رواية ادري انه امنياتي هي مجرد امنيات / بقلمي

[صدى الاحزانM]

[ الجزء الأول ] ..

بيت أبو مها .. الجو محيوس .. الخدم بكل محل بالقصر .. يرتبون ويحطون الطاولات .. والطباخين بالمطبخ كل واحد بيده طبخه .. وأم مها تشرف ع الخدم وتدلهم ..
مها توها صحت من النوم .. قامت فركت عيونها وناظرت بالساعة لقتها 7 المغرب .. فزت من سريرها لبست نعالها [ أكرمكم الله ] وراحت للحمام توضت وصلت .. فتحت دولابها تدور ملابس تلبسهم للبيت .. وطلعت لها برمودا جينز .. وتيشيرت سماوي .. ورفعت شعرها بطريقه هاديه .. رشت من عطرها صبايا وطلعت من الغرفة .. طالعت بالخدم من فوق وهم بالقصر .. استغربت من شكلهم جرت ونزلت من الدرج الطويل بشكل سريع راحت المطبخ وطبعا ً بالنسبة لها الطباخين مو رجال سعوديين تغطي منهم .. فتحت الثلاجـة وطلعت لها عصير برتقال فريش .. صبت لها بكاس ورجعته وطلعت وهي تشرب .. رجعت للصالون وشافت امها .. راحت لها
مها : ماما ..
أم مها : هلا مها صحيتي ..
مها : إيوه .. ممكن افهم ليش هذا كله ؟
أم مها بإبتسامه : روحي البسي وتجهزي والكوافيرا شوي وبتجيك تضبطك .. وبعدين تعرفي ليش هذا كله ..
مها : لاا ماما قولي لي الحين انا لازم اعرف عشان ...
قاطعها صوت ابوها وهو داخل ..
أبو مها .. : السلام عليكم ..
مها وأمها : وعليكم السلام ..
أبو مها : كل شي جاهز ؟
أم مها : إيه كل شي جهز ..
أبو مها : حلو .. مها روحي البسي وجهزي نفسك .. شوي الناس بيبدأو يجو ..
مها : طيب بس افهم السالفه بالأول ..
أبو مها : ماله داعي روحي وبعدين تعرفين ..
مها هزت راسها وراحت لغرفتها .. فتحت دولابها المليان فساتين الوان واشكال .. طلعت فستانها الأسود .. كآن حرير طويل وماسك عليها .. وبدون آكمام بس خيط صغير يمسكه من على كتوفها .. وفيه من تحت الصدر فيه حزام عريض .. كله كريستالات ..
طالعت لنفسها بالمرايه .. ودارت مره ومرتين وثلاث وهي تضحك .. وقفت وطالعت لنفسها بغرور وابتسمت ..
وقالت : من يشبهك بجمالك يا مها بس ؟؟
دق الباب .. قالت ميين ؟
: انا الكوافيرا ..
مها : آدخلي ادخلي ..
دخلت الكوافيرا .. وجلست مها عالكرسي ..
خلصت الساعة 9 من كل شي ..
سوت لها مكياج آسود وفضي .. ورسمت لها حواجبها .. وروج آحمر .. ولبست عدسات رمادية .. جزمتها ( اكرمكم الله ) كانت سودا .. وفيها فيونكه عالجنب فضيه .. أما شعرها .. عملت لها بف ..
وشكلها كله كان مره روعه ..
( مها عمرها 21 .. وحيدة امها وأبوها ودلوعتهم .. بيضاء مره شعرها طويل اسود وناعم .. عيونها كبيرة وكحيلة لونها اسود .. خشمها طويل وحاد .. وشفايفها حمرا ومتوسطه .. وجسمها منحوت .. ومغروره .. وتعرفوا الباقي من الرواية ان شاء الله .. ]
طلعت من غرفتها وهي واثقه من نفسها .. وقفت فوق .. والقت نظرة لتحت ... نزلت من الدرج وصلت وطبعا ماسلمت .. إكتفت بكلمة هاي .. وراحت جلست جنب امها ..
أم طلال : مها .. شخبارك ؟
مها : بخير ..
أم طلال : ماشاء الله .. حلويتي ..
مها : إيه أدري ..
أم طلال : كم صار عمرك ؟
مها : 21 ..
أم طلال : ماشاء الله .. بالجامعة ؟
مها : ايوه ..
أم طلال : وش تخصصك ؟
مها ( اوففف وش هالتحقيق ..!!! ) : عربي ..
أم طلال : وعساه زين ؟
مها : إيه إيه ..
وقامت طلعت من الصالة تهرب من اسئلة ام طلال اللي بالنسبه لها تحقيق ..
نادت الخدامه
مها : ميري .. مييييرررري ..
ميري : يس ..
مها : جيبي جوالي من غرفتي بسرعة ..
ميري راحت جري لغرفة مها وجابت الجوال ونزلت عطته مها
ميري : إبغى شي ثاني ؟
مها : لا خلاص انقلعـي ..
راحت ميري .. وطلعت مها من الباب الخلفي للحديقة .. ضغطت ارقام وشوي جاها الرد ..
.... : الوو ..
مها : هاي فصولي ..
فيصل : هلا حبيبتي ..
مها : كيفك ؟
فيصل : دامي سمعت صوتك تأكدي إني بخير يالغلا ..
مها بدلع : ههههههه .. يسلموو ..
فيصل : فدييت الضحكة وراعيتها .. مابغينا نسمع هالصوت ؟
مها : شسوي ياقلبي انشغلت ..
فيصل : لا لا لا .. مارضى كذا انا ..
مها : طيب وش اسوي وترضى ..
فيصل : اشوفك بأقرب وقت ..
مها : أوكي بكرا يناسبك ؟
فيصل : صار ..
مها : اوكي نتقابل في ( .................. )
فيصل : اهم شي اشوفك حبيبتي ..
وكملت مها سوالف مع فيصل .. هي تلعب عليه .. وهو يلعب عليها .. وكل واحد يكذب من عنده ..
------------------------ ------------------------

بعيد عن بيت مها .. وبحارة ضيقه وصغيره .. كانت احلام تلعب بالحوش .. وأهلها حولها فارشين الفرشه وجالسين يسولفون ..
أبو محمد : احلام تعالي اجلسي لا تطيحين ..
احلام : بابا ابغى العب شوي ..
سميرة : خلها يبه تلعب وهي اذا تعبت بتجي تجلس ..
رن جوال سميرة .. وردت ..
سميرة : الو .. هلا فارس .. اوكي الحين طالعه ..
سكرت الجوال وناظرت بأبوها .. قامت وباسته على راسه ..
سميرة : يلا يبه انا بروح فارس عند الباب .. تامر شي ؟
أبو محمد : سلامتك يايبه .. سلمي على فارس .. وقولي له المره الجاية يدخل نظيفة ..
سميرة ابتسمت : حاضر يبه .. يالله اشوفك على خير ..
لبست عبايتها .. وطلعت لزوجها ..
ركبت السيارة : سـلام ..
فارس بإبتسامة : هلا وعليكم السلام ..
سميرة : كيفك ؟
فارس : الحمدلله ..
سميرة : يسلم عليك ابوي .. ويقولك المرة الجايه لازم يضيفك ..
فارس : حااضر ان شاء الله .. شخباره عمي ؟
سميرة : الحمدلله ..
فارس : ها وين نروح ؟ وش رايك نتعشى بمطعم كذا حلو ورايق ؟
سميرة : اوكي ماعندي أي مشكلة ..
------------------------ ------------------------ ------------------------

مها خلصت مكالمتها من فيصل .. بعد ماوعدته انه يشوفها اليوم اللي بعده .. دخلت لجوه .. وراحت جلست جنب امها بعد مامتلى القصر ..
مها : يمه باقي ماقلتي لي وش السالفه ؟
أم مها : ههههههههه .. الحين تعرفين .. وأشرت لوحده من الخدم ..
طلعت لفوق وبدأت الأنوار تطفى .. وشغلوا أغنية تخرج هاديه وحلوه .. أرتفع النور الأبيض لفوق الدرج .. ونزلت وحده لابسة ملابس التخرج..
مها ماميزتها لأنها بعيده ..
قالت ام مها لمها توقف قدام الدرج تستقبل اللي نازله .. راحت مها وقفت .. وهي ماتدري مين اللي جاي .. شوي شوي بدأت تقرب البنت .. ومها تحاول تميزها .. لين نزلت ومها عرفتها ..
مها وهي فرحانه : الهنووووووووووف ..
الهنوف تضحك : ايه الهنوف ..
مها تحضنها : وحشتيني وربي ..
الهنوف : وأنتي أكثر ..
مها : متى جيتي ولا قلتي لي ..؟
الهنوف : جيت قبل يومين .. وماقلت لك لأن أبوك قال نعملها لك مفاجأه ..
مها : تعالي تعالي نجلس وعلميني على كل شي صار لك ببريطانيا ..
الهنوف : هههههه ابشري ..
راحوا جلسوا .. ومها كانت فرحانة بالحيل عشان الهنوف ..
(الهنوف صديقة مها .. أكبر منها ب3 سنوات .. الهنوف عادية جدا .. طيبة وحبوبه .. شعرها طويل لنهاية ظهرها .. وعيونها عاديه .. خشمها طويل وشفايفها عادية .. وجهها دائري .. طبعا ً مها مصادقتها عشان ماتتغلب عليها بجمالها .. وعلى قولها عشان اذا رحت محل معها محد يقارن بيننا )
خلصت الحفلة بعد ماحكت الهنوف لمها كل شي صار .. طلعت مها لغرفتها بدلت ملابسها وغسلت وجهها وفتحت تسريحتها .. ونامت على طوول ..
------------------------ ------------------------
سميرة وفارس رجعوا البيت الساعة 12 .. سولفوا شوي .. وتفرجوا عالتلفزيون .. وقاموا ينامون ..
ابو محمد نوم احلام .. وانسدح على سريرة يحاول بالنوم للساعة 2 .. ونام ..
( سميرة بنت ابو محمد متزوجه فارس من 4 سنين .. عمرها 24 مره طيبه وحبوبه وجمالها متوسط .. وفارس حنون وطيب معها ويحبها ولا يرضى عليها .. عمره 27 ويشتغل بشركة الإتصالات ) ..
( أبو محمد عمره 48 .. زوجته ام محمد وولده محمد توفوا بحادث سيارة من سنه ونص .. وبقى بالبيت هو وبنته احلام .. أحلام عمرها 8 سنين )

------------------------ ------------------------

ببيت بالدمام .. كان الصراخ طالع منه ..
جوري وهي تبكي : حرام عليك فكني ..
رامي يضربها بدون رحمه : افكك بعد ما أعلمك قدرك ياحيـوانة ..
جوري تصارخ : حرااااام عليك اتركني بحالي اتركني ..
رامي ماكان بوعيه .. كان سكران .. وطبعا يروح يسكر ويجي يضرب زوجته جوري بأتفه كلمه تقولها ..
بعد ماطلع حرته فيها .. راح ينام .. وتركها تبكي وتتألم .. بكت عالكنبه .. لين نامت ..
وكانت ليله .. حلوه عند البعض .. ومره عند البعض ..
------------------------ ------------------------ ------------------------
الساعة 9 .. فتح عيونه .. ناظر بالغرفة حوله .. ولقاها بيضا .. وشم الريحة كانت ريحة معقمات .. مرت وحده لابسة ابيض من عند الغرفة .. وهو يحاول يستوعب هو وين ؟ وايش جابه هنا .. طالع بيده لقا فيها المغذي .. وملابسه كانت خضرا .. عرف انه بالمستشفى .. بس إيش جابه ؟! ومتى جا ؟ غمض عيونه يحاول يتذكر شي مو قادر .. انفتح الباب ودخل الدكتور .. ناظر فيه وابتسم ..
الدكتور : صباح الخير ..
..... : صباح النور ..
الدكتور : ها كيفك اليوم ؟
..... : بخير .. بس ايش جابني هنا ؟
الدكتور : تعرضت لحادث أليم .. وشافك واحد وجابك هنا ..
..... : سويت حادث ؟؟ كيف ومتى ؟؟
الدكتور : كنت مسرع .. ومانتبهت للطريق بس الحمدلله انها جات على كذا
..... : طيب ..
الدكتور ابتسم بإرتباك وقال بتصنع : الا .. وش اسمك ؟
..... : ها ؟ إسمي ؟
الدكتور يدري انه فاقد الذاكرة ومستحيل يعرف اسمه .. : ايه اسمك ..
..... : اسمي ... مادري ..!
الدكتور : حاول تذكر ..
..... : اسمي اظن اسمي .. اناااا .. ماعرف ..... اسمي ..
( مسك على راسه .. وحس بصداع فضيع .. وذكر احداث مخربطه .. ويقول كلام مو مفهوم .. ضغط اكثر على راسه وهو يتألم )
الدكتور خاف عليه .. ونادى السستر تحط له ابرة مهدئه .. هدا ونام .. طلع الدكتور .. وهو كله امل انه يعالجه ويرجع مثل اول واحسن ..

------------------------ ------------------------ ------------------------
حصه كانت تمشي بواحد من المجمعات الفخمة هي وصديقتها حور .. حور تأشر على واحد من الشباب ..
حور : حصه الحقي الحقي شوفي هذاك يخقق ..
حصه : وينه ؟
حور تأشر : هناااك شوفي ..
حصه : يووه .. ياخذ العقل ..
حور : واو والله بالمره يهوس ..
حصه : خلاص حور ايش ذا .. لاينتبه لنا الرجال امشي نكمل ..
كملت حصه .. وحور عينها عالرجال ..
دخلو محل .. وكانت حصه كل ماسألت حور وش رايك ؟ قالت حور حلو حلو .. وهي بالها مو معها ..
حصه : حور وربي انك ماتنعطين وجه .. وش قلة الذوق هذي ؟ خلاص وش هذا اتركي الرجال بحاله .. هذا كله عشانه حلو ؟
حور سكتت .. وحست انها غلطانه وكملت مع حصه ..
دخلو محل .. وهم يشترون .. دخل نفس الرجال ..
حور : حصه الحقي شوفي من دخل ..
حصه لفت وجهها وشافته .. : حور .. لو بتتمين كذا وربي لأتركك واروح .
الرجال انتبه .. طالع بحور وابتسم .. حور انهبلت ..
قرب الرجال من عندهم : مساء الخير ..
حور وعيونها طايره عليه : مساء النور ..
الرجال أشر لها عالجوال وغمز .. وهي طلعت جوالها وفتحت البلوتوث .. وحصه مو مصدقه اللي تشوفه .. الرجال ارسل لحور رقمه وراح ..
حصه : حور .. وش سويتي ..
حور وهي فرحانه : أخذت رقمه ماسويت شي ..
حصه : حور من جدك انتي ..
حور : ايه ..
حصه : حوور وربي لو ماتبطلين سخافه مايحصل لك طيب .. ويلا طلعي الجوال وامسحي الرقم ..
حور : اوهوو حصه .. مسوية لي فيها شريف مكه .. خلاص فكينا كيفي .. مالك شغل فيني ..
حصه : أوك بتركك .. بس رجاء يا انا يا هالرجال ..
حور : ليه غيرانه مني ؟
حصه من غير شعور .. اعطت حور كف ..
وراحت وتركتها .. طلعت من المجمع .. واتصلت على اخوها جا واخذها .. ركبت حصه السياره وهي معصبه .. وصلت البيت ودخلت غرفتها واتصلت على حور ..
حور : خيير ؟
حصه : حور .. حور صدقيني انا خايفه عليك .. حور ليه كذا .. حرام عليك ترخصين نفسك انتي جالسه تخلي الثقه تنعدم فيك .. وتطيحين من عيني .. طول عمرك بنت محترمه ومتربيه .. وماعمره أحد فكر يمسك بكلمة الحين واحد واطي مثل هذا يسوي فيك كذا ؟؟
حور ليش مو حرام عليك تخونين ثقة اهلك فيك ؟ وتغضبين ربك ؟
حور : حصه حصه بليز .. مالك شغل فيني واذا جات عالسمعه هي سمعتي مو سمعتك .. واذا طفشت منه بتركه .. وانتهى ورجاء لاتتدخلي بخصوصياتي .. طول عمري حره بحركاتي تجي وحده مثلك تقول سوي ولا تسوين ؟ بلا لقافه ..
حصه بصدمه : حور انتي بعقلك ؟
حور : لا شاربه .. ايه بعقلي ..
حصه بنفس الصدمه : اوك خلاص باي ..
سكرت منها .. وجلست ماتكلمها شهور ... مع انها صديقتها من طفولتها .. بعد ماتركتها حصه .. رجعت حور اتصلت عليها بعد 6 شهور ..
حور : حصه
حصه : هلا مين ؟
حور : حصه انا حور انا صديقتك ؟
حصه : حووور ؟؟ نعم ؟ وش تبين ؟
حور : حصه الحقيني ..
حصه : خيير وش فيك ؟
حور : حصه انا لازم اشوفك .. حصه وربي ابيك ضروري ..
حصه : مابي .. ورجاء مابي اسمع صوتك مره ثانيه ..
وسكرت الخط .. رجعت حور اتصلت .. مره ومرتين وثلاث وحصه ماترد .. لين يئست .. وراحت لها البيت ..
فتحت لها ام حصه .. : هلا حور ..
حور : هلا خالتي .. خاله حصه وين ؟
ام حصه : حصه بدارها ..
حور : طيب عادي اروح لها ؟
ام حصه : ايه البيت بيتك ..
حور راحت لحصه غرفتها .. دقت الباب وحصه فتحت ..
حصه : انتي .......؟
حور دفت الباب ودخلت وسكرته .. سحبت حصه من يدها وجلستها عالكرسي ..
حور تبكي : حصه .. حصه ابوس يدك سامحيني .. حصه وربي كنت غبيه .. حصه وربي مااكان قصدي ارجوك سامحيني ..
حصه : حور ؟؟ وش فيك ؟
حور : حصه سامحيني ياحصه ..
ورمت نفسها بحضن حصه وبكت .. حصه حضنتها من غير ولا كلمه ..
بعد سكوت ..
حصه : حور .. وش فيك ؟
حور : حصه مسامحتني ؟
حصه بإبتسامه : مسموحه .. مانسى اللي صار بيننا ..
حور : حصه تدرين وش صار ؟
حصه : وش صار ؟
حور وعيونها تدمع وتشهق : هذاك اللي تعرفت عليه .. جلست معه .. وكنت دايم اكلمه يوميا .. وحبيته وحبني .. وقال لي ان اسمه فهد .. وانه يشتغل بشركة ابوه .. وانا صدقته .. وقال لي انه بيتزوجني .. وطلبني صورتي .. وانا ارسلتها له .. والحين من اسبوع يهددني .. يقول يا اما امرك البيت وتطلعين معي ولا صورتك أرسلها على جوال ابوك واقوله ان إنتي تعرفين كل شباب جده ..
والحين مادري ايش اعمل .. لو وصلت الصوره لأبويه .. وش يسوي فيني .. حـصـ... حصـه مادري وش اسوي .. ساعديني ارجوك ..
حصه تناظر حور بحنان : عارفه انك مظلومه ومانتي قاصده .. وانا صديقتك واعرفك غير كل الناس .. بساعدك .. بس توعديني الشي هذا مايتكرر ؟
حور : أوعدك .. اقسم بربي مايتكرر ساعديني ياحصه ساعدييني ..
حصه : طيب .. انا اقولك ..انا عندي رقم الهيئه .. نتصل ونعطيهم الرقم .. وهم بيحلو الأمر بالسر ويتفاهمو معه .. وانتي تغيرين رقم جوالك .. طيب ؟
حور : اخاف .. واذا جانا البيت ؟
حصه : نقول للهيئه انه يلاحقك للبيت وهم يتفاهمون معه ..
حور : يعني خلاص بتنحل المشكله ؟
حصه :.. إن شاء الله ..
حور حضنت حصه .. : الله لايحرمني منك ..
حصه تضحك : ولا منك يالدبا ..
حور تركت حصه : يلا نتصل عليهم الحين ..
حصه : يلا ..
فتحت حصه جوالها وحطت رقم الهيئه واتصلت وحطت سبيكر عشان حور تسمع ..
وصلها الرد ..
.... : الو ..
------------------------ ------------------------ ------------------------ ------------------------
انتهى الجزء الأول ..
توقعاتكـم ..
1 / مها بتقابل فيصل ولالا ؟
2 / جوري ورامي .. وش بيسير معهم ؟
3 / مين هو اللي فاقد الذاكرة ..؟ وكيف الدكتور بيتعامل معه ؟
4 / حور وحصه .. وش بيسوون مع رجال الهيئه ؟ وايش بيفوق حصه من ذكرياتها اللي تذكرها ؟

الكآتبه :
صدى الأحـــزان .. M

[ألم الوقت]

بداية القصة مشجعة والاحداث حماسية
انا ما عندي توقعات حاليا حتى يصير عندي خبرة بالشخصيات
بانتظر الفصل الثاني
يعطيك العافية

[صدى الاحزانM]

ألم الوقت ..

ثآإنكيو ع هيِك مرور ..

وآإلجزء آإلثآإني يُكتب .. =)

[الجوري ليال]

بدايه موفقه عزيزتي
ومانقدر نحدد التوقعات لانو لسى مااخذنا صوره كافيه عن الشخصيات
شاكره لك

[صدى الاحزانM]

الجوري ليال ..

شآكره لك مرورك ..

[صدى الاحزانM]

مرحبــــــــا اعضاء منتديات جروح الوقت ..

كل عآإم وآإنتم بخير بمناسبة شهر رمضآإن المبآإرك ..

كل عآإم وآإنتم الى الله آإقرب ..

آإعاده الله علينآإ وعليكم باليمن والبركآإت ..


حبيت آإنزل الجزء الثإآني من روآإيتي ..


آإتمنى يحوز على رضاكم والقى التشجيع والردود اللي تعجبني وتشجعني اكمل الروايه ...



آإترككم مع الجزء الثآإني ..

[صدى الاحزانM]

[ الجزء الثاني ] ..

.... : الو
حصه : السلام عليكم ..
.... : وعليكم السلام ورحمة الله وبركاته ..
حصه : لو سمحت اخوي .. انا متصله عليك اكلمك بموضوع واحد من الشباب يلاحقني ومهددني بصوره ويبيني اطلع معه ولا يرسل الصوره لجوال ابوي .. هو قال لي هاتي صورتك بالاول الشيطان لعب بعقلي ووثقت فيه وعطيته .. ورجع قال لي بخطبك من ابوك وطلب رقمه .. عطيته رقم ابوي والحين يهددني بالصوره .. ساعدني الله يخليك ..
.... : وانتي ليه كلمتيه من الأساس .. ؟
حصه : الشيطان شاطر وقدر يلعب فيني ..
.... : أتمنى تكون لك عظه وعبره يآ آختي .. وماتعيدينها ..
حصه : لا لا ان شاء الله .. اول مره واخر مره ياشيخ ..
.... : الله يهديك ..... هاتي رقمه ..
حصه : ××× ××× ××××
.... : ان شاء الله خير ..
حصه : مشكور ياشيخ الله يجزاك الجنه ..
.... : العفو .. امين اجمعين يارب ..
حصه : مع السلامه ..
..... : الله يحفظك ..
سكرت حصه وحور فرحانه .. وقضوا ليلتهم بالسوالف والضحك ..
..................................
حصه .. حصاااااااه ..
حصه فاقت من ذكرياتها .. : هلا ريان ..
ريان : وش تفكرين فيه صار لي ساعه اناديك ..
حصه : لا ولاشي تذكرت شي بس ..
ريان : اها .. طيب قومي سوي لي الفطور ..
حصه : طيب ..
حصه قامت وريان جلس عالكنبه ويقلب بقنوات التلفزيون .. لين جات حصه وجابت الفطور .. فطر وراح شغله .. وحصه راحت تنام ..
...................

مر اليوم بدون أي احداث تذكر .. وقت صلاة العشا ..
مها صحت .. صلت المغرب والعشا .. وراحت طلبت من الطباخ ساندوتش .. صلحه لها وجلست اكلته وطلعت لغرفتها .. مسكت جوالها واتصلت على ارقام ..
فيصل : الو
مها : هـلا .. ها بعد الصلاة نطلع طيب ؟
فيصل : اووكي ..
مها : يلا باي بروح اجهز .
وسكرت بدون ماتسمع رده ..
راحت فتحت دولابها .. وطلعت بنطلون كحلي ماسك .. وبلوزه بدون اكمام حمرا .. وحطت روج آحمر والكحل خلته عريض .. وشعرها رفعته بشريطة حمرا .. حطت مناكير كحليه .. والجزمه كعب أحمر .. لبست عبايتها المطرزة بكريستالات بيضا .. ولثمه .. واخذت شنطتها الكحليه وفيها من الجنب فيونكه كبيره حمرا .. وطلعت من الغرفه تتمخطر .. وركبت مع السواق ومشت عالمجمع .. وصلت وقبل لاتنزل من السيارة اتصلت على فيصل ..
مها : هاا ويينك ؟
فيصل : عند بوابة المجمع ..
مها : أوكي أجيك الحين ..
فيصل : يلا ..
مها سكرت ونزلت من السيارة واشرت للسواق يروح .. هو راح وهي مشت عالبوابه .. لقت واحد لابس بنطلون جينز .. وبلوزه بيضا كاروهات وواضح من شكله انه وسيم وملامحه حلوه .. مشت لعنده ..
مها : فيصل ؟
فيصل : ايه .. اكيد انتي مها ..؟
مها بدلع : ايه ..
فيصل : يالبييه .. يالله تعالي ..
فيصل مسكها بيدها .. وهي كان الوضع عندها عااادي .. ومشى معها وجلسو بالجلسات ..
فيصل : واخيرا ً شفتك .. طيب ماودك توريني وجهك ؟
مها : ويين اوريك وجهي قدام الناس ؟
فيصل : طيب امشي عالجلسات المسكره ..
مها : يلا ..
راحو عالجلسه ومها اول مادخلت شالت اللثمه والطرحه وفتحت العبايه وحطت رجل على رجل .. وفيصل عيونه طارت فيها ...
مها : هاا .. وش رايك فيني ؟
فيصل : قمر .. قممممر وربي قمر ..
مها : ههههه .. ثانكيوو ..
رن جوال مها .. رفعته ..
مها : الووو ..
أم مها : مها وينك ؟
مها : أوه سوري ماما .. طلعت ونسيت اقولك إني بطلع ..
أم مها : طيب متى بترجعين ..
مها وهي تطالع بفيصل .. : اممم .. شوي بس نص ساعه وراجعه ..
أم مها : طيب استناك انا ..
مها : أوكي ماما ...
أم مها : يلا مع السلامه وانتبهي لنفسك ..
مها : أوكي ماما بااي ..
جلست مها مع فيصل ليين الساعة 9 ونص اتصلت عالسواق .. وقامت
مها : سسوري فصولي تأخرت عالبيت بروح ..
فيصل وقف : اووكي بس خلينا نشوفك ..
مها : طيب ..
ولبست لثمتها .. وطلعت تتمخطر ..
نزلت وركبت السيارة .. ومشت للبيت ..
...............
ريان دخل البيت .. ونادى حصه .. وهي جات ..
حصه : هلا ريان ..
ريان : وين سهى ؟
حصه : سهى راحت حفلة وحده من صديقاتها ..
ريان : اها ومين وداها ؟
حصه : صديقتها مرت عليها .. وراحو سوا ..
ريان : طيب حصه ..
حصه : هلا
ريان : هلا بك .. أقول ماودك نطلع انا وانتي نتعشا برا ؟
حصه : الا والله ياليت ..
ريان : اجل يالله البسي عبايتك ومشينا ..
حصه : طيب ..
( حصه بعد ماتوفت أمها .. مابقى بالبيت الا هي وريان وناصر وسهى ناصر مستهتر بقوه. يطلع بالليل ومايرجع الا قبل النهار بقليل .. )
لبست عبايتها وطلعت لريان بالسياره .. ركبت وسكرت الباب .. ومشا ريان عالمطعم .. قبل لا يوصل .. رن جواله ..
ريان : الوو ..
.... : ريان سعد الـ ؟؟؟؟؟؟؟
ريان : ايه نعم منو معي ؟
.... : اختك سهى سعد الـ ؟؟؟ صار لها حادث اليم والحين هي بالمستشفى .. ياليت تجي ..
ريان انفجع : وشوووووو ..؟ سهى ؟ طيب طيب الحين جاي ..
سكر التليفون .. وحصه انفجعت : ريان وش فييه ؟
ريان : سهى مسويه حادث برجعك البيت واروح المستشفى ..
حصه : لا تكفى خذني معك المستشفى ..
ريان : يابنت الناس لاا خلك بالبيت ..
حصه : ريان الله يخليك خذني معك اتطمن ..
ريان : خلك بالبيت وانا بتصل عليك اطمنك ..
حصه : رياان خذني معك امانه لاتخليني بالبيت قلقانه ..
ريان عصب : حصه لاتزنين على راسي .. الحين ارجعك واطمنك بعدين وانتهى ..
حصه عيونها دمعت .. وصلت البيت ونزلها ريان وراح المستشفى ..
...............
بالمستشفى .. الدكتور جالس عالجنب .. ويطالع باللي قدامه ..
.... : ياخي ماتبي تخلصنا تقول لي من انا ؟
الدكتور : خلاص بقولك .. بصراحه انت فاقد الذاكره .. إسمك أحمد إبراهيم الـ ؟؟؟؟؟؟؟؟؟
وأهلك زاروك مره وحده .. وماجو بعدها ..
أحمد : احسن .. مابيهم يجون ..
الدكتور انصدم من ردة فعل احمد : نعم ؟؟ ماتبيهم يجوون ؟
أحمد : إيه مابيهم يجون .. ابي اعيش لوحدي ..
الدكتور : ليه انت تعرفهم اصلا ً ؟
أحمد :لا ولا ابي اعرفهم .. وبعدين كيفي .. لا تقول لي ليه .. انت هنا تعالجني وبس .. لاتكثر اسأله وقول لي كل شي تعرفه عني ..
الدكتور جلس يتكلم مع احمد .. واحمد بدأ يعرف .. ليين شوي ..
أحمد مسك على راسه .. وهو يردد إسم ريماس .. الدكتور سكت وجلس يناظره ويحاول يفهم وش فيه هالرجال وايش حكايته بالضبط .. أحمد كل ماله يضغط على راسه أكثر .. ويتألم .. لين نادى الدكتور الممرضات جو ضربوه ابره مهدئه .. ونام ..
................
بنفس المستشفى بس بجهه بعيده ..
ريان واقف عند باب غرفه بالمستشفى .. واخته داخلها.. ريان يدعي ربه انها ترجع لهم سليمه. وقلبه مو متطمن .. كان يمشي رايح جاي عند الباب .. لين طلع واحد من الدكاتره ..
ريان : دكتووور وش فيها اختي ؟
الدكتور : انت اخوها ؟
ريان : اييه انا ريان اخوها ..
الدكتور : تعال معي ..
ريان مشى مع الدكتور وهو خايف .. لين وصل لغرفته .. دخل وجلس عالمكتب وجلس ريان قدامه ..
الدكتور وهو مو عارف ايش يقول .. : انت مؤمن بقضاء الله وقدرة .. وتعرف ان كل شي مقدر ومكتوب .. ( قل لن يصيبنا الا ماكتب الله لنا )
ريان : ونعم بالله .. بس دكتور ارجووووك قول لي وش فيها اختي ..؟
الدكتور ..: اممم .. بصراحه مدري وش اقولك .. بس أختك اكتشفنا ان فيها الإيدز ....و الجنين تأثر وماات .. الله يرحمه ..
ريان بصدمة : أي جنين وأي إيدز ؟
الدكتور : أختك حامل بالشهر الرابع ..
ريان بنفس الصدمة : ايييييييش ؟ حامل .. ؟
الدكتور : والإيدز منقول لها من زوجها ....
ريان : وش اهدي اعصابي ؟ حامل كيف ؟ وميين زوجها ؟ .. ومن متى ؟
الدكتور : أفهم من كلامك انه انت ماتعرف ان اختك متزوجه ؟
ريان بشبة صراخ : لاا ..
الدكتور : هي كانت بالسيارة مع رجال .. وكان بالسيارة عقد زواج ..
ريان : عقد زوااج ؟ وكانت مع رجاال ؟
الدكتور : إيه مع رجال .. واسمه عبدالإله ماجد الـ ....... ..
ريان وهو يحاول يتمالك اعصابه : طيب دكتور .. ممكن اشوف عقد الزواج .. ؟؟
الدكتور : والله للأسف يا اخ ريان .. بس تحققنا من وجود صلة قرابه .. وأعطينا والد الرجل ..
ريان : طيب الرجال ايش وضعه ؟
الدكتور : عبدالإله .. والله نفس حالة اختك سهى .. فيه إيدز مثل ماقلت لك .. وتعرض للصدمة بقلبه .. مع ذلك انكسر الفك وعظام الوجه .. ورجله إنكسرت مع إيده اليمنى .. وبغيبوبة تامة ..
ريان بحزن وتعب : لاحول ولا قوة الا بالله .. سهى متزوجه وحاامل .. والله للحين مو مصدق ..
الدكتور : الله يكون بعونكم ..
ريان حمل نفسه .. وطلع من عند الدكتور .. ومشى وطلع من المستشفى بكبره .. وهو الهم اللي فيه .. ماقد مر فيه بحياته كلها .. وصل للبيت .. وكان يمشي على مهله وهو يفكر بحل للمصيبه اللي سوتها سهى ويلعن ويسب فيها بنفسه .. دخل ولقى حصه بوجهه .. جلس عالكنبه ورمى شماغه جنبه ..
حصه والدموع ماليه وجهها جلست جنبه .. : ريان طمني .. وش فيها سهى وش صار لها ؟
ريان : سهى ؟ سهى فضحتنا يا حصه .. الله لا يوفقها .. الله لا يشافيها ..
حصه : استغفر ربك ياريان .. مهما كان هذي اختنا .. وش سوت ؟
ريان : سهى اختك .. طلعت متزوجه بالسر .. وحااامل بعد ..
حصه انصدمت : سهى ؟؟ .. كيف ومن متى .. ؟
ريان : متزوجه من واحد اسمه عبدالإله ماجد الـ .... .. تخيلي عاد .. سهى المحترمه .. اللي ماتسوي شي الا بـ إذن مني .. اللي تشاورني حتى بـ أتفه شي بتسويه .. تتزوج بالسر .. تخيلي بس ..
حصه وهي تبكي : حسبي الله ونعم الوكيل .. فضحتنا فضحتنا ..
دق الباب .. وراح ريان يفتح .. فتح الباب لقى واحد بوجهه واضح عليه الإلتزام .. كان لحيته طويله وسودا .. ولابس شماغ ابيض وثوب ابيض وواقف ..
ريان : نعم .. ؟
...... : معك ماجد الـ ..........
ريان : ايوه ..
ماجد : انا والد عبدالإله ماجد الـ ........
ريان انصدم : نعم ..؟ وخير ان شاء الله وش تبي ..
ماجد : لو سمحت اخوي ممكن نتفاهم ..
ريان بعصبيه : بالله .. نتفاهم .. أحلف بس .. انا مابي اتفاهم مع احد .. يلا لو سمحت لا شوفك ..
ماجد : يا خووي هدي اعصابك وخلنا ندخل واشرح لك الموضوع ..
ريان طالع بالرجال .. وهو يقول بنفسه الحق الكذاب لين باب داره .. ضحك بإستهزاء .. : ايه .. تشرح لي ؟ أجل يالله ادخل واشرح لي يا أستاذ ماجد ..
ماجد يعرف ان ريان مو فاهم الموضوع .. : الله يهديك ..
دخل ريان مع ماجد المجلس .. وجلسوا يتكلمون ..
...........................
مها رجعت البيت .. فتحت الباب ودخلت ..
مها : سلام ماما ..
أم مها : هلا وعليكم السلام ..
مها : بطلع غرفتي ها ..
أم مها : طيب اوكي براحتك ..
عدت الصاله ومشت طلعت لغرفتها .. دخلت ورمت العبايه والشنطه عالسرير .. مسحت مكياجها .. وبدلت ملابسها .. لمت شعرها كله رفعته لفوق وحطته بشباصه .. ولبست بيجامة حرير ورديه .. ليين الركب .. وبدون اكمام .. رمت نفسها عالسرير .. وجلست تفكر بأفكار كثير .. لين نامت ..
..............
جوري : الوو ..
.... : هلا جوري هلا حبيبتي ..
جوري : ماما .. كيفك ايش اخبارك ؟
أم جوري : الحمدلله إنتي كيفك ؟
جوري وبعيونها الدموع :.. ماما .. الحقيني ..
أم جوري بخوف على بنتها : وش فييك ؟ وش صاير لك ؟
جوري تبكي : ماما رجع أمس رامي سكران وضربني ..
أم جوري : يوووو .. الحيـــوان .. خلاص انا أخلي أبوك يتفاهم معه ..
جوري : لاا ماما لااا .. أخاف يعصب عليه أكثر ويضربني زياده .. ماما دوبك تدري يعني انه يضربني كثير .. طول عمره من يوم تزوجنا من سنتين وهو يضرب فيني .. وطول عمره يجي سكران البيت .. مو اول مره يعني ..
أم جوري : حسبي الله فيه .. خلاص لا تبكي .. الله ياخذ حقك منه ..
جوري : ماما .. والله تعبت ..
أم جوري : طيب انا عندي لك حل ..
جوري : إيش هو ؟
أم جوري : إنك تطلقي من هالـ قــذر إللي أسمه رامي .. وش رايك ؟
جوري : والله يكون احسن ..
أم جوري : هذا اللي كنت ابغاك تقوليه من زمان .. تطلقي منه وتجي بيت أهلك معززه مكرمه .. والله لنحطك بعيوننا .. عالأقل ترتاحي من العذاب هذا .. وتعيشي مثل ماتبغي مو مثل ماهو يبغى ..
جوري : طيب ابقول له يطلقني ويارب يوافق يااارب ..
أم جوري : امين .. بإذن الله ماراح اخليك تندمي ..
جوري : ان شاء الله .. يلا ماما الحين بسكر .. تبغي حاجه ؟
أم جوري : سلامتك حبيبتي .. إنتبهي لنفسك .. والله ماينسى عباده .. لا تبكي ولا تزعلي نفسك عشان واحد مثل هذا .. طيب ماما ؟
جوري : حاضر .. الله يخليك ليه .. يلا ماما .. مع السلامه ..
أم جوري : الله معك ..
جوري سكرت من امها وراحت غرفتها .. حطت راسها عالمخده ومسكت دبدوبها اللي اشتراه لها رامي أول ايام زواجهم .. جوري تحب الدباديب .. ودايم تلعب فيهم .. تذكر أول شهر زواجهم اللي كان نصه حلو ونصه لا .. يوم كانت تحب رامي ..
جوري : رااامي ..
رامي : عيون رامي ..
جوري : ابي الدبدووب اللي هناك السماوي ..
رامي : ههههههههههه .. أبشري هيا نروح له ..
جوري بزعل : لااا ..
رامي : لييه لا مو انتي تبينه ؟
جوري : انت تضحك علي ..
رامي : ههههههههههههههه .
جوري : شفت انك تضحك علي ..
رامي : لأني ماعمري شفت وحده بكبرك وتحب الدباديب مثلك ..
جوري تضحك : لالا فيه كثير ..
رامي : يلا امشي نروح للدبدوب ..

جوري رجعت للواقع .. وتنهدت وهي تمسح دمعه نزلت منها غصب عنها .. : ليه كذا يارامي ؟ ليه تعذبني ليه .. ؟
تتمنى ترجع لها هذيك الأيام لو لحظه وحده .. بس للأسف .. مو بكيفها ..
.................
صحت مها من نومها عالساعه 12 بالليل .. قامت غسلت وجهها وكانت بغرفتها تدندن .. وبيدها اللاب توب .. فتحت المسن ولقت ناصر .. حست نفسها طفشانه قالت تلعب عليه شوي ..
مها : هلااااااااااااااااااااااا ناصر .. كيفك ؟
ناصر : الحمدلله انتي كيفك ؟؟
مها : الحمدلله بخيير دامك بخير ..
ناصر : وش مسوية وكيف ايامك ؟
مها : والله ماشي الحال .. لك وحشه ..
ناصر بمكر : يوووو ماظن قد ماوحشتيني انا وحشتك ..
مها : ههههههههه .. طيب اسمع .. وش رايك نتقابل ؟
ناصر ماصدق انها قالت كذا وهو يبيها من الله : نتقابل ؟ أوكي أوكي ماعندي أي مشكله .. بس وين ؟
مها : امممممممم .. طيب ازور اختك حصه .. واشوفك ..
ناصر : اوكي .. على خير .. الحين بطلع بروح مع الشباب ..
مها : اوكي ..
ناصر : تامرين شي ؟
مها : سلامتك ..
ناصر : الله يسلمك .. يلا بااااي ..
مها : بااااااايااااااات ..
طلع ناصر من المسن .. وطلعت وراه مها .. وجلست تفكر متى تروح لحصه وكيف تقابلها وكيف تشوفها ..
( يالله .. الله يعين الحين اروح حق ذيك الغبـيـــه بس عشـان اشوف ناصر .. والله حاله .. مدري يعني كيف اشوفه بطريقة غير هذي .. انا ماطيق حصه ولا اواطنها .. يالله .. مو مشكله .. كل شي لعيون ناصر يهون )
ضحكت بصوت عالي .. وراحت تكلم حصه اللي تعرفت عليها بـأيام المتوسط .. وكانت تحتقرها لأنها أقل من مستواها .. وكانت تنفي بأن حصه جميله .. لأنها ماتبي أي أحد يكون أجمل منها ..
مها : سلام حصه ..
حصه : هلا وعليكم السلام
مها بدون نفس : كيفك ..
حصه : الحمدلله انتي كيفك ؟
مها : الحمدلله .. اقول حصوص .. أبي أزورك بكره ..
حصه : بكره .. اممم .. متى ؟
مها : المغرب يعني متى بالله ؟
حصه : طيب اوكي اشوف الظروف وارد لك العصر طيب ؟
مها بعد تتأمر .. تحمد ربها اني انا بزورها .. : طيب طيب خلاص .. يلا بسكر .. باي ..
حصه : الله معك ..
سكرت مها من حصه .. ونزلت لأمها تشوف ان كان صاحيه ولا لا .. نزلت وشافتها وجلست تسولف معها . .
......................
ماجد : وهذي كـــــــــــــــل الحكايـه ..
ريان : يعني انت متأكد إن أختي هي اللي إنجبرت على هالزواج ؟ وماكانت راضيه .. ؟
ماجد : ولا انا ماكنت راضي .. بس غصبا عني .. انت عارف ان لو هالبنت نشرت صورها كان راحت فيها .. وولدي عبدالإله طايش ومايهمه شي .. واختك تعرضت لتهديد خطيير عشان كذا قبلت بالزواج عشان ماتنفضح ..
ريان : طيب ابفهم هي ليه ماقالت لي وانا بساعدها ..
ماجد : الله اعلم .. بس اختك مالها ذنب .. وتراها مظلومة .. ولو ما أخذت ولدي .. كانها الحين سمعتها ضايعه .. وكان الحين حالتها أردى ..
ريان : والحل طييب ؟
ماجد : الحل انك تخف مع البنت شوي .. مهما كان هذي اختك .. واذا انت هاوشتها .. هي راح تتعقد .. وإحتمال تتعب نفسيتها وتمرض وانت السبب بكل هذا .. عاملها بعقلانيه . ولومها بس بخفه .. وعاقبها بس بدون تجريح وبدون ضرب .. يعني مثلا ماتخليها تطلع من البيت ابدا لمدة معينه .. تحبسها بالبيت كله مو بغرفه وحده عشان ماتتعب .. ساعدها انت عشان تخطي هالمرحله .. لا تكون انت ضدها خلك انت الوحيد معها لو كان الكل ضدها .. هذي اختك يا ريان .. ومهما كان .. لازم تعاملها معامله زينه .. وعمر الظفر مايطلع من اللحم .. دامها اختك .. يهون كل شي ..
ريان : ان شاء الله .. احاول اتمسك بنصيحتك ..
ماجد : الله يوفقك ويسعدك يارب . . صدقني ولدي عبدالإله .. مستحيل اخليه بحياتكم .. راح اطلعه منها .. وبخليه بإذن الله يمشي بالطريق الصح .. هو لعب على كيفه لين ضيع نفسه وضيع بنت الناس وسمعتها وسمعته معه .. الحين لا .. مستحيل اخليه على كيفه ..
وقف ماجد .. ووقف معه ريان : الحين استاذن يا اخ ريان واتمنى أكون أفدتك ولو بجزء بسيط جدا ً من كلامي .. يالله تامرني شي ؟
ريان بإبتسامه : كلامك كله فادني ياخوي .. انتبه لنفسك .. ومابي منك الا سلامتك ..
ماجد : الله يسلمك .. مع السلامه ..
ريان : بحفظ الله ..
..................
انفتح باب الغرفه .. دخلت ولقاها نايمه عالسرير .. وحاضنه دبدوبها .. جلس عالكرسي وحط يدينه ورا راسه .. غمض عيونه وهو يفكر كيف يفك نفسه ويفكها من هالعذاب اللي هم فيه .. ( ليه اسوي فيها كذا .. هي ماتستاهل معيشتني احلى عيشه .. وانا اسكر واحط حرتي فيها .. ليه كذا لييييه ..؟! هي مو مقصره معي .. وانا ماخذها برضاي واختياري .. والحين .. ليه ما ارجع رامي الأولاني اللي يحب جوري ويقدرها .. بس جوري اكيد مارح تتقبلني بعد اللي سويته فيها .. هي مثلنا عندها مشاعر وتحس .. مو حرام علي اللي اسويه فيها .. ؟ خلاص ابي احاول اتغير .. ويارب انك تساعدني .. بس .. وشلون وانا من كم سنه ماركعت ولا سجدت لربي سجده وحده ..؟ .. انا مستحيل ابقى كذا .. لازم اتوب .. واكيد ان تبت وعبدت ربي وشكرته عالنعمه اللي انا فيها وصليت فروضي بوقتها وماتركت ولا فرض .. اكيد راح اكره الخمـر واتركه وافتك وارتاح واريح جوري معي .. يارب تساعدني وتهديني يااارب .. ) فتح عيونه .. وقام اخذ له شاور سريع .. ولبس بيجامته .. وناظر لنفسه بالمرايه .. ( يا الله .. عيوني ذبلانه .. وجهي نحفان ومسمر .. حسبي الله ونعم الوكيل باللي كان السبب بإدماني لـ هالسم .. حسبي الله .. )
مشى من عند المرايه .. وراح انسدح على سريره ونام ..
....................................

إنتهـــى الجزء الثـــــــأني ..

الكآتبه : صدى الأحزان m ..

[صدى الاحزانM]

[ الجزء الثـــــــــــــالث ]

بالصباح .. الساعه 11 ونص تقريبا ً .. صحت جوري من نومها والتفتت على جنب .. لقت رامي نايم .. قامت اخذت لها شاور وغسلت وجهها وطلعت تصلي .. صلت ودعت ربها انه يلين قلب رامي .. وهي تفكر بالقرار اللي قالته أمها وتفكر كيف تقول له .. قامت من على سجادتها وراحت المطبخ .. عملت فطور وحطته عالطاوله .. راحت عند رامي وهزته على كتفه ..
جوري : رامي .... رامي يلا قووم .. قوم خذ لك شاور وافطر بقى اقل من ساعة ويأذن .. قوووم ..
رامي وهو مغمض عيونه : طيب طيب شوي واقوم ..
جوري : لا مو شوي قوووم .. رااااامي ..
رامي ابتسم .. : يااااا عيون رامي ..
جوري انفجعت : هاا..؟
رامي : ههههههههههههههه .. أخذ لي شاور واجي اقولك .. اسبقيني عالطاوله ..
جوري هزت راسها ببلاهه .. : طيب ..
طلعت وهو راح اخذ له شاور وطلع .. طلع من غرفتهم وراح للصاله .. وجوري جالسه تنتظره ..
رامي : يسعد لي صباحك يا احلى جوري ..
جوري وهي باقي مصدومه : اهلين .. صباح الخير ..
رامي : تبين تعرفين السالفه ..
جوري : ياليت ..
رامي : أفطري وأروح أصلي وأجي الظهر نجلس نسولف ونتغدى واخذ لي نومه لصلاة العصر .. واقوم اطلع اصلي وارجع نشرب شاي ونسولف للمغرب واروح اصلي وارجع نشرب قهوه واصلي العشا واجي اخذك ونطلع نتمشى واعلمك السالفه ..
جوري : لا يااشيخ .. احلف .. اللفه هذي كلها عشان تعلمني بعد العشا .. لالالا قول الحين ..
رامي وهو يضحك : لا مارح اقول الحين ..
جوري : طيب لا تقول لا الحين ولا العشا ..
رامي بنذاله : هههههههههههه .. يكون افضل
جوري انقهرت .. وقامت ..
رامي : جووري تعالي كملي فطورك ..
جوري : مابي كل انت ..
رامي : تعاالي والله امزح معك ..
جوري مشت للطاوله .. وقفت جنبها .. طالعت بعيون رامي .. غمضت عيونها بغصه .. وقالت بصوت مبحوح .. : رامي .. طلقني ..
..............................
صحت من نومها .. لفت حولها .. مالقت احد .. التفتت وحست ألم برقبتها .. وتحس بطنها يعورها .. طالعت بيدها لقت المغذي .. حست بطنها كل ماله يعورها اكثر .. ضغطت عليه .. وهي تحاول تمسك نفسها لا تصرخ .. دفنت وجهها بالمخده .. ماقدرت تتحمل الوجع .. صرخت بآعلى ما عندها ..
الممرضه جات تجري .. : وعطتها مهدئات لين نامت ودموعها على خدها ..
.............................................
دخل البيت وهو حامل الأغراض .. مشى فيها لنص الصاله ... : سميره .. سمييييره ..
سميره جات من المطبخ والمنشفه بيدها : هلا فارس جبتهم ..
فارس : ايه شوفيهم .. يلا سوي لي احلى غدا .. أروح أصلي وارجع القاه جهز هاا ..
سميره : ابشر ..
فارس ابتسم : تسلمي لي .. يلا مع السلامه ..
سميرة : الله معك .. انتبه لنفسك هااا
فارس : ان شاء الله ..
هو طلع وهي دخلت المطبخ مع الأغراض تسوي له الغدا .. وهي تفكر بأفكار كثيره .. وتفكر تزور ابوها اليوم ..
تنهدت بتعب .. وكملت طبخها وهي تحاول تتناسى الأفكار اللي تجيها وتتعوذ من الشيطان ..
...................................
مها فتحت عيونها .. ناظرت بالساعة لقتها 1 ونص .. فزت من سريرها وراحت تاخذ لها شاور وتبدل ملابسها وتنزل تحت .. اخذت لها شاور وطلعت صلت .. بدلت ملابسها لبست بنطلون أبيض ماسك .. وبلوزه موف للفخذ ماسكه وفيها من عالخصر حزام ثابت ابيض .. فيها رسومات وكلام بالأبيض .. وأكمامها طويله .. فتحت شعرها وهو غرقان .. وبأصابعها حركته وخلته طبيعي .. ولبست طوق ابيض .. لبست جزمتها ( اكرمكم الله ) الموف .. رشت من عطرها المفضل صبايا ونزلت للصاله .. لقت امها وابوها ..
مها : هاي مام .. هاي دادي ..
أبو مها : الناس تسلم ..
أم مها : خل البنت تاخذ راحتها .. ( ابتسمت ) .. هايااات ..
مها : وش فيك علي دادي .. عادي خلك فري ..
أبو مها : خلك انتي فري تكفين وتوفين ..
أم مها تغير الموضوع : مها .. وش هالكشخه وش الطاري ..؟
مها ابتسمت : امممم .. حسيت نفسي فاضيه قلت وش وراي اتشيك .. وبعدين بأمانه مامي شعري كذا طبيعي و وجهي بدون مكياج طالعه قمر موو .. ؟
أم مها ابتسمت لبنتها : بسم الله علييك .. الله يحفظك ويوفقك .. تقولين للقمر انزل وانا اقعد محلك ..
مها ضحكت : يسلمو مااام .. أدري بس حبيت اتأكد ..
أبو مها : انا مو قاهرني الا غرورك ..
مها : بابي وش فيك علي .. خلني اغتر وش علي .. جمال واخلاق ..
أبو مها : اما بالثانيه صدقتي ..
مها بجدية : بابا لا تتريق بليز
أبو مها : ههههههه .. زعلتي .. ؟ أمزح معك ..
مها : طيب اعديها المره ذي بس لأنك بابي .. المره الجايه وربي ازعل من جد ..
أبو مها : ههههههههههه .. حاااااااااااضر .. الا اقول يا أم مها ..
أم مها : سم ..
أبو مها : سم الله عدوك .. وين الغدا ..؟
أم مها : مابعد جهز .. الطباخين ماخلصوا ..
أبو مها : استعجليهم وربي جوعان ..
أم مها وقفت : ان شاء الله ..
..................................
مر الوقت والجميييع ماصارت لهم أي احداث تذكر صارت الساعه 5 ونص .. وللحين جوري جالسه على اعصابها بالغرفه .. تفرك باصابعها وتبكي .. : غبيييييييييييه انا غبيه .. ليتني ماقلت لرامي يطلقني .. للحين مارجع ياويييييييييييييييييييييييلي .. ليت الأرض انشقت وابلعتني قبل اقول له ذاك الكلام .. ليييييييييييت .. انفجرت تبكي بصوت شبه عالي .. رمت نفسها عالسرير وغطت وجهها وهي تبكي .. كانت تبكي من قلب .. وكل ماذكرت لحظه مع رامي زاد بكاها .. : رامي لا تتركني .. انا السبب انا السبب .. .. بكت أكثر .. لما لمحت الدبدوب .. وجنبه ساعة رامي .. اخذت الدبدوب وحضنته وهي تبكي .. قامت من على السرير وراحت تغسل وجهها تبي تهدى وتكلمه .. غسلته وطلعت شافت نفسها بالمرايه ..
كانت عيونها متورمه من البكا .. وأنفها أحممممر .. رجعت على السرير واخذت جوالها .. واتصلت على رامي .. بس وصلها رد خلاها ترجع للبكا .. : مسكر جواله ..؟ مستحييييييييييل لاااااااااااا ..
شهقت بالبكا ورمت نفسها عالسرير .. : رامي ارجوووك ارجع .. رامي والله مو بكيفي اللي قلته لك كنت افكر انك بتطلقني وانت سعيد .. رامي لا تخليني .. تدري اني احبك لا تخليني .. شهقت بالبكا اكثر .. وفزت لما سمعت صوت قال لها ..
.... : أتخلى عن روحي .. ولا اتخلى عنك ..
رفعت راسها وشعرها متناثر على وجهها .. طالعت برامي وهي تبكي ..
جوري : رامي .. وين رحت .. ليه تسوي كذا
نزلت من عالسرير متوجهه لرامي .. وقفت قباله وهي تناظر بعيونه ..
جوري : رامي .. سامحني والله ماكنت اقصد بس ماكنت اعـ .....
قاطعها رامي وهو يقول بهدوووووووء : اوووص .. ولا كلمه .. جوري .. صدقيني كنت ناوي اتغير واغير حياتي .. واكون رامي ثاني .. ماعمري كرهتك .. بس كنت اجيك بدون وعيي .. وكنت اضربك بدون قصدي .. ( وأشر على قلبه ) جوري .. انتي هنا متربعه .. والله لو تركتك مادري وش يسير ..
جوري ناظرته بخوف ..
رامي وهو يكمل كلامه : اهم شي راحتك .. جوري والله اني مابي غيرها .. صدقيني ماحبيت انسانه كثرك ولا بحب .. راح اتغير .. وأسير رامي ثاني .. رامي غير اللي تعرفيه .. رامي اللي يحترمك ويصونك .. رامي اللي مستحيل بيوم من الأيام تطلبينه شي ومايلبي لك .. اللي يدعي على يده بالكسر لو انمدت عليك .. صدقيني لأني احبك .. ابي راحتك .. ولأني ابي راحتك .. بقول لك ..
جوري : لااااااااااااااا .. راحتي معك .. لا تقول شي ..
رامي : لا بقول .. ابيك ترتاحين .. جـوري ... أحبـك ..
سكت هو وهي ساكته وتحس شعورها مابين الفرح والحزن ..
رامي : جوري .. انتي .. ( وطالع فيها وهو يحس نفسه انه يذبح نفسه قبل يذبحها .. ) انتي .. طـ ......... طـــــــالق ..
جوري مو مستوعبه .. ومصدومه .. رجعت على ورى .. وهي تصرخ : كذاااااااااااب .. انت ماتحبني .. لو تحبني ماطلقتني .. ماتحبني مااااااااااااااااتحبني .. أنت تكرهني وانا كمان ماحبك اكرهك اكرهك يارامي اكرهك من كل قلبي ..
شهقت بكا وغطت وجهها .. : ماتحبني يارامي ماتحبني .. أكرهك .. أكرهك ..
رامي يعرف ان الكلام مو من قلبها لأنه سمعها وهي تقول (رامي لا تخليني .. تدري اني احبك لا تخليني ) ..
نزلت دمعه منه وهو يشوف زوجته قدامه تتقطع ويلاحقها لقب ( مطلقه ) .. تنهد تنهيده قويه .. وطلع من الغرفه .. ومن البيت بأكمله ..
جوري اتصلت على امها ..
جوري : ماما .. قولي لوليد يجي ياخذني ..
أم جوري : ورامي ليه مايجيبك ..
جوري : ماما قووولي لولييييد يجي ياااخذني ..
أم جوري عرفت ان الموضوع فيه إن .. : طيب طيب الحين أقوله يجيك ..
( وليد اخو جوري عمره 28 سنه .. جالس بالبيت .. طيب ومزوح .. يحب اخته جوري بالحيل .. )
سكرت جوري من امها ووجهها مليان دموع .. جابت شنطتها وحطت ملابسها فيها .. واخذت شنطة اليد حقتها وعبايتها وكل اغراضها .. وطلعت للصاله تنتظر وليد .. بعد نص ساعه واللي مرت عليها كأنها سنه .. اتصل عليها وليد وقال لها تنزل .. نزلت وهي تبكي .. وقفت عند البوابه .. وطالعت بالبيت للمره الأخير .. وهي تخطي خطواتها الأخيره .. انذرفت دموعها وهي حاسه بحزن فضيع .. مشت للسياره وجا وليد حط الشنطه ورا وركب .. وهي ركبت جنبه ..
وليد : حي الله جوري ..
جوري : ..............
وليد : أفا بس .. وش هالزعل .. ؟
جوري : ................
وليد : جووري .. أكيد الشنطه فيها هدايا لي ومستحيه تعلميني وتتكلمين معي صح .. ؟
جوري : ................
وليد بحنان : جوري .. وش فيك ..؟ ايش اللي مزعلك ؟ قولي لي انا اخوك ..
جوري طالعت بوليد .. وبكت ..
وليد بخوف : جوري وش فييك .. قولي وش فيك ترى قلقتيني عليك ..
جوري : رامي طلقني .. طلقني ياوليد طلقني ..
وليد انصدم : ايييش ؟ طلقك ..؟ وايش السبب .. ؟
جوري : انا طلبت ..
وليد وهو مفهي .. : طلبتي الطلااق ؟ وليه ..؟
جوري : لأني غبيه ..
وليد سكت.. ومافي بالسياره صوت غير شهقات جووري ..
وليد : اذكري الله ياجوري .. وعسى ان تكرهوا شيئا وهو خير لكم وعسى ان تحبوا شيئا وهو شر لكم .. هذا مقدر ومكتوب .. وصدقيني مارح يسير غير كل خير بإذن الله .. ادعي ربك .. وقولي لاحول ولا قوة الا بالله وتعوذي من الشيطان ..
جوري وصوتها مبحوح : اعوذ بالله من الشيطان الرجيم .. اللهم آجرني في مصيبتي واخلف لي خيرا منها ..
وليد بإبتسامه يهديها : اييه هذي وخيتي .. ماراح ارجعك البيت لين تروقين وتروح اثار البكا اللي فيك .. مابي امي وابوي يحسون بهالشي .. لأن هم اللي راح يتأثرون من جد ..
جوري ( ماتدري والله ان امي هي اللي شارت علي بهالشور ) : إن شاء الله ..
...................................
كانت واقفه قدام باب المستشفى .. دخلت وراح للدكتور ..
.... : السلام عليكم ..
الدكتور رفع راسه وطالع باللي جات وقف .. : وعليكم السلام ..
.... : لو سمحت اخوي ابي اسألك عن المريضـة سهى سعد الـ ؟؟؟؟؟
الدكتور : والله للحين حالتها شوي صعبه بس إحتمال بكره تكون بخير ..
.... : وليه وش فيها اليوم ..؟
الدكتور : تصحى تتألم من بطنها .. لأنه زي مانتي عارفه الجنين مات ببطنها وسوينا لها عمليه .. وللحين حالتها شوي صعبه ..
.... : مات الجنين ..؟
الدكتور : إيوه ..
.... : أحسن .. وان شاء الله الأم وراه ..
الدكتور انصدم .. : عفوا اختي انتي تقربي لها شي ..؟
.... : بسم الله علي .. جعلني لا اقرب لها .. الله لا يقوله ..
الدكتور : وبأي حق تدعي عليها وليه تسألي عنها .. ؟
.... : والله كيفي ادعي على اللي ابغى .. وأسأل عن اللي ابغى .. المهم كمل وكيف حالتها ....؟
الدكتور : لو سمحتي .. اطلعي برا ..
.... : نعم ..؟ تطردني .. ؟
الدكتور : برا انا مشغول .. بـرا ..
طلعت وهي مقهوره .. بس ودها تعرف وش فيها سهى .. راحت سألت عنها .. وقالو لها انها بغرفة رقم 210 .. راحت لها .. ودخلت وشافت حالتها وهي شمتانه .. قربت منها .. شافت الكدمات اللي بوجهها والكسور ..
واللفه المربوطه على راسها والمغذي اللي بيدها والسواد اللي حول عيونها .. وواضح من شكلها انها تعبانه بقوووه ..
.... : ههههههههههههههههههههههههههههههههههههههه .. ياحرااااام .. مسكينه ياسهى مسكييييييييييييييينه .. جعلك المووت ياشيخه ..
مسكت يدها وضغطت عليها .. سحبت المغذي منها بقوه .. ونزل الدم من يدها .. رجعتها ومشت للباب فتحته وطلعت نزلت بسرعـه وركبت ورا بالسياره السوداء وفسخت الجونتيات ..
.................................................. ......
بعد المغرب اتصلت مها على حصه ..
مها : سلام حصوص ..
حصه : وعليكم السلام ..
مها : ها فاضيه اجيك ..
حصه : ولو ان الظروف ماتسمح بس عشانك عزيزه وغاليه حياك الله ..
مها وهي مستحقرتها .. : قولي لا مابيك تجين وانتهى الموضوع ..
حصه : لاا حياك الله .. ماقصدي شي وربي ..
مها : طيب طيب خلاص .. يلا اجيك بعد ساعه او نص ساعه يلا باي
حصه : مع السلامه ..
.................................................. .....
جوري للحين حابسه عمرها بالغرفه من اول ماوصلت وهي ماتكلم احد لا امها ولا ابوها ولا وليد .. وليد قال لأمه وأبوه عاللي صار بين جوري ورامي .. وانصدمت امه من ردة فعل جوري .. استغربت زعلها لأنها هي اللي وافقت على الشي هذا .. بس بنفس الوقت حزنت على بنتها ..
.................................................. .
.... : حصه .. حصــــــــه ..
حصه : هلا ريان ..
ريان : جات صديقتك ولا باقي ..
حصه : لا باقي ..
ريان : طيب انا بطلع من البيت عشان تاخذو راحتكم .. ناصر نايم..؟
حصه : ايه ..
ريان : طيب تبين شي من برا ..؟
حصه : لا سلامتك .. انتبه للطريق هاا ..
ريان : اوكي .. باي ..
حصه : الله معك ..
طلع ريان وراحت حصه لغرفتها فتحت الدولاب .. وطلعت تنوره سوداء قصيره .. وبلوزه بيضا اكمامها طويله .. وفيها زينه تبدأ من الرقبه وتنتهي عند البطن .. حطت حلق اسود ورفعت شعرها اللي لنص ظهرها بفيونكه ابيض واسود .. وخاتم اسود .. وحطت كحل عريض اسود .. وروج شفاف وردي فاااتح .. واحمر خدود .. أما حواجبها هي مشقرتها ومرسومه .. ولبست جزمتها ( اكرمكم الله ) الـبيضاء وفيها نقط صغيره متفرقه سودا .. طالعت نفسها بالمرايه وكانت مره حلوه .. رشت عطر ونزلت تنتظر مها ..
....................................
مها كانت لابسه بنطلون اسود .. وبادي رصاصي وعليه جاكيت صغير احمر .. وحطت مكياج احمر .. ولبست تعليقه طويله سودا وخاتم رصاصي واسود واحمر .. وحطت مناكير سودا .. شعرها خلته مفتوح وجمعت خصله من اليمين وخصله من الشمال ورجعتهم ورا وحطت فيهم شباصه رصاصيه .. وجزمتها ( اكرمكم الله ) كانت حمرا وفيها كريستالات كثير .. واساورها كانت كثيره وحمرا ورصاصيه وسودا .. طالعت لنفسها بالمرايه .. وقالت بنفسها ( والله لأجننك يا ناصر ) .. لبست عبايتها المخصره ولثمتها واخذت شنطتها الرصاصيه وطلعت من الغرفه .. نزلت للصاله
مها : هاي ماما ..
أم مها : هلا .. بتروحين خلاص ..؟
مها : ايوا تبغي اجيب لك حاجه ..؟
أم مها : سلامتك
مها : الله يسلمك ..
أم مها : الله معك ..
مها : بااااااي ..
طلعت مها وركبت السياره وقالت للسواق بمحل بيت حصه ووصلها .. نزلت ودقت الباب فتحت لها الخدامه ودخلتها المجلس .. دخلت وجلست حطت رجل على رجل وهي تنتظر حصه .. جات حصه ..
حصه بإبتسامه : هلاااا مهووش ..
مها وهي تطالع بحصه من فوق لتحت : هلا هلا ..
حصه سلمت عليها وجلست : اخبارك مها وش علومك ..
مها : بخير . . انتي اخبار ك ..؟
حصه : تمام الحمدلله ..
سولفوا شوي ..
حصه : مها عن اذنك اجيب شي نشربه ..
مها : اوكي اوكي ..
طلعت حصه .. ومها عطت ناصر رنه ماجا .. ورنتين ماجا .. ثلاث ومااجا .. وعطته الرنه الرابعه وكانت اخر رنه .. سمع ناصر الجوال وطلع من غرفته .. وراح يجري عالمجلس وهو كاشخ .. ( كان لابس بنطلون رصاصي و بلوزه حمرا فيها كتابات بيضاء ) ..
دخل .. وماتوقع ان مها بهالجمال ..
ناصر : مها
مها : ايوا مها ..
ناصر راح جلس بسرعه وهو يطالع بالباب .. : ماتوقعتك ملاك ..
مها وهي تستهزء فيه بنفسها : شكرا .. حتى انت حلو ..
ناصر : يسلمو .. والله ماودي اطلع ودي اجلس معك ..
مها : لالا اطلع قبل لاتشوفك حصه وتسوي لنا سالفه ..
ناصر : مابي ..
مها وقفت ومسكت ناصر من يده تبي تسحبه تطلعه .. مسكته وسحبته لنص المجلس وهو سحبها بقوه وقفها قدامه ..
مها : امش اطلع ..
ناصر : اسمعـي ابقولـك شـي بس امانه لا تعلمي حصه عـ ..........
قاطعه صوت حصه : قوول .. قول بسرعه واطلع ..
ناصر ارتبك .. ونسي يده بيد مها وهي تفكها وهو ماسكها ..
ناصر فك يدها : اووه اسف .. دخلت عليها بالغلط ..
حصه : بالله .. بالغلط .. اييه اجل فيك الخير ياخوي والله ..
ناصر بإرتباك .. قال وهو يحاول يبين ان حصه غلطانه ورفع صوته : اوووهوووو حصيص .. فكينا عاااد .. بتعملي لي فيها سالفه الحين .. خلاص انا طالع ..
حصه : مو انت ماودك تطلع ..
ناصر طالع بحصه : مالك شغل ماااااااالك شغل ..
طلع بسرعه وهو يحاول يشرد من حصه واسألتها ..
حصه طالعت بمها .. ها مها .. داخل عليك بالغلط هالحلوو .. ؟
مها : ايه الله يسامحك فهمتيه غلط .. كان جاي يبيك ويحسبني ماني هنا .. دخل وهو يناديك .. وقف جنب الباب وماميزني .. وجا قرب مني وانا اطلعه وهو مو راضي .. مدري وش يبي فيني اخوك ..
حصه تجاريها : ايه .. هو كذا مره يرقم بنات ..
مها تتصنع الصدمه : يووووه الله يهدييه ..
حصه : تخيلي قبل شوي اخذت جواله كنت بتصل على ريان يجيب لي حلويات .. شوي الا وتتصل عليه وحده مسجلها بالجوال بإسم مها .. شكلها وحده من صديقاته الصايعـات .. المهم كنت باخذ رقمها واعطيه ريان .. بس كانت مصره تعطيه رنات .. شكلها ماعندها رصيد ههههههههههه ..
مها : ما اخذتي رقمها .. ؟
حصه : لا والله
مها ارتاحت : يوه كان اخذتيه وانا أأدبها الحـــيوانه ..
حصه : بالله .. اجل اصبري اروح اجيب الجوال
جات بتوقف مسكتها مها وجلستها ..
مها بربكه : لالا اجلسي ابقضي معك كل وقتي مشتاقة لك ولأيام المتوسط
حصه : اوكي ..
جلسو يسولفون ليين اذان العشا .. اتصلت مها عالسواق وجا لها .. سلمت على حصه وكانت تجاملها كثير عشان ماتنتبه .. وطلعت من البيت ..
..................................
جوري كانت جالسه عالسرير .. تفكر برامي وايش يسوي الحين .. اندق الباب ..
جوري : مييييين ..
أم جوري : أنا امك افتحي لي الباب واللي يرحم والديك لين متى بتظلين حابسه نفسك هنا ..
جوري : طيب يمه ..
راحت جوري وفتحت لأمها الباب .. وحضنتها .. دخلت امها الغرفه وجلست معها .. تسولف معها وتحاول تنسيها رامي شوي ..
وكانت تحكيها حكاوي كثير عن ناس متعددين بحياة ام جوري وجوري .. وجابت طاري ناس كثير .. جوري تنسى رامي شوي وتضحك .. وتذكره شوي وتحزن .. سولفوا سوا لين الساعه 10 .. قالت جوري لأمها انها بتنام طلعت امها وهي راحت انسدحت ونامت وكل تفكيرها بـرامي ..


إنتهـــــــــــــــــى الجزء الثالث ..
الكآتبه : صدى الأحزان .. M

توقعآإتكم ....~

[صدى الاحزانM]

أتمنى هالمره ألقى ولو رد واحد يجبر بخآإطري :(

[تمرد أنثى]

رواية رائعة جدا

بإنتظار الجزء الرابع

شكرا لكي

أختك
تمرد أنثى

[قويه وكسروها]

قصه حلوه

[تمرد أنثى]

وين التكملة