارتباطه بالمستقبل؟؟

ريما وحبها راكان وتاجيل الزواج هل هذا من صالحها ولا راح تندم على هالشئ؟؟

خالد ومها وش نوع العلاقه اللي بينهم وهل الايام كفيله بزرع حب مها بقلب خالد؟؟

ساره صوره البنت المرحه الفرفوشه بدت تختفي فيها ياترى هل الحياه تجعل من الانسان في ظرف فتره انسان اخر؟؟

مشاري جالس يدفع ثمن استهتاره بعقاب حسي له من رب العالمين صار يحسد الناس اللي حوالينه ان سمع انهم متزوجين ومبسوطين.. نفسه ياسس بيت بس ماضيه يتجدد قدامه بصوره أي وحده يفكر يرتبط فيها إلى متى يامشاري؟؟!!!!!!!!!!
الأميرة دانة
17 - 09 - 2009, 03:43 AM
الجزء الثاني والثلاثون والاخير
,,,,,,,,,,,,,,,,,,,,,,,,,,,,
ام مشاري: ساره .. ســـــــاره
ساره وهي نازله من الدرج: سمي يما
ام مشاري: امممم.. الصراحه في ناس جايين بكره بيشوفونك
ساره وهي متفاجئه: يشوفوني؟؟..
ام مشاري: بيشوفونك واذا عجبتيهم بيخطبونك لولدهم..
ساره: وليه سياره أنا ولامحل عشان يجون يتفرجون؟؟.. بعدين منهم الناس أنا اعرفهم؟؟..
ام مشاري: جاين لنا عن طريق خالتك.. هم سالوها تعرفين بنات قالت لهم ساره بنت اختي..
ساره: طيب أنا ماوافقت عشان يجون ويشوفوني
ام مشاري: خالتك تقول انه رجال زين يشتغل مدرس واهله ناس طيبين انتي ماعليك البسي وانزلي وبيصير خير..
ساره متردده: متى بيجون؟؟..
ام مشاري: بكره بعد المغرب..... أنا قبل شوي علمت ابوك وقال الله يكتب اللي فيه الخير..
ساره: صح يما صديقاتي وبنات عمي كلهم تزوجوا بس هذا مايعني اني اتزوج أي احد
ام مشاري وتحط يدها على صدرها: وحنا قلنا لك تزوجي هندي ولا عامل نظافه؟؟..
ساره: لابس طريقتهم غريبه بيجون يشوفون من غير ماياخذون رايي
ام مشاري: خلاص ماتبين اقولهم لاتجون؟؟
ساره وتحس انها فرصه وجت لحد عندها عشان تطلع من الجو الكيئب اللي هي فيه: لا لا يما خليهم يجون اذا هو نصيبي بخذه..
ارتاحت ام مشاري لكلام بنتها لانها ماتبي تتفشل قدام الناس وهي عاطيتهم موعد انهم يجون بكره
ام مشاري تحاول تغير الموضوع: اختك تقول انهم اليوم بيجون.. غريبه مااتصلت
ساره: اكيد بيجون تعبانين بكره بتمرنا
ام مشاري: ياصلون بالسلامه ان شاء الله
ساره: صح يماااا ريما بتجي اليوم ابي اغراض من السوبر ماركت
ام مشاري: اكتبي الاغراض بورقه وخلى السواق يجيبهم
.
.
.
وبعد ساعه ريما عندهم بالبيت
ساره: الكليه قرف
ريما: ليه وين شلتك راحواااااا؟؟..
ساره: ياشيخه البنات يرفعون الضغط اصلا أنا مااجلس معهم إلا اضيع وقت..
وحده نصابه اذا ضاق صدرك اجلسي معها تسمعك مالايخطر على بالك..فاتك انتي بعد الاجازه جايه تقول سافرت سويسرا قلت بقلبي انتي الخرطوم تخب عليك... ووحده مصلحجيه ماتدق إلا ان كانت تبي شئ.. ذاك اليوم دقت على تسأل عن ملازمي كامله ولا لا.. يوم قلت لها ناقصه قالت امي تبي التلفون اكلمك بعدين الظاهر انها نست انها تكلمني من جوالها...
ريما: هههههههههههههههههه
ساره: حتى الدراسه ملل
ريما: بعذرك داخله قسم أي كلام المفروض يكون عندك طموح
ساره: ياشيخه هم زين منهم قبلوني
ريما: بس حلووو الواحد يحس انه داخل تخصص له فايده... شوفي راكان بعد عمري طبيب تحسين كشخه لما اقوول للناس زوجي طبيب
سارة تستهبل: ريما راعي مشاعري أنا ماتزوجت لاتقعدين تتكلمين قدامي
ريما: ههههههههههههههههههههههههههه
ساره: ايه اضحكي وش عليك تطنزين علي
ريما: مااضحك عليك...
ساره: اجل وش فيك؟؟
ريما وهي مو قادره تتكلم من الضحك: تذكرين سالفه مي يوم زواجها.....
ساره: رهيبه خربتها ماعندها وقت
ريما وهي مستمره بالضحك: مسكين زوجها خاف منها
ساره وتمسح دموعها: مصرقعه هالبنت
ريما: ماودي اضحك اخاف ربي يبلاني واصير مثلها
ساره: اللحين وش اخبارها؟؟..
ريما: مبسوطه ماعليها
ساره: ياحليلها أنا مااذكرها زين شفتها مره عندك بالبيت
ريما: وش اخبار مها؟؟..
ساره: تمام ماعليها موصيتها تجيب لي شنطه شانيل الجديدة والله مدري عنها شكلها بتنسى
ريما: مو مشكله اذا ماجابت لك اشتريها من هنا الاسبوع اللي راح رحت باريس قاليري شناطهم خطيره اخذت لي شنطه ديور بس مره صغيره...
ساره: لكن الشناط من برى تكون ارخص من هنا
دق جوال ريما...
ريما: اوووووش هذا راكان
ساره: طيب واذا؟؟..
ريما: الووو
راكان: هلا وغلا... وحشتيني
ريما: ماتشوف وحش.. كيفك؟؟
راكان: بخير دامي اسمع صوتك
ريما: مااقدر أنا عالكلام الحلووو حبه حبه علي...
راكان يغني: أنا مو ولهان أنا.. أنا مو تعبان أنا.. أنا دنيا من الوله راحتها ايديك
ريما منحرجه وتحاول تضيع الموضوع: راكان الله يستر لايكون احد مراقب الخط اللحين يصكونك عين على ذا الصوت
راكان: هههههههههههههههه
ريما: راكان أنا عند ساره اللحين اذا رجعت البيت كلمتك...
راكان: اوكي بس مو ترجعين متاخر وماتدقين انتظرك... ماراح انام لمن اسمع صوتك..
ريما بابتسامه: ابشر من عيوني
راكان: انتبهي لنفسك
ريما: وأنت بعد.. مع السلامه
راكان: مع السلامه

بعد ماقفلت ريما ...
ساره: ريما تحبينه؟؟..
ريما غمضت عيونها وابتسمت: مووووووت ياساره مووت
ساره: طيب هو يحبك مثل ماتحبينه؟؟..
ريما: تصدقين هو يبين لي انه يحبني اكثر مني أنا قدامه اسوى نفسي ثقيله وعادي عندي بس بالحقيقه احبه موت..
ساره: يابخته فيك
ريما: قولي امييييين
ساره: اميييييين..
ريما: عسى الله يوفقك ويسعدك ويسخر لك الزوج الطيب وملائكه السماء وسكان الارض
ساره بابتسامه: هههههههههههه امين.. صايره كريمه مختار مو باقي إلا تقولين يارب يجعلك في كل خطوه سلام..
ريما: ههههههههههههههههه... بس تصدقين في شئ مضيق صدري..
ساره: وشوو
ريما: راكان حلووو مره لدرجه احيانا احس انه احلى مني بكثيييير يعني يغطي علي
ساره: هو من ناحيه حلو حلو ويخقق بعد...
ريما: هيييييي هيييييييي انتي لاتقعدين تتغزلين بزوجي قدامي...
ساره: طيب خليني اكمل كلامي
ريما: لا خلاص غيري الموضوع..
ساره وهي تضحك: مره قريت بالمجله مقوله مره حلوه اعجبتني...
ريما: وشييييي؟؟!!
ساره: يقولون" الرجل الشرقي لايحب زوجته ولايتزوج حبيبته "
ريما: يمكن الكلام فيه نوع من الصحه بس مايعمم عالكل
ساره: ليش دايم نسمع قصص اللي يتزوجون عن حب اول زواجهم يطيرون ببعض بعدين بعد فتره في الغالب الرجال يتغير ويمل....
ريما: بس في المقابل ياساره في ناس الحب مايجي بينهم إلا بعد الزواج





سعود من بعد ذاك اليوم اللي ارسل لعبير حس ان روحه ردت له لان كلمات قليله منها حركت فيه اشياء كثيرة وخلته يحس ان الحياه لها قيمه...
احبك ياعبير ولاادري كيف عشت سنتين من دونك الدنيا من غيرك ماتسوى
جلس يفكر بينه وبين نفسه كيف يتقرب منها اكثر هو قدر لها شعورها الايام اللي راحت انها انثى وانجرحت كرامتها وحبت ترد ولو جزء بسيط منها بس احساسي يقولي انها طول الفتره اللي راحت ماكانت سعيده...
وش اسوى اللحين ابي ارجعها ابيها ترجع زوجه لي وكل شئ يصير مثل اول واحسن بس ماراح اقدم على هالخطوه إلا اذا تاكدت من مشاعرها تجاههي او بالاصح اذا عطتني
الضوء الاخضر بالرجوع ماابي انحرج مع عمي وابوي مره ثانيه ودي لمن اروح اكون واثق من حبها لي وتمسكها فيني...

صار لي اسبوع من ارسلت لها مسج وهي ولا حس ولاخبر شكلها تبيني أنا اللي اتحرك وتكون بادره الصلح مني... ارسل لها

" هجرك اللي ذبحني ويش اسوى به؟؟!!
كل ماقلت ابنسى زاد تذكاره....
كان طفل بصدري وانتثر شيبه
هجرك اللي جرحني وش هي اعذاره؟!! "


عبير كانت جالسه مع اهلها تتقهوى يوم سمعت نغمه المسج فتحته لقته منه ماقدرت تكمل الجلسه مع اهلها وصت امها على عيالها وطلعت غرفتها
انفاسها بدت تتزايد بس كان توترها اقل من المره اللي راحت حمدت ربها بسرها ان في انسان شاريها بعيونه ومافرط فيها..
بس اخاف مشاعري تتبدل واكون مو قد الكلام
اخاف أنا بين يوم وليله اصير متناقضه بافكاري
ماودي اجرحك ياسعود كفايه اللي شفته بدنيتك ماابي اصير أنا والزمن عليك
احبك ياسعود وربي وحده العالم...

فتحت جوالها على انشاء رساله وكتبت فيها...

" هلا باللي فقدته حيل وقلبي فيه شاغلني
ذبحني صدق بغيابه... وفيه الشوق جنني
احسبه ضيع دروبي ولقى غيري وبدلني
اثاري قلبه حنين بوفاه دوم يغلبني "





نواف هالاسبوع افتتح محله كان موقعه مره خطير وهو متفائل خير بهالمشروع خلى ابوه يحظر يوم الافتتاح عشان يتبارك المحل على قولته.. امه دعت له ربي يوفقه ويسعده بعد كل اللي شافه بدنياه..
توه راجع من المحل يحس انه مرهق...
نواف: السلام عليكم
الكل: وعليكم السلام
ام نواف: الله يعطيك العافيه
نواف: الله يعافيك
ابو نواف: خلص دوامك
نواف: لاوالله تعبت وقلت للعامل بعد ساعه قفل المحل
عبير: نواف نفسي اروح المحل اتفرج
ريما: حتى أنا
ابونواف: والله المحل حلوووو وديكوراته راقيه مره
فارس وصوته بدى يتغير: والله صادق يبا حركه المحل
نواف: مو مشكله اذا مره كان فاضي دقيت عليكم تجون..
ام نواف: خلاص الحمدلله المحل وطاح همه ماباقي إلا ندور لك بنت الحلال
نواف: يصير خير
عبير: صادقه امي يانواف شف كم عمرك
ابونواف: اهلك يبون يفرحون فيك..
فارس: أنا شكلي بتزوج وهو توه..
نواف: صح عندكم فارس انتظروه يكبر وافرحوا فيه
ريما: أنا عندي لكم وحده خطيره
ام نواف: من هي؟؟
ريما: خلود صديقتي
ام نواف: صح خلود كيف ماجت على بالي والله اني احب ذا البنت
عبير: ياحليلها خلود
ريما: ترى أنا واعدتها اجيبها الرياض
نواف رافع حاجبه: لاوالله واي سطحه بتنقلها
(السطحه هي الشاحنه الكبيره اللي تنقل السيارات)
عبير: ههههههههههه
ام نواف: والله ان خلود شيخه البنات ماراح تلاقي مثلها
نواف وهو قايم: اللحين أنا تعبان بطلع انام بعدين يصير خير





من بكره جت مها عند اهلها اول مادخلت استقبلتها ساره ضمتها وجلست تصيح وحتى امها خنقتها العبره فرحه برجوع بنتها صح انها ماطولت بالسفر بس هاذي بنتهم واكيييد فقدوها..
مها كان وجهها منور ويشع بالسعاده واضح عليها الراحه النفسيه...
مها وهي تمسح دموعها: ساره وين اللي تقول متى تتزوجين عشان افتك منك..
ساره تحاول تكابر: والله أنا فرحانه الغرفه صارت لي اللحالي.. بس امي قالت لي اذا جت اختك صيحي عشان تفرح...
ام مشاري: خلى عنك بس والله انها مزعجتنا اشتقت لمها اشتقت لمها
مها: وش اخباركم يمااا؟؟؟... ابوي وينه مااشوفه؟؟..
ساره: ابوي طالع؟؟
ام مشاري: خالد وينه مانزل؟؟
مها: عنده مشوار يقول ساعه ويجي يسلم عليكم
ساره: وش اخبار سفرتكم؟؟..
مها: والله حلووووه باريس مره انبسطنا
ام مشاري: اهم شئ راحه البال لوماتسافرون
مها: صادقه يماااااااا
ساره: متى وصلتوووو؟؟
مها: اليوم الصبح
ام مشاري: روحي البسي ياساره بعدين تعالي لاختك ماراح تطير
ساره: تونا بدري
مها: ليش تلبس بتطلع؟؟..
ام مشاري بابتسامه: لا في ناس بيجون يشوفونها اليوم
مها: احلىىىىىى ساره ماتلعبين
ساره: ليش مباراه هي؟؟؟..
وجلسوا مع بعض يسولفون ويضحكون ومها تحكي لهم كل شئ صار معها..
وساره ماقصرت استلمتها بالاسئله..





المغرب جووو الناس جلست معهم ام مشاري ومها وبعد نص ساعه دخلت ساره عليهم جلست معهم شوي وقعدووا يسالونها ويسولفون معها بالبدايه كانت مستحيه لكن شوي شوي تجرأت
ماطولت بالجلسه بعد ماخلصواا القهوه طلعت لغرفتها رفعت سماعه التلفون جلست تكلم وحده من صديقاتها بالكليه
وبعد ماراحوو الناس طلعت لها امها
ام مشاري: وش رايك فيهم؟؟؟..
ساره: عادييين مااقدر احكم عليهم من مره وحده
ام مشاري: صح كلامك
ساره: هم وش قالووا عني؟؟
ام مشاري: ماقالوا شئ.. تبينهم يتكلمون قدامي
دخلت عليهم مها: السلام عليكم
الكل: وعليكم السلام
مها: يما اشوفك جالسه مع ساره وتاركتني والمفروض اليوم يومي
ساره: حاسدتني على دقيقتين
ام مشاري: يلااااااا امشوا كلنا نجلس برى ابوكم على وصول
مها: حتى خالد دق على يقول بيمر اللحين يسلم عليكم
ساره: مبسوطه يامها مع خالد؟؟
مها باحراج: توني مالي اسبوعين متزوجه وبشهر عسل وكل وحده الفتره تكون من اجمل ايامها اكيد بكون مبسوطه
ام مشاري: الله يسعدك انتي واختك قولووو امين
الكل: امين
سمعوا صوت ابوهم ينادي طلعوا له كلهم سلمت مها عليه وجلس يسالها عن احوالها دق جوالها كان المتصل خالد يقولها انه عند الباب وساره ماتركتها تراقب تحركات اختها وتحاول تعرف مشاعرها تجاه خالد....
مها: يبا خالد برى
ابو مشاري: الله يحييه اللحين بروح له
ام مشاري: وانا بقوم اصلح لكم القهوه
وبعد ماقاموا اهلهم قربت ساره من مها وبدت تحقيقاتها وتحرياتها...
ساره بلكعاعه: مدري يامها احسك عادي ماتحبين خالد
مها: بالعكس احبه ياساره واتعب وانا اقولك احبه
ساره: مو باين
مها باستغراب: وش تبيني اسوى اصرخ مثلا عشان تصدقين
ساره: لااا امزح معك... بس احسه شايف نفسه ومايستاهل كل هالحب منك
مها: لا ياساره خالد اللي يتقرب منه ويعاشره اطيب منه مافيه حنون وقلبه طيب
ساره: هههههههههههه والله انتي وريما كل وحده مخليه زوجها فارس زمانه
مها: ايه صح ريما وش اخبارها؟؟؟..
ساره: غارقه ببحور احلامها





ام نواف استغلت فرصه وجوده بالبيت ودخلت عليه الغرفه
نواف بابتسامه: وش عندها الغاليه زايراتنا اليوم
ام نواف: اذا أنا غاليه صدق ريح قلبي
نواف: امري
ام نواف: خلني اخطب لك
نواف: صديقه ريما
ام نواف: ايه خلود
نواف: ومتاكده انهم بيوافقون يما أنا ماابي احرجك مع الناس
ام نواف: وليش ان شاء الله مايوافقون بيلاقون احسن منك
نواف: اللي تشوفينه يماااا... بس أنا اقوول خلى ريما تكلمها بالاول تجس نبضها بعدين نشوف وش يصير
ام نواف: على خير وانا بكلم اختك تكلمها
نواف: هااااا يما اللحين ارتحتي
ام نواف: الله يريح قلبك





راكان وريما طلعوا يتعشون برى بعد مااخذوا موافقه اهل ريما طول الطريق كانوا ساكتين ريما مرتبكه وخايفه بالتلفون عادي تاخذ راحتها وتتكلم بس مجرد ماتشوفه تنقلب انسانه ثانيه.. دخلوااا الركن الايطالي وجلسوا على طاوله كبيره شوي يمكن كانت لاربع اشخاص..
راكان: خلاص نزلي الطرحه مافي احد
ريما وهي تشيل الطرحه: ياربــــــي حـــــــر
(مع العلم ان الجووو كان بارد بس حركات وتصريفات بنات.. يعني أي واحد تقوله خطيبته او زوجته حـــــــــــرررر على طول يعرف انها منحرجه )
راكان مفتح عيونه: حـــــــر!!!... وش لابسه انتي؟؟..
ريما: هااااااااا .. ايه شكلي مثقله اللبس بيتنا كان بارد...
راكان: طيب فكي قطعه من ملابسك اذا حرانه
ريما وكنها خافت: لااااااا لاااا خلاص الجو حلووو
راكان: اشتقت لك ياريما
ريما بابتسامه: تشتاق لك العافيه
وبعد لحظات صمت....
ريما: وش فيك تطالع؟؟..
راكان: اتامل فيك تصدقين كل مالك وتحلوين... ترى مااجامل...
ريما: عيونك الحلوه...
راكان: طيب انتي وش رايك فيني؟؟.. حلووو اسدح البنات؟؟..
ريما تكلم نفسها حلوو وبس إلا تجنن تهبل...
راكان: وش فيك سكتي ؟؟.. ردي علي عجبتك ولا لا؟؟...
ريما: صراحه...
راكان: ايوه
ريما وماتبيه يشوف نفسه عليها: أنت مره عادي...
راكان تحطم: حتى انتي عاديه..
ريما: هههههههههه كل ذا عشاني قلت الصدق توك تقولي انتي حلوووه
راكان: ايييييييييه حلوه بعيوني أنا بس لكن الناس مدري عنهم..
ريما: يكفيني حلوووه بعيونك ولا الناس وش ابي فيهم
بعد ماقالت هالكلام تغير لون وجهها وماتدري كيف جتها الجرأه وتكلمت معه وجها لوجه اول مره تقوله كلام حلو وهو جالس معها
راكان: ياقلبي انااااا مااتحمل





الساعه 1:15 الليل..
مشاري راجع من برى لقى ساره سهرانه مانامت...
مشاري: وش عندك صاحيه إلا اللحين؟؟..
ساره وواصله حدها منه: كيفي
مشاري: لاتنافخين..
ساره: سهرانه اللحالي وقدام التلفزيون وجاي تتحرش فيني وش تبي؟؟..
مشاري: عادي سألت سؤال عادي...
ساره: اذا شفتني سهرانه بالشارع تكلم
طالعها مشاري بنظره وراح عنها دخل غرفته وهو مرررره طفشان.. وش فيها هاذي تنافخ على لاقيتني اصغر عيالها أنا عادي ماقلت لها شئ يزعل بس شكل هي نفسيتها تعبانه بعد ماتزوجت مها وتحط حرتها فيني أنا المفروض اكون لين معها اكثر من كذا احس اني قاسي عليها ماعمري جلست اسولف معها بس هي الله يهديها افكارها غريبه ومزاجها اغرب مافي امل تسمع مني كلمه.. لازم اغير اسلوبي معها ابي اكسبها اللحين مافي بالبيت غيرنا..
خليني انام بكره وراي دوام وبعدين يصير خير..





من بكره ام نواف طلبت من ريما تكلم خلود وتاخذ رايها بالموضوع قبل مايتقدمون رسمي للناس ريما ماكذبت خبر دقت عليها وجست نبضها والبنت ماكان عندها مانع وكيف تمانع وهي بتجي الرياض عند حبيبه قلبها وغير كذا هي من زمان مع ريما وعارفه نواف زين من كثر ماتتكلم عنه ودخوله السجن مااثر في قرارها لانها عارفه السالفه كامله من ريما...
بعد ماقفلت منها راحت بلغت امها بموافقه خلود المبدئيه فرحت امها وكلمت ابونواف بالموضوع وقررت تكلم ام البنت ويشوفون وش رايهم؟؟..





في الاستراحه نواف واخوياه اللي كانوا وفيين وماقصروا معه فتره دخوله بالسجن باستثناء كم واحد ماشافهم الابعد ماطلع والمشكله يسلمون عليه ويضحكون ولاكن شئ صار بعض الناس وقحين.. شين وقوي عين...
ثامر: الجو ربيع وش رايكم نروح كم يوم روضه التنهات
عبدالله: خلوها خميس وجمعه عشان الدوامات
فيصل: والله فكره اخر الاسبوع فاضين
نواف: أنا مااوعدكم مشغوووول لراسي
ماجد: وش عندك؟؟..
ثامر: على فكره مبروك افتتاح المحل
نواف: الله يبارك فيك.. والله اني من يوم فتحته اداوم من الصبح ومااطلع إلا بليل...
عبدالله: ماشاء من متى فتحت محل من ورانا تكلم علمنا...
فيصل: أنا ناوي امر هالاسبوع باذن الله اشوفه..
نواف: الله يحييك
ثامر: وش قلتوووا عالطلعه
ماجد: خل باقي العيال يجون ونشوف..
عبدالله: نواف محلك وش النشاط اللي تمارسه...؟؟.
نواف: الكترونيات وتصميم مواقع
ثامر: المشكله الرياض مليانه من هالمحلات ليتك شايف لك مشروع ثاني
نواف: محل مافيه بالرياض مافي إلا كان محل مخدرات
الكل: ههههههههههههههههههههه
فيصل: مخدرات مره وحده كان قلت ويسكي عالاقل
نواف: اندري عنه يقول محل مافيه بالرياض...
ماجد: وهو صادق نواف الرياض هنا أي شئ تفتحه تلاقي العالم كله طاحوا بنفس المشروع.. ياحب ذا الناس للتقليد...
ثامر: كله بجهه والمطاعم والمستشفيات بجهه.. قسم بالله اللي يجي هنا اول مره يحلف ان اهل الرياض ماعندهم مطابخ ببيوتهم..





المغرب مها مصلحه قهوه وجالسين يتقهون...
خالد: والله انك فنانه تعرفين تصلحين حلى
مها بابتسامه: مو مره تجارب
خالد: لاوالله لذيذ
مها: بالعافيه
لحظات صمت...
مها: خالد ودي اروح الصالون اقص شعري
خالد: لااااااا
مها: ليش؟؟..
خالد: كيفي زوجتي وابي شعرك طويل
مها: بس أنا ماراح اقصره بس اطرافه
خالد: لاء
مها سكتت وماردت عليه وهو لاحظ هالشئ...
خالد وهو قايم: ترى أنا مااقولك هالكلام سيطره ولافرد عضلات لاوالله أنا احب الشعر الطويل
مها بابتسامه: اول مره ادري انك تحب الشعر الطويل
خالد: ماجت مناسبه اني اتكلم
مها: وين بتروح؟؟
خالد: بروح عند سلطان تبين شئ
مها: ايه ودني عند اهلي على طريقك ماابي اجلس اللحالي بالبيت
خالد: اوكي بسرعه غيري ملابسك انتظرك
ركب السياره وبعد عشر دقايق لحقته مها وداها بيت اهلها ومر سلطان وراحواا الكوفي اللي متعودين يجتمعون فيه






وفي احد المقاهي كانوا خالد وسلطان جالسين..
خالد: وش فيك ضايق صدرك فلها
سلطان: ياشيخ رضينا بالهم والهم مارضى فينا كارفين ابو جدي بالدوام وساكت ماقلت شئ لكن اغيب يوم طايح كنت انفلونزا وجايب لهم تقرير طبي ويخصمون علي ليه...
خالد: هذا القطاع الخاص ياخذونك لحم ويرمونك عظم لازم تستحمل
سلطان: أنت ماشفتني اليوم سفلت فيهم وتهاوشت معهم مااظني اكمل معهم
خالد: الله يعين يارجال
سلطان: أنت وش اخبارك مع المدام؟؟..
خالد: ماشي الحال...
سلطان: يعني كيف مبسوط مرتاح ولا لا؟؟..
خالد: عادي البنت طيبه وحليوه وتوني مالي شهر معها ماامداني احكم عليها
سلطان: يعني معقوله فتره الملكه الطويله ماقربتكم من بعض...
خالد: أنت عارف الملكه كانت بظروف شينه وبعد مااجلنا الزواج صار احتكاكي فيها قليل
سلطان: يعني ماتنصحني اتزوج
خالد: بالعكس حلووو الزواج استقرار لكن لازم تكون ملتزم موتاخذ وحده وتلعب بحسبتها
سلطان: هااااااا مافي خبر حمل شئ؟؟..
خالد: وش قالوا لك قطاوه ولا ارانب باقل من شهر تحمل
سلطان: ههههههههههه







الليل الساعه 12:40
عبير بغرفتها عيالها نايمين جنبها وهي طفشانه مو راضي يجيها النوم وبنفس الوقت جايها شوق مو طبيعي لسعود قالت بنفسها هو دايم يرسلي اليوم أنا برسله واشوف وش بتكون رده فعله قعدت تقلب بجوالها بين المسجات لما لقت هالمسج وارسلته

" حاولت في قلبي وانا اقول بنساك
واعيش دنيا في حياتي جديده
واثر الغلا ماتعجبه غير دنياك
والقلب غيرك ماسكن وريده.. "


سعود كان توه طالع من الحمام ماخذ له شور شاف جواله لقى
الرسائل الوارده: 2

فتحهم كان الاول من الاتصالات
" عزيزي العميل لقد تم استلام المبلغ ونقدر لك تعاملك"
حتى بااصعب اللحظات ورانا ورانا الاتصالات
والمسج الثاني كان منها تفاجئ فتح عيونه وهو مو مصدق انها تنازلت وارسلت له من غير مايرسلها تنهد براحه وجلس عالسرير وقرر يسوي شئ مايخطر عالبال قال اليوم بيخربها ويدق عليها له سنتين صابر ويتعذب ولااحد حاس فيه قال بنفسه اليوم ابي اسمع صوتها وارتاح...
جلس يقلب بقائمه الجوال لمن وصل " قلبــــي " وكان هذا اسمها بجواله اتصل عليها..
عبير كانت ماسكه الجوال بيدها وفجأه دق يوم شافت اسمه ارتبكت مااقدر اوصف لكم شعورها ترددت ترد عليه ولا لا؟؟.. هي مشتاقه له مووت بس الموقف كان صعب عليها طوووووووووول يدق يدق وهي متردده واخيرا خافت ينقطع ضغطت الزر الاخضر وهي ساكته...
سعود: الوووو
عبير بهمس: ااا...اهلين
سعود: عبير..!!
عبير: ه.. هلا
سعود: وش اخبارك؟؟..
عبير: تمام وأنت كيفك؟؟..
سعود ويحس براحه: بخيييييييييييير
لحظات صمت...
سعود: عبير.. متضايقه من اتصالي؟!
عبير: لااااا
سعود: مدري احسك مو طبيعيه...
عبير وهي تنتفض: هااا.. لاعادي
سعود: يعني اقفل؟..
عبير وبنفسها اااااااااااااه أنا ماصدقت انك دقيت واللحين تقول بقفل حرام عليك..
سعود: عبير وين رحتي..
عبير: معك معك
سعود: أنا اسف عالازعاج شكلي ضايقتك..
عبير: لاوالله ماضايقتني بالعكس...
سعود حس من اسلوب عبير انها متقبله المكالمه والدليل انها ماتبي تنهيها...
سعود من غير شعور: عبير بقولك كلام يمكن اول مره تسمعينه مني..
عبير خايفه: وووش؟؟..
سعود: عبير أنا اعشقك مو احبك بس
عبير تجمدت كل اطرافها وماعرفت وش ترد عليه وتقوله...
سعود مالقى أي رده فعل بعد هالكلام توقع انه ماتكلم بالوقت المناسب...
سعود بخيبه امل: أنا اسف
عبير خانقتها العبره: لاااا ياسعود لاتقول كذا...(وقطع صوتها الصياح وماقدرت تكمل كلامها )
سعود: وش فيك تصيحين يابعد الدنيا دموعك غاليه علي
وبدا بينهم مسلسل من الدموع والعتب اللي استمر إلى اذان الفجر...


قبل اسبوع ام نواف كلمت اهل خلود واليوم ردوا عليهم... ريما طارت من الفرحه ونواف ابتسم وقال الله يكتب اللي فيه خير..
ام نواف: اللحين لازم نروح للناس مايصلح خطبه بس بالتلفون..
ابونواف: اكييد لازم نروح لهم
ريما متشققه من الوناسه: ايه بعد عشان نواف يشوف خلود
نواف: لهالدرجه فرحانه..
ريما: أنت اخوي وهي صديقتي اكيييد بصير فرحانه... سعادتكم غايتنا
نواف: ههههههه احس انها دعايه بنك
ابونواف: نشوف عالاسبوع الجاي نحاول نروح
نواف: بس أنا مااقدر اترك الرياض هالفتره...
ريما: أنا عندي حل مدامهم موافقين خلاص خلوو الموضوع خطوبه وملكه...
نواف: مره واثقه انها بتعجبني
عبير توها داخله عليهم: والله البنت حلوووه احسها بتعجبك
ابونواف: صح النوم توك تصحين؟..
عبير: والله مانمت إلا الفجر
ريما: عاد عيالك نايمين بدري وش عندك قاعده للفجر
عبير تصرف ريما: جلست اتصفح مجله ماجاني النوم
ام نواف: كنها عجبتني فكره ريما نروح عندهم اسبوع منها خطبه ومنها ملكه
ريما: بس لاتوهقون البنت من اللحين تكلموااا عشان تتجهز
عبير: وش رايك بعد ياريما تتزوجون بيوم واحد
ريما: الله وناسه
ابونواف: لو داري ان ريما بتفرح بصديقتها لهالدرجه كان أنا خطبتها من زمان
الكل: ههههههههههههههههههه
ريما: هيييييي هييييييي أنت دافع عن امي وعن مرتك





ساره جالسه بالصاله مع وتحس انها مو على بعضها ودها تسأل امها عن الناس بس منحرجه ماتدري وش تقول واخيرا قررت تتكلم...
ساره بتردد: يماااا
ام مشاري: نعم
ساره: وش صار عالناس اللي جووو قبل فتره يشوفوني؟؟..
ام مشاري وماودها تضيق صدر بنتها: والله مدري لهم حول ثلاث اسابيع ولا ردووا علينا يمكن يدقون نكون طالعين ولا يحصلون التلفون مشغول
ساره: من كثر طلعاتنا حنا والتلفون نادرا ماينشغل
ام مشاري: يمكن خيره يابنيتي
ساره: أنا ماهموني من البدايه اصلا.. بس المفروض يردون حتى لو ماعجبتهم
ام مشاري: والله مدري عنهم
ساره: يمااا الناس دايم عادتهم اذا ماعجبتهم البنت يطنشون ولايقولون شئ
ام مشاري: والله على حسب ناس عندهم ذوق يقولون قسمه ونصيب وناس ماعاد تشوفينهم
سكتت ساره وهي نقول بنفسها مسكينه أنا مقروده دايم الدنيا ضدي..
.
.
طلعت غرفتها تصيح تحس ان الدنيا دايم محاربتها ماعندها احد لاصديقات ولاخوات ولااحد تشكي له كلن لاهي بدنياه كلهم تزوجووا وتركوني محد فيهم يفضي من وقته دقايق يسمعني مليييت يارب حتى يوم قلت جاني الفرج وانخطبت ماحصل نصيب..
دخلت عليها امها وشافت بنتها على ذا الحاله.. ضاق صدرها عليها ساره لها فتره على ذا الحال وتحديدا بعد ماتزوجت اختها وملكت ريما.. امها من زمان حاسه فيها بس ماكانت تتكلم لكن اليوم الموضوع كبر ساره اللي كان ضحكها يوصل اخر الشارع اللحين تصيح..
ام مشاري: وش فيك؟؟.. ترى الدنيا ماتسوى ياساره
ساره تمسح دموعها: بس الدنيا هاذي حنا عايشين فيها يماااه
ام مشاري: يابنتي كل واحد بهالدنيا ياخذ نصيه.. محد يقول لو اني سويت.. او لو كان كذا ماصار كذا.. كل شئ مكتوب عند الله..
ساره: ملل يمه كل شئ يمشي عكس اللي ابيه
ام مشاري: والله ياساره اعرف وحده حرمه عندها بنات ماتطلع من البيت الامسحبه بناتها معها وزواجات تشخص فيهم وتدور فيهم تبي الكل يعرفهم ومع كذا بناتها الثنتين إلا اليوم ماتزوجوا.. ووحده ثانيه وربي ان بنتها ماتحب الطلعات تحلف امها ان حتى السوق خواتها يشرون لها ملابسها ابد من البيت للجامعه ومن الجامعه للبيت خطبها واحد ماشاء الله مال ومركز ونسب.. ترى اللي ربي كاتبه بيصير فوالواحد ليش يعترض..
ساره وكنها بدت تقتنع: منهم هذولا يما؟؟..
ام مشاري: ناس الله يستر علينا وعليهم.. وهذا نصيب ياساره ربي وربك مقدره علينا كلنا..
اذا هو قاسمه من حنا عشان نعترض..
بعد كلام امها هدت شوي وطلعت تغسل وجهها وتمارس حياتها الطبيعيه لان اقدارنا مكتوبه عند رب العالمين اللهم لااعتراض





سافروا كلهم للخطبه الرسميه والملكه زي مااتفقوا مع اهل خلود كل شئ مشى بشكل طبيعي
استقبلهم خالها فهد وجلس معهم..
بالبدايه نواف شاف خلود وعجبته بعد يومين صارت الملكه وكانت خلود بسيطه جدا خاصه ان الفتره بسيطه وماكان في وقت تستعد...
عبير تحسفت انها راحت معهم عيالها طفشوها وتتخللت جلستهم هناك مكالمات بينها وبين سعود بس ماكانت تأخذ راحتها لانهم كانوا ماخذين جناح وريما معها بنفس الغرفه..
اما ريما اكثر وحده كانت مبسوطه واخر يوم قبل سفرهم نامت عند خلود بما انها صارت وحده من العايله...
نواف ماتوقع خلود بهالشكل لان طبيعتها مره هاديه عكس ريما فهو كان حاط بباله انها نسخه من ريما وهبالها لكن طلعت غير اللي راسمها في باله..
ماحبيت ادخل لكم بالتفاصيل لان ماكان في شئ يستحق الذكر كل شئ تم بهدوء والحمدلله..





في السياره يدورون كالعاده من غير أي هدف...
منصور: يااخي وش فيك وقفت؟؟..
مشاري: وين تبينا نروح؟؟..
منصور: عند العيال في غيرهم
مشاري: مالي خلق... طفشان
منصور: أنت قلي بس متى عمرك استانست
مشاري: والله ملل مليت أنا من كل شئ
منصور: اضحك للدنيا تضحك لك
مشاري: ياشيخ ضحكنا لها كشرت بوجيهنا
منصور: وش فيك بالضبط مو معقول طفشان كذا من الباب للطاقه في شئ مضيق صدرك؟؟..
مشاري: يااخي البيت ملل... جمعه الشباب ملل..حتى الشوارع ملت مني
منصور: لاااااا أنت حالتك ميؤس منها.. خويتي عندها اخت رهيبه تبي اعرفك عليها
مشاري: وأنت احد لاعب عليك قايل لك الوناسه بالبنات
منصور: ااااااه في احلى من النعومه والدلع بهالدنيا
مشاري: الله يعافيك وش نعومه ودلع والله لو أنت مخاويلك حليمه بولند ولاسيمون
منصور: هههههههههههههههههههههههههههههههههههههههههههه
مشاري: والله قلبي قايل من شاف وجهك يشوف دلع
منصور: طع شوري وخلني اشبكك مع البنت
مشاري: مشكوووور عندي ثنتين مصدعين راسي تبيهم خذهم...
منصور: بس هاذي غييير
مشاري: ياشيخ كلهم مثل بعض.. بس اللي أنا مستغربه من بعض البنات انك مهما تطنشهم مايتركونك.. اجحدها طنشها سبها ولاكنك سويت شئ تدق ولا كأن شئ صاير...
منصور: ماينلامون مشاري مطيح البنات..ههههههههههههههههههه
مشاري: هاهاهااهاهاهاي تبي تقنعني انك أنت وسيم اكثر مني
منصور: هههههههههههههههههه
مشاري: اللي على راسه بطحاء يحسس عليها





جالس في المكتب سرحان ونظره الحزن باينه بعيونه دخلت عليه مها وحست انه مو طبيعي ومتضايق من شئ..
مها: خالد..
خالد رفع راسه لها بدون ماينطق بحرف
مها: خالد وش فيك..؟؟
خالد: ولاشئ..
مها: شكلك موطبيعي صاير شئ؟؟..
خالد وهو قايم: لاسلامتك لاتشغلين بالك مافيني شئ
مها: اكيييييد
خالد بابتسامه باهته: اكيد...
وبعد ماطلع خالد من البيت جلست مها على مكتبه ولفت انتباهها ورقه قعدت تقراها دمعت عينها لان الكلمات اللي قرتها تلين الصخر..
وعشان مااثير فضولكم اكثر بنقل لكم اللي مكتوب عالورقه...


يبـه وانا بعــد 12 عـــــام حسيت***اني قدرت اقول شي كتمته
ابطـى قصيدي ما انكتب فيك وابطيت***اجر صوتي وارجع اجر صمته
ما ودي اكتب بيــــت واندم على بيت***مهوب شعر الشعر كاني زهمته
الشعـــر كانه ما انحنــــى لي ما جيت***ان ما عزم مرثيتك ما عزمته
ان ما كتبتـــه بازرق الدمــــع وابكيت***كل الجروح المبطية ما رحمته
يبه وانا من بعدك ابو التناهيت***ما مر طعم للحزن ما نهمته
يبه وانا لا ضقت رحت وتهجيت*** ركون بيت ضم حلمنا وحلمته
يومك تعلمني لا من تحاكيت***درس الحياة اللي كبرت وفهمته
هناك كانت دلتك لا تقهويت***وهناك كان يساق طيب حشمته
وهناك ايه اذكرني هناك خليت***طفل ملى بالدمع درب رسمته
هناك جاني علمك انك توفيت***وهناك خاويت الشقا واحتزمته
واليوم قلت اليوم يومي ومديت***كف القصيد وطاح شعري ونظمته
ولكن بعد صمت 12 عام حسيت ***اني عجزت اقول شي كتبته

القصيده للشاعر.." فهد المساعد"




بعد مارجعوا بكم يوم مجتمعين بالصاله على قهوه المغرب...
ابونواف: اللحين انتم كلمتوا ام البنت ان الزواج يكون بالرياض احسن
ريما: اصلا خلود تبي الرياض
ام نواف: اييييييه امها تقول انتم فصلوا وحنا نلبس
عبير: غريبه صراحه اهلها وافقوا ان الزواج مايكون عندهم بالعاده يصير الزواج بنفس الديره اللي فيها اهل البنت
نواف: بس هم ناس طيبين ماعندهم هالشكليات
ريما: بعدين هم اساسا كانوا ساكنين بالرياض ورايحين هناك فتره مؤقته عشان كذا كان الموضوع عادي عندهم
ام نواف: اللحين الله يعين عالتعب كل واحد له عرس وحوسه
عبير: لا أنا عندي فكره مدام ان اهل خلود موافقين زواجها يكون بالرياض ليه يانواف ماتخلي زواجك أنت وريما بليله وحده
ريما: والله فكره
نواف: هي قالت وش رايك يانواف ماقالت ريما
ريما: اصلا الشرهه على اللي اخليكم تشاركوني لحظاتي الحلوه
ابونواف: عبير وين عيالك ماشفتهم اليوم
عبير: روشتهم ونومتهم بعد شوي بيجون عماتهم هناء ولينا يشوفونهم
ام نواف: ياحليلهم والله انهم واصلين
ريما: نرجع لموضوعنا... من الصبح وانا اتكلم عن القاعه ومحد عاطيني وجه
عبير: وين ودك تحطينه ياحلووه
ريما: مدري ودي قاعه الرياض ولا السليمانيه
ام نواف: اللــــــــه الدرج طويل بتطيحين وانتي تمشين
ريما: هههههههه كانوا طاحوا كل العرايس
نواف: تدرون كنها عجبتني الفكره أنا وريما بليله وحده
ريما: لااااااااا ياشيخ
عبير: أنا اقوول قاعه الرياض احلى مره طلعت حلوه بعد ماجددوها
ابونواف: صادق أنت يانواف ودك أنت واختك بليله وحده
ام نواف: ايه والله اريح
نواف: خلاص مدام الوالده قالت اريح نبي نريحها
دق جوال عبير ابتسمت كانت حاطتله نغمه خاصه يمكن تكون الاغنيه قديمه شوي لكن الكلمات كانت عالجرح بالنسبه لعبير" لمني بشوق واحضني بعادك عني بعثرني" لعبدالله الرويشد
عبير وهي قايمه: الووووو
سعود: هلا وغلا.. عندك ازعاج طالعه؟؟
عبير وهي تطلع الدرج: لا كنت جالسه مع اهلي قاعدين يخططون لزواج ريما ونواف قرروا يخلونه بليله وحده..
سعود: ماشاءالله.. طيب وش رايك ياعبير بدال ماتكون ذيك الليله اربع قلوب فرحانه خل نخليها سته...
ابتسمت عبير وكملت مكالمتها معه وقلبها طاير من الفرحه لاستعاده هالحب الكبير....






بعد كم يوم ريما ماسكه الريموت وتفلب القنوات دق تلفون البيت وردت عليه..
ريما: الووووو
راكان: هلا
ريما ومومستوعبه الصوت: الوووو
راكان: لاتردين عالبيت مره ثانيه
ريما: ليش؟؟..
راكان: صوتك يذوب ماابي احد غيري يسمعه
ريما: عاد الناس يقولون صوتك بزر
راكان: ماعندهم سالفه
ريما: غريبه وش عندك داق عالبيت؟؟.. مضيع رقمي
راكان وبيرفع ضغطها: ومن قال اني داق ابيك؟؟..
ريما: اوووووووف ياراكان عورني وجهي
راكان: ههههههههههههههههه احبك ياريما وربي احبك
ريما: ايه واضح
راكان: والله محد يسواك عندي.. تعالي ماتلاحظين أنا دايم اقولك كلام حلوو وانتي بخيله على
ريما: ايييييه تقول كلمتين حلووين من هنا وتطيح وجهي من هنا
راكان: هههههههههههههه خالي موجود؟؟..
ريما: وش تبي فيه؟؟
راكان: رحت اليوم ادفع العربون حق القاعه وبتاكد منه من عدد الاشخاص
ريما: اهااااااااااا .. لحظه اناديه لك
راكان: ريما
ريما: هلا
راكان: اليوم باليل لاتنامين بدق عليك
ريما بحيا: لحظه انادي ابوي
.
.
.


ومرت بعدها ليالي وايام كثيرة ناس فرحانين وناس مبسوطين وغيرهم مترقبين
والكل على اوج الاستعداد لليله العمر


وجت ليلة الفرح الكبير..

اليوم زواج ريما وراكان & وخلود ونواف.. كان كل شي يمشي بهدوء وبساطة على غيـر المعتاد القاعه كانت كبيره وواسعه والمعازيم كثار لان الزواج لاثنين مو لواحد..
انشغلت ام نواف وام راكان وحتى ام خلود باستقبال الحضور وماراح انسى ام مشاري اللي ماقصرت معهم..
الجميع مبسوطين ومرتبشين ويرقصون بفرح البنات بصراخ وهبال خلوو للزواج طعم
ساره لابسه فستان احمر طالع عليها جنان كانت كل شوي تقوم وتطلب من الطقاقات اغنيه..
صديقات البنات كلهم حظروا مانسووو بنات المدرسه والبنات اللي بالجامعه مع ريما
ريهام جت وجلست مع مها على نفس الطاوله
مها بما انها مامر على زواجها إلا اشهر فهي تعتبر إلا الان عروس كانت لابسه فستان فخم وراقي لونه فوشي ومتداخل معه لون التوفي والبيج والذهبي الصدر عباره عن اشكال نحاسيه متناسقه مع الفستان من جد كانت نجمه الحفل هذيك الليله..

اما عبير ماجلست طول الزواج وهي واقفه رايحه وجايه من يلومها والليله زواج اختها الغاليه واخوها العزيز حتى صديقتها نجلاء ماقدرت تجلس معها الادقايق معدوده.. يمكن تستغربون عبير إلا الان مارجعت لسعود مثل ماطلب منها هو كلم اهلها ووافقوا بس هي ماحبت البيت يفضى على امها فجأه بعد اخوانها فقالت له ننتظر فتره بعدين نتزوج...
كانت لابسه فستان ملون متداخل ومتشابك الالوان بين اللون الوردي والليموني والاخضر والبيج والسماوي كان الفستان يعكس حياتها الحاليه من بعد عيالها وصفاء قلبها تجاه سعود يعني تحس ان حياتها صارت ملونه ولها طعم مو مثل قبل فكان اختيارها لهالالوان مو من محض الصدفه لا كانت متقصده هالشئ..

وعالساعه وحده بالضبط طفو الانوار وجاء وقت الزفه بالبدايه دخلت خلود بناء على رغبه ريما ان صديقتها ومره اخوها تكون الاول بالزفه..
خلود كانت تمشي على نغمات الموسيقى الكلاسيكيه

فستانها كان لونه سكري والشك اللي عليـه بمنتهى الروعة.. فتحته واسعة وهذا اللي خلى شبكتها تبان بوضوح للكل كانت لابسه عقد ذهبي تبرز منه الماسات صغيره بنفس اللون وبلمعه رهيبه. طرحتها دانتيل فرنسي لونها ذهبي وسكري كبيـرة وطويـلة وتسريحتها بسيطة بمنتهى الجمال وماكياجها كان متدرج من البني الغامق إلى الذهبي إلى البيج اللي بين حلاه عيونها ولون بشرتها..
ومعها بيدها مسكه لونها احمر قاني..
بعد ماوصلتت للكوشه جلست وغنوو لها اغنيه وصورتها المصوره كذا صوره وبعدها بنص ساعه طفوو الانوار مره ثانيه ونزلت ريما
على نغمات اغنيه راشد الماجد..

حد منكم شاف فالدنيا بدر** مقبلن يمشي ومن حوله بشر..

كانت تنزل من الدرج اللي كان طويل الكشاف مسلط عليها اخذت نفس عميق والكل لاحظ توترها وكان صدرها يطلع وينزل من شده الارتباك عيونها تطالع عالكوشه ابتسمت ابتسامه خفيفه يوم شافت خلود جالسه وتشجعت اكثر انها تكمل بعد مانزلت الدرج ارتفع الممر اللي تمشي عليه عشان الناس يشوفونها حست انها فقدت توازنها لكن تماسكت وكملت واخيرا وصلت عند الكوشه اللي كانت عباره عن شلالات والورود والزرع متناثره بكل مكان والارض مفروشه بالعشب الاخضر لدرجه انها توحي بالناظر اليها انه بغابه او حديقه غناء وكانت هاذي من اختيارها
طلعت الكوشه وكان لها ستايل مختلف عن خلود فستانها لونه ابيض له سيورخفيفه وكان الفستان ناعم جدا ساده مافيه أي حركه إلا الذيل الطويل اللي كانت عليه ورود باللون الفوشي منظومه بعنايه ولاضافه اكشن عالفستان الخالي من أي تداخلات لبست طقم الماس ابيض ويتدلى منه ماسات فوشيه وحتى تسريحاتها كانت كول مرفوع شعرها بنعومه ومثبته الطرحه وعليها ورده فوشيه كبيره شكلها ناعم وانيق..
اما مكياجها كان غامق ومرسوم بعنايه متدرج من اللون الاسود والوردي والفوشي والفضي..
ومعها مسكه بيدها لونها فوشي بعد
(شكلكم تقولون مو باقي الاتصبغ شعرها فوشي هههههههه)
بس مااخبي عليكم ريما بطلتها هاذي غطت على خلود بكثير لان شكلها كان خيالي وجميع الحاضرين مدحوا في ذوقها واناقتها البسيطه
جلست جنب خلود وهي تبتسم وصورتهم المصوره صور جماعيه وطلعوا اهلهم يسلمون عليهم وساره ضمت ريما وجلست تصيح وتدعي لها بالتوفيق
وعبير ماقدرت تمسك دمعه فرح سالت منها بشوفه اخوانها الليله معاريس
وام نواف ماكانت اقل منهم فرحه خنقتها العبره ونزلت من الكوشه اخيرا تحقق حلمها بزواج ولدها من زمان وهي تتمنى هاليوم وربي حقق لها مناه وكانت هالليله فرحتها مضاعفه بريما سبحان الله قبل كم سنه كانت طفله صغيره نخاف عليها واليوم هي عروس الله يتمم لكم ياعيالي ويوفقم ويسعدكم يارب..
وام خلود كانت جالسه جنب بنتها بالكوشه من يوم مانزلت تسمي وتقرا عليها وتدعي لها بالحياه السعيده..

وبعد ساعه صار الوقت يدخلون العرسان وكانوا مخططين لهاللحظه من زمان ريما مايفوتها شئ كانت مثقله طرحتها عشان تتغطى فيها.. في البدايه دخل نواف وابوه ...فهد خال خلود كان بيدخل بس ماحب يحرج ريما وتتغطى وتنحاس اكتفى بالسلام عليها قبل الزفه نواف وقف جنب عروسته سلم عليها وصور معها وهو يطالع ريما قرب منها وبارك لها وردت عليه بهمس شك انها اخته ريما لانها معروف عنها النعومه بجهه وهي بجهه.. ماطول نواف عشانها كلها عشر دقايق واخذ زوجته وطلعوا بيروحون للبوفيه عشان يقطعون كيكه الزواج او كعكه الزواج..
نواف مسك يد خلود وقبل ماينزل التفت على ريما: لاتتاخرون ترى بنخلص عنكم الكيكه
ابتسمت ريما بخجل وماردت عليه..
اما ابوها جلس عشان يزفها لعريسها بهالليله اللي ينتظرها كل اب ويفرح فيها..
وبعد ماطلعوا دقايق ووصل راكان مع ابوه وطلعوا للكوشه ابتسم لريما وسلم عليها وبارك لها.. وهي كانت مستحيه ماتدري ليش مع ان لهم فتره مملكين بس اللحين هي عروس وقدام الناس والكل يتابع تحركاتها..

انتهت الليله على خير والقلوب فرحانه المعاريس راحوو للفندق اللي كانوا حاجزين فيه هالليله بس لانهم من بكره بيغادرون لقضاء شهر العسل
ريما وراكان بيقضون شهر العسل في النمساء ذات الطبيعه الخلابه..
نواف وخلود بيروحون جزر الكاريبي...





هنا ينتهى الجزء ولكن تابعوا بقـــــــي..

^
الأميرة دانة
17 - 09 - 2009, 03:45 AM
%%% لقطات من شريط السنين %%%


%% بعد مرور سنه%%


دخل خالد غرفه النوم لقى مها مطفيه الانوار وحاطه شموع ومغيره مفرش السرير صايره الغرفه جوو رومانسي .. تذكر خالد ان اليوم هي واعدته بمفاجئه والمفروض بالمقابل يكون متجهز بهديه بسيطه بس نسى وانحرج بس حاول يغطي على نفسه بالكلام الحلوو لانه اللحين بعد مرور اكثر من سنه حس انه هالانسانه تدور راحته وتسوي كل شئ يرضيه.. يعني خالد تقريبا صار يميلها ويتقبلها اكثر من اول لانها عرفت كييف تكسبه بالكلام الحلوو والمعامله اللينه و..
مها كانت مصلحه مفاجئه لخالد مغيره ستايل البيت كله مو الاثاث لا بس اماكن الاشياء وخاصه غرفه النوم واضافت عليها اشياء خلاها بمنتهى الروعه...
خالد: وش القصه الكهرب طافي..؟؟!!
مها: لا شكل قلبك طافي
خالد: اوووف قوييييه.. بس تدرين انتي نورتي قلبي من دخلتيه
مها وهي تمد له هديه مغلفه: عمري جبت هالهديه قلت مو بس أنت اللي تجيب لي دايم..
خالد بابتسامه: يوو واحد تورط مايدري وش يرد
اخذ خالد منها الهديه وجاء بيفتحها بس قال لازم اعتذر لها اني ماجبت لها شئ اخاف ينكسر خاطرها..
خالد: مها لاتقوليين خالد نساني ماجاب لي شئ .. لي كم يووم ادور لك على شئ حلوو ومناسب امس وديتها تتغلف اليوم رحت المحل لقيته مقفل..
مها: أنا يكفيني تكتب لي قصيده فيها اسمي
خالد: وووين اسمك؟؟ اسمك احتفظ فيه لنفسي..
فتح خالد هديه مها لقاهااااا
.
.
.
مرايه اطرافها اكسسوارات ناعمه حجمها متوسط مكتووب عليها

" أنت تنظر الان إلى اعظم رجل في العالم"





وبمكان ثاني واشخاص غير..
راكان وهو منحرج: ريما باعترف لك اعتراف..
ريما: وشوووو؟؟؟؟
راكان: أنا انسان صريح ومااحب اللف والدوران.. صحيح ان اللي بتكلم فيه اللحين ماضي بس أنا يهمني زوجتي تعرف كل شئ عني..
ريما: راكان وش السالفه خوفتني..
راكان: قبل سنتين تقريبا كانت احب وحده وكنت على وشك اني اتزوجها بس..
ريما تطالع فيه وهي مصدومه..
راكان: وش فيك؟؟!.. من اولها كذا نظرات خلاص شكلك بتزعلين أنا غبي هذا ماضي المفروض مااتكلم فيه بس حبيتك تشاركيني ..
ريما: طيب كمل..
راكان: وعد انك ماتزعلين.. عاد انتي حامل والزعل مو حلوو عشانك
هزت راسها بالايجاب..
راكان: شفتها بمصر واخذت قلبي وعقلي كله معها..
ابتسمت ريما وطالعت فيه بخجل..
راكان وبيرفع ضغطها: وش فيك استحيتي ؟؟.. لايكون على بالك انتي..
ريما تطالعه بمكر: دينا
راكان: من دينا؟؟...
ريما: عاد أنت كل صيفيه تحب لك وحده..
راكان: ههههههههههههههه لا مو دينا ماراح اقولك مين..
عصبت عليه ريما وقامت بتقرب منه بتنتقم بس هو سبقها وطلع..
راكان وهو واقف عند الباب: سويي لي صينه خضار اليوم..
ريما: لك وجه تطلب بعد.. بسوى لك برجر ولا هوت دق
راكان: ارحميني بطني راح فيها من منتجات امريكانا.. الشركه بيرسلون لنا خطاب شكر الزبون الدائم لهم...
.
.
رفعت ريما سماعه التلفون..
ريما: الوووووو
ام نواف: هلاااا والله
ريما: هلااا يماا انقذيني..
ام نواف: وش عندك هالمرره شاهي ولا قهووه؟؟
ريما: هئ هئ لااااااا يما هالمره راكان مشتهي صينيه خضار
ام نواف: ههههه ياشيخه بتكملين سنه متزوجه بعد ثلاثه شهور ان شاء الله بتصيرين ام والا الان انتي حوسه بالمطبخ..
ريما: يماااا استحمليني إلا مااتعلم.. وش اسوي له راكان يتشهوي على حسابي وانا الضحيه..
ام نواف: قطعي كل شئ حلقات البطاطس والكوسه والجزر و..





نواف يفطر وهو مستعجل وكوب الشاهي ماكمله..
خلود: وش فيك الدنيا ماراح تطير..
نواف: احب اروح المحل بدري.. ماابي العمال يكونون الحالهم مااعتمد عليهم لازم يصير وراهم احد..
خلود: هذا وأنت محل واحد الله يعين اذا فتحت الفرع الجديد..
نواف: اووو صح ذكريني الله يذكرك بالشهاده بمر الرجال اليوم بشوف وس سوى مع مكتب العقار..
خلود: الله يعينك.. طيب وش صار على الطلعه؟؟
نواف: لاااااا هالاسبوع مااقدر شوفي اهلي اذا بيروحون روحي معهم..
خلود نزلت راسها وشكلها تضايقت..
نواف: حبيبتي استحملي عشاني أنا كل هذا عشان مين اسوويه..؟؟
خلود: بس أنت كل وقتك لشغلك وانا مااشوفك إلا عالوجبات او عند النوم..
نواف وهو طالع: انتي ماتسمعين بمقوله .. وراء كل رجل عظيم امراه
خلود بابتسامه: انتبه لنفسك ولاتسرع..





في مدينه الالعاب انواع الازعاج والصراخ..
عبير: سعود امسك فهودي لايطيح
سعود: لاااا أنا حبيبتي شهد ماامسك إلا هي
عبير: بدت اللعبه لايطيحون انتبه لهم بصلح طرحتي
سعود يقرب من شهد ويبوسها: هوبااااااا طرنا بالسماء
فهد قرب من عبير وضمها شكله خايف..
فهد: هيييييي ماما
سعود: وش فيك خايف يالدب البنت احسن منك
عبير: حرام عليك تعقد الولد
سعود: شهودي قولي بابا
عبير: وماما بعد
ابتسمت شهد ابتسامه مشرقه كلها براءه طفوله..
سعود: البنت هاذي غريبه ماتتكلم ابدا وفهد ماشاء الله عليه لسانه منطلق
عبير: بسم الله على عيالي توهم صغار ماكملوو سنتين
سعود حزت بخاطره كلمه عيالي مع انه يعاملهم مثل لو كانوا عياله لكن الحقيقة هي انهم مو من صلبه.. هو إلا اللحين مافقد الأمل مازال يراجع المستشفيات ومايفوت مواعيده وايمانه بالله قوي وكل يووم يدعي ربه انه يرزقه ولد منها..
عبير: وين سرحت؟؟
سعود: هاااااا... معك.. يلااااا بسرعه خلينا نرجع البيت ابوي مره تعبان ماابي اتركه اللحاله
عبير: يلاااااااا مشيناااا





جالسه بالصاله تتامل البيت اللي فضى عليها فجاه صار خالي ماله طعم ولا أي حس دخل عليها ابو نواف: السلام عليكم
ام نواف: هلا وغلا وعليكم السلام
ابو نواف: وش فيك سرحانه؟؟
ام نواف: اااااه جالسه افكر بعيالي كل واحد منهم راح بطريقه وشاف حياته والبيت فضى علينا
ابونواف: هاذي سنه الحياه
ام نواف: تصدق تووي احس بطعم يوم الخميس لما يجتمعون عيالي عندي
ابو نواف: ادعي لهم الله يوفقهم
ام نواف: الله يستر عليهم ويوفقهم ويقوم لنا ريما بالسلامه..
ابو نواف: امين
ام نواف: فارس الله يهديه طلع من العصر والا الان مارجع
ابونواف: دقي عليه





وفي بيت ابو مشاري وبالتحديد في الصاله جالسين..
مشاري: مها من زمان مامرتنا
ساره: أنا على بالي بتصير كل يوم تجي بس هي هي على حالها
ابو مشاري: حتى خالد مدري عنه إلا من مها
ام مشاري: قبل كم يوم جت بس ماطولت.. خلاص البنت لاهيه ببيتها وزوجها على بالك كل الناس مثلك فاضين..
ابو مشاري: يصير فاضي ولا يفشلنا عند الناس
ساره: هههههه مشاري أنا اللي راح اخطب له.. اذا حقدت على وحده بالجامعه على طول بخطبها لك عشان تنتقم لي منها اشد انتقام..
مشاري يطالع ساره بنظرات..
ام مشاري: قل خيرا اواصمت
ساره: اصمت اجل احسن اطلع اكلم بالتلفون ولا اطالع الفديوو
ابو مشاري: وبس انتي طول يومك ياعند التلفزيون ولا معلقه سمعه التلفون
ام مشاري: ريما اللي كانت مونستها خلاص تزوجت ومها لاهيه بعد
ساره: ياحبيلها امي محد حاس فيني إلا هي
مشاري: يلاااااا أنا بطلع تبون شئ


%% بعد مرور خمس سنوات%%


خالد: مها.. مهـــــــــــــــا
مها وتطل من كونتر المطبخ: هلاااا وش فيك؟؟
خالد: تعالي خذي جود حاستني
مها: ياويلك من ربي انتم كذا الرجال تبون عيال تبون عيال واذا جوو ترمونهم على الام وماتعرفونهم إلا اذا كانوا رايقين ومرتبين..
خالد: لا ياقلبي أنا احبهااا وامووت فيها بس اللحين مشغول وجالس اكتب قصيده وهي حاستني وانا ابيك تشيلينها عشان ماتطير الفكره..
مها: لمين القصيده؟؟
خالد: بعدين اذا كتبتها تعرفين.. جودي يلااا روحي مع ماما
جود: لااااا مبي
مها: هههههه قوويه بنتي.. تقول ماابي
خالد: يلااااااا بس قومي مافي ماابي
جود تطالع ابوها بنص عين: دب
خالد: ههههههههه قلبوس الدبه انتي
شالتها مها وهي تصيح..
خالد: شوي شوي عالبنت..
مها: ياسلاااااام أنا اللي هي أنا.. ماتخاف على كذا
خالد وهو ياشر على عيونه: انتي عيني ذي وجود عيني الثانيه..
ابتسمت مها وراحت تكمل شغلها بالمطبخ وجود معها..
.
.
.
بعد نص ساعه ناداها خالد وجلس يقرا لها قصيدته الجديدة..

هلا بعمري هلا بروحي هلا باللي تذوبني
هلا بمن عطرها يملى على دنياي وايامي
هلا باللي اذا نادت اجيها بلهفه وكني
.وصلت لاخر الدنيا طويت الارض باقدامي
اجي باحساس وانسى الناس اجي مرتاح متهني
ابي ترويني بايديها لاني بدونها ضامي
اجي عطشان اجي ولهان كاني كنت مستني تناديني
واجيها بشوق كنت احسه داخل عظامي
هي اطيب قلب واجهته وماقد خيبت ظني
هي اجمل وجه قابلته وهي اكبر من احلامي
تقول اني احب انسان وتقول باني واني
وانا ليمن بدت تمدح ادور اقرب اقلامي
لاني لو عجزت اكتب غلاها وقربها مني
اجل وش فايده شعري اذا مايكتب الهامي
صدوقه وان نوت تكذب تقول ارجوك سامحني
تحس ان الكذب حاجه عظيمه شئ اجرامي
بريئه في سوالفها تسولف عنها وعني
تذكرني بكل موقف جمعنا وصار قدامي
حنونه صوتها دافي ولها نبره تدوخني
بنبرتها يجي اسمي ماكنه خالد ...


القصيده للشاعر.. " فيصل اليامي"





دخلوو شهد وفهد المدرسه والاسبوع هذا اول اسبوع دراسي لهم..
مر سعود عليهم واخذهم من مدارسهم ورجعوا البيت.. اول مادخلو البيت ضمتهم عبير وباستهم..
عبير: وش سويتوو حبايبيي اليوم
سعود: امااااا فهد فضيع إلا نهايه الدوام يصيح
فهد: ماصحت بس شوي
سعود وهو يضمه ويغمز لعبير: لا ماصاح هو رجال كبير
عبير: وانتي يالدبه وش سويتي اليوم؟؟
شهد: عطونا حلاوه وشيبس وعصير
سعود: وينهم؟؟
شهد: اكلتهم
عبير: يالدبه ليه ماجبتي لفهودي
فهد: أنا بروح مدرسه شهد بكره
قعدووو سعود وعبير يضحكون على كلام وبراءه الاطفال.. عبير: يلاااا نروح نغير ملابسنا عشان نتغدا . . . على طاوله الطعام عبير هي متردده: سعود حبيبي بقولك شئ أنا نفسي متفاجئه فيه وما قلتلك إلا بعد ماتاكدت سعود: خير ان شاء الله عبير: أنا من كم يوم احس بتعب اليوم الصباح رحت الطبيبه
سعود: وش فيك؟؟
عبير: طلعت حامل
سعود يطالعها وهو متفاجئ ومو مصدق ويحس انها تلعب عليه..
فهد: ماما حامل
سعود: واللـــــــــــــــه ياعبير
عبير: والله
سعود: مو مصدق اكيد ياعبير اكيد هالكلام
عبير: ربك قادر على كل شئ
سعود نزل راسه..
عبير: وش فيك؟؟
سعود: اااااااه ياعبير تمنيت ابوي عايش كان فرح بهاللحظه
عبير: الله يرحمه ويغفرله
شهد: بابا ماما عندها بيبي ببطنها..
سعود و عبير: ههههههههههه





قفل التلفون وهو مبسوط..
خلود: ان شاء الله دوم هالوناسه
نواف: اميييييين
خلود: وش فيك؟؟
نواف: هالاسبوع افتتاح شركتنا
خلود وبابتسامه: مبروك الف الف مبروك
نواف:هذا كله بفضل وقفتك معي وتفهمك لوضعي
خلود: تصدق أنا وأنت بالجنه.. أنا رزقت مثلك فصبرت وأنت رزقت مثلي فشكرت..
نواف: وش قصدك انتي الزينه وانا الشين.. اساسا أنا كل بنات حارتنا كانو يتمنون مني نظره..
خلود: ياقدمك أنت وحارتنا وين عايش ..
نواف: اقوول بس لايكثر وين عزوز؟؟
خلود: عند امي من امس قالت خليه ينام عندي.. شفت انك ماتدري عننا
نواف وهو منحرج: خلود والله أنا احبكم وكل شئ اسويه عشانكم وولدي ماانتبهت له لاني امس جيت دايخ حطيت راس ونمت.. هذا مو عدم اهتمام مني..
خلود: امزح معك وش فيك فتحت لي محاضره..
نواف: لا عمري من جد انتي متضايقه مني تكفين تكلمي لاتخلين بقلبك شئ..
خلود: بقولك شئ بس اخاف تصفقني..
نواف: وشوووو لا تخافين متعود على مقالبك انتي وريما.
خلود: عزوز نايم بغرفتنا مو عند امي
مسك المخده اللي عالكنبه ورماها فيها وهي تصارخ..




في مستشفى الولاده فتحت عيونها تطالع السقف وتحس كل تعب الدنيا فيها نزلت راسها تطالع بطنها اللي اختفى فجأه..
راكان: الحمدلله عالسلامه ياام رنا جتك بنت ثانيه..
ريما بابتسامه باهته: اااه الله يسلمك
راكان: يلااااا فمان الله..
ريما: وين ؟؟؟
راكان: افااااااااا نسينا الوعد
ريما ومو فاهمه شئ: أي وعد؟؟
راكان: توو شفت وحده رهيبه بلحق عليها قبل ماتطلع بشوف مرتبطه ولا لا؟؟
ريما وتذكرت: اقوول بس ترى الاولى أنت سميتها هاذي أنا بسميها رغد
راكان: وشوووو ماصارت كل الدنيا بحرف الراء راكان, ريما, رنا, رغد,
ولا مسلسل عديل الروح عالاقل هم بس العيال بحرف الراء الام والابو مالهم علاقه..
ريما: والله ماانتبهت انه نفس الحرف بس كذا عاجبني الاسم
راكان: حتى عيالي من مرتي الثانيه بطقم فيهم بنفس الحرف
طق الباب عليهم ودخل نواف وخلود.. وبعد السلام والسوال عن الحال وتحمدوو لها بالسلامه..
راكان: يلاااا استلم اختك بروح اشوف رزقي
نواف: رزقك؟؟!!!!!
راكان: ايييييه تراك معزوم.. زواجي الاسبوع الجاي..
ريما: راكان تراك ذليتنا ماتسوى علي كلمه قلتها..
نواف: وش السالفه؟؟
راكان: تخيل اختك هاذي من يوم مادرت انها حامل وهي تقولي ياراكان تكفى لاتخليني لحالي اجلس جنبي لين اولد المهم اليوم دخلت معها غرفه الولاده طووولت جاهااا طلق موب صاحي ولا طلق صعايده أنا ملييت قلت اكييييييد اللحين بتجيب اربع مواليد ومعهم العرض ماغيره خذ واحد واحصل عالثاني مجانا.. اخووك مل الصراحه قلت بطلع جت ريما تمسكت فيني بغت تشق ثوبي تكفى لاتطلع لاتخليني اذا ولدت اطلع بكيفك ولو تبي بعد تزوج علي..
ريما تطالع فيه بنظرات حاده: اقووول نواف وين امي؟؟
خلود: خالتي بتجي بعد شوي..
نواف بحماس: ايووو ايووو كمل كمل.. ريما تراك ترفعين الضغط اسكتي شوي..
ريما ونفسيتها زفت بعد الولاده: واذا ماسكت يعني وش بتسوي بتعطيني كفين..
نواف: ايه والله نفسي اعطيك كفين ابرد حرتي فيك.. بس بعد اذن زوجك طبعا..
راكان بصوت واطئ: حلالك





ام مشاري: ساره ساره يلااااااا تاخرنا
ساره: طيب يمااا ثواني
نزلت ساره كاشخه عالاخر..
ام مشاري: سنه تلبسين..
ساره: يمااا العزيمه اللي احنا رايحين لها اليوم مهمه وزحمه وفيها ناس خليهم يشوفوني كذا يمكن يخطبوني..
ام مشاري وهي تضحك على هبال بنتها: انتي اثقلي شوي عشان الناس يخطبونك
ساره: يماااااا هذاك اول الناس يدورون البنت العاقله الثقيله المودبه.. اللحين غير صارو يدورون خفيفه الدم المهبوله اللي ترز عمرها وتكشخ..
ام مشاري: الله يصلحك بس امشي تاخرنا
ساره: قولي امييين يما
ام مشاري: اميييين على ايش بس
ساره وكنها استحت: لاا خلاص ولاشئ.. بس شئ في بالي
ام مشاري: ياليت نلاقي لنا وحده حليوه تصلح لمشاري..
ساره: يماااا انتي الان عندك امل فيه .. ملتزمه مايبي يقول تقعد تزعجني بالنصايح ووحده فري مايبي يقول عنها لعابه..
ام مشاري: الله يهديه..
ساره: يماااا تذكرين يوم فشلنا عند الناس اللي بالخرج يقول البنت جريئه يوم دخلت رفعت راسها وجلست تقز من قلب.. الله يعينيه على نفسه..





%% بعد مرور 8 سنوات%%

كلهم متواعدين يجتمعون الليله بالشاليهات مسوين حفله عائليه صغيره بمناسبه تخرج فارس من الجامعه تخصص " اعلام " ..

عبير معها.. شهد وفهد وولدها من سعود.. احمد
ريما معها رنا ورغد واللحين حامل
خلود مره نواف معها عبد العزيز ولمياء..
مها مره خالد معها جود وسلطان مسميه على اعز اصدقائه
ساره عمرها 26 والا الان ماتزوجت تنتظر فارس الاحلام ادعوو لها..



راكان واقف على باب سياره نواف..
راكان: انتبه زين خلك ماسك السيد اليمين
نواف وهو يهز راسه: ان شاء الله
راكان: كل شوي التفت عليها انتبه لها تكفى لان طريق الثمامه عارفه كله مطبات
نواف بملل: طيب
راكان يحرص عليه زياده: من اللحين قلي كانك ماراح تنتبه للطريق أنا اجيبها بعدين
نواف: يااخي تراك ازعجتنا أنت وحرمتك
راكان: وعيالك لايقربون منها تراها حامل وولدك حركته كثيرة
نواف: ماودك بعد اخلى عيالي بالبيت موب لازم يجون
راكان: نواف لاتستهبل ترى اتكلم معك جد ريما حامل وانا خايف عليها والله لو ماعندي دوام كان وديتها بس هي تبي تروح بدري معكم..
ريما: خلاص نواف افتح الباب بنزل
نواف: اقول انثبري بس بعد كل هالتعليمات بتنزلين..
راكان يغمز لريما: هيييييي أنت لاتقول لزوجتي انثبري..
نواف: ريما يلااااااا قفلي الباب الله يرحم والديك بنمشي
ريما: حبايبي رنا و رغد قولوا لبابا مع السلامه
خلود: عزوزي تعال قدام عندي....
نواف ويحرك يدينه: ليششش ليششش وراء وسع وتجيبينه بالضيق هنا مو يكفي لمو حاطتها بحظنك هو وين بتجلسينه؟؟؟!!!
خلود: حرام عليك اخاف يعور بطن ريما
عزوز: لاماما بجلس عند عمه ريما
وبعد مامشوا نواف يكلم خلود: أنا ماادري وش سويت بدنيتي ربي يبلاني باخت وزوج اخت قلق كذا..
عزوز: ماما بجي قدام عندكم
نواف بعصبيه: تعال قدام وانثبر هنا ولو تتحرك بشوتك برى السياره
خلود: اعصابك خوفت الولد
نواف: أنا بفهم ياريما اللحين الحمل الثالث وخايف عليك اجل الحمل الاول كان ياخذك المشاوير بطياره..
خلود: اذكر الله بتنظلهم..
ريما: الله اكبر.. قل اعوذ برب الفلق
دق جوال ريما ردت عليه وكان راكان..
ريما بابتسامه: هلا والله
راكان: وش اخبارك؟؟
ريما: تمام
راكان: هاااااااا كيف الطريق ؟؟..
ريما: إلا الان زين
راكان: انتبهي للبنات..
ريما: ان شاء الله..
راكان: يلاااااا تبين شئ
ريما: سلامتك
راكان: الله يسلمك.. مع السلامه
ريما: مع السلامه
وبما ان الطريق طويل جلسوا خلود وريما يسولفون ويضحكون ويعلقون عالناس..
خلود: شوفي السياره اللي قدامنا..
ريما: وااااااو شايلين بيتهم كله فوق السياره
نواف: طيب وش عليكم من الناس هم شايلين على ظهوركم
خلود: هههههه لابس احس سقف السياره بيطيح
نواف: وانتي ريما ماعندك ملاحظات عالسياره
ريما توها بتتكلم دق جوالها مره ثانيه..
راكان: مرحبا
ريما: اهلين..
راكان: وصلتوا؟؟..
ريما: لاباقي شوي
راكان: اذا وصلتوا اقبضي ارضك ولاتمشين المشي مو زين بالاشهر الاولى
ريما: طيب اتمرجح عادي؟؟..
نواف يدخل عرض يبي يرفع ضغط راكان: ايييييه عادي خذي راحتك وانا اللي بمرحجك..
راكان: وش يقول اخوك؟؟
ريما: ههههههههههههه لاولاشئ
راكان: المهم لااوصيك انتبهي لنفسك..
ريما: ان شاء الله بس لاتتاخر..
راكان: مع السلامه
ريما: مع السلامه

وبعد ماوصلوا لقوهم كلهم واصلين الحريم بشاليه والرجال بشاليه ثاني..

عند الحريم انواع الازعاج الاطفال منتشرين بكل مكان ومسوين ربشه..
خلود: امي تسلم عليكم..
الكل: الله يسلمك ويسلمها..
مها: ريهام كلمتني قبل مانطلع وكنت ابيها تجي بس ماقدرت؟؟..
ساره: ليش ماجت؟؟..
مها: زوجها مارضى.. احسه شديد شوي من ناحيه الطلعات
ساره: الله يرحم ايام اول يوم كانت بنت تطلع وتدخل على كيفها
عبير وهي تبتسم: دوام الحال من المحال
ام مشاري: وش اصغر عيالها هي؟؟!!
مها: سنتين..
ريما وهي داخله مع الباب: عبير شوفي عيالك يستقون على بناتي مو عشانهم كبار محد يقولهم شئ
عبير: اوووف تلقينها شهد العربجيه.. ولا فهد هادي بسم الله عليه
ام نواف: خلود انتبهي لعزوزي وين راح؟؟!!
خلود: شكله ياخاله راح عند الرجال..
ريما: اييييييه الحب كله لنواف وعياله وحنا مالنا رب
ام مشاري: ههههه لاااا ولد الولد غير..
ريما: اخبر الناس يحبون اول حفيد لكن انتي غير كل الناس.. لاانا عيالي محد يحبهم ولااحد يداريهم الله لنا..
ام نواف: والله كلكم احبكم انتم وعيالكم..
مها: واللـــــــــه من زمان مااجتمعنا..
ساره: بس اول جمعاتنا غير كان لها نكهه اللحين المكان طالع كنه فسحه مليان بزارين.. وكل وحده فيكم لاهيه بعيالها..
الكل: ههههههههههههههههه
ريما: اما فسحه ذي رهيبه..
ساره: وش اسوي من كثركم ماشاء الله مالقيت احسن من هالتعبير..
مها: احمدوا ربكم وقفت على كذا أنا اذا رحت لها البيت ماغير تعلق على عيالي
ساره: لامن جد أنا اشيل هم العشاء اذا جاء وين بيجلسون ذولااااااا
ريما: كل واحد عند امه
ساره: وش رايكم نقسمهم فرق وتصفيات والفايز اللي مايطلع نومينيه
الكل: هههههههههههههههههههههه
ام نواف: الله يرزقك يابنيتي الرجل الصالح اللي يسعدك قولي امييييين
ساره: اميييييين
مها: عيب.. اختشي
ساره: ريمااا تعالي نطلع نتمشى برى..
ريما: لااااا بناتي بيلحقوني وماراح استفيد خلينا هنا احسن
جلست ساره تتافف ومسكت الريموت تقلب القنوات..
عبير: مها الخاتم مره رهيب ماشاء الله الوانه حلوه.. أنا من زمان ادور خواتم زي هالنوعيه مالقيت.. من وين؟؟..
مها بابتسامه: والله هديه من خالد..
ام مشاري: عبير الاااا وش اخبار صديقتك نجلاء ماتزوجت؟؟
عبير: لااا والله ولا عندها نيه تقول بربي ولدي هو اللي بينفعني ..
ام نواف: الله يعين على هالدنيا محدا مرتاح فيها..




العصر وقبل غروب الشمس..
عند الرجال راكان توه واصل جاي من دوامه..
راكان: عقبال الدكتوراه ان شاء الله
فارس: تسلم والله
خالد: ماباقي الانشوفك عريس
ابو نواف: الله يرحم اخوي لو انه موجود كان فرح لك يمكن اكثر مني
الكل: الله يغفر له ويرحمه
ابو مشاري: بس ابو سعود مامات خلف رجال
سعود: تسلم والله ياعم
مشاري: فارس روتانا طرب طالبين مذيعين وش رايك؟؟
ابونواف: هذا اللي ناقص بعد
راكان: إلا صح فارس وين بتقدم؟؟
فارس: والله إلا الان ماقررت..
نواف: خلك مذيع بالقناه الرياضيه عشان نسمع خبر فوز الهلال منك..
راكان: جابهااااااا نواف تبشرنا بفوز الهلال
فارس: على طاري الهلال تعال أنت وش فيك خربت اختى من اول كنت أنا وياها نصراويين من اخذتك خربت افكارها وصارت هلاليه..
راكان: كيفي زوجتي وانا حر فيها اللي يحبه زوجها تحبه..
نواف: النصر يسمعون بالكأس ولاقد شافوه..
الكل: هههههههههههههههههههههههه
فارس: حدكم عاد إلى هنا وبس..
راكان: شف بتتزوج أنت وتجيب عيال وبتصير جد واحفادك بيصير عندهم احفاد والنصر توه حتى كاس مويه مامسكه
الكل: هههههههههههههههههههه
ابو نواف يحاول يفض الاشتباك: ههههههه وين ولدك ماشفناه اليوم
نواف: مدري والله اكيد يلعب مع الصغار..
راكان: وش فيك ياخال تسال عن ولد نواف ولا تسال عن عيالي .. والله ان المجلات كلهم يتهاوشون يبون صور عيالي عالغلاف بس أنا وريما نخاف عليهم من العين..
فارس: هههههه من العين كثر منها الاااااا تخافون تخرعون العالم؟؟
نواف: ياحليلك أنت المجلات يطلبونهم ياقدمك أنا وحده من نجمات هوليود داقه على تبي ولدي يمثل معها بفلمها الجديد..
ابو مشاري: عندي لكم خبر..
ابو نواف: خير اللهم اجعله خير
ابومشاري: خطبنا لمشاري رسمي وملكته الشهر الجاي
نواف: الف مبروك
مشاري: الله يبارك فيك
ابومشاري: مبروك..!!! عقب ماصك عمره الـ33 اللي كبره اللحين عنده كم ولد
خالد: ان شاء الله كل تاخيره فيها خيره
راكان: مبروك يامشاري..
مشاري: الله يبارك بعمرك
دق جوال خالد طلع من عندهم وكان المتصل سلطان..
خالد: هلا وغلا
سلطان: هلا بك
خالد: هاااااااا بشر وش صار عليك اليوم
سلطان: يارجال خلها على ربك.. يبون خبره خمس سنوات..
خالد: اااه الله يعينك ماتدري يمكن خيره..
سلطان: على قولتك يمكن ربي رادني عن شئ
خالد: تعال مرنا وسع صدرك حنا مجتمعين بالشاليه نبارك لفارس تخرجه..
سلطان: لااااا مااظن خلها مره ثانيه.. يلاااا تامرني على شئ يابو سلطان..
خالد: سلامتك..
سلطان: فمان الله
سكر خالد وكان باين عليه انه متضايق على حال صديقه سلطان اللي يعتبره اكثر من اخووو..
وبعد مادخل عندهم حس فيه نواف.....
نواف: سلامات خالد وش فيك ضايق صدرك؟؟
خالد: ابد والله توي مقفل من سلطان ضايق صدري عليه..
نواف: عسى ماشر..
خالد: تخيل من تخرجنا من ثمان سنوات تقريبا وهو يدور وظيفه.. اول شئ قعد سنه كامله عاطل بعدها لقى وظيفه بغير تخصصه داوم فيها كم شهر ومل.. واخر شئ توظف بشركه مقاولات قعد فيها سنتين وبعدها الشركه اعلنت افلاسها ومن بعدها وهو يدور له وظيفه والمشكله مسكين امه مزعجته تقوله تزوج تزوج وهو يقولي مين بيزوجني وانا ماعندي وظيفه..
نواف: والله ياخالد مشكله هالوظائف لها سنين ومو لاقين لها حل اجل من يصدق اختي ريما صيدلانيه متخرجه لها سنتين مالقت وظيفه...
خالد: بس اختك بنت ومتزوجه هذا رجال وراءه مسوليات...
نواف: والله حالته صعبه.. بس تدري أنا عندي مدقق قانوني اجنبي بعد اربع شهور بينتهي عقده خل يجي عندي الموسسه يداوم فيها ويكتسب خبره لما يروح الاجنبي نخليه يمسك مكانه..
جاء على جوال خالد مسج فتحه كان من سلطان..

" اضحك وكني رايق البال خالي..
والناس تحسدني وانا اموووت بسكات
اقضي نهاري بالمزح والتسالي
واسهر بليلي في هموم ومعانات
غريبه هالدنيا على كل حالي
الحزن دام والفرح بس لحظات.. "

رد عليه خالد بمسج كتب فيه..

" دنيا غريبه.. واخر الدرب عنوان..
والعمر رحله والتجارب رحايل
وانا كثر مالي من الناس خلان
اللي صفولي بالشدايد قلايل..
مرات ربك يرزقك خوه انسان
واحد ويسوي في عيونك قبايل.. "







النهـــــــــــــايه..



تمت بحمدالله..



اشـــــكركم عالمتـــابعـــــه.. واتمنى لكم دوام الصحة والعافية..

وعساني القاكم باذن الله وكلنا سالميـــــــن معافيــــــــن..



كتبت هذه الكلمات بعد نهايه القصه وقد سطرها قلبي قبل قلمي...
في البدايه اهدي القصه الى اغلى انسانه عندي امي الله يخليها لي..

دنيـــا غريبــــــه
اعتبرها جزء مني ومن حياتي غصت فيها وتفاعلت كثييييرا مع احداثها تساقطت دموعي لمصائبهم وحزنت معهم وشاركتهم فرحتهم في كل شئ... تفاصيلهم الدقيقه وحياتهم اليوميه كانت محور اهتمامي..

نواف كم بكيت لدخولك السجن بسبب لم تقترفه لكن لاتنسى ان الظلم ظلمات يوم القيامه
ان الابتلاء بمرض او سجن هذا كله مكتوب في صحائفنا قبل ان نولد فالواجب علينا الصبر والاحتساب

ساره اااااااه ياساره قلبي معك ادعووو لك بالتوفيق اصبري عزيزتي الصبر مفتاح الفرج... الفتاه التي لم تتزوج الى الان قد يكون هذه خيره لها من رب العالمين او يكون الله اراد منعها من شئ..

مشاري استفزني كثيرا ولم تروق لي حركاته الصبيانيه ولكن الله يمهل ولايهمل ان الاستهتار بالحياه سواء من الشاب او الفتاه يعود بالنهايه على الشخص نفسه
واعود واكرر ان الله يمهل ولا يهمل

عبير كم انتي مسكينه ياعبير كنتي متماسكه رغم كل الظروف التي مرت بك صوت انينك كل ليله كان يمزق قلبي ولكن الله عوضك وكافئك..
الطلاق ليس نهايه العالم بل على العكس ربما يكون هو طوق النجاه او قد يكون بدايه لحياه اجمل..

سعود الحياه مدرسه واظنك تعلمت ان الصراحه رغم مراراتها الا انها مفيده لكني اليوم اقول هنيئا لك قلب عبير وهنيئا لعبير حبك لها

وريما اغبطها حب راكان لها مهما تجاوزت بهم السنين ولكني اليوم حين انظر اليك اقووول هل هذه هي نفسها ريما؟؟.. لقد تغيرتي كثيرا عزيزتي اصبحت اكثر نضوجا..

مها انتي انسانه شفافه تفكرين بقلبك كثيرا وتدعين عقلك جانبا وهذا الشئ اوقعك في حرج كبير.. الكثير من مواقفك مع خالد قبل الزواج لم تعجبني ولكن المهم انك الان كونتي اسره وسعيده مع حبيب الماضي وزوج الحاضر

خالد الدنيا لعبت بك كثيرا فقدت امك ثم ابيك ومن بعدها تزوجت حبيبتك ورحلت عنك ولكن لله حكمه في كل شئ..وهاهي مها اليوم اصبحت الزوجه والحبيبه والصديقه والام اليس كذلك ياخالد؟؟!

فارس احمدالله ان سخر لك اخ شهم مثل نواف انقذك في بداية حياتك من الانحراف.. اما الان وقد كبرت واصبحت رجلا ليس امامي إلا ان ابارك لك التخرج واتمنى لك التوفيق في حياتك العمليه وعسى ان تحصل على وظيفه مع ان هذا اصبح من سابع المستحيلات في وقتنا هذا ولكن لعل تخصصك يشفع لك

وحتى الشخصيات الثانويه في القصه كانت ظروفهم وحياتهم الصعبه تأخذ مساحه من تفكيري

سلطان , خلود , نجلاء , ريهام , فيصل , وليد

اتمنى لهم حياه سعيده ومستقبل زاهر تتحقق فيه الامنيات


دنيــــــا غريبـــــه

وقفت كثيرا عند هذه الكلمه الجميع حولنا يقولون هذه العباره اذا حل بهم امر ما..
حاولت ان اجمع الاحداث الغريبه والمخيفه من حولي فعقدت العزم على التفكير بكل ماسمعت او رايت او قرات

وفي الاخير كان الثمره هذه القصه
في هذه السطور احببت ان اوضح ان الدنيا ليست حزن دائم ولا فرح متصل
حياتنا يتخللها العديد من المراحل والمفأجات والصدمات فــ " دوام الحال من المحال"

واحب اوجه كلمةالى كل انسان يظن ان الدنيا ضده ولاتنصفه...
الدرس الذي اريد الجميع يستفيده من هذه القصة واظن اولهم انا..
هو عسى ان تكرهوا شيئا وهو خير لكم..
لاتعلمون ربما لو دربكم اتجه الى اليسار بدل اليمين او الخلف بدل الامام سوف يكون لصالحكم..



تحيتي,, نجديه اصيله




شكر وامتنان

اشكر كل من تواجد بالقصة سواء بالقراءه اوالتعليق
أشكر لكم أحبتي كل هذا الإهتمام على مدى الشهور الماضيه..

شكرا لكم أيها القراء الأحبة.. لن أنسى جميل عباراتكم.. وطيب ثنائكم..


واعتذر لكل شخص فتحت جروحه اوكانت قصتي سبب لنزول دموعه

وبنفس الوقت اتمنى اني اكون قدرت ارسم الابتسامه على محياكم

شكر خاص لاختي الغاليه.. غموض انثى

فكل توقيع نزل لي هنا كان من ابداعها وخرج من تحت افكارها...
تصاميم رائعه...

يعجز قلمي عن وصف ابداعك وفنك اتمنى لك مستقبل زاهر باذن الله


وكذلك امتناني الكبير لصديقتي ورفيقه دربي الوان الدنيا على مساندتها لي ووقوفها المستمر معي وتشجيعها اللا محدود لهذه القصه..

تواجدك المستمر معي هو سر نجاحي...

وايضااشكر كل عضو دعم القصه بتوقيعه فهذا الدعم زادها جمال...


وشكري موصول إلى جميع الاعضاء اللي تابعوني في البدايه واللي لحقوو على قبل النهايه..

اعذروني تخصيص هالاسماء بس والله أنا هالاشخاص لمست منهم مجهودات رائعه...

يمكن البعض يقول أنا اتابع دايم ليه مااذكرتني كلكم عالبال والله بس بعضكم تابع في البدايه واللحين اختفي في كثير اعضاء الله يذكرهم بالخير كانت ردودهم لها وقع في نفسي واعتز بها كثيرا ولكن فجأه توقفوا عن المتابعه الغايب عذره معه صفقه حاره للجميع...

واللحين اقدم دعوه لكل عضو كان يقرا بصمت انه يسجل كلمه وحده بحق هالقصه
ياجماعه الخير خلوووو ختامها مسك

ها أنا اليوم أطوي صفحة مشرقة من صفحات حياتي.. جمعتني بأناس رائعين مثلكم..

سأشتاق نعم سأشتاق لبوح أقلامكم.. ولكل حرف تكتبونه لي ..

..أسأل الله لكم جميعا التوفيق في حياتكم.. وتحقيق طموحكم وآمالكم..

وأن يظل الفرح محلقا في قلوبكم دوما بإذن الله..

طلب أخير أخوتي الأحبة.. ادعولي بالخير والتوفيق في الحياة..

وادعوا لي ولأنفسكم بإن يبعد الله عنا الهموم والأحزان...

اعتذر عالاطاله...

فمأن الله

نجديه...
الأميرة دانة
17 - 09 - 2009, 03:50 AM
هنا ..
احباااائي...انتهت قصتنا
اتمنى لكم قراااءة ممتعة
واتمنى انها تعجبكم
تحياااتي لكم
احلى دانة
أمورة
16 - 10 - 2009, 01:25 PM
يسلمو على القصة الروعة
الأميرة دانة
16 - 10 - 2009, 02:32 PM
يسلمو على القصة الروعة

تسلمين يارب
كلك ذوق
تحياااتي
احلى دانة
عاشقه ديرتها
17 - 10 - 2009, 10:14 AM
يسلمو ياقلبي
ربي يعطيك ألف عافيه
عساك عالقوه
الأميرة دانة
18 - 10 - 2009, 01:42 AM
يسلمو ياقلبي
ربي يعطيك ألف عافيه
عساك عالقوه


الله يسلمك ويعافيك
كلك ذوق... منورة الصفحة
تحياااتي
احلى دانة
jonoon
05 - 11 - 2009, 11:12 AM
قصه روووعه
يسلموو