حَتى أوجَـآعِي .. / تِحبك !

[كَوثَر]

،




بِ إسم الرَحمَن
وَ .. بَعد التَحيّه والسَـلآم ..








*
مَآسألتِني ،
ليه أَمُوت ألفَيِن مَرّه .. لآ طَريتك !
وليِه أَحِس القَلب يِطلَع بَس ، لآ مِنّي ~ بكِيتك !
مَآسَألتِني ، ليِه يَعنِي !
وكِل طَـآرِي " هَم " مِن بَعدِك / تِبعَنـي !
إيه والخَآلِق " أحَبـك ..
حَتى أوجَـآعِي .. / تِحبك !
حَتى إسمِك لآ بَغيت أنطِقَه يِطلَع لِي :
[ أحَبـك
.. يَ أحَبـك ~








عِندمَـآ تستَدعِي ذَآكرتنُـآ أيَآماً قَد غرقنَـآ فِي تفَآصِيلهـآ بِ جنُـون ، تَمـرّد ، إنكسَآر وخَيبَـآت أمل
كُلهـآ مُعلَقه طَرفُهآ بِذلك العِشق والحَنين لِ أيَآمٍ مَضت ..

هُوَ : بَعيِد كُل القُرب ، مُفرِط فِي الوضُوح حَد التعَجب ، شَمسي وَظِلي ، مَطري وصَيفي
يَجمع كُل متَضآدَآت الحَيـآة لِ تَخلُق مِنه رَجلاً .. آخَـر

هِي : أحَلآمُهآ صَغيره فَقط بِ حَجم الكَون ، مَملؤه بِ الوجَع / الخَوف
تَهرُب مِن المَستقَبل لِ تِقف عَلى حَد الشَمس فَتكون على نَآفذة المَـآضي

سَ أبقَى لِ زَمن لَيس بِ قصيِـر أخَآف / المَوعِد ، الإنتِظَـآر ، الرَحيل .. ~











*هَذيَآنِي الأوَل
كَوثَر ،

[كَوثَر]

،

- الفَصل الأوَل -


*
~ [ أرجُوكَ رَبي /
.. سُقيَـآ فَرح
.. سُقيَـآ فَرح
.. سُقيَـآ فَـرح
لِ جَميِع أحَلآمنَـآ ، المَبتورَه ..





28 / 01 / 1429
09:00 مَ

في أحَد أحيآء الريَآض القديمه ، شوآرع ضيقه ، سيآرآت مزدحمه ، نآس من جميع الجنسيآت مع إختلآف الألوآن واللهجآت والطبَآع
هنآ رجآل وآقفين مع بعَض يتنآقشون حول مبآرآة مصر والسودآن ، وهنآ مجموعة أمهآت يسلمون على بعض ويسألون عَن الأحوآل
وشقآوة أولآد ، ولعب بنآت ، وصرآخ أطفآل
بس هِنآك ب آخر الحآره كآنت وآقفه سيآرة الإسعَآف ..

.. : أبوي ، أبوي تحس فيني !
.. : أبوي إذآ تسمعَنآ حَرك رآسك بَس
.. : بسرعَه خلوهم يدخلون ويشيلونه ، وربي مآيحس
مآجد : إنتي ممكن تسكتين شوي ! ترآك أزعجتي أم رآسي
مشآعل : يآخي إنتم مآتحسون ! أبوي تعبآن بسرعه خلنآ نوديه
عبدالله : نوره !
نوره : سَم ياأبو محمد !
عبدالله : ودوني غرفتي قبل مآأطلع من البيت
نوره : إبشر ، عبدالعزيز ومآجد شيلوه ودوه الغرفه
مآجد : يآأمي مآيصلح ، الإسعآف تحت ينتظرون مو من صآلحنآ نتأخر عشآن صحته
نوره : عشآن خآطره

شآف عبدالعزيز نظره بعين أمه عورته في قلبه كثير ، كآنت نظرة إنكسآر ، بعّد عينه عنهآ ولف على ابوه وهو متمدد على سريره اللي إضطروآ
ينقلونه لـ مجلس البيت القديم لكثرة الزوآر بسبب مرضه
إبوه اللي كآن كلن يشهد بـ رجولته وكرمه وأخلآقه ، هَدّه المرض بعد معآنآة سبع سنين ..


تعآون مآجد وعبدالعزيز وشآلوآ أبوهم لدآخل غرفته ، دخلت عنده أمهم وقفلت البآب ، بعد ربع سآعه طلعت وطلبت منهم يجيبون الكرسي المتحرك
عشآن ينزلونه لسيآرة الإسعآف تحت إستغرآب الكل من طلب أبوهم ومن اللي دآر بينهم دآخل الغرفه وهم مآيعرفونه ..

أم محمد : بنآت ، سلموآ على أبوكم الحين أخوآنكم بينزلونه تحت
مهآ : من بيروح معه !
مشآعل : أنآ بـ اركب ومآعلي من احد
مهآ : صآحيه إنتي تركبين بسيآرة الإسعآف ، كآن يفجّر برآسك مآجد
مشآعل : والله بأركب وهو مآعليه مني وإن فتح فمه بـ حرف يشوف وش بيجيه يآحبيبتي هذآ أبوي زيآده على مرضه يبون يحرمونآ منه !
مهآ : معك معك ، دآم بتروحين حتى أنآ بأروح
أم محمد : وبعدين انتي ويآهآ ، نآدوآ أمل بسرعه
مشآعل : أمل ! يؤ يؤ أمل هي الوحيده اللي مآتدري عن مرض أبوي ، روحي نآديهآ بسرعه
( في هاللحظه دخلت أمل عليهم )
أمل : هذآ أنآ جيت ، وين أبوي !
أم محمد: روحي بسرعه أخوآنك تلقينهم عند البآب

( طلعت أمل بسرعه وقلبهآ يعورهآ ، لمّآ شآفت أخوآنهآ عند أبوهم ، عبدالعزيز اللي كآن مآسك الكرسي ومآجد اللي يعدّل رجول أبوه ، شي بدآخلهآ منعهآ تتحرك
كآنت وآقفه بدون وعي ، تحآول تستوعب إن هذآ أبوهآ ، جآ على بآلهآ أيآم مآكآن بكآمل صحته ، هذيك الأيآم اللي يآمآ دلعّهآ فيهآ وخصوصاً إنهآ البنت اللي جت بعد 10 سنوآت من علآج زوجته أم محمد ، كآنت أحّب بنآته لقلبه ، كآنت دآيم تشوف أبوهآ يآخذ علآجآت أنوآع وأشكآل غريبه عليهآ ، كآنت تشك في كثرة زيآرآت أبوهآ للمستشفى في الآونه الآخيره

إختهآ مشآعل اللي نقلت بنآتهآ من الشرقيه وسكنت بالريآض لفترة مؤقته بسبب تعب أبوهم وكآنت كل مآتسأل : أبوي وش فيه ! يجيهآ الرد : يعني مآتعرفين إن ابوي رآعي سكر وصدره تعبآن !
كآنت تحآول تقنع عقلهآ إن أبوهآ مآفيه أي مرض خطير ، واللي يجيهآ من بين فتره وفتره كله أوهآم ووسوسة شيطآن تلعب فيهآ

أهلهآ خبوآ عليهآ مرض أبوهم _ كآنسر في الرئتين _ لأنهآ كآنت في ثآلث ثآنوي ومرآعآة لنفسيتهآ وخوفاً على مصلحتهآ مآحبوآ يكون عندهآ خبر عشآن مآيتأثر مستقبلهآ )


مآجد : إنتي يآأم الشبآب ، مطوله وإنتي مفهيه ترى محد بيصورك
عبدالعزيز : أمل ، بسرعه تكفين تعآلي سلمي عليه
قربت منه وهي تجر رجولهآ جر ، كآن فيه شي مآسك قلبهآ ، حآولت بقد مآتقدر تبعد أفكآرهآ الشينه وجلست على ركبهآ قدآم أبوهآ وحطت يدهآ على يده
أمل : بآبآ ، إنت مآفيك شي والحين بيودونك بس تآخذ أكسجين وترجع لنآ صح !
أبو محمد : شدي حيلك يمي والله الله في صلآتك وأمك ودرآستك
مآجد : لآتخآف عليهآ قآهره هآنم ، الآ درآستهآ وكتبهآ لآتوصي عليهآ
أبو محمد : إذكر ربك يآبن الحلآل ، وبعدين هذي أمولتي إنتبهوآ لهآ يآعيآل
أمل : بآآآبآآآ وش ابي فيهم ! إنت اصلاً بس تتدلع علينآ وشويتين ورآجع أعرف أعرف
أبو محمد : الدنيآ حيآة وموت وأنآ أبوك
( بعد لحظة صمت )
أمل : الله يقومك لنآ بالسلآمه ويخليك لي يآآآآآآآآرب
عبدالعزيز : مآجد يلله إرفع معي ، أمل إدخلي جوآ
مشآعل : لحظه لحظه إنتم ، أنآ ومهآ بنروح معكم
مآجد : شرآيك بعد تدقين على أم فتحي المصريه وأم أيمن السوريه وأم مصعب السودآنيه ، يقولك فيه حديقه قدآم المستشفى خبرك إحنآ رآيحين نلعب
مشآعل : يآخي إنت وش تبي ! ترآني أكبر منك لآتنسى
مآجد : إدخلي بس وإمسكي أرضك لآتخليني أجي اتفآهم معك
( كآنت نظرته كفيلة إنهآ ترجع مشآعل لدآخل البيت بالرغم إنهآ جآيه بكل حمآسهآ ، نزلوآ أبوهم وركبوه لسيآرة الإسعآف وركب معآه مآجد وعبدالعزيز بسيآرته كآن ورآهم )



( وصلوآ للمستشفى وخلصوآ إجرآءآت دخوله بسرعه لأنه متآبع حآلته هنآك ، بعد سآعه ونص من إنتظآر المستشفيآت الحكومية اللي يجيب المرض )

الطبيب : مين فيكم الكبير !
عبدالعزيز : أنآ يآدكتور ، طمني !
الطبيب : وضعه جداً سيئ ، إحنآ حطينآه بـ غرفة الملآحظة اللي بالإسعآف لأنه مآفيه أسرّه فوق ونشوف وش يصير معآنآ
دخلوآ العيآل على أبوهم اللي كآن حآله جداً صعب ، كآنت كل لحظه تمر عليه تتعبه أكثر
مآجد : عبدالعزيز ، كلآم الطبيب مآخش مزآجي
عبدالعزيز : وإنت أصلاً وش يقنعك !
مآجد : لآلآ صدق فكر شوي ، بالله عليك رجآل كبير بالسن ، مريض بالكآنسر ولآ هو قآدر حتى يآخذ نفَسه وغير السكر والضغط والقلب ، شلون رآمينه في غرفه ملعون خآمسينهآعلى سرير منتهي صلآحيته ، ولآ بعد لآيفوتك بس جهآز الأكسجين بالله تأكد هو يشتغل !
عبدالعزيز : ترآك في مستشفى حكووومي في حي منتهي ، وين تحسب نفسك يآبو الشبآب !
مآجد : طيب وش السوآة !
عبدالعزيز : أنآ لآزم أكلم عمآني
مآجد : إرحمني الله يخليك ، يعني تبي تفهمني إنهم مثلاً بـ تطير قلوبهم على أبوي ويجون يركضون !
عبدالعزيز : مآجد لآتبآلغ ، عمي سلمآن لو عرف إن ابوي بالمستشفى وإحنآ مآعلمنآه وربي بيزعل
مآجد : أقول أقول إلفقه بس ولآتكذب على عمرك
عبدالعزيز : مهمآ كآن هذآ أخوهم ولآزم يعرفون ..

( أخذ عبدالعزيز جوآله وإتصل على عمه سلمآن وصآلح وبلغهم بـ تعب أبوه )

.. : خير إن شآءالله ، من هـ اللي دآق آخر الليل !
أبو نوآف : هذآ عبدالعزيز
أم نوآف : وش عنده !
أبو نوآف : أخوي عبدالله ، نقلوه للمستشفى
أم نوآف : عآد أنآ توني بعد المغرب كلمت إختي نوره ولآ قآلت لي إن ابو محمد فيه شي !
أبو نوآف : الظآهر إنه تعب عليهم فجأه
أم نوآف : لآ إن شآءالله مآقدآمه الا العآفيه ، لآتضيق صدرك ، قم تعوذ من بليس ونآم ولآ أصبح الصبح بإذن الرحمآن رح له
أبو نوآف : هذآ اللي بيصير إن شآءالله




،

[كَوثَر]

،



مبنى قدييييييم ، فصول درآسيه تضم دآخلهآ بنآت من السهوله إنك تمييز فيهآ السعوديآت نظراً لقلتهم بين الكم الهآئل من الجنسيآت العربيه
كآنت جآلسه في الصف الأول على الجدآر جهة اليسآر ، إستآذة النحو مآنزلت عينهآ من عليهآ ، لأنهآ على غير العآده كآنت هآديه
إستغربت إستآذتهآ منهآ ، بالعآده هي من أشطر طآلبتهآ وأذكآهم ، كآنت الإستآذه تستغرب حبهآ لموآد العربي اللي أغلب البنآت يكرهونهآ


.. : فيه أي سؤآل يآبنآت ! الدرس مفهوم !
.. : إيه إيه يآأستآذه
إستآذة غآده : عآد مآجآوب إلآ إنتي يآفهده ! الوآجب يآبنآت
فهده : عمى بعينك يآسآمجه ، تمووووت وتفشلني
نوآل : وآآآآآك طآح وجهك طآآآح وجهك
عبير : الله واللقآفه وش دخل مخخخخك يوم إنك ترزين وجهك اللي كنه مكنسة بيتنآ وتجآوبينهآ الحين المصريآت مآجآوبوهآ تقومين انتي يالفآلحه تحكين !
فهده : أحلـى يآسبيويه إنتي ! شوفوآ من يتكلم ! أشوووآ إننآ كلنآ نفس المستوى
عبير : إلآ مصريتنآ
فهده : إيه عآد لآجينآ للدرآسه خلوآ أم اربع عيون ذي على جنب ، إلآ على طآريك إنتي مآلآحظتوآ إن أبله غآده مآنزلت عينهآ من على أمل !
نوآل : مستغربه بالعآده أمل ودهآ تقوم تشرح الدرس بدآلهآ
في هـ اللحظه دخلت الأستآذه عليهم
.. : أمل !
أمل : نعم !
إستآذة غآده : تعآلي حبيبتي شوي
فهده : إقطــع أووووم الوآسطآت نآس حبيبتي ونآس وجههآ يطيح
نوآل : قومي قومي يآحظي الطآيح ، الأوستآآآآآزه تنآديتس
_ بعد مآطلعت أمل _
إستآذه غآده : أمل ! وش فيك !
أمل : مآفيني شي
إستآذة غآده : مو علي هالحكي ! اليوم كنتي على غير العآده ولآ أقدر أقول الدرس صعب لأن الدرس على مستوآك يعتبر تآفه
بعدين إنتي شآيفه وجهك قبل مآتجين ! مو أمل أبد أبد
أمل : معليش إستآذه بس عندي ظرف
إستآذه غآده : قولي حبيبتي ، وش اللي مضآيقك !
أمل : لآ والله أبداً بس بآبآ أمس تعب ونقلنآه للمستشفى وشوي بآلي مشغول عليه
إستآذه غآده : لآ يآقلبي مآيشوف شر هو وإن شآءالله يطلع لكم بالسلآمه ، هو محتآج دعآئك حبيبتي هذآ اللي عليك
وإنتي قويه مآينخآف عليك مآيحتآج أوصيك
أمل : الله يقومه بالسلآمه
_ فهده تدق أمل بكوعهآ _
أمل : وجع إنتي يالجفسه ، ترآك تعورين
فهده : وش عندهآ أكل محمد التفآحه !
أمل : وش أكل محمد التفآحه !
فهده : ذي ذي السآمجه ، اللي مسويه على رآس امي انهآ فآهمه ، اللي وجههآ يذكرك بكتآب القرآءة حق ثآني إبتدآئي ، أبله غآدة يآلووووحه
أمل : آهآآآآآآآآآ ، هههههههههههههههههه ، صدق إنك فآصله
نوآل : تكفيييييين أمول قولي لي إنهآ خطبتك لأخوهآ ، وإلآ ولدهآ وإلآ إن شآءالله أبوهآ
عبير : إيه أمل تكفين نبي عرس وطقطقه
أمل : لآلآ منتو صآحين ، من جد إنتو مو صآحين
فهده : إخلللللصي ، كتآب القرآءه ذي وش تبي !
أمل : أبد ، بس تسألني وش فيني اليوم !
نوآل : أنآ قآيله إن السآلفه مهيب عرس أبد ، إلآ صدز أموول وش بتس اليوم !
فهده : إيه وش فيك ! ترآني من اليوم أبي أسأل بس تيمون وبومبآ نآشبين بحلقي
عبير : تيمون وبومبآ بعينك ياعمود الكهرب
فهده : أحسن منك يآخزآن المويه ، يالتفخه ، يالدبيه
عبير : تحصللللللين مثلي ومثل جسمي ومآتقولين لأ
فهده : تمزحين صح ! أي جسم يرحم أهلك ! أنآ مآأشوف معآلم كلك على بعضك جآيه زي الكره الأرضيه اللي رآمينهآ بمعمل الفيزيآ
أمل : بـــــس إنتي ويآهآ ! وجع ! إنتم مآتخلصون !
نوآل : تعآلي تعآلي يآبعد عيني عنهم ، ذولي أسلآك مخهم محترقه قآضين منهآ
أمل : هي محترقه وبس ! أصلاً مآفيه مخ
فهده : خلآص والله نعقل بس قولي لنآ وش فيك !
أمل : أبوي تعب ، ودوه المستشفى _ وإنفجرت بـ صيآح كآنت كآتمته من أمس

(إستغربوآ البنآت شكلهآ وهي بينهم تبكي ، أمل مو من عآدتهآ تبين مشآعرهآ قدآم أحد مهمآ كآنت ، فجأه بدون مقدمآت كآنوآ يتوقعون إن أمل متضآيقه من مآده
أو خآيفه من إمتحآن ، أو أي شي يتعلق درآستهآ ، كآنوآ مستبعدين تماماً إن الموضوع يتعلق بأبوهآ وهم عآرفين تعلق أمل المجنون فيه )


فهده وهي ضآمتهآ : أمووول حبيبتي سمي بالله ، إذكري ربك
نوآل : أمل يآقلبي قولي لآإله الا الله ، إن شآءالله مآفيه الآ العآفيه ، لآتخآفين
أمل : لآإله الآ الله ، بنآت حآسه إنه مآرآح يرجع لبيتنآ
نوآل : امووول ، إنتي اللي دآيم تصبرينآ تقولين هالحكي !
عبير : هذآ إبليس يلعب عليك ويخليك توسوسين ويلهيك عن ربك ، مفروض تدعين له مو تقعدين تصيحين وتخربطين بهالحكي
فهده : صآدقه عبير ، امل وين إيمآنك بربك ! بالأخير اللي كآتبه ربي بيصير وإن شآءالله بيقوم بالسلآمه ..



،


( في مكآن ثآني ، أفخم وأرقى أحيآء الريآض ، كآن جآلس مع زوجته يعد الثوآني حتى تجي السآعه المنآسبه اللي يطلع فيهآ من بيته لشوفة اخوه
توتر ، أعصآب مشدوده ، صوت مذيع الأخبآر في العربية ينقل حوآدث العآلم ومصآئبهم )


.. : صبـآح الخير
_ بعد لحظة صمت _ : صبآح النور
.. : سلآمآت ! وش فيكم مع هآلصبآح !
أم نوآف بعد مآرمت عليه نظرة حآدة : أبوك منشغل بآله مع عمك
نوآف : عمي ! عمي مين !
أم نوآف : عمك مين يعني ! عمك عبدالله تعبآن
نوآف : أفآآآآآ !
أبو نوآف _ بعد مآوقف _ : إنت مآعندك سآلفه ورآيق وإنسآن تآفه وخر عن وجهي لآأرتكب فيك جريمه
نوآف : بسم الله ! أنآ وش سويت !
_ وقف أبو نوآف عند البآب اللي إنفتح ودخل منه حمد _ : صبحّه بالخير ، على وين يالغآلي !
أبو نوآف : حمد وخر عن وجهي إنت الثآني خلني اروح لعمك بسرعه
حمد : عمي !
أبو نوآف _ بنفآذ صبر _ : إنتم وش فيكم كل شوي وآحد نآط بوجهي ، إيه عمك عبدالله تعبآن وهو الحين بالمستشفى وخر خشتك عن وجهي خلني أطلع
حمد : هد أعصآبك يالغآلي ، مآله دآعي التوتر ، يلله أنآ جآي معك


نوآف : آح ! أجل أنآ تآفه !
أم نوآف : نوآف !! منتب صآحي الحين شآيف حآلة أبوك وكيف متوتر وتجي تتميلح عنده !
نوآف : أنآ وش قلت ! خآرق أنآ أقرآ اللي بعقولكم ! أمس نآيمين محد قآل شي
أم نوآف : طيب يالفآلح ورآك مآهزيت طولك ورآ أبوك ورحت معه تتطمن على عمك !
نوآف : واللهي يآلطيبه أنآ عندي منآوبه في المستشفى وترآني منحآش منهم ولآآآآآزم الحين أرجع ، حمد مع أبوي بدق عليه أسأله وإن شآءالله أنآ بزوره بعد
أم نوآف : يآحبيبي حمد قلبه على أبوه
نوآف : لآ والله ! حمد حبيبك وأنآ ولد البطه السودآ الظآهر ! بعدين الله أعلم بالنوآيآ
أم نوآف : يآقليل الحيآ إنطم بس وخلك سآكت ، مخك يبي له غسيل
نوآف : هههههههههههه مهيب علينآ ذآ الحركآت ، ولدك ذآ أنآ أفهم حركآته زين
أم نوآف : قم إنقلع بس لمستشفآك الله يعين من طآح بيدك وخلني أكلم إختي أتطمن عليهآ ..






*
عبدالله _ أبو محمد _ : رجل كبير بالسن وصل عمره 70 سنه ، عآش طول حيآته بـ مستوى مآدي ضعيف ، كآن موظف في مدرسة أهلية مرآسل جوآزآت .
نوره _ أم محمد _ : ربة بيت وإمرأه فيهآ من الإيمآن الكثير ، صبرت على ظروف الحيآة الصعبه مع زوجهآ .
محمد : 40 سنه ، مطلق ، عآطل عن العمل بسبب إعآقه في جسمه ومريض نفسياً .
عبدالعزيز : 37 سنه ، متزوج وعنده [ عبدالله ، تركي ، لجين ، ريمآس ] ، موظف في شركة خآصة ، إنسآن مكآفح في حيآة صعبه ، مُسآلم ، كلمه توديه وكلمه تجيبه .
مشآعل : 35 سنه ، متزوجهآ ولد عمهآ وعندهآ [ نور ، ملآك ] ، حآدة الطبآع ، عصبيه ، بس مع كذآ لهآ قلب طيب وروح حلوه ومرحه .
مآجد : 32 سنه ، أعزب ، عآطل عن العمل بدون أسبآب ، مآخذ الدنيآ عضلآت ، لسآن سليط ، مآيحترم أحد .
مهآ : 29 سنه ، متزوجه وعندهآ [ زيآد ] ، حكيمه ، هآديه .
أمل : 19 سنه ، تدرس في ثآلث ثآنوي ، طموحه ، لهآ تطلعآت وآمآل كثيره للمستقبل ، هآديه ، خجوله كثير .


*
سلمآن _ أبو نوآف _ : أخو أبو محمد ، رجل له مكآنته وقيمته بالمجتمع ، صآحب شركآت وعقآرآت .
سآره _ أم نوآف _ : إخت أم محمد ، دكتوره في الجآمعه وتخصصهآ عربي .
نوآف : 28 سنه ، خريجّ طب من فرنسآ ، أمرآض قلب ، صآحب فكر ومنطق ، له روح حلوه .
حمد : 26 سنه ، مهندس ، هآدئ ، قوي شخصيه ، متمسك في مبآدئه لدرجه جنونية .
مضآوي : 23 سنه ، تدرس علوم في مدرسة أهليه ، حنونه ، قريبه من [ أمل ] كثير .
نآصر : 20 سنه ، يدرس قآنون بالجآمعه ، إنسآن في حآله مآعليه من أحد .
العنود : 19 سنه ، ثآلث ثآنوي ، خفيفة ظل ، متهوره كثير .
دآنه : : 17 سنه ، أولى ثآنوي ، مآيهمهآ أحد ، ترمي الكلمه ولآتفكر فيهآ .
فيصل : 14 سنه ، ثآني متوسط ، مجنون أجهزه الكترونية




[ أخوآن تزوجوآ أخوآت ، بس ربي مآكتب لهم نفس الحيآة ، فآرق في الطبقة الإجتمآعيه مو سهل أبد ،
الحيآة فرص ، الشآطر اللي يستغلهآ وبنفس الوقت هي كفآح
( من سآر على الدرب وصل ) جمله ، كنآ نسمعهآ في مدرآسنآ كثير بس مآكنآ نفكر فيهآ ونعطيهآ إهتمآم ،
قوة الشخصية ، التربية الصحيحة ، الوعي / كلهآ أشيآء ترفعنآ فوق أو تنزلنآ تحت ،
هذولي هم أهم الشخصيآت في الروآيه عشآن كذآ حبيت أكتب تفآصيلهم ، بس أكيد رآح نلقى أشخآص غيرهم ]

[الجوري ليال]

بداااااااااايه مووووفقه عزيزتي
بنتظار البااااقي لتكتمل الصوووره
احجزي لي مكان
لان مبين ان القصه حلوووه
ويسعدني اكون اول من يرد عليك غلاي

[هتون 20009]

موفقة ان شاء الله

[كَوثَر]

بداااااااااايه مووووفقه عزيزتي
بنتظار البااااقي لتكتمل الصوووره
احجزي لي مكان
لان مبين ان القصه حلوووه
ويسعدني اكون اول من يرد عليك غلاي




تَو مآنورت صَفحتي والله : )
أسعدني وجودك كثير يالغَآليه

رآيك ، تعليقك ، نقدك / كِله يهمني

خليك قريبه
شكراً بِ حجم نقَآئك

[كَوثَر]

موفقة ان شاء الله


أجمَعين حَبيبتي

كوني قريبه ..
كُل الود ..

[كَوثَر]

،


.. : طقآقه ، طقـآآآآقه مآفيهآ كلآم
.. : طقآقه ! أحسن منك خشتك يالصبّآبه منآك تكفين مآلقيت عآد إلآ آخذ شورك انتي
.. : خليك خليك بتطلعين مضحكه قدآم خلق الله ، وإلآ فيه أحد يحط في وجه عشرين لون ! وربي وجهك صآير كأنه خريطه مآليزيآ
هيفآء : تدرين ! أنآ اللي مآعندي سآلفه سآحبه على مدرستي وعلى بيتنآ وجآيه أنآم عندك على أسآس آخذ شورك وإلآ إنتي وين والموضه وين !
سآره : إرحميييييييني يآ العلم نور والجهل ظلآم إنتي ! حطيهآ برآسي يلله حطيهآ برآسي ! من اللي دق على الثآني ودخخخل فكرة الغيآب برآسه أنآ وإلآ إنتي يآلعنز !
هيفآء : وآآآآآآي سوفآج ، وش هالحكي إنتي ! متى بتتعلمين كيف تتكلمين ! بعدين إيه صح انآ اللي كلمتك وقلت لك نسحب على أم المدرسه بس مو عشآن تقعدين تحطميني
اللي يسمع كلآمك يقول مسويه مهرجآن في وجهي ، ترى مآحطيت شي !
سآره : تعرفين يآبعد تسبدي إنتي أنآ أكـــره شي عندي أشخبط في وجهي
هيفآء _ بإحبآط _ : سويّر عآد خلآص ترى العزيمه بكره وكل مآسويت شي مآأعجبك
سآره _ بطفش _ : يآليل أمكم إنتم ! الحين وش الله حآدنآ نضرب أعمآرنآ بالشيطآن الرجيم ، قبلهآ بشهر وإحنآ ندووور في هالأسوآق ندور لبس ويوم فتح الله على قلوبنآ ولقينآ
قعدنآ نحوووسه ونصلح فيه ، وهو قومة من صبآح ربي وهو أنتكه وميك آب ولآآآآآآ الموضوع فيه سشوره ، يآآآآرب إني مآأطيق الأستشوآر ، يآآآآآآرب ليه مآخليت شعري نآعم زي البقره
اللي جآلسه قدآمي ، ولآآآآ بعد أزيدك من الشعر شبآك زيآده على كل هالحوسه لآزم تروحين وأنتي البنت المؤدبه ،حسك عينك يطلع منك أي تصرف عشآن مآينهز البرستيج
علميييييني هذآ كله لييييييه ، هآآآآآه !!
هيفآء _ وهي ميته ضحك على هبآل بنت خآلهآ _ : آآآآآآه يآبطني ، كله كوم وشكلك وإنتي تدعين ربك كوووم ثآآآآآآآني
سآره : إنطمي بس وعلى ترآب يعني عشآن ربي خلآ شعرك نآعم تضحكين علي يآالعنز _ نطت فجأه قدآم هيفآء وسحبتهآ مع يدهآ _ قومي قومي بس خل ننزل نفطر وربي أحس كل عصآفير
وحمآم وطيور الخبر في بطني


( نزلوآ البنآت الدرج وسآره تسحب هيفآء اللي كآنت تتعثر في مشيتهآ من قوة تسحيب سآره لهآ ، سآره الإنسآنه العفويه اللي بقلبهآ على لسآنهآ كآنت تتكلم وتسولف طول مآهي سآحبه هيفآء
لمآ وصلوآ للصآله ، شهقت هيفآء وخبت نفسهآ تحت الدرج لأن سلطآن كآن موجود يفطر مع أمه )



سلطآن : قولي لهآ لآتطلع روحهآ من قو الشهقه
سآره : يآآآآءالله صبآح خير ، إنت وش مصحيك ! وش هالقدر يآربي اللي خليتي أصبّح بوجه ذآ الأقشر !
سلطآن : قصدك وش هاليوم اللي صبحت فيه بكشتك ! أقول يمه بنتك هذي ورآ مآتعلمينهآ تضف شوشتهآ زين ! ترآهآ مزعجه الخبر كلهم
سآره : هـ هـ هـ يحصل لك يآحبيبي حرمتن مثلي وتقول لآ !
سلطآن : أحلــى يآلوآثقه ، منآك تكفين ، قآلوآ لك بتزوج مكنسه أنآ !
سآره : سليطين حل عن سمآي عآد وعن الغلط ، ويلله قم الله لآيهينك أنآ وهيوف نبي نفطر _ مسكت بطنهآ وصرخت _ جوعآآآآآآآآآآنه
سلطآن : قص لسآن ووجع ، مآتعرفين تقولينهآ بدون صرآخ !!
_ كآنت جآلسه تسمع لحكي عيآلهآ اللي تعودت عليه وصآر بالنسبه لهآ روتين _ أم سعود : وش هالصوت إنتي ! بعدين توك تتذكرين البنت لآطعتهآ من اليوم !
سآره : والله كله من ولدك قآعد ينآحر فيني ، خليه يقوم وأدخلهآ
سلطآن : من ! هيوف الخبله الثآنيه ! الآ صح وش مغيبكم إنتم ! مآعندكم مدآرس ! أم سعود : علمهم ، والله ولآ كأنهم بنآت ثآنوية عآمة ، لآ طلعت نتآيجكم بكره تعآلي تبكبكي عند رآسي عشآن أوريك شغلك
سلطآن : إيه يآأم سعود عليهآ تكفين
أم سعود : الله يخلف علي فيهآ بس ، شوفيني تو أكلم عمتك نوره تقولي أمل مآرضت تغيب عن مدرستهآ وهي أبوهآ تعبآن ، وإنتي والخبله الثآنيه تآركين درآستكم عشآن
تتعلمون خرآبيط
سآره : ستوووب ستووووب قآرنيني باللي تبين ، إلآ أمل تكفين
سلطآن : ليه وش زودهآ أمل عنكم !
سآره : صآحي إنت ! لو أسكر على نفسي طول الترم وأغطس وجهي بهالكتب مآوصلت ربع مستوآهآ ، بسم الله عليهآ البنت دآآآآآفووووره
سلطآن : وحلوه
سآره : وشوووووو ! وإنت وش درآك إنهآ حلوه !
سلطآن : هآه ! لآ لآ بس أذكرهآ يومهآ صغيره _ وبسرعه غير الموضوع خوفاً من سآره ولسآنهآ الطويل لآتنشب له _ وش فيه رجل عمتي ! ليه تعبآن !
أم سعود : إيه والله الرجآل تعب ونقلوه للمستشفى ، حآله الضعيّف مآيسر
سلطآن : لآلآ ! الله يقومه لهم بالسلآمه ، أجل عمتي مهيب جآيه هالأسبوع
أم سعود : لآ مستحيل تجي ، وين لهآ خلق تقآبل النآس وزوجهآ طآيح
سآره : لآآآآآآآ لآتقولون عآد ، أووومآ مآرآح نشوف أمل ، نآوينهآ هبآل يآآآهووووو
سلطآن : إنتي غبيه وإلآ غبيه وإلآ غبيه ! تقولك أمي الرجآل تعبآن وإنتي تقولين هبآل ! _ وقف يبي يطلع _ مآتلآحظون إننآ سحبنآ على الخبله الثآنيه! يلله أنآ بـ اطلع
أم سعود : سلطآن كلم أبوك وعلمه من اليوم ادق على جوآله مقفل
سلطآن : أبشري ولآ يهمك ، يلله سلآم


بعد مآطلع سلطآن ، جت هيفآء وضربت سآره على رآسهآ : لآوالله ! قآعده تنآحرين بذآ الطويل ليه ! حآمت كبدي وأنآ وآقفه
سآره وهي تحك رآسهآ : وججججع يطلع منك يالعص إنتي ، وش أسوي فيه ! هو يقهرني _ وقآلت بإحبآط وصوت مبين فيه القهر _ شففففتي أمووول مآرآح يجون !
هيفآء : إيه سمعتكم ، والله قهر ، بس يلله أبوهم ألزم ، الله يقومه لهم بالسلآمه
سآره : آمين آمين ، لآزم نكلم أمووول ترى بس أكيد هي المصريه بالمدرسه الحين _ سحبت هيفآء_ قووومي نفطر بسرعه ..













( بعيد عن الخبر ، في مكآن ثآني من المملكه وبالتحديد جده ، كآن جآلس ورآ مكتبه في شركته الخآصه وعقله مشوش بين اورآق مهمه ، قطع تركيزه جوآله وهو يدق )


.. : يآآآآآء الله تحييه ..
.. : السلآم عليكم
صآلح : وعليكم السلآم ، هلآ والله
سلمآن : وشلونك يآصآلح ! وش أخبآر العيآل !
صآلح : بخير جعلك بخير ، إنت طمني عن صحتك !
سلمآن : أنآ بخير ، إسمع مآبي أطول عليك وأنآ عآرف إنك بشغلك بس حبيت أقولك ترى عبدالله أخوي تعبآن وهو الحين بالمستشفى وأنآ رآيح له
صآلح _ بدون إهتمآم ونبرة البرود بصوته _ : طيب ! وش المطلوب مني !
سلمآن _ بعصبيه _ : أقولك أخوك الكبير تعبآن وإنت تقول وش المطلوب مني ! إركب أقرب طيآره وتعآل تطمن عليه
صآلح : سلمآن ! إنت تدري إن اخوك ذآ مآهمني ، وآآآآخر شي إني أسويه أقطع أشغآلي ومصآلحي عشآن نآس مآتسوى
سلمآن : تدري ! الشرهه مو عليك علي انآ اللي حسبت عندك دم ودآق عليك
صآلح _ وصوته بدآ يرتفع _ : سلمآن لآتسوي لي فيهآ إنك المهتم ، الله وأكبر من متى العلآقه بينآ وبين عبدالله كآنت حلوه !
سلمآن : بس ولو ! هذآ مرض الوآحد مآيستهون فيه ، وبعدين أخوووي مهمآ كآن هووو أخوي
صآلح : عطيتك الحكي من آخره
سلمآن : انآ الغلطآن وصدقني يآصآلح إنك بتندم



( سكر السمآعه بدون مآيسمع رد أخوه ، ضآقت فيه الدنيآ وهو يفكر بالحآل بينهم ، الطريق للمستشفى كآن بعيد زيآدة على زحمة الريآض ، غمض عيونه وبدت ذآكرته تسرد له مآضيه مع أخوآنه
هذيك الأيآم اللي كآنت فيهآ القلوب طآهره وصآفيه ، أخوهم عبدالله اللي ضحآ بنفسه عشآن مستقبل أخوآنه ، كآن يضغط على نفسه بكثرة العمل ويقصر على بيته وعيآله عشآنهم
عبدالله أخوهم اللي هو السبب بعد الله في المستوى اللي هم فيه ، من اللي كآن يصرف عليهم وهم في أمريكآ يكملون تعليمهم غيره ! ، من اللي وقف معآهم في بدآية طريقهم ومشآريعهم غيره !
من اللي تعب وأفنى حيآته بعد وفآة أبوه عشآن يريح أخوآنه غيره !
وبعد هذآ كله وشو !
سلمآن ، إنشغل في مصآلح الدنيآ اللي مآتخلص وهو يطآرد من هنآ وهنآك عشآن يحآفظ على مستوآه اللي يطمح انه يوصل للأعلى ، تنآسى أخوه بالتمآم وكآن دآيم يقول بنفسه إن عبدالله ومتسوآه
الضعيف مآكآن نتيجة الآ لسلبية شخصية أخوه ، تجآهل كل اللي سوآه أخوه عشآنه ، رمى كل التعب اللي تعبه أخوه ورآ ظهره ، بس بالآونه الأخيره لمآ طآح أخوه قدآم عينه عوره قلبه وأنبّه ضميره
بعكس صآلح ، اللي يآمآ وقف في وجه أخوه عبدالله وكآن يقوله قدآم وجهه إنه مآله لآ منّه ولآ فضل وكل الفلوس اللي صرفهآ عليهم مآهي الا فلوس أبوه مع العلم إن ابوه مآت ومآخلآ ورآه الا بيت
شعبي قديم بآعوه عشآن يسددون ديونه ، صآلح إلآ كآن يهين عبدالله ويعآيره بمستوآه كل مآسمحت له الفرصه )



من وسط فوضى المشآعر اللي كآن يحسهآ سلمآن ، حس بيد ولده تهز كتفه
سلمآن : وش فيك !
حمد : يلله أبوي وصلنآ
نزل سلمآن وضربآت قلبه تزيد ، كآن مع كل خطوه يمشيهآ يصرخ الشوق بدآخله لأخوه ، لمح عبدالعزيز وآقف من بعيد ووقف ، مآقدر يكمل مشيه ، إستغرب حمد من وقوف ابوه المفآجئ
حمد : أبوي وش فيك ! هذآ عبدالعزيز قدآمنآ
تحرك سلمآن وسلم على عبدالعزيز : طمني يآولدي ! وش أخبآره الحين !
عبدالعزيز : والله يآعمي مدري وش أقولك بس الله كريم

دخل سلمآن بسرعه للغرفه عند اخوه ، إنصدم من المنظر اللي قدآمه ، إنعدم إحسآسه باللي حوله ، مآكآن يسمع في هاللحظه الا صوت دآخله يقول : هذآ أخوك ، هذآ أخوك اللي رميتوه
هذآ اخوك اللي بعتوه عشآن دنيآ ، كآن شكل عبدالله يكسر الخآطر ، غرفة المستشفى اللي مو مؤهله أبد إنهآ تكون صآلحه لمريض بمرض خطير ، إنبوب الأكسجين اللي يشتغل شوي ويطفآ شوي

السرير القديم ، المفآرش اللي مو نظيفه ، وجه أخوه التعبآن اللي صآر يميل للون الأزرق لقلة الأكسجين ، كآنت مشآعل اللي أصرت إنهآ تجي من أول مآطلع الصبآح قآعده عند رآس ابوهآ
وبيدهآ مصحف تقرآ عليه ، في هاللحظه دخل عبدالعزيز بعد مآقآل لمشآعل تتغطآ لأن حمد بيدخل معه ..


حمد : لآبآس طهور إن شآءالله ، مآقدآمه الا العآفيه _ قرب من رآس عمه وبآسه _ عمي ، أبو محمد تسمعني !
بس مآكآن فيه أي ردة فعل من عمه ، لف حمد على ابوه اللي مآطلع منه أي تعبير من دخل وشآف حآلة أخوه ..
سلمآن لمآ بدآ يستوعب : إنتم كيف مخلين أبوكم هنآ ! إنتم الظآهر تبونه يموت !
مآجد اللي توه دخل : وش تبينآ نسوي فيه يعني ! هو ملفه هنآ ومرآجعآته كلهآ هنآ سلمآن بعصبيه : بلآآآآآ حكي فآضي _ لف على عبدالعزيز _ وإنت يالكبير ورآك مآقلت لي أمس لمآ كلمتني عن حآلة المستشفى ! يعني لو مآجيت وشفت الوضع كآن بتخلونه هنآ !
عبدالعزيز : يآعمي الله يهديك مثل مآقآل لك مآجد هو يرآجع هنآ
سلمآن : لآلآ إنتم مآفيكم عقل ، بذمتكم هذي غرفة مؤهلة طبياً !
حمد : خلآص أبوي هد أعصآبك ، أنآ أتصرف


طلع حمد وإتصل على كذآ وآحد يشوف له موضوع عمه ، بعد نص سآعه رجع حمد وقرب من عند أبوه اللي كآن جآلس وسرحآن بأخوه اللي قدآمه بين الحيآة والموت

حمد : أبوي ، هذآ وآحد أعرفه من الشبآب ، قآل لي فيه إمكآنية يستقبلون حآلة عمي ، والمستشفى سمعته كويسه وأطبآئه ممتآزين ، أعتمد !
سلمآن : متأكد ! مآبي ننقله ويصير مستشفآهم خرطي بعد !
حمد : لآ مآعليك من هالنآحية تطمن ، بس كيف عطني ردك عشآن أخليه يطلّع لي سيآرة إسعآف تجي ينقلونه
سلمآن : إيه إيه خلآص ، بس شلون نطلعه من هنآ !
حمد : مآعليك إنت إرتآح وأنآ أتكفل بكل الإجرآءآت
مآجد اللي كآن يسمعهم من بدآية الكلآم : مآشآءالله تبآرك الرحمن ، على كيييييفك إنت تخطط وتنفذ ! عسى منتب وآحد من عيآله وأنآ مدري !
لف حمد على مآجد وأعطآه نظره : عمي بمكآنة أبوي ، بعدين مآشفتك والله شآد حيلك ومسوي شي
مآجد بعصبيه وصوته إرتفع : أقول ورآ مآتضف وجهك وتطلع برآ أحسن لك ! إيه ورطونآ بعد ! جآي الحين تبي تنقله وبعدين لآ جآ الحسآب مآشفنآ إلآ غبآرك
حمد بإستحقآر : هذآ اللي همّك !
سلمآن : بَس إنت ويآه ، ولآ وآحد فيكم يتدخل أخوي وأنآ اللي أبي أنقله ، وإنت يآمآجد عيب عليك تقول هالحكي وأنآ موجود ، حمد بسرعه خلص إجرآءآت عمك وخل نطلعه من هالمكآن


طلع حمد اللي كآن معصصصب من وقآحة مآجد وطولة لسآنه ، هذآ جزآه اللي يبي لعمه الأفضل ! بعدين من هو مآجد عشآن يجي يحكم عليه !

حمد كآن أقرب وآحد من العيآل لعمه ، كآن دآيم يزوره ويسأل عنه وأغلب الأوقآت مآكآن يلقى في البيت العيآل ، ويآكثر مآإشتكى عمه من عربجة مآجد ومشآكله اللي مآتخلص
مآجد يآمآ جرجر أبوه في الأقسآم والشرطه تآلي الليل بس عشآن يطلعه بكفآلة لأنه تضآرب مع أحد ، ويآمآ ضغط على ميزآنية ابوه الضعيفه بس عشآن رغبآته
دعآ حمد ربه يهدي مآجد ويشفي عمه ويقومه لهم بالسلآمه ..

أنهى حمد إجرآءآت خروج عمه من المستشفى أو خلونآ نقول _ مقبره _ وهو يلعن بدآخله الأنفس الضعيفه اللي تسلمت منآصب مهيب قدهآ ، دق جوآله ولمن شآف الرقم عرف إنه صآحبه
حمد : هآه طمني ، كيف مآشيه الأمور !
يآسر : خلآص سيآرة الإسعآف وآقفه برآ ، إنت بس عطني رقم الغرفه اللي فيهآ عمك عشآن يدخلون وينقلونه

أعطآه حمد الرقم وخلآل دقآيق كآن عمه في سيآرة الإسعآف ومعآه عبدالعزيز وحمد كآن ورآهم بسيآرته ومعه أبوه ومشآعل ، أمآ مآجد اللي عصّب من تدخل عمه اللآمنطقية من وجهة نظره
واللي يبررهآ إنهآ _ زعطه وشوفة نفس _ طلع من المستشفى رآيح لشلته اللي مثله ..




،

[كَوثَر]

،




.. : يعني مآرحت له !
.. : وشو ! أروح له ! صآحي إنت !
.. : أجل الله يعيينك على سلمآن !
إبرآهيم : سلمآن مآتنآزل ورآح له إلآ عشآنه زوج إخت حرمته ، مآرآح له بصفته أخوه
صآلح : والله مآيندرى عن أخوك ذآ ، كلمني وشيآطينه قآيمه وشكله زعل علي
إبرآهيم : يزعل ويقعد ، أنآ مآعندي إستعدآد أنزل نفسي لهالمستوى وأدخل ذيك الأحيآء ، إفرض شآفني أحد من هالحآقدين ! وش بيقول !
صآلح : يعني أتطمن ! أخآف ينقلب رآسك يآخوي
إبرآهيم : خذ العلم ، روحه منيب رآيح ولو مآت بنعرف بخبره
صآلح : وإنت صآدق ، أجل فمآن الله
إبرآهيم : فمآن الله







.. : إقطــع أم الدرآسه
.. : أووووف أووووف أووووووووف كبر رآس عبير ، تعب
عبير وهي تحط رآسهآ على الطآوله : لآبو الدرآسه ، لآبو من دخلنآ مدآرس ، لآبو العلم على أبو من يطآوعهم ويدآوم
أمل بضحكه وهي تلف عليهم : خير خير إنتي وهي ! وش فيكم !
فهده : تكلم فتحي ، أمووول يرحم وآلديك إسكتي ، كلللنآ ندري إنك دآفوره وتموتين بشي إسمه مدرسه ، مححححد تدخل هذي حرية شخصية بس إنك تجين تتبوسمين علينآ تآلي ذآ الدوآم
هنآ عآد كلآم ثآني
أمل : بسم الله ! مآأمدآني تكلمت
عبير وهي ترفع رآسهآ وتحكي بنشآط : قوموآ بسرعه بسرعه خل نطلع ونمر على أبو محمد ونآخذ لنآ كذآ كم وحده فلآفل على كبده ، يآسلآآآآآآم
نوآل وهي فآطسه ضحك : وإنتي مآتكيفين إلآ على الأكل ! أنآ يوم شفت نقزتك قلت عندهآ سآلفه ، بتقول لنآ شرآيكم نسكر البآب ونطق ونرقص ونسفهل
فهده : ويييين يآلطقآقه إنتي !
أمل : عز الله اللي مآخلصنآ منكم ، بنآت يلله بسررررعه أنآ أبي أطلع للبيت ، أحس إني جآلسه على نآر
فهده : يلله يلله يآبعدي


نزلوآ البنآت من فصلهم ووقفوآ عند البآب كل وحده تلبس عبآيتهآ ، طلعوآ من المدرسه ومشوآ بين الشورآع الضيقه المزدحمه بالنآس ، لمآ وصلوآ آخر الشآرع

عبير : يآيبـه يآآآيبـه ، شمّوآ ريحة الفلآفل _ وسحبت نفس _ يآلبييييه
نوآل : الحين عبير تنبطح قدآم أبو محمد وتفشلنآ قدآم الشعب العربي
فهده : أرحممممتس يآشعب عربي من وين لآقطتهآ !
نوآل : من أكل محمد التفآحه ، مآسمعتيهآ في حصة الأدب تحتسي عن الشعب والتكآتف !
فهده : حكنتس طآح ، شوي شوي تكفين
أمل _ بنفآذ صبر _ : بنآت إخلصوآ علي تكفون ، وحده منكم تدخل تشوف هالدبه وش صآر عليهآ !
فهده : ورآ مآتدخلين انتي !
أمل _ بتعجب _ : وشووو ! أنآ أدخل ! ليه إنهبلت !
نوآل : شوفوآ قليلة الخآتمه ذي ! وش بتس زود عننآ يآخيه ! على رآستس ريشه وإلآ موكلينتس بملعقه من ذهب !
أمل : وآآآآآي ، وش ذآ الحكي ، صرآحه إنتي مفروض يحطونك بالجنآدريه
فهده وهي تفزع مع نوآل : وآآآآآي يآنعومتهم ، يآحلآوتهم يآميآعتهم ، وش بتس انتي متى يقوى عودتس وتصيرين حرمتن سنعه !
أمل : لآلآ تكفين فهده ، ترآني أذكرك فيك خير ولسآنك يهبل
في هاللحظه طلعت عليهم عبير وعبآيتهآ منسحبه من على رآسهآ وحآلتهآ حآله : إقططططع أوووم الشفآحه ، وربي تقل مفجوعين
فهده بضحكه : يعني تبين تفهميني إنك طآلعه منهآ ، الحآل من بعضه
أمل وهي تمشي : خلآص عبوره برد قلبك وأخذتي اللي تبينه
عبير بحمآس : إيه إيه يلله خلصووآ بسرعه والله يبي لهآ ببس بآآآآآرد وقعده قدآم التلفزيون
نوآل : ببس ! شدعوه الدحمي قآعدن يمشي معنآ !
فهده وهي تضرب يدهآ بيد نوآل : حلووووه منك يالبريدآويه ، أليمه الذبّه ، عآد على تفخة هالبعير لآيق عليهآ الدحمي





في هاللحظه توآدعوآ البنآت لآنه صآر لآزم يفترقون وكل وحده تدخل حآرتهآ ، أمل اللي كآنت تعد الثوآني عشآن توصل للبيت وتشوف آخر أخبآر أبوهآ وهي اللي من اليوم تدعي ربهآ
بدآخلهآ يخليه لهم ويقومه بالسلآمه



فتحت أمل بآب بيتهم الشعبي وطلعت الدرج الطين بسرعه ، لقت أمهآ جآلسه قدآم التلفزيون وحآطه يدهآ على خدهآ وسرحآنه ، عينهآ كآنت على الفرآغ ، مآأمدى أمل تسأل أمهآ
إلآ مشآعل وعبدالعزيز كآنوآ ورآهآ ، فزّت أمهآ وآقفه لمآ شآفتهم

أم محمد : هآه يآبوي ، طمني ! ورآكم تأخرتوآ ! أبوك جآه شي !
عبدالعزيز وهو يبوس رآس أمه : لآلآ يآلغآليه تطمني ، بس عمي سلمآن جآ وزآر ابوي ولمّآ شآف وضع المستشفى كيف ، زعل وعصّب ونقله
أم محمد : نقلتوه ! وين وديتوه !
مشآعل : مستشفى الـ ....
عبدالعزيز : وإنتي الثآنيه وش فيك ! مآكأنه عآجبك !
مشآعل : مو عآجبني ! إلآ أحمد ربي وأشكره على فزعة عمي سلمآن ، صرآحه وضع أبوي هنآك مآيطمن أبد
أم محمد : طيب يعني حطوه بغرفه ! مآكلمكم !
عبدالعزيز : لآوالله يمه ، أبوي دخلوه مبدئياً العنآية لين تتحسن أوضآعه بإذن الله
أمل اللي توهآ تكلمت : إيييييييش !! بالعنآية !! لييييييييه وش فيه ! أبوي حآلته مآتستدعي يدخل العنآية
مشآعل : من قآلك ! _ ولمآ إنتبهت لعيون أمهآ اللي نبهتهآ إن مآتزل قدآم أمل بشي _ أقصد يعني الاكسجين شي مو سهل
أمل : يآعآلم شوية منطق ! عنآية عشآن نقص أكسجين ! مآتخش العقل
عبدالعزيز : أمول ، عمي دخل ابوي مستشفى كويس ، ولآنهم مآيعرفون حآلته ولآ العلآجآت اللي يآخذهآ حبوآ يدخلوه في العنآية عشآن يلآحظونه زين ولمآ يتعدل تنفسه بيطلعونه إن شآءالله
أمل وهي خآنقتهآ العبره : متى زيآرته ، أبي أروح أشوفه
مشآعل : بكره من السآعه 2 إلى 3 ، سآعه وحده باليوم
أمل : بكره ! لآلآ وأنآ وش يصبرني لبكره !
عبدالعزيز بنفآذ صبر : خلصنآ عآد أمل ، إنتي مو بزر نقعد نحآيل فيك ! كلنآ نبي نشوفه بس هذي القوآنين


قآم عبدالعزيز من مكآنه وطلع للدور الثآني يشوف زوجته ، ومشآعل قآمت تكلم زوجهآ اللي تركته بالشرقيه وسكنت مؤقت بالريآض عشآن أبوهآ ، أمهآ رجعت لحآلة السرحآن اللي هي فيهآ

دخلت أمل غرفتهآ اللي مآتتجآوز مترين في مترين ونص بأثآثهآ القديم بالرغم من النظآفه والترتيب الكآمل للغرفه ، بدلت ملآبسهآ وطلعت تجهز الغدآ مع مشآعل ..






مر اليوم كئيب وطويل على الكل اللي ينتظرون تشرق شمس يوم جديد يطلون فيه على رجل جمع كل طُهر الأرض بقلبه ، بدآية من أم محمد اللي مآغطت عينهآ ولآ ذآقت النوم تفكر بزوجهآ
اللي جمعتهآ فيه أحلى أيآم ، وسلمآن اللي قضى ليله كل يتحسر بقلبه على إنه فرّط في أخوه الطيب وركض ورآ الدنيآ ومصآلحهآ وطآوع أخوآنه صآلح وإبرآهيم ، وعبدالعزيز اللي كآن يرجي ربه
إن وضع أبوه مآيسوء زيآده ، ومشآعل الحسآسه اللي كآنت تبكي طول ليلهآ على أبوهآ اللي تندمت انهآ تزوجت في عمر صغير وتركته وعآشت بعيد عنه ، ومهآ اللي شآيله هم الكل وتفكر في أخوآنهآ
وآحد وآحد ، وأمل اللي كآنت طول اليوم تفكر بالشي اللي مخبينه عنهآ أهلهآ
طلع الصبآح وكلن رآح لدوآمه بالقوه وعشآن يقطعون السآعآت الطويله اللي تفصلهم عن موعد الزيآره






السآعه 01:45 م
قدآم بآب غرفة العنآية



وآقف عبدالعزيز ومآجد بأهله كلهم ينتظرون تجي السآعه 2 ويفتحون البآب ويسمحون لهم بالزيآره ، في هاللحظه إنفتح بآب المصعد وطلع منه سلمآن اللي سآنده ولده حمد وورآهم نوآف
جوآ العيآل وسلموآ على عمهم ، وحمد ونوآف سلموآ على خآلتهم
سلمآن : دخلتوآ عليه !
عبدالعزيز : لآوالله مآبعد فتحوآ البآب
مهآ تلف على نوآف : نوآف ! وش فيه عمي كذآ ! ليه مآيقدر يمشي !
نوآف : لآلآ مآبه الا العآفيه ، بس هو شآيل هم عمي عبدالله حيل وحآس نفسه مو متوآزن عشآن كذآ سآنده حمد
مهآ : يآقللللبي عليه ، مبين شكله يكسر الخآطر ، أول مره اشوف عمي كذآ
نوآف : الله كريم يآبنت الحلآل ، إن شآءالله يدخل الحين ويتطمن
مهآ وهي تقرب من نوآف وتحكي معهآ بصوت وآطي : نوآف أقدر أطلبك طلب !
نوآف : سمي !
مهآ : الله يخليك بحكم إنك طبيب أبيك تقرآ ملف أبوي وتعلمني كيف حآلته ، ولآ تخبي عني لأني أكثر وحده عآرفه حآلته
نوآف بتوتر : أبشري ولآ يهمك


إنفتح بآب العنآية وتعلقت أنظآرهم كلهم على البآب ، ودهم يدخلون بس الخوف يملآ قلوبهم ، من اللي يملك قلب قوي يدخل اول وآحد ويطلع يبشرهم بسلآمته ، أو يكون تحت تأثير الصدمه
طلع عليهم الموظف اللي بلغهم بإرشآدآت الدخول ومع ذلك محد فيهم تحرك ..

حمد : أبوي ، يلله سم بالله وإدخل
لف عليه سلمآن والخوف مبين بعيونه كأنه يقوله مآأقوى أشوفه الندم حآرق قلبي ، كلهم إنتبهوآ لأمل اللي دخلت أول وحده وبسرعه ، كآنت تحس إنه محد فآهمهآ ، وكآنت تلومهم على البرود اللي
عآيشين فيه ، مآكآنت تدري إنهم كلهم يعرفون بمرض ابوهآ وكلهم شعور الخوف مسيطر عليهم ، وهي تمشي بأسيآب العنآية وعقلهآ يدور فيه أفكآر كثيره وصلت عند الستآره اللي تفصل بينهآ
وبين أغلى البشر على قلبهآ ، فتحتهآ بقوه وتصمنت مكآنهآ ، دقآيق معدوده وكلهم كآنوآ دآخل الغرفه ، الكل كآن منصدم بالشخص اللي قدآمهم على السرير
غرفه بيضآء بآرده ، أجهزه في مكآن ، أسلآك حول جسد ابوهم ، إنبوب الأكسجين اللي دآخل في فمه يوصل لرئته لأنه صآر تحت التنفس الصنآعي ، مرمي على السرير بدون أي حركه
جسد بدون روح ، مآكأنه أمس في نفس الوقت كآن معهم يسولفون معه ويضحكون بالرغم من تعبه اللي كآن مرآفقه في سنوآته الأخيره ، شكله كآن فوق إستيعآب الكل
فآقوآ من صدمتهم على صرخة أمل اللي رمت نفسهآ على أبوهآ وهي تبكي بأعلى صوتهآ ، بكآهآ اللي خلى مشآعل تبكي ودموع امهم تنزل ، بكآهآ اللي عور قلب سلمآن حيل لدرجة دمعة عيونه فيهآ
بكآهآ اللي خلآ عبدالعزيز اخوهآ مآيتحمل الموقف ويطلع برآ الغرفه ، كآنت تبكي الأب والصديق والحبيب والدنيآ كلهآ ، أبوهآ كل شي بحيآتهآ



سحبتهآ مهآ اللي حآولت بقد مآتقدر تكون أصبر وحده فيهم ، ضمتهآ وحآولت تهديهآ : أمووول سمي بالله ، بسم الله عليك الرحمن الرحيم ، بسم الله عليك يآقلبي لآتصآرخين
أمل من وسط بكآهآ : مآآآآآأقدر مآآآآآآأقدر هذآ مووو أبوي مووووووو أبوي
مهآ : قولي لآإله إلآ الله ، إذكري ربك يآبنت الحلآل ، أمووول إدعي له حبيبتي إدعي له
أمل : لآآآآآ لآآآآآ مآبي مهآ شوفيه _ بصوت أعلى _ شوووفيه هذآآ مو أبوووووي
مهآ : أموول بكيتي أمي الله يهديك ، قولي الله يرفع عنه ويشفيه ، مو تقعدين تصآرخين كذآ
أمل وهي تحآول تهدي نفسهآ وتحكي من بين شهقآتهآ : الله يشفيه ، الله يشفيه ، الله يشفيه ، يآآآآآرب تخلي لي إيآآآه يآآآرب


عدّت السآعه بسرعه وكأنهآ دقآيق ، طلعوآ من العنآية وكل وآحد ركب السيآره بصمت ، وقلوبهم متعلقه جوآ بالغرفه البيضآء ..











* آرآئكم تهمني ..

[الجوري ليال]

شسالفه ودي اعرف وش المرض الي عنده
يعني قلب بس
ماااعتقد ان القلب ومرضه يتعبه لهالدرجه
رغم ان القلب لاتعب ياثر ع الجسم ككل
بس مادري احس فيه شي

امووووووووووول رحممتها بقوووووووه
واما ابراهيم وصالح بجد ناس تاااافهه هذا اخوكم جعلكم تجربون معنى الفقد
يقهرون وربي
يعني يكفي انه ضيع مستقبل عياله ومستقبله
وفكر فيكم وانتم تقابلونه بهالجزا
جد ماعاد فيهم خير

البنات هههههههه ياحبيلهم ذكروني بايام الدراسه
واما عبور صراحه شهتني بالفلافل^_^
عاد وين القى فلافل بهالليول

يسلمؤؤؤؤؤؤؤؤؤؤؤؤ غلااااااي
وجد بارت

[كَوثَر]

.






_ الفَصل الثآني _






* [ لآ يَدْ لنَآ عَلى أقدَآرنِآ ..
وَلآ سُلطَه لَنآ عَلى قُلوبِنَآ ،،
هِي تَنبض لِ مَن أرَآدت
.. وَكيفَمآ أرآدت /
بَعضُهم ~ يَنبُض القَلب لَه
وَ بَعضُهم ، يَنبُض القَلب بِه ! .. ×








بعد مرور شهَـر من الأحدآث السآبقه



كآن الحآل نفسه مآتغيّر ، كل يوم يطلعون العيآل يزورون أبوهم اللي حآله مآتحسن ، ويرجع كلن لشغله وهمّه ، هالفتره كآنت قريب من الإختبآرآت الشهريه للنصف الثآني
الأغلب كآن منشغل بدرآسته


في وسط الصآله الكبيره ، التلفزيون مشغل بدون صوت ، الخدآديآت اللي ع الكنب كآنت كلهآ على الأرض ، مجلآت وأشرطة فيديو منتشره في كل مكآن ، علب ببسي فآضيه
حبآت فيشآر على الأرض



.. : ورآي ورآي ، قول عني مآتقول صوبي كم صعب الوصول ، واللي مآيطول العنب حآمض عنه يقول
.. : وع وع مآعجبتني غيري غيري
.. : ودك بشي هآدي ! شرآيك أهيّج مشآعرك وأغني لك أبكي على مآجرآ لي يآأهلي !
.. : لآآآ وين مآلي مزآج أدخل جو حزين واتمآيل ، أبي شي نقآزي
دآنه وهي مآسكه القدر اللي تطق فيه بصوت مزعج : نقزوك بسم الله _ ولمآ جتهآ خدآديه على وجههآ _ أمممزح يالخوآفه ، يلله إخلصي بسرعه وش أطربكم فيه !
مضآوي وهي جآلسه على الأرض وقدآمهآ جهآزهآ الآب توب ودفترهآ التحضير : تكفين يآنوآل ! من زين صوتك الحين ! إسكتي بس وضفوآ حوستكم والله لو تجي أمي لآتلعن خآمسينكم
العنود : هئ هئ يآآآحبيبتي دنتي معآنآ مش طآلعه منهآ
مضآوي : أشووووآ إن امي تعرفني مو رآعية هالحركآت ، أنآ ويني ووينكم ، بسم الله قآعده أحضر دروسي الا جيتوآ يالعبدآت قلبتوآ البيت _ تلفتت حولهآ _ بالله هذي صآلة !
العنود : إنتي دوووينه إخلصي طقي أبي أرقص
دآنه بدت تطق بصووت مزززعج : وقولوآ إسم الله على غزآل طب قولوآ إسم الله ... إلخ
العنود أعجبتهآ الأغنيه وقعدت تهآبد في المكآن رآيحه جآيه وهي ترقص ، ومضآوي اللي مآكأنهآ معآهم بنفس المكآن منشغله بدفترهآ ، في هاللحظه إنفتح البآب ولأن الصوت عآلي مآحسوآ
إلآ اللي يقول : من الغزآل ! عسى بس مهيب ذآ اللي تهآبد !
وقفت دآنه طق وهي مفجوعه بنفس الوقت اللي قعدت فيه العنود بقوه على الكنب ولآ كأنهآ من ثوآني مآسكه الصآله روحه وجيه
العنود وهي تحط يدهآ على مكآن قلبهآ : وووووجعه طيحت قلبي
حمد : أنآ تقولين لي وجعه !
دآنه : وهي صآدقه إختي ، مآتسوى علينآ جو فرفشه ، الحين صآر لآزم نشرب من طآسه الخرعه وإلآ مهوب جآيينآ عيآل
حمد اللي فطس ضحك فجأه : من معلمك هالحكي إنتي !
دآنه وهي منحرجه : مدري ، أسمع أم عبيد اللي تجي عند امي تقول كذآ
حمد : يآكثر خرآبيطم إنتم ، وإنتي يآلكبيره قآعده معهم ولآ كأنك على الخط ! معجبك اللي يسوونه !
مضآوي وهي تلف عليه : والله يآحمد عجزت وأنآ أتكلم بس مآعندك أحد يسمع ، أصلاً فهّم هالغبيه اللي إمتحآنآتهآ تبدآ يوم السبت واليوم الإثنين وهي ولآ فكرت تفتح مآده فيهم
حمد : خليهآ خليهآ ، بكره تجي عند أبوي تترجآه يرميهآ في أي قسم
العنود : يرميني ليه ! مو بنته أنآ ! بعدين النآس قدرآت وأنآ بصرآحه مآفيني على المذآكره
دآنه تأيد كلآم إختهآ : صآدقه إختي تتعب ليه ! بعدين مخهآ يصير يحكهآ
حمد بتعجب : إيه إيه ! مخهآ يحكهآ _ لف على مضآوي _ إختك مع مين تقعد ! من يعلمهآ هالخرآفآت
مضآوي وهي تضحك : هذي أم العجآيب
حمد : إنتي يالخلبه مو كل مآقآلت ذآ الغبيه شي تقولين _ وهو يقلد صوتهآ النحيف _ وهي صآدقه إختي ! لآتصيرين إمعّه وتمشين ورآهآ ترى تضيعك
العنود : يآآآآآلحسد ! ترى أنآ مآرحت حرشت نآصر عليك وقلت له لآتسمع كلآم اللي مسوي لي فيهآ شخصيه
حمد وهو يطنش كلآمهآ اللي حس مآله دآعي : مضآوي ، أمي وين !
مضآوي وهي تشيل أغرآضهآ تبي تطلع فوق : أمي رآحت لخآلتي نوره ، من زمآن مآشآفتهآ ، تدري عمي من دخل المستشفى خآلتي صآرت مآتطلع
حمد وهو يوقف معهآ : يعني جآيبه شي جديد ! أصلاً خآلتي من أول مو من كثر طلعآتهآ
مضآوي : أيوووه جبتهآ يعني زآدهآ الله _ وهي تطلع الدرج ويآه وبعد مآتأكدت إن البنآت مآيسمعونهآ _ حمد ! ترى اليوم على الغدآء امي وأبوي كآنوآ يحكون عنك !
حمد : خير !
مضآوي : أبوي مررره متضآيق منك ، يقول مآهقيتهآ من حمد ، لأننآ نروح نزور عمي مع أبوي ولآنشوفك هنآك ، يعني نوآف يطلع من دوآمه ونآصر من جآمعته وإنت مآتجي
حتى أمي تضآيقت من قطعتك في عمي ، تقول حتى لو مآيحس فيكم لآزم تروحون له وتدعون له
حمد اللي ضآق صدره حيل : مآأتحمل أشوفهآ
مضآوي وهي توقف عند بآب غرفتهآ وتلف عليه : أمل !
حمد وهو يهز رآسه : بكآهآ يآمضآوي يحرق قلبي ، شكلهآ وهي مكسوره والخوف بعيونهآ يعورني من جوآ ، وربي يآمضآوي إن صورتهآ تنطبع في بآلي مقدر بعدهآ أنآم ولآ أركز بشغلي
مضآوي : بس يآحمد هذآ مو حل ! كلنآ تعورنآ قلوبنآ
حمد : مضآوي إنتي أكثر وحده تعرفين وش هي أمل بالنسبه لي ، أدري بللي في قلوبهم والله العآلم اللي عآرف وش كثر أنآ متضآيق على حآل عمي ، بس بغض النظر عنهم كلهم
أمل تعني لي شي خآص ، إفهميني الله يخليك
مضآوي وهي ترص على يد اخوهآ وبإبتسآمه : يآحبيبي يآحمد والله مآتوقعت إنك تحبهآ لهالدرجه
حمد وهو يضرب رآسهآ : يآغبيه قآلوآ لك ألعب أنآ !
مضآوي وهي تنط : قووول والله قووول والله إنك نآوي تخطبهآ !
حمد وهو يضحك : بإذن الله ، بس خليهآ تخلص درآستهآ ويقوم عمي بالسلآمه وتتعدل الظروف وأكلم أبوي
مضآوي وهي مبسووووطه : مآآآآآآأصدق يآآآآآرب يآآآآآرب تعدي هالظروف على خير وأفرح فيكم يآآآآرب
حمد : اللهم آمين الله يسمع منك ، طبعاً مآيحتآج أوصيك إن الكلآم هذآ بيني وبينك
مضآوي : أكيد أكيد مآيحتآج ..







كلهم متجمعين حول القهوه في الصآله الصغيره ، ومشآعل اللي تضحك على عصبية مهآ على ولدهآ وأمل اللي تعلّق عليهم ويآمآ وآقفه مع مهآ أو مشآعل ، أمهم اللي ترآقب البنآت بهدوء تآم
دخل عبدالعزيز ومعآه زوجته اللي سآكنه معهم بنفس البيت بس مآتختلط معآهم كثير ، تغيرت وجيه البنآت بسبب مشآكلهم معهآ



مشآعل بصوت وآطي : كملت
أمل بنفس الصوت : يووووه أنآ فيني نوم ومآلي مزآج بصرآحه
مهآ : لآ بنآت عيب ، أمل قومي بسرعه صلحي القهوه من جديد
قآمت أمل من مكآنهآ وشآلت القهوه عشآن ترجع تصلحهآ لأخوهآ وزوجته ، كآنت جآلسه بجنب زوجهآ ومبين بوجههآ إنهآ مغصوبه على القعده
تهآني : كيفك يآخآلتي !
أم محمد : هلآ بك يآبنتي ، الحمد لله أنآ طيبه ، إنتي شلونك !
تهآني : بخير ، هآه طمنوني كيف عمي !
مشآعل : أبوي على حآله مآتغير ، وإلآ صح إنتي أصلاً مآتعرفين وشو حآله
تهآني : وش قصدك !
مشآعل ببرود : قصدي وآضح
تهآني : أنآ لو بغيت أزوره أروح من كيفي ، مو محتآجه تجين إنتي وتقولين لي
مشآعل : والله يآحبيبتي أبوي مو محتآج زيآرتك فلآ تتعبين نفسك
مهآ لمآ شآفت ان الوضع مآيطمن : إيه صح تهآني ، على البركه مآجآبت إختك مآشآءالله ، يتربي بعزهم
تهآني : الله يبآرك فيك ، تصدقين عآد إختي فرحآنه فيه بشكل مآتتصورينه ، مآخلت شي مآحطته ولآ شي إلآ وجآبته ، حتى ملآبسه طلبتهآ من برآ
مشآعل : عشتوووآ ! شدعوه عآد كل هذآ !
تهآني : أووه صح إنتم وش عرفكم بالكشخه أصلاً ! حدكم هالمستوى ويخب بعد مهآ إنصدمت بقوه من كلآمهآ ، يعني هم صح يعرفونهآ شآيفه نفسهآ ومغروره ، ولآ هي أول مره ترمي كلآم مثل هذآ ، بس مو قدآم أخوهم ، مشآعل اللي عصبببت من دآخلهآ على وقآحتهآ
ردت عليهآ : ودآم إحنآ حدنآ هالمستوى ، وش مصبركم على أخوي ! خبري بنآت العز مآيرضون بمستوى أقل
تهآني مآعرفت وش ترد ، قآمت من مكآنهآ بكل عصبيه : شفت شفت ! هذآ هو قدآآآآآم عينك إختك تبي تفرق بيني وبينك
أم محمد : تهآني الله يهديك ، يعني مآتعرفين مشآعل ! مشآعل طيبه مآتقصد
تهآني : بلآ حكي فآضي وقل سنع ، أنآ طآلعه وأنآ اللي غلطآنه أنزل لكم أصلاً _ بسرعه طلعت فوق ، وبنفس السرعه لحقهآ عبدالعزيز
مشآعل : ووووووع ومير مآآآآآلت مآآآآلت عليييك
مهآ : لآحول ولآ قوة الا بالله ، أنآ مدري هي ليه كذآ ! مآأذكر اننآ غلطنآ عليهآ بشي !
مشآعل وهي مقهوره : الخيل من خيّآلهآ ، بلآهآ من هاللي بجنبهآ ، بلآهآ من إخوووك اللي ممشيته على كيفهآ ، آآآآآآخ يآلقهر
أمل وهي رآجعه معهآ القهوه : رآحت صح ! والله اني عآرفه ، أصلاً هي من يومهآ مآتقعد
أم محمد بعصبيه على أمل : وإنتي كل هذآ قهوه ! خليتي الحرمه تجي وتروح وهي حتى قهوه مآتقهوت
مشآعل تقآطع امهآ : يمممه إلى متى هالسلبيه ! ليه تلعبين على نفسك ، من متى بنت الشيوخ تآكل شي وإلآ تشرب شي عندنآ !
مآجد اللي دخل عليهم : خير خير ! أصوآتكم وآصله للشآرع !
سكت الكل ومآحبوآ يتكلمون قدآم مآجد ، قعد مآجد وصبت له أمل قهوه ، ولمآ شآفهم سآكتين ، لف على أمه : شوفي يمه ، كلمي إختك وقولي لهآ مآنبي من رجلهآ شي ، خليه يطلع من موضوع
أبوي
أم محمد : يطلع ! هذآ بدآل مآتقول كثر الله خيره
مآجد : يخسي أدعي له ، قولي له يطلع منهآ أحسن له
مشآعل اللي تدخلت بالموضوع لأنهآ عآرفه سلبية أمهآ اللي ممكن تخليهآ تخضع لقوة مآجد : يطلع منهآ كيف ! صآحي إنت ! لو طلع منهآ والله لو نبيع مآورآنآ ودونآ مآسددنآ قيمة المستشفى
مآجد : مآنبي منّة أحد ، أنآ بنقل أبوي مستشفى حكومي ، أصلاً هالخنبقه كلهآ من أول مآجآزت لي
مهآ : نعــم ! تنقل أبوي ! الحين هالمستشفى صآر خنبقه والحكومي اللي كآن فيه زين ! مآجد من عقلك تحكي انت
مشآعل : بعدين تعآل وش اللي مآنبي منّة احد ! أول شي هو قآعد يعطي أخوه مو أحد غريب ، ثآني شي عمي مآتكلم ولآ جآب طآري هالموضوع بالعكس لمآ سأله عبدالعزيز عصب وقآله يسكر
السآلفه ، ثآلث شي وهو الأهم عمرك يآخوي لآتجوز لك السآلفه
مآجد : إنتي لو مآحطيتي لسآنك في فمك ، ترى بيجيك شي عمرك مآشفتيه
مهآ خآفت من تهديد إخوهآ وغمزت لمشآعل إنهآ تهدى : مآجد كلنآ نبي لأبوي الأفضل ، ومن مصلحته يكون بهالمستشفى
مآجد وقف من مكآنه ولف على أمه وبصوت عآلي : شووووووفي يمه ، والله ثم والله ثم والله لو أشوف ولد إختك حميدووه معتّب بآب العنآية مآرآح يصير له طيب ، هذآ انآ علمتك
لآتجين بكره تقولين ليه سويت كذآ !
مشآعل : خبري فيك معترض على عمي ، وش جآب سيرة حمد الحين ! بعدين ترى مو من حقك تمنع أحد
مآجد بوقآحه : إنتي على ترآب ولآ تتدخلين يكفي إنك ذآبه وجهك عندنآ
مشآعل : لآجيت بيتك إطردني ، أنآ في بيت أبوي
مآجد : منيب رآيق لك الحين ، وإلآ كآن عرفت كيف اتفآهم معك _ ورجع لف على امه _ سمعتيني صح ! لآأشوف هالكلب

قآم وطلع من عندهم ، كآنت سآكته طوول مآكآن مآجد موجود ، متعوده من زمآن على قوة وعربجة مآجد ، مآجد اللي يبيه يآخذه بيده ، طوول عمرهآ مآكآن بينهآ وبينه أي إحتكآك
كآنت تخآف منه لحد الجنون ، قآمت من مكآنهآ ودخلت غرفتهآ ، وبسرعه إسترجعت كلآمه عن حمد وعورهآ قلبهآ حيل ، ومآبين فكرة وفكرة غطت بنوم عميق ..






_ في جده _


.. : كلمت عيآل عمك تسألهم عن أبوهم !
.. : لآ
.. : ليه إن شآءالله !
.. : مآيهمني
أم مشآري : من قلك إنو يهمني أنآ كمآن ، بس إنت لآزم تسوي كذآ وإلآ إنسى إنك تآخذ البنت
مشعل وهو يطآلع أمه ببرود : إذآ جيت أخذهآ غصب عنهآ بتجي عندي مو أنآ اروح لهآ
أم مشآري : مآتلآحظ إنك قآعد تحلم كثير !
مشعل : مآتلآحظين إنك نسيتي أنآ ولد مين !
أم مشآري : لآيكون يآحبيبي محسّب إن أبوك ميييت على عمك ، وبيروح له عشآن يطلبه بنته المصونه لك !
مشعل وهو يضحك بصوت عآلي : أمــي إيش فيك ! مآفهمتي علي ، أنآ أعرف إن ابوي يكره عمي بس بمنصب أبوي وقوته وبتلفون وآحد لعمي يجيب لي البنت لمممآ مكآني
أم مشآري : يآلعآنتك ، أنآ والله خآيفه إن البنت تضيع منك
مشعل : تضيع ليه ! بعدين لآتحسبين إني ميت عليهآ ، فيه ألف غيرهآ
أم مشآري : إيوه بس هالألف مآرآح يصبروآ على بلآويك وخرآبيطك السودآ ، هي ضعيفه ومكسوره بتقدر تسكتهآ بأي شي وحتى لو تكلمت من بيسمع لهآ
مشعل : اوووهوووو رجعنآ على طير يللي ! أمي روقينآ خلآص _ وبإبتسآمه خبيثه _ إيوه صح ، هي للحين حلوه !
أم مشآري اللي إبتسمت من تذكرت شكل أمل : حلوه وبس ! البنت آيه في الجمآل
منآل اللي دخلت عليهم : أكييييد تتكلمون عن اللي إسمهآ أمل
أم مشآري : أيوه نتكلم عنهآ ، قولي كمآن مو حلوه !
منآل : آممممممم لآ إذآ تبغى الحق ، الكلبه فيهآ جمآل مو سهل ، يكفيك لونهآ البرونزي مع عيونهآ الرمآديه طآلعه شَـــي
مشعل : هي صحيح من وين جآبت لون عيونهآ !
أم مشآري : خلقة ربك ، إذكر ربك عن لآتحسدهآ
مشعل وهو يضحك : إيوه صح عشآن أنآ أتهنى فيهآ _ وهو يوقف _ هم دآيم كذآ رخيصآت بس حلوآت
في هاللحظه دخلت عليهم مرآم : تقول عن بنت عمك رخيصه !
مشعل بطفش : كآآن نآآآآآقصنآ حقوق الإنسآن تجي تتكلم ، إيوه رخيصه ، أنآ مآقلت شي غلط
مرآم : ليش ! شآيفهآ من وآحد لوآحد عشآن تقول هالكلآم !
أم مشآري : إنتي إشبك ! من موكلك تكونين محآمي دفآع عنهآ ! هذآ بدل مآتفرحين لأخوك إنو بيستر عليهآ ويتزوجهآ !
مرآم بقهر : قصدك تستر عليه وتتزوجوه
مشعل وهو يبوس رآس أمه : أمي مآعليك منهآ ، ترآ كلآمهآ مآيأثر فيني ، يلله سلآمتك يالغآليه
مرآم بقهر وهي تكلم إختهآ : إنتي وبعدين معآك ! مآتفهمين الكلآم ! كم مررره أفهمك وأقولك مآآآآآآيجوز توصفين بنت لأي رجآل ! غبيه إنتي !
منآل : بسم الله علي ، إيش فيكي أكلتيني ، هو بيتزوجهآ يعني كذآ وإلآ كذآ حيشوفهآ
مرآم : لسسسه مآصآرت حلآله عشآن توصفينهآ
منآل : مآآوصفت شي بس قلت له لونهآ برونزي وعيونهآ رمآدي !
مرآم : يآآآآربي هذي اللي بتجنني ، أقووولك مآيجووووز
أم مشآري بعصبيه : هيّآ عآد صدعتي لي رآسي ، مآيسوى كل هالصجه عشآن أمل _ ووجهت الكلآم لمنآل _ وإنتي يآست الحسن والجمآل ! جهزي نفسك نآوين ننزل أنآ وأبوك للريآض
أبغى أزور صحبتي وإنتي زوري عمك
منآل بصدمه : أي عم !
ام مشآري : يآآآغبآئك ، أي عم يعني ! عمك سلمآن ، مو إنتي تبغي حمد !
منآل بفرحه : أيووووه صح ، والله يآمآمآ ترى طولت السآلفه ، هذآ متى يجي يخطبني رسمي !
مرآم : وإنتي مآشآءالله مصدقه إنو يبغآك!
منآل : ليه يآحبيبتي ! إيش نقصني أنآ ! جمآل ودلآآآل ومآآآآل ، بعدين أنآ مآيخصني أبغآه يعني أبغآه
مرآم بإبتسآمه قصدهآ تقهر إختهآ : والله لو هو يشوف أمل وأخذك ! فأنآ متأكده إنو مآعنده ذوق
منآل وهي معصبه : إيش قصدك !
مرآم : تقآرنين نفسك بأمل ! يآحبيبتي إحترمي نفسك أحسن
أم مشآري : أنتي أسكتي بس ، أقل شي إختك أحسن منك إشتغلت على نفسهآ صح وإنتي جآلسه لي تحطمين في أخوآنك ، هيّآ إنقلعي عن وجهي
منآل بإبتسآمه : موووووتي ، حيآخذني يعني حيآخذني وقولي منآل قآلت ..








.. : ترى خلآص أنآ قررت بآكر الأربعآء بمشي الريآض ، من بغى يجي معي يجهز نفسه !
.. : أنآ أكيد معك ، محد بيجي العيآل كلهم مشغولين
سآره : نعم نعم نعم ! أقووول بس الريآض ولآ أروح ! أنآ أول من يركب السيآره
شيخه : إيه حتى أنآ بعد
أم سعود : وش يوديكم ! إحنآ بنروح نتطمن على عمتكم ونجي ، السفره مهيب للونآسه وسعة الصدر
سآره : منيييب منييييب بروح يعني بروح
أم سعود : يآحبك للمعآند ، خلينآ نروح أنآ وأبوك بنرجع يوم الخميس مآرآح نطول
سآره : لآ والله ! جعلكم ترجعون بنفس اليوم ، لآتحآولييييييين
شيخه : يوووه ذكرت ، مو إمتحآنآتكم الشهريه تبدآ السبت ! كيف نروح !
سآره وهي تدق شيخه بكوعهآ : عآدي يمديني أذآكر اليوم
شيخه : من قآل لك إني فكرت فيك ! أنآ فكرت في الضعيفه أمل ، أكيد مآلهآ خلق تشوف أحد ، تحسبينهآ زيك كسوله !
أم سعود : صآدقه شيخه ، زين إنك ذكرتيني بسآلفة الإختبآرآت
أبو سعود : أجل خلآص نمشي أنآ ويآك ، بس إسألي قبل خآلد وإلآ سلطآن
أم سعود : سلطآن تعرفه لو يبي يروح بيروح لحآله ، بس خآلد ! أقوله وأشوف
أبو سعود : ودي خآلد يجي معي ، لو لقينآ فرصه رحنآ لأبو نوآف نخطب مضآوي
أم سعود : لآ يآفهد لآتستعجل ، النآس مهوب رآيقين الحين ، خلهآ لين تزين أوضآعهم شوي ، ونروح روحتن وحده مضآوي لخآلد وأمل لسلطآن
سآره شرقت بالمويه ، قآمت شيخه تضرب ظهرهآ : تنفسي من خشمك ، من خشمك يآغبيه مو فمك
سآره بعد مآهدت ، تكلمت بصوت مبحوح : وجع يوجع عدوك ، كذآ تضربين أحد منشرق على ظهره ! إنقطع نفَسي منك
شيخه : جزآ المعروف سبع كفوف ، مآلت عليك
سآره وهي تطنش شيخه : يمه ! نآوين تخطبون أمل لسلطآن !
أم سعود : كل هالشرقه عشآن سلطآن وأمل ! إيه إن شآءالله ، البنت عآجبتني من زمآن وأنآ ودي فيهآ لسلطآن
سآره : لآلآلآلآلآ يمه مآيصلح
أم سعود : هآآو ! ورآه عآد !
سآره توهقت مآعرفت وش تقول ، مآتقدر تعطيهم ولآ سبب يخليهآ ترفض ، ولآ تقدر تقول لهم إن أمل قلبهآ متعلق بشخص ثآني مع إن أمل مآتكلمت ولآ قآلت شي ، بس سآره كآنت تحس
فيهآ بحكم إنهآ قريبه منهآ في الأوقآت اللي تشوفهآ ، سآره بعد مآحآولت ترقع الموضوع : بحكم علآقتي في أمل الخكريه ، ومعرفتي بولدك السخيف التآفه ، أقولك من الحين نهآيتهم وآضحه
أم سعود وهي ترمي المنآديل على بنتهآ : فآآآآآل الله ولآ فآلك يآلخآيسه ، لآتفآولين على أخوك
سآره وهي تضحك : هذآآآ أنآ علمتك ، ترى يمه حرآآآآآم تظلمين مستقبل البنت ، ودوري لولدك وحده من مستوآه _ ومثلّت إنهآ تفكر _ يعني مثلاً مثلاً ، آممممم وش فيهآ هيوف الخبله !
شيخه : صدق مآلك صديق يالخآينه ! الحين هذآ وهي صديقتك تقولين عنهآ كذآ !
سآره : نيهآآهآآآهآآآ ، خليهآ خليهآ سوت فيني مقلب شييييييين ، عآد لآزم أرده لهآ
شيخه : الله يخلف عليك ، الحمد لله إني إختك مو صديقتك
سآره : يعني على أسآس معطيه نفسك ضمآن ! حتى إنتي جآيك الدور
أبو سعود : إذآ انآ يآأبوهآ مآسلمت منهآ
سآره ضحكت بقوه : خلآآآآص عآآآد بآآآبآآآآ إنسى ..






.. : نعـــم !
.. : السلآم عليكم
.. : وعليكم ، من معي !
.. : أمل موجوده !
.. : من إنتي !
.. : أنآ العنود
مآجد وهو يرمي السمآعه على أمل : تعآلي كلمي وإخلصي لآتطولين _جت أمل وأخذت التليفون ولمآ جت بتطلع _ على وين إن شآءالله !
أمل : بآخذه برآ شوي
مآجد : ليه ! مآتعرفين تتكلمين هنآ !
أمل : إزعآج شوي
مآجد : إنطقي أقول وإلآ سكريهآ
أمل : آلو !
العنود : يآآآآآسخآفة أخوك ، مآيجي ترمونه وإلآ تتبرعون فيه !
أمل وهي تضحك : عنووود ، أم لسآآآنين ، هلآ وغلآ
العنود : أمووول ، الخكريه ، أخبآرك !
أمل : منيب خكريه يالعوبآ ، أنآ بخير وإنتي كيفك !
العنود : الحمد لله ، وينك يالقآطعه مآتنشآفين أبد
أمل : والله موجوده ، بس يعني درآسه وغثآ الوآحد مو فآضي
العنود وهي مغيره صوتهآ وكأنهآ جآلسه تبكي : أمووووول إلحقيني
أمل وهي خآيفه : وش فيك !!
العنود بنفس الصوت : أنآ على حآفة الإنهيآر ، وأمري كله بيدك ، إمآ تنقذيني وإلآ أروح فيهآ
أمل : عنوود تكفين تكلمي ، صدقيني لو بيدي شي مآأقصر
العنود وهي مبتسمه : إيه بيدك ، بس ترآك قلتي مآأقصر والمؤمنون عند أقوآلهم
أمل وهي مآزآلت خآيفه : خلصيييني قولي وش فيك !
العنود وهي ترجع للصوت البآكي : الريآآآآآآآضيآآآآآآت ، الريآآضيآآآآت السبت السبت المووت ، تكفين النجده
أمل بعد مآإرتآحت : حسسسبي الله على إبليسك ، رووعتيني أحسب عندك سآلفه _ وقآمت تضحك _ الحين كل هالحوووسه عشآن ريآضيآت !
العنود وهي تسوي نفسهآ معصبه : إيه اللي يده بالنآر مو مثل اللي يده بالمويه ! إذآ إنتي شآيفه الريآضيآت شي سهل ، غيرك يشوفه لآ
أمل : مآفيه شي سهل وإنتي حآطه يدك على خدك ، ركزي وذآكري وتحسينه سهل
العنود : أمل الله يخليك مو وقت هالحكي ، سآعديني
أمل : خلآص أبشري ولآ يهمك
العنود : حلوو حلووو والله أنآ قآيله مآيجبيهآ الا رجآلهآ
أمل : أولاً أنآ مو رجآلهآ ، ثآنياً يختي غريبه إنتم بيتكم كللللله علمي وجآيه لي أنآ !
العنود بقهر : إسكتي بس هالحكي بيني وبينك ، مآأبيهم يتشمتون فيني
أمل وهي تضحك : آهآآآآآآ فهمت السآلفه
العنود : خلآص تجين اليوم !
أمل رفعت رآسهآ وشآفت نظرآت مآجد اللي كآنت تحس فيهآ طول مآهي تكلم : آممممم لآمآيصلح ، شرآيك إنتي !
العنود : وشو إنتي ! إيييييه فهمت ، قصدك أنآ أجي !
أمل : إيه
العنود : آممممم مآجد عندك صح !
أمل : إيه
العنود : يختي عذراً عذراً مدري ليه أكرهه ، طيب خلآص متى أجي !
أمل وهي تضحك : يآطول لسآنك يختي ، بالوقت اللي تبينه الله يحييك
العنود : إخس يالذربه ، خلآص وخري عني بقوم ألبس وأمر التميمي أجيب حبركشآت وأجي ، إفتحي البآب من الحين
أمل : وش حبركشآت !
العنود : شوبسآت وكيكآت وشوقليطآت وإلى آخره
أمل وهي تضحك : الله يرج عدوك ، إخلصي بسرعه وتعآلي وقولي للبنآت يجون معك
العنود : شلون أجيبهم يآغبيه ، بيشوفونك وإنتي تشرحين لي !
أمل : وإنتي يآغبيه مصدقه عمرك ! لآزم أخوآتك يعرفون لأن عمي مآرآح يرضى تدخلين حوآرينآ لحآلك مع السوآق
العنود : إييييييييه صووووح ، خلآص أجل بقولهم ، سلآم
أمل : مع السلآمه ..
سكرت أمل السمآعه وقآلت لأمهآ إن البنآت بيجون عندهآ بدون مآتعلم عن العنود ، مآجد اللي قعد يلعن ويسب في البنآت وبيت عمه كله ، سبحآن الله هالإنسآن غريب الأطوآر والتفكير ،
دعت له بدآخلهآ إن الله يهديه عشآن نفسه وأمهآ ، تذكرت العنود وهنآ إبتسمت لطآريهآ هالبنت مرحه بشكل فضيع ، إذآ إجتمعت هي وسآره لآبد يكون فيه مصيبه من تحت روسهم
سآره ! من زمآآآآن عنهم والله ، الله يعدي هالظروف على خير ونرجع نشوفهم ، قآمت بدلت ملآبسهآ وإنتظرت البنآت اللي أكيد بيتأخرون في الطريق بسبب بعد المسآفه ..





.. : كللللللله منك يآوجه النحس ، شوفي كيف تأخرنآ !
.. : لآآآوالله ! وأنآ وش خصني ! من اللي قعدت تهآوش مع سونآردي عشآن السيآره وكل شوي منزلتنآ ومركبتنآ
العنود : إنطمي بس إنطمي ، مو يالشيخه كله منك ، لو إنك مخلصه من بدري كآن تهآوشت معه من بدري ولآ تأخرنآ
مضآوي : أممممآ عليك منطق !
العنود : يآآآليل البثآره ، إنتي أخر من يتكلم لو سمحتي بعدين أصلاً وش جآآآآآيبك معنآ ! ترى رزة الفيس من طبآيع التيس
مضآوي تضربهآ على رآسهآ : تيس بعينك ياللي مآتستحين ، مآلك شغل أنآ حره أجي مآأجي كييييييفي
العنود : دآنه معك ريآل لآلآ قصدي ريآلين _ ومثلت إنهآ تدور بشطنتهآ _ لأن أنآ بآقي معي ثلاثه ريآل ، خلينآ نجمع لهآ ونعطيهآ قطتهآ وتفكنآ بالله
دآنه فطست ضحك على تمثيل العنود : يوووووه قويه بحقك مضآوي
مضآوي وهي تمد سي دي لسونآردي : والله مآهميتيني لآإنتي ولآ هي ، أنآ أصلاً جآيه لعيون أمل وإلآ خششكم حآيمتن كبدي منهآ
العنود : أرجع أقولك رزة الفيس من طبآيع التيس ، بعدين ترى فرق بينك وبينهآ أربع سنوآآآآآآآت ، عآرفه يعني إيه أربع سنوآآآآآآت
مضآوي : يختي وش قآهرك ! مو شغلك أربع والا عشر ، أحبهآ كيفي
دآنه : من قدهآ أمل معشوقة الجمآهير ، لو بس تعطيني لون عيونهآ ! أحييييه
العنود : مآشآءالله مآشآءالله عن الحسد يآبنت _ وفجأه عصبت _ الحين هذآ ورآآآآآه مآيسرع ! قآعد يمشي لي ع الحبة ونص !
مضآوي : مآتشوفين الطريق زحمه يآست هآنم ! بعدين خلآص إهجدي ترآنآ قربنآ
العنود : صدق والله ! أخسي والله وتعرف الدرب !
دآنه : إيه مبين أصلاً مآتشوفين مآعآد فيه سيآرآت كشخه _ وإلتفت على الشآرع ورجعت تنآظرهم _ إلآ يمكن سيآرتنآ !
مرت لحظة صمت إستغربوآ فيهآ البنآت من تفكير دآنه ، قطعته العنود اللي قآلت بعصبيه : خير ست دوووينه ! موآل جديد هذآ ! من متى تهتمين بهالأمور !
دآنه بخوف : بس أنآ مآقلت شي غلط ، شوفي إلتفتي حولك _ وبعدين تكلمت بحزن _ أصلاً أنآ أحزن عليهم ، مو قصدي إني أشوف نفسي لآآ والله ، بس مدري
مضآوي : دآنه حبيبتي ، النآس مستويآت بس مو معنآه ان النآس الفقيره مآعندهآ أخلآق ، لآ بالعكس ، بعدين مآتدرين يمكن اللي عطآك يعطيهم
دآنه : غريبه ، ليه بس عمي عبدالله اللي كذآ ! عمي صآلح وإبرآهيم وأبوي مو مثله
مضآوي : دآنه لآتفكرين بموآضيع إحنآ مآلنآ دخل فيهآ
العنود : لآلآلآ هذآ بيبط كبدي صدق ، سونآآآآآآردي إسرع شويه
مضآوي : بنت ووجع ، خبصتي الرجآل يللي مآتستحين ! شوي شوي عليه بعدين ترى مو ذنبه إنك هبلآ قعدتي نص سآعه تنزلين وتركبين في هالسيآرآت ولآ ذنبه إنك لطعتيه في التميمي سآعه إلآ ربع ، ولآ ذنبه إن بيت عمي بعيد ، ولآ ذنبه إن شوآرع الريآض زحمه
العنود وهي تقآطعهآ : مضآآآآآآآآآآوي أكرهك إنتي وإختك ، يآآآآآرب اتزوج وأفتك منكم يآآآآآرب ، يآآآآآرب يآمضآوي تطسين عن خلقتي ويآخذ وآحد سآكن في عرعر
يآآآآرب يآدآنه تتعقد ويجيهآ مرض نفسي يخليهآ تكره الشوآرع _ وفجأه سكتت _ إلآ صح دآنه ! إنتي وش جآيبك ! بعد قولي عشآن أمل عشآن أفقع وجهك !
بعدين إنتي مآتدرين إن رزة الفيس من طبآيع التيس !
مضآوي : هذي وش فيهآ مآسكه على هالمثل السخيف !
دآنه : أنآ جآيه عشآن نور بنت مشآعل هذآ أولاً ، ثآآآآآآآآنييييياً _ وقعدت تضحك على العنود اللي جلست تنآظر فيهآ بنظرآت تهديد _ والله مآعلي منك والله لأعلم
اليووووم نآصر وفيصل كآنوآ يتكلمون عن جهآز مدري وشو ، وإتفقوآ إنهم يطلعون سوآ ، وإختك نشبت فيهم ، فقآل لهآ نآصر إنتي وش تبين ! مآتدرين إن رزة الفيس من طبآيع التيس !
على دخلة حمد اللي فطس ضحك وتفشلت
مضآوي وهي ميته ضحك : آهآآآآآآآآ عنود متفشله ! والله قهر فآتني
العنود وهي تضرب الشنطه على رآس دآنه : إرتحتي يالخرآره إرتحتي ! قولي السآلفه قدآم بنآت عمي الحين وشوفي وش يجيك !
دخلت سيآرتهم في الحوآري الضيقه ، سكتوآ البنآت فجأه وكل وحده جلست تتفرج على البيوت القديمه والنآس اللي فيهآ ، كآنوآ يستغربون كيف أمل مآتتأثر نفسيتهآ ولآ تتضآيق
من مكآن بيتهم ، كيف ثقتهآ بنفسهآ قويه وهي مآتملك حتى ربع اللي عندهم ، تحمدوآ ربهم على النعمه اللي هم فيهآ ، وأخيراً وقفت السيآره عند البآب
مضآوي : سونآردي إنت لآتروح ، خلك هنآ ، بعدين إنزل نزل الأغرآض
كآن مآجد وآقف عند بآب البيت الطين اللي بآبه صغير ، العنود اللي جت بتدخل بس وقفت لأنه مآتحرك من مكآنه ، إضطرت ترفع رآسهآ

مآجد : مآآآشآآآآءالله وش صآير بالكون ! بنآت سلمآن هنآ !
العنود وهي تطنشه لأنهآ عآرفه إن هالإنسآن رآعي مشآكل : لو سمحت ممكن شوي !
مآجد بإستهزآء : لو سمممحت ، يآحليييييييلهم بنآت العز مؤدبآآآآآت ! _ وجلس يضحك وهو يطآلع الأكيآس _ وكريمـآآآت بعد !
العنود : الأدب والأخلآق مآيعرف لآ عز ولآ فقر ، ولو إنت رجآل صدق مآكآن ضليت وآقف وقدآمك ثلآث بنآت يبون يدخلون وإنت قآعد تستقوي عليهم
ردهآ قهره وخلآه مآيعرف كيف رد ، قآل وهو يبعد عنهم : لو مآإنتي بنت كآن عرفت كيف أأدبك
العنود وهي تدخل : إن كآن اللي رآدك عني إني بنت ، فأنآ أسوآك وأسوآ عشره مثلك
طلعوآ البنآت الدرج ورآ العنود ، وقبل مآيوصلون لجوآ ، مضآوي مسكت العنود : مجنووووونه ، إنتي وش سويتي !
العنود بقهر : وش سويت بعد ! مآسويت شي !
مضآوي : تستهبلين علي إنتي ! كل هذآ ولآ سويتي شي ! لييييييه تردين عليه ! مآتعرفين تحطين لسآنك وسط حلقك وتنطمين ! مآتعرفين مآجد ومشآكله !
العنود : لآ والله ست مضآوي ! تبيني أصير مثلك ! لآ حبيبتي يخسي أسكت له ، ولآ هو هآمني وأنآ قد كلآمي اللي قلته
في هاللحظه أقبلت عليهم أمل : أهليييييييين ، هلآ هلآ ، ورآكم مآدخلتوآ
العنود اللي من شآفت أمل إنشرح خآطرهآ ، فردت يدينهآ ورآحت تضم أمل : هلآ بللي له الخآفق يهلي ، يآآآآآلبيه يآأمل كم أحبتس !
أمل وهي ضآمتهآ وتضحك : ههههههههه حيآآآآك يآقلبي تو مآنور بيتنآ والله
مضآوي تبعد العنود : خلآآآآآص يكفي خلي بآقي شوي لي
سلمت أمل على مضآوي ودآنه ودخلوآ جوآ ، لقوآ خآلتهم ومهآ ومشآعل وبنآتهآ موجودين ، فلوهآ البنآت مع بعض وإنبسطوآ حيل ، كثيييير يرتآحون في بيت عمهم
البسآطه في كل مكآن ، طيب القلوب بآينه في عيونهم ، هنآ يقدرون يتحركون ويتكلمون بكل رآحه ، بدون حدود ولآ برستيج
إنبسطت أمل بوجودهم حيل ، غيروآ عليهآ جوهآ الكئيب من دخلة أبوهآ للمستشفى ، خصوصاً مع هبآل العنود مع مشآعل وتعليقآتهم اللي مآتخلص ..



،

[كَوثَر]

،






[ بعَد إسبوع ]


في أسيآب العنآية ، المكآن الهآدئ اللي مآفيه إلآ أصوآت طنين الأجهزه ، هذآ المكآن الملقى فيه أجسآد مآبين الحيآة والموت ، كآلعآده اللي صآرت شبه روتينيه كآنوآ يزورون ابوهم
بس بآخر برآ الغرفه في آخر الممر ، كآن فيه شخص فآقد أعصآبه بالتمآم
.. : إنت حيوآآآآن
.. : إحترم نفسك وإختر ألفآظك _ وبعّد يده اللي كآنت مآسكه في يآقته _ بعدين لآتحآول إنك تمد يدك علي فآهم !
مآجد بصرآخ وهو يرجع يمسكه مع رقبته : يآآآآآآآآآكلب والله لأوريك والله لآوريك ، لو صآر في أبوي شي إنت اللي بتندم
نوآف : اللي بيصير لآهو مني ولآ منك ، هذآ كله من رب العآلمين
مآجد وهو مآزآل فآقد أعصآبه : كل تببببن يآآحقير ، إنت السبب
نوآف : إنت مو صآآآآحي ، وأنآ وش دخلني ! لآتنسى يآشآطر إني طبيب قلب مو أمرآض سرطآنية ! بعدين أنآ مآسويت شي ولآ تدخلت في حآلة عمي مآجد : كذآآآآآآآب _ وبكل قوته ضرب نوآف على وجهه _ يآآآحقير والله لأوريك ، أصلاً إنت وأبوك هذآ اللي تبونه

في هاللحظه وصل حمد على صرآخهم ، إنصدم حمد وهو يشوف مآجد قآعد يضرب إخوه ، أسرع لهم وبحكم بنية جسمه الريآضيه قدر بسهوله إنه يبعد مآجد عن نوآف
حمد وهو يبعد نوآف : خير إن شآآآءالله ! قآعدين تتضآربون هنآ !
مآجد وهو يحآول يوصل لنوآف : إنت يالثآني إطلع منهآ ومآلك دخل
حمد : إستهدي بالله يآمآجد ، إحنآ في مستشفى مآله دآعي الصرآخ
مآجد : إسممممممع ، علم يوصلك ويتعدآك إنت وأخوك وأبوك معكم ، لو صآر لأبوي شي يمين بالله مآيطلع إخوك منهآ _ ومشى عنهم وخلآهم ، إلتفت حمد على نوآف اللي تألم من شدة
ضرب مآجد
حمد بإستغرآب : وش صآير بينكم إنتم !
نوآف : هذآ إنسآن مو طبيعي ، والله أشك إنه صدق مو صآحي ، تخيل جآب لي ملف عمي وغصبني أقرآه له ، وأنآ لأني أدري إنه عآرف بمرض عمي ، قريت له الملف بكل وضوح
شوي الا قآم علي ، يقولي إنت تألف وإنت وأهلك متفقين على أبوي وأصلاً هو مآفيه شي , وأخوك نقله هنآ عشآن يزورون ملفه وأكيد إنهم حآطين له مخدر وتبون تذبحونه !
حمد : أممممآ !!!! من جده هذآ يحكي !
نوآف : أقولك مو صآآحي ، مآأدري كيف ترجم له مخه هالقصه كلهآ ، قلت له إذآ إنت شآك من حقك تجيب طبيب من برآ يآخذ له تحآليل وأشعه ويشخصه من جديد
حمد : طيب حلو ، وش رد عليك !
نوآف : مو أنآ لمآ قلت له كذآ ، ثآر بوجهي وقآم يخربط _ ومد يده على خده قريب من عينه _ الحقير إسلوبه همجي
حمد وهو ينزل رآسه وفجأه طرت عليه أمل : إنسآن مريض ، الله يعينه على نفسه
نوآف : قصدك الله يعين خآلتي عليه ، كيف الأوضآع جوآ !
حمد : مدري مآدخلت
نوآف : ليه ! إنت من اليوم بتدخل ! ومر كل هالوقت ولآ دخلت !
حمد بتردد : لآآ مو كذآ ، بس آممم يعني نآس دآخله ونآس طآلعه ، مدري كأنه إحرآج !
نوآف بإبتسآمه : أكيد نآس دآخله ونآس طآلعه ، وقت زيآره ، قولهآ قولهآ ، عشآن القلب جوآآ !!
حمد وهو يسوي نفسه معصب : تدري ! تستآهل مآجآك
ولف عن إخوه رآجع لغرفة عمه ، نوآف كآن يمشي ورآه ويعلق عليه وهو يضحك ، إبتسم بدآخله على نوآف يحب في نوآف عفويته وطهآرة قلبه ،
بس يكره صرآحته اللي تكشف حقيقته قدآم نفسه ..






في دآخل الغرفه ، الحآل على مآهو عليه ، أبوهم على سريره الأبيض ، بدآخل فمه نفس الإنبوب المزعج ، وعلى صدره أسلآك كثيرة موصلة بأجهزة مختلفة
يدينه عليهآ أثآر زرقآ من كثر الإبر ، عيونه اللي معلقه بالسقف بدون أي إحسآس صآر عليهآ زي الطبقه البيضآ ، كآنت أمل جآلسه عند رآسه ومآسكه يده بيدهآ
وعيونهآ عليه ، وكل شوي ترفع يده وتبوسهآ ، كآنت تحس الوقت يمر بسرعه ، تحس السآعه كأنهآ دقيقه من كثر شوقهآ لأبوهآ ، إشتآقت له ، إشتآقت له وهو يوديهآ كل صبح للمدرسه مع صديقآتهآ
إشتآقت لسوآلفهم الصبح عن النآس ، تذكرت سوآلف فهده مع ابوهآ وكيف تحآرشهآ عليه ، تذكرت ضحك أبوهآ مع صديقآتهآ اللي يحسهم خفيفين على قلبه مثل بنته
إشتآقت تتغدآ معآه على سفره وحده وهو يدلعهآ ، إشتآقت للجلسة معآه بعد كل مغرب على القهوه ، إشتآقت لطلعآتهم ومشآوريه اللي يآخذهآ معآه بالرغم من إنهآ محدوده
ولآ تتجآوز حوآريهم إلآ إنهآ كآنت تحس بسعآده بقلبهآ ، هو أغلى البشر على قلبهآ ، صعب تشوفه بهالحآله ، من تجي عنده مآتطلع الا لمآ ينتهي وقت الزيآره حتى لمآ يجي عند أبوهآ رجآل ترفض إنهآ تطلع تقعد بكآمل غطآهآ بس مآتطلع ، كل يوم على نفس الحآل ، صحت من ذكريآتهآ على صوت امهآ اللي ينبههآ بإنتهآء الزيآره
قآمت وبآست رآس أبوهآ ويدينه ولمآ جت بتطلع وقفتهآ أمهآ ..
أم محمد : أمل إنتي بتجين لأبوك بكره !
أمل بقهر : بكره لآ ، لأول يوم من دخل المستشفى مآرآح أزوره بكره ، يوم الأربعآء عندي إمتحآن كيميآ وغير حفل الجنآدريه ، أحس مآيمديني
أم محمد بعد تردد : طيب أمل ، إرجعي سلمي على أبوك زين
لحظة صمت حسوهآ طويله ، أم محمد اللي خآيفة من أسئلة بنتهآ اللي متأكده إنهآ مآلهآ جوآب عندهآ ، وأمل اللي قبضهآ قلبهآ فجأه من كلآم إمهآ
ليه أمي تقول كذآ ، وش اللي في أبوي مخليهآ خآيفه لهالدرجه ، معقوله عشآني مآرآح أزوره يوم تبيني أسلم عليه ! ، وش معنى أنآ طيب ! هذي مهآ مآرآح تجي بكره عشآن موعد ولدهآ
وطلعت ولآ قآلت لهآ امي شي ! ، كل هالافكآر كآنت برآسهآ
أم محمد : أمل ! أنآ بأطلع وإنتي إرجعي سلمي على أبوك وإدعي له
رجعت أمل لأبوهآ بسرعه ، كأنهآ خآيفه ، فيه شي معورهآ في قلبهآ ، إحسآس شين مسيطر عليهآ زآد عليه كلآم أمهآ ، دخلت عليه وفتحت غطآهآ ، مآكآنت حآسه إن الدموع بعينهآ
إلآ لمآ رمشت ، نزلت دموعهآ وطلعت شهقه منهآ تعور القلب ، رمت نفسهآ على صدر أبوهآ وبكت بكت بكت ، بآسته في كل مكآن ، دعت له من قلبهآ بضعف وإنكسآر
كآنت مو عآرفه وش تدعي فيه من كثر مو قلبهآ يعورهآ من بكآهآ ، كآنت كل مآتبي تطلع ترجع تبوس أبوهآ وتنهآر أكثر ، سمعت صوت السيكورتي برآ وآقف عند البآب يبيهآ تطلع لأنهآ إنتهت
الزيآره ، لولآ إصرآره إنهآ تطلع وإلآ كآن بقت عنده ، رجعت تغطت وهي تطآلع فيه ، لفت وطلعت وقلبهآ عنده ..


كآن رآجع يبي يشوف عمه ، توقع إنهم طلعوآ لمآ شآف خآلته طآلعه برآ خمّن بدآخله إنهآ آخر من بيطلع ، ولأنه مآقدر يدخل عليه وهي عنده ، كآن ينتظر لمآآ آخر الزيآره
جآ بيدخل إلآ إنصدم باللي شآفه ، أمل قدآمه منهآره وتبكي ، كآن يبي يدخل يهديهآ ويطلعهآ ، بس فيه شي قآل له خلهآ تطلع اللي بقلبهآ ، مآقدر يتحرك من مكآنه
من زمآن يتمنى يشوفهآ ، شآفهآ بس بشكل مآكآن حآبه أبد ، عورته بقلبه حييييييل ، دعى من كل قلبه إن الله يرأف بحآل عمه ويختآر أحد العآفيتين ..



يوم الثلآثآء مآرآحت أمل لزيآرة أبوهآ ، وكآنت هاليوم بالذآت مضغوطه حيل ، إختبآر الكيميآ شآيله همه ، وحفل النشآط اللي كآنت مسؤوله عنه هي وصديقآتهآ ومجموعة من بنآت المدرسه



بدآخل غرفتهآ على الأرض أورآق منثوره ، جآلسه وقدآمهآ كتآبهآ ومنزله رآسهآ تذآكر ، دخلت عليهآ مشآعل وقآلت : الللللله ! كل هالأورآق عشآن إيش !
رفعت أمل رآسهآ وطآلعت مشآعل من ورآ نظآرتهآ : عندي كيميآ بكره ، خآيفه يآمشآعل
مشآعل : لآ بسم الله عليك إنتي مآينخآف عليك شآطره ، المهم مآقلتي لي ، وش تبين نسوي لك عشآن بكره !
أمل : آآآممممم والله مدري ! أبي شي شعبي
مشآعل : شعبي ! خلآص أنآ الحين بطلع أجيب الأغرآض اللي أحتآجهم وأبدآ أشتغل لك ، بس تعآلي إنتي ليه غرفتك كذآ حوسه !
أمل وهي ترجع رآسهآ لكتآبهآ : البركه في نويير بنتك ، قآلبة غرفتي فوق تحت
مشآعل : إييييه بنتي تسلبه وربآديه والله لو تطلبينهآ ذنب مآعطتك ، أقول أمووول ، شرآيك بكره أطب عليك في مدرستك وأحضر حفلكم ! احس فيه ونآسه ، سمعتك وإنتي تسألين فهده عن الطيرآن
اللي مدري من بيجيبهآ
أمل بصدمه : بسم الله ! إنتي متى سمعتيني ! لمآ كلمتهآ مآكنتي عندي
مشآعل : المهم سمعتك وخلصنآ ، يلله عآآآآآآآد أمووول تكفين خل اجي والله أردح لكم اللي تبونه
أمل : لآلآلآ يآمآمآ وش أردح لكم ذي ! أنآ مآأبيك تجين عشآن كذآ ! تخربين سمعتي في المدرسه ! يكفي علي فهده ونوآل وعبير
مشآعل : يآحمآره أنآ إختك وش كبري بنتي أطول منك تقولين عني كذآ ! مير عنآد فيك والله لأطب عليك ، أوريك
طلعت من الغرفه وهي تتحلطم على أمل وتصآرخ على ولد أخوهآ عبدالعزيز تبي تطلع معه عشآن تجيب الأغرآض اللي نآقصه ، وأمل مصدومه منهآ
_ معقوله ذي تجي بكره ، أممممآ أتخيل شكلهآ مع فهده ونوآل يردحون وعبير ورآهم بالطآر ! لآلآ شكلهم نكته ، انآ شآيله هم هالمهبل تجي هي تكملهآ ! ، هييييه أممممل ورآك كيميآ
ركزي بس وإذآ جآ بكره فيهآ ألف حلآل _








جآلسه في صآلة شقتهآ ، قدآم التلفزيون ومعهآ ولدهآ ، عينهآ عليه بس قلبهآ في مكآن ثآني ، دخل عليهآ وشآفهآ سرحآنه ، مآإهتم كثير ، رمى شمآغه وعقآله على جنب وقعد على الكنب
متعب : فيه قهوه !
مهآ : أقوم أسوي لك
ولمآ جت بتقوم جلسهآ بيده : إقعدي إقعدي خلآص مآيحتآج ، الوآحد من يدخل عندك تجيه سدة نفس ، الحرمه السنعه تسوي قهوتهآ قبل مآيجي زوجهآ
مهآ بأدب : إنت اللي مبكر اليوم ، مو بعآدتك تجي هالحزه ، وإلآ دآيم بعد المغرب قهوتك تكون جآهزه ، مآعمري تأخرت عنك
متعب : جيت بدري جيت متأخر هذآ شي رآجع لي ، بعدين السنعه سنعه في كل الأوقآت ، مو بأوقآت محدده بس
مهآ اللي إستغربت بدآخلهآ من طريقة تفكيره ، يعني غصب يبي يركبهآ الغلط : يعني تبيني أسوي قهوتك من بدري ! خلآص إبشر
متعب إنقهر منهآ ، يبيهآ تتنزفز عشآن يخلق أي مشكله : دقيت من سآعه ونص والثآبت كآن مشغول ، من كنتي تكلمين !
مهآ وهي تفكر : من سآعه ونص ! أكيد أمي
متعب بشك : تكلمين أمك سآعه ونص !
مهآ : لآ طبعاً اكيد مو سآعه ونص ، بس إنت قلت من سآعه ونص
متعب : تستهبلين علي إنتي ! أقولك دقيت من سآعه ونص وكآن الخط مشغول ولييين قبل مآأجي وأنآ أدق وهو مشغول ، من كنتي تكلمين !
مهآ : قلت لك كنت أكلم امي ، بس أنآ مآطولت معهآ
متعب : شلون يعني ! أكذب أنآ وإلآ منيب صآحي وأتخيل !
مهآ : لآ حشى مآقلت كذآ ، بس غريبه ! يمكن زيآد وهو يلعب سحب السمآعه وطآحت
متعب : لآآآ والله ! بزر قدآمك أنآ تسكتيني بهالعذر !
مهآ : متعب الله يهديك وش فيك ! يعني انآ اللي بأكذب ! لو كنت أكلم منيب خآيفه بقولك كنت أكلم ، بعدين هذآ الثآبت عندك ، إضغط آخر رقم وش مين !
متعب : مهيب علي ذآ الحركآت ، ترآ أفهمهآ وهي طآيره
مهآ بدت تعصب : متعب وش قصدك ! خلصنآ عآد ! شكوكك وأفكآرك المريضه طلعهآ من عقلك والحمد لله أنآ وآثقه من نفسي بعدين ترآك مآخذ وحده متربيه فآآآآهم وش يعني متربيه !
وقآمت عنه وهي مقهوره بدآخلهآ منه ، دآآآآيم يشك فيهآ وأفكآره سيئه ، من تزوجته إنقطعت عن العآلم كله ، حرمهآ من صديقآتهآ بحكم إنه يحبهآ ويبي وقتهآ كله له ،
يدقق على كل صغيره وكبيره تسويهآ ، كل حرف يطلع منهآ يحآسبهآ عليه ، يآمآ صآرت بينه وبينهآ مشآكل بسبب علآقتهآ في نوآف ، نوآف اللي من عرف حآول يبتعد عنهآ عشآن سعآدتهآ
وإلآ بالأسآس مهآ مآتربطهآ بنوآف الا علآقه أخويه ، بحكم التقآرب اللي بينهم كآن نوآف يحب يجلس معهآ كثير تعجبه في إسلوبهآ ورجآحة عقلهآ ، يحب يستشيرهآ في أموره ، حتى اخوآتهآ
يشك فيهم ، حآسه نفسهآ بحصآر ، قيووود متعبتهآ كثير ، يآكثر مآحآولت تكسبه لجآنبهآ بس مآفيه فآيده ،اللي أفكآره متسممه صعب صعععب كثير نغيرهآ ، كآن ودهآ تشكي لأحد من اللي دآخلهآ
بس لمين ! أمهآ واللي فيهآ كآفيهآ ، مشآعل اللي متأكده إنهآ مآرآح تفهمهآ ، مآقدآمهآ إلآ أمل ، على فآرق العشر سنوآت بينهم إلآ إن أمل تفهم مهآ كثير ، تشكي لهآ بكل رآحه لأنهآ متأكده
إن أمل إنسآنه تسمع أكثر من إنهآ تتكلم ، بس أمل الحين عندهآ إختبآرآت ، مو نآقصهآ غثآ زيآده ، دعت ربهآ بدآخلهآ يهدي زوجهآ ويسخره لهآ ..





بعد صلآه العشآء ، كآن جآلس على درج _ بقآلة أبو صبري _ ومعه ثلاثه ، كآنت أشكآلهم مريبه ، اللي بيده عصآ واللي معآه خشبه واللي يتلفت يدور بس أي أحد عشآن يبدآ معآه مشكلة ثآنية
طلع عليهم أبو صبري : فيه إيه ! جآلسين على بآب الدكآن ليه ! عآوزين حآقه !
تكلم أكبرهم وأكثر وآحد بينهم شكله مخيف ، عثمآن : يعني مآنجلس إلآ نبي حآقه ! مآنبي شي ، ضف وجهك وإدخل بقآلتك
أبو صبري : أضف وجهي ليه ، يآبني دي دكآنتي ، ئوووم ئوووم يلله من هنآ إنتَ وهو
ظآفر : والله وطلع له ريش هالمصري _ لف على مآجد _ مآكأنه يبي له لفت نظر !
مآجد : أبو صبري ، إنقلع جوآ لآتشوف شي مآيرضيك
أبو صبري : أنآ كآن نآئصني مقآنين ! يآبني أنآ مش عآيز مشآكل ، إمشوآ من هنآ الله يرضى عليكو
عثمآن : بنمشي بنمشي ، بس الوعد قدآم
قآم عثمآن ومعآه بآقي الشله ، كل مآمروآ من قدآم أحد تجنبوهم ، كآنوآ منبوذين من اهآلي الحآره لكثرة مشآكلهم ، جلسوآ يخططون على بقآلة أبو صبري وكيف يلقون طريقة
يخلونه ينحرق قلبه ، متنآسين كل المبآدئ والقيم والأخلآق ..






في آخر الليل ، الكل كآن نآيم ، هدووووء تآم يخترقه صوت المكيف ، فزّت من نومهآ وهي تسمي بصوت مسموع ، تعوذت من الشيطآن ولفت تطآلع السآعه
أمل بدآخلهآ : بسم الله الرحمن الرحيم ، أعوذ بالله من الشيطآن ، بسم الله بسم الله مآفيه شي مآفيه شي ، تونآ السآعه 3 ونص ، يآربي أنآ وش شفت خلآني أفز كذآ !
أووووف أكيد هذآ كله من التوتر ، الله لآيعوده من امتحآن كيميآ ، خلآص خلآص أنآ مفروض أكون أهدآ عشآن مآأحوس على نفسي
لفت رآسهآ للأرض وشآفت مشآعل وبنآتهآ نآيمين ، حمدت ربهآ بدآخلهآ إنهم مآحسوآ فيهآ ، رجعت تبي تنآم ، تقلبت يمين ويسآر بس وين يجي النوم معه !
تأففت بدآخلهآ على نفسيتهآ المضطربه هاليومين ، بدل مآتتقلب بدون فآيده ، قررت إنهآ تقوم تسوي لهآ شآهي وتقعد ترآجع للإمتحآن لمآ يطلع الصبح ..
سحبت نفسهآ بهدوووء من الغرفه ، البيت مخيف ، موحش ، مآفيه أحد ، كآنت دآيم إذآ توترت وصآر فيهآ مثل هالموقف ، تطلع من غرفتهآ بدون مآتخآف
لأنهآ متأكده إن ابوهآ يكون هالوقت في المجلس ، يقوم الليل ويدعي ربه يهدي له عيآله ويصلحهم ، متعوده دآيم تدخل عليه وتحط رآسهآ على رجوله ويقعد يقرآ عليهآ لمآ ترجع تنآم
وبعدهآ يصحيهآ ويوديهآ المدرسه هي وصديقآتهآ مثل كل يوم ، بس وينه إبوهآ الحين ، في هذيك الغرفه الكئيبة البيضآء ، على كثر حبهآ للون الأبيض الا إنهآ مآحبته هنآك
مشت شوي بالصآله وبعدهآ رجعت بسرعه لغرفتهآ ، والله البيت موحش بدونه ، لمآ شآفت مشآعل تحركت خآفت تصحى _ أمل خير ! في بيت أحد غريب ، هذآ بيتكم
عآدي شوفي المطبخ قريب ، إطلعي وإفتحي النور وبعدهآ إجلسي بالصآله ذآكري _ سحبت كتآبهآ وتشجعت وطلعت ، مشت بسرعه للمطبخ وحطت لهآ مويه على النآر
_ شفتي كيف المسأله سهله _ دخلت دورة الميآة وغسلت وتوضت ، طلعت وسوت لهآ الشآهي وحطته على المركى جنب كتآبهآ ، فرشت سجآدتهآ وصلت لهآ ركعتين
دعت ربهآ يشفي أبوهآ ويشرح صدرهآ اللي تحسه مقبوض ولآتدري وش السبب وتمنت ربي يوفقهآ ويسهل عليهآ إختبآرهآ ، خلصت من صلآتهآ وطآحت عينهآ على سلك التليفون

تجرأت وشبكته ، دقت أرقآم المستشفى بيدين مرتجفه
.. : Hello
أمل : Hello ، good morning
.. : good morning ، can i help u
أمل : yes ، please ، I'd like ask about my father
.. : ! What is his ****
أمل : ........abdullah AL
.. : Just a moment please
أمل : o.k
_ بعد دقيقتين رجعت لهآ الممرضه _ : I'm sorry، Not okay His health is not good
أمل : o.k ، thank u


سكرت الخط بسرعه بدون مآتسمع رد الممرضه ، حطت يدهآ على موضع قلبهآ وعيونهآ ع الفرآغ ، لآلآ مستحيل ، أكيد فيه غلط ، وهَم وهَم اللي أحسه ، لآيآرب أتوسلك تخليه لي
مآزآلت دقآت قلبهآ سريعه ، خـآآيفه ، ودهآ تصرخ بطول صوتهآ ، تبيه تبييييه ، مآعآد فيهآ حيل تنتظر أكثر ، ندمت إنهآ مآرآحت له أمس ، كلآم الممرضه يدووور بخآطرهآ
_ أمل وش فيك ! إستهدي بالله ، هي مآقآلت شي ، يعني أنآ أروح له كل يوم وشآيفته ، وش كنت متوقعه منهآ تقولي ! مثلاً إنه قآم يمشي ! هو تعبآن أكيد تعبآن ، خلآص عآد
بلآ وسوسه زآيده ، كل هذآ عشآنك مآرحتي له يوم ! خلآص مآبقى شي الدوآم أكيد بيكون ممتع وبألهى شوي عن الوسوسه الزآيده ، وأول مآأرجع بطير عنده ، وأكيد بشوفه على حآله _
بعد هالكلام حست إنهآ إرتآحت شوي
أمل بصوت مسموع : يعني كآن نآقصني توتر زيآده ، الله يآخذك يالكيميآ _ تلفتت حولهآ _ بسم الله الرحمن الرحيم ..
فتحت كتآبهآ وإندمجت في أورآقهآ ، ومآبين شخبطتهآ سمعت صوت غريب ، رفعت رآسهآ وهي خآيفه ، مآفيه أحد _ يكون أنآ يتهيأ لي ! لآ يمه لآيكون حرآمي ! لآلآ وش حرآمي ! أصلاً مآفيه شي _
رجعت نزلت رآسهآ وزآد الصوت ، هالمره سكرت كتآبهآ بقوه ، كآنت تبي تقوم تدخل غرفتهآ تصحي مشآعل ، بس على وقفتهآ زآد الصوت ،
تأكدت إن الصوت من تحت الدرج ، ولأن الصآله كآنت قدآم الدرج على طول ، جمعت قوتهآ ووقفت على أول الدرج ، كآنت تقدر تطل على اللي تحت بدون محد يشوفهآ
_ أشوف ! مآأشوف ! أشوف ! مآأشوف ! ، أمل تحركي شوفي يمكن حرآمي عشآن يمديك تصحين مآجد عليه ، لآلآ تخيلي شآفني ، يمممممه ، يآغبيه وإذآ شآفك مآيقدر يوصل عندك الا إنتي في
غرفتك _ تتقدم شوي وترجع شوي ، تأكدت من مصدر الصوت ، فيه أحد قآعد يآخذ شي من بيتهم ، كآنت بتقوم وتركض لغرفة مآجد ، بس فيه شي خلآهآ تقعد وترآقب
قربت من الدرج ، شآفته ، ليتهآ مآشآفته ، ليتهآ خآفت ودخلت غرفتهآ وسكرت البآب ، ليتهآ مآقعدت بالصآله ، ليتهآ مآفزّت من نومتهآ بالأسآس ..
إخوهآ محمد ، الكبير ، اللي المفروض يكون سند لهآ ، عمره وآصل للأربعين ، شآفته يسحّب _ إسطوآنآت الغآز _ لبرآ البيت ، يسرق ! ، إخوهآ يسرق بيتهم ! وعشآن إيش !
كله عشآن الأشيآء اللي يستخدمهآ ، الأشيآء اللي دمّرت صحته وعقله ، هالأشيآء هي اللي خلته يمرض نفسياً ، وهي غرقآنه بالتفكير في إخوهآ ، طلع من البيت وسكر البآب
جلست على نفس مكآنهآ ، قهر يحرق قلبهآ ، خوف من المستقبل الغآمض ، مهيب أول مره تشوفه ، ومآتتوقع إنهآ الأخيره ، رفعت رآسهآ وشآفت النور بآدي يطلع
_ خلني أقوم أصلي أبرك لي من التفكير في شي مآله حل _ ، صلت ودخلت غرفتهآ تصحي نور وملآك بنآت مشآعل ، أخذت مريولهآ وشنطتهآ ..

.. : بسم الله ! فجعتيني
أمل : هههههههههههه وش فيك ! مآدريت إنك خوآف
عبدالعزيز وهو وآقف عند الدرج : مدري يمكن لأني سرحآن ! المهم البنآت قآموآ !
أمل : إيه إيه يلبسون هالنآعمآت ، عآد الله يعيينك وش يطلعهم ، تبي أسوي لك فطور ! ترى تو النآس !
عبدالعزيز : لآلآ مآبي شي ، بس فيه شآهي !
أمل : إيه فيه
طلعت عليهم مشآعل وهي نصهآ نآيم : أمل يلله لآيكون تأخرنآ ! وين أغرآضك ! إيه صح هنآ ! لآلآ هنآك بالمجلس ! إيه بالمجلس
أمل وهي تضحك : يآآآلله صبآح خير ، جهزتهم جهزتم لآتخآفين
مشآعل : يلله وين عبآيتي طيب !
أمل : ليه !
مشآعل : عشآن أصور معهآ وأحطهآ غلآف مجله دعآيه ببسي ! عشآن أوديتس المدرسه !
أمل : لآآآ يآعمري إنتي ، روحي روحي نآمي ، والله لو طلعتي كذآ عز الله نمتي على الرصيف
عبدالعزيز وهو يضحك : لآ وإنتي الصآدقه عند عتبة رآعي الخضآر اللي في لفة مدرستكم
أمل : ههههههههههه إيه صح هذآك محله خطير ، فيه زي اللفه على جنب ، دآآآآآآيم نلقى فيهآ أحد نآيم
مشآعل : ومييير كش عليك ، جزآي اللي رآحمتك مآأبيك تمشين زي الخبله بكل هالعفش
عبدالعزيز وهو يقوم : إرتآحي إنتي ، أنآ بأحطهآ على طريقي ، يلللللللله يآبنآت مآصآرت ، الحين ننشب بالزحمه يحسبون مدرستهم ورآ بيتنآ
مشآعل : إييييه بعيد الشر عنك والله لآيرزقك ببنآت مثلهم ، بنآتي خكريآت لآزم يضربن اعمآرهن بالشيطآن الرجيم كل صبح
عبدالعزيز : بكيفهم ، بس المشوآر مهوب سهل ، إلآ إنتي ورآك قآلعتهم في هالمدآرس البعيده
مشآعل بقهر : هو بكيفي ! الود ودي إندعسوآ في المتوسطه اللي هنآ ، بس مآرضوآ وحتى أبوهم عيآ
عبدالعزيز : آهآآآآآآآ فهمنآ ، من حقه بنآته وهو حر ، يلله أمل تكفين عجليهم ترى مآبقى شي على دوآمي
أمل : إن شآءالله بس عبدالعزيز الله لآيهيينك مر المجلس وشل بعض الأغرآض معي
دخل عبدالعزيز المجلس وأخذ بعض الأغرآض ونزل ، قآمت أمل وقعدت تهآوش على البنآت لمّآ لبسوآ عبآيتهم وطلعوآ
أمل وهي طآلعه : تكفين تكفيييين دعوآتك
مشآعل : روحي الله يفتح على قلبتس ، مير الله يخلف علي في بنآتي ، نآس قآيمه من الفجر ترآجع ونآس تحوس بخشتهآ ولآ مهتمه
أمل وهي تضحك : قل أعوذ برب الفلق ، يختي إذكري ربك
مشآعل : ذآآآآكرته عيني عليك بآرده _ وبإبتسآمه خبث _ هآآآآآه أمووووول ! أجيك !
أمل وهي تطلع : لآ ولآ ولآ وخليني أشوفك بس معتبّه بآب المدرسه ، والله يآويلك
طلعت أمل وركبت السيآره ومشآعل تضحك عليهآ
أمل : اللللللله ، يآحلو الصبآح
الشوآرع الضيقه اللي يآدوب تمشي فيهآ سيآرتين ، المحلآت اللي مآليه المكآن ، هنآ بقآله ومغسله وشوي بعد فيه خيآط وعلى آخر الشآرع فيه رآعي الخضآر وبعد اللفه تسآلي وبوفيه
بجنبهم مكتبه صغيره ، النآس اللي مآليه الشوآرع ، هذآ أب طآلع في بدلة الشركة ومعه ملفآت ومآسك بيده ولده الصغير ، وهذي أم مآشيه مع جآرتهآ وتدف عربيتهآ يوصلون بنآتهم لمدآرسهم
وهنآ مجموعة عمّآل شكلهم يعطي إنهم يشتغلون في أمور البنآء ، وعلى طرف المحل جآلسين مجموعة شبآب مرآهقين ينتظرون الجرس يرن حتى يدخلون متوسطهم ، ومآبين الزحمه
أكيد بنشوف شبآب رآيح وجآي عآطل يتسكع ويدور حرش أمثآل إخوهآ مآجد ..
كل شي كآنت تشوفه غير ، كل شي تحبه هنآ ، تدري إنهآ بالمكآن الغلط ، بس هذي كتبة ربهآ وهذآ نصيبهآ ، مو متضآيقة بالعكس ، وآثقه من نفسهآ حيل ، طموحه وتشوف بكره دآيم أحلى
عبدالعزيز : يآحلو الصبآح بدون زحمه ، البركه في اللي أخرونآ ، هه ! شوفي كيف تسكر الشآرع !
أمل : أصلاً دآيم كذآ ، آممممم عبدالعزيز بسألك ، اليوم أبوي بيسوون له عملية !
عبدالعزيز : عمليه ! لآ من قآل !
أمل : إلآ ، أنآ سمعت أمي
عبدالعزيز : آهآآآآ قصدك الفتحه اللي بيفتحونهآ له ويحطون فيهآ الأكسجين ! إيه هذي مو عملية بمعنى عملية ، أحسن له من الإنبوب اللي مضآيقه ، بسيطة إن شآءالله
أمل : إن شآءالله _ لفت وجههآ للشبآك تطآلع في النآس ، فجأه صآرت تضحك
عبدالعزيز : خير إن شآءالله ! هذآ كله من الكيميآ !
نور : يووووه حتى إنت يآخآلي ! أزمتنآ مع هالكيميآ
أمل وهي تأشر على بنتين يمشون بالشآرع ، وحده منهم نحيفه والثآنية دبآ ورآهم وحده طويله ، كآنوآ يمشون وكل وحده شآيلة أكيآس كثيره ، وكل وحده تحآول تدف الثآنية :
نور ، نور لآيفوووووتك أشكآل البنآت
نور وهي تقدم رآسهآ عند أمل : لآآآآآآتقولين عآد هذولي فهده وعبير ونوآل !
عبدالعزيز : نوآل الطويله فيهم
نور : يمه ، وإنت شدرآك !
عبدالعزيز : معروفه
أمل : يووووه بعلمهآ إشتهرت بسيقآنهآ _ ورجعت تضحك وهي تأشر عليهم _ شوووفي بالله فهده النحيسه كيف تدف عبير ! النذله عآرفه ان عبير دوووبآ ولآ عندهآ توآزن
نور وهي ميته ضحك على حركآت البنآت : لآلآ شوفي نوآل كيف " تقَبص " البنآت وتنحآش ! صدق هالبنت قصيميه ههههههههههههه أمآآآآآنه أمووول هذولي كيف صآروآ صديقآتك !
أمل وهي تضحك على نوآل اللي بنظرهآ إنهآ عجوز : هذولي عشرة عمر من الإبتدآئية مع بعض ، سبحآن من جمعنآ على إختلآفآتنآ
عبدالعزيز : يلله إنزلي هنآ عشآن ألف مآأبي أدخل في الزحمه زود ، إنتي من بيرجعك !
أمل : آمممممم خلآص برجع مع البنآت مشي



نزلت أمل وجآهآ الحآرس اللي عرف اخوهآ وقعد يشيل معهآ الأغرآض ، دخلت أمل من بآب المدرسه وفصخت عبآيتهآ ولفت البنآت بوجههآ : يآآآآآصبآآآآآآح الهبآل على النآس الخبله
فهده : صبـآآآآح الحرش على النآس الدآفوره
أمل تضحك وهي تسلم عليهم : والله مآأتحرش ، بس صدق صدق أشكآلكم تحفففففففه
نوآل : لآآآآآآعآد لآتقولين ، صدز تحفه ! أشوآ مير الله يعز مقدآرتس يقولون النآس صآر عنده هوس تحف ، يعني سعرنآ غآلي
فهده : إيه عآد خصوصاً لآجتك التحفه مليآنه ومربربه مثل عبير ! يآسلآآآآآآآآم
عبير : أشوآآآآ إنك انتي اللي بتآكلينهآ ، وش بيلقون فيك تكفين ! رآس مآلك عظمتين مركبينك على عصيآن
نوآل وأمل إنفجروآ ضحك على تشبيه عبير ، نوآل : ألييييييمه ، عيديه عيديه ، فهده بسرعه إنقزي على هالبلآكش وطبي ، موتي خلآص بعد هالتفشيله
فهده : أوووص بس يآكسرة الكليجآ إنتي ، يآآآآشين اللي يطيح بلسآنك _ ولفت على أمل _ وإنتي يالشيطآن الصآمت ، صدق ينطبق عليك اللي يقول يآمآ تحت السوآهي دوآهي
أمل : وأنآ وش قلت ! لآحظي إني مآتكلمت
فهده : إلآ إنتي رآس الـ ... _ مآأمدآهآ تكمل إلآ رن الجرس _ يآآآآآآآآليل أووووومكم إنتم ، هآدمين اللذآت
نوآل وهي تضرب كتف فهده بعربجه : وش بتس ، روووقينآ وخلينآ بالجو ، اليوم النشآط
فهده على طول إبتسمت : إيه والله كلهآ الحصه الاولى وننزل نجهز ، عبوووور الطيرآن وين
عبير وهي قآعده : هنآ هنآ
نوآل : أمووول ترى والله كله 45 دقيقه وتخلص الحصه الأولى
أمل : إيه بس الكيميآ شين ، مآأحبه مره
نوآل : إيييييه أثآري وجهتس غدآ تسنه طمآطه عشآن الإمتحآن ! عآد إنتي حآلتس صعب _ لفت على عبير _ بعد إنتي كيميآ !
فهده اللي تدخلت قبل مآترد عبير : لآآآآ وش كيميته ! مآتدرين إن الدببه يتعبون وهم وآقفين !
عبير : إختصرتي علي الرد جعلك الجنه ، خبرك حتى يتعبون وهم يردون
وضحكوآ البنآت عليهآ وهم يمشون للطآبور ، وفجأه صرخت فهده : عبييييييييييييير
عبير : يمه ! وشو
نوآل : زآآر زآآآر _ وبعدت البنآت بيدينهآ _ إستنزلي يمي ، السآحه أمآمتس
فهده : وجججع يآحمآره _ لفت على عبير ونطت عليهآ _ عبوووورتي يآدوبيتي إنني أحبتس



ضحكوآ البنآت على هبآل فهده ومسكتهآ الغلط ، وقفوآ بالطآبور وسط ضحك فهده وتعليقآت نوآل اللي مآتخلص ، خلص الطآبور وطلعوآ البنآت للفصول ، كآنت الحصه الأولى عليهم أحيآء
خصلتهم الإستآذه بسرعه وعطتهم وقت يرآجعون فيه ، جآ وقت الإمتحآن ، إختبروآ البنآت ولمّآ طلعوآ
فهده : إلى الجحيم يآكيميآء ،ييييييييييس
عبير : قولي الحمد لله ، وش إلى الجحيم ذي
نوآل : إبعدووووآ عنه مفتي الديآر الثآنوية ، بس وهي صآدزه الحمد لله
لفت فهده على أمل اللي كآنت سرحآنه : أمووول لآتقولين مآحليتي ، إحنآ البليدآت كآن تووووب
أمل وهي تكتب بالهوآ : السؤآل الثآني ، كم طلع النآتج معك ! أ وإلآ ب !
فهده وهي تحك رآسهآ : شرهتك على اللي تذكر وش إختآرت ، أمووول خلآص عآد
أمل : لآلآ لآزم أتأكد ، هو لو حسبنآهآ
صرخوآ البنآت عليهآ ووقفت فجأه : بسم الله ! بس أبي أتأكد
كآنت الإستآذه من ورآهم ، ضحكت عليهم : ب يآأمل ، الإختيآر ب
أمل بفرحه : الحممممممد لله
نوآل : خلآص يمي ! إرتحتي ! مهوب نآقصتس شي يالمصريه يلله عآد مشينآ
رجعوآ البنآت يمشون وهم يضحكون ، مره ثآنية فجأه توقف أمل ، لفت عليهآ فهده وهي معصبه : قسسسسم بالله لو تقولين سؤآل مدري وشو لآأجلدك
مآردت عليهآ أمل ، لفت فهده على نوآل وكآنت نوآل مستغربه بعد ، قربت منهآ فهده : أموول وش فيك !
أمل : مدري ! ضآق صدري فجأه ، قلبي قآآآآبضني في شي يعورني فيه شي يعورني
عبير : سمي بالله ، سمي بالله هذآ كله من خشة فهده وشعرهآ اللي كأنه مسوآك
فهده تطآلعهآ بنص عين : جربي تذبين مره ثآنية وربي لأخليك مضحكة المدرسه وشوفي عآد مآتسوى تصيرين مهزلة في حلوق الشعب العربي
أمل رجعت تضحك : يآآآآربي بس نص سآعه خلهم عآقلين
نوآل : إيه تسذآ يآميمتي مآتسوى عليتس التكشيره اللي من شوي ، هو يعني صدز انتس طخمه ، وصدز انتس سمرآ بس مع تسذآ حلوه ، وصدز إن لون عيونتس رمآدي
وصدز إن شعرتس يهبل وصدز إن كلتس تقطين الطير من السمآ وتجيبين أطلق شنب ، بس مع تسذآ تغدين شينه لآكشرتي
ضحكت أمل بقوه ، ورجعت تمشي معهم : لآلآ صرآحه مفروووض أثبت إبتسآمتي بدبآبيس ولآ _ وهي تقلد نوآل _ أغدي شينه
نوآل : يآآآآآلبيه على أغدي أنآ ، شوفوآ البرآئه شلون تحتسي مهوب مثلتس إنتي ويآه ، تعرسين علي !
أمل مآتت ضحك : أقول بسرعه إخلصوآ الحين تجي إستآذة عفرآ تطلع عيوننآ
نزلوآ البنآت لتحت وبدوآ بترتيبآت الحفل اللي كآنوآ هم مآسكينه ، الدنيآ تحت قآيمه وقآعده وكلهم مشغولين ، اليوم حلو بس فيه شي منكد عليهآ
حطت في بآلهآ إن الأحدآث اللي مرت فيهآ وطريقة قومتهآ من النوم هي اللي أثرت عليهآ ، تنآست اللي هي فيه ولقت نفسهآ تندمج شوي شوي مع البنآت ..


،

[كَوثَر]

،





* يَ حُزنِي ..
إسكُن أل أنَـآ
وَ توسّد بِ دَآخِلي
وَ إفتَرِش لِ نَومُكَ / هُنَآ ..
لِ أنّكَ سَ تَمكُث طَويلاً ،،
وَ أعِدُكَ حِين أمتَلئ بِك
لَن أخذُلَك
فَقط / سَ آستَبِيحَ بِضعَ دمَعَـآت
لِ أصبح مُتأهِب / لِ حَمِل المَزيد مِنكَ ..







هذآ كل خوفي ، بنآت سخيفآت مآعندهم سآلفه ، نشبنآ بالزحمه ، أووووف يعني لآزم أسجل تأخير _ دق جوآله برقم غريب _ من ذآ بعد الرآيق ! عسى خير : نعم !
.. : السلآم عليكم
عبدالعزيز : وعليكم السلآم
.. : الأخ عبدالعزيز عبدالله ال... !
عبدالعزيز : وصلت خير ، من معي !
.. : معآك _ فلآن _ من مستشفى ال ..... ، يآليت إخوي تحضر الآن
عبدالعزيز : خير إن شآءالله ! الوآلد فيه شي !
.. : عظم الله أجرك


إنعدم الكون للحظه ، نسى الزحمه اللي هو فيهآ ، نسى الدوآم والتأخير ، كآن يسمع أحد على الطرف الثآني يتكلم ، بس مآكآن في حآلة يقدر يرد فيهآ على أحد ، حس على نفسه لمآ سمع
دق البوآري اللي ورآه ، رمى جوآله وإنطلق بسرعه جنونية للمستشفى ..
كآن يتمنى إنه في حلم ، يتمنى يوصل ويلقى أبوه على نفس وضعه ، يتمنى إنهآ مزحه سخيفه أو كذبه أو أي شي ينفي الكلآم اللي سمعه
وصل للمستشفى وصآر يطآلع فيه ، هذآ المكآن اللي صآر له أكثر من شهرين وهو كل يوم يزوره ، قوآ قلبه ودخل وبدآخله صوت يصرخ : إرجع إنت مو قدهآ ، تعوذ من ابليس ومشى في
أسيآب المستشفى الطويله ، وصل للعنآية أخيراً _ آخر مره تدخلهآ ، آخر مره تدخلهآ ، آخر مره تدخلهآ _ كآنت عيونه من أول مآدخل على غرفه ابوه المسكر بآبهآ
عبدالعزيز : السلآم عليكم
الطبيب : وعليكم السلآم والرحمه ، هلآ عبدالعزيز ، عظم الله أجرك
عبدالعزيز : جزآك الله خير يآدكتور _ بعد لحظة صمت _ متى توفى !
الطبيب : السآعه 7 الصبآح
عبدالعزيز : ليه مآكلمتونآ لمآ حآلته سآءت ! أقل شي يكون عنده أحد من عيآله
الطبيب : والله الوقت دآهمنآ ، بعدين أفآ عليك ياعبدالعزيز كلنآ كنآ حوله ، قول الحمد لله اللي إرتآح
عبدالعزيز : الحمد لله على كل حآل ، كيف اخلص الإجرآءآت !
خلص عبدالعزيز إجرآءآت وفآة أبوه ورجع ركب سيآرته ، كآن كل همه كيف يعلم أهله ، دق على مآجد اللي عرف لأن المستشفى إتصلوآ عليه بعد ، حرك سيآرته رآجع للبيت ..




_ في نفس الوقت _

وصل له الخبر ، ضآق فيه الكون ، إحسآس الذنب اللي صآر ملآزمه في الفترة الأخيره زآد اضعآف ، شعور الندم محرق قلبه على اللي سوآه ، مآيتصور إن الشخص اللي كآن شآيل طيبة
الدنيآ كلهآ بقلبه رآح ، رآح بعيد لمكآن مآيقدر يوصله
.. : السلآم عليكم
كآن الجو كئيب لدرجة محد رد السلآم فيهآ ، كآن وآقف عند البآب يطآلع أبوه من بعيد وبدآخله يقول : لآتندم يآبوي ، لآفآت الفوت مآينفع الصوت ، مآينفعك اللي إنت فيه
قرب من إبوه ، وسلم على رآسه وجلس على ركبته قدآمه : عظم الله أجرك يبه
سلمآن : رآح إبوك عبدالله
حمد : رآح لربه ، لدآر إن شآءالله إنهآ أخير من دآره
سلمآن : مآطلبته يحللني ، اللي سويته شي مهوب سهل فيه ، مآآآحللني
حمد : إبوي عبدالله قلبه أبيض ، مآظني بيشيل في قلبه على ولده سلمآن
سلمآن : ليتني طلبته الحل ، ليتني مآطآوعتهم فيه ، ليتني مآسويت اللي سويته
حمد يقآطع أبوه : أبوي ! لو تفتح عمل الشيطآن ، إستغفر ربك وإدع له ، مآيبي منك الحين الا الدعآء
لف حمد على إمه اللي كآنت جآلسه ومبين على وجههآ آثآر البكى ، كآن يعرف إن إمه تعز عمه عبدالله حيل ، كآن يتذكر كيف لمآ كآنوآ صغآر عمه عبدالله يحب إمه ويسأل عنهآ كأنهآ وحده
من أخوآته ، قآم حمد عندهآ وضمهآ بقوه : يمـه ، قولي الله يرحمه
مآقدرت تمسك نفسهآ أكثر ، بكت في حضن ولدهآ : يآآآآآآرب تغفر له وترحمه
حمد : آميين ، يمه تكفين إمسكي عمرك _ مسح وجههآ بيده _ الحين إنتي بتروحين لخآلتي أبيك تكونين الأقوى وتصبرينهآ
سآره : لآلآ مآأقوى أروح لهآ وهم مآبعد قآلوآ لهآ
حمد بإستغرآب : مآبعد عرفت !!!
سآره : لآ مآعرفت ، عبدالعزيز كلم أبوك ويقول هذآ هو رآجع للبيت يبي يعلمهم
حمد : الله يكون بعونهآ ويصبرهآ




وصل البيت ، مآقدر يدخل ، كيف يعلم أهله ! ، كيف ينقل لهم خبر وفآته ! ، إذآ هو بنفسه مو مستوعب وحآس إن السآلفه كلهآ لعب في لعب ، لمآ كآن بالطريق إتصل على عمه سلمآن وبلغه
وكتب مسج وأرسله للكل ، كل النآس أمرهم سهل ، بآقي إمه كيف يقولهآ الشخص اللي شآركتيه أيآم عمرك رحل ! كيف يقول لأخوآته إن أبوهم مآت ! أخوآته يعني مشآعل ومهآ وأمل !
لمآ وصل فيه التفكير عند أمل عوره قلبه بقوووه ، طلع عند البآب مآجد ودق عليه شبآك السيآره ، نزل عبدالعزيز وسلم عليه
عبدالعزيز : صآحين !
مآجد : لآ ، مآشفت أحد
عبدالعزيز : تعآل معي طيب عشآن نقول لأمي
مآجد : لآلآ إنت علمهآ أنآ مآلي شغل
عبدالعزيز : شلون يعني مآلك شغل ! مهيب امك يعني !
مآجد : لآتقعد تقروش رآسي قلت لك مآلي شغل يعني مآلي شغل _ ورآح يكلم بجوآله _



دخل عبدالعزيز البيت ، وجآ في بآله يعلم مشآعل أول قبل إمه ، عشآن تكون معه وهو يعلم إمه ، مآكآن يبي يكون لحآله وهو ينقل هالخبر ، وصل لغرفة أمل اللي نآيمه فيهآ مشآعل
ولقى البآب مفتوح ، دخل بهدوء : مشآعل !
فزت مشآعل بسرعه : عبدالعزيز ! خير إن شآءالله !
فتح النور وسكر البآب ورآه : شكلك مآنمتي !
مشآعل : لآ والله مدري وش فيني ، حآولت أنآم بعد مآطلعتوآ بس مآجآني نوم ، قل لي وش فيك إنت مآرحت دوآمك !
عبدالعزيز : لآ أبد بس ، إحم إحم ، كنت رآيح بس بالطريق دقوآ علي المستشفى ورجعت
مشآعل وقلبهآ يدق بسرعه : إيه ! وش يبون !
عبدالعزيز : مشآعل إنتي شآيفه الوضع اللي عليه إبوي في الآونه الأخيره ، وتدرين إن الكآنسر إنتشر فيه
مشآعل تقآطعه : مآت !!!
عبدالعزيز : عظم الله أجرك
مشآعل : لآإله إلآ الله ، لآإله إلآ الله ، الله يرحمك ويغفر لك _ وغطت وجههآ بدينهآ وبكت _
عبدالعزيز : دعوآتك يآمشآعل ، إدعي له بدآل صيآحك ، والله صيآحك مآينفعه
مشآعل : هذآ إبووي يآعبدالعزيز ، إبووووي
عبدالعزيز : وإبوي بعد ، بس لآزم نشد حيلنآ شوي ، يآمشآعل والله إن حآلته تقطع القلب ، الحمد لله اللي ربي إختآره وريحه من هالعذآب
مشآعل : الحمد لله الحمد لله
عبدالعزيز : إمي نآيمه
مشآعل وهي تبكي : إيه نآيمه بس لآزم نعلمهآ قبل مآينشر الخبر ويتصل أحد
عبدالعزيز : أنآ بقوم أصحيهآ وإنتي إهدي شوي وإلحقيني


طلع عبدالعزيز وكآن يحمد ربه بدآخله على هدوء مشآعل ، قرب من بآب غرفة إمه ، يدري إن إمه إنسآنه مؤمنة وصآبره ، بس ولو هالشي مآيخفف التوتر اللي هو فيه
دق البآب عليهآ وإنتظر شوي لمآ فتحته : بسم الله ! مآرحت دوآمك !
عبدالعزيز : لآلآ مآرحت دوآمي ، يمه إبوي تعبآن ودقوآ علي المستشفى يبونآ نجي عنده ، صحيت مشآعل وهي تلبس الحين ، جهزي نفسك بسرعه
تركهآ ورآح المجلس ، إختبص قلبهآ على أبو عيآلهآ ، توضت وصلت لهآ ركعتين قبل مآتطلع لهم ، دخلت عليهم بالمجلس ولقت عبدالعزيز جآلس ومنزل رآسه ومشآعل بجنبه ووجههآ عليه آثآر
البكى ، مسكهآ قلبهآ بس مآقآلت شي ، عبدالعزيز من شآفهآ فز وآقف لهآ ، قرب من عندهآ ومسك يدينهآ : قولي لآإله إلآ الله
غرقت عيونهآ بدموع ، عرفت اللي بيقوله ولدهآ ، قرت الألم بعيونه : لآ إله إلآ الله ، الله يحلله ويبحيه _ ضمت ولدهآ وبكت _ قآمت لهآ مشآعل وقعدت تهديهآ مع عبدالعزيز
أم محمد : إختكم أمل ، أمل يآعبدالعزيز بتنهبل
عبدالعزيز : لآ بسم الله عليهآ مهوب جآيهآ شي إن شآءالله ، إذآ خلص دوآمهآ نروح نجيبهآ وندخلهآ ونعلمهآ
أم محمد وهي تبكي : إلآآآآ أمل ، أمل لآتدخل علي وهي مآتعرف
مشآعل : خلآص أنآ أروح لهآ وأعلمهآ قبل مآنوصل البيت
في هاللحظه وصلت أم نوآف لأختهآ ، وبعده بشوي وصلت مهآ اللي علمهآ زوجهآ ، بدوآ النآس يتجمعون في بيت أبو محمد ، اللي قرروآ عيآله بعد هوشه يكون العزآ في بيته ، ولأن بيته صغير مآيكفي
حريم ورجآل ، صآر عزآ الحريم في البيت وعزآ الرجآل في بيت جآرهم أبو عبدالله







قآعدين تحت الدرج ، كل وحده رآميه شنطتهآ على جنب ، بوسطهم أنوآع التشيبسآت والحلويآت ، قآلت فهده : تويكس ، بآونتي ، مآرس ، ليز بالملح ، وبعده جآلكسي والحين قآعده تبلعين تويكس مره
ثآنيه _ وبصرخه _ يختي مآيجيك غثيآآآآآآآن !!
عبير ببرود وهي تآكل من التويكس اللي بيدهآ : اللهم لآحسد ، حآسدتني ! هذآ الأكل قدآمك ، إبلعي يآعصآ المكنسه
فهده : والله إني أزين منك يآلدربيه إنتي ، عبير يالبعير ترى مو زين لمعدتك
عبير : لآ جيت أشتكي لك إصفقيني ، مهوووب شغلك
فهده وهي تلف على نوآل : مآيجيهآ حآرق !
نوآل : والله وأنآ إختس ذي متعوده ، الحآرق لتس وشروآتس
عبير : وش عليكم مني ! يكون بعلمك إنتي ويآهآ وإحنآ طآلعين بنمر ابو محمد ، مشتهيه فلآفل من الصبح ، لآتقولون مآعلمتكم !
أمل : عبير حرآم عليك معدتك والله ترى كذآ تتعبينهآ
عبير : أوص أوص خليك إنتي بعيده ، هالكلآم للكبآر
نوآل : وإنتي الصآدقه هالحتسي للدببه أمثآلتس ، مير كش عليكم كلكم وين الله طيحني في شلتن مثلكن
فهده وهي تكش عليهآ : ووووووع يآحظي ، إحمدي ربك وإشكريه كل يوم إنك صديقتهآ يآلفآشله يآالعجوز
نوآل : على طآري العجوز ، على من الغدآ اليوم !
فهده : علي ، بس اللي مآطبخت لهم لو يطآمرون
عبير : أجل نمر المطعم القريب ، ونآخذ لنآ بخآري شرآيكم !
فهده : وإنتي مآتحكين الا بالأكل ، بس والله مهيب شينه ، أجل يلله بسرعه خل نطلع يالله يمدينآ الطريق اليوم غير
عبير : لآلآ وين غير معه ، نفس الدرب
فهده : همآنآ بنمر نآخذ بخآري
عبير : بس قبل نمر ابو محمد أقرب
فهده : وش نبي بأبو محمد
عبير : الفلآفل !
نوآل وأمل وفهده فطسوآ ضحك عليهآ ، بعدين قآلت نوآل : مآقلت لكم ذي بعيد عنهآ الحآرق !
عبير : إنطموآ بس والله الفلآفل طعمه مآأقآومهآ
أمل : لآ عبوره حبيبي إنتي قدآم الأكل تضيع علومك
عبير : أمــل ، إهجدي عآد لآتخليني أستلمك
فجأه بدت فهده تضرب بالطآر ، لفت عليهآ أمل مفجوعه : وجججججعه ياغبيه ، نزليه الحين يجي أحد ويمسكك ويصير لنآ فضيحه
فهده وهي تضرب فيه ومطنشه أمل : ويآزين فهوديه بينهم ، ولآ كثر الله هالغبيآت ، والله يرزقني برجل أطخم ، والله ينحف عبير ، والله يخلي أمل غبيه ، والله يطلق لسآن نوآل
ضربتهآ نوآل على رآسهآ وسحبت منهآ الطآر : لآ والله منتيب صويحيه ، إعنبوآ بليستس لو جت القشرآ الحين ! وش نسوي بتس هآآآآه
هاللحظه شآفوآ وحده وآقفه ورآ أمل بعبآيتهآ ، فهده عرفتهآ على طول ، دفت البنآت بيدهآ ورآحت لهآ وهي فآرده يدينهآ ، ضمتهآ وسلمت عليهآ : هلآ هلآ هلآ تووووهآ نورت الثآنوية والله
مشآعل : هلآ فيييييك يالشينه القآطعه
لمآ عرفوهآ البنآت ، سلموآ عليهآ ، قآلت أمل وهي متخصره : يعني سويتيهآ وجيتي هآآآآه !
مشآعل وهي تضحك : شرآيك فيني ! قد كلمتي صح !
أمل : هين أوريك ، يلله يلله بسرعه خلونآ نطلع ، لو جلسنآ هنآ عز الله بتصير فضيحه
عبير : إيه والله خصوصاً إن فهده توه جآيهآ الزآر
أمل وهي تضحك : للمره المليون ، لآحظي ان فهده من اليوم وزآرهآ معهآ _ لفت على مشآعل _ شعوله مين اللي جآيبك !
مشآعل : جيتك بليموزين ، يلله بسرعه خل نطلع
أمل تطآلع البنآت : يللله بنآت بسرعه نطلع
قآلت نوآل : لآ يآقلبي إنتي ، روحوآ إنتوآ يالله يمديك على إبوك ترآ تأخرنآ مآطلعنآ
أمل : وشو خير ! يمدي يمدي ، يلله بس بسرعه من بعد بيوتنآ
نوآل وهي تأشر على البنآت : نسيتي ذولي بيمرون يآخذون لهم غدآ ، توكلي يآتسبدي بس
أمل بإبتسآمه : أوووكي خلآص ، نوآل خليك ويآهم
نوآل : حآفظتس الله يمي ، طمنيني على ابوتس



طلعت أمل ومشآعل بعد مآشآلوآ الأغرآض ، كآنت مشآعل على غير العآده ، سٍآكته وهآآآآديه
أمل بعد مآسكرت البآب : فآآآآآآتك نص عمرك ، يجنن يجنن يجنن الحفل شعوله ، مرررره إنبسطنآ _ وبدت تحكيهآ كل شي صآر بإختصآر وعلى السريع ومشآعل ترد عليهآ بردود مختصره _
إيه صح ، أخوآني وين ! غريبه خلوك تجين لحآلك !
مشآعل وهي مآتطآلع فيهآ : أخوآني عند ابوي
أمل وهي تطآلع سآعتهآ : رآآآآآآحوآآآآ ! ليييييه طيب ! والله أنآ مآتأخرت ، الحين كيف نروح !
مشآعل : خلآص مو لآزم اليوم
أمل : لآآآآآآ والله ! على كيفك هو وإلآ على كيف أخوآنك ! يآعمري إنتي لآتنسين اني مآشتفه أمس ، لووو وشووو أنآ بروح والله طول امس مآنمت من كثر مآهو في بآلي
مشآعل والغصه في حلقهآ : أمول مآيمدي اليوم ، اخوآني رآحوآ خلآص
أمل : منيييييب يعني منيييييب ، خلي هذآ يودينآ انآ وإنتي له ، وإلآ شرآيك أكلم مهآ ! أكيد أكيد مهآ مآبعد طلعت من بيتهآ
مشآعل : حتى مهآ مآرآح تروح
أمل بإستغرآب : ليييييييه ! وش فيكم إنتم اليوم ! مشآعل لآيكون إبوي سوآ العمليه وتعب !!! لآتقولين تعب الله يخليك ، لآلآ عبدالعزيز اليوم الصبآح قآلي إنهآ سهله
مشآعل وعيونهآ بدت تدمع ، مسكت أمل وقربتهآ منهآ : أمل أبوي يطلبك الحل
مآإستوعبت الكلمه ، تحآول تترجمهآ بعقلهآ بس مآقدرت ، لحظة صمت تفكر فيهآ _ يطلبك الحل يعني إيش ! يعني مآت ! مآت يعني مآعآد رآح أشوفه ! هذآ اللي تقصده مشآعل !
يعني خلآص مآعآد فيه أبوي ! رآآآح لمكآآآآن بعيد حيل ، مآت مآت مآت _ ترددت هالكلمه في عقلهآ ، لمآ بدت تستوعب الكلمه لفت على مشآعل وبصرخه : كذآآآآآآآآآآآبه
وبسرعه لفت للبآب تبي تفتحته ، مآكآنت أبد في وعيهآ ، سحبتهآ مشآعل بسرعه وقعدت تسمي عليهآ : أمل بسم الله عليك ، بسم الله عليك
أمل وهي تحآول تبعد مشآعل عنهآ : إسكتتتتتتتي يالكذآآآآآبه ، إنتي تكذبين تكذبييييييين ، إبوي مآفيه شي مآآآآفيه شي ، شوي أصلاً ويصحى ، مستحيل مستحيل بآبآ يروح ويتركني
مشآعل وهي تصيح : أمل إستغفري ، وش هالكلآم ، قولي الله يرحمه
أمل : لآلآلآ مآمآآآآآآآت أبوي مآآآآمآآآآآآت ، مآآآآآآآآآآبي البيت لآتوديني البيت ، مشآآآآآعل الله يخليك تكفين يآمشآعل وديني عنده ، خلييييييني اشوفه ابييييييي أشوفه


في هاللحظه وصلوآ عند البيت ، شآفت أمل السيآرآت الكثيره اللي عند بآب بيتهم ، هذآ دليل على إن كلآم مشآعل إختهآ صدق ، هذآ دليل على إن إبوهآ صدق مآت والنآس جآيه تعزيهم فيه
كآنت تبي كل شي يختفي من هالكون ويبقى بس إبوهآ ، فتحت البآب بسرعه ونزلت تركض لدآخل البيت ، مشآعل نزلت ورآهآ وهي شآيله شنطتهآ وكآنت تبكي من قلبهآ ، إختهآ في وضع صعب
بقوووه ، الله يعين إمهآ الحين



طلعت الدرج بسرعه ورمت عبآيتهآ ، وقفت عند بآب المجلس ، كآن فيه حريم كثييير ، وجيه مآميزتهآ ، كآنت عيونهآ تدور على شخص وآحد بس ، إمهآ ، وين إمهآ الحين !
وأخيراً لمحتهآ جآلسه على سجآدتهآ وهي لآفه جلآلهآ عليهآ والحزن بآين فيهآ ، يعني كلآمهم صدق ، بسرعه دخلت عند امهآ وطآحت عندهآ : مآآآآآآآآآآآآآآآآت ، أبوووووووي مآت
يممممممممممه تكفين قولي لآآآآآ ، قوووومي قولي لهم يوووودوني عنده ، إنتم تكذبووووووون
كآنت إمهآ تحآول ترفعهآ بس مآقدرت ، كآنت تبكي بشكل هستيري ، مبين إنهآ مو في وعيهآ ، قآمت لهآ مهآ إختهآ تبي تبعدهآ عن إمهآ بس نفس الشي
أمل كآنت تبعدهم عنهآ بقوه وتتمسك في إمهآ ، تدخلت خآلتهآ أم نوآف ومضآوي وطلعوهآ


أم نوآف وهي ضآمتهآ لصدرهآ بقوه : أمل بسم الله عليك بسم الله عليك _ لفت على مضآوي _ جيبوآ لهآ مويه بسرعه
أمل بضعف وهي تصيح : مآآآآآآآت ، رآآآح يآخآلتي رآآآآآح
أم نوآف : إختآره ربه ، رآح لربه ، لله مآاعطى ولله مآاخذ يآبنتي ، جآيه الحين تعترضين !
أمل : بس هو أبوي
أم نوآف : إستغفر الله يآأمل ، يآحبيبتي إنتي تكرهين الرآحه لأبوك ! يعني مو شآيفته كيف يتعذب ! والله إنه الحين برآحه ولآ ذيك الأيآم اللي حتى النفَس مآيقدر يآخذه زي الخلق
أمل بدت تهدآ شوي : مآأقدر مآآآآاقدر ، إنتم مو فآهمين مووو فآهمين
أم نوآف : الله لآيلومك ، بس يآعمري مآيفيده اللي تسوينه الحين ، ادعي له إذآ تحبينه صدق إدعي له ، إهدي يآأمل عشآن إمك ، حرآم عليك والله إنهآ مآإرتآحت من اليوم شآيله همك
_ لمآ شآفتهآ بدت تهدآ _ شدي حيلك يمي وكلنآ على هالطريق ، قومي توضي وجهزي نفسك ، العصر بيصلون عليه ..


فجأه هدت ولآ كأنهآ اللي من شوي قآلبه الدنيآ عليهم ، يمكن إستوعبت إنهآ مهمآ صرخت وبكت مآرآح تطلع اللي بقلبهآ ، قآمت وبدلت ملآبسهآ وتوضت وطلعت لأمهآ وسلمت عليهآ وجلست عندهآ
تشوف الحريم والنآس الكثيره اللي حولهآ ، بعضهم عرفتهم والأكثر لآ ، كآنت تشوف عمآتهآ اللي نآدراً مآكآنت تشوفهم ، حولهآ خآلآتهآ وحريم خوآلهآ اللي وصلوآ من الشرقيه ، وهي سرحآنه تطآلع
في وجيه النآس اللي قدآمهآ ، جتهآ مشآعل وقآلت لهآ إنهم بيروحون ، كآنت مآتحس بنفسهآ ، تمشي وتتحرك معهم بس بدووون إي إحسآس ، وصلوآ للمسجد ، أخوآتهآ طلبوآ إنهم يسلمون على أبوهم
بس قآل لهم عبدالعزيز إنهم غطوآ وجهه ولآ يقدرون يفتحونه ، عصبوآ عليه البنآت وبكوآ لأنهم كآنوآ يبون يشوفونه للمره الأخيره ، إلآ هي دموعهآ وقفت ، مآقدرت تنزل ولآ دمعه
أذن العصر وحست بقلبهآ ينعصر ، صلوآ عليه ، صلوآ على روحهآ وأغلى البشر على قلبهآ ، طلعت من المسجد مع أخوآتهآ ولمحت سيآرة الإسعآف اللي بتشيل جنآزة ابوهآ للمقبره ، نزلت عيونهآ
وركبت السيآرة بسرعه ونزلت رآسهآ ، خلآص مآتبي تشوف شي ، كآنت تدعي له بدآخلهآ ان الله يثبته ويرحمه ويغفر له ، رجعوآ البيت ومضآوي مآتركتهآ أبد
كآن اليوم كئيب وطويل على الكل



.. : هآه يمه كيف خآلتي !
أم نوآف : الحمد لله ، من عرف ربه هآنت مصيبته
نوآف : والبنآت !
أم نوآف : والله مآعليهم ، ضآيقه صدورهم أكيد بس الحمد لله
أبو نوآف : منهآرين !
أم نوآف : والله اللي إنهآرت علينآ أمل ، بس مدري وش جآهآ فجأه سكتت ولآ صآر لهآ حس
فز قلبه لمآ قآلت أمه أمل ، هو لمحهآ لمآ نزلت من السيآرة وهي تركض ، كآن يدعي ربه يصبرهآ ويقويهآ ، قآم من مكآنه وطلع فوق عند مضآوي ، طق البآب ودخل
مضآوي : حمد !
حمد : كيفهآ !
مضآوي بعد لحظة صمت : إبوهآ يآحمد ، أكيد بتنهآر
حمد : كنتي معهآ !
مضآوي : مآتركتهآ لحظه ، ولآ طلعت من عندهآ الا لمآ تأكدت إنهآ نآمت
حمد : خلوهآ تبكي ، لحد يسكتهآ ، خلوهآ تطلع اللي في قلبهآ
مضآوي : هي اللي فجأه سكتت ، حمد أمل حسآسه بس بدآخلهآ إنسآنه قويه تعرف ربهآ ، لآتخآف




مرت أيآم العزآ الثلآث كئيبة وطويله على الكل ، خصوصاً على البنآت اللي كآن همهم كبير ، خوفهم على إمهم ، حيآتهم بعد إبوهم ، خوفهم المستقبل ، المجهول ، الفقد ..



،

[الجوري ليال]

لي عوده بعد القراءه

[الجوري ليال]

يسلمؤؤؤ يعافيك ربي
بس بااااااااارت فضيع حزييييييين
دمعت عيوني على حال اموووول
ياعمري عمرها
ماجد هذا انسان معدوم الاحساس وماعنده اي ذرة مسؤليه ياكررهه

مدري وش اكتب وش اخلي
بااارت رووعه صراحه

[الج ـــوري]

السلام عليكم ..
كيف الحال كوثر ...؟!
اتمنى تكونين بخير

بصراحه من بديت الروايه اثرت فيني حييييييييل لدرجه ان اقرى وانا ابكي
تقطع قلبي من كثر البكي
مؤثره مررررره
تكفيييين نزلي البارت الثاني بسسسسسسرعه وربي متحممممممسسسسه

امل ..
احسها مره كيوووت مررره عسل قطعت قلبي من كثر مابكيت عليها

مها ..
يعجبني ثقلها وصبرها .. احسها انسانه حكيمه

مشاعل ..
احسها هي القويه بينهم .. وتقدر تسيطر على اللي حولها .. خصوصا انها عصبيه فااتوقع ان الكل يخاف منها ..

ماجد ..
استغرب من اسلوبه .. وليش هو كيذا ...
المفروض يحمد ربه ويحب يده وجه وقفى ان عمهم تدخل ولا كان ابوهم الحين في عالم ثاني

عبدالعزيز ..
احسسسسسه حنوووون طيب ,, ملعووب عليه .. بس اتوقع بيجي يوم ويظهر على حقيقته .. ويفرض شخصيته على زوجته ..

تهاني ..
ودك من يسطرها كف يعدل ملامح وجهها .. قهرتنننننننننننني

العنود وساااره ..
خطيرات مرررره ... ضحكت عليهم بشكل

خويات امل ..
رهيبات .. احسهم عرابجه بقووووه
خصوصا عبير << يالبييييييييه تجنن

حمد ..
كسر خاطري .. يالييييت امل تكون من نصيبه .. بصراحه هو اللي يستاهلها ,, يجنن

هذا اللي في بالي الحين عنهم ...
باليز كمل القصه الله يخليك وربي متحمسسسسسسسسسسسسه
بس لاتكثرين حزن .. وربي تقطع قلبي من كثر البكي

تقبلي مروري :
الج ـــوري

[كَوثَر]

يسلمؤؤؤ يعافيك ربي
بس بااااااااارت فضيع حزييييييين
دمعت عيوني على حال اموووول
ياعمري عمرها
ماجد هذا انسان معدوم الاحساس وماعنده اي ذرة مسؤليه ياكررهه

مدري وش اكتب وش اخلي
بااارت رووعه صراحه






الأروع مرورك
يآجعل رَبي مآيحرمني هالطله ..

خليك قريبه ي الغآلية

[كَوثَر]

السلام عليكم ..
كيف الحال كوثر ...؟!
اتمنى تكونين بخير

بصراحه من بديت الروايه اثرت فيني حييييييييل لدرجه ان اقرى وانا ابكي
تقطع قلبي من كثر البكي
مؤثره مررررره
تكفيييين نزلي البارت الثاني بسسسسسسرعه وربي متحممممممسسسسه

امل ..
احسها مره كيوووت مررره عسل قطعت قلبي من كثر مابكيت عليها

مها ..
يعجبني ثقلها وصبرها .. احسها انسانه حكيمه

مشاعل ..
احسها هي القويه بينهم .. وتقدر تسيطر على اللي حولها .. خصوصا انها عصبيه فااتوقع ان الكل يخاف منها ..

ماجد ..
استغرب من اسلوبه .. وليش هو كيذا ...
المفروض يحمد ربه ويحب يده وجه وقفى ان عمهم تدخل ولا كان ابوهم الحين في عالم ثاني

عبدالعزيز ..
احسسسسسه حنوووون طيب ,, ملعووب عليه .. بس اتوقع بيجي يوم ويظهر على حقيقته .. ويفرض شخصيته على زوجته ..

تهاني ..
ودك من يسطرها كف يعدل ملامح وجهها .. قهرتنننننننننننني

العنود وساااره ..
خطيرات مرررره ... ضحكت عليهم بشكل

خويات امل ..
رهيبات .. احسهم عرابجه بقووووه
خصوصا عبير << يالبييييييييه تجنن

حمد ..
كسر خاطري .. يالييييت امل تكون من نصيبه .. بصراحه هو اللي يستاهلها ,, يجنن

هذا اللي في بالي الحين عنهم ...
باليز كمل القصه الله يخليك وربي متحمسسسسسسسسسسسسه
بس لاتكثرين حزن .. وربي تقطع قلبي من كثر البكي

تقبلي مروري :
الج ـــوري



وعليكم السلآم والرحمه
يآهلآ ب الجوري

دموعك غآليه حبيبتي ، ضآق صدري مآأبي هالتأثير الشين عليك : )

خليك قريبه ولآ تبعدين

[كَوثَر]

،





- الفصل الثَآلث -






* لآشَىْء يُسَكِتَ صَوٌتْ رُوحَ ثَكِلىْ ,،
كٌلَ الذّاكرة تَشُدّ رحَآلهآ فَيِكْ
تنَجرفْ فيَ حَنيِنْ جآرِفَ ,،
وَتتآرَجحْ مِنَ جَدّيدِ ..!
لآشَيْء سِوٌىَ صَوتْ فَيرُوز يُرآفِقَكْ :
أنآعِندّيْ حَنيِن مآبَعرفْ لّميِنْ ..؟







جآلسه على سريرهآ ، قدآم جهآزهآ المحمول ، وعلى رآسهآ سمآعآت تغطي آذآنهآ بصوت يفصلهآ عن العآلم ويخليهآ ب عآلمهآ هي لحآلهآ ، عآلم غريب ، هي ومجرد طقطقة كيبورد
وأفكآر كثيرة

تحس ب أحد يهزهآ ، لفت بفزع وهي تشيل السمآعآت : يآغبي ، مآتعرف تدخل ب هدوء !
.. : نعم ! هدوء ! ههههههههههههه
منآل : يآنذل والله فجعتني
مشعل : تستهبلي صح ! جلست سآعه أدق البآب ولمآ حسّبت إنك نآيمه قلت أدخل أصحيك ، ودخلت ولآ حسيتي فيني ، يآبنت واللهِ لو أحد يدخل ويذبحك مآحسيتي
منآل : خلصنآ ، إيش تبغى !
مشعل وهو يضربهآ على رآسهآ : قليلة ذوق من يومك ، المهم _ بعد مآجلس _ حكيني إيش صآر بالريآض !
منآل وهي ترجع لجهآزهآ : مآصآر شي
مشعل : إتركي عنك اللي قدآمك وكلميني زين
منآل : أووووف ، يآخي قلت لك مآصآر شي ، يعني إيش بيكون فيه مثلاً !
مشعل : كيف كآنت الأجوآء !
منآل : إيش بتكون يعني ! فرح ! مشعل إيش فيك ، هوّ عزآ
مشعل : طيب ! إيش رآيك متى أخلي أبويه يجيبهآ لي !
منآل : متى مآبغيت وجآ على بآلك ، بس أكيد بعد الإمتحآنآت
مشعل : إيش رآيك أخرب عليهآ وأجيبهآ دحين !
منآل : وليه النذآله ! سيبهآ تكمل السنه وبعدهآ يصير خير
مشعل : مآأدري ، جآي على بآلي أحرق لهآ قلبهآ
منآل وهي تضحك : يآمريض ! وهيّ إيش سوت لك !
مشعل : ولآ حآجه ، بس تسليه
منآل بدون إهتمآم : شآور أمي وشوف إيش تقولك ، أنآ مآلي خص
مشعل : إيوه على طآري أمي ، جآلسه تلعبي إنتي وهيّ بدون علمي !
منآل بخوف : نلعب إيه !
مشعل : على حمد
منآل : آهآآآآآآ ههههههههههههههه ، وإنت إيش عرفّك !
مشعل : سمعتهآ تحكي مع صحبتهآ ، إنتي إيش عندك على حمد !
منآل : عآجبني وابغآه
مشعل : أيوووووه _ وبعد تفكير _ ومآلقيتي إلآ حمد !
منآل : ليه ! إيش نآقصه !
مشعل : بس مغرور وشآيف نفسه على الخلق
منآل : إذآ على الغرور آخر من يتكلم حضرتك
مشعل : يعني اللي برآسك بتسويه !
منآل : ولآ بيردني شي ، أبغآه يعني أبغآه
مشعل وهو يوقف : الله يقويك ، إذآ شفتي أمي قولي لهآ أبغآهآ وخليهآ تدق علي











.. : ومن متى صآر هالكلآم !
.. : من زمآآآآآآن ، تقريباً من شهر
.. : وليه مآقلتي لي من أول !
.. : مآكنتي فآضيه لي ، ولآ حبيت أشغلك ، بعدين الظروف اللي مرينآ فيهآ كآنت صعبه حيل
.. : حآطه بقلبك وسآكته !
مهآ : تصدقين عآد ، تعودت ، والله تعودت ، مآعآد أزعل مثل أول ولآ يهمني أصلاً ، إذآ هو مريض أنآ مآأتحمل ذنبه
أمل : مهآ حبيبتي ، لآتآخذينهآ من هالجآنب ، خليك إيجآبيه
مهآ : وين أكون إيجآبيه معه تكفين ! هو خلآ فيهآ إيجآبيه ! صآير على الطآلعه والنآزله يشك فيني أمل : مو شك ، هو مآطعن بأخلآقك ، بس زوجك يغآر يآمهآ
مهآ : يغآر من وشو الحمد لله ! هذآ أنآ عنده وفي بيته ، قدآمه مآطلعت ولآ شآفني أحد عشآن يغآر علي
أمل بإبتسآمه : يحبك يآغبيه ، مهآ إحمدي ربك ترى فيه بنآت كثيييير فآقدين هالشي ، إنتي بس حآولي تكونين أهدآ ، إذآ شفتيه شآد معك بالحكي لآترآدينه وإنتبهي تطنشينه
جآوبيه بهدوء ، وإذآ حسيتي إنك بتفقدين أعصآبك دوري لك اي حجه وقومي من المكآن اللي إنتي فيه
مهآ ، ترى زوجك طيب وإنتي ذكيه بسم الله عليك ، تقدرين تكسبينه نآحيتك ، بس يبي لك شويه رآحه وتفكير
مهآ : إن شآءالله ، يآآآآآرب أقدر
أمل : بإذن الله بتقدرين ، أنآ مآألومك ، كلنآ كنآ تحت ضغط نفسي كبير ولآ إحنآ عآرفين كيف نتصرف بأمورنآ
مهآ وهي خآنقتهآ العبره : ذيك الأيآم توجع قلبي يآأمل
أمل : لآ ذكرتيهآ ، إدعي له ، تصبروآ عشآن أمي
مهآ : وعشآنك ، إنتي يآأمل مآطلعتي اللي بخآطرك ، أمل تكفين لآتكتمين ، يآخوفي بعدين يطلع الحزن اللي بصدرك ويبآن بوجهك
أمل وهي تبتسم : من عرف ربه هآنت مصيبته ، الحمد لله على كل حآل ، لآتشيلين همي أبد ، فكري بنفسك وخليك فيهآ

دخلت مشآعل هاللحظه وشآفت أمل جآلسه وهي تكلم : وإنتي يآلمصريه لك سآعه تكلمين ! من ذآ اللي ع الخط !
أمل : هذي مهآ
مشآعل وهي تقعد على المركى جنب أمل : قولي لهآآآآآ مييييير مآآآآآآلت عليك يالخآينه ، سآحبه علينآ لهآ كم يوم
أمل : وإنتي وش تبين فيهآ ! زوجهآ أهم منك
مشآعل بصدمه : أيآ الخآينه إنتي بعد ! وأنآ اللي سآحبه على زوجي ومقآبلة خشتك اللي كأنهآ دآر نشر هذآ جزآي !
أمل وهي تضحك وتكلم مهآ : الحين وش يفكنآ من لسآن إختك ! المهم ترى أنآ صدق طولت وورآي دروووس وحوسه مآخلصتهآ ، مثل مآإتفقنآ يآقلبي !
مهآ : أبشري ولآ يهمك ، الله يوفقك يآأمل ، تكفين شدي حيلك نبي نفرح فيك
أمل : إن شآآآآء الله ، يلله سلآم
مشآعل : لآلآ جدآر أنآ الظآهر !
أمل وهي تضحك : والله أنآ مآقلت شي ، إنتي اللي جآيه تطلبين حرش ! نعم يآإخت مشآعل وش عندك !
مشآعل : إنتي والبطه الثآنية وش متفقين عليه ! ليه مآتعلموني ! ليه مو أنآ إختكم ! مآآآآش إنتي ويآهآ مآتعجبني حركآتكم
أمل : بسم الله ! شوي شوي علي
مشآعل وهي ترفع يدينهآ للسمآ : يآآآآآآآآآرب إنك تعين رجلهآ عليهآ ، يآآآآآرب ترزقهآ بوآحد بآآآآآرد زي لوح الثلج عشآن مآتجيب له جلطه ونآخذ إثم ولد النآس
أمل وهي مستحيه : خييييير إنتي ! وش هآلدعآوي ! كأنك عجوز
مشآعل : وووووع وأنآ وش قلت عشآن يقلب وجهك كذآ ! إن شآءالله كل هالوجه لأني دعيت لك برجآل !
أمل : مشآآآآآآآآعل ! منتيب صآحيه
قآمت بسرعه وطلعت بوسط إستغرآب مشآعل : أنآ اللي منيب صآحيه وإلآ هم ! الحمد لله يآرب والشكر على النعمه ، إخت خبله !











.. : مآفهمت ، مآفهمت ، مآفهمت
.. : وحتى أنآ مآفهمت مآفهمت مآفهمت
.. : إنتم متفقين علي تجننوني وإلآ وش سآلفتكم !
سآره وهي ترمي الكتآب وتمد رجولهآ بطفش : والله إذآ إنتي غبيه وجآيه تبين تتفيلحين علي وتسوين على أوووم رآسي انك فآهمه وإنتي من جنبهآ ، فهذي عزيزتي مشكلتك ، صح هيوف !
هيفآ وهي تلم الكتب والأورآق : صح صح ، أوآفقك الرأي
شيخه : إنتي هيييييه يآغبيه إذآ إختي دآجه ومآعندهآ سآلفه ولآ هي يم الدرآسه لآتصيرين مثلهآ ، ترى والله بكره تندمين
سآره وهي تأشر بيدهآ بدون إهتمآم : مآتقدرين يآحلوه ، هيوف الخبله ورآي دآيم ومعآي في السرآء والضرآء فلآتحآولين أبد تقلبين رآسهآ علي
هيفآ : إيه لآتحآولين أبد تقلبين رآسي عليهآ لأنك بكذآ تضيعين وقتك _ ولفت على سآره _ سويره الخآيسه أم كشه ، لآ تسبيني قدآم العوآذل وتقولين عني خبله ، خلينآ حبآيب
سآره : سقط سهواً يآعزيزتي ، المعذره
هيفآ : أتمنى أن لآيتكرر فعلك المشين
شيخه وهي مصدومه من برودهم : تمزحون صح ! بنآت إنتم ثآآآآلث ثآآآآنوي
سآره وهي تقآطعهآ وتقوم من مكآنهآ : يآليييييييييل ، حفظوآ كلمتين وأزعجوووووونآ فيهآ ، يختي أدري إني ثآلث ثآنوي ، خلآص خليني برآحتي _ لفت على هيفآ _ هيوف الخبله شرآآآآيك
ندزهآ للتميمي عندي فيلم إنمآ إييييه خطيييييييير ، بس يبي له جو وحركتآت
هيفآ : قدآآآآآآآآآآآم _ وبعدين تذكرت شي _ يوووه لآلآ مقدر أخآف يشوفني عسآف ويسوي لي سآلفه
سآره وهي تتكلم بقرف : وووووع ، أخوك هذآ لآتطرينه ، يجيني صدآع ومغص في الشرآيين
هيفآ وهي تضحك : شعور متبآدل ، حتى هو مآيوآطنك _ وضحكت لمآ ضربتهآ سآره بالمخده _ والله أقول الصدق ، تبين يعني أكذب عليك واقول أخوي ميت فيك
شيخه : لآلآ حآلتكم صعبه ، أقوم عنكم أحسن
سآره وهي تأشر لشيخه اللي قآمت عنهم ورآحت للدرج : هييييه شيوخ المعقده ، ترآنآ ذآكرنآ وفمهنآ وشآطرين ، غير هالحكي مآأبي أسمع
شيخه : لآآآ يآحبيبتي مآأكذب أنآ
سآره : أسمع بس غير هالحكي اللي قلته ، والله يآشيخه إن تندمين _ مسكت يد هيفآ وسحبتهآ معهآ _ يلله يلله بسرعه خل نطلع ونرجع قبل مآيجي أبوي ويسوي لنآ سآلفه
هيفآ وهي تحآول تفك يد سآره : هيه ووووجع أقولك عسآف لو شآفنآ يطير رقبتي ورقبتك معي
سآره وهي توقف وترفع يدينهآ للسمآ : يآآآآرب زدهآ عقل من عندك وخلهآ ذكيه مثلي يآآآآآآآآرب ، إنتي وش فيك ! كيف تفكرين ! يالحولآ وش يدري عسآف عننآ !
هيفآ : مدري ، بعد آخر موقف لمآ صآدنآ في الظهرآن وانآ أخآف ، مآبي مآبي
سآره : لآلآ الله لآيعيد ذآك اليوم ، هيووووف يلله عآد ترى كلهآ نص سآعه بالكثير ورآجعين ، شويه خرآبيط نآخذهآ ونرجع ، تكفين جونآ بآآآآآيخ
هيفآ : اصلاً مآيمدينآ نشوف فيلم ولآ هم يحزنون ، نآظري السآعه يآمآمآ ، على مآنطلع ونرجع يكون الوقت تأخر ، متى أرجع البيت !
سآره : وش يرجعك البيت ! نآمي بس عندي والصبآح نقوم بدري ونمر على بيتكم تلبسين وتآخذين دروسك وندزهآ للمدرسه
هيفآ : يآآآآلعنك لآحطيتي شي برآسك جبتيه ، يلله قدآم
سآره وهي تضحك : سآره والأجر على الله ، فليهآ يآحبيبتي ، بآتسر أعرس وأروح عنك وتنوحين علي نوح تقولين يآآآآآآآآآليتني مآقلت لهآ لآ
هيفآ : يآعليك مصطلحآت ! سوفآآآآآج !
سآره : يآبثرك لآقمتي تلوين حنكك ، تذكريني بشيخه المآصله _ وفجأه وقفت ومسكت يد هيفآ _ سمعتي صوت سيآره !
هيفآ : إيه _ وبخوف _ بسرعه خل نرجع ، لآيكون عمي فهد ونتورط
سآره : اللي مآرجعت ، إمشي بس نتخبى ورآ الحديقه وإذآ دخل طلعنآ بسرعه
هيفآ : لآلآلآ أنآ خآيفه
.. : خير إنتي ويآهآ ! على وين إن شآءالله !
لفت سآره وهي حآطه يدهآ على قلبهآ ، تنهدت : مآآآآآآآآحق إن شآآآآآءالله ، طيحت قلبي
سلطآن : مآآحق يمحق مخك يآغبيه ، إنتي متى تبطلين هالدعآوي اللي كنهآ وجهك ! إفرضي صدفت وقت إستجآبه ! أروح وطي أنآ !
سآره وهي تضحك : يخآآآآف على عمره ، قطو قطووو بسبع اروآح مآينخآف عليك
هيفآ وهي تضربهآ بكوعهآ : يآحمآره إذكري الله
سآره وهي تلف على هيفآ : وش عنننننننندهآ محآمي الدفآع !
هيفآ بخجل : مآأحب هالدعآوي ، كم مره أقولك لآتدعين على أحد !
سلطآن : كفووو والله بنت العم ، فزعت لي مهوب مثل بعض النآآآس
سآره بإستغرآب : وش عندهآآآ هيوف فآزعه مع سليطين ! أقول لآتخليني أنكبك الحين قدآمه
هيفآ وهي ميته إحرآج : الشرهه علي اللي مطآوعتك _ ولفت بترجع للبيت _ مره ثآنية تقولين تعآلي نطلع ألعن وجهك
سآره تضحك وهي تسحبهآ : إيه هذي هيوف الخبله ، مهوب اللي تو ، إمشي بس لآتستحين من ذآ ، ترى صدق انه طويل بس على قولة القآيل الطول طول نخله والعقل عقل _ وسكتت لمآ شآفت
سلطآن جآي لهآ _ خلآص خلآص والله أتوب
سلطآن : إنتي يبي لك من يقص لسآنك ، بعدين وين انتي ويآهآ طآلعين !
سآره : هذي هيوف تبي شغلآت من التميمي ومآعندهآ أحد يوديهآ ، ويعني هي تبي شغلآت خآصه مآتقدر تروح مع عسآف
هيفآ بشهقه : يآكذآبه !
سلطآن وهو يضحك : إطلعوآ بسرعه قبل مآيجي ابوي ويحوسكم
دخل سلطآن للبيت ، وطلعت سآره مع هيفآ للسيآره ، طول الطريق كآنت سآره تضحك على شكل هيفآ المستحيه
هيفآ : سخيييييييييفه والله مآلك دآعي ، الحين وش يقول ! تلقينه يفكر وش الشغلآت الخآصة
سآره : وإنتي وش عليك من تفكيره ! هيفوووووه ! ترى حركآتك هاليومين مآآآآش مهيب عآجبتني ، منتيب خآليه ، طلعي اللي في بطنك
هيفآ وهي مستحيه : خير إنتي ! أفكآرك الغبيه خليهآ لك لو سمحتي
سآره : كذآآآآبه _ نطت عليهآ _ هيووف يلله عآد أنآ بنت عمك وصديقتك وحبيبتك وكل أبو شي ، علمييييييني بلييييييييز
هيفآ وهي تبعدهآ : وخري وخري عني ، مصدقه عمرك إنتي حبيبتي ! منآك تكفين
سآره : حبيبتك غصباً عنك
هيفآ : ضحكتيني وأنآ مآودي أضحك ، سويرررره وجع قومي عني ، ذبحتييييييني ، الله يفضحك ترى السيآره مو مضلله
سآره : والله مآأقوم لين مآتعلميني وش عندك !
هيفآ : طيييييييب والله بعلمك بس قومي
سآره وهي توخر عنهآ : يآحمآره يعني لو مآإتخذت هالإجرآء معك مآكآن عندك طآري تعلميني
هيفآ وهي تضحك : حلوووووه يآأم الإجرآءآت انتي ، تكفين لآتعيدينهآ مهوب لآيق ، بعدين صآحيه إنتي ! صح إنك مبثرتني ومطفشتني بحيآتي وين مآاروح قدآم خشتي بس بعد مآأقدر أخبي عنك
سآره : أدري أدري إنك بدوني ولآ شي ، يلله إخلصي لآتضيعين السآلفه
سكتت هيفآ مو عآرفه وش تقول لسآره ، فجأه قآلت لهآ سآره : تحبينه !
هيفآ لفت لهآ بسرعه ، إنصدمت من تصريح سآره : هآآه !
سآره : يآآآآآآحمآره ولآتعلميني !
هيفآ : هيه إنتي لآآ مآأحبه ، إلآ إلآ ، يوووه مآأعرف
سآره وهي تضحك : يآآآآآحليلهآ هيوووف تحب اخوي ، وأنآ أقول وش عندهآآآآ هيفآ كل مآشآفت أمي قآمت تنآقز وتسوي أنآ البنت السنعه ، أثآآآريك تخططين على أخوي
هيفآ وهي تضرب سآره : لآآآآآآ ! إنتي ليه تفكيرك كذآ ! والله إخوك مآله شغل ، تدرين إني أحب خآله موضي من زمآن ، مآله شغل إخوك
سآره : أدري أدري ، بس عآد مآلقيتي الا سلطآن !
هيفآ : مو شغلك
سآره : مووو شغلي ! هيييييين أنآ أوريك ، هذآ وأنآ قآيله لأمي تخطبك له ، بس منتيب كفو من يفزع لك ، أنآ أوريك يالخآيسه
هيفآ وهي تفتح البآب : الله لآيحوجني لفزعتك ، إنزلي بس وخلصينآ
سآره : إنحآشي الحين ، بس أنآ ورآك والزمن طويل ..












دخل البيت وهو يضحك من جوآ على هبآل إخته اللي مآيخلص ، سبحآن الله فرق بين اخوآته الثنتين ، وحده هآآآديه ومسآلمه وفي حآلهآ ، والثآنية لسآنهآ طويل ولآتخلي أحد في حآله
دخل الصآله ولآ لقى فيهآ أحد ، إستغرب وين اهله فيه ، بالعآده هالوقت كلهم موجودين
ميري : مآمآ ، بآبآ ، سآره ، خآلد كلووو مآفيه بس شيخه فوق
سلطآن بخرعه : وووجع يالغبيه ، كم مره أقولك لآتخوفيني كذآ ! إنتي من وين تطلعين
ميري : إنتآ مآفيه كلآم كتير أنآ ، يلله فوق
سلطآن : لآ والله كف أزين ، منآك أشوف عن وجهي

طلع الدرج ونفس الحآله مآحصل أحد فوق ، دخل غرفته وسكر البآب ، كآن ميت تعب وفيه نووم ، يدور بس المخده ، بدل ملآبسه على السريع وطفآ النور
كآن متوقع أول مآيوصل سريره يدآهمه النوم ، من غمض عينه طلعت له صورتهآ ، يحبهآ بس مآيدري كيف يوصل لهآ ، من زمآن وقلبه لهآ بس من لمحهآ في بيتهم
أيآم العزآ وهو يدخل الأغرآض مآقدر يطلعهآ من بآله ، من بعد هذآك اليوم وحآله منقلب ، لآ ليله ليل ولآ نهآره نهآر ، صآر يسرح فيهآ بكل مكآن
حتى بدآومه مو قآدر يركز ، والحين في عز التعب اللي هو فيه تطلع له وتحرمه نومه ..
جلس على حيله وبعد اللحآف عنه _ أووووووووف ، لآآآآآآآآ هذي مهيب حآله ، بنجن والله بيطير عقلي ، لآآآآزم أوصل لهآ ، بس كيف ! ، شيخه ولآ تصلح لذآ الأمور أبد
وسآره والله إن مآيبقى أحد بالشرقيه ولآ الريآض مآعرف ، أفآتح أمي بالموضوع وأخلص ! ، لآلآلآ مآيصلح _ مآبين فكره وفكره طلع من غرفته ورآسه مصدع

لقى نفسه قدآم غرفة شيخه ، طق البآب ولآ إنتظر ردهآ ، فتحه ودخل
شيخه : سلطآن ! إنت متى جيت !
سلطآن : مآلي سآعه ، وين أهلي !
شيخه : أمي وأبوي طآلعين يتقضون للبيت ، وسآره مع هيفآ ، وخآلد تعرفه مآله وقت يرجع البيت ، مآفيه إلآ أنآ
سلطآن : آهآآآآ ، وإنتي وش يقعدك لحآلك ! ليه مآتجلسين مع البنآت !
شيخه : لآ تكفى ، مآلي خلق ، بعدين عندي بحث وقآعده أشتغل عليه
سلطآن : قوآك الله _ بعد تردد _ إلآآآآ شيخه ، أدق على بيت عمتي نوره مآيردون ، هي مآعندهآ جوآل !
شيخه : غريبه مآيردون ، إنت وش تبي في عمتي !
سلطآن : أبد ! بس بغيت أسلم عليهآ
شيخه : عمتي مآعندهآ جوآل ، بس هم دآيم يردون على الثآبت ، حتى اليوم العصر سآره كآنت تكلم أمل ، يعني ثآبتهم شغآل
سلطآن بدآخله _ حلوووو ، إختصرتي علي مشوآآآر _ : تكلم أمل بالثآبت ! غريبه ! خبري فيكم يالبنآت مآتتعآملون إلآ بالجوآلآت
شيخه : لآلآ أمل مآعندهآ جوآل
سلطآن بإستغرآب : أممممممآآآآ عآآآآآد
شيخه : إي والله مآعندهآ ، لآتستغرب ، ترى أمل مآتهمهآ هالأشيآء أبد أبد
سلطآن : مستحيل ، الجوآل صآر ضروره هالأيآم ، ووووين مآعندهآ !
شيخه بإستغرآب : ترى عآدي كثير بنآت مآعندهم ، بعدين أمل كآنت تستخدم جوآل إبوهآ الله يرحمه إذآ إحتآجت ، وهو الحين معهآ أكيد
سلطآن _ ايووووه وصلنآ خير _ : المهم ، يعني مآعندك لعمتي رقم ثآني
شيخه : لآ والله
سلطآن : أووكِ ، تصبحين على خير
طلع من غرفتهآ وهم مبتسم ، مآيدري وش سر هالفرح اللي بدآخله ، عرف وأخيراً إنهآ معهآ جوآل إبوهآ ، والرقم عنده ، يعني سهله إنه يدق عليهآ
مآيدري كيف بيتصرف ، ولآ هو قآدر حتى يفكر بشي ، رجع لغرفته وبمجرد مآحط رآسه على المخده ، دخل في نووم عميييييق ..











إملكِني
دَآم إنِي مَآفكَرت فِي سوَآك
تِدري إنهُم كَم تمنّوآ !
بَس صَعبَه يوصلوُن ..
لآحَدّونِي صُوب غِيرك
قِلت : مَآأبي غِير ذآآآآآآك ..
[ تصبَح عَ خيـــر ]


سكر جوآله ورمآه على جنب ، تأفف بدآخله من هالمسجآت اللي لهآ شهر مزعجته ، تسآئل عن صآحب هالرسآيل من يكون ! ، يصير وآحد من أصدقآه مسوي فيه مقلب ! إستعبد هالفكره
لأنهآ مستحيله تكون من وآحد يعرفه ، هذآ شخص فآضي مستلمه مآعنده إلآ هو ، وقف سيآرته في الموآقف ونزل ، مشى في حديقة بيتهم الوآسعه ، مآله مزآج لأي شي
نفسيته هاليومين مو مضبوطه ، نوم ملخبط ودوآم مزعج وسهر وصدآع ، عمره كله مآتعود على كذآ ، من زمآن وهو نظآمي بس مآيدري وش اللي صآر وقلب هالحآل ، جلس على أحد الكرآسي الموجوده
واللي تطل على المسبح الكبير ، أرخى جسمه وغمض عيونه

_ اليوم الإثنين ، والخميس ميلآدهآ ، كيف أحوآلهآ ! مبسوطه ! متضآيقه ! مرتآحه ! نآقصهآ شي ! ، ليه مقدر أكون قريب ! ليه قلبي معورني وأحس فيه شي ! ، لمتى بأبقى على هالحآل !
من صآحب هالرسآيل اللي مقلق رآحتي ! أنآ وش فيني مو قآدر أسيطر على نفسي ! ، مآلي إلآ مضآوي ، بكره إن شآءالله ألقى وقت أحكي معهآ فيه _
قآم من مكآنه ودخل البيت ، طآلع سآعته ولقآهآ قريب الوحده ، أكيد كلهم نآيمين ، فعلاً دخل البيت ولقى أنوآره كلهآ طآفيه ، جآ بيصعد الدرج وحس بصوت جهة المطبخ ، لف بيروح الا صآدفته مضآوي

مضآوي وهي خآيفه : بسسسسم الله ، روعتني
حمد بإبتسآمه : بسم الله عليك ، وش عندك كأنك قطو مطآعم قآعده تمشين في الظلآم
مضآوي : لآ والله ! قطو ! الله يسآمحك بس
حمد يضحك : إنتي مآتتركين عنك الحسآسية الزآيده ! ليه مآبعد نمتي !
مضآوي : إلآ نمت ، بس من شوي توعيت وحسيت إني عطشآنه ، نزلت أشرب
حمد : كلهم نآيمين !
مضآوي : أكيد ، مآتعودنآ أحد يقعد في بيتنآ لهالحزه _ وبعد لحظة صمت _ إلآ إنت هالفتره
حمد وهو رآفع يدينه دليل الإستسلآم : أنآآآ طآآآلع أنآم
مضآوي وهي تمسك يده : حمد ! _ لمآ لف عليهآ _ وش فيك ! حآلك مو عآجبني أبد !
حمد : مآفيني الا العآفيه
مضآوي : ترى أنآ مضآوي ، مآتقدر تخبي عني _ سحبته وفتحت نور الصآله الجآنبي وجلسته وجلست معه _ قل لي اللي بخآطرك
حمد : كأنك تدرين إني تو أهوجس واقول بكره بحآول أحكي مع مضآوي
مضآوي بإبتسآمه : هذآ انآ عندك والبيت فآضي ، وش فيك !
حمد نزل رآسه : مدري ، فيني ضيقه ، أحس الكون كله كآتم على صدري
مضآوي : فيه شي متغير عليك ! عندك ضغط بالعمل !
حمد : لآ أبد ، كل إموري مستقره ولله الحمد ، بس _ بعد تردد _ نتكلم بصرآحه !
مضآوي : يآليت
حمد : أمل
مضآوي : وش فيهآ !
حمد : أحسهآ بعيده
مضآوي : بالعكس ، أنآ أحس أمل تميل لك كثير ، مقدر أقولك بثقه إنهآ تحبك ، بس عندي إحسآس قوي إنو بدآخلهآ فيه شعور تجآهك
حمد : مو قصدي هالنآحيه ، يكفيني إني أنآ أحبهآ _ لف على مضآوي _ مضآوي مستقبلي معهآ مقلقني
مضآوي : كيف !
حمد : أيآم مآكنت أطلع مع عمي عبدالله الله يرحمه للمزرعه ، كآن يحكي لي عنهآ ، أو بالأصح يحكي لي عن عيآله كلهم ، يعور قلبي كثير ، ترى يآمضآوي وضع بيت عمي حيييييييل صعب
محمد ووضعه ، عبدالعزيز وضعف شخصيته ، مآجد وسيطرته كلهآ أشيآء كآنت متعبه عمي على حيآته ، سألني إن كنت أبغآهآ وقلت له إيه ، قآلي خذهآ على حيآتي وقدآم عيني مآأضمنهآ لك
بعد موتي ولآ أضمن لهآ رجآل صآلح يحآفظ عليهآ ، إستبعدت هالأفكآر الشينه من رآس عمي ، بس ليتني طآوعته
مضآوي : بس مآأظن إنك لو طلبتهآ بيرفضون ، ليه هم يلقون أحسن منك !
حمد : يآآآمضآوي خلينآ من هآلجآنب ، إتركي موآصفآتي على جنب ، شوفي علآقتي بالعيآل كيف !
مضآوي : محمد مسكين من اول مآله علآقه بأحد وعبدالعزيز أحسه عآدي ومآجد _ وسكتت _ !
حمد : ليه سكتي ! كملي
مضآوي : قصدك مآجد ممكن يوقف في طريقكم !
حمد : مآآآآجد إنسآن مريض ، حآقد على سوآلف قديمة إحنآ مآلنآ شغل فيهآ ، مستحيل يعدي موضوعنآ على خير ، أنآ لو بس أضمن خآلتي !
مضآوي : خآلتي مسكينه مآفيهآ حيل لمآجد ومشآكله
حمد : تعبت يآمضآوي تعبت ، الكل حولي سلبي مآأدري وين الحل
مضآوي : حمد إنت إنتظر شوي ، لآتتعب نفسك بالتفكير ، أصلاً بآقي على الإجآزة وقت ، ومن هنآ لوقتهآ ربي بيحلهآ إن شآءالله
حمد لمآ لآحظ إن إخته تأزمت من موضوعه ، حب يغير جو شوي ، قآل لهآ بإبتسآمه : الخميس ميلآدهآ ، صح !
مضآوي : إيه ، يمه منك تذكر !
حمد : شلون أنسى ! _ لف على مضآوي وهو مبتسم _ في رآسي موآل
مضآوي وهي تضحك : أيوووووه ، سبحآن الله تبدلت أحوآله على طول ، وش عندك !
حمد : بمآ إنه الإمتحآنآت قربت والنفسيآت مش ولآ بد ، وهذي منآسبة مآتتفوت ، شرآيك أحتفل فيهآ !
مضآوي : نعـــم ! تحتفل فيهآ !
حمد : أقصصصد تحتفلون فيهآ ، بس طبعاً تحت إشرآفي بدون محد يدري
مضآوي سكتت لحظه ، وبعد مآإستوعبت كلآم إخوهآ ضحكت : إنت ثقيل وهي تستحي ، مدري كيف بتعيشون ! طيب قول لي كيف !
حمد : إنتي جيبيهآ عندي وإطلعي منهآ ، شوفي يآطويلة العمر والسلآمه ، أنآ مستعد أوديك للمكآن اللي تبينه ، بس تسوون لهآ حفله معتبره ، أبي تتغير نفسيتهآ شوي
مضآوي : والله ! تفرفر فيني للمكآن اللي أبي
حمد وهو يهز رآسه : تآمرين بس هآآآآه قدآم عنود ودآنه يكون الموضوع بطلب منك انآ مآلي دخل _ سكت لحظه بعدين قآل _ بس بشرط
مضآوي : آهآآآآآ قل كذآ من اول ، وشو شرطك !











.. : اليوم بدينآ في آخر فصل من الكتآب ، أتمنى تركزون معي زين لأن في الغآلب أسئلة الوزآره تكون منه ، واللي منزلة رآسهآ على الكتآب ترفعه
حست إن الجو هآدئ بعد مآكآنت الإستآذه تتكلم ووشوشة البنآت ، رفعت رآسهآ وشآفت نظرآت البنآت حولهآ والإستآذه مركزه فيهآ ، على طول حمّر وجههآ
أمل : آآآمممم كنت أرآجع مسأله من الفصل اللي فآت ، مآإقتنعت بطريقة حلهآ
فهده : وش دخلللللللك فيهآ ، إلآ غصب تقتنعين بطريقة حلهآ ! أهم شي حلوهآ وخلصنآ
نوآل : تحب الشقآ
إستآذة فوزية : مآشآءالله عليك يآأمل ، إنتي ذكيه بس أبيك تنتبهين معآي واللي مآتفهمينه ترآجعيني بعد مآتخلص الحصه
فهده : والله يآإستآذه مآشآءالله عليك مآتخلين وقت ، تحللين أوووم الـ 45 دقيقه
إستآذة فوزية : لو تستغلين لسآنك الطويل وتخلينه يركز في دروسك كآن فلحتي ، إن كنتي نآسية ترى درجتك
فهده تقآطعهآ : آفآآآآآآ يآإستآذه حلوين كنآ ، وش فيك تبين تكبين عشآي عندهم !
إستآذة فوزية وهي تضحك : أبيك تنتبهين أكثر ، حرآم يآفهده تنخسفين حآولي تجمعين اللي تقدرين عليه من الدرجآت لآحقه على الخسف في النهآئي
فهده : أعوووذ بالله من شر مآيقولون ، فليهآ يآإستآذه وربك بيحلهآ ، جآمعه ولآ رآح أدخل وشوله أتعّب عمري !

إستغربوآ البنآت من فهده ، مآعمرهم تكلموآ بموضوع الجآمعة بشكل جدي ، بس الكل كآن حآط في بآله إن الثآنوية مآهي أخر مكآن يجمعهم ، متأملين بالجآمعه على رغم اختلآف التخصصآت اكيد
بوسط هالأفكآر قآلت إستآذتهم : أفآآ يآفهده ! ترى مآأقول هالكلآم عشآن أحطمك ! بعدين ليه مآتدخلين جآمعه ! _ لفت على بآقي الفصل _ فيه أحد مآوده يكمل تعليمه !
تعآلت أصوآت البنآت ، اللي مؤيده وأحلآمهآ كبيره وتتكلم عن القسم اللي ودهآ تدخل فيه بحمآس ، واللي معآرضه وأفكآرهآ مآتتعدآ إنهآ تنجح ولآ تعيد دور ثآني !
نوآل : ستوووووب ستووووووب _ بعد مآهدآ الفصل شوي _ إعنبوآ بليسكن صدز بنآت ! مآصدقتوآ على الله تعطيكن فرصه ! بالدووور
فهده لآفه على نوآل وهي تضحك : كفك كفك تكفين ، مصريآت مآينعطن وجه
إستآذه فوزية وهي تقآوم ضحكتهآ : يلله بنآت بالدور ونبدآ من عند أمل ، هآه يآأمل وش نآويه عليه
إبتسمت لمآ شآفت نظرآت البنآت لهآ ، كآنت تعرف إنهآ أشطر وحده في فصلهم ، ويعتبرونهآ المعلمآت من أشطر البنآت في المدرسه كلهآ ، مآعمرهآ تكلمت بصوت عآلي عن طموحهآ
فهده : بلعتي لسآنك ! تسألتس أبله فوزية
عبير : خليني أجآوب عنك ، ودي أجرب أعيش دور الطموحه
أمل وهي تضحك : تكلمي عن طموحك إنتي _ رفعت رآسهآ _ بإذن الله طب
إبتسمت لهآ المعلمه : كنت متوقعه ، بنت بشطآرتك حرآم مآتدخل طب وإنتي بإذن الله قده ، الله يوفقك ويحقق لك حلمك تستآهلين يآأمل ، وإنتي يآفهده !
فهده : طب _ لمآ شآفت إستغرآب البنآت _ وش فيكم ! طب في بيتنآ ، بأفتح المجلس الخآرجي عيآدة وأوظف فيهآ هالممآليح
نوآل بعد مآإنفجرت ضحك : يرحححححم لي إمك لآتفكرين

رن الجرس معلن إنتهآء الحصه ، طلعت المعلمه وهي تضحك على البنآت ، لفت فهده وأمل على نوآل وعبير اللي يجلسون ورآهم
قآلت عبير : أجل عيآدة في بيتكم ! كني أشوف المرضى كلهم جنوب أفريقيآ وإنتي حآطه لوح عرض ( أسعآرنآ رمزيه )
نوآل : لآتحقرينه ترى بيتهم يصلح ، المجلس غرفة كشف ، ومجلس الحريم طبيبة عآمة ، والمطبخ مختبر
فهده وهي تقآطعهم : شوفي يآكسرة الكليجآ وإنتي يآلخميره ، جربوآ تذبون مره ثآنية والله إني لأشرشحكم
أمل وهي تضحك : يعني يعني إنتي الحين مو قآعده تذبين
لفت فهده على أمل : مير تعآلي إنتي يآبطلة زمآنك _ ونعمت صوتهآ بطريقة تحآول تقلد فيهآ أمل _ بإذن الله طب _ رجعت صرخت _ متفآآآآآآآآآئله مع خشتك !
نوآل : اللي مآخلآتس مآجد بين هآلرجآجيل
أمل : لآ بنآت وش دعوه ! مآجد عآرف من على حيآة أبوي إني بدخل طب وأبوي الله يرحمه كآن موآفق مستحيل يخرب علي مآجد

سكتوآ البنآت مو مقتنعين بكلآمهآ ، بس مآحبوآ يضآيقونهآ فقآلت عبير وهي تطآلع سآعتهآ : يووووووه تأخرنآ حول نص سآعه _ وقفت وهي تلم اغرآضهآ وتحطهآ بشنطتهآ _ الحين ألقى محل أبو محمد مليآآآآآآآآن

فهده وهي تحط رآسهآ على الطآوله دليل الطفش : الله يعدم الفلآفل كلهآ كآنك طفشتيييييييينآ
أمل : امآآآآ عآآآد مرت نص سآعه ! لآلآ بنآت تكفون ترى أخآف أمشي بالشآرع لوحدي ، يلله يلله بسرعه


نزلوآ البنآت وفعلاً لقوآ المدرسه قد فضت الا من كم بنت ، لبسوآ عبآيآتهم بسرعه وطلعوآ
نوآل : تفخه هآنم ، ترى مآله دآعي نمر أبو محمد ، يكفي فدغ وفرم في هالأكل
فهده : من جد يالخميره ، خفي على عمرك وإرحمينآ كل يوم تمشورين بنآ
عبير : محد طقك على يدك وقآلك تعآلي معي ، اللي مآتبي تمشي معي بسلآمتهآ هذآ الشآرع قدآمهآ تروح
حسوآ البنآت انهآ تضآيقت ، فقآلت أمل : شدعوه عبورتي ! مآيصير نمزح معك !
فهده : ويآقلبو زعلت تفختي ! تفدآك الفلآفل ويفدآك ابو محمد بكبره ، بس يآعيني لآبغيتي ترمّين وتبلعين خل نطلع بدري من المدرسه لأن خبرك المحروسه النآعمه أمل تمشي بالأخير لحآلهآ
وجمس الهيئه _ تأشر على نوآل _ مآترضى لأمل تمشي لحآلهآ ، خبرك مآيجوز الوحده تمشي بدون محرم ، صح يآشيخ !
نوآل : إلفقيه منآك لآأفرشتس على هالرصيف ، عبيروه مره ثآنية تسوين نفستس زعله بيجيتس شي مآيرضيتس ، يلله إنجزي علينآ خذي لتس بلعه وإطلعي
دخلت عبير مع فهده لدآخل ، وامل ونوآل وقفوآ ينتظرونهآ برآ : نوآل وش فيك ! خفي على البنت حرآم ، ترى عبير عندهآ ظروف مره صعبه في البيت وأحس إنهآ تفرغ فينآ
لآتقعدين لهآ على الوحده
نوآل : أدري بظروفه بس يآامل ترى عبير مآتنعطى وجه ، لآخليتيه بحزنه والله إن تقعد طول العمر تبكبك ، لآزم نشد عليه ونبين له إن الأمور سهله ولآ به الا العآفيه
أمل : بس ولو _ قطعت أمل كلآمهآ ولفت على فهده اللي جت بسرعه _ وش فيييييييييك !
فهده وهي تكح وترفع غطآهآ عن وجههآ : ووووووووع الله يحوم كبدهآ ، زيت أسود أسوووود ، شلون تبلع منه مدري ! كتمني جعله الضربه
أمل وهي تضحك : فجعتيييني يآدوووب ، كيفهآ النفس ومآتشتهي إنتي وش تبين !

.. : أصير كولآ في يدك يآحلو
لفت على مصدر الصوت ، ولآ إرآدياً طآحت علبة الكولآ اللي كآنت بيدهآ ، حست الدنيآ حولهآ تدوووور ، ظلآم كل اللي حولهآ ظلآم ، حسوآ البنآت فيهآ ومسكتهآ فهده على طول قبل مآتطيح
.. : أموووت أنآ على النآس اللي تستحي
نوآل : لآلآ شرآيك بعد تجي تسحبه من عندنآ !
عثمآن _ صديق مآجد _ : أحد يحصل له هالحلو ويقول لآ !
نوآل : اقول توكل على الله وضف وجهك قبل مآيصير شي مآيعجبك
عثمآن بنظره لنوآل : والله قويه ! أنآ مآشي بس _ وقرب من عند أمل _ اليوم المغرب أتصل على البيت تردين علي ، سآمعه ترديييين علي
أمل وهي متمسكه في فهده ودموعهآ مآوقفت من الخوف ، قآلت فهده : أموولي حبيبي خلآص رآح ، إرفعي رآسك رآح
أمل : لآلآلآ أكيد بيلحقني ، قلت لكم أخآف أمشي لوحدي محد سمعني
نوآل حست بدآخلهآ إن عثمآن كلآمه مآيطمن ، وخصوصا وهي تعرف قوته بالحآره ، تظآهرت بالقوه قدآم البنآت : أقووول امشي بس ، بلآ أخآف ومآأخآف ، وش هالخكرنه اللي فيتس !
تخآفين من هالنجس ! هذآ ترى مثل البآلونه إنفخيه يطير
أمل : لآآآآآ نوآل لآتحآولين تهونينهآ علي ، مآسمعتي تهديده !
فهده : علمي عليه مآجد ، خليه يلعن وجهه ، مو هو صديقه !
عبير : صآحيه إنتي ! نآويتن على البنت ! إنتبببببهي تعلمين مآجد عليه ! هذآ كلب ممكن يقلبه عليهآ وتخبرين مآجد مآفي رآسه عقل ، عثمآن الصآدق وأمل الكذآبه ، الا تطنشه ولآ تعطيه مجآل لتهديدآته ، مصيره يمل
نوآل : صآدقه عبير ، ومن اليوم ورآيح نطلع بدري وكل يوم وحده توصلك ، إمشوآ يلله قبل مآيروح الوقت ..












.. : لآ يعني لآ ، أنآ أبي الفيصلية
.. : يالبقره ويننآ وين الفيصيلة ! خلآص شوفي حيآة مول وش كبرهآ ، بتلقين فيهآ اللي تبين
.. : أوووص بس على كيفك تخططين ! الفيصلية الفيصلية
.. : والله وطلع لك لسآن يالقزمه ! مير عنآد والله مآنطبهآ ، إدعس بس على حيآة مول
.. : بــــــــــس
مضآوي : لآ حشآ منتوآ صآحيآت ! دجآج إنتم تتنآقرون ! والله لو أدري مآأخذتكم
حمد : يمين بالله حرف زيآدة منكم لأنزلكم بوسط الشآرع ، بعدين أشوف قآعدين تخططون على كيفكم ! من طلب شوركم اصلاً !
مضآوي : خلآص حمد وسع صدرك
حمد : رفعوآ ضغطي ، يلله بسرعه وين تبون !
مضآوي : حيآة مول
العنود : يييييييييييس
دآنه : لآآآآآآآ ، مضآوي والله أنآ حآطه عيني على هدية هنآك ، ليه تروحين على شور العنود وهي اصلاً مآعندهآ شي تآخذه من هنآك !
مضآوي : أولاً يمكن تلقين هنآ شي يصلح لك وتآخذينه ، ثانياً لو مآعجبك شي عندك بكره تطلعين فيه ، ثالثاً حيآة مول بالوسط نبي الأسوآق اللي حوله
العنود : رآبعاً لستي بحآجة اختي الكبيره لتبرير مآتفعلينه لهذه الفتآة السقيمة ، تباً لكِ أيتهآ الحمقآء
حمد : عنود وبعدين مع استهبآلك اللي مآيخلص !
العنود : وأنآ وش قلت ! ترى أختك ذي دآبلتن تسبدي ، مآغير تتميع لي من الصبح ، شوووف ترآني من الحين اقولك ضفهآ عني لأتوطآ بطنهآ ، عآد عآد ترى أنآ ثالث مجبورين تتحملون
نفسيتي
مضآوي : تكفيييييين يللي حآسة بعمرك ! إنتي إنتبهي لدروسك أول بعدين لو بغيتي نحطك بعيونآ مآقلنآ لآ
العنود : بسم الله علي بسم الله علي أشوآ إني جبت بالرياضيات الدرجة الكآمله
دآنه بقهر : مو منك يالعنز ، الله يعآفي أمول اللي فجرتي مخهآ بتنآحتك يالغبيه
العنود وهي تضرب دآنه بالشنطه : مآقلت لكم فآقعه مرآرتي ! بعدين تشرح لي أحسن من اني أخذ دفآتري كلهآ أخلي خلق الله يسآعدوني أكملهآ
مضآوي وحمد فطسوآ ضحك ، مضآوي : طلعوآ طلعوآ فضآيحكم ، يآآآآآرب لك الحمد على العقل
العنود : أقول مضآوي ، الحين ترى إحنآ مدهرين وقآعدين نحوووس لأمول ، طيب وإذآ مآرضت خآلتي تخليهآ تجي عندنآ !
مضآوي : لآلآ مآأظن خآلتي ترفض
العنود : ايه خآلتي مآترفض بس النذل مآجد بيرفض وخصوصاً إنه لبيتنآ ، نسيتي آخر مره رحنآ لهم وش سوآ فينآ !
حمد : وش سوآ !
مضآوي بإرتبآك من زلة العنود : لآلآ مآسوآ شي ، بس إستغرب من زيآرتنآ
دآنه : عآد لو كآن مستغرب يقوم يتلآسن مع العنود ، أنآ أكرهه أحسه قليل أدب
مضآوي : دآنه ! محد طلب رآيك
حمد لف وجهه لمضآوي : بتقولين وش صآر وإلآ شلون !
مضآوي : خلآص يآحمد مآصآر شي ، سوء تفآهم بين مآجد والعنود ، ومآشآءالله إختك مو نآقصهآ لسآن تآخذ حقهآ وزود
العنود حست إن الجو تكهرب وخآفت إن حمد يستلمهآ وهو لو عرف باللي صآر بينهآ وبين مآجد مستحيل يعديهآ على خير : طيب مضآوي وش رآيك أكلم خآلتي الحين وأستأذنهآ !
مضآوي : فكرة ، دقي إنتي عليهآ وإنشبي لهآ
العنود طلعت جوآلهآ وبدت تدق على بيت خآلتهآ وتدعي بدآخلهآ مآيرد عليهآ مآجد وتتوهق قدآم حمد : مع إنك تلمحين لي إني نشبة وغثه بس يلله بأمشيهآ لك _ لمآ وصلهآ صوت تهآني ، حمدت
ربهآ بدآخلهآ _ مرحبآ أم عبدالله ، خآلتي موجوده ! _ بعدت الجوآل وقآلت _ آآآآعععععع أكره هالإنسآنه
مضآوي : وجع لآتسمعك ، إنتي من يسلم من لسآنك
وصل للعنود صوت خآلتهآ : هلآ هلآ والله بالغآلية خآلتي
أم محمد : هلآ بحبيبتي ، شلونك يمي !
العنود بمحبه : من سمعت صوتك وأنآ بخير ، طمنيني عنك يالغآلية ! شخبآرك ! وكيف صحتك !
أم محمد : الحمد لله أنآ بخير ، وش أخبآر الدرآسه عسآك شآدة حيلك
العنود وهي تضحك : إيييييييه شآدته وبقوه لممممآ إنقطع
أم محمد وهي تضحك : الله يصلحك يآبنتي ، إتركي اللعب عنك ترى كلهآ كم شهر وتخلصون وترتآحين
العنود : أبشششري ولآ يهمك مآلك إلآ اللي يرضيك ، الا خآلتو بغيتك بطلب
أم محمد : أمريني يمي
العنود : مآيآمر عليك ظآلم يآلغآلية ، بدون لف ودورآن وتعقيدآت وشرطه وبهذله ، يوم الخميس عيد ميلآد أمول ويعني أنآ وآخوآتي مسوين لهآ حفلة صغيرونه بالبيت مآفيهآ الا احنآ يالبنآت
طبعاً أمول مآتدري وبعد إذنك يآخآلتي بغيتك تسمحين لهآ تجي عندنآ
أم محمد بتردد : والله يآبنتي تعرفين إني مآأكره إنهآ تجيكم ، بس إنتي خآبره أخوآنهآ وش بيقولون ! أبوهآ توه ميت وهي رآيحه تحتفل !
العنود : لآلآلآ يآخآلتي مححححد بيدري ، حتى هي بنفسهآ مآرآح تدري الا اذا وصلت وشآفت الحفله
أم محمد : إييييييه ، طيب يآبنتي والله لو هي علي مآأمآنع بس وش بقول لأخوآنهآ !
العنود : خآلتي تكفييييين طلبتك دبريهآ بمعرفتك ، قولي لهم أي شي وإحنآ بنمرهآ نآخذهآ ونرجعهآ
أم محمد : لآلآ والله لو شآفهآ مآجد رآكبتن مع سوآق لآيحش رجولهآ
العنود : طيب خلآص تمرهآ مضآوي مع نآصر وإلآ حتى أمي لو بغيتي ، خآلتي تكفين هي مره خلينآ ننبسط قبل الامتحآنآت ، بعدين إنتي شآيفه النفسيآت كيف !
أم محمد : طيب خلآص أنآ بأدبرهآ مع أخوآنهآ بس لآتجي السآعه 11 الا هي عندي
العنود بإبتسآمه : أبد ولآ يصير خآطرك الا طيب ، 11 بالضبط هي عندك ، إيه خآلتي بعد قولي لمشآعل تخلي بنآتهآ يجون
أم محمد : إن شآءالله
العنود : خلآص خآلتي ترآني إعتمدت عليك ، الخميس قبل المغرب تمرهآ مضآوي مع نآصر يآخذونهآ ، تآمريني بشي !
ام محمد : على خير إن شآءالله ، مآبي الا سلآمتك يمي
العنود : الله يسلمك يالغآليه ، فمآن الله _ سكرت العنود جوآلهآ وهي مبسوطه _ ييييييييييييس ، شرآيكم فيني بالله ! وش إنتم بدوني !
مضآوي : من قآلك تقررين عني وتقولين لهآ بتمرهآ مضآوي هآآآآه !
العنود وهي تقرب من مضآوي وتكلمهآ بصوت محد يسمعه : يآلغبيه أجل من يمرهآ ! أنآ لو شآفني مآجد يمين بالله إن تقوم الحرب بينآ ، ودآنه صغيره مآرآح يرضى ، مآفيه الا إنتي
مضآوي : إخخخخس ياللي تعرف تفكر ! أتحفتيني صرآحه
العنود وهي نآفخه ريشهآ : قآيله لكم وش إنتم بدوني !
حمد : خلص المؤتمر السري ! إنزلي إنتي ويآهآ وعجلوآ علي
مضآوي بإبتسآمه : لآ حبيبي مآفيه بسرعه _ قربت من حمد _ نسينآ الوعد !
حمد وهو يضحك : إنزلي إنزلي ، الله لآيحدني لك












كآن المجلس مليآن حريم أغلبهم من الطبقة الثرية ، وحده تحكي عن إنجآزآت زوجهآ ، والثآنية تتكلم عن طموح أولآدهآ ، والثآلثة تشكي من شقآوة أولآدهآ ، ووحده تحكي لهم قصتهآ
عن آخر جولة في دول أوروبآ ، والأخيره تستعرض وتقول لهم حكآيتهآ في آخر متحف فني إمتلكت فيه أغلى لوحه موقعه بصآحبهآ

إلآ هي ، كآنت مُهمشه ، من بدآية السهره كآنت سآكته ، إلآ من بعض الكلمآت مثل ( تفضلي ، سمي يآفلآنه ، آمري بغيتي شي ... الخ ) ، مآكآن مسموح لهآ تدخل في أي حوآر ،
ومن الممنوعآت إنهآ تجلس كأي إمرأه كآنت حآضرة السهره ، وجودهآ كآن لغرض الخدمه وبس بدون أي إعترآض أو نقآش


هي مهآ ، الإنسآنة الطيبة اللي تعطي بدون مقآبل ، كآنت تخدم خآلتهآ إم زوجهآ اللي تعتبرهآ مثل أمهآ ، بس لكل شي حد ، وخآلتهآ تعدت كل الحدود ، مآتذكر إنهآ سوت شي يزعلهآ
أو مآقآمت بحق لهم ، مع كل هذآ مهآ مآكآنت تعترض أبد ، وحتى بينهآ وبين زوجهآ مآعمرهآ إشتكت
أم متعب : مهآآآآآآآ ، مآتشوفين الضيوف خلصوآ قهوه ! وين الشآهي ! والا عآجبتك السوآلف ونسيتي إنتي هنآ لوشو !
مهآ بإرتبآك : السموحه خآلتي ، سهيت شوي

بسرعه لمت القهوه وشآلتهآ من عندهم ، كآنت من قبل مجهزة الشآهي وتوآبعه ، أول مآرجعت للمجلس كآنت خآلتهآ بوجههآ : غبيه إنتي ! أقولك بسرعه مآتفهمين وشو بسرعه !
إنصدمت مهآ من عصبيتهآ : إن شآءالله هذآ كل شي جآهز
أم متعب : بسرعه أشوف قدآمي ، مدري متى تصيرين سنعه !
مهآ بدآخلهآ _ أنآ اللي متى أصير سنعه وإلآ بنآتك اللي حآطين رجل على رجل ! _ : إرتآحي يآخآلتي وكل شي بيعجبك

بدت مهآ تقدم الشآهي ، ولمآ وصلت لنص المجلس ، جتهآ خآلتهآ وسحبتهآ من يدهآ من فوق : كم مرررره أقولك لآبغيتي تقدمين لأحد ، قدميه من اليمين مو اليسآر !
أم فيصل : يؤ ياأم متعب ! وش فيك الله يهديك ! أربكتي البنت
أم متعب : تعبت وأنآ أفهمهآ شلون تصير سنعه وتفهم في الإتيكيت ، مير مهوب غريبه عليهآ ، بنت الفقر عمرهآ مآتتعلم
حآولت مآترمش لأنهآ لو غمضت عينهآ بتنزل دموعهآ اللي مستحيل توقف ، بلعت غصتهآ وكملت تقديمهآ للحريم تحت إرتبآكهآ اللي كآن وآضح للكل
أم فيصل : لآ عآد يآأم متعب ، الظلم ظلمآت يوم القيآمه ، بسم الله عليهآ أم زيآد كآمله والكآمل الله
أم متعب : وييييييين كآمله معه ! يآحسره بس ولدي اللي إنظلم معهآ
أم فيصل : إنظلم ! إلآ مآشآءالله يآبخته ، جميلة ومتعلمه وبنت أصل وذوق وين يلقى أحسن منهآ !
أم متعب : وحآفية منتفه مآعمرهآ شآفت خير _ لفت على مهآ _ تقدرين تروحين وإذآ بغيتك طلبتك

إبتسمت مهآ للحريم وإستأذنتهم وطلعت على شقتهآ فوق ، كآنوآ مآبين شآمتين فيهآ ومستحقرينهآ ، ومآبين نآقد لأم متعب ومآيشوفهآ إلآ بكل إحترآم
قآلت أم مهند لأم فيصل : أستغرب في أم متعب ، وحده من طبقة رآقية كيف تعآمل مرت ولدهآ بهالطريقة !
أم فيصل : يآحرآم أحرجتهآ قدآمنآ ، وهي بنت النآس مآقآلت كلمه ، لو وحده غيرهآ ردت لهآ الصآع صآعين
أم مهند : والله صآدقة بنآت هالوقت قويآت
أم فيصل بحسره : يآليت ألقى لفيصل ولدي وحده بأخلآقهآ ، الله الرآزق والا متعب الصآيع يآخذ بنت بهالاخلآق !
أم مهند : نصيب وأنآ إختك ، إلآ معآذ مآتفكرين تزوجينه !
أم فيصل : وين أزوجه معه ! هو من أفتح معه هالموضوع يتهرب
أم مهند : اسمحي لي بس اللي شآفه مع حرمته الاولى مو شوي
أم فيصل : تعلميني فيهآ ! جعل مآجآ ولدي تكفير منهآ ، بس يآختي ودي يتزوج ، أبي له يستقر مع بنت حلآل تدآريه وتدآري عيآله
أم مهند : الله كريم ، لآتضغطون عليه هو من رآسه بيجي يوم يقولك أبي اتزوج
أم فيصل : الله يسمع منك ..



سكرت بآب الشقه وتسندت عليه ، كآن اليوم صعب صععععب كثير ، في كل مره تحآول تهدي نفسهآ وتصبرهآ بإن هذآ طبع خآلتهآ اللي مفروض تتعود عليه ، بس إلآ الإهآنه
هي قآعده تهينهآ قدآم كل النآس ، طيب وش هو ذنبهآ ! ، ليه تعآملهآ بهالطريقة وهي مآغلطت ، لقت نفسهآ وهي تفكر بتنهآر
أخذت سمآعة التليفون ودقت أرقآم أهلهآ ، وصل لهآ الصوت اللي تحبه ، الصوت اللي يصبرهآ دآيم ، الصوت اللي يآكثر مآتحتآجه
مهآ : هلآ بهالصوت
أمل : هلآ بالغآآآآلية ، هلآ بأم زيآد ، كيفك يآقلبي !
مهآ : أنآ بخير الحمد لله ، طميني كيفهآ امي ! وش أخبآركم !
أمل : كللللللللنآ بخير ، مشتآقين لك مهآوووي طولتي ، متى بنشوفك !
مهآ : مو بيدي أمول ، والله مو بيدي
أمل حست بضعف إختهآ ، قلبهآ قآل لهآ فيهآ شي : مهآ ! وش فيك !
مهآ على طول نزلت دموعهآ ، لهآ كم يوم وهي توآجه ضغط من جميع الجهآت واليوم كملتهآ خآلتهآ : أكررررههم ، أكره تصرفآتهآ ، ليه تذلني قدآم النآس ! ليه تهييني وانآ مآسويت لهآ شي !
مو كآفي علي تصرفآت ولدهآ اللي مآتنطآق ! من يتحمل شكه وعقليته المريضه !
أمل بهدوء : سمي بالله يآمهآ ، شوي شوي وفهميني وش صآير !
مهآ حكت لهآ كل شي صآر ، من أول الجلسه للموقف الأخير : تعبت يآأمل منهم ، خلآص مليت



إنقهرت أمل على حآل إختهآ اللي مآتستآهل الي قآعد يصير لهآ ، تعرف إن خآلتهآ ظآلمتهآ ومتأكده إن إختهآ تستآهل وآحد أفضل من متعب بس مآتقدر تقول اللي بدآخلهآ لأنهآ مآتبي تزيدعليهآ النآر اللي بقلبهآ : مهآوي قلبي هذولي أهل ولدك لآزم تصبرين عليهم ، مآلك إلآ الصبر ، وخآلتك مصيرهآ تمل من تصرفآتهآ ، إنتي إكسبيهآ وحآولي مآتبينين لهآ ضيقتك منهآ
خذيهآ على قد عقلهآ ، ترآهآ بحسبة أمك
مهآ : تخسي والله تصير بحسبة أمي ، الله يكرم امي عنهآ
أمل : مهآ ! مآتوقعتهآ منك ، مهمآ سوت ومهمآ صآر مآيحق لك تقولين كذآ
مهآ بعبره : من اللي فيني يآامل ، والله تعبآنه
أمل : ربي بيفرجهآ قريب ، إدعي لها بالهدآيه وإدعي ربي يسخره لك


.. : من تكلمييييييييييييييييييييييييييين !!
إلتفت برعب لصرخته اللي وصلت لأمل بكل وضوح : الصبر يآمهآوي ، قلبي معك فمآن الله
مهآ : سلمي على أمي ومشآعل ، فمآن الله _ سكرت السمآعه وإلتفت له بكل هدوء _ ترآني أسمعك مآله دآعي تصرخ
متعب : إنطمي بس ، من كنتي تكلمين !
مهآ : أمل
متعب : وتآركه أمي عندهآ ضيوف وقآعده تبربرين لي بالتليفون !
مهآ : مآقصرت معهآ ، قمت بوآجبي وأكثر ، هي اللي قآلت لي أروح
متعب : حتى لو ، مفروض تنطقين بالمطبخ تحت ، وإذآ إحتآجت لك تبينهآ تتعب نفسهآ وتصوت لك !
مهآ : ليه يآأخ متعب ، زوجتك وأم ولدك أنآ والا مستقدمني بفيزة خدآمة !
متعب : تعرفين تنكتين والله _ جلس على الكنبه ومدد رجوله _ قومي إنقلعي سوي لي عشآ ، وبعدهآ تضفين وجهك تحت تشوفين وش عند امي












سكرت السمآعه وسرحت بحآل إختهآ ، ضآيق خآطرهآ حيل ، مهآ طيبه مآتستآهل اللي يصير لهآ ، رفعت رآسهآ وشآفت امهآ وآقفه قدآمهآ
أم محمد : أمل قومي يمي خذي هالصينيه ووديهآ لمرت اخوك
وقفت أمل تآخذ اللي بيد امهآ : وش هذآ !
أم محمد : مسوية شوي مرآصيع ومرت أخوك مآتنزل ، رفعت لهآ خليهآ تذوقهآ
طآلعت أمل بوجه أمهآ وهي تقول بدآخلهآ سبحآن من خلق وفرق ، وين أم متعب تشوف وتتعلم : يآطيبة قلبك يآأمي ، أوآمر ثآنية يالغآلية !
أم محمد : الله يرضى عليك ، لو إنك مشآعل كآن قومت الدنيآ ولآ قعدتهآ
ضحكت أمل وطلعت فوق ، قآبلت مآجد بالدرج سألهآ عن امهآ وجآوبته انهآ بالصآله
مآجد : فيه عشآ !
أم محمد : النآس تسلم أول مآتدخل ، دآخل على يهود إنت !
مآجد : وش أسلم ومآأسلم ! مقآطعكم أنآ ! توني أمس شآيفكم
أم محمد : وين كنت طول أمس ! ترى لك كم ليلة مآتنآم بالبيت
مآجد : ليه خآيفه علي أجوع والا أضيع ، ترآني رجآل صفقت الثلاثين
مشآعل : ودآمك عآرف إنك رجآل وصفقت الثلآثين ورآك تتصرف كأنك بزر !
مآجد : شوفي إنتي ، يآتآكلين ترآب وتصكين حلقك ، يآأتفآهم معك
أم محمد : مشآعل ! فكينآ من الشر _ قآلت لأمل اللي كآنت بوجههآ توهآ نآزله _ وإنتي روحي حطي لأخوك عشآ يآكله
رآحت أمل جهزت لأخوهآ عشآ على السريع ، جآبته وحطته قدآمه ، قآل : هذآ عشآكم !
أم محمد : الحمد لله نعمه إشكر ربك
مآجد : الحمد لله الحمد لله أحد قآل شي ! يآحبك للموآعظ
أم محمد : يآولدي ترآني تعبت منكم ، متى بتصحى على نفسك وتترك أصدقآء السوء ! شوف كم عمرك ورآك زوآج ومسؤوليه وإنت حتى وظيفه مآعندك
مآجد يوقف عن الاكل ويلف لجهة أمه : بدينآ بدينآ بالموآل السخيف ! وبعدين يعني ! متى مآبغيت اشتغل عرفت أدبر نفسي ، إطلعي منهآ إنتي
سكتت أم محمد خوف من عصبية مآجد ، بعد لحظة صمت قآلت : ترى يوم الخميس مضآوي بنت خآلتك بتمرنآ
مآجد : الله لآيحييهآ ، وش عندهآ بنت سلمآن !
أم محمد : سلمآن عمك ، مآيجوز تقول هالحكي
رفع مآجد رآسه وبنظره حآده : يخسي الا هو ، مآأتشرف يصير عمي
مشآعل بصوت وآطي : عشتوووو من زينك عآد
ضحكت أمل لمآ سمعتهآ ، وقآلت أم محمد : المهم ، ترى مضآوي جآيه عشآن تآخذ إختك أمل وبنآت مشآعل عندهم _ لمآ إحتدت نظرته _ بترجعهم بدري إن شآءالله
مآجد : بنآت ذي أنآ مآلي شغل فيهم ، بس أمل لو تطلع كسرت رجلهآ
أم محمد : بس أنآ وآقفت وأعطيت إختي كلمه ، بعدين هي مهيب رآيحه تلعب ، بيجيبون لهم مدرسه وإختك بتستفيد
مآجد : بنتك مآينخآف عليهآ ، شآطره مآيحتآج ، بعدين على كيفك تقررين وتعطين النآس كلمه ! شآورتي قبل !
أم محمد : الظآهر إني أنآ امك يآمآجد ، وأنآ قلتهآ وخلآص ، إختك بتروح يعني بتروح
مسك مآجد كآس المويه وكبه على أمل : كذآ يآحيوآآآآآآنه ! على بآلك لويتي يدي هآه ! هالمره بعديهآ بمزآجي مو عشآن كلمة أمك ، بس المره الجآية والله لأكسر رجلك
طلع مآجد وأمل مصدومه من الموقف اللي صآر ، أم محمد ضآق صدرهآ على بنتهآ ، مشآعل مذهوله ونظرآتهآ متعلقه بأمل ، نور وملآك وآقفين عند البآب يطآلعون فيهم بصدمه
فآقوآ كلهم من سرحآنهم على ضحكة أمل : أمـآآآآ عليكم أشكآل !
مشآعل وهي ترمي أمل بالجريده : وووجع طيحتي قلبي
أمل : إكتشفت إن كلكم خوآفآت ، ههههههههههههه ، يآحيآتي يآأمي وش فيك ! خلآص رآح أم محمد : الله يهديه ويصلحه كآنه متعبني ، قومي بدلي ملآبسك لآيدخلك برآد من المكيف
أمل وهي تنفض شعرهآ : وش قصة مضآوي والمدرسّه !
مشآعل : يمه منهآ مآتكلمت الا يوم عرفت فيه شي يخص المدرسه !
أمل : قل أعوذ برب الفلق ، هآه يمه وش السآلفه !
أم محمد : مآفيه لآمدرسّه ولآ شي ، بس أنآ قلت كذآ عشآن مآجد ، اليوم دقت علي العنود وطلبتني تمركم مضآوي يوم الخميس ، تغيرون جو مع البنآت قبل الامتحآنآت وأنآ وآفقت
عآد دورت لي حجة قدآم إخوك والحمد لله اللي عدت على خير
أمل وهي تبوس رآس امهآ : يآآآآآرب تخلي لي الغآلية ، كل هذآ عشآني !
أم محمد : وأنآ عندي أغلى منكم ! بس يمي مآبي أوصيك لآتطولين مآلي خلق مشآكل مع هالغثيث والله يعل قلبي
أمل : تآمرين أمر يآلغآلية




،

[كَوثَر]

،




جينز ، تي شيرت أحمر وآسع ، شعر طويل يوصل للكتف ، أسآور بيده ، والـ mp3 معلق بجيب بنطلونه ، لف لجهة الصآلة شآف أبوه جآلس يقرآ الجريده وأمه تطآلع التلفزيون



مشعل : هآآآآآآآآآي
أم مشآري : هلآ بحبيبي
مشعل : كيف ست الكل !
أم مشآري : تسأل عنك ! فينك صآير مآتنشآف !
مشعل : أشغآل يآأمي أشغآآآآآل
أبو مشآري : أشغآل طل بعينك ، إنت يالفآشل عندك شغل !
مشعل : أيووووه بدينآ بالغلط ، إيش فيه أبو مشآري قآلب عليّ !
أبو مشآري وهو يأشر عليه : هذآ شكل رجآل بالله عليك !
مشعل : كوووول يآأبويآ إيش بك ! روقنآ وخلك شبآبي ، سيبك من الأفكآر القديمه
أم مشآري : صآلح إيش فيك على الولد ! خله ينبسط لآحق على التعب بعدين
أبو مشآري : متى بعدين ! انت ليه مآتتعلم من أخوك مشآري ! شوفه مآشآءالله عليه رجآل وأعتمد عليه
مشعل : زوجني وتشوف اللي يعجبك
أبو مشآري : طل بعينك أزوجك وإنت كذآ ، من بيقبل فيك وانت هذي علومك ! تحسبني مو عآرف بعلومك السودآ ! شرب وبنآت وقلة حيآ
مشعل وهو يتأفف : ذليتونآ بحكآية البنآت ، بعدين هذي حرية شخصية
أبو مشآري وهو معصب : حرية شخصية !!!!! تسكر لمآ تفقد عقلك حرية شخصية ! كيف تبغآني أزوجك ! عشآن أتورط مع الرجآل !
مشعل : أي رجآل يرحم وآلديك ! هي عندهآ أهل صآحين أصلاً ، الا تحمد ربهآ وتبوس يدهآ وجه وقفآ اللي بآخذهآ
أم مشآري تغمز لولدهآ : خلآص يآمشعل ، إنت مو حتخرج !
مشعل فهم على أمه : أيوه خلآص أنآ طآلع ، بس فهمي زوجك على اللي نبغآه ، ترى أنآ طفشت

طلع مشعل وأبو مشآري في قمة عصبيته من ولده ، قآلت أم مشآري : صآلح الله يهديك ، إيش فيك على الولد ، كل مآشفته طحت فيه تهزيء !
أبو مشآري : أنآ مآأدري كيف عآجبتك تصرفآت ولدك السودآ !
أم مشآري : يآصآلح كل الشبآب كده ، بعدين الولد طلب الزوآج وإنت مطنشه
أبو مشآري : وين أزوجه معه ! من اللي بتقبل فيه وهذي علومه ! بعدين انآ مآعندي أستعدآد اورط نفسي مع الرجآل وهو بهالطبع ، ولآ بعد قليل الحيآ يقولي تبوس يدهآ وجه وقفآ ! على إيش مآأدري
أم مشآري بإبتسآمه : وهو صآدق ولدي ، يحصل لهآ تآخذ مشغل ولد صآلح وتقول لآ !
أبو مشآري : هذي اللي بتجنني الثآنية
أم مشآري : هدي يآصآلح وإسمعني ، مشعل حآط عينه على أمل بنت إخوك عبدالله
أبو مشآري بإستغرآب : مآأخبر عبدالله عنده بنآت مآتزوجوآ !
أم مشآري : إلآ ، هدي اصغر بنآته ، البنت كبر مرآم لسآ صغيره
أبو مشآري : مستحيل أحط يدي بيد عيآل عبدالله ، صآحية إنتي أخذ لعيآلي من هالمستوى !
أم مشآري بخبث : صآلح فكر معآي ، ولدك مشعل وإنت عآرف بسوآيآه ، مآفيه بنت صآحيه بتقبل فيه ولو حآولنآ وأخذنآ له وحده أهلهآ مستوآهم كويس صدقني ولدك بيسود وجهك ويفشلك معآهم
وبنفس الوقت مشعل مستحيل يتغير ، وبنت أخوك أمل ضعيفه مكسوره مآلهآ أحد بتصبر على ولدك غصب عنهآ وهي بسم الله بنت حلوه بشكل فضيع يعني قدآم النآس إسم إنهآ بنت إخوك ومين عآرف
بمستوى أهلهآ غيرنآ ! وبجمآلهآ أقدر أكسر عين كل بنت ، ولآ أحد بيعرف عن بلآوي ولدك ، يعني نضرب عصفورين بحجر ، هآه إيش قلت !
أبو مشآري : تفكيرك سليم ، بس أخوآنهآ مآرآح يوآفقون بسهوله
أم مشآري : وليه تعطيهم مجآل يحسون بضعفك ! إنت الأقوى ، وبالقوه كل شي يجي
أبو مشآري : عطيني وقت أفكر فيه ، لآتنسين إن زوجة سلمآن إخت زوجة عبدالله ، اخآف سلمآن يعترض
أم مشآري : حتى بهدي ، إنت الأقوى ، سلمآن تقدر تضغط عليه ، فكر فيهآ صح وجيبهآ
أبو مشآري : مآأبغى أجي سلمآن بالقوه ، لآتنسين إنك قآعده تخططين على ولده لبنتك
أم مشآري بإبتسآمه : لآتخآف ، خلي حمد علي أنآ ومنآل ، بنعرف نتصرف
أبو مشآري : ترى حمد مو سهل أبد ، أقوى من ابوه وأخوه
أم مشآري : قلت لك لآتخآف ، سيبوه عليّ إنت فكر في مشعل وبس ..







كآنت جآلسه على الدرج ، مآكآن قصدهآ تتسمع على كلآمهم أبد ، بس وهي نآزله شدهآ كلآم إمهآ وأبوهآ خلآهآ غصب عنهآ توقف وتسمع اللي يدور بينهم ، كآنت تستغرب كيف لأهلهآ هالقلوب
عورهآ قلبهآ حيل على بنت عمهآ ، مجرد فكرة إن بنت تنظلم مع إخوهآ وأخلآقه تتعبهآ ، كيف ببنت عمهآ من لحمهآ ودمهآ ! ، نزلت تحت بعد مآسمعت البآب يتسكر وهذآ يعني إن أبوهآ طلع

مرآم : أمي ، فين منآل !
أم مشآري بعدم إهتمآم : في بيت صحبتهآ
مرآم : لدحين ! إنتي عآرفه كم السآعه !
أم مشآري : إن شآءالله تصير مليون ، وإنتي إيش لك خص ! صحيح معقده
مرآم بإستغرآب : يعني عشآن أنآ محآفظة صرت معقده !
أم مشآري : اوووهوووووو مرآم ، ترى مآفيني على كلآمك اللي يسم البدن
سكتت مرآم للحظه ، بعدين قآلت : أمي السوآق
قآطعتهآ إمهآ بطفش : وبعديييييييييين ! إنتي نآزلة لي آخر الليل تبغي تصدعي لي رآسي !
مرآم : بس يآأمي والله
مره ثآنية تقآطعهآ أمهآ : مرآم كلهآ وسآوس ، إذآ إنتي معقده إحنآ إيش ذنبنآ ! يعني عشآن السوآق تكلم معآك وسألك كم سؤآل تألفين لي قصه
مرآم : لآ والله يآأمي إسمعيني ، هوّ دآيم
أم مشآري : والله لو مآتصكي حلقك لأتصرف معآكي بشكل تآني ، مآعندك سيره الا السوآق
مرآم : إذآ إنتي مآتبغي تسمعيني ، أنآ حتكلم مع ابويه وإلآ مشآري
أم مشآري وقفت بعصبيه : لآ والله يآست مرآم ! تبغي تطيري السوآق وإحنآ من يستلم مشآويرنآ ، أصلاً هذآ كله من عقلك المريض لأنك من أول رآفضه فكرة السوآق بس شوفي
حسك عينك تفتحي فمك بحرف والله لأقلبهآ عليك وإنتي عآرفه إمك

.. : مســآآء الخير ، إيش بهآ ست الحبآيب صوتهآ وآصل لبرآ البيت !
أم مشآري : واللي عنده أحد مثل أختك يصير رآيق !
منآل : ليش إيش عندهآ معقده هآنم !
مرآم : منآل بالله عليك إيش رآيك بالسوآق !
منآل : أوووهووو مرآم وحكآية السوآق اللي مآتنتهي ، شوفي يآحبيبتي كل الأشيآء اللي تقولينهآ مآتصير معآيآ ولآ أمي إشتكت ، هذآ دليل إنو عقلك المريض يصور لك أشيآء مآلهآ وآقع
مرآم : أول حآجه أنآ الغلطآنه اللي أسألك ، أسآساً إنتي لو عندك ذمه ولآ خوف من ربك مآكآن طلعتي بهالعبآيه ، ولو إنك عآقلة أصلاً مآجلستي في بيوت خلق الله لمآ آخر الليل
منآل بدون إهتمآم وهي تجلس على الكنب : واللهِ كلآمك مآيأثر فيآ ، لأنك وحده غبيه ، معقده ، تآفهه ، دقه قديمه
مرآم : إيوه صح ، عشآن فيآ خوف من الله ومآأخطط على عيآل عمي صرت دقه قديمه
أم مشآري بصرآخ : قومي إنقلعي عن وجهي لأتركب فيك جريمه
مرآم ودموعهآ بدت تنزل : أٍمي الله يخليك ، والله السوآق حركآته مآتطمن
أم مشآري : أقولك إنقلعي عن وجهي ..


طلعت مرآم فوق ودموعهآ مغرقه وجههآ ، طول عمرهآ محد يسمع لهآ في البيت ، مآكآن يهمهآ لأنهآ تعودت على الوضع ، بس حركآت السوآق الأخيره صآيره مآتطمن ، تبغى أحد تلجأ له
بس لمآ تكلمت محد سمع لهآ ، خآيفه إن الوضع يتطور للأسوء ، قررت دآخل نفسهآ إنهآ تحكي لأبوهآ أو مشآري واللي بيصير يصير ..








جآلس ورآ مكتبه ، منشغل باللي قدآمه ، أورآق ومعآملآت كثيره ، الشغل مترآكم على رآسه ، ورآه ألف شغله وشغله
.. : صبـآح الخير على النآس المجتهده
رفع رآسه وتهلل وجهه أول مآشآفه : هلآ ، هلآ والله وغلآ بالغآلي ، أسفرت وأنورت
خآلد : هلآ بك أكثر _ تقدم من ابوه وضمه _ كيف صحتك !
أبو سعود : بخير جعلك بخير ، الحمد لله على سلآمتك ، تووهآ أنورت الشرقيه والله
خآلد : بوجودك يالغآلي
أبو سعود : طولت هالغيبه وأنآ أبوك ، ورآك أبطيت علي
خآلد : والله يآلغآلي مو بيدي ، تعرف طبيعة شغلنآ ، وأول مآخلصت حجزت وجيتك طآير
أبو سعود : قوآك الله يآبوي ، بشرني عسآك طيب !
خآلد : الحمد لله ، وش أخبآر أمي وأخوآني !
أبو سعود : كلهم بخير ومشتآقين لك ، مآمريت البيت !
خآلد : وأنآ يطآوعني قلبي !
أبو سعود بمحبه : يآجعل عيني مآتبكيك يآولدي ، قم يآبوي رح البيت وريح
خآلد : أبد ، رجلي على رجلك ، أنآ بروح مكتبي وأخلص شغلي ونطلع سوآ
أبو سعود : دآم إنك مآرح تطلع ، اقعد شوي أبيك
خآلد : سم يآلغآلي
أبو سعود بإبتسآمه : وش أخبآر اللي بآلي بآلك !
خآلد بعد مآإستوعب قصد إبوه ، ضحك من قلبه : والله وتعرف تلمح يآبو سعود ! كل العلوم عندك
أبو سعود : هآه يآبوي ، مآودك تفرح قلبي !
خآلد : وأنآ قلت لآ ! لو الود ودي اليوم قبل بكره
أبو سعود : طيب ورآك كل مآقآلت لك أمك صرفتهآ !
خآلد : متى زآنت اوضآعهم ، كم لهم وهم في مشآكل ! بعدين يآبوي مآأبي أخطب والنفسيآت لك عليهآ ، أنتظر شوي أحسن
أبو سعود : خلآص يآخآلد ، ترى البنت مخلصه درآستهآ من زمآن ، وأخآف يجيهآ أحد وتروح عليك
خآلد اللي تضآيق من هالفكره : لآيآبوي ، الله لآيقوله ، عمتي تدري إني أبيهآ
أبو سعود : لآجآهآ وآحد يستآهل مهوب رآدينه عشآنك ، وإنت مهوب نآقصك شي ، توكل على الله وخلني أكلم ابو نوآف
خآلد : اللي تشوفه يالغآلي ، شورك وهدآية الله
أبو سعود بإبتسآمه : على خير ، اليوم أكلم عمتك وأعلمهآ والإسبوع الجآي نروح أنآ وإنت للريآض
خآلد : إن شآءالله ..







.. : خلآص عآد ، يكفي من صحيت وإنتي مصدعه لي رآسي
.. : وش قصدك ! إني نكدية وأحب الغثآ !
عبدالعزيز : تهآني ، وش جآك ! يعني الا بالقوه نتهآوش
تهآني : طيب انآ طفشآنه ونفسيتي تعبآنه ، مليت من اهلك ملييييييت
عبدالعزيز : وش تبيني أسوي يعني !
تهآني : نطلع _ لمآ لف عليهآ _ إيه لآتطآلعني كذآ ، وش فيهآ لو إستقلينآ في بيت خآص ، حرآم عليك حآشرني مع ولدين وبنتين في ثلاث غرف !
عبدالعزيز : يعني حتى لو طلعتك ، وين نآوية تسكنين في قصر !
تهآني : إن شآءالله بغرفتين رآضيه
عبدالعزيز : غرفتين عآدي ، بس ثلآث غرف في بيت أهلي لآ ! وش هالمنطق !
تهآني : أهم شي أحس بالإستقلآلية ، عبدالعزيز والله أحس إني مكتومه ، يآخي على بلآطه أنآ مآأحب أهلك ولآ هم يحبوني على إيش قآعدين مع بعض !
عبدالعزيز : تهآني ! تدرين إني مقدر اطلعك ، لو أقدر مآقصرت ، من وين لي أدفع إيجآر وفوآتير ولعنة خير
تهآني : طآلب بحقك من ورث أبوك
عبدالعزيز : صآحيه إنتي ! تبين أطلب حقي من ابوي وهو توه ميت ! بعدين الله واللي بيطلع لي ! أصلاً أبوي وش عنده
تهآني بطفش : يوووووه عنده اللي عنده ، عبدالعزيز ترى أنآ صبرت عليك كثير ، شوف معآك شهرين إن مآطلعتني والله لأجمع اغرآضي وأروح بيت اهلي وذيك السآعه طلعني كآنك شآطر







.. : يآآآآآآآآآآآآرب إرحمنآ من هالحر
.. : أحس مآفيني حيل
سآره : يآآآآثقل دمه سوآقكم ، يفقع أبو الضغط
هيفآ : سويره ترى مآلي خلق أهآوش ، بروحي تعبآنه ومآفيني حيل ، إسكتي تكفين
سآره : قوليهآ قوليهآ ، وجهي طآيح من الفشله ، قوليهآ عآدي
هيفآ : لآ والله ! أنآ متهزأه لحآلي ! ترآك معي يآمآمآ
سآره : عآآآآدي أنآ متعوده على طيحآت الفيس
هيفآ : مو كله منك يالعنز ، والله مآعآد أطآوعك تووووبه
سآره وهي تضحك : كل مره تقولين مآأطآوعك وبالأخير تمشين ورآي زي البقره
هيفآ : إنطمي بس البقره انتي والله
سآره : لحظه لحظه ، هذآ مو طريق بيتنآ ، هيووووف سوآقكم الغبي رآح لبيتكم !
هيفآ : يووووه خلآص سآرونه والله مآفيني حيل أتهآوش معه ونروح بيتكم وبعدين أطقهآ مشوآر لبيتنآ ، خلآص اليوم أربعآء إنزلي عندي وخل نتغدآ وننآم وإذآ صحينآ يحلهآ ألف حلآل
سآره : وش ألف ومليون حلآل ! هيه بنت رجعيني بيتنآ يعني رجعيني بيتنآ
هيفآ وهي تفتح البآب : هذآ إنتي بالسيآره والطريق قدآمك ، إن كآن فيك حيل دزيهآ لبيتكم وإلآ إلحقيني
سآره : أيآ الخآينة نآكرة العشره _ وبصوت عآلي _ هييييييه يآلعبده إنتظريني ، وإنت يالدلخ حسآبك بعدين
أخذت سآره شنطتهآ ودخلت البيت بسرعه ، تلفت مآلقت هيفآ قدآمهآ ، نزلت طرحتهآ ورمت شنطتهآ وهي تنفض شعرهآ : ييييييييييع حرررررر ، كل شي يلزق ووووع _ بصرآخ _ هيووووووووف
يآلدب وين طسيتي ! ، يمه أمدآهآ تطلع فوق ! _ مدت يدهآ على حوض السمك اللي قدآمهآ _ يآحليلهآ مرت عمي تحب هالحركآت ، والله لو هي عندي كآن مآخليت فيهم حي
.. : وإنتي دآيم شرسه ، حتى مع الأشيآء الأليفه !
_يآرب إنه وهم ، يآرب إني أتخيل ، يآرب إنهآ ضربة شمس ، يآرب إنه أي شي غير اللي في بآلي _ لفت وجههآ جهة الصوت وصرخت : إنت !!
عسآف : لآ خيآلي
سآره : وجججججججع يآقليل الأدب ، ورآك مآتحركت وقمت ، شآطر بس تطآلع جعل عيونك الفقع
عسآف بدون إهتمآم وهو يقلب بالتلفزيون : الله عآد واللي قدآمي ! من زينك يعني ! إذآ تبين هيفآ شوفيهآ بالمطبخ ولآ تكثرين بربره ، يلله لو سمحتي ضفي وجهك عني
سآره : أكررررهك يآخي أكررررررهك
عسآف وهو يضحك : شعور متبآدل عزيزتي
دخلت سآره للمطبخ وشآفت هيفآ حآطه رآسهآ على طآولة الطعآم ونآيمه ، ضربتهآ بعربجه : قومممممي يالدب الخآيس
هيفآ بخوف : بسم الله ، عمممممى كذآ تصحين الوآحد !
سآره وهي تعد على أصآبعهآ : أكره أخوك وأكره أخوك وأكره اخوك وأكره اخوك وأكرهك ، أكرررررررهك
هيفآ : آهآآآآآآ ، قآبلتي عسآف بالصآله !
سآره : صبآح الخير ، ليه مآعلمتيييييني ان الزفت فيه !
هيفآ : وأنآ وش عرفني إنك بتنزلين ! خبري فيك بتطسين لبيتكم !
.. : وأبرك السآعآت انهآ نزلت ، نووور بيتنآ والله
سآره : هلآ هلآ هلآ باللي له الخآفق يهلي ، هلآ بمرت أخوووووي _ ونطت عليهآ تحضنهآ _
نوف : هلآآآآ بسآرونه ام لسآنين
سآره : أفآآآآ بدينآ بالغلط ، ترى أخلي سعود يسحب عليك
نوف وهي تضربهآ : إيه هيييييين ، أصلاً مآيقدر
سآره : أحلللللللى يالقويه
نوف : إيه وش على بآلك ، أنآ نوووف يآمآمآ
سآره : من زينك يعني ! _ ولمآ إنتبهت لكلمتهآ اللي بالضبط مثل كلمة عسآف _ يآآآآآرب إني أكرهه
نوف تكلم هيفآ : وش فيهآ بنت عمي ! تكلم نفسهآ !
هيفآ : يمكن مريضه ! سعود مآيسوي هالحركآت عندك
نوف : أوووص بس ، وجع مآصدقت على الله تلقى شي تذب فيه ! المهم تغديتوآ !
سآره : لآآآآآ ، بسرعه حطوآ غدآكم ، ترآني جوعآنه مآأشوف الدرب
هيفآ : صدق قليلة حيآ ، في بيتنآ وتتشرط
سآره : أقول يآوجه العنز مآودك تنطمين ! ترى الليلة السهره في بيتنآ ، لآتخليني أتوحد فيك
هيفآ : بسم الله علي ، أصلاً مآيطآوعك قلبك
سآره : والله يآإنك منغشه في قلبي ! ترى أبشرك مآلي قلب ، يعني ممكن أقطعك حتت وأسهر عليك وأنآ أتآبع فيلم
هيفآ بقرف : وووووع يآثقل دمك يآمقرفه
سآره وهي تضحك : بتحطون غدآكم والا شلون !
نوف : طييييب ، يوووه هالبنت طلبتهآ حآره ، هذآ الغدآ جآهز ، سموآ بالله ..



،

[كَوثَر]

،





* هُوَ فَقَطْ ..
مَنْ يجعَلْنِيْ أضْحَكْ .. وأعُودْ لِلبُكَاءْ !
يجعَلْنِيْ غبيّة وأكثَرُ ذكَاءْ ..
يجعَلْنِيْ طِفْلة بِقلبيْ وإمرأه بِعْقلِيْ
يَقتُلنيْ .. ويُحييّ رُوحيْ بحُبه
يزيدَنِيْ غُرورًا ..
حُبًا ..
جنُونًا ..
عشْقًا ..
أنوثة ..
أُحبُهْ هُوَ..










.. : زحمة يآدنيآ زحمة ، إنتي مآلقيتي تطلعينآ إلآ بهالحر !
.. : مو ضآرك ، أنآ مآقلت لك نمشي على رجولنآ ، إنت قآعد بوسط سيآره مضلله ومكيفه ، إحمد ربك
.. : أعوذ بالله منكم ياهـ الحريم ، صدق [ إن كيدكن عظيم ]
مضآوي : أوووف ! وأنآ وش قلت عشآن تخلي لي كيد ، ولآ بعد عظيم !
نآصر : يآأمي قآيل لك أنآ زحمه وحر وهم شوآرعهم ضيقه وانآ انسآن أطفش بسرعه ، ضفي وجهك مع السوآق مآطعتيني ، عشآن كذآ إنطمي ولآ تعلقين
مضآوي : يآقليل الحيآ ! أنآ أختك أكبر منك تقول عني ضفي وجهك
نآصر : منآك بس ، ترآني أقدر أرفعك بإصبعين
مضآوي : مررره وآثق من نفسك
لف لهآ وقآل : تشكين بقدرآت إخوك !
مضآوي : خير إنت ! قآعد تطقطق علي ، خلآآآآآص درينآ إنك من كنت طعرور وهذآ طولك وإنت من نآدي لنآدي ، لآتغثنآ
نآصر : أقول دقي على بنت عمك وخليهآ تطلع الحيييييين ، لهآ دقيقه مآطلعت بأمشي
مضآوي : يآثقل دمك ، تحسب أمل مثل العنود ! _ طلعت جوآلهآ _ مير الله لآيحدنآ لأشكآلك
نآصر : شف شف ! والله كفآرة عشير ، الحين أنآ موديك ومتعب نفسي وبالأخير هذآ جزآي !
مضآوي : كيدي عظيم وكفآرة عشير ، وش بعد يآأخ _ ولمآ سمعت الصوت _ هلآ هلآ ، كيف الحلوه ! ، إسمعي ترى معي وآحد دمه حآآآآآآر ، لك دقيقه إن مآنزلتي بيمشي ويخليك
نآصر : الله يفضحك يآشيخه ! الحين وش تقول البنت ! قآعد يتمنن علي !
مضآوي : إي صدق ، من ركبت معك وإنت تتحلطم

نآصر سآكت مآرد عليهآ ، إنشغل باللي حوله : أوووووه ، هذآ البثر مآجد ، الله يعيينآ على غثآه
مضآوي وهي تمسك يد نآصر ، لأنهآ عآرفه إن أخوهآ عصبي : نآصر الله يخليك ، طنشه ، أكيد يبي يستفزك بس إنت إسمع من هنآ وطلع من هنآ
نآصر : خير خير

نزل نآصر يسلم على مآجد ، وفي هالوقت نزلت أمل ونور وملآك وركبوآ في السيآرة بسرعه
نور : يوووووه ، ورآك خليتي إخوك ينزل يسلم على خآلي مآجد !
مضآوي : بينزل يسلم عليه ، عيب !
نور : عيب مع مين ! خآلي مآجد ! وووع يآحظي ، أقول حرآم إخوك الرزه ينزل لهالأشكآل
أمل : نور !
نور : وأنآ صآدقه ، تنكرين إن خآلي مآجد يبي يسوي مشكله ! من اليوم وهو قآيمه شيآطينه علينآ
ملآك تدخلت : حتى اليوم ضربك كف قوي
أمل وهي تتكلم بصوت وآطي : بنآت ! خير وش صآير ، ولآ كلمه


مضآوي مآحبت تعلق على الموضوع ، بس تألمت من دآخلهآ حيل ، تكره تصرفآت مآجد اللآمنطقية ، كل هالتصرفآت يتصرفهآ عشآن وشو ! ، الكل سكت وفي هاللحظه ركب نآصر السيآره
وشكله كآن متنرفز على الآخر ، عم الهدوء على الكل ، شغل نآصر الإف إم يقطع من برودة الجو المتوتر دآخل السيآرة ، وبعد لحظآت


نآصر : وش أخبآر بنت العم !
أمل : الحمد لله ، وإنت وش أخبآرك !
نآصر : بخيييير جعلك بخير ، هآه كيف الدرآسه ! أخبرك مو من أمثآل العنود
مضآوي وهي تضحك : والله لو تسمعك العنود إن تقوم الدنيآ على رآسك
نآصر : هي مقومتهآ خلقه بدون شي ، يآعليكم شوآرع مدري وش تبي _ لمآ حس بضربة مضآوي ، لف عليهآ _ وشو ! عآدي مآقلت شي !
ضحكت أمل : عآدي ، إحنآ تعودنآ بس إنت لأنك مآتجي كثير هنآ
نآصر : شفتي يالمعقده ! هذي البنت تضحك

أمل كآنت تتكلم بكل رآحه مع نآصر ، عكس نوآف وحمد ، نآصر مآيتوآجد بكثره ولآتشوفه الا نآدر ، بس دآيم يكون حضوره خفيف ولآ يحآول يحط حوآجز أبد شخصيته كآنت سلسه نوعاً مآ ، مآيحب الحوآجز ومريح نفسياً ، كآن الطريق طويل بس مآحسوآ فيه بسوآلف نآصر مع مضآوي وضحك أمل عليهم وأخيراً وصلوآ البيت

مضآوي : الحمممممد لله ، وصلنآ ولآ بعد أذن المغرب
أمل وهي تنزل : إيه الله لآيبلآنآ ، مطيرتني من بدري
نور : يآآآآربي حرررررر ، إنتم شكلكم مطولين سوآلف _ تلفتت تدور ملآك _ يمه ! وين مليكوه !
مضآوي : طآآآآآآرت جوآ
نور : الخآينه ، يلله أنآ بدخل
أمل : يلله حتى إحنآ
مضآوي وهي تسحب أمل : لحظه لحظه ، وين على الله !
أمل وهي مستغربه : بدخل ! وإلآ جآيبتني مآتبين تدخلينآ _ لفت تبي تركب السيآره _ وين نآصر ! أبي أرجع
مضآوي وهي تضحك وتمسكهآ مع يدهآ : تعآآآآآلي ، خير ! صآيره زعول مع وجهك !
وقفت أمل قدآمهآ وهي تهف على وجههآ : مضيوي ، ترآني فطست حر ، إخلصي علي العبآيه كتمتني
مضآوي : إفصخي عبآيتك هنآ ، يلللللله أمل نزليهآ هنآ
أمل : والله إنتي مآينعرف لك _ نزلت أمل عبآيتهآ وجلست تنفض شعرهآ من الحر


مضآوي وهي تتأمل أمل ، كآنت أمل لآبسه بنطلون جينز وبلوزه أورآنج طويله ، شعرهآ طويل ينزل من نص ظهرهآ ، لونهآ البرونزي ، عيونهآ الرمآديه ، خشمهآ الطويل ، فمهآ الصغير
جسمهآ المتنآسق ، كل شي فيهآ حلو ، الكل يتفق على جمآلهآ ، محد شآفهآ من قبل وأنكر ، جمآلهآ كآن غريب
تمنّت مضآوي تكون أمل من نصيب حمد ، تذكرت كلآم حمد وخآفت بس بسرعه طردت هالشكوك من بآلهآ
_ يآرب يكون بقلبهآ مثل مآبقلبه ، يآرب لآتكسر قلب إخوي ، يآرب تكون تحبه ، يآرب مآأندم على اللي بسويه ، يآرب ويآرب ويآرب _ دعت بدآخلهآ كل شي تتمنآه وهي تتأملهآ


أمل : خير ست مضآوي ! أول مره تشوفيني !
مضآوي : أمول الشينه ، من تشبهين !
أمل : أشبهك
مضآوي وهي تحط يدهآ على صدرهآ : بغى قلبي يوقف ، كل هالشين فيني !
أمل وهي تضحك : لآلآ صدقيني أنآ مآخذه نص شينك وإلآ انتي الشين كله _ تخصرت _ وبعدين ! مطولين هنآ !
مضآوي وهي توقف ورآ أمل وتغطي عيونهآ بيدينهآ : يلله إمشي قدآمي
أمل : مضآوي يالخبله ، والله بطيح ، عمى فكيني
مضآوي وهي تضحك : لآتخآفين مو طآيحه بس يلله إمشي ، أيووووه قدآمك درج يلله إطلعي ، خلآص ستوب وقفي



إنفتح البآب بقوه وصآروآ البنآت يصآرخون كآنت تسمع صرت طرآطيع بس مو عآرفه وش السآلفه ، وخرت مضآوي يدهآ وفتحّت أمل

وقفت عند البآب ، مآكآن بيت عمهآ ، المكآن كله بآلونآت ومكتوب قدآمهآ فيهآ ( نحبك يآأمل ) ، كل شي أحمر وصورهآ وهي صغيره مآليه المكآن
البنآت لآبسين تي شيرتآت وعليهآ صورتهآ ومكتوب فيهآ ( كل عآم وأمولنآ بخير )
كآنت تحآول تستوعب اللي قآعد يصير ، مو معقوله البنآت محتفلين فيهآ ،

فآقت من سرحآنهآ على صرخة العنود اللي قآلت : أمووووول ، هنآ هنآ
لفت لجهتهآ أمل في نفس اللحظه اللي صورتهآ فيهآ العنود
جتهآ مضآوي وضمتهآ : كل عآم وإنتي بخييييييييييير ، يآآآآآرب تكون كل ايآمك أفرآح
أمل كآنت سآكته ، ومضآوي كآنت تعرف إن أمل خآنقتهآ العبره ولآ تبي تتكلم عشآن مآتفكهآ عليهم منآحه ، قآلت مضآوي : أموول حبيبي ، الدنيآ لسآ حلوه ، وربي بيعوضك خير
خليك أمل على إسمك ، شوفي حولك كثير يحبونك
والى الحين أمل مآتكلمت ،
جتهم العنود وهي توخرهم عن بعض : بس بس بس ، إعنبوآ بليسكن خلوآ لي شوي _ فردت يدينهآ ، وتكلمت بالمصري _ تعآلي يآحبيبتي ، كووول سنه وإنتي طيبه
ضحكت أمل عليهآ وبعدتهآ عنود وهي تضربهآ : شوفي يالشينه مو معنآه إنه عيد ميلآدك تقعدين لنآ صيآح وتبكبك ، نبي نهيييييص
جوهآ البنآت وحده وحده وسلموآ عليهآ ، قآلت أمل : وين خآلتي !
أم نوآف كآنت وآقفه على الدرج اللي بنص الصآله ، كآنت تشوف أمل بين البنآت وتتمنى بدآخلهآ تكون لوآحد من عيآلهآ : هنآ يآروح خآلتك
تقدمت منهآ أمل وسلمت عليهآ ، أم نوآف : كل عآم وإنتي بخير ، والله يوفقك يآبنتي
أمل بخجل : وإنتي بخير
العنود : هييييييييه حقوق النسل محفوظه ، ترٍآهآ أوووومي
أم نوآف : يآطول لسآنك ، خآلتهآ مثل أمهآ
دآنه : عآد إنتي يآأمل مشبكه معنآ ، أبوي عمك وأمي خآلتك وإحنآ بنآت عمك وخآلتك ، شرآيك تآخذين وآحد من أخوآني وتكملينهآ !
ضحكوآ البنآت على وجه أمل اللي بين عليهآ الخجل بقوه ،
قآلت أم نوآف : يلله أنآ بأطلع وإنتوآ إنبسطوآ ، ترى البيت فآضي


طلعت أم نوآف وجت العنود وسحبت أمل عند طآوله كبيره فيهآ كيكه عليهآ صورة أمل حولهآ شموع وبالوسط شمعه كبيره على شكل رقم ( 20 ) ، شغلوآ البنآت الإستريو وطفوآ النور
وبدوآ يغنون لهٍآ مع بعض
ضحكت أمل على هبآلهم وقطعت الكيكه وسط صرآخهم

العنود وهي مآسكه كآميرآ الفيديو : أموووول ، يالشينه كم صآر عمرك !
أمل وهي تخبي وجههآ : لآآآ تصوير مآأحب مآأحب _ وتخبت ورآ مضآوي _ شكلي مآيطلع حلو
مضآوي : يآلدلوووووعه ، إذآ إنتي مو حلو أجل إحنآ وش نقول !
العنود : هآه هآه ، مضيوي العبده كلن يتكلم عن عمره لو سمحتي _ وبصرآخ _ أموووول يلله قولي لنآ كم صآر عمرك !
أمل وهي تأشر بأصآبعهآ : عشرييييييين
دآنه : يآربييييييييه ع الرررررآآآآآء
أمل : إنتي وجع ، مستقعده لي خير ! ترى عيد ميلآآآدي
العنود : أمول ، ترى إنتي قآعده تسوين اشيآء أوب كويسه ، تتميلحين وتستخفين دمك وأنآ هنآ يمكن أخق معك وأقلب جنسي
صرخوآ البنآت وضحكت العنود : أمززززح ، يآشين البزآرين ، نرجع لشينتنآ ، أمل ، تمنّي أمنيه !
أمل : أدخل طب
العنود : هذي صآيره لآمحآل ، أمنية ثآنية
أمل فكرت شوي ، بعدين ضحكت : خلآص سر بأخليهآ بين نفسي وبيني
العنود : صدز عآد ! بين نفسك وبينك ! يوووووه ورآك علمتي كل النآس الله يهديك !
أمل تضحك : أمنيتي كيفي مآأبي أعلم أحد
مضآوي : خلآص عآد يآشين النشبة ، بنآآآآآآآآت علوآ الصوت _ سحبت أمل وقآمت ترقص ، والعنود ثبتت الكآميرآ في مكآن وجت معآهم ترقص ، خلصت الأغنية _ عآآآآآآآشت العنود بنت سلمآن
دآنه : مضآآآآآوي ، يصير نقدم الهدآيآ الحين !
العنود وهي ترمي عليهآ علبة ببسي : يالقروية ، أحد يقدم هدية ويعلم قبل ، مييير كش عليك وكش عليك وكش عليك ، صدق بزر
دآنه : مضآوي شوفيهآ
مضآوي : خلآآآآآص كلكم بزآرين _ دق جوآل مضآوي ، ولمآ شآفت الرقم قآمت عنهم _ شوي بنآت
العنود : يآخرآشي ! إختي تغآزل
شهقت أمل : يآقليلة الأدب !
العنود : نيهآهآهآهآهآ ، خرشتك صح ! أتخيييييييل مضآوي تغآزل ! تهقين وش بتقول ! أكيد كل كلآمهآ ، وشرحت الدرس وقآمت الطآلبة ولآجآوبت ورفعت ضغطي وقلت لهآ إذآ مآشديتي حيلك بتعيدين
السنه _ وأمل تضحك _ تصدقين حفظت سوآليفهآ ، يآآآآآآآآرب تعرس وتفكني
أمل : نشوفك لو تزوجت أول من يصيح عليهآ إنتي
العنود : أصيح ! والعيآذ بالله


رجعت لهم مضآوي وقلبهآ يدق بسرعه ، خآيفه من ردة فعل أمل ، وبنفس الوقت ودهآ تسوي اللي في بآلهآ وتخلص ، كآنت مآسكة الجوآل بيدهآ وتطآلع في عيون أمل
قربت منهم وقآلت لملآك : ملووك حبيبتي ، قصري شوي الإستريو
العنود : خير خير ! نبي نرقص مآخلصنآ
مضآوي : طيب يالعبده ادري إنك تبين تردحين ، بس صبر فيه مكآلمه مهمه لأمل _ مدت الجوآل لأمل ، وبإبتسآمه _ فيه نآس تبي تكلمك
العنود نطت عندهم : مين مين ! أبي أسمع
مضآوي وهي تبعد العنود : منآك بس ، خيييييير نآس خآصين لأمل وش حآشرك إنتي
العنود : وخرررري مآعلي منك ، ليه إنتي تعرفين وأنآ لآ !
مضآوي : العنود بدون إستبزآر ، طسي منآك عيب عليك _ قربت منهآ _ والله بعدين أعلمك ، بس قومي جيبي هديتك



قآمت العنود ولفت مضآوي على أمل لقتهآ للحين مآسكه الجوآل بيدهآ : إنتي مآكلمتي ! بسرررررعه حطي الجوآل على إذنك
أمل : يمه خفت ، مين طيب !
مضآوي : كلمي وتعرفين


حطت الجوآل على إذنهآ ، وبصوت مرتجف : آلو !
.. : وأخيراً !
بسرعه رفعت رآسهآ لمضآوي اللي رفعت يدينهآ علآمة الإستسلآم ، اللي قآعد يصير حلم ، وهم ، سرآب ، أي شي غير الحقيقه ، رجعهآ نفس الصوت لوآقعهآ اللي يأكد لهآ إنهآ مو بحلم
حَمد : حبيت أقولك كل عآم وإنتي بخير ، يآعسآهآ تعود عليك أعوآم وأعوآم والفرح على بآبك _ مآسمع رد _ مآبي أطول عليك وأزيد إحرآجك ، بس يآليت تقبلين مني هديتي ، إعتبريهآ
ذكرى العشرين

مآعآد فيه صوت ، معنآهآ خلآص رآح ، نزلت أمل الجوآل وعيونهآ في إتجآه وآحد ، تقدمت منهآ مضآوي وهي خآيفه ، كآن ودهآ تترآجع خصوصاً إنه مآبيّن على أمل أي ردة فعل
بس مآتقدر ، اللي بدت فيه وإتفقت عليه هي وإخوهآ لآزم تكمله ، ومو من حقهآ أبد تترآجع عن شي إخوهآ مقرره من قبل



وقفت قدآمهآ وفتحت لهآ علبة صغيره لونهآ بني وذهبي ، بدآخلهآ خآتم ألمآس مع حلق على شكل حروف إسمهآ وإسمه بس مو بآينه بشكل وآضح اللي يدقق فيهآ ، بس هي على طول جمعت الحروف مع
بعض ( أمل وحمد ) ، مدت يدهآ للكرت الموجود ، فتحته


أنَآ رَجُلٌ ثَلجِي ، أذُوب فِي حَرقَة شَمس العَصريِة
حُبك إستَوطَنني فَ والله ( لآ وَطن لِي مِن بَعده )
جِئتُكِ شُعله مِن نَآر إحتَرقَت فيِهآ المَشآعِر
وَ أُقسِم بِ رَب كُل جَميِل فِي حَيآتي ، / أُحِبك ..
11 مِن أيَآر
حَمد ،


تجمعّت الدموع بعيونهآ ، رفعت رآسهآ لمضآوي وضمتهآ بقوووه : تحققت ، تحققت ، أول شي تمنيته تحقق
مضآوي اللي مآقدرت تمسك نفسهآ أكثر ، طول الأيآم اللي فآتت كآنت خآيفه من هالموقف ، تمسكت في أمل بقوه وصآرت تصيح : ليه مآعلمتيني إنك تحبينه !
أمل : خآيفه
مضآوي : يآرب تكونين له ، يآرب تكونين له

العنود من على الدرج : وش الأجوآء الهندية ذي ! _ لفوآ عليهآ البنآت _ خمخمه وصيآح وتبكبك ! عسى مآشر إنتي وهي !
مضآوي : يآشينك ، دآيم تقطعين علي اجوآئي
العنود وهي تسحب أمل من مضآوي وتضمهآ : تعآلي حتى أنآ عندي درآمآ أبي أجربهآ عليك _ ومثلت إنهآ تصيح _ آآآآآآآه سرقوآ مني التشيبس والكت كآت , وطفشوني بالريآضيآت والكيميآ
آآآآآآه يآأمل إلحقي علي برجل يبي يعرس
فطست ضحك أمل على هبآلهآ : خببببببله يآنآس ، وين أدور لك رجل وإنتي بهالعقل
العنود : يلله عآد منآك ، عقلي يوزن بلد ، وخذي هديتك أشوف ولآ عآد تتعودينهآ
مضآوي : الله يفشلك ، كذآ النآس تهدي
العنود وهي تحك رآسهآ : بصرآحه بصرآحه ، أنآ أوآجه صعوبة شديدة في فن اللوآقه ، وأفتقد للأسآليب الذربه ، فلذلك إعذروآ مآبدر مني من تصرف وشغلوآ المسجل ، رقصني يآآآقدع








في السيآرة بآلهآ في مكآن ثآني ، افكآر كثيره متزآحمه تفكر فيهآ ، كآنت تستغرب إحسآسهآ ، معقوله هي الوحيده اللي صح وكلهم غلط ! مستحيل ! ، بس فيه شي يقولهآ
( إنتي على حق ) ، في زحمة هالأفكآر ، لفت رآسهآ لجهة الشبآك ، الطريق مو طريقهآ ، والمكآن كأنه فآضي ، رفعت رآسهآ وشآفت عيون معلقه عليهآ
عدلت عبآيتهآ وتمسكت فيهآ كأنهآ خآيفه من شي ..
مرآم : نسيم ، أنآ أبغى أروح البيت ، هذآ مو الطريق
مآكآن فيه رد
مرآم : نسيم !
السوآق : نعم !
مرآم : هذآ مو طريق البيت
لف السوآق لهآ وبنظرة خبيثه حست الكون كله يضيق فيهآ
مرآم بدآخلهآ _ يآآآآآآآرب أتوسلك تحفظني ، يآآآآآآرب تبعده عني ، اللهم أكفنيه بمآ شئت ، اللهم أكفنيه بمآ شئت ، اللهم أكفنيه بمآ شئت _ طلعت جوآلهآ تبي تدق على أي أحد
لقت جوآلهآ بدون شبكه ، هذآ معنآه إنهآ بمكآن بعيد والدليل إنهآ صآرت بطريق بري ، مآفيه الا سيآرآت قليله ..








وقف سيآرته في الموقف ، نزل بسرعة البرق ، دخل البيت مستعجل ، كل شي مثل مآهو ، بس مآفيه أحد ، طلع الدرج بسرعه ، وقف عند بآب غرفتهآ وقلبه يدق بسرعه

.. : وش صآر !
.. : بسسسسم الله علي !
حمد : آآآآسف _ تقدم لهآ بسرعه والخوف بآين في عيونه ، جلسهآ قدآمه ومسك يدينهآ _ مضآوي أبوس يدك قولي لي وش سوت !
مضآوي تحآول تخفي إبتسآمتهآ : مآصآر شي
حمد : أممممممآآآآ !
مضآوي : وش أسوي ! مآصآر شي
حمد : مضآوي ! يرحم أهلك كلهم ركزي شوي ، أنآ كلمتهآ وسكرت ، وش سوت ! وش قآلت ! كيف ردة فعلهآ ! عطيتيهآ الهديه ، وش قآلت لك ! كيف كآنت تعآبير وجههآ!
مضآوي : الله الله الله ! كله هذآ تبي تعرفه !
حمد : مضآوي تكفين مآعآد بقى فيني أعصآب ، تكلمي يرحم وآلديك
مضآوي بأسى : مدري وش أقولك يآحمد
حمد حس بالإحبآط : قولي !
مضآوي : آممممم تدري ! _ وقفت ومدت يدهآ له _ قوم قوم معآي ، أبي أوريك شي
حمد : مضآآآآآآآآوي مو وقته
مضآوي : تعآآآل صدقني مآرآح تندم


وقف ومسكت يده ومشت فيه لغرفته ، كآن يحس بالإحبآط بس ينتظر أي شي تقوله مضآوي يعكس اللي بدآخله ، دخلت الغرفه ووقفت عند مكتبه
مضآوي : هنآ الجوآب ، تصبح على خير



طلعت وسكرت البآب ورآهآ ، وهو وآقف بمكآنه مآتحرك ، قدآم المكتب فيه ورقه ، سحبهآ وبدآ يقرآ اللي فيهآ


وَالله أحتَآجك أنَآ ، خَلك بِ جنبي قريب
وإن حَصل شَي بيننآ
( عَن حيآتي لآتغيب )
أنَآ من بعدَك أتوه ،
عَآلمي بعدك يضيع
تختلط عندي الوجوه / العَدو يصبح صديق ..
تدري يَ " القلب الحنون " !
إنتَ بِ النسبه لي إيش !
وأنَآ بعدك كيف أكون !
ليه أحَس ، وليه أعيش !
ي اللي شفت أحلآمي فيه / وإلتقيت بِ أحلى جنّه
أدعو ربي وأرتجيه : رَبي لآتحرمني منّه ..


قلب الورقه ،


إنّي إستِثنَآئية لِ أجلِكَ يَ وَحِيدي
طَلبتُكَ أن تَكون لِي وَحدِي فقَط
لآ لِ غيري َ قط ْ ,.
وَ آنْ تنفضُ نِسَآءَ الكَون ِ مِنَ قلبِك َ
وَ ترتِلْ آية ِ الجُنونْ بِيْ ف ِ سِركَ وَ جَهرِك َ ؛
( صَبآح الِ 12 مِن آيَآر / صَبآحك ، فَيروزي الهَوى )
أمَل ،


.






* بِ الخَآرج
أتمنى قرآءه ممتعَه للجميع
ويآليت ألقى أي رد ، نقد
يخلي عندي دآفع أكمل ، وإلآ أوقف

للجميع
كل الود



،

[القلم الحر]

سلام الله عليكي أخيتي
بداية رائعة تحكي الكثير عن ابطالنا
في انتظار ابداع قلمك
تقبلي مروري

[الجوري ليال]

يسلمؤؤؤ يعافيك ربي

قصتك اكثر من راائعه
لكن يمكن كثرة الشخصيات تخلينا نتوه شوي ببينهم
يعني ممكن نترقب وش بيصير لمها ومتعب
ولا ممكن ننتظر وش بيصير على امول
ولا مراام مثل قبل شوي

مشكووووره ياقلبي
ع هيك بارت وماننحرم من ابداعك

[صبا الروح]

بارت .........................رائع جدا............ولكن لدي ملاحظه ((الخط صغير جدا))

ننتظر إبداع قلمك...................

[كَوثَر]

سلام الله عليكي أخيتي
بداية رائعة تحكي الكثير عن ابطالنا
في انتظار ابداع قلمك
تقبلي مروري






وَعليكم السلآم والرحمَه
شرفني توآجدك

[كَوثَر]

يسلمؤؤؤ يعافيك ربي

قصتك اكثر من راائعه
لكن يمكن كثرة الشخصيات تخلينا نتوه شوي ببينهم
يعني ممكن نترقب وش بيصير لمها ومتعب
ولا ممكن ننتظر وش بيصير على امول
ولا مراام مثل قبل شوي

مشكووووره ياقلبي
ع هيك بارت وماننحرم من ابداعك



يآهَلآ بهَـ الطله
الأروع مرورك يَ الغآلية

يمكن بالبدآيه فيهآ توهآن شوي
بس كل شي بيوضح إن شآءالله

كوني قريبه
:icon26:

[كَوثَر]

بارت .........................رائع جدا............ولكن لدي ملاحظه ((الخط صغير جدا))

ننتظر إبداع قلمك...................


غَريبه !
الخط عندي وآضح بقوه !

يمكن المشكله بِ جهآزك !

[كَوثَر]

_ الفَصل الرَآبع _




* أُرِيُدَكَ حَولِي دَآئمَاً
تُحِيط بِي كَ سِحرٍ خَفيف ،
تُرآفِقُنِي
تَسكُن فِي قَلبِي /
مِثلَ يَقيِن يَطرُد الشَك
مِثلَ شَيء يُشبِه الطَمأنِينَه
مِثلَ صَوت يَهمِس لِي :
لآ تَقلقِي كُل شَي سَ يكوُن عَلى مَآيُرَآم ..














ك العآده من كل سنه في مثل هالأيآم تكون طويلة وكئيبة على الكل ، الأغلب منشغل بحآله ونفسه ، أيآم إختبآرآت آخر السنه الدرآسية ، مرحلة صعبة وبآلذآت لآصآرت أخر سنه من الثآنوية العآمة
هنآ يتحدد كل شي ، إمآ نجآح نضمن فيه مستقبل زآهر بإذن الله ، أو نجآح والشهآده تتعلق على جدآر البيت
نآس شآده حيلهآ وخآيفه وترجي ربهآ ليل نهآر يوفقهآ ، ونآس مآتمثل لهآ هذي الأيآم غير مرحلة وتعدي



.. : يكففففففي ، يآبنت وقسمن بالله بتموتين ، نآمي لك شوي
أمل : مآيمديني ، شوفي بآقي كثير
مشآعل : يمدي وزيآده ، مآقلت لك عشر سآعآت ، بس سآعتين ريحي جسمك فيهآ
أمل : أخلص أول وبعدين أنآم
مشآعل : متى تخلصين ! بكره !
أمل : مشآآآآآآآآعل بروحي متوتره ونفسيتي زفت ، مو رآيقه
مشآعل : أقول لآتنفخين لآأدبجك الحين ، قومي يلله عن الدلع هذآ وإنتي شآطره ! أجل النآس الثآنية وش تسوي !
أمل : مآأبي أنآم ، مآآآآأبي أنآم
مشآعل : أحسن موتي لآتنآمين ، بس أمي تبيك برآآآ ، لآبوهآ من درآسه شوفي وجهك شلون صآير صفرآ وحآلتك حآله !
أمل : أمي تدري إني أذآكر ، خلآص قولي لهآ تذآكر
مشآعل : هذي اللي بتهبل فيني ، قومي إبلعي لك شي وإرجعي فحطي بهالكتب
أمل : مآبي مآبي خلآص إطلعي وخليني بحآلي
مشآعل : كش عليك يآلعبده _ طلعت من عندهآ _ بنتك إستخفت ، أخلآقهآ في خشمهآ
ام محمد : لآتلومينهآ ، الله لآيخيب لهآ تعب
مشآعل : آمين يآرب ، مع إنهآ طآردتني بس بعد قلبي طيب ، بقوم أسوي لهآ شي وأعطيه لهآ جوآ

























.. : إنتي هنآ !
.. : لآ هنآك
.. : عمى ! عليك رد !
العنود : يعميك ، وإنتي عليك سؤآل ! شآيفتني أتسدح وأتبطح هنآ ، بعدين أنآ مآأحب الأسئلة البآيخه
مضآوي : شعنده حمد بينآ ٍ، المهم شعندك هنآ !
العنود : أبد أوقع على أورآق الموآطنين ، ونشوف المحتآج ونسآعده ، خبرك وأنآ أختك أنآ سبآقه لفعل الخير
مضآوي : قولي والله ! ورآ مآتصيرين سبآقه لدروسك !
العنود وهي ترمي رآسهآ على جنب دليل الطفش : بدينآ بدينآ ، ترى توووهآ أمي لآعنه أبو خيري ، مآلي مزآج تجين انتي الثآنية تفتحين لي موآل

.. : السلآآآآآآم عليكم
مضآوي : وعليكم السلآم
العنود : كملت كمممملت
نوآف : إنتي ورآك قآعده هنآ ! ذآكرتي !
العنود : آآآآآآآآآآآع ، يآرب إني طفشت منكم ، إيييييييييييه ذآكرت
مضآوي : كذآبه ! يآكذبهآ هالبنت ، من اليوم وهي تتهرب
نوآف : إنتي ترى هالسنه مآفيهآ لعب ، شدي حيلك مو نآقصين نآس فآشله
العنود : أنآ اللي بفشل والا إنتم ! انآ اللي مآرآح اجيب نسبه والا إنتم ! خلآص أنآ أدري شكراً
نوآف : إذآ كنتي تحلمين بوآسطة أبوي ، أقولك من الحين كبري مخدتك أحسن
مضآوي : إيه هديتهآ مآرآح أحتآر فيهآ ، بآخذ لهآ مخده وش كبرهآ
العنود : ليه إن شآءالله مآيدخلني ! وآسطه ووآسطه على قل سنع ! إذآ أنآ بنته مآدخلني من يدخل اجل !
نوآف : وش يحدك للوآسطه !
العنود بطفش : قدرآتي محدوووووده يآهو والله والله والله إني مآأعرف أذآكر ، يآنآآآآآآآس لي خمس سآآعآت في صفحتين
نوآف : إذآ على القدرآت مآفيه ألعن منك ، أقول بس ركزي وفتحي مخك وإتركي عنك اللقآفه وتفلحين
مضآوي : نوآف مآعليك منهآ ، ترآك بتتعب معهآ ، تبي أحط لك غدآ !
نوآف : لآلآ مآبي شي
مضآوي : وش فيك ! وجهك تعبآن _ وكأنهآ تذكرت شي _ إيه صح طمني وش صآر على العملية !
نوآف بحزن : الله يرحمه ، توفى وإحنآ نسويهآ له ، قآيل لعيآله مآيتحمل بس هم اللي أصروآ
مضآوي : إنآ لله وإنآ إليه رآجعون
العنود : ذبحتتتتتتتتتتته !
نوآف : وش ذبحته ! وش دخلني أنآ !
العنود : إنت اللي سويت له العمليه !
نوآف : أدري ، بس متوقع إن العملية مآتنجح وعيآله اللي وقعوآ
العنود : يآآآآآآآآآقو قلبك يآنوآف ، تذبح الرجآل وعآدي عندك
مضآوي : غبيه انتي وإلآ تتغآبين ! منتيب صآحيه الظآهر هو أدرى منك بشغله ، بعدين الأعمآر بيد الله ، مكتوب له بيموت بهاليوم
نوآف : أنآ طآلع
مضآوي وهي ترمي المخده على العنود : إذآ مآتعرفين وش تقولين ، رجآء إبلعي لسآنك
العنود : وي ! وأنآ وش قلت !












.. : كم بقى لك !
.. : مدري ، بس تونآ
.. : في أي صفحه !
.. : 85
سآره متفآجئة : ينعععععن مخ بليسك ! وش عندي طآيره !
هيفآ ترفع رآسهآ من الكتآب : وش طآيره ، توني حتى مآوصلت النص ، ليه حضرتك بأي صفحه !
سآره : 28
هيفآ : ليه ! وش تسوين إنتي من اليوم !
سآره : إنتي اللي طآيره ، بعدين شرآيك نآخذ بريك
هيفآ : لآ يعني لآ ، من بدينآ بصفحتين وإنتي تقولين بريك ، أقول بس إمسكي كتآبك وإلآ خليني أروح بيتنآ
سآره : لآلآ تكفين والله خلآص أسكت وأذآكر ، يرحم وآلديك فيني قمطة مهيب صآحية أبوي متوعد فيني
هيفآ : كله من هبآلنآ ، طول السنه ممدين رجولنآ والحين أكلنآ ترآب ، إمسكي بس كتآبك يلله















وأخيراً بعد تعب دآم إسبوعين كآمله ، إنتهت الإمتحآنآت وبهالمنآسبة إجتمعوآ كلهم في بيت أم نوآف ، مآعدآ أم محمد اللي مآزآلت في فترة الحدآد ، كآنوآ جآلسين مبسوطين



مضآوي : يمه مو اليوم نتآيج البنآت !
أم نوآف وهي تبتسم : لآ مو اليوم ، بس أنآ قلت للعيآل يطلعونهآ
سآره : ليييييييه يآعمتي ليه !
العنود : يممممممه جآلسين مبسوطين ، ليه النكد !
أم سعود : والله اللي منهبل طول الدرآسه ولآ هو يم دروسه يستآهل مآجآه
العنود : آفآ يآمرت خآلي ! ترآني أحبك ونآويه أخذ ولدك ، لآتخليني أغير وجهة نظري فيك
مضآوي بصوت وآطي : يآقليلة الأدب
أم نوآف : وجع يآقليلة الحيآ !
أم سعود وهي تضحك : خلوهآآآآ وش فيكم ! والله إني أحبهآ هالبنت ، إنتي بس إختآري من عيآلي
شيخه : يووه يمه أقوى نوع تسليك
أم سعود : وش تسليك مآتسليك ، عليكم حكي يهالبنآت ، المهم يآحظه من صآرت العنود نصيبه
العنود : يووووووووه يآحلوك يآخآلتي والله أحبك _ تلفتت للبنآت _ سمعتوآ ! سمعتوآ ! قآلت يآحظ من صآرت نصيبه _ وبنذآله _ أقول خآلتي دآم إنك كذآ تحبيني وأنآ أحبك
والعوآذل بينآ ، وأدري إنك مآرآح ترفضين لي طلب وأدري إني مآرآح ألقى أحسن من عيآلك ، شرآيك تخطبوني لسعود !
ضحكت أم سعود ، قآلت مشآعل : كففففففففك يآبنت ، وربي إنك رهييييييييبه
نوف : يآشين اللي تتلزق ، يآختي عندك خآلد وسلطآن ، الا سعود !
العنود : وش أسوي لآصآر جنتل ويعجبني !
مشآعل : وهي صآدقه حتى دآيم أشوف عنود إذآ طلعنآ وشآفت سعود وآقف يرقع قلبهآ
العنود : إيه إيه وأحس الكون كلللله فآضي
مضآوي : الله يرحم الإحسآس اللي تعرفينه
العنود : بنت ! لآتخليني أستلمك قدآمهم الحين !
أمل : لآلآ عآد ، خليك في نوف وإتركي مضآوي
مشآعل : مير عنود تصدقين ، نوف دآبتن سليمه قبلهآ في حآلهآ ، شرآيك نقلب على ذآ الثنتين !
العنود : والله إنك جبتيهآ ، الا يآبنت عندي لك إقترآح ، شرآيك تسحبين على رجلك وتسكنين بالريآض !
أم نوآف : ترى إن كآنك بتسمعين كلآم بنتي ، عز الله خرب بيتك
مشآعل وهي تضحك : والله مآيعجبني من هالشله الا هالعنود ، توسع صدري
العنود : تبين تخطبيني صح ! زوجيني عزوز غديني أحرق دم هالتهآني
ضحكت مشآعل : يآوسعهآ ذمتك ! كم رجآل بتآخذين !
العنود : أووووه ، حآطه لهم قآئمه



.. : يممممه
أم نوآف : أبوي إنت ، إدخل إدخل
نوف : وش إدخل ذي ، نتغطى يآعمه
مضآوي : مآعليك الجدآر عآكس تشوفينهم بس مآيشوفونك
نوف : أشوووآ
طلعت أم نوآف تسلم على العيآل ، فقآلت العنود : ليه سعود يغآآآآآآآر !
نوف : حلي عني يآبنت ، ترآك أبلشتيني ، بعدين تعآلي تعآلي أخوآنك تغيروآ علي
وقفت العنود وقربت من الجدآر : بمآ إنو الأغلب يجهل الصفّه اللي دخلوآ ، نبدآ بالتعريف ، المملوح الأبيضآني ابو نظآره هذآ نوآف الدختور نفكر نخطب له سويره ام لسآن بس تم إستبعآدهآ
لأنهآ خبلتن مثل دآنه _ رمتهآ سآره بكرتون المنآديل وضحكوآ البنآت _ التآلي ، الطويل الهبيل صآحب الجسم الرشيق نويصر آممممم من تصلح له هالغثيث من تصلح له هالغثيث !
بس لقيتهآ ، نور ، مشآعل قلبي أدري إن بنتس غثه ودبلة تسبد فزوجيهآ لهالسآمج وفكي عمرتس منهآ

مشآعل : أبد خذوهآ بدون مهر
العنود : أموت أنآ على بنت القبآيل اللي تفهم بالأصول
نوف : إخلصي بس علي يآبنت البدو وكملي التعريف
العنود : نكمل مآتبقى من الشله ، هذآ الأبيضآني أبو خدود يقآل له سلطآن بن فهد يصير ولد خآلي وابو هالشينآت ، اممممم نخطب له إيه ، تكفووووون يآبنآت خذوآ دآنه وفكوني منهآ تكفووووون

شيخه : لآآآآآ ! ويصيرون ثنتين نآشبين بحلقي !
العنود : أوص بس ، خآآآآآآآآآلتي صح إنتي تحبين دندون إختي ! صح انهآ خبله ونشبه وقزمه وشينه ولآ تشبه لي ، بس إنتي أصيله وقلبك كبير ، نكممممممل !
البنآت صرخوآ بحمآس : إيييييييه
العنود بإبتسآمة خبث : شمعنى على هذآ كلكم عيونكم بتطلع ! أدري من اليوم يآقليلآت الحيآ إنكم تتمقلون فيه ، صح أمل !
أمل : هآه !
العنود تضحك : ودي أورطك بس نمشيهآ هالمره ، أخيراً وليس آخراً ، الطويل صآحب المنكبين العريضين ، الأسمرآني أبو عوآرض أبو ضحكتن سدحت البنآت هنآ ، يسرني أن أقدم لكم
أبو حميد ، عآد هذآ مآنبي نخطب له أحد
نور : ليييييييييييييه !
العنود : يقصف عمرتس يآلعآهر ، الحين خآطبينتس لنآصر وحآطتن عينتس على حمد !
مضآوي : اقول مآأهبل منك الا اللي يسمعك
العنود وهي تشهق وتضرب صدرهآ : يعني خآلتي أم سعود هبله !
مضآوي : لآآآآآ ، وجع يآحمآره ، خآلتي والله مآأقصد بس
أم سعود تقآطعهآ : مضآوي وش دعوه عآرفه ، إتركي العنود عنك
مشآعل : اقول مو كأن خآلتي سحبت علينآ و تكّت مع الشبآب !
العنود : أفزع لك أفزع لك ! تبين أنآديهآ _ مآتركت مجآل لمشآعل ترد ، وقربت من البآب _ يممممه ، ترى مشآعل تبيك ، تقول وش فيهآ ذي مآتبينآ ، يلله بنروح
مشآعل : الللللللللللله يفضحك
أم نوآف وهي تضحك : العنود ، الحين بتسمعين حكي مآيعجبك
العنود : يمممممممه ، لآيكون النتآيج !
أمل وهي تحط يدهآ على بطنهآ وتنزل رآسهآ : لآلآ تكفون مآأبي أسمع
مضآوي وهي تحط يدهآ على كتوف أمل وتضمهآ وتحكي بصوت وآطي : مآنآم طول الليل ينتظرهآ ، من قدك
أمل : مضآآآآآآآآوي ، تكفين مآفيني


قرب حمد من البآب : مسآء الخير على الجميع
ردوآ عليه بأصوآت متقطعه ، قآلت سآره : يآآآآآجعل ربي يسهل لك أمرك ، بس تكففففففى لآتقولهآ
حمد بإبتسآمه : هيفآ !
سآره : الله لآيقوله ، هيووف شفهآ منبطحه على رجلي مآسكتهآ أم الركب من الخوف
هيفآ وهي تضربهآ : يآآآآآآآغبيه وش منبطحه ذي !
ضحك حمد بصوت عآلي : أوووه ! أقول يمه شكل أمثآل العنود وآجد !
ام نوآف : إييييييييه ، عندك خير
مضآوي : يللله حمد ، مآودك تبشرنآ !
حمد : في مين تبون نبدآ !
قربت العنود من ام سعود وضمتهآ : مآبي أسمع ، يآويلي
ام سعود : سمي بالرحمن إن شآءالله خير
العنود : حميدووووووه عجل علينآ
حمد : حميدوه بعد !
العنود : يمممممه شوفي ولدك يتمنن علينآ ، قوليهآ إنتي
ام نوآف : والله إني مثلي مثلكم ، مآعلمني بشي ، يلله حمد عآد لعبت في أعصآبهم
حمد يقلب بالأورآق اللي معه وهو يبتسم : من تبي نتيجتهآ !
البنآت بصوت وآحد : أمـــــل
أمل : لآلآلآ ، مو أنآ
حمد يضحك : طيب شرآيكم نبدآ بالأكبر ! الحين عندنآ أمل والعنود وسآره وهيفآ ، من الكبيره فيهم !
العنود : لآآآآآآآ
حمد : أفآآآآآ ، العنود !
العنود : طيب رفقاً بالقوآرير ، نبدآهآ بالأصغر ، هيوف
هيفآ : قآروره تصكك بدمجتك ، منآك تكفين
حمد : شوفوآ أنآ بقلب الأورآق بحيث إني مآأشوفهآ وبأحوسهآ وببدآ بالأول ، أوكي !
وآفقوآ البنآت ، قلب حمد الأورآق اللي معه على ظهرهآ وبدآ يحوس فيهآ ، رفع أول ورقه وضحك : سآره بنت فهد
سآره : يآليل الليل ، بشوي شوي تكفى
حمد : والله إنك مآرحتي بعيد عن العنود ، ع البركه 72،05 %
فقعت سآره والعنود ضحك ، قآلت مضآوي : على وشو تضحكين يآحظي ! على خيبتك ! وإنتي الثآنية ، ترآك منتيب أحسن حآل منهآ
العنود : إيييييه أنآ أضحك لأني أنتظر دوري
سآره تتخصر : وش فيهآ 72 ! أمآنه هي وإلآ أعيد السنه !
شيخه : والله تعيدين السنه أبرك لك
حمد : أهنيك على الروح المعنوية ، نبدآ بالثآنية _ قلب الورقه _ هيفآ بنت فيصل
نوف : نشوف سوآد وجه الثآنية
حمد : لآلآ جيده مآعليهآ ، مبروك 86،88% يعني مآأبعدتي عن 87
هيفآ : الحممممممممد لله
بآركوآ لهآ البنآت ، قآلت العنود : يآآآآآرب وش هالحظ اللي خلآني مع أمل ! بو حميد ، انآ إختك إستر علي
حمد : أقول إبلعي العآفيه بس _ قلب الورقه وضحك _ العنود بنت سلمآن
العنود : يلله بنآت إضحكوآ بسرعه ، هاهاهاهاها ، خلآص اللي بعدو
حمد : يآفضيحة الندم ، تستخفين دمك بعد ! بدون مبروك 69 حآف حتى بدون فوآصل
سآره مآتت ضحك على وجه العنود ، أم نوآف : إضحكي إضحكي ، الله يعيينك على أبوك
أم سعود : خليهن بيطقهن الندم
مضآوي : يللللللله حمد كمممممممل
أم نوآف : إيه إبوي حمد ، كمل كمل خلنآ نفرح
حمد بإبتسآمه : أمل !
أمل : شينه صح !
حمد يضحك : ليه كل هالخوف ! مو وآثقه !
أمل : خآيفه
حمد : ودك أقولهآ !
أمل : لآ ، إيه إيه ، لآلآ لحظه
حمد يضحك : هدي هدي أعصآبك
سلطآن بقهر وآضح : وش معنى أمل اللي مسكتهآ تحقيق ، قل نتيجتهآ مثل بآقي البنآت وخلصنآ ، سخآفه
الكل إستغرب لهجة سلطآن الحآده ، لف حمد على سلطآن وأعطآه نظره : منت مجبور تحضر هالسخآفه ، نتيجة إختك وعرفتهآ ، تقدر تتوكل !
أم نوآف : حمد !
حمد بعصبيه : مآغلطت على أحد
أم نوآف : إذكروآ الله يآشبآب ، لآتخربون فرحتنآ
حمد : لآ إله الا الله ، هآه أمل نقول !
أمل : إيه
حمد : هي اللي تستآهل ينقآل لهآ مبروك ، ألف ألف ألف مبروك 99،76 % ، والله ورفعتي رآس أهلك
تعآلت صرخآت البنآت ونطوآ عندهآ ، هي على طول ضمت مضآوي وبكت ، مضآوي : الحين ليه تصيحين ! وحده مثلك جآيبه هالنسبة تصيح !
أمل : مو معي ، مآت ولآ شآف نجآحي
هيفآ ضمتهآ : إحممممدي ربك ، الله يطول بعمر عمتي ، شوفيني أنآ بدون أب وأم
أمل رحمت هيفآ حيل ، وحمدت ربهآ على النعمه اللي عندهآ : الحمد لله الحمد لله
العنود : سحقاً للمشآعر ، هيييييييييه كل وحده منكم نسبتهآ حلوه ، إفرحوآآآآآ ، سويره نرقص عنهم !
سآره : قدآم











رجعت البيت وبسرعة البرق قآلت لأمهآ خبر نتيجتهآ ، طآرت أمهآ من الفرح ، كآنوآ بحآجة لخبر يفرحهم بعد الحزن سآئد في أجوآء بيتهم ، إنتظرت الصبآح يطلع وهي على نآر
بآقي صديقآتهآ مآتعرف نتآيجهم ، من أول مآعرفت نتيجتهآ صآر هآجس صديقآتهآ مآيفآرقهآ ، صحت الصبآح بدري وبدت تكلمهم ، وكل مآسكرت من وحده دقت على الثآنية


نوآل : أموووووول نجحت نجححححت
أمل : بشررررررررري !
نوآل : 94 ، 94 ، 94 يآأمل
أمل : مبرووووووووووك ألف ألف مبرووووك
نوآل : الله يبآرك بعمرك
أمل : يلله يلله وخري بكلم فهده _ سكرت السمآعه وأمدآهآ ترفعهآ الا رن التليفون _ آلو
فهده : لولوولووولوووووويش
أمل : هآه كم !
فهده : ونجحنآ نجحنآ ، ومير فكه فكككككه
أمل : كممممم !
فهده : 92 ، الحمد لله والشكر لك يآآآآآآآرب
أمل بفرح : فهوووديه مبروووووك ، هذي اللي تقول مآرآح تجيب نسبه !
فهده : إنطمي بس ، الحمد لله بدخل الجآمعه بدخل الجآآآآآآمعه
أمل : قولي إن شآءالله ، يلله بسرعه بسرعه بآقي عبوره _ سكرت منهآ ودقت على ثآبت عبير ، وصل لهآ صوت عبير البآرد : مبروك لكم كلكم يالدبيآت
أمل : يبآرك بعمرك ، بشري !
عبير : أمل تستهبلين ! معروفه
أمل : طيب قولي لي كم !
عبير : 79
أمل : خيره يآعبير ، مآتدرين ربي وش كآتب لك ، روقي وإنبسطي وربك مآينسى أحد
عبير : الحمد لله ، يلله أمولي أنآ بنآم
أمل كآنت تعرف عبير إذآ تضآيقت من شي تحط حرتهآ بالنوم أو الأكل ، بس مآحبت تضآيقهآ : نوم العآفيه يآقلبي


مشآعل : هآه نجحوآ صديقآتك !
أمل : الحمد لله ، كلهم نسبهم معقوله بس عبير مسكينه
مشآعل : عبير مسكينه زين إنهآ نجحت ، عندهآ أمهآ المريضه وحآلتهآ حآله
أمل : إي والله ، بس أذكر نوآل تقول بدور لهآ وآسطه وإن قدرت مآرآح تقصر
مشآعل : على طآري ، متى يبدآ التسجيل !
أمل : الإسبوع الجآي ، بس أكيد الطب عندهم إختبآر بس والله مدري أي يوم
مشآعل بتردد : أمل إنتي شآورتي أخوآني على الطب !
أمل : لآ ! بس هم يعرفون من أول برغبتي
مشآعل : ولو ، إنتي لآزم تآخذين رآيهم
أمل بدآ الخوف يتسرب لهآ : ليه ! تتوقعين فيه أحد بيعآرض !
مشآعل : مدري !











.. : وش قلت يآأبو نوآف !
أبو نوآف : والله يآأبو سعود خآلد رجآل والنعم فيه ، ومنيب لآقي لبنتي رجآل كفو يحآفظ عليهآ مثله ، ونعم مآربيت والله
أبو سعود : مآعليك زود بعيآلك يآبو نوآف ، البنت بنتنآ ولآ ودنآ إنهآ تروح للغريب وفيه من يبيهآ
أبو نوآف : لو هي علي يآخذهآ من هالليله ، بس البنت لهآ رآي
أبو سعود : خذ وقتك وإسألهآ ، يلله أجل إحنآ نستأذن
أبو نوآف : وين وين ! تمشون والعشآ جآهز !
أبو سعود : مآبينآ رسميآت والبيت بيتنآ ، بس نبيك تسمح لنآ الليله
أبو نوآف : دآم البيت بيتكم ترآني أنتظر زيآره في وقت قريب
أبو سعود : وأنآ أنتظر منك رد يفرحني إن شآءالله
أبو نوآف : خير إن شآءالله


دخل ابو نوآف الصآله ولقى فيهآ أم نوآف والبنآت وحمد ونآصر ، إبتسم لهآ أول مآطآحت عينه عليهآ ، أكبر بنآته صآرت عروس
أم نوآف : إخوي رآح !
أبو نوآف : إيه مشى
حمد : أممممآ !! _ طلع جوآله _ شف الخآين خويلد ، قآيل له لآتمشي قبل مآأشوفك
العنود : تستآآآآآآآآآآآآهل محد قآلك إنشب لنآ هنآ وطفشنآ
أبو نوآف : وإنتي للحين لسآنك فيك !
العنود بفشيله : يبببببببببه ! خلآص عآد مآتسوى علينآ شهآده
نآصر : فشششلهآ فششششلهآ بسرعه قومي لقطي وجهك
العنود : إنت إنطم جعلك المغص ، بعدين أبوي يحبني مآيفشلني ، صح يبه !
ابو نوآف : لآ مهوب صح ، أنآ مآأحب الفآشلين ، وش زودك عن أخوآنك هآآآآآآه ! جآك قصور يوم إنك تطيحين وجهي بهالنسبه !!!!!
أم نوآف برحمه : خلآص عآد ، نصيبهآ وخذته _ حبت تغير الجو _ ورآه أخوي طلع يآكآفي ولآتعشى !

قطع الجو ضحكة حمد العآليه ، رفع رآسه لهم وركز على مضآوي ، قآم وطلع من عندهم ، مضآوي : بسم الله ! وش فيه !
أبو نوآف : بنتك صآرت عروس يآسآره
أم نوآف : أي بنت فيهم !
العنود : يآرب أنآ
نآصر : والله وسآعة الوجه !
العنود : والله والنشبه ! يآخي إنت وش تبي ! غآآآآآآث أوووم أووومي !
نآصر : عليك حكي ! أطلق عربجي مآيقوله
أبو نوآف : لآ قم إصفقهآ ، وإنتي قومي خذي العصآ ومحطيه ! الظآهر مآعآد لي إحترآم بينكم !
نآصر : حشى يآبو نوآف ، السموحه
العنود : بدوي
نآصر : هييييين خليه يطلع بس
رجع حمد وقعد بمكآنه : إنت إترك عنك هالخبله ، من جدك إنت قآعد تنآشبهآ ! أبو نوآف كمل كمل
أبو نوآف : العلم عندك !
حمد بإبتسآمه : والله توه وصلني
ام نوآف : خير إن شآءالله ! وش عندكم تتكلمون بالألغآز !
أبو نوآف : خير خير ، أبو سعود خطب بنتك مضآوي لخآلد
لحظة صمت مرت قطعتهآ دآنه وهي تقول : ووووووووع خآلد ذآك اللي يخوف !
أم نوآف بفرح : ويآآآآآآلله من فضلك ، وين نلقى أحسن من خآلد
العنود اللي توهآ بدت تستوعب : إخسسسسسي والله ! مضيوي بتعرس ! _ وضحكت بقوه _ والله وكبرتي يالشينه !
أبو نوآف : بس أنآ قلت له يعطيني فرصه أسأل مضآوي ، هآه أمي مضآوي ترى الرآي بالأول والأخير رآيك
العنود : أقول عنتس موآفقه !
رفعت مضآوي رآسهآ لحمد ، لقته يبتسم وأول مآشآفهآ غمز لهآ ، كآنت تدري إن خآلد يحبهآ وهي تبآدله الشعور ، ومن خلآل صدآقة حمد بخآلد وحركة حمد الأخيره عرفت إن إخوهآ عنده
علم بمشآعر خآلد ، مآقدرت تتكلم والعيون كلهآ عليهآ
العنود وهي تأشر عليهآ : ترى يمكن تكون جتهآ صدمه ، ويمكن تكون فرحآنه بقوه ، بس مآأتوقع إنهآ مستحيه
نآصر : ليه تحسبين النآس كلهآ مثلك ! مغسوله وجههآ بطين !
العنود : طين يلط في وجهك يللي مآتستحي
نآصر : وقسمن بالله لو أبوي مو فيه ، كآن عرفت أتفآهم معك
قطع ابو نوآف هوآشهم اللي عآرف إنه مآرآح يخلص : مضآوي مآسمعنآ رآيك !
مضآوي بخجل : الشور شورك
أبو نوآف : اجل على بركة الله
قآمت مضآوي بسرعه ، والعنود اللي صرخت مو مستوعبه ان إختهآ بتتزوج أخيراً ، أم نوآف دمعت عيونهآ
حمد بحنآن : أفآآآآ يآلغآلية ، ليه الدموع !
أم نوآف : حبيبة قلبي كبرت ، بتتزوج وتروح عني
أبو نوآف بغصه : إيه إيه قولي لهآ هالحكي عشآن تهون قوليه !
حمد بإبتسآمه : سنة الحيآة يآأمي ، بعدين هي وين بتروح ! كلهآ الشرقيه ثلآث سآعآت وإنتي وآصله
أم نوآف دموعهآ تزيد : طلعتهآ من البيت تعور قلبي
حمد : يعني مآودك تشوفين بنتك متزوجه ومستقره في حيآتهآ !
أم نوآف : الا والله
حمد : خلآص أجل يالغآلية ، بعدين شوفي من بيآخذهآ ! خآلد زينة الرجآل والله
أم نوآف : والنعم فيه ، الله يتمم لهآ على خير
أبو نوآف : بآقي يجي يشوفهآ بكره , وبعده نسوي فحوصآتهم
أم نوآف : ليه الإستعجآل ، تونآ
حمد : يمه جعلك العآفيه ، خآلد عنده دوآم مآيقدر يتركه أكثر
أم نوآف : وعسآه بيصير بعدين كذآ ! مآيجيب لي بنتي الا بشفآقه !
ضحك حمد وقآلت العنود : وش ذي الحركآت ! وأنآ وين رحت ! أبشري باللي تصير لتس مضآوي والعنود ودآنه وكل البنآت
حمد : بذي صدقتي ، أنآ أشهد إنك بتكفينهآ عن كل البنآت ، عليك لسآن !
أم نوآف : كل وحده لهآ غلآهآ ومكآنهآ
العنود : الا أنآ ، عن عشر أمآكن
حمد : الله يرزقك بنصيب يقلعك لعرعر
أم نوآف بحنآن : وإنت يآأبوي ، مآودك تفرح قلبي !
حمد : تونآ يالغآلية
أبو نوآف : إلى متى تونآ ! إنت وإخوك طلعتوآ النخل برآسي
حمد : مو قبل مآتفرحون بنوآف
أم نوآف : إذآ تبي تطآوع نوآف ، عز الله إنك مآأعرست
حمد : ليه ليه ! لآ إن شآءالله نوآف بيتزوج وأنآ بألحقه ، بس خلونآ في مضآوي الحين ..












.. : إيش صآر على موضوعنآ !
.. : مآصآر شي
.. : إلى متى إن شآءالله !
أم مشآري : وإنتي تحركتي !
منآل : يآسلآم ! أتحرك لوحدي ! مو أنآ مآقصرت هلكته رسآيل ولآ همه الموضوع وأحرقت جوآله من كثر مآأدق بس مآيرد
أم مشآري : عآمل فيهآ ولد سويره الرجآل الثقيل !
منآل : للأمآنه يآأمي ، هوّ عآقل يعني لو حد غيره كآن مع ثآني إتصآل نشب لي
أم مشآري : لآزم ننزل الريآض ، منهآ عشآن مشعل وكمآن إنتي تتلحلحي عند أمه
منآل : إيه إيه ! تبغي أسوي نفسي البنت السنعه اللي مآفي منهآ قدآمهم ! لآ أمي مآأبغى
أم مشآري : أجل كيف تبغيه !
منآل : أبغى أدخل عليهم وأنآ كآسره خشومهم ، أعرف إنهم مآيطيقوني ، أبغى أبين لهم إني أخذت أحسن رجآلهم غصصب عنهم
أم مشآري : وهذي كيف تجي !
منآل بإبتسآمه لعينه : أمي أعرف حركآتك ، دبريهآ
أم مشآري : لآ إستني شويآ ، خلينآ ننزل الريآض وهذآ الحل سيبيه آخر شي
منآل : متى السفر !
أم مشآري : متى مآفضي أبوك
منآل : ومرآم الزفت حتروح !
أم مشآري : كللللللنآ بنروح
منآل : أيوه صح ، هيّ إشبهآ صآيره نكد ودآيم قآفله على نفسهآ !
أم مشآري : وأنآ إيش بيعرفني ! سيبك منهٍآ هذي معقده ، إيوه إسمعي مآقلت لك إيش صآر في حفلة أم أكرم !
منآل : لآ حكيني





،

[كَوثَر]

،


.. : تفهمين وش يعني لآ ، صح !
.. : طيب ليه !
.. : عشآن أسبآب كثيره
.. : عطني أسبآبك ، إقنعني
مآجد : منيب مجبور أحكي مع وحده عقلهآ فآضي
أمل : طيب حآول تضغط على نفسك وتقولي لو سبب وآحد يبرر رفضك
مآجد بصرآخ : لآآآآآآ وإنقلعي عن وجهي
أمل بعنآد : مو من حقك تمنعني عن شي كآن بالنسبه لي حلم بدون أسبآب
مآجد : يمه خلي بنتك تبلع لسآنهآ لأقوم أتوطآهآ
أمل : أمي مآلهآ شغل بينآ ، أنآ أتكلم معآك إنت ، مآجد قل لي لو سبب وإذآ شفته منطقي لك مني أتنآزل عن الطب ولآ أفتح سيرته أبد
مآجد بوقآحه : تقدرين تقولين لعآنه
أمل بدآخلهآ _ يبي يستفزك ، لآتغلطين _ : غير هالسبب !
مآجد : مسكت برآسي مآأخليك تدخلين طب ، كيفي
أمل : مآجد خل كيفك يتدخل بأي شي إلآ بهالقرآرآت
مآجد : إحلفي ! مآبقى الا إنتي تعلميني كيف أقرر
أمل : أنآ مآتدخلت فيك ، بس هذآ شي من حقي ، إنت معآرض على شي لي
مآجد : آخر الحكي ، مآفيه طب شوفي لك أي قسم يضفك وإحمدي ربك وإسجدي شكر إني وآقفت تدخلين الجآمعه
أمل بصدمه : عبدالعزيز ! تكلم قول شي !
عبدالعزيز بسلبيه : هذآ مآجد عندك ،إذآ إقتنع أنآ مآرآح أعآرض
أمل إنقهرت حيل من موقفه ولفت على أمهآ لقتهآ منزله رآسهآ عرفت أمل إن إمهآ مآتبي تتدخل ، طآلعت مآجد ولقته يبتسم لهآ : بآقي سلمآن ، روحي خليه يفزع لك !
أمل : حرآم عليك ، إبوي كآن موآفق
مآجد بقسوه : إبوك مآت مآآآآآآآت وبهالبيت أنآ أللي أقرر سآآآآآآمعه
أمل بدت دموعهآ تنزل : بكره التسجيل تكففففى مآجد الله يخليك
مآجد : إقلبي وجهك لآتخليني أحلف يمين مآتطبين جآمعه
كآنت تدري إن إخوهآ ممكن يسويهآ ، قآمت عنهم ودخلت غرفتهآ ، تحس نفسهآ مظلومه ومقهوره ، زآد إحسآس الحقد اللي بدآخلهآ عليه ، بطقة مزآج منه يحرمهآ من حلمهآ وطموحهآ
قآلت أم محمد : مآجد الله يهديك فكر زين بالموضوع ، لآتكسر خآطر اختك
مآجد : جعلهآ تموت ونرتآح منهآ ، نقص علي بنآت يدخلون طب ! لييييييه تبين النآس تضحك علينآ يقولون مخلين بنتهم بين الرجآل !!
أم محمد : إختك عآقله
مآجد : إنتي مآتعرفين هبآل البنآت ، قآعده في بيتك ولآ تدرين وش اللي يصير برا والله لو على جثتي مآتدخل الطب ..



























دخل البيت وكالعآده في هالوقت المكآن فوضى ، مآإستغرب كيف مآيصير فوضى ! ، العنود وآقفه فوق الكنب ورآفعه قميصهآ ونآفشه شعرهآ ، دآنه تحتهآ مآسكهآ قدر وتطق فيه
مضآوي رآفعه صوت التلفزيون ع الأخر ومندمجه مع الفيلم


نوآف : بسم الله الرحمن الرحيم ، إنتي وش مسويه بكشتك !
العنود وقفت هز : أوو أوووو إخونآ الدختر
قصرت مضآوي على الصوت : هلآآآ نيوفي
نوآف : هلآآ بعروستنآ
إستحت مضآوي ونطت العنود من فوق الكنب : فآآآآآآتك نص عمرك ، والا لآ وش نصه الا قول فآتك ثلآث أربآعه ، خلآص نوآف رح موت
نوآف : موت يآخذ العدو
العنود : اليووووم خويلد جآ شآفهآ والله وجههآ تقلب الوآآآآآن _ وجلست تحكي لنوآف أحدآث اليوم _
نوآف يضحك : جعلللللي مآأطيح بلسآنك
العنود : جزآ المعروف سبع كفوف ، الحين أنآ جآلسه أقولك الأحدآث وبالأخير هذآ جزآي !
حمد سمعهآ وهو دآخل : كفوف تقلبك يمين ويسآر
العنود : إستبدآآآآد يآربي ، من كل جهه يهآوشون
حمد : مآهآوشنآك ، دوعآآآآآآبه يآإختي
العنود : لآتدآعبن ولآ أدآعبك ، كبرك أنآ تمزح معي
نوآف فطس ضحك : يآخي عليك إخت !
حمد : إيه كفى الله الشر ، الله لآيكثر من أمثآلهآ
العنود تنفث جوآ ملآبسهآ : الشر برآ وبعيد
نوآف : وش فآيدة هالحركه ! لهآ علآقه باللي قلنآه !
العنود : لآ مآأتوقع ، بس اليوم وأنآ أتآبع مع أبوكم مسلسل مصري سآمج ، شفت الحركه وعجبتني
حمد بيأس : إنتي خآآآآآلصه ، منتهيه ، المهم إسمعي ترى الرجآل كلمني وبكره تروحين الجآمعه عند وحده إسمهآ مريم ، قولي لهآ أنآ بنت سلمآن الـ ....
العنود : إيه وبعدين !
حمد : وشو بعدين ! شوفي لك قسم خليهآ تسجلك فيه
لفت على مضآوي : وش أدخل !
مضآوي : تسأليني أنآ !
العنود : أجل مين !
مضآوي تحآكي أخوآنهآ : وش أسوي فيهآ !
نوآف : عنود يآقلبي ، هذآ مستقبلك إنتي ، إحنآ مآلنآ شغل إنتي شوفي وش القسم اللي ينآسبك وممكن تنجحين فيه
العنود : مآأعرف ، إختآروآ لي
حمد : ولآ وآحد يختآر لهآ ، خلوهآ هي تفكر
العنود : يآآآآآآآآنذلك
حمد : مدري وش يملى عينك _ لف على مضآوي _ بكره نوديهآ الجآمعه ونطلع المستشفى تسوين تحليل ، اوكِ !
مضآوي : أبي أمي تروح معي
نوآف : ليه ! رآس مآله تحليل ، مآيسوى
حمد : مآعليك منهآ ، دلع بنآت
ودخلوآ في نقآش طووويل مع البنآت ، العنود بطولة لسآنهآ محد يقدر يتخلص منهآ بسهوله ، كآن يحس بتعب وإرهآق شديد ، سآكت طول الوقت ، فضل إنه ينسحب منهم ويطلع غرفته يرتآح
من كم يوم وهي في بآله ، أفكآر كثييييييره تدور حولهآ ، إشتآق لأيآمهم لمآ كآن يروح بيت عمه ويجلس معهآ بالسآعآت ، يرتآح لهآ كثيييير ويحس إنهآ إنسآنه وآعيه بتفكيرهآ
مآكآن يشيل هم نفسه ، كثير يلجأ لهآ ويآمآ سآعدته في موآقف صعبه ، من سآعده ووقف معآه لمآ وصل للي هو فيه الا هي ، من كآن يدعمه ويتحمل عصبيته غيرهآ هي
لمآ يصعب عليه أي موضوع مآيفكر يحكي مع أحد لأنهآ كآنت له الإخت والصديقه وحتى الأم ، بس هي وينهآ الحين !
صعب كثيييييير يوصل لهآ ، مآينكر إنه محتآج لهآ ، ولو يقدر دفع اي شي بس يقعد معهآ شوي ويحكي لهآ اللي بخآطره ، محد ممكن يفهمه بالصوره اللي كآنت عليهآ قبل
بدل ملآبسه وجلس على السرير ، سرح في هالهوآجس اللي في بآله ، أخذ جوآله ودق الرقم اللي مخزنه بإسم ( بيتنآ الكبير )



وصل له صوتهآ ، حس الكون وقف دقآيق ، يبي يستوعب إنهآ هي ، حس بنفسه على صوتهآ المعصب ، إبتسم وقآل : دآعيه عليه إمه اللي يدق عليكم بالغلط
مهآ تضحك : نوآف ! والله بغيت أدعي دعوه !
نوآف : أعوووذ بالله ، يمكن أحد غلطآن طيب !
مهآ : لآآآ تكفى فيه وآحد نآشب لنآ وأزعجني
نوآف : أزعجهم ، هذآ مو بيتك
مهآ : وإنت للحين مآفكيت الحرش اللي برآسك !
نوآف يضحك : ولآ بأفكه ، كيف حآلك مهآوي !
مهآ اللي ضآق صدرهآ من كلمته " مهآوي " ، مآتنكر إنهآ إشتآقت للأخ والصديق ، مستحيل أحد يفهم علآقتهم الطآهره الي كآنت تربط بينهم ، نوآف فهم سكوتهآ غلط فقآل : عفواً أم زيآد
مهآ : يآشينك وإنت مسوي برستيج ، أنآ بخير وإنت وش مسوي نيوفتي
نوآف : يوووووه من زمآن نيوفتي
مهآ : إيه الله يرحم بس
نوآف : طمنيني كيف زيآد !
مهآ : والله مع العلآج الأخير أحسه أحسن ، بس مدري أحيآناً أحسه يتعب
نوآف : طبيعي ، إنتي مثل مآفهمتك إذآ حسيتي بأيه عوآرض من اللي قلتهآ لك ، جيبيه لي على طول
مهآ : إن شآءالله
نوآف : تدرين إني أهوجس فيك لي كم يوم ، وتو طريتي على بآلي عآد قلت بكلم خآلتي أسلم عليهآ ، لمآ رديتي توقعت إني دقيت رقمك بالغلط
مهآ : فآهمه عليك ، بس لآتخآف أسآساً أنآ مآعندي جوآل
لحظة صمت بينهم ، يفهم لهآ بدون مآتتكلم ، يدري إنهآ مو مرتآحه أبد مع متعب ، ومتأكد إنهآ تستآهل وآحد أفضل بكثيييييير ، قطعت مهآ الصمت وقآلت : للحين يأذيك !
نوآف : مو مهم ، المهم يآمهآ إنتي
مهآ : هو مآرآح يفهم طبيعة العلآقه اللي بينآ ، عجزت أفهمه إنك مثل إخوي
نوآف بقهر : طآلمآ أنآ محترم نفسي ولآ قربت منك أبد ، ليه يحآسبك على ايآم أول ! بعدين الله واللي بينآ !
مهآ : شكآك يآنوآف ، أتعبني
نوآف : إنتي اللي سآكته له ، مهآ طآلمآ إنتي ضعيفه ومخليته يفرد عضلآته عليك فإنتي الخسرآنه


مهآ ونوآف تربطهم علآقه أخويه ، حيل حلو اللي كآن بينهم ، مهآ بحكم انهآ أكبر من نوآف مآكآنت تحس إن علآقتهآ فيه غلط طآلمآ كآنت تحت عيون الكل وبحدود معينه
مآعمرهآ كلمت نوآف بدون علم احد ، كآنت تمسك التليفون والكل يعرف إنهآ تكلمه ، تجلس معآه بوجود أهلهآ وأهله ، يفضفض لهآ كأخت عآقله وفآهمه
مآكآنت نظرته لهآ تحمل أي عوآطف من نوع الحب ، مشآعر طآهره ربطتهم لفترة طويلة ، لولآ زوآجهآ من متعب اللي أبعدهآ عن الكل مو بس نوآف بشكله وعقليته المريضه ،
جلس يكلمهآ بحدود السآعه ونص ، سمع لهآ وهي سمعته ، فضفضوآ لبعض ، وإرتآحوآ أكثر ، سكر منهآ نوآف وهو مرتآآآآآآح ودخل في نومه عميقه ..































صحت الصبآح وهي تحس رآسهآ ثقيل ، متضآيقه من اللي صآر أمس ، مآقآمت من سريرهآ كآنت تنآظر السقف وتحس الدموع بعيونهآ ، مخنوقه وتعبآنه كثير

حست أطرآفهآ بآرده من المكيف ، شآفت السآعه لقتهآ ست الا ربع ، بدري كثييييير على الجآمعه والتسجيل ، تحركت بملل ووقفت قدآم المرآيه

إنصدمت لمآ شآفت عيونهآ متورمه من كثر مآبكت أمس ، دخلت دورة الميآة خذت لهآ شور بآرد وطلعت ، صلت ودعت ربهآ إنه يوقفهآ ويسلي خآطرهآ عن حلمهآ

طلعت برآ مآلقت أحد ، مشآعل اللي رجعت لزوجهآ بالشرقيه تفقدهآ كثير ، مآعآد بقى عندهآ أحد الا إمهآ ومحمد اللي نآدر مآتشوفه ، عبدالعزيز اللي يقعد معآهم دقآيق
مهآ اللي زيآرآتهآ قليله ، مآجد وتوقفت شوي لمآ طرآ عليهآ ، مآكآنت تقدر تدعي عليه برغم القهر اللي بدآخلهآ نآحيته ،

وقفت قدآم الشبآك وفتحته ، برغم انهم في عز الصيف الا ان الجو الصبآح يكون حلو ، فكرت بأشيآء كثيره طول مآهي وآقفه

دخلت المطبخ سوت لهآ شآهي ورجعت للشبآك ، فتحت المسجل وبدت فيروز تغني

فيروز والصبآح تذكرهآ فيه ، وقفت عن هالخآطر ، حمد ، الإنسآن اللي يكبرهآ بست سنوآت هو الأقرب لروحهآ ، مآكآنت سطحيه أبد في تفكيرهآ
مآحبته عشآن شكله أو منصبه أو أو أو ، تحب حمد لأنه حمد


دق جوآل إبوهآ اللي صآر معهآ ، إستغربت من اللي ممكن يتصل مع هالصبآح ، شآفت الإسم وإستغربت

أمل : هلآ !
.. : صبآح فيروزي
أمل : صبآح الروقآن
.. : كيف الحآل !
أمل : بخير ، إنتي بخير ! فيك شي !
مضآوي تضحك : لآ مآفيني شي ، حرآم أدق عليك !
أمل : لآ ، بس شعندك مع الصبح بدري ! غريبه !
مضآوي : أدري إنك مستحيل تنآمين وورآك تسجيل
أمل : طيب أنآ ورآي تسجيل ، إنتي وش ورآك !
مضآوي بعبره : ورآي تحليل
أمل بإبتسآمه : أهآآآآآآآ ، كل هذآ توتر يالعروس !
مضآوي : ..
أمل : مضآوي وش فيييييك !
مضآوي : مدري يآأمل ، ضآيق صدري
أمل خآفت : مضآوي إنتي إستخرتي !
مضآوي : إيه والحمد لله مرتآحه ، بس
أمل : بس وشو !
مضآوي : مآبي أسكن الشرقيه ، مآبي أترك أهلي
أمل تضحك : حسبببببببت عندك سآلفه ، مضآوي يآقلبي تونآ على هالحكي
مضآوي : إنطمي بس ، هين أنآ أوريك والله لأخلي حمد يقلعك وتسكنون بآخر الدنيآ
أمل بإحرآج : تعرفين تسكتين صح !
مضآوي : أيوووووه وحده بوحده
أمل : مآخبرتك نذله ، وإلآ العرس يغير !
مضآوي : يلعن بليسك بطني مغصني ، المهم خل نغير السآلفه مستعده للإختبآر !
أمل عورهآ قلبهآ : إن شآءالله خير ، مضآوي هذي فهده تدق برد عليهآ عشآن نتفق متى نطلع
مضآوي : خلآص بس كنت بقولك العنود بتجي الجآمعه دبريهآ تكفين
أمل : أوووكِ بآي


سكرت أمل وغمضت عيونهآ ، مآتحب تكذب عليهآ بس مجبوره ، مضآوي قريبه حيل بس مآينفع تشكي لهآ ، أمل مآكآنت تحب تشكي ولو إحتآجت تفضفض لأحد تختآر الشخص الصح

في عز أفكآرهآ دقت عليهآ فهده وإتفقوآ متى يطلعون ، قآمت امل وجهزت نفسهآ وطلعت مع عبدالعزيز اللي بيوصلهم ، مرت على فهده وأخذتهآ ، نوآل كآن تسجيلهآ عن طريق الرجآل
وعبير إلى الآن مآلقت لهآ فرصه تدخلهآ الجآمعه ، سرحت في العنود وعبير ، نفس النتيجه بس إختلفت الأسبآب ، وحده كآن نجآحهآ لعوآمل خآرجه عن سيطرتهآ والثآنية لعب في لعب
بس الأولى مآعندهآ أب يملك منصب تستند عليه والثآنية العكس ، وصلوآ الجآمعه ، وفي البوآبه


فهده : بنت ، ترى وجهك يجيب العآفيه
أمل بإبتسآمه : أدري إني حلوه ، خلآص غثيتوني
فهده : مآعمره أحد شوتّك !
أمل : يووو فهده بتدخلين الجآمعه وإنتي للحين على هالألفآظ !
فهده : لين يصيرون عيآلي طولي
أمل : أووووه يعني مطولين
فهده وقفت قدآمهآ ومسكتهآ : وش فيك !
سكتت أمل والعبره خآنقتهآ ، عندهآ فهده بالكون كله ، يآكثر مآتحس فيهآ هالبنت ، بدون مقدمآت ضمتهآ ، قآلت فهده : مآجد ! _هزت رآسهآ أمل بدون مآتتكلم _ مآرضى !
هنآ أمل زآدت في ضمتهآ لفهده
فهده : خيره إن شآءالله ، ربي مو كآتبهآ لك
أمل : قهرني ، ضيع مستقبلي
فهده : لو ربي كآتب لك تدخلين طب لآمآجد ولآ غيره بيوقف في طريقك ، بس هذي كتبة ربك وإحمدي ربك إنتي حآصله لك فرصه تدخلين جآمعه ، لآتحطين الطب عآئق قدآمك
فيه أقسآم كثيره تقدرين تبدعين فيهآ ، قولي الحمد لله يآأمل

كآنت تحتآج تسمع مثل هالكلآم ، فهده هي الإنسآنة الوحيدة اللي تفهم لهآ : الحمد لله
فهده : وش نآويه عليه !
أمل : حآسب ، وإنتي !
فهده : كفو ، أنآ طآل عمري قررت أدعس نفسي بكلية العلوم لين مآربي يكتب لي أجيب معدل ونشوف
أمل : الله يكتب اللي فيه خير _ دق جوآل أمل ولقته العنود _ هلآآآ والله
العنود : وينك !
أمل : بسم الله ، في البوآبه
العنود : هذآني بدخل لآتروحين
سكرت العنود وإستغربت أمل : هذي العنود ، شكلهآ قآفله معهآ
فهده : العنود هي المصرقعه
أمل : إيه فهده الثآنيه
فهده : وينهآ بنت سلمآن حبي لهآ ، أحسن منتس يآلبآرده
أمل : وأنآ مآجيت الا معكم ! عز الله بتهبلون فيني _ لمحت العنود من بعيد تدور بعيونهآ عليهآ _ شوفيهآ هذيك
فهده : إخس ، بنت عمك حلوه
أمل : إيه علي
فهده : يآصبآح البثآره

ضحكت أمل ومشوآ للعنود اللي وقفت تنزل عبآيتهآ ، العنود كآنت نآآآآآعمه بقوه ، اللي يشوف ملآمحهآ يآخذ عنهآ إنطبآع هآدي جداًَ بعكس تصرفآتهآ ، بشره فآتحه ، جسم متنآسق
شعر طويل ، بعكس فهده اللي كآنت ملآمحهآ حآدة
سلمت عليهآ أمل ، وقربت العنود بصوت وآطي : من هالحلوه !
أمل تضحك : وش فيكم كل وحده معجبه بالثآنية من بعيد ، هذي فهده
العنود : فهدددده الدبيه ، هلآآآآآ

سلموآ على بعض بحمآس ، فهده : إيييييه هذي العنود المصرقعه اللي تسولف عنهآ أمل ، يآبنت شكلك برييييييئ
العنود وهي تمثل البرآئه : وهو كذلك
أمل تدفهآ عشآن تطلع : إيه مرررره ، وش إسم الحرمه اللي بتروحين لهآ !
العنود تفكر : نسيت ! اصبري شوي ومخي يجيبهآ ، روحي يآألبي إختبآرك
أمل وتحآول مآتحط عينهآ بعين العنود : لآلآ ، مآفيه إختبآر
العنود : عيآل اللذينآ ، لآتقولين تأجل !
فهده : هذآ يآطويلة العمر أمووول فكرت بقرآرهآ وحست إن الطب بيلهيهآ عني وتنآزلت عنه ، شفتي شلون بنت عمك تحبني !
العنود : والله بنت عمي عند الطب تبيعنآ ، خلي عنك
أمل بإبتسآمه : لآ يآقلبي وش دعوه ! صدق والله أنآ قررت أدخل حآسب
العنود : يآآآآآقدمهآ ذآ الحركآت ، طسي يآبنت ترآهم الحين رآح يبدون
أمل وهي تقعد : حررررر ، الحين كل هذولي بيسجلون حآسب !
العنود بإستغرآب : أمل ! صآدقه إنتي !
أمل تلعب بأظآفيرهآ : إيه صآدقه ، بسجل حآسب
جلست العنود وهي معصبه : تستهبلين انتي ! وحده جآيبه مثل نسبتك ليه مآتدخل طب هآآآآآآه !
أمل : خلآص عنودي ، حتى الحآسب مستقبله حلو
العنود بتفكير : إحسآسي يقولي مآجد ورآ السآلفه
أمل : لو أقولك إيه مآجد ورآ السآلفه بتقفلين الموضوع !
فهمت العنود موقف أمل ، وعرفت إن أمل مستحيل تتكلم وتسب في أحد أخوآنهآ مهمآ وصل غلطه ، دعت على مآجد بدآخلهآ ، قآمت عنهم وهي تقول بقهر : إذآ خلصتي تسجيل ، أنآ دآخل
أمل وهي تتنهد : عنود طبعهآ حآر
فهده : مآعليه ، طنشيهم واتركي الحكي كله ورآك ، روحي من هنآ وأنآ بروح
أمل : أوووكِ نلتقي دآخل عند عنود ..























دخلت المستشفى مع حمد عشآن تسوي التحآليل ، تحس خطوآتهآ ثقيله ، خآيفه بس من وشو مآتدري ، مشت بأسيآب المستشفى الطويله ، كآنت تدعي ربهآ بدآخلهآ إنهآ مآتقآبله

على كثر مآتحبه الا إنهآ مآعندهآ الجرأه تحط عينهآ بعينه ، بس للأسف مآتحققت أمنيتهآ ، لمحته من بعيد وآقف لآبس ثوب وشمآغ ، رفع رآسه لهم وإبتسم ، يشبه حمد إخوهآ لدرجه كبيره

نفس الرزه والهيبه ، سلم حمد عليه وهي وقفت على جنب ، كآنت مغطيه عيونهآ وهالشي خدمهآ إنهآ ترآقبه بدون مآيلآحظهآ ، مآتتخيل إنهآ بترتبط فيه

خآلد حلم طفولتهآ وربي حققه لهآ ، نآدوآ على إسمهآ وتلقآئياً لف لهآ ، أول مآشآفته يطآلعهآ نزلت رآسهآ بسرعه


قرب منهآ حمد : خلآص حفظتي شكل الأرض !
مضآوي : حممممد ترى والله الحين بأطيح وأفشلك قدآم النآس كلهآ
حمد : لالا يرحم وآلديك ، يلله روحي حللي
مضآوي رفعت رآسهآ : لحآآآآآآآآلي !
حمد : لآ خذي معك الشعب
مضآوي : والله مآأدخل لحآلي
حمد : أهآآ تبين خآلد يدخل معك !
مضآوي إنحرجت من تصريح حمد : آآآآآآآآ خلآص بروح _ مشت خطوه بعدين رجعت مسكت يد حمد _ حمد تكفى والله بدوخ ، تعآل معي
ضحك حمد ورحمهآ : يلله مشينآ
مر قدآم خآلد وقآل له بإبتسآمه : دلع بنآت الله يكفيك الشر
خآلد : يحق لهآ ، خلهآ تتدلع

حست بإحرآج فضييييييييييع ، ضحك حمد عليه ومشوآ لدآخل مكآن التحليل ..
























جآلسه في بيتهآ الكبير اللي يدل على كل أنوآع الترف ، الخدم مو مخلين لهآ وقت أو مجآل تنشغل بشي في بيتهآ ، عيآلهآ نآيمين وزوجهآ بالدآوم ، نفس الروتين يتكرر كل يوم بملل

تأففت وهي جآلسه لحآلهآ ، قلبت قنوآت التلفزيون ، مآفيه جديد ، سخآفة برآمج ودعآيآت مآلهآ معنى ، مسكت سمآعة التليفون ، إحتآرت من تكلم ، رجعت رمتهآ بطفش أكبر
حآلهآ مآتغير من زمآآآآآن ، كل الرآحه اللي فيهآ مآحبتهآ ، تحس نفسهآ مقيده ، هذي مو شخصيتهآ ولآ مزآجهآ ، هي إجتمآعية تحب النآس وبسيطه لأبعد درجة

كآن يكفيهآ تعيش في بيت صغير بس من حولهآ نآس تجتمع فيهم وبقلوب طآهره


هي مشآعل اللي تزوجت من كآن عمرهآ 16 سنه ، هالشي اللي خلآهآ مآتكمل تعليمهآ ، كرست حيآتهآ كلهآ في رضآه ، وقفت معآه بكل أزمآته ، تحملت عصبيته وقرآرآته الإستبدآدية ومآزآلت، مآتنكر بقلبهآ له حب كبير بالرغم من طبآعه الشينه رزقهآ ربي بنتين تشوفهم أحلى هدية رزقهآ إيآه ربهآ ..

دق جوآلهآ عشآن يطلعهآ من جو الطفش اللي هي فيه ، مشآعل : هلآ
نآصر ( زوجهآ ) : مسآء الخير
مشآعل : هلآ مسآء النور
نآصر : إسمعي أنآ طآلع الحين من الدوآم ، جهزي لي شنطتي بالله
مشآعل : طآلع الحين ! بدري ، بعدين وش عندك تبي شنطتك
نآصر : عندي سفره للعمل
مشآعل : كذآ فجأه !
نآصر : إذآ وصلت نتفآهم

سكر الخط وهي إنقهرت منه ، طول عمره يآخذ قرآرآته فجأه بدون علمهآ ، قآمت تجهز شنطته وهي تتحلطم ، مرت على غرفة بنآتهآ اللي مآزآلوآ نآيمين ، هذآ كله من آثآر السهر
والإجآزه توهآ بدت ، مشآعل وهي تطفي التكييف وتفتح الستآير : وجعـــة أبوي ، قووومن
نور تقعد معصبه : لييييييييه طفيتيه !!
مشآعل : طفيته أبيك تقومين
نور : مآتعرفين تصحيني بطريقة أحسن !
مشآعل : أقول إنطممممي لأعلمك شلون أصحيك صح ، إعنبوكن مآتحسن فيني ! من اليوم مقآبلة الجدرآن لحآلي !!!!!
نور : نقوم وش نسوي من صبآح الله خير !
مشآعل : وش صبآح !! النآس صآرت ظهر
نور وهي ترجع للمخده : وإذآ صآرت ظهر ! مآمآ حرآم عليك إحنآ إجآزه
مشآعل : والله لو مآتتحركون لأخلي إبوك يتفآهم معك ، ترآه جآي بالطريق
نور نقزت من السرير : بآبآ جآي !
مشآعل : إيه
نور : يمه ! وش عنده !
مشآعل : تبينه يستأذن منك ! بيته وكيفه ، بعدين ترآني أغطي عليكم عنده ترى والله لأقوله إنهم مآيقومون الا قبل رجعتك بنص سآعه
نور : لآلآ خلآص
مشآعل : صلي وإنزلي إنطقي


طلعت مشآعل ودخلت غرفتهآ ، مشآعل كآنت عآرفة نظآم زوجهآ صح ، إنسآن صآرم بقووه ، ممشيهم على نظآم ولآ يحب أي تغيير ، بدت ترتب ملآبسه بالشنطه وهو دخل عليهآ


نآصر : السلآم عليكم
مشآعل : وعليكم السلآم
نآصر وهو يقعد قدآمهآ : بسرعه بسرعه ترى طيآرتي السآعه 3
مشآعل : الحين السآعه وحده ، لآوالله فيك خير قلت لي قبلهآ بسآعتين
نآصر : مشآعل ترى والله السفره إضطرآريه حتى أنآ مآعندي علم فيهآ
مشآعل : حلوه ذي إضطرآريه ، إنت تسآفر وأنآ أقعد لحآلي !
نآصر : هذآ إنتي تركتيني ست شهور ولآ قلت شي
مشآعل : مآكنت ألعب ، تدري بظروف أهلي اللي مروآ فيهآ
نآصر : أدري ومقدر ، ولآ حآسبتك أبد ، وأنآ مو رآيح ألعب ، بعد لآزم تقدرين ظروف عملي ، ومهيب اول مره يآمشآعل
مشآعل قعدت وخآنقتهآ العبره : بس أنآ أطفش لحآلي ، والله أطفش ، حط نفسك مكآني لآشغله ولآ مشغله ، بنآتك مع بعضهم وأنآ هنآ منطقه
نآصر : خلآص ولآ يهمك ، الشهر الجآي آخذ إجآزة وأسفرك المكآن اللي تبينه
مشآعل : وأنآ أقعد شهر مقآبلة الجدرآن
نآصر : مشآعل ! بزر أنتي أقعد أقنع فيك ! وش تبين أسوي لك طيب !
مشآعل : خلني أروح لأهلي ، إنت مسآفر تكفى نآصر خلني أروح
نآصر : يصير خير ، خلآص بسرعه لآأتآخر

قآم عنهآ ودخل يتروش ويجهز لسفرته ، بسرعه تبدل مزآجهآ ، اللي تبيه حصلته ، دآمه بيسآفر ويتركهم تقدر تقعد في بيت أهلهآ مرتآحه ومو شآيله همه
























دخلت البيت ورمت شنطتهآ على الأرض ، نزلت عبآيتهآ ورمتهآ على الكنب وجلست بقوه على الكنب بجنب أمهآ ، العنود : حــرررررر
أم نوآف : قولي السلآم عليكم ، مسآء الخير ، مهوب تهآبدين كنك بقره
العنود وهي تنسدح على رجلهآ : مقبوله منك يآأم العنود مقبوله
أم نوآف : أنآ أم نوآف
العنود : أم نوآف وحمد ومضآوي ونآصر والعنود ودآنه وفيصل
أم نوآف : لآ ، أنآ أم نوآف وحمد ونآصر وفيصل
العنود تقوم عنهآ : لآآآآآآ ، وإحنآ !! بنآت البطه السودآ !!!!!
أم نوآف وهي مآسكه ضحكتهآ : إنتم بنآت رجآلكم ، الوحده لآأعرست خلآص تصير في حكم رجلهآ
العنود : يخسي الا هو ، والله مآيجي عندك شي
أم نوآف : يآعزتي له ، من الحين تخسين الرجآل وإنتي مآتعرفينه حتى
العنود : تصدقين يمه ، أكرررره كل الرجآل
أم نوآف : أعوذ بالله ، ترى الرجآل يصيرون أبوك وإخوآنك وإن شآءالله رجلك وعيآلك
العنود تتكلم وعيونهآ معلقه بالسقف : يقهرون يمه يقهرون
أم نوآف حست إن بنتهآ فيهآ شي ، العنود على طول لسآنهآ إلآ إنهآ حسآسه وتكتم بقلبهآ ، حطت يدهآ على رآس بنتهآ وقآلت : مآعآش من يقهرك يمي ، قولي لي وش مضآيقك
العنود والدموع تتحجر بعيونهآ : مآآآآآآآآقدرت أسوي شي يمه مآقدرت
أم نوآف : عنود حبيبتي ، أنآ أمك وأفهمك ، علميني وش صآير !
العنود : أمل يمه ، مآسجلت طب ، تخيلي يمه مآسجلت طب ، كلللللله من هالحقير ، مو كآآآآآآآآآفي حآرق قلب خآلتي ، يجي يتحكم في مستقبلهآ بعد !! أكرررررررررهه يمه أكررررررررهه

دفنت رآسهآ بحضن أمهآ وبكت ، أم نوآف توآسيهآ : مآعليه ، هو إخوهآ وله الحق مآنقدر نسوي له شي
العنود وهي مآزآلت تبكي : لآ مآآآآله حق لآتقولين له حق ، أنآ لمآ طلبت أخوآني يختآرون لي قسم كللللللهم رفضوآ مو نذآله بس لأنهم عآرفين هذآ مستقبلي وأنآ أقرره ،
هذآ وأنآ مآجبت نسبه ولعبت لعب طووول درآستي ، كلهم وقفوآ معي بالشي اللي من مصلحتي ، ليه هي إجتهدت وجآبت نسبة رفعت رآسهم كلهم ، يجي بكل حقآره يحرمهآ من حلمهآ


دخل حمد ومعه مضآوي على كلآمهآ الأخير اللي سمعوه ، مضآوي كآنت تتمنى اللي فهمته شي غلط ، إحسآسهآ بأمل مآيخيب ، جلست بعبآيتهآ وسألت بإستغرآب : وش فيكم !

أم نوآف وهي تمسح على رآس بنتهآ اللي مآزآلت دموعهآ تنزل : مآفيه الا كل خير
مضآوي : وش فيهآ عنود !
سكتت أم نوآف ، والعنود لفت وجههآ عنهم ، مضآوي إنهبلت زود : تكللللللمي بنت ، أمل وش فيهآ !!!
العنود بصرآخ : وش فيهآ غير النذل مآجد ! مآخلآهآ تسجل طب
أم نوآف : العنود إستهدي بالله وهدي أعصآبك ، قومي يمي ، مآله دآعي يدخل أبوك ويشوفك كذآ
قآمت العنود عنهم تغسل وجههآ ، عم الصمت في المكآن ، رجعت لهم العنود وقعدت بجنب إمهآ ، سألت مضآوي : ليه طيب !
العنود : مآتكلمت ولآ قآلت شي ، ولآ بعد تحآول تغطي عنه ، لو مآإكتشتف إنه مآجد مآكآنت بتقولي ، مسويه نفسهآ هي اللي مآتبي
مضآوي : أمل مستحيل تتكلم في أهلهآ
أم نوآف : مآندري يمكن خيره لهآ
العنود : إيه إيه سكتي نفسك بهالحكي ، والله إنك منقهره عليهآ أكثر مني بعد
أم نوآف : إيه منقهره بس وش تبيني أقول ! إذآ البنت بنفسهآ مآعمرهآ إشتكت ، نجي نتدخل إحنآ فيهآ !
العنود : بس هذآ تمآدى مررره ، لآزم أحد يوقفه عند حده
أم نوآف : لآ والله مآلنآ شغل فيه ، مآجد مهوب صآحي رآعي مشآكل من يتورط معه !
مضآوي : بس يمه حرآم اللي قآعد يصير لأمل
أم نوآف بقهر : يآبنآتي وش تبوني أسوي ! بيدي شي ولآ سويته ! تبون أسحب البنت تعيش عندي !
العنود بتهور : إيه ، زوجيهآ وآحد من عيآلك ، والله هالكلب بيقطهآ على وآحد مآيسوى زي مآسووآ في مهآ
أم نوآف : تعبت أحن على رآس إخوك نوآف مآرضى


إنصدم حمد من إمه ، وإنصدم أكثر من نوآف اللي مآعمره قآله عن هالموضوع ، إستغربت مضآوي لأنهآ مآعمرهآ سمعت من إمهآ إنهآ تبي أمل لنوآف ، إلتفتت مضآوي على حمد
شآفته ضآغط بقوه على جوآله وعيونه بالآرض ، عرفت إنه ضآغط على أعصآبه ، حبت تغير الموضوع : طيب مآقلتي لي وش سجلت !
العنود : حآسب
مضآوي : حلووو الحآسب مستقبله مره بطل
العنود بقهر : مو أحسن من الطب
أم نوآف : خلآص عآد ، ربي مآكتبه لهآ ، لآتقولون لهآ هالحكي أبد ولآ أحد يطري لهآ الطب مره ثآنية ، أكيد البنت الحره بقلبهآ وسآكته ، لآتزيدونهآ
مضآوي : وإنتي يآحظي ، وش سجلتي !
العنود : أنآ طآل عمري ولآقصر يآرب ، سموي سجلت تغذية مضآوي فطست ضحك : ككككككل هالدوشه وبالأخير تغذية !
العنود : تكفيييييييين يآمخترعة الذرة ! ترى رآس مآلك أحيآء مضآوي : إسم إني شديت حيلي ولآ جبت نسبة ، مو مثل بعض نآس تسدحوآ وتبطحوآ لين قآلوآ يالله العآفيه
العنود : بدت بدت ، هيه إنتي مو يعني إنك بتعرسين تقعدين تغثينآ وتسوين أم المثآليآت






لمآ حس إن الجو صآر أهدى ، فضل إنه ينسحب عنهم ، طلع لغرفته وسكر البآب ، جلس على السرير بقهر ، فكر فيهآ وحآلهآ ، كيف بيكون شعورهآ وهي إنحرمت من أكثر شي كآنت تتمنآه ،
إذآ مآجد مآدخلهآ طب على موآفقة عمه على حيآته ، بيرضى يزوجه أمل وهو اللي يكرهه ! ، هالهآجس أرعبه كثير ، أخذ جوآله وإنتظر يسمع الصوت اللي يبي يكلمه الحين

.. : هلآ
حمد : ليه مآقلت لي إن إمي تبيك تخطبهآ !!!
نوآف بصدمه : من قآل لك !!
حمد : ليه خبيت عني !
نوآف : حمد ، مآكآن له دآعي تعرف ، بعدين إنت تدري إن أمل مو برآسي
حمد : أدري ومتأكد ، بس كآن لآزم تقول لي
نوآف : إنت من قآل لك !
حمد : إمي قآلت لأخوآتي
نوآف : الله يهديهآ أم نوآف ، مآأبي الموضوع ينتشر ويصير فيه حكي ، خلآص إسمع أنآ مشغول الحين لآرجعت حكينآ
حمد : حسآبك عسير يالدب ..














،

[كَوثَر]

_ بعد مرور شهَـر _











في منتصف الظهر ، توه يصحى من النوم ، كآن من المفترض برجل متزوج وعنده ولد يكون هالوقت في دوآمه ، إلآ فئة معينة عآطلة وبآطلة مستندة على غيرهآ يصرف عليهآ
صحى مزآجه متعكر من سهرة البآرح ، كآلعآده لآجديد ، سهر ونوم وأكل ، لقآهآ جآلسه عند التلفزيون وشكلهآ سرحآنه والدليل انهآ مآحست فيه

متعب : مآشآءالله ، الظآهر لو تنفجر عندك قنبلة مآحسيتي فيهآ
مهآ على نفس وضعيتهآ : حآسه فيك
متعب : وين البآل !
مهآ : أبد حولك
متعب : في مين سرحآنه ! وش تفكرين فيه !
مهآ بدآخلهآ _ صبر جميل والله المستعآن _ : أفكر في حآل الدنيآ
متعب : يووووه علينآ ، إنتي ليه تحبين النكد !
مهآ : وين النكد ! أنآ حكيت !
كآن زيآد قآعد عند مكتبة التلفزيون يلعب ، لف عليه متعب : إنت هييييييه ، قم منآك إنقلع
مهآ : يؤ! وش سوآ لك الولد ! في حآله يلعب
متعب يطنشهآ : مآتفهم قم

زيآد كآن يطآلع في أبوه نظرآت برآئه ، مو فآهم إبوه وش قآعد يحكي له ، عصب متعب وقآم ضربه
مهآ بعصبيه وهي تآخذ ولدهآ : حرآم عليك يآخي ، تضرب ولد صغير كذآ !!!
متعب : خليه يتربى ، يوم أقوله شي يسمع الحكي
مهآ : ولدك صغير مآيفهم ، كآن قلت لي أنآ أقوم أشيله ، حرآم عليك الولد مريض قلب تضربه هالضرب !
متعب : أقول إنطمي إنتي وولدك اللي مدري من وين جآيبته
تجمد إحسآسهآ بهاللحظه ، كلآمه الأخير له مقصد شين ، قآلت ببرود : من وين بجيبه ! من الشآرع !
متعب بوقآحه وهو يحط رجل على رجل : والله يمكن
مهآ : وش قصدك يآمتعب !
طنشهآ للحظه بعدين قآل : إنتي عندك ملآبس أنآ فآقدهآ ، ولمآ كنتي نآيمه في بيت أهلك آخر مره مريت من بيتكم تالي الليل لقيت بابكم مفتوح ، ممكن تعطيني تفسير !
إنهبلت مهآ من تفكيره ، مو معقوله طريقة تفكيره السخيفة ، لهالدرجه الشك لاعب فيه : لا مو ممكن تدري ليه ! _ كملت كلامها بدون ماتنتظر رده _ لأنك إنسان تآفه وسخيف
عقلك مريض قاعد يصور لك اشياء مالها أي أسآس ولآ وآقع ، إسمح لي أقولك تفكيرك سطحي كثير ، وإذآ إنت شآك لهدرجة بأخلاق زوجتك أم ولدك فإنت مو رجال لأنك بآقي عليها وهي بهالتصرفآت_ كملت وهي تشوف نظرآته الحآده _ إلى هنآ يآمتعب وبس ، بعد كلامك هذآ أنآ مآلي قعده عندك
متعب : وش المطلوب !
مهآ : طلقني
متعب : تحسبيني ميت فيك ، أنآ أبي الفكه منك اليوم قبل بكره يابنت الفقر ، إنتي طآلق
رمى الريموت وطلع ، مآهزتهآ الكلمة ولآ أثرت فيهآ ، بالعكس حست نفسهآ تخلصت من قيد كآن مآسكهآ من زمآن ، دخلت غرفتهآ وبدت تجمع أغرآضهآ ،
أمآ هو نزل تحت عند أهله ، لقى أمه بوجهه : صبآح الخير يآأخ
متعب : صبآح النور ، وين الغدآ
أم متعب : مآسوينآ غدآ ، حرمتك وينهآ مآتنزل معك ! ليه مآتخليهآ تطبخ لك !
متعب : حرمتي ذي اللي غثيتيني فيهآ من اليوم ورآيح خلآص بـــح
أم متعب : وشو !
متعب بدون إهتمآم ولآ كأن هالإنسآنه اللي إنفصل عنهآ عآش معهآ لفترة مو بسيطة : طلقتهآ
إنهبلت أم متعب ، كآنت تتمنى إنهآ مزحه سخيفه من ولدهآ : وشوووووووو !
متعب ببرود : طلقتهآ
أم متعب : ليه إن شاءالله !! صاحي إنتي تطلقهآ ! يالغبي إنت من يصبر عليك يآحظي !
متعب : أوووهووووو ، خلآص عآد حرمتي وكيفي ، نآس تجيب النكد ..





















بعد صلاة المغرب ، طلعوآ البنآت برآ الفيلآ ، كآنوآ جآلسين بوسط الحديقه ، سآره منسدحه على رجول دآنه ، هيفآ والعنود جآلسين يلعبون أونو ، مضآوي ونوف جآلسين على طرف المسبح

هيفآ : عنيييييد لآتغشين
العنود ببرآئه : مآغشيت ، بس هو كذآ الحظ
هيفآ : حظ ! على هنود !
العنود : إلعبي وإنتي سآكته
وهنآك على طرف المسبح ، مضآوي : الحين وش صآر على تسجيل هيوف !
نوف : عسآف قآل بيسجلهآ بطريقته
مضآوي : زين عسآف خلآكم تقعدون مع البنآت
نوف : لآلآ حرآم مآقآل شي ، بعدين هو يثق في عمي كثير ودآم عمي ترك البنآت ورجع أكيد مآرآح يعترض
مضآوي : كيف النفسيه للزوآج !
نوف : إسكتي ، مآأبي أتذكر
مضآوي : أفآآآآآ ليه !
نوف : كآسره خآطري هيوف ، بتقعد لحآلهآ
إلتفت مضآوي على هيفآ اللي كآنت تلعب مع العنود والضحكه على وجههآ : هي بعد بيجيهآ نصيبهآ _ إنقطع كلآمهآ على صوت نآصر وهو ينآديه _ يوووه هذآ نصور
نوف : روحي شوفي وش يبي
تعآلت صرخآت البنآت ، قآلت هيفآ بقهر : وررررربي إنك أكبر غشآشه بالكون ، يآحمآره قدآم عيني تغشين
العنود : يلآ عآد غشيت والا مآغشيت المهم إني فزت
سآره تتكلم بخمول : عليك قوآنين ! واللهي يآذمتك وآسعه بشكل
العنود : إنتي الحين ورآك مآتستقعدين ! صآيره كأنك عجيّز
هيفآ : أنآ أدري عنهآ ، مدري ليه جآيين الريآض إحنآ ، عشآن ننبسط وإلآ عشآن تخمدين
سآره : والله رآسي ثقييييييييييل
نقزت هيفآ عندهآ وحطت يدهآ على رآسهآ وقآلت بخوف : سآرونه قلبي ، تعبآنه قومي نوديك
العنود : وووووووجع ، كل هالنقزه عشآنهآ
هيفآ تطنش عنود : قومي سآره ، أروح أكلم عمي !
سآره : لآلآ مآيحتآج شوي بس وأصحصح
العنود : تتدلع مآعليك منهآ ، الا صح وين شيوخ !
هيفآ : شيخه نآيمه فوق
العنود : وإنتي مآشآءالله الحرس حقهم ، تعرفين كل شي عنهم سآره بإبتسآمه : إيه يآلبى هي ، مرت أخونآ
إنحرجت هيفآ والعنود توهآ بتسأل إلآ قآطعتهم مضآوي : بنآآآآآآآآآآآآت عندي خبر
العنود : قولي إن دآنه إنخطبت عشآن أفتك منهآ
دآنه : موووتي قآعده على قلبك
سآره : تكفيييييييين قولي إننآ بنطلع شآليهآت ودبآبآت ودنيآ فله
العنود : إيه تكفين قوليهآ
مضآوي : يآسخفكم ، طبعاً لآ ، الخبر نوعآ مآ شين
العنود : أجل لآتقولين
مضآوي : آممممم توه نآصر يقول إنو بيت عمي صآلح بيوصلون بعد العشآ
العنود : لآ مرحبآ ولآ مسهلآ
مضآوي : بنت ! عيب !
العنود : لآ مو عيب ، مآأحبهم ولآ أطيقهم
سآره بشمآته : أجل بتآخذين ولدهم
العنود : تف من فمك بلآ ، أعوذ بالله
مضآوي : بلآ حكي زآيد ، قومي نسآعد أمي في البيت ونلبس ، مآفيه وقت

دخلوآ البنآت ولقوآ أم نوآف وكآن عندهآ خبر ، مضآوي ونوف وشيخه اللي توهآ صحت بدوآ يسآعدون أم نوآف في شغل المطبخ ، هيفآ ودآنه طلعوآ للملحق يرتبونه ، والعنود وسآره إستلموآ الصآلآت اللي جوآ

على إن إم نوآف عندهآ خدآمآت ، بس كآنت تحب تشرف على كل شي بنفسهآ ، تحب تقوم بشغلهآ هي من دون إتكآل على الخدم ، وهذآ الشي اللي خلآهآ مشهوره بنظآفتهآ وحسن ضيآفتهآ ..




















يدور بشوآرع الخبر ، النآس في فترة الأجآزة تكون كلهآ نشآط وحركه ، كآن يدور بدون هدف ، الدنيآ ضآيقه فيه ، مقهور من تصرفآت حمد وبدآخله
_ وش معنى حمد يتعآمل معهآ كذآ ! ليه هي بالذآت وقف عندهآ كثير ، معقوله يكون بينهم شي ! ، وليه أحس إن خآلد يعرف شي عن حمد وسآكت ، الا الا خآلد هو الوحيد اللي قريب منه ،
طيب وش السوآة ! أسأل خآلد ! وإلآ أقوله إني أبيهآ ! ، لآلآ مآبيني وبينه ذيك الميآنه _

بوسط زحمة أفكآره ، أخذ جوآله ودور على رقم إبوهآ بعد مآتأكد إنه صآر لهآ من شيخه
كآنت تجمع أغرآضهآ بعد مآلبست على السريع ، لو يوصل عبدالعزيز وهي مآخلصت بيسوي لهآ سآلفه ، من بين حوستهآ ، دق جوآلهآ ، طآلعت فيه رقم غريب ، مآإستغربت لأن الرقم لأبوهآ فشي طبيعي تجيها اتصالات من ارقام مجهوله ، خذت جوآلهآ بسرعه ومآزآلت تحوس : نعم !
إرتبك ، مآعرف وش يقول ، هذآ صوتهآ بس وين الحكي ! ، إستجمع قوته وقآل : السلآم عليكم
قآلت بنبره بآين فيهآ الإستغرآب : وعليكم السلآم !
سلطآن : كيف الحآل أمل !
إستغربت من هالرجآل اللي يعرفهآ : بخير ، من معي !
سلطآن : مآعرفتيني !
أمل بدآخلهآ _ والله وقآحه _ : لآ ، مين !
سلطآن : أنآ سلطآن ولد خآلك فهد
أمل : إييه هلآ سلطآن ، خير ! خآلي فيه شي !!
سلطآن حس إن الموضوع صعب كثير : لآلآ لآتخآفين ، كلهم بخير
أمل إنتظرته يكمل كلآمه بس مآجآهآ رد ، سمعت صوت عبدالعزيز من برآ ينآديهآ ، فقآل سلطآن : أمل شكلك مشغوله !
أمل بدآخلهآ _ وش دخلك فيني مشغوله وإلآ لآ _ : تقريباً ، أنآ طآلعه
سلطآن : آسف ع الإزعآج ، بس أمل بغيت أكلمك في موضوع يخصني بس يآليت بدون محد يدري ، مآأدري متى ينآسبك !
أمل _ وش اللي بينك وبيني ، وش دخلني أنآ _ : متى مآتحب
سلطآن : على خير إن شآءالله ، مآأعطلك أكثر ، فمآن الله
أمل : فمآن الله


لبست عبآيتهآ بسرعه وطلعت لعبدالعزيز اللي كآن معصب من تأخيرهآ ، سآكته طول الطريق تفكر بالشي اللي يبيهآ فيه سلطآن ، مآحبت طريقته أبد ، بس مو مشكله مآله دآعي الاستعجآل وكل شي بيبين بعدين ، وصلت بيت عمهآ اللي دق قلبهآ أول مآشآفته ، إشتآقت للبنآت لهآ شهر عنهم ، من بعد أيآم تسجيل الجآمعه مآعآد شآفتهم ،
وقفهآ عبدالعزيز عند البآب : بسرعه إنزلي ترآني تأخرت
أمل بسرعه : طيب متى بتجي تآخذني
عبدالعزيز : متى مآخلصت شغلي ، أدق عليك قبلهآ
أمل : حلو ، يلله بآي



نزلت بسرعه ودخلت مع البآب الكبير ، إستغربت الهدوء اللي في البيت ، بالعآده أول مآتدخل بيت عمهآ تلقى البنآت شآيلين المكآن ، قآبلتهآ دآنه جآيه : هلآآآآ والله أمول
أمل وهي تسلم عليهآ : هلآ وغلآ ، كيفك !
دآنه : تمآم ، وإنتي كيفك !
أمل : الحمد لله ، وين النآس ! كأنه البيت فآضي !
دآنه : يووووووه إنتي مآتدرين !
أمل : أدري عن وشو ! لآتقولين البنآت طآلعين !
دآنه : لآلآ كلنآ فيه ، بس آممممم بيت عمي صآلح اليوم وصلوآ من جده ، وهم دآخل
أمل تلقآئياً نزلت رآسهآ تشوف هي وش لآبسه ، قآلت بإحبآط : لآآآآآآآآآآآآآ ، ليه محد قآلي !!!!!
مضآوي وهي تنآدي دآنه ، ولمآ شآفتهآ وآقفه عند البآب مع أمل ، جت وسلمت على أمل اللي قآلت لهآ بعصبيه : تستهبلون صح ! ليه محد قآلي عن بيت عمي صآلح !
مضآوي بإحرآج : والله يآقلبي إنخبصنآ ، أصلا إذآ إحنآ مآدرينآ الا المغرب وقعدنآ نحوووس ومآفضينآ الا هم دآخلين
العنود جتهم معصبه : أمحق بنآت إمي كل مآأرسلت وحده نآمت _ لمحت أمل بينهم _ أوووو الزين وصل ! هلآآآآآآ
مضآوي : دآنه روحي بسرعه جيبي لأمي اللي تبي لآتعصب
العنود : إيه بسرعه يآإختي السنعه ، خل اروح أقول لأمي أمووول جت
أمل تمسكهآ بسرعه : تعآلي تعآلي ، لآتقولين لهآ ولآ شي ، مآرآح أدخل عندهم
العنود : لييييييييييه !!
مضآوي : أمل زعلآنه ، نسينآ ندق عليهآ نعلمهآ إنهم بيجون
العنود : طيب ! وإذآ جوآ ! خير يآطير !
أمل : وش خير يآطير ! أنآ مآإستعديت ، شوفيني وش لآبسه
العنود وهي تطآلع أمل ببنطلونهآ الجينز وبلوزتهآ البيضآ الوآسعه : وقسمن إنك سيمبل ، حلوووه لو تلبسين خيشه
أمل : أقول منآك بس ، بأقعد فوق وإذآ رآحوآ نزلت
مضآوي : وش تقعدين فوق ! أصلن شكلهم بيقعدون عندنآ ، بعدين بلآ هبآل إذآ كآن قصدك لبسك وربي إنه يجنن عليك ، يلله عآد أمول عن الدلع
أمل : لآ يعني لآ ، مستحيل أدخل عليهم ، أنآ حسبآلي مآفيه الا إحنآ
العنود : ترآك معطيتهم أكبر من حجمهم _ تأشر بيدهآ لسآره _ هنآ يالخبله ، المهم بتدخلين والا أصفقتس !
جت سآره وبعد مآسلمت : خير ! مسوين إجتمآع !
العنود : ذي الخكريه ، يوم عرفت بالموجودين عيت تدخل
سآره : ليه خآيفه تبين أمك !
إنفجرت العنود ضحك ، أمل تبتسم بقهر : وججججع ، تعرفين تذبين انتي ووجهك
سآره تحآول تسكت : سوري سوري ، بس ليه مآتبين تدخلين !
العنود ردت عليهآ : تخيلي مآتبي تدخل عشآن لبسهآ !
سآره : وش فيه لبسك ! تكفيييييييين من فيه عآد ، أمهم كنهآ سوبر مآن بهالجلآبيه
العنود : وربي صآدقه ، أمآ هذآ الشي اللي من ورآ تقل ستآره
سآره : لآ عآد عنيد شفتي بنتهم الكبيره ، اللي كن مروعهآ شيطآن هي وحوآجبهآ ! _ العنود تهز رآسهآ _ بالله مآتذكرتس فينآ لآبغينآ نسوي حفلة تنكرية !
العنود : إلآآآآآ والله يآهي مرقعتن لبسهآ ترقيع ، بس التسلبة مدري شلون دخل فيهآ
سآره : ضيق بطريقة تخليك تشمئزين منهآ ، بس الله يسلم الفآزلين
أمل : خذوآ حسنآتكم كلهآ ، أمدآكم تلقطون كل ذآ وتحشون !
مضآوي : يآآآآآآآآآجعلي مآأطيح بلسآن هالثنتين
العنود : قلنآ الشي الصدق ، والله مآكذبنآ ، يللللله ترى أنآ أبي أتقهوى
أمل بعنآد : خلآص روحوآ أنآ بقعد هنآ
العنود : والله مآتقعدين لحآلك لو وشو
أمل : والله مآأدخل لو وشو
سآره : ستوب ستوب ، بدينآ بالحلوف والملآزيم ، للأمآنه بنآت صدق إن لبس أمل سيمبل ويجنن عليهآ ، بس إحنآ كآشخين فبيطلع شكلهآ شآذ بينآ
أمل : عليك نوووووور ، هذآ اللي أبي اوصله ولآ عرفت ، وإلآ الحمد لله أنآ وآثقه من نفسي
سكتوآ البنآت لأنه كآن معهآ حق ، قآلت العنود بعد تفكير : مضآوي فستآني الأحمر يجي على أمل !
مضآوي : إيه يجي عليهآ ، لأنه هو ضيق عليك
سآره : حلو ، إنحلت
أمل تطآلع فيهم بنظرآت تدل إنه مآأعجبهآ الحل ، قآلت العنود : شوفي يمي قعده بروحتس منتيب قآعده ، قومي معي وإلبسيه لآنتفآهم معتس
سمعوآ أم نوآف تنآديهم ، قآلت مضآوي : يووووه هذي امي ، شكلهآ عصبت خلآص خلآص أنآ بروح وإنتي روحي إلبسي وإنزلي بسرعه
سآره : دقيقه مضآوي أنآ معتس


العنود تطآلع أمل : صدق دلوعه ولآ تجين الا بالعين الحمرآ ، قدآمي أشوف
طلعت أمل فوق مع العنود ، دخلوآ الغرفه وطلعت لهآ الفستآن ، كآن فستآن نآعم حيييييل ، قصير لتحت الركبه وضيق شوي له خيوط رفيعه من فوق ، سكتت أمل وهي تطآلع فيه
العنود : لآتقولين مآأعجبك ، ترى قسمن شآريته بشي وشويآت ، بس لأنه طلع ضيق مآلبسته ولآ مره
أمل : لآ يآقلبي والله مآقصدت ، بس مدري أستحي ألبس كذآ
العنود : يآليل الحيآ اللي جآي بوقت غلط _ مدت لهآ الفستآن _ روحي لغرفة الملآبس وبدلي بسرعه أنتظرك
رآحت أمل تبدل والعنود تنتظرهآ ، شآفت العنود جوآلهآ مرمي على الأرض ، ضحكت وقآلت : يآحرآآآآم ، صدق أنآ مو وجه تكنولوجيآ ، تعآل تعآل رحمتك
خذت جوآلهآ وإنصدمت من عدد المكآلمآت اللي فيه ، 38 مكآلمه وكلهآ من نفس الرقم ، غريبه مآعمرهآ جتهآ إتصآلآت بهالكثر ، رجعت دقت على نفس الرقم وطلع لهآ رجآل
سكرت الخط بسرعه ، شآفت فيه رسآيل كثير بس مآإهتمت لهآ ،



طلعت أمل ووقفت قدآم المرآيه بإرتبآك ،الفستآن مع لون أمل طآلع خيآآآآآل ، العنود تأملتهآ بدون مآتتكلم ، أمل فكت شعرهآ وإكتفت إنهآ ترفعه من الجنب ، حمدت ربهآ إنهآ جآيبه شوية خرآبيط بشنطتهآ ، كحلت عيونهآ من جوآ ، وحطت مسكره ، مع بلآشر خوخي وروج وردي فآتح ، لفت على العنود وسألتهآ : كيف ! حلو !
العنود : لو خطبك حمد ، توآفقين !
إنصدمت أمل من سؤآلهآ المبآشر ، لفت عنهآ وكأنهآ تشوف نفسهآ بالمرآيه : آآآآآآ أبي عطر ، ممكن آخذ
وقفت العنود ورآحت لهآ ، مدت لهآ عطر ورجعت سألت : توآفقين !
أمل بمزح : يعني أفهم إنكم تبون تخطبوني !
العنود : ترآني جآده مآأمزح
أمل : عنود ، ممكن تعفيني من الإجآبه !
العنود : أقطع يدي وأدفع نص عمري وأموت إن مآكآن يحبك
أمل : وش عرفك !
العنود : صح إن حمد ثقيل ، وإنسآن جآد مآعنده يمين ويسآر وأغلب وقته لدوآمه وبس ، بس ترآك مبينه بعيونه ، أشوفك بعيونه
أمل : ننزل !
العنود : زين وبيآخذ زينه ، إنزلي لآأرقعتس
ضحكت أمل ونزلت ، للحين تحس بدقات قلبهآ ، صدمهآ تصريح العنود ، زيآده على لبسهآ اللي كآن غريب عليهآ ، تسآئلت لو كآنت أمهآ موجوده ممكن تخليهآ تطلع بهاللبس !
للضروره أحكآم وإلآ حتى هي مآتحب هالنوعية ، وقفت قدآم البآب ولفت لهآ العنود بطفش : والله لو تقولين هونت لأخليتس ذبيحة الليلة
أمل مسكت يد العنود وحطتهآ على قلبهآ : حسي !
العنود وعيونهآ بتطلع : خير ! رآيحين نذبحك إحنآ ! ترآهم بيت عمك
غمضت عيونهآ وخذت شهيق وزفير ، شهيق وزفير ، وسمت بالله ودخلت ، كل العيون عليهآ ، البنآت بدآخلهم سموآ بالرحمن عليهآ ، فزت لهآ أم نوآف : هلآ هلآ والله وغلآ بالغآلية
أمل مستحية : هلآ بك خآلتي
أم نوآف ضمتهآ ، كآن لأمل معزة بقلبهآ كبيره : وين هالغيبة يمي ! أهون عليك مآتشوفيني !
أمل : لآ والله مآتهونين بس إنتي أدرى بالظروف
أم نوآف : مسموحه حبيبتي ، تعآلي سلمي على زوجة عمك والبنآت
سلمت عليهم أمل وبسرعه إنتبهت لنظرآت منآل الحآده ، مآحبتهآ أبد ولآ إرتآحت لزوجة عمهآ ، والبنت الثآنية تحس إنهآ غير ، حتى طريقة سلآمهآ تختلف عن امها وإختهآ
جلست أمل بجنب سآره : وآآآي ، قلبي بيطلع
سآره تصب لأمل قهوه : يالدلع ترآهم أهلك، وين وين العنود بسرعه بقولهآ شي يضحك
أمل وهي تدق سآره بكوعهآ : فكي عنك الحش شوي ، عيب الحرمه قآعده
أم مشآري : كيف حآلك يآأمل !
أمل بأدب : بخير يآخآله ، إنتي وش أخبآرك !
أم مشآري : أكيد أخبآري تمآم ، دآم إن زوجي عمك اللي مو منقص علي شي ، أخبآري بتكون تمآم
لمست في كلآمهآ شي مآعجبهآ ، بس ردت عليهآ : الله يديم الرآحه عليك
أم مشآري بشمآته : كيف حآل إختك المطلقة !
إستحقروآ البنآت أم مشآري على طريقة كلآمهآ ، كأنهآ تحآول تكسر أمل بكلآمهآ ، بس أمل ردت عليهآ : تمآم ، دآمهآ بنت عبدالله أكيد بتكون تمآم
إم مشآري سكتت ، مآعرفت وش ترد ، هيفآ بإعجآب : أحلللللللللى يآبنت
العنود : بنت ! وش هالرد الكشخه !
سآره : وربي يبي لك أطلق تصفيره ، كسحه أليمه
أمل : يمه ، مدري كيف رديت عليهآ كذآ !
العنود : بطله بنت عمي بطلللللله ، سبعه وذيبه طآلعه علي
سآره : الخيمه الخيمه برآ تنآديتس يابنت البدو
العنود وهي ترفع خشمهآ : خيمه بعينك ، أنآ مدري إنتم وشو بدوني
أم نوآف وهي تطآلع العنود بنظرآت حآده : عنود ، قومي صبي لمرت عمك
العنود بطفش تحآكي البنآت : ترى طفشتني امي ، كل شوي قومي قومي
أمل : خليك أنآ بقوم
قآمت أمل وبدت تصب لهم ، وقفت قدآم مرت عمهآ اللي كآنت نظرآتهآ لهآ حآده ، وقفت عند منآل اللي قآلت لهآ : مآشآءالله يآأمل ، تكبري ويزيد حلآكِ
أمل : الله يخليك ، عيونك الحلوه
منآل : أتذكرك من كنآ صغآر ، كنتي أحلى وحده فينآ
أمل : ولو ! مو نآقصك حلى
منآل : بآين بتكون بينآ أيآم ! حلوه
أمل نغزهآ قلبهآ : بإذن الله _ لفت أمل على مرآم _ قهوه !
مرآم : لآ شكراً حبيبتي ، إيوه صح على البركة نجآحك بسم الله مآشآءالله سمعنآ نسبتك حلوه
أمل : الله يبآرك فيك يآقلبي
مرآم : إيش سجلتي بالجآمعه !
أمل : حآسب ، وإنتي !
مرآم : لسآ مآسجلت
أمل : الله يوفقك حبيبتي
هيفآ جت عند أمل وحكتهآ بإذنهآ ، إستأذنت منهم أمل وطلعت ، رآحت للمطبخ ولقت مضآوي وشيخه يجهزون للعشآ ، أمل : مضآوي طلبتيني !
مضآوي : إيه يآقلبي ، تسوين شي !
أمل : لآ ، بس كنت أصب قهوه ، وش بغيتي !
مضآوي : خلي القهوه للبطه اللي هنآك ، هي وسوير وهيفآ مآغير حش بخلق الله ، تعآلي أبيك تقلطين معي عشآ الرجآل
أمل : أوكِ
خذت الصحون مع مضآوي ورآحوآ غرفة الطعآم اللي كآنت مخصصه للضيوف ، مضآوي : يووووه مآجآبوآ الحلى ، الغبيه هذي مآتفهم
أمل : خلآص خلآص ، إطلعي إنتي جيبيه وأنآ بأرتب
مضآوي : طيرآن ورآجعه لك




بدت أمل ترتب الكآسآت والصحون وأشيآء التقديم على طآولة الطعآم ، حست بحركة عندهآ ، فقآلت : من جد طيرآن ، بسم الله أمدآك !
رفعت رآسهآ وإنصدمت
كآن جآي معصب ليه تأخروآ بالعشآء ، تعبآن ومآله مزآج لأحد ، مآإرتآح من بعد الدوآم قضآهآ مشآوير وبالأخير جلسة رسمية تجمع أعمآمه ، هذآ الشي اللي مآتوقعه
ولآ حتى جآ على بآله
حبيبة قلبه قدآمه ، وآقفه بفستآنهآ الأحمر وبكل تفآصيلهآ اللي يعشقهآ وتتكلم بكل عفويه

ثوب أبيض وغتره بيضآ ، جسمه الريآضي ، لونه الأسمر ، عيونه الوآسعه ، خشمه الطويل ، عوآرضه الخفيفه ، شآفته من قرب ، من زمآن مآحصلت لهآ فرصه تشوفه
ولمآ صآرت ، صآرت بهالطريقه ، كآنت تبي تنزل عينهآ ، تهرب عنه ، بس مآقدرت ، تحس نفسهآ متخدره
بنفس الوقت هو مآحآول يترآجع ، كآن وآقف بثبآت يتأملهآ ، تقدم من الطآوله اللي تفصل بينهم : وش هالصدفه الحلوه ! أمل : ..
حمد : حلوه بقوه / مثلك


بهاللحظه بالضبط دخلت مضآوي ، إنصدمت وهي تشوفهم مع بعض : حمممممد ! وش مدخلك !!
حمد بعد لحظة صمت : إستعجلوآ بالعشآ
طلع بسرعه وهي لمآ إختفى عن نظرهآ ، جلست على أقرب كرسي ، جلست قدآمهآ مضآوي : وش صآر ! قآلك شي ! _ مآردت عليهآ أمل _ أمل ! لآتروعيني ، وش قآآآآآآلك !
أمل بإبتسآمه : أحبه
مضآوي وهي تضربهآ : حبتك العآفيه ، قووووومي إخلصي علي ، صدق بيتنآ يبي له مرآقبه بعد اليوم ..

















بنفس الوقت اللي صآر فيه الحدث الأخير ، في مجلس الحريم ، وقفت هيفآ قدآم العنود : بنت ، تقولك عمتي إطلعي لحمد بالحوش وإسأليه عن العشآ
العنود : قولي لدآنه
هيفآ : عمتي قآلت إنتي ، وأصلن دآنه نآآآآآآآآمت
العنود : نآمت عليهآ طووووفه ، مآفيه الا عنود وعنود
قآمت وهي تتحلطم ، قآلت لهآ هيفآ : هيه بنت تقولك ترى الفلوس على الطآوله اللي برآ ، عطيه إيآه
طلعت العنود للصآله وأخذت الفلوس ، فتحت البآب معصبببببببه ، لمحته وآقف عند المسبح ، قآلت : هييييييه ، إنت يالأخو
مآرد عليهآ ، عصبت أكثر ، زيآده على إنه لآطعهم بالعشآ ، وكل شوي إمهآ مقومتهآ عشآنه ، يسفههآ ولآ يرد ، مشت له معصبه
وقفت ورآه وضربت كتفه : يآخي متى بتفك غرورك إنت ! ترآني إختك ، وبعدين يآحظي اللي تبيك أمي
طنشهآ ولآ رد ، عصبت أكثر ، وضربته هالمره بقوه شوي : حميدووووووه منيب رآيقه لك ، عشرين مره قطعت سآلفتي _ قآلت بصرآخ _ تقولك أمي بسررررررررعه العشآ لآيعصب ابوك
نفس الحآله لآجوآب ، هالمره سحبته ولمآ لف عليهآ ، إنصدمت
الشخص اللي وآقف قدآمهآ مو إخوهآ : أووو أوووووو آسفه آسفه
وبسرعه ركضت لدآخل ، أول مآإختفت من قدآمه ، جآه حمد وعلى وجهه إبتسآمه غريبه ، قآله : خير إن شآءالله ! الوجه منور ، لو دآرين دخلنآك من زمآن
حمد يضحك : إيه والله لو دآري دخلت من زمآآآآن ، إنت من مروعك !
يآسر ( صديق حمد ) : إنت
حمد : مروق ولآ فيني أخرب جوي _ إنتبه للفلوس اللي على الطآوله الجآنبية _ : هذي من جآبهآ
إرتبك يآسر وقآل أول شي طرآ على بآله : إيه صح ، هذي خدآمتكم جآبت الفلوس ، ترآهآ تقول العشآ بسرعه لآيعصب إبوك
حمد : خلآص جبنآه من زمآن








دخلت عليهم العنود ونفَسهآ مقطوع ، فزت لهآ سآره : وش فيك !
العنود تحآول تآخذ نفس : أ أ أحد برآ
سآره : وأنآ بنت إبوي ، أحد مين !
العنود إستوعبت اللي صآر ، طآرت عند الجدآر الزجآجي اللي يعكس الحوش : تعآلي تعآلي _ شآفته وآقف مع حمد _ هذآ هو هذآ هو
البنآت كلهم مصدمين ، سآره بعصبيه : قولي سآلفه مفهومه وإلآ خبطتك بذآ اللي معي على جبهتك
حكت لهم السآلفه وهي تضرب خدودهآ : يآآآآآفضحيتي ، صديق حمد ، وش هالمطب
البنآت مآتوآ ضحك عليهآ وعلى حظهآ اللي طيحهآ مع صديق حمد ، قآلت سآره : والله الرجآل حليوه
العنود ضربت رآسهآ : حليوه بعينك ، شوفي انآ وين وهي وين !


دخلت مرآم عليهم ، وبهاللحظه كلهم سكتوآ ، هالشي اللي خلآهآ تنحرج وتوقف مو عآرفه وش تسوي ، قآلت بإرتبآك : آآآآآ آسفه على المقآطعه بس بس بس
حست فيهآ أمل ورحمتهآ ، وقفت لهآ ومسكت يدهآ : لآ مقآطعه ولآ شي ، تمونين يآقلبي ، تعآلي أعرفك على البنآت أكيد مآتعرفينهم
عرفتهآ عليهم وكآنت تبتسم بوجه كل وحده ، حبتهم كثير ولآحظت ترآبطهم في بعض من أول سآعه جلست فيهآ ، رحبوآ فيهآ البنآت بصدق بينهم
ولآ حطوآ لوجودهآ أي حوآجز أو رسميآت ، بالعكس كآنوآ يتكلمون بعفويه ورآحه
دق جوآل أمل وكآن عبدالعزيز يقولهآ إنه قريب من البيت
أمل : هذآ عبدالعزيز قريب ، ملآبسي ملآبسي
مضآوي : يوووووه ، وين تو السهره مآبدت !
أمل : زين منه جآبني ، أصلا يآعمري عنده دوآم
مضآوي : خليك نرجعك مع السوآق
أمل : وش سوآقه تآلي الليول ، صآحيه ! _ لفت على عنود المتنحه _ قومي يآلمصرقعه أبي أبدل
العنود : هآه ! إيه إيه نبدل ..




،



* قرآءة ممتعه للجميع
:icon26:

[الجوري ليال]

يسلمؤؤؤ يعافيك ربي


تطور كثير بالاحداااااااث
ماتوقعت ابدا ان متعب راح يطلق مها
يلا زين افتكت منه ومن شكه هالمريض
الحين تقابل نفسها وولدها ابرك
مالت بس

مضاوي ماتوقعت تنخطب
والظاهر اختها بتلحقها بعد ماشافها ابن الحلال


ماااااجد قهرني حييييل بالي سوااااه
اف يقهر وتقهرني هالعقليه المتحجره


سلطان وش يبي
والله يستر ع امول منه

يسلمؤؤؤؤؤؤؤ خيتو
واعذريني ودي اطول بالرد بس المزاج جدا سيء

[hanawi781]

رائعة قليل في حق الرواية
اسلوبش يذكرني باسلوب انثى الحلم واقدار
كل الشكر لك

امل :الله يعينها ع ماجد- اتوقع امل بتتزوج مشعل والطريق هو ماجد
مرام: الله يكفيها شر السايق
مها: احسن شي انها افتك من متعب وغثاه

واخيرا منتظرينش
اريد اعرف هل هناك مواعيد للتنزيل ؟

[كَوثَر]

يسلمؤؤؤ يعافيك ربي


تطور كثير بالاحداااااااث
ماتوقعت ابدا ان متعب راح يطلق مها
يلا زين افتكت منه ومن شكه هالمريض
الحين تقابل نفسها وولدها ابرك
مالت بس

مضاوي ماتوقعت تنخطب
والظاهر اختها بتلحقها بعد ماشافها ابن الحلال


ماااااجد قهرني حييييل بالي سوااااه
اف يقهر وتقهرني هالعقليه المتحجره


سلطان وش يبي
والله يستر ع امول منه

يسلمؤؤؤؤؤؤؤ خيتو
واعذريني ودي اطول بالرد بس المزاج جدا سيء




هلآ وغلآ بالغآليه
معذوره ويكفي مرورك العطر بهالروآية

للأسف عقلية مآجد للحين منتشره وبشكل كبير بعد
كل شي رآح يبين مع الوقت

خليك قريبه :icon26:

[كَوثَر]

رائعة قليل في حق الرواية
اسلوبش يذكرني باسلوب انثى الحلم واقدار
كل الشكر لك

امل :الله يعينها ع ماجد- اتوقع امل بتتزوج مشعل والطريق هو ماجد
مرام: الله يكفيها شر السايق
مها: احسن شي انها افتك من متعب وغثاه

واخيرا منتظرينش
اريد اعرف هل هناك مواعيد للتنزيل ؟




جعل ربي يخليك عَ هالإطرآء
أتمنى أتمنى أوصل لِ مستوى الرآئعه أقدآر وأنثى الحلم
بس أنآ لآزلت صغيره وفي بدآية المشوآر =)

والله يَ عزيزتي بالنسبة لموآعيد التنزيل
للحين مآحددت شي ثآبت بسبب ظروف خآرجه عن ارآدتي والله
بس بإذن الرحمن مآأطول عليكم

مرورك زآدني نور / :icon26:

[كَوثَر]

_ الفَصل الخَـآمس _








* جَعْلتك َ
تآجا َ يعلوُ هَآمة ِ قدسية ِ آنوثتي َ َ ب وَلآءْ
مُرصعا َ ب ِ الصدقْ وَ مَوشوما ً ب الوفآءْ
تتخِذ ُ مِنْ جَسديَ
مُدنا ً ل ِالإنتشآءْ وَ وَطنا ً ل ِالدِفآءْ
عَلمتك َ
آن ْ آكُونَ نبض َ الجُنون ل ِقلبكَ
وَ الرغبة ِ ل ِنشوتك ْ
آن ْ آكُون َ ضِلكَ
كَيَ لآ آغيب َ عنكَ
صَنعت ُ لكَ
سُترة َ العَآشِقون ْ
ب ِخيوط ْ الدُرْ وَ اللؤلؤ ِ المَكنون ْ
وَزينتهآ
ب ِفتنة ِ العيُونْ , وَ شهوة ِ الجُنونْ
سَ آحبُك َ إلىَ يَومْ يُبعثون ْ ؛











































في بدآية شهر شبعآن ، يعني منتصف الإجآزة الصيفية ، إنتهت فترة حدآد أم محمد ، وقررت أم نوآف تجمع العآئلة كلهآ في مزرعتهم اللي تبعد عن الريآض أكثر من 150 كيلو
خصوصاً إن هالفترة الكل موجود مآعدآ مشآعل اللي رجعت للشرقية وسآفرت مع زوجهآ وبنآتهآ ، بنآت إخوهآ فهد إلى الحين جآلسين بالريآض ، ونفس الشي بيت صآلح اللي كآن وجودهم مسبب ضغط نفسي كبير للبنآت ، أم نوآف اللي إضطرت إنهآ هالسنه مآيسآفرون لوجود هالنآس كلهم في بيتهآ ، حبت تكون الجمعه هالمره غير ، في مكآن غير ..



كآنوآ جآلسين برآ في حوش المزرعه ، الجو كآن حلو نوعاً مآ ، تنآسوآ البنآت وجود أم مشآري وبنتهآ منآل تماماً ، وكآنت الأجوآء بينهم ولآ أروع
هيفآ : هآه نلعب طقه !
سآره : طقه تطقك ، إسمهآ غميييييمه
هيفآ : لآ إسمهآ طقه ، من زمآن وإحنآ نقول طقه
سآره : يالبقره وش طقته ! غميمه غمييييمه حتى إسألي عمتي وتعلمك
مضآوي تدخلت بينهم : لآ هذي ولآ هذي ، إسمهآ حبشه
توهآ سآره بتعلق الا قآلت العنود : كللللللهآ وآحد ، المعنى إن وحده غبيه تلآحق لها ثيرآن منطلقه _ وفطست ضحك لمآ قآموآ البنآت عليهآ _ خلآص خلآص الله يآخذكم ، إبعدوآ عني يآمتوحشآت
هيفآ : مآخبرتس رقيقه يآعيني
أم نوآف بإنزعآج : الحين إنتم دآم إنكم تصآرخون كذآ ، ورآ مآتطسون عننآ ! المزرعه وش كبرهآ ضآقت فيكم !
مهآ : اللهم لك الحمد ماكنهم كبآر
العنود : شدعوه مهآوي ! اللي يسمعك يقول عمرهآ ستين سنه ، ترى مآبه فرق بينآ وبينك الا عشر سنين
مهآ تضحك : وعشر سنين شويه ! بعدين شوفي ولدي نآشب فيني مآأحلآي اتهيبل مثلكم
العنود : عآدي ، ترى حتى دآنه الغبيه تقدر تتزوج وتجيب وآحد وتصير مثلك
أم نوآف : قوموآ بس منآك الله يعآفيكم ، ترى والله أزعجتونآ أم محمد : خلوهم ، وش فيكم عليهم !
هيفآ : كفووو عمتي نوره ، عليهم تكفين
أم محمد : خلوهم ينبسطون ويصآرخون _ لفت على البنآت _ أبد مني لكم سوو اللي تبون

صرخوآ البنآت مع بعض ، بعدين فجأه شيخه سألت مضآوي : أقول مضآوي ، مرآم وينهآ !
مضآوي : إي والله هي مآجت ! _ بعدين سألت بصوت عآلي _ عمه أم مشآري ، مرآم وين !
أم مشآري : لسّآ مآوصلت
العنود : بس عمي موجود ، واغلب الشبآب وصلوآ
أم مشآري : لآ هيّ مع السوآق
أم نوآف بصدمه : الله يهديك ياأم مشآري ، تخلينهآ تجي مع السوآق لحآلهآ !
أم مشآري : عآدي ، إيش فيهآ !
أم نوآف : لآ الطريق يخوف وبعيد ، بعدين مآيجوز يختلي فيهآ الله يستر
أم مشآري : لآلآ مو صآير حآجه ان شآء الله





سكتت أم نوآف ولآ حبت تتدخل بالموضوع ، العنود وأمل وسآره وهيفآ ودآنه رآحوآ لجهة الملعب ، ومهآ ومضآوي وشيخه ونوف قعدوآ يسولفون عند المسبح
مآبقى الا ام نوآف وأم محمد وأم مشآري ، ومنآل اللي كآنت مآتفآرق امهآ لأنهآ مآحبت تدخل في جو البنآت ، مع إن لهم أكثر من شهر ونص بالريآض بس مآحآولت يكون بينهم أي توآصل ، بعكس مرآم اللي إندمجت في البنآت كثير حبتهم وهم حبوهآ ولآ حسسوهآ بأي حوآجز بينهم ،
وقفوآ البنآت لعب ، أمل وهيفآ على طول جلسوآ بالأرض ، قآلت العنود : خآيسآآآآآآت مآفيه ليآقه أبد
هيفآ : انطمي يالعبده ، والله مآعآد ألعب معك لو وشو
أمل : زيآده إنك غشآشه وكسرتينآ ، لك عين تحكين بعد
العنود ببرآئه : وش سويت !
أمل : لآ أبد مآسويتي شي ، بس طيحتي هيوف فوق العشر مرآت وبغيتي تكسرين رجلهآ ، وترى أنآ مآصفقتيني بالكوره على إذني أبد
العنود تضحك : والله بدون قصد
هيفآ : كذآآآآآآآآآبه بعينك يالغشآشه ، يآربي أنآ شفت وحده تغش بس مثلك مآعمري شفت
سمعوآ صوت الشبآب جآيين للمعلب ، ركضوآ على طول لدآخل ، هيفآ : كأني سمعت صوت سلطآن !
سآره وهي تحرك حوآجبهآ : إيه سلطآن
هيفآ حمر وجههآ : عمي جآ ! مآدريت
سآره : إيه عمك جآ وجآب معه خآلد وسلطآآآآآآآن
العنود وهي تصب لهآ كآس مويه : درينآ إن عندك إخو شين إسمه سلطآن ، ودرينآ إن هالنتفه ميته في إخوك
شهقت هيفآ وفطست سآره ضحك : قلتي لهآ ! قلتي لهآ !
سآره وهي مآزآلت تضحك : والللللللللله بالغلط ، والله والله زل لسآني
هيفآ قآمت وهي زعلآنه : الشرهه على اللي يقولك شي
سآره : يوووه زعلت
أمل : مآلكم دآعي ، مزحكم سخيف أحرجتوهآ
العنود : الله وأكبر كلنآ وآآآآآحد _ دق جوآلهآ ، وقآلت بطفش _ أوهووووو علينآ ، ذآ الرقم غآآآآآثني
سآره : ردي وإلعني خآمسينه
أمل : لآلآ وش ترد ، تطنشه لمآ يمل _ طآلعت سآعتهآ _ بنآت مآتحسون إن مرآم مررررررره تأخرت
العنود : الا والله ، بس أمهآ غبيه ولآ كأنه همهآ
سآره : خلي إمهآ على جنب ، ذي بنتهم منآل ، يآآآآآآرب إني مو طآيقتهآ ، أحس فيهآ لؤم مو طبيعي
العنود بتفكير : سوير مآلآحظتي شي ! _ كملت كلآمهآ _ مآتحسين إن منآل تتلزق بحمد أخوي ! يعني مآش حركآتهآ مريبه
سآره : صـــــح ! والله كنت بقولك بس مدري خفت
أمل : بنآت ، الظلم ظلمآت يوم القيآمه
العنود : لآآآ والله العظيم اني مو قآعده أفتري عليهآ ، بس صدق أمل ترى البنت حركآتهآ مره غريبه
أمل وهي تلف السآلفه : مآعليكم منهآ ، لآتحشون بأحد ، بعدين إنتي يآست الحسن والجمآل أشوف خآلي جآ وبتروحون ولآ نمتوآ عندي !
سآره بإحرآج : والله والله ودي ، وصدقيني قلبي متقطع ، بس أمول مآشآءالله أخوآنك كلهم بالبيت وإحنآ كثآر أربع بنآت ، يعني أحس إحرآج
أمل تفهمت موقف سآره : إنطمي بس ، أنآ أوريك المره الثآنية
دخلت عليهم مضآوي : ترى امي تقوووووول جهزوآ العشآ























































عند الشبآب ، الوضع كآن ممل نوعاً مآ ، مزآجيآت الشبآب مآتتفق ، غير سوآلف الرجآل الكبآر عن السيآسة والتجآرة والإقتصآد ، حس بملل يلفه بقوه
دق جوآله ولقى المتصل أمه : يآهلآ
أم نوآف : نوآف أبوي أطلع بسرعه وجب لنآ ثلج
نوآف : ثلج ! من وين أجيب لكم ثلج !
أم نوآف : وأنآ أدري عنك ! دبر عمرك
نوآف بملل : يوووه يمه قولي لنآصر
أم نوآف بعصبيه : وأنآ كل مآدقيت على أحد رمآني على الثآني ! الله لآيحدني لكم من عيآل
نوآف : خلآص خلآص هدي ، شوي وأجيبه




سكر الجوآل وإستأذنهم وطلع ، كآن وده مآيرجع ، حسد حمد بدآخله لأنه مآقدر يطلع معهم بسبب ظروف ضغط العمل اللي عنده ، شغل سيآرته ومشى
عكس الخط ودآر على المزرعه من ورآ ، شآف سيآره وآقفه لحآلهآ ، إستغرب وجودهآ بهالمكآن وهالوقت ، كآن لآزم يمر من عندهآ
شدته لمآ قرب وتعرف على نوعية السيآرة ، هذي سيآرة عمه صآلح ، بس وش اللي موقفهآ هنآ !
وقف على جنب ونزل لهآ ، من بعيد شوي كآن مبين انهآ فآضيه ، أخذ جوآله وتوه بيدق على مشعل يجي يشوف السآلفه معه ، إلآ لمح شي بالسيآرة خلآه يوقف





فتح بآب السيآره بقوه ، وإنصدم بالمنظر اللي شآفه ، حس دمه كله يغلي ، صرخ بأعلى صوته : إنتي وش تسووووووووين !!!

حست بالموت يقرب منهآ ، تمنت الموت ولآ تكون بهالموقف ، كآنت تدعي ربهآ دآيم تنكشف مصيبتهآ قدآم أهلهآ ، بس مو قدآم ولد عمهآ اللي تعتبره غريب عنهآ
طول عمرهآ محآفظه على نفسهآ ، والحين ! شآفهآ ولد عمهآ بأسوء حآل ، شآفهآ بوضع ممكن يفسره لأشبع صوره ، مآقدرت تتكلم ولآ تنطق أي حرف
دموعهآ صآرت تنزل بقوه وهي تشوفه منصدم قدآمهآ ،
لف بقوه عنهآ وإستغفر ربه ، مستحيل اللي شآفه ، بنت عمه والسوآق ! ، مصيبه مصيبه طآحت على رآسه ، تذكر السوآق ولف له وضربه بأقوى مآعنده
كآن يضربه بدون إحسآس ، صورة بنت عمه قدآم عيونه مآغآبت ، للحين هم بنفس الموقف ونفس المكآن ، لو ذبحه محد يقدر يلومه

تمآسك نفسه على الأخير وهو يشوف السوآق قدآمه ينزف ، قعد الأرض وحط يده على رآسه
من يقدر ينقذه من الموقف اللي هو فيه ! كيف يتصرف بعقلآنية ! وين عقله الحين أصلاً !




مآيدري كم جلس على هالوضعيه ولآ حس بنفسه الا لمآ سمع صوت جوآله يدق ، طلعه ولقآه أمه ، كبرت المصيبه بعينه أكثر
رد عليهآ بصوت مبين فيه التعب : جآي جآي شوي وجآي
أم نوآف : نوآف ! بسم الله عليك وش فيك !
نوآف : مآفيني شي شوي وجآي
أم نوآف : ليه تأخرت ! صآير لك شي ! أعلم أبوك !
إنهبل نوآف وخآف إنهآ تعلم أبوه وإحتمآل لو طلعوآ يشوفون اللي هو شآفه ، قآل أول شي طرآ على بآله : لآلآ يمه مآيحتآج ، بس سوآق عمي لقيته متعطل بالطريق وشكله متطآق مع أحد
أم نوآف : خلني اقول لأبوك يجيك ، إنت وين !
نوآف : مآآيحتآآآآآج يآأمي ، خلآص أنآ أرسلت لكم السوآق وأخذت البنت وجآي



سكر الخط وحمد ربه على اللي قآله ، مآيدري كيف طرت في بآله هالتصريفه ، وقف على حيله وسحب السوآق ورمآه دآخل السيآره : شوف إنت يالكلب ، تنقلع الحين للمزرعه وتقول لبآبآ إنك تضآربت مع شبآب ، وإذآ جيت حسآبك عسير _ لف وجهه للجهه الثآنية ورفع صوته _ وإنتي يالطآهره قومي إنزلي وإركبي معي بسرعه

مآخلآ لهآ مجآل تعترض ، رآح ركب سيآرته وحط رآسه على الدركسون ، حس فيهآ ركبت وسكرت البآب ، حرك سيآرته لأقرب محطه يجيب لأهله أغرآضهم
كآن يحس الجو مخنوق ، ألف فكره وفكره طرت على بآله ، معقوله وحده من بنآت عمه توصل لهالمستوى من الحقآره !
هي كآنت على نفس الوضع ، مآزآلت دموعهآ تنزل وتحس بحرقه بقلبهآ ، قآلت : والله مـآ
قآطعهآ نوآف : ولآ كلمه
مرآم : بس
نوآف بصرآخ : قلت ولآآآآآ كلمه ، مآبي أسمع شي
زآد صيآح مرآم ، ونوآف كمل بقسوه : وش تبين تشرحين لي ! موقفك يابنت عمي الطآهره ! كذآ ربوك أهلك !
مرآم : ظآلمني والله ظآلمني
نوآف بسخرية : لآآآآآ ! ظآلمك ! يآحرآآآآآم ، ترى أنآ مآينلعب علي بدموع وشوية حكي
مرآم : طيب إسمعني بالأول
نوآف : ولآ حرف ، مآفيه ولآ عذر يبرر لك اللي سويتيه _ وقف عن المحطه ونزل _ إنتي أحقر وحده شفتهآ بحيآتي
نزل وتركهآ وسط قهرهآ ودموعهآ ، غلطآنه غلطآآآآآنه ليتهآ صرخت بأعلى صوتهآ من البدآيه ، ليتهآ طنشت تهديدآت أمهآ ووقفت بوجه الكل وتكلمت ، ليتهآ كآنت جريئة مثل منآل تقدر تدآفع عن نفسهآ
سكتت وهذي نتيجة سكوتهآ ، شرفهآ وضآع ، وسمعتهآ قدآم عيآل عمهآ ضآعت ، وش بتخسر أكثر ، كرهت الدنيآ باللي فيهآ ، شآفته يرجع وحآولت تكتم صوت بكآهآ
عرفت وتأكدت إن الموقف اللي شآفه نوآف يخليه ينعمي عن اي شي بتقوله ، وتأكدت إنهآ مهمآ تكلمت مآرآح يسمع لهآ ، ف فضلت السكوت


كان طريق الرجعه قصير ، وصلت بسرعه ولمآ جت بتنزل سمعته يقول : أتمنى تبعدين عن أخوآتي ، لأني مآأتشرف بوحده مثلك تكون قريبه منهم هذآ أولاً
ثآنياً يآليت محد يدري بسوآد وجهك وأكيد إنك سمعتي وش قلت لأمي كملي القصه وخلينآ نلفهآ
ثآلثاً ترآ مو مهم أنآ أغفر لك اللي شفته ، إنتي لك رب بيحآسبك ويمكن تموتين بأي لحظه ، رآجعي نفسك والله يستر عليك
بلعت غصتهآ ، تمنت عندهآ أخ بمثل غيرة نوآف ، قآلت : تأكد إنك ظآلمني ، بس مآأقول غير جزآك الله خير ..



دخلت جوآ وهي تجر رجولهآ ، شآفتهم من بعيد ، أمهآ جآلسه بكآمل زينتهآ ولآ أحد هآمهآ وتحس انهآ مآلكه الكون ، واللي تبيه بيوصل لهآ بغص النظر عن الطريقه اللي بتملكه فيهآ
إختهآ اللي تحت مسمى الإخت وبس ، بعيده كل البعد عنهآ ، ليتهآ كآنت تستوعب الوضع اللي هي فيه كآن مآصآر اللي صآر



شآفت بنآت عمهآ قآعدين حول بعض ومسوين مثل الدآئره ، ضحكهم مآلي المكآن ، قلوبهم وحده وروحهم الحلوه هي اللي تجمعهم
الحريم عرفوآ بالسآلفه اللي صآرت ، أول مآشآفوهآ دآخله ، فزوآ البنآت لهآ وقربوآ منهآ
قآلت بصوت عآلي مبين فيه البكآ : لححححححد يلمسني _ وقفوآ البنآت بصدمه ، وهي كملت وهي تبكي _ لحد يقرب بلييييز تكفون لحد يقرب
مآتأثرت أمهآ ولآ قآمت لهآ إختهآ ، قآلت مهآ وهي تقرب : قولي بسم الله ، محد بيسوي لك شي
مرآم وهي منهآره : قلت لك لآتقربين ، لآتقربين
مهآ مسكتهآ وضمتهآ : لآتخآفين حبيبتي ، بسم الله عليك ، بسم الله عليك _ لفت على البنآت _ جيبوآ لهآ مويه
إستسلمت مرآم لمهآ وتمسكت فيهآ بقوه وصآرت تبكي ، دخلتهآ مهآ جوآ وجلستهآ على الكنب وهي مآزآلت ضآمتهآ ، بدت تقرآ عليهآ لممممآ هدت
حست مهآ إن مرآم ترآخت بين يدينهآ ، رفعت رآسهآ ولقتهآ نآيمه ، مددتهآ على الكنب وغطتهآ وطفت النور وطلعت
لقت البنآت كلهم جآلسين برآ وعلى وجيهم علآمآت الإستفهآم ، قآلت مهآ : وأخيراً هدت ونآمت
هيفآ: يآعمرررري والله تحزن
العنود : مآيجيك الا الروعه ، يآحيآتي تلقينهآ بغت تنهبل ، بس الحمد لله إن نوآف لحق عليهم
مهآ وهي معلقه عيونهآ على أم مشآري : الله يسآمح أمهآ اللي مخليتهآ تجي مع سوآق لحآلهآ ..

































.. : وش صآر على موضوعنآ !
.. : ولآ شي !
مآجد : آفآآآآ ، هذآ وأنآ معتمد عليك !
عثمآن : بنت عمك وحده قويه ، يبغى لهآ وقت وشغل كثير
مآجد : مآفيه شي قوي عليك ، وإلآ أنآ غلطآن !
عثمآن : إذآ تبغى السآلفه تصير تسوى ، إصبر علينآ شوي
مآجد : حآول تكون بأسرع وقت ، أبي أكسر خشمهآ باللي هي به
عثمآن : خلآص أعتمد علي ، بس تعآل إنت فآتحت أهلك بموضوعك !
مآجد : لآ ، مآبعد جآ الوقت المنآسب





































وقف عند بآب البيت الكبير ، أخذ نفَس يحآول يهدي أعصآبه فيه ، لهآ أكثر من شهر زعلآنه ، ورآفضه أي توآصل يكون بينهم ، ثلآث مرآت يجي فيهآ عندهم ولآ تطلع له
هذي المره الرآبعه عل وعسى تنحل السآلفه ويرتآح ، مل من كثر التفكير وبعد عيآله عنه ، نزل ودق الجرس ، فتحت له الخدآمه
عبدالعزيز : مدآم تهآني موجوده !
الخدآمه : تهآني نوووم
عبدالعزيز : طيب بآبآ موجود !
الخدآمه : أيوه بالمجلس



دخل المجلس بهدوء وسلم على عمه أبو زوجته ، جلس يسولف معه في أمور كثيره ، بعدهآ قآل : عمي يآليت بعد إذنك ، أبي أشوف تهآني
أبو تهآني : بس هي مآتبي تشوفك
عبدالعزيز : إلى متى طيب !
أبو تهآني : لين مآتعز بنتي
عبدالعزيز : بس أنآ مآذليتهآ ، وبعدين هي قآعده تتصرف بطريقة غلط ، مسكره علي كل الأبوآب ، طيب خلهآ ترد علي عشآن نتفآهم
أبو تهآني : وش تتفآهمون عليه ! هي قآلت لك شروط رجعتهآ ومتى مآنفذتهآ لهآ تعآل وهي بتطلع لك
عبدالعزيز : يعني مصره على شروطهآ
أبو تهآني : أيه نعم ، وأنآ مآزوجت بنتي عشآن تهينهآ مع أهلك
عبدالعزيز : بنتك معززه ومكرمه ، محد يتجرأ يهينهآ أبد ، بس يآعمي ترى شروطهآ مهيب معقوله أبد
أبو تهآني : وش اللي مهوب معقول فيهآ
عبدالعزيز : هي تدري بظروفي
أبو تهآني : وإنت دآم إنك منتب قد العرس والعيآل والمسؤوليه ليه تتزوج !
عبدالعزيز : والله يآعمي إنتم زوجتوني وإنتم أدرى بوضعي ، وأرجع أقولك أنآ مآقصرت عنهآ بشي
أبو تهآني : إذآ البيت وهو البيت مآتقدر تحط لهآ ، وش بآقي !
عبدالعزيز وهي ضآغط على أعصآبه : عممممي ، المسأله مو إني مآأقدر أحط لهآ بيت ، القضية كلهآ إني أنآ مقدر أطلع وأخلي أهلي لحآلهم
أبو تهآني : ليه بيآكلهم الذيب ! بعدين إمك وإختك عندهم إخوك مآجد ، أذهن منك وأفطن ، مهوب بحآجتك ، إذآ إنت تبي بنتي وتبي تحآفظ عليهآ ، طلعهآ في بيت







إنسآن بمثل طيبة قلب عبدالعزيز ، وسلبيته اللي مآتمشي مع وآقع حيآتنآ ، يكون تحت ضغط شخص بمثل قوة وسيطرة أبو تهآني ، أكيد إنه بيرضخ له بضغط بسيط
وآفق عبدالعزيز على شروط تهآني وطلب منهم مده معينه يستأجر لهآ بيت ويأثثه ، وهي هالوقت بتكون في بيت أبوهآ ..









































أغلب البنآت نآموآ بعد تعبهم من الصبآح ، والجو كآن هآآآآآآدي ، طلت مضآوي على أمل وشآفتهآ صآحيه : شعندك مآنمتي !
أمل وهي تجلس : جيتي والله جآبك ، طفشت
مضآوي : غريبه ! مع إننآ من الصبآح نحوووس بس مدري مآجآني نوم
أمل : أنآ إذآ تغير علي المكآن ، أتعب بالنوم
مضآوي : قومي قومي نطلع عنهم لآيصحون
طلعوآ للمطبخ وفتحت مضآوي الثلآجه : ببسي ، ميرندآ ، شآني ، ديو / وش تبين !
أمل : آمممممم مآفيه كولآ !
مضآوي وهي تبتسم : حتى إنتي كولآآآآآ ! خذي
أمل وهي تضحك : إستلميني بعد إنتي الثآنية ! ترى والله مآأخلي سآلفه الا أدخل فيهآ خآلد
مضآوي : لآلآلآ أمزح معك ، إمشي نطلع نقعد برآ ، الجو خيآل

طلعوآ البنآت وجلسوآ على الزرع ، كآنوآ جآلسين بجنب بعض ، قآلت مضآوي : الحين أنآ أبي أعرف أنآ وإنتي ليه نقعد بجنب بعض ! مفروض كل وحده تقعد قدآم بعض عشآن نشوف خششنآ
أمل : آآآآمممممم لأنه عندك شي تبين تقولينه
سكتت مضآوي وسكتت معهآ أمل ، الجو كآن هآآآآآآدي ومريح للأعصآب ، قآلت مضآوي : يصلح أطلع شي بخآطري !
أمل : يصلح
مضآوي حط رآسهآ على كتف أمل وبدت تحكي : تتوقعين لو صآر كل شي رسمي ، بيوآفق مآجد !
أمل حست شي وقف بحلقهآ : مآأدري ، بس يمكن لآ
مضآوي : مو يمكن الا أكيد ، حمد يآأمل مره خآيف من المستقبل ، خآيف يتقدم وينرفض وتصير بينآ حوآجز هو مآيبيهآ ، خآيف من تصرفآت مآجد ، خآيف تكونين لغيره
مآتتصورين وش كثر هو ضآآآآآآيع ، مو عآرف يسوي ولآ شي
أمل : تونآ بدري على إنه يسوي شي ، لآيسوي ولآ شي
مضآوي : لآ مو بدري ، وإلى متى مآيسوي شي
أمل : حتى أنآ خآيفه من الرد الأخير ، مآبي أسمع كلمة لآ ، مآأبي أفهم وآقع إني مو لحمد
مضآوي : تدرين ! حمد حلف لي يمين ، لو مآصآر لك ، مآيصير لغيرك
أمل تدرآي غصه فيهآ : لآيوقف الحيآة عندي
مضآوي : نفس الجمله قلتهآ له ، ورد علي ، كيف اوقفهآ وهي أصلاً الحيآة
سكتت أمل وبعدهآ قآلت : مآبي أتكلم في هالموضوع ولآ أبي أدخل في تفآصيله لأنهآ تعورني ، فكرة اني لغيره تذبحني ومستحيل أتقبلهآ
مضآوي ضحكت : لهالدرجه تحبينه يالدبآ !
أمل : أكثر أكثر كثييييير







كآنوآ جآلسين يحكون ولآ يدرون إنه فيه شخص ثآلث غير مرغوب سمع كلآمهم ، دخلت بسرعه لآينتبهون لهآ ، تجمع الحقد كله بدآخلهآ تجآه امل
لآزم تتصرف بأسرع وقت وتخرب عليهآ هي ويآه ، والا بيصير حمد لهآ ..

[كَوثَر]

،

أيآم قليلة ويدخل شهر رمضآن ، شهر المغفرة ، شهر الطآعآت ، الشهر اللي تكون أيآمه مليئة بالروحآنية ، خصوصاً في الأحيآء الفقيرة الصغيرة
في آوآخر شهر شبعآن تكون الأسوآق مليآنة إستعدآداً لهالشهر الكريم



وقفت تحت الشمس الحآره على إن الوقت عصر إلآ إن الأجوآء حآره بقوه ، تمللت بقوه وهي تنتظرهآ تطلع ، طبعاً كالعآده في كل مره تلطعهآ قدآم البآب

ضربت البآب برجلهآ وسمعت صوتهآ تعلمهآ إنهآ بتطلع
طلعت وهي حآيسه عمرهآ بعبآيتهآ : والله معليش بس ذآ غثن
فهده : غثن ! مير يآزين من صفقتس على جبهتس ! الحين من متى وأنآ دآقتن عليتس وقآيله اني بطلع
نوآل : حستس جعل يطفى حس إبليس ، وجعتن تمغص هالبطن ، قصري صوتس
فهده : والله من الحره اللي بقلبي ، أحس روحي طلعت ، سآفهتني من اليوم تحت الشمس !
نوآل : الله من الخقآقه ! خلآص عآد هذآ إنتي مآصآر بتس شي
فهده : إمشي إمشي بس ، ورآنآ مشوآر طويل
نوآل وكأنهآ تذكرت شي : أقول ! شرآيتس نصير زي هالمصريآت وأجيب عربيه وندفه ونحط به الأغرآض !
فهده فطست ضحك وهي تتخيل أشكآلهم : تصدقين مهيب شينه أبد ، عندكم عربيه !
نوآل تطق صدرهآ : شوفيه تحت الدرج _ دخلت نوآل وجآبتهآ _ شرآيتس باللوك الشوبنقي !
فهده : والله بهالعبآة ! معليش يعني روحي موتي أحسن
نوآل وهي تمشي : والله بتنقطع أروآحنآ في هالشمس ، وأنآ خآبرتكن لآجت الشدآيد حطيتن الأكيآس معي وشيلي يآنوآل فهده : عدآآآآآآآل ياسوبر مآن إنتي ، إحلفي إني مآأسآعدتس !
نوآل : خلآآآص تسآعديني بس عبير هالتفخه مآتشيل شي
فهده : عبييييير ، تلقينهآ الحين مووولللللعه ، كله منتس تأخرنآ عليهآ
نوآل : تسآن مريتيه قبلي ، مير قلتي لأمل إننآ بنجيهآ !
فهده : لآ مآعلمتهآ
نوآل : وإني أقولتس علميه ! الحين تخيلي شآيلين شلآيلنآ والبنت مهيب فيه !
فهده : لآلآ مآعليتس ، سعيدآن أخوي يقول إنهم فيه ، بعدين أنآ نآويتن فيهآ نيه
نوآل : لآتذكرين بالنية ، انآ متوعدتن فيهآ ، اجل هالقآطعه له شهرين مآشفنآه !
فهده : بنآت خآلهآ وعمهآ بالريآض وشكلهآ إنشغلت معهم ، بس مهوب عذر _ لمحت عبير قآعده على صندوق ببسي _ يووووه شوفي عبير وش قآعدتن عليه !
قربوآ منهآ وقآلت نوآل : قووومي قوووومي إعنبوآ بليستس تحسبين عمرتس ريشه !
فهده : والله لو إنكسر تحتس إن تصيرين مسخره عند هالأجآنب
عبير : إبلعي العآفيه انتي ويآهآ ، سآعه الا ربع لآطعيني عند البآب ، جتني دوخه من الشمس
نوآل : خلف الله على صديقآتي ، ورآكن خكآريه !
عبير : إقعدي تحت الشمس ربع سآعه ، والله إن يجيك زهآيمر مهوب بس دوخه
فهده : عبير تقول زهآيمر ! وين سآمعته فيه !
عبير : أقول وش رآيكم نشتري شي بآرد !
نوآل : بدينآ بالبلع ! إعنبوآ بليستس توتس متغديه ! خليه يتصرف أول
فهده تقآطعهم : نشتري حوستنآ ونبلع عند أمول ، يلله خلصونآ



تمشوآ البنآت في السوق الشعبي الصغير ، دكآكين صغيره في عمآير قديمه ، كل أنوآع المحلآت يضمهآ هالسوق اللي روآدّه من جميع الجنسيآت الأجنبية
وقفوآ البنآت عند وآحد يبيع خضآر في سيآرة ، إشتروآ منه اللي نآقصهم ولآحظوآ إن فهده تطآلع في الحرمه اللي جنبهآ وسآكته
نوآل : شرآيتس يمي تروحين معهآ !
فهده : هآه !
نوآل : هويتي ، وش بتس !
فهده : لآآ بس ذي _ وطت صوتهآ _ يختي مدري ليه شهّتني ، خلونآ نآخذ ملفوف
نوآل : نآخذ ملفوف وش نسوي فيه !
فهده : مدري ، هو وش يسوآ فيه !
نوآل : إمشي قدآمي لآأدبجتس ، الحين تبين تآخذين شي عشآن هالمصريه مآخذته
فهده : نوآآآآآل تكفين شوفي يدينهآ تهببببببل ، منفخه
عبير وهي تضحك : وش يدخلي يدينهآ بالسآلفه !
فهده : أكيد من أكل الملفوف
نوآل وهي تدف العربيه : إلحقون بس ، يلله مآبقى شي على المغرب ويذن
عبير : وين إلحقون ! هييييه كسرة الكليجآ تعآلي ، نمر أبو محمد
فهده : أووووهووووو ، رجعنآ لأبو محمد !
عبير : تكفيييييين فهده وش يضرك خمس دقايق نوقفها !
فهده : اقول قدامي امشي لآنضيع نوآلوه وتقعد تسوي لنا سآلفه


لحقوآ نوآل ومشوآ لطريق بيت أمل ، كآنوآ متعودين مثل كل سنه يطلعون يتقضون لرمضان مع بعض ، ويرجعون في بيت أي وحده منهم يطبخون ويجهزون سوآ



نوآل وفهده وعبير وأمل جمعتهم علآقه تعدت حدود الصدآقه ، شي أكبر ، درسوآ مع بعض من اول ابتدآئي ، كل شي تقآسموه مع بعض
فرحهم ، حزنهم ، نجآحهم ، فشلهم ، يهتمون بأدق التفآصيل بينهم ، ممنوع كلمة " زعل " بينهم ، ولآ فيه لسوء الظن أي وجود ،
علآقة 12 سنه كآنت كفيلة إنهآ تشيل كل الحدود وتخليهم يندمجون مع بعض بكل برآءه وطهآرة قلب ..



كآنوآ يمشون طريقهم وطبعاً لآبد من تعليق نوآل على المآره وضحك فهده وعبير عليهآ ، لمآ قربوآ من بيت أمل لقوآ مآجد مع شلته وآقفين عند البآب
عبير : قطيييييييييعه شوفوآ من وآقف عند البآب
فهده تحآول تشوف : عليتس عيون ! وجعه مآأشوف شي
نوآل : تشوف من هالنقآب اللي بآجتن عيونه فيه ، غطيييييه وجعتن توجعتس غطيه
عبير تغطي نقآبهآ : خلآآآآآص غطينآ غطييييينآ
فهده : طيب مين وآقف
عبير : مآجد والشله الخربآنه
نوآل اللي بدت تتعرف عليهم : ذآ عثيمين ! إلآ والله ، إعنبووووآ ذآ الوجه
فهده : يوووه جآني حومة تسبد
عبير تتلفت حولهآ : شرآيكم أفلق وآحد منهم بحصآة !
فهده : والله لأحب رآسك لو تسوينهآ
نوآل : والله من قلة الحيآ ، شآيفين حريمن جآيآت ولآ وخروآ
فهده بصوت عآلي شوي : لييييه هو فيه حيآ من اصله !
نوآل : حستس قطع الله حس ابليس ، قصرن الصوت وصلنآ وصلنآ
قربوآ البنآت من البآب ، وقآل مآجد : خير اللهم اجعله خير !
عثمآن : مآنوزع صدقآت ، إمشي انتي وهي يلله
فهده بعصبيه : إنطم إنت ويآه جعلكم المآحي ، وخروآآ بندخل
مآجد : منيب موخر
نوآل : أعوذ بالله منك يآإبليس _ قربت نوآل منهم ولأن هيئتهآ بالعبآية مُهيبة نوعا مآ ، وخروآ عنهآ بسرعه _ والله حسآفه عليكم كلمة رجآجيل




دخلوآ البنآت دآخل البيت وصفقت عبير البآب بوجه مآجد وقفلته ، ضحكت فهده : وش عندهآآآآآآ عبير ! هيه ترآ بيتهم
عبير : يآكل ترآب قليل الحيآ ، يآرب إني مآأدآنيه
حطت نوآل الأغرآض تحت الدرج وطلعوآ فوق ، طقت البآب وطلعت لهآ أم محمد : هلآآآآ والله ، هلآ ببنآتي _ سلموآ عليهآ البنآت بمحبه وآضحه _ حيآكم الله
نوآل : الله يحييتس يمه ، شلونتس وش اخبآرتس !
أم محمد : بخيييير جعلكم العآفيه ، هذي والله السآعه المبآركه اللي دخلتوآ فيها بيتنآ
فهده : سآعتك أبرك يمه ، الا وين أمل الشينه !
أم محمد : أمل دآخل بغرفتهآ ، بقوم انآديهآ
عبير : لآ والله مآتقومين ، شدعوه يمه نوره تقومين وأحنآ فيه ! خلآص إحنآ ندخل لهآ بعدين ترآنآ مو غريبآت
أم محمد : لآ والله ، البيت بيتكم
نوآل : بس مآفيه رجآل بالبيت !
أم محمد : لآ خذوآ رآحتكم ، مآفيه أحد
أمل سمعت أصوآت برآ ، دخلت الصاله وصرخت لمآ شآفت البنآت ، نوآل وهي ضآمتهآ : لآتحآآآآآآولين تلعبين بعقلي بحركآتس ذي تدرين اني اخق معتس
فهده : ايه نوآل لآتخلينهآ تلعب عليك ، ترآهآ سآحبه علينآ
عبير : شآفت بنآت خآلهآ وعمهآ ونستنآ ، من لقى احبآبه
أمل وهي تضحك : ورررربي إنكم على البآل ، شدعوه يالشينآت أنآ أقدر انسآكم
نوآل : موب على كيفتس تنسينآ ، نآشبين لتس نآشبين
أمل : الله لآآآآآيحرمني
فهده : بس بس عن حركآت الخقخقه وقومي صلحي لنآ قهوه ، ترى رآسي بينفجر
نوآل : لآتكفين قهوة امل حوآق ، مآتجوز لي
فطسوآ البنآت ضحك ، عبير : يوووه أمول إنسبيتي وإنتي في بيتك
أمل تضحك : مشكلة اللي يطيح بلسآن هالعجيّز ، قومي طيب معي خل نسوي قهوه للبنآت
نوآل : يلله جآيه _ لفت على عبير _ أنتن إنزلن جيبن الأغرآض من تحت
قآمت بسرعه وقآلت فهده : شف هالسآحبه ! على كيفهآ نطلع الدرج كل شوي !
عبير : عآدي أنآ معك
فهده : إنتي يآلدبآ أنزل ثلاث مرآت وانتي توك مره وحده ، وش يحركك انتي !
عبير : يختي ربي خلقني شحوم وش أسوي بعمري
فهده تصرخ : إنحفففففففي ، لآعآد تبلعين ، إتركي عنك الفلافل والبطآطس تآلي الليل

ضحكت عبير ونزلت مع فهده عشآن يطلعون الأغرآض لفوق ، فهده اللي عصبت من نوآل اللي سحبت عليهم مع أمل وعبير اللي يآدوب تطلع الدرج وتنزل
نوآل وامل بالمطبخ كآنوآ يضحكون على عصبية فهده وتعليقآتهآ ، صلحوآ قهوتهم وتقهووآ مع أم محمد والجلسه مآتخلى من سوآلف وضحك


بعد مآخلصوآ دخلوآ البنآت المطبخ وتقآسموآ الشغل بينهم ، اللي تقطع واللي تطبخ واللي تلف ، كآنوآ البنآت يتحركون في البيت بكل اريحية





في نفس الوقت العنود ومضاوي قرروآ يزورون أمل زيآرة مفآجئه ، مآفآجئوآ أمل كثر مآإنصدموآ باللي شآفوه ، منظر البنآت دآخل المطبخ وهم مع بعض ويضحكون ويسولفون هز شي بأعمآقهم ، هذي الصورة اللي حركت شي بنفوسهم ، من متى البنآت مآدخلوآ المطبخ مع بعض ! من متى البنآت يجهزون لرمضآن مع بعض !
كل وحده رآح بآلهآ لصديقآتهآ ، وين صديقآتنآ اللي إسمهم صديقآت وبس ! هذي العلآقه اللي تنقطع بمجرد الخروج من بآب المدرسه او الجآمعه او الدوآم مآتمسى صدآقه
نقدر نقول زمآله لآأقل ولآ أكثر ، تمنوآ بدآخلهم عندهم صديقآت يحبونهم مثل أمل ،على رغم بسآطة المكآن , وبسآطة اشكآل البنآت ، إلآ إنهم وقفوآ مذهولين قدآمهم


إنتبهت أمل لهم : لآآآآآآآ ، وش سآلفة اليوم !
مضآوي : يآخزيآآآآآه ، مآدرينآ إن عندك ضيوف
أمل : مآفيه ضيوف ، هذولي أهل البيت
العنود بمرح : اللللللللله حمستوني ، أشكآلكم تهببببببل
ضحكوآ البنآت على طريقة تعبيرهآ ، وقآلت أمل : شوفوآ من تحمس ! العنود اللي مآتدبر ولآ شي بالمطبخ !
نوآل : وشوووو !
العنود خآفت : لآآآآ تقصد يعني شسمه ، يعني يعني يعني _ لفت على امل _ يآحمآره صديقتكم ذي تخوف ، مخرج تكفين
ضحكت امل : نوآل مآلك مفر منهآ _ بنذآله _ نوآآآآل ترى عنيد مآتحب تطبخ ولآ تعرف
العنود بسرعه : والله ودي ودددددي أتعلم
نوآل : تعآلي يمي ، إفصخي عبآتس وأعلمتس
عبير تحآكي فهده بصوت وآطي : أقول كن بنآت عمهآ يبونهآ ! شرآيكم نسري بيوتنآ !
فهده : تهقينه !
عبير : إيه والله ، مآودي نحط أمل بموقف محرج ، مآشفتي كيف الصدمه بوجيهم وإحنآ مآخذين المطبخ كنه مطبخ أبونآ ! أخآف إنهم مآيحبون هالحركآت
فهده : صآدقه ولآ بعد مآكلفنآ أعمآرنآ نلبس زين ، كل وحده جآيه بقميصهآ ، خل اقول لنوآل _ قعدت عند نوآل وقآلت لهآ السآلفه _
نوآل : هآآآو ! يلله يلله سرينآ
فهده : أموووول ، خلآص ضفي العده وبآكر نجي نكمل
أمل : خير خير ! على وين إن شآءالله !
عبير : بنسري بيوتنآ وإنتي خليك مع هالحلوآت
العنود : لآلآلآ تكفووون خليكم ، وش هالسخآفه بتروحون ، إنتي يالكبيره همآك تبين تعلميني ، أشوف إنحشتي !
نوآل : مآإنحشت ولآ شي ، بس خليه وقت ثآني ، خذوآ رآحتكن مع هالشينه
أمل : أقول بس إنطقوآ مسوين ذوق ، هيييه مآعليكم منهم الحين تشوفون العنود شآبكه معكم
العنود : والله مآتروحون _ فصخت عبآيتهآ ورمتهآ بعيد ، ورفعت أكمآمهآ _ لآلآ مآش ، أبي مثلهم ، أمل عندك !
ضحكت أمل : عندي ، تبين !
العنود تسحبهآ : إيييييييه بسرعه ترى والله طقني الحمآس اسوي معكم
أمل : دآمك متحمسه أبي أحطمك ، مآفيه
العنود : الشرهه علي يالعنز أقعد أترجآك ، خآآآآآآآآآلتي نوررررره
رآحت العنود تطلب من خآلتهآ وضحكوآ البنآت ورجعوآ يكملون شغلهم ، مضآوي تكلم أمل : يجننووون ياأمل ، الله لآيفرقكم
أمل بإبتسآمه : أمييييين يآآآآآرب ، لآتستحين ترى مآفيه أطيب من قلوبهم
رجعت لهم العنود وهي لآبسه قميص خآلتهآ وتدووور فيه : بالله شرآيكم باللوك ! خطير صح
ضحكت مضآوي : يآآآآآي شكلك خطير
دخلت العنود معهم وبسرعه اندمجت بجوهم ، ورآح الوقت بين سوآلف وضحك وهوآش نوآل اللي مآيخلص وتعليقآت البنآت ..

























بسبب ظروف الحيآة والمشآغل اللي مآتخلص ، وإختلآف الأعمآل ، وكثرة الإرتبآطآت الأسرية والإجتمآعية ، ولأننآ في مدينة محآفظة جداً أغلب الأمآكن الترفيهيه تكون من نصيب العوآئل
قرر هو وأصدقآه يجتعون كل نهآية شهر في مزرعه إستأجروهآ بالسنه ، لعب كوره وبلآي ستيشن ، أفلآم ، بلوت ، شيشه ، أغآني ، كلن وحسب جوه
مجموعة كثيرة تختلف إهتمآمآتهم ، فكآنت هالمزرعه جآمعه لكل أنوآع المزآج ..


أزعجه جوآله من كثر مآيدق ويعطيه مشغول ، قرر بالأخير إنه يحطه صآمت ويرميه بعيد عنه ، كثرت الإزعآجآت هالأيآم بشكل مريب ، مآيقدر يترك جوآله سآعه وحده بدون مآيلقى
عدد كبير من الإتصآلآت الفآئته ورسآيل الغرآم المجهوله


يآسر : حميدآن وين جوآلك ، بكلم أهلي
حمد وهو يلعب بليآردو : هنآك ع الكنب تلقآه
رآح يآسر وأخذ جوآل حمد وإنصدم من عدد المكآلمآت اللي لقآهآ ، توه بيدق رقم اهله الا جوآل حمد يدق بيده ، رجع يآسر لحمد ومد له الجوآل : يدق
حمد لمآ شآف الرقم قآل بطفش : رد عليهم وقل حمد مآآآآآآت
ضحك يآسر : والله لعبوآ بحسبتك
حمد عطآه نظره : يبطون والله ، بس مآأحب القلق
رجع الجوآل يدق ، قرب يآسر من حمد : حمد هالموضوع لآزم تلقى له حل ، يآخي غير رقمك
حمد : وإنت تحسب تغيير الرقم سهل ! يآخي كل رجآل الأعمآل الكبآر يعرفوني على هالرقم ، منيب مغيره
يآسر : اوكي لآتغيره ، بس رد ، ليه تتهرب مدري
حمد : بنت طلعت بنت ،وأنآ مآأحب هالحركآت
يآسر : أنآ مآقلت لك تكي معهآ وخذهآ سوآلف وضحك ، بس لآزم تحط لهآ حد
حمد بتفكير : أقطع يدي إن مآكآن أحد يعرفني
يآسر : يعرفك ! من له مصلحه يزعجك بهالشكل !
حمد : الله أعلم ، بس تدري والله إنك صآدق ، لآزم أرد وأعرف السآلفه
يآسر : الحين فرصتك ، بمآ إنك مو بالبيت ولآ بالدوآم ، إطلع شف موضوعك هنآ _ دق الجوآل ، ومده له _ رد



حمد سحب الجوآل وطلع برآ بعيد عن الإزعآج ، أخذ نفس ورد : نعم !
.. : ........
حمد : بعد كل هالإتصآلآت والإزعآج ردينآ عشآن نسمع صوت الهدوء !
في الطرف الثآني كآنت مصدومه انه رد عليهآ ، مآتوقعت أبد يجيهآ صوته ، قآلت بنعومه : مسآء الخير
حمد : مسآء النور
منآل : مبآرك عليك الشهر
حمد : علينآ وعليك ، من معي !
منآل : كيف حآلك !
حمد : والله تعرفين حآلي أكثر مني _ بلهجه جآمده _ من معي !
ضحكت ضحكة دلع : معآك منآل بنت صآلح الـ ....
إنصدم بالإسم ، رجع الصوت يتردد دآخل عقله ، منآل بنت صآلح يعني بنت عمه ، تذكر محتوى الرسآيل اللي كآنت توصله في كل الأوقآت ، حآول قد مآيقدر مآيبين لهآ صدمته
تمآسك نفسه وبالفعل قدر ، حمد : آهآآ ، والنعم والله ، يآهلآ ببنت الحمآيل اللي تزعج عيآل عمهآ
حسته يدقهآ بكلآمه ، إنقهرت منه وتذكرت أمل وزآد حقدهآ ، ردت عليه : يآهلآ بك
حمد : خير إن شآءالله ! ممكن أعرف سبب هالإزعآج كله ! منآل : إنت اللي خليتني أزعجك ، لو إنك رديت علي من أول مآكآن صآر كل هذآ
حمد : هذآ أنآ رديت ، إختصري
منآل : أحبك
إنصدم من وقآحتهآ ، رد عليهآ بإسلوب يبي ينرفزهآ فيه : تحبك العآفيه
منآل عصبت : هذآ رد !
حمد : وهذآ حكي !
منآل : وين الغلط !
حمد : كلك على بعضك غلط ، إنتي يآبنت الأصل تشوفين اللي تسوينه صح !
منآل : كمآن مآني عآرفه فين الغلط ! غلط إني أتصل عليك وأقولك أحبك !
حمد : غلط إنك تزعجين ولد عمك لأكثر من شهرين ، غلط إنك ترسلين له رسآيل غرآمية والبعض الثآني إنتي أدرى فيه ، غلط إنك تدقين بكل وقآحه وتكلمين وآحد غريب عنك حتى لو كآن ولد عمك
بكل رآحه وبدون خجل ، غلط إنك تتعمدين تطلعين بوجهه بملآبس وإلآ أقولك حرآم ينقآل على ذآك الشكل ملآبس / صح !
منآل بقهر : كل اللي قلته مآهو أغلآط ، كيف تبغآني أعبر لك عن حبي !
حمد : أنآ مآأدري وش مفهوم الحب بنظرك ، ولآ أدري أي جرآءة تملكينهآ وإنتي تتصرفين بهالأسلوب ، رجاء سكري الخط وأنآ بدوري بأعتبر مآفيه شي صآر
منآل : أحبببببك قلت لك أحبك
حمد ببرود : طيب ! والمطلوب !
منآل : كيف يعني والمطلوب !
حمد : وش مطلوب مني أسوي !
منآل : تجي تخطبني ونتزوج
ضحك حمد بقووووه على كلآمهآ ، أو بالأصح على تفكيرهآ ، رحمهآ بدآخله على صغر عقلهآ ، مآقدر يمسك نفسه ، رجع ضحك وضحك وضحك
قآلت بقهر وآضح : مآأشوف كلآمي يضحك لهالدرجه يآمهندس
حمد : عفواً ، مآهقيت وحده من بنآت عمي عقلهآ صغير
منآل : أيوووه يآحبيبي ، مو إنت صآير مآتشوف احد ، طآيح لي غرآميآت وتقول اني غلط !
حمد : إحترمي نفسك وإلزمي حدودك ، لآتحديني أتكلم معآك بطريقة مآتعجبك
منآل : لآ تكلم حبيبي تكلم ! شوف حمد من آخرهآ ، إذآ إنت مفكر إنك تتزوج أمل فأقولك من دحين شيلهآ من رآسك أحسن لك
حمد : أيووووه ، وإذآ مآشلتهآ
منآل : بتشوف حآجه عمرك مآشفتهآ ، بأخرب حيآتهآ وأقلبهآ جحيم ، وإنت تعرفني مجنونه وأسويهآ
حمد : من المفترض إني أخآف وأكنسل أمل من حيآتي وأفكر فيك !
منآل : لآتتمسخر فيني
حمد : إنتي حطيتي نفسك بموضع سخريه
منآل : كله من الحقيره بنت الفقر المنتفه
قآطعهآ حمد بصرخه : قلت لك إلزمي حدودك وإعرفي مع مين تتكلمين وعن مين
منآل : والله لأحرق قلبك عليهآ
حمد : لو صآر لهآ شي أنآ مو مسؤول عن اللي بيصير لك وقتهآ ، لآتحطين رآسك من رآسي
منآل : أخيّرك دحين ، إمآ تجي تخطبني وأنآ أضمن لك مآيجيك ولآ يجيهآ شي مني وإلآ هي ، وشوف الخسآرة اللي بتخسرهآ
حمد : أهنيك على الثقه اللي خلتك تحطين نفسك بمكآن مقآرنه معهآ ، بكل تأكيد هي
منآل : هذآ أخر كلآمك !
حمد : عندك شي ثآني !
منآل : عنيد ورآسك يآبس بس صدقني بتخسر
حمد : عندك شي ثآني !
منآل : والله والله والله لأحرق قلبك عليهآ ، والله لأخليك تندم طول عمرك ، واللللللللله لأخليك تتمنى الموت ومآتلقآه
حمد : اللي مآتطولينه بيدك ، وصليه برجلك


سكر الخط بوجههآ ، حس دمه دآخله يغلي ، بعد كل هالإزعآج صآرت بنت عمه ، مآتصور أحد بنآت عمه تملك هالكم من الجرأه والوقآحه ، مآعمره أحد تجرأ وهدده ، تجي هي وتقط هالكلآم بوجهه ، مآإنقهر إلآ على أمل ، كيف عرفت بموضوعه معهآ كيف ! ، لآزم يتصرف بسرعه ، عقلهآ صغير ممكن تأذي أمل بأي طريقه ، بمجرد مآطرت هالفكره في رآسه
رمى جوآله بقوه وتكسر قدآمه ، ركب سيآرته وإنطلق بسرعه مجنونه ..


أمآ هي جلست فترة مو مستوعبه اللي صآر ، طلع كل الكلآم اللي سمعته صح ! ، حمد أفضل رجآل العآئلة يحب أفقر بنت فيهم ، ليه ! هي وش نآقصهآ حتى يرفضهآ بهالطريقه !
مآكآنت تدري إن عمر الأشيآء المآدية مآكآنت ضمن أولويآت تفكيره ، ولآ كآنت تدري إن أمل تملك أشيآء كثيره مو عندهآ ، تردد كلآمه جوآ عقلهآ
ثقته من نفسه ، إستفزآزه لهآ ، حبه العميق لأمل اللي بآن أول مآهددته فيهآ ، كلهآ أشيآء إستثآرتهآ وخلتهآ تنفعل بطريقة هستيرية
كسرت كل شي حولهآ ، إنهآرت بطريقة مجنونة ، جلست تصآرخ وتلعن وتسب فيهم كلهم ،
إزدآد الحقد اللي بدآخلهآ ، وأصرت زيآده على الفكره اللي برآسهآ ..






















.. : لآلآلآ مآعجبتني ، عيديهآ
.. : لييييه ! سويت زي مآقلتوآ
شيخه : يآختي مدري أحسهآ سريعه
سآره : لآ بس ذي المطيوره تمشي بسرعه ، والله كأني أشوفك بترفعين الفستآن وتركضين
نوف : إنطمي بس ، شوفوآ حركآت إني أتمطط وأنآ بالزفه إنسوهآ
شيخه : أجل لاتنزفين
سآره : وش لآتنزفين ! تقوم تصدقك وتهون ، والله كف على مخك ، شوفي شوفي أول مآتوقفين عدي بدآخلك لمآ عشره وبعدين إنزلي وحده وبعدين عدي خمسه وإنزلي وحده وكذآ
نوف : يووووووه ، لآلآ والله بأرتبك مآأعرف
سآره : يآغبيه هذي أحسن طريقه ، العد
نوف : طيب يلله نعيد
عآدت نوف تدريبهآ لزفتهآ ، ولمآ خلصت : هآه كيف !
شيخه : بطللللللله ، فكرة سويره صح
سآره : قآيله لكم ، بس دآيم ظآلميني
نوف إلتفت لأختهآ : هيوف ، مآقلتي رآيك
سكتت هيفآ بعدين قآلت : إيه حلوه _ وقفت تبي تطلع _ يلله بنآت أنآ بالسيآره
نوف : ضآيق صدرهآ س
سآره : شوي وبعدين يصير عآدي ، لآيضيق صدرك نوف
شيخه : لآتشيلين هم ، ترى أمي بتآخذهآ عندنآ بعد الزوآج وكلهآ كم يوم وتبدآ الجآمعه وتلهى مع سوير
نوف : الله يسهل
ركبوآ البنآت مع السوآق , وحآولت سآره قد مآتقدر ترجع جو هيفآ وتمزح معهآ ، وطبعاً أكيد هيفآ تتغير أجوآءهآ مع سآره
شيخه : الحين بآقي نروح نشوف فستآنك ، وبآقي نمر نحجز الحلى ، وبآقي نروح نأكد على الكوشه ، يوووه مآظني يمدينآ على الظهرآن اليوم
نوف : تكفيييييين خليه بكره ، ترى والله أحس نفسي هلكت هيفآ : هيه يالشيخه ، ترى زوآجك بعد العيد على طول ، ورمضآن زحمة وقلق مآفينآ على الدورآن ، خلصي هالأسبوع
شيخه : صآدقه هيفآ ، رمضآن لآتفكرين تطلعين لسوق ، أصلا يبيلك رآحه وتغذية زي النآس ، شوفي كيف نحفتي
سآره : إيه عآد ، الأكل ثم الأكل ثم الأكل ، تبين أخوي يآخذ عظآمه ! وش ينبسط عليه !
ضحكت شيخه وهيفآ ، وقآلت نوف : وجع يآقليلة الأدب ، إنتي مآفيك حيآ !
سآره : يعني يعني حآطه نفسهآ مستحيه
هيفآ : مآعليكم منهآ ، تلقينهآ بدآخلهآ تقول الله يجيب العيد بسرعه
شهقت هيفآ وضحكت شيخه : ليه تحسبون كل النآس مثلكم !
سآره : للأمآنه أنآ مآبي أتزوج ، بس هيفآ كل يوم تدعي
هيفآ ضربتهآ على رآسهآ ، وقآلت نوف : تستآآآآآآآهلين عشآن مآتوقفين ضد إختك ، يلله وصلنآ المشغل ، يآآآآآآآرب يضبط
سآره : ترآهآ تقول يآآآآآآرب يجي سعود بسرعه _ وإنحآشت لجوآ المشغل بسرعه لمآ شآفت نوف جآيه لهآ _ أتوب أتوب

















.. : يممممه مآفيه غير هالسآلفه !
.. : إيه مآفيه غيرهآ لمممآ تقتنع
.. : أنآ بأعرف ليه مصره على هالبنت مدري !
.. : لأني أدري لو بألف الكون منيب لآقيه وحده بمثل أخلآقهآ
معآذ : وإنتي ليه وآثقه منهآ لهالدرجه !
أم فيصل : والله يآمعآذ بلآك مآشفتهآ ، أنآ أدرى فيهآ ، سنع وأخلآق وعلم كآمله والكآمل الله
معآذ : والله مآظنتي يمه فيه بنآت كآملين
أم فيصل : معآذ ، إنت طبيب وعآقل وفآهم ، لآتخلي تجربتك مقيآس
معآذ : يمه أنآ شآيل فكرة الزوآج من رآسي
أم فيصل : وأنآ قلبي مآيطآوعني أتركك إنت وولدك بدون حرمه تشوف أمورك
معآذ : أنآ يآلله إفتكيت من ذيك ، تبين تنشبيني بوحده ثآنيه !
أم فيصل : مهآ مهيب زي غيرهآ
معآذ : كلهم مثل بعضهم
أم فيصل : تدري بأخلآق متعب الشينه وشف صبرت عليه وتحملته ، والا أم متعب يآكآفي من يقآعدهآ ، والله إنهآ كآنت شآيلتهآ بعيونهآ
معآذ : لوجه الله ! فيه سبب مخليهآ تتحمل كل هالشقآ
أم فيصل : أخلآقهآ وطيب أصلهآ
معآذ : يممممه ، وأنآ كل مآجيتك من هنآ تجين من هنآ !
أم فيصل : والله يآولدي إنهآ عآجبتني ، تكفى خلني أفرح فيك
معآذ : مآآآآأبي أتزوج ، خلآص سكري السآلفه
أم فيصل : منيب مسكرتهآ ، عطني سبب وأقتنع أقولك البنت جآمعية وحلوه وخلوقه وسنعه ، إلآ إذآ كآنك مآتبيهآ عشآن وضع اهلهآ !
معآذ : لآ شدعوه ! أنآ مآأفكر بهالطريقة وإنتي تدرين يمه إن المآده عمرهآ مآهمتني
أم فيصل : أجل خلآص توكل على الله
معآذ : أصلاً هي توهآ مآخلصت عدتهآ
أم فيصل : أدري ، تخلصهآ بعد نهآية رمضآن إن الله أعطآنآ عمر ، بس أنآ أدري بك رآسك يآبس ومن الحين يآلله أقنعك سكت معآذ فتره وبعدين قآل : على خير إن شآءالله



طلع من عند امه وإنقهر بدآخله ليه ليّن رآسه وأعطآهآ موآفقته ، هو قرر بعد طلآقه إنه مآيرتبط بأي إنسآنه ، تجربه وطلع منهآ بخسآير للحين يعآني منهآ
بدآخله قنآعه إن مآفيه ولآ بنت تستآهل يكمل بآقي عمره معهآ ، وقته صآر للمستشفى والبيت وبس ، يلله يكفي إنهآ رغبة أمه ..

[كَوثَر]

،



وصل للبيت وطول الطريق وكلآمهآ يرن دآخل إذنه بطريقة مزعجة ، مآقدآم عيونه إلآ هي ، كل خوفه إنهآ تأذيهآ لو بشي بسيط ، أخذ قرآر سريع ولآ يمكن يترآجع عنه
التأجيل بيضره ولآ بينفعه ، نزل من سيآرته بسرعه ، دخل البيت لقى كل أهله جآلسين ، دآرت عيونه بالمكآن يدور أمه



وقفت له العنود وهي فرحآنه بالقميص اللي أخذته من خآلتهآ : بو حميييييد شرآيك باللوك الجديد
مآفيه أي ردة فعل ، وجهه جآمد وعيونه على الفرآغ ، رجعت العنود وتكلمت بدفآشتهآ المعتآده : أبو الشبآآآآآآآب وين عقلك !
صرخ فيهآ بقوه : إنقلعي عن وجهي
سكتت وطآلعت فيه بصدمه ، كل أخوآته وأخوآنه إنصدموآ منه ، نآدراً مآيفقد أعصآبه بهالطريقه ، سكرت امه الجوآل وفزت له : حمد أبوي ، وش فيك !
مسك يدهآ ومشى فيهآ لدآخل : يمه أبيك شوي
لمآ غآب هو وأمه ، قآلت العنود اللي مآزآلت وآقفه بمكآنهآ : وش صآير !
مضآوي بخوف : أكيد صآير له شي ، أول مره حمد يعصب كذآ !
العنود وهي حآطه يدهآ على قلبهآ : وربي أرعبني ، خفت
نآصر : أحسسسسن ، برد خآطري فيك
العنود : رجاء نآصر مو وقتك ، من جد أنآ ضآيق صدري
مضآوي : يكون صآير لخوآلي شي !
نآصر : يمكن دوآمه !
مضآوي : لو دوآمه وش دخل أمي ، لآلآ مآأظن ، شرآيك نوآف !

نوآف اللي تغير حآله في الفترة الأخيره ، من بعد المزرعه وهو منقلب حآله ، والكل يجهل السبب ، صآير دآيم سرحآن وبآله مو معه ، ونآدر مآيجلس معهم ، صآير وقته
للدوآم والنوم وبس ، وحتى لو جلس معهم تحت إصرآر أمه يكون سآكت أغلب الوقت ، الكل ملآحظ تغيره ، فقدوآ فيه نوآف المرح الطيب
العنود : نوآآف ! تحآكيك مضآوي
وقف ومشى للدرج : كلن بقلبه شقى الليله ، تصبحون على خير
سكتت مضآوي وإكتأبت العنود : والله مو حآله ، وش فيهم أخوآني !





















جلس ويّآ أمه وللحين يحس بدمه يغلي ، مآقدر يتكلم وهي بدورهآ مخليته برآحته ومآدوهآ تضغط عليه ، مآعرف كيف يصوغ الكلآم اللي بيقوله
حمد : يمه تعبآن
أم نوآف : بسم الله عليك حبيبي ، وش فيك !
حمد مسك يدينهآ وطآلع بعيونهآ : يمه ، كيف تشوفين حمد !
أم نوآف : أشوفه نآجح في عمله ، محبوب بين أهله ، وآثق من نفسه ، شخصيته قويه ، تفكيره منطقي وبعدين إنت بالذآت لآتسألني عنك
حمد : عندك ثقه فيني !
أم نوآف : أكيد ، عندي ثقه كبيره بعد
حمد : لدرجه تخليك توآفقين على قرآر أخذته بدون مآتسأليني عن أسبآبه !
أم نوآف بعد لحظة صمت : لو كآن في مصلحتك ، أكيد مآرآح أعآرضك
حمد وهو يغمض عيونه : إخطبي لي أمل في أسرع وقت
بغت تطير من الفرح لمآ سمعت هالخبر ، بس فيه شي بطريقة كلآمه خوفتهآ : أخطبهآ لك من عيوني ، بس في أسرع وقت ليه ! حمد أبوي وش صآير معك !
حمد : مآأتوقع خطبتي لهآ شي مو من صآلحي ، عشآن كذآ لآتسأليني عن الأسبآب
أم نوآف : طيب قل لي ، فيه شي صآير لك
حمد بنفآذ صبر : يممممه أبيهآ وبسرعه
أم نوآف : أنآ بكلم أبوك وأكيد هو مآرآح يعآرض ، ومآأظن إختي بترفض ، بس حمد إنت عآرف بعد عمك الله يرحمه مآندري عن وضع اخوآنهآ
حمد : كلمي أبوي يشوف لي دبره في الموضوع
أم نوآف : خلآص حبيبي إنت وكل أمرك لرب العآلمين ، والله يكتب لك الخير
حمد حط رآسه على رجولهآ : يمه إقري علي



عورهآ قلبهآ على ولدهآ ، لأول مره بحيآتهآ تشوف حمد بهالضعف ، هو الوحيد من عيآلهآ اللي مآتعبت معه ، دآيم يآخذ حقه بنفسه ، شخصيته قيآديه من كآن صغير
كآن يحب يكون الأول بكل شي ، على قوة شخصيته الا إنه أحن عيآلهآ عليهآ ، مآعمرهآ سمعته يشكي ولآ عمره حكى لهم عن مشآكل عمله أو شي يخصه
كآن غآمض كثير ، يسمع ولآ يتكلم ، والحين شآفته والتعب بآين في صوته ، وش اللي صآر فيك يآحمد !

























فتحت عيونهآ وطآلعت في السقف لفتره ، تحس نفسهآ تعبآنه بس ليه مآتدري ، لفت وجههآ وإستغربت المكآن من حولهآ ، أورآق بكل مكآن ، ملآبس هنآ وهنآك ، تحف مكسره ، المكآن كله فوضى ، وش اللي صآر مآتذكر ، حست بصدآع قوي برآسهآ ، تمآلكت نفسهآ وقآمت
دخلت دورة الميآة شآفت وجههآ بالمرآيه ، عيونهآ منتفخه ، ووجههآ مورم ، فتحت الموية البآرده ودخلت تحتهآ ، غمضت عيونهآ وبدت تتذكر وش صآر أمس
_ يحبهآ ، طيب وأنآ ! ، معقوله أتنآزل عنه بهالسهوله ! ، معقوله مآيصير لي ! ، ليه هيّ تتهنى فيه ! ، مستحيييييل أخليهآ بحآلهآ ، والله لأقلب حيآتهآ وحيآته
أنآ لآزم أحكي مع مآمآ عشآن نتصرف ، إن مآخليته يجي يطلبني وأنآ اللي أرفضه مآأكون منآل ، أكرررررهك يآحمد أكررررررهك _

طلعت ولبست ملآبسهآ على السريع ، بدآخلهآ موآل ولآزم تسويه ، طلعت من غرفتهآ ولقت قدآمهآ مشعل طآلع من غرفته
منآل : كويس اللي حصلتك ، تعآل أبغآك مع أمي
مشعل : مآني فآضي لك ، بعدين بعدين
منآل : غصب عنك بتفضى ، الموضوع مهم ومآيتأجل
مشعل : إيش عندهآ منآل هآنم !
منآل : إذآ تبغى المنتفه هذي أمل ، إلحقني
نزلت تحت وشآفت أمهآ جآلسه تتفرج على التلفزيون ، وقفت قدآمهآ وأخذت الريموت تطفيه : أمي عندي موضوع ، ركزي معآيآ
مشعل وهو يجلس : ترى طفشتينآ ، موضوع وموضوع ، خلصي بسرعه
جلست منآل وقآلت لهم كل شي ، من البدآيه لمآ سمعت مضآوي وأمل يحكون في المزرعه إلى مكآلمتهآ أمس لحمد : وهذآ كل اللي صآر
مشعل : أيووووآآآآ طلعت المحروسه تحب حمد ، شغلهآ عندي
أم مشآري : لآ ، إنت انتظر لآتتصرف
مشعل بعصبيه : قلت لك من اول حكّي أبويآ يجيبهآ عندي زي الكلبه مآسمعتي ، شوفي النتيجه ، الزفت الثآني اللي إسمو حمد يبغآهآ
أم مشآري : مآحيآخذهآ ، حمد حيتزوج منآل
مشعل : كلآم فآضي ، إنتي مآتعرفي حمد ! هذآ شخصيته قويه ، سمعته وآصله لحد هنآ
أم مشآري : مآحتنفعه قوته ، سيبه عليآ
مشعل : أقولك ، البنت أبغآهآ يعني أبغآهآ
أم مشآري بإبتسآمة خبث : لك يآمشعل وقول أمي مآقآلت
مشعل : نشوف ، نشوف يآأمي إيش حتسوي ، بس واللهي لو صآر وأخذهآ حمد لأذبحهم الإثنين ، وخليني آخذهآ إن مآعذبتهآ بنت الإيه مآيكون إسمي مشعل
منآل بقهر : أبغآك تآخذ حقي منهآ
مشعل : ولآ يهمك ، بتكون لك زي الخدآمه ، بس خليهآ تجي عندي
طلع من عندهم ، قآلت ام مشآري : قولي لي ، إيش تبغي وأنآ اسويه لك
منآل : أبغى أحرق قلبه عليهآ ، مستحيل تتهنى فيه
أم مشآري : قلت لك أمل لمشعل ، وحمد لك
منآل : أبغآه يجيني مذلول ، أبغى أهينه يآأمي مثل مآعمل فيآ ، أبغآه يتعذب أبغآه يتعذب
أم مشآري : ولآ يهمك ، بس إصبري ، شغلنآ يبغى له وقت ..






















وآقفه قدآم الدرج في بيتهم ، تشوفهم وهي ينقلون الأغرآض ، دموعهآ قآعده تنزل ولآ هي قآدرة توقفهآ ، هذآ ولدهآ الوحيد اللي ربي مهديه لهم ، يطلع ويخليهآ !
كيف بتتصرف ! زوجهآ ورحل ، وأغلى عيآلهآ وأحكمهم بيطلع عنهم والله يستر من هالحيآة
مآعآد بتشوفه مثل أول ، ولآ عآد بيدخل عليهآ كل مآرجع من الدوآم يتقهوآ معهآ ، ولآ عآد بيسألهآ كل مآطلع إذآ كآنت محتآجه شي والا لآ
تدري إنه مو بيده ، وتدري إنه غصب عنه هالقرآر ، ولدهآ طيب ولآ عنده القوه اللي تخليه يوقف بوجه وآحد مثل أبو زوجته ، إنتهوآ من نقل الأثآث بالكآمل


هو كآن وآقف ولآ وده يجي يسلم عليهآ ، يحس بغصه بحلقه ، هذآ بيتهم اللي عآش فيه كل حيآته ، هنآ طفولته ومرآهقته وحتى نضجه
شلون يطلع ويخلي أمه وإخته لحآلهم ! ، سحب نفسه ووقف قدآمهآ
زآدت دموعهآ وهي تشوفه ، قلبهآ يقولهآ ولدهآ مو مرتآح ، بآس رآسهآ ويدهآ : تآمرين بشي يآالغآليه !
أم محمد : مآيآمر عليك ظآلم ، الله يوفقك ويهنيك ويسعدك _ رآح صوتهآ بين دموعهآ _
إبتسمت أمل : مآعليه عزوز ، بس أمي متأثره بالمسلسلآت اللي تشوفهآ
عبدالعزيز : يمه ، لآتصيحين تكفين
أمل : يمه وشفيك ! اللي يسمعك يقول مآعآد بنشوفه بسم الله عليه ، بعدين هو بالديره مآطلع ، وينك عن اللي عيآلهآ يتغربون عنهآ _ رفعت رآسهآ لعبدالعزيز _ بعدين هو مآرآح يخلينآ بيزورنآ ويسأل عننآ ، صح !
كآنت توآسي نفسهآ بهالكلآم ، تبي تقتنع قبل أمهآ ، قآل عبدالعزيز : صح ، يمه أنآ مآرآح أقطعكم ، إنتم أهلي
أم محمد : روح يآأبوي ، لآتضيع نفسك وعيآلك ، الله يفتحهآ بوجهك يآرب
عبدالعزيز : رآضيه يآلغآليه !
أم محمد : رآضيه ، رآضيه الله يرضى عليك دنيآ وآخره
عبدالعزيز : أمل إنتبهي لأمي وأي شي أي شي تبونه دقي علي حتى لو آخر الليل
أمل : لآتشيل همنآ ، روح والله يوفقك
عبدالعزيز : فمآن الله
أمل : الله معك

أول مآنزل الدرج وسمعوآ تسكيرة البآب ، إنفجرت أم محمد مره ثآنية ، بس هالمره بشكل أقوى ، ضمتهآ أمل وبكت معهآ : يممممه إذكري الله ، إدعي له يستقر والله يوفقه ، وش نبي غير رآحته !
أم محمد : مآعآد لنآ أحد يآبنيتي
أمل : لنآ الله يمه ، بعدين مآتدرين يمكن طلعة عبدالعزيز تحسس مآجد بالمسؤولية ويتغير ، إذكري الله
أم محمد : لآإله الا الله
أمل تغير الموضوع : بنتك حلت لهآ الطلعه ، بروح أدق عليهآ أم محمد : قولي لهآ ترجع قبل مآيجي مآجد ويسوي لنآ سآلفه ..




رآحت أمل لغرفتهآ تدور جوآلهآ عشآن تكلم مهآ ، لقت بجوآلهآ مكآلمتين من رقم سلطآن ، رجعت ذآكرتهآ لذآك اليوم اللي كلمهآ فيه وطلبهآ بموضوع
هي مع مرور الأيآم نست السآلفه ، بس رجعت تذكرتهآ بمجرد مآشآفته رقمه ، إستغربت بدآخلهآ عن إنقطآعه طول هالمده ، إحتآرت هل تدق عليه وإلآ
تنتظره يرجع يدق عليهآ ، شيكت على آخر مكآلمه لقتهآ قبل أقل من خمس دقآيق ، دقت على إختهآ مهآ وأثنآء المكآلمه جآهآ إنتظآر
بسرعه قفلت من مهآ وردت عليه : آلو !
سلطآن : مسآء الخير
أمل : مسآء النور ، هلآ سلطآن
سلطآن : مبآرك عليك الشهر ، الله يعينآ على صيآمه وقيآمه أمل : علينآ وعليك ، والله يكتب لنآ المغفره أجمعين
سكت سلطآن للحظه ، وأمل مآحبت تقطع هالصمت لأنهآ مو عآرفه وش تقول ، وأخيراً بعد تردد : بصرآحه أنآ من زمآن حآب أكلمك في موضوع ومآأدري إذآ اللي بسويه غلط أو لآ
بس قبل مآأبدآ ، عسى مآكنتي مشغوله وقطعتك !
أمل : لآلآ مآعندي شي ، بس عسى خير !
سلطآن : إن شآءالله يكون خير ، إحم إحم ، أمل أتمنى مآتفهميني غلط
أمل : ...
سلطآن : بصرآحه تآمة وبدون لف ودورآن ، أنآ نآوي بإذن الله أتقدم لك وكنت نآوي أفآتح أهلي بالموضوع بس مو قبل مآأجس نبضك ، ويمكن مآلقيت قدآمي الا هالطريقة اللي أعرف فيهآ رآيك
إنصدمت أمل بدآخلهآ ، مآكآنت تتوقع ولآ وآحد بالميه يكون هذآ الموضوع اللي يبغآهآ فيه ، مآعرفت وش ترد لأن الصدمه شلّت تفكيرهآ

كمل لمآ شآفتهآ على نفس الهدوء وإلتزآم الصمت : أمل إنتي بنت عمتي وأنآ من زمآآآآآن بدآخلي لك مشآعر غير ، أمل أنآ أحبك وصدقيني نآوي أرتبط فيك ولآ تتوقعين اني ألعب أو لي نية ثآنية صح يمكن طريقتي غلط ، بس ورب الكون إنهآ ضآقت علي ولآ عرفت كيف أوصل لك

رحمته أمل وبدون إحسآس لقت نفسهآ تبكي ، رحمت ضعفه اللي خلت مشآعره تسيطر عليه ، رحمته لأنه طآح بحب وحده قلبهآ مو لهآ من زمآآآآآآن
سلطآن : إذآ تبين أعطيك وقت تفكرين فيه ، فهذآ من حقك أنآ مآأطآلبك بأي رد حآلياً
مآحبت تعلقه فيهآ أكثر ، ردت عليه بسرعه : سلطآن ! _ حست إن سكوته كأنه إشآره لهآ تبدآ كلآمهآ _ بإمكآني أستغل هالمبآدرة منك وأطلب وقت أفكر فيه وأعلقك فيني أكثر
شوف سلطآن ، إنت شخص ممتآز كثير وألف بنت تتمنآك وصدقني مآفيك أي عيب تنرد عشآنه ، شآب طموح وأخلآقك عآليه ، بس مو أنآ يآولد خآلي
سلطآن : توقعت هالرد ، بس ممكن إذآ مآيضآيقك أعرف أسبآبك !
رجعت دموع أمل أكثر من أول : مآفيه سبب ، كلهآ أسبآب خآصه فيني أنآ ، والله يآسلطآن إنت مآفيك أي عيب ، أحسن البنآت مآتردك
سلطآن : بس أنآ مآبيهم ، أبيك إنتي
في هاللحظه تذكرت هيفآ وعورهآ قلبهآ أكثر : سلطآن الله يخليك إفهمني ، وربي إنك أعزك وأغليك ولك مكآن بقلبي ، بس إني أرتبط فيك فكرة صعبة كثير
سلطآن بقهر : طيب ليييييييه !
مآعرفت أمل وش ترد عليه ، سمعت صوته يقولهآ : حمد صح !
طلعت عيونهآ من اللي سمعته : قلت لك كل اللي عندي
سلطآن : ع العموم ، أتمنى لك الخير من كل قلبي ، والله إنتي تستآهلين وآحد مثل حمد ، الله يوفقك ويجمعكم على خير يآرب
أمل : ...
سلطآن : يمكن تستغربين الكلآم اللي قلته ، بس إنتي لك مكآن بقلبي مو سهل ودآم سعآدتك مع حمد فأنآ أتمنآهآ لك
كبر بعينهآ أكثر : أتمنى مآيجي بخآطرك
سلطآن : لآلآ أبداً ، تبقين بنت عمتي عزيزة وغآلية
أمل : الله يرزقك باللي تستآهلك
سلطآن : والله يعطيك على قد نيتك ، أتمنى هالموقف مآتحطينه في بآلك ، وأتمنى أبقى سلطآن مثل الصورة اللي رسمتيهآ في بآلك عني
أمل : مآصآر شي وإنت مثل مآإنت مكآنك مآتغير
سلطآن : تآمريني بشي !
أمل : سلآمتك
سلطآن : الله يسلمك ، فمآن الله
أمل : فمآن الكريم ..
















* قرآءة ممتعه للجميع
كل الود لٍ من زآر أورآقي

[hanawi781]

يسعد صباحك بطاعة الرحمن
الله يحفظ امل من كيد الاعداء
منال:متعود كل ما بغت شي حصلت عليه \مصيبة اذا لم يتحقق المراد

حمد: لا اعلم هل تسطيع ان تقف امام الطوفان القادم؟؟؟!
مرام: كم من الابناء ضاو والسبب اهمال الاباء.
الا انني اعتقد ان هناك خيره فيما حصل .< وهو زواج نواف منها
:nothing_to_say_32:

منتظرنش كاتبتنا في اي وقت وربي يسهل ظروفش

[صبا الروح]

الرواية جدا رائعه وانا ما راح اقول لك نزلي البارت بسرعه متى ما بغيتي وسمحت لك ضروفك نزليها تسلمين على الرواية الحلوه يا حلوه

[angel smile]

إبدآآع يَ حبيييلك ق1
خشيت جو وبعععنف معهاا
كان ودي اعلق ع الشخصياات والله .. بس مافيه وقت ابد :/

يعطيتس العافيه .. ونحتري البارت الجآي

[soOo*soOo]

الله يعطيك العافية
عسى المانع خير

[hanawi781]

سلام
كيفك كوثر؟
والله قلقت عليش
ان شاء الله تكوني بخير

[الجوري ليال]

بااارت اكثر من رااائع اعتذر جدا جدا عن التاخير بالرد
واعتذر عن عدم تواجدي سابقا
بارت اكثر من راائع
سلمتي عزيزتي

[أسرار مخفية]

القصة رووووووووووووعـــــــــــــــة

[كَوثَر]

أعتـذر عن غيآبي الطـآرئ !

بإذن الرحمن
البآرت بينزل خلآل نهآية الإسبوع

إنتظروني
وآسفه آسفه آسفه ع التأخير

لِ كل الأحبه / تحيه ..

[hanawi781]

:forgive_me-48:
ياهلا بيش
الحمدلله انش بخير
قلقنا عليش
:kiss-32:

[قمر اهلها]

©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو° ¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووورهـ
مشكوووووووووووووووورهـ
مشكوووووووووورهـ
مشكووووورهـ
مشكورهـ

[كَوثَر]

_ الفَصل السَـآدس _







* الى من انتِزَعته مِنْي أسَرآب الحَمْام بَعيداً
لاأجُيد حِياكة الحُروف بعدك ولازخَرفة الكلمات لغيِابك
دوَنْتُك صَفْحة لا تُطوى بدَفتِر أيَامْي ووشمُتك طيف بوجه السَمْاء
فتيقنت أنك بعد هذا كُله
كُنت قد رحلت ..
مُرافقَاً ذلك السِرب تاَركاً خلفك رُوح على هاَوِيةْ الشَقْا
تَحْتَضر
















.. : يلله يآبنآت عجلوآ ، مآبقى شي على الآذآن
.. : بسرعه بسرعه ، ترى أمي الحين تعصّب وهي خلقه من اليوم أخلآقهآ مو مره
.. : خلآص إنتي روحي عندهآ وأنآ أخلص اللي بيدي وأجيكم
طلعت مهآ من المطبخ رآيحه للصآله ، شآفت إمهآ قآعده لوحدهآ ومبين عليهآ سرحآنه ، ضآق خآطر مهآ على إمهآ ، أصلاً هي مآتلومهآ
سنه دآرت ولآ بقى أحد ، تذكرت مهآ رمضآن اللي فآت لمآ كآن إبوهآ معهم وعبدالعزيز وعيآله وبنآته ، مشآعل اللي كآنت موجوده ، ومحمد ومآجد وأمل
الكل كآن موجود ، والحين !
جلست مهآ عند إمهآ ولآ حبّت إنهآ تتكلم ، خلتهآ على رآحتهآ ، دخلت أمل بسرعه ولمآ حست بهدوء الجو ضآق صدرهآ وتجمعت الدموع بعيونهآ
أم محمد : مآجد وين !
مهآ : نآيم
أم محمد : ورآ مآصحيتوه ! يآبنآت ترى نآخذ إثمه ، مآصلى لآظهر ولآ عصر
أمل : إلآ يآأمي صحى صلّى اللي فآته ورجع نآم ، خليه نآيم ولآ يصحى ويجرّح صيآمه
أم محمد بعصبيه : إنتي وش فيك على أخوك ! مآتوآطنينه بعيشة الله !
أمل مصدومه : أنآ ! _ إنتبهت إن مهآ تأشر لهآ بمعنى خليهآ تطلع اللي بخآطرهآ ، سكتت أمل وأمهآ كآنت تهآوشهآ وهي معصبه _
.. : السسسسلآآآآم عليكم ..
أمل : يمه ! شلون دخلتي !
.. : ردي السلآم يآحظي ، ترى يقولون وعليكم السلآم مهوب شلون دخلتي !
مهآ تضحك : لآ إختي عندهآ لغة ثآنية ، حيآك حيآك
فهده : الله يحييك ، تعلمي السنع من إختك إنتي ووجهك _ رآحت تسلم على أم محمد _ هلآآآآآ بالزينه ، شخبآرتس ! شعلومتس ! بشرينآ عنتس !
أمل : شوي شوي على إمي
فهده وهي تدف أمل : وخري وخري يالعص اليآبس ، بقعد بجنب إمي نوره
أمل : والله مآأوخر ، على كيفهآ ذي
فهده : ترى الحين أدفتس بإصبعي
أمل : عدآآآآآآآل ، اللي يسمعك يقول ذي أبد مآتدخل مع البآب
فهده : بس عظمي مجبور
فطسوآ ضحك عليهآ ، مهآ : شلون عظمي مجبور !
فهده : مدري ذي نوآل تقولي هالحكي
أمل : وإنتي شآطره تنقلين حكي نوآل بدون مآتفهمينه ! ترى نوآل تورطك هالبنت احياناً تسب وإحنآ نحسبهآ نمدح
فهده : إي والللللله ، عآد انآ أكثر وحده أتأثر بهالقصمنجيه
مهآ : بس بس ، صآيمين يآبنآت ولآ بقى شي على فطوركم ، ومن أول بتجرحون صيآمكم !
فهده : إستغفر الله إستغفر الله ، خلآص أوص
أمل : فهوده صدق شلون دخلتي !
فهده : محمد إخوك كآن تحت ، قعدت أسولف معآآآآآه وبعدين دخلت
أمل : وإنتي مآتخلين أحد إلآ تسولفين معآه !
فهده بإبتسآمه : لآآآآآ حموود إخوتس غير
أمل : حموود بعينك ، إخوي رجآل وش طوله تقولين عنه حمود !
فهده : وإنتي وش عليتس ! خآلتي خآلتي تكفيييييين إخطبيني له !
ضحكت إم محمد على فهده وهبآلهآ ، أمل اللي كآنت من جوآ تحمد ربهآ إن ربي رزقهآ بصديقآت مثل صديقآتهآ ، معآهآ بالشده قبل الفرح ، أذن المغرب وأفطروآ مع بعض
والوقت رآح مآبين سوآليف وضحك ..





















.. : طآق طٍآق طآقيه ، والدور على مين ! ، يآسلآم !
.. : هههههههههههههههههههههه ويييييين شربكتي عشرين ألف لعبه بلعبه
.. : ليه إنتي مآسمعتي تعدد الثقآفآت !
هيفآ بإستغرآب : إلآ !
سآره : طيب ! حتى فيه شي إسمه تعدد اللعبآت
هيفآ وهي تدفهآ : أقول إسكتي بس ، وقسمن أحسسسب عندك سآلفه
سآره : هييييييه وجعه يآرب ، وش فيك إنتي اليوم ! مآدتن بوزك والنفس خآيسه ، هذآ وإحنآ بأول يوم رمضآن كذآ ! لو إنك شنب بقول اخلآقهآ قآفله عشآن التتن ، مآتعلميني وش فييييييك !
هيفآ : الله ! مره وآثقه لو إني ولد بأدخن ! إستغفر الله
سآره : إنتي بنت ودآجه ، شلون لآصرتي ولد !
هيفآ : اقول أهآ بس ، كلن يرى النآس بعين طبعه والله محد دآج كثرك ، بعدين إنتي وش تبين جآيه عندنا ! ورآ مآتطسين بيتكم !
سآره : وش أسوي أحبتس
هيفآ : حبتك القرآده ، الحين بدآل مآتنثبرين مع أهلك ، أول يوم رمضآن مفروض تكونون مجتمعين وحول بعض !
سآره : وش دخل ذآ في ذآ ! ترى مآله دآعي اول رمضآن نصير مع بعض كلنآ ، عآدي وأنآ أختس _ سكتت بعدين قآلت _ يآخي قولي إنك مآتبيني وبس
هيفآ تضحك : يعني لو قلت إني مآأبيك بتروحين بيتكم !
سآره : طبعاً لآ ، هذآ بيتنآ الثآني ترى أقدر أصفقتس الحين وأطلعتس برآ البيت ، مير وجعه النآس برمضآن شيآطينهآ تهجد وأنتي أبد شآيطه شيآطينتس _ سكتت لمآ شآفت هيفآ دموعهآ تنزل ، فزت
لهآ بسرعه وقعدت بجنبهآ _ هيوووف وش فيك ! إنتي اليوم مو طبيعيه !
هيفآ حطت رآسهآ على كتف سآره وبدت تبكي بقوه : مآعندي أهل يآسآره ، مآعندنآ أحد
سآره وهي تمسح على رآسهآ : أفآآآآآ وش هالكلآم !
هيفآ : اليوم بآرد بآآآآآرد ، مآعندي أم ولآ أب ولآ أحد !
سآره : هيوف تتكلمين كأنك بزر ! وين رآح عسّآف ! وين نوف !
هيفآ : نووووف بتروح ، وعسّآف مآيقعد بمكآن ، بصير لوحدي يآسآره
سآره : من قآل بتصيرين لوحدك ! هيفآ صآحية إنتي ! وش هالحكي ! كلنآ حولك ومعك إلآ عآد إذآ إنتي شآيفه إن إحنآ مقصرين هذآ شي ثآني
هيفآ : مآقصدت كذآ ، بس بس بس نوف بتخليني _ ورجعت تصيح أكثر من أول _ بيآخذهآ سعوود
سآره خنقتهآ العبره على حآل هيفآ ، بس مآحبت توضح لهآ وتزيد الطين بلّه ، حآولت بقد مآتقدر تقلب الجو ضحك : إيييييييه قولي تبين العرس ! هيوف ودك أحآكي سليطين ويآخذك مع إختك
وأفتك منك ومنه !
هيفآ بعدت على سآره وضربتهآ على كتفهآ : إنطمي يآغبيه ، الحين أنآ أصيح وإنتي تستهبلين !
دخلت نوف بهاللحظه ، كآنت عبآيتهآ بيدهآ ومستعجله ولمآ شآفت أثآر الدموع بوجه هيفآ سكتت : وش فيكم !
سآره : مآفينآ شي !
نوف : هيفآ وش فيك تبكين !
هيفآ سكتت وهي تمسح الدموع من عيونهآ وتحآول مآتحط عينهآ بعين نوف عشآن مآترجع تبكي ، قآلت سآره : أنآ صيحتهآ
نوف : ليه ! على كيفك تخلين إختي تبكي !
سآره : وش أسوي عآد لآصآرت إختك بكّآيه ، تصدقين نوف كلكم يالبنآت بكّآيآت
نوف : ليه الأخت وش جنسهآ !
سآره : لآلآ أنآ أحس إني أميل للجنس الذكوري
شهقت نوف وفطست سآره ضحك : مخففففففه ، والله بينبسط عليك سعيدآن نوف حمر وجههآ : سعيدآن إنتي وأشكآلك ، شسمه يوووه أنآ وش كنت أبي !
سآره : أهم شي إني أنآ وأشكآلي سعيدآن ، ههههههههههههههههههههههههههه ، يآحبني لك يآنوفه ضيعتي أجل !
نوف : إسكتي بس وش طول لسآنك ، الله يكون بعون اللي بيآخذك ، إي صح ذكررررررت ، ترى خآلتي موضي دقت تو تقول يلله إجهزوآ عشآن الصلآة ، تبون تروحون !
هيفآ : إيه إيه بروح
سآره : يلله شوي بس ونجهز
نوف : قبل مآتطلعين ترى عسّآف بالصآله
سآره تمشي بتطلع : وش دخلني بأخوك _ علّت صوتهآ _ عسـآآآآآفوه إظهر من الصآله ترآني بأمر وإن مآطلعت ترى بكييييييفك عليك الذنب مو علي
عسّآف : لآآآآآإله إلآ الله ، بدينآ !




















دخلت الصآله وكآنت مآسكه ظهرهآ من التعب ، اليوم كآن متعب بشكل رهيب ، مآاتعبهآ الصيآم لأنهآ متعوده تصوم كل إثنين وخميس ، أتعبهآ التجهيز وخصوصاً إنهآ مآتحب تعتمد على الخدم بأي شي
الكل كآن موجود يتفرجون على التلفزيون ، دخلت وهي سآكته
إبو نوآف : يعطيك العآفيه مآقصرتي
أم نوآف : الله يعآفيك ، جآبت لك مضآوي علآجك !
إبو نوآف : إيه إيه جآبته ، إنتي إقعدي بس وإرتآحي ، ترآك من اليوم وآقفه على حيلك ، أنآ بعرف ورآ مآترتآحين !
أم نوآف : مرتآحه ، لآشفتكم مرتآحين ومآعليكم قآصر أصير مرتآحه
نآصر : إحللللللى لآيفوتك ترى الشآيب يتغزل بالعجيّز حقتنآ
أبو نوآف : من هو الشآيب ! عسى مهوب انآ بس !
نآصر : لآلآ نوآف
دآنه : يبببببببه ترى نآصر يستهزئ فيك
نآصر : إقطعي يآذآ البزر ، شف كيف تحرش إبوي علي
دآنه تمد لسآنهآ : وإقطع يآذآ الطويل ، شف كيف يذب علي !
العنود تضحك : عآشوآ عآشوآ عيآل وضّآح ، أبك يآمضآوي قومي جيبي الدله قهوي العرب
مضآوي : ترآك تضحكين على عمرك يآغبيه
نآصر : أنآ أدري عنهآ !
العنود : لآلآ صدق نآصر يعني إتفق العرب على إننآ بدو ، بس ورآك يآخي إنت وآضح عليك !
نآصر : والله مو وآضح علي ولآ شي ، أنآ اللي من نآدي في نآدي وأركض ورآ الموضه وآضح إني بدوي !
نوآف اللي تكلم : بلآك مخفه ! بدآل مآتقول إيه بدوي وأفخر بأصلي تقول هالحكي !
نآصر : وين وين ! يآأبوي الدنيآ تغيرت الحين ! وش اللي بدوي وأفخر بأصلي ! قآعد بخيمه أنآ !
نوآف : يآسرآجين يآظلمآ ! إمآ بدوي قآعد بخيمه ، وإلآ خكري يركض ورآ الموضه !
نآصر : أوووهوووو علينآ ، يآخي أنآ مآأدآني المطعسه وش أسوي !
العنود : عآد وقسمن مبين عليك إنك بدوي
نآصر : إنتي إنطمي بس ، مآبقى إلآ إنتي تقيميني !
العنود وهي تتدلع بشعرهآ : وش فيني انآ ! كلي ملح وقبله
نآصر : الله يعلم منهو البدوي فينآ ، شوفي عمرك سآدحتن شعرك ورآك وش هالطول ! قصيه يآأومي بطلوهآ موضة الشعر الطويل النآعم
العنود : إعقب يآذآ الولد ! تتآبع موضة البنآت !
فطسوآ ضحك على كلمتهآ ، قآلت مضآوي : يووووه نآصر طحت بين العنود ونوآف وش يفكك منهم !
نآصر : من جد ! أبيهم يستلمون إبوي وأمي إنقلبت علي !
دآنه : من حفر حفرة لأخيه وقع فيهآ
نآصر : يآآآآآبثرك بالحيآة ! دآنه متى تموتين !
ام نوآف : بسسسم الله على بنيتي ، فآل الله ولآ فآلك ، نآصر ترى منيب أحب ذآ المزح !
نزل حمد من الدرج : مين اللي مطفش الغآلية ! علميني عليه وأنآ اوريك فيه !
أم نوآف : بسم الله عليك ، تعآل إبوي أقرى عليك لآتطلع كذآ
العنود بغيره : يمآآآآآآآه ! وش معنى حمد لآشفتيه جآي بيطلع يفز قلبك ! ترى كلنآ عيآلك مو هو لحآله !
حمد بإبتسآمه وهو يقعد جنب إمه : يآغيرة بعض نآس ، وش ذنبي إذآ ربي محببني بقلوب خلقه !
صفّر نوآف : مآيمديني على الغرور !
حمد : إسمهآ ثقـه _ لف على إمه _ هآه يمه تبين مني شي قبل مآأطلع !
أم نوآف : وين بتروح يآأبوي هالوقت !
حمد قرب من عند إذنهآ وحكى لهآ شي وهي هزت رآسهآ ، بعدين قآلت : إيه خلآص بسلآمتك ، بس أنآ وإبوك بنطلع نصلي ونمر على خآلتك إم علي نسلم عليهآ
العنود : وش قآل وش قآل !
مضآوي : وش دخلللللك إنتي !
العنود : مآيصير غش غشش كذآ ، يمه علمينآ حمد وين بيروح !
حمد : وش تبين فيني !
العنود : خلآص مآأبي أعرف ، يمممه بروح معكم !
أم نوآف : وش يوديك !
العنود : بصلي معكم !
سكتوآ كل اللي بالصآله ، وفجأه ضحك نآصر وضحكت معه دآنه بقوه ، قآل نوآف بإبتسآمه : وش عندهآ العنود إلتزمت ! مآخبرتك تصلين بالمسجد !
مضآوي : هي خلهآ تصلي العشآ زين ! والله برمضآن اللي فآت إذآ أفطرت تدوخ أسحبهآ تسحيب لصلآة العشآ
العنود حز بخآطرهآ إنهم ضحكوآ عليهآ ، فقآلت بعصبيه : إيه خلآص عآد كنت كنننت يعني شي رآح ، حرآم الوآحد يتعدل يعني ! صدق إنكم سخيفين
مضآوي للحين تضحك : خير عصبتي يالعبده ! معليش بس إنثبري مكآنك ، صلي بالبيت لو تبين
العنود بعنآد : أبي أصلي بالمسجد يعني أصلي بالمسجد
دآنه : تقلللللللللد أمل
العنود طآلعت في دآنه بحقد ، وكملت دآنه وهي مو مهتمه لنظرآتهآ : أمس عنيد تكلم أمل وإختك قآلت لأمل جدولهآ كلللله مسلسلآت وخرآبيط ، قآمت أمل هآوشتهآ وقآلت لهآ ليه مآتروح تصلي
وتستغل الوقت بالذكر والطآعآت ، وعآد العنود لو تقول لهآ أمل طبي بالنآر طبت
العنود ترمي عليهآ المخده : نآر تشب بشوشتك يالغبيه يالسخيفه ، وقسسسمن لأوريك شغل الله ، تعآلي عندي قولي عنود بروح معك ، إن مآعلقتك عند بآب غرفتي وخليتك عضه وعبرة مآأكون بنت ابوي
دآنه وهي تكش عليهآ : مآآآآآلت عليك ، أنآ مو إمعّه أقلد النآس ، أنآ أسوي الشي بقنآعتي
نآصر : الحين دقيقه ، صآدقين إنتم أمل بنت عمي تروح تصلي بالمسجد وكذآ يعني عندهآ حركآت مطآوعه !
مضآوي : لآلآ أمل مو مطوعه ، بس يعني أمممم تقدر تقول محآفظه ، بين وبين مو مثل بنآت هالوقت
نآصر : آهآآآآ ، عآد اختي الغيور تبي تقلدهآ
العنود : والله إذآ أنآ بصير قلوده بهالأشيآء ، عآدي خلني قلوده ، المهم يمه أبي اروح معكم !
ام نوآف : وين تروحين ! أقولك بنمر على بيت أم علي ، وش تقعدين تسوين معنآ !
العنود بزعل : طيب وش اسوي ! يممممه مآبي أفوت أول يوم !
وقف حمد بيطلع ، طآلع سآعته : عشر دقآيق بالضبط ، إجهزي بسرعه أوديك بيت عمي عبدالله إذآ تبين ، إذآ مآخلصتي ترآني بأمشي
العنود تفآجأت : واللـــه ! توديني عند أمل !
حمد وهو يمشي عند البآب : خليك وآقفه متنحه بمكآنك ، بس إن عدت عشر دقآيق ومشيت لآأشوفك دآقه علي تقولين إرجع ..
طآرت عنود فوق غرفتهآ ، توضت بسرعه وبدلت ملآبسهآ وأخذت عبآيتهآ ونزلت ركض بالدرج ، مضآوي وهي توهآ بتطلع : عنود أمدآك ! إصبري لي
العنود : هآهآهآ تووووكم تضحكون علي ، طسي منآك والله مآتروحين ، خلي ضحكك إنتي والعبده علي ينفعكم
دآنه : لآبعد لآبسه تنوره وحركآت
ام نوآف : ترى مو عيب إنهآ تعرف غلطآتهآ وتتعدل ، يآزين من لحق نفسه وإستعدل ترآنآ يآبنتي بشهر توبه ، فكري بنفسك ، وعسى الله يفتح قلبهآ على يد أمل
العنود وهي تلبس عبآيتهآ : خليهم يمه منك ، ترى كلآمكم كلللللله مآيأثر فيني ، تبون شي !
أم نوآف : سلمي على خآلتك
العنود : يوصل ، فمآن الله _ رآحت عنود وركبت بالسيآره _ سبع دقآيق بالضبط ، شرآيك بإختك !
حمد : إنتي مغيره شي فيك صح !
العنود : وشو ! لآ وش غيرت !
حمد : مدري شكلك غريب ! فيك شي مغيرته
العنود إرتبكت بدآخلهآ ، صحيح إنهآ قويه ولآ أحد يهمهآ ، بس فيه نآس كلآمهم يأثر فيهآ وحمد من هالنآس ، خآفت إنه يضحك عليهآ وتتحطم وخصوصاً إنهآ نآويه تغير في نفسهآ للأحسن
حآولت تخفي إرتبآكهآ بإبتسآمه تطبع أثرهآ على صوتهآ : إييييييه ، عبآيتي مغيرتهآ
حمد بإبتسآمه : وأنآ أشوفك تمشين وأقول إختي فيهآ شي متغير !
العنود : طيب وش رآيك ! وش أحسن !
حمد وهو يحرك السيآره : طبعاً كذآ أحسن ، كفوو والله يآلعنود
العنود بغت تطير من الفرح : أمآآآآآنه حمد كذآ أحسن ! يآخي أحس تو بغيت أتحطم الا دقيقه يوم ضحكوآ علي !
حمد : مآعليك من أحد ، إذآ إنتي نآوية تتغيرين عن قنآعه وللأفضل ، لآيهمك كلآم أحد أبد ، بعدين حطي في بآلك مثل مآفيه نآس تحطمك فيه نآس تعينك على الخير وأنآ أولهم
العنود : والله !
حمد : لو ودك كل يوم أوديك لبيت عمي عبدالله تصلين مع البنآت ، مآعندي مآنع
العنود : يآآآآآآآآجعل ربي يسهل كل امورك ، وآآآآآآي أحس إني مبسوطه
ضحك حمد عليهآ ، يحب في إخته عفويتهآ ، بالرغم من لسآنهآ الطويل وحركآتهآ اللي مآتخلص إلآ إنه متأكد إن بدآخلهآ قلب طيب وإنسآنه تحب الخير بس تبي من يعينهآ عليه
العنود : يوووو نسيت جوآلي بالبيت ، حمد ممكن جوآلك أكلم شوي _ مده لهآ وخذته تتصل على بيت عمهآ ، شوي وجآهآ الرد _ أبوووووك يالثقه ، إنتي وش تبين رآده على تليفون بيت عمي !
فهده على الخط : يختي مشغليني عندهم خدمة عملآء ، خلآص نعتذر أختي المتصله عن خدمتك ، يلله ضفي وجهتس
ضحكت العنود : أمححححق موظفه
فهده : وش أسوي بتس دآقتن تنآبحين علي !
العنود : نبح عليك جني ، اسمعي بس بتروحون تصلون صح !
فهده : إيه إن شآءالله
العنود : طيب لآتروحون إنتظروني بأجي وأروح معكم
فهده إنبسطت بقوووه : حيآآآآآآك يآقلبي خلآص ننتظرك بس حآولي مآتتأخرين عشآن يمدينآ نروح ونصلي ركعتين قبل الأذآن
العنود : أنآ بالطريق إن شآءالله مآنصآدف زحمه
فهده : إن شآءالله ، يلله ننتظرك
العنود : أووووكِ ، يلله ضفي وجهتس شوي
فهده : ضفيته ..



















الطفش بيذبحهآ ، والنوم طآير من عيونهآ ، مآفي أي حآجه تشغلهآ ، تحس بفرآغ كبير ، جلست على السرير وفتحت جهآزهآ اللآب توب ، دخلت ال usb وصآرت تتفرج على اللي فيه
_ محآدثآتي ، صوري ، خآص ، مو مهم ، قروب جده ، قروب الشرقيه _ فتحت ملف بإسم " خآص " وتفرجت على الصور اللي فيه صوره صوره ، بالرغم من إنهآ حآفظة محتوى الصور تمآماً
عقدت ذرآعينهآ وبدت تفكر _ لآزم ألقى مخطط جديد ، إمي أحسهآ بآرده ومآأدري ليه عندي إحسآس يقولي إنهآ مآرآح تسوي حآجه ، مشعل ضآيع مآبين عشرين بنت وبنت ولآ هو رآيق لي
مرآم الغبيه مآفي أمل أستفيد منهآ في حآجه ، لآآآآآزم أتحرك ، الله يقهرك يآامل يآبنت الفقر ، كآتمتني حتى وإنتي مآتملكين حآجه ، والله لأخليك تتعذبي وتتمني إنك مآإنخلقتي _

دخلت مرآم بسرعه على منآل : منآآآآل تروحي معآيآ نصلي بالمسجد !
منآل : ..
مرآم : تعآلي أخرجي معآيآ ، والله البيت طفش يخنق
منآل : ..
مرآم : منآل إيش رآيك نطلع نمشي ، منهآ نغير جو ومنهآ نلحق على الصلآه
منآل : إنتي غبيه ! مآتفهمي ! متى تستوعبي إني مآأطيقك ولآأحبهآ حركآت المطآوعه ، أخررررررررجي برآآآآآآآ
مرآم : طيب لآتصرخي ، أنآ أللي عليّ أنصحك وإنتي بكيفك
منآل : الله يلعنك عكرتي جوي زيآده
مرآم : لآآآآآآتلعني يآوقحه ، اللعن حرآآآآم ، عآرفه مآأبغى أجلس عندك وأزيدك ذنوب
طلعت وصفقت البآب ورآهآ ، كآنت عآرفه إن اللي تسويه مآرآح ينفعهآ ، منآل هذي هي طول عمرهآ مآرآح تتغير ، المفروض هي اللي تتغير وتصير شخصيتهآ أقوى
بس قويه بالدين ، القوه عمرهآ مآتكون بالغلط ، هدوئهآ وسكوتهآ الفترة اللي فآتت مآإستفآدت منه غير الندم والتعب ، توقف تفكيرهآ عن هالنقطه وطرى على بآلهآ نوآف ولد عمهآ
يكون قآل لأهله عن اللي صآر ! يمكن يحذر اخوآته منهآ وخصوصاً إنه قآل لهآ تبعد عنهم ! كيف بتقآبلهم بالعيد ! كيف بتكون نظرتهم لهآ !
حآولت تبعد كل هالأفكآر عن بآلهآ ، لبست عبآيتهآ وطلعت تمشي للمسجد القريب من بيتهم وهي تدعي بدآخلهآ إن ربي يغفر لهآ كل زلآتهآ ويهدي إختهآ قبل مآيفوت الأوآن ..


















.. : السلآم عليكم
.. : وعليكم السلآم والرحمه
.. : غريبه ! البيت فآضي ، وين النآس !
إبو سعود : إمك والبنآت رآيحين يصلون ، كنت معهم بس حسيت بتعب ولا قدرت أكمل الصلآه ورجعت
خـآلد : سلآمتك يالغآلي ، فيك شي !
إبو سعود : لآلآ بس مع أول يوم صيآم ، السكر يتلخبط
خآلد : لآلآ مآعليك شر إن شآءالله
إبو سعود : وإنت ورآك مآرحت تصلي !
خآلد : قبل الصلآة والله مسكتني زحمه عند الظهرآن ، مآأمدآني
إبو سعود : كل مكآن زحمه ، اعوذ بالله النآس مآتهجد
خآلد : إيه عآد رمضآآآآن والأسوآق ، الله يعيننآ
إبو سعود بإبتسآمه : بآكر تجيك مضآوي وتفر بك كل هالأسوآق ولآ تقول لهآ شي
خآلد يضحك : إنت خلهآ تجي ونتفآهم
إبو سعود : بعد العيد إن شآءالله بنروح الريآض لآزم تصير معنآ عشآن نرتب كل شي ، ومره وحده تملكون
خآلد : إبو سعود الدنيآ مآعآد هي على خبرك أول ، الملكه الحين تغيرت ، هذي أمور نخليهآ للحريم
إبو سعود : إنت مآتبي تملك !
خآلد : إلآ والله ، بس يبه خلهآ بعد زوآج سعود ، مآبي أشغل امي زود
إبو سعود : خلآص أجل أنآ بأقول لأمك أخليهآ تتفق مع عمتك لآجو لعرس سعود
خآلد : على خير إن شآءالله ، إلآ سلطآن وينه !
إبو سعود : مدري عنه ! إخوك ذآ فيه بلى ، مهوب خآلي
خآلد : وش بيكون فيه !
إبو سعود : مآتشوف حآله منقلب ! صآير يتطآق حتى مع الهوآ ، أعوذ بالله نفسه برآس خشمه مآغير ينآفخ على إمه وأخوآته ولآ عآد ينفع بشي
خآلد : مآعليك مآعليك يالغآلي أنآ بأكلمه وأشوف وش فيه ، إنت بس لآتضآيق نفسك



















وصل حَمد مع العنود للحي اللي سآكن فيه عمه ، مشى بسيآرته الِ _ أودي _ بين الشوآرع الضيقه تحت نظرآت الكل لهالسيآرة، نآدراً مآتمر سيآرة بهالحي من هالنوعيآت إلآ في أحيآن قليله ، سمع صوت أذآن العشآء وررد مع المؤذن ، دعآ دآخل نفسه تكون أمل من نصيبه وربي يكتب له الخير ويآهآ ، مآيدري ليه من يدخل حيهم قلبه يدق بسرعه
هو حب ! هو شوق ! هو خوف من المستقبل الغآمض ! مآيدري وش السبب ، اللي يعرفه ومتأكد منه إن بدآخل هالحي تسكن أغلى البشر على قلبه ، وقف عند البآب ، ولمح بنتين طآلعين ، نزل عينه بسرعه وإلتفت على العنود : تبين تنزلين هنآ ، وإلآ أوصلكم !
العنود : مدري ، إصبر إصبر _ نزلت الشبآك _ هآلوووو بنآت
فهده بصوت وآطي لأمل : بنت عمتس ذي يبيلهآ تدبيج !
أمل اللي مآكآنت معهم أبد ، حآولت تجمع صوتهآ وتنطق بأي شي : إيه صح
فهده : إيييييه حبيب القلب ، أمل خآرج التغطيه _ أشرت لعنود انهآ تنزل تحآكيهآ _ تعآلي يالخبله
العنود : يووووه ذي بعد ! إصبر إصبر حمد _ نزلت العنود لهم _ هآه هآه يعني يعني مآتبون تحكون قدآم حميد ! إنتي بالذآت لسآنتس وش طوله !
فهده : إنتي الحين وش جآيبتس هنآ ! ورآ مآطسيتي للمسجد على طول !
العنود : وأنآ وش يعرفني أي مسجد بتروحون !
أمل تكلمت بسرعه : حمد يعرف
العنود بإبتسآمه : واللــه ! وأنآ بعد وش يدريني إن حمد يعرف !
أمل تحس بحرآره بجسمهآ : إنطمي يآقليلة الأدب ، كنت أقصد إنه كذآ مره جآب إمي من هنآك ، يلله مآتبون نمشي !
العنود : تعآلوآ طيب خل حمد يوصلنآ على طريقه
أمل : لآلآلآ مو لآزم
العنود : وشو مو لآزم هو المسجد على طريقه أصلاً
فهده : إي صدق أمول ترى المسجد باللفه هنآ ، شوفيه وش قربه
أمل : خلآص دآم قريب نروح نمشي ، مآبي أركب _ ضغطت على يد فهده _ يلله نمشي بسرعه
فهده : خلآص نمشي نمشي
العنود : صبر طيب أقول له وأرجع لكم _ رآحت لجهة السيآرة وفتحت البآب _ حمود تأخرت عليك !
حمد : وش أنتج مجلس الشورى !
العنود تضحك : عندك بنت عم رآسهآ يآبس ، عيت تركب معك
حمد كآن يشوفهآ كل شوي ، وكآن متأكد إنهآ مستحيل تركب معه ، أصلاً هي دآيم تحآول تتجنبه ، مآعمره شآف أحد بخجلهآ ، كل يوم تكبر بعينه أكثر وكل يوم يحبهآ أكثر
قآل بعد صمت : إمشوآ قدآمي أشوف
العنود : لآ خلآص روح إنت لآتتأخر
حمد : بأصلي بهالمسجد ، إمشوآ يلله قدآمي لآنتأخر
إستغربت العنود منه وسكرت البآب ورجعت للبنآت : يلله مشينآ ، إبو حميد بيصلي هنآ
دق قلب أمل بسرعه _ بيصلي هنآ ، بيصلي هنآ ، معي معي ، قريب حيل _ كآنت تفرك بيدهآ : آممم أقول عنود غريبه طآع حمد يجيبك !
العنود : لآ يآحرآم والله هو اللي قآل لي أصلاً ، ترى حمد إخوي مو مغرور لآتغرك شخصيته
أمل _ أدري والله أدري _ : يعني بترجعين معنآ !
العنود : مدري عآد مآإتفقنآ _ قربوآ من المسجد وشآفت تجمع النآس حوله ، رجآل وحريم ، كبآر وصغآر ، المنظر كآن غريب عليهآ ولآ تعودت عليه _ يآآآآآآآآي يجنن شكل المسجد
ضحكت فهده : قولي قسم ! الله يسمعك يقول مآعمره شآفت مسجد
العنود : أشوف بس مآأدخل
فهده بإستغرآب : بذمتك ! أول مره تصلين بمسجد !
العنود بحزن : إيه أول مره ، محد يحمسني ، البركه في أمول اللي خلتني أتحمس معهآ
فهده : لو أدري عنتس من زمآن كآن سحبتس مع إذنتس ، بعدين تصدقين يآبنت إن شكلتس بعبآية الرآس أطلق وأزين !
العنود بفرح : إيييييييه حتى حمد مدحني اليوم
رجعت الحرآره لجسمهآ لمجرد ذكر إسمه ، حآولت تغير الموضوع : آآآآآ فهوده نوآل وينهآ !
فهده تضحك : نوآآآآآل تلقينهآ بالصف الأول بعد ، مطوعتنآ ذي
أمل : لآتحشييييييييين ، أدخلي أشوف قدآمي















صحت من نومهآ على صوت نوآف ، جلست بسرعه وهي ترتب شعرهآ ، تحآول تتذكر إيش اللي صآر لهآ وخلآهآ تنآم بوسط الصآله مآقدرت ، تحس نفسهآ مخنوقه بس من إيه مآتعرف
هزهآ نوآف مره ثآنيه : مضآآآآآآوي
مضآوي وعيونهآ طآيره من الخوف : وش فيك !
نوآف بإستغرآب : إنتي اللي وش فيك !
مضآوي : وش فيني !
نوآف : لآآآ حآلتك صعبه ! وش منومك هنآ بالصآله ! ليه مآطلعتي فوق ! بعدين هذآ جوآل عنود وش جآبه بيدك
إنتبهت للجوآل اللي بيدهآ وبسرعه قفلته وحآولت تخبيه عنه ، تذكرت المصيبه اللي إكتشفتهآ ، لمآ لقت جوآل العنود نآسيته بالغرفه ، كآنت تبي تآخذه تتصل على حمد يرجع له
وبدون قصد شآفت اللي شآفته ، تجمعت الدموع بعيونهآ للمره الثآنيه ، نوآف إنهبل من شكلهآ وهزهآ مره ثآنيه وهو يصرخ : بتتكلميييييين وش فيك والا شلون !
مضآوي نزلت دموعهآ : ضآيقه شوي ، مآفيني شي
نوآف : بزر أنآ تلعبين علي !
مضآوي بإنهيآر : نوآف الله يخليك قلت لك مآفيني شي _ لمت شعرهآ وخذت جوآلهآ وجوآل العنود ووقفت _ أنآ بطلع أنآم إذآ جت مآمآ قول لهآ إني نآيمه
جلس نوآف بنفس مكآنهآ والأفكآر توديه وتجيبه _ وش فيهآ مضآوي ! ، وش الشي اللي خلآهآ تبكي وتنآم بالصآله بدون مآتحس على نفسهآ ! ، ليه خآفت إني أخذ منهآ جوآل العنود !
يكون العنود مسويه بلآء ومضآوي كشفتهآ ! ، معقوله العنود تسويهآ ! ، مآأستبعد شي إختي متهوره ، لآلآ مستحيل عنود تغلط ، بس ليه مستحيل ! ، هذي بنت عمي غلطت ! _ وقف تفكيره
عند هالنقطه ، تذكر ذآك اليوم العصيب اللي مر عليه ، اليوم اللي قلب حيآته كلهآ ، اليوم اللي خلآه يصير بشكل ثآآآآآآني ، الموضوع للحين مآلقى له حل ، ضميره يعذبه ، ليته مآتسرع
ليته سمع لهآ ، كآن دآآآيم يلوم نفسه ، هو نوآف الإنسآن المتفهم الرآقي بتفكيره كذآ تآخذه العصبيه ويحكم على بنت عمه ! ، بس ولو الموقف اللي إنحط فيه صعب ، صعب كثير
أي إنسآن بموقفه بيتصرف بنفس الطريقة اللي إتصرف فيهآ ، بس خآف يكون ظلمهآ ، طرت على بآله إنسآنه دآآآآيم يلجأ لهآ ، هو كآن نآوي يكلمهآ من زمآن ، بس مآسمحت له الفرصه
قآم من مكآنه ودق الرقم اللي يبغآه ، وصل له الصوت : آلو !
نوآف : وأنآ كل مآبغيتك ودقيت تطلعين بوجهي !
مهآ تضحك : وش أسوي عآد ، قلبي يحس بأخوي !
نوآف : وش أخبآر أم زيآد !
مهآ : بخير ربي يسلمك ، كيفهآ خآلتي وعمي !
نوآف : شف الخآينه ! الحين أنآ اللي دآق عليك وتسألين عنهم !
مهآ : أدري مآفيك الا العآفيه , وشوله أسأل عنك !
نوآف : يمكن طيب تعبآن والا فيني شي !
مهآ : لآ أبد مآفيك إلآ العآفيه تكبر ولسآنك يطول معك ! إلآ نوآف مآودك توقف طول !
نوآف : قــل أعوذ برب الفلق ، بعدين من قآل لك إني طويل !
مهآ : الله المستعآن ، كل هالطول ولآ إنت طويل !
نوآف يضحك : أنآ منيب طويل بس إنتي القصيره
مهآ : يآآآآآآآجعل ربي يرزقك بوحده أقصر مني عشآن مآتضحك على طولي يالشين
ضحك نوآف بقوووه على دعوتهآ ، فجأه سكت وهي سكتت ، كآنت عآرفه إن نوآف بقلبه حكي وتدري إنه دآيم يخونه التعبير ولآ يعرف كيف يبدآ ، فقآلت : وش بعد يآنوآف !
نوآف : ضآيق وأنآ أخوك
مهآ : عآرفه ، مآكنت أبي أضغط عليك وأكلمك وأحرجك ، قلت لنفسي متى مآصآر عنده إستعدآد بيعرف مكآني
نوآف : مدري كيف أبدآ !
مهآ : مثل مآتعودنآ ، بدووون ترتيب وأنآ بأفهمك
شكر ربي بدآخله إنه رزقه بِ مهآ ، بحيآته أكثر من إخت ، بدآ يحكي لهآ الموقف كله ، من بدآيته للأخير ، كآن يحكي ويحكي ويحكي بدون ترتيب أو تنسيق بالحكي لأنه وآثق إن الطرف
الثآني بيفهمه أكثر من نفسه ، كآن بكل كلمه يحكيهآ يحس إن بدآخله هم وقآعد ينزآح ، وهي بدورهآ مآحبت تقآطعه أبد ، كأنهآ عآرفه إن سكوتهآ يريحه أكثر ، وبعد سآعه من الحكي
نوآف : وهذي كل السآلفه ، تعبآن يآمهآ
مهآ اللي كآنت مصدومه ، صعقهآ الخبر ، مآتتخيل إن ذيك البريئة تطلع منهآ كل هالسوآلف ، أصلاً كآنت دآيم تقول إن ربي خلق وفرق بينهآ وبين إختهآ ، حآولت تربط بين كلآم نوآف
وشخصية مرآم : مآألومك ، الموقف صعب شوي ، بس نوآف إحنآ مفروض مآنظلمهآ
نوآف : مآظلمتهآ ، شفتتتتتتهآ بعيني محد حكى لي
مهآ : أعرف ، بس ولو إحنآ مآسمعنآ منهآ
نوآف بعصبيه : لآ والله ! تبين أسمع لهآ بعد ! وش بيكون عذرهآ ! قليلة أدب مآتربت
مهآ : لآلآ نوآف ، مستحييييييل أصدق بمرآم شي
نوآف : ليه وآثقه منهآ ! يعني أنآ اللي أكذب !
مهآ : نوآآآف ! مآتكذب ، بس شي يحط العقل بكفة اليد ، نوآف إنت من جدك البنت اكيد فيهآ شي
نوآف : وش فيهآ يعني !
مهآ : نوآآف البنت محآفظه لدرجة مآتتصورهآ ، يآشيخ شوي وينآدونهآ المطوعه ، البنت فيهآ إلتزآآآآآآآم
نوآف : تمثل عليكم ، مصدقتهآ إنتي
مهآ : شوف يمكن تقدر تمثل بالحكي ، بس بالتصرفآت لآ ، نوآف وربي البنت مو يم هالحركآت ابد ، قصير مآتلبس ، أغآني مآتسمع ، عبآيتهآ على الرآس وبسم الله عليهآ مآتشوف منهآ شي ، خجوله لدرجه مآتتصورهآ ، يآنوآف البنت حآفظة نص القرآن
نوآف : من جدك إنتي !
مهآ : وربي مآأكذب عليك ، أصلاً لو تشوفهآ مع البنآت ، لو وحده منهم بس لعنت قآمت عليهآ ، لآ يآنوآف لآتظلمهآ لآآآآآآآآزم نتأكد من السآلفه
نوآف حس إن ضميره يأنبه أكثر : طيب كيييييييييف ! أنآ تعبت وأنآ أفكر فيهآ !
مهآ : خلهآ علي ، أنآ أعرف أتصرف !
نوآف بعد لحظة سكوت : مهآ ، أوثق فيك أكثر من نفسي ، تكفييين طآلبك تسآعديني
مهآ : إزهلهآ وأنآ إختك ، عطني بس وقت
نوآف وهو يشوف سآعته : أووووو أنآ تأخرت على المستشفى ، إنتي دآيم شيطآن تأخريني على دوآمي
مهآ : طول عمرك خآين ، ضف وجهك بس
نوآف يضحك : سلمي على خآلتي ، وصح قبل لآأنسى متى مآصآرت لك فرصه مري بزيآد علي ، لآزم أشوفه
مهآ : خير إن شآءالله

دخلت إم محمد بسرعه على مهآ ، حآلهآ مآيطمن والخوف بعيونهآ ، فزت لهآ مهآ بسرعه بعد مآسكرت السمآعه : يمممه وش فيك !
أم محمد : مهآ ، إنتي اللي دآخله غرفتي !
مهآ : غرفتك ! لآ ليه !
أم محمد بصرآخ : أمل وينهآ !
مهآ : بسم الله ! أمل مآبعد رجعت
أم محمد : طيب هي دآخله غرفتي !
مهآ : مدري عنهآ ، يمه وش فيك ! علميني وش صآير !
أم محمد طلعت بدون مآتتكلم ، لحقتهآ مهآ لغرفتهآ ولمآ دخلت إنصدمت بشكل الغرفه ، حوسه بكل مكآن ، الملآبس منثره على الأرض ، الدروج مكسره ، كل شي مو على حآله
قآلت مهآ : محمد مره ثآنيه !
أم محمد وهي تبكي : وأنآ من معذبني غير محمد ، محمد رآآآح وكل شي رآآآآآآح
مهآ : يمه الله يهديك ، يعني أنآ وإلآ أمل بنسوي كذآ !
أم محمد : من حِرررر مآفيني ، ليتهآ إنتي وإلآ أمل
مهآ جلست على ركبهآ قدآم إمهآ : يمه إستهدي بربك ، هذآ إبتلآء من ربي ، وإنتي مؤمنه وإنسآنه صآبره وإحنآ بشهر فضيل ، إدعي ربك يمه ، إدعيه يهدي لك إيآه ويخليه لك
أم محمد : والله مآهمتني الفلوس ، مآهمني شي ، بس بيأذي نفسه فيهم ، أدري فيه
مهآ : هذآ حآآآآله من زمآن ، لآتيأسين يمه
أم محمد : الله يفتح على قلبه ويهديه ، الله يهديه لنفسه
مهآ : أميييييين يآكريم ، هو وينه ! شفتيه !
أم محمد ومآزآلت تبكي : رآح رآآآآآح ولدي ، الله يرجعه لي ، الله لآيفجعني فيه
مهآ : يممممه الله يخليك لآتسوين بعمرك كذآ ، بيرجع وين بيروح يمه ! مردهآ الفلوس اللي بيده بتخلص وبيرجع
أم محمد : مآبيه يموت على معصيه
مهآ : إدعي له ، مآبيدك إلآ الدعآء ، قومي يمه غسلي وإرتآحي وأنآ برتب لك غرفتك





.

[كَوثَر]

صبـآح جديد

صبآح كله روحآنية وكيف مآيكون بهالشعور وإحنآ بشهر فضيل ، شهر الرحمه والمغفره ، شهر الطآعآت


.. : وربي تعبآآآآآآآآآآآآنه
.. : أنآ فيني نووووووم
.. : أنآ حرآآآآآآآآنه
.. : أنآ ودي أصفقكن وأدبج روسكن بهالجدرآن
أمل : يآمتوحشه ، إرحميهم
نوآل : مآتشوفينهن من اليوم يتلون ! تقل قطوه به ولآده
فهده : إنتي يآعجوز القصيم عليك تشبيهآت ! مدري وش تبي ، روحي بسرعه إنتحري ترى مآلك دآعي أبد بالحيآة
عبير : لآ تكفين من يجيب لنآ كليجآ من القصيم
فهده : إهبوآآ عليهآ مآتفكر إلآ ببطنهآ
العنود : والله المزآج بعد ! صآدقين إنتم تنكتون بهالوقت !
فهده وهي تلف يدهآ على يد العنود : والله وأنآ أختس بأجوآء الضيقه هذي الوآحد مفروض مآيغلدم زود ، يعني يضحك ويوسع صدره ترى الدنيآ فآنية
العنود : بس حر ، وتعب ، وفينآ نوم ، وصآيميييييين _ كملت بصوت فيه بكآء _ كيف نجي السوق الحين ! هآآآآآه ! وش يضرنآ نطلع بعد العشآء
نوآل وهي تلتف للعنود : وشو وشو ! عيدي مآسمعت
عبير : آآآآآح رآحت عنود وطي
العنود بخوف : إيه وش فيهآ لو رحنآ بعد صلآة العشآء ، نكون أفطرنآ والجو صآير رآيق أكثر
نوآل : مآودتس نجيب قهوتنآ بعد ونبسط بالسوق !
فهده فطست ضحك : عنود يآلبى قلبتس ، إحنآ مآنطلع تآلي الليل للسوق برمضآن
العنود : مو تآلي الليل ، يآنآس قآعده أقول بعد صلآآآآة العشآآآآآء ، أموووول وش فيهم صديقآتك عبيطآت
أمل : أول شي مو صديقآتي لحآلي ، صديقآتك إنتي بعد ، ثآني شي يآحلوه يآعسل يآغبيه إفهمي نوآل لو تفحطين مآتطلع بالليل وعودتنآ على هالشي
العنود : طيب لييييه !
فهده : نظراً لأنه بالليل زحمه ورجآل وحريم وقرف ومسخره ، والوآحد مآيبي يآخذ ذنوب ، ولأن النهآر سهله على عبير تترك إمهآ وتجي
العنود : طيب وش معجلنآ على السوق ! بيطير يعني ! تونآ ترى خآمس يوم !
نوآل : يآميمتي أنآ مزآجي صعب والسوق مآبوه الا قصير وإلآ عآري وأنآ مآألبس لآ ذآ ولآ ذآ لو تآصلين للسمآ ، عشآن تسذآ يبي لنآ وقت ندور بهالسوقه
العنود : عآآآد شهر كآمل !
نوآل : ومن قآلتس إني بأطلع شهر كآمل ، هذآني أبي أخلص وأفتك
فهده : للمعلوميه ، نحن لآنخرج بالعشر الآوآخر
العنود : آهآآآآآآ فهمت الحين ، طيب شرآيكم ننقسم نصين !
نوآل : والله فكرتن مهيب شينه
العنود : أنآ بروح مع فهده وأمل
نوآل : قولي قسم ! إنتي مآش رقله وعودتس مآيعجبني ، أمشي قدآمي أشوووه ، تبي تفرفر وتقزقز وهي صآيمه
ضحكوآ البنآت على العنود اللي رآحت بطفش مع نوآل ، قآلت فهده : والله بنت عمتس تورطت ! حآشرتهآ نوآل من قلب
أمل : لآ مآعليك ، ترى العنود مبسوطه معنآ ، أعرفهآ ، تعآلي تعآلي ندخل هنآ هالمحل أحبه ..























سلمّت تسليمتهآ الثآنية ، وقعدت على سجآدتهآ تسبح وتستغفر ربهآ ، تلفتت حولهآ شآفت الصآله حوسه ، الشغل هّد حيلهآ ولآ فيه أحد يسآعدهآ ، رمضآن جآ بإجآزه والبنآت طول النهآر نآيمآت
قآمت وبدت ترتب الصآله ، خلصت منهآ ودخلت للمطبخ تشوف وش ممكن تسويه على الفطور ، ترآعي خآطر عيآلهآ بكل شي ، كل وآحد له نوع معين بالأكل ، غير زوجهآ اللي ترآعي أكله
لأنه رآعي سكر ، دخلت المطبخ وإنصعقت بمنظره ، موآعين بكل مكآن ولآ شي مرتب ، عصبت بدآخلهآ ، طلعت فوق وصحّت بنآتهآ ونزلت رآجعه للمطبخ وهي معصبه ، بدت تشتغل فيه وهي تدعي
بدآخلهآ إن ربي يهدي بنآتهآ ويصلحهم
.. : صبحهّـآ بالخير
.. : أي صبآح ! قول مسـآء الخير
حك رآسه منحرج : أووووه الغآلية زعلآنه !
أم سعود : منيب زعلآنه ولآ شي ، بس ترى ذي مهيب حآله ، مآنبي منكم شي بس قوموآ صلوآ
سلطآن : مصلي مصلي ، وش فيك قآبه كذآ !
أم سعود بعصبيه : مصلي وين ! مصلي فوق بغرفتك جنب سريرك !!!
سلطآن : أهم شي إني صليت
أم سعود : نآوي تتركه بعد !
سلطآن : إستغفــر الله ، مآقلت كذآ يمه _ قآم عندهآ _ هآتي هآتي عنك يمه ، تكفين ترآني أحب أعجن
أم سعود مآتبي تضحك : وخر وخــرر عني
سلطآن : يمممه تكفيييين ، وربي أضبطهآ لك
أم سعود : أقول بس وخر ، فيك حيل إرقى قوم هالميتآت من نومهن
سلطآن : والله ! طيرآآآآآآآآن
أم سعود تذكرت : تعآل تعآل ، صح ذكرت هيفآ فيه
سلطآن : يآآآآآليييييييل ذآ النشبه ذي ! أنآ بعرف هي مآعندهآ بيت !
أم سعود : سلطآن وجع ! وش هالحكي !
سلطآن يضحك : عآدي يمه ، هيوووف أمون عليهآ
على كلمته دخلت سآره المطبخ وهي تتثآوب ، شعرهآ منكوش وبجآمتهآ محيوسه : لآ مآتمون ، ضف وجهك بس مسوي تعرفهآ من زمآن !
سلطآن فطس ضحك : إحللللللفي ! إيه أعرفهآ من زمآن
سآره : قل والله ! طيب سق أمهآ
سلطآن طلعت عيونه : وشوووووووو !!! وش سق أمهآ ذي ! يلللللللعن بليسك حتى أطلق عربجي مآيقولهآ
أم سعود : سلطآآآآآن لآتلعن وإنت صآيم !
سلطآن : إستغفر الله ، لعنت الشيطآن بعدين يمه مآسمعتي بنتك !
أم سعود زعلآنه : إلآ سمعتهآ وأشوف حركآتهآ اللي مآتخلص
سآره : إيه سق إمهآ ، يآخي إنت ترآك نآشبن في بلعومي _ أشرت على حلقهآ _ مآتنزل مآآآآتنزل ، سؤآل كم قطتك ! يآخي نعطيك قطتك وضضضف وجهك
سلطآن : والله لو قمت عليك علمتك شلون أضضضف وجهي صح
سآره : لآآآآ ! تكفى الله يخليك ترآني خفت ، مسوي قوي ! تمسسك بس
سلطآن : بجي الحين أتمسسك بشوشتك وأقلبك يمين ويسآر
أم سعود بعصبيه : وبعدييييييييين ! مآتخلصون إنتم ! اللللله يخلف علي لآ بنآتٍ سنعآت ولآ عيآلٍ صآحين
سآره بدلع : يمآآآآآآه وش فيك معصبه الحين ! إذآ هالشين مطفشك من اليوم ترى أنآ مآلي ذنب
سلطآن : أشوووآ إني توني نآزل ، إلآ إنتي وش مسويه إنتي وبنت عمك هالنشبه
سآره تقلب عيونهآ دليل الطفش : سلطآن عويذ الله من شرك ، ترآني صآيمه مآأبي أجرح صيآمي فيك
سلطآن : وش عندهآ أمي هيآ ! _ وفطس ضحك _ أكيييييد إنهآ دآقه عليك ولآعنه خيّرك أمس
سآره : تلعن خيري ليه ! قآلوآ لك سلطآن كلن يهزأه ويسكت
سلطآن قآم عليهآ : الحين أعلمك وش يسوي سلطآن
سآره نقزت وتخبت ورآ أمهآ : يمآآآآآآآآه شوفيه شوفيييه وقسسسم يمه ترآه يعورني
أم سعود تحآول تبعدهآ : وووجعة إبوي ، تستآهلين مآيسوي فيك ، حقك ومآجآك
سلطآن يسحبهآ : تعآآآلي أشوف ، وينه لسآنك اللي تو !
سآره تحآول تفك نفسهآ منه : سلطآن والله والله لأعلم خآلد عليك ، آآآآآآي ترآك تعور
سلطآن : لآآآآآآآ ! مخوفتني بخآلد ! روحي علميه _ مسكهآ من شعرهآ _ إسمععععك ثآني مره تطولين لسآنك علي أقصه لك
سآره تحك شعرهآ : عمـــى يعميك ، كسر يكسر يدك ، حشى مهيب يد ذي !
أم سعود : لآإله إلآ الله ، قومي بس صحي البنآت وتعآلوآ سآعدوني
سآره : شيخه عيت تقوم وهيوف تتروش إذآ خلصت بتنزل
سلطآن : إذآ خلصت خليهآ تضف وجههآ بيتهم
سآره : وش تبي إنت ! يآخي قآعده على رآسك ! إنت هنآ وعسآف هنآك !
سلطآن : الحين أبفهم إنتي ويآهآ دآيم مع بعض ليه ! أوكي تحبون بعض مآقلنآ شي بس عآد نآشبين مع بعض كذآآآ !
سآره : اللهم لآحسد
سلطآن : الله يرزق وحده فيكم وآحد بالشمآل والثآنية بالجنوب
سآره : أعوووووذ بالله ، تفوو من فمك _ طرت في بآلهآ فكره ، وبدون أي تردد قآلت _ إلآ صدق سلطآن ، ليه مآتآخذ هيوف !
سلطآن : أيوووووه وأجمعكم عند امي عشآن بسم الله على أميمتي تنجلط ، يسعدني يآأختي العزيزة الحين اقولك ضفي وجهك
سآره : لآآآآ ! حطيتهآ في أمي ، يمآآآآآآه وش رآيك بهيوف لسلطآن بصدق بصدق !
أم سعود وهي تقعد على الكرسي قدآم الطآوله : هيفآ شيخة البنآت ولو جت علي منيب لآقيه أحسن منهآ لسلطآن ، البنت مؤدبه وحلوه وعآقله وعآرفتنآ وعآرفينهآ والمسكينه يتيمه مآلهآ أحد
سلطآن : من من من العآقله ! هيوف !!!
أم سعود : والله وأنآ أمك ترآ الخرآب من بنتي
سآره : آآآآآآآهآآآآآآآ ، شوفي يمه إني أبي سليطين الشين يآخذ هيوف الخبله هذآ شي ، بس إنك تطلعين سنآعتهآ على حسآبي نو نوو نوووو مآأرضى
أم سعود : سلطآن إبوي ، ورآ مآتفرح قلبي وتخطبهآ
سلطآن حس إنه توهق : هذآ خآلد بيفرح قلبك ، مو وقته يمه
أم سعود : خآلد شي وإنت شي ، بس نخطبهآ ، أنآ والله ودي بهيفآ من زمآن
سلطآن : ورآ مآقلتي لخآلد يآخذهآ !
سآره : تستهبل إنت ! خآلد من مبطي وهو يبي مضآوي وكلنآ ندري ، وسعود بيآخذ نوف وأصلاً كبير عليهآ ، والله والله هيفآ لك أووووكي صدقني
سلطآن : من يمدح العروس الا أمهآ ، إنتي بالذآت مآأخذ رآيك ، بعدين مآتحسون إنكم قلبتوآ الموضوع جد !
أم سعود : وأنآ عمري مزحت معكم بهالموآضيع ! الحين مآتقول لي وش بهآ هيفآ مآتبيهآ !
سلطآن : يمممه بدون عصبيه ، البنت مآفيهآ شي مآآآفيهآ ولآ شي ، بس مآأبيهآ
سآره إنصدمت برفض سلطآن ، مآكآنت تتوقع هالحده بالرفض منه : طيب دآم مآفيهآ شي ليه مآتبيهآ !
سلطآن : يختي مآبيهآ مآآآآآآآآأبيهآ ، غصب هو !
سآره : مآقلت لك غصب ، بس عطني أسبآب ، مآفيه شي مآأبيهآ من البآب للطآقه !
أم سعود ضآق خآطرهآ : والله هيفآ مآمنهآ ثنتين ، فرح قلبي وأنآ أمك ، البنت شكلهآ خآطرهآ فيك أنآ حآسه إنهآ تبيك لآتكسر قلب هاليتيمه
سآره بعصبيه : يممممه لآتجبرينه على شي مآيبيه ، البنت مآلهآ ذنب تعيش مع وآحد مآيبيهآ
سلطآن عصب من إندفآع سآره ، حس كأنهآ تلومه على شي مآله ذنب فيه : إيه مآأبيهآ ، أنآ قلبي لوحده ثآآآآآنيه روحي موتي إنتي ويآهآ
سآره بصرآخ : لآ تكفى الله يخليك ترآهآ ميته على بآبك ، إسمع مو معنى إننآ قلنآ البنت تبيك يكبر رآسك ، على فكره ترآك ولآآآآآشي فآآآآآآآهم يعني إيه ولآآآآآآآشي وربي وربي يآسلطآن إنك
مآتستآهل حتى ظفرهآ ، روح خل قلبك ينفعك بس تأكد ترآك برفضك لهآ خسرت فرصة مآتتعوض بحيآتك


طلعت من المطبخ وهي معصبه مآتشوف اللي قدآمهآ ، كآن حآز بخآطرهآ إن صديقتهآ وإختهآ وخوية دربهآ تنرفض كذآ ، رفضهآ بدون سبب ، القهر إنهآ تبيه رغم كل عيوبه تبيه
كآنت تحآول في هيفآ وتطلع عيوب سلطآن قدآمهآ ولآ أثّر فيهآ شي ، كآنت تقول بخآطرهآ يآبخته سلطآن بوحده مثلهآ ، كآنت تشوف فيهآ أشيآء هي بنفسهآ مآتقدر عليهآ
غرقت عيونهآ دموع وحست إنهآ مآتشوف قدآمهآ ، كيف الحين بتشوف هيفآ ! وش بتقولهآ لو بعدين خطب سلطآن ! ، حست إن فيه أحد وآقف قدآمهآ وهي تبي تطلع بالدرج
قآلت ومبين على صوتهآ إنهآ مخنوقه وبدون مآترفع رآسهآ : شيخه وخري عني مآلي خلق سمآجتك ، قسسسم بالله أطلع حرة أخوك فيك _ حست إن اللي قدآمهآ مآتحرك ،
رفعت رآسهآ وهي نآوية تلعن شيخه على غبآئهآ ، إنصدمت بالشخص اللي وآقف قدآمهآ _ إنتي !!! إنتي من متى وآقفه !
إبتسمت لهآ : آممممم أنآ كم مره أقولك إتركي عنك العربجه !
مآقدرت حتى تبتسم ، كآنت عيونهآ طآيره فيهآ ، تحآول تربط كلآمهآ باللي صآر جوآ وتتذكر يعني من متى وهي وآقفه ، قآلت هيفآ وهي تضربهآ مع كتفهآ : أجل سق إمهآ يالخبله !
سآره بدآخلهآ _ لآآآآآآ ، سمعتنآ سمعتنآآآآآ ، يآربي تبتسم ليييييه تبتسم _ حآولت تجمع الحروف وتنطق بأي شي ، حآولت ترجع لطبيعتهآ وتضحك بس مآقدرت فيه شي وآقف بحلقهآ
هيفآ وهي مآسكهآ يدهآ : سآرونه قلبي ، رفضني أنآ مو إنتي ، ليه زعلآنه ! _ غمضت عيونهآ وإبتسمت _ الله يوفقه ..
تدري إن هيفآ إذآ غمضت عيونهآ وإبتسمت إنهآ تدآري ألم بدآخلهآ ، كآن بودهآ توآسيهآ ، تصرخ فيهآ هالشخص مآيستآهلك حتى لو كآن إخوي ، بس مآقدرت ، ضمتهآ وبكت من قلبهآ
سآره القويه اللي مآيهزهآ أي موقف ، بكت من قلبهآ ، بكت مقهوره من غبآء إخوهآ اللي يخليه يضيع هالإنسآنه من يده
هيفآ مآكآنت تدري وش تسوي وقتهآ ، كآنت نآزله تبي تلحق على مرت عمهآ اللي تعتبرهآ إمهآ ، تبي تسآعدهآ ، بس وقفت باللحظه الأخيره على هوآش سآره ويآ سلطآن ، مآقدرت تتحرك
كآنت تحب تسمع هوشآتهم ، تفقد هالجو في بيتهم ، وقفت وسمعت ، كآنت تبي ترجع ، تبي تتحرك قبل مآتطلع سآره وتشوفهآ ، بس هي عآرفه إن سآره بالأول والأخير بتعرف
إنهآ سمعتهم ، كآنت تحمد ربهآ إنهآ سمعت اللي سمعته عشآن مآتتعلق فيه أكثر وتشوف حيآتهآ بعيد عن محور سلطآن _ الدنيآ مآتوقف هنآ يآهيفآ ، العوض في بكره ، خيــرره _




















جآلسه بوسط الصآله وحولهآ أكيآس كثيره ، تطلع من الملآبس وتوري إمهآ بحمآس ، كآنت تتكلم وتتكلم بفرحه كبيره ، هالأيآم تعتبرهآ من أحلى أيآم عمرهآ ، إمهآ جآلسه على الأرض عندهآ
وبيدهآ فطآير تسويهآ ، مبسوطه من التغير اللي صآر بحيآة بنتهآ ، قآعده تشوف بنتهآ تدور الخير وتسعى له ، هي عآرفه من أول إن بنآتهآ فيهم خير بس بحكم الصدآقآت اللي كونوهآ وسط هالطبقة مآتسمح لهم يعيشون حيآتهم ببسآطه ، كآنت تدعي لأمل دآخلهآ إن ربي يعطيهآ على قد نيتهآ ، أمل وصديقآتهآ ، بنآت بعمر بنآت هالوقت ، بس غير ، بكل شي غير ، مآتقول عنهم " مطآوعه " أو فيهم إلتزآم متشدد ، بس بنآت صغآر يحبون الخير ويمشون في طريقه ، يحآولون قد مآيقدرون إنهم يحآفظون على حيآتهم
أم نوآف : عسى مآتعبتوآ !
العنود : شوي في البدآيه بعدين عآدي ، أصلاً السوق مسكر وفيه تكييف ، بس يمه وقسسسسمن فآتك شي شي مآتوقعته
دآنه وهي مآسكه الريموت : والله لو أموووت مآطلعت بهالحر ! مهبوله أنآ صآيمه وأطلع
العنود بحمآس : لآآآآ وربي عآدي مو زي مآإنتي متخيله ، اصلاً تدرين صآدقين البنآت ، السوق الصبآح فآضي ولآ فيه نآس كثير ، تقدرين تتفرجين على رآحتك
دآنه : الله عآد والسوق ! ترآك كآشخه بعمرك بزيآده معهم !
العنود : أقول إنطمي بس ، الشرهه علي اللي أحآكي بزر _ إلتفت لأمهآ _ هآه يمه وش رآيك بس ! حلوه ذي والا لا !
ام نوآف : حلوه بس أنآ اللي عجبني ذآك الفستآن الأبيض القصير شوي
العنود : إييييه هذآ إختآرته أمل
أم نوآف بإبتسآمه : والله إني حآسه ، بنت إختي ذوقتهآ حلو
العنود : لآ واللله ! يعني أنآ اللي مآأعرف أختآر !
دآنه : طآلعه مع هالفقر ، وين تختآرين معه
مضآوي اللي كآنت جآلسه على الكنب من اول ، ترآقب الموقف بصمت ، مآإهتمت للعنود لأنه مآزآل الشي اللي شآفته بقلبهآ ولآ هي قآدره تفآتحهآ فيه لأنهآ مو عآرفه كيف
بس لمآ بدت دآنه تغلط ، هنآ إنفجرت : تدرين إنك وقحه وقليلة أدب وسخيفه ومآعندك سآلفه !
دآنه بإستغرآب : أنآ !
مضآوي بصرآخ : إيه إنتي ، قسسسسم بالله أسمعك قآيله هالحكي مره ثآنيه أقطع لسآنك ، سآآآآآآآآآمعه
طلعت مضآوي فوق وسط استغرآب الكل ، كآنت هآديه وش اللي قلبهآ فجأه مآيدرون ، العنود بصدمه : بسم الله ! وش فيهآ !
أم نوآف : والله مدري ! أصلاً هي هاليومين مآش ، فيهآ شي ، العنود إقعدي ويآ إختك شوفي وش بخآطرهآ ، ترآك صآيره مآعآد تنشآفين أبد
العنود بزعل : الله وأكبر يمه ! طوووول عمري مقآبلتهم والله إني كنت أدور من غرفه ذآ لغرفة ذآ وكلهم كآنوآ يهآوشون ويتضآيقون والحين يوم لقيت جو أنبسط فيه صرت مقصره !
أم نوآف : لآ مآقلت كذآ ، بس عآد مو ضآرك لو تقعدين يوم وتشوفين وش بخآطرهآ
العنود : مآفيهآ شي ، بس تدرين إن مضآوي مآتتحمل شي في أمل وذي الغبية من اليوم تذب حكي لمآ إنفجرت فيهآ ، بس إحنآ إستغربنآ لأن مضآوي بطبيعتهآ هآديه
ام نوآف : والله يمكن _ بعدين كأنهآ تذكرت شي _ وإنتي ياللي مآتستحين ! وش هالحكي اللي سمعته !
دآنه : وشوووو وشوووو ! يآربي كل شوي يهآوشوني !
أم نوآف : الحكي اللي تو مآأبيه ينعآد ، أمل بنت عمك وبنت خآلتك وقريب إن شآءالله بتصير مرت أخوك ، تحترمينهآ غصب عنك
دآنه : مرت إخوي !!!
العنود : يممممه ! بتخطبين أمل !!!!!!!!
أم نوآف بفرح : إن شآآآءالله ، عسى ربي يسهلهآ بس
دآنه وهي تنط وتصفق : لمين لميييين ! أي وآآآآحد !
أم نوآف بإعتزآز : لِ حَمـد
دآنه صرخت : يآآآآآآآآآآآآآآآآآآآي ونآآآآآسه
العنود : لآآآآآآ توهآ بنت فقر !
دآنه : مآقلت هي بنت فقر ، انا قلت على صديقآتهآ وإنتم أكلتوني ، يمه يمه ونآآآآآآآسه حمد بيآخذ أمل ، يآآآآآربي شكلهم بيطلع وآآآآآو
أم نوآف : بس ترى مآبعد صآر شي ، توني قلت لأبوكم وهو بيشوف أموره ، إدعوآ ربكم يتسهل الموضوع
العنود حست بخوف دآخلهآ : يمه ، وإذآ مآوآفقوآ !
أم نوآف : لآ إن شآءالله ، الله يكتبهآ من نصيبه
العنود ترفع يدينهآ : يآآآآآآآآآآآآآآآآآآآآآآآآآآآآرب يتزوجون
سكر البآب وتقدم منهم : من هو هذآ اللي تدعين له من قلبك !
العنود بإبتسآمه : وش درآك إنهآ من قلبي !
حمد : مبين عليك ، عينك وش وتطلع وإنتي تقولين يآآآآآآآآآآآآآآآرب _ رفع يده وقلدهآ _ رحمتك والله
العنود تضحك : لآآآآآ حمد إنت عيونك كبيره ، صآر شكلي يضحك ، بعدين صدق مآتستآهل قآعده أدعي لك
حمد بعدم إهتمآم وهو يفك زرآر ثوبه : الله يجزآك خير _ سكت شوي بعدين تذكر دعوتهآ ، قآم وإستعدل _ قلتي يآرب يتزوجون صح !
العنود تضحك : أشوووووفك يوم ذكرت نقزت !
حمد ضحك معهآ : إدعي إدعي لأخوك بس ، يمه تدعين لي وإلآ نسيتي !
ام نوآف : وأنآ أقدر أنسآك !
حمد : طيب يمه حكيتي مع إبوي !
أم نوآف : إيه قلت له وفرح وإنبسط وطآر فيك ، بس بيشوف عمك صآلح أول وبعدين يحكي مع عبدالعزيز
حمد قبضه قلبه : عمي صآلح ليه !
أم نوآف : هآآآو ! عمك أكبر من إبوك ، لآزم يعلمه ويآخذ شوره
حمد : بس أنآ رجآل وشوري بيدي وأبوي الحمد لله عآيش الله يطول بعمره ، وهي عندهآ بدآل الأخو ثلآثه ، يروح يكلم عمي صآلح ليه !
أم نوآف : حمد وش فيك الله يهديك ! عمك لآزم يدري
حمد بضيقه : يدري إيه ، بس مآيشآوره
العنود بإستغرآب : وش تفرق !
حمد : تفرق يآأمي ، إذآ شآوره يعني بيده يقول إيه أولآ ، أمآ يعطيه خبر يعني مجرد إن حمد بيتقدم لأمل وبس مآبيده شي _ وقف وهو متضآيق _ يمه رجآآآآآآآء عمي صآلح طلعوه من السآلفه ، ترآه مآيوآطن شي إسمه حمد ، وخذيهآ مني ترآهآ بتخرب على يده
أم نوآف : تتكلم كأنك وآثق
حمد : عمري قلت شي وأخطيت فيه !
أم نوآف : فآل الله ولآ فآلك ، كم يوم وأرجع أحكي مع أبوك واشوف وش صآر
حمد : خير إن شآءالله ..



















رجعت تقرآ المسج اللي وصل لهآ ، مآتدري كم مره ترفع جوآلهآ وتقرآ فيه ، مآتدري كيف توصف إحسآسهآ
[ .. اللهم ابعد عنهآ كل شي يؤذيهآ
ولا تحوجهآ لطبيب يداويهآ
اللهم استرهآ على وجه الارض وارحمهآ في بطن الارض
واغفر لهآ يوم العرض
اللهم اعطهآ ما تتمناه وتحبه لهآ وترضاه
إختك / أم زيـآد .. ]
فرحه بدآخلهآ مآتوصفهآ ، تحب هالإنسآنه بكل مآفيهآ ، بس بدآخلهآ مستغربه المسج _ يآربي وش اللي يخليهآ ترسل لي ! ، رقمي من زمآن معهآ ، وش معنى الحين أرسلت لي !
يآربي عسى مآعرفت شي ! ، لآلآ لو عرفت بترسل مسج زي كذآ ! ، يآآآآآآآآرب تهونهآ علي وتبعد عني هالهوآجيس اللي بتذبحني يآآآآآآآرب _
مسكت جوآلهآ ورجعت كتبت لهآ مسج على السريع وأرسلته ..
كآنت الوقت قريب المغرب ، جهزوآ كل شي وقآعدين على السفره ينتظرون الآذآن ، ولدهآ زيآد يحووس حولهآ ، قآلت أمل : ولدك هذآ فيه حركه زآيده !
مهآ : لآإله الا الله ، على رآسك هو !
أمل : لآآآ مو قصدي ، بس أول مآكآن كذآ
مهآ أخذت جوآلهآ وقرت المسج وإبتسمت : إيه صح
أمل : خير ! وش فيك تتبوسمين !
مهآ : لآ مآفيه شي ، الا يمه ترى يمكن اليوم أطلع بعد العشآ للعيآده ، نوآف قآيل لي أجيب له زيآد
أم محمد : تروحين لحآلك !
مهآ : إيه وش فيهآ !
أم محمد : لآ مآتروحين لحآلك ، خذي معك أحد !
مهآ بإستغرآب : الحين أنآ مآأروح لحآلي وأمل عآدي تطلع لحآلهآ !
أمل : لآآآآ والله ! متى إن شآءالله طلعت لحآلي !
مهآ : دآيم تطلعين لحآلك !
أمل : قصدك دآيم أطلع ويّآ البنآت
أم محمد تقآطعهم : المهم عآد ، إسمعي الحكي وبس
مهآ : يمه الله يهديك ، أنآ وش كبري وولدي معي ، ومنيب رآيحه ألعب ، بروح للعيآده وبجي
أم محمد : لآ يعني لآ ، إصبري لين أرجع وأروح معك ، وش تبين الجيرآن يقولون عننآ ! يكفي إنك مطلقه
إنصدمت مهآ بتفكير إمهآ وضآق صدرهآ حيل ، وش ذنبهآ إنهآ تزوجت وآحد ولآ توفقت معآه ، هذآ نصيبهآ ورآضيه فيه ، ليه يعآيرونهآ فيه ! ، أمل إنقهرت بدآخلهآ
قآلت تدآفع عن إختهآ : الله وأكبر ! مطلقه يعني تنتهي الدنيآ ! الحمد لله طلآق يعني نصيب وإنتهى مو شي ثآني ، بعدين والله يمه إنتي ضآربه حسآب للنآس ، تكفين من حولك !
ترى كلهم مآعندهم سآلفه هذآ أولاً ، ثآنياً إنتي وآثقه من بنتك وتربيتك فيهآ مآعليك من أحد
أشرت لهآ مهآ إنهآ تسكت لأنهآ لمحت مآجد جآي ولآ تبي تكبر السآلفه ، سكتت أمل ودخل مآجد : خييييير ! أشوف يوم جيت سكتي !
أمل : خلصت السآلفه
أم محمد : مآجد ، قل لي مآجآك خبر عن إخوك !
مآجد بطفش : لآ
أم محمد : طيب رحت بلغّت عنه ! دورته بالمستشفيآت يمكن يكون صآير له شي ! مآسألت ربعه عنه !
مآجد : والله إنتي متأملللللله ! وين أدوره ! أصلاً إحنآ مآنعرف ربعه وولدك جني مآفيه شي لآتخآفين
أم محمد : طيب بلّغ الشرطه ، خلهم يدورونه !
مآجد : وش أبلّغ الشرطه ! بزر هو ! بعدين تكفين وش أقولهم ! أخوي عمره 40 سنه ضآيع ! يمه يرحم وآلديك روقينآ
أم محمد بدت تنزل دموعهآ : يآآآآآرب أنآ قلبي يحترق على وليدي ومحد حآآآآس فيني
أمل جت عندهآ ومسكت يدهآ : يمممه لآتقولين محد حآس فيك ! يمه إذكري الله مهيب أول مره يسويهآ محمد وكل مره يضيق صدرك وتشوفينه بالأخير يرجع
مآجد : أنآ مدري ليه تصيحين ! جديده عليك ! مآتعودتي ! مآطفشتي !
أم محمد : بكره لآجآك عيآل بتحس فيني
أذّن المغرب قآلت مهآ : إذكروآ الله ، هذآ هو أذّن ، يمه إفطري وإدعي ربي يرده لك ..










.

[كَوثَر]

15 رمضَـآن




تجمعوآ البنآت في الحوش ينتظرون العيآل يجهزون السيآرآت ، العنود قآعده على طرف الدرج ، ومضآوي وأمل وآقفين على رآسهآ ، إم محمد وإم نوآف ومهآ قآعدين على الكرآسي ومعهم دآنه شآيله زيآد
العنود بصرآخ : يآآآآآآآآآآآآآآآآآآآآجمآعة بموت من التعب ، فيني نوووووووم
أم نوآف : حسسسك يآأم لسآن ، خلآص إنكتمي الحين نمشي وإنخمدي في السيآره فكينآ من صدعتك
العنود : هذآ بدآل مآتقولين بنتي حبيبتي قآيمه من صبآح ربي تسآعدني في المطبخ تهآوشيني ، صدق مآفيه ديموقرآطيه
نآصر من فوق السيآره : شوي شوي على حلقك
العنود : إنت اوص بس ، مححححد كلمك
رمآهآ بعلبة ببسي فآضيه : جعل لسآنك القص زين !
العنود : قص يقصص لسآآآآآآآآآنك
مضآوي : خييييييير إنتي ويآه ، دعآوي عجوز وربي
العنود : يآربي يآربي مآأحب حركآته ، ينرفززززززني ينرفززززني مآأطيقه
نآصر : أررررحمك يعني انآ اللي ميت عليك ، شوفي من الحين أقولك ، مآأركب ويآك بسيآره وحده
العنود : وييييه كش عليك ، أبركهآ من سآعه ، أصلاً أنآ بركب مع عين السيح ، وهـ يآلبى قلبه شوفه قآعد يركب الأغرآض وهو سآكت ، رجآآآآآآل إخوي مو إنت ووجهك قآعد تنآبح علي !
نآصر : رمآهآ مره ثآنية بعلبة ببسي : خذي الثآنيه ، وربي لو أجيك يآلطويله الهبيله أعلمك الشغل صح
العنود : من قصرك عآآآد _ كأنهآ تذكرت شي ووقفت بسرعه قدآم أمل _ أموووول تكفين إركبي معنآآآآآآ !
أمل بصوت وآطي : وين أركب معك ! مع حمد !!!
العنود : إيه عآدي وش فيهآ !
أمل إلتفت على مضآوي : إختك إنهبلت ، يآقلبي إنتي حمد مو محرم لي ، مآيجوز أسآفر معه ، أنآ بركب مع عمي
العنود بغبآء : طيب هو بيخطبك !
مضآوي فطست ضحك ، أمل حست بإحرآآآآج خصوصاً إنه وآقف قدآمهآ وهي تتحآول تطيح عينهآ عليه : تستغبين إنتي !
العنود : مو يقولون إنمآ الأعمآل بالنيات !
أمل تطآلع في مضآوي : لآآآآآآ إختك مهبوله خآم ، مهبوله رسسسمي ، العنود لآ وصلنآ مكه إن شآءالله إدعي ربي يثبت عقلك
العنود بإحبآط : يوووووه ، طيب شلون يعني ! أنآ مآأركب مع نآصر لو يموت
مضآوي : بسسسسم الله عليه ، خلآص طسي مع حمد وإمي وخآلتي ودآنه ، وأنآ وأمل ومهآ بنروح مع أبوي ونآصر
العنود : لآآآآآآ ! تحطوني مع دآنه البزر الغبيه !
مضآوي : أصلاً إنتي دآيخه وفيك نوم
أمل : وخروآ وخروآ بسلم على عمي هذآ هو جآ _ رآحت لعمهآ وسلمت عليه ولآ كآنت تدري إن طول الوقت فيه عيون ترآقبهآ _ طمني عنك يالغآلي !
إبو نوآف : بخيييير جعل ربي يسلم عمرك ، معنآ يآأمي !
أمل : إن شآءالله
إبو نوآف : يلله أجل إركبوآ ، ركبنآ العفش والحين نمشي



















دخل جيب الِ لكزس في الممر الضيق وسط الحآره القديمه ، أول مآقربوآ من البيت المقصود طلبت من السوآق يوقف بعيد ، نزلوآ وكملوآ طريقهم مشي وسط الحآره الصغيره ، وقفت عند البيت اللي تبيه
بدآخلهآ خوف من المكآن اللي هي فيه ، بس بنفس الوقت كآنت مصره إنهآ تكمل اللي نوت عليه ، دقت البآب وإنفتح لهآ على طول ، دخلت بخطوآت متردده ، صآله بوسط البيت كبيره مكشوفه ، مليآنه حريم ونآس أشكآلهآ غريبه بالنسبه لهآ ، كل هالبشر إجتمعوآ على الشر ، نسوآ إنهم بشهر فضيل ، شهر رحمه ومغفره ، النآس تطلب ربهآ وهم يعصونه، كآن ودهآ ترجع بس الشيطآن أعمى قلبهآ ، أنآنيتهآ وحبهآ لنفسهآ تخليهآ تسوي أي شي تبيه ، تتبع هوآهآ حتى لو كآن غلط ، حتى لو كآن في معصيه ، بهذآ المكآن ، لمآ ينعدم الضمير ويضعف الإيمآن ، لمآ يستولي الشر على نفوس البشر ، لمآ تصير الرغبة هي المحرك الأسآسي للإنسآن
تمسكت بِ كم عبآية إمهآ : مآآآمآآآ خلآص بطلّت ، تعآلي نُخرج
أم مشآري : تعرفي تنطمي صح !
منآل : يآمآمي يخوف !
أم مشآري : إنكتمي أحسن لك ، صدعتي لي رآسي بِ حمد ودحين لمآ وصلنآ قلتي نخرج ، لعب أطفآل هوّ !
كآنت منآل بتتكلم وقطعت كلآمهآ لمآ شآفت وحده جآيه لهم ، حرمه شكلهآ في منتصف الأربعينآت ، شكلهآ مخيف نوعاً مآ ، سألت عن إمهآ ولمآ عرفت إنهآ أم مشآري المقصوده سلمت عليهآ بحرآره
تكلمت مع إم مشآري بصوت وآطي وبعدهآ طلبت منهم يدخلون جوآ في غرفه بآخر البيت ، مشت منآل مع إمهآ للغرفة المقصودة ، غرفة صغيره إنآرتهآ خآفته ، فيهآ بخور ومجموعة أشيآء غريبه
مآتكلمت منآل مع إمهآ ، كآنت تتفرج على المكآن بصمت ممزوج بخوف ، دقآيق ودخلت عليهم نفس الحرمه
أم سعيد : تبآرك الرحمآن يآأم مشآري ، هذي بنتك !
أم مشآري : ربي يسعدك ، إيوه هذي منآل الكبيره
أم سعيد : إيوه أذكرهآ لمآ كآنت صغيره تلعب في الشآرع ، كنتي يآبنتي عصبيه ومآتخآفي من أحد
ضحكت أم مشآري : هي لمآ كآنت صغيره بس ! منآل كبرت على نفس أطبآعهآ ، وإلآ إحنآ إيش جآبنآ هنآ !
ضحكت أم سعيد : قولي لي يآمنآل ، إيش اللي تبغيه وهوآ يصير عندك
منآل بكبريآء : أسمعي يآخآله ، أنآ جآيه لك أبغآكي تسآعديني في حآجه أكيد مآمآ حكّتك عنهآ / حَمد
أم سعيد : إيوه قآلت لي ، بس أنآ أبغى أسمع منك
منآل بقهر : شوفي ، مآأبغآه يجي يطلبني ، أنآ مآعآدني أبيه ، بس أبغآك تعذبينه ، أبغى مآيتزوج أمل ، خليه يتعلق فيهآ أكثر بس إبعديهآ عنه ، خليه يتعذب يوصل لهآ ولآ يقدر
أبغى تبلينه في نفسه ، أبغآآآه يتعذب فآهمه كيف يتعذذذذذذب ، أبغآه يدور الرآحه ولآ يلقآهآ ، أبغآه يتمنى الموت بس يرتآح
أم مشآري : إيوه يآأم سعيد ، لآتلخبطي وتخلينه يجي يطلبهآ ، هيّ مآعآدهآ تبغآه ، بس عذبيه
كملت منآل بقهر : حتى هيّ ، أبغآه تنقهر
أم سعيد : إنتي مين تبغي ! هي وإلآ هوآ !
منآل : هوآ أبغآآآه يتعذب ، تقدري !
ضحكت إم سعيد بقوه : شغلتي يآبنتي ، إعطيني إسمه كآمل وإسم إمه
منآل : حمَد بن سلمـآن الـ...... ، وأمه سـآره بنت سعود الـ .....
أم سعيد : عندك حآجه من أثره !
منآل : صوره ، عندي صوره _ وأعطت الصوره لأم سعيد _
أم سعيد تطآلع في الصوره وترجع تطآلع في منآل : يآعيني عليك ، ذوقك حلو يآبنتي
منآل بغرور : أعرف _ إلتفت لأمهآ _ مآمآ أنآ قلت اللي عندي ، إتفقي معآهآ على البآقي وانآ حَ أخرج
طلعت منآل وهي تحس بنشوه دآخلهآ ، تحس إنهآ إسترجعت كرآمتهآ ، بتذل حمد مثل مآذلهآ ، بتشوفه قدآمهآ يتعذب عشآن يبرد خآطرهآ ، مآيهم الطريقه المهم توصل للي تبغآه
إتفقت أم مشآري مع أم سعيد على الترتيبآت اللي بآقيه والمبلغ المطلوب ، وطلعت تلحق بنتهآ في السيآره ..























بآقي على مكه أكثر من 500 كيلو ، وقفوآ في المحطه عشآن يرتآحون شوي ، نزلوآ البنآت كلهم من السيآرآت ، تفآجؤآ مضآوي وأمل لمآ شآفوآ العنود نآزله من السيآره
توقعوآ إنهآ نآيمه ، ضحكوآ عليهآ وهي نآزله ومبين عليهآ إنهآ معصبه ، كآنت تمشي وبجنبهآ دآنه وكل شوي توقف وتضربهآ ، ضحكوآ أكثر لمآ تعثرت بعبآيتهآ وبغت تطيح
مضآوي : يآآآآربي شكلهآ تحفه !
أمل تضحك : يآلبى قلبهآ ، شوفي كيف صآبره على عبآية الرآس ، مبين إنهآ مآتعرف بس تبغى تتعود
مضآوي : آممم حتى أنآ ودي والله ، بس مدري بشوف خآلد مهآ : وش عليك في خآلد ! إذآ بتغيرين شي فيك ، غيريه لوجه الله ، مو عشآن أحد من خلقه
مضآوي : والله إنك صآدقه
قطعت كلآمهآ لمآ وصلت العنود وهي معصبببببه : إيييييييييه شعليكم ! سولفوآ سولفوآ ، إضحكوآ بعد ! حآشرين أوووومي مع هالعجز وذآ البزر _ لفت على دآنه وضربتهآ _ قسسسم بالله ، شوفوني علمتكم ترآني يآبذبحهآ والا بذبحهآ وإلآ بذبحهآ !
مهآ تضحك : بروح أعلم عليك خآلتي وأمي ، قآيله عنهم عجز !
العنود : روووحي علمي اللي تبين ، أصلاً تهآوشت معهم بالسيآره
مضآوي مآتت ضحك : كأني أشوف أمي لعنت خيرك
العنود : هه هه هه مآتضحك يالعبده ، شوفي الحين الحين تنقلعين معهم ، مآآآآآآآآأبي أركب معهم
مضآوي : إنتي خير ! كنآ بالريآض تطآقيتي مع نآصر وقلتي بروح مع حمد ، والحين تطآقيتي مع امي وتبين تجين عندنآ ! بزر إنتي !
العنود قعدت على طرف الرصيف : واللللللله مآأركب معهم ، مآفيه غير الطبخه الفلآنيه والطبخه العلآنيه ، وحطي شوي مآجي ، لآلآلآ إحمسيهآ تطلع أزين ، والا أقولتس إسلقيهآ ولآ بغيتيهآ طآزجه إقليهآ ، منآآآآآآآآآآآآك إنتي ويآهآ ، وقسسسسمن مآأرجع معهم ، وإلآ ذآ البزر حوووومت كبدي _ سكتت شوي وبعدين قآلت بصوت فيه بكآء _ وحممممد هزأني ، هآآآآآآآآوشني
مآتوآ البنآت عليهآ ضحك ، قآلت مضآوي : قوووووولي كذآ من اول ، قولي إن حمد غسل شرآعك وطآيح وجهك تركبين معه مره ثآنيه
أمل : وش مسويه ، إعترفي !
العنود : إنتي بالذآآآآآآآآت ولآآآ كلمه ، إييييه مبسوطه إن حبيب القلب لعن خيري
أمل دعستهآ على يدهآ ، وصرخت العنود : آآآآآآآآح يآكلبه ، تآخذ حقهآ ، إيييييييه حبيبة حميدآن أكيد بتصيرين أم قلبين
رجعت أمل دعستهآ بقوووه : يآقليلة الأدب
العنود وقفت ومسكت أمل مع يدهآ ولوتهآ : يعني يعني حآطه نفسك مستحيه قدآم مهآ ! ولآ تضحكين ليش هزآني طيييييييب أمل أوريك _ صرخت بصوتهآ _ مهآآآآآآآآ ترى أمووول إختك حآطه عينهآ على حميدآن إخوي ، وهو يمووووت فيهآ
شهقت مضآوي وحطت يدهآ على فم العنود تسكت ، بس فآت الفوت ، حمد ونآصر كآنوآ وآقفين قريب ، أمل لمآ شآفت حمد رفع رآسه ، حست ودهآ تختفي ، تحس الكون كله وقف
مضآوي ضربت العنود على رآسهآ : قصصص لسآآآآآآآن يآحمآآآآآره
العنود : يمآآآآآآآآه ، يآويلي يآآآآويلي من حمد ، سمعننننننننني وربي وربي بيقص لسآآآآآآآآآآني
مضآوي : تستآآآآآآآآآآآآهلين ، ودك يطير رقبتك بعد
مهآ تضحك : العنووود ! يآقويه _ جت وقفت جنب عنود _ تكفين طآلعي وجه إخوك ، وإلآ أمل هجدت مآلهآ حس
العنود تضرب خدهآ من فوق نقآبهآ : مبسوطه يآحظي على إني فضحت إختك ! مآتدرين إن فيه وآحد مآرآح يعديهآ لي ! يآآآآآآآآآآويلي
مهآ : أصلاً مسكين جته صدمه قلبيه ، شوفيه جآمد مكآنه
العنود بخوف : إييييييه مآسمعتي بالهدوء الذي يسبق العآصفه ! هذآ هو الحين _ رفعت رآسهآ إلآ تشوف نآصر لف على ورآ ومبين عليه يضحك من كتوفه ، لمحت حمد قرب منهم ، رجعت تمسكت في مهآ _ مهآآآآآآآآآآ دآخله على الله ثم عليك ، تكفيييين أنآ بوجهك
مهآ تضحك : يآبنت الحلآل وخري عني ، فكيني شوي ، يؤؤؤ عنود والله لو بيآكلك
مضآوي : جزآآآآآآآآآآك يآرب يلعن خيرك ويخليك مآتسوين
توهآ بترد على مضآوي إلآ سمعت حمد يقول : العنود !
العنود تحكي في إذن مهآ : والللللللله أتوب ، قولي له أتووووب ، قسسسسسم مآأعيدهآ
مهآ ميييييته ضحك عليهآ وتحآول قد مآتقدر مآيطلع صوتهآ ، حمد قرب منهم ورجع قآل لهآ : أشوف بلعتي لسآنك ! _ عنود متمسكه في مهآ وتحكي بإذنهآ ومهآ ميييته ضحك ، رجع قآل _ تعآلي هنآ
العنود بصوت وآطي : يرررررررحم إمك مهآ قولي له أتوب ، زلللللله لسآن وإحنآ بشهر فضيل ، خليه يسآمحني
حمد صرخ فيهآ : عنــــود !
العنود : سَـــم ، لبيه ، آمر تكفففففففففففى لآتعصب وررررررربي أتوب وقسسسم قسسسسسسم مآأعيدهآ ، أصلاً أمززززززح أنآآآآ
حمد يحآول يمسك ضحكته عنهآ : تعآلي هنآ
جت عنده العنود وهي ترجف ، حمد مآينمزح معه في هالامور ، قربت وهي تترجآه : والله يآحمد مآقصدتهآ ، آسفه آآآآآسفه
حمد : عيديهآ بصوت عآلي
طلعت عيونهآ : وشوووو !
حمد : تفهمين عربي ! عيدي اللي قلتيه بصوت عآلي وإلآ ورب الكعبه لأخليك تندمين
العنود : حمممد ! من صدقك !
حمد : معودك أكذب عليك ! _ مسكهآ من يدهآ وسحبهآ ، قربهآ أكثر من عند أمل والبنآت وصآر قريب حيل _ عيديهآ يلله
أمل لمآ شآفته قرب ، قربت بقووووه من مضآوي ومسكت يدهآ ، قآلت العنود : وش قلت أنآ ! إيه صح ، إحـم مهآ ترى أمل حآطه عينهآ على حميدآن وإخوي يموت فيهآ

سكت الكل ، أمل تحس غصه بحلقهآ ، موقف صعب كثير اللي إنحطت فيه ، توعدت العنود بدآخلهآ على هبآلهآ اللي مآتدري وين بيوديهآ فيه ، وهذي أولهآ ، البنآت كلهم إحتآروآ من تصرف حمد ، ليه خلى العنود تعيد الكلآم ، وكأنه يبي يحرج أمل ، قطع هالشكوك كلهآ لمآ قآل : ترى إختي مآكذبت
إلتفت عليه أمل وطآلعته بقوه ، قآل : إي وربي إختي مآكذبت ، شوفي يآبنت عمي هذآ أنآ أقولهآ قدآم أخوآتي وإختك / الله يشهد إني أحَبك ، وأبيك لي بالحلآل _ مسك عنود وقربهآ ، وبآس جبينهآ _ يآجعلي مآأبكيك ..

ترك عنود ورآح من عندهم ، وسط سكوت البنآت ، خآفوآ يتكلمون عشآن أمل ، سمعوآ نآصر من بعيد يقولهم يركبون السيآرآت ، جوآ البنآت بيمشون ، العنود تحس نفسهآ مآلهآ دآعي وبقووه مآلهآ وجه تحكي مع أمل ، حست فيه يد مآسكتهآ ، إلتفت العنود إلآ شآفت إن أمل هي اللي مآسكتهآ ، مآحست الا وهي تضمهآ بقوه
العنود : وربي مآقصدتهآ ، والله لو أدري إنه قريب مآقلتهآ
أمل : أحبك يآدبآ
العنود دفتهآ : يآحمآآآآآره خوفتيني ، أحسبك زعلتي ، مير طسي عني منآك
ضحكت أمل ورجعت ركبت السيآره بصمت ، حست بخجل فضيع لمآ شآفت نآصر ، ركبت معهم العنود بعد ، أمل أول مآركبت السيآره مآحست بنفسهآ إلآ وهي نآيمه ، لحقتهآ بالنوم العنود ، وبعدهآ بسآعه مضآوي ومهآ ، كآن الطريق هآآآآآآدي ، بعد طريق وسآعآت مشي متوآصله لأربع سآعآت ونص ، وصلوآ مكه ، الأرض الطآهره ، نزلوآ بالفندق وتسحروآ بسرعه لأنه مآبقى شي على آذآن الفجر
كآنت العنود قآعده على طرف السرير ، ومضآوي ومهآ منسدحين بينآمون ، دخلت عليهم أمل وهي توهآ متروشه ،

قآلت العنود : على وين يالطيبه !
أمل وهي تضفر شعرهآ : بنزل أصلي الفجر في الحرم ، وآخذ عمرتي
مضآوي بإستغرآب : الحييييييييييييييييين !
مهآ : صآآآآآحيه إنتي !
أمل وهي تربط شعرهآ : يس صآحيه ونص ، وش فيهآ !
مهآ : أمل إهجدي بس ، صآيمه إنتي ، نآخذهآ إذآ أفطرنآ إن شآءالله
أمل بعنآد : الحين يعني الحين مو ضآرني شي
نطت العنود من على السرير ومسكت يد أمل : أمووولي حبيبي ، دقآيق بس أتروش على السريع وأجي معك
أمل إنبسطت بقوووه : والللللله ! يلله بسرعه أنتظرك
رآحت العنود بسرعه تتجهز ، وسط إستغرآب مضآوي ومهآ اللي كآنوآ يرمون على أمل حكي يبغونهآ تهون ، طنشتهم أمل وطلعت برآ في الصآله تنتظر العنود اللي تلبس ملآبسهآ
أذّن الفجر وطلعت العنود بسرعه ، نزلوآ الثنتين للحرم ، صلوآ ركعتين تحية المسجد وبعدهآ أقآم ، بعد مآخلصوآ صلآة ، إلتفت العنود لأمل شآفتهآ تطلع مصحفهآ : مآودك نقوم نعتمر !
أمل : إلآ شوي ، بس خلينآ نقرآ
العنود وهي تطلع مصحفهآ ، شآفت إن أمل وآصله للجزء الِ 26 : مآآآآآآآآآآآآشآآآآآآآآآءالله ، وآصله للجزء 26 !
أمل إبتسمت : مفروض إني ختمته
العنود : مآشآءالله عليك ، يآبختك أنآ توني بالجزء 14 ، ودك تختمينه مرتين !
أمل : إيه ، وإن شآءالله بقدر
العنود : إيه قدآمك العشر الأوآخر ، أعرفك عآد مآتطلعين ولآ تجين بتقدرين إن شآءالله _ سكتت شوي بعدين قآلت _ مآشآءالله مره عنك ومره عن عمي !
طآلعتهآ أمل بإستغرآب وفجأه فطست ضحك ، كآنت تحآول تسكت بس مآقدرت ، ضحكت وضحكت ، العنود مو عآرفه سبب ضحك أمل بهالطريقه فقآلت : وجع ! ترى النآس تطآلع
أمل تحآول تمسك نفسهآ : يآآآآآربي عنود ، عليك طلعآت أحياناً ! بالله من وين جآيبتهآ ذي !
العنود : وش هي !
أمل : غبيه وإلآ تتغيبين ! وش اللي أقرآ عنه !
العنود : إييييييييه يعني تقرين وتنوين الأجر عنه !
أمل : عنوووود يآأمي لآتقولين هالحكي لأحد عشآن مآيضحك مثل مآضحكت عليك هذآ أولاً ، بعدين لآتصيرين مصدر بدع ! وش هالحكي !
العنود : يآبنت الحلآل تزودين أجر أبوك
أمل : يآأمي ( ولد صآلح يدعو له ) مآقآل يقرآ عنه !
العنود : إنطمي بس وإقري وإنتي سآكته ..


جلسوآ تقريباً حول السآعه في أمآكنهم يقرأون في مصآحفهم ، لمآ قآموآ بيبدأون يعتمرون شآفوآ مضآوي جآيه جهتهم ، قآلت عنود : مآشآآآآآءالله وش عرفك إننآ هنآ !
مضآوي : هذآ مكآن أمل ، دآيم تحب تصلي في هالجهه ، توقعت إنكم هنآ
أمل : إنتي وش مصحيك !
مضآوي : مآنمت أصلاً
أمل : ليه طيب !
مضآوي : مدري ، مآجآني نوم وجوآل الأخت دق علي وسمعتكم تسولفون عرفت إنكم مآبديتوآ عمرتكم ، نطيت على السريع تروشت ونزلت لكم
العنود : زيييييييين يلله ، توكلنآ على الله
مضآوي : لحظه بس أصلي لي ركعتين
العنود : تصلي ليه !
أمل : ركعتين قبل العمره ، سنه
العنود فجأه وكأنهآ تذكرت شي : يووووووووه أنآ نسيت هذآك الدعآء اللي حفظتيني بالريآض !
أمل : إذآ خلصنآ من الطوآف ، وطلعنآ الصفَآ تقرأين : ( إن الصفآ والمروه من شعآئر الله فمن حج البيت أو إعتمر فلآ جنآح عليه أن يطوف بهمآ ومن تطوع خيرا فإن الله شآكر عليم ) ،
حآفظه الأيه ! _ هزت العنود رآسهآ بحمآس _ حلو ، بعدين تحمدين الله وتكبرين وتقولين هذآ الدعآء ( لآإله إلآ الله وحده لآشريك له ، له الملك وله الحمد وهو على كل شي قدير ،
لآإله إلآ الله وحده ، أنجز وعده ، ونصر عبده ، وهزم الأحزآب وحده )
العنود كررته بينهآ وبين نفسهآ : خلآص حفظته
أمل إلتفت لمضآوي : خلصتي صلآه ! أمدآك !
مضآوي : إيه خلصت ، كلهآ ركعتين !
أمل : يختي إنتي ليه تسرعين بصلآتك ! دآيم أحسك سريعه !
مضآوي : لآ مو سريعه أنآ ، إنتي اللي بطيئه
العنود : إيه عآد أمل إذآ جت تصلي ، كأنهآ تصلي الترآويح
أمل تضربهآ على كتفهآ : أجل تبغين أطير ! أنآ بين يدين ربي ، بعدين يآحلوه إنتي ويآهآ لآزم أطمئن ، الطمأنيييينه يآبنآت ركن من أركآن الصلآه ، يعني بدونهآ صلآتك إنتي وهي بآطله
العنود : قولي والله !
أمل : تستهبليييييييييين مآتعرفين أركآن الصلآه !
العنود تلعثمت : هآ ! إلآ إلآ ، كملي بالله
أمل بإبتسآمه : حآولي بقد مآتقدرين تطمأنين بصلآتك مو بسرعه تصلينهآ ، بعدين إنتي عآرفه إن كل مآأطلتي بالركوع ذنوبك تتسآقط !
العنود : قولي والله !
ضحكت أمل : وش فيك ! معلقه على قولي والله ! هذي نوآل يآحبي لهآ دآيم تنصحنآ وتقول لنآ ، عآد أنآ عشآن عرفت شي لآزم مآأكتمه ، أعلمكم
العنود رفعت يدينهآ : قولي آميييين _ ردوآ ورآهآ _ يآآآآآآآآآآجعل نصيبك مع حمد يتسهل
ضحكت أمل بحيآء ودفتهآ قدآمهآ عشآن يآخذون عمرتهم ..


















.

[hanawi781]

يا هلابش
العنود
فاكهة الراوية , احلى شي خبالها
وانها قصرت المسافة بين حمد وامل

حمد
الله يكفيك شر ام مشاري وبنتها
ام مشاري
نسيت ربش وانش ف شهر فضيل
ما اعرف ليش هذا الحقد كله وايش الفايدة اللى بتحصليها اذا دمرتي انسان
ما خفتي ربي يبليش بمرض من عنده
اعوذ بالله من شرش

همسة لكاتبتنا العزيزة

رجاء عدم الغياب الطويلة لانه رواية رائعة وهذا التاخير يفقدها بريقها اسال الله ان يكفكي كل مكروه ويفرج عنك الهم وغم ويفتح ف وجهك كل سبل رزقه

[``وهج``]

كوثر طولتي اشتقنالك وللروايه :(
:(