!i وحيدآت في القصر i!

[المحظوظة]

السلام عليكم ورحمة الله وبركاته
توقفت برهة من بعد كتابة التحية لآ أعرف كيف أصيغ جملي وعباراتي لأعبر عن كتلة من المشاعر تتدفق بأعماقي نحو من من سكنوا هذا المنتدى..
ومن عرفته المحظوظة منذ سنوات
ومن عرف المحظوظة ..
ومن يكن لها وتكن له كل حب وشوق كان ولازال وسيظل ..
:love_32:
ربآآه أين حروفي وكلماتي وجُملي ؟؟
حقا اشعر باضطراب مشاعري وأنا أبحث عن نسق يليق بما يود خاطري البوح به
عشتُ معكم بين قصتي " لجل الوعد "
وأعترف أنها كان أجمل فترة قضيتها مع أجمل قارئات
واختفيتُ بعدها ولكن مشاعري لم تختفي أبدا ..
دفنتها بأعماقي عامان أو يزيد ..
حسبتُ أنها لن تظهر .. ولكني أيقنتُ أنها أكبر وأعظم من أن تختفي ..
وأرى شوقي يشدني لأزور مجلسي الحبيب
وأجول بين روعة قصصه وكتاباته
ويشدني الحنين لأعود لتركيب الخيال وتصوير الأبطال
وكتابة قصة تبلورت فكرتها بالخاطر والبال
خفتٌ من خاطري الوليد
كتابة قصة من جديد!
ولكني وبقربكن سأحاول انتزاع خوفي
لأنني أعلم أنه حين أبدأ بعـــالم القصة .. فسوف تنقلب حياتي رأسا عن عقب
وسوف أتوووووه بين أفراحه وأحزانه
وسوف أتخبط بين طرقه وجدرانه
كما أنني سأهيم برسوماته وألوانه
وسأبكي فرحا ..
وسأضحك حزنا
عجيب أليس كذلك !؟
قلت لكم سيكون كل شي غريب
والمشاعر أغرب وأحلى ..
ولكني أقدر أليس كذلك؟
وسأقتحم العالم وللمره الثـــــــــالثة
من كاتبتكم المحبة لكم : المحظوظة
حظ ثالث أضعه بين إيديكم
قصتي بعنوان
(( وحيــــــــــدات ))
كما أخبرتكم فكرة القصة متبلورة ببالي من وأنا أكتب لجل الوعد
وقد كتبت منها في ذيك الفترة ولكن توقفت حتى لا أنقص بحق لجل الوعد

وحيدآت
قد يتراود لأذهانكم معنى مرتبط للوحده .. وهو الحزن!
لكن لا
هن وحيدات لكن لسن حزينات
اذن هل هن سعيدات؟؟؟
عندما يعيش الشخص بين مئات الحضور
ولكنه لايفهم كلمة مما يقولون لأنهم ليسوا من موطنه!
فهو حينها .. وحيد!
حين يواجه الشخص ضائقة فيمد يده يطلب العون فلا يراه ولا يلتفت إليه أحد
فهو حينها .. وحيد !
حين ينام والبيت يعج بأصوات الأهل ..
ويصحى .. ويجد البيت خآلي لاسواه غير هو ..
فهو حينها وبحـــــق .. وحيد
فأي نوع من أنواع الوحده يعشن وحيدات؟؟
ومن هن ياترى؟
قصتي كعادتي لا تعتمد على بطل واحد
الجميع أبطال
حتى أنا:cupidarro
وحتى أنتم :msn-wink:
غدا الجزء الأول من :
وحيـــــــدآت في القصــــــر

[الجوري ليال]

لا لا ماصدق
محظوظه هووووووووووووووووووووووون
حياااااااااااااااك الله عزيزتي
وهلا ومرحبا
اكيد اكيد بتكون رائعه مثل سابقتك
بنتظاااااااااااااارك بكل الشووووق غلاي
اتمنى تكونين ذاكره الجوري
وهلا فيك مره ثانيه

[منار القمر]

حيااك الله
المحظووظه عندهاا قصه جديده
وااااااااااااااااااااااااااااااااااااااااااااااااا و

بانتظاار القادم بشوق

[المحظوظة]

(( وحيــــــــــدات في القصــــــــــــر ))



الجزء الأول


::





سُـكّـان بدارالغربة والأجر مدفــــــوع
نسرح ونمرح بيـن سجّـه ولـــــــذات
والجو صافي بين خضره وينبـــــــوع
وأمي بسموم الولــه وبلا إجــــازات
صار سفرنا كنّه مثل حبّة الكــــــوع
وجمع الحبايب سابع المســـــتحيـلات
بس دارت الدنيـا .. وجا وقت الرجـــوع

ورجعة بنـــاتك بتــنهي كل المعــــانات




آخر أيام شهر رمضان المباركـ



فتحت عيوني بتعب .. وللحظات ماعرفت أنا بأي زمن ؟ بأي وقت نهار ولا ليل شتاء ولا صيف .. حسيت كني بدوآمة وجسمي مكسر من التعب .. اتقلبت وشديت اللحاف على جسمي آه شهالبرد ؟؟

للحين احنا بالشتاء ؟؟

رجعت أفتح عيوني مره ثانية .. وصدمت عيوني بشنطة السفر عند الباب .. وأغراضي مبعثره بالغرفة .. وشوي شوي استوعبت أنا وين ..

وان البرد هذا من التكييف المركزي !

ياربي شفيني .. ؟!

هذا بيتنا الي بالسعودية ..

بيتنا بامريكا أساسا مافيه مكيف لأن الجو بارد على مدار السنة .. !

احنا بالسعودية الحين مو بامريكا ..

لميت الغطا علي كن هالخاطر خوفني ورجت أغمض عيوني ..

واستوعبت شالي متعبني .. هذا السفر الي هد حيلي انا وخواتي البارحة ..

غمضت عيني وانا أسترجع رحلتنا الطويلة 17 ساعة من متشقن على نييورك ومن نييورك على السعودية ..

شي يصدع الرآس خصوصا مع صجة خوآتي الي ماقصروا خبال وضحك طول الطريق مع إنهم كانوا يبكون بمطار نييورك !

لكن مع شروق وشمس وقمرا .. بتشوفون العجب !

يلا الحمد لله أبوي وعَدنا ماعاد نمسك هالدرب الطويل ونسافر مره ثانية ..

وأخيرا استقرينا بعد الهجولة الي عشناها طول عمرنا

وأبوي اهو الي بيجي ويزورنا كل سنة

" شعــــاااااع .. شعاااااااااع .. "

صوت صراخها من ورى الباب اخترق أعمق مسآآآمعي !

بسم الله الرحمن الرحيم هذي شصحاها الحين ؟؟

طالعت الساعه لقيتها 2 الظهر .. أوووبس !!

والله انا الي شالي منومني للحين !!

" شعاااااع فكي الباب كسرت جوالك ماتردين "

لازلت مغمضة عيني ويوم سمعت طاري الجوال اتذكرت ورميت اللحاف وقعدت ادوره على الكوميدينا مالقيته .. بالأخير لقيته تحت مخدتي شكلي نمت وانا أقلّب فيه ..

صح حسيت فيه يرن كم مره بس ماكان فيني حيل أرد !

مسكت جوالي وطالعت وانصدمت لما لقيت 18 Missed call

5 من شمس

3 من شروق

و2 من أمي .. وناسة امي داقة علي مرتين !

والباقي كله من هالمزعجة قمره ..

طنشت كل المكالمات ودقيت على أمي ..

قمت من السرير وانا افرك عيوني وأرتب شعري بإيدي وأتنحنح وطالعت شكلي بالمرايا مادري شدخل شكلي بمكالمة أمي بس كذا ودي أتأكد ان كل شي تمام وانا أكلم أمي..

ردت أمي : هلا والله ..

قلت : أهليييييين يمه معليه يوم تدقين انا نايمة ..

أمي : نايمين للحين ماقمتوا صليتوا ؟

سكت شوي .. نصلي .. ؟؟ اه الا الا صح احنا برمضان لازم نصلي !

وحضرتي توني متذكرة ان احنا برمضان اسم الله على مخي بس لحد يصكني عين ..

قلت وانا أحاول ما أتلعثم : خواتي الظاهر صحوا بس انا والله حاسة جسمي مكسر ونمت مو دارية عن عمري ..

أمي : اسم الله عليك حبيبتي خلاص مابقى شي على الفطور .. ارتاحي الحين واذا أذن افطري وخذيلك مسكن ..

" شعااااااااااع انا ماصحيتك عشان تحاكين بالجوال !!! افتحي الباب بسرعه "

قلت : لحظة يمه هذي قمور رجتني من صباح الله ..

مشيت وفتحت الباب إلا قمره داخلة وبإذنها الجوال وتقول : ساعه عشان تفتحين ؟؟؟

طنشتها ومشيت وانا أسمع أمي تقول : شفيها قموور ..

قلت : مادري عنها مستخفة على صباح ربي

قمره والجوال باذنها : وبعد أمي مادري شعندها أدق عليها يعطيني ويتنق وتطنش وماترد

أمي تضحك : هههههههههههههههههههههههههه قوليلها انك تكلميني عشان كذا مارديت عليها

قلت : امي تكلمني ياخبلة !

قمره بصوت واطي مصدوم : هذي امي الي معاك ..؟؟

قلت : ايه ..

قمره انفعلت : هاتي الجوال بالله ..

ومشت وبلحظة صار الجوال بايدها

بسم الله شلون خطفته مني ؟؟ ضحكت عليها وأنا أشوفها تناقز واهي تكلم أمي وتركتها ودخلت حمام غرفتي وأنا أسمع لجتها .. ضحكت عليها هذي متعلقة بأمي حيييييل

مع انها مع انها أقل وحده مننا عاشت مع أمي !

خلصت ويوم جيت أطلع اتذكرت كلام أمي يوم تقولي عن الصلاة !

يالله خليني أكسب أجر لو مره وحده بحياتي .. اتوضيت ومادري ان كان وضوئي صحيح او لاء !!

لأن بيني وبينكم مادري متى آخر مره اتوضيت !!

طلعت وألاقي قمره تقول بفرحه : صدق ؟؟؟؟؟؟ متى طيب ؟؟؟ لالا يمه تعالي الحييييين ؟؟؟ ايه نبيك الحين تجين .. !! يووووووووه كيفه عاد قوليله بناتي جايات من السفر شتبي انت ..

ههههههههههههههههههههه ايه قوليله شتبي .. ههههههه ياحليلك يمه طلعتي مؤدبة !!

طيرت عيوني فيها هذي شلون تقول لامي كذا ؟؟ بس شفتها تضحك عرفت ان امي ضحكت لها أمي حنونة وطيبة وتتحمل كل الي يجي منا ..

ليتنا مافارقناها !

سكرت قمره وقالت والفرحة بعيونها : أمي بتجي تفطر عندنا ..

قلت : جد ؟؟ اهي قالت ؟؟

قمره واهي تقلب عيونها : لا أنا طلبتها وقلت مانبي نصبر للسحور وقالت ماقدر أرفض لقمورتي طلب

قلت : قمره مايصير تحرجين أمي دامك تدرين انها ماتقدر ترفض لك طلب ! يمكن جد صعبة عليها تجي !

قمره : وليه صعبة ان شاء الله ؟؟ يعني مو كفاية أمس ماجتنا وانا اتوقعت أشوفها أول مانوصل كله بسبب أهل زوجها الي بلطوا عندها بالبيت وهم دارين ان احنا بنجي .. !

قلت : أوكي وانا ماقلت شي .. انا بعد أبيها تجي واتضايقت انها ماجتنا أمس بس خليها تجي منها أحسن

قمرا : لا حبيبتي أنا مافيني صبر .. يلا بقوم أجهززز

وطلعت تركض




::




طلعت من عند شعاع وانا مستانسة وسمعت صوتها من وراي تقول : قمووور صحي شروووق وشمس وقوليلهم ان ماما بتفطر عندنا

شقيت الضحكة وأنا متحمسة أفاجئ خواتي بجية أمي .. وبنفس الطريقة الي دقيت فيها باب شعاع قبل شوي .. دقيت باب شروق وأنا أصارخ " شرووووووق شرووووووق "

بس اتقاجأت لما فتحت الباب شمس وشكلها مصحصة والغرفة مبين مرتبة كأنهم صاحين من زمان .. أو كأنهم ........ !

دخلت وانا أقول : Good after noooooon

شمس وإهي ترمي نفسها على السرير : توكم تقومون ياعيني عليكم؟؟

قلت : وانتوا متى صحيتوا ؟؟

شمس وراسها تحت المخده يالله أسمع صوتها : مانمنا .. مواصلين

قلت : مجانين انتوا بالله ماتعبتوا من طول السفر ؟؟

شمس ماردت يمكن نامت وشروق هاللحظة طلعت من الحمام ماخذه شاور وتغني بروقان ويوم شافتني جت قعدت جمبي وكالعادة باستني واهي تقول بصوتها الحنون : شلونك ؟

قلت بفرحة : مستااااااااانسة

شروق بضحكة : دايم يارب بس شعندك

قلت : أمي بتفطر عندنا

أنا اللي أذكره اني كنت أكلم شروق بس مادري شلون شفت وجه شمس قبالي كيف قامت ونطت بثانية مااادري وقالت : من جد ولا تستهبلين؟؟

قلت : والله جدددددد قوموا اجهزوا وصحصحوا تو كلمتها قالت جاية

شروق : حبيبتي ماما بس يارب ماتجيب معها زوجها

قمره وإهي تضم ايدينها على صدرها: انا ماهمني شي غير أشوف مااااماااا وبس ..

شمس بحيرة : تتوقعون اتغير شكلها !

قلت : والله سنتين مو قليل بس يمكن احنا اتغيرنا عليها أكثر ..

قمره : يالله ممممتى تجييييييييييي ..

طالعت الساعه وانا بعد أحس ودي أقدم الوقت بسرعه عشان تجي أمي ..

شمس اتربعت على الأرض وسندت ظهرها على السرير وقالت والنوم بعيونها : طيب احنا مانمنا شلون بنتحمل نقعد لين الليل كله منك ياشروووووق ابلييييييس

شروق : لا والله ؟ محد ضربك على إيدك وقالك وآآآآصلي معاي غصب عليك

شمس : انتي تسوين أشياء مغرية مآ تخليني أنام

ضحكت على شموس وقلت : شقعدتوا تسوون طول الليل أمانة؟

شروق وهي تفتح المنشفة من شعرها : قعدنا نستكشف أرجاء قصرنا المحترم ..

وقبل ما أرد عليها دخلت شعاع علينا وتقول بابتسامة : شفتوا أمي بتجي تفطر عندنا ؟

شمس بدلعها الي يذبحني : ايييييه بس احنا مواصلين شعاااع

شعاع : ماشاء الله عليكم روحوا اشربوا ريد بول صحصحوا

شروق : ايه وبعدين ننوي الصيام من جديد مثلا؟؟؟

شعاع : ههههههههه أستغفر الله نسيت

ضحكنا كلنا وقمت سحبت إيد شعاع وقلت: تعالي قوليلي وش ألبس ملابسي كلها بالشناط وحايسة

شعاع واهي تمشي وراي : حلو اللي عليك لا تغيرين

قلت وانا اطالع بلوزتي : لا أستحي ..

حضنتني شعاع ومشينا لغرفتي وإهي لامتني وأنا أحس بقربها كنها أمي وأحس إني أحبها أكثر من نفسي




::




بصراحة فرحت بجية ماما بس مجرد تفكيري ان زياد بيكون معاها يخليني اقول لاتجي أحسن ! زياد زوج أمي محد منا يحبه لأنه أخذ أمنا مننا .. صحيح احنا الي سافرنا عنها وعشنا عند أبوي بأمريكا بس كانت إهي تفكيرها كله إحنا وبس

ومن اتزوجت هالزياد أحس صار لها عالم ثاني يفصله عن عالمنا تضاريس وهضاب وبحور وكل شي صعب يوصلنا لها ويوصلها لنا ..

التفت على شمس الي اتمددت على البلاط بالأرض وقلت : شموس ودي أرسل لماما مسج أقولها تجي بروحها بدون زياد

شمس : .....................

مسكت جوالي ورحت للرسايل وانا اقول : ها شراايك ؟

شمس : ...........

كتبت الرسالة وحفظتها بالمسودات وقمت وانتبهت ان شمس نامت على البلاط وغطست بالنوم بعد

ياحبيبتي كسرت خاطري .. انحنيت ومسكت ذراعها وقومتها ووقفتها إلا طاحت علي وطحت أنا وهي على سريري

دفيتها وأنا أقول : الشرها على الي يحن عليك وربي

شمس ابتسمت ابتسامة مسرع ماختفت وردت نامت

قمت وغطيتها باللحاف ورحت أشوف خواتي

وقفت عند السيب وشفت قمرا وشعاع قاعدين عند شناط السفر يحوسون بالملابس وهالشغلة بالذات أنا مالي خلقها ..

بس حسيتهم من جد مستانسين .. شعاع أكبرنا وقمور أصغرنا بس كلنا مابيننا فرق كبير بالأعمار .. شفت قمور وهي مابقى بلوزة ماطلعتها وشعاع معطيتها وجه ياحبيلها

اما أنا ماخطر ببالي أغير لبسي اللي علي ..

وبيني وبينكم هالشورت الي لابسته ...................

"شروووووووووق هذا شووورتي الي لابسته يادوووبا "

ضحكت بصوت عالي يوم صادتني قمره ومشيت عنها

قمره : وتضحكين بعد يادوبا ؟؟ افصخيه لا توسعينه بعدين هذا مو حق بيت عشان تعدميلي هو

مشيت عنهم بس لحظة !! استوقفني كلام شعاع وهي تقول لقمره : حبيبتي على بالك شورتاتك بتلبسينها هنا بالسعودية ؟؟؟

قمره ببرائة واضحة : ايه وليه لاء !

شعاع : لاياعمري ترا الوضع بالسعودية غييييير .. لبسنا بيكون غير وطلعاتنا غير ولازم نتحجب وكل شي بيتغير فينا ..

رجعت لهم وانا مسرعه خطواتي وأقول: أكره هالازدواجية صراحة !! بأمريكا نسوي الي نبي وهنا لاء ! بعدين أبوي قال خذوا راحتكم وماعليكم من أحد ..

شعاع : تعرفين تفكير ابوي شلون بس مو معناه ان كلامه صح .. ! خلاص احنا بنعيش بالسعودية على طوول لازم نعود أنفسنا على وضعها ..

قمره : يعني تبيني بهالحر الي بهالبلد .. ألبس بانطلون طويل وبلوزا طويلة وأطلع ؟؟؟

شعاع وإهي تدور اصباعها حولين راسها وعيوني داااايرة معها : وعباية وطرحة بعد !!

شفت الصدمة بوجه قمره وقالت : وانتوا يوم جيتوا قبل 8 سنوات لبستوا كذا ؟؟

أنا وشعاع بنفس الوقت : طبعــا !

وكملت شعاع : انتي كان عمرك 10 سنوات والي بعمرك حتى واهم هنا مايلبسون شي

لكن احنا كنا كبار انا كنت 16 وشروق 14 وشمس 12

ضحكت فجأة :هههههههههههههههههههههههههههههههههههههه

قمره باستغراب : شفيه ؟؟

قلت : اتذكرت يوم لبسنا العبايات والطرح وكانت ذي أول مره تطخ جلودنا .. اتذكرت أشكالنا واحنا مو عارفين نلمها زين ولاحنا عارفين نلف الطرح .. الناس قبل ماتطلع تقعد على المرايا تزين شعورها واحنا نقعد سااااعه على المرايا نلف بطرحنا ..

شعاع واهي تضحك : بس هالناس بأمريكااا مب هنااا

قلت بصراخ : أمرييييييييييييييييييييييكااااااااااا

دفتني شعاع تبي تسكتني وقالت : حاولي تنسينها ياحلوة لأن حتى بابا نقل منها ..

قلت وانا فيني الصيحة : مادري شلون باتعود على السعودية

شعاع قامت واهي تقول : يلا قمور ارسي لك على بر وش بتلبسين ؟

سحبت قمره فستان كان حلو عليها لون خربزي كت وميدي وشفت الراحة بعيون شعاع أكثر من قمره ..

قلت : وانتي

شعاع : شفيني؟

قلت : وش بتلبسين؟

شعاع : ياناس ترا أمي هذي والله أمي ليه مكبرين السالفة ونلبس وما نلبس !

قلت : لا أنا عااادي مراح أغير

شعاع : شروق تكفين غيري .. ماتدرين يمكن يدخل زوجها وتعرفين ماما بتتضاااايق اذا شافك بهاللبس

شعاع خاطرها عندي بالدنيا نطيت عليها واهي اخترعت وبستها مع خدها بقوة خلتها تصرخ وتقول : ببببااااااااااااااااااس

ضحكت وقمت رحت لغرفتي وسكرت الباب ..

وفورا على سريري .. دفنت نفسي جمب شموس وماظني تميت دقيقة إلا وانا نآآآيمة




::




طلعت أقول للخدامات يزيدون الفطور .. ويضبطون الطاولة دام أمي بتفطر معانا ..

وبعدها دخلت أخذت لي شاور ويوم طلعت اتذكرت اني ماصليت ! هذا وامي موصيتني ..

بس تعالوا الحين بصلي بإيش ؟؟ مافي شراشف صلاة بهالبيت .. اتذكرت العباية الي لبسناها يوم وصلنا السعودية .. الحين هذي وين ألقاها بين كل هالحوووسة .. نبشت الأغراض يمين يسااار وأخيرا لقيتها مدفوسة بين الشناط والحوسة ..

سحبت العباية والطرحة ولبستهم .. الا اتفاجأت بالسؤال الثاني وهو كيف القبلة ؟؟

ضحكت وأنا أدور بغرفتي ..

الحين شلون بعرف ؟؟ أسأل مين عن القبلة !!

هالقصر الي شراه أبوي قبل كم شهر وسلمنا احنا مفاتيحه واحنا أول مادخله

إحنا وخداماتنا ..

أدق على أبوي باستراليا وأسأله مثلا ؟؟؟

لوهلة كنت بافصخ العباية ولا صلاة ولاهم يحزنون ..

بس قلت بخاطري صلي ياشعاع على أي اتجاه وبعدين اذا بغيت أصلي مره ثانية بعرف .. وصليت الظهر .. مدري ليه خفت خواتي يدخلون وانا أصلي .. مادري يعني بيضحكون ولا بيستغربون ولا بيفرحون .. بس اتمنيت مايدخلون .. وحمدت ربي يوم خلصت ومحد دخل وقمت بسرعه رميت عبايتي على السرير ..

ونزلت أشوف الأوضاع تحت.. لقيت كل شي مرتب ..

طالعت الساعه لقيت العصر قرب وأمي قالت بعد العصر على طول بتجي ..

طلعت الدرج بسرعه بشوف خواتي وينهم محد نزل ..

ولايفوتكم شكل وجههي شلون انصدددم يوم شفت الحلواات

.. شمس .. وشروق .. وقمره بعد .. نايمين كلهم بسرير شرووق !

الحين شسوي فيهم ذولا ؟!

زين شمس وشروق مواصلين بس هالنتفه قموور شنومها الحين؟؟

صرخت وانا أسحب البطانية عنهم : بنااااااااااااااااااااات أمممممممي جـــــــــــــت

فتحت قمور عيونها وقالت : كذابة توي كلمتها قالت بالطريق

انتبهت للجوال ماسكته بإيدها ياحياتي ياقمره حتى وانتي نايمة بالك معها

قلت : زين قوموا خلاص ماما بالطريق لاتقعد تجي تلقاكم نايمين تقول مالت عليهم وين الي متحمسات يبوني

قعدت قمور واهي تفرك عيونها وتقول : مادري شنومني

قلت : عادي تعب السفر حبيبي قومي غسلي وجهك وصحصحي

قربت لشمس أصحيها : شمس .. شمس حبيبتي قووومي

شمس بصوت متقطع : تعبانة مانمت الليل كله أنا

قلت : قومي عاد امي جاية الحين

فتحت عيونها واهي عاقدة حواجبها وقالت : صدق ؟؟؟

ضحكت على شكلها وقلت : ايه بسرعه قومي غيري وزيني شكلك قبل ماتجي

شمس : ليه ماقلتولي من قبل !

قلت : قلنا لك بس انتي عقلك نايم لاتشوفين ولا تسمعين

شمس وهي تقعد : يلا بآخذ لي شاور سريع

وقامت وطلعت من الغرفة !

قمره : شمووووس على وين؟؟

شمس ببرائة : الحمام !

قمره : وهذا وشو .. وتأشر على الحمام بغرفتها

دخلت شمس واهي شبه صاحية وشافت الحمام وقالت : اممم صح حمامات بالغرف

ودخلت وانا وقمور ضحكنا عليها

سحبت شروق مع إيدها وبـالقوووة قامت

وانا وقمور نزلنا الصالة ننتظر أمي

فتحت التلفزيون وقعدنا نقلب القنوات .. ومن أغنية لأغنية .. الا شوي سمعنا صوت عااااالي جاي من برا .. بالبداية حسبته طياااارة ! بس وطيت الصوت ابي اسمع زين.. !!

" الله أكبـــر الله أكبـــر .. أشهد أن لا إله الا الله .. "

قمره بابتسامة : اييييييييه هذا الآذااان ..

قلت وانا مستانسة على التغيير الجديد : يعني هالصوت بنسمعه خمس مرات باليوم

قمره وعيونها على التلفزيون : ايه .. ارفعي الصوت هالأغنية أحبهااااا

رفعته وقعدنا نتفرج بس ثواني ورجعت وطيته ..

قمره : شفييييييك ؟

قلت : مادري أحس مايصير أغاني وآذان !

قمره : عاااشت اختي هذا أول الخير يالسعووووودية

قلت : اصبري الحين بيخلص الآذان

قمره وهي تضحك : انتي من جدك ؟

هزيت راسي بالموافقة بدون ما اتكلم والحلو ان قمره طاوعتني

انتهى الآذان وأول ماخلص رفعت الصوت وقمنا نرقص بعد

بعد نص ساعه ..

سمعنا صوت الجرس يعني جت أمـــي

ولكم أن تتخيلوووووا الربشة الي صارت بالبيت من دق الجرس !!

أنا وقفت مكاني وصكيت التلفزيون بالريموت .. وقمرا طاااارت على زر الجرس ضغطته عشان ينفتح باب الشارع وركض على الباب الداخلي .. فتحته وطيرااان على الحوش ..

كل هذا صار بثواني وانا ظليت واقفة بمكاني بس دقات قلبي متسااارعة .. كني أنا الي ركضت مو قمره !

نزلت شروق الدرج بسرعه واهي تقول : جت ماما ؟؟؟

كنت بجاوب بس كان وصولها للباب أسرع من جوابي !!

كانت تناااقز حتى شمس من فوق اخترعت واهي تقولها : شروووق خبللللة بتطيحين وتبلشينا فيييك !

شروق واهي وصلت للباب : شــــــرب

شفيهم كلهم طلعوا وانا متشبصه بمكااااني !

مشيت بسرعه للباب والتفت للمرايا بسرعه طالعت شكلي وكملت للباب ..

وطلعت وراهم




::




كل جزء بجسمي أحسه مكسر ..

سرير شروق مو مرييييح وراح تنصدم بهالشي اذا نامت الليلة .. ياخوفي بس يكون سريري نفسه لأني للحين ماشفت غرفتي

نشفت شعري وطلعت بالروب للغرفة الي حطوا فيها شناطنا .. ولقيت كومة ملابس طالعة وأغلبها كانت لقمرا

شكرا حبيبتي قمور وفرتي علي وقت التدوير على ملابسي

أخذت تيشرت أخضر بولو وبانطلون أبيض .. وحمدت ربي هاللحظة بالذات اني أنا وخواتي أجسامنا قريبة من بعض .. شعاع بس أطول منا

لبست وانتبهت ان التيشرت بورقتها جديدة

ضحكت وانا اقطع الورقة واتخيل ردة فعل قمره .. هذا آخر تيشرت شرته قبل يومين من سفرنا وقبل مانودع مولات ومحلات أمريكا ..

تركت شعري زي ماهو بدون تمشيط أحس يطلع أحلى .. طالعت شكلي بالمرايه واتخيلت أمي واهي تشوفني .. وش بتقول !

هههههه ياربي شفيني مراح أعجبها مثلا؟؟

طيب وهي زي ماهي كلبوزة وقصة شعرها القصير وهايلاتها المعروف ؟

خلاص مو قادرة أصبر لين أشووووفها

أخذت جوالي ولقيت 4 Missed call

فتحت لقيتها مكالمات دولية مجهولة الرقم

بلعت ريقي بصعوبة .. مافيني شي بس حلقي ناشف مع الصيااام موو ؟؟

بس ..

معقولة يكون ......... ؟

قطع تفكيري صوت الجرس !

جت ماما ..

وبهاللحظة تركت الجواال وماصرت أفكر إلا بلقائها

فتحت غرفتي وانتبهت لشروق واهي تناقز الدرج مناااقز وقلت وانا مفجوعه : شروووق خبللللة بتطيحين وتبلشينا فيييك !

وكني سمعتها تسكتني ..!

نزلت وراها وأنا أشوف شعاع تطالع نفسها بالمراية وبسرعه طلعت

وبهاللحظة ناقزت مثل ماكانت شروق تناقز ويمكن أكثر

ولحقتهم وطلعت وراهم ...

لوين ماكانت أمــــــي توها داخلة من باب الشــــــارع

يتبع :cupidarro

[كبرياء أنثى]

لو تعلمين أيُّ سعادة غمرتني وأنا أرى اسمك يتلألأ
لـ يزف إلينا روعة جديدة ..
حيّاكِ الباري : )

[دلوعة بابا]

سجلي اسمي من متابعينك :haha_32:

شكل الرواية مبداين رررررررررررررررررررررررررررررررررررررررروعهـ

يلا عاد خاطري اعرف شخصيت امهم وبعرف بعد نحفت ولا لسسع دووووبا :):what_32:

تكفين لا تتاخرين علينا بموعد التنزيل:hehe_32:

مع خالص احترامي

[القلم الحر]

هلاوالله
حياك يالغلا
بداية رائعة ومشوقة
ننتظرك

[سلمى العبد الله]

*


الكاتبة الرائعة بحق : المحظوظة ..

فنحن محظوظين لوجود كاتبة رائعة بقدرك بيننا ..

أحببت روايتك " لجل الوعد " ، أحببتها بعمق ولست أنا لوحدي من أحبها ، كلنا أحببناها ..
أنا وقريباتي وصديقاتي أحببناكِ وأحببنا أبطال روايتك ..

وأنا بشوق كبير فقط لأقرأ هذه الرواية ، منذ أن رأيت إسمكِ هنا إبتسمت وعرفت أنك لم تغيبي عن الكتابة ..
كلنا لشوق لكتابتكِ القادمة وارجو منكِ أن لا تغيبي كثيراً ، فنحن كـ : فتيات نستمتع بروايات كهذه ..

< قراءة للجزء الأول :)

لي عودة صديقتي ..

[المحظوظة]

كبرياء أنثى
سلمتي حبيبتي واتمنى أن تحوز القصة على كامل اعجابك :)






دلوعة بابا
هههههههه ضحكتيني
يلا الحين بنزل الجزء وشوفي شلون تطلع أمهم
حياك ياقمر وأسعدني تواجد

[المحظوظة]

القلم الحر
الله يحييك ويبقيك ياحلوة
أسعدني تواجدك :)






سلمى
ما أروعك وأروع كلماتك التي أخجلتني وأسعدتني
وأتمنى أن تحوز القصة هذه عى اعجابك واعجاب صديقاتك
سلامي على كل من أحب قصصي
:)

[المحظوظة]

الجزء الثـــاني

وصلت لبيت بناتي .. قصر بناتي ..
حطيت إيدي على قلبي وأنا أتأمل البيت .. حسيت برعشة إيدي وشفاي ..
و آه يآآالبى قلوب الي بشوفهم الحين
مسك زياد إيدي وقال : تبين أنزل معك؟
قلت وانا يالله آخذ انفاسي : لا تسلم خلي جيتك مره ثانية .. الحين اكيد البنات يبون يشوفوني لحالي
زياد : أسلم عليهم من عند الباب وأمشي
ترددت شوي وريحني يوم قال : خلاص على راحتك
ابتسمت ونزلت .. عيوني تتلفت يمين يسار كني متوقعة أشوف بناتي بأي مكان ..!
ومشيت للدرج الي يطلع للبوابة ..
كنت بدق على شعوعتي إلا شافني الحارس وأقبل لعندي وقال : تامرين على شي ؟
كني غريبة بس ماضايقني سؤاله.. بالعكس اتطمنت نوعا ما ان بناتي عندهم على الأقل من يحرسهم وقلت بصوت حسيته مرتعش : أنا .. أم البنات !
الحارس: أهلا أهلا خالتي حياك حياك اتفضلي ..
ومشى مسرع للبوابة واهو يقول : معليه بدق لك الجرس لأن تونا ماستلمنا المفتاتيح ..
قلت وانا اتخيل اللي بداخل البيت : مو مشكلة .. دق الجرس

دق الجرس ومامداه يرفع إيده الا أصدر الباب صوت فتح الباب
دف الحارس الباب وطلعت الدرج وبدت الدموع تتجمع بعيوني ودقات قلبي العنيفة تسابق أنفاسي وخطواتي ..
لحد يسألني عن حالتي .. لأن محد يدري عن اللوعة والمعاناة اللي ذقتها وعشتها سنييييين !
من راحوا بناتي وخلوني ..

دخلت من الباب للحوش الكبيـر ..
وشفتهم .. شفت قدامي صغيراتي الحلوات يتراكضون وكل وحده تبي تسبق الثانية ..
شفتهم بعيوني صغار .. أطفال ماكبروا ..
وهالشعور خلاني أفتح إيديني بوسعـهــا لأول وحده رمت نفسها بحضني .. لا والله مو وحده .. ثنتين .. قمره ومن بعدها شروق
ضميتهم لحضني بقوة وطبعا انفجرت الدموع الي حرصت نفسي أكبتها بس خانتني بهاللحظة : يمه شروووق يمه قمووورتي ياعمممري ولهت عليييييييكم ياروح أمكم ولهت علييييييكم موووت ..
شفت شعاع من وراهم ووراها شموووستي وكانوا يناقزون ويصارخون وشمس تصارخ وهي تسحب خواتها من حضني عشان تاخذ مكانها فيه
أبعدت شروق ونطت شمس بحضني ولميتها وأنا عيوني على شعاع الي للحين تنتظر دورها : شمووووس ياحياة أمك انتي وحشتووووني وحشتووووني
شعاع واهي تسحب قمره : قموووور وخرررررررري
وخرت قمره وعيونها وخشمها حممممر لأنها كانت تشاهق بحضني وجا دور شعاع الي من طاحت بحضني انفجرت تبكي
قلت وانا أحس اني بطيح من طولي : يابعد عمري شعووعتي ولهت عليكم ياروحي والله اشتقت لكم موووت ياروح أمكم وحشتوووني وحشتوووني
شعاع واهي تشاهق : وانتي بعد مررره وحشتينا يمه ..
شمس وصوتها يبكي : عجزنا نصبر لين نشوفك يمه والله وحشتينا موت
بستهم ثنتينهم ومشينا كلنا سوى لداخل قصرهم

وقمور حاضنتني من خصري وشروق لامتني من ظهري وأنا أنفاسي صارت شهقات وانا مني مصدقة عيوني الي قاعدة تشوفهم
لأن عيوني ياما شافتهم .. وحاكتهم .. واتأملتهم .. بس لحظات ويختفون لأن عيوني نايمة وبأحلامها زارتهم ولامستهم وضمتهم !
دخلنا الصالة والتفوا بناتي حولي ..
ليش أشوفهم صغار ؟
كنهم نفسهم الي راحوا عني من خمسة عشر سنة وصرت ماشوفهم إلا شهر بالسنة يا أجيهم يايجوني إجازة وبكل مره نفترق ياخذون معهم صحتي وراحتي وهناي ونومي
لين آخر سنتين .. أمـَر سنتين .. وأقسى سنتين ..
ماقدروا لايجون ولاأروح لهم بسبب صعوبات بأمريكا ومشاكل واجهت أبوهم اضطرته يترك امريكا بكبرها وينقل لاستراليا ..
لكن الله ربط على قلبي يوم بناتي رجعولي أخيرا وهذا هم قدام عيوني
يااااه ياحلو بناتي

قلت وانا أتأمل كل وحده فيهم : شلونكم ياعمري عسى ماتعبكم النقل والسفر ؟
قمره واهي لاصقة فيني ولامة ذراعي : كل التعب راح بشوفتك ماما
ضحكوا خواتها وشروق قالت : هههههه لا مايمدينا على هالحكي من وين طلع قمووور ؟
ضحكت قمره وهي تلصق فيني أكثر وأنا كل شوي آخذ وحده من بناتي لحضني وأضمها وابوسها ياعساي أعوضهم حضن وحنان العمر كله
قلت وانا احاول أضحك : خلاص امسحوا دموعكم وانا بعد بامسح دموعي ( وسحبت مناديل أمسح عيوني وانا اقول : ها وان شاء الله هالعيون آخر يوم تدمع فيه دامها شافتكم ورجعتولي وان شاء الله ماعاد تروحون عني
شعاع : ان شاء الله ماما حبيبتي والله مراح نخليك خلاااص
شمس : اي والله ياماما هالمره وعد احنا بعد خلاص محتاجينك ونبيك
قلت بفرحة : صدق والله؟؟
أصواتهم داخلة ببعض : طبعا يمه ..
شروق وهي تحضني : طول عمرنا نحبك ونبيك بس ياماما كنا صغار يوم قلنا نبي امريكا وماصدقنا كبرنا عشان نقدر نقرر ونرجع لك
شعاع : وشوفي بابا شرالنا البيت ونقلنا كل عفشنا .. (( وكملت بضحكة : خلاص يمه بنكون مع بعض على طووووووول
قلت : الله لايحرمني منكم ياروح أمكم انتوا ..
بناتي : ولا منننننك يمه
قمره بحضني ورافعة راسها تطالعني: شلون خالي وخالتي وبناتها وعمو زياد والكل شخبارهم
قلت : والله طيبين وماتصدقون قد ايش فرحاااانين بجيتكم ودهم كلهم يجون معاي الحين بس قلت قلعتكم لاحقين عليهم خلوني انا أشبع ببناتي ..
شمس : حبيبتي يمه حنا مراح نشبع منك أبد والله
محد يدري شكثر يبتهج خاطري اذا سمعت هالكلام من بناتي لأني حسيت الدنيا خطفتهم مني ونزعتهم من حياتي وأبعدتهم عني وأشغلتهم عن أمهم لكن شوفتهم الحين وهم ملتمين بحضني كنها توها عيونهم تفتح على الدنيا وانا الي احتويهم أنا أمهم الي مراح يلقون قلب يحن عليهم كثر قلبي

شعاع : ماما وخالتي شلونها ؟ ساكنة جمبك للحين ولا نقلت ؟؟
قلت : لا الحمدلله وسعت بيتها وقعدت فيه
شعاع : وكيف حال رزان وغادة اكبروا اتغيروا انخطبوا ؟
قلت : ماشاء الله كل وحده تقول الزين عندي بس رزان خطبها ولد عمك راكان
شمس وهي عاقدة حواجبها : مين عمي راكان ؟؟
شروق : ههههههه مب عمك راكان .. ولد عمك اسمه راكاااان
شمس : اهااااااااا طيب ومين راكان هذا ؟
شروق : عاد مدري ..
شعاع : ههههههههههه اما عليكم معلومات مدري شتبي هذي ماتدري وشسم عمها وهذي ماتدري عن ولد عمها
شمس : يلا قولي ياحلوة مين راكان ؟؟؟؟؟
شعاع وهي تكتم ضحكتها : ولد عمي عاااصم مثلا ؟؟؟
ضحكت من قلبي وانا اقول : ههههههههههههههههههههههههههههههه عصام مب عاصم ياحليل بناتي اللي مايدرون عن الدنيا
قمره اتعدلت بقعدتها وقالت: اي والله ياماما أمس اسولف انا وخواتي مدري شلون بنعيش بمجتمعكم مانعرف أحد خصوص أهل ابوي والله ماعرف غير جدو الله يرحمه بس
شعاع : اي حبيبتي قمور رحتي امريكا وانتي صغيرة مرة اما حنا عشنا شوي من طفولتنا معاهم
قمره : اي والله يهديه ابوي قاطع الكبير والصغير ولا أذكر يوم سولف لنا عن اخوانه وخواته

قطعتني حسرتي على بناتي الي راح عمرهم لاهين بالدنيا لا دين ولا صلة رحم كله من أبوهم الله يسامحه وقلت : عاد عماتكم مانسوكم كل ماشافوني بأي مكان يسألون عنكم وحده وحده حتى بنات عماتكم وعمانكم فرحوا يوم دروا بجيتكم
شروق: ياحليلهم يسألون عنا ولو شافونا ماعرفونا
شعاع : عاد غلطتنا احنا اللي كل اجازة كنا نجي نقعد بس عند امي وخالتي وخالي بس ولا نروح لعماني ماغير جدو الله يرحمه نسلم عليه ساعه ونمشي
شمس : وصية ابوك ياروح ابوك
شروق : عن الحكي الفاضي والله لو بغينا نروح لهم كان رحنا بس احنا مانبي أحد
قمره : أصلا كل الي كنا نجيها شهر يالله نقضيه مع امي مو بعد نسير على خلق الله
شعاع : وغير كذا ترا السنين الي عشناها برا بعيدين عن كل العالم عودتنا على العزلة
قلت وانا ابتسم لهم : خلاص حبايبي الي فات مات .. انا مابي أحد يتكلم عنكم كلمه وحده بس مو زينة .. ان شاء الله بتشوفون عماتكم وعمانكم وبناتهم وعيالهم وتتعرفون عليهم وبتحبونهم بعد
مع اني ماحسيت باهتمامهم بهالشي ولا لهفتهم عليه إلا اني ارتحت يوم ماعارضوني وانا ودي أحطهم فوق راسي وأمشي بين الناس أقول شوفوا هذا هم بنااااتي

خذتنا السوالف لين سمعنا المغرب يأذن وقمنا وقعدنا على الطاولة .. شفت بناتي يصبون لهم كاسات موية ويشربون محد منهم مد إيده على التمر الا أنا ..
وعقب ما أخذت تمرتي قالت شعاع : ماما أصب لك قهوة ؟؟
قلت : افطري حبيبتي انا أًصب
فهمت شعاع اني أبي القهوة وصبت لي فنجان وقربته لي .. صرت آكل التمر واشرب القهوة وأراقب أكلهم .. شربوا الموية وبعدها غرفوا السلطة وبعدها كل وحده سحبت منديل ومدت ايدها بالمنديل واخذت سمبوسة وأكلتها .. كل هذا وانا توني بالتمر والقهوة ..
لأني اتعودت افطر تمرتي وقهوتي واقوم اصلي وعقب نحط سفرة ثانية بباقي الأطباق
شروق : ماما شتبين أحط لك ؟؟
طالعت الساعه خفت أتأخر على الصلاة ولما شفت فيه وقت قلت : افطري حبيبتي انا بحط لي كل شي
شروق : يمه ادري انك ذوووق وأخلاااق وكل شي حلو بس مو على بناتك تكفين وقوليلي شتبين أحط لك ؟
ضحكنا عليها وقلت لها : اغرفي لي شوربة شوي
شروق : من عيوووني
قلت وانا مغرقتني وناستي : فديت عيونك حبيبتي
ناولتني الشوربة واخذتها وانا اقول : كيف الصيام بامريكا عسى النهار قصير؟
قمره ضحكت : ههههه قصييييييير مره بس لين الساعه 9 !!
شعاع : اتخيلي ماما يدخل المغرب 9 والفجر 3
قلت : ياعمري مايمديكم تفطرون الا أمسكتوا
شمس : أصلا هي وجبة وحده ناكلها الساعه 12 فطور وسحور
قلت : ياقلبي وش تاكلون؟؟
قمره : كل يوم نطلب من مطعم شي ..
قلت وصوتي خفت غصب عني : وأبوكم ؟؟
شعاع : بابا مايكون فيه بالليل .. نفس حاله سواء برمضان ولا بغيره

اتنهدت غصب عني .. ليتني أقدر أرجع الأيام وألف الدنيا وأقلب الماضي وأخلي بناتي عندي بدل ماضاع عمرهم وانسرقت أيامهم واهم داجين ولاجين بديار لاهي لهم ولاهي عليهم
الحين فهمت ليه محد مد ايده على التمر
المشكلة مو وين بناتي عاشوا ..
المشكلة هي مع مين عاااشوا !
وعلى ايش اتربوا وعلى ايش اتعودوا واش اتعلموا واش الي انغرس فيهم من صغرهم ؟
وشالي انتزع منهم ؟
وهل اقدر أبني فيهم من جديد؟؟ هل أقدر أرمم على الأقل شي من الي بنيته بصغرهم والي هدمه أبوهم فيهم ؟؟
طالعتهم وهم ياكلون .. شمس وقمره ياكلون باليسار
وشروق تغني أغنية أجنبية ..
وشعاع عيونها علي تضحك لي وتطالع بخواتها ....
انتبهت على شعاع وهي تضحك لي وتقول : يمه ليه ماتاكلين؟؟
قلت : أكلت حبيبتي خلاص بقوم أصلي .. وانتوا بعد ان كان خلصتوا يلا لا تأخرون الصلاة
وقمت وانا اقول : وين الحمام ؟؟
كانت شمس جمبي قامت ومسكت ايدي وقالت : انا اوديك الحين اسأليني عن اي شي بالبيت أمس انا وشروق مواصلين بس ندور ونفتش ونحوس بالبيت
قلت وانا امشي معها : مانمتوا وانتوا راجعين من سفر وتعبانين !
شمس : ماقدرنا ننام متغير علينا الوقت والمكان بس ان شاء الله كم يوم ونتعود

رحت للمغاسل وبصراحة ماعرفت من وين افتح الصنبور .. مغسلة عجيبة اول مره اشوفها ولاهي اول شي اتفاجأ فيه .. انا من دخلت هالقصر وكل شي غريب اول مره أشوفه بحياتي
فتحت لي شمس الموية وصارت تسولف معاي وانا أغسل واتوضا ويوم خلصت مسحت بالمنشفة وانا اقول : شلون القبلة حبيبتي ؟؟
شمس بحيرة واضحه : آآآ .. ماادري ..
قلت وانا اضحك : شلون صليتي من جيتي ؟
شمس وهي تضحك : ههههه انا اصلا هاليومين ماصلي ..
قلت : اه ياقلبي يعني فاطرة اليوم ..
شمس : ايه ايه طبعا
رجعت للطاولة وشمس وراي وقلت : بنات شلون القبلة ؟؟
شعاع قامت وجتني بسرعه واهي تقول : ماندري يمه ماعرفنا شلون نصلي كل وحده صلت على جهة غير !
شروق : ايه ايه خلي نسأل الحارس اكيد بيعرف
قلت : يلا تكفون اسألوه انتم بعد كان سألتوه من يوم ماوصلتوا الله يهديكم صلاة هذي مو لعب تصلون على اي اتجاه تبون ..
شروق وهي تمشي للتلفون : اي والله استغفر الله الحين باسأله
دقت شروق على الحارس وعلمها اتجاه القبله لبست عبايتي وصليت المغرب ويوم خلصت التفت وشفت بناتي قاعدين حول بعض يطالعوني ويتهامسون .. ابتسمت وانا أقولهم : صلوا !!
نطوا مع بعض وهم يقولون : ايه يلا ان شاء الله
وصعدوا الدرج كلهم .



::



طلعنا فوق وشمس وشروق وقمرة راحوا غرفهم ..
كنت ابتسم لاشعوري وانا أسترجع لقائنا بماما حبيبتي .. ماتغيرت زي ماهي حلوة ونعومة وطيبتها تشع من عيونها الله لايحرمنا منها .. خاطرها عندي بالدنيا وحسيت ان هالشي خلاني على طول اتوضا واصلي ويوم طلعت لقيت خواتي طالعين من غرفهم سألتهم بهمس : صليتوا؟؟؟
وضحكت يوم جاوبوني انهم صلوا ..
نزلنا الدرج بس انتبهت ان شموس مانزلت التفت عليهم وقلت : وين شمس ؟
شروق واهي تحوس بجوالها : مادخلت غرفتي راحت غرفتها
نزلنا عند امي لقيناها قاعدة على الكنب ومعها مسبحتها تسبـّـح وتطالعنا بابتسامتها الي تحسسني ان الدنيا لسه بخير .. قعدنا حواليها وقمرا أخذت مكانها بحضن امي الي لمتها وباستها وقالت : ها مستعدين للعيد قضيتوا من هناك ؟؟
قلت : والله احنا قضينا كل شي ومن كل شي هههههه نودع المحلات
ماما : هههه زين ماشاء الله ..
قمره : كيف عيدكم ياماما هنا شتسوون وين تروحون؟؟
ماما : الصبح نصلي العيد وبعدين نفطر ببيت أهل زياد واذا رجعنا نمنا وبالليل يجوني خالكم وخالتكم .. ومن ثاني يوم ورااايح انا اروح مع خالتكم لاهل زوجها واحضر اعيادهم لان اهل زياد يسافرون كل سنة يعيدون بمصر
شروق : ولاتقولين هالسنة احنا بنروح معاكم لاهل زوج خالتي !
ماما : هالسنة انا مو رايحة لاحد هالسنة عيدي بنااتي
شروق : والله احنا اللي عيدنا عيدين لأنه معك يمه
ماما : حبيبتي انتي ..
قمره اتعدلت وقالت : يعني معليه ابي اعرف .. انتي بتكونين عندنا من يقولون جا العيد مثلا ؟؟
ماما : ههههههه ايه حبيبتي ليه مو مصدقة ؟؟
قمره تطالع امي بنص عين : وعمو زيااد؟؟
ماما : شفيه عمك زياد يمرنا واحنا نمره وعادي ياقلبي محد يقدر يبعدني عنكم لاتشيلين هم ( وقرصت خدها
ابتسمت بفرح وقلت : ودنا نطلع بالعيد شاليه مانبي بيوت
ماما : اي صح على هالطاري .. أهل ابوكم هالسنة ماخذين شاليه 6 ايام العيد كلها .. عاد لازم تروحون تعيدون معاهم وشاليههم حلو مره عزموني ورحت يهبل والله
شروق : بتجين معانا ؟؟
ماما : ان شاء الله .. ترا أهل أبوكم طيبين شوفوا كم لي انا وأبوكم منفصلين وللحين واصليني ويسألون عني ويفرحون اذا شافوني .. وبتشوفون هالشي بنفسكم !
بدا الحماس يلعب فيني وقلت : محنا شايفينهم قبل العيد؟؟
ماما : إلا أفا عليك مايصير تجون كل هالفترة وماتزورون عماتكم .. ان شاء الله نشوف يوم ونروح لهم كلنا ..

دق جوالي ويوم طالعت الشاشة لقيت ابوي المتصل .. ارتبكت مدري ليه ورديت بسرعه وانا عيوني على أمي : هلا هلا بابا
بابا صوته بعيد : هلا شعااع شلونكم ياماما ؟
رديت : احنا بخير بابا انت شلونك ؟
بابا : الحمدلله ها كيف استقريتوا ان شاء الله نمتوا ارتحتوا ؟
قلت : اي والله الحمدلله كل شي تمام .. انت كيفك بابا وكيف حال آنتي جولي
بابا : طيبة الحمدلله تسأل عنكم والله
قلت : سألت عنها العافية سلم لنا عليها يبه
بابا : يوصل ان شاء الله .. خواتك حولك أكلمهم ؟؟
رديت : ايه ايه هذي شروق جمبي ..
مديت لشروق الي سحبت الجوال وقامت وهي ترد وتقول : دااااااااادي حبيبي آي مس يووووو

ضحكنا عليها وانا اطالع بأمي ماودي تصير اي حركة تضايقها بس مع ابتسامتها الساحره وهي تطالعنا واحنا نكلم أبوي حسستنا انها مرتاحة ولاهي مضاايقة

قمره : وين شمس الحين يسأل عنها أبوي وهي مانزلت
قلت : اي والله دقي عليها قوليلها تنزل بسرعه
دقت قمره وقالت واهي تطالع الجوال : يعطيني ويتنق ..
قلت : وقته تكلم الحين ..
اخيرا نطقت ماما : اطلعي قمور شوفيها حبيبتي قوليلها ابوك يبي يكلمها
وقفت قمره تبي تطلع الدرج الا شافت شروق تمشي لها بسرعه واهي تقول : هذي قمره معاك بابا
اخذت قمره الجوال وشروق التفتت علينا وهمست بحمق : وووين شمس ؟؟؟؟
قلت وانا أأشر على الدرج : روحي شوفيها بسرعه طيران
واستجابت شروق لكلامي صدق وطااارت طيران الدرج حتى امي وسعت عيونها واهي تقول : شوووي شوووي ياااابنت !
وسمعنا بعدها تخبيط شروق لباب شمس وصراخها


::

كنت قاعدة أكلم وفجأة سمعت الباب يتخبط وشروق تصارخ : شمووووس وينك انزلي بسرعه بابا يبييييييك
فتحت الباب وسحبت شروق من إيدها وصكيت الباب بسرعه ..
مافاتني شكل شروق شلون انفجعت وهي تشوف عيوني الحمر والدموع على وجهي .. قعدت على السرير قبالي وقالت بصوت خافت : مين تكلمين ؟؟
مارديت عليها وظليت أسمع وأتلقى القنابل الي توصلني من الطرف الثاني وانا مغمضة عيوني بكل ألم ..
سمعت شروق تقول بخوف : بنت شفيييييييك ؟؟
فتحت عيني وطالعتها وعيوني تصرخ بكل الأهات تستجدي الرحمة .. انتهت القنابل واتقفل الخط .. رميت الجوال على الطاولة ومشيت لجمب شروق ورميت راسي بحضنها وصرت أبكي من كل قلبي
شروق بخرعة : شمممممس شصااار .. ( وبعد لحظات كنها استوعبت وهمست : نادر؟؟
قلت وبالقوة صوتي يطلع : خلاااص كرهني ياشروق ماعاد يبيني ماعاد يحبني ليه طيب انا مو بايدي الي صااار ياشروق والله ماسويت شي
شروق بقهر : هذا شيحس ابي أفهم ؟ يعني ياتنفصلين عن كل أهلك وتقعدين بأمريكا عشان سواد عيونه ولا خلاص مايبيك ولا يحبك ؟؟
قلت : يقول لو تحبيني جد كان حاربتي الكل عشاني وقعدتي عشاني مو تروحين وتتركيني بعز مني محتاجك
شروق : كان قلتي له والله ياحبيبي انا مخيرة مو مسيرة وهذي نقله كاملة من بلد لبد مو حيا الله سفره ولا سياحة عشان أبدي رايي فيها وأقرر بكيفي !
رديت : قلللللللت له مو راضي يفهم ولا يستوعب .. كله مصر اني اتخليت عنه وعن احلامنا وحبنا وكل شي بنيناه سنين
شروق : والله اذا يبيك جد ليه ماخطبك قبل مانمشي ؟؟ من شهور وحنا ندري اننا بننقل !
قلت : ماكان مصدق يقوللي لآخر لحظة وأنا اقول اكيد بتقعدين ..
شروق بعصبية : تقعدين لحالك شتسوين هذا شلون يفكر؟؟؟؟
قلت : يقول تكملين دراستك ..
شروق مسكتني من كتوفي وقعدتني وطالعت بعيوني وقالت : انتي لايكون ندمانة على الي سويتيه ؟؟؟ لايكون لعب بمشاعرك وحسسك انك مذنبة وكلامه صح ؟؟؟
غمضت عيوني ورفعت راسي على فوق وانا أهمس : ماادري
هزتني شروق من كتوفي وهي تقول : شمس انتي ماغلطتي .. كونك تسافرين مع أهلك وين مايسافرون وتروحين معاهم مكان مايروحون هذا هو الصح .. وهو الي يلحقك مكان ماتروحين مو انتي ياشمس استوعبي مو انتي الي تقدمين تنازلات بهالشكل وتضحيات بهالطريقة ترا انتي بنت حتى لو حياتنا هناك أجبرتنا على أشياء نسويها وعودتنا وعلمتنا على أشياء المفروض مانسويها بس مو معناه ان الي كنا نسويه صح !
مسحت عيوني بخلف كفي وانا اقول : طيب اذا هذا هو الصح ليه مايفهم هالشي ؟؟ والله سمـّـعني كلام يجرح حسسني اني أنانية وسيئة وخاينة وكل شي مو حلو
شروق : لأنه حقير ومصيره يندم .. ويعرف انه غلطان وانك انتي الصح .. بس أمانة شمس لاتحاولين تدقين عليه مره ثانية !
قلت : مني داقة اصلا أنا استغربت انه دق .. لأنه قاللي اذا سويتيها وسافرتي فاعرفي انك انتي الي نهيتي كل شي .. وقبل مانسافر حاولت أكلمه أودعه مايرد .. وعرف اننا سافرنا ودق اليوم قلت يمكن حن وغير رايه فيني اثاريه دق عشان يسمعني هالكلام

حضنتني شروق واهي تقول : حبيبتي شموس لاتزعلين نفسك عشانه صدقيني بيجي يوم ويندم ويعرف ان هو الغلطان وانتي الصح .. لاتبكين ولاحد يستاهل دمعة منك ياقلبي أدري انه صعب عليك بس المفروض هو يتفهم ظروفك لأنها أكبر منك .. يلا قومي غسلي وجهك وانزلي كلهم يسألون عنك تحت
بعدت عنها وانا اقول : ياربي الحين ماما بتستغرب من شكلي شقولها ؟
شروق : قوليلها كلموني صاحباتي من هناك وحنيت لهم وقعدت أبكي
قلت : شهالصحبااااات الي يبكوني بهالطريقة يخسووون بعد
شروق : ههههههههه حرام عليك نسيتي شلون بكوا علينا قبل مانروووح ؟
شمس : اي بس وقتها والكل بينساااانا مع الايام
شروق تبي تضحكني : والله جتك صدمة عاطفية انتي والكل عندك صار ينسى ويقسى..
قلت : لا مو الكل .. بس هو الحقير
شروق : خلاااااص لاتجيبين سيرته ويلا قومي ( وقفت وسحبتني وهي تقول : غسلي وجهك وانزلي واذا سألوا شفيك انا بضيع السالفة

قمت وانا يالله أمشي وأجر جروحي معاي .. وفتحت باب الحمام ودخلت
وشروق فتحت باب الغرفة وطلعت



::



طلعت من الغرفة وأنا أحاول أكبت دموعي الي شوي وبتطفر من عيوني على شمس ..
حاولت أهديها بس داخل نفسي عارفة انه شي مو سهل ..
نادر مو أي شخص ..
شخص غآلي علينا كلنا بس صدمنا بموقفه !!
نادر ولد صديق أبوي ومن بداية حياتنا بأمريكا وهو داااايم يجينا مع أبوه ..
كان زي أخونا لأن ماعندنا اخو لكن أهو وشمس يوم كبروا تنحت مشاعر الأخوة وحلت محلها مشاعر ثانية !
مني قادرة أصدق ان كل اللي بينهم انهدم وانتهى بلحظة !
خسارة حبهم وأحلامهم وذكرياتهم ..
خسارة كل لحظة حلوه قضوها مع بعض ..
يالله انك تعين اختي ..

نزلت الدرج وأنا أحاول اصطنع المرح واقول : ياهوووو ياللي تحت شرايكم نطلع ؟؟
محد رد علي ويوم وصلتهم لقيتهم فاتحين التلفزيون على الحرم ويطالعون التراويح ..
حسيت اني لازم التزم الصمت وقعدت جمب أمي اللي قالت على طول : أول مره أتابع تراويح الحرم لأن هالوقت أكون بالمسجد أصلي ..
قلت : ماشاء الله يمه كل يوم تروحين تصلين ؟؟؟
ماما : الحمدلله المسجد جمب بيتي ولاعمري خليت الصلاة
شعاع وهي تضحك : أجل خربنا عليك اليوم
ماما : لا ياعمري هذا انا قاعدة اشوف الحرم وبنسمع الدعاء بعد شوي وآخر الليل ان شاء الله بصلي بالبيت ..
قمره وهي تتثاااوب : وين شمس ؟
قلت : نازلة نازلة بس صدق شرايكم نطلع ؟؟ شرايك ياماما ؟
ماما : فيكم حيل تطلعون ؟؟
قلت : ايييييه والله زهقت من أمس وانا بالبيت
ماما : ههههههههه لا كثير صراحة لازم تطلعين

شعاع طالعتني بنظرة اخترقت جواي !
كنها فاهمة ان فيه سالفة داخلي مرهقتني وتبي تعرفها ..
اتبادلت انا وهي النظرات وكنها فهمت كل شي لما قالت : صدق ماما امشي نروح كوفي وكلمي خالتي تجينا هناك
ماما : على راحتكم حبيبتي .. تبون نطلع طلعنا
قمره وقفت واهي تقول : يلا لأني احس بديت أطفففففي
ماما : أكيد حبيبتي للحين تعب السفر فيكم
شعاع وقفت واهي تقول : اوك ماما بنروح نلبس ونجي
ماما : خذوا راحتكم حبيبتي

مشينا كلنا للدرج وماما رفعت صوت التلفزيون على الصلاة


::

سبقتنا قمره بسرعه وانا وشروق نطلع وراها .. مسكت يد شروق أوقفها والتفتت علي .. طالعت بعيونها وقلت : شصاير ؟؟
شروق بهمس : نادر دق على شمس ..
قلت وانا بدت دقات قلبي تتسارع : وش قالها ؟
شروق : أنهى كل شي بينهم وسمعها كلام يجرحها انها هي الي اتخلت عنه وخلاص ماعاد يبيها ولا شي ..
سعرت نار بصدري وانا اقول : وأكيد انهارت !
شروق : كانت تبكي وهديتها شوي بس ترا لحد يلومها ..
مررت يدي على شعري بضيق وانا اقول : الحين هذا وانا مكلمته قبل مانسافر وفهمته شكثر شمس متأثرة وزعلانه وفهمته ظروفنا وان شمس مو بايدها شي !
شروق بصدمة : صدق كلمتيه ؟؟
قلت : اي والله وسكر واهو يسوي نفسه اقتنع وشوفي شسوى فيها
شروق : أناني قسم بالله ..
قلت وانا اطلع الدرج : ياعمري ياشمس والله قلبها مايتحمل حبيبتي
شروق : ليتنا ماعرفناه ولا عرفنا
قلت وانا اتنهد : هو بس هالشي ياشروق الي راح نعاني منه ؟؟ صدقيني كل حياتنا الي عشناها هناك راح ندفع ثمنها هنا من اليوم ورايح

شروق ماردت وراحت غرفتها وانا رحت غرفتي والضيقة خانقتني ..
إلا شمس ما أرضى عليها .. ولا قمره بعد ولا شروق ..
خواتي كلهم ما أرضى أحد يآذي مشاعرهم ويجرحهم مو عاد من واحد هو كل حياة شمس مابقى غير تحلف باسمه من حبها له ..
كيف هان عليه يتركها واهو كان يبوس الأرض الي تمشي عليها ؟؟
كيف هان عليه ينهي كل شي ويتركها تحترق وتتدمر وتتحطم ومين المذنب ؟؟
مو غلطتها ولا ذنبها ..
مو اهي الي اختارت طريق حياتها هذا ..
مو اهي الي اختارت تحب
مو اهي الي اختارت تنشأ وتكبر معاه بدون قيود ولا حدود ..
مو غلطتك ياشمس ........
أجل غلطة مين؟؟

نفضت هالأفكار من راسي وقمت أجهز بسرعه .. أمي تحت تنتظرنا وبنطلع معها ونبي نكون مستانسين ومافي شي يعكر علينا ..
وبعد نص ساعه كنا جاهزات

نزلت لقيت قمره تحت وشروق وشمس نزلوا وراي ..
التفت لهم ومافاتني الألم الي بعيون شمس ..
وقفت ماما وهي تقول : جاهزين ؟
قلت : ايه يلا ..
ماما تضحك لشمس وتقول : وينك انتي وين غطستي؟
شمس واهي تحاول تبتسم : توني أدخل غرفتي من وصلنا مارحتها وقعدت أحوس فيها و ......
قاطعتها شروق : يلا يلا ماجابت ميري عباياتنا ..؟؟ (( وصارت تنادي : ميييييييييري وين عبـــــــــاياتنا ؟؟؟؟
جابت ميري العبايات وكل وحده أخذت عبايتها .. وعند المدخل قعدنا نحوس قدام المراية واحنا نلف الطرح ونضحك على أشكالنا مثل كل مره نلف الطرح ولا نعرف نلفها زين .. وجتنا أمي واهي لابسة عبايتها ومتنقبة ..

كلمت السواق قلت له يشغل السيارة وطلعنا ..
كانت السيارة جيب " لاند كروزر " داخل البيت بالحوش ..
طلعنا نمشي بالحوش والسواق كان جاي ..
أمي وعينها على السواق: طرحكم يابنات !
انتبهنا ان طرحنا على كتوفنا طاحت لأن لفنا كان عشوائي .. رجعنا حطينا الطرح على روسنا وركبنا السيارة ..
وطلعت السيارة للشارع وثواني ودخلت بين الزحام الفضيع الي تعرفونه أكثر مني بهالأيام الأخيرة من رمضان وخصوصا بهالوقت ..

دقت ماما على خالتي الي اتحمست للطلعة وقالت بتلحقنا اهي وبناتها ..
وصلنا لمطعم بابايا حلو ورايق..
دخلنا وقعدنا كلنا على الطاولة .. كان محاوطنا الشجر والزرع وصوت خرير الموية بكل مكان .. لكن ولا شي من هذا خلاني أستمتع وانا أمسك المنيو وأرفعه قدام وجهي وأطالع بشمس من ورى المنيو وهي لافة وجهها على الطاولات الثانية وعيونها ضايعة بالرايح والجاي ..
ظليت أطالعها وقلبي متقطع عليها ..
وشوي شفتها تتنهد وترجع وجهها لنا وجت عيني بعينها وابتسمت لها ابتسامة خلتها تطالعني فترة بعدها شفت الدموع اتجمعت بعيونها رحت وسعت عيوني فيها وأنا أأشر بعيني على أمي ..
عضت على شفتها واتنهدت تنهيدة عميقة ولفت وجهها على الجهة الثانية ومسحت دموعها ..
مسكت جوالي وأرسلت لها مسج :
"حبيبتي عشان خاطري اضحكي .. حاولي تضحكين عشان ماما وعشان ننبسط "

قرت شمس المسج ورجعت طالعتني بنظرة قطعت قلبي أكثر ..
وبعدها ابتسمت وقالت بصوت حاولت تخليه طبيعي : تطلبون الحين ولا نستنى خالتي ؟؟
ياحبيبتي ياشمس .. ليت الي فيك فيني ..

ماما : لا عادي نطلب الحين ونطلب مره ثانية اذا جت خالتكم
قلت : كلميها اذا كانت قريبة نستناها أحسن
دقت ماما على خالتي وقالت دقايق ويوصلون ..
ولكم أن تتخيلوا كيف كان اللقاء وقت وصول خالتي وبناتها ..

دخلت خالتي وبناتها يتلفتون يدورون علينا وشفناهم كلنا وناديناااهم
التفتوا لنا بسرعه ومشوا وهم يضحكون واحنا قمنا بسرعه ناحيتهم ولاشعوري صرخنا وكل وحده تحضن الي تجي بوجهها ..
طبعا لابد من الدموع المختلطة بالضحك ..
انتبهنا اننا لفتنا أنظار الناس وضحكنا ورجعنا للطاولة وقعدنا كلنا حولها ..
خالتي : شلونكم يابنات ؟؟ والله كبرتوا واحلويتوا ماشاء الله تبارك الله
قمره : هههههههه وانتي بعد خالتي صغرتي واحلويتي
ضحكنا ورزان بنت خالتي كانت بيني وبين شروق وقالت وهي تدور وجهها بيننا : شلونكم يابنات وحشتوووووني موووت والله
رديت : ياعمري والله وانتي أكثر شأخبارك شلون دراستك
رزان : خلاااص اتخرجت بعد عناااااء الحمدلله
شروق : مبرووووووك ماشاء الله عاد انتي ماخليتي تخصص ماجربتيه
رزان : طموووح طموووح بعيد عنك
ضحكنا عليها وقلت : وشالأخبار الحلوة الي سمعناهاااا ؟
رزان بضحكة : شسمعتوا بالضبط ؟؟
شروق : خطوبة مدري ملكة مدري زوااج
رزان وهي تضحك : لالالا وين بس خطوبة والملكة ثاني العيد ان شاء الله

صوت عارض دخل علينا .. صوت قمره واهي تقول : مااااشااااااء الله رووزي ثاني العيد ملكتك ؟
رزان : ههههههههه يعني يارب الناس الي بالمطعم مو لازم يدرون
قمره : ههههههههه وناسة طيب من اول خاطري أحضر زواج
خالتي : وحنا ماخليناه ثاني العيد الا عشان يمديكم تحضرون
قلت : ياعمري ياخالتي أصيلة من يومك
خالتي : ولو اني شرهانة عليكم لاتدقون ولا تسألون عني ياكافي كم خالة عندكم ؟؟
شروق : وحده وفدييييت هالوحده
خالتي : ايه اضحكي علي بس وانا كل ما أدق عليكم يا مايشبك يامحد يرد
رديت : ياعمري ياخالتي والله اننا نحبك بس عاد قليلات أدب حنا شنسوي
شروق : ربي بلاك ببنات أخت مايفهمون السنع والذوق ولازم تحبينهم عاد مابيديك حيلة
خالتي وماما ضحكوا وكلنا ضحكنا ..

بس وحده مو قادرة تضحك .. كان مالها وجود بس بالنسبة لي وجودها غطى على أي وجود
كانت غادة جمبها وقلت أبيها تشاركنا السوالف : شفتي ياشمس شلون النتفة الي جمبك اتغيرت واحلوت
شمس كنها توها تستوعب الي حولها وقالت وهي تبتسم لغادة : اي ماشاء الله ياخوفي تلحق باختها وتصفى علينا احنا ..
غادة : هههههههه ليش تحسبوني مهبولة زي اختي ؟؟
رزان واهي موسعة عيونها بغاده : مهبولة انتي الا غيرانة مني ومقهورة
غاده : غيرانة هههههههههههههههه تدرون كلكم انا ضد الزوااج
ماما : اي عاد هذي لاحد ياخذ بشورها تفتح محاضرة عن عيوب الزواج ماتخلي فيه ميزة وحده
غادة : بس كلها صح مووو ؟؟
خالتي : شالي صح الا كلها خرابيط ومثل مافي زواجات فاشلة هم بعد فيه ناجحة وسعيدة
غاده : بس الي اشوفه ان السلبي صار أغلب .. بالبداية حب ودلع وياسلام .. وبعد شهوووور بالكثير سنة .. كل هذا يروح بمهب الريح
خالتي : بس عاد عن الهذرة الفاضية
شمس بهمس : صادقة غادة ..
رزان بحمق : اقول ترا انا انسانة مقبلة على زوااج ارفعوا معنوياتي مو تحطمونها
خالتي : عاد انتي احمدي ربك راكان مافي مثله
شروق : ايه انتي شجاب ولد عمي لك ؟؟؟
رزان : هههههههههههههههه رحت صدته ورجعت
شروق : هههههههههههه يجي منك والله
رزان : هههههههههههههه حرام عليك .. لا بس مرة عمك تعرفني من زمان وطبعا معجبة فيني وانتظرت لين اتخرجت وخطبتني
قلت : هم المحظوظين والله ..
رزان : حبيبتي انتي اي هذي الي تعرفني زين ..

ضحكنا عليها وخذتنا السوالف عن السفر وامريكا وسألوا عن أبوي ومر الوقت ماحسينا فيه لين دق خالي على ماما يصر ويلح اننا نجي نتسحر عنده
سألتنا ماما اذا نبي نروح ...
شمس : خلوها بكرا او يوم ثاني خلاص تعبنا اليوم واحنا مو نايمين زين
شروق : ايه صح ماما بكرا ماعندنا شي
ماما : والله يزعل يقول مو مهتمين يشوفوني وهو من أمس يبي يشوفكم
قلت : خلاص نروح نسلم عليه بس ماله داعي نطول ونتسحر ..
شمس : والله ان رحنا مراح يطلعنا بدون سحور
ماما : خلاص نخليهم يسحرونكم بدري ونمشي بس مايصير يترجى فيني ونرفض واحنا ماعندنا شي ..
قمره تكلم خالتي وبناتها : طيب انتوا تجون معانا ؟؟
غادة : طبعا حبيبتي واذا تبين نرجع معاكم بيتكم بعدين نرجع واذا تبين ننام عندكم عااادي ننام واذا ودك نشوف بيتكم مررره مـُصرّه يعني عادي نجي نشوفه
قمره : ههههههههههههه خلاص يلا تعالوا صدق
خالتي تكلم غاد : وسيعة وجه هالغادة ..
قلت : شدعوة خالتي والله صدق خلي البنات يرجعون معانا خبرك بيتنا لافيه عيال ولا رجال
خالتي : خير ان شاء الله
وبعد ساعه من السوالف المتفرقة الي حاولت قدر استطاعتي أشارك شمس فيها .. مشينا كلنا بسيارتنا الجيب لبيت خالي


::

كنت قاعدة جمب شمس بالسيارة وأمي وخالتي على يساري يسولفون ..
وشعاع وقمره ورى مع رزان وغادة ..
مسكت يد شمس حسيتها بادة زي الثلج ..
التفتت شمس لي وقالت بهمس حزين : شروق أنا تعباانة ..
ضغطت على ايدها وانا اقول : ياعمري انتي .. صدقيني مسألة وقت وبتنسينه وبيصير ذكرى مالها أي طعم ولا لون .. بس خليك قوية حبيبتي
شمس وهي شوي وتبكي : مو قادرة والله أحس فيه أشياء تتدمر جواي .. كلامه أحسه كان مصمم لتقطيع قلبي .. انا مادري شلون اتحول لهالشكل قاسي وجاف وباعني بكل بساطة ! مو قادرة أتخيل حياتي بدونه شروق ولاني قادرة أصدق اننا انتهينا
حسيت صوتها بدا يتهدج بالدموع فحاولت أدور على أقوى كلمات ممكن تسعفها بهاللحظة وقلت : شمس انتي متأكدة انه يحبك مو ؟؟
شمس : كآن !
قلت : طيب .. كآن يحبك مو ؟
شمس : ايه ..
شروق : خلاص واحنا كلنا كنا شايفين وحاسين بهالشي .. والحين الي قاعد يسويه انتقام قاعد ينتقم من الظروف الي أبعدتك عنه ويبي يحسسك بالذنب وقالك ماعاد أحبك ولا أبيك .. بس صدقيني ياشمس بيندم صدقييييني
شمس : واش فايدة الندم بعدين ؟؟
سكت شوي بعدين قلت : أقصد يعني لو .. دق عليك واعتذر وحاول يرجع الي بينكم
شمس : وانا بارضى ؟؟؟؟
شروق : هاه ؟ مراح ترضين ؟؟
سكتت شمس وماردت .. وسندت راسها على كتفي وصرنا نسمع سواليف البنات ورانا وأعلق عليها كل شوي لين وصلنا بيت خالي

دخلنا بيت خالي ولقينا خالي بالحوش يستقبلنا هو وبنته وولده الصغار ..
أخذنا بحضنه وحده وحده واهم يرحب ويهلي فينا من كل قلبه
دخلنا كلنا للصالة ولقينا مشاعل مرة خالي بالصالة شاقة الضحكة وسلمنا عليها بشوق وعيالهم نوف ونواف يطالعونا مستحيين

انحنيت لنوف وبستها من خدها وقلت : كيفك ياحلوة وحشتيييييييني
ضحكت نوف وقالت : انتي بعد
حضنتها وانا اقول : وه ياناس عطيني بوسة
باستني الحلوة وركضت هربانة ..

مشيت لنواف وسلمت عليه وقلت : ماشاء الله نواف كبرت .. سنة كم الحين ؟؟
نواف : ثاني ابتدائي
قلت بهمس عن لا أتفشل : مين أكبر أنت ولا نوف
نواف بفخر : أنا .. نوف أولى
ضحكت وانا اقول : هههههههه مافرقت كلها سنة
نواف : الا فرقت وانا اصلا المفروض اكون ثالث
رديت : وليش ثاني طيب ؟؟
نواف : مادري عن أهلي أخروني سنة
قلت : وعلى ايش مستعجل حبيبي ( وبسته وقمت لوين ماهلي كانوا قاعدين ..

كانت طرحتي على كتوفي وعبايتي مفتوحة ودخلت عليهم وانا اقول : ياحلو عيالك يامشاعل كبروا ماشاااء الله
ماما : شروق شروق شروق !!!
استغربت من ماما شفيها تناديني كذا ولقيتها تأشر على الجهة المقابلة ..
التفت لمكان ماتأشر لقيت شخص غريب جالس جمب خالي .. بالبداية مافهمت أمي شتبي ..
أسلم عليه مثلا ؟؟
وقفت لحظات أطالعه وانا ملامحي حايرة ومو فاهمة ..
كان شاب نسخة مركبة من مرة خالي ويبدو كأنه بأواخر العشرين وعيونه كانت تحاول تبعد عن وجهي بس ترجع تطالعني بنفس اللحظة !
ورجعت التفت لأمي وخواتي وبنات خالتي لقيت طرحهم على روسهم .. وبنات خالتي لافين طرحهم زين ..
رجعت طالعت بالشخص مره ثانية وكني لمحت على فمه ابتسامة على الجمب .. أخيرا استوعبت ان أمي تبيني ألف طرحتي عشان هذا الشخص المجهول قاعد بالصالة
مسكت طرحتي بسرعه ولفيتها على راسي مادري شلون وانا أقول : معليه سوري مادريت ان فيه أحد
ومشيت بسرعه وحشرت نفسي بين شعاع وقمرة وانا اقول : مين هذا ؟؟
شعاع : مشعل أخو مشاعل
قلت : أهاااا هذا توأم مرة خالي ؟؟؟
شعاع : ايه
عرّفنا خالي عليه بطريقة سريعة واتحمد لنا اهو بالسلامة بطريقة رسمية وبعدها صرت أسولف مع مشاعل وخالتي والبنات ..
وبعد شوي اختفى خالي وهذا الي اسمه مشعل وشلنا كلنا طرحنا وعباياتنا .. وكملنا سوالف
وبعد اقل من ساعه دق خالي على مشاعل الي سكرت وقامت من مكانها وطلعت ..
شوي ورجعت لنا وقالت : السحور جاهز اتفضلوا الله يحييكم
قمنا بنطلع وامي قالت : بنات البسوا عباياتكم
قمره : ياربي ماما والله حر مو معقول طول الوقت بالعباية مايصييييير !
ماما : معليه حبيبتي اذا صرنا بس احنا حريم بروحنا إلبسي الي تبين بس الحين فيه اخو مشاعل مايصير يشوفكم بلا شي
قلت : طيب ماما نبي نلف الطرح بس عبايات مو لازم
امي وهي تطالع بملابسنا : لالالا شوفوا لبسكم جينزات ضيقة وبلايز قصيرة .. تكفون لاتضايقون خالكم ومرة خالكم معليه مشوها الليلة ..
لبسنا عبايتنا وطرحنا هالديباجة الي راح ترهقنا بكل طلعة واحنا ماتعودنا عليها ..

قعدنا كلنا على طاولة وحده كبيرة وبدينا ناكل ..
انتبهت لمشعل قاعد بين خالي ومشاعل وقلت وانا ابتسم : ماشاء الله يامشاعل انتي واخوك تتشابهون مره مع انك بنت وهو ولد
ابتسم مشعل نفس الابتسامة الجانبية ومشاعل علقت بضحكة : يقولون توأم
رديت : ههههههههههه عارفة بس أعرف توائم كثير مايتشابهون خصوصا اذا كان ولد وبنت
مشاعل : لا انا واخوي نوع أصيل
ضحكنا ومع السوالف والأكل انتبهت ان كل خواتي يسولفون وياكلون وطرحهم نازلة على كتوفهم ولاهم منتبهين .. والمضحك اني انا مثلهم وماني منتبهة ..
رفعت طرحتي على راسي وانا أأشر لشعاع.. شعاع وسعت عيونها بالصحن وكتمت ضحكتها وهي ترفع الطرحة ومعاها شمس وقمره ..
خلصت وحطيت شوكتي وملعقتي بالصحن وشلت الصحن وانا أقول : أنعم الله عليكم ..
خالي : صحة وعافية ..
مشاعل : خلي الصحن شروق ليه شايلته؟؟
قلت : بوديه المطبخ !!
مشاعل : لا حبي هذا النظام بامريكا بس خليه على الطاولة بنقوم ويجون الخدامات يشيلون كل شي
حسيت بحرج وانا اضحك واقول : كيفكم ..
ورجعت الصحن مكانه وقمت للمغاسل

بعد شوي انتبهت لصوت مشعل يتنحنح .. هذا شيبي .. اه الطرحة الله يعين بس ..
حطيتها ودخل يغسل وانا مشيت ابي أطلع ولضيق المكان عند الباب مريت من جمبه الا هونفض يده من الموية وابتعد من جمبي بسرعه وهو يقول بنبرة قوية : اتفضلي !

طالعته وانا مستغربه من هالنترة المفاجئة وطلعت وطاحت طرحتي وتركتها طايحة وانا امشي وهو خلفي لين وصلت للصالة وقعدت بين خواتي ..

بعد نص ساعه كانت شمس جمب امي وقالت : يلا ياماما نبي نمشي ..
خالي : ليه شوراكم اقعدوا ؟؟
ماما : تعرف ياخوي تعبانين من السفر ولا ناموا زين
شعاع : ان شاء الله بنجيكم مره ثانية
خالي : البيت بيتكم والله فرحتنا برجعتكم ماتساويها فرحة ..
مشاعل : اي والله هو صدق جيتوا ؟؟
قمره : ههههههه لا
شعاع : ههههههه خلاص بنذبل كبودكم عشان تصدقون
خالي : والله تنورونا شعوعه وكلكم والله هذي جية سريعة مراح نحسبها ترا
ماما : أكيد طلال ( وقفت واهي تقول : يلا تصبحون على خير ..

مشت مشاعل معانا للباب وودعتنا وطلعنا وركبنا السيارة وهالمره محد كان يسولف لأننا كنا خدرانين تعب ونوم وكل شي ..
و بنات خالتي مانزلوا معانا وخلوها مره ثانية عشان يخلونا نرتاح ..
وماما ودعتنا بالسيارة .. ووعدتنا بكرا تجينا وتنام عندنا ..
نزلنا وكل وحده يالله تشوف طريقها من التعب والنوم بس يوم طلعنا فوق دخلت شمس غرفتي وقالت : بنام عندك ..
قلت : نامي ياقلبي ..
دخلت الحمام وبيجامتها بإيدها .. وشوي وطلعت ورمت نفسها على السرير
دخلت بعدها الحمام وبرضو بيجامتي بإيدي وشوي وطلعت وبرضو رميت نفسي على السرير ..
غمضت عيني ودوامة تدور براسي ميزت فيها آخر حدث صار لي وفور استرجاعي له حسيت بضيقة وقلت وانا مغمضة عيوني : شمس شرايك بمشعل أخو مشاعل ؟
شمس وبالقوة يطلع صوتها : أول مره أشوفه مادريت ان مشاعل عندها توأم الا اليوم
قلت : اي اصلا مشاعل يالله نعرفها اتزوجت خالو واحنا بامريكا .. بس أحس أخوها مغرووور شمس بهمس : والله ماركزت فيه ولادريت عنه ..
قلت : اتخيلي كنت أغسل وجا هو يغسل وانا خلصت وجيت بطلع مريت من جمبه عادي بطلع .. قام بعـّـد كذا بنرفزة وقالي اتفضلي وهو معصب !!
شمس : يمكن ماحب انك تمرين جمبه
قلت : مالت علييييه ليه بطيح بحضنه انا ؟؟

واتذكرت ابتسامته الجانبية الي كنها تسخر مني ..
وش يحسب نفسه هذا ؟؟
ضاعت صورته من مخيلتي لما غطى النوم على عيوني ..
ومامداني أغفى الا سمعت شهقات مكتومة صادرة من الممزقة الي جمبي ..

انتبهت وفتحت عيوني والتفت لها ورفعت راسي وانا اناديها برجاء : شممممس
ماردت علي ولمت اللحاف عليها أكثر ..
انتبهت لنور الجوال بإيدها ..
مديت إيدي واخذت الجوال منها وشفتها فاتحة على صورة تجمعها إهي ونادر بحديقة بيتنا الي كان بأمريكا ..
كانوا قاعدين على الكراسي وبينهم الطاولة عليها هدية كبيـــرة ..
كانت من أحلى الصور الي جمعتهم ..
وكان هاليوم يوم ميلادها العام الماضي والهدية جابها هو وكانت لاب توب " ماك " كان نفسها فيه من فترة وجابه لها بهاليوم ..
التفت على يساري ولقيت اللاب توب على الطاولة ولاصقة عليه استكرات باسمه واسمها ..
رجعت أطالع بشمس واشوفها تمسح دموعها وكل مامسحت دمعة نبتت دمعة جديدة

قطعت قلبي حبيبتي .. ودي أدخل جوا قلبها وأنتزع نادر وسنينه وذكرياته ..

ولاشعوريا ضغطت على ديليت ومسحت الصورة !!
واتمنيت أدخل قلبها وأضغط على ديليت وأمسح اسمه

حطيت الجوال على الكوميدنا
ورجعت راسي على المخده

وكل الي قدرت اسويه هو اني أطبطب على كتفها ليــــن نمت .. !

يتبع :blushing:

[دلوعة بابا]

يسلمــــــــــــو كتير
وهذة مشعل احسهـ خطير قولي لهـ تراهـ اعجبني ..

اومهم كمان طيوبهـ ... ونادر وشـ يحسسس بوه ؟ مرهـ خير قال ايش قال اقعدي بمريكا قعدت عليك سبع عفاريت< عصبت :× لوووووووول

وغادهـ ؟؟؟؟؟؟؟؟؟؟؟

وبش.. الشخصيات مميزهـ

تسلم ليـ الانامل قلبو
بنتظــــــــــــــآآآآآآآآآآآآآآآآآآآآآآآآآرك
تحيــــــــآتيـ

[سلمى العبد الله]

*


شخصيات رهيبه وتنسيق رهيب بالقصة
اللي أستغربته اللي آسمه مشعل شكله جايته مواقف قبل وصار يكره اللي تمر
من جنبه < فسرته ع كيفها ههههههه

بنات خالتهم
فله أحسهم وأحس وراهم قصص بعد ..
أما هالنادر يمكن يرجع لها مآتدرون :/

بارت رائع ، لكن اللي ودي أعرفه سبب
إنفصال أمهم وأبوهم :)
عوافي يائطه على البارت الثاني ..

ولي عودة مع عودتكِ =)

[لأني أحبك]

كم أخذنا الوقت ضائعاً !
كم مر على العين أحرف !

ها هي حروف اسمك تزف إلي عودتك وحضورك ، ما أشهى أن أبتعد لأعود وأجدك بعد ابتعادك أيضاً ...
قبل كل شيء وقبل أن أقرأ ، ود حرفي معانقتك فرحاً بكِ .
كاتبتي الغالية المحظوظة سُعدت بكِ جداً وآمل أن يسعفني الوقت والمكان لأقرأ مولودتك الثالثة .

أختك ،، لأني أحبك

[المحظوظة]

يسلمــــــــــــو كتير
وهذة مشعل احسهـ خطير قولي لهـ تراهـ اعجبني ..

اومهم كمان طيوبهـ ... ونادر وشـ يحسسس بوه ؟ مرهـ خير قال ايش قال اقعدي بمريكا قعدت عليك سبع عفاريت< عصبت :× لوووووووول

وغادهـ ؟؟؟؟؟؟؟؟؟؟؟

وبش.. الشخصيات مميزهـ

تسلم ليـ الانامل قلبو
بنتظــــــــــــــآآآآآآآآآآآآآآآآآآآآآآآآآرك
تحيــــــــآتيـ
هلا وغلااااااا عزيزتي
اجل اعجبك مشعل يلا خذيه حلال عليك
هههههههههه
نادر صحيح يقهر بس بنشوف وش يصير بينهم بعدين ...
تسلمين انتي حبيبتي أسعدني توااجدك وردك :love_32:

[المحظوظة]

*


شخصيات رهيبه وتنسيق رهيب بالقصة
اللي أستغربته اللي آسمه مشعل شكله جايته مواقف قبل وصار يكره اللي تمر
من جنبه < فسرته ع كيفها ههههههه

بنات خالتهم
فله أحسهم وأحس وراهم قصص بعد ..
أما هالنادر يمكن يرجع لها مآتدرون :/

بارت رائع ، لكن اللي ودي أعرفه سبب
إنفصال أمهم وأبوهم :)
عوافي يائطه على البارت الثاني ..

ولي عودة مع عودتكِ =)


هلااااااا وغلااااااا سلمى
هههههههههههههه ضحكتيني بتعليقك على مشعل احتمال يكون صح
:haha_32:
يسعدلي ردك وتعليقك وان شاء الله اشوفك دايم بردود ممتعة مثلك
:love_32:

[المحظوظة]

كم أخذنا الوقت ضائعاً !
كم مر على العين أحرف !

ها هي حروف اسمك تزف إلي عودتك وحضورك ، ما أشهى أن أبتعد لأعود وأجدك بعد ابتعادك أيضاً ...
قبل كل شيء وقبل أن أقرأ ، ود حرفي معانقتك فرحاً بكِ .
كاتبتي الغالية المحظوظة سُعدت بكِ جداً وآمل أن يسعفني الوقت والمكان لأقرأ مولودتك الثالثة .

أختك ،، لأني أحبك


مــــــــــــــــــا أصدددددددددق
لأني أحبك !!!!!!!!!!!!!!!!
حبيبتي هلاااااااااااااا وغلاااااااااااااااا
هنا بس وهنا بالذاااااااات تمسكت بقرار كتابة القصة هنا ..
لأن بصراحة صدمني قلة الردود :misdoubt_32:
لكن ردك أسعدني جدا وأتمنى تواجدك دااااااايم معي
حياك ياقمر

[سلمى العبد الله]

*



< أول وحدة ترد .. :)

يووهـ مآتدرين كم يوم أدخل بشوف إذا نزلتي البارت وإلا لا
< متحمسسه بقوة ،
<مآش تحس هاللي إسمه زيآد وراهـ بلاوي ، أحسه نص كم مدري ليه :(
هيثم + قمرة أحس بيصير بينهم شي
< أنتي أصلاً كل شي حسيتي فيه ههههههههههههه
مشعل ، مدري مرات أحسه حزين وطيب ومرات أناني ونفسيه هههه :)

بارت رائع والله ، بس تمنيت تكتبين اسم الشخص اللي يفكر لاني تلخبطت بينهم ..

[شوق الغريب]

وااااااااااااااااااااو
بارت روعه واكيدالباقي اروع
يعطيك الف عافيه اختي المحظوظه

[lover]

بارت رائع
متى موعد تنزيل البارتات

[المحظوظة]

عزيزاتي
بالنسبة للجزء الثالث فيه تعديل .. أنا طلبت حذفه وبارجع أنزله من جديد هو والرابع ..
كان في مقطع جدا مهم معدل
اتفاجأت أمس وانا اقرا ان الجزء الثالث كان نسخة ماقبل التعديل
مو في كل شي
بمقطع معين ..
اعذروني حبايبي ان شاء الله بنزل لكم الجزئين مع بعض

[روح العيون]

القصه روعه خياااااااااااااااااال جنان تسلمين لنا احس نادر هذا انانى حقود يدرى ان البنت ما سافرت بمزاجها وما سافرت رحله ولا سفره للفسح انما سافرت لتستقر وهوة يدرى بهالشى الله يعينها
تسلمين حياتى نستناكى
http://i55.tinypic.com/k6rlu.jpg

[المحظوظة]

الجزء الثالث

صخرة على راسي تمنعني من الالتفات أو اني أقدر أفتح عيوني ..
بس ماكان في صخرة على إيدي لأني قدرت أرفع ايدي وأحطها على راسي أبي أبعد الصخرة !
بس إيدي لامست شعري ونزلت على جبيني بشكل فـوّقني من عمق كابوسي ..
فتحت عيني بصعوبة واستشعرت مدى الصداع الي كابس على راسي تماما كأنه صخرة مستقرة فوق راسي
عقدت حواجبي بألم .. والتفت بخفة مكان جوالي ومديت إيدي وأخذته وطالعت الساعه لقيتها 12 الظهر .. قعدت بصعوبة وانا أحس راسي بينفجر يالله شهالصداااع !

دقيت على شعاع ماترد ومن بعدها شروق ومن بعدها شمس كلهم محد يرد ..
شلت بعضي ودخلت الحمام خذيتلي شاور دافي ومن بعدها طلعت أتفقد خواتي لقيتهم بسابع نومة
نزلت الدرج وانا ادق على الشخص الي حسيت انه صاحي وبيرد علي وكان احساسي بمحله يوم ردت أمي : هلا حبيبتي صباح الخير
رديت وانا أحاول أخلي صوتي طبيعي : صباح الورد ماما
ماما : شلونك حبيبتي
رديت : الحمدلله بخير انتي شلونك ماما
ماما : بخير ونعمه الحمدلله
قلت : شكلك صاحية بدري
ماما : ايه انا اقوم بدري سواء رمضان ولا غيره الا انتي اللي شمصحيك؟
قلت بتعب : مصدعة والله
ماما : ليه ياعمري سلامات؟؟
قلت : مادري يمكن لان نومي ملخبط ومقطع ..
ماما : ياقلبي طيب اصبري شوي ويأذن صلي الظهر وحاولي ترجعين تنامين

سكت شوي بعدين قلت : ماما بتجيننا اليوم؟
ماما : ان شاء الله حبيبتي حتى عمك زياد يبي يشوفكم
قلت : جد؟ طيب متى بتجون
ماما : الحين هو نايم شوي ويقوم يصلي الظهر ونجيكم
رديت : اوك ماما حبيبي نستناكم
ماما :يلا عيوني تبين شي خواتك يبون اجيب معاي شي؟؟
رديت : لا لا ولاشي جيتك لحالها نبيها
ماما : يابعد عمري خلاص كلها ساعتين بالكثير وانا عندكم
رديت : اووك ماما باي
ماما : فمان الكريم

سكرت ورميت نفسي على الأريكة الي قدام التلفزيون .. فتحت التلفزيون وقعدت أقلب فيه بشكل عشوائي وكل شوي أطالع الساعه واطالع الدرج أنتظر وحده من خواتي تنزل .. خواتي الي حسيتهم أمس مب طبيعيات خصوصا شموس
بس ماسمحلي الوضع الي كنا فيه اني أسألهم عن شي .. حسيت بشمس أغلب الوقت سرحانه وعيونها حزينة وحسيت بشعاع وهي تحاول تضحكها وهذي حركات شعاع اذا وحده مننا كانت متضايقة
حسيت بشروق وهي كل شوي تقرب منها وتهمس باذنها
شالي صاير مادري بس لازم اليوم أدري

قصرت على التلفزيون بملل وصرت أحوس بجوالي وأسولف مع صاحباتي الي تركتهم بامريكا وأحكيهم عن وضعنا الجديد ..
قطع سوالفي صوت تلفون البيت يرن ..
استغربت هذي أول مره أسمعه يرن ومين بيدق على تلفون البيت ؟؟
ناديت على وحده من الخدامات ترد وبعد شوي حولت لي الخط تقولي التلفون لي
استغربت وانا أشيل السماعه وبخاطري متأكدة انه أحد غلطان !
رديت : الوو !
جاني صوت أنثوي غريب : هلا والله السلام عليكم
رديت وصوتي ماخلى من الاستغراب : عليكم السلام !
الشخص المجهول : قمرة ؟؟
رديت : ايوة .. من حضرتك ؟؟
ردت : هلا قمرة شلونك ؟
رديت بضحكة : الحمدلله مين ؟
ردت : أنا عمتك هدى
سكت .. ماعرفت شالمفروض أقول ! عمتي هدى داقة على بيتنا ومالقت تكلم الا أنا الي ماعرفها ولا عرف غيرها !
جاني صوتها : الحمدلله على السلامة حبيبتي شخباركم ؟؟
رديت : الله يسلمك احنا بخير الحمدلله
عمتي : ردت علي الخدامة قالت مافي غيرك صاحي قلت اسلم عليك
خانتني كل الكلمات وقلت : هههه شكرا ..
عمتي : حبيبتي كنت أبيكم تجون تفطرون عندي .. بتجي عمتك ومرة عمك وقلت فرصة نشوفكم دامنا مجتمعين ..
اتوهقت بهالمكالمة الي ماعرفت أرد ولا على شي فيها وقلت : مادري والله الحين خواتي نايمات كلهم ..
عمتي : طيب عادي متى ماقاموا قوليلهم عمتكم هدى دقت وتقول فطوركم عندها ..
عمتي : أوكي بقولهم
عمتي : يلا عيوني أستناكم خلاص لاتتأخرون !
قلت وانا اضحك بحرج : اوك ان شاء الله
سكرت عمتي وانا تميت متنحة ! حسيت اني كنت ساذجة بردودي ولا عرفت اقول كلمتين على بعض ..
ماقدرت أصبر لين يقومون الأميرات وقمت طلعت لغرفة شعاع وكعادتها مقفلة الباب .. ونفس موال أمس اتكرر اليوم ..
" شعااااااااع شعااااااااااع "
بس هالمره ماطولت شعاع بفتح الباب لحظات وفتحته وردت رمت نفسها على السرير
دخلت وقعدت جمبها وانا اقول : قومي قومي شعاع عندنا عزيمة ..
التفت شعاع واهي يالله تفتح عينها وقالت : ايش ؟؟؟؟
قلت : والله انعزمنا اليوم على الفطور
شعاع : شتخربطين قمووور
قلت : والله جد .. قبل شوي دقت عمتنا هدى قالت تعالوا افطروا عندي بيجونها أهل أبوي ويبون يشوفونا
شعاع قعدت شكل حمسها الموضوع وقالت : وش قلتي لها ؟؟؟؟
قلت : قلت لها خلاص ان شاء الله بشوف خواتي اذا قاموا
شعاع : طيب وامي درت ؟؟؟
قلت : لا الحين اذا جت بقولها
شعاع : الحين ؟؟ ليه هي بتجي الحين؟؟
قلت : ايه كلمتها قالت بعد الظهر بتجي هي وعمو زياد
شعاع : ماشاء الله انتي لميتي كل الأخبار بهالساعه الي صحيتي فيها
قلت : ههههههههه هذا وانا مصدددددددعه
شعاع واهي توقف : انسدحي طيب ريحي لايزيد عليك انتي اذا زاد صداعك تصير مشاكل
انسدحت مكانها وانا اقول : طيب بنروح؟؟
شعاع واهي تمشي للحمام : مادري خلي تجي أمي ونشوف
وقبل ماتدخل الحمام التفتت علي وقالت : شروق وشمس قاموا ؟؟؟
قلت : لا .. أقومهم؟؟
سكتت شعاع شوي بعدين قالت : لا خليهم ..
قلت :شالسالفة ترا أمس حسيت ان فيكم شي؟
شعاع واهي تسكر باب الحمام : بعدين أقولك

غمضت عيني بقوة وانا افرك جبيني بإيدي يمكن أقدر أمحي شوي من ألم الصداع .. بعد شوي طلعت شعاع وشافتني على هالحال وقالت واهي تبدل ملابسها : قمرة حبيبتي اذا مره تعبانة افطري ! كلي لك شي وخذي مسكن
قلت بتعب : اي والله مره تعبانة ..
شعاع : خلاص حبيبتي افطري انتي مضطرة
قمت وانا اقول : طيب لاتعلمين ماما
شعاع : ليه ياقمرة تعبانة انتي مو تتدلعين !
قلت : برضو يمكن ماما تحس اني اتدلع والعب ..
شعاع : ماما ماتدري عن هالصداع الي يجيك دايم ولا تدري انك مرات تضطرين لابرة مسكنة عشان يروح .. فلازم تعرف عشان تقدر ..

هذا آخر شي سمعته منها وبعدها غطيت وجهي بالمخدة لين حسيت بشعاع تقعد جمبي وتقول : قمور امسكي ..
أبعدت المخدة لقيتها جايبة لي كاس حليب وبسكوت وحبتين بندول
بلعت البندول مع كاس الحليب وخليت البسكوت وطبعا عارضتني شعاع بس انا أحس حالي شوي وأرجـّع من الألم ..

شفت شعاع تكلم بالجوال وانا بدا النوم يداعب جفوني ..
وبعدها شفت شعاع تمشي لباب الغرفة
ناديتها بضعف : شعاع ماقلتلي عن السالفة
شعاع بضحكة : قمور نامي حبيبتي
وطلعت ..
ونمممت ..


::

اللي أذكره ان قمره قالت خواتي نايمات .. بس مريت من غرفة شروق سمعت أصواتهم .. طقيت الباب عليهم وفتحته لقيت أشكالهم توهم صاحيات وشمس غارقة ببحر دموووع ..
اخترعت وانا امشي لها واقول : يالله صباح الخير حبيبتي شفييييييك ؟؟؟
قعدت جمبها وهي على طول رمت راسها بحضني وصارت تبكي وتقول : شعااااع خلااااص ناااادر تركنييييي توني فتحت البي بي لقيته حاااذفني ! ياربي شلون بعيش من دونه والله ماااقدر ياشعااع مااااقدر ..
حضنتها من قلبي وانا اقول : بس ياحياتي تكفين لاتسوين بعمرك كذا والله مافي شي بهالدنيا يستاهل دموعك ياعمري ..
شمس واهي تشاهق : نادر كل حياتي ياشعاع أحبه أكثر من نفسي احس اني انتهييييت والله انتهييييييت

جت عيني بعين شروق لقيتها تبكي هي الثانية وقامت واهي تتحسب عليه ..

اتمنيت هاللحظة يظهر نادر قدامي ..

مو عشان يشوف شكثر شمس متعلقة ومتولعة فيه
ولا عشان يشوف حالتها من بعده ومن بعد ماتركها وحطمها
لا
عشان أمسك سكين وأقطع قلبه مثل ما قطع قلب اختي وحبيبتي
حضنتها وانا ارفع راسي وادعي من قلبي ان الله يوريه بحياته مثل مادمر اختي ..
دعيت من قلبي
وماكنت أدري ان هالساعه .. كانت مستجابة !


::


دق الجرس وبعد شوي سمعنا صوت أمي تتكلم مع الخدامة .. كانت شمس لازالت بحضن شعاع ..
وقفت وانا اقول : يلا عاد أمي جت قومي اغسلي وجهك شموس وانزلي ..
ومشيت وانا اقول : يلا شعاع
شعاع من وراي : جاية ..

نزلت ولقيت امي وعمو زياد معاها
اتراجعت لأني ماكنت أدري بجية حضرته .. كنت لابسة بيجامة كمها كت والبنطلون برمودا صراحة ماكان فيني أبدل ونزلت وأنا أقول : مرحبــــــــاااا
أمي وهي تفصخ عبايتها : هلا والله حبيبتي
نزلت وحضنت امي وبست راسها وإيدها .. التفت لعمو زياد لقيته قاعد على الكنب ونافخ كتوفه بطريقة ماحبيتها .. مشيت له وانا أبتسم وهو ثابت بمكانه ماتحرك لين وصلت له وهو على حاله .. وشو بانحني عليك مثلا ؟؟؟
ويوم قربت منه وطخت رجلي برجله وقف واهو يقول بطريقة تمثيلية : ياهلا ياهلا ياهلا بالغالية بنت الغالية ..
ولم كتوفي بطرف أصابعه وسلمت عليه وانا أقول : شلونك عمي
عمو زياد : بخير ونعمة الحمدلله على السلامة عمو ..
رديت : الله يسلمك
ومشيت وقعدت ملاصقة لامي ورجع زيادوه يقعد بنفس قعدته وملتفت للتلفزيون وسبحته بإيده ..
قعدت أسولف مع أمي لين نزلت شعاع وشمس وسلموا على أمي وكانوا ببيجاماتهم هم بعد ..

تبعتهم بعيوني أراقبهم واهم يسلمون على عمو زياد .. ولا فاتني التمثيل بطريقة سلامه وترحيبه ..
بس قلت لنفسي يمكن انا أتوهم ..
لكن لما شفته يفرك أصابعه بقرف بعد مامشوا خواتي عنه اقتنعت ان الي ببالي صح
مالت عليك وعلى الي جابتك

ماما : شكل قمور نايمة
شعاع : ايه ياعمري مصدعة وخليتها تفطر وتريح

والله شفت زيادوه يبتسم بسخرية !
هذا شيحسبنا ؟؟؟
ليه مو عاجبه شي فينا زين ليش قاعد خلاص بابا قوم انقلع بيتك

فتحت بكلتي واتناثر شعري على وجهي .. لفيت راسي وجزء من جسمي على امي وخواتي وبهالشكل غطيت على زياد يمكن يحس انه غير مرغوب فيه ويتلحلح
بس من وين وانا ياحظي بامي الي تشاركه بكل كلمة نقولها وكل تعليق ..

لين قالت شعاع : ماما عمتي هدى دقت عزمتنا على الفطور ..
ماما : ايه ياحبيلها من الصبح داقة علي تبي تعزمكم قلت لها تدق عليكم تقولكم

ماكنت أدري عن السالفة الا الحين ولا كان يفرق معاي وقلت : بتجين معانا ماما موو ؟؟
ماما واهي تطالع زياد وتقول بابتسامة : ان شاء الله ..
زياد اتنهد وقال : زين أجل أخليكم ..
ماما : بدري شوراك ؟؟
زياد : عندي كذا مشوار بعدين بروح افطر ببيت ابوي داامك .... ( وأشر بعيونه علينا بطريقة هزلية وكمل : رايحة معاهم
ماما وقفت ومشت معاه للباب واهي تتهامس وياه

ضحكت شعاع بسخرية وقالت : يآآآرب تراها أمنا قبل ماتكون مرتك !
هنا انفجرت وقلت : شايف نفسه هالزياد ويتكلم من طرف خشمه ولاحنا عاجبينه حتى سلام مايعرف يسلم زي النااس
شمس : حتى ولا سأل عن قمرة ..
قلت : ياحياتي ياماما الا وتبي تبين لنا انه حليل ولا هو وين والذرابة وين ..

رجعت ماما وسكتنا وقعدنا نسولف معاها لكن فاجأتنا ماما يوم قالت بحنية : شمس حبيبتي شفيك ؟؟ من أمس حاستك مو طبيعية

شمس واهي تصطنع الضحك : مافيني شي ماما بس مره نومي ملخبط وكل ساعه اقوم ومع الصيام ما اشتهي آكل فحاسة بارهاق بس ..

ابتسمت امي وقالت : انتبهي على نفسك حبيبتي

الحين فهمت شمعنى قلب الأم دليلها .


::

بعد ساعه نزلت قمرة واهي رابطة راسها بإشارب ووجهها حيل تعبان ..
شافت أمي واتجهت ناحيتها سلمت عليها ونامت على رجولها وعاد امي ماقصر بتدليل قمور

كانت لحظة مناسبة اني أنسحب من بينهم وأطلع غرفتي بدون محد ينتبه لي
أبي أنفرد بروحي وأستوعب الجحيم اللي بعيشه من تركني حبيبي وعذابي نادر

كل أنواع النيران تشتعل بصدري
نار شوقي وولهي لحبيبي الي هجرني
ونار لوعتي وآلامي من بعد هجره

صكيت باب غرفتي وسندت ظهري عليه وكأن دموعي كانت تنتظر هاللحظة عشان تنفلت بلا شعور مني ..
همست باسمه : نــــادر
حسيت اسمه طلع من أعماقي الممزقة ..
انتشر همسي بأرجاء البيت ..
انتشر صداه بكل العالم ..
يمكن لامس قمره بهالوقت ..

بس لاذنه ماوصل .. لقلبه ماوصل .. لروحه ماوصل ..

حسيت بلحظة ضعف اجتاحتني ..
شوقي الي غمر كل ذرة بكياني
صدمتي الي مخليتني أرفض حقيقة فراقنا
كل شي كان فوق احتمالي بهاللحظة الي ضعفت فيها وخلتني أمسك جوالي وأمشي للكنب الصغير الي يتوسط غرفتي ..
وأدق عليه ..
أدق على روحي المسلوبة مني ..
الي سلبها هو وسكنها فيه ..
وتركني
بلا روح

دقيت عليه ..
ونبضات قلبي تدق بعنف ماحسيت مثله قبل ..
وايدي الممسكة باالجول ترتعش ..

وكل مافيني يترقب صوته بعد ماشبك الخط وصار الجوال يرن ..
وجآني صوته : هلا ..


هذا هو
صوت حبيبي الي كنت أذوب بين حروفه .. ونبراته ..
جاني صوته قريب من اذني بس حسيته بعيييييد قلبي ..

بلعت ريقي أحاول أستجمع صوتي المرتعش وبصعوبة قدرت أنطق باسمه : نادر !

اتنهـــد ..
حبيبي يتنهد ..
معناته صوتي أثر فيه ..
سمعت تنهيدته .. وصلت لأعماقي
خلت دموعي تتساقط وحده ورى الثانيه

وبعدها جا صوته سحقني : نعم شمس ..

انهرت أبكي بصوتي وهو ساكت يسمعني ولا نطق ولا بحرف ولاهمس ولا بكلمه ..
نادر كنت من اكلمك وتحس صوتي في شي تجيني من وين ماكنت ..
طاير عشان ترضيني
والحين أنا منهارة بين إيديك
انطق .. قول شي ..
قول ما أرضى على دموعك ياشمس ..
قول زي ماكنت تقول دموعك عندي بالدنيا ياشمس ..

لكن انا الي نطقت وقلت وأنا بأقصى مراحل ضعفي : نادر لا تتركني .. ماقدر أعيش بدونك حبيبي .. انا هاليويمن الي ماسمعت صوتك فيهم أحس اني مني عايشة .. أحس اني ضايعة ومحطمة بدونك .. حبيبي أنا أحبك لا تتركني حبيبي أرجوك

كان ساكت يسمعني .. وقال ببرود دمرني أكثر : شمس انتي الي تركتيني مو انا ..

رديت : حبيبي والله مو بإيدي .. صعب أعيش لحالي صعب من كل النواحي بس والله ماكنت راضية بفراقك .. نادر انت تدري شكثر أحبك وأموت فيك ومستحيل أكون راضية بفراقك

نادر : لكنك بالآخر فارقتيني ..

قلت وأنا دموعي صارت شهقات : مو بإيدي حبيبي والله ..

نادر بنفس البرود الي يذبحني بكل مره ينطق : لاتقولين مو بايدك .. انتي حتى ماحاولتي مجرد محاوله انك تقعدين .. ماحاولتي تكلمين أبوك ماحاولتي تسوين شي
قلت : لأني عارفة انه صعب علي أعيش لحالي وعارفة ان أبوي مراح يرضى وكنت حاسبتها من كل النواحي ..

نادر : تدرين وين المشكلة شمس ؟؟ المشكلة مو بإنك سافرتي وانتقلتي .. المشكلة اني كنت أترجاك تسوين أي شي عشان تظلين عندي وماتروحين وانتي حتى ماحاولتي لو محاولة وحده تخليني أنسب فراقنا عليها مو عليك .. واقول محاولاتك ماتسهلت .. بس انتي مافكرتي تحاولين .. المشكلة اني كنت اقولك ياشمس سوي شي .. قولي شي .. اعترضي يمكن أحد يسمعك .. ماتكلمتي ولا اعترضتي .. كنت اقولك ترا اذا سافرتي بنفترق .. بننتهي .. وسافرتي بدون ماتسوين أي شي ..
كان كلامه فوق احتمالي وقلت : حبيبي ماعرفت أتصرف .. كان القرار أكبر من اني أقرر فيه .. فكرة اني أبقى لحالي هناك بدون خواتي فكرة كانت مرعبتني .. ما اقدر اقرر فيها ولا أسوي شي وكان عندي أمل انك تتفهم

نادر بجبروت : وهذا أنا ماتفهمت .. وافترقنا .. شتبين الحين ؟؟

قلت وانا أبكي : نادر لاتقووول كذا .. اتذكر أيامنا الحلوة اتذكر اي شي حلو مني .. حبيبي سامحني وارجع لي .. حبيبي والله ماقدر أبعد عنك ماقدر أعيش من دونك .. تعبانة انا من غيرك نادر حس فيني

نادر : شالفايدة ياشمس من كل هالحب والمشاعر دام انتي تركتيني ورحتي لأقصى الدنيا .. خلاص ياشمس عيشي حياتك وكلها فترة وبتنسيني .. وبانساك

قلت بتحطيم : معقول يانادر قادر تتركني ؟؟ معقول فراقنا صار سهل عليك ؟؟؟؟
نادر اتنهد وقال : البركة فيك انتي الي بديتي ..

قلت بانهيار : يعني شلون نادر ؟؟ خلاص ؟؟ انتهى كل شي ؟؟

مارد نادر ..
سكت نادر ..
وطال سكوته ..
ومن بعدها ..
انقطع الخط

رميت الجول على الارض ومن بعده ارتميت انا
وصرت أبكي بكل الدموع الي وهبني ربي اياها
بكيت لين حسيت ان دموعي انتهت
بكيت لين حسيت صوتي اتقطع
بكيت لين حسيت دقات قلبي وقفت ..

لكن بعدين ..
اتمنيت لو اني عرفت بهاللحظة .. سبب سكوته آخر المكالمة !


::

فقدت شمس وقمت أشوفها ومامداني أطلع الدرج الا شفتها نازلة .. كان مبين عليها البكاء والحزن والألم والعذاب وكل المشاعر القاسية
وصلت جمبي وقلت وانا أطالع بعيونها الحمر : شمس حياتي بس يكفي .. ! الحين وش بتقولين لماما اذا سألتك عن شكلك ولاتنسين بعد هي شاكة !
شمس بهمس مبحوح : بقولها الحقيقة
قلت باستغراب : من جدك ؟؟
شمس بسخرية : لازم تعرف لأن هذا شكل بنتها بيكون كل يوم ..
نزلت ونزلت وراها

وأكبر من صدمتي كان صدمة أمي بمنظر شمس !!
شمس رمت نفسها عند رجول أمي قالت وقالت بصوت تعبان يفتت الحجر : ماما قولي لي شسوي ؟؟ عطيني حل ينهي معاناتي ..
نزلت أمي لعندها وضمتها أمي لصدرها وقالت بحنان العالم كله : ياروح أمك انتي والله اني حاسة ان فيك شي .. وشي مو سهل بعد .. قوليلي ياقلبي شاللي متعبك ومخليك بهالحالة ؟؟

وانهارت شمس من جديد تبكي ..
وتحكي ..
تحكي سالفة عشق عاشتها سنين
وانتهت بـ لحظة !


وعلى المغرب
بعد ماحاولنا كلنا مع شمس تهدا وتروق ..
قمنا ولبسنا وجهزنا وطلعنا ..

قلت وانا أطالع بسياراتنا المصفوفة : بركبكم سيارتي اليوم ..
قمره : اي تكفين مانبي الجيب أحس كبير علينا وقديم ومايعجبني
قلت للسواق : راجو شغل " بي إم "
ومشينا وانا أقول : اه الله يرحم ايام كنت أسووووقها بنفسي
شروق وهي تضحك : خلاص كل وحده تركب سيارتها بكرا ونتسابق بالحوش
قمرة : ياعمري انا الي مالحقت على هالهياتة ..
أمي : أزين الحمدلله انتي بدون سيارة ويالله تسلمين
ضحكنا وركبنا سيارتي ومشينا على بيت عمتي هدى


دخلنا من شارع صغير .. وبعد كم متر قالت أمي للسواق يجنب السيارة يسار ..
قلت باستغراب : ليش وقفنا ؟؟
أمي : وصلنا

مو بس انا الي استغربت أنا وخواتي قعدنا نتلفت ندور البيت ..
أشرت أمي على بيت بالزاوية وقالت : هذا الي بابه بني ..
عقدت حواجبي وانا أتأمل البيت .. كان بيت قديم ومبين قدمه من تقشير بوية جدرانه ومن شكل وهيأة شبابيكه !
ماكان هذا شعوري بس حتى خواتي ماصدقوا ان هذا بيت عمتي وشمس قالت : ليش ساكنين بهالحي ؟
ماما : كل واحد وظروفه المهم اسمعوا الله يسعدكم حاول تنتبهون اذا كان في عيال ولا رجال تحطون طرحكم ..
قمرة بصدمة : ماما لاتقولين بنقعد بعاباياتنا ..!!
ماما : لا افصخوا .. بس انتبهوا خليكم حريصين

ونزلنا من السيارة ومشينا بالشارع
وفجأة شروق صرخت : انتبــــــهوا !!
طالعنا الأرض لقينا موية مليانة تحت رجولنا صرخنا واحنا نضحك ورفعنا عبايتنا وامي تقول : حسبي الله على ابليسكم تصارخون بهالشارع
شروق : جزززززمتي كلها مجاااااري
قمره تطالع بالموية : وووووووع ياخبلة هذي شكلها من احد البيوت كانوا يغسلون حوشهم
شفت طرف عبايتي اتبلل بالموية رفعتها وانا اقول : ييييييع الله يقطعها من موية ..
شروق : ههههههههههههههههههه هذا أولها
شمس : هههههههههههه شروق ترا حتى اننننننتي
شروق انصدمت ورفعت عبايتها وهي تقول: لاااااااا

ماما : أقول امشوا بسرعه بيأذن المغرب وانتم مستخفات
قمره ركضت ووصلت للباب وامي معها والتفتت علينا وقالت : هههههههههههه شمس الموية جت على بنطلونك
طالعت شمس ببنطلونها وصرخت وصارت تنط وهي تقول : لااااااااااا ييييييع أبروح اتروووووش
انا وشروق : ههههههههههههههههه لاتنطييييييين رشقتي علينا
وغرقنا كلنا بموجة ضحك خلت امي تضحك غصب على أشكالنا واحنا رافعين عباياتنا وطرحنا طايحة وفاطسين ضحك ..

ومانتبهنا إلا لسيارة وقفت قدام سيارتنا ..
ونزل من الباب شاب لابس ثوب وشماغ أحمر ذكرني بعمو زياد يمكن لأنهم الاثنين الي شفتهم بالزي الخليجي ..
التفت علينا بس ماشفنا عيونه لأنه كان لابس نظارة شمسية وفتح الباب الوراني وفتح الحزام من الكارسيت ونزلت بنت صغيرة
استوعبنا ان ذولا قرايب لنا بيدخلون نفس البيت ..

واتأكدت لما شفت حرمة نزلت من قدام ومشت ناحية أمي ورحبت فيها بحفاوة

استوعبت بعدها اني انا وخواتي بنص الشارع وقمرة عند امي تسلم على الحرمة ..

ومشينا ناحيتهم واحنا نرفع طرحنا الي نسيناها على كتوفنا وقت حوسة الموية ..
التفتت الحرمة لنا وهي تقول : ياااااااهلااااااااا ببنات أخوووووي ويامرحباااااااا ..
استحينا كلنا وسلمنا عليها واتحمدت لنا بالسلامة ..

بعدها انتبهنا للشاب ماسك بإيد البنت الصغيرة ويقول لأمي : هلا خالة دلال
أمي : هلا هيثم شلونك يبه ..
الشاب الي طلع اسمه هيثم : الحمدلله ..
والتفت علينا وقال بابتسامة وسيعة : أجل ذولا بناتك
أمي : ايه ذووولا بنات خالك ..
هيثم هز راسه وقال : الحمدلله على السلامة ..
كلنا ردينا بهمس الا قمرة قالت بصوت واضح : الله يسلمك ويبقيك .. طيب مراح ندخل ؟؟؟؟
ويلي ياقمور ماتستحي هالبنية ..
دفت عمتي الباب الي كان مفتوح وقالت : حياكم اتفضلوا

دخلت أمي وعمتي .. وهيثم أشر بإيده ندخل ..
دخلنا ودخل هو ورانا وطرف الباب ..

مشينا بالحوش .. وقمرة فجأة التفتت لنا وقالت : هههههه طالعوا الحوش كل بلاطة شكل هههههههههههههه ..
ضحكنا عليها وقلت : قمره بلا صرقعة ترا احنا اغراب هنا اهجدي شوي
قمره : مو لو اني مصدعة احسن ؟؟ هههههههههههههههههه
شروق : والله بالعكس تهسترين اكثر
قمره : ههههههههههههههههههههههههههه
التفت لقيت هيثم ورانا يبتسم للبنوته اللي ماسكة ايده .. وينتظرنا ندخل عشان يدخل وطبعا سمع هبال قمور ..

ومشيت بسرعه لداخل ومشوا خواتي وراي ..

دخلنا ولقينا ماما وعمتي ينتظرونا وعمتي مبين فرحانة بشوفتنا ودخلنا سوى لوين ماكل العيلة مجتمعة ..

دخلنا الصالة .. وقفنا انا وخواتي ملاصقات لبعض وامي قدامنا وكل الي بالصالة وقفوا مره وحده واتقدموا لنا ..
واتعآآلت التحآيا والتحآريب من الصغآآر والكبآآر ..
والكل يسلم علينا بحفاوة وحب أحرجنا وأسرنا بشكل كبير ..
حتى البنات الي كان مبين أعمارهم قريبة مننا ماقصروا بالترحيب اللي ينقطع عسل وحب وصدق ..
وأخذوا عباياتنا
انا عن نفسي حبيتهم على طول .. سلمنا على الكل
وقعدنا كنت بين أمي وخواتي وشروق همست لي : ياحلوهم ..
قلت : ايييه مبين طيبين ياحبيلهم ..

عمتي هدى تطالعنا : ياهلا والله ومرحبا .. حيا الله من جانا والله تو ما تبارك البيت
ضحكنا وقلنا : تسلمين عمه هدى ..
قمره : ترا هالترحيب بيقعدون يرددون فيه لين نطلع واحنا ياحظي مانعرف نرد ولا بكلمتين سنعات ..
قرصتها وانا ابتسم للي قدامي .. لكن قمره النحسة بصوت عالي قالت : آآآآآي !!!
امي التفتت واهي تضحك وقالت : شفيييييكم ؟
طالعت قمره بوعيد وهي شاحت بوجهها .. انا اوريها الحمارة هذي

قاموا البنات وحطوا السفرة على الأرض ..
وصاروا يحطون التمر والأطباق ..
شمس : ماعندهم طاولة أكل ..
شروق : هي بس طاولة أكل طالعي الكنب شلون طالعي الستاير طالعي الزولية .. كل شي عندهم مبين قديم ..
شمس : ولا طالعي المكيفاات الله هذي آخر مره شفتها وانا بزر معقول للحين تستخدم ؟؟
قلت : انطموا فضحتونا ..
قمرة : حر والله مني قادرة .. مكيفات صوتها يفقع الأذون ولا في أي هوا !
وفتحت شنطتها وطلعت مروحة وصارت تهف ..

عمتي هدى بابتسامة : يالله امشوا اقعدوا الحين بيأذن ..
نزلنا على الأرض وكان التمر والقهوة موزع على السفرة وانواع الحلى ..
والموية كانت آخر السفرة ..

أذن المغرب وبدوا يفطرون وانا وخواتي اتوهقنا ..
شمس بهمس : ابي موية ..
قلت : خلاص معليه خذوا تمر ..
قمره : ماحبه ولاعرف له ..(( ورفعت نفسها وقالت بابتسامة : عمة ممكن موية بليز ..
عمتي : ابشري حبيبتي
وصبت اربع كاسات موية وأرسلتها لنا ..
شربنا وقالت عمتي : مافطرتوا بنات
رديت : هذا احنا نفطر
عمتي : ماتحرك شي من قدامكم التمر زي ماهو
قمره : ماناكه
عمتي : هـَو ! مايجيبونه بامريكا ؟؟؟
رديت بضحكة : الا بس ماتعودنا عليه
عمتي : طيب اشربوا قهوة .. صبولهم ..
قمره : مانشربها
عمتي : لا اجل قربي لهم اللقيمات افطروا يابنات لاتستحون

حبيتها
حبيت عفويتها
حبيتهم كلهم
حبيت طيبيتهم ..
وكان هذا نفس راي خواتي
بعد ماخلصنا قمنا واتفرق الكل بين الحمامات واللي يصلون والي راحوا المطبخ يغرفون ..
بهالوقت جت عمتي وقالت : بنات .. عمكم عصام يبي يسلم عليكم

عمي عصام هذا الي ولده راكان خاطب رزان بنت خاالتي
قمنا انا وخواتي ودخلنا للمجلس الداخلي ..
جانا عمي وهو يهلي ويرحب سلم علينا وحضنا وقال : تعالوا يبه اقعدوا خلني اعرف اخباركم
وقعد على الارض واحنا حوليه ..
عمي : شلونكم يبه شخباركم؟؟
ردينا : الحمدلله بخير
عمي : شلون أبوكم وش مسوي كيف اموره؟؟
رديت : والله طيب الحمدلله ويسلم عليكم
عمي : انه طيب صدقتك بس يسلم علينا ماظنيت

ضحكت بحرج لانه كان صادق
ابوي ماوصانا نروح لأهله
مو عاد يرسل لهم سلامه

قعدنا نسولف مع عمي .. كنا قاعدين بمجلس الرجال وكل الي كانوا فيه رايحين المسجد يصلون
بعد شوي قال عمي : يلا يبه ادخلو الحين بيرجعون الرجال من الصلاة

أشياء ماتخطر على بالنا صار لازم ننتبه لها من اليوم ورايح ..

قمنا ورجعنا للصالة بس كان فيها ذاك الشاب الي اسمه هيثم قاعد جمب امه ويسولف مع عماتي وأمي ومرة عمي عصام ..
كانت امي ومرة عمي بالشراشف الي كانوا يصلون فيها
لفينا طرحنا وقعدنا وانتبهنا ان محد من البنات كان قاعد !!

لكن قمره نست او ماهتمت تربط طرحتها .. وقعدت جمب امي وصارت تقلب بجوالها ..
وقف هيثم وقال : يلا اشوفكم على خير

ومشى لنفس الطريق الي تو جينا منه

وبعد العشا ..
قعدنا بين بنات عماتي .. لجين وليان وسارة ..
ليان وسارة بنات عمتي هدى
ولجين بنت عمتي هند
وقلت : لجين احنا وامك دخلنا مع بعض ماشفناك !
لجين وهي تضحك : اييييييه انا بالاجازة تقريبا أعيش هنا
رديت : اها تنامين عند ساره وليان
لجين : يب ..
قمره : يعني اخوك الي كان هنا قبل شوي ؟؟
لجين : ايه اخوي وهذي اختي لمار (( وأشرت على البنوته الي دخلت معانا
التفت لساره وقلت وانا أعصر ذاكرتي : وانتوا عندكم اخو أكبر منكم موو ؟؟
ساره : ايه سلطان .. ( وأشرت على ولد دبدووب يجي بعمر الثلاث سنوات .. نايم على رجول عمتي هدى وقالت : هذا أخوي حمد
شروق : حبيبي شكله تعبااان
ليان : ايه حبيبي عنده مشكلة بالأعصاب تعيق مشيه بسهولة
شمس بحنية : سلااااامته حبيبي ويتعالج ؟
ساره : ايوة هالفترة يسوي علاج طبيعي
لجين بغرور : طبعا عند الدكتور أخ لجين
ليان وهي تدفها : لازم تنسبين اسمك يعني .. اسمه الدكتور هيثم
قلت : ماشاء الله الله يخليكم لبعض ..
لجين : وهذي مرة عمي عصام عندها راكان ومحمد وطارق
قمرة : حماة زووووزوو
البنات : ههههههههههههههههههههه ايه حماة رزان ..
شروق : طيب وش تدرسون ؟
ساره : انا آخر سنة تخرج ادعوولي
قلنا : الله يوفقك ان شاء الله
لجين : وانا وليان متخرجين تغذية لنا سنة وقاعدين عطالة على المجتمع
ساره : والله العطالة انا والا انتي ها جتك بعثة وبتروحين امريكا ..
اتفاجأنا كلنا وسألناها : وين أي ولاية ؟؟
لجين : والله لسه للحين قاعدة أدور جامعات ..


تمينا نسولف ..
كانوا سارة وليان كل شوي يقومون لشغلة ويرجعون ..
استوعبنا ان ماعندهم خادمة بالبيت ! بس حبيناهم ..
حبينا سوالفهم وطيبتهم وبساطتهم وعفويتهم بكل شي ..
كانوا الطبقة الأقل من عادية !
بس كانوا عايشين حياتهم وعندهم نفس أجهزتنا بلاك بيري وضفناهم عندنا ..



::


بعد التراويح
حسيت اني بديت أزهق وشعاع وشمس وشروق ماجابوا طاري الروحة
وانا بالأخير صرت ألاعب لمار وحمد الصغار

كلمت غادة بالبي بي وقلت لها اذا يناسب نجيهم
وطبعا رحبت وهلّت ..

قلت لامي : ماما متى بنروح ؟؟؟
امي : بكيفكم يا قمره شوفي خواتك متى يبون يروحون
قلت : الحين لأن غدو كلمتني بالبي بي تقول تعالوووووا
أمي : خلاص أجل يلا

واستأذنا منهم
عمتي هند : يلا وانا بعد بروح عندي عزيمة سحور الله يعين ..
لجين غطت وجهها بالمخدة وعمتي هند قالت : لا بتجين معاي ان شاء الله لاتتخبين ..
لجين : يمممممه مالي خلق كرررررف
عمتي هند : يعني تبين أكرف لحالي ؟؟
لجين : ياااربي .. ساره تعالي انتي وليان اكرفوا معانا
ليان : لا حبيبتي احنا طول اليوم واحنا نكرف ..
لجين : أوريكم كني ماكنت عندكم ولا كرفت معاكم
عمتي هند : اقول كاروف يكرف ابليسك قدامي يلا

ضحكنا عليهم وطلعنا من البيت بعد ماشكرناهم وودعناهم ..
ركبنا وطلع ورانا على طول هيثم ومعاه اخته الصغيرة
ووراهم لجين وعمتي ..
كانوا بكامل حشمتهم ماشاء الله وحسيت هالشي خلا خواتي يشيلون طرحهم ويحطونها على روسهم .. وشوي ومسكت امي طرحتي وحطتها على راسي ..

ومشينا
بعد شوي انتبهنا لسيارة هيثم واقفة جمبنا عند الاشارة
قلت وأنا أأشر على السيارة : ذولا جايين معانا ؟؟
أمي التفتت وقالت : لا تأشرين قمور .. يمكن طريقنا واحد
ولعت الاشارة ومشينا وانا دار راسي مع سيارة عمتي لين شوي واكسر رقبتي
صقعتني شعاع على خفيف وهي تقول : طالعي قدامك
قلت: ههههههههه بشوف بيلفون ولا بيمشون على طووول
امي : هههههههه الملقوفة

وكان استغرابنا أكبر لما لفينا لبيت خالتي وانتبهنا لسيارة هيثم تلف معانا ..
ولأن الشارع فرعي هدينا .. والتفتنا كلنا وشفنا لجين وهي تأشر لنا ..
أشرنا لها ويوم مشينا شوي أشرت على بيت كان قبال بيت خالتي ..

أمي : ايه صح عمتك نقلت هنا نفس شارع بيت خالتك
قلت : عشان كذااااااا .. ولا بغوا يطيحون من عيني ملاحقيننا شيبون
شروق : ههههههه فاضيييين لك هم ماعندهم غير يراقبون وين نروح وين نجي ..

وصلنا لبيت خالتي ونزلنا
والجهة المقابلة كان بيت عمتي
نزلنا وخواتي مشوا لبيت خالتي وانا درت لبيت عمتي ومشيت لهم وانا اقول : ساكنين قداام خالتي ..
لجين : ايه شفتي الصدفة الحلوة شلون
عمتي : تعالوا اتفضلوا
رديت : تسلمين عمتي ان شاء الله مره ثانية
دخلت عمتي بيتها ومسكت لمار ايدي وهي تقول : تعالي شوي

انحنيت وبستها وانا اقول : ان شاء الله حبيبتي أجي مره ثانية كثير مو شوي
مشيت على ورى وانا اقول : يلا سي يو ..

لجين صرخت : قممممرة انتبهي سييييييااارة

التفت وكانت سيارة مسرعه وانا لأني كنت أمشي على ورى وأودع لمار مانتبهت للسيارة ..
صرخت واتشبصت مكاني وانا مغطية وجهي بكفوفي واصرررخ وصوت تفحيط السيارة واهي تفرمل كان أعلى من صراخي
وحسيت بمقدمة السيارة وهي تخبطني خبطة خفيفة .. بس مخيفة ..
طحت على الأرض أثر الخبطة .. وكنت أرتجف من الخوف
شفت أشخاص يركضون ميزت من بينهم لجين تهزني وهي مخترعة قمممره صار فيك شي؟؟؟؟؟
مارديت ماستوعبت .. شالي صار ؟ وانا الحين طايحة شفيني ؟؟ عسى مامت !!
ذاك الي اسمه هيثم شفته واقف ورى لجين ومنحني يطالعني ويقول للجين تقعدني
قعدتني لجين وهيثم يسأل : اتعورتي ياقمره صار لك شي؟؟
نفضت التراب من عبايتي وانا اقول : مادري والله خايفة اوقف
بنفس اللحظة شفت اصحاب السيارة الي صدمتني مسرعين ناحيتي

وعرفتهم على طوول
مشعل ومشاعل
مشاعل : قمووووووور حبيبتي عسى ماصار لك شي
قلت بصدمة : انتوا الي صدمتوووني؟؟؟؟
مشاعل : مشعل كان بسرعه بيدور عشان ينزل الصغار من جهة الباب ومانتبهنالك ياعمري
مسكت ايدها وايد لجين وساعدوني على الوقوف وانا اقول بألم : ماصار شي بس خبطة خفيفة
مشعل ووجهه خايف : سلامتك قمره والله ماشفتك
قلت : يعني بالله بتشوفني وبتصدمني قاصد مثلا؟؟
مشاعل : هههه حبيبتي اكيد تقدرين توقفين؟؟
قلت : اييه شوي رجلي تعورني بس أقدر أوقف
جت عيني بعين هيثم وقال: الحمدلله على السلامة
رديت : الله يسلمك
مد لي طرحتي وشنطتي الي اتناثروا على الارض .. أخذتهم وانا اقول : شكرا
حطيت الطرحة داخل الشنطة
ومشاعل قالت : يلا امشي ندخل وساعدتني على المشي
التفت وانا اقول : بااااي
ردت لجين : باي حبيبتي
وهيثم كان بس يطالعني
ولا رد

مشينا لبيت خالتي ومعانا مشعل ماسك الصغار
وأول ماوصلت للباب انفتح وشفت خواتي طالعين مخترعين وينادون باسمي


::

كنا تونا عند مدخل البيت نسلم على خالتي والبنات لما سمعنا صوت تفحييييط عالي
ماعبرناه بالبداية لكن لما حسينا قمره اتأخرت مسكت ايد شعاع وقلت : قمره !!!
وكن هاجسي الي أرعبني وصل لشعاع ومن بعدها شمس وركضنا كلنا لباب الشارع وفتحناه
وفعلا شفنا قمره تعرج ومشاعل ساندتها تساعدها
اخترعنا كلنا واصواتنا دخلت ببعض وانا اقول : قموووور صاااار لك شي ؟؟؟؟
شعاع : قمووووور شفيييييييك
شمس : مشاعل شصاااار بقمره ؟؟؟

قمره : مـــــــاااافيني شي ..
شعاع : حنا سمعنا صوت تفحيط .. أحد صدمك ؟؟؟؟
قمره : والله ماصار شي .. شوفوا هو صاار شي بس ماصااار شي
قلت : هذي الي بتذبحني !
مشاعل : خلونا ندخل ونقولكم شالي صار بس الحمدلله عدت سليمة

دخلوا كلهم وانا تميت أطالع بالشارع يمكن استوعب شالي صار لقمره .. انتبهت لسيارة واقفة نص الشارع بس ومافي أي آثار ثانية تدل على الي صار
ويوم جيت أدخل انتبهت لصوت رجولي يقول : شروق طمنوني عليها ..
التفت للصوت الي نطق اسمي !!
لقيت شخص لابس جينز وتيشرت واقف بين شجيرات الرصيف ..
وعرفته على طول
مشعل !
مع ان شكله بالجينز غير ..
كن ملامح الغرور الي شفتها فيه آخر مره اختفت !

نقلت عيني بينه وبين السيارة الواقفة بنص الشارع .. وكني بديت أفهم الحدث الي صار لقمره ..
كانت هذي مفاجأتي الثانية !
بس مفاجأتي الأولى هي كيف اتذكرني وميزني ونطق اسمي بكل بساطة !
وقلت : اهلين مشعل
مشعل وهو يتحاشا النظر لي : هلا والله
سألته : شالي صار ؟؟
مشعل وهو عاقد حواجبه : كنت ماشي بدور السيارة ومدري من وين طلعت اختك قدامي فرملت بسرعه وحاولت اسيطر على السيارة لا تصدمها بس خبطتها
حسيته منحرج من الي صار وحبيت أطمنه وقلت بابتسامة : الحمدلله شكلها طيبة مافيها شي
مشعل : ان شاء الله
جت عينه بعيني ومسرع ما أبعدها وقال : زين طمنوني عليها ..
رديت بنفس الابتسامة : اوكي
مشعل اتحرك من مكانه وانا ثابته بمكاني بس رجع قال : قولي لمشاعل اني ماشي تكفين
هزيت راسي وانا ارد : اووكي
مشعل : سلاام
رديت : باي
اتحرك مشعل .. ومشى .. وصل سيارته .. ركبها .. واتحرك .. وأبعد ..
كل هذا وانا بمكاني
استرجعت الموقف الي صار لي معاه ببيت خالي ..
وكيف دخلت عليهم الصالة بدون طرحة
انتبهت لحظتها اني توني كنت قدامه بدون طرحة ..
ولأول مره بحياتي أحس بضيقة تجاه هالموضوع ..
مسكت طرحتي وبلا شعور رفعتها على راسي
و سؤال مادري ليه .. رن بمخي
وش ممكن تكون نظرته فيني !!





::



فوق الخيآل
هذي نظرتي فيهآ
رائعة .. آسرة .. مالفت نظري قبلها أي أحد كثرها
فيها شي يجذبني مع اني أكره تبرجها
فيها شي يعجبني بالرغم من ضيقي لجرائتها
لا لبسها ولا تحررها ولا أسلوب حياتها يناسبني ولا يعجبني
بس .. حبيتها
كثر ضيقي منها .. حبيتها
ليه أضطرب اذا شفتها ..
وأحس ودي أهرب وأبعد عنها
مو هذه الي كنت مخطط لها ..
لا أسلوب حياتها بلا رقيب ولا قريب هي وخواتها
لايحكمهم دين ولاعادات وتقاليد
أنا ما أنسى جرائتها يوم شفتها آخر مره وضحكها
بس مبين كل هذا عفوي منها ..
بضحكها وعفويتها .. جذبتني .. وضايقتني
راقبتها من مراية السيارة وشفتها واقفة مكانها ..
شفتها تحط طرحتها على راسها
هههه ياحلوها ..
بعد وشو
بعد ماربكتيني بمظهرك
وضايقتيني كثر ماعجبتيني
ابتعدت بسيارتي..
واختفت من قدام عيني ..
وش ممكن تكون نظرتها فيني ؟؟


::


رجعت البيت واتجهت فورا لغرفة لجين اختي وطقيت الباب
فتحت لجين وقالت باستغراب : الدكتـــــــور هيثم بجلالة قدره جاي لغرفتي ؟؟؟؟؟
هيثم : شفتي محد قدك وبيدخل غرفتك بعد
لجين صرخت : للللللللللاااا مره حووووووسة
دفيت الباب وانا أقول : أقول خلصيييينا باخبطك أنا
لجين : ههههههههههههههه زين لو يخطبني واحد مثلك
طالعت بالغرفة وحوستها وقلت : بس وقتها صدق لاتدخلينه غرفتك
لجين : ههههههههههه شفت يلا اطلع ارتبها وتعال
قلت : خطيبك الي لا تدخلينه مب اناااا
لجين : عريس الغفلة ههههههه خير ان شاء الله
قعدت على كرسي المكتب ولجين قعدت على السرير
قلت : دقيتي سألتي عن قمره ..؟؟
لجين : ايه توني قبل شوي دقيت .. الحمدلله تقول طيبة بس التوت رجلها شوي لأنها كانت لابسة كعب ..
قلت : قوليلها تحط عليها ثلج واذا ماقدرت تمشي الصبح تروح المستشفى أفضل تسوي أشعة
لجين :ان شاء الله دكتور !
ثار فيني الفضول وسألت : قعدتوا معهم ببيت خالتي سألتوا عن أخبارهم ؟؟
لجين : اي ياحبيلهم طيباااات بس انقهرت عليهم أحسهم مو لم الدين كلش .. حتى لما قعدنا نسمع دعاء الحرم والليلة ليلة 27 ماحسيتهم مستوعبين شي ولا متأثرات !!
اتنهدت بقهر وقلت : حسبي الله على خالي .. هو الي دخل عليهم الدنيا من كل جهة وطمس على قلوبهم ..
لجين : ولايتحجبون أحس يبيلهم إعادة تعمير ..
قلت : كم أعمارهم ؟؟
لجين : شعاع أكبر مني بسنة 23 و شروق قدي بالضبط .. وشمس أصغر مننا بسنة وقمور 18 ..
قلت : مخلصين دراستهم ؟
لجين : ايه بس قمره باقيلها سنة وبتاخذها بالمراسلة وبتسافر وقت التخرج بس ..
قلت : الله يوفقها ..
لجين : آمين ..
قلت : عاد انتي وساره وليان دوركم تصاحبونهم وتناصحونهم وتعلمونهم ..
لجين : أكييييد ان شاء الله اصلا هم مبين عليهم حبووونا
قلت وانا اضحك : ههههههه ارحميني ياشيخة الحب من اول نظره يعني
لجين : اييييييه شعرفك بس هههههه
ضحكت عليها وقمت وقلت : يلا زين رتبي غرفتك .. ويوم جيت أطلع اتذكرت شي والتفت وقلت لها : الا تعالي ليش قاعدة بالغرفة وتاركة امي تشتغل لحالها ؟؟؟؟
لجين : ييييييمه منك والله انت من دقيت غرفتي قلت اكيد بيسألني عن هالسؤال ويوم ماسألت قلت لا الحمدلله هداه الله .. بس أبد انت تموووت تنتحر اذا لقيتني قاعدة مرتاااااحة
قلت : عن البربرة الفاااااضية وقدامي على المطبخ
لجين : طيب طيب شوي بس واروووح
قلت : الحيييين يلا ..
طلعت واهي تتحلطم وضحكت عليها ورحت لغرفتي ..
رميت شماغي على السرير وقعدت بثوبي .. كلها دقايق وبارجع انزل لعزيمة أبوي ...
سندت راسي على حافة السرير
ورجع لي طيف بنات خالي
كل وحده منهم تقول الزين عندي
فيهم جمال يحز بخاطري يظهرونه بهالشكل ..
صعب علي حالهم ووحدتهم وبعدهم الكلي عن الدين !
مروا ببالي وحده ورى الثانية
كيف اول ماشفتهم بالشارع رافعين عباياتهم ويضحكون وأمي الي عرفتهم على طول
ولا أنا ماقدرت أذكرهم ..
استوقفتي صغيرتهم قمره ..
اسم على مسمى ..
سبحان الي أبدع بخلقها
مبين شكثر حياتهم برا مأثرة عليها والدليل عدم اهتمامها بحجابها وكل مره شفتها خلال اليوم كانت تظهر بشعرها
مو غريب اني أشوف وحده غير محجبة بس الغريب والصعب ان يكونون بنات مني وفيني
اتذكرت ضحكها وهبالها اول مادخلنا بيت خالتي
خبالها بالسيارة وهي تأشر وتتلفت علينا
عفويتها وضحكها بالشارع
طيحتها وصراخها ..
ههههه صدق بزر !!
دعيت الله يهديهم ويصلحهم
دق أبوي علي يبيني أنزل
لبست شماغي ونزلت



::


رجعنا البيت بعد ماسهرنا ببيت خالتي
ورجعت معانا غادة ورزان ..
رميت نفسي على الكنب احس دايخة بنام ..
رمت رزان مخدة علي واهي تقول : لاتنامين باقي ربع ساعه على الآذان صلي ونامي
رديت وانا مغمضة : ششششش اذا أذن قوليلي ..
غادة : جد شروووق قومي فرجينا على بيتكم
فتحت عيني وشفت الكل قاعد الا شمس وقلت : وين شمس؟؟
غادة : طلعت غرفتها ..
كنت أبيها تقوم تفرجهم بس شكل مافي الا انا .. وشعاع من دخلنا واهي تكلم .. وقمره عايشة الدور بقوة اهي ورجلها ..
قمت وقعدت افرجهم البيت دور دور وغرفة غرفة
رزان بانبهار : يجنن يهول ماشاء الله بس كبير عليكم شبتسوون فيه
شروق : اذا أعرسنا بنجيب رجالنا هنا هذا شرطي انا وخواتي ههههههه
غادة : سوت زي مشاعل ههههههه
قلت : شفيها مشاعل
غادة : مو هذا بيت أهلها الي خالي ساكن فيه
رديت باستغراب : قوووولي والله !
رزان : والله ماتشوفين مشعل ساكن معاهم ..!
حمستني السالفة وقلت : الا صادقة بس غريبة خالي عادي موافق ..
رزان : لازم يوافق لأنه كان يبي مشاعل ومشاعل ماتبي تترك اخوها يعيش لحالة بعد موت أهلها ..
عقدت حواجبي وانا أسأل : أهلها ميتين !!
غادة : ايه ابوهم مات وهم صغار وامهم ماتت وهم بالجامعة تعبت فجأة وزاد تعبها لين ماتت ..
كسروا خااااطري .. اتخيلت شلون عانوا بلا أبو وأم
واستوعبت الحياة الي عاشوها بروحهم ببيت أهلهم .. وترابطها إهي ومشعل بالشكل الي خلاها تفرض على من يخطبها يسكن هو معها ..
أُعجبت بخالي الي ماحس بالفوارق هذي الي نادر مانلقى رجال يقبل فيها ..
وسألت : يعني قبل كم سنة ؟؟
غادة وهي تطالع برزان ويحاولون يحسبون : كم يعني اممممم احسبيها هي متزوجة خالي من8 سنين ماشاء الله وكانت توها متخرجة من الجامعه
رزان : يوووه يعني أمها لها 10 سنوات ميته ! ياسرع الدنيااا
قلت بحزن : الله يرحمها
وراح عقلي لحسبة ثانية حسبت فيها عمر مشعل .. كنه على مشارف ال 30 ولا شرايكم؟؟

رجعنا للصالة وكملنا سوالف مع خواتي .. عن العيد وعن ملكة رزان وش بنلبس فيها ..

حسيت الأيام الجاية راح تحمل بداخلها أحداث تقلب حياتي أنا وخواتي
حسيت بالنقلة الجذرية بين حياتنا قبل وحياتنا المقبلين عليها
كانت أحاسيس مبعثرة منها حلو ومنها مرعب حبينا بساطتهم بكل شي

يتبع

[المحظوظة]

الجزء الرابع..

نزلت الدرج وانا اطالع الساعه .. أول مره أنام لهالوقت بسبب سهري البارح .. من دخل رمضان ماقد سهرت للفجر هذه أول مره أسويها مع جية بناتي اتغيرت حياتي وانقلبت
ابتسمت لهالخاطر .. هاليومين أقدر أصفهم بأنهم أحلى يومين عشتهم طول السنة يوم الله قر عيني بشوفة حبايب قلبي وروحي بنآتي .. لو أسهر العمر كله عشانهم يفداهم عمري كله ..
نزلت الصالة وشفت زياد قاعد والجريدة مغطية وجهه
ابتسمت وانا أقول : مسا الخير ..
أبعد زياد الجريدة وطالعني وهو يقول : مسا النووور ماشاء الله شهالنوم ياكافي
قعدت جمبه وانا اقول : حرام عليك أول مره أنام لهالوقت لأني سهرت للفجر
زياد سفط الجريدة وحطها على رجوله وقال : دلال بنت صالح تنام بعد الفجر ! من أخذتك ماعمرك سويتيها والحين يوم جو بناتك عرفوا يسهرونك
الى الحين وانا ماخذة السالفة ضحك واقول : خلهم يالبى قلوبهم وبعدين لازم أتعود العيد مقبل وكله سهر وطلعات ..
زياد : الا على طاري وش برنامجك بالعيد ؟؟
قلت وانا بنفس الابتسامة : نفس كل سنة ماتغير شي غير اني بدل ماعيد عند أهل رجل أختي بعيد مع بناتي
زياد : لا ياقلبي هالسنة اتغير شي ..
قلت : خير ان شاء الله ؟
زياد : أهلي مو مسافرين هالسنة مصر بيعيدون هنا وبياخذون استراحة طول ايام العيد ..
قلت : ماشاء الله زين والله ماعمري عيدت معاهم من أخذتني ..
زياد ومافاتني البريق الي برق بعيونه : يعني بتعيدين معانا هالسنة ؟؟
قلت بهدوء : ابيك انت تجاوب.. شرايك ؟؟ وبناتي !
زياد بنبرة علت : مو توك تقولين زين وماشاء الله وماعمرك عيدتي مع أهلي !!
رديت وانا أحاول أحافظ على هدوئي : وانا صادقة بس كوني أفرح بعيد أهلك مو معناه أخلي بناتي بالعيد وانا ماصدقت على الله يجوني وأول مره يعيدون معاي ..
رد زياد الجريدة لوجهه وقال : سوي الي تبين
هزيت راسي بأسف ولا رديت عليه وقمت أخذت مصحفي وقعدت على نفس كنبته بس بعيد .. وفتحت آخر جزء بقالي بالقرآن وصرت أقرا ..
بعد شوي دق جوالي وكان جمب زياد مسكه وانتبه للمتصل وقال : اختي ياسمين ..
ودف الجوال على سطح الكنب بخفيف وصلني وصكيت الصوت وأنا نيتي بس أخلص الآيتين الي أقراهم وبرد عليها .. خلصت ألاهي فصلت قلت خلاص أخلص قراءتي وأكلمها ..
شوي دق جوالي مره ثانية ويوم طالعت :" شمس حياتي يتصل بك "
رديت : هلا شموستي ..
شمس : ماما حبيبتي شلونك؟
رديت : بخير ياقلبي انتي شلونك
شمس : ماشي حالي
صوتها ماعجبني .. حالها كله مو عاجبني .. ليتني أقدر أدخل داخل قلبها وأنتزع كل حزن وألم وعذاب سببته لها الأيام وسببه لها ذاك الي اسمه نادر
وماقدرت أخفي ضيقي وقلت : نمتي زين ياعمري ؟
شمس : يعني .. ماما متى بتجين .. ؟
قلت : مادري شموس شرايكم انتوا تجوني ؟؟
قلتها وأنا ملتفته لزياد الي ملامحه كانت جامده بلا أي تعبير ..
شمس : ممكن والله بشوف خواتي وأقولك
قلت : يلا شوفيهم ورديلي
شمس : اوك ماما باي
سكرت منها وحطيت الجوال ورجعت بكمل قراءة الا قال زياد بلهجة تهكمية : عرفتي تردين على بنتك ولاعرفتي تردين على اختي
طالعته وقلت : زياد شفيك ؟
زياد : الحين لاتردين على سؤالي بسؤال !
رديت : وليه هالسؤال اصلا .. شالي اختي وبنتك وهالحكي يازياد ؟؟ اختك كنت ناوية بس اخلص جزئيتي وادق عليها الاسكرت واتصلت بعدها بنتي .. تتوقع اني قاصدة ما أكلمها ؟؟
زياد مارد والتفت على التلفزيون
قلت : لا تسكت جاوبني .. تتوقع اني مابي أكلم اختك يازياد ؟؟؟
زياد : لا .. بس شكلك بتبدين بناتك على أهلي ..
رديت : ان بديتهم فهم بناتي يازياد تفهم وش يعني بناتي ؟؟ ولاتنسى ان بيوم وصولهم اليوم الي كنت سنين وانا أنتظره على جمر .. عزمت انت أهلك على الفطور وبلعتها بقلبي وسكت واستقبلتهم ولاقصرت ولا بشي ولاحتى حسستك بضيقي .. بس يازياد لاتقعد تخلق بيننا مشاكل بسبب بناتي وتقتل فرحتي بجيتهم تكفى كبر عقلك ولاتقعد تفكر بهالشكل ..
سكت زياد ولارد .. أو يمكن مالقى رد يرده ..
كملت : ترا يمكن يجوني اليوم
زياد : وش تبيني أسوي يعني ؟
قلت : لاتسوي شي بس أعطيك خبر
زياد : مايحتاج تعطيني خبر سمعتك وانتي تقولين لها وباترك لكم البيت عشان تاخذون راحتكم بدوني
قلت وانا أحاول ألطّف الجو : مب لازم تطلع بالعكس انا ودي تتعرف على بناتي أكثر يصير انسجام بينكم
زياد : بعدين .. الحين هم ماشبعوا منك ويبونك بروحك أكيد ..
رن تلفوني وألاهي شمس .. رديت : هلا شموس
شمس : هلا ماما خلاص الحين نلبس ونوصل زوزو وغدو بيتهم ونجيك تمام ؟؟
رديت : تمام حبيبتي أستناكم
سكرت الا قال زياد : بيفطرون هنا ؟؟
رديت : ايه ..
يمكن ماتوقع زياد انهم بيجون بهالسرعه عشان كذا قال بيطلع ويتركني مع بناتي بس يوم درا بفطورهم عندي قال : خلاص بافطر وأطلع ..
رديت : على راحتك
وقمت للمطبخ وصيت الخدامة تجهز كل شي تحبه كل وحده من بناتي ..
أذكر شعاع من صغرها تحب الملوخية .. وشروق تموت على الباميا .. أما شمس المعجنات أكلها المفضل ..
واحترت عند قمرة !
قمرة حبيبتي الوحيدة الي ماعرف وش تحب .. لأنها فارقتني وهي مره صغيرة
قمت أحوس أنا وخدامتي لين سمعت العصر أذن .. علمتها تكمل كل شي وطلعت لغرفتي خذيت شاور وطلعت توني بالروب الا دقت شمس على جوالي تقولي انهم وصلوا .. قلت لها يدخلون أنا الحين نازلة ..
لبست بسرعه وانا أفكر بإش ممكن أسوي مع شمس اليوم .. وكل يوم ..
كيف أحلي الدنيا بعينها وأخليها تنسى ماضيها الأسود .. مافي شي من ماضيها ولا ماضي أي من بناتي أبيه يقعد بذاكرتهم
ودي أمحي كل شي فات من حياتهم وأخليهم يبدون معاي كل شي من جديد
ولا مين أم ترضى على بنتها تعيش حالة حزن وعذاب بسبب واحد حبته من صغرها وياعالم شالي صار بينهم .. اتنهدت وأنا محترقة بداخلي عليها وأقول : حسبي الله عليك يافواز!
لو كان مراقبهم ومنتبه لهم ولو كان حريص عليهم وفاتح عيونه على كل صغيرة وكبيرة
لوكان أبو بماتعنيه الكلمة من أبوة .. كان ماوصلت شمس لهالمواصيل
مو الأبوة إهي المظـاهر والدلال !! ولا الفلوس الي يصرفها عليهم !!
أوالقصر الي سكنهم فيه ..
أوالسيارات الي أهداها لكل وحده منهم ..
كانت هذه أبوته القاصرة الدنيوية الي ماتعدت حدود السطحية ..
أبوته الي حسب انها بتسعد بناتي .. لكنها ضيعت بناتي !!
حكتني شمس شلون كان نادر كل يوم يجيهم .. ومرات يطلعون سوى يتمشون .. عايش لحاله مع أبوه حاله حال بناتي بلا أم .. زوجة أبوهم الكافرة اهي الي ربتهم وكبرتهم ونشأتهم ..
وأكيد كانت زوجة أبو نادر وبعد زوجة فواز مأيدات كل الي يصير ومشجعات له بعد
مسحت دمعة ملتهبة نزلت غصب عني .. ومشيت نازلة وانا بخاطري إصرار وعزيمة لتغيير بنآتي للأفضل
لازم أغيـّـر بنآتي وأخلي منهم أحسن بنات بهالدنيا ..
ياعمري يابناتي وياعمري ياشمس ..
لازم أخليها تنسى نادر ..
لازم أشغلها بأي شي وأشغل وقتها لين يجيها ابن الحلال الي يسعدها وينسيها ..
كانت أمنياتي وردية وجميلة .. وأحلامي سهلة بالنسبة لي وسعيدة
لأني ماكنت أدري ان الي بين شمس ونادر .. أكبــــــــــر بكثيـــر مما كنت أتصور !

::

دخلنا البيت وكان عمي زياد بالصالة يكلم بالجوال .. دخلنا بصمت عشان مانزعجه وهم يكلم وهمسنا بالسلام .. طالعنا وأشر بإيده واهو يكلم ..
اتوزعنا على الكنب وانا قلت : ياااي ريحة الأكل تشههههي
شعاع وهي صاكة سنونها وعيونها على عمي زياد : اسكتي ياقمرة ماتشوفين عمو زياد يكلم
قلت : المفروض يقفل ويسلم علي .. أمس ماشافني !
شروق : طيب وين أمي ..
شفنا أمي تنزل الدرج وابتسامتها بوسعها وهي تهلي فينا : نور البيت ياعمري هلا وغلا ومرحبا
قمنا كلنا وسلمنا عليها وزياد شكله انزعج من أصواتنا وقام وهو يكلم وطلع من الصالة
قعدت أمي بيننا ولمتني واهي تقول : شلونك اليوم حبيبتي ؟؟
قلت : الحمدلله أحسن
أمي : أكيد ماتوجعك رجلك؟
قلت : اي والله ماتوجعني خبطة خفيفة بس لأن السالفة فيها سيارة اتروووعت هههههههههه
ماما : كلنا اخترعنا والله حتى مشاعل مرتين دقت تسأل عنك وتقول مشعل يسلم عليك ويوصل لك اعتذاره بعد ..
قمره : الله يسلمهم ..
ماما : يلا اليوم بتاكلون من إيدي سويت لكل وحده الشغلة الي تحبها ..
شعاع بضحكة : تذكرين شنحب ؟
ماما بابتسامة حنونة : وكيف أنسى ياقلبي كل تفاصيلكم الي عشتوها معاي مخزنة ببالي
قلت بغيرة : إلا انا ماتذكرين شي مني موو ؟؟
ماما : بالعكس ياقلبي انتي بالذات أذكر متى أول يوم قلتي ماما ومتى طلع لك أول سن واذكر الشهر الي حبيتي فيه والشهر الي مشيتي فيه وعندي للحين لبسك اللي لبستك اياه اول يوم بالمستشفى
قمره : هههههههههههههههه جد ؟؟
شعاع : ماشاء الله واحنا ؟؟؟؟
ماما : بيني وبينكم هاللبس بالذات لبستيه انتي ياشعاع وبعدك شروق وشمس وقمره
ضحكنا على دهاء أمي وكيف تبي ترضينا كلنا .. وتمينا نسولف لين قرب الآذان وقالت لنا ماما نقوم للطاولة .. وكان توزيع الفطور يشبه فطور بيت عمتي هدى أمس .. شكلهم متعودين هنا ان يكون فطورين وبينهم الصلاة .. بس احلى شي ان كان فيه قوارير موية موزعة على الطاولة ..
جا عمي زياد وهو يقول : هلا والله بالغوالي ..
واقترب ناحيتي وانا طبعا مشيت له وهو يقول : ماشاء الله تبارك الله ياقمرة كبرتي صرتي عروسة
ضحكت وسلمت عليه واعتذرت اني ماشفته أمس واني كنت تعبانة ..
قعدنا سوى على الطاولة ويوم أذن شربنا موياتنا .. وعمي زياد قال : افطروا !
شكل الناس هنا اذا ماكان فطورنا تمر معناه مافطرنا بس شعاع ردت : فطرنا الحمدلله ..
طالع زياد بالتمر قدامنا ماتحرك .. ورجع يكمل فطوره بلا تعليق ..
خلصنا وقام زياد اتوضا وطلع للمسجد ..
نادت أمي على الخدامة تشيل الفطور وقالت لها : جيبي شراشف الصلاة
استوعبت الحين اني بصلي وقمت انا وخواتي نتوضا.. ماما بطريقة مضحكىة وقفت ورانا وصارت تراقب وضوئنا وتعلق : اغسلي وجهك زين ياشعاع لين كل حدود الوجه يجيها موية .. ايووووة زي كذا .. وانتي ياشمس الموية ماوصلت كوعك احرصي ان الموية تغسل كل مكان .. ( شمس صارت تغسل ذراعها لين فوق وضحكت امي عليها وقالت : ههههههه لا كثر خيرك للكوع وتسلمين ..
خلصوا وجا دوري أنا وشروق وأمي واهي واقفة بيننا تراقبنا خلتنا نضحك وشروق تقول : انا كنت شاكة ان أمي صحابية بس معمرة للحين ..
امي خبطتها على كتفها وقالت : استغفري ربك يالخبلة واتوضي خليني اشوف ..
ماما : قمره امسحي على شعرك زين شالي تلمسينه لمس (( ولمست ماما شعري بإيدها وقالت : مابه ولا نقطة موية امسحي زين يمه .. وانتي ياشروق الموية ماوصلت لكعب رجلك ترا انتبهوا يابنات في حديث يقول " ويل للأكعاب من النار " والمقصود اللي يتوضون ومايوصلون الموية للكعب !
شروق : عز الله رحت فيها أنا خلاص ..
أمي : لاتقولين كذا ياقلبي الواحد يتعلم ويطبق وبهالدنيا بنقعد نتعلم لين آخر لحظة بحياتنا ..
خلصنا ولبسنا الشراشف وصلينا .. وانتهينا كلنا قبل أمي وكنا لازلنا بالشراشف يوم خلصت ماما والتفتت علينا وقالت بابتسامتها الحنونة : يازين اشكالكم بالحجاب
ضحكنا ورديت : خلاص بنقعد بالشراشف لين نروح عشان تستانسين
ماما : هههههههههه لا شدعوة بس صدق حبيت أشكالكم محجبات بشكل كامل ..
شروق قالت كلام استغربته منها : ماما اللي خلانا نصلي يخلينا نتحجب ..
ماما : هذا عشمي فيكم .. يمه حبايبي الدنيا فانية ولا في شي بينفعنا يوم القيامة غير العمل الصالح .. والواحد مايدري متى تجي منيـّـته ومتى ياخذ الله أمانته .. وقتها مراح ينفع الندم .. يتمنى الواحد يرجع للدنيا يوم واحد يتوب ويعمل الصالح بس إذا جاء أجلهم فلا يستأخرون ساعة ولا يستقدمون !
كلام أمي خوفني وقلت والخوف بعيوني : يعني ياماما لو متنا احنا بندخل النااار !!!
ماما : محد يقدر يحكم على شخص لا بنار ولا بجنة .. رحمة ربي فوق كل شي .. لكن اذا تبون الجنة .. اعملولها وانا اولكم أقول لنفسي هالكلام .. اذا خايفين من النار ونبي الجنة الي فيها نعيم يفوق نعيم الجنة بملايين الملايين .. ليه مانعمل لها ونبعد عن الشهوات الي بتبعدنا عن دخول النار ان شاء الله ..
شعاع بتأثر : كلامك صح ياماما ..
ماما : الله يحسن خواتمنا ويتقبل صيامنا وقيامنا ويرحمنا برحمته
ردينا بهمس : آمين ..
قامت ماما فصخت الشرشف واحنا من بعدها وماما تقول : بشوف الفطور وراجعة
ومشت للمطبخ ورجعنا نقعد .. الا شروق قالت : ياعمري ياماما تحسونها تحبنا موو ؟؟
شعاع : ههههههههه اذا ماحبتنا تحب مين ؟
شروق : هههههه لا اقصد انه بالرغم اننا عشنا بعيدين عنها لكن احس هالشي ماغير بقلبها شي علينا وتحبنا كننا عايشين معها على طول ..
شمس : الله يخليها لنا ولا يحرمنا منها ..
سمعنا صوت ماما تصارخ على الخدامة .. استغربنا كلنا وقمنا للمطبخ وشفنا أمي واقفة تقلب القدر وتصب فيه موية وتقول : أنا مافي كلام اذا هذا موية خلاص حطي موية مره ثانية ؟؟؟ شوفي الحين سيم سيم حريق !
دخلنا وشروق قالت : شفيه ياماما ؟
ماما : زين لحقت على الباميا شوي وتنحرق وهي ناشفة والنار عالية
شروق من سمعت طاري الباميا استخفت وقالت : لاااااااااا تكفووووووون ابيها ولو هي محرووووقة باكلهااا
ماما : هههههه ادري انك تحبينها عشان كذا سويتها
شروق حضنت امي من ورى وهي تقول : ويلوومووني فيك
ضحكت ماما وقمنا نساعدها بوناسة ..
من زمان مادخلنا مطبخ واشتغلنا وكان الشغل مع أمي بالمبطخ يونس وهي كل شوي تعلق على حركاتنا وتعايرنا اننا مانعرف شي واحنا نضحك
جا عمي زياد وحطينا الأكل .. وقعدنا ناكل ..
شعاع : تسلم إيدينك ياماما على قد ماكلت مولوخية ماقد ذقتها بهالطعم الجنااان
ماما : صحة وعافية ياقلبي ..
شروق واهي مابقى غير تلحس صحن الباميا : اي والله تسلم أحلى ايدين سوت أحلى فطور وأحلى باميا
شمس : حبيبتي ماما كنك تدرين من دخل رمضان وانا ميته على المعجنات مره حاولت اسويها طلعت بسكوت على شكل معجناات
ماما : ههههههههه ياعمري انتي .. انتوا آمروا بس قولوا وش مشتهين ومن عيوني أسوي لكم الي تبون
ردينا : تسلم عيونك ياماما ..
كل هذا وعمي زياد كان ساكت واذا اتكلم يطلب الملح أو المناديل ويرجع يكمل أكله بصمت ..
خلصنا وقمنا للصالة ..
طلع زياد فوق وبعد نص ساعه نزل لابس وكاشخ وقال : يالله أنا ماشي تبون شي ؟
ماما : تسلم الله معاك ..
طلع زياد وقعدنا مع ماما ..
رن جوالي لقيت لجين متصلة .. جتني الضحكة وانا أرد واقول : آآآآآآآآآآي يااااارجليييي
لجين : شفيييييييييييييييك؟؟
رديت : ههههههههههه أمزح بس بهبل فيك
لجين : هههههههه والله خوفتيني خصوصا اناديك بالبي بي ماترديييين
قلت : ايه ببيت ماما احنا ومو حاطة بالي معاه ..
لجين : كيفك اليوم ان شاء الله أحسن ؟
رديت : الحمدلله والله أحسن ..
لجين : تمشين عليها عادي ؟؟
رديت : اي والله حتى بعد شوي بنروح المول تعالي معانا
شعاع بققت عيونها فيني وانا أبعدت الجوال وانا اقول : الا الا بروح ابي كذا شي لغرفتي وعباية بعد قاعدة البس عبايتك القديمة وكذا شي ابيه
شعاع : ماشاء الله فاجأة صرتي تبين كل هذا ؟
رديت : لا والله من جينا حتى اسألي شمس ..
شمس بصدمة : كذابة ماقلتيلي شي !!
قلت : انتي الي مخك مو معااااك الا قلت لك
شروق : الحين البنت معاك على الجوال؟؟
قلت: يوووه نسيتها .. لجييييين !
لجين : هههههههههه يلا أخليك حبيبتي
قلت : تعالي معانا ..
لجين عجبتها الفكرة وقالت : أي سوق بتروحون ؟
رديت : مادري الحين بنشوف وأرد لك وحاولي تجين
لجين : ان شاء الله حبيبتي
سكرت منها وماما قالت : قمور مايصير تجهدين رجلك خليها تتحسن
قمت ونطيت قدامهم وانا اقول : ها شووووفوووا مافيييني شي
بيني وبينكم عورتني حيل يوم نطيت بس مابينت لاحد عشان لا أتفشل ..
قالت لنا ماما على مول قريب فيه كل شي نبيه ..
وبعد التراويح طلعنا ..
وصلنا المول واتفرقنا .. شمس ماكان لها خلق تلف بالمول وراحت اهي وشروق لكوفي ..
شعاع راحت تشوف لها بيجامات مسترة على قولتها وانا وأمي قمنا ندور على المحلات ونتفرج ..
بعد ساعه كلمتني لجين قالت انها جاية هي ومعها سارة وليان
استانست لاني الصراحة حبيتهم ساره وليان .. صحيح ناس أبسط منا بكثير وقريب حالهم للفقر .. لا من شكل بيتهم ولا من لبسهم وخدامة ماعندهم .. بس حبوبات وطيبتهم غامرتهم ..
قلت لهم عن البوابة الي احنا عندها .. وتركت امي وسط أحد المحلات ومشيت ناحية البوابة ومامداني أوصل الا وشفت ثلاث بنات داخلات ومعاهم شاب عرفته على طول ..
كان هيثم ماشي معاهم بهيأة مختلفة عن أمس .. كان لابس جينز غامق وتيشرت لاكوست أزرق فاتح شكله كان متغير حتى ماعرفته بالبداية بس انتبهت لشي ميزته أمس فيه .. وهو غمازتين بخده اذا ابتسم .. وهو من شافني ابتسم وهمس للجين باذنها .. لولاه هو ماعرفت بنات عماتي لأنهم منقبات الشي الي خلاني ألمس شعري وحسيت جزء كبير من شعري مكشوف ..
سحبت الطرحة شوي وأنا أقول : اهلييييين ..
صافحوني .. وبعدها بنفس الابتسامة مديت يدي لهيثم أصافحه ..
حسيته اتغير وجهه واترددت ايده بالهوا ثواني وعقب مد ايده : صافحته بعفوية وانا اقول بضحكة : كيفك دكتور ؟؟
هز هيثم راسه ورد : انا بخير انتي كيفك اليوم ؟؟
اتباعدت ايادينا وانا اضحك واقول : عالي العال وجيتي السوق أكبر دليل
هيثم : دووم يارب .. بس انتبهي لاتجهدين نفسك ترا ماتبان العواقب الا بعدين ..
والتفت للجين وقال : اوك انا ماشي سلطان واقف بالسيارة عند الباب مايقدر يطول ..
لجين : اوك خلاص احنا ندق عليك ..
قلت : هههههه دامك ماشي ليش دخلت أصلا ؟؟؟
لجين الي ردت بسرعه : هيثم لازم يدخل معانا يتطمن علينا
ابتسمت وانا اقول : حلو ماشاء الله ..
بصراحة اتمنيت لحظتها لو كان عندي أخو يهتم فيني كذا ويوصلني ويتطمن علي ..
كانت أمنية عابرة .. ماتوقعت ان ربي بيحقق لي اياها بأقرب وقت !
طلع هيثم ومشينا انا والبنات ..

::

مشيت طالع من البوابة بعد ماوصلت اختي وبنات خالتي وانا قابض على ايدي الي صافحت قمره قبل شوي .. كيف سمحت لهالشي يصير .. بس مو بايدي .. غصب عني .. أربكتني بعفويتها .. ضحكتها البريئة ونظراتها يلخبطني !
طيب ليه ؟؟
لو اني ما أختلط ببنات كان أقول بعذري جديد علي هالنوع .. لكن الي أشوفهم بالمستشفى أشكال وألوان من نوعية قمره وأكثر .. وعشرات البنات الي يحاولون يتقربون مني ويطلبون ودي بس مو هذا النوع الي أنا أبيه ..
أقنعت نفسي انها مشاعر غريبة وعابرة مع هالابنية لأنها تقرب لي بس ..
ولا هي زيها زي غيرها .. بنت صغيرة ماتجاوزت 18 وعايشة حياتها بروحها ومتحرره لو كانت بتعجبني كان أعجبوني الي كانوا يتلصقون فيني قبلها
بس لا أنا مو هذا النوع الي يروق لي ..
وعلى هالخاطر وصلت السيارة وركبت جمب سلطان ولد عمتي الي هو اخو سارة وليان ..
وانا مو قادر أبعد صورة قمرة بضحكتها من قدام عيوني ..
" ولد شفيييييك "
انتبهت لصوت سلطان يناديني وقلت : خير
سلطان : أناديك أقولك كيف السوق عسى مب زحمة صراحة ماحبيت طلعة البنات لهالسوق بهالوقت ..
رديت : لا .. كان فاضي ..
بالنسبة لي كان فاضي .. ماكان فيه الا قمرة وبس ..
رفعت ايدي لاشعوريا وشميت ريحة عطرها الباقية بإيدي .. وغضب ضحكت على نفسي وعلى الي قاعد أسويه .. اطرد هالخرابيط من مخك يا هيثم ..
مو قمره الي تناسبك ولا هي الي تعجبك ..
انا ماقعدت العمر هذا كله ما ارتبطت بولا بنت عشان بالآخر تعجبني بزر ماخذة الدنيا ضحك ولعب ..

::

دقيت على قمرة أسألها عن مكانهم .. علمتني وجيتها ولقيتها هي وامي وبنات عماتي يمشون .. ابتسمت لشوفتهم وجيت بسرعه وانا أقول : هلا والله ببنات عماتي ..
لجين : هلا شعااع كيفك
رديت : بخير دامكم بخير ..
مشينا ودخلنا محل لاكوست وقمره قالت : اي ابي تيشرتات الي عندي قدمت ..
قمنا نطالع بالتيشرتات ونختار .. انتبهت ان ساره وليان واقفين عند الباب .. ناديتهم بابتسامة ويوم قربوا سألتهم : شرايكم أختار أي لون ؟؟؟
ساره : البنك حلوو ..
ليان مسكت التيشرت وقالت : 400 ريال ؟؟
قلت : اي أغلى من أمريكا تصدقين ؟؟
ليان : بس ماتستاهل تيشرت قطن مافي الا صورة تمساح بالجمب !!
ابتسمت وانا اقول : بس حلوة ومريحة
دق جوالي ورديت لقيتها شروق تسأل ويننا .. قلت لها اننا بلاكوست ..
شروق : جيبي لي تيشرت او اثنين تكفين ..
قلت وانا أطالع بالتيشرتات : أي لون تبين ..
شروق : اي شي شوفي ألوان غامقة ..
رديت : وشمس تبي ؟؟
سألت شروق شمس بعدها ردت : تقول ليش لا ..
سكرت منها وأخذت كل وحده مننا تيشرتين ..
سارة وليان كانوا يدورون المحل ويطالعون بالاسعار وبعدها طلعوا
طلعنا انا وقمره بايدننا الأكياس وكملنا .. وعلى هالحال كل ماشفنا محل عجبنا دخلنا ولقطنا لنا أي شي عجبنا ..
ماما عجبها صندل اصرينا انا وخواتي تاخذه ويوم أخذته دفعت انا وقلت لها هدية مننا ..
لجين شرت بنطلون جينز أما سارة وليان فكانوا يمشون معانا ويسولفون ويضحكون وماشروا ولا شي ..
بعد ساعتين
قمره : تعبت خلاص وجعت وعطشت وكل شي
شمس : اي والله دار راسي خلاص خلونا نقعد
قلت : حتى انا والله جعت .. يلا امشوا نشوف المطاعم فوق ونتسحر مره وحده .. شرايك ماما ؟؟
ماما : اي والله تعبنا من الدوارة ..
سارة : خلاص احنا بنكلم أخوي يجينا
رديت : لييييه ؟؟ اقعدوا شوراكم خلونا ناكل سوى ..
ساره : لاااا أكثر من كذا بيذبحنا أخوي مرتين دق يقول متى تخلصون ..
شعاع : اذا هو مستعجل قولي له احنا نوصل لكم
ساره : لا مو مسألة مستعجل .. اخوي مايحب طلعات الاسواق خصوصا بالليل ..
ليان : بالشيل والحط رضى لنا نروح ..
احترمت رغباتهم ولاحبيت أحرجهم وقلت : خلاص براحتكم
ماما : زين هنا في مطعم قريب شرايكم نقعد فيه لين يجون بدل مانطلع فوق ونطول
مشينا وقمرة تقول : شعنده ترا مابي أي شي جوعانة وأبي شي يستاهل جوعي
ضحكنا عليها وماما قالت : شوفي المنيو واذا ماعجبك طلعنا فوق اذا راحوا ..
دخلنا المطعم ومافاتني تهامس ساره وليان .. ومن بعد هالتهامس سمعتهم ينادون لجين .. قربت لجين منهم وهدت خطواتهم وانا تركتهم ودخلت المطعم مع ماما وخواتي ..
قعدنا على حدا الطاولات وماما سألت : وين بنات عماتكم ؟؟
رديت : جايين ورى بس مادري حسيت فيهم شي
ماما كنها انتبهت لأمر ماكان خاطر ببالي : لايكون منحرجين مننا وما معاهم فلوس .. ترا بنات عمتك هدى حالهم على قدهم ويمكن تلقين مامعاهم ولا ريال !
قمره : جد ؟؟؟ يمكن صح .. ماشفتهم شروا شي !
شروق : مو شرط ماشروا يعني مامعاهم بس برضو المفروض احنا ننتبه ..
شمس : بس معقول مايكون معاهم ولا ريال !!
ماما : اي ياقلبي حالهم على قدهم أبوهم متوفي من ثلاث سنوات وسلطان اخوهم الي يصرف عليهم وراتبه يكفي مين ولا مين ..
كسروا خاطري .. كرهت اللحظة الي قلت فيها تعبت .. كرهت اللحظة الي قلت فيها جعت .. اتمنيت ماجبت سيرة مطاعم ولا جينا السوق أساسا .. ماحبيت أحطهم بهالموقف ووقفت بسرعه وانا أقول : قوموا بسرعه بنقولهم ماعجبنا المنيو وخلاص بطلنا
ماما : ولا خلاص نعزمهم !
شعاع : مدري أحس بيحسون اننا دارين عنهم
ماما : خلاص اجل يلا ..
قمنا كلنا ومشينا الا شفناهم داخلين قلت على طول : مافي شي عجبنا بالمنيو كله سي فود ومو مشتهينه ابد
انتبهت لسارة وليان يطالعون ببعض كن هالشي ريحهم ..
وشروق دقتني وهي تهمس : ياخبلة اكذبي زين هذا مطعم مشاوي شدخل السي فود
شهقت بصمت وقلت : ان شاء الله ماينتبهون ..
ماما اقترحت نقعد بكوفي لين يروحون البنات وعقب نروح ..
قعدنا بكوفي وتمينا نسولف .. انبسطنا على سوالف البنات وتعليقاتهم وضحكهم .. حتى شمس الي كانت مكتمة طول اليوم قعدت تضحك عليهم ..
بعد شوي دق جوال ساره وردت .. ويوم سكرت قالت : حنا بنطلع أخوي شوي ويوصل
قلت : ليش تطلعين بالحر البوابة قريبة اذا جا اطلعي
ليان بخوف : لالالالالالا تكفين والله ان اتأخرنا عليه يورينا ممكن يحرمنا من العيد عادي عنده .. ووقفت وهي تقول : قومي ياساره ترا حاجتنا عنده لاتنسين العيد جاي ونبي نرضيه زي مايبي ولا احنا الخسرانين
ضحكنا عليه وقالت ماما : خلاص اجل نطلع احنا بعد على مايجينا السواق من المواقف يكون جا اخوكم ..
وفعلا طلعنا ووقفنا عند البوابة ننتظر السواق ..
بعد خمس دقايق
جت سيارة هوندا من الطراز القديم .. موديل 2003 او يمكن أقدم .. مبين انها قديمة حتى الباب الوراني منعفط شوي على داخل كأنها مصدومة بس صاحب السيارة ماصلحها ..
وقفت على اليسار ونزل منها شاب نحيف .. يجي بعمر هيثم تقريبا .. كان لابس ثوب ومشمر بداية أكمامه وشعره محلوق على 1 تقريبا وعوارضه خفيفة ..فتح باب السيارة الوراني بقوة عشان ينفتح
الله ! شكل الباب ماينفتح بسهولة !!
بس ماكانت هذي صدمتي ..
كانت صدمتي يوم سلموا علينا البنات ومشوا للسيارة ..
كانت هذي سيارتهم !!
وكان هذا أخوهم سلطان !!
انتبهت لنظراته الحادة الي يطالعها خواته وهم يركبون ..
نظرات تخلي قلبك غصب عنك يدق بعنف !! انقهرت منه ليش يطالعهم بهالنظرات ..
بس يوم ركب السيارة انتبهت انه يقول شي لخواته ويبتسم ..ولازالت النظرات الحادة بعيونه .. استوعبت ان هذي نظراته طبيعية ..
جت عيني بعينه وبعدها لف راسه على ورى وهو ماسك المرتبه الثانية بإيده عشان يرجع السيارة .. وبعدها رجع راسه وشفته يطالعني انا وخواتي .. ودور السيارة ومشى .

::

ليلــــــة العيــــــد
" شمس معاكم "
في بيت خالتي منى .. بعد الفطور .. قدام التلفزيون
بيــــــــان من الديوان الملكـــــي : " اليوم الخميس الموافق 29 هو آخر أيام شهر رمضان المبارك وغدا الجمعة هو أول أيام عيد الفطر المبارك وكل عــــــام وأنتم بخيـر "
صرخنا كلنا احنا وبنات خالتي وخالتي منى ومشاعل وقمنا نسلم على بعض ونصررررخ .. كانت الأرض مو شايلتنا من الفرحة والعيد جانا واحنا عند ماما وعند أحب ناس على قلوبنا ..
وقمرة نطت لحضن أمي وهي تصرخ : مااااااااااماااااااااا كل عاااااااااااااام وانتي بخييييييييييييير مامااااااااااااا احنا عندددددددددددك بنعيد معاااااااااااااك أوووووووول مررررررررررره
أمي حبيبتي بكت وهي تحضنها وتقول : وانتي بخير ياروح امك وان شاء الله العمر كله ..
جينا كلنا وحضنا ماما وعايدنا عليها وشروق صرخت : وييييييلكم تو سعوووووودي عرييييييييبياااا كل عااااااااااام والسعوووووودية كلها منووووووورة بوجودنا فيهـــــــــا ..
ضحكنا وقعدنا نسلم على بنات خالتي وعلى خالتي ومشاعل .. وعيال مشاعل قاموا ينطنطون من الفرحة ويرقصوون .. ومشاعل حطت على قناة أطفال كلها أغاني عن العيد وقمنا كلنا نرقص مع نوف ونواف ..
لهنا كان عيدي .. بس ..
بهالساعه الي أعلنوا فيها العيد واحنا ببيت خالتي ومع أمي والبهجة الي غمرتنا ..
قدرت أضحك وأفرح لأن الأجواء فرضت علي غصب جو المرح ..
بعد ساعه بالضبط ..
بدت الاتصالات تتوالى على أمي وخالتي وخواتي وبنات خالتي بالبي بي يعايدون ويسلمون ..
ببين كل هالضجيج من الأصوات
بين زحام هالمشاعر ..
طيف شخص واحد كان يمر قدامي ..
وصدى صوته كان يرن بمسامعي ..
وحروف اسمه كانت تمزق قلبي وتبعثر روحي ..
وذكريات العيد الماضية .. صارت تمطر بذاكرتي .. وكان هو بطلها ..
مسكت جوالي ورحت للمسجات الي كنت مخزنتها بحافظة خاصة باسمه
كانت لحالها مسجات العيد منه فوق المية مسج ..
كان يغمرني بمسجاته حتى وانا معاه يرسل .. من يبدا العيد لين ينتهي وهو يغرقني بأحلى المسجات الي كان هو يكتبها ..
قلبت بالمسجات لين وصلت لمسج كان كاتب فيه بالانجليزي بس أترجم لكم معناه :
عيد الناس يمر .. وينتهي .. وانا عيدي عمر .. ماينتهي ..
لانك انتي عيدي
وشمس الناس نص يوم .. وتختفي .. وانا شمسي دووم .. ماتختفي ..
انتي شمسي ياحبيبي ..
ياشمسي لاتغيبي ..
اتجمعت الدموع بعيوني وقمت بسرعه قبل لاحد ينتبه لي .. ورحت للمغاسل .. حطيت الجوال على جمب وطالعت وجهي بالمراية ..
مو معقوله الي يصير فيني ! مو معقوله بعيش بهالاكتئاب والضيق طول عمري .. ماقدر أفرح زي الناس ولا اقدر أضحك ..
ليه يتربع على عرش تفكيري بكل لحظة .. ليه يخترق قلبي وكياني بكل قسوة ..
و بعز ضحكي يظهر أمامي يلجمني ..
وبعز فرحتي يظهر أمامي يخرسني ..
وبعز سلوتي يظهر أمامي يبكيني ..
ليه نصيبي أبكيه كل يوم .. وأشتاق له كل لحظة .. وأتمناه بكل وقت .. ويزداد حبه كل ثانية .. !
ماقدرت أقاوم مشاعري الثايرة بهالوقت .. وطلعت من الباب للحوش بدون ماحد يشوفني ..
حسبت الوقت بسرعه .. عنده الحين الوقت ظهر ..
درت حولين الحوش لقيت طاولة صغيرة وكراسي وقعدت ..
اتنهدت من أعماق قلبي المحترق ..
ودقيت .. رفعت الجوال بايدي المرتعشة .. ومامداني أقربه لاذني الا انصدمت صدمة عمري يوم عطاني الجهاز مغلق !!
عاودت الاتصال مره ثانية .. ومره ثالثة .. يمكن الشبكة مشغولة .. بس هذا من أدق على طول يعطيني مغلق !!
حطيت يدي على قلبي وانا مابي أصدق انه انقطعت كل الوسائل الي توصلني له
بالبي بي حذفني .. ولا صرت اشوفه لا بالفيس بوك ولا المسن .. اختفى نهائيا ..
وآخرتها جواله مغلق !
غمّضت عيني بألم وأنا أرمي راسي على الطاولة وانفلتت الدموع تحرق خدودي بلهيبها ..
آه ياحبي وعذابي ..
آه يانادر ..


::

صباح العيد
" شعاع "
ركبنا السيارة ومشينا لبيت خالتي منى .. كان الفطور عندها ..
انا وخواتي مانمنا طول الليل .. تمينا مواصلين لهالوقت .. بصراحة كنا مبسوطين بالشعور الجديد الي انولد فينا ..أول عيد يمر علينا واحنا بين أهلنا .. كنا صغار مانتذكر هالأجواء ..
أما الحين فاحنا غير .. ومشاعرنا غير .. وعيدنا غير ..
واحنا بالطريق قلت : بنات خلونا نكلم بابا ..
شروق : يناسبه الوقت الحين ؟؟
رديت : ايه الحين ليل عنده مابعد دخل اليوم الجديد وتعرفينه ماينام بدري ..
دقيت وبعد كم رنة رد علي بابا : هلا شعاع هلا ماما ..
انفتحت أساريري لسماع صوته وقلت : هلا بابا كل عام وانت بخييييير ..
رد بابا بهدوء : وانتي بخير حبيبتي من العايدين
رديت : من الفايزين ان شاء الله
بابا بنفس الصوت الخافت : شلونكم ماما ان شاء الله مبسوطين ؟
رديت : الحمدلله والله طيبين .. بابا شفيه صوتك ؟؟
رد بابا بتنهيدة حيرتني : أبد يمه وحشتوني بس
رديت بحنية : حبيبي بابا والله وانت أكثر ..
شروق بجمبي : عطيني عطيني اياااه .. ( واخذت الجوال وكلمت : بابا حبيبي شلوووونك ؟؟؟
عايدت عليه ومن بعدها شمس وقمره .. ورجع الجوال لي مره ثانية ..
قلت : ها بابا تآمر على شي ..
بابا : استانسوا حبيبتي .. انتوا وينكم كنكم بسيارة ؟؟؟
رديت : هههههه ايه رايحين بيت .. بيت خالتي
بابا : ايييه .. وطول العيد مع أمكم ها ؟؟
حسيت ان بابا يبي يوصل لشي .. شي ماكنت مستعدة أسمعه بهالوقت .. فقلت باختصار : ايه ان شاء الله .. بابا سلم لي على آنتي جولي
بابا : يوصل حبيبتي
وسكرت منه بدون أي كلام زآيد .. صوته ماعجبني واحتمال يكون فاقدنا بهالعيد بس شكثر حاولنا معاه واترجيناه يرجع يستقر معانا بالسعودية بس رفض واتعذر بشغله الي مايقدر يتخلى عنه مع اننا كلنا عارفين ان أبوي مو حيا الله واحد .. أبوي من عمالقة التجار وأغلب الشركات العربية تتنافس على الشراكة مع شركات أبوي فلو بغى ينتقل كل الأمور بتتسهل له .. بس أبوي رافض !

::

وصلنا بيت خالتي
" شروق"
نزلنا وكان باب الشارع مفتوح مهيأ لاستقبال الضيوف بهالوقت من النهار .. أول مادخلنا شفنا خالي بالحوش لابس مشلح العيد وواقف مع عمي زياد شكلهم توهم واصلين
انهوسنا على شكل خالي مع انه صغير بس بهالمظهر طالع رزة وهيبة ..
مشينا لهم وانا قلت : وه وه وه ياحظ العيد فيييك خالي ..
خالي استانس وضحك وهو يقول : ياهلا وغلا من العايدين من الفايزين
سلمنا وعايدنا عليه وبعده عمي زياد الي ماكان أقل كشخة من خالي بس بدون مشلح ..
شعاع : جيتوا كلكم ؟
خالي : والله مشاعل حايسة مع العيال وانا صليت العيد وجيت على طول هنا وهم لاحقيننا ..
قعدنا نسولف مع خالي شوي الا انفنح باب الشارع ودخلوا نوف ونواف يركضون .. ومن وراهم مشاعل ومشعـل ..
سلمنا وعايدنا عليهم .. كان مشعل بأبهى حالاته بهالصباح .. كان لابس ثوب سكري فيه تطريز بني من عند الأزارير والأكمام .. وشماغ أحمر رافعه بطريقة عشوائية عجبتني ومع نظارته الشمسية كان جذاب بشكل خلاني بصعوبة أبعد عيوني عنه عشان ما أحرجه .. << لاحظوا عشان ما أحرجه هو .. مو أنا ..
انتبهت له وهو يقول : عيدكم مبارك بنات ..
ردينا عليه وكانت الاصوات متعالية من الجميع ومن زوج خالتي الي أقبل وهو يهلي ويرحب ويعايد ودخلوا الرجال كلهم الملحق برا وحنا دخلنا جوا البيت ..
استقبلونا بنات خالتي وعايدنا عليهم من جديد مع اننا البارح مع بعض ..
كانت الصالة مليانة ماشاء الله غيرنا احنا وخالتي وأمي كانوا جايين خوات رجل خالتي .. قعدنا البنات مع بعض ومشاعل عادة نفسها بنت وقاعدة معانا ..
قعدنا نسولف لين قامت رزان وغادة يعاونون أمهم بالفطور ومشاعل قامت معاهم ..
كانت حوسة توزيع الفطور بين الرجال وبيننا مابعدها حوسة حتى احنا قمنا نعاون وكل شوي نخربط بين صواني الرجال والحريم بأجواء مرحة ومضحكة ..
بعدها قمنا على طاولة الأكل الي اتوزعت فيها أنواع الأطباق المشكلة .. بصراحة ماقصرت خالتي كان الفطور شهي وقعدنا ناكل لين اتنفخت بطوننا
قمره : مااابي أشبع يجنن الفطور
شمس : اييييه من زمان مافطرنا كذا ..
قلت : تسلم ايدينك خالتي صار لنا سنين مافطرنا كذا ..
خالتي : هنا وعافية ياعمري شتبون أزيد لكم ؟؟؟
رديت : ولا شي ياقلبي والله امتلت بطوننا يعطيك العافية
قمنا وغسلنا وخلاص اتخدرنا بعد الفطور خصوصا اننا مواصلين ..
بعد الفطور راحوا أهل زوج خالتي وظلينا احنا بروحنا
خالتي : وش بيصير عليكم الليلة ؟؟
ماما : باخذ البنات لعماتهم يعايدون عليهم وبكرا نجتمع احنا ان شاء الله ..
مشاعل : طيب من الحين لليل وش بتسوون ؟؟
شعاع : بنااااام مواصلين خلاص أحس مو قادرة أفتح عيوني ..
مشاعل : لا أبييكم ترجعون معاي الحين بيتي نستانس بروحنا ونرقص ونتغدا سوا يلا تعالوا
شعاع : ياقلبي مشاعل والله ودي بس جد دايخة .. خليها يوم ثاني بعد حتى احنا نبي يوم تجونا ونسبح ونشوي ونهيص طول اليوم ..
مشاعل أصرت الا يجي أحد منا ..
وأنا شي بداخلي يبيني أروح ..
شي أثار فيني الحماس والرغبة ..
شي فيني أنا بس .. طير النوم من عيوني هاللحظة .. وماطيره من عيون شعاع .. !
شي ماعرفت أميزه ..
شي خلاني أروح مع مشاعل وجت معانا غادة وقمرة .. والباقين كانوا النوم سلطانهم ..
وعند باب بيت خالتي كانت فيه سيارتين بتتحرك لبيت مشاعل ..
سيارة خالي .. وسيارة مشعل
مشاعل تكلم خالي : البنات بيجون معانا شلون ننقسم ؟؟
خالي : تكفيكم سيارة مشعل لاني مو راجع البيت الحين ..
مشاعل وهي حاطة ايدها على خصرها : على وين ان شاء الله بهالصبح ترا الدنيا عيد حبيبي
خالي ابتسم ابتسامة عذبة لمشاعل وقال : بروح أعايد على خطيبتي الجديدة
مشاعل : لااا ياشييييخ .. لا والله لأركب معاك مافي روحه لحالك ..
خالي : هههههههههههههههههههه تغارين علي ؟
ضحكت عليهم واستحيت أسمع ومشيت وتركتهم يتنقارون .. وقفت قريب من سيارة مشعل أنتظرهم ..
كان مشعل طالع من الباب لما قاله خالي يتبادلون السيارات عشان سيارة خالي أكبر ..
وبكذا مشيت راجعة لسيارة خالتي بالوقت الي مشى مشعل لسيارته يبي ياخذ منها غرض له قبل مايسلمها لخالي
كان ماشي باتجاهي .. وانا كنت ماشية باتجاهه .. وكل واحد مننا بيروح للسيارة الثانية ..
طالعته وهو بالنظارة ماعرفت ان كان يشوفني ولا لا .. كانت لطلته تأثير عجيب .. مشيته الواثقة وراسه المرفوع وكل حركة منه أحسها مصممه لتجذبني له ..
مشينا لين مرينا جمب بعض وبهاللحظة نزل مشعل نظارته بخفة وطالعني من تحت النظارة وابتسم ابتسامة عذبة خلت قلبي يضرب طبووول داخل صدري ..
وصلت لسيارة خالتي بالوقت الي جت قمرة وغادة وركبوا ومعاهم نوف ونواف .. وانا قبل ما أركب التفت له لقيته راكب مكانه والباب مفتوح ويحوس بأغراضه .. وبدون سابق انذار رفع عينه للمرايه الشي الي خلاني اركب بسرعه السيارة واصك الباب ودقات قلبي تتسارع غصب عني ..
كان شعور غريب الي أحس فيه .. ماكان مخيف .. ولا محزن .. ولا يضايق .. كان شعور يجلب لي السعادة !
ماعرفت أميز هالمشاعر .. يمكن هذي بهجة العيد ..!
ركبت مشاعل قدام وهي تقول بضحكه : يبيله ضرب خالكم هذا ماغير يهبل فيني ..
غادة : ههههههههه لايكون قالك متزوج بعد !
مشاعل بقهر يضحـّـك : ايه ! مع اني أدري انه يستهبل ويمزح بس يرفع ضغطي هالحكي وهو يستاااانس اذا شاف ضغطي مرتفع
ضحكنا عليها وعلى خالي .. وعجبني الحب الي بينهم .. حسسني ان الدنيا لسه بخير ..
شفنا خالي يمازح مشعل بالشارع ومشى ..
رجع لنا مشعل وبفمه ضحكة شكلها من كلام خالي .. ركب السيارة وهو يقول بضحكه : ذبحني رجلك بهالسيارة يحرصني عليها كنها عروسة جديدة
مشاعل : لااا والله انت الثاني ؟؟ شسااااالفتكم علي انتووااا ؟؟؟
انفجرنا ضحك عليها ومشعل مشى بالسيارة وهو يضحك ويقول : انتي من السوالف بيطير مخك وش لو صارت السالفة جد ..
مشاعل بقهر : فال الله ولا فالك لو صارت السالفة جد دفنته هو وياها وهم أحياء !
مشعل : ههههههههههههههههه يمه منكم يالحريم
ضحكته الرنانة خلتني أبتسم غصب وأنا أطالع بالشارع من الشباك وأحس بالبهجة غامرتني ..
وحنا بالطريق قالت مشاعل : بالله شوف يامشعل اذا فيه سوبر ماركت مفتوح وقف ..
نوف : اييييييييه نبغى سوبرماركت ..
مشاعل : اص يالمبزوعة انا بس بانزل أبي أغراض سريعة
مشعل وهو يتلفت بين شباكه وشباك مشاعل : من وين بنلقى سوبر ماركت مفتوح الحين ..
قعدنا كلنا نتلفت وندور ..
واحنا واقفين عند الاشارة انتبهت لسوبر ماركت مفتوح وقلت : هذا مفتوح ..
مشعل التفت لي وقال بهدوء : وين ؟؟
رديت بنفس الهدوء : هنا على اليمين
مشعل راسه لازال ملتفت علي وطالع المحل بطرف عينه ورجع طالع فيني وبعدها رجع لوضعه .. ودور السيارة يمين وانا اراقب كل حركاته وهو يسوق بإيد وايده الثانية متكي فيها على الشبكاك واصباعه تحت دقنه ..
وصلنا السوبر ماركت وقمرة قالت : انا ومشاعل بس ننزل خلاص ؟؟
قلت : ههههههه ياسلام شمعنى ؟؟
مشاعل : خلاص الي يبي ينزل ينزل
استانسنا ونزلنا وقمره نزلت وطرحتها طاحت على الارض وانحنت تاخذها الشي الي خلاني أنتبه لطرحتي .. لقيتها طاحت على كتوفي مسكتها بسرعه ورفعتها على راسي ومشعل كان واقف ينتظرنا عشان يقفل السيارة وبابنا لازال مفتوح ..
صكيت الباب ومشيت انا وقمرة ومشعل قفل السيارة ومشى ورانا ..
واحنا داخلين بوابة السوبر ماركت مر مشعل جمبي وهمس : لو تلبسين طرحة أثقل مراح تطيح ( واتعداني ومشى لقدامي أخذ عربيه ومشى مع مشاعل والصغار ..
وقفت وصرت أتحسس ملمس طرحتي الي كان قماشها شيفون حريري .. اتنهدت بدون سبب محدد ولفيتها ودخلنا ..
كنت أنا وقمرة وغاده ندف عربية وحده وقمره تعبي فيها شبسات وحلويات .. وغاده تضحك عليها وانا ضحك معاهم شوي .. وعيوني تدور مشاعل ومشعل شوي ..
غاده فتحت كيتكات وصارت تاكله باستمتاع ..
قمره : ياهبلة تشوفك الكمرات !
غادة : هههههههه كلام فاضي كمراتهم بعدين انا باخذ معي الورقة وهي فاضية بحاسب عليها ..
قمرة استحلت الفكرة وفتحت سنتوب وشبس وصارت تاكل وتشرب ..
ضحكت عليها وانا اقول : وانتي ماتصدقين على طول جاهزة للتخريب !!
غاده : شقصدك ياحمارة أنا أخربها ؟؟؟
رديت : ايه ههههههههههههههههههههههههههههه
غادة : وووووجع ..
ضحكنا ولفينا للسيب الثاني لقينا مشعل ومشاعل بوجهنا .. ومشاعل قالت : بشويش أنتوا ضحككم واصلنا من هناك ..
استحيت وقلت : كله من غاده ..
غاده خبطت كتفي واهي تقول : كذابه يامصرقعة انتي الي بديتي محارش ..
مشعل : خلاص اسكتوا يكفي ..
ماعجبني اسلوب التسكيت هذا كننا بزران وقلت : وشو حتى الحكي مايصير !
مشعل : ايه بصوت عالي مايصير ..
مشاعل اتكلمت كنها تبي تتدارك الموقف وقالت : يلا ان كان خلصتوا خلونا نحاسب ..
رديت وانا ادف العربية بقوة : خلصنا من أول ..
ومشينا للكاشيروكان زحمة الشي الي خلى مشعل يقول : روحوا اركبوا وانا بحاسب وأجيكم
هذا شلون بيحاسب على أغراضنا ؟؟ مابي أعطيه عربيتنا الي كلها خرابيط قمره ..
وقلت : انا بروح الجهة الثانية فاضية شوي ..
مشعل : ترا كلها زحمة خلي عربيتك هنا وروحوا اركبوا ..
ماحبيت أسلوب الأوامر وقلت : لا شوف مافي الا عربيتين هناك ..
وبدون ما اسمع الرد دفيت العربية ورحت لكاشير بعيد .. وانصدمت يوم كانوا الي قدامي معبين العربيات لين عينها ..
اضطريت اوقف وانتظر وطااال انتظااري .. والله ماتسوى هالوقفة عشان كم شوكلت وشبسات ..
بعد دقايق انتبهت لمشعل وهو طالع من البوابة وقد حاسب وخلص ..
تركت العربية ومشيت .. مني معطلتهم على شي مايسوى ..
طلعت لقيت مشعل يحط الاغراض بدبة السيارة .. وانتبه ان مامعاي شي ..
سكر الباب ويوم وصلت وجيت بافتح الباب عشان أركب قال وهو يدف العربية لمكان العربيات : مو لو خليتيني أحاسب كان أحسن ! ها شوفي تيتي تيتي زي مارحتي زي ماجيتي ..
انقهرت وقلت : ماكنت أدري ان العربيات الي قدامي متروسه وبيطول دوري
قال وهو يمشي لبابه : انتي دايم عنيدة ؟
انقهرت أكثر يوم فهم تصرفي عناد وقلت : وانت دايم نقــّـاد !
ابتسم مشعل نفس ابتسامته الي شفتها عليه أول مره قابلته ببيته .. الي تنم عن سخرية خفية .. وركب بنفس الوقت الي فتحت الباب وركبت
قمره الي كنت متوقعة هجومها : ووووين أغراضي ؟؟؟
رديت : ماحاسبت ..
قمره : لييييييش ان شاء الله
وسعت عيوني فيها أبيها تسكت مابي شماتة مشعل فيني تزيد ..
اتضايقت من الموقف .. بس منهو هو عشان يتفلسف علي ويضايقني .. مره ينتقد حجابي ومره ينتقد ضحكي ومره كلامي !
ماله شغل فيني .. محد له شغل فيني ..
بس يوم وصلنا لبيت مشاعل وجينا ننزل كان أول شي سويته اني عدلت طرحتي ونزلت ..
دخلنا بيت مشاعل واتوزعنا بالصالة وجابت لنا الخدامة شاهي .. وشغلنا التلفزيون وقعدنا نسولف ونتفرج ..
بعد نص ساعه دق جوال مشاعل وردت ومن كلامها كان باين انه مشعل ..
سكرت وقالت .. تحجبوا بنات مشعل بيمر ..
لفينا طرحنا وبعد دقايق نزل مشعل وهو يكلم بجواله ..
كان لابس بنطلون أسود وتيشرت ماركة بولو بخطوط عريضة أخضر وأصفر .. ومرتب شعره الطويل بالجل على ورى
باختصار كان شكله جنان .. على كثر ماجذبتني هيأته بالثوب قبل ساعات الا انه الحين له شكل مختلف .. شحت بوجهي عنه لا تفضحني نظراتي .. وهو بتلقائية جا عندنا بالصالة وقف عند مشاعل يسألها عن رقم يبي يعطيه للشخص الي يكلمه ..
بعد ما أنهى المكالمة قعد بعفوية على طرف الكنب وقال لمشاعل : انا باطلع البحر مع اخوياي الحين وبالليل شوفي وش بتسوين وكلميني ..
مشاعل : ان شاء الله .. طيب تشرب شاهي قبل ماتطلع ؟؟
مشعل : ليش لا ..
كنت قايمة أصب لي فنجان ثاني ويوم سمعتهم قلت بهدوء : بسكر ولا بدون ..
فهم مشعل اني بصب وقال بنفس هدوئي : بدون ..
صبيت الشاهي ورجعت الابريق مكانه .. ومديت ايدي للفنجال بالوقت الي مد مشعل ايده ياخذه واتلامست ايدينا بطريقة عفوية .. أبعدت ايدي وانا ابتسم واقول : اتفضل
أخذ مشعل الفنجان وهو يقول : شكرا ..
شديت كل حبالي الصوتيه الي حسيتها خذلتني بهاللحظة عشان أرد : العفو
رجعت مكاني وفنجاني بايدي وعيوني ضايعة بالتلفزيون أحاول أركز بالتلفزيون عن لاتجي عيني بعينه ..
استنكرت التأثير الكبير الي يطغى علي من أي حركة تصدر منه !!
وبلا شعور اتحسست اصابعي الي لامست ايده وانا بداخلي أضحك على عمري ..
لو باصدق مع نفسي فهذي مو أول مره تلامس إيدي شخص غريب !
أكثر من مره بأمريكا لامست ايدي رجال غريب بحكم اختلاطنا .. يابمصافحه ولا بعفوية .. المهم ان هالشي عمره ماكان يهمني ولا يأثر فيني !
بس انا بهاللحظة أحس الدم ينبض براسي ..
أحس بتشتت تركيزي وبعثرة بمشاعري ..
أحس دقات قلبي تدق بأعنف حالتها ..
أحس ودي أصرخ وأقول لمشعل : خذ الشاهي معك وروووووح

::


" شعاع "
رجعوا خواتي البيت على المغرب ..
مادري شسووا عند مشاعل بس رجعوا مستانسين لولا صداع قمرة الي صار يداهمها بكثرة هالفترة ..
لبسنا وكشخنا لزيارة أهل أبوي.. هالمره كان العيد ببيت عمي عصام .. أبو راكان ..
نزلت الصالة لقيت خواتي جاهزات وماقدرت أمنع نفسي من الابتسام وانا أشوف كل وحده منهم أحلى من الثانية ..
شروق لابسة فستان فستقي بأكمام واسعة لين الكوع وقصته من عند الصدر متعاكسة وحزام ذهبي تحت الصدر وصندل ذهبي ومكياجها ناعم ذهبي على بنك وشنطة بيربري متناسقة مع اللبس
وشمس لابسة فستان أحمر ماسك لين تحت الركبة على طول .. يعني لو قعدت تبان ركبها وجزمة سودا وشنطتها لويس فيتون اسود بأحمر
قمره لابسة فستان من كارن ملن قصير فوق الركبة لونه فوشي مع وردة فوشي حاطتها بشعرها فوق اذنها طالعة كتكوتة ودي آكلها ..
قاموا يوم شافوني نزلت وشروق قالت : يازين الزين ياشعاع تهبليييييين ..
كان لبسي مختلف عنهم بدلة من ديور بنطلون بيج وجاكيت بيج وبلوزة سودا داخلية مع شنطة ديور سودا وجزمة سودا ..
اسم الله علينا كلنا كان شملحنا ..
انتبهت لذبول قمره وقلت : قمور ماخف الصداع !
قمره بذبول : يعني شوي .. يمكن اذا نمت اتحسنت
قلت : خلاص ان شاء الله مانطول ..
لبسنا عباياتنا وقمره لبست عبايتها الجديدة الي كنها فستان مو عباية وكلنا ضحكنا وعلقنا عليها كثر الألوان الي فيها .. ولا الطرحة الي من خفتها شعرها كله باين .. ركبنا سيارة شروق " أوودي " ورحنا على بيت أمي أخذناها وبعدها رحنا بيت عمي
بيت عمي كان مختلف عن بيت عمتي هدى .. كان كبير وراقي وحسسني ان مو كل أهل أبوي مستواهم واطي .. حتى عمتي هند أم هيثم انتبهت لبيتهم قدام بيت خالتي كان حلو و وسيع ..
تبقى عمتي هدى اهي الي ظروفهم قاسية .. وشكل هالظروف صاحبتهم من بداية حياتهم من أيام حياة أبوهم بس شكلهم متعايشين مع الفقر لين صار جزء طبيعي من حياتهم ..
دخلنا احنا وأمي للمدخل ولقينا مرة عمي عصام باستقبالنا .. هلت فينا ورحبت وعايدنا عليها وخذت عباياتنا ودخلنا للمجلس الي يجمع كل القرايب القريبين والبعيدين ..
كان العدد فوق ماتخيلنا لأن عمي ماقصـر وعزم كل القرايب حتى البعيدين والي مايتشاوفون الا بالعيد .. مشينا ورى امي نسلم على الكل من بداية المجلس والعيون علينا حسينا فيها واهي تتفرسنا بالنظرات .. كانوا أغلب المعازيم غريبين بالنسبة لنا ماعرفناهم بس مبين انهم يعرفون أمي ويحبونها بعد هالشي كان واضح بسلامهم وترحيبهم الحار ..
وكانت الكلمات الي نسمعها من كل الي نسلم عليه " كبرتوا .. احلويتوا .. اتغيرتوا "
يذكرونا من واحنا صغار .. بس احنا مانذكر أحد ..
وصلنا أخيرا للوجوه المألوفة عماتي وبناتهم وهنا شقينا الضحكة واحنا نسلم عليهم ونعايد عليهم واخترنا أماكنا بجمبهم ..
عمتي هدى : شخباركم يابنات ؟
رديت : طيبين الحمدلله انتي شلونك عمه هدى ؟
عمتي : بخير الحمدلله .. شلون أبوكم كلمكم ؟؟
رديت : اي كلمنا طيب الحمدلله ..
عمتي : تراني حاولت أدق عليه ومايرد .. قوليله اذا كلمتيه ترا عماتي حاولوا يدقون عليك وانت ماترد كانوا يبون يسلمون ويعايدون عليك ..
هزيت راسي وانا اقول : يوصل ان شاء الله ..
وابتسمت لعمتي الي كانت طيبتها تنقط منها .. وحنانها يشع بعيونها .. مو معقولة تكون اهي وعمتي هند وعمي عصام بالسوء الي خلى أبوي يقطعم كلهم !
وأكبر دليل محاولتهم المستمرة بالتواصل معاه بس اهو الي مسكر هالباب ومانع أحد مننا يفتحه ..
اتذكرت مكالمته الصباح وكيف كان يحاول يستشف مننا ان كان بنروح لأهله ولا لاء ..
حاولت أخلي ردودي مبهمة لأني مابيه يصدمني برفضه وقراراته الي تنص على قطيعتنا لأهله ..
أهله الي حبيتهم من أول مره شفتهم وشفت الطهارة والصدق بعيونهم .. اتأملت بنات عمتي ليان وسارة ولبسهم الناعم البسيط .. كان جدا بسيط واحتمال يكون رخيص بس انه ذوق وكل وحده طالعة ملاك يهبل ..
اقتنعت بهاللحظة وآمنت ان مو الفلوس والعز اهي الي تجمل الواحد زي مانزرع وانسقى فينا ..
سارة وليان بهالوقت كانوا من أحلى الحاضرات وكل وحده فيهم مستحيل تكون دفعت مبلغ كبير بمظهرها ..
سارة وليان كانوا آسرين الكل بضحكهم وسوالفهم وابتساماتهم اللي يوزعونها للكل بشكل ماحسيت ان الفقر مأثر عليهم ولا كاسر من خواطرهم ..
حتى لجين مكتسبة هالصفات من أهلها ..
ندمت على سنوات عمري الي ضاعت واحنا مانعرف ولا نختلط بهالقلوب الطاهرة ..
واندمجنا كلنا بالسوالف والضحك .. حتى شمس اتناست ألمها بهالوقت وصارت تسولف وضحك .. الوحيدة الي كان لها فقدة لأنها دايم تاكل الجو بتعليقاتها وضحكها هي قمره ..
التفت عليها لقيتها ترمش عيونها كنها تداهم ألم كبير يجتاحها ..
قلت بصوت خافت : ماخف ؟؟
قمره هزت راسها بالنفي .. ابتسمت لها وقلت : حاولي تتناسينه واشربي قهوة حاولي يمكن يفك شوي ..
مدت ايدها وخذت الفنجان الي أخذته شكل بس يوم داروا فيه وشربته ..
يمكن اتحسنت شوي لأن بعد فترة صارت تسولف معانا ..
ليان : فاتكم اليوم بغيت أضيع بصلاة العيد وجوالي ماجبته قعدت اصيح زي البزر
ساره : ههههههههههههههه اي والله ليان اليوم موتتنا ضحك عليها ..
ضحكنا واتحمسنا وشروق قالت : لييييييش شصاار ؟
ليان : اول ماوصلنا المصلى كان زززززحمة مالقينا مكان قالت ماما خلاص كل وحده تشوف فراغ توقف فيه وتصلي واذا خلصنا نتقابل عند نقطة معينة واتفقنا عليها .. بس واتوزعنا وطول الخطبة وانا لاهية بالحلويات الي يوزعونها مانتبهت الا يوم خلصت الخطبة وقاموا الناس قمت بسرعه أتلفت لقيت حرمة عبايتها على راسها وبجمبها بنت مرجوجة قلت بس هذي امي واختي
ساره : وجع هههههههههههههههههههههههههههههههههه
ليان : ههههههه بس وقمت أدرعم وراهم لين وصلوا للسيارة .. وأطالع ألا سيارة جمس لاهي لنا ولا علينا وواحد شايب جا عندهم يفتح السيارة ! أنا هنا استوعبت انهم مب أهلي وانهبلت وبغى يطير مخي ..
شروق : ههههههههههههههههه واش سوووويتي ؟
ليان : قمت أدور يمين يسار أدور أهلي مع زحمة السيارات والعالم داخلة وطالعة ماقدرت أشوفهم .. خلاص قعدت أصيح بمكاني ..
شمس : هههههههههههههههه وبعدين ؟؟
ليان : جو بنات قريب مني شكلهم ينتظرون أحد وشفت جوالاتهم بإيدهم الا طرت ببالي فكرة جهنمية قلت بس لقيتها وانا اخت اخوها !
ضحكنا على تعليقات ليان وكلامها وقلت : وش هالفكرة ياذكية !
ليان : هههههههههههههه قلت ممكن جوالك شوي أدق على أخوي انا ضايعة .. وطبعا شافوني أصيح رحموني وعطتني وحده جوالها ودقيت على أخوي الي خرعني بالبداية قالي خلاص رحنا البيت عاد قمت اصيح زيادة ..
كلنا : ههههههههههههههههههههههههههههههههههههههه مب صاااحية
ليان : ههههههههههه طلع يمزح وعلمته مكاني وجاني وماقصر بتهزيئي بس يوم شافني أصيح رحمني ووقف بقالة شرالي " آيس تي "
ضحكنا عليها وانا قلت ودموعي بعيني من الضحك : والحين جد الآيس تي هدّااك ؟؟؟
ليان بعيون بريئة صادقة : ههههههههه اي والله احد يبي يرضيني يوديني سوبرماركت
قمره : ههههههههههههه والله ليتني كنت هناك وشفتك وانتي بهالحالة فاتني صراحة نص عمري
ساره : ليه انتوا وين صليتوا ؟؟؟
رديت : ما .. مارحنا صلينا ..
ساره : ليييييييييه فوتوا على أنفسكم صلاة العييييييد والله أحلى شي بالعيد الصلاة تشوفين الناس كاشخة ويعايدون بعض وأجواء تجنن
ليان : ويوزعون حلويااااااااات وخرااابيط فاتكم والله
قمة البرائة الي ماشفتها قبل عند أي مخلوق بهالدنيا .. كانت تضيئ بعيون سارة وليان ..
بعد ساعه نادونا على العشا واحنا من عرفنا ان العشا ذبايح ماشتهينا وقعدنا بحجة اننا شبعانين ..
قعدوا معانا البنات وصرنا نسولف عن ملكة رزان بكرا ..
لجين : مو قادرة أتخيل ان رزان بتصير وحده من عايلتنا !
شروق : ايييييه هالمره الملكة بتجمع أهل أمي وأهل أبوي
لجين : تهبل هالبنت ماشاء الله كانت أمك تجينا بعض المرات وتجي هي وأمها ونستانس اذا جت مره طيوبة ..
قمره بصوت خافت : وين بتكون الملكة ؟
رديت : ببيت خالتي لان خلوها عائلية بس عماتي وخالتي وخالي ..
ساره : يعني بكرا مابيكون في شي الصبح ؟؟؟
لجين : مادري دام في ملكة بالليل ماظنيت أمهاتنا بيطلعون مرتين
ليان : أجل تعالي نامي عندنا لجين ..
لجين تبيها من الله وقالت : ابششششري حبيبتي من عيووووني ..
ضحكنا لهم وبعد العشا قمره وصل حدها من التعب واستأذنا عشان نمشي ..
وعند باب الحوش واحنا نلبس عباياتنا وكانت مرة عمي عصام واقفة معانا .. سمعنا صوت رجولي جاي من الحوش انتبهنا انه عمي عصام طلعنا سلمنا وعايدنا عليه وتمينا واقفين نسولف معاه وأمي طلعت بنقابها وسلمت وعايدت عليه بكل ذوق واحترام متبادل بينهم
بهالوقت مره شاب بالحوش بعجله من أمره بس عمي استوقفه وقاله بضحكه : انت يالمطيووور .. تعال سلم ..
وقف الشاب مكانه وابتسم بحرج وهو يطالع أمي ويطالعنا ..
استغربنا احنا ان عمي بنفسه ينادي ولده يسلم علينا .. بس كان صدمتنا أكبـــر يوم قرب الشاب لأمي وصافحها وباس راسها وكلنا أنا وخواتي طالعنا أمي بصدمة !
الشاب وقف قدامنا وقال لنا بحرج : عيدكم مبارك
ردينا وحنا ننقل عيوننا بينه وبين أمي باستغراب وردينا : علينا وعليك ..
عمي عصام قال : هذا ولدي محمد الي بين راكان وطارق .. والتفت سأل أمي ( بعمر شعاع ولا شروق ؟؟
أمي : لا بعمر شعاع الكبيرة ..
شفنا محمد يضحك وهو يطالع بشعاع كنه فاهم السالفة ..
وأمي قالت : ترا بناتي ماظن يذكرون ..
نذكر ايش ؟؟؟ شالي قاعد يصير ؟؟؟
أمي : بنات .. ترا محمد أخوكم !
انفتحت أفامينا ببلاهة واحنا نطالع محمد وماندري نصرخ ولا نضحك وقلنا : اييييييش ؟؟؟؟
ماما : ههههههه ايه .. جبت شعاع بنفس الشهر الي جابت أم راكان ولدها محمد ورضعت ولدها
أم راكان : قلنا بيجي يوم وتكبرون وبتصير سالفة الغطا صعبة ..
عمي : ماكان الواحد يدري عن الظروف الجاية وانكم أصلا بتتركون الديرة بكبرها ..
قمرة : لحظة لحظة لحظة لحظة .. ( وأشرت على محمد : الحين انت أخووووي ؟؟؟
محمد انحرج وضحك وقال : هههههههه اتخيلي
قمره مدت إيدها له وقالت : سلاام ..
ضحكنا عليها وهو مبين شكثر منحرج وصافحها واتحمسنا كلنا نصافحه ونضحك ومو مصدقين ان طلع لنا أخو فجأة !! وصدق هذا الي كان ناقصنا وكنا نتمناه !
كان ينقصنا أخو .. كثر مانشوف الاخوان كيف يفزعون لخواتهم ويحبونهم ويعطفون عليهم اتمنينا ان يكون عندنا أخو .. بس هل محمد بيكون الأخو الي كنا نحلم فيه ؟؟؟؟؟
قلت وانا أضحك : وانت كنت تدري اننا اخواتك ؟؟
محمد : هههههه اي طبعا
شروق : هههههههه وليه توننا ندري وينك عننا من زمان ..
عمي بنبرة حزينة : انتوا اللي وينكم عننا من زمان ؟
كان سؤاله مثل الصفعة الي اتلقيناها بهالوقت .. ورديت بهدوء : اعذرنا ياعمي والله ماكان بعدنا بإيدنا .. ومن يوم ماجتنا الفرصة نجيكم جيناكم على طول ..
عمي : الله يديم عليكم يابنيتي والله ان مكانتكم من مكانة عيالي ..
شكرناه من قلب ومحمد كان واقف بابتسامته العذبة ومبين شكثر مستانس بشوفتنا ..
انتبهنا ان محمد ماسك جهاز بلاك بيري بإيده وقمره قالت : محمد عندك بيبي؟؟
محمد وهو يمده : يب ..
قمره : وناسة ضيفنا عندك وسويلنا قروب احنا بس خلنا نسولف معاك ونعرفك زين ههههههههههههه ..
شمس : لا مايكفي كذا لازم تجينا بيتنا ونعرفك زين من طق طق للسلام عليكم ..
شروق بوعيد مضحك : وياحنا بنستلمـــــــك يامحمـــــــد بتقول ليتهم مادروا عني
محمد : هههههههههههههههه لا والله اني كنت انتظر هاليوم من زماااان
ضحكنا وسلمنا عليهم وودعناهم ومشينا ..
طلعنا الشارع وقطعناه عشان نوصل لسيارتنا من الجهة المقابلة ..
انتبهنا واحنا نمشي لخمسة شباب واقفين قدام السيارة وكاشخين بثيابهم وأشمغتهم .. اتوقعت انهم عيال عمي وعماتي الي ماعرفناهم كلهم .. أنا وشروق عدلنا طرحنا وشمس كانت حايسة بجوالها وقمرة تودع محمد من عند الباب وعبايتها مفتوحة مع فستانها القصير والشباب يطالعونا أنا نفسي استحيت على وجهي .. وأول ماقربت قمرة جمبي نبهتها على عبايتها .. ولمتها واهي تلتفت لجهة الشباب ببلاهة !
شافونا واحنا نقرب للسيارة وابتعدوا عنها يوم دروا انها لنا .. وقفت أمي قبل ماتركب وقالت لهم : مسا الخير من العايدين ..
شكلهم عرفوها من صوتها وردوا عليها وعايدوا عليها ..
ركبنا وانتبهنا لهم وهم يسرقون النظرات علينا .. مالومهم واحنا عينات ماشهدوا مثلها داخل عايلتهم من قبل ! .. ماعرفت أحد منهم إلا هيثم .. وشخص كأني اتذكرته لانه يملك نفس العيون الوسيعة والنظرات الحادة الي شفتها عليه من قبل .. سلطان !
مشينا بالسيارة وعلى طول جتنا كلنا اضافات بالبيبي من محمد ..
وقمرة أول وحده قبلته وكتبت له : أخوووووووووي ..
محمد كتب : ههههههههههههههههههه ياعيون اخووك ..
وصاروا يسولفون لين وصلنا البيت ..


::

" شمس"
دخلت غرفتي وفصخت ملابسي ومعاها فكيت القناع المزيف الي كنت أخبي خلفه عذابي وآلامي .. أصعب شعور لما تبتسم وانت غاص بدمعة .. لما تجامل وتضحك وانت من داخل تتمزق !
اتنهدت ورميت ملابسي على الأرض ولبست بيجامتي وأخذت جوالي ورميت نفسي على السرير ..
عجزت أنساه .. كل ماقلت بانساه ألقاني أحن له أكثر .. كل ماحاولت أبعد طيفه عن مخيلتي لقيته يرفض الرحيل ..ويصر يبقى داخل وجداني .. بنى بداخل قلبي أسوآر ماتنهدم وسكن فكري وكياني وهاجسي ومخيلتي .. كيف أنساه .. وهو سكن بشراييني .. وسبح بزوارق حبي ..
رجعت أدق وهذي المره المليون الي أجرب أدق ويجيني نفس الصوت الكريـــه الي يقولي الجهاز مغلق ..
سبيت صوت الجهاز .. بس ماسبيته هو ..
كرهت صوت الجهاز .. بس ماكرهته هو ..
قمت أدور على أرقام معارفنا هناك يمكن أعرف أخباره .. ماعاد يهمني اش يقولون عني .. وليه أسأل عنه وهو مايسأل عني .. ماعاد يهمني وش يوصله واش يفهم واش يحس .. الي همني انه يحن بيوم من الأيام ويرجع ..
ردت علي أخيرا " هيفاء " وحده عربية من زميلاتي بالجامعة سلمت عليها وسألت فورا عن نادر وانا ماهمني شتفكر عني ..
البنت بصدمة : شمس انتي مادريتي ؟؟؟؟؟
تسارعت دقات قلبي وأنا أقول بخوف : أدري عن ايش ؟؟
البنت : غريبة حسبتك تدري والله ..
قلت وانا أعصابي بدت تتلف : اتكلمي ياهيفاء قولي شفيه نادر فيه شي ؟؟؟؟
البنت : نادر بالـ مستشفى ..
انخرست .. ضاعت حروفي .. ارتخت حبالي الصوتيه .. ماعاد قدرت أرد ..
كنت أقدر بس أسمعها وهي تكمل : بعد ماسافرتي بيوم صار له حادث سبب له كسر بعضام القفص الصدري ..
فجأة بدت معالم تتضح قدامي .. اول يوم من وصولنا دق علي .. صحيح دق يدمرني بس كان طيب مافيه شي ..
ومن بعدها صار له الحادث !!
يعني يوم كلمته آخر مره وكان صوته تعبان .. كان بالمستشفى .. !
عشان كذا انقطع الخط .. يمكن صار فيه شي بعد ماكلمني .. !
طاح الجوال من إيدي وانا مادري البنت على الخط ولا لاء ..
حسيت بشي ينتشلني من الأرض ويخبطني بالسماء ويدور فيني بالكون ويخبطني بكل الكواكب !
حبيبي بالمستشفى وحسيت انه بسببي ..
طحت على الأرض وأنا أًصرخ بأعلى صوتي : نـــــــآآآدر

::

كنت بغرفتي منسدحة على السرير متهيأة للنوم وأسولف بالبيبي مع أخوي الجديد " محمد " لما سمعت صرخة ماعرفت أميزها بس روعتني وقمت بسرعه وطلعت من الغرفة ولقيت شروق بوجهي .. وعرفنا انها شمس ..
رحنا غرفتها وفتحنا الباب ولقيناها طايحة بالأرض تبكي بصوتها
انفجعنا وركضنا لها واحنا نقول : شمممس شفييييييييك ..
رفعتها من ذراعيها وانا اقول : شمس حبيبتي شصار بعد قوليلي ؟؟؟؟
شمس رفعت راسها واهي تقول بانهيار : نادر بالمستشفى ..
وقفت ومشت من قدامنا واهي تشاهق وتقول : صار له حادث أكيد بسببي !!!! نادر اتكسر أكيد بسببي .. !
وصرخت بأعلى صوتها وهي ترمي الأغراض الي على الطاولة بكل قوتها على الأرض وتصرخ بهيستيرية : وأنا هنا بمكااااااني ماااااااااقدر أوصل له ..
قمنا لها بسرعه واحنا نقول : بس ياشمس تكفين لاتسوين كذا بنفسك ..
شمس واهي تبعد عننا وتدف وترمي كل شي بالغرفة وتصرخ : ماااقدر أوصل له .. مااا أقدر أكلمه .. ماا أقدر أسمع صوته .. مااادري عنه بخير ولا مو بخير .. طيب ولا مو طيب .. أنا والله مو قد الي قاااااااعد يصييييييير فيييييييني ..
كانت تصرخ بهيستريا .. صارت تدعي على نفسها بالموت .. ومادعت عليه ..
صارت تغلط نفسها وتلوم روحها .. ولاغلطته ولا لامته ولا بكلمه !
هل هذا هو الحب ؟؟؟
ولا هذي مراحل عالية المستوى من الحب عمرنا ماوصلنا لها ؟؟؟؟
مسكناها انا وشروق غصب عنها وقعدناها .. وقمرة الي نامت على طول بسبب الصداع قامت مفجوعة من تصاريخ شمس وجابت لها موية ..
شربناها وهديناها ..
بس أي كلمات راح تهدي شمس بالحالة الهيستيرية الي ماعمر وحده مننا وصلت لها أو حدتها الظروف توصل لها ..
بس هالمره وصلت لها شمس ..
حضنتها وانا أسمي عليها ..
وخوفي يكبر من الأياااام الجاااية !!
وأبشركم ..
كان خوفي بمحله !


::

يوم ملكة رزان
" شروق "
كلنا كنا جاهزين لملكة رزان ماعدا شمس حبيبتي ماتحركت من سريرها من ليلة البارح .. حاولنا معاها تقوم بس ماكانت ترد علينا واذا ردت تقول : اتركوني بروحي ..حتى أمي انصدمت يوم درت انها مو جاية .. ولأن أمي صارت تدري عن السالفة قلنا لها السبب وضاق صدر أمي حيل .. ماكانت تتوقع ان شمس لهالدرجة متعلقة بنادر وممكن يصير فيها كل هذا .. اتفقت معانا انها ترجع من الملكة علينا وتنام عندنا عشان شمس .. لازم تقعد معاها وتهرج عليها وتهديها ..
وصينا الخدامة على شمس وطلعنا واحنا فرحتنا مو مكتملة بغيابها ..
أمي كانت سابقتنا لبيت خالتي وكل شوي تدق تسأل ويننا ..
وصلنا وكانوا عماتي واصلين قبلنا يمثلون أهل العريس .. واحنا محد قدنا نمثل اهل العريس والعروسة .. جتنا مشاعل لعند الباب وهي تقول : أهلين وينكم اتأخرتوا !!
قلت : ماشاء الله كلهم جو ؟؟
ردت : اي انتو آخر شي .. وين شمس ؟؟
هذا أول سؤال وأكيد بنسمعه كثير اليوم .. رديت : تعبانة والله وماقدرت تجي
مشاعل : سلامتها والله الف سلامة
رديت : الله يسلمك
التعبانة جد هي قمرة واللي مانامت جد من صداعها وطول الليل وهي تبكي منه وقبل مانطلع أخذت بروفين ان شاء الله يكون خفف عنها شوي ..
شلنا عباياتنا ومشاعل قالت : اللااااااه طالعين تهبلووووون
شكرناها واتأملنا أشكالنا بالمراية قبل ماندخل
كنت لابسة فستان أسود ماسك من فوق لتحت وفتحة الصدر مربعة مع كم قصير نازل من الكتف يجي اصباعين بس .. لبست عقد من شانيل فضي طالع نايس مع الفستان
قمور كانت لابسة فستان تركواز حريري والأكمام شيفون طالع عليها يجنن مع بشرتها اللي لازالت ماسكة لون البرونز من بعد آخر تان سوته بأمريكا ..
أما شعاع فكانت لابسة فستان جرسيه مقفل تقفيل كامل من قدام ومن ورى مفتوح الظهر بقصة دائرية حلوة ..
اتعطرنا ودخلنا المجلس سلمنا على خالتي وغادة وباركنا لهم .. وبعدهم سلمنا على الكل واحنا مو قادرين نسمعهم من صوت المسجل العآلي .. بنات عماتي اللي صايرين ضيوف ببيت خالتي قعدنا بجبمهم وقلت بصوت عالي عشان يسمعوني : ترا مو لايق عليكم الأدب كلش ..
ليان : هههههههه اسكتي تراني ماسكة نفسي بالقوة أبي أقوم ارقص ..
أنا وشعاع : قوووووومي ..
ساره : لااااا توصونها هذي تموت اذا سمعت طق ومارقصت ..
شعاع : ههههههههه قومي ياقلبي والله ماتخلين بخاطرك ..
ليان تبيها من الله واستانست وقامت على بداية أغنية جديدة وقعدت ترقص واحنا قعدنا نصفق لها ونزعق .. شوي لجين اتحمست وقامت معها وعلى الاغنية الجديدة قامت سارة وقامت معها مشاعل وحنا بس نصفق ونزعق ونصفر ..
غادة كانت رايحة جاية ترقص شوي وتناديها خالتي شوي ..جتنا وهي متحمسة وتضحك وقالت : عقدوووووا خلاااااص صارت اختي مداااااام
قلت : وااااااااااااااااو مبرووووووووووووووك
شعاع : يلا عقباااالك غدووو ..
غادة : ههههههه اول اتطمن عليكم انتوا بعدين أفكر ..
شعاع : أجل عنسي ههههههههههه
ضحكت غادة وقالت لنا نروح نتصور مع رزان ..
قمنا وقمره قالت : أخيرا بابعد شوي عن هالازعاج والله راسي مو متحمل ..
قلت : ياربيه انتي للحين ؟؟؟؟
قمره : اييييه والله خلاص مو قادة جاني غثيان من قوة الصداع ومع هالمسجل العالي كملت
طلعتنا غادة من الباب الخارجي للمطبخ وقالت : روحوا الملحق الي هناك وارجعوا من نفس هالمكان لأن الجهة الثانية تودي على الخيمة الي فيها رجال انتبهوا ..
شعاع : مراح تجين معانا ؟؟؟
غادة : لا أمي تبيني ورزان تنتظركم تقول بسرعه تعالوا اتصوروا معاها قبل مايجي خطيبها يتصور معها ..
مشينا للملحق ويوم دخلنا شفنا عروستنا رزان واقفة والمصورة تصورها وطالعة شي يجنن بفستانها البنك الفاتح
كانت لابسة فستان وردي فااتح بدون أكمام بس فيه طوق حول رقبتها من لون الفستان وفيه ورود ناعمة صغيرة ..كان شكلها نعووم ويجنن مع شعرها الطويل والي خلته مفرود مع شوية تكسير ..
أول ماشافتنا شقت الضحكة واحنا رحنا لها حضناها وباركنا لها
رزان : والله ماكانت بتكتمل فرحتي لو انكم منتوا فيه ماتصدقون شكثر حضوركم معاي بهاليوم مسعدني ومفرحني ..
شعاع : ياحياتي يارزان طالعة تهبلييييييييييين
رزان : شكرااااا ياقلبي اجل بيخق راكان مووو ؟؟؟
قلت : بيموت بيخق بيذوووب بينتهي مره وحده ههههههههههههه
رزان : ياعمري انتي يلا يلا تعالوا اتصوروا معاي ( وفجأة قالت : اي صح سلامت شمس قالت لي غادة انها ماجت تعبانة شفيها ؟؟؟؟
شعاع : من كم يوم وهي تعبانة بس الحين زاد عليها والله مره تعتذر منك وتسلم عليك ..
رزان : حبيبتي الله يسلمها .. وانتي قمور مو على بعضك هادية وهاجدة ؟؟
قمور بابتسامة ذبلانة : مصدعة شوي ..
شعاع : يلا اوقفوا خلونا نتصور ..
وقفنا حولها ولقطت لنا المصورة كم صورة وبعدها ودعنا رزان على أساس بنشوفها اذا انزفت ..
طلعنا من عندها وقمرة تقول : مو قادرة أمشي بنات والله أحس اني برجـّع من الصداع ومع اصوات الطق خلاص بينفجر راسي ..
شعاع : خلاص روحي فوق حبيبتي ارتاحي مو لازم تقعدين بالمجلس ..
قمره وهي تأشر على مدخل البيت الثاني : طيب بادخل من هناك أقرب
قلت : من هناك خيمة الرجال بيشوفوننا ..
قمره : مسكرين الباب خلونا نروح بسرعه ..
شعاع : خلاص وديها ياشروق وانزلي .. انا بارجع من نفس المكان
مشت شعاع وانا وقمرة مشينا بسرعه وكان باب الخيمة مقفل واسرعنا للمدخل الثاني ودخلنا بدون محد ينتبه لنا .. طلعنا انا وقمرة فوق ورحنا غرفة غادة .. قمره على طول انسدحت على سرير غادة وانا قلت : اربطي راسك يمكن يخف ؟
قمره واهي مغمضة عينها : مافي فايدة .. بس سكري الباب مابي يوصلني أي صوت ..
قلت : طيب بس كلميني اذا بغيتي أي شي ..
هزت قمره راسها وطلعت وسكرت الباب .. حزنـّي شكلها واهي تعبانة .. مشكلة الصداع معها من سنين والحين صار يجيها بكثرة .. ذبحتها المسكنات الي صار بشكل يومي تاخذها !
نزلت الدرج وجيت بارجع للمجلس الي فيه الحريم ويوم فتحت الباب الي يودي عليه لقيته مقفل بالمفتاح !! شكل خالتي قفلته خافت أحد الرجال يدخل بالغلط !!
جوالي ماكان معاي وقتها واتورطت شلون بارجع .. مافي الا أرجع زي ماجيت بس باتأكد أول ان باب الخيمة لازال مقفل .. مشيت للباب وطلعت راسي لقيته مقفل .. نزلت بسرعه ومشيت بنص الحوش وانا أسارع خطواتي لا يطلع لي أحد ..
وفجأة سمعت صوت من وراي يقول : مين !!
التفت وكان هذا الي ناقصني .. شفت مشعل واقف بنفس هيأة صباح العيد وشايل كرتون موية وعيونه تطالعني بصدمة !!
شهقت ودرت عنه وفصخت صندلي ورفعت فستاني وركضــــــت طــــــــايرة لدااخل البيت !!
وقفت مكاني أول مادخلت وأنا ألهث بأنفاس متسارعه مدري هي من الركض .. ولا من الخوف ولا من الربكة .. !
هذا من وين طلع ! ياربي كيف شاااافني وانا كذا !! ياويلي الحين وش بيقول عني وهو مبين انه قايل عني ومنتهي اني وحده مفهية وضايعة وخبلة !
عضيت على شفتي وأنا أنزل الصندل وألبسه .. اتذكرت شكله وهو يطالعني مصدوم وشعره الطويل باين من تحت شماغه .. اتنهدت وانا ما أنكر التأثير السحري الي يطغى علي بكل مره أشوفه .. وقفت أضبط أعصابي شوي .. وبعدها مشيت ودخلت للمجلس لقيت شعاع ترقص ورقصت معها ولا كأنه صار شي ..
ليه هو صار شي أصلا ؟؟؟؟


::

"قمره"
دقت علي شروق قالت لي انهم بيزفون رزان الحين اذا كان فيني حيل أنزل أشوفها ..
الحقيقة ماكان فيني أي حيل .. حاسة راسي بينفصل عن جسمي من ثقله .. كنت مقربة الزبالة جمبي وانتوا بكرامة لأني حاسة بأي لحظة برجـّـع من شدة الألم الفضيع الي مداهم راسي بلا رحمة ..
اتحاملت على نفسي ونزلت ويوم لقيت الباب مقفل دقيت على غادة تفتحه لأن مافيني أوقف دقيقة وحده ..
فتحولي الباب ودخلت .. شفت المجلس مطفى أنواره .. وصوت موسيقى عاااالية وأنوار موجهة للمدخل ترقـّـب لدخول رزان ..
عند هنا وبس ماقدرت أتحمل ..
دخلت الحمام وانا الغثيان واصل حده ولاعب بحسبتي .. راسي بينفجر .. صداع زايد عن حده من البارح واهو بتزايد مستمر ..
دخلت بسرعه للحمام .. وسكرت الباب .. أذكر اني ما أكلت شي طول اليوم فوش الي بيطلع مني الحين .. راسي دار وانا واقفة بمكاني ومع أصوات الموسيقى الصاخبة خلاص ماقدرت أتحمل وقمت أرجـّع مجرد أصوات بدون مايطلع شي ..
حسيت روحي بتطلع مني وعيوني بتنخلع من مكانها والصداع بتزايد .. غسلت وجهي وطلعت وانا ألهث .. وبصعوبة أبلع ريقي .. شافتني شعاع من بعيد وجتني مسرعة وشكلها متروع وسألتني شصاار ..
قلت بأنفاس متقطعة : مسـ مستـ شـ فـى .. ودو و ني الم ممسـ تشفى ..
شعاع بخوف : يلا يلا مشينا ..
مشت شعاع بسرعه لناحية العبايات بدون ماتقول لأحد لأنها تدري اني وصلت لحالة منتهية ماينفع فيها تأخير ولا دقيقة وحده ..
ورحنا من المدخل الثاني .. أنا شفت باب الحوش قدامي مشيت وطلعت مادري عن نفسي مابي شي يعطلني لأني مو قادرة أتحمل .. شعاع طلعت وراي بسرعه وهي تقول : عبايتك عبايتك ياقمرة
سحبتها ورميتها على جسمي وانا أدخل ايديني بحيل مهدود وطرحتي سحبتها وراي ماكان فيني حيل أرفعها على راسي ..
مشيت وانا أحس خطواتي باليالله تمشيني .. أحس ثقل راسي أثــّـر على جوارحي وصرت بالقوة أخطو وأجر رجولي ..
انتبهت لطيف شخص داخل من باب الشارع ويطالعني وسمعته يقول : هيه قمره ! حطي طرحتك على راسك الله يهديك الرجال داخلين طالعين !!
انت مين ؟؟ اش قاعد تقول ؟؟؟
مو كأنه الدكتور هيثم .. ؟؟؟
معاك مسكن لو سمحت ؟؟؟
شفته يتقدم ناحيتي ويرجع يبعد ..
شفته يطلع لفوق ويرجع ينزل ..
شفته يدووور ..
أصوات متداخلة ببعض ماقدرت أميزها حسيتها تزن براسي ..
فلاشات تضيء بعيوني منعتني من الرؤيا ..
وانطفت الفلاشات !
مين طفاها ؟؟
ليه أظلمت الدنيا ..
الأرض تزلزلت من تحت رجولي ..
وبس ..
لا عاد حسيت !
ولا عاد دريت عن نفسي !

يتبع ..

[روح العيون]

البااااااااااارت روعه تسلم ايدينك يا قموره
http://i55.tinypic.com/znl8hj.jpg

[فروله]

المحظوظهـ .. عن جد أبدعتي ..

كنت متـآبعه روآيتكـ السسابقة لأجل الوعـد وتمنيت أنكـ تكتبين بعدهـآ شيء والحمدلله كتبتي روآيهـ

من بدآيتهـآ وآضح أنهـآ رآئعهـ ..

بـآلنسسبه للبـآرت ..

أتوقع شمس تروح لنـآدر وتزورهـ !

شرووق رآح تتعمق علآقتهـآ مع مشعل أكثر !

قمرة أيضـآ بتصير أكششنـآت بينهـآ وبين هيثم :) < حبيت هالثنـآئي ..

والله يستر من ألم رآسهـآ المتكررر ..

ومحمد أخوهم بيضيف لهم حركهـ في البيت

ننتظر البارت الخـآمس بششغف :)

متى رآح تنزلينه إن شـآء الله نبي موعد محدد بليييييييز :)

[احبها في الله]

تسسلم يدينك والله

كتاباتك خطيره

[كشه منفوشه]

وووووو قمه من الروعه والرقي
الكلام قليل فيها لانها بجد روعه
يعطيك العافيه الروايه الرهيبه
ننتظر ابداعك يا المبدعه

[شتـآت]

ابداع من قلب ,
يعطيج العافية حبوبة
متابعة .

[زهرة الأحزان]

انصدت لم خلصت ولا لقيت التكمله

بالله لا تتاخرين علينا

واتمنا تقبليني متابعه شغوفه لقلمك الرائع

[المحظوظة]

الجزء الخامس





كنت داخل من باب الشارع وحسيت بزي التيار الكهربائي يصعقني لما طاحت عيني على ملاك بهيأة بشر ..

كانت قمرة ماشية وتتمايل بمشيتها وعبايتها مفتوحة وطرحتها تسحبها وراها يعني باختصار كانت مظهرة كل مفاتنها مع شعرها الحريري الكستنائي والي يتمايل معها .. على كثر انبهاري فيها حالي حال أي واحد مكاني إلا اني اتضااايقت حيل لظهورها بهالشكل قدامي أوقدام الرجال الي ممكن يطلعون بأي لحظة !

قلت بنبرة واضح الانزعاج فيها : هيه قمره ! حطي طرحتك على راسك الله يهديك الرجال داخلين طالعين !!

طالعني الملاك بتيهان ! طالعتني بنظرة ضايعة .. وفرجة بين شفاتها مفتوحة تعبرعن ضياع أو تعب أو شي مامداني أستوعبه .. لأني شفتها تترنح قدام عيوني ..

وتطيح على الأرض !

صعقة ثانية صعقتني لما طاحت عند رجولي وانحنيت لها بسرعه وانا أقول بخرعة : قمره اسم الله عليك شفيك ؟

سمعت شعاع واهي تصرخ وتنادي باسمها وانا بهاللحظة حاولت اسيطر على اعصابي واستوعب كدكتور شالي لازم أسويه .. هي ثواني من الربكة سيطرت علي وبعدها بدت خبرتي تحركني وقربت راسي من فمها بشوف اذا تتنفس طبيعي وحسيت بأنفاسها الهادية وكان هذا أهم شي الآن .. بعدها مسكت جسمها النحيل ولفيته على جمبها عشان مجرى الهوى .. وشعاع رفعت راس قمرة لرجولها ومعها عطر تشممها اهو .. وحبة سكر طلعتها من شنطة قمرة وقربتها لفمها وهي تحاول تذوقها ..

ومانتبهنا إلا على كاسة موية انكبت على وجه قمره خلتها تشهق واهي تنتفض ..

طالعنا بالشخص الي واقف ورانا لقيناه " محمد " واقف يطالعنا بخرعه واهو ماسك الكاس ويلهث ..

انا ماصدمني محمد .. اللي صدمني تصرف شعاع واللي حسسني انها خبرة بهالشي كأنه إغماء قمره شي مو جديد !

صحت قمره ورفعت إيدها على راسها وصارت تبكي ..

شعاع : قمره حبيبتي اتماسكي يلا احنا رايحين المستشفى

قمره واهي تبكي : راسي ياشعاع ماقدر اتحرك مااقدر ..

محمد واهو ينحني لقمره : هيثم شغل السيارة وانا بشيلها

وبإيدين قوية محمد شال قمرة من تحت ذراعينها ورجولها ومشى فيها مسرع وانا أسرعت قبله لسيارتي وفتحتها ..

محمد سدح قمره ورى وشعاع معها وركب جمبي وانا شغلت السيارة وانطلقت فيها لأقرب مستشفى .. وطبعا أقرب مستشفى لبيتي أهو المستشفى الي أشتغل فيه والي نقلوا أهلي هالمنطقة عشان أكون قريب من شغلي ..

كنت أطالع قمرة من المرايه وانا أشوفها تتأوّه بحضن شعاع وشعاع تسمي عليها وتهديها .. كل آهة تصدر منها حسيتها مصممة لاختراق قلبي غصب عني !

مسكت جوالي ودقيت على معارفي بالمستشفى وقلت لهم بسرعه يجهزون سرير لأني عارف زحمة الطوارئ واحتمال يخلون حالة قمرة بالانتظار.. وكلمت ممرضات معينات يجهزون نفسهم لها .. وأول ماوصلنا لقينا اثنين واقفين بالحمالة برا ينتظرونا

وقفت السيارة ونزلت بسرعه وخبطت الباب وأشرت للممرضين يجون للسيارة ..

وجو مسرعين وانا فتحت الباب والممرضين بخبرتهم حطوها على الحمالة ودخلوها الطوارئ .. وكلنا معاهم .. أول مانوموا قمره على السرير صارت تقول من بين دموعها : ابره ابره مسكنة بليز ..

انا الحين بالمستشفى الدكتور المرافق لقمره والمسئول عن حالتها وقلت : بنعطيك ابرة ياقمره وبترتاحين انتي اهدي ولا تبكين ..

سألت شعاع أسئلة عن قمرة ان كان تعاني من حساسية ولا شي .. الأسئلة الي لابد نعرفها عن أي مريض قبل مانعطيه أي دوا ..

بعدها طلعت وقلت لهم يعطونها الابرة المناسبة ويقيسون لها الضغط .. وتفاجأت بالهبوط الي عندها وعطيناها مغذي وخليتها بغرفة بالطوارئ لازم تظل تحت المراقبة الليل كله ..

كنت أسجل ملاحظات بملفها الي فتحته لها بهالوقت .. وانتبهت لشعاع ومحمد يطلعون من غرفة قمره .. أخذت الملف ومشيت لشعاع وقلت لها : شعاع أبي أسئلك كم سؤال عن قمره !

شعاع بابتسامة : اتفضل دكتور

هزيت راسي وقلت : الصداع هذا داهمها فاجأة ولا زاد تدريجيا .. ؟؟؟

شعاع : لا والله من يومين واهي تعاني منه بس قمره كذا من زمان تعاني من الصداع يروح ويجي

قلت : طيب لما كنتوا بأمريكا مافحصت شافت شأسبابه ؟؟

شعاع وبدا الخوف يتسرب لملامحها : لا !! ليش ممكن يكون فيها شي ؟؟؟؟

قلت : لا ان شاء الله أنا بس أسألك لأن هالمعلومات ضروري أسجلها بملفها ..

شعاع : ماقد فحصناها لأنه على بالنا صداع عادي بالمسكنات يروح ومرات تاخذ إبره .. وبصراحه ماعطينا الموضوع أكبر من حجمه تعرف كنا بنات بروحنا وبابا مايدري اصلا عن هالصداع الي يجيها

هزيت راسي وبداخلي حسيت بضيق .. قمره تعاني من الصداع سنين ومحد داري عن الي فيها !

قلت : طيب والاغمائات هذي تجيها بكثرة ؟؟؟

شعاع : صراحة الاغمائات هذي جديدة يعني صارت تجيها مرات من الصداع ومرات اذا ارتاعت زي مره بامريكا لحقنا كلب وهربنا منه ويوم راح قعدنا نضحك لكن قمره اغمى عليها !

وسعت عيوني بصدمة وقلت : وكيف تصحونها ؟؟

شعاع : نشممها عطر او حبات سكر صارت تشيلها دايم معاها احتياط لو صار لها شي ونرش وجهها موية .. بس بعد ماتفوق تكون مصدعة وعاد تاخذ مسكن وعلى هالحال ..

اتنهدت وشحت بوجهي غصب عني الشي الي خلى شعاع تناديني بهدوء : دكتور ..

التفت أطالعها لقيتها تقول بحزم : أنا اتحملت مسؤولية اخواتي من وانا صغيرة واهم صغار .. أنا ربيتهم .. أنا ربيت قمرة .. انا واجهت مع خواتي الي ماواجهه أحد .. واللي ممكن يكون أمهات ماواجهوه مع بناتهم .. فهالشي خلاني قوية وخلى قلبي قوي .. لاتتوقع اني راح أضعف وأبكي وأنهار لو قلت لي كل شي .. فأبيك الحين تقولي .. قمره فيها شي ؟؟؟؟

طالعتها بصمت .. وأنا أسترجع كلامها .. وما أنكر شكثر كبرت بعيني .. وقلت بهدوء : طيب ياشعاع بقولك .. انا لسه مافحصت قمره ولا ادري عن شي .. لكن أبي أقولك هذا الي يصير معها .. مو طبيعي .. صداع مستمر واغمائات مباغته !! هالشي أكيد وراه سبب .. بس أكيد بعد له علاج ..

حسيت شعاع تجاهد بأخذ انفاسها وتقول : طيب بنوديها نكشف عليها ونفحصها ونعالجها .. وين تنصحنا نروح أي مستشفى ومع أي دكتور ؟؟؟؟

ابتسمت لما استوعبت ان شعاع مو عارفة اهي وين .. وتخاطب مين ..

وقبل ما أنطق محمد الي اتكلم وقال : طبعا ياشعاع هذا المستشفى الي احنا فيه .. من أحسن المستشفيات بالمملكة ( وأشر علي وهو يقول بابتسامة فخر : وطبعا عندك الدكتور هيثم .. أخصائي مخ وأعصاب !

طالعتني شعاع بنظرة تنم عن صدمه وعيون فيها بريق فرح وقالت بحرج : جد ؟؟ ماكنت أدري .. طيب الحمدلله هيثم خلاص اختي بين ايديك افحصها وشوف شفيها وطمنا ..

ابتسمت وأنا أهز راسي وأقول بهدوء : لا توصين حريص !

ورجعت أكمل ملاحظاتي بالملف وأنا أحس باضطراب مشاعري غصب عني .. كان الموقف صعب واقتنعت لحظتها انه مهما عالجت مرضى ماتعرفهم بيكون أسهل عليك بكثير من لو انك تعالج شخص قريب اقتحم حياتك بدون استئذان وبفترة قصيرة قدر يستحوذ على جزء فيك ويشغل بالك .. كان هذا شعوري تجاه قمره ..

بس الي صار بعدين ان موقف اليوم الي كنت مستصعبه بعلاج قمره ..

اتضاااااائل .. واتصااااغر.. واتلاشى .. وانمحى تماما ..

أمام اللي واجهته بعد فترة .. مع قمره !

::

.. بعد ساعتين ..

فتحت عيوني بتعب وانا أحس نفسي داخل دوامة بدت تهدا على شوي شوي لين اتضحت المعالم حوليني .. وشفت أشخاص بالأبيض يدخلون ويطلعون من عندي الشي الي خلاني استوعب اني بطوارئ المستشفى من البارح .. حسيت بألم خفيف بكفي لقيت لإبرة المغذي مغروسة .. ليه سووا فيني كذا أنا مافيني شي !؟ .. التفت أدور أحد أعرفه .. ماعرفت انا من متى هنا .. ووين أهلي .. ليش تاركيني لحالي !

مسكت أطراف السرير وسحبت نفسي بصعوبة لين قعدت وشعري متناثر على وجههي مافيني حتى أرفعه .. انتبهت للبسي وبدت كل الصورة تتوضح .. اتذكرت صداعي الفضيع وطيحتي بحوش بيت خالتي وقت ملكة رزان .. كان فستاني كت الشي الي حسسني ببرد فضيع .. بس وين شعاع وين خواتي ؟؟ سمعت صوت من ورا الستار .. ناديت بصوت بالقوة طلع حلقي : اكسيووزمي .. !

لحظات وانفتح الستار وظهر من خلفه هيثم .. طالعته باستغراب .. هذا ليه هنا ؟؟ ليه بالمستشفى ؟؟ اتذكرت انه كلمني بالحوش وبعدها مادريت عن نفسي .. يكون جا ساعدني وجابني للمستشفى ؟؟؟ استمريت أطالعه بتناحة وماحسيت على نفسي الا لما هو أبعد عينه وقال : الحمد لله على السلامة ..

قلت بهمس : الله يسلمك ..

نزلت نفسي على الارض ابي أطلع .. أبي عبايتي أبي ماما أبي شعاع !

وين جوالي .. وينهم .. شالي قاعد يصير !

وقفت ولامست رجلي الأرض الباردة وحسيت بدوخة خفيفة خلتني اترنح وقبل ماطيح على الأرض مسكتني ذراعين قوية و وقفتني على حيلي ..

رفعت راسي وطالعت فيه .. هيثم .. رفعني عن الأرض بخفة وقعدني على السرير وقال : المغذي عليك ارتاحي ياقمره لاتوقفين جسمك لسه مرهق ..

قلت بضعف : وين أهلي أبي ماما أبي شعاع ..

هيثم بنبرة حنونة : بنادي لك شعاع ياقمرة بس خليك مرتاحة ..

طلع هيثم وانا حسيت نبضات قلبي تتسارع انتبهت لعبايتني تحتي شكلهم شالوها عني عشان يقيسون ضغطي مثلا ومادري شسوولي بعد !

سحبتها ولبست كم واحد والكم الثاني ماقدرت ألبسه عشان المغذي .. وطرحتي مادريت وينها .. قلبي لازال يدق بسرعه .. اتذكرت هيثم .. في شي غريب هالشخص أحسه طيب حنون بس ياه فشلة كيف مسكني وشالني على السرير !

يمكن عشانه دكتور عادي ؟؟ يعني هو كذا يسوي مع كل مرضاه !

ياحظهم والله ..

لقيت نفسي أبتسم غصب عني .. انفتح الستار ودخلت شعاع مسرعه وهي تقول : حبييييييبتي الحمدلله على السلامة

انشرح صدري لشوفتها وهي جت ضمتني وقالت : شلونك الحين ياقلبي ..

رديت : أحسن .. أبي أطلع يلا

شعاع : اصبري ياقلبي خليك كم ساعه لين يخلص المغذي وترتاحين

قلت : لا مابي شعاع بردانه وتعبانة ومضايقة من لبسي ومافيني شي خلاص ابي أروح ..

دخل هيثم وهنا سكت غصب عني وصرت أطالع فيه .. مثل حالي بكل مره أشوفه أصير متنحة فيه ..

هيثم ماكان يطالعني .. كان يطالع شعاع ويقول : قلتيلها ؟؟؟

شعاع : لا تقول تبي تطلع

هنا هيثم طالعني وقال : قمره لازم تريحين اليوم هنا ونسوي لك فحوصات بسيطة عشان نشوف سبب الصداع الي يجيك

قلت : لا معليه انا مافيني شي .. صداع يجي ويروح الله يخليكم ابي اروح البيت ..

هيثم : بتروحين البيت .. بس نسوي لك فحوصات سريعة

قلت : ليه اسوي فحوصات وانا مافيني شي ؟

شعاع برجاء : قمره كلام هيثم صحيح .. قلت له شلون الصداع يجيك باستمرار ومرات تجيك دوخات وقال يمكن في شي احنا ماندري عنه

انفعلت وقلت : شفيييييني يعني ؟؟؟؟

هيثم : ان شاء الله مافيك شي .. احنا نبي نفحصك من باب الاطمئنان بس ..

بلعت ريقي وانا بديت أحس بالخوف .. ودي أهرب من هالمكان .. حسيته راح يربطني فيه فترة مو قصيرة .. شي بداخلي حسسني ان بيجي يوم أكون حبيسة هالمكان فترة طويلة .. هالشي خلاني أصر اطلع هاللحظة وأهرب .. يمكن أرجع بعدين بس خوفي بهالوقت كان هو الي يحكمني ..

وقلت : ان شاء الله أجي بعدين وأسوي كل الفحوصات بس الحين ابي أروح البيت

ريحتني حبيبتي شعاع لما التفتت لهيثم وقالت : خلاص بناخذها البيت وان شاء الله نرجع نسوي كل الفحوصات اللازمة

هيثم رفع ايدينه باستسلام وقال : كيفكم ..

ونادى الممرضة تجي تشيل المغذي .. وساعدتني شعاع بالوقوف ولبست عبايتني وحطيت طرحتي على راسي وانحنت شعاع لبستني صندلي ومسكتني ومشتني .. واحنا نمشي شفنا هيثم يتكلم مع الممرضات ويمليهم معلومات يسجلونها ..

قلت وانا أطالعه : هيثم دكتور هنا ؟؟

شعاع : ايوة ياقمرة .. هيثم طلع دكتور مخ واعصاب عشان كذا كان وده يتطمن عليك

سكت وتميت أطالعه لين وصلناه وشافنا ..

هيثم سلم الاوراق الي معاه للمرضات وجا لعندنا واهو يقول بابتسامة : يلا ..

شعاع : مشكور والله تعبناك معانا ..

هيثم اهو يمشي معانا : هذا واجبي ..

شعاع : محمد مشى ؟؟؟

هيثم : ايوة مر عليه اخوه طارق وانا قلت اوصلكم ..

قلت : محمد جا معانا ؟؟

شعاع : ايه انتي فجعتينا كلنا يوم طحتي وهو شالك حطك بسيارة هيثم وجا معانا

ضحكت وقلت : ههههههههههههههههه بلشته بأخوتي أجل من الحين ..

شعاع : ههههههههههههه بس والله كان خايف عليك جد ..

قلت : حبيبي والله بكلمه أشكره ..

هيثم التفت لي وطالعني بنظرة سريعة واتقدم بسرعه للباب الخارجي وكانت سيارته قدام الباب بشكل يوحي ان هالشخص له تصريح خاص ..

فتح لنا الباب وركبت انا وشعاع وهو دار وركب قدام وشغل السيارة ومشى ..

طول الطريق وأنا منزلة راسي على كتف شعاع .. وعيوني على وجه هيثم أراقبه .. كانت مضيق عيونه ومركز على الطريق وساكت طول الوقت .. بلشته وتعبته معاي وطلعته من نص الملكة .. خلال فترة بسيطة اتعرضت لكم موقف معاه .. بالسوق .. ويوم صدمتني السيارة .. واليوم !

ههههههههههههه ياويلي شيقول عني الحين ؟؟

::

" شعاع "

قمره أصرت تطلع البيت وماكانت تبي نسوي لها أي فحوصات مصرة انها سليمة ومافيها شي .. وبعد الاصرار وافقت على أسأس نرجع المستشفى بعدين لأنها الحين تعبانة وتبي تروح تنام

وطلعنا

طبعا الاتصالات ماوقفت لا من خواتي ولا بنات خالتي وعماتي وكلنا طمنـّاهم ان مافي شي يخوف بس صداع بسيط يجي ويروح ولا قلنا لأحد ولا حتى أمي انها أغمى عليها عشان لاتنفجع وتترك الملكة هي بعد وتجي ..

وصلنا هيثم البيت ودخل السيارة داخل الحوش عشان يقصر على قمره الطريق جزاه الله خير .. شكرته من قلبي وقمره الخبلة فشلتني يوم نزلت ومشت لباب البيت وطرحتها طايحة ولا التفتت وراها ولا شكرت ولا سلمت بس محد يشره عليها لأنها تعبانة أولا وتصرفاتها طفولية ثانيا ..

مشى هيثم واحنا دخلنا لقينا ماما باستقبالنا هي وخواتي وخذت ماما قمرة بحضنها واهي تسمي عليها وتدللها وقمره ذابت بحضن امي كنها طفلة صغيرة ..

.. من بكرا ..

ماكان أحد فينا يبي يطلع من البيت عشان عندي اختين مرهقتين .. قمرة .. وشمس !

فقمنا عزمنا مشاعل .. ورزان وغادة .. ولجين .. وسارة وليان ..

وماما العصر راحت بيتها بعد ماقضت وقت مع شمس وهي تهديها وتطلبها بكلماتها الحنون انها تطلـّع نفسها من دائرة الأحزان ( وتحاول ) تتعايش طبيعي ..

طلعت لحديقة بيتنا الخلفية أقول للخدامات يقربون الطاولات الموزعة بالحديقة ويجمعونها حول بعض ويثبتون طاولة الشوي جمبها .. ويتأكدون من نظافة حمامات السباحة وانا خاطري أخلي اليوم هذا كله وناسة وضحك عشان خاطر حبيبتي شمس ..

وانا بالحوش سمعت الجرس لفيت لفة طويلة وانا أركض حولين الحوش الكبير واخذ مني مسافة عشان أوصل للباب وشفت لجين وسارة وليان يدخلون ..

رحبت وهليت فيهم وانا امشي لهم وفرحانة حيل لجيتهم والي فرحني أكثر لما شفت أخو ساره وليان الصغير جاي معاهم .. بالنسبة لي أعشق الأطفال وأحب أشوفهم يتراكضون ويلعبون قدامي ..

قلت : حنا نبي نقعد بالحديقة بس امشوا الحين داخل افصخوا عباياتكم وارتاحوا لين يجون الباقين ..

دخلنا البيت ومشيت للدرج انادي خواتي ..

التفت لقيت سارة وليان يطالعون الصالة بانبهار وذهول كان واضح على وجيههم ونظراتهم حتى ليان ماقدرت تكتم ذهولها وانبهارها وقالت واهي رافعها راسها تطالع السقف : هذا الارتفااااع حقيقي ؟؟؟؟؟ كنت اشوفه بالافلام واحسبه تخاريف !! معقول من جد في بيوت هذا ارتفاعها ؟؟؟؟

ضحكت وماعرفت شأرد .. مبين انهم أول مره يدخلون مثل بيتنا .. وقلت بمرح : عاد احنا ضايعين بكبره اقول لو بيت صغير ملموم على قدنا والله أحسن ..

ساره وليان صاروا يركضوووووون بالصالة الكبيرة ويضحكوووووون بكل برائة وطهارة قلب وانا ولجين نضحك عليهم وحسيتهم صدق عفويات بشكل يهوس

نزلوا خواتي وقمره صارت أحسن .. وشمس ( تحاول ) تصير أحسن !

قعدنا بالصالة وليان وسارة يعلقون على كل شي غريب او بالأصح جديد عليهم وأول مره يشوفونه بعيونهم .. ومنه البلازما الكبيرة الي كانت ماخذة نص الجدار .. شكثر بهرتهم حتى ليان وقفت جمبها وخلت سارة تصورها ..

جو مشاعل وغادة ورزان ..

أول ماجو يدخلون مشينا انا وشروق لعند الباب كأننا متفقات .. ولما دخلت رزان انا وشروق قلنا مع بعض : ألف الصلاااة والسلااام عليييك ياحبييب الله محممممد

لولولولولولولولولولولولولولو لاااااي

استانست رزان .. وغادة قالت : الاسبوع الي فات جينا بيتكم واختي آنسة والحين الخبلة صارة مدام ..

رزان بحمق : خبلة بعيييييينك جعلي اشوف فيك يوم وانتي ميتة ميتة تبين العرس وماتلقينه ..

غادة : ههههههههههههههههههههههههه تمنيتي المستحيل حبيبتي

ضحكنا على خبالهم وسلمنا عليهم وعلى الحلوين نوف ونواف عيال مشاعل ..

وطلعنا كلنا الحديقة ..

ليان من شافت الحديقة قامت تركض واهي مادة يدينها وتغني : هايدي الجميييييلة هايدي الكريييييمة .. هايدي اليتيييييييمة .. صورييييني سااااره ..

صورتها ساره وهي تقول : انتي مابقى مكان الا واتصورتي فيه باقي الحمامات بس

ليان : ان شاء الله واحنا طالعين هههههههههههههههههههه

راقبتها اهي وساره وانا أبتسم .. أحس السعادة غامرتهم ومعيشتهم بعالم بعيد عن المظاهر والمجاملات والزيف .. أبسط الأمور تبهجهم وأقل الحاجات تسعدهم .. الرضا يشع بعيونهم بشكل نادر ماكان يبان بعيوننا احنا اللي مافي شي نتمناه مهو عندنا .. !

قعدنا كلنا على الطاولات الي كان مجهز فيها ماكينة الكوفي وكافتيرا ساخنة وانواع الشاهي وصحون حلويات وكل وحده تصب وتختار الي هي تبي ..

واحنا بهالقعدة ناكل ونشرب ونسولف .. كانت رزان تفرك وتمسج إيدها .. انتبهت لها وسألت : رزان شفيها إيدك ؟؟؟؟

رزان : مدري صار لها اسبوع توجعني بهالمفصل الي بين الذراع والكف

سألت : العضم يعني ؟؟؟

رزان : لا شي خارجي مدري يمكن بالأربطة أو الأعصاب مادري ..

غادة : هذا من كثر الطقطقة بهالجوال مع راكانووه ..

رزان : اقول اص .. ماكان عندي غير الطقطقة .. طول الخطوبة وامي رافضة اكلمه وبالشيل والحط وافقت اضيفه عندي وصرنا بس شات ..

شروق : ياحليلها خالتي والله شديدة توني أدري

قمره : اي والله مو باين عليها ..

لجين : ترا حتى أمي البيبي هذا من أصله رافضته .. تعبت هلكت طلعت روحي لين وافقت أجيبه .. مدري وش محسبته هي يالله اقتنعت

ساره : لا اشوا الحمدلله أمي عادي بس أخووووي سلطان لو الله يزوجه ويخليه يفك شوي من مراقبتنا كان احنا بخيييييير

ليان : حرام عليك والله سلطاان طيب ..

ساره : اي ادري انه طيب بس شديييييييييد ..

ليان : واذا اتزوج واخذته زوجته ونسته امه وخواته ودنيته وش بتستفيدين وقتها ؟؟؟

ساره : وليه احنا بنزوجه بنت كلب !! بنزوجه وحده حليله ترضى تسكن معانا البيت عشان صدق والله مانستغنى عنه ..

ليان : تكفين يابيتنا عاد الي يشيل .. يالله شايلنا احنا والله ان سكن فيه أحد زيادة ان ينهد فوق روسنا ..

ساره انتبهت لنا ساكتين نسمعهم وقالت : هههههههههههههههههه والله انا واختي وجيهنا مغسولة بمرق فرطنا السبحه قدامكم ولا علينا من أحد ..

ابتسمت لهم من قلبي وانا كل مالي أحبهم زيادة ..

حمد كان يلعب حولين المسبح وفجأة نطت ليان عنده واهي تقول : حموووودي تعال هنا يابابا ترا بعدين تطيييييييح ..

شروق : خليه ياليان الخدامة تنتبه له .. ((وأشرت لوحده من الخدامات الي كانوا يجهزون الشوي وقالت لها تقعد معاه ..

بس ساره وليان مو متعودين على الخدامة .. كانوا كل شوي يقومون لأخوهم ويشوفونه قمرة حطت كوب الكوفي على الطاولة وقالت : خلااااص قوموا نسبح ..

اتحمسنا وقمنا لبسنا مايوهاتنا الي كانت عبارة عن شورتات ومن فوق كت ولنص البطن ..

اما لجين وسارة وليان فكانت مايوهاتهم أعجب مايوهات شفتها بحياتي ..

مايوه كت صحيح بس متصل معاه تنورة توصل للركبة وبنطلون طويل !

كانت شمس منحنية بنص قعدة عند المسبح وترش ايدينها بالموية ..

شروق أشرت لقمره وقالت : اقلبيها اقلبيها << تقصد شمس

قمره : أقلبها هههههههه ليه لحمة مشوية ؟؟ ههههههههههههههههه

أبعدت شروق قمرة من قدامها وأسرعت لشمس ودفتها لوسط الموية .. شمس غطست بالموية وثواني وطلعت متروعة وصرخت : مييييييييييييين الي دفففففففني ؟؟؟

شروق ناقعة ضحك على شكل شمس وقمرة قالت واهي تضحك : هههههههههههههههه سمعتوا تو شقلت ؟؟

قلنا : وشو ؟؟؟

قمره : هههههههههه شروق قالت اقلبيها قلت ليه لحمة مشوية ؟ هههههههههههههههه

شمس بحمق : المفروض نضحك يعني ؟؟؟

قمره : ايه هههههههههههههههههههههههههههههههه

عرفنا ان قمره جتها حالة الدلاخة والضحك على كل شي يستاهل أو مايستاهل وركضت أدفها الا هربت مني وصرت أركض وراها مالقيت الا وانا مدفوفة من شمسوه الي طلعت ودفتني وانا مانتبهت

نطت شروق من بعدي وبعدها قمرة وصرنا نتلاحق وسط الموية نبي نغرق بعض ..

وبعدنا نطت رزان وغادة ومشاعل أما لجين وساره وليان كانوا منزلين رجولهم بالموية ومترددين ..

قمره واهي تسبح ناحيتهم : يلا طبوووووا

لجين : باردة المووية

قمره : اول دقيقة بس وبعدين تاخذ حرارة جسمك وماتحسين ببرودتها

شروق : يلا طبوا لا أجي أدفكم الحين زي شمس ..

ليان : لالالالالا تكفين ترا ماعرف اسبح ..

قمره : جد ؟؟ كلكم ماتعرفون ؟؟

لجين : انا اعرف شوي بس لازم اكون قريبة من السلم

ساره : شكل انا وليان بس الي مانعرف

شروق : هذا واطي الي انتوا عنده ..

نزلوا البنات وصارت قمرة وشروق يرشونهم بالموية الباردة وهم يصرخون وحمد لبس عواماته اهو ونوف اما نواف ماشاء الله عليه كان سباح ماهر ..

انقسمنا فريقين .. ساره وليان ولجين بالواطي ومشاعل راحت معاهم عشان بنتها .. والباقين احنا بالغريق وصرنا نلعب بالكورة ونتسابق عليها .. ومر الوقت واحنا نسبح ونلعب ونضحك لين تعبنا وجعنا خصوصا مع ريحة الشوي الي استلموه الخدامات .. وطلعنا ..

كل وحده خذت لها شاور ولبست وكملنا احنا الشوي .. وكل ماخلص شي نحطه على الطاولة ونهجم عليه وناكله وبدقيقة يخلص ونرجع نشوي الدفعة الي بعدها وعلى هالحال لين خلاص امتلت ابطوننا واتخدرنا ..

بنات عماتي حبوا يتفرجون على البيت ودخلنا وصرنا ندور فيه ونفرجهم على الادوار والغرف .. وليان حتى الدرج قعدت واتصورت فيه بس عجبتنا حركتها وقعدنا كلنا على الدرج متراجمين فوق بعض

واخذت لنا الخدامة أحلى صورة تذكارية .. " كانت !! "

::

" شروق "

قعدنا بالصالة نقلب بالقنوات وكل ماعجبنا شي خليناه شوي وبعدين نغير .. رزان تعبت ايدها حيل من بعد السباحة وجبت لها مسكن من مسكنات قمرة لين تروح تشوف وش سالفة ايدها

لجين : روحي لأخوي بكرا بيرجع يداوم بالمستشفى هو تخصص أعصاب ..

رزان : قالي راكان عنه .. شكلي بروح والله لاني أحس كل مالها تزيد

شعاع : ايه لاتهملين نفسك تقعد تزيد لاسمح الله ..

رزان : بس استحي ادخل عليه لحالي خصوصا انه يعرفنا

شعاع : تبين اروح معاك ؟؟

رزان : تمام بكرا أمرك ونروح ..

غادة : وليش مو ركووون يوديييييك ؟؟

رزان : اتخيلي اول مشوار لي معاه مستشفى لا والله فشلة ..

غادة : قايلة لكم هالزواج مامنه فااايدة ولا ها لو ركونك منه فايده كان فزع لك وانتي تعبانة

رزان مسكت مخده ورمتها على غادة واهي تقول : هالبنت متروسة عقد وماعندها غيري انا مستقعدة لي

غادة : ههههههههههههههههههههههههههه وانا صادقة ليه ماعرض عليك يوديك ؟؟

رزان بصراخ : عرررررض وانا عيييييت انقلعي يلا ..

ضحكنا عليهم وغادة وقفت واهي تقول : ماقول غير الله يعينك على مابتلاك ههههههههههههههههههههههه

وسحبتني واهي تقول : امشي معاي

قمت وانا اقول : وين ؟

غادة : نتمشى شوي برا

طلعت انا واياها وأول مامشينا قلت : غادة ودي أسألك سؤال

غادة بجدية : آمري !

سألت : ليه نظرتك عن الزواج سوداوية ؟؟ ترا انا ماشفت تجارب بعيوني غير تجربة أمي وأبوي بس انتي يمكن شفتي تجارب كثير وأحس دايم نظرتك للزواج انها فاشلة !

غادة : لان زي ماقلتي أغلب الزواجات الي اسمع عنها سواء من صاحباتي بالجامعة ولا صاحبات اختي وناس من أهلنا يانهايتهم طلاق يا عايشين مع بعض بس ماغير خناق ونكد ليل نهار .. ولا عشان تصير الزوجة مرتاحة ومافي نكد لازم تتنازل عن أغلب حقوقها ولا تطالب بأشياء تبيها وتسعدها عشان ماتنكد على زوجها وباالتالي ينكد عليها !! ماتحسين فيه تفاهم واحترام للعشرة !!

قلت بصدمة : بس مو معقول كل الرجال كذا !!

غادة : حبيبتي مابي اصدمك بس أغلبهم .. وين ووييييين اذا لقيتي رجال عاقل فاهم محترم يقدرك ويقدرعشرتك ويحترمك ويحترم افكارك ورغباتك

قلت : عندك خالي شوفي ماشاء الله كيف مع مشاعل حنون ومحترم ومافي زيه

غادة : ياليت كل الرجال مثل خالي كان عشنا بسلااااااام

سكتنا شوي واحنا نمشي ومادري ليه مر ببالي طيف مشعل .. هو من أي نوعية ممكن يكون ؟؟ من نوعية الرجال الي تتكلم عنهم غادة ! ولا من نوعية خالي !! هالشخص جذبني بشكل ماأقدر أنكره .. وفتح بقلبي مشاعر غريبة ماعمري حسيتها .. بس مو قادرة أميز هالمشاعر أو أقر بأنها .. حب ... !

خفق قلبي بقوة عند هالخاطر .. ولقيت نفسي ألتفت لغادة وأسأل : غادة قد حبيتي !

التفتت غادة لي وعلى فمها شبه ابتسامة وقالت : ههههههه شهالسؤال

ضحكت وانا اقول : مجرد سؤال !

غاده : اممممممممم هههههههه

اتحمست يوم شفت ترددها وقلت : قوليلي امانة قد حسيتي ان قلبك مايل لأحد أو منجذب لأحد !

غاده اتنهدت وابتسامة عذبة ارتسمت على شفاتها الشي الي خلاني اوقف قدامها واقول : اعترررررفي مييييييييين ؟؟

غادة : هههههههههه ولا احد

قلت : الا فيه هالتنهيدة والابتسامة وراها إعجاب ويمكن شي أكبر قوليلي مين ..

غادة : ماعليك ترا انا مو معطية الموضوع أهمية لأن الشخص الي هاوسني من سنين مو معطيني وجه كلش ..

قلت : يعني حب من طرف واحد ؟

غادة : تقدرين تقولين .. ويمكن هو مو حاس فيني لأني ماعمري بينت له .. كل الي بيننا سوالف وضحك لا أكثر ..

قلت : طيب ليه ماتبين له ؟؟؟؟

غادة : شتبيني اسوي اروح له اقوله ياخي تراني من سنين أحبك !

ضحكت وقلت : هههههههههههههههههههههه مو كذا بس حسسيه بنظره بكلمة بتصرف .. بس اذا بتجارين سوالفه العادية كنه شخص عادي مراح ينتبه لك عمره كله ..

غادة : آآه لو يحس فيني ياشروق كان هو الي بيغير نظرتي عن الرجال والزواج والدنيا كلهاااا ..

اتحمست أعرفه وقلت : مين ياغادة هالشخص الي لاعب بحسبتك لهالدرجة ..

غادة طالعت فيني شوي بعدين قالت : بالأول انتي قوليلي ..

قلت : شاقولك ؟؟

غادة : قد حبيتي ؟؟

رديت بسرعه : لالالالالالا ههههههههههههههه والله ماقد حبيت ..

غادة : معقووووول ؟؟ بأمريكا طالعة داخلة بروحك وكل الانواع حولك محد جذبك ولا لفت نظرك ولا حبيتي ؟؟

قلت بابتسامة صادقة : تصدقين عاد ! والله عمره محد لفتني وانا بامريكا ولا حرك فيني شعره ! عشان كذا انا مستغربة من نفسي الحين !

غادة : مستغربة من ايش ؟؟

قلت : مستغربة ان في شخص قدر يأثر علي .. أي نظرة اي كلمة أي ابتسامة منه توديني لعالم ثاني ! أحسه يعرف كيف يجذبني ويلخبطني وكيف يضايقني ويفرحني مع اني ماشفته الا كم مره بس !

غادة : ميييييييييييين ياشروووق

قلت : ههههههههه انتي أول قوليلي مين الي مهبل فيك

غادة : لاااا انتي اول !

قلت : لو تموتين انتي الي بديتي تحكين قوليلي عشان اقولك ..

غادة : ماااقدر أنطق اسمه بدوخ يمكن اذا نطقته

ضحكت وقلت : هههههههههههههه ياويلي لهالدرجة ماخذ عقلك ؟؟ طيب اوصفيلي شكله ..

غمضت غادة عيونها بحالمية واهي تقول : طويل ..

صرت أقارن بين المواصفات الي تقولها وبين مشعل وقلت : ههههه حتى الي ببالي

غادة : وعيونه ناعسة ذبااحة

قلت : هههههههه حتى هذا ..

غاده : جسمه يجنن عضلاته مفتولة تهوس

قلت : برضو نفس الشي ..

غاده : صوته رخيم يذوب الحجر ..

سكت شوي ! وصرت أسمع مواصفات الشخص الي تعشقه غاده ..

خفق قلبي بقوة وانا كل ما أسمع وصفها كل ماينرسم جزء من مشعل قدامي .. لين سكتت غادة وارتسمت صورة مشعل كاملة من وصفها !!

التفتت غادة وقالت : يلا وانتي ؟

بلعت ريقي وانا بدا الخوف من المجهول يتسرب فيني ولا حبيت أبين لغادة ان كل المواصفات الي قالتها هي نفسها مواصفات شاغل بالي وكياني ..

وحبيت أبدا بالشي الأخير والوحيد الباقي الي ماقالته غاده واللي راح يوضح لي الصورة كاملة ..

وبديت أٌقول : شعره طويل ..

غادة : حتى هوووووو ..

بس وهنا قطعت الشك باليقين .. لما عرفت ان حبيب غادة هو نفسه مشعل !

ماقدرت اتكلم ولا انطق .. حسيت صورة مشعل الي توها مرتسمه قدامي .. تتكسر وتتحطم .. وتختفي ..

افتعلت الضحك بصعوبة وانا اسحب ايدها واقول : امششششي نشوف وش يسووون شكلهم قلبوا القعدة فلة ورقص ..

مشت غادة ودخلنا لهم ولقيناهم يرقصون

وقعدت على الكنب اصفق لهم .. وأنا من داخل أتهاوى !

::

" شعاع "

دق سلطان يقول لسارة ان سيارته متعطلة وبيروح يصلحها وقال لهم يرجعون مع لجين لجين : والله انا مادري متى بيجيني هيثم اليوم آخر يوم بإجازته ويبي يستغله لآخر لحظه ..

ساره : ياربي وش نسوي حمد موعد دواه جا وماجبنا الدوا معانا !

ليان شهقت وقالت : هذا وسلطان حرصك ثلاث مرات يقولك لاتنسينه !

ساره بخوف : والله نسييييييييت مو أمي كرفتنا قبل مانطلع وكنت احاول اخلص شغل البيت بسرعه عشان مانتأخر ..

ليان : ياربي سلطان تاركنا براحتنا على اساس مطمن على حمد مالت علينا

حسيتهم متوهقات .. خايفات .. مرعوبات من شي اسمه " سلطان "

قلت : تبون سواقنا يوديكم ؟؟؟

ساره : لااااااااا يذبحنا سلطان مايرضى نركب مع سواق ؟

قلت بابتسامة : أنا أوصلكم وأرجع ..

ساره : ياعمري شعاع مانبي نكلف عليك .

رميت المخده عليها وقمت وانا اقول : بلا حكي فاضي قوموا يالله

بالسيارة

ليان واهي تتأمل السيارة : ياويلي السيارة تهبل حتى ريحتها تجنن !

ساره : على كثر مع أسمع عن البي إم كان خاطري بس أشوفها مو عاد أركبها

قلت وانا ابتسم لهم بكل حب : تفداكم السيارة وراعيتها ..

ليان : خلااااص اجل اذا وصلنا تحطينها عند الباب وترجعين بسيارة أخوي

ساره : ههههههههههههههههههههههههه عشان تكره اليوم الي رجعت فيه السعودية

ضحكت وقلت : هههههههه بالعكس أحلى شي صار من رجعت السعودية اني شفتكم وعرفتكم ..

ليان باستهبال : حبيتينا ؟؟؟؟

قلت بصدق : مررررررره حبيتكم ..

ساره : ياقلبي ياشعاع والله حتى احنا حبيناك وحبيناكم كلكم .. وينكم عننا من زمان ؟؟

اتنهدت غصب عني وقلت : لا تسأليني ..

دق سلطان على سارة وانعفس وجهها واهي تقول : يارب مايعصب ..

واول ماردت على طول قالت : "سلطان خلاص احنا قربنا من البيت "

"شعاع وصلتنا بسواقها .. هي معانا "

"هيثم بيتأخر واحنا لازم نرجع بدري عشان حمد آآ .. عشان حـ حمد طفش ويبي ينام !"

"طيب مع السلامة"

سكرت وقالت : يمه يمه يمه يحقق معاي كني وحده من مجرمينه ..

ليان : ههههههههه زين ماهددك يوقفك يوم عنده تأديب

قلت بفضول : ليه وش يشتغل ؟؟

ساره : ضابط بمديرية الأمن ..

ليان : بوليس بوليس يخوف اذا لبس بدلته وجا يطلع الصبح احسه شو ويقبض علينا وياخذنا معاه

ساره : هههههههههه ليان ماتعودت على شكله للحين تخاف اذا شافته ببدلته

ليان : ايييييييه ومره شفته بسيارة الشرطة هو وخويه ضربت له سلام عشان لايجيني شي ..

ضحكنا عليها وكانت مفاجأة غير متوقعة .. سلطان أخوهم ضابط .. يمكن هالشي اهو الي مخلي شخصيته قيادية وقوية ومسيطرة !

وصلنا بيتهم وسارة وليان شكروني وسلمت على حمودي الصغير وبسته ونزل .. هالولد يهبل الله يحميه .. ويشفيه .. !

طلعنا من شارع بيتهم وكانت فيه حفريات بالشارع وبصراحة خفت على السيارة .. قبل شوي مشيتها عشان البنات معاي بس الحين باخذ طريق ثاني قلت للسواق يلف من شارع ثاني يمين .. بعدها يسار .. وبعدها يمين .. وتهت !! ماعرفت وين الشارع اللي يطلع على الشارع الرئيسي ..

دقيت على سارة ومسرع ردت وقالت : هلا شعااع

قلت : ساااره ضيعت !

ساره : وييييي لييييه وين رحتي ؟؟؟

قلت : مادري اممممم .. ماعرفت اللفة الي تودي على الشارع الرئيسي والحين مادري من وين أروح ؟؟؟

ساره : انتي وين بالضبط ؟؟؟؟

قلت : مدري والله ياساره حولكم مو بعيدة بس شارع ضيق و .. بيوت صغيرة .. مادري وين !

ساره : طيب تقدرين ترجعين لبيتنا ؟؟؟؟

رديت : والله ماعرف شي حتى قاعدة ادور اسم الشارع هذا مو مكتوب !

ساره : ههههههه حبيبتي احنا مو كل الشوارع مسمية زي امريكا .. طيب اصبري شوي بكلم سلطان يدبرك انا ترا مثلك كميخة بالشوارع ..

قلت : طيب حبيبتي اسأليه ورديلي ..

سكرت وقعدت محتارة .. يعني الحين لو سألها هي وين وش بتقول له ؟؟؟ انا نفسي ماعرف انا وين ؟؟

دقيقتين ودق جوالي حسبته ساره بس طلع رقم غريب ..

رديت : الو !

صوت رجولي هادي : السلام عليكم ..

رديت : عليكم السلام ..

الصوت : مرحبا .. انا سلطان أخو ساره ..

اتفاجأت وهم بعد انحرجت وقلت : هلا والله سلطان ..

سلطان : كلمتني ساره تقول انك مضيعة انتي حول بيتنا ؟؟؟

رديت : ايه ما أبعدت كثير لفتين يمكن أو ثلاث ..

سلطان : طيب خليك مكانك انا الحين بالسيارة حول البيت بدور حولين المنطقة لين القاك .. شنوع سيارتك ؟؟

رديت بهدوء : بي إم سودا !

سلطان بنفس الهدوء : اوك وانا هوندا بيضا !

سكر وانا حسيت برهبة .. مادري ليه يمكن من سوالف خواته عنه .. مرت دقايق وانا بمكاني اشوف المارين يمين ويسار كلهم عبيد تخوف أشكالهم .. انقهرت على عمتي الي ساكنه بمنطقة زي هذي ..

دقايق ودق جوالي بنفس الرقم ورديت : أيوا !

سلطان : انا السيارة الي وراكم ..

التفت وشفت سيارة سلطان ورانا ومشت جمبنا واتقدمت .. وقلت للسواق يمشي وراها لين طلعنا على الشارع الرئيسي .. وقتها دور سلطان سيارته راجع ويوم قرب من سيارتنا التفت ناحيته .. بالوقت الي جت منه التفاتة ناحيتي .. والتقت عيوننا ببعض لثانيه ! واتباعدت السيارات ..

فلاشات أضاءت بمخي يمين ويسار !!

هالوجه اتذكره .. أعرفه .. سنين الغربه نستني اياه .. بس شفت بهالوجه طفل صغير .. شخص كان عايش بطفولتي .. !

سلطان شخص أعرفه بطفولته ... بس شالي أعرفه عنه ؟

عصرت مخي أبي أتذكر بعض الأحداث .. أي مواقف ..

بس للأسف ما أسعفتني ذاكرتي بشي ..

لكن الي متأكدة منه اني أعرف سلطان بصغري ..

بس كيف أعرفه ؟؟ واش مدى معرفتي فيه ؟؟

هذا الي ماقدرت أتذكره

::

"هيثم"

كنت بالطريق آخذ لجين من بيتها .. من بيت أحلى وأغرب وأجمل وأرق وأعجب انسانة صادفتها بحياتي ! قمرة ..

ضحكت وانا اهز راسي باستعجاب من نفسي ..

تدرون البارح مانمت !! من وصلتها بيتها هي وشعاع وانا صاحي لهالوقت .. صورتها مسيطرة على بالي بطريقة دوختني ! من أول مره شفتها ببيت عمتي .. لين أمس بالمستشفى !

شلون اقتحمت حياتي وسيطرت على بالي وشغلت تفكيري بهالطريقة انا مادري ! شالي ميزها عن غيرها ؟؟

يمكن عفويتها .. برائتها الصادقة والواضحة بعيونها .. ضحكتها الطفولية ودلعها .. طيحتها .. تعبها ..

فز قلبي عند هالطاري .. خبلتني البارح واهي تون بتعب .. أرعبتني عليها وأنا خايف يكون فيها شي .. أقدر أجزم ان فيها شي .. وهذا الموضوع معور قلبي بشكل كبير وأنا متخوف من انه يصيبها أي شي .. أحسها بنوتة كلها رقة ونعومة ودلال مراح تتحمل لو صار فيها شي .. نظراتها التايهة لي بالمستشفى واهي بكامل حلاتها أربكتني وخلتني أحس ولأول مره من دخلت مجال الطب اني منربش .. مو قادر أنضبط تحت كل حركة وكل تصرف وكل ضحكة وكل نظرة منها .. اهي تتصرف بعفوية وماتدري اهي شالي قاعدة تسويه فيني بتصرفاتها !

حسيت ولأول مره .. ان هالبنت خطر !

خطر على حياتي .. خطر على شغلي ..

وخطر على قلبي !

لازم ما أترك لها مجال تأثر علي بهالطريقة وأعتبرها زيها زي أي مريضة تجي تعالج عندي .. لكن الفرق ان قمرة تقرب لي وبحكم هالشي لازم أهتم فيها أكثر .. موو ؟؟

وصلت البيت .. ودقيت على لجين تطلع ..

وشي بخاطري يتمنى اني ألمح قمره ..

أفاا مو توني أقول لازم أبعدها عن تفكيري ولا أفكر فيها !!

بررت لنفسي اني أبي أتطمن بس انها طيبة وبخير بعد طيحتها البارح ..

لجين رجعت دقت ويوم رديت قالت : هيثم دخل السيارة

رديت :ليش خلاص اطلعي ..

لجين : ههههه قمرة تقول خلي يدخل باشكره على البارح

آخ قمره مره ثانية !؟

شي بداخلي ابتهج لهالطاري بس لقيت نفسي أقول : قوليلها لاشكر على واجب احنا أهل ومابيننا ..

لجين بهمس : يلا هيثم خلاص فتحوا لك البوابة

انفتحت نفس البوابة الي دخلت منها البارح .. وقدمت السيارة لمترين بس داخل الحوش الكبير .. وبعد دقيقة جتني لجين من ورى الحوش شكلهم كانوا برا .. ومن خلفها كان يمشي القمر الي يسلب مني تركيزي مثل كل مره ..

لجين فتحت الباب وركبت وقمره بنفس عفويتها قربت واهي لابسة بنطلون جينز وبلوزة كم قصير والطرحة لافتها أي كلام على راسها ..

الحين يقالك محجبة ياقمرة ؟؟؟

تكفين روحي خليني اقدر أطلع وأركز وأسوق زين ..

قمره مدت إيدها لي وقالت بضحكة : سلاااااام دكتوور

هذي محد علمها ماتسلم على رجال غريب ؟؟؟؟ زين محد نبهها يوم سلمت علي آخر مره انه مايصير تسلم ؟؟ محد قالها لاتمدين ايدك مره ثانية ؟؟؟

بس قلت لكم هالانسانة تسلب مني قدرتي على التفكير بالشكل الصحيح ولقيت نفسي أصافحها وارد : عليكم السلام اهلين

أبعدت ايدها وانحنت بنصف قعدة عند باب لجين وقالت : ترا مره شكرا على أمس معليه لما وصلتني كنت تعبانة ودايخة ولا شكرتك ولا شي هههههههههههههههه

ابتسمت غصب لضحكتها الطفولية وقلت : مايحتاج شكر ياقمره احنا أهل وهذا واجبي

ميلت قمرة راسها وقالت بدلال : تسلم

بنفس الابتسامة : الله يسلمك ..

لجين : خلاص قمرة تعالوا لنا الشاليه طيب؟؟؟

قمره : أكيد حبيبتي بكرا أو بعده نجيكم ..

لجين : ان شاء الله

وقفت قمره واهي تقول : يلا ما أعطلكم بااي .. وطالعتني واهي تقول بنبرة هادية ناعمة : باي هيثم ..

لا تقولين هيثم تكفين .. " دكتور" أرحم .. أحس كني أسمع اسمي لأول مره .. مو معقول الي قاعد يصير فيني من هالمخلوقة الي قدامي !!

سكرت قمره الباب ورجعت السيارة على ورى وقمره لازالت واقفة قدامنا تطالعنا .. ويوم جا الباب يتسكر أشرت بإيدها لنا واهي تقول : بــآآآآي ..

ودارت مبتعدة .. واتسكر الباب .. واختفى القمر!

أول مامشينا قلت للجين : شلونها بعد أمس طيبة ؟؟؟؟

لجين : ههههههه اي ماشفتها شلون تنط نط هالبنت تهبل من جد خايفة يصير فيها شي ..

انقبص صدري وقلت : حاولي معاها تجي المستشفى أقرب وقت .. لازم نسويلها فحوصات لا سمح الله صار فيها شي نكون اتداركنا الوضع من البداية ..

لجين بخوف : يمه هيثم وش ممكن يكون فيها ؟؟؟

قلت : مادري يالجين .. الصداع والاغماء عرض لأمراض كثيرة .. ان شاء الله مايكون فيها شي منهم

سكت وصرت أحاول أبعد صورة قمره من قدام عيوني ..

زي ماكنت أحاول أبعدها من بالي وتفكيري وحياتي وعالمي وكل شي ..

::

"شعاع"

صحيت على رنين جوالي ويوم انتبهت لقيتها رزان ..

قعدت على حيلي ورديت : هلا زوزو

رزان : هلا شعاع كيفك؟

رديت وصوتي نوم : تمام انتي كيفك؟؟

رزان : والله ايدي تعورني مره ..

قلت : يلا يلا كم الساعه الحين ؟؟

رزان : 3 باقي شوي ويأذن العصر ..

قلت : أوووف والله ماحسيت بالوقت أمس سهرت انا وخواتي للصباح

رزان : هههههههه ماشاء الله عليكم

قلت : خلاص بنروح للدكتور هيثم بعيادته الخاصة أمس لجين كلمته وقال نجي الساعه 4 عشان يدخلنا أول شي ..

رزان : زييييييين والله شلت هم المستشفى والزحمة واللطعة

قلت : لا هو يداوم الصباح بالمستشفى والمسا بعيادة خاصة لأن مواعيد المستشفى زحمة وحوسة ومو أي أحد يقدر يدخل ..

رزان : خلاص اوك انا الحين بالبس وأمر عليك

رديت : اوك حبيبتي أستناك ..

قمت لقيت خواتي لسه نايمين .. خذيت لي شاور سريع ولبست و " صليت الظهر والعصر " هذا شي جديد صرت أحرص عليه من كم يوم ..

دقت علي رزان وطلعت .. ركبت السيارة ومشينا ..

وصلنا للعيادة وسجلنا عند الاستقبال وفتحت رزان ملف لها .. لقينا غرفة الانتظار زحمة .. ماشاء الله هذا واحنا جايين بدري .. وقفنا عند الباب نسولف ..

شوي وانفتح باب الاصنصير وطلع منه ولد صغير عرفته على طول .. " حمد "

ابتسمت يوم شفته وهو أول ماشافني مشى مسرع ناحيتي .. مشيت له وأول ماوصلت له حبيبي اترنح وطاح .. رحمته وهو بصعوبة مشى ووصل لي .. شلته ووقفت وبسته وأنا أقول : حمودي حبيبي شلونك ؟

حمد : طيب ..

التفت أبي أشوف اهو جاي مع مين ..

وشفته قدامي " سلطان " كان بثوب وشماغ وهيأة رسمية مرتبة ماتوحي ان هالشخص يقل مستوى عن غيره ولا بأي شكل من الأشكال .. بالعكس له طابع يفرض الاحترام والهيبة لمن حوليه وهذا نفس الشعور الي حسيته أول ماشفته بالاضافة للمفاجأة الغير متوقعة اني أشوفه بهالمكان ..

كان مع حمد بالمصعد .. دخل وظل واقف مكانه يراقبنا انا وحمد الي بين إيديني ..

كانت عيونه تتنقل بيني وبين حمد .. نظرات أربكتني غصب عنك ..

مشيت ناحيته وقلت بهمس : مرحبا

سلطان : هلا شعاع !

اتفاجأت ! عرف اسمي ؟؟ ربط بين شكلي واسمي !

يعني ..

يعرفني ؟؟؟؟

انا كنت حاسة اني أعرفه .. وانه مو زيه زي باقي القرايب الي اتعرفت عليهم يوم رجعت السعودية واستقريت .. كنت حاسة ان هالشخص مختلف وأعرفه أكثر من غيره بس مادري متى .. ووين .. وكيف .. ؟

ناولته حمد وانا أحاول أكون بعيدة عنه قدر استطاعتي .. بس نظراته أحسها تخترقني وتربكني ..

ابتسمت بحرج وقلت وانا أطالع حمد : الله يخليه لكم ..

سلطان : تسلمين .. وبنبرة استفسار قال : سلامات ؟؟

رديت : لا بس بنت خالتي توجعها إيدها ونبي الدكتور هيثم يشوفها ..

سلطان هز راسه وقال : ماتشوف شر ان شاء الله ..

بعدها التفتنا كلنا ناحية اليمين لما شفنا الدكتور هيثم متقدم بلباس المستشفى وبهيأة دكتور خلتني ابتسم بفخر وانا أطالعه يأشر لنا انا وسلطان من بعيد ويكلم الاستقبال ..

سلطان : عن اذنك ..

انتبهت وقلت بسرعه : اتفضل اتفضل ..

وأبعدت عنه واهو مشى شايل حمد لوين مالدكتور هيثم واقف ..

رجعت لرزان وقلت : رزان هذا سلطان ولد عمتي !

رزان : ايه عرفته ..

قلت : أحس اني أعرفه يارزان .. يعني أحس اني وانا صغيرة كنت أشوفه كثير وجهه مره مألوف ..

رزان : الله من قبل خمس عشر سنة بتذكرينه ؟؟ لا أكيد تتوهمين شوفي ولا وحده من البنات عرفتيها يوم شفتيهم ..

التفت ناحيته وطالعته واهو يتكلم مع هيثم وقلت بتردد : يمكن لأنهم كانوا صغار بس سلطان كان أكبر مننا كلنا ..

رزان بضحك : أجل زين الي تذكرين أحد من أهل أبوك فيك رجا الحمدلله

ضحكت وقلت : حتى هو عرفني كلمني باسمي تو !

رزان : جد ؟؟ يعني كنتوا تعرفون بعض زين تلعبون مع بعض مثلا ؟؟؟

سكت شوي وقلت : ما أذكر .. مادري .. يمكن أتوهم على قولك ..

جت الممرضة ونادت باسم رزان .. مشينا وراها لغرفة هيثم واحنا ماشين مرينا من انتظار الرجال وانتبهت لحمد .. يعني احنا دخلنا قبله حبيبي حمد ليتني خليته يدخل قبلنا بدل ماينتظرنا ..

دخلنا عند الدكتور هيثم .. وسأل رزان كم سؤال عن إيدها وأعراضها .. وشك بشي معين وقرب منها ومسك ايدها وقال : بحرك إيدك بطريقة معينه اذا عورك قولي على طول ..

ضم اصباعها الابهام لداخل كفها وميل الكف بخفيف على اليسار وماوعيت الا على صرخة رزان بأعلى صوتها ..

شهقت بخوف وهيثم ترك ايدها وقال : معليه آسف .. خلاص واضح هذا تشابك بالأربطة .. ومسك قلم وسوى x على مكان الألم ..

رزان بألم : طيب اش اسوي دكتور ؟

هيثم : تحتاجين فتحة بسيطة بمكان الألم صغيرة 2 سنتي بس .. نعدل فيها وضع الأربطة ويصير كل شي تمام ان شاء الله

رزان بخوف : عملية يعني وغرفة عمليات وبنج ؟؟؟؟

هيثم بضحكة خفيفة عذبة : هههههه لا .. كلها بنج موضعي وانتي صاحية 10 دقايق وتقومين سليمة مافيك شي ان شاء الله ..

رزان : ان شاء الله .. طيب متى أسويها ؟؟

سكت هيثم شوي بعدها قال : تعالي بعد نهاية الدوام على 10 ونص وبسوي لك هي ان شاء الله

رزان : تسلم دكتووور ان شاء الله مايكون ضغط عليك بس

هيثم : لا مافي شي بس لاتتأخرين عشان تكون الممرضة موجودة

رزان : ان شاء الله

وقفنا كلنا ومشينا .. وهيثم مشى معانا للباب

وقلت بابتسامة : شكرا دكتور

هيثم واهو يهز راسه : العفو ..

طلعت رزان قبلي وانا يوم جيت أطلع ناداني هيثم بهدوء : شعاع ..

التفت بنفس الابتسامة ..

هيثم : لاتتأخر قمره عن الفحوصات ..

هزيت راسي بايجاب وانا اقول : ابشر ان شاء الله بحاول معها تسويها قريب ..

هيثم : تمام

طلعت وانا هالطاري خلى قلبي ينقبض على قمورتي .. وحرصت اني أزن عليها اذا رجعنا تسويها بأقرب وقت ..

مشيت أنا ورزان واتعدينا انتظار الرجال ومادريت الا على الي يسحب عبايتي من ورى

انفجعت وسحبت عبايتي ودرت بسرعه لقيته حمودي حبيبي الي طاح لأنه كان ساند ايده بعبايتي وطاح يوم سحبتها ..

انحنيت له وانا مو منتبهه لسلطان الي كان ماشي بسرعه يبي يشيله .. فكلنا تقريبا شلنا حمودي مع بعض .. وحمله سلطان على كتفه ..

مسحت على خد حمودي وانا اقول : حبيبي اتعورت

حمد وهو يهز راسه بقوة : لااااا أنا قووووي ..

قلت بحماس : طبعا يابطل انت أقوى ولد بالدنيا ..

ضحك حمد وصار يحرك رجوله بفرح .. مديت ايدي ومسحت على راسه بحنية .. وانا أحاول ما أطالع بسلطان لكن غصب التقت عيوننا ببعض و سلطان قال بهمس : عندك الكتاب؟

استغربت سؤاله ومافهمت وقلت : عفوا ؟؟؟

" حمد غازي"

كانت الممرضة تنادي على اسم حمد ..

سلطان : عن اذنك ..

ابتعد وتركني بين مئات الاستفهامات ..

سلطان طالعني بنظرة غريبة وسألني سؤال أغرب .. !

واختفى ..

وأنا الي كنت مو متذكرة شي .. صرت الحين بعد مو فاهمة شي !




::


　

[المحظوظة]

::

"قمره"

من قالت لي شعاع ان رزان بترجع بالليل لعيادة الدكتور هيثم وأنا ضرب براسي ألف سيف إلا وأبي أروح معها ..

ومرت علي زي ما خططت معها ورحنا للعيادة الي كانت شبه فاضية .. لأن الدوام انتهى بس هيثم كرم منه بيسوي الجراحة لرزان..

كنا واقفين عند الاستقبال الا جا هيثم من بعيد وقال : اتفضلوا

مشينا ناحيته ولا فاتني الاستغراب الي اعتلى وجهه يوم شافني .. شكله وهيأته باللاب كوت حق الدكتور طالع كنه شخص ثاني بعث بداخلي المرح ويوم وصلنا لعنده مديت ايدي وانا اقول : مرحبا دكتور

سحبت رزان ايدي واهي تهمس لي بعصبية : حرام ياخبلة

اتوسعت عيوني وانا انقل بصري بينها وبين هيثم الي ابتسم بخفة ومشى وهو يقول : اتفضلوا

مشى قدامنا وانا دقيت رزان بكوعي وقلت : خير شالي حراااام ؟؟؟؟

رزان : حرام تسلمين على رجال غريب وش يصير لك هيثم عشان تصافحينه ؟؟

قلت : دايم أصافحه !

رزان : وييييي ياخبلة تلقينه ينحرج منك مايبي يفشلك ولا مايصير ياقمره مانصافح الرجال احنا حرام وعيب !

رديت : ليه باحضنه اذا صافحته انا ؟؟ ترا سلام وخلصنا ..

رزان : بعدين بعدين أفهمك ..

دخلنا غرفة المعالجة .. والممرضة استلمت رزان وساعدتها على صعود السرير ورزان اتمددت .. واستعدت لوضعية الجراحة واهي مادة ايدها على خشبة مخصصة والممرضة ثبتت ايدها بحزام ..

مشى هيثم لعندها وقال بهدوء : باعطيك البنج .. راح تحسين بوخز خفيف ..

مسك الابرة الكبيرة الي خلتني أشهق غصب عني ..

رزان كانت مغمضة عيونها يوم سمعتني شهقت التفتت وقالت : شفييييه ؟؟؟

قلت بخوف : الابرة تخوف !

رزان : يوووه ياقمرة تبين تخوفيني اطلعي برا ..

ودارت وجهها على الجهة الثانية وهيثم غرس الابرة بايدها وبعد ماطلعها قال : بنخليك شوي لين ياخذ البنج مفعوله ..

وراح هو والممرضة ناحية أدوات الجراحة يطلعونها ويجهزونها ..

بهالوقت انا لفتتني الضمادات المتنوعة الي على الطاولة وقمت أقلب فيها وأكتشفها وأحوس فيها .. ويوم جيت التفت لرزان انتبهت لهيثم وعيونه علي

قلت بضحكة : والله مافتحت شي !

هيثم مارد وتم يطالعني واهو مستند على الجدار ومكتف ايدينه بطريقة خلتني أبلع ضحكتي وأمشي وأقعد على الكرسي بهدوء كل هذا واهو يتبعني بعيونه كنه في مغناطيس جاذبنا

تم يطالعني وهو مضيق عيونه فيني وانا حلفت والله ما أبعد عيني الا اذا هو أبعد .. حسيت اننا قاعدين نلعب وابتسمت .. ولما شفت ثبات نظراته بدون ابتسامة اختفت ابتسامتي وبديت ارتبك شوي وابعدت عيني ثواني ورجعت عيني تلتقي بعينه .. قال للممرضة وعيونه لازالت علي تشيك على البنج

شيكت الممرضة وقالت : Ready
أخذ تنهيدة عميقة مدري ليه حسيتها بسببي ومشى للدرج ولبس قفازاته والكمامة هو والممرضة ودار ناحية رزان والممرضة معاه ..
انا فجأة حسيت بخنقة .. الاوكسجين اختفى من المكان افتحوا الشبابيك !
هو الدكتور دايم يطالع مريضاته بهالطريقة ؟؟
هذا نوع من العلاج مثلا ؟؟؟
لا دكتور انت كذا تمرضني زيادة !
انتبهت على صوت رزان : قمره انتي هنا ؟؟
رديت : امممم ..
وقمت بهدوء ووقفت عند رجولها وشفت ايدين هيثم واهي تلعب بأربطة بنت خالتي وقلت بلا شعور : آآي ..
رزان بحمق : شششششش قمره
الممرضة تكلمني :
you have to sit اصلا بدون ماتقولي انا حامت كبدي من المنظر ومن الدم الي كل شوي تمسحه الممرضة .. رجعت على الكرسي وجلست اهز رجلي وعيوني تروح وتجي على الدكتور العجيب الي قدامي
انتهت العملية وقام هيثم والممرضة كملت شغلها وثبتت رباط رزان وانتهت ..
قعدت رزان والتفتت علي وانا قلت بضحكة : الحمدلله على السلامة
رزان بهمس : الله يسلمك
طالعت رزان بهيثم الي كان معطينا ظهره واشرت على راسي واهي موسعة عيونها فيني ..
طالعتها ببلاهة ورزان مدت ايدها زي الي ودها تعطيني كف
ضحكت على اشارتها الي خلتني استوعب انها تقصد طرحتي الي ما ادري من متى واهي طايحة على كتفي ..
رفعتها وحطيتها على راسي وانا لأول مره أحس بحرج من الموقف ..
حرج خلاني أقوم من مكاني وأطلع من الغرفة وأمشي ناحية المصعد أنتظر رزان هناك
طلعت رزان ومعها الدكتور وسلمها ورقة يمكن وصفة دوا ولا شي
بعدها جتني رزان والدكتور وقف مكانه مع الممرضة ينهون بعض الاجراءات ..
دخلت المصعد انا ورزان واهي على طول قالت : قمره حبيبتي ترا لازم تنتبهين لطرحتك من دخلي لين طلعتي واهي على كتفك
قلت بعناد : ويعني ؟؟؟
رزان : قمووور شالي ويعني ؟؟؟ مايصير !
قلت بنفس النبرة : الا عند هالدكتور يصير ..
رزان باستغراب : ليش ان شاء الله أخوك وانا مادري ؟؟
قلت : لا بس قاهرني يطالعني كني مخلوقة جاية من كوكب آخر .. !
رزان بضحكة : وانتي فعلا جاية من كوكب آخر
قلت : هههه مالت عليكم كلكم ..
انفتح باب المصعد وطلعنا ومشينا للشارع ورزان كلمت سواقها يجي لعند الباب
وبعد دقايق واحنا واقفين ننتظر .. شفنا هيثم طالع من نفس البوابة وجواله باذنه يكلم ..
انتبه لنا ووجه نظراته لرزان وسأل موجه كلامه لها : فيه أحد جايكم ؟
رزان : ايه الحين سواقنا بيجي .. تسلم
هيثم : تمام .. أوك فمان الله
رزان : الله معاك
قربت فورا سيارة يسوقها سائق .. فتح هيثم باب السيارة وركب وانطلق السائق بالسيارة ..
حسيت هيثم تجاهلني .. ووجه نظرته وسؤاله لرزان
ما أدري ليه هالشي ضايقني من داخل ..
بس مرات خواتي يقولون عني حساسة ..
هذا هو .. حساسة انا موو ؟
::
"بعد كم يوم "
.. بين مئات المسافات والأميال والمحيطـــــات ..
معاكم نادر ..
اتوقع أغلبكم كرهني وسبني وحقد علي .. بس راح أعترف لكم بشي .. "انتوا بس" الي بتدرون عنه ..
فتحت عيني على صوت الباب ينفتح .. التفت لقيت زميلي رائد يدخل واهو شاق الضحكة ويقول : مبرووك كتبولك خروج ..
هالشي مفترض انه يسعدني بس انا اتمنيت لو مت بالحادث .. لو ماصحيت من العملية .. شأبي أطلع من المستشفى وأشوف الشوارع بدونها .. وألقى الدنيا خالية .. فاضية .. قاحلة من بعدها ..
اتنهدت تنهيدة حسيت بحرارتها تطلع من عمق صدري ..
رائد ربـّـت على كتفي وقال : شد حيلك
ضغطت على الزر الي يجلس السرير .. وناولني رائد العكازات وقمت للحمام .. بدلت ملابس المستشفى بملابسي ..
ولما طلعت لقيت رائد أنهى كل الأوراق وواقف معاه العربية ينتظرني
قلت : وين جوالي ؟؟
رائد : معاي بالسيارة ..
هزيت راسي ومشيت للكرسي المتحرك وجلست .. ودفني رائد لخارج المستشفى الي دخلته عشانها .. وطلعت منه بدونها ..
ركبنا السيارة وناولني رائد جهازي الي ظل مغلق كم يوم من بعد آخر مره كلمتني فيه شمس .. أذكر صوتها ودموعها الي قطع كل احساس ينبض بكياني .. وأذكر كيف داهمتني الدوخة بشكل أفقدني السيطرة على الجوال وطاح مني ..
ومن بعدها ما أدري عنها بولا شي ..
فتحت جوالي وبعدها بدقيقة وصلتني كمية الرسائل الي توحي بمكالمات مختلفة .. منها بعض الزملاء ومنها أبوي .. بس أغلبها وأكثرها كانت من عذاب روحي .. شمس !
كان تمسكها فيني يذبحني .. وتعلقها فيني يكويني .. وأملها برجوعي يدمرني ..
وصلنا بيتنا وعاوني رائد على النزول .. واول مادخلنا البيت استقبلتنا زوجة أبوي .. وسألتها عن أبوي قالت لي انه طالع لشغل وراح يرجع بعد كم ساعه ..
طلعت لغرفتي بمعاونة رائد ..
وقعدت على الكنب ورائد معاي ..
رجعت راسي على ورى وغمضت عيوني وأنا أحس اني مجرد من الروح !
رائد : نادر شفيك ؟؟
قلت بضيق : قدروا يعالجون صدري من برا بس محد يقدر يعالجه من داخل يارائد .. أمرضتني وراحت وأخذت دواي وراحتي معاها ..
رائد : نادر .. أنا ودي أسألك سؤال
قلت : اسأل
رائد : دامك انت وياها متعلقين ببعض بهالشكل ومن زمااااان .. ممكن اعرف ليش ماخطبتها ؟؟؟؟
فتحت عيني وطالعت برائد وضحكت بسخرية وقلت : على بالك انا أخلي شمس تضيع من ايدي بدون ما أخطبها ؟؟
بانت علامات الاستفهام على وجه رائد وانا عدلت راسي وكملت : يارائد أنا من اربع سنين خطبتها من ابوها !! قالي صغيرة انتظر لين تتخرج .. قلت مابي زواج بس عقد .. زين بس خطوبة .. رفض وقال مافي شي قبل التخرج ! واتخرجت .. ورديت خطبتها مره ثانية تدري شقال ؟؟؟
رائد باهتمام : شقال ؟؟؟
قلت : قالي أنا برجـّع بناتي السعودية .. ماعاد أبي وحده منهم تعيش هنا .. واذا تبيها انقل السعودية وبعدين اخطبها .. وشلون أنقل يارائد وانا ابوي ممنوع من دخول السعودية هالي ماقد شفتها بحياتي ! طلبته واترجيته يتمم خطوبتنا ويخليها معاي وبس أتخرج أقدم على السعودية يمكن يقبلوني بأي صفة رسمية بعيدة عن أبوي .. قال ما أضمن هالشي .. طلبته أخطبها وتروح السعودية بس على الأقل أضمن انها لي وماخاف ان أحد ياخذها مني .. قالي يانادر انت على عيني وراسي بس مابي أوقف نصيب بنتي وانت مستقبلك مجهول !! أبي أأمن على بناتي بالسعودية والي يبيهم يخطبهم من هناك ! ماعاد أبي وحده منهم تعيش برا !
رائد بصدمة : معقول هالكلام ؟؟؟ وشمس تدري ؟؟
قلت بقهر : لا ماتدري .. حذرني أبوها ما أعلمها وظليت مخبي الأمر لأني كنت متمسك بأمل أخير وهو ان شمس تقعد بحجة الدراسة .. انها تكمل دراستها وبهالوقت يمكن أبوها يرضى بخطوبتنا على أساس ماتقعد لحالها بأمريكا واهو ترك البلد .. لكن شمس خذلتني وراحت .. كنت حاس ابوهم مخطط لها حياة ثانية هناك .. راحت يارائد للمكان الي ما أقدر ألحقها فيه .. وظليت أنا بالمكان الي ماعاد تقدر ترجع لي فيه ..
رائد : بس يانادر شمس لازم تدري بهالكلام ؟؟ تلقاها الحين مجروحة منك على بالها انت تركتها بس لمجرد انها تركتك .. ماتدري ان ابوها السبب بكل هذا ؟؟
قلت بألم : مابيها تعرف ..
رائد : ليه يارائد ؟؟ هي تدري انك ماتقدر تدخل السعودية ؟؟؟
رديت : طبعا لا !
رائد بقهر : يانادر لازم شمس تتوضح لها الصورة .. مايصير تسوي فيها كذا وتظلمها وتظلم نفسك معاها ..
طالعته وانا اقول بيأس : طيب ودرت .. شالفايدة ؟؟؟؟
رائد : على الاقل تعذرك .. وتوقف معاك .. وتعرف انك مو قاصد تتركها وتعذبها بهالطريقة !!
نادر : يارائد أنا متعمد اسوي كل هذا ..
وبكل ألم يعتصر قلبي قلت : أبيها تكرهني !
::
" شمس "
نزلت الدرج ولقيت خواتي بالصالة شكلهم كانوا ينتظروني من فترة ..
قعدت على الكنب وقلت : بنات مابي ارووح ..
شروق : شمس والله أزعل منك يعني مايصير احنا نروح وانتي تقعدين !
شعاع : مراح نستانس تعرفين اذا ماكنا مع كلنا بعض مانقدر نستانس
قمره : ولا نقدر نطول بنقعد قلقالين عليك وشايلين همك يلا شمووس قومي بليييز
ان كان بقى فيني ذرة فرح حية ماقتلها نادر فيكون بمعلومكم ان خواتي اهم السبب فيها..
قمت عشان خواطرهم بس .. ورحت لاجل عيونهم بس ..
ولا أنا ماحس لحياتي لون وطعم من بعد نادر .. ولا راح أحس ..
رحنا لشاليه عماتي الي كان عمي عصام مستأجره آخر يومين قبل الدراسه ..
كانوا عازميننا وملزمين علينا نجي .. والي حمسنا أكثر ان مرة عمي عزمت خالتي وبناتها بحكم النسب الجديد الي بينهم بعد ارتباط راكان ورزان ..
كنا نمشي بالطريق والشاليهات على يميننا ويسارنا لين وصلنا لشاليه عماتي ..
كان في دكة خارجية قاعدين فيها الرجال مرينا من جمبهم وشفنا محمد " أخوي " يضحك ويأشر لنا ..
ضحكنا له وأشرنا له وعمي قال وهو بمكانه : ياحيا الله بنات أخوي تو مانور المكان ..
مشينا لعنده نبي نسلم عليه وهو وقف لنا وسلم علينا .. بس مدري ليه حسيت وقفتنا بهالشكل بين الرجال محرجة بس شكل عمي ماتوقع قدومنا ناحيته ..
قمره أشرت لمحمد واهي تقول بمرح : كيفك اخووووي ؟؟
محمد الي ضحكته دوم ماتفارقه قال : تمام انتوا كيفكم ؟؟
ردينا : الحمدلله ..
تركنا المكان ومشينا .. بس واحنا نبعد انتبهت لشاب كان قاعد مع راكان خطيب بنت خالتي ! لفتني غصب وانا اشوف نظراته الحادة ناحيتنا .. بس الي لفتني ان نظراته كانت مصوبة بالضبط ناحية شعاع اختي ! التفت لشعاع لقيتها تتكلم مع شروق ومو منتبهه .. تجاهلته ودخلنا كلنا لداخل الشاليه وين ماكل العيلة متجمعة ..
سلمنا على عماتي وقعدنا مع بنات خالتي وعماتي ..
ماعجبتني القعدة داخل المكان وقلت : انتوا ليه قاعدين هنا كننا قاعدين بالبيت امشوا نطلع
ساره : طلعنا احنا قبل شوي داخلين
قمره : طيب اطلعوا مره ثانية عادي انا صراحة ودي اشوف وين الجتات ابي اركب جتس كي ..
ليان : تعرفيين ؟؟؟؟
قمره : طبعا اش يبغاله !؟
ليان : ياااااااي اجل اذا ركبتي باركب وراك احسه يونس بس أخاااف
قمره : اوك يلا قوموا نركب الحين ..
شعاع : اصبري ياقمر تونا جايين
قمره : باقي شوي وتظلم الدنيا ومو حلو بالليل ..
شروق : اي وانا بعد أبي اشوف ضدي الغروب بشوف مين احلى هو ولا انا ..
ضحكنا عليها وقمنا كلنا ..
لجين : خلونا نطلع من الباب الي ورا عشان لايشوفونا الرجال ويقولون كيني ميني ..
رزان ظلت قاعدة وقلت لها : مو قايمة ؟؟
رزان : لا باطلع انا وراكان ..
شعاع : وااو مستحية حبيبتي تبيني أطلع معاكم ؟؟؟؟
رزان : ههههههههه طيري زين ..
ضحكنا عليها وطلعنا كلنا .. عماتي حرصوا بناتهم مليون حرص مايبعدون ومايزعقون ومايضحكون و و و و .... !
عشنا عمرنا كله ماقد سمعنا هالتعليمات .. بنات عماتي يتذمرون منها لكن احنا بالعكس .. يعجبنا هالاهتمام والحرص الي من الأهالي .. والي فقدناه بحياتنا .. مالقيناه الا الحين من أمي الله لايحرمنا منها ..
عباياتنا تركناها بالشاليه ولفينا طرحنا وطلعنا .. بالبداية ومشينا ناحية البحر نتأمله كانت منطقة حلوة ونظيفة .. انا وقمرة مشينا للشاطئ ورفعنا بنطلواتنا ودخلنا لبداية البحر وشعاع من ورانا تقول : انتبهوووا لا تكون منطقة خطرة !
مسكنا انا وقمرة حجر وصرنا نرميه لأبعد مكان واتحمسوا البنات واتقدموا معانا وصاروا يرمون الحجر ..
فاجأتني قمره لما نادت لجين وسألتها فجأة : هيثم ماجا ؟؟؟
لجين : لا توه طالع من المستشفى كان يبي يروح عيادته بس شكل الرجال لزموا عليه يجي ..
قمره : يعني بيجي ؟؟؟؟
لجين بضحكة : ان شاء الله .. ليه ؟؟
قمره : لا بس أسأل لاني ماشفته برا ..
انتبهنا لصوت من ورانا يقول : ياعيني ياعيني عليكم !
التفتنا لقينا محمد ورانا متخصر ويطالعنا ..
قمره : محمد وين الجتات نبي نركب !!
محمد بحماس : والله تعرفون ؟؟
قمره : أعلمك حبيبي ..
محمد : ههههههههههه زين يلا نركب ووريني فلاحتك
اتحمسنا كلنا ورحنا مع محمد لمنطقة الجتات وطارق أخوه جا معانا ..
استأجرنا كم واحد وركبنا انا وخواتي ومحمد وطارق وانطلقنا بوسط البحر ..
ليان وسارة ولجين كل وحده ركبت ورى وحده من خواتي .. بس انا ركبت لحالي وانطلقت لأبعد نقطة كان ممكن أوصل لها ..
هالبحر مايوصل لأمريكا ؟؟؟
مايوصلني لنادر ؟؟
اتمنيت أغمض عيني وأفتحها أشوفه اهو مكان محمد .. ولا طارق ..
اتنهدت وانا أدور الدباب وأرجع .. كنت مسرعة ولسعات الأمواج الي تنثر مويتها على وجهي وايدي كانت حارقة .. بس ماحسيت فيها جمب لسعات قلبي وروحي ..
انتبهت لقمره واهي تسقط على محمد ومحمد يضحك ويلحقها بجو من المرح .. قررت بهاللحظة أتناسى همي ووجعي وأشاركهم مرحهم ..
مشيت مسرعه ناحيتهم وقمره من شافتني صارت مسرعة ناحيتي .. وكلنا مسرعين قبال بعض وباقي شوي ونصدم ببعض وقبل مانوصل بمترين لفينا الدباب واحنا نضحك على بيان الي تصرخ بخوف يوم حسبتنا بنتصادم .. جتنا شروق وشعاع وصرنا نتسابق بسرعه ونضحك على صراخ ساره وليان ولجين الي اول مره يركبون وميتين خوف ..
بعد نص ساعة جانا المسئول يصفر ويقول لنا نرجع رجعنا كلنا بس شروق وغادة مارجعوا !!
نزلنا وانتظرناهم وظلم المكان واهم مارجعوا
شعاع : وين راحوا المهابيل ذولا ..
محمد : غريبة الرجال يقول مافي أحد بالمنطقة .. !
قلت : يمه بسم الله وين اختفوا ؟؟
شعاع : أدق على جوالاتهم مايردون !
طارق : يمكن ابعدوا وراحوا من الجهة الثانية ترا في أكثر من منطقة للدبابات وكثير يخالفون ويبعدون بس يرجعونهم بعدين ..
مشت شعاع والبنات معها قدام الشاطئ يمكن يلقونهم نازلين بمنطقة ثانية ..
انتبهت لهم يبعدون ومحمد كان واقف عندي ماراح معهم
ابتسمت له وقلت : انت دايم بالبحر ؟؟
محمد : ايه كل ويكند لازم أطلع البحر
قلت : حلوو .. البحر يوسع صدرك مهما كنت مضايق ..
محمد فاجأني بسؤاله : ليه انتي وش مصايقك ؟؟
طالعته باستغراب وقلت : مافي شي .. ليه !
محمد : كلامك تو .. ومدري احس في شي مضايقك ..
مقعولة لهالدرجة حزني وضيقي فاضحني ! سكن بعيني وبان على وجههي وصار جزء مني .. !
حاولت افتعل الضحك وانا اقول : لا سلامتك بس تعرف تغير البلد علينا شوي مابعد تأقلمنا ..
ومشيت وقعدت على صخرة كبيرة .. يمكن حس محمد ان ودي أقعد لحالي ..
وقال : بروح اشوف البنات رجعوا ولا لاء !
قلت بهدوء : خذ راحتك
وراح محمد .. وحل مكانه طيف نادر .. ظليت قاعدة على الصخرة اراقب أمواج البحر المتلاطمة بتلاطم أوجاعي .. لميت ايديني حولين صدري يمكن أٌقدر أخفف شوي من الألم الي يجتاح روحي كل ما جا على بالي ..
ماقدر أنساه .. وهو الحياة وهو الأمان وهو المجرم وهوالمداوي وهو القلب الي ماحبيت غيره بهالدنيا .. هو القلب الي ملكني بحبه وغمرني بحنانه لين صرت عاجزه عن نسيانه حتى مع هجرانه .. وفي كل يوم أمني نفسي برجوعه .. ومرات .. أحس أمنيتي أبعد عني بـُعد السماء عن الأرض .. ومرات أحسها أقرب لي من أنفاسي ..
ولأني أحبـه بكل ما أملك من حواس .. وأعشقه بكل ذرة بكياني .. ألقى نفسي أدوس على كرامتي وأحاول أرجع له .. وأنا مجردة من الرووح ..
وبهالشعور مسكت جوالي ودقيت أرقامه .. رفعت السماعة لاذني بيأس .. بس انتفض كياني يوم سمعت رنين الجوال .. جوال نادر رجع يدق !!
تسارعت نبضاتي بعنف وانا أترقب الرد .. أتمنى الرد .. وانقطع الخط ونادر مارد ..
عاودت الاتصال .. وعلى نفس الحال ..
بس ماقطعت الأمل .. وعمري مراح أقطعه .. بيجي يوم .. وترد ياعذاب روحي يا نادر ..
::
"شروق"
واحنا بالبحر نلعب بالجتس كي .. قربت غادة بدبابها مني وقالت بصراخ عشان أسمعها : مشاعل هنا !
هديت عشان أكلمها : وين ؟؟؟؟
غادة : شاليه قريب طالعة مع خالاتها عندهم شاليه هنا مستأجرينه بالسنة ..
قلت : حلوو كلميها تجينا ..
غادة واهي تغمز لي : شرايك احنا نروح ؟؟؟
قلت : وين نروووح ؟؟؟
غادة : مشعل واخوياه دايم هنا يمكن اذا رحنا ناحية البحر الي عند شاليههم نلقاهم ..
ضحكني طلبها الصريح وقلت : هههههههه بكيفك ..
غادة اتحمست وقالت : يلا بس بسرعه لأن ممنوع نبعد أكثر من الخط اللي حاطينه ..
وانطلقت مسرعه وأنا معاها ..
كنت بس بالجينز والتيشرت وطرحتي لافتها حولين رقبتي ونص شعري باين وحالتي حالة .. اما غادة كانت رابطة عبايتها حولين خصرها ومتلثمة ..
وصلنا لمنطقة كانت مزدحمة أكثر من الي كنا فيها .. وأغلب الي يلعبون شباب بأعمار مختلفة .. منهم الصغار ومنهم الكبار .. هديت من سرعتي شوي وانا أتأمل المكان لكن غادة انطلقت بكل سرعتها وسط الدبابات بدون خوف واتجاوزتهم لمنطقة أبعد ..
حاولت ألحقها لكن خفت أدخل بين زحمة الدبابات وانا بهالشكل .. شي منعني بس غادة ابتعدت واهي تظن اني وراها ..
ظليت أدور حولين مكاني بتردد .. شفت دبابين مقبلين ناحيتي راكبينهم شباب قربوا عندي وواحد منهم قال : في مشكلة اختي ؟؟؟
رديت : لا شكرا ..
الثاني : جد تبغي مساعدة ؟؟؟
رديت : لا والله بس .. استنى بنت خالتي مدري وين راحت ..
الشاب : الي بالعباية توها راحت من هنااااااااك (( وأشر على منطقة بعيدة ..
حسبي الله عليك ياغادة .. الحين الحقك ولا أرجع ؟؟
كنت موقفة الدباب بدون حركة وفجأة طفى الدباب !!!!
انصدمت يوم طفى الدباب والشاب قال : اوه دبابك من النوع الي يطفى اذا وقفتي !
انصدمت وقلت : كيف اشغله ؟؟
قرب الشاب مني ومد ايده يحاول يشغله ماشتغل ..
التفت حوليني بخوف يمكن ألقى خواتي .. محمد .. طارق .. أي أحد !!!
الشاب : انتي من فين جيتي عشان نكلم المسئول يجي يشغله ؟؟
التفت حوليني لقيت نفسي بمنطقة بعيدة ماعرف يميني من يساري .. ماعرفت من وين جيت ولا وين انا !
وقلت بخوف : مادري والله ..
الشاب : يووه ! خلاص بكلم واحد هنا يمكن يعرف ..
وانطلق وظل الثاني معاي .. الحق انهم كانوا محترمين ومأدبين ومحد منهم اتعدى حدوده بس انا كنت خايفة وانا حاسة نفسي ضاااايعة بوسط البحر !
شوي انتهبنا لثلاث دبابات جاية من بعيد وينادون خويهم الي كان واقف معاي ..
مشى لهم يمكن بيقولهم انه متورط فيني ..
بس استغربت لما شفت أحد الدبابات الثلاثة تنحرف عنهم وتجي ناحيتي ..
وكان آخر شخص أتوقعه .. وأكثر شخص تمنيته .. " مشعل "
كان بشورت السباحة وبلوزة كت وشعره الطويل مبلل ومبعثر بطريقة تخبل ..
طالعني باستغراب وهو يقول : شرووق !!
طالعته وحسيت بشوي من الأمان يتسرب فيني وهزيت راسي وانا أطالع فيه
مشعل : عسى ماشر شفيك ؟؟؟
قلت : ضيعت مكاني ويوم وقفت الدباب اتعطل وراح واحد ينادي المسئول يجي يصلحه
مشعل واهو يطالع بشكلي ويقول : وانتي بتقعدين كذا لين يجي المسئول ؟؟
قلت بخوف : ها شسوي ؟؟؟
قرب مشعل دبابه من دبابي ومد ايده بدون مايطالعني وقال بحزم : هاتي ايدك !
مديت ايدي لايده وسحبني من دبابي لدبابه واهو يركبني وراه ويقول : امسكيني زين
وانطلق .. !
لو سألني أحد وش أحلى دقايق قضيتيها بعمرك ..
مراح أذكر ليالي امريكا ولا ايام فرنسا ولا ساعات ابريطانيا ولا دقايق اسبانيا ..
راح أذكر هالدقايق الي ركبت فيها ورى مشعل وانطلق فيني بالدباب وسط البحر ..
يارب نضيع .. يارب مانوصل بسرعه ..
ضحكت على نفسي ليه ادعي بهالشكل بس جد كنت مستانسة وانا معاه .. يمكن اهو مضايق يمكن معصب يمكن مصدوم .. بس انا بموت من الفرح !
بس لو تدري غادة وش بتسوي فيني
معليه غادة خليني افرح بهالدقايق الي ماكانت على الخاطر والباب .. واخرتها باتركه لك ..
دام قلبك حبه سنين .. انا ممكن أقتل مشاعري الوليدة .. وأترك مشعل لك ..
انتبهت على صوت مشعل وهو يقول : وين انزلك شروق ؟؟
قلت : انا والله مادري وين مكاننا كنت ألحق غادة وضيعت ..
مشعل : أوك بننزل هناك وكلمي خواتك شوفي وين مكانهم ..
وقف مشعل الدباب عند الشاطئ ونط منه وانا كنت اقدر انزل بس لما مد ايده مسكتها وعاوني على النزول .. ظل مشعل ماسك ايدي واحنا نمشي بالشاطئ لين وصلنا للأرض وبعدها فلتها ..
رفعت راسي والتقت عيوننا وحسيت بنظرته بريق غريب وفورا قال : شروق انتبهي .. ترا مو بكل مره بتصادفين ناس طيبين يساعدونك .. ترا الناس الخبيثة كثيرين بهالمكان وبكل مكان !
هزيت راسي وانا اقول بهمس : صح
مشعل : دام صح ليه طالعة بهالشكل ؟؟؟
فاجأني بسؤاله المباغت .. وقلت ببرائة : باركب جت كي !!
مشعل : اركبي محد قال ماتركبين لكن بشكل مناسب ..
كلامه أحرجني .. وجرحني .. حسيته محتقر هيأتي وهالشعور ضايقني حيل واتجمعت الدموع بعيوني بلا شعور مني .. واتعديته ومشيت وانا أطلع جوالي من جيب بنطلوني ..
لقيت اتصالات متعددة من محمد وشعاع .. دقيت على شعاع الي ردت مفجوعة وتسألني ويني .. سألتها هي وينها وعلمتني المكان ..
أول ماسكرت دقت غادة وقالت لي انها بشاليه مشاعل ..
ماكان عندي أي رغبة أروح لشاليه مشاعل وانا برفقة شخص مضايقه وجودي وشكلي .. هذا الي حسيته ..
مشيت وسمعت مشعل يقول من وراي : عرفتي وينهم ؟؟
التفت له وقلت : ايه .. شكرا مشعل
مشعل : عفوا .. ( ومشى معي وهو يقول : بوصلك وأرجع
وقفت مكاني وقلت : مو لازم يامشعل شكرا ..
انتبه مشعل لضيقي ويمكن للمعة الدموع بعيوني وقال بهدوء : شروق .. أنا خايف عليك !
اعترافه أخرسني .. ! أربكني .. ! هذا الي كنت أحسه محتقرني طلع خايف علي !
ظليت متنحة فيه ومشعل كمل : عشان كذا قلت الكلام الي قلته .. لاتزعلين مني ..
بس يا مشعل .. شوي شوي علي انت شقاعد تقول .. ! خايف علي وماتبيني أزعل منك .. ! يعني أنا أهمك مثلا ؟؟
مشيت ومشعل ماشي معاي ومتقدم عني بكم خطوة .. انت شلون تقدر تضايقني وبعدها تسمـّـح خاطري وتبكيني وترجع تفرحني بكيفك وعلى طريقتك وبمزاجك !
انت مين سمح لك تقتحم حياتي وتأثر علي بهالشكل ؟؟؟
انت من سمح لك تحتل جزء من قلبي وتجذبني لك ؟؟؟
التفت مشعل فجأة ناحيتي وشافني أطالعه وابتسم لي ابتسامة تذوب الحجر وكمل طريقه ..
قبل شوي اتمنيت نضيع بالبحر .. الحين اتمنيت نضيع بالشاليه ..!
شفت شاليه عمي من بعيد وقلت : خلاص هذا شاليهنا ..
مشعل : اوووك .. انتبهي على نفسك
رديت بهمس : ان شاء الله .. باي
أشرلي مشعل مودع ورجع ..
رجعت للشاليه وانتبهت لشعاع واقفة برا ومعاها سارة وليان ..
وشخص اتوقع انه سلطان أخوهم كان واقف بعيد شوي عنهم يتكلم معاهم .. بانفعال !
قربت منهم وانصدمت لما سمعت سلطان يقول : الي يبي يطلع يهايت بكيفه ومن غير رقيب أنا مالي شغل فيه .. انتوا ماتتحركون بدون ماتعلموني !
مافهمت شالي يقصده لأني ماكنت معاهم .. خلوا شعاع تحكيكم ..
　
::
بعد ماردت علي شروق وطمنتني انها جاية مشينا كلنا واتفرقنا .. شمس ولجين وقمرة كملوا مع محمد وطارق للشاليه .. وانا وسارة وليان ظلينا نمشي عند البحر .. أنا مادري كيف سلطان أخوهم عرف ان خواته طلعوا .. يمكن محمد قال بعفوية ودرا المهم انه دق ثاير على سارة يقول لها ترجع ..
ساره بخوف : مدري شفيه سلطان معصب ويقول ارجعوا
ليان شهقت وقالت : درا اننا ركبنا جت ؟؟
ساره : ماادري بس مره معصب ..
قلت : ليه هو بعد مايرضى تركبون جت ؟؟
ساره : الا قال تبون تركبون انا اوديكم واكون معاكم ..
قلت : طيب حلو ليه ماقلتوله ؟؟؟
ليان : بس لانه نبي معاكم وهو بيودينا لحالنا مو ماخذ كل الشعب معاه !
رجعنا من خلف الشاليه ودق جوال ساره مره ثانية وقالت له انها رجعت ..
دقايق وجا سلطان وقف بعيد عننا وقال : انتو شلون تطلعون بدون ماتقولولي ؟؟؟
ساره : لأنه كلنا طلعنا مع بعض .. احنا والبنات !
سلطان : وهذا مايعني انكم ماتعطوني خبر .. انتوا ماتشوفون زحمة الشباب والمسخرة الي بكل مكان ؟؟؟
ليان : محمد كان معانا !
سلطان : ووين محمد ماشوفه معاكم الحين ؟؟؟
ساره : ايه خلاص رجع قبلنا و .. واحنا لحقناهم على طول ..
سلطان نقل بصره بيننا وقال : الي يبي يطلع يهايت بكيفه ومن غير رقيب أنا مالي شغل فيه .. انتوا ماتتحركون بدون ماتعلموني !
فهمت انه انا وخواتي المقصودات بكلامه وحسيته مس كرامتي وانفعلت وقلت : عفوا لو سمحت .. قصدك احنا الي نطلع نهايت بدون رقيب !!
شاح سلطان بوجهه عني وقال : أنا قاعد أكلم خواتي
قلت وانا صوتي ينتفض قهر : تكلم خواتك بس واضح انك ترمي الكلام علي ! احنا موجايين نهايت بدون رقيب على قولك احنا نعرف حدودنا ونعرف كيف نلزمها ..
شفت شروق تمسك ايدي وتقول : شعاع شفيه ؟؟؟
قلت ونظري على سلطان : ولا شي .. بس الظاهر وجودنا مضايق بعض الناس .. نمشي أحسن !
سلطان أعطانا ظهره ومشى وساره مسكتني واهي تقول : شعاع حبيبتي أنا مره آسفه والله ماكنت أبي أحطك بهالموقف
ليان ودموعها بعيونها : من جد شعاع ياقلبي والله أخوي مايقصد اهو لما يعصب مايدري شيقول
قلت : لا ياقلبي كان عارف وش قاعد يقول .. وبانفعال قلت : أجل احنا يقول علينا نهايت بدون رقيب !!
شروق : يخسى الا هو ! مع كل احترامي لك ياساره انتي وليان بس ماله حق يقول علينا هالكلام
ساره : صح والله ماله حق بس انا اعرف اخوي مايقصد يجرحكم صدقيني
كلمته طعنتني وأنا أسوأ شي عندي لما أحد يتكلم عن سمعتي ولا يمسها ويمس خواتي بشي من هالنوع .. جرحني وانا أحسه يعايرنا اننا ماعندنا ولي ورقيب يسأل علينا ونهابه !
وبلا شعور لقيت الدموع تاخذ مكانها وسط عيني وتركتهم ومشيت وقعدت على الكراسي الخلفية ودموعي تنزل غصب عني ..
شروق جتني وقالت بحمق : شعاااااع لاتنكدين على نفسك عشانه ! يعني الحين صار هو الي يقيمنا ؟؟؟؟
رديت من بين دموعي : مشكلة ياشروق لو الكل يطالعنا بهالنظرة ويحكم تصرفاتنا على هالأساس ..
شروق : محد يطالعنا بهالنظرة الحمدلله احنا نعرف حدودنا وكون ماعندنا رقيب على قوله هالشي مايهز من شخصياتنا ولا يغير بأخلاقنا .. ياما بنات وصلوا الحضيض وهم بين أمهم وأبوهم ولا فادتهم تربيتهم بشي !
رديت : صح أنا عارفة هالكلام .. بس هو مايعرف !
شروق : وانتي شهمك فيه عرف ولا ماعرف ؟ خليه يقول الي يقول بالطقاق الي يطقه تقعدين تنكدين على نفسك عشانه !! ( وكملت باصرار : ومراح نمشي ! سمعتك تقولين خلينا نمشي لا والله مو بكيفه عشان كلمة رماها نقوم نزعل ونمشي .. خايف على خواته يقفل عليهم باب بيته أًصرف له ..
التفت لقيت ساره وليان واقفين بعيد يتهامسون وشكلهم مو سامعيننا .. مشوا ناحيتنا وساره قالت برجاء : بنات والله آسفين لاتزعلون الله يخليكم ..
ابتسمت لها وقلت : ماصار شي ياساره لاتشيلين هم ..
ليان : بقولكم ترا والله اخوي هذا طبعه يرمي الكلام ويندم ويجي يعتذر وصدقوني هذا الي بيصير ..
شروق : لا يعتذر ولا شي مشكور بس لا يقعد يرمي كلام ماله أي معنى ..
ساره : يلا امشوا ندخل تو دقوا يسألون عننا .. وانسوا الي صار تكفون ..
قلت بهمس : ان شاء الله ..
وقمنا وأول مامشينا لقينا الحريم والبنات كلهم طالعين برا وطاولات موزعة قسم حريم وقسم رجال ..
مشينا وشفنا لجين تأشر لنا وتقول : وينككم أدوركم ؟؟ تعالوا بيشوون الرجال واحنا بنقعد على الطاولات برا ..
وصلنا ولقينا القعدات اتقسمت طاولتين كبار على اليمين وطاولتين على اليسار للرجال الي بيستلمون الشوي ..
قعدنا بين البنات وطالعت الحريم بالطاولة الثانية .. خالتي ومرة عمي وعماتي الثنتين .. اتمنيت لو أمي موجودة معاهم .. بس هي مضطرة هاليومين تقضيع عند أهل زياد .. بعد ماقضت كل أيام العيد معانا
انتبهت لسلطان بجهة الرجال واقف بعيد ويكلم بالجوال بانفعال .. مين ضحية انفعالك هالمره ؟
عدلت طرحتي والتفت لشمس وقمرة وقلت : بالله عدلوا طرحكم مانبي نسمع حكي زياد ناقص ..
شمس : ليه أحد اتكلم علينا ؟؟
قلت : لا بس اذا ماتحجبتوا زين بيتكلمون ..
قمره سندت راسها على كتف شمس بخمول ..
سألتها باهتمام : فيك شي قمور ؟
قمرة بخمول : بديت أًصدع ..
قلقت عليها لايزيد مثل قبل وقلت : جبتي دواك ؟؟
قمره : اممم بشنطتي داخل ..
قمت ومشيت للشالية الي كانت بوابته أقرب للرجال من الحريم .. فتحته ودخلت وكان فاضي الكل برا .. قعدت أدور شنطة قمره ..
وأثناء تدويري انتبهت للباب الخلفي الي طلعنا منه للبحر ينفتح وصوت رجولي يتنح نح راقبت الشخص الي دخل من خلف واتفاجأت لما كان " سلطان"
كان باب خلفي مايبين للي يدخل الصالة ان في شخص هناك ..
سلطان ماتقدم ولا خطوة كان بمكانه عند الباب وقال : شعاع ممكن كلمة ؟
رديت بهمس مبحوح مادري اذا وصله ولا لاء : اتفضل ..
سلطان : عارف ان الكلام الي قلته ضايقك .. بس لو تذكريني ياشعاع بتذكرين اني عمري ماتعمدت أجرحك .. وصدقيني ماقصدت بالكلام الي قلته شي يمسكم ونظل كلنا أهل والي يمس خواتي يمسكم ..
كان يتكلم واهو يحاول مايحط عينه بعيني بس اتلاقت عيوننا بالأخير وانا أحاول أعتصر ذاكرتي عن أي شي يتعلق بهالمخلوق الي قدامي .. ظليت ساكته وانا أطالعه .. ضاعت كلماتي وحروفي .. وسلطان مادور النظر وابتسم بخفة ودار بيطلع
قلت بسرعه : لحظة ..
طالعني سلطان باستفهام وقلت : هل مفروض اني أتذكرك ؟؟
سلطان ظل يطالعني بصمت .. كنه يسترجع شي انا ماقدر أسترجعه .. ويشوف فيني شي أنا ما أقدر أذكره ..
رد على سؤالي بنفس السؤال الي سألني هو بعيادة هيثم : كتابي عندك؟
قلت ببرائة : أنا مني عارفة انت تقصد أي كتاب ؟؟
انفتح باب الصالة ودخلت شمس وهي تقول : مالقيتي شنطتها ؟؟
قلت : ها .. الا هذه هي ..
جت شمس أخذت الشنطة مني وانا طالعت الباب الخلفي لقيت سلطان اختفى ..
طلعت مع شمس وصبيت كاس موية لقمرة وشربت دواها .. ورجعت تسند راسها على كتف شمس ..
رزان : يمه وين غاده أكلمها ماترد ..
خالتي : بشاليه مشاعل كلمتها قلت لها تجي وتجيب مشاعل معها ..
رزان : يدلون ؟؟؟
خالتي : اي نوصف لهم ومو مضيعين ان شاء الله ..
قعدت أطالع العيال واهم يشوون بحماس وعمي يعطيهم نصايحه ويعدل عليهم .. مع اني فقدت أبوي وأمي بهاللمة الا اني حسيت بانتماء لأهل أبوي وراحة وأمان بينهم ..
شفت محمد اهو وطارق يشيلون صحون الشوي ويجيبونها لنا ..
محمد حط الصحن قدامنا واهو يقول بضحك : هذا لخواتي بس ..
ليان : عجيييييييب ! واحنا خلاص بعتنا عند خواتك ..
محمد باستهبال : انتوا مين اصلا !؟
لجين : هههههههههههههههههههه قليل الخاتمة ..
ضحكنا على محمد وخفة دمه وشفت سلطان يلتفت لنا وجت عيني بعينه وأبعدتها فورا .. ولما حسيته دار وجهه التفت وطالعته ..
شفت فيه شخص غامض وغريب الأطوار
اتذكرت سؤاله عن الكتاب .. أي كتاب تقصد ياسلطان ..
شهالطفولة الي ما أذكر منها شي ؟
وشكل سلطان يذكر كل شي !
::
"غادة"
طلعت انا ومشاعل نمشي راجعين لشاليهنا .. ولأنه الدنيا زحمة وحوسة قلت لمشاعل تدق على مشعل يجي معانا يوصلنا وياكبر فرحتي يوم تجاوبت معاي وكلمته .. والله يبي لها بوسة راس ههههههه
.. مشينا انا وهي ومشعل ..
مشاعل : اقعد معانا يامشعل ترا يسألون عنك ..
مشعل : تكفين والله محد درى عن هوا داري
مشاعل : ههههههههههههههه والله خالتي أم رزان تقول يسألون عنك ويشرهون عليك بعد الي موجود هنا وماتسلم ..
قلت : هههههههه بعد دارين انك هنا ؟؟؟
مشعل : يمكن شافوني يوم وصلت شروق ..
صدمني كلامه هذا متى وصل شروق ؟؟
وقلت باهتمام : متى وصلت شروق ..؟
مشعل ببرود واهو يطالع البحر : المغرب يوم ضيعتيها بالبحر .. نزلت مو عارفة طريقها ووديتها للشاليه ..
قلت : بس انا قلت لها اني بشاليهكم ليه ماجت ؟؟
مشعل : شدراني ..
حسيت بغيرة تحرق قلبي غصب عني .. وشروق ماعلمتني انها شافته ولا انه وصلها مع انها عارفة ان تخطيطي من البداية اننا نقابل مشعل ..
وصلنا للشاليه وفعلا أول ماوصلنا .. رحب أبو هيثم بمشعل وهو يعرفه بحكم جياته المتكررة لبيتنا ومصادفاته لهيثم وأبوه الي ساكنين قبالنا ..
دخلت أنا ومشاعل لوين ماطاولت الحريم على اليمين وكنت واقفة قبال شروق من الجهة الثانية وقلت لها بوعيد هامس : أوريك !
شروق باستغراب : شفيه ؟؟
قلت : بعدين ..
ماكان قاهرني انه وصلها كثر ماقهرني ليه ماعلمتني !؟
سحبت كرسي وقعدت وشروق تبتسم لي باستفهام وانا أأشر لها انه بعدين نتفاهم ..
كنت كل شوي ألتفت وأشوف تحركات مشعل الي ظل واقف ورا طاولة الشباب ومرتكز بإيدينه على الكرسي ويسولف مع راكان وسلطان ومحمد بطريقة تبين انه مستعجل وبيطلع ..
كنت أشوف عيونه ترتفع كل شوي وتسرق نظرات لطاولتنا ..
تبعت نظراته بكل مره ولقيتها تسرق النظر لشروق الي كانت مندمجة بالسوالف مع البنات ..
ظليت طول الوقت أسرق النظرات لمشعل ..
ومشعل يسرق النظرات لشروق !
كان هالشي كفيل بانه يشعل نار الغيرة بقلبي .. بس الي استغربته ان شروق مابادلته النظرة ولا حتى بالغلط !
وعلى كثر ماحبيت جية مشعل معانا الشاليه ..
على كثر ماتمنيت لو ظل بشاليهه ولا جا معانا
::
" شروق "
كنت حاسة بنظرات مشعل ناحيتي .. وكنت أحاول قدر الامكان أشغل نفسي بالسوالف ولا أطالع فيه .. لأني أدري شمدى تأثير نظراته علي يمكن تخليني أضحك زي الخبلة .. يمكن تربكني وتربشني .. والي مو يمكن بل أكيد .. هو انها راح تفضحني قدام غادة وهذا آخر شي أتمناه !
غادة بنت خالتي واختي وصديقتي وحبيبتي وكل شي .. آخر شي أتمناه اني أكسر قلبها .. غادة متيمة بشي اسمه مشعل ومتأكدة انها هي الي جابته معاها لهالمكان ..
مالومها فيه وأنا الي توني أعرفه أحسه قلب حياتي وشغل بالي وقلبي وتفكيري ..
لازم أبتعد عن حياته وأخليه ينتبه لغادة .. يحس فيها .. يحبها ..
طالعتها لقيتها ساكتة ووجهها مبين شكثر مضايق .. كان الكرسي جمبها فاضي قمت من مكاني ومشيت قعدت جمبها أبي أخلق اي سوالف مرح بيننا تنسيها طاري مشعل بهالوقت وتسليها ..
وأول ماقعدت انتبهت لسيارة توقف عند الشاليه وينزل منها شخص عرفته على طول " الدكتور هيثم "
خلو قمره تكمل لكم لأني أبي أسولف مع غادة ..
::
كنت ساندة راسي على كتف شمس وأسولف مع البنات على خفيف والصداع كان خفيف بس خفت يزيد وأروح فيها مثل آخر مره ..
انتبهت لسيارة توقف عند الشاليه خلتنا كلنا نلتفت .. وشفت هيثم ينزل منها ويأشر بإيده سلام من بعيد ويمشي ناحية شاليهنا
أعترف اني فرحت يوم شفته يمكن لأن له مواقف طيبة معاي وبكل مره أحسه لطيف وحنون بشكل كبير ..
دخل هيثم وسلم على الرجال وبعدها اتقدم ناحيتنا وسلم بصوت عالي وردينا السلام
انحنى لراس أمه وباس راسها وعقب سلم على عماتي .. كل هذا وعيوني تراقب كل تحركاته لين دار ورجع لطاولة الرجال ..
تميت أطالع فيه وشفته يسحب كرسي ويقعد ويسولف مع الشباب ..
حسيت الكل اختفى من الشاليه وماصرت أشوف غير هالدكتور.. وصرت أطالعه وانا عيوني ترمش بتعب ومناي ان الصداع يوقف عند هالحد !
بعد فترة بسيطة التفت هيثم وانتبه لي وأنا ساندة راسي على كتف شمس ويمكن حس اني تعبانة لأنه عقد حواجبه بابتسامة خفيفة بشكل كنه يستفهم "شفيني" ؟
ظليت على نفس الحال أطالعه بصمت .. شفته يمسك جواله ويحطه عند اذنه ..
وفورا دق جوال لجين ..
انتبهت لها واهي ترد باستغراب وتطالع هيثم ..
ومادري شدار بينها وبينه لكن لجين قربت مني وسألتني : قمره شفيك حبيبتي ؟؟؟
قلت : مافيني شي بس صداع خفيف أخذت دوا وشوي ويروح ..
لجين : سلامتك ياقلبي ..
ولمحتها واهي تكلم هيثم .. استوعبت انه يسألها عني ..
شعور حلو لما تحس أحد يهتم فيك مخصوص ويسأل عنك ..
بس هيثم يتصرف معاي بصفته دكتوري وأنا مريضته .. موو ؟؟
حسيت الازعاج بدا يزيد .. ولا أنا أتوهم .. الصداع بدا يزيد ..
دقتني شروق واهي تأشر على وجههي
طالعتها ولقيت وجهها مخطوف ! وعيونها موسعة فيني !
عدلت قعدتي وقلت بخوف : شفيك .. ؟؟؟
شروق : خشمك .. !
مسحت خشمي بسرعة وانتبهت للدم الي ملى اصابيعي ! .. وارتعت !!!
اتبادلنا انا وخواتي النظرات بصمت .. وشمس ناولتني مناديل مسحت خشمي ..
ولأن محد لاحظ الي صار قدرنا نستأذن ونرجع البيت
لأني قررت أنا بنفسي أروح المستشفى وأسوي فحوصاتي .. بكرا ..
　
::
"هيثم"
من صداع بسيط .. إلى نزيف بالدماغ !
هذا كان تشخيص قمره !!
قدرنا نشوف بالأشعات المتعددة الي سويناها لقمرة تجمع دموي حولين أحد الاعصاب داخل الدماغ .. وهذا التجمع ممكن يتحول لجلطة لو ماتداركناه من البداية ..
مسكت الأشعات ودخلت لغرفة المكتب وكانت أم شعاع .. وشعاع .. ومريضتي الصغيرة قمرة .. بانتظاري ..
قعدت على المكتب وشرحت لهم كل شي ..
قمره بخوف : دكتور انت متأكد ؟؟؟ يعني وش بيصير فيني ؟؟؟
قلت بهدوء : مو صاير الا الخير ياقمرة .. راح نبدا الحين بالأدوية المسيـّـلة للدم .. راح تاخذينها بانتظام لمدة 4 اسابيع ونتابع حالتك خلال هالفترة .. وانتي لو حسيتي بأي أعراض جانبية .. صداع شديد .. دوخة .. سيلان دم من الأنف .. كلميني على طول حتى لو بنص الليل .. وراح اقولك اش تسوين ..
أم شعاع بقلق : طيب اش السبب ياهيثم من وين هالنزيف جا ؟؟؟
قلت : الفحوصات الي سويناها مو كافية بس طمنتنا ان مافي شي خطير .. لكن بعض المرات يكون السبب ضعف بمركز أحد الأعصاب خاصة اذا اتعرض الجسم لإجهاد جسدي أو حتى نفسي ..
قمره : دكتور يعني ابيك تكون صريح معاي .. ممكن يتعافى هالعصب ويصير كل شي طبيعي وماتتدهور حالتي .. ماموت !
ابتسمت لها بحنية وانا قلبي منفطر على هالملاك البريئ وقلت : ان شاء الله ياقمرة بتتعافين .. دام أنا دكتورك لاتشيلين هم راح أبذل كل جهدي وأستعين بأحسن الأطباء هنا عشان يعالجونك
شعاع : يعطيك العافية هيثم .. يعني تبدا تاخذ الدوا من اليوم ؟
رديت : طبعا (( ومسكت ورقة الوصفة وكتبته لهم وسلمتها لأم شعاع ..
شكروني وقبل مايطلعون ناديت قمره : قمره
طالعتني قمره بقلق ..
ابتسمت لها وقلت : خلي رقم جوالي عندك لأن زي ماقلت لك أبيك تتصلين فيني اذا صار أي شي ..
قمره بهمس : أوك ..
نقلتها رقم جوالي ..
وشكروني وطلعوا ..
وأول ماسكروا الباب مسكت الأشعة وصرت أتأملها من جديد ..
نصيبك ياهيثم تنحط بين إيدينك مريضة لازم تبذل كل احساس حي فيك لانقاذها ..
قمرة الي اقتحمت حياتي الشخصية .. والمهنية .. والطبية ..
بطريقة مباغته قلبت فيها كياني وشغلت كل تفكيري ..
حسيت اني راح أدخل من هاليوم مرحلة جديدة بالطب .. طب خاص لقمرة !
لأن لا سمح اللع وصار فيها شي .. أنا أول من بينتهي ويتدمر !
　
::
" أم البنات "
ابتدت السنة الدراسية الجديدة ..
وابتدت حياة بناتي الجديدة ..
يوميا كنت أمر على بناتي وأقضي نص اليوم عندهم وأرجع البيت وألقى زياد متذمر ولا هو عاجبه حالي .. بس لازم يتعود ويتذكر شرطي عليه يوم ارتبط فيني ..
قلت له لو يوم رجعوا بناتي لعندي ترا بيعيشون معاي ..
ووافق
انا ماحبيت أذكره بهالكلام لأني اتمنيت يحس من نفسه احساسي كأم مع بناتها .. فصرت أتجاهل تعليقاته وتصرفاته وأخلي سفينة حياتي تمشي زي ماخليتها تمشي عمري كله متحدية قسوة الأمواج وتقلباتها وتلاطمها ..
شعاع وشروق وشمس قدموا على وظايف متعددة بأكثر من مكان ..
واتوفقت الحمدلله كل وحده منهم بالمكان الي يناسبها ..
قمرة سجلت موادها للسنة الأخيرة لها بأمريكا ..
وراح تدرسها بالمراسلة وتسافر وقت الاختبارات تختبر .
اليوم الخميس
رحت انا وبناتي لمشاعل عازمتنا عن العشا ..
وصلنا .. وكانت اختي واصلة قبلي وقعدنا كلنا بالصالة
بس ماشفنا مشاعل وغادة !
　
::
غادة
كنت بالمطبخ مع مشاعل .. ومشاعل كانت ماسكة الباب وتقول : غادة أبي ردك اذا موافقة أكلم أمك اليوم !
قلت وانا مو مصدقة ان مشاعل بنفسها قاعدة تخطبني لـ " مشعل " : مدري يامشاعل والله مشعل ماينعاب بس انتي متأكدة انه يبيني ؟؟
مشاعل : لا ياشيخة يعني باخطب لاخوي وحده مايبيها ؟؟ طبعا يبيك وانا أبيك وماأشوف غيرك انتي شخص مناسب لأخوي
استحيت وقلت : ياعمري يامشاعل هذا من ذوقك ..
مشاعل : يعني موافقة خلاص أكلم أمك ؟؟؟
ضحكت بحيا وقلت : هههههه كلميها ..
فرحت مشاعل ومشت للطاولة تشيل صينية القهوة وانا رحت اساعدها ..
وفتحنا الباب وطلعنا ..
لقينا خالتي وبنات خالتي بالصالة .. وفرحت لشوفتهم ..
بس الشي الي عرفته بعد فترة طوووووووويلة
انه وقت كلامي انا ومشاعل بالمطبخ ..
شروق كانت واقفة عند الباب !
يتبع


ردودكم .. تعليقاتكم
الي مالي غنى عنها


وأشكر الر ردوا بالأخير ان شاء لي عودة للردود


أراكم بعد الاختبارات ان شاء الله

[روح العيون]

ياحياتى الباااااااااااااااااااااااااااااااااارت مره طوووووووووووووووويل وجميل رااااااااااائع
ربى يوفقك فى الاختبارات وترفعين روسناااااااااااا

[شتـآت]

حرام حرام
مايصير جذي , لا تخلين مشعل يتزوج غادة بليز : (
ترى ياتني الصيحة على شروق والله
قمرة : إن شاء الله مايكون فيها شيء خطير
هيثم : مب قادر يتحكم بـ مشاعره
يعني خلاص طحت بـ الحب يا هيثم < ^_*
شعاع وسلطان ! < أحس بـ تصير مواقف بينهم
شمس : تعور قلبي هالبنت : (
بس أتوقع إنها " بتتشبث " بالأمل وماراح تخيب
نادر : قهرني
ليش تختار طريق العذاب والضيقة ليش !
يعطيج العافية حياتي .

[كشه منفوشه]

قمره يازينها يا ناس والله يتسر عليها الا ينقلب المرض عليها ان شاء الله لا وهي معجبه في هيثم وان شاء الله تعرف بعد هو انه معجب فيها وه فديتهم
شعاع اتوقع ان كان فيه قصه بينها وبين سلطان وان الكتاب وهو بيخليها تتذكر اللي صار بينهم يوم كانو صغار
وعجبتني يوم ردت عليها علمته اسنع ههههههه
وشروق والله رحمتها مسكينه تحب واحد تحبه بنت خالتها ولا بعد خطبها مالت عليه مالت وان شاء الله يصير شي وما تتزوجه غاده
وشمس اتوقع راح يدخل حياتها شخص راح ينسيها نادر وحبها له والوظيفه لها دور في ها الشي

يعطيك العافيه على البارت الروعه
وتتنظر ابداعك

[اطفق جنيه]

يعطيك العاافيه ع الرواايه الخوقااقيشن
بليزززز لاتخلين مشعل يتزوج شروق
والله غادهـ تكسرر الخاطرر
نادر قسسم قهرر ليش يعمل في شمس كذاا
حررام يعذبهاا
قمررهـ وهيثم احلى ثناائي بالرواايه
تسلم ايدياتك ع البارت الحلو
والاسلووب الاروع
بنتظار البارت 6 بكل شوووق
ودي لك

[سلمى العبد الله]

بـآرت رآئع ، راح ننتظرك يالغلا
ربي يوفقك َ :)

[العَطا]

محظوظه ..
جيت مع قلبي .. يبي قلبتس بشي ..!
رجعتي لنــآ وفرحت ..
بس هل ياترى بترجع لذّة ايـّآم "لجل الوعـد" ..~
لعلمك اني عشت معتس هذيك الفترة بحمَــآس وشغف
كنت بـآول سنه جامعه وبايعتهـآ مره ..
لاني اذكر وقت اختبارات وهكّـآ بس روعه ..
ومريت باشيــآءات واجد وغيرتني ..
منهـآ اني الان ماباقي شي على تخرجي ..
منهــآ اني صرت مدآم .. منهــآ اني انــآ قلّ تواجدي على النت ..
منهـآ اني فقدت نـــآس واجد كانوا معي ويعلقون على تعلقي الغريب بروايتك
واسلوبك واغانيك بلســآن ابطالك ..
يكفي اني عشت مع وعد بتفكيري وبحلمي ..
ومع عبير .. ومع فتووووون حبيبتي الفلاّويه ..وكنت احب سعود بعد لاحد يدري خخخ
وقريت الروايه مرتين والله كنت على امل ارجع واعيش نفس الحماس
والاشياء الجميله الي كانت معي ..بس للاســـف ..!
لكن ..
مادمتي رجعتي سآعود هُنــآ ..
وســآتواجد آكثر ..
وســآانتظر اكثر واكثر ..
لاتتاخرين تكفين ما احب الانتظار لاني انسى :‘(
اخلص اختباراتي وارجع واتكّي هنــــــــآ ..
دمتي حبيبتي ايه صح .. كنت دايم ادعيلك وانتي بالغُربه < امنّهـآ عليتس خخخ
.
.
جوريتي ..
لاتحذفين ردي تكفين ادري هذرت واجد :adore_32:
بس انفجرت تسبدي من الحنين للمحظوظتي :haha_32:


http://www.joroh.com/vb/images/icons/icon26.gifhttp://www.joroh.com/vb/images/icons/icon26.gif

[نيكول]

مشكوره
روايه خطيييييييييره مررررررررره

[فروله]

ننتظر البـآرت بفـآرغ الصبر :)

[احبها في الله]

روايتك جدا جميله
واسلوبك بطل

ي رب ماتتاخرين علينا عزيزتي

["إيه احبكـ"]

وآآآآآآآو
مووو مصدقه وحشتنا قلمك كثييييير يالمحظوظه وربي روايتك الأخيره "لجل الوعد" قريتها اكثر من ثلاااث مرااات
من جد فرحت بوجودك مره ثاااانيه
عسااك دووم معانا

ودي وحبي لكِ

[المحظوظة]

ياهلا ومرحبا بعيون المحظوظة وقلبها وروحها
يسعد كل الي يتابعوني وينتظرون البارت
سامحوني على التأخير ..
بس حطوا في بالكم انه من أروع وأمتع وأحلى لحظاتي هو الوقت الي أجلس فيه على البارت ، فمستحيل اضيع هاللحظات مني عن قصد ..
المقصد انه تأخر البارت خارج عن إرادتي ..:stop_32:

في سالفة حزينة ودي أقولكم عليها .. ::sad_32:

كان يا ماكان في قديم الزمان .. كان عند المحظوظة لاب توب مخزنة فيه كل كتاباتها وذكرياتها من هي بكندااا ..

.. طبعا من ضمن الاشياء كان في ملف كاتبة فيه أحداااث واحدااث عن وحيدات في القصر
مهي مرتبة اي نعم
لكن كان ينقصها لمسات بسيطة وترتيب للأحداث وشوية تعديلات لتتم مايقارب خمسة عشر بارت اذا مو عشرين ..
لاني طول السنتين الي انقطعت عنهم كنت مبلورة فكرة وحيدات ببالي .. وراسمة ابطالها ومصورة بداياتهم ونهاياتهم
وعلى هالاساس كنت كل ماتخيلت حدث وشفته مناسب اكتبه على طول .. سنتين وانا على هالحال ..

ليـــــــــــــــــــــن كانت الفــــــــــاجعة :faint_32:

اختبارات نهاية السنة الي فاتت .. سافرت جده عشان اختبر بجامعة الملك عبدالعزيز لاني انتساب وساكنة بالشرقية ..

وبالمطار .. انفقد لاب توبي !! ::cry_32:
مادري هو ضاااع
مادري هو انسرق
ما ادري عن شي

وعاد انهرت وقتها لاني كنت مخزنة بعد السلايدات الي براجعها حقت الاختبارات :cry_32:


المهم ومع الايام كل شوي اكون ابي شي اتذكر انه راح مع لاب توبي
ومن ضمنها وحيداات ::sad_32:

عشان كذا انا صايرة الان اكتب كل شي من جديد ..
وارسم الخيال من جديد
واصور الاحداث من جديد

ماقلت لكم هالسالفة عشان شي والله .. بس ودي تعرفون سالفة وحيدات قبل وبعد .. :haha_32:
وان شاء الله ربي يوفقني باتمام الباقي
ويكون كل بارت احلى من الثاني:love_32:
طبعا مراح يصير هالشي الا بوقفتكم معاي ومتابعتكم وردودكم ..

اخيرا
البارت السادس بكرا :love_32:

.

[سلمى العبد الله]

أهلييييين ..

وربي إشتقنا لك ، هالمرة طولتي كثييير ، لكن نصبر :-)
حسسافه سالفة الاب توب ، بس يلا خيرهـ ..


ننتظرك ياقلبي .. :-)

[روح العيون]

اهم شئ انك انتى بخير قلبو القصه لاحقين عليها ان شاء الله

[احبها في الله]

راح بوكرا وجا اللي بعدو

وللحين ماشفنا شي :(

ان شاء الله انك تمام :/

[المحظوظة]

ساااامحوووني على التأخير
والله المشكلة من النت :(

ولعيونكم بيكوت فيه بارتين

السادس والسااابع

دقايق ويكون بين إيدينكم

[المحظوظة]

الجزء السادس

::

لم أعد أعرف من أنا ومن أكون

تهتُ عن دربي بغيابك

تركتني وحيدة مع أفكاري ومخاوفي ودموعي وأوهامي

تعبت وتعب معي كل شي

وسأبقى أنتظر حتى يصلك ندائي

فلقد تركتني وسط الرياح الباردة

لم يدفيني اللهب ولا .. ردائي

تجمّد الجمر

ولم تجمد مشاعري

وسأنتظر ، حتى يصلك صوتي وتشعر بدموعي وتسمع صدى أنيني

سأنتظر وان طال انتظاري

فأنت إن لم تكن قدري

فأنت اختياري

/

\

/

"شمس"




من أهم الأشياء الي وقعت عليها بعقد الوظيفه اني لازم أكون بشوشه مع المرضى

فالي ماعرفتوه هو اني اشتغلت بمستشفى .. منسقة حالات

وقفت عند الباب شوي أثبت القناع البشوش وأرسم الابتسامة على وجهي متناسية أي جروح نفسية

طرقت الباب بكل هدوء ولما سمعت الاجابة فتحت وقلت بابتسامة مزعومة : السلام عليكم

المريضة : عليكم السلام

قلت : الحمدلله على السلامة خالتي

ردت : الله يسلمك يابنيتي ها خير شعندكم الحين ؟؟

قلت : مافي الا الخير ان شاء الله بس نبي ننقلك لجناح ثاني عشان هذا الجناح راح يخضع للصيانة

المريضة بتأفف : ياربي هذي ثالث مره تغيرون سريري تعبتوني ترا

استغربت من كلامها وقلت : عفوا خالتي غيرتي السرير قبل هالمره؟؟؟

المريضة : ايه مره الاسبوع الي فات ومره هالاسبوع والحين .. مايصير كذا

ابتسمت وقلت : سامحينا وان شاء الله هالمره آخر مره والمره الي بعدها بتطلعين لبيتك ان شاء الله

تركتها مع الممرضات وطلعت وانا مقهورة من التلاعب الي يصير ببعض الأجنحة والأقسام وتبديلهم لأماكن المرضى عشان يريحيون أنفسهم

مشيت لمكتب رئيس التنسيق .. طقيت الباب مرتين ولما سمعت الاذن بالدخول .. فتحته بهدوء ودخلت وأنا أقول : مرحبا دكتور

الدكتور : أهلا

قلت : آسفة اذا أزعجتك بس حبيت أستفسرعن نقل المرضى من غرفهم وأسرتهم .. هذا الأمر يكون تحت تصرف قسمكم ولا كل جناح يتصرف لحاله ؟؟

الدكتور : لا طبعا مافي اي مريضة يُكتب لها نقل أو خروج إلا يكون هالشي بعلمنا وتحت توقيعنا

هزيت راسي وانا أقول : وهذا الي أنا أعرفه .. بس بعض الأجنحه ماتطبق النظام

بانت علامات المفاجأة على وجه الدكتور وقال : عندك شكوى ؟؟

قلت بتردد : انا مابي أسميها شكوى تقدر تقول ملاحظة

الدكتور : أيا كان شكاوي أو ملاحظات ياليت تكتبيها بخطاب وراح ننقاشها بالاجتماع الجاي ان شاء الله

رجعت بخطواتي على ورى وانا اقول : شكرا دكتور

وطلعت .. كانت الساعه 4 بالضط وهذا يعني نهاية دوامي المتواصل من 8 الصباح لـ 4 العصر .. حاسة حالي داااايخة وانا نظامي سهر بالليل وكرف بالصباح كل شي فيني مرهق

طلعت من البوابة بعد ماكلمت السواق يجيني .. وقفت مكاني وأنا لامة اللاب كوت الي انفتح مع الهوا .. وظليت اراقب الشارع لين دق جوالي ويوم طالعت لقيتها لجين .. رديت وانا امشي لسيارتي الي وصلت : مرحبا جوجو

لجين : هلا شموس حبيبتي شلونك

رديت : أنا تمام انتي كيفك

لجين : الحمدلله .. شكلك برا

رديت : ايه توني طالعة من الدوام رايحة البيت

لجين : ايه صح نسيييييت انتي دوامك لهالوقت

رديت وانا مافيني احكي : اممم الله يعين

لجين حست اني مرهقة وقالت : خلاص ماطول عليك حبيبتي بس كنت بقولك أي وقت تكونين فاضية كلميني ودي أسألك عن جامعة متشقن وطريقة التقديم والأبلكيشن .. لأن شكلي بقدم عليها

ان كنت قبل شوي مرهقة فبهاللحظة كل جزء بجسمي اتنشط وصحى على طاري متشقن وقلت وفيني اللهفة : خلااص أخذتي بكلامي اجل

لجين : ايييييه كثر ماحكيتيني عن البلد وجامعاتها وأهلها حبيتها

قلت : اوك اذا ماعندك شي الحين تعالي بيتنا وادخل انا وياك على موقع الجامعة ونسوي كل شي

لجين بفرح : والله !! بس ماودي أتعبك الحين وانتي توك طالعة من دوامك

رديت : ههههههه لا التعب عشان متشقن راااحة

لجين : ههههههههه عشان متشقن اجل مب عشاني

قلت : اووووه الا الا عشانك قصدي

لجين : ههههههه طيب بمشيها لك .. خلاص ساعه واجيك

رديت : حياك حبيبتي

سكرت منها وانا أبتسم .. وأتخيل لو جد تمت روحة لجين لمتشقن وش ممكن أستفيد من وجودها بذيك البلد .. أعترف اني صنعت من لجين جسر يوصلني لنادر .. فهي لو درست بنفس جامعة نادر فبتكون فرصتي الوحيدة والأخيرة الي أعرف منها أخباره وأي شي عن حياته

حسيت حالي مجرمة بس محد يختلف ان جامعة متشقن بالأساس جامعة قوية ومحترمة فكذا ولا كذا بانصح لجين عليها

أول ما دخلت البيت لقيت شروق تنزل الدرج بسرعه واهي تقول : شموووووس وحشتييييني

ضحكت وانا اقول : وانتي بعد ماصرنا نشوف بعض مع هالدواماات

شروق : المشكلة انتي دوامك طويل

قلت : لا والله المشكلة انتي الي عندك دوامين صباح ومساء

شروق حضنتني على السريع وقالت بمرح : كويس ان السواق معاك اضطريت انتظر لين تجين واشوفك

قلت : ليه وين السواق الثاني

شروق : راح يجيب ماما

انشرح صدري لطاري ماما وقلت : زززين وحشتني هي بعد

طلعت شروق من الباب واهي تقول : امسكوووها بالله لا تخلونها تروووح لين أجي

"تآآآآآمرين أمر"




ماكان هذا صوتي .. كان صوت قمرة من الصالة واهي متمدده على الكنب وتقلب بالتلفزيون

ضحكت لها وأنا أمشي لها وأقول : وانتي كيفك ياحلوة

قمرة : أكلة ومرعا وقلة صنعا

قعدت جمبها وانا اقول : يلا كلها كم شهر وتتخرجين وتلقين لك وظيفة تسليك

قمرة عدلت من قعدتها واهي تقول : ومو حرام هالشهور تضيع من عمري بدون تخطيط وتدبير

رديت : أووه راعية طموح ماشاء الله .. أقول نامي واشبعي نوم لاحقة على التعب .. إلا وين شعاع ؟

قمره : نايمة .. وانتي غريبة ماطرتي لغرفتك

فصخت اللاب كوت وانا اقول : بتجيني لجين بعد شوي

قمره : فجأة ! ليش ؟

رديت : تبيني اوريها موقع الجامعة بمتشقن عشان تسجل فيه

قمرة بحماس : بترووووووح متشقن؟؟؟

رديت بنفس حماسها : اييييييه اتخيلي عجبتها وقررت تروح تدرس هناك

قمرة : طيب مين بيجيبها ؟

قلت : قصدك مين بيوديها متشقن ؟؟

قمرة : لالالالا مين بيجيبها بيتنا .. اليوم .. بعد شوي

قلت وانا أطالعها بنص عين : أي أحد ممكن يكون إلا دكتورك .. تلقينه بالمستشفى او توه راجع وتعبان ومو فاضي يوديها ويجيبها

قمرة : ماسألت عنه وأصلا من قال لك اني مهتمة فيه

رديت بمكر : محد ليه أنا قلت انك مهتمة فيه ؟؟؟؟

قمره بقهر : كلامك تو باين انك تلمحين لشي زي كذا

رديت : لا حبيبتي كنت أشرح لك نظامه .. بس الي على راااسه بطحة .. يتحسس عليها

قمره : بطحة تطيح فوق راسك يارب

رديت : هههههههههه كان زززين أرتاح من معاناااتي

قمره : اقول منتي جوعانة ؟

قلت بتنهيدة : لا .. شعور الجوع هذا فقدته من زماان

قمره : طيب انا باطلب لي بيتزا ماتبين ؟؟

قمت وانا اقول : الا اطلبي عشان لجين بعد

قامت قمرة تطلب وانا طلعت لغرفتي دخلتها وسكرت الباب .. رميت اغراضي على السرير ودخلت الحمام خذيت لي شاور وطلعت لقيت لجين مناديتني بالبي بي تقول انها دقايق وتوصل

..

قعدت ومسكت جوالي أقلب فيه وجلست أتأمل رقم نادر فترة .. ودقيت .. محاولة ضمن مئات المحاولات الي أسمع فيها الرنين وأترقب صوته بلهفة ومرات يهيأ لي صوته يرد .. لكن ينقطع الخط ومارد

وهالمره ماتهيألي .. هالمره سمعت صوته يرد ويقول : أهلين

شهقت بلا شعور وضاعت الكلمات مني وحسيت الجوال شوي ويطيح من ربكتي .. وقلت بصوت حاولت اضبطه قد ما أقدر : هلا .. نادر .. كيفك؟

كان حوله ازعاج حسسني انه مو ببيته ورد : تمام ، انتي كيفك عساك بخير؟؟

لااا .. أنا مو بخير .. أنا حاسة بالضياع .. بالوحده .. انا حاسة كأنك أخفيت كل البشر الي بالعالم معاك .. إلا أنا تركتني .. حبيبي أبيك .. أبيك بهالوقت وبكرا ولآخر لحظة بعمري .. أبي حبك وقربك وحنانك .. أنا نسيت الفرح من بعدك .. أنا .. أنا كرهت طعم الحياة بدونك .. كرهت بعدك وموت احساسك فيني .. بالوقت الي كل احاسيسي ميته فيك

..

كتمت سالفة معاناتي بقلبي ورديت بتنهيدة طلعت غصب عني : أنا بخير

.

(

وكملت : الحمدلله على السلامة

نادر بضحكة : الله يسلمك

وبصوت مخذول قلت : شلونك الحين ؟؟

نادر : عآلي العآل الحمدلله

قلت بضعف : اشتقت لك نادر

نادر بنفس نبرة الضحك : وانا بعد

انصدمت ،، نبرة نادر غير ,, كلامه حتى غير ,, ردوده هالمره غير

معقولة يكون حن ! حن وبيرجع لي ..؟؟

وقبل ما أنطق أو حتى أفكر بالشي الي بانطقه .. اتكلم هو وقال بهمس : شمس انا برا وما أقدر اسمعك زين .. اذا رجعت البيت بكلمك

كل تباشير الفرح الي بالدنيا حسيت فيها بهاللحظة .. ! شعور انبعث بقلبي ماحسيت فيه من زمان

! ..

قلت والفرح باين بصوتي : اوكي باستناك .. حـ حبيبيي

وسكرت منه وأنا ودي أخطف من كل القلوب مشاعر فرحها وأسكنها فيني أنا وبس .. حبيبي رد علي بحنية .. كان يضحك .. كان يضحك وهو يكلمني ! لا ماكان جاف

..

رميت ظهري على السرير وانا أبتسم .. آه لو ترجع لي ياقمري وتحلي أيامي وعمري

ومامداني أنسجم بأحلامي الا دق الباب بقوة : شمووووووس وينك ؟؟

انفجعت وقعدت .. يوه لجيييييين نسيتها

..

قمت وفتحت الباب وسلمت عليها وانا اقول : هلا وغلا شخبارك

لجين : تمام

..

قلت : يالله بجيب لاب توبي وأجي

ومشيت أخذته ونزلنا تحت .. لقيت لمار أخت لجين قاعدة مع قمرة

..

ضحكت لها وأنا أقول : لووولوو الحلوة في بيتنا .. ؟؟؟

لمار كانت لاصقة بقمره ومعاها كيس في شبسين .. ضحكت وقالت : ايوة جيت مع لجين بس ماجبت لكم شبس

..

قلت : ياسلاااااام اجل لمين الثاني ؟؟؟؟

لمار بضحك : لقمررة

قمره : ياهوووووووووو هذي احلى صديقة اتعرفت عليها بالسعودية .. وباستها ولمار اعطتها الشبس

..

سلمت على لمار وقعدت انا ولجين ومعانا اللاب توب

لجين : شلونك قمور الحين وكيف الصداع معاك؟؟

قمرة واهي تاكل شبس : اتعودت عليه صار شي عادي

..

لجين : ياقلبي انتي ان شاء الله بتطيبين ويروح مره وحده

قمرة هزت كتوفها بلا اهتمام وأنا قلت : أخذتي دواك؟

قمره : يب

فتحت اللاب توب ولجين قعدت جمبي وفتحنا موقع الجامعة وقمنا نشتغل فيه

..

مامرت دقايق الا جت ماما وبعد جيتها بنص ساعه صحت شعاع ونزلت لنا .. ومر الوقت

..

وانا عيني شوي تجي على الساعه .. وشوي على الجوال

..

وهمست برجاء وعيوني على الجوال : يلا يانادر

!

　

::

　

"شعاع"



مو على بعضها طول القعدة .. قلقانة وكل شوي تطالع بالساعه !! مهي نفس العادة .. شي غريب فيها لفتني وضايقني .. كانت ساكتة تسمعنا وقليل الي سولفت .. في شي شاغل بالها وباين هالشي بعيونها

..

حتى لما جت البيتزا كلنا أكلنا إلا هي .. اتعذرت بمعدتها انها شوي توجعها .. وأنا أحس وجعها مهو بالمعده .. أحسه بقلبها ياعساني فدوة لقلبها

..

سألتها باهتمام : شفيها معدتك ماما ؟؟

ايه ماما !! لايكون راح بآلكم عند شمس ؟؟؟

ماما : عندي حموضة هاليومين والدسم يتعبني شوي

قلت : وتاخذين دوا ؟

ماما : لا مايحتاج مو مستمر شوي يجي ويروح

قمره بغباء : لايكووون حااامل

!!

ماما بتكشيرة : فال الله ولا فالك

قمره : هههههههه ليه طيب ماتبين تحملين ؟؟

قلت : غبية انتي شدخل الحموضة بالحمل ؟؟

قمره : اي اعراض لها علاقة بالبطن احس الحمل هو السبب

رديت : أوكي تكفين لاااا تحسين مره ثانية

قمره : طيب يمكن حامل شدرااااك ؟؟

ماما : بنت ! شالي أحمل وانا بهالعمر؟؟

قمره : ههههههه أصلا ياويييييلك

ماما : لا اتطمني ماني حامل ولا راح أحمل

..

طالعت بشمس ولجين مشغولين باللاب توب وقلت بهدوء : ماما فيه سؤال يقرقع بقلبي

..

ماما : هههههه طلعيه من قلبك وارتاحي

..

قلت : لك كم سنة ماخذة عمو زياد و .. وماحملتي .. انتي ماتبين ولا هو مايبي ؟؟

ماما بابتسامة مريحة : انا مابي هذا شي مفروغ منه .. انتوا كل حياتي ودنيتي ولا افكر اجيب اصلا وانا بهالعمر

..

قمره : وهو عادي ؟؟ ما أصر وقال يبي ؟؟

ماما : زياد مايجيب عيال .. وهذا من أكثر الأسباب الي خلتني أختاره شريك حياتي .. مابي أحرم شخص من الأطفال وبنفس الوقت أنا مابي أحمل

اتفاجأنا كلنا بهالخبر بس حسيت براحة بأعماقي .. مابي شي يشغل ماما عننا أبدا

.

قمره : وانا أقول غريبة عمو زياد ماخذك وانتي عندك بنااات كبار وكان ممكن ياخذ وحده ماعندها عيال وتجيب له هو العيال

قلت : ليه حبيبتي .. ماما ماشاء الله عليها كل من يشوفها مايصدق اننا بناتها .. يحمد ربه انها هي رضت فيه

..

قمره بإصرار : اي والله يبوس ايده وجه وقفا

..

ماما اتنهدت وقالت : الحمدلله

..

والتفتت على لمار تتأملها واهي تلعب .. وأنا قعدت أتأمل ماما وأسترجع تنهيدتها والحزن الي ساكن بعيونها

..

نادت ماما على قمره ويوم جت قعدتها جمبها وسألتها : كيف المدرسة ياطعمونة؟؟

لمار : كويسة بس انا ابي ادرس مع لجين بأمريكا

!

قمره : هههههههه وانا بعد شرايك نروح انا وانتي معها

لمار : ههههههههه طيب

قمره : تعالي ياحلوة العب انا وياك

لمار بفرح : اش نلععععععب ؟؟؟

قمره : الي تبين

..

لمار : تعرفين ورقة حجرة مقص ؟؟؟

قمره : لا تعالي علميني هي ونلعبها

ركضت لمار لقمره وهي حدها مستانسة .. قلت وأنا أتأملها : الأطفال أحلى شي بهالدنيا

..

ماما : أكيد

قلت : والله من بعد ماصرت أشتغل بالرعاية الاجتماعية اتعرفت على عالم الطفولة .. ياعمري يكسرون الخاطر حسبي الله على أهاليهم

!

ماما : بعضهم أيتام أهلهم ماتوا ولاعندهم قرايب

قلت بقهر : خلي ذولا صح أيتام .. بس يجونك أطفال بالرعاية أبوهم وأمهم اتخلوا عنهم لأنهم انفصلوا عن بعض ! واتزوج الأبو حرمة ثانية واتزوجت الأم رجال ثاني ولا أحد منهم يبي يتحمل مسؤولية عياله !! ولا مرة الأبو ولا زوج الأم مايبي العيال والأم والأبو يفرطون بعيالهم بدون ذرة احساس

!

ماما : يالطيييييف معدومين من الرحمة ذولا

..

كملت وانا أحس بنار جواي من الي شفته وانصدمت منه بشغلي : اتخيلي ياماما واحد جاب عياله يقول زوجته ماتت والعيال يكلفونه فلوس واجد ! وماعنده يصرف عليهم !!! ولا واحد زوجته أجنبية وطلقها ورجعت ديرتها .. لا هو الي خلى العيال معها ولاهو الي اتحمل مسؤوليتهم .. رماهم بالرعاية وعاش حياته

!

شمس انتبهت لكلامنا وقالت : شهالبشر !!؟؟ يالطيف عندهم مرض نفسي ولا فيه أحد يتخلى عن عياله بإرادته

!

رديت : اي والله وشوفي من القصص الي تشيب الراس ! ولا وحده جت تطالب ببنتها بعد ماتركتها بالرعاية 10 سنين

!!

ماما : ماشاء الله توها تكتشف انها أم ؟؟ ولا تو بدت مشاعر الأمومة تتحرك بقلبها ؟؟

قلت : أقولك شي يحزززن والله كل يوم يتقطع قلبي على هالأطفال بس اتعلقت فيهم وحبيتهم ولا أتخيل نفسي اتركهم وأشتغل بمكان ثاني أبدا

ماما : عاد من يومك ياشعاع وانتي تحبين الصغار

..

قمره : اي والله وأكبر دليل انها تموت تموت تموت فيني

ماما : هههههه إلعبي بس

..

قمره نطت عندي وقالت : شعاااع مو تموتين فيني ؟؟

مديت لساني لها وقلت : لااااا

..

قمره : كذاااابه والله تحبيني وتموتين فيني وماتصبرين عني ولا دقيقة

لجين : ههههههههه حبيبها على غفلة

رديت : يخسى الا هو مافي ولا حبيب ياخذ مكان وحده من خواتي وبالأخص هالنتفة هذي ( وقرصت خد قمرة

قمره باستني مع خدي بقوووة وقالت : ياناس والله أحس اني أحبها أكثر من نفسي

قلت : ياعمري حتى أنا

..

ضحكت لنا ماما بكل فرح وقالت : الا متى تجي شروق ؟؟؟

قلت : تخلص 8 وعلى ماتجي البيت 8 ونص

طالعت ماما الساعه وقالت : 8 الا ربع الحين زين مابقى لها هالشي

قلت : ليه ماما مستعجلة ؟؟

ماما : لا ياقلبي مو مستعجلة بس ودي اشبع منكم كلكم قبل ماروح

قمره : ليه تشكن برجر احنا ههههههههههههههههههههههه

لمار سحبت ايد قمره واهي تقول : تعالي وريني المسبح

قمره : هههههههه اصبري .. سمعتوا تو شقلت ؟؟

ماما : وشو حبيبتي ؟

قمره : تو يوم قلتي أبي أشبع منكم قلت ليه تشكن برجر احنا ؟ ههههههههههههههههههههههههههههههههه

ماما ضحكت على هبالها وانا قلت : هي هي هي ماايضحك

قمره : مراح أكلمك دقيقة كاملة

!

لمار : ههههههههههههههههههههههههههههههههههه

لجين : ههههه شفيك لولو ؟

لمار : هههههههه قمرة تضحّك

..

قمره شهقت وقالت : أنا أضحّك أوريك ( وقامت تركض ورى لمار ولمار ميتة من الضحك

..

ماما وهي تضحك : والله هالقمرة زي ماهي طفلة ماكبرت

قلت : اي صح .. اتذكر وانا بعمرها كنت متحملة مسؤولية خواتي واروح مدارسهم وأسأل عنهم .. الحين هي ماتدبر شي لنفسها الا لازم أحد معها

ماما : ههههه دلوعة من صغرها .. عندي صور لكم وانتوا صغار تشوفينها كله لاصقة فيك من صغرها واهي متعلقة فيك

قلت بحماس : صدق ماما ؟؟ ابي اشوف الصوور وينها ؟؟

ماما : عندي بالبيت مخزنتها مع كل أغراضكم من وانتوا صغار لين سافرتوا

فجأة طرا على بالي خاطر

.. !

وقلت : ماما عندك كل أغراضي وانا صغيرة ؟

ماما : ايه مخزنة أغراض كل وحده لحال

..

قلت وعيوني تبرق : ابي اشوفهم بأقرب وقت

!

ماما : ان شاء الله تعالوا لي وأوريكم هي

..

هزيت راسي .. وسرح فكري .. بين أغراض الطفولة

..

يمكن ألاقي شي بينها يذكرني بسلطان

..

يمكن ألاقي ذاك الكتاب

!

　

::

　"شروق"



قفلت من السواق بعد ماقال لي انه عند باب المعهد وقمت ألبس عبايتي الا شوي جتني وحده من طالباتي تناديني : تيتشر شروق

!

رديت وانا ألف طرحتي : يس لميس

can i have your bb bin please? :

لميس بحيا

ابتسمت وانا اقول : شور .. ( قلتها البن حقي .. وودعتني بفرح ومشت

يالله هذي وحده من عشرين معجبة .. شكلي بخصص بي بي لهم .. من اتوظفت بالمعهد ولستة البي بي ام بتزايد

بس الحلو فيهم انضباطهم داخل الكلاس .. والحلو أكثر انهم يحسبوني أجنبية لأن ماقد نطقت بكلمة عربي لا داخل الكلاس ولا برا

وهالشي خلاهم غصب يمارسون اللغة الانجليزية ويطبقونها

ركبت السيارة وعلى طول جتني اضافة من لميس .. سويت لها إكسبت وعلى طول نادتني بوجه فرحان

بس مارديت لأن جوالي دق .. وكانت غادة المتصلة

!

طالعت بالجوال وشي بداخلي آلمني .. غادة بنت خالتي وحبيبتي وصديقتي .. بس من شفتها آخر مره ببيت خالي ماعاد اتقابلنا مره ثانية

..

وكل مره تحاول ترتب معاي نتقابل .. أتعذر بالدوام والتعب

!

كنت محتاجة أبعد شوي لين أقتل مشاعري اللي نبتت بقلبي بالوقت الخطأ .. وللشخص الخطأ

!

غادة ماتدري اني سمعت كلامها اهي ومشاعل

ولاهي علمتني ولا أحد علمنا

شكلهم مابعد قرروا يعلنون

!

بس كوني سمعت بنفسي هذا شي يخليني أرجع بخطواتي لورى ولأبعد مدى ممكن يخفي من قدامي مشعل

..

كتبت لي غادة على البي بي : شروووووووووق وينك؟؟؟

ماقدرت ما أرد .. ورديت : هلا معليه مالحقت على الجوال

..

غادة : وينك الحين ؟؟

رديت : بالسيارة راجعة البيت

غادة : لاترجعين البيت مريني خلينا نطلع

رديت : ياحياتي انتي والله ودي بس ماما بالبيت تستناني على أساس نتعشى سوى

غادة : يووووه وبعدين يعني ؟؟ عجزت أصيدك

رديت : خلاص بكرا ان شاء الله

غادة : ايه تقولين بكرا واذا جا بكرا تطلعي لي بشغلة ثانية

رديت : هههههههههه لا شدعوة انا بعد ابي اطلع معاك وحشتني سواليفك البايخة

غادة : هههههههه اذا البايخة وحشتك اجل شلون سواليفي المثيرة؟؟؟؟

اختفت ضحكتي وانا أكتب : سواليف مثيرة؟؟

غادة : ايه عندي لك سالفة بتفااااجئك .. شي ماتتخيلينه

!!

حـــــــر .. الدنيا فجأة صااارت حــــر .. قلت للسواق يعلي على المكيف .. عطـــــش .. شفيه حلقي نشف؟

فتحت شنطتي وطلعت قارورة الموية وشربت نصها

بعد كذا رديت وقلت : حممممستيني أعرف

!

غادة : يلا قابليني ههههه

قلت : طيب عن ايش؟؟

غادة : لالالالا ماتصلح بالبيبي لازم فيس تو فيس

حبيبتي غادة .. خلاص تراني عرفت .. تبيني أفرح لك ؟ بافرح لك .. بحاول أفرح لك .. لا لاااازم أفرح لك ولا مراح أسامح نفسي

!

ورديت : خلاص بكرا ان شاء الله أول ما أطلع أمرك ونروح مكان ماتبين

..

حطت لي فيس فرحان .. عسى هالفرحة ماتفارقك دوم ياغادة

..

وصلت البيت وأول مادخلت لقيت قمرة ولمار يتراكضون بالحوش .. ضحكت لهم وسلمت عليهم ودخلت البيت وين ما خواتي وماما ولجين كانوا قاعدين

سلمت عليهم وقعدت

How are you teacher?: ماما





رديت : هههههههه فآآين

لجين : كيف التدريس عسى مايتعب؟

رديت : لا مسلّي والدوام مو طويل ساعتين بالصباح وساعتين بالمسا

لجين : وكيف الراتب ؟

رديت : تصدقين مادري ! هههههههههههه كل مره أقول باسأل وأنسى

لجين : ههههههه غريبة من البداية ماقالولك وماوقعتي عليه؟

رديت : لا لأن كان مو محدد على حسب عدد الكلاسات الي بدرسها والطالبات بس انا مو هامني أساسا أنا رايحة أتسلى وأمضي يومي

شعاع : ايه والله الي يجينا من بابا كل شهر أضعاف رواتبنا بس ياشيخة مانطيق قعدة البيت

!

انتبهت لشموس واهي تقلب بجوالها وعاقدة حواجبها وقلت : شمووووس شتسوين؟؟

طالعتني شموس بصمت

..

عدت سؤالي : شتسوين؟

شمس بهمس : ولا شي

..

شصاير بعد ياشمس ؟؟؟؟ طالعتها أبي أفهم من عيونها لكن شمس ماتركت لي مجال وقامت واهي تقول : متى العشا ؟؟

ماما : جعتي حبيبتي؟؟

شمس : ههههه لا .. بس ودي أتعشى وأنام بدا رآسي يدور طبعا بعد إذنك لجين

..

لجين : خذي راحتك ياقلبي أنا بروح أصلا

..

قلت : ايه صح اش صار اخترتي جامعة ؟؟؟

لجين : ايه خلاص سجلت بجامعة متشقن

قلت : يااااااااي مبروووووووك والله قود أوبشن الله يوفقك يارب

لجين : تسلمين حبيبتي .. ( ووقف واهي تقول : يالله أنا بمشي يعطيكم العافية

ماما : اقعدي اتعشي انتي ولمار

لجين : شكرا خالتي بس لمار لازم تنام وراها مدرسة

شعاع : زين خلينا نشوفك مره ثانية

لجين واهي تلبس عبايتها : ان شاء الله انتوا تعالولنا احنا كل خميس نجتمع مع خالتي ومرة خالي ويسألون عنكم يقولون من بعد العيد ماشفناهم

!

شعاع : ياعمري عليهم تعرفين شغلتنا الدوامات بس ان شاء الله نشوفكم قريب

لجين : الخميس هذا شرايكم ؟؟؟

شعاع طالعتنا واهي تقول : عندكم شي بنات ؟

رديت : لا ماعندنا شي خلاص نتقابل

لجين : تمام

..

سلمت علينا وشمس قامت قامت توصلها للباب .. وبعد ماراحوا دخلت قمره واهي تقول : عسل هالبنت

..

ماما : تعالي انتي ياعسل اقعدي ابي أفتح معاكم موضوع

..

قعدت قمرة واهي تقول : بسم الله شفيه ؟؟؟

ماما بحنية : مافي الا الخير حبيبتي شفيك خفتي

..

قمره : مدري تمهيدك حسسني انه شي مهم وخطير

ماما : مهم طبعا مهم بس خطير لا بالعكس الا خير وبركة

شعاع باهتمام : وشو ياماما ؟؟؟؟

ماما : شرايكم نروح كلنا نحـج هالسنـة

!

تبادلنا كلنا النظرات وأول من نطق شمس .. وقالت : إيوة ياماما .. خلينا نحج

!

طالعنا بشمس واهي تكمل بصوت خانقته العبرة : مادري ليه ماجا ببالي الحج ولا أنا كنت أدور بحياتي على مخرج للهم الي أنا فيه .. وانتي جبتي الحل ياماما .. أنا عن نفسي من الحين أقولك بحج

!

شعاع : حتى أنا

..

انا وقمرة بنفس الوقت : وأنا

..

ابتسمت لنا ماما بفرح واهي تقول : خلاص تم بإذن الله .. راح أحجز بكرا ان شاء الله بحملة محترمة تعرفها خالتكم .. ونبدا بإجراءات التصريح

قمرة : طيب وشو الحج يعني وش يفرق عن العمرة غير رمي الجمرات ؟ واش هي الجمرات .. قصدييي .. هي حصا أعرف بس من وين نجيبه وكم لازم نرمي ؟ اييييه وكم يوم الحج أصلا ووين بننام ؟ وكيف بننام واحنا بالحج ؟ والعييييييد صح اذا جا العيد بنرجع نعيد هنا ولا بنعيد بالحج ؟؟

خبلتنا هالبنت هي ورجتها وقلت : هاييي انتي أوووص .. كم سؤال بالثانية ؟؟؟ كل شي بنعرفه ان شاء الله قبل مانحج

ماما : ههههههه ياعمري ياقمرة لا تشيلين هم بتعرفون كل شي .. هالحملة الي بنروح فيها تسوي قبل الحج بكم يوم دروس بالبروجكتر عن الحج بالتفصييييل من اول يوم لآخر يوم .. لاتشيلون هم



شعاع : يااااي تحمست كم باقي ؟؟

ماما : أقل من شهر



قمره : وييييي طيب واش نلبس ؟؟؟ يعني ناخذ بيجامات وملابس واغراض ؟؟ والحمااااااماااات صح فيه حمامات كويسة ؟؟ في أكل كويس نظيف ؟؟؟

شمس : لا مافي وبتموتين من الجوع خذي شوكولاتات وشبسات معاك والنوم بتنامين فوق شنطتك لا ومافي حمامات اذا احتجتي حمام احفري لك حفرة بالتراب لأن اصلا احنا بننام بالبر



ضحكنا عليها وعلى قمور الي اتوسعت عيونها بخرعة




وماما قالت : ههههههههههههههههه يازينكم ترا الحج الحمدلله صار سهالة .. الحملات مهي مثل قبل الحين كل شي منظم ومرتب ونظيف كأنك ببيتك .. انتوا اخلصوا نيتكم لله عز وجل وتشوفون اذا ماتسهل كل شي باذن الله



شعاع : ان شاء الله والله مره اتحمست صار لنا سنين مازرنا مكة



ماما : ان شاء الله بتزورونها مره واثنين وثلاث وعشر



جتنا الطباخة تقول العشا جاهز .. قمنا واتعشينا



وماما راحت بعد العشا على طول

::

[المحظوظة]

"نادر"


دخلت للريسترونت الي دايم نجتمع فيه انا والشباب .. وكنت أمشي بلا مبالاة وأوزع ابتسامات للكل .. أي شخص يشوفني يقول عني بايع الدنيا .. والحقيقة الدنيا هي باعتني


..

رحت للطاولة الي كان فيها رائد والشباب وسحبت كرسي وقعدت

..

Why did you shut down your mobile?

رائد:

I have a new number

رديت :

Really? what about your number

رائد:

قلت : انسى رقمي الأول ( وسحبت المنيو وانا أقول : رميته

..

رائد قرب كرسيه مني وقال : قبل كم ساعه وانا معاك كلمتها وانت فرحان والحين غيرت رقمك !! شسالفتك يانادر ؟؟؟

قلت : حبيت أخلي آخر مكالمة بيننا حلوة .. أو تقدر تقول ضعفت هالمره .. بس انت عارف فكرتي من البداية ومراح يتغير شي

!

جو مجموعة من البنات لطاولتنا وسحبوا كراسيهم وقعدت كل وحده جمب البوي فرند تبعها

..

Oh nader you alone !!

سماثا شافتني بدون رفيقة وقالت بمسخرة :

Don't worry, I'm happy

ابتسمت بسخرية وقلت :

Pina Colada please

ناديت الويتر ويوم جاني طلبت :

كان مشروبي الوحيد المختلف عن كل الكاسات الي على الطاولة

..

وطبعا طلبوني اشاركهم الشـُرب بس اكتفيت بالعصير

..

كان صوت الأغاني يهز المطعم .. ومخصصين جزء للرقص

..

قاموا كل الشباب والبنات يرقصون وانا كان شكلي غلط .. يا لازم أرقص او أطلع من المكان

..

وقبل ما أقرر جت بنت شكله الشرب لعب بحسبتها .. ورمت نفسها جمبي او بالأصح

Do you want to some fun? لاصقة فيني وقالت :

Yes of cours

ضحكت وانا أقول: هههههههههه

I'm joriena

لصقت البنت فيني أكثر واهي تقول :

hi sweetie

قلت بهمس :

ذابت البنت ويوم حسيتها بدت تخور بعـّدت شوي وقلت

:

oh just Minute , I'll be right back

I'll wait for you

البنت بمياعة :

ابتسمت لها ومشيت بين الزحمة وماسلمت من حركات البنات ، بعد الشرب تطير عقولهم بالعلالي

..

وطلعت من المطعم وأنا أشم الهوا النقي الي برا .. والي تصاحبه برودة خفيفة تهدي الأعصاب

..

ومشيت تارك المطعم وراي .. والشباب وراي .. والبنت الي بالطاولة بعد وراي

!

والعالم والدنيا كلها وراي

!

مشيت بدون هدى .. رايح للمجهول .. حياتي انقلبت فوق تحت من راحت شمس .. ! كنت معها بس .. أعرف شناوي بكرا ! معها بس أعرف شغايتي .. وش حلمي .. وش طموحي .. معها بس كنت أفهم سر وجودي .. وعشانها بس كنت أحس اني عايش

..

وراحت ! وأخذت معها كل شي .. خططي وأحلامي ، حياتي وسعادة أيامي .. حتى تركيزي ونظامي ! بعثرتني وبعثرت فيني كل شي ، حطمتني ومابقى فيني أي شي

..

تركتني مجرد من كل الأحاسيس ، بلا روح ، واحساس ينبض فتور ، عتــّمت حياتي وخطفت مني النور ، بالضبط أصحى بلا هدف وأنام بلا شعور

!

دخلت بيتنا وشفت باب مكتب أبوي مفتوح .. مشيت ويوم جيت أدخل انتبهت لأصوات رجال .. شكلهم شركاء أبوي ببعض الشركات وقررت أنسحب

لكن شكل ابوي انتبه وقال : مين هنا ؟؟؟

..

أسرعت بخطواتي للصالة ، لأن ماكان لي خلق أقابل أحد

لقيت مرة ابوي " ليندا " بوجهي وتطالعني باستغراب وقالت : هربان من شو؟؟؟

حكيت خشمي وانا اقول بغباء : لا شالي هربان الله يهديك ههههه بس ابوي بالمكتب وتعرفين ماحبيت أزعجه

..

ليندا: هههههههههههههه قمت هربت لهنا عشان مايناديك

رديت بملل : تقدرين تقولين

..

قعدت على الكنب بالصالة وقلت : غريبة ويك اند وقاعدة بالبيت

ليندا : شوي ويجوني صاحباتي

قلت : ايه هذا هو ، ولا انتي مستحيل تقعدين يوم بدون مخططات

..

ليندا : نادر ياويلك تحكي هالحكي قدام أبوك هو مايصدق يلقى شي يخاصمني عليه

قلت وانا اخذ الريموت : لا لا معليه انا انسان صادق وصريح واذا قعدت معاه بقوله

ليندا : لا بالله ! ترا انت الخسران لا تنسى انا واسطتك بأشياء كثيييير

..

رديت باستهبال أنكافها : شسوي طيب انا كذا .. انسان صادق .. انسان صريح .. ما اعرف أكذب .. ماعرف أمثل .. بريئ طاهر من داخل شتبيني أسوي ..؟؟

ليندا : ومن متى انت هيك ماشاء الله؟؟؟

قلت وانا كاتم الضحكة : اوووه من طلعت على هالدنيا بس محد اكتشفني

!

ليندا : اي عن الحكي الفاضي بس ، قولي اتعشيت ؟؟

رديت وانا اقلب بالقنوات : لا

..

ليندا : عن جد ؟؟

طالعتها وانا اقول : ايه عن جد انسان صادق وصريح انا انتي شفيك

!

ليندا : ياويلي ياويلي ياويلي خلاص مراح أسأل شي

..

ضحكت عليها واهي ودقت على الخادمة تجيب العشا

..

وصارت تتفرج معاي

..

جابت الخادمة العشا وأكلنا سوى ،

طرا على بالي أسألها سؤال مافكرت أعرف اجابته من قبل وقلت يمكن هي تعرف

!

وقلت : أقول ليندا

..

ليندا وعيونها على التلفزيون : هممم ؟

ويدون مقدمات قلت : تعرفين وش الأسباب الي تمنع أبوي من دخول السعودية ؟

كل معالم الصدمة ارتسمت على ملامحها بهاللحظة

!!!

واهي تطالعني بوسع عيونها حتى الملعقة طاحت من إيدها

..

قلت وأنا أراقب ملامحها المصدومة : أوؤوو ! سألت سؤال خطير شكلي

..

ليندا : واش الي خلاك تسأل يانادر ؟؟

قلت بهمس : انسان صادق و ..... (( قاطعتني ليندا واهي تقول بصرامة : انت وبعدين معاك وينه مزحك من جدك ؟؟؟؟

قلت : مادري عنك انتي رديتي على سؤالي بسؤال واختربت السالفة

!

ليندا : لا جد احكيلي .. شو جاب هالموضوع على بالك ؟

قلت : شي طبيعي اني أبي أعرف .. ديرتي وديرة أهلي وممنوع ندخلها والسبب دايم مجهول زين ليش ؟؟ انا الحين ابي اروح السعودية يالله شالحل ؟؟؟

ليندا : اسكت يانادر أرجوك لا يسمعك ابوك تحكي هالحكي والله يطيح من طوله

..

قلت : ايوووه مو هذا الي انا ابي اعرفه .. ليش بيطيح من طوله ؟؟ وش سالفته مع السعودية ؟؟؟ وش مهبب بحياته ؟؟؟

ليندا : ياحبيبي على بالك أنا بعرف كل شي عن أبوك وحياته ؟؟ أبوك أكثر انسان غامض شفته بحياتي

..

قلت : يعني ماتدرين عن شي؟؟

ليندا : لا والله مابعرف شي ..بس الي أعرفه انه في مشاكل سياسية ، بس ابوك شال السعودية تماما من باله

..

قلت : هذا اذا جت عليه هو خلي يشيلها من باله .. بس انا لا

..

ليندا : بشو تفكر يانادر ؟

طالعتها وانا مضيق عيوني وغنيت : أفكر فيك وأفكر في حياتي

..

ليندا : ييييه ياهالولد ! انت مابتصير جدي دقيقتين على بعض

..

قلت : بصراحة لقيت مامن معلوماتك فايدة فماله داعي أصير جدي

..

جت ليندا بترد بس سمعنا صوت ابوي يمشي مع الرجال للباب .. قمت من مكاني قبل لا يلقطني ومشيت للدرج والتفت وهمست لليندا : اذا سأل عني قولي جا وطلع ينام

..

ليندا بمكر : يووه موعلى اساس انت انسان صادق وصريح ؟؟؟

قلت : أفا ! مين الي قال هالكلام ؟

وضحكت وطلعت لغرفتي

..

ليندا حنونة وطيوبة وكلامها انجليزي على عربي والعربي شي خليجي على شي لبناني بحكم اختلاطها بمختلف الجنسيات

..

بس للأسف حنيتها وطيبتها مرات توصل لدرجة الغباء

!

ولا لك سنين مع أبوووي .. ماعرفتي وشو سبب منعه من السعودية !!؟؟

رميت نفسي على السرير

..

وظل هالهاجس يلعب فيني

..

ان كنت أحس قبل شوي ان ماعاد لي هدف

..

فبهاللحظة صارت السعودية بالنسبة لي اهي الهدف

ويا انت يابوي

يا أنا

　

　

::

　

"

شروق "

طلعت من دوامي وتوني بامسك جوالي بدق على غادة الا هي دقت

رديت وانا أضحك : يممممه منك ماعندك صبر

غاده : ههههههه أعد الدقااايق من الصبح

رديت : هههههههههه ياقلبي يلا مشوار الطريق واكون عندك خليك جاهزة

غادة : جاهزة من العصر

قلت : ياحياااتي تعدين الدقايق من الصباح وجاهزة من العصر هالكثر تحبيني؟

غادة : ههههههههههههاااااي انقلعي زين

رديت : هههههههههههه باي

سكرت منها وانا ضحكتي لازالت مرافقتني .. غادة أكثر انسانة تبهجني وتضحكني ولا أتخيل حياتي بدونها .. وأي شي يوقف بطريقنا راح أبعده وأولها مشاعري تجاه مشعل

..

وصلت بيتها والمفاجأة كانت اني لقيت غادة تستناني عند الباب وهنا وفرطت ضحك

..

فتحت الباب وركبت وشافتني ناقعة ضحك

خبطتني واهي تقول : هذا الترحيب عندك ؟

رديت : ههههههههههههههه لا ماقدر على كل هالشوق انا مااقدر هههههههههههههه

غادة : ههههههههههه لاتصدقين روحك مب شوق الا ززززهق

..

قلت : هههههه طيب طيب صدقتك

..

غادة : اقول لاتصدقين عمرك صحيح وحشتيني ومتحمسة أحكيك سوالفي بس شكلك مو كفو

..

هنا اختفى الضحك والجدية فرضت نفسها وقلت : لااااا عاد كل شي الا سوالفك .. بس اول شي قولي وين تبين نروح ؟

غادة : أممممممم أبي كوفي حلو ورايق

قلت : في كوفي جديد عند الكورنيش تبين نجربه ؟؟

غادة : ايه يلا حلو

..

قلت للسواق يروح للكوفي .. وغادة دق جوالها وردت عليه .. درت وجهي على الشباك أبي أهدي انفعالاتي الي ثارت بأعماقي .. لازم أهيئ نفسي للي باسمعه من غادة .. لازم أعرف شلون أضحك لها بفرح .. وأهنيها بسعادة .. وأدعي لها بحب

وصلنا الكوفي وقعدنا على طاولة مُطلة على البحر .. طبلنا كابتشينو .. طبعا لازم أنا أسأل غاده عن السالفة وأبين شكثر متحمسة لسوالفها

..

ابتسمت وانا أقول : يلا قولي شعندك ؟

غادة حطت الكوب على الطاولة وشبكت ايدينها ببعض وقالت : شي ماتصدقين ياغادة شكثر انا فرحانة

..

قلت : وشو علميني ؟

غادة : بس أوعديني ماتعلمين أحد لأن هالشي توه صاير ومابعد تم فما ودي أحد يعرف الا لما يتم كل شي

تسارعت نبضات قلبي غصب عني .. ليه النبضات مهي تحت السيطرة ليه مانقدر نتحكم فيها

!

هزيت راسي وأنا أقول بصوت اقرب للهمس : أوعدك محد يدري بس يلا قولي شهالسالفة الخطيرة

..

غادة : ههههههه لا مو خطيرة الا تجنن وتهوس .. بس تكفين جد لحد يدري ولا حتى مشاعل لأنها بتجي لا تزلين بلسانك بالغلط

قلت : مشاعل بتجي ؟؟؟

غادة : ايه دقت علي قبل ما أطلع تبي تطلع معاي السوق قلت لها اني بروح كوفي معاك بعدين يمكن نروح السوق .. فبتجي على المول

قلت : اوك مراح أزل لا تخافين .. قولي

غادة : شروق

.. !

أحد سمع دقات قلبي ؟؟؟ غادة ارمي الي عندك مره وحده لا تتعبيني تراني تعبانة من سمعتكم ذاك اليوم .. يكفي ياحياتي ياغادة

..

رشفت الكابتشينو وطولت وانا رافعة الكوب لفمي عسى يغطي ملامحي ورديت : ها قولي ؟

غادة بابتسامة وسيعة : بصير مديرة أعمال الأميرة نورة الفيصل

!

اتوسعت عيوني والكوب نزل من ايدي بلا ادراك مني !! وكل معالم المفاجأة شعت بملامحي وعيوني من الخبر الي سمعته .. والي ماتوقعت يكون هذا الخبر الي تبيني غادة عشانه !! والي مانمت الليل كثر تفكيري وقلقي من لحظة تلقي الخبر

!

ظليت متنحة فيها لين قالت : شفييييييييك مصدوووومة

..

استوعبت الموقف واني المفروض أتفاعل مع الخبر الجديد وقلت : ايييييش؟؟ مديرة أعمال الأميرة نورة ؟؟؟

غادة بحماس : اييييييييييه اتخيلي

!

قلت : وش يعني مديرة أعمالها ؟ ومين الأميرة نورة ؟؟

غادة : مديرة اعمالها يعني أساااااااافر معاها كل مكاااااااان ياشروووووق اتخيلي !!! وبعض المرات تسفرني انا لحااااالي وآخذ معاي الي أبي وعلى حسااااابها وتسكني أحسن الفناااادق عشان أدير شغلها المتوزع بأكثر الدووول

!!

طالعت بغادة لحظات وبعدها انفجرت ضحك : هههههههههههههههههههههههههههههههههههههههههههههههههه

غادة : حماااااااااره ليش تضحكين ؟؟؟؟

قلت : غادة انتي مستوعبة شقاعدة تقولين ؟؟؟ انتي بالله بتديرين أعمال أميرة عشان اذا غلطتي سجنتك ؟؟؟

غادة : هههههههههههههههههههه ياخبلة هذي الأميرة أعرفهاا زين وقدي وانا واهي متخرجين من جامعة حكمت

قلت : أها طيب واش طبيعة شغلها ؟؟

غادة : عندها شركات موزعة بكذا دولة وتبي شخص تثق فيه يروح معاها أو يسافر عنها وكلمتني بنفسها طلبتني

..

قلت : اهاااا والحين انتي قد الثقة مثلا ؟؟؟

غادة واهي تهمس بعصبية : شروقوه لاتخليني أكب الكباتشينو على راسك

!

رديت : ههههههههههههههههههههههه أمزح أمزح بالعكس الله يوفقك وان شاء الله يعجبك الشغل معها بصراحة مني مستوعبة طبيعيته بالضبط لكن فكري زين قبل ماتوافقين لأن هذا المجال يمكن يدخلك بمتاهات انتي بغنى عنها

..

غادة : فكرت مليون مره وشاورت أهلي ومافي أي مشاكل

..

قلت : يعني عاجبك

..

غادة واهي تشرب من كوبها وتطالعني بنص عين : أقولك بساااافر كل شوي يعني تبين تشوفيني خذي معاي موعد

..

رديت : ههههههههههههههههههههههه يعني اصير انا الي أدورك

!

غادة بغرور : افكورس

قلت : ههههههههههه ياحبي لك والله ألف مبروك

..

غادة : الله يبارك فيك .. بس انتبههههههي أحد يعرف

رديت : طييييييب شقالولك أنا بالونة منسمة

غادة : وشو ؟؟ الحين هذي يقالها حكمة

!

رديت : هههههههههه حكمة قمور

..

غادة دق جوالها وكانت مشاعل

..

غادة : يلا مشاعل تستنانا بالمول

..

قمنا وحاسبنا ورحنا للمول

..

طول ما إحنا نتسوق وانا أنتبه لمشاعل تهمس لغادة واهي تأشر لها على فساتين .. يمكن كانت تبيها تختار فستان لمناسبة خطوبتها .. ولا أنا الي حاطة الشي ببالي وهو مو صحيح

..

غادة ماجابت لي سيرة مع انها ماتخبي عني شي ! بس يمكن اذا صار الشي يتعلق بخطوبة الناس تخبي ؟؟؟ ولا يمكن يكون مافي شي من الأساس

..

لا بس أنا سمعت ، سمعت مشاعل واهي تسأل غادة عن رايها ، سمعتها واهي تقول ، مشعل يبيك

.. !

مشعل تبيها ؟؟؟ ليه يامشعل جذبتني لك دامك منجذب لها ؟؟

ليه علقتني فيك باهتمامك وبنظراتك ؟؟ ليه حسستني انك منجذب لي مثلي !! ليه علقتني فيك وانت متعلق فيها وتبيها ، ليه لعبت بمشاعري الي كانت ساكنة ولاحد قبلك قدر يحركها ، ولاحد قبلك قدر يلمسها ، ولاحد قبلك قدر يدخل قلبي ، بس انت اقتحمت مشاعري ، ولعتها ، وتركتها بقلبي ، وحدي راح أطفيها ، وأمحيها

..

انتبهت على مشاعل واهي تقول : شروق ترجعون معاي البيت أوكي ؟؟

آخر شي كنت أتمناه هو هالشي وقلت : لا مشاعل والله تعبانة خليها مره ثانية

مشاعل : متى مره ثانية انتي صرتي ماتفضين مع دوامك

..

غادة : اي والله والويكند كله ناااايمة

قلت : ههههههه لا أوعدكم الويكند هذا نتقابل

غادة : مو قلتي أمس انكم بتجتمعون مع أهل أبوك؟

اتذكرت اننا اتواعدنا مع لجين وقلت : اممممم صح نسيت

..

مشاعل : خلاص مالك مفر تعالوا وبعشيكم بدري لاتخافين

..

قلت بضيق : بس السواق معاي من طلعت من الدوام يمكن خواتي يبونه

غادة واهي تسحبني : فيه سواق ثاني ولا نسيتي بعد

..

قلت : يمه منك انتي حافظة كل شي عني أكثر من نفسي

مشاعل واهي تدخل أحد المحلات : ههههههههه تصلح مديرة أعمال

طالعت بمشاعل وانا مصدومة من تعليقها العفوي الي جا بوقته

..

وغادة ضحكت واهي تغمز لي زي الي تأكد على كلام مشاعل

..

ضحكت لها ودخلنا المحل

..

بعد نص ساعه طلعنا كلنا ورحنا بسيارتي لبيت مشاعل

..

انتبهت لسيارة مشعل واقفة عند الباب وحسيت بخنقة ورغبة بالبكى غصب عني

..

اني اتجاوز مشاعري لحالي .. ممكن .. بس اني أشوف مشعل بهالفترة .. لا .. بليز .. حسوا فيني

..

نزلنا من السيارة وانتبهت لغادة واهي تطالع بسيارة مشعل وابتسامة خفيفة منرسمة على شفاتها

..

دخلنا البيت .. وسمعت صوت خالي جاي من الصالة .. ابتسمت وقلت : خالي هنا ماشفت سيارته

..

عيوني ماشافت بالشارع كله غير سيارة مشعل

!

أول مامشيت لقيت خالي طالع من الصالة واول ماشافني قال : هلا والله وغلا .. ( وسلمت عليه وانا اقول : هلا خالو حبيبي شلونك ؟؟؟

خالي : تمام الحمدلله .. وينك انتي وخواتك ماشفناكم من زماان

..

رديت : معليه ياخالو اعذرنا ماعاد عرفنا ننظم وقتنا مع دواماتنا

خالي : لا مايصير نشوفكم بالصدفة ، لازم تجوني الاسبوع الجاي نتعشى سوى

..

قلت : ابشر ياقلبي من عيوني

..

غادة من وراي : هلا خالوووو .. ( وسلمت عليه

..

وبعدها سمعنا مشاعل واهي تتخانق معاه عشانه بيطلع وهو يناكفها كعادتهم

سمعنا اصوات نوف ونواف بالصالة ومشينا انا وغادة للصالة

..

لكن مشعل مانتظر وقت أطول عشان يفجع قلبي بطلته ، كان قاعد على الكنب بشورت وتيشرت وفاتح لاب توبه يحوس فيه

..

والتفت لنا أول مادخلنا .. نظراته كانت تنتقل بيني وبين غادة .. وأنا رجعت خطوة لورى .. وانتبهت لمشعل واهي يطالع برجولي واهي تتراجع ، ورجع يطالع بعيوني

!

غادة قالت : مرحباااا

نوف تركت دروسها وجت تسلم علينا ومن بعدها نواف .. سلمنا عليهم

..

ورجعت عيوني تلتقي بعيون مشعل الي ابتسم لي ابتسامة عذبت قلبي

..

أبعدت عيني عنه واهو وقف وقال : أهلين .. كيفكم ؟

أنا مارديت واتكيت على الجدار أنكوي بناري .. محد شايف النار الي حوليني .. قعدت أنتظر مشاعل يمكن تجي تنقذني من وسط ناري الي محد حاس فيها غيري وعشان اتناسها ماكان عندي غير الابتسام لنوف ونواف واهم يرجعون يلعبون

..

سمعت غادة تسأل مشعل عن أحواله ، وسمعت مشعل واهو يسألها عن أحوالها

..

" وانتي أخبارك شروق"

صوته اخترق مسامعي وهز كياني لكن طالعته بنفس ابتسامتي الي توهم ببرودي وقلت بهدوء : تمام .. انتَ أخبارك ؟

مشعل هز راسه واهو يقول : الحمدلله

..

نظراته كانت تتفرسني ويا ابتسامته الي تولعني أكثر

..

درت وجهي لغادة لقيتها تطالعني بنظرة ضايقتني حيل .. كانت نظرة غيرة وحمق .. ابتسمت لها وصرت أنقل عيوني بينها وبين الأطفال

..

هذا كيف يجرؤ يطالعني بهالطريقة وغادة قدامه !؟ مو على أساس هي خطيبته الحين ؟؟

دخلت مشاعل واهي تقول بمرح : اقعدوا شفيكم واقفين ؟؟

انتبهت لمشعل وقالت : أهليييين حسبتك نايم

!

مشعل سكر لاب توبه واهو يقول : خذوا راحتكم أنا ماشي

..

مشاعل : لا خليك احنا بنقعد بالمجلس الثاني

..

مشعل : لا لا انا كنت ماشي أصلا

..

وصار يلم أغراضه ومشاعل معاه تعاونه

قعدت على الكنب وطلعت جوالي اشغل نفسي فيه .. قعدت غادة جمبي وقالت بأسلوب صدمني : ممكن يكون عندك شوية ذوق وتغطين شعرك ؟؟؟

التفت لها بصدمة وشفت بعيونها نفس النظرة الي تو .. غطيت شعري وانا اقول : ماكنت منتبهة بس خير ليه تكلميني بهالطريقة ؟

غادة : مراح تتأدبين الا بهالطريقة

..

لا غادة ! مو معقول انتي تعامليني بهالأسلوب وانا قاعدة أتعذب عشان سعادتك !؟

قلت بهمس : لاحبيبتي غلطانة .. أنا ما أمشي بهالاسلوب لكن بمشيها لك هالمره لين أعرف شالي يدور براسك

غادة بحذر : وشالي بيدور براسي مثلا ؟؟

قلت : اسألي نفسك .. شالي خلاك فجأة تكلميني بهالاسلوب

!

غادة بسخرية : اذا ماعرفتي من نفسك مو لازم تعرفين

..

قلت : غادة ! اذا مضايقة مني ليه جبتيني هنا ؟؟؟؟

غادة : غلطت

!

طالعتها بنظرة مصعوقة !! وهي كنها استوعبت انها غلطت بالحكي وقالت : معليه آسفة ، انسي

!

قلت وانا حاسة العبرة خانقتني : بهالبساطة ؟؟؟

سكتنا على صوت مشاعل واهي تقول : ها شتبون عشا ؟؟؟

وقفت وانا اقول : مشاعل اعذريني ياقلبي اتذكرت اني مواعدة بابا على سكايب يبي يشوفني لي اكثر من اسبوع ماتكلمت معاه زين

..

مشاعل : ياسلام لقيتي لك حجة الحين

قلت : سامحيني ياقلبي وان شاء الله نجتمع قريب

مشاعل : على راحتك حبيبتي وتراني سكت لأن السالفة فيها البابا بس

..

قلت : ههههه حبيبتي انتي ( وسلمت عليها وطلعت وفورا اختفت ابتسامتي وحل محلها ، القهر ، والألم

!

آلمتني نظرات مشعل ، الي ماعاد عرفت أفسرها أو أفهمها

..

وابتساماته الي كانت قبل فترة تسعدني ، والحين صارت تعذبني

..

جرحني أسلوب غادة ، لا مو انا الشخص الي يستحق أسلوبها

!

إهي ماتدري انا شكثر أعاني لاجل هي تسعَد

!

اتجمعت الدموع بعيوني غصب عني ..وصارت تسيل مني بلا شعور

..

فتحت باب الشارع وأول ماسكرته لقيت مشعل مستعد يركب سيارته

..

مسحت دموعي بسرعه واضطريت أمشي من عنده عشان أوصل لسيارتي

..

ولما مريت قال بهدوء : من زمان ماشفناك

!

طالعته بعين كانت مليانة دموع .. وبنظرة كانت مليانة ألم .. وشحت بوجهي عنه وكملت طريقي لسيارتي

..

أنا ماتوقعته يناديني .. وماناداني

!

لحقني لين سيارتي وقال بصوت لمست فيه قلقه : ليه تبكين ؟؟

درت وجهي وانا أحاول أمسح دموعي وأقول : ما أبكي .. بس كنه في شي دخل بعيني

!

مشعل : أها وصوتك طيب ؟؟ باين من صوتك انك تبكين ، مو شي دخل بعينك

!

ركبت السيارة ومسكت الباب وانا اقول : خلاص مشعل مافي شي

..

مشعل اتكي بذراعه على باب السيارة من فوق وقال : ليه طلعتي فجأة ؟ مو على أساس بتتعشون سوى ؟

قلت بدون ماطالعه : اتذكرت ان عندي شغله

..

مشعل بصوت رخيم : شروق

!

سكت شوي وطالعته بنظرة صارمة وقلت : نعم يامشعل ؟؟؟

مشعل : في أحد زعلك ؟

قلت : معليه بس هذا شي مايخصك ؟

مشعل بعد ذراعه من على الباب وقال : أوك أوك .. قلقت عليك بس

..

قلت بهمس : شكرا

وانا أسكر الباب سمعته يناديني

..

خلاص مشعل لاتكوي قلبي بقربك أكثر .. تكفى روح انت شتبي فيني ؟؟ مو خطيبتك داخل ؟؟؟

فتحت الشباك وقلت : في شي ؟؟

مشعل ماحكى .. طالعني بس بنظرة.. نظرة مو المفروض يوجهها لي

..

مو انا الشخص الي تحبه يامشعل ليه تطالعني بهالنظرة المفعمة بالحب

..

تكفى لا تتعب روحي معاك

..

أبعدت عيني عنه وقلت بهمس : باي مشعل

..

وسكرت الشباك

ومشى السواق ، وثار بركآن اكتئابي وانهمرت دموعي

　

::

　



شعاع



لبست عبايتي ودقيت على شروق أشوف وينها

..

شروق : هلا شعاع

قلت : هلا ياقلبي وينك

شروق : بالطريق

..

قلت : يالله استناك عشان نروح لماما سوى

..

شروق : لا شعاع مافيني مره تعبانة بحط راسي وأنام

..

ناديتها : شروق

!

شروق : هلا

!

قلت : شفيه صوتك ؟؟؟

شروق : مافي شي بس مع التعب وبداية زكمة

..

قلت : أكيد ؟

شروق : هههههههههههههههههههههه شوفيني ضحكت يعني مستحيل باضحك وانا فيني شي

قلت : لا مو مستحيل معاك ، انتي اذا فيك شي تعرفين تخبين وتمثلين وماتبينين أبد

..

شروق : ههههههههه فاهمتني اجل بس الحين جد تعبانة روحي لاتستنيني

..

قلت : اوك انا وقمرة بنروح

..

شروق : وشمس ؟؟؟

قلت بتنهيدة : معتصمة بغرفتها من رجعت

..

شروق : ترا شمس من امس مو طبيعية

!

قلت : ايه لاحظت .. كل ماقلنا بدت تسلى ترجع تنتكس

..

شروق : باتكلم معها اليوم ان شاء الله

قلت : اوك حبيبتي خلاص اشوفك اذا رجعت من عند ماما

شروق : اوك عيوني وسلميلي عليها

رديت : يوصل ان شاء الله

سكرت منها وناديت قمور .. وركبنا السيارة ورحنا لبيت ماما

..

استقبلتنا ماما بمجلس الضيوف !! مو بصالة المعيشة الي تقعد اهي وزياد وفيها ! وكانت منزلة كل الأغراض الي نبي نشوفها بالمجلس .. شكلها ماكان ودها ندخل داخل البيت

..

كذا انا حسيت ، وبتتأكدون من كلامي بعد شوي

!

اتربعنا بالارض عند الألبومات وقمنا نشوف الصور الي سحرتنا بحلاوتها وذكريات الطفولة تنبض فيها

..

قمره : هههههههههههههههههه صدق كل الصور وانا متعلقة فيك شعاع

..

قلت : هههههههههه ايه من صغرك خانقتني

..

قمره : شوفي هنا شلون ماسكة وجهك ألفـّـه وانتي تبين تطالعين الكميرا نحيسة انا هههههههههههههههههههه

ماما : هذي الصور واحنا بأسبانيا

..

قمره : جد ؟؟؟ انا رحت أسبااانيا ؟؟؟

ماما : هههههه ايه وانتوا صغار ماخلينا بلد مارحناها

..

قلت : ايه أذكر سفرياتنا وفرنسا وديزني ، آخر بلد سافرناها تركيا مو ؟؟

ماما : ايه تركيا

..

قمره : وليه وقفتوا عند تركيا ؟؟

سكتت ماما شوي كنها تفكر بالجواب ، بعدين قالت : لان السنة الي بعدها انفصلت أنا وابوكم

!

ركزت عيني بالصور ابي انسى ذاك اليوم ، ذيك اللحظة ، وذاك التاريخ الي بالوقت الي المفروض يكون أحلى تاريخ بحياتي .. صار أتعس وأشنع تاريخ

!

ليه يا قدر جمعت بين حدثين ، متضادين ، وبنفس التاريخ

!

قمرة : كنت صغيرة .. ما أذكر كل شي

..

انتبهت لصورة جامعتنا مع ماما وقلت : يااااي تجنن الصورة ياماما أبيها

!

ماما : لالالا مافي ولا صورة تطلع من هالألبوووم

قلت : ماما تكفين والله تجنن هالصورة كلنا متراكمين عليك هههههههههههههه

قمره : هههههههههه شوفي انتي بحضن ماما وشروق بحضنك وشمس بحضنها وانا فوقكم كلكم

قلت : هههههههههههه ماما أبييييييها بليييييييز

ماما : ياووويلك تطلعينها ترا لو راحت صورة احس قطعة من قلبي تروح

..

قلت : ياحياااتي انتي

..

قمره : والله ياماما كنتي كتكووووته تهبلييييييين

..

ماما : ههههههههههههه وانتو بعد قماااري كنتوا اذا مشيتوا مع بعض الناس تنهبل عليكم ولازم يسلمون عليكم بكل مكان آخذكم فيه

قمره : ههههه وناسة .. ماكنت أدري اني حلوة من صغري

قلت : مشكلة الثقة

!

ماما : اول مره تشوفون صوركم وانتوا صغار ؟؟؟

قلت : اي والله ماقد وريتينا

!

ماما : أبوكم ماقد وراكم ؟؟

قمره : لاااااا !! أبوي عنده صور لنا واحنا صغااار ؟؟؟

ماما : ايه .. طلب كل الصور الي تجمعه هو فيكم

!

قمره : يعني بابا موجود بهالصور

..

ماما : كان ! ايه

..

قمره بنبرة حزينة : ماما ليه انفصلتي انتي وبابا ؟؟

قلت بحزم : قمرة

!!!!

قمرة : وشو حرام أسأل ؟

قلت : مو حرام بس ماله داعي ولاهو وقته

..

ماما : حبيبتي انا وابوك وصلنا لمرحلة عدم اتفاق .. مشينا بدرب نهايته مسدودة وعشان نلقى درب مفتوح لازم كل واحد يمشي بطريق

..

قمره : اممممم .. مافهمت شي بس بمشيها لكم

..

ماما : لاتوجعين راسك حبيبتي بهالأمور خلاص انتي عندي الحين مو هذا الي كنتي تتمنينه من أول ؟؟

قمره واهي تحضن ماما : طبعا يارووحي انتي

..

باستها ماما وانا حاولت أبلع عبرتي الي خنقتني بهالوقت ، وأهرب بعيوني للصور وأتمنى أرجع ذيك الطفلة الي بالصورة والي ماتفهم شي غير اللعب والفرح

!

قمره : ياحلو الديور الي عليك شعاع من صغرك وانتي عشقك ديور

..

قلت : ايه والله صدفه ههههههههه

ماما : شوفيه عندي .. وفتحت ماما الشنطة وحاست فيها وطلعت نفس اللبس الي بالصورة

..

ضحكنا بفرح وجا وقت الاغراض .. قمنا نتفرج على كل شي ونضحك وانا قمت اتفحص كل شي بأغراضي .. لقيت ألعاب .. لقيت أوراق .. لقيت كروت .. لقيت شهادات .. بس مآلقيت كتاب

!

التفت لماما وقلت : بس هذي أغراضنا ؟

ماما : ايه والباقي أشياء ماكانت لكم مدري شجابها عندكم ورميتها

!

انصدمت وقلت : رميتيها كلها ؟؟؟؟؟

ماما : ايه ! ليه في شي فاقدته !؟

قلت بحيرة : ما كان في كتاب

.. !

ماما باستغراب : كتاب وشو ؟؟؟

قلت بتردد : أنا مادري وشو ! قصديييي ما ما أذكره ! أساسا هو مو لي

..

ماما : والله مدري حبيبتي عن اي كتاب تتكلمين .. بس انا متأكدة مارميت أي شي لكم

..

قمره : بشوف اغراض شروق وشمس

..

وقامت تحوس فيها وأنا ضعت بذاكرتي أدور ذاك الكتاب .. يمكن أذكر شي عنه أو أميز شي فيه .. ومالقيت

!

قمره واهي تحوس بالاغراض قامت تبعثر كل شي يمين يسار .. واثناء بعثرتها رمت مجموعة أشياء بالارض لمحت من بينهم كتاب

!

تسارعت نبضاتي وانا اتأمله من بعيد .. ومديت ايدي بخفة وشلته من بين الحوسة الي سببتها قمرة

..

طالعت بالغلاف .. كان كتاب رياضيات للمرحلة الثانوية ! كتاب متهالك قديم

.. !

وش يسوي الكتاب هنا ؟؟؟؟ لا انا ولا خواتي درسنا ثانوي بالسعودية

... !!!!

بدت التوقعات والظنون تتسرب لقلبي وذاكرتي وكياني

.. !

فتحت اول صفحة .. وهنا صارت دقات قلبي تدق بعنف لما قريت اسم صاحب الكتاب : سلطان غازي

!!!

رفعت عيوني بخفة لقمرة وماما ولقيتهم يضحكون على اغراض شروق .. فتحت شنطتي الي كانت جمبي ودفنت الكتاب وسطها وسكرتها

..

أخذت نفس عميق ابي أضبط انفعالاتي .. وقربت من قمرة وماما أتفرج معاهم على باقي الأغراض

..

بعد شوي جت الخدامة وقالت العشا وصل وحطته على طاولة الأكل

ماما باعتراض سريع : لالالالا .. جيبي سفرة هنا وهاتي العشا

الخدامة : ماتبغى تاكل على طاولة ؟؟؟

ماما : لالا جيبيه هنا بالله عليك

.. !

ماقلت لكم ماما ماتبينا ندخل ؟؟ اصبروا بعد ماشفتوا شي

..

جابت الخدامة الأكل واتعشينا .. وخلاص اتأخر الوقت وصار لازم نروح

ودعنا ماما ومشت معانا لباب البيت الداخلي .. وقفنا نلف طرحنا

..

الا سمعنا صوت زياد من داخل واهو يضحك

..

قمره : اوه عمو زياد هنا ؟؟ ماسلمنا عليه

..

ماما بسرعه : ايه حبيبتي عنده ضيف .. ( ونقلت عيونها بيننا واهي تقول : ضيف يمون عليه عشان كذا قاعد بالصالة

قلت بهدوء : عشان كذا مادخلنا جوا

..

ماما وجهها انعفس وقالت وبتردد واهي تطالعني : ايه

..

قلت وانا اصطنع اللامبالاة : اوكي .. يلا ماما حبيبتي نشوفك على خير .. وبست راسها ، وقمرة من بعدي

.

" انا طالع انام "

كان صوت زياد من داخل شكله يوجه الكلام لماما

..

بس الصدمة الأكبر كانت .. لما سكر زياد نور الصالة ، ومشى للدرج

!

وماكنا محتاجين اي شي زيادة عشان نستوعب ان زياد مايبينا

.. !!

قمرة شهقت باستهبااال وقالت : واااا سكر النور على الضييييف

!!

قلت بضيق : قمرة خلاص

!

وابتسمت لماما وانا اقول : يلا حبيبتي ماما مع السلامة

ماما بانكسار وصوتها بالقوة يطلع منها : مع السلامة حبايبي

اول ماركبنا السيارة قمرة قالت : حقيييييير وربي ( وتقلد على صوته : انا طالع أنام ! .. نومة مابعدها قومة

!

قلت وانا الضيق خانقني : حياتي ياماما ماحبيت شكلها قدامنا واهي درت اننا فهمنا ، كسر خاطرها قدامنا الله يكافيه

..

قمره : اصلا من قالت ماما للخدامة جيبي العشا للمجلس .. انا حسيت ان بالسالفة إن ! ولا بالله الخدامة بتحط العشا على الطاولة والضيف المزعوم موجود

!!

قلت : انا من دخلنا البيت ودخلتنا المجلس مو الصالة حسيت ان فيه شي .. ياقلبي هي وبس

..

قمره : أكررررهـــــــه

..

ضاعت عيوني بالشوارع والطرق .. وقلبي ينبض حزن على ماما

..

حزن يشبه الحزن الساكن بعيونها

دخلنا البيت وطلعت لغرفتي .. وطلعت من شنطتي الكتاب .. ماكان فيني أشوفه بس كان فضولي يتحكم فيني

..

فتحت صفحته الأولى وقريت الاسم مره ثانية

!

معقولة تقصد هالكتاب ياسلطان ؟؟ شجاب كتابك عندي .. ؟

قعدت اقلب صفحاته على السريع .. واستوقفتني صفحة بوسطها صورة

وقفت عند هالصفحة ومسكت الصورة بسرعه وطالعتها

وانصعقت !! هذي انا الي بالصورة ؟؟؟

لو ماكنت توني شايفة صوري وانا صغيرة كان شكيت .. بس هذا هو شكلي نفسه الي بالصور .. موجود بصورة وسط كتاب سلطان

!

قلبت الصورة ولقيت خربشات مكتوبة خلفها بخط اليد .. بس خط متعرج وصغير ومايل

..

يبدو كخط طفلة

!

حاولت أتهجا الكلام

:

"

سلطان خلي صورتي دائما عندك عشان اذا شفتها تهدا وتروق وماتعصب هاهاهاهاها ، ولو ضيعتها بازعل منك هاهاها "

قريت الكلام مره ثانية وثالثة ورابعة وعاشرة

.. !

وشهــــقت بصدمـــــة وطاح الكتآب من إيدي

يتبع

[المحظوظة]

الجزء السابع


ترا الذكرى ولو حلوة ‘

، طواريهآ تهد الحيل ،



"شعاع"

بدت ذاكرتي تبعث فلاشات متنوعة .. ! وتسترجع أحداث قديمة .. قديمة .. بقدم هالصورة .. وقدم هالكتآب

!

ماقدرت ألقط منها غير لقطات مبهمة

.. !

*+++++++*

هذا بابا .. واقف مع عمي غازي .. كنه يودعه

..

وانا كنت زعلانة .. مو قادرة أّذكر السبب

!

أذكر عيون ونظرات حادة ومعصبة .. اتوجهت ناحيتي

!

وأذكر ابتسامة وحنيـّة من نفس هالعيون

!

بس الي ماقدرت أّذكره ، هو الشخص

... !

معقولة يكون سلطان؟؟؟

*

ياااااه ! من متى هالشي صار .. تركت السعودية قبل خمس عشر سنة

كان عمري 9 سنوات ! هذا ان كان هالشي صار بنفس السنة .. يمكن قبل

..

وانا 8 او 7

!

بإيش كنت أفكر .. واش كان سلطان بالنسبة لي ؟؟

شالي خلاني أعطيه صورتي بنفسي ؟؟

زين ليه الكتاب عندي ؟؟

حاولت أتذكر .. بس ذاكرتي خذلتني

.. !

استمرت الفلاشات تضيئ بمخي ،

شي ثاني حاولت أستوعبه من بين اللقطات المبهمة والمبعثرة في بالي

!

بيت جدي الله يرحمه

.. !

الحديقة الي كانت تزين الحوش

..

بنات صغار يركضون ويلعبون

..

سيارة حمراء ! الا اذكر ان في سيارة حمرا عند الباب .. كنت أحبها ودايم أوقف عندها ؟

بدا مخي يفر ويلقط صور مبعثرة .. صورة الكتاب الي بإيدي ، والسيارة الحمراء ! ، حاولت ألقط شي أكثر ، حاولت أنشّط ذاكرتي أكثر

..

كآن كل شي ، مُبهم

.. !

*

ثارت فيني رغبة أروح لبيتهم الأربعاء ، مني منتظرة الخميس

..

يمكن لو فريت مخي وانا هناك باتذكر

..

وعلى هالخاطر لقيت نفسي أكتب للجين : لوجي شرايك نجتمع بكرا الربوع ببيت عمتي هدى ؟؟ يمكن ساره وليان مايقدرون يطلعون

.

وانهيت الدردشة ونمت

.

وأول ماصحيت الصباح لقيت محادثة من سارة كاتبة

:

-

شعااعوو

- وحشتيني ياقمر ..

- شرايكم نجتمع في بيتنا الأربعاء ؟

ابتسمت من قلبي وكتبت : من عيوني حبيبتي ..

..

يوم الأربعاء ..

ركبنا السيارة وأول مامشت التفت لشمس وقلت : يعني بتدخلين عندهم وانتي لاوية بوزك ؟؟

شمس : ليش تجبروني اروح قلت لكم مالي خلق

..

شروق : ولو بننتظر يصير لك خلق مراح يصير ، فنجبرك حتى وانتي لاوية بوزك

..

شمس : أجل خلاص دام أجبرتوني وارتحتوا لاحد يسألني ليه لاوية بوزي

!

قمره مسكت وجه شمس ولفته عليها واهي تقول : أشوف أشوف

..

شمس واهي تبعد ايد قمره : قمرة وخررري

..

قمره ردت ايدها مره ثانية وقالت واهي تضحك : والله أشووف ، أمانة بشوووف

!

شمس : خيييييير وش تشووووفين ؟؟؟

قمره : هالبوز الملوي الي تتكلمون عنه هههههههههههههههههههههههههههههه

شمس ضحكت واهي مالها خلق : ههههه أستغفر الله

قمره بفرح : يااااااي ضحـّـكتها

..

دق جوال شمس ويوم مسكته شهقت واهي تقول : رقم دولي

!!!

شروق : من امريكا ؟

شمس واهي تتأمل الرقم : مادري ارقام غريبة

..

قمرة : ردي طيييييب ولا هاتي أرد عنك

..

شمس طالعتنا بضعف وانا عارفة انه بخاطرها متمنية يكون نادر

..

ردت وصوتها يرتعش : الووو

وبعد شوي ابتسمت ابتسامة باهتة واهي تقول : هلا بابا

..

كلنا كلمنا بابا وشفناه بالنت البارح الا شموس كانت نايمة

قلت بتنهيدة : الله يكافيك يانادر

شروق بهمس : آمييييين

وصلنا بيت عمتي .. استقبلونا الثلاثي المرح بكل فرح

..

وباترككم شوي مع قمرة تحكيكم سوالفها مع لمار

　

　

::

　

　

اول ماشفت لمار تركض ناحيتنا ضحكت لها وانا اقول : أهلا صديييييييقتي

..

لمار شقـّت الضحكة واهي تحضني ومشينا سوى للصالة

..

لمار قعدت جمبي وقالت : تلونين معاي ؟

قلت : اوكي يلا

..

لجين : لمااار عيب حبيبتي قمرة توها جاية خليها تسولف معانا

قلت : ومين قال اني بي سواليفكم

..

لجين : ههههههههههههههههههههههههههههههه هذا وانا فازعة لك

قلت : هههههههههههه لا سولفوا انتوا بس وخلوني مع لمورتي

جانا حمد الصغير وقال : أبي الون

..

لمار : لااااا هذا دفتر بنااات

..

قلت : لا مايصير لمار خليه يلون معانا احنا كلنا أصحاب موو ؟

لمار بحيا : ايه بس هذا دفترة سنووايت حق بنات

قلت : عادي معليه وهو يخليك تلونين معاه ، مو صح حمد ؟

حمد بحماس : ايييييه

قعد معانا وصرنا كلنا نلون

..

لمار : مو حلو تلوينك ياحمد انتوا الأولاد ماتعرفون تلونون

..

حمد : إلااا أعرف انتي الي مو حلو تلوينك

لمار : انا تلويني أحلى

..

قلت : كلكم تلوينكم حلو انت وياها

..

لمار بهمس واهي تطالع ورقته : شوفي يطلـّع برا مو حلو

..

غمزت لها وقلت : شوي شوي يتعلم بس مايصير تخلينه يزعل

..

لمار : الأولاد مايعرفون حتى هيثم لما يلون يضحك تلوينه ويطلع برا كثير

قلت : ههههههههههههههههه هم الكبار مايحبون يلونون يستعجلون ويلونون بسرعه عشان كذا يطلع برا

..

لمار : لا شوفي انتي تلوينك حلو علمي هيثم يلون

قلت : هههههههههههه ابشري حبيبتي اذا جيت بيتكم بعلمه

لمار ضحكت بوناسة .. وكملت تلوين

..

بعد ماخلصنا راحت تلعب اهي وحمد وانضميت للبنات وانا اقول : ها لجين بتروحين متشقن خلاص ؟؟

لجين : ايييه ان شاء الله بس خلي الفيزا تطلع بسرعه عشان يمديني ألحق على السمستر

ساره بقهر : وفرحانة انتي ووجهك ؟؟؟؟

لجين : ههههههههههه والله ياسارة انتي حبيبتي بس هذي تضحية في سبيل العلم

ضحكنا عليها وليان قالت : بالعكس روووحي تكفين يمكن نلقى لنا حجة نسافر نجيك

لجين : ايه ولا يمكن سلطان يتقبل الفكرة وتجين ياسارة تدرسين معاي

ليان : نعـــــــم ! مستحيل حبيبتي اختين يروحون من عندي لا ياقلبي تحلمون

!

لجين : ياعيون اختك انتي

..

ساره : اصلا لو تنطبق السماء على الأرض مراح يوافق سلطان ، وغير كذا أنا ماقدر اترك أمي وأروح

..

لجين : ولا انا ترا للحين مو مستوعبة الموضوع بس الي مريح بالي شوي انها بتروح معاي بالبداية

..

ليان : ايه امي من الحين شايلة هم تصفى عليها اذا راحت خالتي .. آخ من دراستك هاللي بتشتت شملنا

..

لجين : ههههههههههههههههه اقول فضيها سيرة تراني على طريف

..

شعاع : ياعمري الله يسهل لك يارب خليك أحسن مننا حنا أخذنا البكالريوس وقعدنا

قلت : وانا نهاية السمستر بجيك عشان اختباراتي

..

لجين : ايييييه هذا احلى شي

..

دق جوال سارة وردت عليه .. ويوم سكرت قالت موجهة الكلام لـ ليان : ليان افتحي باب المجلس الي ورى

..

ليان : ليه من دق ؟

ساره : سلطان ومعاه زميله .. ويقوووول لك جهزززي القهوة

ليان : احلفي بس ! قال لك انا اجهزها طلبني بالاسم يعني

..

ساره : هههههههه ايه

ليان : كذاااابة اصلا مايحب قهوتي كل ماسويتها يطلع فيها عذروب .. مره غامقة مره فاتحة مره خفيفة مره ثقيلة

..

سارة : وهو صااادق انتي كل يوم تطلعين ابداعات ، امشي لك على وتيرة وحده

ليان : وتيرتي الحين اني احط ملح مع الهيل عشان كذا قومي سويها انتي أحسن

وقعدوا يتناقرون لين دق جوال سارة مره ثانية وشهقت بخرعة واهي تقول : ياوووووويلي مافتحنا المجلس

فزت بسرعه وليان معها

..

ساره : اسرعي ليان افتحي المجلس وانا بسوي القهوة ، طييييييري بسرعه تكفين

..

وفعلا .. طارت ليان ! ههههه

بعد ماتعشينا قمت ألعب مع لمار وحمودي .. وطلعنا الحوش نلاحق بعض

..

انا مادري وش صار داخل .. دق الجرس أو مادق

..

لاننا واحنا نلعب انفتح باب الشارع ، ودخل دكتوري

!

لمار ركضت واهي تقول : هيثثثثثثم

..

وقفت مكاني .. أو بالأصح اتسمرت بمكاني وانا أغمض عيوني وأفتحها كذا مره باتأكدد انه هيثم مو أحد ثاني .. كنت بوسط الحوش واقفة أراقبهم

..

هيثم انصدم من وقفتي اللامُبالية واهو واقف قبالي

..

حسيت هالشي من عيونه الساحرة الي مبققة فيني ، بس لمحت فيها شوية نار يمكن تطلع وتحرق المكان

!

يمكن مو حاب يشوفني بطولي وانا لابسة جينز وبولو تيشرت أصفر .. ورافعة شعري بكلبسة بس مع اللعب انحاس وصار نصه مربوط ونصه طايح

..

استوعبت انه شكلي بهالوقفة غلط ودرت أبي أدخل ، بس قبل ما ألـُف كلّي طالعت بعيونه وقلت وانا أبتسم : أهلين دكتور

..

هيثم أبعد عينه ومارد .. قليل أدب !! عيب الواحد يسلم عليك وماترد

.. !

بغيت أعاند وأوقف بس انفتح الباب وظهر منه سلطان واهو يقول : حياك الله اتفضل

وصدمته كانت أشنع من هيثم لما شافني واقفة بطولي بالحوش

!!

مشيت ببرود وقلت له وانا امشي : مرحبا سلطان .. ( وكملت لداخل

..

زين كان مجلس الرجال الي فيه زميله مقفـّل ولا كان رميت تحية على زميلهم بعد .. تدرون ليه ؟؟ لأني ذوق

..

اتربيت على الأدب والاحترام .. مايصير تمشين وماتسلمين على الي بوجهك لو حتى " هاي

"

اتعلمت هالشي بدون ما أفرّق بين .. رجال ، حرمة ، بنت ، ولد ! كلهم واحد ، أرمي السلام بأدب وخلاص

!

بس من عيون سلطان المـُرعبة الي كانت تطالعني .. ومن النار الي شفتها بعيون دكتوري

استوعبت انه لا .. مايصير تسلمين على رجال

!!

لا ومسألة اني واقفة قبالهم بدون عباية وطرحة هذا إجرام والدليل نظرات سلطان الي أرعبتني بحدتها والشرار الي يشتعل فيها

!!

آه بدا عوآر رآسي

!

اتركوني شوي .. محتاجة كم دقيقة لحالي

.

　

　

::

　

　

"

شعاع"

لبسنا عباياتنا وطلعنا .. على أساس لجين بترجع مع أخوها فكان سلطان عند باب الشارع يودعه

..

أول مانفتح الباب الداخلي وحسوا اننا بنطلع شفنا هيثم يستأذن ويطلع .. وسلطان دار يبي يرجع للبيت من الباب الوراني عشان يفسح لنا المجال

..

لا تعال .. تعال ذكرني فيك أكثر .. تعال قول لي ليه صورتي عندك !؟ وليه كتابك عندي !؟

مشينا بالحوش وانا دايرة وجهي عليه .. انتبهت له يهدي من خطواته ويلتفت فجأة علينا

..

وقفت مكانه وعلقت عيوني بعيونه بقصد وعن عمد .. أبي أحاول أخترق عيونه وأدخل لأبعد مدى أقدر أعرف منه .. مين هي أنا بحياته ؟؟ وش علاقتنا ببعض

!

من أول مره شفته وانا حسيت اني أعرفه .. عيونه هذي أعرفها .. نظراته هذي مرت علي

..

ابتسم لي وقال : مساء الخير

..

رديت وانا معلقة عيوني فيه : مساء النور

..

حمد قام يلعب بالاسلاك الي بالحوش وصرخ سلطان عليه عشان يوقفه حمـــــــــد .. تعــال هنا

..

لاااااا .. صرخته هذي بعد أعرفها

! ،

عصبيته .. كان لي نصيب منها .. اصرخ مره ثاني تكفى يمكن تذكرني أكثر

!

استغليت انشغاله بالكلام مع حمد وظليت اراقب تحركاته .. كلامه .. نظراته

..

رجع التفت لي وطالعني من فوق لتحت .. وقال واهو يدور لداخل : عن اذنك .. ومشى وأنا حسيت بدوار بغى يطيحني على الأرض

..

أسرعت للسيارة

وركبت ولميت راسي بإيديني

!

　

　

::

　

　

يوم جيت أركب سيارتي سحبتني لمار وقالت : تعالي علمي هيثم يلوّن

..

قلت : هههههههههه مو الحين بالشارع قلت لك اذا جيت بيتكم

لمار : هيثم مايقعد بالبيت دايم بالمستشفى

قلت باستسلام : امممم اوكي يلا

..

مشينا لسيارة هيثم وهيثم قال وهو يركب : لمار روحي قولي للجين تطلع بسرعه

لمار : استنى .. قمرة تبي تعلمك التلوين

قلت وانا اضحك : هاتي الدفتر اعلمه وانتي روحي نادي لجين

استانست لمار وأعطتني الدفتر وركضت لداخل

كان هيثم حاط ايد على خصره وايده الثانية مادها وساندها على باب السيارة

..

مسكت الدفتر وحطيته تحت ذراعي ولميت ذراعي الثانية بكفي وقلت بحدة : مرحبا دكتور

!

طالعني هيثم وقال بابتسامة ناعمة : هلا والله

قلت : زين رديت .. ! كنت احسب الدكاترة حرام يردون السلام

.. !

هيثم بنفس الابتسامة : مو حرام يردون السلام .. حرام يطالعون ببنت حلوة مو محجبة

..

ضاعت مني كل حروفي وأربشني تعليقه .. ربكني .. وقلت بربكة : اممم بس برضو .. عيب وقلة أدب انه الشخص مايرد السلام

!

هيثم اتجاهل كلامي وقال : اخبارك الحين .. طمنيني عن صحتك ان شاء الله أحسن ؟

سكت شوي وقلت : صحتي ممتااازة ووضعي كووويس واخباري تجنن واتطمن مراح أزعجك بالمستشفى ابد

!

هيثم بنفس الابتسامة : حلو .. دوم يارب

هذا ليه مايعصب ويتخانق معاي ويرد علي ؟؟

انقهرت ومديت الدفترله وانا اقول : لما تلون لاتطلـّع برا .. وانتبه لحدود الرسمة ولا تتعداها .. تمام ؟

أخذ هيثم الدفتر مني وعيونه معلقة بعيوني .. مشيت وانا اقول : باي

..

وانا رايحة للسيارة شفت شعاع تطلع بسرعة من باب الشارع ، ركب السيارة وخبطت الباب .. ولمت راسها بين إيدينها

!!!

　

::

　

　

"شعاع"

طلعت غرفتي بدون ما أتكلم مع أحد

..

أحداث ظهرت معالمها على شوي شوي ببالي

..

مادري هالأحداث وهمية اصطنعتها ذاكرتي ورسمها خيالي

..

ولا حقيقة اندفنت بأعماق الذاكرة .. وطلعت للحياة بعد كل هالعمر !؟

*+++++*

بابا واقف مع عمي غازي ، يودعه عشان نرجع البيت

وانا كنت زعلانة .. ابي اقعد ! مابي اروح

!

"

بابا نبي نقعد شوي "

بابا : لا شعاع حبيبتي خلاص اتأخرنا وراك مدرسة

تركت بابا مع عمي غازي ومشيت لغرفة سلطان

..

دقيت الباب بخفة الا سمعت صرخته وهو يقول : نعـــــــــــــم

!!!!

خفت وقلت : خلاص

..

فتح سلطان الباب وطالعني بنظرات حادة وقال : شتبين ؟

قلت بخوف : كنت بقول لك مع السلامة

فجأة لانت ملامحه وقال : مع السلامة حبيبتي

..

قلت : ليش معصب ؟

سلطان : كنت معصب بس الحين لا .. انا اذا شفتك أروق وأهدا

!

ضحكت بفرح وقلت : شكرا .. ههههههه بااي

وركضت راجعة لبابا

*+++++++*

طلعنا انا وخواتي من بيت جدي نبي نرجع البيت ، أذكر اني شفت سلطان بالسيارة واقف عند الباب

.

رحت لسيارته وفتحت الباب الي جمبه وقعدت بكل ثقة على المرتبة برُكـَـبي ووجهي عليه وقلت : ليه قاعد بالسيارة ؟

سلطان : أستنى هيثم يجي عشان نروح

قلت بفضول طفولي : وين تروحون ؟

سلطان واهو مبتسم بروقان : نروح البيت ندرس

..

لقيت كتاب جمبه مسكته وقريت اسمه وقلت : عندك اختبار رياضيات ؟؟؟

سلطان : لااا خلاص افتكيت من الرياضيات اليوم ، عندي كيمياء بكرا

.

قلت وانا أتأمل حجم الكتاب : كتابك كبير

!

سلطان : هههههه بالنسبة لك ياحلوة

..

قلت بدلع : عادي آخذه ؟؟

طالعني سلطان شوي بعدها قال : ايه عادي بس شتبين فيه ؟

ضحكت وانا مو عارفة اعبر عن رغبتي باقتناء كتابه

مسح سلطان خدي بحنيه وقال : خذيه يلا وشوفي أمك تناديك

..

التفت لقيت ماما عند باب البيت تأشرلي عشان الروح ، لميت الكتاب لصدري وركضت وانا كلي فرح

!

بس الي ماكنت أدري عنه لحظتها .. ان سلطان كان ناسي صورتي داخل الكتاب

!

*++++++*

سلطان .. ليه كل هذا ؟؟ بإيش كنا نفكر .. وبإيش كنا نحلم .. ؟

وش كانت أحلامك ترسم .. وبإيش فاجئتك الدنيا ؟؟؟

هل كنت بطفولتي تتخيل انه بتجي لحظة وأنا كبيرة .. ماعرفك ولا أذكرك ؟؟؟

　

　

::

　

　

"

قمرة"

وصلنا البيت وطلعت غرفتي على طول .. حاسة بألم بنص جبيني ونازل على خشمي وشد برقبتي .. بغيت أهرب من هالألم وأحاول أنام

!

خذيت حبوبي المسكنة ولبست بيجامتي واتمددت على سريري

..

قعدت أحوس شوي بجوالي وانا مخليه الأبجورة مفتوحه وقعدت أسولف مع أخوي محمد .. حاولت اتناساه بسواليف محمد الي تونـّـس ونكته وتعليقاته بس حسيت الألم مو راضي يخف

..

حطيت جوالي على الكوميندا واتمددت على بطني وقعدت افرك راسي بإيدي .. بس فجأة حسيت ببلل على خدي !! مسحته بسرعه لقيت اصابع ايدي كلها دم

!

شهقت بخوف وانا اقعد وامسح خشمي وتتملّى اصابعي بالدم أكثر !! خنقتني العبرة وانا منظر الدم يرعبني مو عاد ينزل من خشمي ويملي ايديني

!

رحت للحمام وغسلت ايدي ووجهي وضغطت على خشمي بقوة زي ماعلمني الدكتور هيثم .. ورجعت اتمددت ورفعت راسي على فوق .. ظليت على هالحال خمس دقايق وانا أتنفس من فمي وأدعي ان الدم يكون وقف

..

بعدها لقيت ماعاد فيه دم .. بس برضو مارتحت .. اتذكرت هيثم ، وسؤاله عني اليوم ، اكيد هو مهتم لايصير فيني شي موو ؟؟ هو أصلا طلب مني أتصل فيه اذا صار لي شي .. وهالدم من فترة ماجاني

.. !

ياربي لايكون في شي مو زين قاعد يصير لي .. ولا ليه رجع الدم ؟

ماحبيت أقلق خواتي خصوصا شعاع الي كانت طول الطريق ساكتة ومكتمة وماتبي تحكي

!

اتغطيت باللحاف ولميته علي بقوة وانا حاسة بقشعريرة من الخوف

..

اخذت جوالي ورحت لرقم هيثم .. حسيت بغبائي وانا قبل شوي أقول له مراح أزعجك أبد .. والحين خوفي وضعفي اضطرّني أدق

..

رفعت الجوال لاذني اترقب الرد

..

وانقطع الخط ولارد

..

حطيت الجوال جمبي عشان لو رجع اتصل أرد على طول

..............

　

::

　

　

"هيثم"

قفلت لاب توبي واتمددت على سريري أستعد للنوم .. بس يوم جيت أعاير الساعه اتذكرت ان جوالي مع لمار

!!

ماكان فيني اقوم أناديها وظليت بمكاني افكر بجدولي بكرا وأرتب مواعيدي وأنا مغمض عيوني

..

ومن بين زحمة المواعيد ، انرسم رسمها ببالي .. وهيأتها بالحوش واهي تلعب مع لمار

!

استهوانها بكل شي ، وبأي شي ، ماخذة الدنيا لعب وضحك ولهو

..

اتنهدت بضيق وأنا أحس هالبنت يبيلها أحد وراها .. معها .. جمبها وبقربها .. استهوتني برائتها وعفويتها ونعومتها .. بس يضايقني تهورها بتصرفاتها وكلامها وحركاتها .. خفت عليها من بعض هالناس الي يستغلون هالنوع ويدسون له السم بالعسل

..

اتذكرت كلمتها : " لما تلون لاتطلـّع برا ، وانتبه لحدود الرسمة ولا تتعداها

"

هل كانت تقصد التلوين جد .. ؟ ولا تبي توديني لمغزى ثاني

!!

ابتسمت وانا عيوني بدا يداعبها النعآس

..

وغفت عيني بلا شعور ومامداها تغفى الا انفتح باب الغرفة واتكرمت الأميرة واهي تقول : هيثم تبي جوالك ؟؟

قلت : لا شرايك أعطيك هو مره وحده

!!

لمار : هههههههههه طيب

أشرت بإيدي وأنا أقول : هااتي

لمار : اتفضل .. شكرا

اخذت الجوال وانا اقول : عفوا حبيبتي .. بس طولتي قلتي بالعب فيه ربع ساعه الحين صار له ساعه معاك

..

لمار : طيب الألعاب حلوة بالآي فون .. جيب لي واحد ولا أمسك آي فونك

!!

قلت : ههههههههه ان شاء الله

لمار : تجيب لي ؟؟؟؟؟

رديت : أجيب لك آي بود زي الآي فون وكله ألعااب

لمار بفرح : والله ؟؟؟؟؟؟؟؟؟

هزيت راسي وأنا اشوف مين الي اتصل وجوالي مع لمار

..

طلع لي اسم قمره ! قعدت على حيلي بسرعه وانا اطالع ساعتي واقارن الوقت بين الحين وبين اتصالها ، وكان قريب الساعه

..

توترت من اتصالها .. وخصوصا بهالوقت

..

ضغطت على اتصال وانا اقول للمار : خلاص حبيبتي اطلعي برا وصكي الباب

طلعت لمار وانا انتظر قمره ترد .. فصل الخط وماردت

..

شعور بداخلي خلاني أعيد الاتصال مره ثانية

..

وبعد ثالث رنة انفتح الخط

: ..................

ماسمعت صوت ، فقلت : الوو .. قمره

!

قمره : . هممممم

قلقت وناديت مره ثانية : قمره سامعتني ؟؟

قمره : .. امممممم

سكت شوي أبي أميز صوتها .. واستوعبت انها نايمة ومو حاسة على نفسها

..

رجعت أنادي بهدوء : قمرة .. فيك شي ؟

قمرة : ..... امممم .. رآسي

وقفت وانا اقول : راسك يعورك قمرة ؟؟

قمره بوهن : هيثم

!

رديت بحنان : معاك ياقمرة

..

قمره بصوت خدرآن : قبل شوي .. نزل من خشمي دم

..

اتوسعت عيوني وقلت : كثير ولا شوي ؟؟

قمره : مو مره كثير

..

قلت : اووك وسويت الحركة الي علمتك هي ؟؟

قمره : امممم

..

قلت : ووقف الدم ؟

قمره : اممم

ارتحت نوعا ما وقلت : طيب الحمدلله .. قمره تعالي بكرا المستشفى .. ضروري أشوفك ونعيد الفحوصات مره ثانية

..

قمره

: ...........

ارتسم بخيالي وجهها البريئ وضحكتها الطفولية و ابتسمت وانا اقول : قمورة

!

قمره : هممم ؟

قلت : كلميني أول ماتصحين اوك؟

قمره : اوك

سكت شوي .. ماحبيت أنهي الاتصال فجأة .. بس ماعندي شي أقوله

..

وقلت بحنان : تصبحين على خير ياحلوة .. وقفلت

.

قعدت على طرف السريروانا استرجع صوتها .. والتعب الي باين بصوتها .. اتفاقم حناني عليها واهي وحدها بهالوقت .. هالقمر مو قد الآلام الي تجيها .. عسى الله يشفيها ويحميها

..

مسكت جوالي وارسلت لها مسج

اتمددت وسكرت عيوني ، وقمرة آخر من زار خيالي وسكن جفوني ، ونمت

　

::

　

　

"

مشعل "

دخلت البيت وانا أدندن وأصفـّر الي يشوفوني يقول مروّق وانا حدي تعبآن ومواصل من أمس بالبحر توني أرجع البيت الساعه 9 الصباح

دخلت الصالة لقيت نوف ونواف على التلفزيون وكشَشْهم منتفشة توهم صاحين من النوم

.

قلت : صباااح الخييير

نواف : صبااح النور ( وشهق واهو يقول : توك تجي ؟؟؟؟

قلت باستهبال وانا أمشي لنوف : لا توي اروح

..

وشلت نوف بالمقلوب ورى ظهري وقمت أركض فيها حولين الصالة

نوف فاطسة ضحك وتخبط ظهري ونواف يلاحقنا واهو يقول : دوري دوري دوري

..

نزلتها وشلت نواف وعدت نفس الحركة .. ونوف تلاحقنا تبي مره ثانية قمت شلتهم الاثنين ودرت فيهم واهم فاطسين ضحك

.

رميت نفسي على الكنب واهم مثلي رموا روحهم وهم يلهثون

..

نوف : خالو مشعل وجهك أحمررر عشانك شلتنا

!

نواف مسوي ذكي : هههههههههه ياخبلة هذا من البحر والشمس

جت نوف ورى ظهري وصارت تلعب بشعري وهذا أحلى شي عندها

نوف : عادي أحط لك بكلة ؟

قلت : هههههههههههه لا ياحلوة مو عادي

نواف : ودي أطوّل شعري زيك بس أمي ماترضى

مشعل : انا بعد أمي الله يرحمها لما كنت صغير ماكانت ترضى

!

نواف : وبعدين لما كبرت صرت تسوي الي تبي ؟؟

رديت : اللللللي أبي

..

نواف بحماس : واااااااو محد يقول لك لا ولااااااااشي

..

رديت : بس تدري نوف .. انا مو مبسوط عشان ماعندي أحد يقول لي شي

!!

نواف : ليييييه ؟؟

رديت : حلو يكون الواحد عنده أم وأبو .. يسألون عنه اذا اتأخر .. يعاتبونه اذا غلط حتى لو هاوشووك وضربوك فهو عشان مصلحتك عشان يبونك تكون أحسن واحد بالدنيا

نوف : ايوة صح ماما كذا دايم تقول

..

غمزت لها اوانا اقول : شفتي

..

جت الخدامة وسألتني اذا أبي فطور وقلت لها لا بروح أنام

نوف : ماما تقول أهم شي فطور الصباح وتزعل اذا رحنا المدرسة بدون مانفطر

قلت : صح بس أنا بروح انام الحين اما انتي تروحين المدرسة ولازم تكونين نشيطة

..

نوف : انت خلصت مدرسة؟

قلت : ههههههه ايه وانتي نونو انا خلصت

..

نوف : ههههههه والحين انا أروح المدرسة

قلت : اي حلو وعندك صاحبات ؟

نوف : ايوة صاحبتي عهد

قلت : امممم حلو اسمها .. عهد ايش؟؟

نوف : ههههههه بس عهد

قلت : لا اسمها كامل وشو ؟

نوف : عهد بس

قلت : لا ما تصلح هالصديقة مالها اسم كامل شوفي غيرها

نوف : هو كذا اسمها بس عهد

قلت : زين عهد ايش ؟؟؟؟؟؟؟؟

نوف عصبت وقالت : عهد اسمها عهـــــــد بس كذا

..

قلت : لالالا اتركيها

..

نوف بقهر : والله ما أتركها

قلت : اوكي عهد ايش ؟؟

نوف صرخت : ولاااااااااشي ثااااني عهد بس عهد عهد عهد

..

قلت بناكفها : لا اجل أكيد مو حلوة

..

نوف واهي شوي وتصيح : الا حلوة وشاطرة بعد

..

قلت : زين عهد ايش ؟

نوف : ولااااااااااااااااشي بس عهد بس عهد ليه ماتفهم ؟

ضحكت عليها وقرصت خدها وقمت وانا اقول : يلا انا بنام لاتزعجوني وتصارخون

نواف : ان شاء الله

نوف : انا بطلع أصحي ماما هي قالت

..

قلت وانا اطلع الدرج معها : أكييييد هي قالت لك ؟

نوف : ايوة قالت لما يجي خالكم قوموني

..

قلت أحارشها : زين عهد ايش ؟؟

نوف : ماااااااالك دخل

ضحكت عليها ورحت غرفتي

..

دقايق ودخلت مشاعل وقالت : صباح الخير

كنت مستعد للنوم وقلت : هلا صباح النور

مشاعل واهي تقعد على السرير : ماشاء الله توك تجي؟

اتمددت على السرير وقلت : اي والله وبناااام بالله لايزعجوني العيال

مشاعل : ان شاء الله .. مع اني بغيتك بسالفة

..

قلت : هاتي شعندك ؟

مشاعل : لا خلاص اذا قمت نسولف

..

قلت : قوولي سالفتك يمكن أطلع اذا قمت

..

مشاعل ابتسمت واهي تطالعني وانا قلت : ياويلي شورى هالابتسامة؟

مشاعل : كلمت غادة

..

قلت بهدوء : كلمتي غادة ؟؟؟ بإيش

!

مشاعل : بموضوعكم .. سألتها عن رايها فيك عشان نتقدم نخطبها رسمي لك

ثارت كل حواسي وعروقي وشرايرييني وفزيت قاااعد وانا اقول : انتي من جدك ولا تستهبلين ؟؟؟؟؟؟

مشاعل : والله من جد .. ووافقت على طول .. ماقلت لك من زمان انها تتمناك وتبيك ؟؟

قلت بصوت عالي : مشاعل انتي شلون تسوين كذا بدون علمي ؟؟

اختفت ابتسامة مشاعل وقالت : مشعل شفيك ؟؟؟

قلت : شالي شفيني ؟؟؟؟؟ تخطبين لي على كيفك وبنت على كيفك وانا مادري عن شي !! وتقولين شفيني ؟؟؟

مشاعل : مشعل ! نسيت يوم اتكلمنا بموضوعها بإجازة الصيف ؟؟ وماكان عندك اي اعتراض

!!

قلت : اول شي يامشاعل هذا شي مره من زمان وخلال شهور أمور كثير تتغير كان لازم تفتحين معاي الموضوع مره ثانية .. ثاني شي انا ماكان عندي اعتراض صحيح لكن برضو ما أبديت قبول .. يعني الي أذكره اني سكت وماعلقت وقلت يصير خير

مشاعل : ايه وسكت ومر الوقت وشفت علاقتك مع غادة حلوة وبلحظة حسيت جا الوقت المناسب قلت أشوف رايها عشان أكلمك ونتقدم رسمي .. لأني ماشوف انه في شي اتغير خلال هالشهور

..

قلت : بالنسبة لك انتي ماتغير شي يامشاعل بس انتي تدرين عن حياتي وش يصير فيها واش مايصير !! ولا لازم أعطيك تقرير يومي عن حياتي عشان تعرفين اتغير شي ولا ماتغير

!

مشاعل : يعني وشو مني فاهمة .. انت ماتبي غادة ؟؟؟؟؟؟

قلت : ولو قلت لك ايه مابيها .. شالمشكلة ؟؟؟؟

مشاعل بشكك : مشعل شالي اتغير ؟؟ ترا حياتك تهمني أكثر منك فلو سمحت علمني شالي جد بحياتك ؟

اتنهدت ورميت نفسي على السرير وانا اقول : مافي شي .. تكفين سكري الموضوع الحين ولا عاد ترجعين تفتحينه لين انا أجي واقولك لو سمحتي اخطبي لي

..

مشاعل : والبنت الي عشمتها فيك .. وقلت لها انك تبيها

!

طالعتها بقهر وضيق وقلت : على كيفك يامشاعل ؟؟ تختارين لي الي تبين وتتكلمين عني زي ماتبين وتخمنين بمزاجك اذا ابيها ولا مابيها بعد ؟؟

وقفت مشاعل واهي تقول : ايه على كيفي .. تدري ليش ؟؟ لاني كنت أحسب اننا لازلنا روح وحده .. وصفحات مفتوحة قدام بعض .. وأفهمك زي ماتفهمني .. بس شكله في أشياء تغيرت انا مالي علم فيها

..

وطلعت وسكرت الباب

..

خبطت الكوميدينا بإيدي بقوة وانا احس بلهيب جواي ،

ايه يامشاعل اتغير شي .. اتغيرت أشياء خلال هالشهور

..

عرفت وحده وماطآل الوقت عشان تاخذ مكانها بأعلى مراتب قلبي ، ولا أخذت وقت طويل عشان تملك روحي

..

بدون علم مني ولا شعور .. لقيتها تشغل تفكيري وحياتي وقلبي

..

كيف ومتى .. انا نفسي مادري

..

هي الي لو سألتيني عنها بجاوبك فورا وانا واثق اني أبيها

هي الي مستحيل أخلي الوقت يمر وأنا ساكت ،

اتذكرت وجهها الباكي بآخر مره شفتها .. وتعاملها الي استنكرته حيل واهي تهرب مني

..

الحين استوعبت .. أكيد حست بشي .. يامن مشاعل أو غادة

..

الكل عارف وفاهم ويلعب بكيفه .. وانا صاحب الشأن ياغافل لك الله

آه ياشروق يعني دموعك كنت أنا سببها بأي شكل كان

!

يكذبون الي فيني يقولون ، ياشروق لاتاخذك فيني الظنون

خذيها كلمة : " مآحبيت غيـرك " فديت قلبك الحنون

[المحظوظة]

" قمرة "

أول مافتحت عيوني سحبت مناديل من جمبي ومسحت خشمي باتأكد اذا كان رجع الدم .. وارتحت يوم شفت المناديل نظيف

قعدت على حيلي بكسل وفركت عيوني بتعب .. أخذت جوالي وانا اتثاوب بشوف الساعه وانتبهت لمسج

فتحته وكان كلام ماقدرت أستوعبه أبدا

"

صباح الخير قمرة .. يمكن ماستوعبتي كلامي البارح .. كنت اقولك ضروري تجين المستشفى ، اليوم خميس وانا بكون هناك عشانك "

ضاعت عيوني بالفراغ الي قدامي وانا أحاول استرجع وأتذكر شي عن كلامه البارح .. رحت للمكالمات المستلمة ولقيت اتصاله .. ومدة المكالمة ثلاث دقايق

!

ضحكت على نفسي وانا مو حاسة ولاني ذاكرة اني رديت ولا شقلت ولا شقالي

ورجعت أقرا المسج مره ثانية .. ! هيثم داوم اليوم عشاني

!

لا لازم أروح .. مايصير ماروووح

وقمت من سريري وانا حاسة بانتعاش ومرح ، وأخذت البي بي معاي للحمام عشاني لقيت محمد مناديني ههههه

بعد ربع ساعه كنت جاهزة أنتظر محمد عشاننا اتفقنا يمرني ونطلع نفطر وبعدين برجع واروح المستشفى

كنت بالصالة أقلب بالقنوات بانتظار محمد .. الصداع كان لازال بس أخف بكثير من البارح

..

شوي ونزلت شعاع وشافتني بعبايتي وقالت باستغراب

: ماشاء الله وين رايحة على هالصبح ؟

رديت : محمد بيمرني وبنطلع نفطر و ... ( سكت وماقلت لها اني بروح المستشفى .. ولا حبيت اقولها على الي صار لي البارح .. لأنها بتصر تجي معاي وغير كذا يمكن تسوي لي سالفة هناك وافحصي واكشفي ونامي وحطي وشيلي لالالا خليني ساكتة واصلا شكلها مو رايقة كلش !

ناداني محمد يقول انه عند الباب

طلعت وركبت سيارته وانا اقول بمرح : مرااااحب

محمد : ياهلا ومرحبا باختي الصغيرة

قلت : شفت ماكنت تحلم حلم انه يكون عندك اخت بحلاتي محد قدك الحين

محمد واهو يسوق : هههههههههههههههههههههه انتي دايم كذا ؟؟

قلت : ههههههههه وشو بالضبط ؟

محمد : مهوية ومفهية بكلامك وحركاتك واحسك بايعه الدنيا بالي فيها

قلت : هههههههههه بقوة ..

محمد طالعني شوي : اقول قمور

قلت وانا اربط الحزام : عيون قمور

محمد : تسلم عيونك حبيبي .. امممم انا خايف على الوجه الحلو هذا من نار جهنم ،

قلت بخرعه : يمه ومين جاب طاري نهار جهنم ؟؟؟؟

محمد : قصدي .. انا مابي اقول لك غطي وجهك أدري هالشي صعب وانتي ماتعودتي عليه .. بس حاولي تتحجبين زين .. انتي حلوة وشعرك حلو وحرام ينحرق الوجه الحلو بالنار يوم القيامة .. ولا تخلين نفسك ملفتة للأنظار بجمال شعرك وانتي مو قاصدة هالشي انا عارف

طالعت فيه فترة وانا مُعجبه حيل باسلوبه الي حسيت فيه صدق اهتمامه وخوفه علي

لفيت الطرحة مضبوط وقلت بابتسامة : كذا حلوو ؟

محمد ابتسم بفرح وقال : تمام ..

وصلنا المطعم وفطرنا فطور يهبل .. وبعد ماخلصنا قلت لمحمد الي صار لي البارح وأصر يوديني هو المستشفى

وبالمستشفى

كنا نمشي بالاسياب ودقيت على هيثم بقول له اني موجودة بس مارد

سألنا عن عيادته ودلونا عليه ..

مشينا للسيب الي يودينا لمكتب هيثم ، وشفت الممرضة برا وقلت لها تقول للدكتور اني برا .. حسيتها تجاهلتني وماقالت له شي

جيت ابي افتح الباب بنفسي منعتني ..

قلت لها بانفعال :

what is wrong with you ???

الممرضة :

the doctor is busy

قلت بنفس الانفعال :

he is here for me !!!!

انفتح الباب وظهر منه هيثم ووقف واهو ينقل بصره بيني وبين الممرضة وقال :

she is righ, iam here for her

ابتسمت بانتصار وفرح ، والممرضة قالت بطريقة هزليه :

Sorry, I didn't know

دخلت ودخل معاي محمد .. سلمنا على هيثم وقعدنا ..

هيثم : كيفك الحين؟

قلت : احسن ، بس دكتور امس نزل من خشمي دم

هيثم هز راسه واهو يقول : مره ثانية ؟؟

قلت : لاا .. هي مره وحده ..

هيثم : ايه يوم كلمتك وقلتي لي

قلت : اهااا أجل قلت لك ؟؟؟ ههههههههه ترا كنت نايمة ومادري عن نفسي

هيثم بابتسامة تسلب القلب : نوم العوافي

رديت : الله يعافيك

طلب هيثم من الممرضة تجهزلي السرير وتشوف ضغطي ، وفحصني الفحص المعتاد ، بعدها قعد وقال : وكيف الصداع معاك ؟

قلت : اممممم يجيني بس يمكن مو بقوة الصداع قبل

هيثم : الأدوية تخفف من الشعور بالألم بس ماتنهي المرض .. يعني الألم علامة ان لازال فيه شي نعالجه

قلت : طيب ؟؟

هيثم : بنسوي فحوصات أدق من قبل .. ونحدد نوعية الأدوية الي تاخذينها كمرحلة ثانية للعلاج ..

قلت : طيب ليه نزل الدم اصلا ؟؟

هيثم : هذا الي بجاوبك عليه بعد الفحوصات ..

قام هيثم من الكرسي .. وسألته الممرضة وين توديني ..

قالها :

I will go with her

حسيت الممرضة مصدومة يمكن لأن دكتوري ماقد عامل مريضاته بشكل خاص .. حسيت بزهو وانا أمشي معاه لقسم الأشعة .

كان واقف معاي وانتظرني مع أخصائي الأشعة

ورافقني للمختبر ،

وهناك عاد بغيت أموت !

كنت قاعدة على الكرسي والممرضة قبالي تبي تسحب مني دم وقلت بخوف : لييييييش ياخذووون دم ؟؟؟؟

هيثم واقف جمبي قال : عشان التحليل قمرة ؟؟

قلت وانا عيوني موسعة بالإبرة : الأشعات ماتكفي طيب ؟؟؟؟؟

هيثم : لا ياقمرة .. الأشعات غير وتحليل الدم غير .. ترا وخزة خفيفة مراح تعورك

محمد : امسكي ايدي وسولفي معاي مراح تحسين

مسكت ايد محمد وقلت وانا شوي واصيح : ياويييلي أكره الإبر ..

غرزت الممرضة الابرة بذراعي وصارت تسحب الدم وانا ضغطت على ايدين محمد بكل قوة ورفعت راسي على فوق وغمضت عيوني وعضيت على شفايفي وصرت اخبط الارض برجولي بخفة

محمد : خلاص قربت تخلص باقي شوووي

حسيت بإيد حانية تمسح على راسي .. بعدين رفعت الطرحة الي طاحت على كتوفي وحطتها على راسي .. وطبطبت على راسي بحنية ..

ارتخت عضلاتي وهدت أعصابي وفتحت عيوني أدور الايدين الي خدرتني .. شفت هيثم يطالعني بكل حنان ويقول : خلصنا

محمد بمرح : ها اتعورتي ؟؟

قلت وعيوني معلقة بعيون هيثم : لا أبدا .. ماتعورت

ضحك محمد ، وهيثم ابتسم لي ابتسامة خدرت روحي

كان تأثير لمساته والابرة بذراعي تأثير عجيب ..

اهي تسحب مني الدم واهو بث فيني الأمان والهدوء ..

ساعدني محمد على الوقوف وطلعنا من المختبر .. ورجعنا لمكتب هيثم

فتح كمبيوتره يبي يشوف الأشعة ..

راقبت ملامحه حسيت فيها شي مو طبيعي

قلت : ها طمني دكتور ؟

سكت هيثم شوي وبعدها قال : اممم .. انتي ليه ماجبتي شعاع ولا أمك معاك ؟؟؟؟

قلت : مابغيت أزعجهم ولا حسيت له داعي

رجع هيثم يطالع بالشاشة وحواجبه معقودة وملامحه جامدة ومتغيرة بشكل واضح !

قلت وانا بديت أقلق : في شي دكتور ؟؟؟

هيثم أخذ نفس عميق وقال : قمورة ..

ضاعت عيوني بوجهه وأنا أرد : نعم ..

هيثم بصوت هادي وحنون : الظاهر انك .. تحتاجين عملية !!!

دااار المكآن فيني وحسيت الأرض تزلزل من تحت رجولي !!

فزيت واقفة وقلبي صار يضرب طبول ..

هيثم : قمرة اقعدي خليني أفهمك

قلت وأنا أحس انفاسي متقطعة : أبي اروح البيت ..

محمد وقف وقال : قمره خلينا نفهم وش السالفة

اتجمعت الدموع بعيوني وانا اقول : مابي افهم شي خلاص محمد ودني بيتنا ..

محمد : بس ياقمرة ..

هيثم :

خلها تروح يامحمد .. ودها البيت

مسك محمد ايدي وقال مبتسم : يلا .. شفيك قمور لاتبكين !

مسحت دموعي بخلف ايدي وانا امشي للباب ..

فتحته وطلع محمد قبلي ..

وقبل ما أطلع التفت وطالعت هيثم بعيون كلها دموع ، ومشيت .

　

::

　

"

شروق"

كنت لابسة عبايتي وأنزل الدرج لما سمعت صوت رجولي باالصالة .. استغربت ونزلت لقيت محمد وقمره وشعاع ملتمين مع بعض وقمره تشاهق وتصيح

فجعني المنظر وقلت وانا أمشي لهم : خير ان شاء الله ؟؟؟

شعاع بمرح مصطنع : هههههههه دلوعتنا قمرة راحت المستشفى بدون ماتعلمنا اليووووم وسووت أشعة .. وقالها الدكتور تحتاج عملية بس وانهارت ( وغمزت لي

فهمت انها تبيني أهدي قمرة وقلت : ياعمممممري انتي ( وقعدت جمبها وحضنتها وأنا أقول : ليه الدمووع هذي والبكا كله .. كل الناس يسوون عمليات ويقومون طيبين ليه خايفة ؟؟

قمره : هذي عملية بالرااس يعني لو مانجحت يمكن أموت ولا يصير شي خطير !

شعاع : وليه تقولين كذا اسم الله علييييييك

محمد : هي بعد ماخلت هيثم يكمل قامت وصاحت واصرّت تروح البيت ولافهمنا السالفة ..

دق جوال شعاع وردت عليه .. وشفناها تبتسم بفرح واهي تكلم

سكرت وقالت واهي تقرص خد قمرة : محد قدك الدكتور بجلالة قدره جااي بيتنا الحين عشانك !

قمرة : وشو بيسووويلي العملية ببيتنا ؟؟؟؟؟؟؟

ضحكنا عليها وشعاع قالت : ههههههههههههههههههههه جاي يبي يفهمنا كل شي ، قال ان قمرة خافت وطلعت ويبي يطمنك بس انه مافي شي يخوف

قمرة واهي تمسح دموعها : انا مابي أسمع شي

شعاع : مو لازم انا اسمع كل شي منه واعلمك بعدين ..

وقفت وانا اقول : اوك انا بطلع مشوار سريع وأرجع .. وطمنيني ياشعاع كلميني ها ؟

شعاع : ان شاء الله ، جيبي معاك ماما وانتي راجعة كلمتني تقول تبي تجي

قلت : اوووك ان شاء الله

طلعت وركبت السيارة ، غادة من ذاك اليوم واهي تحاول تكلمني طبيعي كأنها ماسوت شي .. وانا حدي مضايقة منها ولاني قادرة أنسى ببساطة كلامها

بس يوم طلبت امس نتقابل ماقدرت أرفض .. لأنها عزيزة وغالية على قلبي ..

وصلت للمطعم الي اتواعدنا فيه

ودخلت ويوم جيت أدق انتبهت لها واهي على الطاولة وأشرت لي .. بس انصدمت لما شفت مشاعل موجودة بالمكان ..

سلمت عليهم وقعدنا وقبل ما أبدي مفاجئتني بوجود مشاعل ..

مشاعل الي أبدت مفاجأتها لما قالت : ماقلتي لي ان شروق بتجي !!!

غادة : أمس ردت لي وقالت اوك ونسيت أٌقول لك

قلت بضحكة : ليه ماتبين تشوفيني ؟؟

مشاعل ابتسمت لي ابتسامة باهتة وقالت ببرد : شدعوة ( وطالعت المنيو ؟؟

ماعجبني اسلوبها وطريقة ردها ! انا ماصفيت مع الأولى عشان تجيني الثانية !

لالا شروق ، انتي حساسة ..

ايه انا حساسة وعشاني مضايقة من غادة صرت أفهم كل شي غلط ..

طلبنا طلبات مختلفة وكانت سوالفنا جدا باردة ..

انا لو أدري القعدة بتكون كذا والله ماتركت أختي وجيت !

انا على بالي غادة بتسمّح خاطري بأي شي ..

مو تجيب مشاعل لا وطول الوقت السوالف كانت بينهم بمواضيع انا مالي علاقة فيها ..

مليت من القعد الي حسيتها خنقتني وقمت وانا اقول : انا أستأذن حبايبي

غادة : لييييييه شعندك؟؟؟

قلت : قمرة شوي تعبانة وابي اكون جمبها ..

مشاعل : سلامتها والله

رديت الله يسلمك ..

وسلمت عليهم ومشيت ..

طلعت الشارع واتذكرت اني أرسلت السواق يودي ماما للبيت ويجيني لاني ماتوقعت اني بانسحب من نص القعدة ..

كلمت السواق الثاني قال لي شمس مرسلته لسوق بعيد يعني عشان يجيني ساعه ..

فما كان عندي غير خيارين .. يا ارجع داخل المطعم انتظر السواق

او انتظره بالشارع

وكان خيار الشارع أريح لخاطري من خنقة السوالف داخل المطعم ..

كنت واقفة عند الباركنق .. وانتبهت لسيارة داخلة صدمتني وسارعت من دقات قلبي بطريقة جنونية

مستحيل أغلط بشكل هالسيارة .. أغلط بكل السيارات الا هذه

سيارة مشعل !!!

شكله جاي ياخذ مشاعل وغادة .....

مشيت بسرعه اتخبى ورى وحده من السيارات عشان لاينتبه لي .. شفته واهو يوقف السيارة بالباركنق ومسك فرشة وكد شعره الطويل .. ونزل .. مايحتاج تزيد من حلاتك .. ولا عشان تـُعجب فيك خطيبتك .. !

انتظرت لين أعطاني ظهره وطلعت من المواقف مسرعة للشارع

دقيقة وحده مراح أنتظر

الحمدلله بالسعودية التكاسي بكل مكان مو زي بأمريكا لازم تدقين على الشركة يرسلون لك تاكسي ..

وقفت على الرصيف والشارع كان رايح جاي .. لفيت طرحتي مضبوط .. وصرت أأشر لأي تاكسي أشوفه

كان موقف لأول مره انحط فيه .. اتضايقت من هالوقفة الي ما أستاهلها .. كله منك ياغادة وانتي يامشاعل وانت بعد يامشعل !

انت الي جيت وهربتني من مكاني ، مابي أشوفك ولا أبيك تشوفني ولا أبي أشوفك وانت طالع مع غادة ..

كانت السيارات تمشي بسرعه وحسيت التاكسي مراح ينتبه لي وانا منزوية على الرصيف

اتقدمت كم خطوة للشارع واصوات البواري مرعبتني ..

انتبهت لتكاسي أكثر تمر من الشارع الثاني .. وقررت أروح له ..

كنت خايفة من السيارات بس غامرت ومشيت شوي شوي وصوت البواري يخترق آذاني ..

شفت سيارة مجنونة مسرعه ناحيتي وقبل ما أفكر بالتصرف الصحيح .. انتبهت لإيدين تسحبني من ذراعيني الاثنين وترجعني لورى ..

التفت بسرعه وانا ميتة خوف .. لقيتني بين إيدين مشعل !

طالعته بصدمة وفرجة بين شفاتي مفتوحة تعبر عن كبر صدمتي بظهوره !

سحبني للرصيف وقال : شقاعدة تسوين ؟

بعدت ايده عني وقلت : بوقف تاكسي !

مشعل : ليه ؟ وين سيارتك ؟

شتبيني اقول لك يامشعل ؟؟ أقول لك أبي أهرب منك ؟؟ مابي أشوفك ولا كنت أبيك تشوفني !!!

شالفايدة وانت الحين قبالي تعذبني بنظراتك ، شفت بنظراته شي يشبه مشاعري ..

شي يشبه أحاسيسي الثايرة بأعماقي .. !

يمكن أتوهم

لا أكيد أتوهّم

مشعل قلبه مع الحلوة الي داخل المطعم

شحت بوجهي عنه واضطريت أكذب وقلت : اتعطلت بالطريق ..

مشعل : اوك تعالي معانا .. بوصلك انتي وغادة ..

هذا آخر شي أسمح له يصير لو تنطبق السماء على الأرض ..

وقلت : لا شكرا .. باخذ تاكسي واروح

مشعل : شروق !

انفجرت أبكي بلا ادراك .. مادري أبكي منه ولا عليه !! مادري ابكي من غادة ولا من مشاعل !! مادري أبكي على قمرة ولا على شمس !! مادري ابكي على ماما أوعلى بابا ولا على نفسي وحياتي !!

صرت ابكي بصوتي وانا بالشارع ..

مشعل انصدم وقال بخوف : شروق شفيك ؟؟

قلت بانفعال : مالك شغل فيني روح لاختك ولـ ... ( وبلعت الجمرة بقلبي

ومشعل عيونه تدور على جواب ..

انتبهت من بعيد لغادة ومشاعل واقفين ناحية سيارة مشعل ..

قلت : رح لهم ينتظرونك ..

التفت مشعل للسيارة وشافهم واهم واقفين عندها

وقبل مايتكلم دق جواله .. وكانت مشاعل تسأله وينه

سكر منها وقال : شروق تكفين .. خليني أوصلك !

طالعته وبلعت ريقي بألم وقلت : قلت لك مابيك توصلني .. والسبب هذا شي يخصني انا !

طالعني مشعل بنظرة حرقتني وقال بضيق : خليك مكانك ..

ومشى لنص الشارع ومد ايده يأشر للتكاسي الي بعضها كانت معبية اشخاص ..

وأخيرا وقف واحد وقرّب مننا ..

قاله مشعل عنوان البيت واتفق معاه على السعر .. بعدين فتح لي الباب الي ورى وقال واهو يطالعني بنفس النظرة الي تلهب روحي : اتفضلي

مشيت وانا الم عبايتي وركبت السيارة وانا أهمس : شكرا

هز مشعل راسه وهو يقول : واجبي ..

وسكر الباب وقبل ماتمشي السيارة اتعلقت عيوننا ببعض ..

وشفت مشعل يتنهد من كل من أعماقه .. ومشت السيارة

::

"هيثم"

وصلت بيت قمرة بوقت قياسي ، وانا طول الطريق ماقدرت أبعد من بالي شكلها واهي تنتفص بخوف قدامي .. اتمنيت لو أقدر أضمها لصدري وأهدّيها ، أمسح دموعها وأبث بكيانها الرقيق كل الأمان والحنان .. اتمنيت لو كان الحضن نوع من أنواع دراستنا بالطب .. اتمنيت لو كان الضم نوع من أنواع العلاج !

كان خليت حضني وصدري دوا لها .. يريحها ويداويها .

فتحت لي شعاع الباب ورحبت فيني ودخلتني المجلس

قلت وعيوني تدور عليها بالأماكن : وين قمرة ؟

شعاع : طلعناها الغرفة ترتاح شوي .. شفيه ياهيثم طمّني ..؟

قلت : مافي الا الخير ان شاء الله .. بس هي من سمعت طاري العملية ارتاعت وانفجعت وبكت ولاتركتني أفهمها شي

شعاع بابتسامة : قمورة تخاف من اي شي له علاقة بالمستشفى .. وهي صغيرة حتى سماعة الاذن كانت اذا حطها الدكتور على صدرها صرخت وبكت ..

ابتسمت وانا اقول : ياحلوها .. الله يخليها لكم ..

شعاع : تسلم ..

قلت : شوفي شعاع .. سوينا لقمرة أشعات وفحوصات لأنها تقول نزل من خشمها دم .. ولأن برضو لابد من الفحوصات كل فترة ..

شعاع : والنتيجة ؟

قلت : المرة الأولى كان في تجمع دموي عند أحد الشرايين .. وهالمره كان تجمع دموي أكبر ! وعند شرايين متعددة .. وهالشي صعب تداركه الا بعملية دماغية بسيطة .. نوسع من خلالها الشرايين ونزيل التجلطات لأنها صغيرة وان شاء الله نسيطر عليها

غطت شعاع فمها بإيدها وشاحت بوجهها بشكل يوحي انها تحت تأثير صدمة من نتيجة قمرة .. ورجعت طالعتني والألم ينضح بعيونها وقالت : قمرة مراح تتحمل كل هذا ، مافي حل ثاني هيثم !

اتنهدت بضيق وسندت ظهري على الكنب وقلت : فيه حل ثاني بس طويل وياخذ وقت .. وهو الأدوية .. ممكن تاخذ أدوية مكثفة تغنيها عن العملية بس لها آثار جانبية هذا اولا ، وثانيا تطول مدتها على مايبدى مفعولها .. واحتمال مايتجاوب الجسم معها وتضطر بالآخر تسوي العملية ..

شعاع كانت تحاول تتمسك بأي خيط أمل يبعد قمرة عن غرفة العمليات وقالت : معليه خلها تاخذ الأدوية هذي .. ان شاء الله يتقبلها جسمها .. مابي اعرضها لعمليات وفتح راس الا اذا ماكان في حل غير هالحل ..

كان هذا آخر شي دار بيني وبين شعاع وودعتها وشكرتني وطلعت تارك قمري وراي ..

ليتني لمحتها لو ثانية قبل ماروح ، يمكن يرتاح خاطري لو شفتها ..

اتذكرت فزعها وبكاها ودموعها وكلّها ..

وشكلها البآكي .. ذبحني !

　

::

　

"

شمس "

ماصدقت صارت الساعه 4 وانتهى الدوام .. اليوم كان حافل ومُرهق حتى مالقيت وقت أجيب لي كوفي ، والكل هنا يعرف اني لازم أشرب كوب مقاس لارج عشان أفوق شوي ،

ويوم كنا بالاجتماع اتأخرت بسبب انشغالي ببعض الأجنحة ..

دخلت وكان باين علي التعب وعلقت بالاجتماع اني يومي كان مُتعب ومالحقت أشرب كوفي ..

رحت لمكتبي أبي ألم أغراضي وبطلع ..

واتفاجأت بكوب كوفي وكرت مكتوب فيه : سامحينا تعبناك ..

ابتسمت واتأملت الكرت ..

واختفت ابتسامتي لما قريت ان هذا الكرت الخاص برئيس قسمنا !!

رئيسنا بنفسه يجيب لي كوفي ويحطه على مكتبي ! ويحط لي كرته الخاص الي فيه أرقامه !

خذيت الحركة بحسن نية وأخذت الكوفي الي خفّت حرارته شوي

، ورشفت رشفة كبيرة منه وطلعت من البوابة ..

كان في شخص واقف ينتظر سيارته .. خفق قلبي وأنا أتأمله

شكثر هيأته من الخلف تشبه نادر ..

وش لو تبتسم لي الدنيا وتجيب لي نادر لهالمكان ؟؟؟؟

وش لو يجمعنا القدر ويا بعض بنفس المكان ، وغير الزمان ؟؟

لو حتى صدفة .. !

أرضى فيها ..

مشيت شوي ابي اشوف الشخص من قدام ..

يمكن جنون .. !

الي أوهمني بانه الخيال ممكن يكون بلحظة حقيقة .. خليته يفوقني ويردني لأرض الواقع لما شفت اتقدمت وطالعت الشخص .. لقيته واحد غريب !

ضحكت بسخرية على نفسي ، اصحي ياشمس .. نادر تركك .. وباللحظة الي صدقت انه بيكلمني .. وشكيت انه ممكن يرجع لي .. تركني بكل المعاني .. وقفل بوجهي كل الأبواب .. وماكتفى !

غير عنوانه ورقمه

واختفى

بس من قلبي ماختفى

أشوفك في وجوه الناس .. وينك يابعد هالناس !

مر العمر وانا انتظر ..

ولو رجعت ماراح تطول وانت تبحث عني .. لأنك بتلقاني باقية بانتظارك

عند أول دروبك وأول أبوابك

أنا ممكن أسامحك على كل الآلام والجراح !!

لكن ياترى

هل بيسامحك .. عمري اللي راح ؟؟؟

　

::

　

　

　

أول أيام الحج المباركة

"

الله أكبرُ الله أكبرُ الله أكبرُ، لآإله إلا الله ، الله أكبرُ الله أكبرُ، ولله الحمد "

الفجرُ يرسمُ بالضّياء على المآذن ألف هآلة

الله أكبرُ تغمرُ الدنيا بأنوار الجلالة

طوبى لمن سمع الندآء فشدّ للنجوى رحالـَه

وجفى المضاجع واستقام بلا ترآخ أو كلاله

**

" شعاع "

مرت الأيام الي أكثر شي كان شاغلنا فيه تعب قمورة ..

العملية كان ممكن تتأجل وتصير خيار ثاني بعد ماتاخذ قمرة دواء مكثف .

واليوم عمتي هدى عازمتنا وجمعت كل القرايب نودعهم قبل مانروح الحج ..

ومن عرفت اني ممكن أشوف سلطان بهاليوم

اتخذت خطوة جريئة وارسلت له رسالة .. كان رقمه مخزن عندي من آخر مره كلمني لما ضعت عند بيتهم

..

كتبت بالمسج : مساء الخير .. ودي أقول لك كلمتين اليوم

دخلنا كلنا بيت عمتي .. واول ماقعدنا جاني مسج

فتحته لقيت سلطان كاتب : انا برا ..

انسحبت بخفة بدون محد ينتبه لي

وطلعت للحوش التفت لقيته واقف عند الملحق .. ابتسمت وانا أمشي ناحيته وقلت : كيف الحال

سلطان بنفس النظرات الحادة : انا تمام .. انتي شلونك ؟

قلت : تمام ..

سكت شوي .. وسلطان قال : بغيتي تقولين شي ..

قلت : بصراحة أعطيك شي ..

سلطان : تعطيني ؟ وشو !

فتحت شنطتي وطلعت الكتاب وانا اراقب عيونه ..

اتوسعت عيونه بالكتاب وشبح ابتسامة ارتسم على شفاته ..

مديت الكتاب له وانا اقول : اتفضل ..

اخذ سلطان الكتاب ويوم جا يعلّق نطقت انا وقلت : بس ترا كنـّا أطفال !

طالعني بحده يبي يستوعب كلامي

كمـّلت وقلت : وماحد ياخذ على كلام الأطفال !


وكانت نظرآت سلطآن فوق احتمآالي !!


　

　

　

يتبع :in_love:
ردودكم وتعليقاتكم وتوقعاتكم

ربي لايحرمني منكم:love_32:

[روح العيون]

حبيبه قلبى انتى والله تهبلين البااااااااااارت مره جنان يهبل
بليز لا تخلين حدا يموت وعادى قموره تسوى عمليه وربى ييسر عليها وتتشافى
تسلمين ع البارت ربى لا يحرمنى منك

[فروله]

أول شيء الحمدلله على سسلآمتكـ وإن شـآء الله تكون آخر الغيبـآت ..

بالنسسبه للبـآرت ..

كلمة جميييـل شويه عليه سلمت لنـآ

توقعـآتي ..

قمرهـ رآح تعمل العمليه وتتشـآفى إن شاء الله ..

ششـروق ومششعل إن شـآء الله يكونون لبعض بليز لآتبعدينهم عن بعض :(

شعـآع وسسلطـآن فيه قـآسسم مشتركـ بينهم ورآح ينمو شيئـآ وشيئـآ وراح يكون بينهم شد وجذب ..

شمس رآح تنسى نـآدر مع مرور الأيـآم ويصبح ذكرى !!

أممم خيتو يـآليت تحددين لنـآ يوم معين تنزلين فيه البـآرت :)

وشكرآ على البـآرت الحلو مرهـ ثانيه ولآتطولين علينـآ بالجديد

[كشه منفوشه]

تسلمين حياتي على البارت
ويعطيك العافيه
اتوقع سلطان راح يعصب عليها ويروح ويتركها
شعاع قلت ذا الكلام لانها خايفه من ردت الفعل
قمره راح تسوي تطيب بقدر الله سبحانه وتعال بس بعد ما تمر في مرحله من المرض
وشمس راح يرجع لها نادر بس بعد مايصير لها احداث في حياتها الشخصيه
وشروق بتعرف بحب مشعل وتعرف اللي صار بس راح تصير بينها وبين مشاعل كره وغاده راح تكرهه بعد
وام البنات اتوقع راح تنفصل عن زياد وراح تعيش مع بناتها
هذي مجدر توقعات لا اكثر يالله تسلمين انتظر يالغاليه

[نونا الاموره]

بجد لين الحين الروااااااية بقمة الابدااااااااااع

ننتظرك قلبؤؤؤؤ

[دموع]

شكرا إلقائك جدا رائع ونتمى بالباقي

[المحظوظة]

روح العيون

فرولة

كشة منفوشة

نونا الأمورة

دموع


يسعدلي هالتواجد والرود

تعليقاتكم تبهجني بشكل كبير وتسعدني

البارت الثامن بكرا ان شاء الله ..

كونوا بالقرب

[فروله]

ننتظرر :)

[روح العيون]

وينك قلبو حدنا مشتاقين للبارت

[المحظوظة]

الجزء الثامن
تذكرِينْ !!


البَرد ، وَ المِطر ..
وَ رِيحْ العِطر ..
الليْ بِ كفُوفك .. » سجِينّ !

تَذكرِينْ .. الوصَايآ
.................. وَ الوعُود ..
......................... وَ حلفْ اليَمينْ !
.......................................... « مآ نتفآرقْ ! »
وانْ تَفآرقنَآ :
إمآ أجِي , والآ تجِينْ !


تذكرِينْ !!

تذكِرينْ هَذآآآك .. الليّ يَنوووووومِك ..
وتُوعدِينَه .. فِيه بِ تَحلمِينْ !!

يَ عزّتيْ لَه !
هَذا هُو بِ كلّ حَيله
يَصرخّ ) وآنتِي , ولآ تَسمعِينْ !‏​​

كنتْ آسولِف لِك ..
وكنتِي تَخجلِينْ ..‘

يَوم اشّر لكْ علىَ صدرٍيْ ...
وآقُول :
........ منْ هُو هِنآ !!
..................... مَن هُو هِنآ !!

كنتْ انآظِر فِيْ عُيونك ...
ومنْ خَجلك ... تَغمضِينْ !

وَ هذِيْ اللّيلهَ آسولِف لِ الغيآبّ
كآنتْ هِنآ ..
كآنتْ هِنآ ..
كآنتْ هِنآ ..

ولِ الأسسَسسفْ ...
مآتذكرين ... !! ‏


**
" سلطان "
من وصلني مسج شعاع انها تبي تكلمني وانا ماغير أحسب لهاللحظة ألف حساب ..
شفت بعيوني طفلة تسكن عيونها البرائة ويسكن روحها الفرح .. طفلة تسعدها كلمة .. وتفرحها لعبة .. كانت دايم قدامي تحوم حوليني .. واذا عرفت اني بشوفها تمطر سما دنياي .. لأن عيونها كانت تبث فيني الراحة .. وتحسسني ان الدنيا بخير ، لأني كنت أشوفها غير !
وكنت أفرح لا شفتها تدوّرني ، وسعادتي اني ساكن بقلبها ، قلب طفلة .. !
*+++++*
كنا في بيت جدي وكنت ماشي ابي أطلع ولقيتها راجعة من باب الشارع للحوش وتضحك واهي تقول : سلطاااان بابا وااافق أقعد ويجي يآخذني باللليييييل
كانت تركض ناحيتي وفرحت لفرحها ومدّيت ايديني واول ماوصلتني شلتها وطيرتها وقمت أدور فيها واهي تضحك بكل فرح ..
نزلتها وأنا أقول : أجل مبسوطة ؟
شعاع : ايييييه أول مره بابا يوافق أقعد لحالي
قلت : يلا روحي فاجئي البنات دآخل
ضحكت وقالت بحيا : وانت بتروح ؟
قلت : امممم انتي تبيني أروح ولا أقعد ؟
شعاع واهي تضحك : على كيفي يعني ؟
قلت بناكفها : اذا تبيني أقعد بروح واذا تبيني أروح باقعد !
شعاع طالعتني بتناحة مو قادرة تستوعب !! ضحكت على شكلها واهي ضحكت وقامت ترتب شعرها الي انعفس يوم شلتها .. وكل ماترفع خصلة أحوس الثانية لين دخلت ايديني الاثنين وسط شعرها وحست شعرها كله .. صرخت وجت تبي تضربني أبعدت وقامت تلحقني وأنا أقول : أتحداك تمسكيني !
وفجأة واهي تركض وراي درت لها فجأة وشلتها ورى ظهري وقمت أركض فيها واهي تصرخ
خفت يوصل صراخها لداخل البيت ونزلتها وانا أقول : اششششش لايسمعونك ويحسبون فيك شي
شعاع واهي تضحك : عادي بقول سلطان كان يشيلني ويدور فيني وخفت وصرخت
قلت : بس خلاص انتي كبرتي الحين ماعاد أقدر أشيلك !
شعاع الي مافهمت شي وقالت ببرائة : ليه ؟ صرت ثقيلة ؟؟
ابتسمت لها بحنية ولا حبيت أحوس أفكارها .. يكفي اني أشوفها بعيوني طفلة مراح تكبر .. وقلت : ايه صرتي تعورين كتفي !
شعاع بضحكة : ههههه انت ضعيف ولا شوف بابا عادي يقدر يشيلني حتى مرات يشيل ماما !
ابتسمت لها بحب وقلت : ان شاء الله اذا صرت أنا وانتي زي بابا وماما بشيلك كل يوم
شعاع ضحكت وركضت للبنات ..
ولادري فهمت قصدي ، أو مافهمت !
لأن هذي آخر مره شفتها فيها ..
وبعدها بشهر .. اختفت !
*+++++*
ولاعاد رجعت .. وهذي الي قدامي الحين .. مو هي ! مو هي شعاع الي كانت شعاع سماي ودنياي !
فتحت شنطتها وطلعت كتاب .. ! خفق قلبي واتعلقت عيوني بهالكتاب الي ظليت عمُر أتسائل .. ليه أخذته .. وهل بيذكرها فيني ؟؟ ولا نسته .. ونستني معاه ؟؟
اتوسعت عيوني بالكتاب وابتسمت بخفة وانا ماحتجت أفكر عشان أعرفه وأتذكره ..
مدت شعاع الكتاب لي وإهي تقول : اتفضل ..
مديت إيدي ومسكته ويوم جيت بعـلّق أخرستني شعاع يوم نطقت .. وليتها مانطقت : بس ترا كنـّا أطفال !
طالعتها بحده أبي أستوعب كلامها .. أترجمه .. أفهمه ..
كمـّلت وليتهآ ماكمّلت : وماحد ياخذ على كلام الأطفال !
ثار بركآن الأسى بداخلي وظهر بعيوني الدخان المشتعل بصدري ..
واختفت حدة نظراتي وحل محلها الأسى .. الشفقة .. الألم .. الخذلآن .. لا مو هذا الرد اللي كنت أنتظره خمسة عشر سنة !
لا مو هذي اللحظة الي كنت أحسب لها .. وأعـِد لها .. وأدعي لها .. وأتمنآها .. وأحلم فيها !
شفت عيون شعاع تتوه بعيوني .. ! سحبت الكتاب بقوة .. وطالعتها من فوق لتحت وقلت : خسارة .. خسارة عمري الي راح وأنا أنتظر وحده المفروض أعرف وأفهم انها ماتت .. من سنين !
مشيت مبتعـِد وسمعت صوتها مثل النغم يوصل لمسآمعي : سلطان لحظة !
ولا كانت في أي لحظة توقفني .. كل اللحظات راحت مع عمري الي راح وانا أنتظرك ياشعاع .. ماعاد فيه لحظات ياشعاع .. ماعاد فيه .. خلاص !
دخلت من الباب الخلفي ناحية الدرج وطلعت لغرفتي .. دخلت وخبطت الباب وسندت ظهري عليه وانا أحس بالنار تحرق كيآني !
فرّيت الكتاب بأًصآبعي بسرعه .. وعدت فريته مره ثانية وثالثة .. ولا لقيت الصورة ..
اي نعم أذكر لاحد يستغرب .. أذكر تفاصيل الأحداث .. أذكر حتى الحروف والكلمآت !
أذكر كل الصور ، وكل شيء ..............................
*++++++*
في بيتنا القديم !
قعدت على المكتب بغرفتي وفتحت الدرج طلعت منه ملف وفتحته .. طلعت منه مجموعة صور منوّعة لشعاع .. كل الصور كانت كاتبة خلفها عبارات منوعة .. منها إهداء طفولي رائع .. ونها اعتذار يسحر ، ومنها تهديد مـُضحك .. !
لأني كنت بكل مره أخبي الصورة بمكتبي .. وأجيها وأقول لها ضاعت !
وأطلب ثانية .. ! وكانت تصدقني وتلبـّي طلبي وتجيب لي ..
وأرجع أخبيها وأخلق قصة ضياعها من جديد .. وتجيني صورة من جديد ..
لين آخر صورة .. كنت محتفظ فيها وسط كتآبي .. لجل أكحل عيوني فيها كل مابغيت أرتاح من الدروس ..
وأخذت شعاع الكتاب وبوسطه الصور .. وبقت باقي الصور عندي !
*++++++*
رميت الكتاب على الأرض بقوة ومشيت للدرج الي بجمب سريري .. وفتحته وطلعت نفس الملف الي يجمع أشياء قديمة .. من ضمنها صورها !
طلعت الصور بسرعه ومسكت أول صورة طالعتها ..
كانت صورة لها واهي مسافرة لأحد الدول الي مااشاء الله ماتركوا دولة ماراحوها .. واقفة على صخرة وحاطة ايدينها الاثنين على خصرها وضحكتها شاقة وجهها بطريقة تهوس ..
قلبت الصورة وكانت كاتبة خلفها : سلطان آسفة إني حست غرفتك أنا وسوسو ولولو ، ومره ثانية مراح ندخل بدون استئذان ..
تاريخ الصورة كان قديم حيل .. يمكن كان عمرها 7 سنوات على أقل تقدير !
من متى وانتي لاعبة بقلبي وقآلبة حياتي !!
مو معقولة علقتيني فيك من طلعتي لهالدنيا .. عشان بنص الطريق تتركيني ! وبعدها ترجعين ماتعرفيني !
نسيتي كل شي ؟؟؟؟؟؟؟ كل شي ياشعاع ؟؟؟؟؟
مسكت الصورة وشقيتها نصفين ورميتها على السرير .. ومسكت باقي الصور أبي أسوي فيهم مثل الصورة الأولى .. لكن وقفت .. وأخذت نفس عميق ..
لا هالطفلة أنا أحبها .. وبتظل بعيوني هي ماتغيرت .. هي ماكبرت .. هي بس راحت .. ولا عاد رجعت !!.
راحت طفلة ماتحب غير سلطان ، ورجعت وحده ماعرفت منهو سلطان !
خذيت كل الصور حتى الي شقيتها ورديتهم بالملف ورجعته للدرج
وطلعت من غرفتي ونزلت ..
وأنا أتمنى ما ألمحها مره ثانية لأني لو شفتها مادري وش ممكن أسوي فيها !
::
"شعاع"
ماكنت أدري ان كلامي بيضايق سلطان بهالشكل ! ولا كنت أتوقع اني بأثر فيه بهالطريقة ! ولاكنت أحسب اني ممكن أكون مهمة عنده لهالدرجة .. !
كان ينتظرني عمره كله .. ؟؟ معقولة في ناس بهالوفاء ؟؟؟
مشيت راجعة للبيت وانا أستعيد كلماته ونظراته .. سلطان حبني وأنا طفلة وكان ينتظرني أكبر !
شهقت بصوت مكتوم يوم وصلت لهالخاطر .. دخلت الصالة أمشي بسرعه وانا أرتب بشعري بشكل يبدو عفوي وأحاول أخليه طبيعي ..
واول ماقعدت جمب شروق وقبل ما أنطق شروق قالت : شعاع انا مره مضايقة ابي اقول لك شي
قلت : شروق وانا بعد مو بس مضايقة ، مصدومة !
شروق : بنت شصاير ؟؟
قلت بهمس : متى نروح البيت
شروق : انتي وين كنتي ؟؟
قلت : برا أكلم سلطان
شروق : ايييييش ؟؟؟؟ سلطانو ماغيره شعندك وياه ؟؟؟
قلت : مو هذا الي صادمني .. ( وقمت أبتسم للي حولي أبي أخفي انفعالاتي المكبوتة جواي ..
مر الوقت والكل يسولف عن الحج ويطلبوننا ندعي لهم .. ومرات نحس انها رحلة ممتعة غريبة .. ومرات نحس انها مخيفة وثقيلة .. !
وبعد العشا استأذنا نبي نمشي
وعند الباب واحنا طالعين ..
كنا واقفين نودع عمي ومحمد أخوي ويوصوننا على أنفسنا ويدعون لنا .. كان باب المجلس مفتوح وعيوني حاولت تلقط أي طيف لسلطان .. أنا مابي أجرحه ولا أضايقه ، مو لأنه هو سلطان .. لا .. أنا مابي أحد بهالدنيا يتضايق مني بدون قصد ..
كنا بالحوش وماما تسولف مع مرة عمي قبل مانطلع .. قمرة لازالت عند باب المجلس داخل تسولف مع محمد .. شروق ركبت السيارة ، وشمس من زمان بالسيارة .
شفت هيثم طالع من المجلس ويمشي بخطوات هادية .. انتبهت له واهو يطالع بقمرة واهي تضحك مع محمد .. بس ماكان فيني أركز بأي شي ، وأستوعب أي شي
درت أبي أطلع بس لفتني شي !!
المجنونة قمره ضحكت واهي تقول بعالي الصوت : أهلييييييييين دكتوووووري
هيثم ابتسم لها وأشر لها بإيده ..
قمرة ماكتفت بالإشارة مشت ناحيته ..
ناديتها قبل لاتحوس الدنيا أكثر : قمووووور مشينا
ولاكنها تسمعني !
::
"قمرة"
كنت أسولف مع محمد لما انتبهت لهيثم طالع من المجلس ويمشي بخفة وإيدينه بجيوب بنطلونه ويطالعني .. كنت أنتظر أشوفه وأرقـّع الموقف الأخير الي صار بالمستشفى ..
ناديته وانا أضحك : أهلييييييييين دكتوووووري
رفع إيده وأشرلي واهو يبتسم ابتسامته الي تجننـني دايم وتظهر غمـّيزاته الي تسحر ..
مشيت بلا شعور ولا إدراك لناحيته .. وكني سمعت شعاع تناديني .. بس ماكان في أي قدرة تقدر توقفني لأني مو قاعدة اتحرك بشعور .. !
كنت بصافحه بس اتذكرت كلام رزان آخر مره واتضايقت وشبكت ايديني ببعض وانا اقول : أخبارك ؟
هيثم بهدوء : بخير دامك بخير .. انتي أخبارك ؟
رديت : كويسة .. ( وبضحكة : معليه لما جيت بيتنا آخر مره كنت تعبانة ومصدومة ومو قادرة استوعب ولا كلمة عشان كذا مانزلت ..
هيثم : وكيف حاسة نفسك الحين ..
رديت أقلده : بخير دامك بخير
هيثم بنفس الابتسامة : دوم ان شاء الله
قلت فجأة : اييييييه احنا بنحج دريت ؟؟؟؟؟
هيثم : ههههه ايه ماشاء الله ، الله يسهل لكم وحجة مقبولة يارب
قلت : آمين ، ( ورجعت بخطواتي على ورى وانا اقول : يالله ، سامحنا مايندرى يمكن هذي آخر مره نتقابل فيها .. !
هيثم عقد حواجبه وجمدت ملامحه واهو يقول : ليش تقولين كذا ؟؟؟
قلت وانا ارفع كتوفي بعفوية : الحج صعب كثير يموتون فيه وانا تعبانة ويمكن أتعب هناك يعني من الجهتين انا رايحة فيها ههههههههههههههههههه
هيثم بصرامة : قمرة !!
بلعت ضحكتي وضاعت عيوني بوجهه .. حسيت بعيونه شي غريب ماقدرت أفهمه .. شي يشبه الخوف أو مثل القلق ، وقال برجاء : قمرة انتبهي على نفسك !
التفت لقيت مافي بالحوش غير ماما ولازالت تسولف مع مرة عمي ..
رجعت طالعته وقلت : هيثم عادي أقول شي ؟؟؟
هيثم وهو مضيق عيونه فيني : قولي ..
قلت وأنا ألعب بأصابعي وأحاول أجمع الحكي وعيوني تدور : اممممممم .. انت مره طيوب وحبوب ، و ووو أنا مره حبيتك ..
هيثم مارد ، طالعني بتيهان ! ولا انتظرت رده ..
درت وانا اقول بضحكة : باااااي !
هيثم بهمس : باي
طلعت وانا شاقه الضحكة وركبت السيارة بمرح
شروق : شعندك ويا هالضحكة ؟؟؟
لفيت جسمي عليهم وقلت وانا أضحك : قلت لهيثم اني حبيته ..
خواتي ماآنصدموا ، متعودين على حركاتي وهبالي وتهوري بكل شي !
شمس ببرود : وانتي من جدك حابته ؟؟
قلت وانا أتنهد باستهبال : ايه من جدي
شروق : ههههههههههههههههههههه وتنهيدات بعد وحركات البنت ماتلعب ؟؟؟
رديت : هههههههههههه لا جد هو مره حبوب وينحب حتى انتي ياشعاع قلتي عنه كذا أول موو ؟؟
شعاع هزت راسها بإيجاب وقالت : الحين ماما ماحلت لها السوالف الا واحنا طالعين
اتقدمت لباب السيارة وانا اقول : بانزل اناديها ..
شعاع قعدتني واهي تقول : لالالالا تكفين لاتنزلين اخاف الحين تقولين لهيثم باخبطك ..
ضحكت وانا اقول : ليييييييه شدخل حبي له بالهالخرابيط .. انا حبيته انه انسان طيوب ومحترم بس !
شروق واهي تدفني بخفة : بــــــــس !؟
قلت : لا مو بس شعندك ؟؟
ضحكت علي وماما أخيرا شرفتنا وركبت السيارة ومشينا
::

"هيثم"
بعثرت روحي .. واختفت !
اتمنيت للحظة لو اني اتخصصت طب نفسي بدل المخ والأعصاب ..
عشان أعرف وأفهم وأستوعب شهالهوس الي يصيب حواسي وقت حضور ملاك الكون قمرة .. ! انا مو قادر أتحكم بانفعالاتي تحت تأثر عفويتها وضحكها وسلامها وحكيها .. لكن تصريحها بحبها شي حسيته انتشلني من مكاني ودار فيني وعرفني على كل أجزء الكرة الأرضية .. !

ظليت بمكاني وقت وانا أستعيد الموقف وكلمتها ..
قمرة تحبني ؟؟ ذاك القمر يحبني أنا ؟
ومهو أول اعتراف ! ياما واجهتني اعترافات مثل هالنوع كثير ! ويما فاجأتني كروت من مُعجبات ومُغرمات بعد .. بس محد قدر يأثر علي مثل ما أثرت فيني قمرة !
كلمة رمتها واختفت .. ! وماتدري وراها وش تركت ، وش أشعلت ، وشالي أخذته معها و وش بقت !

انتبهت على صوت جوالي .. رديت وكان المستشفى طالبني ضروري ..
سكرت الجوال وقبضت عليه بقوة ابي أركز شالي لازم أسويه الحين ...
المستشفى يبيني بسرعه و .. لازم أروح و .. أهلي مين بيرجعهم .. و
دقيت على أمي بسرعه ابيها تفكر عني ..
أمي : هلا ياقلبي
قلت : هلا يمه أنا لازم أروح المستشفى
أمي : الحين ؟؟؟
رديت : ايه كلموني في عملية بعد شوي وضروري أكون فيها ..
أمي : خلاص اوك الله معاك
قلت : اوك وانتوا مين بيرجعكم ؟؟
أمي : نكلم السواق ..
قلت : تمام يلا ..
أمي : بتروح على المستشفى على طول ؟؟؟
رديت : لا بمر البيت بسرعه باخذ غرض وأروح المستشفى
أمي : اجل خلاص يلا حطنا معاك بالبيت ..
قلت : خلاص بتروحون الحين ؟؟؟
امي : ايه يلا ..

قفلت .. وفركت جبيني كمحاولة للتركيز .. وطالعت الساعة حسيت الوقت يمشي بسرعه ولازم ألحق على العملية ..
مشيت بسرعه وركبت السيارة ومشيت !

بعد دقيقتين دقت أمي : هيثم وينك ؟؟؟
قلت : مشيت !
ماما : هـَـو ! مو قلت لك نجي معاك ؟؟؟
رديت : انتي قلتي بتكلمين السواق !
ماما : ايه قلت لك اول بس يوم قلت انك بتمر البيت تاخذ غرض قلت خلاص حطنا معاك بالبيت !
خبطت راسي وانا اقول : ايييييه والله صادقة ! معليه والله مافي تركيز ابد
أمي : هههههه شفيك الله يهديك ..

لا تسأليني شفيني يمه .. انا مادري وش الي قاعد يصير فيني .. خلوني أركـّز وراي عملية تكفون !

قلت : معليه والله لخبطت ، خلاص كلمي السواق والله انا مره مستعجل ، آسف ..
سكرت أمي وأنا رميت الجوال جمبي وقمت أركز بالطريق وأحاول اختصر الطريق بلفات يمين ويسار لين قربت من البيت
وأول ماوصلت نزلت بسرعة .. وأخذت لي كم غرض أحتاجهم بالمستشفى .. وبنفس السرعة الي دخلتها طلعت من البيت

ركبت السيارة ومشيت وانا اطالع بجوالي " مسد كول"
جال على بالي انه المستشفى شكلي اتأخرت عليهم ..
فتحت الرقم لقيت الاتصال ..
واتفاجأت !
قمرة ؟؟؟
لا مو معقول سيطرت على مخي لدرجة اتخيل اسمها ورقمها ؟؟

قلت لكم ابي أتخصص علم نفس !
لكن الشك انقطع باليقين لما جت رسالة منها وأنا ماسك الجوال
فتحتها .. لقيتها تقول :
mabe shay bs te9ba7 3la 5eer

كنت امشي وماسك الدركسون بإيد وايدي الثانية ماسكة الجوال ..
وعيوني تطالع شوي بالطريق .. وشوي بالجوال ..

قمرة ..
وانتي من أهل الخير ياحلوة لكن ...
انتي شتبين مني بالضبط ؟؟؟
لإيش تبين توصلين ..
وشالي قاعدة تسوينه ؟؟؟
قمرة لا تلعبين بالنار .. ترا بتحرقك وتحرقني معاك !

اعتبرت مسجها عفوي ورديت عليها بنفس اسلوبها :
w gamrte mn ahel al5eer

كنت عايشة لحظة منفصلة عن كل العالم .. لحظة جنون مع قمرة .. فِـقت منها والجوال يرن .. المستشفى مره ثانية يستعجلوني ..

رميت الجوال جمبي ودعست بانزين بكل قوة ..
وانا أحاول اتجاهل شقاوة قمرة ..
الي اعتبرتها بهالوقت .. بــــــــس هالوقت ! عفويات طفلة !

::



"شعاع"

نزلنا كلنا من السيارة الا قمرة كانت تحوس بجوالها والابتسامة مزينة وجهها بسعادة !
خبطت الشباك وأشرت لها انه يلا !!
قمره ضحكت وفتحت الباب ونزلت ..
قلت : شعندك مفهية ..
قمرة : قاعدة ألعب !
قلت : تلعبين ؟؟ وش تلعبين ..؟
قمره : هههههههههه لعبة مسليتني بشكل ماتتصورين
ودخلت البيت .واهي تضحك ..

هزيت راسي بيأس من ان هالبنت تكبر ولا تعقل .. ودخلنا البيت ودخلت ماما معانا ..
وبعابيتها قعدت وقالت : اسمعوا بنات ترا انا يمكن هاليومين اقعد بالبيت تعرفون بنروح الحج بعد ثلاث ايام وعمكم زياد بيسافر بهالفترة ولازم اكون متواجدة كل الوقت
رديت : أكيد ياماما لاتشيلين همنا
ماما : وعاد انتوا جهزوا أنفسكم زي ماقلت لكم ..
قمرة : طيب تعالي اتغدي معانا بدري وارجعي
قلت : قمور لا خلاص اساسا ماما بتكون معانا كل فترة الحج خليها تخلص امورها بالبيت
ماما بحنية : واصلا بكون صايمة حبيبتي
شروق : اي ماما شعندك صايمة من دخل الحج ؟؟؟
ماما : ايام الحج ايام فضيلة والرسول صلى الله عليه وسلم قال عنها ( ما من أيام العمل الصالح فيها أحب إلى الله من هذه الأيام ) يقصد ايام الحج .. بالصيام وقراءة القرآن والتكبير والتهليل والاستغفار ، وصيام يوم عرفة ! الواحد يستغل هالايام عسى الله يكفر عنه ذنوبه وسيئات السنة كلها ..
شمس : بس صعبة الصيام مع الحج
ماما : لا بالحج مانصوم يسقط الصيام عن الحاج عشان يتحمل جسمه أعباء الحج ويقدر يتعبد ربي وهو بكامل صحته
شروق : متحمسة وخايفة بنفس الوقت ..
ماما : ربك بيسهلها ياقلبي ، صح ماقلت لكم رزان بتحج معانا
كلنــا : من جد ؟؟؟؟
ماما : اي وبنفس الحملة ..
قلت : حلوو ماقالت لي ، هالبنت ملكت وغطست صرت أعرف أخبارها بالقطارة
ماما : اي ياقلبي لأن زواجها تحدد بسرعه وماعاد عرفت وش تبدّي ..
قلت : طيب تقول لنا نساعدها
شروق : لا الظاهر خالتك وبناتها من النوع السكاتي الي يدبرون كل شي وانتي آخر من يعلم
قلت : ليه على أي أساس حكمتي ؟
شروق غيرت الموضوع وقالت : زين ماما لاتشيلين هم انتي خذي راحتك وخلصي أمورك ونتقابل باليوم الي بنمشي فيه
ماما : تمام الله يسعدكم ( والتفتت لي وهي تقول : عفية شعاع تقولين للسواق يوديني البيت ؟
رديت : أكييييد
كلمت السواق .. و ودّعنا ماما وطلعت ..

شروق : غريبة ماما صار لها فترة سواقيننا الي يودونها ويجيبونها ماعاد شفنا زياد أبد
قمرة : انسيه زيادوه هذا شكله غاسل إيدينه مننا مره وحده
شروق : ليه ان شاء الله ؟؟؟؟
رديت : صارت سالفة غبية بآخر مره كنا عند ماما .. اتخيلي ماما دخلتنا مجلس الضيوف الي عند الباب وماطلعنا منه أبد حتى العشا جابته لنا بالمجلس ماكانت تبينا ندخل البيت أبد
قمرة : على أساس ان زياد عنده ضيف هذا الي حاولت تقنعنا فيه يوم استغربنا ليش ماندخل خصوصا بعد ماسمعنا صوت زياد .. لكن فجأة قام زياد وسكر النور وهو يقول " باطلع انام " وطلع مافي لا ضيف ولا شي !
كملت : فهمنا انه مايبي شوفتنا وماما حبيبتي ماتبي تحسسنا بهالشي

شمس : نعم نعم ! لا تكفى الله يخليك عاد احنا الي ميتين على شوفتك ..
شروق : والله انا حاسة ودارية بشعوره هذا من أول يوم جانا البيت وسلم علينا .. كيف كان يطالعنا من فوق لتحت وكيف كان يصافحنا بطرف أصابعه ومنقرف طول القعدة ياشيخ انقلع الله لااايردك بهاليوم الفضيل

قمرة : واااو شروق اتعلمت الدرس على طول وصارت تستغل الايام الفضيلة بالدعاء !

شروق : هههههههههههههههههههههه وعلى زيادوه بعد قطيعة ..

شمس : حياتي ماما والله ماتستاهل هالكريه ..

قلت : بس ماتدرون حياتها معاه قبل وش كانت !! يمكن حنا يوم جينا نغصنا عليهم !

شروق : والله لو يحبها جد ومتمسك فيها كان بيحب بناتها ويتقبلهم !

شمس : مدري ليه أحس ان وضعنا غلط بهالبد !

قلت : لا ليه تحسين بهالشي شموس ؟

شمس : أحس الكل يدقق علينا عشاننا جايين من برا .. غير حجابنا ولبسنا لا حتى سوالفنا وكلامنا وافكرنا كل شي يدققون عليه ويعلقون .. يعني لو أحد غيرنا سوا نفسنا عادي بس عشان احنا جايين من برا صايرين تحت المجهر !

شروق : عاد لو وحده مننا قالت هالحكي يمكن بس انتي شموس أغلب وقتك ساكتة بالعكس لو بيعلقون بيقولون هذي مغرورة وماتبي أحد وكله تحوس بجوالها وعالمها ثاني .

شمس : والله ماتدرين يمكن قايلين وخالصين في ناس تضحك بوجهك وتحكي فيك من وراك

قمرة ببرائة : وش الفايدة يعني يحكون من وراي ؟ هم مو يحكون عشان أصير أحسن ؟ خلاص ليه مايقولون بوجهي !! يعني محمد يوم اتكلم معاي بأسلوب حلو عن حجابي صرت أحرص أتحجب ..
طالعناها وفينا الضحكة وانتبهت لنظراتنا وكملت بضحكة : يعني أقصد اني صرت أنتبه اكثر من أول .. صح مو حجاب زين بس على الاقل أثـر فيني كلامه .. ( وبهمس : شوي

شمس : بس جد يعني احنا وش سوينا له عشان يكرهنا ؟؟؟

قلت : ماسوينا له شي بس ماكان متصور بيوم اننا بنرجع ونستقر هنا وبناخذ ماما منه أغلب الوقت بعد ماكان كل وقتها له .. وماقدر يتعايش مع هالوضع وكرهنا ..

شروق : والحل ..؟؟

هزيت كتوفي بحيرة وقلت : الله أعلم

قمورة عافت هالسوالف وقامت واهي تقول : اوك انا طالعة أنام وبكرا زي ماقلنا شعاع نروح نكمل مشترياتنا ..

قلت : ان شاء الله ، تصبحين على خير حبيبتي

دقيت بالسنترال على سيتي العاملة الخاصة بقمره ويوم ردت قلت : سيتي اطلعي مع قمرة فوق يمكن تحتاج شي ..
سيتي : حاضر

وشوي وطلعت شمس ، ومابقى غيري وشروق بالصالة ..

انا وشروق بنفس اللحظة : وانتي شالي مضايقك ؟؟

ضحكنا وقلت : انتي قولي اول ..
شروق : لا انتي الي قولي شغلتي بالي
قلت : سالفتي طويلة عريضة .. قولي انتي بعدين انا

شروق قامت من مكانها وقعدت جمبي وقالت : غادة ..
قلت باستغراب : غادة بنت خالتي ؟
هزت شروق راسها واهي تقول : سوت معاي حركة ضايقتني حيل وصدمتني ماتوقت ان ممكن يطلع منها هالحركات
اتضايقت من قبل ما أسمع السالفة وقلت : حكيني شسووت ؟؟؟؟
شروق : تذكرين يوم طلعت من الدوام عليها واخذتها ورحنا كوفي ؟؟
قلت : ايه أذكر .. طيب؟
شروق : قعدنا نسولف عادي وطبيعي ونضحك وكل شي تمام .. جت مشاعل ورحنا سوى للمول وبرضو كل شي تمام .. مشاعل أصرت الا تبينا نجي بيتها وانا والله ماكان لي خلق بس انحرجت لان حتى غادة صارت تحن معها .. بس ويوم رحنا تعرفين كنت لافة طرحتي مدري شلون يعني ماحطيت بالي منها ..
قلت : اها يعني كان في احد ؟؟
شروق : كان فيه مشعل
هزيت راسي وانا اقول : طيب وبعدين ؟؟
شروق : دخلنا وسلمنا على خالي ويوم رحنا الصالة كان مشعل قاعد .. طالع فينا وسلم علينا وقعدت على الكنب .. الا جت غادة قعدت جمبي وقالت لي ( وبتهكـّـم : ممكن يكون عندك شوية ذوق وتغطين شعرك !!
اتوسعت عيوني وانا اقول : عجيب !! .. اوكي واش رديتي عليها ؟؟؟
شروق : غطيت شعري وسألتها خير ليه تكلميني بهالطريقة ؟؟؟ الا تقول مراح تتأدبين الا بهالطريقة
انفعلت وقلت : خييييير ان شاء الله شتبي هذي شعندها ؟؟؟؟؟
شروق : اصبري واتخيلي يوم قلت لها اذا حضرتك متضايقة مني ليه جبتيني معاك هنا ؟ قالت لي .. غلطت !!
اتحول انفعالي لصدمة وانا اقول : شروق انتي من جدك ؟؟ غادة غادة بنت خالتي ؟؟
شروق : مو هذا الي صدمني وزعلني من ذاك اليوم للحين .. انها غادة بنت خالتي مو أحد ثاني !!
قلت : غريبة صراحة يعني شالي خلاها تتصرف بهالطريقة ؟؟؟؟؟
شروق بابتسامة باهتة : عشان مشعل ياقلبي ..
قلت بحيرة : ليه واش علاقتها بمشعل وصيته مثلا !
شروق : لا ، خطيبته مثلا !!
سكت أبي أستوعب مقصد شروق ، وقلت بهمس مصدوم وأنا أأشر باصباعي على الفراغ : شروق .. ومشعل .. مخطوبين !!؟
شروق : هذا الي أنا سمعته بنفسي ومحد قال لي عليه !!
قلت : شلون سمعتيه بنفسك ومحد قال لك عليه ؟؟؟؟
شروق : يوم تعزمنا مشاعل على العشا ببيتها قبل فترة .. جيت بدخل المطبخ عند مشاعل وغادة وسمعت مشاعل واهي تحاول تسحب من غادة موافقتها على مشعل .. وغادة وافقت واهي تضحك ومبسوطة . بس مادري ليه ماعلمونا للحين ..
قلت وانا ارخي جسمي : عشان كذااااااا حبيبتي .. تلقينها ميتة غيرة وانتي بكل حلاتك تتمخطرين قدامه !
شروق بانفعال : ياسلام مو يحبون بعض ويبون بعض شعليهم مني ؟؟؟؟ الي اعرفه اذا الواحد حب تصير عيونه ماتروح من على الشخص الي يحبه !
سكت شوي أبي أربط وأستوعب وأسترجع .. وطالعت بشروق بنظرة خلتها تقول : لاتطالعيني كذا شفيك ؟
قلت : كلامك الي تو قلتيه ..
شروق : وشو ؟؟
قلت : اذا الواحد حب عيونه ماتروح من على الشخص الي يحبه !
شروق : طيب ؟؟ صح كلامي ..
قلت : طبعا صح ( وقربت جسمي منها وانا اقول : وهذا الي قاعد يصير مع مشعل ناحيتك انتي ياحلوة !
شروق طالعتني بتيهان ، كملـت : مافي مره التقينا بمكان فيه مشعل الا وعيونه عليك وبطريقة واضحة صريحة مايراعي فيها أحد ..
شروق : مضبوط هالحكي بس ماله علاقه ، شوفي خطب غادة وبغت تذبحني هي عشانه
قلت : متأكدة انه خطبها ؟؟؟ ولا بس حكي بين مشاعل وغادة ..
شروق : مادري اذا صار شي رسمي او ماصار ، لكن الي انا متأكدة منه انهم يبون بعض .. مشاعل قالت لغادة مشعل يبيك .. خلاص انتهى أكيد بيصير شي قريب ..
قلت : مادري .. أحس في شي مو مضبوط بالسالفة ..
شروق : ليه
رديت : مدري بس ماعمري حسيت ان في اي تجاذب بينهم .. لا بحكي ولا بنظرة واللي يحبون بعض يكونون مفضوحين قدام الكل ..
شروق : يمكن مايبون يبينون المهم انهم مخطوبين وانتهينا .. ( وبعبرة مكتومة : أنا مو زعلانه عشان هالشي بالعكس الله يوفقهم .. بس ليه تعاملني بهالطريقة عشانه وانا يوم حسيت بمشاعر تجاهه اتجاهلتها وحاولت أدفنها كله عشان ما أخسرها .. لأني أعرف انها تحبه من زمان ..
قلت : أووه وتحبه من زمان بعد .. ( مسكت ايد شروق وانا اقول : شروق .. انسيه ! شخص يخطب وحده من جهة ويطالع بالثانية من جهة هذا شخص لعـّاب .. ! فهمتي؟؟
طالعتني شروق والدموع بدت تتجمع بعيونها .. شديت على ايدها وأنا أكمل : احتمال تكونين عجبتيه أو انجذب لك بأي شكل كان .. ودلل عيونه بشوفتك وبكل مره ماينزل عيونه من عليك ، وبالآخر يخطب الي يبيها ؟؟؟ هذا مو لعاب بالله !
شروق : بس ياشعاع هي مو مسألة نظراته او انه يطالع فيني طول الوقت .. صارت مواقف مادري شلون أوصفها بس حسيت انه يهتم فيني بشكل خاص ، يكون يسولف مع مشاعل مثلا ومن أسولف انا مع اي احد يقطع سالفته ويلتفت يسمعني واذا سكت كمل سالفته .. وبس معاي أنا يسوي هالشي !! وكم مره ينفعل على حجابي ولبسي يعني معقول هو كذا مع الكل ؟؟؟؟
قلت : شروق لا تسمحين لهالأشياء تأثر فيك وتلعب بمشاعرك .. أوك يمكن انجذب لك ماقول لا بس وقت ماقرر يخطب حس ان غادة الي تناسبه
شروق ضحكت واهي تمسح دموعها وتقول : على قولك .. احنا بنات بدون والي ولا مسؤول .. لا وبعد تربية غربية متحررة لايحكمنا لا دين ولا عادات .. والمجتمع هنا يعتبر أمثالنا بنات منحلات ومحد يطالع فيهم ..
اتضايقت حيل وقلت : شروق لاتفكرين بهالطريقة .. هالكلام مو صحيح ولو انه صحيح احنا لازم نثبت عكسه !
شروق : ياشيخة خلي يخطب الي يبي ويعيش زي مايبي .. أنا بس زعلانة عشان غادة .. ولا هو ماهمني ولافكرت فيه ..
ابتسمت وأنا أطالعها بمكر !
شروق انتبهت لنظرتي وقالت بتنهيدة : اوكي يهمني شوي ..!
مسحت على إيدها وانا اقول : وزي ماحبيتيه بسرعه بتنسينه بسرعه ..

شروق فركت عيونها واهي تقول : خلاص اتركينا منه وقوليلي انتي شسالفة سلطان ليه كنتي معاه برا شبينكم ؟؟؟؟
رديت : ههههههه مابيننا شي لا تخافين
شروق : اجل شالسالفة وجهك كان منعفس يوم رجعتي من برا ..
رديت : آه ياقلبي انا بحكيك وقولي لو انتي مكاني وش بتسوين!
شروق : قوووولي أحس سالفتك آكشن مع ابو عيون ..
رديت : هههههههه اسمعي .. أيام العيد احنا شفنا سلطان .. ومن ذاك الوقت وهو بكل مره يشوفني يسألني عن كتاب ! شفتي الي يرمي السؤال ويختفي ويتركني محتارة هذا مين أصلا وأي كتاب يقصد وانا شعلاقتي فيك وبكتبك !!
شروق : ههههههههههههه اي والله شكله مشبه عليك ..
قلت : تجيك السالفة .. أنا صرت جد أفكر أي كتاب يقصد وكنت أفكر لو رد سألني بامسكه اقول له تعال قولي وش سالفة هالكتاب .. بس قعدت مع نفسي أحاول اتذكر .. ومدري كني بديت أتذكر اشياء وانا صغيرة وبيني وبينك من أول مره شفت سلطان وبكل مره كنت أشوفه كنت أحس اني أعرفه من زمان .. كان غير عن الكل كان في شي بوجهه بعيونه يذكرني بشي وانا صغيرة بس ماقدرت أميزه وأتذكره ..
شروق : ايوة ولايكون اليوم رحتي سألتيه ؟؟؟؟؟
قلت : اصبررررري شروق لا تسستعجلين أبحكيك حبة حبة ..
شروق : هههههههه طيب مره اتحمست ياحمارة وراك سواليف وساكته ماتعلميني ؟
قلت : والله ماشوفك ياهانم علمتيني بسالفتك !
شروق بحزن : شعاع حبيبتي انتي يبيلك من يشيل منك همومك مو يزيدك ، يكفي هم قمور وشمس تحسبيني ماأنتبه لدموعك اذا دخلت غرفتك فجأة ..!
قلت : يوووووه بس خلاص لاتخليني انفجر الحين ..
شروق : ياحياتي انتي ، كملي ..
كملت : رحت انا وقمور لماما يوم اقول لك ماما ورتنا صورنا واغراضنا واحنا صغار ..
شروق : ايه حكيتيني .. طيب؟
كملت : واحنا نحوس بالاغراض لقيت الكتاب
شروق شهقت وقالت : الكتاب الي يسأل عنه ؟؟؟؟
قلت : يس .. وعليه اسمه .. دفسته بشنطتي بسرعه ويوم رجعت البيت لقيت مكتوب عليه اسمه ..
شروق : ههههههههههههههه طلع صادق اجل .. وش جابه عندك؟؟؟
كملت : هذا كتابه يوم هو يدرس بالثانوي ، وطلع ياحبيبتي انا الي طلبته منه .. بديت اتذكر اني مره كنت أهتم بسلطان وهو بعد لأني لقيت وسط الكتاب صورة لي واتخيلي انا الي معطيته اياها بنفسي !
شروق ببلاهة : كنتي .. تحبينه ؟؟؟؟
رديت وانا أضحك : شكلي !
شروق : بس يعني هالشي وانتوا صغار .. قصدي ..
كملت عليها : كنا أطفال .. هذا الشي الي بالضبط قلت له اياه اليوم !
شروق : شقلتي ؟؟؟
قلت : طلعت واعطيته الكتاب وقلت له .. بس ترا كنا أطفال وماحد ياخذ على كلام الأطفال ..
شروق : بالضبط .. اوكي واش قال ؟؟
قلت بضيق : مره زعل وسحب الكتاب من إيدي وقال خسارة عمري الي راح وأنا أنتظر وحده المفروض أعرف وأفهم انها ماتت من سنين !!
شروق : وي وي وي !! يعني كان يحبك من وانتي صغيرة وقاعد ينتظرك كل هالعمر!
رديت بخنقة : شكله ياشروق .. شوفي انا كنت طفلة .. بس هو كان بالثانوي يعني كان يستوعب مشاعره ويفهم أحاسيسه ..
شروق : ياحياتي يعني وش صار فيه بعد مارحتي وتركتيه ؟؟؟؟
رديت : والله مادري بايش كان يفكر .. وبايش الحين يفكر .. !
شروق : طيب وش بتسوين .. شكله حقد عليك الحين هو متذكر كل شي عنك حتى الكتاب مانساه وانتي شكلك هو نفسه ناسيته ..
قلت بضيق : كنت طفلة شروق عاد شسوي اذا ذاكرتي على قدي .. بعدين الي مرينا فيه احنا من ظروف ونقلة كبيرة بحياتنا من واحنا اطفال وفراق ماما وكل شي فظيع صار يخليني انسى نفسي بعد .. الشي الوحيد الي مستحيل انساه وانا طفلة هو يوم انفصال ماما وبابا .. اتذكر هاليوم بتفاصيله .. شكل اليوم هذا نساني اي شي كان قبله !
شروق : حبيبتي لا تضايقين نفسك عشانه ترا معليه يعني ماله حق يلومك لأنك كنتي طفلة وغير كذا عمرك كله قضيتيه برا وهالشي كفيل بانه يخلق منك انسانة ثانية تماما تفكيرها غير ومشاعرها غير وناسها بعد غير !
قلت بعين شاردة : بس كان مصدوم وحيل متضايق ..
شروق : اوكي ماقلنا شي بس مشكلته والله مو ذنبك أبد .. بعدين لايتوقع منك انك بتحبينه وتكملين حياتك معاه !

طالعتها بتيهان .. يمكن أنا أفهم كل شي يتعلق بخواتي وباللي حولي .. بس مو قادرة أفهم نفسي .. يمكن فعلا شروق تفهمني أكثر مني .. يمكن تقدر تترجم الطلاسم الي تدور حوليني !

شروق : يعني خلينا نفرض انك ظليتي على ذكراه ورجعتي تعرفينه وكل شي تمام .. بس شعاع ! انتي مو ملاحظة فرق المستوى الي بيننا وبينهم ؟؟؟؟
قلت : شلون يعني !
شروق : واضح شعاع .. يعني هم اقل مننا مستوى بشكل كبير .. اي نعم عمتنا وعيال عمتنا على عيننا وراسنا .. بس حنا وين وهم وين ؟؟ شعاع مايتقضون الا مره بالسنة !! غادة حكتني طبعا من احتكاك خالتي فيهم .. شعاع ترا سارة وليان دولابهم واحد يتناوبون الملابس !! شعاع ترا ماعندهم خدامة .. احنا هنا كل وحده لها دادا خاصة فيها .. هم كل البيت ماعندهم خدامة ! احنا عندنا سواقين وكل وحده لها سيارتها الخاصة .. شعاع هم ماعندهم سواق ومافي غير سيارة سلطان المخروعة ! استوعبي حبيبتي .. ماتقدرين تتعايشين مع هالوضع صدقيني .. !
ظليت ساكتة .. أستمع للحقائق من شروق .. وببالي تتبعثر صور لسلطان وهو صغير .. وهو كبير .. !
اوتعيت على شروق وهي تسأل : هل انتي مـُجبرة تدخلين هالمخاطرة ! هل انتي مضطرة تضحين بكل شي عشان واحد هو الي باقي على ذكراك .. بس انتي ماتبينه !
قلت بهدوء : أنا ماقلت مابيه .. وبنفس الوقت ماقول أبيه ..
شروق : انتهينا أجل احسمي موقفك من الآن وانسيه .. شعاع ترا صعب تعيشين بأسلوب حياتهم لاااا وبتسكنين ببيتهم الي شوي ويطيح فوق روسهم من قدمه ! الله يخليك شعاع لاتلومين نفسك وتسوين شي تندمين عليه
قلت : اكيد ياشروق الي يسمعك يقول خطبني وخلاص بوافق ..
شروق : والله انا خايفة يجي هاليوم اذا مامحيتي الموضوع من بالك من هاللحظة .. بعدين شي ثاني معليه انتي ماشفتي كيف خواته مرعوبين منه !! شخصيته صعبة ومره عصبي وحازم وعسكري حتى مع أهله .. شعاع احنا ماتعودنا أحد يقول لنا ثلث الثلاثة كم !! من كملنا 18 سنة وكل شي بهوانا وكيفنا حتى السفر نحجز ونروح ونعطي بابا خبر بس !
شعاع : الا هو مره شديد .. بس لو بنفكر بطريقتك اجل ولا رجال بنرضى فيه
شروق : لا معليييييه بنرضى برجال طبيعي عادي زي هيثم مثلا .. ! شوفي لجين تطلع معانا سوق مطاعم كوفيهات وتروح لصاحباتها وكل شي عادي حتى هذي هي رايحة تدرس برا .. بس سلطان مايسمح لخواته يتحركون بدون علمه وحتى لو درى مايوافق الا بطلعة الروح .. بتتحملين واحد يسوي فيك كذا ؟؟؟
همست وعيوني ضايعة بالفراغ : لا ..
شروق : خلاص امحيه من بالك تماما .. ومصيره ينسى ويعرف جد انك متي من سنين على قوله !
قلت والضيق حاشيني : بس ماقدر اتصرف عادي ولا كأن شي صار والله احس مو قادرة أحط عيني بعينه مره ثانية !
شروق : حاولي تتجنبينه .. حاولي من الاساس ماتتواجدين بمكان هو فيه عشان لاتجي عينك بعينه ..

هزيت راسي ، وضاع بصري بالفرآغ ، كلام شروق ماعليه غبار ، سلطان مخلوق لوحده ثانية .. من مكان ثاني .. مهي أنا أبدا ..
حاولت أقنع نفسي بهالكلام بس شي فيني لما يسترجع صورته ونظراته كان يخفق بعنف ..
شي فيني شغل بآلي أكثر من كلام شروق .. !
ويمكن حتى نسآني كلام شروق !


::

[المحظوظة]

::

" نادر"

طلعت من البيت .. وشحت بوجهي فورا أثر موجة هواء باردة هبت ..
لميت الجاكيت ودخلت إيدني بجيوب جاكيتي .. ومشيت والسنو يتساقط على خفيف .. كان الهوا يبعثر معاه حبات الثلج بشكل يخليني أسكـّر عيوني فترة وأرجع أفتحها وأنا أمشي فوق طبقات الثلوج المتراكمة على مد النظر ..

ولا كنت الشخص الوحيد المستمتع بالتنقل مشي فوق الثلوج .. أشوف حوليني أشكال مختلفة من البشر .. صغار وكبار يمشون ويتعثرون بالثلج بكل مرح واهم يوزعون ابتسامات على كل من يصادفهم ..
كنت أبتسم لكن من يصادفني وأنا أهز راسي بترحيب ..

وصلت للباص استوب .. ووقفت أنتظر الباص الي يودي للجامعة بهالوقت .. كنت واقف بصمت وقمت أشوت أكوام الثلوج المتراكمة على الرصيف ..
ولا كآنت مجرد شوتات .....
كانت شرارة تشعل بخاطري أحلى الحكايات .............

*++++++*

وسط الثلوج .....
مسكت إيد شمس وقمت أركض بسرعه وهي صارت تركض معاي غصب وإيدها ماسكة إيدي وبإيدها الثانية ماسكة قبعتها لاتطيح !
شمس : نادر بشووووويش ماقدر أركض بالثلج ..
قلت : لازم نسرع حياتي ولا ترا بيروح علينا الباص ، والباص الي بعده بيتأخر !
شمس : رجولي كل شوي تغطس بالثلج مو قادرة أسرع ناادر ..

هديت شوي من سرعتي .. والتفت أطالعها واهي توقف وتعدل قبعتها وتنفض بقايا الثلج الي تناثرت على جاكيتها ..
وبغفلة منها شلتها من تحت ذراعينها ورجولها وقمت أركض ..
شمس صرخت : يامجنووووون والله بنطييييييح ..
قلت : لا تخافين ماسكك زين مراح تطيحين
شمس : انت بتطيح وبتطيحني معاااك

كنت متونس لأبعد حد .. ولاكنت أبي هاللحظة تنتهي .. انتبهت للباص واهو يقبل للمحطة .. هديت من سرعتي وانا أقول باستسلام مصطنع : أوكي على راحتك خلاص بهدّي ..
شمس : طيب نزلني دامك بتهدّي أقدر أمشي بشويش
شفت الباص يوقف عن المحطة ويركبون الركاب ... وابتسمت بخبث
شمس : شفيك تضحك ؟؟؟؟
طالعتها واتوسعت ابتسامتي أكثر ..
شمس التفتت وشافت الباص يوقف والناس يركبون وصرخت : لااااا لا يروووح
وطيحت نفسها على الأرض !!
ضحكت وأنا أقول : شوي شوي .. مراح تلحقين خلااص
شمس وقفت بسرعه وقامت تركض وتطيح .. وترد تقوم وتركض وتطيح .. وأنا وراها أضحك على حركاتها ..
وقفت بيأس تطالع بالباص واهو يبتعد .. وبعدها دارت علي وقالت بحمق : كنت متعمد مووو ؟؟؟
مشيت لها وانا اقول : لا مو متعمد ..
شمس وايدينها على خصرها : أجل ليش فجأة هدّيت ..؟؟
قلت بمكر : عشان مانطيح على قولك !!
سكتت شمس لحظات .. وبقهر شاتت كومة من الثلج على وجهي ..
نفضت راسي بقوة أبعد الثلج عني ..
وطالعتها بمكر وانا أقول : قد هالحركة شمووس ؟؟
شمس بدلال : ايه .. عندك شي ؟؟؟
مشيت لكومة كبيرة كانت بجمبها ولاهي منتبهة لها وبسرعة شتها واتناثرت عليها من راسها لرجولها ..
طاحت شمس على الأرض وهي تصرخ وتضحك بنفس الوقت .. وغطت وجهها بقبعتها لاني انحنيت وقمت أرمي كور ثلج عليها ..
شمس واهي مغطية وجهها وبإيدها الثانية ترمي بشكل عشوائي ..
وظلينا على هالحال وقت .. لين انتبهنا للباص الثاني مقبل للمحطة
وهنا جد قمنا بسرعه وركضنا .. وطحنا .. وقمنا .. وركضنا .. وضحكنا
وانتهت أجمل اللحظات .. مخلفة بس .. عذاب الذكريات ............

*+++++++*

انتبهت للباص واقف .. انتظرت الركاب يصعدون .. وركبت ..
مشيت لنفس المكان الي كنا دوم نجلس فيه .. ولاعمرنا غيرناه .. ممكن نغير الباص بس مانغير المكان .. يوم كآنت قربي
آخر الباص .. أنا عند الشباك .. وشمس جمبي
قعدت بنفس المكان .. والمكان جمبي فاضي !
ولاهو بس المكان .. كل الأماكن .. والمناطق .. والشوارع والبلد .. حتى حياتي والسنين
فضت من بعدها .. وماتركت الا الفراغ .. والألم والحنين !

وصلت الجامعة ومشيت للاب الي أشتغل فيه .. وانا بالطريق قابلت رئيس القسم وسلمت عليه ..
( حوار باللغة الانجليزية )
الرئيس : نادر تعال معاي المكتب شوي أبيك بموضوع
استغربت من طلبه ومشيت معاه لمكتبه
دخلنا وقعدنا على الكنب الجانبي ..
الرئيس : المستشفى طالب فريق لصيانة الأجهزة .. وطلبوا مننا نرشح بعض الطلبة وأنا اخترتك واحد من الطلبة ..
ابتسمت وانا اقول : وكيف حايكون طبيعة الشغل ؟؟
الرئيس : تداوم هناك على طول .. بقسم صيانة الأجهزة الطبية ..
قلت : واللاب ؟؟
الرئيس : أعفيناك منه .. راح ياخذ مكانك أستاذ ثاني

هزيت راسي بهدوء .. مايفرق معاي هنا ولا هناك بالأساس انا مخلص ماجستير وحاليا أشتغل بالجامعة .. لكن الشغل بالمستشفى مرحلة جديدة مامريت فيها قبل ..
وافقت على العرض وفورا أرسلني الرئيس للمقابلة ..
شكرته بدبلوماسية وانا أبتسم .. وأول ماطلعت من مكتبه اختفت ابتسامتي .. عآآدي .. مايفرق معاي .. لمين أنا أدرس ولا أشتغل .. ؟؟ وش راح يضيف لحياتي كل هذا ؟؟؟
اهي سالفة بس الي هامتني بهالدنيا .. وهي السعودية .. أبي أجوبة لكل الاستفهامات الي تحوم حولينها .. من "ليش" ما اقدر أروح لها ، الى "كيف" أقدر أروح لها !

رحت المستشفى وسألت عن المسؤول وكان باجتماع وقالولي أرجع بعد نص ساعة ..
رحت أطلب لي كوفي أنتظره ..
أخذت مكاني بالطابور الطويل ..
كان قدامي عائلة مكونة من أم وأب واطفال ..
التفتت لي الأم وابتسمت واهي تقول بأدب : تتفضل قدامنا ؟؟ انت واحد واحنا كثير !

شردت ببالي وبكياني وبقلبي لنفس هالموقف ،
بنفس هالمكان
بس غير هالزمان ...........

*+++++*

كان عندي موعد بالمستشفى وأخذت شمس معاي .. وبعد ماخلصت وقفنا بطابورالكوفي ننتظر دورنا .. !
كانت قدامنا عائلة كل واحد من الأطفال يختار طلب مره دونات ومره كروسون وشوي يغيرون ويطلبون ايس كريم ..
وانا وشمس نضحك عليهم ..
التفتت الأم وقالت : اتفضلوا قدامنا .. انتو اثنين وراح نعطلكم ..
وقبل ما أنطق شمس الي نطقت واهي تلم ذراعي بايدينها الاثنين وتقول : نوو ثانكيو .. احنا تمام كذا ..
هزت الأم راسها ورجعت تحوس مع عيالها ..
طالعتها باستفهام .. !
شمس بابتسامة تسحر : مابي أضيـع أي لحظة نكون فيها مع بعض ..
بست رآسها ، وابتسمت لها من خاطر قلب متولع بالملاك الي قربه !

*+++++*

انتبهت على نظرات الاستفهام بعيون الأم وهي تفسح لي مجال أتقدم ..
هزيت راسي وانا اقول : يس ثانكيو ..
واتقدمت .
طلبت لي "نفس" الكوفي ومشيت ..
وعلى "نفس" الطاولة قعدت ..
بس شي واحد اختلف .. وهو الوقت ! معها يمر ولا احس فيه ..
والحين .. ياطول الوقت وطول الحياة وطول التعب .. من بعدها

مرت النص ساعه .. قمت وانا أشرب باقي الكوفي بدفعة وحدة ..
رميت الكوب بطريقي وانا ارفع الجاكيت لورى كتفي .. ومشيت ..
ولا كنت أدري اني برجولي قاعد أروح لوين ماكتبت لي الدنيا .. قدر عجيب وغريب !!


::



يوم الحج

قلت للخدّامة تنزل شنطتي تحت .. وقمت أرتب اشياء بآخذها بشنطة إيدي إلا فجأة انفتح الباب بقوة وظهر من خلفه زياد !
فاجئتني دخلته العنيفة بس تظاهرت ببرودي وقمت أكمل أغراضي
زياد : خلاص سويتي اللي براسك ؟؟؟؟
مارديت وقمت أرتب أغراضي بصمت ..
زياد : ردي علي لما أكلمك .. أشوف مشـّيتي اللي ببالك ونزلتي شنطتك تحت وانا وشو هنا رجل طاولة ؟؟؟؟
صكيت شنطتي وحطيتها على السرير وقمت ألبس عبايتي .. كانت أطرافي ترجف من القهر والضيق بس اصراري بعدم الرد زاد من ثوران زياد
أخذت شنطتي ويوم جيت أطلع من الغرفة شدني من ذراعي وهو يقول بعصبية : تراك مو عارفة وش قاعدة تسوين يا دلال .. لاتخليني أتصرف تصرف بتندمين عليه ؟؟
قلت وانا مشيحة بوجهي عنه : لو سمحت اترك ايدي ..
زياد لفني بقوة ناحيته وهو يصرخ : شوفي يادلال .. عنادك هذا مراح ينفعك ولاتلوميني لو اتصرفت تصرف قسم بالله بتبكين عمرك كله عليه !
ابتسمت بسخرية وقلت بصوت مخذول : يازيااد تراك كفيت و وفيت .. من كم اسبوع وانت قالب البيت نكد ومشاكل وخناق .. وانت عارف اني بودي بناتي الحج من قبل مايجون .. !!
زياد بعصبية أكثر : والحين غيرت رايي ومابيك تروحين !! واجب عليك تسمعين كلامي
رديت بهدوء يناقض النار الشابة بضلوعي : سمعت كلامك كثير يازياد على اساس يثمر فيك .. بس انت كل مالك تسوء أكثر وتصدمني أكثر والحين اسمح لي .. ماقدر أقعد !
زياد بصراخ : يعني بناتك تركضين لهم وزوجك تعصين أمره ؟؟؟ ولا الدين تمثلية تمثلينها قدام بناتك بس ؟؟؟
بلعت اهانته كغصة وقفت بحلقي وقلت وانا بالقوة أتماسك : قعدت بالبيت الايام الأخيرة عشانك ولا اتحركت من بيتي ولا لأي مكان .. وبالعكس انت كل مالك تزيد نكد ومشاكل .. اتركني والي يسلمك اطلع تراني مو رايحة اتمشى رايحة أحج .. ويمكن ارجع يمكن لا فاقصر الشر واتركني ..
زياد بصراخ : والله ان رحتي لاتشوفين مني شي ماشفتيه بحياتك !
قلت وانا بديت أنهار : وش بقى ماسويت يازياد وش باقي ماسوييييت ؟؟
زياد وعيونه تشعل نار : ماشفتي شي .. لكن بتشوفين ان ماوريتك انتي وبناتك الضايعات الصايعات ماكون زياد

لهنا وماعاد اتحملت !
هنا نطقت ، هنا صرخت !
هنا انفجرت وقلت : لا تجيب طاري بناتي على لسانك الوصخ .. بناتي يسوونك ويسوون الي خلفوك .. لأني سكت علييييك وعلى تصرفاااتك وحركاااتك وكلااامك قمت تتمادى لااا ياحبيبي ..
زياد بصراخ : ايييييه باني على حقيقتك الحين وشيلي قناعك ياخاينة العشرة .. الحين صاروا بناتك هم كل شي ياناكرة المعروف ..
قلت وانا مو قادرة اتحكم لا بصوتي ولا بأعصابي ولا بدموووعي : بناتي هم كل شي من قبل ما اعرفك ويوم عرفتك ولين أموت .. وانت تدري بهالشي.. شرطي عليك يوم أخذتني كان شرط واحد وهو بناتي .. قلت لك متى ماربي ردهم لي ترا بسكنهم عندي .. ببيـتي .. وانت وافقت !! والحين ربي ردهم بس ماكتب انهم يسكنون عندي وسكنوا لحالهم .. ونسيت انت كل هالكلام وصرت تستقعدلي على روحاتي لهم !! وعلى جياتهم عندي ( وعلا صوتي أكثر وانا انهار وأبكي وأقول : ليييييش مو حرام علييييييك ؟؟ بناتي يجون من السفر ما استقبلهم لا بالمطار ولا ببيتي ولا ببيتهم تحسبها مرت علي ونسيتها تراها قاعدة جمرة بقلبي للحين .. بناتي يجون من السفر كنهم أيتام لا أبو معهم ولا أم استقبلتهم ولا أهل يحتفلون فيهم !! بناتي يدقون علي كل يوم يبوني واتعذر لهم فيك وبأهلك وبأصحابك .. ولا بان فيك كل هذااا .. صرت تنكد علي بكل مره اروح لهم وآخرتها اعترفت انك ماتبيهم .. مو عشانهم يشغلوني عنك لا انت تكره بنااااتي .. صرت تشرط مايدخلون بيتك وماتشوفهم عيووونك .. صرت اقعدهم بالمجلس مثل الضيوف لييييييه حرااام عليك تحر قلبي ببناتي انت وابوهم والزمن كلكم علي تحرقون قلبي على بناتي حرام عليييكم !
كان يطالعني بعيون مصعوقة اشوف الشرار فيها ..
تركته ونزلت من الدرج وانا ابكي واصرخ بانهيار واردد : حرااام عليكم والله حراام !! حسبي الله عليك ونعم الوكييييل حسبي الله عليكم كلكم .. !

سمعته يناديني ولا رديت .. استمريت اتحسب عليه لين طلعت الحوش ..

لقيت الخدامة منزوية عند الباب والدموع بعيونها من الخوف .. شهدت على شي ماشافته قبل حيث اني ماعمري رفعت صوتي او رديت على زياد .. لكن الحين خلاص ماعاد صرت أتحمل
قالت لي بصوت يرتجف : سواق برا
طلعت وركبت السيارة وانا احاول أكبت شهقاتي ودموعي ..
مشى السواق وانا لميت راسي بين ايديني واحس جسمي كله يرجف من القهر والزعل .. حسيت بوخزات بصدري رفعت راسي واخذت نفس طويل وانا افرك صدري .. كنت أحسب انه ماعاد بيرجع هالتعب ولا بترجع هالوخزات .. كنت أحسب كل تعبي ومرضي وعذابي بينتهي برجعة بناتي .. بس الوخزات تذكـّرني وتردني لمعاناتي الي ابتدت من رحيل بناتي ..
خفت أدخل على بناتي وانا بهالحال .. قلت للسواق يتجه ناحية بيت اختي .. جا ببالي ادخل عندها لين أهدا شوي وبعدين اروح لبناتي ..
دقيت عليها وحمدت ربي يوم طلعت بالبيت
طبعا صدمها صوتي ونهاجي بس قلت لها اذا وصلت لها بتعرف ..

دخلت بيت اختي وجتني لعند الباب وهي تقول بخرعة : بسم الله عليك الرحمن الرحيم .. امشي امشي اقعدي بالمجلس هنا اقرب ..
دخلتني للمجلس ويوم قعدت مشت للباب وقالت للخدامة تجيب كاس موية
رجعت واهي تقول بضيق : وش الي صار يادلال وجهك مصفر وشفايفك مزرقة اسم الله عليك ..
قلت وانا بالقوة أنطق : تعبت والله تعبت من هالحال .. انا ماصدقت افرح بجية بناتي بعد كل العذاب والمعاناة الي عانيتها سنييييين ودنيييين يقوم ينكد علي بهالطريقة خلاص والله ماعاد اتحمل .. وقمت اصيح بكل ألم ..
حضنتني اختي واهي تقول : ياعمري يادلال هونيها وانا اختك لاتسوين بنفسك كذا .. اهدي ياقلبي اهدي
مارديت وقمت أون بحضن اختي مثل الطفلة الي كل مافرحت بحلاو خذوها .. كل ماشتهت لعبة حرموها .. وبدون اي ذنب عاقبوها
اختي : اهدي ياعمري لاتتعبين الحين احنا ماصدقنا صحتك تتحسن شوفي الحين وجهك شلون مصفر .. اشربي الموية يلا ..
قعدت وانا أحس كل جزء بجسمي يون .. شربت الموية ورشيت شوي منها على وجهي
اختي : دلال وش تحسين .. تبين تروحين المستشفى ؟
قلت بهمس مبحوح : لا مايحتاج
اختي بقلق : أكيد ؟؟
هزيت راسي وانا أقول : بناتي ينتظروني أجيهم ونمشي للحملة .. ماودي أدخل عليهم وانا بهالشكل ..
اختي : ياعمري ( حطت ايدها على صدري وقامت تقرا علي المعوذات والفاتحة وآية الكرسي ..
ويوم خلصت قالت : تحسين بالوخز ؟؟
قلت : لا شوي جاني وراح .. بس ودي أمر أي مستوصف آخذ ابرة مسكنة تهديني شوي ..
اختي : يلا قومي وانا بجي معاك مره وحده أسلم على البنات قبل مايروحون
قمنا وطلعنا ورحنا المستوصف وخذيت ابرة الحمدلله ريحتني شوي ..

وصلت لبيت بناتي وفعلا كانوا ينتظروني بكل شوق بعد غياب الكم يوم ..
نظرتهم بس .. لمتهم .. الفرح الي بعيونهم .. الابتسامة الي بوجيههم ..
كانت اهي المسكن واهي المهدي واهي سعادة قلبي وروحي
مافاتهم شكل وجهي والتعب الي ترك بصامته بملامحي .. بس بررت هذا بإني مو نايمة زين هاليومين ..

وبعد صلاة العشاء .. مشينا ، انطلقنا لرحلتنا ..
رحلة لله .. رحلة ماحتجنا لها دليل سياحي .. لأن دليلها نازل من رب العالمين .. ولا منشورات ولا خطة .. لأن خطتها مدونة من مئات السنين ..
رحلة لله .. نقطعها بكل حب شوق وحنين

::


"شعاع"
كنا بالباص انا وخواتي وماما ورزان .. ومعانا بعض الحجاج متوزعين بالباصات .. وطول الطريق تلبية الرجال مستمرة
" لبيك اللهم لبيك لاشريك لك لبيك"
قمرة كانت جمبي قالت : احنا نلبي ؟؟؟؟
كان معاي كتاب عن الحج أقرا فيه وقلت : ايوة بس مكتوب ان النساء مايرفعون صوتهم بالتلبية ..
قمرة : الحين بنروح الحرم ؟
رديت : ايه ان شاء الله
قمرة : طيب فهميني مو فاهمة شي ..
طالعتها بصدمة وقلت : والمحاضرة الي حضرناها أمس مافهمتك ؟؟
قلت : يعني شوي بس الحين احس مو متذكرة شي ..
قلت : طيب بس خليني أخلص الكتاب وأفهمك الي أعرفه
سكتت شوي قمرة بعدين قالت : ليه ماما نايمة ؟؟؟
التفت لقيت أمي ساندة راسها على الشباك ونايمة وهي مو دارية على نفسها !
قلت : حبيبتي شكلها تعبانة هي تقول مو نايمة زين ..
قمرة : ايه ياقلبي وجهها مصفر
قلت : أشوا جبنا معانا أدويتنا ..

وصلنا الحرم
وقف راكان الي كان مع الرجال قدام وأشر لنا ننزل ..
نزلنا واتفق معانا صاحب الحملة انه بعد مانخلص نرد لهذا الباص وأعطانا بطاقات الحملة .
ومشينا .. أقبلنا على الحرم .. على المكان الي سنين وسنين مادخلته ..
حسيت بشعور غريب يغمرني ويزداد بكل خطوة أخطوها تجاه الحرم ..
سمعت شروق تسأل رزان : متى آخر مره دخلتي الحرم ؟؟
رزان : برمضان ..
شروق : قريييييب ماشاء الله عليك ..

ماما : راكان انت ورزان امشوا لاترتبطون فينا ونتقابل بالباص ان شاء الله
راكان : أكيد خالتي ؟؟
ماما : ايه يابعدي لا تخاف ..

ومشى راكان اهو ورزان .. ودخلنا احنا الحرم .. كانت زحمة الحجيج فوق ماتصورنا .. خفنا والتمينا على بعض ورى أمي
امي : قولوا دعاء دخول الحرم ..
شروق : وشو ماحفظته ؟
أمي : أعوذ بالله العظيم وبوجهه الكريم وسلطانه القديم من الشيطان الرجيم
رددناه ورا ماما .. وكملنا مشي للكعبة ..

كان الزحام غير الزحام .. والتعب غير التعب
والخوف مهو أي خوف ..
والرهبة غير كل رهبة ..
والدموع مو أي دموع !!
والشعــــــور غير الشعـــــــــــــور !

قضينا ساعات بالحرم على ماقضينا الطواف واتوجهنا للمسعى ..
وخلصنا سعي بشق الأنفس !!

قمره: خلاص ماقدر والله ماقدر تعبت تعبت ..
ماما : خلصنا ياقلبي الحمدلله ..
شمس : احس اني طايرة بالهوا الناس يدفوني مو انا الي أمشي
ماما : لن تنالوه إلا بشق الأنفس ، لابد من التعب ياقلبي
قلت وأنا أهف وجهي بالكتاب : طيب يلا خلاص خلونا نروح للباص

مشينا للباص وما مر وقت لين اكتمل الحجيج فيه .. ومشينا لمنى ..
وصلنا ودخلنا لمقر حملتنا
كانت مرتبة ونظيفة زي ماوصفوها لنا ..
اخذت كل وحده مننا مكان لها وانا اتمددت بتعب على السرير ..
غمضت عيوني وانا استرجع عمرتنا الي كنها حلم ..
هالمكان الي انحرمنا منه عمرنا كله ..
مكان يجمع الكل ..
جميع الأجناس .. جميع المذاهب .. جميع الأعمار ..
رجال وحريم .. كبار وصغار

كان تعب ممتع ! تعب من نوع غريب !
غير تعب السفر .. غير تعب السوق . غير كل تعب .. !
تعب ممتع ! تعب لذيذ .. تعب تاخذين عليه أكبر جائزة من ربي ..
كان هالشعور مثل البلسم الي يداوي كل تعب وإرهاق !

::

"شمس"
اليوم عرفة

ركبنا الباصات ومشينا لجبل عرفة .. وين مانستقر بمكان ثاني ..
قالولنا شكثر هاليوم مهم وهو من أهم أيام الحج ..
انتظرته على جمر ..
كنت أنتظر أكون بين إيدين ربي أشكي له همي .. وحده قادر يزيح همي ويريحني من عذابي ..

دعيت وبكيت واتمنيت وارتجيت ...
انا وكل الي حولي
شعور انك تخاطب ربك بأحب الأيام له .. وأفضلها عنده ..
شعور يبهج النفس ويثلجها ...

مر اليوم ونمنا بمزدلفة وعلى الصباح رجعنا لمنى ...

::

" قمرة "
اليوم عييييييييييد
على قد ماهو الحج متعب الا انه يونس .. ويحسسك انه لك معنى بهالحياة !
لك داعي .. لك لزمة !
اليوم يوم الشاور العالمي
كل الناس مطاقة عند الحمام يبون يتروشون ويعيدون ..
بعد مالبسنا وقعدنا قمت أطر عيديات من خواتي
وقلت :عايدوووني
شمس : قمرة حتى بالحج ؟؟؟؟؟
قلت : عيد ولا مو عيد ؟؟؟؟
شروق : الا عيد بس مامعانا شي نعايدك فيه ان شاء الله اذا رجعنا
قلت : لا مراح يكون للعيدية طعم الحين أبي
ماما : ههههههههه وهي صادقة ..
شعاع : هههههه مامعانا طيب من وين نعطيها
قلت : ياسلام وليه ماحسبتوا حسابكم ؟؟؟
شمس فتحت شنطتها وطلعت خمسة ريال وقالت : خذي وعيدك مبارك
استانست وقلت : شكرااااااا حياتي .. يلا وانتوا شعاع وشروق وش تنتظرون ؟؟؟؟
شعاع : ههههههه يلا وانا ريالين
وعطتني ريالين
وشروق كانت أكرمهم واعطتني عشرة ريال

استانست وقلت : عاد انتي ياماما بخليك انتي وكرمك ..
شروق : انقلعي بس الفلوس الي مع ماما يمكن نحتاجها ..
ماما : خليها معاي اذا رجعنا وماصرفناها كلها لك
ضحكت بوناااااسة وقمت اقعد مع بنات حبوبات اتعرفنا عليهم ..

وبكذا مر اليوم .. لين آخر الليل رجع لي صداع فضيع اخذت مسكنات وادوية
دروا كل أهلي عن صداعي لأني قمت أون وأبكي ..
بس الي محد درا عنه هو الدم الي كنت كل شوي أمسحه قبل مايلاحظون
والي مانزل مره وحده زي قبل ..
اقدر اقول انه ماااوقف !

::

" شروق"
آخر ايام الحج .. بمنى ..
اقدر أعتبر هالاكم يوم الي قضيناها بالحج نقلة كاملة من دنيا .. لدنيا ..
كانوا كل شوي يسوون حلقات ذكر يحكون فيها عن نعيم الجنة والنار
عن علامات الساعة .. عن الموت ..
وامور كثيرة هزت قلوبنا أنا وخواتي ..
صحـّـتنا
وعـّتنا
غيرت فينا أشياء .. وأحيت فينا أشياء وموتت فينا أشياء ..

وبهالشعور انتهى الحج ....

كان كل شي رائع .. حتى التعب ..

اتمنينا لو رجعنا فعلا كحديث الرسول ( من حج لله ولم يرفث ولم يفسق رجع كيوم ولدته أمه )

::


" شعاع"
مرت ثلاث أيام من بعد مارجعنا من الحج ...
ثلاث أيام صار فيها حدث غريب ....
ماما ظلت عندنا ماراحت بيتها أبدا ولا احنا سألناها
قالت باقعد عندكم واستانسنا ورحبنا فيها بدون مانسأل ..
يمكن كل وحده ثار تساؤل عندها بس كتمته داخلها ...

رن جوالي وانا متمددة على السرير بكسل وارهاق باقي من بعد الحج ماتلاشى كله ..
فتحت عيوني بوهن وانا حاسة اني ماخذت كفايتي من النوم .. طالعت الساعة لقيتها 2 الظهر .. مو معقول لهالوقت نايمة وأحس حالي مانمت الا ساعتين ..
انتبهت للتاريخ الي بجمب الساعة وابتسمت بسخرية ..
اليوم ميلادي .. !
ولو احد يبي يسألني عن شعوري .. فشعوري هو ودي أرجع أنام لين يجي بكرا ولا أعيش ولا لحظة ولا ثانية بهاليوم !
شعوري ضيقة خانقتني وعجز عن الحركة والتفاعل والملل من كل شي !!

رميت البطانية عني بملل .. وقمت للحمام .. مليت البانيو موية .. ابي اضيع اليوم قد ما أقدر .. مابي اعيشه مابي أحس فيه !
امتلا البانيو موية وعبيته رغوة وقعدت وسطها .. حاولت أسترخي بس ماقدرت ..
ضجيج مرعب يدور بدماغي .. يورقني .. يوترني .. يخنقني .. غمضت عيني ونزلت جسمي تحت الموية كني أختفي وأخفي معاي لوعتي ..
مادري كم مر من الوقت إلا سمعت الباب يطق بقوة .. وصوت قمرة وشمس عند الباب ..
طلعت ولبست منشفتي وفتحت الباب
قمرة : ماخلصتي ؟؟؟
قلت وانا أتعداها : شتبون ؟؟
شمس : نبي نروح المول شوي ..
قلت وانا أنشف شعري : فجأة ! ليه ؟
قمرة : ابي شوية أغراض و كذا أشياء المهم انا وشمس بنروح تبين شي ؟؟؟
قلت : ترا الدنيا ظهر !
شمس : باقي شوي ويأذن العصر .. أول ما يأذن بنصلي ونروح ..
قلت : قمرة لاتروحين تقعدين تتعبين بالله خليك بالبيت ..
قمره : لا مراح نطول ، شوي بس ..
قلت : شروق رايحة معاكم ؟
قمرة : لا مالها خلق ..
قلت : وماما ؟؟؟
شمس : راحت لخالتي وبتجي بالليل اذا رجعنا ..

وطلعوا ، وانا قمت ألبس .. وشوي وسمعت آذان العصر .. صليت .. ورجعت اتدمتت على السرير
حاولت اتناسى ضيقي .. مو معقول بضل طول اليوم على هالحال !
اتذكرت اننا بنروح لبيت عمتي هند نودع لجين ..
سفرها الاسبوع الجاي
ليتنا نخليها بكرا
او ليتنا خليناها أمس
بس مو اليوم .. اليوم هذا حرام حتى أبتسم فيه .. !

رنين جوالي متواصل بطريقة مزعجة وكلها من البي بي إم .. شروق كانت تناديني تبيني أنزل
قريت كلامها .. وقمت طلعت من الغرفة ونزلت ..
شفتها بالصالة قلت : غريبة مارحتي معاهم
شروق وعيونها على التلفزيون : مافيني ، تعالي شوفي هالبرنامج مره حلو
قعدت جمبها وعيوني ضاعت بالشاشة .. لاني مع برنامج ولا غيره ..
التفت نص التفاته لشروق وطالعتها واهي مندمجة مع البرنامج

أحسن شي انه محد من خواتي انتبه لهاليوم .. ! قمرة وشمس جوا غرفتي وطلعوا محد كان باين عليه متذكر ميلادي .. وشروق نفس الشي مو على بالها شي !
حاولت أشيل هالموضوع من بالي .. ومن حياتي بكبرها .. وقلت : احنا متى بنروح ؟؟
شروق وعيونها على الشاشة : وين نروح ؟؟؟
قلت : بيت عمتي ..
شروق : اها .. نسيت الموضوع ..
قلت : اما تنسين ، بيجتمعون كلهم يودعون لجين بكرا بتسافر
شروق : ايه صح ياحبي لها .. بعد العشا نروح موو ؟
قلت بملل : مادري ، والله لو مالفشلة ولا ماودي أروح

شروق ماردت وظلت تقلب بالقنوات وانا ناديت الخدامة تجيب لي كوفي
ومامر وقت الا وقمرة وشمس راجعين ..

طالعت ايدينهم واهي فاضية مامعاهم شي وقلت : وين الاغراض ؟؟
شمس ماردت وطلعت غرفتها
وقمرة قالت : اول شي ضيعنا المحل بعدين يوم وصلنا مالقينا اللي نبي !
قلت : اي محل هذا أصلا ؟؟؟

فجأة شروق قاطعتنا وقالت : تعالوا شخبار محمد ؟؟؟ صار لي فترة ماشوفه على البي بي يعني مايسولف ولا يرد ..

قمره : اووه مادريتي انسررررق جواله !

شروق : لااااا ياشيخة كيييييف ومتى ؟؟

قامت قمره تحكيها بحماس وشروق تتفاعل معها وتضحك ..

تركتهم وطلعت لغرفتي .. ودي أروق شوي لين نروح .. !

وبعد العشا
مشينا لبيت عمتي هند بعد مارجتنا لجين باتصالاتها .. بسرعه ، وينكم ، ولا تتأخرون ..
دخلنا البيت واستقبلتنا لمار عند الباب واهي شاقة الضحكة بكل فرح
سلمنا عليها ودخلنا .. كانوا سارة وليان موجودين وقعدنا ..
شمس : خلااااص لجين بتسافرين بكرا ؟؟؟
لجين : اييييييه فرحانة وخايفة بنفس الوقت
قلت : أبوك رايح معاك مو ؟؟
لجين : ايه سلم زمام الرعية لهيثم مسكين ههههههه ..
قلت : هههههه اجل بيقول بدت أضرار سفرتك من أولها
لجين : قاااااال وخلص .. ههههههههههههه

ساره : مو بس هو الي يقول ، مالت عليك ..
لجين صرخت : ياربي ياســـــــــااارة ..
ضحكنا عليهم .. أو هم ضحكوا وانا حاولت أضحك ..
حاولت أشارك
خواطر مريرة تخطر ببالي لا إراديا أذكرها ..
أضحك وينرسم ذكرى مريرة ببالي وتختفي الضحكة على طول !
كريه حيل هالشعور ..
ماحبيت أبين لأحد دوامة مشاعري وقمت أبتسم بسبب .. أو بدون سبب !

لجين : شعاع تعالي معاي غرفتي الله يسعدك أبي أسألك أشياء عن متشقن ، باللاب توب

هزيت راسي بموافقة مع اني بداخلي استغربت ليه أنا ليه مو شمس ؟؟ شمس الي بدت معها هالمشوار بالبداية
لكني ما أعطيت الموضوع أهمية وطلعت معها .............

قعدنا بغرفتها نتفرج على بعض المواقع .. وأنصحها بأشياء وأحذرها من أشياء
وبعد حول الساعة دق جوالها .. وردت عليه
بعدين قالت : خلاص البنات عصبوا يقولون تعالوا
ضحكت وقمت ونزلنا ....

بس كان الوضع يختلف عن أول ماطلعنا وقلت باستغراب : ليش الدنيا ظلام !!
لجين : مممممممممم مااادري !
ومشت قدامي وانا وراها ...

وفجـــــــأة ....
انفتح باب كبير للمجلس الثاني .. واتفاجأت بكل البنات واقفين ولابسين طرابيش وصفيرات بفمهم وزعقوا مع بعض : سبرااااااااااااااااااااايز
وقاموا يصفرون ويصفقون ويزعقووووون ..

ومع بعض صاروا يقولون : Happy Birthday
ويغنون ولمار وقمرة يزعقون وينطنطووون ...

ضحكت لجين وراحت معاهم وهي تطالعني ...

وانا اتسمرت مكاني .. ! بلا أي ردة فعل ..
حتى هم بدوا يهجدون شوي شوي وهم يطالعون نظراتي التايهة بالمكان .. وملامحي الي اقرب ماتكون للحزن .. للألم .. !

شروق اهي اول ما لاحظت ردة فعلي الغريبة وقالت : شعاااع تعااااالي وي !! شفيييييك ؟؟
مشيت خطوة لقدام بس ماقدرت

قلت لكم أحس حرام أبتسم بهاليوم مو عاد أحتفل .. !

وقفت مكاني وبدت الدموع تتجمع بعيوني ..
وعم السكون المكان والكل يطالعني مصدوم .. !!
قلت والدموع تنزل من عيوني وصوتي يرجف : أنا .. أنا ماقدر ..أنا مااقدر .. أنا ..... ( وعجزت أكمل ودموعي انهمرت وطلعت بسرعه من المكان ..
لحقوني البنات مصدومين .. مصعوقين .. مذهولين !!!
مو هذا الي كانوا يتوقعونه مني .. !

قعدت وقعدوا حولي وشروق قالت : شعاع شفيك ؟؟
قلت ودموعي تسيل : انا قد أعطيت يوم ميلادي أهمية من قبل ؟؟
شروق : لا .. وهذا الي حمسنا نسوي لك حفلة انه بكل سنة يجي ميلادك تعيين نسوي شي وتتوعديننا من قبل ميلادك بشهر انه مانسوي شي
شمس : عشان كذا قلنا فرصة الحين اننا بالسعودية ونبي نفاجئك
قمرة : شعااع شفيك ....؟؟؟؟؟
بكيت وانا أقول : أكره هاليوم انا أكرهه أكرهه ... (( وشهقت وانا أحط ايدي على فمي ...
لجين : ليه حبيبتي .. ليه تكرهين يوم ميلادك ... ؟؟

انهارت الذكريات بقسوة على روحي وقلبي وكياني ..............

*++++++*

"سنة حلوة ياشعاااااع .. سنة حلوة سنة حلوة سنة حلوة ياشعاااع .."

ضحكت بفرح وطفيت الشموع وصفقولي .. ماما وبابا وخواتي ..
وقطعت الكيكة واتوازعناها .. ومن بعدها أعطتني ماما هديتي .. وبابا .. وخواتي كلهم عطوني ..
والتموا حولي يفتحونها معاي ..
كانت أجواء مرحة .. رائعة .. ممتعة ... يوم ماتمنيته ينتهي .. ومن وقتها قمت انتظر السنة الجاية ..
ماكنت أدري انه كان آخر يوم أفرح فيه .. وأستلم هدايا ميلادي فيه .. !

وبعد ساعة طلعتنا ماما غرفنا عشان ننام ورانا مدرسة
كانت فرحتي غامرتني .. ولا قدرت أنام .. حبيت ألعب بالهدايا .. وانتظرت لين نامت شروق وقمت أتسحب من الغرفة ومعاي الهدايا .. وقعدت بالصالة الصغيرة الي تفصل بين غرفتي وغرفة شمس وقمرة ..

وقعدت أحوس بالهدايا بكل فرح ومرح وسعادة ...

بعد شوي سمعت أصوات غريبة ! صراخ ! وبكاء ! وشي مرعب !
أول ماراح ظني ان هذي الأصوات من برا بيتنا ..
وقلبي قام يخفق بعنف .. وتركت الهدايا بالصالة وقمت بروح لغرفتي .. لكن وانا أمشي بديت أحس الصوت صادر من بيتنا !!
أرهفت سمعي لقيت الأصوات كل مالها تتزايد من الصالة تحت
.. ماما وبابا ..!!!

مشيت أسحب خطواتي للدرج .. ولمحت بابا وماما بالصالة كلهم واقفين وملامحهم ثايرة !!

اتسمرت مكاني مفجوعة !!

ليتني نمت زي شروق وشمس وقمرة
.. ليتني ماطلعت من غرفتي ..

اتيبست مكاني ماقدرت أتحرك ... !
وأصواتهم كل مالها تتعآلى أكثر
وصراخهم يكثر أكثر
دموعي صارت تنزل برعب وانا أطالعهم ..

ماما وهي تبكي وتصرخ : العيشة هذي انا ما أقدر أتحملها !!! انت تبي تعيش لهواك وبس .. أناني ماتحب الا نفسك .. انا ما اقدر أستمر معاك بهالطريقة تسمعني ؟؟ اذا ماراح تتغير انا ما أٌقدر أعيش هالعيشة أكثر من كذا ..
بابا بصراخ : هذا انا من أخذتيني .. ماتغيرت ولا راح أتغير .. عجبك الحال الحمدلله ماعجبك الباب يوسع جمل !!
ماما : حرام عليك اذا مو عشاني عشان بناتك .. اصحى على نفسك عشان بناتك البريئات الي مايدرون منهو أبوهم !!
بابا : انطمـي ولا كلمــة بناتي أربيهم بمزاجي وبكيفي رضيتي ولا مارضيتي
ماما : تربيهم على ايش ؟؟؟ على البلاوي والسربته والضياع .. تبي تعيشهم بضيااع مثل ما عشت .................

كــــف قوووي وجهــه بابا لوجه ماما طيحها على الأرض .. وقال : انطمي وابلعي لسانك !!
ماما طالعت بابا وقالت وهي تبكي بانهيار : لهنا وبس ( وصرخت : طلــــــقني .. طلقنــــــــــي مابي أعيش معاك خلاص كرهتك وكرهت العيشة ويااااك طلـــــــقني
بابا بجبروت : لك الي تبين ... انتي طآلق .. طآلق .. طاآلق ....!!

كل هذا كان قدام عيوني .. !
رجعت لورى مصعوقة ..
مرعوبة .. مصدومة .. !!
خايفة .. !!
أرجف .. أبكي .. انتفض .. !!

ركضت غرفتي بسرعه ودخلت وصكيت الباب ودفنت نفسي بسريري ..
كنت أرتجف بشكل مريع ..
ودموعي تنهمر ..
وكلمات بابا وهو يطلق ماما تتردد بإذني بشكل مُـفزع !!

منظر بابا وهو يضرب ماما ..
طيحة ماما على الأرض ..

كان هالموقف فوق احتمالي ..
أّذكر اني بلت على نفسي من الخوووف
و ظل هاليوم .. وظل هالموقف
محفوووور بكياني ..
ظل هالطلاق وهالكف .. مرتبط بهدايا الميلاد .. ويوم الميلاد ..
وكرهت الميلاد .. من ذاك اليوم .. لهاليوم !

*+++++*

حكيتهم مثل ماحكيتكم ودمعت عيووونهم بتأثر !
شروق وهي تمسح دموعها : حياتي ياشعاع ولا عمرك قلتي لنا انك كنتي هناك يومها !
قلت : وليه أقولكم .. شي كان ينزف لي قلبي ليه أوجعكم فيه؟
شمس : حبيبتي انتي أجل طلاق ماما وبابا كان يوم ميلادك عشان كذا ماكنتي تحبين تحتفلين بهاليوم.. !
قلت : مو مسألة ماحب .. ماااقدر .. انا من أصحى بهاليوم اتذكر الموقف واتذكر شعوري بذاك الوقت وتجيني ضيقة لين بكرا .. كرهت هاليوم خلاص صرت ودي أمحيه من تاريخ البشر ابي التاريخ يعدي هاليوم يشقحه مابي أعيشه
قمره قامت وحضنتني وقالت : ياحيااااتي أنااااا .. كل ذا بقلبك وساااكته
ابتسمت لها بحنية ..
وقمرة قالت : بس معليه معليه .. هذا مايسمح لك تخربين علينا مفاجأتنا
شمس : ههههههههه ايه وتروح تكاليفنا بطالي !
قلت : أي تكاليف ؟
شروق : هههههههه تجهيزات الحفلة
قمره : والهدااايااااا .. مو شالي طلعني انا وشمس اليوم بعز الحر!
ضحكت وانا اقول : ياعمممممري والله ولا جا ببالي
شمس : ههههههههه وتسألين وين الاغراض الي بتشرونها عاد انا الكذب يباااان بوجهي طلعت فوق و وهقت قمرة بروحها
قمرة : هههههههههه ايه وانا بعد انقذتني شروق يوم فجأة سألت عن محمد
شروق : هههههههههههههههه وتقولين جواله انسرق ياخرطك ياقمرة لا انسرق ولا شي
قمره : ههههههههههههههه وانتي بعد ياخرطك تقولين اكلمه مايرد وأمس شايفتك تسولفين معاه وتضحكين
ضحكت عليهم وانا أوجـّه الكلام للجين وسارة وليان الي كانوا يضحكون علينا : شفتوا الهنا الي فيه ؟
لجين : هههههههههه الله يخليكم لبعض
قمره : يلا عاد شعاع معليه هالمره انسي انسي الحياة حلوة والناس حلوين واحنا حجينا يعني رجعنا زي ماولدتنا أمنا فالمفروض يرجع مخك يفضى وينسى الي صار
ضحكنا عليها وقمنا كلنا للمجلس
ماحبيت أكسر خواطرهم
واحتفلنا بأجواء مرح بسيطة .


::


[/COLOR]

[المحظوظة]

::


"قمرة"

جتني لمار ومسكت ايدي وقالت : شريت غرفة جديدة !
قلت بمرح : وااااااااااو حلووو كيف شكلها ؟؟
لمار : تعالي شوفيها ..
قمت وانا اقول : يلا ..
بس اتذكرت شي .. شي قبل الحج ماكان يخطر على بالي .. بس الحين صار شي مهم بالنسبة لي وقلت : لحظة حبيبتي ألبس طرحتي ..
وأخذت طرحتي وياي ومشيت معها ..

طلعنا فوق وهي لازالت ماسكة ايدي وتسحبني بحماس لغرفتها ..
فتحت الباب وهي تضحك وتقول : حلووة ؟؟؟؟
دخلت وانا أقول : اللاااااااااااه تجنن ياعسل ..

لمار تحمست وقامت توريني أغراضها الجديدة ودفاترها وكل شي ..
انتبهت لتلفزيون صغير وقلت : بعد عندك تي في بغرفتك ؟
لمار : اييييييييه ودي في دي .. بوريك فلم يضحك مرررره

ضحكت لها وانا متونسة عليها وعلى حماسها ..
شغلت لي دي في دي .. وعلت الصووت واهي تقول : هذا مره حلووو انا وهيثم ولجين قعدنا نشوف أمس
ابتسمت لها وقمت أتخيل المنظر ..
هيثم ولجين ولمار سوى يطالعون دي في دي لمار ..
عجبتني هاللمة ولقيت حالي أبتسم بلا شعور

" لمااااااااااار"

انتبهت على صوت رجولي من برا يصرخ ..
وطالعت لمار باستغراب !
لمار شهقت واهي تقول : واااااااا نسييييييت .. هيثم نايم !
وقامت تبي توطي الصوت ..
شوي دخل هيثم وهو يقول : انا ماقلت لك ماتطلعين فوووق !

كان لابس بيجامة بيت وأزارير بلوزته مفتوحه وشعره منعفس ووجهه تعبان ومبين انه مرهق .. !
ابتسمت وانا اشوفه يطالعني باستغراب واضح انه اتفاجأ بوجودي ..!

هيثم بحرج : أووه قمرة هنا ..!
قلت بابتسامة : أهلين ..
هيثم يأشر بإيده على شكله ويقول : معليه كنت احاول أنام ومو قادر وكملت الناقص لولو يوم علت الصوت طار النوم مره وحده ..
قلت : معليه ماكنت ادري انك موجود ولا كان مارضيت لها نطلع ..
هيثم طالعني وعيونه تتأمل شكلي وحجابي .. وقال بابتسامة ناعمة : تقبل الله ..
قلت : منا ومنكم ..
هيثم : كيف حجكم عسى سهالة ؟
رديت : اي الحمدلله لازم التعب بس عدت على خير
هيثم وهو يأشر علي براسه : وانتي .. كيفك ؟؟
هزيت راسي وانا أقول : كويسة .. تعبت شوي
هيثم باهتمام : شصار !
قلت : الصداع الي دايم .. و .. رجع الدم مره ثانية !

هيثم مرر ايدينه بشعره وشاح بوجهه عني لحظات .. بعدها طالعني بنظرة واضح الزعل فيها وقال : وليه ساكتة ياقمرة ؟؟؟؟
قلت ببرائة : هذاي قلت !
هيثم : يعني لو ماسألتك ما اتكلمتي !
طالعت لمار واهي ترتب أغراضها .. ورجعت طالعته مره ثانية وقلت : كنت ناوية أكلمك والله .. وأجيك العيادة بعد !
هيثم بأسلوب آمر وهو يأشر بأصباعه علي : بكرا الصباااح تجيني العيادة ياقمرة .. سامعة ؟؟
ابتسمت وانا متونسة على اهتمام وقلت بنعومة : من عيوني ..

لانت ملامح هيثم .. وطالعني بنظرة سارعت من نبضات قلبي وخلتني ابعد عيوني عن عيونه لا يبان تأثير نظراته علي ويفضحني

هيثم ضيع الموضوع وقال : انزلوا يلا لاتزعجوني بنام ..

كان هروب لطيف من غمامة العاطفة الي مرت وأمطرت علينا أحلى المشاعر

مشى هيثم .. وطلعنا من وراه ..
وقبل مايدخل غرفته قلت بهمس : نوم الهنا ..
التفت هيثم وشافني وانا أطالعه بحب اجتاح روحي ..!

هيثم بنفس نظرتي .. ونبرتي : تسلمي لي أنا ..

تركته ومشيت .. ونزلت أنا ولمار

::

"شعاع"
ودعنا البنات وطلعنا .. حتى سارة وليان كانوا لابسين عباياتهم ينتظرون أخوهم
كنت اول وحده طلعت عشان معاي اكياس الهدايا ..
طلعت الشارع وقلت للسواق يفتح الشنطة ورى ..

وانا بالشارع احط الأكياس ..
انتبهت لسيارة تهدي وتقرب ناحية بيت عمتي ..
وأول ماوقفت انتبهت انها سيارة سلطان ..
عيوني اتعلقت بعيونه واهو داخل السيارة .. بس ماطال النظر ..
لأن سلطان صاب قلبي بسهم لما رجع بالسيارة بسرعه على ورى ودورها .. ولف على الجهة الثانية ووقف
وبهالشكل صار معطيني ظهره
لا أشوفه ولا يشوفني !!
رميت الأكياس داخل الشنطة وركبت ..!
لا هاليوم كثير علي !!
ليه سوا هالحركة ؟؟ لهالدرجة نفر مني لأني ماتقبلت الماضي ! لأني ماتذكرت الماضي ؟؟
بإيش تفكر ياسلطان ؟؟؟ شالي تبيه وتنتظره مني ؟؟؟
أقلها احنا أهل ...
على الأقل سلم ! لا تكبر هالحكاااية !!
كفاية ياهموم والله كفاية !

طلعوا سارة وليان قبل خواتي وركبوا سيارة سلطان ..
وسلطان دعس بانزين قوي وهو يدور بالسيارة بسرعه أصدرت صوت مزعج وهو يشخط من جمب سيارتي بسرعة خلتني أغمض عيوني بكل ألم !
ركبت قمرة وهي تقول : وااااا مو على أساس سلطان شرطي ؟؟؟؟ والله محد يخالف القوانين الا الشرطة أنفسهم ..
شحت بوجهي على الشباك ..

وسالت دمعة من عيني ..
ليه انا شهمني فيه .. !
بس شي بداخلي ضايقني .. وخنقني ..
يمكن لأني بالأصل متضايقة اليوم
ولا هو مافرق معاي
موو ؟

::

" سلطان"
نظراتها تقتل فيني كل حي !
ماتحملت أشوفها ولا تجي عيني بعينها !
وأساسا هي مافرق معاها .. وجودي وعدم وجودي وآحد بالنسبة لها ..
دخلت البيت وناديت ساره لغرفتي
ويوم قعدت قلت : شلون بنات خالك بعد الحج
ساره : تمام يقولون الحملة مره كانت ممتازة اتخيل زي نظام الفنادق كل كم عيلة لحال . واااي ياحملتنا يمكن 100 شخص بالخيمة !
ضحكت بسخرية وقلت : وبالنهاية الأجر واحد ياسارة
ساره : امممممم صح كلامك
قلت : يالله عسى الله يهديهم بعد الحج ويصلحهم
ساره : آمين ..
قلت : يلا انا بنام لايزعجني حمود اوك
ساره : اوك تصبح على خير
وطلعت
اتمددت على السرير وغمضت عيوني ..
كنا بيوم انا وهي واحد ..
بالشعور وباالمستوى وبكل شي ..
والحين ....
لفت الدنيا ودارت ..
وانا وين ..
وهي وين صارت !
لا الشعور نفس الشعور بقلبها ..
ومستواها اختلف
للسماء راحت وطارت

لو بقارن بيننا بكل شي .. ما أظن بالقي يربطني فيها أي شي ..
انساها ياسلطان .. اعتبرها ذكرى مرت بعمرك وراحت !
مو باديدها النسيان .. بس ولا ذنبي الحرمان ..
حاولت اتناسى رسمها وانام ..
يمكن يحلها لغزها .. ذاك الزمان


::

" شعاع "
كل شي اختفى وانتسى مع تعب قمرة .. !
وديتها العيادة الصباح انا وماما ..
وبعد الأشعة والتحاليل , صار لازم قمرة تسوي العملية !

طبعا خوف قمرة لابد منه وبكاها ورهبتها ..
حاولنا نهديها .. ونسليها .. ونقص عليها ونحكيها
ومعجزة من السماء نزلت عليها
يوم رضخت ورضت

**
" قمرة"

اليوم دخلت المستشفى عشان عمليتي بكرا
لو بوصف لكم شعوري مراح تستوعبون ..
الشي الوحيد الي مخليني اغامر ..
هو ان دكتوري هيثم
هذا الشخص الي قدر يأثر علي ... لأني بكون معاه وبقربه وبين إيديه .. حسيت بالأمان ورضيت ..

سلمونا الغرفة ودخلتها انا وكانت شعاع معاي وماما قالت بتجيب ملابس لها وتلحقنا ..
اول ماقعدت على السرير سألت الممرضة المصرية : الدكتور هيثم موجود؟؟
الممرضة : أيوا .. شوي وحايعدي عليك ..
ماقدرت أصبر بهالشوي .. ودقيت عليه .. بس مارد

طلعت الممرضة .. التفت على شعاع وقلت بضعف : شعاع خايفة ..
وشعاع قعدت جمبي على السرير وقالت واهي تلمني : مافي شي ياروحي يخوف ..
تجمعت الدموع بعيوني وانا اقول : ماكنت اتوقع انه بيصير فيني كذا بيوم من الايام !
شعاع : حبيبتي انتي معليه .. كلنا ماتوقنا بس ان شاء الله عملية بسيطة زي ماقال هيثم .. ( وباستني وهي تقول .. لاتقلقين !
مسحت دموعي الي كل ما أمسح دمعة تنبت دمعة ثانية ..
شعاع : ايه صح .. شتبين بهيثم ..؟
قلت ببرائة : انه يعني احنا جينا .. ولازم يعرف !
شعاع بضحكة : بس ؟؟
زميت شفايفي وانا موسعة عيوني بطريقة ضحكت شعاع وقالت : شالي تفكرين فيه ياصعنطوطة ؟؟؟؟
قلت وانا أمسح دموعي : ولاااااشي

دخلت الممرضة واهي تدف عربة بإيد وممرضة ثانية معها تدف عمود الجلكوز
قربت الممرضة مني ومسكت ايدي
سحبت ايدي وانا اقول : وش تبييين ؟
الممرضة : الإبرة .. لازم نحط إبرة عشان الجلكوووز !
التفت على شعاع وانا اقول برجاء : ياربي الابرة والله تعور مره مابيها ..
شعاع لمت راسي وقالت : معليه ياقلبي خليها تعطيك وخزة خفيفة ان شاء الله مراح تحسين فيها
دفنت وجهي بصدر شعاع ومديت ايدي للمرضة باستسلام ودقات قلبي تتسارع بس وجود شعاع جمبي هدّاني شوي ..
دخلت الممرضة الابرة بكفي وصرخت بصوت مكتوم بصدر شعاع : آآآآآآآآآآآه مررررره يعووووور مجرمة هذي إيدها قوية مره تعوووووورني
شعاع : ياحياتي قمور شوي بس حبيبتي ها خلاص طلعتها خلاص الحمدلله
رفعت راسي والدموع مملية وجهي من الألم وطالعت بإيدي كلها دم !
الممرضة : سووري .. ماضبطت .. مره ثانية !!
طالعتها وانا مصعوقة وقلت : الحين كل هالآلام الي سببتيها لي وكل هالدم وبالآخر طلعت مو مضبوطة !! وبتعيدين نفس الي سويته مره ثانية ؟؟؟
الممرضة : عروقك صغيرة سامحيني!
صرخت وانا أقول رووحي عني ماااابي تسوين لي شي
شعاع : حبيبتي قمور معليه خليها تعيدها مره ثانية اتحملي ياعمري
بكيت وانا اقول : مره تعور ياشعاع ليه ماخلصتني من مره وحده
شعاع تكلم الممرضة : لو سمحتي حاولي تلقين عرق واضح وتحطين الابرة فيها
الممرضة : ان شاء الله بس انتي استرخي قمرة لاتشدي أعصابك
دفنت وجهي بصدر شعاع وحسيت بالابرة واهي تخترق ايدي بكل قسوة وصرخت وانا أبكي : آآآآآآآآآآآآآآآآآي شعااااااااااااع مرررره تعوووووور
شعاع : خلاص خلاص ياروحي خلصت
طالعت بإيدي لقيت الممرضة تقول واهي تمسح ايدي : آسفة ماضبطت !
هالمرة شعاع الي صرخت وقالت : اش الي ماضبطت تلعبين بإيد اختي انتي !! اذا ماتعرفين جيبي غيرك ممرضة تعرف
الممرضة : لاهو ولا غيري المشكلة انه عروق اختك صغيرة ومو واضحة ..
شعاع : لو كنتي فاهمة كنتي عرفتي تدخلينها حتى وهي صغيرة
ومشت للباب
قلت والدموع مملية وجهي : شعاااااع وين رااااايحة !
شعاع : باطلب ممرضة طوارئ بدل هالمسخرة الي هنا
الممرضة جت تبي تمسك ايدي الثانية
أبعدت ايدها بقوة وانا اقول :إبعدي مابي تسوين لي شي ومابغى أحط جلكوز ولاني ماخذة إبرة ثانية لعبة عندك أنا !
الممرضة : لازم نحط لك الابرة قبل العملية بيعطوك البنج من خلالها !
قلت وانا ابكي وأصرخ : مو مشكلتي تقعدين تجربين فيني .. اطلعي برا مني حاطة ابرة ولاجلكوز ولا عملية ولا شي !
اندق الباب وقبل ماأجاوب انفتح ودخل من خلفه هيثم وباين انه كان سامع صراخي لأن وجهه كان مصدوم وقال : قمرة في شي؟
قلت وأنا أبكي :تبي تجرب فيني وتعورني واهي تحط لي الابرة مابي اسوي العملية بكبرها خلاص ..
هيثم قرب مني واهو يقول : معليه معليه .. اهدي ياقمرة ..
والتفت على الممرضة يتفاهم معها .. وشوي وانسحبت الممرضة وطلعت
قعد هيثم جمبي على السرير بعفوية وقال : قوليلي شسوت لك ؟
قلت ودموعي لازالت تسيل : ايدها مره تعور واهي تحط الابرة ومرتين تدخلها وتطلعها بدون فايدة ، كله تقول ماضبطت ..
كان صوتي يرتجف من بكاي وشفت بعيون هيثم العطف واهو يراقب دموعي ..
مسك ايدي وطالع بمكان الابرة والورم الي سببته الممرضة لإيدي .. رفع راسه وتم يطالعني وانا عيوني تايهة بوجهه .. ابتسم لي ابتسامة تذوّب الحجر ورفع إيده ومسح دموعي بكل رقة .. وقال : ولا يهمك قمور مراح أسكت لها ..
بلعت ريقي أبي أضبط انفعالاتي وسحبت مناديل من جمبي مسحت دموعي وعيون هيثم لازالت متعلقة بعيوني .. وبعد ماحسني هديت شوي قال : ممكن تعطيني ايدك الثانية ؟
قلت بخوف : ليه !
هيثم بعطف : تخافين مني قمورة ؟
قلت برجاء : لا بس .. مابي يعوروني !
هيثم بهمس حنون : انا الي بحط لك الابرة .. ومراح أعورك !
سلمت له ايدي .. مثل ماسلمت له روحي .. زي ماسلمت له قلبي ..
هيثم : ارخي راسك ياقمرة وغمضي عيونك .. واذا خلصت بقول لك ..
استجبت لتعليماته وارخيت راسي وأعصابي كلها ارتخت دامي بقربه وايدي بين إيديه ،
كنت مسكرة عيوني لما قال بهدوء : قمرة وش أحب الألوان عندك ؟
قلت : اممم احب الألوان الفرايحية كلها بس أكثر شي الأصفر
هيثم : حلو .. وانا أحب الأورنج
ابتسمت وعيوني لازالت مسكرة وقلت : جد ؟
هيثم : يب .. وأحلى الأوقات عندك .. متى ؟
قلت : الصبااح .. أحب فترة الصباح ..
هيثم : اممم حلو الصباح
قلت : وانتَ ؟
هيثم : أحب الليلة لما تكون .. قمرة ..!
فتحت عيوني بخفة ابي استوعب .. لقيت هيثم يطالعني بنظرة عطوف ..
قلت : انت خلصت ؟؟؟؟؟
هيثم بهمس : من أول ..
عدلت قعدتي وطالعت بإيدي وضحكت وانا اقول : ماحسيت
هيثم : وعدتك ماعورك ..
قلت بدلال : شكرا
هز هيثم راسه واهو يقول : انتي آمري بس ..
وقام وهو يقول : الحين بنخلي الجلكوز عليك .. وممنوع الأكل لأن عمليتك بتكون بدري ..
دخلت شعاع ويوم شافت هيثم سلمت عليه واشتكت له من الممرضة
هيثم : انا بخصص ممرضة من اختياري انا .. تشرف على قمرة .. لاتشيلون هم
شعاع : تسلم ياهيثم
هز هيثم راسه .. وابتسم لي وطلع

قعدت شعاع جمبي وسألتني : ها كيف حاسة نفسك
قلت بتنهيدة : كووويسة
شعاع : ههههههه حلووو
ضحكت لها وقلت : متى بتجي ماما ؟؟؟
شعاع : يالله شوي بتمر على شمس وتجي
هزيت راسي وأرخيت جسمي ..
كل المشاعر تسكن كياني
من هوسي بهيثم كشخص ..
لخوفي من هيثم كدكتور !

::



"شمس"

قعدت على طاولة عند الكفتريا ومعاي الكوفي
صرت اشربه بشرود وعيوني تراقب الرايح والجاي
طالعت الساعة .. كنت أنتظر ماما تمرني ونروح لقمرة
عملية قمرة مرعبتنا كلنا
بس شعاع وماما كونهم مرافقين لقمرة طول الوقت يصنعون البرود والهدوء ..
حطيت الكوفي على جمب ونزلت راسي على الطاولة
شوي وحسيت باللي يخبطني على كتفي
انفجعت ورفعت راسي .. ويوم شفت لقيتها زميلتي " لبنى"
لبنى : ههههههه روعتك ..
قلت بوهن : ايه كنت سرحانة
سحبت لبنى كرسي جمبي وقعدت ..
وقبل ماتحكي انتبهت لأثر دموع بعيوني وقالت : تبكيييييييين ؟؟
قلت : ششششش يعني يارب مو لازم المستشفى كله يسمع !
لبنى : قوليلي شفيك ليه تبكين ؟؟؟
قلت : مافي شي .. بس اختي قمرة بتسوي بكره عملية براسها وقلقانة عليها
لبنى : حبيبتي والله سلامتها ألف سلامة .. ماتشوف شر
قلت بابتسامة باهتة : الشر مايجيك ..
لبنى : وبتروحين لها الحين ؟
قلت : ايه ..( ووقفت وانا أقول : بروح آخذ أغراضي من المكتب تجين معاي ؟
لبنى : يلا وبعدين بروح أكمل شغلي ..
مشينا لمكتبي وهناك كان رئيس القسم واقف مع احد الممرضات
لبنى : رئيسنا صاير يدخل قسمنا كثير مادري شسالفته ..
سكت ومارديت .. مابي أعطي لهالموضوع أي أهمية !
مشينا لمكتبي ولميت أغراضي ..
الا سمعته يكلمني : شمس !
التفت بابتسامة خفيفة : أهلا دكتور
الدكتور : سلامات فيك شي
رديت : لا مافي شي بس طلبت اذن بطلع .. عندي ظرف ضروري
هز الرئيس راسه وقال : اذا محتاجة اي شي اتكلمي .. اوك؟؟
رديت : اكيد .. ماتقصر
الدكتور أكد على كلامه : أي شي .. بأي وقت !
هزيت راسي بصمت .. ومافاتتني نظرات لبنى الي تنقلها بيني وبين الرئيس
وأول مامشى الرئيس قالت : الله لنااااا .. شعنده مهتم فيك ؟؟؟
رديت : والله مادري وش سالفته ..
لبنى التفتت تتبعه بعيونها وهو ماشي
وانا ما أعطيت لا لكلامه ولا لوجوده أهمية ..!!

دقت علي ماما .. ودعت لبنى وطلعت
وركبت السيارة ومشينا لعند قمرة

::

" شروق"
دخلت غرفة قمرة وأول ماشفتها حاولت أصطنع المرح وأبلع عبرتي وانا اقول : حبيبتي منووورة المكان !
قمرة بابتسامة باهتة : أهلين
حضنتها وبستها وقلت : شلونك ياقمر ؟؟
قمرة : ماشي حالي ..
قرصت خدها وقعدت جمبها ...

وبعد شوي حسيت راسي داير وقفت وانا أقول : أحد يبي كوفي ؟؟؟
شعاع : ايوة جيبي لي معاك

قمرة : ياقلبي صدعت روسكم معاي ولا هالوقت المفروض كل وحده مريحة بسريرها

قلت وانا أطلع : اكفخيها عني تكفين ..

وطلعت .. ولا شعوريا حسيت بدموعي تخذلني ..
قمرة حبيبتي ما أتحمل يصير فيها شي ..
ليه هي بالذات !
ليه
الله يشفيها ويخليها لنا ..

نزلت للكفتريا تحت وطلبت لي كوفي ..
وبعد ما استلمت الطلب لفيت أبي أرجع
واتفاجأت لما شفت آخر شخص كنت أتوقعه واقف وراي
وقلت بصدمة : مشعل !
مشعل بهدوء : أهلين ..
قلت بلعثمة : ماتوقعت أشوفك هنا
مشعل : وصلت مشاعل لعند قمرة وقلت أستناها هنا لين تخلص ..
هزيت راسي ..
وبابتسامة مصطنعة قلت : عن اذنك ..
مشعل وهو يفسح لي مجال : خذي راحتك ..
مشيت واتعديته .. الا قال : تقبل الله حجكم
رديت بهمس : منا ومنكم .. شكرا
مشعل ونظرته تفترس ملامحي : شروق فيك شي ؟؟

هذا متى بيوقف يسأل ويبين انه شخص مهتم !!
أسئلتك هذي تتعبني .. ما تسعدني !
تكفى روح عني انت ليه تطلع لي بأقسى لحظاتي وأسوأ حالاتي ؟؟؟
ليه السؤال منك يفجر مدامعي غصب عني ؟؟؟
يكويني ويضعفني ..!
ليه تملك قدرة على التأثير على جوارحي وقلبي وكياني ؟؟
مين سمح لك تسوي فيني كذا !!
من سمح لك تتخطى حدودك وتحتل قلبي !

انتبه مشعل للتقلبات الي صابت ملامحي وناداني بصوت يذبح : شرووق !
شحت بوجهي وانا اقول : مافي شي بس قلقانة على قمرة ..!
مشعل : بس !
اعتلى صوتي بلا شعور مني وقلت : لااا مو بس .. خلاص يامشعل خلاص .. حرام الي تسويه فيني .. انت ماتحس ؟؟؟؟؟؟

وشحت بوجهي مبتعدة عنه .. وعن المكان الي امتلا بريحة عطره ..
ركبت الأصنصير وانا امسح دموعي بخلف كفي الممسكة بالكوفي .. وانكب شوي من الكوفي على ايديني
كان الكوفي ساخن بس حرارة صدري أقوى بكثير ..
فماحسيت فيه وهو ينكب على إيدي ..

خبطت الأرض برجلي يمكن قهر يمكن زعل يمكن ضيق يمكن ألم
على نفسي ويمكن على قمرة

انفتح باب الأصنصير وطلعت..
وقبل ما أدخل الغرفة أخذت نفس عميق ..
مابي أحد يلاحظ ان فيني شي
خصوصا حبيبتي قمرة
ورسمت ابتسامة على فمي وفتحت الباب ودخلت


::


" شمس "

قضينا كل اليوم مع قمرة نحاول نسليها ..
وبالليل .. رجعت البيت وانا مرهقة ابي أنام شوي وأصحى أروح لقمرة قبل عمليتها ...
دخلت غرفتي وبدلت ملابسي أستعد للنوم ..
طفيت النور وفتحت أبجورتي وقعدت على السرير وانا ماسكة جوالي بحط المنبـّـه ..
بس شي ثاني غير المنبـّه طرا على بالي ..
مو نادر .. ولا متشقن !
لجين ..
صرت أهوى السوالف معها من بعد ما سافرت !

دقيت عليها وأنا أبتسم مترقبة ردها وسوالفها عن البلد الي عشت فيها سنين مستحيل أنساها .. وذكريات وحكايات تحكيها تحسسني اني اقضيها معها واعيشها وياها .. !
بعد كم رنة .. ردت : أهليييييييين
قلت بمرح : هلا لجين حبيبتي شلونك ؟؟؟
لجين : انا تمام انتي اخبارك وكيف أهل السعودية ..؟؟؟
قلت : بخير يسلمون عليك .. انتي كيفك ان شاء الله انسجمتي مع الوضع ؟؟
لجين : والله أحس اني ضااايعة .. !
رديت : ههههه ياقلبي بتتعودين .. وهذا أبوك عندك مو رايح الا وهو مضبط لك كل شي
لجين : يالله ربك يعين
قلت : اوكي اتعرفتي على ناس ؟؟
لجين : رحت النادي الي قلتي عليه .. واتعرفت على عرب حبوبين هونوا علي الوضع شوي ..
قلت : تمام ، وبالجامعة معاك عرب ؟
لجين : ايه بس مابعد دخلت فيهم .. شوي شوي وانشب فيها نشبة مضبوطة
رديت : ههههههه ياحلوك ياجوجو
لجين : والجو يا شمس ثلوووج تهببببببل ودي بس ألعب فيه

سكت .. وتناثرت أمامي صور هالثلج وحكاياته .. أتذكر الثلج
واللعب بالثلج .. ولهيب الثلج !

قلت بصوت هـَـدا : انبسطي يالجين قد ماتقدرين لاتسمحين لأي شي ينكد عليك
لجين : ان شاء الله .. بس الدراسة الحين الي شايلة همها
قلت : ربك يسهلها بالبداية كل شي صعب بعدين تتسهل ..
لجين : الأساتذة شديدين وانا بينهم أحس ماعندي سالفة ..

بدت دقات قلبي تتسارع من جابت لجين طاري الأساتذة..
واخذت نفس أحاول أضبط انفعالاتي .. وقلت : أجانب كلهم ؟؟؟
لجين : ايييييه على حظي ..
قلت : لا أكيد فيه عرب بس بأقسام ثانية !
لجين : سمعت انه في واحد عربي بس مايداوم بالجامعة مادري وينه ..

أبعدت شعري عن عيوني بتوتر و وقفت وأنا أقول : اها .. و .. كيف عرفتي انه مايداوم ؟؟؟
لجين : أنا سألت اذا فيه أساتذة عرب على الأقل اتفاهم معاهم اذا بغيت أستفسر عن شي .. وقالولي عنه بس يوم سألت قالوا ماعاد داوم بالجامعة ..
أخذت نفس عميق وحاولت أخلي صوتي طبيعي وأنا أسأل : امممم و .. متأكدة من اسمه ؟؟
لجين : ايه .. شكله مو دكتورعشان كذا منقطع بكيفه ..
قلت بصوت هامس مضطرب : اش اسمه ؟؟

لجين : الظاهر اسمه نادر .. امممممم .. مني متأكد !

غمضت عيني بقوة ورميت نفسي على السرير وانا ماسكة الجوال بإيد وإيدي الثانية على صدري .. أحس قلبي شوي ويطلع من بين ضلوعي وأنا أسمع اسمه .. وطاريه !

لجين : قد مر عليك من قبل ؟؟؟ يعني قد شفتيه بالجامعة يوم كنتي تدرسين ..؟؟؟

سكت ورفعت راسي على فوق وأنا مسكرة عيوني ..
واتنهدت تنهيدة ملتهبة من عمق قلب ينزف لهالاسم ..
ويبكي ذاك الاسم !

وهمست بصوت خافت بالكاد يطلع : لا .. ماعرف هالاسم !

وأنهيت المكالمة ..
واتفجرت مدامعي .. على طاري ذآك الإسم !

::

يوم عملية قمرة

قمت من السرير بسرعه وانا أطالع الساعه !! هو انا مانمت من الأساس عشان أصحى .. ليلة مرت علي حطمت كل الليالي
وانا أوقع مصير ذاك القمر بين إيديني !
بعد ساعات بتكون قمرة بين إيديني ..
وبإيد الله ثم بإيدي أنا نجاتها أو تعبها !

أنا ولا بأجمل أحلامي .. ماحلمت ان تكون قمرة .. حبيبتي وملاك حياتي !
لكن ولا بأبشع كوابيسي ما حلمت تكون قمرة طريحة بين إيديني ..
راسها ، كيانها ، حياتها .. تحت رحمتي !

طردت الهواجس من بالي وخذيت لي شاور سريع .. وجهزت ولبست .. لقيت أمي بالصالة سلمت عليها ..
أمي : اقعد افطر
قلت وانا ادخل اغراضي بجيوبي : خلي الخدامة تسوي لي شي سريع آخذه معاي .. مستعجل والله
أمي واهي توقف : أنا اسوي لك ( وبحنان : عملية قمرة اليوم ؟
اتنهدت وقلت : ايه .. ادعي لي يمه ربي يسهل لي ..
أمي : الله يسهل لك يارب ويفتح عليك عاد ماشاء الله مايحتاج ياهيثم تقلق انت شاطر وماهر والدكاترة يتعلمون منك ..
طالعت أمي بضعف وقلت : لما أكون ماعرف المرضى غير .. ولما تكون مريضتي قمرة غير يمه .. غير !
دعت لي أمي وقامت سوت لي شي خفيف أخذته معاي ..
ركبت السيارة ومشيت للمستشفى .. للمعركة .. للحرب .. هذا كان شعوري وانا أتقدم للمستشفى .. كني بادخل معركة وحرب وشي حسيت للحظة اني غير مستعد لدخوله !
كرهت هالشعور الي سكني .. والقلق والتوتر الي سكن كل ذرة بكياني
أنا ما أتحمل اذا شفت الدموع تنزل من عيونها ...
شلون باتحمل أشوف الدم ينزل من راسها !
وأنا السبب فيه .. !
شلون باقدر ؟؟؟ شلون باتحمل ؟؟
ليش هي ؟؟
ليش أنا !!

دخلت المستشفى وفورا صعدت لغرفتها ..
وأول مامريت من السيب الي تستقر فيه غرفتها ..
انتبهت للباب مفتوح وكان واقف عنده خالها ..!
ابستملي أول ماشافني وسلمت عليه
طلال ( خال قمرة ) : ياهلا وسهلا بدكتورنا ..
ابتسمت وانا اقول : صباح الخير هلا فيك
وقلت بهدوء يعكس العواصف الي تجتاح كياني : أٌقدر أشوفها
طلال : أكيد اتفضل

وفتح الباب وهو يقول : قمورة دكتورك برا ..
جاني عذب صوتها وهي تقول : أوكي خليه يجي ..

دخلت .. وكانت عيونها و وجهها محمرين بشكل يوحي انها كانت تبكي !
وكانت شعاع جمبها لامتها ..
ابتسمت لها من خاطر قلب هوى الملاك الي قباله وقلت : صباح الخير
قمره بهمس : صباح النور
طالعت بشعاع وبنفس الابتسامة هزيت راسي باستفهام ؟؟
شعاع واهي تطالع بقمرة : الحلوة خايفة وشايلة هم وقاعد تهلوس ..

طالعت قمرة وانا امشي لين وصلت لعندها ..
مسكت ايدها الناعمة وحسيت بصغرها جمب ايدي .. بلعت ريقي ابي اضبط مشاعري .. وقرصت كفها على خفيف ورفعت عيني لها ..
قمرة ابتسمت بنعومة ..
قلت : يعور ؟؟
قمره : لا ..
غمزت لها وانا اقول : العملية أخف من كذا .. مراح تحسين بأي شي !

قمره : طيب ولو بعد العملية ماصحيت ؟؟؟

شعاع : قمرررررة وبعدين معاااك الدكتور سوى عمليات أخطر واكبر من كذا والحمدلله نجوا سالمين .. عمليتك بسيطة ياقمرة لاتهلوسييييين

شكرت القدر الي أنطق شعاع بدالي .. لأني حسيت بالعجز عن النطق والتعبير وانا لوهلة تصورلي خوف قمرة كحقيقة مـُفزعة ألجمتني !
دوري كدكتور اني أدعم المرضى نفسيا قبل ما أعالجهم
لكن ليه مع قمره أحس اني مني نفس الدكتور ..
دكتور بلا هوية .. !

وشعاع كملت : بعدين هيثم الي بيسوي لك مو أحد ثاني ! محد بيخاف عليك أكثر منه ..

انتبهت لتلميح شعاع وابتسمت لقمرة وانا اقول : عندك شك بهالشي قمرة ؟؟؟؟
قمرة بدلع : أكيد لا ..

دخلت أم شعاع واهي حاملة كوفي بإيدها وأول ماشافتني هلت ورحبت وقالت : متى موعد العملية ؟؟
قلت بهدوء : بروح أشيك على كل شي وأخبركم .. بس الممرضات بعد شوي بيجون يجهزونها ..
ام شعاع : خير ان شاء الله

مشيت طالع .. وانا افتح الباب التفت لقمرة وشفت عيونها الخايفة تتبعني ..
مو قادر أتحمل ياناس ، أضعف أمام نظراتها الي أحسها مصممة لتخدير حواسي !
اتمنيت أرجع لها وآخذها بحضني وأهدي من روعها ..

وكل الي سويته غمزت لها وابتسمت له بكل حب
وطلعت

::

قمرة
دخلوا الممرضات ومعاهم ملابس العملية ..
وردت الدموع تاخذ مكانها بعيني وانا أقول : ياربي مره يخوووف ..
ماما : حبيبتي اهدي يا ماما .. اهدي ياقلبي ..
قلت : خليهم يحطون اللبس ويطلعون مابي أحد ..
ماما أخذت الملابس منهم وطلعتهم .. ساعدتني ألبس
وبعد ربع ساعه دخلوا الممرضات وفتحوا الباب بوسعه وهم يقولون : يلا عملية ..
حسيت كل شي فيني يرجف . فكـي .. إيديني .. رجولي ..
شعاع واهي تحضني : قمووووور يارووحي انا لاتسوين بنفسك كذا شيلي الافكار الي قاعدة ترعبك شيليها من راسك ..
مارديت .. مو قادرة أنطق .. قلبي يدق بكل عنف .. أنفاسي متسارعة كأني مهرولة بسرعة فضيعة ..

ساعدتني ماما وهي تمددني على السرير .. وغطتني .. وجو الممرضات دفوني ..
اخيرا نطقت بصوت يرجف : ماما تعالي معااااي ..
ماما : معاك ياقلبي معاك ..
ومسكت إيدي ومشت معاي وشفت هيثم واهو يسلّم الممرضة أوراق ويكلمها ..
غمضت عيني واتمنيت انام ولا حس بشي لين بكرا ..
وحكوني انتوا شالي صار ..
دفت الممرضة السرير لين الأصنصير .. وبعد مافتح .. دخلوا السرير .. ودخلت ماما معاي
والدكتور هيثم !

ماشفته .. لاني كنت مغمضة عيني .. بس حسيت فيه .. وسمعت صوته وهو يحاكي الممرضة ..
انفتح الباب وطلعوني .. ماما كانت تقرا علي .. وبعد فترة تركت ايدي !
فتحت ايدي مرعوبة وانا أنادي بخوف : ماما !!!!!
ماما من وراي : حبيبتي ما اقدر أدخل .. هنا منطقة العمليات انا باستناك هنا عند الباب لين تطلعين ياقلبي
سالت دموعي وانا أطالع ماما بخوف وضعف ..
وانصك الباب ولا عاد شفتها ..
جاني دكتور التخدير يسألني أسئلة مادري وش جاوبت ومادري وش قلت .. وممرضات رايحين جايين يكتبون اشياء بالاوراق الي فوق سريري ..

ومن بين كل ذولا شفت هيثم مقبل ناحيتي وهو لابس لبس العملية
قرب مني وماكان باين غير عيونه مع الكمامة الي مغطية وجهه وقال : تبين سألين عن شي قمرة ؟؟
مارديت .. ظليت أطالعه بخوف وتيهان وضعف ..
هيثم انتبه بطرف عيونه لإيدي واهي ماسكة الشرشرف وترجف
مسك ايدي وضغط عليها وقال وهو يضغط على الحروف : كل شي بيكون تمام ياحلوة .. اتطمني !
غمضت عيني ، وشحت بوجهي وأنا أحس أنفاسي تنخطف مني خطف ..

حسيت فيهم يدفون السرير الى المجهول .. !
حسيت فيهم ينقلوني من السرير الي انا فيه لسرير العملية
حسيت فيهم يمسكون ايدي ويثبتون جهاز الضغط فيها ..

وفتحت عيوني لتصدم بالأجهزة الغريبة الي فوقي .. والي حولي .. ولكمية الممرضين والممرضات الي يحومون بالمكان .. !
دكتور التخدير جا جمبي ومعاه ابرة وانا ماكنت ناقصة شي يرعبني أكثر .. لفيت وجهي على الجهة الثانية .. ولقيت هيثم بوجهي ..

اتعلقت عيوني فيه تبي الأمان ..
اهو الشخص الي بكون بين إيديه ..
ووضعي تحت رحمته
ونفسه الشخص الي أبيه يحميني .. !

قرب مني وهمس : بيعطيك دكتور التخدير البنج عن طريق الوريد بنفس الابرة الي بإيدك مافي ابرة ثانية ..

وسكت شوي .. وهو يطالع بطرف عيونه ناحية دكتور التخدير ..

حسيت بسائل بارد يمشي بكفي .. هذا البنج الي يقول عنه ؟؟؟
هيثم : ثواني وبتنامين ولا بتحسين و ......................
مدري وش كمل وقال .......
لأني ...
اختفيت عن المكان !


::

"هيثم"
ناديتها : قمرة .. ! (( وبلا شعور ناديت : حبيبتي نمتي .. !
وكانت قمرة انتقلت للعالم الثاني ..
رفعت راسي وأشرت براسي لدكتور التخدير ان كل شي تمام ..
والممرضات بدوا يسوون اختبار التخدير كإجراءات روتينيه ..

مشيت لمكاني !
فوق راس قمرة .. !

وكان الموقف صعب وصفه !!
مجموعة من المتدربين واقفين حوليني ينتظروني أبدا ..
الممرضات جمبي ينتظرون أوامري عشان يسلموني ما أحتاجه ..
دكتور التخدير قاعد يطالعني بترقب ..

أهل قمرة برا عند الباب ينتظروني أنهي العملية وأرجع لهم قمرة بسلامة وعافية

وماكانت أصعب عملية ..
لا ولا كانت اصعب حالة ..

بس كان أصعب موقف على قلبي ..!
من دخلت مجال الطب .. لهاللحظة .. !

كل الي حولي يطالعوني .. ينتظروني .. وانا متيبس مكاني .. !

وقمرة نايمة بلا حس ولا حراك ولا شعور ..........
هي بعد تنتظرني أخلصها من معاناتها وأردها لعالمنا طيبة وسالمة .... !

مرت دقيقة كاملة وانا على نفس الحال .. واقف وعيوني مركزة براس قمرة بصمت !
كل شي جاهز ، ولا أعطيت ولا أمر !
ومن عادتي ماتمر ثانية الا ويبدا العمل ..

قطع سكون المكان صوت الطبيب المساعد وقال باستفهام : دكتور هيثم !!
طالعته بصمت .. وشفت التساؤل بعيونه ؟؟

دعيت بقلبي : يارب تعينني وتقوي قلبي .. يارب السهالة من عندك .. يآآرب !

وأخذت نفس عميق ..............
ومديت ايدي وقلت : مشرط بليز ... !

::

يتبع

[روح العيون]

البارت خطير جدااااااااا بل اكثر من رائع انتى فعلا محظوظه بموهبتك ماشاء الله عليكى

[مشاعر إنسان]

موهبه رائعة ماشاء الله

روايتكي مميزة بأسلوبها

مشكورة

[زهرة الأحزان]

تسجيل حضور ومن المتابعين الشغوفين

[فروله]

وآآآآآآآآآآآآآآآآآآآآآآآآآآآووو

أبدآآآآآآآآآآآآع ورررربي .. تحمسسست مع قمرررة يارب تطلع بالسسلامه ..

وشروووق ياحيـآتي رحمتهـآ ..

تكفيين نبي بارت قريب تحمسنا مع الأحدآآآث

تسسلمين على هالقلم الراقي :)

[كبرياء أنثى]

اووه فاتتني أجزاء كثيرة : (
لي عودة للقراءة بـ إذن الرحمن ..

[نونا الاموره]

ياقلبي واللهي بااااااااااارت ختيييييير

تسلم ايدك حبيبتي

[كشه منفوشه]

والله بكيت ليه وقفتي عن حدث يحمس اخ ياقهر
يارب هيثم ما يتوتر عند العمليه ويسويها زين

[فروله]

ويينكـ طولتي علينـآ

عسى المـآنع خير :(

[المحظوظة]

معليه حبايبي اتأخرت عليكم ..
هاكم الباااارت
مع حبي

[المحظوظة]

الجزء التاسع

"أم البنات"
"دلال"

كل دقيقة كانت تمر علينا مثل الدهر ، وأنا أدعي ان الله يقوّم بنيتي بالسلامة ويردهآ لنا ، لو بتسألوني كم مر من الوقت بقول مرعمـُـر قمرة كله بلحظة قدامي ، من طفولتها لكبرها لكل لحظة عايشتها معهآ ..
كنت زي ماوعدت قمرة جالسة عند باب غرفة العمليات وشعاع وشروق وشمس حوليني ، شعاع تدور مهي قادرة تقعد وشروق قاعدة تدعي وشمس قاعدة وشاردة وتهز رجولها وكل شوي تطالع الساعة !
مات حيلي بهاللحظة .. مافيني حتى أهديهم وانا أبي من يهديني ..
وبعد فترة حسيتها دهر .. !
انفتح باب العملية وفزينا كلنا واقفين وأسرعنا للبوابة .. طلعوا مجموعة من الممرضات ومعاهم الطبيب المساعد ..
فورا سألت والقلق يعصف بقلبي : وين بنتي ؟؟ طمنونا !!
الدكتور : اتطمني ياخالة كل شي تمام والعملية ناجحة ..
بناتي بصوت واحد : وقمره شلونها ؟؟؟؟
الدكتور : ان شاء الله بخير .. بس بننقلها للعناية المركزة تحت الرعاية لين تصحى ..
شعاع شهقت بخوف وقالت : ليه العناية هذا وش معناه ؟؟؟؟
قلت : وين الدكتور هيثم ؟؟؟
الدكتور : بغرفة الافاقة مع قمرة .. صرف الممرضة وطلب هو يرافق المريضة للعناية المركزة
انفتح الباب هالمره بكبره .. وطلع منه سرير قمرة يدفونه وهيثم من وراه يتكلم بجديه مع أحد الممرضين !
أسرعنا كلنا وهيثم ماوقف صار يمشي مع السرير وأشر لنا براسه وهو يكمل كلامه الي يبدو انه لشي يتعلق بقمره ، الشي الي خلانا نمشي معاه والممرض ابتعد وجيت مكانه وانا اقول : طمنا ياهيثم ؟؟
هيثم كان يمشي ورى السرير واحنا حوله نمشي وبناتي جمب قمرة الي ماسكة ايدها والي ذراعها ..
هيثم : اتطمني خالتي الخطر زال وراح أشرح لكم بالضبط الي صار بس اتطمني ان كل شي تمام الحمدلله
قلت : الحمـــد لله يارب طيب ليه بتودونها العناية المركزة ؟؟؟؟
هيثم : لين تصحى ونتأكد ان كل شي فيها سليم .. هذا السبب بس لاتقلقون
تركته وقربت لبنتي وشفت كمامة الأكسجين على وجهها والابرة بايدها وشاش ملفوف على راسها !
لاشعوريا دمعت عيني وأنا أتأملها بحنان !
هيثم كان يمشي بخطوات ثابته سريعة وهو يسجل ملاحظات بملفها..
وصلنا للعناية وانفتح الباب ودخلوا سرير قمرة وهيثم قال لنا : دقايق وراجع .. ( ودخل وراها ..
شعاع بحزن : حياتي ماكنها قمرة الي الصباح معانا
شروق : نبي نشوفها لازم يدخلوننا !
شمس : مدري هالعناية المركزة تجيب لي الرعب خايفة يكون فيها شي !
شعاع : لا ان شاء الله اسم الله عليها
شروق : لو فيها شي مستحيل يخبون علينا
قلت بهدّيهم : اهدوا تكفون هذا احنا الحمدلله اتطمنا ان عمليتها نجحت خلاص هذا أهم شي ..
شوي وطلع هيثم ومشى لعندنا وباين كل التعب والارهاق بوجهه .. !
أول ماوصل عندنا قال : الحمدلله على سلامتها ..
وقفنا كلنا حوله بالضبط محاصرينه وأسئلتنا تمطر عليه بلا رحمه ..
ومن حماسنا وخوفنا كانت أصواتنا متداخلة ببعض وأسئلتنا ورى بعض ..
وكان يبتسم ويرد بهدوء .. وكان يجاوبنا على سؤال .

اتطمنـّـا عليها مع بعض الملاحظات الي نبهنا عليها احتمال تصير .. !

آخر شي قلت : طيب أبي أدخل عندها هيثم بالله لايمنعوني ..
هيثم : مافي مشكله بس مو كلكم مع بعض وحدة وحدة ..
ومع تجاوب هيثم معانا بكل سؤال خلانا نطلع كل الي بخواطرنا وخلى شعاع تسأل : ولمتى بتظل بالعناية ؟؟؟
هيثم بهدوء : لين تصحى ..
شروق : ومتى بتصحى ؟؟؟؟؟؟؟
طالعنا هيثم بصمت ... !
هذا السؤال الوحيد الي ماجاوب عليه هيثم .. !!
هنا بس طالعنا بصمت وعيونه ضايعة بوجيهنا .. !!
شمس عادت سؤال شروق : متى بتصحى قمرة ؟؟؟
هيثم سكت شوي وأخذ نفس عميق وقال : خلال أي ساعة ان شاء الله ..
قلت : إن شاء الله ، يعطيك العافية مشكور يا هيثم ماقصرت أدوشناك باسئلتنا بس تعرف ....
هيقم قاطعني وقال : شدعوة خالتي ماله داعي هالحكي .. الله يخليها لكم يارب
كلنا : آمين
هيثم : اذا بغيتوني بشي دقوا علي وانا بكون قريب بس عندي جولة على المرضى الآن ..
قلت : خذ راحتك ياهيثم ..
مشى هيثم واحنا رحنا للعناية نشوف قمرة

::

" هيثم "
تركتهم ومشيت فورا لوين مابدل ملابس العملية وأريح راسي شوي ..
دخلت الغرفة وسكرت الباب وسندت جسمي عليه
الفترة الي مرت علي من الصباح ولحتى هاللحظة فترة زمنية مستقطعة من حياتي !
فترة إهي لحالها بكفة وحياتي كلها بكفة .. !
رحمة من رب العالمين نزلت على قمرة ورحمتها .. قوة من رب العالمين نزلت على روحي وقوتها ..
أنا بدون رحمة ربي .. وربي ماكنت باقدر أسيطر على روحي ..!
رفعت إيديني وطالعتها .. شلون هالايدين قدرت تشق راس أرق انسانة بهالكون !
شلون قدرت تغرز الإبر براس الملاك الي سكن روحي .. !
روحي الي حسيت بلهيبها يحرقني ويخنقني .. يموتني ويحييني , والقمر ساكن بين إيديني !
حسيت بشعور غريب هز كياني .. كأن الي سويته بالعملية كان إجرام وعـُنف ووحشية !!
كان هذا شعوري تجاه عملية قمرة .. !
كيف مر الوقت وكيف صارت العملية هذا مو بتحكمي ولا بسيطرتي ولا بهدوئي ..
هذا برحمة ولـُطف من ربي !
لميت راسي وأنا أمشي بخطوات ثقيلة .. ! كل قوتي وطاقتي سلبتها مني عملية قمره .. جدولي كان جدا طبيعي ولا فيه شي غريب .. أبدأ الصباح بعملية وبعدها جولة على المرضى وبعدها أستقبل الحالات الا اذا استدعاني طوارئ !
وبعد العصر أنتقل للعيادة الخاصة فيني وأظل فيها الى الليل !
هذا نظام عملي !
لكن اليوم ماحس فيني طاقة تأدي أي شي من هذا !! انتهى دوامي مع انتهاء عملية قمرة .. لأنها سلبت مني كل قدراتي وطاقاتي !
ضايقني شعور الضعف والفتور الي سكني .. رميت روحي على الكرسي وصورتها ترتسم قبالي بشكل يعذب روحي ويذوب قلبي ويخدّر حواسي !
اتأكدت هاللحظة انها مهي أي مريضة ..
ولاهي أي قريبة ..
اتأكدت وأيقنت بهاللحظة انها أغلى حبيبة .. !
كيف استحلت مكانتها أعلى مراتب قلبي وشغلتني وهوستني وعلقتني ..
كيف كنت أشوفها طفلة جذبتني بشقاوتها وعفويتها لين استوت أكبر زوبعة بحياتي !
حسيت بشوقي لها وولهي عليها لمجرد التفكير فيها .. حسيت بخوف يعصف بكياني لو صار أي شي فيها .. حسيت بسرعان نبضاتي لمجرد احساسي اني ممكن أفقدها !
وكن هالخاطر دب فيني شوية حياة .. أعاد لي شي من طاقاتي ، لازم أظل طول الوقت قربها مابي أي شخص يشرف عليها غيري أو يسوي لها شي بدون علمي ..!
بدلت ملابسي ولبست اللاب كوت وطلعت سويت جولة سريعة على المرضى
لين انتهى فيني المطاف لعند قمرة .

::

"شعاع"
جا دوري أدخل على قمرة ، وكنت آخر وحده ..
دخلت وحاولت أضبط أعصابي ومشاعري وانفعالاتي , مابي أبكي ولا أضعف .. يمكن قمرة تحس فيني .. أبي أبث فيها الأمان وأحسـّـسها إن كل شي صار أحسن من ما كآن !
قعدت جمبها ومسكت إيدها وحسيت برقتها وصغرها والابرة مغروسة فيها بشكل آلمني .. كان الشاش الملفوف على راسها بحد ذاته يفزعني ويخوفني عليها ..
بس اتذكرت كلام هيثم كيف بيـّن لنا ان الخطر زال وقمرة بتقوم طيبة ان شاء الله ..
قربت بخفة لعند راسها وبسته .. اتأملت ملامحها من ورى الكمامة كيف ذبلانة وتعبانة !
قربت من اذنها وهمست : قمورة حبيبتي الحمدلله على سلامتك ، العملية نجحت انتي الحين بخير ! يلا حبيبتي قومي ( وبصوت خنقته العبرة غصب عني قلت : وحشتيني قمورة ارجعي لي انا ماقدر أصبر عنك حياتي ..
رجعت بست راسها وقمت أقرا عليها الي حافظته من السور والي قدرني ربي عليه بهالوقت ..
بعد شوي انتبهت لصوت يوم التفت لقيته هيثم ..
ابتسم لي وهو يهز راسه بتحية ، وقرب من السرير بصمت وتم يطالع بقمرة .. ! شفت نظراته شلون تطالع قمرة بكل حنية .. حسيته نسى وجودي وهو يطالع فيها .. وبعدها صار يراقب الجهاز اللي جمب راسها .. وسجل ملاحظات بالملف الي معاه .. !
قطعت الصمت وقلت : لو صحت بتحس بألم !
طالعني هيثم وقال : هو لازم يكون فيه ألم .. بس ان شاء الله ماتحس فيه لأني باعطيها إبر مسكنة لحتى تتحسن ..
طالعت قمرة وقلت بنبرة حزينة : حبيبتي موتها وهالإبر والحين مجبورة تاخذها !
هيثم صار يطالع بقمرة مثلي وقال : يكون زين لو تتغلب على خوفها ، لأن الابر مو بالألم الي يصور لها هو خوفها !
قلت :احنا معاها ، وانت معاها ، وبتتغلب على كل هذا ان شاء الله ..
هيثم رجع يطالع قمره ورد بهمس : ان شاء الله
هيثم بعد صمت دام لحظات : أوك أنا بكون قريب ، كلموني اذا فيه شي
قلت بابتسامة : أكيد
ابتسم هيثم وطلع وشوي وجت الممرضة تطلب مني أطلع لأني تجاوزت الوقت المسموح
أجل تجاوزت وقتي معك ياقمرة واحنا كان كل وقتنا لبعض ؟؟
قربت منها وبستها بوسة سريعة قبل لا تنفلت مدامعي من جديد .. وطلعت .

ومرت الساعات .. وقمرة ماصحت !
ظلينا طول اليوم بالمستشفى نتردد مابين غرفة قمرة الي بالجناح ومابين العناية المركزة ..
نتناوب بالدخول عليها وكل وحده تطلع نراقب ملامحها عسى تبشرنا انها صحت ! كانت الساعات أثقل علينا من الصخر ، لين بدينا نفقد الصبر ،
وصار القلق والتوتر مسيطر علينا .. حتى الخوف من المجهول .. وان نومة قمره تطول !
هيثم ماطلع من المستشفى ظل متواجد بيننا وبين قمرة وبين قسمه بس أغلب الوقت كان معانا يتحمل قلق أسئلتنا ويحاول يهدّينا ويصبرنا ويحسسنا ان كل شي راح يكون بخير
خالي وخالتي ومشاعل كانوا معانا طول اليوم .. وقفوا معانا وحاولوا اهم بعد يهدوننا
بس ان كاننا هدينا ظاهرينا .. شالي بيهدي الأعاصير والعواصف الي تعصف بقلوبنا قلق وخوف على قمرة !

::

" شروق "
تركتهم بالغرفة وطلعت .. مو قادرة أقعد على بعضي وسط جو القلق والتوتر الي مداهمنا .. مشيت بالسيب الهادي بعد نوم المرضى .. ماكان فيه مكان محدد بس أبي أمشي وأبعد وأضيع .. لين يبشروني بأن قمرة صحت !
لكن مامداني أوصل آخر السيب الا سمعت صوت يناديني : شرووووق !
التفت لقيتها مشاعل تأشرلي وهي ماشية
وقفت مكاني بدون أي تفاعل أنتظرها لين وصلتني وقالت : وين بتروحين
قلت وأنا أمشي : مافي مكان محدد بس مو قادرة أقعد
مشاعل : اهدي يابنت الحلال وادعي لها الدكتور طمنكم ان مافي شي يخوف !
هزيت راسي بدون تعليق .. وصلنا لعند الاصنصير الا مشاعل قالت : شرايك ننزل تحت تشربين شي ..
قلت بلا مبالاة : اوكي
ركبنا الاصنصير ونزلنا .. مشاعل أخذت كوفي وأنا أخذت عصير ليمون .. قعدنا على وحدة من الطاولات وصرت أشرب العصير بعين شاردة وصمت !
دق جوال مشاعل وردت وكانوا عيالها سمعتها تتكلم معاهم وتحرصهم على بعض
وبعد ماقفلت قالت : شكلي بكلم مشعل يمرني دامه قريب وخلي طلال معاكم .. العيال استخفوا والشغالة مو قادرة عليهم
قلت بنبرة هادية : خذي راحتك مشاعل ماقصرتي طول اليوم معانا ..
مشاعل : شدعوة قمره حبيبتنا وكلنا خايفين عليها ..
ابتسمت ابتسامة باهته وقلت : انا بروح أشوفها بحاول معاهم يدخلوني ..
مشاعل : طيب وانا بروح اذا جا مشعل ، وطمنيني عليها لو صحت دقوا علي بأي وقت اوكي ؟؟
رديت : ابشري ..
و ودعتها ورحت للعناية .. وبعد محاولات ورجاوي وافقوا أدخل خمس دقايق بس !
دخلت و وقفت عند راسها أتأملها .. مسكت إيدها أبي أحسسها بوجودي واننا كلنا حولها وماتركنا أبدا ..أعرفها قمور دلوعة وخوافة ولا تحب نتركها مكان بروحها !
ظليت أمسح على إيدها وأقول : ها قمور ماودك تقومين ؟؟ ماتحسين انك طولتي علينا .. ؟ افتحي عيونك حبيبتي خلاص يكفي نووووم !
ظلت قمره على وضعها نايمة بدون أي حركة .. !
بست راسها وهمست بإذنها : حبيبتي وحشتيني حاولي ترجعين لنا بسررررعه
دخلت الممرضة تطلب مني الخروج
بست راسها مره ثانية وتركت إيدها ومشيت بطلع ..
وقبل ما أوصل للباب سمعت صوت هز كياني من راسي لرجولي !!!!!
التفت مذهولة لقمرة وشفتها وهي تحاول تفتح عيونها بصعوبة وصوت مكتوم يحاول يطلع من حنجرتها : أ آ ه ..
شهقت ورجعت وانا مو مصدقة الي شفته وسمعته !!!!
قربت من قمرة وانا أقول : قمره حبيببببببببتي انا شروق اختك هنا جمبك .. سامعتني ؟؟؟
فتحت عيونها نصف فتحه وطلع منها صوت بالقوة سمعته : ر آ سـ ـ ي ..
قلت وانا أحاول أمنع دموعي : حبيبتي الحمدلله على سلامتك قموووور رجعتي لنا ..
الممرضة كانت واقفة معانا وشالت الكمامة من على وجهها .. كأن التعليمات انها تشيل الكمامة أول ماتصحى قمرة ..
مسحت على خدها وأنا أقول : حياتي .. تبين تقولين شي ؟
قمره بللت شفايفها بصعوبة وقالت بصوت مبحوح هامس : وين ماما ..
قلت بضحكة : بروح أناديها الحين .. انتظريي ياويلك تنامين مره ثانية ...
طلعت أركض ووقفت عند باب العناية ماعرفت وين أمشي ! حسيت اني فقدت التركيز وضعت ولا عرفت وين أروح !!
مشيت مسرعة أركض وأدور على الأصنصير ودموعي تتطاير من عيوني وأضحك بكل فرح نساني هموم اليوم ..
لقيت اصنصير بطريقي ودخلته ، كنت أخبط الجدار بإيدي يمكن أستعجل الاصنصير ويوصل بسرعه ..
وقف الاصنصير وطلعت بسرعه وأسرعت لبرا.. شفت شخص قدامي يطالعني وأنا أمشي مسرعة بدموع وضحك بنفس الوقت !
مشى ناحيتي وهو يقول : شروق شفيك ؟؟؟؟؟؟
كان مشعل واقف الظاهر ينتظر مشاعل وقلت بفرحة خلت صوتي يكون أقرب للصراخ : قمره رجعــــــت يامشعل صحيت تووووها !
مشعل اتفاجأ وحسيته مو عارف وش يقول ورد : اووه ماشاء الله .. آ الحمدلله على سلامتها ..
رديت وانا أتلفـّـت أدورغرفة قمره : الله يسلمك ..
شافني واقفة بربكة وحيرة وشوي أمشي خطوة قدام ، وشوي أوقف وأدور ..
مشعل : غرفة قمرة بالممر الثاني ..
انتبهت لرقم الغرفة وحسيت اني ملخبطة .. بس هذا شموقفه هنا .. ؟ هو اللي لخبطني بوجوده .. !
لاحظ مشعل استغرابي وقال : أنا جاي أزور زميلي هنا ..
مشيت مسرعة ومشى معاي وقلت بابتسامة فرح : بالبداية ماحست فيني بس يوم خلاص جيت أطلع سمعت صوتها وشفتها تفتح عيونها مااااصدقت قلت يمكن أتوهم ! قربت منها ولقيتها صحــــــت ..
كان مشعل يمشي معاي ويسمعني بابتسامة وهز راسه وقال : الحمدلله ، وحشتوها وماحبت تطول عليكم أكثر
سارعت من خطواتي يوم انتبهت لغرفة قمره .. واتعديت مشعل لين وصلت للباب وفتحته بطوووله وأنا أقول بصرخة : قمــــــــــــره صحـــــــــت !
قاموا كل الي بالغرفة وملامحهم انقلبت من حزن لشهقات مفاجآآآه ودموع فرح ، خالي قام بسرعه وطلع .. وأمي طارت لعبايتها تلبسها وهي تقول : بسم الله عليها الرحمن الرحيم ماشاء الله تبارك الله
شعاع واهي تلف طرحتها بسرعه : متى وكيف انتي ماقلتي انك بتروحين لها !!
رديت : صار ورحت لها يلا امشوا بسرعه .. تسأل عنك ماما
ماما : ياروح أمها والله .. وغطت وجهها وطلعت مسرعة واحنا معاها ..
شمس : كيف صحت حكيني وش قالت ؟؟؟
حكيتها بالضبط الي صار وشمس قامت تنط نط بالاصنصير تبي تستعجله ..
نزلنا وطلعنا كلنا مسرعين للعناية .. وهناك لقينا هيثم واقف .. طبعا الممرضات دقوا عليه واستدعوه ليقوم بالاجراءات اللازمة

::

" شعاع "
كنا مقبلين على العناية المركزة .. وشافنا هيثم واحنا مقبلين بسرعه ودرا اننا عرفنا .. وابتسم لنا وهو يقول : مبروك ..
أمي : الله يبارك فيك ، بادخل لها ..
هيثم : مايحتاج تدخلين لها .. هي بتطلع لكم !
قلت : خلااااص بتطلع الغرفة ؟؟؟
هيثم هز راسه بابتسامة ودخل العناية وبعد دقيقة انفتح الباب بكبره وطلع سرير قمرة وهي فاتحة عيونها وتطالعنا بضعف ...
التمينا كلنا حولها بفرح غمرنا ومشينا معها والسرير يندف ..
شمس : قمووووور شهالنووووم مابغيتي .. وحشتييييييني !
قلت : الحمدلله على سلامتك حبيبتي
ماما : اتركوها لا تروعونها توها صاحية ماستوعبت شي .. بسم الله عليك الرحمن الرحيم ..
انفتح الاصنصير ودخلوها .. ودخل الكل معها .. وقبل ما أدخل انتبهت لصوت يناديني
التفت لقيت خالي طلال يأشر لي أجي وما أدخل !
طالعته باستغراب الا أشر بإيده يحثني على المشي ..
تركتهم يروحون ومشيت لخالي وأنا مستغربة منه ولا قدرت أتنبأ بشي ..
أول ماوصلت قال لي : شعاع كلمتوا أبوكم ؟؟؟؟
فاجأني سؤاله ورديت : لا ما قلنا له شي !
خالي : غلطانين ياشعاع .. ماكان لازم تخبون عن أبوكم موضوع زي هذا ! بنته بالله تدخل عملية والعناية المركزة وهو مايدري ؟؟؟
قلت بضيق : بابا مو مستقر ياخالي كل شوي ببلد وماحبيت أشغل باله .. وأساسا هو ما درا ان قمرة تعبانة من البداية ..
خالي : مالكم حق .. ! وترا الخطأ بيجي عليك لأنك الكبيرة والعاقلة وتخبين على أبوك هالموضوع .. لازم تكلمينه لازم يعرف .
قلت : والله حتى أمي قالت لي بس ما أعطيت الموضوع ذيك الأهمية قلت بيقلق ويضيق صدره وهو مايقدر يوصلنا !
خالي : حتى لو .. دقي عليه ياشعاع وعلميه بكل شي !
قلت : ان شاء الله ..
خالي : الحين !
اترددت شوي .. خاطري أروح لقمرة الحين وأشوفها .. لكن خالي قطع ترددي وقال : كلميه الحين وبعدين روحي لاختك اقعدي عندها للصبح ..
هزيت راسي بإيجاب وخالي ابتسم وطب طب على كتفي وقال : وسلمي لي عليه
ابتسمت بخفة وقلت : يوصل ..
مشى خالي وأنا طلعت جوالي ومشيت بهدوء .. مو عارفة شلون بمهـّـد لبابا الموضوع .. كيف أقول وكيف أحكي .. وهل أبدأ بعملية قمرة ولا أحكيه بداية تعبها ؟؟
تركت الكلام اهو يجي بنفسه وانا أكلمه ، ودقيت على رقمه واترقبت الرد .. انقطع الخط ومارد .. دقيت ثاني مره مارد .. !
قعدت على كرسي كان بطريقي ومسكت الجوال باكتب له مسج أسلم عليه وأقول له يتصل بي أول مايفضى ..
وأنا أكتب المسج دق جوالي " بابا"
ارتبكت ورديت بسرعه : بابا !
جاني صوته بعد ثواني : هلاااا شعوعه
قلت : أهليييين بابا ..
بابا : هلا يا ماما شلونك حبيبتي ..؟
حنيت لصوته حيل وأنا أرد : أنا بخير الحمدلله ، انت كيفك بابا وش اخبارك؟
بابا : good الحمدلله .. شلون خواتك ان شاء الله طيبين ؟؟؟
خنقتني العبرة من سأل بابا هالسؤال وحسيت بعجز عن الرد ..
بابا : ألوو شعاع ..
بصوت مخنوق : اي معاك !
بابا : طمنيني عنك وعن خواتك ان شاء الله بخير ؟
رديت : الحمدلله .. بخير
بابا : what is wrong with you فيك شي حبيبتي ؟؟
ماقدرت أضبط نفسي واتجمعت الدموع بعيوني وقلت بهمس مخنوق : I miss you
بابا : me to والله اشتقت لك انتي وخواتك حيل حبيبتي ..
غطيت فمي أبي أبلع عبراتي لا تفضحني أكثر
بابا سأل : وينهم حولك ؟؟
مسحت دموعي بسرعه وأنا أحاول أستجمع قوتي وأقول : لا مو حولي .. بابا في شي أبي أٌقول لك عليه !
بابا : What happened ???
رديت : قمرة .. كانت تشتكي من راسها من فترة ألم وصداع .. و وديناها المستشفى وطلع عندها جلطات بسيطة بالراس .. صغيرة .. واليوم سوت عملية والحمدلله نجحت والحين هي صاحية وطيبة ..
بابا بانفعال : !!! Oooh my God .. كل هذا صار لقمرة وانا مادري ياشعاع ؟؟؟؟؟؟
قلت : معليه بابا ماكنت أبي أقلقك وخلاص الحين هي طيبة والله ..
بابا : وأي مستشفى هذا الي راحته ومع أي دكتور ليه ماقلتولي عشان أجيبها عندي هنا تتعالج بدل مايلعبون فيها عندكم !!!
قلت : لا بابا والله المستشفى الي احنا فيه ممتاز والدكتور مره شاطر ..
بابا : انا لله وانا اليه راجعون .... ! (( واتنهد تنهيدة عميقة .. وقال : كيفها الحين طمنيني بالله ؟؟
قلت : بخير يابابا الحمدلله .. توها فاقت !
بابا : وش سالفة الصداع من متى وهي تعاني وانا مادري .. ؟؟؟؟
قلت : الصداع من زمان بس كنا نحسبه طبيعي لكن زاد يوم رجعنا السعودية وصارت تجيها دوخات عشان كذا فحصناها وطلعت تحتاج عملية ..
بابا سكت شوي وحسيت من أنفاسه انه يناهج واتقطع قلبي عليه
بابا بتأثر واضح بصوته : وينها أقدر أكلمها؟؟؟
قلت : الحين باطلع لعندها وأشوف اذا تقدر تتكلم بدق عليك ..
بابا : يلا استناك
قفلت منه وطلعت فورا لعند قمرة

::

" قمرة"
لهاللحظة وأنا أحس اني بين عالمين .. ! لاني بعالم اللاوعي ولاني اوتعيت تماما .. !
حسيت بماما وخواتي وكثير حوليني .. وحسيتهم وهم يطلعوني من قسم وينقلوني لقسم .. شالوني من سرير وحطوني بسرير غرفتي ..
شفت ماما تقعد جمبي وتقرب مني وتلمني وتبوسني .. مسكت إيدها أبيها تظل جمبي .. شفت شروق وشمس وهم واقفين بالجمب الثاني .. انتبهت لخالي .. مشاعل ..
ومن بين كل ذولا شفت شخص واقف عند باب الغرفة .. كان يتكلم مع الممرضة .. ! كنت أبي ذاك الشخص هو بعد يجي ويوقف جمبي .. بس ماقدرت أناديه .. ماقدرت أنطق .. كنت من التعب الي يخليني أحكي بعيوني ، والي يفهمني .. بيجيني !
التفت هيثم وشاف عيوني تطالعه .. ترك الممرضة واقترب .. وقال : الحمدلله على السلامة قمرة
هزيت راسي بخفه ..
هيثم : بتحسين بصعوبة شوي لما تتكلمين وهذا شي طبيعي بعد البنج والنومة الطويلة ..
بصوت خافت ماينسمع : اش صـ ـار ؟
هيثم : كل شي صار تمام .. تحسين بألم ؟
رديت : اممم ..
هيثم كلم الممرضة وسجل نوع الابرة وعدد المرات الي آخذها ..
شفته يكلم ماما ويحرصها علي وان لحد يضغط علي بالكلام أو الأكل لأن البنج لازال مأثر على جسمي ..
وبعدها قال : انا أستأذن الآن وزي ماوصيتكم أي شي يصير كلموني فورا
خالي : ماتقصر ياهيثم كفيت و وفيت يعطيك العافية ..
هيثم : الله يعافيك
والتفت لي وقال : والحمدلله على سلامتك مره ثانية
بهس ماتوقع سمعه : الله يسلمك
مشى للباب وقبل مايطلع التفت وأشرلي باصابعه .. وفتح الباب وطلع ..
خالي بعد ما اتطمن علي سلم عي وراح ومشاعل جتني وسلمت علي واتحمدت لي بالسلامة .. وراحت مع خالي .
في وحده مهي موجودة ! .. وحدة أحبها أكثر من نفسي ..
كنت أحسها طول اليوم حولي بس بهالوقت مفقودة !
وقبل ما أسأل عنها .. انفتح الباب ودخلت .. !
جتني مسرعه واهي تقول بابتسامة : عمــــــــــري أنااااااا ... الحمدلله على سلاااااامتك
انشرحت أساريري ببهجة لشوفتها ..
شعاع قعدت جمبي على السرير وباستني وقالت : حبيبتي شلونك ؟
قلت بالقوة : انتوا قولولي ؟
ماما : طيبة الحمدلله اتطمني ياقلبي ..
قلت : متى بطلع ؟؟
شعاع بتحذير : همممم !! تونا ياقمرة على هالكلام مانبي نسمع هالسؤال لين دكتورك يقرر !
ماما : يسعده دكتورها والله ماقصر طول اليوم وهو بيننا وبينك .. ماتركك ولا لحظة
شروق بفرح : اييييه .. مره كان مهتم فيك وكل ما استدعوه راح بسرعه خلص شغلته ورجع ..
مافيني أرد بس عيوني ضحكت .. وخواطري فرحت ..
شعاع مسحت على خدي بحنية وقالت : كلمت بابا ..
طالعتها وأنا أترقب التكملة ..
شعاع : كان لازم أعلمه ..
ماما : طبعا ومن أول المفروض
شمس بقلق : واش قال ؟؟
شعاع : اتضايق واتأثر طبعا .. وقال يبي يكلمك
ماما : ماتقدر الحين تكلمه هي باليالله تحكي معانا ..
شعاع : بقول له .. وبكرا ان شاء الله تكلمينه ..
طلعت شعاع برا الغرفة تكلم بابا وشمس وشروق طلعوا معاها يبون يكلمونه .

::
"شروق"
أنهينا مكالمتنا مع بابا وكلنا اتأثرنا من تأثره وحنينا له ولشوفته ..
بابا كان مشغول عننا أغلب الوقت لكن كان لما يقعد معانا يغمرنا بكل عطف وحب وحنية ودلال
ماعمره رفض لنا طلب أو حسسنا بنقص أو حرمنا من شي ..
يمكن هالشي دللنا كثير ويمكن ضيعنا أكثر
لكن هذا مايغير من تعلق بابا فينا وتعلقنا فيه ..
مكتوب علينا بهالدنيا نعيش لوعة فراق أحد الاثنين .. أمي أو أبوي !
مستحيل نتهنى بقربهم .. بنفس الزمن !
قلت وأنا أرجع الجوال لشعاع : قال لك على لبنان ؟؟؟
شعاع : ايه .. قالك لك ؟؟
هزيت راسي بإيجاب ..
شمس : شالسالفة ماقال لي شي ؟؟
شعاع : يقول بيكون بلبنان الفترة الجاية وأول ماتتحسن قمرة يبينا نروح له هناك ..
شمس : أووه حلوووو حبيبي بابا والله وحشني ..
شعاع : ايه وهو وبعد فاقدنا حيل ..
ورجعوا خواتي لغرفة قمرة ..
وأنا قلت لهم بامشي شوي وأجي .. واذا تبون الصراحة كنت أبي أرجع للمر الي ضيـّـعت غرفة قمرة فيه !!
مشاعل راحت مع خالي ! معناه مشعل لازال موجود ! ويمكن يكون راح .. بس مافي شي يمنع اني أتأكد ..
مشيت بهدوء للممر الثاني .. كانت أبوب الغُرف كلها مسكرة .. ما أذكر بالضبط عند أي غرفة كان واقف !
مشيت على مهل وأنا أمر بجمب كل غرفة وأحاول أرهف سمعي .. يمكن يوصلني صدى صوته .. !
وصلت عند آخر غرفة ويوم جيت بارجع انتبهت لأحد الأبواب ينفتح وانربشت ودرت وجهي بسرعه .. سمعت صوته وهو يودع الي داخل ويطلع ..ويسكر الباب .
اتفاجأت بشكل مربـُـك ! وكان لازم أرجع من نفس الطريق الي جيت منه .. مسكت جوالي ومشيت كني مو شايفته ولا أدري عني ..
حسيته واقف مكانه وأنا عيوني ضايعة بالجوال أشغل نفسي فيه وأمثل دور البريئة الي مو دارية ان في أحد !
وكل ما أخطو قربه أكثر كل ما تزيد ربكتي أكثر وتتسارع دقات قلبي أكثر ..
مشعل بهدوء : شروق ..
ان كان بقى فيني شعور واحد ماارتبك من طلته ، فصوته الحين وهو يناديني نسـفـُـه !
رفعت عيني واتظاهرت بالمفاجأة وأنا أٌقول : أووه انت هنا ؟؟؟؟
مشعل ابتسم ابتسامة حسستني بغبااااائي واتمنيت لو اني ظليت جمب قمرة حبيبتي ولا لحقته لهالمكااان !
مشعل : مو قلت لك زميلي هنا وجاي أشوفه !
هزيت راسي وأنا أقول : اممممم صح .. تعرف مع دوشة قمرة نسيت !
مشى مشعل ولقيت نفسي أمشي ويااااه !
مشعل : وين بتروحين ؟؟
قلت متظاهرة اللا مبالاة : كان ودي أمشي شوي طول اليوم وانا قاعدة ..
مشعل : كيف قمرة ؟؟
رديت : كويسة الحمدلله ..
مشعل : بكرا بمر أسلم عليها
أسعد خاطري هالطاري وحاولت أكبت شعوري ولا أبين وقلت بهمس : ان شاء الله ..
وصلنا الاصنصير ومشعل ضغط يطلبه .. وقال : بتنزلين ؟؟؟
جيت برد بس سمعت صوت شعاع وشمس يقرب مني ..
لا .. ماكنت أبي أحد يجي ويشوفني ويـّا مشعل .. خصوصا شعاع الي حاولت تبيني أبعد عنه ..
اتناسيت كل شي بهالوقت .. غادة .. مشاعل .. شعاع .. بهاللحظة أنا سعيدة بقربه اتركوني دقايق بس معاه ..
كان صوتهم يقترب أكثر .. وصل الاصنصير وأول مانفتح دخلته بسرعه .. وبهالوقت قدرت أجاوب على سؤاله وقلت : ايه .. أبي أشري موية ..
هز مشعل راسه ببطء ، وعيونه متعلقة بعيوني ، ودخل الاصنصير ..
وثواني واتقفل الباب

::

" شمس "
كنت أتمشى أنا وشعاع بالممر .. رايحين جايين بعد القعدة الطويلة الي وترتنا طول اليوم
قلت بدون مقدمات : شعاع رئيس قسمي يحاول يحتك فيني من فترة .. شسوي وياه ؟؟؟
شعاع : نعم !! شيبي هذا ؟؟؟
قلت : مدري عنه .. أنا مو معطيته أي بال ولا اهتمام بس هو الي مهتم وكله يسأل عني ويتصرف معاي تصرفات غير عن الباقين !
شعاع : طنشيه ياشمس .. لا تعبرين ولا شي يجي منه بيني انك مو مستوعبة أصلا الي يسويه واتعاملي معاه برسمية محدودة !
قلت : هذا الي أحاول أسويه .. مع ان البنات الي معاي ملاحظين ويقولون يابختك قلت لهم مستحيل أتقبله وممكن أنقل لقسم ثاني لو استمر بحركاته ( وبتنهيدة : أنا مو ناقصة هم على قلبي جديد ..
شعاع مسكت ايدي واهي تقول : حبيبتي انتي ..
قلت بعين شاردة : لجين سألتني عنه !
شعاع : عن مين ؟؟ نادر !
هزيت راسي بإيجاب ..
شعاع بصدمة : جد ؟؟؟ متى ؟
قلت : البارح ..
شعاع : واش قلتي لها ؟؟
ابتسمت بسخرية يوم اتذكرت شقلت لها ..
شعاع طالعتني تنتظر جوابي ..
خنقتني العبرة غصب وأنا أقول : ماعرفه ! قلت لها ماعرفه.. (( هفيت ايدي على وجهي أمنع دموعي وانا أقول : وانا جد ليتني ماعرفته ..
شعاع : شمووووس .. الي سويته صح حبيبتي .. انسيه وأوهمي نفسك جد انك ماتعرفينه وبتتعايشين مع هالشعور ..
قعدنا على كراسي كانت بالطريق وقلت : أتمنى يوم أعيش بدون ثقل ذكرياته خلاص تعب قلبي والله !
ضمنتي شعاع واهي تقول : سلامة قلبك حبيبتي .. أنا متأكدة انه بيجي يوم تتجاوزينه وتنسينه ويصير حكايا .. !
قلت بهمس : ان شاء الله

ولا كنت أدري ان الدنيا بتسويها فيني .. وأصير أنا الحكايا !

::
" مشعل "
انصك باب الاصنصير وعيوني لازالت متعلقة بعيون شروق ..
شروق انزوت بركن الاصنصير عند الباب .. وانا سندت جسمي وراسي على جدار المصعد وعيوني عجزت أبعدها عنها !
شروق أبعدت عينها عني وصارت تراقب أرقام المصعد واهي تتناقص ..
فيها شي يشدني لها بشكل عجيب .. غير جمالها الرباني ونعومتها وأنوثتها الذباحة .. فيها شي مختلف يجذبني بجنون ..
ظليت أتأملها ، وهي كل شوي تغير من وقفتها وأنفاسها تتسارع بشكل يبيـّـن شكثر نظراتي مربكتها !
قلت وعيوني تتأمل ملامح وجهها : لو انقفل الاصنصير وماقدرنا نطلع ، وش بتسوين؟
طالعتني شروق وقالت : عادي .. مراح أسوي شي ..
قلت بخبث : عادي ؟؟
هزت شروق راسها بإيجاب ..
قلت : مراح تخافين ؟؟
شروق : ليه أخاف وانا معاك ..؟
انفتح باب الاصنصير ومشت شروق بجمبي وكملت بابتسامة : يمكن أفرح بعد !
وطلعت ..
وقفت مكاني للحظات ! وش تعني بكلمتها هالبنت ؟؟؟ لسه البارح كانت مو طايقتني ورمت علي كلام غريب ماقدرت أفهمه !
والحين تقول بتفرح لو كانت معاي ؟؟؟
مشيت وانا مو عارف لوين بيوديني هواها .. فيها شي غريب مو قادر أفهمه .. شي يبعدني ويجذبني بنفس الوقت .. شي متأكد انه بينتهي فيني للجنون !
شروق شرت لها موية .. ويوم رجعت كنت واقف بنص الطريق ..
قالت واهي تمشي : رايح ؟؟
تجاهلت سؤالها وقلت : أحد قال لك من قبل انك حلوة وانتي تبكين ؟
شروق ابتسمت ورفعت قارورة الموية لفمها تشربها .. وبعد مانزلتها قالت : لا بس انا عارفة اني حلوة بكل حالاتي ..
قلت باستهبال : لالالا بس وانتي تبكين .. داايم ابكي بالله
شروق : هههههههههههههههههههههه ماعاش من يبكيني ..
ياويلي من ضحكتها ومن كل شي فيها ! خفت أتهور معها .. حسيت ان وجودي معها أكثر مهو بصالحنا .. حسيت بهاللحظة شكثر أنا متولع فيها .. كان ودي أسألها عن سبب نفورها مني الفترة الي راحت .. بس أجلت سؤالي لبعدين .. حبيت ينتهي لقائنا بود زي مابدا بود ..
قلت وأنا أرجع خطوة لورى : تمام ياواثق .. أنا ماشي ..
شروق بابتسامة : أوكي الله معاك ..
قلت وأنا أأشر على الموية : ممكن أشرب شوي ؟
طالعتني شروق باستغراب ضحكني بداخلي .. بس تظاهرت بجدية طلبي .. وقالت وملامحها مستغربة : مويتي ؟؟؟
قلت : ايه فيه موية غيرها .. ؟
شروق بضحكة : مابقى الا نقطة !
قلت : وانا هالنقطة أبيها ..
مدت شروق ايدها بتعطيني الموية .. ويوم جيت آخذها لامست أصابعي ايدينها بدون قصد .. أحلف لكم ماكنت قاصد .. لكن لمستها هذي خلتني أطالعها وانا آخذ الموية بنظرة حب أجبرتها تلف وجهها عني ..
أخذت القارورة ولفيت وأنا أقول : يلا سلام
شروق : ماشوفك شربت ..
مشيت وانا ملتفت عليها ورفعت القارورة لفمي وبدل ما أشرب .. بست فتحة القاروة الي كان فمها يشرب منها ..!
شفت شسوت حركتي فيها من ارتباك بعد مافهمت قصدي .. وانعفس وجهها وحمـّـر وخضـّـر وصفر ومشت مسرعة للاصنصير
ضحكت وابتعدت ..
قلت لكم خفت أتهور أكثر لأن وجودها قربي .. ولحالنا .. ينسيني نفسي .. !
طلعت من البوابة وانا متووونس على قارورة مويتها الي معاي ..
أجل قارورة موية صارت تفرحك يامشعل .. ههههه مجنون !

::
"قمرة"
طول الليل كنت أون بتعب .. ماما ظلت جمبي تقرا علي وتهديني .. كنت أحس بألم برآسي وجسمي وكلي .. !
وبالصباح دخلوا الممرضات يبون يغيرون الضماد ..
قلت لماما وانا صوتي بدا يطلع بس خانقته البحه : ماما بيعوروني مابي أحد يلمسني ..
ماما : قمره لازم تغيرين الضماد حبيبتي وانا براقبهم مراح أخليهم يعورونك
قلت : خليهم يعلمونك وانتي غيريه ..
ماما : حياتي قمور أنا ماقدر أخاف يصير معاي شي وآذيك بالعكس الممرضات أدرى بهالشغل وكلها تغيير ضمادة دقيقة وترتاحين ..
قلت وأنا أبلع ريقي بخوف : طيب خلي يحطون لي بنج !
ماما : مايستاهل بنج ياعمري ياقمرة انتي بس خايفة ولا مافي شي يخوف .. كان بهالوقت غيرولك هو وارتحتي ..
قلت بقلق : طيب خليهم يعلموني وش بيسوون بالضبط ؟
سألت ماما الممرضات وش الي بتسونه ..
الممرضة : بنفك الشاش ونغير الضمادة الي على الجرح ونعقمه تعقيم بسيط ونغطيه وخلاص !
ماما بابتسامة مشجعة : شفتي ياقلبي .. مافي شي يخوف يالله حبيبتي وانا جمبك ..
جو ممرضتين قربوا لراسي .. وأنا غمضت عيوني بقوة وقلبي وايدي ماسكة ايد ماما بقوة أكبر ..
كانت الممرضة قاعدة تفك الشاش من على راسي عشان تقدر توصل للضمادة وتزيحها .. وهالشي بحد ذاته كان يئلمني وكل ما اقتربت للضمادة كل مازاد الألم ..
الممرضة : استرخي قمرة بنحط سلاين عشان نقدر نفك باقي الشاش ..
قلت : ليه مو كان ينفك تو ؟؟
الممرضة : الجزء القريب من الضماد ماسك فيه ومانبي نسحبه ونئلمك ..
أرعبني كلامها وقلت : بس بس بس وخري إيدك بالله وخري وخري ..
أبعدت الممرضة إيدها واهي تقول : مراح تحسي بالألم اذا صبينا السلاين !
لميت راسي بين إيديني وانا اقول : ماااااابي وخروا عني لاتصبون شي ولا تغيرون شي ..
ماما برجاء : ياقمرة ياقلبي خليهم يكملون شغلهم ترا لازم تغيرين الضماد لمصلحتك حبيبتي !
قلت والدموع بدت تاخذ مكانها بعيوني : طيب مابي الحين ، بعد شوي أغيره ..
ماما : وش يفرق ياقلبي الحين ولا بعد شوي ؟؟
قلت : ذولا إلي ليه جايين من صبح الله ماعندهم شغلة غيري .. ؟
الممرضة : دكتورك طلب أول ماتصحي نغير الضماد ..
قلت بعناد وألم ودموع : طيب والحين بارجع انام اذا صحيت مره ثانية تعالوا ..
ماما حست ان نفسيتي متأزمة وقالت : خلاص روحوا واذا ارتاحت شوي ناديتكم ..
تركوا الممرضات العربية وطلعوا ، وماما قعدت جمبي وحضنتني وقالت : ليه الدموع والخوف ياقمرة ؟ يعني ماشاء الله سويتي عملية وكنتي بطلة فيها .. والحين من تغيير ضماد تخافين ؟
قلت وأنا أمسح دموعي : هيثم الي سوا العملية عشان كذا ماخفت .. بس ذولا مجرمين شوفي ايدي للحين مورمة من الابرة الي ماعرفت تحطها !
ماما :خلي ذيك صح ماتعرف ، بس الحين ذولا شاطرات هيثم خصصهم لك لأنهم أحسن ممرضات بالمستشفى !
قلت : طيب بعدين مو الحين ..
دق جوال ماما ومسكته وردت : "هلاشعاع" " صباح النور " "الحمدلله بخير" " ايه صحت" "دقيقة ما أسمعك زين"
وقامت واهي تقول لي : أكلمها وأجي ..
هزيت راسي وسندته على المخده وسكرت عيوني .. بعد دقيقة دخلت الممرضة وقالت : الدكتور برا
هزيت راسي بايجاب .. وعيوني اتعلقت بالباب بترقب لدخوله !
دخل هيثم وفورا جت عينه بعيني وابتسمت له وأنا أعدل وضعيتي ..
هيثم طبعا كان بزي المستشفى وماسك ملفي بإيده .. وقال وهو يمشي لعندي : صباح الخيــر ..
رديت : صباح النور
وقف جمبي وقال بابتسامة ناعمة : كيفك الحين ؟
هزيت راسي وأنا أهمس : تمام
هيثم طالع بعيوني وشاف فيها أثر الدموع وقال : في ألم ؟
رديت : شوي ..
هيثم رفع ملفي يطالعه وقال : أخذتي الابرة ؟؟
رديت : عطوني هي وانا نايمة ..
ظل هيثم يقرا بالملف ويقلب بالأوراق لحظات بعدين حط الملف على جمب وهو يقول : أوكي ..
وطالع الشاش المفتوح بشكل يبين ان الشغل ماكتمل .. وقال : ماخليتيهم يغيرون لك الضماد ..
حسيت بدموعي ترجع من جاب هالطاري وقلت : ايه مابي يعوروني ..
هيثم طالعني وقال بقلق : طيب ليه تبكين ؟؟
مسحت عيوني بخلف كفي وأقول : مافي شي ..
هيثم يعيد علي بعدم تصديق : مافي شي !؟
ابتسمت بدون رد ..
طالعني بنظرة خلتني أضحك وقلت : شفييييك ؟
هيثم : انتي أغرب وأعجب مريضة عالجتها ومرت علي !
قلت ببرائة : ليه شسويت ؟
هيثم : هبلتي فيني .. بس !
وقبل ما أستوعب قصده قال : والحين ممكن تسمحين لي أغير لك الضماد ؟
قلت بفرح : انت بتغيره لي ؟؟
هيثم وهو يمشي للعربية : مو قلت لك انتي أعجب بنت مرت علي !
طالعته وانا أسترجع الكلمة الي قالها قبل شوي .. وقلت : لا انت ماقلت كذا تو !
هيثم وهو يلبس القفازات : هممم وش قلت ؟
رديت : قلت انتي أعجب مريضة !
هيثم : أعجب مريضة شفتها وأحلى بنت عرفتها ..
اتوسعت ابتسامتي بحرج .. وبشكل مبين شكثر مونسني وجوده وقربه وكلامه وشعوره ..
سحب العربية لجمب السرير وهو يقول بنبرة رجاء : بس لاتبكين ..
مارديت ، وظليت أطالعه مثل الطفلة الي تراقب عملاق لكن من نوع آخر ..
عملاق بمشاعره ، ورقته ، وهدوؤه ، وحنانه .. !
نزّل ذراع السرير وبهالشكل صار واقف تماما عند راسي .
أخذ السلاين وصبه على الشاش وهو يقول : استرخي قمرة ..
استرخيت ياهيثم من جت عيني بعينك !
وعلى كثر مابغيت الممرضة تبعد إيدينها عن راسي .. على كثر ماتمنيت هيثم مايبعد .. ولا الشاش ينفك .. ودي الوقت يمر ويروح وهيثم يبقى ومايروح !
مجرد قربه يحسسني ان كل شي بهالدنيا حلو وبخير ..
كان يشتغل بهدوء ورقه وكل شوي يصب من السلاين عشان لا أحس بأي ألم !
شال الضماد على شوي شوي وانا غمضت عيوني بخوف ..
هيثم وقف ايده وطالعني وقال : قمره في شي ..؟
قلت وانا مسكرة عيوني : لاا ..
هيثم : لاتخافين قمورة ..
وكمل شغله وشال الضمادة ..
دخلت ماما ومن شافت هيثم مشت واهي تقول : أهلين هيثم صباح الخير
هيثم : صباح النور هلا خالتي ..
ماما طالعتني وانا مستسلمة بهدوء لهيثم .. وابتسمت وهي تقول : مابغت قمرة أحد يلمسها كله خايفة يعورونها ..
هيثم وهو يثبت الضماد الجديد : هو انا ماودي انها تخاف لأن مافي شي يستدعي هالخوف ..لكن هذا من حسن حظي ..
ابتسمت وانا أطالع بماما ، وهيثم أنهى شغله .
وكمل وهو ينزع القفازات من إيده : أحد تجيه فرصة يخدم الحلوة قمرة ويقول لا ؟
ضحكت بحرج وقلت : شكرا ..
شعري كان انسدل على كتوفي بعد ما شال هيثم الشاش من راسي .. وماما سألت : مايحتاج شاش ؟
هيثم وهو يطالعني : لا .. مايحتاج ..
ماما : يعطيك العافية هيثم
هيثم : الله يعافيك ..
قلت : ومتى باطلع ؟
هيثم وهو يحك دقنه : امممممم .. متى بتطلعين ..
طالعته بترقب لجوابه وهيثم كمل : ما أقدر أطلعك من المستشفى الا وحالتك تمام من كل النواحي .. لما تقومين وتمشين ونشيل عنك الجلكوز وتاكلين .. وقتها أقرر !
قلت : طيب شيلوا الجلكوز أساسا أنا مني عارفة للحين مخلينه ؟؟
هيثم : عشان نعطيك المضاد من خلاله ..
قلت : أوكي يعني تقريبا .. متى ؟؟
هيثم بجدية : ماقولك متى .. اذا قدرتي تقومين وتمشين شوي شوي بدون أي احساس بالدوار والدوخة وأكلتي بدون ماتحسين بترجيع .. وقتها أشوف !
ماما : يعني انتي وشطارتك !
كشرت بضيق وشحت بوجهي على الجهة الثانية .. ان كان طلعتي بتتعلق بهالشروط معناه باقعد أيام وليال بالمستشفى !
هيثم انتبه لوجهي الي رسم الضيق خطوطه بملامحي .. وقال : عشان مصلحتك ياقمرة ..
طالعته بصمت وبدون تفاعل .. ابتسم وقال : أنا عندي عملية الآن تدرين وشو ؟؟
قلت بهمس : وشو ؟
هيثم : زميلي دكتور قلب مستدعيني لعملية بننقل شرايين مريض من الرجل للقلب !
شهقت مفزوعة .. وماما قالت : لا اله الا الله كيف كذا ؟
هيثم : شاب صغير مسكين عنده انسداد بشرايين القلب ومافي حل غير كذا ..
قلت بحزن : يووو ياعمري الله يشفيه ..
هيثم : عشان تعرفين انك أحسن من غيرك
ماما : اي والله الحمدلله على النعمة ..
هيثم : يلا أنا لازم أروح العملية الآن ..
ماما : الله يعينك ويسهلك ..
مشى هيثم للباب وقبل مايطلع ناديته : هيثم
التفت وطالعني باستفهام !
كملت : بتمرني بعد العملية ..؟؟
حسيته فتح فمه كنه بيقول شي .. بعدين تردد وقال : ان شاء الله
قلت باتأكد : أكيد ؟؟
هيثم : أكيد .. وعد !
وابتسم لي وبادلته الابتسامة بنعومة .. وطلع .

::
" شعاع "
استأذنا كلنا من دوامتنا اليوم ورحنا لقمرة .. أول مادخلنا لقيناها نايمة ..
قعدنا على الكنب ويا ماما وقعدنا نحكي بهمس عشان ماتصحى ..
وبعد نص ساعه .. صحت قمرة وطالعتنا بتعب
قمت لها وانا أقول : حبيبتي نمتي زين ؟
قمرة : ألم براسي ، كلميهم يعطوني أي شي ..
قلت : يلا الحين ..
وطلعت طلبت لها إبرة .. وبعد ماخذتها وتحسنت شوي .. سألتنا : هيثم ما جا ؟
ماما : لا شكله للحين بالعملية أو طلع وجته شغله !
شروق : ماشاء الله بيجره مايوقف رنين كل شوي يطلبونه ..
قعدنا حول قمرة نحاكيها ونسليها ..
بعد ساعة بدوا يتوافدون الزوار ..
جا عمي ومرة عمي .. وبعدهم بساعه جت خالتي وغادة ورزان ..
انتبهت للوضع بين غادة وشروق كان هادي وراكد وسوالف عامة !
بعدهم جا خالي ومشاعل ، وجت عمتي أم هيثم
وآخر الزوار الي كانوا موجودين للّـيل.. خآلي ، وعمتي أم هيثم ، وآخر الحضور الي بالنسبة لي غطى وجودهم على أي حضور، كانت عمتي أم سلطان وساره وليان .
لكن الجدير بالذكر ان قمرة كانت مهي قمرة .. !
كانت تعبانة نفسيا وجسديا بشكل فضيع .. وغريب !
عمتي هند (أم سلطان ) : قمره ترا الصياح يزيد من تعبك لاتبكين ياقلبي
قمرة وهي تبكي : أبي أطلع من المستشفى مابي أقعد مابي ..
ماما : حبيبتي مايصير هالكلام انتي لسه تعبانة !
قمرة : هنا باتعب أكثر خلاص طلعوني ..
خالي : وين الدكتور هيثم ؟
ماما : شكله مشغول مرنا الصباح وعليها .. بس فيه الدكتور المناوب .
طالعت بقمرة وشي بداخلي بدا يشك ان جزء من تعب قمرة ونفسيتها هو هيثم !
يمكن اتضايقت انه مامرها طول اليوم !
وكانوا الممرضات يدقون على بيجره ويجينا دكتور ثاني بداله .. وكل مايدخل دكتور ثاني كل ماتنفعل قمرة أكثر
وآخرتها صارت تبكي وتهذي بالخروج .. !
ساره وليان حاولوا يحاكونها ويضحكونها بس كل ماهدت ردت تبكي مره ثانية !
طلعت من الغرفة أبي أسأل عن هيثم ..
يجي ويشوف لإيش وصلت قمرة من حاله غير مقدور عليها .. يمكن يكون حلها عنده !
مشيت ولقيت آخر الممر شخص معطيني ظهره ويكلم بالجوال .. مجرد هيأته خلتني أتراجع على ورى .. !
عرفته من الخلف .. بطوله وراسه المحلوق .. ورفعة راسه واهو يكلم بالجوال ..
إلا هو .. سلطان .
التفت سلطان ناحيتي وهو يكلم وشافني .. !
مشيت بطريقي وعيونه لازالت تطالعني بنفس النظرات الحادة الي تفرض هيبتها على قلبي غصب عني ..
أبعدت عيني عنه وكملت طريقي .. لكنه قفل أول ماوصلت لعنده وهالشي خلاني أرجع أطالعه , وفورا قال : مرحبا
وقفت بنص السيب والتفت نصف التفاته وانا أقول : أهلين ..
سلطان : سلامة قمرة ماتشوف شر ان شاء الله ..
رديت : الله يسلمك ..
سلطان : كيفها عساها أحسن .. ؟
رديت : شوي ..
سلطان : ماقدامها الا العافية ان شاء الله
قلت : الله يعافيك ..
سكتنا شوي وسلطان كان يطالعني بثبات ونظرة غامضة يصعب علي أفهم وش تخبي وراها ..!
مشيت خطوة وأنا أقول : عن اذنك بروح أدور هيثم ..
سلطان طالعني بصمت ..
شي فيني خلاني أبرر فعلي وقلت : عشان قمرة !
سلطان هز راسه وقال : اوكي مع اني دقيت عليه مرتين مايرد ودورته مالقيته لكن يمكن انتي تلقينه ..
اتأففت بضيق وأنا محتارة وين ممكن يكون ؟؟ الممرضات بعد يدقون على بيجره ولا يرد لكن يجون دكاترة بداله بشكل يبين ان هو الي أرسلهم !
سلطان انتبه لضيقي وقال : عسى ماشر ؟
قلت : قمرة نفسيتها تعبانة وبس تبكي وتبي تطلع .. نبيه يجي يشوفها ويقرر اذا ممكن نطلعها ..
سلطان : معقول تطلعونها اليوم ؟؟
قلت : مو هذا الي ودي أسأل هيثم عنه ..
سكتنا .. ماعاد في حكي نقول له .. أو في حكي بس مانقدر نقول له !
شعور غريب بالرهبة يتملكني وانا بقربه .. مشيت خطوة مبتعدة وأنا أقول : عن اذنك بارجع لقمره
سلطان : خذي راحتك ..
مشيت مبتعدة وبعد ثواني سمعت صوته يناديني : شعاع !
التفت عليه باستغراب !
أشر بعيونه على أول الممر .. ولقيت هيثم هو ودكتور ثاني يمشون ويتكلمون .. !
مشيت ناحية هيثم بسرعه .. متعدية سلطان ومتعدية الكل .. وهيثم انتبه لي وأنا أمشي بخطوات مسرعه .. وكان يستمع للدكتور وعيونه تتبعني بترقـّـب ..
وصلت وتركت مسافة بسيطة بيني وبينهم ووقفت أنتظره يخلص من الدكتور الي معاه .
لكن هيثم أنهى الحديث بسرعه ومشى الدكتور ، جاني وهو يقول : هلا شعاع .. في شي ؟
قلت : قمره ..
هيثم : شفيها ؟؟؟؟
قلت : لها كم ساعة وهي بحاااله فضيعة بس تبكي وجننتنا تبي تطلع !
هيثم : ليييه شصار ؟ أحد من الممرضات ضايقها أو زعلها .. ؟
قلت : لا والله .. كانت نايمة ومن صحت العصر للحين وهي حالتها حالة ..
مشى هيثم وهو يقول : ممكن أشوفها ؟
رديت : أكيد
مشينا ناحية غرفة قمره .. وبالطريق تقابلوا هيثم وسلطان وهيثم رحب فيه بحفاوة وبشكل يوحي ان هالاثنين أًصدقاء قراب لبعض ..
هيثم : عطني دقايق سلطان أشوف قمرة وأجيك
سلطان : خذ راحتك أخوي انا باخذ أهلي وأمشي وبيننا اتصال ..
هيثم أشر له وهو يمشي : تمام .. يلا سلام ..
كنت واقفة ويوم مشى هيثم ابتسمت لسلطان ..
لكن سلطان .. عطاني ظهره ومشى !

::

[المحظوظة]

::

"هيثم"
دخلت شعاع قبلي وقالت لهم اني موجود برا وبعد ثواني دخلتني ..
وشفت آخر شي كنت أتمنى أشوفه .. وأتحمل أشوفه !
قمره بمنظر ماشفتها فيه قبل وهي تون وتبكي بتعب وألم بحضن أمها ..
مشيت وانا أقول : السلام عليكم
الكل رد السلام .. الا قمرة طبعا .
قربت للسرير وقلت وعيوني متعلقة بقمرة : عسى ماشر .. ؟
قمره ماردت ..
خالتي " أم شعاع " : قمرة حبيبتي هيثم هنا يكلمك ..
قمرة تكلم أمها : انتوا عارفين وش أبي .. انتوا كلموه وقولوله !
صدمني كلامها !
كانت من النفسية الي مو راضية تلتفت لي ولا حتى تكلمني .. !
طلال خالها قال : يادكتور بنتنا تعبانة وتبي تطلع من المستشفى شرايك ؟
قلت : مايصيييير .. قمره انا قلت لك مايصير تطلعين قبل ما ........
قمره قاطعتني وهي تقول بصوت متقطع من التعب والنحيب : مابي أمشي ، ولا أبي آكل ، ولا أبي أقعد هنا دقيقة وحده .. خلاص وقـّـعني على مسؤوليتي وطلعني !
أمي الي كان مبين تأثرها بحال قمرة : ترا مايصير تكون بهالحالة وهي تعبانة .. هيثم تبي تطلع طلعها ..
طلال : خلها تطلع وآخذها بيتي .. لأنه قريب من المستشفى ونجيبها هنا كل يوم تراجع !
شعاع : والله من كثر مابكت خفت صار لجرحها شي ..
أم شعاع : بعد عمري من العصر وهي بهالحالة ..
شروق : في خطورة شديدة لو طلعت ياهيثم ..؟؟

الكل كان يسأل .. ويحكي .. ويتكلم .. وأنا بحالة ذهول !
ليه صار بقمرة كل هذا وأنا تركتها الصباح من أحسن ماتكون ؟؟؟
ليه اتأزمت نفسيتها .. ليه تعبت وبكت وانهارت .. !
وأكثر سؤال ذبحني .. ليه ماتبي تكلمني ؟

شعاع : انا خايفة يكون في خطر عليها لو طلعت شرايك هيثم ؟
قمره : الخطر لو قعدت بهالمكان .. أنا بطلع يعني بطلع !
قلت بهدوء : طيب ياقمرة بتطلعين ..
قمره بتأكيد : الحين !
رديت : ايه الحين .. بس ممكن أغير الضماد وأتأكد ان كل شي تمام ؟؟؟
قمره عدلت وضعيتها وقامت تمسح عيونها بطرف كمها بشكل ذبح قلبي .. وتناهج بصوت مكبوت خلاني أتنهد بضيق وانا أتأملها ..
دقيت من تلفون الغرفة على الممرضة أطلب عربية الغيار .. وبهالوقت انتقل الكل للجلسه آخر الغرفة ليفسحولي مجال .. وأم شعاع قامت تلم أغراضهم بالغرفة ..
جابت الممرضة العربية .. لبست القفازات ، وصبيت السلاين على الضماد ، وقلت قبل ما أبدا : اذا حسيتي بأي ألم قولي ، أوكي ؟
قمره سكرت عيونها ولا ردت ..
كملت شغلي بأقل من مهلي .. واتطمنت ان الوضع زين ورجعت الضماد ..
سألتها : أكلتي شي ؟
هزت راسها بنفي .. !
آلمني صمتها ، وقلت بضيق : خير ان شاء الله ..
وطالعتها وأنا أقول : ممكن تعطيني إيدك أطلع الإبرة .. ؟
مدت قمرة إيدها كل هذا وهي ماتوجه لي ولا حرف !
مسكت إيدها بنعومة وشلت الابرة ببطء وغطيتها باللصق .. بعدها ضغطت على ايدها وأنا أطالعها .. أبي ألفت انتباهها وأغير من شعورها ونفسيتها .. طالعتني بعيون ذبلانة وقالت : خلاص ؟
طبطبت على إيدها بخفة وأنا أهمس : خلاص ..
أبعدت قمرة إيدها عني .. مشيت وأنا أقول : باكتب لك الآن خروج لكن بلييييز قمرة .. تتغذين زين لأني باصرف لك أدوية عن طريق الفم , ولازم تاخذينها بانتظام .. الشي الثاني ماتجهدين نفسك بالحركة .. حاولي تمشين شوي شوي لين ينتظم التوازن عندك .
قمرة ضحكت بسخرية وهي تقول بصوت أقرب للهمس : توازن ! ياربي أنا وش لي ووش للخرابيط الي مالها أول ولا تالي ..
ماما : قمور .. روقي ياقلبي خلاص هذا احنا بنطلع .
أخذت ملفها ومشيت وأنا أقول : بجيب عربية وأرجع ..
طلعت وطلع طلال معاي .. وفهمته كل شي يتعلق بقمرة ..
وكيف لازم تجي المستشفى يوميا نقيس حرارتها وضغطها ونشوف جرحها لأن وضعها لحد الآن غير مستقر !
طلبت لها عربية وأخذها طلال ودخل فيها لقمرة .. وقفت عند باب الغرفة أسجل الملاحظات الأخيرة بملفها ..
وبعد دقايق انفتح الباب وطلعوا كلهم منه ..
وآخرهم كانت قمره بالعربية تدفها شعاع .. سلموا علي كلهم وشكروني من قلوبهم .. كل هذا وانا عيوني تروح وتجي على قمرة وهي ساكتة بدون أي تفاعل .
مشوا .. وشعاع دفت عربية قمرة لين قربت مني ..
أخيرا التفتت قمرة وطالعتني .. ومن جت عينها بعيني ابتسمت لها ..
لكن قمرة قالت بنبرة ألم : مآآ جيت !
ومشت بالكرسي مبتعدة .. !
تاركتني بدوامة تخبطني فيها بشكل جنوني ، وأنا أسترجع آخر كلام دار بيننا الصبح قبل ما أطلع ..

+++++
قمرة : بتمرني بعد العملية ..؟؟
اتذكرت لحظتها جدولي المزحوم بكمية المواعيد اليوم بالذات .. لكن ماحبيت أكسر بخاطرها وقلت : ان شاء الله
قمرة : أكيد ؟؟
حسيت شكثر هامها اني أمرعليها .. وقررت لحظتها ألغي بعض مواعيدي وأجيها لو وش يكون .. ورديت : أكيد .. وعد !
+++++

أجل كنتي ياقمري تنتظريني طول اليوم .. ؟
والله ماكان الشغل باختياري ولا قراري .. !
خبطت قبضتي بالباب بقهر ..
ياحبيبتي ياقمرة .

::
"شروق"
وطلعت قمرة من المستشفى ، ليحطها القدر ببيت خالي ، الي هو بالأصح ( بيت مشاعل ومشعل )
أي نوع من أنواع الصُدف اهي الي جمعتنا .. وعلّـقتنا !
نامت قمرة ذيك الليل ببيت خالي اهي وماما .. واحنا رحنا بيتنا .. وكان النظام .. نطلع أنا وخواتي من دواماتنا على بيت خالي .. ونظل عند قمرة لليل .. ونرجع البيت !
كنا مجتمعين ببيت خالي وكانت خالتي ورزان وغادة موجودين ..
مشاعل سألت غادة : ها كيف الشغل معك يابزنس انتَ !
غادة : هههههه عالي العال مايمديك عليه
عرفت ان موضوع شغل غادة انعرف .. وبدت فيه ! لكنها ماحكتني شي ..
سألت باهتمام : وكيف الوضع ان شاء الله انسجمتي فيه ؟
غادة : الحمدلله .. حاليا مافي سفر وانا هذا الي مطير مخي .. لكن الشهر الجاي ان شاء الله بنسافر لبنااان عندنا اجتماعات هناك
قلت : يااااي احتمال نكون مع بعض !
غادة : جد ؟ بتروحون لبنان
رديت : ايه بابا بيجي هناك ويبينا نجيه
غاده : امممم حلو والله ..
قمره : حبيبي بابا قام يبكي وهو يكلمني ..
شعاع : ايه مره اتأثر وخاف عليك ..
شمس : وقام يدق علينا كل يوم يسأل عنا ههههه حبيبي
ماما كانت تتابع حكينا بصمت .. انتبهت لصمتها وابتسمت لها وبادلتني الابتسامة ومادري وش يدور بخاطرها ..
غيرت الموضوع وقلت : رحتي المستشفى اليوم قمور ؟
قمرة : ايه ..
قلت : واش قال هيثم ؟
قمره : ماشفته .. كان بعملية .
ماما : قابلها الدكتور المناوب بس طمنا ان كل شي تمام الحمدلله ..
خالتي : يالله كلها فترة ان شاء الله وتمر وترجعين تحومين حولينا مثل أول ..
قمرة : أحوم ليه عصفورة ؟ ههههههههههههههههههههههههه
شعاع : اييييييوة هذي قمرة .. !
ضحكنا كلنا عليها .. (( وشعاع سألت رزان : وانتي زوز متى ناوية تعرسين ؟
رزان : أنا مملكة مع وقف التنفيذ !
مشاعل : شكل غادة بتنخطب وانتي للحين ماحددتي متى عرسك ههههههههه
تلاقت نظراتي أنا وغادة واتسارعت نبضاتي ، وحاولت أضبط أنفاسي وأنا أبتسم لها ..
خالتي : عاد هالغادة مابيجيب راسها الا واحد نازل من السما
غاده واهي تضحك : شدعوة يمه ؟
خالتي : أندري عنك انتي عايفة الخطاب والزواج كلش .. الاسبوع الي فات جايها واحد لقطة في مواصفات كل البنات يتمنونها ورفضته ..
انتبهت لنظرات غادة ومشاعل الي تبين ان في شي خفي بينهم .. شي ظنوا انه بس بينهم .. ومحد يدري ان هالشي قاعد يشتعل فيني ويحرقني .
مر الوقت وخالتي راحت اهي والبنات .. وشمس نعست وقالت بتروح .. وراحت شعاع معها ..
أنا طبعا اتعذرت برغبتي بالجلوس مع قمرة وان مافيني نوم .. وطلبت السواق الثاني يجيني ..
خالي جا قعد معانا شوي .. وبعدها وطلع أهو ومشاعل ..
قعدت ويا قمرة .. وكل شوي أطالع الساعه .. كان خاطري أشوف مشعل اذا جا .. لو ألمحه بس .. مجرد طاريه ..اسمه .. طيفه .. يحرك فيني كل الوله عليه !
نعست قمرة .. وبهاللحظة صار لازم أمشي .. قعدتي مالها أي داعي ..
ودعتها اهي وماما .. وطلعت من عندهم وسكرت الباب .
قمت البس عبايتي وطرحتي برا الا سمعت باب الشارع ينفتح .. التفت بسرعه وشفت مشعل يمشي .. لفيت طرحتي بسرعه وأنا بخاطري أشكر الصدفة الي جابته بهاللحظة ..
دخل مشعل وشافني عند الباب أستعد للخروج وقال : ماكنت أدري ان حظي حلو لهالدرجة ..
ابتسمت وانا أقول باستهبال : اممممم ماشاء الله دوم يارب
مشعل وهو يلعب بمفتاحه : أجل بشوف القمر ببيتنا كل يوم ..؟
قلت : اذا بترجع دايم هالوقت لا مراح تشوفه ..
مشعل ضحك وهو يطالعني وقال : رايحة ؟
هزيت راسي بإيجاب ..
مشعل : انا مريت أشوف زميلي الي بالمستشفى ..
قلت : أها .. شلونه الحين ؟
مشعل : أحسن الحمدلله ..
طالعني بنظرته الي دايم تربكني .. ( مشيت وأنا أقول : طيب ، أنا رايحة
مشعل كان واقف عند الباب .. وقال : أكيد بكرا بتمرين تشوفين قمرة مو ؟
قلت : ان شاء الله
مشعل هز راسه وأبعد عن الباب ليفسح لي مجال أطلع ..
طلعت وانا أقول : نشوفك ، باي
وطلعت ..
ركبت السيارة وأنا أحس روحي طآآآيرة ..
حسيت اني ألعب بالنار .. حسيت اني ماشية بدرب خطر علي ، وعلى قلبي !
بس ماقدرت أفكر بكل هذا وأنا ألاقيني يوم بعد يوم .. أغرق بحبه أكثر !

::
"شعاع"
نفس الوقت الي البارح اجتمعنا عند قمرة .. بس هالمره جت عمتي أم سلطان وبناتها يزورون قمرة ..
والي عرفته وحسيته وفهمته .. ان سلطان بالمجلس ويا خالي ..
وهالشي خلاني أتقوقع بمكاني بدون أي حركة .. مابي ألمحه ولا أشوفه .. لأني ماعاد أتحمل منه اي نظرة وأي كلمة ..
عنده قدرة عجيبه لجرح مشاعري بأقل تصرف يصدر منه !
ضايقني موقفه مني .. مين سمح لك تآذيني انت ؟ مين سمح لك تجرحني بعز شايلة بعض من جروح الي حولي ..
انا مع شمس وقمرة أحس اني اكتفيت .. لاحد يزيد علي
وليه انت ياسلطان ؟ من وين طلعت حتى تتضايقني وأنا والله مو ناقصني !
انتبهت على صوت قمرة واهي تقول : شعاع ساعديني حبيبتي أبي الحمام ..
قلت : من عيوني ..
وقمت أعاونها على الوقوف .. ومشيت معها للحمام وانتظرتها لين خلصت ..
وقفت عند المغسلة تبي تغسل لكن توازنها ماكان كافي لتطول بالوقوف ومالت علي .. وانا بسرعه مسكتها وانا اقول : اسم الله عليك ..
قمرة غمضت عينها واهي تقول بحزن : ياربي متى أرجع طبيعي ؟
قلت : ومن قال انتي مو طبيعية حبيبتي ؟ هذا أثر التعب شوي بس ويرووح ..
عاونتها على المشي ورجعتها مكانها
وبيني وبينكم من داخلي ودي أصــــــرخ .. أصعب شي على قلبي اني أشوف قمرة تتعب وتتألم وتحس بالضعف !
كتمت آلامي بداخلي .. وحاولت أشاركهم بالسوالف ..
شوي وقامت عمتي واهي تقول : يلا يابنات اخوكم دق يقول يلا ..
ليان : حكم قرقوووووش
عمتي : جب بس .. قومي البسي عبايتك .. ( ووجهت الكلام لماما : سلطان يتحمد على قمرة بالسلامة قبل مانمشي
ماينفع أطير ؟؟
أختفي ؟؟؟
أتبخر ؟؟
مابي أشوفه مابي .. في أحد سامعني حاس فيني ..
قمرة ماينفع انتي تروحين له ؟؟؟؟؟
لفيت طرحتي على راسي .. وثواني ودخل سلطان عند الباب واهو يقول بصوت رخيم ثابت : مســاء الخير ..
ماما : هلا والله مساء النور ..
مسكت جوالي وقمت أحوس فيه أبي أضيع عيوني فيه وسمعي واحساسي وكل شي ممكن يتأثر بهالشخص اللي عند الباب ..
ماما قامت تلزم عليه يقعد شوي تبي تعرف أخباره
آآآآه ياماما مو كنك مزودة عيار الطيبة شوي !!
سلطان قعد على طرف الكنب ..
وماما قالت : زمان عنك ياسلطان هالمجرمين شغلوك عننا
سلطان : ههههه عاد اكتشفت مؤخرا ان الانشغال بالمجرمين أريح بكثير من الانشغال بأمور ثانية
يقصدني مووو ؟؟
قاعد يرمي علي رصاص وانا ماعااااد عندي دروووع تحمي صدري !
وقفت وانا أقول لقمره بهمس : بروح المطبخ تبين شي ؟
قمرة : لا شكرا ..
مشيت وطلعت من المكان الي لوهلة حسيت انه فقد الاكسجين ..
ومارحت المطبخ ..
طلعت للحوش .. ومن طلعت لقيت الدموع تاخذ مسارها لعيوني وتنزل على خدي .. !
مشيت بالحوش أبي أهرب من اللا شي .. مادري شالي خلاني أبكي فجأة !
قعدت على كرسي كان بالحوش .. ولكيت ركبي لصدري ودفنت وجهي بين ركبي .. وتركت المجال لدموعي تنزل ..
بكيت ألم على قمرة ..
بكيت شوق على بابا
بكيت حزن على ماما
لا مو على سلطان .. هو شخص مايعنيني .. من متى واهو يعنيني ..
لكن من وصلت لطاريه لقيتني أبكي أكثر ..
يمكن لأني أمر بأكثر مراحل ضعفي هالفترة .. فما صرت أتحمل شي ..
صرت أمسح دموعي .. وكل ماتذبل دمعة تنبت دمعة جديدة ..
حسيت بخطوات تقترب مني .. مسحت دموعي بإيدي وأنا أترقب الشخص .. كان الحوش ظلام فما قدرت أنتبه للشخص ..
شوي وبان أثر ثوب أبيض لآخر شخص اتوقعته يجيني لهالمكان .. !

::

" سلطان "
حسيت فيها واهي مو على بعضها من دخلت ..
وانتبهت لها واهي تسأل قمرة اذا تبي شي من المطبخ .. وطلعت ..
عرفت بداخلي انها تهرب مني ..
وعرفت انه وصلها مقصدي من الكلام الي قلته قبل شوي ..
لكن ..
صعبت علي ..
لو وش جرا أو كان
روحي تحبها ، للآن ..
وأعرفها من صغرها لاتضايقت تنزوي بأي مكان ..
وتبكي ولا تحب أحد يشوفها كائن من كآن !
قمت وأنا أمسك جوالي كني بكلم وقلت لأمي : لحظة بكلم شوي بعدين أدق عليكم تطلعون ..
وودعت خالتي وقمرة ..
وطلعت
اتوقعت انها بالحوش لأنها ماتبي تكون مفضوحة أمام أي أحد ..
طلعت الحوش ومشيت بخفة .. وسمعت صوت بآكي مكتوم من مكان مزوي تحت الظلمة .. !
مشيت لين وصلتها ..
ورفعت راسها وشافتني !
طالعتها واتأثرت حيييل من شكلها الي يوحي بالضعف .. كانت لامة ركبها لصدرها ودموعها ممليه وجهها .. قلت بهدوء : ماكنتي تبين شي من المطبخ .. طلعتي بسببي مو ؟
طالعتني بعيون دامعة وقالت : سلطان تبي شي ؟
قلت : أشياء .. مو شي !
طالعتني بتيهان .. تنتظرني أكمل ..
قلت : بس الحين أبي شي واحد .. لا تبكين !
شعاع شاحت بوجهها عني بدون ماترد ..
كملت : نفس طبعك من وانتي صغيرة .. ماتحبين تحسسين احد بدموعك وضعفك .. تحبين تكونين قوية قدام الكل ..
شعاع بصوت خافت : حتى هالشي تذكره عني وانا صغيرة ؟؟
رديت : كل شي ..
شعاع : صح .. من صغري وانا كذا ..!
قلت : عارف .. واذا انتي ناسية شي عنك وانتي صغيرة .. تعالي واسأليني انا !
شعاع مسحت دموعها بخلف كفها وقالت : مادري .. مادري شقول لك .
قلت : مايحتاج تقولين شي .. بس الحين لاتخلين شي يضعفك ويتعبك .. هذا هو أهم شي
شعاع هزت راسها واهي تقول : مشكور ..
ماحبيت أتركها بهالحال وقلت : بتدخلين ؟
شعاع : بعد شوي .. حابه أقعد لحالي شوي ..
هزيت راسي وقلت : اوكي أخليك
وزي ماجيت بدون مقدمات ..
انسحبت بدون مقدمات .

::

"دلال"
قمرة صارت أحسن وقلّت روحتها للمستشفى .. بدل ماكانت تروح يوميا .. صارت تروح مره بالاسبوع .
ورجعنا للبيت .. أو رجعت أنا مع بناتي لبيتهم .. ! بعد ماقضينا كم يوم ببيت أخوي ويا قمرة وتعبها ..
خلال هالفترة كلها زياد مادق ولا مره .. ولا أرسل ولا مره .. الي أعرفه اني رحت الحج وبعدي بيومين زياد سافر !
لكن عدّا أكثر من شهر على هالكلام .. معقولة مارجع ؟؟؟
هذا بإيش يفكر ؟؟؟ وش ناوي ؟؟ وعلى ايش مخطط ؟؟
كان هم زياد على قلبي بحد ذاته كفيل بهد حيلي .. بجانب هم وتعب قمرة ..
وخلال هاليومين دقت ياسمين أخت زياد
كنت أتمنى هو الي يدق
مو يرسل اخته تجس نبضي ..
وتستشف أخباري ..
حكيتها عن تعب قمرة .. وقلت لها اني ما اقدر أخلي بنتي بهالوقت
وتعب قمرة مشغل بالي ومانعني من التفكير بأي شي ..
وطلبتها توصل هالحكي لزياد ..
وعلى أساس موقفه من هالحكي .. راح يكون قراري وتصرفي .

::
" مشاعل "
علاقة مشعل وشروق والي ظنوها مخفية عن العيون .. كنت حاسة فيها وشايفتها وفاهمتها ..
وكنت أنتظر اللحظة الي أهدم فيها هالعلاقة ولا أترك لها أي أثر ..
لأني ممكن أسمح لمشعل يرتبط بأي بنت .. إلا شروق !
ماكان عاجبني أبدا اسلوب حياتها .. لاهي ولا خواتها .. بنات اتربوا برا ولادري وش خلفت فيهم عيشتهم هناك من أفكار وعادات وأطباع ..
غير على عيشتهم الحين لحالهم بالبيت .. وحريتهم وفلتتهم بمزاجهم ..
لا مو هذا النوع من البنات الي أرضى ان اخوي يرتبط فيه ..
لازم أوصل لطريقة أهدم فيها هالعلاقة .. وأعجــل من خطبته لغادة بأي حيلة ..
وراح ينسى شروق اذا عرف غاده مضبوط
اذا سمح لنفسه يستوعبها ويستوعب حبها له وبيحبها ..
.
.
.
وجا اليوم .. وبدون ما أخطط له !
حسيت مرتب من ربي عشان نيتي الي باحمي فيها اخوي ..
شروق مرت على بيتي بتاخذ أغراض لأمها طلبتها مني
ودخلت عندنا وقعدت بالصالة شوي تلاعب نوف ونواف ..
كان وقت نومهم وقلت لهم يروحون ينامون ..
نوف صارت تحن وتزن تبي حكاية قبل النوم
وشروق عرضت انها تحكيهم حكاية سريعة بعدين تروح البيت ..
طلعت شروق مع نوف ونواف لغرفتهم وخلت الباب مجافى ..
اتعمدت أقعد بالصالة الي بين الغُرف على غير عادة ..

وبعد دقايق طلع مشعل من غرفته مستعد للخروج
ناديته : تعال وين رايح
مشعل : طالع شتبين ..
قلت : تعالي طفشانة بسولف معاك شوي ..
مشعل : يوووه مشاعل وطفشت وش يفكني من هذرتها الحين
قلت : هههههه شوي بس تعال ..
جا مشعل وقعد على الكنب وانا فورا قلت : وكاشخ ياعيني .. اعترف مواعد مين ؟؟
مشعل : ههههههه انتي على بالك انا للحين أواعد ؟ ياماما كبرنا خلاص عقلنا
قلت : أشك .. اذكر الأوراق ورسومات القلووب والحركات ..
مشعل : الله يرحم ذيك الايااااااام ..

أرهفت سمعي لصوت خطوات قريبة من الصالة .. وعرفت انها شروق !
قلت وانا أحاول أتنقى الكلمات المناسبة الي ابيها توصلها : بس صدق كنت تحبها ..
مشعل : اوووه .. موت بعد ..
ضحكت وأنا أقول : انت لما تحب تستخف ..
مشعل : آآآآه ياقلبي .. ذاب في هواها ، واتعلقت روحي بسماها ..
قلت : ياويلي رايح فيها أجل ..
مشعل سرح شوي وهو يبتسم ويقول : أحبها بجنون
حسيت انه شرد بشروق .. وقلت بصوت خافت : مشعل مافكرت بموضوع غادة
مشعل : بس يامشاعل تكفين ..
قلت : لا تقول لي بس .. والله لو عطيت نفسك فرصة بتعرف اني صادقة بكل شي قلته عنها ..
مشعل : أصلا حتى لو كنت أبيها مع اسلوبها الي تعيشه هذا مابيها
قلت : ليش طيب ؟
مشعل : الفلته هذي والسفر والهجهجة .. هذا مو اسلوب بنت اقدر اتعايش معها وتتعايش معاي .. وإلا ولابد بتاخذ من أفكار برا وتنحل أخلاقها وانا مو مستعد أعرض نفسي لكل هذا مع وحده صراحة ماتعنيلي شي !
سمعنا صوت خطوات تبعه صوت باب غرفة العيال يتسكر
مشعل باستغراب : مين ؟
قلت : اممم ذولا شكلهم ماناموا انا أوريهم
مشعل : أدخل اخوفهم ؟
قمت بسرعه وانا أقول : لالالا .. بعدين يصحصون وعاد وش ينومهم ..
مشعل وقف وهو يقول : طيب انا ماشي الحين
قلت : اوكي
ومشيت انا وهو للدرج ووقفت عند باب غرفة العيال لين سمعت صوت باب المدخل يتقفل
وفتح باب الغرفة
طلعت شروق من ورى الباب و وجهها متغير ومنقلب ..
سكرت باب الغرفة ..
قلت أبي أتأكد ان كانها سمعتنا : فيك شي ؟؟؟
شروق بدون مقدمات : مشاعل .. منهي الي تو يقول عنها مشعل منحلة أخلاقها .. وماخذة أفكار برا .. وماتعني له أي شي .. !
شهقت بتمثيل وقلت : معليه شروق هو ماكان يبي يهينك بس ........
شروق قاطعتني وهي تقول : كان يقصدني أنا ..؟؟؟؟
قلت وأنا أراقب عيونها : ايه .. انتي .
شروق بصوت مخذول : ومنهي الي يسولف عن هواها .. ويحبها بجنون؟؟؟
قلت بابتسامة : غـادة !
شروق طالعتني بذهول وصدمة .. وانفلتت مدامعها .. وتركتني ونزلت الدرج مسرعة ..
تركتها تنزل بدون ماناديها
كان لازم أنقذ أخوي من شباك وحده مايعجبني أسلوب حياتها نهائيا !

::

" شروق "
طلعت منهارة من بيت مشاعل ..
طلعت أسب وألعن بحظي الي حطني بدرب مشعل
كنت حاسة انه يلعب على الحبلين ..
أساسا انا مادري ليه وكيف استسلمت لقلبي وعواطفي الفترة الأخيرة .. مادري ليه ماقدرت أقاوم أكثر .. وضعفت قدامه ..
ولا هذي الحقيقة من زمان .. غادة لمشعل ومشعل لغادة
كنت قاعدة انسحب .. مادري ليه اتراجعت وسمحت لنفسي اصدق وهم الحب الي شفته بنظراته .. وهم الحب الي لمسته بتصرفاته وكلامه وخرافاته !
غبية .. غبية .. غبية
قعدت أبكي طول الطريق
وظليت أبكي طول الليل ..
وقبل ما تنهار جفوني مسكت جوالي وأرسلت له مسج ماقدرت أكبته بداخلي

::
" مشعل "
رجعت من برا ولقيت مشاعل لازالت صاحية
قعدت معها وانا مستغرب شالي مسهرها
اتفاجأت لما ردت تفتح نفس موضوع غادة
قلت بانفعال : مشاعل ترا بتخليني أكره أقعد معاك ..
مشاعل : اجل خذها صريحة .. انا عارفة انك تحب وتبي شروق !
طالعت فيها شوي بعدين قلت : أحييك على ذكائك .. أجل عارفة اني احبها وأبيها وتلحين علي أخطب غادة ..؟؟ انتي شلون تفكرين ..؟
مشاعل : أبي أصحيك وأنبهك .. يامشعل انت لسه قبل ماتطلع كنت تقول عن غادة انها ممكن تنحل أخلاقها بسبب سفرياتها وطلعاتها .. طيب شروق هذي حياتها من صغرها لهالوقت .. شلون بتتعايش معها بالله؟
قلت : هذا شي أنا الي أقيمه يامشاعل !
مشاعل : لا تخلي حبك يعميك عن هالموضوع .. غادة ممكن تترك شغلها هذا بيوم من الايام وتعيش حياتها طبيعي .. لكن شروق بيظل هذا اسلوب حياتها دايم لأنها اتربت على كذا ..
اتنهدت بضيق وقلت : شوفي يامشاعل .. الموضوع ترا مو زي ماتتصورين أبد وبالله قفليه لأنك مستحيل تقنعيني ..
وحاولت أتملّص من الموضوع قدر امكاني .. وقمت لغرفتي ..
رميت جوالي على السرير .. وبدلت ملابسي ..
شوي وجاني مسج .. استغربت المسج بهالوقت من الليل
أخذت جوالي وفتحته .. واتفاجأت لما لقيت رقم شروق !
فتحته بسرعه .. والكلام الي قريته خلاني أقعد على السرير بذهول .. وأنا أعيد قراءته ..

"مشعل ..أحب أبين لك انه كل الي كان بيننا الفترة الي راحت مايعبر عن شي .. ولا يدل على أي شي ..أنا ماعمري حبيت ، ولا راح أحب .. انا بنت عشت حره طول عمري وبظل حره .. أقول لك هالكلام عشان لو كنت تجاوزت حدودي معاك بأي شكل ، طبعا بحكم اعتيادي على حياة برا ! وعشان أفسح لك المجال تنتبه للانسانة الي فعلا تحبك . "

ثــــــــــــارت أعصــــــــابي بشكل جنوني .. ومسكت الجوال بعد ماعدت قراءة المسج عشرين مره .. وخبطت فيه الجدار بكل قوة !
ماصدقت شلون قدرت تلعب فيني وانا صدقتها !
شلون تتجرأ .. ؟
شكانت تبي مني بالضبط ؟؟؟
دقيت عليها .. مادري شكنت أبي ولا شكنت بقول
لكنها ماردت .. حاولت مره ثانية وثالثة وعاشرة .. بهالوقت ومن بكرا ومن بعده ..
واختفت تماما ..
لا عاد سمعت لها طاري زيارة لبيتنا ..
ولا عاد تركت لي مجال أوصل لها ..... !

كواني صدها .. وجرح كبريائي !

وبلحظة فقدت فيها التفكير السليم ..
أٌقدمت على خطوة كلفتني ثمن غااالي بعدين
خطوة شربت مرارة الندم من بعدها ليالي طويلة !

لما رحت لمشاعل وقلت لها : مشاعل .. كلامك صح .. شروق ماتناسبني .. باخطب غادة !

::
في مكــان آخر .. بعيد بعيد ..
" نادر "
دخلت الجامعة على عجل أبي أقابل أحد الدكاترة بخصوص أوراق مشتركة بين الجامعة والمستشفى ..
كنت أمشي بخطوات سريعة وأنا أقلب بالأوراق الي معاي ..
وأنا ماشي .. سمعت صوت يناديني ..
وقفت وكنت هذا الي شايل همه .. ان يشوفني أحد معارفي ويشغلني وأنا وقتي جدا ضيق ..
خصوصا هالفترة اندمجت حيل بالشغل الجديد .. على الاقل غطى على بعض مساحات التفكير الي تدوش بالي وتتعب قلبي وتورق ليلي وصباحي ..
التفت لقيت اثنين من زملاي يأشرون لي واهم يمشون ناحيتي ..
سلمت عليهم وحاولت أتملص من بينهم ..
بهالوقت مرت بنت من جمبنا .. لفتتني أول مالفتني حجابها .. وشفتها واهي تطالع فيني .. بشكل كنها تعرفني ..
ودعت زملاي وراحوا .. وكملت طريقي متناسي أي شي ثاني ..
وصلت للأصنصير وضغطته ووقفت أنتظره
لقيت البنت المحجبة معاي بنفس المكان !
لكن هالمره بادرت بالحكي وقالت بالانجليزي : عفوا ممكن سؤال ؟
هزيت راسي وانا أقول : يس شور ..
البنت : انت .. استاذ نادر ؟
طالعتها باستغراب وقلت : يس .. تعرفيني ؟؟
البنت : لا .. بس سمعتهم قبل شوي ينادونك وعرفت .. وكنت من فترة أسأل عن أستاذ عربي ..
قلبت لغتي للعربي وانا أقول بابتسامة : أهلين بالعرب كلهم ..
البنت بلهجة عربية : هلا فيك ..
قلت : مين حضرتك ؟
البنت : اسمي لجين .. جديدة بالجامعة وبالبلد ..
قلت : أها ماشاء الله .. ومن أي بلد جاية ؟
لجين : من السعودية ..
ولكم كل التصور لكيف كانت نظراتي وملامحي ودقات قلبي ومشاعري .. تثور وتفور داخل كياني من سمعت طاري السعودية .. !
أخذت نفس عميق وقلت : والنعم ..
لجين : معليه أزعجتك .. باين جاي عندك شغل ..
قلت : ايه صحيح ..
بس شي فيني مجهول السبب ,ماحب يضيع هالبنت من إيديه وقلت : خذي كرتي لو بغيتي تستفسرين عن اي شي بالجامعة أو بالبلد ..
لجين أخذت الكرت واهي تقول : شكرا أستاذ نادر ..
رديت بابتسامة : العفوو ..
وكــــانت هــــذي البــــداية .
::

(يوم حفلة خطوبة غادة مشعل)
" غادة "
كل شي مره بسرعه .. من خطبوني لمشعل لين هاليوم الي حبينا نسوي فيه حفلة صغيرة ..
كنت سعيدة وأنا أطالع بالفستان الي بالبسه اليوم ..
سعادتي ماتفوقها أي سعادة
وانا ألقى حلمي يتحقق أخيرا .. ويصير مشعل لي !

كانت حفلة مافيها غير احنا ومشاعل وخالتي دلال وبنات خالتي ..
كنت قاعدة أستعد وأتجهز وكل شوي عيوني تطالع الساعه ..
كلها ساعات .. ويتم رسميا ارتباطي بملاك حياتي .. مشعل

::
" شروق "
يااااالسخرية الزمن والأقدار .. هههه مسرع ماتمت خطوبة مشعل وغادة !
لهالدرجة كنت عقبة بطريقك .. ولا شكنت بالضبط أنا ؟؟؟
شكنت ؟
نزوة ؟
ولا تجربة ؟
اتمنيت لو اني واجهته وسألته بهالسؤال .. لكن بالأساس ماكان عندي مجال ..
واحنا كلنا اتفاجأنا .. وذهلنا بخبر الخطوبة السريع
لكن خاطر ثار بكياني بهاللحظة .. خاطر نابع من قلب محترق وملتهب ..
وان كان يوم خطوبتك يامشعل ..
راح أكلمك وأواجهك بأي طريقة
بالوقت الي تتوقع مني أبارك لك ..
راح أحسسك بدنائتك وأهينك زي ما أهنتني ..
واتحققت لي هالفرصة لما سمعت ماما تكلم مشاعل وتتفق معها نمر عليها ونروح
ومشعل يجي بروحه اذا دقينا عليه
وارتسمت خطتي ببالي ......
انتظرت لين الكل استعد للخروج ..
وطلعت وقلت لهم اني مو جاهزة .. وبالحقهم اذا خلصت ..
وبهالوقت طلعوا ..
تابعت شمس بالاتصالات لين قالت انهم مروا أخذوا مشاعل وراحوا لبيت خالتي
وشمس تركت الباب مفتوح بالضبط زي ماطلبت منها ..
ركبت السيارة وقلت للسواق يوديني لبيت خالي ..
وصلت ولقيت سيارة مشعل عند الباب ..
اتمنيت لو أقدر أفجرها وأفجر كل شي فيني لازال ينبض باسمه ..
ودخلت الحوش .. وظليت واقفة أنتظره !!

::

" مشعل "
نزلت الدرج بعد مادقت مشاعل تقولي أجي وما أتأخر ..
وبنص الدرج اتذكرت اني ناسي شي .. وضحكت بسخرية
نسيت خاتم خطيبتي ..
كنت تارك الأمور تمشي زي ماتمشي .. سلمت حالي للدنيا تسوي الي تبي .. !
رجعت لغرفتي وأخذت الخاتم
ونزلت .. فتحت علبة الخاتم وطلعت الخاتم لأشوفه لأول مره !
كانت مشاعل اهي الي مختارته واعطتني هو
ولا فتحت العلبة الا بهالوقت .. فتحت الباب وأنا أطالع بالخاتم وأضحك بسخرية على حالي .. نزلت درج الحوش ..
ومادريت الا على صوت يناديني .. التفت بسرعة لقيت شروق بوجهي ..
طالعتها بصدمة وقلت : شروق !!
شروق بحزم : لازم نتكلم ..
التفت حوليني وقلت : شروق انتي وشـ .. شتسوين هنا .. ؟؟؟
شروق وأنفاسها متسارعة : جيت عشان أتكلم معاك .. (( ومشت بخفة وهي تقول : ممكن تقول لي انت ليه سويت كذا فيني ؟؟ ممكن تقولي ليه لعبت فيني وبقلبي وبمشاعري وبحياتي كلها ورميتني ورحت !!
كانت عيونها تلمع وصوتها يرجف واهي ترمي كلامها على ..
قلت : ولك عين تتكلمين بعد الي سويتيه ؟؟؟؟ الحين بتطلعيني أنا الغلطان !! مو انتي الي صديتيني وطلبتي مني أبعد .. وأفتح عيوني للبنت الي تحبني ؟؟؟
شروق : شتتوقع مني يعني ؟؟؟ أضحك لك وأتقبل حركاتك وكلامك وأنا أدري انك قاعد تلعب !!
رفعت اصباعي بوجهها وقلت : شروق انتبهي لكلامك !! مافي سبب واحد يخليني ألعب بمشاعرك ولا أخدعك !
شروق : لا تحاول تكذب .. انا عرفت وسمعت وتأكدت من كل شي !
قلت بعدم فهم : عرفتي ايش وسمعتي ايش .. اني انجذبت لك ؟؟ واني من عرفتك حبيتك انتي واتمنيتك ؟ للأسف قتلتي كل شعور كنت أحسه تجاهك بصدك !
شفت الدموع تتجمع بعيونها وقالت : طبعا بصدك لأني أشوفك واحد تلعب على الحبلين .. ! بنفسي سامعة مشاعل تقول لغادة مشعل يبيك ! ماكانوا يدرون اني عند الباب وسمعتها وهي تخطبها لك باسمك .. تبيها خذها روح لها بس ليه علقتني فيك ليــــه ؟؟
صدمني كلامها !
شروق سمعت الكلام الي دار بين غادة ومشاعل .. !!
ومامداني أستوعب الصدمة الا اتلقيت الصدمة الأكبر لما قالت : حاولت أبعد عنك وأترك المجال تتهنى وياها .. لكنك كنت دايم تحسسني اني شي مهم بحياتك .. الين خليتني أضعف وأسمح لقلبي يرجع لك .. ليه حسستني انك مهتم فيني ومنجذب لي وانا سمعتك تقول لمشاعل شكثر تحب غادة بجنون .. وكيف تشوفني وحده متأثرة بطبع وعادات برا وأخلاقي منحلة ولا تقدر تتعايش معاي
طالعتها وانا مصعوق !! مذهول .. !!
قلت وانا مو قادر أجمـّع شي وأفهم شي : انتي من وين قاعدة تجيبين هالكلام الفااضي !
شروق : الحين صار كلام فاضي .. الشي الي ماتدري عني اني كنت موجودة ببيتك ذاك اليوم .. وبغرفة عيال اختك .. وسمعتك وانت بالصالة تتكلم مع مشاعل .. سمعت كل شي واتأكدت من كل شي
حاولت أتذكر كلمة غلطت فيها بحقها بذيك الليلة .. ومالقيت ! وقلت : انا مادري اش سمعتي واش فهمتي .. لكن أحلف لك بالله اني ما قصدتك بكلمة وحده سيئة !
واستوعبت وقتها ان شروق سمعت وفهمت كلام خطأ.. وعلى أساسه كانت تتصرف !
وكملت : وذيك الخطوبة كانت من عند مشاعل .. هي اتصرفت من نفسها .. انا بذاك الوقت كنت أبيك انتي .. ماكنت أفكر لا بغادة ولا أحد غيرك !
شروق والدموع تتجمع أكثر بعيونها : لااااا تكذب مراح أصدق ولا شي منك .. انت تصرفاتك كلها غريبة ومتناقضة .. مافي شي يجبرك تخطب وحده ماتبيها بس انت كنت تبيها ، وانا بالنسبة لك نزوة !
عضيت شفايفي بقهر وقلت : شروق لا تهلوسين... !
شروق وهي مو مسيطرة على حالها : وحده جاية من برا .. نوع غير عن البنات الي تعرفهم .. ليش ماتجرب نفسك معها ؟؟؟؟ ليه ماتلعب بمشاعرها مانت خسران شي !
مسكت ذراعها بقوة وانا اقول بحرقة وقهر : يكفي ياشروق يكفي ... الموضوع صار معقد ومو زي ما انتي تفكرين أبدا !
شروق أبعدت ايدي عن ذراعها بقوة واهي تقول : لا تبرر لعمرك انا مستحيل أصدقك .. انا الانسانة الي اعطيتك الثقة ، مستحيل أوثق بعد هاليوم بأي رجال .. وغادة الانسانة الي كانت فاقدة الثقة بكل الرجال ، مسكينة .. وثقت فيك ..!
قلت وانا حاس النار تسعر فيني : شروق يكفي ...... ( وطالعت بدموعها الا بدت تسيل وانفطر قلبي المتولع بنارها !
سمعنا صوت باب ينفتح ، مسكت ايد شروق بالايد الي كنت ماسك فيها الخاتم .. وبسرعه اتخبينا ورى الخيمة الي بيمن الحوش ..
كنت ملتفت لمصدر الصوت لين اختفى ، ولا عاد سمعنا غير صوت انفاسنا المتسارعة بكل جنون يسبق دقات قلوبنا العنيفة !
أبعدت شروق ايدها عن إيدي ..
وطاح الخاتم وسط إيدها !!
رفعت شروق ايدها وطالعت الخاتم ، وشفاتها ترجف من الألم اللي يصرخ بعيونها وملامحها وكل شي فيها !
وماتحملت أشوفها بهالمنظر ! ماتحملت أشوفها تتحطم وتنكوي وتتدمر بسببي .. ولسوء فهم منها ومني .. حسيت بضعفي أمامها وقلت بنبرة رجاء : شروق
شروق قالت بصرخة واهي ترمي الخاتم على الأرض : بـــــــــــــس ...
قلت : معليه شروق تكفين اهدي .. لاتسوين كذا .. انا والله مو عارف وش أتصرف .. وش ممكن أسوي .. ! شروق صدقيني أنا حبيتك ..
شروق كانت مشيحة بوجهها عني ودموعها تسيل وشفاتها تنتفض بألم ..
كان كل شي فيها يجذبني بهاللحظة .. حتى عيونها الباكية وصوتها المتهدج .. ورعشة أطرافها .. كملت وقلبي متيـّم بهوها : شروق انا أحبك ، صدقيني حبيتك انتي .. وبغيتك انتي .. لكن محد فينا كان صريح ! سوء فهمنا دمرنا اثنينا ...
طالعتني شروق وقالت بهمس باكي : ودي أصدقك !
قلت بكل حب يسكن كياني : صدقيني ماحبيت غيرك لا قبلك ولا بعدك .. ومستحيل ينطق لساني كلمة سيئة بحقك !
شروق غطت فمها بإيدها تبي تكبت دموعها ، وقالت وهي تنقل بصرها بين عيوني : طيب لسه فيه فرصة يامشعل !
طالعت عيونها وشفت فيها لمعة غريبة ..
شروق كملت : تقدر تتراجع ! لسه ماصار شي رسمي بينكم .. تقدر تخلق أي سالفة تأجل فيها الموضوع بعدين تنهيه ! تقدر الحين تطلع ولا ترجع ... !
كان الموقف فوق احتمالي .. !
كلام شروق هو نفسه الي يدور بخاطري .. بس هل أقدر أنفذه .. !
شروق بابتسامة تشجعني : لاتتردد .. اذا انت تبيني زي ما أبيك مافي ولا أحد يقدر يوقف بوجهنا .. مشعل لسه في فرصة .. عندنا وقت .. ( وهي تبكي : لسه في فرصة نكون لبعض يامشعل ..
رفعت عيوني لها بخذلان .. !
حسيت بصعوبة الموقف .. مشاعل .. طلال .. أم غادة .. غادة !
وكل الي متجهزين ومستعدين لهاللحظة ..
ماهمني منهم الا .. مشاعل ! اختي ! كيف بواجهها .. وش بقولها .. كيف ببرر لها هروبي بهالوقت .. ؟؟؟؟
شروق شافت الحيرة بملامحي .. والتردد بعيوني .. وقالت بصوت يرجف : متردد يامشعل ؟؟؟ تتردد فيني ؟؟
قلت بنبرة مذبوحة : مو كذا ياشروق ...
شروق بنظرة عذبتني : أنا ولا غادة يامشعل ؟؟؟؟؟؟
قلت برجاء : شروق خلينـ .....
شروق عادت سؤالها بصوت يرجف أكثر : أنا ولا غادة يامشعل .. ؟؟؟؟؟؟
كنت أحس بلهيب من المشاعر يجذبني للمخلوقة الي قدامي .. كنت أحس بنار تحرقني أنا وهي بهاللحظة .. كنت أحس بعاصفة من العشق لها هي وبس .. عاصفة من الوله والشوق لشروق وبس ..
بس ماقدرت أنطق .. ولا أجاوب .. انعقد لساني .. بس عيوني كانت تطالعها بكل ألم وحب وغرام يسكن روحي تجاهها ..
هزت شروق راسها بيأس من صمتي .. ودفت صدري بقوة تبي تبعدني من طريقتها واهي تقول : إبعــد ياجبــــــان !
لمستها مع عنفها الا انها كانت اهي الي ناقصتني عشان تخدّر جوارحي وتذوب روحي فيها وأسكر بلحظة فقدت فيها السيطرة على نفسي ... !
وبلحظة شيطانية ..
وبلحظة جنون ..
لحظة منفصلة عن كل هالعالم !
لحظة لهيب !
لحظة ضعف !
لحظة ماكنت أشوف فيها غير عشقي وشوقي وحبي وجنوني لشروق
بلحظة لا وعي
ولا إدراك
ولا شعور .... !
شديتها لصدري وضميتها بإيد ..
وإيدي الثانية مسكت دقنها ورفعت راسها .. و .. بستها !

::
يتبع

[روح العيون]

ياااااااااه ليش مشاعل سوت كذا باخوها ليش عذبته وفرقته عن شروق
هيثم يا ويل قلبى عليه يحب قموره بجنون اتمنى البارت القادم انك تخلينه يخطب قموره بليز
اما شعاع ابيها تتحرر من حب سلطان المسيطر عليها او انها تفصح له عن سيطرته الكامله على حواسها
حبيبتى ابدعتى عن جد الله لا يحرمنا منك

[zahraa]

بجد القصة تجنن
واصلي ابداعك
من متابعينك ,

[فروله]

وآآآآآآآآآآآآآآآآآآآآآآآآآآآآآآآآآآآآآآآآآآآآآآآو

وربي إبدآآآع قفله أليييمه ... بليز حددي يوم للبارت والله متحمسين :)

ولاتطولين علينا ننتظرررررركـ :)

[نونا الاموره]

لالا وقفتي بموووووووقف حده رهيييييب

ليه ياقلبي <<كانت حدها متحمسه تشوووف ردة فعل شروق

ننتظرك ياقلبي ع احر من الجمر

وبجد ترا صرت اكره مشاااااعل وغادووووه

[غادة]

رواية رائعة تدل على روعة كاتبتها
في كل جزء مفاجئة أو اكثر من واحدة، وهو ما يدل على نضوج الكاتبة ونضوج فكرتها في الكتابة

جال في خاطري توقع غريب ربما ، وربما يكون بعكس ما يفكر به القراء الاعزاء (( اتوقع الانفصال بين دلال " ام البنات " وزوجها زياد وعودتها لطليقها " ابو البنات " )) كيف ؟ لا اعلم ولكن هذا ما جال خاطري

أتمني بأن يكون الجزء القادم قريبا كي نستمتع بهذه الرواية الشيقة

مع تمنياتي لك بالتوفيق

[عاشقة صمت]

السلام عليكم ورحمة الله وبركاته

كم انا محظوظه بمعرفة كاتبه مثلك ربما ذاكرتك لا تحتفظ بي ولكنني من بدايات أول رواية لكِ تذكري
وين نزلتيها دنيا الوله وراح تتذكرين عضوه كانت معاكِ أول بأول ..!!

بحث كثيراً بعدك لأجد لكِ رواية لأجل الوعد بمنتدى آخر وقرأت من أيام وحيدات بالقصر وسجلت عجابي هناك بمعرف مختلف ..!!


ربما وحيدات بالقصر رواية مختلفه عن سابقاتها ربما تسليطك على جزئية رائعه ربما تصادفنا بالواقع .. أجدت حبك التفاصيل عزيزتي .. ربما اتضحت لنا بعض النقاط .. ولكنني أتوقع تلك
الوحيدات سيتعبن كثيراً بقصص حبهم هكذا أتوقع ..

تعقيبي للأحداث من الجزء العاشر لأن قريت كل الأجزاء مره وحده كنت مستمتعه جداً بالأحداث وأسلوبك صار جزء افهمه كثير وشنو تبين توصلين للقارىء


محظوظه بإختصار مبدعه

بإنتظار الجزء العاشر بكل ترقب لنرى ما مصير شوق ..!!
وكيف ممكن هيثم يراضي قمره ؟
ما مصير دلال من زوجها الي تركها وسافر ؟

ونادر وشمس ..!!
وجود لجين بوسط تلك العلاقه ما الهدف منه..

!!

نترقب بشوق

[عاشقة صمت]

تأخرتي علينا ..!!

شنو صار بشوق مشعل


محظوظه

:(

[نونا الاموره]

ننتظرك حياتوووو

[فروله]

تأخرررتي علينـآ عسسى مـآشششر :(

ننتظرررررركـ

[عاشقة صمت]

محظوظه وينك ..!!

:(

[المحظوظة]

صبـــــــــاح الورد
و
مســـــــــــــاء الخيـــــــــــــــر

حبايبي كيف الإجااازة ؟؟؟؟
ان شاء الله انبسطتووا ؟؟

أنا عن نفسي مرررررررره انبسطــــــت الحمدلله ..
ياحلوة لمة الأهل والقرايب والحبايب ..

بس والله البارت كان شاغل بالي حتى وانا بوسط السوالف والناس أدور وقت أنزل فيه البارت

امس رجعت من السفر ..
ومانمت
قعدت أنهي الي أقدر عليه ..

وان شاء الله

ان شاء الله

ان شاء الله

راح ينزل اليوم بأي لحظة ..

كونوا بالقرب

[عاشقة صمت]

مساء الورد

وعسى أيامك كلها سعاده وناسه يالغلا ..

بانتظار البارت بكل شوق..!

[المحظوظة]

الجزء العاشر

"شروق"
بحياتي ماقد وصلت لهذا المستوى من التوسل والرجاء .. ! طول عمري رافعة نفسي .. ايه شايفة روحي !! وعازة عمري .. ما أذكر اني اترجيت أحد .. !
والحين لقيتني أترجى بدموعي الانسان الي خذلني ، أكثر انسان حبيته .. وأكثر انسان كرهت اني حبيته .. كرهت اني عرفته وصادفته ولمحته .. !
شفت بعيونه حب مليئ بالخذلان .. شفت بعيونه عشق لكن يملاه التردد .. شفت بعيونه وله بس يغمره اليأس !
وماعاد اتحملت موقفه ، وبكل ألم ودموع دفيته من قدامي وأنا أقول : إبعــد ياجبــــــان !
دفيته بس حسيت إيدي مارجعت لي ! مسكتها ايد مشعل وشدتني لصدره وضمني بإيد ... وإيده الثانية مسك دقني ورفع راسي .. و .. بآسني !
تشنجت جوارحي !!
حسيت عيوني بتطلع من محجرها من هول صدمتي !
ثار كل إحساس حي فيني ، حسيت بشعور واحد اهو الي اتملكني من راسي لأخمص أقدامي .. شعور بالغضب !
رفعت ايديني لكتوفه أبعده وانا بقوة أحاول أحرر نفسي من بين إيديه لين أبعدته وصرخت : إبعــــد ياحقيــــــــــــــر ..
وغطيت فمي بإيدي وأنا أطالعه بعيون مولعة بشرار الغضب والحمق وأنا أشوفه قدامي شخص يمثل أدنى أنواع الحقارة وقلت بصوت يرجف غضب : هذي أنا بالنسبة لك ؟؟ هذا هو المستوى الي تشوفني فيه ؟؟؟ هذي المكانة الي تبيني فيها ؟؟؟؟ ياحقير يا وآآآطي ..!
مشعل اتلفت يمين ويسار بقلق وفرك وجهه بطريقة تبين شكثر متبعثر وقال : شروق أنا ....
قاطعته بصرامة : لا تنطق اسمي على لسانك ! .. خسارة .. حبيتك ووثقت فيك واتوقعتك تحميني من كل الناس ..(( وأشرت اصباعي بوجهي وأنا أكمل : انت .. ماقدرت تحميني حتى من نفسك !!
وتركته مسرعة ومشيت مو شايفة طريقي .. أجر رجولي المثقلة بوجعي وصدمتي .. !
يمكن ناداني .. يمكن لحقني .. لكن ماعاد التفت وراي ..
مشيت وركبت السيارة وخبطت الباب واتحركت السيارة .......
مسحت فمي بإيدي مره ومرتين وثلاث وخمس وعشر .. وغطيت وجهي بإيديني وقمت أبكي من خاطر قلب مجروح ..
بكيت حالي الي وصلت له والي ماقد اتصورت ولا بأبشع خيالاتي انه ممكن يحصل معاي هالموقف ولا حتى وأنا بذيك البلاد ! الي لو بيحصل معاي شي هناك يمكن ما أستغرب .. !
بكيت مشاعري الغريبة الي اتعلقت بشخص استفزني من أول موقف .. واحتقرني من أول لقاء !
شخص علقني فيه بشكل مجنون .. وعيشني بمشاعر من الوهم .. وتركني بنص الطريق .. !
تركني مجروحة .. آذاني بردة فعله .. وأهآنني بتصرفه .. وحطمني وحطم معاي أحلى صورة قدامي بروازها اسمه ورسمه !
شخص كان من الجبن انه يعترف بحبه ويحافظ عليه بأسمى الطرق .. !
شخص كان من الحقارة انه عبر عن حبه بأدنى الطرق !
كنت بحالة من الانهيار خلت السواق يلتفت لي كل شوي مصدوم من حالتي !
ولا كان شكلي ولا حالتي ولا شي فيني كان قادر يكمل مسيره لبيت غادة !
قلت للسواق يروح لكوفي قريب من معهدي ..
و وصلت ودخلت ورميت روحي على طاولة منزوية
ولازالت تحتويني صدمتي ..
مر وقت وانا شاردة بمكاني وكل جزء فيني متيبس حتى دموعي اتحجرت وسط عيوني ..
جا الجرسون سألني اذا أبي شي .. طلبت موية وبعد ثواني جابها ..
كان بودي أغرق روحي فيها يمكن تبرد لهيب كياني
فتحت الموية ورشفت منها وتركتها على الطاولة ..
وذاك الموقف ينعاد ببالي بطريقة تكويني ..
كيف صارحني بحبه ..
وكيف أظهر لي يأسه وضعفه من مواجهة حبه ..
وكيف شدني لصدره و .........
وكان صعب على خيالي يسترجع هاللحظة بالذات وفقدت أعصابي ودفيت الموية بقوة على الأرض وأنا أهمس بوجع : حقيييييير .

::
" مشعل "
ظليت وقت وأنا أدور مكاني مثل المجنون الي توه صحى واوتعى على نفسه وعلى الدنيا !
شالي سويته ؟؟؟
شالي أذنبته تو وأجرمته .. !؟
أنا كيف .. كيف قدرت ... كيف اتجرأت .. شصار فيني ؟
نسيت نفسي وحالي وماوراي ومادوني , كانت لحظة فوق مقاومتي !
لحظة كانت كلفتني ثمن غآلي !
لحظة خلفت من بعدها أيام وليالي اتمنيت فيها لو يرجع الزمن فيني لهاليوم ..
كان وافقت شروق على فكرتها وأخفيت نفسي من هالوجود
بس هالليلة .. الي بتضمن لي شروق كل الليالي !
انتبهت على صوت جوالي يرن .. مسكته وطالعت لقيتها مشاعل ..
ياربي شلازم أسوي .. أحس اني وسط النار .. بأعماقها !
لا أحس حالي حطبها .. ورمادها ..
ماعرفت شأرد وأقول وأنا بهالحالة الي تحسسني كل شي فيني مبعثر ومشتت ومحروق !
بعد دقايق عادت مشاعل الاتصال ...
وشوي ورديت عليها : نعم مشاعل
مشاعل بهمس : وينك مشعل لايكون للحين ماطلعت ؟؟؟؟
سكت شوي أبي أستوعب .. لأني من شوي ماكنت بوعيي .. مشاعل تسأل ويني ماجيت لإيش ؟؟
خطوبتي أنا وغادة .. !
عضيت شفايفي بألم فضيع تملكني على هالحقيقة الي حسيت مافيه مفر منها ..
واستجمعت قواي ورديت : الحين طالع ..
مشاعل : يالله استعجل بالله عليك كلهم موجودين مايصير تتأخر !
رديت : يلا جاي ..
سكرت منها واتنهدت بضيق فضيع .. اليوم هذا بيقلب حياتي ويغير مجراها ..
اليوم هذا بيربطني بإنسانة ،
وينهي من حياتي انسانة !
لميت راسي بإيديني وقمت أدور أبي أبحث عن مخرج من هالليلة .. أبي الدنيا تفتح لي درب سري مايمشي فيه غيري بس يخفيني من هالوجود ليوم .. بس يوم !
طالعت ورى الخمية وين ماكانت شروق تبكي وتترجاني ..
واتذكرت ألمها وهي تشوف الخاتم وترميه بقوة على الأرض ..
إلا وين الخاتم ؟؟
مشيت بسرعة لنفس المكان أدور الخاتم .. ماكان همني اني ألبسه غاده
كان همي أخفي أي أثر لوجود حدث غريب حصل بهالليلة
اتلفت يمين يسار وانحنيت بنصف قعدة أطالع الأرض بترقب .. ومالقيته
قمت ولعت أنوار الحوش ورجعت أدور مره ثانية !
فص ملح وذاب !
يمكن توتري بهاللحظة مو مخليني قادر على التركيز والبحث ..
ولا وين اختفى الخاتم !
طالعت الساعة انتبهت للوقت شكثر اتأخرت ..
قمت وأنا أتأفف بضيق خانقني .. وطلعت من البيت ..
ركبت السيارة وخبطت فيها بكل قوة ومشيت بسرعة أًصدرت صوت مزعج .. بس مهو أكثر من إزعاج خاطري وتفكيري بهالوقت ..
والسؤال الي فرض نفسه .. كيف بروح وبدخل بدون خاتم .. ؟؟
خبطت الدركسون بضيق .. ياليت ماعشت هاليوم ولا انحطيت بهالموقف .. !
فكرت أمر أي محل وأشري أي خاتم وأخلص نفسي ..
بس لاني أعرف بالخواتم ولا حتى بالمقاسات !
كملت طريقي للبيت متجاهل هالخاتم المنحوس
باتظاهر ان نسيته وأول ما أرجع البيت بدور عليه زين .. وبكرا أجيبه .
ووصلت البيت على رنين جوالي من مشاعل ..
ماكان ناقصني غير قلقهــا ..
بس يامشــــــــاعل يكفـــــــــــــــي !!

::
مشاعل
أنا ماطلعت من البيت إلا وأنا شايفة مشعل مستعد ..
شالي أخره لهالوقت ؟ قهرني بروده الواضح بصوته وكلامه ..
دقيت عليه مارد .. انتظرت برا الصالة شوي عشان بارجع أدق عليه
إلا هو دق ..
رديت : وينك ؟؟
مشعل : عند الباب ..
قلت : زين يلا تو أبوها سأل عنك ..
قفلت ورجعت الصالة وأنا أبتسم بمرح وأقول : المعرس وصل
أم غادة : حياه الله .. ( ودقت على أبو غادة تخبره ..
كانت الحفلة عائلية وبسيطة ماهي غير إعلان خطوبة وتقديم خواتم لا أكثر ..
وبهاليوم نحدد يوم الملكة حسب راي غادة وأهلها ..
طالعت الساعة وقلت : إلا وين شروق ماكنها اتأخرت .. ؟
أم شعاع : دقوا عليها يابنات هي قالت بتلحقنا ..
شمس : يمكن أخرها شي .. بدق عليها ..
قامت شمس بتطلع وأنا فورا قلت : وين رايحة خليك هنا .. يمكن أحد يمر برا ..
كنت أبي أسمع شتقول لها شروق وأستشف سبب غيابها ..
يمكن فضلت تقعد بالبيت عن لا تشهد خطوبة مشعل وغادة الشي الي أكيد محطمها ومحطم أحلامها ..
لكن شمس ما أشفت غليل فضولي لما قالت : ماترد !
قلت : كلموها بالبي بي ..
شعاع : خلاص أكيد شوي وبتجي .. غادة حلو فستانك طالعة تهبلين
غادة : ياعمري انتي عيونك الحلوة ..
مشاعل : إياك أعني واسمع ياجارة مثلا ؟؟ على أساس انا من أهل العريس هههههههه ايه أدري ان غاده كلها زين وملح ..
قمرة : ليه بطاطس ؟ ههههههههههههههههههههههه
غادة : هههههههه جب انتي خليني أفرح
رزان : جا اليوم الي كنتي تناحسيني عليه وصرتي انتي بنفس مكاني
غادة بغرور : أنا غيـــر وانتي غيـــر
دق جوالي لقيت مشعل متصل .. قمت من مكاني برد برا .. !
حسيت بنظرات شمس تتبعني كنه ضايقها خروجي هالمرة وانه هي منعتها !
رديت : ايوة مشعل؟
مشعل : ترا .. نسيت الخاتم !
شهقت بصدمة وقلت : كذااااب مشعل لا مو من جدك !!!
مشعل : من جد .. نسيته .. ماله داعي خواتم اليوم .. لاتجيبين لها طاري وبكرا بوديه لها
ضااااايقتني حركته واستهتاره وبرود وطريقة كلامه وقلت : انت شلون تنسى شي زي هذا يامشعل ؟؟؟؟ قلت لك خلني آخذه قلت لا أنا بجيبــه وشوف بـ ..................
قاطعني مشعل وقال : خلاص يامشاعل ( وسكر السماعة بوجهي !
لا !
مو معقول انت يامشعل !!
يادوب أبلع تأخرك الي أحرجني مو عاد تنسى الخاتم .. وزود على ذاك كله اسلوبك وبرودك و .. وتسكر السماعة بوجهي ؟؟؟؟؟
اتمنيت أدخل عليه بمجلس الرجال أصرخ بوجهه وأأنبه على استهتاره !
دخلت وحاولت أكون طبيعية .. صحيح الغرض من الحفل مجرد إعلان بس كانت الخواتم رغبة غادة !
وش بقول لها الحين ؟؟
اهي موريتني الخاتم الي جابته لمشعل وتنتظر اللحظة الي تقدمه له !
واتفقنا على لحظة مناسبة بهالليلة تكون باتفاقي انا ومشعل و وقتها أكلم أم غادة ترتب الوضع ..
قمت وقعدت جمب غادة واتكيت بكوعي على ركبتي وسندت دقني بكفي وأنا أقول : غدو .. خلينا نأجل سالفة الخواتم !
غادة : لاااا ليش؟
قلت وانا بنفس وضعيتي : مشعلوه نسى الخاتم .. ماجابه ! تو دق علي زعلان ومقهور انه نساه وكان يبي يرجع يجيبه بس أنا قلت خلاص نرتب لها يوم ثاني ..
غادة : اوك مو مشكلة
التفت لها وقلت برجاء : لا تزعلين ..
غادة : شدعوة .. بالعكس بكذا بتكثر المناسبات ..
ضحكت لها وعدا الموضوع على خير ..
لا
مو خير
ولا شاف الخير ..
اللي مرينا فيه من بعد هاليوم .. ماكان أبد خير
كنت أتمنى أمنية كل يوم أرددها : عسى هاليوم يمر على خير ..
تبادلنا التباريك .. والتهاني .. والدعاوي ..
واتعشينا
وطلعنا
انا مع طلال
ومشعل سبقنا
ايه نسيت أقول لكم .. شروق جت .. !
خلو غادة تحكيكم ..

::

غادة
فتحت ماما الباب الفاصل بين المجلس وطاولة الطعام وقالت : اتفضلوا حياكم الله ..
قمنا كلنا بنفس الوقت الي انفتح فيه باب المجلس ..
ودخلت شروق !
ماما : ياهلا ويامرحبا وينك ياقلبي ؟؟؟
شروق واهي تمشي لماما : معليه اعذروني ..( وسلمت على ماما وباركت لها وقالت : معليه خرب فستاني واتورطت .. عاد اتأخرت على مادبرت لي فستان ثاني ..
ومشت ناحيتي بابتسامتها الناعمة ومديت ايدي بصاحفها لكن شروق حضنتني واهي تقول : ألف مبروك ..
قلت : الله يبارك فيك .. كنت بازعل منك حيل لو ماجيتي ..
شروق : كيف ما أجي ياغادة .. غصب عني اتأخرت ..
ومشت لمشاعل سلمت عليها .. بس حسيت السلام بينهم مو بس بارد .. جليد !
ماهمني شي بهالوقت .. كنت فرحانة بخطوبتي وان كان ضايقني موضوع الخاتم ..
وجية شروق فرحتني أكثر ..
حسستني ان مافي شي بخاطرها لأني لوهلة ظنيت انها شايلة بخاطرها علي وهذا سبب غيابها ..
قام الكل يتعشى وأنا قلت لشروق : قوليلي شسالفة فستانك ..
ماما : خلي السوالف بعدين امشوا اتعشوا
قلت : اصبري ماما بنلحقكم ..
قعدت شروق جمبي والكل راح لغرفة الطعام ..
طالعت بشروق .. وجهها كان تعبان .. عيونها ذبلانة .. حتى صوتها مو طبيعي !
قلت : شروق تعبانة شي ؟؟
شروق : اييييه مانمت زين وصدعت وأخذت دوا أحس دوخني زيادة ..
قلت :سلامتك والله فرحت انك جيتي كنت شوي متضايقة
شروق : ليه ؟
قلت : اول شي مشعل اتأخر ، بابا صار يسأل عنه مره استغرب .. حاولت أمرر هالشي طبيعي بس الي ضايقني انه لما أخيرا شرّف .. جا وهو ناسي خاتمي اتخيلي ؟؟؟
شاحت شروق بوجهها للجهة الثانية لحظات بعدين رجعت طالعتني وقالت : لاتضايقين نفسك قدامكم العمر كله شيلوا وحطوا من هالخواتم ..
قلت : هههههههه على قولك
شروق : حلو فستانك ..
رديت : تسلمين حبيبتي عيونك الحلوة
ماما من بعيد : يلا يابنات تعالوا اتعشوا ..
قمت وانا أقول : يلا قومي لا يعلقون الحين ..
قمرة من بعيد : مصدقة حالها هذي عروسة قاعدة بروحها امشي بس ..
قلت أكلم شروق : ههههههههههه ماقلت لك ؟
شروق ابتسمت وسحبت كرسي بالطاولة وقعدت .

واحنا ناكل
خالتي أم شعاع قالت لشروق : شروق اغرفي لك سلطة تجنن لا تفوتك
شروق : أكلت شوي
قلت : كلي بتحسين نفسك أحسن ..
قمرة : ليه شفيها ؟؟
شروق : شفيني يعني ماتدرين اني مانمت زين ومصدعة من الصباح ؟؟
قمرة ببرائة : لا مادري !
شروق قامت وهي تشرب الموية وحطت الكاس على الطاولة وقالت : أنعم الله عليكم
وراحت للمجلس
مشاعل : شفيها تعبانة ؟
شمس : احنا اذا مانمنا تستخف روسنا وهي مانامت أمس زين ..
مشاعل التفتت وقامت تطالع بشروق وطولت النظر فيها .. ولما جت عينها بعيني عقدت حواجبي أستفسر عن سبب هالنظرات .. مشاعل رفعت حاجب وكملت أكلها بصمت غريب !
وبعد الأكل رجعنا للمجلس
كنا نسولف ويا بعض بس شروق كانت تحكي إهي وشمس لحالهم ..
مالفتني هالشي كثر مالفتتني نظرات مشاعل الي مصوبتها ناحية شروق بطريقة غريبة !
شوي وجتني شروق سلمت علي واهي تقول : حبيبتي انا بامشي جيت عشانك بس ..
قمت سلمت عليها ومشت
وبعد شوي لحقوها الباقين ..
طلعت الدرج بعد ماراح الكل وقبل ماروح لغرفتي رحت لغرفة رزان ..
دقيت الباب وشوي وفتحت لي ومن عند الباب قالت : هممم ؟؟؟
قلت : شالي هممم وخري بادخل
رزان : لااا اصبري مشغلة الكاااام بسكايب
قلت : مع مين ؟؟؟؟
رزان : مع مين يعني ؟؟ راكان يبي يشوف شكلي قبل مابدل ملابسي خلاص شوي وأناديك
قلت باستهباااال : آهااااا قال يبي يشوف شكلك بملابسك يعني ؟؟؟؟
رزان : أجل وشووووو ؟؟
قلت بخبث : والله مدري عنكم !
رزان : انقلعي هالحركات مخليتها لك انتي يالمجنونة
ضحكت وتركتها ورحت لغرفتي
شكثر رزان مبسوطة مع راكان .. شكثر يحبها ويدور رضاها ورضاانا إحنا بعد بس عشان يسعدها !
هل بعيش مع مشعل لحظات حلوة مثل رزان .. ؟؟
بانسى الدنيا والناس مثل رزان وانقطع عن العالم وأعيش بعالمه هو وحده .. ؟
دخلت غرفتي وسكرت الباب .. ومشيت وقعدت على الكرسي وفتحت الدرج وطلعت علبة صغيرة فخمة .. فتحتها وقمت اتأمل خاتمه .. هالخاتم الي اتمنيت يكون باصباع مشعل بهالوقت ..
نسى خاتمي أجل ؟؟
ما أنكثر شكثر اتألمت بداخلي بس ماحبيت أظهر هالشي قدام مشاعل ..
أنا الي من شريت الخاتم قمت أفتح العلبه مية مره وأتأمل الخاتم ، وكلي لهفة لهاللحظة الي أسلمه خاتمه .. ! بالوقت الي هو بكل بساطة نسى خاتمي .. !
ماحبيت أكبر الموضوع جواي عن لا أضيق أكثر وأكثر ..
قمت أبدل ملابسي وشوي وجتني رزان ..
دخلت واهي لابسة بيجامتها .. قلت وأنا أطالعها : لبستي بيجامتك قبل ماتسكرين الكام ولا بعد !
رزان بحمق : غادووووه وجع انطمي
ضحكت عليها وقلت : هههههههههههههههههههههههههههههههه لو سمحتي هذا يوم خطوبتي خليك مؤدبة معاااي
رزان : ايه ان شاء الله اذا صرتي انتي مؤدبة وعرفتي شتقولين
قلت : طيب ، بس جد قولي ؟
رزان : شتبين أٌقوووووووول ؟؟
قلت : كنتي مسكرة الكام لما ......
قامت رزان بسرعة ومسكتني من حلقي تبي تخنقني وانا أضحك على انفعالها وأقول : خلاص خلاص مو معلمة أحد
رزان وهي تدفني على السرير : تعلمين أحد على ايييييش على أفكارك الخبلة مثلك ؟
قلت : طيب طيب .. بحاول اصدق!
رزان : مجنووونة رسمي
رميت نفسي على السرير وانا اقول : مجنونة بهواااه يارزان ..
رزان : ياويلي ياويلي .. الا قوليلي ليه بطلتوا سالفة الخواتم ؟؟؟
قلت : مشعل نسى خاتمي هههههههههههههههههههههههههههه
رزان : مب صاحي أجل ليش جاي ؟
قلت وانا أضحك : جاي يسولف مع أبوي
رزان تبي تسليني : يلا ياشيخة يجيبه مره ثانية ماصار شي ..
عدلت قعدتي وقلت : اباسألك .. ماحسيتي شروق مو على بعضها ؟؟؟
رزان : إلا .. يمكن تعبانة .. يمكن مالها خلق !
غادة : ياسلام ؟؟؟؟
رزان : ايه .. انتي تتكلمين عن بنات يحكمهم كيفهم ومزاجهم ومحد له كلمة عليهم .. عندك شمس .. ماجات ملكتي ! وهي ملكة مو حفلة خطوبة ! وماكان السبب واضح .. تعبانة ومدري وشو واحتمال يكون بس مالها خلق ولاحد يقدر يجبرها .. وشروق زين منها جت وهي تعبانة !
قلت بضيق : لا بس شروق صديقتي .. كان ودي تكون معاي من أول الوقت
رزان : مو هي تقول فستانها أخرها !
قلت : بس اتأخرت مره ، جت على العشا !
رزان : عادي يمكن شافت فلم عجبها وقعدت
قلت : بس يارزان مستحيل يكون سبب تافه زي كذا ..
رزان : طيب بس ترا انتي سحبتي عليها بالفترة الأخيرة وماصرتي تعلمينها بكل شي ولهيتي بشغلك خلاص تلقينها هي انسحبت بعد ..
ماحبيت أشغل بالي بالموضوع أكثر وقلت : يلا كيفها مابي اضايق نفسي شروق اتأخرت وحتى مشعل صاحب الحفلة بعد اتأخر .. المهم من بعد هاليوم صار الكل يعرف اني أنا ومشعل مخطوبيييييين
رزان باستهبال : احلفي بس ..
قلت : ههههههه أوريك زي ماصجيتيني بسوالفك الا وتبين تحكيني كل شي عاد الحين بتسمعين كل خربوطة بخاطري ..
رزان : هههههههه عيوني لك .. شتبين تقولين ؟؟
قلت : لسه ماصار شي الحين .. لما يصير ..

و وشو الي بيصير ؟
ما كنت أدري .. ولا ببآلي .. ولا حاسبة حساب للمفـــآجـــآت الي بتصير !

::

"شعاع"
رجعنا البيت .. شروق طلعت غرفتها بحجة انها نعسانة وتبي تنام
ماما بعد ماطولت بالصالة ودخلت نامت ..
طلعت لغرفة شروق بشوف اذا مانامت باسألها شصار فيها وشالي أخرها .. دقيت الباب شوي وفتحته وكانت واقفة قدام المراية بصمت !
دخلت وقبل ما أسكر الباب اندفع مره وحده ودخلت قمرة و ورها شمس ..
قمرة : شروووق وش سالفة فستانك ؟؟؟
شروق بملل : مافي سالفة !
قمرة : مو تقولين خرب .. ( وانتبهت للفستان الي كانت مخططة شروق تلبسه وقالت : ايه هذا هوو .. وقامت سحبته وشافته واهي تقول : وين الخراب بالله ليه مالبستيه والله أحلى من الي كان عليك !
شروق : لو سمحتي قمرة اتركي الفستان واتركيني أنا بحالي ..
كل هذا وأنا أتفرس شروق بنظراتي ودي أعرف شالي يدور براسها ..
قلت وأنا أأشر بإيدي لشمس وقمرة : روحوا غرفكم
شمس : قمرة انتي روحي ..
قمرة : وانتي بعد
شروق : ياليت الكل يطلع قلت لكم بنام جايين عندي شتبون ؟؟
قلت : يلا يابنات ..
قامت قمرة واهي تقول : قود نااايت ..
باستني على السريع وطلعت
طالعت بشمس وأنا أأشر براسي على الباب ..
شمس : خليني ، أنا أعرف كل شي ..
قلت : شتعرفين ؟؟
شروق بانفعال : يوووووووووه وبعدين يعني .. شمس برا لو سمحتي !
شمس : طيب خلاص .. ( وطلعت
طلعت شمس وسكرت الباب .. قلت وأنا أقعد على السرير : شقصدها هذي شالي تعرفه ؟؟
شروق بنفس الانفعال : شدراني عنها روحي اسأليها !
قعدت وأنا أقول : طيب لا تعصبين ..
شروق مشت لتسريحتها وأخذت كلبسة لمت شعرها .. وقامت تحوس بأغراضها
قلت وأنا أطالعها : أجل الفستان أخرك ؟؟
شروق ماردت وظلت تحوس بأغراضها
قلت : لا ومصدعة ومانمتي زين بعد ؟
شروق فلتت الي بإيدها بقوة وهي تقول بنترة : شعاااع بليييز !
قلت : طالعيني شروق .. اتأخرتي وجيتي وجهك منعفس ومانتي مرتاحة ومبين تعبانة ! بإيش كنتي تفكرين ؟؟؟؟
طالعتني شروق بمراية التسريحة بصمت .. (( وأنا كملت : قعدتي بالبيت قاصدة موو ؟ ماكنتي تبين تطولين هناك .. وسمحتي لمشاعرك تتغلب عليك وقمتي تبيكن واتنكدتي .. مو هذا الي صار ؟؟
شروق ظلت متنحة فيني بلا رد .. (( وكملت : ماكنت متوقعة ان الموضوع مأثر فيك لدرجة ماتجين الحفلة معانا وتتعذرين باللبس .. لا تطالعيني كذا اتكلمي قولي شفيك شالي تفكرين فيه ياشروق ؟
التفتت شروق علي وقالت : صح .. لازال الموضوع مأثر فيني .. صحيح ماعاد مشعل يهمني لكن مو لدرجة أحضر خطوبتهم وأنا أضحك .. خلاص سويت الي علي وجيت ماكان لازم أحضر الحفلة كلها !
قلت : ماهمني تحضرين الحفلة أنا همني انتي ماتفكرين بالموضوع وتستسلمين لمشاعرك وتضايقين نفسك .. لاتصيرين ضعيفة زي شمس خلاص شيليه من بالك !
شروق : اتطمني شعاع .. شلته من بالي وعقلي وقلبي ولا عاد بفكر فيه مره ثانية ..
رديت : أتمنى !
شروق بهمس : اتطمني ..
قلت : اتخيلي .. جينا وقعدنا واتقهوينا وسولفنا وكل الرجال جو ومشعل ماجا ! جد واحد مستهتر !
شروق اتنهدت بضيق ولفت وجهها عني .. حسيتها ماتبي تسمع شي عنه .. قمت وأنا اقول : يلا أخليك حبيبتي .. نامي
هزت شروق راسها بصمت
طلعت وانا أقول : تصبحين على خير ..
رحت لغرفتي وأنا اتمنى الي صار لشروق ينتهي مع هاليوم ولا يلازمها الضيق والتفكير للصباح .. تمنيت تستوعب خطوبة غادة ومشعل وتتعايش معاها طبيعي ..
اتمنيت أشوفها بكرا شروق الي أعرفها .. اتمنيت واتمنيت واتمنيت .. ونمت .

وبصباح اليوم الجديد
انتبهت على ضحك قمرة وصوتها من عند الباب ..
طالعت الساعه لقيتها 11 ياربي بنام باستغل الويكند .. ليه نومي مقطع !
وهذي تكلم مين ساعة وتضحك ؟؟؟
رميت بطانيتي وقمت الحمام غسلت وبدلت ملابسي وطلعت ولقيت قمرة تمشي بين الغرف والجوال باذنها لازالت تسولف وتضحك
قلت وأنا أمشي ناحيتها : صباح الخير
قمرة : صبااااح النوووور
قلت : من سعيد الحظ الي طاقة سوالف معاه من الصبح
قمرة : هههههههههههههه شفت محمد طلعت سعيد الحظ
ابتسمت وانا أقول : محمد ؟؟؟ رجع من السفر ؟؟؟؟
قمرة : ايه أمس بالليل رجع .. ومصدوم من الأحداث الي صارت بغيابه ..
قلت : خليه يجينا ..
قمرة : ان شاء الله بكرا بيمرنا ..
نزلت الدرج وأنا أقول : سلمي لي عليه ..
نزلت الصالة لقيت ماما بعبايتها
سلمت عليها وقلت : وين رايحة ؟؟؟
ماما بهدوء : بروح بيتي محتاجة أغراض من هناك ..
انقبض قلبي من هالطاري .. اتعودت على وجود ماما بيننا من فترة .. واللي كان بسب عارض وهو ان زياد مسافر مع اني أدري ان فيه أسباب غير السفر مخفية ..
قلت بقلق : رجع عمو زياد ؟
ماما : لا .. أنا بارجع اليوم بس أخلص كم شغلة بالبيت ..
قلت : طيب خلينا نفطر بعدين روحي
ماما : فطرت ياقلبي انا صاحية من تسعة ..
رديت : ماشاء الله عليك .. طيب أكلم لك السواق ؟
ماما : ايه تكفين ..
دقيت على السواق قلت له يجهز السيارة .. وطلعت ماما ..
مشيت للدرج وقلت بصوت عالي ليوصل قمرة : قموووووووور انزلي نفطر ..
ومشيت للمطبخ أقول للطباخة تجهز الفطور ..
جتني الخدامة وقالت : قود مورننق ..
رديت : قود مورننق
الخدامة : مستر اتصل عليك ؟؟
قلت : بابا ؟؟ لا !
الخدامة : أمس مرتين يتصل بيت أنا كلام كله راح كله مافي !!
استغربت ليش مادق على جوالي ولا جوال أي وحده من خواتي .. !
وقلت : متى الساعه كم ؟؟؟
الخدامة : على طول بعد ما انتوا روح ممكن ساعه 9 ونص
اتذكرت شروق وقلت : ليه ماناديتي شروق تكلمه ؟؟؟؟
الخدامة : مافي شروق مافي أحد
قلت : كيف مافي ؟؟ شروق لين الساعه 11 وهي بالبيت ..
الطباخة والخدامة مع بعض : لالالالا مافي أحد .. !
طالعتهم باستغراب ، والخدامة قالت : انتوا روح بعدين ممكن ربع ساعة شروق راحت !
قلت باستغراب : مو معقول ، شروق ماجت معانا ! شروق جت هناك الساعه 11 تقريبا !
الخدامة : والله مس شعاع .. انا روح فوق سوي ترتيب غرفة شروق غرفة انتي و شمس وقمرة مافي ولا أحد!
الطباخة : يس .. انا شوف شروق روح ..
عقدت حواجبي باستغراب .. بس ماحبيت أبين شي مريب قدامهم وقلت : أوكي شكرا ، بدق على بابا الحين .. بس سوولي فطور انا وقمرة بليز..
وطلعت من عندهم وأنا الحيرة متملكتني .. معقول شروق ماكانت بالبيت ؟؟ طيب ان كان طلعت وين راحت ؟؟ ليش ماجتنا على طول ؟؟
أوكي ان كان ماجتنا وراحت لأي مول ولا أي مشوار ليش ماتقول لي ؟ يعني مو فاهمة ليش توهمني انها كانت بالبيت ؟؟؟
استغربت من تصرفها .. وبنفس الوقت لازال عندي شك بكلام الخدم .. أكيد مانتبوا للوقت الي طلعت فيه شروق ، ويحسبونها طلعت بدري وهي كانت موجودة !
شوي ونزلت قمرة وقعدت واهي تقول : ياناس عليه هالولد من جد ياحظنا فيه ..
قلت بابتسامة : محمد؟
قمرة : ايييييه اتخيلي شوي ويصيح وأنا أحكيه عن عمليتي والتعب الي صار فيني .. وقال بكرا بيجي العصر
قلت : بكرا عندك موعد بعيادة هيثم
قمرة : عارفة ..
رديت : دام عارفة ليش قلتي له يجي ؟
قمرة : هو مو قاعد لـ لليل .. أول مايروح بروح العيادة ..
قلت : بس هيثم قال تعالي أول الدوام عشان يدخلك قبل المواعيد !
قمرة بغرور : حتى لو جيت بنص الدوام بمكالمة مني بيوقف كل المواعيد ويدخلني ..
قلت : لا حبيبتي ترا كذا تحرجينه مع مرضاه وبنفس الوقت مايبي يزعلك ..
قمرة : الي يسمعك يقول مازعلني ..
قلت : ياقمرة يومه ذاك مره ضغط وشغل وسوا ثلاث عمليات غير المواعيد وطلبات الطورائ الي طاحت عليه بذاك اليوم مسكين مره ماكان لاقي وقت يمرك !
قمرة : مين قالك لك؟
رديت : ليان بنت عمتي .. دقت تسولف معاي ومن السوالف قالت لي ان هيثم كان عند سلطان ويشكي له ضغط الشغل الي متعبه وخصوصا ذاك اليوم .
قمرة : امممممممم .. الله يعينه ..
خبطتها مع كتفها وقلت : غبية .. يعني بالله بيكون عنده وقت فاضي ومابيمرك فهاوة بس !
قمرة : مادري بس خلاص مو فارق معاي أصلا ..
قلت بعدم تصديق : اييييييه صح أجل ليه اتنكدتي ذاك اليوم وانهبلتي الا وبتطلعين ؟؟؟
قمرة : لأني تعبت ومليت وطقت كبدي من المستشفى
قلت : العبي على غييري حبيبتي ..
نزلت شروق الصالة وهي تقول : صباح الخير
ردينا : صباح النور .
قعدت على الكنب وهي تقول : قمرة بالله دقي عليهم يجيبولي كوفي
قلت : ماتبين تفطرين ؟
شروق : لا مو الحين
كان التلفون جمب قمرة ودقت طلبت لشروق كوفي ..
شوي وجابولنا الفطور بالصالة ماكان فينا نروح للطاولة ..
شروق : ماصحت شمس ؟؟
قمرة : لا ، البارح بعد ماطردتونا قعدنا بغرفتها نتفرج مع بعض فلم نعست انا بنصه وقمت نمت وهي شكلها كملته ..
شروق : أها .. وماما ؟
قلت : راحت بيتها شوي وبترجع الليلة ..
كملنا فطورنا .. وشوي وجابت لنا الخدامة صحن بانكيك الأكل المفضل لشروق ..

قمرة : شروووق بااانكيك .. شرووق ماتبين ؟؟
ماردت شروق وظلت تشرب الكوفي بصمت
قمرة : شرووووووووووق ..
طالعتها شروق بصمت ..
قمرة : شفيك سرحااانة ؟؟؟
شروق بنبرة خافتة : مو سرحانة ..
قلت : نمتي زين ..؟
هزت شروق راسها وهي تشرب الكوفي ..
وشوي الا قالت : يممممي بانكيك متى جابوه ؟؟
قمرة باستهبال : وانتي مـوو سرحـانة !
شروق ضحكت بخفة وقربت وقطعت لها وصلة بانكيك ..
كان خاطري أستفسر عن ليلة البارح وبديت الموضوع بهالسؤال : بابا دق عليكم ؟
جاوبوني : لا !
قلت : غريبة تو تقول لي الخدامة أمس دق على البيت مرتين يسأل عننا ..
قمرة : حبييييييبي مادق الا يوم طلعنا .. ايه بس انتي شروق كنتي فيه ماكلمتيه ؟؟؟؟؟؟
أموت فيك ياقمرة لما تطلعين بهالطلعات الي بـ ( بعض المرات ) تعجبني ..
شروق : لا ..
قمرة : ليه ماقالت لك وانتي فيه؟ مهابيل ذولا ؟
شروق : يمكن دق بعد ماطلعت ..
رديت بسرعه : الساعة تسعة ونص ... دق الساعة تسعة ونص .
طالعتني شروق بنظرات تبي تقتحمني وتعرف شالي أفكر فيه .. ومع ذلك قالت : محد قال لي وماسمعت .
صارحتها أكثر : يعني كنتي بالبيت ذا الوقت ؟؟؟
قمرة الي ردت : ايه ياشيخة مو طلعنا وهي بالبيت ماجتنا الا 11 وزيادة ..
سمعنا صوت شمس واهي تتثاوب بالدرج هالشي الي غير الموضوع لما قالت شروق : يلا دام صحيت شمس خلونا نطلع
قمرة : جمعة اليوم كل شي مقفل
شروق : أجل نروح نتغدا بمكان ..
قمرة : حلووو ونقول لمحمد يجينا هناك !
قلت : فكرة حلوة
شمس الي وصلتنا : أي فكرة قوليلي ..
قمرة : نروح نتغدا احنا ومحمد
شمس : ياااي رجع ؟؟؟؟
قمرة : يب ..
شمس : حلووو طيب أي مطعم نروح ؟؟
تجاهلت سوالف قمرة وشمس وصرت أطالع بشروق وهي تضيع نظرها بالتلفزيون ..
مستغربة من موقفها .. وردود أفعالها !
حتى صمتها المستمر وسرحانها !
بس بهاللحظة ماعطيت الموضوع حجم كبير من التفكير والقلق ..
تجاهلته ..
وليتني ماتجاهلته !

::
"شمس"
طلعت غرفتي ألبس وأتجهز .. وأثناء ما أنا أحوس دق جوالي ..
أخذته لقيتها لجين ..
ابتسمت بفرح ورديت بلهفة : لجييييييييييين
جاني صوتها من بعيد : شمووووس شلوووونك
رديت : انا تمام انتي شلونك حبيبتي ؟
لجين : بخير الحمدلله انتوا طمنوني عنكم ؟
رديت : احنا كويسين الحمدلله ..
لجين : كيف قمرة الحين بعد سواة أخوي فيها هههههههههههه
رديت : ههههههههه الحمدلله بالعكس والله ماكنا بنسلم راس قمرة لأحد غيره يعطيه العافية
لجين : ههههههه الله يعافيك
قلت : قوليلي انتي أخبارك كيف دراستك كيف كل شي ؟
لجين : الحمدلله .. دام أبوي لازال معاي كل شي تمام بس والله من غيره مادري وش بسوي
قلت : يابنت ترا متشقن مليانة عرب وسعوديين مراح تضيعين وتتهوين .. صحيح احنا ماكان لنا علاقة قوية فيهم بس كنا نسمع عنهم ونعرفهم ..
لجين : اييييييييه على طاري العرب .. قبل كم يوم كنت بالجامعة وشفت ذاك الي اسمه استاذ نادر !
اتوسعت عيوني وحسيت دمي كله صعد لوجهي ...
لجيـــــــــن انتبهــــــــي لكلامك ..
محد علمك تمهدين للموضوع قبل ماتدخلين فيه ؟؟؟؟
محد قال لك تنطقين الحروف بحذر !
كيف تتكلمين معاي عنه وتقولي لي اسمه بكل بســـــــاطة ..
قلت وانا ماسكة الجوال بقووة : .. ايوة ؟
لجين : كان جاي لشغلة بس سمعت واحد يناديه شكيت انه هو ولحقته هههههههههههههههههههه .. وسألته اذا انت الاستاذ نادر قال ايه وقلبنا عربي .. فرح يوم عرف اني من السعودية
بلعت ريقي بصعوبة .. لجين انتي مو عارفة وش قاعدة تسوين فيني .. شوي شوي علي تكفين .. وقلت بتمثيل : ليه هو .. سعودي ؟
لجين : ايه الظاهر .. ماهمني هو من وين المهم يحكي عربي ومبين خدوم عطاني كرته ..
قلت بلا شعور : اييييييش؟؟؟؟؟
لجين : ههههههههههههههههه شفيك .. عطاني كرت مكتبه ورقمه لأن ماكان عنده وقت يتكلم معاي وقال لي اذا احتجتي اي شي كلميني ..
اتحولت مشاعر الألم والجرح لنار من الغيرة أشعلت لهيبها بكيـــــاني
كيف الدنيا تلعب لعبتها وتجيب لجين لنادر ويتبادلون الأرقام !
كيف يصير هالشي ..
كيف الدنيا اتجرأت تزيد جرعات الصدمات علي .. ؟
لا مستحيل يصير الي ببالي .. اتسارعت دقات قلبي يمكن حتى لجين سمعتها وقلت : ان شاء الله .. ما تحتاجينه بشي .. وتقدرين تسوين كل أمورك بنفسك ..
لجين : ان شاء الله .. بس يكون مرجع لي على قول أبوي ههههههههههه
رديت : أبوك ؟؟
لجين : ايه حكيت أبوي ان أخيرا لقيت أستاذ عربي وقال خليه يصير مرجع لك اذا احتجتي أي شي .
رميت نفسي على الكرسي وأنا متخوفة من تصوراتي الي قاعدة تنرسم بخيالي ..
كان ودي أقولها ارسليلي الكرت يالجين
.. الكرت هذا من حقي مو من حقك ..
ارسليلي الكرت .. ارسليلي أرقامه ..
ارسليلي نادر يالجين .
كان بودي أعرف الارقام الي عندها .. بس ماكانت في أي مناسبة تستدعي اني أسألها عن الأرقام .. وأجلت الموضوع
وأنهيت المكالمة
دار خيالي ولف بأنواع التصورات الي اتناثرت بشتى أنواع الصور ..
صور أرعبتني .. ! صورة حسستني بفداحة غلطتي ..
ايه غلطتي يوم أرسلت لجين لنادر !
انا ماحسبت حساب انه ممكن بيوم لجين و نادر .......
لااااا
لا .. مستحيل !
مستحيل الي ببالي يصير !
نادر كفاية الي فيني لاتزيدني وتنهيني .. !
نادر فرآقك لوّعني .. وماعندي طاقة تتحمل مجرد فكرة انك تكون لغيري ..
لا نادر .. مووت قبل لا تلتفت لغيري !
ايه موتك أهون علي من حياتك مع ثانية !
وبكل الحالتين بظل عمري كله أبكي ..
بس أبكي عليــك أهون من اني أبكـــي منك .

::

"دلال"
أم البنات
طول الطريق وأنا أعصابي متوترة .. هذي أول مره أروح لبيتي بعد ماطلعت منهارة منه ذاك اليوم ! واللي سافر زياد من بعد هاليوم ، وبقى كل واحد بحآل !
بلا رسايل ولا اتصال !
والحين أنا جاية بيته مو عشانه ! عشان بنآتي .. !
أبي آخذ كم غرض لي وأبي آخذ صور بناتي .. وذكريات طفولتهم الي هي كل حياتي .. مابي أترك ببيته شي يتعلق فيهم بعد ماشال بقلبه وحط عليهم !
وصلت ولا لقيت أي سيارة عند بالباب .. وهالشي ما أثار فيني ولا أدنى شعور .. لأني بهالوقت مني تحت حكم الشعور .. !
دخلت البيت ومشيت بخطوات هادئة .. كان البيت هادي والتلفزيون مطفي وكل شي حوليني يوحي ان مافي شخص بالبيت .. خدامتي طلبتها ياسمين أخت زياد تشتغل عندها لأن شغالتها رآحت .. !
طلعت الدرج بنفس الهدوء .. ولا كلفت روحي أدور بالطابق الثاني على أحد .. لأني مو جاية لاجل أحد ..
دخلت الغرفة الي كنت جامعة فيها شنط السفر ومن بينها شنطتين تحوي ملابس وذكريات وصور بناتي ..
سحبت الشنطتين للأرض .. وانحنيت قدامهم وفتحت الأولى ليظهر منها فستان أحمر يجنن لبسوه كل بناتي وكل وحده طلعت فيه أحلى من الثانية .. وكل وحده لها صورة وهي لابسة هالأحمر !
ابتسمت وأنا أطالع باقي الملابس ولو باترك المجال لروحي كان اتربعت وقمت أطلع وأقلب بالملابس وأحضنها وأشمها مثل حالي دايم من رآحوا بناتي ..
وباقعد أشوف الصور وأسقط عليها دموعي ويمر الوقت ولا أدري !
وانا مني حابة أطول ببيت الشخص الي كان من الجفاء اللي ماتنزل يرفع سماعة يسأل عني .. وكان من القسوة الي مارحمني وأنا طالعة منهار من بيته وهو يدري بتعب قلبي .. !
حسيت الشنطة الأولى مليآنه والثانية أخف منها شوي .. قمت أشيل شوي من الأولى وأعبي في الثانية و .........
: سلآم
صوت اخترق سحابة الهدوء الي مظللتني وأرعب جو الصمت الي كان محاوطني وخلاني أفز من مكاني بشكل ملحوظ .. !
التفت بخفة ولقيت زياد واقف عند الباب .. شفت فيه رجل غريب .. رجل لأول مره أشوفه .. !ورديت بهمس : عليكم السلام ..
زياد بنبرة لمست فيها السخرية : أخيرا شرفتي .. ؟
كيف تسمح لروحك تكلمني بهالنبرة وانت المفروض تبحث بكل أساليب البشر عن أحسن أسلوب تخاطبني فيه .. وتدور بكل اللهجات والمعاجم عن أرق عبارات توجهها لي ..
قلت متجاهلة كلامه : الحمدلله على السلامة
زياد بنفس السخرية : والله وتعرفين توجبين وتتحمدين بالسلامة أجل ..؟؟ بس مو كنك متأخرة شوي ؟؟؟؟
قلت بضيق : زياد .. انت مو ملاحظ انك قاعد تحاسبني على غلط انت الي ارتكبته ! كيف تتجرأ تلومني وتتكلم معاي بهالطريقة بعد ذاك اليوم وانا والله اتوقعت منك عكس هالاسلوب وهالتعامل
زياد بفظاظة : اذا انتي الى الحين بشينة النفس هذي ليه جاية البيت أجل ؟؟؟؟؟؟
قلت : جاية أبي أغراض ..
زياد بحمق : جابتك الأغراض أجل ؟؟؟؟
رديت : شتتوقع مني يازياد ؟؟ أجي لك بكل بساطة بعد اهانتك لي ولبناتي وأرجع ولاكن شي صار وانت ولا حاولت مجرد محاولة تجيني أو تتصل أو تبارد بأي شي يبـ ....
زياد وعلى صوته : انتي الي طلعتي البيت بحالك .. ترجعين بحالك !! انا قلت لك اقعدي ولاتروحين وركبتي راسك ورحتي .. تركتيني عشان بناتك .. تبين ألحق وراك وأردك مستحيل !
قلت وأنا أسكر الشناط : خلاص زياد النقاش بيننا عقيم .. مستحيل نتفق وانت صرت بالنسبة لي شخص ما أعرفه .. مصدومة بطريقة تفكيرك وردود أفعالك وتصرفاتك ..
زياد : طبعا ماعاد عرفتيني ولا بتعرفيني من جو بناتك وقلبوا راسك ومخك على زوجك .. شلون بتعرفيني ولا بتفهميني وانتي كل بالك صار معاهم وصرت انا صفر على الشمال ..
قلت بدون ماطالعه : اذا كان هذا رايك فيني جزاك الله خير .. أنا ما أقدر أغيره ..
زياد بصراخ : طالعي نفسك .. طالعي شقاعدة تسوين .. طلعتي من بيتيي عشان بناتك ! تجين بعد الفترة ذي كلها البيت عشان بناتك بعد .. أنا الي ماعاد عرفتك ولا عاد صرت أرجي منك أي خير
قلت بألم : كثر الله خيرك .. (( ووقفت وأنا أقول : باين للحين شايل بقلبك على بناتي .. وبهالأسلوب أنا ماأقدر أقعد بهالبيت .. وقت مايلين قلبك وترضى تعترف ببناتي وتحترمهم بتلقاني موجودة ..
وبلحظة اتحول الشخص الي قدامي لحيوان بهيأة بشر .. !
وحش كاسر .. !
قام يصرخ وضرب بإيده كل اللي كان على الطاولة على الأرض بقوة وهو يقول بصراخ مرعب : ياخـــــــاينة العشـــــــرة .. أنا أربيـــــــــــــك .. والله لا أربيــــــــــــــــك .. !
وجا مقبل علي وعيونه تشتعل نيران بطريقة خلتني أرجف خوف وانا ماسكة الشنطتين كل وحده بإيد ومن خوفي صرت أرجع على ورى ..
زياد وهو يأشر على الشناط ويقول بوعيد مفزع : ذولا اللي جاية عشانهم أجل ؟؟؟ وذولا الي تركتيني عشانهم .. أنا أوريــــــــــك فيهم ..
وسحب الشناط من إيدي بقوة .. صرخت بخوف : زياد اترك لو سمحت ..
زياد ماعاد يسمع ولا يشوف ولا يحس .. كان مجرد آلة جنونية تصدر صراخ مرعب يرسل ولا يتلقى !
مشى طالع من الغرفة ومشيت وراه وانا أٌقول : زيااااااااد وقـــــــف .. هات شناطي لو سمحت ... زياااااد أكلمك لو سمحت رجع لي أغراضي ..
نزل زياد الدرج مسرع وانا أنزل وراه .. نزل وهو يتوعد بصوت ملتهب : أنا أوريييييك .. أنا أربييييييييك ..
وصل للباب الخارجي وفتحه بقوة وطلع ..
لحقته بسرعه وانا أناديه .. ولا يرد ..
طلع للحوش وانا وراه : زيااااااااااااااد .. بس واللي يرحم والدييييييييييك .. رجع أغراضي واتركني اروووووووح .. لاتسوي فيني كذا أرجوك ماعاد فيييييني أتحمــــــل
كمل زياد طريقة بسرعه وانا وراه .. لين وصل للحديقة الخلفية ورمى الشناط بقوة وفتحها وصار يطلع الاغراض الي فيها بكل همجية وقسوة ..
صرت أركض بسرعة وأنا أقول برجااء : زياااااد لااااا انت شقااااعد تسووووووي ؟؟؟؟ خلااااص اهدا واللي يسلمك .. مايفيد الي قاعد تسويه الله يخليييييك لاتسوي كذااااااا وقـــــــــــف .. !
لكن زياد كان مو زياد .. !
كان يقتحم ذكريات عمري وسنين حياتي بطريقة همجية .. كان يغتصب براءة طفولة بناتي بطريقة وحشية .. كان يقتل ماضي حياتي بشكل جنوني سادي مستبد !
طحت على الملابس المنثرة وانا أقول بتوسل ودموعي تسيل : بـــــــس بــــــــس واللي يرحم والديك بــــــس .. زياااااد وقف الله يخليييييييك لا تسوي كذا ..
زياد بصراخ هز البيت : انقلعــــــــــي عن وجهــــــي ..
ومشى بسرعة لدولاب كان بجانب الحديقة كانت فيه أغراض الشوي ..
من الولاعة .. للبانزين !!!
فتحها بسرعة وطلع قارورة بانزين ورجع وانا صـــــرخت : خلااااااااااااااص .. لا تجنني ارجوووووووووك .. اترك القارورة من ايدييييييييييييك .. زياااااااااااااااد لا تتهور وتسوي شي ماتدري وش بتكون عوااااقبه .. زيااااااااااد ارجوووووووووك وقـــــــف ..
ولأن زياد كان مجرد من الشعور والاحساس وكان وحش كاسر ! رحمة من ربي انه ماكب البانزين علي أنا .. لكنه كب البانزين على كل الملااااابس ! ملااابسهم ! ملابس بناتي !! صورهم ! صور شعوعتي ! وصور شروقي وشمسي ! وصور قمورتي !
قمت اصرخ فيه .. واتوسل له يوقف .. قمت اترجى فيه .. واطلبه ..
ولا حياة لمن تنادي .. !
رمى القارورة على الأض ومسك الكابريت بيولع وبهالوقت قمت الم كل اللي اقدر عليه من صور وملابس وانا ابكي واقول : خلااااااااااااااص يازياااااااااااااد .. لا توللللللللللع الناااااااااااار .. لا تشعلهاااااااااااا .. تراك راح تشعلها فيني اناااااااااا وبتحرقني أناااااااااا زياد الله يخليييييييك لاااااا
وقمت أبي أخذ الكابريت منه لكنه دفني بكل قوة على الأرض .. بمسافة متر عن الاغراض ..
وولع الكابريت ورماه .. وســـــط قلبي !
وسط كياني !
وسط روحي !
وشبـــــــــــت النيرااااان تاكل وتحرق أجزاء كياني وقلبي وروحي .. !
شبت الناااااااار تحرقهم .. تحرق صورهم .. ملابسهم .. !
طحت على الأرض .. جمب النــــــــــار .. أبكي وأًصرخ وأنا أشوف الأشياء تتلاشى وسط الناااار شي شي ..
وتنمحي الذكريات وسط النار .. ذكرى ذكرى ..
وطلعت آه حارقة تغلب النيران بحرارتها وحرقتها .. طلعت من قلب أشعلته النيران قبل ماتشعل الصور .. طلعت من روح صارت رماد بلحظة ..
ظليت طايحة أبكي حآلي .. وأراقب النار وهي تخبو .. بعد ماحولتني لرمااد .. أنا والذكريات ..
ضحية جريمة لاتغتفر !
وصاحب الجريمة اختفى
حبيت .. وزحفت .. لين وصلت لللي كانوا صور .. وللي كانوا ملابس .. كل ماتمسك إيدي شي يطيح من بين صوابعي .. مابقى شي .. مابقى ! كل ، شي ، رآآح !
قمت مبتعدة وأنا أترنح .. وأنا ألتهب ..
وحسيت بألم فضيع يخترق صدري .. غير ألم الحرق الداخلي الي يكويني ويلسع كياني ..
حسيت بمثل السكاكين تخترق صدري .. نغزات قوية هزتني من طولي وأعجزتني عن الحركة ..
ولا أدري كيف قدرت أكمل طريقي
والي اذكره ان الدنيـــــــا غابت عن عيوني لحظة ..
واللحظة الثانية انتبهت ولقيتني ممددة .. بالاسعاف ..!

::

"مشاعل"
طلع طلال ومشعل للصلاة .. وقعدت انا وعيالي بالصالة أشوف دروسهم ..
قلت : يلا اللي يخلص دروسه أول وبخط جميل أسمح له يطلع برا
اتحمسوا العيال وكل واحد قام يطلع إبداعاته .. ونوفتي أول وحده خلصت ..
طبعا نواف عصب وقال : لالالا غشاشة ماسطرت !
قلت : ههههههههه طيب يلا يانوف سطري ..
نوف تناقز : مو لازم مو لازم أبي أطلع أبي أطلع ..
نواف يسطر وهو واقف بحماس : ياغبية سطري ورتبي دفترك عشان تتميزين بالمدرسة مو عشان اللعب
نوف : يعني انت ماحليت واجباتك عشان تلعب؟؟؟
نواف : هاا ؟ لا .. حتى لو مافي لعب .. بحل ..
ضحكت وأنا أقول : طيب خلصت ؟؟؟
جاني مسرع وحط دفتره عندي وجري على الباب
نوف من وراه : استنــــــــــى .
رجعت دفاترهم بشناطهم .. وفتحت لاب توبي أحوس فيه .. شوي وجابت لي خدامتي صينية الشاهي وحطتها على الطاولة .. وقبل ما آخذ الكوب نادتني : مدام .. !
رديت : نعم ؟
الخدامة : انا مايسوي ترتيب غرفة مشعل ..
قلت : ليش ؟؟
الخدامة : مادري اليوم انا قوم ساعه 7 مشعل فيه تحت .. كلام مافي يدخل غرفة هو أبدا مادري ليش !
استغربت وقلت : خلاص مو مشكلة بشوف سالفته اذا رجع
راحت الخدامة وقمت أتصفح باللاب توب .. هذا مشعل كل شوي يطلع بشغلة .. مزآجي لأبعد الحدود وهالمرة مدري وش حكم عليه مزاجه !
سمعت أصوات العيال يركضون جايين وهم يتهاوشون ويقولون : أنا لقيته أنا لقيته .. !
نواف : لا والله أنا اللي لقيته أول هااااتيه
نوف : كذاااااب انت أشرت عليه بس أنا أخذته
نواف : كذااااااااااب هااااااتي
صرخت : بــــــــــــس .. ! شعندكم
جتني نوف بسرعه اتخبت وراي وهي لامة إيدينها
نواف بحمق وهو يلهث : اسمعي ماما .. كنا نلعب برا استغماية .. ورحت أتخبى وهي تدورني .. اتخبيت ورى الخيمة .. أنا دخلت قبلها والله .. وشفت شي يلمع بالتراب .. يوم جت قلت لها شوفي شي يلمع .. قامت ركضت قبلي وأخذته وطلع خاتم .. أنا الي شفته قبلها ليش تاااخذه ؟؟؟
قلت : خـــاتم ؟؟؟ وش خاتمه ! ( والتفت على نوف : هاتي يابنت وريني
نوف وهي تدفس نفسها بالكنب : أخذته قبله ياماما ..
قلت : هاتي أشوفه بس بعدين نتفاهم
نوف : ماتعطينه !
قلت : مراح أعطيه اول أشوفه ونتفاهم ..
قعدت نوف ومدت إيدها واعطتني الخاتم
أخذته ورفعته قدام عيني وانا عاقدة حواجبي أتأمله ..
واتوسعت عيوني بكبرها فيه .. لما اتبينته زين وعرفته بوضوح !
هذا الخاتم الي شريناه لغادة !
والي نساه مشعل البارح !
والي على أساس هاليومين بنروح نعطيها هو !!
قلت بصدمة : لقيتوه بالحوووش ؟؟؟
نواف : أنا لقيته أول
قلت وانا عيوني موسعة بالخاتم : وين لقيته بالضبط ؟؟؟
نواف : ورى الخيمة .. اتخبيت ورى الخيمة ولقيته
قلت : وين علبته طيب ؟؟؟؟
نواف : أي علبة ؟؟ مافي علبه كان بس طايح بالتراب
عقدت حواجبي باستغراب وانا أقول : أي تراب ؟؟؟
نواف : التراب الي ورى الخيمة !
قلت بعدم استيعاب : ورى الخيمة ؟؟؟؟ بالفتحة الصغيرة ذيك .. ؟؟؟
نواف : ايه !
عجز عقلي عن استيعاب الموضوع .. وقمت وأنا أقول : قوم وريني المكان بالضبط الي لقيته فيه ..
طلعت انا وعيالي ومشينا لوين مالقوا الخاتم .. !
كان فيه فسحة بسيطة ورى الخيمة .. فسحة خلفية ، مجهولة ومخفية !
ماقدرت أستوعب وش ودا الخاتم هناك !!
على قد ما حاولت أعصر مخي ليوصل للإيستعاب والفهم .. عجزت أقدر !
خاتم شروق الي قبل يومين شريته وعطيته مشعل .. مرمي بأخفى مكان بالبيت !
نواف : ماما ..
قلت : هذا خاتمي .. من أول أدوره .. مادري شجابه هنا .. شكرا انكم لقيتوه
ومشيت عنهم داخله وصدمتي مجتاحتني !
هذا الخاتم الي يقول نساه ؟؟
لا يكون قصده طاح منه وضيعه عشان كذا ماجابه !
طيب اذا طاح منه بيطيح بالحوش او عند الباب !
مو ورى الخيمة !
قعدت بالصالة وأنا أحاول أربط .. أستوعب .. أفهم .. ألف أدور !
أخذت الخاتم وطلعت مناديل من شنطتي ونظفته وحطيته بشنطتي ..
وقمت أهز رجلي بتوتر ..
لو ضاع كان صارحني مشعل يعني مو لهالدرجة بيخبي عني موضوع مهم زي هذا !!
تعبت من التفكير وتميت أنتظرهم لين مايرجعون من الصلاة ...
ورجعوا .. وماحكيت ..
انتظرت مشعل هو الي يحكي ..
لكن مشعل لا حكى .. ولا سأل !

::

"مشعل"
رجعت من الصلاة بعين مفتوحة وعين مسكرة .. كنت دآيخ حدي ومافيني اقعد بالصالة دقيقة وحده وطلعت غرفتي ..
لكن مامداني أبدل ملابسي إلا جتني مشاعل ..
دقت الباب ودخلت وهي تقول : مشعل بتنام ؟
قلت : لا بموت ..
مشاعل : امممممم بتموت أجل ..طيب أبيك دقايق قبل ماتموت
رميت روحي على السرير وقلت وانا مسكر عيوني : شتبين ؟
مشاعل : شفيك على الخدامة ليه ماتبيها تنظف غرفتك .. ؟؟
رديت : لانها تحوسها ماترتبها .. دايم ألقى أغراضي موزعتها بكيفها وكم مره حذرتها تغير شي من مكانه ..
مشاعل : كان قلت لي انا أنبهها ولا تقعد غرفتك حوسة بهالشكل ..
قلت : لاتنبهينها ولا شي خلاص مابيها تعتب باب غرفتي وبس ..
مشاعل : ومين بيرتب غرفتك ان شاء الله؟؟
رديت : عساها ماترتبت مشاعل خلاص تعبان وبنام اتركيني
مشاعل : مشعل شفيك انت من البارح مو طايق تتكلم معاي ؟؟
قلت : بلا هلوسة ..
مشاعل : اتكلم جد .. شصاير فيك حتى ببيت غادة قفلت بوجهي ويوم جينا البارح أطق بابك ماتفتح والحين نفسك شينة معاي شسالفتك ؟
مارديت لاني جد كنت مرهق ولا فيني أحكي اكثر .. ولأني لو باحكي باسأل انتي وش سويتي فيني وبشروق؟؟
لو فتحت فمي راح أصرخ وأنفجر .. وأحرقها وأحرق البيت باللي فيه ..
بقولها جيبي لي شروق زي ما بعدتيها .. وابعدي غادة مثل ماجبتيها ..
ظليت ساكت ومن جواي أصرخ لين مشاعل سألت فجأة : نروح اليوم لغادة نودي الخاتم ؟؟؟
وهذا الي كان ناقصني عشان أموت فعلا ! يامشاعل اتركيني بحالي ..
وهالخاتم الي مادري وين اختفى وذاب واتلاشى .. بعد ماطلعت البارح قبلهم ورجعت البيت وقمت أدوره ومالقيته ..
ولا جا على بالي مشاعل بهالسرعة تسألني عنه .. فتحت عيوني بتعب وقلت : لا .. اليوم تعبان
مشاعل : متى يعني ترا مو حلوة نتأخر
قلت بانفعال : ماااادري يامشاعل خلااااص .. بعدين كلميني عنه ..
مشاعل : هذا اذا كان فيه الشي الي بنتكلم عنه !
وطلعت وسكرت الباب .
هذي شقاعدة تقول ؟؟؟؟ شتقصد ؟؟؟؟
معقول تكون عارفة شي .. او إن الخاتم موعندي !
معقول ولا أنا الي أفكاري مصورة لي هالتصور ومحسستني بهالاحساس !
مشاعل لا تحاولين تمسكين أي ورقة ضدي .. مشاعل انا عندي عشرات الاوراق ضدك بس ماعندي الجرأة الي أمدهم قبال عيونك .. لأن أول تساؤل بيحرق كل هالأوراق هو :
من وين عرفت ان مشاعل خططت لكل هذا ؟؟؟
كيف وانا لين يوم الخطوبة كنت طبيعي او كـ ( الطبيعي ! )
شالي بيتغير فجأة ويخليني أكتشف ان مشاعل كانت السبب ورى كل الي صار .. ؟
كيف بفسر لها معرفتي ؟
كيف بقول لها شروق علمتني .. ؟
شروق كانت عندي بيوم خطوبتي
كانت بين ايديني ..
وضيعتها !

::

[المحظوظة]

::


" شعاع"
كلنا حطينا صورنا بالبي بي واحنا بالمطعم هالوقت .. انا وخواتي .. ومحمد أخوي !
كانت قعدة روعة انبسطنا حيل مع محمد وتعليقاته وسوالفه اللي ماتنمل ..
قمرة : محمد تعال معانا لبنان ..
محمد : هههه ياليت والله
قمرة : طيب جد تعاال !
محمد : عشان يمسكني عمي ويشوتني على أول طيارة راجعة السعودية
شروق : لا اذا درا انك أخونا بالعكس بيفرح فيك
قلت : الحمدلله يعني على بالكم بابا مايدري عنه ؟؟؟
شمس : اذا كان يدري ليش ماقال لنا من عنه من زمان ؟؟
رديت : تكفين عاد كنه هالشي هو الشي الوحيد الي مادرينا عنه .. جينا هنا اتفاجأنا بأهل وناس وقرايب وحياة كنا مختفين عنها عمرنا كله
قمرة : المهم نرجع للموضوع يامحمد ليه ماتجي معانا؟؟؟
محمد : ماقدر ياقلبي اخذ اجازة وانتوا انبسطوا مع ابوكم وان شاء الله نرتب لسفرة ثانية بالصيف مثلا
دق جوالي لقيت سارة متصلة .. رديت بمرح : ياهلا ياهلا ..
ساره : اهليييييين شعاع شخبارك
رديت : انا تمام انتي كيفك حبيبتي ؟؟
ساره : كويسة ..ليه ماتردين بالبي بي قاعدة أعلق على صورتكم مع محمد تهبلوووون ..
قلت : اها ياقلبي معليه جوالي بالشنطة .. ايه طلعنا نتغدا سوى ..
ساره : ماشاء الله اتحمدي له بالسلامة عني ..
قلت أكلم محمد : تسلم عليك ساره تقول لك الحمدلله على السلامة
محمد : الله يسلمها يارب
قمرة : قوليلها تجيينا هي وليااان ؟؟
قلت : شعندك سوسو الحين ليه ماتجيننا؟؟
ساره : شوفي هو ماعندي شي بس علي الغدا اليووووم
قلت : هههههههههه أجل ماعندك شي
ساره : هههههههه شفتي .. بقوم اسوي الغدا وتعرفين حوسة الغدا لكن العصر فاضية ..
قلت : طيب مابقى شي على العصر احنا يمكن نروح كوفي بعد مانتغدا تعالي لنا هناك
ساره : بشوف عن سلطان اذا وافق جيتكم
رديت : تمام ( وسكرت
قمرة : ها شقالت ؟؟؟
قلت : تبي تسوي الغدا لأهلها والعصر بتشوف اذا سلطان وافق يجيبها علينا لو رحنا الكوفي ..
شمس : يعني يارب ترا ويكند شالي تقعد تكرف بالبيت وبعدين تستأذن ياعسى يوافق يمشيها .. ويلي ويلي شهالحياة !
شروق : اسكتي واحمدي ربك ..
قمرة : بالعكس يازين كذا .. على الاقل تحسين في أحد مهتم فيك ويخاف عليك
كان رد قمرة مفاجأة بالنسبة لي وهي ماعمرها عبرت عن شي مضايقها من وضعنا الي نعيشه .. وقلت : افا قمور وانتي مافي أحد يهتم فيك ويخاف عليك ؟؟؟
قمرة : الا الا الكل يهتم فيني الحمدلله .. بس انتي فاهمة قصدي شعاع انه يكون فيه رب أسرة يسأل عننا ويهتم فينا ..
شمس : كان عندنا رب الأسرة بأمريكا وقوليلي وش فرق بالله ؟؟ نطلع نروح نجي نسافر نسوي كل الي بروسنا وهو تاركنا بهوانا ..
محمد : ههههههههه ياحليله عمي فالها على الآخر !
شروق : معليه صراحة ولا حياة ساره وليان الي أحسها حكرة وخنقة وزود كذا كرف بالبيت وتعب
محمد : شوفوا هو سلطان شديد مو بس مع أهله .. شديد مع الكل حتى أبوي يتعامل معاه بشكل غير عن باقي الشباب .. انا اضحك واستهبل وياه مادري الا طالعني بذيك النظرة الي تخليني اتكرفس بمكاني ..
ضحكنا كلنا عليه وقمره قالت : هههههههههههههههههههههههههههه أتخيل شكلك بهالموقف هههههههههههههههههه
محمد : هههههههههههه والله جد مزاجي وغامض وصعبة تفهمين عليه ..
شمس : مأثرة عليه حياة الشرطة ياعيني عين خواته والله ..
شروق : الله يعين اللي بتاخذه ..

ممكن أقلب الطاولة ؟؟
يعني خلصت المواضيع مابقى غير شخصية سلطان يحللونها ؟؟ ضايقني كلامهم وطريقة تحليلهم وأسلوبهم وسخريتهم وقلت : ترا برد الأكل يلا عشان يمدينا نروح الكوفي ..
حسيت بشروق تطالعني .. ماجت عيني بعينها بس حاسة بهالشي .. انا ماحكيت ولا قلت شي وبالأساس انا ماشاركت بكلامهم لا بزين ولا بشين فليه تطالعني ..؟؟
لأنها هي مو طبيعية اليوم وفيها شي مو قادرة أعرفه .

خلصنا ورحنا لكوفي محمد مدح لنا هو .. وبعد دقايق شرفوا الحلوات سارة وليان ..
سلمنا عليهم وقعدوا وشروق قالت : زين الي وافق يجيبكم !
ضايقني تعليق شروق ويمكن أكون الوحيدة الي حست بنبرة السخرية الي فيه ..
ليان ببرائة : ايييييه عطانا أسئلة تحقيق قبل مايوافق ولو أخطأنا بأي سؤال مافي روحه
ساره : هههههههه ليان خبلة تجاوبه على كل شي وانا أغمز لها بعيوني وهي ولا هي هنا
محمد : ههههههه وش يسأل يعني ..
ليان : وين المكان وقد ايش بتقعدون ومين معاكم .. ومين بيجي بعد .. وش بتسون .. وليه أصلا بتطلعون ؟؟ طيب متى بترجعون .. ولاتضحكون ولاتزعقون زين ماقال لاتاكلون ولاتشربون ..
ضحكنا على ليان وطريقة حكيها الي تهبل .. وقعدنا نسولف ونسألهم عن لجين وحياتها هناك ..
وبكذا مر الوقت تحت أجواء مرحة ..
أجوء ظليت عمر أتمنى لو ترجع يوم .. ساعة .. وأعيشها من جديد !
لحظات اتخزنت بالبال وصار جزء منها حكاية .. وجزء ذكرى !

قمره شهقت وهي تقول : نسيت دوااااااااي !
قلت : يوووه ياقمرة والله توني باسألك أخذتيه ولا لاء !
قمرة : نسيييييته والله ..
شروق : وينها دادتك عنك ابي اعرف ليه ماذكرتك فيه ..
قمره : نست هي بعد ..
شعاع : خلاص نرجع الآن .. لازم تاخذينه بموعده ..
والتفت لساره وليان واتذكرت انه مستحيل نخليهم بروحهم .. وقلت : يلا تعالوا معانا ..
ساره : ليه مو انتوا تجون معانا ؟؟
ليان : لا خلينا احنا نروح لهم سوسو .. مليت من بيتنا
ساره : ماما بتطلع وتبينا نقعد مع حمد نسيتي ؟؟
ليان بضيق : اييييه صح !
ساره : تعالوا عندنا شعندكم ؟؟؟
قلت : عشان دوا قمرة ..
محمد : انا بودي قمرة البيت وانتوا روحوا عليهم واذا اخذت الدوا يصير بيننا اتصال ..
شمس : اجل بروح معاكم البيت ..
قلت : وانتي شروق ؟؟؟
شروق : عادي بروح معاكم
قلت : يلا ..
وانفصلنا .. شمس وقمرة راحوا مع محمد لبيتنا .. وأنا وشروق مع سارة وليان بسواقنا رحنا لبيتهم!
وبالطريق دقت ساره على سلطان وشرحت له اللي صار بالتفصيل الممل !
بشكل خلاني انا هالمره اتضايق !
لأني لمست عدم ثقة فينا ولا ليش كل هالقلق اذا صاروا معانا ؟؟
طيب ورحنا بيتهم .. وقلت للسواق يرجع واحنا ندق عليه بعدين ..
قعدنا مع عمتي والبنات .. ومامرت ساعه الاااااااا .........
دق جوالي واستغربت يوم لقيت المتصل خالتي !
رديت : هلا خالتي
خالتي بنبرة ماعجبتني : شعاع حبيبتي وينك؟؟؟
رديت : ببيت عمتي هدى .. في شي ؟؟؟
خالتي : مافي الا الخير .. أمك تعبت شوي والحين هي ببيتي تقدرون تجون ؟؟؟
تملكني القلق والخوف وانا أقول بخرعة : اش صار لها خالتي ؟؟؟ كيف تعبت ومتى تعبت ؟؟ طلعت من عندنا طيبة مافيها شي !
خالتي : طيبة ياشعاع لاتخافين حبيبتي .. انتوا تعالوا على بيتي الحين ..
قلت وانا أوقف : طيب جايين بس وينها ليه ماكلمتني ؟؟؟
خالتي : موجودة حبيبتي وهي الي قالت أكلمكم .. يلا تعالوا
سكرت وانا أقول لشروق : قومي يلا
شروق : شصاير شعاع شتقول خالتي ؟؟؟
قلت وانا ألبس عبايتي : تقول ماما تعبت والحين هي ببيتها مادري شفيها يلا بسرعة ..
عمتي : ياعمري سلامتها ان شاء الله مابها الا العافية لا تقلقون ..
شروق وهي تلبس عبايتها : وكيف بنروح ؟؟؟
شهقت وانا أٌقول بضيق : اييييييييه صح أرسلت السواق للبيت .. الحين بيطول على مايجي !
شروق : يوووه ياشعاع ليتك مارجعتيه بالاساس احنا مو مطولين ..
قلت : خلاص تعالي نروح بتاكسي
عمتي : لالا شالي تاكسي .. ( وتكلم ساره : كلمي أخوك شوفي وينه ..
قلت : لا عمتي مايحتاج تكفين .. نمشي للشارع بسرعه وناخذ تاكسي ..
عمتي : مافيه اصلا تكاسي حولنا وليش تروحون بتاكسي خلاص اصبروا يجي سلطان ويوديكم
شروق : حبيبتي عمة هدى لو بنصبر كان صبرنا يجينا السواق حنا نبي نمشي الحين ..
ساره كلمت سلطان وقالت : سلطان هنا عند البقالة يقول دقايق ويكون موجود ..
عمتي : زين قلتي له يوديهم ؟؟
ساره : ايه .. هنا البقالة قريبة على ماتطلعون يكون جا ..
قلت : ياعمري ماتقصرون كان دقينا على السواق بس قلقتني خالتي وابي نروح بسرعه ..
عمتي : ياعمري الله يطمنكم عليها ..
ودعناها وطلعنا ..
وقفنا برا بالشارع دقيقة وجتنا سيارة سلطان .. وقف السيارة عند الباب ونزل وقال : مساء الخير ..
ردينا : مسا النور
سلطان وهو يفتح لنا الباب الوراني : اتفضلوا ..
مشينا أنا وشروق وركبنا .. ورجع سلطان لمكانه وسكر الباب ومشى ..
شروق الي نطقت وقالت : شخبارك سلطان ؟؟
سلطان : الحمدلله والشكر .. أخباركم انتوا ؟؟
شروق ردت : الحمدلله ..
سلطان : سلامة الوالدة ماتشوف شر ..
شروق : الله يسلمك
سلطان : بيت خالتكم هو الي قبال بيت خالتي هند ؟
شروق : ايوة بالضبط ..

كان قلقي وخوفي على ماما مخرسني .. ! منسيني انا مع مين .. وبسيارة مين ..!
مانطقت ولا كلمة وكل الحكي كان بين سلطان وشروق .. وكل ماسأل سؤال ألقى شروق جاوبت ويطيح عني هم الرد والكلام ..
دق جوالي ويوم طالعت لقيت قمرة المتصلة .. رديت بهمس : هلا قمرة ؟
قمرة : وينكم ؟
رديت : طلعنا الحين احنا بالطريق لبيت خالتي
قمرة : لييييييه مسرع طلعتوا من عندهم ؟؟؟
قلت : تعالي انتي وشمس هناك
قمرة : ليه طلعتوا بدري طيب ؟؟ واش وداكم بيت خالتي ؟
قلت بعجز عن الحكي : قمرة .. تعالوا هناك .. باي
وصلنا بيت خالتي وكانت المفاجأة الي خلتني أشهق وأقول بعالي الصوت : مـــــامـــــا !!
شروق بنفس نبرتي : ايه .. يعضدونها !!
قلت : كانت بالمستشفى يعني ؟؟؟؟؟؟؟؟؟
شروق : لييييييه شفيها ؟؟؟
قلت وانا افتح الباب : ما ادري عن شي خالتي ماقالت لي شي !!!
حاولت افتح الباب بس مو راضي وسلطان قال بهدوء : لحظة شعاع .. انا بافتحه
ونزل وفتح الباب الي ماكان ينفتح الا من برا .. بعض السيارات تكون هالحركة أمان .. عشان الأطفال الي ممكن يلعبون ويفتحون الباب
لكن مع سيارة سلطان ماعرفنا هو أمان ؟؟ ولا خراب ؟
فتح لنا الباب ونزلنا مسرعين ناحية ماما وخالتي ورزان ماسكينها يدخلونها البيت
قلت بخوف : ماما شفييييييك ؟؟؟ شفيها ماما ؟؟؟
شروق : ماما حبيبتي شفييييييك ؟؟؟ جاية من المستشفى !
ماما : ايه بس مافيني شي حبايبي , طيبة
رزان : حاجة بسيطة لاتقلقون ..
دخلنا كلنا وشروق تقول : شصااارلك فجأة ياماما وين رحتي وليه مادرينا عنك ؟؟
خالتي : خلينا ندخل وتقعد ترتاح وتشوفون انها طيبة
دخلنا البيت وقعـّـدنا ماما وقعدنا حولها وانا على يمينها وشروق على يسارها ..
قلت وانا لامة كتوفها : ماما شفيك ؟؟
ماما بتعب : تعبت شوي ..
قلت : اسم الله عليك شصار ؟ ماقلتي لي خالتي انكم رحتوا المستشفى !
خالتي : ماحبيت أخوفكم قلت تجون تشوفونها بالبيت بس ماشاء الله جيتوا طايرين
شروق : كيف تعبتي شصار لك ماكان فيك شي !
ماما ببطء : ايه ماكان فيني شي الصبح .. بس رحت بيتي وهناك تعبت شوي
قلت : ليه تعبتي ياماما .. وكيف تعبتي ؟
شروق : شفتي عمو زياد ؟؟
ماما : ايه ..
قلت بقلق : شصار ياماما .. ؟ صار شي مع عمو زياد موو ؟؟
اتجمعت الدموع بعيون ماما واتنهدت تنهيدة حسيتها بلهيبها يلفحنا !
خالتي : خلاص خلوها ترتاح خلوا الكلام بعدين
ماما بدموع : لا خلاص .. صار لازم يعرفون كل شي ..
قلت بصوت أقرب للهمس : شفيه ماما ؟؟؟
ماما بوجع : زياد مايبيكم ياشعاااع ( وصارت تبكي ..
لمتها شروق وهي تقول : ماما لا تبكيييييين ..
ماما : مايبي بناااتي .. قام يقهرني فيكم ويحر قلبي عليييكم .. من جيتوا وهو حاط دوبه دوبكم تعبني وتعب قلبييييي ..
قطعت قلبي بدموعها وقلت : حبيبتي ماما لاتبكين عشاااانه .. انتي تدرين مافي أحد بالدنيا يقدر يفرقنا !
ماما وهي تشاهق : حرق صوركم وحرق قلبي معااااها .. حرق ملابسكم وأغراضكم وكل شي جمعته لكم من وانتوا صغار لين كبرتووووا ..
اتبادلنا انا وشروق النظرات مصدومين ومصعوقين ! هذا كيف توصل فيه الدنائة يسوي هالسوايا ويتعامل بهالوحشية !
هالسوالف الي كنا نشوفها بالأفلام .. زوج أمنا يسويها !
بلعت جمرة صدمتي وقلت : ماما اهدي حبيبتي .. لاتسوين بنفسك كذا وتقهرين نفسك .. خلاص احنا عندك ومراح نتركك أبد شتبين بالصور ..
ماما : ليش يقهرني بأعز ماعندي ليش يسوي فيني كذا ؟؟؟ انا والله ماعمري قصرت بحقه ولا بحق أهله .. يدري انكم كل حياتي ودنيتي ليه يحرق قلبي ليييييه ؟
شروق : حيااااتي ماما ماعاش من يحرق قلبك ياقلبي انتي .. هو غار مننا لأنه شاف شكثر احنا مهمين عندك .. وهو يبي يوصلك لهالحالة فلا تخلينه يفرح .. !
ماما واهي تضغط صدرها بقوة : ماعاد أبييييييه .. الي مايبيكم ما أبيييييه ..
قلت : حبيبتي ماما واحنا بعد نبييييييك .. بتجين عندنا وبنظل سوى ليل نهااار طول عمرنا ياحياتي انتي ..
ماما : وش يجيبني عندكم ياشعااع .. هذا بيت ابوكم وأدري مب راضي أقعد معاكم بالبيت
شروق بانفعال : شالي مايرضى مو بكيفه !! بتقعدين عندنا انتي الداخلة واحنا الطالعين ..
قلت : جد ياماما مستحيل نتخلى عنك حبيبتي انتي بس اهدي الحين ولاتسوين بنفسك كذا عشان خاااطري
مسحت ماما دموعها وقربت منها أكثر وحضنتها ..
حضنت الانسانة الي تستقطع أنفاسها وتسكنها صدرونا .. اللي فرحنا هو سعادتنا ، وضحكتنا هي هناها ، ورحها احنا وقلبها احنا !
انسانة كتبها الزمن أعظم حكاية .. انبهر من البداية ..
وانهارعند النهاية ! ! !
جتنا شمس وقمرة وشافوا ماما تعبانة وجا دورهم يقلقون ويخافون ويسألون .. ويعرفون !
كلنا كنا حولين ماما طول الليل وماخليناها .. هديناها وسليناها ..
وعدناها ماتبعد عننا ونظل العمر كله احنا وياها ..
كل شي ولا تعب ماما .. ! الدنيا ماتسوى اذا طاحت أو صار فيها شي ..
واحنا مستحيل نرضى الدنيا تسوي فيها أي شي !
رجعنا البيت .. ودخلت غرفتي بعد ما تأكدت ان ماما نامت وارتاحت ..
وفجأة اتذكرت .. شلون نزلت من السيارة مفجوعة على ماما .. ولا التفت وراي ولا دريت عن الي وراي !
سلطان الي جابنا .. وصلنا .. ونزلنا ويمكن حتى ماسكرنا الباب !
ومن ذيك اللحظة وانا كل فكري واحساسي مع ماما !
بس أكيد هو شاف وضعنا واتفهم ..
أو ..
بايش ممكن يفكر .. ؟
مسكت جوالي وانا نفسي مادري بإيش أفكر ..
وكتبت مسج بكلمات مادري كيف اترتبت ..
واخترت اسم سلطان .. واخترت
( إرسال )

::

"سلطان"
قفلت أنوار الحوش وقمت أشيك على الأبواب واتأكد انها مقفلة .. وقفت بنص الحوش لما ارتسم ببالي طيفها .. شيسوي فيني طيفها لاظهر ! يشتتني ويبعثرني ..
كانت بالسيارة هادية ولا كأن لها وجود .. لكن وجودها عندي غطى على كل الوجود ..
أرهف سمعي كل ماسمعتها تهمس وأسرق الحروف والكلمات منها وأتحسس حتى أنفاسها ..
اتمنيت لو كنت أقدر أقدم لها مساعدة أكبر ، وأظل معها يمكن تحتاجني أكثر !
لكنها بلحظة كانت معاي .. وبلحظة اختفت ..
طالعت الساعة لقيت الوقت اتأخر وانا وراي دوام .. دخلت وقفلت الباب .. ومشيت للدرج وقبل ما أطلع سمعت صوت .. التفت لقيت حمد أخوي يطالعني من فوق ..
قلت باستغراب : حمد ! شمصحيك بابا ؟؟
حمد : مانمت أنا أصلا ولا ماما !
قلت : افااا أجل الكل سهران الليلة ..
طلعت الدرج لين حمد ومشيت انا وهو لغرفة أمي ودخلت وانا أقول : شعندها الغالية سهرانة ؟
أمي : هلا ياقلبي .. كنت أكلم هند اختي واسألها عن هيثم .. ودي نودي حمد عنده يشوفه
طالعت بحمد وانا اقول : موعده الشهر الجاي !
أمي : ايه بس مني مرتاحة أحس طيحاته كثرت بدل ماتخف ..
اتأملت حمد وهو يتحرك هنا وهناك وقلت : انتي أدرى يمه .. تبين أوديه بكرا وديته ..
أمي : ياليت والله .. كلم هيثم واتفق معه ..
قمت أشيل حمد وأطيره وألاعبه وانا أقول : قوووي قوووي حموود .. بيكبر ان شاء الله ويصير هو رجال البيت ..
حمد : ههههههه وانت وش تصير؟
قلت : أنا خلاص بكون تعبت وبارتاح وانت تسوي كل شي عني ..
أمي : الله يخليك لنا ياعمري ياسلطان لاتفاول على روحك ..
نزلت حمد للأرض وقلت : صدق يمه انا مو دايم لكم .
امي : يوووه من غير شر ان شاء الله .. الا اذا نويت تفتح لك بيت فهذي الساعة المباركة والله
هالشي كان بعيد عني بـُـعد السماء عن الأرض وقلت : لا يمه انا وين والزواج وين .. وبعدين ان الله كتب واتزوجت فانا مب طالع من البيت بظل عندك العمر كله
امي : الله يسعدك ياوليدي والله ودي أفرح فيك ، وش ناقصك عشان تقول انت وين والزواج وين ؟
رديت : مب ناقصني شي الحمدلله .. بس وينهي الي باخذها ؟
أمي : يوه ياسلطان البنات على قفا من يشيل .. انت بس قول أبي وأنا أختارلك مثل ماتبي ..
ابتسمت وعيوني قامت تراقب حمد .. أو تضيع ببرائة حمد ..
وان قلت أبي يا يمه .. بظنك .. هي تبي ؟
قربت لراس امي وبستها وقلت مغير الموضوع : على خير ان شاء الله .. الحين بكلم هيثم وأقول لك متى نوديه .. تصبحين على خير
أمي : ياعمري وانت من أهل الخير
وبست حمد بطريقي وطلعت وسكرت الباب .. مريت على غرف البنات ابي أتأكد ان كل شي تمام .. يضايقني شعور القلق والخوف الزايد عليهم والي أوقات أعترف انه يكون شك ! لكن شسوي حبي لهم وخوفي عليهم مجنني ..
دخلت غرفتي وسكرت الباب .. قعدت على السرير وفصلت جوالي من الشاحن بدق على هيثم .. لقيت مسج .. اتجاهلته عشان بالحق على هيثم قبل ماينام
دقيت وعلى آخر رنة رد : هلا
قلت : هلا دكتور عسى مانمت؟
هيثم وصوته نايم : احلف ياشيخ ..
رديت : ههههه طيب وليه مو مصمت جوالك؟
هيثم : كنت أصمته .. بس الحين صرت أشيل هم حالات طوارئ الليل
قلت : قصدك حالة قمرة
هيثم : اممممم عليك نور
قلت : اها اعتبرني قمرة هاللحظة طيب !
هيثم : سلطاااان انت شتبي داق بهالوقت ؟
سلطان : هههههههه شأبي يعني ..انت قلت حالات طوارئ
هيثم : حمد فيه شي؟؟
قلت : ان شاء الله لا .. بس أمي قلقانة وتبيني أجيبه لك تشوفه ..
هيثم : أوك تعال بكرا العيادة بدري العصر ..
قلت : تمام ، يلا آسفين على الازعاح
هيثم : حياك حبيبي أي وقت ..
سكرت منه بكل أريحيه .. أحب أقول لكم ان هيثم مهو مجرد ولد خالتي .. هيثم صديق عمري وأخوي ورفيقي وكل شي .. أقول لكم هالشي عشان لا تتفاجئون من اللي بيصير بعدين !
رحت للمسج بشوفه .. واتيبست ايدي وعيوني تراقب اسم المرسل الي مخزن من اول صدفة خلتني أدق عليها ..
" مرحبا سلطان ..اعذرنا اليوم انربشنا لما نزلنا من السيارة لأن شفنا ماما تعبانة وماكنا ندري عن شي .. وبهالربشة نسيت أشكرك ، ماتقصر سلطان طول عمرك طيب وخدوم "
قريت المسج أكثر من مره .. واتيبس بصري عند هالعبارة :
طول عمرك طيب وخدوم
طول عمرك طيب وخدوم
طول عمرك طيب وخدوم
شعااع .. عرفتي منهو سلطان .. اتذكرتي شي عن عمره الماضي ؟ ولا كانت مجرد عبارة !
عبارة كتبتيها وماتدرين شكثر نبشت فيني من ذكريات ..
لو تذكرين بس ياشعاع ..
لو تذكرين
كنت آسولِف لِك ..
وكنتِ تَخجلِين

يَوم أأشّر لكْ علىَ صدرٍيْ ...
وآقُول :

من هُو هِنآ !!
مَن هُو هِنآ !!
كنتْ انآظِر فِي عُيونك ...
ومنْ خَجلك تَغمضِين

تذكرين .. ؟؟

::

"شمس"

*+++++*


كنت بفرنسا أنا وخواتي .. دقيت عليه بعد مارجعنا من ديزني : نادر تعرف شفيه بكرا ؟؟
نادر ببرود : أكيد .. يوم ميلادك ..
قلت : ماشاء الله متذكر !
نادر : طبعا .. بس شتبيني أسوي انتي مسافرة !
قلت : بس أحسك بارد ومو مهتم !
نادر : اممم شموس كل سنة أفرح لك وأهديك .. عادي لو مرت سنة ماصار شي !
قلت بقهر : بس بكرا غيييير .. بكرا بكمل 20 سنة !
نادر : وااو كبرتي ياصعنطوطة
قلت : اتخيل بس ! اتوقعت هالتاريخ يعني لك شي !
نادر : يعني لي حبيبتي بس شتبيني أسوي انتي مو معاي !
قلت بضيق : صح كلامك .. يلا انا بنام .. باي
نادر : باي حبيبتي
وسكر !
اش كثر قهرني بروده وردوده .. وانقهرت أكثر انه مارجع دق ولا عبر !
وبكرا الصباح كل خواتي باركولي وطلعنا احتفلنا بمطعم .. وهناك عطتني شروق ميدلية نازل منها نص قلب أحمر مكتوب فيه نادر .. ومعاها كرت صغير فيه رقم 1
قلت : شهذي ؟؟؟
شروق : من نادر ..
قلت : ميدلية ؟؟؟؟؟
شروق : ههههههههه ايه قال اعطيك هي بيوم ميلادك
طالعتها باستغراب وقلت : طيب شكرا !
ضحكوا خواتي وطلعنا من المطعم وبالسيارة ركبت اول وحده ولقيت ميدليه ثانية نفس الي معاي بس مكتوب فيها شمس .. ومعاها كرت صغير فيه رقم 2
ضحكت وانا اقول : هذي طاحت منك ياشروق ولا شالسالفة ؟؟؟
شروق : هههههههه الظاهر ..
ركبنا وقمت اطالع بالميدليات .. بس مافهمت وش سالفة الارقام
وصلنا المول وشعاع قالت : يلا بسرعه لا تنسون اننا معزومين الليلة ..
واحنا بالمول سحبتني قمرة لكوفي وهي تقول : مشتهية عصير
وقفت معها ويوم وصل دورنا قدم الجرسون كيس .. استغربت وانا آخذه لقيت الكيس مكتوب من برا 3 وداخله دبدوب شايل شوكولاته انا اموت فيها
قلت اكلم قمرة : شالساااالفة ...؟؟؟؟؟
قمرة : هههههههههههه اسأليه
طالعت بالجرسون اللي قال قبل ما أسأل : فروم نادر , ( وقال ينادي اللي بعدي : نكست ..
مشيت انا وقمرة وانا مو فاهمة شي .. حسيت السالفة فيها شي .. لأن ماكانت هذي آخر المفاجآت
ركبت السيارة لقيت بلوزة مكتوب عليها رقم 4 وصورة فم ..
وبالأصنصير لقيت لوحة كبيرة مكتوب فيها i love you ورقم 5
لقيت أشياء موزعة كلها تخص ميلادي لين رقم 19 .. وانا مو فاهمة شلون تطلع هالأشياء بكل مكان أروحه ، مره من خواتي ومره مصادفة !
زين كيف رتب هو لكل هذا ومتى ؟؟ استوعبت بالأخير انه هذا تدرج عمري من عمر سنة .. لـ 19
كان كلي شوق لرقم 20 .. دخلت الجناح أنا وشروق .. وانا أطالع بالأشياء بفرح وأضحك بوناسة ..
شروق : أنا باطلع بشوف خواتي وش بيلبسون .. وطلعت
وانا بعالم الهدايا تايهة .. مافي شي حبيته الا جاب لي هو .. يعني وش ممكن تكون هدية الرقم ال 20 ؟؟؟؟
شوي ودق باب الجناح .. انتبهت وقلت : ادخلي .. !
دق الباب مره ثانية .. استغربت قلت يمكن أحد عاملي الأوتيل ..
فتحت الباب وكانت أكبـــــــــــــر مفــــــــــاجــــــأة لما لقيت نــادر قبالي ولابس بلوزة مكتوب عليها 20 و Happy Birthday
نادر : ينفع أكون أنا الهدية الـعشرين ؟
نادر كان موجود من الصباح يرتب لي كل هالهدايا
تملكني كل الفرح والدموع كل المشاعر غمرتني بذيك اللحظة .. !

*+++++*



أتذكر مره في ليآلي الربيع الزاهرة .. اتفقنا على موعد وأخلفته أنا ولا جيت
وزعل مني .. أذكر اني كنت أتصل فيه كثير أبي أراضيه .. ولايرد !
أرسلت له : i love you
رد : i don't love you
أرسلت : I'm in love with you
رد : I hate you
أرسلت : I miss you
رد : i don't believe you
أرسلت : Come to me Baby I Want You
وطول مارد ..
وبعدها أرسل : I cannot live or breathe without you ya Moftreeyah
وضحكت برضى عن حبنا

*+++++*

كنا قاعدين على البحر .. وكان يلفحنا الهوا وذرات المطر ..
كنت لابسة جاكيت بس لازلت بردانة
قلت : نادر بردانة
نادر : اممممم لو كنت لابس جاكيت كان فصخته ولبستك هو .. لكن ماعلي غير بلوزتي ألبسك هي وأقعد بدون شي ؟
رديت : لا ماقلت لك تسوي شي .. بس خلاص خلينا نرجع ..
نادر : ليه أنا مبسوط معاك ..
رديت : بس برداانة ..
قلت : أوكي أنا أدفيك ..
كانت بلوزته وسيعة ورفعها ودخلني معاه بنفس البلوزة وقعدنا نضحك على أشكالنا ونتصور بجوالاتنا ..
بعد شوي مرت عجوزة من جمبنا وقالت لنادر : انت مجرم !
انصدم نادر وسأل : ليش ؟؟؟
قالت : تعرف كيف تعلقها فيك وتولعها بحبك ..
ضحك نادر وقال : أوكي وليش أكون مجرم ؟
العجوز : مجرم لو تركتها !
ضحكنا عليها .. وماكنت أعرف انها أصدق عجوزة مرت علي !
كنت بين إيدين مجرم وانا ما أدري !

*+++++*

انتبهت على لبنى صديقتي واهي تقول : يلا ياشمس الاجتماع .. صار لك ساعة ماسكة الماوس وماسويتي شي صفحتك بالكامبيوتر مثل ماهي ..
قلت : يلا الحين بقوم ..
لبنى : ليه ماسويتي شي الحين بيسألك عن الريبورت وش بتقولين ؟؟
رديت : بقوله أرسله بعدين خلاص انا بالي مو معاي لبوون قومي نروح ..
مشينا للاجتماع .. وحسيت الرئيس اتقبل عذري بكل رحابة صدر ( ضايقتني ) ماحبيت حنيته وتفهمه الغير طبيعي !
وبعد ما أنهينا الاجتماع وجيت أطلع نادني الدكتور .. التفت لقيت مابقى بغرفة الاجتماع غيري وظليت واقفة مكاني أطالعه بصمت
مشى ناحيتي وقال : من أول وانا ودي أفتح معاك موضوع .. ولاعندي أي مقدمات أبدا فيها ..
خانتني الحروف وماقدرت أنطق ولابحرف .. ظليت صامته أترقب رده وهو كمل : شمس أنا حاب أعرف اذا كنتي مرتبطة أو .. في أحد بحياتك .. لأني ودي أتقدم لك !
مانصدمت , ولازعلت !
بالعكس
جتني رغبة شديدة بالضحــــــــك بصعووووبة كتمتها .. لو ضحكت كنت بهز الجدران من جلجلة ضحكي !
وبهاللحظة أمطرت الكلمات حروفها بكل تلقائية وقلت : دكتور انا مو مرتبطة بس ماينفع تتقدم لي
الدكتور : أقدر أعرف ليش ؟؟
قلت بابتسامة : لأني ساكنة لحالي .. انا وخواتي وحيدات .. لحالنا .. ماعندي ابو ولا أم ولا أخو ولا أحد مسؤل عننا .. ! احنا بنات عايشين بروحنا ومسؤولين عن أنفسنا ومالي إلا كم شهر راجعة من أمريكا .. كنت عايشة طول عمري هناك واتربيت ونشأت هناك .. وحده زيي صدقني مستحيل تناسبك دكتور !
وقبل مايرد درت وانا أقول : عن اذنك ..
طلعت وشفت لبنى بطريقي مسكت ايدها وأسرعت وأنا أقول : بسرعة أبي أبعد عشان أضحك ..
لبنى : ليش شفييييييه ..
مشيت بسرعة وانزويت ورى المكتب وقلت : هههههههههههههههههههههههههههه رئيسنا يبي يتقدم لي ههههههههههههههههههههههههههههه اتخيلي يالبنى هههههههههههههههههههههههههه
لبنى : شمس .. شقاعدة تخربطين انتي ؟؟
رديت : هههههههههههههههههههههههههه سألني اذا مرتبطة عشان يبي يتقدم لي هههههههههههههه عاد أول مره أحد يفكر يخطبني تصدقين ! ههههههههههههههههههه
لبنى : طيب انتي ليه قاعدة تضحكين ؟؟؟
قلت : هههههههههه لانه شي مره يضحك .. مره يضحك يالبنى ..
لبنى : اش قلتي له ؟؟
قلت : قلت لا حبيبي انا ما أصلح لك أبد .. أنا ما أصلح لأحد أبد يالبنى !
لبنى : ههههههههههههههههههههههههههههههه ياحليله هالدكتور ..
انتبهوا .. لبنى ضحكت بعد ماعرفت رفضي ..
ترا انا مانتبهت واستوعبت هالشي الا بعدين ..
قمنا وطلعنا من المستشفى ولقيت سيارتي تنتظرني
ودعت لبنى وركبت ..
ومن يوم مامشت السيارة بكيـــــــــــت قد ضحكي .. وأكثر .

::

" قمرة "
مريت أخذت شعاع من دوامها .. وركبت شعاع ومشينا ..
شعاع : وش كاتبة لي انتي مافهمت ليه تبيني أجي معاك ؟؟
قلت : قلت لك مابي أروح لحالي ..
شعاع : يلا قمور جت على الحين يعني .. والله مافيني تعبانة ..
رديت : أصلا كان لازم نكون هناك من أول .. يعني لو وصلتك البيت باتأخر
استسلمت شعاع ورحنا عيادة الدكتور هيثم ..
دخلنا المبنى ومشينا ناحية الأصنصير وكان يوشك يتسكر لكني أسرعت وضغطت عليه بسرعه وانفتح ودخلت ، وشعاع وراي .
انتبهت فورا للشخص الي كان واقف داخل المصعد وقلت بنبرة متفاجئة : أهلييييين سلطان .. ( وانحنيت لحمودي أسلم عليه ..
سلطان : مساء الخير
كنت ألاعب حمودي وشعاع ردت : مساء النور
سلطان : دايم نتقابل هنا ..
قلت : ايه ياحسرة ، عسى الله يخارجنا من هالمواعيد
سلطان : ماتشوفين شر ان شاء الله ..
شعاع : حمودي عنده موعد ؟
سلطان : لا بس حابين نتطمن عليه ..
شعاع : الله يخليه لكم ... ( وانحنت تسلم على حمد ..
وصل المصعد ودخلنا كلنا عيادة دكتوري .. سلطان بانتظار الرجال واحنا قعدنا بالانتظار ..
شوي وانتبهنا للممرضة لما نادت على حمد ..
دخل حمد هو وسلطان .. و عشر دقايق وطلعوا ..
كنت مستعدة لدوري لكن اتفاجأت لما بدت أسامي المرضى تتوالى .. وأنا ولا كني موجودة ..
قلت : هذا وش معناته يعني ؟؟؟؟؟
شعاع : معناته انه لازم ننبه هيثم انك موجودة !
قلت : والله ماشفت سلطان نبهه ولا حتى كلم الاستقبال والممرضة .. هيثم مرتب كل شي لحمد وعلى طول دخل !
شعاع : يمكن نسى ..
قلت بحمق : أهاااا نساااااني .. خلاص يلا مشينا ..
شعاع : قموووور .. بروح أقول للممرضة تكلمه ..
قلت : شوفي اذا بندخل الحين اوكي اما اذا بننتظر ماعندي استعداد ..
شعاع : اوكي استني ..
قامت شعاع وانا ظليت مكاني متضااايقة .. يعني لو حمد مادخل كان أقول فيه إن بالموضوع لكن هذا نساني ، كيف يتجرأ !
قعدت أهز رجلي بتوتر ، أكره تصرفاتك ياهيثم بعض المرات .. انا قاعدة أنتظر موعدي هذا من كم يووم .. وانت ناسيني ... !
أكرهك هيثم !
جتني شعاع وهي تقول : يلا قومي ..
قلت وانا بمكاني : شسويتي .. ؟
شعاع : قومي يلا دورك ..!
قلت : مين كلمتي ؟؟؟
شعاع : يالله ياقمرة .. بتقومين ولا شلون ..؟
قلت : أبي أعرف شالسالفة ليه مادخلت على طول .. ؟
انتبهت للدكتور الي واقف عند الاستقبال .. والتفت ناحيتنا وجت عيني بعينه .. طالعت فيه بدون أي تفاعل ولا ابتسامة ولا أدنى شعور ..
شعاع : قمور اتحركي ..
قمت بملل وأنا أقول : عشانك بس ..
شعاع : زين تسوين ..
شعاع قعدت وهي تقول : يلا باستناك ..
وقفت مكاني وقلت : ليه ماتجين معااي ؟؟
شعاع : مافيني قمور خلاص باستناك هنا لو في شي كلميني وأجيك على طول ..
تركتها ومشيت وين ماكان هيثم واقف يراقبني ..
مشيت لعنده وعيوني معانقة عيونه .. وأول ماقربت منه قال : مرحبا
هزيت راسي وانا أرد : أهلين ..
مد هيثم إيده ناحية الغرفة واهو يقول : اتفضلي ..
مشيت وهو ماشي معاي لين دخلنا وسكر الباب .. هيثم ماقعد على مكتبه .. قعد على الكرسي الي قبال المكتب وبهالشكل صرت أنا هو قاعدين قبال بعض ..
هيثم : كيفك ياقمرة ؟؟
رديت : كويسة الحمدلله ..
هيثم : كل شي تمام ؟؟؟
هزيت راسي بصمت ..
هيثم : الدم الحمدلله ماعاد رجع هممم ؟
رديت : ايه الحمدلله
هيثم : والصداع ؟
رديت : أحسن من أول ..
هيثم : طمنتيني الحمدلله ..
سكت شوي وهو يطالعني .. بعدها سأل : في شي تبين تستفسرين عنه قبل الأشعة ؟
رديت : ايه ..
هيثم : اتفضلي قمرة ..
قلت : ليه مادخلتني على طول !
طالعني هيثم بعدم استيعاب ! أنا متأكدة انه كان ينتظر سؤال طبي .. شي يتعلق بحالتي .. سؤال عن وضعي .. كان متوقع أسأله تكون أجوبتها على طرف لسانه .. لكنه اتفاجأ بسؤال انا متأكدة انه مو محضر له جواب !
وهذا الي كان واضح من طريقة رده لما قال : أنا .. ماكنت أدري .. انك موجودة !
قلت وعيوني تفترس عيونه : اها يعني نسيت انه موعدي معاك اليوم ؟
هيثم نقل بصره بين عيوني الاثنين كنه يبي يعرف شالي يدور ببالي .. وقال : انتي ليه ماذكرتيني قمرة ؟؟
قلت : يعني جد كنت ناسي !
هيثم : قمرة انا أرتب لجياتك بدون مواعيد يعني ماتكون مسجلة عندي .. أنا عارف انك بتجيني هالاسبوع بس مو عارف أي يوم ..
هزيت راسي بضيق وقلت وأنا مشيحة وجهي عنه : طيب يلا نسوي الأشعة
هيثم : قمرة ..!
قلت بابتسامة صفراء : يلا .. مرضاك ينتظرونك
هيثم : قمرة .. انتي شي مره كبير بالنسبة لي تمام ؟ انتي مره مهمة عندي اوكي ؟ لكن لازم تستوعبين ياحلوة انه أنا دايم دايم دايم مشغول .. بالي دايم مشغول جدولي دايم مشغول أنا شخص جدا مضغوط !
قلت : ليه تقولي هالكلام ؟؟؟
هيثم : عشان تتفهمين وضعي اذا انشغلت عنك .. زي يوم كنتي بالمستشفى ..
طالعته بصمت .. وهو كمل : عارف انك زعلتي مني عشاني مامريتك
قلت بتمثيل : لا مازعلت ..
هيثم : الا زعلتي .. وبكيتي بعد وعشان كذا طلعتي ..
قلت : لا غلطان .. طلعت عشاني مليت من المستشفى !
هيثم : فجأة ! الصباح كنتي عادي والعصر تبكين ومليتي ..؟
قلت : اممم انا كذا مزاجية ..
هيثم : زين ليش ماكنتي تكلميني ولاتطالعيني .. ؟ حتى وانتي طالعة قلتي لي ماجيت ، وباين انك كنتي زعلانة اني ماجيت ..
زميت شفايفي بطريقة أحاول أخفي فيها انفعالاتي ..
هيثم كمل : صح ولا أنا غلطاان ؟؟؟
كتفت ايديني على صدري وانا اقول : أوكي .. ليه ماجيت ؟؟؟
هيثم ابتسم وقال : ماقدرت .. قمرة انا بالمستشفى أواجه مفاجآت ماكون حاسب لها أي حساب .. تجيني حالات لازم أكون مستعد لها وأحطها فوق أي اعتبار .. ضروري تتفهمين هالشي دايم !
قلت : ليه تبيني أتفهم هالشي دايم ؟
هيثم بابتسامة تسحر : لأنك داايم تهميني ودايم أبيك تكونين راضية عني ..
ابتسمت بدلال وقلت : حتى أنا ..
هز هيثم راسه وهو يقول : حلو .. كذا نكون متفاهمين .. الحين يلا نسوي الأشعة .
قمت وانا أقول : بتجي معاي ؟
هيثم : الممرضة بتروح معاك قمرة عشان ....
طالعته برجاء .. طالعته بس .. مانطقت ولا حرف ..
ضاعت عيونه بعيوني وقال باستسلام : اوكي .. بجي معاك .
ضحكت بمرح وطلعت وهيثم طلع وراي .. بهالوقت لقينا سلطان برا ..
هيثم وهو يمشي ناحية سلطان : سويتوا الأشعة .. ؟؟
سلطان انتبه لنا .. كأنه كان شارد وصحى فجأة .. وقال : ايه تونا جايين
هيثم : يلا دقايق وأجي .. ( ومشى هيثم وانا معاه .. مريت من غرفة الانتظار والتفت بسرعة .. شفت شعاع ساندة راسها على الكنب .. وناااايمة .

::
" سلطان "
رجعت من الأشعة وقالت لي الممرضة انه فيه مريضة عند هيثم ..
وقفت بالسيب أنتظر .. حمد قام يلعب ودخل غرفة الانتظار .. مشيت بناديه وبدون قصد انتبهت لها .. لملاك بهيأة بشر .. نايم بكل هدوء وسكينة على الكنب ..
كان المفروض أبعد عيني من يوم ماجات عليها .. لكن عيوني عصتني .. لأول مره أحس نظري مو تحت تحكمي .. وهو يطالع بأحلى البشر وأحب البشر ..
اتركوني أطالعها لو دقايق .. يمكن ماتتكرر مثل هالدقايق .. حسيت شكثر اشتقت وولهت عليها سنين طويلة ..
شلون سلبت مني كل أحاسيسي برحيلها وماتركت عندي غير البرود ..
خذت معها كل المشاعر وماتركت غير الجمود ..
لين صرت شخص قاسي .. ماعرف معنى الحياة .. وأعز اثنين فارقتهم ..
موتك يابوي .. ورحيلها !
وتلوموني ؟

" سويتوا الأشعة "
انتبهت على صوت هيثم وهو يمشي ناحيتي وقلت : ايه تونا جايين ..
هيثم : يلا دقايق وأجيك
من قال اني مستعجل ياهيثم انا بقربها أبي الدقايق تصير ساعات .. !
حسيت على نفسي .. وحبي لها أجبرني أبعد واقعد بأبعد مكان ..
ليتني أقدر أخلي مكانها بقلبي أبعد مكان

::
" هيثم"
طلعنا من الأشعة راجعين .. قلت لقمرة : قمور ممكن أشوف أشعة حمد قبل ، لأنه ينتظرني ..
قمرة بنعومة : اوكي أنا بعده ..
هزيت راسي وانا أقول : أكيد ..
ناديت حمد وسلطان ودخلنا .. طمنتهم ان كل شي تمام وطلبت منه يحرص على العلاج الطبيعي باستمرار .. وطلعوا ..
ناديت قمرة ودخلت عندي .. قعدت على الكامبيوتر أتأمل الأشعة .. وعيون قمرة تطالعني بترقب .. قلت وعيوني على الشاشة : تاخذين أدويتك بانتظام قمرة ؟
قمرة : ايوة ليش ؟
رديت : أسألك بس .. ( وطالعتها بطرف عيني وانا أقول : لا تخافين ..
قمرة : كيف الأشعة ؟
رديت : تمام .. ( وقمت قعدت قبالها مثل أول مره وقلت : كل شي تمام الحمدلله لكن .. في احتمال بنسبة 10% انه ترجع الجلطات لو ماستمريتي على الأدوية بشكل منتظم ..
قمرة : أنا آخذها بانتظام والله !
قلت بحنية : خلاص كل شي بيكون من أحسن مايكون!
قمرة بتردد : بس .. في شي باسألك عنه ؟
قلت باهتمام : وشو قمرة ؟
قمرة : مرات أحس عيني تتيبس شوي وبصعوبة أقدر أحركها ..
قلت : شلون تتيبس ؟ يعني تحسين شد بطرف العين ..؟
قمرة : احس بشد بس مو بطرف العين .. بوسط العين .. !
ضيقت عيوني فيها وسألت : يطول الشد ؟
قمرة : لا ثواني .. بس مره يضايق ..!
قلت : تكونين صاحية من النوم أو بأي وقت يجي !
قمرة : بأي وقت حتى وانا قاعدة مع خواتي .. بس محد لاحظ .. وانا ماقلت لأحد
هزيت راسي بخفة وسندت ظهري على الكرسي وعيوني مركزة بعيونها ..
قمرة : في شي هيثم ؟
رديت : ان شاء الله مافي .. ( وقمت أخذت جهاز الفحص وقربت منها .. قعدت على الطاولة قبالها وانا أقول : استرخي قمورة ..
قربت الجهاز لعينها وبايدي الثانية شديت عينها بخفة للأسفل .. ونفس الشي للعين الثانية ..
حطيت الجهاز على الطاولة وطالعت فيها .. كنت قريب حيل منها .. وكانت عيونها تطالعني بتيهان تبي تستشف مني أي شي ..
ليه انتي ياقمرة ليه ؟ كان هذا السؤال الي يصرخ بداخلي ..
اتمنيت أكون بالوضع الي يسمح لي أشيلها بين ايديني وألمها بحضني ..
هي قبالي مايفصل بيننا غير كم شبر ..
لكن ماقدر ألمسها وفي حدود ماقدر أتجاوزها ..
قلت بحب مفضوح : مافيك شي حبيبي .. اتطمني !
قمرة بابتسامة ناعمة : شكرا ..
قمت من مكاني أفسح لها المجال تقوم .. ومشيت للباب ..
قمرة واهي توقف : متى موعدي الجاي ؟
قلت : أنا أبيك تجيني المستشفى قمور بس مو الحين .. بدق أقول لك الوقت الي تجين فيه ان شاء الله
قمرة بدلع : أوكي أستنى اتصالك ..
فتحت الباب وطلع القمر
ظليت أراقبها لين وصلت للباب وطلعت معها شعاع .. وهم طالعين التفتت وأشرت لي مودعة
أشرت لها وأنا أبتسم لها بحنية .. لين اختفت
واختفت ابتسامتي !
قمرة ياقمري
هذا مو شد الي تحسينه ياملاكي ..
هذا بداية تشنج !
رجعت لمكتبي وأرسلت الأشعة لاثنين استشاريين معروفين وممتازين
وطلبت أعقد اجتماع معاهم
ليتبين لنا شالجديد بحالة قمر كوني .. قمرة .

::

"لجين"
طلعت من الجامعة أنا و"هيفاء" وحده اتعرفت عليها من كم يوم معاي بالجامعة
مشينا لسيارتها وهي تقول : اتعلمتي سواقة ؟؟
رديت : لي كم يوم أتعلم ..
هيفاء : تبين أعلمك .. ؟
قلت : جد ؟؟
هيفاء : ايوة بس هنا مانبعد ..
اتحمست وركبت مكان السواقة وهي جمبي .. كانت تعلمني بهدوء بس أنا مربوووشة .. قمت أدعس على البانزين وأرجع ورى وألف يمين ويسار وكل شوي فرامل ..
وبالنهاية صدمنا سيارة كانت واقفة بكل أمان بأحد المواقف .. !
مت من الخوف .. ! ولاعرفنا وش نسوي .. !
هيفاء مره اتضايقت مني و وقعت بورطة .. خصوصا ان صاحب السيارة مو موجود ..
قمت أبكي وأنا أتخيل روحي خلف قضبان السجن !!
ودقيت على أبوي الي لعن أبو خامسي وهاوشني وجاني للمكان الي أنا فيه ..
وبعدها بفترة ظهر صاحب السيارة ..
مراح تصدقون لو تعرفون انه كان " أستاذ نادر "
من شافنا ملتمين جانا مسرع وقال : في شي هيفاء ؟؟
طلع يعرف هيفاء ..
هيفاء حكته الي صار ومن بعدها اتذكرني وعرفني ، وهالموقف عرفه على بابا ..
أستاذ نادر طمن هيفاء وخلاها تروح .. واحنا بعد طمنا ان مافي شي راح يقلق والشرطة مراح تتدخل بس حذرني أكرر هالشي مره ثانية لأن الشرطة ماترحم هنا .. خصوصا العرب !
بابا أصر يعزم أستاذ نادر يتغدا معانا ..
وبالمطعم
بابا : أجل سعودي يانادر انت ماشاء الله ..
نادر بضحكة : سعودي مع وقف التنفيذ ..
بابا : هههههههه لأن طول عمرك هنا .. ماتفكر تجي السعودية ؟
نادر : إلا والله .. دايم أفكر لكن في ظروف مانعتني ان شاء الله أول ماتتسهل بروح ..
بابا قام يعطيه محاضره عن السعودية وزينها وفضلها وتاريخها ونشأتها بعد ..
والغريب ان أستاذ نادر كان مستمتع ويستمع باهتمام واضح بعيونه .. !
وبالآخر قال : ان شاء الله يجي اليوم الي نقعد نفس هالقعدة بالسعودية ..
بابا : ان شاء الله .. اذا تحتاج أي شي يانادر عشان تروح السعودية ترا لي معارف يساعدونك لاتقلق
أستاذ نادر: عمي انا والله ارتحت لك وودي أكون صريح معاك ..
بابا : آمر ياولدي ..
أستاذ نادر فجر قنبلة لما قال : أبوي ممنوع يدخل السعودية .. وأنا أبي ألقى طريقة رسمية أدخل فيها بشكل منفصل عن أبوي !
هز بابا راسه بشكل ينم على استيعابه للموضوع .. وقال : من حقك يانادر .. أعرف كثيرين كانوا ممنوع يدخلون ودخلوا بطريقة رسمية ..
أستاذ نادر باهتمام : يعني تقدر تساعدني بهالموضوع ؟؟
بابا طق الصدر وقال : أفا عليك .. خل الموضوع علي وان شاء الله مو صاير خاطرك الا طيب ..
أستاذ نادر : ماتقصر يالطيب
شفت الفرح يشع بعيون استاذ نادر
حسيت ان السعودية حلم كان يحلم فيه ..
وقرب يتحقق

::

"غادة"
كنت بغرفتي أرتب شنطتي وأجهزها لسفرة لبنان ..
فتحت الدرج أبي أطلع اكسسواراتي .. وانتبهت لعلبة خاتم مشعل ! دفيتها لأقصى الدرج وطلعت الأغراض الي أبيها ..
مشاعل كلمتني على أساس ترتب معاي يوم ثاني يزوروني فيها
لكني ماحبيت .. ولا بغيت ..
حلاوتها يوم الخطوبة .. والله ما أراد تتم .
فأجلتها ليوم الملاك ..
حسيت بارتياح مشاعل لرايي الشي الي مسكني فيه أكثر ..
مابي أشغل بالي لا بخواتم ولا بمشاعل ولا بمشعل ..
عندي سفرة انتظرتها وقت طويل .. أبي أستانس فيها متناسية كل شي ورامية كل شي وراي ..
سكرت شنطتي ونزلت أقضي الساعات الأخيرة مع أهلي قبل السفر

::

" شعاع"

وصلنــــــــا لبنان

احنا وكانت معانا غادة بنفس الطيــــارة ..

نزلنا المطار وهنا اتوادعنا ..

غادة راحت مع رفيقتها ..

واحنا دقينا على السواق نسأله اذا جانا ..

كانت أول مره نسافر لبلد .. ونلبس حجاب !

ابتسمت وانا أطالع خواتي وكلنا نمشي ساحبين شناطنا ،

كنا متوجهين ناحية باب الخروج ..

إلا ظهــــر قـــدامنـــــا شخص خلانا نصرخ انا وخواتي بصوت واحد :

" بــــــــــــــــــا بـــــــــــــــا "

::

يتبع

[نونا الاموره]

وواااااااااااااااوو واخيرا بااااااااااارت

لي بااااااك بعد قرأت الباارت

[zahraa]

رائعة
والله ما رضيتش انام الا لما يخلص
شكرا يا قمر
مستنيين الباقي

[روح العيون]

تسلمين لنا يالمحظوظه اخيرا بعد الغيبات جات الغنايم اجازة سعيده عمرى
تسلمين ع البارت لكن ايش التشنجات اللى تصير لقموره لا بليز
شروق يا عمرى ايش اللى سواه مشعل هذا ليش
لكنه جبان ما واجه الموقف بشجاعه وما حكى لمشاعل ليش
تسلمين قلبو

[فروله]

بـآررررررررررت رووووعه


بس ابي اعرف شو بيصير لقمرررهـ حررررررررام ..:(

ننتظركـ بأسرع وقت

[حب ريهامي]

امممم عسى المانع خير

[روح العيون]

وينك يا الغلا عسى خير تاخيرك علينا

[فروله]

طولتي علينـآ :(

[كشه منفوشه]

البارت ما قريته الا متاخره يعطيك العافيه
وانتظر البارت القادم

[هبله وتهبل]

وحيدات في القصر لهاتكمله ردوووو تكفوون :icon9:

[عاشقة صمت]

نعم لها تكملة اختي هبله وتهبل

وتابعي وراح ينزل البارت الجديد ..!!

.
.

بالفعل مشتاقين لتكملة الأحداث

[هبله وتهبل]

متى راااح ينزل

[عاشقة صمت]

تنزل بالوقت الي تخلصه محظوظه لأن الكتابه
وتخيل الأحداث ما هو سهل عليها ..


.
.

ان شاء الله قريب

[فروله]

ويييييييينكـ طووولتي علينـآآآآآآآآآ :(


عسى المـآنع خير يـآرب

[المحظوظة]

ساااااااااامحوني ياعيون المحظوظة انتوااا

البارت بكرا ان شاااء الله

[المحظوظة]

الجزء الحادي عشر
" أبو البنات "
"فواز"
وصلت للمطار وخليت السائق يوقفني عند البوابة .. وينتظرني بتصريح دبلوماسي ونزلت أنا بنفسي أستقبل بناتي
بناتي الي ظلمت دنياي من بعدهم ، كانوا يروحون زيارات لأمهم إجازة ويرجعون لي .. بس هالمرة طالت الإجازة .. ولا انتهت .
دخلت المطار وقمت أتلفت يمين يسار .. فجأة سمعت أصوات تناديني وتقترب ناحيتي يميزها نبرتهم العذبة الي أثارت كل حواسي وأنا ألتفت عليهم وهم يتراكضون ناحيتي ..
لأول لحظة ماعرفتهم .. ! لأني شفتهم بمنظر ماعمري شفتهم فيه بحياتي كلها ! كانوا أربعتهم لابسين حجاب على روسهم خلاني فعلا ما أعرفهم .. بس هي لحظة .. ! بس لحظة تهت فيها واللحظة الي بعدها استوعبتهم وشقيت الضحكة وأنا أسرع بخطواتي لهم ..
قمرة ومن بعدها شمس وشروق وشعاع .. حضنتهم وحده ورى الثانية بكل شوق يعصف بقلبي عليهم ..
قمرة وهي لامتني بذراعينها : شلووونك باااابااا والله وحششششتني ..
قلت : وانتوا بعد وحشتوني شكلي بغير رايي وأرجعكم لعندي
شروق : هههههههههه لالالا وحشتنا صح بس مو لهالدرجة
قلت : أوريك يابنت أجل حكي فاضي بس لا وحشتكم ولا شي
شعاع : والله اشتقنا لك بابا وطول الوقت نطريك ..
شمس : اتغيرت ياحلو اعترف مسوي عملية تجميل ؟؟؟
رديت : هههههههههههههههه ايه يوم رحتوا صاروا يحسبوني صغير وماعندي عيال واتشببت من جديد ..
قمره : هههههههههه حلو يابابا بكل حالتك
ضميتها أكثر وأنا أقول : يلا السواق برا يوصلنا ويرجع يجيب عفشكم
شمس : كيف بيعرف أغراضنا ؟
قلت : عطوني أرقام العفش أعطيها المندوب يجهزها ويسلمها للسواق أول مايجي
أنهينا هالشغلات السريعة وطلعنا سوا وكان السواق لازال ينتظر .. ركبت جمبه وركبوا البنات ورى .. ومشينا
وبالطريق التفت على بناتي أطالعهم .. وقلت بهدوء : أجل حجبتكم أمكم ؟
شعاع : احنا اتحجبنا من نفسنا يا بابا ..
قمرة : ايوة بعد ماحجينا
قلت : بس احنا مو بالسعودية الحين خذوا راحتكم
شروق : عادي بابا مو مضايقنا الحجاب
شمس : مايفرق بالسعودية ولا برا بنتحجب بكل مكان
قلت : لاتخنقون أعماركم توكم صغار يابنات
شعاع : بابا والله محنا مجبورين .. احنا مقتنعين تماما بالحجاب
رجعت أطالع الطريق .. كان أهم شي عندي انه يكون هالشي بقناعتهم مو مجبرين عليه .. ولاكان عندي أي شعور حيال هذا الموضوع تماما .. لا فرح ، ولا ضيق !
وصلنا البيت ودخل السواق السيارة للحوش .. ونزلنا ، كانت جولي باستقبال البنات .. نزلت وصكيت الباب ومشيت ورى بناتي أطالعهم وهم يمشون ناحية جولي ويسلمون عليها ..
جولي بفرح: Welcoooooome
سلموا عليها البنات وجولي تقول : We miss you so much
شعاع : We also miss you
جولي وهي تأشر على حجابهم : Why do you put this on your head
قمرة وهي تضحك : We are Muslims honey
جولي : Oh ! I didn't know
كانوا يستهبلون ويا بعض وبكذا انتهى الحوار الي لو استمر يمكن جولي بتضايقهم ، وهم على مايبدو في أشياء اتغيرت فيهم !
دخلنا البيت وفورا قلت : اقعدوا على الطاولة .. العشا جاهز ومنتظرينكم ناكل سوا ..
فكوا البنات حجاباتهم وغسلوا وقعدنا كلنا على الطاولة وانا أقول : نورتوا البيت حبايبي
شعاع : يابعد عمري بابا منور فيك ..
قلت : كيف وضعكم هناك ان شاء الله أموركم تمام ؟
ردوا : الحمدلله كل شي تمام ..
مسكت إيد قمرة الي كانت جمبي وأنا أقول : وانتي ياماما طمنيني عنك الحين؟
قمرة : اتطمن بابا انا بخير الحمدلله
قلت : حبيبتي شصار فيك من رحتي عني ؟
قمرة : بابا من يوم ما انا عندك وفيني شي وأنا مااااادري عنه ..
قلت : انتي ماكنتي تشتكين ولا تتكلمين !
قمرة : ايه على بالي صداع عادي !
قلت بتنهيدة : يالله الحمدلله .. لو عرفنا واحنا هناك كان عالجناك بأمريكا بدل مايلعبون فيك بالسعودية
قمرة : دكتوري مره شاطر بابا اتطمن ..
شعاع : ودارس بأمريكا يعني ماخذ أحسن تعليم وخبرة
قلت : أتمنى يكون مثل ماتقولون .
قمرة : تعرف يابابا انه الدكتور يقرب لنا ؟؟؟
وقفت الملعقة بالهواء وطالعتها بصمت ..
قمرة كملت : هيثم ولد عمتي .. تذكره؟؟
رجعت الملعقة بالصحن والتفت لشعاع باتأكد من صحة كلام قمرة ..
شعاع : ماحصلت فرصة أقول لك من قبل .. هيثم ولد عمتي هند استشاري مخ وأعصاب ، وهو اللي عالج قمرة!
انهمرت ذكريات الماضي على بالي .. شفت من بينها هيثم بمختلف الصور .. ماتوقعت بيوم ان هالشخص بيكبر ويصير دكتور وبنتي أنا بتكون بين إيدينه !
بناتي لاحظوا تغير ملامحي ووجومي المفاجئ ,
قمرة : بابا .. في شي؟
طالعتها وأنا لازال الصمت ملجمني .. ماعرفت كيف بعبر عن مشاعري المتضاربة جواي .. وقلت : نتكلم بعدين ..
سمعت جولي تسألهم عن شغلهم الجديد ووضعهم بالبلد .. ودارت بينهم السوالف .. ودارت ببالي الذكريات .. كان لازم أستوعب ان سكن بناتي بالسعودية بيلزمهم يحتكون بقرايبهم حتى لو حسسوني بعكس هالشيء !
طالعت فيهم وهم يسولفون ويضحكون .. حسيت فيه أشياء سكنتهم وأشياء انتزعت منهم ! قريت هالشي بعيونهم وحسيته بنبراتهم .
قلت وانا أحاول أكون طبيعي : شرايكم نكمل سوالف بالصالة..
وقمنا وقعدنا بالصالة ..
دق جوال شعاع وشفتها تبتسم واهي ترد وتقول : هلا ماما ........ ايوة خلاص احنا بالبيت ......... الحمدلله كل شي تمام ........ قمرة كويسة الحمدلله ........ يوصل حبيبتي ........ مع السلامة .
قفلت شعاع الجوال وقالت : ماما تسلم عليكم ..
شروق : ياعمري الله يسلمها .
حسيت اني مو قادر أسكت وسألتهم : شفتوا عماتكم .. وعمكم ؟؟
شفت التردد بعيونهم وقلت أحثهم على الحكي : شفتوهم أنا عارف رغم انكم ماحكيتوني أي شي عنهم
شعاع : ايوة بابا شفناهم وماعلمناك لأننا عارفين هالشي بيضايقك ..
شروق : وموعارفين ليش يضايقك اننا نشوف أهلنا الي هم أخوك وخواتك !
شمس : وحتى لو مابغينا نقابلهم هم يدوروننا ويسألون عننا !
اتقدمت بقعدتي وقلت : الحين صاروا يدورونكم ويسألون عنكم ؟؟؟ وينهم عنكم السنين الي راحت كلها محد منهم سأل عنكم .. وينهم عنكم يوم تجون بالاجازات تزورون امكم .. ؟
شعاع : بابا انت الي كنت تمنعنا نزورهم أو نكلمهم ..
قلت : ايه منعتكم ، لكن هم مين مانعهم ؟؟ مين مانعهم يسألون عنكم جاوبوني ؟؟؟
شروق : محد مانعهم طبعا !
قلت : لأنهم حطوا عليكم إكس ! من أخذتكم وطلعنا من البلد صرتوا من المغضوبين عليهم !
شمس : طيب ليه رجعتنا عندهم يابابا ؟؟ كان خليتنا بأمريكا دام ذاك المجتمع مستحيل يتقبلنا ..
قمرة التفتت لشمس وقالت : مافي أحد مو متقبلنا ياشمس ! ( ورجعت تطالعني وتقول : بابا أنا ما أعرف اش الصورة الي ببالك عن السعودية وعن أهلنا هناك .. ولا أعرف شالي صار بينكم وخلاكم تتقاطعون .. لكن الي أعرفه انه من جينا وهم محتويننا ويحبوننا ويعاملوننا أحسن معاملة !
رديت : ياحبيبتي انتي صغيرة وماتدرين عن شي .. تشوفين الناس بعيون بريئة ماتفهمين خبث الناس ونواياها !
شروق : اتغيروا يابابا وماهم على خبرك .. والله يذكرونك بالخير دايم وكل ماشفناهم اسألو عنك
شمس : خلونا نكون واقعيين هم أكيد مراح يقولون شي قدامنا لكن الحقيقة ماندري عنها ..
رديت : أنا مابي أضايق صدوركم بسوالف مهي لكم ولا عليكم لكن أبيكم تعرفون مو كل من ضحك بوجيهكم معناه يحبكم ويبي لكم الخير !
قمرة : أجل خلني على عمااي ! ولاأنحرم من لمة الأهل والقرايب الي انحرمنا منها طول عمرنا!
آلمني كلامها وقلت : اذا انتي تحسبيني اني انا الي حارمكم غلطانة يا ماما .. اعرفي ان كل هالأهل الي تتكلمون عنهم رفضوا يمدون إيدينهم يساعدوني يوم طحت واحتجت أحد منهم يوقف معاي ! الكل صار همه نفسه واتبروا مني ما كأني أخوهم ولا يعرفوني !
بانت معالم الصدمة على وجوههم كأن هالشي كان آخر شي يتوقعونه !
كملت وانا أحس بلهيب بصدري : حتى أمكم ! ( وارتعش صوتي وأنا أكمل : دفنت نفسي بالشغل عشانها وعشانكم وكانت تسمي هالعيشة أنانية وسربته ! كنت أسافر من بلد لبلد .. أوقع صفقات هنا وهناك .. وكانت تسمي هالحياة بلاوي وضياع ! ويوم اعتزيت لها ولأهلي اتخلت عني .. هي وأخوي وخواتي .. وتبوني بعد كل هذا أوصلهم ؟؟
شعاع : بابا بس هم يقولون انهم دايم يدقون عليك ويحاولون يكلمونك !
قلت : بعد ايش ياشعاع ؟؟ بعد مااتغربت وعشت لحالي وقومت نفسي بنفسي لين قدرت أوقف من جديد .. بعدها يجون يسألون عني ؟ ذلا طمعانين فيكم ياماما وصدقيني انتم بالنسبة لهم جسر بس يمرون عليه عشان يوصلون للي وصلت له بدون ماحتاج واحد منهم .
شفت الحيرة بعيون بناتي ! شفت التردد والعجز عن الرد والتصديق .. !
فتحت الدرج الي بجمب الكنب وسحبت منه كرتون السجاير .. ولعت سيجارة وصرت أدخنها بصمت .. عم الصمت علينا فترة ضايقتني وانا ماكان ودي موضوع زي هذا يعكر جو بناتي .. قلت أبي أنهي الموضوع : عموما يابنات الموضوع هذا اتقفل من زمان ومضت عليه السنين .. وكونكم انتقلتوا لتعيشون بالسعودية هالشي يخلي غصب فيه علاقة بين أهلكم لكن علاقة محدودة ! مراح أسمح تتوطد هالعلاقة لو وش مايكون !
شمس : انا وحده مو فارق معاي أحد ، نوصلهم أو نقطعهم كله عادي بالنسبة لي ..
كان هذا رأي شمس بس .. لكن شعاع وقمرة وشروق ظلوا ساكتين بلا تعليق ..
شوي وجا الخادم بصينية الحلى .. واختبصوا البنات .. !
شعاع رفعت المخدة لوجهها وشروق حطت راسها ورى ظهر قمرة وشمس غطت وجهها بكفوفها والخادم وقف مكانه مصدوم مو فاهم شي من هالحركات .. !
جولي : Come on guys ! you are in your home
شعاع : NO Please let him go
التفت للخادم وقلت : معليه داني ارجع ..
رجع الخادم وأنا قلت : ههههههههه شوي شوي على أعماركم خلاص راح
شروق : مشكلة بنقعد متحجبين أجل طول الوقت .. ؟؟؟
جولي : This is what I mean .. Unreasonable!!
قلت : لا مراح تتحجبون طول الوقت .. بنعفي الخادم عن الشغل طول فترة وجودكم
جولي باعتراض : ........ But Danny
قلت بلهجة صارمة : I want to make my daughters feel happy
جولي شاحت بوجهها بشكل يوحي ان تصرفي ماعجبها ، دق جوالي بهالوقت وكان السواق يقول انه جاب الأغراض ..
قفلت منه وأنا أقول : جا عفشكم .. بيطلعونه لغرفكم فوق ..
شعاع : كويس بقوم آخذلي شاور
شروق : وين الشنطة الي كانت معانا بالطيارة ؟؟؟
شمس : وااااااااااااه نسيت أنزلها من الرف فوق !
شعاع : لا ياشيخة واحنا بعد مانتبهنا لها ..
قلت : فاقدين شنطة ؟؟؟؟
شعاع : لا بس كانت معانا شنطة بالطيارة فيها جاكيتاتنا خفنا يكون برد اذا وصلنا ..
قلت : يالله عاد الخطوط هذي اذا انفقد شي بصعوبة تحصلينها .. عسى مافيها شي مهم ؟؟؟
شعاع : لا ماظن .. بس جاكيتات مو ؟؟
شروق : ايه الظاهر بس الجاكيتات
شمس : خلاص برجعتنا ان شاء الله نسأل عنها ..
قلت : أوكي يلا قوموا ارتاحوا ..
قاموا البنات وأنا قلت : لحظة بنات خزنوا رقمي الثاني عندكم .. ( نقلتهم هو وقمرة قالت : والأول لغيته؟؟؟
رديت : لا بس حاليا خلونا على الجديد
مشوا وهم يقولون : Good night
وطلعوا لغرفهم ..
قلت لجولي : go to sleep if you like , I have some work
جولي : Okay Good night

رحت لغرفة المكتب وسكرت الباب .. قعدت على الكنب بصمت مايخترق جوه غير دخان سيجارتي ، على كثر مافرحت بشوفة بناتي على كثر ماضايقني التغير الي طرأ عليهم !
حسيت الدنيا بدت تاخذهم مني .. وتوديهم لآخر مكان أبيهم يوصون له ، مالهم إلا شهور وبدت تنتزع منهم أشياء وتسكنهم أشياء ، خفت من القادم .. المستقبل ..
بناتي ماعادوا الصغار الي أمشيهم بكيفي وبهوااي .. شفطت دخان سيجارتي بعمق وأنا أسترجع أيام مريرة عشت عمري بطوله عشان أنساها !
الشي الوحيد الي كسبته من كل الي مريت فيه هو قرب بناتي .. ومراح أسمح لأحد يغيرهم علي .. أبعدتهم عني غصب عني بس هالشي مايعني انهم يروحون لغيري ويتغير كل شي فيهم !
صورلي خيالي ان أمهم مخططة لأسلوب حياة تبي تمشيهم عليها .. تبي تهدم الي بنيته وتبي تبنيهم من جديد .. رسم لي بالي صور لحياتهم المستقبلية أكون فيها منحّى تماما من حياتهم ، يكفي بُعدي عنهم اللي بيخلي أمور كثير تسيطر عليهم بدون علمي ورغبتي !
كان مجرد التفكير بهالطريقة يكويني فكيف لو تحققت هالأمور ..
قررت بداخلي قرارات ، وعزمت على تحقيقها .. !
وماكنت أدري بهاللحظة عن الإنسانة الي شكثر خلّفت قراراتي فيها من مفاجآت .. ماخطرت على قلب أحد !!

::

"شعاع "
كنت قاعدة أنشف شعري من بعد الشاور .. الا انفتح الباب ودخلت قمرة ، اتمددت على السرير وهي تقول : مافيني نوووم
قلت : أخذتي أدويتك ؟؟
قمرة : لا الحين باخذها
قلت : قومي خذيها وارجعي ..
قمرة: طيب الحين ..
دخلت شروق وهي تقول : تعبانة بس مو قادرة أنام ..
قمرة : حتى أنااااا
قلت : قمرة خذي أدويتك ومن حظك هي بتنعسك وتنامين ..
شروق وهي تقعد على السرير : وين شمس ؟؟؟
قمرة : دخلت غرفتها موو ؟
شروق : لاتوني رحت غرفتها مالقيتها
اتعدلت قمرة بقعدتها وقالت : رفعت ضغطي شمس بكلامها تحت شالي مايفرق معاها نوصل أهلنا ولا نقطعهم قهرتني والله ..
فاجأتنا شمس بدخولها ومعها كوب عصير .. شكلها كانت بالمطبخ .. وقالت : ايه مايفرق معاي عندك شي؟؟؟
قمرة : ايه عندي أشياء مو شي .. كذا انتي تحسسين بابا انه عادي يمنعنا عنهم ويبعدنا
شمس : ايه صح ، عادي !
قمرة عصبت وهي أقول : عادي عندك انتي بس احنا لا مو عادي !
شمس : وانا اتكلمت عن نفسي ماتكلمت عنكم !!
قمرة : لا وكلامك يوم تقولين ليه رجعتنا من أمريكا ؟؟؟ الحين لو اتأثر بكلامك جد ورجعنا من جديد ؟؟؟
شمس : خير مايسوي ..
قمرة بانفعال : أنانية ماتحبين غير نفسك !
قلت بصرامة وأنا أنقل بصري بينهم : شرايكم تتماعطون بشعوركم ؟؟ مايكفي الكلام صفقوا بعض أمانة !
شمس : شسوي فيها هذي ماخذة مقلب بالناس ، ترا رحتي أو جيتي محد درا عن هوا دارك !
قمرة : لو سمحتي تفكيرك هذا احتفضي فيه لنفسك ولا تتكلمين فيه قدام بابا ، لأنه بابا باين عليه يستنى الزلة بس عشان يقطعنا عنهم ..
شروق : واحنا بكفيه يودينا يجيبنا ويقربنا ويبعدنا .. خليه يتكلم واحنا بنطبطب له الأرض وبنسوي الي نشوفه صح ..
قلت: انا أحس بابا خايف من شي .. خايف نعرف شي أو يصير شي اذا احتكينا بعماتي أكثر !
شمس بسخرية : يمكن خايف وحده منكم تاخذ واحد من المزايين الي عندهم ، ويطيح الفاس بالراس .
قلت : شمس ممكن نتكلم عنهم بشوية أدب !
شمس وقفت واهي تقول : وليش أتكلم عنهم أصلا ؟؟ ترا محد هامني بالسعودية غير أمي بعد عمري والباقين ماعليهم حسوف ، تصبحون على خير .
طلعت شمس وقمرة كشرت بوجهها وهمست : غبية ..
قلت بضيق : قموووووور .. خير انتي شصاير فيك بعد ؟
قمرة بحمق : قاهرني وطريقة تفكيرها !
قلت : عاد شمس من جينا ماتأقلمت بالسعودية ، احنا انسجمنا مع الوضع شوي بس هي لا
قمرة : تعطي نفسها فرصة طيب مو تتكلم بطريقة تحسس بابا اننا مو متقبلين عيشتنا هناك !
شروق : لاتنسين حبيبتي انتي الي فتحتي هالموضوع يوم قلتي بكل برائة : بابا دكتوري يقرب لنا !
قمرة : وانا شدراني انه بيتضااايق اذا عرف !
قلت : بابا كان بيسألنا عنهم وبينفتح هالموضوع اليوم ولا بعدين .. وهالكلام كنا بنسمعه عاجلا أو آجلا بس كويس انها جت على كذا
شروق واهي توقف : أحس انها مراح توقف على كذا !
قمرة بضيق : لييييييش وش حايسوي بعد ؟؟
شروق : قمرة انتي شالي مضايقك بالضبط ؟؟
قمرة : كلامه وفكرته عنهم ! وخايفة يجي يوم يقول لنا ارجعوا عندي ونبعد عن ماما من جديد
رديت : لا حبيبتي اذا هذا الي مضايقك اتطمني ..
شروق : بابا ماودانا السعودية الا وهو متأكد من قراره ولأنه استوعب ان بلدنا هي أفضل لنا لو اش ماكان ..
وقفت قمرة وهي تٌقول : والله خايفة كل شي يتغير .. رايحة أنام ..
قلت : خذي أدويتك ..
طلعت قمرة وسكرت الباب .. التفت لشروق وقلت : لاحظتي شي على قمرة ؟؟؟
شروق : ايه منفعلة بزيادة !
قلت : لا مو هذا قصدي .. ما لاحظتي شي بوجهها ؟؟ وهي تحرك عيونها مانتبهتي لشي غريب ؟
شروق : لا ماركزت ، ليه وش لاحظتي انتي .. ؟
قلت : مدري .. يمكن يتهيألي
شروق : اسم الله عليها لو فيها شي كان اتكلمت ..
رديت : ان شاء الله مايكون فيها شي ..
شروق : ان شاء الله .. يلا خلينا ننام أبي نطلع بكرا من بدري ..
وطلعت شروق وأنا قمت أحوس بأغراضي .. بعد شوي نعست وأخذت جوالي واتمددت على السرير ، قعدت اقلب فيه شوي الا نادتني ساره : الحمدلله على السلامة شعاااع ..
رديت : الله يسلمك حبيبتي
ساره : شلون رحلتكم ؟
رديت : كويسة الحمدلله ، انتي أخبارك؟
ساره : تمام ، وخالي كيفه ان شاء الله طيب ؟؟
رديت : الحمدلله بخير ..
ساره : سلطان يقول اذا مافي مانع يبي رقمه ..
سكت .. مارديت .. ماعرفت وش أرد ..
أقول فيه ألف مانع ، مو بس مانع ؟؟ ولا أعطيها رقمه وأطلع من الموضوع ؟؟ ولو دق على أبوي وش بيقول ؟ يقول أخذ الرقم مني ؟؟ وبيعرف بابا مدى تواصلنا ببعض وياعالم وش بتكون ردة فعله !
طولت بالرد وبالآخر كتبت : ساره بكون صريحة معاك ..
ساره : خير شعاع؟؟
رديت : بابا شكله مايبي يتواصل مع أحد من أهله ولو أعطيتك الرقم ودق أخوك عليه بتصير لي مشكلة مع بابا ..
جاني رد ساره بعد شوي : أهااا
قلت : سامحيني حبيبتي واعتذريلي من سلطان ..
ساره : عادي حبيبتي ..
قلت : توصين شي من هنا ؟؟
ساره : انبسسسسسسطوا هذا أهم شي
رديت : ان شاء الله ياقمر .
تركت جوالي على الكوميدينا ، ودفنت وجهي وسط المخدة ..
سلطان يبي يكلم بابا ؟؟
ليه طيب ؟؟
يبي يسلم عليه مثلا..؟؟
طيب ليش هالشي صعب حدوثه ؟؟
ليه يقارب المستحيل ؟؟
وهل بنستمر على هالحال طول عمرنا ؟؟؟
أسئلة معلقة تتبعها علامات استفهام ؟؟
لكن ..
ماقصرت دنياي وجاوبتني الأيام .

::

"نادر"
على طاولة الطعام الي تتوسط صالة بيتنا كنت قاعد أنا وأبوي نفطر ..
أبوي : ايه نادر قبل ما أنسى .. تعرف توماس الفرنسي ؟؟
رديت : توماس الي ساكن جديد هنا ؟؟
أبوي : بالضبط ، وده تتقابل مع ولده اليومين هذي .. يقول عنده بحث يتعلق بالأجهزة الخاصة بالمستشفيات ويبي يتناقش معاك ببعض المعلومات ..
قلت : أوك خليه يكلمني وان شاء الله أقابله
أبوي : تمام ، ( و وقف وهو يقول : يلا أنا ماشي توصي شي ؟
قلت ببرود : متى رحلتك لواشنطن؟؟
أبوي : بعد ساعتين .. بمر الشركة أوقع أوراق وأكمل على المطار
رديت : بالسلامة ان شاء الله .. ( وقمت سلمت عليه .. ومشى ومشت "ليندا" مرت أبوي معاه
طلعت لغرفتي أبي آخذ أهم أوراق ممكن تغير مجرى حياتي الجاية بشكل غير متوقع !
أوراق طلبها أبو لجين .. لأنه زي ماوعدني يحاول يساعدني بموضوع دخولي السعودية .. !
نزلت الدرج ولقيت ليندا بالصالة ..
ليندا : رايح للجامعة ولا للمستشفى ؟
رديت : والله هنا وهنا .. بس شغل المستشفى صار يروق لي أكثر ..
ليندا : حبيته للشغل أكثر من التدريس ؟
رميت جاكيتي ورى كتفي وأنا أقول : شكله كذا .. يلا وانتي وش مخططاتك بسفر ابوي؟
ليندا : ولا شي ، انا باستناه يرجع لحتى أسافر انا
رديت : أووه ! لوين ان شاء الله ؟
ليندا : بدي شوف أهلي بلبنان ، مايقدروا يجوا وانا اشتقت لهم كتير
قلت : أها حلو ، باقي انا أجل الي ماسافرت ..
ليندا : يلا بس أرجع أنا سافر انت ههههههه
رديت : ممكن ترا .. كل شي ممكن يصير ..
ليندا : لوين بدك تروح ؟
مشيت وانا أقول : لآخر مكان ممكن تتوقعينه ليندا ، سي يو

وطلعت قبل ماتسألني أي أسئلة تحاصرني فيها ..
ركبت سيارتي مع اني كنت حاب أمشي بس مر الوقت بسرعه ومايصير أتأخر ،
وأول ماوصلت دق جوالي .. أخذته ورديت وانا أنزل بدون ما أنتبه للرقم
جاني صوت أنثوي يقول بنعومه : مرحبا ..
اتوسعت عيوني واتسارعت نبضاتي بطريقة عجيبه !
جاني الصوت مره ثانية : ألو مرحبا !
حطيت الجوال قدام عيوني ولازال تأثير الصدمة يحتويني .. لكن الرقم كان محلي .. ! يعني مستحيل تكون هي اللي ببآلي !
بس الصوت يشبه .......... ؟
رجعت الجوال لاذني وقلت : أهلين
: كيفك أستاذ نادر معاك لجين
اتنهدت بخفة وقلت بيأس : أهلا لجين
لجين : بس حبيت أسألك عن الأوراق الي طلبها أبوي منك
سؤالها كان مهم بالنسبة لي بشكل خلاني أتناسى الشعور الي انتابني وأقول : ايوة بمر الجامعة أسلمك هي ان شاء الله الظهر يناسبك؟
لجين : انا أخلص 12 تقدر تعطيني هم قبل ؟
رديت : أوك بمر قبل 12 ..
لجين : أوك شكرا أستاذ نادر
رديت : عفوا لجين .
قفلت ومشيت وانا لازال تأثير الموقف مأثر فيني .. شي بنبرتها حسسني انه صوت شمس !
ومزيج من شعور الفرح والخوف والألم انتابني للحظة !
أنا
.. أنا السبب .. في كل الي فيه أنا ..
وأنا
الي زرعت بدروبي العنا
ويآ كيف بحس بمعنى الهنا
وطيفهآ .......
بكل الأماكن هنا .

*+++++*

مر يومين واحنا زعلانين .. وكل واحد مننا ينتظر الثاني يبدا !
وباليوم الثالث فقدت صبري وأرسلت لها : شمس أنا تعبان ومافي أحد بالبيت يساعدني تعالي بسرعة ..
وكان الي كنت أتوقعه .. !
مامرت دقايق الا وأسمع صوتها بالدرج تسأل الخدامة عني ..
ولحظآت واندق باب غرفتي ..
فتحت الباب ودخلت والقلق بعيونها وتقول بخوف : شفيك ؟
ابتسمت لها بكل حب وأنا منهوس على ملامحها الخايفة والبرائة الي بعيونها ..
شمس طالعتني بشك وقالت : .. تكذب ؟؟
رديت : حبيبتي خفتي علي؟
شمس : يعني مافيك شي ... ؟
رديت : ودك يكون فيني شي؟؟
شمس بحمق : مالك حق تسوي فيني كذا وتطلعني بهالوقت من البيت وانت كذاب ولا فيك شي !
رديت : ما أكذب ياشمس .. والله تعباان ( وأشرت على صدري وأنا أقول : قلبي تعبان ماتحمل بُعدك !
شمس بسخرية : سلامة قلبك حبيبي .. (( وفتحت الباب تبي تطلع ..
مسكتها من ذراعها وسحبتها لعندي ، رفعت راسها ونظرتي تخترق عيونها وقلت بهمس : كم مره تبيني أٌقول آسف ؟
طالعتني شمس بصمت ..
قلت : جاوبي ؟
شمس بصوت متهدج بالدموع : ماتدري انت شقاعد تسوي فيني .. !
جا دوري أطالعها بصمت ..
شمس والدموع بعيونها : لاتزعلني مره ثانية نادر ..
قلت بحنية : حبيبتي أنا آسف .. مراح أزعلك مره ثانية حياتي !
شمس سالت دمعتها وهي تقول : نادر .. لو تدري بـُـعدك وش يسوي فيني ، بيضيع عمرك من كثر ماتقول آسف !
*+++++*

وافتـ ـ ــرقـ ـ ـنـآ

::

" شمس"
لفيت طرحتي ولبست نظارتي وطلعت من البيت .. كنت أول وحده صاحية ولا انتظرت خواتي .. طلعت أمشي بهالوقت من الصباح والجو كانت نسماته هادية ورايقة .. وأجمل شي انه بيت بابا على بحر بيروت
مشيت لين وصلت قريب من الشاطئ وقمت أتمشى وأراقب الناس الي تمشي والي تهرول واللي سرحانة تفكر .. أو أم تمشي وتدف ولدها بعربية بكل فرح .. أو ولد يمشي ويدف أمه بعربية بكل ترح !
شوي ودق جوالي .. طالعت لقيتها شروق ..
رديت : هلا
شروق : صباح الخير وينك؟
رديت : صباح النور ، طلعت ..
شروق : ماشاء الله ليه ماصحيتينا ؟؟ أنا من أمس اقول نبي نصحى بدري ونطلع..
رديت : صحيتوا كلكم ؟
شروق : ايوة .. ليه ماستنيتي نطلع سوى ..؟
قلت : والله مادري عنكم اذا حابين الطلعة معاي ولا لاء ..
شروق : اكس يوزمي ؟
قلت : محد فيكم طايقني ..
شروق : شمس ..
رديت : همممم ؟
شروق : ممكن تاكلين زفت ؟
كتمت ضحكتي وقلت : مو مشتهية ..
شروق : تكفين تكفين شمس دوري أي زفت بالشارع وكليه أمانة !
رديت : هههههههههههههههه انقلعي
شروق : ههههههه هبلة .. إرجعي يلا بس خلينا نطلع نفطر
قلت : وين بابا ؟
شروق : طلع واحنا نايمين
درت ورجعت ناحية البيت وأنا أقول : اوكي يلا اطلعوا دقايق وأوصل ..
وبعد دقايق كنت عند البيت وخواتي توهم طالعين ، انتبهت لقمرة الي لابسة نظارتي الشمسية الجديدة !! الحين أنا لابسة القديمة واهي بكل ثقة تحوس بأغراضي وتفتح الجديد وتلبسها ؟؟ شسوي فيها هذي !
سكت لأن ماكان ودي أبادر بالحكي .. بس ودي أسحب النظارة من عيونها !
شعاع : صباح الخير
رديت : هلا صباح النور
شعاع : كيف الجو ؟؟
رديت : يجنن والله ..
شروق: اوكي يلا اركبوا قبل ماتزيد الشمس ..
ركبنا السيارة .. شروق الي تسوق وشعاع جمبها ، وأنا وقمرة ورى ..
شروق عندها رخصة دولية وكانت اهي الي تسوق بكل سفراتنا لمختلف الدول ..
مشت واهي تقول : يااااااي من زمان عى السواااااقة
شعاع : اي والله ..
قمرة : اشبكي جوالي بالشاحن شروق ..
شروق : الشاحن ورى ..
كان الشاحن طايح عند رجولي وسويت نفسي مو شايفته ، قمرة انحنت لعندي ومدت ايدها بطولها تبي تاخذه بصعوبة .. وشعاع حست فيها وقالت : شتسوووين ؟؟
قمرة وهي ترفع نفسها : آخذ الشاحن ..
طالعتني شعاع بصمت .. وانا لفيت وجهي على الشباك اني مو فاهمة ولا دارية عن شي !!
شعاع رجعت لوضعيتها وقالت : يلا شروق ادعسي ..
شروق فتحت الشبابيك وهي تقول : اربطوا الأحزمة ..
ربطنا أحزمتنا وشروق علت الراديو على أعلى شي ..
وأسرعت وهي تقول : We are freeeeeeee
شعاع : ههههههههههههه بشووويش لاتطيرين ..
قمرة : شروووق يامجنونة شوووووي شوي ..
شروق : شوفوا بس وين المحل الي تبون تفطرون فيه ترا على حسب وصف جولي شكله قريب
قلت : مو قادرين نميز المحلات وانتي طاااايرة
قمرة قربت راسها لقدام وقالت : ماشية 170 يامجنوووونة هددددي
شروق : يالييييل نسيت ان في عجوز معانا ..
شعاع : نسيتوا كيف كنا نطلع من نفس المكان قبلها ، ونوصل البيت نلقاها واصلة قبلنا !
قلت : هههههههههه رهيبة شروق
قمرة : مادري شلون البوليس يفوتها مايصيدها ..
شروق كانت تغني مع المسجل وعايشة حياتها مو على بالها أحد ..
شعاع : بنات في مناديل ورى ؟
كان المناديل بالنص بيني وبين قمرة ، وانا وهي مسكناه بنفس الوقت بنعطيه شعاع ، وفلتناه بنفس الوقت على أساس كل وحده بتترك الثانية تاخذه ، طالعنا بالمناديل الي قعد مكانه ويوم جيت آخذه خطفته قمره بسرعه واعطته شعاع .. كل هذا وماتكلمنا .
انتبهنا للشارع الي قالت لنا عليه جولي وهدّت شروق من سرعتها ودخلت الشارع .. وبعد شوي اتبين لنا المطعم ..
وقفت السيارة بالباركنق .. وفتحت شروق الباب وفورا قالت : يوه قمرة انزلي من عند شمس في بجهتك موية ..
نزلت أنا وصكيت باب السيارة ورااي .. شوي نزلت قمرة وهي تبرطم بعصبية ..
شحت وجهي للجهة الثانية مابيها تشوفني وأنا كاتمة الضحكة .. وسمعتها وهي تهمس لشعاع بعصبية اني صكيت الباب بوجهها وهي نازلة .. ههههههههه تستاهلين قمور ليه لابسة نظارتي .
دخلنا للمطعم وقعدنا على طاولة اطلالتها جميلة .. وجابولنا المنيو وطبعا فكينا نظاراتنا ..
قمرة حطت النظارة على طرف الطاولة أحسها شوي وبتطيييييح ..
اتنهدت بحمق من إهمالها ، وشعاع انتبهت لتنهيدتي وحطت المنيو على الطاولة بقوة وقالت : يعني وبعدين ؟؟؟؟
طالعناها باستغراب وشعاع وقالت : لاتطالعوني كنكم مو فاهمين انتي وهي .. شسالفتك ياشمس انتي وقمرة !
قمرة : انا ماعندي سالفة اهي الي قالبة خلقتها بوجهي من الصبح ..
قلت : تستاهلييييين ..
قمرة : ليه أستاهل ان شاء الله ؟؟ اذا على كلام البارح تراك انتي الغلطانة ..
اتكيت بكوعي على الطاولة وسندت دقني بخلف كفي وقلت ببرود : لا ياحلوة .. مو عشان كلام البارح .. أصلا شصار البارح؟؟؟
قمرة قلدت نفس حركتي وقعدتي وقالت بنفس نبرتي : ها ياحلوة أجل عشان ايش ؟؟
انفعلت فجأة وانا أقول : ليش لابسة نظارتي الجديدة بدون ماتستأذنين ؟؟؟؟
طالعت قمرة بالنظارة .. وبعدها طالعت فيني .. و : ههههههههههههههههههههههههههههههههههه أجل هذا الي حارك من الصبح !
قلت : لا ياشيخة .. ؟ أنا للحين ألبس هذي القديمة وانتي ماشاء الله تفتحينها من علبتها وتلبسينها بدون اذن ولا شي !
قمرة : ههههههههههههههه أول شي نسيت نظارتي بالسعودية .. ثاني شي بالعاني أبي أحارشك عشان تكلميني
شروق وعيونها بالمنيو : محتالة اختي وانا مدري ..
قلت : طيب لو سمحتي دخلي نظارتي لجوا لا تطير !
قمرة : لا تطير ؟
انقهرت من غلطتي وقلت : قصدي لا تطيح ..
قمرة : هههههههههههههههه هذي من خوفها على نظارتها قامت تتخيلها بجنحان تطير قدامها ههههههههههههههههه
ماقدرت أكتم ضحكي أكثر وضحكت : هههههههههههههههههههههههههههه انطمي ودخلي النظارة أقول ..
شعاع : خلاص يلا اهجدوا واطلبوا ..
طلبنا أطباق منوعة واتشاركنا فيها سوى .. وخلصنا وقمنا نتصور صور حلوة ومضحكة لين انتبهنا للوقت الي مر واحنا ماحسينا ..
حاسبنا وطلعنا ورجعنا للسيارة وبابا دق على شعاع ، كلمته وسكرت منه وقالت : بابا يقول خذوا راحتكم هو بيتأخر اليوم ..
شروق واهي تطلـّع السيارة من الباركنق : مادري متى بيريح نفسه من الشغل
قمرة : هو مو جاي اجازة يريح فيها بلبنان ؟
شعاع : أبوك مايعترف بالإجازة ، جاي عنده مؤتمر ويغير جو بنفس الوقت ..
سكتنا شوي بعدها قلت : بنات باسألكم شي ..
شعاع : وشو ؟
قلت : ودي أسأل بابا عن نادر ..
شروق : عادي اسأليه
شعاع : بس وش تستفيدين يا شمس ماظن بابا يدري عن أخباره !
قمرة : وليه تبين تعرفين أخباره شموووس ، فكيك منه وارتاحي ..
قلت بصوت خافت : عجزت أفك نفسي منه .. مو راضي يطلع من جواي ..
شعاع : شموس حياتي انا ودي تغيرين جو هنا وتنبسطين .. مابي تعلقين نفسك بأمل وهمي لا مع بابا ولا غيره ..
رديت : آه وش حيلتي والقلب مغروم ( وغنيت : عذبتني باسباااب فرقاك ظالم وانا بالحب مظلوم قلبي جبرني أمشي وياك وش حيلتي والقلب مغروم .
قمرة : أيييوه ! الفايدة الوحيدة الي طلعنا فيها من نادر ان صار عندك حس شاعري انا ما أدري من وين طلع لك ..
شروق : هههههههههههههههههههه قمور خاطري أشوفك وانتي تحبين أحسك بتجيبين ابو العيييييد
قمرة : هههههههههه ابو العيد وامه واخوانه وكل العيلة ..
ضحكنا عليها وبعدها جا دورها اهي تغني بس أغاني قمور مايمديكم عليها مو حافظتها وتكمل من تأليفها .
وصلنا المول .. ونزلنا ومشينا ناحيته ..
شعاع : بنات خلونا سوى لو كل وحده راحت مكان بنحوس لين نلقى بعض ..
ودخلنا المول ومشينا ويا بعض .. كنا ندخل المحلات الي مافي مثلها بالسعودية وأي شي يعجبنا ناخذه ، ماخلينا بخاطرنا شي لا شنط ولا لبس ولا جزم وانتوا بكرامة ولا شي .
مرت كم ساعة واحنا ندور لين تعبنا وقررنا نطلع للمطاعم ..
طلعنا بالسلم الكهربائي ..
كانت شعاع أول وحده وجمبها شروق وبعدهم قمرة بعدين أنا ..
شفت قمرة تسكر عيونها بقوووة .. طالعتها مستغربة وقلت : قمرة شفيك ؟؟؟
التفتت شعاع لنا وقالت : شفيه ؟؟
قمره وهي تفتح عيونها بخفة : مافي شي .. بس حسيت كن شي دخل بعيني
وصلنا للدور الثاني وكانت في كراسي مقابلتنا .. مشينا وشعاع تقول : امشوا نقعد شوي .. شفيها عيونك ياقمرة ؟
قمرة : مو لازم نقعد خلاص بس حسيت شي دخل بعيني ( وفركت عيونها بقوة وهي تقول : خلاص الحين مافي شي !
شروق : طيب وريني عيونك
قمرة وسعت عيونها وهي تقول : هااا شوفي مافي شي ..
شروق وسعت عيون قمرة باصابعها تتأملهم وقمرة قالت : شروق عن العيارة لاتعيشين دورانك فاهمة ترا حتى لو كان فيني شي مراح تعرفين ..
شروق : طالعوا هذي !! ( ودفت كتفها وهي تقول : الشرها على الي يخاف عليك ..
قمره : هههههههههههههههههه ( وحضنتها وباستها وهي تقول : ههههههههههه انتي خلك بالسواقة والتفحيط حبيبتي ..
شروق : مالت عليك بس ..
ضحكنا عليهم ورحنا للمطاعم .. اتوزعنا عند كم مطعم وانا وقمرة مشينا لمطعم صيني نبي نطلب منه
التفت لقمرة وشفتها كل شوي تفرك عينها .. قلت : قمرة تعبانة فيك شي ؟
قمرة : لالا ليش؟
رديت : شكلك تعبانة وكل شوي تفركين عيونك ..
قمره : مدري مضايقتني بس عادي مافي شي ..
قلت : يابنت اذا فيه شي قوليلي ترا بالدرج ماحسيت شي دخل بعيونك .. كنتي قدامي طول الوقت !
قمرة : عجيب ! ممكن شي صغير بالهوا ماشفتيه .. بعدين وش بيكون فيني خلاص بالله فكوني من هالقلق ..
ومشت للمطعم وانا وراها أطالعها بقلق .. بس ماحبيت أضغط عليها ولو فيها شي أكيد بتقول
أخذنا طلباتنا وقعدنا ناكل ..
وبعد ماخلصنا درنا شوي ودق بابا يقول انه راجع البيت فقررنا نرجع .
كملنا باقي اليوم مع بابا وجولي كانت برا ورجعت على وقت العشا ..
اتعشينا سوى ..
وبعد ماخلصنا دق جوالي لقيت لجين المتصلة ..
انسحبت وهم يسولفون وطلعت الدرج وانا أرد : هلا جوجو ..
لجين : أهلييييييين ياحلوة كيفك
رديت : أنا تمام الحمدلله انتي أخبارك ؟؟؟
لجين : الحمدلله ، بلبنان انتوا الحين مو ؟؟
رديت : ايوة أمس جينا ..
لجين : كيف حال خالي وخواتك وكل شي ؟
رديت : كل شي تمام الحمدلله .. وينك حولك ازعاج؟
لجين : ايه انا بكفتريا الجامعة الحين بس كنت باسألك عن شغلة ..
تسرب التوتر لأطرافي بدون سبب محدد .. وقلت : آمري ؟
لجين : بابا يبي يتكلم مع مسؤول التوظيف عندكم بالمستشفى .. يبي يعرف بعض المعلومات عن مستشفيات السعودية عندك وبمستشفى أخوي ويعني الي يقدر يوصل له .. في أحد معين يكلمه ؟؟
قلت : ايوة أكيد في أحد معين بس تعرفين أنا الحين بلبنان .. ممكن أكلم لك زميلتي وأسألها عن المسؤول بالضبط ..
لجين : اوكي تمام حاولي هاليومين تكفين ..
رديت : ان شاء الله .. بس ليه شيبي أبوك بهالمعلومات وهو هناك ؟ يعني ليه مايصبر لين يرجع ..
لجين : مادري شكله أحد موصيه يسأل له ..
قلت : أها .. خلاص انا أول ما أعرف بكلمك ان شاء الله ..
لجين : شكرا حبيبتي .. سلميلي على البنات وحده وحده ..
رديت : يوصل ياقمر
وقفلت .

شفتوا لما أحد يربط عيونك ويطلب منك ترسم رسمة ..
وتفتح عيونك لتتفاجأ بالرسمة
يا تضحكك .. ياتفاجئك .. أو تفجعك ؟
كان هذا حالي
كنت قاعدة أرسم الأيام الجاية بإيديني ..وانا مغمضة عينيني !
ماكنت أدري شالي قاعدة أسويه واش هي معالم الرسمة
تسكنها دمعة .. ولا بسمة ؟
بس شي بخاطري كان دايم يقول .......
يـــــآ ليتني مآ أرسلتك أمريكـا .. لجين .

::

[المحظوظة]

::

"لجين"
في كفتريا الجامعة كان بابا قاعد مع الأستاذ نادر ..
كانوا يتبادلون بعض الأوراق ويتناقشون بشكل جدي خلاني أظل بعيدة على الطاولة الثنية ..
ولأن أبوي واضح انه يبيني بعيدة .. لمست منه هالشي لما طلب مني أكون حذرة بكلامي مع شمس .. يمكن لأن مشكلة نادر مشكلة سياسية ومايبي بابا يدخلني بهالسوالف ..
قفلت من شمس وقعدت أحوس بجوالي وشوي سمعت بابا يناديني
قمت ومشيت لعندهم وأنا أقول : مرحبا ..
أستاذ نادر : أهلا لجين
بابا : شصار معاك ؟
رديت : كلمتها تقول هي بلبنان الحين بس بتكلم صاحبتها تشوف الموضوع وترد لي
بابا : تمام .. ( ورجع يكلم نادر : يعني لما يجيك طلب من مكان التوظيف بالسعودية انه نبي هذا الشخص يجي ويشتغل عندنا بيكون موضوع دخولك أسهل من لو كنت بتدخل من نفسك لنفسك .
نادر : وهل لازم أرسل لهم شهاداتي وأوراقي بالأول ؟؟
أبوي : مو هذا الي أبي أتأكد منه .. ولدي زي ماقلت لك دكتور بالمستشفى وبنت خال لجين بعد تشتغل بمستشفى وبتوصلنا للمسؤول نتكلم معاه ونفهم منه الاجراءات اللازمة للتوظيف .. يعني تقدر تقول وجود ناس نعرفهم بنفس المستشفيات بيساعدنا أكثر .
نادر : فهمت .. يعطيك العافية يابو هيثم والله مادري شلون باشكرك ..
ابوي : مو الحين تشكرني .. لاصرت تحت الكعبة ان شاء الله اشكرني

::
"قمرة"
مر كم يوم واحنا ببيروت ..
كنا يوميا نطلع ونتمشى وبابا يحاول يطلع معانا على فضاوته ..
اليوم بنروح رحلة بالبوت مع بابا وآنتي جولي ..
أخذت لي شاور أبي أصحصح .. حاسة بتعب من الصباح وغباش مغطي على عيوني ..
قعدت أنشف شعري بالمنشفة وقطرات الموية بللت وجهي
مسحت وجهي بالمنشفة ويوم بعدتها صدمني منظر الدم الي لطّخ المنشفة !!
قمت بسرعة للمرايا وشفت خيط دم نازل من خشمي .. خبطت الارض برجلي بضيق ومشيت بسرعة للباب وانا صاكة على خشمس أبي أوقف الدم ..
قفلت الباب قبل مايدخل أحد الغرفة .. وقمت أنفذ الحركات الي علمني عليها هيثم والي تساعد على إيقاف الدم ..
اندق بابا الغرفة وصوت شعاع تنادي : قمووور بابا يقول يلا .. جاهزة ؟؟
رفعت راسي أكثر وضغطت على خشمي بقوة وأنا أدعي ربي يعيني وأرتاح من اللي أنا فيه .. الكل صاحي من بدري ومستعد لطلعة البحر .. مابي أقلقهم وأهم بدون شي قلقانين خلقة ..
شعاع : قموور وينك ؟؟
أبعدت ايدي وأنا أطالع بالمرايا وانتظرت ثواني ومارجع الدم .. ورميت المنشفة تحت السرير لحد يشوفها ورديت وانا بمكاني : يلا ألبس وانزل ..
شعاع : قمرة انتي كويسة ؟؟
لا ياشعاع .. أنا مو كويسة تكفين لا تسأليني .. ورديت : كويسة روحي مشطي كشتك بس ..
شعاع : ههههههههههههه توني متروشة شدراك عن كشتي
رديت : شايفتها من ورى الباب هههههههههههههههههههههه
شعاع : ههههههههههه يلا اخلصي علينا

وبعد ساعة
كنا بالبوت نمشي وسط البحر
كلنا كنا قاعدين على سطح البوت نطالع أمواج البحر المتلاطمة .. قربنا أنا وشمس من آخر القارب وقعدنا على الطرف نلعب بالموج ويطرطش علينا ..
شعاع : ترا بتطيحووووووون يابناااات
شمس : عادي اصلا خاطري أطب وأسبح ..
بابا كان رايق بقعدته بشورت السباحة وتيشرت كت ونظارته .. وطبعا سيجارته اللي ماتفارق أصابعه ..
قال وهو يطالع البحر : تبون تسبحون ؟؟
ردينا كلنا : ايووووة ..
بابا : أوك نروح منطقة مناسبة وطبوا ..
وفعلا وقفنا عند منطقة صالحة للسباحة ، كنا لابسين مايوهاتنا تحت الملابس .. والسواق كان بالخلف واحنا سبحنا بجهة الأمام ، ماكان في أحد حولنا ..
شروق بثواني رمت ملابسها ووقفت على طرف البوت ونطت وسط البحر ..
ركضت لحافة البوت وأنا أضحك عليها ولحظات وطلعت من بين الأمواج وهي تصرخ بمرح وتقول : تعااااالوا يلا مرة تجنن الموووية
شمس : هههههههههه جاااية.. ( ونطت شمس وراها ..
جا بابا يطالعهم ويضحك عليهم ويقول : خلكم قريب لا تبعدوون ..
شمس من بين الأمواج : ياهووووووووو .. بابا انزل ..
بابا : أفا عليك نازل ..
ونزل بابا ونزلت جولي ، وبقيت أنا وشعاع ..
شعاع وهي تطالعهم من البوت : هههههههههههه بابا تذكر يوم كنت تشيلنا على ظهرك وتغوص فينا ؟؟؟
بابا مسك شمس بحركة مباغتة وحطها ورى ظهره وهو يقول : زي كذا ؟؟؟؟
شمس صرخت وبابا مسك ذراعينها وغااااص فيها
ضحكنا عليهم وظلوا لحظاات تحت المووية وبعدها طلعوا وشمس تصرخ وتضحك بطريقة مضحكة ..
بابا يكلمنا : يلا انتوا وش تنتظرون ؟؟
شعاع : يلا نازلين ..
والتفتت علي وقبل ماتنطق أنا قلت : ولا كلمة أدري وش بتقولين .. أنا طيبة ومافيني شي وباسبح .. يلا امشي ننط سوا ..
ابتسمت لي شعاع وهي تهز راسها بيأس مني .. ورمينا ملابسنا و وقفنا على سور البوت وعدينا لثلاثة وطبينا ..
بابا مسكني وسوا فيني نفس حركة شمس .. بس انا غير شمس قمت كل شوي أقول مره ثانية ، مره ثانية ..
بابا : هههههههههههههه هذي انتي ماكبرتي ، من صغرك كل مالعبتك قلتي مره ثانية ..
ضحكت وأنا أقول : هههههههههه طيب آخر مره
بابا سبح ناحيتي وغافلني وغافل شعاع لما مسك شعاع فجأة وغاص فيها وهي تصرخ واحنا نضحك
بابا ماهر بالسباحة وغواص ماهر .. واذا غاص فينا يدخلنا لأعمق منطقة ممكنة بالبحر ونشوف أشياء مانقدر احنا نوصل لها مهما غصنا .. واول مانحس بانحباس النفس نشد ذراعه ويطلعنا للسطح ..
قضينا وقت ممتع مع بابا بالبحر .. وبعدين طلعنا للبوت اتمددنا تحت الشمس نسوي تان ..
دق جوال شمس وردت واهي متمدده : مرحبا .. أهليين لبوون .. كانوا يحكون بموضوع قسم التوظيف وهالأمور الي ماركزت فيها .. وبعد ماسكرت قالت : بنات في شي ماقلت لكم عليه ..
شروق : خير ان شاء الله
شمس ببرود : انخطبت .
التفت عليها بشوف اذا هي تحكي جد ولا تستهبل .. وقلت : نعم ؟؟؟
شعاع باستهبال : ماشاء الله على البركة ، من ولده ؟؟
شمس : هههههههههههههه أتكلم جد والله ..
شروق : مين خطبك ومتى وكيف ؟؟؟
شمس : قبل مانسافر بيومين خطبني رئيس القسم الي معجب فيني من اشتغلت عندهم ..
شعاع : ايووووووووووة ماحكيتنا ياحمارة هههههههههههههههههه خطبك أجل ؟؟؟
شمس : ايه بعد الاجتماع ناداني وسألني اذا أنا مرتبطة ولا شي لأنه حاب يتقدم لي !
شروق : طيييييب ! واش قلتي له ؟؟؟
شمس : قلت له لا طبعا ! واني عايشة لحالي ماعندي ولي أمر تكلمه وتطلب إيدي منه يعني بالمعنى الأصح نفرته ..
شعاع : اسكتي لا يسمعك بابا ..
قعدت على حيلي وقلت : طيب ليه رفضتيه ؟؟؟
شمس فتحت عين وحده وطالعتني وقالت : يارب انك تستبهلين
قلت : لا والله ما أستهبل .. بتبقين على ذكرى نادر ياشيخة الجود من الموجود ..
شمس : شسوي فيها هذي ؟؟
شروق : اممممممممممم .. مايكون معاها حق يعني مثلا ؟؟
شمس : لا والله انتي الثانية اصلا الشرها علي انا الي حكيتكم
شعاع : حتى لو ماحطينا ببالنا اي اعتبارات ثانية أصلا هالدكتور مايناسبك ..
شمس اتنهدت وقالت : مااافي ولا رجال يناسبني .. نادر كرهني بكل الرجال..
سمعنا بابا ينادينا : بنات نحرّك ؟؟؟؟
شعاع : على كيفك بابا ..
بابا : يلا عشان نقعد شوي على الشاطئ بعدين نروح نتعشى
شعاع : ايوة خلاص يلا ..
حسيت اني ذبت تحت الشمس .. قمت ومشيت للبحر و وقفت أطالعه .. طول الوقت كنت أمسح خشمي أبي أتطمن ماينزل الدم فجأة قدام بابا وخواتي ..
وبالمطعم واحنا نتعشى .. صار الي كنت خايفة منه
كان بابا قبالي وعقد حواجه وهو يقول : قمورة .. !
طالعته لقيته يأشر على خشمه بعدين على وجهي ويقول : في دم ينزل !!!
مسكت مناديل ومسحته بسرعة .. وقمت أعيد حركة الصباح عشان أوقفه ..
بابا : اش هذا ليه ينزل دم من خشمك ياقمرة ؟؟؟؟
قلت : بابا انا ماتعافيت مية بالمية وبعض المرات ينزل دم من خشمي بس مافي شي يخوف ..
شروق : قمرة ! الدكتور قال تتجنبين اي إجهاد وانتي من جينا مجهدة روحك !
شعاع : واليوم بالذات كملتيها بالسباحة ها شوفي شصار !
بابا : قومي نروح المستشفى
قلت : لالالا بابا مايحتاج .. انا عندي أدويتي بس أحتاج أريح نفسي وآخذ الأدوية وبيرجع كل شي طبيعي ان شاء الله ..
بابا : خلينا نتطمن أنا أعرف دكتور هنا ممتاز بخليه يشوفك
قلت باصرار : مايحتااااااااح يابابا .. شوف اذا ماتحسنت هاليومين ودني بس الحين أنا عارفة انه مايحتاج ..
بابا التفت لشعاع زي الي يبي يسمع رايها .. طالعت شعاع برجاء أبيها تأيد كلامي
شعاع : اذا ارتاحت بتتحسن ان شاء الله .. لأنه هذا أول مره ينزل الدم من بعد العملية وباين انه من الاجهاد ..
بابا : خلاص أجل بكرا مافي طلعة من البيت
حسيت براحة .. قعدة البيت ولا حوسة المستشفيات وقلت : ان شاء الله .. اتطمن حبيبي مافي شي يقلق ..
بابا حاول يستعجلنا يبي يرجعنا البيت عشان أرتاح ..
رجعنا البيت ودخلت غرفتي
سكرت الباب وقعدت على السرير وأنا ماسكة جوالي ..
كنت أهز رجولي بتوتر وتفكير وحيرة وقلق ..
وبعدها حسمت أمري ودقيت على .. هيثم .
بعد كم رنة جاني صوته يرد بهدوء : هللللا قمرة ..
كان لصوته تأثير خاص على حواسي مهما كانت مشدودة .. يرخيها .. أعصابي مهما كانت تعبانة .. يهديها ..
قلت : أهلين هيثم كيف حالك ..
هيثم : أنا بخير الحمدلله .. انتي كيفك ان شاء الله مبسوطة ؟؟؟
رديت : الحمدلله .. كل شي حلو
هيثم : وخالي كيفه ان شاء الله طيب ؟؟؟
رديت : كويس الحمدلله مره مبسوط فينا
هيثم : حلو الله يخليه لكم
رديت : آمين ..
هيثم : وانتي ياقمرة ، طمنيني كيف حالك ؟؟؟
سكت شوي .. ماعرفت كيف باشرح الي يصير.. أنا نفسي مو عارفة بالضبط شالي قاعد يصير فيني ..
حسيت بمشاعر تجذبني لقربه بشكل مجنون .. اتمنيت أكون بهالوقت عنده ومعاه ..
حسيت بحاجتي له ورغبة بالرجوع بهاللحظة أكثر من أي لحظة ..
هيثم استغرب صمتي وناداني : قمورة .. !
رديت : معاك ..
هيثم : فيك شي؟؟
مشاعر غمرتني ناحيته بهاللحظة .. وكان التعب والضعف يسكني .. ومزيج من الشعور بالضياع والخوف يتملكني .. اترقرت الدموع بعيوني وقلت : هيثم أنا تعبانة من غيرك ..
هيثم سكت شوي ، وبعدها جاني صوت حنون خدرني وهو يقول بصوت أقرب للهمس : حياتي شفيك ؟؟؟
نسيت كل شي وماعاد صرت أحس غير بهيثم معاي وقلت : محتاجتك .. اتعودت عليك طول الفترة الي راحت وعلى سؤالك عني واهتمامك .. حاسة اني تعبانة ..
هيثم : متى بترجعين ..؟؟
رديت : خواتي مطولين .. بس أنا يمكن أرجع قبلهم لأني ........
هيثم يحثني أكمل : لأنك ... ؟
كملت : لأني تعبت اليوم و .. نزل الدم مرتين .. الايام الي راحت كنا مانقعد بالبيت أبدا واليوم سبحنا بالبحر فشكله الإجهاد تعبني ..
هيثم والضيق واضح بنبرة صوته : ليه ياقمرة ليه ؟؟؟ ليه تسوين بنفسك كذا وانتي عارفة هالفترة الاجهاد خطر عليك .. ؟
سكت مارديت .. ماكان عندي لا رد ولا تبرير .. كل الحكاية اني مليت .. مليت من الحذر الزايد وحبيت أستانس مع خواتي ..
هيثم اتنهد .. وقال : تاخذين أدويتك بانتظام ؟؟؟
كان الدرج الي فيه دواي جمبي ، فتحته وطلعت الدوا منه وقعدت أطالع فيه ..
هيثم : قمرة ..
رديت وعيوني على الدوا : ايوة آخذه ..
هيثم : تمام .. يصير حاولي تجين بأبدر وقت ممكن ..
قلت بحزن : طيب جيت وبعدين .. اش حايصير فيني كيف حاتعالج ؟؟
هيثم : كل شي تحت السيطرة ياحلوة لا تخافين .. آخر أشعة سويتيها عرضتها على أطباء عيون متخصصين وطمنوني ان الشد الي تحسينه ماله علاقة بالبصر ...
رديت : أنا لي كم يوم أحس بغباش على عيوني ..
هيثم : يمكن من الاجهاد الي صار معاك هالفترة
رديت بهمس : يمكن ..
هيثم : لازم أشوفك ..
رديت بضعف : وأنا بعد أبي أشوفك ..
هيثم : أستنـــاك ..
رديت : تمام
هيثم : وخذي أدويتك وريحي نفسك الله يخليك ..
ابتسمت وانا أرد : اوك ان شاء الله ..
هيثم : اوكي حبيبتي باي
سكرت منه وأنا أحس روحي ذايبة فيه .. مو قادرة أصبر لين أشوفه ..
لطفه معاي يولعني وحبه وحنيته ألمستها بكلماته ونبراته واهتمامه ..
طالعت بالدواء اللي كان عبارة عن علبة فاضية مافيها ولا حبة .. !
الدواء خلص من أول يوم وصلت لبنان ..
والدواء الثاني كان .. بالشنطة المفقدودة .

::

"هيثم"
قفلت من قمرة وحطيت الجوال بجيبي وسلطان قال : هيثم مو كنك متجاوز حدودك معها ؟؟؟؟
كنت أنا وسلطان ويا بعض بكوفي .. رديت : ماقدر أقاومها ياسلطان هالبنت سحرتني من أول يوم شفتها فيه .. مستغرب أنا من نفسي ليش هي من بد الكل .. !
سلطان : طفلة ياهيثم تلعب بحسبتك ؟ أفا يادكتور ماهقيتك تخق بهالسرعة ..
قلت : مو هذا البوينت ياسلطان .. أنا ماخققني غير برائتها وعفويتها .. الطفولة الي تسكن عيونها وتظهر بتصرفاتها .. كل شي يطلع منها عفوي غير البنات الي صادفتهم الي تحس ان تصرفاتهم معنية ومقصودة ..
سلطان : هي وخواتها ياهيثم تحسهم بريئات مالهم بنجاسة الناس وهالسوالف ..
رديت بضيق : كانت تعبانة وهي تكلمني .. والله خايف عليها تتعب زيادة وهي هناك ؟؟
سلطان : الحين هي مو اتحسنت من بعد العملية ؟؟
كان موقفي موقف دكتور واجب عليه يخفي أسرار مرضاه .. وقلت : الا الحمدلله .. بس لازم ماتجهد نفسها خلال هالفترة لين يمر وقت كافي نحدد من خلاله انها تجاوزت مرحلة الخطر تماما
سلطان : شلون بترتاح واهي هناك .. وذاك ماتدري بيهتم فيها ولا منشغل بعد ولايدري عنهم ..
رديت : قصدك خالي ؟
سلطان : يازعم انه خالي .. قلت لساره تطلب من شعاع رقمه ردت عليها قالت أبوي مايبي يتواصل مع أحد من أهله ..
قلت : مادري وش مشكلته بالضبط ..
سلطان : وش ماكانت مشكلته .. لازم تنحل !
رديت : وانت ليه مهتم بأمره ؟
سلطان : لأني خايف يرفضني اذا اتقدمت لشعاع ..
طالعته بدهشة .. وسلطان رفع الكوفي يشرب ببرود وقال : شفيك تطالعني كذا ؟؟
قلت : تتقدم لشعاع .. ؟؟
سلطان : ايه .. خاطري فيها ودي أخطبها ياهيثم .. واتمنى تتسهل الأمور عشان يتم هالشي ..
قلت : مادري شقول لك ياسلطان لكن يجيني احساس انهم مثل النجم العالي تتأمله ويعجبك بس ماتقدر توصله ..
سلطان : أنا اذا بغيت أسوي شي مافي شي يقدر يوقف بوجهي ويمنعني .. وانت تعرفني لكن السؤال هو هل بسوي هالشي ولا لاء ..
قلت : واش الي بيمنعك غير موقف خالي ؟؟
سلطان : أفكر كثير بمستوى حياتها الي تعيشه وأسلوب حياتها بشكل عام .. نقيض تام بين حياتها وحياتي ..
رديت : والله شعاع بنت مؤدبة وأخلاقها عالية .. بس بُعدهم عن الدين وعيشتهم وحياتهم برا عودتهم على التحرر ..
سلطان : وهذا شي صعب أتقبل له ولاني عارف هي بترضى تتغير وتمشي على أسلوب حياتنا ولا لاء ..
رديت : والله والنعم فيك ياسلطان وماتدري الله وش كاتب لكل واحد مننا ..
سلطان : على قولك .. ( وطالع الساعة وقال : يلا لازم أروح أرجـّع اهلي البيت ..
قلت : أوكي وانا بارجع المستشفى .. وزي ماقلت لك حاول تجيب حمد كل يوم يسوي علاج طبيعي وان شاء الله يوم عن يوم بتشوفه أحسن
سلطان : الله يسمع منك ..
وطلعنا وكل واحد ركب سيارته
ومشى بدربه

::

"دلال"
طلعنا من المطعم بعد ماتعشينا ويا بعض أنا واختي ، ومشاعل .. وركبنا مع سواق بناتي الي جاهم من كم اسبوع .. وخلوه عندي قبل مايسافرون
وبالسيارة مشاعل قالت : شخبار أهل لبنان ؟؟
رديت : تكلمين مين بالضبط كلنا بناتنا بلبنان ؟
مشاعل : ههههههههه اي صح نسيت .. لا غادة كلمتني طمنتني ، أقصد بناتك
رديت : طيبين الحمدلله تو كلمتني قمرة قبل ماتنام
اختي أم رزان : شلونهم شلون أبوهم ؟
رديت : الحمدلله بس مادري ماعجبني صوت قمور
مشاعل : أكيد تعبانة مع الطلعات والدخلات لاتوسوسين ..
قلت : الله يحفظهم ويردهم لي سالمين .. قلبي قابضني من هالروحة
أم رزان : الله يهديك يادلال ، رايحين يشوفون أبوهم شالي قلبك يقبضك وتقلقين ؟
دلال : أنا فرحت يوم بدوا يتقبلون العيشة هنا شوي شوي ويتحسن وضعهم مدري أخاف يقلبهم علي ..
أم رزان : مب بزران بناتك يادلال خلي عنك الوساوس وريحي عمرك تكفين وروقينا ،
رديت : ههههههههه يابعدي ياختي دوشت مخك معاي ..
مشاعل : اي والله ريحي بالك كلها اسبوعين ويرجعون لك ..
رديت : الله يعدي الايام على خير ان شاء الله
مشاعل : الحين مو هذا المهم .. المهم ليش اخترتي تنامين ببيت اختك مو بيت أخوك ؟
قلت : ياقلبي والله كلكم عينين براس عندها ولا عندك كله واحد
أم رزان : خليها عندي أبيها تعاوني بجهاز بناتي والله للحين مادري وش بنسوي بملكة غادة ..
قلت بمزح : اص خلي الكلام بيننا بعدين مو قدام اخت العريس
مشاعل : هههههههه زين ماكني انا وغادة الي مدبرين كل شي ..
أم رزان : هههههههه اي والله ماقصرتي ياقلبي أجل دبري انتي الملكة بعد يختي مادري شفيني مالي بهالسوالف وأحسها تتعب دماغي
مشاعل : انتي خلي العروس ترد من لبنااان عشان نحدد الملكة بالأول !
أم رزان : والله اني قايلة لها أجلي هالسفر لين تملكين مو تروحين والأمور معلقة بس مهبلة فيها هالسفرة ..
قلت : ليت من يربط رجولهم بهالديرة ولا يسافرون ويطلعون منها أبد
مشاعل : ردينا دلـّـووووول .. ؟؟
دلال : خلاص باسكت .. يالله احنا وصلنا خلي يوصلك السواق ويرجع هنا يامشاعل
مشاعل : ان شاء الله
نزلنا من السيارة ومشت مشاعل مع السواق

::

" مشاعل"
أول مامشينا قلت للسواق : سوي يوتيرن عشان نطلع من الشارع الي ورى
السواق : أوكي .. بس أنا عارف طريق بيت ..
استغربت ! هذا سواقهم جديد ماقد جا لبيتي وقلت باتأكد : بيتي أنا مو بيت البنات !
السواق : يس .. بيت مستر طلال صح ؟
قلت : ايوة صح !
السواق : يس أنا عارف طريق أول يجي مس شروق بيت انتا ..
قلت باستغراب : مدام دلال تقول انت جديد !! وشروق من زماااان ماجات بيتي !
السواق : هههههه الا يجي .. انا جيب مس شروق هنا بعدين مره ثاني ودي بيت هذا قبل شويا بيت ماما رزان !
عقدت حواجبي أبي أفهم وأستوعب ! متى شروق جتني البيت ؟؟
ومتى راحت لغادة ؟؟ وغادة كل يوم أكلمها مافي يوم قالت لي ان شروق جتها بعد يوم الخطوبة !
بس الي فهمته من السواق ان شروق جت بيتي وبعدين راحت لبيت غادة !
اتوسعت عيوني وشهقت بصوت مكتوم لما جاني خاطر أرعبني !
وسألت السواق بتردد : متى شروق جات .. أي يوم ؟؟
السواق : اممممم ممكن قبل اسبوعين ..
هو ذاك اليوم !!!
مافي غير ذاك اليوم ..
يوم الخطوبة نفسه !!
مافي شي يشرح الموقف والوقت غير ذاك اليوم ..
وشروق اتأخرت ماجت وجيتها لبيتي هي سبب تأخيرها !!
بس انا ماكنت موجودة !
يعني جت بيتي شتبي ؟؟؟؟
اتذكرت ان مشعل بعد اتأخر !
لا لا
لالالالالالا
دقات قلبي تسارعت مجرد ماوصلت لهالخاطر !!
بس لا مستحيــــــــــل ......... !
مستحيل شروق ومشعل كانوا سوى ببيتي يوم الخطوبة !
شروق تدري ان أهلها مروني ورحنا سوى لبيت غادة
يعني جت بيتي ...............
عشان مشعل .................. ؟؟؟؟؟؟؟
لااااااااا مقدر أصدق !
كان شي صعب استيعابه وتصديقه
بس الأشياء كلها تثبت هالشي !
كيف تملك الجرائة تجي برجولها لبيت مافي غير رجال واحد !!!
ويبدو انها جاية أساسا عشانه !
ثارت أعصابي ..
ماقدرت أصبر لين أوصل البيت وأتأكد من الموضوع .. !
لو هالشي صحيح فأنا مستحيل أسكت ..
ومستحيل أعدي هالموضوع على خير !
هالمره باتكلم مع مشعل بكل صراحة وعن كل شي ..
عن هالسالفة وعن الخاتم وعن كل شي !
جا الوقت الي أحط حد لهالمهزلة !
وصلت البيت وأول مادخلت .. سمعت صوت مشعل وهو يصرخ ويقول : انقلعي الله يقلع هالوجه ..
واتفاجأت !! شصااير ؟

::
"مشعل"
دخلت البيت لقيت الخدامة تكلم بتلفون البيت .. وشكلها مو متوقعة ان أحد بيجي هالوقت ولا مادري عنها شلون تتجرأ ..
سكرت التلفون أول ماشافتني ،
قلت بصرامة : مين تكلمين ؟؟؟
الخادمة : هذا زوج أنا يتصل ..
رحت للكاشف وطلعت الرقم لقيته يبدا بأرقام مختلفة عن أرقام بلدها وقلت بعصبية : هذا مو زوج انتي .. قولي مين كنتي تكلمين ؟؟؟؟؟
الخادمة : اش فيه مشعل .. انت اش فكر أنا خربان سيم سيم انت .. ؟؟؟؟؟
طيرت عيوني فيها وعلا صوتي وأنا أقول : انتي شلون تتكلمين معاي كذا ياقليلة الأدب .. ؟؟؟؟ انا اوريك ياحيوانة اذا ماخصمت من راتبك ..
الخادمة مشت واهي تقول : مابغى راتب كله .. انا خلاص تعبان مابغى يشتغل هنا .
قلت بصراخ : انقلعي الله يقلع هالوجه ..
شفت مشاعل تدخل بسرعة وهي تقول : بسم الله شفيه ؟؟
رديت : هالتبن خدامتك يبي لها قص لسان قليلة الحيا ..
وحكيتها الي صار ومشاعل قالت : هي مادري شفيها هالأيام متغيرة وكاشة من البيت ومن الشغل .. يمكن اتضايقت يوم صرت تمنعها تلمس أغراضك وتدخل غرفتك وكل شي
قلت : قطيعة تقطعها بعد باقعد أداري خاطرها .. مانقصني الا هالأشكال ..
وطلعت لغرفتي ..
أعصابي مشدودة هالأيام ومو قادر أتحمل أي كلمة من أحد .. أمشي وأتخانق مع خلق الله بالفترة الي مفترض تكون أسعد فترة وهي فترة خطوبتي النحس !
رميت جوالي على سريري بقوة .. ودخلت الحمام أبي آخذ لي شاور بارد يهديني ..
وبعد ماطلعت ..
اتفاجأت بمشاعل بغرفتي
وعيونها توقد شرار !
رميت المنشفة على كتفي وأنا أقول : خير ان شاء الله
مشاعل : اتكلمت مع الخدامة ..
رديت : طيب ؟
مشاعل حطت الخاتم المفقود قدامي على السرير .. وقالت : جا الوقت الي صار لازم نتكلم يامشعل..
طالعت بالخاتم لحظات .. ورديت طالعت بمشاعل .. وقلت : وش الي تبين توصلين له يامشاعل
مشاعل بانفعال : ابي اعرف شروق شكانت تسوي عندك بالبيت يوم خطوبتك ؟؟؟؟؟؟
طالعتها بغضب وأنا متفاجئ بداخلي من معرفتها بهالشي ..
بس أكره ماعلي ان أحد يحجرني بالزاوية .. مستحيل أظهر حالي اني شخص ضعيف وانغلبت !
وقلت بانفعال : انتي شقاعدة تقولين ؟؟ مو ملاحظة انك قاعدة تتجاوزين حدودك يامشاعل بطريقة مستفزة ؟؟؟؟
مشاعل : الظاهر انت الي متجاوز حدودك .. انت وعديمة الأصل شروق .. ولا تنكر لأن صار كذا شي يثبت هالكلام .. سواقها اتفاجأت انه يدل بيتي وقالي يعرفه لأنه وصل شروق قبل ثلاث اسابيع بالضبط يوم موعد خطوبتكم .. والله أراد تصير سالفة الخدامة عشان تنفجر وتعلمني انه بذاك اليوم سمعت صوت بنت وياك ورى الخيمة ! والخاتم الي لقيته ورى الخيمة يثبت هالكلام !!
رميت المنشفة بكل قوة على الأرض وقلت : انتي السبب بكل هذااا .. انتي الي دخلتي غادة بحياتي غصب عني وانتي تدرين اني كنت أبي شروق ..
مشاعل : بتطلعني أنا الغلطانة يبه طلعني وغلطني كثر ماتبي .. لكن شروق هذي حسابها عندي ..
قلت : مشاااااعل ! اتركي البنت بحالها خلااااص ، الي تبينه وصار وخطبت غادة شتبين أكثر من كذا ؟؟؟؟
مشاعل : أبيها تحترم نفسها وتختفي من حياتنا .. أبيها تحس على نفسها وتعز روحها وتبعد عنك وعن غادة .. هالمرة جت لحدك بيوم خطوبتك .. مراح أستغرب لو جا منها شي أكبر !
استرجعت بشاعة الشي الي سويته فيها ذاك اليوم .. أنا الي جا مني الشي الأكبر مو هي يامشاعل .. وقلت : شوفي يامشاعل .. سويتي تمثلية طويلة عريضة قدام شروق عشان توهمينها اني أبي غادة وأحبها .. وسكت ولا قلت لك شي .. حسستيها اني أنظر لها بنظرة محتقرة وحطمتيها بدون ماتحسبين حساب لأي شي غير تحقيق رغباتك انتي مو رغباتي .. خلاص لين هنا وبس .. غادة وخطبتها طلعي شروق من راسك والي يرحم والديك ..
مشاعل وقفت وقالت : اذا طلعتها انت من راسك .. بطلعها من راسي !
وطلعت ..
مشيت وخبطت الباب وراها بقوة وشته برجلي بكل قهر ..
قعدت أدور بالغرفة وانا ودي أكسر كل شي حولي ..
خفت تسويها مشاعل جد وتدق على شروق وتسمعها كلام يجرحها .. وقتها يمكن شروق تقولها كل شي صار بيننا ..
خبطت راسي بحيرة .. ماعرفت وش لازم أسوي ..
وبالآخر اتوصلت لخاطر جهنمي ..
لازم أدق على شروق ..
لازم تعرف ان مشاعل على علم بكل شي ..
ومادري اذا بتفشي الخبر
ماعاد صرت أعرف مشاعل
ولا عرف أحد
أنا نفسي ..
ماعاد صرت أعرفني

::

"قمرة"
يومين ماطلعت من البيت وكله مريحة نفسي بس خلاص تعبت نفسيا .. ماعاد اتحمل .. أبي ماما .. أبي دكتوري أنا مريضة لازم يعالجني .. !
كنا قاعدين بالصالة وقلت لبابا : بابا انا شكلي مقدر أقعد لين يرجعون خواتي .. ممكن تقدم حجزي عشان أرجع بدري ؟؟
بابا : ليه حبيبتي .. ماتحسين نفسك أحسن يوم ارتحتي بالبيت ..
اتجمعت الدموع بعيوني وقلت : الا بس .. لسه تعبانة ولازم أروح يشوفني الدكتور
بابا : مو كنت أقول لك خليني أوديك هنا المستشفى مارضيتي .. بعدين بصراحة أنا ماعاد أبيك تتعالجين عند هيثم .. الله واكبر مافي دكتور شاطر غيره ؟؟ اللي خلق مثله يخلق ألف أحسن منه .. أبيك بس تطلبين منه تقرير شامل عن حالتك .. وأنا أعرف أوديك لأمهر الدكاترة ..
رديت : بس يابابا ...
قاطعني بابا وهو يقول : قمرة ! ما أبي لأحد منهم جمايل عليكم .. ما أبي علاقتكم تزيد أكثر من كذا انتي فاهمة ولا لاء !
رديت بألم واضح بنبراتي : طيب .. بس هذا ماله دخل باني أبي أرجع .. دواي قرب يخلص وأدويتي الثانية ماجبتها .. وغير كذا ماما مابي أترك ماما لحالها طول هالمدة ؟؟؟
بابا : بكيفك ياماما اذا تحسين ان هناك أريح لك بقدم حجزك .. لكن كلامي واضح ترسلين لي تقاريرك أول ماتوصلين .. وابعدي عن هالدكتور .. بعدين ليش أمك لحالها ، مو عايشة مع زوجها ومتهنية ..
رديت : لا ماما انفصلت عنه ..
بابا : عجيب .. ! ووينهي الحين ؟
رديت : الحين ببيت خالتي بس نبي نسكنها عندنا ..

أنا قلت هالكلمة ولا ماقلتها .. ؟؟؟
فجأة انقلب بابا من بابا .. إلى شخص مرعب !
انفعل وقال : مااااتسكن بيتي لو تنطبق السماء على الأرض !
و وقف بسرعه ومشى للدرج وقام ينادي : شعاااااااااااااع .. شروووووووووق ..
نزلوا خواتي واهم مفجوعين من صراخ بابا .. وبابا قال : اسمعوني كلكم .. أمكم ماتوطأ رجولها البيت !! أقسم بالله لو أعرف انها سكنت عندكم لا يصير شي مايخطر لكم على باااال .. عجييييب والله .. خلي سواتها تنفعها .. خلي الدنيا تمرمطها وتبهذلها مثل مابهذلتني ..
شعاع : بس يا بابا هي ..
بابا بصراخ وهو يرفع اصباعه بوجيهنا : جااااااكم العلم .. أمكم ماتسكن عندكم سامعين ولا لاء .. وعماتكم تكفيكم زيارتهم مرة بالشهر ويخب عليهم بعد !! علاقة زايدة معاهم والله لا تشوفون شي ماشفتوووه ..
ومشى طالع من البيت بعد مافجر قنابل بقلوب كل وحده مننا !!
ذيك الليلة كانت ليلة الدموع .. بكينا لين اتورمت جفوننا .. محد فينا قدر يهدي الثاني لأن كلنا اتحطمنا حتى شمس الي كان موفارق معاها .. لأن هالمرة ماما كانت بالموضوع ..
امي تعبت وانهارت وتعب قلبها من بعد زياد ... وصرنا احنا سلوتها وراحتها وسعادتها ..
وش بيصير فيها اذا درت انها مراح تعيش معانا !
آه ياروحي ياماما ..
بابا فجر قنابل ..
ولا سمع دويها
ولا شاف دخانها
إلا بعد فوات الأوان .
\
/
ورجعت من لبنان
وأول ماشفت ماما انهرت بحضنها أبكي بكاء خرعها .. كنت أردد : ماما أنا مره أحبك .. وحشتيني موت .. ماما ما أبي نبعد عن بعض مره ثانية .. خليك معاي ماما لا تتركيني ..
كان مجرد تخيل فراقها أمر يفزعني ويرعبني ..
كيف لو تحقق ؟؟

رحت لعيادة هيثم وانتظرت دوري ..
جاتني الممرضة ونادتني
فتحت الباب ودخلت
هيثم أول ماشافني ابتسم ابتسامته الي تسلب القلب .. وقال : أهلييييين قمرة الحمدلله على السلامة
رديت بهدوء : الله يسلمك ..
هيثم : اتفضلي ..
قعدت على الكرسي بصمت ..
هيثم وهو يتأملني : طمنيني عنك ..
اصطنعت الابتسامة وقلت : الحمدلله حاسة حالي أحسن بكثيييييير ..
هيثم : كوووويس الحمدلله .. وكيف الدم رجع ؟
اصطنعت عدم الفهم وسألت : أي دم ؟؟؟
هيثم : مو تقولين رجع الدم ينزل من خشمك؟؟
رديت : آه لاااا .. بصراحة كنت حابة أشوف اهتمامك فيني اتغير ولا مثل ماهو ..
هيثم عقد حواجبه وقال : انتي تدرين انك تهميني حيل ياقمرة .. ماكان له داعي تختلقين سالفة الدم وتفاولين على نفسك بشي مو زين عشان بس تختبرين اهتمامي !
طالعته بصمت .. شفت الضيق بعيونه .. وحز بخاطري الي قاعد يصير ..
هيثم : والغباش الي بعيونك ؟؟
قلت بضحكة : مافي غباااش ..
هيثم : شلون مافي ؟؟
قلت : كان الغباش من السباحة .. وطلع حتى خواتي يحسون مثلي .. وذيك الليلة بس وراح ..
هيثم : أجل ؟
قلت : أنا جاية أبي تقرير عن حالتي وعمليتي .. ابوي الا ويبي يعرضها على زميله دكتور عشان يتطمن ..
هيثم : من حقه .. بكرا أسوي لك التقرير من المستشفى وأرسل لك هو ان شاء الله ..
قلت : أوك شكرا ..
وقمت أبي أطلع بسرعة قبل لا أنفجر ويطلع كل المكنون جواي ..
مشيت للباب لما جاني صوته الحنون يطرب مسامعي .. ويقول : قمرة أكيد مافيك شي ؟؟؟
هيثم إقسى علي .. قسّى نبراتك ..
لا تذبحني بحنانك ، لاتعلقني فيك أكثر ..
التفت وقلت بابتسامة : ايوة اتطمن أنا بأحسن حالاتي الحمدلله
هيثم : الحمدلله ..
ودعته وطلعت ومشيت مسرعة ناحية الاصنصير .. وقفت أنتظره ينفتح .. لميت جوانب راسي بإيدي وأول مانفتح دخلت وسندت راسي على الجدار ..
غباش يضايق .. زغللة مقيته .. دوار كريه .. كل هذا كان يداهمني بهالوقت ..
حركة الاصنصير حسيتها مو طبيعية .. حسيته كنه يهوي فيني .. !
ماصدقت فتح الاصنصير وطلعت ..
دقيت على السواق يجيني .. وخلال هالوقت ماقدرت أوقف .. قعدت نصف قعدة وكنت بطيح لكني سندت نفسي بإإيدي على الأرض
وبكذا صار وجهي مايل للأمام ..
وشفت نقط الدم واهي تنزل من خشمي على الأرض ..
اخترعت وانا لحالي ..
بس ماكانت هذي الصدمة ..
كانت الصدمة يوم سمعت صوت لجري شخص من وراي وهو ينادي : قمــــــرة ..

::
بنفس هالوقت ....................

" شروق "
فتحت باب غرفة شعاع وقلت : شعاع أنا طالعة تبين شي ؟؟
شعاع : وين رايحة ؟
رديت : برجع أشياء ماناسبتني من محل أمس .. مراح أطول ..
شعاع : شروق انتي مواصلة مانمتي لا تسوقين وانتي بهالحالة
قلت : عادي ياقلبي مراح يصير شي ..
دق جوال شعاع .. وردت عليه ..
أشرت لها بإيدي مودعة .. وانا اسكر الباب سمعتها تقول : هلا والله مشـاعل ..

نزلت وركبت السيارة وانطلقت فيها ..
كنت متضايقة حيل من بابا وموقفه من ماما ومن أهلنا ..
غادة دقت اليوم تبي تطلع معانا بس صرفتها لأن المزاج ضارب بسبب بابا ..
دعست على البانزين أكثر متجاهلة البواري الي تدوي يميني ويساااري ..
دق جوالي بهالوقت .. رديت باسبيكر بدون ما انتبه للرقم : ألووو
جاني صوت آخر شخص اتوقعت اني أسمع صوته .. !
مشعل : مرحبا شروق
طالعت بالرقم وانتبهت انه فعلا هو .. رديت : نعم ؟
مشعل : شروق كيفك ؟
انحمقت فورا ورديت : شتبي يامشعل ؟
مشعل اتنهد .. وقال : لازم نتكلم ..
قلت : مافي كلام بيننا يامشعل .. ولو سمحت لاتدق علي مره ثانية
مشعل : شروووق .. مشاعل عرفت كل شي ..
رفعت حاجب وانا اقول باستنكار : عرفت ايش ؟؟؟؟
شروق : عرفت انك .. جيتي بيتي ذاك اليوم و .. انا بس قلت أبلغلك عشان لو أحد كلمك يكون عندك خبر ومجهزة رد تقولينه
رديت : هههههههههههههههههه خايف أعلم شصار بيننا ؟؟؟
مشعل : شروق ..
قلت : اتطمن يا بابا .. مراح أعلمهم عن حقارتك لأني بسيئ لنفسي قبل ما أسيئ لك
مشعل : شروق لا تتكلمين بهالطريقة .. ترا غلطنا مشترك .. انا ضعفت قدامك وانتي غلطتي من الأساس لما جيتيني ..
قلت بانفعال : لا مو هذا الغلط .. انا غلطت لما سمحت لنفسي تنجذب لشخص حقير مثلك .. لو سمحت مابي اسمع صوتك مره ثانية لو وش ماكان السبب ..
مشعل : انا مو داق اسولف معاك أنا داق أحذرك و ...
قلت بصراخ : مافي شي يحتاج تحذرني منه .. صدقني انا مو هامني أحد .. خلي الكل يعرف اني كنت ببيتك ذاك اليوم مراح أخسر شي ..ولا أحد عنده لي شي الي يبي يحكي خله يحكي من اليوم لبكرا
مشعل : شروق اذا انتي ماتهمك سمعتك غيرك تهمه ..
ثارت أعصابي وأنا أقول : حاااافظ على سمعتك حبيبي ولاتلوثها بالكلااام معاااااي .. روح انقلع عني مااااااابي اسمع صوووووتك أ ......................... لااااااااااااااااااااااااااااااااااااااا
كنت من العصبية الي خلتني أضغط على البانزين على الآخر .. ولا انتبهت للسيارة الي فرملت قدامي .. وأنا مسرعة ومعصبة ومعمية بغضبي وقهري وحرقتي ..
وقبل ما أستوعب شي لقيت نفسي أصدم بكل قوة تنافس قوة سرعتي بالسيارة الي قدااامي !

::

"شعاع"
سكرت من مشاعل وانا مولعة ومعصبة من الي سمعته منها ..
دقيت على شروق ابيها ترجع بسرعة .. وعصبت أكثر لما أعطاني جوالها مقفل .. !
أعدت الاتصال مره ثانية .. أعطاني نفس الشي ..
اتأففت بضيق ..
وشوي الا دق جوالي .. بس استغربت الرقم ..
رديت بسرعة : الوو
: شعاااع .. انا مشعل !!
كان صوته يرجف وأنفاسه تلهث .. !
رديت بدهشة : مشعل ؟؟؟ أهلين!
مشعل بنفس الرجفة : شعاع روحي شوفي وين شروق ..
اتوسعت عيوني وانا أقول بفزع اجتاحني : شفيييييييها شروق ؟؟؟؟؟
مشعل بصوت متقطع : كنت اكلمها وفجأة سمعتها تصرخ , وبعدها .. سمعت صوت اصطدااام شنيع ياشعاع .. !!

::

يتبع :(

[روح العيون]

حبيبه قلبى حمد لله على السلامات ومن بعد الغيبات جات الغنايم
البارت مره جميل يجنن كله حركه
لكن ايش سبب كره ابو شعاع لعيلته هكذا
مهما يحدث لكن العيله واحده
قمور صعبانه كتير على
اتوقع ان شورق سوت حادث فظيع والله يكفيها شره
واتوقع ان مشعل لما يسمع عن الحادث راح يصيبه حاله نفسيه ويبتعد عن غاده
واخته بتعرف انها السبب فى اللى حصل له
اختى البارت جميل تسلمين والله ع المجهود

[سعوديه وافتخر]

لاااااااااااااااااااااااااااااااااا لااااااااااااااااااااااااااااااااااااااااااااااااا اا
لااااااااااااااااااااااااااااااااااااااااااا
لاااااااااااااااااااااااااااااااااااااااااااااااا
تكفين تكفين قولي باااقي تكمله لوسطرين
بس لاتوقفين عند هالحدث
تكفين يرحم اهلك
وش ذا حرام عليك والله
وش يصبرني اناااااااااااااااااااااااااااااااااا
وبصراحه البارت ذا احسه قلبه غير طبيعيه لشعاع واخواتها
كان فبالي ان ابوهم بيرجع امهم بس شكله مهو طايق احد من اهله
الله يعيييييييييييييييييييييييين
شكل ايامهم الجاايه بتكون قاسيه <فيس يصيح
وتسلمين يالغاليه عالبارت الطوووووووووووووووووووويل
الله يسعدك وينور لك دربك يالغلاااا
ماقصرتي جعل ربي يحقق لك ماتتمنين

[عاشقة صمت]

أبو البنات..

كان قاسي بقراراته في ابعاد البنات عن أهله وأمهم ..!

مشاعل ..

للأسف أنانيه لأبعد الحدود
تجاهلت مشاعر أخيها من أجل قناعات وأفكار قديمة واتمنى الأيام تحدث تغيرات تغير نظرة مشاعل اتجاه أشواق تكتشف انه الخيار الصح لإسعاد مشعل ..!!


قمره ..

قمره كذبتها على الدكتور هيثم ممكن تعرض حياتها للخطر
الله يكون بعونك يا قموره يكون بعون هيثم الي اتوقع بيفتقدك ..!


نادر ..

نادر اتوقع يصل قريباً لـ شمس ويشتغل بنفس المكان الي تشتغل فيه ويكون مدير شمس الي عرض عليها زواج مسبقاً
سبب في توتر علاقتهم مستقبلاً


شعاع ..

تبقى علامات استفهام كثيره حولها حول سلطان ..


أبو فواز

في سر لم يكشفه بعد حتى تستطيع البنات ان تفهمه اكثر



بانتظار الجزء القادم بشوق اتمنى اشواق تكون بألف خير

[غادة]

اسعدتني قراءة البارت ولكن اخافني مصير شروق و قمرة
لا تبخلي علينا بـ بارت يروي شغفنا في معرفة الأحداث ولا تتأخري علينا به

موفقة غاليتي

[فروله]

لآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآ


لايصير شي لشـررووووق وقمررررهـ تكفين :(


يسلمو على البـآرت بس ننتظركـ تأخرتي علينـآ :)

[ليآلي.]

رواية رائعة

أتوقع نهايتها بتكون غيـــر

[الوفاء عنواني]

يسلمووووووو على البارت

مرررررررررررره يجنن بس تكفين لايسير شي لشروووق

وبلييز لا تتأخري
وحاولي تنزلينو قبل الاختبارات

[تباريح بروق]

عن جد قصه رااااائعه ومشووووقه واحدثها مترابطه
الله يعطيك العافيه عليها
ننتظرك

[المحظوظة]

عجيييييب !!!:icon6:

أنا متأكدة اني نزلت رد هنا قبل أسبوع !!!


وين راااح ؟؟؟ :sad_1:

ماكنت حابة أتركم كذا بدون خبر والله نزلت رد وين راح ! :icon5:


يلا بانسخه لكم من منتداي الثاني وأجي :no:

[المحظوظة]

مرحبا حباايبي:icon26:

أشكر كل من رد وتفاعل وأبدى إعجاب ولو بسيط بالبارت وبالقصة
والله ماتدرون شكثر تواجدكم وتفاعلكم وردودكم تترك أثر بخاطري:cupidarro

الله لايحرمني منكم :in_love:

بقولكم نقطة ..
أنا أدرس الجامعة انتساااب
واختباراتي على الأبواب

وعندي خمس مواد دسمة كل وحدة أدسم من الثانية :icon13:

فرجائي من كل وحده تستوعب هذا الأمر .. انها تتفهم وضعي
وتدعيلي الله يسهل لي ويعدي اختباراتي على خير
ولي عودة بعد الاختبارات ان شاء الله :icon26:

حبي لكم

[سعوديه وافتخر]

يـآآآقلبي انتي
ربي يووووفقك ويجعلك تاخذين a+ فكل المواااد يااااااااااارب
خذي رااحتك ياغلاااتي

[عاشقة صمت]

غريبه تنحذف ردودنا ..!!!

بس دعانا لصاحبة الرواية بالتوفيق لا اعلم ان ردودنا

مخالفه ..!!


ولكن على يقين ردي عادي جداً ولا يستحق الحذف

[~.kalbo0ozah.~]

, , ,


يـ اللهـٍ , . !

أجرمتيـ يَ بنتـٍ . . روآيهـٍ تجننْ بـ جدْ . .

منْ كلـٍ النوآحيـ تشششششدْ بـ قووةْ . .

الشخصيآتـٍ . . حبكتـٍ القصةْ . . طريقة كتآبتكْ . . ممتعة بـ حقْ . .

أنآ قريتـٍ لجلـٍ الوعدْ و ع’ـشقتهآ . . و منْ فترة شفتـٍ عنوآنْ وحيدآتـٍ بسْ قلتـٍ أصبر لمآ تخلصينهآ . . بسْ مآ استحملتـٍ وقريتـٍ وليتني صبرتـٍ . . :(

بسْ الحلو بالموضوعْ أنوْ . . نتنآقشْ بالقصة معكْ وكذآ . .

رآييـ بالشخصياتـٍ . .

قمووورةْ . . هيثوومـٍ . .

يَ ربي عليهآ . . تموومتـٍ هالبنتـٍ . . شخصيتهآ عجبتني مووتـٍ . . هي مع هيثم مسوين خلطة عجييبة تبكي من حلآتهآ . . تشببه كثيير فتونْ . . <~ شكييتـٍ إنهآ بنتهآ . . :d

يَ رب الليـ جآي من ورآهآ هيثوومـٍ . .


شروقـٍ . . مشعلـٍ . .

يَ حرآآمـٍ . . :( كآسرين خآطري مررهْ . . مشآعلـٍ مرره حمآرهْ . .

بس أتخيل الحآدث هذآ بيكون له إنعكآسآت علىآ قصتهمـٍ . . ق1

شموسهـٍ . . نآدرْ . .

هذولـٍ بـ جد يبكونْ . . يعني من الفلاشات اللي تجي عن حبهمـٍ أولـٍ . يبين شّ كثر متعلقين ببعضْ . . مآ ألومهآ لو كرهت السعوديه وهيـ اللي فرقتهآ عن نصفهآ الثآنيـ . . :( ق1

شعآع . . سلطآنْ . .

شعآع حسيتهآ أمهمـٍ الثآنيه حنونه وتخآفـ عليهمـٍ. . . هي وسلطان لسسى في غموضـٍ حولهمـٍ . .

متحمسسسهـٍ مرره للتكملهـٍ . . بليزْ لآ تطولينْ علينآ قلبوشهـٍ . . ق1

واللهـٍ يسسعدكْ ويوفقكْ بإختبآرآتكْ . . ق1

[عاشقة صمت]

لازلنا في الإنتظار محظوظه بشرينا عنكِ

أخبار إختباراتك؟!

[عاشقة صمت]

^^

الودق احسك تزيدي مشاركاتك ركزتي العنوان
يقولون روااايه

[فروله]

وينكـ محظوظه طولتي علينـآ ..


خلصت إختباراتي من الأسبوع اللي راح أنتي وينكـ


أشتقنا للبارت :(

[عاشقة صمت]

محظوظه ..!!

اشتقنالك واشتقنا لأبطال الرواية وشكلي من الملل برجع اقرأ
الجزء الأخير علشان اتذكر شنو صار ..!!


لا طولي علينا عزيزتي

[عاشقة صمت]

محظوظه رد لو جبر خاطر ..!!

اي توضيح عن البارت الجديد لو ممكن تراني نسيت الأحداث والشخصيات احس

:(

[فروله]

؟؟


أتمنى يكوون في سبب لهذآ التأخييير ..

عمومـآ الغايب عذرهـ معـآهـ

بس والله أشتقنا لبـآآآرت !!

[المحظوظة]

حبااااااايبي مافي تأخير الا وله سبب ..
القصة ترا بدمي يعني ان اتعب من غيرها
مو بس انتوا
لكن ان شاااااااااااااء الله باذن الله راح ينزل البارت بهذا الويكند

[فلسطينيه وافتخر]

مبروووووووووووك النجاح محظوظه
يعطيكي العافيه على القصه الرائعه
شكرا

[عاشقة صمت]

يالبي هالرد يا محظوظه ..!!

ربي يسعدك ان شاء الله بانتظار هذا بارت جديد بكل تأكيد


عوده حميده وربي يكون بعونك

[نونا الاموره]

وهـ واخيييييرا محظوظه وربي مرررررررا فرحت من شفت ردك


بأنتظارك ياقلبي

[فروله]

أخييييرآ :)


يله ننتظركـ :) ومبروووكـ النجـآح ,,

[المحظوظة]

مرااااحب مراااااحب حباااايبي ..
وحشتوووووووني وربي كلكم
وحشتني ردودكم وتعليقاتكم وحنتكم:grimace_32:

فتحت القصة على أساس أنزل بارت هذا الويكند
وهذال الي كان بالبال والله لكن العتب على الأشياء الي تطلع فجأة:angry_32:
لكن بكرا ان شاء الله راح ينزل الباارت بدررري ..
لازم بكرا ولازم بدري لأني الظهر مسافرة
فلابد ينزل قبل الظهر ان شاء الله

كونوا بالقررب

[عاشقة صمت]

انتي وحشتينا اكثر يا محظوظه ..!!

ان شاء الله خير وربي يعينك ويسعدك وسفره مريحه يا رب

وبانتظار البارت الجديد

[نونا الاموره]

حبيبتي خذي راحتك بأنتظارك

[المحظوظة]

حبايبي أمس سهرانة للصبح عشان أنهي البارت
بس باقي نقطة أبغى أمخمخ عليها لأنه راح تترتب عليها أمور كثييييير
فقفلت ونمت .. ولما قمت رحت على طوول للبااارت
بس قلت لكم بسافر وكثير أشياء مخبووصة
فاللي سويته اني أجلت سفرتي لليل ..
لعيونكم ولأني وعدتكم أنزل البارت اليوم
بس خلوني أرتب أشياء وحوسة السفر وأرجع أحط اللمسات الأخيرة وأنززله
ان شاء الله بستهرون الله على سهرة حلوة على البارت الـ 12

الله يسعدكم

[المحظوظة]

الجزء الثاني عشـر

شروق
ماشفت غير ظلام حولي .. ولا عاد حسيت بأحد ، ولا بشي .. ماقدرت أحرك جسمي ولا اي طرف من أطرافي .. ما قدرت آخذ أنفاسي .. حسيت انه هذا هو الموت ! ايه انا قاعدة أموت الآن .. حسيت بروحي قاعدة تطلع .. تخنق على أنفاسي ، آلام هائلة بكل جزء بكياني ، أيقنت ان هذا هو الموت .. ان كان مو هذا هو الموت .. اجل وشو الموت ؟
ماما .. بابا .. شعاع .. شمس .. قمرة .. تعالوا ودعوني .. انا قاعدة أموت .. قاعدة أبعد .. أرحل .. قاعدة أتهواى ، أتقطع .. أتمزق .. أتبعثر .. ولاني قادرة أنطق بشي ولا ...................
ضجيج .. صراخ .. كأني وسط بقعة ماء .. بلل أحسه مغطي جسمي كله .. !
مادريت ولا استوعبت شالي أًصابني
لأني كنت أحس بالموت وبس

::

" شعاع"
كيف نزلت ورحت لبابا وخبرته ومن بعدها طرنا بالسيارة .. لاحد يسألني !
بس الي اذكره ان اول ماركبنا السيارة دق جوال بابا من شخص مسؤول وصل لرقمه وخبره بالحادث والمكان ..
بابا وهو يدور الدركسون بسرعة : يااارب لطفك ياارب ..
اتشنجت ايديني واهي ماسكة مقبض باب السيارة واحس قلبي شوي ويوقف من خرعتي وخوفي ..
كل دقيقة تمر كنها دهر يتعب الاعصاب ويفتت الروح ..
وشوي الا انتبهنا على صوت سيارة الاسعاف وهي تصدر بواريها اللي تجبر السيارات تبتعد من قدامها ، وهنا اخترعت وقلت بصوت يرتعش : شروووووووق وووووينك شصااااار فيييييييييييك
بابا بصوت شاحب : ان شاء الله طيبة ياماما اهدي ..
رديت بخرعة : الاسعاف رايح نفس طريقنا بابا شكله صار فيها شي ..
بابا بلعثمة : لا ان شاء الله خير .. ماصار شي .. ماصار شي
صرت أفرك ايديني بخوف يعصر روحي ويخنق أنفاسي .. لين فجأة وصلنا لزحام غريب خلانا نترك السيارة مكانها وننزل انا وبابا بسرعة ونركض لمكان التجمع
وصلنا وكانوا رجال الشرطة والاسعاف واصلين قبلنا ويحاولون يبعدون الناس ويفضون التجمع والزحام ..
دخلت من بين الزحام وانا أبعد كل الي بطريقي ومن جهة ثانية بابا كان يركض ليوصل لها من بين الزحام والمارة
و
شفت المنظر الي خلاني أحس السماء فجأة انتشلتني لأعلى مدى ورجعت خبطتني بالأرض !!!
كانت شروق طايحة بلا حراك .. وسط بقعة من الدم !
صرخت بأعلى صوتي : شروووووق اختي شرووووووووووق ..
وركضت زي المجنونة وانا اصرخ وأشاهق : شروووووق .. شروووووق شفيك ياشروووق .. شصاااااار لك ..
وقبل لا أوصلها مسكني بابا ولمني وهو يقول : شعاع شعاع اهدي .. الحين بيشلونها الاسعاف
قلت بصراخ : اختيييييي شفيييييييها .. بابا شوفها ماتتحرك .. شوف الدم باااابااا شرووق بتموووووت
بابا لمني وأبعدني بنفس اللحظة الي اتقدموا المسعفين وشالوا شروق من الارض وحطوها على السرير وأسرعوا فيها لسيارة الاسعاف وانا أصرخ متروعة من الدم الي ينزل منها واللي مادري من وين ينزل بالضبط .. وشالي صار فيها بالضبط؟
حررت نفسي من ايدين بابا وانا اركض وراهم واصرخ : برووح معاااهااا ..
بابا : نلحقهم بالسيارة ياشعاع
رديت بانهيار : انت الحقهم انا بكون معاها .. بكون معاها بابا لايصير فيها شي
بابا مشى معاي لسيارة الاسعاف وانا بسرعة ركبت وقعدت بالكرسي الي لاصق فيها ..
الطبيب : don't touch her because we don't know what happened to her
مشت سيارة الاسعاف منطلقة وانا قعدت عند راسها .. والمسعفين اعطوها اكسجين وجهاز الضغط ..
وشروق نايمة بلا حراك ولا أي احساس !

::

" أبو البنات "
مشيت ورى سيارة الاسعاف الي تحمل بنتي شروق بحالة سيئة مايندري شالي صابها
وقدامها سيارة اسعاف ثانية تحمل الشخص الي صدمته شروق واللي مايندري بعد شالي صابه !!
كانت ايديني الي ماسكة الدركسون ترجف وانا بالقوة ألقط انفاسي وكل عرق فيني ينبض بخوف على شروق
كانت لحظات مفجعة .. ولكوني عشت فاجعات مستقبلية والا كان حلفت ان هاللحظات هي أقسى وأفجع لحظات مرت على حياتي
دق جوالي وكانت جولي الي جت البيت ومالقتنا
خبرتها بالي صار .. وهي بدورها خبرت شمس ولحقونا على المستشفى

.
.
وبعد الأشعة .. نقلوا بنتي لغرفة العمليات ..
لأنها كانت مصابة بـ شرخ بالراس
و
كسر مضاعف بالساق
ماقدرت أستوعب صدمتي بسبب انهيار شمس وشعاع بين ايديني ..
شمس :لا شروووق مو حتى انتي تتعبين وتفجعينا علييييييك شروووق ارجععععي طيبة زي ماكننننتي
شعاع حاضنة شمس وتقول : يارب قومها بالسلامة يااارب
قعدت جمبهم وانا اقول : لاتبكون ياماما ادعولها بس وبتقوم بالسلامة ان شاء الله ..
شمس وهي تبكي : شصار لها أصلا .. مين الي صدمها ولا اش صار بالضبط ..؟؟
رديت : والله الشرطة يقولون الغلط عليها اهي الي صادمة السيارة .. وبأسى كملت : كانت مسرعة ..
شعاع بدموع : هي دايم تسرع الله يهديها ..
رديت : 180 ماشية بخط ممنوع تتجاوز سرعة 100 فيه ! وسيارة الشرطة كانت تلحقها وهي مو راضية تهدي ولا وتوقف ! وبالأخير وقفت غصب يوم صدمت !
شمس : ليه ياشروق تسوين كذا بنفسك حبيبتي الله يشفيك ..
شوي الا سمعت صوت يناديني التفت لقيت مجموعة من رجال الشرطة .. قمت لهم والشرطي قال : سلامة بنتك أخي .
رديت : الله يسلمك
الشرطي : آسفين على ازعاجك بس الموضوع يتعلق بالرجال المصدوم....... ( ودار بيننا حديث كان هو الي ناقصني عشان تنهار أعصابي .. رجعت لبناتي بوجه انخطفت منه كل الوان الحياة .. ولا فاتهم شحوب وجهي وشعاع سألت : شيبي الشرطي؟
رميت حالي على الكرسي وقلت : اخذوا افادتي و .. وقالولي الغرامات الي لازم ندفعها كغرامة سرعة .. وغرامات اصابات المريض ..
شمس : هذا الي كان ناقصنا ..
شعاع : الله يشفيه هو بعد ندفع اللي يبون بس اهم شي تقوم شروق بالسلامة
شمس : يااارب

::

"محمد"
كون المبنى هذا فيه عيادة ولد عمتي هيثم .. صرنا نسميه مبنى العيلة لأن ارتدادنا لعيادة هيثم عرفتنا لباقي العيادات وصار المكان هو مطرحنا سواء نبي هيثم او لأي دكتور بالمبنى .. وصرنا كثير نتصادف مع القرايب بهالمكان .. وهذا الي صار لما طلعت أنا وأمي بعد مازرنا دكتور العضام .. وشفنا قمرة وهي منحنية بتعب على الأرض .. !
بالبداية أمي ماعرفتها وقالت : ياعمري شوف هاللي قاعدة على الارض شكلها تعبانة ومافيها حتى توقف
طالعت بالبنت .. وماكنت محتاج وقت عشان أميزها هي بالذات من بين البشر .. تركت امي واسرعت ناحيتها وانا أنادي بنبرة تملكها القلق : قمــــــرة ..
وقبل ما أوصلها شفتها تلم بعضها بسرعة وتوقف وتبتعد .. كانت تحاول تسرع وهي متكية بإيدها على الجدار بشكل يوحي بانهاكها وتعبها .. لوهلة راودني شك انها مو قمرة ولا ليش تبتعد عني .. ؟ بس اعرفها ياناس ؟ قمرة الي طلعت اختي وحبيتها مثل ما الكل حبها واتعلق بها !
أسرعت اكثر لين وصلتها وانا أنادي : قمرة قمرة وقفي ؟
وصلت لين صرت قدامها وقلت : شفيك ليه قمتي و ...... ؟
انبتر كلامي لما انتبهت لمنظر الدموع والدم المخلط بوجهها واهي مغطية فمها بإيدها !
قلت بصدمة : قمرة شفيك ؟؟
طالعتني بضعف وقالت وايدها مغطية فمها : معاك مناديل؟؟
لحسن الحظ كان معاي ودخلت ايدي بجيبي بسرعة وسحبت وعطيتها .. أبعدت ايدها لأنصعق بالدم النازل من أنفها بغزارة .. وقمرة مسحته بسرعة ومسحت دموعها ..
مسكتها من ذراعينها بحنية وقلت : كنتي عند هيثم ؟
هزت راسها بخفة ..
رديت : واش قال لك على كل هذا ؟؟؟؟
قمره : هيثم مايدري عن كل هذا يامحمد .. ( وبرجاء : الله يخليك محمد ماتقول له ولا شي ولا تحكيه شي وبلاش يعرف انك شفتني أصلا
طالعتها بذهول وقلت : قمرة اش قاعد يصير ؟؟ انتي متى جيتي من لبنان واش الموضوع فهميني ؟؟
قمرة : اسمع انا تعبانة الحين والله مو قادرة اوقف وهذا سواقي جا .. انت لأنك شفتني بهالحالة بحكيك بس اوعدني محد يدري ، اوعدني هيثم مايدري !
التفت لسيارة السائق الي وقفت قريب مننا ومشيت وفتحت لها الباب وانا اقول : اركبي
قمرة مشت للباب وهي تكمل : محمد مراح تقول لهيثم شي مووو ؟؟؟
طالعتها بصمت ..
قمرة : لو تعرف السبب راح تفهمني !
قلت بتنهيدة : خير ان شاء الله
ركبت قمرة السيارة .. وسألتها : على وين رايحة الحين ؟
قمرة : بيت خالي .. عند ماما .
رديت : اوك .. بوصل امي البيت وأجيك
قمرة هزت راسها بصمت .. وسكرت الباب .. وراحت.
رجعت لوين ما أمي جالسة تنتظرني وانا مصدوم من الي شفته ومن الي ماقدرت أفهمه .. وصلت لأمي وهي قالت : هذي قمرة ؟؟
رديت : ايه قمرة ؟
امي : شفيها ياكافي ماتبي تسلم ؟
رديت : ماسمعتنا .. ووصتني اسلم عليك بس هي توها راجعة من السفر وتعبانة
امي : والله انا الي تعبت من هالحر ، يالله مشينا .
مشينا للسيارة وركبنا ووصلت امي البيت ..
واول مانزلت مشيت بسرعة لعند قمرة .
::

"قمرة"
دخلت البيت وفورا على الغرفة الي مستقبلتني مشاعل فيها .. رميت عبايتي على السرير ودخلت الحمام خذيت لي شاور سريع ، حاولت أزيل اي اثر للدم او الدموع ..
طلعت لبست وقعدت على السرير وقطرات الموية لازالت تنقط من شعري .. قعدت انشف شعري بوهن .. مافيني حيل لاي شي .. استرجعت كلام محمد وقلقه وخوفه .. لازم يعرف مستجدات حالتي .. ومستجدات أبوي .. لازم يعرف ان اشياء كثير مبين راح تتغير .. وان موقف ابوي من اهلنا صعب وصارم .. اتمددت على السرير ولميت راسي بإيديني وقمت أسوي لي مساج .. أحس عيوني ثقيلة مو قادرة أفتحها بسهولة .. ماودي ماما تجي وتشوفني تعبانة راح تحقق معاي وبتتعب وتتعبني معاها ..
حسيت بشوق للسوالف ويا شعاع .. مسكت جوالي ودقيت عليها .. انقطع الخط ماردت ، رجعت دقيت ثاني وبرضو ماردت .. غيرت عنها ودقيت على شروق وعطاني مقفل ! دقيت على شمس مرتين وماردت ، شعندهم خواتي مايردون .. ماقلقت .. ! بس استغربت .
شوي ودق باب غرفتي .. ناديت وانا متمددة بمكاني : اتفضل
انفتح الباب ودخلت سيتي "خدامتي الخاصة" وقالت : Mohammed here
اتعدلت بقعدتي وانا اقول : Let him come
دخل محمد وسكر الباب وجا وقعد جمبي على السرير .. اتأمل وجهي وهو يقول : كيفك الحين؟
رديت بصوت حاولت أخليه طبيعي : أحسن الحمدلله
محمد : متى رجعتي من لبنان ؟
رديت : قبل يومين
محمد : الحمدلله على السلامة .. غريبة حتى ولا كتبتي بالبي بي انك هنا ولا علمتيني ولا شي !
رديت : ماعلمت أحد .. لاني بصراحة مالي خلق أشوف أحد ولا أكلم أحد .
محمد : اش صاير قمرة ؟ عمي فيه شي ؟ مانبسطتوا بلبنان ؟
رديت : الا انبسطنا ..
محمد : أجل شفيك ؟ وش الشي الي متعبك لهالدرجة ؟
طالعت فيه وشفت بعيونه الراحة والأمان الي كنت فاقدتهم هالفترة .. وبلا شعور لقيت دموعي تاخذ مكانها وسط عيني .. ومحمد قرب مني أكثر وربّـت على كتفي وهو يقول : احكي ياقمرة .

::
"دلال"
دخلت الصالة الي كان فيها اخوي طلال يقلب جريدة ومشاعل تطالع التلفزيون .. وقلت : ماجت مها ؟ "اختي"
مشاعل : بالطريق هي ورزان ..
طلال وهو يسفط الجريدة : الحين من طعتي شوري وجيتي عندي وانتي كل يوم جايبتها شفيك خايفة مننا ؟
رديت وأنا أضحك : ايه بتاكلوني .. الا مشعل فيه ؟ لأني تركت شرشفي فوق !
طلال : لا مهو فيه خذي راحتك ..
مسكت جوالي وقلت وانا احوس فيه : مدري شسالفة بناتي الي ماترد على جوالها والي مقفل ..
مشاعل : انا كلمت شعاع العصر وردت عادي وشكلها كانت بالبيت بعد
قلت : بالله ؟ أجل طمنتيني الحمدلله ويمكن طالعين الحين ولا نايمين .. ( وحطيت جوالي جمبي .
طلال : وين قمرة ماشفناها اليوم ؟
رديت : تو سألت عنها سيتي قالت لي نايمة ..
طلال : ماتدرين يعني جابت التقارير ولا لاء عشان يمدينا نرسلهم
رديت : باسألها ان شاء الله اذا صحت .. امتحنا ابوها الا ويبي يعرضها برا يحسب الدكاترة عندنا مايفهمون
طلال : خليه يعرض .. وش ضارنا احنا .. خليه يعرف ان النتايج نفسها ، وقتها بيقتنع ان بنته بأيادي أمينة
رديت بتنهيدة : الله يعين ويخارجنا من هالمستشفيات ..
طلال : نواف بابا قوم قل للخدامة تسوي لي شاهي أخضر
مشاعل : أنا أٌقوم أسوي لك .. خلاص الخدامة مسوية إضراب لا تبي تشتغل ولا شي
طلال باستغراب : خير ان شاء الله ؟؟
مشاعل سكتت ماردت .. حسيتها ماتبي تحكي قدامي .. !
وقبل مايترك هالموقف فيني أي ردة فعل دق الجرس ، وشوي ودخلت اختي مها ورزان سلمنا عليهم وقعدوا ..
طلال : ايه مها أخبار عروستنا الهربانة ؟؟
مها : هههههههه على قولك هربانة من كلش حتى جوالها ماترد الا بطلعة الروح
رزان : معليه ماما انتي كل شوي تدقين وهي رايحة بزنس مو تمشية !
مشاعل : يعني ماقالت لكم متى بترجع ؟
مها : لا والله للحين ..
طلال : دقوا عليها الحين خلونا نكلمها كلنا
دقت مها عليها وماردت .. مها : شفتوا ؟ قايلة لكم ماترد ( ورجعت تدق مره ثانية
رزان : خلاص ماما لا تزعجينها اكيد مشغولة ..
مها : ماترد الا اذا ... ( وسكتت شوي بعدين قالت : ها ردت .. ألو غادة .. ألو .. هلا حبيبتي .. ألو شفييك ؟؟ اييش ما أسمع ؟؟ شفيك انتي تبكين ؟؟؟؟ وينك يقطع ما أسمع ؟؟ طيب طيب مع السلامة
سكرت واحنا كلنا عيوننا معلقة فيها .. وقالت بقلق : مدري شفيها مستعجلة وصوتها مب زين .. قالت أكلمك بعدين !
رزان : سمعتك تقولين تبكي !
مها : كني حسيتها تبكي مدري الصوت يقطع كأن المكان الي هي فيه مافي ارسال .. !
طلال : ان شاء الله خير .
مشاعل : قدرت تتقابل مع البنات هناك ولا ماحصلت فرصة؟
رزان : اليوم تصدقين ؟ اليوم كتبت لي يمكن أطلع مع بنات خالتي ..
قلت : وبنات خالتها بعد مايردون !!
طلال : خلاص الله يهديكم الغايب حجته معه .. بيشوفون اتصالاتكم وبيكلمونكم روقوا ..
مها : الله يعين .. شلونك الحين يادلال أخذتي أدويتك ؟
رديت : ايه الحمدلله ..
طلال : ايه وأنا جبت لها كاسة الموية بنفسي لا تخافين عليها ولاتحاولين ترجعينها عندك ..
مها : يمه يمه ماقلت شي بسم الله علي كليتني بقشوري
طلال : ههههههههه أدري وفاهم حركاتك
مها : لا ماقصدت شي باطمن عليها بس .. لكن الي على رااااااسه بطحه ....
طلال : بطحه تنبطح فوق راس عدوينك ولا انا راسي مافوقه شي ها ( وقام يخبط عليه بشكل ضحك نوف ونواف ..
ضحكت وانا أقول : ماقول غير الله لا يحرمني منكم يارب
سمعنا نحنة وكان مشعل عند الباب .. قامت مشاعل تشوفه ..
دق جوال مها ولاشعوريا مسكت جوالي لأني كنت بأي لحظة أترقب اتصال بناتي .. ردت : هلا يمه غاده .. ايه حبيبتي اسمعك .... شفيه صوتك ؟ وسكتت شوي بعدين صرخت : إييييييييييييييييييييش ؟؟؟؟؟؟؟؟؟؟؟؟؟
ارتفع صوتها وهي تسأل بشكل أفزعني أنا وكل الي بالصالة .. !! حتى مشاعل رجعت من عند الباب مفجوعة وهي تقول : شفيييييه ؟؟؟؟
مها وإيدها على راسها : لاحول ولا قوة الا بالله .. !
رزان : شفيييييييييه ماما ؟؟؟؟
عصرت جوالي بين ايديني .. احساس راودني ان فيه شي يتعلق بوحده من بناتي .. ولا مين الي بتبكي عليه غادة بلبنان وتنفجع عليه مها غيرهم ! قام قلبي يدق بعنف وانا مابعد سمعت شي .. مشيت وقعدت جمب اختي وانا حاطة ايدي على قلبي .. وأول ماسكرت قرب الكل منها وهم يسألون شفيه .. وش صاار ؟؟
مها التفتت علي وشفايفها ترجف .. وماكانت محتاجة اشارات أكثر لأفهم ان بناتي فيهم شي ..
مها : شروق تعبت شوي .. !
انلجم لساني عن النطق وقمت اطالعها بوسع عيوني ..
مها : صدمت بالسيارة .. واتعورت شوي ....
هذا بس الي سمعته .. خلوهم يكملون لكم الي صار لأني وقتها .. غبت عن الوعي !

::

"مشعل"
من بعد ماكلمت شروق وانقطع الاتصال .. وانا أدور بالشارع زي المجنون .. جنّبت السيارة بموقف ونزلت أمشي مو داري وين أروح , ولا وش أسوي ، ولا مين أكلم ؟؟؟
كان صوت صرختها .. وصوت الاصطدام الفضيع الي تبع صرختها .. أصوات ترن وتتكرر بإذني بشكل مفزع ومدمر !
مو قادر أثبت مكاني أحس روحي بتطلع من جواي .. وبالآخر ماتحملت ورجعت البيت يمكن يكون وصلهم خبر أو أي شي عنها ..
وهذا الي صار من يوم ماوصلت .. وصلهم الخبر !
دخلت البيت ومشاعل جات تكلمني بدون نفس بسبب خلافنا الأخير .. وقبل ما أسألها عن أي شي .. تركتني ورجعت لما سمعنا كلنا صوت أم رزان وإهي تصرخ بالجوال !
مسكت الباب بقوة ودقات قلبي قامت تضرب بعنف شديد وانا أحاول ألقط اسم شروق من بين الأصوات والكلمات .. !
سمعت أم غادة واهي تحكي عن شروق وقبل ما أستوعب شي .. اتعالت أصوات يملاها الفزع بسبب إغماء خالتي أم شعاع !
شفت مشاعل تركض قدامي للمطبخ واهي تنادي أحد يجيب موية
وطلال والباقين كانوا يحاولون يصحونها .. رجعت مشاعل من المطبخ وناديتها بسرعة وانا أسأل : مشاعل شصااير ؟؟؟؟
مشاعل : دلال أغمى عليها ..
سكت وعيوني تحثها تكمل : غادة كلمت أمها تو تقول شروق صارلها حادث ودلال ماتحملت الخبر واغمى عليها ..
قلت وانا بالقوة أستجمع طاقتي : واش صار لشروق ؟؟؟؟
مشاعل : مافهمنا شي الي سمعته من أم رزان انها اتعورت ونقلوها بالاسعاف ولا كملت عشان طاحت أم رزان ( وتركتني راجعة لهم ..

وش تتوقعون اني بسوي بهالوقت ؟؟

أنا الجــاني وأنا المجنــي وأنا المخطــي وأنا الغلطـان
حبيتك ثم رميتــك وسط دربي ومتــاهـــاتي
آذيت قلبك وآذيت روحك أنا مذنب أنا ندمـان
عذاب روحك ماكفاني .. وآذيت جسدك بزلاتي

::

"شعاع"
مرت الوقت بطيئ واحنا ننتظر عند باب العمليات .. وبابا قام يسأل أحد الدكاترة عن شروق ومتى تطلع ..
غادة قعدت جمبي وقالت : شعاع ترا أمي دقت أكثر من مره واضطريت أعلمها ..
قلت بقلق : طبعا أكيد بتقول لماما ..
غادة : أتوقع .. وأمك لازم تعرف !
رديت : مابيها تقلق وتخاف وتلقينها الحين تدق على جوالي وأنا ناسيته بالبيت
شمس : حتى انا والله كان يشحن وتركته
قلت : أنا شنطتي بكبرها تركتها ، زين مداني ألبس حجابي
انتبهنا لجولي من أول الممر تمشي ومعاها أكواب كوفي ..
جتنا وشافت غاده وسلمت عليها ، وجولي ابتسمت لها وقالت : How are you Ghada??
غادة : الحمدلله .. And you?
جولي : I was so excited to meet you
غادة : ثانكيو .. مي تو والله ..
تناولت كل وحده فينا كوب كوفي وشكرنا جولي .. وكنا كل شوي نطالع الساعة بقلق .. بعد شوي شفنا بابا يمشي من بعيد ومانتظرته يوصلنا قمت بسرعة أمشي لعنده .. وأول ماوصلته قلت : شقالولك بابا ؟
بابا : لا الحمدلله مافيها شي خطر .. جرح الراس سطحي الحمدلله انتهوا منه .. الحين قاعدين يشتغلون بالساق !
قلت بضيق : طولوا بابا كل هذا عشان كسر بالساق ؟
بابا : الكسر مضاعف ياشعاع يعني تحتاج سيخ داخل الساق .. خليهم يضبطون شغلهم أهم شي تطلع بالسلامة .. ( ومسك ايدي ومشى معاي وهو يقول بتنهيدة : الحمدلله على كل حال ، قدّر ولطف ..
أشرت على كراسي قريبة وقلت : اقعد هنا ارتاح بابا
قعد بابا وهو يقول : الحين بيجهزون الغرفة الي بينقلونها فيها .. ويصير نقعد فيها لين تطلع ..
انتبه بابا للكراسي اللي قاعدة فيها شمس وغادة وقال : مين هذه ؟
قلت : غادة .. غادة بنت خالتي
طالعني بابا باستغراب وقال : عايشة هنا ؟؟؟
رديت : لا جاية عندها شغل .. فترة بس وبترجع ..
بابا : أها .. روحي اقعدي معاهم ماما ..
وأرخى راسه وغمض عيونه بشكل يوحي تعبه وعدم رغبته بالكلام .. قمت رايحة للبنات بالوقت الي جت جولي لوين ما بابا قاعد ..
غادة : ياقلبي ياشروق والله اليوم الصباح كلمتني مبسوطة تبينا نتقابل .. ماجا العصر الا وهي هنا حبيبتي الله يقومك بالسلامة ..
شمس : مدري شلون صدمت يعني ليه مانتبهت للسيارة وهي واقفة .. ؟ شكانت تسوي وهي تسوق ؟
قلت : وليه كانت مسرعة بهالشكل شوراها الله يهديها ؟
غادة : صار الي صار الحين مالنا غير ندعي لها ترجع لنا سالمة يارب ..

وبعد وقت قصير زمنيا وطويل نفسيا .. انفتح باب غرفة العمليات لتطلع منه شروق ممددة على السرير .. قمنا كلنا بسرعة ناحيتها .. وبابا سبقنا للدكتور وهو يقول : يس دكتور ؟
الدكتور : الحمدلله كل شي تمام .. حطينالها سيخ بالساق وخيطنا جرح الراس .. حاليا راح تظل نايمة تحت تأثير التخدير ، وراح ننقلها للعناية المركزة لأنها فقدت دم كثير فلابد تكون تحت الملاحظة لين تصحى بس ، مافي خوف ان شاء الله .
أسرعنا لجمبها وهم يدفونها .. كان الكمام على وجهها وشاش ملفوف على راسها .. قطع قلبي منظرها واتمنيت لو أقدر أقدم لها أي شي ، أسوي لها شي ، أعطيها مني أي شي .. بس تقوم سالمة وترجع لنا بصحة وعافية ..
دخلت العناية المركزة واحنا ودعناها من عند الباب ..
ذقت مرارة الموقف هذا قبل مع قمرة .. وهذا أنا أذوق نفس الطعم مع شروق .. شكثر مؤلم الشعور .. لما تكون واقف جمب أعز البشر على قلبك .. وتشوفه يعاني قدامك .. وانت عاجز عن انك تقدم له أي شي .. تبكي عينك .. ويبكي قلبك .. وتتعثر روحك .. ويتمزق كيانك ..
اتمنيت ودعيت من خاطر قلب ان الله لايفجعني على أحد من أهلي مره ثانية .. ويحفظهم لي ويحميهم ..
دعيـــته من عمق قلبي ان تكون هذي آخـــر الأحزان والمأسآه .. لكن ..
كان لربي حكمة أجهلها بعدم استجابته لدعائي !

::

"قمرة"
فتحت باب الغرفة وطلعت بخفة أبي أنادي على "سيتي" صار لي شوي من صحيت أدق عليها ماترد ، وهذا شي غريب ومو من عادتها .. وقبل ما أناديها استوقفي صوت مشعل وماقدرت أطلع وأنا بلا حجاب ، انتظرت شوي ليبعد عشان أقدر أطلع ، لأن كان صوته عند باب الصالة الخارجي ، اتأخر على مايطلع فقررت أطلع بنفسي أشوف وينها ، دخلت سكرت الباب أبدل ملابسي لأني كنت بقميص قصير وكت ، وبعد دقايق طلعت واتفاجأت بمشعل ينزل الدرج بسرعة جنونية وينطلق برا البيت مثل الصاروخ !
بسم الله هذا مو تو كان عند الباب يكلم ؟ شعنده طاير كذا بسم الله ؟
مشيت للصالة مالقيت أحد قاعد فيها .. استغربت وجيت بطلع الدرج الا شفت نوف تطلع من مجلس الضيوف وأول ماشفتني على لى طول قالت : خالة دلال عليها أغمى !
عقدت حواجبي وانا أقول : ايييش ؟ خالة دلال ايش ؟؟
نوف : عليها أغمى !
مشيت وانا أقول : شتقولين يانوف وين ماما ؟؟؟
نوف وهي تأشر على المجلس : هنا ..
استغربت شعندهم بالمجلس .. ونوف تقول كلام مو طبيعي .. دخلت المجلس وشفت خالي وخالتي ورزان ومشاعل كلهم قاعدين حولين ماما .. وخالتي تحاول تشرب ماما موية .. أسرعت وانا أقول بخرعة : شفيها ماما ؟؟؟؟؟
نوف من وراي تعيد نفس كلمتها : عليها أغمى .. عليها أغمى
خالي : طيبة طيبة مافيها شي ..
قعدت جمب ماما وشفتها فاتحة عيونها بوهن .. قلت : شفيك ماما شصار لك ؟
خالتي : مافيها شي حبيبتي تعبت شوي بس وشوفيها الحين طيبة
مسحت على راس ماما وأنا أقول : وليش تعبت اش صار لها كانت طيبة قبل ما أطلع العصر ..
خالي : والحين بعد طيبة حبيبتي .. ها دلال حاسة نفسك أحسن ؟
ماما بلسان ثقيل : ايه الحمدلله .. كلموهم .. اسألوهم عنها .. طمنوني عليها ..
خالتي : كلمت غادة وطمنتني يادلال لاتخافين طيبة مافيها الا شي بسيط ..
قلت بعدم فهم : منهي هذي ؟؟؟؟
خالي بابتسامة حنون : مافي شي حبيبتي بس شروق تعبت شوي وامك من عرفت انها تعبانة قلقت وخافت .
قلت بخرعة : شروق تعبت ؟؟؟؟ شلون يعني ..
رزان : تعالي قمورة ..
ومشت معاي لبرا ، ولا انتظرت منهم جواب .. مسكت جوالي أدق على شعاع .. الحين عرفت ليه ماترد .. وحتى شمس ماترد .. الحين عرفت ليه جوال شروق مقفل ..
طلعنا للصالة ورزان تقول : محد بيرد قمورة من أول واحنا نحاول ..
قلت : شلون عرفتوا أجل ؟؟؟؟
رزان : غادة كلمتنا ..
قعدنا بالصالة ودقيت على غادة وأنا أقول بقلق جامح : اش صار لها ياربي .. شلون تعبت شروق قوليلي ..؟
رزان : طيب قفلي وأقولك ..
قفلت قبل ماترد غاده ، وعلمتني رزان بكل شي ، من الحادث لين طلعتها من العملية ..
لفيت وجهي على الجهة الثانية وانهمرت دموعي بكل أسى على شروقي حبيبتي ، ورزان حضنتني واهي تقول : بس حبيبتي لا تبكين ، الحمدلله هي بخير !
قلت وانا أبكي : أبي أرووح لها ..
رزان : بس قمور وش الفايدة لو رحتي لها ؟ بعدين بتقلق أمك عليك وتتعب أكثر تعرفينها صايرة بسرعة تتعب !
رديت وأنا أشاهق : أبي أشووفها يارزاان .. هذي شروق تدرين يعني ايش شروق؟
رزان : ايه أدري شروق اختك وحبيبتك وروحك .. بس انتي بعد توك جاية وعندك مواعيدك ومنتي ناقصة إجهاد وتعب .. حبيبتي اهدي وان شاء الله شروق بتقوم بالسلامة وترجع وتشوفينها بأحسن حال ..
أبعدت راسي عنها وقمت أمسح دموعي وانا أٌقول : شروق حبيبتي الله يقومك بالسلامة
رزان : آمين ايه كذا ادعي لها ..
وشوي ومدت لي مناديل وهي تقول : قمرة .. خشمك ينزف ..
أخذت المناديل منها ومسحت خشمي وأنا أراقب تعابير وجهها المتغيرة .. وارتاح خاطري يوم ماسألتني أي سؤال مع ان بعيونها كان مية سؤال ؟؟
شوي ودق جوالي وكانت غادة المتصلة .. رديت بسرعة : ألوووو
جاني أعذب صوت بالدنيا .. شعاع : قموووري ..
رديت : شعااااااع شالي صااار أنا توني عرفت ..
شعاع : حبيبتي لا تبكين شروق طيبة ..
رديت : صحت ولا لسه ؟
شعاع : لا نايمة من بعد التخدير بس ان شاء الله بتصحى قريب اهدي حبيبتي
قلت : ماما تعبت ياشعاع ماتحملت الخبر واغمى عليها
شعاع بصوت مرتاع : لااااتقووولين .. يابعد عمري ياماما ..
رديت : والله حبيبتي ، وبس تسأل كيفها وطمنوني عليها ؟
شعاع : أعطيني اياها خليني اطمنها بس لاتروحين لها وانتي تبكين
رديت : اوك دقيقة ..
وقفت وأنا أأشر لرزان براسي انه بنروح لماما .. وسحبت مناديل مسحت دموعي بسرعة ودخلت لماما ..
التفتت ماما علي من دخلت واتغصبت الابتسامة وانا أقول : ماما كلمي شعاع تبيك ..
مدت ماما إيدها وأعطيتها الجوال وكلمت شعاع .. حسيتها ارتاحت نوعا ما .. لكن الراحة كانت عابرة ..
لاني نمت عندها بالليل وطول الليل وماما تتفزز وتون باسم شروق ، حسيت بهاللحظة شكثر ماما قلبها رقيق وضعيف ..
كيف قدر قلبها يتحمّـل بعآدنا وفراقنا .. ؟؟
والجواب .. ان قلبها عمره مآتحمّـل .. !

::

" محمد"
مشيت لعيادة هيثم بالمستشفى المركزي ، كنا متفقين أمره الصباح عشان آخذ نسخة من تقارير قمرة وتفاصيل حالتها وعمليتها .. دق جوالي ويوم طالعت كان هيثم المتصل
رديت : هلا صباح الخير
هيثم : صباح النور حبيبي كيفك؟
رديت : انا تمام انت وينك .. قصدي شلونك ؟
هيثم : امممم انت شكلك وصلت المستشفى وماعندك وقت
رديت : هههههههه لا اااجد شلونك دكتور
هيثم : بخير دامك بخير .. تعاللي قسم العيادات بتلقاني عند الممر أنتظرك ..
رديت : يالله ثواني وانا عندك .
سكرت ورحت لوين ماتفقنا ولقيت هيثم واقف .. مشيت وسلمت عليه ومشينا سوى لمكتبه ..
هيثم وهو يمشي للمكتب : في أخبار عن شروق ؟
رديت : والله مابعد كلمت أحد .. بس دام محد كلمني يعني الأمور مستقرة ان شاء الله
هيثم : ان شاء الله .. والله أمي كم مره حاولت تدق عليهم البارح محد يرد
قلت : مختبصين تلقاهم وجوالاتهم مو معاهم .. اليوم أتوقع بيردون
هيثم : الله يكون بعونها يارب ويقومها بالسلامة
رديت : الله يسلمك ..
هيثم واهو يحمل ملف مليان أوراق : أوووكي يامحمد .. هذي نسخ من ملف قمرة وصور من أشعاتها وتقارير حالتها وعمليتها ( ومشى لعندي وهو يقول : اتفضل
أخذت الملف وأنا أقول : والله ماظنيت بيلقون دكتور أحسن منك بس خلنا نجاري أبوها ..
هيثم : الي يسمعك يقول بتروح تعالج عند غيري .. ابوها بيطمن بس ان امورها ماشية تمام ، من حقه .
سكت شوي لما حسيت ان هيثم أبعد مايكون عن الواقع والحقيقة .. اتذكرت كلام قمرة ودموعها ورجائها اني أكتم سرها ولا أعلم هيثم بشي ، لو تعرف بس ياهيثم ان قمرة ضايعة بمتاهات لا لها أول ولا تالي ! لو تدري شالي قاعد يصير فيها وشالي جد بحالتها .. كان الكلام على طرف لساني ، بس خفت لحظتها اني أخسرها .. سكت ولا اتكلمت وأخذت الملف .
هيثم : بس أبي منك خدمة يامحمد
رديت : ياشيخ انت مو تامر أمر بس ياشيخ مو على بس هالخشم ياخي اطلب آمر اتخير لبيه سم ابشر ؟
هيثم : هههههههههههههههههههههه تسلم والله مايامر عليك عدو حبيبي .. أبي بس تعرف لي منهو الدكتور الي بتعرض قمرة حالتها عليه .. ودي بس اتطمن انه دكتور ممتاز وموثوق بكلامه .
رديت : ابشـــر ان شاء الله .. بس أمانة لو قلت لك اسمه لاتدري قمرة اني علمتك .
عقد هيثم حواجبه باستغراب وقال : أوكي بس ليه يعني؟؟؟
خفت ألمّح شي عن نوايا قمرة بالابتعاد واتداركهت نفسي وقلت :عادي بس قلت يمكن هي الي بتقولك وتستشيرك بنفسها
هيثم : على العموم انت ولا هي .. أنا باتطمن من شطارة الدكتور ومهارته لا أكثر .
رديت : ان شااء الله حبيبي .. تآمر على شي ثاني
هيثم بهدوء : انتبه زين عليها ..
رديت : أفا عليك قمرة بعيوني .. يلا حبيبي سلام
ودعته ومشيت .. ولافاتني نبرة الاهتمام الواضحة بصوت هيثم وهو يوصيني على قمرة .. حسيته يتكلم من خاطر قلب مهتم حيل بقمرة .. شخص مثل هذا ليه تفرط فيه ياعمي الله يسامحك بس .

::

[المحظوظة]

المنتدى مو راضي أضيف تكملة البارت حاولت عشرات المرات ومن أجهزة مختلفة مو راضي !!!
مني فاهمة اش المشكلة ؟؟؟

[روح العيون]

تسلمى يا قموره من بعد الغيبات جات الغنايم بااااارت راااااائع

[فروله]

قهررررر ليه ماتكمل :(

عمومـآ مششكورهـ على المجهود :)

[المحظوظة]

[عاشقة صمت]

الله يعيطكي ألف عافيه ياليت الإداره تشوف حل لهذا الموضوع
علشان البارت الجاي ما يصير نفس المشكله ..!

/

المهم الأحداث اكثر من رائعه

بالبداية حمدلله على سلامة شروق والغرابه بموقف غاده خوفها
الواضح على شروق هل ممكن يتغير بعد ما تتكتشف ان المتبرع
هو مشعل خطيبها ..!

بجد فضولي ذابحني ابي اعرف ردت فعل غاده اتمنى انها تظل
بنفس المشاعر اتجاه شروق لأن مشعل الي يحبها هي مالها ذنب


هيثم وقموره

قدر يتصرف محمد بطريقة ذكية والله فاجأني وبصراحه عجبني هيثم بتصريحه لقموره حبيبتي

سلطان وشعاع

يتملكون نفس القوه الخارجيه الا ان بداخلهم مشاعر وهموم يقدرون يواسون بعض كثير ويحبون بعص وما يرتاحون إلا لبعض
ظهر سلطان بالوقت المناسب علشان ترتاح شوي شعاع من الضغط الأخير والتوتر


شمس ونادر

شمس فاجأتني وهي تمثل قوتها وقهرني اكثر نادر ببروده بس احس الأحداث الجايه ممكن تقربهم وتقصر مسافة البعد الي بينهم


أم البنات

احس مع تلك المصايب والله خايفه يصير لها شيء
اتمنى يكون عكس توقعاتي



محظوظه بارت جميل ورائع بكل صدق
وسفره موفقه ان شاء الله تنسجين خيالك مع الأحداث الجديده للرواية وانتي بجو جديد مختلف



ربي يوفقك ويسعدك بانتظار عودتك بفارق الصبر

[عاشقة صمت]

لا اعلم اين نكمن المشكله هل هي بردودنا على مدونة او في متابعة الخلل التي تم توضيحه من كاتبة الرواية ..!!

اتوقع متابعة الخلل أفضل بكثير
ألف شكر على مجهوداتكم

[غادة]

اسعد الله اوقاتكم جمعيا
توقفت القصة عند احداث جداً ساخنة وطال انتظارنا للبقية
لا تتأخري علينا غاليتي

[أعذب احساس]

روايه رااااااااااااااااااااااااائعة

[غادة]

مساء الخير للجميع

عزيزتي المحظوظة
أين أنتي
طال غيابك عسى أن يكون لخير
أسأل الله لك التوفيق والسلامة من كل مكروه

مع خالص تقديري
آمل أن تعودي قريباً