اللي مايعدك ربح لاتعده خساره بقلمي

[صرخه وفا]

السلام عليكم
حبايبي انا اليوم جااايه ومعي روايتي الثانيه
حابه اشارككم فيها اسمع ارئكم وتسمعون روايتي
حابه انها تكون وتحوز على رضاكم واستحسانكم
طبعا هي الاولى لديكم لاكنها الثانيه في التنزيل

روايتي بعنوان


اللي مايعدك ربح لاتعده خساره


مع خالص ودي

[صرخه وفا]

السلام عليكم



"اللـــــــــــــــي مايعـــــــــــــدك ربـــــح لاتعــــــــــــده خــــــــساره"
البارت1
نايف:وبعدين معكم ..دخلوني..خلوني اوريها...
ام نايف:نايف انت اللي بعدين معاك اختك تعبانه
نايف:تعبانه هااه..من ايش انشاء الله الضرب اللي جاها شوي خلي ابوي يجي اقوله وش قالت لعمي
ام نايف:نايف واللي يسلمك لاء..
نايف:لالاءولاحاجه.. وخري عني"يدق الباب"مها افتحي الباب
ماكان فيه رد..
ام نايف :نايف والي يسلمك عشان خاطري
نايف استسلم ورراح للغرفه ..معصب من اخته كيف ترفع صوتها على عمها وكييف تكلمه بهذاا الاسلوب
اما عند مها كانت مرميه على الارض مغمي عليها وموحاسه بالي يدور حولها
%%%%%%%%%%%%%
ماما ..مماما...ماما
ام بلقيس:نعم..نعم خيير
بلقيس:بس بغيت اقولك تراا خالي خالد دق يبي يجي..
ام بلقيس:طيب مالها داعي الصرااخ اللي سويتيه..
بلقيس:ماما شوفيك..
ام بلقيس:لوسمحتي ضفي وجهك مالي خلقك..
بلقيس رااحت عن امها وهي تتحلطم عليها..
%%%%%%%%%%%%%%%%%
ماجد:يباااه
بوماجد:خلاااص ياماجد البنت قالتها صريحه ماتبيك
ماجد بصدمه:شلووون
سلطان يهدي ماجد:ماجد يااخوي المره بغيرها
ماجد قام والصدمه تحوم حوله:من اللي قالك هالكلااام
سلطان:هي اللي قالته قدام امها..
ماجد يطالعه مو فاهم شئ:هي..
سلطان:تعذرت اننا مومن مستواها..
ماجد:بس هي بنت عمي..
بوماجد:واذا بنت عمك ماجد خلنا نخطب لك غيرها
ماجد ضاق خلقه:يباااه واللي يسلمك قفل على الموضوع
قام عنهم لغرفته..
سلطان:يبااه..كلم عمي..
بوماجد:ولييه اكلم عمك..ياسلطان عمك اكيد هو اللي قايل لها تسوي كذاا..
سلطان:طب لييه..
بوماجد:الله يهديه..
سلطان:يعني نحنا مو فقراء مو عشان ابوها تاجر تعاملك كذا..
بوماجد:ياسلطان هي ابوها اللي يحركها
%%%%%%%%%%%%%%
بونايف يصرخ:مالك حق ترفع يدك عليها.. مومن حقك..
نابف:يباه تصرخ وماتحترم نفسها..
بونايف:حسبي الله عليك قم عني كانك ماتستحي
قام بو نايف الا شاف حرمته على سجادتها وسلمت
ام نايف:شفيك بونايف..
بونايف:مافيني الا الخير بوجهك
ام نايف:تبيني احط لك العشا..
بونايف:اييه ياليت..
ام نايف قامت عنه قام بونايف مسك جواله واتصل على اخوه..
بونايف:السلام عليكم
بوماجد:وعليكم السلام
بونايف:شلونك يابوماجد..
بوماجد:حمدلله من جهتك..
بونايف:بخير..سمعت رد البنت
بوماجد:نصيب ماجد مو عندكم وان شاء الله خييره..
بونايف:زين قدرت..
بوماجد:...."سكت"!!
بونايف:الا بغيت اذكرك بالفلوس..
بوماجد:بس يابو نايف المبلغ مو عندي احيين
بونايف:دبره مثل ماكنت محتاجه انا ابيه..
بوماجد:بتصرف
بونايف:بعد شهر
بوماجد:ان شاء الله..
%%%%%%%%%%%%%%%%%
بلقيس:ههههه وبعدين
جوهره:بس جاني قالي بكره بوديك مكان احلى
بلقيس:اما مايشوف يصقع فيك لا ويعطيك بالايس كريم
جوهره:لا وشفتي الصدفه طلع صديق اخوي..
بلقيس:هههههه خاطري اشوف وجهك يوم صقعك
جوهره انصبغت:هـــــــي تراني استحي
بلقيس:والي يرحم والديك اذا بنت واكلمك تسنحين شلون لو بالآيس كريم
"وهي تسمع الخدامه تقول ان امها تبيها"
جوهره:بلقيسوه بتسكتين ولا اسكر
بلقيس:لاتسكرين انا بسكر الماما مدري وش تبي فيني مع السلامه
جوهره:مع السلامه
قامت بلقيس بتثاقل وهي تتافف اف فتحت الباب
بلقيس:قولي لها جاايه
راحت الخدامه ورجعت بلقيس وقفت بنص الغرفه بعدها سمعت الاذان قامت بتصلي وهي تصلي بسكينه اكتسحتهاوانها مرتاحه وطلعت لامها
بلقيس:نعم يمه
ام بلقيس تطالعها:كان تاخرتي
بلقيس:صليت العصر وجيت
ام بلقيس:مالت على ذا الوجهه مسويه مطوعه يعني..
بقيس:شتبين..
ام بلقيس:الخياطه بتجي اليوم
بلقيس:ايووه
ام بلقيس:بتاخذ قياسك للفستان
بلقيس:طيب..
ام بلقيس:وماابيك تختارين موديل عادي ابيك تختارين موديل فخم مره
بلقيس:....
ام بلقيس:فااااااااااهمه ولا بتطلعين على ابوك تنكه..
بلقيس عصبت:يمااه لوسمحتي..
ام بلقيس:فارقي اقول يقال انك تدافعين عنه..
بلقيس:ماعمري عرفته ولا سوالي شئ لييه ارضى بالغلط عليه وانا اشيل اسمه
ام بلقيس بتظاهر:لاتقولين بعد ماتعرفين وش يسوي لس عشان ياخذك عنده
بلقيس:وش يسوي..
ام بلقيس:بقيس يابنتي ابوك مارحمني يوم كنت عنده والحين يبي ياخذك مني
بلقيس:عادي بروح عنده..
ام بلقيس:وانا...
بلقيس:انتي..عامليني عدل ..بعدين طلبي مني اجلس وياااك..
ام بلقيس عطتها كف:لاتنسين اني امك
بلقيس ويدها على خدها:للأسف الشديد خليتي احساسي ينسى انك امي
قامت بلقيس تركض على غرفتها صاحت وصاحت وصاحت
بلقيس:لييه تسوي فيني كذاا كل هذااا انتقام من ابوي ابوي اللي مااعرف عنه الا انه شرير خالي من الحنيه
%%%%%%%%%%%%%%%%%%
ماجد:طيب روحوا انتوا انا بلحقكم مع سطام يلااا مع السلامه
سطام:شعندك تعزمني اخي ماتدري اني متزوج..
ماجد:اقول اسكت وابوي يقول تعالوا البحر..
سطام:بل شفيك..
ماجد:مافيني شئ..
سطام:مافيك شئ صدقتك اقول اعترف من مزعل هالمره
ماجد:هههه..والله مازعلت احد
سطام:والله انت مااتجي بيتي الا وراك سالفه
ماجد تنهد وفض سده لاخوووه الصغير:سطام مها رفضتني..
سطام انصدم
ماجد:قالت لابوي احنا مومن مستواها..
سطام:مها قالت هالكلااام..
ماجد:صدمتي فيها اكبر...
سطام:ماجد دامها قالت كذاا في البدايه فمالها خاتمه هذي
ماجد:بس انا مومستوعب اللي صار
سطام:ماجد مها نعرفها كلنا ونعرف كييف تفكيرها وصحيح انصدمنا بس مانلومها عمي اللي يسيرها..
ماجد:الله يعييين..
سطام:انا بدخل اقول لرازان تجهز هي وبنتي وبعدين نطلع
%%%%%%%%%%%%%%%%%%%
بلقيس ..بلقيس..بلقيــــــــــس
بلقيس فتحت عينها:هاااه..
مرام:قومي يالكسوله قومي..
بلقيس فتحت عينها بقووه وبصرخه:مراااااااااااااام
مرام حضنتها:شخبارك يالدبه..
بلقيس:موبخير ..موبخير..
مرام:افا..لييه..
بلقيس تنهدت:ماعليك مني انتي اخبارك واخبار استعدادات العرس..
مرام:سكتي بس لوعوا كبدي جيت عندك بنروح
بلقيس:حلو خليني اغسل
مرام بتردد:حطي بلاشر على خدك عشان ماتبان الكدمه
بلقيس بصدمه تناظر مررام اللي تطالع في الدريشه دخلت الحمام كانت بتصيح بس اجلت الصياح بعدين.
مرام كانت تنتظر بلقيس وهي تشوف الساعه7:30طلعت بلقيس من غرفه التبديل ومعها شنطتين..
بلقيس:مرام اي وحده اخذ
مرام:امممم خذي الحمراء حلوه..
بلقيس وهي تحط الاغراض بالشنطه:عسى ماتاخرت عليك..
مرام:لاعادي يلااا خلينا نمشي
%%%%%%%%%%%%%%%%%
كانت الجلسه ممتعه بوجود سطام وسلطان التؤام..
سلطان:لاء ولاذاك اليوم يوم طلال يقال انه بيسوي لي مفاجاءه جاني يوريني على باله اني سطام لايقول سطام شوف تتوقع لوحطينا السحابات في العرض بيعجبه..
سطام يضحك:ههههه اييه ذاك اليوم يووم سووا لك العشاء بمناسبه الشغل..
سلطان:اييه تذكر العرض كييف كان..
ماجد:ذاك اليوم حفل فيك بس رهيب العرض بصرااحه
سلطان:اييه كله طنازه فيني..
بوماجد:سلطان.زقوم جيب الحب حطيته قداام..
سلطان:انشاء الله..
قام سلطان يمشي للسياره وعنده السياره كانت شجره تحتها بلقيس ومرام سلطان وقف يوم شده الموضوع..
بلقيس:وش اقولك..امي من تطلقت من ابوي وهي سب وشتم فيه وانا اسكت كل هذا عشانه مومن مستواها تخيلي امي تعاملني كني بمشروع من مشاريعها تبي عشان تحرق عمي بالسوق تستغلني انا قدام الناس تطلعني باحسن صوره علشان شئ واحد ارضاء غرورها ماعمرها سوت شئ حسيت فيه امومه احس اني اني ضايعه يامرام ابي اعرف ابوي اخواني ابي اشوف سطام من طلع من عندنا ذاك اليوم مدري عنه خمس سنين مرت يامريم مدري عنه
مرام:لقيس ماتدرين وش الخيير فيه واذا علىابوك انا ابسال اخوي يدورلنا عن بيته وتروحين له لايضيق خلقك..
مرام حطت يدها على يد بلقيس واتسمت وهي تفكر تقول لمصعب بس متى..
*ساعه عشان تجيب الحب ياخي لورااسلينك الخفجي..
سلطان طالع بسطام بقهر لانه قطع عليه السالفه سالفه البنت كانها سالفتهم حس انه هي هي اخته بس ماتكلم وحب يسوي توضيح يمكن تكون هي..
سلطان:والله سلطان ولد فارس بن حمد الـ"..."على كيفه ..
سطام:بل وشفيك جبت اسماء العايله حد قالك وش اسمك..سلطان مسك الحب وهو يمشي:والله ياسطام"وهو يصر على اسمه"محد قاله بس انا اقوله للتذكير..
بلقيس وقفت بعد مااستوعبت:مرام..مرام سطام..
مرام خافت:شفيك..
سطام لف على اللي يناديه..
سلطان عرف الحين كل شئ وفهم وش سالفه و ان بلقيس اخته..
سطام:حديناديني..
سلطان:...
بلقيس اول مره تخاف من مواجهه شخص فقامت تركض على السياره
سلطان طالعها وهي تركض..
سطام:والله اني مشهور بنات خلق الله يعرفوني..
سلطان مشى معاه..
سلطان:سطااام..
سطام:نعم..
سلطان بتردد:يعني امي لييه..تركتها..
سطام منصدم من سؤاله :ليييه هذا السؤال؟؟
سلطان طراا على باله افعال امه:احسن لك...ماتفكر في هالاشياء
سلطان:لييه؟
سطام:سلطان وصلنا..
سلطانسكت وحط الحب..
ماجد:كان تاخرتواا انت وياااه..
بوماجد:الله يعين هالتؤام نرسلهم ينقعون..
سطام:انا رحت جبته...
بوماجد:مشاء الله عليك ماتاخرت.......
%%%%%%%%%%%%%%%%%%%%%%%%
مرام:بلقيس ..بلقيس..انتظري..
بلقيس وقفت:مرام..تتوقعينه هو..
مرام:منهو هو..
بلقيس:سطام..
مرام:شكلك قاعده تتخيليني اشياء..
بلقيس:ماتخيل سمعت الاسم اللي قاله هذا اسمي..
مرام:وانتي الوحيده..
بلقيس:مو الوحيده بس الاحساس يامرام الاحساس...
مرام شافت ان بلقيس بتصيح:خلاص مصدقتك..
بلقيس فتحت باب السياره:خلينانرجع لاتفضحنا..
مرام ركبت من الجهه الثانيه:يلااا ..رووح بيت ماما هيا..
بلقيس:مرام..
مرام:امري..
بقليس:متى بتصير الملكه ليله العرس ولا..
مرام:بعد اسبةعين يعني قبل العرس بليله اكيد..
بلقيس:وامي تبي حفل التخرج الاسبوع الجااي..
مرام:حلو..
بلقيس:أي حلو...خليني بس ساكته ..الا مصعب شخباره..
مرام:مدري عنه ..قاعدين امس بالصاله دق حمد وقام حمد يكلمه برااا...يقال انه يبي يحمسني...
بلقيس:يلااا ....انشاء الله تعيشون قصه حب يحكي عنها الزمن ..
مرام:أي حب مصعبووه وجه حب
بلقيس:لييه حراام عليك..
مرام:هذا يابلقيس..همه الوحيد شغله مايعرف وش يعني بيت وحب وعائله وود..
بلقيس:لا اجل لييه وافقتي عليه..
مرام تقلد ابوها:لازم توافقين عليه هذا ولد صديقي بعدين حلالنا بينفصل ووو...
بلقيس:هههه بس حراام انتي جربي مصعب وبتشوفين
مرام:نشوف..
بلقيس:تدرين امي مسويه لي مفاجاءه بالجامعه اللي بروحها..
مررام:ياعيني..
محمود:يلااا يابنتي البيت<هذا السواق السوداني>
ممرام:مشكور عمو محمود
بلقيس:مع السلامه
%%%%%%%%%%%%
مصعب:وووينه هالنايف
حمده:مدري عنه..
مصعب:لييه يضربها يعني مالها والي هي..
حمده:مصعب خلاااص..حنا جينا من السوق..ولقينا غرفتها مقفوله بعدين عرفنا وش السالفه بس ماعرفنا لييه..
مصعب:مع ميين كنتوااابالسوق
حمده:مع نوره..
مصعب:طب روحي شوفيها احين اشوى..
قامت حمده وظل مصعب يدور يفكر بالكلااام ليه نايف ضربها فجاءه دخل نايف
نايف:السلام عليكم
مصعب:وعليكم السلام ..هلا بالاخو الشري
نايف:نعم وش قلت..
مصعب:لييه ضربت مها
نايف:مصعب كلمني باسلوب عدل ولا لوسمحت..
مصعب:لاوش تبيني اقولك اقول ياحضره الدكتور نايف لييه ضربت اختك..
نايف عصب:مصعب..
مصعب صرخ:بدال هالعصبيه الفاضيه اللي مالها داعي قولي لييه ضربتها..تدري انها طاحت مغمي عليها طول العصر..
نايف انصدم:اغمي عليها..
ترك مصعب ونسا غلطه اخته وراح لها الغرفه..
نايف بخوف:مها انتي بخير..
نوره:خيير وش تبي جاي تكمل عليها..
نايف:نوره والله ان ماسكتي ياويلك ...مها انتي..
نوره:وش بتسو يعني ..هاه ..قلت ادب اختك الكبيره احترمني..ياخي ابي اعرف وش هالقوه..ضارب البنت وجاااي لها الغرفه...
نايف صرخ:نوره..
نوره:احسن قوم اضربني حبيبي انا الحين تحت عصمه رجال يعني مالك حق ..واطلع برااا لو سمحت..
نايف يصارخ:نوره قسما ان ماسكتي ياويلك انا ماجيت عشانك فاهمه...
حمده تفاكك مابين نايف ونوره:نايف والي يسلمك امش براا..
نايف:لا خليني اعلمها كيف تكلمني..
حمده:نايف واللي يسلمك..
نوره:انت من جيت من امريكا جيت بشرك..حنا كنا مفتكين منك ومن صوتك..وبالاخير تجينا..روح فكنا من لغوتك..
نايف بيتكلم الاحمده طلعته براا..
حمده:نايف خلاااص..
نايف قام يكح وهو يتكلم:كح ...اناكح...كلمتها هالخايسه كح كح ..
حمده خافت:نايف شفيك ؟؟
نايف انكتم وصدره يعتلي ويتزل:كح..كح..كح..
حمده جلسته على اقرب كنبه:نايف..شفيك..
نايف:حـ..كح.."سحب نفس"جيبي كح..كح..جيبي بخاخي
حمده دمعت عينها من الخو:نايف أي بخاخ..
%%%%%%%%%%%%%%5
هنا ينتهي الباب الاول
اتمنى القى ردودكم
مع ودي صرخه وفا
ولهانه لشوفته

[صرخه وفا]

البارتــ الثانيــــ

حابه انوه تنويه بسيط ان كل الابيااات اللي هنا معظمها من كتابتي الشخصيه معظمها مو كلها




"يوجد دائماً من هو أشقى منك , فابتسم"






نوره:انت من جيت من امريكا جيت بشرك..حنا كنا مفتكين منك ومن صوتك..وبالاخير تجينا..روح فكنا من لغوتك..
نايف بيتكلم الاحمده طلعته براا..
حمده:نايف خلاااص..
نايف قام يكح وهو يتكلم:كح ...اناكح...كلمتها هالخايسه كح كح ..
حمده خافت:نايف شفيك ؟؟
نايف انكتم وصدره يعتلي ويتزل:كح..كح..كح..
حمده جلسته على اقرب كنبه:نايف..شفيك..
نايف:حـ..كح.."سحب نفس"جيبي كح..كح..جيبي بخاخي
حمده دمعت عينها من الخو:نايف أي بخاخ..
مصعب مستغرب:شفيكم ..
نايف يفتح ازراره:بخاخ ...كح كح الربو...في الدرج...كح كح كح ...اللي جمب كح السرير...
مصعب جاه مسرع:نايف..شفيك..
حمده راحت تجيب البخاخ ونايف يقاوم كتمته اللي اجتاحته..
مصعب:نايف..
نايف طالع مصعب وعيونه حمراا ويحس انه بيهلك..
مصعب:شفيك..
حمده جات تركض:جيت..
عطته البخاخ بس ماكان قادر يمسكه مسكته هي وبخت له وهي منصدمه من متى ..متى ونايف فيه ربو
دقايق وهدا صدر نايف..
مصعب بخوف:احين احسن نايف..
نايف:ايييه"خذا نفس"احسن..


<<نايف..ناخذ لنا مساحه بسيطه نتكلم عنه نايف شخصيه قويه ماتنزل دمعته لو ايش مايحب يظهر ضعفه لاي حد لاكن هل ستكون حالته هذي بدااايه لضعفه له امال وطموحات منها انه يصير دكتور محترم >>>


حمده:ماعليك منها نايف...لاتضايق نفسك..
نايف سكت وهو يطالع لقداام منقهر كييف ضعف..وبين لهم مرضه..
مصعب:شسالفه..؟؟
حمده تاشر لمصعب بعدين
نايف قام:انا طالع.."كان من قومته يبين انه للحين تعبان"..
مصعب جلسه:اجلس انت تعبان ارتاح..قومي حمده ابيك..


<<ناخذ لننا موجز عن مصعب مصعب شخص حبوب يحب اخوانه ويقدس العلاقه اللي بينهم عايش قصه حب لوحده في طبعا مرام اللي اكيد عرفتوها بعد ماشافها مره ببيت اهالها والحين في طور تجهيز لهذا الزوااج>>>



نايف استسلم وهو يشوفهم يطلعون من الصاله تمدد على الكنبه وهو يكحويتامل علبه البخاخ ..رماها على الجدار بقهر..
%%%%%%%%%%%%%%%
بلقيس:طيب هذاني جيت ...تراا ماصار شئ..
ام بقيس:قلت لك كم مره لاتكلميني بهذا الاسلوب..بعدين انتي ناسيه ترى يوم السبت ثاني اسبوع من الاختبارااات آآآآآآه اختباراات نهائيه وانتي اخر سنه ياحظي "طالعتها بنظره" روحي خليها تقايس لك..
راحت بلقيس للخياطه تقايسها واكتشفت ان امها مختاره الفستان ..ماستشاطت ولاشئ خلصت وطلعت على غرفتها ماهمتها المذاكره ليوم السبت ابد اا بالعكس فتحت النت وجلست تنتظر الين ماطلع لها موقعها اللي تبيه بعدها دخلت مع صديقتها مرام على المسن مرام اسمها"حرم مصعب"...اما بلقيس فـ"العانس الصغنونه"..

حرم مصعب:
شو اخبارك..

العانس الصغنونه:
عادي ..نفس الشئ.

حرم مصعب:
امك ماقالت شئ..

العانس الصغنونه:
اوووه ياكثر ماقالت

حرم مصعب:
سوري بلقيس

العانس الصغنونه:
مارضيت..

حرم مصعب :
كني عطيتك وجه..

العانس الصعنونه:
هئ هئ هئ ..بلوح عند ابوي

حرم مصعب:
وليه ماتروحين عند امك اقرب..

العانس الصغنونه:
امي مافي حنان.يمكن بابا فيه..حنان..

حرم مصعب:
شفيك قلبتي هنديه

العانس الصغنونه:
تيفي..
حرم مصعب:
احيين ليييه حاطه لقبك كذاا
العانس الصغنونه:
اجاريك ياحرم صعوبه
حرم مصعب:
معليش لاتدلعينه..
العانس الصغنونه:
ليييه...
حرم مصعب:
بس..
مع اني مدري احسه كذا جلف ولمانتزوج دووم في الشغل آآآخ...مااحب افكر في هذي الايام..
العانس الصغنونه:
الله تفكرين في هذي الايام من الحين..
حرم مصعب:
والله تخيلي حتى قلت شكله كذاا مايعرف الرومانسيه ...جلف.
العانس الصغنونه:
عاد حلمك ان يكون رجلك رومنسي..
حرم مصعب:
الله يعين ..
بلقيس بروح اجيب لي عصير مانجو ..دقايق بس..
%%%%%%%%%%%%
مصعب:حسبي الله ونعم الوكيل
حمده:اناا خايفه على نايف..
مصعب :مافيه شئ انشاء الله...يلاا انا بروح لحمد...
حمده:ياخي اثقل على النااس..
مصعب ابتسم:لاوالله..
حمده:والله خل اهل البنت يشتاقون لك..
مصعب:والله اذا حد عزمك ورفضتي قابلني...
%%%%%%%%%%%%
سلطان:ماجد وش تفكر فيه
ماجد:...."يتامل البحر"..
سلطان:ماجد..
ماجد:اسف سلطان ماسمعتك..
سلطان :شتفكر فيه..
ماجد:آآه في كل شئ..
سلطان:ماعليك ياماجد بتاخذ اللي احسن منها..
ماجد:سلطان انت مو فاهمني ..مها انا عشت طول عمري اتمنى انها تكون لي..وبالاخير..
سلطان:ماجد..
ماجد:لاتقول ماجد انا انتهيت احين وش موقفي لما اروح كل اسبوع للجمعه ..قبل كنت اروح وانا ضامن انها لي احين بصير اروح وانا اتحرى أي واحد من اهلنا يتكلم..
سلطان:ماجد انساها..

&&
لاتقول انساها ... مها مااقدر انساها
كيف لي انساها... وانا حتى حلومي ماتنساها
انا عاشق كيف بنساها... عشت ومامر حد قال انساها
لاتقول ياخوي ... مها حياتي ومحتواها

&&


كانت هالكلمات تنقال في عيون ماجد اللي غمض عينه وترك دمعته تنزل


<<نتكلم عن ماجد ماجد شخصيه حساسه جدااا جدااا يحب بنت عمه لاكن انتواا شفتواا سبب رفضها له له كلمته وفي المواااقف له هيبته يشتغل بالاطفاء>>>
%%%%%%%%%%%%%
رزان:معقوله مها..
سطام:شفتي كييف...
رزان:سطام مها بنت عمي وماتوقع يطلع منها هالكلااام..
سطام:يعني ابوي كذااب..
رزان:انا ماقلت عن عمي كذاا..
سطام سكت وناظر بالبححر وهو يفكر شفيني عصبت عليه لف عليه بيتكلم الا افها سرحانه انقهر رزان رجعت تسرح ...رجعت..
سطام:رزاااان..
رزان توعت وطالعته:نعم
"سكت وهو يغمض عيونه"
رزان:شفيك..؟؟
سطام:ماشي..
رزان:سطام شفيك..؟؟
سطام خلاااص بيتكلم بيقول انه عارفها من اول ليله بس خانه تعبيره..


<<سطام شخص قوي بشخصيته وارأه حاده جدااا لاكنه عند عشقه وروحه يكون حمل وديع يعشقها بجنوووون لااااكن التوتر ه سيد حياته>>>

سطام:قومي خلينا نرجع البيت ..
رزان:بس تو الناس..
سطام:قومي جيبي البنت ناظريها اهلكت ابوي
رزان استغربت تغيره عليها
%%%%%%%%%%%%%%
حمد:هلاا هلااا مصعب تفضل المجلس وانا جااي ورااك ..
مصعب دخل المجلس وشاف الكمبيوتر مفتوح جلس عليه على باله ان حمد كان جالس عليه ..بس تفاجأ بالمحادثه اللي بين مرام وبلقيس ..استانس من لقبها بعدين انقهرمن كلامها عنه ...قام وجلس مكانه وهو يفكر لازم يثبت لها عكس ذالك ..طالع باالساعه 9 ونص يعني على الساعه 10 ونص لازم يكون بالسوق عشان يشتري للمصونه حرمه ..هديه تعبر عن رومنسيته..
حمد:ياااهوووه
مصعب:هاااه نعم انت كله كذاا دفش..
حمد:خليتك يابو رقه انته..ماقلت شالعلوم عندكم ..
مصعب:زينه من جهتكم..
حمد:آآآسف يامصعب انا مومرسال غرامي...
مصعب:امحق من قالك بخليك تكون مرسالي..
حمد:اشوفك تلمح ..احين بقولها ترااني لاااودي اخبار ولا اجيب..
مصعب:حبيبي انا مرسالي لساني..
حمد:ياخطير..
دق جوال حمد ناظر فيه..
حمد:عمرها طووووويل..
مصعب ابتسم:منهي؟؟
حمد:مااعلم..عن انك..
طلع حمد لمرام ..
مرام:حمد واللي يعافيك الكمبيوتر
حمد:شفيه؟؟
مرام:انا فاتحته سكره الله يخليك..
حمد:لا واللله ماقلت لك لاتلمسين هالكمبيوتر
مرام راحت تركض:روح لضيفك ..ولا تنسى سكر المحادثه ولا تقرااااااااااااااااااااااا....
حمد ضحك ودخل :عذراا اذا تاخرت عليك..
راح للكمبيوتر وقراا اللي كاتبته
حمد:حسبي الله عليك..
مصعب:شفيك تتحسب..
حمد:لا ولا شئ
مصعب:المهم تعال هنا شعندك جالس هناك..
حمد قاعد يكتب..
العانس الصغنونه:
مرامووووه كل هذاا عصير...
انا طالعه..
سمعتي طالعه..
طالعه..
طالعه..
طالعه..
بنااام..

حمد كتب:
حشا تسوين لنفسك اعلاااان..
العانس الصغنونه:
انا طلعت كيف تكلميني..
حمد:
نمتي
العانس الصغنونه:
اييه وتحلمت فيك...
حمد:
اقولك انا مو مرام انا حمد لوووول
باااي
طبعا بلقيس هنا عصبت من حمد تعرفه حشري واااجد توها بتتكلم الا
سكر المحادثه وبعدها الكمبيوتر بكبره ولف على مصعب
حمد:ايووه وش مسوي..
مصعب:مااشي غريبه انت اليوم ماجيت الشركه..
حمد:والله امس مانمت الا متاخر ..وماصحيت اليوم الاعشر..
مصعب:الله يعينك على نفسك
حمد:بقوووه.."طالعه"موكانك سبيتني..
%%%%%%%%%%%%%%%%
سلطان:شفيه سطام شكله متضايق...
ماجد:مدري..
سلطان:احساسي يقول انه زعلاااان..


&&
احساسي ياخوي يقول انك مكدر الخاطر..
عسى ماشر جاوب وش في قليبك..
احساسي واظنه انك مكدر الخاطر..
قلي ياخوي عسى مامكرووه صابك..
&&



ماجد:يمكن من حرمته
سلطان:مااظنه يزعل منها هو يحبها بجنون وماظن بيزعل ..
بوماجد جلس:هاه ياعيال بتمشون...
ماجد:تحت اشارتك حنااا..
سلطان:تعبت يبه..
بو ماجد:ماتعبني الا التفكير..
ماجد:عسى ماشر يبه..
بوماجد:عمكم يبي فلوسه...
سلطان:يباه الفلوس اللي بالبنك ماتكفي..
بوماجد:لاء..
ماجد:اللي عندك على اللي عندنا وبيكمل المبلغ ..
بوماجد:لاء فلوسكم لكم بعدين حتى ولواا ماارراح يكمل المبلغ
ماجد:والحل.
بوماجد:عمكم كلمني قبل شوي وقال ....قال ....قال زوج بنتك للودي واللي اخذته مهرها...
سلطان:أيــــــــــــــــــــش..
بوماجد:انا ابي القاها مو قادر ...احين يبيني ازوجها ...
ماجد بعد تفكير:يبااه...من بكره ...بلقيس بترجع لنا لاتخاف والدين هذا بينحل سالفته..
سلطان:بتزوجونها...
ماجد:اذا وافقت صح يبااه..
بوماجد:اذا وافقت..
سلطان:وبتقولون ان مهرها هو دين ابوي...
ماجد:سلطان شفيك..
بوماجد:اذا ماوافقت مارااح ازوجها...
%%%%%%%%%%%%
حمده حاطه يدها على راسها:ياكبرها يامهوي ياكبرها..
مها تصيح :كله من نوره ..
حمده:واحين عمي المسكين وماجد..
مها:حمده واللي يسلمك لاتزيديني..
حمده:دامك تدرين انك غلطانه ابي اعرف منين جاتك الجرئه..
مها:قاللي لاانتي بنتي واشياء واجد..
حمده:بس حراام عليك تدرين انك جرحتي ماجد ماجد يحبك يامهاا
مها:ادري..


&&
ادري انك تحبني..وادري قلبي توده..
ادري انك تبيني..بس اعذر قلبي لاتزيده..
ادري جرحتك بيديني..بس واله محدوده...
ادري ياماجد تحبني..وصدمتك بفعلي سديده
&&


حمدخ:دامك تدرين ليييه.."صرخت"..ليييييييييييييه..
مها رجعت تصيح :حمده خلاااص كفايه كفايه كفايه علي..نايف..
حمده:ونايف يدري ان ماجد يحبك..
مها:كان حاس ويوم خطبني تاكد..
حمده:ماقالك بعد الضرب شئ..
مها صاحت:قال ..قال..قال خساره الحب منه لك...

حمده:وامي شسوت..
مها:امي كانت تسحبه مني وان انحشت..
%%%%%%%%%%%
كان يطالعها متندم على شكه وخايف انه ظالمها ..نومت بنتها ولفت لقته بوجهها..
رزان:انت هنااا
سطام مد يده لها:تعالي..
مسكت يده:على وين؟؟
سطام جلسها جمبه على السرير:على وين يعني..
رزان بعبط:افتكرتك بتطلعني...
سطام:ولييه اطلعك..
رزان:على الاقل جامل ياأخ...ني
سطام:لوسمحتي انا مو أخ..
رزان:عرفنا انك موأخ ..انت عشيق..
سطام ابتسم وهو يمسك يدها:من متى ماجلست معك وسولفنا
رزان نزلت راسها وهي تشوفه يحرك الخاتم اللي باصبعها..
سطام تنهد:والله انك قديمه..
رزان سحبت يدها :لا والله..
سطام:من جد ..جيت من السفر وانشغلت بالشغل زين اذا مانسيت اني متزوج ورحت بيت ابوي..
رزان بدلع:لييه ماتحبني المفروض طول الوقت ببالك..
سطام مسك يدينها:تساليني هالسؤال وانا اللي دوم ممطرك بهالكلمه..
رزان:ارضيت غروري..
سطام تحاشا يشوفها ورص على يدينها:وانتي..انتي ..ياام الجوري..
رزان بلعت ريقها:انا ويش..
سطام:تحبيني...


&&
تحبيني جاوبيني ريحني..تحبيني ودي افهم
هل لاانا ولا غيري وياي..ولا اصلاا كلي عدم؟؟
ياحبيبتي جاوبيني ريحيني..خففي مني هالهم
&&


رزان بصدق:سطام...عارفه انك تشك فيني..
سطام طالعها...
رزان:اول ماتزوجنا ..ماكنت تعني لي شئ ..لانك سرقتني من اللي حبيته...
سطام غمض عيونه ..تحبه وتقولها قدامي تحبه ..و4سنين اللي رااحت..
رزان:كنت مسميه حق ولد خالي ..كلااام حريم ..والبنات علقوني فيه ..ويوم خطبتني ..وافقت لانك ولدعمي.. وافقت لان ابوي حسيته كان يتمنى هالزواج ..وعمي فارس احبه فوافقت ..
حست بيده ترتخي من الصدمه شدة عليها..
رزان:وبالزواج حسيت انك حسيت فيني ..بس تجاهلت .وكمموقف صار بس برضوا تجاهلت..سطام انا اكتشفت فيك اشياء واجد سحرتني بس ماكنت متقبله الفكره حتى لما قالوا لي ولد خالي مايبيني ..قلت كذابين وظليت عى هالحاله بس..."ودمعت عينها وهي تشوفه مغمض عينه"بس قبل شهرين يوم كنت مسافر عرفت شئ انا مستحيل اعيش بدونك سطام انا كم عمري يوم تزوجنا 16..وانت كم تذكر 20 ياسطام تذكرولالاء ..انا كنت صغيره مااعرف شئ..قالوا لي حبي حبيت قالوا لي كرهي كرهت..بس احين انا كبرت ياسطام وعرفت ان محد سكن بداخلي غيرك....سطاام انا انذبح بشكك..


&&
شكك ذبحني ياخلي...ادمى قيبي وحاصرني..
ليل نهار تطعني..ارجوك لالاتعذبني..
&&


سطام ترك يدها ووقف:بدخل اتروش وانام
قام للحمام وسكر الباب اما رزان منصدمه وتطالع يدها اللي تركها سطام ..كيف تجرأت وقلت له حست بدموعها تغرق وجهها ..تعوذت من الشيطان وقامت
جهزت له ملابس ..وطلعت لنفسها لبست قميصها وجلست تسوي شعرها دقايق وطلع من الحمام وعليه روب الحمام ... جاء للدولاب بيطلع له ملابس..
رزان :سطام..
سطام ناظرها بوجه خاللي من التعابير..
رزان اشرت له:ملابسك..
خذا سطام الملابس وهي كملت ترتيب الثياب اللي على الارض لفت عليه لقته يتغطى بينام ...انصدمت سطام بيناام شكله زعلااان عليها ...جاات عنده وجلست جمبه من الجهه الثانيه
رزان:سطام..
سطام يقاطعها:ابي اناااام..
رزان:سطام..أ..
سطام:تراا بروح الصاله..
لف الجهه الثانيه ..مخلفا ورااه انثى حزينه..
%%%%%%%%%%%%%%%
ام بلقيس:خالد مابيها تعرفهم مابيه يحس انه ضعفنا
خالد:انتي ماتفهمين قلت لك الحل ..نزوجها راكان ولدي
ام بلقيس:خالد راكان ولدك مافي اصيع منه..
خالد:لااا ومن متى تشوفين مصلحتها..
ام بلقيس:لاتنسى انك تبي تضرب عمامها بالسوق وعلى قولتك ان عمها حاط عينه عليها ..وانه مديون لاخوه وقال بيفك الدين لو زوجها..
خالد:اييه ..بس ذاا الكلام محد يدري فيه غيري
ام بلقيس:من قالك
خالد:مالك شغل وكملي.."شافها ساكته"..اللي قاللي سكرتيره سمعه وهو يتكلم..
ام بلقيس:طب انت عارف ان بلقيس ولي امرها ابوها يعني مارراح يوافق ..شوف لك رجل غيره..
خالد:انا ماعلي ..بس بقولك اضبطي بنتك ولا تروح هنا وهنااك تراا ان خذاها ابوها ...بتنفضحين..
ام بلقيس:بايش ياحسرره..
خالد:نسيتي انك من ولدتيها ماخليتيه يشوفها وراح تدين عشان يجيب محامي بس عشان محاميك اشطر واخبث بقت عندك..ولو انك مخليتها عنده احسن..
ام بلقيس:اسكت زين مااخذت عيالي الباقيين...

خالد:المهم مرام هذي صديقتها لا تخلينها تروح معها..
ام بلقيس:لييه..
خالد:طلعت بتاخذ ولد عم بننتك..
ام بلقيس:وبخصوص الحفله..
خالد:قلنا لك البنت خليها تتعلق فيك عشان ماتسحب علينا ..
ام بلقيس:طيب..
خالد:وكثري من ذم ابوها...
ام بلقيس:فهمنا..
خالد:يلاا انا طالع ولا اوصيك.......
%%%%%%%%%
فتح عينه وشاف نقسه بالصاله نايم قعد يتذكر وش صار له امس قام..على غرفته مايبي يشوف احد بالذات نوره ..حط راسه على فراشه لين يسمع اللغوه برااا..مااهتم له وغطا من جديد في نوم عمتي..
%%%%%%%%%%%%%%%%%%%
مصعب :اختنا الكبيره تحترمنا تقدرنا..
نوره:عاد اخوك ها من زمان انا ماحبه..
مصعب:مثل ماهو اخوي اخوك ..لوسمحتي قلتيها انتي نحنا مالنا حق عليك ..فانتي مالك بعد حق علينا..
نوره انصدمت وقامت عنه..


<<نوره شخصيه حقود الكل من حولها حاول يغيرها لاكن محد قادر عليها متكبره لدرجه تبط الكبد تبغض نايف اخوها بشكل ..والسبب انه من وهو صغير وهو متفوق وعشان كذا صار محبوب من امه وابوه >>>


حمده:مصعب مو كانك قسيت عليها..
مصعب :تستاهل الى متى بتظل كذا ياخي تقهر فغيري الموضوع


حمده:اقو ل امس وش سويت يوم رحت لحبيتك..
مصعب:اييه صح تعالي حمدووه..احين ممرام لما تجلس معكم وش انطباعاتها عني..
حمده:ليييه..
مصعب:جاوبي..
حمده:عادي مامره تكلمنا ولا حظت بس اللي اعرفه انها تتمنى واحد رومنسي
مصعب:وانتي وش تشوفيني..
حمده:والله انت ..حنون طيب يعني يطلع منك تكون رومنسي...
مصعب:يطلع مني اجل هاه...
حمده:وش اسوي فيك وانا شيدريني عن نفسك..
مصعب:ماكانك عايشه وياي..
%%%%%%%%%%%%%%%%%%
تمغطت اليوم الخميس وهذا ثاني اسبوع من الاختباراات صديقاته محد سال غير مرام وجواهر مسكت التلفون اللي يدق


<<<بلقيس بنت تنحط على الجرح يبراا متسرعه بقراراتها تحب تفرح وتستانس قلبها قلب طفله بريئه ماتعرف معنى للكرااهيه حتى للي يعاديها يعني بالعاميه على نياتها وحساسه بشكل يدمر>>>


بلقيس:الو..
راكان:السلام عليكم
بلقيس:وعليكم السلاام..
راكان:مستغربه..
بلقيس:وبقوووه بعد..
راكان:بلقيس انا اعتبرك اختي الصغير ه وانتي تعرفين هذا الشئ صح ..
بلقيس:صح..
راكان:بلقيس..بسالك سؤال تشوفيني صايع..
بلقيس:انت موصايع من قاله انت بس متهورخخ..
راكان:انزين علميني لييه امك تقول كذا عني..
بلقيس:امي..
راكان:اييه ..شوفي امك كانت تبي تزوجك وجاء ابوي بالحل..
بلقيس:لايكون انت؟؟..
راكان:اييوه قالت لاء ولدك صايع انا مااتمنى الاوحده وانتي عارفتها ..بس انا مارضى على نفسي..
بلقيس:راككان ولا انا ارضى عل اخوي..
راكان:بلقيس اننا ادري اني مااستحي على وجههي يوم كلمتك بس مقهور منهم..
بلقيس:من؟؟
راكان:امك وابوي..بلقيس اطلبك طلب...
بلقيس:امر..
راكان:لا توافقين الا على واحد يجيبه لك ابوك..
بلقيس:طيب..ا
راكان:واي واحد احين ابد ابد لاتوافقين..
بلقيس:تسلم راكان..
سكرت منه بعد ماشكرته راكان من متى ماشافته والحين جاء يدق عليها عشان يقول لها عن امها..
%%%%%%%%%%%%%%%
سلطان:ماجد ...ماجد..
ماجد:همممممممم..
سلطان:قم خلنا نطلع ...احين جدي بيتصل..
ماجد:مابي اروح خلني انام..
سلطان: ماجد.. ماجد.. ماجد.. ماجد.. ماجد..ماجد...ماجد...ماجد..ماجد..ماجد...ماجد...ماجد ..ماجد..ماجد...ماجد...ماجد...ماجد....ماجد...ماجد.. ماجد..ماجد..ماجد...ماجد...ماجد..ماجد...ما..
حط ماجد يده على فم سلطان..
ماجد:باااااااااااااااااااااااااااس قلت لك مو رايح..
سلطان:عشان وش ياخي قم اثبت لهم انك مانهزيت..
ماجد:لاتحاول...
سلطان:ياخي انت يبيلك اعاده برمجه ..وانا اللي اسويك على كيفي...
ماجد:ماقدر..



&&
ماقدر اواجه مصيري..من بعد مانفوني..
قالوا :هي بك ماتليقي..وابعدوا قلبي واتركوني..
قلي كيف اروح للي هجروني..ولقول تراكم ماجرحتوني
ماقدر اجامل بداخلي..ماقدر والله لاتعاتبوني..
&&


سلطان:بتقدر عشاني..
ماجد:بروح عشانك ياسلطون..
سلطان:طب قوم اجهز...
%%%%%%%%%%%%
جواهر:طيب طيب..
بلقيس:انتي تعالي وبتشوفين..
جواهر:اشوفك مومتحمسه
بلقيس:واللي يسلمك
جواهر:ياحبيتي استانسي
بقليس:ماعلينا ذاكرتي
جواهر:بديت امي معااي امس خلصنا بابين..افف لوعت كبدي امي آآآآه
بلقيس:جواهر..تبادليني..
جواهر:بايش..
بلقيس:عطيني امك وخذي امي
جواهر:لا حبيبتي امي ماتستغني عني..
بلقيس:ولا انا..
جواهر ضحكت ..حز بخاطر بلقيس وخنقتها العبره اكيد صايره مطنزه عند الناس عارفين كل شئ
جواهر حست بغلطتها:بلقيس زعلتي
بلقيس:لا مازعلت بس قاعده اناظر الخدامه
جواهر:طيب انا استاذن ماما تبيني
بلقيس:مع السلامه
سكرت منها وصاحت ...جواهر تضحك علي لييه ...لييه امي مو مثل امهماتهم..


&&
يايمه منك مجروحه...بنتك تشتكي يمه ..
يايمه طاحت من صروحها ...تبيك تذوقيها الضمه ..
يايمه قتلتي بسمتها...ياليتك تردي البسمه..
يايمه بنتك صغيره..بحضنك تبغى النومه
&&


حست بجوالها من جديد يصيح وهي اصلاا مالها خلق فردت..
بلقيس:هلا مرام..
مرام:بقليس عندي لك بشاره..
بلقيس:ايش..
مرام:عرفت رقم بيتكم البيت...ومكانه بعد..
بلقيس شهقت:أيـــــــــــــــــش
مرام:والله..
عطتها العنوان والرقم وبلقيس ماصدقت قامت لبست ثيابها
تفاجات بالباب ينطق وهي كانت بغرفه الملابس
بلقيس:طيب..
فتحت الباب وتفاجات بامها
ام بلقيس:شخبارك بلقيس..
بلقيس:زينه
ام بلقيس:على وين..
بلقيس:بروح بروح عند صديقتي بذاااكر معها
ام بلقيس:أي وحده ..لايكون مرام..
بلقيس:لا مو مرام
ام بلقيس:بلقيس انا مابيك تزعلين مني..
بلقيس:انا مازعلت..
ام بلقيس:طيب اخليك..
بلقيس تنهدت ..حمد لله ..حمد لله .. وقامت تعجل تبي تروح
%%%%%%%%%%
ام نايف بدموع:ولدي تعبان...
حمده:يماااه ..انتي قلتي وحلفتيني ...ولا شكله نايف مايبي احد يدري..
ام نايف:بروح اشوفه..
حمده:لا خليه يرتاح..
ام نايف قامت راحت لغرفتها شافت بونايف يلبس غترته
ام نايف:حطيننا الفطور يابو نايف...
بونايف:شفيك..
ام نايف:تدري نايف تعبان من امس..
بونايف:مافيه شئ امس وياي وطاق اخته بعد..
ام نايف:نايف فيه الربو...ولا قالنا ياصالح ...فيه الربو وامس تعب عليهم..
بو نايف منصدم:من متى..
ام نايف:مدري..
بونايف:قومي نفطر ..ومافيه الا العافيه..
%%%%%%%%%%%
من امس النوم مجافيه سهراان يطالعها ...نايمه بجنبه..بس حاس بقهر منها كان يناظرها وهي نايمه ..ام اول مره تنام وهو زعلااان منها قرب منها اكثر..وحط يده على شعرها كان يغالب النوم لاكن ماقدر وغفت عينه..
من الجهه الثانيه رزان حست بيده فتحت عينها وشافته قدامها ..نايم باهمال اول مرره تشوف التعب على وجهه ...شعره طايح على وجهه وازرار البجامه مفتوحه عينه تحتها سواد حست بالذنب لانها هي سبب كدرته ..دست راسها بصدره وحست فيه يبعدها عنه.. دمعت عينها وجلست بضيق...
لف سطام على الجهه الثانيه ..وهو يتنهد..
اما رزان قامت من الفراش وراحت لبنتها تلبسها ...لانها بتروح لبيت جدها ..اللي ساكن ابوها معاه >>كل خميس يتجمعون عنده<<
سطام ناظرها وهي تطل حس انها زعلت بس هو مجروح ...


&&
مجروح قلبي منه حبيبي ...مجروح واعاني حبه لغيري..
كنت احسب دوم اني ...فايز بحبه والعكس جرالي..
&&


%%%%%%%%%%%%%%
كانوا على الفطور جالسين ..
بونايف:وينه نايف..
مصعب:نايم..
نايف جاي ومبين عليه التعب وعيون حمرا
نايف:صبحكم الله بالخير..
سلم على ابوه وامه..
ام نايف:شخبارك؟؟
نايف يطالعها مستغرب:كح حمدلله كح كح
بونايف:احيين اشوى..
نايف عرف انهم عرفواا:الحمدلله كح..
مصعب:بتروح بيت جدي..
نايف:انشاء الله..
بونايف:بعد الفطور تعال المكتب ابيك..
ام نايف:صالح مو اليوم..
بونايف:سمعت يانايف..
هز نايف راسه بايه..
مصعب يساسر نايف:وش صاير..
نايف هزكتوفه بانه مايدري وهو ماله خلق مصعب..
حمده كانت عارفه بالموضوع فساسرت مصعب اللي جالس بينها وبين نايف..
حمده:بقولك بس لاتقول لنايف..
مصعب:وش...
حمده:ابوي بيزوج نايف ..وبيقوله ياخذ بنت عمي فارس ..
بونايف:شعندكم انت وياها..
مصعب:ولاشئ طال عمرك..
بونايف:نايف كم باقي لك وترجع..
نايف:ثلااث اسابيع ...بس يمكن اروح بعد ملكت مصعب
ام نايف:ليييه ..ماصار لك مده..
حمده عرفت ان نايف حز بخاطره من كلمه نوره ....
بونايف:الحمدلله ..ويلاااا عجلوااا يامها وحمده وساره ونايف تعال ابيك..
قام نايف لحق ابوه..
دخل المكتب وهو حاس ان ابوه بيقول له قنبله..
نايف:امرني يبه..
بونايف:اولااا لييه ماقلت لي انك نعبان بالربو..
نايف:مومهم يبااه كله تعب عادي..
بونايف:وش اللي مضايقك؟؟
نايف:ولاشئ يبه..
لحظه صمت

بونايف:نايف متى بنفرح فيك..
نايف طالع في ابوه..
بونايف:نايف انا قلت لعمك..
نايف منصدم:عمي وش قلت له..
بونايف:عمك فارس عن الدين ..قلت بتنازل عنه بس يزوجك بنته
%%%%%%%%%%%%%


هنا ينتهي ها البارت
انتظروني بالبارت القادم
مع خالص ودي
صرخه وفا
ولهانه لشوفته.
*@$%

[صرخه وفا]

البارتــ الثالثـــ




بونايف:نايف متى بنفرح فيك..
نايف طالع في ابوه..
بونايف:نايف انا قلت لعمك..
نايف منصدم:عمي وش قلت له..
بونايف:عمك فارس عن الدين ..قلت بتنازل عنه بس يزوجك بنته
نايف:يبااه لييه ..انا مابي اتزوج..
بونايف:نايف خلااااص كل شئ تقرر..
نايف لحظات ربط المعلومات والاشياء وقال عمي بيرتاح من دينه بيرتاح من ذل ابوي له..
نايف:يباه..انا موافق بس البنت تكون موافقه..
%%%%%%%%%%%%
كانت من الخوف دموعها تصب وتشاهق ياربي لييه انا خايفه انارايحه لابوي
محود:يابنتي وصلنا..
بلقيس ناظرت البيت ونزلت ...مسحت دموعها واشرت لمحود بعد ماوصته على كل شئ راح محمود ..وتقدمت من الباب دقت الجرس اللي كان شويه عالي..
سمعت صوت..
ماجد:ميـــــــــــــن...ميــــــــــــــــن؟؟
فتح الباب وانصدم حرمه ..نحنا ماعندنا حريم بالبيت ..
بلقيس رفعت راسها تناظر في اللي فتح الباب..
ماجد:اييوه ..بغيتي شئ اختي..
بلقيس بلعت ريقها:اييه...اممـ...أ...أ...هذا بيت فارس الـ"..."...
ماجد:اييه..
بلقيس ابتسمت:طب من انت..؟؟
ماجد:حلو سؤالك من انا..
بلقيس تفشلت وغمضت عيونها وسحبت نفس..
ماجد حس بتوترها:انا ماجد ولد فارس..
بلقيس بفرح:والله
ماجد هز راسه كان بيضحك على فرحتها بس مسك نفسه
بلقيس بترجي:طب ممكن الله يخليك اشوفه الله يخليك..
ماجد تفاجا من هذا التحول توها مستحيه..
ماجد:طيب..
دخل ماجد ووراه بلقيس
بلقيس:سطام موجود..
ماجد لف عليها:من وين تعرفينه..
بلقيس سكتت
ماجد دخل بعد ماشاف سكوتها..
ماجد:يبااه
بوماجد:نعم..
ماجد:في بنت تبيك..
بوماجد:بنت..
بلقيس دخلت ودموعها على رموشها بتنزل..
بلقيس:انا..
سلطان رفع راسه نبره الصوت معروفه ومالوفه..
بوماجد احساس الابوه فيه ثار..
بلقيس تشهق ببكي:انا بلقيس بنتك..
بوماجد بصدمه:بنتي



&&
بنتك انا اييه لاتنصدم..بنتك وجيتك يايباه..
بنتك وفيني كل شئ منهدم...بنتك يباااه اييه يايبااه..
&&



ركضت لابوها وحضنته وهي تصيح..
بلقيس:آآآآآه ليييه يايبااه...لييه خليتني....لييه ماعرفتكم لييييه ..آآآآآآآه...
بوماجد دموعه تنزل بنته بحضانه ..بنته اللي عمره ماشافها..بنته جااات له..بــــــــــــــــــــــــــــــنــــــــــــــ ــــتـــــــــــــــــه
بوماجد:خلاااص بلقيس لاتعذبين نفسك..
كان صياحها مبين انها من جد تبيهم ..تصيح بشكل يقطع القلب ماستحملواا سلطان وماجد
ماجد قرب منها ومسكها بيفكهم..
بس بلقيس ماهي راضيه تفكه..
ماجد:بلقيس خلاااص اهدي..
بلقيس بدت تسحب نفسها من احضان ابوها ..تبي تشوف وجهه ناظرت فيه..
وبوماجد يناظر في وردته


&&
اخيرا جاء يوم واجتمعنا ..اخيرا بنعيش الهنا
يابنيتي يوم لقيانا يوم المنا..كيف انحرمنا منهو يردسؤالنا..
&&



ماجد جلس ابوه وسلطان بلقيس..
ماجد:ارتاحواا
دقايق مرت ..
رفعت بلقيس راسها وطالعت سلطان
بلقيس:شخبارك سطام..
سلطان:انا سلطان..
بلقيس باستغراب:نعم..
سلطان:انا وسطام تؤام..
"طبعا بلقيس ماتدري عن اخوانها شئ وماتدري حتى كم عددهم كل هذا بسبب امها ""€
بلقيس:والله..وينه سطام..
سلطان وماجد:في بيته عند مرته..
بوماجد:انتي وش لونك وش مسويه..
بلقيس:اخباري مالي اخبار بدونك..
بوماجد:امك تدري..
بلقيس:ماعلينا منها ..انا جيت عشان اشوفك واشوف اخوني..
%%%%%%%%%%%%%
وقفت عند الباب بخوف يعصف فيها..
رزان:سطام..
لف سطام عليها وهو يسمع حسها اللي تغير:شفيك..
رزان كانت خايفه:تعال شوف الجوري ..مدري شفيها..
سطام تغيرت تعابير وجهه وراح مسرع على الغرفه ..شاف بنته ووجهها احمر والعرق يتصبب منها وصدرها يعلى وينزل على طوول شالها
سطام:البسي عباتك ويه تعالي بسرعه
نزل يركض وجات رزان ورااه مسرعه ركب وحط البنت بحضن رزان كان يمشي مسرع والشوارع زحمه بما ان اليوم خميس كان كل لحظه يلف ويناظرها وحاس برزان اللي تصيح وحاس ان صياحها يربكه زياده..
اخيراا ول للمستشفى نزل وحمل بنته وعلى الطوارئ ورزان ورااه..تركض..
دخلوها الغرفه وقف سطام على الباب بخوف..اوووه تذكر رزان لف لقاها متكيه على الجدار بتعب راااح لها يراكض..
سطام مسكها:رزان..
رزان تتمسك فيه:وينها
سطام جلسها:رزان ارتاحي..
رزان بخوف وتعب:وينها..
سطام توه بيتكلم الا شاف راسها طايح على صدره
سطام:رزان ..رزان..رزان ردي علي
جلس ينادي على الممرضات وشالها بيده..ودخلها الغرف عشان يكشفون عليها ..توتر سطام بنته وزوجته ..ياربي وش فيهم ..كانت باالغرفه اللي جمبها طلع الدكتور حق الجوري
الدكتور مطمئن:مافيها شئ..ارتفاع حراره وحمى بس كلها ساعتين بنحط عليها المغذي وبتطلع..
سطام:يعني هي الحين بخيير..
الدكتور:ايييوه ..يلاا عن اذنك..
راح الدكتور ودخل اتطمن على بنته قرب منها
سطام يمسك يدها::كذا تخوفينا عليك ياروح ابوك حتى امك خافت عليك يلااا متى تكحلين عيون ابوك بشوفتك..
*كل هذا الدلع للبنت شو خليت لامها..
لف سطام على الصوت شافها ممرضه جايه تشوف المغذي..
سطام :الدكتوره طلعت من زوجتي..
الممرضه:اييوه تبيك برااا..
طلع سطام :ايووه دكتوره
الدكتوره:اخوي حنا ودينا تحاليل حرمتك للمختبر..
سطام:مختبر..وتخاليل..
الدكتوره:عشان نعرف وش فيها بالضبط انا شاكه ان فيها فقر دم فنبي نتاكد
سطام:وخلال كم تطلع التحاليل
الدكتوره:ساعتين ثلااث بالكثير..
سطام:اقدر اشوفها..
الدكتوره:ايه تقدر..
لف سطام على الغرفه وعبره خانقته..رزان تعبانه ..اكيد هو امس زعلها واليوم صادها دمعه وحيده بعينه ..على حبيبته اللي ساحره قلبه ..يبي يتطمن عليها ..الخبر اللي سمعه مرعب تعبانه تعبانه فتح الباب ودخل شافها عليها المغذي انصدم لهادرجه..



كانت تبتسم بتعب:سطام
سطام تسند على الجدار ماقرب منها:هلا
رزان:وينها الجوري..
سطام:لاتحاتينها شوي وبنطلعكم
رزان:ابي اشوفها..
سطام:خليـ..
رزان:واللي يسلمك ابي اشوفها..
سطام استسلم وراح يساعدها على انها تقوم..
%%%%%%%%%%%%
كان يحضر نفسه لللروحه لبيت جده وبما ان ابوه قاله الخطبه بتكون هناك ..فضل يكون باخر شياكه ..على الرغم من تعبه ..
كان يسكر ازاري الثوب يوم سمع دق الباب..
نايف::كح..كح..مين؟؟
انفتح البا وطل منه مصعب ..
مصعب:خلصت ..
نايف بنص عين:ليييه؟؟
مصعب:ياخي لايكون للحيين شايل بخاطرك
طالعه نايف وهو يكح وراح جلس على السرير يسكر الكبك.
مصعب عارف ان نايف اذا زعل فنار زعله بتحرق كل شئ..
مصعب:نيوف..والله ماقصد..
نايف:كملت لبسك ..روح امش كح كح..تراا مالي خلقك..
مصعب:واالله وش هلاسلوب الحلو..
نايف قام خذا الغتره:مو انا الشري..
مصعب:نايف والله ماكنت عارف وش كنت اقول وماعرفت باللي سوته مها الا متى ....
نايف:كح..كح..كح
مصعب:نايف..
ناي:خلصت كلامك ..لوسمحت فارق..
مصعب كان يشوف نايف يعدل غترته قرب منه..
نايف:خييييييييير...
مصعب:ياخي كذاا بتعامل زوجتك..
نايف:وانت شعليك..
مصعب:نيوف اخوي حبيبي..آسف ..وهذي بوسه على راسك..
نايف ابتسم على حركه مصعب..
مصعب:يعني رضيت ..
نايف لف للمرايه الا حسواا بربكه على الباب..
مصعب:خلني اشوف..
فتح مصعب الباب وشاف نوره وحمده..
حمده:قسما ان دخلتي انا اللي بعلم ابوي ..
نوره:قلت لك بعدي رايح يتشكى عند امي ..انا..
مصعب يقاطعها:انتي وش جابك مورحتي بيت رجلك؟؟
نوره:وخروووااا..
دخلت على نايف اللي كان يكلم جوال
نايف:اييه ...طيب..لاوالله سطان عادي ...بعدين اقولك "يوم شاف نوره جايته"اييه العصر بمركم اييه تسلم ..طيب تعال انت مرني خلااااص ..كح كح..مع السلامه..
طالعها من فوق لتحت..
نايف:خيييييييرانشاء الله ..مافي شئ اسمه استئذاان..
نوره:لا عندي مافيه...وبعدين ماتقول لي ليييه رايح لامي وقايل لها ...ومطلع صواريخ بعد...تعبان ومدري شنو...
نايف:شنو يامدام ماسمعت"وصرخ"لوسمحتي برااااااااااااااااااااااااااااااااا
نوره:مو من حقك انزين وانت الطالع وانا الداخله
نايف عصب منها:"ياخي انتي احد حاط فيك جينات شريه
نوره:لا هذا انت يالسلوقي ..اصلااا لوفيك ذره رجوله مارحت تشكيت عند امي..
نايف خلاااص الصبر عنده نفذ..وجرها من شعرها..
نايف:انا ايش؟؟؟
مصعب يحاول يفاككك مابينهم بس مو قادر
نوره تتالم:اتتركني يالشري وح انت مافيك ذره رجوله لوفيك ماكان للحين قاعد وماتزوجت كان مامديت يدك على مررره..كان مااا...
نايف:وش يقلا بعد هااااااه كح كح كح..فارقي يالخايسه وان شفتك معتبه عتبه جناحي ياويلك كح كح كح
رماها نايف وتسند على الباب وهو يكح
وهي صقعت بشئ ابيض رفع نايف راسه وانصدم من ابوه..
نايف:يباااه ..كح كح كح..
نوره شافت ابوها صاحت...
نوره:شفته ..شفت وش سوى ضربني امس مها واليوم اناااا اهئ اهئ اهئ...
مصعب طلع من غرفه نايف بيكلم الا ابوه دخل الجناح وسكر الباب ..هم خافوا بس ماتكلموا سمعوا قفله الباب
بونايف مسك نايف وبدا يضربه ونايف مستسم لابوه بتعب مايقدر يرفع صوته على ابوه كان ابوه يضربه بالعصا حقته ..
بونايف :اشوف طالت وشمخت اختك الكبيره تمد يدك عليها ..
نايف كان يدافع عن نفسه بس للاسف ابوه ماسيمع منه وش يقول حاس انه بحلم بيصحا منه ..
بو نايف حاكره بالزاويه ...ويضرب كان بهذي اللحظه متخلي عن عاطفه الابوووه متخلي عن اي شئ يربطه بهاللي ينضرب تحت رحمته




يوم حس ان نايف زادت كحته وقف الضرب وتوجهه للباب..
بونايف:ان شفتك رافع يدك ياويلك
نايف رفع راسه يطالع في ابوه..



&&
لييه يايبه هالظلم علي..لييه تسقيني السموم بيديك
يايبه اذبحني بس بون جرح قلبي..يبه ولدك طعنته وليدك
&&


بونايف تجاهل نظره نايف وقاام طلع براا..
نايف دفن راسه بين رجيله ودموعه للحين مانزلت للحين على امل انه بحلم ...وكحته زايده حس باحد دخل..
نايف:براااااااااااااااااااا
ام نايف:نايف يمه ..انت..انت..
نايف رفع راسه لامه وبخنقه:كح...مافيني شئ..كح كح كح كح كح كح كح كح كح كح
ام نايف جاست على الارض عنده:نايف يمااااه شفيك نايف كلمني..
حمده داخله:نايف هاك البخاخ..
قربت منه وخذاه نايف وبخ له ..ورجع راسه بين رجلينه ..حمده اول مره تشوف نايف ضعيف ..نايف مذلول ..نايف مكسور ومستغربه من صبره ..ودموعه اللي مانزلت...
%%%%%%%%%%%%%%%
بوماجد:جيبه ياماجد
ماجد قرب الجوال من ابوه:عمي صالح..
بوماجد:الو..هلا..يابونايف........بونايف الموضوع مايتاجل شوي..........طب خلني اسال البنت..........
سلطان وماجد فهموا السالفه ...وحمدوا ربهم ان بلقيس راااحت الحمام
بوماجد:خلااص خلاااص..يلا مع السلامه..
ماجد:عسى ماشريبه..
بوماجد:عمكم يبي يملك على بلقيس يوم الاثنين
سلطان:شفيه هذا مستعجل ...البنت في اختباراااات..
بوماجد:ماني قادر اقول لها ..كيف بقول لها ابوك تسلف من عمك وعمك يبييزوجك ولده مقابل الدين..
ماجد:يباااه لاتهتم خلاااص انا بتكفل بكل شئ وبلقيس مارااح نزوجها حتى لوفيه سجن انا اللي باخذه مو انت
بوماجد:ولييه الدنيا سايبه تضيع مستقبلك عشاني انا اللي تدينت وانا ااالل ادفع الثمن..
*اشوفكم قررتواا وماسالتوني..
لفوا كلهم على بلقيس اللي واقفه بنص الصاله ..
بلقيس:انا موافقه..
بوماجد:بلقيس
بلقيس:ماكوا نقاش..


هنا ينتهي البارت تمنياتي لكم بقراه ممتعه انشاء الله

مع ودي
صرخه وفا
ولهانه لشوفته

[صرخه وفا]

البارتــــ الرابعـــ




تجمعوا كلهم ببيت الجد البنات جلسوا بالغرف وكلن ماسك كتابه يذاكر وبلقيس هي الوحيده اللي جالسه فاضيه..
حمده تذاكر لصالحه بنت عمها ومها تذكر مع بدور وساره لحالها ..بلقيس لو تدؤي جابت كتابها بس يالله مالها اصلااا خلق كانت تناظرهم ....وهي تتذكر كيف استقبلوها..
حمده:ياااااهوه..
بلقيس:هلااااا..
حمده:وين رحتي..
بلقيس:مو بعيد..
حمده:كنت اسالك تجين معي عند الحريم تحت..
بلقيس:يله..
حمده راحت ويابلقيس تحت ...وجلسوا يسولفون
نوره:هاااه بنت ساره ..اشوفك خذتي علينا..
بلقيس:بنت فارس لو سمحتي..
نوره:بس ماربيتي عنده..ومن هيئتك يبين "تقصد انها لابسه ملااابس باهظه وابوها على قد حاله "..
حمده سحبت بلقيس اللي كان خاطرها تذبح نوره ...بس حاشكه اللي حولها..
جلست مع حمده ..الا دق جوالها ..شافت خالها ..خافت ترد فحطته على الصامت..
حمده:عندك جوال..
بلقيس:اييه..تبين رقمي..
حمده:هي هي..ضحكتيني حنا مانستعمل جوالات هذا كلااام جدي حتى انا مدرسه وماعندي اخذ حق امي..
بلقيس:اجل من اليوم ملغي..
حمده:بس المتزوجات عندهم ..اما البنات نوو..
بلقيس:عاد انا توي بنيه..
حمده ابتسمت ياحظك فيها يانايف والله انها تهبل جمال واسلوب ولا جسم كل شئ ماشاء الله بس لولا هالعباه اللي على الكتف والزخرفه اللي فيها...
بلقيس:أ...حمده..
حمده:هلااا..
بلقيس:انتي ...اقصد انتوا ..تلبسون عبايه كتف ولا راس..
حمده:هااااه....لييه؟؟
بلقيس:سؤااال..
حمده:على الراس..
بلقيس تضيع السالفه:المهم سولفي لي عنك..
%%%%%%%%%%%
سطام طالع بالدكتوره:متاكده..
الدكتوره:اييه مبروك ياخي يتربا بعزك..
سطام طلع وهو منصدم ..رزان حامل..وبشهرين ..اشر لرازان وجات...خذاا منهاالجوري..وام يمشي..رزان ماتجرات تساله وش قالت الدكتوره..حط البنت ورا لانها نايمه...كان يمشي وكل شوي يسرح ..ماحس الا بصرخه رزان
رزان:سطااااااام انتبه...
سطام وقف ولف عليها:فيك شئ صار لك شئ..
رزان تطالعه بستغراب:لاء..انت صار لك شئ..
سطام لف طالع قدام ومشى لبيت جده هي دقايق ووصلوا...شاف رزان تنزل بتشيل الجوري ..نزل قبلها يشيلها..
سطام:خليها عنك انا بشيلها بس سوي لي طريق..
دخلت رزان وهي مستغربه من سطام سوت له طريق ودخلته غرفتها اللي كانت سابقا ..لان احين مانتام فيها الى اذا جات بيت ابوها..
حط بنته على الفراش ولف لقاها قاعده تحط عطر..كانت لابسه بنطلون جنز وعليه بلوزه حمره قرب منها سطام وهوو يطالعها كانت تعدل شكلها بالمرايه..
توه بيقرب منها عشان يحضنها ..الا الباب يدق يوم شافها لفت سوا نفسه جاااي يعدل الغتره..
رزان:ميييييييييين؟؟
بدور:رزان عنك احد..
رزان:اييه سطام هنا..
رزان راحت اما رزان وقفت تنتظر سطام يخلص لف عليها وك وجهها بيدينه..
سطام:رزان اهتمي بنفسك طيب مو تطيحين مرره ثانيه..
رزان:لييه انت وين رايح..
سطام:تحت..
رزان:...
سطام:يلاا سوي لي طريق ولا تشيلين الجوري خليها هي تمشي
رزان:طيب..
سطام نزل منها وراح للباب فتحه ونزل لتحت ..ودخل عى المجلس..
سطام:السلام عليكم..
كلهم رحبوا فيه..
سلطان:شفيك متاخر
سطام ابتسم:والله كنت بالمستشفى..
بوماجد::ليه عسى ماشر..
سطام:الجوري مصخنه ..وامها حامل..
الكل فرح له وقاموا يباركون له وهو توه يستوعب رزان حامل..
%%%%%%%%%%%%
قام غسل وجهه يبي يصحى من الكابوس الي حطه فيه ابوه ..للحين صدى صوته يزن في اذنه ..حط يده على راسه بتعب وغير ثوبه اللي تشقق من ابوه ..جواله يدق بس ماله خلق دقايق وسكر الا خط غرفته يدق رفعه..
نايف:الووو..
مصعب:نايف وينك عن الجوال فيك شئ..
نايف:تراني مو بزر..
مصعب:واحد قالك كذاا..
نايف:...
مصعب:بتجي جدي يسال عنك..
نايف:العصر بجي..
مصعب:نايف متاكد ان مافيك شئ..
نايف :مع السلامه..
لف على المرايه بعد مافصخ البلوزه ..شاف اثار الضرب على صدره وكتوفه وظهره تنهد...وجلس على السرير..حط راسه بين يدينه وهو يتحسب على نوره اللي حتى ماتفكر ترحم الناس من لسانها
%%%%%%%%%%%
كانت متمدده على السرير بجنب بنتها وتفكر بسطام ..شفيه معاملته غريبه ذا كله بسبه امس ..حست بهجوم ساحق على غرفتها طالعت الا بنات عمها وخواتها..
رزان:خيير وش فيكم..
حمده:مبرووك يالمغروره ..ولا تقولين لنا انك حامل..
رزان:ايش...
سكتتها بدور يوم حطت السماعه باذنها..
رزان:الووو..
بوشافي:هلا والله برزان مبروك يابنتي مبروك توه سطام قايل لنا انك حامل..
رزان:حامل ..اييه الله يبارك فيك...
قعدت تكلم ابوها وهي مصدومه من سطام ماقال لها انها حامل
سكرت ولفت على البنات اللي كانوا يسولفون..
رزان:بنات ممكن ابي ارتاح والله تعبانه..
حمده:عادي بس بلقيس كانت بتجي بس مدري وش اخرها..
قاموا البنات ورزان جلست على السرير تنهدت بضيق ودموعها طاحت ..لييه ياسطام ..لييه ماقال لي ولا الامر مايعنيني ...على بالله اني مو مهتمه ولا شكله هو مو فرحان ولا لاحظت حمده اللي تطالعها منصدمه..
حمده:رزان..
رزان طالعتها وهي تمسح دموعها من متى وانتي هنا..
حمده:شصاير..
رزان بخنقه:امس قلت لسطام عن ولد خالي ..
حمده:هــــــــــاااااه ...انا شكلي بنجن..
رزان:كان فرحان امس بس عكرت عليه ليلته ونام زعلاان مني ولا قال لي اني حامل مادريت الا احين ..
حمده:رزان ..سطام ماقالك..
رزان هزت راسها بنفي ..
حمده:بس
حسوا بطق على الباب ..
رزان :ميين؟؟
سطام:في احد ..."رزان حست بخوف"
حمده قامت بتطلع :عن اذنك..
تغطت وفتحت الباب :تفضل سطام عن اذنكم..
دخل سطام وشاف رزان على السرير وتطالعه قفل الباب وقرب منها..
رزان ماتكلمت بس نزلت راسها..
سطام قرب وقرب لين ماصار عندها..
سطام:شخبارها الجوري...
رزان:زينه الحراره الحمدلله خفت..
سطام قرب من الجوري الي فتحت عيونها..
الجوري:بابا..
سطام يمسح على راسها :عيونه..
الجوري:غزوني ابره..
سطام ابتسم:من...؟؟
الجوري:دكور"هي ماتنطقها عدل"انا مااحبه..
سطام:الجوري ماتحبه لامايصير..
رزان:سطام صليت..
سطام:توي جاااي من المسجد..
رزان:طب شفيك جاي...
سطام:ابي ارتاح شويه على مايان المغرب..
رزان :هنااا
سطام:لييه اول مرره..
رزان هااه لاعادي..
سطام:طب طفي النور..
رزان قامت ..وسطام فصخ ثوبه وانسدح جمب بنته كان معطي رزان ظهره ماتكلمت هي وحطت يدها على بطنها..معقوله انا حامل حامل بولد سطام بس لو اقدر اعبر له عن فرحتي واني فرحانه باني حامل بطفله...
قامت عشان تشيل بنته من حضنه..
سطام فتح عينه:وين ...بتودينها..؟؟
رزان:بحطها بسريرها..
سطام:قايلك لاتشيلينها .."وقام شالها حطها بفراشها"..
رزان:وليييييه..
سطام:يعني لييه لانك حامل..
رزان:لاانا حامل تصدق توني ادري..
سطام وقف قبالها:لاني توني استوعب هالشئ..ماكنت مصدق..
رزان:لا تتعذر..مالك عذر.."دمعت عينها"..يعني الناس تدري على اللي فيني وانا لاء..
سطام:رزان..أ..
رزان جلست على السرير:خلاااص مابي اسمع شئ..
سطام جلس جمبها وحط يدعلى كتوفها والثانيه مسك فيها وجهها
سطام:رزان انا غبي وخبل وما...
رزان حطت يدها على الفمه:لاتقول كذاا..
باس يدها الي على فمه:مو عارف وش اقولك..
حطت رزان راسها على صدره بحب وغنت له ..حضنها وحط يده بشعرها
رزان:ضمني على صدرك..وبعدني عن الناس..شوف الغزل والحب...ونشوه الاحساس ..والله ياعمري..نسكر بدون الكاس..
سطام يكمل:ضمني على صدرك ..بردان دفيني..وانت على كيفك موتني واحييني..
رزان تكمل:ضمني على صدرك خلي ايدك بشعري لتنفس انفاسك ...وحرقها في صدري..كل نقطه في جسمي ..تملكها ياعمري ..
سطام بقلبه الي مو قادر يتحمل بعد حبيبته وزوجته وام عياله ..سامحها
ورزان بحبها اللي باحت فيه بحضنها له ..صارت تعيش هي وسطام لعبه حلوه لعبه كانت عادتها خساره..لاكنها ربحت ربحت زوج زوج لاكانت تحلم فيه...
%%%%%%%%%%%%%%
مها:مابي اذكر خلاااص..
حمده:طب قوموا خلونا نلعب كوره بصراحه اناطفشت كملوا بكراا..
بدور:قوموا طيب..حمده:بتجيين بلقيس..
بدور:والله وناسه..
بلقيس:ماعرف العب
مها:مسويه رقيقه...
بلقيس:ههه..لابس من جد ماعرف..
حمده:اجل لييه تقوليين انا هلاليه ..
بلقيس:والله ماعمري عرفت نادي غيره بس تبون تشوفون مهاراتي حياكم
ضحكوا عليها وبعدها قاموا كانوا يلعبون بفرح وبلقيس نوعا ماندمجا وياهم ..مسكت الكوره وخذتها شاتتها..
والكوره راااحت سيده ..ودبوم في شئ ابيض بلقيس رفعت راسها الا نايف..
بلقيس شهقت:ياويلللي...
البنات كلهم تراكضوا على داخل ..
نايف رفع راسه بيشوف من الي رماها ..شاف بلقيس لحالها..
نايف ابتسم وماقدر يتكلم كيف يتكلم مع وحده غريبه
%%%%%%%%%%%
مرام:حمد قلت لك هاته تراا والله اعلم ابوي
حمد مو مهتم:علميه يعني ايش بيسوي
مرام:حمد الله يخليلك ابي اتطمن على صديقتي..
حمد:مراموه فارقي
مرام طلعت من غرفته بقهر وجلست بالصاله..
ام حمد :شفيك..
مرام:ولدك ماخذ جوالي..
ام حمد:طيب..
مرام:وانا ابي اكلم..
ام حمد:بعدين كلمي..
مرام:لا انا ابي الحين هو ماله دخل لييه ياخذه..
ام حمد:اخوك الكبير احترميه..
مرام:الله يعينا بس عليه ..قال ايش ابي اسمع الاغاني الي عندك..
ام حمد:سمعي تراا اليوم بتروحين معاي عشان تشترين اغراض العرس الناقصه..
مرام:يمااه مايتاجل الموضوع اختباراات
ام حمد:لاء..
%%%%%%%%
سلطان:طب وش عليك اختبار..
بلقيس:فيزياء..
سلطان:وماذاكرتي..
بلقيس:لاء..بكره..
سلطان:اقول بلقيس انتي احين شهاده..
بلقيس بعد تفكير:شرايك امر البيت واخذه بعدين نروح بيتكم..
سلطان:بيتنا هو بيتك يابلقيس..
بلقيس استحت من نفسها..
راااحت البيت خذت كل الاغراض الي تحتاجها وراحت مع سلطان ذاكر لها شويه وذاكر لها بعد ماجد بقى لها بابين تعبت على الساعه عشر ماقدرت تستوعب رمت الكتب ونامت على الكنبه
سطام توه داخل:السلام عليكم..
الكل:وعليكم السلام..
سطام شاف بلقيس:شفيها نايمه بالصاله..
سلطان:كانت تذاكر..
سطام:اها ...وين ابوي..
ماجد:طلع وبيجي ..وانت شلون بنتك..
سطام:حمدلله بخير...يوم طلعت هي نايمه..
ماجد:وين كنت اختفيت العصر
سطام:رحت ارتحت..
سلطان:سطام..
سطام طالعه:نعم
سلطان:متى اجازتك..
سطام:بعد ثلاث اسابيع ..
سلطان وماجد :بتسافر..
سطام:ماتوقع
بوماجد دخل :السلام عليكم
ردوا عليه..وقام ماجد لابوه..
ماجد:حيالله بوماجد والي وياه..
ابتسم بوماجد كان جايب لهم عشا من افخم المطاعم بمناسبه بلقيس...
سلطان:كان قلت لي انا اروح اجيبه..
سطام:ولا انا اجيبه بطريقي..
بوماجد:لاانا حبيت اجيبه بنفسي...
ماجد:يلاااا قومواااا نحط العشااا...
بوماجد:قوموا اثنينكم ساعدوه وانا بروح ابدل..
قاموا ماجد وسلطان وسطام للمطبخ ..طبعا بماانه ماعندهم حرمه كانوا هم يحطون العشا..
سلطان:انا بطلع الصحون وبغسلهم وبحط الاكل..
ماجد:انا بطلع الكاسات وبصب العصير ..
سطام:وانا بحط السفره وبجهز الملاعق..
ماجد:لا والله شغلك بسيط..
سلطان:من عمره ماياخذ الا البسيط..
سطام:ياخي انتوا خذتوا الاشغال كلها..
ماجد:مره ثانيه من ندخل المطبخ تكلم عشان يجينا البسيط..
سطام:انشاء الله..
كانت السفره تنحط
%%%%%%%%%%%
هنا يبنتهى البارت
اتمنى يحوز على رضاكم
مع خالص ودي
صرخه وفا
ولهانه لشوفته

[صرخه وفا]

البارتــ الخامســ





كانت السفره تنحط وينحط عليها العشا..
سلطان:بلقيس..يلاا عشا..
بلقيس فتحت عيونها:هااااهـ
سلطان:العشا..
سلطان جلست وهي تمسح على وجهها:كم صارت الساعه..
سلطان:عشره ونص..
قامت بلقيس على الحمام تغسل وجهها وطرت على بالها امها..ماتصلت معقوله ماخافت عليها معقوله ماطرت على بالها..ابتسمت بسخريه وطرى على بالها مرره تاخرت اللى الفجر والسبب حادث صار لها لما وصلت البيت توقعت امها تنتظرها لا تفاجات انها نايمه ولاهي بالدنيا ..ولما الصبح خبروها الخدم تتوقعون شقالت قالت اصلاا هي متى طلعت ....
شافت خدها..اشوى انها قدرت تغطيه وتقول انها طايحه عليه ..
طلعت من الحمام قابلت بوماجد اللي نازل من الدرج راحت تعلقت فيه..
بوماجد:ههههه شفيك..
بلقيس تبوسه على خده:احبك..
بوماجد ماقدر يعبر الا بدمعه تمسكت بلقيس بيده وحطت راسها على كتفه ومشواا للصاله..
ماجد شافهم:سلطون شوف اختك من جاات خذت حنا ن بابا..
سلطان يحره:كيفها انت شعليك..
بلقيس تمد لسانها:احسن ياخي اول يوم لي مع بابا..
ماجد ضحك:هههههك الله يهنيك في البابا..
بوماجد:وينه سطام..
%%%%%%%%%%%
سطام:رزان خلااااص..بتناميين ماعندي مانع قلت لك شئ انا الحين..
رزان:لاء مبين انك زعلاان..
سطام:لاحول رزااان لاتعصبيني..
رزان:...
سطام:رزان..
رزان:نعم..
سطام يحاول مايبين لها حزنه وضيقته:يعني حتى لو قلت لك تعالي منتي جااايه ولا نسيتي امك خلاااص اجلسي بعدين انا بجي اخذك..
رزان :سطام بكلامك عرفت شقد انت زعول ...سطام هي ليله وحده ...
سطام:..
رزان:ليله وحده ليله..ليله..
سطام:رزان انا تعبت من غيابك ..غبتي باحساسك..وشهرين غايبه عني بكلك..يعني ماستاهل ليله افرح ويااك..
كان سلطان مار بهذي اللحظه وسمع اخر جمله..
سلطان:احم ..سطام العشا..
اشرله سطام بطيب رااح سلطان لانه حس جو سطام متوتر ..
رزان:يعني انا الي ماتعبت..





&&
مثلك تعبت واعاني..وابغى القرب لو ثواني..
تعبت جفوني ماتنامي..اناظرك قدامي شخص ثاني..
&&




سطام:رزان بتنامين نامي ..انا اصلااا الليله بجلس ببيت ابوي عشان اختي..
رزان:....
سطام:بوسي لي بنتي..مع السلامه..
%%%%%%%%%%%%%
بونايف:ولييه هو ماتكلم..
مصعب:وانت خليت له مجال..
بونايف:مصعب نايف وينه..
مصعب:للحين ماجا..
بونايف:محد درى..
مصعب:لاء ..اصلااا هو مايبي حد يدري..وهو كان مواعد عيال عمي فارس بس تعذر وطلع من بيت جدي...
بونايف:استغفر الله..
مصعب:يبااه مب عدله نوره قاعده تمشي البيت على كيفها
بونايف:يعني شتبيني اسوي..هي اختكم الكبيره..
مصعب:يباااه نايف كان بيروح على يدك والسبب نوير..
بونايف:خلااااص...خلني ابي ارتااح..
طالع مصعب وبقا بونايف..جاه اتصال..
بونايف:هلا بوحمد.."بعد اخذ الاخبار"..
بوحمد:هاااه يابونايف وش صار..على موضوع الزواجه..
بونايف:نشاء الله يوافق فارس ولا يضيع تعبي هدر..
بوحمد:انشاء الله ..اقولك اول مايوافق ملك على طول..
بونايف:لييه..
بوحمد:بوراكان خالد..يدور للبنت عريس ويبي يعرضها على بورامي عشان يكسبه لصفه..
بونايف:لاتخاف ..انشاء الله..كل شئ بيخلص على خير..
%%%%%%%%%
نايف دخل وعداا من قدامهم كلهم..رااااح غرفته..
ام نايف:مصعب ياوليدي..قوم شوفه انا مابيتكلم لي..
مصعب قام مع انه عارف ان نايف مايبيه ..طق الباب..سمع صوته..
نايف:ادخل مصعب..
مصعب فتح الباب لقاه بنص السرير وحاضنه رجلينه ..حس بطعنه نايف اليوم كسير ..ماعمره شافه بهذي الحاله..



&&
صعب علي اشوفك مكسور..تطعن قليبي ياخوي الغالي..
كسرك كم له ويوصل للجبر..كسرك كسرني ياراس مالي..
&&



سكر الباب وقفله تحسبا لاي شئ..
نايف:آآسف مصعب سكرت بوجهك السماعه..
مصعب:اووووه...نسيتها..السالفه بس لاتعيدها...
نايف:خلاااص روح..بس بغيتك تدخل عشان اقولك كذاا..
مصعب:ووالله..نايف اعرف انك مكتوم ..وماتبي تنفجر ..بس لابد لك تنفجر"قالها وهو يبتسم"..
نايف:وليييه انا قنبله..
مصعب:نايف..من كنت صغير كله اجيلك واشتكي لك..اغثك بسوالفي البايخه ..اصيح عندك ...تعرف اسراري ..كنت عندي..شئ كبير ..تسمعني..تفهمني..تنصحني..كنت اقول نايف ولا مره شفته مهموم ..واكيد مافي شئ يضايقه..نايف كله مبتسم...بس امس انصدمت يوم اكتشفت ان اخوي اللي مثلته قدوتي بداخله اسرار انا مااعرفها اسرار طعنتني اول مره احس اني بدون احساس لييه ماحسيت فيك ليه ماواسيتك ليه وليه ..نايف صحيح انا اخوك الصغير بس تراا..همومك ببير..
نايف ابتسم له:مصعب اذا بتسكر ..النور ترراا فيك خير خلنا نرجع اياام اول ..
مصعب مو فاهم:شلون؟؟
نايف:ننام مع بعض بغرفه وحده..
مصعب:اوووه ياقديم ..طب خلنا ننادي حمدوووه..ومهوي..
نايف:لاء..مابي اشوف احد..
مصعب قام سكر الانوار:تدري بروح دقايق وبجي..
طلع مصعب وظل نايف في الظلام وباب غرفته ..مردود..مغمض..عيونه ومستسلم للافكار..
%%%%%%%%%%
بدور:رزان انتي بيدك بتخسرينه ياخي امي ماتفكر بمصلحتك طب انتي فكري فيها..
رزان:طب انا وش اسوي..
بدور:رزان صدقيني الرجال مايحب يترجا كثير ..ومايحب المره البعيده عنه..يبي وحده جمبه تفهمه..تراعيه..وانتي الله وكيلك ..قالك بسافر..قلتي بيت ابوي..قالك حامل قلتي بيت ابوي ..حتى وو تعبان احيان تخلينه وتنامين هنا عشان نوره اللي اصلااا مافكرت فيك..
رزان:طب شسوي احين بدور انتي اختي الكبيره ساعديني..
بدور:رزان انا طلبت الطلاق ليه لان غنيم كان حاطني بالهامش وانتي احين تتطبقن افعاله ...فلا تخسرين زوجك وحبيبك وابوعيالك..
رزان:بدور غنيم مايستاهلك والله يعوضك...
بدور مبتسمه:اصلااا انا مو شايله بخاطري بالعكس مرتاحه ..
رزان:ياحظه الي بيكون نصيبك ..ياخي والله احس اني تنكه ..ماعرف ااعامل سطام..
بدور قضت الليله مع رزان تعلمها كيف تكسب سطام موتبعده تعلمها كيف تخليه يحس بحبها له...
%%%%%%%%%%%5
السبت..
دخلت بلقيس الاختبار..وحمدلله قدمت ..بس في شئ..فاجاءها سلطان استاذن لها وطلعت بدري..
بلقيس:وش فيك جاينني..
سلطان:تدرين المفروض اكون بالمدرسه اصحح اوراق الطلبه بس زميلي الله يخليه تكفل بكل شئ..لان ابوي يبيك تفطرين ويااه..
بلقيس:والله..
سلطان:اييه وبعد يبيك بموضوع..
بلقيس:عن الزواج..
سلطان:اييه...
بلقيس:قلت لكم قراري..
سلطان:بلقيس هذا عمر مو يوم عشان تقررين بهالسرعه...
بلقيس:سلطان..انتواا ياسلطان بتسون اي شئ ابوي وانا بنت كل اللي اقدر اسويه اوافق...سلطان لاتوقف بوجهي انا مرتااحه كذااا..
سلطان:بس يابلقيس..
بلقيس:لاتقعد تبس بس ..
وصوا للبيت بلقيس بلغت ابوها موافقتها اللي تضايق انه بيخسر بنته وبلغ ذاك بونايف الي قال الملكه "الاحد"..
بلقيس:يبه وش تخسريني انا وين بروح يعني...
سلطان:يبااه ..خلاااص...لاتتضايق بعدين تتعب..
بوماجد:قلتوااا لسطام..
سلطان:بنقوله بكرااا لما يجي...
%%%%%%%%%%%
نايف وهو يسكر ازارير قميصه:ادخل..
انفتح الباب ودخلت ام نايف..
ام نايف:نايف انت فاضي..
نايف:ماعندي شئ..تبين شئ يمه "وهو يلبس شرابه"..
ام نايف:طالع..
نايف:بتمشي مع سلطان بعد العصر واحين بروح اتفطر عند واحد من الربع...
ام نايف:نايف ياوليدي مب عدله انت وابوك من يومين ما تتكلمون لا غداء تقابلنا فيه ولا عشاء ولا حاجه..
نايفرفع راسه وطالع امه..
ام نايف:ابوك غلط يانايف وانا اعرف هالشئ..بس لييه تعاقبيني انا وش ذنبي..
نايف:انا اعاقبك..
ام نايف:على بالك طلعتك وقت الغداء امس مالاحظناها..نايف انا اتمنى انك ترجع من السفر..عشان اجلس وياك لييه...تحرمني منك يانايف..
نايف:سامحيني يمااه ماقصدت هالشئ..
ام نايف:نايف اهتم بنفسك ولا تعذبني..
قامت ام نايف طلعت براا الغرفه ..رما نايف نفسه على السرير..امه بكلامها حسسته انه مجرم خطير ..ياليتها بس تحس فيه



&&
محد بيحس بحساسي..
غيري انا وانفاسي...
محد بيعرف ماساتي..
واني تدمرت من ساسي..
&&




*اقدر ادخل..
لف على حمده اخته ..جلس..
نايف:تفضلي..
جلست جمبه:شخبارك..امس ما شفناك..
نايف:كنت سهراان عند سلطان..
حمده:اييه قلتي عند سلطان..طب شخبارهم..
نايف:منهم..
حمده:العروس ..واهل العروس..
نايف مبتسم:وانتي من قالك..
حمده:ابوي ..قالي ..بس يانايف البنت شئ..
لف عليها نايف:شفتيها..
حمده:جلست معها وسولفت معها..وهي بعد الي رمت عليك الكوره يوم الخميس..
نايف:من جد...
حمده:والله..شرايك فيها ..
نايف :بصرااحه ماشفتها لانها كانت منزله راسها..
حمده:فاتتك اجل ..نايف بلقيس مرررره تهبل جمال واخلاااق وادب وعيون ...ياناااسي عليها ...وغير كذاا حيويه..نفس ماتبي انت..سبحان الله..
نايف ابتسم:حاس بهذاا الزواج بتصير اشياء..
حمده:لاتتشائم..
نايف:يعني انتي قولي لي وش بربح من هذا الزواج غير اني بساعد عمي..
حمده:بتربح شئ اعظم بلقيس ..انت بس اجلس وياها
نايف:الله يعين كم عمرها..
حمده:18سنه..
نايف انصدم:هيييه مرره صغيره..
حمده:لاصغير ولاشئ..
نايف:انااكبر منها بعشر سنين..
حمده:واذا ..انت بس شوفها والله لاتروح ملح من جمالها
نايف:اقول استحي على وجهك..عيب تقولين لي كذاا...
حمده:تصدق عيب عيب ..ماكانك كنت تقول ..زوجتي اجمل الجميلااات وبضيييع من جمالها الاخاذ..
نايف:اقول سكتي فضحتينا ..بعدين هالاحلااااام خلاااص تسكر بابها..
حمده:لالالا..اخوي نايف الفارس المغوار اللي خاض الحروب بحثا عن الزوجه الرومنسيه ..يستسلم..نايف:لانه مااختار اميرته ..بكيفه..
حمده:لاكنه يقدر يسير الاميره اللي بتدخل عالمه بكيفه بعدين يادكتور ..انت عندك اسلوب..يطيح البنات بكفك لاتستسلم..
نايف:تدرين اول مره ..من جيت احد يناديني بدكتور..
حمده:ماعليك هم خلهم يشوفون الشهاده بينادونك غصب عنهم..
نايف:ههه ..والله انك توسعين الصدر..
حمده:احم احم..عارفه ماله داعي هالمدح كله..
نايف:هههه..
حمده:الا لابس وين رايح..
نايف:بروح بفطر برااا...
حمده:هروب من جديد..
نايف نزل راسه:لاهروب ولاحاجه..
حمده:طب خذني معااك..
نايف وقف:قومي لبسي..
%%%%%%%%%%%
كانت جالسه تطالع في ابوها واخوها وهم يتفطرون..
بدور:يباااه....
بوشافي:هلااا.
بدور:بنسافر بعد الاختبارات..
بوشافي:اييه..بس خلي اختك تخلص..
بدور:وين بنروح..
بوشافي:مدري على امك وانتواا..
فجاءه دخلت عليهم رزان..
رزان:صباح الخير..
سلمت على ابوها واخوها..
بوشافي:لييه مارحتي بيت رجلك..
رزان:هااه ..سطام ماجاء..
بوشافي:لييه مزعلته مضايقته..
رزان:لاء...
ام شافي:انا قايله له البنت بترتاح عندنا من يوم الخميس..
بوشافي:ولييه ماتقدر ترتاح ببيت زوجهااكيد ضايقتيه ..مايقدر يردلك شئ ولو يضايقه..وانتي شلون تطلبين منه شئ زي كذاا...
شافي:خلااااص ماصار شئ..
بدور تهمس لرزان:احلا ابوي مايرضى على رجلك..
رزان تضايقت وقامت على غرفتها فوق ..ياربي وش اسوي اذا انا اتصل عليه مايرد علي ..ولا جاني..
بدور دخلت عليها..
بدور:قلت لك امس روحي بس ماطعتيني..
رزان:يعني اروح له..
%%%%%%%%%%
مرام:طيب يعني مافي ادله في هالباب..
بلقيس:لاء وبعدين ياحلوه ابي اجلس معك ابي اعرف اشياء عن سالفه الخميس..
مرام:طيب..
بلقيس:طيب تبين شئ غيره..
مرام:لاء مشكور..والله يزوجك يالعانس الصغنونه..
بلقيس:اووووه خلاااص ...ماعاد لقبنا العانس الصغنونه..
مرام:اجل ..لايكون ....ولا علمتيني..
بلقيس:بعدين اقولك الحين انا مشغوله..
مرام:يلا مع السلامه..

سكرت بلقيس وهي تشوف خالها خالد..
خالد:انزلي بسرعه وتعالي وياويلك ان تاخرتي..
بلقيس خافت شفيه خالها ..ولييه كذا وجهه ..نزلت بعده على طول..
بلقيس:هلاخالي
خالد واقف:لاهلا ولامسهلا..ياوجهه العلل..
بلقيس:خالي وش شسويت انا..
خالد:من متى تروحين لابوك..
بلقيس:اهاا عشان كذاا كل هالهوشه..
خالد:وهذا شئ هييين..
ام بلقيس:حنا قصرنا معاك..
بلقيس:لاء ..ماقصرتوا..بس انا لازم اعرف عايلتي ولا تخاف ماباثر عليك..بشئ هي كلها زياراات بسيطه ابي اعرف ابوي وصجق الكلام اللي انقال عنه..
ام بلقيس:ليه مو مصدقتنا..
بلقيس:ماكذبتكم..بس يمكن يعاملني غير..
ام بقليس:بلـــــــــــــقيـــــــــــــــــــس..
بلقيس قامت:يمااااه سامحيني ....بس حبي لك مايعني اني اتنازل عن ابوي..وانا بعيش عندك وبيت ابوي بروح له زياراات خفيفه..عن اذنك خالي..
قامت بلقيس ...خايف..امي وخالي ناويين على شئ...بس يلاااا في زواجي من ولد عمي محاسن بظل قريبه من اهلي..
ام بلقيس:خالد شفت شصاااااااااااار البنت تمردت علينا
خالد بعصبيه:انا اوريها اوريها كلها ايااام وبتصير على ذمه ولد بورامي واكسر كل مخططات بونايف اخليه يندم انه تحداني
ام بلقيس:خالد انا طول هالسنين خططت ودبرت ماابي على نهايه عمري تخرب كل اللي بنيته..
خالد:...اه بس ..قهرتني هالبلقيس..
ام بلقيس:كانها تعيد اسطوانه اخوانها من قبل ماجد وسلطان بغواا ابوهم وسطام يوم كبرنااه تمرد
خالد:بس مارراااح نسمح لها بهذا الشئ
%%%%%%%%%%
هنا ينتهي البارت
اتمنى انه نال على رضاكم واتحسانكم ولا تحرموني من ردودكمم اللي تخليني امشي للامام
وانشاء الله الابارت الجاي رااح يكون طويل انتظروني يوم السبت انشاء الله

مع ودي
صرخه وفا
ولهانه لشوفته

</b></i>

[صبا الروح]

بارت ......................جدا رائعه

تسلمي حبيبتي علي الروايه وننتظر التكملة.............................

[صرخه وفا]

مشكوره على الطله منوره

[صرخه وفا]

البارتــ السادســ


http://www.gmrup.com/gmrup-05-2010/gmrup12745101901.png (http://www.gmrup.com/)

مصعب:والله وسبقتني يانيوف
نايف:شفت كييف..
مصعب:يالله انشاء الله ربي يوفقك..
%%%%%%%%
شافي:طب قومي..
رزان:يعني بتوصلني..
شافي:شفتيني قلت لاء...
%%%%%%%%
سطام كان نايم بالجلس حق بيت ابوه..وسلطان دخل عليه..تفاجاء فيه..
سلطان:سطام ..سطام..
سطام فتح عيونه:هلااااا..
سلطان:شفيك نايم هناااا..
سطام:الليله بنام هنا بعد..
سلطان:وزوجتك..
سطام:بتنام ببيت اهلها..
سلطان:سطام مب عدله..حتى لوانك زعلااان وياها بنتك شذنبها..
سطام قعد وحط يده براسه:انت مو فاهم شئ..
سلطان:لاهذا اللي الكل لاحظه ياسطام..
سطام:سلطان لاتزيد علي..






&&
لاتزيدها ياخوي وتضغط علي..
محدن عالم باللي فيني غير الللي خلقني..
يمكن تكون عالم بتفاصيل ماجرالي ..
بس مااظن بتعرف الاحساس اللي سكني..
&&



سلطان:سطام تكلم يااخوي..
سطام:تعبت ياسلطان ماعرف كيف امشي مع رزان سلطان كل ماقلت البنت كبرت وبتعقل احس اني اتعامل مع وحده صغيره..تخيل شهرين من جيت ياسلطان ولا حتى جلست معها جلسه لوحدنا ويوم امس خبر حملها قلت يمكن البنت تحس بس مااااش امها اللي تسيرها تخيل نمت العصر وصحيت الا امها مقابلتني خل بنتتي تنام هنا ..لفيت عليها ساكته وراضيه انا وش مو بشر مااستحق لو ليله وحده اقضيها معها بروحنا ..والله ياسلطان مابي اخسرها ..واحــ..ـبــ..ـها...
سلطان:سطام طب انت لاتعاملها بالمثل ..وروح لها احين رجعها حرااام تضيع حبك حرب عشااانه..
%%%%%%%%%%
كنت تحاول تحفظ بس مو قادره..ماقدمت عدل في الاختبار هذاا والسبه زعل اخوها عليها ..حاسه انها مو مستوعبه هي وش سوت..مسحت على وجهها بيدها وقامت لغرفته..لعل يخفف من معاناتها..طقت الباب..وطقت وطقت..بس للاسف مارد احد عليها ..فتحت الباب ..شافته على الكرسي ويده بين راسه..
مها:نا...يف..
نايف رفع راسه:يعني مارديت..شمعنا تها..
مها انصدمت بس مالامته هي سبب كل اللي يصير له..
مها قربت منه ودموعها طاحت:نايف..والله آسفه ماكنت اقصد والله..
نايف كان بيطلعها برااا بس دموعها اجبرته انه ..يرحمها..




&&
نقطه ضعفي هي دموع الغاليين..
تكسر مجاديفي واعلن رضايه..
ماحب اشوفه يسبكه من العين..
احس اني موصى عليها وصايه..
&&



%%%%%%%%%
مصعب:طيب..لاتتاخر..
حمد:لاتخاف انا جااااي..
مصعب:اييه ابيك تسرع..
حمد:مصعب تراا والله لاارجع لمكان ماجيت..
مصعب:خلاااص يابوك تعال وفكنا مع السلامه..
ام نايف:مصعب..
مصعب:هلااا يمااه..
ام نايف:روح لنايف..شوفه..
مصعب:يمااه نايف اذا يبي يطلع من غرفته ..
ام نايف:بس احين له حدود الساعتين ماطلع واحين ابوك بيجي عفيه مصعب..
مصعب:انشاء الله بنسمع كلامك انتي وولدك المدلع..
قام مصعب لفوق..وهو بالدرج دق حمد عليه نزل لتحت ونسى روحته لنايف..
مصعب:هلا والله بحمد..
حمد€:مو لله هالترحيب عشان الللي جايبه..
مصعب:حرااام عليك تشك فيني اخس عليك ياراجل..
حمد:امش بس امش..
مصعب دخل هو وحمد للمجلس..
حمد:شوف هذا الخاتم على قد اصبعها
مصعب:طيب والاشياء الباقيه لون الورد عشان الكوشه والكيكه..
حمد جلس يخبر مصعب بكل شئ لان له يومين يزن عليه..
%%%%%%%%%%
بونايف:ناديه لي ..
ام نايف بدمعه:حراام عليك خف على الولد ظالمه ياصالح هذا ولدك..
بونايف:بتقومين تناديه ولا..
ام نايف:مب مناديه ولدي لشئ يكدر..
بونايف:فوزيه ترااك طفرتي بي..اقول خليني اروح له احسن لي..
قام بونايف لنايف هو معترف بخطاءه ..بس عنده صعبه يوقف ويقول يانايف انا غلطان..دخل الغرفه..شاف نايف ماسك كتاب وقاعد يقرااا..
بونايف تردد يقول اسمه ..نايف حس بوجود احد وياه بالغرفه رفع راسه وانصدم ..بابوه ..قام وقف وراح له ..حبه على راسه..
نايف:شخبارك يبااه..
بونايف كان منصدم من ولده:بخير..
جلس بونايف على الكنب ..وجلس نايف قباله..
لحظه صمت..
بونايف رفع راسه:تراا ملكتك بكراا..سمعت..
نايف رفع راسه:الي تامر فيه..



&&
لجل ماتغضـــــب وتـــــزعل..
بضحي بمستقبلي عشانك..
باخاخذها ومعها المستقبل ..
بشبك ايـــــــدي لعيـــــــونك..
يالغالي لاتحــــــــــط بالبال..
تراني تحـــــــــــت يديــــــنك..
&&



وبملكه مصعب بتاخذها او بلليله عرسه..
نايف هز راسه ..وهو مو مقتنع ..باللي يقوله ابوه ..لييه يعني ابوه مااارح يسوي العرس ..وهو اللي كان يحلم بليله عرسه من احلى الليالي..لاكــــــــــــن انهدمت احلامه
%%%%%%%%%%%
سلطان:يلااا بلقيس وقعي..
مسكت القلم بايد ترجف ..وخطت توقيعها ..خطت حياتها المستقبليه مع شخص للحين ماتعرف حتى صورته ..ولاطبعه ..خذا سلطان الدفتر وقام وهو حاس بقهر ..باس راسها..وخدها..
سلطان:مبروك..يابلقيس نايف..
بلقيس رفعت راسها الي شوي وينفجر بصياح من الحمره الي فيه
بلقيس:الله يبارك فيك..
سلطان:يلاا عن اذنك..
طلع سلطان من الصاله ودخل المجلس عطاهم العقد وتممواا كل شئ طلع الشيخ..
بونايف:بوماجد تراا نايف بياخذها بعد عرس مصعب يعني اليوم الثاني..
سلطان:شنووووووووووو؟؟؟..
بونايف:قلت نايف بياخها بعد عرس مصعب"ولف على ماجد"ماعلمت ولدك الادب يافارس ..يصرخ بوجهي كذااا..
بوماجد كان ساكت ويناظر اخووه بالم..




&&
حسافه..كلمه اخوي بيننا..
كاني واحد واحد ماجمعنا نفس البطن..
يالللي تتسمى اخو ارحم مابيننا..
ولا تعذب كلمه اخو ننطقها بالالسن..
&&




ماجد:عمي يعني لاعرس ولا خطوبه ولاحاجه حرااام كذاا يعني نايف ماظن انه يبي كذاا..
لفوا كلهم علي نايف اللي ساكت ..
سلطان:تكلم يانايف وين طموحاتك..
مصعب كان حاس بقهر من ابوه..وهو يشوف اخوه الكبير ينربط لسانه بسبته..
بونايف:نايف بيتزوج وعلى طول بيسافر ..يعني ماها داعي هالتحضيرات كلها...
انفتح الباب في هذي اللحظه ..ودخل سطام..
سطام :غلطان ياعمي مو عشانهم قبلوا..يزوجونكم اياها عشان الدين تسوي اللي تبي ..
بوماجد:سطام..
سطام ماناظر ابوه وكمل:واذا على الدين اللي ماظن في اخو في الدنياا بيسوي سواتك عشانه "رمى الظرف اللي بيده"خذ هذا هوكامل ..ولا لك احين وين عندنا..
سلطان قرب:سطام..لــ...
سطام:بس..لو دريت من قبل ماكان صار كل شئ..
بونايف قام وقف: انا استاذن..
سطام:لاتنسى دينك..
بونايف:مب ناسيه لاتخاف..
طلع بونايف..
سلطان يجلس سطام:سطام اهدى..
سطام:مب جالس..احين ابي اعرف ليييه انامااعرف عن الموضوع شئ ولا انا مو اخوكم...
ماجد:سطام لاتكبر المسائل..
نايف يبي يرفع السالفه:عمي انا آسف نيابه عن ابوي ..بس بصرااحه انا مابغيت هالزواجه تكون كذاا..بس حكم القوي..وعمي انا كنت حاسب حساب كل شئ...وهذا الشئ فيه مهر بلقيس واعتذر مره ثانيه عمي..
كلهم طالعوا بنايف..
بوماجد :بس المهر اندفع يانايف..
نايف بترجي:عمي اذا لي غلاااه عندك تاخذه..
سلطان:نايف شفيك تبي ابوك يزعل عليك..
نايف:انا ياعمي وعيال عمي مابي زوجتي تطلع كذاا..وعشان تحسسني اني صدق زوج بنتكم خذوا المبلغ ..على الاقل اعتبروها هديه اي شئ بعدين ياعمي انتوا رجعتوا الدين لابوي..
بعد اصرار وزن من قبل نايف تم كل شئ وخذوا المهر اما سطام رااح دخل داخل عند بلقيس..
%%%%%%%%%
حمده:موهم قالوا يوم الاثنين..
ام نايف:مدري عن ابوك خذاا الملاااك وراح..
حمده:طيب على الاقل خلااانا نروح
ام نايف:يقول هي ملكه في الصبح يعني مالها داعي تروحون..
حمده:حرااام الحين بلقيس وش بتسوي..
ام نايف:الله يهديه ابوك..
حمده:بروح اتصل عليها يمااه عطيني جوالك ..
اام نايف:شوفيه في غرفتي وهاتيها خليني اكلمها..
راحت حمده للغرفه واتصلت..
حمده:الو..
بلقيس:هلااا
حمده:شخبارك يلقيس ومبروك..
بلقيس:الله يبارك في حياتك..عقبالك..
حمده:هااه ماقلتي لي وش رايك باخوي شئ مو..
بلقيس:ماشفته..
حمده مستغربه:ليه منتي جالسه معاااه..
بلقيس:لاء اصلااا انا توي جاييه من المدرسه ومالبست..
حمده:اهااا
بلقيس:شخبارك انتي ..
حمده:بخير ..هاه شلون الاختبار اليوم..
بلقيس:والله انشاء الله زين..
حمده:عااد هااه ماااوصيك بالنسبه..
بلقيس:انشاء الله بتطلع زينه..
حمده:عاد انا احسك دفره..
بلقيس:يللله الله يعينا ونخلص على خيير..
حمده:بلقيس اذا احتجتي اي شئ كلميني انا بمقام اختك الكبيره..
بلقيس اول مره احد يحسسها انها اخته فحنقتها العبره :ماتقصرين..
حمده:لاواللله ترى اتكلم جد..وطبعا انتي بتصيرين مرت اخوي حبيبي فاكيد لازم اصادقك عشان نضبط نفسنا..
بلقيس:لاتخافين كل محتاج شئ بدق عليك تراااني غثاا...
حمده:لاتقولين كذاا لاالحين اسطرك
بلقيس:اييه عشان اعلم جوزي..
حمده:ياعيني على جوزي..
%%%%%%%%
فتحت عينها تلفتت مالقته عندها كانت منصدمه معقوله جاء للبيت معقوله شافني نايمه هنا وماصحاني..
قامت راحت لغرفه بنتها ..
رزان:جواري حبيبي انتي صحيتي..
الجوري تناظرامها:اييه انا جيعانه..
رزان:تعالي ياعيون امك بنسوي لك اكل..
رااحت رازان ويابنتها وسوت لها شئ تاكله..ومسكت جوالها وهي عارفه انه مابيرد عليها
ظلت تتصل وتتصل الين المغرب..
سطام:الو..
رزان:الو السلام عليكم.."حست بنغمه صوته غريبه"..
سطام:وعليكم السلام..
رزان:سطام وينك..
سطام:في وين يعني عند ابوي..
رزان:شفيه صوتك..تعبان...
سطام:لا..بس جهزي نفسك بمرك بعد شوي..
رزان:انا في البيت..
سطام:في البيت من متى..
سطام مستغرب:من امس قلت يمكن ترجع البيت بس..
سطام:خلاااص انا جااي مع السلامه..سكرت رزان وهي تفكر بسطام صوته متغير نساها تعاتبه على نسيانها..
%%%%%%%%%%
كانت ماسكه الكتاب وتشرح لمها بس قلبها موع نايف ومصعب اللي لللحين ماجوااا..مسكت جواال امها ودقت على نايف يعطيها مغلق جلست تحاتي اكثر يعني احين وجه المغرب
مها:حمدووه هذا شلون..
حمد:مها حبيبتي خليه شوي وانا بجي لك..مها :انا بروح الغرفه
حمده دقت على مصعب جلس فتره بعدين رد..
حمده:اخيراااا..مصعب وينكم مابينتوااا..
مصعب:حمده ..هلا هلا..
حمده خافت من صوته:شفيكم.."وجا نايف في بالها"...نايف فيه شئ..
مصعب ارتبك:هااه...ابوي وينه..
حمده:فيه شئ نايف تكلم..
مصعب بعد ماصات تلح عليه تكلم..
مصعب:نايف بعد ماطلعت من بيت عمي انكتم وطااح علي والحين نحنا بالمستشفى..
شهقت حده ودموعها طاحت:ليييييه وش اللي ضايقه..
مصعب:مدري بس..ابوي وينه..
حمده وهي تمسح دموعهاا:دقايق "وقامت على غرفه ابوها"يبــــــــــــــــــــــااااااااااه ....يبـــــــــــــــــاااااااااااااااه
دخلت الغرفه
بوناف:هلا حمده شفيك..تصارخين؟؟؟
حمده مدت له الجوال..
بونايف :الو ...هلا مصعب ايش..ومتى هالشئ يلااااا يلااا انا جاااااي
طلع بونايف ولا سمع ندات حمده انها تبي تروح
%%%%%%%%%%%%%%%
هنا ينتهي البارت اتمنى ينال على رضاكم
مع ودي
صرخه وفا
ولهانه لشوفته

[صرخه وفا]

البارتــ السابعـــ


http://www.7ammil.com/upfiles/aww02213.jpg (http://www.7ammil.com/)

سطام دخل البيت وهو يناظره بالم ..خلاااص..يلترى وش بيكون راي رزان ..فتح باب الصاله..شافها على عتبات الدرج سرحانه قرب منها وجلس جمبها..
رزان لفت عليه..
سطام:السلام..
رزان:وعليكم..
مابغا يفتح الموضوع وياها ..وفقرر الهرب الحين..
سطام:انا بروح ارتاح..
صعد درجات السلم وماحس الا بيد رازان ماسكته وتمشي معه..ابتسم وكمل طريقه معاها ..فتح الباب ودخل غير ملابسه وحط راسه على الفراش..وهو يتذكر ..وش سوى باع بيته وخذا سلفيه عشان ابوه هو ماهمته الفلوس بس حاس كل شئ بحياته بادي يتغير وحاس بتعب حس برازان جمبه ..
طالعها وقلبه يتالم محس ينفسه الا وهو يرمي راسه على صدرها ويحضنها..وهي انصدمت ..ومسحت على راسه..
سطام دموعه خلااص طاااحت:رزان...
رزان :ياقلب رزان..
سطام تمسك فيها من خصرها :انا تعبان..تعبــ ـان..




&&
تعبان من قسوه ايامي ياخليي..
تعبان من غدر الانذال اللي معايه..
ماعدت اقدر انااام ياخلي بليلي..
انا مجروح انا مهموم ومتعذب وابي دوايه..
&&




تكلم سطام عن كل شئ صار له بغيبه رزان وكان يخالط مشاعره دموعه فرح يوم قالها ن البيت قالت انا معاك وين ماتكون كان خايف من رده فعلها لانه البيت كان شرط من شروطها..قبل الزواج..
%%%%%%%%%
مصعب يطالع فيه هذا اخوه مو مصدق اجهزه التنفس والمغذي وتخطيط القلب عليه..
كان نايف شكله مرره تعبان بسبه كتمه اللي بقلبه ماتكلم حق ولااحد
لف مصعب على الباب يوم شاف ابوه..
بونايف:شفيه..
مصعب يهدي ابوه:اهدا يبه تعال برااا اقولك..
طلع بونايف وعينهعلى ولده..
بونايف:تكلم وش فيه..
مصعب قال لابوه السالفه..
بونايف:وليه طااح طيب..
مصعب:يباااه ..قلت لك من قبل يومين نايف تعبان ..وضربته ..نايف تعبان وجلست تضغط عليه عليه بكل شئ حراام عليك هذا ولدك ولـــــــدك..
*السلام عليكم..
لفوا على سلطان اللي كان جااي وعلامه الصدمه مرتسمه على وجهه وكانت معاه بلقيس..
ردوا عليه السلام..
سلطان:شلونه الحين اشوى..
مصعب:ماندري ياسلطان..
قعدوا طول الليله يحاتونه وطبعا بلقيس رفضت تطلع ..الا للاختبار..
%%%%%%%%
كان الجو كئيب مخيم على بيت بونايف..الكل الحزن طاغي عليه..ولاعب فيه..وينتظرون اتصال من مصعب يطمنهم على الغالي نايف..
حمده:يممااه شربي مااا..
ام نايف تهز راسها بلاء ودموعها مغرقتها..
حمده:يماااه حرااام عليك موزين لك..
ام نايف بالم:اجل وش الزين ولدي طايح بالمستشفى وانا مدري عنه ولااحد راضي يطمني عليه..
مها صاحت:يماااه انشاء الله بيقوم بالسلامه..
ام نايف:الله يسمع منك حمده يمااه ..اتصلي علي مصعب شوفيه
حمده مسكت الجوال ودقت لامها..
ام نايف:مصعب ياوليدي شخباره اخوك..
مصعب:لاتحاتين يمااه انشاء الله بيقوم بخير واحسن من اول بعد..
ام نايف:ليه صار له كذا ابي اشوفه يامصعب تعال خذني..
مصعب:يمااه خليها بكراا انا بجيبك لاتخافين عليه يلاايمااه هذ الدكتور طلع مع السلامه
ام نايف:مع السلامه طمني يمه..
%%%%%%%%%
مصعب:طمنا دكتور..
الدكتور كان شوي متردد يفاتح ابوه بالموضوع ولا مايخصه لاكنه بالاخير قرر
الدكتور:وين ابوه..
بونايف:انا وش فيه ولدي..
الدكتور:تفضل معااي على الغرفه وانا بقولك..
مصعب:دكتور نقدر نشوفه..
الدكتور:اييه..
دخل مصعب وسلطان وبلقيس..
كان نايف مبين من نومته انه مومرتاح ..فجاءه الابدا نايف يهلوس..
%%%%%%%%%
الدكتور:بونايف نايف يتعرض للضرب منك ..
بونايف:؟؟؟؟؟؟؟
الدكتور:بونايف هذا ولدك تدري وش يقول بونايف ولدك وهو تعبان وموحاس بعمره ..تدري وش يقول يقول عشانك يايبه..على شانك بتمم هالشئ..مع اني مو عارف وش اللي بيتممه بونايف نايف يقول ...حطمتني ...حطمتني يايبه بضربك ..بونايف ..تراا نايف كبر..
%%%%%%%%%
مصعب قرب منه:نايف..فيك شئ
نايف كان يتمم بكلمات مو فاهمينها كان بداخله يترجا ابوه يرحمه وماياخذ بلقيس..
سلطان:مصعب ..يمكن ازعجناه خلنا نطلع..
نايف بصوت سمعته بلقيس لانها الوحيده اللي مركزه تسمعه
نايف:يباااه...لااا...بلقيس..
سلطان:مصعب..
بلقيس محتاره نايف..لييه يناديها ..قربت منه ..ومن غير شعور مسكت يده ودمعه وحيده..






&&
هذاني جيتك قلي وش بغيت..
هذاني جيتك تكلم لاتخاف ...
ابغى اعرف ليه تنادي باسمي..
لييه وحنا اللي ماجمعنا سولاف..
قلي ليه انا من البشر ناديتيني..
لوسر بحفظه مابقوله لو يقطعني السياف..
&&





بلقيس:نايف انا هنا..
هنا نايف فتح عيونه ولف على جهه بلقيس..
مصعب وسلطان يناظرون بعض..
نايف مسك يد بلقيس باقوى وغمض عيونه..





&&
لاتخلي ايدي لحالها..
خوفي افقدك من بعدها..
ياخليلي امسك بها..
خلني احس مره بقوها..
&&



نام نايف اورجع يناام وبلقيس يدها بيده وعيونها سرحانه فيه ..وليه بالذات قال اسمها..
%%%%%%%%
صحت على نغمه الجوال وحست بسطام اللي للحين نايم بحضنها..
بعدته عنها ..وخذت الجوال..
رزان:الو..
بدور:اووووه نايمه سوري..
رزان:لاخلااص اصلا انا قمت..
بدور:خلااص بكره بتصل عليك..
رزان:انزين يلاا مع السلامه..
قامت رزان من الفراش لين تشوف بنتها نايمه جمبهم ابتسمت وآآه خلت الحمام ..تتروش..
%%%%%%%
سلطان:بلقيس..يلاا قومي ..باقي ساعتين على الاختبار..
بلقيس:طيب ..بعدين تجي تطلعني..
سلطان بتعذر:مدري يمكن اروح المدرسه اصحح اوراق الطلبه ويمكن استاذن..
بلقيس:خلاااص اجل انا بتصل على محمود..
سلطان:لاء محمود ماتركبين معه لحالك..
بلقيس ابتسمت :طيب..
سلطان:شعندك تتبسمين..
بلقيس حضنته:تمنيت احد بحياتي يقولي كذاا من زمااان
سلطان ابتسم ومشى معها لبرااا المستشفى..
%%%%%%%%%
بعد صلاااه الفجر كان وياولده بيفاتحه بالموضوع بس..
ماجد:يبااه قول اللي بخاطرك..
بوماجد بتردد:ماجد شرايك ببدور بنت عمك..
ماجد مستغرب:شفيها..
بوماجد:شرايك فيها كزوجه لك..
ماجد سكت..
بوماجد:خلاااص ماجد انسى السالفه..
ماجد:يبااه هالفتره مابي اسمع موضوع الزواج..
ماجد:لاتحاتي..
قام ماجد:يبااه انا بروح انام"الا دق جهاز الاطفاء"اووه يلاا لازم اروح..
بوماجد:اهتم بنفسك ماجد..لاتخاطر..
ماجد وهو يطلع:انشاء الله..
بوماجد كان جالس اتصل على بلقيس يشوفها
بوماجد:هلا ببنتي هلا بالغاليه الي خذت قلبنا..
سلطان:هه كل هذا لي يباه ..ماتقصر تسلم..
بوماجد:ههههههه شطلعك انت..
سلطان:والله بلقيس انا انتظرها عشان بوديها المدرسه ونست جوالها عندي..
بوماجد:شلونها خلصت التوحيد..
سلطان:اييه راجعته..
بوماجد:وين كنتوا امس ..ومتى رجعتواا..
سلطان:امس كنا عند نايف بالمستشفى..
بوماجد:شنو صاير له..
سلطان:تعب عليهم امس..وهو بالمستشفى..
بوماجد:الله يعينه خلااص انا شوي وجايكم..
%%%%%%%%
بلقيس:وهذاللي صار..
مرام:يعني انتي الحين حرمه نايف اللي هو اخو مصعب..
بلقيس بابتسامه:اييه عليك نور..
مرا م حضنتها:ههههه مبروك حياتي مبروك مبروك..والله فرحت لك اخذتي نايف ..نايـــــــــــــف..
بلقيس:الله يبارك فيك حياتي..
جواهر توها طالعه:على ايش تباركون..
مرام:بلقيس بتتزوج بتتزوج..
جواهر:والله مبروك حياتي..
مرام:وبتاخذ اخو رجلي..
جواهر:من جد وش هالصدف الغريبه..
سمعت بلقيس اسمها..
بلقيس:يلااا بنااات انا طالعه سي يو..وادعولي...
مرام:مع السلامه وسلمي على ابوك..
بلقيس:انشاء الله ..مع السلامه..
طالعت بلقيس بس ماشافت سلطان كان سطام اخوها ابتسمت وقربت منه..
بلقيس:سطااام..
سطام طالعها:هاااه هذي انتي ماعرفتك متغطيه
بلقيس:هههه يلااا نروح..
سطام:يلااا..
ركبت معاه بالسياره..
بلقيس:سطام خلنا نمر المستشفى..
سطام طالعها:قالي سلطان نزلها ..بنزلك وبروح لرزان عشان موعدها..
بلقيس:اخرتك..
سطام ابتسم:لاوش اخرتيني بس انا مارحت الشعل اصلاا وكلمت سلطان قال لي امرك ولا انتي تامرين واحنا ننفذ...
بلقيس:مشكور سطام..
لحظات صمت..
بلقيس:سطام لو اعزم بنات عمامي على حفلتي بيجون..
سطام:انشاء الله انتي اعزميهم وشوفي..
بلقيس:طيب عطني رقم رزان عشان آخذ منها ارقامهم
سطام عطاها جواله:شوفيه هنا..
خذت الرقم وترددت تسال سطام ولالاء..
سطام:بلقيس..
بلقيس:هلااا..
سطام:كنك تبين تسالين..
بلقيس تبتسم:هههه للحين تفهم علي..
سطام:للحين .. يلااا غردي شعندك..
بلقيس:سطام لييه تركتنا..
سطام وقف سيارته ولف طالعها
سطام:ليه هالسؤال الحين؟؟
بلقيس:بس من زمان خاطري اسالك اول مااشوفك
سطام:بلقيس انتي تعرفين اني رحت لامي وتركت ابوي قلت امي احسن وكذاا لاكن اللي ماعجبني طريقه امي بالكلام عن ابوي وكانه واحد ماتعرف وماعاشت معه سنين قهرتني في يوم وطلعت برااا البيت بس
%%%%%%%%%
بدور:رزان ..الحلم مرره غريب انا خايفه..
رزان:بدور استهدي بالله وانشاء الله مو صاير شئ..
بدور:طب وش دخل ماجد فيه..
رزان:بدور حبيبيتي لاتفكرين بهالامور انتي كلها اضغاث احلاااااام..
بدور:انشاء الله ياربي..
رزان:المهم انتي الحين ارتاحي من امس مانمتي كملي نومك..
بدور:انشاء الله ....ازعجتك ..
رزان:لاولاحاجه بالعكس صحيتيني..عشان اوعي سطام..
بدور:الله يخليكم لبعض..الا صح تعالي وش صارعلى ذاك اليوم..
رزان:الحمدلله اهم شئ انا وسطام مع بعض ..
بدور:الله ..تدرين احبك لما تقولين هالكلااام ..وين سطام يسمعك..
رزان:فديته رااح يجيب اخته..
بدور:الله يخليه لك يلاا انااميه تبيني بااااي...
%%%%%%%%
سلطان:طيب خلصت من اوراق 3ع عطني ادبي ..
فهد:لاخلهم بخلصهم انت اطلع روح لاختك..
سلطان:فهد حراام انت لك يومين ماخلصتهم عطني ويااك خلنا نخلص..
فهد:سلطان قلت لك روح..
سلطان:مدري كيفف اجازيك فهود..
فهد ابتسم له:روح انت وماعليك..
سلطان حبه على راسه:تستاهل اكثر وربي..
فهد:سلطون ان عدتها ياويلك ..لاتحسني اني جد يحبوني على راسه..
سلطان:هذاهم الصدقان في وقت الشده تلاقيهم جمبك..
%%%%%%%
مها:اقولك صالحوووه خلاااص ماجد خلاااااص من حياتي يعني لاتسالني عنه..
صالحه:الله ووين الحب وين العشق..
مها:خلينا في هم اختبارتنا..
صالحه:الاتعالي..صج الي سمعته..
مها:وش سمعتي..
صالحه:ان نيوف بياخذ بلقيس..
مها:اييه من قالك..
صالحه:امس سمعت جدي يتكلم ويابوي..
مها:افا يعني الخبر منتشر بالعايله الكريمه..
صالحه:ابشرك واليوم بيجون يباركون لكم..
مها بخاطرها ماتدرين ان المعرس بالمستشفى..
%%%%%%%
مصعب:شقال لك يباااه..
بونايف للحين منصدم ومنقهر:يوم كنت عند اخوك تكلم..
مصعب خاف من وجهه ابوه:هاااه...ايييه ....لييه...يباااه..
بونايف:اخوك هالخبل خر للدكتور الاكو والماكو..ماخلى شئ ماقاله هذا وهو نايم..
مصعب:كيييف؟؟؟
بونايف حط يده براسه:حسبي الله ونعم الوكيل فيه...
مصعب:يبااه شفيك بروحه تعبان بدال ماتدعيله جالس تدعي عليه حرااام عليك..
بونايف:اجل يفضحنا عند الدكتور..
مصعب:يبااه..احمد ربك ولدك مافشلك على قولتك ورااح نشر الخبر عند هلك..
بونايف:شصار عليه؟؟..
مصعب:ادخل شوفه بعينك..
دخل بونايف الا بلقيس واصله عرفها مصعب لانها ماتتغطى
مصعب:هلا بلقيس..
بلقيس:شخباره..
مصعب:زيين تبين تشوفينه ابوك داخل وابوي معه..
بلقيس:ابي ادخل..
دخلت بلقيس سلمت عليهم وجلست بجمب ابوها
بوماجد:هااااه وش سويتي بالاختبار...
بلقيس:ماشي..
وسكتواا وهم يناظرون بنايف اللي ساكن..
%%%%%%%%%
سطام :هاااه رزان خلصتي ..
رزان وهي تحط عباتها على راسها :جييييت..
سطام:وين الجوري..
رزان وهي تسكر الباب:مرتني بدوروخذتها معهم بيت عمي
سطام:زين..
رزان:سطام دريت انه نايف بالمستشفى..
سطام:اييه انتي من قالك..
رزان:بدور عمي صالح الله يعينه..
سطام:.....
رزان:بتزوره..
سطام:انشاء الله العصر..
رزان :خذ الجوري ويااك تموت فيه..
سطام:مايبيلها...
%%%%%%%%%
صحا نايف وكان يطالع باللي حوله بتوهان وتعب ..بونايف اول ماصحا طلع برااا لحقه بوماجد..
بلقيس قربت منه:حمدلله على سلامتك نايف
نايف يطالع فيها مستغرب مين هذي ..
بلقيس حست فيه:انا بلقيس..
نايف هز راسه انه عرفها ..ورجع غمض عيونه..
بلقيس تنهدت بعمق وهي تجلس جمبه على السرير..
نايف بصوت مبحوح:ابوي كح كح كح كح..وينه..
بلقيس:برااااتبيني اناديه..
نايف:لاء..
ورجع نااام من جديد..
%%%%%%%%%
بوماجد:بونايف..
بزنايف لف وطالعه:نعم..
بوماجد:شفيك طلعت هذا ولدك تعال ادخل تحمدله بالسلامه..
بونايف:مافي خاطري ادخل...
بوماجد:صالح ولدك ولدك هذا بكرك روح له...
بونايف:وانت شعليك مني..
%%%%%%%%%
كان الغدى يحطونه بالمستشفى لنايف الي كان جالس مع بلقيس وبلقيس مصره هي اللي توكله..
بلقيس جلست بجمبه ومسكت الملعقه وبدت توكله..
نايف بخاطره صدقتي ياحمده..بس..
بلقيس:انت احسن احيين..
نايف:الحمدلله..
بلقيس:انت احسن احيين..
نايف:الحمدلله..
بلقيس:كنا نحاتيك طول امس..
نايف:....
بلقيس شالت الاكل من جمبه..
نايف:تعبتك معااي...
بلقيس:لاتعب ولا حاجه انت رجلي ولازم اخدمك..
نايف ابتسم بدخله سلطان..
سلطان:هااا نايف اخبارك..
سلطان طاالع بلقيس:يالله يابنت ابوك..ماذاكرتي خلينا نرجع
نايف:نسيتوني ان فيه اختبارات..
سلطان:عاد نستاذن نايف لازم تذاكر بلقيس..
نايف:كح كح اذنك معك...
قامت بلقيس مع سلكان وهم بممر المستشفى..
بلقيس:غريبه اليوم بدري طلعوك..
سلطان:صديقي الله يخليه تكفل بالتصحيح وقالي اطلع ......
بلقيس:هذي الصداقه ولا بلاااش ..
سلطان:صدقتي......
%%%%%%%%%
مها :تتوقعين منو اللي بيسلمنا الدفتر..
صالحه:مدري ..بس اتوقع المرشده..
مها:والله اني ياصالحه خايفه اول مره ادخل الاداره..
صالحه:اقول يابنت فليهاا وربك يحلها..
مها:ياختي الناس تطلع بسمعه زينه واحنا..سمعتنا تفشل المشكله كله حش بصديقاتها الابلات..
صالحه:ماعليك منهم "تكلم الي جمبها"والله جنان بدور الا تعالي مهوي بدور شرت فستان العرس مصعب..
مها:والله زين ..عااد حلو ..حلو..
صالحه باستغراب:ليه دايم بدور هي كشخه..
مها:اييه صح...
صالحه:مها..شفيك..
مها:ماشئ..
صالحه:انتي عارفه بدور بالكشخه مافي مثلها كل بدلي ذوقها
مها:طيب درينا خليني اروح اذاكر...
صالحه:بااي
ظلت صالحه مستغربه من بنت عمها مها ..
بدور:صالحه شفيك..


هنا ينتهي البارت
اتمنى انه ينال على اعجابكم
واتمنى القى ردودكم
مع خالص ودي
صرخه وفا
ولهانه لشوفته

[الجوري ليال]

قصه جميله رغم ان اخر بارت ماكان بالمستوى المعهود مثل الي قبلله
اشكرك على القصه وبدايه موفقه
وبنتظارك عزيزتي

[قمر اهلها]

©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو° ¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووورهـ
مشكوووووووووووووووورهـ
مشكوووووووووورهـ
مشكووووورهـ
مشكورهـ