شيخ العذوبه
29 - 01 - 2010, 07:57 AM
السلام عليكم ورحمة الله وبركاته
\
أحمد :
أكبر شاب حالم على وجه الكره الأرضيّه
خيالاته جداً واسعه , وأحلامه كبيره لا يستطيع تحقيقها له بيل جيتس
ناجح دراسياً مع العلم انه غبي , الا ان " الحفظ " كان يُفيده في بعض الأحيان
إستيعابه بطيء جداً
\
ماجد :
شاب ظريف , خفيف الدم , فاشل دراسياً , لكنه طيّب القلب
اسمر البشره , ضعيف وطويل , ويُحب مُساعدة الكُل
يعني " شقردي "
\
سامي :
متفائل , يُجيد تشجيع الآخرين على تحقيق أحلامهم حتى لو كانت مُستحيله
كان " جلف " , طويل القامه , عريض اليدين
\
أحمد : يا عيال انا بقولكم شي بس مستحي :adore_32:
سامي وماجد , تفضّل
أحمد :
انا صراحه ودّي ساره بنت جيراننا تحبني
يردّون عليه العيال :
طيّب ليش ما تحبك الحين ؟
احمد :
ياخي مدري , بس مو من مستواي احس انها متكبره
العيال :
طيّب تبينا ندق على المارد ؟
احمد ايه دقوا عليه تكفون ابي ساره تحبني
العيال :
ألو المارد وينك ,
المارد :
والله بالصمان مخيّم :icon36:
العيال :
نبيكم ضروري وفي الحال هل بالإمكان أن تأتي إلينا
المارد :
ثلاث ثواني واكون عندكم
\
طب
وصل المارد
العيال :
يالله حيّه وشلونك إن شاء الله بخير
المارد :
والله على ماتحبون كل شي تمام , تفضلوا شفيكم ؟
العيال :
والله مافينا شي بس خوينا احمد عنده مشكله بسيطه
المارد :
تفضل احمد اطرح مشكتك
أحمد :
يالمارد انا احب بنت جيراننا ساره بس هي ماتحبني ولا عمرها طالعت فيني ودايم تتجاهلني ابيها تحبني شلون
المارد :
طيّب انت قول اللي تبي واعتبره بيصير تفضّل بس شتبي , صوّر لي الشي اللي تبيه او جسّده لي
أحمد :
ممم , أبي انا ويّاها نكون على البحر , بروحنا مافيه احد , وابي اعزف لها جيتار , ويكون صوتي حلو وقتها ,
المارد :
طيّب ؟
أحمد :
بس هذا اللي ابيه
المارد :
ماشي , بس انت تدري إن لكل شي , شي يعكسه
احمد :
يعني شلون ؟
المارد :
يعني يمكن تطلع لك أشياء عوق , وانت لك ثلاث احلام بس تحققهم يعني حاول تتعمّق اكثر
احمد :
لا ما عليك بس سو اللي قلت لك عليه ويعطيك العافيه
المارد :
على راحتك , إذا ما عجبك شي , بس قول , يالمارد انقذني . . . , الحين جاهز ؟
أحمد :
ايه جاهز
المارد :
إلى الحلمممممممممممممممممممممممممممممممممممممممممممممم ممممممم
\
احمد وساره قاعدين على البحر ,
احمد بهاللحظه مو مصدق , انتي ساره بنت جيراننا ؟
ساره ايه انا ,
احمد , قام يعزف على الجيتار ويغنّي ومستانس
ويطالع بسارا
وسارا اطالع فيه وهي مستانسه
واحمد يخبرها بمدى حُبّه , وعشقه لـ ساره
فجأه !
جو 3 رياجيل على الشاطئ
وقاموا يطقون احمد قدام سارا
احمد كان " خريش "
يخاف منهم
واخذوا سارا من قدامه وسارا تضحك
وتقول مابي واحد خوّاف نفسك
احمد على طول قال :
يالمارد انقذني :sleep_32:
\
رد احمد للمارد والعيال
العيال :
ها احمد بشرنا شالوضع عندك ؟
احمد :
والله مدري شقول إلكم بس ..
العيال :
بس ؟ تكلم شفيك
احمد :
كله من المارد ضحك علي
المارد :
أفا ليش انا شسويت ؟ كل شي تبيه سوّيته لك !
احمد :
ايه بس سارا طلعت ما تحبني !
المارد :
الله يهداك انا قلت لك اكتب كل شي تبيه وراح يصير !
أحمد :
زين ممكن احلم مره ثانيه ؟
المارد :
احلم باقي لك حلمين قول فيهم اللي تبي
أحمد :
طيّب . .
المارد :
لا تنسى تقول كل شي تبيه
أحمد :
طيّب , أوّل شي أبي اكون زوج حق سارا ,
المارد :
حلو , وبعدين ؟
أحمد :
وابي اكون اغنى رجل بالديره
المارد :
كمّل ..
أحمد :
وعندي حُرّاس شخصيّين , وفيلا , وسيّارات , والناس كلهم يبون يتقربون مني ,
المارد :
بعد ,
أحمد :
واهم شي لا تنسى ابي سارا تكون زووووجتي
المارد :
متأكد كل شي تبيه كتبته ؟؟؟؟
أحمد :
الله الله , هذا كل شي أبيه
المارد :
يالله اشوفك على خير
أحمد :
برب
المارد :
تيت
\
وفجأه ,
تحقّق كل شي
هذا احمد غني , توّه طالع من الإجتماع , وبيوصل لـ الفيلا
والحراس حوله يمين ويسار
وهو مستانس ومو مصدق هاللحظه
ويتأمر على هذا ويتأمر على هذاك
ويوم دخل الفيلا , ودخل غرفة النوم حصّل سارا
سلام عليكم حبيبتي ,
سارا :
إذلف بره
أحمد :
أفا ليش ؟
سارا :
إذلف بره يا راعي المخدرات
أحمد :
أي مخدرات ؟
سارا :
تحذف عليه اغراضها ,
أحمد :
يطلع بره منحاش يبي الفكه , وأول ما طلع
يجيه واحد من حُرّاسه الشخصيّين ,
سيّدي , الشرطه داهمت مصنع المخدرات
أحمد :
أي مصنع انت بعد ؟ :s
الحارس :
مصنعنا يا سيّدي اللي اغتنيت منه انت
احمد :
خل نشوف المصنع يالله
راح احمد للمصنع الا فيه شرطه
وصار فيه تبادل إطلاق نار
واعتقلوا احمد ,
احمد على طول :
يالمارد انقذني !
\
رجع احمد ,
أحمد :
باك
المارد & العيال :
ولكم , يالله حيّه
أحمد :
الله لا يحيّيك يالمارد
المارد :
ليش بعد !!
احمد :
يا ولد انت مريض ؟
المارد :
ليش بالله مريض ؟
أحمد :
طلعت تاجر مخدرات وسارا ما تحبني !!!!!
المارد :
طيّب شسويلك هذا اللي انت تبيه
أحمد :
ياخي ابي اكون غني على شي يسوا
يعني يا مؤلف كتب او شاعر مشهور وابي الكل يحبني وحتى سارا تحبني
وتموت فيني بعد
المارد :
شوف يا احمد , ترى هذا آخر حلم لك
يعني اكتب كل شي تبيييييييييييييييييييييييييه وخلصني !
أحمد :
طيّب , أوّل شي بكون غني , ووسيم , ومشهور , والكل يبي قربي, وابي سارا تموت فيني , وودها على اي حرف من لساني , وابي اكون إنسان الكل يحبه ومرتاح في حياته وكل شي
المارد :
هذا كل اللي تبيه ؟
احمد :
الله الله :biggrin:
المارد :
ترى هذا آخر حلم !! لا تنسى ولا تحط اللوم علي !
أحمد :
طيّب سو نفس ما قلت لك تكفى واكون شاكرلك
المارد :
يالله تيت مُقدماً
\
فجأه
أحمد بداخل حفل , وفلاشات التصوير عليه
وتوقيع مني وتوقيع مناك والكل حوله
وهالحفل بمناسبة نشر أوّل طبعه من كتاب احمد اللي توّه مألّفه
كان الكل حول احمد ويجي عنده ويثني عليه ..
وكانوا البنات عند احمد ,
نحنُ مُعجبات بما تُقدّمه ووو ..ألخ
بس احمد كان يتجاهل البنات
وفجأه , طلعت سارا
واحمد شافها من بعيد وقام يبتسم
وصار كل واحد يقرّب من الثاني
إلين تقابلوا ,
وتبادلوا أطراف الحديث
وصار الكل يحدّث الآخر عن إنجازاته
بعدين قال لها أحمد , ممكن تقبلين عزيمتي بالبيت الحين , على كُباية " شاي " :D
قالت , موافقه
وراحوا لـ بيت أحمد
أوّل ما فتحوا الباب , كانت اللحظات جميله
و99% من حلم أحد تحقّق
واحمد بهاللحظه كانت مستانس وكل شوي يتقرب من سارا اكثر
اول ما دخلوا البيت وقعدوا بالــ ليفينق روم
قال احمد لـ سارا ممكن اتشوفين بيتي , يعني بيكشخ
قالت سارا يالله خل نتفرج
قال احمد بما اني سنقل يعني , البيت يكون مبهذل وحوسه
قالت , سارا لا عادي اهم شي انه " بيتك "
احمد كان يورّيها , الغُرف
ومن ضمن الغرف غُرفة النوم
قال هذي غرفة نومي
وفجأه
إلا واحد نايم بفراش احمد
هالواحد أوّل ماقام من النوم شاف احمد قدامه
قال :
هلا حبيبي
سارا إنصدمت , :
شلون حبيبك يعني ؟
الولد :
هذا احمد يحبني وانا احبه ,
سارا :
أحمد هل ميولك مُختلفه ؟
أحمد :
بـ إرتباك وخوف وهو يدعي على المارد ويقول حسبي الله عليك حطيتني شاذ ,
أحمد :
ايه :(
سارا :
مع السلامه
أحمد :
أنقذني يالمارد
\
جاء احمد
احمد :
يالمارد يا عل مامن مارد والله انك خبل
المارد :
ليش قولي انا شسويت
أحمد :
الحين خليتني شاذ حسبي الله عليك
المارد :
راجع كلامي فوق قلت لك اكتب كل شي تبيه وتذكر كل شي له شي عكس !
أحمد :
زين الحين ابي احلم مره ثانيه نفس حلمي الاخير بس ابي اكون احب سارا
المارد :
لا خلاص راحت عليك , لك ثلاث أحلام بس
أحمد :
زين شالحل ابي سارا
المارد :
تبي نصيحتي ؟
أحمد :
عطني نصيحتك
المارد :
( إذا أحببت شخص وهو لا يعلم بمدى حُبّك له او حتى إعجابك ومدى رغبتك في كونك تريد القُرب منه , حتى لو اختلفت الديانات , حتى لو إختلفت الدُول , حتى لو إختلفت الحضارات , حتى لو إختلف العُمر , حتى لو إختلف الزمان , والمكان , أياً كان .. فقط ءإذنْ لهُ بـــ " الرحيل " فـ قِرائته من بعيد اجمل بكثير من قراءة تفاصيله , أطلق العنان لـ القدر لـ يأخذ مجراه , فـ إن عاد إليك فـ تأكّد بأن هذا الحُب سيكتمل , وإذ لم يَعُد إليك , فـ تذكّر , بأنّه يعشق غيرك )
\
كُتب لـــ التجُربه فقط . .
او لـ " نظرة تأمّليه " لهذا الغرض
أرائكم ؟
مع العلم بأن الفكره مُقتبسه , او مُشابهه لـ أحد أفكار الكاتب الأمريكي جون ميجِينيه
\
أحمد :
أكبر شاب حالم على وجه الكره الأرضيّه
خيالاته جداً واسعه , وأحلامه كبيره لا يستطيع تحقيقها له بيل جيتس
ناجح دراسياً مع العلم انه غبي , الا ان " الحفظ " كان يُفيده في بعض الأحيان
إستيعابه بطيء جداً
\
ماجد :
شاب ظريف , خفيف الدم , فاشل دراسياً , لكنه طيّب القلب
اسمر البشره , ضعيف وطويل , ويُحب مُساعدة الكُل
يعني " شقردي "
\
سامي :
متفائل , يُجيد تشجيع الآخرين على تحقيق أحلامهم حتى لو كانت مُستحيله
كان " جلف " , طويل القامه , عريض اليدين
\
أحمد : يا عيال انا بقولكم شي بس مستحي :adore_32:
سامي وماجد , تفضّل
أحمد :
انا صراحه ودّي ساره بنت جيراننا تحبني
يردّون عليه العيال :
طيّب ليش ما تحبك الحين ؟
احمد :
ياخي مدري , بس مو من مستواي احس انها متكبره
العيال :
طيّب تبينا ندق على المارد ؟
احمد ايه دقوا عليه تكفون ابي ساره تحبني
العيال :
ألو المارد وينك ,
المارد :
والله بالصمان مخيّم :icon36:
العيال :
نبيكم ضروري وفي الحال هل بالإمكان أن تأتي إلينا
المارد :
ثلاث ثواني واكون عندكم
\
طب
وصل المارد
العيال :
يالله حيّه وشلونك إن شاء الله بخير
المارد :
والله على ماتحبون كل شي تمام , تفضلوا شفيكم ؟
العيال :
والله مافينا شي بس خوينا احمد عنده مشكله بسيطه
المارد :
تفضل احمد اطرح مشكتك
أحمد :
يالمارد انا احب بنت جيراننا ساره بس هي ماتحبني ولا عمرها طالعت فيني ودايم تتجاهلني ابيها تحبني شلون
المارد :
طيّب انت قول اللي تبي واعتبره بيصير تفضّل بس شتبي , صوّر لي الشي اللي تبيه او جسّده لي
أحمد :
ممم , أبي انا ويّاها نكون على البحر , بروحنا مافيه احد , وابي اعزف لها جيتار , ويكون صوتي حلو وقتها ,
المارد :
طيّب ؟
أحمد :
بس هذا اللي ابيه
المارد :
ماشي , بس انت تدري إن لكل شي , شي يعكسه
احمد :
يعني شلون ؟
المارد :
يعني يمكن تطلع لك أشياء عوق , وانت لك ثلاث احلام بس تحققهم يعني حاول تتعمّق اكثر
احمد :
لا ما عليك بس سو اللي قلت لك عليه ويعطيك العافيه
المارد :
على راحتك , إذا ما عجبك شي , بس قول , يالمارد انقذني . . . , الحين جاهز ؟
أحمد :
ايه جاهز
المارد :
إلى الحلمممممممممممممممممممممممممممممممممممممممممممممم ممممممم
\
احمد وساره قاعدين على البحر ,
احمد بهاللحظه مو مصدق , انتي ساره بنت جيراننا ؟
ساره ايه انا ,
احمد , قام يعزف على الجيتار ويغنّي ومستانس
ويطالع بسارا
وسارا اطالع فيه وهي مستانسه
واحمد يخبرها بمدى حُبّه , وعشقه لـ ساره
فجأه !
جو 3 رياجيل على الشاطئ
وقاموا يطقون احمد قدام سارا
احمد كان " خريش "
يخاف منهم
واخذوا سارا من قدامه وسارا تضحك
وتقول مابي واحد خوّاف نفسك
احمد على طول قال :
يالمارد انقذني :sleep_32:
\
رد احمد للمارد والعيال
العيال :
ها احمد بشرنا شالوضع عندك ؟
احمد :
والله مدري شقول إلكم بس ..
العيال :
بس ؟ تكلم شفيك
احمد :
كله من المارد ضحك علي
المارد :
أفا ليش انا شسويت ؟ كل شي تبيه سوّيته لك !
احمد :
ايه بس سارا طلعت ما تحبني !
المارد :
الله يهداك انا قلت لك اكتب كل شي تبيه وراح يصير !
أحمد :
زين ممكن احلم مره ثانيه ؟
المارد :
احلم باقي لك حلمين قول فيهم اللي تبي
أحمد :
طيّب . .
المارد :
لا تنسى تقول كل شي تبيه
أحمد :
طيّب , أوّل شي أبي اكون زوج حق سارا ,
المارد :
حلو , وبعدين ؟
أحمد :
وابي اكون اغنى رجل بالديره
المارد :
كمّل ..
أحمد :
وعندي حُرّاس شخصيّين , وفيلا , وسيّارات , والناس كلهم يبون يتقربون مني ,
المارد :
بعد ,
أحمد :
واهم شي لا تنسى ابي سارا تكون زووووجتي
المارد :
متأكد كل شي تبيه كتبته ؟؟؟؟
أحمد :
الله الله , هذا كل شي أبيه
المارد :
يالله اشوفك على خير
أحمد :
برب
المارد :
تيت
\
وفجأه ,
تحقّق كل شي
هذا احمد غني , توّه طالع من الإجتماع , وبيوصل لـ الفيلا
والحراس حوله يمين ويسار
وهو مستانس ومو مصدق هاللحظه
ويتأمر على هذا ويتأمر على هذاك
ويوم دخل الفيلا , ودخل غرفة النوم حصّل سارا
سلام عليكم حبيبتي ,
سارا :
إذلف بره
أحمد :
أفا ليش ؟
سارا :
إذلف بره يا راعي المخدرات
أحمد :
أي مخدرات ؟
سارا :
تحذف عليه اغراضها ,
أحمد :
يطلع بره منحاش يبي الفكه , وأول ما طلع
يجيه واحد من حُرّاسه الشخصيّين ,
سيّدي , الشرطه داهمت مصنع المخدرات
أحمد :
أي مصنع انت بعد ؟ :s
الحارس :
مصنعنا يا سيّدي اللي اغتنيت منه انت
احمد :
خل نشوف المصنع يالله
راح احمد للمصنع الا فيه شرطه
وصار فيه تبادل إطلاق نار
واعتقلوا احمد ,
احمد على طول :
يالمارد انقذني !
\
رجع احمد ,
أحمد :
باك
المارد & العيال :
ولكم , يالله حيّه
أحمد :
الله لا يحيّيك يالمارد
المارد :
ليش بعد !!
احمد :
يا ولد انت مريض ؟
المارد :
ليش بالله مريض ؟
أحمد :
طلعت تاجر مخدرات وسارا ما تحبني !!!!!
المارد :
طيّب شسويلك هذا اللي انت تبيه
أحمد :
ياخي ابي اكون غني على شي يسوا
يعني يا مؤلف كتب او شاعر مشهور وابي الكل يحبني وحتى سارا تحبني
وتموت فيني بعد
المارد :
شوف يا احمد , ترى هذا آخر حلم لك
يعني اكتب كل شي تبيييييييييييييييييييييييييه وخلصني !
أحمد :
طيّب , أوّل شي بكون غني , ووسيم , ومشهور , والكل يبي قربي, وابي سارا تموت فيني , وودها على اي حرف من لساني , وابي اكون إنسان الكل يحبه ومرتاح في حياته وكل شي
المارد :
هذا كل اللي تبيه ؟
احمد :
الله الله :biggrin:
المارد :
ترى هذا آخر حلم !! لا تنسى ولا تحط اللوم علي !
أحمد :
طيّب سو نفس ما قلت لك تكفى واكون شاكرلك
المارد :
يالله تيت مُقدماً
\
فجأه
أحمد بداخل حفل , وفلاشات التصوير عليه
وتوقيع مني وتوقيع مناك والكل حوله
وهالحفل بمناسبة نشر أوّل طبعه من كتاب احمد اللي توّه مألّفه
كان الكل حول احمد ويجي عنده ويثني عليه ..
وكانوا البنات عند احمد ,
نحنُ مُعجبات بما تُقدّمه ووو ..ألخ
بس احمد كان يتجاهل البنات
وفجأه , طلعت سارا
واحمد شافها من بعيد وقام يبتسم
وصار كل واحد يقرّب من الثاني
إلين تقابلوا ,
وتبادلوا أطراف الحديث
وصار الكل يحدّث الآخر عن إنجازاته
بعدين قال لها أحمد , ممكن تقبلين عزيمتي بالبيت الحين , على كُباية " شاي " :D
قالت , موافقه
وراحوا لـ بيت أحمد
أوّل ما فتحوا الباب , كانت اللحظات جميله
و99% من حلم أحد تحقّق
واحمد بهاللحظه كانت مستانس وكل شوي يتقرب من سارا اكثر
اول ما دخلوا البيت وقعدوا بالــ ليفينق روم
قال احمد لـ سارا ممكن اتشوفين بيتي , يعني بيكشخ
قالت سارا يالله خل نتفرج
قال احمد بما اني سنقل يعني , البيت يكون مبهذل وحوسه
قالت , سارا لا عادي اهم شي انه " بيتك "
احمد كان يورّيها , الغُرف
ومن ضمن الغرف غُرفة النوم
قال هذي غرفة نومي
وفجأه
إلا واحد نايم بفراش احمد
هالواحد أوّل ماقام من النوم شاف احمد قدامه
قال :
هلا حبيبي
سارا إنصدمت , :
شلون حبيبك يعني ؟
الولد :
هذا احمد يحبني وانا احبه ,
سارا :
أحمد هل ميولك مُختلفه ؟
أحمد :
بـ إرتباك وخوف وهو يدعي على المارد ويقول حسبي الله عليك حطيتني شاذ ,
أحمد :
ايه :(
سارا :
مع السلامه
أحمد :
أنقذني يالمارد
\
جاء احمد
احمد :
يالمارد يا عل مامن مارد والله انك خبل
المارد :
ليش قولي انا شسويت
أحمد :
الحين خليتني شاذ حسبي الله عليك
المارد :
راجع كلامي فوق قلت لك اكتب كل شي تبيه وتذكر كل شي له شي عكس !
أحمد :
زين الحين ابي احلم مره ثانيه نفس حلمي الاخير بس ابي اكون احب سارا
المارد :
لا خلاص راحت عليك , لك ثلاث أحلام بس
أحمد :
زين شالحل ابي سارا
المارد :
تبي نصيحتي ؟
أحمد :
عطني نصيحتك
المارد :
( إذا أحببت شخص وهو لا يعلم بمدى حُبّك له او حتى إعجابك ومدى رغبتك في كونك تريد القُرب منه , حتى لو اختلفت الديانات , حتى لو إختلفت الدُول , حتى لو إختلفت الحضارات , حتى لو إختلف العُمر , حتى لو إختلف الزمان , والمكان , أياً كان .. فقط ءإذنْ لهُ بـــ " الرحيل " فـ قِرائته من بعيد اجمل بكثير من قراءة تفاصيله , أطلق العنان لـ القدر لـ يأخذ مجراه , فـ إن عاد إليك فـ تأكّد بأن هذا الحُب سيكتمل , وإذ لم يَعُد إليك , فـ تذكّر , بأنّه يعشق غيرك )
\
كُتب لـــ التجُربه فقط . .
او لـ " نظرة تأمّليه " لهذا الغرض
أرائكم ؟
مع العلم بأن الفكره مُقتبسه , او مُشابهه لـ أحد أفكار الكاتب الأمريكي جون ميجِينيه